@01A {DD} #, ,RGYA GAR SKAD DU, PRA TI MO KshA S'U TRA, BOD SKAD
DU, SO SOR THAR PA'I MDO, BAM PO DANG PO, THAMS CAD MKHYEN PA LA
PHYAG 'TSAL LO, ,SNYAN PA'I {DD}

BA DAN 'JIG RTEN GSUM DU GRAGS, ,DAM PA'I CHOS SGRA SENG GE'I
SGRA BSGRAGS PA, ,THAMS CAD MKHYEN PA DKON MCHOG MDZOD BRNYES
PA, ,ZHABS LA TSANGS DBANG GTZUG GI

NOR BUS GTUGS, ,SDUG BSNGAL RGYA MTSO GTING MTHA' MED RGAL BA,
,'GRO BA'I GTZO LA SPYI BOS PHYAG 'TSAL TE, ,THAMS CAD MKHYEN
PA'I BSLAB GZHI DKON MCHOG SNOD, ,

'PHAGS PA'I TSOGS KYI DBUS SU DBYE BAR BYA, ,SANGS RGYAS 'DUL BA
GANG CHEN MTSO, ,GTING MTHA' MED PA THAMS CAD KYI, ,GNAS PA'I
SNYING DANG SNYING PO NI, ,SO SOR THAR PA

'DI YIN NO, ,'DI NI DAM CHOS RGYAL PO YI, ,CHOS KUN GYI NI 'DREN
PA MCHOG ,'DI NI DGE SLONG TSONG TSOGS KYI, ,BSLAB ZONG TSONG
KHANG CHEN PO YIN, ,TSUL KHRIMS 'CHAL PAS

@02A *, ,ZIN RNAMS KYI, ,GDUG PA RNAMS SEL SMAN 'DI YIN, ,'DI NI
LANG TSO RNAM 'KHRUL PA'I, ,RKANG GNYIS GZHON NU'I LCAGS KYU
YIN, ,MTSO BAS ZAB PA'I 'KHOR BA LAS, ,SGROL BA'I RGAL THABS 'DI
YIN TE, ,'DI NI BZANG 'GROR

'GRO BA YI, ,NGES PA'I CHU LON ZAM PA YIN, ,'DI NI NYON MONGS
PHAM BYED LAM, ,RGYAL PO YI NI 'DREN PA MCHOG ,'DI NI THAR PA'I
GRONG 'JUG PA'I, ,THEM SKAS GZHI DANG 'DRA BAR GNAS, ,NGA NI MYA
NGAN 'DAS GYUR NA, ,'DI NI KHYED KYI STON PA'O ZHES, ,

RANG BYUNG NYID KYIS GUS BCAS PAR, ,NAN TAN DGE SLONG TSOGS 'DUN
BSTOD, ,SANGS RGYAS ZHES BYA'I SGRA 'DI YANG, ,'JIG RTEN DAG NA
RAB TU DKON, ,MI NYID RNYED PA SHIN TU DKA', ,RAB TU BYUNG BA
SHIN TU DKON, ,DE BZHIN RAB TU BYUNG RNAMS KYI, ,TSUL

KHRIMS PHUN SUM TSOGS RAB DKON, ,TSUL KHRIMS YONGS SU DAG GYUR
KYANG, ,GROGS BZANG SHIN TU RNYED PAR DKA', ,'JIG RTEN SANGS
RGYAS 'BYUNG BA DANG, ,MI DANG RAB TU BYUNG BA DANG, ,TSUL
KHRIMS PHUN SUM TSOGS PA DANG, ,GROGS BZANG RNYED

DKA' RNYED GYUR NAS, ,MKHAS PA BDAG LA LEGS 'DOD CING, ,DE DAG
'BRAS BCAS BYED 'DOD PA'I, ,SDOM BRTZON RNAMS KYIS SO SOR THAR,
,MNYAN PA'I PHYIR NI 'BAD PAR BYA, ,DGE SLONG DBANG DUL KUN
DBANG PO, ,SANGS RGYAS MI 'GYUR RAB BYUNG BA, ,

NGES PAR THAR PA 'DOD RNAMS KYIS, ,SO SOR THAR PA RTAG TU
SRUNGS, ,BSKAL PA BYE BA RNAMS SU YANG, ,SO SOR THAR PA THOS PA
DANG, ,GZUNG DANG 'DZIN PA RNYED DKA' STE, ,SGRUB PA'ANG SHIN TU
RNYED PAR DKA', ,SANGS RGYAS RNAMS NI 'BYUNG BA BDE, ,CHOS

@02B BSTAN PA YANG BDE BA YIN, ,DGE 'DUN MTHUN PA BDE BA STE,
,MTHUN PA RNAMS KYI DKA' THUB BDE, ,'PHAGS PA RNAMS NI MTHONG BA
BDE, ,DAM PA DAG DANG 'GROGS PA BDE, ,BYIS PA RNAMS NI MA MTHONG
NA, ,RTAG TU BDE BA NYID DU 'GYUR, ,TSUL KHRIMS LDAN PA MTHONG
BA

BDE; ;MANG DU THOS PA MTHONG BA BDE, ,YANG SRID RNAM PAR GROL BA
YI, ,DGRA BCOM PA DAG MTHONG BA BDE, ,'JUG NGOGS BDE BA'I CHU
KLUNG BDE, ,CHOS LA GOMS PA'I SKYE BO BDE, ,SHES RAB THOB PAR
GYUR PA BDE, ,NGA'O NGA RGYAL ZAD PA BDE, ,NGES PAR BYAS SHING
DBANG

PO THUL BA DAG ,DGON PA ZHI BA RNAMS SU RGAS GYUR DANG, ,MANG DU
THOS PA NAGS KYI NANG DAG TU, ,LANG TSO YOL BA RNAMS KYI GNAS PA
BDE, ,TSE DANG LDAN PA DAG SO GA RNAMS KYI 'DAS PA DANG, LHAG MA
JI TZAM PA DE TZAM MO, ,TSE DANG LDAN PA DAG RGA BA DANG 'CHI BA
MNGON PAR 'ONG ZHING

STON PA'I BSTAN PA YANG 'JIG PAR 'GYUR BAS, TSE DANG LDAN PA DAG
GIS BAG YOD PAS RNAL 'BYOR DU BYA'O, ,DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS RNAMS KYI BYANG
CHUB DANG, GZHAN YANG GANG DAG DE LTA BU DANG MTHUN PA DGE BA'I
CHOS BYANG CHUB KYI

PHYOGS RNAMS KYANG BAG YOD PAS 'THOB BO, ,BCOM LDAN 'DAS KYI
NYAN THOS KYI DGE 'DUN NI DON NYUNG BA DANG BYA BA NYUNG BA YIN
PAS DGE 'DUN GYIS THOG MAR BYA BA CI YOD, TSE DANG LDAN PA DAG
MA LHAGS PA RNAMS LA 'DUN PA DANG YONGS SU DAG PA DRIS SHIG
,DRIS NAS KYANG BRJOD PAR

BYA'O, ,SH'AKYA SENG GE DE LA NI, ,SOR MO BCU YI THAL SBYAR TE,
,SO SOR THAR PA GDON PAR BYAS, ,GDUL BA'I DON DU NGA LAS NYON,
,THOS NAS DRANG SRONG CHEN PO YIS, ,JI SKAD GSUNGS BZHIN BSGRUB
BYA ZHING, ,KHA NA MA THO PHRA RNAMS LA, ,RTUN CING BYED PA NYID
DU GYIS, ,RTAG TU 'BAD

PAS BDA' BA YI, ,SEMS RTA KHA BLAN DKA' BA LA, ,MTHUN PA GZER
RNON BRGYA PA YI, ,SRAB NI SO SOR THAR 'DI YIN, ,CHE BA GANG DAG
NGAG TZAM GYIS, ,LDOG CING MTSAMS LAS MI 'DA' BA, ,DE DAG MI RTA
BZANG PO STE, ,NYON MONGS G-YUL LAS NGES RGYAL 'GYUR, ,SU

@03A *, ,LA SRAB 'DI MED PA DANG, NAM DU'ANG 'DOD PAR MI 'GYUR
BA, ,DE DAG NYON MONGS G-YUL GYIS DKRUGS, ,'JOG BRAL RNAM PAR
'KHYAM PAR 'GYUR, ,DGE 'DUN BTZUN PA RNAMS GSAN DU GSOL, DENG
DGE 'DUN GYIS GSO SBYONG BCU BZHI PA'AM BCVA LNGA PA

STE; GAL TE DGE 'DUN GYI DUS LA BAB CING BZOD NA DGE 'DUN GYIS
GNANG BAR MDZOD CIG DANG, DENG DGE 'DUN GSO SBYONG MDZAD DE SO
SOR THAR PA'I MDO GDON PA GDON TO, ,'DI NI GSOL BA'O, ,TSE DANG
LDAN PA DAG BDAG CAG GSO SBYONG BYA STE, SO SOR THAR PA'I MDO
GDON

PA GDON GYIS, KHYED CAG SU LA LTUNG BA YOD PA DES MTHOL CIG
,LTUNG BA MED NA CANG MA SMRA ZHIG ,CANG MI SMRA NA BDAG GIS TSE
DANG LDAN PA DAG YONGS SU DAG PAR RIG PAR BYA'O, ,JI LTAR SO SOR
DRIS NAS DGE SLONG GIS LAN BTAB PA DE BZHIN DU DGE SLONG GI
'KHOR 'DI LTA BUR YANG

LAN GSUM GYI BAR DU BSGRAG PAR BYA BA YIN NO, ,YANG DGE SLONG
GANG DGE SLONG GI 'KHOR 'DI LTA BUR LAN GSUM GYI BAR DU BSGRAGS
PA NA LTUNG BA YOD LA DRAN BZHIN DU MI MTHOL NA DE SHES BZHIN DU
BRDZUN DU SMRA BA YIN NO, ,TSE DANG LDAN PA DAG SHES BZHIN DU
BRDZUN DU SMRA BA NI BCOM LDAN

'DAS KYIS BAR DU GCOD PA'I CHOS SU GSUNGS SO, ,DE BAS NA DGE
SLONG GANG LTUNG BA BYUNG BA RNAM PAR DAG PAR 'DOD PAS LTUNG BA
YOD LA DRAN ZHING MTHONG BA MTHOL BAR BYA'O, ,MTHOL NA DE BDE BA
LA REG PAR GNAS PAR 'GYUR RO, ,MA MTHOL MA BSHAGS NA NI MI 'GYUR
RO, ,TSE

DANG LDAN PA DAG BDAG GIS SO SOR THAR PA'I MDO GDON PA'I GLENG
GZHI BTON ZIN TO, ,DE LA BDAG GIS TSE DANG LDAN PA DAG LA CI 'DI
LA KHYED YONGS SU DAG GAM ZHES DRI'O, ,CI 'DI LA KHYED YONGS SU
DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN
PA DAG

YONGS SU DAG NA 'DI LTAR CANG MI SMRA BAS DE DE BZHIN DU 'DZIN
TO,, ,,SDOM LA, MI TSANGS SPYOD DANG RKU BA DANG, ,MI LA GSAD
PAR MI BYA BA, ,BRDZUN DU SMRA DANG BCAS PA YI, ,CHOS BZHI 'DIR
NI GSUNGS PA YIN, ,TSE DANG LDAN PA DAG PHAM PAR 'GYUR BA'I CHOS
BZHI

@03B PO 'DI DAG NI ZLA BA PHYED PHYED CING SO SOR THAR PA'I MDO
'DON PA LAS 'BYUNG NGO, ,YANG DGE SLONG GANG DGE SLONG RNAMS
DANG LHAN CIG BSLAB PA MTSUNGS PAR GYUR PAS BSLAB PA MA PHUL
BSLAB PA NYAMS PAR MA BYAS PAR MI TSANGS PAR SPYOD PA 'KHRIG
PA'I CHOS BSTEN NA, THA NA DUD 'GRO'I SKYE GNAS

SU SKYES PA DANG LHAN CIG KYANG RUNG STE, DGE SLONG DE PHAM PAR
GYUR PA YIN GYIS GNAS PAR MI BYA'O, ,YANG DGE SLONG GANG GZHAN
DAG GI GRONG NA 'DUG PA'AM, DGON PA NA 'DUG PA MA BYIN PAR RKU
BA'I GRANGS SU GTOGS PA BLANGS NA, JI TZAM MA BYIN PAR BLANGS
PAS DE RGYAL PO'AM,

BLON PO CHEN POS BZUNG NAS DE LA 'DI SKAD CES, KYE MI KHYOD NI
RKUN MA'O, ,BYIS PA'O, ,BLUN PA'O, ,RKU BA'O ZHES ZER ZHING GSOD
DAM, 'CHING NGAM, SPYUGS KYANG RUNG STE, DGE SLONG DE LTAR MA
BYIN PAR LEN NA DGE SLONG DE YANG PHAM PAR GYUR PA YIN GYIS GNAS
PAR MI BYA'O, ,YANG

DGE SLONG GANG MI'AM MIR CHAGS PA LA BSAMS BZHIN DU RANG GI LAG
DAR TE SROG BCAD DAM, DE LA MTSON BYIN NAM, DE LA MTSON THOGS PA
GNYER TAM, DE 'CHIR BCUG GAM, DE LA 'CHI BA'I BSNGAGS PA BRJOD
KYANG RUNG STE, DE LA 'DI SKAD CES, KYE MI KHYOD 'TSO BA SDIG PA
MI

GTZANG BA NGAN PA 'DIS CI ZHIG BYA, KYE MI KHYOD GSON PA BAS SHI
BLA'O ZER ZHING, SEMS KYI 'DOD PA DANG, SEMS KYI KUN DU RTOG PA
DAG GIS RNAM GRANGS DU MAS DE 'CHIR BCUG GAM, DE LA 'CHI BA'I
BSNGAGS PA BRJOD DE, DE YANG RTZOM PA DES DUS BYAS NA, DGE SLONG
DE YANG

PHAM PAR GYUR PA YIN GYIS GNAS PAR MI BYA'O, ,YANG DGE SLONG
GANG MNGON PAR MI SHES SHING YONGS SU MI SHES LA MI'I CHOS BLA
MA MTHA' DANG, 'PHAGS PA DANG, BYE BRAG THOB PA DANG, SHES PA
DANG, MTHONG BA DANG, REG PAR SPYOD PA MED LA MED BZHIN DU 'DI
SHES SO, ,

'DI MTHONG NGO ZHES KHAS 'CHES PA LAS, DE LTUNG BA BYUNG BA RNAM
PAR DAG PAR 'DOD NAS DUS GZHAN ZHIG NA DRIS KYANG RUNG, MA DRIS
KYANG RUNG 'DI SKAD CES, TSE DANG LDAN PA DAG BDAG GIS NI MI
SHES PAR SHES SO ZHES SMRAS, MA MTHONG BAR MTHONG NGO ZHES SMRAS
TE, GSOB GSOG

@04A *, ,BRDZUN DU SMRAS SO ZHES ZER NA, MNGON PA'I NGA RGYAL MA
GTOGS TE, DGE SLONG DE YANG PHAM PAR GYUR PA YIN GYIS GNAS PAR
MI BYA'O, ,TSE DANG LDAN PA DAG BDAG GIS PHAM PAR GYUR PA'I CHOS
BZHI PO DAG BTON ZIN TO, ,DGE SLONG GIS DE DAG LAS LTUNG BA GANG
YANG

RUNG BA ZHIG BYAS NA THOG MA JI LTA BAR PHYIS KYANG DE BZHIN DU
PHAM PAR GYUR PA YIN TE, DGE SLONG RNAMS DANG LHAN CIG GNAS PA
DANG LONGS SPYOD DU MI DBANG GIS GNAS PAR MI BYA'O, ,DE LA BDAG
GIS TSE DANG LDAN PA DAG LA CI 'DI LA KHYED YONGS SU DAG GAM
ZHES DRI'O, ,CI 'DI LA KHYED

YONGS SU DAG GAM ZHES LAN GNYIS LAN GSUM DU DRI'O, ,'DI LA TSE
DANG LDAN PA DAG YONGS SU DAG NA 'DI LTAR CANG MI SMRA BAS DE DE
BZHIN DU 'DZIN TO,, ,,SDOM LA, KHU BA 'DZIN PA 'KHRIG TSIG
BSNYEN BKUR SMYAN, ,KHANG PA KHANG CHEN DANG NI GZHI MED PA,
,BAG TZAM DGE

'DUN DBYEN DANG DE RJES PHYOGS, ,KHYIM SUN 'BYIN DANG BKA' BLO
MI BDE BA'O, ,TSE DANG LDAN PA DAG DGE 'DUN LHAG MA'I CHOS BCU
GSUM PO 'DI DAG NI ZLA BA PHYED PHYED CING SO SOR THAR PA'I MDO
'DON PA LAS 'BYUNG NGO, ,BSAMS BZHIN DU KHU BA PHYUNG NA RMI LAM
GYI MA GTOGS TE DGE

'DUN LHAG MA'O, ,YANG DGE SLONG GANG DRAL CING GYUR PA'I SEMS
KYIS BUD MED KYI YUL DANG LHAN CIG LUS REG PAR BYED DAM, LAG PA
NAS BZUNG NGAM, DPUNG PA NAS BZUNG NGAM, LAN BU NAS BZUNG NGAM,
YAN LAG DANG NYING LAG GANG YANG RUNG BA LA NOM PA DANG NYUG PA
BDAG

GIR BYED NA DGE 'DUN LHAG MA'O, ,YANG DGE SLONG GANG DRAL CING
GYUR PA'I SEMS KYIS BUD MED KYI YUL DANG LHAN CIG GNAS NGAN LEN
GYI TSIG SDIG PA CAN TSOGS PAR MI DBYUNG BA 'KHRIG PA LAS BYUNG
BA DANG LDAN PA DAG SKYES BUS NA CHUNG LA JI LTA BA BZHIN DU
SMRAS NA DGE 'DUN LHAG MA'O, ,

YANG DGE SLONG GANG DRAL CING GYUR PA'I SEMS KYIS BUD MED KYI
LUS KYI MDUN DU BDAG NYID KYI LUS KYI BSNYEN BKUR BYA BA'I PHYIR
'DI LTA STE, NGA LTA BU'I DGE SLONG TSUL KHRIMS DANG LDAN PA,
DGE BA'I CHOS CAN, TSANGS PAR SPYOD PA LA 'DI LTAR 'KHRIG PA LAS
BYUNG BA DANG LDAN PA'I CHOS

@04B 'DIS BSNYEN BKUR BYAS NA, SRU 'DI NI BSNYEN BKUR BYAS PA
RNAMS KYI NANG NA MCHOG YIN NO ZHES BSNGAGS PA BRJOD NA DGE 'DUN
LHAG MA'O, ,YANG DGE SLONG GANG BUD MED LA SKYES PA'I TSIG DANG,
SKYES PA LA BUD MED KYI TSIG GIS CHUNG MA NYID DAM, MDZA' NA MO
NYID DU SMYAN BYED NA THA

NA THANG 'GA' PHRAD PA LA YANG RUNG STE DGE 'DUN LHAG MA'O, ,DGE
SLONG GIS BDAG GIS BSLANGS PA, BDAG PO MED PA, BDAG GI PHYIR
KHANG PA RTZIG TU 'JUG NA DGE SLONG DES KHANG PA TSAD BZHIN DU
RTZIG TU CHUG CIG ,DE LA KHANG PA'I TSAD NI 'DI YIN TE, NANG GI
SRID DU BDE BAR GSHEGS

PA'I MTHO'I MTHO BCU GNYIS, ZHENG DU MTHO BDUN NO, ,GZHI BLTA
BA'I PHYIR DGE SLONG DES DGE SLONG DAG BKRI BAR BYA'O, ,KHRID
PA'I DGE SLONG DAG GIS KYANG GZHI RUNG BA DANG, RTZOD PA MED PA
DANG, BRTZAM DU RUNG BAR BLTA BAR BYA'O, ,GAL TE DGE SLONG GIS
GZHI MI RUNG BA'AM, RTZOD

PA DANG BCAS PA'AM, BRTZAM DU MI RUNG BAR BDAG GIS BSLANGS PA
BDAG PO MED PA BDAG GI PHYIR KHANG PA RTZIG TU 'JUG GAM, GZHI
BLTA BA'I PHYIR DGE SLONG DAG KYANG MI KHRID DAM, DGE SLONG
KHRID PA DAG LA GZHI MI STON TAM, TSAD LAS 'DAS NA DGE 'DUN LHAG
MA'O, ,DGE SLONG

GIS BDAG PO YOD PA DGE 'DUN GYI PHYIR GTZUG LAG KHANG CHEN PO
RTZIG TU 'JUG NA GZHI BLTA BA'I PHYIR DGE SLONG DES DGE SLONG
DAG BKRI BAR BYA'O, ,KHRID PA'I DGE SLONG DAG GIS KYANG GZHI
RUNG BA DANG, RTZOD PA MED PA DANG, BRTZAM DU RUNG BAR BLTA BAR
BYA'O, ,GAL TE DGE SLONG GIS

GZHI MI RUNG BA'AM, RTZOD PA DANG BCAS PA'AM, BRTZAM DU MI RUNG
BAR BDAG PO YOD PA DGE 'DUN GYI PHYIR GTZUG LAG KHANG CHEN PO
RTZIG TU 'JUG GAM, GZHI BLTA BA'I PHYIR DGE SLONG DAG KYANG MI
KHRID DAM, DGE SLONG KHRID PA DAG LA GZHI MI STON NA DGE 'DUN
LHAG MA'O, ,YANG

DGE SLONG GANG KHROS SHING ZHE SDANG BAR GYUR NAS, CI NAS KYANG
'DI TSANGS PAR SPYOD PA DANG DBRAL LO SNYAM NAS, DGE SLONG DAG
PA LTUNG BA MED PA LA, GZHI MED PAR PHAM PAR GYUR BA'I CHOS KYIS
SKUR PA LAS DE DUS GZHAN ZHIG NA DRIS KYANG RUNG, MA DRIS KYANG
RUNG, RTZOD PA DE YANG GZHI

@05A *, ,MED PA YIN LA, DGE SLONG YANG ZHE SDANG LA GNAS PAS ZHE
SDANG GIS SMRAS SO ZHE NA DGE 'DUN LHAG MA'O, ,YANG DGE SLONG
GANG KHROS SHING ZHE SDANG BAR GYUR NAS CI NAS KYANG 'DI TSANGS
PAR SPYOD PA DANG DBRAL LO SNYAM NAS, DGE SLONG DAG PA LTUNG BA
MED PA LA GZHAN GYI CHA MA

YIN PA DANG MTHUN PA PHAM PAR GYUR PA'I CHOS KYIS SKUR PA LAS,
DE DUS GZHAN ZHIG NA DRIS KYANG RUNG, MA DRIS KYANG RUNG, RTZOD
PA DE YANG GZHAN GYI CHA MA YIN PA DANG MTHUN PA YIN LA, RTZOD
PA DE GZHAN GYI CHA MA YIN PA DANG MTHUN PAS BAG TZAM LAS BSAMS
PA TZAM GYI CHOS 'GA'

ZHIG BLANGS PAR GYUR LA, DGE SLONG YANG ZHE SDANG LA GNAS PAS
ZHE SDANG GIS SMRAS SO ZHE NA DGE 'DUN LHAG MA'O, ,YANG DGE
SLONG GANG DGE 'DUN MTHUN PA DBYE BA'I PHYIR RTUL BAR BYED CING,
DBYEN BYED PAR 'GYUR BA'I RTZOD PA YANG DAG PAR BLANGS NAS RAB
TU BZUNG STE 'DUG NA, DGE

SLONG DE LA DGE SLONG RNAMS KYIS 'DI SKAD CES, TSE DANG LDAN PA
KHYOD DGE 'DUN MTHUN PA DBYE BA'I PHYIR RTUL BAR MA BYED CIG
,DBYEN BYED PAR 'GYUR BA'I RTZOD PA YANG DAG PAR BLANGS NAS RAB
TU BZUNG STE MA 'DUG CIG ,TSE DANG LDAN PA DGE 'DUN DANG LHAN
CIG MTHUN PAR GYIS SHIG ,DGE

'DUN MTHUN MI PHYED, KUN DU DGA' MI RTZOD, MCHOG GCIG 'DON PA
GCIG CING CHU DANG 'O MA GCIG TU 'DRES PA LTA BUR GYUR LA, STON
PA'I BSTAN PA YANG GSAL BAR BYED NA BDE BA LA REG PAR GNAS PAR
'GYUR GYIS, TSE DANG LDAN PA KHYOD DGE 'DUN 'BYED PAR BYED PA'I
GZHI

'DI LTA BU 'DI THONG SHIG CES BSGO BAR BYA'O, ,DGE SLONG DE LA
DGE SLONG RNAMS KYIS DE SKAD BSGO BA NA, GAL TE GZHI DE GTONG NA
DE LTA NA LEGS, GAL TE MI GTONG NA GZHI DE GTANG BAR BYA BA'I
PHYIR LAN GNYIS LAN GSUM DU YANG DAG PAR BSGO BAR BYA, YANG DAG
PAR BSTAN PAR

BYA'O, ,LAN GNYIS LAN GSUM DU YANG DAG PAR BSGO, YANG DAG PAR
BSTAN PA NA GZHI DE GTONG NA DE LTA NA LEGS, GAL TE MI GTONG NA
DGE 'DUN LHAG MA'O, ,DGE SLONG DE'I GROGS BYED PA'I DGE SLONG MI
MTHUN PAR SMRA BA NYID KYI RJES SU PHYOGS PA GCIG GAM GNYIS SAM
MANG

@05B PO DAG YOD CING, GAL TE DE DAG DGE SLONG RNAMS LA 'DI SKAD
CES, TSE DANG LDAN PA DAG KHYED CAG DGE YANG RUNG, SDIG KYANG
RUNG, DGE SLONG 'DI LA CI YANG MA SMRA ZHIG ,DE CI'I PHYIR ZHE
NA, TSE DANG LDAN PA DAG DGE SLONG 'DI NI CHOS SMRA BA, 'DUL BA
SMRA BA, DGE SLONG 'DI

NI CHOS DANG 'DUL BA YANG DAG PAR BLANGS NAS RAB TU BZUNG STE
RJES SU THA SNYAD 'DOGS PAR BYED PA, DGE SLONG 'DI NI SHES BZHIN
DU SMRA'I MI SHES PAR MA YIN PA'I PHYIR TE, DGE SLONG 'DI GANG
LA 'DOD CING BZOD PA DE LA BDAG CAG KYANG 'DOD CING BZOD DO ZHES
ZER NA, DGE SLONG DE

DAG LA DGE SLONG RNAMS KYIS 'DI SKAD CES, TSE DANG LDAN PA DAG
KHYED CAG DE SKAD CES, TSE DANG LDAN PA DAG KHYED CAG DGE YANG
RUNG, SDIG KYANG RUNG, DGE SLONG 'DI LA CI YANG MA SMRA ZHIG ,DE
CI'I PHYIR ZHE NA, TSE DANG LDAN PA DAG DGE SLONG 'DI NI CHOS
SMRA BA, 'DUL BA SMRA BA,

DGE SLONG 'DI NI CHOS DANG 'DUL BA YANG DAG PAR BLANGS NAS RAB
TU BZUNG STE RJES SU THA SNYAD 'DOGS PAR BYED LA, DGE SLONG 'DI
NI SHES BZHIN DU SMRA'I MI SHES PAR MA YIN PA'I PHYIR TE, DGE
SLONG 'DI GANG LA 'DOD CING BZOD PA DE LA BDAG CAG KYANG 'DOD
CING BZOD DO ZHES MA ZER CIG  ,

DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS
SMRA BA MA YIN, 'DUL BA SMRA BA MA YIN GYI, TSE DANG LDAN PA DAG
DGE SLONG 'DI NI CHOS MA YIN PA SMRA BA, 'DUL BA MA YIN PA SMRA
BA, DGE SLONG 'DI NI CHOS MA YIN PA DANG 'DUL BA MA YIN PA YANG
DAG PAR BLANGS NAS RAB TU BZUNG

STE RJES SU THA SNYAD 'DOGS PAR BYED PA, DGE SLONG 'DI NI MI
SHES BZHIN SMRA'I SHES PAR SMRA BA MA YIN PA'I PHYIR TE, DGE
SLONG 'DI GANG LA 'DOD CING BZOD PA DE LA TSE DANG LDAN PA DAG
'DOD CING BZOD PAR MA BYED CIG ,TSE DANG LDAN PA DAG KHYED DGE
'DUN 'BYED 'DOD PAR MA BYED PAR

TSE DANG LDAN PA DAG DGE 'DUN MTHUN PA NYID DU 'DOD PAR GYIS
SHIG ,TSE DANG LDAN PA DAG DGE 'DUN DANG MTHUN PAR GYIS SHIG
,DGE 'DUN MTHUN MI PHYED, KUN DU DGA' MI RTZOD, MCHOG GCIG 'DON
PA GCIG CING CHU DANG 'O MA GCIG TU 'DRES PA LTA BUR GYUR LA,
STON

@06A *, ,PA'I BSTAN PA GSAL BAR BYED NA BDE BA LA REG PAR GNAS
PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU
PHYOGS SHING MI MTHUN PAR SMRA BA 'DI LTA BU 'DI THONG SHIG CES
BSGO BAR BYA'O, ,DGE SLONG DE DAG LA DGE SLONG DE RNAMS KYIS DE
SKAD CES BSGO BA NA,

GAL TE GZHI DE GTONG NA DE LTA NA LEGS, GAL TE MI GTONG NA GZHI
DE GTANG BAR BYA BA'I PHYIR LAN GNYIS LAN GSUM DU YANG DAG PAR
BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM
DU YANG DAG PAR BSGO, YANG DAG PAR BSTAN PA NA GZHI DE GTONG NA
DE LTA NA

LEGS; GAL TE MI GTONG NA DGE 'DUN LHAG MA'O, ,DGE SLONG RAB TU
MANG PO DAG GRONG NGAM GRONG RDAL ZHIG NA NYE BAR RTEN CING GNAS
PAR GYUR LA, DE DAG KYANG KHYIM SUN 'BYIN PA SDIG PA'I CHOS KUN
DU SPYOD PAR GYUR CING, DE DAG GIS KHYIM DAG SUN PHYUNG BAR
MTHONG NGAM, THOS

SAM; RAB TU SHES, DE DAG SDIG PA KUN DU SPYOD PA MTHONG NGAM,
THOS SAM, RAB TU SHES NA DGE SLONG DE DAG LA DGE SLONG RNAMS
KYIS 'DI SKAD CES, TSE DANG LDAN PA DAG KHYIM SUN 'BYIN PA SDIG
PA'I CHOS KUN DU SPYOD PA DAG YIN TE, KHYED KYIS KHYIM DAG SUN
PHYUNG BAR YANG

MTHONG ZHING THOS LA RAB TU SHES, KHYOD SDIG PA KUN DU SPYOD PAR
YANG MTHONG ZHING THOS LA RAB TU SHES KYIS, TSE DANG LDAN PA DAG
KHYED 'DI NA GNAS PAS CHOG GIS, GNAS 'DI NAS DENG SHIG CES BSGO
BAR BYA'O, ,GAL TE DE DAG DGE SLONG RNAMS LA 'DI SKAD CES, TSE
DANG

LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG
GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE,
'DI LTAR LTUNG BA 'DRA BA KHO NA LAS DGE SLONG KHA CIG NI SKROD
PAR BYED, KHA CIG NI SKROD PAR MI BYED DO ZHES ZER NA, DGE SLONG
DE

DAG LA DGE SLONG RNAMS KYIS 'DI SKAD CES, TSE DANG LDAN PA DAG
KHYED DE SKAD CES TSE DANG LDAN PA DAG 'DI NA DGE SLONG KHA CIG
'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA,
'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA
LAS

@06B DGE SLONG KHA CIG NI SKROD PAR BYED, KHA CIG NI SKROD PAR
MI BYED DO ZHES MA ZER CIG  ,DE CI'I PHYIR ZHE NA, DGE SLONG DE
DAG NI 'DUN PAS 'GRO BA MA YIN, ZHE SDANG GIS 'GRO BA MA YIN,
GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI
LTAR TSE DANG

LDAN PA DAG NYID KHYIM SUN 'BYIN PA SDIG PA'I CHOS KUN DU SPYOD
PA DAG YIN TE, KHYED NYID KYIS KHYIM DAG SUN PHYUNG BAR MTHONG
ZHING THOS LA RAB TU SHES, KHYED SDIG PA KUN DU SPYOD PAR YANG
MTHONG ZHING THOS LA RAB TU SHES PA'I PHYIR TE, TSE DANG LDAN PA
DAG 'DUN PAS 'GRO BA ZHES BYA BA'I

TSIG GI LAM DANG, ZHE SDANG GIS 'GRO BA, GTI MUG GIS 'GRO BA,
'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG
SHIG CES BSGO BAR BYA'O, ,DGE SLONG DE DAG LA DGE SLONG RNAMS
KYIS DE SKAD CES BSGO BA NA GAL TE GZHI DE GTONG NA DE LTA NA
LEGS, GAL TE MI

GTONG NA GZHI DE GTANG BAR BYA BA'I PHYIR LAN GNYIS LAN GSUM DU
YANG DAG PAR BSGO BAR BYA, YANG DAG PAR BSTAN PAR BYA'O, ,LAN
GNYIS LAN GSUM DU YANG DAG PAR BSGO, YANG DAG PAR BSTAN PA NA
GZHI DE GTONG NA DE LTA NA LEGS, GAL TE MI GTONG NA DGE 'DUN
LHAG

MA'O, ,'DI NA DGE SLONG 'GA' ZHIG BKA' BLO MI BDE BA'I RANG
BZHIN CAN DU GYUR LA, DE LA DGE SLONG RNAMS KYIS GDON PAR GTOGS
PA BSLABS PA'I GZHI RNAMS DANG, BDE BAR GSHEGS PA'I MDOR GTOGS
PA RNAMS KYIS CHOS DANG MTHUN PA DANG, 'DUL BA DANG MTHUN PAR

SMRAS PA NA, TSE DANG LDAN PA DAG KHYED CAG DGE YANG RUNG, SDIG
KYANG RUNG, BDAG LA CI YANG MA SMRA ZHIG  ,BDAG KYANG DGE YANG
RUNG, SDIG KYANG RUNG, TSE DANG LDAN PA DAG LA CI'ANG MI SMRA'O,
,TSE DANG LDAN PA DAG GIS BDAG LA TSIG GI LAM THONG SHIG  ,KHYED
LA YANG BDAG

GIS SMRAS PAS CI ZHIG BYA ZHES BDAG NYID BRJOD PAR BYA BA MA YIN
PAR BYED NA, DGE SLONG RNAMS KYIS 'DI SKAD CES, TSE DANG LDAN PA
KHYOD DGE SLONG RNAMS KYIS GDON PAR GTOGS PA BSLAB PA'I GZHI
RNAMS DANG, BDE BAR GSHEGS PA'I MDOR GTOGS PA RNAMS KYIS CHOS
DANG MTHUN

@07A *, ,PA DANG, 'DUL BA DANG MTHUN PAR SMRAS PA NA, BDAG NYID
BRJOD PAR BYA BA MA YIN PAR MA BYED PAR, TSE DANG LDAN PAS BDAG
NYID BRJOD PAR BYA BA KHO NAR GYIS SHIG  ,DGE SLONG RNAMS TSE
DANG LDAN PA LA CHOS DANG MTHUN PA DANG, 'DUL BA DANG MTHUN PAR
SMRA BA

NA; TSE DANG LDAN PA YANG DGE SLONG RNAMS LA CHOS DANG MTHUN PA
DANG, 'DUL BA DANG MTHUN PAR SMROS SHIG  ,DE CI'I PHYIR ZHE NA,
'DI LTA STE, GCIG LA GCIG BRJOD PAR BYA BA NYID DU BYED PA DANG,
GCIG LA GCIG 'DOMS SHING RJES SU STON PA DANG, GCIG GIS GCIG

LTUNG BA LAS SLONG BA NYID DE LTA BUS BCOM LDAN 'DAS DE BZHIN
GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I
'KHOR 'DI 'PHEL BAR 'GYUR GYIS, TSE DANG LDAN PA KHYOD BDAG NYID
BRJOD PAR BYA BA MA YIN PAR BYED PA'I LAS KYI MTHA' 'DI LTA BU
'DI THONG SHIG

CES BSGO BAR BYA'O, ,DGE SLONG DE LA DGE SLONG RNAMS KYIS DE
SKAD BSGO BA NA GAL TE GZHI DE GTONG NA DE LTA NA LEGS, GAL TE
MI GTONG NA GZHI DE GTANG BAR BYA BA'I PHYIR LAN GNYIS LAN GSUM
DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN
GNYIS

LAN GSUM DU YANG DAG PAR BSGO, YANG DAG PAR BSTAN PA NA GZHI DE
GTONG NA DE LTA NA LEGS, GAL TE MI GTONG NA DGE 'DUN LHAG MA'O,
,TSE DANG LDAN PA DAG BDAG GIS DGE 'DUN LHAG MA'I CHOS BCU GSUM
PO DAG BTON ZIN TO, ,DE DAG LAS DGU NI LTUNG BA DANG PO DAG

NYID KYIS SO, ,BZHI NI LAN GSUM GYI BAR GYIS SO, ,DGE SLONG GIS
DE DAG LAS LTUNG BA GANG YANG RUNG BA ZHIG BYAS LA, JI SRID DU
SHES BZHIN DU 'CHAB PAR BYED PA DE SRID DU DES MI 'DOD BZHIN DU
SPO BA BYA'O, ,DGE SLONG GIS MI 'DOD BZHIN DU SPO BA BYAS NAS
DE'I 'OG TU ZHAG

DRUG GI BAR DU DGE 'DUN MGU BAR BYA BA SPYAD PAR BYA'O, ,DGE
SLONG GIS MGU BAR BYA BA SPYAD NAS DBYUNG BAR BYA BA LA THOGS TE
CHOS DANG MTHUN PAR BYAS LA, DGE SLONG GI DGE 'DUN GYI SEMS MGU
BAR BYAS NA GANG NA DGE SLONG NYI SHU'I TSOGS KYI DGE 'DUN YOD
PA DER DGE SLONG DE

@07B DBYUNG BAR BYA'O, ,GAL TE DGE SLONG NYI SHUR GCIG GIS MA
TSANG BA'I TSOGS KYI DGE 'DUN GYIS DGE SLONG DE 'BYIN PAR BYED
NA, DGE SLONG DE YANG MA PHYIN LA DGE SLONG DE DAG KYANG SMAD
PAR BYA BA YIN TE DE LA DE NI CHO GA YIN NO, ,DE LA BDAG GIS TSE
DANG LDAN PA DAG LA CI 'DI LA KHYED

YONGS SU DAG GAM ZHES DRI'O, ,CI 'DI LA KHYED YONGS SU DAG GAM
ZHES LAN GNYIS LAN GSUM DU DRI'O, ,'DI LA TSE DANG LDAN PA DAG
YONGS SU DAG NA 'DI LTAR CANG MI SMRA BAS DE DE BZHIN DU 'DZIN
TO,, ,,SDOM LA, DBEN PA SKYABS YOD 'DUG PA'O, ,TSE DANG LDAN

PA DAG MA NGES PA'I CHOS GNYIS PO 'DI DAG NI ZLA BA PHYED PHYED
CING SO SOR THAR PA'I MDO 'DON PA LAS 'BYUNG NGO, ,YANG DGE
SLONG GANG BUD MED KYI YUL DANG LHAN CIG GCIG PU GCIG DANG DBEN
PA SKYABS YOD PA NA 'DOD PA BYAR RUNG BAR STAN LA 'DUG PAR BYED
CING, DE LA GAL TE DGE

BSNYEN MA YID CHES PA'I TSIG DANG LDAN PAS CHOS GSUM PO PHAM PAR
'GYUR BA'AM, DGE 'DUN LHAG MA'AM, LTUNG BYED LAS CHOS GANG YANG
RUNG BAS SMRAS PAR GYUR LA, DGE SLONG GIS 'DUG PAR KHAS BLANGS
NA CHOS GSUM PO PHAM PAR GYUR PA'AM, DGE 'DUN LHAG MA'AM,

LTUNG BYED LAS CHOS GANG YANG RUNG BAS BYED DU GZHUG CING, DGE
SLONG DE LA DGE BSNYEN MA YID CHES PA'I TSIG DANG LDAN PAS CHOS
GANG DANG GANG GIS SMRAS PAR GYUR PA'I CHOS DE DANG DES DGE
SLONG DE BYED DU GZHUG STE, DE NI MA NGES PA'I CHOS SO, ,YANG
DGE SLONG GANG BUD MED KYI YUL DANG

LHAN CIG GCIG PU GCIG DANG DBEN PA SKYABS YOD PA NA 'DOD PA BYAR
MI RUNG BAR STAN LA 'DUG PAR BYED CING, DE LA GAL TE DGE BSNYEN
MA YID CHES PA'I TSIG DANG LDAN PAS, CHOS GNYIS PO DGE 'DUN LHAG
MA'AM, LTUNG BYED LAS CHOS GANG YANG RUNG BAS SMRAS PAR GYUR LA,

DGE SLONG GIS 'DUG PAR KHAS BLANGS NA CHOS GNYIS PO DGE 'DUN
LHAG MA'AM, LTUNG BYED LAS CHOS GANG YANG RUNG BAS BYED DU GZHUG
CING, DGE SLONG DE LA DGE BSNYEN MA YID CHES PA'I TSIG DANG LDAN
PAS CHOS GANG DANG GANG GIS SMRAS PAR GYUR PA'I CHOS DE DANG DES
DGE SLONG DE BYED DU

@08A *, ,GZHUG STE, DE YANG MA NGES PA'I CHOS SO, ,TSE DANG LDAN
PA DAG BDAG GIS MA NGES PA'I CHOS GNYIS PO DAG BTON ZIN TO, ,DE
LA BDAG GIS TSE DANG LDAN PA DAG LA CI 'DI LA KHYED YONGS SU DAG
GAM ZHES DRI'O, ,CI 'DI LA KHYED YONGS SU DAG GAM ZHES LAN

GNYIS LAN GSUM DU DRI'O, ,'DI LA TSE DANG LDAN PA DAG YONGS SU
DAG NA 'DI LTAR CANG MI SMRA BAS DE DE BZHIN DU 'DZIN TO,,
,,SDOM LA, 'CHANG BA 'BRAL BA 'JOG PA DANG, ,'KHRUR 'JUG PA DANG
LEN PA DANG, SLONG DANG STOD G-YOGS SMAD G-YOGS BCAS, ,RIN
THANG

SO SOR BSKUR BA'O, ,TSE DANG LDAN PA DAG SPANG BA'I LTUNG BYED
KYI CHOS SUM BCU PO 'DI DAG NI ZLA BA PHYED PHYED CING SO SOR
THAR PA'I MDO 'DON PA LAS 'BYUNG NGO, ,DGE SLONG CHOS GOS ZIN
PAS SRA BRKYANG PHYUNG NA, ZHAG BCU'I BAR DU GOS LHAG PA RNAM
PAR MA BRTAGS PA BCANG BAR BYA'O, ,

DE LAS 'DAS PAR BCANGS NA SPANG BA'I LTUNG BYED DO, ,DGE SLONG
CHOS GOS ZIN PAS SRA BRKYANG PHYUNG NA, GAL TE NUB GCIG KYANG
CHOS GOS GSUM LAS CHOS GOS GANG YANG RUNG BA DANG, MTSAMS KYI
PHYI ROL DU 'BRAL BAR BYED NA, DGE 'DUN GYIS GNANG BA MA GTOGS
TE SPANG BA'I

LTUNG BYED DO, ,DGE SLONG CHOS GOS ZIN PAS SRA BRKYANG PHYUNG
NA, DUS MA YIN PA'I GOS SHIG RNYED LA 'DOD NA DGE SLONG DES GOS
DE BLANG BAR BYA'O, ,BLANGS NAS GAL TE LANGS NA MYUR BA KHO NAR
GOS SU BYAS LA BCANG BAR BYA'O, ,GAL TE MI LANGS LA KHA MA LANGS
PA KHA SKONG

BA'I GOS LA RE BA YOD NA DGE SLONG DES GOS DE ZLA BA GCIG GI
MTHAR GZHAG PAR BYA'O, ,DE LAS 'DAS PAR 'JOG NA SPANG BA'I LTUNG
BYED DO, ,YANG DGE SLONG GANG DGE SLONG MA NYE DU MA YIN PA LA
GOS RNYING PA 'KHRUR 'JUG GAM, 'TSED DU 'JUG GAM, 'CHAG TU 'JUG
NA SPANG BA'I

LTUNG BYED DO, ,YANG DGE SLONG GANG DGE SLONG MA NYE DU MA YIN
PA LAS GOS LEN NA, BRJES PA MA GTOGS TE SPANG BA'I LTUNG BYED
DO, ,YANG DGE SLONG GANG KHYIM BDAG GAM, KHYIM BDAG GI CHUNG MA
NYE DU MA YIN PA'I GAN DU SONG STE, GOS SLONG NA DUS MA GTOGS TE
SPANG BA'I LTUNG BYED

@08B DO, ,DE LA DUS NI 'DI YIN TE, DGE SLONG GOS PHROGS SAM, GOS
RLAG GAM, GOS TSIG GAM, GOS RLUNG GIS KHYER RAM, GOS CHUS KHYER
NA DE LA DE NI DUS YIN NO, ,DGE SLONG GOS PHROGS SAM, GOS RLAG
GAM, GOS TSIG GAM, GOS RLUNG GIS KHYER RAM, GOS

CHUS KHYER NA KHYIM BDAG GAM, KHYIM BDAG GI CHUNG MA NYE DU MA
YIN PA'I GAN DU SONG LA, GOS BSLANG BAR BYA'O, ,DE LA GAL TE
BRAM ZE'AM, KHYIM BDAG DAD PA CAN ZHIG GIS DUS KYIS GOS MANG PO
DAG STOBS LA 'DOD NA DGE SLONG DES DE LAS GOS STOD G-YOGS SMAD

G-YOGS DANG BCAS PA'I MTHAR THUG PAR BLANG BAR BYA'O, ,DE LAS
LHAG PAR LEN NA SPANG BA'I LTUNG BYED DO, ,DGE SLONG GI PHYIR
KHYIM BDAG GAM, KHYIM BDAG GI CHUNG MA NYE DU MA YIN PAS GOS KYI
RIN DAG SPAGS NAS BDAG GIS GOS KYI RIN 'DI DAG GIS GOS 'DI DANG
'DI

LTA BU ZHIG NYOS LA, DGE SLONG MING 'DI ZHES BYA BA 'ONGS NA, DE
LA GOS RUNG BA DUS SU BSKON NO SNYAM PA LAS, DE LA GAL TE DGE
SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG
STE, BZANG PO 'DOD PA'I PHYIR KHYIM BDAG GAM, KHYIM BDAG GI
CHUNG MA

NYE DU MA YIN PA DE'I GAN DU SONG NAS 'DI SKAD CES, TSE DANG
LDAN PAS BDAG GI PHYIR GOS KYI RIN GANG DAG SPAGS PA'I GOS KYI
RIN DE DAG GIS TSE DANG LDAN PA GOS 'DI DANG 'DI LTA BU ZHIG
NYOS LA, BDAG LA GOS RUNG BA DUS SU LEGS PAR SKON CIG CES SMRAS
TE, GOS GRUB NA

SPANG BA'I LTUNG BYED DO, ,DGE SLONG GI PHYIR KHYIM BDAG DANG
KHYIM BDAG GI CHUNG MA NYE DU MA YIN PAS GOS KYI RIN SO SO BA DE
DAG SPAGS NAS, BDAG CAG GNYIS KYIS GOS KYI RIN SO SO BA 'DI DAG
GIS GOS 'DI DANG 'DI LTA BU SO SO BA DAG NYOS LA, DGE SLONG MING
'DI ZHES BYA BA

'ONGS PA DANG, BDAG CAG GNYIS KYIS SO SO NAS DE LA GOS RUNG BA
DUS SU BSKON NO SNYAM PA LAS DE NA GAL TE DGE SLONG DE LA SNGAR
MA BSTABS PAR RNAM PAR RTOG PA 'GA' ZHIG BYUNG STE, BZANG PO
'DOD PA'I PHYIR KHYIM BDAG DANG, KHYIM BDAG GI CHUNG MA NYE DU
MA YIN PA DE

@09A *, ,DAG GI GAN DU SONG NAS 'DI SKAD CES, TSE DANG LDAN PA
DAG GIS BDAG GI PHYIR GOS KYI RIN SO SO BA GANG DAG SPAGS PA'I
GOS KYI RIN DE DAG GIS TSE DANG LDAN PA DAG GOS 'DI DANG 'DI LTA
BU SO SO BA DAG NYOS LA GNYI GA 'DUS TE, BDAG LA GOS RUNG BA CIG
DUS SU

LEGS PAR SKON CIG CIS SMRAS TE, GOS GRUB NA SPANG BA'I LTUNG
BYED DO, ,DGE SLONG GI PHYIR RGYAL PO'AM, BLON PO CHEN PO'AM,
BRAM ZE'AM, KHYIM BDAG GAM, GRONG RDAL GYI MI'AM, YUL MI'AM, NOR
CAN NAM, TSONG DPON NAM, DED DPON GYIS PHO NYA'I LAG

TU GOS KYI RIN DAG BSKUR BAR GYUR LA, DE NAS PHO NYA DE GOS KYI
RIN DE DAG KHYER NAS DGE SLONG DE GA LA BA DER SONG STE PHYIN
NAS DGE SLONG DE LA 'DI SKAD CES, 'PHAGS PA MKHYEN PAR MDZOD CIG
,KHYOD LA RGYAL PO'AM, BLON PO CHEN PO'AM, BRAM ZE'AM, KHYIM
BDAG GAM,

GRONG RDAL GYI MI'AM, YUL MI'AM, NOR CAN NAM, TSONG DPON NAM,
DED DPON CHE GE MOS GOS KYI RIN 'DI DAG BSKUR GYIS, 'PHAGS PAS
THUGS BRTZE BA'I SLAD DU 'DI DAG BZHES SHIG CES ZER NA DGE SLONG
DES PHO NYA DE LA 'DI SKAD CES, TSE DANG LDAN PA PHO NYA DGE

SLONG DAG NI GOS KYI RIN DAG LAN DU MI RUNG STE, BDAG CAG GOS
RUNG BA DUS SU RNYED NA NI LEN TO ZHES BRJOD PAR BYA'O, ,GAL TE
PHO NYA DE DGE SLONG DE LA 'DI SKAD CES, 'PHAGS PA RNAMS KYI
ZHAL TA BGYID PA 'PHAGS PA RNAMS KYI ZHAL TA NYAMS SU LEN PA
GANG LAGS PA 'GA'

MCHIS SAM ZHES ZER NA, DGE SLONG GOS 'DOD PAS PHO NYA LA 'DI
SKAD CES, TSE DANG LDAN PA PHO NYA 'DI NI DGE SLONG RNAMS KYI
ZHAL TA BYED PA STE, 'DI NI DGE SLONG RNAMS KYI ZHAL TA NYAMS SU
LEN PA'O ZHES KUN DGA'I RA BA BA'AM, DGE BSNYEN ZHAL TA BYED PA
BSTAN PAR

BYA'O, ,DE NAS PHO NYA DES GOS KYI RIN DE DAG KHYER NAS ZHAL TA
BYED PA GA LA BA DER 'GRO BAR BYA ZHING, PHYIN NAS ZHAL TA BYED
PA DE LA 'DI SKAD CES, TSE DANG LDAN PA ZHAL TA BYED PA SHES PAR
GYIS SHIG  ,KHYOD KYIS GOS KYI RIN 'DI DAG GIS GOS 'DI DANG 'DI
LTA BU ZHIG NYOS

@09B LA DGE SLONG MING 'DI ZHES BYA BA 'ONGS PA DANG, DE LA GOS
RUNG BA DUS SU SKON CIG CES BRJOD PAR BYA'O, ,DE NAS PHO NYA DES
ZHAL TA BYED PA DE LA SHIN TU LEGS PAR YANG DAG PAR BSGO ZHING,
YANG DAG PAR BSTAN NAS, DGE SLONG DE GA LA BA DER 'GRO BAR BYA
ZHING PHYIN NAS DGE SLONG

DE LA 'DI SKAD CES, 'PHAGS PA ZHAL TA BGYID PA BSTAN PA GANG
LAGS PA DE LA BDAG GIS YANG DAG PAR BSTAN LAGS KYIS DE'I GAN DU
BZHUD CIG DANG, DES KHYOD LA GOS RUNG BA DUS SU SKON PAR 'GYUR
RO ZHES BRJOD PAR BYA'O, ,DGE SLONG GOS 'DOD PAS ZHAL TA BYED
PA'I

GAN DU SONG LA TSE DANG LDAN PA ZHAL TA BYED PA BDAG GOS 'DOD
DO, ,TSE DANG LDAN PA ZHAL TA BYED PA BDAG GOS 'DOD DO ZHES LAN
GNYIS LAN GSUM DU BSKUL BAR BYA, DRAN PAR BYA'O, ,LAN GNYIS LAN
GSUM DU BSKUL ZHING DRAN PAR BYAS PA NA GAL TE GOS DE GRUB NA DE
LTA NA LEGS,

GAL TE MA GRUB NA LAN BZHI LAN LNGA LAN DRUG GI BAR DU PHYOGS SU
CANG MI SMRA BAR BSDAD PAR BYA'O, ,LAN BZHI LAN LNGA LAN DRUG GI
BAR DU PHYOGS SU CANG MI SMRA BAR BSDAD PA NA, GAL TE GOS DE
GRUB NA DE LTA NA LEGS, GAL TE MA GRUB NA DE'I 'OG TU GOS BSGRUB
PA'I PHYIR

BTZAL TE GOS GRUB NA SPANG BA'I LTUNG BYED DO, ,GAL TE MA GRUB
NA PHYOGS GANG NAS GOS KYI RIN DE DAG 'ONGS PA DER BDAG 'GRO BAR
BYA'O, ,YANG NA YID BRTAN PA'I PHO NYA LAS TSE DANG LDAN PA DAG
GIS DGE SLONG CHE GE MO'I PHYIR GOS KYI RIN GANG DAG BSKUR BA DE
DAG NI DGE SLONG DE'I DON

CIR YANG MA GRUB KYIS SHES PAR GYIS SHIG  ,TSE DANG LDAN PA DAG
GIS RANG GI NOR CHUD MA GSAN CIG CES SPRING BAR BYA STE, DE LA
DE NI CHO GA YIN NO,, ,,SDOM LA, SRIN BAL 'BA' ZHIG CHA GNYIS
DANG, ,DRUG DANG MTHO GANG LAM DANG NI, ,'KHRU BA DANG NI GSER
DNGUL

DANG; ;MNGON MTSAN CAN DANG NYO TSONG NGO, ,YANG DGE SLONG GANG
SRIN BAL GYI STAN SAR PA BYED NA SPANG BA'I LTUNG BYED DO, ,YANG
DGE SLONG GANG LUG BAL NAG PO 'BA' ZHIG GI STAN SAR PA BYED NA
SPANG BA'I LTUNG BYED DO, ,DGE SLONG GIS STAN SAR PA BYED NA CHA
GNYIS NI LUG BAL NAG PO 'BA'

@10A *, ,ZHIG LAS GZHUG PAR BYA, GSUM PA NI DKAR PO LAS, BZHI PA
NI 'KHOB BAL LAS GZHUG PAR BYA'O, ,GAL TE DGE SLONG GIS CHA
GNYIS LUG BAL NAG PO 'BA' ZHIG LAS MA BCUG GAM, GSUM PA DKAR PO
LAS, BZHI PA NI 'KHOB BAL LAS MA BCUG PAR

STAN SAR PA BYED NA SPANG BA'I LTUNG BYED DO, ,DGE SLONG GIS
STAN SAR PA BYED NA MI 'DOD BZHIN DU LO DRUG TU BCANG BAR BYA'O,
,GAL TE DGE SLONG GIS LO DRUG TSUN CHAD DU STAN RNYING PA DE
SPANGS KYANG RUNG, MA SPANGS KYANG RUNG, STAN SAR PA GZHAN BYED
NA DGE 'DUN GYIS GNANG PA MA GTOGS

TE SPANG BA'I LTUNG BYED DO, ,DGE SLONG GIS GDING BA SAR PA BYED
NA SAR PA KHA DOG MI SDUG PAR BYA BA'I PHYIR GDING BA RNYING PA
BDE BAR GSHEGS PA'I MTHO GANG 'KHOR BAS GLAN PAR BYA'O, ,GAL TE
DGE SLONG GIS GDING BA SAR PA KHA DOG MI SDUG PAR BYA BA'I
PHYIR, GDING BA RNYING PA BDE

BAR GSHEGS PA'I MTHO GANG 'KHOR BAS MA KLAN PAR GDING BA SAR PA
SPYOD NA SPANG BA'I LTUNG BYED DO, ,DGE SLONG LAM DU ZHUGS PAS
LUG BAL DAG RNYED LA 'DOD NA DGE SLONG DES BLANG BAR BYA'O,
,BLANGS NAS KHYER BA MED NA DPAG TSAD GSUM GYI MTHA'I BAR DU
BDAG NYID KYIS BSKUR BAR BYA'O, ,

DE LAS 'DAS PAR KHYER NA SPANG BA'I LTUNG BYED DO, ,YANG DGE
SLONG GANG DGE SLONG MA NYE DU MA YIN PA LA LUG BAL 'KHRUR 'JUG
GAM, 'TSED DU 'JUG GAM, RMEL DU 'JUG NA SPANG BA'I LTUNG BYED
DO, ,YANG DGE SLONG GANG RANG GI LAG GIS GSER DANG, DNGUL LEN
TAM, LEN DU

'JUG NA SPANG BA'I LTUNG BYED DO, ,YANG DGE SLONG GANG MNGON
MTSAN CAN GYI SPYOD PA RNAM PA SNA TSOGS BYED NA SPANG BA'I
LTUNG BYED DO, ,YANG DGE SLONG GANG NYO TSONG RNAM PA SNA TSOGS
BYED NA SPANG BA'I LTUNG BYED DO,, ,,SDOM LA, LHUNG BZED GNYIS
DANG THA GA GNYIS, ,BYIN PHROGS

STON ZLA THA CHUNGS DANG, ,DGON BA PA DANG RAS CHEN DANG, ,BSDOS
PA DANG NI SOGS 'JOG GO, ,YANG DGE SLONG GIS LHUNG BZED LHAG MA
ZHAG BCUR BCANG BAR BYA'O, ,DE LAS 'DAS BAR 'CHANG NA SPANG BA'I
LTUNG BYED DO, ,YANG DGE SLONG GANG LHUNG BZED LHAN PA LNGA MED
PA SPYAD BZOD PA

@10B YOD BZHIN DU BZANG PO 'DOD PA'I PHYIR LHUNG BZED SAR PA
GZHAN TSOL ZHING LHUNG BZED GRUB NA SPANG BA'I LTUNG BYED DO,
,DGE SLONG DES LHUNG BZED DE DGE SLONG GI 'KHOR LA DBUL BAR
BYA'O, ,DGE SLONG GI 'KHOR DE'I LHUNG BZED THA MAR GYUR PA GANG
YIN PA DE DGE SLONG DE LA DGE SLONG KHYOD

KYIS LHUNG BZED 'DI BYIN GYIS BRLAB PAR MI BYA, GTANG BAR MI
BYA, GZHAN LA SBYIN PAR MI BYA BAR CHAG PA'I MTHAR THUG GI BAR
DU KHAD KYIS DAL BUS DAL BUS SPYAD PAR BYA'O ZHES SBYIN PAR BYA
STE, DE LA DE NI CHO GA YIN NO, ,YANG DGE SLONG GANG RANG GI LAG
GIS BSLANGS PA'I DOG PA

THA GA PA NYE DU MA YIN PA LA GOS 'THAG TU 'JUG NA GOS GRUB NA
SPANG BA'I LTUNG BYED DO, ,DGE SLONG GI PHYIR KHYIM BDAG GAM
KHYIM BDAG GI CHUNG MA NYE DU MA YIN PAS THA GA PA NYE DU MA YIN
PA LA GOS 'THAG TU BCUG PA LAS, DE LA GAL TE DGE SLONG DE LA
SNGAR MA BSTABS PAR RNAM PAR RTOG

PA 'GA' ZHIG BYUNG NAS THA GA PA NYE DU MA YIN PA'I GAN DU SONG
STE 'DI SKAD CES, TSE DANG LDAN PA THA GA PA SHES PAR GYIS SHIG
,GOS 'DI NI KHO BO'I PHYIR 'THAG GIS, TSE DANG LDAN PA THA GA PA
GOS 'DI ZHENG CHE BA DANG, KHRUN RING BA DANG, THAR GYIS ZHAG PA
DANG, THAGS RAN BZANG

BAR LEGS PAR GYIS SHIG  ,TSE DANG LDAN PA THA GA PA 'DI LTAR KHO
BOS GLA RNGAN 'DI LTA STE, BZA' BA'AM, BCA' BA TZAM MAM, BZA'
RGYU CUNG ZAD CIG SBYIN NO ZHES SMRAS NAS, DE LA GAL TE DGE
SLONG DES GOS BSGRUB PA'I PHYIR GLA RNGAN 'DI LTA STE, BZA'
BA'AM, BCA' BA

TZAM MAM, BZA' RGYU CUNG ZAD CIG SBYIN ZHING GOS GRUB NA SPANG
BA'I LTUNG BYED DO, ,YANG DGE SLONG GANG DGE SLONG LA GOS BYIN
NAS DE'I 'OG TU KHROS 'KHRUGS RNGAM PAR GYUR TE, YI MA RANGS NAS
'PHROG GAM, 'PHROG TU 'JUG CING DE LA 'DI SKAD CES, DGE SLONG
KHYOD LA GOS MI

SBYIN GYIS, PHYIR BYIN CIG CES ZER NA DGE SLONG DES LHAG MA YOD
BA PHYIR SBYIN PAR BYA ZHING BTANG NA SPANG BA'I LTUNG BYED DO,
,DGE SLONG GIS STON ZLA THA CHUNGS NYAR ZHAG BCUS MA TSANG BA
TSUN CHAD DU BRTAD PA LAS BYUNG BA'I GOS SHIG RNYED LA 'DOD NA
DGE SLONG DES GOS DE BLANG BAR BYA'O, ,BLANGS

@11A *, ,NAS GOS SBYIN PA'I DUS KYI BAR DU BCANG BAR BYA'O, ,DE
LAS 'DAS PAR BCANG NA SPANG BA'I LTUNG BYED DO, ,DGE SLONG RAB
TU MANG PO DAG GNAS MAL DGON PA DOGS PA DANG BCAS PAR GRAGS PA,
'JIGS PA DANG BCAS PAR GRAGS PA, 'JIGS PA THA DAD PAS

'JIGS SU RUNG BA DANG BCAS PAR GRAGS PA DAG TU DBYAR PHYI MAR
GYUR LA, DGE SLONG DGON PA PAS 'DOD NA CHOS GOS GSUM LA, CHOS
GOS GANG YANG RUNG BA KHYIM GZHAN DU GZHAG PAR BYA'O, ,DGE SLONG
DGON PA PA LA MTSAMS KYI PHYI ROL DU 'GRO DGOS PA DE LTA BU'I
RKYEN ZHIG

BYUNG NA DGE SLONG DGON PA PA DES ZHAG DRUG GI MTHA' TSUN CHAD
DU CHOS GOS DE DANG MTSAMS KYI PHYI ROL DU 'BRAL BAR BYA'O, ,DE
LAS 'DAS PAR 'BRAL NA SPANG BA'I LTUNG BYED DO, ,DGE SLONG RNAMS
KYIS SO GA RNAMS KYI ZLA BA GCIG LUS NA DBYAR GYI GOS RAS CHEN
BTZAL BAR BYA'O, ,DBYAR

ZAD NAS 'OG TU ZLA BA PHYED KYI BAR DU BCANG BAR BYA'O, ,GAL TE
DGE SLONG GIS SO GA RNAMS KYI ZLA BA GCIG LUS PA'I SNGON ROL DU
DBYAR GYI GOS RAS CHEN TSOL BAR BYED DAM, DBYAR ZAD NAS 'OG TU
ZLA BA PHYED LAS LHAG PAR 'CHANG NA SPANG BA'I LTUNG BYED DO,
,YANG DGE SLONG GANG DGE 'DUN

LA BSNGOS PA'I RNYED PA SHES BZHIN DU GANG ZAG BDAG LA SGYUR DU
'JUG NA SPANG BA'I LTUNG BYED DO, ,BCOM LDAN 'DAS KYIS DGE SLONG
NA BA RNAMS LA PHAN PA SO SOR BSTEN PAR BYA BA'I SMAN GANG DAG
BKA' STZAL PA 'DI LTA STE, ZHUN MAR DANG, 'BRU MAR DANG, SBRANG
RTZI DANG, BU RAM GYI

DBU BA DE DAG LAS DGE SLONG NA BAS 'DOD NA RANG GIS ZHAG BDUN
PAR BYIN GYIS BRLABS TE, SOGS 'JOG GIS YONGS SU LONGS SPYOD PAS
YONGS SU LONGS SPYAD PAR BYA'O, ,DE LAS 'DAS PAR YONGS SU LONGS
SPYOD PAR BYED NA SPANG BA'I LTUNG BYED DO, ,TSE DANG LDAN PA
DAG BDAG

GIS SPANG BA'I LTUNG BYED KYI CHOS SUM BCU PO DAG BTON ZIN TO,
,DE LA BDAG GIS TSE DANG LDAN PA DAG LA CI 'DI LA KHYED YONGS SU
DAG GAM ZHES DRI'O, ,CI 'DI LA KHYED YONGS SU DAG GAM ZHES LAN
GNYIS LAN GSUM DU DRI'O, ,'DI LA TSE DANG LDAN PA DAG YONGS SU
DAG NA 'DI LTAR

@11B CANG MI SMRA BAS DE DE BZHIN DU 'DZIN TO,, ,,BAM PO GNYIS
PA STE THA MA'O, ,SPYI SDOM LA, SHES BZHIN DANG NI SA BON DANG,
,MA BSKOS PA DANG YANG YANG DANG, ,CHU DANG KHYIM DANG BSAMS
BZHIN DANG, ,'GRON MANG RKUN MA MCHOD STON NO, ,SDOM LA, BRDZUN

SKYON DGE SLONG PHRA MA DANG, ,SKYO SNGOGS BYED DANG STON PA
DANG, ,'DON DANG GNAS NGAN LEN DANG CHOS, ,BSHES NGOR BYED DANG
KHYAD DU GSOD, ,TSE DANG LDAN PA DAG LTUNG BYED KYI CHOS DGU BCU
PO 'DI DAG NI ZLA BA PHYED PHYED CING SO SOR THAR PA'I MDO GDON
PA LAS 'BYUNG NGO, ,SHES BZHIN DU

BRDZUN SMRA NA LTUNG BYED DO, ,MI'I SKYON NAS SMRA NA LTUNG BYED
DO, ,DGE SLONG LA PHRA MA BYED NA LTUNG BYED DO, ,YANG DGE SLONG
GANG DGE 'DUN MTHUN PAS CHOS BZHIN DU RTZOD PA SBYANGS PAR SHES
BZHIN DU YANG LAS KYIS SKYO SNGOGS BYED NA LTUNG BYED DO, ,YANG
DGE SLONG GANG BUD MED KYI YUL LA TSIG

LNGA'AM DRUG LAS LHAG PAR CHOS STON NA RIG PA'I SKYES PA MA
GTOGS TE LTUNG BYED DO, ,YANG DGE SLONG GANG GANG ZAG BSNYEN PAR
MA RDZOGS PA DANG TSIG GIS CHOS 'DON NA LTUNG BYED DO, ,YANG DGE
SLONG GANG GANG ZAG BSNYEN PAR MA RDZOGS PA LA GNAS NGAN LEN GYI
LTUNG BA BRJOD NA DGE 'DUN GYIS

GNANG BA MA GTOGS TE LTUNG BYED DO, ,YANG DGE SLONG GANG GANG
ZAG BSNYEN PAR MA RDZOGS PA LA MI'I CHOS BLA MA BDEN PA SMRA NA
LTUNG BYED DO, ,YANG DGE SLONG GANG SNGAR LEGS PAR RUNG BAR BYAS
NAS DE'I 'OG TU 'DI SKAD CES, TSE DANG LDAN PA DAG GIS 'DI LTAR
BSHES NGOR BYAS TE, DGE

'DUN GYI RNYED PAR BSNGOS PA BDAG GI GANG ZAG LA BSNGOS SO ZHES
ZER NA LTUNG BYED DO, ,YANG DGE SLONG GANG ZLA BA PHYED PHYED
CING SO SOR THAR PA'I MDO GDON PA 'DON PA NA 'DI SKAD CES, TSE
DANG LDAN PA DAG GANG DAG GIS DGE SLONG RNAMS 'GYOD PA DANG, YID
LA GCAGS PA DANG, GNOD PAR

'GYUR BA BSLAB PA'I GZHI PHRAN TSEGS RAB TU PHRA BA 'DI DAG GIS
ZLA BA PHYED PHYED CING SO SOR THAR PA'I MDO GDON PA BTON PA DAG
GIS CI ZHIG BYA ZHES ZER ZHING BSLAB PA KHYAD DU GSOD NA LTUNG
BYED DO,, ,,SDOM LA, SA BON 'PHYA BA BSGO BA DANG, ,KHRI DANG
GDING DANG SKROD PA DANG, ,

@12A *, ,PHYIS GNON 'BYUNG BA 'DEBS PA DANG, ,RIM PA GNYIS SU
RTZIG PA'O, ,SA BON GYI TSOGS DANG 'BYUNG PO'I GNAS 'JIG GAM
'JIG TU 'JUG NA LTUNG BYED DO, ,'PHYA'AM GZHOGS PHYAS BYED NA
LTUNG BYED DO, ,BSGO BA RNA LA GZON NA LTUNG BYED DO, ,YANG DGE
SLONG GANG DGE

'DUN GYI KHRI'AM, KHRI'U'AM, STAN NANG TSANGS CAN NAM, LA BA'AM,
SNGAS SAM, GOR BU BLA KHAB MED PAR BTING NGAM, 'DING DU BCUG NAS
MA BSDUS SAM, SDUD DU MA BCUG GAM, DGE SLONG 'KHOD PA LA MA BCOL
BAR DE NAS SONG NA DE 'DRA BA'I RKYEN MA GTOGS TE LTUNG BYED DO,
,

YANG DGE SLONG GANG DGE 'DUN GYI GTZUG LAG KHANG DU RTZVA'I
GDING PA'AM, LO MA'I GDING BA BTING NGAM, 'DING DU BCUG NAS MA
BSDUS SAM, SDUD DU MA BCUG GAM, DGE SLONG 'KHOD PA LA MA BCOL
BAR DE NAS SONG NA DE 'DRA BA'I RKYEN MA GTOGS TE LTUNG BYED DO,
,YANG DGE SLONG GANG

KHROS 'KHRUGS RNGAM PAR GYUR TE YI MA RANGS NAS DGE 'DUN GYI
GTZUG LAG KHANG NAS DGE SLONG SKROD DAM, SKROD DU 'JUG NA DE
'DRA BA'I RKYEN MA GTOGS TE LTUNG BYED DO, ,YANG DGE SLONG GANG
DGE 'DUN GYI GTZUG LAG KHANG NA DGE SLONG DAG SNGA NA 'KHOD PAR
SHES BZHIN DU PHYIS 'ONGS NAS SU LA

GNOD PA DE 'GRO BAR 'GYUR BA DE NYID RKYEN DU BYAS TE, PHYIS
GNON BYAS TE STAN LA NYAL LAM 'DUG NA LTUNG BYED DO, ,YANG DGE
SLONG GANG DGE 'DUN GYI GTZUG LAG KHANG GI STENG GI NAM MKHA' LA
THOG BOR BAR KHRI'AM, KHRI'U RTZA BA 'BYUNG BAR SHES BZHIN DU
LCID KYIS PHAB STE NYAL LAM

'DUG NA LTUNG BYED DO, ,YANG DGE SLONG GANG SHES BZHIN DU SROG
CHAGS DANG BCAS PA'I CHUS RTZVA'AM, LCI BA'AM, SA LA 'DEBS SAM,
'DEBS SU 'JUG NA LTUNG BYED DO, ,DGE SLONG GIS GTZUG LAG KHANG
CHEN PO ZHIG RTZIG TU 'JUG NA SGO'I SBUBS DANG, GTAN PA DANG,
SNANG

BA'I GNAS JI TZAM PA'I 'DU SHES KYIS SA BRTAGS PA NAS BZUNG STE,
PHA GU'I RIM PA 'JIM PA DANG BCAS PA GNYIS SAM GSUM BRTZIG PAR
BYA'O, ,DE LAS LHAG PAR RTZIG NA LTUNG BYED DO,, ,,SDOM LA, MA
BSKOS NYI MA NUB PA DANG, ,ZAS DANG CHOS GOS GNYIS

@12B DAG DANG, ,DON MTHUN GRUB DANG DBEN PA GNYIS, ,DGE SLONG MA
YIS SBYOR BCUG PA'O, ,YANG DGE SLONG GANG DGE 'DUN GYIS MA BSKOS
PAR DGE SLONG MA LA CHOS STON NA, CHOS 'DI LTA BU DANG LDAN PA
MA GTOGS TE LTUNG BYED DO, ,DGE SLONG GANG DGE 'DUN GYIS BSKOS
KYANG NYI MA NUB

KYI BAR DU DGE SLONG MA LA CHOS STON NA LTUNG BYED DO, ,YANG DGE
SLONG GANG DGE SLONG RNAMS LA 'DI SKAD CES, DGE SLONG DAG ZAS
CUNG ZAD TZAM GYI PHYIR DGE SLONG MA LA STON TO ZHES ZER NA
LTUNG BYED DO, ,YANG DGE SLONG GANG DGE SLONG MA NYE DU MA YIN
PA LA GOS BYIN NA LTUNG BYED DO, ,YANG DGE

SLONG GANG DGE SLONG MA NYE DU MA YIN PA'I GOS BYED NA LTUNG
BYED DO, ,YANG DGE SLONG GANG DGE SLONG MA'I DON MTHUN DANG LHAN
CIG 'THAMS NAS 'GRON LAM DU 'JUG NA DUS MA GTOGS TE LTUNG BYED
DO, ,DE LA DUS NI 'DI YIN TE, LAM DON MTHUN GYIS BGROD PAR BYA
BA DOGS PA DANG

BCAS PAR GRAGS PA, 'JIGS PA DANG BCAS PAR GRAGS PA, 'JIGS PA THA
DAD PAS 'JIGS SU RUNG BA DANG BCAS PAR GRAGS PA ZHIG NA DE LA DE
NI DUS YIN NO, ,YANG DGE SLONG GANG DGE SLONG MA'I DON MTHUN
DANG LHAN CIG 'THAMS NAS GRU GCIG TU 'JUG CING GYEN DU 'GRO'AM,
THUR

DU 'GRO NA THAD KAR PHA ROL DU 'GRO BA MA GTOGS TE LTUNG BYED
DO, ,YANG DGE SLONG GANG BUD MED KYI YUL DANG LHAN CIG GCIG PU
GCIG DANG DBEN PA SKYABS YOD PA NA STAN LA 'DUG NA LTUNG BYED
DO, ,YANG DGE SLONG GANG DGE SLONG MA DANG LHAN CIG GCIG PU GCIG
DANG DBEN PA SKYABS YOD

PA NA 'GRENG NA LTUNG BYED DO, ,YANG DGE SLONG GANG SHES BZHIN
DU DGE SLONG MAS SBYOR DU BCUG PA'I ZAS ZA NA SNGAR KHYIM DU BOS
PA MA GTOGS TE LTUNG BYED DO,, ,,SDOM LA, YANG YANG DANG NI 'DUG
GNAS GCIG  ,PHYE DANG BCA' DANG STOBS PA DANG, ,'DUS DANG DUS

MIN SOGS 'JOG DANG, ,KHA NAS MID DANG BSOD PA NYID, ,YANG YANG
ZAN DUS MA GTOGS TE LTUNG BYED DO, ,DE LA DUS NI 'DI YIN TE, NA
BA DUS SO, ,LAS DUS SO, ,LAM DUS SO, ,GOS SBYIN PA'I TSE DUS TE,
DE LA DE NI DUS YIN NO, ,'DUG GNAS GCIG TU ZHAG

@13A *, ,LON PA'I DGE SLONG MIN BAS BSOD SNYOMS GCIG BZA' BAR
BYA'O, ,DE LAS LHAG PAR BZA' NA LTUNG BYED DO, ,DGE SLONG RAB TU
MANG PO DAG KHYIM RNAMS SU DONG BA LAS, GAL TE DE DAG LA BRAM ZE
DANG, KHYIM BDAG DAD PA CAN DAG GIS PHYE DANG KHUR BA DAG DUS

KYIS STOBS BAR GYUR LA, 'DOD NA DGE SLONG DE DAG GIS LHUNG BZED
GANG BA GNYIS SAM GSUM BLANG BAR BYA'O, ,DE LAS LHAG PAR LEN NA
LTUNG BYED DO, ,LHUNG BZED GANG BA GNYIS SAM GSUM BLANGS NAS
PHYI ROL KUN DGA' RA BAR SONG LA, DGE SLONG 'KHOD PA RNAMS LA
YANG BGO

BSHA' BYA, BDAG CAG KYANG BZA' BAR BYA STE, DE LA DE NI CHO GA
YIN NO, ,YANG DGE SLONG GANG ZAS ZOS ZIN CING SPANGS PA LAS LHAG
POR MA BYAS PAR BCA' BA'AM BZA' BA 'CHA' 'AM ZA NA LTUNG BYED
DO, ,YANG DGE SLONG GANG SHES BZHIN DU DGE SLONG ZAS ZOS ZIN
CING SPANGS PA LA

SKABS TSOL ZHING CI NAS KYANG DGE SLONG 'DI NYES PA 'BYUNG BAR
BYA'O SNYAM PA DE NYID RKYEN DU BYAS NAS, TSE DANG LDAN PA 'DI
'CHO ZHIG 'DI ZO ZHIG CES LHAG POR MA BYAS PA'I BCA' BA DANG
BZA' BA DUS KYIS STOBS NA LTUNG BYED DO, ,'DUS SHING ZA NA DUS
MA GTOGS TE LTUNG BYED DO, ,DE LA DUS

NI 'DI YIN TE, NA BA DUS SO, ,LAS DUS SO, ,LAM DUS SO, ,GRUR
ZHUGS PA DANG, 'DUS PA CHEN PO DANG, DGE SBYONG GI ZAS DUS TE DE
LA DE NI DUS YIN NO, ,YANG DGE SLONG GANG DUS MA YIN PAR BCA'
BA'AM, BZA' BA 'CHA' BA'AM ZA NA LTUNG BYED DO, ,YANG DGE SLONG
GANG

BCA' BA DANG BZA' BA SOGS 'JOG BYAS PA 'CHA' 'AM ZA NA LTUNG
BYED DO, ,YANG DGE SLONG GANG MA BYIN PAR KHA NAS MID ? PA'I ZAS
ZA NA CHU DANG SO SHING MA GTOGS TE LTUNG BYED DO, ,BCOM LDAN
'DAS KYIS DGE SLONG RNAMS KYI ZAS BSOD PA GANG DAG GSUNGS PA 'DI
LTA STE, 'O MA DANG, ZHO

DANG, MAR DANG, NYA SHA DANG, SHA DANG, SHA SKAM DAG STE, DGE
SLONG MI NA BAR BDAG NYID KYI PHYIR ZAS BSOD PA DE LTA BU DAG
GZHAN GYI KHYIM DAG NAS BSLANGS TE 'CHA' 'AM ZA NA LTUNG BYED
DO,, ,,SDOM LA, SROG CHAGS BCAS DANG NYAL SAR 'DUG  ,'GRENG DANG
GCER

@13B BU DMAG DANG NI, ,ZHAG GNYIS BSHAM DKRUG 'GRO BA DANG,
,RDEG DANG GZAS DANG GNAS NGAN LEN, ,YANG DGE SLONG GANG SHES
BZHIN DU SROG CHAGS DANG BCAS PA'I CHU LA SPYOD NA LTUNG BYED
DO, ,YANG DGE SLONG GANG SHES BZHIN DU NYAL PO BYED PAR SHOM
PA'I KHYIM DU PHYIS GNON BYAS TE

STAN LA 'DUG NA LTUNG BYED DO, ,YANG DGE SLONG GANG SHES BZHIN
DU NYAL PO BYED PAR SHOM PA'I KHYIM DU DBEN PA SKYABS YOD PAR
'GRENG NA LTUNG BED DO, ,YANG DGE SLONG GANG GCER BU PA'AM, GCER
BU MA KUN DU RGYU BA'AM, KUN DU RGYU MO LA RANG GI LAG NAS BCA'
BA'AM BZA' BA BYIN NA

LTUNG BYED DO, ,YANG DGE SLONG GANG DMAG CHAS PA LA LTAR 'GRO NA
LTUNG BYED DO, ,YANG DGE SLONG GANG DMAG CHAS PA LA LTAR 'GRO BA
DE LTA BU'I RKYEN ZHIG BYUNG NA, DGE SLONG DES DMAG DE'I NANG DU
ZHAG GNYIS TSUN CHAD GNAS PAR BYA'O, ,DE LAS LHAG PAR GNAS NA
LTUNG BYED DO, ,DGE

SLONG ZHAG GNYIS DMAG DE'I NANG NA GNAS PA'I TSE NA YANG GAL TE
BSHAMS PA DKRUG TU 'GRO'AM, RGYAL MTSAN GYI MCHOG GAM, DPUNG GI
MCHOG GAM, G-YUL BSHAMS PA'I DMAG LA LTA BA NYAMS SU MYONG BAR
BYED NA LTUNG BYED DO, ,YANG DGE SLONG GANG KHROS 'KHRUGS RNGAM
PAR

GYUR TE, YI MA RANGS NAS DGE SLONG LA RDEG NA LTUNG BYED DO,
,YANG DGE SLONG GANG KHROS 'KHRUGS RNGAM PAR GYUR TE, YI MA
RANGS NAS DGE SLONG LA BRDEG PAR GZAS NA THA NA THAL MOS KYANG
RUNG STE LTUNG BYED DO, ,YANG DGE SLONG GANG SHES BZHIN DU DGE
SLONG GI GNAS NGAN LEN GYI LTUNG

BA 'CHAB NA LTUNG BYED DO,, ,,SDOM LA, BDE DANG ME DANG 'DUN PA
DANG, ,BSNYEN PAR MA RDZOGS CHOS DANG SMRA, ,DGE TSUL KHA DOG
BSGYUR BA DANG, ,RIN PO CHE DANG TSA BA'I DUS, ,YANG DGE SLONG
GANG KLAN KA TSOL ZHING CI NAS KYANG DGE SLONG 'DI LA KLAN KA
BTZAL BAR 'GYUR

RO SNYAM PA DE NYID RKYEN DU BYAS TE, DGE SLONG LA 'DI SKAD CES,
TSE DANG LDAN PA TSUR SHOG  ,KHYIM DAG TU 'DONG DANG DER KHYOD
LA BCA' BA DANG, BZA' BA BSOD PA CI TZAM 'DOD PA SBYIN DU GZHUG
GO ZHES SMRAS NAS DES DE LA SBYIN DU MA BCUG PAR DE'I 'OG TU 'DI
SKAD CES, TSE DANG

@14A *, ,LDAN PA KHO BO LA KHYOD DANG LHAN CIG SMRA BA'AM, 'DUG
PA BDE BA MA YIN GYI, 'DI LTAR KHO BO GCIG PU KHO NA SMRA'AM,
'DUG NA BDES KHYOD NYID SONG SHIG CES ZER NA LTUNG BYED DO,
,YANG DGE SLONG GANG MIN BAR BDAG NYID KYI PHYIR ME LA REG GAM,
REG TU 'JUG

NA LTUNG BYED DO, ,YANG DGE SLONG GANG DGE 'DUN GYI BYA BA CHOS
DANG LDAN PA LA DGE SLONG LA 'DUN PA PHUL NAS, DE'I 'OG TU KHROS
'KHRUGS RNGAM PAR GYUR TE, YI MA RANGS NAS SPONG BA'I CHOS SU
BYED CING 'DI SKAD CES, DGE SLONG 'DUN PA PHYIR BYIN CIG  ,KHYOD
PA MI SBYIN NO ZHES ZER NA

LTUNG BYED DO, ,YANG DGE SLONG GANG GANG ZAG BSNYEN PAR MA
RDZOGS PA DANG LHAN CIG NUB GNYIS LAS LHAG PAR GNAS GCIG TU NYAL
NA LTUNG BYED DO, ,YANG DGE SLONG GANG 'DI SKAD CES, 'DI LTAR
BCOM LDAN 'DAS KYIS BAR DU GCOD PA'I CHOS SU GSUNGS PA GANG DAG
GIS YIN PA DE

DAG BSTEN KYANG BAR DU GCOD PAR MI 'GYUR TE, DE LTAR BCOM LDAN
'DAS KYIS CHOS BSTAN PA BDAG GIS SHES SO ZHES ZER NA, DGE SLONG
DE LA DGE SLONG RNAMS KYIS 'DI SKAD CES, TSE DANG LDAN PA KHYOD
'DI LTAR BCOM LDAN 'DAS KYIS BAR DU GCOD PA'I CHOS SU GSUNGS PA
GANG

DAG YIN PA DE DAG BSTEN KYANG BAR DU GCOD PAR MI 'GYUR TE, DE
LTAR BCOM LDAN 'DAS KYIS CHOS BSTAN PA BDAG GIS SHES SO ZHES DE
SKAD CES MA ZER CIG  ,BCOM LDAN 'DAS LA SKUR PA MA 'DEBS SHIG
,BCOM LDAN 'DAS LA SKUR PAS LEGS PAR MI 'GYUR RO, ,BCOM

LDAN 'DAS NI DE SKAD MI GSUNG NGO, ,TSE DANG LDAN PA BAR DU GCOD
PA'I CHOS RNAMS NI BAR DU GCOD PA NYID DO ZHES BCOM LDAN 'DAS
KYIS RNAM GRANGS DU MAR GSUNGS TE, DE DAG BSTEN NA BAR DU GCOD
PAR 'GYUR GYIS, TSE DANG LDAN PA KHYOD SDIG PA CAN GYI LTA BA'I
RNAM PA 'DI LTA BU THONG

SHIG CES BSGO BAR BYA'O, ,DGE SLONG DE LA DGE SLONG RNAMS KYIS
DE SKAD BSGO BA NA GAL TE GZHI DE GTONG NA DE LTA NA LEGS, GAL
TE MI GTONG NA GZHI DE GTANG BAR BYA BA'I PHYIR LAN GNYIS LAN
GSUM DU YANG DAG PAR BSGO BAR BYA, YANG DAG PAR BSTAN PAR BYA'O,
,LAN GNYIS

@14B LAN GSUM DU YANG DAG PAR BSGO, YANG DAG PAR BSTAN PA NA
GZHI DE GTONG NA DE LTA NA LEGS, GAL TE MI GTONG NA LTUNG BYED
DO, ,YANG DGE SLONG GANG SHES BZHIN DU DE SKAD ZER BA'I GANG ZAG
CHOS BZHIN DU MA BYAS PA SDIG PA CAN GYI LTA BA'I RNAM PA DE MA
SPANGS PA DANG GTAM 'DRE

BAR BYED, PHEBS PAR SMRA BAR BYED, KUN DU GNAS PAR BYED, KUN DU
LONGS SPYOD PAR BYED CING, DE DANG LHAN CIG GNAS GCIG TU NYAL
NA'ANG LTUNG BYED DO, ,DGE TSUL ZHIG KYANG 'DI SKAD CES, JI LTAR
BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS
PA

GANG DAG YIN PA DE DAG BSTEN KYANG BAR DU GCOD PAR MI 'GYUR TE,
DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES
ZER NA, DGE TSUL DE LA DGE SLONG RNAMS KYIS 'DI SKAD CES, DGE
TSUL KHYOD JI LTAR BCOM LDAN 'DAS KYIS 'DOD PA DAG NI BAR DU
GCOD PA'O

ZHES GSUNGS PA GANG YIN PA DE DAG BSTEN KYANG BAR DU GCOD PAR MI
'GYUR TE, DE LTAR BCOM LDAN 'DAS KYIS CHOS BSTAN PA BDAG GIS
SHES SO ZHES DE SKAD MA ZER CIG  ,BCOM LDAN 'DAS LA SKUR PA MA
'DEBS SHIG  ,BCOM LDAN 'DAS LA SKUR PAS LEGS PAR MI 'GYUR RO, ,

BCOM LDAN 'DAS NI DE SKAD MI GSUNG NGO, ,TSE DANG LDAN PA DGE
TSUL 'DOD PA BAR DU GCOD PA RNAMS NI BAR DU GCOD PA NYID DO ZHES
BCOM LDAN 'DAS KYIS RNAM GRANGS DU MAR GSUNGS TE, DE DAG BSTEN
NA BAR DU GCOD PAR 'GYUR GYIS, DGE TSUL KHYOD SDIG PA CAN GYI
LTA BA'I RNAM

PA 'DI LTA BU 'DI THONG SHIG CES BSGO BAR BYA'O, ,DGE TSUL DE LA
DGE SLONG RNAMS KYIS DE SKAD BSGO BA NA GAL TE GZHI DE GTONG NA
DE LTA NA LEGS, GAL TE MI GTONG NA GZHI DE GTANG BAR BYA BA'I
PHYIR LAN GNYIS LAN GSUM DU YANG DAG PAR BSGO BAR BYA, YANG DAG
PAR BSTAN PAR

BYA'O, ,LAN GNYIS LAN GSUM DU YANG DAG PAR BSGO, YANG DAG PAR
BSTAN PA NA GZHI DE GTONG NA DE LTA NA LEGS, GAL TE MI GTONG NA
DGE TSUL DE LA DGE SLONG RNAMS KYIS DENG PHYIN CHAD DGE TSUL
KHYOD BCOM LDAN 'DAS DE BZHIN GSHEGS PA DGRA BCOM PA YANG DAG
PAR RDZOGS

@15A *, ,PA'I SANGS RGYAS DE LA STON PA'O ZHES MA ZER CIG
,TSANGS PA MTSUNGS PAR SPYAD PA MKHAS PA BLA MA'I GNAS LTA BU
GANG YANG RUNG BA'I PHYE BZHIN DU YANG MA 'GRO ZHIG  ,DGE SLONG
RNAMS DANG DGE TSUL LHAN CIG NUB GNYIS TSUN CHAD GNAS GCIG TU
NYAL DU DBANG BA GANG YIN

PA DE YANG DENG PHYIN CHAD KHYOD LA MED DE, MI GTI MUG CAN KHYOD
BSNYIL GYIS GZHAN DU SONG SHIG CES BSGO BAR BYA'O, ,YANG DGE
SLONG GANG SHES BZHIN DU DE LTAR BSNYIL BA'I DGE TSUL NYE BAR
'JOG PAR BYED DAM, NYE BAR STEN PAR BYED DAM, DE DANG LHAN CIG
GNAS GCIG TU NYAL NA

LTUNG BYED DO, ,DGE SLONG GIS GOS SAR PA ZHIG RNYED NA KHA
BSGYUR BA GSUM PO SNGON PO'AM, DMAR PO'AM NGUR SMRIG LAS GANG
YANG RUNG BAS KHA BSGYUR BAR BYA'O, ,GAL TE DGE SLONG GIS GOS
SAR PA KHA BSGYUR BA GSUM PO SNGON PO'AM, DMAR PO'AM, NGUR SMRIG
LAS GANG YANG RUNG

BAR KHA MA BSGYUR BAR LONGS SPYOD NA LTUNG BYED DO, ,YANG DGE
SLONG GANG RIN PO CHE'AM, RIN PO CHER SMOS PA RANG GI LAG GIS
LEN TAM, LEN DU 'JUG NA KUN DGA' RA BAR GTOGS PA NA 'DUG PA'AM,
GNAS KHANG DU GTOGS PA NA 'DUG PA MA GTOGS TE LTUNG BYED DO,
,DGE SLONG

GIS KUN DGA' RA BAR GTOGS PA'AM, GNAS KHANG DU GTOGS PA NA RIN
PO CHE'AM, RIN PO CHER SMOS PA 'DUG PA LA 'DI SU'I YIN PA DE LEN
PAR 'GYUR GRANG SNYAM PA DE LTA BU'I SEMS KYIS BLANG BAR BYA
STE, DE LA DE NI CHO GA YIN NO, ,BCOM LDAN 'DAS KYIS ZLA BA
PHYED CING KHRUS

BYA BAR GSUNGS PA DE LAS 'DUMS PAR BYED NA DUS MA GTOGS TE LTUNG
BYED DO, ,DE LA DUS NI 'DI YIN TE, SO GA RNAMS KYI ZLA BA LHAG
MA PHYED DANG GNYIS DANG, DBYAR RNAMS KYI DANG PO ZLA BA PHYED
DANG GSUM PO DE DAG NI TSA BA'I DUS SO, ,LHAG MA NI NA BA DUS
SO, ,LAS DUS SO, ,LAM

DUS SO, ,RLUNG DUS SO, ,CHAR DUS SO, ,RDZI CHAR DUS TE, DE LA DE
NI DUS YIN NO,, ,,SDOM LA, DUD 'GRO 'GYOD PA SOR MO DANG, ,RTZE
DANG LHAN CIG SNGAGS BYED DANG, ,SBED DANG RDENG MED GZHI MED
DANG, ,SKYES PA MED PAR LAM 'GRO BA'O, ,YANG DGE SLONG GANG

@15B BSAMS BZHIN DU DUD 'GRO'I SKYE GNAS SU GTOGS PA'I SROG
CHAGS GSOD NA LTUNG BYED DO, ,YANG DGE SLONG GANG BSAMS BZHIN DU
CI NAS KYANG, DGE SLONG 'DI YUD TZAM ZHIG KYANG BDE BA LA MI REG
PAR BYA'O SNYAM PA DE NYID RKYEN DU BYAS TE, DGE SLONG LA 'GYOD
PA SKYED NA LTUNG BYED DO, ,

SOR MOS GAG TSIL BYED NA LTUNG BYED DO, ,TSUUL RTZE NA LTUNG
BYED DO, ,YANG DGE SLONG GANG BUD MED KYI YUL DANG LHAN CIG GNAS
SU NYAL NA LTUNG BYED DO, ,YANG DGE SLONG LA SNGANGS PAR BYED
DAM, SNGANGS PAR BYED DU 'JUG NA THA NA BZHAD GANG BYA BAR BSAMS
KYANG RUNG STE

LTUNG BYED DO, ,YANG DGE SLONG GANG DGE SLONG NGAM, DGE SLONG
MA'AM, DGE SLONG MA'AM, DGE TSUL LAM, DGE TSUL MA'I LTUNG BZED
DAM, CHOS GOS SAM, DRA BA'AM, PHOR BU'AM,, SKA RAGS SAM, DGE
SBYONG GI 'TSO BA'I YO BYAD GANG YANG RUNG BA SBED DAM, SBED

DU 'JUG NA DE 'DRA BA'I RKYEN MA GTOGS TE LTUNG BYED DO, ,YANG
DGE SLONG GANG DGE SLONG LA GOS BYI NA NAS, DE'I 'OG TU RDENG
MED PAR SPYOD NA LTUNG BYED DO, ,YANG DGE SLONG GANG KHROS SHING
ZHES SDANG BAR GYUR NAS, DGE SLONG DAG PA LTUNG BA MED PA LA
GZHI MED PAR DGE 'DUN LHAG MA'I

CHOS KYIS SKUR NA LTUNG BYED DO, ,YANG DGE SLONG GANG SKYES PA
MED PAR BUD MED DANG LHAN CIG 'GRO NA LAM DU 'GRO NA THA NA
GRONG BAR DU YANG RUNG STE LTUNG BYED DO,, ,,SDOM LA, RKU DANG
NYI SHU MA LON DANG, ,RKO DANG MGRON DANG BSLAB PA DANG, ,'THAB
DANG MI SMRA 'GRO BA DANG, ,

MI GUS CHANG 'THUNG DUS MIN PA'O, ,YANG DGE SLONG GANG DON MTHUN
DU RKUN MA DANG LHAN CIG 'GRON LAM DU 'GRO NA THA NA GRONG BAR
DU YANG RUNG STE LTUNG BYED DO, ,YANG DGE SLONG GANG GANG ZAG LO
NYI SHU MA LON PA DGE SLONG GI DNGOS POR BSNYEN PAR RDZOGS PAR
BYED NA LTUNG BYED DO, ,GANG ZAG

DE YANG BSNYEN PAR RDZOGS PAR MI 'GYUR LA, DGE SLONG DE DAG
KYANG SMAD PAR 'GYUR BA YIN TE, DE LA DE NI CHO GA YIN NO, ,YANG
DGE SLONG GANG RANG GI LAG GIS SA RKO 'AM RKOR 'JUG NA LTUNG
BYED DO, ,DGE SLONG GIS ZLA BA BZHIR MGRON DU BOS PA BDAG GIR
BYA'O, ,DE LAS LHAG PA

@16A *, ,BDAG GIR BYED NA LTUNG BYED DO, ,SO SOR MGRON DU BOS PA
DANG, YANG DANG YANG MGRON DU BOS PA DANG, DUS KYIS MGRON DU BOS
PA DANG, RTAG TU MGRON DU BOS PA NI MA GTOGS TE DE LA DE NI DUS
YIN NO, ,YANG DGE SLONG GANG DGE SLONG RNAMS KYIS TSE DANG LDAN
PA

KHYOD KYIS BSLAB PA 'DI LA BSLAB PAR BYA'O ZHES BSGO BA NA DE
DAG LA 'DI SKAD CES, BDAG DGE SLONG MDO SDE 'DZIN PA DANG, 'DUL
BA 'DZIN PA DANG, MA MO 'DZIN PA RNAMS LA 'DRI BA'I BAR DU BYIS
PA RMONGS PA MI GSAL BA MI MKHAS PA KHYED KYI TSIG GIS BSLAB PA
'DI LA MI SLOB BO ZHES ZER NA

LTUNG BYED DO, ,DGE SLONG KUN SHES PAR 'DOD PAS KYANG BSLAB PA
'DI LA BSLAB PAR BYA'O, ,DGE SLONG MDO SDE 'DZIN PA DANG, 'DUL
BA 'DZIN PA DANG, MA MO 'DZIN PA RNAMS LA YANG DRI BAR BYA STE,
DE LA DE NI CHO GA YIN NO, ,YANG DGE SLONG GANG DGE SLONG RNAMS
'THAB PAR GYUR, MTSANG

'DRU BAR GYUR, MI MTHUN PAR GYUR, RTZOD PAR GYUR CING 'KHOD PA
LAS, DGE SLONG 'DI DAG JI SKAD ZER BA DE BDAG GIS MNYAN TE, DE
DE LTAR RJES SU THA SNYAD GDAGS PAR BYA'O SNYAM PA DE NYID RKYEN
DU BYAS TE, CANG MI SMRA BAR NYAN RNAS 'DUG NA LTUNG BYED DO,
,YANG DGE SLONG GANG

DGE 'DUN GYI CHOS DANG LDAN PA'I GTAM RNAM PAR GTAN LA 'BEBS PA
BYUNG BA NA, CANG MI SMRA BAR STAN LAS LANGS TE 'GRO ZHING DGE
SLONG 'DUG PA LA MI SMRA NA, DE 'DRA BA'I RKYEN MA GTOGS TE
LTUNG BYED DO, ,GUS PAR MI BYED NA LTUNG BYED DO, ,'BRU'I CHANG
DANG, BCOS PA'I CHANG MYOS

PAR 'GYUR BA 'THUNG NA LTUNG BYED DO, ,YANG DGE SLONG GANG DUS
MA YIN PAR GRONG DU 'JUG CING DGE SLONG 'DUG PA LA MI SMRA NA,
DE 'DRA BA'I RKYEN MA GTOGS TE LTUNG BYED DO,, ,,SDOM LA, ZAS
BCAS SKYA RENGS DA GDOD DANG, ,KHAB RAL DANG NI KHRI RKANG DANG,
,BDAL DANG GDING

DANG G-YEN PA DANG, ,RAS CHEN BDE GSHEGS CHOS GOS SO, ,YANG DGE
SLONG GANG ZAS DANG BCAS PA'I KHYIM DU MGRON DU BOS NAS SNGA DRO
DANG PHYI DRO KHYIM DAG TU RGYU ZHING KHYIM PA 'DUG PA LA MI
BSGO NA, DE 'DRA BA'I RKYEN MA GTOGS TE LTUNG BYED DO, ,YANG DGE
SLONG GANG NAM MA NANGS SKYA

@16B RENGS MA SHAR BAR RIN PO CHE DAG GAM, RIN PO CHER SMOS PA
DAG MA BSDUS PAR RGYAL PO RGYAL RIGS SPYI BOR DBANG BSKUR BA'I
SGO GTAN NAM, SGO GTAN GYI NYE 'KHOR LAS 'DAS NA DE 'DRA BA'I
RKYEN MA GTOGS TE LTUNG BYED DO, ,YANG DGE SLONG GANG ZLA BA
PHYED PHYED CING SO SOR THAR PA'I MDO

GDON PA 'DON PA'I TSE 'DI SKAD CES, TSE DANG LDAN PA DAG 'DI
LTAR CHOS 'DI YANG MDO'I NANG DU GTOGS, MDO'I NANG DU 'DUS PAR
BDAG GIS DA GDOD SHES SO ZHES ZER NA, DE LA GAL TE DGE SLONG
RNAMS KYIS KYANG TSE DANG LDAN PA 'DI SNGON GSO SBYONG GI LAS LA
LAN GNYIS SAM

GSUM GYI TSE 'DUG PAR SHES SHING LAN MANG DU LTA CI SMOS NA, TSE
DANG LDAN PA DE MI SHES PAS MI 'GRO BAS DE LTUNG BA GANG BYUNG
BA DE CHOS BZHIN DU BYED DU GZHUG GI STENG DU KHYOD ZLA BA PHYED
PHYED CING SO SOR THAR PA'I MDO 'DON PA GDON PA'I TSE GUS PAR
BYAS TE CHOS NYAN PAR MI BYED, BLA MAR BYAS

TE MI BYED, RU SHING LTAR BYAS TE MI BYED, YID LA BYAS TE MI
BYED, SEMS RTZE GCIG TU MI BYED, RNA BLAGS TE MI BYED, SEMS
THAMS CAD KYIS BSAMS TE CHOS NYAN PAR MI BYED PAS TSE DANG LDAN
PA KHYOD KYIS MA RNYED DE, RNYED PA MA YIN ZHING NYES PA RNYED
DE LEGS PA RNYED PA MA YIN NO

ZHES 'GYOD PAR BYA'O, ,TSE DANG LDAN PA DE LA 'GYOD PAR BYA BA
NI DE YIN TE LTUNG BYED DO, ,YANG DGE SLONG GANG BA SO'AM, RUS
PA'AM, RVA'I KHAB RAL BYED DAM BYED DU 'JUG NA BCAG NAS LTUNG
BYED DO, ,YANG DGE SLONG GIS DGE 'DUN GYI KHRI'AM KHRI'U BYED DU
'JUG NA RTZA BA BU GAR GZHUNG

PA MA GTOGS PAR BDE BAR GSHEGS PA'I SOR BRGYAD KYI TSAD DU BYED
DU GZHUG PAR BYA'O, ,DE LAS LHAG PAR BYED DU 'JUG NA BCAD NAS
LTUNG BYED DO, ,YANG DGE SLONG GANG DGE 'DUN GYI KHRI'AM KHRE'U
LA SHING BAL BDAL LAM, BDAL DU 'JUG NA BSDUS NAS LTUNG BYED DO,
,DGE SLONG GIS

GDING BA BYED DU 'JUG NA TSAD BZHIN DU BYED DU CHUD CIG  ,DE LA
GDING BA'I TSAD NI 'DI YIN TE, SRID DU BDE BAR GSHEGS PA'I
MTHO'I MTHO DO, ZHENG DU MTHO PHYED DANG DO, SRID DU MTHO GANG
GIS SRINGS SHING, DE LAS LHAG PAR BYED DU 'JUG NA BCAD NAS LTUNG
BYED DO, ,YANG DGE SLONG GIS

@17A *, ,G-YAN LA DGAB PA BYED DU 'JUG NA TSAD BZHIN DU BYED DU
CHUG SHIG  ,DE LA G-YAN PA DGAB PA'I TSAD NI 'DI YIN TE, SRID
DU BDE BAR GSHEGS PA'I MTHO'I MTHO BZHI, ZHENG DU MTHO DO, DE
LAS LHAG PAR BYED DU 'JUG NA BCAD NAS LTUNG BYED DO, ,DGE SLONG
GIS

DBYAR GYI GOS RAS CHEN BYED DU 'JUG NA TSAD BZHIN DU BYED DU
CHUG SHIG  ,DE LA DBYAR GYI GOS RAS CHEN GYI TSAD NI 'DI YIN TE,
SRID DU BDE BAR GSHEGS PA'I MTHO'I MTHO DRUG  ,ZHENG DU MTHO
PHYED DANG GSUM MO, ,DE LAS LHAG PAR BYED DU 'JUG NA BCAD NAS
LTUNG BYED DO, ,YANG DGE SLONG GANG

BDE BAR GSHEGS PA'I CHOS GOS KYI TSAD KYI CHOS GOS BYED DU 'JUG
GAM, BDE BAR GSHEGS PA'I CHOS GOS LAS LHAG PAR BYED DU 'JUG NA
LTUNG BYED DO, ,DE LA BDE BAR GSHEGS PA'I CHOS GOS KYI TSAD NI
'DI YIN TE, SRID DU BDE BAR GSHEGS PA'I MTHO'I MTHO BCU,

CHU ZHENG DU MTHO DRUG STE, DE LA 'DI NI BDE BAR GSHEGS PA'I
CHOS GOS KYI TSAD DO, ,TSE DANG LDAN PA DAG BDAG GIS LTUNG BYED
KYI CHOS DGU BCU PO DAG BTON ZIN TO, ,DE LA BDAG GIS TSE DANG
LDAN PA DAG LA CI 'DI LA KHYED YONGS SU DAG GAM ZHES DRI'O, ,CI
'DI LA KHYED YONGS

SU DAG GAM ZHES LAN GNYIS LAN GSUM DU DRI'O, ,'DI LA TSE DANG
LDAN PA DAG YONGS SU DAG NA 'DI LTAR CANG MI SMRA BAS DE DE
BZHIN DU 'DZIN TO,, ,,SDOM LA, GRONG DANG KHYIM GZHAN NYID DANG
NI, ,BSLAB PA RNAMS DANG DGON PA NI, ,SANGS RGYAS PHAN PA GSUNGS
PA YIS,,

SO SOR BSHAGS PAR BYA BAR GSUNGS, ,TSE DANG LDAN PA DAG SO SOR
BSHAGS PAR BYA BA'I CHOS BZHI PO 'DI DAG NI ZLA BA PHYED PHYED
CING SO SOR THAR PA'I MDO 'DON PA LAS 'BYUNG NGO, ,YANG DGE
SLONG GANG DGE SLONG MA NYE DU MA YIN PA LAM PO CHE NA 'DUG PA
BSOD SNYOMS KYI PHYIR GRONG DU 'GRO

BA LAS BCA' BA DANG BZA' BA RANG GIS LAG GIS BLANGS TE 'CHA'
BA'AM, ZA NA DGE SLONG DES PHYI ROL KUN DGA' RA BAR SONG STE,
DGE SLONG RNAMS LA TSE DANG LDAN PA DAG BDAG LA SMAD PA'I GNAS
MI RIGS PA SO SOR BSHAGS PAR BYA BA BYUNG GIS CHOS DE SO SOR
'CHAGS SO ZHES SO

@17B SOR BSHAGS PAR BYA STE, CHOS 'DI NI SO SOR BSHAGS PAR BYA
BA'O, ,DGE SLONG RAB TU MANG PO DAG KHYIM RNAMS SU MGRON DU BOS
NAS ZAN ZA BA'I TSE NA, GAL TE DGE SLONG MA ZHIG 'DI LA NI BCA'
BA BYIN CIG  ,'DI LA NI 'BRAS CHAN BYIN CIG  ,'DI LA NI SRAN
TSOD BYIN CIG  ,'DI LA NI

BTUNG BA BYIN CIG  ,YANG BYIN CIG CES BSGO ZHING 'DUG NA, DGE
SLONG MA DE LA DGE SLONG DE RNAMS KYIS 'DI SKAD CES, SRING MO
KHYOD DGE SLONG RNAMS ZAN ZA BA'I BAR DU RE ZHIG SDOD CIG CES
BSGO BAR BYA'O, ,GAL TE DGE SLONG GCIG GIS KYANG DGE SLONG MA DE
LA DE SKAD CES SMRA MA SPOBS NA, DGE

SLONG DE DAG THAMS CAD KYIS PHYI ROL KUN DGA' RA BAR SONG STE,
DGE SLONG RNAMS LA TSE DANG LDAN PA DAG BDAG CAG LA SMAD PA'I
GNAS MI RIGS PA SO SOR BSHAGS PAR BYA BA BYUNG GIS CHOS DE SO
SOR BSHAGS SO ZHES SO SOR BSHAGS PAR BYA STE, CHOS 'DI YANG SO
SOR BSHAGS PAR BYA BA'O, ,

SLOB PA DAG GIS KHYIM GANG DAG DGE 'DUN GYI BSLAB PA'I SDOM PAS
BSDAMS PAR GYUR LA, YANG DGE SLONG GANG SLOB PA DAG GI KHYIM
GANG DAG DGE 'DUN GYI BSLAB PA'I SDOM PAS BSDAMS PA DE LTA BU
DAG TU SNGAR MGRON DU MA BOS PAR SONG STE, RANG GI LAG GIS BCA'
BA DANG BZA' BA BLANGS NAS

'CHA' 'AM ZA NA, DGE SLONG DES PHYI ROL KUN DGA' RA BAR SONG
STE, DGE SLONG RNAMS LA TSE DANG LDAN PA DAG BDAG LA SMAD PA'I
GNAS MI RIGS PA SO SOR BSHAGS PAR BYA BA BYUNG GIS CHOS DE SO
SOR BSHAGS SO ZHES SO SOR BSHAGS PAR BYA STE, CHOS 'DI YANG SO
SOR BSHAGS PAR BYA BA'O, ,

DGE 'DUN GYI GNAS MAL DGON PA GANG DAG DOGS PA DANG BCAS PAR
GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS
'JIGS SU RUNG BA DANG BCAS PAR GRAGS PAR 'GYUR LA, YANG DGE
SLONG GANG DGE 'DUN GYI GNAS MAL DGON PA GANG DAG DOGS PA DANG
BCAS PAR

GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS
'JIGS SU RUNG BA DANG BCAS PAR GRAGS PA DE LTA BU DAG TU SNGAR
MA NYUL BAR KUN DGA' RA BA'I PHYI ROL DU BCA' BA DANG BZA' BA
BLANGS TE 'CHA' 'AM ZA NA, DGE SLONG DES PHYI ROL KUN DGA' RA
BAR SONG STE, DGE SLONG RNAMS

@18A *, ,LA TSE DANG LDAN PA DAG BDAG LA SMAD PA'I GNAS MI RIGS
PA SO SOR BSHAGS PAR BYA BA BYUNG GIS CHOS DE SO SOR BSHAGS SO
ZHES SO SOR BSHAGS PAR BYA STE, CHOS 'DI YANG SO SOR BSHAGS PAR
BYA BA'O, ,TSE DANG LDAN PA DAG BDAG GIS SO SOR BSHAGS PAR BYA
BA'I CHOS BZHI PO

DAG BTON ZIN TO, ,DE LA BDAG GIS TSE DANG LDAN PA DAG LA CI 'DI
LA KHYED YONGS SU DAG GAM ZHES DRI'O, ,CI 'DI LA KHYED YONGS SU
DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN
PA DAG YONGS SU DAG NA 'DI LTAR CANG MI SMRA BAS DE DE BZHIN DU
'DZIN TO,, ,,SDOM LA,

SHAM THABS LA NI RNAM BDUN DANG, ,STOD G-YOGS LA YANG RNAM GSUM
DANG, ,SHIN TU BSDAMS LA SOGS PA LNGA, ,MGO G-YOGS LA SOGS RNAM
PA LNGA, ,MCHOD LA SOGS PA RNAM LNGA DANG, ,LUS LA SOGS PA RNAM
PA LNGA, ,'DUG PAR BYA BA DGU DAG DANG, ,BYIN LEN BYA BA BRGYAD
RNAMS SO, ,

TSE DANG LDAN PA DAG BSLAB PA'I CHOS MANG PO 'DI DAG RNAMS NI
ZLA BA PHYED PHYED CING SO SOR THAR PA'I MDO 'DON PA LAS 'BYUNG
NGO, ,SHAM THAB ZLUM POR BGO BAR BSLAB PAR BYA, SHAM THABS HA
CANG RTZENGS PA MA YIN PA DANG, HA CANG 'JOL BA MA YIN PA DANG,
GLANG PO CHE'I SNA LTAR MA YIN PA DANG, TA

LA'I LO MA LTAR BLTAB PA MA YIN PA DANG, 'BRU'I PHUR MA LTAR MA
YIN PA DANG, SBRUL MGO'I GDENGS KA LTAR MA YIN PAR BGO BAR BSLAB
PAR BYA'O, ,CHOS GOS ZLUM POR BGO BAR BSLAB PAR BYA'O, ,CHOS GOS
HA CANG RTZENGS PA MA YIN PA DANG, HA CANG 'JOL BA MA YIN PAR
BGO BAR BSLAB

PAR BYA'O, ,SHIN TU BSDAMS PA DANG, LEGS PAR BGOS PA DANG, SGRA
SKYUNG BA DANG, MIG G-YENG BAR MI BYA BA DANG, GNYA' SHING GANG
TZAM DU BLTA ZHING KHYIM GZHAN DAG TU 'GRO BAR BSLAB PAR BYA'O,
,MGO MI G-YOG PA DANG, MI BRDZI BA DANG, MI GZAR BA DANG, GNYA'
GONG DU MI BSNOL BA DANG,

LTAG PAR MI BSNOL BAR KHYIM GZHAN DU 'GRO BAR BSLAB PAR BYA'O,
,MI MCHONG BA DANG, MI BRKYANG BA DANG, TZOG PUS MA YIN PA DANG,
BRANG BAS MA YIN PA DANG, DKUR MI BRTEN PAR KHYIM GZHAN DU 'GRO
BAR BSLAB PAR BYA'O, ,LUS MI BSGYUR BA DANG, LAG PA MI DKYOG PA
DANG, MGO MI

@18B BSGYUR BA DANG, PHRAG PA MI SPRAD PA DANG, LAG PA MI SPREL
BAR KHYIM GZHAN DU 'GRO BAR BSLAB PAR BYA'O, ,MA BSGO BAR KHYIM
GZHAN DU STAN LA MI 'DUG PAR BSLAB PAR BYA, STAN LA MA BRTAGS PA
DANG LUS THAMS CAD KYI LJID KYIS MI DBAB PA DANG, RKANG PA MI
BSNOL BA DANG, BRLA MI

BSNOL BA DANG, LONG BA'I STENG DU LONG BU MI GZHAG PA DANG,
RKANG PA MI DGUG PA DANG, RKANG PA MI GDANG BA DANG, MDOMS MI
SNANG BAR KHYIM GZHAN DU STAN LA 'DUG PAR BSLAB PAR BYA'O, ,LEGS
PAR ZAS BLANG BAR BSLAB PAR BYA, MU DANG KHA DA CHAD DU MA YIN
PA DANG, TSOD MA DANG MNYAM

PAR MA YIN PA DANG, THAR CHAGS SU DANG LHUNG BZED LA BLTA BA
DANG, BCA' BA DANG BZA' BA MA 'ONGS PAR LHUNG BZED MI BZED PA
DANG, YANG 'DOD PA'I PHYIR 'BRAS CHAN GYIS TSOD MA MI DGAB,?
TSOD MAS 'BRAS CHAN MI DGAB PA DANG, BCA' BA DANG BZA' BA'I
STENG DU LHUNG BZED MI

GZUNG BAR BSLAB PAR BYA'O,, ,,SDOM LA, ZAS LA LEGS PAR BYA BA
DRUG  ,TZUG TZUG LA SOGS RNAM PA LNGA, ,'BRU NAS THA DAD BYED PA
LNGA, ,LAG PA BLDAG LA SOGS PA LNGA, ,LEGS PAR ZAS BZA' BAR
BSLAB PAR BYA, KHAM HA CANG CHUNG BA MA YIN PA DANG, KHAM HA

CANG CHE BA MA YIN PA DANG, KHAM RAN PA DANG, KHAM MA GZAS PAR
KHA MI GDANG BA DANG, KHA KHAM GYIS BKANG STE MI SMRA BAR BSLAB
PAR BYA'O, ,TZUG TZUG MI BYA BA DANG, BLCAG BLCAG MI BYA BA
DANG, HU HU MI BYA BA DANG, PHU PHU MI BYA BA DANG, LCE PHYUNG
STE ZAS MI BZA' BAR BSLAB PAR BYA'O, ,

'BRU NAS THA DAD DU MI BYA BA DANG, 'PHYAS MI GDAGS PA DANG,
MKHUR BA MI SPO BA DANG, DKAN MI GTOGS PA DANG, KHAM 'PHROR MI
BCAD PAR ZAS BZA' BAR BSLAB PAR BYA'O, ,LAG PA MI BLDAG PA DANG,
LHUNG BZED MI BYOG PA DANG, LAG PA MI SPRUG PA DANG, LHUNG BZED
MI

BSKYOM PA DANG, MCHOD RTEN 'DRA BAR BCOS TE ZAS MI BZA' BAR
BSLAB PAR BYA'O,, ,,SDOM LA, 'PHYA LA SOGS PA RNAM PA BZHI,
,LHUNG BZED LA YANG RNAM PA BCU, ,'GRENG BAR BYED LA SOGS PA
LNGA, ,MGO G-YOGS LA SOGS RNAM PA LNGA, ,DO KER CAN LA SOGS PA
LNGA, ,GLANG

@19A *, ,CHEN LA SOGS BZHON PA LNGA, ,LAG NA KHAR BA LA SOGS
DRUG  ,NA BA RNAM PA BZHI RNAMS SO, ,DRUNG NA 'DUG PA'I DGE
SLONG GI LHUNG BZED LA 'PHYAS GDAGS PA'I PHYIR MI BLTA BAR BSLAB
PAR BYA, LAG PA ZAS DANG 'BAGS PAS CHU SNOD LA MI GZUNG BAR
BSLAB PAR BYA, DRUNG NA 'DUG PA'I

DGE SLONG LA ZAS DANG 'BAGS PA'I CHUS MI GTOR BAR BSLAB PAR BYA,
KHYIM PA 'DUG PA LA MA DRIS PAR CHU ZAS DANG 'BAGS PA KHYIM
GZHAN DU MI DBO BAR BSLAB PAR BYA'O, ,LHUNG BZED KYI NANG DU ZAS
KYI LHAG MA BLUGS TE MI DOR BAR BSLAB PAR BYA'O, ,'OG GZHI MED
PA'I SA PHYOGS SU LHUNG BZED MI

GZHAG PAR BSLAB PAR BYA, GAD KA MA YIN PA DANG, G-YANG SA MA
YIN PA DANG, DKAN GZAR PO MA YIN PAR LHUNG BZED GZHAG PAR BSLAB
PAR BYA, 'GRENG STE LHUNG BZED MI BKRU BAR BSLAB PAR BYA, GAD KA
MA YIN PA DANG, G-YANG SA MA YIN PA DANG, DKAN GZAR PO MA YIN
PAR BKRU BAR

BSLAB PAR BYA, 'BAB CHU DRAG PO'I RGYUN LAS BZLOG STE LHUNG BZED
KYIS CHU MI BCU BAR BSLAB PAR BYA'O, ,MI NA BAR 'DUG PA LA
'GRENG STE CHOS MI BSHAD PAR BSLAB PAR BYA, MI NA BAR NYAL BAR
'DUG STE CHOS MI BSHAD PAR BSLAB PAR BYA, MI NA BAR STAN MTHON
PO LA 'DUG PA LA STAN

DMA' BA LA 'DUG STE CHOS MI BSHAD PAR BSLAB PAR BYA, MI NA BAR
MDUN DU 'GRO BA LA PHYI NAS 'GRO ZHING CHOS MI BSHAD PAR BSLAB
PAR BYA, MI NA BAR LAM NAS 'GRO BA LAM GYI 'GRAM NAS 'GRO ZHING
CHOS MI BSHAD PAR BSLAB PAR BYA'O, ,MI NA BAR MGO G-YOGS PA
DANG, BRDZES PA DANG,

GZAR BA DANG, GNYA' GONG DU BSNOL BA DANG, LTAG PAR BSNOL BA LA
CHOS MI BSHAD PAR BSLAB PAR BYA'O, ,MIN BAR SKRA DO KER CAN
DANG, ZHVA GYON PA DANG, MGO COD PAN CAN DANG, MGO PHRENG BA CAN
DANG, MGO DKRIS PA LA CHOS MI BSHAD PAR BSLAB PAR BYA'O, ,MI NA
BAR GLANG PO CHE

ZHON PA DANG, RTA ZHON PA DANG, KHYOGS NA 'DUG PA DANG, BZHON
PA'I STENG NA 'DUG PA DANG, MCHIL LHAM GYON PA LA CHOS MI BSHAD
PAR BSLAB PAR BYA'O, ,MI NA BAR LAG NA KHAR BA THOGS PA DANG,
LAG NA GDUGS THOGS PA DANG, LAG NA MTSON THOGS PA DANG, LAG NA
RAL GRI

@19B THOGS PA DANG, LAG NA DGRA STA THOGS PA DANG, GO CHA GYON
PA LA CHOS MI BSHAD PAR BSLAB PAR BYA'O, ,MI NA BAR 'GRENG STE
BSHANG GCI MI BYA BAR BSLAB PAR BYA'O, ,MI NA BAR CHU'I NANG DU
BSHANG GCI DANG MCHIL MA DANG, SNABS DANG SKYUGS PA DANG, RLUGS
PA MI DOR BAR BSLAB

PAR BYA, MIN BAR RTZVA SNGON PO YOD PA'I SA PHYOGS SU BSHANG GCI
DANG, MCHIL MA DANG SNABS DANG SKYUGS PA DANG, RLUGS PA MI DOR
BAR BSLAB PAR BYA, GNOD PA BYUNG BA MA GTOGS PAR SHING LA MI
GANG TZAM LAS MTHOR MI 'DZEG PAR BSLAB PAR BYA'O, ,TSE DANG LDAN
PA DAG BDAG GIS

BSLAB PA'I CHOS MANG PO RNAMS BTON ZIN TO, ,DE LA BDAG GIS TSE
DANG LDAN PA DAG LA CI 'DI LA KHYED YONGS SU DAG GAM ZHES DRI'O,
,CI 'DI LA KHYED YONGS SU DAG GAM ZHES LAN GNYIS LAN GSUM DU
DRI'O, ,'DI LA TSE DANG LDAN PA DAG YONGS SU DAG NA 'DI LTAR
CANG MI SMRA BAS DE

DE BZHIN DU 'DZIN TO,, ,,SDOM LA, MNGON SUM DRAN PA MA MYOS
DANG, ,DE BZHIN GANG MANG NGO BO NYID, ,RTZVA RNAMS BKRAM PA LTA
BU DANG, ,KHAS BLANG BAR YANG BYA BA'O, ,TSE DANG LDAN PA DAG
RTZOD PA ZHI BAR BYA BA'I CHOS BDUN PO 'DI DAG NI ZLA BA PHYED
PHYED CING SO SOR THAR PA'I MDO GDON

PA LAS 'BYUNG NGO, ,MNGON SUM GYIS 'DUL BAR 'OS PA LA MNGON SUM
GYIS 'DUL BA SBYIN NO, ,DRAN PAS 'DUL BAR 'OS PA LA DRAN PAS
'DUL BA SBYIN NO, ,MA MYOS PAS 'DUL BAR 'OS PA LA MA MYOS PAS
'DUL BA SBYIN NO, ,GANG TSUL SHING MANG PO SBYIN PAR 'OS PA LA
TSUL SHING MANG PO SBYIN

NO; ,DE'I NGO BO NYID TSOL DU GZHUG PAR 'OS PA LA DE'I NGO BO
NYID BCAL BA SBYIN NO, ,RTZVA BKRAM PA LTA BU 'OS PA LA RTZVA
BKRAM PA LTA BU SBYIN NO, ,GANG KHAS BLANG BAR 'OS PA LA KHAS
BLANG BAR BYA'O, ,RTZOD PA BYUNG BAR GYUR PA RNAMS RTZOD PA ZHI
BAR BYA BA'I CHOS BDUN PO 'DI DAG GIS CHOS DANG,

'DUL BA DANG STON PA'I BSTAN PA BZHIN DU DUL BAR BYA, ZHI BAR
BYA, RNAM PAR ZHI BAR BYA'O, ,TSE DANG LDAN PA DAG BDAG GIS
RTZOD PA ZHI BAR BYA BA'I CHOS BDUN PO DAG BTON ZIN TO, ,DE LA
BDAG GIS TSE DANG LDAN PA DAG LA CI 'DI LA KHYED YONGS SU DAG
GAM ZHES DRI'O, ,CI 'DI LA KHYED YONGS SU

@20A *, ,DAG GAM ZHES LAN GNYIS LAN GSUM DRI'O, ,'DI LA TSE DANG
LDAN PA DAG YONGS SU DAG NA 'DI LTAR CANG MI SMRA BAS DE DE
BZHIN DU 'DZIN TO, ,TSE DANG LDAN PA DAG BDAG GIS SO SOR THAR
PA'I MDO GDON PA'I GLENG GZHI BTON ZIN TO, ,PHAM PAR GYUR PA'I
CHOS BZHI DANG,

DGE 'DUN LHAG MA'I CHOS BCU GSUM DANG, MA NGES PA'I CHOS GNYIS
DANG, SPANG BA'I LTUNG BYED KYI CHOS SUM BCU DANG, LTUNG BYED
KYI CHOS DGU BCU DANG, SO SOR BSHAGS PAR BYA BA'I CHOS BZHI
DANG, BSLAB PA'I CHOS MANG PO DANG RTZOD PA ZHI BAR BYA BA'I
CHOS BDUN PO DAG BTON ZIN TO,,

BCOM LDAN 'DAS DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS DE'I MDOR GTOGS SHING MDOR BSDUS PA NI
'DI DAG GO , ,GANG GZHAN NAS 'BYUNG BA'I CHOS KYI RJES SU 'THUN
PA'I CHOS DE LA YANG KHYED RNAMS 'DUN PA DANG MTHUN PA DANG DGA'
BA DANG,

MI RTZOD PAR SEMS KUN TU SRUNG BA DANG DRAN PA DANG BAG YOD PAS
RNAL 'BYOR DU BYA'O, ,BZOD PA DKA' THUB DAM PA BZOD PA NI, ,MYA
NGAN 'DAS PA MCHOG CES SANGS RGYAS GSUNG, ,RAB TU BYUNG BA GZHAN
LA GNOD PA DANG, ,GZHAN LA 'TSE BA DGE SBYONG MA YIN NO, ,DMIG

LDAN 'GRO BA YOD PA YIS, ,NYAM NGA BA DAG JI BZHIN DU, ,MKHAS
PAS 'TSO BA'I 'JIG RTEN 'DIR, ,SDIG PA DAG NI YONGS SU SPONG,
,SKUR PA MI GDAB GNOD MI BYA, ,SO SOR THAR PA'ANG BSDAM PAR BYA,
,ZAS KYI TSOD KYANG RIG PAR BYA, ,BAS MTHA'I GNAS SU

GNAS PAR BYA, ,LHAG PA'I SEMS LA YANG DAG SBYOR, ,'DI NI SANGS
RGYAS BSTAN PA YIN, ,JI LTAR BUNG BA ME TOG LAS, ,KHA DOG DRI LA
MI GNOD PAR, ,KHU BA BZHIBS NAS 'PHUR BA LTAR, ,DE BZHIN THUB PA
GRONG DU RGYU, ,BDAG GIS RIGS DANG MI RIGS LA, ,BRTAG PAR BYA
STE

GZHAN RNAMS KYI, ,MI MTHUN PA DANG GZHAN DAG GI , ,BYAS DANG MA
BYAS RNAMS LA MIN, ,LHAG PA'I SEMS LA BAG BYA STE, ,THUB PA'I
THUB GZHI RNAMS LA BSLAB, ,NYER ZHI RTAG TU DRAN LDAN PA'I,
,SKYOB PA MYA NGAN MED PA YIN, ,SBYIN PAS BSOD NAMS RAB TU
'PHEL, ,LEGS BSDAMS DGRA SOGS MI

@20B 'GYUR RO, ,DGE DANG LDAN PAS SDIG PA SPONG, ,NYON MONGS ZAD
PAS MYA NGAN 'DA', ,SDIG PA THAMS CAD MI BYA STE, ,DGE BA PHUN
SUM TSOGS PAR SPYAD, ,RANG GIS SEMS NI YONGS SU GDUL, ,'DI NI
SANGS RGYAS BSTAN PA YIN, ,LUS KYI SDOM PA LEGS PA STE, ,NGAG GI
SDOM PA'ANG LEGS PA YIN, ,YID

KYI SDOM PA LEGS PA STE, ,THAMS CAD DU NI SDOM PA LEGS, ,KUN DU
BSDAMS PA'I DGE SLONG NI, ,SDUG BSNGAL KUN LAS RAB TU GROL,
,NGAG RNAMS BSRUNG ZHING YID KYI RAB BSDAMS TE, ,LUS KYI MI DGE
BA DAG MI BYED CING, ,LAS LAM GSUM PO 'DI DAG RAB SBYANGS NA,
,DRANG SRONG GSUNGS PA'I

LAM NI THOB PAR 'GYUR, ,SANGS RGYAS RNAM GZIGS GTZUG TOR THAMS
CAD SKYOB, ,'KHOR BA 'JIG DANG GSER THUB 'OD SRUNG DANG,
,SH'AKYA THUB PA GOO TAM LHA YI LHA, ,MI 'DUL KHA LO SGYUR BA
BLA NA MED, ,'JIG RTEN MGON PO SKYOB PA MCHOG  ,SANGS RGYAS DPA'
BO BDUN PO DAG  ,GRAGS LDAN RNAMS

KYI SO SOR THAR, ,'DI NI RAB TU RGYAS PAR BTON, ,'DI LA SANGS
RGYAS RNAMS DANG GANG, ,SANGS RGYAS NYAN THOS RNAMS KYANG GUS,
,'DI LA GUS DANG BCAS GYUR PAS, ,'DUS MA BYAS PA THOB PAR GYIS,
,BRTZAM PAR BYA ZHING 'BYUNG BAR BYA, ,SANGS RGYAS BSTAN LA 'JUG
PAR BYA, ,'DAM BU'I KHYIM NA GLANG CHEN BZHIN,,

'CHI BDAG SDE NI GZHOM PAR BYA, ,GANG ZHIG RAB TU BAG YOD PAR,
,CHOS 'DUL 'DI LA SPYOD 'GYUR PA, ,SKYE BA'I 'KHOR BA RAB SPANGS
NAS, ,SDUG BSNGAL THA MAR BYED PAR 'GYUR, ,PHAN TSUN TSUL KHRIMS
BSRUNG BA DANG, ,BSTAN PA 'PHEL BAR BYA BA'I PHYIR, ,SO SOR THAR
PA 'DI BTON PAS, ,DGE 'DUN GYIS NI GSO SBYONG

BYAS, ,GANG GI PHYIR NI MDO BTON DANG, ,GANG PHYIR GSO SBYONG
BYAS GYUR PA, ,TSUL KHRIMS DE NI BSRUNG BYA STE, ,G-YAG RNGA'I
RTZE MO JI BZHIN NO, ,SO SOR THAR PA BTON PA YI, ,BSOD NAMS GRUB
PA GANG YOD PA, ,DES NI 'JIG RTEN MA LUS PA, ,THUB DBANG GO
'PHANG THOB PAR SHOG  ,SO SOR THAR PA'I

MDO RDZOGS SO-HO,, ,,DBANG PHYUG DAM PA'I MNGA' BDAG DPAL LHA
BTZAN PO'I BKA' LUNG GIS 'PHAGS PA GZHI THAMS CAD YOD PAR SMRA
BA'I 'DUL BA 'DZIN PA SLOB DPON DZI NA MI TRA DANG, ZHUS CHEN
GYI LO TZVA BA BAN DE COG RO KLU'I RGYAL MTSAN GYIS BSGYUR CING
ZHUS TE GTAN LA PHAB PA,, ,,