@01A *, ,SKABS GSUM PA'I MTHA' DPYOD LEGS PAR BSHAD PA PAD-MA DKAR PO'I PHRENG BA ZHES BYA BA MKHAS PA'I DBANG PO MKHAS GRUB BSTAN PA DAR RGYAS KYI GSUNG RGYUN BZHUGS SO, , @01B *, ,GZHI THAMS CAD YONGS SU SHES PA MED PAR, LAM LEGS PAR YONGS SU SHES PA MED PAS THAMS CAD SHES PA NYID, CES PA'I SKABS SU LAM SHES BSHAD ZIN PA'I 'OG TU GZHI SHES 'CHAD PA'I RGYU MTSAN YOD DE, LAM SHES RANG RGYUD LA BSKYED PA LA GZHI SHES KYI RNAM PA NYAMS SU LEN PA SNGON DU 'GRO DGOS PA'I RGYU MTSAN GYIS DE LTAR BSHAD PA'I PHYIR, 'DI'I SKABS SU DGAG GZHAG SPANGS GSUM LAS, DANG PO LA, KHA CIG ,LAM SHES BSHAD ZIN PA'I 'OG TU GZHI SHES 'CHAD PA'I RGYU MTSAN YOD DE, LAM SHES RANG RGYUD LA BSKYED PA LA GZHI SHES RANG RGYUD LA BSKYED PA SNGON DU 'GRO DGOS PA'I RGYU MTSAN GYIS DE LTAR BSHAD PA'I PHYIR ZER NA, LAM SHES RANG RGYUD LA BSKYED PA'I GANG ZAG YIN NA, GZHI SHES RANG RGYUD LA BSKYED PA SNGON DU SONG BAS KHYAB PAR THAL, KHYOD KYI SBYOR BA 'THAD PA'I PHYIR, 'DOD NA, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA CHOS CAN, DER THAL, DE'I PHYIR, RTAGS CHOS CAN GYIS SGRUBS, KHA CIG ,LAM SHES BSHAD ZIN PA'I 'OG TU GZHI SHES 'CHAD PA'I RGYU MTSAN YOD DE, LAM SHES RANG RGYUD LA BSKYED PA LA MI RTAG LA SOGS BCU DRUG RTOGS DGOS PA'I RGYU MTSAN GYIS DE LTAR BSHAD PA'I PHYIR ZER NA, LAM SHES RANG RGYUD LA BSKYED PA'I GANG ZAG YIN NA, MI RTAG LA SOGS BCU DRUG RTOGS PAS KHYAB PAR THAL, SBYOR BA 'THAD PA'I PHYIR, 'DOD NA, THEG CHEN MTHONG LAM BAR CHAD MED LAM PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, THEG CHEN MTHONG LAM BAR CHAD MED LAM PA YIN PA'I PHYIR, KHA @02A *, ,CIG ,THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA, GZHI SHES KYI MTSAN NYID YIN ZER BA DANG , RTOGS RIGS GNYIS PO 'GAL LO, ,ZER NA, BYANG SEMS MTHONG LAM PA'I RGYUD KYI LHAG PA TSUL KHRIMS KYI BSLAB PA CHOS CAN, MTSON BYA DER THAL, MTSAN NYID DE'I PHYIR, DER THAL, DE THEG DMAN GYI RTOGS RIGS SU GNAS PA'I PHYIR, MA GRUB NA, DER THAL, THEG DMAN GYI RIGS CAN GYIS LHAG PA TSUL KHRIMS GYI BSLAB PA GTZO BOR NYAM SU LEN PA'I PHYIR, DER THAL, DES BSLAB PA GSUM GTZO BOR NYAM SU LEN BA'I PHYIR, 'DOD MI NUS TE, THEG CHEN GYI RTOGS RIG-SU GNAS PA'I PHYIR, MA GRUB NA, GONG GI DES RIGS 'GRE'O, ,KHA CIG ,RTOGS PA NYI TSE BA'I RIG-SU GNAS PA'I 'PHAGS RGYUD KYI MKHYEN PA GZHI SHES KYI MTSAN NYID ZER NA, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MTHAR GYIS SBYOR BA CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, DE RTOGS PA MTHAR THUG GI LAG RJES 'JOG BYED YIN PA'I PHYIR, DER THAL, MKHYEN GSUM GYI RNAM PA BRGYA BDUN CU RTZA GSUM BSGOM PA'I SBYOR BA PHYI MA GNYIS PO DE LTAR YIN PA'I PHYIR, KHA CIG ,GZHI RANG BZHIN MED PAR MNGON SUM DU RTOGS PA'I 'PHAGS RGYUD KYI MKHYEN PA LA GNYEN PO PHYOGS KYI GZHI SHES KYI THA SNYANG BYAS PA DE NYID, SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN ZER NA, DE MI 'THAD PAR THAL, GZHI RANG BZHIN MED PAR MNGON SUM DU RTOGS PA'I 'PHAGS RGYUD KYI @02B MKHYEN PA MED PA'I PHYIR, DER THAL, GZHI RANG BZHIN GYIS GRUB PA'I PHYIR, MA GRUB NA, GZHI CHOS CAN, RANG BZHIN GYIS GRUB PAR THAL, THA SNYAD BTAGS PA'I BTAGS DON BTZAL BA'I TSE RNYED PA'I CHOS YIN PA'I PHYIR, DER THAL, DE YOD PA'I PHYIR, KHA CIG ,DE GZHI DON DAM PAR RANG BZHIN GYIS MA GRUB PAR RTOGS PA'I 'PHAGS RGYUD KYI MKHYEN PA LA BYED PA YIN NO ZER NA, MI 'THAD PAR THAL, GZHI DON DAM PAR RANG BZHIN GYIS MA GRUB PAR RTOGS PA'I 'PHAGS RGYUD KYI MKHYEN PA LA GNYEN PO PHYOGS KYI GZHI SHES KYI THA SNYAD SLOB DPON 'PHAGS SENG GANG GIS KYANG MA MDZAD PA'I PHYIR, KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN NA, GNYEN PO PHYOGS KYI GZHI SHES YIN PAS KHYAB ZER NA, GZHI SHES CHOS CAN, DER THAL, DE'I PHYIR, DER THAL, MKHYEN GSUM DE SKABS DANG PO GSUM GYI DNGOS BSTAN BSTAN BYA'I GTZO BOR GYUR BA'I MKHYEN PA YIN PA'I PHYIR, DER THAL, SBYOR BA BZHI PO DE SKABS BAR PA BZHI'I DNGOS BSTAN BSTAN BYA'I GTZO BOR GYUR BA'I SBYOR BA YIN PA'I PHYIR, DER THAL, DON MNGON PAR RTOGS PA BRGYAD PO DE MNGON RTOGS RGYAN GYI DNGOS BSTAN BSTAN BYA'I GTZO BOR GYUR BA'I MKHYEN PA YIN PA'I PHYIR, DER THAL, STONG NYID BCU DRUG PO DE RGYAS 'BRING BSDUS GSUM GYI DNGOS BSTAN BSTAN BYA'I GTZO BOR GYUR PA'I STONG NYID YIN PA'I PHYIR, RTZA BAR 'DOD NA, DE CHOS CAN, KHYOD RGYUD LA LDAN PA'I THEG DMAN GYI GANG ZAG MED PAR THAL, KHYOD GNYEN PO PHYOGS KYI GZHI SHES YIN PA'I PHYIR, 'DOD NA, MI MTHUN PHYOGS KYI GZHI SHES YIN NA, GZHI SHES MA YIN DGOS PAR THA-LO, ,GZHAN YANG , RAB 'BYOR NYAN THOS KYI LAM GANG YIN PA DANG , ZHES PA'I SKABS NAS DNGOS SU BSTAN PA'I GZHI SHES DE YANG GNYEN PO PHYOGS KYI GZHI SHES LA BYED PAR THAL, DAM BCA' 'THAD PA'I PHYIR, 'DOD NA, DE'I SKABS NAS DNGO-SU BSTAN PA'I GZHI SHES RNAM GZHAG GI DBANG DU BYAS PA'I NYAN THOS KYI @03A *, ,LAM MA YIN PAR THAL, 'DOD PA DE'I PHYIR, 'DOD MI NUS TE, NYAN THOS KYI LAM GANG YIN PA DANG , ZHES GSUNGS PA'I PHYIR, KHA CIG ,SKABS GSUM PAS MI MTHUN PHYOGS KYI GZHI SHES DNGOS BSTAN BSTAN BYA'I GTZO BOR BYAS NAS MA BSTAN ZER NA, DE BSTAN PAR THAL, DES MI MTHUN PHYOGS KYI GZHI SHES DANG 'BRAS YUM LA RING BA'I GZHI SHES GNYIS KA DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, DES GZHI SHES MTSON BYED KYI CHOS DGU DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, SKABS DANG PO GSUM GYIS MKHYEN GSUM MTSON BYED KYI CHOS SUM CU DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, MNGON RTOGS RGYAN GYIS DNGOS BRGYAD DON BDUN CU DNGOS BSTAN BSTAN BYA'I GTZO BOR BYAS NAS BSTAN BA'I PHYIR, GNYIS PA RANG GI LUGS LA, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DANG , THEG DMAN 'PHAGS PA'I MKHYEN PA GANG RUNG GIS BSDUS PA'I 'PHAGS RGYUD KYI MKHYEN PA, GZHI SHES KYI MTSAN NYID, DE LA DBYE NA GNYEN PO PHYOGS KYI GZHI SHES, MI MTHUN PHYOGS KYI GZHI SHES GNYIS YOD, MI RTAG LA SOGS BCU DRUG MNGON SUM DU RTOGS PA'I YE SHES DE, SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN TE, DE NYAN RANG SLOB PA RNAMS KYIS NYAN RANG GI BYANG CHUB THOB PA LA DE BSGOM BYA'I GTZO BOR BYAS NAS BSGOM DGOS SHING, DE LTAR BSGOM NA NYAN RANG GI BYANG CHUB THOB, MA BSGOMS NA MI THOB, GNAS SKABS BYANG CHUB SEMS DPAS KYANG RANG RGYUD KYI NYON MONGS DBAL GZHOM PA'I PHYIR DANG , GDUL BYA NYAN RANG GI RIGS CAN RJE-SU 'DZIN PA'I PHYIR DU LAM DANG PO GSUM GYI GNAS SKABS SU CHED DU GNYER NAS BSGOM DGOS PA'I LAM YIN PA'I PHYIR, GSUM PA RTZOD PA SPONG BA LA, KHA CIG ,GZHI DON DAM PAR RANG BZHIN MED PAR MNGON SUM DU RTOGS PA'I 'PHAGS RGYUD KYI MKHYEN PA LA GNYEN PO PHYOGS KYI GZHI SHES KYI @03B THA SNYAD 'PHAGS SENG GNYIS KYIS 'DOD RIGS PAR THAL, GZHUNG RTZA BAS DE LTAR BSTAN PA'I PHYIR, DER THAL, SBYIN LA SOGS LA NGAR 'DZIN MED, ,GZHAN DAG DE LA SBYOR BYED PA, ,DE NI CHAGS PA'I MTHA' 'GOG PAS, ,RGYAL LA SOGS LA CHAGS PA PHRA, ,ZHES GSUNGS PA'I PHYIR ZER NA, SKYON MED DE, DE'I DON NI, GNYEN PO PHYOGS KYI GZHI SHES DNGO-SU ZIN BYED KYI GZHI DANG RNAM PA BDEN MED DU MNGON SUM DU RTOGS PA'I SHES RAB DNGOS SU BSTAN NAS DES DNGOS SU ZIN PA'I GNYEN PO PHYOGS KYI GZHI SHES GZHUNG DES STON ZHES PA'I DON YIN PA'I PHYIR, KHA CIG ,MNGON RTOGS RGYAN GYI CHED DU BYA BA'I GDUL BYA THEG DMAN GYI RIGS CAN YOD PAR THAL, SKABS GSUM PA'I CHED DU BYA BA'I GDUL BYA THEG DMAN GYI RIGS CAN YOD PA'I PHYIR, DER THAL, DES MI MTHUN PHYOGS KYI GZHI SHES DNGOS BSTAN BSTAN BYA'I GTZO BOR BYAS NAS BSTAN PA'I PHYIR ZER NA MA KHYAB, 'O NA, DE NI MTSAN MAR DMIGS SGO NAS; ;ZHES PA'I CHED DU BYA BA'I GDUL BYA THEG DMAN GYI RIGS CAN YOD PAR THAL, DES MI MTHUN PHYOGS KYI GZHI SHES DNGOS BSTAN BSTAN BYA'I GTZO BOR BYAS NAS BSTAN PA'I PHYIR, 'DOD NA, DE CHOS CAN, KHYOD KYI CHED DU BYA BA'I GDUL BYA THEG DMAN GYI RIGS CAN MED PAR THAL, KHYOD THEG CHEN THUN MONG MA YIN PA'I BSTAN BCOS YIN PA'I PHYIR, KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES DE MI MTHUN PHYOGS KYI GZHI SHES LA BYED PAR THAL, GZUGS RTAG MA YIN MI RTAG MIN, ,ZHES PA'I SKABS NAS DNGO-SU BSTAN PA'I MTHONG LAM NYAN THOS KYI MTHONG LAM YIN PA'I PHYIR, DER THAL, NYAN THOS ZHI BA 'TSOL RNAMS ZHES DANG , NYAN THOS LA SOGS MTHONG BA'I LAM, ,ZHES GSUNGS PA'I PHYIR ZER NA, MA KHYAB, 'DOD NA BKAG ZIN, ` TSUR ROL PHA ROL MTHA' LA MIN, ,DE DAG BAR NA MI GNAS PA, ,ZHES SOGS KYI SKABS SU, SKABS 'DIR BSTAN PA'I GZHI SHES PA'I SHER PHYIN CHOS CAN; SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, GANG ZAG GI BDAG MED RTOGS PA'I SHES RAB DANG , LHAG BSAM RNAM DAG DANG , DUS GSUM BDEN STONG MNYAM PA NYID DU RTOGS PA'I SHES RAB GSUM GYIS ZIN PA'I GZHI SHES PA'I SHER PHYIN YIN PA'I PHYIR, 'DI'I SKAB-SU @04A *, ,RNAM PA GSUM LAS, DANG PO LA, KHA CIG ,SHES RAB PHA ROL PHYIN PAR 'DOD, CES BA'I SKABS NAS DNGOS SU BSTAN PA'I GZHI SHES PA'I SHER PHYIN DES, GANG ZAG GI BDAG MED DANG , DUS GSUM BDEN STONG MNYAM PA NYID DU MNGON SUM DU RTOGS PA YIN ZER NA, DE'I SKABS NAS DNGOS SU , ? BSTAN PA'I GZHI SHES PA'I SHER PHYIN DE SANGS RGYAS KYI SA'I SHER PHYIN LA BYED PAR THAL, DAM BCA' 'THAD PA GANG ZHIG, SLOB PA'I YE SHES YIN NA, DE GNYIS MNGON SUM DU RTOGS PA'I YE SHES MA YIN DGOS PA'I PHYIR, 'DOD NA, LAM SHES NYID KYI TSUL LA NI, ,ZHES PA'I SKABS NAS DNGO-SU BSTAN PO'I GZHI SHES DE YANG SANGS RGYAS KYI SA'I YE SHES LA BYED RIGS BAR THAL, 'DOD BA DE'I PHYIR, KHYAB STE, 'GREL CHEN LAS, DE BAS NA MI RTAG BA LA SOGS PA'I RNAM PAS 'PHAGS PA RNAMS KYI GZHI MA LUS PA YONGS SU SHES PA YIN PA'I DON DU THAMS CAD SHES PA NYID LOGS SHIG TU BSHAD PAR BZUNG NGO, ZHES GSUNGS PA'I PHYIR, 'DOD NA, BYANG SEMS MTHONG LAM PA'I RGYUD KYI MI RTAG LA SOGS BCU DRUG RTOGS PA'I YE SHES DE YANG SANGS RGYAS KYI SA'I YE SHES LA BYED PAR THAL LO, ,KHA CIG ,SHES RAB PHA ROL PHYIN PAR 'DOD, ,CES PA'I SKABS NAS DNGO-SU BSTAN PA'I SHER PHYIN, SANGS RGYAS KYI SA'I YE SHES LA BYED PA YIN ZER NA, 'O NA, DE ZIN BYED KYI GANG ZAG GI BDAG MED MNGON SUM DU RTOGS PA'I SHES RAB DANG , LHAG BSAM RNAM DAG DANG , DUS GSUM BDEN STONG MNYAM PA NYID DU RTOGS PA'I SHES RAB GSUM PO DE YANG SANGS RGYAS KYI SA'I YE SHES LA BYED RIGS PAR THAL, DAM BCA' 'THAD PA'I PHYIR, 'DOD MI NUS TE, DE LAM SHER PHYIN LA BYED PA'I PHYIR, DER THAL, RNAM BSHAD SNYING PO RGYAN LAS, LAM SHER PHYIN 'DI LA MI RTAG SOGS RTOGS PA'I SHES RAB DANG , SNYING RJE CHEN PO DANG STONG NYID RTOGS PA SOGS DU MA YOD PAS LAG RJES MI 'DRA BA SO SOR BZHAG MZHES GSUNGS PA'I PHYIR, KHA CIG ,GZHI KUN RDZOB LA LTOS TE SRID MTHA' 'GOG BYED KYI RTOGS RIG-SU GNAS PA'I THEG CHEN 'PHAGS PA'I MKHYEN PA, SHES BAS SRID LA MI GNAS PA'I GZHI SHES KYI MTSAN NYID, GZHI KUN RDZOB LA LHOS TE ZHI MTHA' 'GOG BYED KYI RTOGS RIG-SU GNAS PA'I THEG @04B CHEN 'PHAGS PA'I MKHYEN PA, SNYING RJES ZHI LA MI GNAS PA'I LAM SHES KYI MTSAN NYID ZER NA, MI 'THAD PAR THAL, DE GNYIS KA'I MTSON BYA'I ZUR DU LAM SHES SMOS RIGS PA'I PHYIR, DER THAL, TSU ROL PHA ROL MTHA' LA MIN, ,ZHES PA'I GZHUNG 'DI, LAM SHES NYID KYI TSUL LA NI, ZHES PA'I SKABS NAS DNGOS SU BSTAN PA'I LAM SHES KYI LAG RJES MI 'DRA BA SO SOR 'JOG TSUL 'CHAD BYED KYI GZHUNG YIN PA'I PHYIR, KHA CIG ,BYANG CHUB SEMS DPA'I RGYUD KYI TSU ROL 'KHOR BA'I MTHA' 'GOG BYED KYI SHES RAB DE, BYANG CHUB SEMS DPA'I RGYUD KYI STONG NYID MNGON SUM DU RTOGS PA'I SHES RAB LA BYED PA YIN ZER NA, DE MI 'THAD PAR THAL, BYANG CHUB SEMS DPA'I RGYUD KYI TSU ROL 'KHOR BA'I MTHA' 'GOG BYED KYI SHES RAB DES 'KHOR BA'I SKYON MTHONG BAR GSUNGS PA GANG ZHIG , BYANG CHUB SEMS DPA'I RGYUD KYI STONG NYID MNGON SUM DU RTOGS PA'I SHES RAB KYIS 'KHOR BA'I SKYON MA MTHONG BA'I PHYIR, MA GRUB NA, DE CHOS CAN, KHYOD KYIS 'KHOR BA'I SKYON MA MTHONG BAR THAL, KHYOD SLOB PA'I RGYUD KYI STONG NYID MNGON SUM DU RTOGS PA'I SHES RAB YIN PA'I PHYIR, KHA CIG ,TSU ROL 'KHOR BA'I MTHA' 'GOG BYED KYI SHES RAB YIN NA, 'KHOR BA'I SKYON MA MTHONG BAS KHYAB ZER NA, SANG RGYAS 'PHAGS PA'I RGYUD KYI GANG ZAG GI BDAG MED RTOGS PA'I SHES RAB CHOS CAN, DER THAL, DE'I PHYIR, DER THAL, 'KHOR BA'I RTZA BA BDAG 'DZIN DANG DMIGS PA GCIG LA DMIGS NAS RNAM PA 'DZIN STANGS DNGOS 'GAL DU ZHUGS PA'I BLO YIN BA'I PHYIR, DER THAL, CHOS CAN DE DANG GCIG YIN PA'I PHYIR, 'DOD MI NUS TE, CHOS THAMS CAD MNGON SUM DU MTHONG BA'I PHYIR, DER THAL, RNAM MKHYEN YIN PA'I PHYIR, KHA CIG ,BYANG SEMS MTHONG LAM BA'I RGYUD KYI GANG ZAG GI BDAG MED MNGON SUM DU RTOGS PA'I SHES RAB DES 'KHOR BA'I SKYON MTHONG BA YIN ZER NA, DES 'KHOR BA'I SKYON MNGON SUM DU MTHONG BAR THAL, DES 'KHOR BA'I SKYON MTHONG BA GANG ZHIG , DE'I RGYUD LA SNANG LAM NGES BA MED PA'I PHYIR, DER THAL, RNAM 'GREL LAS, BLO GROS CHEN PO'I MTHONG NYID LAS, ,RNAM PA THAMS CAD NGES BAR BYED, ,CES GSUNGS PA'I PHYIR, 'DOD NA, 'KHOR BA'I SKYON DE'I DNGOS GZHAL YIN PAR THAL, 'DOD PA'I PHYIR, 'DOD NA, 'KHOR BA'I SKYON CHOS CAN, GANG @05A *, ,ZAG GI BDAG MED PHRA MOR THAL, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES KYI DNGOS GZHAL YIN PA'I PHYIR, 'DOD MI NUS SO, ,KHA CIG ,BYANG SEMS KYI RGYUD KYI 'KHOR BA'I SKYON DNGO-SU MTHONG BA'I TSU ROL 'KHOR BA'I MTHA' 'GOG BYED KYI SHES RAB MED ZER NA, BYANG CHUB SEMS DPA'I RGYUD KYI TSU ROL 'KHOR BA'I MTHA' 'GOG BYED KYI DE YOD PAR THAL, BYANG CHUB SEMS DPA'I RGYUD KYI NYER LEN GYI PHUNG PO MI RTAG PAR MNGON SUM DU RTOGS PA'I SHES RAB KYIS 'KHOR BA'I SKYON MTHONG BA'I PHYIR, DER THAL, NYER LEN GYI PHUNG PO'I MI RTAG PA 'KHOR BA'I SKYON YIN PA'I PHYIR, DER THAL, DE KHYAB BA 'DU BYED KYI SDUG BSNGAL YIN PA'I PHYIR, MA GRUB NA, NYER LEN GYI PHUNG BO CHOS CAN, KHYOD KYI MI RTAG PA KHYAB PA 'DU BYED KYI SDUG BSNGAL YIN PAR THAL, KHYOD NYER LEN GYI PHUNG PO YIN PA'I PHYIR, KHA CIG ,THEG DMAN GYI GANG ZAG YIN NA, SRID ZHI GNYIS KA'I MTHA' LA GNAS PAS KHYAB ZER NA, LHAG MED MYANG 'DAS LA GNAS PA'I NYAN THOS DGRA BCOM PA CHOS CAN, DER THAL, DE'I PHYIR, 'DOD NA, SRID MTHA' LA GNAS PAR THAL, 'DOD PA'I PHYIR, 'DOD NA, MI 'THAD PAR THAL, 'KHOR BA SPANGS PA'I GANG ZAG YIN PA'I PHYIR, GZHAN YANG , DE CHOS CAN; 'KHOR BA RGYUD LDAN YIN BAR THAL, 'KHOR BA LA GNAS PA'I GANG ZAG YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG , NYAN THOS TSOGS LAM PA CHOS CAN, ZHI MTHA' LA GNAS PA'I GANG ZAG YIN PAR THAL, THEG DMAN GYI GANG ZAG YIN PA'I PHYIR, KHYAB PA KHAS, 'DOD NA, GZHI KUN RDZOB LA LTOS PA'I ZHI MTHA' LA GNAS PAR THAL, 'DOD PA'I PHYIR, 'DOD NA, CHAD PA'I MYANG 'DAS LA GNAS PAR THAL, 'DOD PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG , DE CHOS CAN, ZHI MTHA' RGYUD LDAN YIN PAR THAL, ZHI MTHA' LA GNAS PA'I GANG ZAG YIN PA'I PHYIR, 'DOD NA, CHAD PA'I MYANG 'DAS RGYUD LDAN YIN PAR THAL, 'DOD PA'I PHYIR, 'DOD NA, DGRA BCOM YIN PAR THAL, KHA CIG ,'DIR BSTAN SRID MTHA' LA GNAS PA'I GANG ZAG YIN NA, SRID MTHA' LA GNAS PAS KHYAB, 'DIR BSTAN ZHI MTHA' LA GNAS PA'I GANG ZAG LA ZHI MTHA' LA GNAS PAS @05B KHYAB ZER NA, NYAN THOS TSOGS LAM PA CHOS CAN, ZHI MTHA' LA GNAS BA'I GANG ZAG YIN PAR THAL, 'DIR BSTAN ZHI MTHA' LA GNAS PA'I GANG ZAG YIN PA'I PHYIR, DER THAL, THEG DMAN GYI GANG ZAG YIN PA'I PHYIR, 'DOD NA, CHAD BA'I MYANG 'DAS LA GNAS PAR THAL LO, ,DANG PO LA, LHAG MED MYANG 'DAS LA GNAS PA'I NYAN THOS DGRA BCOM PA CHOS CAN, DER THAL, DE'I PHYIR, DER THAL, THEG DMAN GYI GANG ZAG YIN PA'I PHYIR, 'DOD NA, 'KHOR BAR GNAS PAR THAL, 'DOD PA'I PHYIR, 'DOD NA BKAG ZIN, KHA CIG , BYANG SEMS LAM LA LTOS PA'I SRID MTHA' LA GNA PA'I GANG ZAG LA SRID MTHA' LA GNAS PA'I GANG ZAG YIN PAS KHYAB PA DANG , BYANG SEMS LAM LA LTOS PA'I ZHI MTHA' LA GNAS PA'I GANG ZAG LA ZHI MTHA' LA GNAS PAS KHYAB ZER NA, SKYON SNGAR BZHIN 'PHEN, KHA CIG ,MYANG 'DAS YIN NA, 'KHOR BA'I MTHA' YIN PAS KHYAB ZER NA, 'KHOR BA SPANGS PA'I PHA MTHA' YIN NA, 'KHOR BA'I MTHA' YIN DGOS PAR THAL, DAM BCA' 'THAD PA'I PHYIR, 'DOD NA, RTAG CHAD GNYIS KYI MTHA' SPANGS PA'I PHA MTHA' YIN NA, RTAG CHAD GNYIS KYI MTHA' YIN DGOS PAR THAL, 'DOD PA'I PHYIR, 'DOD NA, BYANG SEMS MTHONG LAM PA'I RGYUD KYI STONG NYID MNGON SUM DU RTOGS PA'I SHES RAB CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, MI 'THAD PAR THAL, DE DANG BRAL BA'I YE SHES YIN PA'I PHYIR, KHO NA RE, MYANG 'DAS YIN NA, 'KHOR BA'I MTHA' YIN DGOS PAR THAL, RTZA SHE LAS, MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN NO, ,ZHES GSUNGS PA'I PHYIR ZER NA, MA KHYAB, KHA CIG ,MYANG 'DAS YIN NA, ZHI MTHA' YIN PAS KHYAB ZER NA, SANGS RGYAS 'PHAGS PA'I RGYUD KYI MYANG 'DAS CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, MI 'THAD PAR THAL, SRID ZHI GNYIS KYI MTHA' SPANGS PA'I YON TAN YIN PA'I PHYIR, KHA CIG ,DON DAM LA LTOS PA'I SRID ZHI GNYIS KYI MTHA' YOD ZER NA, SRID ZHI BDEN GRUB YOD PAR THAL, DAM BCA' 'THAD PA'I PHYIR, 'DOD NA, MI 'THAD DE, BYANG SEMS SA BRGYAD PA BA'I RGYUD KYI STONG NYID MNGON SUM DU RTOGS PA'I SHES RAB DES SRID ZHI BDEN STONG MNYAM PA NYID DU RTOGS PA'I PHYIR, DER THAL, @6A *, ,DE SRID ZHI MNYAM NYID SBYOR BA YIN PA'I PHYIR, KHO NA RE, 'DIR BSTAN RTAG MTHA' LA RTAG MTHAS KHYAB, 'DIR BSTAN CHAD MTHA' LA CHAD MTHAS KHYAB ZER NA, LAS NYON GYI DBANG GIS 'KHOR BAR NYING MTSAMS SBYOR BA CHOS CAN, RTAG MTHA' YIN PAR THAL, 'DIR BSTAN RTAG MTHA' YIN PA'I PHYIR, DER THAL, CHOS CAN DE YIN PA'I PHYIR, GZHAN YANG , CHAD PA'I MYANG 'DAS CHOS CAN, CHAD MTHA' YIN PAR THAL, 'DIR BSTAN CHAD MTHA' YIN PA'I PHYIR, DER THAL, LAS NYON GYI DBANG GIS 'KHOR BAR SKYE BA LEN BA CHAD TZAM GYI MYANG 'DAS YIN PA'I PHYIR, 'DOD NA, MED PAR THAL LO, KHA CIG ,'DIR BSTAN SRID MTHA' LA SRID MTHA' MA YIN PAS KHYAB, 'DIR BSTAN ZHI MTHA' LA ZHI MTHA' MA YIN PAS KHYAB ZER NA, LAS NYON GYI DBANG GIS RANG DBANG MED PAR SKYE BA LEN PA CHOS CAN, SRID MTHA' MA YIN PAR THAL, 'DIR BSTAN SRID MTHA' YIN PA'I PHYIR, DER THAL, SO SO SKYE BO'I RGYUD KYI YAN LAG BCU GNYIS KYI THOG MAR GYUR BA'I MA RIG PA DE, 'DIR BSTAN SRID PA'I RTZA BA YIN PA'I PHYIR, DER THAL, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I SHES RAB DE 'DIR BSTAN SRID MTHA' 'GOG BYED KYI LAG RJES 'JOG BYED YIN PA'I PHYIR, DER THAL, GNYEN PO PHYOGS KYI GZHI SHES LA DE 'DRA'I ZIN BYED CIG YOD PA'I PHYIR, RTZA BAR 'DOD MI NUS TE, 'KHOR BA YIN PA'I PHYIR, GZHAN YANG , CHAD PA'I MYANG 'DAS CHOS CAN, ZHI MTHA' MA YIN PAR THAL, 'DIR BSTAN ZHI MTHA' YIN PA'I PHYIR, DER THAL, BYANG SEMS MTHONG LAM PA'I RGYUD KYI LHAG BSAM RNAM DAG DE 'DIR BSTAN ZHI MTHA' 'GOG BYED KYI LAG RJES 'JOG BYED YIN PA'I PHYIR, DER THAL, GNYEN PO PHYOGS KYI GZHI SHES LA DE 'BRA'I ZIN BYED CIG YOD PA'I PHYIR, KHA CIG ,LAS NYON GYI DBANG GIS 'KHOR BAR SKYE BA LEN PA DOR BYAR 'DZIN PA'I BLO BYANG SEMS LAM LA LTOS PA'I SRID MTHA' DANG , CHAD PA'I MYANG 'DAS BLANG BYAR 'DZIN PA'I BLO BYANG SEMS LAM LA STOS PA'I ZHI MTHA' YIN ZER NA, DANG PO DE CHOS CAN, KHYOD RGYUD LA LDAN PA'I BYANG SEMS 'PHAGS PA MED PAR THAL, KHYOD BYANG SEMS LAM LA LTOS PA'I SRID MTHA' YIN PA'I PHYIR, 'DOD MI NUS TE, @6B DE DOR BYAR MNGON SUM DU RTOGS PA'I BYANG SEMS 'PHAGS PA YOD PA'I PHYIR, DER THAL, DE DOR BYA YIN PA'I PHYIR, PHYI MA YANG DE CHOS CAN, KHYOD RGYUD LA LDAN PA'I BYANG SEMS 'PHAGS PA MED PAR THAL, KHYOD BYANG SEMS LAM LA STOS PA'I ZHI MTHA' YIN PA'I PHYIR, 'DOD MI NUS TE, CHAD PA'I MYANG 'DAS BLANG BYAR MNGON SUM DU RTOGS PA'I BYANG SEMS 'PHAGS PA YOD PA'I PHYIR, DER THAL, DE BLANG BYA YIN PA'I PHYIR, KHA CIG ,NYAN THOS MTHONG LAM PA'I RGYUD KYI RANG DON DU 'KHOR BA SPANG BYA'I GTZO BOR BYAS NAS SPONG BA'I BLO, GZHI KUN RDZOB LA STOS PA'I SRID MTHA' DANG , DE'I RGYUD KYI RANG DON DU CHAD PA'I MYANG 'DAS THOB BYA'I GTZO BOR BYAS NAS DON DU GNYER BA'I BLO DE, GZHI KUN RDZOB LA LTOS PA'I ZHI MTHA' YIN ZER NA, DANG PO DE CHOS CAN, 'KHOR BA YIN PAR THAL, GZHI KUN RDZOB LA LTOS PA'I SRID MTHA' YIN PA'I PHYIR, 'DOD MI NUS TE, LAM BDEN YIN PA'I PHYIR, DER THAL, DE'I RGYUD KYI RANG 'DOD KYI BLO DE LAM BDEN YIN PA'I PHYIR, PHYI MA DE YANG CHOS CAN, CHAD PA'I MYANG 'DAS YIN PAR THAL, GZHI KUN RDZOB LA LTOS PA'I ZHI MTHA' YIN PA'I PHYIR, 'DOD NA, 'DUS MA BYAS SU THAL LO, ,KHA CIG ,'KHOR BA BDEN PAR 'DZIN PA'I BDEN 'DZIN DON DAM LA LTOS PA'I SRID MTHA' DANG , MYANG 'DAS BDEN PAR 'DZIN PA'I BDEN 'DZIN DON DAM LA LTOS PA'I ZHI MTHA' YIN ZER NA, 'KHOR BA BDEN PAR 'DZIN PA'I BDEN 'DZIN CHOS CAN, KHYOD RGYUD LA LDAN PA'I BYANG SEMS 'PHAGS PA MED PAR THAL, KHYOD DON DAM LA LTOS PA'I SRID MTHA' YIN PA'I PHYIR, KHYAB STE, GNYEN PO PHYOGS KYI GZHI SHES YIN NA, DON DAM LA LTOS PA'I SRID MTHA' LA MI GNAS PAS KHYAB PA'I PHYIR, DER THAL, DE DAG BAR NA MI GNAS PA, ZHES GSUNGS PA'I PHYIR, 'DOD MI NUS TE, THAR PA BDEN PAR 'DZIN PA'I BDEN 'DZIN RGYUD LA LDAN PA'I BYANG SEMS 'PHAGS PA YOD PA'I PHYIR, GZHAN YANG MYANG 'DAS BDEN PAR 'DZIN PA'I BDEN 'DZIN CHOS CAN, KHYOD RGYUD LA LDAN PA'I BYANG SEMS 'PHAGS PA MED PAR THAL, KHYOD DON DAM LA LTOS PA'I ZHI MTHA' YIN PA'I PHYIR, KHYAB STE, GNYEN PO PHYOGS KYI GZHI SHES YIN NA, DON DAM LA LTOS PA'I ZHI MTHA' LA MI GNAS PAS KHYAB PA'I PHYIR, DER THAL, DE DAG BAR NA MI GNAS PA, ,ZHES GSUNGS PA'I PHYIR, 'DOD @7A *, ,MI NUS TE, THAMS CAD MKHYEN PA BDEN PAR 'DZIN PA'I BDEN 'DZIN RGYUD LA LDAN PA'I BYANG SEMS 'PHAGS PA YOD PA'I PHYIR, KHA CIG ,'KHOR BA YIN NA, SPANG BYA YIN PAS KHYAB ZER NA, SO SO SKYE BO TSUL KHRIMS RNAM PAR DAG PA'I DBANG GIS DAL 'BYOR GYI CHOS BCO BRGYAD DANG LDAN PA'I MIR NYING MTSAMS SBYOR BA CHOS CAN, DER THAL, DE'I PHYIR, DER THAL, LAS NYON GYI DBANG GI RANG DBANG MED PAR 'KHOR BAR SKYE BA LEN PA'I CHA YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, DAL 'BYOR GYI CHOS BCO BRGYAD DANG LDAN PA'I MI'I LUS SPANG BYA MA YIN PA'I PHYIR, DER THAL, MNGON MTHO LHA MI'I GO 'PHANG SPANG BYA MA YIN PA'I PHYIR, DER THAL, SKYES BU CHUNG NGU'I CHOS BSKOR RNAMS SPANG BYA MA YIN PA'I PHYIR, KHA CIG ,MI MTHUN PHYOGS KYI GZHI SHES YIN NA, STONG NYID MNGON SUM DU RTOGS PA'I SHES RAB DANG , SNYING RJE RJE CHEN PO GANG RUNG GIS MA ZIN PAS KHYAB ZER NA, SEMS CAN THAMS CAD SDUG BSNGAL DANG BRAL BAR 'DOD PA'I SNYING RJE CHEN POS ZIN PA'I NYAN THOS KYI MTHONG LAM CHOS CAN, DER THAL, DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD MI NUS TE, SNYING RJE CHEN POS ZIN PA'I PHYIR, DER THAL, CHOS CAN DE YIN PA'I PHYIR, DER THAL, SEMS CAN THAMS CAD SDUG BSNGAL DANG BRAL 'DOD KYI SNYING RJE CHEN PO RGYUD LA LDAN PA'I THEG DMAN 'PHAGS PA YOD PA'I PHYIR, DER THAL, RGYUD BLA DAR tIK LAS, SEMS CAN THAMS CAD SDUG BSNGAL DANG BRAL 'DOD KYI SNYING RJE CHEN PO NI THEG DMAN PA RNAMS LA YANG DANG YANG DU 'BYUNG MOD KYI, ZHES GSUNGS PA'I PHYIR, KHA CIG ,BYANG CHUB SEMS DPA'I RGYUD KYI TSUR ROL 'KHOR BA'I MTHA' 'GOG BYED KYI SHES RAB YIN NA, KUN RDZOB DNGOS YUL DU BYED PA'I SHES PA YIN PAS KHYAB ZER NA, BYANG SEMS MTHONG LAM PA'I RGYUD KYI STONG NYID MNGON SUM DU RTOGS PA'I SHES RAB CHOS CAN, DER THAL, DE'I PHYIR, DER THAL, 'KHOR BA'I GZHI RTZA MTHAR THUG 'GOG BYED KYI SHES RAB GANG ZHIG ,'KHOR BA'I GZHI RTZA MTHAR THUG SPANGS PA'I GANG ZAG LA 'KHOR BA SPANGS PAS KHYAB, 'KHOR BA'I GZHI @7B RTZA SPANGS PA'I GANG ZAG LA 'KHOR BA SPANGS PAS KHYAB PA'I PHYIR, DANG PO DER THAL, 'KHOR BA'I RTZA BA BDEN 'DZIN DANG DMIGS PA GCIG LA DMIGS NAS RNAM PA 'DZIN STANGS DNGOS 'GAL DU ZHUGS PA'I BLO YIN PA'I PHYIR, 'DOD MI NUS TE, SLOB PA'I RGYUD KYI STONG NYID MNGON SUM DU RTOGS PA'I SHES RAB YIN PA'I PHYIR, KHA CIG ,SNYING RJES ZHI LA MI GNAS PA'I LAM SHES DANG , SNYING RJE CHEN PO GNYIS DON GCIG CING, THEG CHEN SEMS BSKYED DANG SNYING RJE CHEN PO 'GAL BA YIN ZER NA, BYANG SEMS MTHONG LAM PA'I RGYUD KYI THEG CHEN SEMS BSKYED CHOS CAN, SNYING RJE CHEN PO YIN PAR THAL, SNYING RJES ZHI LA MI GNAS PA'I LAM SHES YIN PA'I PHYIR, KHYAB PA KHAS, MA GRUB NA, DER THAL, SEMS CAN THAMS CAD 'KHOR BA'I SDUG BSNGAL LAS BTON NAS RDZOGS BYANG THOB 'DOD KYI BYANG 'PHAGS KYI MKHYEN PA YIN PA'I PHYIR, 'DOD NA, MI 'THAD PAR THAL, THEG CHEN SEMS BSKYED YIN PA'I PHYIR, 'KHOR GSUM GNYIS PA RANG GI LUGS LA, GZHI KUN RDZOB LA LTOS TE SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SHES PAS SRID LA MI GNAS PA'I LAM SHES KYI MTSAN NYID GZHI KUN RDZOB LA LTOS TE ZHI MTHA' 'GOG BYED KYI RTOGS RIG SU GNAS PA'I THEG CHEN 'PHAGS PA'I MKHYEN PA, SNYING RJES ZHI LA MI GNAS PA'I LAM SHES GYI MTSAN NYID, DANG PO'I MTSAN GZHI NI, BYANG SEMS MTHONG LAM PA'I RGYUD KYI MI RTAG LA SOGS BCU DRUG RTOGS PA'I YE SHES LTA BU YIN, PHYI MA'I MTSAN GZHI NI, BYANG SEMS MTHONG LAM PA'I RGYUD KYI LHAG BSAM RNAM DAG LTA BU YIN 'DIR BSTAN PA'I GZHI SHES PA'I SHER PHYIN CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, TSUR ROL 'KHOR BA'I MTHA' 'GOG BYED KYI GANG ZAG GI BDAG MED RTOGS PA'I SHES RAB KYIS KYANG ZIN, PHA ROL ZHI MTHA' 'GOG BYED KYI LHAG BSAM RNAM DAG GIS KYANG ZIN, DE GNYIS KYI BAR NA DON DAM PAR GNAS PA 'GOG BYED KYI DUS GSUM BDEN STONG MNYAM PA NYID DU RTOGS PA'I SHES RAB GSUM GYIS ZIN PA'I GZHI SHES PA'I SHER PHYIN YIN PA'I PHYIR, GZHI KUN RDZOB LA LTOS PA'I SRID MTHA' DANG 'KHOR BA DANG SRID MTHA' RNAMS DON GCIG ,GZHI KUN RDZOB LA LTOS PA'I ZHI MTHA' CHAD PA'I @8A *, ,MYANG 'DAS, ZHI MTHA' DANG BCAS PA RNAMS DON GCIG ,BYANG SEMS LAM LA LTOS PA'I SRID ZHI GNYIS KYI MTHA'I KHYAD PAR YOD DE, 'KHOR BAR SKYE BA LEN PA MTHA' GCIG TU DOR BYAR 'DZIN PA'I BLO, BYANG SEMS LAM LA LTOS PA'I SRID MTHA' DANG , 'KHOR BAR SKYE BA LEN PA CHAD TZAM GYI MYANG 'DAS THOB BYA'I GTZO BAR BYAS NAS DON DU GNYER BA'I BLO, BYANG SEMS LAM LA STOS PA'I ZHI MTHAS YIN PA'I PHYIR, 'DIR BSTAN SRID MTHA' LA SRID MTHA' YIN MIN GNYIS KAS MA KHYAB STE, LAS NYON GYI DBANG GIS RANG DBANG MED PAR 'KHOR BAR NYING MTSAM SBYOR BA DE, 'DIR BSTAN SRID MTHA' DANG SRID MTHA' GNYIS KA YIN, 'KHOR BAR SKYE BA LEN PA MTHA' GCIG TU DOR BYAR 'DZIN PA'I BLO, 'DIR BSTAN SRID MTHA' YIN KYANG SRID MTHA' MA YIN PA'I PHYIR, 'DIR BSTAN ZHI MTHA' LA ZHI MTHA' YIN MIN GNYIS KAS MA KHYAB STE, CHAD PA'I MYANG 'DAS 'DIR BSTAN ZHI MTHA' DANG ZHI MTHA' GNYIS KA YIN, LAS NYON GYI DBANG GIS 'KHOR BAR SKYE BA LEN PA CHAD TSAM GYI MYANG 'DAS THOB BYA'I GTZO BOR BYAS NAS DON DU GNYER BA'I BLO, 'DIR BSTAN ZHI MTHA' YIN KYANG ZHI MTHA' MA YIN PA'I PHYIR, DON DAM LA LTOS PA'I SRID ZHI GNYIS KYI MTHA'I KHYAD PAR NI 'KHOR BA BDEN GRUB DE DON DAM LA LTOS PA'I SRID MTHA' DANG , MYANG 'DAS BDEN GRUB DE DON DAM LA STOS PA'I ZHI MTHA' YIN PA'I PHYIR, LAS NYON GYI DBANG GIS RANG DBANG MED PAR 'KHOR BAR NYING MTSAMS SBYOR BA LA 'DIR BSTAN RTAG MTHA' ZHES 'CHAD PA'I RGYUD MTSAN YOD DE, DE LTAR NYING MTSAMS SBYAR NA 'KHOR BAR YUN RING DU GNAS DGOS PA'I RGYU MTSAN GYIS DE LTAR BSHAD PA'I PHYIR, CHAD PA'I MYANG 'DAS LA 'DIR BSTAN CHAD MTHA' ZHES 'CHAD PA'I RGYUD MTSAN YOD DE, LAS NYON GYI DBANG GIS 'KHOR BAR SKYE BA LEN PA CAD TZAM GYI MYANG 'DAS YIN PA'I RGYU MTSAN GYIS DE LTAR BSHAD PA'I PHYIR, NYAN THOS MTHONG LAM PA DE LA 'DIR BSTAN SRID MTHA' LA GNAS PA ZHES 'CHAD PA'I RGYU MTSAN YOD DE, LAS NYON GYI DBANG GIS 'KHOR BAR SKYE BA LEN PAR MA ZAD 'KHOR BAR SKYE BA LEN PA TZAM YANG 'GOG PAR BYED PA'I PHYIR, DER THAL, 'KHOR BAR SKYE BA LEN PA'I RGYU BRTZE BA SNYING RJE @8B CHEN PO DANG BRAL BA'I PHYIR, DE LA 'DIR BSTAN ZHI MTHA' LA GNAS PA ZHES 'CHAD PA'I RGYU MTSAN YOD DE, LAS NYON GYI DBANG GIS 'KHOR BAR SKYE BA LEN PA CHAD TZAM GYI MYANG 'DAS THOB BYA'I GTZO BOR BYAS NAS DON DU GNYER BAR BYED PA'I PHYIR, DER THAL, LAS NYON GYI DBANG GIS 'KHOR BAR SKYE BA LEN PAR MA ZAD 'KHOR BA'I GNAS SU YANG DANG YANG DU SKYE BA BLANGS NAS GZHAN DON SGRUB PA'I THABS SHES PA'I SHES RAB DANG BRAL BA'I PHYIR, BYANG 'PHAGS CHOS CAN, 'DIR BSTAN SRID ZHI GNYIS KYI MTHA' LA MI GNAS PA YIN TE, LAS NYON GYI DBANG GIS 'KHOR BAR SKYE BA MI LEN PAR MA ZAD, 'KHOR BAR SKYE BA LEN PA'I RGYU BRTZE BA SNYING RJE CHEN PO DANG LDAN, 'KHOR BA'I GNAS SU YANG DANG YANG DU SKYE BA BLANGS NAS GZHAN DON SGRUB PA'I THABS SHES PA'I SHES RAB KHYAD PAR CAN DANG LDAN PA YIN PA'I PHYIR, GSUM PA RTZOD PA SPONG BA LA, KHA CIG ,RTAG MTHA' LA GNAS PA'I GANG ZAG LA RTAG MTHA' RGYUD LDAN DANG , CHAD MTHA' LA GNAS PA'I GANG ZAG LA CHAD MTHA' RGYUD LDAN YIN PA'I ? KHYAB PAR THAL, SRID MTHA' LA GNAS PA'I GANG ZAG LA SRID MTHA' RGYUD LDAN DANG , ZHI MTHA' LA GNAS PA'I GANG ZAG LA ZHI MTHA' RGYUD LDAN YIN DGOS PA'I PHYIR, ZER NA MA KHYAB, 'DOD NA, PHYI ROL PA CHOS CAN, RTAG MTHA' RGYUD LDAN YIN PAR THAL, RTAG MTHA' LA GNAS PA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, CIG SHOS LA DES 'GRE ZER NA, 'O NA, RTAG MTHA' RGYUD LDAN GYI GANG ZAG YOD PAR THAL, SRID MTHA' RGYUD LDAN GYI GANG ZAG YOD PA'I PHYIR, DER THAL, 'KHOR BA RGYUD LDAN GYI GANG ZAG YOD PA'I PHYIR, DER THAL, LAS NYON GYI DBANG GIS RANG DBANG MED PAR 'KHOR BA'I GNAS SU NYING MTSAMS SBYOR BA RGYUD LDAN GYI GANG ZAG YOD PA'I PHYIR, DER THAL, DE LTAR NYING MTSAMS SBYOR BA'I GANG ZAG YOD PA'I PHYIR, 'DOD NA 'GAL LO, ,DE LA KHO NA RE, 'KHOR BA SKYES BU'I SHES RGYUD KYIS BSDUS PAR THAL, 'KHOR BA RGYUD LDAN GYI GANG ZAG YOD PA'I PHYIR, 'DOD MI NUS TE, MA DAG PA'I SNOD KYI 'JIG RTEN 'KHOR BA YIN PA'I PHYIR, DER THAL, DE SDUG BSNGAL BDEN PA YIN PA'I PHYIR, ZER NA MA KHYAB, KHA CIG SRID ZHI GNYIS KA'I MTHA' LA GNAS PA'I GANG ZAG YIN PA YOD PAR THAL, 'DIR BSTAN SRID ZHI GNYIS KA'I @9A *, ,MTHA' LA GNAS PA'I GANG ZAG YIN PA YOD PA'I PHYIR, ZER NA MA KHYAB, MA GRUB NA, DER THAL, NYAN THOS MTHONG LAM PA DE DE LTAR YIN PA'I PHYIR, 'DOD MI NUS SO, ,KHA CIG ,THEG DMAN GYI GANG ZAG YIN NA, SRID ZHI GNYIS KA'I MTHA' LA GNAS PAS KHYAB PAR THAL, 'GREL BA DON GSAL LAS, DNGOS PO DANG DNGOS PO MED PAR DMIGS PA NYID KYI 'KHOR BA DANG MYA NGAN LAS 'DAS PA LA GNAS PA YIN PAR SHES PAR BYA'O, ,ZHES GSUNGS PA'I PHYIR ZER NA, SKYON MED DE, DE'I DON NI THEG DMAN GYI GANG ZAG YIN NA BYANG SEMS LAM LA LTOS PA'I SRID ZHI GNYIS KA'I MTHA' LA GNAS PAS KHYAB CES PA'I DON YIN PA'I PHYIR, KHA CIG ,BYANG SEMS MTHONG LAM PA'I RGYUD KYI BRTZE BA SNYING RJE CHEN PO DE BYANG SEMS LAM LA LTOS TE SRID MTHA' 'GOG BYED DANG , DE'I RGYUD KYI 'KHOR BA'I GNAS SU YANG DANG YANG DU SKYE BA BLANGS NAS GZHAN DON SGRUB PA'I THABS SHES PA'I SHES RAB BYANG SEMS LAM LA STOS PA'I ZHI MTHA' 'GOG BYED DU BYED PA MI RIGS PAR THAL, DE LAS LDOG STE SMRAS RIGS PA'I PHYIR, DER THAL, BYANG SEMS MTHONG LAM PA'I RGYUD KYI BDAG MED RTOGS PA'I SHES RAB TSUR ROL 'KHOR BA'I MTHA' 'GOG BYED DANG , DE'I RGYUD KYI LHAG BSAM RNAM DAG DE PHA ROL ZHI MTHA' 'GOG BYED YIN PA'I PHYIR, ZER NA MA KHYAB, KHA CIG ,'KHOR BA YIN NA, SPANG BYA YIN DGOS PAR THAL, 'KHOR BA SPANG BYA YIN PA'I PHYIR, ZER NA MA KHYAB, MA GRUB NA, DER THAL, 'KHOR BA SPANG PA'I GANG ZAG YOD PA'I PHYIR ZER NA, RTOGS PA YIN NA SPANG BYA YIN DGOS PAR THAL, RTOG PA SPANG BYA YIN PA'I PHYIR, KHYAB PA DNGOS, MA GRUB NA, DER THAL, RTOG PA SPANGS PA'I GANG ZAG YOD PA'I PHYIR, DER THAL, SANGS RGYAS 'PHAGS PA RTOG PA SPANGS PA'I GANG ZAG YIN PA'I PHYIR, 'DOD NA, THEG CHEN SLOB PA'I RGYUD KYI THEG CHEN SEMS BSKYED CHOS CAN, SPANG BYA YIN PAR THAL, RTOG PA YIN PA'I PHYIR, DER THAL, CHOS CAN DE YIN PA'I PHYIR, 'DOD NA, KHYOD RANG SPONGS SHIG ,KHA CIG ,SHES RAB PHA ROL PHYIN PAR 'DOD, ,CES PA'I SKABS NAS DNGOS SU BSTAN PA'I SHER PHYIN DE, SANGS RGYAS KYI SA'I SHER PHYIN LA BYED RIGS PAR THAL, RNAM BSHAD LAS, DE'I SKABS @9B NAS DNGOS SU BSTAN PA'I SHER PHYIN DES GANG ZAG GI BDAG MED MNGON SUM DU RTOGS PAS TSU ROL 'KHOR BA'I MTHA' LA MI GNAS ,LHAG BSAM RNAM DAG GIS ZIN PAS PHA ROL ZHI BA'I MTHA' LA MI GNAS, DUS GSUM BDEN STONG MNYAM PA NYID DU MNGON SUM DU RTOGS PAS DE GNYIS KYI BAR NA DON DAM PAR MI GNAS PAR GSUNGS PA GANG ZHIG ,GANG ZAG GI BDAG MED DANG DUS GSUM BDEN STONG GNYAM PA NYID DU MNGON SUM DU RTOGS PA'I SLOB PA'I SHES PA YIN PA MI SRID PA'I PHYIR ZER NA, SKYON MED DE, SNGA PHYI GNYIS KA ZIN BYED TZAM LA DGONGS PA'I PHYIR, KHA CIG ,DE'I SKABS NAS DNGOS SU BSTAN PA'I SHER PHYIN YIN NA, SANGS RGYAS 'PHAGS PA'I YE SHES YIN DGOS PAR THAL, DE 'DIR BSTAN 'BRAS YUM LA NYE BA'I GZHI SHES DNGO-SU 'CHAD BYED KYI GZHUNG YIN PA GANG ZHIG ,'BRAS YUM LA NYE RING ZHES PA'I 'BRAS YUM DE SANGS RGYAS 'PHAGS PA'I YUM LA BYED PA'I PHYIR, ZER NA MA KHYAB, ` DE NI MTSAN MAR DMIGS SGO NAS, ,ZHES SOGS KYI SKAB-SU, GZHI SHES CHOS CAN, KHYOD LA DBYE NA DU MA YOD DE, 'BRAS YUM LA NYE BA'I GZHI SHES DANG , 'BRAS YUM LA RING BA'I GZHI SHES GNYIS YOD PA'I PHYIR, 'DI'I SKABS SU RNAM PA GSUM LAS, DANG PO LA, KHA CIG ,GZHI SHES YIN NA, 'BRAS YUM LA NYE RING GANG RUNG GI GZHI SHES YIN PAS KHYAB ZER NA, BYANG SEMS TSOGS LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, 'BRAS YUM LA RING BA'I GZHI SHES YIN PAR THAL, DE GNYIS GANG RUNG GANG ZHIG ,'BRAS YUM LA NYE BA'I GZHI SHES MA YIN PA'I PHYIR, MA GRUB NA, THEG CHEN 'PHAGS PA'I GZHI SHES YIN PAR THAL LO, 'DOD NA, THEG DMAN 'PHAGS PA'I GZHI SHES YIN PAR THAL LO, ,KHA CIG ,GZUGS SOGS LA BDEN PAR ZHEN PA'I GZHI SHES, 'BRAS YUM LA RING BA'I GZHI SHES KYI MTSAN NYID, GZUGS SOGS LA BDEN PAR MA ZHEN PA'I GZHI SHES 'BRAS YUM LA NYE BA'I GZHI SHES KYI MTSAN NYID ZER NA, NYAN THOS MTHONG LAM PAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD NA, GZUGS @10A *, ,SOGS LA BDEN PAR ZHEN PA'I BLO YIN PAR THAL, 'DOD PA DE'I PHYIR, 'DOD NA, LOG SHES YIN PAR THAL, 'DOD PA'I PHYIR, 'DOD MI NUS TE, BAR CHAD MED LAM YIN PA'I PHYIR, GZHAN YANG ,DE RANG CHOS CAN, MTSON BYA PHYI MA DER THAL, MTSAN NYID PHYI MA DE'I PHYIR, DER THAL, GZUGS SOGS LA BDEN PAR MA ZHEN PA GANG ZHIG ,GZHI SHES YIN PA'I PHYIR, 'DOD NA, THEG CHEN 'PHAGS PA'I MKHYEN PA YIN PAR THAL LO, KHA CIG ,'BRAS YUM SGRUB PA'I THAMS MKHAS KHYAD PAR CAN GYIS ZIN PA'I GZHI SHES, 'BRAS YUM LA NYE BA'I GZHI SHES KYI MTSAN NYID, 'BRAS YUM SGRUB PA'I THABS MKHAS KHYAD PAR CAN GYIS MA ZIN PA'I GZHI SHES, 'BRAS YUM LA RING BA'I GZHI SHES KYI MTSAN NYID ZER NA, BYANG SEMS SBYOR LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, MTSON BYA SNGA MA DER THAL, MTSAN NYID SNGAM DE'I PHYIR, DER THAL, THEG CHEN SEMS BSKYED KYIS ZIN PA'I GZHI SHES YIN PA'I PHYIR, 'DOD NA, THEG CHEN 'PHAGS PA'I MKHYEN PA YIN PAR THAL LO, KHA CIG ,DE NI THABS LA MKHAS PA YIS, ,ZHES PA'I SKABS NAS DNGOS SU BSTAN PA'I THABS MKHAS YIN NA, THABS SHES GNYIS SU PHYE BA'I THAMS YIN PAS KHYAB ZER NA, BYANG SEMS MTHONG LAM PA'I RGYUD KYI GZUGS BDEN MED DU MNGON SUM DU RTOGS PA'I SHES RAB CHOS CAN, DER THAL, DE'I PHYIR, DER THAL, GZUGS BDEN PAR 'DZIN PA'I BDEN 'DZIN GYIS BCINGS PA'I NYAN THOS KYI MTHONG LAM DE, THABS MA YIN PAS RING BA STE, ZHES PA'I SKABS NAS DNGO-SU BSTAN PA'I THABS MA YIN PA DE YIN PA'I PHYIR, DER THAL, THEG DMAN GANG ZAG GI RGYUD KYI GZUGS BDEN PAR 'DZIN PA'I BDEN 'DZIN DE, DE NI MTSAN MAR DMIGS SGO NAS, ZHES PA'I SKABS GNAS DNGOS SU BSTAN PA'I MTSAN 'DZIN YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG, DE 'BRA BA DE DE'I SKABS NAS DNGOS SU BSTAN PA'I THABS MKHAS YIN PAR THAL, GZUGS SOGS BDEN MED DU MNGON SUM DU RTOGS PA'I LTA BA'I NYAMS LEN DANG BRAL BA DE, MDO LAS, BYANG CHUB SEMS DPA' THABS LA MKHAS PA DANG BRAL ZHES PA'I SKABS @10B NAS DNGOS SU BSTAN PA'I THABS MKHAS DANG BRAL BA DE YIN PA'I PHYIR, KHA CIG ,DE NI THABS LA MKHAS PA YIS, ZHES PA'I SKABS NAS DNGOS SU BSTAN PA'I THABS MKHAS YIN NA, STONG NYID RTOGS PA'I SHES RAB YIN PAS KHYAB ZER NA, THEG CHEN DGE BA'I BSHES GNYEN GYIS RGYAL PO'I BTZUN MO SDUG PA SHI BA BRDA' SPROD PA'I TSUL GYIS GZUGS BDEN MED DU STON PA'I THABS MKHAS DE CHOS CAN, DER THAL, DE'I PHYIR, DER THAL, BYANG SEMS MTHONG LAM BA GZUGS SOGS BDEN MED DU MNGON SUM DU RTOGS PA'I SHES RAB KYIS DNGOS SU ZIN BYED DANG LDAN PAS DE'I RGYUD KYI GZHI SHES DE GNYEN PO PHYOGS KYI GZHI SHE-SU 'GYUR PA'I RGYU MTSAN DE, RGYAL PO'I BTZUN MO SDUG PA SHI BA BRDA' SPROD PA'I TSUL GYIS GZUGS SOGS BDEN MED DU STON PA'I THEG CHEN DGE BA'I GSHES GNYEN GYIS ZIN PA'I DON YIN PA 'GREL BA LAS GSUNGS PA'I PHYIR, RTZA BAR 'DOD MI NUS TE, CHOS CAN DE YIN PA'I PHYIR, KHA CIG ,GZUGS BDEN PAR 'DZIN PA'I BDEN 'DZIN RGYUD LA LDAN PA'I GANG ZAG YIN NA, BDEN 'DZIN DES BCINGS PAS KHYAB ZER NA, GZUGS BDEN PAR 'DZIN PA'I BDEN 'DZIN RGYUD LA LDAN PA'I BYANG SEMS MTHONG LAM PA CHOS CAN, DER THAL, DE'I PHYIR, 'DOD MI NUS TE, STONG NYID RTOGS MYONG GI GANG ZAG YIN PA'I PHYIR, KHA CIG ,GZUGS BDEN ME-DU RTOGS MA MYONG BA'I GANG ZAG YIN NA, GZUGS BDEN PAR 'DZIN PA'I BDEN 'DZIN GYIS BCING PAS KHYAB ZER NA, GZUGS BDEN MED DU RTOGS KHA MA'I SO SKYE CHOS CAN, GZUGS BDEN PAR 'DZIN PA'I BDEN 'DZIN GYIS BCINGS PA'I GANG ZAG YIN PAR THAL, GZUGS BDEN MED DU RTOGS MA MYONG BA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD NA, DES GZUGS BDEN MED DU GRUB MA GRUB DPYAD PA NA, GZUGS SOGS LA BDEN PAR ZHEN PA'I BDEN ZHEN DE LAS MI 'DA' BAR THAL; 'DOD PA DE'I PHYIR, 'DOD MI NUS TE, BDEN ZHAN DE LAS 'DA' BA YIN PA'I PHYIR, DER THAL, CHOS CAN DE YIN PA'I PHYIR, KHA CIG ,DE NI MTSAN MAR DMIGS SGO NAS ZHES PA'I GZHUNG GIS DANG PO NYID NAS NYAN THOS SU RIGS NGES PA'I NYAN THOS KYI MTHONG LAM BSTAN PA YIN GYI, STONG @11A *, ,NYID RTOGS PA'I NYAN THOS KYI MTHOD LAM BSTAN PA MA YIN ZER NA, 'O NA, STONG NYID RTOGS PA'I NYAN THOS KYI MTHONG LAM YOD PAR THAL, DE 'DRA'I KHYAD PAR PHYE BA LA DGOS PA YOD PA'I PHYIR, 'DOD NA, MI 'THAD PAR THAL, RNAM BSHAD SNYING PO RGYAN LAS, LUNG DES RTEN 'BREL LA BDEN STONG GIS KHYAB PAR BSTAN YANG , SLOB DPON GYI BZHED PAS NYAN RANG RNAMS LA RTOGS PA DE MED PA'I SGO NAS LAN MDZAD DO, ,ZHES GSUNGS PA'I PHYIR, KHA CIG ,NYAN THOS KYI RTOGS RIGS SU GNAS PA'I THEG CHEN 'PHAGS PA'I MKHYEN PA, 'BRAS YUM LA NYE BA'I GZHI SHES KYI MTSAN NYID ZER NA, BYANG SEMS MTHONG LAM PA'I RGYUD KYI GZUGS PHYI ROL DON GYIS STONG PA MNGON SUM DU RTOGS PA'I YE SHES CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, NYAN THOS KYIS DE BSGOM BYA'I GTZO BOR BYAS NAS MI BSGOM PA'I PHYIR; DER THAL, DES GZUGS PHYI ROL DON 'DZIN GYI RTOG PA SPANG BYA'I GTZO BOR BYAS NAS MI SPONG BA'I PHYIR, KHA CIG ,THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, SKABS 'DIR DNGOS SU BSTAN PA'I 'BRAS YUM LA NYE BA'I GZHI SHES KYI MTSAN NYID ZER NA, BYANG SEMS MTHONG LAM PA'I RGYUD KYI GZUGS PHYI ROL DON GYIS STONG PA MNGON SUM DU RTOGS PA'I YE SHES CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,NYAN THOS KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SKABS 'DIR DNGOS SU BSTAN PA'I 'BRAS YUM LA NYE BA'I GZHI SHES KYI MTSAN NYID ZER NA, GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SKABS 'DIR THEG CHEN GYI SGOM LAM DNGOS SU MA BSTAN PA'I PHYIR, DER THAL, SKABS 'DIR NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA NI MA YIN PAS, ZHES PA'I RTZOD LAN 'GREL PA DANG BCAS PA BSTAN PA YIN PA'I PHYIR, ,GNYIS PA RANG GI LUGS LA, MTSAN @11B 'DZIN GYIS BCINGS PA'I THEG DMAN 'PHAGS PA'I MKHYEN PA, 'BRAS YUM LA RING BA'I GZHI SHES KYI MTSAN NYID, BDEN 'DZIN GYIS BCINGS PA'I DON YANG YOD DE, GZUGS SOGS BDEN PAR GRUB MA GRUB DPYAD PA NA BDEN ZHEN LAS MI 'DA' ZHING , STONG NYID THOS BYUNG GI SHES RAB KYIS KYANG GTAN LAM PHAB PA LA BYED PA'I PHYIR, THABS MKHAS KHYAD PAR CAN GNYIS KYIS ZIN BA'I THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, 'BRAS YUM LA NYE BA'I GZHI SHES KYI MTSAN NYID, MTSAN GZHI BYANG SEMS MTHONG LAM PA'I RGYUD KYI MI RTAG LA SOGS BCU DRUG MNGON SUM DU RTOGS PA'I YE SHES LTA BU'O, ,GSUM PA RTZOD PA SPONG BA LA, KHA CIG ,STONG NYID MNGON SUM DU RTOGS PA'I THEG DMAN 'PHAGS PA'I MKHYEN PA CHOS CAN, MTSAN 'DZIN GYIS BCINGS PA'I THEG DMAN 'PHAGS PA'I MKHYEN PA YIN PAR THAL, 'BRAS YUM LA RING BA'I GZHI SHES YIN PA'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD MI NUS TE, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, RANG RGYUD KYI RANG BZHIN GNAS RIGS MNGON SUM DU RTOGS PA'I THEG DMAN 'PHAGS PA YOD PA'I PHYIR, DER THAL, RTEN PA'I CHOS KYI BYE BRAG GIS, ,DE'I DBYE BA YONGS SU BRJOD, ,CES PA'I GZHUNG SGRA JI BZHIN BA YIN PA'I PHYIR, DER THAL, DE LTAR GSUNGS PA'I PHYIR, ZER NA MA KHYAB, KHA CIG ,'BRAS YUM LA NYE BA'I GZHI SHES YIN NA, STONG NYID MNGON SUM DU RTOGS PA'I SHES RAB KYIS DNGOS SU ZIN PAS KHYAB PAR THAL, 'BRAS YUM LA RING PA'I GZHI SHES YIN NA, MTSAN 'DZIN GYIS BCINGS PAS KHYAB PA'I PHYIR, ZER NA MA KHYAB, 'DOD NA, BDEN 'DZIN MNGON 'GYUR DU RGYUD LA LDAN PA'I BYANG SEMS MTHONG LAM PA'I RGYUD KYI NYER LEN GYI PHUNG PO MI RTAG PAR MNGON SUM DU RTOGS PA'I YE SHES CHOS CAN, DER THAL, DE'I PHYIR, RTAGS KHAS, KHA CIG ,BYANG SEMS TSOGS LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, 'BRAS YUM LA NYE BA'I GZHI SHES YIN PAR THAL, 'BRAS YUM SGRUB PA'I NYE LAM DU GYUR PA'I GZHI SHES YIN PA'I PHYIR, ZER NA MA KHYAB, MA GRUB NA, DER THAL, 'BRAS YUM SGRUB PA'I NYE LAM GANG ZHIG ,GZHI SHES YIN PA'I PHYIR, KHA CIG ,GANG ZAG GI BDAG MED MNGON SUM DU RTOGS PA'I @12A *, ,RNAM MKHYEN CHOS CAN, 'BRAS YUM LA NYE PA'I GZHI SHES YIN PAR THAL, DE'I MTSAN NYID DE YIN PA'I PHYIR, DER THAL, CHOS CAN DE DANG GCIG YIN PA'I PHYIR, 'DOD NA, MI 'THAD PAR THAL, 'BRAS YUM DNGOS YIN PA'I PHYIR, ZER NA MA KHYAB, KHA CIG ,BYANG SEMS SBYOR LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, THEG CHEN 'PHAGS PA'I MKHYEN PA YIN PAR THAL, THEG CHEN PAR GYUR PA'I 'PHAGS RGYUD KYI MKHYEN PA YIN PA'I PHYIR, ZER NA MA KHYAB, 'O NA, NYAN THOS DGRA BCOM PA'I RTOGS PA SNGON DU SONG PA'I BYANG SEMS TSOGS LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, THEG CHEN DGRA BCOM PA'I MKHYEN PA YIN PAR THAL, THEG CHEN PAR GYUR BA'I DGRA BCOM PA'I MKHYEN PA YIN PA'I PHYIR, 'KHOR GSUM, KHA CIG ,DE CHOS CAN, THEG CHEN GYI GZHI SHES YIN PAR THAL, THEG CHEN GANG ZAG GI RGYUD KYI GZHI SHES YIN PA'I PHYIR, ZER NA MA KHYAB, 'DOD NA, BKAG ZIN,, ` ,,GZUGS SOGS PHUNG PO STONG NYID DANG , ,ZHES SOGS KYI SKABS SU, GZHI SHES CHOS CAN, KHYOD LA DBYE NA DU MA YOD DE, MI MTHUN PHYOGS KYI GZHI SHES DANG , GNYEN PO PHYOGS KYI GZHI SHES GNYIS YOD PA'I PHYIR, 'DI'I SKABS SU GSUM LAS, DANG PO LA, KHA CIG ,MI MTHUN PHYOGS KYI GZHI SHES YIN NA, MI MTHUN PHYOGS YIN PAS KHYAB ZER NA, NYAN THOS MTHONG LAM BAR CHAD MED LAM CHOS CAN, DER THAL, DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD MI NUS TE, LAM BDEN YIN PA'I PHYIR, GZHAN YANG , NYAN THOS MTHONG LAM PA BDEN 'DZIN GYIS BCINGS BZHIN DU DE BZHIN DU DE BZHIN GSHEGS PA LA PHYAG 'TSAL BA'I BSOD NAMS KYI TSOGS KYIS BSDUS PA'I 'PHAGS RGYUD KYI MKHYEN PA CHOS CAN, DER THAL, DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD MI NUS TE, MTHUN PHYOGS YIN PA'I PHYIR, DER THAL, RANG GI MI MTHUN PHYOGS MA DAD PA'I GNYEN PO YIN PA'I PHYIR, DER THAL, 'GREL PA LAS, DE BZHIN GSHEGS PA LA PHYAG 'TSAL BA LA SOGS PA NI, BSOD NAMS KYI TSOGS KYI RGYU YIN PA NYID KYIS GNYEN PO YIN MOD, CES DANG, RNAM @12B BSHAD LAS, MA DAD PA SOGS KYI GNYEN PO YIN MOD, CES GSUNGS PA'I PHYIR, KHA CIG ,MI MTHUN PHYOGS KYI GZHI SHES YIN NA, GZHI BDEN PAR 'DZIN PA'I BDEN 'DZIN YIN PAS KHYAB, GNYEN PO PHYOGS KYI GZHI SHES YIN NA, GZHI BDEN MED DU MNGON SUM DU RTOGS PAS KHYAB ZER NA, NYAN THOS MTHONG LAM BAR CHAD MED LAM CHOS CAN, GZHI BDEN PAR 'DZIN PA'I BDEN 'DZIN YIN PAR THAL, MI MTHUN PHYOGS KYI GZHI SHES YIN PA'I PHYIR, 'DOD NA, LOG SHES YIN PAR THAL, BDEN 'DZIN YIN PA'I PHYIR, 'DOD MI NUS SO, PHYI MA LA, BYANG SEMS MTHONG LAM PA'I RGYUD KYI NYER LEN GYI PHUNG PO MI RTAG PAR MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, THEG DMAN GYI RTOGS RIG SU GNAS PA'I THEG CHEN 'PHAGS PA'I MKHYEN PA YIN PA'I PHYIR, 'DOD NA, NYER LEN GYI PHUNG PO'I MI RTAG PA STONG NYID YIN PAR THAL LO, ,KHA CIG ,GZUGS SOGS PHUNG PO STONG NYID DANG ; ZHES PA'I GZHUNG GIS MI MTHUN PHYOGS KYI GZHI SHES DNGOS BSTAN BSTAN BYA'I GTZO BOR BYAS NAS MA BSTAN ZER NA, DE'I DNGOS BSTAN BSTAN BYA'I GTZO BO MED PAR THAL, DAM BCA' 'THAD PA'I PHYIR, 'DOD NA, DE NI MTSAN MAR DMIGS SGO NAS, ,ZHES PA'I DNGOS BSTAN BSTAN BYA'I GTZO BO MED PAR THAL, 'DOD PA'I PHYIR, 'DOD NA, SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES MTSON BYED KYI CHOS DGU MED PAR THAL, DE'I DNGOS BSTAN BSTAN BYA'I GTZO BOR GYUR PA'I MI MTHUN PHYOGS KYI GZHI SHES DANG , 'BRAS YUM LA RING BA'I GZHI SHES GNYIS MED BA'I PHYIR, DER THAL, KHYOD KYI RTZA BA'I DAM BCA' GNYIS PO DE'I PHYIR, 'DOD NA BKAG ZIN, KHA CIG ,SBYIN LA SOGS LA NGAR 'DZIN MED, ,CES PA'I GZHUNG GIS GNYEN PO PHYOGS KYI GZHI SHES DE DNGOS BSTAN BSTAN BYA'I GTZO BOR BYAS NAS MA BSTAN ZER NA, DE MI 'THAD PAR THAL, SKABS GSUM PAS DE LTAR BSTAN PA'I PHYIR, DER THAL, DE LTAR KUN SHES NYID LUGS LA, ,MI MTHUN GNYEN PO PHYOGS DAG GI, RNAM PAR DBYE BA MA LUS PA, ,DE SKAD BSHAD PA 'DIR SHES BYA, ,ZHES GSUNGS PA'I PHYIR, KHA CIG ,NYAN THOS KYI MTHONG LAM DE MYUR DU SANGS RGYA BAR 'DOD PA'I BYANG SEMS LAM GYI @13A *, ,SPANG BYA YIN GYI, DE BYANG SEMS LAM GYI SPANG BYA MA YIN NO ZER NA, BYANG SEMS LAM GYI SPANG BYA LA SPANG BYA BYA BA PAR THAL, KHYOD KYI DAM BCA' BTHAD PA'I PHYIR, 'DOD NA, NYAN THOS MTHONG LAM PA'I RGYUD KYI RANG NYID GCIG BU ZHI BDE DON GNYER GYI BLO DE CHOS CAN, DER THAL, DE'I PHYIR; DER THAL, NYAN RANG YID BYED KYI BSAM PAS DBEN PA'I DBEN PA DE BYANG CHUB SEMS DPA'I DBEN PA'I MCHOG GTU BDO LAS GSUNGS PA'I PHYIR, 'DOD MI NUS TE, LAM BDEN YIN PA'I PHYIR, GNYIS PA RANG GI LUGS NI, DE NI MTSAN MAR DMIGS SGO NAS, ZHES PA'I SKABS KYI RANG LUGS KYIS MTSON NUS SO, ,DE LA KHO NA RE, STONG NYID MNGON SUM DU RTOGS PA'I NYAN THOS KYI MTHONG LAM CHOS CAN, MTSAN 'DZIN GYIS BCINGS PA'I THEG DMAN 'PHAGS PA'I MKHYEN PA YIN PAR THAL, MI MTHUN PHYOGS KYI GZHI SHES YIN PA'I PHYIR, KHYAB PA KHAS, DER THAL, THEG DMAN 'PHAGS PA'I MKHYEN PA YIN PA'I PHYIR, DER THAL, DE YOD PA'I PHYIR, ZER NA MA GRUB BO, ,'O NA, MNGON RTOGS RGYAN LAS, NYAN RANG LA CHOS KYI BDAG MED PHRA MO MNGON SUM DU RTOGS PA YOD PAR GSUNGS PA'I SKABS GCIG DANG , MED PAR GSUNGS PA'I SKABS GNYIS MED PAR THAL, SKABS 'DIR NYAN RANG LA CHOS KYI BDAG MED PHRA MO MNGON SUM DU RTOGS PA MED PAR GSUNGS PA'I SKABS MA YIN PA'I PHYIR, DER THAL, SKABS 'DIR NYAN RANG LA CHOS KYI BDAG MED PHRA MO MNGON SUM DU RTOGS PA YOD PAR KHAS LEN RIGS PA'I PHYIR, 'DOD NA, DE YOD PAR THAL, RGYAN GYI DGONGS BA MTHAR THUG RANG RGYUD DU 'GREL BA'I SLOB DPON 'PHAGS SENG GNYIS KYI LUGS LA DE LTAR YOD PA'I PHYIR, DER THAL, RNAM BSHAD DGONGS PA RAB GSAL LAS, DES NA RGYAN GYI DGONGS PA 'GREL MDZAD DE DAG GI LUGS LA YANG TSUL GNYIS YOD BAR SHES PAR BYA'I, ,ZHES GSUNGS PA'I PHYIR, KHA CIG ,SPANG BYA CIG CAR PA'I RGYUN ZHUGS KYI RTOGS PA SDON DU SONG BA'I RANG RGYAL GYI TSOGS LAM CHOS CAN, THEG DAMN 'PHAGS PA'I MKHYEN BA YIN PAR THAL, MI MTHUN PHYOGS KYI GZHI SHES YIN BA'I PHYIR, KHYAB PA KHAS, MA GRUB NA, DER THAL, THEG DMAN PAR GYUR PA'I @13B 'PHAGS RGYUD KYI MKHYEN PA YIN PA'I PHYIR, 'DOD MI NUS TE, THEG DAMN SO SKYE'I MKHYEN PA YIN PA'I PHYIR, DER THAL, RANG RGYAL SO SKYE'I MKHYEN PA YIN PA'I PHYIR, ZER NA MA KHYAB, KHA CIG ,NYAN THOS KYI MTHONG LAM DE, BYANG SEMS LAM GYI SPANG BYA MA YIN PAR THAL, DE BYANG CHUB SEMS DPA'I SPANG BYA MA YIN PA'I PHYIR, DER THAL, BYANG CHUB SEMS DPA'I SKYABS YIN PA'I PHYIR, ZER NA MA KHYAB, MA GRUB NA, DER THAL, DE'I RGYUD LA NYAN THOS KYI MTHOD LAM LA SKYABS SU 'GRO BA'I RGYU'I SKYABS 'GRO YOD PA'I PHYIR, DER THAL, DE LA CHOS STON PA'I NYAN THOS MTHONG LAM PA YOD PA'I PHYIR ZER NA, NYAN THOS KYI MTHONG LAM DE MYUR DU SANGS RGYA BAR 'DOD PA'I BYANG SEMS LAM GYI SPANG BYA MA YIN PAR THAL, DE MYUR DU SANGS RGYA BAR 'DOD BA'I BYANG CHUB SEMS DBA'I SPANG BYA MA YIN BA'I PHYIR, DER THAL, DE DE'I SKYABS YIN PA'I PHYIR, 'KHOR GSUM, GAL TE MA GRUB NA, GONG BZHIN SGRUB PO, ,KHA CIG MI MTHUN PHYOGS KYI GZHI SHES YIN NA, BDEN 'DZIN YIN DGOS PAR THAL, DE YIN NA, GZUGS DANG GZUGS SOGS GANG ZAG GI BDAG GIS STONG PA'I STONG NYID LA BDEN BAR SBYAD BAS KHYAB PA'I PHYIR, DER THAL, SPYOD PA'I 'DU SHES MI MTHUN PHYOGS, ZHES GSUNGS PA'I PHYIR ZER NA, SKYON MED DE, GZUGS DANG DE GANG ZIG BDAG GIS STONG PA'I STONG NYID LA BDEN BAR 'DZIN BA'I BDEN 'DZIN GYIS BCINGS ZHES PA'I DON YIN PA'I PHYIR, 'DOD NA BKAG ZIN,, ` ,,GZUGS SOGS DE MI RTAG SOGS DANG , ,DE MA DZOGS DANG , ZHES SOGS KYI SKABS SU, 'DIR BSTAN SEMS DPA'I GZHI SHES SBYOR BA CHOS CAN, KHYOD LA DBYE NA DU MA YOD DE, KHYOD LA ZIN BYED KYI SGO NAS DBYE NA BCU YOD PA'I PHYIR, 'DI'I SKABS SU GSUM LAS, DANG PO LA, KHA CIG ,GZHI KUN RDZOB DANG , DON DAM PA'I GDOD LUGS GANG RUNG LA PHYIN CI LOG TU ZHEN PA'I GNYEN PO BSGOM PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID ZER NA, THEG CHEN MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, GZHI DON DAM PA'I GDOD LUGS LA PHYIN CI LOG TU ZHE NA PA'I GNYEN PO BSGOM PA'I SEMS DPA'I YE SHES YIN PA'I PHYIR, DER THAL, GZHI @14A *, ,BDEN PAR 'DZIN PA'I BDEN 'DZIN DANG DMIGS PA GCIG LA DMIGS NAS RNAM PA 'DZIN STANGS DNGOS 'GAL DU ZHUGS PA'I SEMS DPA'I YE SHES YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,GZHI BDEN MED DU RTOGS PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID YIN ZER NA, GZHI BDEN MED DU RTOGS PA'I THEG CHEN GYI SBYOR LAM CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS SO, ,KHA CIG ,GZUGS SOGS DE MI RTAG SOGS DANG , ,ZHES PA'I GZHUNG GIS STONG NYID RTOGS PA'I THEG CHEN GYI SBYOR LAM DNGOS BSTAN BSTAN BYA'I GTZO BOR BYAS NAS BSTAN ZER NA, DE MI 'THAD PAR THAL, GZUGS RTAG MA YIN MI RTAG MIN, ,ZHES PA'I GZHUNG GIS BDEN BZHI MI RTAG LA SOGS BCU DRUG RNAM PA BDEN STONG SPROS BRAL DU MNGON SUM DU RTOGS PA'I THEG CHEN GYI MTHONG LAM DNGOS BSTAN BSTAN BYA'I GTZO BOR BYAS NAS MA BSTAN PA'I PHYIR, DER THAL, DE LTAR STON BYED KYI SKABS GSUM PA'I GZHUNG MED PA'I PHYIR, KHA CIG ,GZUGS SOGS DE MI RTAG SOGS DANG , ,ZHES PA'I GZHUNG GI DNGOS BSTAN BSTAN BYA'I GTZO BO MED ZER NA, DE YOD PAR THAL, MI RTAG LA SOGS BCU DRUG RTOGS PA'I THEG PA CHEN PO'I SBYOR LAM DE, DE'I DNGOS BSTAN BSTAN BYA'I GTZO BO YIN PA'I PHYIR, DER THAL, MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM DE, GZUGS RTAG MA YIN MI RTAG MIN, ,ZHES PA'I GZHUNG GI DNGOS BSTAN BSTAN BYA'I GTZO BO YIN PA'I PHYIR, DER THAL, DE SKABS GSUM PA'I DNGOS BSTAN BSTAN BYA'I GTZO BO YIN PA'I PHYIR, KHA CIG , RGYU RKYEN LAS SKYES PA, GZHAN DBANG GI MTSAN NYID, RTAG PA DANG KUN DZOB BDEN PA'I GZHI MTHUN PA, KUN BTAGS KYI MTSAN NYID, GANG LA DMIGS NAS BSGOM PAS SHES SGRIB DAG PAR 'GYUR BA'I RNAM DAG LAM GYI DMIGS PA, YONGS GRUB KYI MTSAN NYID ZER NA, DANG PO LA, RGYU RKYEN @14B CHOS CAN, RGYU RKYEN LAS SKYES PAR THAL, GZHAN DBANG YIN PA'I PHYIR, 'DOD NA, DE CHOS CAN, KHYOD KHYOD LAS MA SKYES PAR THAL, KHYOD GANG ZAG GI BDAG MED YIN PA'I PHYIR, BAR BA LA, MYU GU BDEN PAR SKYE BA CHOS CAN, MTSAN NYID DER THAL, MTSON BYA DE'I PHYIR, MYU GU CHOS CAN, KHYOD BDEN PAR SKYE BA KUN BTAGS YIN PAR THAL, KHYOD 'DUS BYAS YIN PA'I PHYIR, 'DOD MI NUS TE, GZHI MA GRUB PA'I PHYIR, PHYI MA LA, GZUGS CHOS CAN, MTSON BYA DER THAL, MTSAN NYID DE'I PHYIR, DER THAL, GZUGS LA DMIGS NAS BDEN STONG DU RTOGS ZIN BSGOM PAS GZUGS BDEN PAR 'DZIN PA'I BDEN 'DZIN LAS GROL BAR 'GYUR BA'I PHYIR, 'DOD MI NUS TE, GZHAN DBANG YIN PA'I PHYIR, KHA CIG ,RANG NYID LA DMIGS NAS BDEN PAR BZUNG BAS YON TAN SKYE BA LA GEGS BYED PA'I CHOS YIN NA, YON TAN GYI RTEN DU MA RDZOGS PAS KHYAB, RANG NYID LA DMIGS NAS BDEN STONG DU RTOGS ZIN BSGOM PAS RTOGS PA GONG NAS GONG 'PHEL DU 'GYUR BA'I CHOS YIN NA, YON TAN GYI RTEN DU RDZOGS PAS KHYAB ZER NA, BUM PA CHOS CAN, YON TAN GYI RTEN DU MA RDZOGS PAR THAL, RANG NYID LA DMIGS NAS BDEN PAR BZUNG BAS YON TAN SKYE BA LA GEGS BYED PA'I CHOS YIN PA'I PHYIR, DER THAL, GZHI GRUB PA'I PHYIR, 'DOD MI NUS TE, YON TAN GYI RTEN DU RDZOGS PA'I PHYIR, DER THAL, RANG NYID LA DMIGS NAS BDEN STONG DU RTOGS ZIN BSGOM PAS RTOGS PA GONG NAS GONG 'PHEL DU 'GYUR BA'I CHOS YIN PA'I PHYIR, DER THAL, GZHI GRUB PA'I PHYIR, KHA CIG ,YON TAN GYI RTEN DU RDZOGS PA'I CHOS YIN NA, DON DAM BDEN PA YIN PAS KHYAB ZER NA, MYU GU BDEN STONG SGYU MA LTA BU CHOS CAN, DER THAL, DE'I PHYIR, DER THAL, DE 'DZIN STANGS GYI YUL DU BYAS NAS BSGOM PAS RTOGS PA GONG NAS GONG 'PHEL DU 'GYUR BA'I CHOS YIN PA'I PHYIR, DER THAL, MYU GU BDEN STONG SGYU MA LTA BUR LTA BA'I LTA BA DE DBU MA'I LTA BA YIN PA'I PHYIR, DER THAL, DBU MA'I LTA BA SKYONG TSUL LA MNYAM GZHAG NAM MKHA' LTA BU'I SKYONG TSUL DANG , RJES THOB SGYU MA LTA BU'I SKYONG TSUL GNYIS YOD PA'I PHYIR, DER THAL, RJE'I NYAMS MGUR LAS, MNYAM GZHAG NAM MKHA' @15A *, ,LTA BU'I STONG NYID DANG , ,RJES THOB SGYU MA LTA BU'I STONG PA NYID, ,CES GSUNGS PA'I PHYIR, 'DOD NA, MED DGAG YIN PAR THAL, 'DOD PA'I PHYIR, 'DOD MI NUS TE, MA YIN DGAG YIN PA'I PHYIR, KHA CIG ,YON TAN GYI RTEN DU MA RDZOGS PA'I CHOS YIN NA, RANG GI MTSAN NYID KYIS MA GRUB PAS KHYAB ZER NA, BDEN 'DZIN CHOS CAN, DER THAL, DE'I PHYIR, DER THAL, YON TAN SKYE BA LA GEGS BYED PA'I PHYIR, DER THAL, BDEN 'DZIN YIN PA'I PHYIR, 'DOD MI NUS TE, 'DUS BYAS YIN PA'I PHYIR, KHA CIG ,KUN BTAGS YIN NA, YON TAN GYI RTEN DU MA RDZOGS PAS KHYAB ZER NA, GANG ZAG GI BDAG MED PHRA MO CHOS CAN, DER THAL, DE'I PHYIR, DER THAL, MTSAN NYID GSUM PO GANG RUNG GANG ZHIG ,GZHAN DBANG YANG MA YIN, YONGS GRUB YANG MA YIN PA'I PHYIR, 'DOD MI NUS TE, NYON SGRIB SPONG BA'I YON TAN GYI RTEN DU RDZOGS PA'I PHYIR, DER THAL, GANG LA DMIGS NAS SGOM PAS NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG YIN PA'I PHYIR, KHA CIG ,KUN BTAGS KYI GZUGS YIN NA, GZUGS YIN PAS KHYAB, CHOS NYID KYI GZUGS YIN NA, GZUGS YIN PAS KHYAB ZER NA, DANG PO LA, GZUGS BDEN GRUB CHOS CAN, DER THAL, DE'I PHYIR, MA GRUB NA, GZUGS CHOS CAN, KHYOD BDEN GRUB KUN BTAGS KYI GZUGS YIN PAR THAL, KHYOD GZUGS YIN PA'I PHYIR, 'DOD MI NUS TE, GZHI MA GRUB PA'I PHYIR, PHYI MA LA, GZUGS BDEN STONG CHOS CAN, DER THAL, DE'I PHYIR, MA GRUB NA, GZUGS CHOS CAN, KHYOD BDEN STONG CHOS NYID KYI GZUGS YIN PAR THAL, KHYOD GZUGS YIN PA'I PHYIR, 'DOD MI NUS TE, 'DUS MA BYAS YIN PA'I PHYIR, KHA CIG ,SEMS DPA'I GZHI SHES SBYOR BA'I YUL YUL CAN BDEN STONG MNYAM PA NYID DU RTOGS PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID KYI MTSAN NYID ZER NA, THEG CHEN MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN GYI BAR CHAD MED LAM YIN PA'I PHYIR, 'DOD NA, SEMS DPA'I GZHI SHES SBYOR BA YIN PAR THAL, 'DOD PA DE'I @15B PHYIR, 'DOD MI NUS SO, ,GNYIS PA RANG LUGS LA, THEG DMAN GYI RTOGS RIGS SU GNAS PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID, DE LA ZIN BYED KYI SGO NAS DBYE NA BCU YOD, SEMS DPA'I GZHI SHES SBYOR PA'I YUL YUL CAN BDEN STONG MNYAM PA NYID DU RTOGS PA'I SHES RAB KYIS ZIN PA'I SGO NAS NYAN THOS KYI RTOGS RIG SU GNAS PA'I THEG CHEN GYI DON MNGON RTOGS, SKABS 'DIR DNGOS SU BSTAN PA'I SEMS DPA'I GZHI SHES SBYOR BA'I MTSAN NYID, DE LA ZIN BYED KYI SGO NAS DBYE NA BCU YOD, RANG GI RGYU RKYEN LAS SKYES PA, GZHAN DBANG GI MTSAN NYID, DE LA DAG MA DAG GI GZHAN DBANG GNYIS YOD, GANG LA DMIGS NAS BSGOM PAS SHES SGRIB DAG PAR 'GYUR BA'I RNAM DAG LAM GYI DMIGS PA MTHAR THUG ,YONGS GRUB KYI MTSAN NYID, DE LA SGRAS BRJOD RIGS KYI SGO NAS DBYE NA, 'GYUR MED YONGS GRUB, PHYIN CI MA LOG PA'I YONGS GRUB DANG GNYIS, GZHAN DBANG DANG YONGS GRUB GANG RUNG MA YIN PA, KUN BTAGS KYI MTSAN NYID, DE LA MTSAN NYID YONGS CHAD GYI KUN BTAGS, RNAM GRANGS PA'I KUN BTAGS GNYIS, DE DAG GI MTSAN GZHI GONG DU GZUNG ZIN, YON TAN GYI RTEN DU RDZOGS MA RDZOGS KYI KHYAD PAR YOD DE, JI SNYED PA'I DBANG DU BYAS NA, MYU GU BDEN STONG SGYU MA LTA BU YON TAN GYI RTEN DU RDZOGS, MYU GU BDEN PAR 'DZIN PA'I BDEN 'DZIN YON TAN GYI RTEN DU MRDZOGS, JI LTA BA'I DBANG DU BYAS NA, MYU GU BDEN STONG YON TAN GYI RTEN DU RDZOGS PA YIN PA'I PHYIR, DANG PO DER THAL, DE RANG NYID 'DZIN STANGS GYI YUL DU BYAS NAS BSGOM PAS RTOGS PA GONG NAS GONG 'PHEL DU 'GYUR BA'I CHOS YIN PA'I PHYIR, GNYIS PA DER THAL, DE YON LTAN SKYE BA LA GEGS BYED YIN BA'I PHYIR, GSUM PA DER THAL, DE RANG NYID 'JIN STANGS KYI YUL DU BYAS NAS BSGOM PAS RTOGS PA GONG NAS GONG 'PHEL DU 'GYUR BA'I CHOS YIN PA'I PHYIR, MYU GU BDEN GYUR CHOS CAN, YON TAN GYI RTEN DU MA RDZOGS TE, RANG GI MTSAN NYID KYI SMA GRUB PA'I PHYIR, GZUGS KYI STENG GI RNAM DAG GI GZUGS SOGS KYI KHYAD PAR YOD DE, GZUGS DE GZUGS KYI STENG GI RNAM DAG GI GZUGS DANG , GZUGS BDEN @16A *, ,GRUB DE DE'I STENG GI KUN BTAGS KYI GZUGS DANG , GZUGS BDEN STONG DE DE'I STENG GI CHOS NYID KYI GZUGS YIN PA'I PHYIR, SEMS DPA'I GZHI SHES SBYOR BA'I YUL YUL CAN BDEN STONG MNYAM PA NYID DU RTOGS PA'I SEMS DPA'I YE SHES DE, SEMS DPA'I GZHI SHES SBYOR BA ZIN BYED KYIS STONG NYID RTOGS PA'I SEMS DPA'I YE SHES DE'I 'DZIN STANGS KYI MNYAM PA NYID KYI MTSAN NYID, GSUM PA RTZOD PA SPONG BA LA, KHO NA RE, KHYAD GZHI GZUGS DANG KHYAD CHOS MI RTAG PA SOGS RDZOGS MA RDZOGS BDEN STONG DU RTOGS PA'I SEMS DPA'I YE SHES SEMS DPA'I GZHI SHES SBYOR BA YIN PAR THAL, GZUGS SOGS DE MI RTAG SOGS DANG , ,ZHES PA'I GZHUNG GIS SEMS DPA'I GZHI SHES SBYOR BA DNGOS BSTAN BSTAN BYA'I GTZO BOR BYAS NAS BSTAN PA'I PHYIR, ZER NA MA KHYAB, KHO NA RE, GZHUNG DES SEMS DPA'I GZHI SHES SBYOR BA DNGOS BSTAN BSTAN BYA'I GTZO BOR BYAS NAS MA BSTAN PAR THAL, DE LTAR MA BSTAN PA RNAM BSHAD LAS GSUNGS BA'I PHYIR ZER NA, SKYON MED DE, DE'I SKABS NAS BSTAN PA'I GZHI SHES SBYOR BA ZIN BYED KYI STONG NYID RTOGS PA'I SHES RAB DANG , DES ZIN PA'I THEG DMAN GYI RTOGS RIGS SU GNAS PA'I SEMS DPA'I GZHI SHES SBYOR BA GNYIS KYI NAD NAS PHYI MA DE LTAR MA BSTAN ZHES PA'I DON YIN PA'I PHYIR, KHA CIG ,GANG ZAG GI BDAG MED PHRA MO CHOS CAN, YONGS GRUB YIN PAR THAL, RNAM DAG LAM GYI DMIGS PA MTHAR THUG YIN PA'I PHYIR, DER THAL, GANG LA DMIGS NAS BSGOM PAS NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG YIN PA'I PHYIR, ZER NA MA KHYAB, MA GRUB NA, DER THAL, CHOS CAN DE YIN PA'I PHYIR, 'O NA, DE RANG CHOS CAN, STONG NYID YIN PAR THAL, GANG ZAG RANG RKYA THUB PA'I RDZAS YOD KYIS STONG PA'I STONG NYID YIN PA'I PHYIR, KHYAB PA KHAS, MA GRUB NA, DER THAL, GANG ZAG GI BDAG MED PHRA MO YIN PA'I PHYIR, DE LA SKYON 'PHEN PA LA KHA CIG ,SHING RTA'I STENG GI GANG ZAG GI BDAG MED PHRA MO CHOS CAN, GANG ZAG RANG RKYA THUB PA'I RDZAS YOD KYIS @16B STONG PA'I STONG NYID YIN PAR THAL, GANG ZAG GI BDAG MED PHRA MO YIN PA'I PHYIR, KHYAB PA KHAS, MA GRUB NA, DER THAL, SHING RTA'I STENG GI GANG ZAG GI BDAG MED PHRA MO YOD PA'I PHYIR, DER THAL, SHING RTA'I STENG GI DE RTOGS PA'I GANG ZAG YOD PA'I PHYIR, DER THAL, CHOS THAMS CAD KYI STENG DU GANG ZAG GI BDAG MED PHRA MO RTOGS PA'I GANG ZAG YOD PA'I PHYIR, RTZA BAR 'DOD NA, SHING RTA GANG ZAG YIN PAR THAL, 'DOD PA DE'I PHYIR, ZER NA MA KHYAB BO, KHA CIG ,BYANG SEMS MTHONG LAM PA'I RGYUD KYI MYU GU BDEN STONG SGYU MA LTA BUR RTOGS PA'I LTA BA CHOS CAN, DBU MA'I DON RTOGS PAR THAL, DBU MA'I LTA BA YIN PA'I PHYIR, ZER NA MA KHYAB, 'DOD MI NUS TE, MYU GU BDEN STONG SGYU MA LTA BU DBU MA'I DON MA YIN PA'I PHYIR, DER THAL, DE MED DGAG MA YIN PA'I PHYIR, KHA CIG ,MTSAN NYID BDEN STONG, CHOS NYID KYI MTSAN NYID DANG, RGYU BDEN STONG, CHOS NYID KYI RGYU YIN PAR THAL, GZUGS BDEN STONG , CHOS NYID KYI GZUGS YIN PA'I PHYIR, ZER NA MA KHYAB, 'DOD NA, DANG PO LA, RI BONG RWAS MA NGES SO, ,PHYI MA LA, RGYU BDEN STONG CHOS CAN, CHOS NYID KYI SKYED BYED YIN PAR THAL, CHOS NYID KYI RGYU YIN PA'I PHYIR, 'DOD MI NUS SO, ,KHA CIG ,GZHI KUN RDZOB DANG DON DAM PA'I GDOD LUGS GANG RUNG LA PHYIN RI LOG TU ZHEN PA'I GNYEN PO BSGOM PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID, SEMS DPA'I GZHI SHES SBYOR PA'I ? YUL YUL CAN BDEN STONG MNYAM PA NYID DU RTOGS PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID KYI MTSAN NYID YIN PAR THAL, DE LTAR RNAM BSHAD SNYING PO RGYAN LAS GSUNGS PA'I PHYIR ZER NA, SKYON MED DE, DANG PO NI, GZUGS SOGS DE MI RTAG SOGS DANG , ZHES PA'I SKABS NAS BSTAN PA'I SEMS DPA'I GZHI SHES SBYOR BA ZIN BYED KYI STONG NYID RTOGS PA'I SHES RAB DANG , DES ZIN PA'I SEMS DPA'I GZHI SHES SBYOR BA'I MTSAN GZHI GZUNG BA TZAM YIN PA'I PHYIR, PHYI MA'I DON YANG , SEMS DPA'I GZHI SHES SBYOR BA ZIN BYED KYI STONG NYID RTOGS PA'I SEMS DPA'I YE SHES DE'I 'DZIN @17A *, ,STANGS KYI MNYAM NYID KYI MTSAN NYID GTAN LA PHAB PA TZAM YIN PA'I PHYIR,, ` ,,GZUGS RTAG MA YIN MI RTAG MIN, ,ZHES PA'I SKABS SU, SEMS BSKYED BSNGO BA SHES RAB GSUM GYIS ZIN PA'I SGO NAS THEG DMAN GYI RTOGS RIGS SU GNAS PA'I THEG CHEN GYI MTHONG LAM CHOS CAN, 'DA' BYA'I THEG PA CHEN PO'I MTHONG LAM YIN TE, SEMS BSKYED BSNGO BA SHES RAB GSUM GYIS ZIN PA'I SGO NAS THEG DMAN GYI RTOGS RIGS SU GNAS PA'I THEG CHEN GYI BDEN PA MNGON RTOGS YIN PA'I PHYIR, ` NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA MA YIN PAS, SGOM PA'I LAM NI MA BSTAN TO, ZHES SOGS KYI SKABS SU, RNAM PA GSUM LAS, DANG PO LA, KHA CIG ,SKABS 'DIR DNGOS SU MI STON RGYU'I SGOM LAM YIN NA, YOD PAS KHYAB ZER NA, GANG ZAG GI BDAG MED MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG PA CHEN PO'I SGOM LAM CHOS CAN, DER THAL, DE'I PHYIR, DER THAL, NYI KHRI SNANG BA LAS, THAMS CAD SHES PA NYID LA SGOM PA'I LAM MED PA'I PHYIR, ZHES GSUNGS PA GANG ZHIG ,GANG ZAG GI BDAG MED MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I NYAN THOS KYI SGOM LAM MED PA MI 'THAD PA'I PHYIR, DER THAL, NYAN THOS SGOM LAM PA YIN NA, GANG ZAG GI BDAG MED GOMS PA LHUR LEN GYI TSUL GYIS BSGOM PAS KHYAB PA'I PHYIR, 'DOD MI NUS TE, DE MED PA'I RGYU MTSAN GYIS SKABS 'DIR MA BSTAN PAR GSUNGS PA'I PHYIR, DER THAL, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES GSUNGS PA'I PHYIR, KHA CIG ,SKABS 'DIR DNGOS SU MI STON RGYU'I SGOM LAM DANG YOD PA'I GZHI MTHUN YIN NA, THEG CHEN GYI SGOM LAM YIN PAS KHYAB ZER NA, NYAN THOS KYI SGOM LAM CHOS CAN, DER THAL, DE'I PHYIR, DER THAL, 'GREL CHEN LAS, SKABS 'DIR SGOM LAM DNGOS SU MI STON PA'I RGYU MTSAN 'CHAD PA'I SKABS SU, NYAN THOS LA SOGS PA LA YANG JI LTAR YONGS SU MTHONG BA'I DON NYID YANG DANG YANG DU @17B MNGON SUM DU BYED PA SGOM PA'I LAM YIN PAR GO SLA BAR MA GSUNG SO, ,ZHES GSUNGS PA'I PHYIR, 'DOD MI NUS SO, ,KHA CIG ,SKABS 'DIR DNGOS SU MI STON RGYU'I THEG CHEN GYI SGOM LAM YIN NA, THEG DMAN GYI RTOGS RIGS SU GNAS PAS, KHYAB ZER NA, STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM CHOS CAN, DER THAL, DE'I PHYIR, DER THAL, BYANG CHUB SEMS DPAS SHES MTHONG GIS BLTAS NAS 'DA' BA'I LAM DU STON MI RIGS, GNAS NAS 'DA' BA'I LAM DU STON MA DGOS PA'I PHYIR, 'DI'I KHYAB PA 'GREL BA'I DNGOS ZIN LAS GE BTAB BSGYUR BAS GRUB PO, ,DANG PO DER THAL, DE BYANG CHUB SEMS DPAS SHES MTHONG GIS BLTAS NAS 'DA' BA'I LAM MA YIN PA'I PHYIR, DER THAL, GNAS NAS 'DA' BA'I LAM YIN PA'I PHYIR, DER THAL, CHOS CAN DE YIN PA'I PHYIR, GNAS NAS 'DA' BA'I LAM DU STON MI DGOS TE, GZUGS RTAG MA YIN MI RTAG MIN, ,ZHES PA'I GZHUNG GIS STONG NYID RTOGS PA'I THEG CHEN GYI MTHONG LAM DE GNAS NAS 'DA' BA'I LAM DU BSTAN PA LA BRTEN NAS, STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN SGOM LAM GNAS NAS 'DA' BA'I LAM DU GO NUS PA'I PHYIR, KHA CIG ,NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES SOGS KYI GZHUNG DE, GZUGS RTAG MA YIN MI RTAG MIN, ,ZHES PA'I GZHUNG RDZOGS, DE LTAR 'DI DANG YANG 'DI DANG , ,ZHES PA'I GZHUNG MA BRTZAM PA'I BAR DU GANG ZAG GI BDAG MED MNGON SUM DU RTOGS PA'I THEG PA CHEN PO'I SGOM LAM DNGOS SU MI STON PA'I RGYU MTSAN DNGOS SU 'CHAD BYED KYI GZHUNG YIN ZER NA, MI 'THAD PAR THAL, GZUGS RTAG MA YIN MI RTAG MIN, ,ZHES PA'I GZHUNG RNAMS RDZOGS, ,DE LTAR 'DI DANG YANG 'DI DANG , ,ZHES PA'I GZHUNG MA BRTZAM PA'I BAR DU MNGON RTOGS RGYAN GYI GZHUNG TSIG MED PA'I PHYIR, GZHAN YANG , GZUGS RTAG MA YIN MI RTAG MIN, ,ZHAS PA'I GZUNG RNAMS RDZOGS, DE LTAR 'DI DANG YANG 'DI DANG , ZHES PA'I GZHUNG MA BRTZAM PA'I BAR DU MI RTAG SOGS BCU DRUG RTOGS PA'I THEG CHEN GYI MTHONG LAM @18A *, ,DNGOS SU BSTAN PAR THAL, KHYOD KYI RTZA BA'I DAM BCA' 'THAD PA'I PHYIR, KHYAB PA YOD DE, RNAM BSHAD LAS NI PHYI MA MTHONG LAM LAS DMIGS KYIS BKAR BA'O, ,ZHES GSUNGS PA'I PHYIR, GONG GI RTZA BA'I DAM BCA' LA 'DOD MI NUS TE, DE GNYIS KYI BAR DU DE LTAR STON PA'I MNGON RTOGS RGYAN GYI GZHUNG TSIG MED PA'I PHYIR, KHA CIG ,NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES SOGS KYI GZHUNG 'DI STONG NYID MNGON SUM DU RTOGS SHING GOMS PA LHUR LEN GYIS BSGOM PA'I THEG PA CHEN PO'I SGOM LAM, SKABS GSUM PAR DNGOS SU MI STON PA'I RGYU MTSAN 'CHAD BYED KYI GZHUNG YIN ZER NA, DE 'DRA'I THEG CHEN GYI SGOM LAM BYANG CHUB SEMS DPAS SHES MTHONG GIS BLTAS NAS 'DA' BA'I LAM YIN PAR THAL, DAM BCA' 'THAD PA'I PHYIR, 'DOD NA BKAG ZIN, KHA CIG ,NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES SOGS KYI GZHUNG 'DI, MI RTAG SOGS BCU DRUG RTOGS PA'I THEG CHEN GYI SGOM LAM SKABS GSUM PAR MI STON PA'I RGYU MTSAN 'CHAD BYED KYI GZHUNG MA YIN ZER NA, 'O NA, SKABS GSUM PAR DE 'DRA BA'I THEG CHEN GYI SGOM LAM MA BSTAN PAR THAL, DAM BCA' 'THAD PA'I PHYIR, 'DOD MI NUS TE, SKABS DANG PO DRUG TU SBYOR MTHONG SGOM GSUM LAN DRUG TU BSTAN PA'I PHYIR, DER THAL, DE LTAR BSTAN PA LA ZLOS SKYON SPONG BA'I GZHUNG YOD PA'I PHYIR, DER THAL, 'GREL PA LAS, RNAM PA DANG LAM DANG GZHI THAMS CAD RNAM PAR BSGOM PA'I DBYE BAS, ZHES GSUNGS PA'I PHYIR, KHA CIG ,NYAN THOS KYI LAM NI BYANG CHUB SEMS DPAS ZHES SOGS KYI GZHUNG 'DIS, STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM, SKABS GSUM PAR DNGOS SU MI STON PA'I RGYU MTSAN MA BSTAN ZER NA, DE BSTAN PAR THAL, DE 'DRA'I THEG CHEN GYI SGOM LAM DE, SKABS GSUM PAR DNGOS SU MI STON PA'I RGYU MTSAN 'CHAD BYED KYI GZHUNG YOD PA GANG ZHIG ,DE SKABS GSUM PAR DNGOS SU MI STON RGYU'I SGOM LAM YIN PA'I PHYIR, DER THAL, DE SKABS GSUM PAR DNGOS SU MI STON PA'I SGOM LAM YIN PA'I @18B PHYIR` ? DER THAL, DE SGOM LAM YIN PA'I PHYIR, GNYIS PA RANG LUGS LA, RTZOD PA DANG , LAN GNYIS LAS, DANG PO LA, KHA CIG ,GZUGS RTAG MA YIN MI RTAG MIN, ,ZHES PA'I GZHUNG RDZOGS, DE LTAR 'DI DANG YANG 'DI DANG , ,ZHES PA'I GZHUNG MA BRTZAM PAR DU MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU BSTAN PA'I GZHUNG MI 'BYUNG BA DE MI RIGS PAR THAL, DE LTAR 'BYUNG BA'I PHYIR, DER THAL, SKABS GNYIS PAR, BDEN DANG BDEN LA BZOD PA DANG , ,ZHES PA'I SKABS SU STONG NYID MNGON SUM DU RTOGS PA'I THEG CHEN GYI MTHONG LAM DNGOS SU BSTAN NAS, DE'I RIGS RGYUN DU GYUR PA'I STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU STON BYED KYI GZHUNG 'BYUNG BA LTA BU YIN PA'I PHYIR ZER, ,GNYIS PA LAN BSHAD PA LA, GZUGS RTAG MA YIN MI RTAG MIN, ,ZHES PA'I GZHUNG RDZOGS, DE LTAR 'DI DANG YANG 'DI DANG , ,ZHES PA'I GZHUNG MA BRTZAM BAR DU MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU STON PA'I GZHUNG MI 'BYUNG BA'I RGYU MTSAN YOD DE, BYANG CHUB SEMS DPAS SHES MTHONG GIS BLTAS NAS 'DA' BA'I LAM DU STON MI DGOS, GNAS NAS 'DA' BA'I LAM DU STON MI RIGS PA'I PHYIR, DANG PO DER THAL, GZUGS RTAG MA YIN MI RTAG MIN, ,ZHES PA'I SKABS SU MI RTAG LA SOGS BCU DRUG MNGON SUM DU RTOGS PA'I THEG CHEN GYI MTHONG LAM DE, BYANG CHUB SEMS DPAS SHES MTHONG GIS BLTAS NAS 'DA' BA'I LAM DU BSTAN PA LA BRTEN NAS, DE'I RIGS RGYUN DU GYUR PA'I MI RTAG LA SOGS BCU DRUG MNGON SUM DU RTOGS PA'I THEG CHEN GYI SGOM LAM YANG , BYANG CHUB SEMS DPAS SHES MTHONG GIS BLTAS NAS 'DA' BA'I LAM DU GO NUS PA'I PHYIR, PHYI MA LA, DER THAL, GNAS NAS 'DA' BA'I LAM MA YIN PA'I PHYIR, DER THAL, DE YIN NA, MI RTAG LA SOGS GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM YOD DGOS PA LAS DE MED PA'I PHYIR, DER THAL, MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I @19A *, ,BYANG SEMS SGOM LAM PA MED PA'I PHYIR, GZHAN YANG , GZUGS RTAG MA YIN MI RTAG MIN, ,ZHES PA'I GZHUNG RDZOGS, DE LTAR 'DI DANG YANG 'DI DANG , ,ZHES PA'I GZHUNG MA BRTZAM PA'I BAR DU MI RTAG LA SOGS MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU BSTAN PA'I GZHUNG MI 'BYUNG BA'I RGYU MTSAN YOD DE, DE 'DRA'I THEG CHEN GYI SGOM LAM GZHI MA GRUB PA'I PHYIR, BYANG CHUB SEMS DPAS MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I SGOM LAM NYAN THOS RNAMS LA STON DGOS KYANG ,GZUGS RTAG MA YIN MI RTAG MIN, ,ZHES PA'I GZHUNG RDZOGS, DE LTAR 'DI DANG YANG 'DI DANG , ,ZHES PA'I GZHUNG MA BRTZAM BAR DU DNGOS SU STON PA'I GZHUNG MI 'BYUNG BA'I RGYU MTSAN YOD DE, NYAN THOS LA DE YOD PAR GO SLA BAS DE LTAR MA BSTAN PA'I PHYIR, ,RTZOD PA SPONG BA LA, KHA CIG ,NYAN THOS KYI LAM NI BYANG CHUB SEMS DPAS, ZHES SOGS KYI GZHUNG SGRA JI BZHIN PA MA YIN PAR THAL, DES STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN SGOM LAM DNGOS SU MI STON PA'I RGYU MTSAN BSTAN PA'I PHYIR, ZER NA MA KHYAB, MA GRUB NA, DER THAL, DE SKABS GSUM PAR DNGOS SU MI STON PA'I RGYU MTSAN 'CHAD BYED KYI GZHUNG YOD PA GANG ZHIG ,DE SKABS GSUM PAR DNGOS SU MI STON PA'I RGYU MTSAN TSANG BA'I SGOM LAM YIN PA'I PHYIR, MA GRUB NA, RJE BTZUN GYIS SKABS GSUM PAR DE 'DRA'I SGOM LAM DNGOS SU MI STON PA'I RGYU MTSAN MED BZHIN DU SKABS GSUM PAR SGOM LAM DNGOS SU MA BSTAN PAR THAL, MA GRUB PA DE'I PHYIR, 'DOD NA, SKABS GSUM PAR SGOM LAM DNGOS SU STON DGOS BZHIN DU DNGOS SU MA BSTAN PAR THAL, 'DOD PA DE'I PHYIR, 'DOD MI NUS SO, ,KHA CIG ,GANG ZAG GI BDAG MED MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM CHOS CAN, KHYOD SKABS GSUM PAR DNGOS SU MI STON RGYU'I SGOM LAM MA YIN PAR THAL, SKABS GSUM PAR DNGOS SU MI STON RGYU'I SGOM LAM MED NGES ? YIN PA'I PHYIR, KHYAB STE, SGOM LAM YIN NA MED NGES MA YIN DGOS @19B PA'I PHYIR ZER NA, MYU GU BDEN GRUB CHOS CAN, MYU GU BDEN MED DU SGRUB PA'I DGAG BYA'I CHOS MA YIN PAR THAL, MYU GU BDEN MED DU SGRUB PA'I DGAG BYA'I CHOS MED NGES YIN PA'I PHYIR, KHYAB STE, CHOS YIN NA MED NGES MA YIN DGOS PA'I PHYIR, 'KHOR GSUM, KHA CIG ,MA ZHIG PA'I SGOM LAM YIN NA, MI 'JIG RGYU'I SGOM LAM YIN DGOS PAR THAL, SKABS GSUM PAR DNGOS SU MA BSTAN PA'I SGOM LAM YIN NA, SKABS GSUM PAR DNGOS SU MI STON RGYU'I SGOM LAM YIN DGOS PA'I PHYIR, ZER NA MA KHYAB, 'DOD NA, SGOM LAM GYIS MA NGES SO, ,KHA CIG ,NYAN THOS KYI LAM NI BYANG CHUB SEMS DPAS ZHES SOGS KYI GZHUNG GIS STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM, SKABS GSUM PAR DNGOS SU STON PA'I RGYU MTSAN MA BSTAN PAR THAL, SKABS GSUM PAR SGOM LAM DNGOS SU BSTAN PA'I PHYIR, DER THAL, SKABS GSUM PAR GZHI SHES THAMS CAD DNGOS SU BSTAN PA'I PHYIR TE, DE LTAR KUN SHES NYID LUGS LA, ,MI MTHUN GNYEN ? PO'I PHYOGS DAG GI, RNAM PAR DBYE BA MA LUS PA, ,JI SKAD BSHAD PA 'DIR SHES BYA, ,ZHES GSUNGS PA'I PHYIR, ZER NA MA KHYAB, 'DOD NA, LUNG DE RANG GI BSTAN BYA'I DON LAM ZHUGS PAR THAL, DES STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM, SKABS GSUM PAR DNGOS SU MI STON PA'I RGYU MTSAN YANG MA BSTAN, MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DE, GZUGS RTAG MA YIN MI RTAG MIN, ,ZHES PA'I GZHUNG RNAMS RDZOGS, DE LTAR 'DI DANG YANG 'DI DANG YANG 'DI DANG , ,ZHES PA'I GZHUNG MA BRTZAM PA'I BAR DU DNGOS SU MI STON PA'I RGYU MTSAN 'CHAD BYED KYI GZHUNG YANG MA YIN PA'I PHYIR, DANG PO KHAS, GNYIS PA MA GRUB NA, DE'I BAR DU MI RTAG SOGS BCU DRUG RTOGS PA'I THEG CHEN GYI MTHONG LAM DNGOS SU BSTAN PAR THAL, MA GRUB PA DE'I PHYIR, KHAB STE, RNAM BSHAD LAS, PHYI MA NI MTHONG LAM LAS DMIGS KYIS BKAR BA'O, ,ZHES GSUNGS PA'I PHYIR, 'DOD MI NUS TE, DE GNYIS KYI BAR DU MNGON RTOGS RGYAN GYI GZHUNG TSIG MED PA'I PHYIR, DER THAL, DE 'DRA'I MTHONG LAM DE, GZUGS RTAG @20A *, ,MA YIN MI RTAG MIN, ,ZHES PA'I SKABS SU YANG BSHAD ZIN PA'I PHYIR, KHA CIG ,GZUGS RTAG MIN, ,ZHES PA'I GZHUNG DES MI RTAG SOGS BCU DRUG MNGON SUM DU RTOGS PA'I THEG CHEN GYI SGOM LAM BSTAN PAR THAL, SKABS GSUM PAR SGOM LAM BSTAN PA'I PHYIR, 'DOD NA, DE DE 'CHAD BYED KYI GZHUNG YIN PAR THAL, 'DOD PA DE'I PHYIR, 'DOD MI NUS TE, MI RTAG LA SOGS BCU DRUG MNGON SUM DU RTOGS PA'I THEG CHEN GYI MTHONG LAM 'CHAD BYED KYI GZHUNG YIN PA'I PHYIR, ZER NA MA KHYAB, KHA CIG ,DE LTAR 'DI DANG YANG 'DI DANG , ,ZHES PA'I GZHUNG 'DI SKABS GSUM PA'I GZHUNG TSIG YIN ZER NA, DE MA YIN PAR THAL, DE SKABS DANG PO GSUM PO GANG RUNG GI GZHUNG DU MI STON PA'I PHYIR, DER THAL, DE SKABS DANG PO GSUM DU MKHYEN GSUM GYI RNAM PA BSTAN PA'I DON BSDU BA'I GZHUNG TZAM YIN PA'I PHYIR, SKABS GSUM PA'I MTHA' DPYOD GSAL BA'I SGRON ME BKOD ZIN TO,, ,, ` SMRAS PA, RGYAL KUN YAB TU GYUR KYANG RGYAL SRAS TSUL, ,TSUL BZHIN BSTEN NA RMONGS PA'I DRA BA KUN, ,KUN MKHYEN RAL GRIS GCOD MDZAD 'JAM PA'I DBYANGS, ,DBYANGS CAN DGA' BA'I TZONG KHA BA LA 'DUD, ,CHOS KUN GDOD MA'I GSHIS LUGS NAM MKHA' LA, ,THA SNYAD RTEN 'BREL SPRIN PHUNG LHUN 'GRUB CING , ,'CHAD RTZOD RTZOM PA'I RNGA BSANGS CHER SGROGS PAS, ,DANG LDAN MDONGS MTHA'I YID KYI DGA' STON RGYAS, ,RGYAL KUN GSHEGS SHUL LAM BZANG SHER PHYIN MDO'I, ,DGONGS 'GREL PAD DKAR 'PHRENG MDZES 'DIR 'BAD PA'I, ,DGE DANG 'DUN PA'I SMON LAM RGYA CHEN RNAMS, ,DBYAR GYI MTSO LTAR 'PHEL PHYIR RDZOGS BYANG BSNGO,, ` YE SHES BLA MA 'OD KYI TOG ,DE BZHIN SMON LAM BLO GROS DANG , ,DBANG PO ZHI DANG 'JAM DBYANGS LA, ,BDAG NI GUS PAS PHYAG 'TSAL LO, ,` SWA STI ; ? STON DUS DAG PA'I MKHA' LA ZLA 'OD BZHIN, ,DKAR BA'I 'OD BRGYA RGYAS PAR DKRIGS PA'I SKU, ,MCHOD SBYIN DANG NI THUGS KHAR SON PA'I PHYAG ,GLEGS BAM RAL GRIS MTSAN LA PHYAG 'TSA LO, ? ,ZHI ZHING GA-YAS ? SU 'GYING LA BZHAD PA'I NYAMS, ,MDZES SHING YID 'ONG RIN CHEN RGYAN GYIS BRGYAN, ,BRTAN CING MI GA-YO RDO RJE'I SKYIL KRUNG CAN, ,SGEG CING ROL PA KHYOD LA PHYAG 'TSAL LO, ,'DI YANG RJE'I GSUNG LAS BYUNG BA'O,, @20B {BP}