@A *, ,MKHAS GRUB BSTAN PA DAR RGYAS KYI GSUNG RGYUN LAS, SKABS LNGA PA DRUG PA BDUN PA'I MTHA' DPYOD PAD MA DKAR PO'I 'PHRENG BA ZHES BYA BA'I DBU PHYOGS BZHUGS SO,, ,, @01A *, ,RNAM PA THAMS CAD MNGON PAR RDZOGS PA RTOGS PA THOB PA LA, ,ZHES SOGS KYI SKABS SU, RNAM RDZOGS SBYOR BA BSHAD ZIN BA'I 'OG TU RTZE SBYOR 'CHAD PA'I RGYU MTSAN YOD DE, MKHYEN GSUM GYI RNAM PA LA GOMS PA DBANG BSGYUR MTHOB PA THOB PHYIR DU BSGOM PA'I RNAM RDZOGS SBYOR BA LA BRTEN NAS, MKHYEN GSUM GYI RNAM PA LA GOMS PA DBANG BSGYUR THOB ZIN PA'I RTZE SBYOR 'BYUNG BA'I RGYU MTSAN GYIS DE LTAR BSHAD PA'I PHYIR, 'DI SKABS SU, KHA CIG, MKHYEN GSUM GYI RNAM PA LA GOMS PA DBANG BSGYUR THOB PA'I SEMS DPA'I YE SHES RTZE SBYOR GYI MTSAN NYID YIN ZER NA, STONG NYID MNGON SUM DU RTOGS PA'I THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, DER THAL, STONG NYID MNGON SUM DU RTOGS PA'I SEMS DPA'I YE SHES YIN PA'I PHYIR, 'DOD NA, THEG CHEN SBYOR LAM THOB PA'I SEMS DPA'I YE SHES YIN PAR THAL LO, ,GZHAN YANG , RNAM RDZOGS SBYOR BA YIN NA MKHYEN GSUM GYI RNAM PA LA GOMS PA DBANG BSGYUR MA THOB PA THOB PA'I PHYIR DU BSGOM PA'I SEMS DPA'I YE SHES YIN DGOS PAR THAL, KHYOD KYI RTZE SBYOR GYI MTSAN NYID 'THAD PA'I PHYIR, 'DOD NA, THEG CHEN MTHONG LAM BAR CHAD MED LAM CHOS CAN, DER THAL, DE'I PHYIR, DER THAL, SEMS DPA'I YE SHES YIN PA'I PHYIR, 'DOD MI NUS TE, MKHYEN GSUM GYI RNAM PA LA GOMS PA DBANG SGYUR THOB ZIN PA'I PHYIR, KHA CIG, SBYOR BA DANG PO GSUM @02A *, ,PO DE 'GAL BA YIN ZER NA, DE MI 'GAL BAR THAL, THEG CHEN GYI MTHONG LAM DE GSUM KA YIN PA'I PHYIR, DE CHOS CAN, RNAM RDZOGS SBYOR BA YIN PAR THAL, SEMS DPA'I YE SHES YIN PA'I PHYIR, PHYI MA GNYIS YIN PAR THAL, BYANG SEMS MTHONG LA PA'I MKHYEN PA YIN PA'I PHYIR, ,RANG LUGS LA, THEG CHEN GYI SBYOR LAM THOB PA'I GANG ZAG GI RGYUD KYI MKHYEN GSUM GANG RUNG GI RNAM PA NYAMS SU LEN PA'I SEMS DPA'I YE SHES, RTZE SBYOR GYI MTSAN NYID, DE LA DBYE NA, SBYOR LAM RTZE SBYOR, MTHONG LAM RTZE SBYOR, SGOM LAM RTZE SBYOR, BAR CHAD MED PA'I RTZE SBYOR DANG BZHI YOD, RTZOD PA SPONG BA LA, KHA CIG, RNAM RDZOGS SBYOR BA YIN NA, MKHYEN GSUM GYI RNAM PA LA GOMS PA DBANG SGYUR MA THOB PA THOB PHYIR DU BSGOM PA'I SEMS DPA'I YE SHES YIN DGOS PAR THAL, MTHAR GYIS SBYOR BA YIN NA, MKHYEN GSUM GYI RNAM PA LA BRTAN PA MA THOB PA THOB PHYIR DU BSGOM PA'I SEMS DPA'I YE SHES YIN DGOS PA'I PHYIR ZER NA MA KHYAB, MA GRUB NA DER THAL, SKAD CIG SBYOR BA YIN NA, MKHYEN GSUM GYI RNAM PA LA BRTAN PA THOB PAS KHYAB PA'I PHYIR ZER NA, 'O NA, RNAM RDZOGS SBYOR BA DANG RTZE SBYOR 'GAL PAR THAL, MTHAR GYIS SBYOR BA DANG SKAD CIG SBYOR BA GNYIS 'GAL BA'I PHYIR, DER THAL, DE LA GCIG YIN LA GCIG MIN GYI KHYAB PA'I PHYIR, 'DOD NA BKAG ZIN,, ` ,,RMI LAM NA YANG CHOS RNAMS KUN, ZHES SOGS @02B KYI SKABS SU, DROD RTZE SBYOR THOB PA'I RTAGS CHOS CAN, KHYOD LA RNAM PA DU MA YOD DE, KHYOD LA RNAM PA BCU GNYIS YOD PA'I PHYIR, KHA CIG ,DROD RTZE SBYOR THOB PA'I RTAGS CHOS CAN, KHYOD LA DBYE NA DU MA YOD DE, KHYOD LA RMI LAM GYI GNAS SKABS SU CHOS THAMS CAD BDEN MED DU RMI LAM LTA BUR LTA BA LA SOGS BCU GNYIS YOD PA'I PHYIR ZER NA, 'O NA, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA DE DROD RTZE SBYOR THOB PA'I RTAGS YIN PAR THAL, KHYOD KYI SBYOR BA GZHUNG GI DON SBYOR RNAM DAG YIN PA'I PHYIR, 'DOD NA, MI 'THAD DE, DE RGYUD LA LDAN PA'I THEG CHEN GYI SBYOR LAM DU MA ZHUGS PA'I GANG ZAG YOD PA'I PHYIR, DER THAL, CHOS THAMS CAD BDEN MED RMI LAM LTA BUR LTA BA'I LAM MA ZHUGS KYI GANG ZAG YOD PA'I PHYIR, DER THAL, DE LTAR RTOGS PA'I LAM MA ZHUGS KYI GANG ZAG YOD PA'I PHYIR KHA CIG, DROD RTZE SBYOR THOB PA'I RTAGS BCU GNYIS PO DE, DROD RTZE SBYOR MA YIN ZER NA, DE YIN PAR THAL, 'GREL CHEN LAS, RTAGS LA SOGS PA DE DAG KYANG DRO BA LA SOGS PA'I RANG BZHIN YIN PAR SHES PAR BYA'O, ,ZHES GSUNGS PA'I PHYIR, KHA CIG, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA SOGS RTAGS BCU GNYIS KYI MTSON TE BSTAN PA'I THEG CHEN GYI NGES CHA DANG PO DROD RTZE SBYOR GYI MTSAN NYID YIN ZER NA, 'O NA, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA LA SOGS PA'I RTAGS BCU GNYIS PO GANG RUNG GCIG GIS MTSON TE BSTAN PA'I DROD RTZE SBYOR CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, DE CAM BSTAN PA LA BRTEN NAS DROD RTZE SBYOR GNUS PA'I GDUL BYA @03A *, ,CIG YOD PA'I PHYIR, 'DOD NA SLA, ,KHA CIG ,RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA'I RTAGS BCU GNYIS DANG LDAN PA'I THEG CHEN GYI NGES CHA DANG PO, DROD RTZE SBYOR GYI MTSAN NYID YIN ZER NA, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA'I RTAGS GCIG TZAM DANG LDAN PA'I DROD RTZE SBYOR CHOS CAN, MTSAN NYID DER THAL, MTSON BYA DE'I PHYIR, RTAGS GSAL CHOS CAN GYIS SGRUB, KHA CIG, BSOD NAMS RNAM PAR 'PHEL BA SOGS RTAGS BCU DRUG GIS MTSON TE BSTAN PA'I THEG CHEN GYI NGES CHA GNYIS PA, RTZE MO RTZE SBYOR GYI MTSAN NYID YIN ZER NA, PHYI'I RNAM 'PHEL BRGYAD TZAM GYIS MTSON TE BSTAN BA'I RTZE MO'I TZE SBYOR CHOS CAN, MTSAN NYID DER THAL, MTSON BYA DE'I PHYIR, RTAGS BSGRUB TSUL SNGAR DANG MTSUNGS, 'DOD MI NUS TE, CHOS CAN DE YIN PA'I PHYIR, KHA CIG, THABS SHES KYI RTOGS PA BRTAN PO GNYIS DANG LDAN PA'I THEG CHEN GYI NGES CHA GSUM PA BZOD PA'I RTZE SBYOR GYI MTSAN NYID ZER BA DANG, THABS SHES KHYAD PAR CAN GNYIS 'GAL LO ZER NA, STONG NYID MNGON SUM DU RTOGS PA'I THEG CHEN GYI SBYOR LAM BZOD PA'I YE SHES CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN GYI SBYOR LAM BZOD PA YIN PA'I PHYIR, 'DOD MI NUS TE, DE'I RGYUD LA THABS SHES KHYAD PAR CAN MED PA'I PHYIR, DER THAL, DE'I RGYUD LA THEG CHEN SEMS BSKYED MED PA'I PHYIR, KHYAB PA KHAS KHA CIG NA RE, THABS SHES KYI RTOGS PA BRTAN PO GNYIS THOB PA'I SEMS DPA'I SBYOR LAM BZOD PA RTZE SBYOR GYI MTSAN NYID YIN ZER NA, PHYIR MI LDOG PA'I RTAGS THOB PA'I THEG CHEN GYI SBYOR LAM CHOS MCHOG CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, CHOS MCHOG RTZE SBYOR YIN PA'I PHYIR, KHA CIG, THABS SHES KYI RTOGS PA BRTAN PO GNYIS THOB PA'I THEG CHEN GYI NGES CHA GSUM PA, BZOD PA'I RTZE SBYOR GYI MTSAN NYID YIN ZER NA, THEG CHEN SBYOR LAM BZOD PA BA YIN NA, BZOD PA'I GNAS SKABS @03B SU PHYIR MI LDOG PA'I RTAGS THOB ZIN DANG THOB 'GYUR GANG RUNG YIN DGOS PAR THAL, THEG CHEN SBYOR LAM BZOD PA'I YE SHES YIN NA, THABS SHES KYI RTOGS PA BRTAN PO GNYIS THOB PAS KHYAB PA'I PHYIR, 'DOD MI NUS TE, SGOM LAM GYI GNAS SKABS SU PHYIR MI LDOG PA'I RTAGS GSAR DU THOB PA'I THEG CHEN GYI SBYOR LAM BZOD PA BA YOD PA'I PHYIR, KHA CIG, TI NGE 'DZIN LA SEMS KUN TU GNAS PA'I THEG CHEN GYI NGES CHA BZHI BA, CHOS MCHOG RTZE SBYOR GYI MTSAN NYID ZER NA, TING NGE 'DZIN LA MI GNAS PA'I THEG CHEN SBYOR LAM CHOS MCHOG CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN SBYOR LAM CHOS MCHOG YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG, STONG GSUM GYI SEMS CAN GYI GRANGS DANG MNYAM PA'I SANGS RGYAS LA MCHOD PA'I BSOD NAMS LAS MANG BAS MTSON TE BSTAN PA'I SEMS DPA'I YE SHES, CHOS MCHOG RTZE SBYOR GYI MTSAN NYID YIN ZER NA, BAR CHAD MED BA'I RTZE SBYOR CHOS CAN MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, CHOS CAN DE YIN PA'I PHYIR,, ` ,,GNYIS PA RANG GI LUGS LA, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA LA SOGS PA'I RTAGS BCU GNYIS PO GANG YANG RUNG BA THOB PA'I THEG CHEN GYI NGES CHA DANG PO, DROD RTZE SBYOR GYI MTSAN NYID, BSOD NAMS RNAM PAR 'PHEL BA LA SOGS PA'I RTAGS BCU DRUG PO GANG RUNG THOB PA'I THEG CHEN GYI NGES CHA GNYIS PA, RTZE MO'I RTZE SBYOR GYI MTSAN NYID, THABS SHES KYI RTOGS PA BRTAN PO GNYIS THOB PA'I THEG CHEN GYI NGES CHA GSUM PA, SKABS 'DIR DNGOS SU BSTAN PA'I BZOD PA RTZE SBYOR GYI MTSAN NYID, BSOD NAMS MANG POS MTSON TE BSTAN PA'I THEG CHEN GYI NGES CHA BZHI PA, SKABS 'DIR DNGOS SU BSTAN PA'I CHOS MCHOG RTZE SBYOR GYI MTSAN NYID,, ` ,,GSUM PA RTZED PA SPONG BA LA, KHA CIG, THEG CHEN SBYOR LAM DROD LA GNAS PA'I GANG ZAG GI RGYUD LA RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BAS SOGS PA'I DROD RTZE SBYOR THOB PA'I RTAGS MED PAR THAL, DE'I RGYUD LA GNYID MED PA'I PHYIR, DER THAL, DE BSAM GTAN BZHI BA'I DNGOS GZHI THOB LA MA NYAMS PA YIN PA GANG ZHIG, BSAM GTAN BZHI BA'I DNGOS GZHI THOB LAM NYmS @04A *, ,PA'I GANG ZAG GI RGYUD LA GNYID MED PA'I PHYIR, DER THAL, BSAM GTAN GYI DNGOS GZHI THOB LAM NYAMS PA'I GANG ZAG GI RGYUD LA GNYID MED PA'I PHYIR, MDZOD LAS, DE LA 'GYOD GNYID MI DGE RNAM, ,BSAM GTAN DANG PO DAG NA MED, ,ZHES GSUNGS PA'I PHYIR, ZER NA SKYON MED DE, DE'I RGYUD LA BSAM GTAN DANG PO'I SAS BSDUS KYI 'GYOD PA DANG GNYID MED ZHES PA'I DON YIN PA'I PHYIR, DE LTA MA YIN NA, BSAM GTAN DANG PO NA MI DGE BA MED PAR THAL, LUNG KHYOD RANG GI DE'I PHYIR, 'DOD MI NUS TE, TSANGS CHEN NA MI DGE BA YOD PA'I PHYIR, DER THAL, TSANGS CHEN LOG LTA YOD PA'I PHYIR, DER THAL, TSANGS CHEN LOG LTA'I GNAS YIN PA'I PHYIR, KHA CIG, THEG CHEN GYI SBYOR LAM DROD SKAD CIG GNYIS PA CHOS CAN, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA LA SOGS PA'I RTAGS BCU GNYIS PO GANG RUNG THOB PA'I THEG CHEN GYI NGES CHA DANG PO YIN PAR THAL, DROD RTZE SBYOR YIN PA'I PHYIR, 'DOD MI NUS TE, THEG CHEN GYI NGES CHA GNYIS PA YIN PA'I PHYIR, DER THAL, DROD RTZE SBYOR, SKAD CIG GNYIS PA YIN PA'I PHYIR, ZER NA MA KHYAB, 'O NA, SA DGU BA CHOS CAN, SA GNYIS PA YIN BAR THAL, DAG SA GNYIS PA YIN PA'I PHYIR, 'KHOR GSUM, MA GRUB NA, DER THAL, DAG PAS GSUM YOD PA'I PHYIR, MA KHYAB NA, 'KHOR GSUM, 'DOD MI NUS SO,, KHA CIG NA RE, THEG CHEN GYI SBYOR LAM DROD KYI YE SHES CHOS CAN, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA LA SOGS PA'I RTAGS BCU GNYIS PO GANG RUNG THOB PA'I THEG CHEN GYI NGES CHA DANG PO YIN PAR THAL, DROD RTZE SBYOR YIN PA'I PHYIR, 'DOD MI NUS TE, THEG CHEN GYI NGES CHA BZHI PA YIN PA'I PHYIR, DER THAL, CHOS MCHOG NAS YAS GRANGS PA'I BZHI PA YIN PA'I PHYIR, ZER NA MA KHYAB, DER THAL, RGYUD ZHUGS ZHUGS PA DER GRA BCOM 'BRAS GNAS NAS YAS GRANGS PA'I 'PHAGS PA BRGYAD PA YIN PA'I PHYIR, DER THAL, 'JUG PA LAGS 'PHAGS PA BRGYAD BA JI LTA DE LTAR NYE BAR BSTAN ZHES GSUNGS PA'I PHYIR, 'DOD MI NUS TE, BKAK GZIN PA'I PHYIR,, ` ,,'JUG PA DANG NI LDOG PA LA ,,ZHES SOGS KYI SKABS SU SKABS 'DIR DNGOS SU BSTAN PA'I SHES @04B SGRIB GZUNG 'DZIN GYI RNAM PAR RTOG PA CHOS CAN, KHYOD LA DU MA YOD DE, KHYOD LA DMIGS YUL GYI SGO NAS PHYI BA DGU YOD PA'I PHYIR, 'DI'I SKABS SU, KHA CIG NA RE, RANG GI DMIGS YUL CHOS CAN TSAD GRUB LA DMIGS PA'I BDEN 'DZIN SKABS 'DER DNGOS SU BSTAN PA'I SPANG BYA RTOG PA'I MTSAN NYID YIN ZER NA, GZUGS LA DMIGS NAS BDEN PAR 'DZIN PA'I BDEN 'DZIN LHAN SKYES CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, RTOG PA KUN BTAGS YIN PAR THAL, 'DOD PA DE'I PHYIR, 'DOD MI NUS TE, RTOG PA LHAN SKYES YIN PA'I PHYIR, KHA CIG, SKABS 'DIR DNGOS SU BSTAN PA'I SHES SGRIB LDOG PA GZUNG RTOG YIN NA, LDOG PA GZUNG RTOG YIN PAS KHYAB ZER NA, 'O NA, SKABS 'DIR DNGOS SU BSTAN PA'I SHES SGRIB LDOG PA GZUNG RTOG YIN NA, RANG GI DMIGS YUL DU GYUR PA'I LDOG BYA'I CHOS LA DMIGS PAS KHYAB PAR THAL, DAM BCA' 'THAD PA'I PHYIR, 'DOD NA, MI MTHUN PHYOGS KYI GZHI SHES YIN NA, MI MTHUN PHYOGS YIN DGOS PAR THAL, 'DOD PA DE'I PHYIR, 'DOD NA BKAG ZEN, KHA CIG, 'JUG BYA'I CHOS LA DMIGS NAS 'JUG BYAR BDEN PAR 'DZIN PA'I BDEN 'DZIN, SHES SGRIB 'JUG PA GZUNG RTOG GI MTSAN NYID YIN ZER NA, THEG CHEN GYI MTHONG LAM LA DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN 'DZIN CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE DANG GCIG YIN PA'I PHYIR, 'DOD NA, THEG CHEN GYI MTHONG LAM BYANG SEMS LAM GYI 'JUG BYA'I CHOS SU 'DZIN PA'I RTOG PA DE, 'JUG BYA BDEN PAR 'DZIN PA'I RTOG PA YIN PAR THAL, 'DOD PA DE'I PHYIR, 'DOD MI NUS TE, SGRA RTOG YUL LA SEL 'JUG YIN PA'I PHYIR, KHA CIG, RANG GI DMIGS YUL DU GYUR PA'I 'JUG BYA'I CHOS LA DMIGS NAS 'JUG BYAR BDEN PAR 'DZIN PA'I BDEN 'DZIN, 'JUG PA GZUNG RTOG GI MTSAN NYID YIN ZER NA, THEG CHEN GYI MTHONG LAM LA DMIGS NAS BYANG SEMS LAM GYI 'JUG BYA'I GZUNG BAR 'DZIN PA'I RTOG PA CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, 'DZIN STANGS DON MTHUN YIN PA'I PHYIR, DER THAL, THEG CHEN GYI MTHONG LAM BYANG SEMS LAM GYI 'JUG BYA'I GZUNG BA YIN PA'I PHYIR, DER THAL, DE BYANG @05A *, ,SEMS LAM GYI 'JUG BYA'I CHOS YIN PA'I PHYIR, KHA CIG, RANG GI DMIGS YUL DU GYUR PA'I BYANG SEMS LAM BA STOS PA'I 'JUG BYA LA DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN 'DZIN, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID YIN ZER NA, THEG CHEN MTHONG LAM DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN 'DZIN LHAN SKYES CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, BDEN 'DZIN KUN BTAGS YIN BAR THAL; 'DOD PA DE'I PHYIR, 'DOD MI NUS TE, BDEN 'DZIN LHAN SKYES YIN PA'I PHYIR, KHA CIG, RANG GI DMIGS YUL DU GYUR PA'I 'JUG BYA'I CHOS LA DMIGS NAS BYANG SEMS LAM LA LTOS PA'I 'JUG BYAR BDEN 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID ZER NA, NYAN THOS MTHONG LAM LA DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN 'DZIN KUN BTAGS CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, DE CHOS CAN, KHYOD KYI ZHEN YUL GYIS STONG PA STONG NYID YIN PAR THAL, KHYOD BDEN 'DZIN YIN PA'I PHYIR, DER THAL, SKABS 'DIR DNGOS SU BSTAN PA'I SHES SGRUB 'JUG PA GZHUNG RTOG YIN PA'I PHYIR, 'DOD MI NUS TE, NYAN THOS KYI MTHONG LAM BYANG SEMS LAM LA LTOS PA'I 'JUG BYAR BDEN PA MED PA STONG NYID MA YIN PA'I PHYIR, DER THAL, NYAN THOS KYI MTHONG LAM DE THA SNYAD TZAM DU YANG BYANG SEMS LAM LA LTOS PA'I 'JUG BYA MA YIN PA'I PHYIR, KHA CIG, RANG GI DMIGS YUL DU GYUR PA'I BYANG SEMS LAM LA LTOS PA'I 'JUG BYA'I CHOS LA DMIGS NAS BDEN PA 'DZIN PA'I BDEN 'DZIN, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID YIN ZER NA, THEG CHEN GYI MTHONG LAM LA DMIGS NAS LONG SBYOD PA POR BDEN PAR 'DZIN PA'I BDEN 'DZIN KUN BTAGS CHOS CAN, MTSAN BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR TE, SKABS 'DIR DNGOS SU BSTAN PA'I SHES @5B SGRIB 'DZIN RTOG YIN PA'I PHYIR, DER THAL, CHOS CAN DE YIN PA'I PHYIR, KHA CIG, RANG GI DMIGS YUL DU GYUR PA'I LDOG BYA'I CHOS LA DMIGS NA LDOG BYAR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB LDOG PA GZUNG RTOG GI MTSAN NYID ZER NA, NYAN THOS KYI MTHONG LAM LA DMIGS DES BYANG SEMS LAM LA LTOS PA'I LDOG BYAR BDEN PAR 'DZIN PA'I BDEN 'DZIN KUN BTAGS CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, 'DOD NA, NYAN THOS KYI MTHONG LAM LDOG BYA'I CHOS YIN PAR THAL, 'DOD PA DE'I PHYIR, 'DOD NA; NYAN THOS KYI MTHONG LAM CHOS CAN, LDOG BYA'I CHOS MA YIN PAR THAL, LAM BDEN YIN PA'I PHYIR, KHA CIG NA RE, RANG GI DMIGS YUL DU GYUR PA'I BYANG SEMS LAM LA LTOS PA'I LDOG BYA'I CHOS LA DMIGS NAS LDOG BYAR BDEN PAR 'DZIN PA'I BDEN 'DZIN, SKABS 'DIR DNGOS SU BSTAN PA'I SHES SGRIB LDOG PA GZUNG RTOG GI MTSAN NYID ZER NA, NYAN THOS MTHONG LAM LA DMIGS NAS LDOG BYAR BDEN PAR 'DZIN PA'I BDEN 'DZIN KUN BTAGS CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, DE CHOS CAN, KHYOD KYI ZHEN YUL GYI STONG BSTONG NYID YIN PAR THAL, KHYOD SKABS 'DI DNGOS SU BSTAN PA'I SHES SGRIB LDOG PA GZUNG RTOG YIN PA'I PHYIR, 'DOD MI NUS TE, NYAN THOS KYI MTHONG LAM LDOG BYAR BDEN PAR MED BA STONG NYID MA YIN PA'I PHYIR, DER THAL, NYAN THOS KYI MTHONG LAM LDOG BYA MA YIN PA'I PHYIR, KHA CIG, 'PHAGS PA'I RGYUD LA RDZAS 'DZIN DANG , SO SKYE'I RGYUD LA BTAGS 'DZIN MED ZER NA, 'PHAGS PA'I RGYUD LA RDZA 'DZIN YOD PAR THAL, 'PHAGS PA'I RGYUD KYI GANG ZAG RANG RKYA THUB PA'I RDZAS YONG DU 'DZIN PA'I RTOG PA DE RDZAS 'DZIN YIN PA'I PHYIR, MA GRUB NA, DE CHOS CAN, RDZAS 'DZIN YIN PAR THAL, NYON MONGS YIN PA'I PHYIR, SO SKYE'I RGYUD LA BTAG 'DZIN YOD BAR THAL, SO SKYE'I RGYUD KYI GANG ZAG RANG GI DGAGS GZHIR GYUR PA'I PHUNG PO'I CHOS LA BTAGS YOD DU 'DZIN PA'I SHES PA DE BTAGS 'DZIN YIN PA'I PHYIR, MA GRUB NA, DE CHOS CAN, KHYOD BTAGS 'DZIN YIN PAR THAL, GANG ZAG RANG GI GDAGS GZHIR GYUR PA'I PHUNG PO'I CHOS LA BTAGS PA'I YOD PAR 'DZIN @6A *, ,PA'I SHES PA YIN PA'I PHYIR, DER THAL, DE YOD PA'I PHYIR, DER THAL, GANG ZAG GI BDAG MED RTOGS PA'I SO SKYE YOD PA'I PHYIR, KHA CIG, THEG CHEN MTHONG LAM BAR CHAD MED LAM LA SBYOR BA NYER BSDOGS DANG, DNGOS BZHI'I BAR CHAD MED LAM GNYIS 'BYED PA YIN ZER NA, THEG CHEN MTHONG LAM BAR CHAD MED LAM DU GYUR PA'I SBYOR BA NYER BSDOGS CHOS CAN, THEG CHEN SBYOR LAM YIN PAR THAL, THEG CHEN MTHONG LAM BAR CHAD MED LAM GYI SBYOR BA NYER BSDOGS DU GYUR PA'I LAM YIN PA'I PHYIR, 'DOD MI NUS TE, THEG CHEN MTHONG LAM PAR CHAD MED LAM YIN PA'I PHYIR,, RTAGS DNGOS,, ` ,, RANG GI LUGS BZHAG PA LA, RANG GI DMIGS YUL DU GYUR PA'I CHOS CAN TSAD MAS GRUB PA LA DMIGS NAS BDEN BAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB RTOG PA'I MTSAN NYID, DE LA DER GYUR PA'I GZUNG RTOG 'DZIN RTOG GNYIS YOD, RANG GI DMIGS YUL DU GYUR PA'I BYANG SEMS LAM LA LTOS PA'I 'JUG BYA'I CHOS LA DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID, RANG GI DMIGS YUL DU GYUR PA'I BYANG SEMS LAM LA LTOS PA'I LDOG BYA'I CHOS LA DMIGS NAS BYANG SEMS LAM LA LTOS PA'I LDOG BYAR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB LDOG PA GZUNG RTOG GI MTSAN NYID, RANG GI DMIGS YUL DU GYUR PA'I RDZAS 'DZIN LA DMIGS NAS LONGS SBYOD PA POR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB RDZAS 'DZIN RTOG PA'I MTSAN NYID, RANG GI DMIGS YUL DU GYUR PA'I BTAGS 'DZIN LA DMIGS NAS LONGS SPYOD PA POR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB BTAGS 'DZIN RTOG PA'I MTSAN NYID, DE BZHI KA LA DMIGS YUL GYI SGO NAS PHYE BA DGU DGU YOD, ,SKABS 'DIR DNGOS SU BSTAN PA'I GZUNG RTOG DANG PO DANG, 'DZIN RTOG DANG PO GNYIS SBYOR BA NYER BSDOGS KYIS SPONG, GZUNG RTOG GNYIS PA DANG, 'DZIN RTOG GNYIS PA 'JUG PA BAR CHAD MED LAM GYIS SPONG @6B BAR GSUNGS PA'I DON YANG YOD DE, DE THAMS CAD KYI SA BON THEG CHEN MTHONG LAM BAR CHAD MED LAM GYIS SPONG YANG DE DAG LA MNGON 'GYUR BA MGO GNON DKA' SLA'I KHYAD PAR YOD PA'I RGYU MTSAN GYIS DE LTAR GSUNGS PA'I PHYIR, DE DAG LA MNGON 'GYUR PA MGO GNON DKA' SLA'I KHYAD PAR YOD DE GZUNG 'DZIN GYI CHOS LA RTOGS DKA' SLA'I KHYAD PAR YOD PA'I PHYIR, RDZAS 'DZIN SO SKYE'I RTEN CAN, BTAGS 'DZIN 'PHAGS PA'I RTEN CAN DU GSUNGS PA'I DON YANG YOD DE, RDZAS 'DZIN SO SKYE LA GTZO CHE, BTAGS 'DZIN 'PHAGS PA LA GTZO CHE BA'I DON YIN PA'I PHYIR,, ` ,, RTZOD PA SPONG BA LA, KHA CIG, GZUGS PHYI ROL DON 'DZIN GYI RTOG PA CHOS CAN, RANG GI DMIGS YUL DU GYUR PA'I CHOS CAN TSAD GRUB PA LA DMIGS NAS BDEN PAR 'DZIN PA'I BDEN 'DZIN KUN BTAGS YIN PAR THAL, ,SKABS 'DIR DNGOS SU BSTAN PA'I SHES SGRIB RTOG PA YIN PA'I PHYIR, DER THAL, THEG CHEN MTHONG LAM BAR CHAD MED LAM GYI DNGOS KYI GZHOM BYAR GYUR PA'I SHES SGRIB GANG ZHIG, KHYOD STON BYED KYI MNGON RTOGS RGYAN GYI GZHUNG TSIG GCIG YOD PA'I PHYIR, ZER NA MA KHYAB, 'DOD MI NUS TE, BDEN 'DZIN MA YIN PA'I PHYIR, KHA CIG, SPYOD PA'I 'DU SHES MI MTHUN PHYOGS, ZHES PA'I SKABS NAS DNGOS SU BSTAN PA'I MI MTHUN PHYOGS YIN NA, MI MTHUN PHYOGS YIN DGOS PAR THAL, 'JUG PA DANG NI LDOG PA LA, ,ZHES PA'I SKABS NAS DNGOS SU BSTAN PA'I SHES SGRIB LDOG PA GZUNG RTOG YIN NA, LDOG PA GZUNG RTOG YIN DGOS PA'I PHYIR ZER NA MA KHYAB, 'DOD NA, MI MTHUN GNYEN PO'I PHYOGS DAG GIS, ,ZHES PA'I SKABS NAS DNGOS SU BSTAN PA'I MI MTHUN PHYOGS YIN NA, MI MTHUN PHYOGS YIN DGOS PAR THAL, 'DOD PA DE'I PHYIR, 'DOD MI NUS SO, ,KHA CIG, SKABS 'DIR DNGOS SU BSTAN PA'I GZUNG RTOG DANG PO DANG 'DZIN RTOG DANG PO GNYIS SBYOD BA NYER BSDOGS KYIS SPONG BA DANG, GZUNG RTOG GNYIS PA DANG 'DZIN RTOG GNYIS PA 'JUG PA BAR CHAD MED LAM GYIS SPONG PAR GSUNGS PA'I DON DE DAG LA MNGON 'GYUR BA MGO GNON DKA' SLA'I KHYAD PAR YOD PA LA BYED PA MI RIGS PAR THAL, THEG CHEN SGO 'BYED LAS, DE DAG THEG CHEN MTHONG LAM BAR CHAD MED LAM SKAD @7A *, ,CIG DANG PO DANG SKAD CIG GNYIS PA PHAN CHAD KYIS SPONG BA LA GSUNGS PA'I PHYIR, ZER NA, RE ZHIG MA KHYAB,, ` ,,DRI MA ZAD DANG MI SKYE BA'I, ZHES SOGS KYI SKABS SU, RANG GI NYER RGYUR GYUR BA'I MTHONG LAM RTZE SBYOR GYI NYE 'BRAS SU GYUR PA'I YE SHES MTHAR THUG CHOS CAN, KHYOD SKABS 'DIR DNGOS SU BSTAN PA'I BYANG CHUB CHEN PO'I MTSAN NYID YIN TE, DE'I 'JOG BYED YIN PA'I PHYIR, KHA CIG, DRI MA ZAD DANG MI SKYE BA BDON MED DU MNGON SUM DU RTOG PA'I YE SHES MTHAR THUG, BYANG CHUB CHEN PO'I MTSAN NYID ZER NA, MCHOG GI SPRUL PA'I SKU CHOS CAN, MTSAN NYID DER THAL, MTSON BYA DE'I PHYIR, DER THAL, MCHOG GI SPRUL SKU YIN PA'I PHYIR, KHYAB STE, RGYUD BLA MA LAS, BZO DANG SKYE DANG BYANG CHUB CHE, MYA NGAN 'DAS PA'I RTAGS STON PA, ,SANGS RGYAS SPRUL PA'I SKU DE NI, RNAM PAR GROL PA'I THABS CHEN PO, ,ZHES GSUNGS PA'I PHYIR, 'DOD MI NUS TE, MCHOG GI SPRUL SKU YIN PA'I PHYIR, KHA CIG NA RE, DRI MA ZAD PA DANG SKYE BA MED PAR MNGON SUM DU RTOG PA'I YI SHES MTHAR THUG, SKABS 'DIR DNGOS SU BSTAN PA'I BYANG CHUB CHEN PO'I MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, DER THAL, RANG GI NYER RGYUR GYUR PA'I MTHONG LAM RTZE SBYOR GYI NYE 'BRAS SU GYUR BA'I YE SHES MTHAR THUG YIN PA'I PHYIR, DER THAL, RNAM MKHYEN YIN PA'I PHYIR, 'DOD NA, DRI MA ZAD PA DANG SKYE BA MED PAR THAL, 'DOD PA DE'I PHYIR, 'DOD MI NUS TE, DRI MA ZAD PA YANG YOD, DRI MA SKYE PA YANG YOD PA'I PHYIR, KHA CIG, DRI MA DON DAM BAR ZAD PA MED PA DANG, MI SKYE BA MNGON SUM DU RTOGS PA'I YE SHES MTHAR THUG, SKABS 'DIR DNGOS SU BSTAN PA'I BYANG CHUB CHEN PO'I MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, RTAGS BSGRUBS ZIN, 'DOD NA, DRI MA MI SKYE BAR MNGON SUM DU RTOGS PA'I YE SHES MTHAR THUG YIN PAR THAL, 'DOD PA DE'I PHYIR, 'DOD MI NUS TE, DRI MA SKYE PA'I PHYIR, MA GRUB NA, DE CHOS CAN, SKYE BAR THAL, RGYUN LDAN GYI DNGOS PO YIN PA'I PHYIR, KHA CIG, GNAS SKABS KYI BYANG CHUB CHEN PO MED ZER NA, DE YOD PAR THAL, THEG CHEN MTHONG LAM BAR CHAD MED LAM GNAS @7B SKABS KYI BYANG CHUB CHEN PO YIN PA'I PHYIR, DER THAL, THEG CHEN GYI SBYOR LAM CHOS MCHOG SKAD CIG THA MA'I YE SHES DE RANG 'BRAS GNAS SKABS KYI BYANG CHUB DNGOS SU 'BYIN BYED YIN PA'I PHYIR, DER THAL, DE RANG 'BRAS GNAS SKABS KYI BYANG CHUB DANG RANG 'BRAS MTHAR THUG GI BYANG CHUB GANG RUNG DNGOS SU 'BYIN BYED YIN, RANG 'BRAS MTHAR THUG GI BYANG CHUB DNGOS SU 'BYIN BYED MA YIN PA'I PHYIR, DANG PO MA GRUB NA, DE CHOS CAN, DE GANG RUNG DNGOS SU 'BYIN BYED YIN PAR THAL, TSOGS SGRUB YIN PA'I PHYIR,, ` ,,RANG GI LUGS LA, THOB BYA MTHAR THUG BYANG CHUB CHEN PO'I MTSAN NYID, RANG GI NYER RGYUR GYUR BA'I MTHONG LAM RTZE SBYOR GYI NYE 'BRAS SU GYUR BA'I YE SHES MTHAR THUG, SKABS 'DIR DNGOS SU BSTAN PA'I BYANG CHUB CHEN PO'I MTSAN NYID, MTSAN GZHI RNAM MKHYEN LTA BU YIN,, ` ,,RTZOD PA SPONG BA LA, KHA CIG, LONGS SKU CHOS CAN, BYANG CHUB CHEN PO YIN PAR THAL, THOB BYA MTHAR THUG YIN PA'I PHYIR, DER THAL, SANGS RGYAS 'PHAGS PA YIN PA'I PHYIR, 'DOD NA, LONGS SKU LONGS SKU'I BYANG CHUB CHEN PO YIN PAR THAL, 'DOD PA DE'I PHYIR, 'DOD NA LONGS SKU LONGS SKU DANG THA DAD YIN PAR THAL, 'DOD PA DE'I PHYIR ZER NA MA KHYAB, KHA CIG, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA DE GNAS SKABS KYI DGRA BCOM PA YIN PAR THAL, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM DE GNAS SKABS KYI BYANG CHUB CHEN PO YIN PA'I PHYIR, ZER NA MA KHYAB, 'DOD NA, MI 'THAD DE, DGRA BCOM PA MA YIN PA'I PHYIR ZER NA, THEG CHEN MTHONG LAM BAR CHAD MED LAM GNAS SKABS KYI BYANG CHUB CHEN PO YIN PAR THAL, GNAS SKABS KYI BYANG CHUB CHEN PO GCIG YOD PA'I PHYIR, DER THAL, RNAM BSHAD SNYING PO'I RGYAN LAS, MTHA'I BYANG CHEN GYI RGYU YANG STON PA YIN MOD KYI, GNAS SKABS KYI BYANG CHUB CHEN PO MTHONG LAM RTZE SBYOR GYI RGYU STON PA LA NGES PAR SBYAR BAR BYA BA KHO NA 'O, ,ZHES GSUNGS PA'I PHYIR, KHA CIG, THEG CHEN GYI SBYOR LAM CHOS MCHOG CHEN PO SKAD CIS DANG PO CHOS CAN, GNAS SKABS KYI BYANG CHUB CHEN PO'I DNGOS RGYU YIN PAR THAL, THEG CHEN SBYOR LAM CHOS MCHOG CHEN PO YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, KHYOD DANG GNAS SKABS KYI BYANG CHUB CHEN PO @8A *, ,THEG CHEN MTHONG LAM BAR CHAD MED LAM GNYIS KYI BAR DU THEG CHEN SBYOR LAM CHOS MCHOG CHEN PO SKAD CIG GNYIS PA DANG SKAD CIG GSUM PA GNYIS KYIS CHOD PA'I PHYIR ZER NA, MA KHYAB,, ` ,, GZHAN GYI CHOS RNAMS KYANG YOD LA, ,ZHES PA'I SKABS SU, KHA CIG, DNGOS SMRA PAS CHOS THAMS CAD BDEN GRUB TU 'DOD PA DANG, SANGS RGYAS 'PHAGS PAS DRI MA ZAD PAR SPANGS PAR 'DOD PA GNYIS KHAS BLANGS NANG 'GAL BA YIN TE, DRI MA BDEN PAR GRUB NA GNYEN POS SPANG DU MI RUNG PA'I PHYIR ZER NA, DNGOS SMRA BAS CHOS THAMS CAD BDEN GRUB DU 'DOD PAR THAL, KHYOD KYI SBYOR BA GZHUNG GI DON SBYOR RNAM DAG YIN PA'I PHYIR, 'DOD NA, SEMS TZAM PAS CHOS THAMS CAD BDEN GRUB TU 'DOD PAR THAL, 'DOD PA DE'I PHYIR, 'DOD NA, SEMS TZAM PAS KUN BTAGS BDEN GRUB DU 'DOD PAR THAL, 'DOD PA DE'I PHYIR, 'DOD NA, SEMS TZAM PA CHOS CAN, KHYOD KYI KUN BTAGS BDEN GRUB TU MI 'DOD PAR THAL, KHYOD SEMS TZAM PA YIN PA'I PHYIR,, ` ,,DE LA SKYE BA DANG 'JIG PAS STONG PA'I PHYIR, ZHES SOGS KYI SKABS SU, RNAL 'BYOR GYI SA CHOS CAN, KHYOD LA DBYE NA RNAM PA GSUM YOD DE, GANG ZAG GI BDAG MED RTOGS PA'I RNAL 'BYOR GYI SA, CHOS KYI BDAG MED RAG PA RTOGS PA'I PA'I RNAL 'BYOR GYI SA, STONG NYID RTOGS PA'I RNAL 'BYOR GYIS GSUM YOD PA'I PHYIR, KHA CIG, RNAL 'BYOR GYI SA CHOS CAN, KHYOD LA RNAM PA BZHI YOD DE, GANG ZAG GI BDAG MED RTOGS PA'I RNAL 'BYOR GYI SA, GZUNG MED RTOGS PA'I RNAL 'BYOR GYI SA, 'DZIN MED RTOGS PA'I RNAL 'BYOR GYI SA, SPROS BRAL RTOGS PA'I RNAL 'BYOR GYIS DANG BZHI YOD PA'I PHYIR, DE YANG DANG PO NYAN THOS SDE PA'I LTA BA DANG, GNYES PA SEMS TZAM RNAM BDEN PA'I LTA BA DANG, GSUM PA SEMS TZAM RNAM RDZUN PA'I LTA BA DANG, BZHI PA DBU MA PA'I LTA BAR 'JOG PA YIN ZER NA, DE MI 'THAD PAR THAL, SEMS TZAM RNAM BDEN PA DANG RNAM RDZUN PA GNYIS CHOS KYI BDAG MED 'JOG TSUL MTHUN PA YIN PA'I PHYIR, DER THAL, GZUGS NAS REG BYA'I BAR GYI CHOS RNAMS PHYI ROL DON GYIS STONG PA DANG, GZUGS GZUGS 'DZIN TSAD MA DANG RDZAS GZHAN GYIS STONG PA RNAMS DE GNYIS KAS CHOS KYI BDAG MED PHRA MOR 'DOD PAR MTSUNGS PA'I PHYIR, GZHAN @8B YANG DE MI 'THAD PAR THAL, 'DIR GRUB MTHA' 'OG MA PA'I THUN MONG MA YIN PA'I LTA BA BSGOM PA'I RIM PA DE BSGOM NAS DBU MA PA RANG LUGS KYI SNYING PO'I DON BSGOM PA'I RIM PA STON PA'I SKABS YIN PA'I PHYIR, KHA CIG, GZUNG MED RTOGS PA'I RNAL 'BYOR GYI SAS, GZUNG BA RANG BZHIN MED PAR RTOGS, 'DZIN MED RTOGS PA'I RNAL 'BYOR GYI SAS, 'DZIN PA RANG BZHIN MED PAR RTOGS, SBROS BRAL RTOGS PA'I RNAL 'BYOR GYI SAS, GNYIS STONG GI SHES PA RANG BZHIN MED PAR RTOGS PA YIN ZER NA, DE MI 'THAD PAR THAL, GZUNG 'DZIN GYI CHOS DANG GNYIS STONG GI SHES PA RNAMS RANG BZHIN GYIS GRUB PA'I PHYIR, MA GRUB NA, DE RNAMS CHOS CAN, RANG BZHIN GYIS GRUB PAR THAL, THA SNYAD BTAGS PA'I BTAGS DON BTZAL PA'I TSE RNYED PA'I PHYIR, DER THAL, GZHI GRUB PA'I PHYIR, KHA CIG, GZUNG MED RTOGS PA'I RNAL 'BYOR GYI SAS, GZUNG BA DON DAM PAR RANG BZHIN MED PA RTOGS KYANG 'DZIN PA DON DAM PAR RANG BZHIN MED PAR MA RTOGS, 'DZIN MED RTOGS PA'I RNAL 'BYOR GYIS SA 'DZIN PA DON DAM PAR RANG BZHIN MED PAR RTOGS PA YIN ZER NA, DE MI 'THAD PAR THAL, GZUNG BA DON DAM PAR RANG BZHIN MED PAR RTOGS PA'I RIGS PA DE'I BYED PA LA BRTEN NAS 'DZIN PA DON DAM PAR RANG BZHIN GYIS GRUB BAM MA GRUB SNYAM DU BLO KHA PHYOGS PA TZAM GYIS 'DZIN PA DON DAM PAR RANG BZHIN GYIS MED PAR RTOGS NUS PA'I PHYIR, DER THAL, BZHI BRGYA PA LAS, GCIG GI LTA PO GANG YIN PA, DE NI KUN GYI LTA PO YIN, ,GCIG GI STONG NYID GANG YIN PA, DE NI KUN GYI STONG NYID YIN, ,ZHES GSUNGS PA'I PHYIR, KHA CIG, RNAL 'BYOR GYI SA BZHI'I NANG NAS DANG PO NYAN THOS KYI LTA BA DANG, GNYIS PA RANG RGYAL GYI LTA BA DANG, GSUM PA SEMS TZAM PA'I LTA BA DANG, BZHI PA DBU MA PA'I LTA BAR 'JOG PA YIN NO ZER NA, DE MI 'THAD PAR THAL, SEMS TZAM PA DANG RANG RGYAL GNYIS LTA BA MTHUN PA YIN PA'I PHYIR, ,DER THAL, DE GNYIS KAS GZUGS PHYIR ROL DON GYIS STONG PA DANG, GZUGS GZUGS ZHES PA'I THA SNYAD 'JUG PA'I 'JUG GZHIR, GZUGS BDEN PAR MED PA BSGOM BYA'I GTZO BOR BYAS NAS BSGOM ZHING, DE CHOS KYI BDAG MED PHRA MOR 'DOD PA YANG MTSUNGS PA'I PHYIR, KHA CIG, GZUNG MED RTOGS PA'I RNAL 'BYOR GYI SAS GZUGS GZUGS 'DZIN TSAD MA DANG RDZAS GZHAN @9A *, ,MA YIN PA RTOGS KYANG GZUGS 'DZIN TSAD MA GZUGS DANG RDZAS GZHAN MA YIN PA MA RTOGS, 'DZIN MED RTOGS PA'I RNAL 'BYOR GYI SAS GZUGS 'DZIN TSAD MA GZUGS DANG RDZAS GZHAN MA YIN PA RTOGS SO ZER NA, DE MI 'THAD PAR THAL, GZUGS GZUGS 'DZIN TSAD MA DANG, RDZAS GZHAN MA YIN PAR RTOGS PA'I RIGS PA DE'I BYED PA LA BRTEN NAS GZUGS 'DZIN TSAD MA GZUGS DANG RDZAS GZHAN MA YIN PAR RTOGS NUS PA'I PHYIR, DER THAL, RNAM 'GREL LAS, DE YANG RTZOD PA MTSUNGS PHYIR RO, ,ZHES GSUNGS PA'I PHYIR, KHA CIG, GANG ZAG GI BDAG MED RTOGS PA'I YE SHES LA RNAL 'BYOR GYIS DANG PO DANG, GZUGS PHYIR ROL DON GYIS STONG PA RTOGS PA'I YE SHES LA RNAL 'BYOR GYIS GNYIS PA DANG, SPROS BRAL RTOGS PA'I YE SHES LA, RNAL 'BYOR GYI SA GSUM PA YIN PAS KHYAB ZER NA, SANGS RGYAS 'PHAGS PA'I RGYUD KYI THEG CHEN SEMS BSKYED CHOS CAN, RNAL 'BYOR GYI SA DANG PO YIN PAR THAL, GANG ZAG GI BDAG MED RTOGS PA'I YE SHES YIN PA'I PHYIR, DER THAL, RNAM MKHYEN YIN PA'I PHYIR, 'DOD NA, NYAN THOS KYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, GZHAN YANG, DE CHOS CAN, RNAL 'BYOR GYI SA GNYIS PAR THAL, GZUGS PHYIR ROL DON GYIS STONG PAR RTOGS PA'I YE SHES YIN PA'I PHYIR, 'DOD NA, RANG RGYAL GYI RTOGS RIGS SU GNAS PAR THAL, 'DOD PA DE'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG, DE CHOS CAN, RNAL 'BYOR GYI SA GSUM PA YIN PAR THAL, SPROS BRAL RTOGS PA'I MKHYEN PA YIN PA'I PHYIR, DER THAL, RNAM MKHYEN YIN PA'I PHYIR, 'DOD NA, LTA SPYOD GNYIS SU PHYE PA'I LTA BA'I CHAR GTOGS PA'I MKHYEN PA YIN PAR THAL, 'DOD PA DE'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, KHA CIG, NYAN THOS KYI RTOGS RIGS SU GNAS PA'I MKHYEN PA, RNAL 'BYOR GYI SA DANG PO'I MTSAN NYID, RANG RGYAL GYI RTOGS RIGS SU GNAS PA'I MKHYEN PA, RNAL 'BYOR GYIS GNYIS PA'I MTSAN NYID, THEG CHEN GYI RTOGS RIGS SU GNAS PA'I MKHYEN PA, RNAL 'BYOR GYI SA GSUM PA'I MTSAN NYID ZER NA, DANG PO LA BYANG SEMS TSOGS LAM @9B PA'I RGYUD KYI THAR PA DON GNYER GYI BSAM PA CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, NYAN THOS RNAMS KYIS THAR PA THOB BYA'I GTZO BOR BYAS NAS DON DU GNYER PA'I PHYIR, 'DOD NA, LTA SBYOR GNYIS SU BYE BA'I LTA BA'I CHAR GTOGS PA'I MKHYEN PA YIN PAR THAL, 'DOD PA DE'I PHYIR, 'DOD MI NUS TE, CHOS CAN DE YIN PA'I PHYIR, GNYIS PA LA, GANG ZAG GI BDAG MED RTOGS PA'I THEG CHEN GYI MTHONG LAM CHOS CAN, MTSON BYA DER THAL, MTSAN NYID DE'I PHYIR, DER THAL, RANG RGYAL RNAMS KYIS GANG ZAG GI BDAG MED BSGOM BYA'I GTZO BOR BYAS NAS BSGOM PA'I PHYIR, DER THAL, RANG RGYAL SLOB PA RNAMS KYIS GANG ZAG GI BDAG 'DZIN SPANG BYA'I GTZO BOR BYAS NAS SPONG BA'I PHYIR, DER THAL, DES NYON SGRIB SPANG BYA'I GTZO BOR BYAS NAS SPONG BA'I PHYIR, 'DOD MI NUS TE, RNAL 'BYOR GYI SA DANG PO YIN PA'I PHYIR, MA GRUB NA, 'KHOR GSUM YOD, PHYI MA LA BYANG SEMS MTHONG LAM PA'I RGYUD KYI THEG CHEN SEMS BSKYED CHOS CAN, MTSON BYA DER THAL, MTSAN NYID DE'I PHYIR, RTAGS GSAL SLA'O, ,KHA CIG, NYAN THOS KYI RTOGS RIGS SU GNAS PA'I LTA BA'I CHAR GTOGS PA'I MKHYEN PA, RNAL 'BYOR GYI SA DANG PO'I MTSAN NYID, RANG RGYAL GYI RTOGS RIGS SU GNAS PA'I LTA BA'I CHAR GTOGS PA'I MKHYEN PA, RNAL 'BYOR GYIS GNYIS PA'I MTSAN NYID ZER NA, BYANG SEMS TSOGS LAM PA'I RGYUD KYI GANG ZAG PHUNG PO MI RTAG PAR RTOGS PA'I SHES RAB CHOS CAN, MTSON BYA DER THAL, MTSAN NYID DE'I PHYIR, RTAGS GSAL CHOS CAN GYIS SGRUB, PHYI MA LA YANG DE GNYIS KYIS MA NGES SO, ,KHA CIG, RNAL 'BYOR GYIS DANG PO LA GANG ZAG GI BDAG MED RTOGS PAS KHYAB ZER NA, NYAN THOS DGRA BCOM PA'I RGYUD KYI GANG ZAG PHUNG PO'I CHOS LA BTAGS PA'I BTAGS YONG DU RTOGS PA'I MKHYEN PA CHOS CAN, DER THAL, DE'I PHYIR, DER THAL, BYANG SEMS MTHONG LAM PA'I RGYUD KYI GZUGS PHYI ROL DON DU SNANG YANG GYI ROL DON DU MA GRUB PAR SGYU MA LTA BUR RTOGS PA'I MKHYEN PA DE, GZUNG BA MED NA 'DZIN PA MED DO SNYAM DU ZHES PA'I SKABS NAS BSTAN PA'I RNAL 'BYOR GYI SA GNYIS PA YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG, BYANG SEMS MTHONG LAM PA'I RGYUD KYI GANG ZAG RTAG @10A *, ,GCIG DANG DBANG CAN GYI STONG BAR RTOGS PA'I MKHYEN PA CHOS CAN, DER THAL, DE'I PHYIR, DER THAL, BYANG SEMS 'PHAGS PA'I RGYUD KYI GANG ZAG GI BDAG MED RAGS PA RTOGS PA'I MKHYEN PA YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG, ,RNAL 'BYOR GYI SA GSUM GYI GZHI MTHUN YOD ZER NA, DE MI 'THAD PAR THAL, GANG ZAG GI BDAG 'DZIN DANG GZUGS PHYI ROL DON 'DZIN GYI RTOG PA DANG, BDEN 'DZIN GSUM GYI GNYEN PO'I RIGS SU GNAS PA'I MKHYEN PA YIN PA MED PA'I PHYIR, DER THAL, GANG ZAG GI BDAG 'DZIN DANG GZUGS PHYI ROL DON 'DZIN GYI RTOG PA DANG, BDEN 'DZIN GSUM GYI GZHI MTHUN MED PA'I PHYIR, KHA CIG, ZHI LHAG ZUNG 'BREL GYIS ZIN PA'I MKHYEN PA GANG ZHIG, YON TAN DU MA'I RTEN BYED PA, RNAL 'BYOR GYI SA'I MTSAN NYID ZER NA, BYANG SEMS MTHONG LAM BA'I RGYUD KYI THEG CHEN SEMS BSKYED CHOS CAN, MTSON BYA DER THAL, MTSAN NYID DE'I PHYIR, DER THAL, BYANG SEMS 'PHAGS PA'I RGYUD KYI THEG CHEN SEMS BSKYED YIN PA'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, KHA CIG, CHOS KYI BDAG MED RAGS BRTOGS PA'I SEMS DPA'I YE SHES YIN NA, RNAL 'BYOR GYI SA GNYIS PA YIN PAS KHYAB ZER NA, MYU GU DON DAM PAR GZHAN LAS MI SKYE BAR RTOGS PA'I THEG CHEN MTHONG LAM CHOS CAN, DER THAL, DE'I PHYIR, DER THAL, MYU GU DON DAM PAR GZHAN LAS MI SKYE BA CHOS KYI BDAG MED RAGS PA YIN PA'I PHYIR, DER THAL, DE MYU GU DON DAM PAR MI SKYE BAR SGRUB PAR BYED PA'I RTAGS YANG DAG YIN PA'I PHYIR, 'DOD NA, RANG RGYAL GYI RTOGS RIGS SU GNAS PAR THAL, 'DOD PA DE'I PHYIR, 'DOD MI NUS TE, RANG RGYAL RNAMS KYI MYU GU DON DAM PAR GZHAN LAS MI SKYE BA BSGOM BYA'I GTZO BOR BYAS NAS MI BSGOM PA'I PHYIR,, ` ,,GNYIS PA RANG LUGS LA, GANG ZAG GI BDAG 'DZIN DANG, GZUGS PHYI ROL DON 'DZIN GYIS RTOGS PA DANG, BDEN 'DZIN GSUM PO GANG YANG RUNG BA'I GNYEN PO'I RIGS SU GNAS PA'I LTA SPYOD GNYIS SU PHYE BA'I LTA BA'I CHAR GTOGS PA'I MKHYEN PA GANG ZHIG, ,YON TAN DU MA'I RTEN BYED PA'I MKHYEN PA, RNAL 'BYOR GYIS SA'I @10B MTSAN NYID, RNAL 'BYOR GYI SA DE LA GSUM DU GRANGS NGES PA YIN TE, GANG ZAG GI BDAG MED RTOGS PA'I RNAL 'BYOR GYI SA, CHOS KYI BDAG MED RGAS PA RTOGS PA'I RNAL 'BYOR GYI SA, STONG NYID RTOGS PA'I RNAL 'BYOR GYI SA DANG GSUM DU GRANG NGES PA'I PHYIR, GANG ZAG GI BDAG MED RTOGS PA'I RNAL 'BYOR GYI SA'I BSAM BYUNG GI RIG PA'I KHYAD PAR YOD DE, GANG ZAG GI BDAG MED RTOGS PA'I RJES DPAG TU GYUR PA'I MKHYEN PA, GANG ZAG GI BDAG MED RTOGS PA'I RNAL 'BYOR GYI SA'I BSAM BYUNG GI RIG PA YIN PA'I PHYIR, GANG ZAG GI BDAG MED RTOGS PA'I RNAL 'BYOR GYI SA'I SGOM BYUNG GI RNAL 'BYOR DANG, BSGOM PA'I 'BRAS BU GNYIS KYI KHYAD PAR YOD DE, GANG ZAG GI BDAG MED RTOGS PA'I ZHI LHAG ZUNG 'BREL GYI MKHYEN PA, GANG ZAG GI BDAG MED RTOGS PA'I RNAL 'BYOR GYI SA'I SGOM BYUNG GI RNAL 'BYOR DANG, GANG ZAG GI BDAG 'DZIN SPANGS PA'I RNAM GROL LAM, GANG ZAG GI BDAG MED RTOGS PA'I RNAL 'BYOR GYI SA BSGOM PA'I 'BRAS BU YIN PA'I PHYIR,, ` ,,RTZOD PA SPONG BA LA, KHA CIG, RNAL 'BYOR GYI SA DE LA RNAM PA BZHIR GRANGS NGES PAR THAL, DE LA SKYE BA DANG 'JIG PAS STONG PA'I PHYIR, ZHES PAS RNAL 'BYOR GYI SA DANG PO DE BSTAN, SNGON PO DANG DE'I BLO DAG LHAN CIG DMIGS PA NGES PA'I PHYIR, ZHES PAS RNAL 'BYOR GYI SA GNYIS PA DE BSTAN PA GANG ZHIG DE LAS LOGS SU GZUNG BA MED NA 'DZIN PA MED DO SNYAM DU, ZHES GSUNGS PA'I PHYIR, ZER NA SKYON MED DE, GZUNG BA MED NA 'DZIN PA MED DO SNYAM DU ZHES PA'I SKABS NAS BSTAN PA'I GZUGS PHYIR ROL DON DU SNAMG YANG PHYIR ROL DON DU MA GRUB PA'I SGYU MA LTA BUR RTOGS PA'I RNAL 'BYOR GYI SA, BRNAL 'BYOR SA GNYIS PA 'DU PA YIN PA'I PHYIR, KHA CIG, BYANG SEMS MTHONG LAM PA'I RGYUD KYI THEG CHEN SEMS BSKYED CHOS CAN, RNAL 'BYOR GYI SA YIN PAR THAL, RNAL 'BYOR GANG ZHIG, SA YIN PA'I PHYIR ZER NA MA KHYAB, MA GRUB NA, RNAL 'BYOR YIN PAR THAL, LAM YIN PA'I PHYIR, SA YIN PAR THAL, SA DANG PO YIN PA'I PHYIR ZER NA, RNAM MKHYEN CHOS CAN, RGYU LAM SHES YIN PAR THAL, RGYU GANG ZHIG LAM SHES YIN PA'I PHYIR, 'KHOR GSUM, GSAL BA GNYIS KA LA 'DOD MI NUS SO, ,KHA CIG, SKYE 'JIG CAN YIN NA, RAB RKYA THUB PA'I @11A *, ,RDZAS YOD KYI STONG PAS KHYAB ZER NA, KHYI RGAN RGYA BO'I YID KYI RNAM PAR SHES PA CHOS CAN, DER THAL, DE'I PHYIR, DER THAL, RGYUN LDAN GYI DNGOS PO YIN PA'I PHYIR, 'DOD MI NUS TE, RANG RKYA THUB PA'I RDZAS YOD YIN PA'I PHYIR, DER THAL, RDZAS YOD YIN PA'I PHYIR, DER THAL, SHES PA YIN PA'I PHYIR, KHA CIG ,GANG ZAG YIN NA, RANG RKYA THUB PA'I RDZAS YOD KYIS STONG PAS KHYAB ZER NA, KHYI RGAN RGYA BO'I YID KYI RNAM PAR SHES PA CHOS CAN, DER THAL, DE'I PHYIR, DER THAL, KHYI RGAN RGYA BO'I GANG ZAG YIN PA'I PHYIR, 'DOD NA BKAG ZIN, KHA CIG ,RTEN 'BREL GYI RTAGS KYI GNYIS STONG GI SHES PA BDEN MED DU SGRUB PA'I SHUGS KYI SGRUB BYA YOD ZER NA, 'O NA, RTEN 'BREL GYI RTAGS KYI GNYIS STONG GI SHES PA BDEN MED DU RTOGS PA'I RJES DPAG GI SHUGS GZHAL YOD PAR THAL, KHYOD KYI DAM BCA' 'THAD PA'I PHYIR, 'DOD NA, DE'I DNGOS KYI GZHAL BYAR GYUR PA'I GNYIS STONG GI SHES PA BDEN MED CHOS CAN; KHYOD MA YIN DGAG YIN PAR THAL, RANG NYID NGES PA'I RTOG PAS RANG GI DGAG BYA DNGOS SU BKAG TZAM LAS GZHAN PA'I CHOS GZHAN 'PHANGS NAS RTOGS PA'I DGAG PA YIN PA'I PHYIR, DER THAL, 'DOD PA DE'I PHYIR, 'DOD MI NUS TE, MED DGAG YIN PA'I PHYIR, DER THAL, STONG NYID YIN PA'I PHYIR, DE LA KHO NA RE, RTEN 'BREL GYI RTAGS KYI GNYIS STONG GI SHES PA BDEN MED DU SGRUB PA'I SHUGS KYI BSGRUB BYA YOD PAR THAL, BYAS PA'I RTAGS KYI SGRA MI RTAG PAR SGRUB PAR BYED PA'I SHUGS KYI SGRUB BYA YOD PA'I PHYIR ZER NA, MA KHYAB, MA GRUB NA DER THAL, BYAS PA'I RTAGS KYI SGRA MI RTAG PAR RTOGS PA'I RJES DPAG GI SHUGS GZHAL YOD PA'I PHYIR, DER THAL, SGRA RTAG PAS STONG BDE'I SHUGS GZHAL YIN PA'I PHYIR, DER THAL, DES SGRA RTAG PAS STONG PA LA NGES PA 'DREN NUS PA'I PHYIR, DER THAL, DES SGRA MI RTAG PA LA NGES PA 'DREN NUS PA'I PHYIR, KHA CIG ,SKYE 'JIG CAN YIN NA, RANG RKYA THUB PA'I RDZAS YOD KYI STONG PAS KHYAB PAR THAL, DE YIN NA GANG ZAG RANG RKYA THUB PA'I RDZIS YOD KYI STONG BAS KHYAB PA'I PHYIR ZER NA MA KHYAB, MA GRUB NA DER THAL, SKYE 'JIG CAN DE NYER LEN GYI PHUNG PO GANG ZAG GI BDAG MED DU SGRUB PAR BYED PA'I RTAGS YANG DAG PA YIN PA'I PHYIR, DER THAL, @11B 'GREL CHEN LAS, DE LA SKYE BA DANG 'JUG PAS STONG PA'I PHYIR BDAG MED DO SNYAM DU BSGOM PAS ZHES GSUNGS PA'I PHYIR, 'DOD MI NUS TE, BKAG ZIN PA'I PHYIR, KHA CIG ,GANG ZAG RANG RKYA THUB PA'I RDZAS YOD YOD PAR THAL, GANG ZAG YIN NA, RANG RKYA THUB PA'I RDZAS YOD KYIS STONG PAS MA KHYAB PA'I PHYIR ZER NAM KHYAB; 'DOD NA, GANG ZAG GI BDAG YOD PAR THAL LO,, ` ,,SNGON PO DANG GE'I BLO DAG LHAN CIG DMIGS PA NGES PA'I PHYIR, ZHES SOGS KYI SKABS SU, KHA CIG ,LHAN CIG DMIGS NGES YIN NA, RDZAS GCIG YIN PAS KHYAB ZER NA, RTOG PA DANG RTOG PA'I SNANG BA CHOS CAN, DER THAL, DE'I PHYIR, MA GRUB NA, RTOG PA CHOS CAN, KHYOD DANG KHYOD KYI SNANG BA GNYIS LHAN CIG DMIGS NGES YIN PAR THAL, KHYOD RTOG PA YIN PA'I PHYIR, 'DOD MI NUS TE, RTOG PA'I SNANG BA RDZAS SUM GRUB PA'I PHYIR, DER THAL, RTOG PA'I SNANG YUL RDZAS SU MA GRUB PA'I PHYIR, KHA CIG ,SNGON PO DES PA'I NGES SHES DANG , SNGON PO GNYIS LHAN CIG DMIGS NGES YIN ZER NA, 'O NA, DE GNYIS RDZAS GCIG YIN PAR THAL, DE GNYIS LHAN CIG DMIGS NGES YIN PA'I PHYIR, 'DOD MI NUS TE, SNGON PO DANG SNGON 'DZIN TSAD MA RDZAS GCIG YIN PA GANG ZHIG , SNGON PO NGES PA'I NGES SHES DE SNGON 'DZIN TSAD MA'I 'BRAS BU YIN PA'I PHYIR, KHA CIG ,TSUR MTHONG GI RGYUD KYI SNGON 'DZIN DBANG PO'I MNGON SUM SKAD CIG GNYIS PA DANG , SNGON PO GNYIS LHAN CIG DMIGS NGES YIN ZER NA, 'O NA, DE GNYIS RDZAS GCIG YIN PAR THAL, DE GNYIS LHAN CIG DMIGS NGES YIN PA'I PHYIR, 'DOD MI NUS TE, TSUR MTHONG GI RGYUD KYI SNGON 'DZIN DBANG PO'I MNGON SUM SKAD CIG DANG PO DE DANG , SNGON PO GNYIS RDZAS GCIG YIN PA GANG ZHIG , DE 'DRA'I SNGON 'DZIN DBANG PO'I MNGON SUM SKAD CIG GNYIS PA DE, SNGON 'DZIN DBANG PO'I MNGON SUM SKAD CIG DANG PO'I 'BRAS BU YIN PA'I PHYIR, DANG PO DER THAL, SNGON 'DZIN TSAD MA DANG SNGON PO GNYIS RDZAS GCIG YIN PA'I PHYIR, KHA CIG ,SNGON PO DANG SNGON 'DZIN TSAD MA DUS MNYAM THA DAD YIN PA GANG ZHIG , SNGON PO DMIGS BYED KYI TSAD MA YIN NA, SNGON 'DZIN TSAD MA DMIGS BYED KYI TSAD MA YIN PAS KHYAB, SNGON 'DZIN TSAD MA DMIGS BYED KYI TSAD MA YIN NA, SNGON PO DMIGS BYED KYI TSAD MA YIN PAS KHYAB BA DE SNGON PO DANG SNGON 'DZIN TSAD MA LHAN CIG DMIGS @12A *, ,NGES YIN PA'I MTSAN NYID ZER NA, 'O NA, TSUR MTHONG GI RGYUD KYI SNGON 'DZIN MIG GI DBANG PO'I MNGON SUM GYI TSAD MA CHOS CAN, SNGON 'DZIN TSAD MA DMIGS BYED KYI TSAD MA YIN PAR THAL, SNGON PO DMIGS BYED KYI TSAD MA YIN PA'I PHYIR, DER THAL, CHOS CAN DE YIN PA'I PHYIR, 'DOD NA, DES SNGON 'DZIN TSANG MA DNGOS SU DMIGS PAR THAL, DE SNGON 'DZIN TSANG MA DMIGS BYED KYI TSAD MA YIN PA'I PHYIR, 'DOD NA, SNGON 'DZIN TSAD MA CHOS CAN, KHYOD SNGON PO YIN PAR THAL, TSUR MTHONG GI RGYUD KYI SNGON 'DZIN DBANG PO'I MNGON SUM GYI DNGOS GZHAL YIN PA'I PHYIR, RTAGS KHAS, KHYAB STE; ;RNAM 'GREL LAS, DBANG PO'I SEMS NI NGES PHYIR DANG , ZHES GSUNGS PA'I PHYIR, 'DOD MI NUS TE, SHES PA YIN PA'I PHYIR, GZHAN YANG , TSUR MTHONG GI RGYUD KYI SNGON 'DZIN DBANG PO'I MNGON SUM GYI TSAD MA NYAMS MYONG GI RANG RIG MNGON SUM GYI TSAD MA CHOS CAN, SNGON PO DMIGS BYED KYI TSAD MA YIN PAR THAL, SNGON 'DZIN TSAD MA DMIGS BYED KYI TSAD MA YIN PA'I PHYIR, DER THAL, CHOS CAN DE YIN PA'I PHYIR, 'DOD NA, DE CHOS CAN, KHA PHYIR BLTAS KYI SHES PA YIN PAR THAL, TSUR MTHONG GI RGYUD KYI SNGON PO DMIGS BYED KYI TSAD MA YIN PA'I PHYIR, 'DOD MI NUS TE, KHA NANG KHON LA PHYOGS PA'I SHES PA YIN PA'I PHYIR, DER THAL, TSUR MTHONG GI RGYUD KYI RANG RIG YIN PA'I PHYIR, KHA CIG ,SNGON PO DANG SNGON 'DZIN TSAD MA DUS MNYAM THA DAD YIN PA GANG ZHIG , SNGON PO YIN NA SNGON 'DZIN TSAD MA'I RDZAS SU SKYES BAS KHYAB, SNGON 'DZIN TSAD MA YIN NA, SNGON PO'I RDZAS SU SKYES PAS KHYAB PA DE, SNGON PO DANG SNGON 'DZIN TSAD MA LHAN CIG DMIGS NGES YIN PA'I MTSAN NYID ZER NA, SNGON 'DZIN TSAD MA'I RGYUR GYUR PA'I SNGON PO CHOS CAN, SNGON 'DZIN TSAD MA'I RDZAS SU SKYES PAR THAL, SNGON PO YIN PA'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, SNGON 'DZIN TSAD MA'I SNGA LOGS SU BYUNG BA YOD PA'I PHYIR, 'DOD NA, SNGON 'DZIN TSAD MA DANG RDZAS GCIG TU GRUB PAR THAL, DGAG GZHI BCAD NAS 'DOD PA DE'I PHYIR, 'DOD MI NUS TE, DE'I RGYU YIN PA'I PHYIR, KHA CIG ,DUS MNYAM DU DMIGS PA'I DNGOS PO YIN NA, RDZAS GZHAN MA YIN PAS KHYAB ZER NA, BU RMA GYI RO GZUGS GNYIS @12B CHOS CAN, DER THAL, DE'I PHYIR, DER THAL, DUS MNYAM DU TSAD MAS DMIGS PA'I PHYIR, DER THAL, DUS MNYAM YIN PA'I PHYIR, 'DOD MI NUS TE, DE GNYIS RDZAS THA DAD YIN PA'I PHYIR, DER THAL, RDZAS THA DAD PA'I DNGOS PO GCIG YOD PA'I PHYIR, KHA CIG ,SNGON PO DANG SNGON 'DZIN RDZAS GCIG BA DE, LHAN CIG DMIGS NGES KYI RTAGS KYI SNGON PO DANG SNGON 'DZIN TSAD MA RDZAS GZHAN MA YIN PAR SGRUB PA'I SHUGS KYI BSGRUB BYA YIN ZER NA, 'O NA; SNGON PO DANG SNGON 'DZIN TSAD MA RDZAS GCIG PA DE, LHAN CIG DMIGS NGES KYI RTAGS KYI SNGON PO DANG SNGON 'DZIN TSAD MA RDZAS GZHAN MA YIN PAR RTOGS PA'I RJES DPAG KYI SHUGS GZHAL YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE 'DRA'I RJES DPAG GI DNGOS GZHAL CHOS CAN, KHYOD MA YIN DGAG YIN PAR THAL, RANG NYID NGES PA'I RTOG PAS RANG GI DGAG BYA DNGOS SU BKAG SHUL DU BKAG TZAM LAS GZHAN PA'I CHOS GZHAN 'PHEN PA'I DGAG PA YIN PA'I PHYIR, PHYI MA DER THAL; MED DGAG YIN PA'I PHYIR, DANG PO DER THAL, RANG NYID NGES PA'I RTOG PAS RANG GI DGAG BYA SNGON PO DANG SNGON 'DZIN TSAD MA RDZAS GZHAN YIN PA DNGOS SU BKAG SHUL DU BKAG TZAM DE LAS GZHAN PA'I SNGON PO DANG SNGON 'DZIN TSAD MA RDZAS GCIG PA DE 'PHANGS PA'I PHYIR, DER THAL, DE 'DRA'I RJES DPAG DES SNGON PO DANG SNGON 'DZIN TSAD MA RDZAS GCIG PA DE RTOGS PA'I PHYIR, RTAGS KHAS, RTZA BAR 'DOD MI NUS TE, MED DGAG YIN PA'I PHYIR, DER THAL, CHOS KYI BDAG MED RAGS PA YIN PA'I PHYIR, DER THAL, CHOS CAN DE YIN PA'I PHYIR,, ` ,,GNYIS PA RANG GI LUGS LA, SNGON PO DANG SNGON 'DZIN TSAD MA GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR, DE GNYIS LHAN CIG DMIGS NGES YIN TE, DE GNYIS DUS MA NYAM THA DAD YIN PA GANG ZHIG , SNGON 'DZIN TSAD MA DMIGS BYED KYI TSAD MA'I RDZAS SU SKYES NA SNGON PO DMIGS BYED KYI TSAD MA'I RDZAS SU SKYES PAS KHYAB, SNGON PO DMIGS BYED KYI TSAD MA'I RDZAS SU SKYES NA SNGON 'DZIN TSAD MA DMIGS BYED KYI TSAD MA'I RDZAS SU SKYES PAS KHYAB PA'I PHYIR, RTZA BA'I THAL 'GYUR LA KHYAB PA YOD DE, RDZAS GZHAN YIN NA, LHAN CIG DMIGS NGES MA YIN DGOS PA'I PHYIR,, ` ,,GSUM PA RTZOD @13A *, ,PA SPONG BA LA, KHA CIG ,SNGON PO DANG SNGON 'DZIN TSAD MA RDZAS GCIG MA YIN PAR THAL, SNGON PO DE SNGON 'DZIN TSAD MA'I RGYU YIN PA'I PHYIR, DER THAL, SNGON PO DE SNGON 'DZIN TSAD MA'I DMIGS RKYEN YIN PA'I PHYIR, DER THAL, SNGON 'DZIN TSAD MA'I SNGA LOGS SU BYUNG PA'I SNGON PO DE'I DMIGS RKYEN YEN PA'I PHYIR, ZER NA MA KHYAB, 'O NA, SNGON PO DANG SNGON 'DZIN TSAD MA GNYIS RDZAS GZHAN YIN PAR THAL, SNGON 'DZIN TSAD MA'I SNGA LOGS SU BYUNG BA'I SNGON PO DANG SNGON 'DZIN TSAD MA GNYIS RDZAS GZHAN YIN PA'I PHYIR, KHYAB PA KHAS, 'DOD NA, SNGON PO PHYI ROL DON DU GRUB PAR THAL, 'DOD PA DE'I PHYIR, 'DOD MI NUS SO, ,KHA CIG ,SNGON 'DZIN TSAD MA CHOS CAN, KHYOD TSUR MTHONG GI RGYUD KYI SHES PA YIN PAR THAL, TSUR MTHONG KYI DBANG PO'I MNGON SUM GYI TSAD MA NYAMS MYONG GI RANG RIG MNGON SUM GYI DNGOS GZHAL YIN PA'I PHYIR ZER NA, RE ZHIG MA KHYAB, 'DOD MI NUS TE, KHYOD RGYUD LA LDAN PA'I 'PHAGS PA YOD PA'I PHYIR, KHA CIG LDON PO'I MI RTAG PA CHOS CAN, SNGON PO YIN PAR THAL, TSUR MTHONG GI RGYUD KYI SNGON 'DZIN DBANG PO'I MNGON SUM GYI DNGOS GZHAL YIN PA'I PHYIR, KHYAB PA KHAS, DER THAL, DES DE DNGOS SU DMIGS PA'I PHYIR, DER THAL, DE LA DE DNGOS SU SNANG BA GANG ZHIG , DE'I ZHEN YUL MED PA'I PHYIR, DER THAL, DE ZHEN BLO MA YIN PA'I PHYIR, ZER NA MA KHYAB, DER THAL, DBANG SHES YIN PA'I PHYIR, 'DOD NA, SNGON PO CHOS CAN, KHYOD KYI MI RTAG PA SNGON PO MA YIN PAR THAL, KHYOD GZHI GRUB PA'I PHYIR, KHA CIG ,SNGON PO DANG SNGON 'DZIN TSAD MA RDZAS GCIG PA DE, LHAN CIG DMIGS DES KYI RTAGS KYI SNGON PO DANG SNGON 'DZIN TSAD MA RDZAS GZHAN MA YIN PAR SGRUB PA'I SHUGS KYI BSGRUB BYA YIN PAR THAL, DE'I SHUGS KYI BSGRUB BYA YOD PA'I PHYIR, DER THAL, SKYES PA'I RTAGS KYI SGRA MI RTAG PAR SGRUB PA'I SHUGS KYI BSGRUB BYA YOD PA'I PHYIR, ZER NA MA KHYAB, MA GRUB NA DER THAL, SGRA RTAG PAS STONG PA DE'I SHUGS KYI BSGRUB BYA YIN PA'I PHYIR,, ` ,,'DI LA BSAL BYA CI YANG MED, ,ZHES PA'I SKABS SU, KHAMS RANG BZHIN GYIS RNAM PAR DAG PA 'DI LA CHOS CAN, BDAG MED GNYIS @13B SNGAR MED GSAR DU BZHAG PAR BYA BA DANG , GANG ZAG GI BDAG DANG CHOS KYI BDAG GNYIS SNGAR YOD RKYEN GYES BSAL DU MED DE, GANG ZAG GI BDAG DANG CHOS KYI BDAG GNYIS NA MA YANG YOD MA MYONG BA'I PHYIR, GZHI DUS SU BDAG MED GNYIS THOS BSAM GYIS GTAN LA PHAB NAS LAM DUS SU BSGOMS PAS NYAMS SU BLANGS PA LA DGOS PA YOD DE, 'BRAS DU SU BDAG 'DZIN GNYIS SPANGS PA'I GROL BA MYANG 'DAS THOB PA'I CHED DU YIN PA'I PHYIR,, ` ,,SBYIN PA LA SOGS RE RE NI, ,ZHES PA'I SKABS SU, THEG CHEN GYI MTHONG LAM BAR CHAD MED PA MCHOS CAN, KHYOD MTHONG LAM RTZE SBYOR YIN TE, PHYIN DRUG NYAMS LEN GYI BYA BAS DNGOS SU ZIN PA'I SGO NAS BDEN 'DZIN KUN BTAGS KYI SA BON DNGOS SU 'JOMS BYED KYI THEG CHEN GYI BDEN PA MNGON RTOGS YIN PA'I PHYIR, KHA CIG ,PHYIN DRUG NYAMS LEN GYI BYA BAS ZIN PA'I SGO NAS BDEN 'DZIN KUN BTAGS KYI SA BON DNGOS SU 'JOMS BYED KYI THEG CHEN GYI BDEN PA MNGON RTOGS, MTHONG LAM RTZE SBYOR GYI MTSAN NYID ZER NA, 'O NA, BYAD SEMS MTHONG LAM PA'I RGYUD KYI THEG CHEN SEMS BSKYE CHOS CAN, MTSAN NYID DER THAL, MTSON BYA PA'I PHYIR, DER THAL, THEG CHEN GYI MTHONG LAM YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, KHA CIG ,DE 'DRA BA DE SKABS 'DIR DNGOS SU BSTAN PA'I MTHONG LAM RTZE SBYOR GYI MTSAN NYID ZER NA, 'O NA; THEG CHEN MTHONG LAM RNAM GROL LAM CHOS CAN, MTSAN NYID DER THAL, MTSON BYA DE'I PHYIR, DER THAL, DE NAS SENG GE RNAM BSBYINGS PA'I, ZHES PA'I SKABS NAS DNGOS SU BSTAN PA'I MTHONG LAM RTZE SBYOR YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, THEG CHEN GYI MTHONG LAM RNAM GROL LAM YIN PA'I PHYIR, KHA CIG GI 'GREL BA LAS, RNAM PAR RTOG PA BRGYA RTZA RGYAD SPANG BA DANG DUS MNYAM DU BAG CHAGS KYI NYON MONGS PA YANG SPANGS PAS ZHES PA'I SKABS NAS DNGOS SU BSTAN PA'I NYON MONGS YIN NA, NYON MONGS YIN PAS KHYAB ZER NA, 'O NA, SHES SGRIB GZUNG 'DZIN GYI RNAM PAR RTOG PA BRGYA RTZA BRGYAD KYI SA BON CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SHES SGRIB YIN PA'I PHYIR, @14A *, ,MA GRUB NA, SHES SGRIB GZUNG 'DZIN GYI RNAM PAR RTOG PA BRGYA RTZA BRGYA CHOS CAN, KHYOD KYIS BON SHES SGRIB YIN PAR THAL, KHYOD BDEN 'DZIN YIN PA'I PHYIR,, ` ,,GNYIS PA RANG GI LUGS LA, THEG CHEN GYI MTHONG LAM BAR CHAD MED LAM DANG THEG CHEN GYI MTHONG LAM RNAM GROL LAM GANG RUNG GIS BSDUS PA'I THEG CHEN GYI BDEN PA MNGON RTOGS, SKABS 'DIR DNGOS SU BSTAN PA'I MTHONG LAM RTZE SBYOR GYI MTSAN NYID, DE LA KHO NA RE, THEG CHEN GYI MTHONG LAM BAR CHAD MED LAM DANG RNAM GROL LAM GNYIS KA CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN MTHONG LAM BAR CHAD MED LAM DE, SBYIN PA LA SOGS RE RE NI, ZHES PA'I GZHUNG GI SKABS NAS DNGOS SU BSTAN PA'I MTHONG LAM RTZE SBYOR DANG , THEG CHEN MTHONG LAM RNAM GROL LAM DE, DE NAS SENG GE RNAM BSGYINGS PA'I ZHES PA'I SKABS NAS DNGOS SU BSTAN PA'I MTHONG LAM RTZE SBYOR YIN PA'I PHYIR, 'DOD NA, DE GNYIS GANG RUNG YIN PAR THAL, DE GNYIS GANG RUNG GIS BSDUS PA'I PHYIR ZER NA MA KHYAB, 'DI RIGS LA GSUM DU MA NGES PA'I LTUNG BA CHOS CAN, PHAM LHAG LTUNG BYED GSUM PO GANG RUNG YIN PAR THAL, DE GSUM PO GANG RUNG GIS BSDUS PA'I PHYIR TE, DE LTUNG BA SDE LNGA GANG RUNG GIS BSDUS PA'I PHYIR TE, PHAM PA'I SBYOR SPOM PHAM PAS BSDUS PA'I PHYIR, RTZA BAR 'DOD MI NUS TE, RE RE NAS MA YIN PA'I PHYIR, KHA CIG NA RE, NYAN THOS DGRA BCOM PA'I RTOG PA SNGON DU SONG BA'I BYANG SEMS MTHONG LAM PA'I RGYUD KYI THEG CHEN MTHONG LAM BAR CHAD MED LAM CHOS CAN, SKABS 'DIR DNGOS SU BSTAN PA'I MTHONG LAM RTZE SBYOR YIN PAR THAL, MTSAN NYID DE'I PHYIR, DER THAL, THEG CHEN GYI MTHONG LAM BAR CHAD MED LAM YIN PA'I PHYIR, 'DOD NA, SKABS 'DIR DNGOS BSTAN BSTAN BYA'I GTZO BOR GYUR PA'I MTHONG LAM RTZE SBYOR YIN PAR THAL, 'DOD PA'I PHYIR ZER NA MA KHYAB, 'DOD MI NUS TE, CHOS CAN DE YIN PA'I PHYIR,, ` ,,'GOG DANG BCAS PA'I SNYOMS 'JUG DGUR, ZHES SOGS KYI SKABS SU, BYANG SEMS BSGOM LAM PAS SPEL GZHI SPEL CHOS MI 'DRA BAR SPEL @14B NAS SNGOMS PAR 'JUG PA'I THOD RGAL GYI TING NGE 'DZIN LA SNGOMS PAR 'JUG PA LA DGOS PA YOD DE, TING NGE 'DZIN LA RTZAL BYANG BA'I CHED DU YIN PA'I PHYIR, TING NGE 'DZIN LA RTZAL BYANG BA LA DGOS PA YOD DE, SGOM SPANG GZUNG 'DZIN GYI RTOG PA'I SA BON SPONG BA LA TING NGE 'DZIN LA RTZAL BYANG BA DE DGOS PA'I PHYIR, MTHA' DPYAD PA LA, DANG PO LA, KHA CIG NA RE, BYANG SEMS SGOM LAM PA'I RGYUD KYI MTHAR GNAS SNYOMS 'JUG DGU LA SPEL GZHI SPEL CHOS MI 'DRA BAR MA SPEL BAR LUGS MTHUN DANG LUGS BZLOG DU SNYOMS PAR 'JUG PA'I SNYOMS 'JUG DE, THOD RGAL GYI DNGOS GZHI CHUNG NGU YIN ZER NA, DE CHOS CAN, KHYOD SPEL GZHI SPEL CHOS MI 'DRA BAR SPEL BA NGA YIN PAR THAL, KHYOD THOD RGAL GYI DNGOS GZHI YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,BYANG SEMS SGOM LAM RGYUD GYI THOD RGYAL GYI DNGOS ZHI YIN NA, STONG NYID MNGON SUM DU RTOGS PA'I YE SHES YIN PAS KHYAB ZER NA, BYANG SEMS SGOM LAM PA'I RGYUD KYI YAR 'ONG BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI CHOS CAN, KHYOD KYI CHA SHAS SU GYUR PA'I 'GOG SNYOMS GCIG MED PAR THAL, KHYOD STONG NYID MNGON SUM DU RTOGS PA'I THEG CHEN GYI SGOM LAM YIN PA'I PHYIR, DER THAL, BYANG SEMS SGOM LAM BA'I RGYUD KYI STONG NYID MNGON SUM DU RTOGS PA'I YI SHES YIN PA'I PHYIR, MA GRUB NA SONG , DER THAL, BYANG SEMS SGOM LAM PA'I RGYUD KYI THOD RGAL GYI DNGOS GZHI YIN PA'I PHYIR, 'KHOR GSUM, 'DOD MI NUS TE, CHOS CAN DE YIN PA'I PHYIR, KHA CIG NA RE, SPEL GZHI SPEL CHOS MI 'DRA BAR SPEL NAS SNYOMS PAR 'JUG PA'I SNYOMS 'JUG, THOD RGAL GYI DNGOS GZHI'I MTSAN NYID, THOS RGAL GYI DNGOS GZHI YIN NA THEG CHEN GYI MKHYEN PA YIN PAS KHYAB ZER NA, PHYIR MI 'ONG BA'I RGYUD KYI SRID RTZE MA GTOGS PA'I BSAM GZUGS ZAG MED BDUN LA ZAG BCAS SPEL NAS SNYOMS PAR 'JUG PA'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, MDZOD LAS, SA BRGYAD RNAM GNYIS 'BREL BA DANG @15A *, ,GCIG RGAL SONG ZHING 'ONGS NAS NI, ,RIS MI MTHUN PA GSUM PAR 'GRO, ,ZHES GSUNGS PA'I PHYIR, 'DOD NA, THEG CHEN GYI MKHYEN PA YIN PAR THAL, THOD RGAL GYI DNGOS GZHI YIN PA'I PHYIR, KHYAB BA KHAS, 'DOD MI NUS TE, PHYIR MI 'ONG GI RGYUD KYI SNYOMS 'JUG YIN PA'I PHYIR, KHA CIG NA RE, SPEL GZHI SPEL CHOS MI 'DRA BAR SPEL NAS SNYOMS PAR 'JUG PA'I 'PHAGS RGYUD KYI SNYOMS 'JUG THOD RGAL GYI DNGOS GZHI'I MTSAN NYID ZER NA, PHYIR MI 'ONG GI RGYUD KYI BSAM GTAN SPEL SGOM DU GYUR PA'I TING NGE 'DZIN CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, BSAM GTAN SPEL SGOM YIN PA'I PHYIR, KHA CIG NA RE, SPEL GZHI SPEL CHOS MI 'DRA BAR SPEL NAS SNYOMS PAR 'JUG PA'I THEG CHEN GYI MKHYEN PA, THOD RGAL GYI DNGOS GZHI'I MTSAN NYID ZER NA, DMAN LAM SNGON DU MA SONG BA'I BYANG SEMS TSOGS LAM PA'I RGYUD KYI BSAM GTAN ZAG MED BZHI LA ZAG BCAS SPEL NAS SNYOMS PAR 'JUG PA'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, DER THAL, DE'I RGYUD LA TING NGE 'DZIN LA RIM PA 'CHOL BAR SNYOMS PAR 'JUG PA'I SNYOMS 'JUG YOD PA'I PHYIR, 'DOD NA, 'PHAGS RGYUD KYI MKHYEN PA YIN PAR THAL, 'DOD PA DE'I PHYIR, KHA CIG NA RE, THOD RGAL GYI DNGOS GZHI YIN NA RGYU LAM SHES YIN PAS KHYAB ZER NA, SANGS RGYAS 'PHAGS PA'I RGYUD KYI THOD RGAL GYI DNGOS GZHI CHOS CAN; DER THAL, DE'I PHYIR, DER THAL, SANGS RGYAS 'PHAGS PA'I RGYUD LA TING NGE 'DZIN LA RIM PA 'CHOL BAR SNYOMS PAR 'JUG PA'I SNGOMS 'JUG YOD PA'I PHYIR, DER THAL, DE'I RGYUD LA MTHAR GNAS SNYOMS 'JUG DGU YOD PA'I PHYIR, DER THAL, SNYOMS 'JUG DGU'I BDAG NYID DANG ZHES GSUNGS PA'I PHYIR, 'DOD MI NUS TE, RNAM MKHYEN YIN PA'I PHYIR, KHA CIG NA RE, TING NGE 'DZIN LA RIM PA 'CHOL BAR SNYOMS PAR 'JUG PA'I SNYOMS 'JUG, ,THOD RGAL GYI DNGOS GZHI'I MTSAN NYID ZER NA, PHYI ROL PA'I RGYUD KYI BSAM GTAN DANG PO LA MNYAM PAR BZHAG , GNYIS PA BOR @15B GSUM PA LA MNYAM PAR GZHAG , BZHI PA BOR, GZUGS MED NAS MKHA' LA SNYOMS PAR 'JUG PA'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR TE, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, BSAM GZUGS BRGYAD LA JI LTAR 'DOD 'DOD DU SNYOMS PAR 'JUG NUS PA'I PHYIR LO PA YOD PA'I PHYIR, DER THAL, BSAM GZUGS BRGYAD THOB LA MNYAMS PA'I PHYI ROL PA YOD PA'I PHYIR, 'DOD MI NUS TE, PHYI ROL PA'I RGYUD KYI SHES PA YIN PA'I PHYIR, KHA CIG NA RE, MTHAR GNAS SNYOMS 'JUG DGUL SPEL GZHI SPIL CHOS MI 'DRA BAR SPEL NAS SNYOMS BAR 'JUG PA'I SNYOMS 'JUG , THOD RGAL GYI DNGOS GZHI'I MTSAN NYID ZER NA, BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI CHOS CAN, MTSAN NYID DER THAL, MTSON BYA DE'I PHYIR, DER THAL, BYANG SEMS SGOM LAM PA'I RGYUD KYI THOD RGAL GYI DNGOS GZHI YIN PA'I PHYIR, 'DOD NA, DES MTHAR GNAS SNYOMS 'JUG DGU LA SPEL GZHIR BYAS PAR THAL 'DOD PA DE'I PHYIR, 'DOD MI NUS TE, CHOS CAN DE YIN PA'I PHYIR, KHA CIG NA RE, BYANG SEMS SGOM LAM PA'I RGYUD KYI YAR 'ONGS BSAM GZUGS BRGYUD LA 'GOG PA SPEL CHOS SU BYAS PA'I THOD RGAL GYI DNGOS GZHI DE, THOD RGAL 'BRING PO'I DNGOS GZHI YIN ZER NA, DE CHOS CAN, KHYOD LA LTOS PA'I THOD RGAL GYI DNGOS GZHI CHUNG NGU GCIG YOD PAR THAL, KHYOD THOD RGAL 'BRING PO'I DNGOS GZHI YIN PA'I PHYIR, 'DOD NA BYANG SEMS SGOM LAM PA'I RGYUD LA MTHAR GNAS SNYOMS 'JUG DBU LA SPEL GZHI SPEL CHOS MI 'DRA BAR MA SPEL BAR LUGS MTHUN DU SNYOMS PAR 'JUG PA'I SNYOMS 'JUG DE, THOD RGAL GYI DNGOS GZHI CHUNG NGU YIN PAR THAL, 'DOD PA GANG ZHIG , DE LAS GZHAN PA'I MTSAN GZHI MED PA'I PHYIR, 'DOD NA, DE CHOS CAN KHYOD THOD RGAL GYI DNGOS GZHI MA YIN PAR THAL, KHYOD SPEL GZHI SPEL CHOS MI 'DRA BAR MA SPEL BA DE YIN PA'I PHYIR, KHA CIG NA RE, YANG 'ONG BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI'I SPEL BZHI SPEL CHOS GANG RUNG RE RE BA RNAMS THOD RGAL GYI DNGOS GZHI YIN ZER NA, 'O NA, DE'I SPEL GZHIR GYUR BA'I BSAM GTAN DANG PO'I DNGOS @16A *, ,GZHI DE YANG THOD RGAL GYI DNGOS GZHI YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE CHOS CAN, KHYOD THOD RGAL GYI DNGOS GZHI MA YIN PAR THAL, KHOD SPEL GZHI SPEL CHOS MI 'DRA BAR MA SPEL BA DE YIN PA'I PHYIR, GZHAN YANG, DE'I SPEL CHOS 'GOG PA DE YANG THOD RGAL GYI DNGOS GZHI YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE'I SPEL CHOS SU GYUR PA'I 'GOG SNYOMS CHOS CAN, KHYOD SHES PA YIN PAR THAL, THOD RGAL GYI DNGOS GZHI YIN PA'I PHYIR, 'DOD MI NUS TE, 'GOG SNYOMS YIN PA'I PHYIR, KHA CIG NA RE, BYANG SEMS BSGOM LAM PA'I RGYUD KYI 'GOG PA LA MNYAM PAR GZHAG PA'I MNYAM GZHAG DANG THOD RGAL GYI DNGOS GZHI GNYIS 'GAL ZER NA, BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI LA MNYAM PAR GZHAG PA'I MNYAM GZHAG GCIG YIN PA MI SRID PA YIN PAR THAL, DE'I RGYUD KYI BSAM GZUGS BRGYAD PO GANG RUNG LA MNYAM PAR GZHAG PA'I MNYAM GZHAG YE SHES YIN NA YANG DE MA YIN DGOS, SPEL CHOS 'GOG PA LA MNYAM PAR GZHAG PA'I MNYAM GZHAG DE YANG DE MA YIN PA'I PHYIR, DANG PO SLA'O, ,PHYI MA DER THAL, MTHAR GYIS SPEL CHOS 'GOG PA LA MNYAM PAR GZHAG PA'I MNYAM GZHAG DE DE 'DRA BA'I THOD RGAL GYI DNGOS GZHI MA YIN PA'I PHYIR, DER THAL, KHYOD KYI RTZA BA'I DAM BCA' LA BLO RTZE GTOD SA GCIG YOD BA'I PHYIR, RTZA BAR 'DOD NA, BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI YIN PA MI SRID PAR THAL, 'DOD PA DE'I PHYIR, 'DOD NA YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI YIN BA MI SRID PAR THAL, 'DOD PA DE'I PHYIR, 'DOD NA, YAR 'OD THOD RGAL GYI DNGOS GZHI YIN PA MED PAR THAL, 'DOD PA DE'I PHYIR, 'DOD NA, THOD RGAL KYI DNGOS GZHI YIN PA MED PAR THAL, 'DOD PA DE'I PHYIR, 'DOD NA, DE'I MTSAN NYID MED PAR THAL, 'DOD PA DE'I PHYIR, 'DOD NA, RIGS LAM LAS 'DAS SO, ,KHA CIG @16B NA RE; BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI'I SPEL GZHI SPEL CHOS GANG RUNG RE RE LA MNYAM PAR BZHAG PA'I MNYAM GZHAG YIN NA, YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI MA YIN DGOS ZER NA, 'O NA; BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI YIN PA MED PAR THAL, DAM BCA' 'THAD PA GANG ZHIG, BYANG SEMS SGOM LAM PA'I RGYUD KYI MTHAR GNAS SNYOMS 'JUG DGU KA LA MNYAM PAR BZHAG PA'I MNYAM GZHAG YE SHES YIN PA MI SRID PA'I PHYIR, PHYI MA DER THAL, BYANG SEMS SGOM LAM PA'I RGYUD KYI 'GOG PA LA MNYAM PAR BZHAG PA'I MNYAM GZHAG YIN NA, DE'I RGYUD KYI BSAM GTAN DANG PO LA MNYAM PAR BZHAG PA'I MNYAM GZHAG MA YIN PA'I PHYIR, RTAGS 'DUD, KHA CIG NA RE, THOD RGAL GYI DNGOS GZHI YIN NA YAR 'ONGS BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI DANG, MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI GANG RUNG YIN PAS KHYAB ZER NA, TING NGE 'DZIN LA RTZAL BYANG NAS YAR 'ONGS BSAM GTAN BZHIL 'DOD SEMS SPEL BA'I THOD RGAL GYI DNGOS GZHI CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, LEGS BSHAD GSER PHRENG LAS, DBANG THOB PA RNAMS KYIS DGA' MGUR ZHUGS PAS CHOG PA'I PHYIR, 'DI NI MTSON PA TZAM DU SEMS SO, ,ZHES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG NA RE, YAR 'ONGS BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI'I SPEL CHOS 'GOG PA DE SHES RAB KYI PHAR PHYIN GYI NYAMS LEN LHAG PAR THOB PA'I STONG NYID RTOGS PA'I MNYAM GZHAG YE SHES KHYAD PAR CAN GCIG LA BYED PA YIN NO ZER NA, DE 'DRA'I SPEL CHOS 'GOG PA RGYUD LA LDAN PA'I NYAN THOS 'PHAGS PA MED PAR THAL, DAM BCA' 'THAD BA'I PHYIR, 'DOD NA, DE YOD PAR THAL, MTHAR GNAS SNYOMS 'JUG DGU'I NANG TSAN DU GYUR PA'I @17A *, ,'GOG SNYOMS MTSAN NYID PA RGYUD LA LDAN PA'I NYAN THOS 'PHAGS PA YOD PA'I PHYIR, DER THAL, 'GOG SNYOMS THOB LAM NYAMS PA'I PHYIR MI 'ONG YOD PA'I PHYIR, DER THAL, 'GOG PA THONG BA'I PHYIR MI 'ONG, ,LUS KYI MNGON SUM BYED PAR 'DOD, ,ZHES GSUNGS PA'I PHYIR, KHA CIG NA RE, YAR 'ONGS 'GOG PA LAS LANGS RJES SU SRID RTZE LA NUD CHUNG BYED PA'I DON 'GOG PA LAS LDANG BA'I LDANG SEMS SRID RTZES BYED PA'I DON YIN ZER NA, DE MI 'THAD PAR THAL, 'GOG PA LAS LANGS RJES SU SRID RTZE LA SNYOMS PAR 'JUG PA'I PHYIR, DER THAL, 'GOG PA LAS LANGS NAS SRID RTZE LA'O, ,ZHES GSUNGS PA'I PHYIR, GZHAN YANG, YAR 'ONGS 'GOG PA LAS LANGS RJES SU SRID RTZE LA NUD CHUNG BRGYAD YOD PAR THAL, DE'I TSE LDANG SEMS BRGYAD YOD PA GANG ZHIG, KHYOD KYI DAM BCA' 'THAD PA'I PHYIR, 'DOD MI NUS TE, DE YOD PA TSAD LDAN GYI GZHUNG LAS MA GSUNGS PA'I PHYIR, KHA CIG NA RE, 'DOD BA'I GZUGS SGRA YUL DU BYED PA'I SHES PA YIN NA, 'DOD SEMS YIN PAS KHYAB ZER NA, BYANG SEMS BCU PA BA'I RGYUD KYI 'DOD PA'I NYER LEN GYI GZUGS PHUNG RTOGS PA'I BSAM GTAN DANG PO'I DNGOS GZHI CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, BYANG SEMS SA BCU PA BA'I RGYUD LA LHA'I MIG GI MNGON SHES SU GYUR PA'I BSAM GTAN DANG PO'I DNGOS GZHI GCIG YOD PA'I PHYIR, DER THAL, DE 'DRA BA'I BSAM GTAN GYI DNGOS GZHI GCIG YOD PA'I PHYIR, 'DOD MI NUS TE;; SLOB PA'I RGYUD KYI BSAM GTAN GYI DNGOS GZHI YIN PA'I PHYIR, KHA CIG NA RE, NYAN RANG SLOB PA RNAMS KYIS SRID RTZE'I DNGOS GZHI'I DE MA THAG TU 'DOD SEMS MNGON DU BYED NUS PA YIN ZER NA, DE MI 'THAD PAR THAL, NYAN RANG THABS LA MI MKHAS BA GANG ZHIG, 'DOD SEMS DANG SRID RTZE'I DNGOS GZHI GNYIS PO RING PA RNAM PA BZHIS RING PA YIN PA'I PHYIR, DER THAL, DMIGS PA, RNAM PA, RTEN SNYOMS 'JUG RANG GI NGO BO'I SGO NAS RING BA YIN PA'I PHYIR, KHA CIG NA RE, 'DOD SEMS SKYON CAN YIN KYANG, BYANG SEMS THABS LA MKHAS PAS SRID RTZE'I DNGOS GZHI'I DE MA THAG TU 'DOD SEMS @17B MNGON DU BYED NUS PA YIN NO ZER NA, BYANG SEMS 'PHAGS PAS SRID RTZE'I DNGOS GZHI'I DE MA THAG TU BYAS PA'I 'DOD SEMS DE SKYON CAN YIN PAR THAL, BYANG SEMS 'PHAGS PAS MNGON DU BYAS PA'I 'DOD SEMS SKYON CAN YIN PA'I PHYIR, DER THAL, DAM BCA' 'THAD PA'I PHYIR, 'DOD NA, BYANG SEMS 'PHAGS PAS SRID RTZE'I DE MA THAG TU 'DOD SEMS MNGON DU BYAS NA SKYON DU 'GYUR PA YIN PAR THAL, 'DOD PA DE'I PHYIR, 'DOD MI NUS TE, BYANG SEMS THABS LA MKHAS PAS SKYON DU MI 'GYUR BA'I PHYIR, DER THAL, BYANG SEMS THABS LA MKHAS PAS SRID RTZE'I DNGOS GZHI'I DE MA THAG TU 'DOD SEMS MNGON DU BYED NUS PA'I PHYIR, KHA CIG NA RE, THOD RGAL GYI DNGOS GZHI RGYUD LA LDAN PA'I THEG DAMN 'PHAGS PA MED ZER NA, DE YOD PAR THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG NUS PA'I NYAN THOS DGRA BCOM PA YOD PA'I PHYIR, DER THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG PA LA DBANG THOB PA'I NYAN THOS DGRA BCOM PA YOD PA'I PHYIR, DER THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG PA LA GEGS BYED KYI SNYOMS 'JUG GI SGRIB PA SPANGS PA'I NYAN THOS DGRA BCOM PA YOD PA'I PHYIR, DER THAL, GNYIS KA'I CHA LAS RNAM GROL GYI NYAN THOS DGRA BCOM PA YOD PA SGRUB ZIN BA'I PHYIR, KHA CIG NA RE, THOD RGAL GYI DNGOS GZHI RGYUD LA LDAN PA'I SA LNGA PA MAN CHAD LA GNAS PA'I BYANG SEMS 'PHAGS PA MED ZER NA, DE YOD PAR THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG NUS PA'I SA LNGA PA MAN CHAD LA GNAS PA'I BYANG SEMS 'PHAGS PA YOD PA'I PHYIR, DER THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG PA LA GTZO BOR GEGS BYED KYI SGRIB PA DANG NYON SGRIB GNYIS KA SPANGS PA'I SA LNGA PA MAN CHAD LA GNAS PA'I BYANG SEMS 'PHAGS PA YOD PA'I PHYIR, DER THAL, GNYIS KA'I CHA LAS RNAM GROL GYI NYAN THOS DGRA BCOM PA'I RTOGS PA SNGON SONG GIS LNGA PA MAN CHAD LA GNAS PA'I BYANG SEMS 'PHAGS PA YOD PA'I PHYIR, KHA CIG NA RE, DMAN LAM SNGON DU MA SONG BA'I SA LNGA BA MAN CHAD LA GNAS PA'I BYANG SEMS 'PHAGS @18A *, ,PA'I RGYUD LA THOD RGAL GYI DNGOS GZHI MED ZER NA, DE YOD PAR THAL, MTHAR GNAS SNYOMS 'JUG DGU LA JI LTAR 'DOD 'DOD DU SNYOMS PAR 'JUG NUS PA'I SA LNGA PA MAN CHAD LA GNAS PA'I DMAN LAM MNGON DU MA SONG BA'I BYANG SEMS 'PHAGS PA YOD PA'I PHYIR, DER THAL, BYA RDZOGS KYI THUNG MTHA'I SKAD CIG MA GCIG LA TING NGE 'DZIN GYI SGO BRGYA PHRAG DU MA LA PHAR 'JUG DE LAS TSUR LDANG BYED NUS PA'I DMAN LAM SNGON DUM SONG BA'I BYANG SEMS MTHONG LAM PA YOD PA'I PHYIR, DER THAL, YON TAN BRGYA PHRAG BCU GNYIS THOB PA'I DMAN LAM SNGON DU MA SONG BA'I BYANG SEMS MTHONG LAM PA YOD PA'I PHYIR,, ` ,,GNYIS PA RANG GI LUGS LA, DNGOS GZHI'I DUS SU RANG GI SNYOMS PAR 'JUG BYA'I SNYOMS 'JUG LA RIM PA MA 'CHOL BAR SNYOMS PAR 'JUG CING RANG GI RJES THOB DE MA THAG TU THOD RGAL GYI DNGOS GZHI 'DREN PAR BYED PA'I RIGS SU GNAS PA'I SNYOMS 'JUG THOD RGAL GYI SBYOR BA'I MTSAN NYID, MTHAR GNAS SNYOMS 'JUG DGU LA SPEL GZHI SPEL CHOS MI 'DRA BAR MA SPEL BAR LUGS MTHUN DANG LUGS BZLOG TU SNYOMS BAR 'JUG PA'I BYANG SEMS BSGOM LAM PA'I RGYUD KYI MKHYEN BA, SKABS 'DIR DNGOS SU BSTAN PA'I THOD RGAL GYI SBYOR BA'I MTSAN NYID, YAR 'ONGS BSAM GZUGS BRGYAD LA 'GOG PA SPEL CHOS SU BYAS PA'I BYANG SEMS SGOM LAM PA'I RGYUD KYI MKHYEN PA, SKABS 'DIR BSTAN PA'I THOD RGAL GYI SBYOR PA'I MTSAN NYID, YAR 'ONGS BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI DANG , MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI GNYIS KYI MTSAMS 'DZIN DU GYUR BA'I 'DOD SEMS MNGON DU BYED PA'I CHED DU YIN PA'I PHYIR, DE GNYIS KYI MTSAMS 'DZIN DU GYUR PA'I 'DOD SEMS MNGON DU BYED PA LA SRID RTZE LA NUD CHUNG BYED DGOS PA'I RGYUD MTSAN YOD DE, YAR 'ONGS 'GOG PA LAS LANGS RJES SU TING NGE 'DZIN LA RTZA LA DE TZAM MA BYANG BAS SEMS ZHI BA MTHAR THUG BA 'GOG SNYOMS LA MNYAM PAR BZHAG PA'I @18B MNYAM GZHAG DE MA THAG TU SEMS RAGS PA 'DOD SEMS MNGON DU BYED MI NUS PA'I PHYIR, DE GNYIS KYI MTSAMS 'DZIN DU GYUR BA'I 'DOD SEMS KYI KHYAD PAR YOD RE, MNYAM GZHAG GIS SA BSDUS MA YIN PA'I 'DOD PA'I GZUGS SGRA SOGS YUL DU BYED PA'I SHES PA RAGS PA ZHIG LA BYED PA'I PHYIR, MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI'I KHYAD PAR YOD DE, 'GOG PA'I SNYOMS 'JUG LA MNYAM PAR BZHAG, DE LAS LANGS NAS 'DOD SEMS MNGON DU BYED PA NAS BZUNG STE, BSAM GTAN DANG PO LA MNYAM PAR BZHAG, DE LAS LANGS NAS 'DOD SEMS MNGON DU BYED PA'I BAR GYI 'PHAS RGYAD KYI MKHYEN PA RNAMS MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI YIN PA'I PHYIR, MAR 'ONGS MTHAR GNAS SNYOMS 'JUG DGU LA 'DOD SEMS SPEL NAS SNYOMS PAR 'JUG PA'I BYANG SEMS SGOM LAM PA'I RGYUD KYI MKHYEN PA, SKABS 'DIR DNGOS SU BSTAN PA'I MAR 'ONGS THOD RGAL GYI DNGOS GZHI'I MTSAN NYID, RANG GI SNYOMS PAR 'JUG BYA'I SNYOMS 'JUG LA SPEL GZHI SPEL CHOS MI 'DRA BAR SPEL NAS SNYOMS PAR 'JUG CING, RANG GI THOD RGAL GYI SBYOR BA LA LTOS DGOS PA'I RIGS SU GNAS PA'I 'PHAGS RGYUD KYI SNYOMS 'JUG, THOD RGAL GYI DNGOS GZHI'I MTSAN NYID, RTZOD PA SPONG BA LA, KHA CIG NA RE, BYANG SEMS SGOM LAM PA'I RGYUD KYI YAR 'ONGS BSAM ? GZUGS BRGYAD LA 'GOG PA SPEL CHOS SU BYAS PA'I THOD RGAL GYI DNGOS GZHI DE THOD RGAL 'BRING PO'I DNGOS GZHI YIN PAR THAL, DE LA LTOS PA'I THOD RGAL GYI DNGOS GZHI CHUNG NGU YOD PA'I PHYIR, DER THAL, BYANG SEMS SGOM LAM PA'I RGYUD KYI MTHAR GNAS SNYOMS 'JUG DGU LA SPEL GZHI SPEL CHOS MI 'DRA BAR MA SPEL BAR LUGS MTHUN DU SNYOMS PAR 'JUG PA'I SNYOMS 'JUG DE THOD RGAL GYI DNGOS GZHI CHUNG NGU YIN PA'I PHYIR RO, ,DER THAL, MDO LAS, RAB 'BYOR BYANG CHEN GYI TING NGE 'DZIN THOD RGAL BDE GANG ZHEN, BYANG CHEN 'DOD PAS DBEN SDIG TO MI DGE BA'I CHOS KYIS DBEN PA ZHES PA NAS BZUNG STE, 'DU SHES MED 'DU SHES MED MIN SKYE MCHED LA'O, ,ZHES GSUNGS PA'I PHYIR, ZER NA SKYON MED DE, DES NI THOD RGAL GYI DKYUS SA BSTAN PA @19A *, ,YIN PAS THONG RGAL GYI MING GIS BTAGS BTZAM YIN BA'I PHYIR, KHA CIG NA RE, YAR 'ONGS BSAM GZUGS BRGYAD LA 'GOG BA SPEL BA'I THOD RGAL GYI DNGOS GZHI DANG , MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI GNYIS KYI MTSAMS 'DZIN DU GYUR PA'I 'DOD SEMS DE MNYAM GZHAG GI SAS BSDUS PAR THAL, MAR 'ONGS MTHAR GNAS SNYOMS 'JUG DGU LA 'DOD SEMS SPEL BA'I 'DOD SEMS DE MNYAM GZHAG GI SAS BSDUS YIN PA'I PHYIR ZER NA, MA KHYAB, RTAGS DER THAL, DE MAR 'ONGS MTHAR GNAS KYI SNYOMS 'JUG GI SAS BSDUS PA'I PHYIR, DE GNYIS CHA CHA CAN YIN PA'I PHYIR, 'DOD MI NUS SO, ,KHA CIG NA RE, BYANG SEMS SGOM LAM PA'I RGYUD KYI YAR 'ONGS BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI'I MTHAR GYIS SPEL CHOS 'GOG PA LA MNYAM PAR BZHAG PA'I MNYAM GZHAG DE THOD RGAL GYI DNGOS GZHI MA YIN PAR THAL, DE'I MNYAM PAR BZHAG BYAR GYUR PA'I 'GOG SNYOMS DE YANG THOD RGAL GYI DNGOS GZHI MIN, SNYOMS PAR 'JUG PA'I 'JUG SEMS DE YANG THOD RGAL GYI DNGOS GZHI MIN PA'I PHYIR ZER NA, RE ZHIG MA KHYAB, KHA CIG NA RE, NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI ZAG MED LA MNYAM PAR BZHAG, GNYIS PA ZAG MED BOR BA SOGS KYI YAR 'ONGS MAR ZLOG GI SNYOMS 'JUG DE DAG THOD RGAL GYI DNGOS GZHI YIN PAR THAL, NYAN THOS DGRA BCOM PA'I RGYUD LA THOD RGAL GYI DNGOS GZHI YOD PA'I PHYIR ZER NA RNAMS GCIG TUN MA KHYAB, 'DOD MI NUS TE, 'GREL CHEN LAS, SPONGS YA DANG, 'DAS YA SOGS YA ZHES PA'I MING YOD PA MTSUNGS KYANG DON MI MTHUN PA BZHIN DU, DE THOD RGAL DU DON MI MTHUN PAR GSUNGS PA'I PHYIR ZER NA, SKYON MED DE, DE NI SKABS 'DIR DNGOS SU BSTAN PA'I THOD RGAL DU DON MI MTHUN ZHES PA'I DON YIN PA'I PHYIR, KHA CIG NA RE, BYANG SEMS SGOM LAM PA'I RGYUD KYI THOD RGAL GYI DNGOS GZHI YIN NA, STONG NYID MNGON SUM DU RTOGS PA'I YE SHES YIN DGOS PAR THAL, MDOR BSDUS RGYAS DANG SANGS RGYAS KYIS ZHES PA'I SKABS NAS DNGOS SU BSTAN PA'I RANG GI NGOS @19B SKAL GYI SGOM SPANG GZUNG 'DZIN RTOG PA'I SA BON 'JOMS BYED KYI SGOM LAM RTZE SBYOR 'CHAD PA NA, 'GOG DANG BCAS PA'I SNYOMS 'JUG DGUR, ,ZHES GSUNGS PA'I PHYIR ZER NA, SKYON MED DE, MDOR BSDUS RGYAS DANG SANGS RGYAS KYIS, ,ZHES PA'I SKABS NAS DNGOS SU BSTAN PA'I SGOM SPANG GZUNG 'DZIN RTOG PA'I SA BON SBONG BA LA THOD RGAL GYI DNGOS GZHI SOGS KYIS SEMS LAS RUNG DU BYAS PA GCIG DGOS PA'I DON YIN PA'I PHYIR, KHA CIG NA RE, DMAN LAM SNGON DU MA SONG BA'I SA LNGA PA MAN CHAD LA GNAS PA'I BYANG SEMS 'PHAGS PA'I RGYUD LA THOD RGAL GYI DNGOS GZHI MED PAR THAL, SNYING PO RGYAN LAS 'DI DMAN LAM SNGON DU MA SONG PA YIN NA SA DRUG PA YAN CHAD DU THOB BO, ,ZHES GSUNGS PA'I PHYIR ZER NA SKYON MED DE, DE'I DON NI BSAM GTAN GYI PHAR PHYIN GYI NYAMS LEN LHAG PAR THOB PA'I THOD RGAL GYI DNGOS GZHI KHYAD PAR CAN LA DGONGS PA YIN PA'I PHYIR, KHA CIG NA RE, SANGS RGYAS 'PHAGS PA'I RGYUD LA YAR 'ONGS BSAM GZUGS BRGYAD LA 'GOG BA SPEL BA'I THOD RGAL GYI DNGOS GZHI YOD PAR THAL, DE'I RGYUD LA THOD RGAL GYI DNGOS GZHI YOD PA'I PHYIR, 'DOD NA, DE'I RGYUD LA TING NGE 'DZIN LA RIM PA 'CHOL BAR SNYOMS PAR 'JUG PA'I SNYOMS 'JUG YOD PAR THAL, 'DOD PA DE'I PHYIR, 'DOD MI NUS TE, SANGS RGYAS 'PHAGS PA DE DUS RTAG TU BSAM GZUGS BRGYAD 'GOG PA DANG BCAS PA LA MNYAM PAR BZHAG PA'I GANG ZAG YIN PA'I PHYIR ZER NA MA KHYAB, 'DOD MI NUS SO ZER NA, DE'I RGYUD LA MTHAR GNAS SNYOMS 'JUG LA SNYOMS PAR 'JUG PA'I SNYOMS 'JUG MED PAR THAL, DES BSAM GZUGS BRGYAD 'GOG PA DANG BCAS PA LA DUS RTAG TU CIG CAR DU MNYAM PAR BZHAG PA'I GANG ZAG YIN PA'I PHYIR, 'KHOR GSUM, MDOR BSDUS RGYAS DANG SANGS RGYAS KYIS, ,ZHES SOGS KYI SKABS SU, SKABS 'DIR BSTAN PA'I SGOM SPANG GZUNG 'DZIN GYI RNAM PAR RTOG PA CHOS CAN, KHYOD LA DBYEN DU MA YOD DE, KHYOD LA DMIGS YUL GYI SGO NAS BYE BA BRGYA RTZA BRGYAD YOD PA'I PHYIR, KHA CIG NA RE, SKABS 'DIR BSTAN GYI SPANG BYA RTOG PA LHAN SKYES YIN NA, SHES SGRIB YIN PAS KHYAB ZER NA, GANG ZAG GI BDAG 'DZIN LHAN SKYES CHOS CAN, DER THAL, DE'I PHYIR, DER THAL, DMAN LAM SNGON DU MA @20A *, ,SONG BA'I BYANG SEMS SGOM LAM PAS GRIB GNYIS CIG CAR DU SPANG BA YIN PA'I PHYIR, 'DOD MI NUS TE, NYON MONGS YIN PA'I PHYIR, KHA CIG NA RE, SKABS 'DIR BSTAN GYI SHES SGRIB GZUNG RTOG LHAN SKYES YIN NA, BDEN 'DZIN YIN PAS KHYAB ZER NA, GZUGS PHYIR ROL ? DON 'DZIN GYI RTOG PA LHAN SKYES CHOS CAN, DER THAL, DE'I PHYIR, SGRUB BYED GONG GIS RIGS 'GRE'O,,'DOD NA, KHYOD KYI ZHES YUL GYIS STONG BA STONG NYID YIN PAR THAL, KHYOD BDEN 'DZIN YIN PA'I PHYIR, 'DOD MI NUS TE, GZUGS PHYI ROL DON GYI STONG PA STONG NYID MA YIN PA'I PHYIR, KHA CIG NA RE, SKABS 'DIR BSTAN SBANG BYA RTOG BA LHAN SKYES YIN NA, SKABS 'DIR BSTAN BYA'I GTZO BOR GYUR PA'I SPANG BYA RTOG PA LHAN SKYES YIN PAS KHYAB ZER NA, GANG ZAG GI BDAG 'DZIN LHAN SKYES CHOS CAN, DER THAL, DE'I PHYIR, 'DOD NA, BDEN 'DZIN YIN PAR THAL, 'DOD PA DE'I PHYIR, 'DOD MI NUS SO, ,KHA CIG NA RE, BDEN 'DZIN LHAN SKYES DE LA SHES SGRIB 'JUG PA GZUNG RTOG DANG, LDOG PA GZUNG RTOG GNYIS KYI DBYE BA MI 'THAD ZER NA, DE 'THAD PAR THAL, BYANG SEMS SGOM LAM PA'I RGYUD LA GRUB MTHAS BSGYUR BA LA MA LTOS PAR 'JUG BYA'I CHOS LA 'JUG BYAR BDEN PAR 'DZIN PA'I BDEN 'DZIN LHAN SKYES RANG GI DANG GIS SKYE BA YOD PA'I PHYIR, DER THAL, DE'I RGYUD LA 'JUG BYA'I CHOS LA 'JUG BYAR 'DZIN PA'I BLO LHAN SKYES RANG GI NGANG GIS SKYE BA YOD PA'I PHYIR DANG LDOG BYA'I CHOS LA LDOG BYAR BDEN PAR 'DZIN PA'I BLO LHAN SKYES RANG GI NGANG GIS SKYE BA YOD PA'I PHYIR ` RANG GI LUGS LA, ,RANG GI DMIGS YUL DU GYUR PA'I CHOS CAN TSAD GRUB PA LA DMIGS NAS BDEN PAR 'DZIN PA'I BDEN 'DZIN LHAN SKYES, SKABS 'DIR BSTAN BYA'I GTZO BOR GYUR BA'I SPANG BYA RTOG PA'I MTSAN NYID, DE LA DER GYUR PA'I SHES SGRIB GZUNG RTOG ,'DZIN RTOG GNYIS, GZUNG RTOG DE LA DER GYUR PA'I 'JUG PA ZUNG RTOG, LDOG PA GZUNG RTOG GNYIS, 'JIN RTOG DE LA YANG DER GYUR PA'I SHES SGRIB BTAGS 'DZIN RTOG PA DANG RDZAS 'DZIN RTOG PA GNYIS YOD, YAMS NAD 'DI RNAM ZAD NAS NI, ZHES SOGS KYI SKABS SU, BYED SOS SA GSUM BA PA DES, BDEN 'DZIN LHAN SKYES @20B CHEN PO'I TSIN ? PO SPANGS PA DE'I TSE, DGA' BA JI LTAR 'BYUNG BA DANG, YON TAN JI LTAR 'BYUNG PA'I TSUL YOD DE, NAD PA NAD LAS GROL NAS YUN RING DU LON PA DBUGS PHYIN PA RNYED PA NA DGA'BA 'BYUNG BA LTAR DGA' BA KHYAD PAR CAN 'BYUNG BA DANG , RGYA MTSO CHEN PO LA CHU PO BZHI RANG GI DANG GIS 'DU BA BZHIN DU THEG PA GSUM GYI SPANGS RTOGS KYI RIGS RNAMS RANG GI NGANG GIS 'DU BA YIN PA'I PHYIR, STONG GSUM SKYE BO NYAN THOS DANG , ,ZHES SOGS KYI SKABS SU, RGYUN MTHA'I BAR CAD MED LAM CHOS CAN, KHYOD BAR CHAD MED PA'I RTZE SBYOR YIN TE, BDEN GNYIS GZHI GCIG GI STENG DU 'DUR MI RUNG BAR 'JIN PA'I LOG RTOG GI SA BON DNGOS SU 'JOMS BYED KYI THEG CHEN GYI BAR CHAD MED LAM YIN PA'I PHYIR, KHA CIG NA RE, CHOS THAMS CAD BAR CAD MED PA'I RTZE SBYOR GYI DMIGS RKYEN YIN ZER NA, CHOS THAMS CAD DE'I RKYEN YIN PAR THAL, DAM BCA' 'THAD PA'I PHYIR, 'DOD NA, CHOS THAMS CAD CHOS CAN, KHYOD BAR CAD MED PA'I RTZE SBYOR GYI RKYEN MA YIN PAR THAL, KHYOD 'DUS MA BYAS YIN PA'I PHYIR, KHA CIG NA RE, SKAD CIG MA'I SBYOR BA YIN NA, BAR CHAD MED PA'I RTZE SBYOR YIN PAS KHYAB ZER NA, RGYUN MTHA'I SBYOR BA'I LAM CHOS CAN, ,DER THAL, DE'I PHYIR, DER THAL, THEG CHEN SGO 'BYED LAS, SKAD CIG MA'I SBYOR BA LA YANG SBYOR BA'I LAM DANG BAR CHAD MED BA'I LAM GNYIS YOD LA, ZHES GSUNGS PA'I PHYIR, 'DOD NA, DE CHOS CAN, BAR CHAD MED LAM YIN PAR THAL, BAR CHAD MED PA'I RTZE SBYOR YIN PA'I PHYIR, 'DOD MI NUS SO,, ` ,,RANG GI LUGS LA, BSOD NAMS MANG POS MTSON STE BSTAN PA'I SGO NAS GNAS NGAN LEN GYI DRI MA PHRA MO DNGOS SU 'JOMS BYED KYI THEG CHEN GYI BAR CHAD MED LAM BAR CHAD MED PA'I RTZE SBYOR GYI MTSAN NYID, BAR CHAD MED PA'I RTZE SBYOR DE KHYAD CHOS GSUM DANG LDAN TE, RANG GI RGYU DRAN PA THEG CHEN SEMS BSKYED KYI BDAG RKYEN LAS BYUNG BA DANG, DMIGS PA CHOS THAMS CAD LA DMIGS PA DANG , RNAM BA CHOS THAMS CAD BDEN GRUB ZHI BA'I ZHI PA LA GNYIS SNANG NUB BA'I KHYAD CHOS GSUM DANG LDAN PA'I PHYIR, DMIGS PA 'THAD DANG DE YI NI, ,ZHES SOGS KYI SKABS SU, GSAL BYA LOG RTOG CHOS CAN, KHYOD LA DBYE NA DU MA YOD @21A *, ,DE, KHYOD LA RNAM PA BCU DRUG YOD PA'I PHYIR, KHA CIG NA RE, BSAL BYA LOG SGRUB YIN NA, BSAL BYA LOG RTOG YIN PAS KHYAB ZER NA, SA BON GYIS MYUR GU BSKYED PA DON DAM PAR GRUB PAR THAL, DE RANG NGOS NAS GRUB PA'I PHYIR, ZHES DNGOS SMRA BAS DBU MA PA LA 'PHANGS PA'I SUN 'BYIN DE CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, SHES PA YIN PAR THAL, 'DOD PA DE'I PHYIR, 'DOD MI NUS TE, SUM 'BYIN YIN PA'I PHYIR, KHA CIG NA RE, DE SUN 'BYIN LTAR SNANG YIN ZER NA, MI 'THAD PAR THAL, DE SUN 'BYIN YANG DAG YIN PA'I PHYIR, DER THAL, DE 'KHOR GSUM DNGOS 'GAL DU SONG BA'I RGOL BA GCIG YOD PA'I PHYIR, KHA CIG NA RE, BDEN GNYIS 'GAL 'DZIN GYI RTOG PA DE, BSAL BYA LOG RTOG GI MTSAN NYID ZER NA, 'O NA, DE BSAL BYA LOG RTOG YIN PAR THAL, DAM BCA' 'THAD PA'I PHYIR, 'DOD NA, DE CHOS CAN, BSAL BYA LOG RTOG MA YIN PAR THAL, KHYOD 'DZIN STANGS DON MTHUN GYI SHES PA YIN PA'I PHYIR, DER THAL. BDEN GNYIS 'GAL BA'I PHYIR, KHA CIG NA RE, BDEN GNYIS NGO BO THA DAD DU 'DZIN PA'I RTOG PA BSAL BYA LOG RTOG GI MTSAN NYID ZER NA, DE SKABS 'DIR BSTAN BYA'I GTZO BOR GYUR PA'I BSAL BYA LOG RTOG YIN PAR THAL, DAM BCA' 'THAD PA'I PHYIR, 'DOD NA, DE CHOS CAN, SHES SGRIB YIN PAR THAL, SKABS 'DIR BSTAN BYA'I GTZO BOR GYUR PA'I BSAL BYA LOG RTOG YIN PA'I PHYIR, 'DOD MI NUS TE, NYON SGRIB YIN PA'I PHYIR, DER THAL, BDEN GNYIS RDZAS GRUB TU 'DZIN PA'I RTOG PA NYON SGRIB YIN PA'I PHYIR, DER THAL, BDEN GNYIS DNGOS PO 'DZIN PA'I RTOG PA NYON SGRIB YIN PA'I PHYIR, GZHAN YANG, BDEN GNYIS GZHI GCIG GI STENG DU 'DU MI RUNG BAR 'DZIN PA'I RTOG PA CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, 'DED MI NUS TE, BDEN 'DZIN YIN PA'I PHYIR, KHA CIG NA RE, BDEN GNYIS GZHI GCIG GI STENG DU 'DU MI RUNG BAR 'DZIN PA'I LOG RTOG, BSAL BYA LOG RTOG GI MTSAN NYID ZER NA, GANG ZAG GI BDAG 'DZIN LHAN SKYES CHOS CAN, MTSAN NYID DER THAL, MTSON BYA DE'I PHYIR, DER THAL, SPANG @21B BYA RTOG PA YIN PA'I PHYIR, DER THAL, BDAG 'DZIN YIN PA'I PHYIR, 'DOD MI NUS TE, NYON MONGS YIN PA'I PHYIR, KHA CIG NA RE, KUN RDZOB SGO CAN GYI KLAN KA YIN NA, DBU MA PA'I KUN RDZOB KYI khAS LEN DNGOS SU RTAGS SU BKOD NAS DON DAM SUN 'BYIN PA'I KLAN KA YIN PAS KHYAB, DON DAM SGO CAN GYI KLAN KA YIN NA, DBU MA PA'I DON DAM GYI KHAS LEN DNGOS SU RTAGS SU BKOD NAS KUN RDZOB SUN 'BYIN PA'I KLAN KA YIN PAS KHYAB ZER NA, DBU MA PAS SA BON GYIS MYU GU BSKYED PAR DNGOS NAS GRUB PAR KHAS BLANGS PA LA BSAMS NAS, SA BON GYIS MYU GU BSKYED PA BDEN PAR GRUB PAR THAL, DE BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MIN PA'I SDOD LUGS KYI NGOS NAS GRUB PA'I PHYIR, ZHES DNGOS SMRA BAS DBU MA LA 'PHANGS PA'I SUN 'BYIN DE CHOS CAN, DBU MA PA'I KUN RDZOB KYI KHAS LEN DNGOS SU RTAGS SU BKOD NAS DON DAM SUN 'BYIN PA'I KLAN KA YIN PA THAL, KUN RDZOB SGO CAN GYI KLAN KA YIN PA'I PHYIR, DER THAL, DBU MA PAS SA BON GYIS MYU GU BSKYED PA RANG NGOS NAS GRUB PAR KHAS BLANGS PA LA BSAMS PA YIN PA'I PHYIR, 'DOD MI NUS TE, SA BON GYIS MYU GU BSKYED PA BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I SDOD LUGS KYI NGOS NAS GRUB PA DE KUN RDZOB PA'I GRUB TSAD MA YIN PA'I PHYIR, DER THAL, DE MED PA'I PHYIR, GZHAN YANG, DBU MA PAS SA BON GYIS MYU GU BA SKYED BA BDEN MED DU KHAS BLANGS PA LA BSAMS NAS, SA BON GYIS MYU GU BSKYED PA RANG NGOS NAS MA GRUB PAR THAL, DE MED PA'I PHYIR, ZHES DNGOS SMRA BAS DBU MA PA LA 'PHANGS PA'I SUN 'BYIN DE CHOS CAN, DBU MA PA'I DON DAM GYI KHAS LEN DNGOS SU RTAGS BKOD NAS KUN RDZOB SUN 'BYIN PA'I KLAN KA YIN PAR THAL, DON DAM SGO CAN GYI KLAN KA YIN PA'I PHYIR, DER THAL, DE DBU MA PAS SA BON GYIS MYU GU BSKYED PA BDEN PAR MED PAR KHAS BLANGS PA LA BSAMS PA'I PHYIR, 'DOD MI NUS TE, SA BON GYIS MYU GU BSKYED PA MED PA DON DAM PA MA YIN PA'I PHYIR, KHA CIG NA RE, DON DAM SGO CAN GYI KLAN KA YIN NA, KHYAB MED KYI LAN 'DE BAS RIGS PAS KHYAB ZER NA, BSHAD MA THAG PA'I THAL 'GYUR DE CHOS CAN, DER @22A *, ,THAL, DE'I PHYIR, 'DOD MI NUS TE, DE LA RTAGS MA GRUB KYI LAN 'DEBS RIGS PA'I PHYIR, DER THAL, SA BON GYIS MYU GU BSKYED PA YOD PA'I PHYIR,, ` ,,GNYIS PA RANG LUGS LA, BDEN GNYIS GZHI GCIG GI STENG DU 'DU MI RUNG BAR 'DZIN PA'I LOG RTOG SKABS 'DIR BSTAN BYA'I GTZO BOR GYUR PA'I BSAL BYA LOG RTOG GI MTSAN NYID, LOG RTOG DES KUN NAS BSLANGS PA'I SUN 'BYIN DE LA YANG KUN RDZOB SGO CAN GYI KLAN KA, DON DAM SGO CAN GYI KLAN KA GNYIS YOD, DBU MA PA'I KUN RDZOB KYI KHAS LEN RTAGS SU BKOD NAS DON DAM SUN 'BYIN PA'I RIGS SU GNAS PA'I DNGOS SMRA BAS DBU MA PA LA 'PHANGS PA'I SUN 'BYIN DE, KUN RDZOB SGO CAN GYI KLAN KA'I MTSAN NYID, DBU MA PA'I DON DAM GYI KHAS LEN RTAGS SU BKOD NAS KUN RDZOB SUN 'BYIN PA'I RIGS SU GNAS PA'I DNGOS SMRA PAS DBU MA PA LA 'PHANGS PA'I SUN 'BYIN DE, DON DAM SGO CAN GYI KLAN KA'I MTSAN NYID, KLAN KA DE GNYIS LA LAN JI LTAR 'DEBS PA'I TSUL YOD DE, RIM PA BZHIN DU DBU MA PA'I LUGS KYI KUN RDZOB KHAS BLANGS PAS DON DAM LA MI GNOD PA'I LAN DANG, DBU MA PA'I LUGS KYI DON DAM LAS BLANGS PAS KUN RDZOB LA MI GNOD PA'I LAN 'DEBS PA'I PHYIR, BSAL BYA LOG RTOG DANG, LOG SGRUB GNYIS LA BCU DRUG RE YOD,, ` ,,RTZOD PA SPONG BA LA, KHA CIG NA RE, BSAL BYA LOG SGRUB LA LOG RTOG GIS KHYAB PAR THAL, BSAL BYA LOG RTOG LA LOG SGRUB KYIS KHYAB PA'I PHYIR ZER NA MA KHYAB, RTAGS 'BUD DO, ,KHA CIG NA RE, RGYUN MTHA'I BAR CHAD MED LAM GYI NGOS SKAL GYI SPANG BYAR GYUR PA'I BDEN 'DZIN LHAN SKYES CHUNG NGU'I CHUNG DU CHOS CAN, BDEN GNYIS GZHI GCIG GI STENG DU 'DU MI RUNG BAR 'DZIN PA'I LOG RTOG YIN PAR THAL, SKABS 'DIR BSTAN BSTAN BYA'I GTZO BOR GYUR PA'I BSAL BYA LOG RTOG YIN PA'I PHYIR, DER THAL, SKABS 'DER RGYUN MTHA'I BAR CHAD MED LAM GYI NGOS SKAL GYI SPANG BYAR GYUR PA'I GNAS NGAN LEN GYI DRI MA PHRA ZHING PHRA BA CIG GTZO BOR GTAN LA 'BEBS PA'I PHYIR, DER THAL, DE GTZO BOR GTAN LA 'BEBS PA'I MNGON RTOGS RGYAN GYI GZHUNG CIG YOD PA'I PHYIR, 'DOD NA, 'DZIN PA KUN BTAGS @22B YIN PAR THAL, 'DOD PA DE'I PHYIR ZER NA, MA KHYAB 'DOD MI NUS TE, 'DZIN PA LHAN SKYES YIN PA'I PHYIR, KHA CIG NA RE, BDEN GNYIS GZHI GCIG GI STENG DU 'DU BA DE, DON DAM BDEN PA YIN PAR THAL, BDEN GNYIS GZHI GCIG GI STENG DU 'DU MI RUNG BAR 'DZIN PA'I RTOG PA BDEN 'DZIN YIN PA'I PHYIR, ZER NA MA KHYAB, 'DOD MI NUS TE, KUN RDZOB BDEN PA YIN PA'I PHYIR,, ` ,,SBYIN PA SHES RAB BAR DAG DANG, ,SANGS RGYAS LA SOGS DRAN DANG CHOS, ZHES SOGS KYI SKABS SU, MTHAR GYIS SBYOR BA CHOS CAN, KHYOD LA DBYE NA DU MA YOD DE, KHYOD LA DBYI NA RNAM PA BCU GSUM YOD PA'I PHYIR, KHA CIG NA RE, CHOS BCU GSUM GYIS ZIN PA'I SGO NAS RTZOL BA RE RE'I BYED PA LA BRTEN NAS, MKHYEN GSUM GYI RNAM PA BRGYA DUN CU RTZA GSUM GO RIM MA 'CHOL BAR SGOM PA'I SEMS DPA'I YE SHES MTHAR GYIS SBYOR BA'I MTSAN NYID ZER NA, DE LTAR BSGOM PA'I SKAD CIG MA'I SBYOR BA CHOS CAN, MTSON BYA DER THAL, MTSAN NYID DE'I PHYIR, DER THAL, RTZOL BA GCIG GI BYED PA LA BRTEN NAS MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR BSGOM PA'I SEMS DPA'I YE SHES YIN PA'I PHYIR, DER THAL, JI LTAR SKYES BU'I ZO CHUN RGYUD, ZHES SOGS KYIS SKAD CIG SBYOR BAS MKHYEN GSUM GYI RNAM PA BSGOM TSUL GCIG GTAN LA 'BEBS PA'I PHYIR MA KHYAD NA, 'KHOR GSUM BYED DO, ,'DOD MI NUS TE, SKAD CIG MA'I SBYOR BA YIN PA'I PHYIR, GZHAN YANG, THEG CHEN MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN GYI MTHOD LAM YIN PA'I PHYIR, 'DOD NA, GZHI SHES KYI RNAM PA NYER BDUN BSGOM PA'I SEMS DPA'I YE SHES YIN PAR THAL, 'DOD PA'I PHYIR,'DOD MI NUS TE, THEG CHEN GYI BAR CHAD MED LAM YIN PA'I PHYIR, KHA CIG NA RE, CHOS BCU GSUM GYIS ZIN PA'I SGO NAS MKHYEN GSUM GYI RNAM PA BRGYA BDEN CU RTZA GSUM GO RIM MA 'CHOL BAR BSGOM PA'I BYA BAS ZIN PA'I RTOGS PA MTHAR THUG GI LAG RJES 'JOG BYED KYI SEMS DPA'I YE SHES, MTHAR GYIS SBYOR BA'I MTSAN NYID ZER NA, RGYU 'BRAS KYIS MA NGES SHING, RGYUN MTHA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I @23A *, ,PHYIR, 'DOD MI NUS TE, SKAD CIG MA'I SBYOR BA YIN PA'I PHYIR, KHA CIG NA RE, CHOS BCU GSUM GO RIM MA 'CHOL BAR BSGOM PA DE, MTHAR GYIS SBYOR BAS MKHYEN GSUM GYI RNAM PA BSGOM TSUL YIN ZER NA, DE MI 'THAD PAR THAL, MTHAR GYI SBYOR BAS MKHYEN GSUM GYIS RNAM PA BSGOM PA'I ZIN BYED YIN PA'I PHYIR, DER THAL, SBYOR BA BZHI PO DE ZIN BYED KYI SGO NAS 'JOG PA'I PHYIR, DER THAL, DE'I SBYOR BA DANG, ZHES GSUNGS PA'I PHYIR, KHA CIG, DNGOS MED NGO BO NYID KYI MTHAR GYIS SBYOR BA YIN NA, STONG NYID MNGON SUM DU RTOGS PA'I SEMS DPA'I YE SHES YIN PAS KHYAB ZER NA, BYANG SEMS MTHONG LAM PA'I RGYUD KYI MYU GU BDEN STONG SGYU MA LTA BUR MNGON SUM DU RTOGS PA'I THEG CHEN GYI MTHONG LAM CHOS CAN, DER THAL, DE'I PHYIR, DER THAL, BYANG SEMS MTHONG LAM PA'I RGYUD KYI DBU MA'I LTA BA YIN PA'I PHYIR, DER THAL, DBU MA'I LTA BA SKYONG TSUL DE LA RJES THOB SGYU MA LTA BU'I SKYONG TSUL DANG MNYAM BZHAG NAM MKHA' LTA BU'I SKYONG TSUL GNYIS YOD PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG NA RE, MTHAR GYIS SBYOR BA THOB BA DANG, THEG CHEN GYI TSOGS LAM THOB PA DUS MNYAM ZER NA, RNAM RDZOGS SBYOR BA THOB PA DANG MTHAR GYIS SBYOR PA THOB PA DUS MNYAM PAR THAL, DAM BCA' 'THAD PA'I PHYIR, 'DOD MI NUS TE, DE GNYIS RIM CAN DU THOB DGOS PA'I PHYIR, DER THAL, RNAM BSHAD LAS, SBYOR BA DANG PO GSUM PO YANG RGYU 'BRAS DON GYI RIM PA'I DBANG DU BYAS LA, ZHES GSUNGS PA'I PHYIR,, ` ,, RANG LUGS LA, CHOS BCU GSUM GYIS ZIN PA'I SGO NAS RTZOL BA RE RE'I BYED PA LA BRTEN NAS MKHYEN GSUM GYI RNAM PA BRGYA BDUN CU RTZA GSUM GO RIM MA MCHOL BAR BSGOM PA'I RAB TU PHYE BA'I RIGS SU GNAS PA'I SEMS DPA'I YE SHES, MTHAR GYIS SBYOR BA'I MTSAN NYID, DE LA ZIN BYED KYI SGO NAS DBYE NA BCU GSUM YOD, DE'I ZIN BYED DE LA RNAM PA BCU GSUM YOD DE, DE LA PHAR PHYIN DRUG, RJES DRAN DRUG, DNGOS MED NGO BO NYID DANG BCAS PA BCU GSUM YOD PA'I PHYIR,, ` ,,SBYIN PA LA SOGS RE RES KYANG, ZAG MED CHOS KUN BSDUS PA'I @23B PHYIR, ZHES SOGS KYI SKAB SU, SKAD CIG SBYOR BA CHOS CAN, KHYOD LA DBYE NA DU MA YOD DE, KHYOD LA DBYI NA RNAM PA BZHI YOD PA'I PHYIR, KHA CIG NA RE, SA BDUN PA'I YE SHES DE RNAM PAR SMIN PA MA YIN PA'I SKA CIG SBYOR BA DANG, SA BRGYAD PA'I YE SHES DE, RNAM PAR SMIN PA'I SKAD CIG SBYOR BA DANG, SA DGU PA'I YE SHES DE, MTSAN NYID MED PA'I SKAD CIG SBYOR BA DANG, SA BCU BA'I YE SHES DE GNYIS SU MED PA'I SKAD CIG SBYOR BA YIN ZER NA, DE MI 'THAD PAR THAL, SKAD CIG SBYOR BA BZHI PO NGO BO GCIG LA LDOG PA THA DAD YIN PA'I PHYIR, DER THAL, DE BZHI PO DE NUS PA MI 'DRA BA'I SGO NAS 'JOG PA'I PHYIR, KHA CIG NA RE, SKAD CIG MA'I SBYOR BA YIN NA, RGYUN MTHA'I BAR CHAD MED LAM YIN PAS KHYAB ZER NA, RGYUN MTHA'I SBYOR BA'I LAM CHOS CAN, DER THAL, DE'I PHYIR, RTAGS GSAL BSGRUB ZIN GZHAN YANG, MTHAR GYI SBYOR BAS MKHYEN GSUM GYI RNAM PA SGOM TSUL STON PA'I MNGON RTOGS RGYAN GYI GZHUNG TSIG MED PAR THAL, SKAD CIG SBYOR BAS MKHYEN GSUM GYI RNAM PA BSGOM TSUL STON PA'I MNGON RTOGS RGYAN GYI GZHUNG TSIG MED PA'I PHYIR, DER THAL, JI LTAR SKYES BU'I ZO CHUN RGYUD, ZHES SOGS KYI GZHUNG DE LTAR STON PA'I GZHUNG MA YIN PA'I PHYIR, MA GRUB NA, RTZOL BA GCIG GI BYED PA LA BRTEN NAS MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR BSGOM PA'I SKAD CIG MA'I SBYOR BA GCIG YOD PAR THAL, MA GRUB PA DE'I PHYIR, 'DOD NA, DE CHOS CAN, GZHI SHES KYI RNAM PA NYER BDUN GANG RUNG BSGOM PA'I SEMS DPA'I YE SHES YIN PAR THAL, 'DOD PA'I PHYIR, 'DOD NA, DE MA YIN PAR THAL, RGYUN MTHA'I BAR CHAD MED LAM YIN PA'I PHYIR, MA GRUB NA SONG, DER THAL, SKAD CIG SBYOR BA YIN PA'I PHYIR, RTZA BAR 'DOD NA, DE YOD PAR THAL, SBYIN PA SHES RAB BAR DAG DANG, ZHES SOGS KYI GZHUNG DE DE LTAR YIN PA'I PHYIR, GZHAN YANG , MKHYEN GSUM GYI RNAM PA BSGOM PA'I SKAD CIG SBYOR BA YOD PAR THAL, MTSAN NYID DE'I SBYOR BA DANG, ,DE RAB DE YI GO RIM DANG, ZHES SOGS GSUNGS PA'I PHYIR, KHA CIG NA RE, GZUGS DANG GZUGS 'DZIN PA'I TSAD MA RDZAS GZHAN GYIS STONG PA'I STONG NYID MNGON SUM DU RTOGS PA'I @24A [*LINE OUT THIS PAGE?] *, ,SEMS DPA'I RNAL 'BYOR MTHAR THUG, GNYIS SU MED PA'I SKAD CIG SBYOR BA'I MTSAN NYID ZER NA, RGYUN MTHA'I BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, DER THAL, SKAD CIG SBYOR BA YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, THEG CHEN GYI BAR CHAD MED LAM YIN PA'I PHYIR,, ` ,,RANG GI LUGS LA, RTZOL BA GCIG GI BYED PA LA BRTEN NAS, MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR BSGOM NUS PA'I NUS PA THOB PA'I SEMS DPA'I YE SHES, SKAD CIG SBYOR BA'I MTSAN NYID, DE LA DBYE NA RNAMS PAR SMIN PA MA YIN PA'I SKAD CIG MA GCIG LA MNGON DU BYED NUS PA'I SKAD CIG SBYOR BA DANG PO DANG, RNAM PAR SMIN PA'I YON TAN GYI RIGS RNAMS BYA RDZOGS KYI SKAD CIG MA GCIG LA MNGON DU BYED NUS PA'I SKAD CIG SBYOR BA GNYIS PA, CHOS NYID DON DAM PAR RANG GI MTSAN NYID KYIS MA GRUB PA BYA RDZOGS KYI SKAD CIG MA GICG LA MNGON SUM DU RTOGS NUS PA'I SKAD CIG SBYOR PA GSUM PA DANG, GZUGS DANG GZUGS 'DZIN TSAD MA RDZAS GZHAN GYIS STONG PA'I STONG NYID BYA RDZOGS KYI SKAD CIG MA GCIG LA MNGON SUM DU RTOGS NUS PA'I SKAD CIG SBYOR PA BZHI PA'I MTSAN GZHI YIN NO, ,DE LA KHA CIG NA RE, SA BDUN PA'I YE SHES RNAMS RNAMS PAR SMIN PA MA YIN PA'I SKAD CIG SBYOR BA DANG, SA BRGYAD PA'I YE SHES RNAMS RNAM PAR SMIN PA'I SKAD CIG SBYOR BA YIN PAR THAL, RGYUD BLA MA LAS, SA BDUN LA BRTEN DRI MA NI, MNGAL SBUGS DRI MA DAG MTSUNGS, MNGAL SBUBS BRAL DRI MA RTOG PA'I, ,YE SHES RNAM PAR SMIN PA BZHIN, ZHES GSUNGS PA'I PHYIR ZER NA MA KHYAB, KHA CIG NA RE, RGYUN MTHA'I BAR CHAD MED LAM GYI GNAS SKABS SU BDEN GNYIS DUS CIG CAR DU MNGON @24B SUM DU RTOGS NUS PAR THAL, DE'I GNAS SKABS SU GZUGS DANG GZUGS 'DZIN PA'I TSAD MA RDZAS GZHAN GYIS STONG PA'I STONG NYID BYA RDZOGS KYI SKAD CIG MA GCIG LA MNGON SUM DU RTOGS NUS PA'I NUS PA YOD PA'I PHYIR ZER NA MA KHYAB, 'DOD MI NUS TE, RGYUN MTHA'I BAR CHAD MED LAM GYIS BDEN GNYIS CIG CAR DU RTOGS MI NUS PA'I PHYIR, MA GRUB NA, DE CHOS CAN, DER THAL, KHYOD SLOB PA'I YE SHES YIN PA'I PHYIR, KHA CIG NA RE, SA BDUN PA'I GNAS SKABS SU SA DANG PO NAS SA DRUG PA'I BAR GYI YON TAN MNGON DU BYED NUS PAR THAL, SA BDUN PA'I GNAS SKABS SU SA DANG PO NAS SA DRUG PA'I BAR GYI RNAM PAR SMIN PA MA YIN PA'I YON TAN MNGON DU BYED NUS PA'I PHYIR, DER THAL, SA BDUN PA'I GNAS SKABS SU SA DANG PO NAS SA DRUG PA'I BAR GYI RNAM PAR SMIN PA MA YIN PA'I YON TAN GYI RIGS RNAMS MNGON DU BYED NUS PA'I PHYIR ZER NA MA KHYAB, 'DOD MI NUS TE, SANGS RGYAS 'PHAGS PAS NYAN THOS KYI TSOGS LAM MNGON DU BYED MI NUS PA'I PHYIR, KHA CIG NA RE, SKAD CIG SBYOR BA YIN NA, SEMS DPA'I RNAL 'BYOR MTHAR THUG YIN DGOS PAR THAL, RNAM BSHAD LAS, SKAD CIG SBYOR BA GZHI KA'I MTSAN NYID KYI ZUR DU SEMS DPA'I RNAL 'BYOR MTHAR THUG ZHES SMOS PA'I PHYIR ZER NA SKYON MED DE, DE NI MTSAN GZHI GZUNG BA TZAM YIN PA'I PHYIR,, `,,AOM SWA STI, BSOD NAMS BRGYAS BSKRUN DPAL GYI MGUR BZANG NAS, ,THEG GSUM DAM PA'I CHOS KYI SENG GE'I SGRAS, ,LUS CAN MA RIG GNYING LAS SLONG MKHAS PA, ,SH'AKYA SENG GE'I ZHABS LA PHYAG 'TSAL NAS, DE YI GSUNG GSANG KUN GYI RAB DANG PHUL, ,RGYAL YUM SHER PHYIN MTHON RTOGS RGYAN GYI DON, ,BYAMS MGON YAB SRAS ZHAL NAS LEGS 'ONGS SHING, ,'JAM MGON BLA MA'I LEGS BSHAD KYIS BKRAL BA, ,SLAR YANG MKHAS GRUB YONGS KYI GTZUG GI RGYAN, ,DGE 'DUN BSTAN PA DAR RGYAS ZHAL SNGA NAS, LUNG RIGS 'BUM GYI 'O MTSO LAS DRANGS TE, ,MTHA' DPYOD PED DKAR BZHAD PA'I PHRENG BA SPEL, ,DO YIN NGA NAS RTZE MO'I SBYOR BA DANG, ,MTHAR GYIS SBYOR DANG SKAD CIG SBYOR BA RNAMS, ,GSAL BAR STON BYED LE'U LNGA PA NAS, 'DUN PA'I BAR GYI LEGS BSHAD THAL PHRENG RNAMS @25A *, ,'TSO BYED DGE SLONG SANGS RGYAS NGAG DBANG DANG, CHOS MDZAD DGE SLONG NGAG DBANG YON TAN DANG, TSUL KHRIMS MTHAR PHYIN BLO BZANG YE SHES DANG, BCAS NAS 'JAM MGON BLA MA'I BSTAN PA DANG, KHYAB PAR THAR 'DOD BLO GSAL TSOGS RNAMS LA, SMAN 'DOD LHAG BSAM DUD DANG KUN LTAR, GCIG TU RNAM PAR DKAR BAS KUN BLANGS TE, DZAD MED PAR GYI DNGOS BOR YONGS SU BSKRUN, ,DE LTA'I DGE BAS ZHWA ZER BSTAN PA'I SROL, MI NYAMS DBYAR MTSO'I DPAL BZHIN RGYAS PA DANG, ,DE 'DZIN RGYAL DBANG YAB SRAS LA SOGS PA'I, ,BSTAN 'DZIN MTHA' DAG ZHABS ZUNG BRTAN GYUR CIG , ,THOS BSAM BSHAD SGRUB 'DUL BA'I NOR BU'I GLING, CHOS KYI SDE CHEN 'DAS MTSON 'DUS SDE RNAMS, THUGS MTHUN KHRIMS GTZANG 'JAM GON RING LUGS LA, THOS BSAM BSGOM GSUM BYA BAS 'DA' BAR SHOG ,RGYU SBYOR BYED PO GONG 'KHOD 'BREL THOS BCAS, ,KUN KYANG GNAS SKABS TSE BSOD DPAL 'BYOR RGYAS, KHYAD PAR CHOS LDAN YI LA SMON PA'I DON, ,MA LUS BSAM PA JI BZHIN 'GRUB PA DANG, ,MTHAR THUG MKHYEN GSUM SBYOR BZHI NYAMS BLANGS PA'I, LAGS RDZES LE'U BRGYAD PA'I DNGOS BSTAN GYI, ,GTZO BOR GYUR PA 'BRAS BU CHOS SKU YI, GO 'PHANG RING MIN MNGON DU 'GYUR BAR SHOG, ,MCHOG GSUM RGYAL BA RGYAL MTSO'I THUGS RJE DANG, ,YID DAM CHOS BSRUNG TSOGS KYI 'PHRIN LAS DANG, RGYU 'BRAS RTEN 'BREL MI BSLU'I BDEN PA YIS, YED LA GANG BSAM CHOS BZHIN 'GRUB PAR SHOG, ,CES MKHAS GRUB KUN GYI GTZUG RGYAN DGE 'DUN BSTAN PA DAR RGYAS KYI GSUNG GI GSANG BA LAS THON PA'I PHAR PHYIN GYI MTHA' DPYOD PAD DKAR 'PHRENG BA'I NANG TSAN SKABS LNGA PA DRUG PA BDUN PA BCAS KYI MTHA' DPYOD RNAMS SNGAR 'DI PHYOGS SU BAR DU MA 'KHONG PAR BRTEN, THAR 'DOD BLO GSAR BA'I TSOGS LA SHING DU SMAN 'DOD KYI LHAG BSAM RNAM PAR DKAR BAS KUN NAS BLANGS TE, YAR PA 'TSO BYED DGE SLONG SANGS RGYAS NGAG DBANG, CHOS MDZAD DGE SLONG NGAG DBANG YON TAN, CHOS MDZAD DGE SLONG TSUL KHRIMS MTHAR PHYIN, DGE SLONG BLO BZANG YE SHES BCAS NAS PAR DU BSKRUN PA'I PAR BYANG SMON TSIG 'DI LTA BU ZHIG DGOS ZHES RJI BTZUN BLA MA DAM PA SER SMAD MKHAN ZUR GRAGS PA MKHAS GRUB NAS BKA' LUNG SBYIN BOR BKOD PA BZHIN SER STONG MKHAN MING 'DZIN PA BLO BZANG 'PHRIN LAS RNAM RGYAL GYIS BRIS PA DZA YONTU-NA,, ,,