*, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I MTHA' DPYOD LEGS PAR BSHAD PA PAD MA DKAR PO'I 'PHRENG BA ZHES BYA BA MKHAS GRUB BSTAN PA DAR RGYAS KYI GSUNG RGYUN SKABS DANG PO BZHUG SO,, ,, @1A *, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I MTHA' DPYOD LEGS PAR BSHAD PA PAD MA DKAR PO'I PHRENG BA ZHES BYA BA, RGYAL BA MI PHAM PA'I ZHABS LA GUS PAS PHYAG 'TSAL LO, ,BRTZE BA CHEN POS RJES SU BZUNG DU GSOL, TSOGS GNYIS RIN CHEN KHAMS LAS LEGS 'KHRUNGS GANG SKU MTHONG BA'I MOD LA NYES BRGYA'I 'CHING BA LHOD PAR BYED, ,LEGS 'DOMS GSUNG GI BRJOD PA GCIG GIS ZAB DANG RGYA CHE'I CHOS KUN GDUL BYA'I BLO DANG 'TSAM PAR STON, ,CHU SRIN BDAG BE'I GTING LTAR ZAB PA'I THUGS KYIS SKAD CIG NYID LA GDUL BYA'I KHAMS DANG BSAM PA KUN, ,JI BZHIN RTOGS NAS RMAD BYUNG CHOS KYI 'KHOR LO BSKOR MDZAD 'GRO BA'I 'DREN MCHOG THUB PA'I DBANG PO RGYAL, ,SHER PHYIN 'DZIN MA'I KHONGS SU MNGON RTOGS RIN CHEN SBAS PA'I TSUL GYIS GNAS PA NI, ,GANG GI MKHYEN RAB MTHU YIS SKAD CIG NYID LA GSAL BAR BSTAN NAS SKAL LDAN GYI, ,'GRO RNAMS GZHUNG DON RIN CHEN GTER LA 'DOD DGUR SPYOD PA'I SKAL BA STZOL MDZAD PA, ,RGYAL SRAS GSER RI'I DBUS NA GSER GYI LHUN PO LTAR BRJID MI PHAM MGON LA BDUD, ,'GRO LA BRTZE BA'I LHAG BSAM GRUR ZHUGS TE, ,MI PHAM CHU GTER DRUNG DU SONG GYUR NAS, ,BYAMS CHOS YID BZHIN NOR BLANGS 'GRO BA YI, ,RE BA SKONG MDZAD THOGS MED DE LA 'DUD, ,LHAG BSAM DAG @2A *, ,PA'I LUS STOBS RAB RGYAS MAN NGAG RAL KHUR 'THUG POS NON, ,GSUNG RAB GZHUNG BRGYA'I DON LA DPYOD PA'I RNAM DPYOD SDER KHYIM RNAM PAR G-YO, ,DNGOS STOBS RIGS PA'I GAD RGYANGS CHEN POS 'GREL MDZAD GNYIS 'THUNG DBANG PO'I TSOGS, ,SKRAG MDZAD RGYAL SRAS SENG GE BZANG PO'I ZHABS KYI PAD MOR PHYAG BGYI'O, ,LHO PHYOGS 'DZAM GLING 'DZIN MA'I KHYON YANGS 'DIR, ,BU RAM SHING PA'I BSTAN PA RGYAS PHYIR DU, ,GSUNG RAB SGRA DON CHUL BZHIN BSGRAGS MDZAD PA, ,SKAD GNYIS SMRA BA'I LO PAn RNAMS LA 'DUD, ,MKHYEN PA'I BLO GROS DKYIL 'KHOR YONGS RDZOGS MCHAN DPE'I RI BONG MTSAN MAS MDZES, ,'PHRIN LAS BZANG PO'I MDZAD PAS LOG SMRA'I RGYU SKAR MTHA' DAG ZIL GYIS GNON, ,RNAM DKAR GRAGS PA'I BSIL ZER PHYOGS BCUR 'PHROS PAS THUB BSTAN KUN TA'I TSAL, ,KUN NAS RGYAS MDZAD KUN MKHYAN BLO BZANG RGYU SKAR RGYAL POR PHYAG BGYID DO, ,RAB 'BYAMS RGYAL BA KUN GYI MKHYEN PA'I GTER, ,DUR SMRIG 'DZIN PA'I GAR GYI ROL PA YIS, ,BLO BZANG BSTAN PA'I RGYAL MTSAN SGRENG MKHAS PA'I, ,SRAS KYI THU BO GNYIS LA 'ANG MGOS PHYAG 'TSAL, ,THUB BSTAN LHA LAM YANGS PAR LHAG BSAM RTA BDUN 'KHOR LOS LEGS DRANGS LUNG RTOGS YON TAN GYI, ,DROD KYIS NYER MDZES DRI MED LEGS BSHAD 'OD KYIS @2B GSUNG RAB DRANG NGES 'DAB STONG KHA PHYE NAS, ,SNYAN PA'I LEGS BSHAD DAR DIR SGROG MKHAS BLO GSAL RKANG DRUG TSOGS RNAMS NGES DON SBRANG RTZI YI, ,BCUD KYI LUS STOBS RGYAS MDZAD YONGS 'DZIN PAD-MO'I GNYEN LA SGO GSUM GUS PAS PHYAG BGYID DO, ,BLA MA'I LEGS BSHAD 'OD KYIS KHA PHYE BA'I, ,GSUNG RAB DGONGS DON PAD DKAR PHRENG MDZES 'DI, ,BSTAN LA PHAN PA'I BSAM PAS KUN BSLANGS NAS, ,ZLA MED YONGS 'DZIN GSUNG BZHIN BRI BAR BYA, ` ,SHES RAB PHA ROL PHYIN PA LA, ,DE'I RGYAN CHIG LE'UR BYAS PA DAG ,KUN GYI RGYAN DU 'GYUR BAR NI, ,RNAM PAR DBYE PHYIR GUS PHYAG 'TSAL, ,ZHES PA'I SKABS SU SLOB DPON SENG GE BZANG POS 'GREL PA MDZAD PA'I THOG MAR GZHUNG LAM 'BRAS BU SHER PHYIN GSUM LA BSTOD PHYAG MDZAD PA LA DGOS PA YOD DE, GNAS SKABS DANG MTHAR THUG GI DON DU MA 'GRUB PA'I CHED YIN PA'I PHYIR, ,'DI'I SKABS SU MTHA' DPYAD PA LA GSUM LAS, DANG PO LA, ,KHA CIG NA RE, SHING RTA'I SROL 'DZIN YIN NA SHING RTA'I SROL 'BYED YIN PAS KHYAB ZER NA, 'O NA, SLOB DPON SENG GE BZANG PO CHOS CAN, SHING RTA'I SROL 'BYED YIN PAR THAL, SHING RTA'I SROL 'DZIN YIN PA'I PHYIR, DER THAL MNGON RTOGS RGYAN GYI DGONGS PA PHYIN CI MA LOG PAR 'GREL BAR BYED PA'I BSTAN BCOS RTZOM PA PO'I TSAD MA'I SKYES BU YIN PA'I PHYIR, ,'DOD NA, SHING RTA'I SROL 'BYED GZHAN GYI @3A *, ,RJES SU MA 'BRANGS BAR MDO DON RANG DBANG DU 'GREL PAR BYED PA'I TSAD MA'I SKYES BU YIN PAR THAL, SHING RTA'I SROL 'BYED YIN PA'I PHYIR, 'DOD MI NUS TE, SHING RTA'I SROL 'BYED MGON PO KLU SGRUB KYI RJES SU 'BRANGS NAS MDO DON RANG DBANG DU 'GREL BAR BYED PA'I TSAD MA'I SKYES BU YIN PA'I PHYIR, KHA CIG NA RE, SHING RTA'I SROL 'BYED LA BZHIR GRANGS NGES TE, DNGOS BSTAN STOD NYID KYI RIM PA GTAN LA 'BEBS PAR BYED PA LA MGON PO SKLU SGRUB DANG , SBAS DON MNGON RTOGS KYI RIM PA GTAN LA 'BEBS PAR BYED PA LA RJE BTZUN BYAMS MGON DANG , BRGYAD STONG PA DON TSAN SUM CU SO GNYIS KYI SGO NAS GTAN LA 'BEBS PAR BYED PA LA SLOB DPON PHYOGS KYI GLANG PO DANG , YUM DON SGO GSUM DANG RNAM GRANGS BCU GCIG GI SGO NAS GTAN LA 'BEBS PAR BYED PA LA KHA CHE PHYE BA'I SDE DANG BZHIR GRANGS NGES PA YIN ZER NA, 'O NA, RJE BTZUN BYAMS MGON GYIS SHING RTA'I SROL 'BYED GZHAN GYI RJES SU MA 'BRANGS PAR 'DZAM GLING 'DIR MDO DON RANG DBANG DU 'GREL BAR MDZAD PA YIN PAR THAL, DE SHING RTA'I SROL 'BYED YIN PA'I PHYIR , 'DOD MI NUS TE, RJE BTZUN GYIS DGA' LDAN DU SHING RTA'I SROL 'BYED GZHAN GYI RJES SU MA 'BRANGS PAR MDO'I SBAS DON MNGON RTOGS KYI RIM PA GTAN LA 'BEBS PAR BYED PA'I BSTAN BCOS MNGON PAR RTOGS PA'I RGYAN SOGS MDZAD PA'I PHYIR, KHA CIG NA RA ?, RGYAN RTZOM PA PO'I RJE BTZUN BYAMS MGON DE SHING RTA'I SROL 'BYED DANG , SANGS RGYAS 'PHAGS PA'I GZHI MTHUN YIN ZER @3B NA 'O NA, TSAD MA'I SKYES BU YIN NA SHING RTA'I SROL 'BYED YIN DGOS PAR THAL, KHYOD KYI DAM BCA' 'THAD BA'I PHYIR, 'DOD NA, STON PA SHA' KYA THUB PA CHOS CAN, DER THAL, DE'I PHYIR, 'DOD NA, STON PA SH'A-KYA THUB PA DE STON PA SHA' KYA THUB PA'I BSTAN PA'I SHING RTA'I SROL 'BYED YIN PAR THAL, DE SHING RTA'I SROL 'BYED YIN PA'I PHYIR, 'DOD MI NUS TE, DE DE'I BSTAN PA'I BDAG PO YIN PA'I PHYIR, GZHAN YANG, SLOB DPON PHYOGS KYI GLANG PO DANG KHA CHE PHYE BA'I SDE GNYIS SHING RTA'I SROL 'BYED DU 'DOD PA YANG MI RIGS PAR THAL, SLOB DPON PHYOGS KYI GLANG POS LTA BA GTAN LA 'BEBS PA DE'I TSE, 'PHAGS PA THOGS MED KYI RJES SU 'BRANGS NAS LTA BA GTAN LA 'BEBS PAR BYED, KHA CHE PHYE BA'I SDES LTA BA GTAN LA 'BEBS PAR BYED PA DE'I TSE MGON PO KLU SGRUB KYI RJES SU 'BRANGS NAS LTA BA GTAN LA 'BEBS PAR BYED PA GANG ZHIG , SHING RTA'I SROL 'BYED DE LTA BA'I SGO NAS 'JOG PA'I PHYIR, KHA CIG , SHING RTA'I SROL 'BYED GZHAN GYI RJES SU MA 'BRANGS PAR MDO DON RANG DBANG DU 'GREL BAR BYED PA'I TSAD MA'I SKYES BU SHING RTA'I SROL 'BYED KYI MTSAN NYID ZER NA, 'O NA, MCHOG ZUNG GNYIS PO CHOS CAN, MTSEN BYA DER THAL, MTSAN NYID DE'I PHYIR, DER THAL, SHING RTA'I SROL 'BYED GZHAN GYI RJES SU MA 'BRANGS BAR SHA' RI'I BUS CHOS KYI PHUNG PO ZHES PA'I BSTAN BCOS DANG , MO'U 'GAL GYI BUS GDAGS PA'I BSTAN BCOS SOGS MDZAD PA'I PHYIR, DER THAL, CHOS KYI PHUNG PO SHA' RI'I BUS, ,GDAGS PA'I BSTAN BCOS MO'U 'GAL BU, ,ZHES GSUNGS PA'I PHYIR, 'DOD NA, BYANG SEMS 'PHAGS PA YIN PAR THAL, 'DOD PA'I PHYIR, 'DOD MI NUS TE, NYAN THOS DGRA BCOM PA YIN PA'I PHYIR, KHA CIG, SHING RTA'I SROL BYED GZHAN GYI RJES SU @4A *, ,MA 'BRANGS BAR MDO DON RANG DBANG DU 'GROL BAR BYED PA'I BYANG SEMS 'PHAGS PA SHING RTA'I SROL 'BYED KYI MTSAN NYID ZER NA, RGYAN RTZOM PA PO'I RJE BTZUN BYAMS MGON CHOS CAN, MTSON BYA DER THAL, MTSAN NYID DE'I PHYIR, DER THAL, SHID RTA'I SROL 'BYED GZHAN GYI RJES SU MA 'BRANGS PAR MDO DON RANG DBANG DU 'GREL BAR BYED PA'I BSTAN BCOS MNGON PAR RTOGS PA'I RGYAN SOGS MDZAD PA'I PHYIR, 'DOD NA, MNGON RTOGS RGYAN DBU MA PA'I SHING RTA'I SROL 'BYED KYI BSTAN BCOS YIN NA, RGYAN RTZOM PA PO'I RJE BTZUN BYAMS MGON DBU MA PA'I SHING RTA'I SROL 'BYED YIN DGOS PAR THAL, 'DOD PA DE'I PHYIR, 'DOD NA, RGYAN RTZOM PA PO'I RJE BTZUN BYAMS MGON DBU MA PA'I SHING RTA'I SROL 'BYED YIN PAR THAL, MNGON RTOGS RGYAN DBU MA PA'I SHING RTA'I SROL 'BYED GYI BSTAN BCOS YIN PA'I PHYIR, DER THAL, DE SHING RTA'I SROL 'BYED KYI BSTAN BCOS YIN PA'I PHYIR, 'DOD MI NUS TE, DE SEMS TZAM PA'I SHING RTA'I SROL 'BYED YIN PA'I PHYIR, DER THAL, MDO SDE RGYAN SEMS TZAM PA'I SHING RTA'I SROL 'BYED KYI BSTAN BCOS YIN PA'I PHYIR, KHYAB PA KHAS, 'DOD MI NUS SO, ,KHA CIG , DGONGS 'GREL GZHAN LA MA BRTEN PAR MDO DON RANG DBANG DU 'GREL BA'I BYANG SEMS 'PHAGS PA SHING RTA'I SROL 'BYED KYI MTSAN NYID ZER NA, 'PHAGS PA THOGS MED CHOS CAN, MTSAN NYID DER THAL, MTSON BYA DE'I PHYIR, DER THAL, SEMS TZAM PA'I SHING RTA'I SROL 'BYED YIN PA'I PHYIR, 'DOD MI NUS TE, DGONGS 'GREL GZHAN LA BRTEN NAS MDO DON RANG DBANG DU 'GREL BAR BYED PA'I BYANG SEMS 'PHAGS PA YIN PA'I PHYIR, DER THAL, RGYAS 'BRING BSDUS GSUM GYI DGONGS 'GREL LA BRTEN NAS MDO DON RANG DBANG DU 'GREL BAR BYED PA'I BYANG SEMS 'PHAGS PA YIN PA'I PHYIR, DER THAL, MDO SDE DGONGS 'GREL LA BRTEN NAS SEMS TZAM PA'I SHING RTA'I SROL 'BYED PA PO'I BYANG SEMS 'PHAGS PA YIN PA'I PHYIR, KHA CIG, DGONGS 'GREL GYI BSTAN BCOS GZHAN LA MA BRTEN PAR MDO DON RANG DBANG DU 'GROL BA'I BYANG SEMS @4B 'PHAGS PA SHING RTA'I SROL 'BYED KYI MTSAN NYID ZER NA, 'PHAGS PA THOGS MED CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, BYAMS CHOS PHYI MA GSUM LA BRTEN NAS SEMS TZAM PA'I LTA BA GTAN LA 'BEBS PA'I BYANG SEMS 'PHAGS PA YIN PA'I PHYIR, KHA CIG , MNGON RTOGS RGYAN GYI BSHAD BYA'I MDO YIN NA, MNGON RTOGS RGYAN GYI BSHAD BYA RTZA BA'I MDO YIN PAS KHYAB ZER NA, BKA' DANG PO BDEN BZHI'I CHOS 'KHOR CHOS CAN, DER THAL, DE'I PHYIR, DER THAL, MDO YIN PA'I PHYIR, KHYAB STE, MNGON RTOGS RGYAN GYIS RGYAL BA'I GSUNG RAB MTHA' DAG GI DON MA TSANG BAR MED PAR BSDUS TE GTAN LA PHAB PA'I PHYIR, DER THAL, DES RIGS CAN GSUM GYI MNGON PAR RTOGS PA'I RIM PA NGO BO NGES PA GRANGS NGES PA GO RIM NGES PA BSTAN BYA'I GTZO BOR BYAS NAS BSTAN PA'I PHYIR, RTZA BAR 'DOD NA, THEG CHEN GYI MDO YIN PAR THAL, 'DOD PA DE'I PHYIR, 'DOD MI NUS TE, ? THEG DMAN GYI MDO YIN PA'I PHYIR, DER THAL, CHOS CAN DE YIN PA'I PHYIR, KHA CIG, MNGON RTOGS RGYAN GYI BSHAD BYA'I THEG CHEN GYI MDO YIN NA, MNGON RTOGS RGYAN GYI BSHAD BYA RTZA BA'I MDO YIN PAS KHYAB ZER NA, 'O NA, DGONGS 'GREL GYI BYAMS ZHUS KYI LE'U'I NANG TSAN DU GYUR PA'I, BCOM LDAN 'DAS TING NGE 'DZIN GYI SPYOD YUL GYI GZUGS BRNYAN NI SEMS LA THA DAD PA ZHES BGYI 'AM, THA DAD PA MA LAGS ZHES BGYI, BYAMS PA THA DAD PA MA YIN ZHES BGYI'O, ,ZHES PA'I MDO CHOS CAN, DER THAL, DE'I PHYIR, DE DER THAL, MNGON RTOGS RGYAN GYIS SEMS TZAM PA'I LTA BA GCIG GTAN LA PHAB PA'I PHYIR, DER THAL, DES GZUNG 'DZIN RDZAS GZHAN GYIS STONG PA'I STONG NYID CIG GTAN LA PHAB PA'I PHYIR, DER THAL, DES RANG RGYAL GYI LAM SHES PA'I LAM SHES CIG GTAN LA PHAB PA'I PHYIR, RTZA BAR 'DOD NA, SHER PHYOGS KYI MDO YIN PAR THAL, 'DOD PA'I PHYIR, 'DOD MI NUS TE, SEMS TZAM PA'I MDO YIN PA'I PHYIR, KHA CIG, MNGON RTOGS RGYAN GYI BSHAD BYA'I SHER PHYOGS KYI MDO YIN NA, DE'I BSHAD BYA RTZA BA'I MDO YIN PA LA KHYAB ZER NA, 'O NA, SHER PHYIN YI GE GCIG MA CHOS CAN, DER THAL, DE'I PHYIR, DER THAL, SHER PHYOGS KYI MDO YIN PA'I @5A *, ,PHYIR, 'DOD NA, DE CHOS CAN, MNGON RTOGS RGYAN GYIS KHYOD KYI RJOD BYED LA SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS GTAN LA 'BEBS SU RUNG ZHING DE LTAR GTAN LA PHAB PA'I TSAD LDAN GYI 'GREL BA DU MA YOD PAR THAL, KHYOD MNGON RTOGS RGYAN GYI BSHAD BYA RTZA BA'I MDO YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG , MNGON RTOGS RGYAN GYI BSHAD BYA RTZA BA'I MDO YIN NA, RGYAS 'BRING BSDUS GSUM GANG RUNG YIN PAS KHYAB ZER NA, 'O NA, MDO SDUD PA CHOS CAN, DER THAL, DE'I PHYIR, DER THAL, MNGON RTOGS RGYAN GYIS KHYOD KYI RJOD BYED LA SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS GTAN LA 'BEBS SU RUNG ZHING DE LTAR DU GTAN LA PHAB PA'I TSAD LDAN GYI 'BREL PA DU MA YOD PA'I MDO YIN PA'I PHYIR, PHYI MA DER THAL, SLOB DPON GYI SDUD 'GREL RTOGS SLA SOGS MDZAD PA'I PHYIR, RTZA BAR 'DOD MI NUS TE, CHOS CAN DE YIN PA'I PHYIR, KHA CIG , MNGON RTOGS RGYAN GYI BSHAD BYA RTZA BA'I MDO LA YUM SRAS BCU BDUN DU GRANGS NGES TE, YUM DRUG NI RGYAS 'BRING BSDUS PA GSUM, SHES RAB KHRI PA, KHRI BRGYAD STONG PA MDO SDUD PA DANG BCAS PA RNAMS YIN ZHING , SRAS BCU GCIG NI SHER PHYIN YI GE GCIG MA, YI GE NYUNG DU MA, SHES RAB SNYING PO SOGS BCU GCIG YOD CING , DANG PO RNAMS DNGOS BRGYAD DON BDUN CU CHA TSANG BAR GTAN LA 'BEBS PA'I SGO NAS YUM DANG , PHYI MA RNAMS PHYOGS RE TZAM GTAN LA 'BEBS SHING , DE LTAR TSANG BAR GTAN LA MI 'BEBS PA'I SGO NAS SRAS SU BZHAG PA YIN ZER NA, 'O NA, SHER PHYIN YI GE GCIG MA CHOS CAN, MNGON RTOGS RGYAN GYIS KHYOD KYI RJOD BYED LA SKABS BRGYAD DANG , BRJOD BYA LA DNGOS PO BRGYAD DU PHYE BA'I SGO NAS GTAN LA 'BEBS SU RUNG BA YIN PAR THAL, KHYOD MNGON RTOGS RGYAN GYI BSHAD BYA RTZA BA'I MDO YIN PA'I PHYIR, 'DOD MI NUS TE, KHYOD KYI RJOD BYED LA SKABS BRGYAD MED PA'I PHYIR, GZHAN YANG , MDO SDUD PA DE KHRI BRGYAD STONG PA LAS LOGS SU 'DREN PA MI RIGS PAR THAL, DE KHRI BRGYAD STONG PA'I LE'U GYA BZHI PA YIN PA'I @5B PHYIR, DER THAL, KHRI BRGYAD STONG PA LA LE'U GYA BDUN YOD PA'I PHYIR, KHA CIG , 'GREL PA DON GSAL DE MDO RGYAN SBYAR BA'I 'GREL PA YIN ZER NA, DE MI 'THAD PAR THAL, DE MDO RGYAN MA SBYAR BA'I 'GREL PA YIN PA'I PHYIR, DE NYID LAS, NGAG SOGS SBYOR BA MA BYAS KYANG, ZHES GSUNGS PA'I PHYIR, KHO ? NA RE, SKYON MED DE, DE'I DON NI TSIG GI CHA GTZO BOR MA SBYAR BA'I DON YIN ZER NA, 'O NA, MDO'I DON GTAN LA 'BEBS PA'I 'GREL PA YIN NA, MDO 'GREL YIN DGOS PAR THAL, 'GREL PA DON GSAL MDO RGYAN SBYAR BA'I 'GREL PA YIN PA GANG ZHIG , KHYOD KYI LUNG DON 'THAD PA'I PHYIR, 'DOD MI NUS TE, BSTAN BCOS RNAM DAG LA YANG BKA' LA BRTEN PA DANG , MA BRTEN PA GNYIS YOD PA'I PHYIR, KHA CIG , RANG SRAS 'PHAGS PA'I BZHED DON SGRUB NUS KYI MKHYEN PA, 'GREL PA DON GSAL GYI MCHOD BRJOD YUL GYI MTSAN NYID ZER NA, 'O NA, GZHUNG SHER PHYIN CHOS CAN, MTSAN NYID DER THAL, MTSON BYA DE'I PHYIR, DER THAL, SLOB DPON SENG GE GZANG POS 'GREL BA DON GSAL MDZAD PA'I THOG MAR GZHUNG LAM 'BRAS BU SHER PHYIN GSUM LA BSTOD PHYAG MDZAD PA'I PHYIR, DER THAL, SHES RAB PHA ROL PHYIN PA LA, ZHES SOGS GSUNGS PA'I PHYIR, 'DOD MI NUS TE, RJOD BYED KYI TSIG YIN PA'I PHYIR, KHA CIG , RANG SRAS 'PHAGS PA'I BZHED DON SGRUB NUS KYI 'PHAGS RGYUD KYI MKHYEN PA, 'GREL PA DON GSAL GYI MCHOD BRJOD YUL DU GYUR BA'I YUM GYI MTSAN NYID ZER NA, 'O NA, 'GREL BA DON GSAL GYI MCHOD BRJOD YUL DU GYUR PA'I NYAN THOS KYI TSOGS LAM CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SO SKYE'I MNGON RTOGS YIN PA'I PHYIR, KHA CIG , SHES RAB PHA ROL PHYIN PA LA, DE'I RGYAN TSIG LE'UR BYAS PA DAG , CES SOGS KYI GZHUNG 'DI 'GREL PA DON GSAL GYI RTZOM PA DAM BCA'I GZHUNG MA YIN ZER NA, DE YIN PAR THAL, 'GREL BA DON GSAL RTZOM PA'I PHYIR DU GZHUNG LAM 'BRAS BU SHER PHYIN GSUM LA BSTONG PHYAG MDZAD PA'I PHYIR, DER THAL, SHES RAB PHA ROL PHYIN PA LA, ,ZHES SOGS KYI GZHUNG SGRA JI @06A *, ,BZHIN PA YIN PA'I PHYIR,, ,,GNYIS PA RANG GI LUGS LA, SHING RTA'I SROL 'BYED GZHAN GYI RJES SU MA 'BRANGS PAR 'DZAM GLING 'DIR MDO DON RANG DBANG DU 'GREL ZHING DE LTAR DU 'GREL BAR BYED BA LA RGYAL BA NYID KYIS MDO RGYUD DU MA NAS LUNG , BSTAN PA'I BYANG SEMS 'PHAGS PA, SHING RTA'I SROL 'BYED KYI MTSAN NYID, DE LA DBU MA PA'I SHING RTA'I SROL 'BYED LA MGON PO KLU SGRUB DANG ,SEMS TZAM PA'I SHING RTA'I SROL 'BYED LA 'PHAGS PA THOGS MED GNYIS KHO NAR GRANGS NGES TE, LEGS BSHAD SNYING PO LAS, BDE GSHEGS GSUNG RAB TSUL GNYIS SHING RTA'I SROL, ,LEGS PAR PHYE BAS RGYAL BA'I BSTAN PA MCHOG ,SA GSUM 'GRO LA NYI LTAR GSAL MDZAD PA, ,KLU SGRUB THOGS MED ZHABS LA SPYI BOS 'DUD, ,CES GSUNGS PA'I PHYIR, MNGON RTOGS RGYAN GYIS RJOD BYED SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS GTAN LA 'BEBS SU RUNG ZHING DE LTAR DU GTAN LA PHAB PA'I CHAD LDAN GYI 'GREL PA DU MA YOD PA'I SHER PHYOGS KYI MDO, ,MNGON RTOGS RGYAN GYI BSHANG BYA RTZA BA'I MDO'I MTSAN NYID, RGYAS 'BRING BSDUS GSUM, SDUD PA DANG BCAS PA RNAMS DE'I MTSAN GZHI YIN, SLOB DPON SENG GE BZANG POS 'GREL PA DON GSAL RTZOM PA'I THOG MAR 'GREL PA DON GSAL GYI MCHOD BRJOD YUL DU SMOS PA, 'GREL PA DON GSAL GYI MCHOD BRJOD YUL GYI MTSAN NYID, RANG SRAS 'PHAGS PA'I BZHED DON SGRUB NUS KYI MKHYEN PA GANG ZHIG, 'GREL PA DON GSAL GYI MCHOD BRJOD YUL DU SMOS PA, 'GREL PA DON GSAL GYI MCHOD BRJOD YUL DU GYUR PA'I YUM GYI MTSAN NYID,, ,,GSUM PA RTZOD PA SPONG BA LA, KHA CIG ,RGYAN RTZOM PA PO'I RJE BTZUN BYAMS MGON SHING RTA'I SROL 'BYED YIN PAR THAL, LEGS BSHAD GSER PHRENG DANG , 'GREL BSHAD TSIG GSAL GNYIS LAS, DE SHING RTA'I SROL 'BYED DU GSUNGS PA'I PHYIR, ZER NA, SKYON MED DE, RGYAN RTZOM PA PO'I RJE BTZUN GYI DGA' LDAN DU SHING RTA'I SROL 'BYED GZHAN GYI RJES SU MA @06B 'BRANGS PAR MDO'I SPAS DON MNGON RTOGS KYI RIM PA GTAN LA PHAB PA TZAM LA DGONGS PA YIN PA'I PHYIR, KHA CIG ,DBU MA PA GANG ZHIG SHING RTA'I SROL 'BYED YIN NA, DBU MA PA'I SHING RTA'I SROL 'BYED YIN DGOS PAR THAL, DBU MA PA'I BSTAN BCOS GANG ZHIG, SHING RTA'I SROL 'BYED KYI BSTAN BCOS YIN NA, DBU MA PA'I SHING RTA'I SROL 'BYED KYI BSTAN BCOS YIN DGOS PA'I PHYIR ZER NA, RTAGS MA GRUB STE, BSTAN BCOS RGYUD BLA MA'I 'GREL PA CHOS CAN, DER THAL DE'I PHYIR, 'DOD NA, 'PHAGS PA THOGS MED CHOS CAN, DBU MA PA'I SHING RTA'I SROL 'BYED YIN PAR THAL, DBU MA PA GANG ZHIG ,SHING RTA'I SROL 'BYED YIN PA'I PHYIR, DBU MA PA YIN PAR THAL, THEG CHEN 'PHAGS PA YIN PA'I PHYIR, PHYI MA SLA ZER NA, 'O NA, GSAL BA KHYOD RANG GI DER THAL, SEMS TZAM PA'I BSTAN BCOS GANG ZHIG, SHING RTA'I SROL 'BYED KYI BSTAN BCOS YIN NA, SEMS TZAM PA'I SHING RTA'I SROL 'BYED KYI BSTAN BCOS YIN DGOS PA'I PHYIR, 'DOD NA, 'KHOR GSUM BYED KHO NA RE,DBU MA PA'I SHING RTA'I SROL 'BYED DE LA MGON PO KLU SGRUB DANG , SEMS TZAM PA'I DE LA 'PHAGS PA THOGS MED GNYIS KHO NAR GRANGS NGES PA DE MI 'THAD PAR THAL, SLOB DPON SANGS RGYAS BSKYANGS DANG , SLOB DPON LEGS LDAN 'BYED GNYIS DBU MA PA'I SHING RTA'I SROL 'BYED YIN PA'I PHYIR, DER THAL, SLOB DPON SANGS RGYAS BSKYANGS DBU MA THAL 'GYUR BA'I SHING RTA'I SROL 'BYED DANG , SLOB DPON LEGS LDAN 'BYED DBU MA RANG RGYUD PA'I SHING RTA'I SROL 'BYED YIN PA'I PHYIR ZER NA, MA KHYAB, DE LA KHO NA RE, DBU MA PA YIN NA DBU MA RANG RGYUD PA YIN DGOS PAR THAL, DBU MA PA'I SHING RTA'I SROL 'BYED YIN NA DBU MA RANG RGYUD PA'I SHING RTA'I SROL 'BYED YIN DGOS PA'I PHYIR, DER THAL, DBU MA THAL 'GYUR BA'I SHING RTA'I SROL 'BYED LA DBU MA BA'I SHING RTA'I SROL 'BYED KYIS MA KHYAB PA'I PHYIR, ZER NA MA KHYAB, 'DOD NA, SLOB DPON SANGS RGYAS BSKYANGS CHOS CAN, DER THAL, DE'I PHYIR, DER THAL, DNGOS PO BDEN MED DU LEGS PAR KHAS LEN PA'I THEG CHEN GYI GRUB MTHA' @07A *, ,SMRA BA PO YIN PA'I PHYIR, 'DOD MI NUS TE, DBU MA THAL 'GYUR PA ? YIN PA'I PHYIR, KHA CIG ,SHING RTA'I SROL 'DZIN YIN NA, SHING RTA'I SROL 'BYED YIN PAS KHYAB PAR THAL, RGYAN DRUG MCHOG GNYIS THAMS CAD SHING RTA'I SROL 'BYED YIN PA'I PHYIR,, DER THAL, THUB PA'I BSTAN LA SHING RTA'I SROL BTOD NAS, ZHES GSUNGS PA'I PHYIR ZER NA MA KHYAB, KHA CIG ,MDO SDUD PA DE KHRI BRGYAD STONG PA LAS LOGS SU 'DEN RIGS PAR THAL, BSDUS DON RIN CHEN PHRENG BA LAS, MNGON RTOGS RGYAN GYI BSHAD BYA RTZA BA'I MDO LA RNAM PAR DGUR PHYE NAS, MDO SDUD PA BSDUS PA'I BSDUS PAR GSUNGS PA'I PHYIR, ZER NA MA KHYAB, KHA CIG ,NYAN THOS ZHI BA TSOL RNAMS ZHES SOGS KYI GZHUNG 'DI MNGON RTOGS RGYAN GYI RTZOM PA DAM BCA'I GZHUNG YIN PAR THAL, SHES RAB PHA ROL PHYIN PA LA, ZHE SOGS KYA GZHUNG 'DI 'GREL PA DON GSAL GYI RTZOM PA DAM BCA'I GZHUNG YIN PA'I PHYIR ZER NA MA KHYAB, 'DOD MI NUS TE, RNAM PA THAMS CAD MKHYEN NYID LAM, ,ZHES SOGS KYI GZHUNG 'DI MNGON RTOGS RGYAN BRTZAM PA'I RTZOM PA DAM BCA'I GZHUNG YIN PA'I PHYIR, KHA CIG ,NYAN THOS ZHI BA 'TSOL RNAMS ZHES SOGS KYI GZHUNG 'DI MNGON RTOGS RGYAN GYI RTZOM PA DAM BCA'I GZHUNG YIN PAR THAL, MNGON RTOGS RGYAN RTZOM PA'I PHYIR DU YUM MKHYEN PA GSUM LA BSTOD PHYAG MDZAD PA'I PHYIR ZER NA MA KHYAB, 'O NA, SHES RAB PHA ROL PHYIN PA LA, ZHES SOGS LAS LOGS SU 'GREL BA DON GSAL GYI RTZOM PA DAM BCA'I GZHUNG GCIG YOD PAR THAL, NYAN THOS ZHI BA 'TSOL RNAMS ZHES SOGS KYI GZHUNG LAS LOGS SU MNGON RTOGS RGYAN GYI RTZOM PA DAM BCA'I GZHUNG GCIG YOD PA'I PHYIR, 'KHOR GSUM,, ; ,,'GRO LA CHAGS PAS KUN CHAGS MDZAD, ,'PHAGS PA THOGS MED SKYOB NYID KYIS, ,MI PHAM MGON LA GSAN NAS NI, ,BSTAN BCOS @07B CHEN PO'I RNAM BSHAD MDZAD, ,CES PA'I SKABS SU,SBYOR BA 'GOD PA DANG MTHA' DPYAD PA GNYIS, DANG PO NI SLOB DPON SENG GE BZANG POS RGYAN GYI 'GREL PA MDZAD PA LA 'PHAGS PA THOGS MED KYI MAN NGAG DANG LDAN PA YIN TE, 'PHAGS PA THOGS MED KYI NYI KHRI DE NYID RNAM NGES MDZAD PA'I MAN NGAG DANG LDAN PA YIN PA'I PHYIR, MTHA' DPYAD PA LA GSUM LAS ,DANG PO LA, KHA CIG ,SPOBS PA BZHI DANG LDAN PA'I NGAG RNAM DAG SANGS RGYAS KYI BKA'I MTSAN NYID ZER NA, 'GREL PA DON GSAL CHOS CAN, MTSON BYA DER THAL, MTSAN NYID DE'I PHYIR, DER THAL, SPOBS PA BZHI DANG LDAN PA GANG ZHIG , NGAG RNAM DAG YIN PA'I PHYIR, DANG PO DER THAL, BRJOD BYA'I DON DANG LDAN, RJOD BYE'I TSIG DANG 'BREL,GDUL BYA'I MI MTHUN PHYOGS SPONG PHYIR DU GSUNGS, ZHI BA MYANG 'DAS KYI PHAN YON STON PA YIN PA'I PHYIR, PHYI MA DER THAL, CHOS CAN DE YIN PA'I PHYIR; 'DOD NA, SLOB DPON SENG GE BZANG PO SANGS RGYAS 'PHAGS PA YIN PAR THAL,'DOD PA DE'I PHYIR, 'DOD MI NUS TE, DE BYANG CHUB SEMS DPA' YIN PA'I PHYIR, KHA CIG ,SPOBS PA BZHI DANG LDAN PA'I SANGS RGYAS 'PHAGS PA'I RGYUD KYI GSUNG , SANGS RGYAS KYI BKA'I MTSAN NYID ZER NA, SANGS RGYAS 'PHAGS PA'I RGYUD KYI BSTAN BCOS MNGON RTOGS RGYAN CHOS CAN, MTSON BYA DER THAL, MTSAN NYID DE'I PHYIR, RTAGS CHOS CAN GYIS SGRUB, KHA CIG ,SPOBS PA BZHI DANG LDAN PA'I SANGS RGYAS 'PHAGS PA'I RGYUD KYI GSUNG RAB MTHAR THUB ,SANGS RGYAS KYI BKA'I MTSAN NYID ZER NA, 'O NA, 'PHAGS PA SH'A RI'I BU'I RGYUD KYI BKA' BRGYAD STONG PA CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, BYA BA YUL LA YOD PA'I SANGS RGYAS KYI GSUNG GI 'PHRIN LAS YOD PA'I PHYIR, DER THAL, BYA BA YUL LA YOD PA'I SANGS RGYAS KYI 'PHRIN LAS YOD PA'I PHYIR, DER THAL,SANGS RGYAS KYI 'PHRIN LAS YOD PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,GDUL BYA'I NYON @08A *, ,MONGS SPONG PHYIR DU GSUNGS PA'I SANGS RGYAS KYI GSUNG , SANGS RGYAS KYI BKA'I MTSAN NYID ZER NA, KHYOD CHOS CAN, KHYOD KYI CHED DU BYA BA'I GDUL BYA YIN NA, NYON MONGS SPONG DGOS KYI GANG ZAG YIN DGOS PAR THAL, KHYOD SANGS RGYAS KYI BKA' YIN PA'I PHYIR ZHES PA'I THAL 'GYUR LA KHYAB PA YOD PAR THAL, KHYOD KYI MTSAN NYID DE 'THAD PA'I PHYIR, 'DOD NA, GTZO BOR 'PHAGS PA SH'A RI'I BU'I RGYUD KYI SHES SGRIB SPONG PHYIR DU GSUNGS PA'I SANGS RGYAS KYI BKA' CHOS CAN, DER THAL, DE'I PHYIR,DER THAL, CHOS CAN DE YIN PA'I PHYIR, DE DER THAL, DE YOD PA'I PHYIR, DER THAL, 'PHAGS PA SH'A RI'I BU SHES SGRIB SPONG DGOS KYI GANG ZAG YIN PA'I PHYIR,'DOD NA, 'PHAGS PA SH'A RI'I BU CHOS CAN, DER THAL, DE'I PHYIR, DER THAL, DE 'DRA BA'I BKA'I CHED DU BYA BA'I GDUL BYA CIG YOD PA'I PHYIR, 'DOD MI NUS TE, NYON MONGS SPANGS ZIN PA'I GANG ZAG YIN PA'I PHYIR, DER THAL, NYAN THOS DGRA BCOM PA YIN PA'I PHYIR, KHA CIG ,ZHAL NAS GSUNGS PA'I BKA' DANG ,RJES SU GNANG BA'I BKA' GNYIS 'GAL ZER NA, 'O NA, MDO SHES RAB SNYING PO'I NANG TSAN DU GYUR PA'I 'DI SKAD BDAG GIS THOS PA DUS GCIG NA ZHES PA'I MDO CHOS CAN, RJES SU GNANG BA'I BKA' MA YIN PAR THAL, ZHAL NAS GSUNGS PA'I BKA' YIN PA'I PHYIR, RTAGS GSAL GNYIS KA DER THAL, CHOS YANG DAG PAR SDUD PA'I MDO LAS, DGE SLONG DAG 'DI SKAD BDAG GIS THOS BA DUS GCIG NA ZHES BGYI LA CHOS YANG DAG PAR SDUD PAR BYA'O, ,ZHES GSUNGS PA'I PHYIR, KHA CIG ,RNAM MKHYEN GYIS DNGOS KYI BDAG RKYEN BYAS PA LA BRTEN NAS BYUNG BA'I KHYAD TSES BZHI DANG LDAN PA'I NGAG RNAM DAG, SANGS RGYAS KYI BKA'I MTSAN NYID ZER NA, LJON SHING RLUNG GIS BSKYOD PA LAS BYUNG SHING CHOS KYI SDOM BZHI STON PA'I SANGS RGYAS KYI THUGS BDEN PA'I SGO NAS BYIN GYIS BRLABS PA'I SANGS RGYAS KYI BKA' CHOS CAN, MTSAN NYID DER THAL, @08B MTSON BYA DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, THUGS BDEN PA'I SGO NAS BYIN GYIS BRLABS PA'I BKA' YOD PA'I PHYIR, DER THAL, SANGS RGYAS KYI BYIN GYIS BRLABS PA'I BKA' YOD PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,MNGON RTOGS RGYAN DE BSTAN BCOS CHEN PO'I RNAM BSHAD MDZAD CES PA'I SKABS NAS BSTAN PA'I BSTAN BCOS CHEN PO YIN ZER NA, NYI KHRI DE NYID RNAM NGES DE MNGON RTOGS RGYAN GYI 'GREL PA YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE MDO RGYAN SBYAR BA'I 'GREL PA YIN PAR THAL, DE MNGON RTOGS RGYAN GYI 'GREL PA YIN PA GANG ZHIG ,DE NYI KHRI'I 'GREL PA YIN PA'I PHYIR, 'DOD MI NUS TE, MDO RGYAN SBYAR BA'I 'GREL PA'I THOG MA NYI KHRI SNANG BA YIN PA TSAD LDAN GYI GZHUNG LAS BYUNG BA'I PHYIR, GZHAN YANG; BSTAN BCOS MTHA' DAG 'DI DE LTAR ZHES PA'I SKABS NAS DNGOS SU BSTAN PA'I BSTAN BCOS DE YANG MNGON RTOGS RGYAN LA BYED RIGS PAR THAL,KHYOD KYI DAM BCA' 'THAD PA'I PHYIR, 'DOD NA, BSTAN BCOS MTHA' DAG 'DI DE LTAR ZHES MDO ? TSIG GIS SMOS PA LA DGOS PA MED PAR THAL, 'DOD PA DE'I PHYIR, 'DOD MI NUS SO, ,KHA CIG ,RANG RTZOM PA PO SEMS CAN GYI BKA'I DGONGS 'GREL DU BRTZAM PA'I DAG RNAM DAG, BSTAN BCOS KYI MTSAN NYID ZER NA, PHYI ROL PA'I BSTAN BCOS CHOS CAN, MTSAN NYID DER THAL, MTSON BYA DE'I PHYIR, MA GRUB NA, PHYI ROL PA'I BSTAN BCOS DE BSTAN BCOS YIN PAR THAL, PHYI ROL PA'I GRUB MTHA' DE GRUB MTHA' YIN PA'I PHYIR, DER THAL, PHYI ROL PA'I GRUB MTHA' SMRA BA'I GANG ZAG GRUB MTHA' SMRA BA'I GANG ZAG YIN PA'I PHYIR, DER THAL, GRUB MTHA' SMRA BA'I GANG ZAG LA PHYI NANG GI GRUB MTHA' SMRA BA'I GANG ZAG GNYIS SU 'BYED RIGS PA'I PHYIR, DER THAL, GRUB MTHA' LA PHYI NANG GI GRUB MTHA' GNYIS SU 'BYED RIGS PA'I PHYIR, 'DOD MI NUS TE, CHOS CAN DE YIN PA'I PHYIR, DE LA KHO NA RE, PHYI ROL PA'I STON PA STON PA YIN PAR THAL, PHYI ROL PA'I BSTAN BCOS BSTAN BCOS YIN PA'I PHYIR @09A *, ,ZER NA MA KHYAB, 'DOD MI NUS TE, PHYI ROL PA'I STON PA DES BLANG DOR GYI GNAS PHYIN CI MA LOG PAR TSUL BZHIN DU STON MI NUS PA'I PHYIR, 'O NA, PHYI ROL PA'I STON PA STON PA YIN PAR THAL, PHYI ROL PA'I LUNG LUNG YIN PA'I PHYIR, KHYAB PA 'GRIG ,MA GRUB NA, DER THAL, LUNG LTAR STANG LUNG YIN BA'I PHYIR, DER THAL, GTAN TSIGS LTAR SNANG GTAN TSIGS YIN PA'I PHYIR, 'DOD NA, 'KHOR GSUM BYED DO, ,KHA CIG ,'CHOS SKYOB KYI YON TAN GNYIS DANG LDAN PA'I DAG RNAM DAG BSTAN BCOS RNAM DAG GI MTSAN NYID ZER NA, YUM BAR MA CHOS CAN, MTSON BYA DER THAL, MTSAN NYID DE'I PHYIR, DER THAL, GDUL BYA'I SHES RGYUD MI MTHUN PHYOGS LAS SKYOB CING BSLAB PA GSUM GYI NGO BOR 'CHOS PAR BYED PA'I NGAG RNAM DAG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SANGS RGYAS KYI BKA' YIN PA'I PHYIR, GZHAN YANG KHYOD KYI MTSAN NYID DE MI 'THAD PAR THAL, BKA'I DGONGS 'GREL DU GYUR PA'I BSTAN BCOS RNAM DAG LA NGAG RNAM DAG GIS MA KHYAB PA'I PHYIR, KHA CIG ,RANG RTZOM PA PO RNAM G-YENG MED PA'I SEMS CAN GYIS BKA'I DGONGS 'GREL DU BRTZAMS PA'I NGAG RNAM DAG ,BKA'I DGONGS 'GREL DU GYUR PA'I BSTAN BCOS RNAM DAG GI MTSAN NYID ZER NA, 'O NA, BKA'I DGONGS 'GREL DU GYUR PA'I BSTAN BCOS RTZOM PA PO'I GANG ZAG YIN NA, RNAM G-YENG RGYUD LA MI LDAN PAS KHYAB PAR THAL, KHYOD KYI DAM BCA' THAD PA'I PHYIR, 'DOD NA, DE YIN NA, NYON MONGS RGYUD LA MI LDAN PAS KHYAB PAR THAL, 'DOD PA DE'I PHYIR, 'DOD MI NUS TE, BSTAN BCOS RTZOM PA PO'I SKYE 'PHAGS GNYIS KA'I RGYUD LA NYON MONGS YOD PA'I PHYIR, GZHAN YANG, DNGOS PO BDEN MED DU TSAD MAS MA NGES PA'I GANG ZAG GIS RGYAS 'BRING BSDUS GSUM GYI BKA'I DGONGS 'GREL DU BRTZAMS PA'I DNGOS PO BDEN MED DU STON PA'I BSTAN BCOS CHOS CAN, NGAG RNAM DAG YIN PAR THAL, MTSON BYA DE'I PHYIR, 'DOD NA DE CHOS CAN, RANG GI BZHED @09B DON RAD SMRA BA POS TSAD MAS NGES PA'I NGAG YIN BAR THAL, NGAG RNAM DAG YIN PA'I PHYIR, 'DOD NA, DE 'DRA'I GANG ZAG DES DNGOS PO BDEN MED DU TSAD MAS NGES PAR THAL LO, ,KHA CIG, BKA' LA BSTAN BCOS KYIS KHYAB ZER NA, DE MI 'THAD BAR THAL, RJE BTZUN GYIS BKA' LAS LOGS SU BSTAN BCOS KYI RNAM BZHAG MDZAD PA'I PHYIR DANG , BKA'I DGONGS 'GREL DU GYUR PA'I BSTAN BCOS LA YANG BKA' BZHIN DU GUS PAR BYA DGOS PAR GSUNGS PA'I PHYIR, GZHAN YANG , YUM BAR MA CHOS CAN, DER THAL, DE'I PHYIR, 'DOD NA, BKA'I DGONGS 'GREL DU GYUR PA'I BSTAN BCOS YIN PAR THAL, 'DOD PA DE'I PHYIR, 'DOD NA, DE YUM BAR MA'I BKA'I DGONGS 'GREL YIN PAR THAL, 'DOD PA GANG ZHIG ,DE LAS GZHAN PA'I BKA'I DGONGS 'GREL MA YIN PA'I PHYIR, 'DOD NA, MNGON RTOGS RGYAN DE MNGON RTOGS RGYAN GYI DGONGS 'GREL DU GYUR PA'I BSTAN BCOS YIN PAR THAL, 'DOD PA DE'I PHYIR, 'DOD NA, BSTAN BCOS RNAM DAG YIN NA RANG NYID RANG NYID KYI 'GREL PA YIN DGOS PAR THAL LO, ,PHYI MA MA GRUB NA, YUM BAR MA'I CHED DU BYA BA'I GDUL BYAS YUM BAR MA LAM BRTEN PAR BRJOD BYA RTOGS MI NUS PA'I MDO GZHAN CIG YOD PAR THAL, MA GRUB PA DE'I PHYIR, 'DOD MI NUS TE, YUM PAR MAD BRJOD BYA SHIN TU ZAB PA'I MNGO DANG DE'I CHED DU BYA BA'I GDUL BYA DE THEG CHEN GYI RIGS CAN DBANG PO SHIN TU RNON PO YIN PA'I PHYIR, KHA CIG ,BKA' BRGYAD STONG PA YIN NA, STON PA SH'A KYA THUB BA RANG RGYUD KYIS BSDUS PAS KHYAB, BSTAN BCOS MNGON RTOGS RGYAN YIN NA RGYAN RTZOM PA PO'I RJE BTZUN BYAMS MGON RANG RGYUD KYIS BSDUS PAS KHYAB ZER NA, 'O NA, BKA' BRGYAD STONG PA LA 'DZIN 'CHANG KLOG GSUM TSUL BZHIN DU BYED PA'I SEMS CAN MED PAR THAL, BKA' BRGYAD STONG PA RGYUD LA LDAN PA'I GDUL BYA MED PA'I PHYIR, MA GRUB NA, DE KHO KHO RANG YIN PAR THAL, DE YOD PA'I PHYIR, 'DOD NA, DE 'DRA'I GDUL BYA'I RGYUD KYI BKA' BRGYAD STONG PA CHOS CAN, STON PA SH'A KYA THUB PA RANG RGYUD KYIS BSDUS PAR THAL, BKA' BRGYUD @10A *, ,STONG PA YIN PA'I PHYIR, 'KHOR GSUM, RTZA BAR 'DOD MI NUS TE, BKA' BRGYAD STONG PA LA LTOS PA'I CHOS SPYOD BCU TSANG BAR YOD PA'I PHYIR, GZHAN YANG, DGE SLONG LHAS BYIN GYI NGAG YIN NA, DGE SLONG LHAS BYIN RANG RGYUD KYIS BSDUS PA'I NGAG YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, NGAG MTSAN NYID LNGA LDAN 'CHAD PA DE'I TSE NA NGAG YIN PA, RANG GI YIN PA, RANG RGYUD DANG 'BREL BA, DON MA NOR BAR SMRAS PA, GSAL POR SMAS PA ZHES 'CHAD MI RIGS PAR THAL, 'DOD PA DE'I PHYIR, KHA CIG, , RJES SU GNANG PA'I BKA' YIN NA, GDUL BYA'I NGAG YIN PAS KHYAB ZER NA, 'O NA, 'PHAGS PA KUN DGA' BO'I RGYUD KYI 'DI SKAD BDAG GIS THOS PA DUS GCIG NA ZHES PA'I BKA' DE 'PHAGS PA KUN DGA' BO'I NGAG YIN PAR THAL, KHYOD KYI DAM BCA' 'THAD PA GANG ZHIG , DE RJES SU GNANG BA'I BKA' YIN BA'I PHYIR, 'DOD NA, DE CHOS CAN, KHYOD 'PHAGS PA KUN DGA' PO'I NGAG MA YIN PAR THAL, KHYOD SANGS RGYAS 'PHAGS PA'I NGAG YIN PA'I PHYIR, DER THAL, SANGS RGYAS KYI BKA' YIN PA'I PHYIR,, ` ,,GNYIS PA RANG GI LUGS LA, RANG RTZOM PA PO'I SANGS RGYAS 'PHAGS PAS GDUL BYA'I MI MTHUN PHYOGS SPONG PHYIR DU GSUNGS PA'I NGAG, SANGS RGYAS KYI BKA'I MTSAN NYID, DE LA DBYE NA ZHAL NAS GSUNGS PA'I BKA', RJES SU GNANG BA'I BKA', BYIN GYIS BRLABS PA'I BKA' DANG GSUM, DANG PO NI, MDO SDUD PA DANG , GNYIS PA NI, SHES RAB SNYING PO'I NANG TSAN DU GYUR PA'I 'DI SKAD BDAG GIS THOS PA DUS GCIG NA ZHES PA DANG , MTSAMS SBYAR DANG , MTHUN 'GYUR DANG RJES SU YI RANG GI MDO RNAMS LTA BU YIN, PHYI MA LA DBYE NA, SKU'I SGO NAS BYIN GYIS BRLABS PA'I BKA', GSUNG GI SGO NAS BYIN GYIS BRLABS PA'I BKA', THUGS KYI SGO NAS BYIN GYIS BRLABS PA'I BKA' DANG GSUM, DANG PO NI, MDO SDE SA BCU PA LTA BU YIN, GNYIS PA MA SKYES DGRA'I 'GYOD PA BSAL BA'I MDO LTA BU, , @10B GSUM PA LA DBYE NA, THUGS TING NGE 'DZIN GYI SGO NAS BYIN GYIS BRLABS PA'I BKA', THUGS BDEN PA'I SGO NAS BYIN GYIS BRLABS PA'I BKA', THUGS 'PHRIN LAS KYI SGO NAS BYIN GYIS BRLABS PA'I BKA' DANG GSUM, DANG PO NI, SHES RAB SNYING PO LTA BU, GNYIS PA NI,SANGS RGYAS KYIS BDEN PA BRJOD PAS LJON SHING RLUNG GIS BSKYOD PA LAS BYUNG BA'I CHOS KYI SDOM BZHI STON PA'I NGAG LTA BU YIN, GSUM PA NI SANGS RGYAS KYI 'PHRIN LAS KYI DBANG GIS GNOD SBYIN SOGS KYIS THOL BYUNG DU SMRAS PA'I RIG SNGAGS KHYAD PAR CAN LTA BU YIN, RANG RTZOM PA PO SEMS CAN GYI GRUB MTHA' STON PA'I NGAG, BSTAN BCOS GYI MTSAN NYID, DE LA DBYE NA, PHYI ROL PA'I BSTAN BCOS DANG , NANG PA SANGS RGYAS PA'I BSTAN BCOS GNYIS, NANG PA SANGS RGYAS PA'I BSTAN BCOS DANG BSTAN BCOS RNAM DAG GNYIS DON GCIG, RANG RTZOM PA PO SEMS CAN GYIS BKA'I DGONGS 'GREL DU RTZOM PA'I NGAG, BKA'I DGONGS 'GREL DU GYUR PA'I BSTAN BCOS RNAM DAG GI MTSAN NYID, DE LA BKA' SPYI'I DGONGS 'GREL DANG , BKA' SO SO'I DGONGS 'GREL DANG GNYIS YOD, DANG PO NI, TSAD MA SDE BDUN MDO DANG BCAS PA LTA BU, GNYIS PA LA, 'KHOR LO DANG PO'I BKA'I DGONGS 'GREL, 'KHOR LO GNYIS PA'I BKA'I DGONGS 'GREL, 'KHOR LO GSUM PA'I BKA'I DGONGS 'GREL DANG GSUM, DE RE RE LA'ANG LTA BA'I CHA GTZO BOR 'GREL BA DANG , SPYOD PA'I CHA GTZO BOR 'GREL BA'I BSTAN BCOS GNYIS GNYIS YOD, BKA' DANG BSTAN BCOS GNYIS 'GAL BA YIN TE, BKA' RTZOM PA PO SANGS RGYAS 'PHAGS PA DANG DE 'DZIN PA'I GDUL BYA'I SEMS CAN GNYIS 'GAL BA'I PHYIR,, ` ,,GSUM PA RTZOD PA ,SPONG BA LA, KHA CIG, LONGS SKU'I RGYUD LA 'DUL BA LUNG SDE BZHI YOD PAR THAL, SANGS RGYAS 'PHAGS PA'I RGYUD LA BSTAN BCOS MNGON RTOGS RGYAN YOD PA'I PHYIR, 'DOD NA, LONGS SKU'I RGYUD KYI 'DUL BA LUNG SDE BZHI PO CHOS CAN,KHYOD KYI CHED DU BYA BA'I GDUL BYA THEG DMAN GYI RIGS CAN YOD PAR THAL, KHYOD THEG @11A *, ,DMAN GYI MDO YIN PA'I PHYIR, 'DOD NA, LONGS SKU DES CHOS NGES PA THEG PA CHEN PO'I CHOS 'BA' ZHIG GSUNG PA DE MI 'THAD PAR THAL, DES GDUL BYA THEG DMAN GYI RIGS CAN LA 'DUL PA LUNG SDE BZHI GSUNGS PA YIN PA'I PHYIR, DER THAL, DE'I RGYUD KYI 'DUL BA LUNG SDE BZHI'I CHED DU BYA BA'I GDUL BYA THEG DMAN GYI RIGS CAN YOD PA'I PHYIR ZER NA MA KHYAB, 'DOD MI NUS TE, DE NGES PA LNGA LDAN GYI GZUGS SKU MTHAR THUG YIN PA'I PHYIR, GZHAN YANG , SANGS RGYAS 'PHAGS PA'I RGYUD LA BSTAN BCOS MNGON RTOGS RGYAN YOD PAR THAL, BSTAN BCOS MNGON RTOGS RGYAN RGYUD LA LDAN PA'I BYANG SEMS SA BCU PA SANGS RGYAS PA'I LONGS SKU DE'I RGYUD LA BSTAN BCOS MNGON RTOGS RGYAN YOD PA'I PHYIR, DER THAL, DE 'DRA BA'I LONGS SKU DE SNGON SLOB PA LAM GYI GNAS SKABS SU MI BRJED PA'I GZUNGS THOB PA DE NYID GOMS PA RAB KYI MTHAR PHYIN PA YIN PA'I PHYIR DANG , PHYI ROL PA'I BSTAN BCOS RGYUD LA LDAN PA'I NANG PA SANGS RGYAS PA YANG YOD PA'I PHYIR, PHYI MA DER THAL, LNGA PHRUGS KYI YON TAN 'CHAD PA'I SKABS SU MANG THOS TSUL LDAN GNYIS SU PHYE BA'I YA GYAL DU GYUR PA'I MANG THOS LA PHYI ROL PA'I BSTAN BCOS MANG DU THOS PA LA BSHAD BA 'ANG YOD PA'I PHYIR, RTZA BAR 'DOD NA, 'KHOR GSUM BYED DO, ,DE LA KHO NA RE, LONGS SKU'I RGYUD KYI BSTAN BCOS MNGON RTOGS RGYAN CHOS CAN, SGRIB PA MA SPANGS PA'I NGAG YIN PAR THAL, SEMS CAN GYI NGAG YIN PA'I PHYIR ZER NA MA KHYAB, MA GRUB NA, DER THAL, BSTAN BCOS YIN PA'I PHYIR, 'DOD MI NUS TE, LONGS SKU'I RGYUD KYI NGAG YIN PA'I PHYIR, KHA CIG , 'PHAGS PA SH'A RI'I BU'I RGYUD KYI BKA' BRGYAD STONG PA CHOS CAN, SGRIB PA SPANGS PA'I GSUNG YIN PAR THAL, SANGS RGYAS KYI GSUNG YIN PA'I PHYIR ZER NA MA KHYAB, DER THAL, SANGS RGYAS KYI NGAG YIN PA'I PHYIR, DER THAL, SANGS RGYAS KYI BKA' YIN PA'I PHYIR, RTZA BA'I THAL 'GYUR LA KHYAB @11B PA YOD PAR THAL, SANGS RGYAS KYI SKU YIN NA SGRIB PA SPANGS PA'I SKU YIN DGOS PA'I PHYIR, ZER NA MA KHYAB, 'DOD MI NUS TE, CHOS CAN DE YIN PA'I PHYIR ZER NA, 'O NA, 'PHAGS PA SH'A RI'I BU'I RGYUD KYI NGAG DANG RJES SU GNANG BA'I BKA'I GZHI MTHUN PA CHOS CAN, SGRIB PA SPANGS PA'I NGAG YIN PAR THAL, SANGS RGYAS 'PHAGS PA'I NGAG YIN PA'I PHYIR, 'DOD MI NUS TE, SGRIB PA MA SPANGS PA'I NGAG YIN PA'I PHYIR, DER THAL, 'PHAGS PA SH'A RI'I BU'I RGYUD KYI NGAG YIN PA'I PHYIR, RTAGS KHAS, MA KHYAB NA 'GAL SHING 'KHOR GSUM BYED DO, KHA CIG , 'PHAGS PA SH'A RI'I BU'I RGYUD KYI BKA' BRGYAD STONG PA CHOS CAN, KHYOD GSUNG DBYANGS YAN LAG DRUG CU DANG LDAN PAR THAL, KHYOD SANGS RGYAS KYI GSUNG YIN PA'I PHYIR, KHYAB STE, MDO SDE RGYAN LAS, BDE GSHEGS GSUNG NI MTHA' YAS TE, ,YAN LAG DRUG CU BSAM MI KHYAB, ,CES GSUNGS PA'I PHYIR, ZER NA SKYON MED DE, SANGS RGYAS 'PHAGS PA'I RGYUD KYI GSUNG LA DGONGS PA YIN PA'I PHYIR, KHA CIG , SANGS RGYAS KYI BKA' YIN NA GDUL BYA'I NYON MONGS SPONG PHYIR DU GSUNGS PAS KHYAB PAR THAL, RGYUD BLA MA LAS, GANG ZHIG DON LDAN CHOS DANG NYER 'BREL PA, ,KHAMS GSUM KUN NAS NYON MONGS SPONG PHYIR GSUNGS, ,ZHI BA'I PHAN YON STON PAR MDZAD PA GANG , ,DE NI DRANG SRONG GSUNG YIN LDOG PA GZHAN, ,ZHES GSUNGS PA'I PHYIR ZER NA SKYON MED DE, DE'I SKABS NAS BSTAN PA'I NYON MONGS LA NYON MONGS KYIS ? MA KHYAB PA'I PHYIR, DER THAL, 'GREL CHEN LAS, BYANG CHUB SEMS DPA' RNAMS KYI NYON MONGS PA NI RNAM PAR RTOG PA'O, ,ZHES BA'I SKABS NAS BSTAN PA'I NYON MONGS LA NYON MONGS KYI MA KHYAB PA'I PHYIR, MA GRUB NA, SHES SGRIB GZUNG 'DZIN GYI RNAM PAR RTOG PA BZHI PO CHOS CAN, DER THAL, DE'I PHYIR, DER THAL, CHOS CAN DE DANG GCIG YIN PA'I PHYIR, 'DOD MI NUS TE, SHES SGRIB YIN PA'I PHYIR, KHA CIG , PHYI ROL BA'I BSTAN BCOS BSTAN BCOS MA YIN PAR THAL, BSTAN BCOS YIN NA CHOS SKYOB KYI YON TAN GNYIS DANG LDAN PAS KHYAB PA'I PHYIR, DER THAL, RNAM BSHAD RIG PA LAS, 'CHOS SKYOB @12A *, ,YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES GSUNGS BA'I PHYIR ZER NA SKYON MED DE, DE NI NANG PA SANGS RGYAS BA'I BSTAN BCOS RNAM DAG GI SGRA BSHAD PA TZAM YIN PA'I PHYIR, ,KHA CIG, PHYI ROL PA'I BSTAN BCOS BSTAN BCOS MA YIN PAR THAL, DE BSTAN BCOS KYI MTSAN NYID DANG BRAL BA'I PHYIR, DER THAL, DE NYID LAS, DON MED DON LOG DON DANG LDAN, ,THOS RTZOD SGRUB PA LHUR LEN PA, ,NGAN G-YO BRTZE BRAL SDUG BSNGAL SPONG, ,BSTAN BCOS DRUG BRAL GSUM DU 'DOD, , CES GSUNGS PA'I PHYIR ZER NA SKYON MED DE, DE BSTAN BCOS RNAM DAG GI MTSAN NYID DANG BRAL BA'I DON YIN PA'I PHYIR, KHA CIG, MDO SDE RGYAN GYI NANG TSAN DU GYUR PA'I GZHAN DBANG BDEN GRUB DU STON PA'I GZHUNG TSIG DE CHOS CAN, RANG RTZOM PA PO SEMS CAN GYI GRUB MTHA' STON PA'I NGAG YIN PAR THAL, BSTAN BCOS YIN PA'I PHYIR, 'DOD NA, MDO SDE RGYAN GYI NANG TSAN DU GYUR PA'I GZHAN DBANG BDEN GRUB DU 'DOD PA'I GRUB MTHA' DE RJE BTZUN BYAMS MGON GYI GRUB MTHA' YIN PAR THAL, 'DOD PA DE'I PHYIR, 'DOD NA, DE RJE BTZUN BYAMS MGON RANG LUGS KYI GRUB MTHA' YIN PAR THAL, 'DOD PA DE'I PHYIR, ZER NA MA KHYAB, 'DOD MI NUS TE, DE RJE BTZUN GYIS SEMS TZAM PA'I RIGS CAN RJES SU GZUNG BA'I PHYIR DU GSUNGS PA YIN PA'I PHYIR DANG , STON PA SANGS RGYAS RANG LUGS LA MDO SDE GANG DU YANG DNGOS PO BDEN PAR YOD PA MA GSUNGS PA'I PHYIR, DER THAL, 'JUG PA LAS, 'GAR YANG DNGOS PO YOD CES MA BSTAN TO, ,ZHES GSUNGS PA'I PHYIR ZER NA, 'O NA, GZHAN DBANG BDEN GRUB DU LCA BA'I LTA BA CHOS CAN, STON PA SANGS RGYAS RANG LUGS KYI LTA BA YIN PAR THAL, STON PA SANGS RGYAS KYI LTA BA YIN PA'I PHYIR, 'KHOR GSUM, GAL TE MA GRUB NA, DE DER THAL, BDAG MED PHRA RAGS GSUM KA RTOGS PA'I LTA BA DE STON PA SANGS RGYAS KYI LTA BA YIN PA'I PHYIR, GZHAN YANG SEMS TZAM PAS GZHAN DBANG BDEN GRUB DU 'DONG PA'I GRUB MTHA' DE STEN PAS BYAS RANG LUGS KYI GRUB @12B MTHA' YIN PAR THAL, DE STON PA SANGS RGYAS KYI GRUB MTHA' YIN PA'I PHYIR, KHYAB PA KHAS, MA GRUB NA, DE CHOS CAN, STON PA SANGS RGYAS KYI GRUB MTHA' YIN PAR THAL, THEG CHEN GYI GRUB MTHA' YIN PA'I PHYIR, DER THAL, SEMS TZAM PA'I GRUB MTHA' YIN PA'I PHYIR, 'DOD NA , GZHAN DBANG BDEN GRUB DU THAL LO, YANG BKA' DANG BSTAN BCOS MI 'GAL BAR THAL, YUM BAR MA BSTAN BCOS YIN PA'I PHYIR, DER THAL, DE BSTAN BCOS CHEN PO YIN PA'I PHYIR, DER THAL, BSTAN BCOS CHEN PO'I RNAM BSHAD MDZAD, ,CES GSUNGS PA'I PHYIR ZER NA SKYON MED DE, DE BSTAN BCOS KYI SGRA BSHAD DU YOD PA LA DGONGS PA'I PHYIR, DER THAL, DE'I THAD KYI RNAM BSHAD SNYING PO RGYAN LAS, SGRA BSHAD DU YOD PAS BSTAN BCOS CHEN PO'I MDO, ZHES GSUNGS PA'I PHYIR, DE LTA MA YIN NA, 'PHAGS PA THOGS MED KYI RGYUD KYI LHAG BSAM RNAM DAG DE 'GRO BA LA CHAGS PA'I CHAGS PA YIN PAR THAL, 'GRO LA CHAGS PAS KUN CHAGS MDZAD, ,CES GSUNGS PA'I PHYIR, KHYAB PA KHAS, 'DOD MI NUS TE, DE LHAG BSAM RNAM DAG YIN PA'I PHYIR, KHA CIG , BKA' LA BSTAN BCOS KYI KHYAB PAR THAL, BKA' SDE SNOD GSUM PO BSTAN BCOS YIN PA'I PHYIR, DER THAL, LUNG RNAM 'BYED LAS, RGYAL BA STON PA DE YI BSTAN BCOS NI, ,MDO DANG CHOS MNGON YIN GSUNGS 'DUL BA NI, ,STON DANG BSTAN PA NYID YIN DE YI PHYIR, ,GNYIS GYUR PHYAG BYAR 'OS PA'I CHOS CIG YIN, ,ZHES GSUNGS PA'I PHYIR DANG , RNAM BSHAD RIG PA LAS KYANG, DON DAM PAR SANGS RGYAS KYI BKA' BSTAN BCOS KYI MTSAN NYID DU 'THAD PA'I PHYIR, ZHES GSUNGS PA'I PHYIR DANG , YUM RGYAS 'BRING BSDUS GSUM BSTAN BCOS YIN PAR THAL, BSTAN BCOS MTHA' DAG 'DI DE LTAR ZHES PA DANG , BSTAN BCOS MTHA' DAG MA RNYED DE ZHES GSUNGS PA'I PHYIR ZER NA, ? SKYON MED DE, LUNG DANG PO'I DON NI, BKA' SDE SNOD GSUM PO RGYAL BA STON BAS BSTAN PA'I DAM CHOS YIN ZHES PA'I DON YIN PA'I PHYIR, DE LTA MA YIN @13A *, ,NA, 'DUL BA LUNG SDE BZHI PO DE STON PA DANG BSTAN PA GNYIS KA YIN PAR THAL, STON DANG BSTAN PA NYID YIN DE YI PHYIR, ZHES GSUNGS PA'I PHYIR, KHYAB PA KHAS, 'DOD NA, DE CHOS CAN, GANG ZAG YIN PAR THAL, 'DOD PA'I PHYIR, 'DOD MI NUS TE, RJOD BYED KYI TSIG YIN PA'I PHYIR, 'KHOR GSUM, LUNG GNYIS BA'I DON NI, SANGS RGYAS KYI BKA' LA DON GNAS LA BSTAN BCOS KYI SGRA BSHAD TSANG ZHES PA'I DON YIN PA'I PHYIR, DE LTA MA YIN NA, DON DAM PAR SANGS RGYAS KYI BKA' BSTAN BCOS KYI MTSAN NYID YIN PAR THAL, LUNG KHYOD RANG GI DE'I PHYIR, 'DOD NA, BSTAN BCOS MNGON RTOGS RGYAN CHOS CAN, DON DAM PAR SANGS RGYAS KYI BKA' YIN PAR THAL, BSTAN BCOS YIN PA'I PHYIR, 'KHOR GSUM, GZHAN YANG , DE MI 'THAD PAR THAL, SANGS RGYAS KYI BKA' MTSAN NYID MA YIN PA'I PHYIR; PHYI MA'I DON NI SNGAR BSHAD ZIN TO, ,KHA CIG, BKA' DANG BKA'I DGONGS 'GREL GNYIS 'GAL PAR THAL, BKA' DANG BSTAN BCOS 'GAL BA'I PHYIR ZER NA, MA KHYAB, 'DOD NA, MDO SDE DGONGS 'GREL GYIS MA NGES SO, ,KHA CIG ,BKA' GSUNG PA PO DANG ; BSTAN BCOS GSUNG PA PO 'GAL BAR THAL, BKA' DANG BSTAN BCOS 'GAL BA'I PHYIR, ZER NA MA KHYAB, 'DOD NA, 'PHAGS PA SH'A RI'I BU CHOS CAN, BKA' GSUNG PA PO MA YIN BAR THAL, BSTAN BCOS GSUNG BA PO YIN PA'I PHYIR, DE DER THAL, CHOS KYI PHUNG PO ZHES PA'I BSTAN BCOS CIG GZHI GRUB PA'I PHYIR, 'DOD MI NUS TE, BKA' GDUL BYA LA GSUNG BA BO YIN PA'I PHYIR, KHA CIG, 'GREL PA DON GSAL GYI NANG TSAN DU GYUR BA'I SEMS BSKYED PA NI GZHAN DON PHYIR, ZHES PA'I GZHUNG 'DI RGYAN GYI GZHUNG DANG , YANG DE'I NANG TSAN DU GYUR BA'I RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHAS ? PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG ? @13B DAG PAR RDZOGS PA'I SANGS RGYAS RNAMS KYI YIN NO, ,ZHES PA'I GZHUNG RNAMS YUM BAR MA'I GZHUNG TSIG YIN PAR THAL, LONGS SKU'I RGYUD KYI SEMS BSKYED PA NI GZHAN DON PHYIR, ZHES PA'I GZHUNG 'DI MNGON RTOGS RGYAN GYI GZHUNG TSIG DANG , 'PHAGS PA SH'A RI'I BU'I RGYUD KYI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LAS BRTZAMS TE SPOBS PAR BYOS SHIG , ZHES SOGS KYI GZHUNG TSIG 'DI BKA' BRGYAD STONG PA'I GZHUNG YIN PA'I PHYIR, ZER NA, DANG PO MA GRUB CING , PHYI MA LA MA KHYAB PO, , 'DOD MI NUS TE, DE RNAMS 'GREL PA DON GSAL GYI GZUNG TSIG YIN PA'I PHYIR, DER THAL, 'GREL PA DON GSAL LA SHO LO KA STONG PHRAG PHYED DANG GNYIS TSANG BAR YOD PA'I PHYIR, KHA CIG ,'GREL PA DON GSAL GYI NANG TSAN DU GYUR PA'I RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,ZHES PA'I GZHUNG TSIG CHOS CAN, YUM BAR MA'I MDO TSIG YIN PAR THAL, YUM BAR MA LAS DRANGS PA'I GZHUNG TSIG YIN BA'I PHYIR, ZER NA MA KHYAB, MA GRUB NA, DER THAL, DBU MA SNANG BA'I NANG TSAN DU GYUR BA'I DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, RANG BZHIN MED LAS 'KHRUL PA GANG , ,DE NI YANG DAG KUN RDZOB 'DOD, ,CES PA'I GZHUNG 'DI, MDO LAS DRANGS PA'I GZHUNG CHIG YIN PA'I PHYIR, DE LTAR MA YIN NA, 'GREL PA DON GSAL GYI NANG TSAN DU GYUR PA'I 'JIG RTEN SNA TSOGS LAS LAS SKYES, LAS NI SEMS PA DANG DES BYAS, ,ZHES PA'I GZHUNG TSIG CHOS CAN, MNGON PA MDZOD KYI GZHUNG TSIG YIN PAR THAL, MNGON PA MDZOD LAS DRANGS PA'I GZHUNG TSIG YIN PA'I PHYI KHYAB PA KHAS, 'DOD NA, DE THEG DMAN GYI BSTAN BCOS YIN PAR THAL, 'DOD PA'I PHYIR, 'DOD MI NUS TE, THEG CHEN KYI BSTAN BCOS YIN PA'I PHYIR, DER THAL, 'GREL PA DON GSAL GYI GZHUNG CHIG YIN PA'I PHYIR, 'KHOR GSUM,, ` ,,'PHAGS PA BYAMS PA RANG NYID DAM PA'I @14A *, ,SPYOD PA DANG MTHUN PAR RAB TU STON PA SO SOR RANG ? RIG PA'I YE SHES, ZHES SOGS KYI SKAB SU, RJE BTZUN BYAMS PAS BSTAN BCOS MNGON RTOGS RGYAN RTZOM PA'I THOG MAR MKHYEN GSUM GYI YON TAN BRJOD PA'I SGO NAS YUM LA BSTOD PA LA DGOS NGA YOD DE, RANG DON DANG GZHAN DON GNYIS KYI DGOS PA YOD PA'I PHYIR, MTHA' DPYAD PA LA, DGAG BZHAG SPONG GSUM LAS, DANG PO LA, KHA CIG , SKABS 'DIR BSTAN PA'I THUN MONG BA RGYAN RTZA 'GREL LA BYED, THUN MED MA YIN PA RGYAD BLA MA RTZA 'GREL LA BYED CING , RGYUD BLA MA RTZA 'GREL GYI LUGS LA, RGYAN RTZOM PA PO SANGS RGYAS 'PHAGS PA YIN NO ZER NA, DE MI 'THAD PAR THAL, RGYUD BLA MA RTZA 'GREL GYI LUGS LA, RGYAN RTZOM PA PO RJE ? BTZUN BYANG CHUB SEMS DPA' YIN PA'I PHYIR, DER THAL, RGYUD BLA MA RJE BTZUN RANG NYID KYIS RANG RGYUD KYI SHES SGRIB DAG PHYIR DU RTZOM PAR GSUNGS PA'I PHYIR, DER THAL, RGYUD BLA MA LAS, DE LTAR YID CHES LUNG DANG RIGS PA LA, ,BRTEN NAS BDAG NYID 'BA' ZHIG DAG PHYIR DANG , ,GZHAN DAG MOS GUS PHUN SUM TSOGS LDAN BLO, ,DE DAG RJES SU GZUNG PHYIR NGAS 'DI BRTZAMS, ,ZHES GSUNGS PA'I PHYIR, KHA CIG , 'DIR BSHAD PA'I THUN MONG BA MNGON RTOGS RGYAN RTZA 'GREL LA BYED, THUN MONG MA YIN PA DAM CHOS PAD DKAR LA BYED CING , DAM CHOS PAD DKAR GYI LUGS LA, RGYAN RTZOM PA PO RJE BTZUN SANGS RGYAS 'PAGS ? PA YIN ? NO ZER BA DANG , KHA CIG , 'DIR BSHAD PA'I THUN MONG BA CHOS MNGON PA LA BYED PA DANG , THUN MONG MA YIN PA MDO RGYAS 'BRING BSDUS GSUM RTZA 'GREL LA BYED CING , CHOS MNGON PA'I LUGS LA RGYAN RTZOM PA PO BYANG CHUB SEMS DPA' DANG , RANG LUGS LA RGYAN RTZOM PA PO RJE BTZUN SANGS RGYAS 'PHAGS PA YIN NO ZER NA, DE YANG MI 'THAD PAR THAL, 'DIR BSHAD PA'I THUN MONG BA DE RANG LUGS SU KHAS LEN DGOS PA GANG ZHIG , CHOS MNGON PA'I LUGS LA RGYAN RTZOM PA PO RJE BTZUN BYANG CHUB SEMS @14B DPAR 'DOD PA DANG , RANG LUGS LA RGYAN RTZOM PA PO RJE BTZUN SANGS RGYAS 'PHAGS PAR 'DOD PA KHAS BLANGS NANG 'GAL BA'I PHYIR, GZHAN YANG , MTSAMS SBYAR KYI SKABS 'DIR RGYAN RTZOM PA PO RJE BTZUN SANGS RGYAS 'PHAGS PAR KHAS BLANGS PA LA THUN MONG DANG THUN MONG MA YIN PA'I SKABS MA PHYE BA'I SKYON BRJOD MDZAD MI RIGS PAR THAL, SKABS 'DIR RANG LUGS LA RGYAN RTZOM PA PO RJE BTZUN SANGS RGYAS SU KHAS LEN DGOS PA'I PHYIR, 'DOD MI NUS TE, RNAM BSHAD LAS, RJE BTZUN MNGON PAR RDZOGS PAR SANGS RGYAS PA'I DBANG DU BYED NA THUN MONG DANG THUN MONG MA YIN PA'I SKABS MA PHYE BA YIN LA, ZHES GSUNGS, KHA CIG , 'DIR BSHAD PA'I THUN MONG BA MCHOD BRJOD GYI SKABS LA BYED, THUN MONG MA YIN PA RGYAS 'BRING BSDUS GSUM GYI SKABS LA BYAS NAS, MCHOD BRJOD KYI SKABS SU RGYAN RTZOM PA PO RJE BTZUN BYANG CHUB SEMS DPA' DANG , PHYI MA'I LUGS LA RGYAN RTZOM PA PO SANGS RGYAS 'PHAGS PAR KHAS LEN DGOS PA YIN NO ZER NA, 'O NA, BSDU BYA DON MNGON PAR RTOGS PAR BRGYAD GTAN LA 'BEBS PA'I SKABS SU, RGYAN RTZOM PA PO RJE BTZUN BYANG CHUB SEMS DPAR KHAS LEN RIGS PAR THAL, BSDU BYED MKHYEN GSUM GTAN LA 'BEBS PA'I SKABS SU RGYAN RTZOM PA PO RJE BTZUN BYANG CHUB SEMS DPAR KHAS LEN RIGS PA'I PHYIR, DER THAL, MCHOD BRJOD KYI SKABS SU RGYAN RTZOM PA PO RJE BTZUN BYANG CHUB SEMS DPAR KHAS LEN RIGS PA'I PHYIR, 'DOD NA, MNGON RTOGS RGYAN GYI SKABS BRGYAD KYI SKABS SU RGYAN RTZOM PA PO RJE BTZUN BYANG CHUB SEMS DPA' YIN PAR THAL, 'DOD PA'I PHYIR, 'DOD NA, MNGON RTOGS RGYAN GYI LUGS LA RGYAN RTZOM PA BO RJE BTZUN BYANG CHUB SEMS DPAR KHAS LEN RIGS PAR THAL, 'DOD PA'I PHYIR, 'DOD NA, DNGOS SU 'GAL, GZHAN YANG , MCHOD BRJOD RANG DON GYI DGOS PA LA MTSAMS SBYAR BA MI 'THAD PAR THAL, RDZE BTZUN GYI RGYUD LA RANG DON DON GNYER GYI BLO MED PA'I PHYIR ZHES PA'I RTZOD PA DE THUN MONG DANG THUN MONG MA YIN PA'I SKABS MA PHYED @15A *, ,PA'I RTZOD PA YIN PAR THAL, RJE BTZUN GYI RGYUD LA RANG DON DON GNYER GYI BLO MED PAR 'DOD PA NI THEG PA CHEN PO'I GZHUNG LA THOS BSAM MA BYAS PA'I SKYON YIN PA'I PHYIR, DER THAL, RNAM BSHAD LAS, RJE BTZUN LA RANG DON DON GNYER GYI BLO MED PAR 'DOD PA SOGS NI THEG PA CHEN PO'I ? GZHUNG LA NGAL BA ZHIB TU MA BYAS PA YIN TE, RJE BTZUN MNGON PAR RDZOGS PAR SANGS RGYAS PA'I DBANG DU BYED NA THUN MONG DANG THUN MONG MA YIN PA'I SKABS MA PHYE BA YIN LA, ZHES GSUNGS PA'I PHYIR, KHA CIG , 'DIR BSHAD PA'I THUN MONG BA RANG DON GYI DGOS PA DANG , THUN MONG MA YIN PA RANG DON DON GNYER GYI BLO LA BYED PA YIN TE, RJE BTZUN LA THUN MONG BA RANG DON GYI DGOS PA YOD KYANG , THUN MONG MA YIN BA RANG DON DON GNYER GYI BLO MED PA'I PHYIR, RANG DON GYI DGOS PA LA THUN MOGN BA DANG , RNAG DON DON GNYER GYI BLO LA THUN MONG MA YIN PA ZHES 'CHANG PA'I RGYU MTSAN YOD DE, RANG DON GYI DGOS PA SLOB PA DANG MI SLOB PA GNYIS KA'I RGYUD LA YOD PAS THUN MONG BA DANG , RANG DON DON GNYER GYI BLO SLOB PA KHO NA'I RGYUD LA YOD CING , MI SLOB PA SANGS RGYAS 'PHAGS PA'I RGYUD LA MED PA'I RGYU MTSAN GYIS DE LTAR BSHAD PA'I PHYIR ZER NA, MI SLOB PA SANGS RGYAS 'PHAGS PA'I RGYUD LA RANG DON DON GNYER GYI BLO MED PA MI 'THAD PAR THAL, DE'I RGYUD LA RANG DON DON GNYER GYI BLO YOD BA'I PHYIR, DER THAL, DE'I RGYUD LA RANG DON CHOS SKU DON GNYER GYI BLO YOD PA'I PHYIR, DER THAL, DE'I RGYUD LA RDZOGS BYANG DON GNYER GYI 'DUN PA YOD PA'I PHYIR, DER THAL, DE'I RGYUD KYI THEG CHEN SEMS BSKYED DE RANG GI GROGS RDZOGS BYANG DON GNYER GYI 'DUN PA DANG MTSUNGS LDAN YIN PA'I PHYIR, DER THAL, THEG CHEN SEMS BSKYED YIN PA'I PHYIR, KHYAB STE, RNAM BSHAD LAS, BYANG CHUB SEMS DPA'I DBANG DU BYED NA NI RANG DON YONGS SU RDZOGS PA LA CHOS SKU DGOS PAR MA MTHONG NA, RANG DON DU ZHIB RKYANG PAS CHOG PAR 'DZIN PA ZLOG MI NUS LA, DE MA LDOG NA THEG PA CHEN PO'I SEMS BSKYED KYI MTSAN NYID MI RDZOGS PAR 'GYUR TE, RANG DON CHOS SKU LA DON GNYER SA BCU PA'I GNAS SKABS SU MI DGOS PA'I PHYIR DANG , SANGS RGYAS KYI SKU LA RANG DON GYI SKU DANG GZHAN DON GYI SKU GNYIS SU PHYE BA YANG DGOS @15B PA MED PAR 'GYUR RO, ,ZHES GSUNGS PA'I PHYIR, GZHAN YANG RGYAN RTZOM PA PO RJE BTZUN GYI RGYUD LA RANG DON YONGS SU RDZOGS BA LA COS SKU DGOS PAR MTHOG BA'I BLO MED PAR THAL, DE'I RGUD LA RANG DON CHOS SKU DON GNYER GYI BLO MED PA'I PHYIR, 'DOD NA, DE RANG DON DU ZHI BA RKYANG PAS CHOG PAR 'DZIN ? PA'I GANG ZAG YIN PAR THAL, 'DOD PA'I PHYIR, KHYAB STE, RNAM BSHAD LAS, BYANG CHUB SEMS DPA'I DBANG DU BYAS NA NI RANG DON YONGS SU RDZOGS PA LA CHOS SKU DGOS PAR MA MTHONG NA, RANG DON DU ZHI BA RKYANG PAS CHOG PAR 'DZIN PA ZLOG MI NUS LA, ZHES GSUNGS PA'I PHYIR, 'DOD NA, DE THEG CHEN SEMS BSKYED MTSAN NYID TSANG BA RGYUD LDAN GYI GANG ZAG MA YIN THAL, DER RANG DON DU ZHI BA RKYANG BAS CHOG PAR 'DZIN BA'I GANG ZAG YIN PA'I PHYIR, KHYAB STE, RNAM BSHAD LAS, DE MA ZLOG NA THEG CHEN SEMS BSKYED KYI MTSAN NYID MI RDZOGS PAR 'GYUR TE, ZHES GSUNGS PA'I PHYIR, GZHAN YANG , SANGS RGYAS KYI SKU LA RANG DON CHOS SKU DANG GZHAN DON GZU ? SKU GNYIS SU DBYE MI RIGS PAR THAL, RANG DON CHOS SKU DON GNYER GYI BLO RGYUD LA LDAN PA'I BYANG SEMS SA BCU PA BA MED PA'I PHYIR, KHYAB STE, RNAM BSHAD LAS, RANG DON CHOS SKU LA DON GNYER SA BCU PA'I GNAS SKABS SU MI DGOS PA'I PHYIR, SANGS RGYAS KYI SKU LA RANG DON GYI SKU DANG GZHAN DON GYI SKU GNYIS SU PHYE BAL DGOS PA MED PAR 'GYUR RO, ,ZHES GSUNGS PA'I PHYIR, KHA CIG, RJE BTZUN BYAMS MNGON YIN NA, SANGS RGYAS 'PHAGS PA YIN PAS KHYAB ZER NA, 'O NA, SA BCU PA LA GNAS PA'I BYANG CHUB SEMS DPA' BYAMS MGON CHOS CAN, DER THAL, DE'I PHYIR, DER THAL, PHYOGS BCU'I DE BZHIN GSHEGS PA THAMS CAD KYI 'OD ZER CHEN PO'I DBANG BSKUR THOB BA'I BYANG CHUB SEMS DPA' BYAMS PA YIN PA'I PHYIR, 'DOD MI NUS TE, SEMS CAN YIN PA'I PHYIR, KHO NA RE, RGYAN RTZOM PA PO'I RJE BTZUN BYAMS MGON SANGS RGYAS 'PHAGS PA YIN PAR THAL, DE MA 'ONGS PA'I SANGS RGYAS 'PHAGS PA YIN PA'I PHYIR, DER THAL, BDAG CAG GI STON PA DE DA LTA BA'I SANGS RGYAS 'PHAGS PA YIN PA'I PHYIR NA MA KHYAB, 'O NA RGYAN RTZOM PA PO'I RJE BTZUN BYAMS MGON DE, MA 'ONGS PA NA MDZAD PA BCU GNYIS KYI TSUL STON DGOS YIN PA'I RGYU MTSAN GYIS MA 'ONGS PA'I SANGS RGYAS 'PHAGS @16A *, ,PA YIN PAR THAL, DE YIN PA 'AM, MA 'ONGS PA DANG SANGS RGYAS 'PHAGS PA'I GZHI MTHUN YIN PA'I RGYU MTSAN GYIS DE MA 'ONGS PA'I SANGS RGYAS 'PHAGS PA YIN PA GANG RUNG YIN PHYI MA MA YIN PA'I PHYIR, DANG PO MA GRUB NA, DE GANG RUNG YIN PAR THAL, MA 'ONGS PA'I SANGS RGYAS 'PHAGS PA YIN PA'I PHYIR, PHYI MA DER THAL, DE MA 'ONGS PA YIN PA'I PHYIR, DER THAL, MA 'ONGS PA DANG SANGS RGYAS 'PHAGS PA'I GZHI MTHUN YIN PA'I PHYIR, RTZA BAR 'DOD NA, KHYI RGAN RGYA BO CHOS CAN, MA 'ONGS PA'I SANGS RGYAS 'PHAGS PA YIN PAR THAL, MA 'ONGS PA NA MDZAD PA BCU GNYIS KYI CHUL STON DGOS YIN PA'I PHYIR, KHYAB PA KHAS, DER THAL, SEMS CAN YIN PA'I PHYIR, GZHAN YANG, MA 'ONGS PA'I DUS KYI DNGOS PO YIN NA, MA 'ONGS PA'I DNGOS PO YIN DGOS PAR THAL, MA 'ONGS PA'I DUS KYI SANGS RGYAS 'PHAGS PA YIN NA, MA 'ONGS PA'I SANGS RGYAS 'PHAGS PA YIN DGOS PA'I PHYIR, DER THAL, RJE BTZUN BYAMS MGON MA 'ONGS PA'I SANGS RGYAS 'PHAGS PAR 'DOD PA LA THUGS RTZE GTAD SA GCIG YOD PA'I PHYIR, RTZA BAR 'DOD NA, MA 'ONGS PA'I DUS KYI DNGOS PO CHOS CAN, DER THAL, DE'I PHYIR, RTAGS GSAL SLA'O,, ,,GNYIS PA RANG GI LUGS BZHAG PA LA, ,RTZOD PA DANG LAN GNYIS, DANG PO LA, KHA CIG ,'PHAGS PA BYAMS PA RANG NYID DAM PA'I SPYOD PA DANG MTHUN PA ZHES SOGS KYI 'GREL PA 'DIS, MCHOD BRJOD RANG DON GYI DGOS PA LA MTSAMS SBYAR BA MI 'THAD DE, RJE BTZUN GYI RGYUD LA RANG DON DON GNYER GYI BLO MED PA'I PHYIR, GDUL BYA GZHAN DAG BSTAN BCOS LA 'JUG PA KHO NA'I CHED DU YIN PA'I PHYIR, RTAGS ZUR DANG PO DER THAL, RJE BTZUN RANG DON YONGS SU RDZOS PA'I GANG ZAG YIN PA'I PHYIR, ZHES RTZOD, GNYIS PA LAN BSHAD PA LA, DE LTAR RTZOD PA MI RIGS TE, DE LTAR RTZOD PA DE THEG PA CHEN PO'I GZHUNG LA THOS BSAM GYI NGAL PA ? ZHIB TU MA BYAS PA'I SKYON YIN PA'I PHYIR, DER THAL, RJE BTZUN MNGON PAR RDZOGS PAR SANGS RGYAS PA'I DBANG DU BYED NA YANG DE LTAR RTZOD MI RIGS, BYANG CHUB SEMS ? DPA'I DBANG DU BYED NA YANG DE LTAR RTZOD PA MI RIGS PA'I PHYIR, DANG PO DER THAL, RJE BTZUN MNGON PAR RDZOGS PAR SANGS @16B RGYAS PA'I DBANG DU BYAS NAS DE LTAR RTZOD MTHUN MONG PA DANG THUN MONG MA YIN PA'I SKABS MA PHYE BA'I SKYON YOD PA'I PHYIR, PHYI MA DER THAL, BYANG CHUB SEMS DPA'I DBANG DU BYAS NAS DE LTAR RTZOD NA DE'I RGYUD KYI THAG CHEN SEMS BSKYE DE SEMS BSKYED KYI MTSAN NYID YONGS RDZOGS MA YIN PAR 'GYUR PA'I PHYIR, DE'I THAL, DE RANG GI GROGS CHOS SKU DON GNYER GYI 'DUN PA DANG MTSUNGS LDAN MA YIN PAR 'GYUR BA'I PHYIR, 'DIR BSHAD PA'I THUN MONG DANG THUN MONG MA YIN PA'I KHYAD PAR 'DI THUN MONG BA PHA ROL TU PHYIN PA'I THEG PA DANG , THUN MONG MA YIN PA SNGAGS KYI THEG PA LA BYED PA YIN PA'I PHYIR, DE LTAR BYAS NA RGYAN RTZOM PA PO'I RJE BTZUN MNGON PAR RDZOGS PAR SANGS RGYA BA'I TSUL YOD DE, DGA' LDAN DU SPRUL PA GCIG BZHAG 'OG MIN DU CHOS SKU MNGON DU MDZAD, SLAR YANG SPRUL PA DE NYID LA ZHUGS NAS 'DZAM BU'I GLING DU MDZAD PA BCU GNYIS KYI TSUL STON PAR 'GYUR BA YIN PA'I PHYIR, DE SKAD DU YANG PHAL PO CHE'I MDO LAS, BYANG CHUB SEMS DPA' DGA' LDAN GYI GNAS NAS 'DUG BZHIN DU CHOS KYI SKU MNGON PAR RDZOGS PAR SANGS RGYA BA'I PHYIR RO, ,ZHES GSUNGS PA'I PHYIR, ` ,GSUM PA RTZOD PA SPONG BA LA, KHA CIG ,RGYAN RTZOM PA PO'I RJE BTZUN BYAMS MGON SANGS RGYAS 'PHAGS PA YIN PAR THAL, RGYUD BLA MA RTZOM PA PO'I RJE BTZUN SANGS RGYAS 'PHAGS PA YIN PA'I PHYIR, DER THAL, RGYUD BLA DAR tI KA LAS, GDUL BYA THUN MONG BA KHA CIG KYANG RJES SU GZUNG BA'I PHYIR DU DE SKAD GSUNGS PA YIN GYI NGES PA'I DON NYID DU BCOM LDAN 'DAS BYAMS PA NYID CHOS KYI SKUR MNGON PAR RDZOGS PAR SANGS RGYAS ZIN PA'I PHYIR RO, ,ZHES GSUNGS PA'I PHYIR ZER NA, SKYON MED DE, DE NI PHA ROL TU PHYIN PA'I GRUB MTHA'I SKABS DANG MA SBYAR BAR SPYIR BSTAN PA TZAM YIN PA'I PHYIR, DE LTA MA YIN NA, RGYUD BLA MA'I CHED DU BYA BA'I GDUL BYA DES RGYAN RTZOM PA PO'I RJE BTZUN BYANG CHUB SEMS DPAR 'DOD PA YIN PAR THAL, GDUL BYA THUN MONG BA KHA CIG KYANG RJES SU GZUNG BA'I PHYIR DU DE SKAD GSUNGS PA YIN GYI ZHES GSUNGS PA GANG ZHIG, RGYUD BLA MA'I CHED DU BYA BA'I GDUL BYA DE GDUL BYA THUN MONG BA YIN PA'I PHYIR, DER THAL, RGYUD BLA MAS BSTAN PA'I LAM GYI RNAM GZHAG DE THUN MONG PA'I LAM GYI RNAM BZHAG YIN PA'I PHYIR, DER THAL, DA PHA ROL TU PHYIN PA'I THEG PA'I @17A *, ,LAM GYI RNAM GZHAG YIN PA'I PHYIR, 'DOD NA, MNGON RTOGS RGYAN GYI CHED DU BYA BA'I GDUL BYAS RGYAN RTZOM PA PO'I RJE BTZUN BYANG CHUB SEMS DPAR 'DOD PAR THAL, 'DOD PA DE'I PHYIR, 'DOD NA, DNGOS SU 'GAL LO, ,GZHAN YANG , RGYUD BLA MAS RANG GI CHED DU BYA BA'I GDUL BYA'I LAM NYAMS LEN GYI RIM BA GTZO BOR MA BSTAN PAR THAL, NGES RANG GI CHED DU BYA BA'I GDUL BYA LA RGYUD BLA MA RTZOM TSUL GCIG GTZO BOR MA BSTAN PA'I PHYIR, MA GRUB NA, DER THAL, RGYUD BLA MA BRTZAM TSUL 'CHAD PA'I TSE, DE LTAR YID CHES LUNG DANG RIGS PA LA, ,ZHES RANG NYID KYI SHES SGRIB DAG PHYIR DU BRTZAMS PAR GSUNGS PA GANG ZHIG RGYUD BLA MA'I CHAD DU BYA BA'I GDUL BYAS RGYUD BLA MA RTZOM PA PO'I RJE BTZUN SHES SGRIB DAG DGOS SU MI 'DOD PA'I PHYIR, MA GRUB NA, DER THAL, RGYUD BLA MA RTZOM PA PO'I RJE BTZUN SANGS RGYAS 'PHAGS PAR 'DOD PA'I PHYIR, 'KHOR GSUM, RTZA BAR 'DOD MI NUS TE, DGONGS 'GREL GYI BSTAN BCOS RNAM DAG YIN PA'I PHYIR, KHA CIG ,RGYAN RTZOM PA PO'I RJE BTZUN BYAMS MGON CHOS CAN, SANGS RGYAS 'PHAGS PA YIN PAR THAL, BCOM LDAN 'DAS YIN PA'I PHYIR, DER THAL, 'GREL PA LAS, BCOM LDAN 'DAS 'PHAGS PA MA RGYAL BA LA RGYAL BA ZHES PA DANG , RNAM BSHAD LAS KYANG, THUB PA'I GSUNG GI GSANG BA THAM CAD ? LA LKOG TU MA GYUR PA'I SPYAN MNGA' PA RGYAL TSAB DAM PA DE NYID MNYES BAR BYAS NA CI 'DOD PA'I DON 'GRUB BO ? SNYAM DU DGONGS NAS SGRUB PA LA ZHUGS PAS ZHAL MNGON SUM DU GZIGS TE, ZHES GSUNGS PA'I PHYIR, YUM MKHYEN GSUM LA DANG BA'I DAD PA, DE LA DON GNYER GYI 'DUN PA, DE LA THOS BSAM GYIS ZHUGS PA'I LAM GYI RIM PA DE RJE BTZUN GYI MNYAM GZHAG SO SO RIG PA'I YE SHES KYIS RTOGS PAR GSUNGS PA'I PHYIR DANG , YUM MKHYEN GSUM LA DANG BA'I DAD PA, DE LA DON GNYER GYI MDUN PA, DE LA THOS BSAM GYIS ZHUGS NAS MTHAR LEGS MCHOG RNAM MKHYEN THOB PAR 'GYUR BA'I LAM GYI RIM PA DE RJE BTZUN GYI THUGS RGYUD LA 'SRUNGS ? NAS RJES 'GRO DNGOS SU BSTAN NAS LDOG PA SHUGS LA 'PHEN PAR GSUNGS PA'I PHYIR, ZER NA, 'O NA, RGYAN RTZOM PA PO'I RJE BTZUN BYAMS MGON CHOS CAN, BCOM LDAN 'DAS MA YIN PAR THAL, BYANG CHUB SEMS ? ? PA YIN PA'I PHYIR, DER THAL, MDO LAS, SKYE BA GCIG GIS THOGS PA'I BYANG CHUB SEMS @17B DPA' BYAMS PA MNGON DU GYUR PA DE LA DRIS SHIG DANG DES 'DI'I LAN LNGON PAR 'GYUR RO, ,ZHES GSUNGS PA'I PHYIR DANG ,RNAM BSHAD SNYING PO RGYAN LAS KYANG, SA BCU'I DBANG PHYUG GI BYANG CHUB SEMS DPA' BCUS STON PA LA DRI BA MI 'DRA BA RE RA MDZAD PA'I DRIS LAN GZHAN RNAMS 'DI'I MTSAN GZHIR 'BREL PA? MED PA'I PHYIR RO, ,ZHES GSUNGS PA'I PHYIR, 'KHOR GSUM, DE LTAR YIN KYANG ,RNAM BSHAD KYI LUNG DANG 'GAL BA'I SKYON MED DE, RNAM BSHAD KYI LUNG DANG PO'I DON NI, PHAR PHYIN THEG PA'I GRUB MTHA'I SKABS DANG MA SBYAR BAR SPYIR BSTAN PA TZAM YIN PA'I PHYIR, GNYIS PA'I DON NI, YUM MKHYEN GSUM LA DANG BA'I DAD PA, DE LA DON GNYER GYI 'DUN PA DE LA THOS BSAM GYIS ZHUGS PA'I LAM GYI RIM PA DE, RJE BTZUN GYI MNYAM ZHAG SO SO RIG PA'I YE SHES KYIS BDEN MED DU RTOGS NAS DAS DRANGS PA'I RJES THOB KYIS NGES PAR GZUNG ZHES PA'I DON YIN PA'I PHYIR, GSUM PA'I DON NI, SKYON MED DE, BYANG SEMS SA BCU PA BA YIN NA, YUM MKHYEN GSUM LA DANG BA'I DAD PA, DE LA DON GNYER GYI 'DUN PA, DE LA THOS BSAM GYIS ZHUGS NAS MTHAR LEGS MCHOG RNAM MKHYEN THOB PAR 'GYUR BA'I LAM GYI RIM PA RGYUD LA SKYES PAS KHYAB PA'I PHYIR, DER THAL, DE YIN NA YUM MKHYEN GSUM LA DANG PA'I DAD PA DE LA DON GNYER GYI 'DUN PA, DE LA THOS BSAM GYIS ZHUGS PAS KYANG KHYAB, MTHAR LEGS MCHOG RNAM MKHYEN THOB 'GYUR YIN PAS KYANG KHYAB PA'I PHYIR, DE LTA MA YIN NA, CHOS THAMS CAD RANG GI MTSAN NYID KYIS GRUB PAS STONG PAR STON PA'I MDO NGES DON GYI MDO YIN PAR THAL, RNAM BSHAD SNYING PO RGYAN [*LINE BREAK?] LAS; CHOS THAMS CAD ? RANG GI MTSAN NYID KYIS GRUB PAS STONG PAR STON PA NGES PA'I DON DANG , ZHES GSUNGS PA'I PHYIR, KHYAB BA KHAS, 'DOD NA CHOS THAM CAD ? RANG GI MTSAN NYID KYI GRUB PAS STONG PA NGES DON YIN PAR THAL, 'DOD PA DE'I PHYIR, 'DOD NA, CHOS THAM CAD ? CHOS CAN, KHYOD RANG GI MTSAN NYID KYIS GRUB PA STONG PA DES DON MA YIN PAR THAL, KHYOD GZHI GRUB PA'I PHYIR, GZHAN YANG, YUM MKHYEN GSUM LA DANG BA'I DAD PA, DE LA DON GNYER GYI 'DUN PA, DE LA THOS BSAM GYIS ZHUGS PA'I LAM GYI RIM PA DE RJE BTZUN GYI MNYAM GZHAG SO SO RIG PA'I YE SHES KYIS RTOGS PA LAS LOGS SU, RJES THOB @18A *, ,KYIS BZUNG BAR BSHAD PA MI RIGS PAR THAL, KHYOD LTAR NA DE 'DRA BA'I LAM GYI RIM PA RJE BTZUN GYI MNYAM GZHAG SO SO RIG PA'I YE SHES KYIS MNGON SUM DU RTOGS PA'I PHYIR, MA GRUB NA, DER THAL, DE KUN MKHYEN YE SHES YIN PA'I PHYIR, 'DOD MI NUS SO, ,GZHAN YANG ,MKHYEN GSUM BCOM LDAN 'DAS YIN PAR THAL, 'GREL PA LAS, BCOM LDAN 'DAS MA LA RAB TU DANG BA NI LEGS PA THAM CAD ? 'THOB PA'I RGYU'I GTZO BO YIN NO ZHES GSUNGS PA'I PHYIR, KHYAB PA KHAS, 'DOD NA, GZHI SHES BCOM LDAN 'DAS YIN PAR THAL, 'DOD PA DA'I PHYIR, 'DOD NA, GZHI SHES CHOS CAN, KHYOD RGYUD LA LDAN PA'I THEG DMAN 'PHAGS PA MED PAR THAL, KHYOD BCOM LDAN 'DAS YIN PA'I PHYIR, 'DOD MI NUS SO, ,KHA CIG ,RGYAN RTZOM PA PO'I RJE BTZUN BYAMS MGON SANGS RGYAS 'PHAGS PA YIN PAR THAL, DE BSKAL BZANG SANGS RGYAS STONG GI NANG CHAN DU GYUR BA'I BYAMS PA MGON PO YIN PA'I PHYIR, DER THAL, BSKAL BZANG SANGS RGYAS STONG GI NANG TSAN DU GYUR PA'I BYAMS PA MGON PO GCIG YOD PA'I PHYIR ZER NA, MA KHYAB, 'O NA, DE CHOS CAN, SANGS RGYAS 'PHAGS PA MA YIN PAR THAL, BYANG CHUB SEMS DPA' YIN PA'I PHYIR, DER THAL, NYE BA'I SRAS BRGYAD KYI NANG TSAN DU GYUR PA'I BYANG CHUB SEMS DPA' BYAMS PA YIN PA'I PHYIR, DER THAL, NYE BA'I SRAS BRGYAD KYI NANG TSAN DU GYUR PA'I BYANG CHUB SEMS DPA' BYAMS PA CIG YOD PA'I PHYIR, 'KHOR GSUM, KHA CIG ,LHA'I BU DAM PA TOG DKAR PO BYANG CHUB SEMS DPA' YIN PAR THAL, RGYAN RTZOM PA PO'I RJE BTZUN BYAMS MGON BYANG CHUB SEMS DPA' GANG ZHIG , DES RGYAN RTZOM PA PO'I RJE BTZUN RANG GI RGYAL TSAB DU DBANG BSKUR BA YIN PA'I PHYIR, ZER NA, MA KHYAB, 'DOD MI NUS TE, MDZAD PA BCU GNYIS PO CHOS KYI SKU LAS MA GYOS PAR STON PA YIN PA'I PHYIR, DER THAL, RGYUD BLA MA LAS, CHOS KYI SKU LAS MA GYOS PAR, ,SPRUL PA'I RANG BZHIN SNA TSOGS KYI, ,ZHES SOGS GSUNGS PA'I PHYIR, KHA CIG, DGA' LDAN GYI RTAN LA GSAR DU 'TSANG RGYA BA YOD PAR THAL, DGA' LDAN GYI RTEN CAN GYI RJE BTZUN BYAMS MGON GSAR DU 'TSANG RGYA DGOS KYI GANG ZAG YIN PA GANG ZHIG ,DE DGA' LDAN NA BZHUGS PA'I MDO ? DE NYID LA MDZAD PA BCU GNYIS KYI TSUL STON PA'I PHYIR, ZER NA, MA KHYAB, 'DOD MI NUS TE, 'DOD PA'I, @18B STEN ? LA GSAR DU 'TSANG RGYA BA MED PA'I PHYIR, DER THAL, LANG DKAR BA, ? SHEGS PA LAS, 'DOD PA KHAMS DANG SRID RTZE NA, ,SANG RGYAS RNAM PAR 'TSAD MI RGYA, ,BZUGS KYI BSAM KYI 'OG MIN DU, ,'DOD CHAGS BRAL ? TE 'TSANG RGYA 'O, ,ZHES GSUNGS PA'I PHYIR, KHA CIG, DGA' LDAN GYI RTEN LA GSAR DU 'TSANG RGYA SA YOD PAR THAL, GSAR DU SANGS RGYAS MA THAG PA'I DGA' LDAN GYI RTEN CAN YOD PA'I PHYIR, DER THAL, RGYAN RTZOM PA PO'I RJE BTZUN DGA' LDAN DU SPRUL PA GCIG BZHAG 'OG MI DU CHOS SKU MNGON DU MDZAD MA THAG PA DE'I TSE, DGA' LDAN GYI SPRUL PA DE GSAR DU SANGS RGYAS MA THAG PA'I DGA' LDAN GYI RTEN CAN YIN PA'I PHYIR, DE DGA' LDAN GYI RTEN ? CAN YIN PAR THAL, DE DGA' LDAN GYI RTEN CAN GYI RNAM PAR BSTAN PA YIN PA'I PHYIR, ZER NA MA KHYAB, 'O NA, BCOM LDAN 'DAS KYI GDUL BYA 'DUL BA'I DON DU RI DWAGS RU RU'I RNAM PAR BSTAN PA'I LUS DE, RI DWAGS ? RU RU'I LUS YIN PAR THAL, DE RI DWAGS ? RU RU'I RNAM PAR BSTAN PA'I LUS YIN PA'I PHYIR, KHYAB PA KHAS, 'DOD NA, DE 'DRA BA'I LUS DE CHOS CAN, DUD 'GRO'I LUS YIN PAR THAL, RI DWAGS RU RU'I LUS YIN PA'I PHYIR, 'DOD MI NUS TE, SPRUL PA'I SKU'I LUS YIN PA'I PHYIR, KHA CIG, RGYAN RTZOM PA PO'I RJE BTZUN BYAMS MGON YIN NA, BYANG CHUB SEMS DPA' YIN DGOS PAR THAL, RGYAN RTZOM PA PO'I RJE BTZUN BYANG CHUB SEMS DPA' YIN PA'I PHYIR, RTAGS KHAS, 'DOD NA, RJE BTZUN BYAMS MGON CHOS CAN, DER THAL, DE'I PHYIR, DER THAL, BSTAN BCOS MNGON RTOGS RGYAN DE RJE BTZUN BYAMS MGON GYIS BRTZOMS PA'I BSTAN BCOS YIN PA'I PHYIR NA MA KHYAB, DER THAL, DBU MA RTZA BA SHES RAB DE MGON PO KLU SGRUB KYI BRTZAMS PA'I BSTAN BCOS YIN PA'I PHYIR, 'DOD MI NUS TE, KHYOD DU GYUR PA'I SANGS RGYAS 'PHAGS PA YOD PA'I PHYIR, ZER NA, 'O NA, DGA' LDAN GYI GNAS NAS YUM SGYU MA LHA MDZES KYI LHUMS SU ZHUGS PA'I MDZAD PA STON PA PO'I GANG ZAG DE, STON PA SH'A KYA THUB PA YIN PAR THAL, DE 'DRU BA'I MDZAD PA DE STON PA SH'A KYA THUB PA'I MDZAD PA YIN PA'I PHYIR, DER THAL, STON PA SH'A KYA THUB PA'I MDZAD PA BCU GNYIS PO THAMS CAD STON PA SH'A KYA THUB PA'I MDZAD PA YIN PA'I PHYIR, 'DOD NA, DE 'DRA BA'I MDZAD PA STON PA PO'I GANG ZAG YIN NA, STON PA SHA' KYA THUB PA YIN DGOS PAR @19A *, ,THAL, DE 'DRA BA'I MDZAD PA STON PA PO'I GANG ZAG DE STON PA SH'A KYA THUB PA YIN PA'I PHYIR, KHYAB PA KHAS, 'DOD NA, DGA' LDAN GYI GNAS NAS YUM SGYU MA LHA MDZES KYI LHUMS SU ZHUGS PA'I MDZAD PA STON PA PO'I LHA'I BU DAM PA TOG DKAR PO CHOS CAN, DER THAL, DE'I PHYIR, DER THAL, DE YOD PA'I PHYIR, 'DOD NA, MCHOG GI SPRUL SKU YIN PAR THAL, 'DOD PA DE'I PHYIR, 'DOD NA, DGE SLONG YIN PAR THAL, 'DOD PA DE'I PHYIR, 'DOD NA MI 'THAD DE, LHA YIN PA'I PHYIR, 'KHOR GSUM, KHA CIG ,KUN DGA' BO RGYUN ZHUGS MA YIN PAR THAL, KUN DGA' BO RGYUR PA'I RGYUN ZHUGS PA ? YANG YOD, KUN DGA' BOR GYUR PA'I DGRA BCOM PA YANG YOD PA'I PHYIR, KHYAB PA KHAS, PHYI MA DER THAL, BCOM LDAN 'DAS KYI BKA' BSDU BA PO'I KUN DGA' BO YOD PA'I PHYIR, 'DOD NA, DE RGYUN ZHUGS YIN PAR THAL, MDO LAS, SLOB PA RGYUN DU ZHUGS PA NI KUN DGA' BO LTA BU'O, ,ZHES GSUNGS PA'I PHYIR, ZER NA MA KHYAB, KHA GCIG, ? TSE GCIG LUS GCIG LA 'TSANG RGYA BA'I SO SO SKYE BO YOD PA THAL, SNGAGS KYI THEG PA YOD PA'I PHYIR, ZER NA, MA KHYAB, 'DOD MI NUS TE, THEG CHEN GYI RIGS CAN DBANG PO RNON PO RNAMS KYIS 'TSANG RGYA BA LA BSKAL PA GRANGS MED GSUM DU TSOGS GSOG PAR BYED PA'I PHYIR, ZER NA, 'O NA, NYAN THOS DGRA BCOM PA'I GO 'PHANG THOB NAS THEG CHEN LAM DU MI 'JUG PA'I NYAN THOS MTHONG LAM PA YOD PAR THAL, ZHI BSROD PA GCIG PU PA'I NYAN THOS MTHONG LAM PA YOD PA'I PHYIR, KHYAB PA KHAS, MA GRUB NA, DER THAL, RNAM BSHAD SNYING PO RGYAN LAS, 'DI'I RTZOD BZHI'I GTZO BO NI ZHI BA 'GROD PA GCIG PU PA'I NYAN THOS MTHONG LAM PA YIN LA, ZHES GSUNGS PA'I PHYIR, 'DOD MI NUS TE, SEMS CAN YIN NA 'TSANG RGYA PAS KHYAB PA'I PHYIR, MA KHYAB NA, 'KHOR GSUM BYED DO, ,GZHAN YANG, SNGAGS KYI THEG PA YOD PAR THAL, SNGAGS KYI RGYUD YOD PA'I PHYIR, DER THAL, RNAM 'GREL LAS, GANG YANG RGYUD RIGS 'GA' ZHIG GI, GSANG SNGAGS 'GA' ZHIG BYED GYUR PA, ,DE DAG GIS TE GTZO BO'I MTHUS, DE BSHAD RIGS PA 'JUG PHYIR RO, ,ZHES GSUNGS PA'I PHYIR, GZHAN YANG , SNGAGS KYI THEG PA YOD PAR THAL, BYANG CHUB LAM, ? RIM LAS, THUN MONG PA PHA ROL TU PHYIN @19B PA'I THEG PA LA SLOB TSUL DANG , THUN MONG MA YIN PA SNGAGS KYI THEG PA LA SLOB PA'I TSUL LO ZHES PA DANG , 'GREL PA DON GSAL LAS KYANG PHYOGS GZHAN DANG YANG MI 'GAL BAR 'GYUR RO, ,ZHES GSUNGS PA'I PHYIR, KHA CIG, SANGS RGYAS 'PHAGS PA'I RGYUD LA RANG DON DON GNYER GYI BLO MED PAR THAL, SANGS RGYAS 'PHAGS PA RANG DON YONGS SU RDZOGS PA'I GANG ZAG YIN PA'I PHYIR, ZER NA, MA KHYAB, 'O NA, MCHOG GI SPRUL PA'I SKU'I RGYUD LA, GZHAN DON DON GNYER GYI BLO MED PAR THAL, DE GZHAN DON YONGS SU RDZOGS PA'I GANG ZAG YIN PA'I PHYIR, DER THAL, MCHOG GI SPRUL PA'I SKU YIN PA'I PHYIR, KHYAB STE, LONGS SPYOD RDZOGS PA'I SKU YIN NA, GZHAN DON YONGS SU RDZOGS PAR BYED BZHIN PA YIN DGOS PA'I PHYIR,,` ,,NYAN THOS ZHI BA TSOL RNAMS ZHES SOGS KYI SKABS SU, MKHYEN GSUM CHOS CAN, KHYOD BYED LAS KHYAD PAR CAN DANG LDAN TE, RANG SRAS 'PHAGS PA'I BZHED DON SGRUB PA'I BYED LAS DANG LDAN PA'I PHYIR, 'DE'I SKABS SU MTHA' DPYAD ? PA LA GSUM LAS, DANG PO LA, KHA CIG , MCHOD BRJOD KYI SKABS SU BSTAN BCOS LUS KYI GO RIM DANG MI MTHUN PAR DANG POR GZHI SHES, DE RJES LAM SHES, DE NAS RNAM MKHYEN LA BSTOD PA DE MDO'I GLENG GZHI'I GO RIM DANG MTHUN PAR BSTOD PA YIN ZER NA, 'O NA, MDO'I GLENG GZHI DANG MCHOD BRJOD GNYIS RTZA 'GREL YIN PAR THAL, KHYED KYI DAM BCA' 'THAD PA'I PHYIR, 'DOD MI NUS TE, MCHOD BRJOD DANG MDO'I GLENG GZHI RTZA 'GREL DU SBYAR BA'I 'GREL BA SLOON 'PHAGS GSENG GANG GIS KYANG MA MDZAD PA'I PHYIR DANG , KHYAD PAR SLOB DPON GYI 'GREL CHEN DU DGOS 'BREL GYI SKABS SU GLENG GZHI'I BSHAD PA ZUR DU MDZAD PA YIN PA'I PHYIR, KHA CIG, 'DIR BSTAN BCOS LUS KYI GO RIM DANG MI MTHUN PAR DANG POR GZHI SHES, DE NAS LAM SHES, DE NAS RNAM MKHYEN LA BSTOD PA'I GO RIM DE MNGON RTOGS RGYAN GYI CHED DU BYA BA'I GDUL BYA THEG PA GSUM GYI LAM LA RIM GYIS 'JUG PA'I GO RIM DANG MTHUN PAR BSTOD PA YIN ZER NA, 'O NA, MNGON RTOGS RGYAN GYI CHED DU BYA BA'I GDUL BYA NYAN THOS KYI LAM DU 'JUG PA YOD PAR THAL, KHYOD KYI DAM BCA' 'THAD PA'I PHYIR, 'DOD NA, MNGON RTOGS RGYAN GYI CHED DU BYA BA'I GDUL BYA NYAN THOS KYI RIGS CAN YOD PAR THAL, 'DOD PA DE'I PHYIR, 'DOD NA, @20A *, ,MNGON RTOGS RGYAN THEG PA THUN MONG BA'I BSTAN BCOS YIN PAR THAL, 'DOD PA'I PHYIR, 'DOD MI NUS TE ,DE THEG CHEN THUN MONG MA YIN PA'I BSTAN BCOS YIN PA'I PHYIR, DER THAL, RGYAS 'BRID BSDUS GSUM THEG CHEN THUN MONG MA YIN PA'I MDO YIN PA'I PHYIR, KHA CIG , DE LTAR BSTOD PA DE MNGON RTOG RGYAN GYI GDUL BYA THEG PA GSUM GYI LAM LA RIM GYIS 'JUG PA'I GO RIMS DANG MTHUN PAR BSTOD PA YIN ZER NA, DE MI 'THAD PAR THAL, MNGON RTOGS RGYAN GYI GDUL BYA NYAN THOS KYI LAM DU 'JUG PA YOD DU CHU KA KYANG , MNGON RTOGS RGYAN RTZOM PA'I THOG MA NYID NAS GDUL BYA PHAL PA'I LAM NYAMS LEN GYI RIM PA BSTAN BYA'I GTZO BOR BYAS NAS BSTAN PA LA DGOS PA KHYAD PAR CAN MED PA'I PHYIR, KHA CIG , MNGON RTOGS RGYAN GYIS GDUL BYA PHAL PA'I LAM NYAMS LAN GYI RIM PA BSTAN BYA'I GTZO BOR BYAS NAS MA BSTAN ZER NA, DE BSTAN PAR THAL, DES RIGS CAN GSUM GYI MNGON PAR RTOGS PA'I NGO BO DES PA, GRANGS NGES PA, GO RIM NGES PA BSTAN BYA'I GTZO BOR BYAS NAS BSTAN PA'I PHYIR, DER THAL, RNAM BSHAD LAS, GTAN LA DBAB BYA'I GTZO BO NI RIGS CAN GSUM GYI MNGON PAR RTOGS PA'I RIM PA NGO BO NGES PA, GRANGS NGES PA, GO RIM NGES PA GSUM GYI SGO NAS JI LTAR NYAMS SU LEN PA'I TSUL MDO RGYAS 'BRING BSDUS GSUM GYI SBAS DON KHONG NA GNAS PA GSAL PAR STON PAR BYED DO, ,ZHES GSUNGS PA'I PHYIR, KHA CIG , DE LTAR BSTOD PA DE, MNGON RTOGS RGYAN GYI CHED DU BYA BA'I GDUL BYAS, 'BRAS BU RNAM MKHYEN THOB PA LA LAM SHES RANG RGYUD WA SKYED PA SNGON DU 'GRO DGOS LAM SHES RANG RGYUD LA SKYED PA LA, GZHI SHES RANG RGYUD LA SKYE BA SNGON DU 'GRO DGOS PAS, DE'I GO RIM DANG MTHUN PAR BSTOD PA YIN ZER NA, 'O NA, MNGON RTOGS RGYAN GYI CHED DU BYA BA'I GDUL BYA DANG RGYUD GCIG TU GYUR BA'I THEG CHEN MTHONG LAM BAR CHAD MED LAM PA DE GZHI SHES RANG RGYUD LA SKYE MYONG GI GANG ZAG YIN PAR THAL, DE LAM SHES RA RGYUD LA SKYE MYONG GI GANG ZAG YIN PA GANG ZHIG, KHYOD KYI DAM BCA' 'THAD PA'I PHYIR, DANG PO DER THAL, DE THEG CHEN 'PHAGS PA YIN PA'I PHYIR, 'DOD MI NUS TE, DES THEG CHEN GYI MTHONG LAM THOB PA DANG , 'PHAGS LAM THOB PA DUS MNYAM PA'I PHYIR, KHA CIG, SKABS 'DIR @20B DNGOS SU BSTAN PA'I MCHOD BRJOD YUL DU GYUR BA'I YUM YIN NA, MKHYEN GSUM GANG RUNG YIN PAS KHYAB PA DE, SKABS 'DIR DNGOS SU BSTAN PA'I MCHOD BRJOD YUL DU GYUR BA'I YUM LA MKHYEN PA GSUM DU GRANGS NGES PA'I DON YIN ZER NA, 'O NA, MKHYEN GSUM CHOS CAN, MKHYEN PA GSUM GANG RUNG YIN PAR THAL, SKABS 'DIR DNGOS SU BSTAN PA'I MCHOD BRJOD YUL DU GYUR PA'I YUM YIN PA'I PHYIR, DE DER THAL, GZHI SHES DE LTAR YIN PA NAS BZUNG STE, RNAM MKHYEN DE LTAR YIN PA'I PHYIR, RTZA BAR 'DOD NA, DE CHOS CAN, GZHI SHES YIN PAR THAL, MKHYEN GSUM GANG RUNG YIN, LAM SHES KYANG MA YIN, RNAM MKHYEN YANG MA YIN PA'I PHYIR, 'DOD NA, LAM SHES GZHI SHES YIN PAR THAL, 'DOD PA DE'I PHYIR, 'DOD NA, LAM SHES CHOS CAN, KHYOD THEG DMAN GYI RTOGS RIGS SU GNAS PAR THAL, KHYOD LAM SHES SU GYUR PA'I GZHI SHES YIN PA'I PHYIR, 'DOD MI NUS TE, THEG CHEN MTHONG LAM BAR CHAD MED LAM DE YANG KHYOD YIN, BYANG SEMS MTHONG LAM PA'I RGYUD KYI THEG CHEN SEMS BSKYED DE YANG KHYOD YIN PA'I PHYIR, RTZA BA'I RTAGS GNYIS PA MA GRUB NA, GZHI SHES LAM SHES YIN PAR THAL, MA GRUB PA DE'I PHYIR, 'DOD NA, GZHI SHES CHOS CAN, KHYOD RGYUD LA LDAN PA'I THEG DMAN 'PHAGS PA MED PAR THAL, KHYOD LAM SHES YIN PA'I PHYIR, RTAGS KHAS, KHA CIG, MNGON RTOGS RGYAN GYI MCHOD BRJOD YUL DU DMIGS PA'I RNAM DKAR GYI YON TAN, MNGON RTOGS RGYAN GYI MCHOD BRJOD YUL DU GYUR BA'I YUM GYI MTSAN NYID ZAR NA, YUM RGYAS 'BRING BSDUS GSUM CHOS CAN, MTSON BYA DER THAL, MTSAN NYID DE'I PHYIR, DER THAL, DE MNGON RTOGS RGYAN GYI MCHOD BRJOD YUL DU DMIGS PA GANG ZHIG, RNAM DKAR GYI YON TAN YIN PA'I PHYIR, DANG PO DER THAL, MNGON RTOGS RGYAN GYI GZHUNG SHER PHYIR LA BSTONG PHYAG MDZAD PA'I PHYIR, DER THAL, NYI KHRI SNANG BA LAS, SHES RAB KYI PHA ROL TU PHYIN PA LA PHYAG 'TSAL LO ZHES BYA BA'O, SHES RAB KYI PHA ROL TU PHYIN PA DE YANG GANG ZHE NA, BSHAD PA, SHES RAB KYI PHA ROL TU PHYIN PA NI ZHES SONGS GSUNGS PA'I PHYIR, GZHAN YANG , DE RNAM DKAR GYI YON TAN YIN PAR THAL, YE SHES CHOS SKU'I 'PHRIN LAS YIN PA'I PHYIR, DER THAL, DE SANGS RGYAS KYI GSUNG GI MDZAD PA YIN PA'I PHYIR, @21A *, ,'DOD NA, DE CHOS CAN, MKHYEN PA YIN PAR THAL, 'DOD PA'I PHYIR, 'DOD MI NUS TE, RJOD BYED KYI SGRA YIN PA'I PHYIR, KHA CIG ,RANG SAS 'PHAGS PA'I BZHED DON SGRUB NUS KYI 'PHAGS RGYUD KYI MKHYEN PA, MNGON RTOGS RGYAN GYI MCHOD BRJOD YUL DU GYUR PA'I YUM GYI MTSAN NYID ZER NA, 'O NA, DMAN LAM SNGON DU MA SONG PA'I THEG CHEN GYI TSOGS LAM CHOS CAN, MTSAN NYID DER THAL, MTSON BYA DE'I PHYIR, DER THAL, MNGON RTOGS RGYAN GYIS RNAM RDZOGS SBYOR BA LA BSTONG PHYAG MDZAD PA'I PHYIR, ,DES DON MNGON PAR RTOGS PA BRGYAD KA LA BSTOD PHYAG MDZAD PA'I PHYIR, DER THAL, 'GREL PA LAS, DE LA THAMS CAD MKHYEN PA NYID GSUM GYIS NGON BRGYAD BSDUS LA ZHES SOGS GSUNGS PA'I PHYIR, 'DOD NA, MI 'THAD DE, SO SKYE'I MNGON RTOGS YIN PA'I PHYIR, KHA CIG ,RANG SRAS 'PHAGS PA'I BZHED DON SGRUB NUS KYI 'PHAGS RGYUD KYI MKHYEN PA, SKABS 'DIR DNGOS SU BSTAN PA'I MCHOD BRJOD YUL DU GYUR PA'I YUM GYI MTSAN NYID ZER NA 'O NA, RANG RGYAL GYI MTHONG LAM CHOS CAN, MTSON BYA DER THAL, MTSAN NYID DE'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, 'DOD NA, NYAN THOS ZHI B'A TSOL RNAMS ZHES SOGS KYIS RANG RGYAL GYI MTHONG LAM DNGOS SU BSTAN PAR THAL, 'DOD PA DE'I PHYIR, 'DOD NA, MI 'THAD DA, DES NYAN THOS KYI MTHONG LAM DNGOS SU BSTAN NAS RANG RGYAL GYI MTHONG LAM SHUGS LA SLAN NAS BSTAN PA'I PHYIR, DER THAL, 'GREL PA LAS, NYAN THOS DANG DE'I PHYOGS SU BSLAN ? PA ZHES SOGS GSUNGS PA'I PHYIR, KHA CIG ,RANG SRAS 'PHAGS PA'I BZHED DON SGRUB NUS KYI 'PHAGS RGYUD KYI MKHYEN PA GANG ZHIG ,RANG RGYAL GYI MNGON RTOGS MA YIN PA DE SKABS 'DIR DNGOS SU BSTAN PA'I MCHOD BRJOD YUL DU GYUR PA'I YUM GYI MCHEN NYID ZER NA, MED DGAG MTHA' BZUNG GIS ? MA NGES SO, ,KHA CIG ,DE 'DRA BA'I GZHI MTHUN PA DE, DE'I MTSAN NYID ZER NA, RNAM RDZOGS SBYOR BAR GYUR BA'I 'PHAGS RGYUD KYI MKHYEN PA CHOS CAN, ,MTSON BYA DER THAL, MTSAN NYID DE'I PHYIR, ,'DOD NA, NYAN THOS ZHI B'A TSOL RNAMS ZHES SOGS KYIS DE LA DNGOS SU BSTOD PHYAG MDZAD BAR THAL, 'DOD PA'I PHYIR, 'DOD NA, DES DON MNGON PAR RTOGS PA BRGYAD KA LA DNGOS SU BSTONG PHYAG MDZAD PAR THAL, 'DOD PA'I PHYIR, 'DOD MI NUS TE, DE LA THAMS CAD MKHYEN PA @21B NYID GSUM GYIS DON BRGYAD BSDUS LA ZHES SOGS KYIS RTZOD LAN 'BREL PA DANG BCAS PA'I PHYIR, KHA CIG ,YUM YIN NA 'BRAS YUM YIN PAS KHYAB ZER NA, SRAS 'PHAGS PA YEN NA, SANGS RGYAS 'PHAGS PA YIN DGOS PAR THAL, DAM BCA' 'THAD PA'I PHYIR, 'DOD NA, BYANG SEMS MTHONG LAM PA CHOS CAN, DER THAL, DE'I PHYIR, DER THAL, BYANG SEMS 'PHAGS PA YIN PA'I PHYIR, ,'DOD MI NUS SO, ,KHA CIG ,TSIG RKANG DANG PO'I SKABS NAS DNGOS SU BSTAN PA'I GZHI SHES YIN NA MI MTHUN PHYOGS KYI GZHI SHES YIN PAS KHYAB, ,TSIG RKANG GNYIS PA'I SKABS NAS BSTAN PA'I LAM SHES YIN NA RGYU LAM SHES YIN PAS KHYAB ZER NA, TSIG RKANG DANG PO'I SKABS NAS DNGOS SU BSTAN PA'I GZHI SHES CHOS CAN, KHYOD DON MNGON PAR RTOGS PA BRGYAD SDUD BYED KYI MKHYEN PA GSUM DU PHYE PA'I YA GYAL DU GYUR PA'I GZHI SHES YIN PAR THAL, TSIG RKANG DANG PO'I SKABS NAS DNGOS SU BSTAN PA'I GZHI SHES YIN PA'I PHYIR, DER THAL, DE YOD PA'I PHYIR, 'DOD NA, GANG ZAG GI BDAG MED RTOGS PA'I THEG CHEN GYI MTHONG LAM DE KHYOD KYI NYAMS LEN YIN PAR THAL KHYOD DON MNGON PAR RTOGS PA BRGYAD SDUD BYED KYI MKHYEN PA GSUM DU PHYE BA'I YA GYAL DU GYUR PA'I GZHI SHES YIN PA'I PHYIR, DER THAL, TSIG RKANG DANG PO'I SKABS NAS DNGOS SU BSTAN PA'I GZHI SHES YIN PA'I PHYIR, 'KHOR GSUM, GZHAN YANG, LAM SHES CHOS CAN, RGYU LAM SHES YIN PAR THAL, TSIG RKANG GNYIS PA'I SKABS NAS DNGOS SU BSTAN PA'I LAM SHES YIN PA'I PHYIR, DER THAL, RNAM MKHYEN DE TSIG RKANG GSUM PA'I SKABS NAS DNGOS SU BSTAN PA'I RNAM MKHYEN YIN PA'I PHYIR, 'DOD NA, LAM SHES CHOS CAN, KHYOD RGYUD LA LDAN PA'I SANGS RGYAS 'PHAGS PA MED PAR THAL, KHYOD RGYU LAM SHES YIN PA'I PHYIR, 'DOD MI NUS SO, KHA CIG ,MKHYEN PA GSUM DANG, 'PHAGS PA BZHI PO DE YUM SRAS SU 'JOG ZER NA, ,GZHI SHES DANG NYAN RANG 'PHAGS PA YUM SRAS YIN PAR THAL, DAM BCA' 'THAD PA'I PHYIR, 'DOD NA, @022A *, ,GZHI SHES NYAN THOS 'PHAGS PA'I YUM YIN PAR THAL, 'DOD PA'I PHYIR, 'DOD NA, GZHI SHES NYAN THOS 'PHAGS PA'I RGYU YIN PAR THAL, 'DOD PA'I PHYIR, KHYAB STE, RNAM BSHAD LAS, YUM DANG SRAS GNYIS BSKYED BYA SKYED BYED DU SHES PAR BYA'O, ,ZHES DANG, 'GREL PA LAS, BSKRUN PAR MDZAD PA, ZHES GSUNG, 'DOD NA, NYAN THOS SBYOR LAM CHOS MCHOG SKAD CIG THA MA PA DES NYAN THOS 'PHAGS PA'I GO 'PHANG THO BA PA LA, GZHI SHES RANG RGYUD LA BSKYED PA SNGON DU 'GRO DGOS PAR THAL, 'DOD PA'I PHYIR, 'DOD MI NUS TE, DES NYAN THOS 'PHAGS PA'I GO 'PHANG THOB PA DANG GZHI SHES THOB PA DUS MNYAM PA'I PHYIR, KHA CIG ,'DIR BSHAD PA'I YUM SRAS KYI DON DE RNAM PAR BZHAG 'JOG GI YUM SRAS LA BYED PA YIN ZER NA, RNAM MKHYEN CHOS CAN SANGS RGYAS 'PHAGS PA'I YUM YIN PAR THAL ,SANGS RGYAS 'PHAGS PA'I RNAM PAR BZHAG 'JOG GI YUM YIN PA'I PHYIR, DER THAL, SANGS RGYAS 'PHAGS PA DE RNAM MKHYEN RGYUD LA LDAN PA'I SGO NAS SANGS RGYAS 'PHAGS PAR BZHAG PA YIN PA'I PHYIR, 'DOD MI NUS TE, DE GNYIS DUS MNYAM YIN PA'I PHYIR, KHA CIG ,BSKYED BYA SKYED BYED YUM SRAS KYI DON YIN ZER NA, BSKYED BYA BSKYED BYED YIN NA, YUM SRAS YIN PAS KHYAB PAR THAL, DAM BCA' 'THAD PA'I PHYIR, 'DOD NA, MED DANG DU BA GNYIS CHOS CAN, ,YUM SRAS YIN PAR THAL, BSKYED BYA SKYED BYED YIN PA'I PHYIR, DER THAL, DE GNYIS RGYU 'BRAS YIN PA'I PHYIR, KHA CIG ,YUM SRAS KYI DON BSKYED BYA SKYED BYED YIN, ZER NA, YUM SRAS KYI DON LDOG BSKYED BYA SKYED BYED YIN PAR THAL, DAM BCA' 'THAD PA'I PHYIR, DOD NA, YUM SRAS KYI MTSAN NYID BSKYED BYA SKYED BYED YIN PAR THAL, 'DOD PA'I PHYIR, 'DOD NA, YUM SRAS CHOS CAN, KHYOD KYI MTSAN NYID BSKYED BYA SKYED BYED MA YIN PAR THAL, KHYOD GANG ZAG GI BDAG MED YIN PA'I PHYIR, KHA CIG ,MKHYEN PA GSUM PO GANG YANG RUNG BA SNGA MA SNGA MAS 'PHAGS @22B PA BZHI PO GANG YANG RUNG BA PHYI MA PHYI MA BSKYED PA DE YUM SRAS KYI DON YIN ZER NA, MKHYEN PA GSUM PO GANG YANG RUNG BA SNGA MA SNGA MAS 'PHAGS PA BZHI PO GANG YANG RUNG BA PHYI MA PHYI MA BSKYED DAM, MI BSKYED, DANG PO LTAR NA RTAG DNGOS GNYIS CHOS CAN, YUM SRAS YIN PAR THAL, MKHYEN PA GSUM PO GANG YANG RUNG BA SNGA MA SNGA MAS 'PHAGS PA BZHI PO GANG YANG RUNG BA PHYI MA PHYI MA BSKYED PA YIN PA'I PHYIR, 'KHOR GSUM, PHYI MA LTAR NA, DE BSKYED PAR THAL, DE LTAR BSKYED PA YUM SRAS KYI DON YIN PA'I PHYIR,, ` ,, GNYIS PA RANG LUGS LA, MCHOD BRJOD KYI SKABS 'DIR BSTAN BCOS LUS KYI GO RIM DANG MI MTHUN PAR DANG POR GZHI SHES, DE RJES LAM SHES, DE RJES RNAM MKHYEN PA BSTOD PA DE MNGON RTOGS RGYAN GYI CHED DU BYA BA'I GDUL BYA'I LAM NYAMS LEN GYI RIM PA DANG MTHUN PAR BSTOD PA YIN TE, MNGON RTOGS RGYAN GYI CHED DU BYA BA'I GDUL BYAS DANG POR SKYES BU 'BRING DANG THUN MONG BA'I BSAM PAS RGYUD SBYANGS, MI RTAG LA SOGS BCU DRUG BSGOM PA LA BRTEN NAS BZHI SHES KYI RNAM PA NYAMS SU BLANGS, DE RJES BYANG CHUB MCHOG TU SEMS BSKYED LAM SHES KYI RNAM PA NYAMS SU BLANGS PA LA BRTEN NAS 'BRAS BU RNAM MKHYEN THOB PAR 'GYUR BA'I RIM PA DANG MTHUN PAR BSTOD PA'I PHYIR, RANG SRAS 'PHAGS PA'I BZHED DON SGRUB NUS KYI MKHYEN PA MCHOD BRJOD YUL DU GYUR, PA'I YUM GYI MTSAN NYID, YUM MKHYEN PA MNGON RTOGS LAM RNAMS DON GCIG, RANG SRAS 'PHAGS PA'I BZHED DON SGRUB NUS KYI MKHYEN PA GANG ZHIG, MNGON RTOGS RGYAN GYI MCHOD BRJOD YUL DU SMOS PA, MNGON RTOGS RGYAN GYI MCHOD BRJOD YUL DU GYUR PA'I YUM GYI MTSAN NYID, RANG SRAS 'PHAGS PA'I BZHED DON SGRUB NUS KYI 'PHAGS RGYUD KYI MKHYEN PA GANG ZHIG ,MNGON RTOGS RGYAN GYI MCHOD BRJOD YUL DU DNGOS SU SMOS PA DE SKABS 'DIR DNGOS SU BSTAN PA'I MCHOD BRJOD YUL DU GYUR BA'I YUM GYI MTSAN, , @23A *, ,NYID, GZHI SHES SNGA MA DANG, NYAN RANG 'PHAGS PA PHYI MA YUM SRAS YIN PA'I DON YANG YOD DE, GZHI SHES SNGA MAS NYAN RANG 'PHAGS PA PHYI MA SKYED PA DE, DE GNYIS YUM SRAS YIN PA'I DON YIN PA'I PHYIR, SKABS 'DIR DNGOS SU BSTAN PA'I MCHOD BRJOD YUL DU GYUR BA'I YUM MKHYEN PA GSUM GYI KHYAD PAR YOD DE, GDUL BYA NYAN RANG GI RIGS CAN RNAMS KYIS NYAN RANG GI BYANG CHUB THOB PA LA SGOM BYA'I GTZO BOR BYAS NAS SGOM DGOS SHING, GNAS SKABS BYANG CHUB SEMS DPAS KYANG GDUL, BYA NYAN RANG GI RIGS CAN RJES SU 'DZIN PA'I PHYIR DU RANG RGYUD LA BSKYED NAS BSGOM DGOD PA'I GZHI SHES, TSIG RKANG DANG PO'I SKABS NAS DNGOS SU BSTAN PA'I GZHI SHES DANG, LAM SHES DE TSIG RKANG GNYIS PA'I SKABS NAS DNGOS SU BSTAN PA'I LAM SHES SOGS SU 'JOG PA'I PHYIR,, ` ,,GSUM PA RTZOD PA SPONG BA LA, KHA CIG ,RGYUN MTHA'I BAR CHAD MED LAM DE RNAM MKHYEN SKAD CIG DANG PO LA GNAS PA'I SANGS RGYAS 'PHAGS PA'I YUM YIN PAR THAL, DE'I YUM YOD PA GANG ZHIG, RNAM MKHYEN SKAD CIG DANG PO DE'I YUM MA YIN PA'I PHYIR, PHYI MA DER THAL, DE GNYIS DUS MNYAM YIN PA'I PHYIR, 'DOD NA, DE CHOS CAN, MTHAR THUG GI YUM YIN PAR THAL, RNAM MKHYEN SKAD CIG DANG PO LA GNAS PA'I SANGS RGYAS 'PHAGS PA'I YUM YIN PA'I PHYIR, ZER NA, MA KHYAB, 'O NA, YUM RGYAS 'BRING BSDUS GSUM CHOS CAN, MTHAR THUG GI YON TAN YIN PAR THAL, YE SHES CHOS SKU'I YON TAN YIN PA'I PHYIR, 'DOD MI NUS TE, KHYOD RGYUD LA LDAN PA'I SEMS CAN YOD PA'I PHYIR, KHA CIG, ,NYAN THOS GYI TSOGS LAM CHOS CAN, RANG SRAS 'PHAGS PA'I BZHED DON SGRUB NUS KYI MKHYEN PA YIN PAR THAL, MCHOD BRJOD YUL DU GYUR PA'I YUM YIN PA'I PHYIR, 'DOD NA, NYAN THOS KYI TSOGS LAM LA GNAS PA'I 'PHAGS PA YOD PAR THAL, ,'DOD @23B PA'I PHYIR, ZER NA MA KHYAB, KHA CIG ,RNAM MKHYEN CHOS CAN, SANGS RGYAS 'PHAGS PA'I YUM YIN PAR THAL, SANGS RGYAS 'PHAGS PA'I BZHED DON SGRUB PA'I YUM YIN PA'I PHYIR, ZER NA MA KHYAB, 'DOD MI NUS TE, DE DANG DUS MNYAM YIN PA'I PHYIR, ZER NA, DE CHOS CAN, SANGS RGYAS 'PHAGS PA'I RGYU YIN PAR THAL, SANGS RGYAS 'PHAGS PA'I BZHED DON SGRUB PA'I RGYU YIN PA'I PHYIR, KHYAB PA KHAS 'DOD MI NUS SO, ,KHA CIG ,SANGS RGYAS 'PHAGS PA'I BZHED DON SGRUB PA'I YUM YIN NA, SANGS RGYAS 'PHAGS PA'I YUM YIN DGOS PAR THAL, SANGS RGYAS 'PHAGS PA'I YUM DE LA, DE'I BZHED DON SGRUB PA'I YUM DANG, SKYED BYED KYI YUM GNYIS KYI DBYE PA 'THAD PA'I PHYIR, DER THAL, SPYIR YUM DE LA DE GNYIS KYI DBYE BA 'THAD PA'I PHYIR, ZER NA MA KHYAB, DER THAL, BZHED DON SGRUB PA'I YUM YIN NA YUM YIN DGOS PA'I PHYIR ZER NA, SANGS RGYAS 'PHAGS PA'I BZHED DON SGRUB PA'I RGYU YIN NA, SANGS RGYAS 'PHAGS PA'I RGYU YIN DGOS PAR THAL, DE'I RGYU LA DBYE NA DE'I BZHED DON SGRUB PA'I RGYU DANG DE'I SKYED BYED KYI RGYU GNYIS KYI DBYE BA 'THAD PA'I PHYIR, 'KHOR GSUM, 'DOD MI NUS SO, ,KHA CIG ,YUM BAR MA CHOS CAN, MKHYEN PA YIN PAR THAL, YUM YIN PA'I PHYIR, DER THAL, YUM YIN PA'I PHYIR, DER THAL, YU BAR MA YIN PA'I PHYIR, ZER NA MA KHYAB, 'O NA, YUM BAR MA CHOS CAN, MKHYEN PA YIN PAR THAL SHER PHYIRN YIN PA'I PHYIR, DER THAL GZHUNG SHER PHYIN YIN PA'I PHYIR, 'KHOR GSUM, KHA CIG ,YUM SGYU MA LHA MDZES CHOS CAN, MKHYEN PA YIN PAR THAL, YUM YIN PA'I PHYIR, DER THAL, RANG SRAS STON PA SH'A KYA THUB PA'I YUM YIN PA'I PHYIR, ZER NA MA KHYAB, MA GRUB NA, DER THAL, RGYAL PO ZAS GTZANG MA DE'I YANG YIN PA'I PHYIR, ZER NA, SRAS SGRAG CAN 'DZIN CHOS CAN, RGYAL SRES YIN PAR THAL, RGYAL BA SH'A KYA THUB PA'I SRAS YIN PA'I PHYIR, KHYAB PA KHAS, 'DOD NA, BYANG CHUB SEMS DPA' YIN PAR THAL, 'DOD PA'I PHYIR, 'DOD MI NUS TE, NYAN THOS DGRA BCOM PA YIN PA'I PHYIR, @24A *, ,KHA CIG ,SANGS RGYAS 'PHAGS PA'I RGYUR GYUR PA'I BYANG SEMS 'PHAGS PA CHOS CAN, RGYAL BA'I 'BRAS BU YIN PAR THAL, RGYAL BA'I SRAS YIN PA'I PHYIR, KHYAB PA YOD DE, MKHYEN GSUM GANG RUNG GI SRAS YIN NA, MKHYEN GSUM, GANG RUNG GI 'BRAS BU YIN DGOS PA'I PHYIR, RTZA BA'I RTAGS DAR THAL, RGYAL SRAS YIN PA'I PHYIR, ZER NA MA KHYAB, 'DOD MI NUS TE, DE'I RGYU YIN PA'I PHYIR, ZER NA, RTZOL PA'I RGYUR GYUR BA'I RTZOL BYUNG GI DUNG SGRA CHOS CAN, RTZOL BA'I 'BRAS BU YIN PAR THAL, RTZOL BYUNG YIN PA'I PHYIR, KHYAB PA KHAS, 'DOD MI NUS TE, DE'I RGYA YIN PA'I PHYIR, KHA CIG ,SANGS RGYAS 'PHAGS PA'I BZHED DON SGRUB PA'I YUM YIN NA, SANGS RGYAS 'PHAGS PA'I YUM YIN DGOS PAR THAL, LEGS BSHAD GSER PHRENG LAS, 'PHAGS PA'I YUM LA SKYED BYED KYI YUM DANG, BZHED DON SGRUB PA'I YUM GNYIS KYI DBYE BA ZHES GSUNGS PA'I PHYIR ZER NA, SKYON MED DE, DE NI DNGOS BTAGS MA PHYE PAR DPYE BA TZAM LA DGONGS PA'I PHYIR, KHA CIG ,DBU MA 'JUG PA'I CHED DU BYA BA'I GDUL BYA THEG CHEN LAM DU 'JUG KHA MA'I RGYUD KYI SEMS CAN SDUG BSNGAL LAS SKYOB 'DOD KYI SNYING RJE CHEN PO CHOS CAN, MKHYEN PA YIN PAR THAL, YUM YIN PA'I PHYIR, DER THAL, MCHOD BRJOD YUL DU GYUR PA'I YUM YIN PA'I PHYIR, DER THAL, DBU MA 'JUG PA'I MCHOD BRJOD YUL DU GYUR PA'I YUM YIN PA'I PHYIR, DER THAL, DE DBU MA 'JUG PA'I MCHOD BRJOD KYI YUL YIN PA GANG ZHIG, RANG 'GREL LAS, BCOM LDAN 'DAS MA SNYING RJE CHEN PO LA ZHES SOGS GSUNGS BA'I PHYIR, ZHES GSUNGS PA'I PHYIR, ZER NA MA KHYAB, 'DOD MI NUS TE, CHOS CAN DE YIN PA'I PHYIR, ZER NA, DE CHOS CAN, DBU MA 'JUG PA'I MCHOD BRJOD YUL DU GYUR PA'I BCOM LDAN 'DAS YIN PAR THAL, DBU MA 'JUG PA'I MCHOD BRJOD YUL GANG ZHIG, BCOM LDAN 'DAS MA SNYING RJE CHEN PO LA ZHES SOGS GSUNGS PA'I PHYIR, 'KHOR GSUM, KHA CIG ,MNGON RTOGS RGYAN @24B GYI DNGOS BSTAN BSTAN BYA'I GTZO BOR GYUR PA'I DON MNGON PAR RTOGS PA BRGYAD PO LA RGYA CHE CHUNG GI KHYAD PAR YOD PAR THAL, MNGON RTOGS RGYAN GYI SKABS DANG PO GSUM GYI MKHYEN GSUM SPYI TZAM ZHIG DNGOS BSTAN BSTAN BYA'I GTZO BOR BYAS NAS BSTAN PA'I PHYIR, ZER NA MA KHYAB, MA GRUB NA, DER THAL, NYAN THOS ? ZHI BA' TSOL RNAMS ZHES SOGS GYI MCHOD BRJOD KYIS DE LTAR BSTAN PA'I PHYIR, 'DOD MI NUS TE, DE LTAR 'DOD PA RNAM BSHAD KYIS BKAG PA'I PHYIR, KHA CIG ,TSIG RKANG DANG PO'I SKABS NAS DNGOS SU BSTAN PA'I GZHI SHES YIN NA, MI MTHUN PHYOGS KYI GZHI SHES YIN DGOS PAR THAL, DE DANG MDO'I DRIS LAN GYI SKABS NAS BSTAN PA'I GZHI SHES GNYIS DON GCIG PA GANG ZHIG, MDO'I DRIS LAN GYI SKABS SU THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,ZHES GSUNGS PA'I PHYIR, ZER NA, SKYON MED DE, DE'I DON RTOGS RIGS SU GNAS PA'I DON YIN PA'I PHYIR, DE LTA MA YIN NA, THAMS CAD SHES PA NYID NYAN THOS KYI MNGON RTOGS YIN PAR THAL, LUNG DE'I PHYIR, KHYAB PA KHAS, 'DOD NA, THAMS CAD SHES PA NYID CHOS CAN, NYAN THOS KYI DE MA ? YIN PAR THAL, RANG SANGS RGYAS KYI MNGON RTOGS YIN PA'I PHYIR, 'KHOR GSUM,, ` ,,CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR, ZHES SOGS KYI SKABS SU, MNGON RTOGS RGYAN GYI CHED DU BYA BA'I GDUL BYAS YUM MKHYEN PA GSUM LA DANG PA BSKYED TSUL YOD DE, DES YUM MKHYEN GSUM LA NGO BO DANG NUS PA'I YON TAN YOD MED LAGS PAR BRTAGS NAS YOD PA LA GNOD PA MA MTHONG BA RGYU MTSAN DU BYAS NAS DANG BA SKYE BA YIN PA'I PHYIR, MTHA' DPYAD PA LA GSUM LAS DANG PO LA, KHA CIG ,RE ZHIG DAD PA'I RJES SU 'BRANG BA RNAMS KYIS 'DI LA THE TSO MA MED PAR MYUR DU RAB TU DANG BSKYE 'O ZHES BA'I GZHUNG 'DIS MNGON RTOGS RGYAN GYI CHED DU BYA BA'I GDUL BYA DBANG RTUL GYIS MKHYEN GSUM LA DANG BA SKYE TSUL BSTAN PA YIN ZER NA, RGYAN ? GYI CHID DU BYA BA'I GDUL BYA DBANG RTUL DES YUM MKHYEN GSUM GYI NGO BO DANG NUS PA'I YON TAN BRJOD MA THAG TU YUM MKHYEN GSUM LA NGO BO DANG NUS PA'I YON TAN 'DI LTA BU YOD DES SNYAM DU THE TSOM MED PAR MYUR DU RAB TU DANG BA SKYE BA YIN PAR THAL, KHYOD KYI DAM BCA' 'THAD PA'I PHYIR, 'DOD @025A *, ,MI NUS TE, DE YUM MKHYEN GSUM LA NGO BO DANG NUS PA'I YON TAN YOD MED LEGS PAR BRTAGS NAS YOD PA LA GNOD PA MA MTHONG BA RGYU MTSAN DU BYAS NAS DANG BA SKYE BA YIN PA'I PHYIR, DER THAL DES YUM MKHYEN GSUM LA DANG BA SKYE TSUL DE DBANG RNON GYI DANG BA SKYE TSUL YIN PA'I PHYIR, DER THAL, DE THEG CHEN GYI RIGS CAN DBANG RNON YIN PA'I PHYIR, MA GRUB NA, DE CHOS CAN, THEG CHEN GYI RIGS CAN DBANG RNON YIN PAR THAL, KHYOD MNGON RTOGS RGYAN GYI CHED DU BYA BA'I GDUL BYA YIN PA'I PHYIR, KHA CIG ,GCIG DANG DU MA'I NGO BO NYID DANG BRAL BA'I PHYIR ZHES BYA BA DANG, RDO RJE GZEGS MA'I GTAN TSIGS LA SOGS PA'I RTAGS LA BRTEN PA'I TSAD MAS DANG POR TSOGS LAM GYI GNAS SKABS SU GRUB CING ZHES PA'I GZHUNG SGRA JI BZHIN PAR KHAS LEN PA YIN ZER NA, MNGON RTOGS RGYAN GYI CHED DU BYA BA'I GDUL BYA BYANG SEMS TSOGS LAM PA DE GCIG DU BRAL DANG RDO RJE GZEGS MA SOGS KYI GTAN TSIGS LA BRTEN NAS, TSOGS LAM GYI GNAS SKABS SU STONG NYID TSAD MAS GSAR DU NGES PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DES TSOGS LAM DU MA ZHUGS PA'I SNGA ROL TU STONG NYID TSAD MAS NGES PA'I PHYIR, DER THAL, DE THEG CHEN GYI RIGS CAN DBANG PO SHIN TU RNON PO YIN PA'I PHYIR, KHYAB STE, DBU MA RGYAN LAS, YANG DAG SHES RTZOL SNGON BTANG NAS, DON DAM RNAM PAR NGES GYUR PA, ZHES GSUNGS PA'I PHYIR, KHA CIG ,GZHUNG DE'I SKABS NAS DNGOS SU BSTAN PA'I TSOGS LAM DE TSOGS LAM BTAGS PA BA LA BYED ZER NA, MNGON RTOGS RGYAN GYI CHED DU BYA BA'I GDUL BYA THEG CHEN LAM DU 'JUG KHA MA'I GANG ZAG GI RGYUD GYI GZHI LAM RNAM GSUM BDEN MED DU RTOGS PA'I RJES DPAG TSAD MA DE, TSOGS LAM BTAGS PA LA YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE TSOGS LAM BTAGS PA BAR TSANG LDAN GYI GZHUNG GANG LAS KYANG MA GSUNGS PA'I PHYIR, KHA CIG ,GSUNG DE'I DON, RGYAN GYI CHED DU BYA BA'I GDUL BYA BYANG SEMS TSOGS LAM PA LA GCIG DU BRAL DANG RDO RJE GZEGS MA SOGS KYI GTAN TSIGS LA BRTEN NAS STONG NYID TSAD MAS NGES PAS KHYAB PAS BRLING BA'I DBANG DU BYAS PA YIN NO ZER NA, DE MA 'THAD PAR THAL, DE @025B YANG SNGAR BSHAD PA'I RIGS PAS KHEGS PA'I PHYIR, KHA CIG ,GZHI LAM RNAM GSUM GYI STING GI SKYE MED DE BDEN PA'I SKYE MED KHO NA LA BYED PA YIN ZER NA, DE MI 'THAD PAR THAL, GZHI'I STING GI SKYE ME DE GANG ZAG GI BDA GI SKYE BA MED PA LA YANG BYED RIGS PA'I PHYIR, DER THAL, DE GZHE'I STENG GI GANG ZAG GI BDAG MED PHRA MO LA YANG BYED RIGS PA'I PHYIR, DER THAL, KUN SHES NYID KYI ZHES PA'I SKABS NAS DNGOS SU BSTAN PA'I GZHI SHES KYIS SHES RGYU'I DON LA GANG ZAG GI BDAG MED PHRA MO CIG YOD PA'I PHYIR, KHA CIG, RANG GI MTSAN NYID GYI GRUB PA RDZA SU GRUB PA, RANG BZHIN GYIS GRUB PA, RANG NGOS NAS GRUB PA, RANG DBANG DU GRUB PA RNAMS DON NGAN LA DPYOD PA'I RTAGS YANG DAG GI DGAG CHOS MTHAR THUG YIN ZER NA, DE RNAMS CHOS CAN, KHYOD MED PAR THAL, KHYOD DON DAM LA DPYOD PA'I RTAGS YANG DAG GI DGAG CHOS MTHAR THUG YIN PA'I PHYIR, 'DOD NA, DE YOD PAR THAL, DNGOS PO YIN NA RANG GI MTSAN NYID KYI GRUB PA DANG, RDZAS SU GRUB PAS KHYAB, GZHI GRUB NA RANG BZHIN GYIS GRUB PA DANG, RANG NGOS NAS GRUB PA DANG RANG DBANG DU GRUB PAS KHYAB PA'I PHYIR, DANG PO DER THAL, DNGOS PO YIN NA RANG GI MTSAN NYID KYIS GRUB PA'I RGYU GZHAN LAS SKYES PAS KHYAB BA'I PHYIR, PHYI MA DER THAL, GZHI GRUB NA THA SNYAD BTAGS PA'I BTAGS DON BCAL BA'I TSE NA RNYED PAS KHYAB PA'I PHYIR, KHA CIG ,GZHI GRUB NA RANG GI MTSAN NYID KYIS GRUB PAS KHYAB ZER NA, 'GOG BDEN CHOS CAN DER THAL, DE'I PHYIR, 'DOD NA, 'GOG BDEN 'GOG BDEN ZHES PA'I THA SNYAD 'JUG PA'I 'JUG GZHI YIN PAR RANG GI MTSAN NYID KYIS GRUB PAR THAL, 'DOD PA DE'I PHYIR, 'DOD MI NUS TE, RANG RGYAL GYI MTHONG LAM 'GOG PA LA CHOS MZOD KYIS DE RANG GI MTSAN NYID KYIS MA GRUB PAR RTOGS PA'I PHYIR, DER THAL, DES 'GOG BDEN 'GOG BDEN ZHES PA'I THA SNYAD 'JUG PA'I 'JIG GZHIR RANG GI MTSAN NYID KYIS MA GRUB PAR RTOGS PA'I PHYIR, DER THAL, DE 'GOG PA LA CHOS BZOD DU SONG PA'I DON CIG YOD PA GANG ZHIG, DES 'GOG BDEN PHYIR ROL DON GYIS STONG PA YANG MA RTOGS, DES 'GOG BDEN DANG 'GOG BDEN 'DZIN PA'I TSAD MA RDZAS GZHAN GYIS STONG PAR YANG MA RTOGS PA'I PHYIR, DANG PO DER THAL, DE 'GOG PA LA CHOS BZOD YIN PA'I PHYIR, PHYI MA DER THAL, 'GOG BDEN PHYI ROL DON GYIS STONG PA CHOS KYI @26A *, ,BDAG MED RAGS PA MA YIN PA'I PHYIR, DER THAL, 'GOG BDEN 'DUS MA BYAS YIN PA'I PHYIR, GSUM PA YANG SGRUB BYED DE DANG MTSUNGS SO, ,GZHAN YANG, NGO BO DANG KHYAD PAR LA KUN BTAGS PA'I KUN BTAGS CHOS CAN, RANG GI MTSAN NYID KYIS GRUB PAR THAL, GZHI GRUB PA'I PHYIR, 'DOD NA, PHYI ROL GYI DON YOD PAR THAL, 'DOD PA'I PHYIR, KHA CIG, DON DAM BDEN PAR GRUB PA DANG , GNAS LUGS SU GRUB PA DANG , CHOS NYID DU GRUB PA RNAMS DON DAM LA DPYOD PA'I RTAGS YANG DAG GI DGAG CHOS MTHAR THUG YIN ZER NA, DE RNAMS CHOS CAN, KHYOD MED PAR THAL, KHYOD DON DAM LA DBYOD PA'I RTAGS YANG DAG GI DGAG CHOS MTHAR THUG YIN PA'I PHYIR, 'DOD MI NUS TE, DON DAM BDEN PA YIN NA DON DAM BDEN PAR GRUB PAS KHYAB PA DANG GNAS LUGS SU GRUB PAS KHYAB PA'I PHYIR, DER THAL, STONG THUN CHEN MO LAS, GNAS LUGS SU GRUB KYANG BDEN PAR GRUB MI DGOS PAS DE KHO NA NYID LA DPYOD PA'I RIGS SHES KYI NGO BOR GRUB KYANG BDEN PAR GRUB MI DGOS SO, ,ZHES GSUNGS PA'I PHYIR, KHA CIG ,GZUGS SOGS KYI CHOS RNAMS MING BRDAS BZHAG TZAM MA YIN PAR YOD PA DE, DON DAM LA DPYOD PA'I RTAGS YANG DAG GI DGAG BYA MTHAR THUG YIN ZER NA, GZUGS SOGS KYI CHOS RNAMS MING BRDAS BZHAG TZAM DU GRUB PA DE; GZUGS SOGS KYI CHOS RNAMS KYI KUN RDZOB PA'I YOD TSUL YIN PAR THAL, KHYOD KYI DAM BCA' 'THAD PA'I PHYIR, 'DOD NA, GZUGS SOGS KYI CHOS RNAMS MING BRDAS BZHAG TZAM YIN PAR THAL, 'DOD PA'I PHYIR, 'DOD NA, GZUGS SOGS KYI CHOS RNAMS CHOS CAN, KHYOD MING BRDAS BZHAG TZAM MA YIN PAR THAL, KHYOD THA SNYAD BTAGS PA'I BTAGS DON BTZAL BA'I TSE NA RNYED PA'I CHOS YIN PA'I PHYIR, MA GRUB NA, DE CHOS CAN, DER THAL, KHYOD GZHI GRUB PA'I PHYIR, KHA CIG, GZUGS SOGS KYI CHOS RNAMS BLO GNOD MED LA SNANG BA'I DBANG GIS BZHAG TZAM MA YIN ZER NA, DE YIN PAR THAL, GZUGS SOGS KYI CHOS RNAMS BLO GNOD MED LA SNANG BA'I DBANG GIS BZHAG TZAM MA YIN PAR YUL RANG GI THUN MONG MA YIN PA'I SDOD LUGS KYI NGOS NAS GRUB PA DE, GZUGS SOGS KYI CHOS RNAMS KYI STENG DU CHOS KYI BDAG MAD PHRA MO GTAN LA 'BEBS PA'I DGAG BYA MTHAR THUG YIN PA'I PHYIR, MA GRUB NA, GZUGS @26B SOGS KYI CHOS RNAMS CHOS CAN, BLO GNOD MED LA SNANG BA'I DBANG GIS BZHAG TZAM MA YIN PAR YUL RANG GI THUN MONG MA YIN PA'I SDOD LUGS KYI DOS NAS GRUNG PA DE, KHYOD KYI STENG DU CHOS KYI BDAG MED PHRA MO GTAN LA 'BEBS PA'I DGAG BYA MTHAR THUG YIN PAR THAL, KHYOD GZHI GRUB PA'I PHYIR, KHA CIG, BUM SOGS 'JOG BYED KYI SHES PA YIN NA 'KHRUL RGYU'I GNOD PA MED PAS KHYAB ZER NA, BUM SOGS 'JOG BYED KYI BDEN 'DZIN LHAN SKYES KYI SLAD PA DANG BCAS PA'I BUM 'DZIN RTOG PA CHOS CAN, 'KHRUL RGYU'I GNOD PA MED PAR THAL, BUM PA 'JOG BYED KYI SHES PA YIN PA'I PHYIR, DER THAL, CHOS CAN DE YIN PA'I PHYIR, DE DER THAL, DE YOD PA'I PHYIR, DER THAL, BUM PA 'JOG BYED KYI BDEN SNANG CAN GYI SHES PA YOD PA'I PHYIR, 'DOD MI NUS TE, BDEN 'DZIN LHAN SKYES KYI 'KHRUL RGYU'I GNOD PA DANG BCAS PA'I PHYIR, DER THAL, BDEN 'DZIN LHAN SKYES KYI SLAD PA DANG BCAS PA'I PHYIR, KHA CIG ,SGYU MA MKHAN GYI RDE SHING RTA GLANG DU SPRUL PA'I TSE RDE SHING RTA GLANG DU SNANG BAR MZAD, SPYIR YANG RDE SHING RTA GLANG DU SNANG BA YIN ZER NA, SNGON BO RTA GLANG DU SNANG BAR THAL, KHYOD KYI DAM BCA' 'THAD PA'I PHYIR, 'DOD NA, SNGON PO CHOS CAN, KHYOD LOG PA'I KUN RDZOB BDEN PA YIN PAR THAL, KHYOD RTA GLANG MA YIN BZHIN DU RTA GLANG DU SNANG PA'I KUN RDZOB BDEN BA YIN PA'I PHYIR, 'DOD MI NUS TE, YANG DAG KUN RDZOB YIN PA'I PHYIR, DER THAL, KHA DOG YIN PA'I PHYIR, GZHAN YANG , GANGS RI G-YU DANG , THO YOR MI, DUNG DKAR SER POR SNANG BAR THAL, KHYOD KYI DAM BCA' 'THAD PA'I PHYIR, 'DOD NA, DON DAM BDEN PA DE DAG TU SNANG BAR THAL, 'DOD PA'I PHYIR, 'DOD NA, DON DAM BDEN PA CHOS CAN, KHYOD SNANG TSUL DANG , GNAS TSUL MI MTHUN PA'I CHOS YIN PAR THAL, KHYOD DE DAG MA YIN BZHIN DU DE DAG DU SNANG BA'I CHOS YIN PA'I PHYIR, 'DOD MI NUS TE, DON DAM BDEN PA YIN PA'I PHYIR, KHA CIG, DON DAM LA DPYOD PA'I RTAGS YANG DAG GI DGAG BYA'I GTZO BO YIN NA MED PAS KHYAB ZER NA, BUM PA BDEN PAR 'DZIN PA'I BDEN 'DZIN CHOS CAN, DER THAL, DE'I PHYIR, DER THAL, DON DAM LA DPYOD PA'I RIGS PA YANG DAG GI DGAG BYA'I GTZO BO YIN PA'I PHYIR, DER THAL, RIGS PA'I DGAG BYA DANG YOD PA'I GZHI MTHUN YOD PA'I PHYIR, DER THAL, LEGS BSHAD SNYING PO LAS, RIGS PA'I DGAGS @27A *, ,BYA LA GNYIS YOD PA'I SKUR 'DEBS NI GRUB MTHAS BZHAG PA KHO NA DANG , ZHES SOGS GSUNGS PA'I PHYIR, KHA CIG, BUM PA BDEN PAR 'DZIN PA'I BDEN 'DZIN DE DON DAM LA DBYOD PA'I RIGS PA YANG DAG GI DGAG BYA YIN KYANG , DON DAM LA SBYOD PA'I RTAGS YANG DAG GI DGAG BYA MA YIN ZER NA, DE MI 'THAD PAR THAL, DE GNYIS YIN KHYAB MNYAM YIN PA'I PHYIR, KHA CIG, DE DON DAM LA DPYOD PA'I RTAGS YANG DAG GI DGAG BYA MTHAR THUG YIN ZER NA, DE CHOS CAN, KHYOD MED PAR THAL, KHYOD DON DAM LA DPYOD PA'I RTAGS YANG DAG GI DGAG BYA MTHAR THUG YIN PA'I PHYIR, 'DOD NA, 'GRO BA THAMS CAD 'BAD MED DU GROL BAR THAL LO, ,KHA CIG, DGAG BYA BDEN GRUB TSAD MAS MA NGES PAR, DGAG BYA DE BKAG PA'I MED DGAG BLO'I YUL DU 'CHAR MI NUS PA YIN ZER NA, ,STONG NYID RTOGS PA'I GANG ZAG YIN NA, DGAG BYA BDEN GRUB NGES MYONG YIN DGOS PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DGAG BYA BDEN GRUB MED PA'I PHYIR, KHA CIG DGAG BYA BDEN GRUB KYI DON SPYI BLO'I YUL DU MA SHAR PAR, DGAG BYA DE BKAG PA'I STONG NYID RTOGS PA'I LTA BA RNAM DAG RANG RGYUD LA BSKYED MI NUS PA YIN ZER NA, STONG NYID RTOGS PA'I LTA BA RNAM DAG RANG RGYUD LA SKYES PA'I GANG ZAG YIN NA, DGAG BYA BDEN GRUB KYI DON SPYI BLO'I YUL DU SHAR BAS KHYAB PAR THAL, DAM BCA' 'THAD PA'I PHYIR, 'DOD NA, THEG CHEN MTHONG LAM BAR CHAD MED LAM PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, DE'I RGYUD LA DGAG BYA BDEN GRUB KYI DON SPYI NGES PA'I MKHYEN PA YANG MED, RANG RIG KYANG MED, DBANG SHES KYANG MED PA'I PHYIR, KHA CIG, GCIG DANG DU MA GANG RUNG DU MA GRUB PA DE, GZHI LAM RNAM GSUM BDEN MED DU SGRUB PA'I DON DAM LA DPYOD PA'I RTAGS YANG DAG YIN ZER NA, GCIG DANG DU MA GANG RUNG DU GRUB PA MED PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, YOD NA GCIG DANG DU MA GANG RUNG DU YOD DGOS PA'I PHYIR, DAR THAL, YOD NA ZLA BCAS DANG ZLA MED GANG RUNG DU YOD DGOS PA'I PHYIR, KHA CIG, BDEN PA'I GCIG DANG BDEN PA'I DU MA GANG RUNG DU MA GRUB PA DE, GZHI @27B LAM RNAM GSUM BDEN MED DU SGRUB PA'I DON DAM LA DPYOD PA'I RTAGS YANG DAG YIN ZER NA, 'O NA, DE GANG RUNG DU GRUB PA MED PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, BUM PA'I CHOS NYID BDEN PA'I GCIG TU GRUB, BUM PA'I CHOS NYID DANG KA BA'I CHOS NYID GNYIS BDEN PA'I DU MAR GRUB PA'I PHYIR, DANG PO MA GRUB NA, DE CHOS CAN, BDEN PA'I GCIG DU GRUB PAR THAL, DON DAM PA'I GCIG DU GRUB PA'I PHYIR, DER THAL, DON DAM BDEN PA YIN PA'I GCIG TU GRUB PA'I PHYIR, DER THAL, DON DAM PA GANG ZHIG, GCIG DU GRUB PA'I PHYIR, PHYI MA LA YANG SGRUB BYED MTSUNGS SO, KHA CIG, BDEN GRUB KYI GCIG DANG DU MA GANG RUNG DU MA GRUB PA DE, GZHI LAM RNAM GSUM BDEN MED DU SGRUB PA'I DON DAM LA DPYOD PA'I RTAGS YANG DAG YIN ZER NA, BDEN GRUB KYI GCIG DANG DU MA GANG RUNG DU GRUB PA MED PAR THAL, DAM BCA' 'THAD PA'I PHYIR, 'DOD MI NUS TE, KA BUM GNYIS BDEN GRUB KYI GCIG DANG DU MA GANG RUNG DU GRUB PA'I PHYIR, MA GRUB NA, KA BUM GNYIS CHOS CAN, DE GANG RUNG DU GRUB PAR THAL, DU MAR GRUB PA'I PHYIR, DER THAL, DU MA YIN PA'I PHYIR, KHA CIG, BDEN GRUB KYI GCIG DANG BDEN GRUB KYI DU MA GANG RUNG DU MA GRUB PA DE GZHI LAM RNAM GSUM BDEN PA'I SKYE MED DU SGRUB PA'I DON DAM LA DPYOD PA'I RTAGS YANG DAG YIN ZER NA, GZHI LAM RNAM GSUM BDEN PA'I SKYE BA MED PA DON DAM BDEN PA YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, GZHI LAM RNAM GSUM THA SNYAD TZAM DU YANG MI SKYE BA'I PHYIR, KHA CIG, CHA BCAS KYI RTAGS KYI GZHI LAM RNAM GSUM BDEN GRUB KYI GCIG DU MA GRUB PA'I KHYAB PA TSAD MAS NGES PA LA, RTAGS DANG DGAG BYA'I GZHI MTHUN 'GOG PA'I TSAD MA DANG , RTAGS KYI MTSAN GZHI CHA BCAS NGES PA'I TSAD MA DANG , DGAG CHOS DANG SGRUB CHOS DNGOS 'GAL DU NGES PA'I TSAD MA GSUM TSANG DGOS PA YIN ZER NA, CHA BCAS KYI RTAGS KYIS GZHI LAM RNAM GSUM BDEN GRUB KYI GCIG DU MA GRUB PAR SGRUB PA'I DGAG CHOS SGRUB CHOS GNYIS DNGOS 'GAL YIN PAR THAL, CHA BCAS KYI RTAGS KYI GZHI LAM RNAM GSUM BDEN GRUB KYI GCIG DU MA GRUB PA'I KHYAB PA TSAD MAS GRUB PA GANG ZHIG, KHYOD KYI DAM BCA' 'THAD PA'I PHYIR, 'DOD MI NUS TE, DE GNYIS KYI BAR DU GNYIS MA YIN GYI PHUNG GSUM PA SRID PA'I PHYIR, DER THAL, BUM PO DE DE GNYIS KYI BAR DU GNYIS MA @28A *, ,YIN GYI PHUNG GSUM PA YIN PA'I PHYIR, KHA CIG, CHA BCAS KYI RTAGS KYIS GZHI LAM RNAM GSUM BDEN GRUB KYI GCIG DU MA GRUB PA'I KHYAB PA TSAD MAS NGES PA LA, RTAGS KYI MTSAN GZHI CHA BCAS NGES PA'I TSAD MA, BDEN GRUB KYI GCIG DANG CHA BCAS KYI GZHI MTHUN 'GOG PA'I TSAD MA BDEN GRUB KYI GCIG DU GRUB PA DANG, BDEN GRUB KYI GCIG TU MA GRUB PA GNYIS DNGOS 'GAL DU NGES PA'I TSAD MA GSUM TSANG DGOS PA YIN ZER NA, BDEN GRUB KYI GCIG DU GRUB PA DANG BDEN GRUB KYI GCIG DU MA GRUB PA GNYIS DNGOS 'GAL YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, BDEN GRUB KYI GCIG DU GRUB PA MED PA'I PHYIR, KHA CIG, CHA CHA CAN GNYIS CHOS CAN, THA DAD DU MED PAR THAL, THA DAD DU YOD NA GNAS LUGS MNGON SUM DU RTOGS PA'I SLOB PA 'PHAGS PA'I MNYAM GZHAG YE SHES KYIS THA DAD DU GZIGS DGOS PA LAS THA DAD DU MA GZIGS PA'I PHYIR, ZHES PA'I THAL 'GYUR GYI RTAGS YOD ZER NA, DE MED PAR THAL, DE'I RTAGS RIL PO MED PA'I PHYIR, DER THAL, DE GNYIS SLOB PA 'PHAGS PA'I MNYAM BZHAG YE SHES KYIS THA DAD DU GZIGS DGOS PA DE MED PA'I PHYIR, DER THAL, DE GNYIS THA DAD DU YOD NA GNAS LUGS MNGON SUM DU RTOGS PA'I SLOB PA 'PHAGS PA'I MNYAM BZHAG YE SHES KYIS THA DAD DU GZIGS MI DGOS PA'I PHYIR, KHA CIG, DE 'DRA'I THAL 'GYUR GYI RTAGS PHYI MA MED ZER NA, DE YOD PAR THAL, DE GNYIS THA DAD DU GNAS LUGS MNGON SUM RTOGS PA'I SLOB PA 'PHAGS PA'I MNYAM GZHAG YE SHES KYIS MA GZIGS PA DE'I RTAGS YIN PA'I PHYIR, DER THAL, DES THA DAD DU MA GZIGS PA'I PHYIR, KHA CIG, YOD NA GCIG DANG DU MA GANG RUNG GI KHYAB PA 'JAL BYED KYI TSAD MA DES, BDEN GRUB KYI GCIG DANG DU MA GANG RUNG DU MA GRUB NA, BDEN PAR MA GRUB PAS MA KHYAB PA LA SGRO 'DOGS GCOD PA YIN NO, ,ZER NA, BYAS PA'I RTAGS KYIS SGRA MI RTAG PA SGRUB PA'I RTAGS YANG DAG 'GOD PA SKABS SU BABS PA'I PHYIR RGOL YANG DAG GI RGYUD KYI BYAS NA MI RTAG PA'I KHYAB PA 'JAL BYED KYI TSAD MA DES, SGRA BYAS NA MI RTAG PAS MA KHYAB PA LA SGRO 'DOGS GCOD PA YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE 'DRA BA'I PHYIR RGOL YANG DAG DES BYAS PA'I RTAGS LA BRTEN NAS SGRA'I STENG @28B DU RTAG 'DZIN GYI SGRO 'DOGS GSAR DU GCOD RGYU MED PAR THAL, 'DOD PA DE'I PHYIR, 'DOD MI NUS TE, DE 'DRA BA'I PHYIR RGOL YANG DAG YIN PA'I PHYIR, KHA CIG, BDEN GRUB KYI GCIG DANG BDEN GRUB KYI DU MA GANG RUNG DU MA GRUB PA'I RTAGS KYIS GZHI LAM RNAM GSUM BDEN MED DU SGRUB PA SKABS SU BABS PA'I PHYIR RGOL YANG DAG 'DIS, GZHI LAM RNAM GSUM BDEN MED DU MA RTOGS ZER NA, DE RTOGS PAR THAL, DES GZHI LAM RNAM GSUM BDEN MED DU THOS BYUNG GI SHES RAB KYIS RTOGS PA'I PHYIR, DER THAL, GZHI LAM RNAM GSUM BDEN MED DU RTOGS NA TSAD MAS RTOGS MI DGOS PA'I PHYIR, DER THAL, SGRA MI RTAG PAR RTOGS NA TSAD MAS RTOGS MI DGOS PA'I PHYIR, DER THAL, RIGS RGYAN CHEN MO LAS, SGRA MI RTAG PAR RTOGS NA TSAD MAS RTOGS MI DGOS SO ZHES GSUNGS PA'I PHYIR, GZHAN YANG , DES GZHI LAM RNAM GSUM BDEN MED DU THOS BYUNG GI SHES RAB KYIS RTOGS PAR THAL, DE GZHI LAM RNAM GSUM BDEN MED DU RTOGS PA'I BSAM BYUNG GI SHES RAB RGYUD LA SKYE KHA MA'I GANG ZAG YIN PA'I PHYIR, KHYAB PA YOD BAR THAL, STONG NYID RTOGS PA'I THOS BSAM SGOM GSUM GYI SHES RAB GSUM RIM GYI SKYE DGOS PA'I PHYIR, DER THAL, 'GREL CHEN LAS, DE LTAR NA DANG POR THOS PA DANG BSAM PA DANG SGOM PA'I RANG BZHIN CAN GYI SHES PA RIM GYIS ZHES GSUNGS PA'I PHYIR, KHA CIG, RTEN 'BREL GYI RTAGS KYI MYU GU BDEN MED DU SGRUB PA SKABS SU BABS PA'I PHYIR RGOL YANG DAG DES, MTHUN DPE GZUGS BRNYAN BDEN MED DU TSAD MAS MA NGES ZER NA, DE NGES PAR THAL, DES MTHUN DPE GZUGS BRNYAN GYI STENG DU RTEN 'BREL LA BDEN MED KYI KHYAB PA TSAD MAS NGES PA'I PHYIR, KHA CIG GIS, MA KHYAB ZER, MA GRUB NA, DE CHOS CAN, MTHUN DPE GZUGS BRNYAN GYI STENG DU RTEN 'BREL LA BDEN MED KYI KHYAB PA TSAD MAS NGES BAR THAL, KHYOD CHOS CAN DES DANG GCIG GANG ZHIG RTEN 'BREL LA BDEN MED KYI KHYAB PA TSAD MAS NGES PA'I PHYIR, PHYI MA CHOS CAN GYIS SGRUB, MA KHYAB MTSAMS LA, DES MYU GU'I STENG DU RTEN 'BREL LA BDEN MED KYI KHYAB PA TSAD MAS NGES PAR THAL, DE LTAR DES NA DES MYU GU BDEN MED DU TSAD MAS NGES MI DGOS PA'I PHYIR, DER THAL, DES MTHUN DPE GZUGS BRNYAN GYI STENG DU DE LTAR TSAD MAS NGES NA, DES MTHUN DPE GZUGS BRNYAN BDEN MED DU TSAD MAS NGES MI DGOS @29A *, ,PA'I PHYIR, RTAGS KHAS, MA KHYAB NA, MTHUN DPE GZUGS BRNYAN BDEN MED DANG , MYU GU BDEN MED GNYIS LA DON DAM PA YIN MIN DANG , PHRA RAGS KYI KHYAD PAR YOD PAR THAL, MA KHYAB PA DE'I PHYIR, 'DOD MI NUS SO, ,RTZA BAR 'DOD NA, DES MYU GU BDEN MED DU TSAD MAS NGES PAR THAL, DES MYU GU RTEN 'BREL DANG BDEN MED KYI GZHI MTHUN DU TSAD MAS NGES PA'I PHYIR, DER THAL, DES MYU GU RTEN 'BREL YIN NA MYU GU BDEN MED YIN PA'I KHYAB PA TSAD MAS NGES PA'I PHYIR, DER THAL, DES MYU GU'I STENG DU RTEN 'BREL LA BDEN MED KYI KHYAB PA TSAD MAS NGES PA'I PHYIR, KHA CIG, KHYOD GNYIS DU MA YIN PA GANG ZHIG, KHYOD GNYIS BAR MTSAMS MED PAR GNAS NA KHYOD GNYIS PHRAD PAS KHYAB ZER NA, 'O NA, DNGOS RGYU DNGOS 'BRAS SU SONG BA'I MIG SHES SKAD CIG SNGA PHYI GNYIS CHOS CAN, KHYOD GNYIS PHRAD PA YIN PAR THAL, KHYOD GNYIS DU MA GANG ZHIG, KHYOD GNYIS BAR MTSAMS MED PAR GNAS PA'I PHYIR, PHYI MA DER THAL, DE GNYIS DNGOS RGYU DNGOS 'BRAS YIN PA'I PHYIR, DANG PO MA GRUB NA, DER THAL, DU MA'I CHOS GCIG YOD PA'I PHYIR, 'DOD NA, DE GNYIS GZUGS CAN YIN PAR THAL, DE GNYIS PHRAD PA'I PHYIR, KHA CIG, DE GNYIS KYI BAR DU CHOD PA'I CHOS MED ZER NA, DE YOD PAR THAL, DE GNYIS KYI BAR DU MIG SHES SKAD CIG DANG PO'I CHA SHAS GCIG GIS CHOD PA'I PHYIR, MA GRUB NA, DE GNYIS CHA THAMS CAD NAS THAMS CAD DU MA CHOD PA YIN PAR THAL, 'DOD PA DE'I PHYIR, 'DOD NA, DE GNYIS DUS 'DRES PA YIN PAR THAL, 'DOD PA'I PHYIR, 'DOD NA, DE GNYIS DNGOS RGYU DNGOS BRAS MA YIN PAR THAL LO, ,KHA CIG, DE GNYIS KYI BAR DU CHOS GZHAN GYIS CHOS PA YIN ZER NA, 'O NA, DE GNYIS DNGOS RGYU DNGOS 'BRAS MA YIN PAR THAL, DAM BCA' 'THAD PA'I PHYIR, 'DOD MI NUS TE, MIG SHES SKAD CIG DANG PO DE MIG SHES SKAD CIG GNYIS PA DNGOS SU SKYED BYED YIN PA'I PHYIR, KHA CIG, CHOS NYID DE CHOS THAMS CAD KYI RANG BZHIN DU SONG BA YIN ZER NA, DE KA BA'I RANG BZHIN DU SONG BAR THAL, DAM BCA' 'THAD PA'I PHYIR, 'DOD NA, DE KA BA'I RANG BZHIN YIN PAR THAL, 'DOD PA'I PHYIR, 'DOD MI NUS TE, DE BUM PA'I RANG BZHIN YIN PA'I PHYIR, DER THAL, DE BUM PA'I RANG BZHIN DU SONG BA'I PHYIR, DER THAL, RTZA BA'I DAM BCA' @29B 'THAD PA'I PHYIR, KHA CIG, MYU GU GZHAN LAS SKYE BA DE GZHAN SKYE'I MTHA' YIN ZER NA, 'O NA, MYU GU RANG GI RGYU RKYEN GZHAN LA BRTEN NAS SKYE BA DE GZHAN SKYE'I MTHA' YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE MTHA' BRAL GYI SKYE BA YIN PA'I PHYIR, DER THAL, DE MYU GU'I SKYE TSUL YIN PA'I PHYIR KHA CIG, MYU GU GZHAN LAS SKYE BA MED PA CHOS KYI BDAG MED RAGS PA YIN ZER NA, DE MI 'THAD PAR THAL, MYU GU GZHAN LAS SKYE BA'I PHYIR, DER THAL, DE RANG GI MTSAN NYID KYIS GRUB PA'I RANG GI RGYU GZHAN LAS SKYE BA'I PHYIR, MA GRUB NA, DE CHOS CAN, KHYOD RANG GI MTSAN NYID GYIS GRUB PA'I RANG GI RGYU GZHAN LAS SKYE BA YIN PAR THAL, KHYOD DNGOS PO YIN PA'I PHYIR, KHA CIG, MYU GU DON DAM PAR MI SKYE DE, YOD PA YANG DON DAM PAR MI SKYE, MED PA YANG DON DAM PAR MI SKYE, YOD MED GNYIS KA YANG DON DAM PAR MI SKYE BA'I PHYIR, ZHES PA'I RTAGS SBYOR 'DI, DON DAM LA DPYOD PA'I YOD MED SKYE 'GOG GI RTAGS SBYOR RNAM DAG YIN ZER NA, DE MI 'THAD PAR THAL, YOD PA DANG , MED PA DANG , YOD MED GNYIS KA DANG , GNYIS KA MIN PA GANG RUNG DU SKYE BAR 'DOD PA'I PHYI NANG GI GRUB MTHA' SMRA BA MED PA'I PHYIR, KHA CIG, MYU GU DON DAM PAR MI SKYE STE, MYU GU RGYU DUS SU YOD PA YANG DON DAM PAR MI SKYE MYU GU RGYU DUS SU MED PA YANG DON DAM PAR MI SKYE BA'I PHYIR, ZHES PA'I RTAGS SBYOR 'DI DON DAM LA DPYOD PA'I YOD MED SKYE 'GOG GI RTAGS SBYOR RNAM DAG YIN ZER NA, DE MI 'THAD PAR THAL, MYU GU RGYU DUS SU YOD PA DANG , MYU GU RGYU DUS SU MED PA GNYIS KA SKYE BAR 'DOD PA'I GRUB MTHA' SMRA BA MED PA'I PHYIR, KHA CIG, RTEN 'BREL LA RIGS PA'I RGYAL PO ZHES 'CHAD PA'I RGYU MTSAN YOD DE, RTEN 'BREL GYI RIGS PA DES, RTZOD GZHI CHOS CAN GYI STENG DU RTAG CHAD KYI MTHA' GNYIS GCIG CHAR DU SPONG NUS, GTAN TSIG DANG PO BZHI POS DE LTAR SPONG MI NUS PA'I RGYU MTSAN GYIS DE LA RIGS PA'I RGYAL PO ZHES BSHAD PA'I PHYIR ZER NA, 'O NA, RTEN 'BREL GYI RTAGS KYI MYU GU BDEN MED DU RTOGS PA'I RIGS SHES RJES DPAG DES, MYU GU BDEN MED DU DNGOS SU RTOGS PA'I SHUGS LA MYU GU YONG PAR RTOGS PAR THAL, DES MYU GU'I STENG DU RTAG CHAD KYI MTHA' GNYIS GCIG CHAR DU SPONG NUS GTAN TSIG GZHAN GYIS DE LTAR SPONG MI NUS PA'I PHYIR, RTAGS KHAS, 'DOD NA, RTEN 'BREL GYI RTAGS KYI MYU @30A *, ,GU BDEN MED DU RTOGS PA'I RIGS SHES RJES DPAG GI DNGOS GZHAL DU GYUR PA'I MYU GU BDEN MED CHOS CAN, KHYOD MA YIN DGAG YIN PAR THAL, RANG NYID NGES PA'I RTOGS PAS RANG GI DGAG BYA DNGOS SU BKAG SHUL DU BKAG TZAM DE LAS GZHAN PA'I CHOS GZHAN 'PHEN PA'I DGAG PA YIN PA'I PHYIR, DER THAL, DE 'DRA BA'I RIGS SHES RJES DPAG GIS MYU GU BDEN GRUB DNGOS SU BKAG SHUL DU BKAG TZAM DE LAS GZHAN PA'I MYU GU YOD PA 'PHANGS PA'I PHYIR, DER THAL, DES MYU GU YOD PA RTOGS PA'I PHYIR, RTZA BAR 'DOD NA, MA YIN DGAG MA YIN PAR THAL, MED DGAG YIN PA'I PHYIR, DER THAL, STONG NYID YIN PA'I PHYIR, KHA CIG, RTEN 'BREL LA RIGS PA'I RGYAL PO ZHES 'CHAD PA'I RGYU MTSAN YOD DE, RTEN 'BREL GYI RIGS PA LA RTAG CHAD KYI MTHA' GNYIS SPONG PA'I BYED LAS YOD, GTAN TSIGS DANG PO BZHI PO DE LA RTAG CHAD KYI MTHA' GNYIS SPONG BA'I BYED LAS MED PA'I RGYU MTSAN KYIS DE LTAR BSHAD PA'I PHYIR ZER NA, DE MI 'THAD PAR THAL, BDEN GRUB KYI GCIG DANG , BDEN GRUB KYI DU MA GANG RUNG DU MA GRUB PA'I RTAGS KYIS GZHI LAM RNAM GSUM BDEN MED DU RTOGS PA'I RIGS SHES RJES DPAG GI NGO BOR GYUR PA'I STONG NYID RTOGS PA'I SHES RAB DE, RTAG CHAD KYI MTHA' GNYIS SPANGS PA'I DBU MA'I LTA BA YIN PA'I PHYIR, MA GRUB NA, DE CHOS CAN, RTAG CHAD KYI MTHA' GNYIS SPANGS PA'I DBU MA'I LTA BA YIN PAR THAL, STONG NYID RTOGS PA'I DBU MA'I LTA BA YIN PA'I PHYIR, DER THAL, CHOS CAN DE YIN PA'I PHYIR,, ` ,,GNYIS PA RANG GI LUGS LA, STONG NYID RTOGS PA'I LTA BA RNAM DAG RANG RGYUD LA SKYED PA LA, DGAG BYA BDEN GRUB KYI DON SPYI BLO'I YUL DU SHAR BA SNGON DU 'GRO DGOS TE, DGAG BYA BDEN GRUB KYI DON SPYI BLO'I YUL DU SHAR BA SNGON DU MA SONG BAR DGAG BYA BDEN GRUB BKAG PA'I MED DGAG BLO'I YUL DU 'CHAR MI NUS PA'I PHYIR, DPER NA, DGAG BYA BUM PA'I DON SPYI BLO'I YUL DU SHAR BA SNGON DU MA SONG BAR DGAG BYA DE BKAG PA'I BUM MED BLO'I YUL DU 'CHAR MI NUS PA DE LTA BU YIN PA'I PHYIR, DE SKAD DU YANG SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES GSUNGS PA'I PHYIR, @30B DES NA BDEN PAR GRUB PA, DON DAM PAR GRUB PA, DE KHO NA NYID DU GRUB PA, BLO GNOD MED LA SNANG BA'I DBANG GIS BZHAG TZAM MA YIN PAR YUL RANG GI THUN MONG MA YIN PA'I SDOD LUGS KYI NGOS NAS GRUB PA RNAMS, DON DAM LA DPYOD PA'I RTAGS YANG DAG GI DGAG CHOS MTHAR THUG YIN TE, GZUGS SOGS KYI CHOS RNAMS DE DAG LAS LDOG PA'I TSUL GYI YOD PA DE, GZUGS SOGS KYI CHOS RNAMS KYI KUN RDZOB PA'I YOD TSUL YIN PA'I PHYIR, GZHI LAM RNAM GSUM CHOS CAN, BDEN PAR MA GRUB STE, BDEN GRUB KYI GCIG DANG , BDEN GRUB KYI DU MA GANG RUNG DU MA GRUB PA'I PHYIR, DPER NA, ME LONG NANG GI BYAD BZHIN GYI GZUGS BRNYAN BZHIN YIN PA'I PHYIR, DE SKAD DU YANG, DBU MA RGYAN LAS, BDAG DANG GZHAN PA'I DNGOS 'DI DANG , YANG DAG PAR NA GCIG PA DANG, ,DU MA'I DNGOS DANG BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES GSUNGS PA'I PHYIR, DE CHOS CAN, BDEN GRUB KYI GCIG DU MA GRUB STE, CHA BCAS YIN PA'I PHYIR, KHYAB STE, BDEN GRUB KYI GCIG TU GRUB NA SNANG TSUL DANG GNAS TSUL MI MTHUN PA'I CHOS MA YIN DGOS PA'I PHYIR, DE CHOS CAN, BDEN GRUB KYI DU MAR MA GRUB STE, BDEN GRUB KYI GCIG DU MA GRUB PA'I PHYIR, KHYAB STE, DU MA GCIG BSAGS PA LA BRTEN NAS 'BYUNG BA'I PHYIR, RTZA BA'I THAL 'GYUR LA KHYAB PA YOD DE,BDEN PAR GRUB NA, BDEN GRUB KYI GCIG DANG BDEN GRUB KYI DU MA GANG RUNG DU GRUB DGOS PA'I PHYIR, DER THAL, YOD NA GCIG DANG DU MA GANG RUNG DU YOD DGOS PA'I PHYIR, RGYU LAS SKYE BA 'GOG PA RDO RJE GZEGS MA'I GTAN TSIGS NI, PHYI NANG GI DNGOS PO RNAMS CHOS CAN, DON DAM PAR MI SKYE STE, BDAG LAS MI SKYE, DON DAM PAR GZHAN LAS KYANG MI SKYE, GNYIS KA LAS KYANG MI SKYE, RGYU MED LAS KYANG MI SKYE BA'I PHYIR, BDAG LAS MI SKYE STE, RANG DANG NGO BO GCIG PA'I RGYU LAS MI SKYE BA'I PHYIR, DON DAM PAR GZHAN LAS MI SKYE STE, DON DAM PAR RGYU RTAG PA GZHAN LAS KYANG MI SKYE, DON DAM PAR RGYU MI RTAG PA GZHAN LAS KYANG MI SKYE BA'I PHYIR, DE GNYIS KA LAS DON DAM PAR MI SKYE STE, GANG RUNG RE RE LAS DON DAM PAR MI SKYE BA'I PHYIR,RGYU MED LAS MI SKYE STE, RGYU MED LAS SKYE BA SHIN TU THA CHAD PA YIN PA'I PHYIR,RTZA BA'I THAL 'GYUR @31A *, ,LA KHYAB PA YOD DE, DON DAM PAR SKYE NA DE BZHI GANG RUNG LAS DON DAM PAR SKYE DGOS PA'I PHYIR, 'BRAS BU LAS SKYE BA 'GOG PA YOD MED SKYE 'GOG GI GTAN TSIGS NI, 'BRAS BU RNAMS CHOS CAN, DON DAM PAR MI SKYE STE, RGYU DUS SU YOD PA'I 'BRAS BU YANG DON DAM PAR MI SKYE, RGYU DUS SU MED PA'I 'BRAS BU YANG DON DAM PAR MI SKYE, RGYU DUS SU YOD MED GNYIS KA'I 'BRAS BU YANG DON DAM PAR MI SKYE, DE GNYIS GANG RUNG MA YIN PA'I 'BRAS BU YANG DON DAM PAR MI SKYE BA'I PHYIR, KHYAB PA SGRUB TSUL GONG BZHIN BYED, RGYU 'BRAS GNYIS KA LAS SKYE BA 'GOG PA MU BZHI SKYE 'GOG GI GTAN TSIGS NI, RGYU 'BRAS KYI DNGOS PO RNAMS CHOS CAN, DON DAM PAR MI SKYE STE, RGYU DU MA'I 'BRAS BU DU MA YANG DON DAM PAR MI SKYE, RGYU DU MA'I 'BRAS BU GCIG KHO NA YANG DON DAM PAR MI SKYE,RGYU GCIG GI 'BRAS BU DU MA YANG DON DAM PAR MI SKYE, ,RGYU GCIG GI 'BRAS BU GCIG KHO NA YANG DON DAM PAR MI SKYE BA'I PHYIR, NYER LEN GYI PHUNG PO CHOS CAN, BDEN PAR MED DE CHA BCAS YIN PA'I PHYIR, RTEN 'BREL LA RIGS PA'I RGYAL PO ZHES 'CHAD PA'I RGYU MTSAN YOD DE, GTAN TSIG DANG PO BZHI PO DE YANG MTHAR GTUGS NA RTEN 'PHREL GYI RIGS PA LA LTOS DGOS PA'I RGYU MTSAN GYIS DE LTAR BSHAD PA'I PHYIR,, ` ,,GSUM PA RTZOD PA SPONG BA LA, KHA CIG , KHYOD KHYOD RANG YIN PA'I CHOS YIN NA, KHYOD KHYOD DU GRUB DGOS PAR THAL, CHOS NYID CHOS NYID DU YANG GRUG GNAS LUGS GNAS LUGS SU YANG GRUB, DON DAM BDEN PA DON DAM BDEN PAR YANG GRUB PA'I PHYIR, ZER NA, MA KHYAB, 'DOD NA, DE KHO NA NYID CHOS CAN, DER THAL, DE'I PHYIR, DE DER THAL, CHOS NYID CHOS NYID YIN PA'I PHYIR, 'DOD NA, DE CHOS CAN, BDEN PAR GRUB PAR THAL, DE KHO NA NYID DU GRUB PA'I PHYIR, RTZA BA'I KHYAB PA DE LA SKYON 'PHEN PA, KHA CIG, BDEN PA CHOS CAN, KHYOD KHYOD DU GRUB PAR THAL, KHYOD KHYOD RANG YIN PA'I CHOS YIN PA'I PHYIR, DER THAL, BRDZUN PA BRDZUN PA YIN PA'I PHYIR, 'DOD BYAS PA LA, DE CHOS CAN, BDEN PAR MA GRUB PAR THAL, RTEN 'BREL YIN PA'I PHYIR, 'DOD BYAS PA LA, DNGOS SU 'GAL LO ZER NA, MI @31B 'GAL TE, DANG PO LA 'DOD LAN BTAB PAS, BDEN PA BDEN PA RU GRUB CES 'BYUNG, PHYI MA LA, BDEN PA BDEN PAR MA GRUB CES PA CIG 'BYUNG BA YIN PA'I PHYIR, KHA CIG , NGO BO DANG KHYAD PAR LA KUN BTAGS PA'I KUN BTAGS CHOS CAN, RANG GI MTSAN NYID KYIS GRUB PAR THAL, RANG BZHIN GYIS KYANG GRUB RANG NGOS NAS KYANG GRUB, RANG DBANG DU YANG GRUB PA'I PHYIR, KHYAB STE, DBU MA RANG RGYUD PAS DE DAG LA KHYAD PAR MI 'BYED PA'I PHYIR, DER THAL, SLOB DPON LEGS LDAN 'BYED KYIS DE DAG LA KHYAD PAR MI 'BYED PA'I PHYIR, ZER NA MA KHYAB, MA GRUB NA, DER THAL, SLOB DPON LEGS LDAN 'BYED DES NGO BO DANG KHYAD PAR LA KUN BTAGS PA'I KUN BTAGS RANG GI MTSAN NYID KYIS GRUB PAR BZHED PA'I PHYIR ZER NA, 'O NA, DBU MA RANG RGYUD PAS PHYI DON BKAG PA MDO GANG GI YANG DON MA YIN PAR BZHED PAR THAL, SLOB DPON LEGS LDAN 'BYED KYIS DE LTAR BZHED PA'I PHYIR, 'KHOR GSUM, GAL TE MA GRUB NA, DER THAL, LEGS LDAN 'BYED KYI SKABS SU, DRANG DES RNAM 'BYED LAS, PHYI DON BKAG PA MDO GANG GI YANG DON MA YIN PAR BZHED DAM SNYAM TE DPYAD PAR BYA'O, ,ZHES GSUNGS PA'I PHYIR, KHA CIG , GZUGS SOGS KYI CHOS RNAMS MING BRDAS BZHAG TZAM YIN PAR THAL, RNAM BSHAD LAS, THEG CHEN GYI SBYOR LAM DROD CHEN PO'I DMIGS PA 'CHAD PA'I SKAB SU GZUGS SOGS KYI CHOS RNAMS MING BRDAS BZHAG TZAM DU GSUNGS PA'I PHYIR DANG , 'GREL PA LAS KYANG ,BRDAR BTAGS PA ZHES PA DANG, 'PHRIN LAS NYER BDUN GYI SKABS SU YANG BTAGS PA TZAM LA 'GOD PA'I 'PHRIN LAS GSUNGS PA'I PHYIR, ZER NA, SKYON MED DE, DE DAG GI DON NI, BLO GNOD MED LA SNANG BA'I DBANG GIS BZHAG TZAM LA DGONGS PA'I PHYIR, KHA CIG , RDE SHING RTA GLANG DU SNANG BAR THAL, RNAM BSHAD DGONGS PA RAB GSAL LAS KYANG, SHES PA 'KHRUL BA'I NGO BO TZAM DU RTA GLANG DU SNANG BA YIN GYI, SPYIR SPRUL GZHI RTA GLANG DU MI SNANG ZHES BYAR MI RUNG GI, KHYAD PAR DE LTAR MA SBYAR YANG, SPRUL GZHI RTA GLANG DU SNANG BAR KHAS BLANG DGOS TE, DE LTA MA YIN NA, SNANG BA LA 'KHRUL PA ME SRID PAR 'GYUR BA'I PHYIR, ZHES GSUNGS PA'I PHYIR DANG , STONG THUN LAS KYANG DE LTAR GSUNG @32A *, ,PA'I PHYIR ZER NA, SKYON MED DE, DE'I DON NI, SGYU MA MKHAN GYIS RDE SHING RTA GLANG DU SPRUL PA DE'I TSE NA, RDE SHING GI NGOS NAS RTA GLANG DU MI SNANG ZHES MI BYA BA'I DON YIN PA'I PHYIR, KHA CIG , DON DAM BDEN PA CHOS CAN, SNANG TSUL DANG GNAS TSUL MI MTHUN PA'I CHOS YIN PAR THAL, RANG NYID BDEN PAR 'DZIN PA'I BDEN 'DZIN GYI NGOR SNANG TSUL DANG GNAS TSUL MI MTHUN PA'I CHOS YIN PA'I PHYIR ZER NA, MA KHYAB, MA GRUB NA, DER THAL, RANG NYID BDEN BAR 'DZIN PA'I BDEN 'DZIN GYI NGO BOR BDEN PAR GRUB KYANG, DON LA BDEN PAR MA GRUB PA'I CHOS YIN PA'I PHYIR, 'DOD MI NUS TE, DON DAM BDEN PA YIN PA'I PHYIR, KHA CIG , GANG ZAG BDEN PAR 'DZIN PA'I BDEN 'DZIN CHOS CAN, DON DAM LA DBYOD PA'I RTAGS YANG DAG GI DGAG BYA MTHAR THUG YIN PAR THAL, DON DAM LA DPYOD PA'I RTAGS YANG DAG GI DGAG BYA'I GTZE BO YIN PA'I PHYIR, ZER NA, MA KHYAB, MA GRUB NA, DER THAL, GANG ZAG LUNG RIGS KYI SGO NAS GTZO BOR BDEN MED DU GTAN LA 'BEBS PA DE, GANG ZAG BDEN PAR 'DZIN PA'I BDEN 'DZIN GTZO BOR 'GOG PA'I PHYIR DU YIN PA'I PHYIR, DER THAL, GANG ZAG BDEN MED DU LUNG RIGS KYI SGO NAS GTZO BOR GTAN LA PHAB PA LA DGOS PA KHYAD PAR CAN YOD PA'I PHYIR, KHA CIG , GANG ZAG BDEN PAR 'DZIN PA'I BDEN 'DZIN CHOS CAN, KHYOD LAM GYI DGAG BYA MA YIN PAR THAL, RIGS PA'I DGAG BYA YIN PA'I PHYIR ZER NA, MA KHYAB, 'DOD NA, LAM GYI DGAG BYA YIN PAR THAL, KHYOD BDEN 'DZIN YIN PA'I PHYIR, KHA CIG , CHA CAN DON DAM BDEN PA SNANG TSUL DANG GNAS TSUL MI MTHUN PA'I CHOS YIN PAR THAL, DON DAM BDEN PA DANG DON DAM BDEN PA'I CHA SHAS GNYIS SNANG TSUL DANG GNAS CHUL MI MTHUN PA'I CHOS YIN PA'I PHYIR, ZER NA, MA KHYAB, MA GRUB NA, DER THAL, DE GNYIS SNANG TSUL NGO BO THA DAD DU SNANG YANG GNAS TSUL NGO BO GCIG TU GNAS PA'I PHYIR, KHA CIG , CHA CHA CAN GNYIS CHOS CAN, THA DAD DU MED PAR THAL, THA DAD DU YOD NA GNAS LUGS MNGON SUM DU RTOGS PA'I SLOB PA 'PHAGS PA'I MNYAM BZHAG YE SHES KYI GZIGS DGOS PA LAS MA GZIGS PA'I PHYIR, ZHES PA'I THAL 'GYUR CHOS CAN, KHYOD KYI RTAGS YOD PAR THAL, CHA CHA CAN GNYIS THA @32B DANG DU GNAS LUGS MNGON SUM DU RTOGS PA'I SLOB PA 'PHAGS PA'I MNYAM BZHAG YE SHES KYIS MA GZIGS PA DE KHYOD KYI RTAGS GANG ZHIG , DE YOD PA'I PHYIR, DANG PO MA GRUB NA, DE DE'I RTAGS YIN PAR THAL, DE DE'I RTAGS SU BKOD PA YIN PA'I PHYIR, ZER NA, MA KHYAB, 'DOD NA, BKAG ZIN TO, KHA CIG RTEN 'BREL GYI RTAGS KYIS MYU GU BDEN MED DU SGRUB PA'I RTAGS YANG DAG 'GOD PA SKABS SU BAB PA'I PHYIR RGOL YANG DAG DE'I NGO BOR MYU GU BDEN MED DU SGRUB MI DGOS PAR THAL, DES MTHUN DPE GZUGS BRNYAN BDEN MED DU TSAD MAS NGES PA'I RIGS PA DE'I BYED PA LA BRTEN NAS, MYU GU BDEN PAR GRUB BAM MA GRUB SNYAM DU BLO KHA PHYOGS PA TZAM GYIS MYU GU BDEN MED DU TSAD MAS NGES NUS PA'I PHYIR, ZER NA, MA KHYAB, MA GRUB NA, DER THAL, BZHI BRGYA PA LAS, GCIG GI LTA PO GANG YIN PA, ,DE NI KUN GYI LTA PO YIN, ,GCIG GI STONG NYID GANG YIN PA, ,DE NI KUN GYI STONG NYID YIN, ,ZHES GSUNGS PA'I PHYIR, 'DOD MI NUS TE, DE 'DRA BA'I PHYIR RGOL YANG DAG YIN PA'I PHYIR, ZER NA, ME LONG NANG GI BYAD BZHIN GYI GZUGS BRNYAN DANG , MYU GU GNYIS BDEN MED DU RTOGS DKA' SLA'I KHYAD PAR YOD PAR THAL, ME LONG NANG GI BYANG BZHIN GYI GZUGS BRNYAN DE, MYU GU BDEN MED DU SGRUB PA'I MTHUN DPE YANG DAG YIN PA'I PHYIR, DER THAL, DBU MA RGYAN LAS RANG BZHIN MED DE GZUGS BRNYAN BZHIN, ,ZHES GSUNGS PA'I PHYIR, 'DOD NA, ME LONG NANG GI BYAD BZHIN GYI GZUGS BRNYAN BDEN MED DU TSAD MAS RTOGS SHING, MYU GU BDEN MED DU MA RTOGS PA'I GANG ZAG CIG YOD PAR THAL, 'DOD PA'I PHYIR, 'DOD NA, DE 'DRA BA'I GANG ZAG DE'I NGO BOR MYU GU BDEN MED DU SGRUB MI DGOS PAR THAL, DES ME LONG NANG GI BYAD BZHIN GYI GZUGS BRNYAN BDEN MED DU RTOGS PA'I RIGS PA DE'I BYED PA LA BRTEN NAS, MYU GU BDEN PAR GRUB BAM MA GRUB SNYAM DU BLO KHA PHYOGS TZAM GYIS MYU GU BDEN MED DU RTOGS NUS PA'I PHYIR, KHYAB PA KHAS, MA GRUB NA, DER THAL, BZHI BRGYA PA LAS, GCIG GI LTA PO GANG YIN PA, ,ZHES GSUNGS PA'I PHYIR, 'KHOR GSUM, 'DOD MI NUS TE, DE MYU GU BDEN MED DU RTOGS PA'I BSAM BYUNG GI SHES RAB RGYUD LA SKYE DGOS KYI GANG ZAG YIN PA'I PHYIR, KHA CIG , RTEN 'BREL GYI RTAGS KYIS MYU GU BDEN MED DU SGRUB PA'I RTAGS 'GOD PA SKABS SU BABS PA'I PHYIR @33A *, ,RGOL YANG DAG DE'I NGO BOR RTEN 'BREL DE MYU GU BDEN MED SGRUB PA'I GRUB ZIN SGRUB PA'I MA GRUB PA'I GTAN TSIGS YIN PAR THAL, DE 'DRA BA'I PHYIR RGOL YANG DAG GIS MYU GU BDEN MED DU GRUB PA'I PHYIR ZER NA, MA KHYAB, KHA CIG , DE 'DRA BA'I PHYIR RGOL YANG DAG GI RGYUD KYI STONG NYID RTOGS PA'I THOS BYUNG GI SHES RAB DES STONG NYID RTOGS KYANG, DE STONG NYID RTOGS PA'I GANG ZAG MA YIN ZER NA, 'O NA, DE'I RGYUD KYI STONG NYID RTOGS PA'I THOS BYUNG GI SHES RAB DE KHO KHO RANG YIN PAR THAL, DE YOD PA'I PHYIR, 'DOD NA, DE 'DRA BA'I PHYIR RGOL YANG DAG DE CHOS CAN, STONG NYID RTOGS PA'I GANG ZAG YIN PAR THAL, RANG RGYUD KYI SHES RAB KYIS STONG NYID RTOGS PA'I GANG ZAG YIN PA'I PHYIR, DER THAL, STONG NYID RTOGS PA'I SHES RAB RGYUD LA LDAN PA'I GANG ZAG YIN PA'I PHYIR, 'KHOR GSUM, KHA CIG , DNGOS RGYU DNGOS 'BRAS SU SONG BA'I MIG SHES SKAD CIG SNGA PHYI GNYIS KYI BAR DU CHOS GZHAN GYIS CHOD PA YIN PAR THAL, DE GNYIS KYI BAR DU MIG SHES SKAD CIG DANG PO'I CHA SHAS GCIG GIS CHOD PA GANG ZHIG , MIG SHES SKAD CIG DANG PO'I CHA SHAS DE MIG SHES SKAD CIG DANG PO MA YIN PA'I PHYIR, ZER NA, MA KHYAB, 'O NA, SKYES BU'I YAN LAG SKYES BU LAS DON GZHAN YIN PAR THAL, SKYES BU'I YAN LAG SKYES BU MA YIN PA'I PHYIR, KHYAB PA KHAS, 'DOD NA, SKYES BU'I YAN LAG SKYES BU DANG RDZAS GZHAN YIN PAR THAL, 'DOD PA DE'I PHYIR, 'DOD NA, SKYES BU CHOS CAN, KHYOD KYI YAN LAG KHYOD DANG RDZAS GZHAN MA YIN PAR THAL, KHYOD SKYES BU YIN PA'I PHYIR,, ` ,,DE LA THAMS CAD MKHYEN PA NYID GSUM GYIS DON BRGYAD BSDUS LA, ZHES SOGS KYI SKABS SU, KHA CIG , MKHYEN GSUM GYIS DON MNGON PAR RTOGS PA BRGYAD BSDUS PA'I BSDUS TSUL DE, RGYA CHE BAS CHUNG BA BSDUS CHUL YIN TE, RGYA CHE BA MKHYEN GSUM GYIS RGYA CHUNG BA SBYOR ? BZHI DANG CHOS SKU BSDUS PA YIN PA'I PHYIR, ZER NA, DE MI 'THAD PAR THAL, MKHYEN GSUM DANG SBYOR BZHI CHOS SKU RNAMS LA RGYA CHE CHUNG GI KHYAD PAR MED PA'I PHYIR, DER THAL, MKHYEN GSUM RGYUD LA SKYES PA'I GANG ZAG YIN NA, SBYOR BZHI RGYUD LA SKYE MYONG YIN PAS KHYAB, CHOS SKU THOB PAS KHYAB, SBYOR BZHI RGYUD LA SKYES PA'I @33B SEMS DPA' YIN NA, MKHYEN GSUM RGYUD LA SKYE 'GYUR YIN PAS KHYAB, CHOS SKU THOB 'GYUR YIN PAS KHYAB PA'I PHYIR, KHA CIG , THEG DMAN GYI MNGON RTOGS LA GZHI SHES KYI KHYAB PA DANG , THEG CHEN GYI TSOGS ? LAM SKAD CIG DANG PO MA GTOGS SEMS DPA'I YE SHES LA LAM SHES KYIS KHYAB PA DANG , SANGS RGYAS 'PHAGS PA'I MNGON RTOGS LA RNAM MKHYEN GYIS KHYAB PA DE, MKHYEN GSUM GYIS DON MNGON PAR RTOGS PA BRGYAD YIN BSDUS KYI TSUL GYIS BSDUS PA'I DON YIN ZER NA, 'O NA, GANG ZAG GI BDAG MED MNGON SUM DU RTOGS PA'I THEG CHEN GYI TSOGS LAM DE, LAM SHES YIN PAR THAL, DAM BCA' 'THAD PA'I PHYIR, 'DOD NA, DE NYAN THOS KYI LAM SHES PA'I LAM SHES YIN PAR THAL, 'DOD PA DE'I PHYIR, 'DOD NA, DE CHOS CAN, KHYOD KYI NYER LEN DU GYUR PA'I NYAN THOS KYI LAM SHES PA'I LAM SHES KYI RGYU DES 'BYED CHA MTHUN ZHIG SNGON DU SONG BAR THAL, KHYOD NYAN THOS KYI LAM SHES PA'I LAM SHES YIN PA'I PHYIR, KHYAB STE, NYAN THOS LAM 'DI SHES PAR BYA, ZHES PA'I MJUG THOGS DE MA THAG TU, 'PHAGS PA NYAN THOS LAM LA NI, ZHES SOGS GSUNGS PA'I PHYIR, 'DOD MI NUS TE, THEG CHEN GYI TSOGS LAM YIN PA'I PHYIR, KHA CIG , THEG DMAN GYI MNGON RTOGS LA SDUD BYED GZHI SHES DANG , THEG CHEN GYI MNGON RTOGS LA SDUD BYED LAM SHES DANG , SANGS 'PHAGS KYI MNGON RTOGS LA SDUD BYED RNAM MKHYEN DU BYAS NAS MKHYEN GSUM GYIS DON MNGON PAR RTOGS PA BRGYAD BSDUS PA YIN ZHING, SDUD BYED DANG PO GNYIS GZHI SHES DANG LAM SHES BTAGS PA BA YIN NO,, ZER NA, 'O NA, NYAN THOS KYI TSOGS LAM CHOS CAN, GANG ZAG GI BDAG 'DZIN KUN BTAGS SPANGS PA'I SPANGS PA THOB ZIN PA 'AM, SPANGS PA DNGOS SU THOB BYED GANG RUNG YIN PAR THAL, 'DIR BSTAN PA'I SDUD BYED GZHI SHES YIN PA'I PHYIR, KHYAB PA YOD PAR THAL, SDUD BYED KYI GZHI SHES 'CHAD PA'I SKAB SU, 'GREL PA LAS, THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ,ZHES GSUNGS PA'I PHYIR, 'DOD MI NUS TE, SO SKYE'I MNGON RTOGS YIN PA'I PHYIR, KHA CIG , MKHYEN GSUM GYI BSDUS NA MKHYEN GSUM YIN PAS KHYAB ZER NA, 'O NA, DMAN LAM @34A *, ,SNGON DU MA SONG BA'I THEG CHEN GYI TSOGS LAM CHOS CAN, DER THAL DE'I PHYIR, DER THAL, RNAM RDZOGS SBYOR BA YIN PA'I PHYIR, 'DOD MI NUS TE, GZHI SHES DANG LAM SHES GNYIS GANG RUNG YANG MA YIN, RNAM MKHYEN YANG MA YIN PA'I PHYIR, DANG PO DER THAL, SO SKYE'I MNGON RTOGS YIN PA'I PHYIR, PHYI MA DER THAL, SLOB PA'I YE SHES YIN PA'I PHYIR, KHA CIG , DON MNGON PAR RTOGS PA BRGYAD PO GANG RUNG YIN NA, MKHYEN GSUM GYI NYAMS LEN YIN PAS KHYAB ZER NA, 'O NA, NYAN THOS KYI MTHONG LAM BAR CHAD MED LAM CHOS CAN, DER THAL, DE'I PHYIR, DER THAL, GZHI SHES YIN PA'I PHYIR, 'DOD NA, LAM SHES DANG RNAM MKHYEN GNYIS KYI NYAMS LEN YIN PAR THAL, 'DOD PA'I PHYIR, 'DOD MI NUS TE, MI MTHUN PHYOGS KYI GZHI SHES YIN PA'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, KHA CIG , MKHYEN GSUM GYI DON MNGON PAR RTOGS PA BRGYAD MA BSDUS SHING , MKHYEN GSUM GYI NYAMS LEN GYIS DON MNGON PAR RTOGS PA BRGYAD BSDUS PA'I BSDUS TSUL 'THAD PA YIN ZER NA, DE MI 'THAD PAR THAL, NYAN THOS ZHI BA 'TSOL RNAMS ZHES SOGS KYI SKABS NAS DNGO SU BSTAN PA'I YUM MKHYEN PA GSUM PO DE SDUD BYED DANG , DON MNGON PAR RTOGS PA BRGYAD PO DE BSDU BYA YIN PA'I PHYIR, DER THAL, DE LA THAMS CAD MKHYEN PA NYID GSUM GYIS DON BRGYAD BSDUS LA, ZHES RTZOD LAN 'BREL PA DANG BCAS PA'I PHYIR, KHA CIG , RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTOD PA DE YUM MTHA' NGAG LA BSTOD PAR BZHED DAM, PHYOGS GCIG LA BSTOD PAR BZHED, DANG PO LTAR NA, BSTOD GRANGS NYUNG BA'I SKYON YOD, PHYI MA LTAR NA, DON GYI GTZO BO RNAM MKHYEN LTA BU GCIG LA BSTOD CHOG PA LA, MKHYEN PA GSUM GA LA BSTOD PAS BSTOD GRANGS MANG PA'I SKYON YOD CES RTZOD PA YIN ZER NA, DE MI 'THAD PAR THAL, SKABS 'DIR DNGOS SU BSTAN PA'I RTZOD PA RGOL BA RTOG LDAN GYI RGYUD LA SKYE MI SRID PA'I RTZOD PA YIN PA GANG ZHIG , RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTOD PA LA, BSTOD GRANGS MANG NYUNG GI SKYON MED PA'I PHYIR, DER THAL, NGO BO DANG NUS PA'I YON TAN GNYIS GNYIS KYI SGO NAS BSTOD @34B PA SHA STAG YIN PA'I PHYIR,, ` ,,GNYIS PA RANG GI LUGS LA, RTZOD PA DANG LAN GNYIS, DANG PO NI, RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTOD PA DE, YUM MTHA' DAG LA BSTOD PAR BZHED DAM, PHYOGS GCIG LA BSTOD BA BZHED, DANG PO LTAR NA MI RIGS TE, BSTOD YUL NYUNG BA'I SKYON YOD, PHYI MA LTAR NA MI RIGS TE, DON GYI GTZO BO RNAM MKHYEN LTA BU GCIG LA BSTOD CHOG PA LA, MKHYEN PA GSUM KA' BSTOD PAS BSTOD YUL MANG BA'I SKYON YOD CES RTZOD, LAN BSHAD PA LA, RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTOD PA LA BSTOD YUL MAD NYUNG GI SKYON MED DE, DE'I SGO NAS BSTOD PA LA RGYU MTSAN DANG , DGOS PA KHYAD PAR CAN GNYIS YOD PA'I PHYIR, RGYU MTSAN YOD DE, MKHYEN GSUM GYIS DON MDON PAR RTOGS PA BRGYAD BSDUS PA'I PHYIR, DGOS PA YOD DE, SDUD BYED YUM MKHYEN PA GSUM YUM MTSAN NYID PA YIN PAR MA ZAD, BSDU BYA DON MNGON PAR RTOGS PA BRGYAD KA YUM MTSAN NYID PA YIN PAR SHES PA DANG , MKHYEN GSUM GYIS 'PHAGS BZHI'I BZHED DON PHUN TSOGS SGRUB NUS SO ZHES SHES PA'I PHYIR, DU YIN PA'I PHYIR, MKHYEN GSUM GYIS DON MNGON PAR RTOGS PA BRGYAD BSDUS PA YIN TE, MKHYEN GSUM GYIS NGON MNGON PAR RTOGS PA BRGYAD NYAMS LEN GYI TSUL GYIS BSDUS PA YIN PA'I PHYIR, DE YANG YIN TE, DON MNGON PAR RTOGS PA BRGYAD PO GANG RUNG YIN NA, MKHYEN GSUM GANG RUNG GI NYAMS LEN YIN PAS KHYAB BA DE MKHYEN GSUM GYIS DON MNGON PAR RTOGS PA BRGYAD BSDUS TSUL YIN PA'I PHYIR,, ` ,,RTZOD PA SPONG BA LA, KHA CIG , MKHYEN GSUM GYIS DON MNGON PAR RTOGS PA BRGYAD MA BSDUS SHING, MKHYEN GSUM GYIS ? NYAMS LEN GYIS DON MNGON PAR RTOGS PA BRGYAD BSDUS PA'I BSDUS TSUL DE 'THAD PAR THAL, MKHYEN GSUM GYIS DON MDON PAR RTOGS PA BRGYAD BSDUS TSUL NYAMS LEN GYIS BSDUS TSUL YIN PA, GANG ZHIG, DON MNGON PAR RTOGS PA BRGYAD PO GANG RUNG YIN NA, MKHYEN GSUM GYI NYAMS LEN YIN PAS MA KHYAB, MKHYEN GSUM GANG RUNG GI NYAMS LEN YIN PAS KHYAB PA'I PHYIR, ZER NA, MA KHYAB ,'DOD NA, BKAG ZIN TO,,KHA CIG , DON MNGON PAR RTOGS PA BRGYAD PO GANG RUNG YIN NA, @35A *, ,'PHAGS RGYUD KYI NYAMS LEN GYIS BSDUS PAS BYAB PAR THAL, DE YIN NA, MKHYEN GSUM GANG RUNG GI NYAMS LEN GYIS BSDUS PAS KHYAB PA'I PHYIR, KHYAB STE, MKHYEN GSUM GANG RUNG YIN NA, 'PHAGS RGYUD KYI MKHYEN PA YIN DGOS BA'I PHYIR, ZER NA, MA KHYAB, 'DOD NA, DMAN LAM SDON DU MA SONG BA'I THEG CHEN GYI TSOGS LAM CHOS CAN, DER THAL, DE'I PHYIR, 'DOD NA, 'PHAGS RGYUD KYIS BSDUS PAR THAL, 'DOD PA'I PHYIR, 'DOD MI NUS TE, SO SKYE'I MNGON RTOGS YIN PA'I PHYIR, KHA CIG , RNAM MKHEN GYIS RNAM MKHYEN BSDUS PAR THAL, MKHYEN GSUM GYIS DON MNGON PAR RTOGS PA BRGYAD BSDUS PA'I PHYIR, 'DOD NA, RNAM MKHYEN RNAM MKHYEN DANG THA DAD YIN PAR THAL, RNAM MKHYEN RNAM MKHYEN GYI BSDU BYA SDUD BYEN GNYIS KA YIN PA'I PHYIR, 'KHOR GSUM, ZER NA, 'O NA, SANGS RGYAS KYI SA SANGS RGYAS KYI SA DANG THA DAD YIN PAR THAL SANGS RGYAS KYI SA SANGS RGYAS KYIS SA BSDUS PA'I PHYIR, MA GRUB NA, SANGS RGYAS KYI SA CHOS CAN, KHYOD SANGS RGYAS KYIS SA BSDUS PAR THAL, KHYOD SANGS RGYAS KYI SA YIN PA'I PHYIR, 'KHOR GSUM,, ` ,,NYAN THOS DANG DE'I PHYOGS SU SLAN PA ZHES SOGS KYI SKABS SU, GZHI SHES CHOS CAN, BYED LAS KHYAD PAR CAN DANG LDAN TE, RANG SRAS NYAN RANG 'PHAGS PA SDUG KUN NYE BAR ZHI BA'I NYER ZHIR 'KHRID PA'I BYED LAS DANG LDAN PA'I PHYIR, MTHA' DPYAD PA LA RNAM PA GSUM LAS, DANG PO LA, KHA CIG , RANG BZHIN GYI MYANG 'DAS YIN NA, MYANG 'DAS YIN PAS KHYAB ZER NA, GANG ZAG GI BDAG 'DZIN GYI CHOS NYID CHOS CAN, DER THAL, DE'I PHYIR, DER THAL, DON DAM BDEN PA YIN PA'I PHYIR, 'DOD NA, GANG ZAG GI BDAG 'DZIN DE GANG ZAG GI BDAG 'DZIN SPANGS PA'I CHOS YIN PAR THAL, 'DOD PA DE'I PHYIR, 'DOD MI NUS SO, KHA CIG , RANG BZHIN GYI MYANG 'DAS YIN NA, MYANG 'DAS MA YIN PAS KHYAB ZER NA, 'O NA, RANG BZHIN RNAM DAG GI CHAR GYUR PA'I NGO BO NYID SKU CHOS CAN, DER THAL, DE'I PHYIR, DER THAL, DON DAM BDEN PA YIN PA'I PHYIR, DER THAL, CHOS CAN DE YIN PA'I PHYIR, 'DOD NA, MYA NGAN 'DAS YIN PAR THAL, NGO BO NYID SKU YIN PA'I PHYIR, KHA CIG , BYE BRAG SMRA BA DES NYAN @35B THOS KYI LHAG MED MYANG 'DAS KYI CHO 'DUS BYAS KYI RGYU BA GTAN LOG TU 'DOD PA YIN NO ZER NA, DE MI 'THAD PAR THAL, DES NYAN THOS KYI LHAG MED MYANG 'DAS KYI TSE THOB PA 'DUS BYAS PA GCIG 'DOD PA'I PHYIR, DER THAL, DES DE'I TSE DGE BA'I THOB PA 'DUS BYAS PA GCIG 'DOD PA'I PHYIR, DER THAL, DE THOB PA 'DUS BYAS PA GCIG 'DOD PA'I PHYIR, DER THAL, MDZOD LAS, DUS GSUM PA YIN RNAM PA GSUM, ZHES GSUNGS PA'I PHYIR, KHA CIG , LUNG GI RJES 'BRANG GI SEMS TZAM PA DANG , MDO SDE PA RNAMS KYI NYAN THOS KYI LHAG MED MYANG 'DAS KYI TSE 'DUS BYAS KYI RGYU BA GTAN LOG TU MI 'DOD ZER NA, DE 'DOD PAR THAL, DE GNYIS KYI LHAG MED MYANG 'DAS KYI TSE 'DUS BYAS KYI MTSAN MA MED PAR 'DOD PA'I PHYIR, DER THAL, BSDU BA LAS, MTSAN MA DANG GNAS NGAN LEN THAMS CAD NAS THAMS CAD DU RGYUN CHAD CING 'GAGS PA'I PHYIR, ZHES GSUNGS PA'I PHYIR, KHA CIG , LUNG GI RJES 'BRANG GI SEMS TZAM PAS NYAN THOS KYI LHAG MED MYANG 'DAS LA GNAS PA'I NYAN THOS DGRA BCOM PA YOD PAR 'DOD PA YIN ZER NA, 'O NA, LUGS DE GZHIR ZHOGS LA, LHAG MED MYANG 'DAS LA GNAS PA'I NYAN THOS DGRA BCOM PA CHOS CAN, 'DUS BYAS YIN PAR THAL, GANG ZAG YIN PA'I PHYIR, RTAGS KHAS, MA KHYAB NA, RTAG GCIG RANG DBANG CAN GYI BDAG YOD PAR THAL, GANG ZAG LA 'DUS BYAS KYIS MA KHYAB PA'I PHYIR, 'DOD NA, GANG ZAG GI BDAG YOD PAR THAL, 'DOD PA DE'I PHYIR, 'DOD MI NUS SO,, RTZA BAR 'DOD NA, NYAN THOS KYI LHAG MED MYANG 'DAS KYI TSE 'DUS BYAS KYI RGYU BA GTAN MA LOG PA YIN PAR THAL, 'DOD PA DE'I PHYIR, 'DOD MI NUS TE, LUNG GONG DU DRANGS MA THAG PA DE'I PHYIR, KHA CIG , NYON SGRIB DANG BRAL BA'I BRAL BA, MYANG 'DAS KYI MTSAN NYID ZER NA, 'O NA, NYAN THOS KYI SGOM LAM RDO RJE LTA BU'I TING NGE 'DZIN LA GNAS PA'I GANG ZAG GI RGYUD KYI 'GOG BDEN CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, DE RGYUD LA LDAN PA'I GANG ZAG DE DGRA BCOM PA YIN PAR THAL, 'DOD PA DE'I PHYIR, 'DOD MI NUS SO, ,KHA CIG , KUN 'BYUNG MA LUS PAR SPANGS SHING SNGA MA'I LAS NYON GYI 'BRAS BUR GYUR BA'I SDUG BSNGAL GYI PHUNG PO DANG BCAS PA'I SO SOR BRTAGS 'GOG , @36A *, ,LHAG BCAS MYANG 'DAS KYI MTSAN NYID,KUN 'BYUNG MA LUS PAR SPANGS SHING SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BRAL BA'I SO SOR BRTAGS 'GOG, LHAG MED MYANG 'DAS KYI MTSAN NYID ZER NA, 'O NA, LAS KYI KUN 'BYUNG RGYUD LA LDAN PA'I LHAG BCAS MYANG 'DAS LA GNAS PA'I NYAN THOS DGRA BCOM PA'I RGYUD KYI MYANG 'DAS CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, RNAM 'GREL LAS, SRID PA'I SRED LAS RNAM RGAL PA'I, LAS GZHAN 'PHEN NUS MA YIN TE, LHAN CIG BYAD PA ZAD PHYIR RO, ,ZHES GSUNGS PA'I PHYIR DANG , MDZOD KYI 'GREL PA DON GSAL LAS KYANG, DGRA BCOM PA DAG LA YANG SNGON SO SO'I SKYE BO'I GNAS SKABS SU BYAS PA'I LAS DGE BA DANG MI DGE BA NGES PA DANG MA NGES PA DAG YOD MOD KYI PHRA RGYAS MED PA'I PHYIR YANG SRID MNGON PAR 'GRUB MI NUS SO, ,ZHES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG, NYON SGRIB MA LUS PAR SPANGS ZHING SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BCAS PA'I DMAN PA'I SO SOR BRTAGS 'GOG, LHAG BCAS MYANG 'DAS KYI MTSAN NYID, NYON SGRIB MA LUS PAR SPANGS SHING SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BRAL BA'I DMAN PA'I SO SOR BRTAGS 'GOG, LHAG MED MYANG 'DAS KYI MTSAN NYID ZER NA, 'O NA, LHAG BCAS MYANG 'DAS LA GNAS PA'I NYAN THOS DGRA BCOM PA THEG CHEN LAM DU ZHUGS NAS NYER LEN GYI PHUNG PO MDOR BA'I BYANG SEMS TSOGS LAM PA'I RGYUD KYI MYANG 'DAS CHOS CAN, DMAN PA'I SO SOR BRTAGS 'GOG YIN PAR THAL, LHAG BCAS MYANG 'DAS YIN PA'I PHYIR, DER THAL, CHOS CAN DE YIN PA'I PHYIR, DE DER THAL, DE YOD PA'I PHYIR, DER THAL, LHAG BCAS MYANG 'DAS LA GNAS PA'I NYAN THOS DGRA BCOM PA NYER LEN GYI PHUNG PO MDOR BAR THEG CHEN LAM DU 'JUG PA YOD PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG , SANGS RGYAS 'PHAGS PA'I RGYUD KYI MYANG 'DAS CHOS CAN, DMAN PA'I SO SOR BRTAGS @36B 'GOG YIN PAR THAL, LHAG MED MYANG 'DAS YIN PA'I PHYIR, DER THAL, MI GNAS PA'I MYANG 'DAS YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG, SANGS RGYAS 'PHAGS PA'I RGYUD LA LHAG MED MYANG 'DAS MED ZER NA, 'O NA, SEMS TZAM PA RNAMS KYIS KYANG SANGS RGYAS 'PHAGS PA'I RGYUD KYI LHAG MED MYANG 'DAS MED PAR 'DOD PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, SEMS TZAM PA RNAMS KYIS THEG DMAN GYI LHAG MED MYANG 'DAS KYI TSE GZHAN DON RGYA CHEN PO LA 'JUG MI NUS PA DANG , THEG CHEN GYI LHAG MED MYANG 'DAS KYI TSE GZHAN DON RGYA CHEN PO LA 'JUG PA DE, SNGON GYI SMON LAM GYI GOMS PA YOD MED SOGS KYI SGO NAS SGRUB BAR BYED PA'I PHYIR, DER THAL, BSDU BA LAS, GAL TE DE LA SGRIB PA MED NA DE BZHIN GSHEGS PA LA MI MNGA' BA ? DE KHO NA BZHIN DU DGRA BCOM PA LA YANG SGRIB PA MED NA CI'I PHYIR DGRA BCOM PAS KYANG DE BZHIN GSHEGS PA'I MDZAD PA MI MDZAD CE NA, SMRAS PA, SNGON GYI SMON LAM GYI GOMS PA MED PA'I PHYIR DANG , DE LTA BU'I RIGS CAN YIN PAS, DE'I PHYIR DGRA BCOM PA NI LDANG BA'I BSAM PA MED PA KHO NAR YONGS SU MYA NGAN LAS 'DA' BAS, DE'I PHYIR MI BYED DO, ,ZHES GSUNGS PA'I PHYIR, GZHAN YANG , DE YOD PAR THAL, THEG CHEN SEMS BSKYED KYI DMIGS YUL MTHAR THUG 'CHAD PA'I SKABS SU, MDO LAS, PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS PAR 'DOD PAS SHES RAB KYI PHA ROL TU PHYIN PA LA BSLAB BAR BYA'O, ,ZHES GSUNGS PA'I PHYIR, KHA CIG ,NYON SGRIB MA LUS PAR SPANGS SHING SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BCAS PA'I SO SOR BRTAG 'GOG, DMAN PA'I LHAG BCAS MYANG 'DAS KYI MTSAN NYID, NYON SGRIB MA LUS PAR SPANGS SHING SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BRAL BA'I SO SOR BRTAGS [*LINE BREAK?] 'GOG, DMAN PA'I LHAG MED MYANG 'DAS KYI MTSAN NYID ZER NA, 'O NA, BYANG SEMS TSOGS LAM PA'I RGYUD KYI LHAG MED MYANG 'DAS CHOS CAN, MTSON BYA PHYI MA DER THAL, MTSAN NYID PHYI MA DE'I PHYIR, DER THAL, LHAG MED MYANG 'DAS YIN PA'I PHYIR, 'DOD MI NUS TE, BYANG SEMS KYI RGYUD KYI MYANG 'DAS YIN PA'I PHYIR, KHA CIG, DE BYANG @37A *, ,SEMS KYI MYANG 'DAS YIN ZER NA, 'O NA, DE CHOS CAN, RANG THOB BYED KYI THABS SU GYUR PA'I BYANG SEMS KYI LAM BDEN SNGON DU SONG BAR THAL, KHYOD BYANG SEMS KYI 'GOG BDEN YIN PA'I PHYIR, 'DOD NA, MI 'THAD PAR THAL, BYANG SEMS SO SKYE'I RGYUD KYI MYANG 'DAS YIN PA'I PHYIR, KHA CIG, NYON SGRIB MA LUS PAR SPANGS SHING LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BCAS PA'I DMAN PA'I SO SOR BRTAG 'GOG DMAN PA'I LHAG BCAS MYANG 'DAS KYI MTSAN NYID, NYON SGRIB MA LUS PAR SPANGS SHING LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BRAL BA'I DMAN PA'I SO SOR BRTAG 'GOG, DMAN PA'I LHAG MED MYANG 'DAS KYI MTSAN NYID, ZER NA, 'O NA, SDUG BSNGAL GYI PHUNG PO YIN NA, LAS NYON GYI 'BRAS BU YIN DGOS PAR THAL, KHYOD KYI MTSAN NYID GNYIS KA 'THAD PA'I PHYIR, 'DOD MI NUS TE, LAS NYON GYI RGYUR GYUR PA'I SDUG BSNGAL GYI PHUNG PO YOD PA'I PHYIR, DER THAL, RTEN 'BREL YAN LAG BCU GNYIS PO DE SNGA PHYI'I GO RIM MED PAR 'GAL ME'I 'KHOR LO BZHIN DU 'KHOR BA'I PHYIR, DER THAL, RIN CHEN PHRENG BA LAS, LAM GSUM THOG MTHA' DBUS MED PAR, ,'KHOR BA'I DKYIL 'KHOR 'GAL ME YI, ,DKYIL 'KHOR LTA BUR PHAN TSUN DU, ,RGYU CAN GYIS NI 'KHOR PAR 'GYUR, ,ZHES GSUNGS PA'I PHYIR, KHA CIG, DMAN PA'I MYANG 'DAS MYANG 'DAS MA YIN NO, ZER NA, 'O NA, THEG DMAN DGRA BCOM PA DGRA BCOM PA MA YIN PAR THAL, DAM BCA' 'THAD PA'I PHYIR, 'DOD NA, DGRA BCOM BSAD PA'I MTSAMS MED KYI LAS MED PAR THAL, THEG DMAN DGRA BCOM BSAD PA'I MTSAMS MED KYI LAS KYANG MED, THEG CHEN DGRA BCOM BSAD PA'I MTSAMS MED KYI LAS KYANG MED PA'I PHYIR, DANG PO DER THAL, THEG DMAN DGRA BCOM DGRA BCOM MA YIN PA'I PHYIR, RTAGS KHAS, PHYI MA DER THAL, THEG CHEN DGRA BCOM YIN NA 'CHI BDAG GI BDUD SPANGS PAS KHYAB PA'I PHYIR, 'DOD MI NUS TE, PHA MA BSAD PA'I MTSAMS MED KYI LAS YOD PA'I PHYIR, GZHAN YANG, DGRA BCOM BDEN SMRA'I LTUNG BA MED PAR THAL, THEG DMAN DGRA BCOM PAS SMRA PA'I DGRA BCOM BDEN SMRA'I LTUNG BA YANG MED, THEG CHEN DGRA BCOM PAS SMRAS PA'I DGRA BCOM @37B BDEN SMRA'I LTUNG BA YANG MED PA'I PHYIR, DANG PO DER THAL, THEG DMAN DGRA BCOM PAS BDAG NI DGRA BCOM PA'O ZHES SMRAS PA'I TSIG DE BDEN TSIG MA YIN PA'I PHYIR, MA GRUB NA, 'KHOR GSUM YOD DO, PHYI MA DER THAL, SANGS RGYAS 'PHAGS PA YIN NA NGAG GI NYES [*LINE BREAK?] PA MTHA' DAG SPANGS PA'I GANG ZAG YIN DGOS PA'I PHYIR, KHA CIG, SKU TSE'I 'DU BYED BTANG BA'I NYAN THOS DGRA BCOM PA'I RGYUD KYI MYANG 'DAS DE, LHAG MED MYANG 'DAS KYI MTSAN GZHI, SKU TSE'I 'DU BYED MA BTANG BA'I DGRA BCOM PA'I RGYUD KYI MYANG 'DAS, LHAG BCAS MYANG 'DAS KYI MTSAN GZHI YIN ZER NA, 'O NA SKU TSE'I 'DU BYED BTANG BA'I DGRA BCOM PA YOD PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DGRA BCOM PA YIN NA, SKU TSE'I 'DU BYED MA BTANG BA'I DGRA BCOM PA YIN DGOS PA'I PHYIR, DER THAL, DGRA BCOM PA YIN NA, TSE DANG LDAN PA'I DGRA BCOM PA YIN DGOS PA'I PHYIR, RTAGS 'BUD DO, ,GZHAN YANG, SKU TSE'I 'DU BYED MA BTANG BA'I DGRA BCOM PA'I RGYUD KYI MYANG 'DAS YIN NA LHAG BCAS MYANG 'DAS YIN DGOS PAR THAL, SKU TSE'I 'DU BYED MA BTANG BA'I DGRA BCOM PA'I RGYUD KYI MYANG 'DAS DE LHAG BCAS MYANG 'DAS KYI MTSAN GZHI YIN PA'I PHYIR, 'DOD NA, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS NAS SLAR MI LDANG BA'I TSUL GYIS MNYAM PAR BZHAG PA'I LHAG MED MYANG 'DAS LA GNAS PA'I NYAN THOS DGRA BCOM PA'I RGYUD KYI LHAG MED MYANG 'DAS CHOS CAN,DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, LHAG MED MYANG 'DAS YIN PA'I PHYIR, KHA CIG, DGRA BCOM PA'I GO 'PHANG THOB NAS SKU TSE'I 'DU BYED MA BTANG BA'I NYAN THOS DGRA BCOM PA'I RGYUD KYI MYANG 'DAS, LHAG BCAS MYANG 'DAS KYI MTSAN NYID, DGRA BCOM PA'I GO 'PHANG THOB NAS SKU TSE'I 'DU BYED BTANG BA'I NYAN THOS DGRA BCOM PA'I RGYUD KYI MYANG 'DAS, LHAG MED MYANG 'DAS KYI MTSAN GZHI ZER NA, 'O NA, NYAN THOS DGRA BCOM PA'I GO 'PHANG THOB NAS SKU TSE'I 'DU BYED BTANG BA'I DGRA BCOM PA YOD PAR THAL, KHYOD KYI MTSAN GZHI 'THAD PA'I PHYIR, 'DOD NA, LHAG @38A *, ,MED MYANG 'DAS LA GNAS PA'I DGRA BCOM PA DE DE LTAR YIN PAR THAL, 'DOD PA DE'I PHYIR, 'DOD NA, MI 'THAD PAR THAL, DE SKU TSE'I 'DU BYED MA BTANG BA'I GANG ZAG YIN PA'I PHYIR, DER THAL, DE TSE DANG LDAN PA'I DGRA BCOM PA YIN PA'I PHYIR, KHA CIG, LHAG BCAS MYANG 'DAS LA GNAS PA'I NYAN THOS DGRA BCOM PA DE 'KHOR BA SPANGS LDAN GNYIS KA YIN ZER NA, 'O NA, DE'I RGYUD KYI 'KHOR BA SPANGS PA'I SPANGS PA DE SLAR MI LDOG PA'I SPANGS PA MA YIN PAR THAL, DE 'KHOR BA DANG LDAN PA'I GANG ZAG YIN PA'I PHYIR, 'DOD MI NUS TE, DE 'KHOR BA'I RTZA BAR GYUR PA'I BDAG 'DZIN GYIS SA BON SPANGS PA'I SPANGS PA YIN PA'I PHYIR KHYAB STE, RNAM 'GREL LAS, BDAG LTA'I SA BON SPANGS PA'I PHYIR, SLAR MI GSHEGS PA NYID YIN NO, ZHES GSUNGS PA'I PHYIR, KHO NA RE, DE 'KHOR BA SPANGS LDAN GNYIS KA YIN PAR THAL, DES 'KHOR BA SPANGS PA GANG ZHIG, ,DE 'KHOR BA DANG LDAN PA'I PHYIR, DANG PO DER THAL, DE THAR PA THOB PA'I GANG ZAG YIN PA'I PHYIR, PHYI MA DER THAL, DE'I RGYUD KYI NYER LEN GYI PHUNG PO LNGA PO DE 'KHOR BA YIN PA'I PHYIR, DER THAL, SDUG BDEN YIN PA'I PHYIR ZER NA, 'O NA, SDUG BSNGAL BDEN PA YIN NA 'KHOR PA YIN DGOS PAR THAL, ,KHYOD KYI SGRUB BYED DE 'THAD PA'I PHYIR, 'DOD NA, MA DAG PA'I SNOD KYI 'JIG RTEN CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, KHYAB PA 'OG TU SGRUB PO, ,'DOD NA, 'KHOR PA LA LTOS PA'I LAS BYA BYED GNYIS GCIG YIN PAR THAL, GANG DU 'KHOR BA PO'I GANG ZAG DANG, 'KHOR BA'I NGO BO THAMS CAD 'KHOR BA YIN PA'I PHYIR, RTAGS KHAS, 'DOD NA, LAS BYA BYAD GNYIS GCIG YIN PAR THAL, 'DOD PA'I PHYIR, 'DOD MI NUS SO, ,GZHAN YANG , LHAG BCAS MYANG 'DAS LA GNAS PA'I NYAN THOS DGRA BCOM PA DE 'KHOR PA'I 'CHING BAS BCINGS PA'I GANG ZAG YIN PAR THAL, DE 'KHOR BA DANG LDAN PA'I GANG ZAG YIN PA'I PHYIR, 'DOD NA, DE 'KHOR BA'I 'CHING BA LAS MA GROL BA'I GANG ZAG YIN PAR THAL, 'DOD PA DE'I PHYIR, 'DOD MI NUS TE, RNAM BSHAD DGONGS PA RAB GSAL LAS, NYAN RANG DGRA BCOM PA 'KHOR @38B BA'I 'CHING BA LAS MA GROL BAR 'DOD PA'I MKHAS PA SU YANG MED CING, RIGS PAS KYANG MI 'THAD PA'I PHYIR RO, ,ZHES GSUNGS PA'I PHYIR, KHO NA RE, DE 'KHOR BA DANG LDAN PA'I GANG ZAG YIN PAR THAL, DE 'KHOR BAR GNAS PA'I GANG ZAG YIN PA'I PHYIR, DER THAL, RNAM 'GREL LAS, 'DOD CHAGS BRAL BAS GNAS PA NI, BRTZE BA'AM YANG NA LAS KYIS YIN, ZHES GSUNGS PA'I PHYIR, ZER NA, SKYON MED DE, DE'I DON NI, DE SNGA MA'I LAS NYON GYI DBANG GIS 'KHOR BA'I GNAS SU GNAS ZHES B'I DON YIN PA'I PHYIR, DE LTA MA YIN NA, ,'KHOR BA'I GNAS SU GNAS PA'I GANG ZAG YIN NA, 'KHOR BAR GNAS PA'I GANG ZAG YIN DGOS PAR THAL, LHAG BCAS MYANG 'DAS LA GNAS PA'I NYAN THOS DGRA BCOM PA DE, 'KHOR BAR GNAS PA'I GANG ZAG YIN PA'I PHYIR, 'DOD NA, SNYING RJE DANG SMON LAM GYI DBANG GIS 'DZAM GLING 'DER GNAS PA'I STON PA SH'A-KYA THUB PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, RGYUD BLA MA LAS, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS NI, ,ZHES SOGS GSUNGS PA'I PHYIR 'DOD NA, SRID MTHAR GNAS PA'I GANG ZAG YIN PAR THAL, 'DOD PA DE'I PHYIR, 'DOD MI NUS TE, DE'I RGYUD KYI MYANG 'DAS DE, SRID ZHI GNYIS KYI MTHA' LA MI GNAS PA'I MYANG 'DAS YIN PA'I PHYIR, DER THAL, SANGS RGYAS 'PHAGS PA'I RGYUD KYI MYANG 'DAS YIN PA'I PHYIR,, ` ,,GNYIS PA RANG GI LUGS LA, NYON SGRIB MA LUS PAR SPANGS PA'I SO SOR BRTAG 'GOG, MYANG 'DAS KYI MTSAN NYID, MYANG 'DAS LA SGRAS BRJOD RIGS KYI SGO NAS DBYE NA, RANG BZHIN GYI MYANG 'DAS, LHAG BCAS MYANG 'DAS, LHAG MED MYANG 'DAS, MI GNAS PA'I MYANG 'DAS DANG BZHI, RANG BZHIN GYI MYANG 'DAS, RANG BZHIN GYI YUM, RANG BZHIN GYI SHER PHYIN, RANG BZHIN GYI CHOS SKU, DON DAM BDEN PA RNAMS DON GCIG, NYON SGRIB MA LUS PAR SPANGS SHING, SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BCAS PA'I SO SOR BRTAG 'GOG, @39A *, ,LHAG BCAS MYANG 'DAS KYI MTSAN NYID, MTSAN GZHI, NYER LEN GYI PHUNG PO MA DOR BA'I NYAN THOS DGRA BCOM PA'I RGYUD KYI MYANG 'DAS LTA BU YIN, NYON SGRIB MA LUS PAR SPANGS SHING , SNGA MA'I LAS NYON GYI 'BRAS BUR GYUR BA'I SDUG BSNGAL GYI PHUNG PO DANG BRAL BA'I SOO BRTAGS 'GOG, LHAG MED MYANG 'DAS KYI MTSAN NYID, MTSAN GZHI, NYER LEN GYI PHUNG PO DOR PA'I NYAN THOS DGRA BCOM PA'I RGYUD KYI MYANG 'DAS LTA BU YIN, SGRIB GNYIS MA LUS PAR SPANGS PA'I SO SOR BRTAG 'GOG, MI GNAS PA'I MYANG 'DAS KYI MTSAN NYID, MTSAN GZHI, SANGS RGYAS 'PHAGS PA'I RGYUD KYI 'GOG BDEN LTA BU, DE LTA BU'I MYANG 'DAS DE THABS GANG YANG RUNG BA LA BRTEN NAS THOB NUS PA MA YIN TE, BDAG MED RTOGS PA'I SHES RAB KYI BSLAB PA DE, BSLAB PA DANG PO GNYIS KYIS ZIN PA'I SGO NAS, RTOGS ZIN GOMS PAR BYAS PA LA BRTEN NAS 'THOB PA YIN PA'I PHYIR, DE SKAD DU YANG, TING NGE 'DZIN RGYAL PO LAS, GAL TE BDAG MED CHOS LA SO SOR RTOG ,SO SOR DE BRTAGS GANG YON ? SGOM BYED PA, THAR PA MYA NGAN 'DAS THOB RGYU DE YIN, ,RGYU GZHAN DAG GIS ZHI BAR 'GYUR MI SRID, ,CES GSUNGS PA'I PHYIR,, ` ,,RTZOD PA SPONG BA LA,, KHA CIG, MYANG 'DAS DANG DON DAM BDEN PA'I GZHI MTHUN MED PAR THAL, MYANG 'DAS YIN NA, KUN RDZOB BDEN PA YIN DGOS PA'I PHYIR, DER THAL, MYANG 'DAS KUN RDZOB BDEN PA YIN PA'I PHYIR, ZER NA MA KHYAB, 'O NA, SHES BYA YIN NA KUN RDZOB BDEN PA YIN DGOS PAR THAL, SHES BYA KUN RDZOB BDEN PA YIN PA'I PHYIR, 'KHOR GSUM, KHA CIG, MYANG 'DAS YIN NA, DON DAM BDEN PA YIN DGOS PAR THAL, MYANG 'DAS YIN NA, CHOS DBYINGS YIN DGOS PA'I PHYIR, DER THAL, BSNGU BA LAS,? MYANG 'DAS CHOS DBYINGS SHIN TU RNAM DAG GI NGO BOR GSUNGS PA'I PHYIR, ZHES ZER NA, SKYON MED DE, CHOS DBYINGS DANG NGO BO GCIG PA'I DON YIN PA'I PHYIR, DE LTAR MA YIN NA, CHOS DBYINGS KYI NGO BO YIN NA, CHOS DBYINGS YIN DGOS PAR THAL, KHYOD KYI SGRUB BYED 'THAD PA'I PHYIR, 'DOD NA, CHOS DBYINGS KYI YOD PA CHOS CAN, DER THAL, @39B DE'I PHYIR, DER THAL, CHOS DBYINGS KYI KUN RDZOB PA'I NGO BO YIN PA'I PHYIR, DE DER THAL, GZUGS SOGS KYI CHOS RNAMS KYI RANG GI KUN RDZOB PA'I NGO BO DANG , DON DAM PA'I NGO BO GNYIS GNYIS 'DZIN PA YIN PA'I PHYIR, 'DOD NA, CHOS DBYINGS CHOS CAN, KHYOD KYI YOD PA CHOS DBYINGS MA YIN PAR THAL, KHYOD GZHI GRUB PA'I PHYIR, KHA CIG, LUNG GI RJES 'BRANG GI SEMS TZAM PAS, LHAG MED MYANG 'DAS LA GNAS PA'I NYAN THOS DGRA BCOM PA YED PAR 'DOD PAR THAL, BSDU BA LAS, PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA MED PA DANG , SGRIB PA'I RNAM PAR BZHAG PA YID KYI, PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA'I RNAM PAR BZHAG PA MED DE, ZHES SOGS GSUNGS PA'I PHYIR ZER NA, SKYON MED DE, DON NI, NYAN THOS KYI LHAG MED MYANG 'DAS KYI TSE SGRIB PA'I RNAM BZHAG MI 'THAD PA'I DON YIN PA'I PHYIR, KHA CIG, NYON SGRIB MA LUS PAR SPANGS PA'I SO SOR BRTAGS 'GOG GANG ZHIG , SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BCAS PA, LHAG BCAS MYANG 'DAS KYI MTSAN NYID, NYON SGRIB MA LUS PAR SPANGS PA'I SO SOR BRTAGS 'GOG GANG ZHIG, SNGA MA'I LAS NYON GYI 'BRAS BUR GYUR PA'I SDUG BSNGAL GYI PHUNG PO DANG BRAL BA, LHAG MED MYANG 'DAS KYI MTSAN NYID YIN PAR THAL, KHYOD KYI MTSAN NYID 'THAD PA'I PHYIR, ZER NA, MA KHYAB, 'DOD NA, NYAN THOS KYI MYANG 'DAS CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, DANG PO GANG ZHIG, PHYI MA YIN PA'I PHYIR, DANG PO DER THAL, MYANG 'DAS YIN PA'I PHYIR, PHYI MA MA GRUB NA, DE CHOS CAN, LHAG MED MYANG 'DAS YIN PAR THAL, MTSAN NYID PHYI MA DE'I PHYIR, DER THAL, DANG PO GANG ZHIG, PHYI MA YIN PA'I PHYIR, RTAGS KHAS, 'DOD NA; ? KHYOD DANG LHAG BCAS MYANG 'DAS KYI GZHI MTHUN MED PAR THAL, KHYOD LHAG MED MYANG 'DAS YIN PA'I PHYIR, RTZA BAR 'DOD NA, DE CHOS CAN, KHYOD DANG LHAG MED MYANG 'DAS KYI GZHI MTHUN MED PAR THAL, DE LHAG BCAS MYANG 'DAS YIN PA'I PHYIR, 'DOD MI NUS SO, ,KHA CIG, @40A *, ,THEG DMAN DGRA BCOM DGRA BCOM MA YIN PAR THAL, DMAN PA'I MYANG 'DAS MYANG 'DAS MA YIN PA'I PHYIR, DER THAL, SANGS RGYAS MA THOB BAR DU MYANG 'DAS MI THOB PA'I PHYIR TE, RGYUD BLA MA LAS, DES NA SANGS RGYAS MA THOB BAR, MYA NGAN 'DAS PA MI THOB STE, 'OD DANG 'OD ZER SPANGS NAS NI, ,NYI MA LTA BAR MI NUS BZHIN, ,ZHES GSUNGS PA'I PHYIR, ZER NA, SKYON MED DE DE MTHAR THUG GI MYANG 'DAS LA DGONGS PA'I PHYIR, KHA CIG, LHAG BCAS MYANG 'DAS LA GNAS PA'I NYAN THOS DGRA BCOM PA THEG CHEN LAM DU ZHUGS PA'I BYANG SEMS CHOGS LAM PA'I RGYUD KYI MYANG 'DAS YIN NA, LHAG BCAS MYANG 'DAS YIN DGOS PAR THAL, BYANG SEMS TSOGS LAM PA'I RGYUD KYI LHAG BCAS MYANG 'DAS YOD PA'I PHYIR NA MA KHYAB, 'DOD NA, LHAG BCAS MYANG 'DAS LA GNAS PA'I NYAN THOS DGRA BCOM PA THEG CHEN LAM DU ZHUGS NAS NYER LEN GYI PHUNG PO DOR BA'I BYANG SEMS TSOGS LAM PA'I RGYUD KYI MYANG 'DAS CHOS CAN, DER THAL, DE'I PHYIR, 'DOD MI NUS TE, LHAG MED MYANG 'DAS YIN PA'I PHYIR, DER THAL, CHOS CAN DE YIN PA'I PHYIR, KHA CIG, BYANG SEMS SA BRGYAD PA'I RGYUD KYI MYANG 'DAS CHOS CAN, SGRING GNYIS SPANGS PA'I SO SOR RTAGS 'GOG YIN PAR THAL, ME GNAS PA'I MYANG 'DAS YIN PA'I PHYIR, DER THAL, SRID ZHI GNYIS KA'I MTHA' LA MI GNAS PA'I MYANG 'DAS YIN PA'I PHYIR NA MA KHYAB, MA GRUB NA, DER THAL, DE'I RGYUD KYI GZHI SHES DE SRID ZHI GNYIS KA'I MTHA' LA MI GNAS PA'I GZHI SHES YIN PA'I PHYIR, DER THAL, BYANG SEMS KYI RGYUD KYI GZHI SHES YIN PA'I PHYIR, 'DOD MI NUS TE, CHOS CAN DE'I PHYIR, KHA CIG, SKU TSE'I 'DU BYED BTANG BA'I DGRA BCOM PA YOD PAR THAL, SHI BA'I GANG ZAG YOD PA'I PHYIR, DER THAL, SKYE BA SNGA MA NAS SHI BA'I GANG ZAG YOD PA'I PHYIR NA MA KHYAB, MA GRUB NA, DER THAL, SKYE BA SNGA MA NAS SHI 'PHOS TE, 'DIR SKYES PA'I GANG ZAG YOD PA'I PHYIR NA, RANG RGYUD LA SROG DBANG 'GAG PA'I GANG ZAG YOD PAR THAL, RANG RGYUD LA SKYE BA SNGA MA'I SROG DBANG 'GAG PA'I GANG ZAG YOD PA'I PHYIR, KHYAB PA KHAS, @40B 'DOD NA, DE KHO KHO RANG YIN PAR THAL, DE YOD PA'I PHYIR, 'DOD NA, DE CHOS CAN, RANG RGYUD LA SROG DBANG 'GAGS PA'I GANG ZAG MA YIN PAR THAL, SROG DBANG DANG BCAS PA'I GANG ZAG YIN PA'I PHYIR, DER THAL, SROG CHAGS YIN PA'I PHYIR, KHA CIG, GZUGS SKU GNYIS CHOS CAN, NYON SGRIB MA LUS PAR SPANGS PA'I SO SOR BRTAGS 'GOG YIN PAR THAL, MTSON BYA DE'I PHYIR, KHYAB PA KHAS, DER THAL, LHAG BCAS MYANG 'DAS YIN PA'I PHYIR, DER THAL, SKU GSUM LA 'JUG PA'I SGO NAS BSTOD PA LAS, PHUNG POR BCAS PA'I MYA NGAN 'DAS, THUB SKU GNYIS LA BRJOD PA YIN, ,PHUNG PO KUN DANG BRAL BA'I PHYIR, ,CHOS KYI SKU LA PHUNG PO MED, ,CES GSUNGS PA'I PHYIR ZER NA, SKYON MED DE, GZUGS SKU GNYIS PO DE GDUL BYA LA MNGON SUM DU SNANG BA'I LHAG MA DANG BCAS, YE SHES CHOS SKU DE GDUL BYA LA MNGON SUM DU SNANG BA'I LHAG MA MED CES PA'I DON YIN PA'I PHYIR, KHA CIG, NYER LEN GYI PHUNG PO LNGA PO DE 'KHOR BA YIN PAR THAL, RIGS PA DRUG CU PA'I 'GREL PA LAS, NYE BAR LEN PA'I PHUNG PO LNGA NI 'KHOR BA RANG GI NGO BO'O, ,ZHES GSUNGS PA DANG , RNAM 'GREL LAS, SDUG BSNGAL 'KHOR BA CAN PHUNG PO, ,ZHES GSUNGS PA'I PHYIR, ZER NA, SKYON MED DE, LUNG DANG PO'I DON NI, NYER LEN GYI PHUNG PO LNGA PO 'KHOR BA'I RGUD PA'I NGO BO YIN ZHES PA'I DON DANG, LUNG PHYI MA'I DON NI, LAS DANG NYON MONGS PA'I DBANG GIS 'KHOR BA CAN GYI NYER LEN GYI PHUNG PO LNGA PO DE SDUG BSNGAL BDEN PA YIN ZHES PA'I DON YIN PA'I PHYIR,, ` ,, RNAM PA THAMS CAD SKYE BA MED PA THUGS SU CHUD PA GANG DANG LDAN NA, ZHES SOGS KYI SKABS SU, SBYOR BA 'GOD PA DANG, MTHA' DBYAD PA GNYIS LAS, DANG PO NI, RNAM MKHYEN CHOS CAN, BYED LAS KHYAD PAR CAN ? DANG LDAN PA YIN TE, RANG SRAS SANGS RGYAS 'PHAGS PAS GDUL BYA RIGS CAN GSUM LA CHOS 'KHOR RDZOGS PAR BSKOR BA'I BDAG RKYEN BYED PA'I BYED LAS DANG LDAN PA'I PHYIR, GNYIS PA LA GNYIS, CHOS 'KHOR GYI RNAM BZHAG SPYIR BSHAD PA DANG , LUNG GI CHOS 'KHOR GYI DRANG NGES 'GREL TSUL BYE BRAG TU BSHAD PA'O, ,DANG PO LA GSUM LAS, DANG PO @41A *, ,KHA CIG, NYAN THOS SDE GNYIS KYI LUNG GI CHOS 'KHOR LA BKA' DANG PO BDEN BZHI'I CHOS 'KHOR GYI KHYAB PA DANG , RTOGS PA'I CHOS 'KHOR LA MTHONG LAM GYI KHYAB PA BZHED PA YIN ZER NA, 'O NA, NYAN THOS MDO SDE PAS DE LTAR BZHED PAR THAL, NYAN THOS SDE GNYIS KAS DE LTAR BZHED PA'I PHYIR, 'DOD MI NUS TE, NYAN THOS MDO SDE PAS LUNG GI CHOS 'KHOR LA BDEN BZHI'I CHOS 'KHOR GYI KHYAB PA MI BZHED RTOGS PA'I CHOS 'KHOR LA MTHONG LAM GYI KHYAB PA YANG MI BZHED PA'I PHYIR, DANG PO DER THAL, DES RGYAS 'BRID BSDUS GSUM LUNG GI CHOS 'KHOR DU BZHED PA'I PHYIR, DER THAL, DES RGYAS 'BRING BSDUS GSUM SGRA JI BZHIN PA MA YIN PA'I DRANG DON DGONGS PA CAN GYI MDOR BZHED PA'I PHYIR, DER THAL, DES RGYAS 'BRING BSDUS GSUM SANGS RGYAS KYI BKAR BZHED PA'I PHYIR, PHYI MA DER THAL, NYAN THOS MDO SDE PAS 'PHAGS LAM THAMS CAD RTOGS PA'I CHOS 'KHOR DU BZHED PA'I PHYIR, DER THAL, MDZOD 'GREL LAS, YANG NA 'PHAGS PA'I LAM THAMS CAD CHOS KYI 'KHOR LO ZHES BYA'O, ,ZHES GSUNGS PA'I PHYIR, KHA CIG, STON PAS GSUNGS PA'I DAM CHOS GANG ZHIG, BSHAD PA'I GDUL BYA'I RGYUD LA 'PHO BYA 'PHO BYED GANG RUNG DU GYUR PA'I RNAM DKAR GYI YON TAN CHOS 'KHOR GYI MTSAN NYID ZER NA, 'O NA, 'GREL PA DON GSAL CHOS CAN, STON PAS GSUNGS PA'I DAM CHOS YIN PAR THAL, CHOS 'KHOR YIN PA'I PHYIR, DER THAL, LUNG GI CHOS 'KHOR YIN PA'I PHYIR, DER THAL, MNGON RTOGS RGYAN GYI DGONGS 'GREL DU GYUR PA'I BSTAN BCOS YIN PA'I PHYIR, KHYAB STE, DE YIN NA LUNG GI BSTAN PAS BSDUS PAS KHYAB PA'I PHYIR, DER THAL, LHA'I BU BLO GROS RAB GNAS KYIS ZHUS PA'I MDO LAS, CHOS RNAMS THAMS CAD BKA' DANG BSTAN BCOS GNYIS SU 'DU, LEGS PAR BSHAD DANG DE YI DGONGS 'GREL BA, DE YI DBANG GI SH'AKYA'I BSTAN PA YANG , 'JIG RTEN KHAMS 'DIR YUN RING GNAS PAR 'GYUR, ZHES GSUNGS PA'I PHYIR, RTZA BAR 'DOD NA, STON PAS GSUNGS PA'I LUNG GI DAM CHOS YIN PAR THAL, STON PAS GSUNGS PA'I DAM CHOS GANG ZHIG LUNG GI DAM CHOS YIN PA'I PHYIR, 'DOD NA, SANGS RGYAS KYI BKA' YIN PAR THAL, 'DOD PA'I PHYIR, 'DOD MI NUS TE, SLOB DPON @41B SENG GE BZANG PO'I NGAG YIN PA'I PHYIR, GZHAN YANG RNAM MKHYEN CHOS CAN, BSHAD PA'I GDUL BYA'I RGYUD LA 'PHO BYA 'PHO BYED GANG RUNG YIN PAR THAL, RTOGS PA'I CHOS 'KHOR YIN PA'I PHYIR, DER THAL, LAM YIN PA'I PHYIR, 'DOD NA, BSHAD PA'I GDUL BYA'I RGYUD LA 'PHO BYA YIN PAR THAL, DE GANG RUNG YIN PHYI MA MA YIN PA'I PHYIR, DER THAL, RNAM MKHYEN YIN PA'I PHYIR, 'DOD NA, DE GDUL BYA'I RGYUD LA 'PHO BA YIN PAR THAL, 'DOD PA'I PHYIR, 'DOD MI NUS TE, TSOMS LAS, NYID KYI RTOGS PA GZHAN LA SPO MI NUS, CHOS NYID BDEN PA BSTAN PAS GROL BAR 'GYUR, ZHES GSUNGS PA'I PHYIR, GZHAN YANG , 'GOG BDEN CHOS CAN, RNAM DKAR GYI YON TAN YIN PAR THAL, CHOS 'KHOR YIN PA'I PHYIR, RTAGS GSAL GNYIS KA DER THAL, CHOS CAN DE'I PHYIR, KHA CIG, BKA' DANG MNGON RTOGS GANG RUNG GI BSDUS PA'I YON TAN CHOS 'KHOR GYI MTSAN NYID YIN ZER NA, 'O NA, 'GREL PA DON GSAL CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, BKAS KYANG MA BSDUS MNGON RTOGS KYIS BYANG MA BSDUS PA'I PHYIR, DANG PO DER THAL, BSTAN BCOS YIN PA'I PHYIR, PHYI MA DER THAL, RJOD BYED KYI TSIG YIN PA'I PHYIR, KHA CIG, LUNG RTOGS GANG RUNG GI BSDUS PA'I YON TAN CHOS 'KHOR GYI MTSAN NYID YIN ZER NA, BSAM GTAN DANG PO'I DNGOS BZHI THOB LA MA NYAMS PA'I PHYI ROL BAS BRTZAMS PA'I BSAM GTAN DANG PO'I DNGOS GZHI THOB BYED KYI THABS MA NOR BAR STON PA'I PHYI ROL PA'I BSTAN BCOS CHOS CAN, MTSON BYA DER THAL, MTSAN NYID DE'I PHYIR, DER THAL, LUNG GIS BSDUS PA'I YON TAN YIN PA'I PHYIR, DER THAL, PHYI ROL PA'I RGYUD KYI BSAM GTAN DANG PO'I DNGOS GZHI DE DGE BA YIN PA'I PHYIR, MA GRUB NA, DE CHOS CAN, DGE BA YIN PAR THAL, SNYOMS 'JUG YIN PA'I PHYIR, KHYAB STE, MDZOD LAS SNYOMS 'JUG DGE BRTZE GCIG PA ZHES GSUNGS PA'I PHYIR, 'DOD NA, DE LUNG GI CHOS 'KHOR YIN PAR THAL, 'DOD PA'I PHYIR, 'DOD NA, DE CHOS CAN, NANG PA SANGS RGYAS PA'I LUNG YIN PAR THAL, LUNG GI CHOS 'KHOR YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG PHYI ROL PA'I RGYUD KYI BSAM GTAN DANG PO'I DNGOS GZHI DE CHOS CAN, MTSON BYA DER THAL, MTSAN NYID DE'I PHYIR, @42A *, ,DER THAL, RTOGS PAS BSDUS PA'I YON TAN YIN PA'I PHYIR, DER THAL, BSAM GTAN GYI DNGOS GZHI YIN PA'I PHYIR, 'DOD NA, DE RTOGS PA'I CHOS 'KHOR YIN PAR THAL, 'DOD PA'I PHYIR, 'DOD NA, DE RGYUD LA LDAN PA'I PHYIR ROL PA DE RTOGS PA'I BSTAN PA LA ZHUGS PA'I GANG ZAG YIN PAR THAL, 'DOD PA'I PHYIR, 'DOD NA, DE NANG PA SANGS RGYAS PA YIN PAR THAL LO, ,KHA CIG, MI MTHUN PHYOGS DNGOS SU 'JOMS BYED KYI RTOGS PA'I YON TAN RTOGS PA'I CHOS 'KHOR GYI MTSAN NYID ZER NA, NYAN THOS KYI TSOGS LAM CHOS CAN, MTSAN NYID DER THAL, MTSON BYA DE'I PHYIR, DER THAL, LAM YIN PA'I PHYIR, 'DOD MI NUS TE, SO SKYE'I YE SHES YIN PA'I PHYIR, KHA CIG, RANG GI NGOS SKAL GYI MI MTHUN PHYOGS DNGOS SU 'JOMS BYED KYI RTOGS PA'I YON TAN RTOGS PA'I CHOS 'KHOR GYI MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, DER THAL, LAM YIN PA'I PHYIR, 'DOD MI NUS TE, RNAM MKHYEN GYI NGOS SKAL GYI MI MTHUN PHYOGS MED PA'I PHYIR, DER THAL, RNAM MKHYEN DE SPANG BYA MTHA' DAG SPANGS PA'I YE SHES YIN PA'I PHYIR, KHA CIG, MI MTHUN PHYOGS KYI GNYEN POR GYUR PA'I MKHYEN PA RTOGS PA'I CHOS 'KHOR GYI MTSAN NYID ZER NA, LAM MA ZHUGS KYI GANG ZAG GI RGYUD KYI LHAG PA'I BSLAB PA GSUM PO CHOS CAN, MTSAN NYID DER THAL, MTSON BA DE'I PHYER, DER THAL, LHAG PA'I BSLAB PA YIN PA'I PHYIR, 'DOD MI NUS TE, LAM MA ZHUGS KYI GANG ZAG GI RGYUD KYI SHES PA YIN PA'I PHYIR, KHA CIG, CHOS 'KHOR RDZOGS PAR BSKOR BA'I SEMS CAN YOD ZER NA, DE MI 'THAD PAR THAL, GDUL PA'I KHAMS DANG BSAM PA DANG BAG LA NYAL JI LTA BA BZHIN DU MNGON SUM DU RTOGS NAS GANG LA GANG 'TSAM GYI CHOS STON NUS PA'I SEMS CAN MED PA'I PHYIR, DER THAL, LAS 'BRAS KYI 'BREL PA PHRA ZHING PHRA BA MNGON SUM DU RTOGS PA'I SEMS CAN MED PA'I PHYIR, KHA CIG, CHOS 'KHOR BSKOR BA PO'I SEMS CAN MED ZER NA, DE YOD PAR THAL, KUN SHES KO'U DIYA NYA DE CHOS 'KHOR BSKOR BA PO'I GANG ZAG YIN PA'I PHYIR, BSDU BA LAS BCOM LDAN 'DAS KYI DANG POR KUN SHES KO'U DIYA NYA'I RGYUD LA KUN SHES PA'I @42B CHOS NYID DANG MTHUN PAR RAB TU BSKOR LA, DES KYANG GZHAN DAG LA MTHUN PAR BSKOR BA DANG , DE DAG GIS KYANG GZHAN DAG LA MTHUN PAR BSKOR BAR 'GYUR TE, DES NA GCIG NAS GCIG DU RGYUD TE MTHUN PAR BSKOR BA'I DON GYI NA 'KHOR LO'O, ,YANG DAG PA'I LTA BA LA SOGS PA'I CHOS KYI RANG BZHIN CAN YIN PAS NA CHOS KYI 'KHOR LO'O ZHES GSUNGS PA'I PHYIR, GZHAN YANG CHOS 'KHOR BSKOR BA BO'I GANG ZAG YIN NA SANGS RGYAS 'PHAGS PA YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, SA BCU'I RJES THOB LA GNAS PA'I SEMS DPA' CHOS CAN, DER THAL, DE'I PHYIR, DER THAL, SA BCU PA'I RJES THOB YE SHES DE CHOS KYI 'KHOR LO BSKOR PA'I SBYOR BA YIN PA'I PHYIR, DER THAL, GZHAN DON DANG ZHES BA'I 'GREL BAR SA BCU PA'I RJES THOB YE SHES DE CHOS KYI 'KHOR LO BSKOR BA'I SBYOR BAR GSUNGS PA'I PHYIR DANG , DE'I BSHAD BYA RTZA BA'I MDO LAS, ,BDAG KYANG CHOS KYI 'KHOR LO BSKOR RO, GZHAN YANG CHOS KYI 'KHOR LO BSKOR BA LA YANG DAG PAR BSKUL LO, ,ZHES GSUNGS PA'I PHYIR, 'DOD MI NUS TE, SEMS CAN YIN PA'I PHYIR, KHA CIG, MCHOG GI SPRUL BA'I SKU GCIG NYID KYIS GSUNGS PA'I GSUNG RAB LA GLEGS BAM DANG SHO LO KA SOGS KYI GZHAL NUS SO ZER NA, DE MI 'THAD TE, BDAG CAG GI STON PA LTA BU'I SPRUL BA'I SKU GCIG NYID KYI GSUNG RAB LA GLEGS BAM DANG SHO LO KA SOGS KYI GZHAL MI NUS PA'I PHYIR, DER THAL, BDAG CAG GI STON BA LTA BU'I SPRUL BA'I SKU GCIG NYID KYIS KYANG 'JIG RTEN GYI KHAMS GRANGS MED PAR SKU GRANGS MED PAR SPRUL, SKU RE RE LA'ANG SKU BYE BA DU MAR SPRUL NAS 'KHOR BA JI SRID MA STONG KYI BAR DU GZHAN DON MDZAD PA RGYUN MI 'CHAD PA YIN PA'I PHYIR, RGYAN LAS, DE BZHIN 'KHOR BA JI SRID 'DI'I, LAS NI RGYUN MI 'CHAD PAR 'DOD, CES GSUNGS PA'I PHYIR, KHA CIG, SDE SNOD GSUM 'GAL ZER NA, DE MI 'THAD DE; RGYAS 'BRING BSDUS GSUM DE GSUM KA YIN PA'I PHYIR, DER THAL, DES LHAG PA'I BSLAB PA GSUM KA BRJOD BYA'I GTZO BOR BYAS NAS BSTAN PA'I PHYIR, KHYAB STE, SDE SNOD GSUM DU 'DU BA'I TSUL LA BSLAB BYA'I DBANG DU BYAS BA GSUM YOD PA'I PHYIR ` GNYIS PA RANG GI LUGS LA, SANGS RGYAS KYI BSTAN @43A *, ,PAS BSDUS PA'I DAM CHOS, CHOS 'KHOR GYI MTSAN NYID, DE LA DBYE NA RTOGS PA'I CHOS 'KHOR DANG , LUNG GI CHOS 'KHOR GNYIS, SANGS RGYAS KYI RTOGS PA'I BSTAN PAS BSDUS PA'I DAM CHOS RTOGS PA'I CHOS 'KHOR GYI MTSAN NYID, DE LA DBYE NA LHAG PA'I BSLAB PA GSUM LAM LNGA 'GOG BDEN DANG BCAS PA YOD, SANGS RGYAS KYI LUNG GI BSTAN PAS BSDUS PA'I DAM CHOS LUNG GI CHOS 'KHOR GYI MTSAN NYID, DE LA DER GYUR PA'I LEGS PAR BSHAD PA'I BKA' DANG DGONGS 'GREL GYI BSTAN BCOS GNYIS YOD, LEGS PAR BSHAD PA'I BKA' DE LA YANG RJOD BYED KYI SGO NAS DBYE NA GSUNG RAB YAN LAG BCU GNYIS, BRJOD BYA'I SGO NAS DBYE NA SDE SNOD RNAM PA GSUM CHED DU BYA BA'I GDUL BYA'I SGO NAS DBYE NA THEG PA CHE CHUNG GI SDE SNOD GNYIS, CHED DU BYA BA'I GDUL BYA, BRJOD BYA, DUS GSUM KHA'I SGO NAS DBYE NA BKA' DANG PO BDEN BZHI'I CHOS 'KHOR, BKA' PAR PA MTSAN NYID MED PA'I CHOS 'KHOR, BKA' MTHA' MA LEGS PHYE'I CHOS 'KHOR DANG GSUM YOD, LHAG PA TSUL KHRIMS KYI BSLAB PA BRJOD BYA'I GTZO BOR BYAS NAS STON PA'I SDE SNOD 'DUL PA'I SDE SNOD KYI MTSAN NYID, LHAG PA TING NGE 'DZIN GYI BSLAB PA BRJOD BYA'I GTZO BOR BYAS NAS STON PA'I SDE SNOD MDO SDE'I SDE SNOD KYI MTSAN NYID, LHAG PA SHES RAB KYI BSLAB PA BRJOD BYA'I GTZO BOR BYAS NAS STON PA'I SDE SNOD MNGON PA'I SDE SNOD KYI MTSAN NYID, RGYAS 'BRING BSDUS GSUM DE DE GSUM KA'I MTSAN GZHI YIN, CHOS PHUNG GI TSAD KYANG YOD DE GLANG PO CHE SA LA RAB BRTAN GYI JI TZAM KHUR NUS PA'I SNAG TSAS BRI NUS PA'I GSUNG RAB RE RE LA CHOS PHUNG RE RE BYED PA YIN PA'I PHYIR, ` GSUM PA RTZOD PA SPONG PA LA, KHA CIG, 'GREL PA DON GSAL CHOS CAN, STON PAS GSUNGS PA'I DAM CHOS YIN PAR THAL,STON PAS GSUNGS PA GANG ZHIG, DAM CHOS YIN PA'I PHYIR, ZER NA MA KHYAB, DANG PO MA GRUB NA, STON PAS GSUNGS PAR THAL, GZHI GRUB PA'I PHYIR, DE LA KHO NA RE, GZHI GRUB NA, STON PAS KHYOD GSUNGS PAS KHYAB PAR THAL, GZHI GRUB NA KHYOD STON PAS GSUNGS PAS KHYAB PA'I PHYIR, ZER NA MA KHYAB, 'DOD NA, RDZUN TSIG CHOS CAN, DER THAL, DE'I PHYIR, DER THAL, MI DGE BA BCU GZHI GRUB PA'I PHYIR, 'DOD NA, STON PAS BRDZUN MA GSUNGS PAR THAL, STON @43B PAS BRDZUN GSUNGS PA LA DGOS PA MED PA'I PHYIR, DER THAL, STON PA NGAG GI NYES PA MTHA' DAG SPANGS PA'I GANG ZAG YIN PA'I PHYIR, KHA CIG, BRDZUN TSIG CHOS CAN, STON PAS KHYOD GSUNGS PAR THAL, STON PAS KHYOD LUNG LAS GSUNGS PA'I PHYIR, ZER NA, MA KHYAB, MA GRUB NA, DER THAL, STON PAS KHYOD LUD LAM BSTAN PA'I PHYIR, DER THAL, STON PAS KHYOD LUNG DU STON PA'I PHYIR, DER THAL, KHYOD LUNG GI BRJOD BYA YIN PA'I PHYIR, DER THAL, KHYOD GZHI GRUB PA'I PHYIR, GZHAN YANG , SANGS RGYAS KYI THUGS BDEN PA'I SGO NAS BYIN GYIS BRLABS PA'I BKA' CHOS CAN, KHYOD ZHAL NAS GSUNGS PA'I BKA' YIN PAR THAL, STON PAS ZHAL NAS GSUNGS PA GANG ZHIG BKA' YIN PA'I PHYIR, 'KHOR GSUM, KHA CIG, SANGS RGYAS 'PHAGS PA'I RGYUD KYI RNAM MKHYEN DE SHAD PA'I GDUL BYA'I RGYUD LA 'PHO BA YIN PAR THAL, STON PA SH'AKYA THUB PA'I RGYUD KYI RNAM MKHYEN DE GDUL BYA'I RGYUD LA 'PHO BA'I PHYIR, DER THAL, DE STON PA SH'AKYA THUB PA DANG RGYUD GCIG TU GYUR PA'I GDUL BYA'I RGYUD LA 'PHO BA YIN PA'I PHYIR, DER THAL, DE STON PA SH'AKYA THUB PA DANG RGYUD GCIG DU GYUR PA'I GDUL BYA'I THOB BYA MTHAR THUG YIN PA'I PHYIR, ZER NA MA KHYAB MA GRUB NA, STON PA SH'AKYA THUB PA CHOS CAN KHYOD KYI RGYUD KYI RNAM MKHYEN DE KHYOD DANG RGYUD GCIG TU GYUR PA'I GDUL BYA'I THOB BYA MTHAR THUG YIN PAR THAL, KHYOD SANGS RGYAS 'PHAGS PA YIN PA'I PHYIR, KHA CIG, RNAM MKHYEN YIN NA GDUL BYA'I THOB BYA MTHAR THUG YIN DGOS PAR THAL, STON PA SH'AKYA THUB PA DANG RGYUD GCIG TU GYUR PA'I GDUL BYA'I THOB BYA MTHAR THUG YIN PA'I PHYIR, ZER NA MA KHYAB, 'DOD NA, GDUL BYA DANG RGYUD THA DAD DU GYUR PA'I SANGS RGYAS 'PHAGS PA'I RGYUD KYI RNAM MKHYEN CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, DE GDUL BYA DANG RGYUD GCIG YIN PAR THA LO, KHA CIG, GDUL BYA DANG RGYUD THA DAD GYUR PA'I SANGS RGYAS 'PHAGS PA MED ZER NA, DE YOD PAR THAL, BYANG CHUB SEMS DPA' DANG RGYUD THA DAD DU GYUR PA'I SANGS RGYAS 'PHAGS PA YOD PA'I PHYIR, DER THAL, SANGS RGYAS 'PHAGS PA DANG RGYUD THA DAD DU GYUR PA'I BYANG CHUB SEMS DPA' YOD PA'I PHYIR, DER THAL, SANGS RGYAS 'PHAGS PA DE SLOB PA LAM @44A *, ,GYI GNAS SKABS SU RANG DANG RGYUD THA DAD DU GYUR PA'I BYANG CHUB SEMS DPA' 'GA' ZHIG GIS PHYI'I YONGS 'DZIN BYAS PA DANG, RANG DANG RGYUD GCIG TU GYUR PA'I BYANG CHUB SEMS DPAS NYER LEN BYAS PA LA BRTEN NAS 'KHRUNGS PA YIN PA'I PHYIR, DER THAL, RANG 'GREL LAS, RGYU GNYIS KYI BYANG CHUB SEMS DPA' RNAMS SANGS RGYAS BCOM LDAN 'DAS RNAMS KYI RGYUR 'GYUR TE, GNAS SKABS KYI KHYAD PA DANG , YANG DAG PAR 'DZIN DU 'JUG PA LAS SO, ,DE LA GNAS SKABS KYI KHYAD PAR LAS NI DE BZHIN GSHEGS PA'I GNAS SKABS NI BYANG CHUB SEMS DPA'I GNAS SKABS KYI RGYU CAN YIN PA NYID KYI PHYIR, YANG DAG PAR 'DZIN DU 'JUG PA LAS NI JI LTAR 'PHAGS PA 'JAM DPAL BYANG CHUB SEMS DPAR GYUR PA NYID KYI BCOM LDAN 'DAS SH'A-KYA THUB PA DANG , DE LAS GZHAN BA'I DE BZHIN GSHEGS PA RNAMS CHES THOB MA KHO NAR BYANG CHUB TU SEMS SKYED DU BCUG PA 'DOD PA BZHIN NO, ,ZHES GSUNGS PA'I PHYIR, KHA CIG, RNAM DKAR GYI YON TAN YIN NA DGE BA YIN DGOS PAR THAL, DE YIN NA 'DUS BYAS YIN DGOS PA'I PHYIR ZER NA MA KHYAB, 'DOD NA, RGYAS 'BRING BSDUS GSUM CHOS CAN, DER THAL, DE'I PHYIR, DER THAL , RANG GI RGYUR GYUR PA'I YE SHES CHOS SKU'I BDAG RKYEN LAS BYANG BA'I RNAM DKAR GYI YON TAN YIN PA'I PHYIR, DER THAL, YE SHES CHOS SKU'I 'PHRIN LAS YIN PA'I PHYIR, DER THAL, SANGS RGYAS KYI GSUNG GI 'PHRIN LAS YIN PA'I PHYIR, DER THAL, SANGS RGYAS KYI BKA' YIN PA'I PHYIR, 'DOD MI NUS TE, RJOD BYED KYI TSIG YIN PA'I PHYIR, KHA CIG, 'GOG BDEN CHOS CAN, 'KHOR LOS SGYUR PA'I RGYAL PO'I 'KHOR LO RIN PO CHE DANG CHOS MTSUNGS PA YIN PAR THAL, CHOS 'KHOR YIN PA'I PHYIR, ZER NA MA KHYAB, 'DOD MI NUS TE, 'DUS MA BYAS YIN PA'I PHYIR, ZER NA 'O NA, SKAM LAS SKYES PA'I PADMA CHOS CAN, MCHO LAS SKYES PAR THAL, MTSO SKYES YIN PA'I PHYIR, KHYAB PA KHAS, DER THAL, PADMA YIN PA'I PHYIR, 'DOD MI NUS TE, CHOS CAN DE DANG GCIG YIN PA'I PHYIR, KHA CIG, 'GOG BDEN CHOS CAN, RTOGS PA'I YON TAN YIN PAR THAL, RTOGS PA'I CHOS 'KHOR YIN PA'I PHYIR, 'DOD NA, RTOGS PA'I YON TAN MA YIN PAR @44B BRAL, SPANGS PA'I YON TAN YIN PA'I PHYIR, ZER NA MA KHYAB, KHO NA RE, KHYAB PA YOD PAR THAL, SPANGS RTOGS GNYIS 'GAL BA'I PHYIR ZER NA MA KHYAB, RTZA BA'I RTAGS DER THAL, SPANGS PA YIN PA'I PHYIR, ZER NA 'O NA, 'GOG BDEN CHOS CAN, RTOGS PA'I YON TAN YIN PAR THAL, RTOGS PA'I CHOS DKON MCHOG YIN PA'I PHYIR, DER THAL, CHOS DKON MCHOG YIN PA'I PHYIR, MA KHYAB NA LUNG GI CHOS DKOOG CHOS DKON MCHOG YIN PAR THAL, MA KHYAB PA DE'I PHYIR, 'DOD NA, LUNG GI CHOS DKON MCHOG CHOS CAN, CHOS DKON MCHOG MA YIN PAR THAL, RJOD BYED KYI TSIG YIN PA'I PHYIR, DER THAL, CHOS CAN DE YIN PA'I PHYIR, RTZA BA'I RTAGS DER THAL, 'GOG BDEN YIN PA'I PHYIR, GZHAN YANG 'GOG BDEN RTOGS PA'I YON TAN YIN PAR THAL, NYAN THOS MTHONG LAM RNAM GROL LAM PA BA'I RGYUD KYI NYON SGRIB KUN BTAGS SPANGS PA'I 'GOG BDEN DE RTOGS PA'I YON TAN YIN PA'I PHYIR, DER THAL, DE NYAN THOS MTHONG LAM BAR CHAD MED LAM GYI YON TAN YIN PA'I PHYIR, DER THAL, NYAN THOS MTHONG LAM RNAM GROL LAM PA BAS NYON SGRIB KUN BTAGS SPANGS PA DE NYAN THOS MTHONG LAM BAR CHAD MED LAM GYI STOBS KYIS SPANGS PA YIN PA'I PHYIR, KHA CIG, LAM MA ZHUGS KYI GANG ZAG GI RGYUD KYI LHAG PA'I BSAB PA GSUM ? PO DE RTOGS PA'I CHOS 'KHOR MA YIN PAR THAL, RTOGS PA'I CHOS 'KHOR YIN NA LAM YIN DGOS PA'I PHYIR, DER THAL, 'BREL BSHAD TSIG GSAL LAS, CHOS KYI 'KHOR LO KHA CIG NI TSOGS KYI LAM MO, ,KHA CIG NI SBYOR BA'I LAM MO, ,KHA CIG NI BAR CHAD MED PA'I LAM GYI BAR DAG GO ZHES GSUNGS PA'I PHYIR, ZER NA MA KHYAB 'O NA, KHA CIG NI BAR CHAD MED PA'I LAM GYI BAR DAG GO ZHES PA DES RTOGS PA'I CHOS 'KHOR GYI YA MTHA'I SA MTSAMS BSTAN PAR THAL, DE LTAR GSUNGS NA RTOGS PA'I CHOS 'KHOR LA LAM GYIS KHYAB PA'I PHYIR, 'DOD NA, RNAM MKHYEN RTOGS PA'I CHOS 'KHOR MA YIN PAR THAL, 'DOD PA DE'I PHYIR, 'DOD NA, RNAM MKHYEN CHOS CAN, RTOGS PA'I CHOS 'KHOR YIN PAR THAL, RTOGS PA'I CHOS 'KHOR MTHAR THUG YIN PA'I PHYIR, DER THAL, RNAM MKHYEN YIN PA'I PHYIR, KHA CIG, 'GOG BDEN CHOS CAN, BSLAB GSUM GANG RUNG GI BSDUS PAR THAL, RTOGS PA'I CHOS 'KHOR YIN PA'I PHYIR, KHYAB @45A *, ,STE, LUNG GI CHOS 'KHOR YIN NA SDE SNOD GSUM PO GANG RUNG GIS BSDUS PAS KHYAB PA'I PHYIR, ZER NA MA KHYAB, 'DOD MI NUS TE, 'GOG BDEN YIN PA'I PHYIR, KHA CIG, PHYI ROL PA'I RGYUD KYI BSAM GTAN DANG PO'I DNGOS GZHI CHOS CAN, LAM YIN PAR THAL, RTOG PA YIN PA'I PHYIR, ZER MA KHYAB, MA GRUB NA DER THAL, RTOGS PAS BSDUS PA'I PHYIR, RTAGS KHAS 'DOD MI NUS TE, CHOS CAN DE YIN PA'I PHYIR, ZER NA 'O NA PHYI ROL BA'I RGYUD KYI ZHI LHAG ZUNG 'BREL GYI TENG NGE 'DZIN CHOS CAN, LAM YIN PAR THAL, RNAL 'BYOR YIN PA'I PHYIR, DER THAL, ZHI LHAG ZUNG 'BREL GYI RNAL 'BYOR YIN PA'I PHYIR, DER THAL, DE RGYUD LA LDAN PA'I PHYI ROL PA DE RNAL 'BYOR PA YIN PA'I PHYIR, 'DOD MI NUS TE, PHYI ROL PA'I RGYUD KYI SHES PA YIN PA'I PHYIR, 'KHOR GSUM, KHA CIG, SANGS RGYAS KYI GSUNG GI 'PHRIN LAS SU GYUR PA'I LUNG RNAM NGAG YIN NA LUNG GI CHOS 'KHOR YIN DGOS PAR THAL, LUNG GI CHOS 'KHOR YIN NA SANGS RGYAS KYI BKA' YIN PAS MA KHYAB PA'I PHYIR, ZER NA MA KHYAB, 'DOD NA, BSAM GTAN DANG PO'I DNGOS GZHI THOB LA MA NYAMS PA'I PHYI ROL PAS BRTZAMS PA'I BSAM GTAN DANG PO'I DNGOS GZHI THOB BYED KYI THABS MA NOR BAR STON PA'I PHYI ROL PA'I BSTAN BCOS CHOS CAN, DER THAL, DE'I PHYIR, DER THAL, PHYI ROL BA'I RGYUD KYI BSAM GTAN DANG PO'I DNGOS GZHI DE SANGS RGYAS KYI 'PHRIN LAS SU GYUR PA'I DGE BA YIN PA'I PHYIR, KHA CIG, CHOS 'KHOR SKOR BA PO'I SEMS CAN MED PAR THAL, CHOS 'KHOR SKOR BA PO'I GANG ZAG YIN NA BDAG RKYEN RNAM MKHYEN RGYUD LDAN YIN DGOS PA'I PHYIR DER THAL, GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA ZHES GSUNGS PA'I PHYIR ZER NA MA KHYAB 'O NA, RIGS CAN GSUM GYI DON SGRUB PA'I GANG ZAG YIN NA LAM SHES THOB PAS KHYAB PAR THAL, LAM SHES NYID KYIS 'JIG RTEN DON BSGRUB MDZAD PA GANG ZHES GSUNGS PA'I PHYIR, 'KHOR GSUM, GAL TE 'DOD NA, RIG CAN GSUM GYI DON SGRUB PA'I BYANG SEMS SBYOR LAM PA CHOS CAN, DER THAL, DE'I PHYIR, DE THAL, CHOS CAN DER YIN PA'I PHYIR, DER PHYIR, DE YOD PA'I PHYIR, DER THAL, MNGON RTOGS RGYAN LAS, RANG GZHAN RTEN CAN BDEN SHES BYA, CHOS MA CHOG DE BZHIN SEMS @45B CAN RNAMS, SMIN BYED SOGS KYIS SHES PAR BYA, ZHES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG RIGS CAN GSUM GYI DON SGRUB PA'I BYANG SEMS SBYOR LAM PA YOD PAR THAL, THAG PA CHE CHUNG GNYIS KA'I GDUL BYA'I DON SGRUB PA'I NYAN THOS DGRA BCOM PA YOD PA'I PHYIR, DER THAL, GDUL BYA THEG CHEN GYI RIGS CAN RNAMS LA THEG PA CHEN PO'I LAM 'BRAS BU DANG BCAS PA STON PA'I NYAN THOS DGRA BCOM PA YOD PA'I PHYIR, DER THAL, THEG CHEN DGE PA'I BSHES GNYEN LA THEG PA CHEN PO'I LAM 'BAS BU DANG BCAS PA THOS NAS DE DON GNYER GYI GDUL BYA GZHAN LA SGROG PAR BYED PA'I NYAN THOS DGRA BCOM PA YOD PA'I PHYIR, DER THAL, NYAN THOS DGRA BCOM PA LA THOS SGROG PA ZHES 'CHAD PA'I RGYU MTSAN YOD PA'I PHYIR, KHA CIG, MCHOG GI SPRUL PA'I SKU GCIG NYED KYI GSUNG RAB LA GLEGS BAM DANG SHO LO KA SOGS KYI GZHAL NUS PAR THAL, BDAG CAG GI STON PA SH'AKYA THUB PA'I GSUNG RAB LA GLEGS BAM DANG SHO LO KA SOGS KYIS GZHAS NUS PA'I PHYIR, DER THAL, DES GSUNGS PA'I CHOS KYI PHUNG PA'I TSAD YOD PA'I PHYIR, ZER NA MA KHYAB 'DOD NA, BKAG ZIN TO, KHA CIG, SDE SNOD GSUM PO 'GAL BAR THAL, STON PAS SDE SNOD GSUM GYI RNAM DBYE SO SOR MDZAD PA'I PHYIR, ZER NA, MA KHYAB, 'O NA, MKHYEN PA GSUM PO 'GAL BAR THAL, STON PAS MKHYEN PA GSUM GYI RNAM DBYE SO SOR MDZAD PA'I PHYIR, KHYAB PA KHAS MA GRUB NA, DER THAL, MNGON RTOGS RGYEN GYI MKHYEN PA GSUM SO SOR BSTAN PA'I PHYIR, DER THAL, MNGON RTOGS RGYAN GYI SKABS DANG PO GSUM GYIS MKHYIN PA GSUM SO SOR BSTAN PA'I PHYIR, 'DOD MI NUS TE, SANGS RGYAS 'PHAGS PA'I RGYUD KYI DRAN PA NYER GZHAG BZHI PO DE MKHYEN PA GSUM KA YIN PA'I PHYIR, MA GRUB NA, DE CHOS CAN, MKHYEN PA GSUM KA YIN PAR THAL, THEG DMAN GYI RTOGS RIGS SU GNAS PA'I SANGS RGYAS 'PHAGS PA'I RGYUD KYI MKHYEN PA YIN PA'I PHYIR, KHA CIG, THEG PA CHE CHUNG GI SDE SNOD GNYIS 'GAL PAR THAL, THEG PA CHE CHUNG GI SDE SNOD GNYIS PO CHED DU BYA BA'I GDUL BYA'I SGO NAS 'JOG PA GANG ZHIG , GDUL BYA THEG CHEN GYI RIGS CAN DANG , THEG DMAN GYI RIGS CAN GNYIS 'GAL BA'I PHYIR, 'DOD NA, @46A *, ,NUS TE, THEG PA CHE CHUNG GNYIS KA'I THUN MONG BA'I MDO YOD PA'I PHYIR, DER THAL, THEG PA CHE CHUNG GNYIS KA'I THUN MONG BA'I BSTAN BCOS YOD PA'I PHYIR, DER THAL, GTAN LA DBAB PA BSTAN PA'I SDE SNOD DE THEG PA CHE CHUNG GNYIS KA'I THUN MONG BA'I MNGON PA'I SDE SNOD DU GSUNGS PA'I PHYIR ZER NA, SKYON MED DE, DES THEG PA CHE CHUNG GNYIS KA'I LAM NYAMS SU LEN PA'I TSE GTAN LA 'BEBS DGOS PA'I GZHI PHUNG KHAMS SKYE MCHED RNAMS GTAN LA PHAB PAS DE LA DGONGS PA'I PHYIR, DE LTAR MA YIN NA, THEG PA CHE CHUNG GNYIS KA'I BLANG DOR GYI GNAS RNAMS GTAN LA 'BEBS PA'I MDO YIN NA, THEG PA CHE CHUNG GNYIS KA'I MDO YIN DGOS PAR THAL, KHYOD KYI SGRUB BYED 'THAD PA'I PHYIR, 'DOD NA, RGYAS 'BRING BSDUS GSUM CHOS CAN, DER THAL, DE'I PHYIR, 'DOD MI NUS TE, THEG CHEN THUN MONG MA YIN PA'I MDO YIN PA'I PHYIR, ` ,DE NI MA YIN TE GANG GI PHYIR NYAN THOS DANG RANG SANGS RGYAS DANG BYANG CHUB SEMS DPA' DANG, ZHES SOGS KYI SKABS SU, MTHA' DPYAD PA LA, KHA CIG ,RJE BTZUN GYIS MKHYEN GSUM LA BSTOD PHYAG MDZAD PAS MKHYEN GSUM BRJOD BYAR BYAS PA'I BSTAN BCOS BRTZAMS NA, YUL GZHI GNYEN RNAM GSUM GTAN LA MA PHAB PAR YUM MKHYEN PA GSUM GTAN LA 'BEBS MI NUS PAS, GZHI KHO NA BRJOD BYAR BYED DAM, GNYEN PO KHO NA BRJOD BYAR BYED DAM, RNAM PA KHO NA BRJOD BYAR BYED PA DAG LAS GANG YIN, DANG PO LTAR NA MI RIGS TE, CHOS MNGON PA DANG ZLOS PA'I SKYON YOD PA'I PHYIR, GNYIS PA LTAR NA MI RIGS TE, GNYEN PO DE SPANG BYA GANG GI GNYEN PO YIN PA KHONG DU CHUD PAR MI 'GYUR BA'I PHYIR, GSUM PA LTAR NA, RNAM PA GZHI BCAS SU BRJOD BYAR BYED DAM, RNAM PA GZHI MED DU BRJOD BYAR BYED PA DAG LAS GANG YIN, DANG PO LTAR NA, MI RIGS TE, CHOS MNGON PA DANG ZLOS PA'I SKYON DE NYID DU 'GYUR BA'I PHYIR, GNYIS PA LTAR NA MI RIGS TE, GROL BA DON GNYER GYI SKYES BU LA NYER MKHO'I DON MA BSTAN PAR 'GYUR BA'I PHYIR, ZHES PA'I RTZOD PA PO DNGOS SU YOD ZER NA, 'O NA, DE 'DRA BA'I RTZOD PA PO MDO LA YOD DAM, BSTAN BCOS LA YOD, DANG PO LTAR NA MI RIGS TE, DE 'DRA BA'I DOGS PA DE RGOL BA RTOG LDAN LA SKYE SRID PA'I DOGS PA KHONG SLONG GANG ZHIG, RGYAS 'BRING @46B BSDUS GSUM GYIS GZHI GNYEN RNAM PA GSUM KAS MKHYEN GSUM MTSON PA'I TSUL GYIS MKHYEN GSUM GTAN LA PHAB ZIN PAS RGOL BA RTOG LDAN LA DE 'DRA BA'I DOGS PA MI SKYE BA'I PHYIR, GNYIS PA LTAR NA BSTAN BCOS KYI LUS CUNG ZAD TZAM YANG MA MTHONG BA LA YOD DAM, BSTAN BCOS KYI LUS MTHONG NAS YOD, DANG PO LTAR NA MI RIGS TE, DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS ZHES SOGS KYI DOGS PA BSU BA MDZAD PA 'BREL MED DU 'GYUR BA'I PHYIR, GNYIS PA LTAR NA, MCHOD BRJOD TZAM ZHIG MTHONG BA'I BAR LA YOD DAM, LUS RDZOGS PAR MTHONG NAS YOD PA DAG LAS GANG YIN, DANG PO LTAR NA MI RIGS TE, RJE BTZUN LA DE'I BAR LA DNGOS SU RTZOD PA BO SU YANG MA BYUNG BA'I PHYIR, GNYIS PA LTAR NA MI RIGS TE, DE 'DRA BA'I DOGS PA DE RGOL BA RTOG LDAN LA SKYE SRID PA'I DOGS PA GANG ZHIG MNGON PAR RTOGS PA'I RGYAN GYIS GZHI GNYEN RNAM PA GSUM KAS MKHYEN GSUM MTSON PA'I TSUL GYIS MKHYEN GSUM GTAN LA PHAB ZIN PAS DE 'DRA BA'I DOGS PA RGOL BA RTOGS LDAN LA MI SKYE BA'I PHYIR, GZHAN YANG, RGOL BA RTOG LDAN GYIS MKHYEN GSUM LA BSTOD PHYAG MDZAD PAS MKHYEN GSUM BRJOD BYAR BYAS PA'I BSTAN BCOS BRTZAMS PA RTOGS PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, MKHYEN GSUM LA BSTOD PHYAG BYAS NA MKHYEN GSUM BRJOD BYAR BYAS PA'I BSTAN BCOS BRTZAM PAS MA KHYAB PA'I PHYIR, GZHAN YANG, MNGON RTOGS RGYAN GYI GZHI KHO NA BRJOD BYAR BYAS NA CHOS MNGON PA DANG BZLOS PAR THAL, DE 'DRA BA'I DOGS PA RGOL BA RTOG LDAN LA SKYE SRID PA'I DOGS PA GANG ZHIG ,KHYOD KYI RTZOD TSUL DE 'THAD PA'I PHYIR, 'DOD NA, MNGON RTOGS RGYAN CHOS MNGON PA DANG ZLOS PAR THAL, DES GZHI KHO NA BRJOD BYAR BYAS PA'I PHYIR, DER THAL, GZHI GRUB NA, GZHI KHO NA YIN DGOS PA'I PHYIR, DER THAL, GZHI GRUB NA, GZUNG BA YIN DGOS PA'I PHYIR, RTZA BAR 'DOD NA, MI 'THAD DE, BYANG SEMS SA BCU PA BAS ZLOS SKYON YOD PA'I BSTAN BCOS RTZOM MI RIGS PA'I PHYIR, KHA CIG ,SNGAR BSHAD PA'I DOGS PA DE DOGS PA MTSAN NYID PA YIN ZER NA, DE CHOS CAN, KHYOD RGYUD LA LDAN PA'I GANG ZAG YOD PAR THAL, KHYOD DOGS PA YIN PA'I PHYIR, 'DOD NA, BKAG ZIN, KHA CIG, DE 'DRA BA'I DOGS PA SKYE MI SRID ZER NA, DE SKYE SRID PAR THAL, DE RGOL BA RTOG LDAN LA SKYE SRID PAR @47A *, ,DGONGS NAS SLONG DPON GYIS DOGS PA KHONG NAS BSU BA MDZAD PA'I PHYIR, KHA CIG ,DE SKYE SRID PAR DOGS PA'I DOGS PA DE DOGS PA MTSAD NYID PA MA YIN ZER NA, MI 'THAD DE, DE LTAR DOGS PA'I DOGS PA DE SLOB DPON SENG GE BZANG PO'I RGYUD LA YOD PA'I PHYIR, DER THAL, SLOB DPON GYIS DE SKYE SRID PAR DOGS NAS RTZOD LAN GYI GZHUNG RNAMS MDZAD BA'I PHYIR, KHA CIG ,DE LTAR PHYAG 'TSAL BA DANG ZHES SOGS KYI GZHUNG 'DI MCHOD BRJOD KYI GZHUNG YIN ZER NA, MCHOD BRJOD LAS 'PHROS PA'I GZHUNG YIN NA, MCHOD BRJOD KYI GZHUNG YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, MNGON RTOGS RGYAN GYI RNAM PA THAMS CAD MKHYEN NYID LAM ZHES PA MAN CHAD KYI GZHUNG RNAMS CHOS CAN, DER THAL, DE'I PHYIR, DER THAL, RJE BTZUN GYIS MNGON RTOGS RGYAN RTZOM PA'I PHYIR DU MKHYEN GSUM LA BSTOD PHYAG MDZAD PA'I PHYIR, 'DOD NA SLA, GZHAN YANG ,DE CHOS CAN, MCHOD BRJOD KYI 'GREL PA MIN PAR THAL, DGOS 'BREL GYI 'GREL PA YIN PA'I PHYIR, DER THAL, BSTAN BCOS RTZOM PA LA DGOS MED KYI DOGS PA SO SOR SPANGS NAS BRJOD BYA MKHYEN GSUM SPYI'I RNAM BZHAG GTAN LA 'BEBS PA'I GZHUNG YIN PA'I PHYIR, ` ,GNYIS PA RANG LUGS LA RTZOD PA DANG LAN GNYIS, DANG PO JI LTAR RTZOD PA'I TSUL YOD DE, RJE BTZUN GYIS NYAN THOS ZHI BA 'TSOL RNAMS, ZHES SOGS KYIS MKHYEN GSUM GYI YON TAN BRJOD PA'I SGO NAS YUM LA BSTOD PHYAG MDZAD PA NA RGOL BA RTOG LDAN KHA CIG GI BSAM PA LA SKYES BU DAM BA RNAMS BSTAN BCOS RTZOM PA SOGS KYI CHOS LDAN GYI BYA BA KHYAD PAR CAN LA 'JUG PA'I THOG MAR YUL KHYAD PAR CAN LA SKYABS SU 'GRO BA SNGON DU BTANG NAS 'JUG PAR BYED PAS, RJE BTZUN 'DIS KYANG BSTAN BCOS ZHIG RTZOM MAM, DE RTZOM NA GZHUNG GZHAN GYI MCHOD BRJOD KYI YUL DU DNGOS SU SMOS PA'I, SANGS RGYAS BYANG SEMS LA BSTONG PHYAG MI MDZAD PAR MKHYEN GSUM LA BSTONG PHYAG MDZAD PAS MKHYEN GSUM BRJOD BYAR BYAS PA'I BSTAN BCOS ZHIG RTZOM MAM, DE RTZOM NA YUL GZHI GNYEN RNAM GSUM GTAN LA MA PHAB BAR YUM MKHYEN PA GSUM GTAN LA 'BEBS MI NUS PAS GZHI GNYEN RNAM GSUM GYI NANG NAS, GZHI KHO NA BRJOD BYAR BYED DAM, RNAM PA KHO NA BRJOD BYAR BYED DAM, GNYEN PO KHO NA BRJOD BYAR BYED, DANG PO LTAR NA CHOS MNGON PA DANG BZLOS PA SOGS @47B KYI SKYON YOD CES RTZOD PA'I PHYIR, GNYIS PA LAN BSHAD PA LA, MNGON RTOGS RGYAN GYIS GZHI GNYEN RNAM GSUM BRJOD BYAR BYAS NA CHOS MNGON PA DANG BZLOS PA SOGS KYI SKYON MED DE, GZHI GNYEN RNAM PA GSUM GAS MKHYEN GSUM MTSON PA'I TSUL GYIS GTAN LA 'BEBS PA'I PHYIR, MKHYEN GSUM GTAN LA 'BEBS PA'I RGYU MTSAN YOD DE, RJE BTZUN GYIS 'PHAGS BZHI'I MNGON RTOGS MTHA' DAG GTAN LA 'BEBS PAR BZHED PA GANG ZHIG ,MKHYEN GSUM GYIS 'PHAGS BZHI'I MNGON RTOGS MTHA' DAG BSDUS PA'I PHYIR, DE LTAR BSDUS PA LUNG DANG RIGS PA GNYIS KAS 'GRUB PA'I PHYIR, DE LUNG GIS GRUB STE YUM BAR MA LAS, RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, RANG SANGS RGYAS KYI LAM GANG YIN PA DANG, SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES SOGS GSUNGS PA'I PHYIR, ` ,GSUM PA RTZOD PA SPONG BA LA, KHA CIG ,CHOS MNGON PAS GZHI GNYEN RNAM GSUM GYI NANG NAS GZHI KHO NA BRJOD BYAR BYAS PAR THAL, DE 'DRA BA'I DOGS PA DE RGOL BA RTOGS LDAN LA SKYE SRID PA'I DOGS PA YIN PA GANG ZHIG ,KHYOD KYI RTZOD TSUL DE 'THAD PA'I PHYIR, ZER NA MA KHYAB 'DOD MI NUS TE, DES GZHI GNYEN RNAM PA GSUM CHA MNYAM DU GTAN LA PHAB PA'I PHYIR DER THAL, ZHI GNYEN RNAM PA GSUM CHA MNYAM DU GTAN LA 'BEBS PA'I BSTAN BCOS CIG YOD PA'I PHYIR, KHA CIG, SNGAR BSHAD PA'I DOGS PA DE CHOS CAN, KHYOD SKYE MI SRID BAR THAL, KHYOD RI BONG R'A DANG MED MTSUNGS YIN PA'I PHYIR NA MA KHYAB, KHA CIG ,MNGON RTOGS RGYAN GYIS MKHYEN GSUM GTAN LA PHAB PA DE MI RIGS PAR THAL, DE RGYAS 'BRING BSDUS GSUM DANG ZLOS PA'I SKYON YOD PA'I PHYIR, DER THAL, RGYAS 'BRING BSDUS GSUM GYI GZHI GNYEN RNAM PA GSUM GASMKHYEN GSUM MTSON PA'I TSUL GYIS MKHYEN GSUM GTAN LA PHABS ZIN PA'I PHYIR ZER NA SKYON MED DE, ,RGYAS 'BRING BSDUS GSUM GYI DE LTAR GTAN LA PHAB PA LAS, MNGON RTOGS RGYAN GYIS DE LTAR GTAN LA PHAB PA LA DGOS PA LHAG PO GCIG YOD PA'I PHYIR, ` ,RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, ZHES SOGS KYI SKABS SU 'DIR BSTAN SHES BYA'I LAM GSUM NGOS GZUNG BA, DE DMAN LAM SNGON DU MA SONG BA'I BYANG CHUB @48A *, ,SEMS DPAS LAM GANG GI GNAS SKABS SU SHES BSKYED RDZOGS GSUM BYED PA'I TSUL BSHAD PA RDZOGS SMIN SBYANG GSUM GYI TSAD BSHAD PA 'DIR BSTAN GDAMS DON GTZO BOR GYUR PA'I YANG DAG MTHA' NGOS GZUNG BA DE MNGON DU BYAS PA'I TSAD BSHAD PA DANG BZHI, DANG PO LA DGAG GZHAG SPANG GSUM LAS, DANG PO LA KHA CIG, GANG ZAG GI BDAG MED MNGON SUM DU RTOGS PA'I YE SHES DE GANG ZAG SU'I RGYUD LA YOD KYANG NYAN THOS KYI LAM DANG, GZUGS DANG GZUGS 'JIN PA'I TSAD MA RDZAS GZHAN GYIS STONG BA'I STONG GNYID MNGON SUM DU RTOGS PA'I YE SHES DE GANG ZAG SU'I RGYUD LA YOD KYANG, RANG RGYAL GYI LAM DANG, STONG NYID MNGON SUM DU RTOGS PA'I YE SHES DE GANG ZAG SU'I RGYUD LA YOD KYANG SANGS RGYAS KYI LAM YIN PA'I PHYIR ZER NA, GANG ZAG GI BDAG MED MNGON SUM DU RTOGS PA'I RNAM MKHYEN NYAN THOS KYI LAM YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE CHOS CAN, NYAN THOS KYI LAM MA YIN PAR THAL, RNAM BZHAG GI DBANG DU BYAS PA'I NYAN THOS KYI LAM YANG MA YIN SKYE PA'I RTEN GYI DBANG DU BYAS PA'I NYAN THOS KYI LAM YANG MA YIN PA'I PHYIR, KHA CIG ,GIS MA KHYAB ZER, DANG PA MA GRUB NA, GANG ZAG GI BDAG MED MNGON SUM DU RTOGS PA'I RNAM MKHYEN DE, NYAN THOS SLOB PA RNAMS KYIS NYAN THOS KYI BYANG CHUB THOB PA LA BSGOM BYA'I GTZO BOR BYAS NAS SGOM DGOS SHING, DE LTAR BSGOMS NA NYAN THOS KYI BYANG CHUB 'THOB, MA BSGOMS NA NYAN THOS KYI BYANG CHUB MI 'THOB PA'I LAM YIN PAR THAL, MA GRUB PA DE'I PHYIR, 'DOD MI NUS TE, RNAM MKHYEN BSGOM BYA'I GTZO BOR BYAS NAS BSGOMS PA'I NYAN THOS SLOB BA MED PA'I PHYIR, DER THAL, NYAN THOS KYI RGYUD LA RNAM MKHYEN SBYOR BA MED PA'I PHYIR, PHYI MA MA GRUB NA, GANG ZAG GI BDAG MED MNGON SUM DU RTOGS PA'I RNAM MKHYEN RANG RGYUD LA BSKYED PA'I NYAN THOS YOD PAR THAL, MA GRUB PA DE'I PHYIR, 'DOD NA SLA, GZHAN YANG, NYAN THOS KYI RTOGS RIGS YIN NA, NYAN THOS KYI RTOGS PA YIN DGOS PAR THAL, GONG GI THAL GYUR DE LA KHYOD KYI KHYAB MED KYI LAN DON MTHUN GCIG THEB PA'I PHYIR, 'DOD NA, GANG ZAG GI BDAG MED MNGON SUM DU RTOGS PA'I RNAM MKHYEN @48B CHOS CAN, DER THAL, DE'I PHYIR, DER THAL, NYAN THOS KYI RTOGS RIGS SU GNAS PA'I RNAM MKHYEN GCIG YOD PA'I PHYIR, 'DOD MI NUS SO, ,GZHAN YANG, DE NYAN THOS KYI THEG PA YIN PAR THAL, DE NYAN THOS KYI LAM YIN PA'I PHYIR, 'DOD NA, DE MTHAR THUG GI NYAN THOS KYI THEG PA YIN PAR THAL, MTHAR THUG PA'I THEG PA GANG ZHIG, NYAN THOS KYI THEG PA YIN PA'I PHYIR, RTAGS KHAS, 'DOD NA, MTHAR THUG THEG PA GSUM DU GRUB PAR THAL, MTHAR THUG NYAN THOS KYI THEG PA GRUB PA'I PHYIR, RTAGS KHAS, 'DOD MI NUS SO, ,KHA CIG GI NA RE, GANG ZAG GI BDAG MED MNGON SUM DU RTOGS PA'I YE SHES DE GANG ZAG SU'I RGYUD LA YOD KYANG NYAN THOS KYI LAM SOGS SU MI 'DOD KYANG, GANG ZAG GI BDAG MED MNGON SUM DU RTOGS PA'I YE SHES DE NYAN THOS KYI LAM SOGS YIN ZER NA, GANG ZAG GI BDAG 'DZIN SPANGS PA'I SPANG PA DE, NYAN THOS KYI 'GOG BDEN YIN PAR THAL, GANG ZAG GI BDAG MED MNGON SUM DU RTOGS PA'I YE SHES DE NYAN THOS KYI LAM BDEN YIN PA'I PHYIR, DER THAL, DE NYAN THOS KYI 'PHAGS LAM YIN PA'I PHYIR, DER THAL, DE NYAN THOS KYI LAM BDEN YIN PA'I PHYIR, 'DOD NA, GANG ZAG GI BDAG 'JIN SPANGS PA'I MYANG 'DAS DE, NYAN THOS KYI MYANG 'DAS YIN PAR THAL, 'DOD PA'I PHYIR, 'DOD NA, DE CHOS CAN, KHYOD RGYUD LA LDAN PA'I SANGS RGYAS 'PHAGS PA MED PAR THAL, KHYOD CHAD PA'I MYANG 'DAS YIN PA'I PHYIR, RTAGS KHAS, 'DOD MI NUS TE, SANGS RGYAS 'PHAGS PA'I RGYUD KYI MYANG 'DAS YIN NA, DE LTAR YIN DGOS PA'I PHYIR, GZHAN YANG, THEG CHEN GYI RIGS CAN DBANG RNON RNAMS SKYES BU GSUM GYI LAM LA RIM GYIS 'KHRID PA'I TSE, SKYES BU 'BRING GI LAM DNGOS LA 'KHRID PAR THAL, MI RTAG LA SOGS BCU DRUG MNGON SUM DU RTOGS PA'I YE SHES LA 'KHRID PA GANG ZHIG, DE SKYES BU 'BRING GI LAM DNGOS YIN PA'I PHYIR DER THAL, GANG ZAG GI BDAG MED MNGON SUM DU RTOGS PA'I YE SHES NYAN THOS KYI LAM DNGOS YIN PA'I PHYIR, RTAGS KHAS, 'DOD MI NUS TE, THEG CHEN GYI RIGS CAN DBANG RNON RNAMS SKYES BU GSUM GYI LAM LA RIM GYI 'KHRID PA'I TSE, SKYES BU 'BRING DANG THUN MONG BA'I LAM LA 'KHRID @49A *, ,PA YIN GYIS, SKYES BU 'BRING GI LAM DNGOS LA 'KHRID NA GOL SAR LHUNG BA'I DGAG BYA YOD PA BYANG CHUB LAM RIM LAS GSUNGS PA'I PHYIR, GZHAN YANG, NYAN THOS KYIS BYANG CHUB THOB BA LA RANG RGYUD LA BSKYED NAS NGES BAR SGOM DGOS BA'I LAM YIN NA, NYAN THOS KYI LAM YIN DGOS PAR THAL, GANG ZAG GI BDAG MED MNGON SUM DU RTOGS PA'I YE SHES NYAN THOS KYI LAM YIN PA LA RGYU MTSAN YANG DAG CIG YOD PA'I PHYIR, 'DOD NA, NYAN THOS KYI MI SLOB LAM THOB PA LA RANG RGYUD LA BSKYED NAS NGES PAR, SGOM DGOS PA'I LAM YIN NA, NYAN THOS KYI MI SLOB LAM YIN DGOS PAR THAL, 'DOD PA'I PHYIR, 'DOD NA, NYAN THOS KYI SGOM LAM RDO RJE LTA BU'I TING NGE 'DZIN CHOS CAN, DER THAL, DE'I PHYIR, RTAGS GSAL CHOS CAN GYIS SGRUB, ` ,GNYIS PA RANG GI LUGS LA, 'DIR BSTAN SHES BYA'I LAM GSUM GYI KHYAD PAR YOD DE, GANG ZAG GI BDAG MED MNGON SUM DU RTOGS PA'I YE SHES DE RNAM BZHAG GE DBANG DU BYAS PA'I 'DIR BSTAN SHES BYA'I NYAN THOS KYI LAM DANG, DE BZHIN DU 'OG MA GNYIS LA YANG RIGS 'GRE, GANG ZAG GI BDAG MED MNGON SUM DU RTOGS PA'I YE SHES DE RNAM GZHAG GI DBANG DU BYAS BA'I 'DIR BSTAN SHES BYA'I NYAN THOS KYI LAM ZHES 'CHAD PA'I RGYUD MTSAN YOD DE, NYAN THOS SLOB PA RNAMS KYIS NYAN THOS KYI BYANG CHUB THOB PA LA DE BSGOM BYA'I GTZO BOR BYAS NAS SGOM DGOS SHING DE LTAR BSGOMS MNYAN THOS KYI BYANG CHUB 'THOB MA BSGOMS NA MA THOB PA'I RGYU MTSAN GYIS DE LTAR BSHAD PA'I PHYIR, 'OG MA GNYIS LA YANG RIGS 'GRE'O, ` ,GSUM PA RTZOD PA SPONG BA LA, KHA CIG ,SKYES BU GSUM GYI LAM LA RIM, GYIS SLOB PA'I GANG ZAG YIN NA, SKYES BU 'BRING GI LAM RGYUD LA BSKYED MYONG GI GANG ZAG YIN DGOS PAR THAL, SKYES BU 'BRING GI LAM YIN NA, SKYES BU 'BRING GI MNGON RTOGS YIN DGOS PA'I PHYIR, 'DOD NA, DMAN LAM SNGON DU MA SONG BA'I BYANG SEMS MTHONG LAM PA CHOS CAN, DER THAL, DE'I PHYIR, DER THAL, SKYES BU GSUM DANG THUN MONG BA'I LAM LA RIM GYIS SLOB PA'I GANG ZAG YIN PA'I PHYIR, @49B ZER NA MA KHYAB, 'DOD MI NUS SO, KHA CIG, GANG ZAG GI BDAG MED MNGON SUM DU RTOGS BA'I RNAM MKHYEN CHOS CAN, NYAN THOS KYI LAM YIN PAR THAL, NYAN THOS DANG THUN MONG BA'I LAM YIN PA'I PHYIR, ZER NA MA KHYAB, MA GRUB NA, DER THAL, NYAN THOS DANG THUN MONG BA'I LAM CIG YOD PA'I PHYIR, DER THAL, SANGS RGYAS 'PHAGS PA'I RGYUD KYI DRAN BA NYEN GZHAG BZHI DE LTAR YIN PA'I PHYIR ZER NA, SANGS RGYAS 'PHAGS PA'I RGYUD KYI DRAN PA NYER GZHAG BZHI PO CHOS CAN, NYAN THOS KYI RNAM MKHYEN YIN PAR THAL, NYAN THOS DANG THUN MONG BA'I RNAM MKHYEN GYI RNAM BA YIN PA'I PHYIR, KHYAB PA KHAS, MA GRUB NA DER THAL, SANGS RGYAS 'PHAGS PA'I RGYUD LA NYAN THOS DANG THUN MONG BA'I RNAM MKHYEN GYI RNAM PA CIG YOD PA'I PHYIR, 'KHOR GSUM KHO NA RE, GZUGS DANG GZUGS 'DZIN PA'I TSAD MA RDZAS GZHAN GYI STONG BA'I STONG NYID MNGON SUM DU RTOGS BA'I YE SHES RANG RGYAL GYI LAM YIN PAR THAL, GZUGS DANG GZUGS 'DZIN PA'I TSAD MA RDZAS GZHAN GYI STONG PAR LTA BA'I LTA BA DE RANG RGYAL GYI LTA BA YIN PA'I PHYIR, ZER NA MA KHYAB, MA GRUB NA DER THAL, DE 'DRA BA'I LTA BA DE THEG PA GSUM GYI NANG NAS RANG RGYAL GYI LTA BA DANG, GRUB MTHA' SMRA BA BZHI'I NANG NAS SEMS TZAM PA'I LTA BA YIN PA'I PHYIR ZER NA, 'O NA, DE 'DRA BA'I YE SHES RANG RGYAL GYI MNGON RTOGS YIN PAR THAL, DE LTAR LTA BA'I LTA BA DER RANG RGYAL GYI LTA BA YIN BA'I PHYIR, KHYAB PA KHAS, 'DOD NA, DE 'DRA BA'I YE SHES DE CHOS CAN, KHYOD RANG RGYAL GYI MNGON RTOGS MA YIN PAR THAL, KHYOD RGYUD LA LDAN PA'I BYANG SEMS 'PHAGS PA YOD PA'I PHYIR, KHO NA RE, MI RTAG LA SOGS BCU DRUG MNGON SUM DU RTOGS PA'I YE SHES DE NYAN THOS KYI LAM YIN PAR THAL, BYANG SEMS 'PHAGS PAS MI RTAG LA SOGS BCU DRUG MNGON SUM DU, RTOGS PA'I YE SHES DE, SEMS BSKYED BSNGO BA SHES RAB GSUM GYIS ZIN BA'I SGO NAS MNGON SUM DU SHES PA'I TSUL DE, NYAN THOS KYI LAM SHES PA'I LAM SHES BSGOM TSUL YIN PA'I PHYIR, ZER NA MA KHYAB, MA GRUB NA DER THAL, NYAN THOS KYIS LAM SHES PA'I LAM SHES ? @50A *, ,BSGOM TSUL CIG YOD PA'I PHYIR, KHO NA RE, NGAN 'GRO BA'I LAM YIN NA, NGAN 'GRO BA RANG RGYUD KYIS BSDUS PAS KHYAB PA DANG, BDE 'GRO BA'I LAM YIN NA, BDE 'GRO BA RANG RGYUD KYIS BSDUS PAS KHYAB PAR THAL, NYAN THOS KYI LAM YIN NA, NYAN THOS RANG RGYUD KYIS BSDUS PAS KHYAB, RANG RGYAL GYI LAM YIN NA, RANG RGYAL RANG RGYUD KYIS BSDUS BAS KHYAB PA'I PHYIR, ZER NA MA KHYAB, 'DOD NA, BDE 'GRO BA'I RGYUD KYI SROG GCOD PA'I MI DGE BA'I LAM CHOS CAN, NGAN 'GRO BA'I RGYUD KYIS BSDUS PAR THAL, NGAN 'GRO BA'I LAM YIN PA'I PHYIR, DER THAL, CHOS CAN DE YIN PA'I PHYIR, 'DOD NA SLA, GZHAN YANG, NGAN 'GRO BA'I RGYUD KYI SROG GCOD SPONG BA'I DGE BA'I LAS LAM CHOS CAN , BDE 'GRO BA'I RGYUD KYIS BSDUS PAR THAL, BDE 'GRO BA'I LAM YIN PA'I PHYIR, RTAGS GSAL SLA ZER NA, NGAN 'GRO BA'I LAM YIN NA, LAM YIN PAS KHYAB PA DANG, BDE 'GRO BA'I LAM YIN NA, LAM YIN PAS KHYAB PAR THAL, NYAN THOS KYI LAM YIN NA, LAM YIN PAS KHYAB, RANG RGYAL GYI LAM YIN NA, LAM YIN PAS KHYAB PA'I PHYIR, KHYAB PA KHAS, 'DOD NA SLA,, ; ,,GNYIS PA LAM DE GSUM DMAN LAM SNGON DU MA SONG BA'I BYANG CHUB SEMS DPAS LAM GANG GI GNAS SKABS SU SHES BSKYED RDZOGS GSUM BYED PA'I TSUL BSHAD PA LA, DGAG GZHAG SPANG GSUM LAS, DANG PO LA, KHA CIG GIS, DMAN LAM SNGON DU MA SONG BA'I BYANG CHUB SEMS DPAS SA DANG PO NAS NYAN RANG GI RTOGS PA RDZOGS SA BRGYAD PA NAS SPANGS PA RDZOGS PA YIN ZER NA, DMAN LAM SNGON DU MA SONG BA'I BYANG SEMS MTHONG LAM PA DES, NYAN THOS KYI RTOGS PA 'THOB PAR THAL, DES NYAN THOS KYI RTOGS PA RDZOGS PA'I PHYIR, RTAGS KHAS, 'DOD NA, DMAN LAM SNGON DU MA SONG BA'I BYANG SEMS SA DANG PO @50B BA DE THEG DMAN LAM DU LTUNG BA YOD PAR THAL, 'DOD PA'I PHYIR, 'DOD MI NUS SO, ,KHA CIG NA RE, DMAN LAM SONG DU MA SONG BA'I BYANG CHUB SEMS DPAS SA DANG PO NAS NYAN RANG GI RTOGS PA'I RIGS RDZOGS, SA BRGYAD PA NAS SPANGS PA'I RIGS RDZOGS PA YIN TE SA DANG PO NAS GANG ZAG GI BDAG MED RDZOGS PAR RTOGS, SA BRGYAD PA NAS NYON SGRIB MA LUS PAR SPANGS SHING KUN GZHI DANG NYON YID GNAS 'GYUR BA'I PHYIR ZER NA, SA DANG PO NAS GANG ZAG GI BDAG MED RDZOGS PAR RTOGS PA'I DON, GANG ZAG GI BDAG MED MNGON SUM DU RTOGS PA LA BYED DAM, GANG ZAG GI BDAG 'DZIN SPANGS PA'I RNAM GROL LAM THOB PA LA BYED PA DAG LAS GANG YIN, DANG PO LTAR NA NYAN THOS MTHONG LAM BAR CHAD MED LAM PAS NYAN RANG GI RTOGS PA'I RIGS RDZOGS PAR THAL, DES GANG ZAG GI BDAG MED MNGON SUM DU RTOGS PA'I PHYIR, GNYIS PA LTAR NA SA DANG PO NAS RTOGS RIGS RDZOGS PA DANG , SA BRGYAD PA NAS SPANGS PA'I RIGS RDZOGS PA'I KHYAD PAR 'BYED MI RIGS PAR THAL, DMAN LAM SNGOR DU MA SONG PA'I BYANG CHUB SEMS DPAS SA DANG PO NAS NYAN RANG GI SPANGS PA'I RIGS KYANG RDZOGS PA'I PHYIR, DER THAL, DES SA DANG PO NAS GANG ZAG GI BDAG 'DZIN SPANGS PA'I SPANGS PA THOB PA'I PHYIR, DER THAL, DES SA DANG PO NAS GANG ZAG GI BDAG 'DZIN SPANGS PA'I RNAM GROL LAM THOB PA'I PHYIR, RTAGS DNGOS, GZHAN YANG, KHYOD KYI SGRUB BYED DE MI 'THAD PAR THAL, 'GREL CHEN GYI CHOS SKU'I 'TSAMS SBYAR DU KUN GZHI 'DOD PA'I GZHAN LUGS BRJOD PA RTZA MA GTOGS, RANG LUGS LA KUN GZHI YOD PA 'GREL CHEN GNYID KAR MA GSUNGS PA'I PHYIR, SA BRGYAD PA NAS NYON SGRIB MA LUS PAR SPANGS PA DE MI 'THAD PAR THAL, SLOB DPON GYIS SGOM SPANGS NYON MONGS LA BCU DRUG GI DBYE BA MDZAD NAS DE SA BCU'I GNAS SKABS SU SPONG BAR GSUNGS BA'I PHYIR, DER THAL, 'GREL CHEN LAS, MTHONG BA DANG SGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA SA BCUR RNAM PAR BZHAG GO ,ZHES GSUNGS PA'I PHYIR, KHA CIG ,LUGS DE BKAG @51A *, ,NAS DMAN LAM SNGON DU MA SONG BA'I BYANG CHUB SEMS DPAS SA DANG PO? NA NYAN RANG GI SPANGS RTOGS KYI RIGS GNYIS KA RDZOGS PA YIN TE, NYON MONGS LA 'KHOR BAR 'CHING BYED KYI NYON MONGS DANG BAG LA NYAL GYI NYON MONGS GNYIS LAS, DANG PO NI, DMAN LAM SNGON DU MA SONG BA'I BYANG CHUB SEMS DPA' SA DANG PO BAS KYANG SPANGS, PHYI MA NYAN RANG DGRA BCOM PAS KYANG MA SPANGS PA'I PHYIR, DANG PO DER THAL, RGYUD BLA MA LAS, 'PHAGS PAS NA DANG RGA BA DANG, ,'CHI BA'I SDUG BSNGAL RTZAD NAS SPANGS, ,ZHES GSUNGS PA'I PHYIR, PHYI MA DER THAL, NYAN RANG DGRA BCOM PA RNAMS MA RIG BAG CHAGS KYI SA DANG ZAG MED KYI LAS LA BRTEN NAS SKYE BA LEN PA'I PHYIR ZER NA, DMAN LAM SNGON DU MA SONG BA'I BYANG CHUB SEMS DPA' SA DANG PO PA YIN NA, 'KHOR BAR 'CHING BYED KYI NYON MONGS SPANGS PAS KHYAB PAR THAL, DAM BCA' DANG PO 'THAD PA'I PHYIR, KHA CIG, MA KHYAB ZER, 'DOD NA, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA CHOS CAN, DER THAL, DE'I PHYIR, 'DOD NA, 'KHOR BAR 'CHING BYED KYI NYON MONGS SPANGS PA'I SPANGS PA THOB PAR THAL, 'DOD PA'I PHYIR, 'DOD MI NUS TE, 'GOG BDEN THOB MA MYONG BA'I GANG ZAG YIN PA'I PHYIR, MA KHYAB MTSAMS LA, DMAN LAM SNGON DU MA SONG BA'I THEG CHEN MTHONG LAM RNAM GROL LAM PA? BDES 'KHOR BAR 'CHING BYED KYI NYON MONGS SPANGS PAR THAL, RTZA BA'I DAM BCA' 'THAD PA GANG ZHIG, MA KHYAB PA DE'I PHYIR, 'DOD NA, DE CHOS CAN, 'KHOR BA'I RTZA BAR GYUR PA'I GANG ZAG GI BDAG 'DZIN SPANGS PAR THAL, 'KHOR BAR 'CHING BYED KYI NYON MONGS SPANGS PA'I PHYIR, 'DOD NA, DGRA BCOM PA YIN PAR THAL, 'DOD PA GANG ZHIG, DGRA BCOM PA LA NYON MONGS MA LUS PAR SPANGS PAS MA KHYAB PA'I PHYIR, 'DOD MI NUS TE, SGOM LAM THOB MA MYONG BA'I GANG ZAG YIN PA'I PHYIR, GZHAN YANG, LAS NYON GYI DBANG GIS SKYE 'CHI MI BYED PA'I GANG ZAG YIN NA, 'KHOR BAR 'CHING BYED KYI NYON MONGS SPANGS PAS KHYAB PAR THAL, KHYOD KYI SGRUB BYED DE 'THAD PA'I PHYIR, 'DOD NA, DMAN LAM SNGON DU MA SONG BA'I THEG CHEN SBYOR LAM CHOS MCHOG SKAD CIG THA MA PA CHOS CAN @51B DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SO SO SKYE BO YIN PA'I PHYIR, GZHAN YANG, NYAN THOS KYI SGOM LAM RDO RJE LTA BU'I TING NGE 'DZIN DES NYON SGRIB LHAN SKYES MA LUS PAR SPONG MI NUS PAR THAL, NYAN THOS DGRA BCOM PA DES NYON SGRIB LHAN SKYES MA LUS PAR MA SPANGS PA'I PHYIR, 'DOD NA, NYAN THOS MTHONG LAM BAR CHAD MED LAM DES NYON SGRIB KUN BTAGS MA LUS PAR SPONG MI NUS BAR THAL, 'DOD PA'I PHYIR, 'DOD NA, DES SKYABS GNAS YANG DAG LA SKYABS GNAS YANG DAG YIN MIN GYI THE TZOM GYI SA PON SPONG MI NUS PAR THAL, 'DOD PA'I PHYIR, 'DOD NA, NYAN THOS MTHONG LAM BAR CHAD MAD LAM PA CHOS CAN, KHYOD 'PHAGS PA'I DGE 'DUN DKON MCHOG MA YIN PAR THAL, SKYABS GNAS YANG DAG LA DE YIN MIN GYI THE TZOM GYI SA BON GYI DNGOS GNYEN BAR CHAD MAD LAM RANG RGYUD LA SKYE MA MYONG BA'I GANG ZAG YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG, NYAN THOS KYI SGOM LAM RDO RJE LTA BU'I TING NGE 'DZIN DES NYON SGRIB MA LUS PAR SPONG MI NUS PAR 'DOD PA MI RIGS PAR THAL, DE LTAR 'DOD PA LA LUNG RIGS KYIS GNOD PA'I PHYIR, LUNG GIS GNOD DE, DE LTAR 'DOD PA'I GANG ZAG GI RGYUD LA BYANG SEMS KYI SDOM PA YOD NA RTZA LTUNG 'BYUNG BA'I PHYIR, DER THAL, BSLAB BTUS LAS, SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,ZHES GSUNGS PA'I PHYIR, GZHAN YANG, THAMS CAD MKHYEN PA THOB PA'I GANG ZAG YIN NA, SHES SGRIB MA LUS PAR SPANGS PAS MA KHYAB PAR THAL, THAR PA THOB PA'I GANG ZAG YIN NA, NYON SGRIB MA LUS PAR SPANGS PAS MA KHYAB PA'I PHYIR, GZHAN YANG, KHYOD KYIS NYAN RANG DGRA BCOM PAS BAG LA NYAL GYI NYON SGRIB MA SPANGS PA'I SHES BYED DU NYAN RANG DGRA BCOM PA MA RIG BAG CHAGS KYI SA DANG ZAG MED KYI LAS LA BRTEN NAS SKYE BA LEN PA'I PHYIR, ZHES 'GOD PA LA 'BREL MED PAR THAL, NYAN RANG DGRA BCOM PA DANG DAG SA LA GNAS PA'I BYANG CHUB SEMS DPA' RNAMS SKYE BA LEN PA'I CHA RKYEN DU GYUR BA'I MA RIG PA'I BAG CHAGS SHING RTA CHEN PO RNAMS KYIS SHES SGRIB TU GSUNGS PA YIN GYI NYON SGRIB TU GANG DU YANG MA @52A *, ,GSUNGS PA'I PHYIR, DANG PO SHES SGRIB TU GSUNGS PA YIN TE, 'JUG PA RANG 'GREL LAS, DE LA MA RIG PA'I BAG CHAGS NI SHES BYA YONGS SU DPYAD PA'I GEGS SU GYUR PA YIN LA, ZHES GSUNGS PA'I PHYIR, DE LA KHO NA RE, SHING RTA CHEN PO RNAMS KYI NYAN RANG DGRA BCOM PA DANG DAG SA LA GNAS PA'I BYANG CHUB SEMS DPA' RNAMS SKYE BA LEN PA'I CHA RKYEN DU GYUR PA'I MA RIG BAG CHAGS KYI SA SHES SGRIB TU BZHED PA DE BZHIN DU, GAL TE KHO BO CAG KYANG, SHES SGRIB TU 'DOD PA YIN NO ZER NA, SNGA MA LAS KYANG CHES SHIN TU 'BREL MED PAR THAL, DE SHAS SGRIB YIN NA, SHES SGRIB PHRA ZHING PHRA BA YIN DGOS PA GANG ZHIG ,DMAN LAM SNGON DU MA SONG BA'I BYANG CHUB SEMS DPAS NYAN RANG GI SPANGS RTOGS KYI RIGS LAM GANG NAS RDZOGS PAR DPYOD PA'I SPANG BYAR SHES SGRIB PHRA ZHING PHRA BA RNAM PA THAMS CAD DU MA RUNG PA'I PHYIR, DER THAL, SHES SGRIB PHRA ZHING PHRA BA SPANGS PA'I NYAN RANG DGRA BCOM PA MED PA'I PHYIR, KHA CIG NA RE, RNAM BSHAD RANG LUGS LA BAG LA NYAL GYI NYON SGRIB SHES SGRIB YIN NO ZER NA, 'O NA, PHYOGS SNGA SMRA BA POS, NYAN RANG DGRA BCOM PAS BAG LA NYAL GYI NYON SGRIB MA SPANGS PAR KHAS BLANGS PA LA, RNAM BSHAD KYI LUNG RIG DANG 'GAL BA'I SKYON BRJOD PA MI RIGS PAR THAL, RNAM BSHAD RANG LUGS LA NYAN RANG DGRA BCOM PAS BAG LA NYAL GYI NYON SGRIB MA SPANGS PA'I PHYIR, DER THAL, DE SHES SGRIB YIN PA'I PHYIR, KHO NA RE, RTZA BA LA, MA KHYAB STE, PHYOGS SNGA SMRA BA POS NYON SGRIB LA 'KHOR BAR 'CHING BYED KYI NYON SGRIB DANG, BAG LA NYAL GYI NYON SGRIB GNYIS SU PHYE NAS, NYAN RANG DGRA BCOM PAS BAG LA NYAL GYI NYON SGRIB MA SPANGS PAR KHAS BLANGS PA LA LUNG RIGS DANG 'GAL BA'I SKYON BRJOD MDZAD PA YIN GYIS NYAN RANG DGRA BCOM PAS BAG LA NYAL GYI NYON SGRIB MA SPANGS PA LA SKYON BRJOD MDZAD PA MA YIN PA'I PHYIR ZER NA, 'O NA, BAG CHAGS SU GYUR PA'I NYON SGRIB SHES SGRIB YIN PAR THAL, BAG LA NYAL DU GYUR BA'I NYON SGRIB SHES SGRIB YIN PA'I PHYIR, DER THAL, BAG LA NYAL GYI NYON SGRIB SHES SGRIB YIN PA'I PHYIR, RTAGS KHAS, 'DOD NA, GANG ZAG GI BDAG 'DZIN LHAN SKYES KYI BAG CHAGS SU GYUR PA'I NYON SGRIB @52B SHES SGRIB YIN PAR THAL, 'DOD PA'I PHYIR, GANG ZAG GI BDAG 'DZIN LHAN SKYES KYI BAG CHAGS SU GYUR PA'I GANG ZAG GI BDAG 'DZIN LHAN SKYES KYI SA BON SHES SGRING YIN PAR THAL, 'DOD PA'I PHYIR, 'DOD NA, DE CHOS CAN, KHYOD SHES SGRIB MA YIN PAR THAL, KHYOD GANG ZAG GI BDAG 'DZIN LHAN SKYES KYI BAG CHAGS SU GYUR PA'I DE'I SA BON YIN PA'I PHYIR, KHA CIG NA RE, DE MED ZER NA, DE YOD PAR THAL, GANG ZAG GI BDAG 'DZIN LHAN SKYES KYI GOM PAR GYUR PA DE'I SA BON YOD PA'I PHYIR, MA KHYAB NA, KHYAB PA YOD PAR THAL, 'JUG PA RANG 'GREL LAS, NYON MONGS PA'I MUR THUG DANG GOMS PA DANG, RTZA BA DANG, BAG CHAGS ZHES BYA BA RNAMS MING GI RNAM GRANGS SO, ,ZHES GSUNGS PA'I PHYIR, MA GRUB NA, DER THAL, GANG ZAG GI BDAG 'DZIN LHAN SKYES DE RANG GI GOMS PA RGYU MTHUN LAS BYUNG BA'I PHYIR, MA GRUB NA, DE CHOS CAN, KHYOD RANG GI GO MAS PA RGYU MTHUN LAS BYUNG BAR THAL, KHYOD GANG ZAG GI BDAG 'DZIN LHAN SKYES YIN PA'I PHYIR, KHO NA RE, RNAM BSHAD RANG LUGS LA, BAG LA NYAL GYI NYON SGRIB SHES SGRIB YIN PAR THAL, THEG CHEN SGO 'BYED LAS, BAG CHAGS KYI NYON MONGS PA ZHES BYA BA NI SHES SGRIB TU STON PA YIN GYI NYON SGRIB TU 'DOD PA NI MUN SPRUL LO, ,ZHES GSUNGS PA'I PHYIR, ZER NA, SKYON MED DE, DE'I DON NI 'GREL PA DON GSAL LAS RNAM PAR RTOG PA BRGYA RTZA BRGYAD SPANGS PA DANG DUS MNYAM DU BAG CHAGS KYI NYON MONGS PA YANG SPONG ZHES PA'I SKABS NAS DNGOS SU BSTAN PA'I GAG CHAGS KYI NYON MONGS PA DE 'GREL PA DES SHES SGRIB TU STON PA YIN GYI, NYON SGRIB TU BSTAN PA MIN ZHES PA'I DON YIN PA'I PHYIR, DE YANG YIN TE, SHES SGRIB GZUNG 'DZIN GYI RNAM PAR RTOG PA BRGYA RTZA BRGYAD KYI BAG CHAGS LA NYON MONGS KYI MING GI BTAGS PA TZAM YIN PA'I PHYIR, DE LTA NA YIN NA? NYON MONGS PA ZHES PA TZAM GYIS NYON MONGS YIN PAR 'GYUR NA, SHES SGRIB GZUNG 'DZIN GYI RNAM PAR RTOG PA BZHI PO YANG NYON SGRIB YIN PAR THAL, 'GREL CHEN LAS, BYANG CHUB SEMS DPA' RNAMS KYI NYON MONGS PA NI RNAM PAR RTOG PA'O, ,ZHES GSUNGS PA'I PHYIR, KHO NA RE, RNAM @53A *, ,BSHAD RAB LUGS LA, BAG LA NYAL GYI NYON SGRIB SHES SGRIB TU 'DOD PAR THAL, RNAM BSHAD SNYING PO RGYAN LAS, KHO BO CAG KYANG BAG LA NYAL GYI NYON SGRIB SHES SGRIB TU 'DOD DO ZHE NA, ZHES PA'I KYANG SGRA DE RNAM BSHAD RTZOM PA PO LA YANG SNYAGS PA'I PHYIR, ZER NA SKYON MED DE, KYANG SGRA DE RNAM BSHAD RTZOM PA PO LA SNYAG KYANG, BAG LA NYAL GYI NYON SGRIB NYAN RANG DGRA BCOM PA SKYE BA LEN PA'I CHA RKYAN DU MI BZHED PA'I PHYIR, DER THAL, BAG CHAGS SU GYUR PA'I NYON MONGS NYAN RANG DGRA BCOM PA SKYE BA LEN PA'I CHA RKYEN DU MI BZHED PA'I PHYIR, GZHAN YANG, DE 'DRA BA'I KYANG SGRA DE RNAM BSHAD RTZOM PA PO LA SNYAG PAR THAL, DE NYAN RANG DGRA BCOM PA DANG DAG SA LA GNAS PA'I BYANG CHUB SEMS DPA' RNAMS SKYE BA LEN PA'I CHA RKYEN DU GYUR BA'I MA RIG BAG CHAGS KYI SA SHING RTA CHEN PO RNAMS KYIS SHES SGRIB TU BZHED PA DE LA BNYAG PA'I PHYIR, DE LTA MA YIN NA, PHYOGS SNGA SMRA BA BOS, NYAN RANG DGRA BCOM PAS BAG LA NYAL GYI NYON SGRIB MA SPANGS PA'I SHES BYED DU, NYAN RANG DGRA BCOM PA BAG LA NYAL GYI NYON MONGS KYI DBANG GIS SKYE BA LEN PA'I PHYIR, ZHES BKOD PAR THAL, KHYOD KYI SGRUB BYED DE LA KHYAB 'BREL GCIG YOD PA'I PHYIR, 'DOD NA, MI 'THAD DE, DE LTAR BKOD PA'I PHYOGS SNGA SMRA BA PO'I GZHUNG MED PA'I PHYIR,, ` ,,GNYIS PA RANG GI LUGS LA, DMAN LAM SNGON DU MA SONG BA'I BYANG CHUB SEMS DPAS SNGAR BSHAD PA'I LAM GSUM PO DE'I SPANGS RTOGS KYI RIGS LAM GANG NAS RDZOGS PA'I TSUL YOD DE, TSOGS SBYOR GYI GNAS SKABS SU RANG RGYUD LA BSKYED PAR BYED, MTHONG LAM GYI GNAS SKAB SU MNGON SUM DU SHES PAR BYED, RGYUN MTHA' MAN CHAD DU SPANGS RTOGS CI RIGS KYI SGO NAS RDZOGS PAR BYED, LAM DE GSUM GYI SPANGS RTOGS KYI RIGS RDZOGS PA DANG SANGS RGYAS PA DUS MNYAM YIN PA'I PHYIR, PHYI MA DER THAL, DMAN LAM SNGON MA SONG GI BYANG CHUB SEMS DPA' DE DAG GI SGRIB GNYIS GCIG CAR DU SPONG BA'I PHYIR, DER THAL, KUN LAS BTUS LAS, GCIG CAR NYON MONGS PA DANG, SHES BYA'I SGRIB PA SPONG GCIG CAR DGRA BCOM PA DANG DE BZHIN GSHEGS PAR 'GYUR, ZHES GSUNGS PA'I PHYIR, DE @53B LTAR BYAS NA? LAM GSUM PO DE'I SPANGS RTOGS KYI RIGS KYI KHYAD PAR YOD DE, GANG ZAG GI BDAG MED MNGON SUM DU RTOGS PA'I YE SHES LAM DANG PO'I RTOGS RIGS DANG, GANG ZAG GI BDAG 'DZIN SPANGS PA'I SPANGS PA DE LAM DANG PO'I SPANGS RIGS DANG, DE BZHIN DU GZUGS DANG GZUGS 'DZIN PA'I TSAD MA RDZAS GZHAN GYI STONG PA'I STONG NYID MNGON SUM DU RTOGS PA'I YE SHES DANG, GZUGS PHYI ROL DON 'DZIN GYI RTOG PA SPANGS PA'I SPANGS PA GNYIS, RIM PA BZHIN LAM GNYIS PA'I RTOGS RIGS DANG SPANGS RIGS SU 'JOG ,STONG NYID MNGON SUM DU RTOGS PA'I YE SHES DANG, BDEN 'DZIN SPANGS PA'I SPANGS PA GNYIS, RIM PA BZHIN LAM GSUM PA'I RTOGS RIGS DANG SPANGS RIGS YIN PA'I PHYIR,,` ,,GSUM PA RTZOD PA SPONG BA LA, KHO NA RE, LAM DE GSUM RANG RGYUD LA SKYES PA'I DMAN LAM SNGON DU MA SONG PA'I BYANG SEMS TSOGS SBYOR PA YOD PAR THAL, DMAN LAM SNGON DU MA SONG BA'I BYANG CHUB SEMS DPAS LAM DE GSUM TSOGS SBYOR GYI GNAS SKABS SU RANG RGYUD LA BSKYED PAR BYED PA'I PHYIR, ZER NA MA KHYAB, 'DOD MI NUS TE, LAM DE GSUM GANG RUNG RGYUD LA SKYES PA'I GANG ZAG YIN NA 'PHAGS PA YIN PAS KHYAB PA'I PHYIR, ZER NA, RGYUN MTHA'I BAR CHAD MED LAM GYI GNAS SKABS SU RNAM MKHYEN SKAD CEG DANG PO SKYES PAR THAL, DE'I GNAS SKAB SU RNAM MKHYEN SKAD CIG DANG PO BSKYED PA'I PHYIR, KHYAB PA KHAS, MA GRUB NA DER THAL, RGYUN MTHA'I BAR CHAD MED LAM DE, RANG DUS SU RNAM MKHYEN SKAD CIG DANG PO DNGOS SU BSKYED BYED YIN PA'I PHYIR, MA GRUB NA, DE CHOS CAN, DER THAL, KHYOD DE'I DNGOS KYI NYER LEN YIN PA'I PHYIR, 'DOD NA SLA, KHO NA RE, NYAN THOS MTHONG LAM RNAM GROL LAM PA DES NYAN THOS KYI RTOGS PA'I RIGS RDZOGS PAR THAL, DES GANG ZAG GI GDAG MED MNGON DU BYAS PA'I PHYIR, DER THAL, DES GANG ZAG GI GDAG MED MNGON SUM DU BYAS PA'I PHYIR, RNAM BA GCIG TU NA MA KHYAG MA GRUB NA, DER THAL, DES GANG ZAG GI BDAG MED MNGON SUM DU RTOGS PA'I PHYIR NA MA KHYAB, 'DOD MI NUS TE, NYAN THOS MTHONG LAM PA YIN PA'I PHYIR, ZER NA, THEG CHEN MTHONG LAM RNAM GROL LAM PA CHOS CAN, DE BZHIN NYID @54A *, ,MNGON DU BYAS PAR THAL, DE BZHIN NYID MNGON SUM DU BYAS PA'I PHYIR, KHYAB PA DNGOS, MA GRUB NA, DER THAL, DE BZHIN NYID MNGON SUM DU RTOGS PA'I PHYIR, KHYAB PA KHAS, MA GRUB NA, CHOS CAN GYI SGRUB, RTZA BAR 'DOD NA, SANGS RGYAS 'PHAGS PAR THAL LO, ,KHO NA RE, DMAN LAM SNGON DU MA SONG PA'I BYANG CHUB SEMS DPAS SA DANG PO NAS NYAN RANG GI SPANGS RTOGS KYI RIGS GNYIS KA RDZOGS PAR THAL, NYI KHRI SNANG BA LAS, GZHAN YANG, RGYUN TU ZHUGS PA NAS RANG SANGS RGYAS KYI BAR GYI SHES PA DANG, SPONG BA GANG YIN PA DE NI MI SKYE PA'I CHOS LA BZOD PA THOB PA'I BYANG CHUB SEMS DPA'I BZOD PA YIN NO, ,ZHES BYA BA YIN NO, ,BZOD PA GANG YIN ZHE NA, SDUG BSNGAL LA CHOS SHES PA'I BZOD PA'O, ,'DI GANG LAS SHES ZHE NA, LAM GZHAN KHYAD PAR YOD PA YIN NA, RIGS DANG DBANG PO DANG TSOGS KHYAD ZHUGS PAR 'GYUR PA'I PHYIR, BYANG CHUB SEMS DPA'I BZOD PA'I BYED PAR GZHAN RNAMS KYI RTOGS PA'I BYED PA MA LUS PA 'DUS PAR 'GYUR PA'I PHYIR, DE DAG GI SHES PA DANG SPONG PA GANG YIN PA DE DE'I BZOD PA YIN GYI, RTOGS PA'I TSAD 'DI TZAM MA YI NO ZHES GSUNGS PA'I PHYIR, ZER NA, SKYON MED DE, DMAN LAM SNGON DU MA SONG BA'I THEG CHEN MTHONG LAM SDUG BSNGAL CHOS BZOD KYI BYED PAR NYAN RANG GI SPANGS RTOGS KYI RIGS KYI BYED PA 'DUS PA'I DON YIN GYI, RTOGS PA'I TSAD RDZOGS PA'I DON MA YIN PA'I PHYIR, PHYI MA DER THAL, RTOGS PA'I TSAD 'DI TZAM MA YIN NO, ,ZHES GSUNGS PA'I PHYIR, KHO NA RE, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM LA NYON SGRIB SPONG BA'I NUS PA MED ZER NA, 'O NA, DE LA BDEN 'DZIN KUN BTAGS SPONG BA'I NUS PA MED PAR THAL, DES NYON SGRIB SPANG BYA'I GTZO BOR BYAS NAS SPANGS NA SPONG NUS MA SPANGS NA SPONG MI NUS PA DE BZHIN DU BDEN 'DZIN KUN BTAGS SPANG BYA'I GTZO BOR BYAS NAS SPANGS NA SPONG NUS, SPANG BYA'I GTZO BOR BYAS NAS MA SPANGS NA SPONG MI NUS PA GANG ZHIG ,DE LA NYON SGRIB SPONG PA'I NUS PA MED PA'I PHYIR, RTAGS SNGA PHYI GNYIS KHAS BLANGS, BAR PA MA GRUB NA, DES BDEN 'DZIN KUN BTAGS @54B SPANG BYA'I GTZO BOR BYAS NAS SPANGS NA SPONG NUS, SPANG BYA'I GTZO BOR BYAS NAS MA SPANGS NA SPONG MI NUS PAR THAL, BYANG SEMS RGYUN MTHA' BA DES BDEN 'DZIN LHAN SKYES SPANG BYA'I GTZO BOR BYAS NAS SPANG NA SPONG NUS, DE LTAR MA BYAS NA SPONG MI NUS PA'I PHYIR, PHYI MA DER THAL, DES BDEN 'DZIN LHAN SKYES, SPONG BA NA, BDEN 'DZIN LHAN SKYES SPANG BYA'I GTZO BOR BYAS NAS SPONG DGOS PA'I PHYIR, RTZA BAR 'DOD NA, DE CHOS CAN, KHYOD LA BDEN 'DZIN KUN BTAGS SPONG BA'I NUS PA YOD PAR THAL, KHYOD DE'I DNGOS GNYEN BAR CHAD MED LAM YIN PA'I PHYIR, KHO NA RE, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM LA NYON SGRIB SPONG BA'I NUS PA YOD PAR THAL, DE LA NYON SGRIB SPONG BA'I NUS PA YOD PAR GSUNGS PA DE?, RNAM BSHAD SNYING PO RGYAN LAS, RTAG PA MTHA' BZUNG GI LAM GYI NUS MTHUR BSTAN PAR GSUNGS PA'I PHYIR, ZER NA MI 'THAD DE, RTAG PA MTHA' BZUNG GI LAM GYI NUS MTHUR BSTAN PA DE, DMAN LAM SNGON DU MA SONG BA'I BYANG SEMS TSOGS SBYOR BAS NYON SGRIB SPANG BYA'I GTZO BOR BYAS NAS SPONG BA LA 'BAD NA, RTAG PA MTHA' BZUNG GI LAM GYI NUS MTHUR BSTAN PA YIN GYI, DE LA NYON SGRIB SPONG BA'I NUS PA YOD PA LA RTAG PA MTHA' BZUNG GI LAM GYI NUS MTHUR BSTAN PA MA YIN PA'I PHYIR, PHYI MA DER THAL, DE LA NYON SGRIB SPONG BA'I NUS PA YOD NA, NYON SGRIB SPONG NUS ZHES PA TZAM GYIS RTOG DPYOD DANG LDAN PA'I RTAG PA MTHA' THUNG GI LAM GYI NUS MTHU'I DON DU MI 'GYUR BA'I PHYIR, KHO NA RE, DMAN LAM SNGON DU MA SONG BA'I THEG CHEN MTHONG LAM RNAM GROL LAM PA DES NYON SGRIB SPANGS PAR THAL, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM LA NYON SGRIB SPONG BA'I NUS PA YOD PA GANG ZHIG, 'JIG LTA, LOG LTA, MTHAR LTA SOGS BYANG CHUB SEMS DPAS RANG DON SGRUB PA LA YANG NYER MKHO MED, GZHAN DON SGRUB PA LA YANG NYER MKHO MED, BYANG CHUB SEMS DPA' RNAMS 'KHOR BA LA SKYO BA NYAN RANG LAS 'BUM 'GYUR GYIS CHE BA SA'I DNGOS GZHE LAS GSUNGS PA'I PHYIR, ZER NA, SKYON MED DE, DE LTAR YIN KYANG, @55A *, ,NYON MONGS DE DAG GI RTZA BAR GYUR PA'I BDEN 'DZIN SPANG BYA'I GTZO BOR BYAS NAS SPONG BA'I ZHAR LA, NYON MONGS DE DAG SPONG BA'I PHYIR,, ,,RANG LUGS LA, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM GYI BYED PAR NYAN RANG GI SPANGS RTOGS KYI RIGS KYI BYED PA 'DUS PA'I DON YOD DE, DMAN LAM SNGON DU MA SONG BA'I BYANG SEMS TSOGS SBYOR BA RNAMS KYI NYAN RANG LTAR NYON SGRIB SPANG BYA'I GTZO BOR BYAS NAS SPONG BA LA 'BAD NA, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM GYI GNAS SKAB SU SPONG NUS ZHES PA'I DON YIN PA'I PHYIR, DE LTAR SPONG NUS PA YANG YIN TE, DE DAG LA GANG ZAG GI GDAG MED MNGON SUM DU RTOGS PA'I LAM LAS KHYAD PAR DU 'PHAGS PA STONG NYID MNGON SUM DU RTOGS PA'I YE SHES DANG, THEG PA CHEN PO'I RIGS DANG LDAN PA DANG, DAD SOGS KYI DBANG PO SHIN TU RNO BA DANG, THEG PA CHEN PO'I SEMS BSKYED DOGS BSOD NAMS KYI TSOGS RGYA CHEN POS ZIN PA YIN PA'I PHYIR,, ,,GSUM PA RDZOGS SMIN SBYANG GSUM GYI TSAD BSHAD PA LA, DGAG GZHAG SPANG GSUM LAS, DANG PO, KHA CIG NA RE, RDZOGS SMIN SBYANG GSUM BYAS PA'I GANG ZAG LA SANGS RGYAS 'PHAGS PAS KHYAB ZER NA, 'DIR BSTAN RDZOGS SMIN SBYANG BSUM BYAS PA'I GANG ZAG LA SANGS RGYAS 'PHAGS PAS KHYAB PAR THAL, DAM BCA' 'THAD PA'I PHYIR, KHA CIG MA KHYAB ZER, 'DOD NA, BYANG SEMS RGYUN MTHA' BA CHOS CAN, DER THAL, DE'I PHYIR, DER THAL, 'TSANG RGYA KHA MA'I GANG ZAG YIN PA'I PHYIR, 'DOD MI NUS SO, GZHAN YANG, RIG PA DRUG CU PA LAS, DGE BA 'DI YIS SKYE BO KUN, ,BSOD NAMS YE SHES TSOGS RDZOGS SHING, ,BSOD NAMS YE SHES LAS BYUNG BA'I, ,DAM PA GNYIS PO THOB PAR SHOG, CES BSOD NAMS DANG YE SHES KYI TSOGS RDZOGS RJE SU CHOS GZUGS KYI SKU GNYIS 'GRUB PAR BSHAD PA MI 'THAD PAR THAL, BSOD NAMS DANG YE SHES KYI CHOGS RDZOGS PA'I GANG ZAG YIN NA, SANGS RGYAS 'PHAGS PA YIN DGOS PA'I PHYIR, DER THAL, RDZOGS SMIN SBYANG GSUM BYAS PA'I GANG ZAG YIN NA, SANGS RGYAS 'PHAGS PA YIN DGOS PA'I PHYIR, RTAGS @55B KHAS 'DOD MI NUS SO, ,SNGAR GYI MA KHYAB MTSAMS LA KHYAB PA YOD PAR THAL, RDZOGS SMIN SBYANG GSUM GYI THA SNYAD SKABS 'DI LTA BUR 'BYUNG BA YIN KYI,SKABS GZHAN DU MI 'BYUNG BA'I PHYIR, KHA CIG NA RE, RANG GI SMON LAM GANG BTAB KYI BZHED DON YONGS SU RDZOGS PA DO, SMON LAM RDZOGS PA'I TSAD YIN ZER NA, SANGS RGYAS 'PHAGS PA CHOS CAN, RANG GI SMON LAM GANG BTAB KYI BZHAD DON YONGS SU RDZOGS PAR THAL, ,SMON LAM YONGS SU RDZOGS PA'I GANG ZAG YIN PA'I PHYIR, DER THAL, SANGS RGYAS 'PHAGS PA YIN PA'I PHYIR, 'DOD NA, SKYE BO'I TSOGS RNAMS SBYIN PA'I STOBS KYIS GROL BAR BYAS ZIN PAR THAL, DES DE 'DRA BA'I SMON LAM BTAB PA GANG ZHIG, RANG GI SMON LAM GANG BTAB KYI BZHED DON YONGS SU RDZOGS PA'I GANG ZAG YIN PA'I PHYIR, 'DOD NA, SKYE BO'I TSOGS RNAMS GROL ZIN PAR THAL, SKYE BO'I TSOGS RNAMS SBYIN PA'I STOGS KYI GROL ZIN PA'I PHYIR, DER THAL, KHYOD KYI 'DOD PA DE'I PHYIR, KHA CIG NA RE RANG NYID KYI SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BAR MA GYUR GYI BAR DU BDAG MNGON PAR RDZOGS PAR 'TSANG MI RGYA'O, ,ZHES DAM BCAS PA'I DAM BCA'I BZHED DON YONGS SU RDZOGS PA, SPRUL SKU'I DBANG DU BYAS PA'I SMON LAM RDZOGS PA'I TSAD DANG, RANG NYID KYI SANGS RGYAS KYI ZHING DER 'KHOR BYANG SEMS 'PHAGS PA SHA STAG 'BYUNG BAR MA RGYUR GYI BAR DU BDAG MNGON PAR RDZOGS PAR 'TSANG MI RGYA'O, ,ZHES DAM BCAS PA'I DAM BCA'I BZHED DON YONGS SU RDZOGS PA, LONGS SKU'I DANG DU BYAS PA'I SMON LAM RDZOGS PA'I TSAD YIN ZER NA, SPRUL SKU'I DBANG DU BYAS PA'I SMON LAM GYI TSAD RDZOGS PA'I GANG ZAG YIN NA, RANG NYID KYI SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BAS KHYAB PAR THAL, DAM BCA' DANG PO 'THAD PA'I PHYIR, 'DOD NA, STON PA SH'A KYA THUB PA CHOS CAN, DER THAL, DE'I PHYIR, RTAGS SLA, ,'DOD NA, DE'I 'KHOR YIN NA, MNGON SHES LANG LDAN YIN DGOS PAR THAL, 'DOD PA DE'I PHYIR, 'DOD MI NUS TE, DE'I SANGS RGYAS KYI ZHING GI 'KHOR DU GYUR PA'I MNGON SHES DANG MI LDAN BA'I GANG ZAG YOD PA'I PHYIR, BZHAN YANG, LONGS SKU'I DBANG @56A *, ,BYAS PA'I SMON LAM GYI TSAD RDZOGS PA'I GANG ZAG YIN NA, RANG NYID KYI SANGS RGYAS KYI ZHING DER 'KHOR BYANG SEMS 'PHAGS PA SHA STAG 'BYUNG BAS KHYAB PAR THAL, DAM BCA' GNYIS PA 'THAD PA'I PHYIR, 'DOD NA, STON PA SH'A KYA THUB PA CHOS CAN, DER THAL, DE'I PHYIR, RTAGS SLA, 'DOD NA, DE'I SANGS RGYAS KYI ZHING GI 'KHOR YIN NA, BYANG SEMS 'PHAGS PA YIN PAS KHYAB PAR THAL, 'DOD PA'I PHYIR, 'DOD NA SLA, KHA CIG NA RE, DE GNYIS RIM PA BZHIN DU SPRUL SKU'I ZHING KHYAD PAR CAN DANG LONGS SKU'I ZHING KHYAD PAR CAN GYI DBANG DU BYAS PA'I SMON LAM RDZOGS PA'I TSAD YIN ZER NA, MI 'THAD DE, SNGAR GYI RIGS PA DE DAG GIS GNOD PA'I PHYIR, DE LTAR GNOD PA YIN TE, SANGS RGYAS 'PHAGS PA YIN NA SPRUL SKU'I ZHING KHYAD PAR CAN DANG LONGS SKU'I ZHING KHYAD PAR CAN GYI DBANG DU BYAS PA'I SMON LAM RDZOGS PAS KHYAB PA'I PHYIR, MKHAS PA KHA CIG NA RE, RANG NYID GANG DU SANGS RGYAS PA'I SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BAR MA GYUR GYI BAR DU BDAG MNGON PAR RDZOGS PAR 'TSANG MI RGYA'O, ,ZHES DAM BCAS PA'I DAM BCA'I BZHED DON YONG SU RDZOGS PA DE SPRUL SKU'I DBANG DU BYAS PA'I SMON LAM RDZOGS TSAD YIN, RANG NYID GANG DU SANGS RGYAS PA'I SANGS RGYAS KYI ZHING DER 'KHOR BYANG SEMS 'PHAGS PA SHA STAG 'BYUNG BAR MA GYUR GYI BAR DU BDAG MNGON PAR RDZOGS PAR 'TSANG MI RGYA'O ZHES DAM BCAS PA'I DAM BCA'I BZHED DON YONGS SU RDZOGS PA DE, LONGS SKU'I DBANG DU BYAS PA'I SMON LAM RDZOGS TSAD YIN GSUNG PA LA SKYON 'PHEN PA KHA CIG , DE LTAR 'DOD PA MI RIGS TE, SNGAR GYI SKYON DE DAG 'JUG PA'I PHYIR, ZER NA, STON PA SH'A KYA THUB PA DE ZHIG 'DIR SANGS RGYAS PAR THAL, KHYOD KYI SKYON 'JUG TSUL DE 'THAD PA'I PHYIR, 'DOD NA, MI 'THAD DE, DE DANG POR GNAS 'OG MIN ZHIG TU SANGS RGYAS PA'I PHYIR, DER THAL, SKYABS 'GRO BDUN CU PA LAS, 'OG MIN GZHAL YAS KHANG DU NI, ,DE NYID MNGON DU BYA BAR BZHED, ,CES GSUNGS PA'I PHYIR, KHA CIG NA RE, CHOS NYID LA MNYAM PAR BZHAG BZHIN PA'I DANG NAS GZHAN DON 'BAD MED LHUN GRUB DU BYED NUS PA DE @56B SMON LAM RDZOGS PA'I TSAD YIN NO ZER NA, MCHOG GI SPRUL SKUS DMAN LAM SNGON DU MA SONG BA'I BYANG CHUB SEMS DPA' LA CHOS SKU MA THOB PAR DU CHOS SKU MNGON DU MA BYED CIG CES GDAMS RIGS PAR THAL, RDZOGS SMIN SBYANG GSUM MA BYAS KYI BAR DU 'DIR BSTAN GDAMS DON GTZO BOR GYUR BA'I YANG DAG MTHA' MNGON DU MA BYED CIG CES GDAMS RIGS PA GANG ZHIG, RDZOGS SMIN SPYAD GSUM MA BYAS PA'I SNGA ROL TU 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYED NUS PA'I SEMS CAN MED PA'I PHYIR, DANG PO DER THAL, SMON LAM YONGS SU RDZOGS PAR MA BYAS PA DANG , ZHES SOGS GSUNGS PA'I PHYIR, PHYI MA DER THAL, KHYOD KYI DAM BCA' 'THAD PA GANG ZHIG, CHOS NYID LA MNYAM PAR BZHAG BZHIN PA'I DANG NAS GZHAN DON 'BAD MED LHUN GRUB TU BYED NUS PA'I GANG ZAG YIN NA, CHOS SKU MNGON DU BYAS PA'I GANG ZAG YIN DGOS PA'I PHYIR, RTZA BAR 'DOD MI NUS TE, DE LTAR GDAMS PA LA DGOS PA MED PA'I PHYIR, KHA CIG NA RE, BYANG SEMS LAM GYI GDUL BYA YONGS SU RDZOGS PA DE SMON LAM RDZOGS PA'I TSAD YIN NO ZER NA, MI 'THED, BYANG SEMS RGYUN MTHA' BA DES BYANG SEMS LAM GYI GDUL BYA YONGS SU MA RDZOGS PA'I PHYIR, DER THAL, DES BYANG SEMS LAM LA BRTEN NAS GDUL BYA'I DON BYED BZHIN PA YIN PA'I PHYIR, KHA CIG NA RE, RANG NYID GANG DU 'TSANG RGYA 'GYUR GYI SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BA'I RGYU'I DGE BA'I RTZA BA'I NUS PA YONGS SU RDZOGS PA DE SPRUL SKU'I DBANG DU BYAS PA'I SANGS RGYAS KYI ZHING SBYANGS PA'I TSAD DANG , RANG NYID GANG DU 'TSANG RGYA 'GYUR GYI SANGS RGYAS KYI ZHING DER 'KHOR BYANG SEMS 'PHAGS PA SHA STAG 'BYUNG BA'I RGYU'I DGE BA'I RTZA BA'I NUS PA YONGS SU RDZOGS PA DE LONGS SKU'I DBANG DU BYAS PA'I SANGS RGYAS KYI ZHING SBYANGS PA'I TSAD YIN NO ZER NA, STON PA SH'A-KYA THUB PA CHOS CAN, RANG NYID GANG DU 'CHAD RGYA 'GYUR GYI SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BA'I RGYU'I DGE BA'I RTZA BA'I NUS PA YONGS SU RDZOGS PAR THAL, SPRUL SKU'I DBANG DU BYAS PA'I SANGS RGYAS KYI ZHING SBYANGS PA'I TSAD RDZOGS PA'I GANG ZAG YIN @57A *, ,PA'I PHYIR, DER THAL, SANGS RGYAS 'PHAGS PA YIN PA'I PHYIR, 'DOD NA, DE 'TSANG RGYA 'GYUR GYI SANGS RGYAS KYI ZHING YOD PAR THAL, 'DOD PA DE'I PHYIR, 'DOD NA, DE SANGS RGYAD GOS YIN PAR THA LO, ,PHYI MA LA LONGS SKU SNGAR BZHIN MA NGES SO, KHA CIG NA RE, RANG NYID SPRUL SKUR SANGS RGYAS PA'I SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BA MA GYUR KYI BAR DU BDAG 'TSANG MI RGYA'O, ZHES SPRUL SKU'I ZHING KHYAD PAR CAN GYI GDUL BYA'I CHED DU DAM BCAS PA'I DAM BCA'I BZHED DON YONGS SU RDZOGS PA DE, MGON PO 'OD DPAG MED KYI SPRUL SKU'I ZHING SBYANGS PA'I TSAD YI NO, ZER NA, RI BONG RWA CHOS CAN, RANG NYID SPRUL SKUR SANGS RGYAS PA'I SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BAR MA GYUR GYI BAR DU BDAG 'TSANG MI RGYA'O, ZHES SPRUL SKU'I ZHING KHYAD PAR CAN GYI GDUL BYA'I CHED DU DAM BCAS PA'I DAM PA CA'I BZHED DON YONG SU RDZOGS PAR THAL, MGON PO 'OD DPAG MED SPRUL SKU'I ZHING SBYANGS PA'I TSAD RDZOGS PA'I GANG ZAG YIN PA'I PHYIR, RTAGS MGON PO 'DO DPAG MED KYIS SGRUBS, 'DOD NA SLA, KHA CIG NA RE, MGON PO 'DO DPAG MED DE BDE BA CAN GYI RTEN LA SANGS RGYAS PA YIN NO ZER NA, MI 'THAD PAR THAL, DE 'OG MIN DU SANGS RGYAS PA'I PHYIR DANG , DE DANG POR 'OG MIN DU SANGS RGYAS PA'I PHYIR, DER THAL, DE DANG PO LONGS SKUR SANGS RGYAS PA'I PHYIR, KHA CIG NA RE, BDE BA CAN DE 'DOD KHAMS YIN NO ZER NA, DE CHOS CAN, SDUG BDEN DU THAL, 'DOD KHAMS YIN PA'I PHYIR 'DOD MI NUS TE, DAG PA'I ZHING YIN PA'I PHYIR, KHA CIG , RANG NYID GANG DU 'TSANG RGYA 'GYUR GYI LONGS SPRUL GYI ZHING KHYAD PAR CAN 'GRUB PA'I RGYU'I DGE BA'I RTZA BA'I NUS PA MTHU CHEN DU BYAS PA DE, SANGS RGYAS KYI ZHING SBYANGS PA'I TSAD YIN ZER NA, BYANG SEMS SA BRGYAD PA CHOS CAN, SANGS RGYAS KYI ZHING SBYANGS PA'I TSAD RDZOGS PA'I GANG ZAG YIN PAR THAL, RANG NYID GANG DU 'TSANG RGYA 'GYUR GYI LONGS SPRUL GYI ZHING KHYAD PAR CAN 'GRUB PA'I RGYU'I DGE BA'I RTZA BA'I NUS PA MTHU CHEN DU BYAS PA'I PHYIR, DER THAL, ZHING DAG SBYOR BA THOB PA'I @57B GANG ZAG YIN PA'I PHYIR, 'DOD NA, BYANG SEMS RGYUN MTHA' BA YIN PAR THAL, SANGS RGYAS KYI ZHING SBYANGS PA'I TSAD RDZOGS PA'I SEMS CAN YIN PA'I PHYIR, 'DOD MI NU SO, KHA CIG, RANG NYID LONGS SKU'I 'KHOR DU BYANG SEMS 'PHAGS PA SHA STAG 'GYUR BA'I RGYA'I DGE BA'I RTZA BA'I NUS PA YONGS SU RDZOGS PA DE LONGS SKU'I DBANG DU BYAS PA'I SANGS RGYAS KYI ZHING SBYANGS PA'I TSED YIN ZER NA, BYANG SEMS RGYUN MTHA' BA CHOS CAN, RANG NYID LONGS SKU'I 'KHOR DU BYANG SEMS 'PHAGS PA SHA STAG 'GYUR BA'I RGYA'I DAG PA'I RTZA BA'I NUS PA YONGS SU RDZOGS PAR THAL, LONGS SKU'I DBANG DU BYAS PA'I SANGS RGYAS KYI ZHING SBYANGS PA'I TSAD RDZOGS PA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, BYANG SEMS RGYUN MTHA' BA LA LONGS SKU MED PA'I PHYIR, KHA CIG, SEMS CAN SMIN PA DANG SEMS CAN SMIN PA'I TSAD RDZOGS PA GNYIS DON GCIG ZER NA, STON PA SH'A-KYA THUB PA CHOS CAN, SEMS CAN SMIN PA YIN PAR THAL, SEMS CAN SMIN PA'I TSAD RDZOGS PA YIN PA'I PHYIR, DER THAL, SANGS RGYAS 'PHAGS PA YIN PA'I PHYIR, 'DOD NA, SEMS CAN YIN PAR THAL, 'DOD PA DE'I PHYIR, GZHAN YANG , BYANG SEMS MTHONG LAM PA CHOS CAN, SEMS CAN SMIN PA'I TSAD RDZOGS PA'I GANG ZAG DU THAL, SEMS CAN SMIN PA YIN PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG, GZHAN DON DU RDZOGS BYANG THOB PAR SMON PA'I SMON LAM YONGS SU RDZOGS PA DE SMON LAM RDZOGS PA'I TSAD DANG , RANG NYID SANGS RGYAS PA'I ZHING DER SKU DNGOS KYI GDUL BYA LA SGRIB PA DNGOS SU SPONG RUNG DANG GNYEN PO DNGO SU SKYE RUNG DU BYAS PA DE SEMS CAN SMIN PA'I TSAD DANG , SANGS RGYAS RANG SNANG LA ZHING DAG PA RAB 'BYAMS 'BA' ZHIG DU SNANG BA DE SANGS RGYAS KYI ZHING SBYANGS PA'I TSAD YIN ZER NA, DANG PO LA, BYANG SEMS RGYUN MTHA' BA CHOS CAN, GZHAN DON DU RDZOGS BYANG THOB PAR SMON PA'I SMON LAM YONGS SU RDZOGS PAR THAL, SMON LAM RDZOGS PA'I TSAD RDZOGS PA'I GANG ZAG YIN PA'I PHYIR, 'DOD NA, DES GZHAN DON DU RDZOGS @58A *, ,BYANG THOB PAR THAL, 'DOD PA DE'I PHYIR, PHYI MA LA STON PA SH'A-KYA THUB PA CHOS CAN, RANG NYID SANGS RGYAS PA'I SANGS RGYAS ? ZHING DER SKU DNGOS KYI GDUL BYA LA SGRIB PA DNGOS SU SPONG RUNG DANG GNYEN PHO DNGOS SU SKYE RUNG DU BYAS PAR THAL, SEMS CAN SMIN PA'I TSAD RDZOGS PA'I PHYIR, 'DOD NA, DE'I SKU DNGOS KYI GDUL BYA YIN NA SRID PA THAM BA YIN DGOS PAR THAL, 'DOD PA'I PHYIR, 'DOD NA SLA, GSUM PA LA, MA DAG PA'I ZHING CHOS CAN, KHYOD MED PAR THAL, KHYOD THAMS CAD MKHYEN PA'I GZIGS PA LAS LOG PA'I PHYIR, KHAB STE, RNAM NGES LAS, THAMS CAD MKHYEN PA'I GZIGS PA LAS LOG PA NI, RNAM PA THAMS CAD DU MED PAR GO BAR BYA'O, ,ZHES GSUNGS PA'I PHYIR, MA GRUB NA, DER THAL, DE SANGS RGYAS 'PHAGS PA DANG THA DAD PA'I CHOS GANG ZHIG, SANGS RGYAS 'PHAGS PAS MA GZIGS PA'I PHYIR, GZHAN YANG , DE CHOS CAN, KHYOD SANGS RGYAS 'PHAGS PA LA SNANG BAR THAL, KHYOD SANGS RGYAS 'PHAGS PA DANG THA DAD PA'I CHOS YIN PA'I PHYIR, GZHAN YANG , SANGS RGYAS 'PHAGS PA LA MA DAG PA'I ZHING DAG PA'I ZHING DU SNANG BAR THAL, MA DAG PA'I ZHING YOD PA GANG ZHIG, SANGS RGYAS 'PHAGS PA LA ZHING DAG PA RAB 'BYAMS 'BA' ZHIG TU SNANG BA'I PHYIR, RTAGS KHAS, 'DOD NA, SANGS RGYAS 'PHAGS PA'I RGYUD LA 'KHRUL SHES YOD PAR THAL, 'DOD PA'I PHYIR, KHA CIG , RANG NYID SPRUL SKUR 'TSANG RGYA PA'I TSUL STON PA'I SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BA'I RGYU'I DGE BA'I RTZA BA'I NUS PA YONG SU RDZOGS PA DE SPRUL SKU'I ZHING SBYANGS PA'I TSANG YIN ZER NA, STON PA SH'A KYA THUB PA CHOS CAN, RANG NYID SPRUL SKUR 'TSANG RGYA BA'I TSUL STON PA'I SANGS RGYAS KYI ZHING DER 'KHOR MNGON SHES LNGA LDAN SHA STAG 'BYUNG BA SOGS YIN PAR THAL, SPRUL SKU'I ZHING SBYANGS PA'I TSAD RDZOGS PA'I GANG ZAG YIN PA'I PHYIR, 'DOD NA, DE'I 'KHOR YIN NA, MNGON SHES LNGA LDAN YIN DGOS PAR THAL, 'DOD PA'I PHYIR, 'DOD NA, BKAG ZIN,, ` ,,GNYIS PA RANG GI LUGS LA, CHOS NYID LA MNYAM PAR BZHAG BZHIN PA'I DANG NAS GZHAN DON 'BAD MED LHUN GRUB @58B TU BYED NUS PA'I RGYU'I DGE BA'I RTZA BA'I NUS PA YONGS SU RDZOGS PA DE SMON LAM RDZOGS PA'I TSAD DANG ,RANG NYID GANG DU 'TSANG RGYA BA'I SPRUL SKU'I ZHING KHYAD PAR CAN DER 'KHOR MNGON SHES LNGA LDAN SHA STAG 'BYUNG BA'I RGYU'I DGE BA'I RTZA BA'I NUS PA YONGS SU RDZOGS PA DE SPRUL SKU'I ZHING KHYAD PAR CAN GYI DBANG DU BYAS PA'I SANGS RGYAS KYI ZHING SBYANGS PA'I TSAD DANG , RANG NYID GANG DU 'TSAR RGYA BA'I LONGS SKU'I ZHING KHYAD PAR CAN DER 'KHOR BYANG SEMS 'PHAGS PA SHA STAG 'BYUNG BA'I RGYU'I DGE BA'I RTZA BA'I NUS PA YONG SU RDZOGS PA DE LONGS SKU'I ZHING KHYAD PAR CAN GYI DBANG DU BYAS PA'I SANGS RGYAS KYI ZHING SBYANGS PA'I TSAD DANG , ZHING BYE BA PHRAG BRGYAR SKU'I BKOD PA JI SNYAD CIG BSTAN PA LA BRTEN NAS SKU RE RE'I MDUN DU 'KHOR SEMS CAN GRANGS MED PA LA CHOS TSIGS BCAD GCIG TZAM BSTAN PA LA BRTEN NAS 'PHAGS LAM LA 'DOD NUS PA'I RGYU'I DGE BA'I RTZA BA'I NUS PA YONGS SU RDZOGS PA DE SEMS CAN SMIN PA'I TSAD RDZOGS PA'I TSAD DU 'JOG , ` ,,GSUM PA RTZOD PA SPONG BA LA ,KHO NA RE, BYANG SEMS RGYUN MTHA' BA CHOS CAN, GZHAN DON DU RDZOGS BYANG THOB PAR SMON PA'I SMON LAM YONGS SU RDZOGS PAR THAL, DE 'DRA BA'I SMON LAM BTAB PA GANG ZHIG, SMON LAM RDZOGS PA'I GANG ZAG YIN PA'I PHYIR, KHYAB STE, TSOGS GNYIS YONGS SU RDZOGS PA'I GANG ZAG LA TSOGS GNYIS MTHA' DAG YONG SU RDZOGS PA'I GANG ZAG YIN DGOS PA'I PHYIR ZER NA, MA KHYAB, MA GRUB NA, DER THAL, SKRIB GNYIS SPANGS PA'I GANG ZAG YIN NA SGRIB GNYIS MTHA' DAG SPANGS PA'I GANG ZAG YIN DGOS PA'I PHYIR, 'DOD MI NUS SO, ,KHO NA RE, SA BCU RJES THOB LA GNAS PA'I BYANG SEMS CHOS CAN, SEMS CAN SMIN PA'I TSAD RDZOGS PA'I GANG ZAG YIN PAR THAL, SEMS CAN SMIN PAR BYAS PA'I PHYIR ZER NA MA KHYAB, MA GRUB NA, DE DER THAL, SA BCU PA'I RJES THOB KYI GNAS SKABS SU GZHAN DON BYED PA'I SKRO SANGS RGYAS DANG MNYAM PA 'BYUNG BA'I PHYIR, DER THAL, RGYUD BLA MA LAS, SEMS CAN YANG DAG SGROL BA LA, ,'JIG RTEN NA NI MNYAM PA @59A *, ,NYID ? CES GSUNGS PA'I PHYIR, RTZA BAR 'DOD MI NUS TE, SA BCU PA'I RJES THOB LA GNAS PA'I BYANG SEMS YIN PA'I PHYIR, KHO NA RE, CHOS NYID LA RTZE GCIG TU MNYAM PAR BZHAG BZHIN PA'I DANG NAS GZHAN DON 'BAD MED LHUN GRUB TU BYED NUS PA'I GANG ZAG LA SANGS RGYAS 'PHAGS PAS MA KHYAB PAR THAL, BYANG SEMS RGYUN MTHA' BA DES CHOS NYID LA RTZE GCIG TU MNYAM PAR BZHAG BZHIN PA'I DANG NAS GZHAN DON 'BAD MED LHUN GRUB TU BYED NUS PA'I PHYIR, DER THAL, DES CHOS NYID LA RTZE GCIG TU MNYAM PAR BZHAG BZHIN PA'I DANG NAS RNAM MKHYEN SKAD CIG DANG PO MNGON DU BYED NUS PA'I PHYIR ZER NA MA KHYAB, MA GRUB NA, DER THAL, DE RNAM MKHYEN SKAD CIG DANG PO DANG MNYAM GZHAG THUN GCIG YIN PA'I PHYIR, KHO NA RE, STON PA SH'A-KYA THUB PA CHOS CAN, RANG NYID GANG BU SANGS RGYAS PA'I SPRUL SKU'I ZHING KHYAD PAR CAN DER 'KHOR MNGON SHES LNGA LDAN SHA STAG 'BYUNG BA'I RGYU'I DGE BA'I RTZA BA'I NUS PA YONGS SU RDZOGS PAR THAL, SPRUL SKU'I ZHING KHYAD PAR CAN GYI DBANG DU BYAS PA'I SANGS RGYAS KYI ZHING SBYANGS PA'I TSAD RDZOGS PA'I PHYIR, 'DOD NA, DE'I 'KHOR YIN NA MNGON SHES LNGA LDAN YIN DGOS PAR THAL, 'DOD PA GANG ZHIG DE ZHING 'DIR SANGS RGYAS PA'I PHYIR, DER THAL, DE ZHING 'DIR SANGS RGYAS PA'I GANG ZAG DANG SANGS MA RGYAS PA'I GANG ZAG GANG RUNG YIN, SANGS MA RGYAS PA'I GANG ZAG MA YIN PA'I PHYIR, DANG PO DER THAL, DE ZHING 'DIR GANG ZAG YIN PA'I PHYIR, PHYI MA DER THAL, ZHING 'DIR BZHUGS PA'I STON PA SH'A KYA TUB PA DE RANG DUS SU SANGS RGYAS ZIN PA'I PHYIR ZER NA MA KHYAB, KHO NA RE, RANG NYID SANGS RGYAS PA'I SANGS RGYAS KYI ZHING YOD NA RANG NYID SANGS RGYAS YIN DGOS PAR THAL, RANG NYID 'TSANG RGYA 'GYUR GYI SANGS RGYAS KYI ZHING YOD NA RANG NYID 'TSANG RGYA 'GYUR GYI GANG ZAG YIN DGOS PA'I PHYIR, DER THAL, STON PA SH'A KYA THUB PA LA DE LTAR DGOS PA'I PHYIR ZER NA, DANG PO LA MA KHYAB, 'DOD NA, BYANG SEMS TSOGS LAM PA CHOS CAN, DER THAL, DE'I PHYIR, DER THAL, DE SANGS RGYAS PA'I SANGS RGYAS @59B 'PHAGS PA YOD PA'I PHYIR, 'DOD MI NU SO, ,KHO NA RE, STON PA SH'A-KYA THUB PA CHOS CAN, SEMS CAN SMIN PAR THAL, RANG DANG RGYUD GCIG TU GYUR PA'I BYANG CHUB SEMS DPA' SMIN PA YIN PA'I PHYIR, DER THAL, RANG DANG RGYUD GCIG TU GYUR BA'I BYANG CHUB SEMS DPA' SMIN NAS GROL BA YIN PA'I PHYIR ZER NA, MA KHYAB, MA GRUB NA, DER THAL, RANG DANG RGYUD GCIG TU GYUR PA'I BYANG CHUB SEMS DPA' SMIN NAS SHES SGRIB LAS GROL BA'I PHYIR, 'DOD NA, BKAG ZIN, KHO NA RE, SANGS RGYAS 'PHAGS PA LA MA DAG PA'I SNANG ZHEN YOD PAR THAL, SANGS RGYAS 'PHAGS PA LA MA DAG PA'I ZHING SNANG BA'I PHYIR ZER NA MA KHYAB, 'DOD NA, SANGS RGYAS 'PHAGS PA LA MA DAG PA'I RTOG PA YOD PAR THAL, 'DOD PA DE'I PHYIR, 'DOD MI NU SO, ,KHO NA RE, SANGS RGYAS 'PHAGS PA LA MA DAG PA'I SNANG ZHEN YOD PAR THAL, RNAM MKHYEN LA MA DAG PA'I SNANG ZHEN YOD PA'I PHYIR, DER THAL, RNAM MKHYEN LAM DAG PA'I ZHING SNANG BA GANG ZHIG, DES MA DAG PA'I ZHING ZHEN YUL DU BYED PA'I PHYIR ZER NA MA KHYAB, MA GRUB NA, DER THAL, DES MA DAG PA'I ZHING RANG GI 'DZIN STANGS KYI YUL DU BYED PA'I PHYIR, KHO NA RE, SANGS RGYAS 'PHAGS PA LA LKOG GYUR SNANG BAR THAL, DE LA MA DAG PA'I ZHING SNANG BA'I PHYIR, 'DOD NA SANGS RGYAS 'PHAGS PA LA LKOG GYUR MNGON 'GYUR DU SNANG BAR THAL, DE LA LKOG GYUR SNANG BA GANG ZHIG, DE LA LKOG GYUR LKOG GYUR DU MI SNANG BA'I PHYIR, 'DOD NA, LKOG GYUR DANG MNGON 'GYUR GNYIS YIN KHYAB MNYAM YIN PAR THAL, 'DOD PA'I PHYIR, 'DOD NA, SO SKYE LA LTOS PA'I LKOG GYUR DANG MNGON 'GYUR GNYIS YIN KHYAB MNYAM YIN PAR THAL, DE GNYIS YIN KHYAB MNYAM YIN PA'I PHYIR ZER NA MA KHYAB,, ` ,,BZHI PA 'DIR BSTAN GDAMS DON GTZO BOR GYUR PA'I YANG DAG MTHA' NGOS BZUNG BA DANG , DE MNGON DU BYED PA'I TSAD BSHAD PA LA, DGAG ? SPANG GSUM LAS, DANG PO LA, KHA CIG, DE BZHIN NYID DE 'DIR BSTAN GDAMS DON GTZO BOR GYUR PA'I YANG DAG MTHA' DANG , DE MNGON DU BYAS PA DE 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYAS PA'I TSAD YIN ZER NA, MCHOG GI SPRUL @60A *, ,SKUS DMAN LAM SNGON DU MA SONG BA'I BYANG CHUB SEMS DPA' LA CHOS SKU MA THOB PAR DU CHOS SKU MNGON DU MA BYED CIG CES GAD MAS RIGS PAR THAL, RDZOGS SMIN SBYANG GSUM MA BYAS KYI BAR DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU MA BYED CIG CES GDAMS RIGS PA GANG ZHIG, RDZOGS SMIN SBYANG GSUM MA BYAS PA'I SNGA ROL DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED NUS PA'I SEMS CAN MED PA'I PHYIR, DER THAL, DE BZHIN NYI DE 'DIR BSTAN GDAMS DON GTZO BOR GYUR PA'I YANG DAG MTHA' YIN PA GANG ZHIG, RDZOGS SMIN SBYANG GSUM MA BYAS PA'I SNGA ROL DU DE BZHIN NYID MNGON DU BYED NUS PA'I SEMS CAN MED PA'I PHYIR, DER THAL, DE BZHIN NYID MNGON DU BYAS PA'I GANG ZAG YIN NA, SANGS RGYAS 'PHAGS PA YIN DGOS PA'I PHYIR, DER THAL, MDO LAS, DE BZHIN GSHEGS PAS STONG PA NYID RAB TU GZIGS, RAB TU MKHYEN, LEGS PAR MNGON DU BYAS PA DE'I TSE THAMS CAD MKHYEN PA NYID CES BRJOD DO, ,ZHES GSUNGS PA'I PHYIR, RTZA BAR 'DOD MI NUS TE, DE LTAR GDAMS PA SMOS PA LA DGOS PA MED PA'I PHYIR, KHA CIG, DE BZHIN NYID 'DIR BSTAN GDAMS DON GTZO BOR GYUR PA'I YANG DAG MTHA' DANG , CHOS NYID LA SLAR MI LDANG BA'I TSUL GYIS MNYAM PAR BZHAG PA DE 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD DANG , KHA CIG, GLO BUR DRI BRAL GYI 'GOG PA 'DIR BSTAN GDAMS DON GTZO BOR GYUR PA'I YANG DAG MTHA' DANG , DE THOB PA 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YIN ZER BA DANG , KHA CIG, CHAD PA'I MYANG 'DAS 'DIR BSTAN GDAMS DON GTZO BOR GYUR PA'I YANG DAG MTHA' DANG , DE LA SLAR MI LDANG PA'I TSUL GYIS MNYAM PAR BZHAG PA DE 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YIN ZER NA, DMAN LAM SNGON DU MA SONG BA'I BYANG CHUB SEMS DPAS RDZOGS @60B SMIN SBYANG GSUM MA BYAS PA'I SNGA ROL DU DE BZHIN NYID MNGON DU BYED NUS PAR THAL, DAM BCA' DANG PO 'THAD PA'I PHYIR, 'DOD NA, BKAG ZIN, GZHAN YANG ,GLO BUR GYI DRI MA SPANGS PA'I 'GOG PA 'DIR BSTAN GDAMS DON GTZO BOR GYUR BA'I YANG DAG MTHA' YIN PAR THAL, DAM BCA' GNYIS PA 'THAD PA'I PHYIR, 'DOD NA, MCHOG GI SPRUL PA'I SKUS DMAN LAM SNGON DU MA SONG BA'I BYANG CHUB SEMS DPA' LA CHOS SKU MA THOB BAR DU CHOS SKU MNGON DU MA BYED CIG CES GDAMS RIGS PAR THAL LO, ,PHYIR MA LA CHAD PA'I MYANG 'DAS CHOS CAN, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM BYAS RJES SU KHYOD MNGON DU BYED PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, KHYAB STE, YUM GYI MDO LAS, BYANG CHEN GYI DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU SMIN PAR GYUR PA NA YANG DAG PA'I MTHA' DAM PA MNGON DU BYA'O, ,ZHES GSUNGS PA'I PHYIR DANG , 'DIR YANG RDZOGS SMIN SBYANG GSUM BYAS RJE SU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED PA SHUGS LA BSTAN PA'I PHYIR, RTZA BAR 'DOD MI NUS TE, RDZOGS SMIN SBYANGS GSUM BYAS RJES SU ZHI MTHAR MI STUNG BA'I PHYIR, DER THAL, RDZOGS SMIN SBYANG GSUM BYAS RJE SU ZHI MTHAR STUNG BA'I GANG ZAG MED PA'I PHYIR, DER THAL, ZHE MTHAR LTUNG BA'I SANGS 'PHAGS MED PA'I PHYIR, KHA CIG, 'DIR BSTAN GDAMS DON GTZO BOR GYUR PA'I YANG DAM MTHA' YIN NA, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DANG GCIG YIN PAS KHYAB ZER NA, 'DIR BSTAN GDAMS DON GTZO BOR GYUR BA'I YANG DAG MTHA' CHOS CAN, DER THAL, DE'I PHYIR, RTAGS GSAL SLA, KHA CIG, 'DIR BSTAN YANG DAG MTHA' LA, 'DIR BSTAN GDAMS DON GTZO BOR GYUR PA'I YANG DAG MTHA' YIN PAS KHYAB ZER NA, BDEN 'DZIN SPANGS PA'I LHAG MED MYANG 'DAS CHOS CAN, DER THAL, DE'I PHYIR, DER THAL, SANGS RGYAS KYI LAM GANG YIN PA DANG , ZHES SOGS KYI SKABS NAS DNGOS SU BSTAN PA'I YANG DAG MTHA' @61A *, ,YIN PA'I PHYIR, DER THAL, LAM DE'I YANG DAG PA'I MTHA' YOD PA GANG ZHIG, NYON SGREB SPANGS PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHE'I DBYINGS DE, RAB 'BYOR NYAN THOS KYI LAM GANG YIN PA DANG, ZHES PA'I SKABS NAS DNGOS SU BSTAN PA'I LAM DE'I YANG DAG PA'I MTHA' YIN PA'I PHYIR, DANG PO DER THAL, LAM DE'I YANG DAG PA'I MTHA' CIG YOD PA'I PHYIR, DER THAL, LAM GSUM KA'I YANG DAG PA'I MTHA' YOD PA'I PHYIR, DER THAL, DE DAG GI YANG DAG PA'I MTHA' DAM PA MNGON DU MI BYA'O, ,ZHES GSUNGS PA'I PHYIR, KHA CIG, 'DIR BSTAN GDAMS DON GTZO BOR GYUR PA'I YANG DAG MTHA' YIN NA, RANG NYID MNGON DU BYAS PA'I NYAN THOS DGRA BCOM PA YOD PAS KHYAB ZER NA, GZUGS PHYIR ROL DON 'DZIN GYI RTOG PA SPANGS PA'I KHYAD PAR DU BYAS PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS CHOS CAN, DER THAL, DE'I PHYIR, MA GRUB NA, DER THAL, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU MNGON DU BYED NUS SHING MI BYED RDZOGS SMIN SBYONG GSUM BYAS RJES SU MNGON DU BYED, RDZOGS SMIN SBYANG GSUM MA BYAS PA'I SNGA ROL DU MNGON DU BYAS NA ZHI MTHAR LTUNG BA'I DGAG BYA YOD PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS YIN PA'I PHYIR, 'DOD MI NUS TE, GZUGS PHYI ROL DON 'DZIN GYI RTOG PA SPANGS PA'I NYAN THOS DGRA BCOM PA MED PA'I PHYIR, KHA CIG, 'DIR BSTAN GDAMS DON GTZO BOR GYUR PA'I YANG DAG MTHA' DANG NGO BO NYID SKU'I GZHI MTHUN PA YOD ZER NA, DE 'DRA BA'I GZHI MTHUN PA DE CHOS CAN, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU KHYOD MNGON DU BYED NUS PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, MA KHYAB NA, MCHOG GI SPRUL SKUS GDAMS PA SMOS PA LA DGOS PA MED PAR THA-LO, 'DOD MI NUS TE, SGRIB GNYIS SPANGS PA'I SPANGS PA YIN PA'I PHYIR, GZHAN YANG, DE 'DRA BA'I GZHI MTHUN PA CHOS CAN, DMAN LAM SNGON @61B DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU KHYOD MNGON DU BYAS NA ZHI MTHAR LTUNG BA'I SKYON YOD PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, MA KHYAB NA, LHAG MED MYANG 'DAS YIN NA 'DIR BSTAN GDAMS DON GTZO BOR GYUR PA'I YANG DAG MTHA' YIN DGOS PAR THA-LO, ,'DOD MI NUS TE, SRID ZHI GNYIS KYI MTHA' SPANGS PA'I MYANG 'DAS YIN PA'I PHYIR, GZHAN YANG , DE 'DRA BA'I GZHI MTHUN PA CHOS CAN, DMAN LAM SNGON DU MA SONG BA'I BYANG CHUB SEMS DPAS THEG CHEN MTHONG LAM RNAM GROL LAM GYI GNAS SKAB SU KHYOD THOB NUS PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, KHYAB STE, NYI KHRI SNANG BA LAS, GZHAN YANG , RGYUN TU ZHUGS PA NAS, ZHES SOGS GSUNGS PA'I PHYIR, 'DOD NA, DMAN LAM SNGON DU MA SONG BA'I BYANG CHUB SEMS DPAS THEG CHEN MTHONG LAM RNAM GROL LAM GYI GNAS SKABS SU THOB NUS PA'I KUN MKHYEN YE SHES CIG YOD PAR THAL, 'DOD PA DE'I PHYIR, 'DOD NA, DE'I GNAS SKAB-SU THOB NUS PA'I KUN MKHYEN YE SHES CHOS CAN, DMAN LAM SNGON DU MA SONG PA'I BYANG CHUB SEMS DPAS THEG CHEN MTHONG LAM RNAM GROL LAM GYI GNAS SKAB-SU THOB MI NUS PAR THAL, KHYOD KUN MKHYEN YE SHES YIN PA'I PHYIR, GZHAN YANG THEG CHEN MTHONG LAM BAR CHAD MED LAM DANG SA DANG PO'I NGO BOR GYUR PA'I SGOM LAM BAR CHAD MED LAM GNYIS LA SPANG BYA SPONG BA LA NUS PA CHE CHUNG GI KHYAD PAR MED PAR THAL, DE GNYIS KYI GNAS SKABS SU SPONG NUS PA'I SHES SGRIB PHRA ? ZHING PHRAB RE YOD PA YANG MTSUNGS, DE GNYIS KYI GNAS SKABS SU SHES SGRIB PHRA ZHING PHRA BA SPONG MI NUS PA YANG MTSUNGS PA'I PHYIR, DANG PO DER THAL, DE GNYIS KA'I GNAS SKAB-SU THOB NUS PA'I SHES SGRIB PHRA ZHING PHRA BA SPANGS PA'I SPANGS PA RE YOD PAR MTSUNGS PA'I PHYIR, DER THAL, 'DIR BSTAN GDAMS DON GTZO BOR GYUR PA'I YANG DAG MTHA' DANG NGO BO NYID SKU'I GZHI MTHUN PA DE DE LTAR YIN PA'I PHYIR, RTZA BAR 'DOD NA, YUM GYI MDO DANG 'GA-LO, ,KHA CIG, 'DIR BSTAN @62A *, ,GDAMS DON GTZO BOR GYUR PA'I YANG DAG MTHA' YIN NA KUN RDZOB BDEN PA YIN PAS KHYAB ZER NA, MI 'THAD DE, DE DANG DON DAM BDEN PA'I GZHI MTHUN PA YOD PA'I PHYIR, DER THAL, DE DANG GANG ZAG GI BDAG MED PHRA MO'I GZHI MTHUN YOD PA'I PHYIR, DER THAL, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA MNYAM PAR BZHAG PA'I LHAG MED MYANG 'DAS LA GNAS PA'I NYAN THOS DGRA BCOM PA'I MNYAM GZHAG GI 'DZIN STANGS KYI YUL DU GYUR PA'I GANG ZAG GI BDAG MED PHRA MO CIG YOD PA'I PHYIR, DER THAL, DE 'DRA BA'I MNYAM GZHAG DE RANG GI MNYAM PAR BZHAG BYAR GYUR PA'I GANG ZAG GI BDAG MED PHRA MO LA MNYAM PAR BZHAG PA'I MNYAM GZHAG YIN PA'I PHYIR, GZHAN YANG, DE DANG DON DAM BDEN PA'I GZHI MTHUN YOD PAR THAL, DE DANG DE BZHIN NYID KYI GZHI MTHUN YOD PA'I PHYIR, DER THAL, RNAM BSHAD SNYING PO RGYAN LAS, 'GOG BDEN DON DAM PA'I BDEN PAR BZHED PA'I SHING RTA CHEN PO RNAMS KYI BZHED PA LTAR NA NI, SHER PHYIN GYI MDO'I SKABS 'DIR BSTAN PA'I YANG DAG PA'I MTHA' DE BZHIN NYID 'BA' ZHIG LA BSHAD PAR BYA BA KHO NA'O, ,ZHES KHO NA'I SGRA SMOS PA LA RNAM BCAD YONGS GCOD KYI DGOS PA YOD PA'I PHYIR, KHA CIG, 'DIR BSTAN GDAMS DON KYI YANG DAG MTHA' YOD KYANG, 'DIR BSTAN GDAMS YUL GYI YANG DAG MTHA' MED ZER NA, DE YOD PAR THAL, RAB 'BYOR NYAN THOS KYI LAM GANG YIN PA DANG, ZHES PA'I GDAMS NGAG 'DI'I YUL DU GYUR PA'I YANG DAG PA'I MTHA' YOD PA'I PHYIR, DER THAL, DE YUL CAN GANG ZHIG, DE'I BRJOD YUL DU GYUR PA'I YANG DAG MTHA' CIG YOD PA'I PHYIR, KHA CIG, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE, 'DIR BSTAN GDAMS DON GTZO BOR GYUR PA'I YANG DAG MTHA' DANG, DE THOB PA DE 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YIN ZER NA, LHAG MED MYANG 'DAS LA GNAS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS SA @62B BRGYAD PA BA CHOS CAN, 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYAS PAR THAL, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS THOB PA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, BYANG SEMS SA BRGYAD PA BA YIN PA'I PHYIR, KHYAB STE, BYANG SEMS 'PHAGS PA YIN NA 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED PA'I DUS DANG DUS MA YIN PA LA MKHAS PAS KHYAB PA'I PHYIR, KHA CIG ,LHAG MED MYANG 'DAS LA GNAS PA'I NYAN THOS DGRA BCOM PAS ZHI BDES THUGS 'PHROG PA'I SGO NAS KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS NAS SLAR MI LDANG BA'I TSUL GYI MNYAM PAR BZHAG PA DE THEG DMAN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD DANG , DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM BYAS RJES SU ZHI BDES THUGS 'PHROGS PA MA YIN PAR DE LA SLAR MI LDANG BA'I TSUL GYIS MNYAM PAR BZHAG PA DE THEG CHEN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YIN ZER NA, DANG PO LA SANGS RGYAS 'PHAGS PA CHOS CAN, THEG DMAN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PAR THAL, LHAG MED MYANG 'DAS LA GNAS PA'I NYAN THOS DGRA BCOM PAS KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA ZHI BA DES THUGS 'PHROG PA'I SGO NAS RANG GI BSAM NGO LA LTOS TE SLAR MI LDANG BA'I TSUL GYIS MNYAM PAR BZHAG PA'I PHYIR, DER THAL, DES DE LA MNYAM PAR BZHAG PA'I PHYIR, 'DOD MI NUS TE, SANGS RGYAS 'PHAGS PA YIN PA'I PHYIR, PHYI ? MA LA NYAN THOS DGRA BCOM PA CHOS CAN, THEG CHEN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PAR THAL, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM BYAS RJE SU ZHI BDES @63A *, ,THUGS 'PHROG BA MA YIN PAR KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA SLAR MI LDANG BA'I TSUL GYIS MNYAM PAR BZHAG PA'I PHYIR, DER THAL, DES RDZOGS SMIN SBYANG GSUM BYAS RJES SU KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA SLAR MI LDANG BA'I TSUL GYIS MNYAM PAR BZHAG PA DE'I TSE RNAM MKHYEN SKAD CIG DANG PO MNGON DU BYAS PA'I PHYIR, RTZA BAR 'DOD MI NUS TE, CHOS CAN DE YIN PA'I PHYIR, KHA CIG, 'DIR BSTAN GDAMS DON GTZO BOR GYUR PA'I YANG DAG MTHA' YIN NA, RANG NYID MNGON DU BYAS PA DANG 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA DUS MNYAM PAS KHYAB ZER NA, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS CHOS CAN, DER THAL, DE'I PHYIR, RTAGS SLA, 'DOD NA, LHAG MED MYANG 'DAS LA GNAS PA'I NYAN THOS DGRA BCOM PAS DE LTAR DUS MNYAM PAR THAL, 'DOD PA'I PHYIR, 'DOD NA, LHAG BCAS MYANG 'DAS LA GNAS PA'I NYAN THOS DGRA BCOM PAS LHAG MED MYANG 'DAS THOB MA THAG TU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PAR THAL, DES LHAG MED MYANG 'DAS THOB MA THAG TU KHYAB PA 'DU BYED KYI SDUG BSNGAL SPANGS NYE BAR ZHI BA'I NYER ZHI'I DBYINGS MNGON DU BYAS PA'I PHYIR, DER THAL, DES LHAG MED MYANG 'DAS THOB MA THAG TU KHYAB PA 'DU BYED KYI SDUG BSNGAL SPANGS PA'I SPANGS PA THOB PA'I PHYIR, 'DOD MI NUS TE, DES THEG DMAN GYI DBANG DU BYAS PA'I 'DIR BSTAN GDAMS DON GTZO BOR GYUR PA'I YANG DAG MTHA' YANG MNGON DU MA BYAS, THEG CHEN GYI DBANG DU BYAS NA YANG DE MNGON DU MA BYAS PA'I PHYIR, PHYI MA DER THAL, DE LHAG MED MYANG 'DAS THOB MA THAG TU SANGS RGYAS PA'I PHYIR, DANG PO DER THAL, DES LHAG MED MYANG 'DAS THOB MA THAG TU KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS TE SLAR MI LDANG BA'I TSUL GYIS MNYAM BAR MA BZHAG PA'I PHYIR, DER THAL, DES NYER LEN GYI PHUNG PO SPANGS MA THAG TU DE LA SLAR MI LDANG BA'I TSUL GYIS MNYAM PAR MA BZHAG PA'I PHYIR, DER THAL, @63B LAS NYON GYI DBANG GIS SROG DBANG 'GAGS MA THAG TU DE LA SLAR MI LDANG BA'I TSUL GYIS MNYAM PAR MA BZHAG PA'I PHYIR,, ` ,,GNYIS PA RANG GI LUGS LA, DMAN LAM SNGON DU MA SOD BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU MNGON DU BYED NUS SHING MI BYED RDZOGS SMIN SBYANG GSUM BYAS RJE SU MNGON DU BYED, RDZOGS SMIN SBYANG GSUM MA BYAS PA'I SNGA ROL DU MNGON DU BYAS NA ZHI MTHAR LTUNG BA'I DGAG BYA YOD PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE 'DIR BSTAN GDAMS DON GTZO BOR GYUR BA'I YANG DAG MTHA'I MTSAN NYID, PHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE DE'I MTSAN GZHI, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YOD DE, ZHI BA DES THUGS 'PHROG PA'I SGO NAS KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS TE SLAR MI LDANG BA'I TSUL GYIS MNYAM BAR BZHAG PA DE THEG DMAN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD DANG KHYAB PA 'DU BYED GYI SDUG BSNGAL NYE BAR ZHI BA'I NYER ZHI'I DBYINGS LA SLAR MI LDANG BA'I TSUL GYIS MNYAM PAR BZHAG PA DE THEG CHEN GYI DBANG DU BYAS NAS 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I TSAD YIN PA'I PHYIR, MCHOG GI SPRUL BA'I SKUS GDAMS PA SMOS PA'I TSUL YOD DE, DES DMAN LAM SNGON DU MA SONG BA'I BYANG CHUB SEMS DPA' LA BYANG CHUB MCHOG TU SEMS BSKYED NAS DMIGS BSAL GSUM MA RDZOGS PA'I BAR ? GANG DU YANG ZHI BA DES THUGS PHROGS PA'I SGO NAS KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA DUS YUN RING DU MNYAM PAR MA 'JOG CIG CES GTZO BOR GDAMS PA'I ZHAR LA LHAG MED MYANG 'DAS LA GNAS PA'I NYAN THOS DGRA BCOM GYI RTOGS PAS MNGON DU SONG PA'I BYANG CHUB SEMS DPA' LA BYANG CHUB MCHOG TU SEMS BSKYED NAS DENG PHYIN CHAD DMIGS BSAL GSUM MA RDZOGS PA'I BAR GANG DU YANG KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA ZHI BDES THUGS @64A *, ,PHROGS PA'I SGO NAS DUS YUN RING DU MNYAM PAR MA 'JOG CIG CES GDAMS PA YIN PA'I PHYIR, DE LTAR GDAMS PA SMOS PA LA DGOS PA YOD DE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA YUN RING DU MNYAM PAR BZHAG NA, GZUGS SKU'I RGYU RJES THOB TU BSOD NAMS KYI TSOGS RGYA CHEN PO GSOG PA LAS NYAMS PAR 'GYUR PA'I DGAG BYA YOD PA'I PHYIR, LAM SHES CHOS CAN, KHYOD KYIS BYANG 'PHAGS KYI MNGON RTOGS BSDUS PA YIN TE, DES THABS SHES KHYAD PAR CAN GNYIS BSDUS PA'I PHYIR, BYANG 'PHAGS CHOS CAN, KHYOD THABS SHES KHYAD PAR CAN GNYIS DANG LDAN PA YIN TE, THEG PA GSUM GYI SPANGS RTOGS KYI RIGS MTHA' DAG RGYUD LA BSKYED PAR BYED PA'I SHES RAB KHYAD PAR CAN DANG, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED PA'I DUS DANG DUS MA YIN PA LA MKHAS PA'I THABS KHYAD PAR CAN GNYIS DANG LDAN PA'I PHYIR,, ` ,,GSUM PA RTZOD PA SPONG BA LA, KHO NA RE, DE BZHIN NYID DE 'DIR BSTAN GDAMS DON GTZO BOR GYUR PA'I YANG DAG MTHA' YIN PAR THAL, DE BZHIN NYID DANG 'DIR BSTAN GDAMS DON GTZO BOR GYUR PA'I YANG DAG MTHA'I GZHI MTHUN YOD PA'I PHYIR ZER NA MA KHYAB, DE LA KHO NA RE, DE 'DRA BA'I GZHI MTHUN PA CHOS CAN, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU KHYOD MNGON DU BYED NUS PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, 'DOD NA, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU DE BZHIN NYID MNGON DU BYED NUS PAR THAL, 'DOD PA DE'I PHYIR ZER NA MA KHYAB, 'DOD NA, BKAG ZIN, 'O NA, NYAN THOS SLOB PA 'PHAGS PAS GANG ZAG GI BDAG MED PHRA MO MNGON DU BYED NUS PAR THAL, DES GANG ZAG GI BDAG MED PHRA MO DANG NYAN THOS KYI 'GOG BDEN GYI GZHI MTHUN PA MNGON DU BYED NUS PA'I PHYIR, KHYAB PA KHAS, MA GRUB NA, DER THAL, DE 'DRA BA'I GZHI MTHUN PA YOD PA'I PHYIR, DER THAL, GANG ZAG GI BDAG MED PHRA MO DANG 'GOG BDEN GYI GZHI @64B MTHUN PA GCIG YOD PA'I PHYIR, DER THAL, 'GREL PA DON GSAL LAS, RGYU LA MA LTOS PA'I DE BZHIN NYID 'GOG PA'I BDEN PA DANG, ZHES GSUNGS PA'I PHYIR, GZHAN YANG , DE BZHIN NYID DANG 'DIR BSTAN GDAMS DON GTZO BOR GYUR PA'I YANG DAG MTHA'I GZHI MTHUN PA YOD PAR THAL, RNAM BSHAD SNYING PO RGYAN LAS, SA BRGYAD PA THOB NAS CHOS GSUM MA RDZOGS PA'I BAR DU YANG DAG PA'I MTHA' MNGON DU BYED PA GA LA GYUR PA'I GANG DU BYAD NA DE BZHIN NYID KYI STENG DU KHYAB PA 'DU BYED KYI SDUG BSNGAL NYE BAR ZHI BA'I BDE BA DES THUGS LEGS PAR DRANGS NAS ZHI BA'I DBYING SU BSKAL PA LA SOGS PAR SNYOMS PAR 'JUG PA'I DON NO, ,ZHES GSUNGS PA'I PHYIR, KHO NA RE, 'DIR BSTAN GDAMS DON GTZO BOR GYUR PA'I YANG DAG MTHA' DANG NGO BO NYID SKU'I GZHI MTHUN YOD PAR THAL, DMAN LAM SNGON TU MA SONG BA'I BYANG CHUB SEMS DPAS RDZOGS SMIN SBYANG GSUM BYAS RJE SU MNGON DU BYED RGYU'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE DE 'DRA BA'I GZHI MTHUN YIN PA'I PHYIR, DER THAL, DE 'DIR BSTAN GDAMS DON GTZO BOR GYUR PA'I YANG DAG MTHA' YIN PA GANG ZHIG, DE NGO BO NYID SKU YIN PA'I PHYIR, PHYI MA DER THAL, DE BDEN 'DZIN SPANGS PA'I SPANGS PA YIN PA'I PHYIR, DER THAL, DE NYON SGRIB SPANGS PA'I SPANGS PA YIN PA GANG ZHIG, DMAN LAM SNGON DU MA SONG BA'I BYANG CHUB SEMS DPAS SGRIB GNYIS GCIG CAR DU SPONG BA'I PHYIR ZER NA MA KHYAB, 'DOD NA SLA, KHO NA RE, 'DIR BSTAN GDAMS DON GTZO BOR GYUR PA'I YANG DAG MTHA' DANG NGO BO NYID SKU'I GZHI MTHUN YOD PAR THAL, DMAN LAM SNGON DU MA SONG BA'I BYANG CHUB SEMS DPA' DANG RGYUD GCIG TU GYUR PA'I GANG ZAG GI RGYUD KYI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE DE 'DRA BA'I GZHI MTHUN YIN PA'I PHYIR, DER THAL, DE 'DIR BSTAN GDAMS DON GTZO BO GYUR PA'I YANG DAG MTHA' GANG ZHIG, NGO BO NYID SKU YIN PA'I PHYIR, PHYI MA DER THAL, DE YIN NA NGO BOR NYID SKU YIN DGOS PA'I PHYIR, DANG PO DER THAL, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU MNGON DU BYED NUS SHING MI @65A *, ,BYED BYAS RJE SU MNGON DU BYED MA BYAS PA'I SNGA ROL DU MNGON TU BYAS NA ZHI MTHAR LTUNG BA'I SKYON YOD PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS YIN PA'I PHYIR, MA GRUB NA, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU DE MNGON DU BYED NUS PAR THAL, DES RDZOGS SMIN SBYANG GSUM MA BYAS PA'I SNGA ROL DU RANG DANG RGYUD GCIG TU GYUR PA'I GANG ZAG GI RGYUD KYI NYON SGRIB SPONG NUS PA'I PHYIR ZER NA MA KHYAB, MA GRUB NA, DER THAL, DMAN LAM SNGON DU MA SONG BA'I BYANG SEMS TSOGS SBYOR BA RNAMS KYIS NYAN RANG LTAR NYON SGRIB SPANG BYA'I GTZO BOR BYAS NAS SPONG BA LA 'BAD NA THEG CHEN MTHONG LAM SDUG BSNGAL LA CHOS BZOD KYI GNAS SKABS SU SPONG NUS PA'I PHYIR ZER NA, 'O NA, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGON DU RANG DANG RGYUD GCIG TU GYUR PA'I GANG ZAG GI RGYUD KYI LHAG MED MYANG 'DAS MNGON DU BYED NUS PAR THAL, DES RDZOGS SMIN SBYANG GSUM MA BYAS PA'I SNGA ROL DU RANG DANG RGYUD GCIG TU GYUR PA'I GANG ZAG GI RGYUD KYI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS MNGON DU BYED NUS PA'I PHYIR, 'DOD NA, DES RDZOGS SMIN SBYANG GSUM MA BYAS PA'I SNGA ROL DU RANG DANG RGYUD GCIG TU GYUR PA'I SANGS RGYAS 'PHAGS PA'I RGYUD KYI MTHAR THUG GI MYANG 'DAS MNGON DU BYED NUS PAR THAL, 'DOD PA DE'I PHYIR, 'DOD NA SLA, KHO NA RE, 'DIR BSTAN GDAMS DON GTZO BOR GYUR PA'I YANG DAG MTHA' YIN NA KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DANG GCIG YIN DGOS PAR THAL, RNAM BSHAD LAS, 'DI NI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE NYID YIN LA ZHES RNAM BCAD DANG BCAS NAS GSUNGS PA'I PHYIR ZER NA, DE NI GONG GI DE BZHIN NYID DANG GLO BUR DRI BRAL GYI 'GOG PA, CHAD PA'I MYANG 'DAS RNAMS 'DIR BSTAN GDAMS DON GTZO BOR GYUR PA'I YANG DAG MTHA' YIN PA 'GOG PA'I RNAM BCAD YIN PA'I PHYIR, KHO NA RE, 'DIR BSTAN GDAMS YUL @65B GYI YANG DAG MTHA' MED PAR THAL, 'DIR BSTAN GDAMS NGAG 'BOGS YUL GYI YANG DAG MTHA' MED PA'I PHYIR ZER NA MA KHYAB, MA GRUB NA, DER THAL, 'DIR BSTAN GDAMS NGAG 'BOGS YUL GYI GTZO BO DANG PHAL PA GANG RUNG YIN NA GANG ZAG YIN DGOS PA'I PHYIR, KHO NA RE, BDEN 'DZIN SPANGS PA'I LHAG MED MYANG 'DAS DE 'DIR BSTAN GDAMS DON PHAL PAR GYUR PA'I YANG DAG MTHA' DANG KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE DE'I GTZO BO'I DE YIN PAR THAL, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE 'DIR BSTAN GDAMS DON GTZO BOR GYUR PA'I YANG DAG MTHA' YIN PA GANG ZHIG, 'DIR BSTAN YANG DAG MTHA' LA 'DIR BSTAN GDAMS DON GTZO BOR GYUR PA'I YANG DAG MTHA' YIN PAS MA KHYAB PA'I PHYIR, 'DOD NA, DE GNYIS KYI NANG NAS KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS KHYAD PAR DU 'PHAGS PAR THAL, 'DOD PA DE'I PHYIR ZER NA MA KHYAB, 'DOD MI NUS TE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS RGYUD LA LDAN PA'I SLOB PA YOD CING , BDEN 'DZIN SPANGS PA'I LHAG MED MYANG 'DAS RGYUD LA LDAN PA'I SLOB PA MED PA'I PHYIR, KHO NA RE, SANGS RGYAS 'PHAGS PA'I RGYUD KYI 'DIR BSTAN GDAMS DON GTZO BOR GYUR PA'I YANG DAG MTHA' YOD PAR THAL, SANGS RGYAS 'PHAGS PA'I RGYUD LA YOD PA'I 'DIR BSTAN GDAMS DON GTZO BOR GYUR PA'I YANG DAG MTHA' YOD PA'I PHYIR, ZER NA MA KHYAB, 'DOD NA, DE CHOS CAN, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU KHYOD MNGON DU BYED NUS PAR THAL LO ZER NA, 'O NA, RGYUN MTHA'I BAR CHAD MED LAM PA'I RGYUD KYI RNAM MKHYEN SKAD CIG DANG PO SKYE BZHIN PA YIN PAR THAL, DE'I RGYUD LA RNAM MKHYEN SKAD CIG DANG PO SKYE BZHIN PA YIN PA'I PHYIR, KHYAB PA KHAS, MA GRUB NA, DER THAL, DE'I RGYUD LA RGYUN MTHA'I BAR CHAD MED LAM 'GAGS BZHIN PA YIN PA'I PHYIR, KHYAB STE, DE GNYIS DNGOS RGYU DNGOS 'BRAS YIN PA'I PHYIR, RTAGS DER THAL, DE RGYUN MTHA'I BAR CHAD MED LAM PA YIN PA'I PHYIR, RTZA BAR 'DOD NA, DE'I RGYUD KYI RNAM MKHYEN SKAD CIG DANG PO CHOS CAN, KHYOD @66A *, ,YOD PAR THAL, KHYOD SKYE BZHIN PA YIN PA'I PHYIR, KHA CIG, 'DIR BSTAN GDAMS DON GTZO BOR GYUR PA'I YANG DAG MTHA' YIN PA MED PAR THAL, SLOB PA'I RGYUD KYI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS YIN NA, DE MA YIN DGOS, SANGS RGYAS 'PHAGS PA'I RGYUD KYI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS YIN NA YANG DE MA YIN DGOS PA'I PHYIR ZER NA MA KHYAB, DANG PO MA GRUB NA, SLOB PA'I RGYUD KYI KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS KYANG YIN, 'DIR BSTAN GDAMS DON GTZO BOR GYUR PA'I YANG DAG MTHA' YANG YIN PA'I GZHI MTHUN PA CHOS CAN, DMAN LAM SNGON TU MA SONG PA'I BYANG CHUB SEMS DPAS RDZOGS SMIN SBYAD ? GSUM BYAS RJE SU KHYOD MNGON DU BYED PAR THAL, KHYOD 'DIR BSTAN GDAMS DON GTZO BOR GYUR PA'I YANG DAG MTHA' YIN PA'I PHYIR, 'DOD MI NUS SO, ,PHYI MA MA GRUB NA, SNGAR BZHIN RIGS BSGRES NAS RDZOGS SMIN SBYANG GSUM MA BYAS PA'I SNGA ROL DU MNGON DU BYED NUS PA 'PHE NO ZER NA, 'O NA, THEG CHEN LAM GYI 'JUG SGOR GYUR PA'I THEG CHEN SEMS BSKYED YIN PA MED PAR THAL, DANG PO NYID NAS THEG CHEN RIGS NGES KYI BYANG CHUB SEMS DPA'I RGYUD KYI THEG CHEN SEMS BSKYED YIN NA YANG DE MA YIN DGOS, DMAN LAM SNGON DU SONG BA'I BYANG CHUB SEMS DPA'I RGYUD KYI THEG CHEN GYI SEMS BSKYED YIN NA YANG DE MA YIN DGOS PA'I PHYIR, KHYAB PA KHAS, DANG PO MA GRUB NA, DANG PO NYID NAS THEG CHEN RIGS DES KYI BYANG CHUB SEMS DPA'I RGYUD KYI THEG CHEN SEMS BSKYED KYANG YIN THEG CHEN LAM GYI 'JUG SGOR GYUR PA'I THEG CHEN SEMS BSKYED KYANG YIN PA'I GZHI MTHUN PA CHOS CAN, THEG CHEN LAM DU ZHUGS PA'I GANG ZAG YIN NA KHYOD RGYUD LA SKYE MYONG YIN DGOS PAR THAL, KHYOD THEG CHEN GYI LAM GYI 'JUG SGOR GYUR PA'I THEG CHEN SEMS BSKYED YIN PA'I PHYIR, 'DOD NA, DMAN LAM SNGON SONG GI SEMS DPAS MA NGE SO, ,PHYI MA LA RIGS 'DRE SHES PAR BYA'O, ,KHO NA RE, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I GANG ZAG YIN NA, @66B KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS TE SLAR MI LDANG BA'I TSUL GYIS MNYAM PAR BZHAG PA DANG, SLAR MI LDANG BA'I TSUL GYIS MNYAM PAR BZHAG PA GANG RUNG YIN DGOS PAR THAL, KHYOD KYI 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED PA'I TSAD 'THAD PA'I PHYIR, 'DOD BYAS PA LA KHO NA RE, LHAG MED MYANG 'DAS LA GNAS PA'I NYAN THOS DGRA BCOM PA'I RTOGS PA SNGON DU SONG BA'I 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA'I BYANG SEMS TSOGS LAM PA CHOS CAN, DER THAL, DE'I PHYIR, MA GRUB NA, DER THAL, CHOS CAN DE'I PHYIR, DER THAL, RNAM BSHAD SNYING PO RGYAN LAS, BAR BAR DU YANG DAG PA'I MTHA' MNGON DU BYED KYANG, ZHES GSUNGS PA'I PHYIR ZER NA, SKYON ME DE, DE'I DON NI, SNGON GOMS PA'I DBANG GIS PAR BAR DU SNYOMS PAR 'JUG CES PA'I DON YIN PA'I PHYIR, DE YANG YIN TE, DE'I GONG DU ZHI BA'I DBYINGS LAS LANGS NAS BYANG CHUB MCHOG TU SEMS BSKYED PA'I GANG ZAG DES SNGON GOMS PA'I SHUGS KYIS YANG DANG YANG DU SNYOMS PAR 'JUG PAR 'GYUR MOD KYIS THEG CHEN SEMS BSKYED GTONG BA'I DRI TZAM YANG MED PAR DPYOD LDAN RNAMS KYI SHES PAR BYA'O, ,ZHES GSUNGS PA'I PHYIR, RTZA BAR 'DOD MI NUS SO, ,YANG KHO NA RE, 'DIR BSTAN GDAMS DON GTZO BOR GYUR PA'I YANG DAG MTHA' LA MNYAM PAR BZHAG PA'I BYANG SEMS TSOGS LAM PA CHOS CAN, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PAR THAL, DE MNGON SUM DU RTOGS PA'I PHYIR, KHYAB STE, LHAG MED MYANG 'DAS MNGON SUM DU RTOGS NA DE MNGON DU BYED DGOS PA'I PHYIR ZER NA MA KHYAB, 'DOD MI NUS SO, ,'O NA, LONGS SKU'I 'KHOR DU GYUR PA'I BYANG SEMS 'PHAGS PA CHOS CAN, LONGS SKU MNGON DU BYAS PAR THAL, LONGS SKU MNGON SUM DU RTOGS PA'I PHYIR, KHYAB PA KHAS, RTAGS SLA, 'DOD MI NUS TE, SEMS CAN YIN PA'I PHYIR,KHO NA RE, SANGS RGYAS 'PHAGS PAS MNGON DU BYAS PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS YIN NA, 'DIR BSTAN GDAMS DON GTZO BOR GYUR PA'I YANG DAG MTHA' MA @67A *, ,YIN DGOS PAR THAL, SANGS RGYAS 'PHAGS PAS MNGON DU BYAS PA'I KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE 'DIR BSTAN GDAMS DON GTZO BOR GYUR BA'I YANG DAG MTHA' MA YIN PA'I PHYIR ZER NA, RTAGS MA GRUB PA'O, ,'DOD NA, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE CHOS CAN, DER THAL, DE'I PHYIR, DER THAL, SANGS 'PHAGS KYIS DE THOB PA GANG ZHIG, LAM SHES DE SANGS RGYAS 'PHAGS PAS MNGON DU BYAS PA'I LAM SHES YIN PA'I PHYIR, MA GRUB NA, LAM SHES DE 'PHAGS RGYUD KYI MKHYEN PA MA YIN PAR THAL, DE SANGS RGYAS 'PHAGS PAS MNGON DU BYAS PA'I LAM SHES YANG MA YIN, DE BYANG SEMS 'PHAGS PAS MNGON DU BYAS PA'I LAM SHES YANG MA YIN PA'I PHYIR, DANG PO KHAS, PHYI MA MA GRUB NA, DE BYANG SEMS 'PHAGS PA'I RGYUD KYI MKHYEN PA YIN PAR THAL, DE BYANG SEMS 'PHAGS PAS MNGON DU BYAS PA'I LAM SHES YIN PA'I PHYIR, KHYAB STE, DE SANGS RGYAS 'PHAGS PAS MNGON DU BYAS PA'I LAM SHES MA YIN PA LA RGYU MTSAN YANG DAG GCIG YOD PA'I PHYIR, GSAL PA GNYIS LA 'DOD MI NUS SO, ? ,KHO NA RE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA MNYAM PAR 'JOG MYONG GI BYANG SEMS TSOGS LAM PA CHOS CAN, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PA DANG, RNAM MKHYEN MNGON DU BYAS PA DUS MNYAM PAR THAL, RDZOGS SMIN SBYANG GSUM MA BYAS PA'I SNGA ROL DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU MA BYAS, RDZOGS SMIN SBYANG GSUM BYAS RJES SU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED PA'I PHYIR ZER NA MA KHYAB, DANG PO MA GRUB NA, DE CHOS CAN, 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYAS PAR THAL, RDZOGS SMIN SBYANG GSUM MA BYAS PA'I SNGA ROL DU 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYAS PA'I PHYIR, 'DOD NA, MCHOG GI SPUL SKU'I GDAMS PA LAS 'BRAL BAR THA LO, ,PHYI MA GRUB NA, DER THAL, SEMS CAN YIN PA'I PHYIR, RTZA BAR 'DOD NA, @67B DES 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYAS PA'I DUS YIN NA, DES RNAM MKHYEN MNGON DU BYAS PA'I DUS YIN DGOS PAR THAL, 'DOD PA DE'I PHYIR, 'DOD NA, DES KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM NGO LA LTOS TE SLAR MI LDANG BA'I TSUL GYIS MNYAM PAR BZHAG PA'I DUS YIN NA DES RNAM MKHYEN MNGON DU BYAS PA'I DUS YIN DGOS PAR THAL, 'DOD PA DE'I PHYIR, 'DOD MI NUS TE, DES THEG DMAN LAM GYI GNAS SKAB SU RNAM MKHYEN MNGON DU MA BYAS PA'I PHYIR, KHO NA RE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA SLAR MI LDANG BA'I TSUL GYIS MNYAM PAR BZHAG PA'I GANG ZAG LA SANGS RGYAS 'PHAGS PAS MA KHYAB PAR THAL, THEG DMAN DGRA BCOM GYI RTOGS PA MNGON DU SONG PA'I BYANG SEMS RGYUN MTHA' BA DES KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA SLAR MI LDANG BA'I TSUL GYIS MNYAM PAR BZHAG PA'I PHYIR, DER THAL, DES DE LA MNYAM PAR BZHAG PA GANG ZHIG, DE MNYAM BZHAG DE LAS LDANG BA MI SRID PA'I PHYIR, ZER NA MA KHYAB, 'DOD NA, DES STONG NYID LA SLAR MI LDANG BA'I TSUL GYIS MNYAM PAR BZHAG PAR THAL, DES STONG NYID LA MNYAM PAR BZHAG PA GANG ZHIG, DE STONG NYID LA MNYAM PAR BZHAG PA'I MNYAM GZHAG DE LAS LDANG BA MI SRID PA'I PHYIR, KHYAB PA 'GRIG, PHYI MA DER THAL, STONG NYID LA MNYAM PAR BZHAG PA'I MNYAM BZHAG LAS LANGS PA'I SANGS RGYAS 'PHAGS PA MED PA'I PHYIR ZER NA, KA BA'I CHOS NYID DANG, BUM PA'I CHOS NYID GNYIS RGYUN MTHA'I BAR CHAD MED LAM GYIS GNYIS SNANG DANG BCAS PA'I SGO NAS RTOGS PAR THAL, DES DE GNYIS SU SNANG BA'I SGO NAS RTOGS PA'I PHYIR, MA GRUB NA, DER THAL, DES DE GNYIS RTOGS PA GANG ZHIG, DE GNYIS GNYIS SU SNANG BA'I PHYIR, PHYI MA DER THAL DE GNYIS GNYIS YIN PA'I PHYIR, KHA CIG, DMAN LAM SNGON DU MA SONG BA'I BYANG SEMS SA BRGYADS PA PAS RDZOGS SMIN SBYANGS GSU MA BYAS PA'I SNGA ROL DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU BYED DAM SNYAM PA'I DOGS PA DE GDAMS NGAG 'BOGS @68A *, ,PA PO SANGS RGYAS 'PHAGS PA'I RGYUD LA YOD ZER NA, MI 'THAD DE, SANGS RGYAS 'PHAGS PA'I RGYUD LA THE TZOM MED PA'I PHYIR, DER THAL, DE THE TZOM SPANGS PA'I GANG ZAG YIN PA'I PHYIR, KHA CIG, DE 'DRA BA'I DOGS PA DE BYANG SEMS SA BRGYAD PA BA RANG NYID LA YOD ZER NA, MI 'THAD DE, DES RDZOGS SMIN SBYANG GSUM MA BYAS PA'I SNGA ROL DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU MI BYED PAR RTOGS PA'I PHYIR, DER THAL, RANG BLO RANG LA LKOG GYUR DU SONG BA'I GANG ZAG MA YIN PA'I PHYIR, KHA CIG ,DE 'DRA BA'I DOGS PA RGYUD LA LDAN PA'I GANG ZAG MED ZER NA, DE YOD PAR THAL, SA BRGYAD PA NAS BDEN 'DZIN MNGON DU GYUR PA SPANGS PA DANG, MI RTOG YE SHES LA GOMS PA DBANG BSGYUR THOB PAR BSHAD PA NA, DE LTAR NA BYANG SEMS SA BRGYAD PA BAS DE BZHIN NYID KYI STENG DU KHYAB PA 'DU BYED KYI SDUG BSNGAL NYE BAR ZHI BA'I NYER ZHIS THUGS 'PHROGS PA'I SGO NAS DE LA DUS YUN RING DU MNYAM PAR BZHAG GAM SNYAM PA'I DOGS PA SKYE BA PO'I GANG ZAG CIG YOD PA'I PHYIR, ZHAR LA SPYIR BTANG DMIGS BSAL BSHAD PA LA KHO NA RE, DMAN LAM SNGON DU MA SONG BA'I BYANG CHUB SEMS DPAS RDZOGS SMIN SBYANG GSUM MA BYAS PA'I SNGA ROL DU 'DIR BSTAN GDAMS DON GTZO BOR GYUR PA'I YANG DAG MTHA' MNGON DU MI BYED PA SPYIR BTANG NAS, RDZOGS SMIN SBYANG GSUM BYAS RJE SU 'DIR BSTAN GDAMS DON GTZO BOR GYUR BA'I YANG DAG MTHA' MNGON DU BYED PA SHUGS LA DMIGS KYI BSAL BA YIN ZER NA, MI 'THAD DE, SPYIR BTANG DMIGS BSAL GYI DON SGRAS ZIN 'BA' ZHIG LA BYED RIGS PA GANG ZHIG, DE LA SGRAS ZIN 'BA' ZHIG LA BYED PA'I DON MA TSANG BA'I PHYIR, DANG PO DER THAL, MDO LAS, THAMS CAD KYANG DGRA BCOM PA ZAG PA ZAD PA GANG ZAG GCIG MA GTOGS PA NI 'DI LTA STE SLOB PA RGYUN TU ZHUGS PA KUN DGA' PO ZHES PA LTA BU YIN PA'I PHYIR,, ` ,,RANG LUGS LA, DMAN LAM SNGON DU MA SONG BA'I BYANG CHUB SEMS DPAS LAM GYI BYA BA MTHA' DAG BYED PA SPYIR BTANG NAS DES RDZOGS SMIN SBYANG GSUM MA BYAS PA'I SNGA ROL DU 'DIR BSTAN GAD MAS @68B DON GTZO BOR GYUR PA'I YANG DAG MTHA' MNGON DU MI BYED PA DMIGS KYIS BSAL BA YIN BA'I PHYIR,, ` ,,RNAM PA THAMS CAD MKHYEN NYID LAM, ZHES SOGS KYI SKAB SU MTHA' DBYAD PA LA, KHA CIG, MNGON RTOGS RGYAN GYI CHED DU BYA BA'I GDUL BYAS DGOS 'BREL GYI NGAG LA BRTEN NAS MNGON RTOGS RGYAN LA DGOS SOGS CHOS BZHI YOD PAR TSAD MAS NGES PA DE DGOS 'PHREL NGAG GI DGOS PA YIN ZER NA, DE MI 'THAD PAR THAL, MNGON RTOGS RGYAN GYI CHED DU BYA BA'I GSUL BYAS DGOS 'BREL GYI NGAG LA BRTEN NAS MNGON RTOGS RGYAN LA DGOS SOGS CHOS BZHI YOD DAM MED, PHAL CHER YOD LAS CHE SNYAM PA'I DON 'GYUR GYI THE TSOM BSKYED PA DE DGOS 'BREL GYI NGAG GI DGOS PA YIN PA'I PHYIR, DER THAL, 'GREL PA LAS, DON LA THE TSOM BSKYED PA NYID KYIS 'JUG PA'I YAN LAG, CES GSUNGS PA'I PHYIR DANG , BSTAN BCOS GZHAN LAS KYANG , GANG PHYIR 'JIG RTEN DON GNYER NI, ,THE TSOM LAS KYANG 'JUG PHYIR RO, ,ZHES GSUNGS PA'I PHYIR, KHA CIG, MNGON RTOGS RGYAN GYI DGOS 'BREL DAG GI BRJOD BYA DANG , BSTAN BCOS LUS KYI BRJOD BYA GNYIS 'GAL ZER NA, RGYAS 'BRING BSDUS GSUM GYI TSIG DON RNAMS CHOS CAN, MNGON RTOGS RGYAN GYI BSTAN BCOS LUS KYI BRJOD BYA MA YIN PAR THAL, DGOS 'DREL NGAG GI BRJOD BYA YIN PA'I PHYIR, DER THAL, DGOS 'BREL GYI NGAG DES RGYAS 'BRING BSNGUS GSUM GYI TSIG DON RNAMS MNGON RTOGS RGYAN GYI BRJOD BYANG BYED PA'I PHYIR, DER THAL, DES DE GTAN LA PHAB PA'I PHYIR, DER THAL, RNAM PA THAMS CAD MKHYEN NYID LAM, STON PAS 'DI LAS BSHAD PA GANG , ,ZHES GSUNGS PA'I PHYIR, 'DOD MI NUS TE, MNGON RTOGS RGYAN GYIS RGYAS 'BRING BSDUS GSUM GYI TSIG DON RNAMS BRJOD BYAR BYAS PA'I PHYIR, KHA CIG, MNGON RTOGS RGYAN GYI NYID DGOS YIN NA, DE'I NYID DGOS MTHAR THUG ? YIN PAS KHYAB ZER NA, MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA THOS BSAM GYIS ZHUGS PA LA BRTEN NAS THOB PA'I SA BCU PA'I YE SHES CHOS CAN, DER THAL, DE'I PHYIR, DER THAL, DE'I GNAS SKABS KYI NYID DGOS YIN PA'I PHYIR, DER THAL, MNGON RTOGS RGYAN GYI CHED DU BYA BA'I GDUL BYAS MNGON @69A *, ,RTOGS RGYAN LA BRTEN NAS RGYAS 'BRING BSDUS GSUM GYI TSIG DON BDE BLAG TU RTOGS PA DE GNAS SKABS SA BCU THOB PA'I PHYIR DU YIN PA'I PHYIR, 'DOD MI NUS TO, CHOS CAN DE'I PHYIR, KHA CIG, MNGON RTOGS RGYAN GYI DGOS SOGS CHOS BZHI'I NANG TSAN DU GYUR PA'I 'BREL PA LA DE BYUNG GI 'BREL BAS KHYAB ZER NA, MNGON RTOGS RGYAN GYI BRJOD BYA MNGON RTOGS RGYAN LA 'BREL BA'I 'BREL BA CHOS CAN, DER THAL, DE'I PHYIR, DER THAL, MNGON RTOGS RGYAN LA DE 'DRA BA'I 'BREL PA CIG GRUB PA'I PHYIR, 'DOD MI NUS TE, MNGON RTOGS RGYAN GYI BRJOD BYA 'DUS MA BYAS YIN PA'I PHYIR, KHA CIG, MNGON RTOGS RGYAN GYI DGOS SOGS CHOS BZHI'I NANG TSAN DU GYUR PA'I 'BREL PA YIN NA, BDAG GCIG GI 'BREL BA YIN PAS KHYAB ZER NA, MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA BRTEN NAS RGYAS 'BRING BSDUS GSUM GYI TSIG DON BDE BLAG TU RTOGS PA LA BRTEN NAS SKYES PA'I RNAM MKHYEN DE DE LTAR RTOGS PA LA 'BREL BA'I 'BREL PA CHOS CAN, BDAG GCIG 'BREL YIN PAR THAL, MNGON RTOGS RGYAN GYI DGOS SOGS CHOS BZHI'I NANG TSAN DU GYUR PA'I 'BREL PA YIN PA'I PHYIR, DER THAL, MNGON RTOGS RGYAN LA DE 'DRA BA'I 'BREL PA GCIG GRUB PA'I PHYIR, 'DOD MI NUS TE, DE BYUNG GI 'BREL PA YIN PA'I PHYIR, DER THAL, DE LTAR RTOGS PA LA BRTEN NAS SKYES PA'I 'BREL PA YIN PA'I PHYIR,, ` ,,GNYIS PA RANG GI LUGS LA, MNGON RTOGS RGYAN GYI DGOS SOGS CHOS BZHI'I KHYAD PAR YOD DE, RGYAS 'BRING BSDUS GSUM GYI TSIG DON RNAMS MNGON RTOGS RGYAN GYIS BRJOD BYA DANG , MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA BRTEN NAS RGYAS 'BRING BSDUS GSUM GYI TSIG DON BDE BLAG TU RTOGS PA DE'I DGOS PA DANG , MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA THOS BSAM SGOM GSUM GYIS ZHUGS PA LA BRTEN NAS GNAS SKABS SA BCU DANG MTHAR THUG 'BRAS BU RNAM MKHYEN THOB PA DE'I NYID DGOS DANG , NYING DGOS DGOS PA LA, DGOS PA BRJOD BYA LA, BRJOD BYA MNGON RTOGS RGYA NA LA 'BREL BA'I 'BREL PA DE MNGON RTOGS RGYAN GYI DGOS SOGS TSES BZHI'I NANG TSAN @69B DU GYUR PA'I 'BREL PA YIN PA'I PHYIR, MNGON RTOGS RGYAN GYI DGOS 'BREL NGAG GI DGOS SOGS CHOS BZHI'I KHYAD PAR YOD ? DE, MNGON RTOGS RGYAN GYI DGOS SOGS CHOS BZHI PO DE DGOS 'BREL NGAG GI BRJOD BYA DANG , MNGON RTOGS RGYAN GYI CHED DU BYA BA'I GDUL BYAS DGOS 'BREL GYI NGAG LA BRTEN NAS MNGON RTOGS RGYAN LA DGOS SOGS CHOS BZHI YOD DAM MED, PHAL CHER YOD LAS CHE SNYAM PA'I DON 'GYUR GYI THE TSOM SKYES PA DE DGOS 'BREL NGAG GI DGOS PA DANG , DGOS PA DE LA BRTEN NAS MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA THOS BSAM SGOM GSUM GYIS ZHUGS PA LA BRTEN NAS MTHAR THUG 'BRAS BU RNAM MKHYEN THOB PA DE, DE'I NYING ? DGOS MTHAR THUG DANG , NYING ? DGOS DGOS PA LA, DGOS PA BRJOD BYA LA, BRJOD BYA DGOS 'BREL GYI NGAG LA 'BREL BA'I 'BREL PA DE, DGOS 'BREL NGAG GI DGOS SOGS CHOS BZHI'I NANG TSAN DU GYUR PA'I 'BREL PA YIN PA'I PHYIR, DGOS 'BREL NGAG GI BRJOD BYA DANG , BSTAN BCOS LUS KYIS BRJOD BYA GNYIS MI 'GAL TE, DE GNYIS YIN KHYAB MNYAM YIN PA'I PHYIR, DE GNYIS KYI DGOS PA NYID DGOS SOGS KYANG MI 'GAL TE, MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA BRTEN NAS RGYAS 'BRING BSDUS GSUM GYI TSIG DON BDE BLAG TU RTOGS PA DE DE GNYIS KA'I DGOS PA DANG , MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA BRTEN NAS RGYAS 'BRING BSDUS GSUM LA THOS BSAM SGOM GSUM GYIS ZHUGS PA LA BRTEN NAS MTHAR THUG 'BRAS BU RNAM MKHYEN THOB PA DE DE GNYIS KA'I NYID DGOS MTHAR THUG YIN PA'I PHYIR,, ` ,,RTZOD PA SPONG BA LA, KHA CIG, MNGON RTOGS RGYAN GYI THOG MAR DGOS 'BREL GYI DAG SMOS PA LA DGOS PA MED PAR THAL, DGOS 'BREL NGAG GI BRJOD BYA DANG , BSTAN BCOS LUS KYI BRJOD BYA GNYIS YIN KHYAB MNYAM YIN PA'I PHYIR ZER NA MA KHYAB, 'O NA, MNGON RTOGS RGYAN GYI SKABS DANG PO LAS LOG SU SKABS GNYIS PA GSUNG PA LA DGOS PA MED PAR THAL, DE GNYIS KYI BRJOD BYA YIN KHYAB MNYAM YIN PA'I PHYIR, 'KHOR GSUM, KHA CIG, RGYAS 'BRING BSDUS GSUM GYI TSIG DON BDE BLAG TU RTOGS PA DE MNGON RTOGS RGYAN GYI DGOS PA YIN PAR THAL, MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAN LA BRTEN NAS RGYAS @70A *, ,'BRING BSDUS GSUM GYI TSIG DON BDE BLAG TU RTOGS PA DE, MNGON RTOGS RGYAN GYI DGOS PA YIN PA'I PHYIR ZER NA MA KHYAB, 'DOD NA, DE MNGON RTOGS RGYAN LA RAG LAS PAR THAL, DE MNGON RTOGS RGYAN GYI DGOS PA YIN PA'I PHYIR, 'DOD MI NUS TE, DE MNGON RTOGS RGYAN MA RTZAM PA'I SNGA ROL DU YOD PA'I PHYIR, DER THAL, MNGON RTOGS RGYAN MA BRTZAM PA'I SNGA ROL DU RGYAS 'BRING BSDUS GSUM GYI TSIG DON BDE BLAG TU RTOGS PA'I BYANG SEMS SA BCU PA BA YOD PA'I PHYIR, KHA CIG, MNGON RTOGS RGYAN GYI DUS SU MNGON RTOGS RGYAN GYI CHED DU BYA BA'I GDUL BYAS MNGON RTOGS RGYAL LA BRTEN NAS RGYAS 'BRING BSDUS GSUM GYI TSIG DON BDE BLAG TU RTOGS PA LA BRTEN NAS THOB PA'I 'BRAS BU RNAM MKHYEN DE DE LTAR RTOGS PA LA 'BREL BA'I 'BREL YUL RNAM MKHYEN YOD PAR THAL, MNGON RTOGS RGYAN GYI DU SU DE 'DRA BA'I 'BREL PA DE GRUB PA'I PHYIR ZER NA MA KHYAB, GAL TE MA GRUB NA, DER THAL DE 'DRA BA'I 'BREL PA DE MNGON RTOGS RGYAN GYI DGOS SOGS CHOS BZHI'I NANG TSAN DU GYUR PA'I 'BREL BA'I DBYE BA'I YA GYAL YIN PA'I PHYIR, KHYAB STE, MNGON RTOGS RGYAN DE RANG DUS SU DGOS SOGS CHOS BZHI LDAN GYI NGAG RNAM DAG YIN PA'I PHYIR, RTZA BAR 'DOD NA, MNGON RTOGS RGYAN GYI DU SU MNGON RTOGS RGYAN GYI CHED DU BYA BA'I GDUL BYAS 'BRAS BU RNAM MKHYEN THOB PAR THAL, 'DOD PA'I PHYIR, 'DOD NA, MNGON RTOGS RGYAN CHOS CAN, KHYOD KYI DUS SU KHYOD KYI CHED DU BYA BA'I GDUL BYAS 'BRAS BU RNAM MKHYEN MA THOB PAR THAL, KHYOD BSTAN BCOS YIN PA'I PHYIR ZER NA, MYU GU'I DU SU MYU GUS BON LA 'BREL BA'I 'BREL YUL SA BON YOD PAR THAL, MYU GU'I DUS SU MYU GU SA BON LA 'BREL BA'I 'BREL PA GRUB PA'I PHYIR, KHYAB PA SONG, MA GRUB NA, DER THAL, MYU GU SA BON LA 'BREL PA'I 'BREL PA CIG GRUB PA GANG ZHIG, DE MYU GU'I SA BON GYI DUS SU MA GRUB PA'I PHYIR MA GRUB NA, 'KHOR GSUM YOD, RTZA BAR 'DOD NA, MYU GU'I DUS SU SA BON YOD PAR THAL, 'DOD PA DE'I PHYIR, 'KHOR GSUM, KHA CIG ,MNGON RTOGS RGYAN GYI DGOS SOGS CHOS BZHI'I NANG TSAN DU GYUR PA'I 'BREL PA LA BDAG GCIG GI 'BREL PA YOD PA MI 'THAD PAR THAL, DE LA DE BYUNG GI 'BREL BAS KHYAB PA'I PHYIR, DER THAL, 'DUL BA MDO RTZA BA'I DGOS @70B SOGS CHOS BZHI'I NANG TSAN DU GYUR PA'I 'BREL PA LA DE BYUNG GI 'BREL BAS KHYAB PA'I PHYIR, DER THAL, RGYA CHER 'GREL LAS, 'DUL BA'I MDO DANG DGOS PA DAG NI THABS DANG THABS LAS BYUNG BA'I 'BREL PA DE RGYU DANG 'BRAS BUR GYUR PA ZHES BYA BA'I THA TSIG GO, ZHES GSUNGS BA'I PHYIR, ZER NA SKYON ME DE, 'DUL BA PA RNAMS KYIS LHAG MED MYANG 'DAS KYI THOB PA 'DUS BYAS PA DE DE'I DGOS PA LA 'BREL BA'I 'BREL PA DE DE BYUNG GI 'BREL BAR BZHED PA'I DON YIN PA'I PHYIR,, ` ,,SHES RAB PHA ROL PHYIN PA NI, ,DNGOS PO BRGYAD KYI YANG DAG BSHAD, ,CES SOGS KYI SKAB SU RGYAS 'BRING BSDUS GSUM CHOS CAN, KHYOD MNGON RTOGS RGYAN GYIS YANG DAG PAR BSHAD PA YIN TE, RJOD BYED LA SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS PHYIN CI MA LOG PAR GTAN LA PHAB PA'I PHYIR, 'DI'I SKAB SU MTHA' DPYAD PA LA, KHA CIG ,MNGON RTOGS RGYAN GYI LUS YIN NA, MKHYEN PA YIN PAS KHYAB ZER NA, SHES RAB PHA ROL PHYIN PA NI, ,ZHES SOGS KYI TSIGS BCAD BCO LDAN PO CHOS CAN, DER THAL, DE'I PHYIR, DER THAL, MNGON RTOGS RGYAN GYI RJOD BYED TSIG GI LUS YIN PA'I PHYIR, DER THAL, DE'I LUS DE LA RJOD BYED TSIG GI LUS DANG , BRJOD BYA DON GYI LUS GNYIS YOD PA'I PHYIR, DER THAL, RIGS THIG LAS, RAB TU BYED PA DAG GI LUS NI RNAM PA GNYIS TE SGRA DANG DON TO, ,ZHES GSUNGS PA'I PHYIR, KHA CIG , MNGON RTOGS RGYAN GYI LUS YIN NA, RJOD BYED KYI TSIG YIN PAS KHYAB ZER NA, DNGOS PO BRGYAD PO CHOS CAN, DER THAL, DE'I PHYIR, DER THAL, BRJOD BYA DON GYI LUS YIN PA'I PHYIR, DER THAL, DNGOS PO BRGYAD KYIS YANG DAG BSHAD, ,CES GSUNGS PA'I PHYIR, 'DOD MI NUS SO, ,KHA CIG ,MNGON RTOGS RGYAN GYI BRJOD BYA DON GYI LUS LA MKHYEN PAS KHYAB ZER NA, DNGOS PO BRGYAD KYIS MA NGE SO, ,MKHAS PA KHA CIG GI GSUNG NA RE, SPOS BRAL MNGON SUM DU RTOGS PA'I THEG CHEN 'PHAGS PA'I MKHYEN PA GANG ZHIG MI GNAS PA'I MYANG 'DAS SU ? PHYIN ZIN DANG PHYIN BYED GANG RUNG DE, SHER PHYIN GYI MTSAN NYID ZER NA, SHER PHYIN CHOS CAN, MI GNAS PA'I MYANG 'DAS SU PHYIN ZIN DANG PHYIN BYED GANG RUNG DU THAL, SHER PHYIN YIN PA'I PHYIR, 'DOD NA, MI GNAS PA'I MYANG 'DAS SU ? PHYIN ZIN PAR THAL, ? DE GANG RUNG YIN, PHYIN BYED MA YIN PA'I PHYIR, MA GRUB NA, DE CHOS CAN, KHYOD RGYUD LA LDAN PA'I SANGS RGYAS @71A *, ,'PHAGS PA MED PAR THAL, MI GNAS PA'I MYANG 'DAS ? SU PHYIN BYED YIN PA'I PHYIR, RTZA BAR 'DOD NA, DE CHOS CAN, KHYOD RGYUD LA LDAN PA'I SLOB PA MED PAR THAL, KHYOD MI GNAS PA'I MYANG 'DAS SU PHYIN ZIN YIN PA'I PHYIR, 'DOD NA SLA'O, ,GZHAN YANG SHIR PHYIN YIN NA 'JIG RTEN LAS 'DAS PA'I SHER PHYEN YIN DGOS PAR THAL, DE YIN NA SPROS BRAL MNGON SUM DU RTOGS PA'I THEG CHEN 'PHAGS PA'I MKHYEN PA YIN DGOS PA'I PHYIR, 'DOD NA, 'JIG RTEN PA'I SHER PHYIN CHOS CAN, DER THAL, DE'I PHYIR, DER THAL, 'JIG RTEN PA'I SHER PHYIN YIN PA'I PHYIR, DE DER THAL, DE YOD PA'I PHYIR, DER THAL, MDO LAS, SBYIN PA'I PHA ROL TU PHYIN PA 'JIG RTEN PA YANG YOD, 'JIG RTEN LAS 'DAS PA YANG YOD, CES PA NAS, SHES RAB KYI PHA ROL TU PHYIN PA 'JIG RTEN PA YANG YOD, 'JIG RTEN LAS 'DAS PA YANG YOD, CES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG , KHYAD CHOS GSUM GYIS KHYAD PAR DU BYAS PA'I MTHAR THUG PA'I YE SHES DE SHER PHYIN GYI MTSAN NYID ZER NA, BYANG SEMS SA DRUG PA BA'I RGYUD KYI SHER PHYIN CHOS CAN, MTSAN NYID DER THAL, MTSON BYA DE'I PHYIR, DER THAL, BYANG SEMS SA DRUG PA PA'I RGYUD KYI SHER PHYIN YIN PA'I PHYIR, DER THAL BYANG CHUB SEMS DPA'I RGYUD LA SHER PHYIN YOD PA'I PHYIR, KHA CIG GIS MA KHYAB ZER , ,MA GRUB NA DER THAL, SANGS RGYAS 'PHAGS PA'I RGYUD KYI PHA ROL TU PHYIN PA DRUG PO DE BYANG CHUB SEMS DPA'I RGYUD LA YOD PA DANG RJE SU MTHUN PA'I RNAM MKHYEN GYI RNAM PA YIN PA'I PHYIR, KHA CIG MA KHYAB ZER, MA GRUB NA DER THAL, BYANG CHUB SEMS DPA'I RGYUD LA YOD PA DANG RJES MTHUN GYI RNAM MKHYEN GYI RNAM PA DE LA SUM CU SO BZHI YOD PA'I PHYIR, DER THAL, SUM CU BZHI DANG , ZHES GSUNGS PA'I PHYIR, MA KHYAB MTSAMS PHYI MA LA, 'O NA, SANGS RGYAS 'PHAGS PA'I RGYUD KYI STOBS BCU PO DE YANG BYANG CHUB SEMS DPA'I RGYUD LA YOD PA DANG RJES MTHUN GYI RNAM MKHYEN GYI RNAM PA YIN PAR THAL, SANGS RGYAS 'PHAGS PA'I RGYUD KYI PHA ROL TU PHYIN PA DRUG PO DE, BYANG CHUB SEMS DPA'I RGYUD LA YOD PA DANG RJES MTHUN GYI RNAM MKHYEN GYI RNAM PA YIN NA, BYANG CHUB SEMS DPA'I RGYUD LA PHAR PHYIN DRUG MTSAN NYID PA YOD MI DGOS PA'I PHYIR, @71B 'DOD MI NUS TE, DE THUN MONG MA YIN PA'I RNAM MKHYEN GYI RNAM PA YIN PA'I PHYIR, DE DER THAL, THUN MONG MA YIN PA'I RNAM MKHYEN GYI RNAM PA DE LA SUM CU SO DGU YOD PA'I PHYIR, MA KHYAB MTSAMS DANG PO LA KHYAB PA YOD PAR THAL, BYANG SEMS SA GNYIS BA BA'I RGYUD LA TSUL KHRIMS KYI PAR PHYIN YOD PAR MA ZAD, PHAR PHYIN LHAG MA LNGA PO YANG YOD PA'I PHYIR, DER THAL, RNAM BSHAD SNYING PO RGYAN LAS, TSUL KHRIMS KYI PHAR PHYIN LHAG PA DE TZAM DU BZOD PA'I PHAR PHYIN SOGS MI LDAN PAS TSUL KHRIMS LHAG PA ZHES BYA'I SA DER PHAR PHYIN LHAG MA RNAMS MED PA NI MA YI NO, ,ZHES GSUNGS PA'I PHYIR, GZHAN YANG BYANG CHUB SEMS DPA'I RGYUD LA SHER PHYIN YOD PAR THAL, DE'I RGYUD LA SBYIN PA'I PHAR PHYIN YOD PA'I PHYIR, DER THAL, RNAM BSHAD SNYING PO RGYAN LAS, BYANG CHUB SEMS DPA'I RGYUD KYI SBYIN PA'I PHA ROL TU PHYIN PA LA SOGS PA 'DIS SHES RAB KYI PHA ROL TU PHYIN PAR PYED ? PAS SHER PHYIN ZHES PA'I SGRA BSHAD DU YOD PA'I PHYIR RO, ,ZHES GSUNGS PA'I PHYIR, GZHAN YANG SHER PHYIN YIN NA 'BRAS BU SHER PHYIN YIN DGOS PAR THAL, KHYOD KYI MTSAN NYID 'THAD PA'I PHYIR, 'DOD NA, PHAR PHYIN DANG PO LDA PO DE YANG SANGS RGYAS KYI SA'I MKHYEN PA YIN PAR THAL, 'DOD PA'I PHYIR, 'DOD NA, PHAR PHYIN DRUG PO DE LA DMAN MCHOG PHRA RAGS RGYU 'BRAS KYI GO RIMS MI 'THAD PAR THAL, PHAR PHYIN DRUG PO DE SANGS RGYAS KYI SA'I MKHYEN PA YIN PA MTSUNGS PA'I PHYIR, 'DOD MI NUS TE, MDO SDE RGYAN LAS, SNGA MA LA BRTEN PHYI MA SKYE, DMAN DANG MCHOG TU GNAS PHYIR DANG , RAGS PA DANG NI PHRA PA'I PHYIR, ,DE DAG RIM BZHIN BSTAN PA YIN, ZHES GSUNGS PA'I PHYIR, GZHAN YANG , SHER PHYIN LA GTZO PHAL GYI KHYAD PAR 'BYED MI RIGS PAR THAL, SHER PHYIN YIN NA 'BRAS BU SHER PHYIN YIN DGOS PA'I PHYIR, 'DOD MI NUS TE, BRGYAD STONG DON BSDUS KYI 'GREL PA LAS, 'DIS NI SHES RAB KYI PHA ROL TU PHYIN PA'I SGRA'I DON RNAM PA GNYIS SU ? BSTAN TE, GTZO BO DANG PHAL PA'O, ,ZHES GSUNGS PA'I PHYIR, KHA CIG , 'GREL CHEN LAS, GTZO BO'I LAS, DBANG DU BYAS PA YIN NO, ? ,ZHES PA'I DON, GZHUNG LAM 'BRAS BU SHER PHYIN GSUM GYI NANG NAS 'BRAS BU SHER PHYIN GTZO BOR BSTAN PA'I DON YIN ZER NA, MI 'THAD PAR THAL, GZHUNG @72A *, ,LAM 'BRAS BU SHER PHYIN GSUM GYI NANG NAS 'BRAS BU SHER PHYIN GTZO BO YIN NAM MA YIN SNYAM PA'I DOGS PA RGOL BA RTOG LDAN GYI RGYUD LA MI SKYE BA'I PHYIR, KHA CIG , SHER PHYIN YIN NA, SHES RAB YIN PAS KHYAB ZER NA, SANGS RGYAS 'PHAGS PA'I RGYUD KYI DON DAM SEMS BSKYED CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, SEMS BYUNG YIN PAR THAL, SHES RAB YIN PA'I PHYIR, 'DOD MI NUS TE, GTZO SEMS YIN PA'I PHYIR, KHA CIG , THEG DMAN GYI MI SLOB LAM DE 'BRAS BU SHER PHYIN BRTAGS PA BA YIN ZER NA, MI 'THAD PAR THAL, DE LA 'BRAS BU SHER PHYIN ZHES 'DOGS PA'I CHOS GSUM MA TSANG BA'I PHYIR, DER THAL, 'DOGS PA'I RGYU MTSAN YANG MED, BTAGS PA LA DGOS PA YANG MED PA'I PHYIR, KHA CIG , LAM SHER PHYIN LA SHER PHYIN GYIS KHYAB ZER NA, SBYIN PA'I PHAR PHYIN GYI NYAMS LEN LHAG PAR THOB PA'I BYANG SEMS SA DANG PO BA'I RGYUD KYI SBYIN PA'I PHAR PHYIN CHOS CAN, SHER PHYIN YIN PAR THAL, LAM SHER PHYIN YIN PA'I PHYIR TE, CHOS CAN DE YIN PA'I PHYIR, RTZA BAR 'DOD NA, BYANG SEMS SA DANG PO NAS SHES RAB KYI PHAR PHYIN GYI NYAMS LEN LHAG PAR THOB PAR THAL, 'DOD PA'I PHYIR, 'DOD MI NUS TE, DE SA DANG PO BA YIN PA'I PHYIR, GZHAN YANG, MDO LAS, PHAR PHYIN DANG PO LNGA PO DE SHER PHYIN DANG BRAL NA PHA ROL TU PHYIN PA'I MING MI THOB PAR GSUNGS PA DANG , DMUS LONG DMIGS BU MED PA BYE BA KHRAG KHRIG RNAMS, LAM YANG MI SHES GRONG KHYER 'JUG PAR GA LA 'GYUR, SHES RAB MED NA MIG MED PHA ROL PHYIN LNGA YIS, ,DMIGS BU MED PAS BYANG CHUB REG PAR NUS MA YIN, ZHES GSUNGS PA MI 'THAD PAR THAL, LAM SHER PHYIN YIN NA SHER PHYIN YIN DGOS PA'I PHYIR, KHA CIG , 'BRAS BU SHER PHYIN THOB BYED KYI THABS ? SU GYUR PA'I SEMS DPA'I YE SHES, LAM SHER PHYIN GYI MTSAN NYID ZER NA, BDEN 'DZIN GYIS BCINGS PA'I THEG PA CHEN PO'I TSOGS LAM CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN GYI TSOGS LAM DE 'BRAS BU SHER PHYIN THOB BYED KYI THABS YIN PA'I PHYIR, DER THAL, THEG CHEN GYI SLOB LAM DE DE LTAR YIN PA'I PHYIR, 'DOD NA, STONG @72B NYID RTOGS PA'I SHES RAB KYIS ZIN PAR THAL, LAM SHER PHYIN YIN PA'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG , THEG CHEN GYI MDO YIN NA GZHUNG SHER PHYIN YIN DGOS PAR THAL, SEMS DPA'I YE SHES YIN NA LAM SHER PHYIN YIN DGOS PA'I PHYIR, 'DOD NA, SEMS TZAM PA'I THUN MONG MA YIN PA'I MDO CHOS CAN, DER THAL, DE'I PHYIR, ? RTAGS CHOS CAN GYIS SGRUBS, 'DOD MI NUS TE, STONG NYID MI STON PA'I MDO YIN PA'I PHYIR, DER THAL, CHOS CAN DE YIN PA'I PHYIR, KHA CIG , STONG NYID RTOGS PA'I SHES RAB KYIS ZIN PA'I BYANG CHUB SEMS DPA'I RGYUD KYI SHES RAB YIN NA, SHER PHYIN YIN PAS KHYAB ZER NA, BYANG SEMS MTHONG LAM PA'I RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I SGO NAS 'KHOR BA'I GNAS SU ? YANG NAS YANG DU SKYE BA BLANGS NAS GZHAN DON SGRUB PA'I THABS SHES PA'I SHES RAB CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, MI 'THAD PAR THAL, STONG NYID MA RTOGS PA'I PHYIR,, ` ,,GNYIS PA RANG LUGS ? LA, THEG CHEN SEMS SKYED KYIS ZIN PA'I SGO NAS STONG NYID RTOGS PA'I YE SHES, SHER PHYIN GYI MCHAN NYID, SHER PHYIN DE LA SGRAS BRJOD RIGS KYI SGO NAS DBYE NA, RANG BZHIN GYI SHER PHYIN, GZHUNG SHER PHYIN, LAM SHER PHYIN, 'BRAS BU SHER PHYIN RNAM SU YONG, RANG BZHIN GYI SHER PHYIN, RANG BZHIN GYI YUM, RANG BZHIN GYI MYANG 'DAS, RANG BZHIN GYI CHOS SKU, RANG BZHIN GYI RNAM DAG , DON DAM BDEN PA RNAMS DON GCIG , LAM 'BRAS KYI SHER PHYIN GANG YANG RUNG BA BSTAN BYA'I GTZO BOR BYAS NAS STON PA'I THEG CHEN GYI MDO, SANGS RGYAS KYI BKAR GYUR PA'I GZHUNG SHER PHYIN GYI MTSAN NYID, STONG NYID RTOGS PA'I SHES RAB KYIS ZIN PA'I SEMS DPA'I YE SHES, LAM SHER PHYIN GYI MTSAN NYID, KHYAD CHOS GSUM GYIS KHYAD PAR DU BYAS PA'I MTHAR THUG PA'I YE SHES, 'BRAS BU SHER PHYIN GYI MTSAN NYID YIN,, ` ,,GSUM PA RTZOD PA SPONG BA LA, KHA CIG , SHER PHYIN YIN NA KHYAD CHOS GSUM GYIS KHYAD PAR DU BYAS PA'I MTHAR THUG PA'I YE SHES YIN DGOS PAR THAL, 'GREL CHEN LAS, DE LTAR NA DANG POR THOS PA DANG , BSAM PA @73A *, ,DANG SGOM PA'I RANG BZHIN CAN GYI SHES PA SKYE PA'I RIM GYIS RNAM PA THAMS CAD MKHYEN PA'I YE SHES RTOGS PA'I PHA ROL TE RAB KYI MTHAR 'GRO BA YIN PAS NA PHA ROL TU PHYIN PA'O, DE YANG SHES RAB CES BYA BA CHOS RAB TU RNAM PAR 'BYED PA'I MTSAN NYID SHES RAB KYI PHA ROL TU PHYIN PA NI SHES RAB KYI PHA ROL TU PHYIN PA STE, SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, ZHES GSUNGS PA'I PHYIR DANG , BRGYAD STONG DON BSPUS LAS KYANG , SHES RAB PHA ROL PHYIN GNYIS MED, YE SHES DE NI DE BZHIN GSHEGS , ,SGRUB BYA DON DE DANG LDAN PAS, ,GZHUNG LAM NGAG LA DE SGRAS BSTAN, ,ZHES GSUNGS PA'I PHYIR ZER NA, SKYON ME DE, SHES RAB KYI PHA ROL TU PHYIN ZIN PA'I SHER PHYIN DANG , PHYEN BYED KYI SHER PHYIN GNYIS KYI NANG NAS PHYIN ZIN PA'I SHER BYIN ? GYI DBANG DU BYAS PA'I PHYIR, DE YIN TE, BRGYAD STOD DON BSDUS KYI LUNG DE THEG CHEN SEMS BSKYED KYI DMIGS YUL DU GYUR PA'I BYANG CHUB STON PA'I MDO'I DON DNGOS SU 'CHAD BYED ? KYI GZHUNG YIN PA'I PHYIR, KHO NA RE, KHYAD CHOS GSUM GYIS KHYAD PAR DU BYAS PA'I MTHAR THUG PA'I YE SHES, SHER PHYIN GYI MTSAN NYID YIN BAR THAL, DE LTAR DU RNAM BSHAD LAS GSUNGS PA'I PHYIR, DER THAL, RNAM BSHAD SNYING PO RGYAN LAS DE'I DON NI KHYAD CHOS GSUM MA MA ? BZHIS KHYAD PAR DU BYAS PA'I SANGS RGYAS KYI YE SHES KHO NA SHER PHYIN DNGOS YIN LA, ZHES GSUNGS PA'I PHYIR ZER NA, SKYON ME DE DE'I DON NI, KHYAD CHOS GSUM MA MA ? BZHES KHYAD PAR DU BYAS PA'I MTHAR THUG PA'I YE SHES DE, SHES RAB KYI PHA ROL TU PHYIN ZIN PA'I SHER PHYIN DNGOS YIN ZHES PA'I DON YIN PA'I PHYIR, KHA CIG , SHER PHYIN YIN NA KHYAD CHOS GSUM MA MA ? BZHIS KHYAD PAR DU BYAS PA'I MTHAR THUG PA'I YE SHES YIN DGOS PAR THAL, SHER PHYIN YIN NA SGRIB GNYIS SPANGS PA'I SHER PHYIN YIN DGOS PA'I PHYIR, DER THAL, 'JUG PA RANG 'GREL LAS, PHA ROL NI GANG 'KHOR BA'I RGYA MTSO'I PHAR 'GRAM DANG DOGS TE, ,NYON MONGS PA DANG SHES BYA'I SGRIB BA MA LUS PA SPANGS PA MDA' BA'I RANG BZHIN SANGS RGYAS NYI DO, ,ZHES GSUNGS @73B PA'I PHYIR ZER NA, DE NI SHES RAB KYI PHA ROL TU PHYIN ZIN PA'I SHER PHYIN GYI DBANG DU BYAS PA'I PHYIR, DES NA BYANG SEMS SA DANG PO BA'I RGYUD LA SBYIN PA'I PHAR PHYIN YOD BA YIN TE, DE'I RGYUD KYI SBYIN PA'I PHAR PHYIN DE LA SBYIN PA'I PHA ROL TU PHYIN PA'I SGRA, 'JUG PA'I PHYIR, DE DER THAL, SBYIN BA'I PHAR PHYIN ZHES PA'I SGRA DE BYED TSIG DANG , LAS TSIG GNYES KA LA 'JUG PAS, BYED TSIG 'BA' ZHIG LA MI SBYOR ZHID, LAS TSIG LA YANG SBYOR DGOS PAR GSUNGS PA'I PHYIR, DER THAL, 'JUG PA RANG 'GREL LAS, TSIG PHYI MA YOD NA MI MNGON PA MI BYA'O, ,ZHES GSUNGS PA'I PHYIR, KHA CIG , LAM SHER PHYIN YIN NA STONG NYID RTOGS PA'I SHES RAB KYIS ZIN PAS MA KHYAB PAR THAL, SBYIN PA'I PHAR PHYIN YIN NA STONG NYID RTOGS PA'I SHES RAB KYIS ZIN PAS MA KHYAB PA'I PHYIR ZER NA MA KHYAB, MA GRUB NA DER THAL, BYANG CHUB SEMS DPA'I RGYUD KYI STONG NYID RTOGS PA'I SHES RAB KYIS MA ZIN KYANG , DGE RTZA RDZOGS BYANG DU BSNGO BA'I ZIN PA'I BYANG CHUB SEMS DPA'I SBYIN PA DE SBYIN PA'I PHAR PHYIN DU 'GYUR BA RNAM BSHAD DGONGS PA RAB GSAL LAS GSUNGS PA'I PHYIR, DE LA SKYON 'PHEN PA LA, KHA CIG , MDO LAS, PHAR PHYIN DANG PO LNGA SHER PHYIN DANG BRAL NA PHA ROL TU PHYIN PA'I MING MI THOB PAR GSUNGS PA DANG , SDUD PA LAS KYANG , DMUS LONG DMIGS BU MED BZHES SOGS GSUNGS BA MI 'THAD PAR THAL, SBYIN PA'I PHAR PHYIN YIN NA STONG NYID RTOGS PA'I SHES RAB KYIS ZIN PAS MA KHYAB PA'I PHYIR ZER NA, MA KHYAB STE, 'O NA, MDO LAS, BYANG CHUB SEMS DPA' THABS LA MKHAS PA DANG BRAL BAS BSKAL PA BRGYA STONG DU PHA ROL TU PHYIN PA DRUG LA SPYAD PA BAS, GANG CHOS KYI RNAM GRANGS 'DI LA THE TSEM DANG BCAS TE NYAN NA BSOD NAMS CHES MANG DU BSKYED NA, GANG THE TSOM MED PAR NYAN BA NI LTA CI SMOS ZHES GSUNGS PA MI 'THAD PAR THAL, PHAR PHYIN DRUG PO GANG RUNG YIN NA STONG NYID RTOGS PA'I SHES RAB KYIS ZIN PAS KHYAB PA'I PHYIR, 'KHOR GSUM, GZHAN YANG, BYANG CHUB SEMS DPA'I RGYUD KYI PHAR PHYIN DRUG PO DE SNGA MA SNGA MA LA BRTEN NAS PHYI MA PHYI MA SKYE BAR GSUNGS PA MI 'THAD PAR THAL, BYANG CHUB SEMS DPA'I RGYUD KYI SPYIN PA'I PHAR PHYIN SKYE BA LA SHES RAB KYI PHAR PHYIN SKYE BA SDON DU 'GRO DGOS PA'I PHYIR, @74A *, ,DER THAL, SBYIN PA'I PHAR PHYIN YIN NA STONG NYID RTOGS PA'I SHES RAB KYIS ZIN BAS KHYAB PA'I PHYIR, RTAGS DNGOS, RTZA BAR 'DOD MI NUS TE, SNGA MA LA BRTEN PHYI MA SKYE ,ZHES ? GSUNGS PA'I PHYIR DANG , SPYOD 'JUG LAS KYANG , YAN LAG 'DI DAG THAMS CAD NI, THUB PAS SHES RAB DON DU GSUNGS ZHES GSUNGS PA'I PHYIR, KHA CIG , THEG DMAN GYI MI SLOB LAM DE 'BRAS BU SHER PHYIN BTAGS PA BA YIN PAR THAL, DE 'BRAS BU SHER PHYIN GYI GZUGS BRNYAN YIN PA'I PHYIR, ZER NA MA KHYAB, MA GRUB NA DER THAL, DE'I PHYIR, DE DANG 'BREL BAS GZUGS BRNYAN DANG BRAL BA RNAM BA GSUM KA YANG SHES RAB KYI PHA ROL TU PHYIN PA NYID, CES GSUNGS PA'I PHYIR, KHA CIG , DE 'BRAS BU SHER PHYIN BTAGS PA BA YIN PAR THAL, SHE PHYIN SUM BRGYA PA LAS, DUS GSUM GYI RGYUN DU ZHUGS PA NAS RANG SANGS RGYAS KYI BAR GYI BYANG CHUB RNAMS SHER PHYIN 'DI LA BRTEN NAS THOB PAR GSUNGS PA GANG ZHIG, DE SHER PYIN MTSAN NYID PA LA MI BYED PA'I PHYIR ZER NA MA KHYAB, KHA CIG , SEMS DPA'I YI SHES YIN NA, LAM SHER PHYIN YIN DGOS PAR THAL, THEG CHEN GYI SLOB LAM YIN NA, LAM SHER PHYIN YIN DGOS PA'I PHYIR, DER THAL, THEG DMAN GYI SLOB LAM YIN NA, LAM SHER PHYIN GYI GZUGS BRNYAN YIN DGOS PA'I PHYIR ZER NA MA KHYAB, MA GRUB NA DER THAL, GZUGS BRNYAN DANG BRAL BA RNAM PA GSUM KA YANG , ZHES SOGS GSUNGS PA'I PHYIR ZER NA, 'O NA, THEG CHEN GYI MDO YIN NA, GZHUNG SHER PHYIN YIN DGOS PAR THAL, THEG DMAN GYI MDO YIN NA GZHUNG SHER PHYEN GYI GZUGS BRNYAN YIN DGOS PA'I PHYIR, KHYAB PA KHAS, DER THAL, THEG DMAN GYI SLOB LAM YIN NA, LAM SHER PHYIN GYI GZUGS BRNYAN YIN DGOS PA'I PHYIR, GAL TE 'DOD NA BKAG ZIN, KHA CIG , GZHUNG SHER PHYIN YIN NA, MDO YIN PAS KHYAB ZER NA, MNGON RTOGS RGYAN CHOS CAN, DER THAL, DE'I PHYIR, DER THAL, 'GREL BA LAS, SHES RAB KYI PHA ROL TU PHYIN PA 'DI LAS NI MTSAN NYID KYI BSTAN BCOS DAG LAS MI SMOS PA'I GZHI GANG YIN PA DE 'BYUNG BA NI MED DO, ,ZHES GSUNGS PA'I PHYIR, 'DOD NA BKAG ZIN,, ` ,,DON BDUN CU NA, RNAM MKHYEN MTSON BYED KYI CHOS BCU, LAM SHES MTSON @74B BYED KYI CHOS BCU GCIG, GZHI SHES MTSON BYED KYI CHOS DGU, RNAM RDZOGS SBYOR BA LA BCU GCIG , RTZE MO'I SBYOR BA LA BRGYAD, MTHAR GYIS PA'I SBYOR BA LA BCU GSUM, SKAD CIG MA'I SBYOR BA LA BZHI, CHOS SKU MDZAD PA DANG BCAS PA LA BZHI STE BDUN CU'O, ,DE LA RNAM MKHYEN MTSON BYED KYI CHOS BCU NI, SEMS BSKYED, GDAMS NGAG NGES 'BYED YAN LAG , RIGS, DMIGS PA, CHED DU BYA BA, GO SGRUG 'JUG SGRUB, TSOD? SGRUG NGES 'BYUNG SGRUB PA STE BCU'O, ,LAM SHES MTSON BYED KYI CHOS BCU GCIG NI, LAM SHES KYI YAN LAG, NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, PHAN YON CAN GYI THEG CHEN MTHONG LAM, THEG CHEN SGOM LAM GYI BYED PA, MOS PA YID LA BYED PA'I THEG CHEN SGOM LAM, PHAN YON BSTOD BKUR BSNGAGS PA, BSNGO BA YID LA BYED PA'I THEG CHEN SGOM LAM, RJES SU YI RANG YID LA BYED PA'I THEG CHEN SGOM LAM, SGRUB PA SGOM LAM, RNAM DAG SGOM LAM STE BCU GCIG GO, GZHI SHES MTSON BYED KYI CHOS DGU NI, SHES BAS SRID LA MI GNAS BA, SNYING RJES ZHI LA MI GNAS PA, THABS LA MI MKHAS PAS RING PA, THABS LA MKHAS PAS RING BA MIN PA, MI MTHUN PHYOGS KYI GZHI SHES, GNYEN PO'I PHYOGS KYI GZHI SHES, GZHI SHES KYI SBYOR BA, GZHI SHES KYI SBYOR BA'I MNYAM NYID, GZHI SHES KYI DNGOS BSTAN MTHONG LAM STE DGU'O, ,RNAM RDZOGS SBYOR BA BCU GCIG NI, RNAM PA, SBYOR BA, YON TAN, SKYON, MTSAN NYID, THAR PA CHA MTHUN, NGES 'BYED CHA MTHUN, SLOB PA PHYIR MI LDOG BA'I TSOGS, SRID ZHI MNYAM NYID KYI SBYOR GZHING DAG SBYOR BA, THABS MKHAS SBYOR BSTE BCU GCIG GO, RTZE MO'I SBYOR BA BRGYAD NI, RTZE MO'I MNGON PAR RTOGS PA'I RTAGS, RNAM 'PHEL, NGES BSTAN, SEMS KUN GNAS PA, MTHONG LAM RTZE MO, ,SGOM LAM RTZE MO, ,BAR CHAD MED PA'I RTZE MO, ,LOG SGRUB BSTAN PA STE BRGYAD DO, ,MTHAR GYIS PA'I SBYOR BA BCU GSUM NI, SBYIN PA'I MTHAR GYIS PA, TSUL KHRIMS KYI DE, BZOD PA'I DE, BRTZON 'GRUS KYI DE, BSAM GTAN GYI DE, SHES RAB KYI DE, SANGS RGYAS RJES SU DRAN PA'I DE; CHOS RJES SU DRAN PA'I DE, DGE 'DUN RJES SU DRAN PA'I DE, TSUL KHRIMS RJES SU DRAN PA'I DE, GTONG BA RJES SU DRAN PA'I DE, LHA RJES SU DRAN PA'I DE, DNGOS MED NGO BO NYID DU SHES PA'I MTHAR GYIS PA STE BCU GSUM MO, ,SKAD CIG MA'I SBYOR BA BZHI NI, RNAM PAR SMIN PA MIN PA'I CHOS THAMS CAD SKAD CIG MA GCIG LA RTOGS @75A *, ,PA'I SBYOR BA, RNAM SMIN GYI CHOS THAMS CAD SKAD CIG MA GCIG LA RTOGS PA'I SBYOR BA, CHOS THAMS CAD MTSAN NYID MED PAR SKAD CIG MA GCIG LA RTOGS PA'I SBYOR BA, CHOS THAMS CAD GNYIS SU MED PAR SKAD CIG MA GCIG LA RTOGS PA'I SBYOR BA STE BZHI'O, ,CHOS SKU MDZAD PA DANG BCAS PA BZHI NI, NGO BO NYID SKU, LONGS SBYOD RDZOGS PA'I SKU, SPRUL PA'I SKU, YE SHES CHOS SKU 'PHRIN LAS DANG BCAS PA STE BZHI'O,, ` ,,NA MO GU RU A'A RYA ME TRI N'A THA MA H'A KA RU nE KA BHY; ? TSOGS GNYIS RGYA MTSO'I 'JING LAS LEGS 'KHRUNGS MKHYEN BRTZE'I DKYIL 'KHOR RAB TU RGYAS, ,SGRIB GNYIS DAG PA'I MTSAN MAS RAB MDZOS LHUN GRUB MDZAD BA'I 'OD DKAR 'PHRO, ,BDEN GNYIS ZUNG 'JUG CHAD MED BDUD GYIS ? GDUL BYA'I KU MUD RTAG 'BYED PA'I, ,STON MCHOG SMRA BA'I ZLA BA DE LA LUS KUN BTUD PAS GUS PHYAG 'TSAL, ,RGYAL GSUNG BDUD RTZI'I SGO MO BRGYAD KHRI YI, ,YANG SNYID SHER PHYIN SPAS DON MDON RTOGS TSUL, , 'DZAM GLING SKAL BZANG GDUL BYA'I BGO SKAL DU, ,SPEL MDZAD MI PHAM YAB SRAS ZHABS LA 'DUD, ,MI PHAM BLA MA'I BYIN RLABS GZI BYIN MTHUS, MDO RGYAN 'GREL PA KUN GYI DON DANG TSIG , THAR 'DOD RNAMS KYI LAM DU GSAL MDZAD PA, ,RGYAL SRAS SENG BZANG ZHABS LA RTZE GCIG 'DUD, ,'PHAGS SAD GROL SDEMS PO'I ZHAL LUNG BCUD, ,RGYUN BZANG CHU BO BZHI YI LEGS SKYES KYIS, ,BYANG PHYOGS 'GRO RGYUD CHIM MDZAD BKA' DRIN CAN, ,SNGON RABS LO PAn ZHABS BAD SNYING GAR BSTEN, ,ZAB ZHI SPROS BRAL DUS GSUM RGYAL BA'I YUM, ,LEGS BSHAD GSER GYI PHRENG BA LEGS SPEL NAS, ,GANG CAN 'GRO KUN SKAL BZANG LA 'GOD PA'I, ,'DAM DBYANG DBYANGS BLA MA SRAS BCAS LA PHYAG 'TSAL, ,MGON DE'I GSUNG GI GCES MDZOD MNGON RTOGS RIM, ,RNAM PAR BSHAD PA GSUNG RAB SNYING PO'I RGYAN, ,THEG MCHOG BSTAN PA'I MA MAR BSKRUN MDZAD PA'I, ,RGYAL TSAB BSTAN PA'I MES POR PHYAG BGYID DO, ,RIG GROL PHUN TSOGS DGE 'DUN 'DUS PA'I GTZO, ,MKHAS BTZUN GRUB DBANG RGYA MTSO'I ? 'BYUNG GNAS MCHOG, THUB BSTAN BSHAD SGRUB RIGS LAM DAR BA'I GZHI, ,MKHA' KHYAB 'GRO LA RGYAS MDZAD DE LA 'DUD, , DUS GSUM RGYAL YUM SHES RAB PHA ROL PHYIN, ,DUS GSUM RGYAL BA'I 'PHRIN LAS T'A RE MA, ,DUS GSUM RGYAL BA'I BKA' SDOD PHYAG DRUG MGON, ,KUN LA PHYAG 'TSAL THUGS RJES RTAG TU SKYONGS, , @75B SHIN TU DBAG PAR DKA' BA RGYAL BA'I YUM, ,DNGOS BRGYAD DON BZANG BDUN CU'I SBAS DON GZHUNG, ,MDOR BSTAN SHER PHYIN GSUM GYI DKA' GNANG RNAMS, ,RNAM BSHAD DGONGS RGYAN MTHA' DPYOD PU STA KA, BSOD NAMS CHOS SBYIN 'DZAD MED GANG-GA'I RGYUN, ,SGRUB BYED LHA BTZUN SKU MCHED YAB YUM GYI, ,RNAM DPYOD LHAG BSAM RGYA SGYOD RNAM DAG LAS, ,LEGS PAR 'ONGS 'DE'I RNAM DKAR MTHU STOBS MTHUS, ,PHAN BDE'I 'BYUNG GNAS THUB BSTAN YANG SNYING BCUD, ,'JAM DPAL SNYING PO'I MDO SNGAGS BSHAD SGRUB BSTAN, ,'CHAD RTZOD RTZOM PAS PHYOGS MTHAR SPEL BA DANG , ,MI NUB BSTAN PA'I RGYAL MTSAN BSGRENG BAR SHOG , PHYOGS KYI 'KHOR LO'I 'JIG RTEN SPYI SGOS SU, ,MI MTHUN RGUD MUN SEL BA'I NYI MA DANG , ,PHAN BDE MI ZAD 'BYUNG BA'I YID BZHIN NOR, ,DGE MTSAN RGYUN CHAD MED PA'I GTER DU SHOG , 'DZAM GLING YANGS PA'I MTHA' DBUS RGYAL KHAMS SU, ,DGE LEGS GRU CHAR 'BEGS PA'I GZHI DANG RTEN, ,BYAG NA PAD-MO'I CHOS SRID RANG BA ? BRTAN CING , ,'PHRIN LAS 'CHAR NUB BRAL BAR RTAG 'PHEL SHOG , YANG SGOS THEG CHEN CHOS KYI SDE CHEN PO, ,RMAD BYUNG THOS BSAM NOR GLING 'DUS PA'I GRW'A, ? SDOM BRTZON BLO GSAL MKHAS MANG RTAG 'DU SHING, ,CHOS 'BYOR THUGS MTHUN DGA' STON RGYAS PAR SHOG , 'CHAD RTZOD RTZOM PA'I DBYAR RNGA RTAG SGROG CING , ,TSUL GNAS THOS BSAM SGOM PA'I CHAR RGYUN 'PHEL, ,BSTAN 'GRO'I PHAN BDE LEGS TSOGS KYIS 'DEGS PA'I, ,MKHAS BTZUN DBYAR GYI LANG TSO NGOMS PAR SHOG , MI ZAD CHOS SBYIN PAR GYI DGE RGYUN GZHIR, ,'BREL THOGS SBYI DANG MCHED ZAL LTOS BCAS KYI, ,SGO GSUM RNAM DKAR THOS BSAM BSGOM PA LA, ,BAR GCOD BGEGS KYI MING YANG MED PAR SHOG , DBU PHAR 'DUS MDZOD TSANG MA'I GZHUNG LUGS KYI, ,RIGS LAM THOS BSAM BSGOM PA'I SNOD GYUR PA'I, ,RTEN BZANG RIM PAR BRGYUD LAS MDO SNGAGS KYI, ,CHA CHENG LAM GYIS ? BGROD PA MTHAR PHYIN SHOG , DER MA SON PA'I TSE RABS THAMS CAD DU, ,'JAM DPAL SNYING PO'I BSTAN DANG MI 'BRAL ZHING , ,BSTAN 'GROR SMAN PA'I RLABS CHEN BYA BA YIN, ,DGE LEGS DPAL GYIS SRID MTHAR SKYONG NUS SHOG , ,MDOR NA DENG NAS TSE RABS THAMS CAD DU, ,LEGS BYAS DRI MED SGO GSUM RTAG GUS KYIS, ,DRIN CAN BLA MA YAB SRAS DGYES PA YI, ,MCHOD SPRIN NAM MKHA'I KHAMS GNAS SPRO BAR SHOG , DUS SKABS KUN TU MCHOG GSUM LHA CHOGS DANG , ,MYUR MDZAD @76A *, ,MGON PO DAM CAN GSHIN RJE'I RGYAL, ,RNAM MANG THOS SRAS DMAG ZOR LHA MO YIS, ,BSRUNG SKYOBS 'PHRIN LAS RNAM BZHIS RTAG SKYONG SHOG, ,KHYAD PAR THEG CHEN CHOS GRAW ? SBYI SGOS KYI, ,BSRUNG MA'I BYED POR SNGON GYI G-YAR DAM CAN, ,BEG TZE THA 'OG RGYAL CHEN 'KHOR BCAS KYIS, ,RTAG TU SKYONG BA'I 'PHRIN LAS MA GYEL MDZOD, ,JI SRID GLING BZHIR NYI ZLA'I BGROD PA YIS, ,SPYI SGOS MUN STU GSEL BA DE SRID DU, ,LEGS BSHAD 'DIS KYANG MTHA' DBUS GZHIR GNAS PA'I, ,THAR 'DOD YONGS KYI RGUD MUN SEL GYUR CIG, CES ? GANGS RI'I KHROD KYI MKHAS MANG RGYU SKAR GYI 'PHRENG BA DBYINGS SU 'GE BAS BA'I DES PA DON GYI MKHAS GRUB SMRA BA'I NYIM RJI BTZUN CHOS KYI RJE BSTAN DANG BA CHEN PO'I GSUNG RGYUN PAD MA'I TSAL RABS LAS BSTAN BCOS MNGON PAR RTOGS PA'I RGYAN 'GREL PA DANG BCAS PA'I MTHA' DPYOD LEGS PAR BSHAD PA PAD MO DKAR PO'I 'PHRENG BA ZHES BYA BA 'DI NYID SER SMAD THOS BSAM NOR BU'I GLING DU RGYUN GTAN RTZIS GZHAG DU BTANG BA'I PHAR PHYIN GYI 'CHAD NYAN RKANG TSUGS PA'I MKHAS GRUB BYE BA'I BSTI GNAS SU BYUR PA LAS SNGA SOR ? 'DI PHYOGS SU PAR LA MA 'KHOD CING, GRAW ? TSANG KHAMS CHAN SO SOR MTHA' DPYOD 'DI'I BRIS MA'I DPE RGYUN MING TZAM BYUNG 'DUG NA'ANG, PYIS 'DUS TSOGS RGYAS SHING YIG CHA 'DI RIGS YUL DUS KYIS 'BRI RTZOL BGYIS PA'I YON MCHOD RTEN 'BREL 'DZOM DKA' BAS, DPE RGYUN SPEL MKHAN NYUNG STABS, SLOB GNYER BA RNAMS LA 'DZIN DPE DKON PAR YOD GSHIS, LDUM RA BA'I YAB RJE RDO RJE TSE RING NAS RNAM DKAR THUGS BSKYED CHEN POS CHOS SBYIN RGYA CHER SPEL SLAD DU 'DI'I BAR GSAR BRKOS KYI MTHUN RKYEN SBYOR GNANG THOG ,MTHA' DPYOD 'DI NYID SDA SOR MKHAS GRUB CHEN PO DE NYID KYIS BLO THOG NAS RTZIS BZHAG TU GNANG BA SLOB MA RNAMS KYIS ZIN BRIS SU BGYIS PA YIN ZHES DAG RGYUN LA 'DUG PA LTAR YIN NAM, SNGON YOD KYI BRIS MA RNAMS BAR BAR DU TSIG 'PHRENG YOD MED MI 'DRA BA 'GA' RE YOD CHOD 'DUG NA'ANG, PAR BRKOS DUS GTUGS KYIS CHA BSDUS MA LCOGS SHING TSIG KYANG BSDUS TSOGS CHE BA DANG BRIS NOR RGYUN 'BYAMS MANG STABS, PHYI MOR MA BDE BAS CO NE BSHAD SGRUB GLING GI BAR MA LA GZHI BYAS YIG NOR CHAD LHAG DANG SDEB SBYOR RNAMS, ZHAL MNGA' NAS DPON SLOB BLO BZANG THUGS RJE NAS BSNON 'BRI BZO BCOS ZHUS DAG MDZAD, ? STOD CHA DANG BAR CHA RNAMS YIG MKHAN DBU MDZAD NYI ZLA, SMAD CHA RNAMS ? DBU MDZAD NGAG DBANG RDO RJES TSUGS LEGS DKAR SNYOMS DAG PAR BRIS, BRKOS MKHAN DBU MDZAD TSE DBANG BKRA SHIS SOGS KYIS GTING ZAB BCAD GTZANG BRKOS TE, GONG GSAL SBYIN BDAG YAB RJE NAS, LHA BTZUN SPRUL SKU RIN PO CHE BLO BZANG 'JAM DPAL RAB RGYAS DANG , SKU MCHED CHOS MDZAD BLO BZANG 'JAM DBYANGS GNYIS KYI LEGS BSHAD KYI DGA' STON DUS SGRUN TE, THOS BSAM NOR BU'I GLING GYI BLO GSAL MKHAS MANG RGYA MTSO'I 'JUG NGOGS SU 'BUL SBYOR @76B GNANG BA'I BSAM SBYOR 'BREL THOGS KYI DGE TSOGS JI SNYED BSAGS ? PA DES, 'CHAD RTZOD RTZOM PA'I DBYAR RDA'I SGRA DBYANGS PHYOGS BCUR SGROG CING THOS BSAM BSGOM PA'I CHAR RGYUN RTAG TU DBAB STE, LUS CAN KUN LA DGE LEGS DBYAR GYI LANG TSO DUS KUN TU RGYAS BAR 'GYUR BA'I BAR BYANG SMON TSIG CU DGOS ZHES, GZHUNG LUGS KUN LA MKHYEN PA'I SBYAN STONG MNGA' BA, DPON SLOB RAB 'BYAMS PA PHRAGS PA MKHAS GRUB KYIS LHA RDZAS MDZOD BTAGS DRI MED SOGS DNGOS PO'I GNANG SKYES DANG BCAS BSKUL MA BYUNG BA LTAR, ? BLA MA DAM PA'I SLOB BU'I BA ? CHUNG DGE SLONG NGAG DBANG BSTAN 'DZIN GYIS YUNG BA LHUN GRUB SDINGS BYE ? GZHIS KHAR BRIS BA'I YI GE'I GROGS NI SDE PA 'PHRIN LAS DON GRUB KYIS BKYIS PA, 'DIS KYANG BSTAN PA RIN PO CHE MI NUB CING 'PHEL BA'I GYUR GYUR CIG,, ,, ` RJE BTZUN BLA MA RNAMS LA PHYAG 'TSAL LO, ,RGYAL BA'I GSUNG RAB KUN GYI SNYING PO'I DON, ,RGYAL SRAS DAM PA RNAMS KYIS BSNGAGS PA'I LAM, ,SKAL LDAN THAR 'DOD RNAMS KYI 'JUG DOGS DE, ,JI LTAR NUS BZHIN BDAG GIS BSHAD PAR BYA, ,GANG DAG SRID PA'I BDE LA MA CHAGS SHING, ,DAL 'BYOR DON YOD BYA PHYIR BRTZON PA YIS, ,RGYAL BA DGYIS ? PA'I LAM LA YID RTON PA'I, ,SKAL LDAN DE DAG DANG BA'I YID KYIS NYON, ,RNAM DAG NGES 'BYUNG MED PAR SRID MTSO YI, ,BDE 'BRAS DON GNYER ZHI BA'I THABS MED LA, ,SRID LA BRKAM PA YIS KYANG LUS CAN RNAMS, ,KUN NAS 'CHING PHYIR THOG MAR NGES 'BYUNG BTZAL, ,DAL 'BYOR RNYED DKA' TSEL LONG MED PA, ,YID LA GOMS PAS TSE 'DI'I SNANG SHAM LDOG, ,LAS 'BRAS MI SLU 'KHOR BA'I SDUG BSNGAL RNAMS, ,YANG YANG BSAMS NA PHYI MA'I SNANG SHAS LDOG , DE LTAR GOMS PAS 'KHOR BA'I PHUN TSOGS LA, ,YID SMON SKAD CIG TZAM YANG MI SKYE ZHING, ,NYIN MTSAN KUN TU THAR PA DON GNYER BLO,, BYUNG ? NA DE TSE NGES 'BYUNG SKYAS PA LAGS, ,NGES 'BYUNG DE YANG RNAM DAG SEMS BSKYED KYIS, ,ZIN PA MED NA BLA MED BYANG CHUB KYI, ,PHUN TSOGS BDE BA'I RGYU RU MI 'GYUR BAS, ,BLO LDAN RNAMS KYIS BYANG CHUB SEMS MCHOG BSKYED, ,SHUGS DRAG CHU BO BZHI YI RGYUN GYIS KHYER, ,BZLOG DKA' LAS KYI 'CHING BA DAM POS ? BSDAMS, ,BDAG 'DZIN LCAGS KYI DRA BA'I SBUBS SU TSUD, ,MA RIG MUN PA'I SMAG CHEN KUN NAS 'THIBS, ,MU MED SRID PAR SKYE ZHING SKYE BA RU, ,SDUG BSNGAL GSUM GYIS RGYUN CHAD MED PAR MNAR, ,GNAS SKABS 'DI 'DRAR GYUR BA'I MA RNAMS KYI, ,NGANG TSUL BSAMS NAS SEMS MCHOG BSKYED @77A *, ,BAR MDZOD, ,GNAS LUGS RTOGS PA'I SHES RAB MI LDAN NA, ,NGES 'BYUNG BYANG CHUB SEMS LA GOMS BYAS KYANG, ,SRID PA'I RTZA BA BCOD PAR MI NUS PAS, ,DE PHYIR RTEN 'BREL RTOGS PA'I THABS LA 'BAD, ,GANG ZHIG 'KHOR 'DAS CHOS RNAMS THAMS CAD KYI, ,RGYU 'BRAS NAM YANG SLU BA MED MTHONG ZHING, ,DMIGS PA'I GTAD SO GANG YIN KUN ZHIG BA, ,DE NI SANGS RGYAS DGYES PA'I LAM LA ZHUGS, ,SNANG BA RTEN 'BREL BSLU BA MED PA DANG, ,STONG PA KHAS LEN BRAL BA'I GO BA GNYIS, ,JI SRID SO SOR SNANG BA DE SRID DU, ,DA DUNG THUB PA'I DGONGS PA RTOGS PA MED, ,NAM ZHIG RES 'JOG MED PAR CIG CAR DU, ,RTEN 'BREL MI SLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, ,GZHAN YANG SNANG BAS YOD MTHA' SEL BA DANG, ,STONG PAS MED MTHA' SEL ZHING STONG PA NYID, ,RGYU DANG 'BRAS BUR 'CHAR BA'I TSUL SHES NA, ,MTHAR 'DZIN LTA BAS 'PHROG PAR MI 'GYUR RO, ,DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU,, ZHES PA 'DI NI MANG DU THOS PA'I DGE SLONG BLO BZANG GRAGS PA'I DPAL GYIS, ,TSA KHO DBON BO NGAG DBANG GRAGS PA LA GDAMS BA'O,, ` ,,KUN BTUS LAS BSHAD RTAGS YOD NYER GSUM NI, ,THOB DANG 'DU SHES MED PA'I SNYOMS 'JUG DANG, ,'GOG PA'I SNYOMS 'JUG 'DU SHES MED PA BA, ,SROG DBANG RIGS MTHUN SKYE RGA GNAS MI RTAG, ,MING TSIG YI GE SO SO'I SKYE BO DANG, ,'JUG PA SO SOR NGES DANG 'BYOR 'BREL DANG, ,MGYOGS DANG GO RIMS DUS YUL GRANGS TSOGS PA'O,, ` ,,BRTAN PA DANG NI RAG PAS GRUB BA DANG , ,DON BYED NUS PA RANG RGYA THUB PA STE, ,RDZAS YOD BZHI ZHES GSUNG RAB LAS BSHAD DO,,