@1A *, ,SER SMAD DPE MDZOD, ,

*, ,DRANG BA DANG NGES PA'I DON RNAM PAR 'BYED PA'I BSTAN BCOS
LEGS BSHAD SNYING PO'I DON

BSDUS BLO GSAL GZHON NU'I MGUL RGYAN ZHES BYA BA BZHUGS SO, ,

@1B *, ,MTSAN DPE'I SNANG BA 'BUM GYI GZI SBYIN GYIS, ,MNGON PA'I
NGA RGYAL BCOM DANG LHAN CIG TU, ,BRGYAD KHRI BZHI STONG GSUNGS
[*GSUNG] RAB PADMO'I TSAL, ,CIG CAR

PHYE BA'I THUB DBANG PHYAG GI YUL, ,GANG GI DPAL GYI MGRIN PA
G-YAS 'KHYIL DU, ,SBAS DON MNGON PAR RTOGS PA'I DBYANGS SNYAN
POS, ,'GRO KUN MA RIG GNYID LAS

SLONG MDZAD PA'I, ,SA BCU'I DBANG PHYUG MI PHAM MGON DES SKYONGS,
,DMAR SER 'CHAR KHA'I NYI GZHON DANG 'GROGS PA'I, ,BLTA NA MI
NGOMS MTSAN DPE'I LDING KHANG NAS, ,

BLO GROS SPOBS PA MCHOG RTZOL [*STZOL] LHAG PA'I LHA, ,'JAM DPAL
DBYANGS KHYOD SNYING DBUS ZE'U 'BRUR BZHUGS, ,GSUNG RAB DGONGS
'GREL BCAS PA'I YID BZHIN NOR, ,

LUNG RIG DPYAD PA GSUM GYI BYI DOR GYIS, ,THUB BSTAN RGYAL MTSAN
RTZE MOR RAB MCHOD PA'I, ,RGYA BOD LO PAn BKA' DRIN PHA MTHA'
YAS, ,BLO GROS RAB YANGS ME LONG

GTZANG MA'I NGOS, ,MKHAS BTZUN BZANG PO'I SNANG RIS 'BUM CHAGS
PAS, ,SNYAN PA'I GRAGS PAS BSIL LDAN KHA BA'I LJONGS, ,DOGS POR
BGYIS PA'I NGO MTSAR 'DI RMAD

BYUNG; ;KHYAD PAR BDAG BLO YONGS 'DU'I 'KHRI SHING RTZER, ,SHES
BYA'I ME TOG SNA TSOGS KHA 'BYED PA'I, ,YONGS 'DZIN MTSAN MO'I
MGON PO BKA' DRIN CAN, ,SNYIM PA'I ME TOG

@2A *, ,'DZUM STE 'DUD PAR SPRO, ,TSAD LDAN MKHAS PA'I TSOGS
RNAMS SPRO PHYIR DANG, ,RANG DANG SKAL MNYAM 'GA' LA PHAN SLAD
DU, ,BSTAN BCOS LEGS BSHAD SNYING

PO'I DON BSDUS PA, ,BLO GSAL GZHON NU'I MGUL RGYAN 'DI NANG
SPEL,, ` ,,THAMS CAD MKHYEN PA LTA ZHOG 'KHOR BA LAS, ,SGROL BAR
CHOS RNAMS DE NYID MTHONG DGOS

SHING, ,DE YANG DRANG NGES 'BYED LA RAG LAS PAS, ,LUNG TZAM MA
YIN RIGS PAS 'BYED DGOS PHYIR, ,SANGS RGYAS GNYIS PA KLU SGRUB
YAB SRAS DANG, ,THOGS MED SKU MCHED

RNAMS KYI LEGS BSHAD LA, ,BLO LDAN SU ZHIG 'BAD PAS BSTEN MI
BYED, ,DRANG NGES 'BYED TSUL LA GNYIS TE, ,MDO SDE DGONGS 'GREL
LA BRTEN TSUL DANG BLO GROS MI ZAD PA'I MDO

LA BRTEN TSUL LO, ,DANG PO LA GNYIS MDO LAS JI LTAR GSUNGS PA
DGOD PA DANG DE YI DON JI LTAR BKRAL TSUL, ,DANG PO LA 'GAL SPONG
GI DRI BA SOGS BZHI YOD, ` ,THEG PA CHEN PO'I

MDO SDE DGONGS 'GREL LA, ,BRTEN NAS 'PHAGS PA THOGS MED SKU MCHED
KYIS, ,RNAM RIG LUGS KYI DRANG NGES 'BYED TSUL LA, ,DGONGS 'GREL
LE'U BCU STE GLING BZHI DANG, ,DON ZAB

NGES 'GREL TSUL BZHIN KUN TU 'DRIS, ,ZHUS DANG CHOS 'PHAGS DRIS
LAN LE'U DANG, ,BLO GROS RNAM DAG BLO GROS YANG DAG 'PHAGS, ,YON
TAN 'BYUNG GNAS BYANG SEMS YANG DAG

@2B 'PHAGS, ,BYAMS PA SPYAN RAS GZIGS DANG 'JAM DBYANGS KYIS,
,ZHUS PA'I DRIS LAN BCAS TE BCU RU 'DOD, ,DANG POS RNAM RIG TZAM
GYI DE NYID DANG, ,DON DAM RTOG GE'I BLO YIS JI BZHIN DU, ,BSAM
MI KHYAB

PA'I TSUL NI GNYIS PAS BSTAN, ,NGO BO GCIG LA LDOG PA THA DAD DU,
,BDEN GNYIS SGRUB TSUL GSUM PA'I BSTAN DON YIN, ,BZHI PAS KUN
GZHI RNAM BZHAG GTZO BOR BSTAN, ,LNGA PAS MTSAN NYID GSUM GYI

RNAM BZHAG DANG, ,DRIS LAN DRUG PAS DRANG NGES GTAN LA 'BEBS, ,DE
BZHIN BDUN PAS ZHI GNAS LHAG MTHONG NGO, ,SA BCU'I RNAM BZHAG
BRGYAD PAS GTZO BOR BSTAN, ,DGU PAS 'BRAS BU YE SHES CHOS KYI
SKU, ,MDOR

NA DE RNAMS RNAM RIG RANG LUGS KYI, ,GZHI LAM 'BRAS GSUM TSANG
BAR BSTAN PAR GSUNGS, ,SKABS 'DIR DGONGS 'GREL LE'U BDUN PA LAS,
,'GAL SPONG DRI BA ZHUS DANG DE YI LAN, ,NGO BO BZUNG DANG GRUB
DON ZHUS PA

BZHI, ,PHUNG PO SKYE MCHED RTEN 'BREL ZAS RNAMS LA, ,MTSAN NYID
SKYE 'JIG SPONG BA YONGS SHES LNGA, ,BDEN BZHI SO SOR SPONG BA
YONGS SHES DANG, ,MNGON DU BGYID DANG SGOM PA GNYIS GNYIS SO,
,BCO BRGYAD DANG NI DE BZHIN

BSAM DRUG DANG, ,RIM BZHIN SNA TSOGS PA DANG DU MA ZHES, ,MTSAN
NYID SPONG BA YONGS SHES RNAM PA GSUM, KHYAD GZHI BYANG PHYOGS SO
BDUN RE RE LA, ,MTSAN NYID MI MTHUN PHYOGS DANG GNYEN PO DANG,
,SKYE 'GYUR SKYE DANG

SKYES ZIN GNAS PA DANG, ,MI BSKYUD PA DANG SLAR ZHING 'BYUNG BA
DANG, ,'PHEL ZHING YANGS PA'I KHYAD CHOS BRGYAD RNAMS SO, ,LNGA
DANG GNYIS GNYIS GSUM BRGYAD KHYAD MED DU, ,SDE TSAN BZHI LA RIM
GYIS SBYAR BA DANG, ,KUN

@3A *, ,LA RANG GI MTSAN NYID THUN MONG NGO, ,CHOS RNAMS THAMS
CAD NGO BO NYID MED DU, ,SHER PHYIN MDO LAS GANG LA DGONGS NAS
ZHES, ,'KHOR LO BAR PA'I DGONGS GZHI DNGOS SU DANG, ,SHUGS LA
DANG PO DON GYIS

ZHUS PAR GSUNGS, ,GNYIS PA LA GNYIS, ` ,NGO BO NYID MED TSUL GANG
LA DGONGS NAS NGO BO NYID MED PA GSUNGS TSUL DANG, ,GANG LA
DGONGS NAS MA SKYES PA GSUNGS TSUL BSHAD PA'O, ` ,DANG PO LA

GSUM MDOR BSTAN PA RGYAS PAR BSHAD PA DE DAG GI DPE BSTAN PA'O,
` ,DANG PO NI, GNYIS PA MTSAN NYID SKYE BA DON DAM STE, ,KUN
GTAGS GZHAN DBANG YONGS GRUB RIM PA BZHIN, ,NGO BO MED PA GSUM LA

DGONGS NAS KYANG, ,CHOS RNAMS NGO BO NYID MED BSTAN PA YIN,
,GNYIS PA RGYAS PAR BSHAD PA NI, ` ,RANG GI MTSAN NYID DBANG GIS
MA GRUB PHYIR, ,KUN GTAGS MING BRTAGS [*BTAGS?] TZAM GYIS 'JOG NA
YANG, ,SGRA DANG

BUM PA RTAG STONG SOGS LA MIN, ,DE YI DBANG GIS GANG BZHAG YOD MA
KHYAB, ,DE PHYIR RNAM RIG PA DANG THAL 'GYUR BA'I, ,'JOG TSUL
MING TZAM MTHUN YANG DON MI MTHUN, ,SNGA MA MI 'DZIN PHYI MA
'DZIN PA SOGS, ,RANG RANG GRUB MTHA'

SKAD DANG BSTUN NAS SMRA, ,RGYU RKYEN GZHAN LA BRTEN NAS 'BYUNG
BAS NA, ,RANG GI BDAG NYID DBANG GIS MI SKYE'I PHYIR, ,GZHAN
DBANG NGO BO NYID MED GNYIS PA DANG, ` ,GSUM PAR 'JOG TSUL GNYIS
TE DANG PO NI, ,

RNAM DAG DMIGS PA'I GTZO BOR MA GRUB PHYIR, ,GZHAN DBANG DON DAM
NGO BO NYID MED TE [*DE], ,DGAG BYA CHOS BDAG NGO BO BCAD TZAM
DANG, ,DON DAM GRUB PHYIR YONGS GRUB GNYIS PA'O, ` ,GSUM PA NI,
,NAM MKHA'I ME TOG SGYU MA NAM

@3B MKHA' STE, ,RTOG GTAGS TZAM DANG SGYU MA'I 'KHRUL 'KHOR DANG,
,THOGS REG BKAG TZAM KUN LA KHYAB PA'I PHYIR, ,RIM GYIS MTSAN
NYID GSUM DANG DPE RU SBYAR, ,GZHAN DBANG MTSAN NYID DBANG GIS MA
GRUB PHYIR, ,

RANG GI 'BRAS BU BSKYED PAR MI NUS PAS, ,GTAN MED 'GYUR PHYIR DE
LA SKUR 'DEBS 'GYUR, ,DES NA YONGS GRUB DNGOS PO'I GNAS LUGS SU,
,MED DGOS DE YANG GTAN MED 'GYUR BA'I PHYIR, ,CHOS CAN

GZHAN DBANG BDEN PAR MA GRUB NA, ,'DOGS PA'I GZHI DANG THA SNYAD
MED DGOS PHYIR, ,KUN GTAGS LA YANG SKUR BA 'DEBS PA STE, ,GNYIS
PA GANG LA DGONGS NAS MA SKYES PA BSHAD PA NI, ,CI STE CHOS RNAMS

NGO BO NYID MED DU, ,GSUNGS TSUL GONG DU BSHAD PA DE LTAR NA,
,YUM GYI MDO LAS CHOS RNAMS THAMS CAD KUN, ,MA SKYES MA 'GAGS
GZOD NAS ZHI BA DANG, ,RANG BZHIN YONGS SU MYA NGAN 'DAS PA SOGS,
,GSUNGS

PA GANG LA DGONGS PA YIN ZHE NA, ,KUN GTAGS YONGS GRUB GNYIS LA
DGONGS NAS GSUNGS, ,RANG GI MTSAN NYID DBANG GIS MA GRUB PHYIR,
,KUN GTAGS MA SKYES DE PHYIR MA 'GAG CING, ,RTAG PHYIR GZOD

NAS RANG BZHIN ZHI BA DANG, ,RANG BZHIN YONGS SU MYA NGAN 'DAS
PAR GSUNGS, ,YONGS GRUB SNGA PHYI'I DUS KUN RTAG PA'I PHYIR, ,MA
SKYES MI 'GAG ZHI ZHING MYA NGAN 'DAS, ,MTSAN NYID DBANG GI
[*GIS] SKYE 'GAG 'THAD PA

DANG, ,KUN NAS NYON MONGS CHOS KYANG BSDUS PA'I PHYIR, ,SKABS
'DIR GZHAN DBANG DGONGS GZHIR 'CHAD MA YIN, ,KUN LAS BTUS SU
MTSAN NYID GSUM KA LA, ,DGONGS NAS GSUNGS PAR BSHAD

@4A *, ,PA MI 'GAL STE, ,RANG RANG NGO BO MED TSUL LTAR DU
DGONGS, ,GSUM PA NGO BO NYID GSUM GYI NGO BO NGOS GZUNG BA NI, `
,GSUM PA 'DU BYED MTSAN MA GZHAN DBANG ZHES, ,NGO BO NYID DU MING
BRDAS GTAGS PA

DANG, ,BYE BRAG MTSAN NYID SKYE DANG 'GAGS PA SOGS, ,KHYAD PAR
GTAGS PA'I KUN GTAGS DE NYID NI, ,SKABS 'DI'I GTZO CHE DANG PO'I
NGO BO NYID, ,YANG DAG YANG DAG MA YIN KUN RTOG GNYIS, ,RIM
BZHIN DAG DANG

MA DAG GZHAN DBANG DANG, ,STONG GZHI GZHAN DBANG NGO BO KHYAD PAR
DU, ,BTAGS PA JI BZHIN YONGS SU MA GRUB PA, ,RNAM DAG DMIGS PA'I
MTHAR THUG YONGS GRUB STE, ` ,BZHI PA GRUB DON ZHUS PA'I TSUL LA
GNYIS, ,

MDO DGOD PA DANG DE YI DON CUNG ZAD BSHAD PA'O, ,DANG PO GZHAN DU
SHES PAR BYA ZHING, ,GNYIS PA LA GNYIS MDO YI DON CUNG ZAD BSHAD
PA DANG, ,DRANG NGES KYI TSUL CUNG ZAD BSHAD PA'O, ,DANG PO NI,
` ,

STON PAS DANG PO W'A RA nA SI RU, ,LNGA SDE LA SOGS DMAN PA'I
RIGS CAN LA, ,BDEN PA BZHI LAS BRTZAMS TE CHOS RNAMS KUN, ,MTSAN
NYID DBANG GIS GRUB PA MA BKAG PAR, ,BDAG MED PHRA MO TZAM ZHIG
BSTAN

PA YANG, ,GONG NA NGES DON SDE SNOD GRUB PHYIR DANG, ,GZHAN GYI
RGOL BAS KLAN KA 'BYUNG SRID CING, ,SGRAS ZIN LTAR DU TSAD MAS
GNOD PA DANG, ,SO SOR PHYE NAS GSAL BAR MA BSTAN PHYIR, ,BLA NA
MCHIS DANG DE

BZHIN SKABS MCHIS PA, ,DRANG BA'I DON DANG RTZOD PA'I GNAS SU
GSUNGS, ,KUN GZHI RNAM SHES STENG DU DON SNANG GI  ,BAG CHAGS SMIN
PAS RNAM SHES SKYE BA DE, ,MDO 'DI'I DGONGS GZHI YIN KYANG DGONGS
PA MIN, ,

@4B DGONGS PA YIN NA BSTAN DON YIN DGOS PHYIR, ,DON SMRA GNYIS
KYIS PHYI DON 'DOD PAS 'GAL, ,'ON KYANG NGO BO KHYAD PAR KUN
GTAGS PA'I, ,KUN GTAGS MTSAN NYID DBANG GIS MA GRUB PA, ,DANG
PO'I

DGONGS GZHI DGONGS PA GNYIS KA YIN, ,MDO SDE SPYOD PA SLOB DPON
LEGS LDAN 'BYED, ,PHYI DON BZHED KYANG PHYI DON BDEN GRUB TU,
,MDO 'DIS BSTAN PHYIR DRANG BA'I DON DU 'GREL, ,'KHOR LO GNYIS PA
BYA

RGOD PHUNG PO'I RIR, ,CHED DU BYA BA THEG CHEN RIGS CAN LA, ,CHOS
RNAMS THAMS CAD NGO BO NYID MED DU, ,BSTAN PAS DRANG BA'I DON DU
SNGAR LTAR SGRUB, ,KHA CIG NGO BO NYID MED SMRA BA'I MDOR, ,'DOD
PA MI RIGS SEMS

TZAM PA YI MDO, ,DE PHYIR GDUL BYA TZAM LA MI 'GAL YANG, ,CHED
DU BYA BA RNAM RIG KHO NAR NGES, ,DE YANG NYI SHU PA DANG SUM CU
PA, ,RTZA 'GREL GNYIS KYIS DRANG DON 'GREL NA YANG, ,'GREL TSUL
MI MTSUNGS

DGONGS GZHIR MTHAR THUG DE, ,DANG POS BSTAN DON GTZO BOR MA BKRAL
ZHING, ,PHYI MAS GTZO BOR BYAS NAS 'GREL PHYIR RO, ,BRJOD BYA KUN
GTAGS BDEN PAR MA GRUB CING, ,GZHAN DBANG YONGS GRUB SO SOR

BDEN GRUB TU, ,PHYE NAS GSUNGS PA MDO SDE DGONGS 'GREL LAM,
,'KHOR LO MTHA' MA NGES PA'I SDE SNOD STE, ,'DI YI CHED DU BYA
BAS MDO 'DI LA, ,BRTEN NAS CHOS KYI BDAG MED DBANG BYAS PA'I, ,

MTSAN NYID GSUM GYI RNAM GZHAG BKA' BAR PA'I, ,DGONGS PAR DNGOS
SU RTOGS PA'I SHUGS LA YANG, ,GANG ZAG BDAG MED DBANG BYAS MTSAN
NYID GSUM, ,DANG PO'I DGONGS PAR BKRAL BAR RTOGS PA DE, ,

@5A *, ,THEG PA KUN LA ZHUGS PA'I DON DU GSUNGS, ,GNYIS PA DRANG
NGES KYI TSUL CUNG ZAD BSHAD PA NI, ,DE LTAR DGONGS 'GREL DNGOS
BSTAN 'KHOR LO YANG, ,BRJOD BYA DAG GIS GSUM DU

PHYE BA LAS, ,DUS DANG STON PA'I SKU TSE TZAM GYIS MIN, ,RTZA
BA'I GNYIS PA DE YI DON JI LTAR BKRAL TSUL LA GNYIS THOGS MED
KYIS GTZO BOR DGONGS 'GREL LA BRTEN TSUL DANG DE LA BRTEN NAS

DE KHO NA NYID GTAN LA 'BEB PA'I TSUL LO, ` ,DANG PO NI, ,BSDU BA
BYANG SA THEG BSDUS LA SOGS PA, ,THOG [*THOGS] MED ZHABS KYIS RNAM
RIG GZHUNG RNAMS SU, ,DGONGS 'GREL JI BZHIN GTAN LA 'BEBS PA'I
TSUL, ,GNYIS PA LA GSUM,

MTHA' GNYIS SPONG TSUL SPYIR BSTAN PA, ,SGRO 'DOGS KYI MTHA' BYE
BRAG TU DGAG PA, ,DES GSUNG RAB KYI DRANG NGES 'BYED PA'I TSUL
LO, ,DANG PO LA GSUM, ,BYANG SA NAS BSHAD PA'I TSUL, ,BSDU BA NAS
BSHAD PA'I

TSUL, ,DE LAS GZHAN PA NAS BSHAD PA'O, ,DANG PO LA GNYIS, ,SGRO
SKUR DU BLTA TSUL DANG, ,DE GNYIS 'GOG TSUL LO, ` ,GTAGS PA'I
TSIG 'JUG MTSAN MA'I RTEN GYUR PA, ,BRJOD MED DNGOS PO BDEN PAR
GRUB

NA YANG, ,BDEN PAR MED CES SKUR BA 'DEBS PA DANG, ,KUN GTAGS DE
LAS LDOG NAS 'DZIN PA YANG, ,RIM BZHIN BYANG SA'I DNGOS BSTAN
MTHA' 'DZIN GNYIS, ,DE YI ZHEN YUL SGRO SKUR MTHA' LA BZUNG, 

SKUR 'DEBS LTA BA KUN GTAGS KHO NA STE, ,DE YANG NGO BO NYID MED
SMRA BA DANG, ,PHYI MA RANG SDE DON SMRA RNAM GNYIS SO, ` ,GNYIS
PA DE GNYIS 'GOG TSUL NI, ,SGRO 'DOGS 'GOG TSUL 'OG TU 'CHAD PAR
'GYUR, ,GZUGS SOGS

@5B PHUNG LNGA BDEN PAR MA GRUB NA, ,GDAGS GZHI PHUNG PO GTAN MED
'GYUR DGOS PHYIR, ,GANG ZAG GDAGS SU MED PA THAL PHYIR RO, ,GNYIS
PA BSDU BA NAS BSHAD TSUL LA GNYIS, ,PHYOGS SNGA MA DGOD CING DE
YI DON LA DRI LAN BYA BA DANG, ,

LAN BTAB PA'I PHYOGS DGAG PA'O, ` ,DANG PO NI, ,THAL 'GYUR BA
RNAMS CHOS RNAMS KUN RDZOB TU, ,YOD KYANG BDEN PAR GRUB PA MED
CES ZER, ,DE PHYIR BDEN GNYIS MTSAN GZHI 'DZIN TSUL YANG, ,CHOS
RNAMS BDEN STONG DON DAM

BDEN PA DANG, ,DE LAS LDOG STE BDEN PAR GANG 'DZIN PA'I, ,'KHRUL
BA'I BLO DE KUN RDZOB BDEN PAR 'JOG ,GNYIS PA LAN BTAB PA'I
PHYOGS DGAG PA LA GNYIS, ,GZHAN GYI GRUB MTHA' 'GAL BA BSTAN PA
DANG, ,RANG GI GRUB

MTHA' LA 'GAL BA SPANG PA'O, ` ,DANG PO NI, ,'O NA DE 'DRA'I BDEN
'DZIN RNAM RTOG DE, ,RIGS 'DRA SNGA MA'I RGYU LAS BYUNG BA'AM,
,'ON TE MNGON BRJOD RTOG PAS BTAGS TZAM YIN, ,DANG PO LTAR NA
RKYEN LAS SKYES PA'I PHYIR, ,BDEN PAR

GRUB STE DPER NA GZHAN DBANG BZHIN, ,PHYI MA LTAR NA BDEN PAR MA
GRUB PHYIR, ,GTAN MED 'GYUR BAS 'DOGS PA'I GZHIR MI RUNG, ,CHOS
KUN BDEN STONG DON DAM MTSAN GZHI RU, ,MI RUNG BDEN 'DZIN BDEN
PAR GRUB PHYIR RO, ,GNYIS

PA RANG GI GRUB MTHA' LA 'GAL BA SPONG BA LA 'GAL BA'I RTZOD PA
DGOD PA DANG, ,MI 'GAL BA'I LAN STON PA'O, ` ,DANG PO NI, 'O NA
GZHAN DBANG DON DAM DU GRUB NA, ,DGONGS 'GREL GZHUNG LAS BZLOG STE
GSUNGS PA DANG, ,DBUS

MTHAR YONGS GRUB GCIG PUR BSHAD PA DANG, ,RGYAN LAS DON DAM SKYE
'JIG MED PA DANG, ,BSDU BAR KUN RDZOB BSHAD PA 'GAL ZHE NA,
,GNYIS PA LAN NI, ` ,BDEN GNYIS 'JOG TSUL RNAM PA GNYIS GSUNGS
STE, ,THA SNYAD BZHAG

@6A *, ,TZAM KUN RDZOB BYAS PA DANG, ,RANG YUL THUN MONG MA YIN
SDOD LUGS KYI, ,NGOS NAS GRUB PAR DON DAM 'JOG TSUL GCIG ,RNAM
DAG DMIGS PA'I MTHAR THUG DON DAM DANG, ,GZHAN DBANG KUN BTAGS
[*BRTAGS ETC THROUGHOUT] GNYIS

LA KUN RDZOB TU, ,'JOG TSUL GNYIS PA'I DBANG DU BYAS PA GNYIS,
,'DI NI GZUGS SO 'DI NI SKYE BA ZHES, ,THOG MA MED NAS MNGON
BRJOD BAG CHAGS LA, ,GOMS PA'I DBANG GIS 'JUG GZHI DER SNANG BA,
,SNGON 'DZIN MIG

SHES RANG DANG DES DRANG BA'I, ,DRAN SHES YUL DU GYUR PA'I 'JUG
GZHI DANG, ,SNGO [*SNGON] PO GZUGS SOGS RANG GI BDAG NYID KYI, ,GANG
GI NGOS NAS GRUB PAR SNANG CHA RNAMS, ,RDZAS DANG DON DAM GNYIS
KAR MA GRUB CING, ,DE PHYIR SNGON

PO RANG 'DZIN RTOG PA YI, ,ZHEN GZHI YIN PA'I CHA YANG SNGAR DANG
MTSUNGS, ,BRJOD MED DNGOS PO RDZAS DANG DON DAM STE, ,DON DAM
GRUB CING GZHAN LA MA LTOS PAR, ,RANG GI NGO BO BZUNG DU YOD PA'I
PHYIR, ,SGRA BRJOD RIGS

KYI SGO NAS RDZAS YOD BZHI, ,BSTAN PA DANG NI RIGS PAS GRUB PA
DANG, ,DON BYED NUS PA RANG RKYA THUB PA STE, ,KUN BTUS LAS BSHAD
BTAGS YOD NYER GSUM NI, ,THOB DANG 'DU SHES MED PA'I SNYOMS 'JUG
DANG, ,'GOG

PA'I SNYOMS 'JUG 'DU SHES MED PA BA, ,SROG DBANG RIGS MTHUN SKYE
RGA GNAS MI RTAG ,MING TSIG YI GE SO SO SKYE BO DANG, ,'JUG PA SO
SOR NGES DANG 'BYOR 'BREL DANG, ,MGYOGS DANG GO RIMS DUS YUL
GRANGS

TSOGS PA'O, ,DBUS MTHAR DON DANG THOB DANG SGRUB PA GSUM, ,YONGS
GRUB MYANG 'DAS MNYAM BZHAG YE SHES SBYAR, ,BTAGS DANG SHES PA
BRJOD PA'I KUN RDZOB GSUM, ,KUN BTAGS GZHAN DBANG YONGS GRUB RIM
PA

@6B BZHIN, ,GSUM PA LA GNYIS MDO SDE RGYAN LAS BSHAD TSUL DBUS
MTHA' NAS BSHAD TSUL LO, ` ,DANG PO NI, MA 'ONGS PA RNAMS LTOS
MED MI SKYE ZHING, ,'DAS PA DE NI SLAR NAS SLAR MI SKYE, ,DA
LTA'ANG SKAD

CIG GNYIS PAR MI SDOD CING, ,BYIS PAS ZHEN LTAR RTAG BDE GTZANG
BDAG DANG, ,GZUNG 'DZIN RDZAS GZHAN NGO BOR MED PA LA, ,DGONGS
NAS NGO BO NYID MED BSTAN PA YIN, ,THOG MA DANG NI DE NYID GZHAN
NYID DANG,

RANG GI MTSAN NYID RANG DANG GZHAN DU 'GYUR, ,KUN NAS NYON MONGS
PA DANG KHYAD PAR LA, ,SKYE BA MED PA'I CHOS LA BZOD PAR ZHES,
,DGONGS GZHI BRGYAD LA DGONGS NAS MDO SDE LAS, ,MI SKYE'I CHOS LA
BZOD

PA THOB CES GSUNGS, ` ,STONG GZHI YANG DAG MA YIN KUN RTOG BLO,
,BZUNG 'DZIN RDZAS GZHAN GRUB PAS STONG BA'I PHYIR, ,GANG GI CHOS
NYID BDEN PAR GRUB NA YANG, ,GNYIS SNANG 'KHRUL PA'I SGRIB BYED
DBANG GIS

YIN, ,GNYIS PA LA GNYIS DGAG BYA SGRO 'DOGS RNAMS NGOS BZUNG BA,
,DE JI LTAR 'GOG TSUL LO, ,DANG PO NI, ,GNYIS PA SGRO 'DOGS LA
YANG BDAG 'DZIN GNYIS, ,DANG PO LA YANG KUN BTAGS [*BRTAGS ETC
THROUGHOUT] LHAN SKYES GNYIS,

GANG DAG RANG RKYA THUB PA'I RDZAS YOD DU, ,GRUB PAR 'DZIN PA'I
MTHA' 'DZIN DANG PO DANG, ,GRUB MTHAS BTAGS PA TZAM LA MA LTOS
PAR, ,DE LTAR 'DZIN PA'I LHAN SKYES GNYIS PA STE, ,CHOS KYI BDAG
'DZIN LA YANG RNAM GNYIS

TE, ,DE YI ZHEN YUL RIGS PA'I DGAG BYA STE, ,'DIR BSTAN SGRO
'DOGS LUNG GIS 'GOG PA'I YUL, ,DON SMRA GNYIS LA BYANG SAR 'GOG
PA'I TSE, ,DGONGS 'GREL LUNG GI GNOD BYED MA DRANGS PAR, ,SRID PA
'PHO BA

@7A *, ,DON GYI SDE TSAN DANG, ,KA TYA'I BU LA BRTZAMS PA GSUM
GYIS 'GOG ,BRDA BYANG SO SKYE'I SNGON 'DZIN MIG SHES LA, ,SNGON
PO SNGON POR SNANG DANG DON SNANG DANG, ,'DI NI NGO BO 'DI NI
SKYE BA ZHES, ,THA SNYAD

'JUG PA'I 'JUG GZHIR SNANG TSUL GSUM, ,SNANG TSUL DANG MTHA'
GNYIS PO DON MTHUN DANG, ,BAR PA PHYIN CI LOG GI SNANG TSUL YIN,
,DANG PO RANG MTSAN PHYI MA KUN BTAGS DON, ,'ON KYANG MDO SDE PA
RNAMS GSUM KAR

YANG, ,RANG LDOG RTAG KYANG GZHI LDOG 'JUG GZHI DER, ,RANG GI
MTSAN NYID GRUB PAR 'DOD CES GSUNGS, ,RNAM BDEN LUGS LA SNANG
TSUL DANG PO DE, ,'KHRUL PA'I BSLAD PA MED PA'I DBANG GIS SNANG,
,RNAM RDZUN DE YANG

'KHRUL PAS BSLAD PAR GSUNGS, ,GNYIS PA LA GNYIS, ,DGAG PA DNGOS
DANG DE LA RTZOD PA SPONG PA'O [*BA'O], ` ,DANG PO NI, GZUGS SOGS
DNGOS RNAMS RANG 'DZIN RTOG PA'I GZHIR, ,RANG GI MTSAN NYID GRUB
PAR 'GOG

PA'I TSE, ,BYANG SA BSDU BA GNYIS SU RIGS PA GSUM, ,SNGON PO LTA
BU GCIG KYANG DU MAR THAL, ,GZUGS DANG KHA DOG DU MA'I MING 'JUG
CING, ,DE YANG 'JUG GZHIR DNGOS DBANG SGO NAS PHYIR, ,BRGYA BYIN
SPYAN STONG MING

GIS MA 'DOGS GONG, ,MED PAR 'GYUR TE 'JUG TSUL DE YI PHYIR,
,GZUGS PHUNG MTHONG TZAM NYID NAS GZUGS SNYAM DU, ,'DZIN PAR
'GYUR TE 'JUG GZHIR DE YI PHYIR, ,GZHAN YANG BUM PA'I DGAG GZHIR
LTO LDIR BA, ,YIN

DE RTOG PAS BTAGS LA LTOS MED 'GYUR, ,BUM PA'I 'JUG GZHIR BDEN
PAR GRUB PA'I PHYIR, ,LTO LDIR BUM PAR MA 'DOGS SNGON ROL NA,
,MTHONG TZAM NYID NAS BUM PAR 'DZIN PAR THAL, ` ,'JUG GZHIR MTSAN
NYID DBANG

@7B GIS GRUB PA'I PHYIR, ,GANG ZAG GCIG LA BZANG NGAN RNA TSOGS
MING, ,'BYUNG PHYIR DE YANG BZANG NGAN DU MAR THAL, ,MING DE 'JUG
GZHIR BDEN PAR GRUB PA'I PHYIR, ,THEG BSDUS LAS GSUNGS RIGS PA
RNAM PA GSUM, ,

CHOS DE'I BDAG NYID 'GAL BA'I RIG [*RIGS] PA NI, ,LTO LDIR BUM
PA'I 'JUG GZHIR GRUB PA LA, ,BRDA LA GTAN NAS LTOS PA MED PAR
THAL, ,BUM PA'I 'JUG GZHIR BDEN PAR GRUB PA'I PHYIR, ,DON GCIG
BDAG NYID

'GAL BA'I RIGS PA NI, ,BRGYA BYIN GCIG KYANG RGYUD NI DU MAR
THAL, ,DU MA'I MING GZHIR BDEN PAR GRUB PA'I PHYIR, ,BDAG NYID DU
MAR 'DRES PAR 'GAL BA NI, ,SHAR NUB NYER SBAS GNYIS KYANG RGYUD
GCIG

'GYUR, ,MING GI 'JUG GZHIR BDEN PAR GRUB PA'I PHYIR, ,MDOR NA
CHOS RNAMS RANG 'DZIN RTOG PA'I GZHIR, ,RANG GI MTSAN NYID DBANG
GIS MA GRUB PA, ,RTOGS PA'I GZUNG 'DZIN GNYIS MED RNAM RIG LUGS,
,'JUG PA'I

TSUL YANG DE LA BRTEN NAS KYANG, ,SEMS KYI BDAG NYID TZAM DU
RTOGS 'GYUR TE, ,DGAG BYA DE SNANG BA YANG GNAS TSOD KYI, ,MA YIN
MNGON BRJOD SEMS KYI BAGS [*BAG] CHAGS KYIS, ,'KHRUL PAR [*BAR]
RTOGS NAS MED DANG DNGOS

PO DANG, ,NGO BO NYID DU 'DOGS DANG BYE BRAG GI  ,KHYAD PAR 'DOGS
PA YONGS SU 'TSOL BA BZHI, ,DE RNAMS JI LTAR RTOG PA'I YONGS SHES
BZHI, ,'TSOL BA DANG PO MING GANG DON DE

LA, ,BDEN MED DPYOD NAS RNAM RIG 'JUG TSUL DANG, ,GNYIS PA PHUNG
KHAMS RANG MING 'JUG PA'I GZHIR, ,BDEN GRUB KHEBS PAR MA ZAD MING
DE YANG, ,YID KYI BRJOD PAR SHES PA GNYIS PA'I DON, ,'TSOL BA
GSUM

@8A *, ,PA BRJOD BYA BRJOD BYED GNYIS, ,'BRAL ['BREL] BA TZAM
MIN DON RNAMS BRJOD BYED CHAR, ,'JUG GZHIR MTSAN NYID DBANG GIS
MA GRUB PA'O, ,DE LTAR MING DON 'BRAL [*'BREL] BAR KHYAD

PAR RAM, ,BYE BRAG BTAGS PA DE LAS DON GZHAN DU, ,GDAGS GZHIR
DNGOS DBANG SGO NAS MI 'JUG PA, ,SHES PA YONGS SU 'TSOL BA BZHI
PA'I DON, ,DE LTAR 'TSOL BA BZHI DANG

YONGS SHES BZHI'I, ,SGO NAS YID SHES RTOG PA LA LTOS PA'I, ,BZUNG
'DZIN RDZAS GZHAN KHEGS NA DBANG SHES LA, ,LTOS PA'ANG DE LTAR
KHEGS PA 'GAL ZHE NA, ,MI 'THAD SNGON

PO RANG 'DZIN RTOG PA'I GZHIR, ,BDEN PAR GRUB PA KHEGS NA SNGON
PO DE, ,RANG 'DZIN DBANG SHES RDZAS GCIG SGRUB PHYIR RO, ,'ON
KYANG DE NYID MYONG BA'I RANG 'DZIN LA, ,RTOG PA'I

ZHEN GZHI YIN PA MI SNANG KYANG, ,JI SKAD BSHAD PA'I SKYON DE DE
LA MED, ,SGYU MA'I RTA DANG GLANG PO RTOG MED LA, ,MI SNANG MNGON
SUM BSNYON PAR 'GYUR BA'I PHYIR, ,PHYI DON

DNGOS SU 'GOG BYED GZHUNG LA YANG, ,THEG BSDUS NYI SHU PA DANG
RNAM 'GREL DANG, ,DMIGS BRTAGS TSAD MA MDO SOGS GZHUNG LUGS
MANG, ,THEG BSDUS LAS

GSUNGS PHYI DON 'GAG PA'I TSUL, ,BRLAN ZHI [*ZHING] GSHER BA'I
CHU PHOR GCIG LA YANG, ,LAS KYI DBANG GI [*GIS] LHA MI YI DVAGS
GSUM, ,RIM BZHIN BDUD RTZI CHU DANG RNAG KHRAG TU, DMIG [*DMIGS]
NAS

@8B GANG LA JI LTAR SNANG BA LTAR, ,MA GRUB DON GYI DNGOS PO GCIG
LA YANG, ,SNANG TSUL THA DAD SNANG BA TZAM GYIS PHYIR, ,'ON KYANG
SHES PA DE YI DMIGS YUL DU, ,SNANG BA MI 'GAL 'DAS DANG MA 'ONGS

KYANG, ,DA LTA'I BLO LA JI LTAR SNANG BA DANG, ,KHANG MIG CHU
[*CHUNG] NGUR NYAL BA'I GANG ZAG GI  ,RMI LAM YUL DU GLANG CHEN
SNANG BA DANG, ,RAB RIB CAN LA SKRA SHAD 'DZAG SNANG BZHIN, ,NYI
SHU PA LAS GSUNGS PA'I

RDUL PHRAN CHA MED 'GOG PA'I RIGS PA NI, ,PHYI DON MED DE DON
SMRA KHYOD 'DOD PA'I, ,PHYI DON BRTZOMS BYED CHA MED RDUL MED
PHYIR, ,PHRA RAB RDUL KYANG CHA SHAS DRUG CAN NI, ,MIN NA SHAR LA
BRTEN PA'I

DBUS RDUL DE, ,LHO NUB RDUL GYI PHYOGS LA BRTEN DGOS PAS, ,SHAR
RDUL PHRA RAB GCIG GI GO SAR YANG, ,LHAG MA PHRA RAB LNGA PO
'BREL 'GYUR PHYIR, ,JI TZAM BSAGS PA'I RDUL GYI GONG BU YANG,
,RDUL PHRAN PHRA

MO'I TSAD DANG MNYAM PAR 'GYUR, ,CHOS KYI GRAGS PAS GZUNG 'DZIN
GYI MTSAN NYID SKYE LA 'DRA BA 'GOG PA'I RIGS PA NI, ` ,DON SMRA
SNGO SOGS 'JAL BA'I MNGON SUM DE, ,PHYI DON 'DRA BA'I SGO NAS RIG
PAR

'JOG  ,MI RUNG KHYAB PA 'KHRUL BAR 'GYUR PHYIR DANG, ,PHYI DON
PHRA RAGS GANG DANG MI MTSUNGS PA, ,DE PHYIR SNGO 'DZIN RNAM
SHES RANG NYID KYI, ,DE MA THAG RKYEN SNGON 'DZIN SNGA MA DES,
,BZUNG DON BYAS NAS

MYONG BA MA YIN TE, ,DE DANG 'DRA SHING SKYES PA MA YIN PHYIR,
,DMIGS BRTAGS LAS GSUNG TSUL NI, `  ,SO SKYE'I MIG MNGON RDUL
PHRAN MI SNANG PHYIR, ,MIG DBANG MIG GI DBANG PO'I MNGON SUM
GYI, ,

@9A *, ,DNGOS RGYU YIN KYANG DE YI DMIGS RKYEN MIN, ,RGYAS PAR
DMIGS BRTAGS RANG 'GREL RNAMS LA LTOS, ,GNYIS PA DE LA RTZOD PA
SPONG BA LA GNYIS DGONGS 'GREL DANG

'GAL BA DANG, ,GNOD 'JOMS DANG 'GAL YANG SKYON MED PAR BSHAD
PA'O, ` ,DANG PO NI, ,BDAG MED RTOGS PA'I SHES RAB BSGOMS STOBS
KYIS, ,DGRA BCOM THOB KYANG DMAN PA'I NYAN

RANG RNAMS, ,'KHOR BA SPANGS KYANG 'KHOR BA'I GZHI RTZA MIN,
,BDEN 'DZIN 'KHOR BA'I RTZA BAR GSUNGS PHYIR RO, ,GNYIS PA NI, `
,GNOD 'JOMS BZHIN DU BRTUL PO'I RJES 'BRANGS RNAMS, ,

GZHAN DBANG STONG GZHIR BYAS NAS CHOS BDAG GIS, ,STONG PA'I MED
DGAG YONGS GRUB MI 'JOG PAR, ,STONG GZHI YONGS GRUB KUN BTAGS
GZHAN DBANG GNYIS, ,GANG YANG MA YIN

GZHAN DBANG TZAM ZHIG 'JOG ,MI 'THAD BDAG 'DZIN ZHEN YUL MA
PHYUNG BAR, ,TSER MA 'DON BZHIN SPONG BA MIN PHYIR RO, ,DRANG
NGES 'BYED TSUL SOGS RGYAS PAR GZHAN LAS SHES PAR

BYA'O,, ` ,,SMRAS PA, RIS SU MA CHAD MKHA' MNYAM 'GRO RNAMS LA,
,BRTZE BA'I MA SMAD LHAG BSAM 'OD PO CHES, ,BSTAN 'GRO'I PHAN
BDE'I PAD TSAL 'DZUM PA'I GNYEN, ,

THUB DBANG SMRA BA'I NYI MA LHAM MER GSAL, ,SNGON DUS NOR 'DZIN
BU MO'I LTO BA RU, ,MKHAS MANG BLO GROS RA BAR MA CHUD PA'I,
,LEGS BSHAD YAN LAG BRGYAD LDAN GANG+GA'I RGYUN, ,SKYUG MKHAS

@9B DRANG SONG CHEN PO TZONG KHA PA, ,KHYOD GSUNG LEGS BSHAD RIN
CHEN MA LUS PA, ,GCIG TU BSDUS PA RNAM DPYOD NOR BU'I PHRENG,
,'DI KO BLO GSAL MGRIN PA'I MDZES RGYAN DU, ,BYED PO BI SHVA

KARMAS SPRUL LAM SNYAM, ,RNAM RIG GZHUNG GI DKA' GNAD PHANG
'GRO'I RGYUD, ,LUNG RIGS SER RTZES LAN BRGYAR BSNUN PA'I TSE,
,YID 'PHROG TSANGS PA'I SRAS MO DBYANGS CAN MA, ,

SKYENGS TE SLAR YANG RGYA MTSO'I NANG DU YIB, ,'DIR 'BAD LEGS
PAR BSHAD PA'I BSOD NAMS KUN, ,MCHOD PA'I SPRIN DU MI PHAM MGON
LA 'BUL, ,NONGS PA GANG GYUR BRTZE BAS

BZOD BZHES LA, ,DGA' LDAN CHOS KYI MDUN SAR DRANG DU GSOL, ,CES
DRANG BA DANG NGES PA'I DON RNAM PAR 'BYED PA'I BSTAN BCOS LEGS
PAR BSHAD PA'I SNYING PO'I DON

BSDUS BLO GSAL GZHON NU'I MGUL RGYAN ZHES BYA BA 'DI NI, ,MKHYEN
LDAN MKHAS PA'I TSOGS RNAMS SPOBS PA BSKYED PA'I PHYIR DANG,
,RANG DANG SKAL BA MNYAM PA'I BLO DMAN LA

LA'ANG PHAN PA'I BSAM PAS KUN NAS SLANGS TE, THAMS CAD MKHYEN PA
DGE 'DUN RGYA MTSO'I DRANG NGES BKA' 'GREL GTZO BOR GZUNG, MKHAS
PA'I DBANG PO 'JAM DBYANGS BZHAD PA'I

RDO RJE DANG, SE RVA [*RA] BKA' CHEN RIN CHEN DON 'GRUB GNYIS KYI
LEGS BSHAD KYI LEGS CHA BLANGS, RJE BTZUN BSTAN DAR BA'I GSUNG GI
TSIG ZIN DANG MI 'GAL BAR BYAS TE SNYOMS LAS

@10A *, ,SPRUL MING 'DZIN PA BLO BZANG 'PHRIN LAS YE SHES KYIS
SBYAR BA DZA YANTU,, `  ,,RGYAL GSUNG 'KHOR LO GSUM GYI DRANG NGES
TSUL, ,GSAL BAR STON PA'I MI PHAM BLA MA'I GSUNG, ,SPYI DON LEGS
BSHAD PAD DKAR PHRENG BA DANG, ,DE

YI SDOMS TSIG BLO GSAL MGUL RGYAN BCAS, ,RGYAL BSTAN DPUNG DU
'DEGS PA'I THUGS BSKYED CAN, ,SKYABS MCHOG YANG SRID MCHOG SPRUL
GANG NYID DANG, ,BLO GSAL 'DUS PA'I TSOM BU CHAB CIG NAS, ,YON
SBYAR BRGYA PHRAG 'PHRUL DU BSKYED SRINGS DGES, ,ZAB

RGYAS THEG CHEN CHOS TSUL DE 'DZIN MGON, ,LHAN CIG SRID MTHAR MI
NUB MDZAD 'PHRIN KHYAB, ,RIG GROL BLO CHEN BYE BA'I BSHAD SGRUB
KYI, ,'OD SNANG SRID ZHI'I DGUNG MKHAR RTAG 'CHAR SHOG  ,DGE BCU'I
RTZIBS STONG 'BAR BA'I RGYAL THABS KYIS, ,RDZOGS LDAN DPAL BZHIN

SKYE KUN BDE DGAS 'TSO, ,TSUL 'DIR RNAM DKAR 'DU BYED JI SNYED
KYANG, ,DAM CHOS 'DZIN LA BYAMS MGON NYID BZHIN SHOG (,CES PA 'DI
BZHIN BYAMS MGON MI YI RNAM ROL GNAS LNGA RIG PA'I PAndI TA CHEN
PO MKHAS GRUB DGE 'DUN BSTAN PA DAR RGYAS DPAL BZANG

PO'I GSUNG DRANG NGES RNAM 'BYED KYI SPYI DON LEGS BSHAD SNYING
PO PADMA DKAR PO'I PHREN BA DANG, DE YI SDOMS TSIGS BLO GSAL
GZHON NU'I MGUL RGYAN BCAS BLO GSAL DON GNYER CAN RNAMS LA SMAN
SLAD, THUB BSTAN NYIN MOR BYED PA'I THUGS BSKYED PHUL DU BYUNG
BA

MTSUNGS MED PHA BONG KHA YANG SRID MCHOG SPRUL RIN PO CHE DANG,
PHAR PHYIN 'DZIN GRVA SPYI NAS CHAB CIG RGYU SBYAR DPAR BSKRUN
MDZAD PA'I SMON TSIG TU MKHAN TSAB DVAG MING PAS SHAR MAR SMON PA
DGE LEGS 'PHEL, ` ,AOm A: GU RU BADZRA DHA RA SU MA TI K'IRTI
SIDDHI H'Um H'Um:,,