*, ,BSTAN BCOS MNGON PAR RTOGS PA'I RGYAN RTZA 'GREL GYI SPYI
DON RNAM BSHAD SNYING PO RGYAN GYI SNANG BA ZHES BYA BA LAS
SKABS GSUM PA BZHUGS SO, ,

@01A **, ,GSUM PA LAM SHES RNAM PAR DAG BYED KYI YAN LAG GZHI
SHES BSHAD PA LA, GZHUNG SPYI'I BSDU BA BSHAD PA, GZHUNG DON
RNAMS SO SOR BSHAD PA GNYIS, DANG PO LA SKABS GSUM PA'I DNGOS
BSTAN BSTAN BYA'I GTZO BO'I

GZHI SHES NGOS BZUNG NAS, SKABS GNYIS PA'I RJES SU GZHI SHES
'CHAD PA'I RGYU MTSAN, SKABS GSUM PA'I GZHUNG GIS GZHI SHES JI
LTAR 'CHAD PA'I TSUL DANG GNYIS, DANG PO LA GZHAN LUGS DGAG
PA, RANG LUGS BZHAG PA GNYIS, DANG PO LA,

SANGS RGYAS YE SHES ZHABS LA SOGS PA'I RGYA GAR BA KHA CIG ,
SKABS GNYIS PAR BSHAD PA'I RGYU LAM SHES KYI GOL SA MI MTHUN
PHYOGS SHES PA'I PHYIR DU THABS SHIS KHYAD PAR CAN GNYIS DANG
BRAL BA'I MI MTHUN PHYOGS KYI GZHI SHES BSTAN BYA'I GTZO BOR
BYAS NAS

STON PA'I SKABS GSUM PA'I DNGOS BSTAN BSTAN BYA'I GTZO BO'I
GZHI SHES DE NYID MI MTHUN PHYOGS KYI GZHI SHES YIN TE, RTZA
BAR, NYAN THOS LA SOGS MTHONG BA'I LAM, ZHES PA DANG, NYAN
THOS ZHI BA 'TSOL RNAMS ZHES SOGS GSUNGS PA'I PHYIR, ZHES

GSUNGS, YANG KHA CIG GI GSUNG NA RE, SKABS GSUM PAR GZHI LAM
'BRAS GSUM BDEN MED DU RTOGS PA'I THEG CHEN 'PHAGS PA'I MKHYEN
PA ZHIG LA GNYEN PO PHYOGS KYI GZHI SHES KYI THA SNYAD BYAS
NAS DNGOS BSTAN BSTAN BYA'I GTZO BOR BYAS NAS BSTAN PAS

SKABS GSUM PA'I DNGOS BSTAN BSTAN BYA'I GTZO BOR GYUR PA'I
GZHI SHES DE LAM SHES MTSAN NYID PA DANG, GZHI SHES BTAGS PA
PA YIN NO ZHES GSUNGS, LUGS DANG PO LTAR NA, SKABS GSUM PA'I
CHED DU BYA BA'I GDUL BYA DE NYAN THOS KYI RIGS CAN

YIN PAR THAL, DE'I DNGOS BSTAN BSTAN BYA'I GTZO BOR GYUR PA'I
GZHI SHES MI MTHUN PHYOGS KYI GZHI SHES YIN ZHING, DES THEG
CHEN GYI RIGS CAN RNAMS KYI RANG RGYUD LA BSKYED NAS SGOM PA'I
GZHI SHES DNGOS BSTAN BSTAN BYA'I GTZO BOR BYAS NAS MI STON
PA'I

@02A **, ,PHYIR, 'DOD MI NUS TE, SKABS GSUNG PA'I GZHUNG THEG
CHEN THUN MONG MA YIN PA'I BSTAN BCOS YIN PA'I PHYIR, GZHAN
YANG, LUGS DE MI 'THAD PAR THAL, BSTAN BCOS MNGON RTOGS RGYAN
GYIS RANG GI CHED DU BYA BA'I GDUL BYAS

SKABS DANG PO GSUM GYI DNGOS BSTAN BSTAN BYA'I GTZO BOR GYUR
PA'I MKHYEN GSUM GYI RNAM PA SKYOR BZHI'I SGO NAS NYAMS SU LEN
TSUL DNGOS BSTAN BSTAN BYA'I GTZO BOR BYAS NAS BSTAN PA YIN
PA'I PHYIR, LUGS GNYIS PA YANG MI 'THAD DE, GZHI LAM 'BRAS
GSUM

BDEN MED DU RTOGS PA'I THEG CHEN 'PHAGS PA'I MKHYEN PA LA
GNYEN PO PHYOGS KYI GZHI SHES KYI THA SNYAD 'PHAGS SENG GANG
GIS YANG MA MDZAD PA'I PHYIR DANG, DE LTAR NA, SKABS DANG PO
GSUM GYIS MKHYEN GSUM DNGOS BSTAN BSTAN BYA'I GTZO BOR BYAS
NAS MA BSTAN DGOS,

DE MA BSTAN NA, BSTAN BCOS MNGON RTOGS RGYAN GYIS MNGON PAR
RTOGS PA BRGYAD KYANG DNGOS BSTAN BSTAN BYA'I GTZO BOR BYAS
NAS MA BSTAN DGOS PA'I PHYIR, GNYIS PA RANG LUGS LA, NYAN RANG
SLOB PAS BSGOM BYA'I GTZO BOR BYAS NAS BSGOMS SHING, BYANG
CHUB SEMS

DPAS KYANG LAM DANG PO GSUM GYI GNAS SKABS SU SGOM PA LHUR LEN
GYI TSUL GYIS BSGOMS PAS MI RTAG SOGS BCU DRUG MNGON SUM DU
RTOGS PA'I GZHE SHES DE NYID SKABS GSUM PA 'DIR DNGOS BSTAN
BSTAN BYA'I GTZO BOR BYAS NAS BSTAN PA YIN TE, SKABS

GNYIS PAR NYAN RANG GI LAM SHES PA'I LAM SHES RDZOGS PAR BSTAN
ZIN PAS, SLAR YANG SKABS GSUM PA 'DIR MI RTAG SOGS BCU DRUG
MNGON SUM DU RTOGS PA'I YE SHES STAN PA'I RGYU MTSAN CI YIN
SNYAM PA LA, GNYIS PAR LAM SHES NYID KYI TSUL LA NI, ZHES

SOGS KYIS, CHOS GSUM GYIS ZIN PA'I SGO NAS NYAN RANG GI LAM
SHES SGOM TSUL SPYIR BSTAN NAS, GZUGS MI RTAG PA NYID DU YID
LA BYA'O ZHES SOGS KYIS, MDO SA 'PHANGS NAS BSTAN PA'I MI RTAG
SOGS BCU DRUG MNGON SUM DU RTOGS PA'I GZHI SHES DE NYID

@02B MTHA' GNYIS SU MA LHUNG BAR BYANG CHUB SEMS DPAS NYAMS SU
LEN TSUL SKABS GSUM PAR BSTAN BYA'I GTZO BOR BYAS NAS BSTAN
PAR GSUNGS PA'I PHYIR, 'GREL CHEN LAS, LAM SHES PA NYID KYI
SKABS SU NYAN THOS LA SOGS PA'I LAM YANG BSTAN PA'I THAMS CAD
SHES PA NYID BSHAD PA MA YIN NAM, RTZE'I ?  PHYIR THAMS CAD

[*LINE BREAK?]
SHES PA NYID LOGS SHIG TU BSTAN CE NA BRJOD PAR BYA STE, LAM
SHES NYID KYI TSUL LA NI, ,'PHAGS PA'I BDEN PA BZHI DAG GI
,RNAM PA MI DMIGS SGO NAS NI, ,NYAN THOS LAM 'DI SHES PAR BYA,
,ZHES MI DMIGS PA SGOM PA LA SOGS PA'I RIM GYI NYAN THOS LA
SOGS PA'I LAM BYANG CHUB

SEMS DPA' BSGOM PAR BYA'O ZHES BRJOD PA YIN NO, ,DE BAS NA MI
RTAG PA LA SOGS PA'I RNAM PAS 'PHANGS PA RNAMS TE GZHI MA LUS
PA YONGS SU SHES PA YIN PA'I DON DU THAMS CAD SHES PA NYID
LOGS PAR MI BSHAD PAR BZUNG, ZHES GSUNGS PA'I PHYIR, SKABS
GSUM PA'I DNGOS BSTAN BSTAN BYA'I

GTZO BOR GYUR PA'I GZHI SHES MI MTHUN PHYOS KYI GZHI SHES MA
YIN KYANG, DE SKABS GSUM PAS DNGOS BSTAN BSTAN BYA'I GTZO BOR
BYAS NAS BSTAN PA YIN TE, GZHI SHES MTSON BYED KYI CHOS DGU GI
DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DE
BYANG SEMS LAM GYI GOL SA MI

MTHUN PHYOGS KYI GTZO BO YIN PAS, GOL SA MI MTHUN PHYOGS DANG
BRAL BAR LAM NYAMS SU LEN TSUL STON PA'I TSE NA, GOL SA MI
MTHUN PHYOGS SHES PA'I PHYIR DU GOL SA MI MTHUN PHYOGS DE
DNGOS BSTAN BSTAN BYA'I GTZO BOR BYAS NAS BSTAN DGOS PA'I
PHYIR, DE NAS SKABS GNYIS PAR LAM SHES

BSHAD ZIN PA'I RJES SU, GSUM PA 'DIR GZHI SHES 'CHAD PA'I RGYU
MTSAN YOD DE, LAM SHES GSAR DU SKYE BA LA YANG SKABS GSUM PAR
BSHAD PA LTAR GYI GZHI SHES NYAMS SU LEN DGOS, SKYES NAS KYANG
MTHA' GNYIS RNAM DAG GI LAM DU GYUR PA LA SKABS GSUM PAR BSHAD
PA LTAR BDAG MED

GNYIS RTOGS PA'I SHES RAB DANG LHAG BSAM RNAM DAG GIS ZIN PA'I
SGO NAS NYAMS SU MEN DGOS PA'I PHYIR, DANG PO YIN TE, LAM SHES
RGYUD LA SKYE BA LA THEG PA CHEN PO'I SEMS BSKYED RGYUD LA
BSKYED DGOS, DE MTSAN NYID YONGS SU RDZOGS PA RGYUD LA BSKYED
PA LA MI RTAG SOGS RTOGS PA'I GZHI

@03A *, ,SHES KYI RNAM PA NYAMS SU LEN DGOS PA'I PHYIR, GNYIS
PA NI, GZHUNG 'DIS MI RTAG SOGS MNGON SUM DU RTOGS PA'I GZHI
SHES DE DNGOS BSTAN BSTAN BYA'I GTZO BOR BYAS NAS GTAN LA
'BEBS NA, MTSON BYED KYI CHOS DUS MTSON TE GTAN LA 'BEB PA ZHE
NA, DGU SA ?

MTSON TE GTAN LA 'BEBS SHING, DE YANG BSDU NA, NYE RING GI LAM
DU 'GYUR TSUL DANG, NYE RING GI LAM DU NYAMS SU LEN TSUL GNYIS
SU 'DU ZHING, DE DAG GZHUNG GIS BSTAN TSUL LO, ,DANG PO 'CHAD
PA LA, TSU ROL PHA ROL MTHA' LA MIN, ,ZHES PA NAS, JI SKAD
BSHAD PA 'DI SHES BYA, ,

ZHES PA'I BAR GSUNGS, GNYIS PA NI, GZUGS SOGS DE MI RTAG SOGS
ZHES PA NAS, SKAD CIG MA ZHES PA'I BAR GSUNGS, NYE RING GI LAM
DU 'GYUR TSUL LA YANG, GNAS SKABS SRID ZHI GNYIS KYI MTHA' LA
GNAS MA GNAS KYI SGO NAS NYE RING GI LAM DU 'GYUR TSUL DANG,
'BRAS YUM

SGRUB PA'I THABS MKHAS KHYAD PAR CAN GYIS ZIN MA ZIN GYI SGO
NAS NYE RING GI LAM DU 'GYUR TSUL DANG, MI MTHUN PHYOGS DANG
GNYEN PO PHYOGS KYIS ZIN MA ZIN GYI SGO NAS NYE RING GI LAM DU
'GYUR TSUL RNAMS LAS, DANG PO 'CHAD PA LA, TSU ROL PHA ROL
MTHA' LA MIN, ,ZHES PA NAS, PHYON PAR 'DOD

CES PA'I BAR GSUNGS, GNYIS PA LA NYAN RANG GI LAM DE 'BRAS YUM
SGRUB PA'I GEGS BYED KYI GTZO BO BDEN 'DZIN GYIS BCINGS PAS
RING LAM DANG, BYANG SEMS KYI GZHI SHES STONG NYID RTOGS PA'I
SHES RAB KYIS ZIN PAS NYE LAM DU 'GYUR TSUL RIM PA BZHIN DU
'CHAD PA LA, DE NI MTSAN MAR

DMIGS SGO NAS, ,ZHES PA NAS, YANG DAG NYE BA NYID DU BSHAD,
,CES PA'I BAR GSUNGS, GSUM PA LA GZHI LAM LA MTSAN 'DZIN GYI
SPANG GNYEN GYIS ZIN MA ZIN DANG, 'BRAS BU LA MTSAN 'DZIN GYI
SPANG GNYEN GYIS ZIN MA ZIN DANG, DE DAG GI DON BSDU BA RNAMS
LAS, DANG PO LA, NYAN

RANG GI GZHI SHES DE 'BRAS YUM SGRUB PA'I GEGS BYED KYI GTZO
BO GZHI LAM BDEN PAR 'DZIN PA'I BDEN 'DZIN GYIS BCINGS BAS
'BRAS YUM SGRUB PA'I RING LAM DU STON PA LA, GZUGS SOGS PHUNG
PO STONG NYID DANG, ,ZHES PA NAS, MI MTHUN PHYOGS ZHES PA'I
BAR GSUNGS, BYANG SEMS KYI GZHI

@03B SHES DE BDEN 'DZIN DE'I DNGOS KYI GNYEN PO GZHI LAM BDEN
MED DU RTOGS PA'I SHES RAB KYIS ZIN PA'I NYE LAM DU 'CHAD PA
LA, SBYIN LA SOGS LA NGAR 'DZIN MED, ,CES PA NAS, MTHA' 'GOG
PAS ZHES PA'I BAR GSUNGS, GNYIS PA LA NYAN RANG GI GZHI SHES
DE 'BRAS YUM SGRUB PA'I BGEGS BYED KYI GTZO

BO 'BRAS BU DE BZHIN GSHEGS PA BDEN PAR 'DZIN PA'I BDEN 'DZIN
GYIS BCINGS BAS RANG LAM DANG, BYANG SEMS KYI GZHI SHES DE
BDEN 'DZIN DE'I DNGOS KYI GNYEN PO DE BZHIN GSHEGS PA BDEN MED
DU RTOGS PA'I SHES RAB KYIS ZIN PAS NYE LAM DU 'GYUR TSUL
GNYIS LAS, ,DANG PO 'CHAD PA LA, RGYAL

LA SOGS LA CHAGS PA PHRA, ,ZHES PA'I GZUNG GSUNGS, GNYIS PA
LA, 'BRAS BU DE BZHIN GSHEGS PA BDEN PAR 'DZIN PA'I BDEN 'DZIN
'BRAS YUM SGRUB PA'I BGEGS BYED KYI GTZO BO YIN PA'I RGYU
MTSAN, DE'I GNYEN PO BYANG SEMS LA YOD TSUL, DE'I RGYU MTSAN
SGRUB TSUL RGYAS PAR BSHAD PA RNAMS

LAS, DANG PO 'CHAD PA LA, CHOS KYI LAM NI RANG BZHIN GYIS,
,ZHES PA NAS, DE ZAB NYID CES PA'I BAR GSUNGS, GNYIS PA NI,
CHOS RNAMS RANG BZHIN GCIG PAR NI, ,SHES PAS CHAGS PA SPONG BA
YIN, ,ZHES PA'I GZHUNG GSUNGS, GSUM PA NI 'BRAS BU DE BZHIN
GSHEGS PA BDEN PAS STONG PA THA

SNYAD PA'I TSAD MAS SHES PAR MI NUS PAS RTOGS DKA' BA DANG,
SGO LNGA'I RNAM SHES KYIS GZUGS SGRA SOGS GNYIS SNANG DANG
BCAS PA'I SGO NAS MNGON SUM DU RTOGS PA LTAR RTOGS MI NUS PAS
BSAM GYIS MI KHYAB PA YIN NO, ,ZHES 'CHAD PA LA, MTHONG BA LA
SOGS BKAG PA YIS, ,ZHES PA NAS, 'DI NI BSAM

MI KHYAB PAR 'DOD, ,CES PA'I BAR GSUNGS, GSUM PA NI, SNGAR
BSHAD PA LTAR NYAN RANG GI GZHI SHES MI MTHUN PHYOGS KYI GZHI
SHES DANG, BYANG SEMS KYI GZHI SHES GNYEN PO PHYOGS KYI GZHI
SHES SU 'GYUR TSUL BSHAD PA'I SGO NAS RING LAM DU NYAMS SU LEN
PA SPANGS NAS NYE LAM DU NYAMS SU LONGS  

SHIG CES BSHAD PA'I SGO NAS, DON BSDUS TE 'CHAD PA LA, DE LTAR
KUN SHES NYID LUGS LA, ,ZHES PA NAS, 'DIR SHES BYA ZHES PA'I BAR
GSUNGS, GNYIS PA LA SBYOR LAM GYI SKABS SU NYAMS SU LEN TSUL
DANG, MTHONG LAM GYI GNAS SKABS SU LEN TSUL DANG, SGOM LAM DNGOS
SU MI STON PA'I RGYU

@04A *, ,MTSAN NO, ,DANG PO NI YUL BCU LA BDEN ZHEN BKAG PA'I
SHES RAB KYIS ZIN PA'I SGO NAS MI RTAG SOGS BSGOMS PA'I GZHI
SHES KYI RNAM PA SBYOR LAM GYI SKABS SU NYAMS SU LEN TSUL
'CHAD PA LA, GZUGS SOGS DE MI RTAG SOGS DANG, ZHES PA NAS, ,

SNANG BA RNAM BDUN SHES BYED DO, ,ZHES PA'I BAR GSUNGS, SEMS
DPA'I GZHI SHES SBYOR BA ZIN BYED KYI STONG NYID RTOGS PA'I
SHES RAB KYI 'DZIN STANGS KYI MNYAM NYID LA GZHIR PHYE NAS
'CHAD PA LA, GZUGS LA SOGS LA RLOM MED PA, ,RNAM BZHI DE YI
MNYAM PA NYID, ,CES PA'I GZHUNG

GSUNGS, GNYIS PA NI, SBYOR LAM GYI GNAS SKABS SU ZIN BYED DES
ZIN PA'I SGO NAS NYAMS SU BLANGS PA LA BRTEN NAS MI RTAG SOGS
MNGON SUM DU RTOGS PA'I MTHONG LAM 'BYUNG BAS DE MDOR BSTAN
RGYAS BSHAD GNYIS KYI SGO NAS 'CHAD PA LA, SDUG BSNGAL LA SOGS
BDEN PA LA, ,ZHES

PA NAS, KUN SHES NYID KYI SKAD CIG MA, ,ZHES PA'I BAR GSUNGS,
GSUM PA NI, DE'I RIGS RGYUN GYI SGOM LAM DNGOS SU MI STON PA'I
RGYU MTSAN 'CHAD PA LA, NYAN THOS LAM NI ZHES SOGS KYI GZHUNG
GSUNGS, SKABS DANG PO GSUM DU GROL BA DON GNYER GYI SKYES BU'I
LAM NYAMS LEN GYI

RIM PA CHA TSANG BA ZHIG BSTAN PA YIN NO, ,ZHES SHES PA'I
PHYIR DU MKHYEN GSUM GYI MJUG BSDUS TE 'CHAD PA LA, DE LTAR
'DI DANG YANG 'DI DANG, ,ZHES SOGS KYI GZHUNG GSUNGS, MTSON
TSUL DNGOS 'CHAD PA LA, CHOS DGU PO DES GZHI SHES JI LTAR
MTSON PA'I TSUL YOD DE, MI MTHUN PA

DANG, DE'I GNYEN PO DANG RGYU DANG NGO BO CI RIGS PAS MTSON,
GNYIS PA LA, TSU ROL PHA ROL MTHA' LA MIN, ,ZHES SOGS KYI
SKABS SU, 'DIR BSTAN PA'I GZHI SHES PA'I SHER PHYIN NGOS
BZUNG, DE GANG LA MI GNAS PA'I SRID ZHI GNYIS KYI MTHA' NGOS
BZUNG, DE LA MI GNAS PA'I TSUL, DE

DAG LA BRTEN NAS LAM SHES GNYIS KYI KHYAD PAR BSHAD PA RNAMS
LAS, DANG PO LA, KHA CIG GIS, 'DIR BSTAN PA'I SHER PHYIN SANGS
RGYAS SA'I SHER PHYIN LA BYED PA YIN TE, DUS GSUM BDEN STONG
MNYAM PA NYID DU MNGON SUM DU RTOGS PA'I SGO NAS SANGS RGYAS
BYANG SEMS KYI THUGS RGYUD LA NYE

@04B BA DANG, MI RTAG SOGS MNGON SUM DU RTOGS PA'I TSU ROL
SRID MTHA' 'GOG BYED DU RNAM BSHAD LAS GSUNGS PAS, DE 'DRA
BA'I SLOB PA'I YE SHES MED PA'I PHYIR ZHES ZER NA, DE MI 'THAD
DE, GZHUNG 'DIS SKABS GNYIS PAR BSHAD PA'I NYAN RANG GI LAM
SHES PA'I LAM SHES DE NYID LHAG BSAM,

RNAM DAG DANG, MI RTAG SOGS RTOGS PA'I SHES RAB DANG STONG
NYID RTOGS PA'I SHES RAB GSUM GYIS ZIN PA'I SGO NAS MTHA'
GNYIS RNAM DAG GI LAM DU NYAMS SU LEN TSUL GTZO BOR BSTAN PA'I
PHYIR TE, RNAM BSHAD LAS, LAM SHER PHYIN 'DI LA MI RTAG PA
SOGS RTOGS PA'I SHES RAB DANG,

SNYING RJA CHEN PO DANG, STONG NYID RTOGS PA SOGS DU MA YOD
PAS LAG RJES MI 'DRA BA SO SOR BZHAG NA ZHES GSUNGS PA'I
PHYIR, DE LTAR YIN KYANG RNAM BSHAD DANG MI 'GAL TE, DE DAG
GIS ZIN PA LA DGONGS PA'I PHYIR, GNYIS PA NI, 'DIR BSTAN PA'I
SRID MTHA' DANG, RTAG MTHA' DANG, TSU ROL

GYI MTHA' DON GCIG CING, DANG PO LA YANG, KUN RDZOB LA BLTOS
PA'I SRID MTHA' DANG, BYANG SEMS LAM LA BLTOS PA'I SRID MTHA'
GNYIS YOD DE, LAS NYON GNYIS KYI DBANG GIS 'KHOR BAR NYING
'TSAMS SBYOR BA'I CHA DE DANG PO DANG, 'KHOR BAR SKYE BA MTHA'
GCIG TU DOR BYAR 'DZIN PA GNYIS

PA YIN PA'I PHYIR, 'DIR DE DAG LA RTAG MTHA' ZHES 'CHAD PA'I
RGYU MTSAN YOD DE, LAS NYON GYI DBANG GIS SKYE BA BLANGS NA
YUN RING DU THAR DKA' BA DANG, 'KHOR BAR SKYE BA LEN PA LA
MTHA' GCIG TU DOR BYAR BZUNG NA MYUR DU RDZOGS BYANG THOB DKA'
BA'I PHYIR, DANG PO LA, TSU ROL ZHES 'CHAD PA'I RGYU

MTSAN YOD DE, SO SO SKYE BO LA BLTOS TE TSUR DOGS NA YOD PA'I
PHYIR, 'DIR BSTAN PA'I ZHI MTHA' DANG, CHAD MTHA' DANG, PHA
ROL GYI MTHA' DON GCIG ,DE LA YANG KUN RDZOB LA BLTOS PA'I ZHI
MTHA' DANG, BYANG SEMS LAM LA BLTOS PA'I ZHI MTHA' GNYIS YOD
DE, LAS NYON GYIS 'KHOR BAR SKYE BA

LEN PA CHAD TZAM GYI MYANG 'DAS DANG PO DANG, DE LTA BU'I
MYANG 'DAS LA MTHA' GCIG TU BLANG BYAR 'DZIN PA GNYIS PA DANG,
DE DAG LA CHAD MTHA' ZHES 'CHAD PA'I RGYU MTSAN YOD DE, DANG
PO DE LAS NYON GYI 'KHOR BAR SKYE BA LEN PA CHAD TZAM GYI GSUM
PA LA YANG BYANG SEMS KYI GZHI SHES SRID ZHI GNYIS KYI

@05A *, ,GNAS SU YANG DANG YANG DU SKYE BA BLANGS NAS GZHAN
DON RGYA CHEN PO LA 'JUG PA CHAD PAR 'GYUR BA'I PHYIR, DANG PO
LA PHA ROL GYI MTHA' ZHES 'CHAD PA'I RGYU MTSAN YOD DE, 'KHOR
BA SPANGS PA'I PHA ROL NA YOD PA'I PHYIR, DON DAM LA BLTOS
PA'I SRID ZHI GNYIS KYI

MTHA' KHYAD PAR YOD DE, 'KHOR BA BDEN PAR 'DZIN PA'I BDEN
'DZIN DE LA BLTOS TE SRID MTHA' DANG, MYANG 'DAS BDEN PAR
'DZIN PA'I BDEN 'DZIN DE LA BLTOS TE ZHI MTHA' YIN PA'I PHYIR,
GSUM PA LA YANG BYANG SEMS KYI GZHI SHES SRID ZHI GNYIS KYI
MTHA' DANG DE GNYIS KYI BAR DU DON DAM

PAR MI GNAS PA'I TSUL DANG, NYAN RANG GI GZHI SHES DE BYANG
SEMS LAM LA BLTOS PA'I SRID ZHI GNYIS KYI MTHA' DANG, DE DAG
GI BAR NA 'DIR BSTAN DON DAM PAR GNAS TSUL DANG GNYIS, DANG PO
NI, GZHI SHES PA'I PHAR PHYIN DE SANGS RGYAS BYANG SEMS KYI
THUGS RGYUD LA NYE BA YIN TE, DE

DUS GSUM BDEN STONG MNYAM PA NYID DU MNGON SUM DU RTOGS PA'I
SHES RAB KYIS ZIN PA'I PHYIR, BYANG 'PHAGS KYI RGYUD KYI MI
RTAG SOGS MNGON SUM DU RTOGS PA'I SHES RAB CHOS CAN, TSUL ROL
SRID MTHA' 'GOG BYED YIN TE, 'KHOR BA'I RTZA BA BDAG 'DZIN
DANG 'DZIN STANGS DNGOS SU 'GAL BA'I

SHES RAB DANG DE'I RGYUD SMIN BYED GNYIS KYIS ZIN PA'I MKHYEN
PA YIN PA'I PHYIR, DER THAL, STONG BDAG MED GNYIS LA BRTEN NAS
GANG ZAG GI BDAG MED MNGON SUM DU RTOGS PA'I YE SHES DE 'KHOR
BA'I RTZA BA BDAG 'DZIN GYI DNGOS KYI GNYEN PO DANG, MI RTAG
SDUG BSNGAL GNYIS KUN 'BYUNG GI RNAM PA 

BZHI RTOGS PA'I SHES RAB DE 'KHOR BA'I SKYON MTHONG BA'I SHES
RAB DANG, 'GOG LAM GYI RNAM PA BRGYAD RTOGS PA'I SHES RAB DE
SDUG KUN SPANGS PA'I THAR BA RGYU 'BRAS KYI PHAN YON RTOGS PA'I
SHES RAB YIN PA'I PHYIR, BYANG 'PHAGS KYI RGYUD KYI LHAG BSAM
RNAM DAG CHOS CAN, ZHI MTHA' 'GOG BYED YIN TE

KHYOD KYI DBANG GIS 'KHOR BA'I GNAS SU YANG NAS YANG DU SKYE
BA BLANGS NAS GZHAN DON RGYA CHEN PO LA 'JUG PA'I THABS MKHAS
KHYAD PAR CAN YIN PA'I PHYIR, BYANG SEMS 'PHAGS PA CHOS CAN,
SRED ZHI GNYIS KYI BAR NA DON DAM PAR MI GNAS TE, SRID ZHI
BDEN STONG MNYAM NYID DU DANG, DUS GSUM

@05B BDEN STONG PA NYAM NYID DU MNGON SUM DU RTOGS PA'I PHYIR,
BYANG 'PHAGS KYI RGYUD KYI GZHI SHES CHOS CAN, SRID ZHI GNYIS
KYI MTHA' DANG DE GNYIS KYI BAR NA DON DAM PAR MI GNAS TE, DE
DAG 'GOG BYED KYI CHOS GSUM GYIS ZIN PA'I PHYIR, MDO LAS, BCOM
LDAN 'DAS BYANG CHEN RNAMS KYI SHER PHYIN 'DI NI YANG

ROL GYI MTHA' MA LAGS CHU ROL GYI MTHA' MA LAGS, GNYIS KA'I
BAR NA YANG MI GNAS PA LAGS SO, ,ZHES SOGS GSUNGS, SRID ZHI
BDEN PAR 'DZIN PA'I BDEN 'DZIN RGYUD LA LDAN PA'I BYANG 'PHAGS
YOD KYANG, DON DAM LA BLTOS PA'I SRID ZHI GNYIS KYI MTHA' LA
GNAS PA'I BYANG 'PHAGS MED DE, DE

LA GNAS PA'I DON NI SRID ZHI BDEN PAR 'DZIN PA'I BDEN 'DZIN
GYI ZHEN YUL SUN 'BYIN MA MYONG BZHIG LA BYED PA'I PHYIR, SRID
MTHA' 'GOG BYED KYI SHES RAB STONG NYID RTOGS PA'I SHES RAB LA
BYED PA MI 'THAD DE, 'DIR BSTAN SRID MTHA' 'GOG BYED KYI SHES
RAB KYIS 'KHOR BA'I SKYON MTHONG BA YOD PA

'PHAGS SENG GNYIS KAS GSUNGS SHING, 'KHOR BA'I SKYON DE MTHAR
THUG DPYOD PA'I RIGS SHES TSAD MA'I RNYID DON MA YIN PA'I
PHYIR, DER MA ZAD SLOB PA'I RGYUD KYI GANG ZAG GI BDAG MED
MNGON SUM DU RTOGS PA'I SHES RAB KYIS KYANG 'KHOR BA'I SKYON
MA MTHONG STE, GANG ZAG GI BDAG MED DE MED DGAG

YIN PA'I PHYIR, KHA CIG, DMAN LAM SNGON MA SONG GI BYANG SEMS
SA BRGYAD PA BA'I GNAS SKABS SU RANG RGYUD LA BSKYED PA'I GZHI
SHES KYI GZUGS BRNYAN LAM SHER PHYIN GYI GTZO BO DE NYID 'DIR
GTAN LA 'BEBS PA YIN TE, GZHI SHES KYI GTZO BO THEG DMAN GYI
MNGON RTOGS DANG, LAM SHES KYI GTZO BO BYANG

SEMS KYI MNGON RTOGS YIN PAS, SRID ZHI GNYIS KYI PHA ROL TU
PHYIN BYED KYI SHER PHYIN GTAN LA 'BEBS PA'I PHYIR, DANG PO
GNYIS DER THAL, NYAN RANG GNYIS SDUG KUN NYE BAR ZHI BA'I NYER
ZHI GTZO BOR DON DU GNYER, BYANG SEMS KYIS RIGS CAN GSUM GYI
DON BSGRUB PA'I SGO NAS RANG GI BZHED DON SGRUB

PA'I PHYIR, SA BRGYAD PA NAS GZHI SHES KYI GZUGS BRNYAN BSKYED
CING BDUN PA MAN CHAD DU MI BSKYED PA'I RGYU MTSAN YOD DE,
BYANG SEMS KYIS RIGS CAN GSUM GYI DON BSGRUB PA LA LAM GSUM
SHES PA'I LAM SHES RANG RGYUD LA BSKYED DGOS, SA BRGYAD PA NAS
DE LTA BU'I LAM SHES RANG GI DANG GIS 'BYUNG 

@06A *, ,PAS ZHI MTHAR LTUNG BA SOGS KYI DGAG BYA MED, SA BDUN
PA MAN CHAD DU DE YOD PA'I PHYIR, DANG PO DER THAL, SA BRGYAD PA
NAS MI RTOG YE SHES LA GOM PA DBANG SGYUR THOB PA'I PHYIR, DE
LTAR YIN KYANG MTHONG LAM GYI SKABS SU MI RTAG SOGS SHES PAR
BSHAD PA DANG

MI 'GAL TE, LAM SHES KYI MI RTAG SOGS BDEN MED DU RTOGS PAS DE
DAG GI DMIGS PAR BSTAN PA'I PHYIR, GZHUNG 'DIS NYAN RANG GI
SNYING RJE DANG BYANG SEMS KYI SNYING RJE GNYIS KYI KHYAD PAR
BSTAN TE, BYANG SEMS KYI SNYING RJES ZHI MTHA' 'GOG NUS, NYAN
RANG GI SNYING RJES DE 'GOG MI NUS PA'I PHYIR,

DE'I DON NI, SDUG BSNGAL LAS SKYOB 'DOD KYI SNYING RJE YOD MED
KYI SGO NAS 'JOG NA DE LTAR 'THAD KYANG SNYING RJE CHEN PO YOD
MED KYI SGO NAS 'JOG NA MI 'THAD DE, SNYING RJE THUN MONG BA
NYAN RANG LA YOD PA'I PHYIR, THUN MONG MA YIN PA'I DBANG DU BYAS
NA DE LTAR 'THAD LA, ZHES RNAM BSHAD LAS THUN MONG DANG

THUN MONG MA YIN PA'I RNAM BCAD MDZAD PA LA DGOS PA YOD PA'I
PHYIR, GZHI SHES KYI SKYE TSUL DE YANG MI 'THAD PAR THAL, MTHONG
LAM NAS MI RTAG SOGS MNGON SUM DU RTOGS PA'I GZHI SHES SKYE BA'I
PHYIR TE, THEG PA GSUM CHAR 'THOB PA'I RGYU, ,ZHES GSUNGS PA'I
PHYIR, GNYIS PA NI, GZHI

SHES PA'I SHER PHYIN NYAN RANG RNAMS LA RING BA YIN TE, DE DAG
GIS DUS GSUM BDEN STONG MNYAM PA NYID DU MA RTOGS PA'I PHYIR,
NYAN RANG SLOB MI SLOB PHAL CHER KUN RDZOB LA BLTOS PA'I SRID
ZHI GANG RUNG GI MTHA' LA GNAS PA YIN TE, SLOB PA PHAL CHER SRID
MTHA' LA GNAS PA DANG, MI SLOB

PA THAMS CAD ZHI MTHA' LA GNAS PA'I PHYIR, DANG PO DER THAL, DE
DAG PHAL CHER LAS NYON GYI DBANG GIS SKYE BA LEN PA'I PHYIR,
PHYI MA DER THAL, 'KHOR BA SPANGS TZAM GYI MYANG 'DAS LA GNAS
PA'I PHYIR, NYAN RANG SLOB MI SLOB THAMS CAD BYANG SEMS LAM LA
BLTOS PA'I SRID MTHA' LA GNAS TE,

DE 'KHOR BAR SKYE BA LEN PA'I DNGOS PO LA MTHA' GCIG TU DOR BYAR
'DZIN PA'I PHYIR, DER THAL, 'KHOR BAR LAS NYON GYI DBANG GIS
SKYE BA LEN PA 'GOG PA MA ZAD SNYING RJE DANG SMON LAM GYI DBANG
GIS 'KHOR BA'I GNAS SU YANG DANG YANG DU SKYE BA BLANGS NAS
GZHAN DON BSGRUB PA'I RGYU SNYING RJE CHEN PO DANG

@06B BRAL BA'I PHYIR, YANG DE DAG BYANG SEMS LA BLTOS PA'I ZHI
MTHA' LA GNAS TE, DES 'KHOR BAR SKYE BA LEN PA CHAD TZAM GYI
MYANG 'DAS LA MTHA' GCIG TU BLANG BYAR 'DZIN PA'I PHYIR, DER
THAL, LAS NYON GYI DBANG GIS 'KHOR BAR SKYE BA LEN PA 'GAG PA MA
ZAD SNYING RJE DANG SMON LAM GYI DBANG GIS

'KHOR BA'I GNAS SU SKYE BA BLANGS NAS GZHAN DON BSGRUB PA'I
THABS SHES PA'I SHES RAB DANG BRAL BA'I PHYIR, MDOR NA NYAN RANG
RNAMS BYANG SEMS LAM LA BLTOS PA'I SRID ZHI DANG DE DAG GI BAR
NA DON DAM PAR GNAS TE, DE DAG GI GNYEN PO DANG BRAL ZHING SRID
ZHI BDEN PAR 'DZIN PA'I

BDEN 'DZIN GYIS BCINGS PA'I PHYIR, KHA CIG ,DE STONG NYID RTOGS
PA'I SHES RAB DANG BRAL BAS BYANG SEMS LAM LA BLTOS PA'I SRID
MTHA' LA GNAS PA DANG, LHAG BSAM RNAM DAG DANG BRAL BAS BYANG
SEMS LAM LA BLTOS PA'I ZHI MTHA' LA GNAS PA YIN NO, ,ZER NA, DE
MI 'THAD DE,

SNGAR BSHAD PA LTAR YIN PA TSAD LDAN GYI GZHUNG LAS GSUNGS PA'I
PHYIR, NYAN RANG THAMS CAD BYANG SEMS LAM LA BLTOS PA'I SRID ZHI
GNYIS KA'I MTHA' LA GNAS PA YIN KYANG, KUN RDZOB LA BLTOS PA'I
SRID ZHI GNYIS KA'I MTHA' LA GNAS PAS MA KHYAB STE, SLOB PA
RNAMS ZHI MTHA' LA MI GNAS,

MI SLOB PA RNAMS SRID MTHA' LA MI GNAS PA'I PHYIR, DANG PO DER
THAL, DE DAG GIS MYANG 'DAS MA THOB PA'I PHYIR, PHYI MA DER
THAL, LAS NYON GYI DBANG GIS NYID 'TSAMS SBYOR BA DANG 'KHOR BA
DON GCIG PA NI GANG ZHIG ,DE LTAR BYED PA'I DGRA BCOM PA MED
PA'I PHYIR, KHA CIG ,DE GNYIS

DON GCIG PA MI 'THAD DE, MYANG 'DAS 'KHOR BA'I MTHA' YIN PA'I
PHYIR TE, RTZA SHES LAS, MYA NGAN 'DAS MTHA' GANG YIN PA, ,ZHES
SOGS GSUNGS PA'I PHYIR, ZHE NA, SKYON MED DE, 'KHOR BA'I ZAD
MTHA' LA DGONGS PA'I PHYIR, SRID PA YIN NA SRID MTHA' YIN PAS
KHYAB KYANG,

ZHI BA YIN NA ZHI MTHA' YIN PAS MA KHYAB STE, MI GNAS PA'I MYANG
'DAS ZHI MTHA' MA YIN PA'I PHYIR, KHA CIG ,THEG DMAN GYI GANG
ZAG YIN NA SRID ZHI GNYIS KA'I MTHA' LA GNAS PAS KHYAB STE,
'GREL PA LAS, SNYING BRTZE BA DANG SHES RAB DANG BRAL BA'I PHYIR
DNGOS PO DANG DNGOS PO MED

@07A *, ,PAR DMIGS PA NYID KYI 'KHOR BA DANG MYA NGAN LAS 'DAS
PA LA GNAS PA YIN PAR SHES PAR BYA'O, ,ZHES GSUNGS PA'I PHYIR,
ZER NA, SKYON MED DE, BYANG SEMS LAM LA BLTOS PA'I SRID ZHI
GNYIS KYI MTHA' LA DGONGS PA'I PHYIR, KHA CIG ,SRID ZHI

GNYIS KYI MTHA' LA GNAS PA'I GANG ZAG YIN NA, DE GNYIS RGYUD LA
LDAN PAS MA KHYAB PAR THAL, RTAG CHAD KYI MTHA' LA GNAS PA'I
GANG ZAG YIN NA, DE GNYIS RGYUD LA LDAN PAS MA KHYAB PA'I PHYIR,
DE LA MA KHYAB STE, 'O NA, RTAG CHAD KYI MTHA' YOD PAR THAL,
SRID ZHI'I MTHA' YOD PA'I PHYIR

STOBS MTSUNGS SO, ,BZHI ZHI PA LA, KHA CIG  ,GZHI KUN RDZOB LA
BLTOS TE SRID MTHA' 'GOG BYED KYI RTOGS RIGS SU GNAS PA'I THEG
CHEN 'PHAGS PA'I MKHYEN PA, SHES PAS SRID LA MI GNAS PA'I GZHI
SHES KYI MTSAN NYID, GZHI KUN RDZOB LA BLTOS TE ZHI MTHA' 'GOG
BYED KYI RTOGS RIGS SU

GNAS PA'I THEG CHEN 'PHAGS PA'I MKHYEN PA, SNYING RJES ZHI LA MI
GNAS PA'I LAM SHES KYI MTSAN NYID, ZER NA, MI 'THAD DE, GNYIS KA
LA LAM SHES KYI THA SNYAD BYED DGOS PA'I PHYIR, DER THAL, NYAN
RANG GI LAM SHES PA'I LAM SHES DE, MTHA' GNYIS RNAM DAG GI DU
NYAMS SU

LEN TSUL GTZO BOR GTAN LA 'BEBS PA'I SKABS YIN PA'I PHYIR, RANG
LUGS LA, DANG PO DE SHES PAS SRID LA MI GNAS PA'I LAM SHES KYI
MTSAN NYID, MTSAN GZHI NI, MI RTAG SOGS RTOGS PA'I BYANG 'PHAGS
KYI MKHYEN PA LTA BU YIN, GNYIS PA GZHAN LUGS LTAR YIN, MTSAN
GZHI NI,

BYANG 'PHAGS KYI RGYUD KYI LHAG BSAM RNAM DAG LTA BU YIN, ,` DE
NI MTSAN MAR DMIGS SGO NAS, ,ZHES SOGS KYI SKABS SU, GZHI SHES
PA'I SHER PHYIN NYAN RANG LA RING, SANGS RGYAS BYANG SEMS KYI
RGYUD LA NYE BA'I NYE RING GI LAM DU 'GYUR TSUL, RTZOD LAN GYI
SGO NAS 'CHAD PA DANG, DON BSDUS

TE NYE RING GI LAM DU 'GYUR TSUL LO, ,DANG PO LA, RTZOD LAN
GNYIS LAS, DANG PO NI, GANG LA RTZOD PA'I YUL, GANG GIS RTZOD
PA'I GANG ZAG ,JI LTAR RTZOD PA'I TSUL RNAMS KYI KHYAD PAR YOD
DE, TSU ROL PHA ROL MTHA' LA MIN, ,ZHES SOGS KYI SKABS SU, GZHI
SHES PA'I SHER PHYIN DE DUS

@07B GSUM BDEN STONG MNYAM BA NYID DU RTOGS PA YOD MED KYI SGO
NAS, NYAN RANG DANG SANGS RGYAS BYANG SEMS LA NYE RANG GI LAM DU
'GYUR TSUL BSHAD PA LA RTZOD, GANG ZAG NYAN RANG LA CHOS KYI
BDAG MED RTOGS PA YOD PAR 'DOD PA'I THAL 'GYUR BA'I RIGS CAN
GYIS RTZOD PA'I PHYIR, RTZOD TSUL LA DE RTOGS

PA YOD MED KYI SGO NAS NYE RANG GI LAM DU 'GYUR TSUL BSHAD PA MI
'THAD PAR THAL, NYAN RANG LA GZHI'I GNAS LUGS RTOGS PA YOD PA
GANG ZHIG ,DE RTOGS PA DUS GSUM BDEN STONG MNYAM NYID DU RTOGS
PA YIN PA'I PHYIR TE, 'JIG RTEN 'DAS PA BSTOD PA LAS, ,RTEN CING
'BREL PAR 'BYUNG BA GANG,,

DE NYID KHYOD NI STONG BAR BZHED, ,CES GSUNGS PA'I PHYIR, GNYIS
PA LAN LA, NYAN RANG LA DUS GSUM BDEN STONG MNYAM NYID DU RTOGS
PA MED DE, GZUGS SOGS BDEN STONG SPROS BRAL YIN PA MA SHES PAR
GZUGS SOGS BDEN PAR 'DZIN PA'I BDEN 'DZIN GYIS BCINGS PA'I SGO
NAS MI RTAG

SOGS SU SHES PAR BYED PA'I PHYIR, DER THAL, STONG NYID STON PA'I
DGE BA'I BSHES GNYEN GYI THABS MKHAS DANG BRAL BA'I PHYIR, DE
YUN RING DU MNYES PAR MA BYAS PA'I PHYIR, STONG NYID STON PA'I
DGE BA'I BSHES GNYEN DANG BRAL BAS BDEN 'DZIN GYIS BCINGS BA'I
DPE YANG YOD DE, RDE SHING

RTA GLANG DU SPRUL PA'I TSE NA, DE SGYU MAR STON PA PO MED PA'I
LTAD MO BAS DE RTA GLANG DU ZHEN PA LTA BU YIN PA'I PHYIR, BYANG
SEMS RNAMS LA DUS GSUM BDEN STONG DU RTOGS PA YOD DE, GZUGS SOGS
KYI CHOS BDEN STONG SPROS BRAL DU SHES PA YOD PA'I PHYIR, DE
SHES PAS DUS GSUM BDEN STONG

MNYAM NYID DU SHES PA YIN PA'I PHYIR, SNGA MA DER THAL, GZUGS
SOGS KYI STENG DU BDEN PA GNYIS KYI RNAM GZHAG PHYIN CI MA LOG
PA GTAN LA 'BEBS PA LA MKHAS PAS THOS BSAM SGOM GSUM GYI SHES
RAB RIMS KYI 'PHEL STOBS KYIS GZUGS SOGS BDEN PAR 'DZIN PA'I
BDEN

'DZIN GYIS BCINGS PA'I MTSAN MA BSAL BA'I PHYIR, DER THAL, STONG
NYID STON PA'I DGE BA'I BSHES GNYEN GYIS ZIN PA'I PHYIR TE, DE
YUN RING DU MNYES PAR BYAS PA'I PHYIR, DES NA NYAN RANG LA CHOS
KYI BDAG MED RTOGS PA MED DE, SNGAR GYI RTZOD PA DE NYAN RANG LA
DE RTOGS PA YOD PAR

@08A *, ,'DOD PA'I RTZOD PA YIN ZHING, LUNG DES RTEN 'BREL LA
BDEN STONG GIS KHYAB PA BSTAN YANG, SLOB DPON GYI BZHENG PAS
NYAN RANG LA STONG PA RTEN 'BYUNG GI DON DU RTOGS PA MED PA'I
SGO NAS LAN MDZAD PA'I PHYIR, DE SKAD DU YANG, RNAM BSHAD LAS,
SLOB

DPON GYI BZHED PAS LUNG DES RTEN 'BREL LA BDEN STONG GIS KHYAB
PA BSTAN YANG, NYAN RANG RNAMS LA RTOGS PA DE MED PA'I SGO NAS
LAN MDZAD DO, ,ZHES GSUNGS PA'I PHYIR, DE LTAR YIN YANG, RTEN
PA'I CHOS KYI BYE BRAG GIS, ,ZHES SOGS DANG MI 'GAL TE, DE SKABS
'DIR DRANG

DON DU 'GREL BA'I PHYIR, GZHAN YANG, RGYAN GYI DGONGS PA RANG
RGYUD DU 'GREL BA'I SKABS GSUM PA GZHIR BZHAG LA, NYAN RANG LA
CHOS KYI BDAG MED RTOGS PA MED PA RJE'I DGONGS PA MTHAR THUG YIN
TE, RNAM BSHAD DGONGS PA RAB GSAL LAS, RGYAN GYI 'GREL MDZAD DE
DAG GI

LUGS LA YANG TSUL GNYIS SU SHES PAR BYA'O, ,ZHES GSUNGS PA GANG
ZHIG ,TSUL GNYIS KYI DON NYAN RANG LA CHOS KYI BDAG MED RTOGS PA
YOD PAR BSTAN PA'I SKABS DANG, MED PAR BSTAN PA'I SKABS GNYIS
YOD PA'I DON YIN NAM, RTOGS PAS KHYAB MA KHYAB KYI TSUL GNYIS
BSTAN

PA'I DON YIN, DANG PO LTAR NA, SKABS GSUM PA 'DIR CHOS KYI BDAG
MED RTOGS PA MED PAR BSTAN PA'I SKABS SU BYED DGOS PAS, GSUM PA
GZHIR BZHAG LA NYAN RANG LA CHOS KYI BDAG MED RTOGS PA MED PAR
GRUB, GNYIS PA LTAR NA, NYAN RANG 'PHAGS PA LA CHOS KYI BDAG MED
RTOGS

MYONG GIS MA KHYAB PA TZAM LA, SKABS GSUM PA 'DIR THEG DMAN GYI
GZHI SHES DANG, BYANG SEMS KYI GZHI SHES GNYIS MTSAN 'DZIN GYIS
BCINGS MA BCINGS GNYIS KYI SGO NAS 'BRAS YUM SGRUB PA'I NYE RING
GI LAM DU 'GYUR TSUL DANG, MTHAR THEG DMAN PA RNAMS STONG NYID
STON PA'I DGE BA'I

BSHES GNYEN GYIS THABS MKHAS DANG BRAL BA'I BAR DU SGRUB PA DKA'
BA'I PHYIR DANG, DER MA ZAD, RTEN PA'I CHOS KYI BYE BRAG GIS,
,DE YI DBYE BA YONGS SU BRJOD, ,CES PA'I SKABS SU NYAN RANG
'PHAGS PA LA CHOS KYI BDAG MED RTOGS MYONG GIS KHYAB PA BSTAN
PAR THAL, RTAGS GNYIS PA LTAR

@08B YIN PA'I PHYIR, 'DOD MI NUS TE, SNYING PO RGYAN DANG 'GAL
BA'I PHYIR, SNYING PO RGYAN LAS, DBU MA THAL 'GYUR BA 'DOD PA
LTAR THEG DMAN GYI 'PHAGS LAM THOB PA LA STONG NYID PHRA MO
RTOGS DGOS PA LTAR MI BZHED KYANG STONG NYID PHRA MO MNGON SUM
DU RTOGS PA'I THEG DMAN 'PHAGS PA YOD PAR BZHED PA'I DBU MA

RANG RGYUD PA SHIN TU MANG NGO, ,ZHES GSUNGS PA'I PHYIR, DE'I
SKABS SU SNYING PO RGYAN LAS, THEG DMAN 'PHAGS PA LA STONG NYID
RTOGS PA YOD PAR BSTAN, KHYAB PAR BSTAN PA LA STONG MTHUN CHAN
MOS DGAG PA MDZAD PA'I PHYIR, RGYAN LAS RTAGS PA YOD MED KYI
TSUL GNYIS 'BYUNG BA MI 'GAL TE, DPER NA,

RNAM 'GREL LAS, PHYI DON YOD PAR BSTAN PA'I SKABS DANG, MED PAR
BSTAN PA'I SKABS GNYIS 'BYUNG BA LTA BU YIN PA'I PHYIR, GNYIS PA
LA, NYAN RANG GI GZHI SHES DANG BYANG SEMS KYI GZHI SHES GNYIS
'BRAS YUM SGRUB PA'I NYE RING GI LAM DU 'GYUR TSUL YOD DE, THEG
DMAN RIGS NGES DANG,

THEG CHEN RIGS NGES GNYIS RANG RANG GI LAM DU DUS MNYAM DU ZHUGS
PA NA THEG DMAN RIGS NGES NGES RANG GI BYANG CHUB THOB SLA
ZHING, THEG CHEN RIGS NGES DES RDZOGS BYANG THOB DKA' YANG, NYAN
RANG DGRA BCOM PA RNAMS KYIS GTZO BAR GZHAN DON BSGRUB PA LA
GZHOL BAR MA BYAS SHING, 'KHOR BA'I

NYES DMIGS DANG, THAR PA'I PHAN YON BSAM PA TZAM LA GOMS PAR
BYAS PAS KHYAB PA 'DU BYED KYI SDUG BSNGAL NYE BAR ZHI BA'I NYER
ZHI'I DBYINGS LA BSKAL PA LA SOGS PA'I BAR DU SNYOM PAR 'JUG PA
DANG, DE BZHIN GSHEGS PA'I SKU'I 'OD ZER GYIS BSKUL NAS KYANG
YANG NAS YANG DU SNYOM PAR

'JUG PA DANG, DER MA ZAD BYANG CHUB MCHOG TU SEMS BSKYED NAS
KYANG, MNYAM GZHAG 'DI LA DUS RTAG TU MNYAM PAR GZHAG PAR BYA'O
SNYAM PA'I BLO'I 'PHEN PA BTANG BA'I SGO NAS SNYOM PAR 'JUG PA
MED KYANG, SPON GOMS PA'I DBANG GIS CUNG ZAD CUNG ZAD SNYOM PAR
'JUG PAS BSOD NAMS KYI

TSOGS RGYA CHEN PO BSOG PA DE NYUNG BAS DES ZIN PA'I STONG NYID
RTOGS PA'I SHES RAB DE SPANG BYA'I SA BON SPONG BA'I NUS PA
CHUNG BA'I PHYIR, DES NA GZHI SHES DE GNYIS NYE RING GI LAM DU
'GYUR BA'I RGYU MTSAN YOD DE, NYAN RANG GI GZHI SHES DE THABS
SHES KHYAD PAR CAN GNYIS DANG BRAL BAS 'BRAS YUM SGRUB PA'I

@09A *, ,BGEGS BYED KYI GTZO BO GZHI LAM BDEN PAR 'DZIN PA'I
BDEN 'DZIN DANG, RANG NYID GCIG PU ZHI BDE DON GNYER GYI BLOS
BCINGS SHING, BYANG SEMS KYI GZHI SHES DE DE DAG GI DNGOS KYI
GNYEN PO STONG NYID RTOGS PA'I SHES RAB DANG LHAG BSAM RNAM DAG
GIS ZIN PA'I

PHYIR, ` GZUGS SOGS PHUNG PO STONG NYID DANG, ,ZHES SOGS KYI
SKABS SU, GZHI SHES GNYIS KYI NGO BO BSHAD PA DANG, MI MTHUN PA
DANG GNYEN POR 'GYUR TSUL BSHAD PA DANG GNYIS, DANG PO LA, THABS
SHES KHYAD PAR CAN GNYIS KYIS ZIN PA'I THEG DMAN GYI RTOGS RIGS
SU GNAS PA'I

THEG CHEN 'PHAGS PA'I MKHYEN PA, GNYEN PO PHYOGS KYI GZHI SHES
KYI MTSAN NYID, DE DANG 'BRAS YUM LA NYE BA'I GZHI SHES DANG,
THEG CHEN GYI GZHI SHES RNAMS DON GCIG ,MTSAN GZHI NI, BYANG
'PHAGS KYI RGYUD KYI MI RTAG SOGS RTOGS PA'I MKHYEN PA DANG,
DE'I RGYUD KYI GZUGS

'DZIN RDZAS GZHAN GYIS STONG PA'I STONG NYID RTOGS PA'I MKHYEN
PA DANG, THAR PA DON GNYER GYI BSAM PA RNAMS YIN NO, ,THABS SHES
KHYAD PAR CAN GNYIS DANG BRAL BA'I THEG DMAN 'PHAGS PA'I MKHYEN
PA, MI MTHUN PHYOGS KYI GZHI SHES KYI MTSAN NYID, DE DANG 'BRAS
YUM LA RING BA'I

GZHI SHES DANG, THEG DMAN GYI GZHI SHES RNAMS DON GCIG ,GNYIS PA
NI, GZHI LAM LA MTSAN 'DZIN GYI SPANG GNYEN GYIS ZIN MA ZIN GYI
SGO NAS MI MTHUN PA DANG GNYEN PAR 'GYUR TSUL DANG, 'BRAS BU LA
MTSAN 'DZIN GYI SPANG GNYEN GYIS ZIN MA ZIN GYI SGO NAS MI MTHUN
PA DANG GNYEN

POR 'GYUR TSUL BSHAD PA DANG GNYIS, DANG PO LA, JI SNYED PA
GZUGS SOGS KYI DNGOS PO DANG, JI LTA BA DE'I STENG GI GANG ZAG
GI BDAG GIS STONG BA DANG, LAM SBYIN SOGS BDEN PAR 'DZIN PA'I
BDEN 'DZIN GYIS BCINGS PA'I NYAN THOS KYI MTHONG LAM BAR CHAD
MED LAM CHOS CAN,

BYANG SEMS LAM LA BLTOS PA'I MI MTHUN PHYOGS YIN TE, RANG GI
NGOS SKAL GYI BDAG 'DZIN KUN BTAGS DANG, 'DZIN STANGS DNGOS SU
'GAL BA'I LAM YIN KYANG, RNAM PA THAMS CAD DU NYES SKYON DANG
GRAL BA'I GNYEN PO MA YIN PAS MYUR DU 'TSANG RGYA BAR 'DOD PA'I
GANG ZAG GIS

@09B DANG POR LAM DE NAS 'JUG PA SPANG PAR BYA BA YIN PA'I
PHYIR, RNAM PA THAMS CAD DU NYES SKYON DANG BRAL BA'I LAM MA YIN
TE, 'BRAS YUM SGRUB PA'I BGEGS BYED KYI GTZO BO GZHI LAM BDEN
PAR 'DZIN PA'I BDEN 'DZIN DANG, RANG NYID GCIG PU ZHI BDE DON
GNYER GYI BLOS BCINGS PA YIN PA'I PHYIR, DE

BDEN 'DZIN DU 'DOD PA MI 'THAD DE, DE LTAR YIN NA GANG ZAG GI
BDAG 'DZIN KUN BTAGS DANG, ZHAN YUL LA 'KHRUL BA'I LOG SHES SU
MTSUNGS PAR 'GYUR BAS BDAG 'DZIN DE'I SA BON SPONG MI NUS PA'I
PHYIR, GZHAN YANG, DE ZHEN YUL LA 'KHRUL LAM MA 'KHRUL, 'KHRUL
NA RNAL

'BYOR MNGON SUM MA YIN PAR 'GYUR, GNYIS PA LTAR NA, ZLA BA GNYIS
SNANG GI DBANG SHES LTAR RTOG MED LOG SHES YIN PAR THAL, MA
'KHRUL BA GANG ZHIG ,LOG SHES YIN PA'I PHYIR, DE YANG SNGAR
BSHAD PA LTAR DANG POR LAM DE NAS 'JUG PA SPANG BAR BYA BA YIN
GYI, LAM DE'I DMIGS RNAM

GYI LOG PHYOGS BZUNG BA'I SGO NAS SPANG BAR BYA BA MA YIN TE, DE
YIN NA, DE SPONG BYED KYI LAM DE ZHEN YUL LA 'KHRUL BA'I LOG
SHES SU 'GYUR BA'I PHYIR, BDEN 'DZIN GYIS BCINGS PA'I DON YANG
BDEN 'DZIN RGYUD LA LDAN PA TZAM LA MI BYED DE, GZUGS SOGS BDEN
PAR GRUB MA GRUB BRTAGS

PA NA BDEN ZHEN LAS MI 'DA' ZHING, STONG NYID THOS BSAM GYIS
KYANG GTAN LA MA PHEBS PA LA BYED PA'I PHYIR, DE LA KHA CIG
,STONG NYID MNGON SUM DU RTOGS PA'I THEG DMAN 'PHAGS PA RNAMS
STONG NYID MNGON SUM DU RTOGS KYANG BDEN 'DZIN GYIS BCINGS PA
YIN TE, NYAN THOS MTHONG

LAM PA GANG ZAG GI BDAG 'DZIN GYIS BCINGS PA'I PHYIR, DER THAL,
DE RTEN 'BREL YAN LAG BCU GNYIS KYI THOG MAR GYUR PA'I GANG ZAG
GI BDAG 'DZIN GYIS BCINGS PA'I PHYIR, DER THAL, DE'I DBANG GIS
'KHOR BAR BCINGS BA'I PHYIR, ZER NA MA KHYAB, RTAGS GRUB STE,

DE 'KHOR BAR 'KHOR BA'I GANG ZAG YIN PA'I PHYIR, ZER NA, NYAN
RANG 'PHAGS PA LA CHOS KYI BDAG MED PHRA MO RTOGS PA YOD PAR
BSTAN PA'I SKABS SU MTSAMS DER KHYAB MED KYI LAN 'DEBS DGOS TE,
BCINGS ZHES PA'I TSIG TZAM MTHUN YANG DON SHIN TU MI MTHUN PA'I
PHYIR, BYANG

@10A *, ,'PHAGS KYI RGYUD KYI MI RTAG SOGS BDEN MED DU RTOGS
PA'I SHES RAB KYIS ZIN PA'I GZHI SHES CHOS CAN, GNYEN PO PHYOGS
KYI GZHI SHES YIN TE, 'BRAS YUM SGRUB PA'I GEGS BYED KYI GTZO BO
GZHI LAM BDEN PAR 'DZIN PA'I BDEN 'DZIN DANG, RANG NYID

GCIG BU ZHI BDE DON GNYER GYI BLO'I DNGOS KYI GNYEN PO GZHI LAM
BDEN MED DU MNGON SUM DU RTOGS PA'I SHES RAB DANG, LHAG BSAM
RNAM DAG GIS ZIN PA'I PHYIR, BYANG 'PHAGS KYI RGYUD KYI GZHI LAM
BDEN MED DU MNGON SUM DU RTOGS PA'I SHES RAB CHOS CAN, GZHI LAM
BDEN

PAR 'DZIN PA'I BDEN 'DZIN GYI GNYEN PO YIN TE, DE DANG 'DZIN
STANGS DNGOS SU 'GAL BA'I SGO NAS SBYIN SOGS KYI SPYOD PA RGYA
CHEN PA LA ZHUGS PA'I PHYIR, GNYIS PA LA, NYAN RANG GI RGYUD KYI
DE BZHIN GSHEGS PA BDEN PAR 'DZIN PA'I BDEN 'DZIN GYIS BCINGS
PA'I SGO NAS, DE

BZHIN GSHEGS PA LA PHYAGS PA'I DANG BA'I DAD PA CHOS CAN, RANG
GI MI MTHUN PHYOGS MA DANG PA SOGS KYI GNYEN PO YIN KYANG RNAM
PA THAMS CAD DU NYES SKYON DANG BRAL BA'I GNYEN PO MA YIN TE,
'BRAS YUM SGRUB PA'I GEGS BYED KYI GTZO BO DE BZHIN GSHEGS PA
BDEN PAR 'DZIN

PA'I BDEN 'DZIN GYIS BCINGS PA'I PHYIR, GZHI LAM 'BRAS GSUM BDEN
PAR 'DZIN PA'I BDEN 'DZIN DE 'BRAS YUM SGRUB PA'I GEGS BYED KYI
GTZO BO YIN TE, DE DAG BDEN PAS STONG PA ZAB MO YIN PA GANG ZHIG
,'BRAS YUM THOB PA LA ZAB MO RTOGS DGOS PA'I PHYIR, DANG PO

DER THAL, GZHI LAM 'BRAS BUS BSDUS PA'I CHOS RNAMS DON DAM PAR
RANG NGOS NAS GRUB PAS STONG BA DE DAG GI GNAS LUGS YIN PA'I
PHYIR, BYANG SEMS KYI RGYUD KYI SHES PA DANG SHES BYA BDEN MED
DU MNGON SUM DU RTOGS PA'I YE SHES CHOS CAN, 'BRAS BU BDEN PAR
'DZIN

PA'I BDEN 'DZIN GYI DNGOS KYI GNYEN PO YIN TE, 'BRAS BU BDEN MED
DU MNGON SUM DU RTOGS PA'I YE SHES YIN PA'I PHYIR, SHES PA DANG
SHES BYA BDEN PAS STONG STE, GZUGS SOGS KYI CHOS RNAMS BDEN PAS
STONG PAR RO GCIG PA'I PHYIR, 'BRAS BU BDEN PAS STONG BA THOB

@10B PA YIN TE, MTHAR THUG DPYOD PA'I TSAD MAS RNYED DGOS SHING
THA SNYAD DPYAD BYED KYI RIGS SHES TSAD MAS RTOGS DKA' BA'I
PHYIR TE, TING 'DZIN RGYAL PO LAS, MIG DANG RNA BA SNA YANG TSAD
MA MIN, ,ZHES GSUNGS PA'I PHYIR, DE THA SNYAD PA'I TSAD MAS
RTOGS MI NUS TE, DE KUN RDZOB YIN PAR THA SNYAD

PA'I TSAD MAS MI SHES SHING, DON DAM YIN PAR MTHAR THUG DPYOD
PA'I TSAD MAS SHES DGOS PA'I PHYIR, ` GZUGS SOGS DE MI RTAG SOGS
DANG, ,ZHES SOGS KYI SKABS SU, SEMS DPA'I GZHI SHES SBYOR BA
BSHAD PA DANG, ZHAR LA MTSAN NYID GSUM GYI RNAM GZHAG BSHAD PA
DANG GNYIS,

DANG PO LA, YUL BCU LA BDEN ZHEN BKAG PA'I SHES RAB KYIS ZIN
PA'I SGO NAS THEG DMAN GYI RTOGS RIGS SU GNAS PA'I SEMS DPA'I YE
SHES, SKABS 'DIR BSTAN GYI SEMS DPA'I GZHE SHES SBYOR BA'I MTSAN
NYID, DE LA ZIN BYED KYI SGO NAS DBYE NA BCU YOD, YUL GYI SGO
NAS PHYE NA

KHYAD GZHI GZUGS SOGS KYI DNGOS PO DANG, KHYAD CHOS DE'I STENG
GI MI RTAG SOGS DANG, GANG ZAG GI BDAG GIS STONG BA DANG, YON
TAN GYI RTAN DU RDZOGS MA RDZOGS GNYIS GCIG TU BYAS NAS JI SNYED
PA LA BDEN ZHEN BKAG PA RNAMS DANG, DON DAM PAR CHAGS PA MED PA
LA BDEN

ZHEN BKAG PA'I JI LTA BA GCIG DANG, DMIGS PA DANG GZHI'I NGO
BO'I SGO NAS PHYE NA LAS SU BYA BA SHER PHYIN DON DAM PAR 'PHEL
'GRIB GYIS GZHAN DU MI 'GYUR BA RTOGS PA DANG, BYED PA'I SGO NAS
DON DAM PAR BYED PA PO MED PAR RTOGS PA DANG, 'BRAS BU'I SGO NAS
DON DAM PAR RNAM

MKHYEN CHED DU BYA BA MA YIN KYANG THA SNYAD DU CHAD DU BYA BAR
RTOGS PA DANG, RGYU LAM SHES DON DAM PAR MED KYANG THA SNYAD DU
RNAM MKHYEN GYI RGYU'I SBYOR BAR RTOGS PA DANG, GZHI SHES DON
DAM PAR MED KYANG THA SNYAD DU GDUL BYA GZHAN RJES SU 'DZIN PA'I
THABS KYI BYED PA DANG LDAN PAR RTOGS PA

RNAMS KYI SBYOR BA BYA DKA' BA GSUM GCIG TU BYAS PA'I SGO NAS
GSUM YOD, BYED PA BYANG CHUB GZHAN KHO NA LA RAB MA LAS SHING
RANG STOBS KYIS THOB PA DANG, SRUNG SKYOB SOGS RANG GI NUS PAS
GZHAN GYI RKYEN GYIS MI 'GRO BA DANG GNYIS, SNGAR BSHAD PA DE
DAG GANG LA BRTEN NAS NGES

@11A *, ,PA'I DPE BDUN LA BDEN ZHEN BKAG NAS RTOGS PA'I YE SHES
GCIG TU BYAS PA RNAMS SU YOD PA'I PHYIR, SNGAR BSHAD PA DE DAG
BDEN PAR SNANG YANG BDEN PAR MED PA GANG LA BRTEN NAS NGES PAR
BYED PA'I TSUL YANG YOD DE, SGYU MA LA SOGS PA'I DPE

BDUN LA BRTEN NAS NGES PAR BYED PA'I PHYIR, GZUGS SOGS KYI DNGOS
PO RNAMS CHOS CAN, BDEN PAR SNANG YANG BDEN PAR MED DE, MNGON
ZHEN GYI BAG CHAGS 'GYUR BA'I SNANG BA TZAM YIN PA'I PHYIR, DPER
NA RMI LAM BZHIN, TING 'DZIN RGYAL PO LAS, JI LTAR BU MO GZHON

NU'I RMI LAM NA, ,BU PHO BYUNG ZHING SHI BA DE MTHONG NAS,
,BYUNG NAS DGA' ZHING SHI NAS MI DGA' LTAR, ,CHOS RNAMS THAMS
CAD DE BZHIN SHES PAR GYIS, ,ZHES GSUNGS PA'I PHYIR, DE RNAMS
CHOS CAN, BDEN PAR SNANG YANG BDEN PAR MED DE, RGYU RKYEN MNYAM
DU TSOGS PA'I DBANG GIS SNANG

BA TZAM YIN PA'I PHYIR, DPER NA SGYU MA BZHIN, TING 'DZIN RGYAL
PO LAS, SGYU MA BYED PA DAG GIS GZUGS SPRUL NAS, ,RTA DANG GLANG
PO SHING RTA SNA TSOGS BYAS, ,DE LA JI BZHIN SNANG BA GANG YANG
MED, ,CHOS RNAMS THAMS CAD DE BZHIN SHES PAR GYIS, ,ZHES GSUNGS
PA'I PHYIR,

DE RNAMS CHOS CAN, BDEN PAR SNANG YANG BDEN PAR MED DE, RKYEN LA
RAG LAS PA'I SNANG BA TZAM YIN PA'I PHYIR, DPER NA SGRA SNYAN
BZHIN, TING 'DZIN RGYAL PO LAS, JI LTAR MI ZHIG NAGS RI'I KHROD
DONG NAS, ,GLU LEN SMRA DANG DU DANG DGOD BYED DANG, ,BRAG CAR
SNANG YANG BDEN PAR GANG

YANG MED, ,CHOS RNAMS THAMS CAD DE BZHIN SHES PAR GYIS, ,ZHES
GSUNGS PA'I PHYIR, DE RNAMS CHOS CAN, BDEN PAR SNANG YANG BDEN
PAR MED DE, BAG CHAGS 'JOG BYED KYI SNANG BA LAS MA 'PHOS PA'I
SNANG BA TZAM YIN PA'I PHYIR, DPER NA GZUGS BRNYAN BZHIN, ,TING

'DZIN RGYAL PO LAS, JI LTAR NAM MKHA' DVANGS PAR ZLA SHAR BA,
,DE YI GZUGS BRNYAN DVANGS PA'I MTSOR SNANG YANG, ,ZLA BA CHU YI
NANG DU 'PHOS PA MED, ,CHOS RNAMS THAMS CAD DE BZHIN SHES PAR
GYIS, ,ZHES GSUNGS PA'I PHYIR, DE RNAMS CHOS CAN, BDEN PAR SNANG

@11B YANG BDEN PAR MED DE, BDEN PAR YOD PA DANG 'GAL BA'I SNANG
BA TZAM YIN PA'I PHYIR, DPER NA SMIG RGYU BZHIN, TING 'DZIN
RGYAL PO LAS, JI LTAR SO GA NYI MA PHYED DUS SU, ,SKYES BU SKOM
PAS GDUNGS SHING 'GRO BA NA, ,SMIG RGYU DAG LA CHU YI PHUNG POR
MTHONG, ,CHOS RNAMS THAMS CAD DE BZHIN

SHES PAR GYIS, ,ZHES GSUNGS PA'I PHYIR, DE RNAMS CHOS CAN, BDEN
PAR SNANG YANG BDEN PAR MED DE, BDEN PAR GRUB PA'I RTEN MED PA'I
SNANG BA TZAM YIN PA'I PHYIR, DPER NA DRI ZA'I GRONG KHYER
BZHIN, TING 'DZIN RGYAL PO LAS, JI LTAR SMIG RGYU DRI ZA'I GRONG
KHYER BCAS, ,RMI LAM JI BZHIN

SGYU MA JI BZHIN DU, ,MTSAN MA GOMS PA NGO BO NYID KYIS STONG,
,CHOS RNAMS THAMS CAD DE BZHIN SHES PAR GYIS, ,ZHES GSUNGS PA'I
PHYIR, GZHUNG 'DIS SEMS DPA'I GZHI SHES SBYOR BA'I ZIN BYA ZIN
BYED GNYIS KYI NANG NAS ZIN BYED DE DNGOS SU BSTAN KYANG ZIN BYA
SEMS DPA'I

GZHI SHES SBYOR BA DNGOS BSTAN BSTAN BYA'I GTZO BOR BYAS NAS
BSTAN PA'I PHYIR, DE'I DNGOS BSTAN BSTAN BYA'I GTZO BO GZHI GRUB
PA'I PHYIR, ZHAR LA MTSAN NYID GSUM GYI RNAM GZHAG BSHAD PA LA,
GZHAN DBANG BDEN STONG SGYU MA LTA BU CHOS CAN, YON TAN GYI RTEN
DU RDZOGS TE, KHYOD 'DZIN

STANGS KYI YUL DU BYAS NAS BSGOMS PAS YON TAN GONG NAS GONG
'PHEL DU 'GYUR BA'I PHYIR, BDEN 'DZIN CHOS CAN, YON TAN GYI RTEN
DU MA RDZOGS TE, YON TAN SKYE BA'I GEGS BYED YIN PA'I PHYIR,
GZHAN DBANG BDEN STONG CHOS CAN, YON TAN GYI RTEN DU RDZOGS TE,
KHYOD 'DZIN STANGS

KYI YUL DU BYAS NAS BSGOMS PA LA BRTAN NAS YON TAN SNGAR MA
'THOB PA GSAR DU 'THOB PA DANG, THOB PA GONG NAS GONG 'PHEL DU
'GYUR BA'I PHYIR, GZHAN DBANG BDEN GRUB CHOS CAN, YON TAN GYI
RTEN DU MA RDZOGS TE, RANG GI MTSAN NYID KYIS MA GRUB PA'I
PHYIR, RGYAN SNANG LAS, MTSAN

NYID KYIS STONG PA'I PHYIR KUN BTAGS PA'I GZUGS NI YONGS SU MA
RDZOGS PA'O, ,YON TAN GYI TSOGS DANG LDAN PA'I PHYIR, CHOS NYID
KYI GZUGS NI RAB TU RDZOGS PA'O, ,ZHES GSUNGS PA'I PHYIR, GZUGS
GZUGS KYI GZHAN DBANG DANG, GZUGS RNAM DAG GI GZUGS DANG, GZUGS

@12A *, ,BDEN STONG CHOS NYID KYI GZUGS DANG, GZUGS BDEN GRUB
KUN BTAGS KYI GZUGS YIN PAS DE BZHIN DU RNAM MKHYEN GYI BAR DU
SBYOR BAR BYA BA YIN PA'I PHYIR, DES NA RANG GI RGYU RKYEN LAS
SKYES PA GZHAN DBANG GI MTSAN NYID, DE LA DAG

MA DAG GI GZHAN DBANG GNYIS YOD, DANG PO DAG PA'I SNOD BCUD KYI
BSDUS PA RNAMS YIN, GNYIS PA NI MA DAG PA'I SNOD BCUD KYI 'JIG
RTEN RNAMS YIN, RNAM DAG LAM GYI DMIGS PA MTHAR THUG YONGS GRUB
KYI MTSAN NYID, DE LA SGRAS BRJOD RIGS KYI SGO NAS DBYE NA,
'GYUR

MED YONGS GRUB DANG, PHYIN CI MA LOG PA'I YONGS GRUB GNYIS, RTAG
PA DANG KUN RDZOB BDEN PA'I GZHI MTHUN PA, RNAM GRANGS PA'I KUN
BTAGS KYI MTSAN NYID, BDAG GNYIS DANG RI BONG RVA LA SOGS PA,
MTSAN NYID YONGS ? CHAD KYI KUN BTAGS YIN, LUGS 'DIR MA

ZAD SEMS TZAM PA'I LUGS LA YANG YONGS GRUB LA CHOS KYI BDAG MED
PHRA MOS KHYAB STE, THAR LAM GSAL BYED LAS, 'GYUR BA MED PA'I
YONGS GRUB NI GANG LA DMIGS NAS BSGOMS NA SHES SGRIB MTHA' DAG
ZAD PAR 'GYUR BA'I DMIGS PA MTHAR THUG PA YIN PAS RNAM PAR DAG
PA'I

DMIGS PA DANG, ZHES GSUNGS PA'I PHYIR, SEMS DPA'I GZHI SHES
SBYOR BA'I YUL YUL CAN BDEN STONG DU RTOGS PA'I THEG CHEN GYI
SBYOR LAM, SEMS DPA'I GZHI SHES SBYOR BA ZIN BYED KYI STONG NYID
RTOGS PA'I 'DZIN STANGS KYI MNYAM NYID KYI MTSAN NYID, DE LA
DBYE NA RNAM PA BZHI

YOD, SDUG BSNGAL LA SOGS BDEN PA LA, ,ZHES SOGS KYI GZHUNG 'DIS
ZIN BYED 'DA' BYED KYI MTHONG LAM DANG, ZIN BYA 'DA' BYA'I
MTHONG LAM GNYIS KYI NANG NAS ZIN BYED DE NYID DNGOS BSTAN DU
BYAS NAS BSTAN KYANG, 'DA' BYA'I MTHONG LAM DNGOS BSTAN BSTAN
BYA'I GTZO BOR

BYAS NAS BSTAN TE, DE'I DNGOS BSTAN BSTAN BYA'I GTZO BO YOD PA'I
PHYIR, ` NYAN THOS KYI LAM NI, ZHES SOGS KYI SKABS SU, KHA CIG
, GZHUNG 'DIS MI RTAG SOGS RTOGS PA'I NYAN THOS KYI SGOM LAM
DNGOS SU MI STON PA'I RGYU MTSAN DNGOS SU BSTAN PA YIN ZER NA,

@12B DE MI 'THAD DE, NYI SNANG LAS, THAMS CAD SHES PA NYID LA
SGOM PA'I LAM MED PA'I PHYIR RO, ,ZHES GSUNGS PA GANG ZHIG ,NYAN
THOS LA MI RTAG SOGS SGOM PA LHUR LEN GYI TSUL GYIS BSGOMS PA
MED PA MI 'THAD PA'I PHYIR, GZHAN YANG, GZUGS RTAG MA YIN MI
RTAG MIN,,

ZHES PA'I BSTAN BYA'I GTZO BOR GYUR PA'I 'DA' BYA'I MTHONG LAM
DE NYAN THOS KYI MTHONG LAM YIN PAR THAL, DAM BCA' 'THAD PA'I
PHYIR, 'DOD NA, MA YIN PAR THAL, DE THEG CHEN GYI MTHONG LAM YIN
PA'I PHYIR, DER THAL, TSU ROL PHA ROL MTHA' LA MIN, ,ZHES

SOGS KYI SKABS NAS DNGOS BSTAN GYI GZHI SHES PA'I SHER PHYIN DE
BYANG 'PHAGS KYI MKHYEN PAR BYED PA BSHAD ZIN PA'I PHYIR, KHA
CIG  , STONG NYID MNGON SUM DU RTOGS PA'I THEG CHEN GYI SGOM LAM
SKABS 'DIR DNGOS SU MI STON PA'I RGYU MTSAN DNGOS SU BSTAN PA
YIN ZER NA, DE YANG MI

'THAD DE, NYAN THOS KYI LAM NI ZHES SOGS GSUNGS PA'I PHYIR DANG,
DE BYANG CHUB SEMS DPAS SHES MTHONG GIS BLTAS NAS 'DA' BA'I LAM
MA YIN GYI GNAS NAS 'DA' BA'I LAM YIN PA'I PHYIR, GZHAN YANG, DE
MI 'THAD DE, DE SKABS 'DIR DNGOS SU MI STON PA'I RGYU

MTSAN CI YIN SNYAM PA'I DOGS PA RGOL BA RTOGS LDAN LA SKYE MI
SRID PA'I PHYIR, KHA CIG  , DE SRID DE, SKABS GNYIS PAR STONG
NYID MNGON SUM DU RTOGS PA'I MTHONG LAM DNGOS SU BSTAN NAS DE'I
RIGS RGYUN DU GYUR PA'I STONG NYID SGOM PA LHUR LEN GYI TSUL DU
BSGOMS PAS LAM 'BYUNG BA

BZHIN DU, 'DIR YANG MI RTAG SOGS BDEN MED DU RTOGS PA'I MTHONG
LAM DE'I RIGS RGYUN DU GYUR PA'I SGOM LAM CI'I PHYIR MI STON
SNYAM PA'I DOGS PA SKYE BA'I PHYIR ZHE NA, DE YANG MI 'THAD DE,
'DIR DNGOS SU BSTAN PA'I MTHONG LAM NI ZIN BYA 'DA' BYA'I MTHONG
LAM DE LAS 'DA'

BAR BYED PA'I LAM SHES PA'I CHED DU GANG ZHIG  , MTHONG LAM DE'I
RIG PA RGYUN DU GYUR PA'I STONG NYID RTOGS PA'I THEG CHEN GYI
SGOM LAM DE THEG PA CHE CHUNG GI GANG ZAG GANG LA YOD BSTAN PA
LA DGOS PA MED PA'I PHYIR, DER THAL, DE 'DRA BA'I SGOM LAM SGOM
PA PO'I THEG DMAN GYI GANG ZAG

@13A *, ,MED, THEG CHEN GYI RIGS CAN RNAMS LA NI SKABS GNYIS PAR
BSHAD PAS GO NUS PA'I PHYIR, KHA CIG  , MI RTAG SOGS MNGON SUM
DU RTOGS PA'I THEG CHEN GYI SGOM LAM MI STON PA'I RGYU MTSAN
DNGOS SU BSTAN PA YIN NO ZER NA, DE MI

'THAD DE, DE LTA BU'I SGOM LAM BSTAN PA'I PHYIR, DER THAL, DE
DON THOB KYI TSUL GYIS BSTAN PA'I PHYIR, DER THAL, RNAM PA DANG
LAM DANG GZHI THAMS CAD RNAM PAR BSGOMS PA'I DBYE BAS, ZHES SOGS
KYI 'GREL PA 'DI RGOL BA RTOGS LDAN GYI RGYUD LA SKYE SRID PA'I
DOGS PA

GCOD BYED KYI 'GREL PA YIN PA GANG ZHIG  , 'DIS SKABS DANG PO
GSUM DU, SBYOR MTHONG SGOM GSUM LAN GSUM DU BSTAN NAS YANG BZHI
PA 'DIR STON NA NI ZLOS SNYAM PA'I DOGS PA SEL BA'I PHYIR, YANG
KHA CIG  , SKABS 'DIR DNGOS SU MI STON RGYU'I SGOM LAM YIN NA,
SHES MTHONG

GIS BLTAS NAS 'DA' BA'I LAM YIN PAS KHYAB ZER NA, MI RTAG SOGS
SGOM PA LHUR LEN GYI TSUL DU BSGOMS PA'I THEG CHEN GYI SGOM LAM
CHOS CAN, DER THAL, DE'I PHYIR, DER THAL, THEG PA CHEN PO'I SGOM
LAM DU MI RTAG SOGS SGOM PA LHUR LEN GYI TSUL GYIS BSGOMS

PA MED PAS 'DIR DE 'DRA BA'I SGOM LAM DNGOS SU MI STON PAR
GSUNGS PA'I PHYIR TE, THAMS CAD SHES PA NYID LA SGOM PA'I LAM
MED PAS, ZHES KYANG GSUNGS PA'I PHYIR, YANG KHA CIG  , SKABS
'DIR DNGOS SU MI STON RGYU'I SGOM LAM DANG SGOM LAM GYI GZHI
MTHUN YIN NA, DE

LTAR YIN PAS KHYAB ZER NA, STONG NYID MNGON SUM DU RTOGS PA'I
THEG CHEN GYI SGOM LAM CHOS CAN, DER THAL, DE'I PHYIR, DER THAL,
DANG PO GANG ZHIG  , PHYI MA YIN PA'I PHYIR, DANG PO DER THAL,
DE 'DRA BA DE SHES MTHONG GIS BLTAS NAS 'DA' BA'I LAM DU STON MI
RIGS,

GNAS NAS 'DA' BA'I LAM DU STON MI DGOS PA'I PHYIR, RTZA BAR 'DOD
MI NUS TE, DE SHES MTHONG GIS BLTAS NAS 'DA' BA'I LAM MA YIN
PA'I PHYIR, GZHAN YANG, DE SKABS 'DIR DNGOS SU MI STON RGYU'I
SGOM LAM YIN PAR THAL, 'DI DNGOS SU MI STON PA'I RGYU

@13B MTSAN TSANG BA'I SGOM LAM YIN PA'I PHYIR, SKABS GSUM PA
'DIR MI RTAG SOGS MNGON SUM DU RTOGS PA'I SGOM LAM DON THOB KYI
TSUL GYIS BSTAN PA YIN GYI, GZUGS RTAG MA YIN MI RTAG MIN, ,ZHES
SOGS KYI GZHUNG RDZOGS, DE LTAR 'DI DANG YANG 'DI DANG, ,ZHES
PA'I GZHUNG MA

BRTZAMS KYI BAR 'DIR DON THOB KYIS MA BSTAN NA DE DE LTAR STON
BYED KYI GZHUNG MED PA'I PHYIR, RANG LUGS LA DOGS PA BKOD PA
DANG, LAN BSHAD PA GNYIS, DANG PO NI, GZUGS RTAG MA YIN MI RTAG
MIN, ,ZHES SOGS KYI GZHUNG RDZOGS, DE LTAR 'DI DANG YANG 'DI
DANG, ,ZHES

PA'I GZHUNG MA BRTZAMS KYI BAR 'DIR MI RTAG SOGS MNGON SUM DU
RTOGS PA'I SGOM LAM DNGOS SU STON PA'I GZHUNG TSIG 'BYUNG RIGS
PAR THAL, BDEN DANG BDEN LA BZOD PA DANG, ,ZHES PA'I SKABS SU
STONG NYID MNGON SUM DU RTOGS PA'I MTHONG LAM DNGOS SU BSTAN PA
LA BRTEN NAS DE'I RIGS

RGYUN DU GYUR PA'I SGOM LAM DNGOS SU STON PA'I GZHUNG 'BYUNG BA
LTA BU YIN PA'I PHYIR, GNYIS PA LAN LA, MI RTAG SOGS MNGON SUM
DU RTOGS PA'I SGOM LAM DNGOS SU STON PA'I GZHUNG TSIG MI 'BYUNG
BA'I RGYU MTSAN YOD DE, DE BYANG CHUB SEMS DPAS GNAS NAS 'DA'
BA'I LAM

DU STON MI RIGS, BLTAS NAS 'DA' BA'I LAM DU STON MI DGOS PA'I
PHYIR, DANG PO DER THAL, DE GNAS NAS 'DA' BA'I LAM MA YIN PA'I
PHYIR TE, MDO LAS NYAN THOS DANG RANG RGYAL GYI PHUN SUM TSOGS
PA NI BYANG CHUB SEMS DPAS SHES PA DANG MTHONG BAS BLTAS NAS
'DA' BAR BYA'O,

ZHES GSUNGS PA'I PHYIR, GNYIS PA DER THAL, LAM DANG PO GSUM GYI
GNAS SKABS SU MI RTAG SOGS SGOM PA LHUR LEN GYI TSUL GYIS BSGOMS
PA LA BRTEN NAS RANG RGYUD KYI NYON MONGS DPAL GZHOM PA DANG,
GDUL BYA NYAN RANG GI RIGS CAN RJES SU 'DZIN PA'I DGOS PA DE
NYID SGRUB NUS

PA'I PHYIR, KHO NA RE, DE LTAR YIN KYANG BYANG CHUB SEMS DPAS
GDUL BYA NYAN RANG GI RIGS CAN RJES SU 'DZIN DGOS PAS MI RTAG
SOGS SGOM PA LHUR LEN GYI TSUL GYIS BSGOMS PA'I NYAN THOS KYI
LAM STON DGOS PAS DE LTA BU'I GZHUNG TSIG 'BYUNG RIGS SO ZHE NA,
SKYON MED DE,,

@14A *, ,LAM DANG PO GSUM GYI GNAS SKABS SU SGOM PA LHUR LEN GYI
TSUL GYIS BSGOMS PA LA BRTEN NAS DE LTA BU'I THEG DMAN GYI SGOM
LAM GO SLA BAS DNGOS SU MA BSHAD PA'I PHYIR, MI RTAG SOGS BDEN
STONG DU RTOGS PA'I THEG PA CHEN PO'I SBYOR LAM

DNGOS SU MI STON PA'I RGYU MTSAN YOD DE, DMIGS PA DANG NI RNAM
PA DANG, ,ZHES SOGS KYI SKABS SU BSTAN PAS GO NUS PA'I PHYIR, MI
RTAG SOGS DON SPYI'I TSUL GYIS RTOGS PA'I NYAN THOS KYI SBYOR
LAM YOD KYANG DE YANG DNGOS SU MI STON PA'I RGYU MTSAN YOD DE,
GO SLA BAS DE

LTAR MA BSHAD PA'I PHYIR TE, DE SKAD DU YANG, 'GREL CHEN LAS,
CI'I PHYIR LAM SHES PA LA JI SKAD BSTAN PA DE BZHIN DU THAMS CAD
SHES PA NYID LA SGOM PA'I LAM YANG LOGS SHIG PA MED CE NA NYAN
THOS DANG RANG SANGS RGYAS KYI PHUN SUM TSOGS PA NI BYANG CHUB
SEMS DPAS

SHES PA DANG MTHONG BAS BLTAS NAS 'DA' BAR BYA'O, ,ZHES GSUNGS
PAS, MNGON SUM DU BYA BA MA YIN PA'I PHYIR BYANG CHUB SEMS DPA'
RNAMS LA MA BSTAN TO, ,NYAN THOS LA SOGS PA LA YANG JI LTAR
YONGS SU MTHONG BA'I DON DE NYID YANG DANG YANG DU MNGON SUM DU
BYED PA SGOM PA'I

LAM YIN PAS, GO SLA BA'I PHYIR MA GSUNGS SO, ,BYANG CHUB SEMS
DPA' RNAMS KYI NGES PAR 'BYED PA'I CHA DANG MTHUN PA NI SNGAR
BSHAD PA NYID YIN PAR SHES PAR BYA'O, ,NYAN THOS LA SOGS PA'I MI
RTAG PA LA SOGS PA'I RNAM PA RNAMS KYI BDEN PA BZHI LA DMIGS PAR

BYED PA NA ZAG PA DANG BCAS PA'I SGOM PA'I RANG BZHIN LA DMIGS
PAR BYED PA NI ZAG PA DANG BCAS PA'I SGOM PA'I RANG BZHIN GYI
DRO BA LA SOGS PA YIN PAR GSAL BA'I PHYIR MA GSUNGS SO, ,ZHES
GSUNGS PA'I PHYIR DANG, DE DANG MTHUN PAR SLOB DPON 'PHAGS PAS
KYANG BSHAD

PA YIN TE, SNGAR BSHAD PA'I RIGS PA DE DAG THUN MONG DANG BYANG
CHUB SEMS DPAS LAM DANG PO GSUM GYI GNAS SKABS SU MI RTAG SOGS
BSGOM BYA'I GTZO BOR BYAS NAS SGOM NA MTHONG LAM SDUG BSNGAL
CHOS BZOD KYI GNAS SKABS SU NYON SGRIB SPANGS PA'I RNAM GROL LAM
'THOB NUS

@14B PAS NYAN RANG GI SPANGS RTOGS KYI RIGS RDZOGS PAR 'GYUR BA
LAS, RIGS RDZOGS PA MA YIN PA'I RIGS PA'I RNAM GRANGS GZHAN YANG
BSTAN PA'I PHYIR, NYI SNANG LAS, GZHAN YANG RGYUN DU ZHUGS PA
NAS RANG SANGS RGYAS KYI BAR GYI SHES PA DANG SPANG BA GANG YIN
PA DE NI, ? ZHES

SOGS GSUNGS PA'I PHYIR, BYANG SEMS SGOM LAM PAS RANG RGYUD KYI
NYON MONGS DPAL GZHOM PA DANG, GDUL BYA NYAN RANG GI RIGS CAN
RJES SU 'DZIN PA'I PHYIR DU MI RTAG SOGS SGOM PA LHUR LEN GYI
TSUL GYIS MA BSGOMS PAS SGOM LAM DNGOS SU MA BSTAN PA YIN GYI DE
LTA BU'I SGOM

LAM MED NAS MA BSTAN PA MA YIN TE, THEG PA CHEN PO'I SGOM LAM DU
MI RTAG SOGS MNGON SUM DU RTOGS PA YOD PA'I PHYIR, DER THAL, LAM
SHES GSUM GA YOD PA'I PHYIR, BYANG SEMS SGOM LAM PAS RANG RGYUD
KYI NYON MONGS DPAL GZHOM PA SOGS KYI PHYIR DU MI

RTAG SOGS SGOM PA LHUR LEN GYI TSUL GYIS MI SGOM PA'I RGYU MTSAN
YOD DE, MTHONG LAM DU MI RTAG SOGS MNGON SUM DU RTOGS PA LA
BRTEN NAS NYAN RANG GI RIGS CAN RJES SU 'DZIN PA SOGS KYI DGOS
PA DE NYID SGRUB NUS PA DANG, RANG RGYUD KYI SGRIB PA GNYIS KYI
SA BON SPONG BA LA NI

THABS KYI CHA RGYA CHEN POS ZIN PA'I STONG NYID RTOGS PA'I SHES
RAB KYIS SPONG DGOS PA'I PHYIR, RTZOD PA SPONG BA LA, KHA CIG  ,
'GREL PA 'DIS NYAN THOS KYI SGOM LAM SKABS 'DIR DNGOS SU MI STON
PA'I RGYU MTSAN DNGOS SU BSTAN PA YIN TE, NYAN THOS KYI LAM NI
ZHES SOGS

GSUNGS PA'I PHYIR, ZHE NA, SKYON MED DE, MI RTAG SOGS MNGON SUM
DU RTOGS PA'I SGOM LAM DE RNAM GZHAG GI DBANG DU BYAS PA'I NYAN
THOS KYI LAM DANG, YANG MI RTAG SOGS RTOGS PA'I THEG CHEN GYI
SGOM LAM DE THEG DMAN GYI RTOGS RIGS SU GNAS PA'I PHYIR, KHA CIG
,

STONG NYID MNGON SUM DU RTOGS PA'I THEG CHEN GYI SGOM LAM DE
SKABS 'DIR DNGOS SU MI STON RGYU'I SGOM LAM MA YIN PAR THAL, DE
DNGOS SU MI STON PA'I RGYU MTSAN CI YIN SNYAM PA'I DOGS PA RGOL
BA RTOGS LDAN LA SKYE MI SRID PA RNAM BSHAD LAS GSUNGS PA'I
PHYIR, ZHE NA, SKYON MED

@15A *, ,DE, GTZO BO'I GDUL BYA LA DE LTAR SKYE MI SRID PAS
'GREL PA 'DIS DE LTA BU'I DOGS PA GCOD MI DGOS PA'I DON YIN PA'I
PHYIR RO,, ,,SHES RAB KYI PHA ROL TU PHYIN PA'I MAN NGAG GI
BSTAN BCOS MNGON PAR RTOGS PA'I

RGYAN RTZA 'GREL GYI SPYI DON RNAM BSHAD SNYING PO RGYAN GYI
SNANG BA ZHES BYA BA LAS MKHAS SHING GRUB PA BRNYES PA'I DGE
SLONG DGE 'DUN BSTAN PA DAR RGYAS KYIS SBYAR BA'I SKABS GSUM
PA'I RNAM BSHAD BSHAD ZIN TO,,