*, ,BSTAN BCOS MNGON PAR RTOGS PA'I RGYAN RTZA 'GREL GYI SPYI DON RNAM BSHAD SNYING PO RGYAN GYI SNANG BA ZHES BYA BA LAS SKABS LNGA PA NAS BDUN PA'I BAR BZHUGS SO, , @01A #, ,GNYIS PA 'BRAS BU RTZE MO'I SBYOR BA BSHAD PA LA, GZHUNG SPYI'I BSDU BA BSHAD PA, GZHUNG DON RNAMS SO SOR BSHAD PA GNYIS, DANG PO LA, RNAM RDZOGS SBYOR BA'I RJES SU RTZE MO'I SBYOR BA 'CHAD PA'I RGYU MTSAN, CHOS BRGYAD KYI 'GREL, DES RTZE SBYOR JI LTAR MTSON PA'I TSUL LO, ,DANG PO NI, RNAM RDZOGS SBYOR BA BSHAD PA'I RJES SU RTZE SBYOR 'CHAD PA'I RGYU MTSAN YOD DE, TSOGS LAM DU MKHYEN GSUM GYI RNAM PA RNAMS MI MTHUN PHYOGS KYI GNYEN POR THOG MAR BSGOMS PAS, SBYOR LAM DU DE LTAR SGOM PA LA DBANG KHYAD PAR CAN THOB PA'I RTZE SBYOR 'BYUNG BA'I RGYU MTSAN GYIS DE LTAR BSHAD PA'I PHYIR, YANG NA TSOGS LAM DU MI MTHUN PHYOGS BRGYA BDUN CU RTZA GSUM GYI GNYEN POR RNAM PA BRGYA BDUN CU RTZA GSUM SBYAR NAS DANG POR BSGOMS PAS, DE LAS GONG DU RTZE MO'I RNAM PAR GYUR PA MI MTHUN PHYOGS MNGON GYUR NAS SA BON GYI BAR SPONG NUS PA'I SBYOR BA 'BYUNG NUS PA'I PHYIR, DE LA RTZE SBYOR 'DI LA DBANG THOB PA ZHES GSUNGS PA'I DBANG THOB PA DANG MA THOB PA'I DON GANG ZHE NA; DE YANG BSGOM BYA GANG YIN PA DE LA DMIGS PA'I LHAG MTHONG THOB PA NA, DE SGOM PA LA DBANG THOB PAR 'JOG PA YIN TE, BSGOM BYA DE LA DMIGS PA'I ZHI LHAG ZUNG 'BREL YOD NA DE SGOM PA LA 'DOD DGUR 'JUG PA'I PHYIR, DES NA DMAN LAM SNGON DU MA SONG BA'I THEG CHEN GYI TSOGS LAM NA YANG MI RTAG PA SOGS KUN RDZOB PA'I RNAM PA 'GA' ZHIG LA DMIGS PA'I LHAG MTHONG YOD PAS, DE TZAM LA SGOM BYUNG GI DBANG THOB PA YOD KYANG STONG NYID LA DMIGS PA'I LHAG MTHONG MED PAS MKHYEN GSUM GYI RNAM PA BRGYA BDUN CU RTZA GSUM PO THAMS CAD LA DMIGS PA'I SGOM BYUNG GIS DBANG MA THOB PA'I PHYIR RTZE SBYOR DU MI 'JOG LA, DMAN LAM SNGON DU MA SONG ZHING STONG NYID MNGON SUM DU RTOGS NUS PA'I TSOGS LAM NA'ANG, THEG CHEN GYI LAM GYI RIGS @02A *, ,MTHA' DAG RDZOGS PA LA SGOM BYUNG GI LHAG MTHONG MA THOB PAS RTZE SBYOR DU MI 'JOG GO, DES NA NAM ZHIG THEG CHEN GYI RIGS MTHA' DAG RDZOGS PA LA SGOM BYUNG GI LHAG MTHONG THOB PA NA, MKHYEN GSUM GYI RNAM PA LA DBANG THOB PA ZHES BYA BAS RTZE SBYOR DU 'JOG PA YIN NO, ,GNYIS PA NI RTZE SBYOR MTSON BYED KYI CHOS BRGYAD PO 'DI YANG GNYIS SU 'DU STE, MI MTHUN PHYOGS MNGON GYUR SPONG BA'I GNYEN POR SBYOR LAM RTZE SBYOR, SA BON SPONG BA'I GNYEN POR MTHONG LAM YAN CHAD KYI RTZE SBYOR SGOM TSUL LO, ,DE LA SPANG BYA RTOG PA MNGON GYUR 'JOMS PA'I GNYEN POR SBYOR LAM RTZE SBYOR BZHIR NGES TE, DROD, RTZE MO,, BZOD PA, CHOS MCHOG RTZE SBYOR RNAMS SO, ,DE RNAMS RIM PA BZHIN DU, RMI LAM NA YANG CHOS RNAMS KUN, ,ZHES PA DANG, 'DZAM BU GLING GI ZHES DANG, KUN MKHYEN NYID GSUM, ZHES DANG, GLING BZHI PA DANG, ZHES PAS STON TE, DE YANG RIM PA BZHIN DU RTAGS KYI RTZE SBYOR DANG, RNAM 'PHEL GYI DANG, BSTAN PA'I DANG, SEMS KUN TU GNAS PA'I RTZE SBYOR GYI MING GIS GSUNGS SO, ,GNYIS PA LA GSUM, SPANG BYA KUN BTAGS KYI GNYEN POR MTHONG LAM RTZE SBYOR, LHAN SKYES KYI GNYEN POR SGOM LAM RTZE SBYOR, GNAS NGAN LEN GYI DRI MA PHRA ZHING PHRA BA'I GNYEN POR BAR CHAD MED PA'I RTZE SBYOR SGOM TSUL BYE BRAG TU BSHAD PA'O, ,DANG PO LA GNYIS LAS, THOG MAR SPANG BYA RTOG PA BSHAD PA DANG, DE SPONG BA'I GNYEN PO RTZE SBYOR BSHAD PA GNYIS LAS, DANG PO NI DE YANG SKABS DANG POR BSHAD PA'I SPANG BYA RTOG PA MTHA' DAG LAS KUN BTAGS KYIS BSDUS PA RNAMS 'DIR MTHONG LAM DU MA LUS PAR SPONG BAS, MTHONG SPANGS RTOGS PA'I RIGS THAMS CAD 'DIR DON LA 'DZIN DGOS KYANG, GZUNG RTOG GI YUL GANG LA BDEN 'DZIN SKYE BA'I GZHI GTZO CHE BA'I DBANG DU BYAS NAS 'JUG YUL DANG LDOG YUL GNYIS SU BSDUS SHING, 'DZIN RTOG LA'ANG DMIGS PA'I 'DZIN PA SKYE 'PHAGS GNYIS LA GTZO CHE CHUNG GIS @02B RDZAS 'DZIN BTAGS 'DZIN GNYIS SU BSDUS NAS STON PA YIN NO, ,DES NA 'DI LA GNYIS, RTOG PA MDOR BSTAN, RGYAS PAR BSHAD PA'O, ,DANG PO NI 'JUG PA DANG NI, ZHES GZUNG RTOG MDAR BSTAN, SO SO SKYE BO,, ZHES PAS 'DZIN RTOG MDOR BSTAN PA'O, ,GNYIS PA LA, GZUNG RTOG DANG, 'DZIN RTOG RGYAS PAR BSHAD PA GNYIS LAS, DANG PO LA, 'JUG PA GZUNG RTOG DANG, LDOG PA GZUNG RTOG RGYAS PAR BSHAD PA GNYIS LAS, DANG PO NI, NGO BO NYID DANG, ZHES PAS BSTAN TE, MTHONG SPANGS 'JUG PA GZUNG RTOG DE LA YANG 'JUG YUL GYI SGO NAS DGUR STON PA LAS, 'JUG YUL DGUR YOD DE; BYANG SEMS KYI 'JUG BYA SPYI DANG, KHYAD PAR LAM GYI RGYU NGO BO 'BRAS GSUM LAS, RGYU'I GCIG DANG, NGO BO LAM DNGOS DANG, LAM GYI DMIGS PA DANG, SPANG BYA 'JOMS PA'I NUS PA GSUM DANG, 'BRAS BU LA RANG DON GCIG DANG, GZHAN DON BYED PA'I NUS PA DANG, GZHAN DON GYI LAS DANG 'BRAS BU STE GSUM RNAMS SU YOD PA'I PHYIR, GNYIS PA NI, SRID DANG ZHI BAR, ZHES PAS STON TE, SNGAR BZHIN, LDOG YUL DGU YOD DE, BYANG SEMS KYI LDOG YUL THEG DMAN GYI LAM 'BRAS YIN PA LAS NYAN RANG RTOG PA DMAN PA GCIG DANG, BDAG RKYEN YONGS 'DZIN DMAN PA GCIG DANG, DON GNYIS SGRUB PA'I THABS DMAN PA RANG DON DANG GZHAN DON GNYIS KA SGRUB PA'I THABS DMAN PA GSUM DANG, SPANGS RTOGS KHYAD PAR CAN LAS NYAMS PA GNYIS DANG, LAM 'BRAS KHYAD PAR CAN MA THOB PAS NYAMS PA GNYIS TE DGUR YOD PA'I PHYIR, GNYIS PA LA'ANG, RDZAS 'DZIN DANG, BTAGS 'DZIN RTOG PA GNYIS LAS, DANG PO NI, 'DZIN PA DANG NI, ZHES PAS BSTAN, SNGAR BZHIN DMIGS YUL RDZAS 'DZIN DGUR YOD DE, RDZAS 'DZIN GYI YUL THEG DMAN GYI LAM 'BRAS DANG, RNAM MKHYEN GYI RGYU LAS NYAMS PA'I DBANG DU BYAS NAS, SBYOR BA LA ZHEN PA'I CHA BLANG DOR DU ZHEN PA DANG, DE'I KUN SLONG BDEN PAR YID LA BYED PA, DE'I NYES DMIGS TE GSUM DANG, SHES BYA LA ZHEN PA'I CHA DNGOS PO LA BDEN PAR ZHEN PA, BDEN MED DU ZHEN PA, BTAGS PA TZAM DU ZHEN PA DANG GSUM YOD PA'I PHYIR, SPANG GNYEN LA ZHEN PA'I CHA MI MTHUN PA DANG, GNYEN PO LA ZHEN PA GNYIS DANG, @03A *, ,'BRAS BU RNAM MKHYEN LAS NYAMS PA'I CHA RNAM MKHYEN DU 'DOD PA BZHIN 'GRO MI NUS PA'I GANG ZAG RDZAS YOD DU 'DZIN PA RNAMS YOD PA'I PHYIR, GNYIS PA NI, TSANG BZHIN NGES PAR, ZHES PAS STON, SNGAR BZHIN BTAGS 'DZIN GYI DMIGS YUL BTAGS 'DZIN DGU YOD DE, 'DE'I YUL NYAN RANG GI LAM MA YIN PAS 'DOD PA BZHIN MA THOB PA GCIG DANG PHYIN CI LOG TU ZHEN PA'I CHA DGAG SGRUB BDEN PAR 'DZIN PA, CHOS LDAN MI LDAN BDEN PAR 'DZIN PA, GNAS LUGS KYI DON BDEN PAR 'DZIN PA STE GSUM NI, SHES BYA LA PHYIN CI LOG TU ZHEN PA DANG, LAM LA PHYIN CI LOG TU ZHEN PA GCIG DANG, YANG DAG PA'I LAM DANG 'GAL BA'I DMAN PA'I RIGS NYAMS PA GCIG DANG, MTHUN RKYEN MA TSANG BA GNYIS DANG, 'GAL RKYEN GYIS ZIN PA GCIG RNAMS SU YOD PA'I PHYIR, GNYIS PA NI, GNYEN PO LA GSUM, MTHONG LAM RTZE SBYOR GYI RGYU, 'BRAS BU, RANG GI NGO BO RNAMS SO, ,DANG PO NI, BYANG CHUB LA GZHAN STON PA DANG, ZHES PAS LHAN CIG BYED RKYEN GNYIS DANG, NYER LEN GCIG STE GSUM BSTAN, GNYIS PA LA GNYIS, 'BRAS BU MTHAR THUG NGOS BZUNG, DE 'GRUB PA'I THABS STON PA'O, ,DANG PO NI, DRI MA ZAD DANG, ZHES PAS STON TE, DE YANG ZAD PA DANG MI SKYE BA SHES PA GNYIS BYANG CHUB TU 'JOG PA THEG PA CHE CHUNG GI THUN MONG DU GRUB LA, MTSAN GZHI NI, NYAN THOS SDE PA LTAR NA DGRA BCOM PA'I RGYUD KYI DRI MA BDEN GRUB GNYEN POS ZAD PAR SHES PA DANG, BDEN GRUB SKYE 'PHRO CHAD NAS MI SKYE BAR SHES PAR 'DOD LA, 'DIR NI SANGS RGYAS 'PHAGS PA'I RGYUD KYI DRI MA GDOD MA NAS ZAD PA'I MED PAR RTOGS PA'I YE SHES DANG, GDOD MA NAS MI SKYE BAR RTOGS PA'I YE SHES GNYIS LA 'DOD CING, DE GNYIS BYANG CHUB CHEN POR SGRUB PA YIN NO, ,GNYIS PA NI, 'BRAS BU DE THABS GANG GIS 'GRUB SNYAM NA, DRI MA BDEN GRUB KHAS BLANGS NAS ZAD MI SKYE SHES PA'I BYANG CHUB MI 'GRUB STE, BDEN GRUB GNYEN POS ZAD PAR BYED MI NUS PA'I PHYIR, ZHES DON GYI STON PAR BYED PA LA DNGOS POR SMRA BA LA RIGS PA'I GNOD BYED KHAS BLANGS LA RIM PA BZHIN DU, 'GOG PA MED PA'I ZHES DANG, @03B GZHAN GYI CHOS RNAMS ZHES PA GNYIS KYIS BSTAN NAS, 'O NA RANG LUGS LA DRI MA ZAD PA'I BYANG CHUB 'GRUB PA'I THABS GANG YIN SNYAM NA, GZHI DUS SU BDAG GNYIS GDOD MA NAS YONG MA MYONG BAR GTAN LA PHAB, LAM DNGOS SU BSGOMS PAS DE MNGON DU GYUR NAS DRI MA LAS GROL BA'I YE SHES SNGAR BZHIN BYANG CHUB DE THOB PO ZHES STON PA NI, 'DI LA BSAL BYA CI YANG MED, CES GSUNGS SO, ,ZHAR BYUNG BRJOD NA, GZHAN GYI CHOS RNAMS ZHES PA'I DON GSAL DANG, RGYAN SNANG GNYIS SU DE LA SKYE BA DANG ZHES SOGS KYI DON LA, t'IK BYED SNGA MAS RNAL 'BYOR GYI SA ZHES PA'I THA SNYAD BYAS NAS DE LA GSUM DANG BZHI'I GRANGS MI MTHUN PAR RTZOD CING, DE LA SLOB DPON GYI LE'U RGYAD MAR 'GOG PA MED PA'I ZHES DANG, GZHAN GYI CHOS RNAMS ZHES DANG, 'DI LA BSAL BYA, ZHES PA GSUM GA MDO DANG MA SBYAR BAR GSUNGS SHING, NYI SNANG DANG RGYAN SNANG GNYIS SU 'GOG PA MED PA MDO DANG SBYAR ZHING, PHYI MA GNYIS MA SBYAR RJE BTZUN RANG GIS ZHAR BYUNG DU GSUNGS PAR MDZAD PAS, MDOR NA DNGOS PA BDEN GRUB KHAS LAN PA LA DRI MA ZAD PA'I BYANG CHUB MI 'GRUB CING, DE 'GRUB PA LA THABS 'DI DGOS ZHES PA NI, GZHUNG TSIG GSUM PO 'DIS 'CHAD PA LA, GZHUNG SNGA MA GNYIS KYIS DRI MA BDEN PAR GRUB NA DRI MA ZAD PA'I BYANG CHUB MI 'GRUB PAR BSTAN PA LA, 'O NA RANG LUGS LA SGRIB GNYIS KYI DRI MA SPONG TSUL JI LTAR BYED SNYAM NA, BDAG MED PHRA RAGS GSUM RIM PA BZHIN DU THOS BSAM GYIS GTAN LA PHAB NAS SGOM BYUNG GIS BSGOMS PAS MNGON SUM DU MTHONG BA NA NYON MONGS PA'I SGRIB PA DANG, SHES SGRIB RAGS PA DANG, SHES SGRIB PHRA MO GSUM RTZA BA NAS ZAD PAR BYED NUS ZHES STON PA YIN PAS, DNGOS SMRA BA 'DOD PA LTAR DRI MA BDEN GRUB KHAS BLANGS NAS SPONG BA MIN GYI, DRI MA BDEN MED BSGOMS NAS DRI MA SPONG BA YIN NO ZHES RANG LUGS KYI SGRIB GNYIS SPONG TSUL GTZO BOR STON PA YIN TE, GANG ZAG GI BDAG TU MNGON PAR ZHEN PA YONGS SU BOR NAS, ZHES DANG, PHYI ROL GYI DON DU MNGON PAR ZHEN PA SPANGS TE, ZHES DANG, MJUG TU RNAL 'BYOR PAS SHES BYA'I SGRIB PA DANG NYON MONGS PA YANG DAG PAR SPONG NGO, ,ZHES GSUNGS PA'I PHYIR, DES NA 'GREL PA 'DI RNAMS 'DI LA BSAL BYA ZHES @04A *, ,PA'I MJUG TU BSHAD NA SHIN TU LEGS PAR GO'O, ,GSUM PA NI, SPANG BYA KUN BTAGS KYI GNYEN POR MTHONG LAM RTZE SBYOR SGOM TSUL LA, SPANG BYA RTOG PA NGOS BZUNG ZHING GNYEN PO'I RGYU DANG 'BRAS BU DANG 'BRAS BU DE 'GRUB PA'I THABS RNAMS LEGS PAR BSTAN NAS, GNYEN PO MTHONG LAM RTZE SBYOR RANG GI NGO BO GANG YIN SNYAM NA, 'DI LA GNYIS, MNYAM GZHAG TU SGOM TSUL, RJE THOB TU SGOM TSUL LO, ,DANG PO LA SPANG BYA SPONG BA'I GNYEN PO DNGOS SGOM TSUL, SPANGS PA LA DBANG BYED PA'I RNAM GROL LAM SGOM TSUL GNYIS LAS, DANG PO NI, SBYIN PA LA SOGS ZHES DANG, GNYIS PA NI, DE NAS SENG GE ZHES DANG, GNYIS PA NI RTEN CING 'BREL 'BYUNG ZHES BSTAN NO, ,GNYIS PA NI DE LTAR SPANG BYA KUN BTAGS KYI GNYEN POR MTHONG LAM RTZE SBYOR SGOM TSUL BSTAN NAS, LHAN SKYES KYI GNYEN POR SGOM LAM RTZE SBYOR SGOM TSUL JI LTA BU SNYAM NA, 'DI LA GSUM, GNYEN PO SGOM LAM RTZE SBYOR, SPANG BYA SGOM SPANGS RTOG PA, GNYEN POS SPANG BYA SPANGS PA'I PHAN YON BSHAD PA DANG GSUM, DANG PO NI, 'GOG DANG BCAS PA'I ZHES PAS BSTAN, SGOM SPANGS RTOG PA'I GNYEN POR SGOM LAM BAR CHAD MED LAM SGOM TSUL DON GYIS RTOGS NUS PAS MDO DANG BSTAN BCOS GNYIS KAR TING NGE 'DZIN LA RTZAL BYANG BA'I PHYIR DU THOD BRGAL GYI TING NGE 'DZIN GSUNGS SO, ,GNYIS PA LA, GZUNG RTOG DANG 'DZIN RTOG GNYIS LAS, DANG PO LA 'JUG PA DANG LDOG PA'I MING 'DOGS RTZA BAR MA BYUNG YANG DON GYIS THOB PAS, DANG PO NI, MDOR BSDUS RGYAS DANG ZHES PAS BSTAN, 'JUG YUL DGU NI RJOD BYED GSUNG RAB KYI DBANG DU BYAS PA GNYIS, BRJOD BYA SPYOD PA'I DBANG DU BYAS PA GCIG ,LAM GYI YON TAN GYI DBANG DU BYAS PA GSUM, LAM GYI NGO BO'I DBANG DU BYAS PA GSUM DU BSDUS NAS 'CHAD DO, ,GNYIS PA NI, GNYIS PA SEMS DANG ZHES PAS BSTAN TE, LDOG YUL DGU NI NYAN RANG GNYIS SPYOD PA'I RTEN SEMS BSKYED DANG BRAL BA, SGRUB PA'I RTEN THEG CHEN GYI RIGS DANG BRAL BA DANG, THEG CHEN GYI SGRUB PA KHYAD PAR CAN DANG BRAL BA'O, ,DANG PO LA SEMS BSKYED PA'I BDAG RKYEN DANG BRAL BA GNYIS, NYAN THOS SU RIGS NGES PA DANG, @04B RANG RGYAL DU RIGS NGES PA GNYIS, GSUM PA LA, THABS KHYAD PAR CAN DANG BRAL BA GCIG ,SHES RAB KHYAD PAR CAN DANG BRAL BA GSUM, PHYIN CI LOG TU ZHEN PA GCIG STE DGUR NGES SO, ,GNYIS PA LA GNYIS LAS, DANG PO NI, SEMS CAN BTAGS PA'I ZHES PAS BSTAN TE, RDZAS 'DZIN GYI DMIGS YUL NI, SPYIR SHES BYA'I DBANG DU BYAS PA GSUM, SO SKYE DANG BYANG SEMS KYI LTA BA'I DBANG DU BYAS PA GNYIS, THEG DMAN DANG BYANG SEMS KYI SPYOD PA'I DBANG DU BYAS PA GNYIS RNAMS SU YOD PA'I PHYIR, GNYIS PA NI, SEMS CAN BTAGS DANG ZHES PAS MDOR BSTAN NAS, BDAG NYID JI BZHIN ZHES PAS RGYAS PAR BSHAD DE, BTAGS 'DZIN GYI YUL DGU NI MKHYEN GSUM GYI DMIGS PA LA RMONGS PA GSUM, LAM GYI NGO BO LA RMONGS PA GCIG ,LAM GYI DMIGS PA LA RMONGS PA GNYIS, GNAS LUGS KYI DON LA RMONGS PA GCIG ,SPANG BYA'I RANG BZHIN LA RMONGS PA GCIG ,CHOS KYI BDAG MED RAGS PA LA RMONGS PA GCIG STE DGU YOD PA'I PHYIR, RTOG PAR 'JOG TSUL NI MTHONG SPANGS SGOM SPANGS GNYIS KA'I SKABS SU GZUNG RTOG GNYIS KYI 'JOG TSUL RTOGS SLA ZHING, PHYI MA LA YUL DGU PO RDZAS 'DZIN DANG BTAGS 'DZIN GNYIS KYI DMIGS PAR BYA ZHING, 'DZIN PA DE GNYIS LA DMIGS NAS LONGS SPYOD PA POR BDEN PAR 'DZIN PA'I BLO RNAMS 'DZIN RTOG TU 'JOG DGOS SO, ,GSUM PA NI, YAMS NAD 'DI RNAMS ZAD NAS, ZHES PAS BSTAN TE, SGOM LAM RTZE SBYOR GYI SGOM SPANGS RTOG PA'I RIGS BZHI PO MNGON GYUR BA DANG SA BON PHAL CHER SPANGS PAS THEG PA GSUM GYI YON TAN GYI RIGS RNAMS 'BAD RTZOL RAGS PA LA MI BLTOS PAR RANG GI NGANG GIS MNGON DU BYED PAR STON PA'O, ,GSUM PA LA GNYIS, DNGOS DANG DE'I KHYAD PAR RO, ,DANG PO NI, STONG GSUM SKYE BO ZHES PAS BSTAN TE, SGOM SPANGS SPYI'I GNYEN PO BYED PA NAS RNAM MKHYEN SKAD CIG DANG PO THOB KHA MA NYID DU YOD PA'I DRI MA PHRA MO DE'I GNYEN PO BYA BRAG TU STON PA YIN GYI, 'DI'I SPANG BYA DANG GNYEN PO GNYIS KA SGOM SPANGS DANG SGOM LAM RTZE SBYOR DU MA LUS PAR 'DOD PA NI BLO'I MTHU DMAN PA'O, ,GNYIS PA LA, DMIGS RNAM BDAG PO'I KHYAD PAR BSHAD, DE DAG ZAB PAR STON PA GNYIS LAS, DANG PO NI, 'O NA BAR CHAD MED PA'I RTZE SBYOR GYI DMIGS RNAM BDAG @05A *, ,RKYEN RNAMS JI LTA BU ZHE NA, 'DI'I DMIGS PA BCAS BSTAN ZHING, DMIGS PA BDEN PAR MED PA DANG, RNAM PA BDEN MED RTOGS PA'I RNAM PA CAN YIN PA 'DI DNGOS SMRA BAS RTOGS MI NUS PA'I ZAB MO YIN NO, ,ZHES DON GYIS STON PA NI, DMIGS PA 'THAD DANG, SHES SOGS TE, BDEN GNYIS GZHI GCIG LA MI 'DU BAR 'DZIN PA'I LOG RTOG DANG, DES KUN NAS BSLANGS PA'I KLAN KA BCU DRUG DNGOS SU BSTAN NAS, DE BSAL NAS DMIGS RNAM GYI DON LA MKHAS PAR BYA DGOS PA'I DON NO, ,GSUM PA NI, CHOS BRGYAD PO 'DIS RTZE SBYOR MTSON NUS PA YIN TE, RTZE SBYOR DANG POR SKYES PA NAS YONGS SU RDZOGS PA'I BAR MTHA' DAG 'DIR 'DUS PA'I PHYIR,, ` ,,GNYIS PA GZHUNG DON RNAMS SO SOR BSHAD PA LA, RMI LAM NA YANG CHOS RNAMS KUN, ,ZHES SOGS KYI SKABS SU, RMI LAM GYI GNAS SKABS SU YANG CHOS THAMS CAD BDEN MED RMI LAM LTA BUR BLTA BA LA SOGS PA RTAGS BCU GNYIS KYIS MTSON TE, MDO LAS BSTAN PA'I THEG CHEN GYI NGES CHA DANG PO, ,'DIR DNGOS SU BSTAN PA'I DROD KYI RTZE SBYOR GYI MTSAN NYID, RTAGS DE LA DBYE NA, RMI LAM GYI GNAS SKABS SU YANG CHOS THAMS CAD RMI LAM LTA BUR BLTA BA SOGS RMI LAM GYI RTAGS DRUG ,SAD RMIS GNYIS KA'I DUS SU NGAN SONG GI SEMS CAN LA DMIGS PA NA BDAG SANGS RGYAS PA'I SANGS RGYAS KYI ZHING DU 'DI LTA BU'I MING YANG MED PAR GYUR CIG SNYAM PA LA SOGS PA SAD PA'I RTAGS DRUG DANG BCAS PA'I RTAGS BCU GNYIS YOD, BSOD NAMS RNAM PAR 'PHEL PA BCU DRUG GIS MTSON TE MDO LAS BSTAN PA'I THEG CHEN GYI NGES CHA GNYIS PA, 'DIR DNGOS BSTAN GYI RTZE MO'I RTZE SBYOR GYI MTSAN NYID, DE'I RTAGS NI DBYE NA RNAM PA BCU DRUG YOD DE, 'DZAM BU GLING GI SEMS CAN THAMS CAD KYIS SANGS RGYAS LA ZAS SKOM ME TOG SOGS KYIS MCHOD PA'I BSOD NAMS LAS KYANG, RTZE MO'I SHER PHYIN LA MNYAM PAR GZHAG PA BSOD NAMS CHE BA SOGS GANG ZAG GZHAN LA BLTOS PA'I PHYI GTZO BOR GYUR PA BRGYAD, CHOS NYID SGOM BYUNG GIS RTOGS PA'I SGO NAS, BSLAB PA YONGS SU DAG PA LA SOGS PA NANG GTZO BOR GYUR PA BRGYAD @05B DANG BCAS PA'I BCU DRUG YOD PA'I PHYIR, THABS SHES KYI RTOGS PA BRTAN PO GNYIS KYIS MTSON TE MDO LAS BSTAN PA'I THEG CHEN GYI NGES CHA GSUM PA, 'DIR DNGOS BSTAN GYI BZOD PA'I RTZE SBYOR GYI MTSAN NYID, DE'I RTAGS GNYIS PO DE'I KHYAD PAR YOD DE, MKHYEN GSUM GYI RTOGS RIGS TSANG BAR THOB PA'I SHES RAB BRTAN PO STONG NYID LA MNYAM PAR GZHAG PA'I TSE NA YANG SNYING RJE CHEN PO MNGON DU BYED PA'I DNGOS POS ZIN PA'I THABS KYI RTOGS PA BRTAN PO DANG BCAS PA DE YIN PA'I PHYIR, BSOD NAMS MANG POS MTSON TE MDO LAS BSTAN PA'I THEG CHEN GYI NGES CHA BZHI PA, 'DIR DNGOS BSTAN GYI THEG CHEN GYI CHOS MCHOG RTZE SBYOR GYI MTSAN NYID, DE MDO LAS BSOD NAMS MANG POS MTSON TE BSTAN PA YIN TE, GLING BZHI NAS STONG GSUM GYI BAR RNAMS SRAD GRANGS DANG, CHU RNAMS SKRA'I RTZE MOS GZHAL NUS KYANG CHOS MCHOG PA DES BYANG SEMS BZHI'I DGE RTZA LA RJES SU YID RANGS PA'I BSOD NAMS LA GRANGS GZHAL DU MED PAR BSTAN PA'I PHYIR, BYANG SEMS BZHI'I KHYAD PAR YOD DE, BYANG SEMS MOS SPYOD PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA DANG BCAS PA'I BZHI PO DE YIN PA'I PHYIR, 'DIR BSHAD PA'I RTAGS RNAMS KYANG RMI LAM GYI GNAS SKABS SU YANG CHOS THAMS CAD RMI LAM LTA BUR BLTA BA'I YE SHES SOGS RE RE LA BYED PA YIN GYI PHYI'I RTAGS LA BYED PA MA YIN TE, RTAGS LA SOGS PA 'DI DAG NI DRO BA LA SOGS PA NGES PAR 'BYED PA'I CHA DANG MTHUN PA BZHI'I RANG BZHIN YIN PAR KHONG DU CHUD PAR BYA'O, ,ZHES GSUNGS PA'I PHYIR, 'DIR SBYOR LAM RTZE SBYOR BZHI'I RTAGS RNAMS GONG 'PHEL DU 'CHAD PA NI NANG GI SBYOR LAM RTZE SBYOR GONG 'PHEL DU SONG BA'I DBANG GIS SO,, ` ,,DRI MA ZAD DANG MI SKYE BA'I, ,ZHES SOGS KYI SKABS SU, KHA CIG NA RE, DRI MA ZAD SKYE BDEN MED DU MNGON SUM DU RTOGS PA'I YE SHES MTHAR THUG ,BYANG CHUB CHEN PO'I MTSAN NYID ZER NA, MI RIGS TE, GZHUNG GI DNGOS BSTAN NI MTHONG LAM RTZE SBYOR GYI NYE 'BRAS KYI DBANG DU BYAS KYI BYANG CHUB CHEN PO LA YE SHES KYIS MA KHYAB PA'I PHYIR, SANGS RGYAS KYI SKU BZHI KA BYANG CHUB CHEN PO YIN PA'I PHYIR, RGYUD BLA MA LAS, NGO BO RGYU @06A *, ,DANG 'BRAS BU DANG, ,LAS DANG LDAN DANG 'JUG PA DANG, ,DE RTAGS BSAM MI KHYAB NYID KYIS, ,SANGS RGYAS SA NI RNAM PAR GZHAG ,CES DON BRGYAD KYI SGO NAS BSHAD CING, DBYE BA 'CHAD PA NA, DE DBYE ZAB DANG RGYA CHE DANG, ,BDAG NYID CHEN PO YON TAN GYI, ,CHOS KYI RAB DBYE RANG BZHIN LA, ,SOGS PA'I SKU GSUM DAG GIS 'JUG, CES GSUNGS PA'I PHYIR DANG, MDO SDE RGYAN LAS KYANG, SKU GSUM DAG GI BYANG CHUB CHE, ZHES GSUNGS PA'I PHYIR, RANG LUGS DNGOS BSTAN GYI DBANG DU BYAS NA SNGAR LTAR DANG, SPYI'I DBANG DU BYAS NA KHYAD CHOS BRGYAD KYIS KHYAD PAR DU BYAS PA'I THOB BYA MTHAR THUG ,BYANG CHUB CHEN PO'I MTSAN NYID, DBYE NA, SANGS RGYAS KYI SKU GSUM MAM BZHI YOD, DRI MA BDEN MED DU GTAN LA PHEBS PA'I RIGS PA, RGYU, 'BRAS BU, NGO BO,, RGYU 'BRAS GNYIS KA LA DPYOD PA, RTEN 'BREL GYI GTAN TSIGS SOGS NI GCIG DU BRAL GYI SKABS SU SHES PAR BYA'O,, ` ,,'JUG PA DANG NI LDOG PA LA, ,ZHES SOGS MDOR BSTAN RGYAS BSHAD KYI SKABS SU, BYANG SEMS LAM LA BLTOS TE 'JUG LDOG GANG RUNG GI YUL LA DMIGS NAS BDEN PAR 'DZIN PA'I BDEN 'DZIN KUN BTAGS, 'DIR DNGOS BSTAN GYI SPANG BYA RTOG PA'I MTSAN NYID, DE LA DBYE NA DER GYUR PA'I GZUNG RTOG 'DZIN RTOG GNYIS, DANG PO LA YANG SHES SGRIB 'JUG PA GZUNG RTOG DANG LDOG PA GZUNG RTOG KUN BTAGS GNYIS, RANG GI DMIGS YUL DU GYUR PA'I BYANG SEMS LAM LA BLTOS TE 'JUG BYA'I CHOS LA DMIGS NAS, BYANG SEMS LAM LA BLTOS TE 'JUG BYAR BDEN PAR 'DZIN PA'I BDEN 'DZIN KUN BTAGS, 'DIR DNGOS BSTAN GYI SHES SGRIB 'JUG PA GZUNG RTOG GI MTSAN NYID, DE LA DMIGS YUL GYI SGO NAS PHYE BA DGU YOD DE, RANG GI DMIGS YUL DU GYUR PA'I BYANG SEMS LAM LA BLTOS TE LDOG BYA'I CHOS LA DMIGS NAS BYANG SEMS LAM LA BLTOS TE, LDOG BYAR BDEN PAR 'DZIN PA'I BDEN 'DZIN KUN BTAGS GNYIS PA'I MTSAN NYID, DE LA YANG DMIGS YUL GYI SGO NAS DBYE BA DGU YOD, KHA CIG NA RE, 'DIR DNGOS BSTAN GYI LDOG PA GZUNG RTOG YIN NA LDOG PA @06B GZUNG RTOG MA YIN DGOS TE, THEG DMAN GYI LAM 'BRAS RNAMS LDOG BYA MA YIN PA'I PHYIR ZER NA, 'O NA, THEG DMAN 'PHAGS PA'I MKHYEN PA YIN NA MI MTHUN PHYOGS KYI GZHI SHES MA YIN DGOS PAR THAL LO, ,DE YIN NA MIN THUN PHYOGS MA YIN DGOS PA'I PHYIR LAN MED DO, ,RANG GI DMIGS YUL DU GYUR PA'I RDZAS 'DZIN BTAGS 'DZIN GANG RUNG LA DMIGS NAS LONGS SPYOD PA POR BDEN PAR 'DZIN PA'I BDEN 'DZIN KUN BTAGS, 'DIR DNGOS BSTAN GYI SHES SGRIB 'DZIN RTOG GI MTSAN NYID, DE LA DER GYUR BA'I SHES SGRIB RDZAS 'DZIN RTOG PA DANG, BTAGS 'DZIN RTOG PA GNYIS, MTSAN NYID NI RANG GI DMIGS YUL DU GYUR BA'I RDZAS 'DZIN LA DMIGS PA SOGS SBYAR NAS 'JOG GO ,DES NA SHES SGRIB GZUNG 'DZIN GYI RNAM RTOG BZHI PO CHOS CAN, YUL JI LTA BA BZHIN 'DZIN BA MA YIN PA'I BDAG NYID CAN YIN TE, ZHEN YUL LA 'KHRUL BA'I LOG SHES YIN PA'I PHYIR,, ,, `SO SO SKYE BO 'PHAGS DBYE BAS, ,ZHES PA'I DON LA KHA CIG, 'DIR DNGOS BSTAN GYI RTOG PA'I RTEN GYI DBANG DU BYAS PA YIN ZER NA, SHIN TU MI 'THAD DE, THEG CHEN 'PHAGS PA'I RGYUD LA 'DIR DNGOS BSTAN GYI GZUNG 'DZIN GYI RTOG PA GNYIS MED PAR MTSUNGS, THEG DMAN 'PHAGS PA'I RGYUD LA DE GNYIS YOD MTSUNGS YIN PA'I PHYIR, KHA CIG, RDZAS 'DZIN GYI SHES PA LA SO SO SKYE BO'I RGYUD KYI SHES PAS KHYAB PA DANG, RTAG 'DZIN GYI SHES PA LA 'PHAGS RGYUD KYI SHES PAS KHYAB PAS DE'I DBANG DU BYAS PA YIN ZER NA, MI 'THAD DE, SO SO SKYE BO'I RGYUD LA YANG GANG ZAG BTAGS YOD DU RTOGS PA'I RTOG PA YOD, 'PHAGS RGYUD LA YANG GANG ZAG RANG RKYA THUB PA'I RDZAS YOD DU 'DZIN PA'I RTOG PA YOD PA'I PHYIR, YANG KHA CIG GI GSUNG NA RE, 'DI'I DON RDZAS 'DZIN RTOG PA DANG, BTAGS 'DZIN RTOG PA GNYIS KYI DBANG DU BYAS PA MIN GYI, DMIGS YUL GYI RDZAS 'DZIN DANG, BTAGS 'DZIN GYI DBANG DU BYAS SHING, DE YANG GTZO CHE CHUNG GI DBANG DU BYAS PA YIN ZHING, SO SKYE LA GANG ZAG GI BDAG 'DZIN GYI ZHEN YUL MYONG STOBS KYIS KHEGS PA MED, 'PHAGS PA LA MYONG STOBS KYIS KHEGS PA YOD PAS GTZO CHE CHUNG DU GYUR PA'I PHYIR, ZHES GSUNGS, RTOG PA GNYIS KYI RTEN LA MI BYED PA MI @07A *, ,RIGS PAR THAL, RTZA BAS KYANG RTOG PA'I RTEN LA MDZAD, 'GREL PAR, 'DZIN PA'I RNAM PAR RTOG PA DANG PO'I ZHES SOGS RTOG PA'I RTEN LA GSUNGS PA'I PHYIR, GZHAN YANG, SO SKYE LA GANG ZAG GI BDAG 'DZIN GYI ZHEN YUL MYONG STOBS KYIS KHEGS PA MED PAR 'DOD PA MI RIGS PAR THAL, BDAG 'DZIN GYI ZHEN YUL MED PAR MYONG STOBS KYIS NGES PA'I SO SKYE YOD PA'I PHYIR TE, SO SKYE LA GANG ZAG GI BDAG MED RTOGS PA'I ZHI LHAG ZUNG 'BREL GYI RNAL 'BYOR YOD PA'I PHYIR, RANG LUGS LA, 'DZIN RTOG GNYIS SKYE 'PHAGS KYI RTEN SO SOR GSUNGS PA'I DON YOD DE; RTOG PA DANG PO DANG, DE'I DMIGS YUL RDZAS 'DZIN GNYIS SO SKYE LA GTZO CHE, BTAGS 'DZIN RTOG PA DANG DE'I DMIGS YUL BTAGS 'DZIN 'PHAGS PA LA GTZO CHE BA'I RGYU MTSAN GYIS DE LTAR BSHAD PA'I PHYIR, GTZO CHE CHUNG DE LTAR 'BYUNG BA'I RGYU MTSAN YOD DE, BDAG 'DZIN GNYIS KYI ZHEN YUL MYONG STOBS KYIS MA KHEGS PA DANG KHEGS PA SKYE 'PHAGS GNYIS LA RIM PA BZHIN GTZO CHE CHUNG GI KHYAD PAR YOD PA'I PHYIR DANG, DE'I DBANG GIS RTOG PA GNYIS LA YANG GTZO CHE CHUNG 'BYUNG BA'I PHYIR, YANG 'DIR GZUNG RTOG DANG PO DANG 'DZIN RTOG DANG PO GNYIS SBYOR BA NYER BSDOGS KYIS SPONG PA DANG, PHYI MA GNYIS 'JUG PA BAR CHAD MED LAM GYIS SPONG BAR GSUNGS PA'I DON LA KHA CIG NA RE, DE LTAR GSUNGS PA'I DON RTOG PA DANG PO GNYIS THEG CHEN GYI MTHONG LAM BAR CHAD MED LAM GYIS SPONG, GNYIS PA DE GNYIS THEG CHEN GYI MTHONG LAM RNAM GROL LAM GYIS SPONG BA'I DON YIN ZER NA, DE MI 'THAD PAR THAL, THEG CHEN GYI MTHONG LAM RNAM GROL LAM GYIS RTOG PA DE MNGON GYUR BA DANG SA BON GANG YANG DNGOS SU MI SPONG PA'I PHYIR, YANG KHA CIG GI GSUNG NA RE, THEG CHEN GYI MTHONG LAM THOB PA TZAM DANG, THOB NAS RDZOGS PA GNYIS YOD PAS, DE GNYIS KYIS RIM PA BZHIN DU GZUNG RTOG DANG 'DZIN RTOG DANG PO'I SA BON SPONG, MTHONG LAM BAR CHAD MED LAM PHYI MA GNYIS GYIS RTOG PA PHYI MA GNYIS KYI SA BON SPONG BA'I RGYU MTSAN GYIS YIN GSUNG YANG MI 'THAD DE, THEG CHEN GYI MTHONG LAM THOB MA THAG PA'I BAR CHAD MED LAM DES RTOG PA KUN @07B BTAGS BZHI GA'I SA BON CIG CAR DU SPONG BA'I PHYIR TE, DE SKYE BA LA MNGON DU PHYOGS PA DANG SA BON BZHI PO DE 'GAG PA LA MNGON DU PHYOGS PA DUS MNYAM, DE RDZOGS PAR SKYES PA DANG, CIG SHOS RDZOGS PAR 'GAGS PA DUS MNYAM PA'I TSUL GYIS SPONG BA'I PHYIR, MDO DANG, KUN BTUS KYIS GRUB BO,, RANG LUGS YOD DE, SA BON BZHI PO CIG CAR DU SPONG YANG, GZUNG RTOG KUN BTAGS MNGON GYUR BA GNYIS DANG, 'DZIN RTOG KUN BTAGS MNGON GYUR BA GNYIS LAS SNGA MA SNGA MA GNYIS MNGON GYUR BA 'GO GNON PA SLA, PHYI MA PHYI MA 'GO GNON DKA' BAR SHES PA'I PHYIR DU SA BON SPONG BYED KYI BAR CHAD MED LAM LA SBYOR BA NYER BSDOGS DANG DNGOS GZHI'I BAR CHAD MED LAM GYI MING SO SOR BTAGS PA YIN PA'I PHYIR, 'DIR BSTAN PA'I SBYOR BA NYER BSDOGS YIN NA THEG CHEN GYI SBYOR BA NYER BSDOGS MA YIN PAS KHYAB, THEG CHEN GYI MTHONG LAM SBYOR BA NYER BSDOGS YIN NA 'DIR BSTAN PA'I SBYOR BA NYER BSDOGS YIN DGOS PA'I PHYIR TE, DANG PO DE YIN NA THEG CHEN MTHONG LAM BAR CHAD MED LAM YIN PAS KHYAB, PHYI MA YIN NA THEG CHEN SBYOR LAM CHOS MCHOG CHEN PO'I YE SHES YIN DGOS PA'I PHYIR, ,'GOG PA MED PA'I RANG BZHIN LA, ,ZHES SOGS KYI SKABS SU, THEG CHEN MTHONG LAM BAR CHAD MED LAM CHOS CAN, KHYOD SHES SGRIB KYI RNAM RTOG BDEN GRUB CI ZHIG ZAD CING DE SPANGS PA'I 'GOG PA CI ZHIG 'THOB STE MI 'THOB PAR THAL, DRI MA BDEN GRUB SPANGS PA'I 'GOG PA MED PA'I PHYIR, ,GZHAN GYI CHOS RNAMS KYANG YOD LA, ZHES SOGS KYI SKABS SU, DNGOS SMRA BA RNAMS KYI PHYI NANG GI DNGOS PO RNAMS BDEN PAR GRUB, SANGS RGYAS KYIS SHES SGRIB MA LUS BAR SPANGS PAR 'DOD PA LA BYAMS PA KHO BOS MTSAR DU RTZI STE, DRI MA BDEN GRUB GNYEN POS SPANG DU MED PA'I PHYIR,, ` ,,DE LA SKYE BA DANG 'JIG PAS STONG BA'I PHYIR BDAG MED DO, ,ZHES SOGS KYI SKABS SU, MTHA' DPYAD PA LA, RNAL 'BYOR SA'I RNAM GZHAG SPYIR BSTAN PA DANG, LHAN CIG DMIGS DES KYI RTAGS BYE BRAG TU BSHAD PA GNYIS, DANG PO LA YANG, GRANGS NGES PA, SO SO'I NGO BO,, SA MTSAMS RNAMS LAS, DANG PO LA DGAG BZHAG SPANGS GSUM, DANG @08A *, ,PO LA KHA CIG NA RE, RNAL 'BYOR GYI SA BZHIR GRANGS NGES TE, BDAG MED RTOGS PA'I RNAL 'BYOR GYIS, GZUNG MED RTOGS PA'I RNAL 'BYOR GYIS, 'DZIN MED RTOGS PA'I RNAL 'BYOR GYIS, SPROS BRAL RTOGS PA'I RNAL 'BYOR GYIS DANG BCAS PA'I BZHI YOD PA'I PHYIR, DE YANG DANG POS NYAN THOS SDE PA'I LTA BA, BAR PA GNYIS KYIS SEMS TZAM RNAM BDEN BRDZUN GNYIS KYI LTA BA RIM PA BZHIN DU BSTAN, PHYI MA DBU MA PA'I LTA BAR BYED PA YIN ZER NA, 'O NA, GNYIS KA'I DON DE GZUNG BA BDEN PAR MED PA'I DON LA BYED DAM, PHYI ROL GYI DON MED PA LA BYED, DANG PO LTAR NA, GSUM PAS KYANG 'DZIN PA SHES PA BDEN MED RTOGS PA LA BYED PAR THAL, DAM BCA' 'THAD PA'I PHYIR, 'DOD NA, GNYIS KAS KYANG SPROS BRAL RTOGS PA'I LTA BA BSTAN PAR THAL, 'DOD PA'I PHYIR, 'DOD NA, LTA BA MTHO DMAN GYI RIM PAR BYED PA DON MED PAR THAL, 'DOD PA DE'I PHYIR, GNYIS PA LTAR NA, 'DZIN MED RTOGS PA'I RNAL 'BYOR GYIS YANG 'DZIN PA GZUNG BA LAS RDZAS GZHAN MED PAR RTOGS PA LA BYED RIGS PAR THAL, DAM BCA' DE'I PHYIR, 'DOD NA, LTA BA MTHO DMAN GYI RIM PAR PHYE BA MI RIGS PAR THAL, GNYIS KAS PHYI ROL BKAG PA'I LTA BTZAM ZHIG BSTAN PAR MTSUNGS PA'I PHYIR, GZHAN YANG, BZHI PO DE RNAMS RIM PA BZHIN DU NYAN THOS SDE PA SOGS KYI RGYUD KYI LTA BA RNAMS BSTAN PAR THAL, DAM BCA' 'THAD PA'I PHYIR, 'DOD MU NUS TE, DE RNAMS KYI RGYUD KYI LTA BA RNAMS BDEN PAR GRUB PA GZHIR BCAS KYI STENG NAS DGAG BYA RAGS RIM NAS BCAD PA'I LTA BA YIN, 'DIR NI DNGOS SMRA BA'I THUN MONG MA YIN PA'I 'DOD PAS BTAGS PA'I LTA BA RNAMS BKAG NAS BDEN PAR MED PA GZHIR BYAS KYI STENG NAS DGAG BYA RAGS RIM NAS BKAG PA'I SNYING PO'I DON SGOM PA'I RIM PA STON PA YIN PA'I PHYIR, YANG KHA CIG GIS RNAL 'BYOR GYIS BZHIR BYAS NAS, DANG POS NYAN THOS, GNYIS PAS RANG RGYAL, GSUM PAS SEMS TZAM PA, BZHI PAS DBU MA PA'I LTA BA BSTAN PA YIN ZER NA, RANG LDOG TZAM ZHIG YIN NA RUNG TZAM YIN MONG, DE DAG GI RGYUD KYI DBANG DU BYAS NA NI MI RIGS TE, 'DIR @08B THEG CHEN RIGS NGES KYIS RANG RGYUD LA BSKYED NAS SGOM PA'I LTA BA'I RIM PA ZHIG GTAN LA 'BEBS PA'I PHYIR, GZHAN YANG, RANG RGYAL DANG SEMS TZAM PA LTA BA MI MTHUN PAR 'DOD PA DANG, RANG RGYAL GYIS PHYED KHEGS PA DANG SEMS TZAM PAS GNYIS KA KHEGS NAS GNYIS STONG GI SHES PA BDEN GRUB 'DOD PA'I KHYAD PAR SOGS KYANG MI 'THAD DE, RNAM BSHAD KYI GONG DANG 'DIR BKAG PA THAMS CAD KYIS KHEGS PA'I PHYIR, 'O NA, RNAL 'BYOR SA'I SKABS SU DE LA SKYE BA DANG ZHES SOGS DANG, YANG SNGON PO DANG DE'I BLO DAG CES GSUNGS PA JI LTAR YIN ZHE NA, SKYON MED DE, MNYAM RJES GNYIS SU SKYOD TSUL GYI DBANG DU BYAS PA YIN PA'I PHYIR, RANG LUGS LA, 'DIR LDOG PA'I SGO NAS BZHIR GSUNGS KYANG NGO BO'I SGO NAS RNAL 'BYOR SA LA GSUM DU GRANGS NGES PA YIN TE, RJOD BYED BKA'I DBANG DU BYAS NA'ANG GSUM DU GRANGS NGES, BSGOM BYA BAR CHAD MED LAM GYI DBANG DU BYAS NA YANG GSUM DU GRANGS NGES, RJES SU GZUNG BYA'I GDUL BYA'I DBANG DU BYAS NA YANG GSUM DU GRANGS NGES, LAG RJES KYI DBANG DU BYAS NA YANG GSUM DU GRANGS NGES PA'I PHYIR, DANG PO DE LTAR YIN TE, 'KHOR LO RIM PA GSUM PO DES RIM PA BZHIN DU BDAG MED PHRA RAGS GSUM GTAN LA 'BEBS, 'DIR DE GSUM SGOM PA'I RIM PA 'CHAD PA'I PHYIR, GNYIS PA DE LTAR YIN TE, 'DI'I RNAL 'BYOR GYI SA GSUM PO DE BDAG MED PHRA RAGS GSUM RTOGS PA'I LTA BA'I RIM PAR 'JOG PA'I PHYIR, GSUM PA DER THAL, RIGS CAN GSUM PO DES RNAL 'BYOR GYI SA GSUM PO DE RIM PA BZHIN DU BSGOM BYA'I GTZO BOR BYAS NAS SGOM PA'I PHYIR, BZHI PA DE LTAR YIN TE, RNAL 'BYOR GYI SA GSUM BSGOMS PAS LAM SHES GSUM 'THOB PAR 'GYUR BA'I PHYIR, MDOR NA RNAL 'BYOR SA LA GSUM DU GRANGS NGES TE, 'BRAS BU BYANG CHUB CHEN PO THOB PA LA SA GSUM PO DE NGES PAR SGOM DGOS, SGRIB GNYIS SPONG BA'I LTA BA'I CHA LA DE LAS MANG MI DGOS, NYUNG NA MI 'DU BA'I PHYIR, GSUM PA RTZOD PA SPONG BA LA, KHA CIG NA RE, RNAL 'BYOR GYI SA BZHIR GRANGS NGES PAR THAL, LAM RIM LAS, SHER PHYIN MAN NGAG TU SEMS TZAM LA NI BRTEN NAS SU, ZHES SOGS KYI MDO GRANGS NAS SEMS TZAM LA DMIGS PA'I RNAL 'BYOR SA, DE BZHIN NYID @09A *, ,LA DMIGS PA'I RNAL 'BYOR SA, SNANG MED LA DMIGS PA'I RNAL 'BYOR SA DANG SUM BSTAN PAR 'CHANG CES GSUNGS PA GANG ZHIG, DE'I GANG ZAG GI BDAG MED RTOGS PA'I RNAL 'BYOR SA GCIG NGES PAR 'DOD DGOS PAS BZHIR 'GYUR PA'I PHYIR, LTA BAR MTHO DMAN GYI RIM PA'I DBANG DU BYAS NA YANG RNAL 'BYOR GYI SA BZHIR 'DOD DGOS TE, LUNG SIL BU LAS, 'DI NA BDAG GAM SEMS CAN MED, ,CHOS 'DI THAMS CAD RGYU DANG BCAS, ,ZHES GSUNGS PAS BDAG MED RTOGS PA'I RNAL 'BYOR SA DANG PO GRUB, LANG GSHEGS LAS KYANG, SEMS TZAM LA NI BRTEN NAS SU, ,PHYI ROL DON LA MI RTOG GO, DE BZHIN NYID LA DMIGS NAS SU, ,SEMS TZAM LAS KYANG 'DA' BAR 'GYUR, ,SEMS TZAM LAS NI 'DAS NAS KYANG, ,SNANG BA MED LA GNAS PAR 'GYUR, ,SNANG MED GNAS PA'I RNAL 'BYOR PAS, ,DE YI THEG PA CHEN PO MTHONG, ,ZHI BA LHUN GYIS GRUB CING GNAS, ,SMON LAM 'DI DAG RNAL 'BYOR SBYANGS, ,YE SHES DRAN PA 'BAD MED PA, ,SNANG BA MED PA MTHONG BAR 'GYUR, ,ZHES 'DI GRANGS NAS SGOM LAM BAR CHAD MED LAM DANG POR LTA BAS PHYE BA'I RNAL 'BYOR SA BZHIR BSHAD PA'I PHYIR, ZER NA, BYANG CHUB LAM RIM DANG 'GAL BA'I SKYON MED DE, DE SHER PHYIN MAN NGAG TU MDO GRANGS NAS MING GI RNAM GRANGS GSUNGS PA BSHAD PA YIN GYI RNAL 'BYOR SA BZHIR BZHED PA MA YIN PA'I PHYIR, LANG GSHEGS SOGS KYI DON YANG SEMS TZAM GYI LTA BAS RGYUD SBYANGS NAS DBU MA'I LTA BA SGOM PA'I RIM PA PHYE BA DANG BCAS BA ZHIG BSHAD KYI, DER BSHAD PA'I LTA BA GANG DANG YANG 'DIR BSHAD PA'I RNAL 'BYOR SA DANG DON MI GCIG PAS BDAG MED RTOGS PA'I RNAL 'BYOR SA MED PA'I RNAL 'BYOR GYI SA'I RNAM GZHAG CHES MI 'THAD PA'I PHYIR, GNYIS PA SO SO'I NGO BO BSHAD PA LA, GANG ZAG GI BDAG MED RTOGS PA'I RNAL 'BYOR GYI SA BSHAD, PHYI ROL DON GYIS STONG BA'I STONG NYID RTAGS PA'I RNAL 'BYOR GYIS BSHAD PA, STONG NYID RTOGS PA'I RNAL 'BYOR GYI SA BSHAD PA DANG GSUM, DANG PO LA, DBU MA THAL 'GYUR BA RNAMS NI GANG ZAG DANG CHOS KYI BDAG MED GNYIS DAG STONG GZHI KHO NA'I SGO NAS 'JOG @09B GIS DGAG BYA PHRA RAGS KYI SGO NAS MI 'JOG ,'DIR NI GNYIS KA'I SGO NAS 'JOG, DE'I DBANG DU BYAS NA, SKYE 'JIG CAN YIN NA RANG RKYA THUB PA'I RDZAS YONG KYIS STONG BAS MA KHYAB CING, GANG ZAG YIN NA DES STONG BAS MA KHYAB STE, GNYIS KA LA YID KYI RNAM PAR SHES PAS MA NGES PA'I PHYIR, YID KYI RNAM PAR SHES PA GANG ZAG NI YIN TE, LEGS LDAN 'BYED KYI LUNG RIGS GNYIS KAS BSGRUBS SHING, SLOB DPON 'DI YANG DE DANG MTHUN PAR BZHED PA'I PHYIR, DE LTA NA DE GTAN LA 'BEBS PA LA BSAM BYUNG GI RIGS PA, SGOM BYUNG GI RNAL 'BYOR, BSGOMS PA'I 'BRAS BU GSUM LAS, DANG PO NI, NYER LEN KYI PHUNG PO CHOS CAN, KHYOD GANG ZAG RANG RGYA THUB PA'I RDZAS YOD KYIS STONG STE, SKYE 'JIG CAN YIN PA'I PHYIR, DPER NA, SHING RTA BZHIN, SKYE 'JIG CAN YIN NA, GANG ZAG RANG RKYA THUB PA'I RDZAS YOD MIN DGOS TE, GANG ZAG GI BDAG YIN NA SKYE 'JIG CAN MIN DGOS PA'I PHYIR, DE YIN NA RTAG GCIG RANG DBANG CAN YIN DGOS PA'I PHYIR, DE LTA BU'I RTAGS LA BRTEN NAS GANG ZAG RANG RKYA THUB PA'I RDZAS YOD KYIS STONG BA'I STONG NYID LA GSAR DU MI SLU BA'I RIG PA DE NYID GANG ZAG GI BDAG MED RTOGS PA'I RJES DPAG TSAD MA DANG, DE RTOGS PA'I BSAM BYUNG GI RIG PAR 'JOG GO, GNYIS PA LA, DE RTOGS PA'I SGOM BYUNG GI RNAL 'BYOR GYI DON DE NYID GTZO BOR ZHI LHAG ZUNG 'BREL GYI SGO NAS RTZE GCIG TU SGOM PA YIN PA'I PHYIR, GSUM PA BSGOMS PA'I 'BRAS BU YOD DE, DE LTAR BSGOMS PAS DNGOS SU GANG ZAG GI BDAG 'DZIN KUN BTAGS MNGON GYUR PA SPONG, LHAN SKYES KYI YANG NUS PA RAGS PA NYAMS PAR BYED PA'I PHYIR, RNAL 'BYOR GYI SA GNYIS PA LA YANG BSAM BYUNG GI RIGS PA SOGS GSUM LAS, DANG PO NI, SNGON PO CHOS CAN, KHYOD KHYAD 'DZIN TSAD MA DANG RDZAS GZHAN GYIS STONG STE, KHYOD DE DANG LHAN CIG DMIGS PA NGES PA YIN PA'I PHYIR, DPER NA RMI LAM GYI SHES PA DANG DE'I SDANG BA LTA BU, RJES DPAG SOGS NI GONG GI SHES, ,GNYIS PA SGOM BYUNG GI RNAL 'BYOR YOD DE, DON DE NYID ZHI LHAG ZUNG 'BREL GYI RTZE GCIG TU SGOM PA YIN PA'I PHYIR, GSUM PA BSGOMS PA'I 'BRAS BU YOD DE, LAS SU GZUNG 'DZIN RDZAS THA DAD DU 'DZIN PA'I RTOG PA MNGON GYUR SPANGS TE, @10A *, ,GNYIS SNANG 'KHRUL BAR KHONG DU CHUD BAR BYED PA'I PHYIR, GSUM PA STONG NYID RTOGS PA'I RNAL 'BYOR GYI SA LA GSUM LAS, DANG PO NI, GNYIS STONG GI SHES PA CHOS CAN, BDEN PAR MED DE, RTEN 'BREL YIN PA'I PHYIR, DPER NA SGYU MA BZHIN, PHYI MA GNYIS GE, 'O NA RNAL 'BYOR GYIS GSUM SKYE THABS SOGS DE LTAR YIN, THUN MONG MA YIN PA'I NGO BO'I KHYAD PAR JI LTA BU ZHE NA, KHA CIG NA RE, GANG ZAG GI BDAG MED RTOGS PA'I YE SHES RNAL 'BYOR GYIS DANG PO'I MTSAN NYID, CHOS KYI BDAG MED RAGS PA DANG PHRA BA RTOGS PA'I YE SHES GNYIS RIM PA BZHIN RNAL 'BYOR GYI SA PHYI MA GNYIS KYI MTSAN NYID ZER NA, MI 'THAD DE, SANGS 'PHAGS KYI RGYUD KYI THEG CHEN SEMS BSKYED DE BDAG MED GSUM GA RTOGS PA'I YE SHES GANG ZHIG ,RNAL 'BYOR GYI SA GSUM PO GANG YANG MA YIN PA'I PHYIR, LTA SPYOD GNYIS SU PHYE BA'I LTA BA'I CHA MA YIN PA'I PHYIR, YANG KHA CIG, RNAL 'BYOR GYI SA GANG ZHIG ,GANG ZAG GI BDAG MED RTOGS PA'I YE SHES SOGS 'JOG PA YIN ZER NA, SANGS 'PHAGS KYI RGYUD KYI GNYIS STONG RTOGS PA'I YE SHES CHOS CAN, RNAL 'BYOR GYI SA DANG PO YIN PAR THAL, MTSAN NYID DE YIN PA'I PHYIR, 'DOD MI NUS TE; NYAN THOS KYI RTOGS RIGS SU MI GNAS PA'I PHYIR, MTSAN NYID GNYIS PA LA YANG, STONG NYID RTOGS PA'I RNAM MKHYEN GYI MA NGES TE, DE RANG RGYAL GYI RTOGS RIGS SU MI GNAS PA'I PHYIR, YANG KHA CIG NA RE, GANG ZAG GI BDAG MED RTOGS PA'I YE SHES GANG ZHIG ,NYAN THOS KYI RTOGS RIGS SU GNAS PA, RNAL 'BYOR SA DANG PO'I MTSAN NYID, DES GZHAN GNYIS LA YANG RIGS 'GRE, ZER NA, BYANG SEMS MTHONG LAM PA'I RGYUD KYI GZUGS SOGS KYI CHOS RNAMS GANG ZAG GI BDAG TU SNANG GRUB NA, DER THAL, BYANG SEMS MTHONG LAM BA'I RGYUD KYI GZUGS CHOS CAN, GANG ZAG GI BDAG MED RTOGS PAR THAL, MTSON BYA DANG PO DE YIN PA'I PHYIR, MA GRUB NA, DER THAL, BYANG SEMS MTHONG LAM PA'I RGYUD KYI GZUGS SOGS PHYI ROL DON DU SNANG YANG DER MA GRUB PA'I SGYU MA LTA BUR SNANG BA'I YE SHES DE RNAL 'BYOR GYI SA GNYIS PA YIN PA'I PHYIR TE, DNGOS BSTAN GYI RNAL 'BYOR @10B GYIS GSUM DU NGES PA'I PHYIR, RTZA BAR 'DOD NA, MI 'THAD PAR THAL, MYU GU BDEN STONG SGYU MA LTA BUR MNGON SUM DU RTOGS PA'I THEG CHEN MTHONG LAM GYIS STONG NYID MA RTOGS PA'I PHYIR TE, SGYU MA RIGS GRUB PA'I DBU MA'I LUGS MI 'THAD PA'I PHYIR, MTSAN NYID GNYIS PA LA, GZUGS SOGS PHYI ROL DON DU SNANG YANG SNANG BA LTAR DU MA GRUB PA'I SGYU MA LTA BUR RTOGS PA'I THEG CHEN GYI MTHONG LAM RJES THOB YE SHES CHOS CAN, GZUGS SOGS PHYI ROL DON GYIS STONG PAR RTOGS PAR THAL, MTSON BYA GNYIS PA DE YIN PA'I PHYIR, RTAGS t'I KAS GRUB, RTZA BAR 'DOD NA, BDEN 'DZIN BDEN MED DU RTOGS PA'I THEG CHEN GYI MTHONG LAM GYIS BDEN 'DZIN RTOGS PAR THAL LO, ,RANG LUGS LA, NYAN THOS KYI RTOGS RIGS SU GNAS PA'I RNAL 'BYOR GYIS, RNAL 'BYOR GYI SA DANG PO'I MTSAN NYID, BYANG SEMS DBU MA PA'I RGYUD KYI GANG ZAG GI BDAG MED RTOGS PA'I YE SHES, 'DIR DNGOS BSTAN GYI RNAL 'BYOR GYI SA DANG PO'I MTSAN NYID, THEG CHEN GYI RIGS NGES KYI BYANG SEMS DBU MA PA'I RGYUD KYI GANG ZAG GI BDAG MED RTOGS PA'I YE SHES, 'DIR DNGOS BSTAN BSTAN BYA'I GTZO BOR GYUR PA'I RNAL 'BYOR GYI SA DANG PO'I MTSAN NYID, GZUGS SOGS PHYI ROL DON GYIS STONG BA'I STONG NYID DANG, DE'I DBANG DU BYAS PA'I SGYU MA LTA BU CI RIGS PA RTOGS PA'I SEMS DPA'I YE SHES, 'DIR DNGOS BSTAN GYI RNAL 'BYOR GYI SA GNYIS PA'I MTSAN NYID, GTZO BO'I MTSAN NYID GONG GI RIGS 'GRE, GSUM PA'I DNGOS BSTAN GYI MTSAN NYID, GNYIS STONG GI SHES PA BDEN MED RTOGS PA'I SEMS DPA'I YE SHES SO, ,GTZO BO GONG Gi NGES RIGS 'GRE, GSUM PO RE RE LA MNYAM GZHAG GI DBANG DU BYAS PA DANG, RJES THOB KYI DBANG DU BYAS PA GNYIS GNYIS YOD, RNAL 'BYOR GYI SA DANG PO BSGOMS PA LA DGOS PA YOD DE, NYAN THOS KYI RIGS CAN RJES SU 'DZIN PA DANG, NYON MONGS SA BON DANG BCAS PA SPONG BA'I CHED DU YIN PA'I PHYIR, GNYIS PA'I DGOS PA DES RIGS 'GRE, RNAL 'BYOR GYI SA GSUM PA BSGOMS PA LA DGOS PA YOD DE, SHES SGRIB SA BON DANG BCAS PA SPONG BA DANG, GDUL BYA THEG CHEN GYI RIGS CAN RJES SU 'DZIN PA'I CHED YIN PA'I PHYIR, GSUM PA SA MTSAMS NI, @11A *, ,LAM DU MA ZHUGS PA'I RGYUD LA YANG BDAG MED PHRA RAGS GSUM RTOGS PA'I ZHI LHAG ZUNG 'BREL NI YOD, 'DIR BSHAD PA'I SA LA SA MTSAN NYID PA YIN MI DGOS PAS LAM MA ZHUGS LA YOD MED DPYAD GZHIR SNANG YANG DA LTA MED PA GZHIR BZHAG TU MDZAD PA SNANG BAS DE'I DBANG DU BYAS NA, RNAL 'BYOR GYI SA GSUM THEG PA GSUM GA'I GANG ZAG GI RGYUD LA YOD, DNGOS BSTAN GYI GSUM DANG, BSTAN BYA'I GTZO BO'I GSUM NI BYANG SEMS TZAM DANG, DANG PO NYID NAS THEG CHEN RIGS NGAS KYI SEMS DPA'I RGYUD LA YOD, SANGS 'PHAGS KYI RGYUD KYI RNAL 'BYOR SA NI 'DIR DNGOS SHUGS GANG LA YANG MA BSTAN TE, 'DIR BYANG CHUB CHEN PO SGRUB BYED KYI THABS SU GYUR PA'I RNAL 'BYOR GYI SA GSUM 'CHAD PAR BYED PA'I PHYIR, GNYIS PA LHAN CIG DMIGS NGES KYI RTAGS BYE BRAG TU BSHAD PA LA, GZHAN LUGS DGAG PA, RANG LUGS BZHAG PA GNYIS, DANG PO LA KHA CIG NA RE, KHYOD DANG KHYOD 'DZIN TSAD MA DUS MNYAM THA DAD GANG ZHIG ,KHYOD DMIGS BYED KYI TSAD MA YIN NA KHYOD 'DZIN TSAD MA DMIGS BYED KYI TSAD MA YIN PAS KHYAB, KHYOD 'DZIN TSAD MA DMIGS BYED KYI TSAD MA YIN NA KHYOD DMIGS BYED KYI TSAD MA YIN DGOS PA, KHYOD DANG KHYOD 'DZIN TSAD MA LHAN CIG DMIGS NGES YIN PA'I MTSAN NYID, ZER NA, SNGON PO CHOS CAN, KHYOD DMIGS BYED KYI TSAD MA YIN NA, SNGON 'DZIN TSAD MA DMIGS BYED KYI TSAD MA YIN DGOS PAR THAL, KHYOD SNGON 'DZIN TSAD MA DANG LHAN CIG DMIGS NGES YIN PA'I PHYIR, 'DOD NA, TSUR MTHONG GI RGYUD KYI SNGON 'DZIN MIG SHES TSAD MA CHOS CAN, SNGON 'DZIN TSAD MA DMIGS BYED KYI TSAD MA YIN PAR THAL, SNGON PO DMIGS BYED KYI TSAD MA YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, KHA PHYIR BLTAS KYI SHES PA YIN PA'I PHYIR, KHYAB STE, RNAM 'GREL LAS, GCIG GIS GCIG SHES MA YIN TE, DBANG PO'I SEMS NI NGES PHYIR DANG, ZHES GSUNGS PA'I PHYIR, KHA CIG NA RE, CHOS DE DANG GZHI DE PHAN TSUN THA DAD GANG ZHIG ,CHOS DE DMIGS BYED KYI TSAD MA YIN NA GZHI DE DMIGS BYED KYI TSAD MA'I @11B RDZAS SU SKYES PAS KHYAB PA, CHOS DE DANG GZHI DE LHAN CIG DMIGS NGES YIN PA'I MTSAN NYID, ZER NA, 'O NA, SNGON PO DMIGS BYED KYI TSAD MA YIN NA, SNGON 'DZIN TSAD MA'I RDZAS SU SKYES PAS KHYAB PAR THAL, SNGON PO DANG SNGON 'DZIN TSAD MA LHAN CIG DMIGS NGES YIN PA'I PHYIR, 'DOD NA, SNGON 'DZIN TSAD MA'I RGYUR GYUR PA'I SNGON PO DMIGS BYED KYI TSAD MA CHOS CAN, DER THAL, SNGON PO DMIGS BYED KYI TSAD MA YIN PA'I PHYIR, 'DOD NA, SNGON 'DZIN TSAD MA DANG RDZAS GCIG YIN PAR THAL, 'DOD PA DE'I PHYIR, 'DOD MI NUS SO, ,MTSAN GZHI LA YANG, KHA CIG ,SNGON PO DANG, SNGON 'DZIN SHES PA LHAN CIG DMIGS NGES [*LINE BREAK?] YIN ZER BA DANG, KHA CIG ,SNGON PO DANG SNGON SNANG DBANG SHES LHAN CIG DMIGS NGES YIN ZER NA, MI 'THAD DE, SNGON PO DANG DE GNYIS YIN KHYAB MNYAM MA YIN PA'I PHYIR, KHA CIG NA RE, LHAN CIG DMIGS NGES YIN PA'I PHYIR, SNGON PO DANG DE'I BLO GZHAN MA YIN, ZHES GSUNGS PA'I PHYIR, DE GNYIS LA YUL YUL CAN GYIS KHYAB PA YIN ZER NA, CHOS NYID DANG STONG NYID GNYIS CHOS CAN, YUL YUL CAN YIN PAR THAL, LHAN CIG DMIGS NGES YIN PA'I PHYIR, RANG LUGS LA, KHYOD KHYOD 'DZIN TSAD MA DANG DUS MNYAM THA DAD GANG ZHIG ,KHYOD DMIGS BYED KYI TSAD MA'I RDZAS SU SKYES NA KHYOD 'DZIN TSAD MA DMIGS BYED KYI TSAD MA'I RDZAS SU SKYES PA'I KHYAB, KHYOD 'DZIN TSAD MA DMIGS BYED KYI TSAD MA'I RDZAS SU SKYES NA KHYOD DMIGS BYED KYI TSAD MA'I RDZAS SU SKYES PAS KHYAB PA DE, KHYOD DANG KHYOD 'DZIN TSAD MA LHAN CIG DMIGS NGES YIN PA'I MTSAN NYID, YANG NA, CHOS DE DANG GZHI DE DUS MNYAM THA DAD GANG ZHIG ,DE GNYIS BDAG CIG TU 'BREL BA'I SGO NAS YIN KHYAB MNYAM PA'I RDZAS GCIG TU DMIGS PA, CHOS DE DANG GZHI DE LHAN CIG DMIGS NGES YIN PA'I MTSAN NYID,, ` ,,'DI LA BSAL BYA CI YANG MED, CES SOGS KYI SKABS SU; GZHI DNGOS PO'I GNAS TSUL, LAM BGROD PA'I RIM PA, 'BRAS BU MNGON DU BYED PA'I TSUL GSUM LAS, DANG PO NI, KHAMS RANG BZHIN GYI RNAM PAR DAG PA 'DI LA CHOS CAN, GANG ZAG DANG CHOS KYI BDAG GNYIS SNGAR YOD GSAR DU BSAL DU MED, BDAG MED GNYIS SNGAR MED GSAR DU @12A *, ,BZHAG PAR BYA BA CUNG ZAD KYANG MED DE, GANG ZAG DANG CHOS KYI BDAG GNYIS YOD MA MYONG ZHING DE GNYIS KYIS DBEN PA DE CHOS RNAMS KYI KUN RDZOB DANG DON DAM GYI GNAS TSUL YIN PA'I PHYIR, GNYIS PA LAM BGROD TSUL GYI RIM PA YOD DE, GTAN LA PHAB PA'I YANG DAG PA'I DON DE NYID LA ZHI LHAG ZUNG 'BREL GYI SGO NAS YANG DAG PAR LTA BAR BYED PA'I PHYIR, GSUM PA 'BRAS BU MNGON DU BYED TSUL YOD DE, DE LTAR BSGOMS PAS BDAG 'DZIN GNYIS SA BON DANG BCAS PA SPONG BAR 'GYUR BA'I PHYIR,, ` ,,SBYIN PA LA SOGS RE RES NI, , ZHES SOGS KYI SKABS SU, PHAR PHYIN RE RE'I NANG DU DRUG DRUG TSANG BAR BSDUS NAS NYAMS SU LEN PA'I NYAMS LEN GYIS ZIN PA'I THEG CHEN GYI BDEN PA MNGON RTOGS, 'DIR BSTAN THEG CHEN GYI MTHONG LAM RTZE SBYOR GYI MTSAN NYID, MTHONG LAM RTZE SBYOR CHOS CAN, KHYAD CHOS RNAM PA LNGA DANG LDAN TE, RGYU KHYAD PAR CAN CHOS GSUM LDAN GYIS SKYE, 'BRAS BU BYANG CHUB CHEN PO 'DZIN, GZHAL BYA RIGS PA YANG DAG GIS GTAN LA PHAB, NGO BO MNYAM RJES GNYIS DANG LDAN, BYED LAS SGRIB GNYIS KUN BTAGS SPONG BA DANG, SPANGS PA LA DBANG BYED PA'I BYED LAS DANG LDAN PA'I PHYIR,, ` ,,'GOG DANG BCAS PA'I SNYOM 'JUG DGUR, ,ZHES SOGS KYI SKABS SU, THOD BRGAL MDO LAS BSTAN TSUL, BSTAN BCOS KYIS BSDUS TSUL, THOD BRGAL GYI RANG BZHIN BSHAD PA DANG GSUM, DANG PO NI, MDO LAS BYANG CHEN GYI TING NGE 'DZIN SENG GE RNAM PAR BSGYINGS PA GANG ZHE NA, BSAM GTAN DANG PO LA NYE BAR BSGRUBS TE GNAS SO ZHES PA NAS, DE LAS LANGS TE 'GOG PA LA'O, ,YANG DE LAS LANGS TE 'DU SHES MED 'DU SHES MED MIN SKYE MCHED LA'O, ,ZHES PA NAS, BSAM GTAN DANG PO LA'O, ,ZHES PA'I MDO LAS MTHAR GNAS SNYOM 'JUG DGU LA BAR DU SPEL GZHI SPEL CHOS MI 'DRA BAR GANG YANG MA SPEL BAR LUGS MTHUN DANG, LUGS LDOG TU SNYOM PAR 'JUG PA'I SBYOR BA SENG GE RNAM BSGYINGS PHUGS GCIG BSTAN, BYANG CHEN GYI TING NGE 'DZIN THOD BRGAL GANG ZHE NA, ZHES PA NAS, BSAM @12B GTAN DANG PO LA'O, ,ZHES PA NAS, 'GOG PA LA'O, ,ZHES PA'I BAR GYIS MDO LAS MTHAR GNAS SNYOM 'JUG DGU LA GANG YANG MA SPEL BAR LUGS MTHUN DU SNYOM PAR 'JUG PA'I NYE SBYOR RAM DKYUS SA BSTAN, MDO LAS DNGOS SU BSTAN PA'I NYE SBYOR LA GNAS BCU BDUN YOD DE, MAR SONG MTHAR GNAS SNYOM 'JUG DGU, YAR 'ONG BSAM GZUGS BRGYAD YOD PA'I PHYIR, DE LA GNAS DGU YOD DE, MTHAR GNAS SNYOM 'JUG DGU YOD PA'I PHYIR, YANG DE'I RJES SU MDO LAS BYANG CHEN 'DOD PAS DBEN ZHES PA NAS, BSAM GTAN DANG PO LA'O, ,DE LAS LANGS TE 'GOG PA LA'O, ,ZHES PA NAS, 'GOG PA LA'O ZHES PA'I MDO LAS YAR 'ONG BSAM GZUGS BRGYAD LA 'GOG PA SPEL BA'I DNGOS GZHI BSTAN, NYI SNANG DU KHRI BRGYAD STONG PA KHUNGS SU BYAS NAS YAR 'ONG MTHA'I 'GOG PA LAS LANGS RJES SU SRID RTZE LA NUD CHUNG BYED PA BSTAN, DE LA GNAS BCU BDUN YOD DE, SPEL GZHI BSAM GZUGS BRGYAD, SPEL CHOS 'GOG PA BRGYAD, SRID RTZE'I NUD CHUNG DANG BCAS PA YOD PA'I PHYIR, YANG DE LAS LANGS TE 'GOG PA LA'O, ,DE LAS LANGS TE MNYAM PAR MA GZHAG PA LA'O, ,ZHES PA NAS, BSAM GTAN DANG PO LA'O, ,DE LAS LANGS TE MNYAM PAR MA GZHAG PA LA'O, ,ZHES PA'I MDO LAS MTHAR GNAS SNYOM 'JUG DGU LA 'DOD SEMS SPEL BA'I THOD BRGAL GYI TING NGE 'DZIN BSTAN, DE LA GNAS BCO BRGYAD YOD DE, SPEL GZHI MTHAR GNAS SNYOM 'JUG DGU, SPEL CHOS 'DOD SEMS DGU YOD PA'I PHYIR, MDO DE DAG GI DON BSTAN BCOS KYIS BSDUS PA'I TSUL YOD DE, 'GOG DANG BCAS PA'I SNYOM 'JUG DGUR, RNAM PA GNYIS SU SONG 'ONG, ZHES PA DES MTHAR GNAS SNYOM 'JUG DGU LA SPEL GZHI DANG SPEL CHOS GANG YANG MA SPEL BAR LUGS MTHUN DANG LUGS LDOG TU SNYOM PAR 'JUG PA'I SBYOR BA DE BSTAN, NAS ZHES PA DES MTHAR GNAS SNYOM 'JUG DGU LA SPEL GZHI DANG SPEL CHOS GANG YANG MA SPEL BAR LUGS MTHUN DU SNYOM PAR 'JUG PA'I NYE SBYOR DE BSTAN, BSAM GZUGS BRGYAD LA 'GOG PA SPEL BA'I THOD BRGAL GYI DNGOS GZHI DE BSTAN, MNYAM GZHAG MIN PA'I ZHES SOGS KYI YAR 'OD DANG MAR 'OD GI DNGOS GZHI GNYIS KYI @13A *, ,MTSAMS 'DZIN DU GYUR PA'I 'DOD SEMS DE BSTAN, THOD BRGAL DU NI, ZHES SOGS KYIS MAR 'ONG MTHAR GNAS SNYOM 'JUG DGU LA 'DOD SEMS SPEL BA'I DNGOS GZHI DE BSTAN, MI 'DRAR 'GRO ZHES PA DES SPEL GZHI DANG SPEL CHOS MI 'DRA BA SPEL BA'I SGRA DON DE BSTAN PA'I PHYIR, GSUM PA THOD BRGAL GYI RANG BZHIN BSHAD PA LA, THEG CHEN GYI LUGS, THEG DMAN PA'I LUGS GNYIS, DANG PO LA, DGOS PA GANG GI PHYIR DU 'JUG PA DANG, DE'I PHYIR DU SNYOM PAR 'JUG PA DANG, SNYOM PAR 'JUG PA'I NGO BO DANG, DE DAG LA MTHA' DPYAD PA'O, , DANG PO LA, BYANG SEMS 'PHAGS PAS THOD BRGAL LA SNYOM PAR 'JUG PA LA DGOS PA YOD DE, RANG DON DANG GZHAN DON DU TING NGE 'DZIN RTZAL BYANG BA'I DGOS PA YOD PA'I PHYIR, GZHAN DON DU TING NGE 'DZIN RTZAL BYANG BAR 'GYUR TE, TING NGE 'DZIN MA 'DRA BA DU MA LA MNYAM PAR 'JOG TSUL MI 'DRA BA'I SGO NAS MNYAM PAR GZHAG PAS SNGAR MA THOB PA'I YON TAN DU MA THOB PA DANG SPRUL SGYUR SNA TSOGS PA'I SGO NAS GZHAN DON 'GRUB PA'I PHYIR, TING NGE 'DZIN RTZAL BYANG BAS RANG DON DU 'GYUR TE, SEMS ZHI BA MTHAR THUG PA 'GOG PA'I SNYOM PAR 'JUG PA'I 'JUG SEMS DANG, MA ZHI BA MTHAR THUG PA'I 'DOD SEMS LA JI LTAR 'DOD PAR SNYOM PAR 'JUG NUS PA'I SEMS LAS RUNG DE'I YON TAN GYIS SGOM SPANGS GI SA BON SPONG BA'I SGOM LAM BAR CHAD MED LAM 'BYUNG BA'I PHYIR, TING NGE 'DZIN RTZAL BYANG BA'I TSAD NI MTHA' GCIG TU MA NGES TE, PHYOGS RE LA RTZAL BYANG BA NYAN RANG LA YOD DE MA LUS PA RTZAL BYANG BA SANGS RGYAS MA GTOGS GZHAN LA MED PA'I PHYIR, DANG PO DER THAL, DE PHYOGS RE LA 'DOD DGUR 'JUG PA YOD PA'I PHYIR, PHYI MA DER THAL, YID MGYOGS KYI RDZU 'PHRUL SANGS RGYAS MA GTOGS PA GZHAN LA MED PA DANG, DPA' BAR 'GRO BA DANG RDO RJE LTA BU'I TING NGE 'DZIN SA BDUN PA MAN CHAD LA MED PA'I PHYIR, DE'I PHYIR DU SNYOM PAR 'JUG PA'I TSUL LA, DANG POR 'JUG PA DANG, PHYIS SU 'JUG PA GNYIS LAS, DANG PO LA, BYANG SEMS 'PHAGS PAS THOD BRGAL GYI SBYOR BA SGOM PA'I TSUL YOD DE, MTHAR GNAS SNYOM 'JUG DGU LA SPEL GZHI @13B DANG SPEL CHOS GANG YANG MA SPEL BAR LUGS MTHUN DANG LUGS LDOG TU SNYOM PAR 'JUG PA'I PHYIR, DE YANG DNGOS BSTAN GYI DBANG DU BYAS PA YIN GYI, DE TZAM DU NGES PA MA YIN TE, MTHAR GNAS SNYOM 'JUG DGU 'DOD SEMS DANG BCAS PA LA SNYOM PAR 'JUG PA'I SBYOR BA YOD PA'I PHYIR, DER THAL, DE 'DRA BA'I DNGOS GZHI YOD PA'I PHYIR, KHYAB STE, DNGOS GZHI'I DUS SU GANG LA SNYOM PAR 'JUG PA'I SPEL GZHI DANG SPEL CHOS RNAMS LA SBYOR BA'I DUS SU RIM PA MA 'CHOL BAR 'JUG DGOS PA'I PHYIR, DPER NA, BSAM GZUGS BRGYAD LA 'GOG PA SPEL BA'I THOD BRGAL GYI DNGOS GZHI'I SBYOR BA'I DUS SU MTHAR GNAS SNYOM 'JUG DGU LA RIM PA MA 'CHOL BAR 'JUG PA BZHIN YIN PA'I PHYIR, DE YANG THOD BRGAL GYI SBYOR BA LA BLTOS PA'I DBANG DU BYAS KYI THOD BRGAL GYI DNGOS GZHI YIN NA, THOD BRGAL GYI SBYOR BA LA BLTOS PAS MA KHYAB STE, SANGS RGYAS 'PHAGS PA'I RGYUD LA THOD BRGAL GYI DNGOS GZHI YOD PA'I PHYIR, MTHAR GNAS SNYOM 'JUG DGU LA SPEL GZHI SPEL CHOS MI 'DRA BA GANG YANG MA SPEL BAR LUGS MTHUN DANG LUGS LDOG TU SNYOM PAR 'JUG PA'I BYANG SEMS 'PHAGS PA'I MKHYEN PA DE, 'DIR DNGOS BSTAN GYI THOD BRGAL GYI SBYOR BA'I MTSAN NYID, SPEL GZHI DANG SPEL CHOS MI 'DRA BA MA SPEL BAR SNYOM PAR 'JUG PA'I 'PHAGS RGYUD KYI MKHYEN PA GANG ZHIG ,RANG GI RJES THOGS DE MA THAG TU THOD BRGAL GYI DNGOS GZHI 'DREN PA'I RIGS SU GNAS PA DE, 'DIR BSTAN GYI THOD BRGAL GYI NYE SBYOR GYI MTSAN NYID, GNYIS PA DNGOS GZHI LA 'JUG PA'I TSUL LA, YAR 'ONG DNGOS GZHI LA 'JUG TSUL, MAR 'ONG DNGOS GZHI LA 'JUG TSUL, DE GNYIS GYI BAR DU 'JUG TSUL GSUM LAS, DANG PO GNYIS KYI KHYAD PAR YOD DE, YAR 'ONG BSAM GZUGS BRGYAD LA 'GOG PA SPEL CHOS SU BYED PA DANG PO, ,MAR 'ONG MTHAR GNAS SNYAM 'JUG DGU LA 'DOD SEMS SPEL CHOS SU BYAD PA GNYIS PA YIN PA'I PHYIR, DE GNYIS GYI BAR DU JI LTAR BYED PA'I TSUL YOD DE, YAR 'ONG MTHA'I 'GOG PA LAS LANGS TE, SRID RTZE LA NUD CHUNG BYAS TE DE GNYIS KYI MTSAMS 'DZIN 'DOD SEMS MNGON DU BYED PA'I PHYIR, DE LTAR BYAS PA LA DGOS PA YOD DE, YAR 'ONG THOD BRGAL @14A *, ,GYI DNGOS BZHI LAS LANGS RJES SU MAR 'ONG THOD BRGAL LA 'JUG PA'I CHED YIN PA'I PHYIR, DE GNYIS KYI MTSAMS 'DZIN 'DOD SEMS MNGON DU BYED PA'I PHYIR DU SRID RTZE LA NUD CHUNG BYAS PA LA RGYU MTSAN YOD DE, YAR 'ONG DNGES GZHI'I SKABS SU TING NGE 'DZIN LA RTZAL DE TZAM MA BYANG BAS SEMS ZHI BA MTHAR THUG PA 'GOG PA LA SNYOMS PAR 'JUG PA'I 'JUG SEMS DANG, MA ZHI BA MTHAR THUG PA 'DOD SEMS GNYIS SPEL MI NUS PAS SRID RTZE LA NUD CHUNG BYED PA'I PHYIR, SRID RTZE'I DNGOS GZHI LA MNYAM PAR GZHAG PA LA NUD CHUNG BYED PA ZHES 'CHAD PA'I RGYU MTSAN YOD DE, YAR 'ONG GI SPEL CHOS 'GOG PA'I SNGA LOG DE MA THAG TU SRID RTZE'I DNGOS GZHI LA MNYAM PAR GZHAG SLAR DE LA MNYAM PAR GZHAG PA'I PHYIR, 'GREL PA LAS, DE LAS LANGS TE DE MA THAG PA'I SNYOM PAR 'JUG PA LA DMIGS TE, ZHES GSUNGS PA'I PHYIR, YAR 'ONG MTHA'I 'GOG PA LAS LANGS MA THAG 'DOD SEMS MNGON DU BYED MI NUS PAR SRID RTZE LAS LANGS MA THAG BYED NUS PA'I RGYU MTSAN YOD DE, SRID RTZE'I DNGOS GZHI DANG 'DOD SEMS GNYIS RING BA RNAM PA BZHIS RING BAS NYAN RANG RNAMS KYI MI NUS KYANG, BYANG CHUB SEMS DPA' THABS LA MKHAS PAS NUS PA'I PHYIR TE, 'GREL PA LAS, THABS LA MKHAS PA'I STOBS KYI, ZHES GSUNGS PA'I PHYIR, DE GNYIS RING BA RNAM PA BZHIS RING BA YIN TE, RTEN DANG DMIGS PA DANG RNAM PA DANG SNYOM 'JUG RANG GI NGO BO'I SGO NAS RING BA'I PHYIR, DER THAL, DES GNYIS KYI BAR DUS DANG KHAMS MI MTHUN PA DU MAS CHOD PA'I PHYIR, KHA CIG ,THABS LA MKHAS PA'I DON SPYIR 'DOD SEMS SKYON LDAN YIN KYANG BYANG SEMS 'PHAGS PAS RANG RGYUD LA SKYED PA'I TSE SKYON MIN ZER BA MI RIGS TE, 'DOD SEMS SKYON DANG LDAN PA'I SEMS DANG RGYUD LA SKYED PA'I TSE SKYON DANG LDAN PA'I SEMS MIN PA DE MI RIGS PA'I PHYIR, DNGOS GZHI GNYIS KYI MTSAMS 'DZIN 'DOD SEMS KYI BYED PA'I RGYU MTSAN YOD DE, MAR 'ONG MTHAR GNAS SNYOM 'JUG DGU LA 'DOD SEMS SPEL BA'I CHED YIN PA'I PHYIR, 'DIR DNGOS SU BSTAN PA'I DNGOS GZHI GNYIS PO DE TZAM DU ZAD PA MA YIN TE, TING NGE 'DZIN @14B RTZAL BYANG RJES SU YAR 'ONG BSAM GZUGS BRGYAD LA 'DOD SEMS SPEL BA, MAR 'ONG BSAM GZUGS BRGYAD 'DOD SEMS DANG BCAS PA LA 'GOG PA SPEL BA DANG, BSAM GTAN BZHI LA SRID RTZE SPEL BA DANG, GZUGS MED BZHI LA BSAM GTAN DANG PO SPEL BA DANG, TSAD MED BZHI LA BSAM GTAN BZHI PA SPEL BA SOGS YOD PA'I PHYIR, GSER PHRENG LAS, DBANG 'BYOR BA RNAMS DGA' MGUR 'JUG PAR 'GYUR BAS 'DI DAG NI MTSON PA TZAM DU SEMS SO, ,ZHES GSUNGS PA'I PHYIR, MAR 'ONG BSAM GZUGS BRGYAD 'DOD SEMS DANG BCAS PA LA 'GOG PA SPEL BA'I THOD BRGAL GYI DNGOS GZHI YOD DE, TING NGE 'DZIN RTZAL BYANG RJES SU DE LTAR SGOM NUS, BSGOMS PAS RANG DON DANG GZHAN GYI DON 'GRUB PA'I DGOS PA YOD PA'I PHYIR, DPER NA DNGOS GZHI GNYIS BZHIN, THOD BRGAL GYI DNGOS GZHI LA SPEL CHOS KYI SGO NAS DBYE NA BCU YOD DE, MTHAR GNAS SNYOM 'JUG DGU 'DOD SEMS TE, BCU'I SGO NAS DE LTAR YOD PA'I PHYIR, 'DIR YAR 'ONG GI DNGOS GZHI DANG MAR 'ONG GI DNGOS GZHI GNYIS SU 'CHAD PA'I RGYU MTSAN YOD DE, SEMS ZHI BA MTHAR THUG PA 'GOG PA LA 'JUG SEMS DANG, MA ZHI BA MTHAR THUG PA 'DOD SEMS GNYIS SPEL NUS NA GZHAN RNAMS SPEL SLA BA LA DGONGS PA'I PHYIR, SNYOM 'JUG GI NGO BO BSHAD PA LA, THOD BRGAL GYI DNGOS GZHI SPEL GZHI SPEL CHOS RE RE BA RNAMS THOD BRGAL GYI DNGOS GZHI MIN TE, RTEN 'BREL YIN NA RANG GI CHA SHAS LA BTAGS PAS KHYAB, BTAGS GZHI'I RTEN 'BREL RNAMS DE LA BTAGS PA'I BTAGS CHOS MA YIN PA'I PHYIR, DE LTAR MA YIN NA, YAR 'ONG BSAM GZUGS BRGYAD LA 'GOG PA SPEL CHOS SU BYAS PA'I 'GOG PA'I SNYOM 'JUG DE THOD BRGAL YIN PAR THAL, DAM BCA' 'THAD PA'I PHYIR, 'DOD NA, MA YIN PAR THAL, DE 'GOG SNYOMS YIN PA'I PHYIR, KHO NA RE, SPEL GZHI SPEL CHOS RNAMS THOD BRGAL GYI DNGOS GZHI YIN PAR THAL, THEG CHEN MTHONG LAM BAR CHAD MED LAM GYI TSOGS PA NA YOD PA'I DRAN PA, TING NGE 'DZIN, SHES RAB RNAMS MTHONG LAM BAR CHAD MED LAM YIN PA'I PHYIR, ZER NA MI MTSUNGS TE, DE RNAMS BAR CHAD MED LAM YIN KYANG DE RNAMS DE DAG LAS BTAGS @015A *, ,PA'I BTAGS CHOS MA YIN PA'I PHYIR DANG, SPEL GZHI SOGS RE RE BA RNAMS SPEL GZHI DANG SPEL CHOS MI 'DRA BA SPEL NAS SNYOM PAR 'JUG PA DE MA YIN PA'I PHYIR, DE LTAR YIN KYANG THOD BRGAL GYI DNGOS GZHI'I MTSAN GZHI YOD DE, MAR 'ONG MTHA'I 'GOG PA LA MNYAM PAR GZHAG PA'I BYANG SEMS 'PHAGS PA'I MKHYEN PA DE DE YIN PA'I PHYIR, YAR 'ONG BSAM GZUGS BRGYAD LA 'GOG PA SPEL CHOS SU BYED PA'I BYANG SEMS SGOM LAM PA'I MKHYEN PA, SKABS 'DIR DNGOS SU BSTAN PA'I YAR 'ONG THOD BRGAL GYI DNGOS GZHI'I MTSAN NYID, MAR 'OD MTHAR GNAS SNYOM 'JUG DGU LA 'DOD SEMS SPEL CHOS SU BYED PA'I BYANG SEMS SGOM LAM PA'I MKHYEN PA DE, 'DIR DNGOS BSTAN GYI MAR 'ONG THOD BRGAL GYI DNGOS GZHI'I MTSAN NYID, SPEL GZHI DANG SPEL CHOS MI 'DRA BAR SPEL NAS SNYOM PAR 'JUG PA'I 'PHAGS RGYUD KYI MKHYEN PA GANG ZHIG ,THOD BRGAL GYI SBYOR BA LA BLTOS DGOS PA'I DNGOS GZHI'I RIGS SU GNAS PA, THOD BRGAL GYI DNGOS GZHI'I MTSAN NYID, DE DAG LA DOGS PA DPYAD PA LA, KHA CIG NA RE, MTHAR GNAS SNYOM 'JUG DGU LA SPEL GZHI DANG SPEL CHOS MI 'DRA BA MA SPEL BAR LUGS MTHUN DU SNYOM PAR 'JUG PA'I MKHYEN PA DE, THOD BRGAL CHUNG NGU'I MTSAN NYID, YAR 'ONG BSAM GZUGS BRGYAD LA 'GOG PA SPEL CHOS SU BYED PA'I DNGOS GZHI DE, THOD BRGAL 'BRING GI MTSAN NYID, MAR 'ONG MTHAR GNAS SNYOM 'JUG DGU LA 'DOD SEMS SPEL CHOS SU BYED PA'I THOD BRGAL GYI DNGOS GZHI, THOD BRGAL CHEN PO'I MTSAN NYID, ZER NA, DANG PO DE CHOS CAN, KHYOD THOD BRGAL GYI DNGOS GZHI MA YIN PAR THAL, SPEL GZHI DANG SPEL CHOS MI 'DRA BA SPEL NAS SNYOM PAR 'JUG PA DE MA YIN PA'I PHYIR, KHYAB STE, THOD BRGAL GYI SKAD DOD SNREL ZHI ZHES PA RIM PA 'CHOL BA LA 'JUG PA LA BYED PA'I PHYIR, GNYIS PA DE CHOS CAN, KHYOD THOD BRGAL 'BRING GI DNGOS GZHI MA YIN PAR THAL, KHYOD LA BLTOS PA'I THOD BRGAL CHUNG NGU'I DNGOS GZHI MED PA'I PHYIR, GZHAN YANG, DE THOD BRGAL 'BRING GI DNGOS GZHI MA YIN PAR THAL, DE LA SGRUB BYED MED PA'I PHYIR, KHO NA RE, YOD DE, YAR 'ONG BSAM GZUGS BRGYAD LA 'GOG PA SPEL CHOS SU BYED PA'I @015B PHYIR ZER NA, 'O NA, THOD BRGAL CHEN PO'I NYER LEN LAS BYUNG BA'I YAR 'ONG BSAM GZUGS BRGYAD LA 'GOG PA SPEL CHOS SU BYED PA'I THOD BRGAL GYI DNGOS GZHI DE CHOS CAN, DER THAL, DE'I PHYIR, RTAGS CHOS CAN GYI 'GRUB, 'DOD MI NUS TE, THOD BRGAL CHEN PO'I NYER LEN LAS BYUNG BA'I THOD BRGAL GYI DNGOS GZHI YIN PA'I PHYIR, YAR 'ONG BSAM GZUGS BRGYAD LA 'GOG PA SPEL CHOS SU BYED PA'I THOD BRGAL GYI DNGOS GZHI DE SPEL GZHI SPEL CHOS MANG NYUNG GI SGO NAS 'BRING DU 'JOG RIGS PAR THAL, DAM BCA' 'THAD PA'I PHYIR, 'DOD NA, THOD BRGAL CHEN PO'I NYER LAN LAS BYUNG BA'I BSAM GTAN BZHI TZAM LA TSAD MED BZHI SPEL BA'I THOD BRGAL GYI DNGOS GZHI CHOS CAN, THOD BRGAL 'BRING PO YIN PAR THAL, SPEL GZHI BSAM GTAN BZHI LA SPAL CHOS TSAD MED BZHI SPEL BA'I THOD BRGAL GYI DNGOS GZHI YIN PA'I PHYIR, KHYAB PA KHES, 'DOD MI NUS TE, CHOS CAN DE YIN PA'I PHYIR, RANG LUGS DE LTA BU LA THOD BRGAL 'BRING GI THA SNYAD MI BYED KYANG, YAR 'ONG MAR 'ONG GI THOD BRGAL GNYIS LA CHUNG NGU DANG CHEN PO'I THA SNYAD BYED DE, TING NGE 'DZIN RTZAL BYANG MA BYANG DANG, SPEL GZHI DANG SPEL CHOS MANG NYUNG GI SGO NAS 'THAD PA'I PHYIR, KHA CIG NA RE, SPEL GZHI DANG SPEL CHOS NI 'DRA BAR SPEL NAS SNYOM PAR 'JUG PA'I SNYOM 'JUG DE, THOD BRGAL GYI DNGOS GZHI'I MTSAN NYID ZER NA, PHYI ROL BA'I RGYUD KYI BSAM GZUGS BRGYAD LA SPEL GZHI DANG SPEL CHOS MI 'DRA BA SPEL NAS SNYOM PAR 'JUG PA'I SNYOM 'JUG CHOS CAN, MTSON BYA DER THAL, MTSAN NYID DE'I PHYIR, DER THAL, DE 'DRA YOD PA'I PHYIR, DE LA JI LTAR 'DOD 'DOD DU SNYOM PAR 'JUG NUS PA'I DE YOD PA'I PHYIR, DE LA RTZAL BYANG BA'I DE YOD PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG NA RE, DE 'DRA BA'I LAM ZHUGS KYI MKHYEN PA DE YIN ZER NA, DMAN LAM SNGON DU MA SANG BA'I BYANG SEMS SBYOR LAM PA'I RGYUD KYI BSAM GZUGS BRGYAD LA SPEL GZHI DANG SPEL CHOS MI 'DRA BA SPEL BA'I SNYOM 'JUG GIS MA NGES, YANG KHA CIG ,DE 'DRA BA'I 'PHAGS RGYUD KYI SNYOM 'JUG ,THOD BRGAL GYI DNGOS GZHI'I MTSAN NYID YIN ZER NA, PHYIR MI 'ONG GI RGYUD KYI BSAM GTAN SPEL SGOM GYI MA NGES, KHA CIG ,MTHAR GNAS SNYOM 'JUG DGU LA @16A *, ,SPEL GZHI DANG SPEL CHOS MI 'DRA BA SPEL NAS SNYOM PAR 'JUG PA'I DNGOS GZHI DE, THOD BRGAL GYI DNGOS GZHI'I MTSAN NYID ZER NA, BYANG SEMS SGOM LAM PA'I RGYUD KYI BSAM GZUGS BRGYAD LA 'GOG PA SPEL CHOS SU BYED PA'I THOD BRGAL GYI DNGOS GZHI CHOS CAN, MTSAN NYID DER THAL, MTSON BYA DE'I PHYIR, RTAGS SLA, 'DOD NA, MA YIN PAR THAL, KHYOD KYI SPEL GZHIR GYUR PA'I MTHAR GNAS SNYOM 'JUG DGU MED PA'I PHYIR, DER THAL, KHYOD BSAM GZUGS BRGYAD PO RE RE BA TZAM LA 'GOG PA SPEL CHOS SU BYED PA'I THOD BRGAL GYI DNGOS GZHI YIN PA'I PHYIR, KHA CIG ,'DIR BSTAN THOD BRGAL GYI DNGOS GZHI DE SGOM NA DES RTOG PA'I SA BON SPONG BYED KYI SGOM LAM BAR CHAD MED LAM YIN TE, SGOM LAM RTZE SBYOR YIN PA'I PHYIR, ZER NA, BYANG SEMS SGOM LAM PA'I RGYUD KYI BSAM GZUGS BRGYAD LA 'GOG PA SPEL BA'I THOD BRGAL GYI DNGOS GZHI CHOS CAN, KHYOD KYI CHA SHAS SU GYUR PA'I 'GOG SNYOMS MED PAR THAL, KHYOD THEG CHEN SGOM LAM BAR CHAD MED LAM YIN PA'I PHYIR, BYANG SEMS SGOM LAM PAS SGOM LAM BAR CHAD MED LAM LA MNYAM PAR GZHAG BZHIN PA'I NGANG NAS YAR SOD SPEL GZHI RA RE BA LAS LANGS RJES SU SPEL CHOS 'GOG PA MNGON DU BYED NUS PAR THAL, DAM BCA' 'THAD PA'I PHYIR, 'DOD NA, DE'I RGYUD LA MNYAM RJES NGO BO GCIG TU YOD PAR THAL, 'DOD PA DE'I PHYIR, KHA CIG ,YAR 'ONG GI SPEL CHOS SU GYUR PA'I 'GOG SNYOMS DE, SHES RAB GNAS PAS 'GOG PA THOB PAR 'GYUR, ZHES PA'I 'GOG SNYOMS LA BYAD ZER NA, MA RIGS TE, DE MTHAR GNAS SNYOM 'JUG DGU'I NANG CHEN DU GYUR PA'I 'GOG SNYOMS MA YIN PA'I PHYIR, YAR 'ONG DE'I SPEL CHOS YIN PA'I PHYIR, KHA CIG NA RE, SRID RTZE LA NUD CHUNG GI DON YAR 'ONG MTHA'I 'GOG PA LAS LANGS PA'I RJES THOB MNGON DU BYED PA DE'I DON YIN ZER NA, 'O NA, YAR 'ONG GI THOD BRGAL GYI SKABS SU SRID RTZE LA NUD CHUNG DU MI BYED PAR THAL, SPEL GZHI SPEL CHOS RE RE BA LAS LANGS RJES SU RJES THOB MNGON DU BYED PA GANG ZHIG ,DE SRID RTZE LA NUD CHUNG GI DON YIN PA'I PHYIR, 'DOD NA, HA CANG THAL LO,, KHA CIG ,YAR 'ONG MTHA'I 'GOG PA LA @16B LDANG SEMS GNYIS KA SRID RTZES BYED PAS, LDANG SEMS DE NUD CHUNG GI DON YIN ZER NA, 'O NA, 'GOG PA LAS LANGS RJES SU NUD CHUNG BYED PA MA YIN PAR THAL, LDANG SEMS NUD CHUNG YIN PA'I PHYIR, 'DOD MI NUS TE, 'GOG PA LAS LANGS NAS DE MA THAG PA'I SNYOM PAR 'JUG PA LA DMIGS TE, ZHES GSUNGS PA'I PHYIR, YAR 'ONG GI SKABS SU SRID RTZE LA NUD CHUNG BRGYAD BYED PAR THAL, SPEL GZHI SPEL CHOS RNAMS LA LDANG SEMS RE RE BYED PA DE NUD CHUNG YIN PA'I PHYIR, 'DOD NA, DE LA GNAS BCU BDUN LAS LHAG PA YOD PAR 'GYUR RO, ,RANG LUGS LA SPEL GZHI SPEL CHOS RNAMS KYI KHYAD PAR YOD DE, SPEL GZHI BSAM GZUGS RNAMS NI DAG PA BA LA BYED, 'GOG SNYOMS NI THUN MONG BA LDAN MIN 'DU BYED LA BYED, 'DOD SEMS 'DOD PA'I GZUGS SGRA SOGS YUL DU BYED PA'I SEMS RAGS PA LA BYED PA'I PHYIR, KHO NA RE, MI 'THAD DE, 'DIR BSTAN THOD BRGAL DE THEG CHEN SGOM LAM BAR CHAD MED LAM GANG ZHIG ,BAR CHAD MED LAM DES 'DOD PA'I GZUGS SGRA SOGS YUL DU BYED PA MI 'THAD PA'I PHYIR, GANG ZHIG DER THAL, DE SGOM LAM RTZE SBYOR YIN PA'I PHYIR NA MA KHYAB, KHA CIG ,THOD BRGAL GYI DNGOS GZHI LA RGYU LAM SHES KYIS KHYAB PA DANG, DMAN LAM SNGON MA SONG GI DBANG DU BYAS NA SA DRUG PA NAS 'THAB ZER NA, MI 'THAD DE, NYAN THOS DGRA BCOM PA'I RGYUD KYI DE YOD PA'I PHYIR DANG, SANGS RGYAS 'PHAGS PA'I RGYUD LA YOD PA'I PHYIR, DER THAL, DE LA DBANG 'BYOR BA'I TSUL GYIS YOD PA'I PHYIR, DER THAL, DES MTHAR GNAS SNYOM 'JUG DGU LA SPEL GZHI SPEL CHOS MI 'DRA BA SPEL NAS SGOM NUS PA GANG ZHIG ,DE'I RGYUD LA MTHAR GNAS SNYOM 'JUG DGU YOD PA'I PHYIR, RNAM PAR THAR DANG MTHAR GYIS NI, ,ZHES GSUNGS PA'I PHYIR, DMAN LAM SNGON MA SONG GI SA LNGA PA DANG DANG PO BA GNYIS LA THONG BRGAL GYI DNGOS GZHI YOD DE, SA LNGA PA NAS BSAM GTAN GYI PHAR PHYIN GYI NYAMS LEN LHAG STOBS KYI THOD BRGAL THOB, SA DANG PO NAS TING NGE 'DZIN MI 'DRA BA BRGYA LA SNYOM PAR 'JUG PA DANG LDANG BA YOD PA'I PHYIR, NYAN THOS DGRA BCOM LA YANG YOD DE, MTHAR GNAS SNYOM 'JUG DGU LA JI LTAR 'DOD 'DOD DU SNYOM PAR 'JUG PA LA GEGS BYED PA'I SGRIB @17A *, ,PA SPANGS PA'I NYAN THOS DGRA BCOM YOD PA'I PHYIR, THEG DMAN PA'I LUGS LA, SBYOR BA DANG DNGOS GZHI GNYIS KYI KHYAD PAR YOD DE, SRID RTZE MA GTOGS ZAG MED BDUN ZAG BCAS BRGYAD LA YAR SONG MAR LDOG TU SNYOM PAR 'JUG PA RING SBYOR DANG, YANG DE DAG GI BAR DU RE RE BOR NAS YAR SONG MAR LDOG TU 'JUG PA NYE SBYOR YIN PA'I PHYIR DANG, DANG POR BSAM GTAN DANG PO ZAG MED LA BZHAG ,GNYIS PA BOR GSUM PA ZAG BCAS LA BZHAG ,BZHI PA BOR NAM MKHA' ZAG MED LA BZHAG PA NAS BZUNG STE, BSAM GTAN DANG PO ZAG BCAS LA BZHAG PA'I BAR RNAMS DNGOS GZHI YIN PA'I PHYIR TE, MDZOD LAS, SA BRGYAD RNAM GNYIS 'BREL BA DANG, ,GCIG BRGAL SONG ZHING 'ONGS NAS NI, ,RIGS MI MTHUN PAR GSUM PAR 'GRO, ZHES GSUNGS PA'I PHYIR, DE LTA BU'I THONG BRGAL DANG, 'GOG DANG BCAS PA'I SNYOM 'JUG DGUR ZHES SOGS KYIS BSTAN PA'I THOD BRGAL MING MTHUN YANG DON MI MTHUN TE, DPER NA, W'A YA SA, ZHES PA DANG, PO YA SA, ZHES PA GNYIS SGRA MTSUNGS KYANG DANG PO BYA ROG DANG, PHYI MA 'O THUG LA 'JUG PA LTAR YIN PA'I PHYIR, SPANG BYA SGOM SPANGS RTOG PA'I GNYEN POR GYUR PA'I THEG CHEN GYI RJES LA MNGON RTOGS, 'DIR BSTAN SGOM LAM RTZE SBYOR ? GYI MTSAN NYID, SGOM SPANGS RTOGS PA'I SA BON SGOM LAM BAR CHAD MED LAM GYI SPONG YANG 'DIR THONG BRGAL GYI DNGOS GZHI DANG SBYAR NAS 'CHAD PA'I RGYU MTSAN YOD DE, SGOM SPANGS BDEN 'DZIN GYI SA BON SPONG BA LA THOD BRGAL SOGS KYI SGO NAS TING NGE 'DZIN RTZAL BYANG BA ZHIG DGOS ZHES SHES PAR BYA BA'I CHED YIN PA'I PHYIR,, ` ,,MDOR BSDUS RGYAS DANG SANGS RGYAS KYI, ,ZHES SOGS KYI SKABS SU, BYANG SEMS LAM LA BLTOS TE 'JUG LDOG GI GZUNG 'DZIN GYI CHOS CI RIGS LA DMIGS NAS BDEN PAR 'DZIN PA'I BDEN 'DZIN LHAN SKYES, 'DIR BSTAN BSTAN BYA'I ? GTZO BOR GYUR PA'I SPANG BYA RTOG PA'I MTSAN NYID, DE LA DER GYUR PA'I SHES SGRIB GZUNG 'DZIN GYI RNAM PAR RTOG PA BZHI YOD, YAMS NAD 'DI RNAMS ZAD NAS NI, ZHES SOGS KYI SKABS SU, THEG CHEN SGOM LAM BAR CHAD MED LAM GYI DE LTA BU'I SPANG BYA RTOG PA CI RIGS SPANGS PA'I @17B PHAN YON GYI KHYAD PAR YOD DE, YAMS NANG ? DANG 'DRA BA'I RTOG PA DE RNAMS PHAL CHER ZAD PA NA, NAD PA NAD LAS GROL NAS YUN RINGS LAN PA NA DGA' BAS DBUGS PHYIN PA LTAR DGA' BA RGYA CHEN PO 'BYUNG ZHING, RGYA MTSO CHEN PO LA CHU BO BZHI RANG GI 'DU BA BZHIN THEG PA GSUM GYI SPANGS RTOGS KYI YON TAN GYI RIGS RNAMS NGANG GI 'DU BA'I PHYIR, STONG GSUM SKYE BO NYAN THOS DANG, ZHES SOGS KYI SKABS SU, THEG CHEN RIGS NGES KYI RGYUD KYI BDEN GNYIS GZHI GCIG GI STENG DU 'DU MI RUNG BAR 'DZIN PA'I GNAS NGAN LEN GYI DRA MA PHRA MO DNGOS SU 'JOMS BYED KYI THEG CHEN GYI RJES LA MNGON RTOGS, 'DIR DNGOS BSTAN BSTAN BYA'I GTZO BOR GYUR PA'I BAR CHAD MED PA'I RTZE SBYOR GYI MTSAN NYID, DE DMIGS RNAM RGYU GSUM GYI KHYAD PAR DANG LDAN TE, DMIGS PA CHOS THAMS CAD BDEN PAR MED PA LA DMIGS, RNAM PA DE'I RNAM LDAN DU SKYES, BDAG RKYEN RGYUN MTHA'I SBYOR BA'I GNAS SKABS KYI DRAN PA SEMS BSKYED LAS SKYES PA'I PHYIR, 'DI'I DMIGS RNAM SHIN TU ZAB PA YIN TE, 'DI LA DNGOS SMRA BAS KLAN KA RGYUD MAR 'BYUNG BA'I PHYIR,, ` ,,DMIGS PA 'THAD DANG DE YI NI, ,ZHES SOGS KYI SKABS SU, BDEN GNYIS GZHI GCIG GI STENG DU 'DU MI RUNG BAR 'DZIN PA'I GNAS NGAN LAN GYI DRI MA PHRA ZHING PHRA BA 'DIR BSTAN GYI BSAL BYA LAG RTOG GI MTSAN NYID, DE LTA BUS KUN NAS BSLANGS TE BDEN GNYIS GZHI GCIG GI STENG DU 'DU MI RUNG BAR RTZOD PA'I KLAN KA DE, 'DIR BSTAN BSAL BYA LOG SGRUB KYI MTSAN NYID, DE GNYIS LA YUL GYI SGO NAS DBYE NA BCU DRUG RA YOD, DBU MA PA'I DON DAM GYI KHAS LEN RTAGS SU BKOD NAS KUN RDZOB SUN 'BYIN PAR BYED PA'I RIGS GNAS KYI KLAN KA, 'DIR BSHAD PA'I DON DAM SGO CAN GYI KLAN KA'I MTSAN NYID, DE LA DBU MA PA'I DON DAM GYI KHAS LEN DNGOS SU RTAGS SU BKOD PA'I DON DAM SGO CAN GYI KLAN KA DANG, RGYUD NAS RTAGS SU BKOD PA'I DON DAM SGO CAN GYI KLAN KA GNYIS, DANG PO NI, RNAM MKHYEN DANG BAR CHAD MED RTZE'I DMIGS RNAM MI 'THAD PAR THAL, DNGOS PO DANG DNGOS MED KYI CHOS THAMS CAD BDEN PAR MED PA'I PHYIR, ZHES PA LTA BU YIN ZHING, DE LA DBU MA PA'I DON DAM KHAS BLANGS NAS KHYAB MED KYI LAN 'DEBS, GNYIS PA NI RNAM MKHYEN DANG BAR CHAD @18A *, ,MED RTZE'I DMIGS RNAM MI 'THAD PAR THAL, DNGOS PO DNGOS MED THAMS CAD MED PA'I PHYIR, ZHES BLTA BU, 'DI DON DAM SGO CAN GYI KLAN KA YIN KYANG RTAGS MA GRUB PA'I LAN 'DEBS, RTAGS DER THAL, BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I BSDOD LUGS KYI DBANG GIS MA GRUB PA'I PHYIR, ZER 'DOD PA YIN PAS SGRIG MTSAMS LA KHYAB MED KYI LAN 'DEBS SO, ,DBU MA PA'I KUN RDZOB KYI KHAS LEN RTAGS SU BKOD NAS DON DAM SUN 'BYIN PA'I RIGS GNAS KYI KLAN KA, 'DIR BSTAN KUN RDZOB SGO CAN GYI KLAN KA'I MTSAN NYID, DE LA YANG DBU MA PA 'DOD PA'I KUN RDZOB DNGOS SU RTAGS SU BKOD PA DANG, RGYUD NAS RTAGS SU BKOD PA GNYIS, DANG PO NI, SA BON GYI MYU GU BSKYED PA BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I BSDOD LUGS KYI NGOS NAS GRUB PAR THAL, DE RANG NGOS NAS GRUB PA'I PHYIR, ZHES PA LTA BU YIN PAS DE LA KHYAB MED KYI LAN 'DEBS SO, ,GNYIS PA NI, DE GNYIS KYI DMIGS PA'I NGO BO SPROS BRAL DU BZUNG BA'I RNAM PA CAN MA YIN PAR THAL, CHOS KUN RNAM PA THAMS CAD DU RANG BZHIN MED PA'I PHYIR, ZHES PA LTA BU YIN PA'I PHYIR, DER THAL, DON DAM PAR RANG BZHIN GYIS MED PA'I PHYIR ZER 'DOD PA YIN PAS SGRIG MTSAMS 'DIR KHYAB MED KYI LAN 'DEBS, MDOR NA, KLAN KA DE RNAMS NI LAS 'BRAS BZHAG PAS BDEN GRUB MA KHEGS, BDEN GRUB BKAG PA NA LAS 'BRAS 'JOGS MA RNYED PA'I KLAN KA YIN PAS DE LA NI LAS 'BRAS 'THAD PA'I RGYU MTSAN GYIS BDEN PAR MED PA DANG, BDEN BAR MED PA'I RGYU MTSAN GYIS LAS 'BRAS KYI 'BREL BA CHES 'THAD PA'I BDEN GNYIS KYI 'JOG MTSAMS LA SHIN TU MKHAS PAR BYA'O, ,DE DAG LA BRTEN NAS GRUB MTHA' RANG RANG GI BDEN GNYIS KYI RNAM GZHAG LA GRUB MTHA' GONG 'OG GZHAN GYIS MI 'THAD PA'I KLAN KA LA YANG BDEN GNYIS GZHI GCIG GI STENG DU 'DUR RUNG BA'I LAN 'DEBS TSUL YANG SHES PAR BYA'O, ,KHA CIG ,KUN RDZOB SGO CAN GYI KLAN KA LA DON DAM GYI SGO NAS LAN 'DEBS, DON DAM SGO CAN GYI KLAN KA LA KUN RDZOB KYI SGO NAS LAN 'DEBS TSUL LA DON DAM DU 'DOD, KUN RDZOB TU KHYAB PA ? @18B MED ZER BA NI SHIN TU MI RIGS TE, DE LTAR NA 'KHOR GSUM DNGOS 'GAL DU 'GRO BA'I SKABS MI SRID PA SOGS KYI SKYON YOD PA'I PHYIR, DES NA RNAM MKHYEN DANG BAR CHAD MED RTZE'I DMIGS RNAM BDEN PAR MED DE, DE LTAR KHAS BLANGS PA LA DNGOS SMRA BAS 'PHANGS PA'I KLAN KA GNYIS KYIS MI GNOD CING DBU MA PAS LAN DON DANG MTHUN PA THEBS PA'I PHYIR, GNYIS PA RTEN PA RGYU 'BRAS BSHAD PA LA, MKHYEN GSUM GYI RNAM PA SGOM PA LA BRTAN PA MA THOB PA THOB PA'I PHYIR DU SGOM PA MTHAR GYIS SBYOR BA BSHAD, THOB NAS SGOM PA SKAD CIG SBYOR BA BSHAD PA GNYIS, DANG PO LA,, ` ,,SBYIN PA SHES RAB BAR DAG DANG, ,ZHES SOGS KYI SKABS SU, RTZE SBYOR BSHAD ZIN PA'I RJES SU MTHAR GYI SBYOR BA 'CHAD PA'I ? RGYU MTSAN YOD DE, MKHYEN GSUM GYI RNAM PA LA GOMS PA DBANG SGYUR THOB PA'I SEMS DPA' DES MKHYEN GSUM GYI RNAM PA SGOM PA LA GOMS PA BRTAN PA THOB PA'I PHYIR DU CHOS BCU GSUM GYIS ZIN PA'I SGO NAS MKHYEN GSUM GYI RNAM PA GO RIM NGES CAN DU SGOM PA'I RGYU MTSAN GYIS DE LTAR BSHAD PA'I PHYIR, MTHA' DPYAD PA LA, KHA CIG ,CHOS BCU GSUM GO RIM NGES CAN DU SGOM PA, MTHAR GYI SBYOR BA SGOM TSUL YIN ZER NA, DE MI 'THAD PAR THAL, CHOS BCU GSUM SGOM PA MTHAR GYI SBYOR BAS MKHYEN GSUM GYI RNAM PA BSGOM PA'I ZIN BYED YIN PA'I PHYIR, SBYOR BA BZHI PO DE MKHYEN GSUM GYI RNAM PA SGOM TSUL GYI SGO NAS DBYE BA YIN TE, YUL NI RNAM PA GSUM PO RGYU, ,ZHES DANG, MTSAN NYID DE YI SBYOR BA DANG, ZHES SOGS GSUNGS PA'I PHYIR, SBYOR BA PHYI MA GNYIS LA MKHYEN GSUM GYI RNAM PA SGOM TSUL MI 'DRA BA'I KHYAD PAR YOD DE, MTHAR GYI SBYOR BA'I SKABS SU RTZOL BA RE RE'I BYED PA LA BRTEN NAS BRGYA BDUN CU RTZA GSUM GO RIM NGES CAN DU SGOM, SKAD CIG SBYOR BA'I SKABS SU RTZOL BA GCIG GI BYED PA LA BRTEN NAS BRGYA BDUN CU RTZA GSUM GO RIM MA 'CHOL BAR SGOM PAR BYED PA'I PHYIR, DE LTAR BYAS NA, RANG GI NYER LEN DU GYUR BA'I RNAM RDZOGS SBYOR BA SNGON DU 'GRO BA CAN GYI CHOS BCU GSUM GYIS ZIN PA'I SGO NAS RTZOL BA RE RE'I BYED PA LA BRTEN NAS MKHYEN GSUM GYI RNAM PA GO RIM NGES CAN DU SGOM PA'I NYAMS LEN GYIS ZIN PA'I SEMS DPA'I YE SHES, MTHAR GYIS SBYOR BA'I MTSAN NYID, DE LA ZIN BYED KYI SGO NAS DBYE NA BCU @19A *, ,GSUM YOD, STONG BA'I SEMS PA CHOS BZHI LDAN GYIS ZIN PA'I SGO NAS MKHYEN GSUM GYI RNAM PA GO RIM NGES CAN DU SGOM PA'I MTHAR GYIS SBYOR BA, MTHAR GYIS SBYOR BA DANG PO'I MTSAN NYID, DES 'OG MA RNAMS LA YANG MTSON NO, ,DE LA RANG GI NYER LEN RNAM RDZOGS SBYOR BA SNGON DU SONG BAS KHYAB STE, RNAM BSHAD LAS, SBYOR BA DANG PO DANG GSUM PA YANG SKYE RIM GYI DBANG DU BYAS, ZHES GSUNGS PA'I PHYIR, ZIN BYED BCU GSUM PO YANG BSDUN LAM GYI NGO BO,, KHYAD PAR BYED CHOS, RNAM PAR DAG BYED KYI DBANG DU BYAS PA GSUM DU 'DU STE, PHAR PHYIN DRUG PO DANG POR 'DU, BAR PA DRUG PO DE GNYIS PAR 'DU, THA MA GSUM PAR 'DU BA'I PHYIR, PHYI MA DRUG LAM GYI NGO BOR 'DU BA'I RGYU MTSAN YOD DE, BYANG SEMS KYI NYAMS LEN RNAMS PHYIN DRUG GANG RUNG GI NYAMS LEN DU 'DU BA'I PHYIR, BAR PA DRUG PO DE LAM GYI KHYAD PAR BYED CHOS SU 'DU BA'I RGYU MTSAN YOD DE, DKON MCHOG GSUM RJES DRAN GYI LAM GYI RTEN MTSON, GTONG BA DANG TSUL KHRIMS RJES DRAN GYI DGE BA LA 'JUG PA DANG, MI DGE BA LAS LDOG PA MTSON, LHA YANG MDO LAS RGYAL CHEN RIGS BZHI'I LHA SOGS GSUNGS KYANG DE RNAMS RANG KHA BA MA YIN TE, DER SKYAS PA'I RGYUN ZHUGS PHYIR 'ONG SOGS DANG, DE BZHIN DU GZUGS KHAMS SU SKYES PA'I PHYIR MI 'ONG DGRA BCOM BYANG 'PHAGS SOGS LA BYED PA'I PHYIR, GSUM PA LAM RNAM PAR DAG BYED DU 'DU BA YIN TE, MKHYEN GSUM NYAMS SU LEN PA'I TSE 'KHOR GSUM BDEN MED RTOGS PA'I SHES RAB KYIS ZIN PA'I SGO NAS NYAMS SU LEN DGOS PA'I PHYIR, GTONG BA DANG TSUL KHRIMS GNYIS PHYIN DRUG GI NANG DU BSHAD NAS SLAR YANG LOGS SU BSHAD PA LA ZLOS SKYON MED DE, PHYIN DRUG GI NANG DU BSHAD PA RANG RGYUD SMIN BYED KYI DBANG DU BYAS, LOGS SU BSHAD PA GZHAN RGYUD SMIN BYED KYI DBANG DU BYAS PA YIN PA'I PHYIR, DER THAL, SBYIN PAS GDUL BYA 'KHOR DU BSDUS, TSUL KHRIMS KYIS DON MTHUN PAR SPYAD NAS SEMS CAN SMIN PAR BYED PA'I PHYIR, DKON MCHOG GSUM RJES SU DRAN TSUL SPYI DANG MTHUN, MDO LAS, MTHAR GYIS BYA BAR 'DOGS PAR BYED, MTHAR GYI SGRUB PAR 'DOGS PAR BYED, CES GSUNGS PA'I DON YOD DE, TSOGS SBYOR MTHONG SGOM BZHI'I SKABS SU MTHAR GYIS SBYOR BA NYAMS @19B SU LEN DGOS PA SHES PA'I CHED DU DE LTAR BSHAD PA'I PHYIR, MTHAR GYIS SBYOR BA SGOM PA LA DGOS PA YOD DE, MKHYEN GSUM GYI RNAM PA SGOM PA LA BRTAN PA THOB PA'I CHED DU YIN PA'I PHYIR, GNYIS PA THOB NAS SGOM PA'I SKAD CIG SBYOR BA BSHAD PA LA,, ` ,,SBYIN PA LA SOGS RE RES KYANG, ,ZHES SOGS KYI SKABS SU, MTHAR GYIS SBYOR BA BSHAD PA'I 'OG TU SKAD CIG SBYOR BA 'CHAD PA'I RGYU MTSAN YOD DE, MKHYEN GSUM GYI RNAM PA SGOM PA LA BRTAN PA THOB DON DU MTHAR GYIS SBYOR BA SGOM PA LA BRTEN NAS DE LA BRTAN PA THOB PA'I SKAD CIG SBYOR BA 'BYUNG BA'I RGYU MTSAN GYIS DE LTAR BSHAD PA'I PHYIR, MTHA' DPYAD PA LA, KHA CIG ,SKAD CIG SBYOR BA LA RGYUN MTHA'I BAR CHAD MED LAM GYIS KHYAB ZER NA, 'O NA, JI LTAR SKYES BUS ZO CHUN RGYUD, ,CES SOGS KYIS SKAD CIG SBYOR BA'I SGOM TSUL MA BSTAN PAR THAL, 'DIS RTZOL BA GCIG GI BYED PA LA BRTEN NAS NYER LEN GYI PHUNG PO MI RTAG PA LTA BU YID LA BYAS PA NA SDUG BSNGAL BA SOGS RNAM PA BRGYA BDUN CU RTZA GSUM GO RIM MA 'TSOL BA YID YUL DU 'BYUNG TSUL ZHIG BSTAN PA GANG ZHIG ,DE LTAR SGOM PA'I SKAD CIG SBYOR BA MED PA'I PHYIR, DER THAL, NYER LEN GYI PHUNG PO MI RTAG PAR SGOM PA'I SKAD CIG SBYOR BA MED PA'I PHYIR, DER THAL, SKAD CIG SBYOR BA LA RGYUN MTHA'I BAR CHAD MED LAM GYIS KHYAB PA'I PHYIR, RTAGS KHES, RTZA BAR 'DOD NA, MI 'THAD PAR THAL, 'DIS SBYOR BA DANG PO GSUM TZAM GYI SGOM TSUL MA BSTAN PA'I PHYIR DANG, 'DIS MKHYEN GSUM GYI RNAM PA SGOM PA LA BRTAN PA THOB NAS SGOM TSUL ZHIG BSTAN PA'I PHYIR, ZUNG DANG PO MA GRUB NA, RTZOL BA GCIG GI BYED PA LA BRTEN NAS MKHYEN GSUM GYI RNAM PA GO RIM MA 'TSOL BAR SGOM NUS PA'I MTHAR GYIS SBYOR BA YOD PAR THAL, RTAGS DANG PO MA GRUB PA DE'I PHYIR, GZHAN YANG, DE YI SBYOR BA DANG ZHES SOGS KYI DE MKHYEN GSUM LA SNYEG RIGS PAR THAL, MTSAN NYID CES PAS MKHYEN GSUM DNGOS SU BSTAN PA'I PHYIR, 'DOD NA, MKHYEN GSUM GYI RNAM PA SGOM PA'I SKAD CIG SBYOR BA YOD PAR THAL, 'DOD PA GANG ZHIG ,DE MTHA' ZHES PAS SKAD CIG SBYOR BA BSTAN PA'I PHYIR, GZHAN YANG, RGYUN MTHA'I SBYOR BA'I LAM SKAD CIG SBYOR BA MA YIN PAR THAL LO, ,'DOD MI NUS TE, THEG CHEN SGO 'BYED LAS, SKAD CIG MA'I SBYOR BA LA YANG SBYOR BA'I LAM DANG BAR CHAD MED LAM GNYIS YOD LA, @20A *, ,PHYI MA NI STONG NYID LA MNGON SUM DU MNYAM PAR GZHAG BZHIN PA'I NGANG YIN PAS MKHYEN GSUM GYI RNAM PA MA LUS PA'I RNAM PA SHAR BA MA YIN TE, SLOB LAM NA MNGON SUM GCIG GIS BDEN PA GNYIS KA LA DUS GCIG TU DNGOS SU RTOGS MI NUS PA'I PHYIR, SBYOR BA'I LAM GYI TSE NA NI MKHYEN GSUM GYI RNAM PA SHAR YANG, DE'I SNGA LOGS KYI MTHAR GYIS DANG KHYAD MED DU MI 'GYUR TE, SBYOR BA GCIG GIS MTHAR GYIS PA'I SGOM PA THA MA'I CHA MKHYEN GSUM GYI RNAM PA RIM GYI SGOM PA'I SKAD CIG DANG PO'I TSE SGRIM PA'I RTZOL BA CUNG ZAD DANG BCAS PAR MA ZAD SGOM PA RDZOGS KYI BAR DU DE LTAR DGOS LA, DE NAS SKAD CIG SBYOR BAR 'PHOS PA'I SBYOR BA'I LAM GYI TSE NA MI RTAG PA'I RNAM PA LTA BU YID LA BYED PA'I TSE RTZOL BCUNG ZAD TZAM BYAS PAS DE NAS SGOM PA RDZOGS KYI BAR LA RTZOL BA GZHAN MI DGOS PAR, JI LTAR SKYES BUS ZA CHUN RGYUD CAS PA LTAR SKYUS THOG GCIG LA, RIM CAN DU SKYE BA YIN GYI DE'I TSE YANG MI RTAG PA LTA BU MNGON SUM DU RTOGS PA'I BLO DE NYID RNAM PA THAMS CAD MNGON SUM DU BYED PA MA YIN TE, DE THAMS CAD MKHYEN PA NYAG GCIG GI KHYED CHOS YIN NO, ,ZHES GSUNGS PA'I PHYIR, RTZOL BA GCIG GI BYED PA LA BRTAN NAS MKHYEN GSUM GYI RNAM PA BRGYA BDUN CU RTZA GSUM GO RIM MA 'TSOL BAR SGOM PA'I MKHYEN GSUM GYI RNAM PA SGOM PA LA BRTAN PA THOB PA'I SEMS DPA'I YE SHES, SKAD CIG SBYOR GYI MTSAN NYID, DE LA DBYE NA RGYUN MTHA'I SBYOR BA'I LAM DANG, RGYUN MTHA'I BAR CHAD MED LAM GNYIS YOD, DE RE RE LA'ANG THOB BYA YON TAN GYI DBANG DU BYAS PA RNAM PAR SMIN PA MA YIN PA'I SKAD CIG MA'I SBYOR BA DANG, RNAM PAR SMIN PA'I SKAD CIG MA'I SBYOR BA GNYIS, RTOGS BYA YUL GYI SGO NAS PHYE BA MTSAN NYID MED PA'I SKAD CIG MA'I SBYOR BA DANG, GNYIS SU MED PA'I SKAD CIG MA'I SBYOR BA GNYIS, JI LTAR SKYES BUS ZA CHUN RGYUD, CES PA'I SKABS NAS DNGOS SU BSTAN PA'I MKHYEN GSUM GYI RNAM PA SGOM TSUL NI RGYUN MTHA'I SBYOR BA'I LAM GYI TSE YIN GYI BAR CHAD MED LAM GYI TSE MA YIN TE, DE'I TSE STONG NYID LA GNYIS SNANG NUB PA'I SGO NAS DUS GNYIS PAR CHOS SKUR 'GYUR BA'I YE SHES YIN PA'I PHYIR, 'DI SNYING PO RGYAN GYI YANG BZHED PA MTHAR THUG GO, BZHI PO DER 'BYED TSUL LA @20B SNGON GYI MKHAS PA'I LUGS DANG, RANG LUGS GNYIS, DANG PO NI, BDAG NYID CHEN PO LO TZTSA BA'I GSUNG NA RE, SKAD CIG SBYOR BA GZHI PO RIM GZHIN KHO NA RE SKYE BA YIN TE, RNAM PAR SMIN PA MA YIN PA'I SKAD CIG SBYOR BA SA BDUN PAR SKYE, RNAM PAR SMIN PA'I SKAD CIG SBYOR BA SA BRGYAD PAR SKYE, MTSAN NYID MED PA'I SKAD CIG SBYOR BA SA DGU PAR SKYE, GNYIS SU MED PA'I SKAD CIG SBYOR BA SA BCU PAR SKYE BA'I PHYIR, DANG PO YIN TE, DER MTSAN MED KYI TING NGE 'DZIN THOB PAS, BYANG CHUB KYI PHYOGS KYI CHOS LA SKAD CIG SKAD CIG LA SNYOM PAR 'JUG NUS KYANG 'BAD RTZOL RAGS PA MA ZHI BAS RANG DBANG DU SNYOM PAR 'JUG PA SOGS MI NUS PA'I PHYIR, GNYIS PA DE LTAR YIN TE SA BRGYAD PAR 'BAD RTZOL RAGS PA ZHI BAS ZAG MED KYI YON TAN RNAMS RANG GI NGANG GIS 'BYUNG BA'I PHYIR, GSUM PA DE LTAR YIN TE, SA DGU PAR CHOS THAMS CAD RANG SPYI'I MTSAN NYID LAS 'DAS PAR RTOGS PAS CHOS THAMS CAD MTSAN NYID MED PAR MNGON PAR BYANG CHUB PA'I PHYIR ZHES GSUNGS, BZHI PA DE LTAR YIN TE, SA BCU PAR GZUNG 'DZIN MTHA' DAG ZHI BA'I KHYAD PAR RTOGS PAS GNYIS SU MED PAR MNGON PAR BYANG CHUB PA'I PHYIR, ZHES GSUNGS, DE NI MI 'THAD DE, RGYAN SNANG DU BZHI PO DE RIM BZHIN DU BSKYED PA'I LUGS DANG, CIG CAR DU SKYE BA'I LUGS GNYIS BKOD NAS DANG PO GNYIS CIG CAR DU SKYE, PHYI MA GNYIS KYANG CIG CAR DU SKYE BAR BSHAD NAS, MJUG TU BZHI PO CIG CAR DU SKYE BA GDUL BYA NYE BA'I BSAM PA LA DGONGS PA'I PHYIR, RANG LUGS LA SKAD CIG SBYOR BA BZHI PO CIG CAR DU SKYE BA YIN TE, RGYUN MTHA'I SBYOR BA'I LAM DANG, RGYUN MTHA'I BAR CHAD MED LAM GNYIS PO DE SKAD CIG SBYOR BA BZHI KA YIN PA'I PHYIR, RGYUN MTHA'I SBYOR BA'I LAM CHOS CAN, RNAM PAR SMIN PA MA YIN PA'I SKAD CIG SBYOR BA YIN TE, SA BDUN PA MAN CHAD DU THOB PA'I ZAG MED RNAM PAR SMIN PA MA YIN PA'I YON TAN GYI RIGS RNAMS THOB PA'I SKAD CIG SBYOR BA YIN PA'I PHYIR, SA BDUN PA MAN CHAD DU THOB PA'I ZAG MED KYI YON TAN RNAMS LA RNAM PAR SMIN PA MA YIN PA'I YON TAN ZHES 'CHAD PA'I RGYU MTSAN YOD DE, SA BDUN PA MAN CHAD DU NYON MONGS DANG BDEN 'DZIN MNGON GYUR DU 'JUG PAS 'BAD RTZAL RAGS PA DANG BCAS TE YON TAN GYI RIGS MNGON DU BYED DGOS PA'I RGYU MTSAN GYIS DE LTAR @21A *, ,BSHAD PA'I PHYIR, YANG DE LA RNAM PAR SMIN PA'I SKAD CIG SBYOR BA ZHES 'CHAD PA'I RGYU MTSAN YOD DE, SA BRGYAD PA MAN CHAD DU THOB PA'I ZAG MED KYI YON TAN GYI RIGS RNAMS THOB PA'I RGYU MTSAN GYIS DE LTAR BSHAD PA'I PHYIR TE, RGYUD BLA MA LAS, SA BDUN LA BRTEN DRI MA NI, ,MNGAL SBUBS DRI MA DAG DANG MTSUNGS, ,MNGAL SBUBS BRAL 'DRA MI RTOG PA'I, ,YE SHES RNAM PAR SMIN PA BZHIN, ,ZHES GSUNGS PA'I PHYIR, YANG DE GNYIS LA MTSAN NYID MED PA'I SKAD CIG MA'I SBYOR BA ZHES 'CHAD PA'I RGYU MTSAN YOD DE, SBYOR BA'I LAM GYI 'BAD RTZOL RAGS PA ZHI BA'I SGO NAS STONG NYID LA GNYIS SNANG NUB PA'I SGO NAS SNYOM PAR 'JUG PA'I NUS PA THOB, BAR CHAD MED LAM GYI GNYIS SNANG NUB PA'I SGO NAS MNYAM PAR GZHAG PA'I RGYU MTSAN GYIS DE LTAR BSHAD PA'I PHYIR, RGYUN MTHA'I BAR CHAD MED LAM LA GNYIS SU MED PA'I SKAD CIG MA'I SBYOR BA ZHES 'CHAD PA'I RGYU MTSAN YOD DE, GZUNG 'DZIN RDZAS GZHAN GYIS STONG BA'I STONG NYID MNGON SUM DU RTOGS PA'I NUS PA MTHU CAN DU YOD PA'I RGYU MTSAN GYIS DE LTAR BSHAD PA'I PHYIR, KHA CIG ,GZUNG 'DZIN RDZAS GZHAN GYIS STONG BA'I STONG NYID MNGON SUM DU RTOGS PA'I SEMS DPA'I YE SHES MTHAR THUG DE'I MTSAN NYID DU BYAS NAS DE LA RGYUN MTHA'I YE SHES KYIS KHYAB PAR 'DOD PA NI 'GAL LAM SNYAM, KHA CIG ,SKAD CIG SBYOR BA LA RGYUN MTHA'I BAR CHAD MED LAM GYIS KHYAB PAR 'DOD PA MI RIGS PAR THAL, RNAM BSHAD DU BZHI GA'I MTSAN NYID LA SEMS DPA'I RNAL 'BYOR MTHAR THUG SBYAR BA'I PHYIR, ZER NA, SKYON MED DE, SLOB LAM NA MKHYEN GSUM GYI RNAM PA SGOM TSUL MTHAR THUG PA YIN PA LA DGONGS PA'I PHYIR TE, DE MTHA' ZHES GSUNGS PA'I PHYIR, DE LTAR BYAS NA BZHI PO DE YIN KHYAB MNYAM YIN KYANG NANG GSEL LA MI RTAG PA RTOGS PA SOGS DU MA YOD DO,, ,,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL GYI SPYI DON RNAM BSHAD SNYING PO RGYAN GYI SNANG BA ZHES BYA BA DGE SLONG DGE 'DUN BSTAN PA DAR RGYAS KYIS SBYAR BA'I SKABS LNGA PA NAS BDUN PA'I BAR GYI 'GREL BSHAD DO,,