@1A *, ,DRANG NGES RNAM 'BYED KYI SPYI DON LEGS PAR BSHAD PA'I
SNYING PO PAD MA DKAR PO'I 'PHRENG BA ZHES BYA BA BZHUGS SO,,

@1B *, ,GNYIS PA 'KHOR LO GSUM GYI DRANG NGES 'GREL TSUL BYE
BRAG TU BSHAD PA LA, DGONGS 'GREL LAS BSHAD TSUL DANG, GZUNGS
RGYAL GYI MDO NAS BSHAD TSUL GNYIS, DANG PO LA SEMS TZAM PA'I
LUGS DANG, DBU MA PA'I

LUGS GNYIS, DANG PO LA, MDO SDE LA 'GAL SPONG GI DRI BA NAS NGO
BO NYID GSUM GYI NGO BO NGOS 'DZIN PA'I BAR RNAMS NI, RGYAS PAR
DRANG NGES RNAM 'BYED LAS SHES PAR BYA'O, ,GRUB DON ZHUS TSUL
LA, BSHAD BYA'I MDO 'GOD PA DANG, MDO'I DON BSHAD PA GNYIS,

DANG PO LA, DGONGS 'GREL LAS, BCOM LDAN 'DAS KYIS DANG POR YUL
W'A RA nA SIR DRANG SRONG SMRA BA RI DVAGS KYI NAGS SU NYAN THOS
KYI THEG PA LA YANG DAG PAR ZHUGS PA RNAMS LA 'PHAGS PA'I BDEN
PA BZHI'I RNAM PA BSTAN PAS, NGO MTSAR RMAD DU BYUNG BA'I CHOS

KYI 'KHOR LO SNGON LHAR GYUR PA 'AM MIR GYUR PA SUS KYANG MTHUN
PAR 'JIG RTEN NA MA BSKOR BA GCIG RAB TU BSKOR TE, BCOM LDAN
'DAS KYIS CHOS KYI 'KHOR LO RAB TU BSKOR BA DE YANG BLA NA MCHIS
PA, SKABS MCHIS PA, DRANG BA'I DON RTZOD PA'I GZHI'I GNAS SU
GYUR PA

LAGS LA, BCOM LDAN 'DAS KYIS CHOS RNAMS KYI NGO BO NYID MA MCHIS
PA NYID LAS BRTZAMS, SKYE BA MA MCHIS PA DANG 'GAG PA MA MCHIS
PA DANG GZOD MA NAS ZHI BA DANG, RANG BZHIN GYI YONGS SU MYA
NGAN LAS 'DAS PA NYID LAS BRTZAMS TE, THEG PA CHEN PO LA YANG
DAG PAR

ZHUGS PA RNAMS LA STONG PA NYID SMOS PA'I RNAM PAS CHES NGO
MTSAR RMAD DU BYUNG BA'I CHOS KYI 'KHOR LO GNYIS PA BSKOR TE,
BCOM LDAN 'DAS KYIS CHOS KYI 'KHOR LO BSKOR BA DE YANG BLA NA
MCHIS PA, SKABS MCHIS PA, DRANG BA'I DON RTZOD PA'I GZHI'I GNAS
SU GYUR PA

LAGS KYI, BCOM LDAN 'DAS KYIS CHOS RNAMS KYI NGO BO NYID MA
MCHIS PA LAS BRTZAMS, SKYE BA MA MCHIS PA DANG, 'GAG PA MA MCHIS
PA DANG, BZOD MA NAS ZHI BA DANG, RANG BZHIN GYI YONGS SU MYA
NGAN LAS 'DAS PA NYID LAS BRTZAMS TE, THEG PA THAMS

@2A *, CAD LA YANG DAG PAR ZHUGS PA RNAMS LA LEGS PAR RNAM PAR
PHYE BA DANG LDAN PA'I CHOS KYI 'KHOR LO GSUM PA BSKOR TE, BCOM
LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS
PA, SKABS MA MCHIS PA, NGES PA'I DON, RTZOD

PA'I GZHI'I GNAS SU MA GYUR PA LAGS SO, ,ZHES GSUNGS SO, ,GNYIS
PA MDO DON BSHAD PA LA, MDO DON CUNG ZAD BSHAD PA DANG, 'KHOR LO
GSUM GYI DRANG NGES 'GREL TSUL RGYAS PAR BSHAD PA GNYIS, DANG PO
LA, MDO TSAN DANG POS BRJOD BYA JI LTAR BSTAN TSUL YOD DE, BDEN

PA BZHI'I RNAM PA BSTAN PAS ZHES PA YAN GYIS 'KHOR LO DANG PO
GSUNG BA PO DUS YUL CHED DU BYA BA'I GDUL BYA BRJOD BYA RNAMS
DANG, CHES NGO MTSAR NAS RAB TU BSKOR TE ZHES PA YAN GYIS BYE
BA'I YON TAN BSTAN, BCOM LDAN 'DAS KYIS 'KHOR LO ZHES PA MAN
CHAD KYIS RIM

PA BZHIN DU 'DI'I GONG NA NGES DON GYI MDO GZHAN YOD PAS BLA NA
MCHIS PA, RGOL BA GZHAN GYIS KLAN KA'I SKABS MCHIS PA, SGRA JI
BZHIN DU GZUNG DU MI RUNG BAS DRANG BA'I DON DON GSAL POR MA
BSTAN PAS DGONGS PA GANG YIN MI MTHUN PA'I RTZOD PA'I GNAS SU
GYUR PAR BSTAN PA'I

PHYIR, GRUB DON GNYIS PAS BRJOD BYA JI LTAR BSTAN TSUL YOD DE,
GNYIS PA BSKOR TE ZHES PA YAN GYIS 'KHOR LO GNYIS PA GSUNG BA PO
BRJOD BYA CHED DU BYA BA'I GDUL BYA, PHYE BA'I YON TAN DUS KYI
KHYAD PAR RNAMS BSTAN, DE YANG ZHES PA MAN CHAD KYIS SNGAR LTAR
BSTAN PA'I

PHYIR, GRUB DON GSUM PAS BRJOD BYA JI LTAR BSTAN TSUL YOD DE,
BCOM LDAN 'DAS KYIS ZHES PA NAS GSUM PA BSKOR TE ZHES PA'I BAR
GYIS GSUNG BA PO NAS DUS KYI BAR SNGAR LTAR DANG, 'DI NI BLA NA
MA MCHIS PA ZHES PA MAN CHAD KYIS 'DI'I GONG DU NGES DON GYI MDO
GZHAN MED

PAS BLA NA MA MCHIS PA DANG, CHOS MTHUN GYI KLAN KA'I SKABS MA
MCHIS PA, SGRA JI BZHIN DU KHAS BLANG DU RUNG BAS NGES PA'I DON
DANG, DON GANG YIN GSAL POR PHYE STE BSTAN PAS MKHAS PAS BRTAGS
NA RTZOD PA'I GNAS MED PAS RTZOD PA'I GNAS SU MA GYUR PAR BSTAN
PA'I

@2B PHYIR, GNYIS PA 'KHOR LO GSUM GYI DRANG NGES 'GREL TSUL
RGYAS PAR BSHAD PA LA, 'O NA, GRUB DON GYI MDOS 'KHOR LO DANG PO
GNYIS DRANG DON DANG THA MA NGES DON DU BSHAD NA, GSUM PO DE'I
MTSAN GZHI DANG, DANG PO GNYIS DRANG DON DANG, THA MA NGES DON
DU 'GREL TSUL JI LTA BU ZHE NA, SPYIR GRUB DON DANG PO'I SKABS
NAS BSTAN PA'I

BDEN BZHI'I CHOS 'KHOR LA 'GAL SPONG GI DRI BA'I DBANG DU BYAS
NA PHUNG KHAMS SKYE MCHED BDEN BRTEN 'BREL ZAS BZHI LAM BYANG
PHYOGS SO BDUN RNAMS RANG NYID RANG NYID CES PA'I THA SNYAD 'JUG
PA'I 'JUG GZHIR RANG GI GNAS LUGS KYI DBANG GIS GRUB PAR STON
PA'I BDEN BZHI'I CHOS 'KHOR YOD PAR MNGON YANG DE RNAMS

KYI NANG NAS BRJOD BYA BDEN BZHI LAS BRTZAMS NAS STON PA'I DBANG
DU BYAS NA, DGE SLONG DAG 'DI NI SDUG BSNGAL 'PHAGS PA'I BDEN
PA'O, ,'DI NI KUN 'BYUNG 'PHAGS PA'I BDEN PA'O, ,'DI NI 'GOG PA
'PHAGS PA'I BDEN PA'O, ,'DI NI LAM 'PHAGS PA'I BDEN PA'O, ,SDUG
BSNGAL SHES PAR BYA, KUN 'BYUNG SPANG BAR BYA,

'GOG PA MNGON DU BYA, LAM BSGOM PAR BYA, SDUG BSNGAL SHES PAR
BYA STE, SLAR YANG SHES PAR BYAR MED, KUN 'BYUNG SPANG BAR BYA
STE, SLAR YANG SPANG BAR BYAR MED, 'GOG PA MNGON DU BYA STE,
SLAR YANG MNGON DU BYAR MED, LAM BSGOM PAR BYA STE, SLAR YANG
BSGOM PAR BYAR MED, CES PA LTA BU'I MDO RNAMS DE'I MTSAN

GZHI, RGYAS 'BRING BSDUS GSUM BAR PA'I MTSAN GZHI, DGONGS 'GREL
GYI 'GAL SPONG GI DRI BA NAS NGO BO NYID GSUM GYI NGO BO NGOS
'DZIN GYI BAR GSUM PA'I MTSAN GZHIR 'JOG  ,PHYI MA LA 'KHOR LO
DANG PO DRANG DON DU 'GREL TSUL, BAR PA DRANG DON DU 'GREL TSUL,
DE LA BRTEN NAS THA MA NGES DON GYI MDOR GRUB PAR

BSTAN PA, DRANG NGES PHYE BA'I DGOS PA BSTAN PA'I SGO NAS LUGS
'DI'I MTHA' GNYIS SPANGS PA'I BDAG MED GNYIS 'JOG TSUL LO, ,DANG
PO LA, 'KHOR LO DANG PO DRANG DON GYI MDO YIN TE, DGONGS GZHI
DGOS PA DNGOS LA GNOD BYED GSUM DANG BCAS PA'I MDO YIN PA'I
PHYIR, DGONGS GZHI YOD DE, KUN GZHI'I

RNAM SHES KYI STENG DU PHYI ROL DON SNANG GI BAG CHAGS BZHAG PA
SMIN PA LA BRTEN NAS DON SNANG GI RNAM SHES SKYE BA LA DGONGS
PA'I PHYIR, DGOS PA YOD DE, DON SMRA SDE GNYIS RJES SU BZUNG
BA'I PHYIR DU YIN PA'I PHYIR, DNGOS LA GNOD BYED YOD DE, PHYI
DON 'GOG PA'I LUNG RIGS RNAMS KYIS GNOD PA'I PHYIR, DE

@3A *, ,LTAR BSTAN PAS DON SMRA GNYIS RJES SU 'DZIN NUS TE, DPER
NA, NANG SDE KHA CIG BSTAN PA GONG MA GONG MA LA 'JUG PA'I PHYIR
DU, DGE SLONG DAG 'KHUR YOD DO, ,ZHES SOGS KYI MDO LTA BU YIN
PA'I PHYIR, DE SKAD DU YANG, NYI SHU PA LAS, RANG GI SA BON GANG
LAS SU, ,RNAM RIG

SNANG BA GANG 'BYUNG BA, ,DE DANG DE YI SKYE MCHED NI, ,RNAM PA
GNYIS SU THUB PAS GSUNGS, ,ZHES DANG, GZUGS SOGS SKYE MCHED YOD
PA NI, ,DES 'DUL BA YI SKYE BO LA, ,ZHES SOGS GSUNGS PA'I PHYIR,
DGONGS GZHI DE LA DGONGS NAS GSUNGS PAS KYANG RJES SU 'DZIN NUS
TE, PHYI GZUGS KYI SKYE MCHED

DANG NANG MIG GI SKYE MCHED GNYIS LAS DON GZHAN PA'I MIG GI RNAM
SHES SKYE BAR BSHAD PA LA BRTEN NAS BDAG RTAG PA SOGS BKAG NAS
GANG ZAG GI BDAG MED GTAN LA 'BEBS PA'I DGOS PA YOD PA'I PHYIR,
KHA CIG 'KHOR LO DANG PO'I DGONGS GZHI YIN NA, DE'I DGONGS PA
YIN PAS KHYAB ZER NA, 'O NA, KUN GZHI'I

RNAM SHES KYI STENG DU DON SNANG GI BAG CHAGS BZHAG PA SMIN PA
LA BRTEN NAS DON SNANG GI RNAM SHES SKYE BA CHOS CAN, DER THAL,
DE'I PHYIR, DER THAL, DGONGS GZHI DE LA DGONGS NAS PHYI DON YOD
PAR GSUNGS PA'I PHYIR, 'DOD NA, DE'I BSTAN DON DU THAL, 'DOD
PA'I PHYIR, 'DOD MI NUS TE, DON SMRA GNYIS LA DE STON MI RUNG
BA'I PHYIR TE, DE

NYID KYIS PHYI DON 'DOD PA'I PHYIR, YANG KHA CIG  ,DE MA YIN PAS
KHYAB ZER NA, NGO BO DANG KHYAD PAR LA KUN BTAGS [*BRTAGS ETC
THROUGHOUT] PA'I KUN BTAGS CHOS CAN, DER THAL, DE'I PHYIR, DER
THAL, DE LA DGONGS NAS DE RANG GI MTSAN NYID KYIS GRUB PAR
GSUNGS PA'I PHYIR, 'DOD MI NUS TE, DES DE YOD PAR BSTAN PA'I
PHYIR TE, DES DE RANG

GI MTSAN NYID KYIS GRUB PAR BSTAN PA'I PHYIR, DER THAL, DES 'GOG
BDEN RANG GI THA SNYAD 'JUG PA'I 'JUG GZHIR RANG GI GNAS LUGS
KYI DBANG GIS GRUB PAR BSTAN PA'I PHYIR TE, 'GAL SPONG GI DRI
BA'I SKABS SU DE BZHIN DU ZHES PHUNG PO LNGA NAS 'GOG BDEN GYI
BAR LA SBYAR NAS GSUNGS PA'I PHYIR, SLOB DPON LEGS

LDAN 'BYED LA SOGS PA'I MDO SDE SPYOD PA'I DBU MA PA DANG, NYAN
THOS SDE GNYIS KYIS PHYI DON BZHED PAR MTSUNGS KYANG 'KHOR LO
DANG PO SGRA JI BZHIN DU KHAS LEN MI LEN GYI KHYAD PAR YOD DE,
SLOB DPON LEGS LDAN 'BYED KYIS PHYI DON BDEN GRUB BSTAN PA'I CHA
NAS DRANG DON DU 'GREL BA'I PHYIR, NYAN THOS KYI THEG PA LA YANG

@3B DAG PAR ZHUGS PA ZHES SOGS DE'I CHED DU BYA BA'I GDUL BYA
NGOS 'DZIN GYI MDO YIN KYANG DE'I CHED DU BYA BA'I GDUL BYA LA
DES MA KHYAB STE, DE'I CHED DU BYA BA'I GDUL BYA RANG RGYAL GYI
RIGS CAN YOD PA'I PHYIR, DER THAL, BCOM LDAN 'DAS KYI GSUNG GI
CHED DU BYA BA'I GDUL BYA RANG RGYAL YOD PA GANG ZHIG  ,RANG
RGYAL LA

NYAN THOS LAS SDE SNOD ZUR PA MED PA'I PHYIR, GANG ZHIG DER
THAL, THUB BA'I GSUNG LA BRTEN NAS MKHAS PAR BYA BA'I DNGOS PO
DRUG LA MKHAS PAR BYED PA'I RANG RGYAL YOD PA'I PHYIR, GNYIS PA
'KHOR LO BAR PA DRANG DON GYI MDO YIN TE, DGONGS GZHI DGOS PA
DNGOS LA GNOD BYED DANG BCAS PA'I MDO YIN PA'I PHYIR,

DER THAL, KUN BTAGS RANG GI MTSAN NYID KYIS GRUB PA'I NGO BO
NYID MED PA, GZHAN DBANG BDAG LAS SKYE BA'I NGO BO NYID MED PA,
YONGS GRUB CHOS BDAG GI NGO BO NYID MED PA'I NGO BO NYID MED PA
GSUM LA DGONGS NAS GSUNGS PA'I PHYIR TE, DGONGS 'GREL LAS, DON
DAM YANG DAG 'PHAGS NGAS CHOS RNAMS KYI NGO BO

NYID MED PA RNAM PA GSUM PO 'DI LTA STE, MTSAN NYID NGO BO NYID
MED PA DANG, ZHES SOGS DANG, SUM CU PA LAS, NGO BO NYID NI RNAM
GSUM GYI, ,NGO BO NYID MED RNAM GSUM LA, ,DGONGS NAS CHOS RNAMS
THAMS CAD NI, ,NGO BO NYID MED BSTAN PA YIN, ,ZHES GSUNGS PA'I
PHYIR, DGOS PA NGO BO NYID MED PAR SMRA BA'I

RIGS CAN RJES SU BZUNG BA'I CHED DU YIN, DNGOS LA GNOD BYED
GZHAN DBANG DANG, YONGS GRUB BDEN GRUB TU BSGRUB PA'I LUNG RIGS
RNAMS KYIS GNOD PA'I PHYIR, KHA CIG 'KHOR LO BAR PA'I SGRAS ZIN
GYI DON YIN NA DE'I BSTAN DON MA YIN PAS KHYAB ZER NA, NAM MKHA'
RANG GI MTSAN NYID KYIS MA GRUB PA CHOS CAN, DER

THAL, DE'I PHYIR, DER THAL, DES SGRAS ZIN LA NAM MKHA' RANG GI
MTSAN NYID KYIS MA GRUB PAR BSTAN PA'I PHYIR, DES CHOS THAMS CAD
RANG GI MTSAN NYID KYIS MA GRUB PA SGRAS ZIN LA BSTAN PA'I
PHYIR, 'DOD NA, DE DE'I BSTAN DON YIN PAR THAL, KUN BTAGS RANG
GI MTSAN NYID KYIS MA GRUB PA DE'I BSTAN DON MTHAR

THUG YIN PA'I PHYIR, KHA CIG RGYAS 'BRING BSDUS GSUM GYIS GZHAN
DBANG BDEN PAR MED PA MA BSTAN ZER NA, DE BSTAN PAR THAL, DES
SGRAS ZIN LA BSTAN PA GANG ZHIG  ,DE LTAR BSTAN PAS NGO BO NYID
MED PAR SMRA BA'I RIGS CAN RJES SU 'DZIN NUS PA'I PHYIR, NGO BO
NYID MED PAR SMRA BA'I LTA BA DE RGYAS 'BRING BSDUS

@4A *, ,GSUM LAS BSTAN PA'I LTA BA YIN PA'I PHYIR, DER THAL,
PHYI DON BSTAN PA'I LTA BA DE 'KHOR LO DANG PO LAS BSTAN PA'I
LTA BA YIN PA'I PHYIR, KHA CIG  ,RGYAS 'BRING BSDUS GSUM NGO BO
NYID MED PAR SMRA BA'I MDO YIN ZER NA, DE MI 'THAD DE, DE SEMS
TZAM PA'I MDO YIN PA'I PHYIR TE,

DE'I CHED DU BYA BA'I GDUL BYA DE SEMS TZAM PA GANG ZHIG  ,THEG
PA CHE CHUNG GI SDE SNOD CHED DU BYA BA'I GDUL BYA'I SGO NAS
'JOG PA'I PHYIR, 'KHOR LO BAR PA'I GDUL BYA PHAL PA NGO BO NYID
MED PAR SMRA BA'I RIGS CAN YOD KYANG, DE'I CHAD DU BYA BA'I GDUL
BYA NGO BO NYID MED PAR SMRA BA'I RIGS CAN MED DE, DE'I CHED DU

BYA BA'I GDUL BYA DE SEMS TZAM PA YIN PA'I PHYIR TE, DE 'DRA
BA'I GDUL BYA DE GZHAN DBANG YONGS GRUB BDEN PAR GRUB KUN BTAGS
BDEN PAR MA GRUB PAR 'DOD PA'I GDUL BYA YIN PA'I PHYIR, NYI SHU
PA RTZA 'GREL GYIS 'KHOR LO BAR PA DRANG DON DU BKRAL BA DANG,
SUM CU PA RTZA 'GREL GYIS 'KHOR LO BAR PA DRANG DON

DU BKRAL BA GNYIS DRANG DON DU 'GREL BA TZAM DU MTSUNGS KYANG
'GREL TSUL MI MTSUNGS TE, DANG POS DGONGS GZHI MTHAR THUG BSTAN
DON GYI GTZO BOR MA BYAS PAR 'GREL, GNYIS PAS DGONGS GZHI MTHAR
THUG BSTAN DON GYI GTZO BOR BYAS NAS 'GREL BA'I PHYIR, 'KHOR LO
GSUM GYI NGO BO DANG MTSAN GZHI SOGS STON

PA'I SKU TSE'I STOD SMAD GSUM DU PHYE NAS 'JOG PA SOGS NI MI
'THAD DE, DUS DANG POR GSUNGS KYANG DGE SLONG DAG SHAM THABS
ZLUM POR BGO BA LA BSLAB PAR BYA'O ZHES SOGS DANG, DUS BAR PAR
GSUNGS KYANG BDAG MED STON TSUL GSUM PO GANG DANG YANG MI MTHUN
PA'I MDO DANG, DUS THA MAR GSUNGS KYANG 'DUL BA

RUNG MTHUN DU GRAGS PA RNAMS DGONGS 'GREL NAS BSHAD PA'I 'KHOR
LO GSUM PO GANG YANG MA YIN PA'I PHYIR TE, BRJOD BYA BDAG MED
GSUM PO GANG YANG STON TSUL DANG MI LDAN PA'I PHYIR, MDO DE
RNAMS DGONGS 'GREL NAS BSHAD PA'I DRANG NGES 'BYED PA'I GZHIR MI
RUNG YANG SPYIR DRANG NGES 'BYED PA'I GZHIR MI

RUNG BA MA YIN TE, GZUNGS RGYAL GYIS DRANG NGES PHYE BA LTAR NA
DRANG DON GYI MDO DANG, DGONGS 'GREL GYIS DRANG NGES PHYE BA
LTAR NA NGES DON GYI MDO YIN PA'I PHYIR, PHYI MA DER THAL, DE
LTAR NA SGRA JI BZHIN PA'I MDO YIN PA'I PHYIR, GSUM PA LA DANG
PO GNYIS DRANG DON DU BKRAL BA LA BRTEN NAS THA MA NGES DON DU
GRUB

@4B PA YIN TE, DANG PO GNYIS SGRA JI BZHIN DU KHAS BLANG DU MI
RUNG BAR BSHAD PA LA BRTEN NAS, MTSAN NYID GSUM LA BDEN PAR GRUB
MA GRUB BYE NAS BSTAN PA'I LEGS PAR RNAM PAR PHYE BA'I CHOS
'KHOR SGRA JI BZHIN PAR BSGRUB PA GANG ZHIG  ,GRUB DON DANG PO
GNYIS KYI SKABS SU SGRA JI BZHIN DU KHAS BLANG DU MI RUNG BA'I
MDO LA DRANG DON GYI

MDO DANG, GRUB DON THA MA'I SKABS SU SGRA JI BZHIN DU KHAS BLANG
DU RUNG BA'I MDO LA NGES DON GYI MDOR BSHAD PA'I PHYIR, SHER
PHYIN MAN NGAG LAS, MDO GANG DAG GI DON SGRA JI BZHIN PA YIN PA
DE DAG NI NGES PA'I DON ZHES BYA STE, ZHES GSUNGS PA'I PHYIR,
KHA CIG  ,BDEN BZHI'I CHOS 'KHOR GYI BDEN BZHI'I CHOS 'KHOR SOGS
MI 'BYED

KYANG, 'KHOR LO GSUM PO RE RE LA GSUM GSUM 'BYED CING DE YANG
'KHOR LO DANG PO'I BDEN BZHI'I CHOS 'KHOR SOGS 'BYED DO ZER NA
DE MI 'THAD DE, 'KHOR LO GSUM PO GANG RUNG YIN NA DGONGS 'GREL
NAS BSHAD PA'I 'KHOR LO GSUM PO GANG RUNG YIN DGOS PA GANG ZHIG
,DE 'DRA BA'I 'KHOR LO GSUM PO DE DUS KHO NA DANG BRJOD

BYA KHO NA'I SGO NAS KYANG MI 'JOG PA'I PHYIR DANG, GZUNGS RGYAL
NAS BSHAD PA'I 'KHOR LO DANG POS 'KHOR LO DANG PO'I GO MI CHOD
PA'I PHYIR, 'KHOR LO GSUM PO DE LA SGRA JI BZHIN DU KHAS BLANG
DU RUNG MI RUNG SOGS KYI KHYAD PAR YOD KYANG, BRJOD BYA YOD MED
KYI KHYAD PAR MED DE, MDO YIN NA DGOS SOGS CHOS BZHI LDAN YIN

DGOS PA'I PHYIR DANG, 'PHAGS PA'I BDEN PA BZHI'I RNAM PA BSTAN
PAS ZHES GSUNGS PA DANG, STONG PA NYID SMOS PA'I RNAM PAS ZHES
PA RNAMS RIM PA BZHIN DU BRJOD BYA NGOS 'DZIN GYI MDO YIN PA'I
PHYIR DANG, GROL BA DON GNYER GYI SKYES BU LA NYER MKHO'I DON MA
BSTAN NA BRTZAMS PA DGOS PA MED PA'I PHYIR, DE LTAR YIN

KYANG 'KHOR LO DANG POR PHYI DON BSTAN PA'I BRJOD BYA MED DE, DE
LA DNGOS LA GNOD BYED 'JUG PA'I PHYIR, THEG PA THAMS CAD LA YANG
ZHUGS KYI DON LA, KHA CIG  ,DE'I CHED DU BYA BA'I GDUL BYA RIGS
CAN GSUM GA YOD PA'I DON YIN ZER NA, DE MI 'THAD DE, DE THEG
CHEN GYI RIGS CAN YIN PA'I PHYIR TE, RNAM BSHAD LAS,

THEG PA CHEN PO'I RIGS CAN YIN YANG SNGA MA LAS DBANG PO DMAN PA
YIN NO, ,ZHES GSUNGS PA'I PHYIR, GZHAN YANG 'KHOR LO THA MA'I
CHED DU BYA BA'I GDUL BYA DANG PO NYID NAS THEG DMAN DU RIGS
NGES GCIG YOD PAR THAL, DAM BCA' 'THAD PA'I PHYIR, 'DOD NA,
STONG NYID MNGON SUM DU RTOGS PA'I DANG PO NYID NAS THEG

@5A *, ,DMAN RIGS NGES GCIG YOD PAR THAL, 'DOD PA'I PHYIR, KHYAB
STE, DE'I CHED DU BYA BA'I GDUL BYA THEG DMAN GYI RIGS CAN YOD
PA GANG ZHIG  ,DE LA THEG CHEN LAM DU ZHUGS MYONG GIS KHYAB PA
GANG LAS KYANG MA GSUNGS PA'I PHYIR, RANG LUGS LA, THEG PA THAMS
CAD LA YANG ZHUGS KYI

DON YOD DE, 'KHOR LO THA MAS BAR PA'I DGONGS PA BKRAL BA LA
BRTEN NAS CHOS KYI BDAG MED KYI DBANG DU BYAS PA'I MTSAN NYID
GSUM GYI RNAM GZHAG DNGOS SU GO BA'I SHUGS LA 'KHOR LO DANG POS
BSTAN PA'I MTSAN NYID GSUM GYI RNAM GZHAG DE GANG ZAG GI BDAG
MED KYI DBANG DU BYAS PA'I MTSAN NYID GSUM

GYI RNAM GZHAG TU GO NUS SHING BDAG MED GNYIS KA STON PA'I SNOD
DU RUNG BA DANG, DON DAM YANG DAG 'PHAGS KYIS STON PA LA 'GAL
SPONG GI DRI BA ZHUS PA LTAR GYI DOGS PA DANG LDAN PA'I GDUL BYA
YIN PA'I RGYU MTSAN GYIS DE LTAR BSHAD PA'I PHYIR, DE SKAD DU
YANG DRANG NGES RNAM 'BYED LAS, PHUNG PO LA SOGS PA

GZHAN DBANG DANG, ZHES SOGS GSUNGS PA'I PHYIR, DE LTAR YIN KYANG
SNGA MA GNYIS NI THEG PA CHE CHUNG SO SO BA YIN LA, ZHES SOGS
GSUNGS PA DANG 'GAL BA'I SKYON MED DE, 'KHOR LO DANG PO'I CHED
DU BYA BA'I GDUL BYA DES GANG ZAG GI BDAG MED KYI DBANG DU BYAS
PA'I MTSAN NYID GSUM GYI RNAM GZHAG

STON PA'I SNOD DU RUNG LA CHOS KYI BDAG MED KYI DBANG DU BYAS
PA'I MTSAN NYID GSUM GYI RNAM GZHAG STON PA'I SNOD DU MI RUNG
ZHING, BAR PA'I CHED DU BYA BA'I GDUL BYA DES 'KHOR LO BAR PA'I
DGONGS PA THA MAS BKRAL BA LA MA BLTOS PAR RANG STOBS KYIS RTOGS
NUS, THA MA'I CHED DU BYA BA'I GDUL BYA DES 'KHOR

LO BAR PA'I DGONGS PA THA MAS BKRAL BA LA MA BLTOS PAR RTOGS MI
NUS, BKRAL BA LA BRTEN NAS RTOGS NUS PA'I RGYU MTSAN GYIS DE
LTAR BSHAD PA'I PHYIR, DE LTA MA YIN NA, DE THEG PA CHE CHUNG
GNYIS KA LA ZHUGS PA'I GDUL BYA YIN PAR THAL, SNGA MA GNYIS NI
THEG PA CHE CHUNG SO SO BA YIN LA, ZHES GSUNGS

NA DE'I CHED DU BYA BA'I GDUL BYA RIGS CAN GSUM GA YOD DGOS PA
GANG ZHIG  ,'DI NI GNYIS KA'I DBANG DU BYAS PA'O, ,ZHES GSUNGS
PA'I PHYIR, DE LTAR NA, BCOM LDAN 'DAS KYIS DUS DANG POR RANG GI
CHED DU BYA BA'I GDUL BYA NYAN THOS KYI RIGS CAN LA BDEN BZHI
BSTAN BYA'I GTZO BOR BYAS NAS STON PA'I MDO, BKA'

@5B DANG PO BDEN BZHI'I CHOS 'KHOR GYI MTSAN NYID, BCOM LDAN
'DAS KYIS DUS BAR PAR RANG GI CHED DU BYA BA'I GDUL BYA THEG
CHEN GYI RIGS CAN DBANG PO SHIN TU RNON PO LA STONG NYID PHRA MO
BSTAN BYA'I GTZO BOR BYAS NAS STON PA'I MDO, ,BKA' BAR PA MTSAN
NYID MED PA'I CHOS 'KHOR GYI MTSAN NYID, BCOM LDAN 'DAS KYIS

DUS THA MAR CHED DU BYA BA'I GDUL BYAS DGONGS 'GREL GYI MDO
GZHAN LA BRTEN NAS MTSAN NYID MED PA'I CHOS 'KHOR GYI DGONGS PA
MTHAR THUG RTOGS DGOS PA'I GDUL BYA LA STONG NYID PHRA MO BSTAN
BYA'I GTZO BOR BYAS NAS STON PA'I MDO, ,BKA' THA MA LEGS PAR
RNAM PAR PHYE BA'I CHOS 'KHOR GYI MTSAN NYID, MTSAN

GZHI GONG DU BSHAD ZIN PA LTAR YIN NO, ,BZHI PA LA, 'KHOR LO
DANG PO GNYIS DRANG DON DANG THA MA NGES DON DU BSGRUB PA LA
DGOS PA YOD DE, RTAG CHAD KYI MTHA' GNYIS SPANGS PA'I DE KHO NA
NYID GTAN LA 'BEBS PA'I DGOS PA YOD PA'I PHYIR, DER THAL, 'KHOR
LO DANG PO DRANG DON DU BKRAL BA LA BRTEN NAS RTAG MTHA'

SPONG, BAR PA DRANG DON DU BKRAL BA LA BRTEN NAS CHAD MTHA'
SPONG BA'I PHYIR, DER THAL, NGO BO DANG KHYAD PAR LA KUN BTAGS
PA'I KUN BTAGS RANG GI MTSAN NYID KYIS GRUB PAR 'DZIN PA DE RTAG
PA'I MTHAR 'DZIN DANG, GZHAN DBANG DANG YONGS GRUB BDEN MED DU
'DZIN PA DE CHAD PA'I MTHAR 'DZIN YIN PA'I PHYIR,

'O NA, SGRO SKUR GYI MTHAR LTA TSUL DANG, DE 'GOG BYED KYI LUNG
RIGS DE GANG YIN ZHE NA, SBYIR SKUR 'DEBS LA GZHAN SDE KHA CIG
GIS THAR PA DANG THAMS CAD MKHYEN PA MED PAR 'DZIN PA DANG, SKYE
BA SNGA PHYI MED PAR 'DZIN PA DANG, NANG SDE KHA CIG GIS SRID PA
BAR DO MED PAR 'DZIN PA SOGS DU MA YOD KYANG 'DI'I SKUR

'DEBS KYI GTZO BO NI NANG SDES BTAGS PA KHO NA DANG, DE YANG
GZHAN DBANG DANG YONGS GRUB BDEN MED DU 'DZIN PA DE YIN ZHING,
DE SPONG BA'I TSUL YOD DE, 'KHOR LO BAR PAR CHOS THAMS CAD NGO
BO NYID MED PAR GSUNGS PA DE DRANG DON DU BKRAL BA LA BRTEN NAS
SPONG BA'I PHYIR, SGRO 'DOGS LA YANG KUN RDZOB PA'I GNAS

TSUL LA SGRO 'DOGS PA'I TSUL DANG, GNAS LUGS KYI DON LA SGRO
'DOGS PA'I TSUL DANG GNYIS LAS, DANG PO LA YANG DU MA YOD PA
LAS, SGRA RTAG 'DZIN RTOG PA DANG, GANG ZAG RANG RKYA THUB PA'I
RDZAS YOD DU 'DZIN PA'I RTOG PA LTA BU YIN NO, ,PHYI MA LA YANG
GZUGS NAS REG BYA'I BAR PHYI ROL DON DU GRUB PAR

@6A *, ,'DZIN PA DANG, GZUGS DANG GZUGS 'DZIN TSAD MA RDZAS THA
DAD DU 'DZIN PA SOGS DANG, GZUGS NAS RNAM MKHYEN GYI BAR RANG
NYID RANG NYID CES PA'I THA SNYAD 'JUG PA'I 'JUG GZHIR RANG GI
GNAS LUGS KYI DBANG GIS GRUB PAR 'DZIN PA'I RTOG BA LTA BU YIN
ZHING, DE RE RE LA

YANG KUN LHAN GNYIS GNYIS YOD CING, LHAN SKYES 'GOG PA GTZO BO
YIN TE, KUN BTAGS BKAG PA TZAM GYIS LHAN SKYES 'GOG MI NUS PA'I
PHYIR, DE YANG RTOG PA DE DAG GI ZHEN YUL RIGS PA YANG DAG GIS
KHEGS PA LA RAG LAS PAS, GZUGS DANG GZUGS 'DZIN TSAD MA RDZAS
THA DAD DU GRUB PA DE

'GOG BYED KYI RIGS PA YOD DE, LHAN CIG DMIGS NGES KYI RIGS PA
RNAMS KYIS 'GOG PA'I PHYIR, GZUGS GZUGS 'DZIN TSAD MA DANG RDZAS
THA DAD DU GRUB PA DANG DE LTAR GRUB PAR 'DZIN PA'I RTOG PA
GNYIS RTAGS KYI DGAG BYA YIN TE, DRANG NGES RNAM 'BYED LAS, RIGS
PA'I DGAG BYA LA YANG SGRO 'DOGS DANG

SKUR 'DEBS GNYIS LAS, SKUR 'DEBS NI GRUB MTHAS BTAGS PA KHO NA
DANG, ZHES GSUNGS PA'I PHYIR, KHA CIG  ,GZUGS PHYI ROL DON GYIS
STONG BA'I STONG NYID DE PHYOGS GLANG CHOS GRAGS LUGS KYI CHOS
KYI BDAG MED PHRA MO DANG, GZUGS NAS RNAM MKHYEN GYI BAR RANG
NYID RANG NYID CES PA'I THA SNYAD 'JUG PA'I

'JUG GZHIR RANG GI MTSAN NYID KYIS GRUB PAS STONG PA DE THOGS
MED SKU MCHED LUGS KYI GNAS LUGS MTHAR THUG YIN PAS DE GNYIS
GNAS LUGS MTHAR THUG 'DOD TSUL MI MTHUN PA YIN NO ZHES SO SOR
'BYED PA MI 'THAD DE, THEG BSDUS LAS, DE LA KUN BTAGS PA'I MTSAN
NYID GANG ZHE NA, ZHES SOGS

GSUNGS PA'I PHYIR DANG, PHYI DON MED PAR DAM BCAS NAS DE SGRUB
PA LA SA BCU PA'I MDO DANG, DGONGS 'GREL LA SOGS PA'I LUNG DANG,
YI DVAGS DUD 'GRO MI RNAMS DANG, ZHES SOGS RIGS PA'I RNAM GRANGS
DU MA DANG PHYI DON MED KYANG SHES PA BDEN PAR GRUB PA'I DPER
RMI LAM SGYU MA RAB RIB CAN GYI MIG SHES

SOGS DU MA BKOD NAS RGYAS PAR SGRUBS PA'I PHYIR, PHYOGS KYI
GLANG POS BRGYAD STONG DON BSDUR, MED CES BYA LA SOGS TSIG GIS,
,BTAGS PA THAMS CAD 'GOG PA STE, ZHES SOGS RNAMS KYIS NGO BO
DANG KHYAD PAR DU KUN BTAGS PA RANG GI MTSAN NYID KYIS GRUB PA
BKAG PA'I CHOS KYI BDAG MED SHER PHYIN GYI

@6B MDO'I DON DU 'GREL TSUL THEG BSDUS JI LTA BA BZHIN DU BSHAD
PA'I PHYIR, 'O NA GZUGS SOGS KYI CHOS RNAMS RANG NYID RANG NYID
CES PA'I THA SNYAD 'JUG PA'I 'JUG GZHIR RANG GI MTSAN NYID KYIS
GRUB PAR 'DZIN PA'I RTOG PA, DE KHO NA NYID KYI DON LA SGRO
'DOGS PA'I SGRO 'DOGS DANG, GZUGS SOGS KYI CHOS THAMS CAD RANG
NYID

RANG NYID CES PA'I THA SNYAD 'JUG PA'I 'JUG GZHI YIN NA, DE'I
TSUL SOGS JI LTA BU ZHE NA, DE LA RTOG PA'I ZHEN TSUL LAS, DBANG
SHES KYI SNANG TSUL NGES DKA' BAS, DE BRJOD NA, DBU MA RANG
RGYUD PA RNAMS DBANG SHES LA DON DAM DPYOD BYED KYI RTAGS KYI
DGAG BYA MI SNANG BAR 'DOD KYANG, THAL 'GYUR BA DANG SEMS TZAM

PA GNYIS DBANG SHES LA DE SNANG BAR 'DOD PAS DE BSHAD NA, BRDA
SBYANG GI SKYES BUS YID GTAD PA'I TSUL GYI SNGON PO MTHONG BA'I
TSE PHYIN CI LOG MA LOG GI SNANG TSUL GSUM 'BYUNG STE, MIG SHES
DE LA SNGON PO SNGON POR SNANG TSUL GCIG  ,SNGON PO 'DI NI GZUGS
SO, ,'DI NI GZUGS KYI SKYE BA'O, ,ZHES SOGS NGO BO

DANG KHYAD PAR GYI THA SNYAD 'JUG PA'I 'JUG GZHIR SNGON POR
SNANG BA'I SNANG TSUL GCIG DANG 'JUG GZHI DER RANG GI MTSAN NYID
KYIS GRUB PAR SNANG BA'I SNANG TSUL GCIG DANG GSUM 'BYUNG BA'I
PHYIR, DE'I SNANG TSUL DANG PO GNYIS SNANG TSUL DON MTHUN DANG,
PHYI MA PHYIN CI LOG GI SNANG TSUL YIN TE, SNGON PO SNGON PO
YANG

YIN, SNGON PO 'DI NI GZUGS SO, ,'DI NI GZUGS KYI SKYE BA'O ZHES
SOGS THA SNYAD 'JUG PA'I 'JUG GZHI YANG YIN PA'I PHYIR, PHYI MA
PHYIN CI LOG GI SNANG TSUL YIN TE, CHOS KYI BDAG 'DZIN GYIS
BSLAD PA'I SNANG TSUL YIN PA'I PHYIR, DE LA SNANG TSUL GNYIS PA
YOD DE, DE LTA BU'I SNGON 'DZIN MIG SHES DE LA, SNGON PO

DE 'DI NI GZUGS KYI SKYE BA'O, ,ZHES SOGS KYI THA SNYAD 'JUG
PA'I 'JUG GZHIR SNGON PO LTAR SNANG BA DE LA ZHEN NAS DE DRAN
YUL DU BZHAG PA LA BRTEN NAS SNGON PO 'DI'I NGO BO GANG YIN DRIS
PA NA 'DI'I NGO BO GZUGS YIN NO ZHES LAN 'DEBS PA'I KUN SLONG GI
RTOG PA TSAD MA GZHAN LA MA BLTOS PAR RANG STOBS KYIS 'DREN PA'I

PHYIR, SNANG TSUL PHYI MA YOD DE, 'JUG GZHI DER SNGON PO RANG GI
GNAS LUGS KYI DBANG GIS GRUB PAR SNANG BA'I TSUL YOD PA'I PHYIR,
'JUG GZHI DER SNGON POR SNANG BA'I TSUL YOD PA'I PHYIR, SNANG
TSUL GYI DON DE RNAMS LA DNGOS PO YIN MIN GYI KHYAD PAR YOD DE,
SNANG TSUL DANG PO'I DON DNGOS PO DANG, GNYIS PA'I

@7A *, ,DON DANG, GSUM PA'I SNANG CHA TZAM RANG GI MING BRDAS
BZHAG PA'I RNAM GRANGS PA'I KUN BTAGS DANG SNANG BA LTAR DU GRUB
PA MTSAN NYID YONGS CHAD KYI KUN BTAGS YIN BA'I PHYIR, SNGON PO
'DI NI GZUGS SO 'DI NI GZUGS KYI SKYE BA'O ZHES SOGS KYIS THA
SNYAD 'JUG PA'I 'JUG

GZHI YIN PA MING BRDAS BZHAG TZAM YIN TE, DE NI MIG SHES DE LA
SNANG BA'I SNGON PO LTAR SNGON POR SNANG GI BAG CHAGS RGYUR BYAS
PA LAS SKYES PA YANG MA YIN, SNGON PO DE'I GNAS TSOD KYI DBANG
GIS SHAR BA YANG MA YIN PA'I PHYIR, SNGON PO 'DI NI GZUGS SO 'DI
NI GZUGS KYI SKYE BA'O ZHES SOGS KYI MING

BRDA'I BRJOD PA YANG YANG GOMS PA'I SNANG BA TZAM YIN PA'I
PHYIR, SNGON PO DE RTOG PA'I ZHEN GZHIR 'JOG PA'I DON YOD DE, DE
SNGON 'DZIN RTOG PA'I ZHEN YUL DANG DE GZUGS SU 'DZIN PA'I RTOG
PA'I ZHEN YUL TZAM MA YIN PAR SNGON GYI BAG CHAGS KYI DBANG GIS
DE 'DI NI GZUGS SO 'DI NI GZUGS KYI SKYE BA'O,

SNYAM DU 'DZIN PA'I RTOG PA'I ZHEN GZHI DANG, DE 'DRA BA'I THA
SNYAD 'JUG PA'I 'JUG GZHIR RANG GI MTSAN NYID KYIS GRUB PAR
'DZIN PA'I PHYIN CI LOG GI ZHEN PA DANG, 'JUG GZHI DER GRUB PAR
'DZIN PA'I PHYIN CI MA LOG PAR ZHEN PA'I RTOG PA YANG YANG
BSKYED NAS DE 'DRA BA'I SNGAR GYI BAG CHAGS GIS, ,PHYIS KYI BAG
CHAGS

'JOG PA'I GZHI YIN PA'I RGYU MTSAN GYIS DE LTAR BSHAD PA'I
PHYIR, MDO SDE PA NI SNANG TSUL GSUM GA'I DON DNGOS PO RANG
MTSAN PAR 'DOD DE, DBANG SHES MA 'KHRUL BA'I SNANG YUL DU GYUR
PA'I SPYI MTSAN MI BZHED PA'I PHYIR, SNGON PO DE SNGON 'DZIN
RTOG PA'I ZHEN YUL YIN PA, SNGON 'DZIN RTOG PA'I ZHEN YUL, SNGON
PO

SNGON PO ZHES PA'I SGRA'I BRJOD BYA YIN PA, SGRA DE'I BRJOD BYA
SPYI MTSAN DNGOS MED DU 'DOD PA DANG, RTOG PA DE'I ZHEN YUL DU
GYUR PA'I SNGON PO RANG MTSAN DANG, SGRA DE'I BRJOD BYAR GYUR
PA'I SNGON PO RANG MTSAN YIN PA DANG, DER MA ZAD GZHI LDOG SNGON
PO GZUGS KYI NGO BO DANG KHYAD PAR GYI THA SNYAD 'JUG PA'I 'JUG
GZHI

YIN PA, DE 'DRA'I RTOG PA'I ZHEN GZHI DNGOS PO RANG MTSAN YIN PA
SOGS KYANG SNGON PO DANG GZUGS KYI NGO BO DANG KHYAD PAR GYI THA
SNYAD 'JUG GZHIR RANG GI MTSAN NYID KYIS GRUB PAR 'DZIN PA'I
'DZIN STANGS 'THAD LDAN DU 'DOD PA SOGS LUGS DE LA MI 'GAL BAR
'DOD DE, DRANG NGES RNAM 'BYED LAS, DE'I PHYIR

@7B GZUGS ZHES THA SNYAD BTAGS PA'I TSE SNGON PO GZUGS KYI THA
SNYAD 'JUGS PA'I GZHI YIN PA DE JI LTAR SNANG BLTAS PA NA MING
DANG BRDAS BZHAG PA MA YIN PAR RANG GI GNAS LUGS KYI DBANG GIS
GRUB PA BZHIN DU SNANG NGO, ,SNGON PO DE JI LTAR SNANG BA LTAR
DU GRUB PAR 'DZIN PA NI SNGON PO LA GZUGS SO ZHES MING DU BTAGS

PA LA RANG GI MTSAN NYID KYIS GRUB PAR 'DZIN PA'I SGRO 'DOGS YIN
LA BYIS PA RNAMS LA YOD PA SNGAR BSHAD PA DES GRUB CING DE
'DRA'I 'DZIN STANGS 'THAD LDAN DU DON SMRA SDE GNYIS KYANG 'DOD
PAS SGRA'I BRJOD BYA'I RANG LDOG RTOG BTAGS YIN KYANG DE'I GZHI
LDOG TU RANG MTSAN 'ONG BA'I LUGS DANG GA LA MTSUNGS, ZHES

GSUNGS PA'I PHYIR, KHA CIG  ,MDO SDE PA'I LUGS LA SPYI MTSAN
SPYI MTSAN ZHES PA'I THA SNYAD 'JUG PA'I 'JUG GZHIR RANG GI
MTSAN NYID KYIS GRUB PAR 'DOD PAR THAL, DES DE LTAR MA GRUB NA
SPYI MTSAN YOD PAR 'JOG MI SHES PA'I PHYIR, DRANG NGES RNAM
'BYED LAS, GZUGS SOGS RTOG PA'I ZHEN GZHI DANG BRDA' 'DOGS PA'I

GNAS SU RANG MTSAN GYIS GRUB PA KHEGS NA DE DAG YOD PAR 'JOG MI
SHES TE, TSAD MA PA LA GRAGS PA'I RANG MTSAN NI MIN NO, ,ZHES
GSUNGS PA'I PHYIR, 'DOD NA, 'O NA, MDO SDE PAS SPYI MTSAN RANG
GI MTSAN NYID KYIS GRUB PAR 'DOD PAR THAL, 'DOD PA DE'I PHYIR,
'DOD NA, SPYI SKAD DANG KHAS BLANGS GNYIS KA DANG

'GAL, KHA CIG THAL 'GYUR SNGA MA LA MA KHYAB ZER NA, 'O NA, DES
SPYI MTSAN SPYI MTSAN ZHES PA'I THA SNYAD 'JUG PA'I 'JUG GZHI
YIN PA RANG GI MTSAN NYID KYIS GRUB PAR 'DOD PAR THAL, MA KHYAB
PA DE'I PHYIR, 'DOD NA, DES DE RANG MTSAN DU 'DOD PAR THAL, 'DOD
PA DE'I PHYIR, 'DOD NA, SPYI MTSAN RANG MTSAN

DU THAL BA LDOG TU MED DO, ,KHA CIG  ,GSUNG DE LA BRTEN NAS MDO
SDE PA'I LUGS LA NAM MKHA' DANG SPYI MTSAN SOGS 'DUS MA BYAS KYI
CHOS RNAMS KYANG RANG GI MTSAN NYID KYIS GRUB PAR 'DOD ZER NA,
DE'I LUGS LA GZUGS GZUGS 'DZIN RTOG PA'I ZHEN GZHI YIN PA DANG,
GZUGS 'DZIN RTOG PA'I ZHEN

YUL GNYIS LA RTOG PAS SGRO BTAGS TZAM YIN MIN GYI KHYAD PAR MED
PAR THAL, DE GNYIS LA RANG GI MTSAN NYID KYIS GRUB MA GRUB KYI
KHYAD PAR MED PA'I PHYIR, RTAGS KHAS, 'DOD MI NUS TE, DRANG NGES
RNAMS 'BYED LAS, SGRA'I BRJOD BYA'I RANG SDOG RTOG BTAGS YIN
YANG GZHI LDOG TU RANG MTSAN 'ONG BA'I LUGS

@8A *, ,DANG GA LA MTSUNGS, ZHES GSUNGS PA'I PHYIR, GZHAN YANG,
SHES BYA LA RANG SPYI GNYIS KYI DRANG NGES KYANG MI 'THAD PAR
THAL, SHES BYA YIN NA RANG GI MTSAN NYID KYIS GRUB PAS KHYAB
PA'I PHYIR, KHA CIG  ,DE'I LUGS LA GZHI GRUB NA CHOS BDAG YIN
PAS KHYAB PA KHAS LEN PA YIN ZER

NA; 'O NA, SEMS TZAM PA'I LUGS GZHIR BZHAG LA DES NGO BO DANG
KHYAD PAR LA KUN BTAGS PA'I KUN BTAGS RANG GI MTSAN NYID KYIS
GRUB PAR KHAS BLANGS NA DES DE CHOS BDAG TU KHAS BLANGS PAS
KHYAB PAR THAL, DAM BCA' 'THAD PA'I PHYIR, 'DOD NA, SLOB DPON
LEGS LDAN 'BYED KYIS KYANG NGO BO DANG KHYAD

PAR LA KUN BTAGS PA'I KUN BTAGS CHOS BDAG TU KHAS BLANGS PAR
THAL, DES DE RANG GI MTSAN NYID KYIS GRUB PAR KHAS BLANGS PA
GANG ZHIG  ,'DOD PA'I PHYIR, 'DOD MI NUS TE, DES DE CHOS KYI
BDAG MED DU KHAS BLANGS PA'I PHYIR DANG, CHOS BDAG KHAS BLANGS
NA DBU SEMS KYI DRI MI BRO BA'I PHYIR, MDO SDE

PA'I LUGS GZHIR GZHOG  ,GANG ZAG GI BDAG MED CHOS CAN, KHYOD
GZHI CHOS CAN GCIG GI STENG DU BKAG PA CHOS KYI BDAG MED DU
'GYUR BA YOD PAR THAL, KHYOD CHOS BDAG YIN PA'I PHYIR, RANG LUGS
GSUNG DE DAG GI DON YOD DE, NAM MKHA' LTA BU NYAN THOS SDE GNYIS
KYI NAM MKHA' ZHES PA'I THA

SNYAD 'JUG PA'I 'JUG GZHIR RANG GI GNAS LUGS KYI DBANG GIS MA
GRUB NA DE DAG YOD PAR 'JOG MI SHES SHING, DE YANG DON BYED NUS
PA MA YIN NA DE DAG YOD PAR 'JOG MI SHES PA MIN PA GCIG BSTAN
ZHING, SEMS TZAM PAS GZHAL BA NA DE DAG 'JUG GZHI DER RANG GI
MTSAN NYID KYIS MA GRUB NA

YOD PAR 'JOG MI SHES PAR SONG ZHES PA'I DON YIN PA'I PHYIR,
'DI'I SKABS SU BRJOD PAR BYA BA MANG YANG YI GE MANG BAS 'JIGS
STE RE ZHIG MA BRIS SO, ,DE LTAR BYAS NA BRDA' SBYANG GI SKYES
BUS YID GTAD PA'I TSUL GYI SNGON PO MTHONG BA'I BAG CHAGS BRTAN
BYUNG GI DBANG SHES LA SNGON PO GZUGS KYI NGO BO

DANG KHYAD PAR GYI THA SNYAD 'JUG PA'I 'JUG GZHIR RANG GI MTSAN
NYID KYIS GRUB PAR SNANG BA LTAR DU GRUB PA DANG, DE LTAR GRUB
PAR 'DZIN PA'I RTOG PA'I ZHEN YUL 'DI'I LUGS KYI DON DAM LA
SPYOD PA'I RTAGS KYI DGAG BYA MTHAR THUG DANG, DE LTAR 'DZIN
PA'I RTOG PA CHOS KYI BDAG 'DZIN PHRA MO YIN TE, DGAG BYA

@8B DE DAG LUNG RIGS RNAM DAG GIS BKAG PA'I MED DGAG DE NYID
NYAN RANG RNAMS DANG THUN MONG MIN PA'I ZAB MO'I DON DANG, RNAM
DAG GI DMIGS PA MTHAR THUG YIN PA'I PHYIR, DE LA LUNG GIS SGRUB
BYED YANG DAG YOD DE, DGONGS 'GREL, LANG GSHEGS, RGYAN STUG PO
SOGS DANG, DER MA ZAD SRID PA 'PHO BA'I MDO DANG,

DON GYI SDE TSAN PA'I MDO, ,SDUM BYED KA TA YA NA LA GDAMS PA'I
MDO SOGS KYIS GRUB PA'I PHYIR, RIGS PA GANG GIS KHEGS NA RIGS PA
GSUM LAS, DANG PO NI LTO LDIR BA BUM PA'I THA SNYAD KYI GZHIR
'JOG PA BUM PA ZHES PA'I MING BRDA' LA GTAN MI BLTOS PAR THAL,
DE DER LTO LDIR BA RANG GI DNGOS PO'I GNAS

LUGS KYI DBANG GIS GRUB PA'I PHYIR, 'DOD NA, LTO LDIR BA LA BUM
PA'O SNYAM PA'I BLO SKYE BA BUM PA ZHES PA'I BRDA' LA MI BLTOS
PAR THAL, 'DOD PA DE'I PHYIR, 'DOD NA, LTO LDIR BA LA BUM PA
ZHES PA'I MING MA THOGS PA'I SKYES BUS KYANG LTO LDIR BA MTHONG
BA NA BUM PA'O SNYAM PA'I BLO SKYE BA YIN PAR THAL, DE LTAR THAL
BA

LAS DE'I GONG DU DE 'DRA'I BLO SKYE BA MED PA'I PHYIR, DE DE'I
THA SNYAD KYI GZHIR RANG GI MTSAN NYID KYIS MA GRUB BO, ,RIGS PA
GNYIS PA NI SKYES BU GCIG LA BRGYA BYIN DANG, DBANG PO, GRONG
'JOMS SOGS KYI MING DU MA 'JUG PA'I TSE MING DE DAG SKYES BU DE
LA DNGOS DBANG GIS 'JUG PAR THAL, SKYES BU DE MING DE DAG 'JUG
PA'I

GZHIR DNGOS PO'I GNAS LUGS KYI DBANG GIS GRUB PA'I PHYIR, 'DOD
NA, SKYES BU GCIG PO DE MING DU MA LTAR DON YANG RGYUD THA DAD
DU MAR THAL LO, ,'DIS KYANG SNGAR LTAR SGRUB BYED 'PHEN NO,
,RIGS PA GSUM PA NI SKYES BU GNYIS LA LHAS BYIN ZHES MING GCIG
'JUG PA'I TSE'ANG DE GNYIS LA MING GCIG PO DE DNGOS DBANG GIS
'JUG

PAR THAL, DE GNYIS MING GCIG PO DE 'JUG PA'I GZHIR DNGOS PO'I
GNAS LUGS KYI DBANG GIS GRUB PA'I PHYIR, 'DOD NA, DE GNYIS MING
GCIG YIN PA BZHIN DU DON YANG GCIG TU 'GYUR BAS SKYES BU DE
GNYIS RGYUD 'DRES PAR THAL LO, ,DE LTAR YANG THEG BSDUS LAS,
MING GI SNGA ROL BLO MED PHYIR, ,MANG BA'I PHYIR DANG MA 'DRES

PHYIR, , DE YI BDAG NYID BDAG MANG DANG, ,BDAG 'DRAS 'GAL BAS
'GRUB PAR 'GYUR, ,ZHES GSUNGS PA'I PHYIR, DE LTAR BSHAD KYI BUM
PA ZHES PA'I MING MA BTAGS GONG GI LTO LDIR BA BUM PA YIN MIN
RTZOD PA SOGS NI DON MI CHE SNYAM MO, ,DON SMRA GNYIS KYI LTO
LDIR BA BUM PA ZHES PA'I SGRA'I BRJOD BYA RANG GI MTSAN NYID
KYIS

@9A *, ,GRUB NA BRDA 'BREL BYAS PA LA MI BLTOS PA SOGS KYI SKYON
YOD KYANG LTO LDIR BA BUM PA ZHES PA'I THA SNYAD 'JUG PA'I 'JUG
GZHI YIN PA RANG GI MTSAN NYID KYIS GRUB PA LA SKYON DER MI
'GYUR, ZHES ZER YANG RNAM PA KUN TU MTSUNGS SO, ,DON SMRA GNYIS
KYIS GZUGS SOGS NGO BO DANG KHYAD

PAR GYI THA SNYAD 'JUG PA'I 'JUG GZHIR RANG GI GNAS LUGS KYI
DBANG GIS MA GRUB NA DE DAG YOD PAR 'JOG MI SHES, SEMS TZAM PAS
DE LTAR MA GRUB NA DE DAG YOD PAR 'JOG SHES KYANG GSUM GAS MING
BRDAS BZHAG TZAM YIN PHYIN DE LA RGYU 'BRAS MI RUNG BAR 'DOD DE,
RGYU 'BRAS KYI BYA BA BYED PA'I CHOS YIN NA RANG GI

MTSAN NYID KYIS GRUB PAS KHYAB PA BZHED PA'I PHYIR, DE LA KHA
CIG  ,GONG DU BSHAD PA DE DAG MI 'THAD PAR THAL, GZUGS SOGS KYI
CHOS RNAMS NGO BO DANG KHYAD PAR GYI THA SNYAD 'JUG PA'I 'JUG
GZHIR RANG GI GNAS LUGS KYI DBANG GIS MA GRUB NA NYAN THOS SDE
GNYIS SU MA ZAD SEMS TZAM PAS KYANG DE DAG 'JOG

PAR MI SHES PA'I PHYIR TE, DER RANG GI GNAS TSUL GYI DBANG GIS
MA GRUB NA, DE DAG YOD PAR 'JOG MI SHES PA'I PHYIR, ZER NA, RNAM
PA GCIG TU MA KHYAB, DER THAL, DER RANG NGOS NAS MA GRUB NA DE
DAG YOD PAR 'JOG MI SHES PA'I PHYIR, ZER NA MA KHYAB, MA GRUB NA
DER THAL, DER MED NA DE DAG YOD PAR 'JOG MI

SHES PA'I PHYIR, GZUGS SOGS RANG NYID RANG NYID CES PA'I THA
SNYAD 'JUG PA'I 'JUG GZHIR RANG GI MTSAN NYID KYIS GRUB PA BKAG
PA DE CHOS KYI BDAG MED MTHAR THUG PA YIN NA DE LA BRTEN NAS
RNAM PAR RIG PA TZAM DU 'JUG PA'I TSUL DE JI LTA BU YIN ZHE NA,
DE'I TSUL YANG YOD DE, GZUGS NAS RNAM MKHYEN GYI BAR

GYI CHOS THAMS CAD MING DANG BRDAS THA SNYAD 'DOGS PA'I GNAS
DANG, RANG 'DZIN RTOG PA'I ZHEN GZHIR RANG GI MTSAN NYID KYIS
GRUB PA KHEGS DE LA BRTEN NAS MING DANG BRJOD BYA'I DON LA 'BREL
BA GRUB, DE LA BRTEN NAS BRJOD BYA'I DON DE MING DE LA MA BLTOS
PAR BRJOD BYA'I DON GYI NGO BO DANG KHYAD PAR DU DON DE DANG
DE'I GNAS

TSUL GYI NGOS NAS GRUB PA LTA BUR SNANG NAS ZHEN PA'I YID KYI
SHES PA LOG SHES SU GRUB, DE LA BRTEN NAS RDZAS 'DZIN BKAG PA'I
RNAM PAR RIG PA TZAM DU 'JUG PA'I PHYIR, DE LA BRTEN NAS PHYI
ROL DON LA BLTOS PA'I GZUGS 'DZIN RDZAS GZHAN KHEGS PA'I RGYU
MTSAN YOD DE, GZUGS SOGS NGO BO DANG KHYAD PAR

@9B GYI THA SNYAD 'JUG PA'I GZHIR RANG GI MTSAN NYID KYIS GRUB
PAR ZHEN PA'I RTOG PA LOG SHES SU GRUB PA LA BRTEN NAS DE LTAR
SNANG BA'I DBANG SHES LA SNANG BA LTAR GRUB PA KHEGS PAS DBANG
SHES SNGA MA 'GAG PA'I TSE PHYI MA'I BAG CHAGS BZHAG PA SMIN
PA'I DBANG GIS PHYI MA'I DBANG SHES KYI RDZAS SU GYUR PA'I GZUGS

SU SNANG BA MIN PAR PHYI ROL NAS RANG 'DRA'I RNAM PA GTAD PA'I
SGO NAS SNANG BAS PHYI ROL GYI STOBS LAS SKYES PA KHEGS PA'I
PHYIR, DE LTAR BYAS NA GZUGS NAS RNAM MKHYEN GYI BAR GYI CHOS
THAMS CAD RANG GI STENG DU GNAS LUGS GTAN LA 'BEBS PA'I GZHI'I
GZHAN DBANG DANG, DE'I STENG DU NGO BO DANG KHYAD PAR DU

KUN BTAGS PA KUN BTAGS DANG, BTAGS PA LTAR DU RANG GI MTSAN NYID
KYIS GRUB PAS STONG PA YONGS GRUB YIN ZHING, DE LTAR BYAS NA
RANG GI RGYU RKYEN GYIS BSKYED PA'I CHOS, GZHAN DBANG GI MTSAN
NYID, RANG 'DZIN RTOG PAS BTAGS TZAM GANG ZHIG  ,RANG 'DZIN PA'I
BLO 'KHRUL PA'I NGOS NAS GRUB PA, KUN

BTAGS KYI MTSAN NYID, RNAM DAG LAM GYI DMIGS PA MTHAR THUG
,YONGS GRUB KYI MTSAN NYID, 'O NA GZUGS GZUGS ZHES PA'I THA
SNYAD 'JUG PA'I 'JUG GZHIR, RANG GIS MTSAN NYID KYIS MA GRUB PA
CHOS KYI BDAG MED PHRA MO YIN NA, GZUGS GZUGS ZHES PA'I THA
SNYAD 'JUG PA'I 'JUG GZHI DER YOD DAM

MED CE NA, YOD DE, DER RANG GI MTSAN NYID KYIS MA GRUB PA DE
GZHI CHOS CAN DANG 'BREL BA'I CHOS NYID YIN PA'I PHYIR, GZHAN
YANG 'JUG GZHI DER YOD PAR THAL, GZUGS ZHES NGO BO DANG KHYAD
PAR DU KUN BTAGS PA'I NGO BOR YOD PA'I PHYIR TE, DRANG NGES RNAM
'BYED LAS, PHUNG PO LA SOGS PA LA 'DI GZUGS SO

ZHES NGO BO DANG 'DI GZUGS KYI SKYE BA'O ZHES SOGS KHYAD PAR DU
MING DANG BRDAR BTAGS PA'I NGO BO DE TZAM ZHIG TU NI PHUNG PO LA
SOGS PA YOD PAS DER YOD PAR 'DZIN PA SGRO 'DOGS MIN GYI PHUNG
SOGS NGO BO DANG RANG GI MTSAN NYID KYIS YOD PAR 'DZIN PA SGRO
'DOGS SO, ,ZHES GSUNGS PA'I PHYIR, SNGON PO SOGS THA

SNYAD 'JUG PA'I GZHI DER GZHAN DBANG YIN TE, BAG CHAGS BRTAN
BYUNG GI DBANG SHES LA SNGON PO ZHES PA'I THA SNYAD 'JUG PA'I
'JUG GZHI DER SNGON POR SNANG BA'I SNANG TSUL YOD PA GANG ZHIG
,DE SNANG TSUL DON MTHUN YIN PA'I PHYIR, GANG ZHIG DER THAL,
SNGON PO ZHES BRJOD PA'I SGRA'I DON GANG YIN, ZHES

@10A *, ,DRIS PA NA 'DI GZUGS YIN NO, ,ZHES LAN 'DEBS PA'I RTOG
PA RANG STOBS KYIS 'DREN PA'I PHYIR, DER THAL, DRANG NGES RNAM
'BYED LAS, GZUGS ZHES BRJOD PA'I DON DE'I NGO BO NYID GANG YIN
DRIS PA NA DE'I NGO BO NYID GZUGS YIN NO, ,ZHES SMRA'I GZUGS
ZHES PA'I MING

DU BTAGS PA TZAM ZHIG GZUGS ZHES BRJOD PA'I DON DE'I NGO BO NYID
YIN NO ZHES SMRA RGYU MED DO, ,ZHES GSUNGS PA'I PHYIR, KHO NA RE
SNGON PO SNGON PO ZHES PA'I THA SNYAD 'JUG PA'I 'JUG GZHIR BDEN
PAR GRUB PAR THAL, DER GZHAN DBANG YIN PA'I PHYIR, KHYAB STE,
GZHAN DBANG YIN NA BDEN PAR GRUB DGOS

PA'I PHYIR ZER NA, 'O NA SEMS CAN SEMS CAN SANGS RGYAS PA'I TSE
YOD PAR THAL, DE DE SANGS RGYAS PA'I TSE SANGS RGYAS 'PHAGS PA
YIN PA'I PHYIR, KHYAB STE, SANGS RGYAS 'PHAGS PA YIN NA YOD DGOS
PA'I PHYIR, KHYAB PA KHAS, KHA CIG  ,KHYOD KHYOD RANG YIN PA'I
DNGOS PO YIN NA KHYOD KHYOD CES PA'I THA

SNYAD 'JUG PA'I 'JUG ZHIR KHYOD KHYOD RANG YIN DGOS PAR THAL,
SNGON PO SNGON PO ZHES PA'I THA SNYAD 'JUG PA'I 'JUG GZHIR SNGON
PO SNGON PO YIN PA'I PHYIR, 'DOD NA BDEN PAR GRUB PA'I DNGOS PO
CHOS CAN, DER THAL, DE'I PHYIR, 'DOD MI NUS TE, DER BDEN PAR MA
GRUB PA'I PHYIR, ZER NA MA KHYAB

'O NA SEMS CAN SEMS CAN SANGS RGYAS PA'I TSE YOD PAR THAL, SEMS
CAN SANGS RGYAS PA'I TSE DE YOD PA'I SANGS RGYAS 'PHAGS PA YIN
PA'I PHYIR, DER THAL, DE'I TSE YOD PA'I SANGS RGYAS 'PHAGS PA
DANG MED PA'I SANGS RGYAS 'PHAGS PA GANG RUNG YIN, MED PA'I
SANGS RGYAS 'PHAGS PA MA YIN

PA'I PHYIR, ZHES ZER NA KHO NA RE, GANG ZAG GI BDAG MED CHOS
CAN, RNAM DAG GI DMIGS PA MTHAR THUG YIN PAR THAL, YONGS GRUB
YIN PA'I PHYIR, DER THAL, GANG ZAG GI BDAG MED PHRA MO YIN PA'I
PHYIR, KHYAB STE, DBUS MTHA' LAS, RNAM DAG SPYOD YUL RNAM GNYIS
TE, ,GCIG PO KHO NAR

BRJOD PA YIN, ,ZHES GSUNGS PA'I PHYIR DANG, DE'I 'GREL PA LAS,
YONGS SU GRUB PA'I NGO BO NYID DU BRJOD DO, ,NGO BO NYID GZHAN
NI RNAM PAR DAG PA'I YE SHES RNAM PA GNYIS KYI YUL MA YIN PA'I
PHYIR, ZHES GSUNGS PA'I PHYIR, ZER NA SKYON MED DE, DE'I DON NI
GANG ZAG GI BDAG MED KYI DBANG DU

@10B BYAS PA'I MTSAN NYID GSUM GYI NANG NAS GANG ZAG GI BDAG MED
KHO NA NYON SGRIB DAG PAR BYED PA'I RNAM DAG GI DMIGS PA DANG
DE'I DBANG DU BYAS PA'I YONGS GRUB YIN ZHES PA'I DON YIN PA'I
PHYIR DANG, CHOS KYI BDAG MED KYI DBANG DU BYAS PA'I MTSAN NYID
GSUM GYI NANG NAS CHOS KYI BDAG MED DE SHES SGRIB DAG

PA'I RNAM DAG GI DMIGS PA DANG, DE'I DBANG DU BYAS PA'I YONGS
GRUB YIN ZHES PA'I DON YIN PA'I PHYIR, KHA CIG  ,NAM MKHA' 'DZIN
PA'I TSAD MA NAM MKHA'I GZHAN DBANG YIN ZER NA, GZUGS 'DZIN TSAD
MA GZUGS KYI GZHAN DBANG YIN PAR THAL, 'DOD PA'I PHYIR, 'DOD NA
MA YIN PAR THAL, DGONGS

'GREL LAS, GZUGS PHUNG GI STENG DU MTSAN NYID GSUM GYI RNAM
GZHAG BYAS NAS CHOS KYI BDAG MED GTAN LA 'BEBS TSUL DE KHAMS BCO
BRGYAD KYI BAR LA SBYAR BAR GSUNGS PA GANG ZHIG  ,DE LA GZUGS
PHUNG GZUGS PHUNG GI GZHAN DBANG DANG, DE'I STENG DU NGO BO DANG
KHYAD PAR LA KUN BTAGS PA KUN BTAGS

SU GSUNGS PA'I PHYIR, GANG ZHIG DER THAL, DRANG NGES RNAM 'BYED
LAS, GZUGS PHUNG LA JI LTAR SBYAR BA BZHIN DU PHUNG PO LHAG MA
BZHI DANG, ZHES SOGS GSUNGS PA'I PHYIR, GZHAN YANG NAM MKHA'
'DZIN PA'I TSAD MA NAM MKHA'I GZHAN DBANG MA YIN PAR THAL, DE
NAM MKHA' 'DZIN PA'I TSAD MA'I GZHAN

DBANG DU 'DOD PA'I PHYIR, KHA CIG  ,NAM MKHA' NAM MKHA'I GZHAN
DBANG MA YIN PAR THAL, DE DE'I KUN BTAGS YIN PA'I PHYIR, DER
THAL, DE KUN BTAGS YIN PA'I PHYIR ZER NA 'O NA CHOS NYID CHOS
NYID KYI CHOS NYID YIN PAR THAL, DE CHOS NYID YIN PA'I PHYIR,
KHA CIG  ,GZUGS PHUNG GZUGS PHUNG GI CHOS

NYID GTAN LA 'BEBS PA'I GZHAN DBANG YIN PA DANG, GZUGS PHUNG
'DZIN PA'I TSAD MA GZUGS PHUNG GI GZHAN DBANG YIN PA MI 'GAL BAR
THAL, GZUGS GZUGS 'DZIN PA'I TSAD MA DANG RDZAS THA DAD KYIS
STONG BA'I STONG NYID DE GZUGS DANG DE 'DZIN PA'I TSAD MA GNYIS
KA'I GNAS LUGS YIN PA'I PHYIR, DER

THAL, RNAM 'GREL LAS, DE PHYIR, GNYIS STONG GANG YIN PA, ,DE NI
DE'I YANG DE NYID YIN, ,ZHES PA DANG, DE LA GCIG NI MED PAS
KYANG, ,GNYIS KA'ANG MNYAM PAR 'GYUR BA YIN, ,ZHES GSUNGS PA'I
PHYIR, ZER NA 'O NA NYER LEN GYI PHUNG PO 'DZIN PA'I RNAM MKHYEN
DANG NYER LEN GYI PHUNG PO RDZAS THA DAD KYIS

@11A *, ,STONG BA DE DE GNYIS KA'I GNAS LUGS YIN PAR THAL, NYER
LEN GYI PHUNG PO 'DZIN PA'I TSAD MA NYER LEN GYI PHUNG PO DANG
RDZAS THA DAD KYIS STONG BA DE GNYIS KA'I GNAS LUGS YIN PA'I
PHYIR, KHA CIG  , MA KHYAB ZER MA GRUB NA, DER THAL, GZUGS DANG
GZUGS 'DZIN PA'I TSAD

MA RDZAS THA DAD KYIS STONG BA DE DE GNYIS KA'I GNAS LUGS YIN
PA'I PHYIR, 'DOD NA DE CHOS CAN, SGRIB PA SPANGS PA'I CHOS NYID
YIN PAR THAL, 'DOD PA'I PHYIR, 'DOD NA MA YIN PAR THAL, SGRIB PA
MA SPANGS PA'I CHOS NYID YIN PA'I PHYIR, NYER LEN GYI PHUNG PO'I
CHOS NYID YIN PA'I PHYIR, MA KHYAB MTSAMS

LA LONGS SKU'I DBU SKRA BUNG BA LTAR GNAG DANG, DE 'DZIN PA'I
TSAD MA RDZAS GZHAN GYIS STONG BA CHOS CAN, SGRIB PA SPANGS PA'I
GNAS LUGS YIN PAR THAL, LONGS SKU'I DBU SKRA BUNG BA LTAR GNAG
GI GNAS LUGS YIN PA'I PHYIR, 'DOD NA, MA YIN PAR THAL, DE 'DZIN
PA'I TSAD MA'I GNAS LUGS YIN

PA'I PHYIR, KHYAB STE, DE 'DZIN PA'I TSAD MA SGRIB PA MA SPANGS
PA'I CHOS YIN PA'I PHYIR, DE RGYUD LDAN GYI BYANG 'PHAGS YOD
PA'I PHYIR, DE 'DZIN PA'I TSAD MA'I GNAS LUGS SU KHAS BLANGS SO,
,GZHAN YANG, SHES SGRIB GZUNG RTOG DANG 'DZIN RTOG YIN KHYAB
MNYAM YIN PA DANG, PHYI STONG PA NYID DANG NANG STONG PA

NYID MI 'GAL BA DANG, DNGOS PO STONG PA NYID DANG, DNGOS PO MED
PA STONG PA NYID YIN KHYAB MNYAM YIN PAR THAL, GZUGS KYI GNAS
LUGS DANG GZUGS 'DZIN TSAD MA'I GNAS LUGS YIN KHYAB MNYAM YIN
PA'I PHYIR, 'DOD NA MI 'THAD DE, SHES SGRIB GZUNG 'DZIN GYI RNAM
PAR RTOG PA MNGON GYUR BA

'GO GNON DKA' SLA'I KHYAD PAR YOD PA'I PHYIR, MDO SDE RGYAN LAS,
DE TSE DE YI GZUNG BA YI, ,RNAM PAR G-YENG BA DE SPONG 'GYUR,
,'DI LTAR DE YI 'JUG THOGS SU, ,'DZIN PA'I RNAM PAR G-YENG BA
SPONG, ,ZHES GSUNGS PA'I PHYIR, KHA CIG  , SANGS RGYAS KYI SA NA
BLO BUR RNAM DAG YOD KYANG, RANG BZHIN RNAM DAG MED

PAS NYER LEN GYI PHUNG PO'I CHOS NYID DU GYUR PA'I RANG BZHIN
RNAM DAG KHAS BLANGS PA'I SKYON MED DO, ZHES ZER NA, DE MI 'THAD
DE, DBU SEMS GNYIS MA DAG PA'I GZHAN DBANG BDEN PAR GRUB MA GRUB
RTZOD PA'I SKABS SU RANG BZHIN RNAM DAG KHAS LEN PA GZHIR BYAS
KYI STENG NAS BLO BUR RNAM DAG KHAS LEN DGOS

@11B MI DGOS RTZOD PA'I PHYIR, DE LTAR YIN KYANG RNAM 'GREL GYI
LUNG DANG 'GAL BA'I SKYON MED DE, LUNG DANG PO'I DON GZUGS GZUGS
'DZIN TSAD MA DANG RDZAS THA DAD KYIS STONG BA DE GZUGS KYI GNAS
LUGS YIN PAR MA ZAD, GZUGS 'DZIN TSAD MA GZUGS DANG RDZAS THA
DAD KYIS STONG BA DE GZUGS 'DZIN TSAD MA'I

GNAS LUGS YIN ZHES PA'I DON YIN PA'I PHYIR, KHA CIG KUN BTAGS
RANG GI MTSAN NYID KYIS MA GRUB PA DE GNAS LUGS MTHAR THUG YIN
ZER NA, MA YIN PAR THAL, NAM MKHA' DANG SPYI MTSAN RANG GI MTSAN
NYID KYIS MA GRUB PA DE GNAS LUGS MTHAR THUG MA YIN PA'I PHYIR
TE, MDO SDE PAS KYANG TSAD MAS

GRUB PA'I PHYIR TE, DE DNGOS MED DU TSAD MAS GRUB ZIN PA'I
PHYIR, KUN BTAGS RANG GI MTSAN NYID KYIS MA GRUB PA DE KUN BTAGS
KYI GNAS LUGS MTHAR THUG MA YIN PAR THAL, KUN BTAGS KUN BTAGS
ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS
MA GRUB PA DE DE'I GNAS LUGS

MTHAR THUG YIN PA'I PHYIR, MA GRUB NA KUN BTAGS CHOS CAN, KHYOD
KHYOD CES PA'I THA SNYAD 'JUG PA'I 'JUG GZHIR RANG GI MTSAN NYID
KYIS MA GRUB PA DE KHYOD KYI GNAS LUGS YIN PAR THAL, KHYOD GZHI
GRUB PA'I PHYIR, GZHAN YANG GZUGS DE GZUGS ZHES BRJOD PA'I
SGRA'I BRJOD BYA'I NGO BOR RANG GI MTSAN NYID KYIS MA

GRUB PA DE GZUGS KYI GNAS LUGS YIN PAR THAL, DAM BCA' 'THAD PA'I
PHYIR, 'DOD NA, GZUGS ZHES BRJOD PA'I SGRA'I BRJOD BYA DE GZHAN
DBANG KUN BTAGS KYIS STONG BA YONGS GRUB TU 'JOG PA LA MKHO BA'I
KUN BTAGS YIN PAR THAL, 'DOD PA'I PHYIR, 'DOD MI NUS TE, DRANG
NGES RNAM 'BYED LAS

SPYIR KUN BTAGS LA NAM MKHA' DANG SPYI MTSAN LA SOGS DU MA YOD
KYANG DGONGS 'GREL LAS MA GSUNGS PA NI GZHAN DBANG KUN BTAGS
GANG GIS STONG BA YONGS GRUB TU 'JOG PA'I SKABS SU NYE BAR MI
MKHO BAS SO, ,ZHES GSUNGS PA'I PHYIR, KHA CIG  , GZUGS GZUGS
ZHES PA'I THA SNYAD 'JUG PA'I 'JUG

GZHIR RANG GI MTSAN NYID KYIS MA GRUB PA DE CHOS KYI BDAG MED
DANG, DE THEG DMAN GYI SDE SNOD LAS MA BSTAN PAR 'DOD PA MI RIGS
PAR THAL, SRID PA 'PHO BA'I MDO LAS, MING NI GANG DANG GANG GIS
SU, ,CHOS RNAMS GANG DANG GANG BRJOD PA, ,DE NI DE LA YOD MA
YIN, ,ZHES GSUNGS PA'I PHYIR ZER NA, KHYOD

@12A *, ,KYI LUGS DE MA 'BREL TE DE THEG CHEN GYI MDO YIN PA'I
PHYIR, DES NA LUNG DE'I DON YOD DE, GZUGS LA GZUGS ZHES BRJOD
PA'I SGRA'I BRJOD BYA BDEN PAR GRUB NA BRDA' 'BREL BYED PA LA MI
BLTOS PAR DNGOS SU GSUNGS NAS DGONGS GZHI GZUGS KYI CHOS NYID LA
DGONGS NAS GSUNGS

PA'I DON YIN PA'I PHYIR, KHA CIG DES CHOS KYI BDAG MED PHRA MO
BSTAN PAS THEG DMAN GYI SDE SNOD LAS CHOS KYI BDAG MED PHRA MO
BSTAN PA YIN ZER BA DANG, YANG KHA CIG  , SRID PA 'PHO BA'I MDO
RIL PO THEG DMAN GYI MDO YIN KYANG DE 'DRA BA DE THEG CHEN GYI
MDO YIN ZER NA, 'O NA PHAL CHEN SDE PAS 'DOD PA'I RTZA

BA'I RNAM PAR SHES PA ZHES PA DES KUN GZHI'I RNAM SHES BSTAN PAR
THAL, MING NI GANG DANG GANG GIS SU, ,ZHES PA DES STONG NYID
PHRA MO BSTAN PA GANG ZHIG  , DE GNYIS DPE DON DU SBYAR NAS
GSUNGS PA'I PHYIR, 'DOD NA, 'KHOR LO DANG POS KUN GZHI BSTAN PAR
THAL, 'DOD PA'I PHYIR, DE YANG 'DOD

NA; 'KHOR LO DANG POS STONG NYID PHRA MO BSTAN PAR THAL, 'DOD
PA'I PHYIR, LUGS GNYIS PA DE MI 'THAD PAR THAL, DE 'DRA TSAD
LDAN GYI GZHUNG GANG LAS KYANG MA GSUNGS PA'I PHYIR, KHO NA RE,
BYANG SAR CHOS KYI BDAG MED PHRA MO DE SRID PA 'PHO BA'I MDO
DANG DON GYI SDE TSAN PA'I MDO DANG, SDUM BYED

KA TA YA NA LA GDAMS PA'I THEG DMAN RANG LA GRAGS PA'I MDO GSUM
GYIS BSGRUB PAR GSUNGS PA DE MI 'THAD PAR THAL, SRID PA 'PHO
BA'I MDOS STONG NYID PHRA MO MA BSTAN PA'I PHYIR, ZER NA SKYON
MED DE, MDO SDE PAS, MING NI GANG DANG GANG GIS SU, ,ZHES PA DES
GZUGS ZHES BRJOD PA'I SGRA'I BRJOD

BYA DE BDEN PAR GRUB NA BRDA' 'BREL BYAS PA LA MI BLTOS PAR 'DOD
PA DE BZHIN DU, 'DI PAS KYANG GZUGS GZUGS ZHES PA'I THA SNYAD
'JUG PA'I 'JUG GZHIR BDEN PAR MA GRUB CING, BDEN PAR GRUB NA
BRDA' 'BREL BYAS PA LA MI BLTOS PAR RIGS MTHUN GYI DPES BSGRUB
PA'I DON YIN PA'I PHYIR,, ,,

DBU MA PA'I LUGS BSHAD PA LA, DBU MA RANG RGYUD PA'I LUGS BSHAD
PA DANG, THAL 'GYUR BA'I LUGS BSHAD PA GNYIS, DANG PO LA, MDO
SDE LA 'GAL SPONG GI DRI BA ZHUS PA'I TSUL YOD DE, BCOM LDAN
'DAS KYIS DUS DANG POR BDEN PA BZHI LAS BRTZAMS TE, GZUGS NAS
BYANG PHYOGS SO

@12B BDUN GYI BAR BLO GNOD MED LA SNANG BA'I DBANG GIS GRUB PA
MA YIN PAR RANG GI BSDOD LUGS KYI NGOS NAS GRUB PAR GSUNGS, DUS
BAR PAR GZUGS NAS RNAM MKHYEN GYI BAR NGO BO NYID MED MNYAM DU
SHES RAB SNYING PO SOGS SU GSUNGS PA DE SGRA SOR BZHAG NA 'GAL
BA LTAR SNANG NA'ANG, DUS BAR PAR DE LTAR GSUNGS

PA DE GANG LA DGONGS NAS GSUNGS ZHES DNGOS SU ZHUS NAS, DANG POR
DE LTAR GSUNGS PA GANG LA DGONGS NAS GSUNGS ZHES DON GYIS ZHUS
PA'I PHYIR, DE'I LAN MDOR BSTAN RGYAS BSHAD GNYIS KYI SGO NAS
MDZAD PA'I TSUL YOD DE, SHES RAB SNYING PO LTA BUR NGO BO NYID
MED PA SOGS SU GSUNGS PA DE, MTSAN

NYID NGO BO NYID MED PA DANG SKYE BA NGO BO NYID MED PA DANG,
DON DAM PA NGO BO NYID MED PA GSUM LA DGONGS NAS GSUNGS ZHES
MDOR BSTAN PA DANG, 'O NA MTSAN NYID NGO BO NYID MED PA SOGS JI
LTAR YIN ZHE NA, KUN BTAGS KYI CHOS RNAMS MTSAN NYID NGO BO NYID
MED PA YIN LA, DE YANG DGAG PHYOGS NAS DON DAM PAR

RANG GI MTSAN NYID KYIS MA GRUB, SGRUB PHYOGS NAS MING DANG
BRDAS BZHAG PA DANG, GZHAN DBANG RNAMS DGAG PHYOGS NAS DON DAM
PAR BDAG LAS MI SKYE BA DANG, SGRUB PHYOGS NAS RANG GI RGYU
RKYEN LAS SKYE BA DANG, YONGS GRUB RNAMS DGAG PHYOGS NAS CHOS
BDAG GI NGO BO MED PA DANG, SGRUB PHYOGS NAS RNAM

DAG LAM GYI DMIGS PA MTHAR THUG YIN PA'I PHYIR, MA SKYES PA SOGS
SU GSUNGS PA'I DGONGS GZHI YOD DE, MTSAN NYID DANG MTHA' GNYIS
LA DGONGS NAS GSUNGS PA'I PHYIR, DE LTAR BYAS NA NGO BO NYID
GSUM GYI NGO BO YOD DE, GZUGS NAS RNAM MKHYEN GYI BAR THAMS CAD
GNAS LUGS GTAN LA 'BEBS PA'I

GZHI GZHAN DBANG DANG, DE'I STENG DU BDEN PAR SGRO BTAGS PA KUN
BTAGS DANG, BTAGS PA LTAR DU GRUB PAS STONG PA YONGS GRUB YIN
PA'I PHYIR, NGO BO NYID MED PA GSUM GYI DGONGS GZHI YANG DE LTAR
DU BSHAD DGOS KYI SGRA JI BZHIN DU KHAS BLANG DU MI RUNG STE, DE
LTAR NA MTSAN NYID GSUM GA LA SKUR 'DEBS SU

'GYUR BA'I PHYIR, 'KHOR LO GSUM GYI DRANG NGES KYI GRUB DON ZHUS
PA'I TSUL YOD DE, DUS DANG POR BDEN BZHI LAS BRTZAMS TE, GZUGS
NAS BYANG PHYOGS SO BDUN GYI BAR RNAMS DON DAM PAR RANG GI MTSAN
NYID KYIS YOD PAR GSUNGS PA RNAMS DRANG DON DANG, DUS BAR PAR
SHES RAB SNYING PO SOGS SU

@13A *, ,CHOS THAMS CAD NGO BO NYID MED PA SOGS SU GSUNGS PA
DRANG DON GYI MDO DANG, DUS MTHA' MAR NGO BO NYID GSUM PO DE DON
DAM PAR RANG GI MTSAN NYID KYIS MA GRUB PA DANG THA SNYAD DU
RANG GI MTSAN NYID KYIS GRUB PA SO SOR PHYE NAS STON PA'I DON
DAM YANG DAG 'PHAGS KYIS ZHUS PA'I

LE'U LTA BU NGES DON DU GO'O ZHES ZHUS PA YIN PA'I PHYIR, 'KHOR
LO DANG PO DE DGONGS GZHI DGOS PA DNGOS LA GNOD BYED DANG BCAS
PA'I MDO YIN TE, DGONGS GZHI CHOS THAMS CAD RANG GI MTSAN NYID
KYIS GRUB PA LA DGONGS, DGOS PA DON SMRA GNYIS RJES SU BZUNG BA
DANG, DNGOS LA GNOD BYED CHOS

THAMS CAD DON DAM PAR RANG GI MTSAN NYID KYIS GRUB PA 'GOG BYED
KYI LUNG RIGS RNAMS KYIS GNOD PA'I PHYIR, SHES RAB SNYING PO LTA
BU DRANG DON DU 'GREL BA'I TSUL YOD DE, DGONGS GZHI CHOS THAMS
CAD DON DAM PAR RANG GI MTSAN NYID KYIS MA GRUB PA LA DGONGS,
DGOS PA NGO BO NYID MED PAR SMRA BA'I

RIGS CAN THAL 'GYUR BA RJES SU BZUNG BA DANG, DNGOS LA GNOD
BYED, GZUGS SGRA SOGS MNGON SUM DU MTHONG ZHING THOS PA DANG
'GAL BA'I PHYIR, DON DAM YANG DAG 'PHAGS KYIS ZHUS PA'I LE'U
'DIS, 'KHOR LO DANG PO DANG SHES RAB SNYING PO GNYIS DRANG DON
DU BKRAL BA LA DGOS PA YOD DE, DGAG BYA

LA DON DAM GYI KHYAD PAR 'GO MJUG GANG RUNG LA SBYAR, SKABS DER
MA SBYAR BA'I RGYAS 'BRING BSDUS GSUM LAS NGO BO NYID MED PA
DANG, SKYE MED 'GAG MED SOGS SU GSUNGS PA DE NGES DON DU GRUB PA
DANG, SHES RAB SNYING PO LTA BU DGAG BYA LA DON DAM GYI KHYAD
PAR 'GO MJUG GANG DU YANG DNGOS SU MA

SBYAR BA RNAMS DRANG DON DU BSTAN NAS, DON DAM YANG DAG 'PHAGS
ZHUS KYI LE'U'I CHED DU BYA BA'I GDUL BYA'I DON DU SGRO SKUR GYI
MTHA' GNYIS BSAL NAS, MTHA' GNYIS SPANGS PA'I DBU MA'I LAM GTAN
LA 'BEBS PA'I DGOS PA YOD PA'I PHYIR, DBU MA SNANG BA LAS, DE'I
DON DU BCOM LDAN 'DAS KYI SKYE BA

MED PA LA SOGS PA GSUNGS PA YANG DON DAM PA'I DBANG DU MDZAD PA
KHO NAR BRJOD CING, NGO BO NYID MED PA GSUM GYI DGONGS PA BSTAN
PAS DBU MA'I LAM MTHA' GNYIS DANG BRAL BA RAB TU BSTAN PA'I
PHYIR NGES PA'I DON KHO NAR GZHUNG 'DZUG PAR MDZAD PA YIN NO,
,ZHES GSUNGS PA'I PHYIR, DE LTAR DU BSTAN

@13B PAS MTHA' GNYIS SPANG BA'I TSUL YOD DE, SHES RAB SNYING PO
DRANG DON DU BKRAL BA LA BRTEN NAS GZUGS SGRA SOGS YE MED DU
'DZIN PA DE KHEGS, 'KHOR LO DANG PO DRANG DON DU BKRAL BA LA
BRTEN NAS THA SNYAD DU YANG MED PA'I RTAG PA'I DNGOS PO DANG
GZUGS SOGS KYI CHOS RNAMS BDEN PAR

BZUNG BA LTAR DU GRUB PA DE KHEGS PA'I PHYIR, SHES RAB SNYING PO
DRANG DON DU BKRAL BAS GZUGS SGRA SOGS YE MED DU 'DZIN PA KHEGS
PA'I RGYU MTSAN YOD DE, GZUGS SGRA SOGS RANG BZHIN MED PAR
GSUNGS PA'I DON DE, DON DAM PAR RANG BZHIN MED PA'I DON DANG THA
SNYAD DU RANG GI MTSAN NYID KYIS GRUB

PA 'GRUB CING, GZHAN DBANG RGYU RKYEN LAS SKYES SHING BDAG NYID
KYIS MI SKYE BA BSHAD PA DE YANG, MA DROS PAS ZHUS PA LAS, GANG
ZHIG RKYEN LAS SKYES PA DE MA SKYES, ZHES GSUNGS PA DANG MTHUN
PA'I PHYIR, KUN BTAGS DON DAM PAR MTSAN NYID NGO BO NYID MED PAR
BSHAD PAS RTAG

MTHA' KHEGS PA'I RGYU MTSAN YOD DE, GZUGS SOGS KYI CHOS THAMS
CAD BDEN PAR BZUNG BA LTAR GYI DON DE KUN BTAGS YIN LA, GZUGS
SOGS LA DE LTAR BTAGS PA LTAR DU MA GRUB PA BSHAD PA LA BRTEN
NAS RTAG MTHA' KHEGS PA'I PHYIR TE, GZUGS SOGS KYI CHOS THAMS
CAD BDEN PAR

GRUB PA KHEGS PA'I PHYIR, GZHANG DBANG BDEN PAR MED PA KUN BTAGS
MTSAN NYID NGO BO NYID MED PA'I DON DU BSHAD PA LA 'GAL BA'I
SKYON MED DE, GZHAN DBANG BDEN PAR 'DZIN PA'I BDEN 'DZIN DES
GZHAN DBANG BDEN PAR KUN BTAGS PA'I NGO BOR ZHEN PA YIN ZHING,
BDEN ZHEN DE SPONG BA LA

GZHAN DBANG BDEN MED DU GTAN LA 'BEBS DGOS PA'I PHYIR, DGONGS
'GREL LAS NGO BO NYID GSUM GA DON DAM PAR RANG GI MTSAN NYID
KYIS MA GRUB PA MTSUNGS PA LA KUN BTAGS MTSAN NYID NGO BO NYID
MED PA BSHAD, GZHAN GNYIS LA MI 'CHAD PA'I RGYU MTSAN YOD DE,
GZHAN GNYIS

BDEN PAR MED PA DE KUN BTAGS MTSAN NYID NGO BO NYID MED PA'I DON
YIN PA'I PHYIR, MDOR NA DON DAM YANG DAG 'PHAGS ZHUS KYI LE'U
'DIS, MTHA' GNYIS SPANGS NAS DBU MA'I LAM BSTAN PA'I TSUL YOD
DE, SHES RAB SNYING POR GZUGS SOGS NGO BO NYID MED PAR BSHAD
PA'I DON DAM PAR

@14A *, ,NGO BO NYID MED PA'I DON DU BSHAD PA LA BRTEN NAS RTAG
MTHA' DE KHEGS, DE LA BRTEN NAS GZUGS SGRA SOGS RANG BZHIN MED
PAR GSUNGS PA DE DAG SGRA JI BZHIN DU 'DZIN PA BKAG PA LA BRTEN
NAS CHAD MTHA' KHEGS PA'I PHYIR, DGONGS 'GREL LAS GZUGS

SOGS KYI CHOS THAMS CAD NGO BO DANG KHYAD PAR LA KUN BTAGS PA'I
NGO BOR RANG GI MTSAN NYID KYIS MA GRUB PAS KUN BTAGS KYIS GZHAN
DBANG STONG PAR GSUNGS PA'I DON YOD DE, GZUGS SOGS NGO BO DANG
KHYAD PAR LA KUN BTAGS PA'I NGO BOR DON DAM PAR RANG GI MTSAN
NYID KYIS GRUB PAS

STONG PA LA SLOB DPON LEGS LDAN 'BYED KYIS BSHAD PA LTAR BZHED
PA'I PHYIR, KHA CIG NA RE, DON DAM YANG DAG 'PHAGS KYIS ZHUS
PA'I LE'U 'DIS RGYAS 'BRING BSDUS GSUM NGES DON DU BSGRUB PA DE
MI 'THAD PAR THAL, DES DRANG DON DU BKRAL BA'I PHYIR, DER THAL,
DES KUN BTAGS

MTSAN NYID NGO BO NYID MED PA DANG, GZHAN DBANG SKYE BA NGO BO
NYID MED PA DANG YONGS GRUB DON DAM PAR NGO BO NYID MED PA GSUM
PO DE RGYAS 'BRING BSDUS GSUM GYI DGONGS GZHIR GSUNGS PA'I
PHYIR, ZER NA DE MI 'THAD DE, DE TZAM DGONGS GZHIR BSTAN PA MA
YIN PAR, KUN

BTAGS DON DAM PAR RANG GI MTSAN NYID KYIS MA GRUB PA DANG, GZHAN
DBANG DON DAM PAR MI SKYE BA DANG, YONGS GRUB CHOS BDAG GI NGO
BOR MA GRUB PA GSUM DGONGS GZHIR BSTAN PA'I PHYIR TE, MDO TSAN
GSUM PA'I SKABS SU DGAG BYA CHOS BDAG BKAG PA TZAM GYI YONGS
GRUB

BSTAN PA'I DGAG BYA DES CHOS THAMS CAD KYI NGO BO NYID MED PAR
GSUNGS PAS NGO BO NYID GZHAN GNYIS LA YANG DON DAM GYI KHYAD PAR
SBYOR DGOS PA'I PHYIR, DES NA DON DAM YANG DAG 'PHAGS KYIS ZHUS
PA'I LE'U 'DIS RGYAS 'BRING BSDUS GSUM NGES DON DU BSGRUB PA YIN
TE, RGYAS

'BRING BSDUS GSUM LAS GZUGS SGRA SOGS MI SKYE BAR GSUNGS PA DE
DON DAM PAR MA SKYES PA LA DGONGS PA DANG, SHES RAB SNYING POR
GZUGS SGRA SOGS MED PAR GSUNGS PA DE SGRA JI BZHIN DU BZUNG NA
MNGON SUM DU MTHONG ZHING THOS PA DANG 'GAL BA DANG, YUM 'BUM
LTA

@14B BU DON DAM GYI KHYAD PAR SKABS DER MA SBYAR BAR 'GO MJUG
GANG RUNG GCIG TU SBYAR BA'I GZUGS MED CES SOGS SKABS DER MA
SBYAR BA LTAR DU SGRA JI BZHIN DU 'DZIN PA BKAG PA DANG, SKYE
MED DU GSUNGS PA DE NGO BO NYID DANG MTHA' GNYIS LA DGONGS NAS
GSUNGS PA'I PHYIR, DBU

MA SNANG BA LAS, 'DIS NI MDO SDE KHA CIG LAS CHOS THAMS CAD NGO
BO NYID MED PA ZHES SOGS GSUNGS PA NI DRANG DON YIN TE, DGONGS
'GREL LA SOGS PA LAS MDO NYID KYI DGONGS PA BSTAN TE ZHES RTZOD
PA'I LAN DU DE'I PHYIR DGONGS PA BSTAN PA YANG NGES PA'I DON
NYID DU 'GAL BA MED

DO; ;DE NYID KYI PHYIR SKYE BA MED PA LA SOGS PA GSUNGS PA NGES
PA'I DON NYID DU BSGRUBS PA'I PHYIR DANG, MTHONG BA LA SOGS PA
DANG 'GAL BA SPANGS PA DANG SGRA JI BZHIN DU RTOG PA BSAL BA'I
PHYIR, JI SKAD DU 'PHAGS PA DGONGS PA NGES PAR 'GREL BA DE NYID
LAS, ZHES SOGS

GSUNGS PA'I PHYIR, SGRA JI BZHIN DU RTOG PA BSAL RGYU'I MDO DE'I
NANG DU SHER PHYIN 'BUM LTA BU'I DGAG BYA LA DON DAM GYI KHYAD
PAR 'GO MJUG GANG RUNG DU DNGOS SU SBYAR, SKABS DER MA SBYAR
BA'I MDO RNAMS SKABS DER MA SBYAR BA LTAR SGRA JI BZHIN DU 'DZIN
DU MI RUNG BA YANG BSHAD

PAR BYA STE, STONG MTHUN CHEN MO LAS, 'DIS YUM RGYAS 'BRING SOGS
NAS CHOS THAMS CAD SKYE BA MED PAR GSUNGS PA SOGS LA SGRA JI
BZHIN DU BZUNG DU MI RUNG BAR DON DAM PAR SKYE BA MED PA SOGS SU
BZUNG DGOS PA YIN PAR BSTAN PAS, MDO SDE DGONGS 'GREL GYIS YUM

RGYAS 'BRING BSDUS GSUM NGES DON YIN PAR GTAN LA PHAB PAR DBU MA
SNANG BA LAS RGYAS PAR BSHAD PA'I PHYIR, ZHES GSUNGS PA'I PHYIR,
DBU MA SNANG BA'I LUNG 'DIS RGYAS 'BRING BSDUS GSUM LAS NGO BO
NYID MED PAR GSUNGS PA DE DON DAM PAR NGO BO NYID MED PA SOGS SU

DGONGS PAR BSHAD PA'I SGO NAS, SHES RAB SNYING PO LTA BUR GZUGS
MED SGRA MED CES SOGS DANG, DON DAM GYI KHYAD PAR 'GO MJUG GANG
RUNG DU DNGOS SU SBYAR, SKABS DER MA SBYAR BA'I SHER PHYIN 'BUM
LTA BU'I MDO RNAMS DON DAM GYI KHYAD PAR SKABS DER DNGOS SU MA

@15A *, ,SBYAR BA LTAR DU SGRA JI BZHIN DU 'DZIN DU MI RUNG BAR
BSHAD NAS RGYAS 'BRING BSDUS GSUM SOGS LAS DE LTAR GSUNGS PA DE
NGES DON DU GTAN LA PHAB PA YIN TE, DRANG NGES RNAM 'BYED LAS,
'DI NI NGO BO NYID MED PA SOGS SU

GSUNGS PA'I DGONGS PA DGONGS 'GREL GYIS BKRAL TE, SGRA JI BZHIN
DU 'DZIN PA BKAG NAS NGES DON DU BSGRUB PAR BSHAD PA'I PHYIR,
ZHES GSUNGS PA'I PHYIR, DE LTA BU'I RGYAS 'BRING BSDUS GSUM GYI
MDO DE SKABS DER DON DAM GYI KHYAD PAR DNGOS SU

MA SBYAR BA LTAR DU SGRA JI BZHIN DU 'DZIN DU MI RUNG BA YIN GYI
SPYIR NA SGRA JI BZHIN PA YANG YIN, DON DAM GYI KHYAD PAR SBYAR
BA YANG YIN TE, NGES DON GYI MDO YIN PA'I PHYIR, KHA CIG GIS DON
DAM YANG DAG 'PHAGS KYIS ZHUS PA'I LE'U 'DIS, 'KHOR LO BAR PA
NGES

DON DU SGRUB PA MA YIN PAR THAL, DRANG DON DU BKRAL BA'I PHYIR,
ZER NA, DE'I SKYON MED DE, DGONGS PA BSTAN NAS NGES DON DU
GSUNGS PA DANG, DRANG DON DU BKRAL BA GNYIS MDO GCIG YIN NA 'GAL
YANG MDO GCIG MA YIN PA'I PHYIR, DRANG NGES RNAM 'BYED

LAS, DRANG DON DU GSUNGS PA DANG DGONGS PA BSTAN NAS NGES DON DU
SGRUB PA GNYIS MDO GCIG YIN NA 'GAL MOD KYI 'KHOR LO BAR PA TZAM
DU GCIG PA YIN GYI MDO GCIG MA YIN NO, ,ZHES GSUNGS PA'I PHYIR,
DON DAM YANG DAG 'PHAGS KYIS ZHUS PA'I LE'U

'DIS, RGYAS 'BRING BSDUS GSUM NGES DON DU GZHUNG 'DZUG PA YIN
TE, THEG CHEN GYI RIGS CAN LA 'KHOR LO GNYIS PA GSUNGS PA DE LA
DGAG BYA LA DON DAM GYI KHYAD PAR DNGOS SU SBYAR BA DANG MA
SBYAR BA GNYIS LAS PHYI MA'I MDO NAS 'BYUNG BA SGRA JI BZHIN DU
GZUNG DU MI RUNG BAR

SNGA MA'I MDO NAS 'BYUNG BA LTAR SGRA JI BZHIN PAR SHES PAR GYIS
SHIG CES BSTAN PA'I PHYIR, KHO NA RE, DON DAM YANG DAG 'PHAGS
KYIS ZHUS PA'I LE'U 'DIS, DBU MA PA 'DOD PA LTAR GYI MTSAN NYID
GSUM GYI RNAM GZHAG BSTAN BYA'I GTZO BO DANG, SEMS

@15B TZAM PA 'DOD PA LTAR GYI MTSAN NYID GSUM GYI RNAM GZHAG
DNGOS SU BSTAN PAS DRANG DON DGONGS PA CAN DU 'GREL BA YIN ZER
NA, MI 'THAD DE, SEMS TZAM PAS 'DOD PA LTAR GYI MTSAN NYID GSUM
GYI RNAM GZHAG DE SEMS TZAM PAS 'KHOR LO BAR PA'I DON DU JI LTAR

BKRAL BA LE'U 'DI'I DON MA YIN PAR LEGS LDAN 'BYED ZHI 'TSO YAB
SRAS RNAMS KYIS DBU MA'I TSUL DU BKRAL BA LTAR 'THAD PA'I PHYIR,
DRANG NGES RNAM 'BYED LAS, DGONGS 'GREL LAS, MTSAN NYID GSUM
GSUNGS PA'I DON RNAL 'BYOR SPYOD PA BDAG GIS JI LTAR BKRAL BA
MDO'I

DON MA YIN PAR DBU MA'I DON DU 'GREL BA'I LAM SROL 'DI NI LEGS
LDAN 'BYED KYIS BYE BA ZHIB TU NI DBU MA SNANG BA LAS BSHAD TSUL
GNYIS KYI MDO 'GREL TSUL ZHIB TU SHES NA SHING RTA CHEN PO RNAMS
KYI RIG PA'I RNAM 'GYUR DANG GSUNG RAB 'GREL TSUL DU MA ZHIG
SHES SO, ,ZHES

GSUNGS PA'I PHYIR, DON DAM YANG DAG 'PHAGS KYIS ZHUS PA'I LE'U
'DI NGES DON GYI MDO YIN KYANG, SEMS TZAM PA 'DOD PA LTAR GYI
MTSAN NYID GSUM GYI RNAM GZHAG STON PA'I LEGS PHYE'I CHOS 'KHOR
GCIG NI 'DOD DE, DRANG NGES RNAM 'BYED LAS, GAL TE

RNAL 'BYOR SPYOD PA BAS MTSAN NYID GSUM GYIS 'JOG LUGS MDO 'DI'I
DON MA YIN NA MDO GANG GI YANG DON MA YIN PAR BZHED DAM SNYAM
NA, DBU MA SNANG BA LAS DGONGS 'GREL DANG LANG GSHEGS DANG, ZHES
SOGS GSUNGS PA'I PHYIR, KHO NA RE, DON DAM

YANG DAG 'PHAGS KYIS ZHUS PA'I LE'U 'DIS, DBU MA PA 'DOD PA LTAR
GYI MTSAN NYID GSUM GYI RNAM GZHAG BSTAN BYA'I GTZO BO DANG,
SEMS TZAM PAS 'DOD PA LTAR GYI MTSAN NYID GSUM GYI RNAM GZHAG DE
DNGOS SU BSTAN PA DE CHA PHYE NAS 'JOG PA'I DON YIN ZER BA MI
'THAD

DE; SLOB DPON LEGS LDAN 'BYED KYIS PHYI DON BKAG NAS SEMS TZAM
DU SGRUB PA'I GZHAN DBANG BDEN PAR GRUB PA'I RNAM GZHAG DE MDO
GANG GI YANG DON MA YIN PAR GZHED NA, DE LTAR ZHI 'TSO YAB SRAS
KYANG BZHED DAM SNYAM NA MA YIN TE, ZHI 'TSO YAB SRAS KYIS
 
@16A *, ,DBU MA SNANG BAR BSHAD PA LTAR DGONGS 'GREL LANG GSHEGS
RGYAN STUG PO BKOD PA SOGS KYI MDO RIL PO'I DON LA CHA PHYE NAS
'JOG CES DOGS PA DPYOD PA'I SKABS YIN PA'I PHYIR, DANG PO DER
THAL, RNAM BSHAD DGONGS PA RAB

GSAL LAS, SLOB DPON LEGS LDAN 'BYED PHYI DON BKAG PA MDO GANG GI
YANG DON MA YIN PAR BZHED DAM SNYAM STE DPYOD PAR BYA'O, ,ZHES
GSUNGS PA'I PHYIR, DE LTAR MA YIN NA DON DAM YANG DAG 'PHAGS
KYIS ZHUS PA'I LE'U 'DIS SEMS TZAM PA 'DOD PA LTAR GYI

DRANG NGES DNGOS SU BKRAL BAR THAL, DES SEMS TZAM PA 'DOD PA
LTAR GYI MTSAN NYID GSUM GYI RNAM GZHAG DNGOS SU BSTAN PA'I
PHYIR, 'DOD NA, LE'U 'DIS RGYAS 'BRING BSDUS GSUM DRANG DON DU
DNGOS SU BKRAL, DON DAM YANG DAG 'PHAGS ZHUS KYI

LE'US DE RNAMS NGES DON DU BSGRUB PA YIN PAR THAL, 'DOD PA'I
PHYIR, 'DOD MI NUS TE, DON DAM GYI KHYAD PAR 'GO MJUG GANG DU
YANG DNGOS SU MA SBYAR BA'I SHES RAB SNYING PO LTA BU DRANG DON
DU BKRAL, MDO RGYAS 'BRING BSDUS GSUM NGES DON DU DNGOS SU
BSGRUB PA'I

PHYIR TE, DRANG NGES RNAM 'BYED LAS, DE YANG SHES RAB SNYING PO
LTA BU MDO DE'I NANG DU DON DAM PA DANG BDEN PA'I KHYAD PAR GSAL
BAR MA SBYAR BAR GZUGS MED, CES PA LA SOGS PA BSTAN PA NI JI
LTAR BSTAN PA DE TZAM GYI SGRA JI BZHIN PAR GZUNG DU MI RUNG BAS
GZHAN

DU DRANG DGOS PAS DRANG DON NO, ,ZHES GSUNGS PA'I PHYIR, GZHAN
YANG, MDO GCIG YIN NA 'GAL MOD CES GSUNGS PA MI 'THAD PAR THAL,
DRANG DON DU 'GREL RGYU'I 'KHOR LO BAR PA DANG, NGES DON DU
SGRUB RGYU'I 'KHOR LO BAR PA GNYIS RGYAS 'BRING

BSDUS GSUM LTA BU GCIG LA BYED RIGS PA'I PHYIR, GNYIS PA LA
DBU MA THAL 'GYUR BA'I LUGS YOD DE, DGE SLONG DAG 'DI NI SDUG
BSNGAL 'PHAGS PA'I BDEN PA'O, ,ZHES SOGS NGES DON GYI MDO DANG,
'KHOR LO BAR PA LA NGES DON GYI MDOS

@16B KHYAB, THA MA LA DRANG DON GYI MDOS KHYAB PAR 'DOD PA'I
PHYIR, DANG PO DER THAL, BDEN BZHI'I CHOS 'KHOR GSUNGS PA'I TSE
NA KUN SHES KOOndI N+YA'I RGYUD LA MTHONG LAM SKYES PA GSUNGS
PA'I PHYIR DANG, SDUG BSNGAL SHES PAR BYA SLAR YANG SHES PAR
BYAR MED, CES

PA DES BDEN BZHI RANG BZHIN GYIS SHES PAR BYAR MED PA SOGS BSTAN
PA'I PHYIR, 'KHOR LO BAR PA LA NGES DON GYI MDOS KHYAB PAR THAL,
SHES RAB SNYING PO NGES DON GYI MDOR 'DOD PA'I PHYIR, DE LTAR
YIN KYANG DGAG BYA LA DON DAM GYI KHYAD PAR DNGOS SU SBYAR BA'I
MDOR MI

'DOD DE, MDO DE'I NANG DU DON DAM PA DANG BDEN PA ZHES PA'I THA
SNYAD GSAL PO MED PA'I PHYIR, DON DAM YANG DAG 'PHAGS KYIS ZHUS
PA'I LE'U DRANG DON GYI MDOR 'DOD KYANG, SEMS TZAM PA 'DOD PA
LTAR GYI MTSAN NYID GSUM GYI RNAM GZHAG STON PA'I LEGS

PHYE'I CHOS 'KHOR GYI THA SNYAD NI 'DOD DE, THA SNYAD KYI RNAM
GZHAG 'JIG RTEN PA DANG MTHUN PAR 'JOG PA'I PHYIR DANG, DE DANG
DE'I SGRA 'JUG PA LA BSHAD DU YOD PAS MA KHYAB PA'I PHYIR,  `
GZUNGS RGYAL NAS BSHAD PA'I TSUL LA BSHAD BYA'I MDO BKOD PA
DANG, MDO'I

DON BSHAD PA GNYIS LAS, DANG PO LA, 'KHOR LO GSUM GYI THA SNYAD
DNGOS SU MA GSUNGS KYANG, GDUL BYA BKRI BA'I RIM PA GSUM GYI SGO
NAS 'BYUNG BA'I CHOS 'KHOR GSUM GYI THA SNYAD GSUNGS TE, GZUNGS
KYI DBANG PHYUG RGYAL POS ZHUS PA'I MDO LAS,

RIGS KYI BU DPER NA 'DI LTA STE, NOR BU MKHAN MKHAS PAS NOR BU
SBYONG BA'I TSUL LEGS PAR SHES PA DES, NOR BU RIN PO CHE'I RIGS
NAS YONGS SU MA DAG PA'I NOR BU RIN PO CHE BSLANGS TE, DANG POR
LAN TSVA'I CHU RNON POS SBANGS TE SKRA'I RE BAS YONGS SU SBYONG
BAS SBYONG

BAR BYED DO, ,DE TZAM GYI BRTZON PA 'DOR BA YANG MA YIN TE, DE'I
'OG TU ZAS KYI KHU BA RNON POS SBANGS NAS BAL GYI LVA BAS YONGS
SU SBYONG BAS SBYONG BAR BYED DO, ,DE TZAM GYI BRTZON PA 'DOR BA
YANG MA YIN TE, DE'I 'OG TU SMAN CHEN PO'I KHU BAS SBANGS NAS

@17A *, ,RAS SRAB MOS YONGS SU SBYONG BAS SBYONG BAR BYED DO,
,YONGS SU BYANG STE DRI MA DANG BRAL BA NI BEE dURYA'I RIGS CHEN
PO ZHES BYA'O, ,RIGS KYI BU DE BZHIN DU, DE BZHIN GSHEGS PAS
YONGS SU MA DAG PA'I SEMS CAN GYI KHAMS MKHYEN

NAS MI RTAG PA DANG, SDUG BSNGAL BA DANG, BDAG MED PA DANG, MI
GTZANG BA LA YID 'BYUNG BA'I GTAM GYIS 'KHOR BA LA DGA' BA'I
SEMS CAN SKYO BA BSKYED PAR MDZAD DE, 'PHAGS PA'I CHOS 'DUL BA
LA 'DZUD PAR MDZAD DO, ,DE TZAM GYIS DE BZHIN

GSHEGS PAS BRTZON PA 'DOR BA MA YIN TE, DE'I 'OG TU STONG PA
NYID DANG, MTSAN MA MED PA DANG, SMON PA MED PA'I GTAM GYIS DE
BZHIN GSHEGS PA'I TSUL RTOGS PAR MDZAD DO, ,DE TZAM GYIS DE BZHIN
GSHEGS PAS BRTZON PA 'DOR BA YANG MA YIN TE,

DE'I 'OG TU PHYIR MI LDOG PA'I 'KHOR LO'I GTAM DANG 'KHOR GSUM
YONGS SU DAG PA'I GTAM GYI RANG BZHIN SNA TSOGS KYI RGYU CAN GYI
SEMS CAN DE DAG DE BZHIN GSHEGS PA'I YUL LA 'JUG PAR MDZAD DO,
,ZHUGS PAR GYUR CING DE BZHIN GSHEGS PA'I CHOS NYID RTOGS PA NI

BLA NA MED PA'I YON GNAS CHEN PO ZHES BRJOD PA NI YIN NO, ,ZHES
GSUNGS PA'I PHYIR, GNYIS PA LA KHA CIG GIS, DGONGS 'GREL LAS
BSHAD PA'I 'KHOR LO GSUM DANG 'DI NAS BSHAD PA'I CHOS 'KHOR GSUM
DON GCIG CING, 'DI NAS BSHAD PA'I

'KHOR LO GSUM PO'I MTSAN GZHIR MDO SDE DGONGS 'GREL, DE BZHIN
GSHEGS PA'I SNYING PO'I MDO SOGS SNYING PO'I MDO BCU 'DZIN PA
YIN ZER BA MI 'THAD DE, DGONGS 'GREL NAS BSHAD PA DE GDUL BYA
RGYUD THA DAD PA'I DBANG DU BYAS, 'DI NAS BSHAD PA DE NOR BU

GCIG NYID SBYONG BYED GSUM GYI SBYOR BA LTAR GDUL BYA RGYUD GCIG
LAM LA BKRI BA'I DBANG DU BYAS, DON DAM YANG DAG 'PHAGS ZHUS GYI
LE'U'I NANG DU MTHAR THUG THEG PA GSUM DU GRUB PAR BSTAN, DPAL
'PHRENG GI MDO SOGS LAS MTHAR THUG THEG PA GCIG TU GRUB PAR

@17B BSTAN, DGONGS 'GREL, YE SHES SNANG BA RGYAN GYI MDO SOGS
KYIS DRANG NGES PHYE BA DANG MI MTHUN PA'I PHYIR, RANG LUGS YOD
DE, SKYES BU CHUNG NGU'I CHOS SKOR STON PA'I MDO RIM PA DANG PO
DANG, MI RTAG SOGS BCU DRUG STON PA'I MDO DANG CHOS KYI BDAG MED
SOGS STON PA'I MDO

RNAMS RIM PA BZHIN GNYIS PA DANG, MTHAR THUG THEG PA GCIG TU
GRUB PA DANG BYANG CHUB TU SEMS BSKYED NAS RGYAL SRAS KYI SPYOD
PA LA SLOB TSUL STON PA'I MDO GSUM PA YIN PA'I PHYIR, RGYAS
'BRING BSDUS GSUM LTA BU'I NANG DU 'DI NAS BSHAD PA'I 'KHOR LO
RIM PA GSUM GA YOD DE,

BDAG NYID SDIG SPONG DGE BA SGRUB PA, GZHAN DE LA BSKUL BA SOGS
KYI MDO DANG PO DANG, GZUGS MI RTAG PA NYID DU YID LA BYA'O ZHES
SOGS GNYIS PA DANG, DE LAS GZHAN PA'I MDO GSUM PA YIN PA'I
PHYIR, DES NA MDO 'DI THEG CHEN GYI RIGS CAN DANG THEG DMAN

GYI RIGS CAN GNYIS LAM LA SLOB TSUL BSTAN PA YIN TE, RIM PA DANG
POS THEG DMAN GYI RIGS CAN MNGON MTHO'I RTEN LA TSUL KHRIMS
NYAMS SU LEN TSUL BSTAN, GNYIS PAS GANG ZAG GI BDAG MED RTOGS
NAS NYAN THOS DGRA BCOM PA'I GO 'PHANG THOB TSUL BSTAN, GSUM

PAS BYANG CHUB MCHOG TU SEMS BSKYED NAS THEG CHEN LA SLOB TSUL
BSTAN PA'I PHYIR DANG, DANG POS THEG CHEN GYI RIGS CAN MNGON
MTHO'I RTEN LA LHAG PA TSUL KHRIMS KYI BSLAB PA NYAMS SU LEN
TSUL BSTAN, GNYIS PAS BYANG CHUB TU SEMS BSKYED PA'I SNGA ROL DU
STONG NYID RTOGS PAR BYED

TSUL BSTAN, GSUM PAS BYANG CHUB TU SEMS BSKYED NAS RDZOGS BYANG
MNGON DU BYED TSUL BSTAN PA'I PHYIR, THEG CHEN GYI RIGS CAN
DBANG RNON RNAMS KYIS DE LTAR DU BYED PA YIN TE, BZHI BRGYA PA
LAS, DANG POR BSOD NAMS MIN PA LOG  ,CES GSUNGS

PA'I PHYIR, DBANG RTUL LA NGES PA MED KYANG DBANG RNON RNAMS
KYIS DANG POR STONG NYID RTOGS NAS DE'I RJES SU BYANG CHUB TU
SEMS BSKYED PAR BYED PA YIN TE, DBU MA RGYAN LAS, YANG DAG SHES
RTZOL SNGON BTANG STE, ZHES SOGS GSUNGS PA'I PHYIR, DBANG RTUL

@18A *, ,LA NGES PA MED DE, DE NYID LAS, YANG DAG DAD PA'I RJES
'BRANG BA, ,ZHES SOGS GSUNGS PA'I PHYIR RO,,  ,,SHES RAB KYI
PHA ROL TU PHYIN PA'I MAN NGAG GI BSTAN BCOS MNGON PAR

RTOGS PA'I RGYAN GYI DGONGS 'GREL PADMA DKAR PO'I 'PHRENG BA
ZHES BYA BA LAS MKHAS SHING GRUB PA BRNYES PA'I DGE SLONG DGE
'DUN BSTAN PA DAR RGYAS KYIS SBYAR BA'I DRANG NGES RNAM 'BYED
KYI SPYI DON BSHAD ZIN TO,,