@1A *, ,MKHAS GRUB SMRA BA'I KHYU MCHOG DGE 'DUN BSTAN DAR BA CHEN PO'I GSUNG DRANG NGES RNAM 'BYED KYI MTHA' DPYOD BZHUGS SO,, ,, @1B *, ,RGYAL BA'I RGYAL TSAB BYAMS MGON CHOS KYI RJE, ,RGYAL SRAS GZHON NU'I LUS 'CHANG 'JAM DPAL DBYANGS, ,RGYAL BA'I SRAS PO KLU GRUB THOGS MED SOGS, ,RGYAL BA YAB SRAS BCAS LA GUS PHYAG 'TSAL,, ` ,,'DIR GNYIS PA LUNG GI CHOS 'KHOR GYI DRANG NGES 'GREL TSUL BYE BRAG TU BSHAD PA LA, SEMS TZAM PA'I LUGS BSHAD PA DANG, DBU MA PA'I LUGS BSHAD PA DANG GNYIS LAS, ,DANG PO LA GSUM LAS, DANG PO LA, KHA CIG NA RE, 'KHOR LO GSUM PO DE GCIG CAR DANG RIM CAN GANG RUNG DU MA BSKOR ZER NA, 'O NA, 'KHOR LO GSUM PO CIG CAR DANG RIM CAN GANG RUNG DU MA GRUB PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE GSUM CIG CAR DANG RIM CAN GANG RUNG GI DON BYED NUS PA YIN PA'I PHYIR, MA GRUB NA, DE GSUM PO CHOS CAN, DON BYED NUS STONG YIN PAR THAL, CIG CAR RIM CAN GANG RUNG GI DON BYED NUS STONG YIN PA'I PHYIR, RTAGS KHAS, 'DOD MI NUS TE, DON BYED NUS PA YIN PA'I PHYIR, KHA CIG ,STON PAS 'KHOR LO GSUM PO DE CIG CAR DU BSKOR ZER NA, 'O NA, STON PAS DGE SLONG DAG 'DI NI SDUG BSNGAL 'PHAGS PA'I BDEN PA'O, ,ZHES SOGS KYI MDO DANG, RGYAS 'BRING BSDUS GSUM DANG, BYANG CHUB SEMS DPA' DON DAM YANG DAG 'PHAGS ZHUS KYI LE'U RNAMS CIG CAR DU BSKOR BAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DGE SLONG DAG 'DI NI SDUG BSNGAL 'PHAGS PA'I BDEN PA'O, ,ZHES SOGS KYI MDO STON PA MNGON PAR @2A *, ,RDZOGS PAR SANGS RGYAS PA'I TSUL BSTAN NAS ZHAG BZHI BCU RTZA DGU LON PA'I RJES SU GSUNGS PA DANG, RGYAS 'BRING BSDUS GSUM STON PA MNGON PAR RDZOGS PAR SANGS RGYAS BA'I TSUL BSTAN PA'I PHYI DE LO BYA RGOD PHUNG PO'I RI LA GSUNGS PA SOGS YIN PA'I PHYIR, KHA CIG ,BCOM LDAN 'DAS KYIS DUS DANG POR GSUNGS PA'I MDO LA BDEN BZHI'I CHOS 'KHOR GYIS KHYAB PA DANG, DUS BAR PAR GSUNGS PA'I MDO LA MTSAN NYID MED PA'I CHOS 'KHOR GYIS KHYAB BA DANG; DUS THA MAR GSUNGS PA'I MDO LA LEGS PHYE'I CHOS 'KHOR GYIS KHYAB PA YIN NO ZER NA, 'O NA, BCOM LDAN 'DAS KYIS DUS DANG POR GSUNGS PA'I MDO LA, DGONGS 'GREL NAS DNGOS SU GSUNGS PA'I BKA' DANG PO BDEN BZHI'I CHOS 'KHOR SOGS KYIS KHYAB PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DGONGS 'GREL NAS DNGOS SU GSUNGS PA'I 'KHOR LO GSUM PO DE DUS TZAM GYI SGO NAS 'JOG PA MA YIN PA'I PHYIR, KHA CIG ,BCOM LDAN 'DAS KYIS DUS DANG POR GSUNGS PA'I GSUNG RAB THAMS CAD LA 'KHOR LO DANG POS KHYAB PA DANG, ,DUS BAR PAR GSUNGS PA'I GSUNG RAB THAMS CAD LA 'KHOR LO BAR PAS KHYAB BA DANG, DUS THA MAR GSUNGS PA'I GSUNG RAB THAMS CAD LA 'KHOR LO THA MAS KHYAB PA YIN NO ZER NA, 'O NA, BCOM LDAN 'DAS KYIS DUS DANG POR GSUNGS PA'I MDO YIN NA, DGONGS 'GREL NAS DNGOS SU GSUNGS PA'I 'KHOR LO DANG PO YIN PAS KHYAB PAR THAL, BCOM LDAN 'DAS KYIS DUS DANG POR GSUNGS PA'I @2B GSUNG RAB THAMS CAD LA 'KHOR LO DANG POS KHYAB PA'I PHYIR, 'DOD NA, DGE SLONG DAG SHAM THABS DANG CHOS GOS ZLUM POR BGO BA LA BSLAB PAR BYA'O, ,ZHES PA'I MDO CHOS CAN, DER THAL, DE'I PHYIR, 'DOD NA, BDEN BZHI GANG YANG RUNG BA DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PAR THAL, 'DOD PA'I PHYIR, 'DOD MI NUS TE, BSLAB BYA TZAM BSTAN PA'I MDO YIN PA'I PHYIR, ,GAL TE RTZA BA'I THAL 'GYUR LA MA KHYAB NA, 'O NA, GZUNGS RGYAL NAS BSHAD PA'I 'KHOR LO DANG PO LA 'KHOR LO DANG POS KHYAB PAR THAL, MA KHYAB PA DE'I PHYIR, 'DOD NA, YUM RGYAS PA'I NANG TSAN DU GYUR PA'I GZUGS NI DGRAR YID LA BYA'O, ,ZHES SOGS 'KHOR BA LA SKYO BA BSKYED PA'I MDO CHOS CAN, 'KHOR LO DANG PO YIN PAR THAL, GZUNGS RGYAL NAS BSHAD PA'I 'KHOR LO DANG PO YIN PA'I PHYIR, ,DER THAL, CHOS CAN DE YIN PA'I PHYIR, 'DOD MI NUS TE, YUM RGYAS PA'I MDO TSIG YIN PA'I PHYIR, KHA CIG ,CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS GSUNGS PA'I MDO, BKA' DANG PO BDEN BZHI'I CHOS 'KHOR GYI MTSAN NYID, CHED DU BYA BA'I GDUL BYA THEG CHEN GYI RIGS CAN DBANG RNON LA GTZO BOR DGONGS NAS GSUNGS PA'I MDO, BKA' BAR PA MTSAN NYID MED PA'I CHOS 'KHOR GYI MTSAN NYID, CHED DU BYA BA'I 'DUL BYA THEG CHEN GYI RIGS CAN DBANG RTUL LA GTZO BOR DGONGS NAS GSUNGS PA'I MDO, BKA' THA MA LEGS PHYE'I CHOS 'KHOR GYI MTSAN NYID ZER NA, BCOM LDAN 'DAS KYIS LNGA SDE LA DGE @3A *, ,SLONG DAG SHAM THABS ZLUM POR BGO BA LA BSLAB PAR BYA'O, ,ZHES PA'I MDO CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, THEG DMAN GYI MDO YIN PA'I PHYIR, 'DOD NA, BDEN BZHI GANG YANG RUNG BA DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PAR THAL, ,'DOD PA'I PHYIR, 'DOD MI NUS TE, GONG DU BKAG ZIN PA'I PHYIR, GZHAN YANG, BYANG CHUB SEMS DPA' DON DAM YANG DAG 'PHAGS ZHUS KYI LE'U CHOS CAN, MTSON BYA BAR PA DER THAL, MTSAN NYID BAR PA DE'I PHYIR, DER THAL, DE'I CHED DU BYA BA'I GDUL BYA DE THEG CHEN GYI RIGS CAN DBANG RNON YIN PA'I PHYIR, MA GRUB NA, DE'I CHED DU BYA BA'I GDUL BYA CHOS CAN, KHYOD THEG CHEN GYI RIGS CAN DBANG RNON YIN PAR THAL, KHYOD SEMS TZAM PA'I RIGS CAN YIN PA'I PHYIR, MA GRUB NA, BYANG CHUB SEMS DPA' DON DAM YANG DAG 'PHAGS ZHUS KYI LE'U CHOS CAN, KHYOD KYI CHED DU BYA BA'I GDUL BYA SEMS TZAM PA'I RIGS CAN YIN PAR THAL, KHYOD SEMS TZAM PA'I MDO YIN PA'I PHYIR, RTZA BAR 'DOD MI NUS TE, DKA' THA MA LEGS PHYE'I CHOS 'KHOR YIN PA'I PHYIR, GZHAN YANG, DE CHOS CAN, MTSAN NYID PHYI MA DER THAL, MTSON BYA PHYI MA DE'I PHYIR, RTAGS SLA'O, ,KHA CIG , DGONGS 'GREL NAS DNGOS SU GSUNG PA'I 'KHOR LO GSUM PO DE DUS KYI SGO NAS MI 'JOG ZER NA, DE 'JOG PAR THAL, DGE SLONG DAG 'DI NI SDUG BSNGAL 'PHAGS PA'I BDEN PA'O, ZHES SOGS KYI MDO 'DI 'KHOR LO DANG POR 'JOG BYED CIG YOD PA @3B GANG ZHIG ,BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA TZAM GYIS KYANG 'KHOR LO DANG POR MI 'JOG ,STONG NYID DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA TZAM GYIS KYANG BKA' BAR PA MTSAN NYID MED PA'I CHOS 'KHOR DU YANG MI 'JOG PA'I PHYIR, DANG PO DER THAL, DE 'KHOR LO DANG PO YIN PA'I PHYIR, PHYI MA GNYIS MA GRUB NA, YUM BAR MA'I NANG TSAN DU GYUR PA'I GZUGS MI RTAG PA NYID DU YID LA BYA'O, ,GZUGS STONG PA DANG BDAG MED PA NYID DU YID LA BYA'O ZHES SOGS KYI MDO TSIG CHOS CAN, BKA' DANG PO BDEN BZHI'I CHOS 'KHOR YIN PAR THAL, BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA'I PHYIR, ,DER THAL, MNGON RTOGS RGYAN GYI NANG TSAN DU GYUR PA'I, LAM SHES NYID KYI TSUL LA NI, 'PHAGS PA'I BDEN PA BZHI DAG GI, RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES PA'I GZHUNG 'DI BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I BSTAN BCOS YIN PA'I PHYIR, DER THAL, MNGON RTOGS RGYAN GYI NANG TSAN DU GYUR PA'I BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I GZHUNG TSIG GCIG YOD PA'I PHYIR, DER THAL, MNGON RTOGS RGYAN GYIS BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I PHYIR, MA KHYAB NA, 'GAL LO, ,RTZA BAR 'DOD MI NUS TE, YUM BAR MA'I MDO TSIG YIN PA'I PHYIR, GZHAN YANG, BYANG CHUB SEMS DPA' DON DAM YANG DAG 'PHAGS ZHUS KYI LE'U CHOS CAN, BKA' BAR PA MTSAN NYID MED PA'I CHOS 'KHOR YIN PAR THAL, STONG NYID DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA'I PHYIR, DER THAL, NGO BO DANG KHYAD PAR LA KUN BTAGS [*BRTAGS ETC THROUGHOUT] PA'I KUN BTAGS RANG GI MTSAN NYID KYIS MA GRUB PA DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA'I PHYIR, DER THAL, DES NGO BO DANG @4A *, ,KHYAD PAR LA KUN BTAGS PA'I KUN BTAGS RANG GI MTSAN NYID GYIS MA GRUB PA DE RGYAS 'BRING BSDUS GSUM LAS CHOS THAMS CAD PHYOGS GCIG TU NGO BO NYID MED PAR BSTAN PA'I DGONGS GZHIR DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, DES RGYAS 'BRING BSDUS GSUM LAS CHOS THAMS CAD PHYOGS GCIG TU NGO BO NYID MED MNYAM DU GSUNGS PA'I DGONGS GZHI GCIG DNGOS SU BSTAN PA'I PHYIR, RTZA BAR 'DOD MI NUS TE, BKA' THA MA LEGS PHYE'I CHOS 'KHOR YIN PA'I PHYIR, RANG RES, DGONGS 'GREL NAS DNGOS SU GSUNGS PA'I 'KHOR LO GSUM PO DE DUS DANG, CHED DU BYA BA'I GDUL BYA DANG, BRJOD BYA GSUM KA'I SGO NAS 'JOG BYAS PA LA, KHO NA RE, DE GSUM PO DUS KYI SGO NAS MI 'JOG PAR THAL, LEGS BSHAD SNYING PO LAS, DGONGS 'GREL NAS 'KHOR LO RIM PA GSUM GSUNGS PA NI 'KHOR GYI 'DU THEBS DANG STON PA'I SKU TSE'I TSIGS LA SOGS PAS 'JOG PA MIN GYI BRJOD BYA'I NGOS NAS YIN NO, ,DE YANG BDAG MED PA'I DON GTAN LA 'BEBS PA'I DBANG DU BYAS PA STE, ZHES GSUNGS PA'I PHYIR, ZER NA SKYON MED DE, DE'I DON NI, DUS KHO NA DANG, CHED DU BYA BA'I GDUL BYA KHO NA DANG, BRJOD BYA KHO NA'I SGO NAS MI 'JOG ZHES PA'I DON YIN PA'I PHYIR, DE LTAR MA YIN NA DGONG 'GREL LAS DNGOS SU GSUNGS PA'I 'KHOR LO GSUM PO DE DUS KYI SGO NAS 'JOG PAR THAL, LEGS BSHAD SNYING PO LAS, SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR TSUL DON DAM YANG DAG 'PHAGS KYIS STON PA LA ZHUS PA NI, ZHES GSUNGS PA'I PHYIR, KHA CIG LEGS BSHAD SNYING PO LAS, DANG POR WA RA nA SER GANG ZAG GI BDAG MED PA GSUNGS SHING, PHUNG PO LA SOGS PA'I CHOS LA NYUNG SHAS GCIG MA GTOGS BDEN PAR GRUB PA MA BKAG CING, BDEN PAR GRUB PA MANG DU GSUNGS PA'I SKOR GCIG GO ,DE NAS RNAM @4B DBYE MA MDZAD PAR PHUNG SOGS KYI CHOS THAMS CAD BDEN PAR GRUB PA BKAG BA'I SKOR GCIG GO ,ZHES SOGS KYIS THAL 'GYUR BA'I LUGS KYI DRANG NGES 'GREL TSUL GTAN LA 'BEBS PA YIN NO, ,ZER NA, DE MI 'THAD PAR THAL, SKABS 'DIR SEMS TZAM PA'I THUN MONG MA YIN PA'I DRANG NGES 'GREL TSUL GTAN LA 'BEBS PA'I SKABS YIN PA'I PHYIR, KHYAB PA YOD PAR THAL, SEMS TZAM PA'I THUN MONG MA YIN PA'I DRANG NGES 'GREL TSUL GTAN LA 'BEBS PA'I SKABS SU, THAL 'GYUR BA'I LUGS KYI DRANG NGES 'GREL TSUL GTAN LA PHAB NA SKABS DON 'CHOL BA'I SKYON YOD PA'I PHYIR, KHA CIG ,GSUNG DE THAL 'GYUR BA'I DKYUS SHOR BA YIN ZER NA, DE MI 'THAD PAR THAL, DRANG NGES RNAM 'BYED DE RGYAL BA'I GSUNG RAB LA DPYAD PA DAG PA'I TSUL BSTAN PA'I RJES SU RTZOM PA GANG ZHIG ,RGYAL BA'I GSUNG RAB LA DPYAD BA RDZOGS NAS SHING RTA CHEN PO RNAMS KYI LUGS 'CHAD PA NA SKABS DON 'CHOL BA MI SRID PA'I PHYIR, KHA CIG GSUNG DE'I DON NI, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR DES 'DUS BYAS KYI CHOS THAMS CAD BDEN GRUB TU DNGOS SU BSTAN, 'DUS MA BYAS KYI CHOS THAMS CAD BDEN MED DU DNGOS SU BSTAN PAS DE LA DGONGS PA YIN NO ZER NA, 'O NA, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR DES, GZUGS GZUGS ZHES PA'I THA SNYAD 'JUG PA'I 'JUG BZHI YIN PA DE BDEN MED DU DNGOS SU BSTAN PAR THAL, DES 'DUS MA BYAS KYI CHOS THAMS CAD BDEN MED DU DNGOS SU BSTAN PA'I PHYIR, RTAGS KHAS, 'DOD NA, DES RANG GI CHED DU BYA BA'I GDUL BYA MDO SDE PA LA DE LTAR BSTAN PAR THAL, 'DOD PA DE'I PHYIR, 'DOD NA, DE'I CHED DU BYA BA'I GDUL BYA MDO SDE PAS DE BDEN MED DU 'DOD PAR THAL, 'DOD PA'I PHYIR, 'DOD MI NUS TE, DES DE BDEN GRUB TU 'DOD PA'I PHYIR, DER THAL, DES GZUGS GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR 'DOD PA'I PHYIR, DER THAL, LEGS BSHAD SNYING PO LAS, DE'I PHYIR 'DI'I BZLOG PHYOGS KYI SGRO 'DOGS NGO BO DANG KHYAD PAR DU MING GIS BTAGS PA DER GZUGS SOGS RANG GI MTSAN NYID KYIS GRUB PAR 'DZIN PA'I GRUB MTHA'I KHAS LEN KYANG NYAN THOS LDE PA LA YOD DO, ZHES GSUNGS PA'I PHYIR, KHA CIG ,BDAG @5A *, ,MED PHRA RAGS GSUM PO GANG RUNG MI STON PA'I MDO RNAMS DRANG NGES 'BYED PA'I GZHIR MI RUNG ZER NA, DE RUNG BAR THAL, DE BLO GROS MI ZAD PA'I MDO LAS GSUNGS PA'I DRANG NGES 'BYED PA'I GZHIR RUNG BA'I PHYIR, DER THAL, DE DAG BLO GROS MI ZAD PA'I MDO LAS GSUNGS PA'I DRANG DON GYI MDO YIN PA'I PHYIR, DER THAL, BLO GROS MI ZAD PA'I MDO DES, DON DAM BDEN PA DNGOS BSTAN BSTAN BYA'I GTZO BOR BYAS NAS MI STON PA'I MDO RNAMS DRANG DON GYI MDOR GSUNGS PA'I PHYIR, KHA CIG ,BDAG MED PHRA RAGS GSUM PO GANG RUNG MI STON PA'I MDO RNAMS DGONGS 'GREL LAS GSUNGS PA'I DRANG NGES 'BYED PA'I GZHIR MI RUNG ZER NA, 'O NA; DGE SLONG DAG SHAM THABS ZLUM POR BGO BA LA BSLAB PAR BYA'O, ,ZHES PA'I MDO 'DI YANG DGONGS 'GREL LAS GSUNGS PA'I DRANG NGES 'BYED PA'I GZHIR MI RUNG BAR THAL, KHYOD KYI DAM BCA' 'THAD PA'I PHYIR, 'DOD NA, DE RUNG BAR THAL, DE DGONGS 'GREL LAS GSUNGS PA'I NGES DON GYI MDO YIN PA'I PHYIR, DER THAL, DE SGRA JI BZHIN PA'I MDO YIN PA'I PHYIR, KHA CIG DE LTA BU'I MDO DE GRUB DON GYI SKABS NAS DNGOS SU BSTAN PA'I DRANG NGES 'BYED PA'I GZHIR RUNG BA YIN NO ZER, DE MI 'THAD PAR THAL, DE BDAG MED PHRA RAGS GSUM PO GANG RUNG MI STON PA'I MDO YIN PA'I PHYIR, KHA CIG ,STON PAS 'KHOR LO GSUM PO CIG CAR DU BSKOR BAR THAL, BDEN BZHI'I CHOS 'KHOR SKOR BA DE'I TSE GDUL BYA RIGS CAN GSUM KA YOD PA GANG ZHIG ,BCOM LDAN 'DAS GDUL BYA 'DUL BA'I DUS LAS YOL BA MI SRID CING, GSUNGS GCIG NYID KYIS GSUNGS MOD KYI, ,DU MA NYID DU SO SOR GO ,ZHES GSUNGS PA'I PHYIR, ZER NA MA KHYAB, 'O NA, CHED DU BYA BA'I GDUL BYA THEG DMAN GYI RIG CAN LA GTZO BOR DGONGS NAS GSUNGS PA'I MDO LA, BKA' DANG PO BDEN BZHI'I CHOS 'KHOR GYIS KHYAB PA DANG, CHED DU BYA BA'I GDUL BYA THEG CHEN GYI RIGS CAN DBANG RNON LA GTZO BOR DGONGS NAS GSUNGS PA'I MDO LA, BKA' BAR PA MTSAN NYID MED PA'I CHOS 'KHOR GYIS KHYAB PAR THAL, KHYOD KYI SGRUB BYED DE 'THAD PA'I PHYIR, 'DOD NA, MI 'THAD DE, GONG DU BKAG ZIN PA'I PHYIR, GZHAN YANG, BKA' DANG PO BDEN BZHI'I CHOS 'KHOR DE, CHED DU BYA BA'I GDUL BYA THEG DMAN GYI RIGS CAN LA LTOS NAS @5B BKA' DANG PO BDEN BZHI'I CHOS 'KHOR DANG, CHED DU BYA BA'I GDUL BYA THEG CHEN GYI RIGS CAN DBANG RNON LA LTOS TE, BKA' BAR PA MTSAN NYID MED PA'I CHOS 'KHOR DANG, CHED DU BYA BA'I GDUL BYA THEG CHEN GYI RIGS CAN DBANG RTUL LA LTOS TE, BKA' THA MA LEGS PHYE'I CHOS 'KHOR YIN PAR THAL, GSUNG GCIG NYID KYIS GSUNGS MOD KYI, ,DU MA NYID DU SO SOR GO ZHES GSUNGS NA, BKA' DANG PO BDEN BZHI'I CHOS 'KHOR BSKOR BA DE'I TSE NA, 'KHOR LO GSUM PO BSKOR BAS KHYAB PA'I PHYIR, 'DOD NA, DE THEG PA THUN MONG BA'I MDO YIN PAR THAL, DE CHED DU BYA BA'I GDUL BYA THEG DMAN GYI RIGS CAN LA LTOS NAS THEG DMAN GYI MDO DANG, CHED DU BYA BA'I GDUL BYA THEG CHEN GYI RIGS CAN DBANG RNON LA LTOS NAS THEG CHEN GYI MDO YIN PA'I PHYIR, RTAGS KHAS, 'DOD MI NUS TE, DE THEG DMAN THUN MONG MA YIN PA'I MDO YIN PA'I PHYIR, KHA CIG ,CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS BDEN BZHI BSTAN BYA'I GTZO BOR BYAS NAS BSTAN PA'I THEG DMAN GYI MDO, BDEN BZHI'I CHOS 'KHOR GYI MTSAN NYID, CHED DU BYA BA'I GDUL BYA THEG CHEN GYI RIGS CAN LA STONG NYID PHRA MO BSTAN BYA'I GTZO BOR BYAS NAS BSTAN PA'I MDO, MTSAN NYID MED PA'I CHOS 'KHOR GYI MTSAN NYID, CHED DU BYA BA'I GDUL BYA THEG CHEN GYI RIGS CAN LA GZUGS DANG GZUGS 'DZIN PA'I MTSAN MA RDZAS GZHAN GYIS STONG PA'I STONG NYID BSTAN BYA'I GTZO BOR BYAS NAS BSTAN PA'I MDO, LEGS PHYE'I CHOS 'KHOR GYI MTSAN NYID ZER NA, 'O NA, 'DUL BA MDO RTZA BA'I NANG TSAN DU GYUR PA'I BDEN BZHI BSTAN BYA'I GTZO BOR BYAS NAS BSTAN PA'I GZHUNG TSIG CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, BDEN BZHI'I CHOS 'KHOR DU GYUR PA'I BSTAN BCOS YOD PA GANG ZHIG ,DGE SLONG DAG 'DI NI SDUG BSNGAL 'PHAGS PA'I BDEN PA'O, ,ZHES SOGS KYI MDO DE, BDEN BZHI'I CHOS 'KHOR YIN PA'I PHYIR, DANG PO DER THAL, LUNG GI CHOS 'KHOR DU GYUR PA'I BSTAN BCOS RNAM DAG YOD PA SGRUB ZIN PA'I PHYIR, 'DOD MI NUS TE, BSTAN BCOS YIN PA'I PHYIR, GZHAN YANG, DBU MA RTZA BA SHES RAB CHOS CAN, MTSAN NYID BAR PA DER THAL, MTSON BYA BAR PA DE'I PHYIR, DER THAL, MTSAN NYID MED PA'I CHOS 'KHOR DU GYUR PA'I @6A *, ,BSTAN BCOS YOD PA GANG ZHIG ,RGYAS 'BRING BSDUS GSUM MTSAN NYID MED PA'I CHOS 'KHOR YIN PA'I PHYIR, 'DOD MI NUS TE, BSTAN BCOS YIN PA'I PHYIR, KHA CIG ,DE DAG RIM PA BZHIN DU, BKA' DANG PO BDEN BZHI'I CHOS 'KHOR GYI MTSAN NYID DANG, BKA' BAR PA MTSAN NYID MED PA'I CHOS 'KHOR GYI MTSAN NYID SOGS YIN ZER NA, 'O NA, BCOM LDAN 'DAS KYIS DUS THA MAR GSUNGS PA'I BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I THEG DMAN GYI MDO CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, CHOS CAN DE YIN PA'I PHYIR, DER THAL DE YOD PA'I PHYIR, DER THAL, BCOM LDAN 'DAS KYIS SKU TSE'I THA MAR KUN TU RGYU RAB BZANG LA BDEN BZHI'I 'DOR LEN BSTAN PA'I PHYIR, DER THAL, KUN TU RGYU RAB BZANG DE BCOM LDAN 'DAS KYI SKU TSE THA MA'I CHED DU BYA BA'I GDUL BYA YIN PA'I PHYIR, DER THAL, SRAS SGRA GCAN 'DZIN GYI BSTOD PA LAS, MDZES BZANG YAN CHAD BTUL LAGS NA, ,DA NI KHYOD LA GDUL BYA YI, ,BU LON LHAG MA CUNG ZAD MED, ,ZHES GSUNGS PA'I PHYIR, RTZA BAR 'DOD NA, DUS DANG POR GSUNGS PA'I MDO YIN PAR THAL, 'DOD PA'I PHYIR, KHYAB STE, BCOM LDAN 'DAS KYIS DANG POR WA RA nA SIR, ZHES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG GSUNGS NA RE, CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS CHOS RNAMS SHAS CHER RANG GI MTSAN NYID KYIS GRUB PAR BSTAN PA'I MDO DNGOS SAM DE'I SDER GTOGS GANG RUNG, BKA' DANG PO BDEN BZHI'I CHOS 'KHOR GYI MTSAN NYID, CHED DU BYA BA'I GDUL BYA THEG CHEN GYI RIGS CAN 'KHOR LO BAR PA'I MDO'I DGONGS PA 'KHOR LO THA MAS BKRAL BA LA LTOS MI DGOS PA'I RIGS CAN LA GTZO BOR DGONGS NAS CHOS THAMS CAD RANG GI MTSAN NYID KYIS MA GRUB PAR SGRAS ZIN LA BSTAN PA'I MDO DNGOS SAM DE'I SDER GTOGS GANG RUNG, BKA' BAR PA MTSAN NYID MED PA'I CHOS 'KHOR GYI MTSAN NYID, CHED DU BYA BA'I GDUL BYA THEG CHEN GYI RIGS CAN 'KHOR LO BAR PA'I DGONGS PA 'KHOR LO THA MAS BKRAL BA LA LTOS DGOS PA'I RIGS CAN RNAMS LA GTZO BOR DGONGS NAS MTSAN NYID GSUM LA BDEN PAR YOD MED SO SOR PHYE NAS BSTAN PA'I MDO DNGOS SAM @6B DE'I SDER GTOGS GANG RUNG, BKA' THA MA LEGS PHYE'I CHOS 'KHOR GYI MTSAN NYID ZER NA, 'O NA, BCOM LDAN 'DAS KYIS DUS THA MAR KUN TU RGYU RAB BZANG LA BDEN BZHI'I 'DOR LEN BSTAN PA'I MDO DE, BKA' DANG PO BDEN BZHI'I CHOS 'KHOR GYI SDER GTOGS YIN PAR THAL, DE'I SDER GTOGS KYI MDO GCIG YOD PA'I PHYIR, 'DOD NA, DE CHOS CAN, DUS DANG POR GSUNGS PA'I MDO YIN PAR THAL, BKA' DANG PO BDEN BZHI'I CHOS 'KHOR YIN PA'I PHYIR, 'DOD MI NUS SO, ,GZHAN YANG MTSAN NYID BAR PA DE CHOS CAN, NGO BO NYID MED PAR SMRA BA'I THAL RANG GNYIS KYIS RGYAS 'BRING BSDUS GSUM KHYOD DU 'DOD PAR THAL, KHYOD BKA' BAR PA MTSAN NYID MED PA'I CHOS 'KHOR GYI MTSAN NYID YIN PA GANG ZHIG ,NGO BO NYID MED PAR SMRA BA'I THAL RANG GNYIS KYIS RGYAS 'BRING BSDUS GSUM BKA' BAR PA MTSAN NYID MED PA'I CHOS 'KHOR GYI MTSAN GZHIR 'DOD PA'I PHYIR, 'DOD NA, RANG RGYUD PAS DE LTAR 'DOD PAR THAL, 'DOD PA'I PHYIR, 'DOD NA, SLOB DPON LEGS LDAN 'BYED KYIS RGYAS 'BRING BSDUS GSUM DE LTAR 'DOD PAR THAL, 'DOD PA'I PHYIR, 'DOD NA, SLOB DPON LEGS LDAN 'BYED KYIS RGYAS 'BRING BSDUS GSUM DRANG DON GYI MDOR BZHED PAR THAL, DES RGYAS 'BRING BSDUS GSUM LAS CHOS THAMS CAD RANG GI MTSAN NYID KYIS MA GRUB PAR SGRAS ZIN LA BSTAN PAR 'DOD PA'I PHYIR, RTAGS KHAS, 'DOD MI NUS TE, DES RGYAS 'BRING BSDUS GSUM NGES DON GYI MDOR BZHED PA'I PHYIR, GZHAN YANG MTSAN NYID GSUM PA DE CHOS CAN, NGO BO NYID MED PAR SMA BA'I THAL RANG GNYIS KYIS BYANG CHUB SEMS DPA' DON DAM YANG DAG 'PHAGS ZHUS KYI LE'U KHYOD DU 'DOD PAR THAL, KHYOD BKA' THA MA LEGS PHYE'I CHOS 'KHOR GYI MTSAN NYID YIN PA GANG ZHIG ,NGO BO NYID MED PAR SMRA BA'I THAL RANG GNYIS KYIS BYANG CHUB SEMS DPA' DON DAM YANG DAG 'PHAGS ZHUS KYI LE'U BKA' THA MA LEGS PHYE'I CHOS 'KHOR KYI MTSAN GZHIR BZHED PA'I PHYIR, 'DOD NA, RANG RGYUD PAS DE LTAR 'DOD PAR THAL, 'DOD PA'I PHYIR, 'DOD MI NUS TE, SLOB DPON LEGS LDAN 'BYED KYIS BYANG CHUB SEMS DPA' DON DAM YANG DAG 'PHAGS ZHUS KYI LE'US KUN BTAGS RANG GI MTSAN NYID KYIS MA GRUB PAR MA BSTAN PAR BZHED, SLOB DPON ZHI BA MTSO YAB SRAS KYIS BYANG @7A *, ,CHUB SEMS DPA' DON DAM YANG DAG 'PHAGS ZHUS KYI LE'US KUN BTAGS RANG GI MTSAN NYID KYIS MA GRUB PAR MA BSTAN KYANG, DGONGS 'GREL GYI LE'U GZHAN GYIS BSTAN PAR BZHED PA'I PHYIR, DANG PO DER THAL, SEMS TZAM PA RNAMS KYIS KUN BTAGS RANG GI MTSAN NYID KYIS MA GRUB PA BYANG CHUB SEMS DPA' DON DAM YANG DAG 'PHAGS ZHUS KYI LE'U'I BSTAN DON DU KHAS BLANGS PA LA, SLOB DPON LEGS LDAN 'BYED KYIS KUN BTAGS RANG GI MTSAN NYID KYIS MA GRUB PA'I DON 'DOGS BYED KYI RTOG PA LA BYED DAM, BTAGS DON LA BYED ZHES DPYAD PAR MDZAD PA'I SGO NAS SKYON BRJOD MDZAD PA'I PHYIR, PHYI MA DER THAL, LEGS BSHAD SNYING PO LAS, CHA PHYE NAS MDO'I DON DU 'JOG GO ZHES GSUNGS PA'I PHYIR, KHA CIG ,DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,RANG GI CHED DU BYA BA'I GDUL BYA THEG DMAN GYI RIGS CAN RJES SU 'DZIN PA'I PHYIR DU BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I THEG DMAN GYI MDO, DGONGS 'GREL NAS GSUNGS PA'I BKA' DANG PO BDEN BZHI'I CHOS 'KHOR GYI MTSAN NYID, DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,RANG GI CHED DU BYA BA'I GDUL BYA THEG CHEN GYI RIGS CAN DBANG RNON RJES SU 'DZIN PA'I PHYIR DU CHOS THAMS CAD RANG GI MTSAN NYID KYIS MA GRUB PAR SGRAS ZIN LA BSTAN PA'I THEG CHEN GYI MDO, DGONGS 'GREL NAS GSUNGS PA'I BKA' BAR PA MTSAN NYID MED PA'I CHOS 'KHOR GYI MTSAN NYID, DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG , RANG GI CHED DU BYA BA'I GDUL BYA THEG CHEN GYI RIGS CAN DBANG RTUL RJES SU 'DZIN PA'I PHYIR DU MTSAN NYID GSUM LA BDEN PAR GRUB MA GRUB SO SOR PHYE NAS GSAL BAR BSTAN PA'I THEG CHEN GYI MDO, DGONGS 'GREL NAS GSUNGS PA'I BKA' THA MA LEGS PHYE'I CHOS 'KHOR GYI MTSAN NYID ZER NA, 'O NA, RI BONG RVA CHOS CAN, DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,RANG GI CHED DU BYA BA'I GDUL BYA THEG DMAN GYI RIGS CAN RJES SU 'DZIN PA'I PHYIR DU BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I THEG DMAN GYI MDO YOD PAR THAL, DGONGS 'GREL @7B NAS GSUNGS PA'I BKA' DANG PO BDEN BZHI'I CHOS 'KHOR YOD PA'I PHYIR, KHYAB PA KHAS, 'DOD NA, RI BONG RVA DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,RI BONG RVA'I CHED DU BYA BA'I GDUL BYA THEG DMAN GYI RIGS CAN RJES SU 'DZIN PA'I PHYIR DU BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I THEG DMAN GYI MDO MED PAR THAL, RI BONG RVA MED PA'I PHYIR, GNYIS PA SLA'O, ,GZHAN YANG, BYANG CHUB SEMS DPA' DON DAM YANG DAG 'PHAGS ZHUS KYI LE'U CHOS CAN, MTSAN NYID PHYI MA DER THAL, MTSON BYA PHYI MA DE'I PHYIR, 'DOD NA, DE'I CHED DU BYA BA'I GDUL BYA DE THEG CHEN GYI RIGS CAN DBANG RTUL YIN PAR THAL, 'DOD PA'I PHYIR, 'DOD NA, DE'I CHED DU BYA BA'I GDUL BYA CHOS CAN, KHYOD THEG CHEN GYI RIGS CAN DBANG BRTUL MA YIN PAR THAL, KHYOD THEG CHEN GYI RIGS CAN DBANG RNON YIN PA'I PHYIR, DER THAL, SEMS TZAM PA'I RIGS CAN YIN PA'I PHYIR, MA GRUB NA, BYANG CHUB SEMS DPA' DON DAM YANG DAG 'PHAGS ZHUS KYI LE'U CHOS CAN, KHYOD KYI CHED DU BYA BA'I GDUL BYA DE SEMS TZAM PA'I RIGS CAN YIN PAR THAL, KHYOD SEMS TZAM PA'I MDO YIN PA'I PHYIR, DER THAL, SEMS TZAM PA'I MDO GCIG YOD PA'I PHYIR, DBU SEMS THUN MONG DU MTSAN NYID DE LTAR 'JOG NA SNGA MA LTAR GYI SKYON YANG RIGS 'GRE ,SEMS TZAM PA'I LUGS KYI DE LTAR 'JOG NA SKYON GNYIS PO DE GCIG 'PHEN NO, ,KHA CIG ,'DUL BA LUNG SDE BZHI PO DE, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR GYI MTSAN GZHI DANG, NGES DON GYI MDO THAMS CAD BKA' BAR PA MTSAN NYID MED PA'I CHOS 'KHOR GYI MTSAN GZHI DANG, LE'U BCU'I BDAG NYID CAN GYI MDO SDE DGONGS 'GREL RIL PO DE, BKA' THA MA LEGS PHYE'I CHOS 'KHOR GYI MTSAN GZHI YIN ZER NA, DANG PO DE MI THAD PAR THAL, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN GZHI'I CHOS 'KHOR YIN NA, BDEN BZHI DNGOS BSTAN BSTAN BYA'I GTZO BOR BYAS NAS BSTAN PAS KHYAB PA GANG ZHIG ,'DUL BA GNAS MAL GYI GZHI MA GTOGS GZHAN RNAMS PHAL CHER BDEN GZHI DNGOS BSTAN BSTAN BYA'I GTZO BOR BYAS NAS BSTAN PA'I PHYIR, GZHAN YANG, DAM BCA' BAR PA DE YANG MI @8A *, ,'THAD BAR THAL, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS CIG KHO BOS RNYED, ,ZHES SOGS KYI MDO 'DI NGES DON GYI MDO YIN KYANG BKA' BAR PA MTSAN NYID MED PA'I CHOS 'KHOR MA YIN PA'I PHYIR, DANG PO DER THAL, DE'I BSTAN DON GCIG YOD PA'I PHYIR, PHYI MA DER THAL, DE BKA' DANG PO BDEN BZHI'I CHOS 'KHOR MA BSKOR BA'I SNGA LOGS SU GSUNGS PA'I MDO YIN PA'I PHYIR, DAM BCA' PHYI MA DE YANG MI 'THAD PAR THAL, BYANG CHUB SEMS DPA' DON DAM YANG DAG 'PHAGS ZHUS KYI LE'U DANG, DGONGS 'GREL GYI BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN NI SEMS LA THA DAD PA ZHES BGYI'AM, ZHES SOGS KYI PHYI DON 'GOG PA'I MDO RNAMS MA GTOGS LE'U GZHAN RNAMS 'DI'I BLA NA MA MCHIS ZHES NYE TSIG SMOS PA'I LEGS PHYE'I CHOS 'KHOR GYI MTSAN GZHIR 'BREL BA MED PA'I PHYIR, DER THAL, RNAM BSHAD LAS, 'DI NI BLA NA MA MCHIS ZHES NYE TSIG SMROS PA'I MTSAN BZHIR MDO SDE DGONGS PA NGES 'GREL RIL PO 'DZIN PA MI 'THAD DE, ,DER SA BCU'I DBANG PHYUG GI BYANG CHUB SEMS DPA' BCUS STON PA LA DRI BA MI 'DRA BA RE RE MDZAD PA'I DRIS LAN GZHAN RNAMS 'DI'I MTSAN GZHIR 'BREL BA MED PA'I PHYIR RO, ,ZHES GSUNGS PA'I PHYIR, KHA CIG ,BKA' DANG PO BDEN BZHI'I CHOS 'KHOR GYI CHED DU BYA BA'I GDUL BYA YIN NA, NYAN THOS KYI RIGS CAN YIN PAS KHYAB ZER NA, 'O NA, DE'I CHED DU BYA BA'I GDUL BYA RANG RGYAL GYI RIGS CAN CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, THEG DMAN GYI MDO'I CHED DU BYA BA'I GDUL BYA RANG RGYAL GYI RIGS CAN YOD PA GANG ZHIG ,RANG RGYAL LA NYAN THOS LAS SDE SNOD ZUR PA MED PA'I PHYIR, DANG PO DER THAL, SANGS RGYAS KYI GSUNG GI CHED DU BYA BA'I GDUL BYA RANG RGYAL GYI RIGS CAN YOD PA'I PHYIR, DER THAL, BSE RU LTA BU'I RANG RGYAL DES SKYE BA GCIG THOGS KYI TSE, SANGS RGYAS YONGS 'DZIN DU BSTEN SMON LAM CHEN PO GSUM BTAB MKHAS PAR BYA BA'I DNGOS PO DRUG LA MKHAS PA SOGS BYED PA'I PHYIR, RTZA BAR 'DOD MI NUS TE, CHOS CAN @8B DE YIN PA'I PHYIR, KHA CIG ,MDO SHES RAB SNYING PO'I CHED DU BYA BA'I GDUL BYA NGO BO NYID MED PAR SMRA BA'I RIGS CAN YOD ZER NA, 'O NA, DE CHOS CAN, KHYOD THEG CHEN GYI RIGS CAN DBANG RNON YIN PAR THAL, KHYOD SEMS TZAM PA'I RIGS CAN YIN PA'I PHYIR, DER THAL, KHYOD BKA' BAR PA MTSAN NYID MED PA'I CHOS 'KHOR GYI CHED DU BYA BA'I GDUL BYA YIN PA'I PHYIR, DER THAL, KHYOD SHES RAB SNYING PO'I CHED DU BYA BA'I GDUL BYA YIN PA'I PHYIR, 'DOD MI NUS TE, NGO BO NYID MED PAR SMRA BA'I RIGS CAN YIN PA'I PHYIR, KHA CIG ,RGYAS 'BRING BSDUS GSUM GYI CHED DU BYA BA'I GDUL BYAS RGYAS 'BRING BSDUS GSUM SGRA JI BZHIN PAR 'DZIN PA YIN NO ZER NA, 'O NA, RGYAS 'BRING BSDUS GSUM GYI CHED DU BYA BA'I GDUL BYA CHOS CAN, KHYOD KYIS GZHAN DBANG BDEN MED DU 'DOD PAR THAL, KHYOD RGYAS 'BRING BSDUS GSUM SGRA JI BZHIN PAR 'DZIN PA'I THEG CHEN GYI RIGS CAN YIN PA'I PHYIR, ,RTAGS KHAS, 'DOD MI NUS TE, GZHAN DBANG BDEN GRUB TU 'DOD PA'I GANG ZAG YIN PA'I PHYIR, DER THAL, SEMS TZAM PA'I RIGS CAN YIN PA'I PHYIR, DER THAL, BKA' BAR PA MTSAN NYID MED PA'I CHOS 'KHOR GYI CHED DU BYA BA'I GDUL BYA YIN PA'I PHYIR, KHA CIG ,RGYAS 'BRING BSDUS GSUM PO DE'I GONG DU MDO SDE GZHAN YOD PAS BLA NA MCHIS PA'I MDO YIN NO ZER NA, DE MI 'THAD PAR THAL, RGYAS 'BRING BSDUS GSUM DE RNAM PAR MI RTOG PA'I YE SHES KYI DMIGS PA 'GYUR MED YONGS GRUB KYIS BSDUS PA'I STONG NYID RGYAS PAR GTAN LA 'BEBS PA'I MDO SDE KUN GYI GTZO BO YIN PA'I PHYIR, DER THAL, RNAM BSHAD LAS, DRANG BA'I DON YIN YANG RNAM PAR MI RTOG PA'I YE SHES KYI DMIGS PA 'GYUR MED YONGS GRUB KYIS BSDUS PA'I STONG NYID RGYAS PAR GTAN LA 'BEBS PA'I MDO SDE RNAMS KYI GTZO BO YIN ZHING, DE'I CHED DU BYA BA'I GDUL BYA NI MDO SDE GZHAN GYI DGONGS PA BKRAL BA LA LTOS MI DGOS PAR DGONGS PA RDZOGS PAR RTOGS SHING, SGRA JI BZHIN PAR MI 'DZIN NO, ZHES GSUNGS PA'I PHYIR, KHA CIG ,BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA RIGS CAN GSUM KA YOD ZER NA, 'O NA, BKA' THA MA LEGS PHYE'I CHOS 'KHOR KYI CHED DU BYA BA'I GDUL BYA DANG PO NYID NAS THEG DMAN DU RIGS NGES @9A *, ,PA'I THEG DMAN GYI RIGS CAN YOD PAR THAL, DE'I CHED DU BYA BA'I GDUL BYA THEG DMAN GYI RIGS CAN YOD PA'I PHYIR, KHA CIG GIS MA KHYAB ZER, 'DOD NA, STONG NYID PHRA MO BSTAN PA'I SNOD RUNG GI GDUL BYA DANG PO NYID NAS THEG DMAN DU RIGS NGES PA'I THEG DMAN GYI RIGS CAN YOD PAR THAL, 'DOD PA GANG ZHIG ,BKA' THA MA LEGS PHYE'I CHOS 'KHOR DE BDAG MED PHRA MO DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA'I PHYIR, 'DOD NA, CHOS KYI BDAG MED PHRA MO RTOGS PA'I DANG PO NYID NAS THEG DMAN DU RIGS NGES PA'I THEG DMAN GYI RIGS CAN YOD PAR THAL, 'DOD PA DE'I PHYIR, 'DOD MI NUS TE, MDO SDE DGONGS 'GREL DANG 'GAL BA'I PHYIR, RTZA BA'I THAL 'GYUR LA KHYAB PA YOD PAR THAL, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA THEG DMAN GYI RIGS CAN YOD PA GANG ZHIG ,DE LA THEG CHEN LAM DU 'JUG MYONG GIS KHYAB PA STON BYED KYI TSAD LDAN GYI GZHUNG MED PA'I PHYIR, DANG PO KHAS, GZHAN YANG BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA THEG DMAN GYI RIGS CAN MED PAR THAL, ,BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA DE 'KHOR LO THA MAS BAR PA'I DGONGS PA BKRAL BA LA LTOS DGOS PA'I THEG CHEN GYI RIGS CAN YIN PA'I PHYIR, DER THAL, RNAM BSHAD LAS, MDO SDE DGONGS 'GREL LTA BUS DE'I DGONGS PA GSAL BAR PHYE NAS BSTAN DGOS PA'I RIGS CAN RNAMS NI THEG PA CHEN PO'I RIGS CAN YIN YANG SNGA MA LAS DBANG PO DMAN PA YIN LA, ZHES GSUNGS PA'I PHYIR, GNYIS PA RANG GI LUGS BZHAG PA LA, BCOM LDAN 'DAS KYIS DUS DANG POR CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS BDEN BZHI DNGOS BSTAN BSTAN BYA'I GTZO BOR BYAS NAS STON PA'I THEG DMAN GYI MDO, BKA' DANG PO BDEN BZHI'I CHOS 'KHOR GYI MTSAN NYID, MTSAN GZHI NI, DGE SLONG DAG 'DI NI SDUG BSNGAL 'PHAGS PA'I BDEN PA'O, ,'DI NI KUN 'BYUNG 'PHAGS PA'I BDEN PA'O, ,'DI NI 'GOG PA 'PHAGS PA'I BDEN PA'O, ,'DI NI LAM 'PHAGS PA'I BDEN PA'O, ,SDUG BSNGAL SHES PAR BYA, KUN 'BYUNG @9B SPANG BAR BYA, 'GOG PA MNGON DU BYA, LAM BSGOM PAR BYA, SDUG BSNGAL SHES PAR BYA, SLAR YANG SHES PAR BYAR MED, KUN 'BYUNG SPANG BAR BYA, SLAR YANG SPANG BAR BYAR MED, 'GOG PA MNGON DU BYA, SLAR YANG MNGON DU BYAR MED, LAM BSGOM PAR BYA, SLAR YANG BSGOM PAR BYAR MED, ZHES PA'I MDO LTA BU YIN, BCOM LDAN 'DAS KYIS DUS BAR PAR CHED DU BYA BA'I GDUL BYA THEG CHEN GYI RIGS CAN DBANG RNON LA STONG NYID PHRA MO BSTAN BYA'I GTZO BOR BYAS NAS BSTAN PA'I THEG CHEN GYI MDO, BKA' BAR PA MTSAN NYID MED PA'I CHOS 'KHOR GYI MTSAN NYID, MTSAN GZHI NI, RGYAS 'BRING BSDUS GSUM DANG, SDUD PA SHES RAB SNYING PO DANG BCAS PA YIN, BCOM LDAN 'DAS KYIS DUS THA MAR CHED DU BYA BA'I GDUL BYA THEG CHEN GYI RIGS CAN LA CHOS KYI BDAG MED PHRA RAGS CI RIGS BSTAN BYA'I GTZO BOR BYAS NAS BSTAN PA'I THEG CHEN GYI MDO, ,BKA' THA MA LEGS PHYE'I CHOS 'KHOR GYI MTSAN NYID, MTSAN GZHI NI, BYANG CHUB SEMS DPA' DON DAM YANG DAG 'PHAGS ZHUS KYI LE'U DANG, DGONGS 'GREL GYI BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN, ZHES SOGS KYI MDO LTA BU YIN, DE DAG NI GO BA GTZO BOR BYAS PA YIN LA, TSIG SKYON BCAD DE ZHIB PAR SMRAS NA 'KHOR LO GSUM PO GANG RUNG DU GYUR PA'I THEG DMAN GYI MDO, BKA' DANG PO BDEN BZHI'I CHOS 'KHOR GYI MTSAN NYID, DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,CHED DU BYA BA'I GDUL BYA BYANG CHUB SEMS DPA' DON DAM YANG DAG 'PHAGS ZHUS KYI LE'U LTA BUS 'KHOR LO BAR PA'I DGONGS PA BKRAL BA LA LTOS MI DGOS PA'I THEG CHEN GYI RIGS CAN LA GTZO BOR DGONGS NAS GSUNGS PA'I MDO, BKA' BAR PA MTSAN NYID MED PA'I CHOS 'KHOR GYI MTSAN NYID, DGONGS 'GREL NAS GSUNGS PA'I 'KHOR LO GSUM PO GANG RUNG GANG ZHIG ,CHED DU BYA BA'I GDUL BYA BYANG CHUB SEMS DPA' DON DAM YANG DAG 'PHAGS ZHUS KYI LE'U LTA BUS 'KHOR LO BAR PA'I DGONGS PA BKRAL BA LA LTOS DGOS PA'I THEG CHEN GYI RIGS CAN LA GTZO BOR DGONGS NAS GSUNGS PA'I MDO, BKA' THA MA LEGS PHYE'I CHOS 'KHOR GYI MTSAN @10A *, ,NYID; MTSAN GZHI NI SNGAR LTAR YIN, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA DE LA THEG PA THAMS CAD LA YANG DAG PAR ZHUGS PA ZHES 'CHAD PA'I RGYU MTSAN YOD DE, 'KHOR LO DANG PO'I CHED DU BYA BA'I GDUL BYA DES 'KHOR LO DANG POS BSTAN TSOD KYI GANG ZAG GI BDAG MED KYI DBANG DU BYAS PA'I MTSAN NYID GSUM GYI RNAM BZHAG TZAM ZHIG GO BAR NUS, 'KHOR LO BAR PA'I BRJOD BYAR GYUR PA'I CHOS KYI BDAG MED KYI DBANG DU BYAS PA'I MTSAN NYID GSUM GYI RNAM BZHAG GO MI NUS, 'KHOR LO BAR PA'I CHED DU BYA BA'I GDUL BYA DES MDO GZHAN GYIS 'KHOR LO BAR PA'I DGONGS PA BKRAL BA LA MA LTOS PAR 'KHOR LO BAR PA'I BRJOD BYAR GYUR PA'I CHOS KYI BDAG MED KYI DBANG DU BYAS PA'I MTSAN NYID GSUM GYI RNAM BZHAG GO NUS, 'KHOR LO THA MA'I CHED DU BYA BA'I GDUL BYA DES BYANG CHUB SEMS DPA' DON DAM YANG DAG 'PHAGS ZHUS KYI LE'U LTA BUS 'KHOR LO BAR PA'I DGONGS PA MA BKRAL BAR 'KHOR LO BAR PA'I BRJOD BYAR GYUR PA'I CHOS KYI BDAG MED KYI DBANG DU BYAS PA'I MTSAN NYID GSUM GYI RNAM BZHAG GO BAR MI NUS, BYANG CHUB SEMS DPA' DON DAM YANG DAG 'PHAGS ZHUS KYI LE'U LTA BUS 'KHOR LO BAR PA'I DGONGS PA DNGOS SU BKRAL BA LA BRTEN NAS 'KHOR LO BAR PA'I BRJOD BYAR GYUR PA'I CHOS KYI BDAG MED KYI DBANG DU BYAS PA'I MTSAN NYID GSUM GYI RNAM BZHAG DNGOS SU GO BA'I SHUGS LA, 'KHOR LO DANG PO'I BRJOD BYAR GYUR PA'I GANG ZAG GI BDAG MED KYI DBANG DU BYAS PA'I MTSAN NYID GSUM GYI RNAM BZHAG GO BAR 'GYUR BA'I GDUL BYA ZHIG YIN PA'I RGYU MTSAN GYIS DE LTAR BSHAD PA'I PHYIR, ` GSUM PA RTZOD PA SPONG BA LA, KHA CIG GI NA RE, BKA' DANG PO BDEN BZHI'I CHOS 'KHOR GYI CHED DU BYA BA'I GDUL BYA RANG RGYAL GYI RIGS CAN MED PAR THAL, DE'I CHED DU BYA BA'I GDUL BYA YIN NA, NYAN THOS KYI RIGS CAN YIN DGOS PA'I PHYIR, DER THAL, GRUB DON DANG PO'I SKABS SU, NYAN THOS KYI THEG PA LA YANG DAG PAR ZHUGS PA RNAMS LA, ZHES GSUNGS PA'I PHYIR ZER NA SKYON MED DE, GTZO CHE BA LA DGONGS PA YIN PA'I PHYIR, DE @10B LTAR MA YIN NA, BKA' DANG PO BDEN BZHI'I CHOS 'KHOR GYI CHED DU BYA BA'I GDUL BYA YIN NA, NYAN THOS LAM ZHUGS KYI GANG ZAG YIN DGOS PAR THAL, NYAN THOS KYI THEG PA LA YANG DAG PAR ZHUGS RNAMS LA, ZHES GSUNGS PA'I PHYIR, 'DOD NA, BKA' DANG PO BDEN BZHI'I CHOS 'KHOR GYI CHED DU BYA BA'I GDUL BYA NYAN THOS KYI LAM LA 'JUG MA MYONG BA'I MDO SDE PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, THEG CHEN LAM DU 'JUG MA MYONG BA'I BKA' BAR PA MTSAN NYID MED PA'I CHOS 'KHOR GYI CHED DU BYA BA'I GDUL BYA YOD PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG NA RE, MDO SHES RAB SNYING PO NGO BO NYID MED PAR SMRA BA'I MDO YIN PAR THAL, SHES RAB SNYING PO'I CHED DU BYA BA'I GDUL BYA NGO BO NYID MED PAR SMRA BA'I THAL 'GYUR BA'I RIGS CAN YOD PA'I PHYIR, DER THAL, SHES RAB SNYING POS GZUGS NAS RNAM MKHYEN GYI BAR GYI CHOS RNAMS LA DON DAM PA'AM, BDEN PA'I KHYAD PAR DNGOS SU MA SBYAR BAR, RANG BZHIN MED PAR SGRAS ZIN LA BSTAN PA DE GDUL BYA NGO BO NYID MED PAR SMRA BA'I THAL 'GYUR BA'I RIGS CAN RJES SU 'DZIN PA'I CHED DU YIN PA'I PHYIR, ZER NA MA KHYAB, MA GRUB NA, DER THAL, DE LTAR BSTAN PA LA DGOS PA YOD PA'I PHYIR, DER THAL, BCOM LDAN 'DAS LA GDUL BYA'I DON DU MI 'GYUR BA'I MDZAD PA MI MNGA' BA'I PHYIR, KHA CIG ,BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA RIGS CAN GSUM KA YOD PAR THAL, LEGS BSHAD SNYING PO LAS, GDUL BYA NI THEG PA THAMS CAD LA YANG DAG PAR ZHUGS PA STE, SNGA MA GNYIS NI THEG PA CHE CHUNG SO SO BA YIN LA 'DI NI GNYIS KA'I DBANG DU BYAS PA'O, ,ZHES GSUNGS PA'I PHYIR, ZER NA SKYON MED DE, DE'I DON NI GONG DU BSHAD ZIN PA LTAR YIN PA'I PHYIR, DE LTAR MA YIN NA, THEG PA THAMS CAD LA YANG ZHUGS KYI DON GDUL BYA NI THEG PA THAMS CAD LA ZHES SOGS LAS LOGS SU, LEGS BSHAD SNYING PO LAS, PHUNG PO LA SOGS PA GZHAN DBANG DANG DE LA CHOS KYI BDAG TU SGRO BTAGS PA KUN BTAGS DANG, DE DES STONG PA CHOS KYI BDAG MED KYI YONGS GRUB TU 'JOG @11A *, ,PA THEG CHEN GYI MDO'I DON DU DGONGS 'GREL GYIS BKRAL BA'I SHUGS KYIS PHUNG PO'I GZHAN DBANG GANG ZAG GI BDAG GI KUN BTAGS KYIS STONG PA GANG ZAG GI BDAG MED KYI YONGS GRUB TU 'JOG PA'I NGO BO NYID GSUM GYI RNAM BZHAG DE TZAM ZHIG THEG DMAN GYI MDO'I DON DU GO NUS LA, DE'I PHYIR 'KHOR LO DANG PO GSUNGS PA'I GDUL BYA NI GANG ZAG GI BDAG MED KYI DBANG DU BYAS PA'I MTSAN NYID NGO BO NYID MED PA RTOGS PA'I SNOD DU RUNG LA, CHOS KYI BDAG MED KYI DBANG DU BYAS PA'I MTSAN NYID NGO BO NYID MED PA RTOGS PA'I SNOD DU MI RUNG BA LA GSUNGS PAR DGONGS 'GREL GYI SHUGS KYIS 'GREL BAS, LEGS PAR RNAM PAR PHYE BA'I CHOS 'KHOR THEG PA THAMS CAD LA ZHUGS PA'I CHED DU GSUNGS PA'I DON NI 'DI'O ZHES RGYAS PAR 'CHAD MI RIGS PAR THAL, THEG PA THAMS CAD LA YANG ZHUGS KYI DON DE, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA RIGS CAN GSUM KA YOD PA TZAM LA BYED RIGS PA'I PHYIR, RTAGS KHAS, 'DOD MI NUS SO, ,GZHAN YANG 'KHOR LO DANG PO GNYIS KYI CHED DU BYA BA'I GDUL BYA GNYIS PO DE THEG PA CHE CHUNG SO SO BA DANG, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA DE THEG PA CHE CHUNG GNYIS KA LA ZHUGS PA'I GANG ZAG YIN PAR THAL, LEGS BSHAD SNYING PO LAS, GDUL BYA NI THEG PA THAMS CAD LA YANG DAG PAR ZHUGS PA STE, SNGA MA GNYIS NI THEG PA CHE CHUNG SO SO BA YIN LA 'DI NI GNYIS KA'I DBANG DU BYAS PA'O, ,ZHES GSUNGS PA'I PHYIR, KHYAB STE, DE LTAR GSUNGS NA, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA RIGS CAN GSUM KA YOD DGOS PA'I PHYIR, RTAGS KHAS, 'DOD NA, BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA CHOS CAN; KHYOD THEG PA CHE CHUNG GNYIS KA LA ZHUGS PA'I GANG ZAG MA YIN PAR THAL, KHYOD GANG ZAG GI BDAG MED YIN PA'I PHYIR, KHA CIG ,BKA' THA MA LEGS PHYE'I CHOS 'KHOR GYI CHED DU BYA BA'I GDUL BYA RIGS CAN GSUM KA YOD PAR THAL, DE THEG PA THUN MONG BA'I MDO YIN PA'I PHYIR, @11B DER THAL, THEG PA THUN MONG BA'I MDO YOD PA'I PHYIR, DER THAL, MNGON PA KUN LAS BTUS DE THEG PA THUN MONG BA'I MNGON PA'I SDE SNOD DU GSUNGS PA'I PHYIR, ZER NA MA KHYAB, DE'I DON NI, THEG PA CHE CHUNG GNYIS KA'I LAM NYAMS SU LEN PA'I TSE, GTAN LA 'BEBS DGOS PA'I GZHI PHUNG KHAMS SKYE MCHED RNAMS KYI MTSAN NYID GTAN LA PHAB PA LA DGONGS PA YIN PA'I PHYIR, KHA CIG ,SDUG BDEN TZAM STON PA'I BKA' DANG PO BDEN BZHI'I CHOS 'KHOR DE CHOS CAN, BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PAR THAL, BKA' DANG PO BDEN BZHI'I CHOS 'KHOR YIN PA'I PHYIR, KHYAB PA KHAS, MA GRUB NA DER THAL, CHOS CAN DE YIN PA'I PHYIR, DER THAL, PHUNG KHAMS SKYE MCHED TZAM STON PA'I BKA' DANG PO BDEN BZHI'I CHOS 'KHOR YOD PA'I PHYIR, DER THAL, MDO SDE LA 'GAL SPONG GI DRI BA'I SKABS SU, BCOM LDAN 'DAS KYI RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL, ZHES GSUNGS PA'I PHYIR ZER NA, MA KHYAB, 'DOD MI NUS TE, CHOS CAN DE YIN PA'I PHYIR, 'DOD NA, BDEN BZHI GANG RUNG MI STON PA'I BKA' DANG PO BDEN BZHI'I CHOS 'KHOR YOD PAR THAL, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL, ZHES PA LAS LOGS SU, BDEN PA RNAMS KYI RANG GI MTSAN NYID DANG, ZHES GSUNGS PA'I PHYIR, KHYAB PA KHAS, 'DOD NA, STONG NYID MI STON PA'I BKA' BAR PA MTSAN NYID MED PA'I CHOS 'KHOR YOD PAR THAL, 'DOD PA DE'I PHYIR, 'DOD MI NUS TE; DE YIN NA, BRJOD BYA STONG NYID LAS BRTZAMS PAS KHYAB PA'I PHYIR, KHA CIG ,BKA' DANG PO BDEN BZHI'I CHOS 'KHOR GYI MDO TSIG TU GYUR PA'I SDUG BDEN TZAM STON PA'I MDO TSIG CHOS CAN, BDEN BZHI DNGOS BSTAN BSTAN BYA'I GTZO BOR BYAS NAS STON PA'I MDO YIN PAR THAL, BKA' DANG PO BDEN BZHI'I CHOS 'KHOR YIN PA'I PHYIR, KHYAB PA KHAS, DER THAL, DE'I MDO TSIG YIN PA'I PHYIR ZER NA MA KHYAB, 'DOD MI NUS TE, CHOS CAN DE YIN PA'I PHYIR ZER NA, 'O NA, DE RANG CHOS CAN, BDEN BZHI'I DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PAR THAL, DE 'DRA BA'I MDO @12A *, ,TSIG YIN PA'I PHYIR, KHYAB PA KHAS, DER THAL, BDEN BZHI DNGOS BSTAN BSTAN BYA'I GTZO BOR BYAS NAS BSTAN PA'I BDEN BZHI'I CHOS 'KHOR GYI MDO TSIG YIN PA'I PHYIR, RTAGS KHAS, 'DOD MI NUS TE, CHOS CAN DE YIN PA'I PHYIR, 'KHOR GSUM YOD, KHA CIG ,BKA' BAR PA MTSAN NYID MED PA'I CHOS 'KHOR YIN NA, STONG NYID DNGOS BSTAN BSTAN BYA'I GTZO BOR BYAS NAS BSTAN PAS KHYAB PAR THAL, DE YIN NA, STONG NYID BSTAN BYA'I GTZO BOR BYAS NAS BSTAN PAS KHYAB PA GANG ZHIG ,STONG NYID DNGOS SU BSTAN NA SGRAS ZIN LA BSTAN MI DGOS PA'I PHYIR, PHYI MA DER THAL, SHES RAB SNYING POS STONG NYID SGRAS ZIN LA MA BSTAN KYANG, SHES RAB SNYING PO'I CHED DU BYA BA'I GDUL BYAS SHES RAB SNYING PO LA BRTEN NAS STONG NYID DNGOS SU GO NUS PA'I PHYIR ZER NA MA KHYAB, KHA CIG ,GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS MA GRUB PA DE, CHOS KYI BDAG MED RAGS PA YIN PAR THAL, BKA' THA MA LEGS PHYE'I CHOS 'KHOR GYI CHOS KYI BDAG MED PHRA RAGS CI RIGS PA BSTAN BYA'I GTZO BOR BYAS NAS BSTAN PA'I PHYIR ZER NA MA KHYAB, 'DOD MI NUS TE, DE CHAD MTHA' YIN PA'I PHYIR, DER THAL, GZHAN DBANG RANG GI MTSAN NYID KYIS GRUB PA'I PHYIR, KHA CIG ,BYANG CHUB SEMS DPA' DON DAM YANG DAG 'PHAGS ZHUS KYI LE'U NGES DON GYI MDO MA YIN PAR THAL, DE'I GONG DU NGES DON GYI MDO GZHAN YOD PA'I PHYIR, DER THAL, DE'I GONG DU KHYAD PAR DU 'PHAGS PA'I MDO GZHAN YOD PA'I PHYIR ZER NA MA KHYAB, MA GRUB NA DER THAL, RGYAS 'BRING BSDUS GSUM DE LTAR YIN PA'I PHYIR, KHA CIG ,LE'U BCU'I BDAG NYID CAN GYI MDO SDE DGONGS 'GREL RIL PO DE LEGS PHYE'I CHOS 'KHOR GYI MTSAN GZHI YIN PAR THAL, RNAM BSHAD DU DBU SEMS GNYIS KA'I SKABS SU LEGS PHYE'I CHOS 'KHOR GYI MTSAN GZHI NGOS 'DZIN PA DE'I TSE, MTSAN NYID GSUM LA BDEN PAR YOD MED SO SOR PHYE NAS STON PA'I MDO DGONGS 'GREL LTA BU ZHES GSUNGS PA'I PHYIR ZER NA SKYON MED DE, BYANG CHUB SEMS DPA' DON DAM YANG DAG 'PHAGS ZHUS KYI LE'U DANG DGONGS 'GREL GYI BYAMS ZHUS KYI LE'U'I NANG TSAN @12B DU GYUR PA'I BYAMS PA TING NGE 'DZIN GYI SPYOD YUL SOGS KYI MDO GNYIS LA, MDO NYID NAS DGONGS 'GREL GYI MING GIS BTAGS PA DE LA DGONGS PA'I PHYIR, ,DE LTAR MA YIN NA, BYANG CHUB SEMS DPA' DON DAM YANG DAG 'PHAGS ZHUS KYI LE'U DANG, BYAMS PA TING NGE 'DZIN GYI SPYOD YUL GYI GZUGS BRNYAN NI, ZHES SOGS KYI MDO GNYIS DANG, BYANG CHUB SEMS DPA' CHOS 'PHAGS KYI DRIS LAN GYI LE'U DANG, DON ZAB DGONGS PA NGES 'GREL GYI LE'U GZHAN RNAMS LA BRJOD BYA STON TSUL LA KHYAD PAR MED PAR THAL, DE THAMS CAD BKA' THA MA LEGS PHYE'I CHOS 'KHOR YIN PA'I PHYIR, RTAGS KHAS, 'DOD MI NUS SO,, ` ,,'KHOR LO GSUM GYI MTSAN NYID DANG DBYE BA, BRJOD BYA, CHED DU BYA BA'I GDUL BYA SOGS DE LTAR YIN NA, 'KHOR LO GSUM GYI DRANG NGES 'GREL TSUL JI LTA BU ZHE NA, DE LA KHA CIG NA RE, 'KHOR LO DANG PO'I DGONGS GZHI YIN NA, DE'I DGONGS PA YIN PAS KHYAB ZER NA, 'O NA; KUN GZHI'I RNAM SHES KYI STENG DU PHYI ROL DON SNANG GI BAG CHAGS BZHAG PA SMIN PA LA BRTEN NAS PHYI ROL DON SNANG GI RNAM SHES SKYE BA CHOS CAN, DER THAL, DE'I PHYIR, DER THAL, 'KHOR LO DANG POS GZUGS NAS REG BYA'I BAR GYI CHOS RNAMS PHYI ROL DON DU GRUB PAR BSTAN PA'I DGONGS GZHI YIN PA'I PHYIR, 'DOD NA, DE'I BSTAN DON YIN PAR THAL, 'DOD PA DE'I PHYIR, 'DOD NA, DES RANG GI CHED DU BYA BA'I GDUL BYA DON SMRA SDE GNYIS LA KUN GZHI BSTAN PAR THAL, 'DOD PA DE'I PHYIR, 'DOD NA, DON SMRA SDE GNYIS KYIS KUN GZHI 'DOD PAR THAL, 'DOD PA DE'I PHYIR, 'DOD NA, DE GNYIS KYIS GZUGS NAS REG BYA'I BAR GYI CHOS RNAMS KUN GZHI'I STENG DU PHYI ROL DON SNANG GI BAG CHAGS BZHAG PA SMIN PA'I SNANG BA TZAM YIN GYI PHYI ROL DON DU MA GRUB PAR 'DOD PAR THAL, 'DOD PA DE'I PHYIR, 'DOD NA, DE GNYIS DON SMRA MA YIN PAR THAL LO, ,KHA CIG ,'KHOR LO DANG PO'I DGONGS GZHI YIN NA, DE'I DGONGS PA MA YIN PAS KHYAB ZER NA, 'O NA, GZUGS GZUGS ZHES PA'I THA SNYAD 'JUG PA'I 'JUG GZHIR YOD PA CHOS CAN, DER THAL, DE'I PHYIR, DER THAL, 'KHOR LO DANG POS GZUGS GZUGS ZHES PA'I THA SNYAD 'JUG PA'I @13A *, ,'JUG GZHIR RANG GI GNAS LUGS KYI DBANG GIS GRUB PAR BSTAN PA'I DGONGS GZHI YIN PA'I PHYIR, DER THAL, DES DE LTAR BSTAN PA'I DGONGS GZHI GCIG YOD PA'I PHYIR, 'DOD NA, DE'I DGONGS PA YIN PAR THAL, DE'I BSTAN DON YIN PA'I PHYIR, DER THAL, DES DE LTAR BSTAN PA'I PHYIR, DER THAL, DES GZUGS GZUGS ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PAR BSTAN PA'I PHYIR, KHA CIG ,'KHOR LO DANG PO'I BSTAN DON YIN NA, DE'I SGRAS ZIN GYI DON YIN PAS MA KHYAB ZER NA, DES KHYAB PAR THAL, GZUGS NAS REG BYA'I BAR GYI CHOS RNAMS PHYI ROL DON DU GRUB PA YANG, DE'I SGRAS ZIN GYI DON YIN, GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PA YANG DE'I SGRAS ZIN GYI DON YIN, ,BDEN PA BZHI PO DE YANG DE'I SGRAS ZIN GYI DON YIN PA'I PHYIR, KHA CIG ,PHYI DON YOD PAR STON PA'I BKA' DANG PO BDEN BZHI'I CHOS 'KHOR GYI SGRAS ZIN GYI DON MED ZER NA, 'O NA, GRUB DON DANG PO'I SKABS NAS DNGOS SU BSTAN PA'I 'KHOR LO DANG PO'I SGRAS ZIN GYI DON YANG MED PAR THAL, DAM BCA' 'THAD PA'I PHYIR, 'DOD NA, GRUB DON DANG PO'I SKABS NAS DNGOS SU BSTAN PA'I BDEN BZHI'I CHOS 'KHOR GYI BRJOD BYA MED PAR THAL, 'DOD PA DE'I PHYIR, 'DOD NA, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR CHOS CAN, KHYOD KYI BRJOD BYA YOD PAR THAL, BDEN PA BZHI PO KHYOD KYI BRJOD BYA YIN PA'I PHYIR, DER THAL, 'PHAGS PA'I BDEN PA BZHI'I RNAM PA BSTAN PAS, ZHES PA 'DI GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR GYI BRJOD BYA NGOS 'DZIN GYI GZHUNG YIN PA'I PHYIR, DER THAL, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, ZHES PA'I GZHUNG 'DI GRUB DON BAR PA'I SKABS NAS DNGOS SU BSTAN PA'I 'KHOR LO BAR PA'I BRJOD BYA NGOS 'DZIN GYI GZHUNG YIN PA'I PHYIR, @13B GZHAN YANG, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR CHOS CAN, KHYOD RANG NYID KUN NAS SLONG BYED MI SHES PAS KUN NAS BSLANGS NAS BRTZAMS PA'I NGAG YIN PAR THAL, BRJOD BYAS STONG PA'I NGAG GANG ZHIG ,SKYES BUS BRTZAMS PA'I NGAG YIN PA'I PHYIR, KHYAB STE, RNAM 'GREL LAS, BRJOD BYAS STONG PA BRJOD RNAMS KYI, ,'DI NI MI SHES KYIS BSLANG YIN, ,ZHES GSUNGS PA'I PHYIR, 'DOD MI NUS TE, SANGS RGYAS KYI BKA' YIN PA'I PHYIR, GZHAN YANG, DE CHOS CAN, GROL BA DON GNYER GYI SKYES BU LA LTOS TE, KHYOD BRTZAMS PA LA DGOS PA MED PAR THAL, KHYOD KYIS GROL BA DON GNYER GYI SKYES BU LA NYER MKHO'I DON MA BSTAN PA'I PHYIR, MA GRUB NA, DE'I BRJOD BYA YOD PAR THAL LO,, GZHAN YANG, DE CHOS CAN, KHYOD KYI BRJOD BYA YOD PAR THAL, KHYOD DGOS SOGS CHOS BZHI DANG 'BREL BA'I NGAG YIN PA'I PHYIR, DER THAL, KHYOD SANGS RGYAS KYI BKA' YIN PA'I PHYIR, KHA CIG ,BDEN BZHI'I CHOS 'KHOR GYIS PHYI DON YOD PAR BSTAN PA'I BRJOD BYA YOD ZER NA, DE MED PAR THAL, PHYI DON MED PA'I PHYIR, KHA CIG ,PHYI DON YOD PAR BSTAN PA'I BKA' DANG PO BDEN BZHI'I CHOS 'KHOR GYI SGRAS ZIN GYI DON MED PAR THAL, DE'I SGRAS ZIN GYI DON LA TSAD MAS GNOD PA'I PHYIR DANG, DE'I DGONGS GZHI YIN NA, DE'I BSTAN DON MA YIN DGOS PA'I PHYIR, DANG PO DER THAL, GZUGS NAS REG BYA'I BAR GYI CHOS RNAMS PHYI ROL DON DU GRUB PA YANG MED, GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PA YANG MED, PHYI ROL GYI DON YANG MED PA'I PHYIR ZER NA, MA KHYAB, PHYI MA DER THAL, NYI SHU PA RTZA 'GREL GYIS 'KHOR LO DANG PO DRANG DON DU 'GREL BA DE'I TSE, DGONGS GZHI BSTAN DON DU MA BYAS PAR DRANG DON DU 'GREL PAR LEGS BSHAD SNYING PO LAS GSUNGS PA'I PHYIR ZER NA SKYON MED DE, KUN GZHI'I STENG DU PHYI ROL DON SNANG GI BAG CHAGS BZHAG PA SMIN PA LA BRTEN NAS, PHYI ROL DON SNANG GI RNAM SHES SKYE BA DE, DE'I DGONGS GZHI YIN KYANG, DE'I BSTAN DON MA YIN ZHES PA'I DON YIN PA'I @14A *, ,PHYIR; KHA CIG ,GZUGS GZUGS ZHES PA'I THA SNYAD 'JUG PA'I 'JUG GZHIR YOD PA DE, 'KHOR LO DANG POS GZUGS GZUGS ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PAR BSTAN PA'I DGONGS GZHI MA YIN PAR THAL, GZUGS GZUGS ZHES PA'I THA SNYAD 'JUG PA'I 'JUG GZHIR YOD TZAM DE'I DGONGS GZHI YIN PA'I PHYIR ZER NA, DE GNYIS MI 'GAL TE, DE'I YOD TZAM GYI DON NI 'JUG GZHI DER RTOG PAS BTAGS PA TZAM DU YOD PA LA BYED PA GANG ZHIG ,'JUG GZHI DER RTOG PAS BTAGS TZAM DU YOD NA 'JUG GZHI DER YOD DGOS PA'I PHYIR, GANG ZHIG DER THAL, TZAM SGRA DE THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PA 'GOG PA'I PHYIR DU YIN PA'I PHYIR, KHA CIG NA RE, 'KHOR LO BAR PA'I SGRAS ZIN GYI DON YIN NA, 'KHOR LO BAR PA'I BSTAN DON MA YIN PAS KHYAB ZER NA, 'O NA, 'GOG BDEN DANG CHOS KHAMS RANG GI MTSAN NYID KYIS MA GRUB PA CHOS CAN, DER THAL, DE'I PHYIR, DER THAL, DES 'GOG BDEN DANG CHOS KHAMS RANG GI MTSAN NYID KYIS MA GRUB PAR SGRAS ZIN LA BSTAN PA'I PHYIR, DER THAL, DES MYANG 'DAS RANG GI MTSAN NYID KYIS MA GRUB PAR SGRAS ZIN LA BSTAN PA'I PHYIR, DER THAL, YUM RGYAS PA LAS, MYA NGAN LAS 'DAS PA LAS KHYAD PAR DU 'PHAGS PA'I CHOS GZHAN ZHIG YOD NA DE YANG SGYU MA LTA BU RMI LAM LTA BUR SMRA'O, ,ZHES GSUNGS PA'I PHYIR, 'DOD NA, DE DE'I BSTAN DON YIN PAR THAL, NGO BO DANG KHYAD PAR DU KUN BTAGS PA'I KUN BTAGS RANG GI MTSAN NYID KYIS MA GRUB PA DE'I BSTAN DON YIN PA'I PHYIR, DER THAL, DE DE'I DGONGS GZHI YIN PA'I PHYIR, KHA CIG 'KHOR LO BAR PA'I SGRAS ZIN GYI DON YIN NA, MED PAS KHYAB ZER NA, 'O NA, GZUGS NAS RNAM MKHYEN GYI BAR GYI CHOS RNAMS RANG GI MTSAN NYID KYIS MA GRUB PA CHOS CAN, DER THAL, DE'I PHYIR, DER THAL, DES GZUGS NAS RNAM MKHYEN GYI BAR GYI CHOS THAMS CAD RANG GI MTSAN NYID KYIS MA GRUB PAR SGRAS ZIN LA BSTAN PA'I PHYIR, DER THAL, DES GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS @14B MA GRUB PAR SGRAS ZIN LA BSTAN PA'I PHYIR, DER THAL, DES DE LTAR BSTAN PA'I SGO NAS DE DRANG DON DU 'GREL BA'I PHYIR, DER THAL, DE DRANG DON DU 'GREL BA'I RGYU MTSAN YOD PA'I PHYIR, 'DOD MI NUS TE, GZUGS NAS RNAM MKHYEN GYI BAR GYI CHOS RNAMS RANG GI MTSAN NYID KYIS MA GRUB PA'I PHYIR, MA GRUB NA, DE CHOS CAN, KHYOD RANG GI MTSAN NYID KYIS MA GRUB PAR THAL, KHYOD KUN BTAGS YIN PA'I PHYIR, DER THAL, MTSAN NYID GSUM PO GANG RUNG GANG ZHIG ,GZHAN DBANG DANG YONGS GRUB GANG RUNG MA YIN PA'I PHYIR, DANG PO DER THAL, GZHI GRUB PA'I PHYIR, PHYI MA SLA'O, KHA CIG ,'KHOR LO BAR PA'I DGONGS GZHI YIN NA, DE'I SGRAS ZIN GYI DON YIN PAS KHYAB ZER NA, 'O NA, GZHAN DBANG RANG GI MTSAN NYID KYIS GRUB PA CHOS CAN, DER THAL, DE'I PHYIR, DER THAL, DE DE'I BSTAN DON YIN PA'I PHYIR, 'DOD MI NUS TE, GZHAN DBANG RANG GI MTSAN NYID KYIS MA GRUB PA DE'I SGRAS ZIN GYI DON YIN PA'I PHYIR, DER THAL, DES GZHAN DBANG RANG GI MTSAN NYID KYIS MA GRUB PA SGRAS ZIN LA BSTAN PA'I PHYIR, KHA CIG ,'KHOR LO BAR PA'I SGRAS ZIN GYI DON LA TSAD MAS GNOD PAR THAL, DE DRANG DON DGONGS PA CAN GYI MDO GANG ZHIG ,DES GZHAN DBANG RANG GI MTSAN NYID KYIS MA GRUB PAR BSTAN PA'I SGRAS ZIN GYI DON LA TSAD MAS GNOD PA'I PHYIR ZER NA MA KHYAB, MA GRUB NA, DER THAL, GZHAN DBANG RANG GI MTSAN NYID KYIS GRUB PA'I PHYIR, GZHAN YANG, GZUGS NAS RNAM MKHYEN GYI BAR GYI CHOS THAMS CAD RANG GI MTSAN NYID KYIS MA GRUB PAR THAL, DES SGRAS ZIN LA DE LTAR BSTAN PA GANG ZHIG SGRAS ZIN PA BSTAN PA DE GDUL BYA PHAL PA RJES SU BZUNG BA'I PHYIR DU YIN PA'I PHYIR, DER THAL, DE LTAR SGRAS ZIN LA BSTAN PA LA DGOS PA YOD PA'I PHYIR, KHA CIG ,RGYAS 'BRING BSDUS GSUM NGO BO NYID MED PAR SMRA BA'I MDO YIN PAR THAL, RGYAS 'BRING BSDUS GSUM GYI GZUGS NAS RNAM MKHYEN GYI BAR GYI CHOS THAMS CAD NGO BO NYID MED PAR BSTAN PA'I PHYIR, ZER NA MI 'THAD DE, DE SEMS TZAM PA'I MDO YIN PA'I PHYIR, DER THAL, LEGS PHYE'I CHOS 'KHOR SEMS TZAM PA'I MDO GANG ZHIG ,DE GNYIS DGONGS PA MTHAR THUG GCIG PA'I PHYIR, DER THAL, LEGS BSHAD @15A *, ,SNYING PO LAS, 'KHOR LO PHYI MA GNYIS KYI DGONGS PA NI GCIG YIN NO, ,ZHES GSUNGS PA'I PHYIR, GZHAN YANG, DE SEMS TZAM PA'I MDO YIN PAR THAL, DES GZHAN DBANG BDEN PAR GRUB, YONGS GRUB YANG BDEN PAR GRUB PA BSTAN BYA'I GTZO BOR BYAS NAS BSTAN PA'I PHYIR, DER THAL, 'KHOR LO PHYI MAS DE LTAR BSTAN PA GANG ZHIG ,DE GNYIS DGONGS PA MTHAR THUG GCIG PA'I PHYIR, DER THAL, LUNG DRANGS MA THAG PA DE YIN PA'I PHYIR, KHO NA RE, RGYAS 'BRING BSDUS GSUM GYIS GZHAN DBANG NGO BO NYID MED PAR MA BSTAN PAR THAL, NGO BO NYID KYIS GRUB PAR BSTAN PA'I PHYIR ZER NA MA KHYAB, MA GRUB NA, DER THAL, DE BDEN PAR GRUB PA BSTAN BYA'I GTZO BOR BYAS NAS BSTAN PA'I PHYIR ZER NA, 'O NA, LE'U BCU'I BDAG NYID CAN GYI MDO SDE DGONGS 'GREL GYIS PHYI DON YOD PAR MA BSTAN PAR THAL, DES PHYI DON MED PAR BSTAN PA'I PHYIR, KHYAB PA KHAS, MA GRUB NA, DER THAL, DES SEMS TZAM PA'I LTA BA MTHAR THUG GCIG BSTAN PA'I PHYIR, 'DOD NA, DES PHYI DON BSTAN PAR THAL, DES DON SMRA SDE GNYIS RJES SU BZUNG BA'I THABS GCIG BSTAN PA'I PHYIR, DER THAL, SEMS TZAM PA RNAMS KYIS MDO SDE DGONGS 'GREL LA BRTEN NAS DON SMRA SDE GNYIS RJES SU 'DZIN PA'I THABS GCIG RNYED PA'I PHYIR, KHO NA RE, RGYAS 'BRING BSDUS GSUM GYI SGRAS ZIN GYI DON BSTAN DON DU BYED PA DE MI 'THAD PAR THAL, 'KHOR LO BAR PA DRANG DON DU 'GREL PA DE'I TSE SGRAS ZIN GYI DON BSTAN DON DU MA BYAS PAR DRANG DON DU 'GREL PAR LEGS BSHAD SNYING PO LAS GSUNGS PA'I PHYIR ZER NA SKYON MED DE, DE'I DON NI SGRAS ZIN GYI DON GANG YIN THAMS CAD BSTAN DON GYI GTZO BOR MI BYED ZHES PA'I DON YIN PA'I PHYIR, KHA CIG ,BYANG CHUB SEMS DPA' DON DAM YANG DAG 'PHAGS ZHUS KYI LE'US MDO SDE LA 'GAL SPONG GI DRI BA ZHUS PA'I TSUL NI, BCOM LDAN 'DAS KYIS DUS DANG POR GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR BSTAN, DUS BAR PAR GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS MA @15B GRUB PAR BSTAN PAS, SGRAS ZIN LTAR NA 'GAL BA LTAR SNANG YANG BCOM LDAN 'DAS KYI DGONGS PA LA 'GAL BA MED DGOS PAS, DUS BAR PAR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES DNGOS SU DRIS NAS, DON GYIS DUS DANG POR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES DRIS PA YIN NO ZER NA, 'O NA, 'KHOR LO DANG POS GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR BSTAN PAR THAL, KHYOD KYI DAM BCA' 'THAD PA'I PHYIR, 'DOD NA, DE CHOS KHAMS CHOS KHAMS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR BSTAN PAR THAL, 'DOD PA'I PHYIR, 'DOD NA, DES CHOS KHAMS RANG GI MTSAN NYID KYIS GRUB PAR BSTAN PAR THAL LO, ,'DOD PA'I PHYIR, 'DOD NA, DE BRJOD BYED SGRA'I BRJOD BYA RANG GI MTSAN NYID KYIS GRUB PAR BSTAN PAR THAL, 'DOD PA'I PHYIR, 'DOD MI NUS TE, DE'I CHED DU BYA BA'I GDUL BYAS DE RANG GI MTSAN NYID KYIS GRUB PAR MI 'DOD PA'I PHYIR, KHO NA RE, BYANG CHUB SEMS DPA' YANG DAG 'PHAGS ZHUS KYI LE'US MDO SDE LA 'GAL SPONG GI DRI BA ZHUS TSUL NI BCOM LDAN 'DAS KYIS DUS DANG POR GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PA GZHIR BCAS KYI SGO NAS BSTAN, DUS BAR PAR GZUGS NAS RNAM MKHYEN GYI BAR GYI CHOS THAMS CAD RANG GI MTSAN NYID KYIS MA GRUB MNYAM DU BSTAN PAS SGRAS ZIN LTAR NA, DNGOS SU 'GAL BA LTAR SNANG YANG BCOM LDAN 'DAS KYI DGONGS PA LA 'GAL BA MED DGOS PAS DUS BAR PAR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES DNGOS SU DRIS NAS, DUS DANG POR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES DON GYIS ZHUS PA YIN NO ZER NA, 'O NA, GZUGS NAS BYANG PHYOGS SO 'DUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PA DANG, GZUGS NAS RNAM MKHYEN GYI BAR GYI CHOS RNAMS @16A *, ,PHYOGS GCIG TU RANG GI MTSAN NYID KYIS MA GRUB PA GNYIS PO 'GAL BAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE GNYIS KA GZHI MA GRUB PA'I PHYIR, KHA CIG ,DGONGS 'GREL LAS, DON DAM YANG DAG 'PHAGS NGAS CHOS RNAMS KYI NGO BO NYID MED PA GSUM PO 'DI LTA STE, MTSAN NYID NGO BO NYID MED PA NYID ZHES PAS KUN BTAGS MTSAN NYID NGO BO NYID MED PAR BSTAN, KUN BTAGS MTSAN NYID NGO BO NYID MED PA'I RGYU MTSAN MA BSTAN ZER NA, DES KUN BTAGS MTSAN NYID NGO BO NYID MED PA'I RGYU MTSAN BSTAN PAR THAL, KUN BTAGS MTSAN NYID NGO BO NYID MED PA'I RGYU MTSAN SHUGS LA BSTAN PA'I PHYIR, DER THAL, DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAS RNAM PAR BZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PA DE'I PHYIR, DE NI MTSAN NYID NGO BO NYID MED PA NYID CES BYA'O, ,ZHES PA'I GZHUNG 'DIS KUN BTAGS MTSAN NYID NGO BO NYID MED PA'I RGYU MTSAN RGYAS PAR BSHAD PA'I PHYIR, DER THAL, KUN BTAGS MTSAN NYID NGO BO NYID MED PAR RGYAS PAR 'CHAD BYED KYI GZHUNG CIG YOD PA'I PHYIR, KHA CIG ,DE LA CHOS RNAMS KYI MTSAN NYID NGO BO NYID MED PA NYID, ZHES SOGS KYI SKABS NAS DNGOS SU BSTAN PA'I KUN BTAGS LA MTSAN NYID YONGS CHAD KYI KUN BTAGS YIN PAS KHYAB ZER NA, GZUGS RUNG GZUGS ZHES PA'I THA SNYAD 'JUG PA'I 'JUG GZHI CHOS CAN, DER THAL, DE'I PHYIR, DER THAL, DE LA 'DI LTA STE, DPER NA NAM MKHA'I ME TOG JI LTA BA DE LTA BUR NI MTSAN NYID NGO BO NYID MED PA NYID BLTA BAR BYA'O, ,ZHES PA'I SKABS NAS DNGOS SU BSTAN PA'I KUN BTAGS YIN PA'I PHYIR, DER THAL, DE KUN BTAGS NAM MKHA'I ME TOG GI DPES BSTAN PA NI RTOG PAS BTAGS PA TZAM GYI DPE YIN GYI, SHES BYA LA MI SRID PA'I DPE MA YIN PA LEGS BSHAD SNYING PO LAS GSUNGS PA'I PHYIR, 'DOD MI NUS TE, DE YOD PA'I PHYIR, DER THAL, GZUGS RUNG GZUGS ZHES PA'I THA SNYAD 'JUG PA'I 'JUG GZHI YIN PA'I PHYIR, @16B GZHAN YANG, DE LA CHOS RNAMS KYI ZHES SOGS KYI MDO 'DIS NGO BO DANG KHYAD PAR LA KUN BTAGS PA'I KUN BTAGS MTSAN NYID NGO BO NYID MED TSUL CIG RGYAS PAR BSTAN PAR THAL, CHOS RNAMS KYI SKYE BA NGO BO NYID MED PA NYID GANG ZHE NA, ZHES SOGS KYI GZHUNG 'DI'I GZHAN DBANG BDAG LAS SKYE BA NGO BO NYID MED TSUL RGYAS PAR BSHAD PA'I PHYIR, DER THAL, GZHAN DBANG BDAG LAS SKYE BA NGO BO NYID MED PAR RGYAS PAR 'CHAD BYED KYI GZHUNG CIG YOD PA'I PHYIR, 'DOD NA, NGO BO DANG KHYAD PAR LA KUN BTAGS PA'I KUN BTAGS MDO 'DI'I SKABS NAS DNGOS SU BSTAN PA'I KUN BTAGS YIN PAR THAL, 'DOD PA'I PHYIR, 'DOD NA, DE MTSAN NYID YONGS CHAD KYI KUN BTAGS YIN PAR THAL, 'DOD PA'I PHYIR, 'DOD NA, MA YIN PAR THAL, GZUGS RUNG GZUGS ZHES PA'I THA SNYAD 'JUG PA'I 'JUG GZHI YIN PA DE NGO BO LA KUN BTAGS PA'I KUN BTAGS YIN PA'I PHYIR, KHA CIG ,KUN BTAGS YIN NA MING BRDAS 'JOG NUS YIN PAS KHYAB ZER NA, SGRA RTAG STONG CHOS CAN, DER THAL, DE'I PHYIR, DER THAL, MTSAN NYID GSUM PO GANG RUNG GANG ZHIG ,GZHAN DBANG YONGS GRUB GNYIS RE RE NAS MA YIN PA'I PHYIR, GZHAN DBANG MA YIN TE, RTOG PAS BTAGS TZAM YIN PA'I PHYIR, YONGS GRUB MIN TE, KUN RDZOB BDEN PA YIN PA'I PHYIR, RTZA BAR 'DOD NA, SGRA RTAG PAS STONG ZHES MING GI BRJOD PA YANG YANG GOMS PA DANG, SGRA RTAG PAS STONG SNYAM DU 'DZIN PA'I RTOG PAS ZHEN PA TZAM GYIS SGRA RTAG STONG DU TSAD MAS NGES NUS PAR THAL, 'DOD PA'I PHYIR, 'DOD MI NUS TE, SGRA RTAG STONG DU TSAD MAS NGES PA LA BYAS PA SOGS KYI RTAGS LA BSTEN NAS NGES DGOS PA YIN PA'I PHYIR, DER THAL, THA SNYAD DPYOD BYED KYI RIG SHES KYI RNYED DON GCIG GZHI GRUB PA'I PHYIR, KHA CIG ,RANG GI MING BRDAS BZHAG TZAM YIN NA YOD PAS KHYAB ZER NA, GANG ZAG GI BDAG CHOS CAN, DER THAL, DE'I PHYIR, DER THAL, RANG GI MING GI BRJOD BYA DANG RANG 'DZIN RTOG PA'I ZHEN YUL TZAM YIN PA'I PHYIR, 'DOD MI NUS SO, ,KHA CIG ,DE MING BRDAS BZHAG TZAM YIN ZER NA, DE CHOS CAN, MING GI BRJOD BYA DANG RTOG PA'I ZHEN YUL YIN PAR THAL, MING BRDAS BZHAG TZAM YIN PA'I PHYIR, 'DOD NA, BRJOD BYED SGRA'I BRJOD BYA DANG RTOG PA'I YUL YIN PAR THAL, @17A *, ,'DOD PA'I PHYIR, 'DOD NA, YOD PAR THAL, 'DOD PA'I PHYIR, KHYAB STE, SGRA DE SGRA DON MTHUN DANG, RTOG RTOG PA DON MTHUN YIN PA'I PHYIR, KHA CIG ,SEMS TZAM PA RNAMS KYIS KUN BTAGS SEMS TZAM PAS 'DOD PA LTAR GYI RANG GI MTSAN NYID KYIS GRUB PAR MI 'DZIN KYANG THAL 'GYUR BA'I 'DOD PA LTAR GYI RANG GI MTSAN NYID KYIS GRUB PAR 'DZIN PA YOD DO ZER NA, MI 'THAD DE, SEMS TZAM PA RNAMS KYIS KUN BTAGS SEMS TZAM PAS 'DOD PA LTAR GYI RANG GI MTSAN NYID KYIS GRUB PAR 'DZIN PA'I PHYIR, DER THAL, DE'I RGYUD LA KUN BTAGS SEMS TZAM PAS 'DOD PA LTAR GYI RANG GI MTSAN NYID KYIS GRUB PAR 'DZIN PA'I 'DZIN PA LHAN SKYES YOD PA'I PHYIR, DER THAL, DE'I RGYUD LA KUN BTAGS RANG GI MTSAN NYID KYIS GRUB PAR 'DZIN PA'I CHOS KYI BDAG 'DZIN LHAN SKYES YOD PA'I PHYIR, DER THAL, KUN BTAGS RANG GI MTSAN NYID KYIS GRUB PAR 'DZIN PA'I CHOS KYI BDAG 'DZIN LHAN SKYES ZHIG YOD PA'I PHYIR, KHA CIG ,GZHAN DBANG BDAG LAS MI SKYE BA'I DON BDAG NYID DANG NGO BO GCIG PA'I RGYU LAS MI SKYE BA LA BYED PA YIN ZER NA, MI 'THAD DE, GZHAN DBANG BDAG LAS MI SKYE BA'I DON, RGYU RKYEN GZHAN LA MI LTOS PAR RANG DBANG DU MI SKYE BA'I DON YIN PA'I PHYIR, DER THAL, BSDU BA LAS, 'DU BYED RNAMS NI RTEN CING 'BREL BAR 'BYUNG BA YIN PA'I PHYIR, RKYEN GYI STOBS KYIS SKYE BA YIN GYI, RANG DBANG DU MI SKYE BA NI SKYE BA NGO BO NYID MED PA NYID CES BYA'O, ,ZHES GSUNGS PA'I PHYIR, KHA CIG ,DUS BAR PAR GZUGS NAS RNAM MKHYEN GYI BAR GYI CHOS THAMS CAD NGO BO NYID MED PAR GSUNGS PA DE KUN BTAGS MTSAN NYID NGO BO NYID MED PA DANG, GZHAN DBANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PA LA DGONGS NAS GSUNGS PA YIN NO, ,ZHES MDOR BSTAN RGYAS BSHAD GNYIS KYIS BSTAN PA YIN NO ZER NA, GZHAN DBANG SKYE BA NGO BO NYID MED PA DANG YONGS GRUB DON DAM PA NGO BO NYID MED PA YIN PAR THAL, DE 'KHOR LO BAR PA'I DGONGS GZHI MTHAR THUG YIN PA'I PHYIR, DER THAL, DE 'KHOR LO BAR PA'I DGONGS GZHI MTHAR THUG TU MDOR BSTAN RGYAS BSHAD GNYIS KYIS BSTAN PA GANG ZHIG ,DE GNYIS SGRA JI BZHIN PA'I GZHUNG @17B YIN PA'I PHYIR, 'DOD MI NUS TE, GZHAN DBANG LA SKYE BA'I NGO BO YANG YOD, YONGS GRUB DON DAM PAR GRUB PA DANG DON DAM PA YIN PA'I NGO BO GNYIS KA YANG YOD PA'I PHYIR, DANG PO DER THAL, GZHAN DBANG SKYE BA'I PHYIR, GNYIS PA DER THAL, YONGS GRUB DON DAM PAR GRUB PA'I PHYIR, GSUM PA YANG DER THAL, YONGS GRUB DON DAM BDEN PA YIN PA'I PHYIR, KHA CIG RNAM DAG LAM GYI DMIGS PA MTHAR THUG MA YIN NA SKABS 'DIR DON DAM PA NGO BO NYID MED PAR DNGOS SU 'CHAD RIGS PAS KHYAB ZER NA, NGO BO DANG KHYAD PAR LA KUN BTAGS PA'I KUN BTAGS CHOS CAN, DER THAL, DE'I PHYIR, DER THAL, KUN BTAGS YIN PA'I PHYIR, 'DOD NA, SKABS 'DIR DE LA DON DAM PA NGO BO NYID MED PA 'CHAD MI RIGS PAR THAL, DE LTAR 'CHAD MI DGOS PA'I PHYIR, DER THAL, SKABS 'DIR KUN BTAGS LA RNAM DAG LAM GYI DMIGS PA MTHAR THUG YIN NAM SNYAM PA'I DOGS PA RGOL BA RTOG LDAN LA SKYE DKA' BA'I PHYIR, KHA CIG ,KUN BTAGS LA RNAM DAG LAM GYI DMIGS PA MTHAR THUG YIN NAM SNYAM PA'I DOGS PA MI SKYE BAS, KUN BTAGS RNAM DAG LAM GYI DMIGS PA MTHAR THUG MA YIN PA'I RGYU MTSAN GYIS DON DAM PAR NGO BO NYID MED PAR MA BSHAD PA YIN NO ZER NA, MI 'THAD DE, KUN BTAGS LA RNAM DAG LAM GYI DMIGS PA MTHAR THUG YIN NAM SNYAM PA'I DOGS PA SKYE BA'I PHYIR, DER THAL, DE 'DRA BA'I THE TSOM SKYE BA'I PHYIR, DER THAL, KUN BTAGS DON DAM PAR GRUB PAR 'DZIN PA'I LOG RTOG YOD PA'I PHYIR, DER THAL, DE DON DAM PAR GRUB PAR 'DZIN PA'I CHOS KYI BDAG 'DZIN YOD PA'I PHYIR, KHA CIG ,DUS BAR PAR CHOS THAMS CAD MA SKYES PA MA 'GAGS PA SOGS SU GSUNGS PA'I DGONGS GZHI NGO BO NYID DANG THA KHO NA LA 'CHAD PAS GZHAN DBANG LA 'CHAD MI RIGS ZER NA, MI 'THAD DE, GZHAN DBANG LA 'CHAD RIGS PA'I PHYIR, DER THAL, GZHAN DBANG BDAG NYID KYIS MA SKYES PAS BDAG NYID KYIS SKYES BA DE MA 'GAGS, DER 'GAGS PAS DE GZOD MA NAS ZHI BA SOGS YIN PA'I PHYIR, DER THAL, KUN BTUS LAS, JI LTAR NGO BO NYID MED PA DE LTAR MA SKYES SO, ,JI LTAR MA SKYES PA 'DI LTAR MA 'GAGS SO, ,JI LTAR MA SKYES PA DANG MA 'GAGS PA DE LTAR BZOD MA NAS ZHI @18A *, ,BA'O, ,DE LTAR RANG BZHIN GYIS YONGS SU MYA NGAN LAS 'DAS SO ZHES GSUNGS PA'I PHYIR,, ` ,,GNYIS PA RANG LUGS LA, DON DAM YANG DAG 'PHAGS ZHUS KYI LE'US MDO SDE LA 'GAL SPONG GI DRI BA ZHUS TSUL YOD DE, BCOM LDAN 'DAS KYIS DUS DANG POR GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYIS GRUB PA GZHIR BCAS KYI SGO NAS BSTAN, DUS BAR PAR GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS MA GRUB MNYAM DU BSTAN PAS SGRAS ZIN LTAR NA 'GAL BA LTAR SNANG YANG BCOM LDAN 'DAS KYI DGONGS PA LA 'GAL BA MED DGOS PAS DUS BAR PAR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES DNGOS SU DRIS NAS DON GYIS, DUS DANG POR DE LTAR GSUNGS PA DE DGONGS GZHI GANG LA DGONGS NAS GSUNGS PA YIN ZHES ZHUS PA'I PHYIR, DUS DANG POR GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB MNYAM DU GSUNGS PA'I DGONGS GZHI YOD DE, DE RNAMS YOD PA LA DGONGS PA DANG DGOS PA NYAN THOS SDE GNYIS RJES SU 'DZIN PA'I PHYIR DANG, DNGOS LA GNOD BYED KUN BTAGS RANG GI MTSAN NYID KYIS GRUB PA 'GOG BYED KYI LUNG RIGS KYIS GNOD PA'I PHYIR, DES GZUGS NAS REG BYA'I BAR GYI CHOS RNAMS PHYI ROL DON DU GRUB PAR GSUNGS PA'I DGONGS GZHI NI KUN GZHI'I RNAM SHES KYI STENG DU PHYI ROL DON SNANG GI BAG CHAGS BZHAG PA SMIN PA LA BRTEN NAS, PHYI ROL DON SNANG GI RNAM SHES SKYE BA LA DGONGS PA YIN TE, NYI SHU PA LAS, RANG GI SA BON GANG LAS SU, ,RNAM RIG SNANG BA GANG 'BYUNG BA, DE DANG DE YI SKYE MCHED NI, ,RNAM PA GNYIS SU THUB PAS GSUNGS, ,ZHES GSUNGS PA'I PHYIR, DGOS PA SNGAR LTAR, DNGOS LA GNOD BYED YOD DE PHYI DON 'GOG PA'I LUNG RIGS GIS GNOD PA'I PHYIR, DUS BAR PAR GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS @18B MA GRUB MNYAM DU GSUNGS PA'I DGONGS GZHI YOD DE, MTSAN NYID NGO BO NYID MED PA DANG, BDAG LAS SKYE BA NGO BO NYID MED PA DANG, CHOS BDAG GI NGO BO NYID MED PA LA DGONGS NAS GSUNGS PA YIN ZHES MDOR BSTAN, ,NGO BO NYID MED PA GSUM GYI MTSAN GZHI DANG, NGO BO NYID MED TSUL RGYAS PAR BSHAD PA'I SGO NAS LAN MDZAD PA'I PHYIR, DGOS PA NGO BO NYID MED PAR SMRA BA'I RIGS CAN RJES SU 'DZIN PA'I PHYIR DANG DNGOS LA GNOD BYED GZHAN DBANG BDEN GRUB DU STON PA'I LUNG RIGS GIS GNOD PA'I PHYIR, DE LTAR BYAS NA GRUB DON ZHUS PA'I TSUL YOD DE, 'KHOR LO DANG PO GNYIS DRANG DON GYI MDO DANG, BSHAD MA THAG PA'I DRIS LAN GYI MDO DE RNAMS NGES DON GYI MDOR GO'O, ,ZHES ZHUS PA YIN PA'I PHYIR, KHA CIG ,GZUGS GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PA DANG, GZUGS PHYI ROL DON GYIS STONG BA GNYIS LA PHRA RAGS KYI KHYAD PAR YOD ZER NA, MI 'THAD DE, DE GNYIS GNAS LUGS MTHAR THUG YIN PAR MTSUNGS PA'I PHYIR, DER THAL, GZUGS PHYI ROL DON GYIS STONG BA DE GNAS LUGS MTHAR THUG YIN PA'I PHYIR, MA GRUB NA, GZUGS CHOS CAN, KHYOD PHYI ROL DON GYIS STONG BA DE GNAS LUGS MTHAR THUG YIN PAR THAL, KHYOD GZUGS KYI SKYE MCHED NAS REG BYA'I BAR GYI SKYE MCHED KYI CHOS GANG RUNG YIN PA'I PHYIR, KHA CIG ,SLOB DPON THOGS MED SKU MCHED KYIS GZUGS NAS RNAM MKHYEN GYI BAR GYI CHOS THAMS CAD RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI NGOS NAS MA GRUB PA CHOS KYI BDAG MED PHRA MOR BZHED, SLOB DPON PHYOGS GLANG YAB SRAS KYIS GZUGS NAS REG BYA'I BAR GYI CHOS RNAMS PHYI ROL DON DU MA GRUB PA CHOS KYI BDAG MED PHRA MOR BZHED PAS, DE GNYIS CHOS KYI BDAG MED PHRA MO BZHED TSUL MI MTHUN PA YIN NO ZER NA MI 'THAD DE, THOGS MED SKU MCHED GNYIS KYIS KYANG, GZUGS NAS REG BYA'I BAR GYI CHOS RNAMS PHYI ROL DON DU MA GRUB PA CHOS KYI BDAG MED PHRA MOR BZHED, PHYOGS GLANG YAB SRAS KYIS KYANG GZUGS NAS RNAM MKHYEN GYI BAR GYI CHOS THAMS CAD RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS @19A *, ,KYI NGOS NAS MA GRUB PA CHOS KYI BDAG MED PHRA MOR BZHED PA'I PHYIR, PHYI MA DER THAL, DES NGO BO DANG KHYAD PAR LA KUN BTAGS PA'I KUN BTAGS RANG GI MTSAN NYID KYIS MA GRUB PA CHOS KYI BDAG MED PHRA MOR BZHED PA'I PHYIR, DER THAL, DES DE RANG GI MTSAN NYID KYIS MA GRUB PAR BZHED PA'I PHYIR, DER THAL, BRGYAD STONG DON BSDUS LAS, MED CES BYA LA SOGS TSIG GIS, ,BTAGS PA THAMS CAD 'GOG PA YIN, ,ZHES GSUNGS PA'I PHYIR, RTAGS DANG PO DER THAL, DE CHOS KYI BDAG MED PHRA MOR MDO SDE SA BCU PA'I LUNG DANG LHAN CIG DMIGS NGES KYI RIGS PA DANG, RMI LAM SGYU MA LA SOGS PA'I DPE DU MA'I SGO NAS SGRUB PA'I PHYIR, KHA CIG ,KUN BTAGS RANG GI MTSAN NYID KYIS MA GRUB PA GNAS LUGS MTHAR THUG YIN ZER NA, 'O NA, DE KUN BTAGS KYI GNAS LUGS MTHAR THUG TU GRUB PAR THAL, DE GNAS LUGS MTHAR THUG YIN PA'I PHYIR, RTAGS KHAS, 'DOD MI NUS TE, KUN BTAGS KUN BTAGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PA KUN BTAGS KYI GNAS LUGS MTHAR THUG YIN PA'I PHYIR, MA GRUB NA, KUN BTAGS CHOS CAN, KHYOD KHYOD ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PA KHYOD KYI GNAS LUGS MTHAR THUG YIN PAR THAL, KHYOD GZHI GRUB PA'I PHYIR, GZHAN YANG NAM MKHA' DANG SPYI MTSAN GNYIS RANG GI MTSAN NYID KYIS MA GRUB PA GNAS LUGS MTHAR THUG TU GRUB PAR THAL, KUN BTAGS RANG GI MTSAN NYID KYIS MA GRUB PA GNAS LUGS MTHAR THUG YIN PA'I PHYIR, 'DOD NA, NAM MKHA' DANG SPYI MTSAN GNYIS GZHAN DBANG KUN BTAGS GANG GIS STONG PA'I YONGS GRUB GTAN LA 'BEBS PA'I SKABS SU NYE BAR MKHO BA'I KUN BTAGS YIN PAR THAL, 'DOD PA'I PHYIR, 'DOD MI NUS TE, LEGS BSHAD SNYING PO LAS, SPYIR KUN BTAGS LA SPYI MTSAN THAMS CAD DANG NAM MKHA' LA SOGS PA DU MA ZHIG YOD KYANG, DGONGS 'GREL LAS MA GSUNGS PA NI, KUN BTAGS GANG GIS STONG PA YONGS GRUB TU 'JOG PA'I SKABS SU DE DAG MI MKHO BAS SO, ,ZHES GSUNGS PA'I PHYIR, GZHAN YANG BRJOD BYED KYI SGRA'I BRJOD BYA @19B RANG GI MTSAN NYID KYIS MA GRUB PA GNAS LUGS MTHAR THUG TU GRUB PAR THAL, GONG GI DAM BCA' 'THAD PA'I PHYIR, 'DOD NA, BRJOD BYED KYI SGRA'I BRJOD BYA RANG GI MTSAN NYID KYIS MA GRUB PA CHOS CAN, KHYOD GNAS LUGS MTHAR THUG MA YIN PAR THAL, KHYOD MDO SDE PAS TSAD MAS NGES PA'I PHYIR, DER THAL, MDO SDE PAS DE SPYI MTSAN DU TSAD MAS NGES PA'I PHYIR, DER THAL, DE SPYI MTSAN DU TSAD MAS NGES PA'I GANG ZAG LA SEMS TZAM PA YIN PAS MA KHYAB PA'I PHYIR, KHA CIG ,LTO LDIR BA BUM PA ZHES PA'I THA SNYAD 'JUG PA'I 'JUG GZHIR MED DO ZER NA, LTO LDIR BA BUM PA ZHES PA'I THA SNYAD 'JUG PA'I 'JUG GZHIR YOD PAR THAL, LTO LDIR BA BUM PA ZHES PA'I THA SNYAD BTAGS PA'I NGO BOR YOD PA'I PHYIR, DER THAL, LTO LDIR BA BUM PA ZHES PA'I THA SNYAD BTAGS PA LTAR DU GRUB PA'I PHYIR, DER THAL, LTO LDIR BA BUM PAR GRUB PA'I PHYIR, GZHAN YANG, LTO LDIR BA BUM PA ZHES PA'I THA SNYAD 'JUG PA'I 'JUG GZHIR YOD PAR THAL, LTO LDIR BA BUM PA ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PA LTO LDIR BA'I GNAS LUGS MTHAR THUG YIN PA'I PHYIR, KHYAB STE, RANG GI CHOS CAN DANG MA 'BREL BA'I CHOS NYID MED PA'I PHYIR DANG, LTO LDIR BA KA BA ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PA GNAS LUGS MTHAR THUG MA YIN PA'I PHYIR, KHA CIG ,SNGON PO GZUGS ZHES PA'I THA SNYAD 'JUG PA'I 'JUG GZHIR SNGON PO KUN BTAGS YIN ZER NA, 'O NA, BRDA BYANG GI SKYES BUS YID GTAD PA'I TSUL GYIS SNGON PO MTHONG BA'I TSUR MTHONG GI RGYUD KYI SNGON 'DZIN DBANG PO'I MNGON SUM LA, SNGON PO GZUGS ZHES PA'I THA SNYAD 'JUG PA'I 'JUG GZHIR MING BRDAS BZHAG TZAM DU SNANG BAR THAL, SNGON 'DZIN DE LA KUN BTAGS SU SNANG BA'I PHYIR, DER THAL, SNGON PO GZUGS ZHES PA'I THA SNYAD 'JUG PA'I 'JUG GZHIR KUN BTAGS YIN PA'I PHYIR, 'DOD MI NUS TE, DE LA SNGON PO GZUGS ZHES PA'I THA SNYAD 'JUG PA'I 'JUG GZHIR GNAS LUGS KYI DBANG GIS GRUB PAR SNANG BA'I PHYIR DANG, DE LA RANG GI MTSAN NYID KYIS GRUB PAR SNANG BA'I PHYIR, DANG PO DER THAL, LEGS BSHAD SNYING PO LAS, DE'I PHYIR GZUGS ZHES PA'I THA SNYAD BTAGS PA'I TSE SNGON PO GZUGS KYI THA SNYAD @20A *, ,'DOGS PA'I GZHI YIN PA DE JI LTAR SNANG BA LTAS PAS MING DANG BRDAS BZHAG PA MA YIN PAR RANG GI GNAS LUGS KYI DBANG GIS GRUB PA BZHIN DU SNANG NGO ZHES GSUNGS PA'I PHYIR, PHYI MA DER THAL, DE 'DRA BA'I SNGON 'DZIN DE LA CHOS KYI BDAG 'DZIN GYIS BSLAD PA YOD PA'I PHYIR, DER THAL, DE 'KHRUL SHES YIN PA'I PHYIR, GZHAN YANG, DE 'DRA BA'I SNGON 'DZIN DES SNGON PO 'DI NI GZUGS SO ZHES PA'I THA SNYAD BYED BA'I RTOG PA DANG SNGON PO 'DI NI GZUGS SO ZHES PA'I THA SNYAD RANG STOBS KYIS MI 'DREN PAR THAL, DE LA SNGON PO GZUGS ZHES PA'I THA SNYAD 'JUG PA'I 'JUG GZHIR SNGON POR MI SNANG BA'I PHYIR, KHA CIG MA KHYAB ZER, MA GRUB NA DER THAL, DES KUN BTAGS SU SNANG BA'I PHYIR, MA KHYAB 'TSAMS LA, GNAS LUGS MNGON SUM DU RTOGS PA'I SLOB PA 'PHAGS PA'I MNYAM GZHAG YE SHES DES KYANG SNGON PO 'DI NI GZUGS SO ZHES PA'I THA SNYAD BYED PA'I RTOG PA DANG SNGON PO 'DI NI GZUGS SO ZHES PA'I THA SNYAD RANG STOBS KYIS 'DREN PAR THAL, MA KHYAB PA DE'I PHYIR, 'DOD NA, MNYAM BZHAG YE SHES CHOS CAN, KHYOD KYIS DE 'DRA'I RTOG PA DANG DE 'DRA'I THA SNYAD RANG STOBS KYIS MI 'DREN PAR THAL, KHYOD GNAS LUGS MNGON SUM DU RTOGS PA'I SLOB PA'I MNYAM BZHAG YE SHES YIN PA'I PHYIR, RTZA BAR 'DOD NA, DE 'DRA'I SNGON 'DZIN DES SNGON PO 'DI NI GZUGS SO SNYAM DU NGES PA'I NGES SHES RANG STOBS KYIS MI 'DREN PAR THAL, 'DOD PA'I PHYIR, 'DOD NA, DE 'DRA'I NGES SHES 'DREN BYED KYI TSAD MA MED PAR THAL, 'DOD PA'I PHYIR, 'DOD NA, DE 'DRA'I NGES SHES DON MTHUN CIG MED PAR THAL, 'DOD PA'I PHYIR, 'DOD NA, SNGON PO GZUGS MA YIN PAR THAL LO, ,GZHAN YANG, SNGON PO 'DI NI GZUGS SO ZHES PA'I THA SNYAD DE THA SNYAD PHYIN CI LOG YIN PAR THAL, SNGON PO 'DI NI GZUGS SO ZHES PA'I THA SNYAD BYED PA'I RTOG PA RTOG PA PHYIN CI LOG YIN PA'I PHYIR, DER THAL, SNGON PO GZUGS ZHES PA'I THA SNYAD 'JUG PA'I 'JUG GZHIR SNGON POR SNANG BA'I SNANG TSUL DE SNANG TSUL PHYIN CI LOG YIN PA'I PHYIR, DER THAL, SNGON PO GZUGS ZHES PA'I THA SNYAD 'JUG PA'I 'JUG GZHIR KUN BTAGS SU SNANG BA'I PHYIR, DER THAL, SNGON PO DE 'DRA'I THA SNYAD 'JUG PA'I 'JUG GZHIR KUN BTAGS YIN @20B PA'I PHYIR, RTAGS KHAS, RTZA BAR 'DOD NA, SNGON PO GZUGS MA YIN PAR THAL LO, 'DOD PA'I PHYIR, KHA CIG ,SNGON PO GZUGS SO SNYAM DU 'DZIN PA'I RTOG PA'I ZHEN YUL DANG SNGON PO GZUGS SO ZHES BRJOD PA'I SGRA'I BRJOD BYA GNYIS, RANG GI MTSAN NYID KYIS MA GRUB PA GNAS LUGS MTHAR THUG YIN ZER NA, DE GNYIS RANG GI MTSAN NYID KYIS MA GRUB PA CHOS CAN, KHYOD GNAS LUGS MTHAR THUG YIN PAR THAL, KHYOD MDO SDE PAS TSAD MAS NGES PA'I PHYIR, DER THAL, MDO SDE PAS DE SPYI MTSAN DNGOS MED DU TSAD MAS NGES PA'I PHYIR, DER THAL, DE SPYI MTSAN DNGOS MED DU TSAD MAS NGES PA'I GANG ZAG YOD PA'I PHYIR, KHA CIG ,SNGON PO DE SNGON PO 'DI NI GZUGS SO SNYAM DU 'DZIN PA'I RTOG PA'I ZHEN YUL YIN PA DANG, SNGON PO GZUGS ZHES PA'I SGRA'I BRJOD BYA YIN PA RANG GI MTSAN NYID KYIS MA GRUB PA GNAS LUGS MTHAR THUG YIN ZER NA, DE GNYIS RANG GI MTSAN NYID KYIS MA GRUB PA CHOS CAN, KHYOD GNAS LUGS MTHAR THUG MA YIN PAR THAL, KHYOD MDO SDE PAS TSAD MAS NGES PA'I PHYIR, DER THAL, MDO SDE PAS SPYI MTSAN DU TSAD MAS NGES PA'I PHYIR, DER THAL, DE SPYI MTSAN DU TSAD MAS NGES PA'I GANG ZAG CIG YOD PA'I PHYIR, KHA CIG ,SNGON PO GZUGS ZHES PA'I THA SNYAD 'JUG PA'I 'JUG GZHI YIN PA DANG, SNGON PO GZUGS 'DZIN RTOGS PA'I ZHEN GZHI YIN PA GNYIS MDO SDE PAS SPYI MTSAN DU 'DOD PA YIN NO ZER NA, 'O NA, DE'I LUGS GZHIR GZHOG LA, SNGON PO GZUGS ZHES PA'I THA SNYAD 'JUG PA'I 'JUG GZHI YIN PA DE SNGON 'DZIN DBANG PO'I MNGON SUM LA SNANG BAR THAL, DE LA SNGON PO GZUGS ZHES PA'I THA SNYAD 'JUG PA'I 'JUG GZHIR SNANG BA'I PHYIR, DER THAL, DE LA SNGON PO DE 'DRA'I THA SNYAD 'JUG PA'I 'JUG GZHIR GNAS LUGS KYI DBANG GIS GRUB PAR SNANG BA'I PHYIR, DER THAL, DE LA SNGON PO DE 'DRA'I THA SNYAD 'JUG PA'I 'JUG GZHIR GNAS LUGS KYI DBANG GIS GRUB PAR SNANG BA SNANG BA LTAR DU GRUB PAR 'DZIN PA DE 'DZIN PA 'THAD LDAN DU 'DOD PA'I PHYIR, DER THAL, LEGS BSHAD SNYING PO LAS, DE 'DRA'I 'DZIN STANGS 'THAD LDAN DU DON SMRA SDE GNYIS KYIS KYANG 'DOD PAS ZHES GSUNGS PA'I PHYIR, RTZA BAR 'DOD NA, SNGON PO GZUGS ZHES PA'I THA SNYAD @21A *, ,'JUG PA'I 'JUG GZHI YIN PA CHOS CAN, KHYOD SNGON 'DZIN DBANG PO'I MNGON SUM LA MI SNANG BAR THAL, KHYOD SPYI MTSAN DNGOS MED YIN PA'I PHYIR, RTAGS KHAS, KHA CIG ,DE 'DRA BA DE SEMS TZAM PAS DNGOS PO RANG MTSAN PAR 'DOD PA YIN NO ZER NA, SNGON PO GZUGS ZHES PA'I THA SNYAD 'JUG PA'I 'JUG GZHI YIN PA CHOS CAN, KHYOD BDEN PAR GRUB PAR THAL, KHYOD DNGOS PO RANG MTSAN PA YIN PA'I PHYIR, 'DOD NA, SNGON PO DE 'DRA'I THA SNYAD 'JUG PA'I 'JUG GZHIR BDEN PAR GRUB PAR THAL, 'DOD PA'I PHYIR, 'DOD MI NUS TE, SNGON PO DE 'DRA'I THA SNYAD 'JUG PA'I 'JUG GZHIR BDEN PAR MA GRUB PA SNGON PO'I GNAS LUGS MTHAR THUG YIN PA'I PHYIR, MA GRUB NA, SNGON PO CHOS CAN, KHYOD GZUGS ZHES PA'I THA SNYAD 'JUG PA'I 'JUG GZHIR BDEN PAR MA GRUB PA, KHYOD KYI GNAS LUGS MTHAR THUGS DU GRUB PAR THAL, KHYOD GZUGS YIN PA'I PHYIR, KHA CIG ,LTO LDIR BA BUM PA ZHES PA'I THA SNYAD 'JUG PA'I 'JUG GZHIR YONGS GRUB YIN ZER NA, LTO LDIR BA BUM PA ZHES PA'I THA SNYAD 'JUG PA'I 'JUG GZHIR DON DAM PAR GRUB PAR THAL, LTO LDIR BA BUM PA ZHES PA'I THA SNYAD 'JUG PA'I 'JUG GZHIR GNAS LUGS SU GRUB PA'I PHYIR, DER THAL, LTO LDIR BA BUM PA ZHES PA'I THA SNYAD 'JUG PA'I 'JUG GZHIR YONGS GRUB YIN PA'I PHYIR, 'DOD NA, BUM PA BUM PA ZHES PA'I THA SNYAD 'JUG PA'I 'JUG GZHIR DON DAM PAR GRUB PAR THAL, 'DOD PA'I PHYIR, 'DOD MI NUS TE, BUM PA BUM PA ZHES PA'I THA SNYAD 'JUG PA'I 'JUG GZHIR DON DAM PAR MA GRUB PA BUM PA'I GNAS LUGS MTHAR THUG YIN PA'I PHYIR, MA GRUB NA, BUM PA CHOS CAN, KHYOD KHYOD ZHES PA'I THA SNYAD 'JUG PA'I 'JUG GZHIR DON DAM PAR MA GRUB PA KHYOD KYI GNAS LUGS MTHAR THUG YIN PAR THAL, KHYOD GZHI GRUB PA'I PHYIR, KHA CIG , MDO SDE PAS GZHI GRUB NA RANG GI MTSAN NYID KYIS GRUB PA'I KHYAB PA KHAS LEN PA YIN NO ZER NA, DE'I LUGS GZHIR GZHOG LA, GZUGS RUNG LA GZUGS ZHES PA'I SGRA'I BRJOD BYA CHOS CAN, ,RANG GI MTSAN NYID KYIS GRUB PAR THAL, GZHI GRUB PA'I PHYIR, 'DOD NA, GZUGS RUNG LA GZUGS @21B ZHES PA'I SGRA'I BRJOD BYA DANG, GZUGS RUNG LA GZUGS ZHES PA'I THA SNYAD 'JUG PA'I 'JUG GZHI YIN PA GNYIS LA RTOGS BTAGS YIN MIN GYI KHYAD PAR MED PAR THAL, DE GNYIS RANG GI MTSAN NYID KYIS GRUB MNYAM DU MTSUNGS PA'I PHYIR, 'DOD MI NUS TE, LEGS BSHAD SNYING PO LAS, SGRA'I BRJOD BYA'I RANG LDOG RTOGS BTAGS YIN KYANG, DE'I GZHI LDOG DU RANG MTSAN 'ONG BA'I LUGS DANG GA LA MTSUNGS, ZHES GSUNGS PA'I PHYIR, GZHAN YANG, GZUGS RUNG LA GZUGS ZHES PA'I SGRA'I BRJOD BYA CHOS CAN, KHYOD DON DAM PAR GRUB PAR THAL, KHYOD RANG GI MTSAN NYID KYIS GRUB PA'I PHYIR, KHA CIG GIS MA KHYAB ZER, 'DOD NA, DE CHOS CAN, KHYOD DON DAM PAR MA GRUB PAR THAL, KUN RDZOB TU GRUB PA'I PHYIR, DER THAL, SPYI MTSAN YIN PA'I PHYIR, MA KHYAB 'TSAMS LA, KHYAB PA YOD PAR THAL, DE GNYIS LA KHYAD PAR YOD PA LUGS 'DI'I TSAD LDAN GYI GZHUNG GANG LAS KYANG MA GSUNGS PA'I PHYIR, KHA CIG , GANG ZAG GI BDAG MED PHRA MO YONGS GRUB YIN ZER NA, DE CHOS CAN, ZAB MO YIN PAR THAL, YONGS GRUB YIN PA'I PHYIR, 'DOD NA, DANG PO NYID NAS THEG DMAN DU RIGS NGES PA'I NYAN THOS MTHONG LAM BAR CHAD MED LAM PA DES ZAB MO'I DON MNGON SUM DU RTOGS PAR THAL, DES GANG ZAG GI BDAG MED PHRA MO MNGON SUM DU RTOGS PA GANG ZHIG ,DE ZAB MO YIN PA'I PHYIR, 'DOD MI NUS TE, ZAB CING RGYA CHE'I SKU MNGA' BA, ZHES PAS, DANG PO NYID NAS THEG DMAN DU RIGS NGES PA'I THEG PA DMAN PA LA ZAB MO'I DON RTOGS PA MED PAR GSUNGS PA'I PHYIR TE, ZAB CING RGYA CHE'I SKU MNGA' BA ZHES SOGS GSUNGS PA'I PHYIR, KHA CIG ,NAM MKHA' 'DZIN PA'I TSAD MA NAM MKHA'I GZHAN DBANG YIN ZER NA, 'O NA, NAM MKHA'I GZHAN DBANG LA GZHAN DBANG GIS KHYAB PAR THAL, DAM BCA' 'THAD PA'I PHYIR, 'DOD NA, CHOS NYID KYI GZUGS YIN NA GZUGS YIN DGOS PAR THAL, 'DOD PA'I PHYIR, 'DOD NA, GZUGS PHYI ROL DON GYIS STONG BA CHOS CAN, DER THAL, DE'I PHYIR, MA GRUB NA, GZUGS CHOS CAN, KHYOD PHYI ROL DON GYIS STONG BA CHOS NYID KYI GZUGS YIN PAR THAL, KHYOD GZUGS KYI SKYE MCHED YIN PA'I PHYIR, GZHAN YANG, NAM MKHA' 'DZIN PA'I TSAD MA NAM MKHA' 'DZIN PA'I TSAD MA ZHES PA'I THA SNYAD 'JUG PA'I 'JUG GZHIR @22A *, ,RANG GI MTSAN NYID KYIS GRUB PAR 'DZIN PA'I RTOG PA DE NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR 'DZIN PA'I RTOG PA YIN PAR THAL, NAM MKHA' 'DZIN PA'I TSAD MA NAM MKHA'I STENG GI GNAS LUGS GTAN LA 'BEBS PA'I DBANG DU BYAS PA'I GZHI GZHAN DBANG YIN PA'I PHYIR, 'DOD NA, NAM MKHA' 'DZIN PA'I TSAD MA 'DZIN PA'I RTOG PA DE, , ,NAM MKHA' 'DZIN PA'I RTOG PA YIN PAR THAL, 'DOD PA'I PHYIR, 'DOD MI NUS TE, SGRA RTOG YUL LA SEL 'JUG YIN PA'I PHYIR, GZHAN YANG NAM MKHA' 'DZIN PA'I TSAD MA RANG GI MTSAN NYID KYIS GRUB PAR 'DZIN PA'I RTOG PA DE NAM MKHA' RANG GI MTSAN NYID KYIS GRUB PAR 'DZIN PA'I RTOG PA YIN PAR THAL, NAM MKHA' 'DZIN PA'I TSAD MA 'DZIN PA'I RTOG PA DE, NAM MKHA' 'DZIN PA'I RTOG PA YIN PA'I PHYIR, RTAGS KHAS, 'DOD NA, DE 'DRA'I RTOG PA CHOS CAN, KHYOD RTOG PA DON MTHUN YIN PAR THAL, NAM MKHA' 'DZIN PA'I TSAD MA RANG GI MTSAN NYID KYIS GRUB PAR 'DZIN PA'I RTOG PA YIN PA'I PHYIR, KHYAB STE, NAM MKHA' 'DZIN PA'I TSAD MA RANG GI MTSAN NYID KYIS GRUB PA'I PHYIR, 'DOD MI NUS TE, RTOG PA DON MI MTHUN YIN PA'I PHYIR,, DER THAL, NAM MKHA' RANG GI MTSAN NYID KYIS GRUB PAR 'DZIN PA'I RTOG PA YIN PA'I PHYIR, KHA CIG ,DON SMRA SDE GNYIS KYIS GZUGS SOGS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB NA DE DAG YOD PAR 'JOG MI SHES PA YIN ZER NA, DE GNYIS KYIS NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB NA NAM MKHA' YOD PAR 'JOG MI SHES PAR THAL, DAM BCA' 'THAD PA'I PHYIR, 'DOD NA, DE GNYIS KYIS NAM MKHA' RANG GI MTSAN NYID KYIS GRUB PAR 'DOD PAR THAL LO, ,KHA CIG ,DE GNYIS KYIS NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR GNAS TSUL GYI NGOS NAS MA GRUB NA, NAM MKHA' YOD PAR 'JOG MI SHES PA YIN NO ZER NA, DE DON SMRA SDE GNYIS LA DMIGS KYIS BKAR NAS 'CHAD MI RIG PAR THAL, DON SMRA SDE GNYIS SU MA ZAD SEMS TZAM PAS KYANG NAM MKHA' DE DE 'DRA'I THA SNYAD 'JUG PA'I @22B 'JUG GZHIR NAM MKHA' GNAS TSUL GYI NGOS NAS MA GRUB NA NAM MKHA' YOD PAR 'JOG MI SHES PA'I PHYIR, DER THAL, NAM MKHA' DE DE 'DRA'I THA SNYAD 'JUG PA'I 'JUG GZHIR NAM MKHA' RANG NGOS NAS MA GRUB NA NAM MKHA' YOD PAR 'JOG MI SHES PA'I PHYIR, DER THAL, DES GZHI GRUB NA RANG NGOS NAS GRUB PAS KHYAB PAR 'DOD PA'I PHYIR, DER THAL, GZHI GRUB NA THA SNYAD BTAGS PA'I BTAGS DON BTZAL BA'I TSE NA RNYED PAS KHYAB PAR 'DOD PA'I PHYIR, KHA CIG ,TSAD MA PA LA GRAGS PA'I RANG MTSAN NI MIN NO ZHES PA'I DON, DON SMRA SDE GNYIS KYIS GZUGS GZUGS ZHES PA'I THA SNYAD 'JUG PA'I 'JUG GZHI YIN PA DE, GZHAL BYA GNYIS PHYIR TSAD MA GNYIS, ,ZHES PA'I SKABS NAS DNGOS SU BSTAN PA'I RANG MTSAN DU MI 'DOD PAR BSTAN PA YIN NO ZER NA, MI 'THAD DE, DON SMRA SDE GNYIS KYIS GZUGS GZUGS ZHES PA'I THA SNYAD 'JUG PA'I 'JUG GZHI YIN PA DON BYED NUS PAR 'DOD PA GANG ZHIG GZHUNG DES DON BYED NUS PA LA RANG MTSAN DU BSTAN PA'I PHYIR, DANG PO DER THAL, DE GZUGS 'DZIN DBANG PO'I MNGON SUM GYI DNGOS KYI SNANG YUL DU 'DOD PA'I PHYIR, DER THAL, GZUGS 'DZIN DBANG PO'I MNGON SUM LA SNANG BAR 'DOD PA'I PHYIR, DER THAL, GZUGS 'DZIN DBANG PO'I MNGON SUM LA, GZUGS GZUGS ZHES PA'I THA SNYAD 'JUG PA'I 'JUG GZHIR SNANG BAR 'DOD PA'I PHYIR, KHA CIG ,GSUNG DE'I DON SEMS TZAM PAS GZUGS GZUGS ZHES PA'I THA SNYAD 'JUG PA'I 'JUG GZHI YIN PA DE, GZHAL BYA GNYIS PHYIR TSAD MA GNYIS, ,ZHES PA'I SKABS NAS DNGOS SU BSTAN PA'I RANG MTSAN DU 'DOD PAR BSTAN PA YIN ZER NA, LUGS DE GZHIR GZHOG LA, GZUGS GZUGS ZHES PA'I THA SNYAD 'JUG PA'I 'JUG GZHI YIN PA CHOS CAN, DON BYED NUS PA YIN PAR THAL, GZHAL BYA GNYIS PHYIR TSAD MA GNYIS, ,ZHES PA'I SKABS NAS DNGOS SU BSTAN PA'I RANG MTSAN GANG ZHIG ,GZHUNG DES DON BYED NUS PA LA RANG MTSAN DU BSTAN PA'I PHYIR, 'DOD NA, RANG GI MTSAN NYID KYIS GRUB PAR THAL, 'DOD PA'I PHYIR, 'DOD NA, GZUGS GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR THAL, 'DOD PA'I PHYIR, 'DOD MI NUS TE, GZUGS GZUGS ZHES PA'I THA SNYAD 'JUG PA'I 'JUG GZHIR RANG GI MTSAN @23A *, ,NYID KYIS MA GRUB PA DE GZUGS KYI GNAS LUGS MTHAR THUG YIN PA'I PHYIR, RTAGS SLA, KHA CIG MING BRDAS BZHAG TZAM GYI KUN BTAGS YIN NA, NGO BO DANG KHYAD PAR LA KUN BTAGS PA'I KUN BTAGS YIN PAS KHYAB ZER NA, RI BONG CAN LA ZLA SGRA'I BRJOD RUNG CHOS CAN, DER THAL, DE'I PHYIR, DER THAL, MING BRDAS BZHAG TZAM YIN PA'I PHYIR, MA GRUB NA, DE CHOS CAN, MING BRDAS BZHAG TZAM YIN PAR THAL, GRAGS PA'I RJES DPAG GI DNGOS GZHAL YIN PA'I PHYIR, 'DOD NA, RI BONG CAN DE CHOS CAN, KHYOD LA ZLA SGRAS BRJOD RUNG NGO BO DANG KHYAD PAR LA KUN BTAGS PA'I KUN BTAGS MA YIN PAR THAL, KHYOD ZLA BA YIN PA'I PHYIR, GNYIS PA RANG GI LUGS BZHAG PA LA, 'KHOR LO DANG PO GNYIS DRANG DON GYI MDO DANG PHYI MA NGES DON GYI MDOR SGRUB PA LA DGOS PA YOD DE, LUGS 'DI'I MTHA' GNYIS SPANGS PA'I DE KHO NA NYID GTAN LA 'BEBS PA'I CHED DU YIN PA'I PHYIR; MTHA' GNYIS SU LTA TSUL YOD DE, GZUGS NAS RNAM MKHYEN GYI BAR GYI CHOS THAMS CAD PHYOGS GCIG TU RANG GI MTSAN NYID KYIS MA GRUB PAR LTA BA SKUR 'DEBS KYI LTA BA DANG, GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PAR LTA BA SGRO 'DOGS KYI LTA BA YIN PA'I PHYIR, RIGS PA YANG DAG GI DGAG BYA LA MED PAS MA KHYAB TE, BSHAD MA THAG PA'I LTA BA GNYIS RIGS PA YANG DAG GI DGAG BYA YIN PA'I PHYIR, SGRO 'DOGS KYI MTHAR 'DZIN DE'I ZHEN YUL 'GOG PA'I TSUL YANG, LTO LDIR BA LA BUM PA'O SNYAM PA'I BLO SKYE BA DE BRDA' 'BREL BYAS PA LA MI LTOS PAR THAL, LTO LDIR BA BUM PA ZHES PA'I THA SNYAD 'JUG PA'I 'JUG GZHIR GNAS LUGS KYI DBANG GIS GRUB PA'I PHYIR, 'DOD NA, LTO LDIR BA LA BUM PA ZHES PA'I MING MA BTAGS PA'I SNGA ROL DU LTO LDIR BA MTHONG TZAM NYID NAS 'DI NI BUM PA'O SNYAM PA'I BLO SKYE BA YOD PAR THAL, 'DOD PA'I PHYIR, ZHES DANG, GANG ZAG GCIG LA BRGYA BYIN DANG GRONG 'JOMS DANG, DBANG PO ZHES MING GSUM BTAGS PA'I TSE MING THA DAD PA DE BZHIN DU GANG ZAG DE YANG RGYUD THA DAD PA GSUM DU 'GYUR BAR THAL, GANG ZAG GCIG PO @23B DE MING GSUM PO DE 'JUG PA'I 'JUG GZHIR GNAS LUGS KYI DBANG GIS GRUB PA'I PHYIR DANG, GANG ZAG RGYUD THA DAD PA GNYIS LA NYER SBAS ZHES MING GCIG BTAGS PA'I TSE MING GCIG YIN PA DE BZHIN DU GANG ZAG GNYIS PO DE RGYUD CIG TU 'GYUR BAR THAL, GANG ZAG GNYIS PO DE MING GCIG PO DE 'JUG PA'I 'JUG GZHIR GNAS LUGS KYI DBANG GIS GRUB PA'I PHYIR, ZHES SOGS KYIS 'GOG PA YIN TE, THEG BSDUS LAS, MING GI SNGA ROL BLO MED PHYIR, ,MANG BA'I PHYIR DANG MA 'DRES PHYIR, DE YI BDAG NYID BDAG MANG DANG, ,BDAG 'DRES 'GAL BAS 'GRUB PAR 'GYUR, ,ZHES GSUNGS PA'I PHYIR, DE LTAR BYAS NAS GZUGS NAS RNAM MKHYEN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR GNAS LUGS KYI DBANG GIS MA GRUB PA DE GANG LA DMIGS NAS BSGOMS PAS SHES SGRIB DAG PAR 'GYUR BA'I RNAM DAG LAM GYI DMIGS PA MTHAR THUG DANG, DE DANG PO NYID NAS THEG DMAN DU RIGS NGES PA'I NYAN RANG RNAMS KYI MNGON SUM GYI SPYOD YUL MA YIN PA'I ZAB MO YIN TE, DE LTAR BYANG SA DANG THEG BSDUS SOGS LAS GSUNGS PA'I PHYIR, GZUGS NAS RNAM MKHYEN GYI BAR GYI CHOS RNAMS KYI STENG DU MTSAN NYID GSUM GYI RNAM BZHAG BYED TSUL YOD DE, GZUGS NAS RNAM MKHYEN GYI BAR GYI CHOS RNAMS RANG RANG GI GNAS LUGS MTHAR THUG GTAN LA 'BEBS PA'I DBANG DU BYAS PA'I GZHI GZHAN DBANG DANG, DE'I STENG DU NGO BO DANG KHYAD PAR LA KUN BTAGS PA'I KUN BTAGS DE'I DBANG DU BYAS PA'I KUN BTAGS, DE'I STENG DU NGO BO DANG KHYAD PAR LA KUN BTAGS PA LTAR DU RANG GI MTSAN NYID KYIS MA GRUB PA DE'I DBANG DU BYAS PA'I YONGS GRUB TU 'JOG PA'I PHYIR, RANG GI RGYU RKYEN LAS SKYES PA, GZHAN DBANG GI MTSAN NYID, DE LA DAG MA DAG GI GZHAN DBANG GNYIS LAS, DAG PA'I ZHING BDE BA CAN LTA BU DANG PO DANG, MA DAG PA'I SNOD KYI 'JIG RTEN LTA BU GNYIS PA YIN PA'I PHYIR, RANG 'DZIN RTOG PAS SGRO BTAGS TZAM, KUN BTAGS KYI MTSAN NYID, DE LA RNAM GRANGS PA'I KUN BTAGS DANG, MTSAN NYID YONGS CHAD KYI KUN BTAGS GNYIS LAS, NAM MKHA' LTA BU DANG PO DANG BDAG GNYIS LTA BU GNYIS @24A *, ,PA YIN; ;GANG LA DMIGS NAS BSGOMS NA SHES SGRIB DAG PAR GYUR PA'I RNAM DAG LAM GYI DMIGS PA MTHAR THUG ,YONGS GRUB KYI MTSAN NYID, DE LA SGRAS BRJOD RIGS KYI SGO NAS DBYE NA, PHYIN CI MA LOG PA'I YONGS GRUB DANG, 'GYUR MED YONGS GRUB GNYIS YOD, ,SLOB PA 'PHAGS PA'I MNYAM GZHAG YE SHES DANG PO DANG, PHYI MA DANG YONGS GRUB DON GCIG ,DON SMRA SDE GNYIS KYIS RTOG PA'I ZHEN YUL DANG RTOG PA'I ZHEN GZHI SOGS LA, RANG GI MTSAN NYID KYIS GRUB PAR 'DOD MI 'DOD DANG, RANG MTSAN DU 'DOD MI 'DOD KYI KHYAD PAR YOD DE, SNGON PO GZUGS ZHES PA'I SGRA'I BRJOD BYA DANG, SNGON PO 'DI NI GZUGS SO SNYAM DU 'DZIN PA'I RTOG PA'I ZHEN YUL GNYIS RANG GI MTSAN NYID KYIS MA GRUB PAR 'DOD CING, RANG GI MTSAN NYID KYIS MA GRUB PAR RTOGS PA DANG, SNGON PO GZUGS ZHES PA'I THA SNYAD 'JUG PA'I 'JUG GZHI YIN PA DANG, SNGON PO SNGON 'DZIN RTOG PA'I ZHEN GZHI YIN PA GNYIS RANG GI MTSAN NYID KYIS GRUB PAR 'DOD CING, RANG GI MTSAN NYID KYIS MA GRUB PAR MA RTOGS, NAM MKHA' DANG SPYI MTSAN GNYIS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB PAR 'DOD KYANG, THA SNYAD 'JUG PA'I 'JUG GZHI DER RANG GI MTSAN NYID KYIS MA GRUB PAR MA RTOGS, GONG DU BSHAD MA THAG PA'I SNGON PO GZUGS ZHES PA'I SGRA'I BRJOD BYA YIN PA SOGS GNYIS PO SPYI MTSAN DU 'DOD, SNGON PO GZUGS ZHES PA'I THA SNYAD 'JUG PA'I 'JUG GZHI YIN PA SOGS GNYIS PO DE RANG MTSAN DU 'DOD PA'I PHYIR, ,GSUM PA RTZOD PA SPONG BA LA, KHO NA RE; RTAGS YANG DAG GI DGAG BYA YOD PAR THAL, RIGS PA YANG DAG GI DGAG BYA YOD PA'I PHYIR, KHA CIG ,MA KHYAB ZER, 'DOD NA, RTAGS YANG DAG GI DGAG BYA MTHAR THUG YOD PAR THAL, 'DOD PA'I PHYIR ZER NA MA KHYAB, 'DOD MI NUS TE, THA SNYAD DPYOD BYED KYI RTAGS YANG DAG GI DGAG BYA MTHAR THUG YANG MED, DON DAM DPYOD BYED KYI RTAGS YANG DAG GI DGAG BYA MTHAR THUG KYANG MED PA'I PHYIR, DANG PO DER THAL, SGRA RTAG PA SOGS MED PA'I PHYIR, MA KHYAB MTSAMS LA, KHYAB PA YOD PAR THAL, RIGS PA YANG DAG DANG RTAGS YANG DAG GNYIS YIN KHYAB MNYAM YIN PA'I PHYIR, KHA CIG , @24B KHYOD YOD NA KHYOD KHYOD CES PA'I THA SNYAD 'JUG PA'I 'JUG GZHIR YOD DGOS PAR THAL, GZUGS GZUGS ZHES PA'I THA SNYAD 'JUG PA'I 'JUG GZHIR YOD PA'I PHYIR, 'DOD NA, RANG GI MTSAN NYID KYIS GRUB PA'I GZUGS CHOS CAN, DER THAL, DE'I PHYIR, 'DOD NA, RANG GI MTSAN NYID KYIS GRUB PA'I GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PA'I GZUGS YOD PAR THAL, RANG GI MTSAN NYID KYIS GRUB PA'I GZUGS DE RANG GI MTSAN NYID KYIS GRUB PA'I GZUGS RANG GI MTSAN NYID KYIS GRUB PA'I GZUGS ZHES PA'I THA SNYAD 'JUG PA'I 'JUG GZHIR YOD PA'I PHYIR, KHA CIG , MA KHYAB ZER, 'DOD NA, RANG GI MTSAN NYID KYIS GRUB PA'I GZUGS RANG GI MTSAN NYID KYIS GRUB PA'I GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR THAL, 'DOD PA'I PHYIR, ZER NA MA KHYAB, 'DOD NA, MI 'THAD DE, RANG GI MTSAN NYID KYIS GRUB PA'I GZUGS RANG GI MTSAN NYID KYIS GRUB PA'I GZUGS ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PA'I GZUGS RANG GI MTSAN NYID KYIS MA GRUB PA DE RANG GI MTSAN NYID KYIS GRUB PA'I GZUGS KYI GNAS LUGS MTHAR THUG YIN PA'I PHYIR, MA GRUB NA, RANG GI MTSAN NYID KYIS GRUB PA'I GZUGS CHOS CAN, KHYOD KHYOD CES PA'I THA SNYAD 'JUG PA'I 'JUG GZHIR KHYOD RANG GI MTSAN NYID KYIS MA GRUB PA KHYOD KYI GNAS LUGS MTHAR THUG YIN PAR THAL, KHYOD GZHI GRUB PA'I PHYIR ZER NA, KHYOD YOD NA KHYOD KHYOD CES PA'I THA SNYAD 'JUG PA'I 'JUG GZHIR YOD DGOS PAR THAL, GZUGS GZUGS ZHES PA'I THA SNYAD 'JUG PA'I 'JUG GZHIR GZUGS YOD PA'I PHYIR, KHYAB PA KHAS, 'DOD NA, RANG GI MTSAN NYID KYIS GRUB PA'I GZUGS CHOS CAN, DER THAL, DE'I PHYIR, 'DOD NA, SGRUB TSUL GONG LTAR BYAS 'KHOR GSUM BYA'O, KHO NA RE, RANG GI MTSAN NYID KYIS GRUB PA DANG, GZUGS KYI GZHI MTHUN PA ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PA DANG, GZUGS KYI GZHI MTHUN PA YOD PAR THAL, RANG GI MTSAN NYID KYIS GRUB PA'I GZUGS ZHES PA'I THA SNYAD 'JUG PA'I 'JUG GZHI RANG GI MTSAN NYID KYIS GRUB PA'I GZUGS YOD PA'I PHYIR, 'DOD NA, DE 'DRA'I GZHI MTHUN PA DE 'DRA'I GZHI @25A *, ,MTHUN PA ZHES PA'I THA SNYAD 'JUG PA'I 'JUG GZHIR DE 'DRA'I GZHI MTHUN PA MED PAR THAL, GZHI GRUB NA, 'JUG GZHIR DER DE 'DRA BA'I GZHI MTHUN MA YIN DGOS PA'I PHYIR ZER NA RNAM PA GCIG TU NA MA KHYAB, MA GRUB NA, RANG GI MTSAN NYID KYIS GRUB PA DANG GZUGS KYI GZHI MTHUN PA DE, RANG GI MTSAN NYID KYIS GRUB PA DANG GZUGS KYI GZHI MTHUN PA ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PA DANG GZUGS KYI GZHI MTHUN YIN PAR THAL, MA GRUB PA DE'I PHYIR, 'DOD NA, DE 'DRA'I GZHI MTHUN PA ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR THAL, 'DOD PA'I PHYIR ZER NA MA KHYAB, 'DOD NA SLA, KHA CIG ,KHYOD KHYOD RANG YIN PA'I CHOS YIN NA, KHYOD KHYOD CES PA'I THA SNYAD 'JUG PA'I 'JUG GZHIR KHYOD KHYOD RANG YIN DGOS PAR THAL, GZUGS GZUGS ZHES PA'I THA SNYAD 'JUG PA'I 'JUG GZHIR GZUGS GZUGS YIN PA'I PHYIR NA MA KHYAB, 'DOD NA, BDEN GRUB CHOS CAN, DER THAL, DE'I PHYIR, MA GRUB NA, BDEN GRUB BDEN GRUB YIN PAR THAL, BDEN GRUB YOD PA'I PHYIR ZER NA MA KHYAB, 'DOD MI NUS TE, BDEN GRUB BDEN GRUB ZHES PA'I THA SNYAD 'JUG PA'I 'JUG GZHIR BDEN PAR MA GRUB PA DE BDEN GRUB KYI GNAS LUGS MTHAR THUG YIN PA'I PHYIR, YANG KHO NA RE, BDEN PAR GRUB PA'I GZUGS CHOS CAN, KHYOD KHYOD CES PA'I THA SNYAD 'JUG PA'I 'JUG GZHIR KHYOD KHYOD RANG YIN PAR THAL, KHYOD KHYOD RANG YIN PA'I CHOS YIN PA'I PHYIR, 'DOD NA, BDEN PAR GRUB PA'I GZUGS BDEN PAR GRUB PA'I GZUGS ZHES PA'I THA SNYAD 'JUG PA'I 'JUG GZHIR BDEN PAR GRUB PAR THAL, BDEN PAR GRUB PA'I GZUGS ZHES PA'I THA SNYAD 'JUG PA'I 'JUG GZHIR BDEN PAR GRUB PA'I GZUGS DE BDEN PAR GRUB PA'I GZUGS YIN PA'I PHYIR ZER NA MA KHYAB, 'DOD NA SLA, KHO NA RE, GZUGS GZUGS ZHES PA'I THA SNYAD 'JUG PA'I 'JUG GZHIR GZUGS BDEN PAR GRUB PAR THAL, GZUGS GZUGS ZHES PA'I THA SNYAD 'JUG PA'I 'JUG GZHIR GZUGS YIN PA'I PHYIR, KHYAB TE, GZUGS YIN NA, BDEN PAR GRUB DGOS PA'I PHYIR ZER @25B NA; 'O NA; MYU GU'I DUS SU SA BON YOD PAR THAL, MYU GU'I DUS SU SA BON ZHIG PA'I PHYIR, KHYAB TE, ZHIG NA YOD DGOS PA'I PHYIR, GZHAN YANG BYANG SEMS TSOGS LAM PA SANGS RGYAS PA'I DUS SU BYANG SEMS TSOGS LAM PA YOD PAR THAL, BYANG SEMS TSOGS LAM PA SANGS RGYAS PA'I DUS SU BYANG SEMS TSOGS LAM PA SANGS RGYAS PA'I PHYIR, KHYAB STE, SANGS RGYAS NA YOD DGOS PA'I PHYIR, 'KHOR GSUM, GZHAN YANG, GZUGS ZHES PA'I MING DE RANG GI GDAGS GZHI'I GTZO BO RTAG PA ZHIG LA BTAGS PA'I MING YIN PAR THAL, GZUGS LA GZUGS ZHES PA'I MING 'JUG PA GANG ZHIG ,GZUGS GZUGS ZHES PA'I THA SNYAD 'JUG PA'I 'JUG GZHIR RTAG PA YIN PA'I PHYIR, DER THAL, GZUGS GZUGS ZHES PA'I THA SNYAD 'JUG PA'I 'JUG GZHIR RNAM GRANG PA'I KUN BTAGS YIN PA'I PHYIR, 'DOD NA, GZUGS ZHES PA'I MING CHOS CAN, KHYOD RANG GI GDAGS GZHI'I GTZO BO RTAG PA ZHIG LA BTAGS PA'I MING MA YIN PAR THAL, KHYOD GZUGS ZHES PA'I MING YIN PA'I PHYIR, GZHAN YANG, GZHAN DBANG BDEN GRUB GZHAN DBANG BDEN GRUB YIN PAR THAL, BDEN GRUB BDEN GRUB YIN PA'I PHYIR, RTAGS KHAS, 'DOD NA, GZHAN DBANG BDEN GRUB CHOS CAN, KHYOD MTSAN NYID GSUM PO GANG RUNG YIN PAR THAL, KHYOD GZHI GRUB PA'I PHYIR, 'DOD NA KUN BTAGS YIN PAR THAL, MTSAN NYID GSUM PO GANG RUNG GANG ZHIG ,GZHAN DBANG YANG MA YIN, YONGS GRUB YANG MA YIN PA'I PHYIR, DANG PO MA GRUB NA, GZHAN DBANG BDEN GRUB GZHAN DBANG MA YIN PAR THAL, GZHAN DBANG YOD PA GZHAN DBANG MA YIN PA'I PHYIR, MA GRUB NA, GZHAN DBANG CHOS CAN, KHYOD YOD PA GZHAN DBANG MA YIN PAR THAL, KHYOD GZHI GRUB PA'I PHYIR, GNYIS PA DER THAL, GZHAN DBANG BDEN GRUB MED DGAG MA YIN PA'I PHYIR, DER THAL, GZHAN DBANG YOD PA MED DGAG MA YIN PA'I PHYIR, MA GRUB NA, GZHAN DBANG CHOS CAN, KHYOD YOD PA MED DGAG MA YIN PAR THAL, KHYOD GZHI GRUB PA'I PHYIR, RTZA BAR 'DOD NA, DE CHOS CAN, KHYOD KUN BTAGS MA YIN PAR THAL, BDEN GRUB YIN PA'I PHYIR, RTAGS KHAS, KHO NA RE, NAM MKHA' 'DZIN PA'I TSAD MA NAM MKHA'I GZHAN @26A *, ,DBANG YIN PAR THAL, GZUGS 'DZIN TSAD MA GZUGS KYI GNAS LUGS GTAN LA 'BEBS PA'I DBANG DU BYAS PA'I GZUGS KYI GZHAN DBANG YIN PA'I PHYIR, DER THAL, GZUGS 'DZIN TSAD MA'I CHOS NYID GANG YIN GZUGS KYI CHOS NYID DANG, GZUGS KYI CHOS NYID GANG YIN GZUGS 'DZIN TSAD MA'I CHOS NYID YIN PA'I PHYIR, DER THAL, RNAM 'GREL LAS, DE PHYIR GNYIS STONG GANG YIN PA, ,DE NI DE YI'ANG DE NYID YIN, ,ZHES PA DANG, DE LA GCIG NI MED PAS KYANG, ,GNYIS KA'ANG NYAMS PAR 'GYUR BA YIN, ,ZHES GSUNGS PA'I PHYIR ZER NA, SKYON MED DE; ;LUNG DANG PO'I DON NI, GZUGS GZUGS 'DZIN TSAD MA DANG, RDZAS GZHAN GYIS STONG BA GZUGS KYI GNAS LUGS MTHAR THUG YIN PAR MA ZAD, GZUGS 'DZIN TSAD MA GZUGS DANG RDZAS GZHAN GYIS STONG BA GZUGS 'DZIN TSAD MA'I GNAS LUGS YIN ZHES PA'I DON DANG, PHYI MA'I DON NI, GZUGS GZUGS 'DZIN TSAD MA DANG RDZAS GZHAN YIN PA KHEGS PA'I RIGS PA DE'I BYED PA LA BRTEN NAS, GZUGS 'DZIN TSAD MA GZUGS DANG RDZAS GZHAN YIN PA KHEGS NUS ZHES PA'I DON YIN PA'I PHYIR, DE LTAR MA YIN NA, ZAG BCAS NYER LEN GYI GZUGS PHUNG DANG, DE 'DZIN PA'I RNAM MKHYEN RDZAS GZHAN GYIS STONG PA'I STONG NYID DE ZAG BCAS NYER LEN GYI GZUGS PHUNG GI GNAS LUGS DANG, ZAG BCAS NYER LEN GYI GZUGS PHUNG 'DZIN PA'I RNAM MKHYEN GNYIS KA'I GNAS LUGS YIN PAR THAL, ZAG BCAS NYER LEN GYI GZUGS PHUNG DANG DE 'DZIN PA'I TSAD MA RDZAS GZHAN GYIS STONG PA'I STONG NYID GNYIS PO DE ZAG BCAS NYER LEN GYI GZUGS PHUNG GI GNAS LUGS DANG, DE 'DZIN PA'I TSAD MA GNYIS KA'I GNAS LUGS MTHAR THUG YIN PA'I PHYIR, KHA CIG MA KHYAB ZER, 'DOD NA, ZAG BCAS NYER LEN GYI GZUGS PHUNG DANG DE 'DZIN PA'I RNAM MKHYEN RDZAS GZHAN GYIS STONG PA'I STONG NYID CHOS CAN, KHYOD SGRIB PA MA SPANGS PA'I CHOS NYID YIN PAR THAL, ZAG BCAS NYER LEN GYI GZUGS PHUNG GI CHOS NYID YIN PA'I PHYIR, RTAGS KHAS, 'DOD NA, MI 'THAD DE, DE SGRIB PA SPANGS PA'I CHOS NYID YIN PA'I PHYIR, MA GRUB NA, DE CHOS CAN, SGRIB @26B PA SPANGS PA'I CHOS NYID YIN PAR THAL, ZAG BCAS NYER LEN GYI GZUGS PHUNG 'DZIN PA'I RNAM MKHYEN GYI CHOS NYID YIN PA'I PHYIR, KHYAB STE, DE 'DRA'I RNAM MKHYEN DE SGRIB PA SPANGS PA'I CHOS CAN YIN PA'I PHYIR, MA KHYAB 'TSAMS LA, LONGS SKU'I DBU SKRA BUNG BA LTAR GNAG DANG, DE 'DZIN PA'I TSAD MA RDZAS GZHAN GYIS STONG PA'I STONG NYID LONGS SKU'I DBU SKRA BUNG BA LTAR GNAG GI GNAS LUGS DANG, DE 'DZIN PA'I TSAD MA GNYIS KA'I GNAS LUGS YIN PAR THAL, MA KHYAB PA DE'I PHYIR, 'DOD NA, LONGS SKU'I DBU SKRA BUNG BA LTAR GNAG DANG, DE 'DZIN PA'I TSAD MA RDZAS GZHAN GYIS STONG PA'I STONG NYID CHOS CAN, SGRIB PA SPANGS PA'I CHOS NYID YIN PAR THAL, LONGS SKU'I DBU SKRA BUNG BA LTAR GNAG GI CHOS NYID YIN PA'I PHYIR, KHYAB STE, LONGS SKU'I DBU SKRA BUNG BA LTAR GNAG SGRIB PA SPANGS PA'I YON TAN YIN PA'I PHYIR, 'DOD MI NUS TE, SGRIB PA MA SPANGS PA'I CHOS NYID YIN PA'I PHYIR, DER THAL, LONGS SKU'I DBU SKRA BUNG BA LTAR GNAG 'DZIN PA'I TSAD MA'I CHOS NYID GANG ZHIG ,DE 'DRA'I TSAD MA SGRIB PA MA SPANGS PA'I CHOS CAN YIN PA'I PHYIR, DANG PO DNGOS GNYIS PA MA GRUB NA, DE CHOS CAN, KHYOD SGRIB PA MA SPANGS PA'I CHOS CAN YIN PAR THAL, KHYOD TSAD MA GANG ZHIG ,KHYOD RGYUD LA LDAN PA'I BYANG 'PHAGS YOD PA'I PHYIR, ,DER THAL, LONGS SKU MNGON SUM DU RTOGS PA'I BYANG 'PHAGS YOD PA'I PHYIR, GZHAN YANG, 'DUS BYAS STONG PA NYID YIN NA, 'DUS MA BYAS STONG PA NYID YIN DGOS PAR THAL, 'DUS MA BYAS STONG PA NYID YIN NA, 'DUS BYAS STONG PA NYID YIN DGOS PA'I PHYIR, DER THAL, DE YIN NA, RANG GI CHOS CAN DU GYUR PA'I 'DUS BYAS GCIG YOD DGOS PA'I PHYIR, DER THAL, NAM MKHA'I CHOS NYID YIN NA, RANG GI CHOS CAN DU GYUR PA'I 'DUS BYAS GCIG YOD DGOS PA'I PHYIR, DER THAL, DE YIN NA, NAM MKHA' 'DZIN PA'I TSAD MA'I CHOS NYID YIN DGOS PA'I PHYIR, RTAGS KHAS, RTZA BAR 'DOD NA, DE GNYIS KYI RNAM DBYE SO SOR MDZAD MI RIGS PAR THAL, DE GNYIS YIN KHYAB MNYAM YIN PA'I PHYIR, 'DOD MI NUS TE, STONG NYID BCU DRUG DANG, STONG NYID NYI SHU SOGS KYI DBYE BA MDZAD PA'I PHYIR, GZHAN YANG, SHES SGRIB GZUNG RTOG KUN BTAGS MNGON GYUR BA YIN NA, SHES SGRIB 'DZIN RTOG KUN BTAGS MNGON GYUR BA YIN PAS KHYAB @27A *, ,PA DANG, SHES SGRIB 'DZIN RTOG KUN BTAGS MNGON GYUR BA YIN NA, SHES SGRIB GZUNG RTOG KUN BTAGS MNGON GYUR BA YIN PAS KHYAB PAR THAL, GZUNG BA'I GNAS LUGS MTHAR THUG YIN NA, RANG NYID KYI 'DZIN PA'I GNAS LUGS MTHAR THUG YIN PAS KHYAB, 'DZIN PA'I GNAS LUGS MTHAR THUG YIN NA, RANG NYID KYI BZUNG BA'I GNAS LUGS MTHAR THUG YIN PAS KHYAB PA'I PHYIR, MA GRUB NA, DER THAL, PHYI BZUNG BA'I GNAS LUGS YIN NA NANG 'DZIN PA'I GNAS LUGS YIN DGOS PA'I PHYIR, 'DOD NA, DE GNYIS LA MNGON GYUR BA MGO GNON DKA' SLA'I KHYAD PAR MED PAR THAL, DE GNYIS YIN KHYAB MNYAM YIN PA'I PHYIR, RTAGS KHAS, 'DOD MI NUS TE, MDO SDE RGYAN LAS, DE TSE DE YI GZUNG BA YI, ,RNAM PAR G-YENG BA DE SPONG 'GYUR, ,'DI LTAR DE YI 'JUG THOGS SU, ,'DZIN PA'I RNAM PAR G-YENG BA SPONG, ,ZHES GSUNGS PA'I PHYIR, KHO NA RE; SEMS TZAM PAS RANG BZHIN RNAM DAG GI CHAR GYUR PA'I NGO BO NYID SKU MI BZHED PAS SKYON DE DAG MI 'JUG PA YIN NO ZER NA, SEMS TZAM PAS DAG PA GNYIS LDAN GYI CHOS SKU GCIG MI BZHED PAR THAL, DES RANG BZHIN RNAM DAG GI CHAR GYUR PA'I NGO BO NYID SKU GCIG MI BZHED PA'I PHYIR, RTAGS KHAS, 'DOD NA, SEMS TZAM PA RNAMS KYIS GZUGS DANG GZUGS 'DZIN PA'I TSAD MA RDZAS THA DAD TU 'DZIN PA'I RTOG PA BDEN GRUB TU KHAS BLANGS PA LA, NGO BO NYID MED PAR SMRA BA RNAMS KYIS SANGS RGYAS KYI SA NA BLO BUR RNAM DAG TZAM MA GTOGS DAG PA GNYIS LDAN GYI CHOS SKU MED PAR THAL BA 'PHANGS PA LA 'DOD LAN THEBS PAR THAL, 'DOD PA'I PHYIR, 'DOD MI NUS TE, NGO BO NYID MED PAR SMRA BA KHYOD RANG GIS GZUGS BDEN STONG BLO DON DAM PA GNAS LUGS MNGON SUM DU RTOGS PA'I SLOB PA 'PHAGS PA'I MNYAM BZHAG YE SHES KYI RNYED DON DU KHAS BLANGS PAS DE DON DAM PAR GRUB DGOS DE DON DAM PAR GRUB NA GZUGS BDEN PAR 'DZIN PA'I BDEN 'DZIN BDEN PAR GRUB DGOS, DE BDEN PAR GRUB NA GNYEN POS SPANG DU MI RUNG BAS SANGS RGYAS KYI SA NA DAG PA PHYOGS GCIG MA GTOGS DAG PA GNYIS LDAN GYI CHOS SKU MED PAR THAL BA KHYOD RANG LA YANG @27B MTSUNGS SO, ,ZHES MTSUNGS PA BSGRES PA'I PHYIR, BSGRES TSUL 'GREL CHEN LAS SHES DGOS SO, KHA CIG NAM MKHA'I GZHAN DBANG MED ZER NA NAM MKHA'I GZHAN DBANG YOD PAR THAL, CHOS KHAMS KYI STENG GI GNAS LUGS MTHAR THUG GTAN LA 'BEBS PA'I DBANG DU BYAS PA'I GZHAN DBANG YOD PA'I PHYIR, DER THAL; GZUGS PHUNG GI STENG GI GNAS LUGS MTHAR THUG GTAN LA 'BEBS PA'I DBANG DU BYAS PA'I GZHAN DBANG YOD PA GANG ZHIG ,GZUGS PHUNG LA JI LTAR SBYAR BA BZHIN DU CHOS KHAMS KYI BAR LA SBYAR BAR GSUNGS PA'I PHYIR, KHO NA RE, NAM MKHA'I GZHAN DBANG YIN NA, GZHAN DBANG YIN DGOS PAR THAL, GZUGS KYI GZHAN DBANG YIN NA, GZHAN DBANG YIN DGOS PA GANG ZHIG ,LEGS BSHAD SNYING PO LAS, DE LTAR GZUGS PHUNG LA JI LTAR SBYAR BA BZHIN DU PHUNG PO LHAG MA BZHI DANG SKYE MCHED BCU GNYIS DANG RTEN 'BREL BCU GNYIS DANG, ,ZAS BZHI DANG, KHAMS DRUG DANG, KHAMS BCO BRGYAD PO RE RE LA YANG MTSAN NYID GSUM GSUM SBYAR BAR GSUNGS SO, ,ZHES GSUNGS PA'I PHYIR ZER NA SKYON MED DE, DE'I DON NI, GZUGS PHUNG GZUGS PHUNG GI GNAS LUGS MTHAR THUG GTAN LA 'BEBS PA'I DBANG DU BYAS PA'I GZHAN DBANG DANG DE LA NGO BO DANG KHYAD PAR DU SGRO BTAGS PA KUN BTAGS DANG, BTAGS PA LTAR DU RANG GI MTSAN NYID KYIS MA GRUB PA GZUGS PHUNG GI YONGS GRUB TU BYED PA DE BZHIN DU, CHOS KHAMS CHOS KHAMS KYI GNAS LUGS MTHAR THUG GTAN LA 'BEBS PA'I DBANG DU BYAS PA'I GZHI GZHAN DBANG DANG DE LA NGO BO DANG KHYAD PAR DU SGRO BTAGS PA DE'I STENG GI GNAS LUGS GTAN LA 'BEBS PA'I DBANG DU BYAS PA'I KUN BTAGS DANG, DE LTAR BTAGS PA LTAR DU RANG GI MTSAN NYID KYIS MA GRUB PA DE'I YONGS GRUB TU KHYED PAR SBYOR ZHES PA'I DON YIN PA'I PHYIR, DE LTAR MA YIN NA NAM MKHA' 'DZIN PA'I TSAD MA LA 'DI NI GZUGS SO, 'DI NI GZUGS KYI SKYE BA'O, ,ZHES BTAGS PA DANG, NAM MKHA' LA 'DI NI GZUGS SO 'DI NI GZUGS KYI SKYE BA'O ZHES BTAGS PA'I KUN BTAGS DE NAM MKHA'I STENG GI GNAS LUGS MTHAR THUG GTAN LA 'BEBS PA'I DBANG DU BYAS PA'I NGO BO DANG KHYAD PAR LA KUN BTAGS PA'I KUN BTAGS YIN @28A *, ,PAR THAL, KUN BTAGS NGOS 'DZIN GYI SKABS SU RNAM PAR RTOG PA'I SPYOD YUL KUN BTAGS PA'I MTSAN NYID KYI GNAS LUGS 'DU BYED KYI MTSAN MA LA, GZUGS KYI PHUNG PO ZHES NGO BO NYID DAM BYE BRAG GI MTSAN NYID DU MING DANG BRDAR RNAM PAR BZHAG PA DANG, ZHES SOGS GSUNGS PA GANG ZHIG ,GZUGS PHUNG LA JI LTAR SBYAR BA BZHIN DU ZHES PA NAS KHAMS BCO BRGYAD PO RE RE LA YANG MTSAN NYID GSUM GSUM SBYAR BAR GSUNGS SO, ,ZHES GSUNGS NA, NAM MKHA'I GZHAN DBANG LA GZHAN DBANG GIS KHYAB PA YOD PA'I PHYIR, 'DOD MI NUS TE, NAM MKHA' 'DZIN PA'I TSAD MA DANG, NAM MKHA' GNYIS DE LTAR BTAGS PA LTAR DU RANG GI MTSAN NYID KYIS MA GRUB PAR DON SMRA SDE GNYIS GYIS TSAD MAS NGES PA'I PHYIR, DER THAL, DON SMRA SDE GNYIS KYIS NAM MKHA' 'DZIN PA'I TSAD MA DANG, NAM MKHA' GNYIS GZUGS MA YIN PAR TSAD MAS NGES PA'I PHYIR, KHO NA RE, NAM MKHA'I GZHAN DBANG YIN NA, GZHAN DBANG YIN PAS KHYAB PAR THAL, GZUGS NAS RNAM MKHYEN GYI BAR CHOS RE RE'I STENG DU MTSAN NYID GSUM GSUM GYI RNAM BZHAG BYAS NAS GZHAN DBANG 'CHAD PA'I SKABS SU RKYEN GZHAN GYI STOBS KYIS BYUNG BA YIN GYI BDAG NYID KYIS MA YIN PAS ZHES SOGS GSUNGS PA'I PHYIR ZER NA, SKYON MED DE, GZUGS PHUNG LTA BU'I GZHAN DBANG GI DBANG DU BYAS PA'I PHYIR, DE LTAR MA YIN NA KUN BTAGS YIN NA, MING BDAS 'JOG NUS YIN DGOS PAR THAL, GZUGS NAS RNAM MKHYEN GYI BAR GYI CHOS RE RE'I STENG DU MTSAN NYID GSUM GSUM GYI RNAM BZHAG BYAS NAS, KUN BTAGS 'CHAD PA'I SKABS SU, MING DANG BRDAS RNAM PAR BZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PAS ZHES GSUNGS PA'I PHYIR, KHYAB PA KHAS, 'DOD NA, SGRA RTAG STONG CHOS CAN, DER THAL, DE'I PHYIR, 'DOD MI NUS TE, GONG DU BSGRUB ZIN PA'I PHYIR; KHO NA RE, NAM MKHA' DE NAM MKHA'I YONGS GRUB KYI STONG GZHI CHOS CAN DU GYUR PA'I GZHAN DBANG YIN PAR THAL, NAM MKHA' NAM MKHA'I GZHAN DBANG YIN PA'I PHYIR ZER NA, MA KHYAB, 'DOD MI NUS TE, NAM MKHA' NAM MKHA'I YONGS GRUB KYI STONG GZHI CHOS CAN DU GYUR PA'I KUN BTAGS YIN PA'I PHYIR, @28B DER THAL, NAM MKHA'I YONGS GRUB KYI STONG GZHI CHOS CAN DU GYUR PA'I KUN BTAGS YOD PA GANG ZHIG ,DE YOD NA NAM MKHA' DE LTAR YIN DGOS PA'I PHYIR, DANG PO DER THAL, NAM MKHA'I YONGS GRUB KYI CHOS CAN CIG YOD PA'I PHYIR ZER NA, MYU GU CHOS CAN, KUN RDZOB TU GYUR PA'I BDEN PA YIN PAR THAL, KUN RDZOB BDEN PA YIN PA'I PHYIR, KHYAB PA KHAS, 'DOD MI NUS TE, KUN RDZOB TU GYUR PA'I BRDZUN PA YIN PA'I PHYIR, DER THAL, KUN RDZOB TU GYUR PA'I DNGOS PO YIN PA'I PHYIR, GZHAN YANG, NAM MKHA' NAM MKHA'I GNAS LUGS KYI STONG BZHI YIN PAR THAL, NAM MKHA' NAM MKHA'I YONGS GRUB KYI STONG GZHI YIN PA'I PHYIR, RTAGS KHAS, 'DOD NA, NAM MKHA' NAM MKHA'I GNAS LUGS KYIS STONG BAR THAL, 'DOD PA'I PHYIR, MA GRUB NA SONG, 'DOD NA, NAM MKHA' CHOS CAN, KHYOD KHYOD KYI GNAS LUGS KYIS MI STONG BAR THAL, KHYOD GZHI GRUB PA'I PHYIR, BYAS NA CI GSUNG, KHO NA RE, NAM MKHA'I GZHAN DBANG YIN NA, ,GZHAN DBANG YIN DGOS PAR THAL, NAM MKHA'I YONGS GRUB DE RANG GI CHOS CAN GZHAN DBANG GI STENG DU DGAG BYA CHOS BDAG DKAG TZAM GYI MED DGAG YIN PA'I PHYIR, DER THAL, LEGS BSHAD SNYING PO LAS, CHOS CAN 'DUS BYAS LA CHOS KYI BDAG RNAM PAR BCAD TZAM GYI SPROS PA MED DGAG LA CHOS KYI BDAG MED KYI YONGS GRUB 'JOG PAR SHIN TU GSAL BA'I PHYIR, ZHES GSUNGS PA'I PHYIR ZER NA SKYON MED DE, YONGS GRUB KYI MTSAN GZHI BZUNG BA TZAM YIN PA'I PHYIR, KHO NA RE, NAM MKHA'I GZHAN DBANG GZHAN DBANG YIN PAR THAL, NAM MKHA'I YONGS GRUB BDEN PAR GRUB PA GANG ZHIG ,NAM MKHA'I GZHAN DBANG BDEN PAR MA GRUB NA, DE'I YONGS GRUB KYANG BDEN PAR MA GRUB PAR 'GYUR BA'I PHYIR, DER THAL, LEGS BSHAD SNYING PO LAS, GZHAN DBANG GI RTEN 'BREL RANG BZHIN GYIS GRUB PAS STONG NA YONGS GRUB KYANG RANG GI MTSAN NYID KYIS MA GRUB PAR 'GYUR ZHES LUGS SNGA MAS KYANG SMRA LA, LUGS 'DIS KYANG DE LTAR SMRA STE ZHES GSUNGS PA'I PHYIR ZER NA, SKYON MED DE, GZHAN DBANG GI RTEN 'BREL RANG BZHIN GYIS MA GRUB NA, YONGS GRUB KYANG BDEN PAR MA GRUB DGOS PAR 'DOD PA'I SEMS TZAM PA DANG, NGO BO NYID MED PAR SMRA BA RNAMS MTSUNGS ZHES PA'I DON YIN PA'I PHYIR, KHA CIG ,NAM MKHA'I GDAGS GZHIR @29A *, ,GYUR PA'I BAR GYI SNANG BA SKYA SANGS PA NAM MKHA'I GZHAN DBANG YIN ZER NA, NAM MKHA' DE BAR GYI SNANG BA SKYA SANGS PA LA BTAGS PA'I BTAGS CHOS YIN PAR THAL, DAM BCA' 'THAD PA'I PHYIR, 'DOD NA, BAR GYI SNANG BA SKYA SANGS PA LA 'DI NI NAM MKHA'O SNYAM DU 'DZIN PA'I RTOG PA DE, RTOG PA DON MTHUN DANG 'DI NI NAM MKHA'O ZHES PA'I MING DE MING DON MTHUN YIN PAR THAL, 'DOD PA DE'I PHYIR, 'DOD NA, BAR GYI SNANG BA SKYA SANGS PA NAM MKHA' YIN PAR THAL, 'DOD PA'I PHYIR, 'DOD MI NUS TE, DE 'DUS BYAS YIN PA'I PHYIR, KHO NA RE, GANG ZAG GI BDAG MED PHRA MO CHOS CAN, NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG YIN PAR THAL, YONGS GRUB YIN PA'I PHYIR, DER THAL, GANG LA DMIGS NAS BSGOMS NA, NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG YIN PA'I PHYIR, KHYAB STE, SHES SGRIB DAG PAR 'GYUR BA'I RNAM DAG LAM GYI DMIGS PA MTHAR THUG DANG, NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG GNYIS KA YONGS GRUB YIN PA'I PHYIR, DER THAL, DBUS MTHA' LAS, RNAM DAG SPYOD YUL RNAM GNYIS TE, ,GCIG PU KHO NAR BRJOD PA YIN, ,ZHES GSUNGS PA'I PHYIR, 'DOD MI NUS TE, NYAN THOS DGRA BCOM PAS SHIS SGRIB MA SPANGS PA'I PHYIR ZER NA, SKYON MED DE, GSUNG DE'I DON NI, GANG ZAG GI BDAG MED KYI DBANG DU BYAS PA'I MTSAN NYID GSUM GYI NANG NAS GANG ZAG GI BDAG MED KYI DBANG DU BYAS PA'I YONGS GRUB GCIG PU NYON SGRIB DAG PAR 'GYUR BA'I RNAM DAG LAM GYI DMIGS PA MTHAR THUG DANG, CHOS KYI BDAG MED KYI DBANG DU BYAS PA'I MTSAN NYID GSUM GYI NANG NAS CHOS KYI BDAG MED KYI DBANG DU BYAS PA'I YONGS GRUB GCIG PU SHES SGRIB DAG PAR 'GYUR BA'I RNAM DAG LAM GYI DMIGS PA MTHAR THUG YIN ZHES PA'I DON YIN PA'I PHYIR, ,KHO NA RE, GANG ZAG GI BDAG MED PHRA MO CHOS CAN, YONGS GRUB YIN PAR THAL, GANG ZAG GI BDAG MED KYI DBANG DU BYAS PA'I YONGS GRUB YIN PA'I PHYIR, ZER NA MA KHYAB, 'O NA DE CHOS CAN, RNAM DAG LAM GYI DMIGS PA MTHAR THUG YIN PAR THAL, NYON SGRIB DAG PAR @29B 'GYUR BA'I RNAM DAG LAM GYI DMIGS PA MTHAR THUG YIN PA'I PHYIR, KHYAB PA KHAS, 'DOD NA, KHYOD LAS PHRA BA'I STONG NYID MED PAR THAL, KHYOD RNAM DAG LAM GYI DMIGS PA MTHAR THUG YIN PA'I PHYIR, 'DOD MI NUS TE, CHOS KYI BDAG MED PHRA MO DE LTAR YIN PA'I PHYIR, KHO NA RE, DON SMRA SDE GNYIS KYIS GZHI GRUB NA; RANG GI MTSAN NYID KYIS GRUB PAS KHYAB PA KHAS LEN PAR THAL, DE GNYIS KYIS NAM MKHA' RANG GI MTSAN NYID KYIS GRUB PAR 'DOD PA'I PHYIR, DER THAL, NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS GRUB PAR 'DOD PA'I PHYIR, DER THAL, 'JUG BZHI DER RANG GI MTSAN NYID KYIS MA GRUB NA NAM MKHA' YOD PAR 'JOG MI SHES PA'I PHYIR, DER THAL, LEGS BSHAD SNYING PO LAS DON SMRA SDE GNYIS KYIS GZUGS SOGS RTOG PA'I ZHEN GZHI DANG BRDA' 'DOGS PA'I GNAS SU RANG MTSAN GYIS GRUB PA KHEGS NA DE DAG YOD PAR 'JOG MI SHES TE, TSAD MA PA LA GRAGS PA'I RANG MTSAN NI MIN NO, ,ZHES GSUNGS PA'I PHYIR ZER NA SKYON MED DE, GSUNGS DE'I DON NI DON SMRA LDE GNYIS KYIS NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR NAM MKHA' GNAS LUGS KYI DBANG GIS GRUB PAR 'DOD CING DE LTAR MA GRUB NA NAM MKHA' YOD PAR 'JOG MI SHES PAS, SEMS TZAM PAS GZHAL BA'I TSE NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR RANG GI MTSAN NYID KYIS MA GRUB NA NAM MKHA' YOD PAR 'JOG MI SHES PAR SONG ZHES PA'I DON YIN PA'I PHYIR, , KHO NA RE, DE GNYIS KYIS GZHI GRUB NA RANG GI MTSAN NYID KYIS GRUB PAS KHYAB PA KHAS LEN PAR THAL, 'GOG BDEN DANG CHOS KHAMS RANG GI MTSAN NYID KYIS GRUB PA 'DOD PA'I PHYIR, DER THAL, DE GNYIS KYIS GZUGS NAS BYANG PHYOGS SO BDUN GYI BAR GYI CHOS RNAMS RANG GI MTSAN NYID KYIS GRUB PAR 'DOD PA GANG ZHIG ,GZUGS NAS BYANG PHYOGS SO BDUN GYI BAR GYI CHOS RNAMS KYI NANG TSAN DU 'GOG BDEN DANG CHOS KHAMS GNYIS 'DU BA'I PHYIR, DANG PO DER THAL, GRUB DON DANG PO'I SKABS NAS DNGOS SU BSTAN PA'I BDEN BZHI'I CHOS 'KHOR GYIS GZUGS NAS BYANG PHYOGS SO BDUN GYI BAR GYI CHOS RNAMS RANG GI MTSAN NYID KYIS GRUB PAR BSTAN PA GANG ZHIG ,DE GNYIS KYIS MDO DE SGRA JI BZHIN PAR KHAS LEN PA'I PHYIR, DANG PO DER THAL, MDO SDE LA 'GAL SPONG GI DRI BA'I SKABS SU BCOM LDAN 'DAS KYIS RNAM GRANGS DU MAR PHUNG BO RNAMS KYI RANG GI @30A *, ,MTSAN NYID KYANG BKA' STZAL, ZHES PA NAS BYANG PHYOGS SO BDUN GYI BAR GYI RANG GI MTSAN NYID DANG ZHES SOGS GSUNGS PA'I PHYIR ZER NA SKYON MED DE, MDO DE LAS GZUGS NAS BYANG PHYOGS SO BDUN GYI BAR GYI CHOS RNAMS RANG NYID RANG NYID ZHES PA'I THA SNYAD 'JUG PA'I 'JUG GZHIR RANG GI GNAS LUGS KYI DBANG GIS GRUB PAR BSTAN PA'I DON YIN PA'I PHYIR, KHO NA RE, DON SMRA SDE GNYIS KYIS GZHI GRUB NA, RANG GI MTSAN NYID KYIS GRUB PAS KHYAB PA KHAS LEN PAR THAL, MDO SDE PAS DE LTAR KHAS LEN PA'I PHYIR, DER THAL, MDO SDE PAS GZHI GRUB NA, CHOS BDAG YIN PAS KHYAB PA KHAS LEN PA'I PHYIR, DER THAL; DES CHOS KYI BDAG MED KHAS MI LEN PA'I PHYIR ZER NA, DE NI CHES MI RIGS TE, CHOS KYI BDAG MED ZHES PA'I THA SNYAD DE DGAG BYA GANG BKAG PA'I BDAG MED 'JOG TSUL GCIG GI DBANG DU BYAS PA'I PHYIR, KHO NA RE, NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR DON DAM PAR MA GRUB PA GNAS LUGS MTHAR THUG MA YIN PAR THAL, DE MDO SDE PAS TSAD MAS NGES PA'I PHYIR, DER THAL, MDO SDE PAS NAM MKHA' NAM MKHA' ZHES PA'I THA SNYAD 'JUG PA'I 'JUG GZHIR DON DAM PAR MA GRUB PAR KHAS LEN PA'I PHYIR ZER NA, MA KHYAB, MA GRUB NA, DER THAL, DES NAM MKHA' DON DAM PAR MA GRUB PAR KHAS LEN PA'I PHYIR, DER THAL, NAM MKHA' DON DAM PAR DON BYED NUS PA MA YIN PAR KHAS LEN PA'I PHYIR, DER THAL, DES NAM MKHA' RANG MTSAN MA YIN PAR KHAS LEN PA'I PHYIR, KHO NA RE, THEG DMAN GYI MDO LAS CHOS KYI BDAG MED PHRA MO MA BSTAN PA DANG, DANG PO NYID NAS THEG DMAN DU RIGS NGES PA'I THEG DMAN GYI RIGS CAN GYIS CHOS KYI BDAG MED PHRA MO MA RTOGS PAR 'DOD PA MI RIGS PAR THAL, SRID PA 'PHO BA'I MDO LAS, MING NI GANG DANG GANG GIS SU, CHOS RNAMS GANG DANG GANG BRJOD PA, ,DE LA DE NI YOD MA YIN, 'DI NI CHOS RNAMS CHOS NYID DO, ,ZHES GSUNGS PA'I PHYIR DANG, DON GYI SDE TSAN PA'I MDO DANG, BSDUM BYED KA TA YA NA LA BRTZAMS PA'I MDO LAS KYANG CHOS KYI BDAG MED PHRA MO BSTAN PA'I PHYIR ZER NA SKYON MED DE, LUNG DANG PO'I DON NI, LTO LDIR BA LA BUM PA ZHES BRJOD PA'I SGRA'I BRJOD BYA RANG GI MTSAN NYID KYIS MA GRUB PA LTO LDIR BA'I GNAS LUGS SU BSTAN PA'I PHYIR, KHA CIG NA RE, MDO DE LAS LTO LDIR BA LA BUM BA ZHES PA'I THA @30B SNYAD 'JUG PA'I 'JUG GZHIR RANG GI MTSAN NYID KYIS MA GRUB PAR BSTAN YANG, MDO SDE PAS LTO LDIR BA LA BUM PA ZHES BRJOD PA'I SGRA'I BRJOD BYA RANG GI MTSAN NYID KYIS MA GRUB PA MDO DE LAS BSTAN PAR 'DOD PA YIN NO, ,ZER NA, 'O NA, LUNG GZHI'I NANG TSAN DU GYUR PA'I RTZA BA'I RNAM PAR SHES PA ZHES 'BYUNG BA'I MDO DE LAS KUN GZHI BSTAN PAR THAL, SRID PA 'PHO BA'I MDO LAS CHOS KYI BDAG MED PHRA MO BSTAN PA'I PHYIR, 'DOD NA LUNG GZHI'I NANG TSAN DU GYUR PA'I DGE SLONG DAG 'DI NI SDUG BSNGAL 'PHAGS PA'I BDEN PA'O, ,ZHES PA'I MDO DE LAS KUN GZHI BSTAN PAR THAL, 'DOD PA'I PHYIR, 'DOD MI NUS TE, DE'I CHAD DU BYA BA'I GDUL BYA DE KUN GZHI STON PA'I SNOD DU RUNG BA MA YIN PA'I PHYIR, DER THAL, DE PHYI DON BSTAN DGOS KYI GDUL BYA YIN PA'I PHYIR, KHA CIG ,SRID PA 'PHO BA'I MDO DE THEG DMAN GYI MDO YIN ZER NA, DE MI 'THAD DE, DE THEG CHEN GYI MDO YIN PA'I PHYIR, DER THAL, DE NYID LAS, SRID PA 'PHO BA ZHES BYA BA THEG PA CHEN PO'I MDO, ZHES GSUNGS PA'I PHYIR, KHO NA RE, DE THEG DMAN GYI MDO YIN PAR THAL, DE THEG DMAN LA GRUB PA'I MDO YIN PA'I PHYIR ZER NA MA KHYAB, 'O NA, RGYAS 'BRING BSDUS GSUM CHOS CAN, NYAN THOS SDE PA'I MDO YIN PAR THAL, NYAN THOS SDE PA LA GRUB PA'I MDO YIN PA'I PHYIR, KHYAB PA KHAS, MA GRUB NA, DER THAL, NYAN THOS SDE PAS DE DRANG DON GYI MDOR 'DOD PA'I PHYIR, DER THAL, DE RGYAS 'BRING BSDUS GSUM LAS GZUGS SOGS KYI CHOS RNAMS NGO BO NYID MED PAR GSUNGS PA DE BYA BYED KYI CHA RNAMS BDEN PAS STONG PA LA DGONGS NAS GSUNGS PAR 'CHAD PA'I PHYIR, DER THAL, RNAM 'GREL LAS, PHUNG PO LA SOGS BYE BRAG GI ,MTSAN NYID THAMS CAD BYED PA YIN, ,KHYAD PAR CAN DE 'ANG DE NYID MIN, DES KYANG DE DAG MTSAN NYID BRAL, ZHES GSUNGS PA'I PHYIR, GZHAN DBANG DRANG NGES RNAM 'BYED DU DOGS PA 'GOD PA'I SKABS SU, NGO BO DANG KHYAD PAR LA KUN BTAGS PA'I KUN BTAGS RANG GI MTSAN NYID KYIS MA GRUB PA DE, DANG PO NYID NAS THEG DMAN DU RIGS NGES PA'I THEG DMAN GI RIGS CAN GYI MNGON SUM GYI SPYOD YUL MA YIN PA'I ZAB MO DANG, DE THEG DMAN GYI MDO LAS MA BSTAN PA MI 'THAD PAR THAL, SRID PA 'PHO BA'I MDO LAS, MING NI GANG DANG GANG GIS SU, ,ZHES SOGS KYIS, NGO BO DANG KHYAD PAR LA KUN BTAGS PA'I KUN BTAGS RANG GI MTSAN @31A *, ,NYID KYIS MA GRUB PAR BSTAN TSUL DE LAS LHAG PA DGONGS 'BREL LA YANG MI SNANG ZHING MDO SDE DE DAG GI DON 'CHAD TSUL LA KHYAD PAR MED PA'I PHYIR ZHES BKOD PA YIN PAR THAL, DE DAG GIS BSHAD PA DANG KHYAD PAR MED PA MA YIN TE, ZHES PA'I DON MDO SEMS GNYIS KYIS MDO DE DAG GI DON 'CHAD TSUL KHYAD PAR YOD PA LA BYED RIGS PA'I PHYIR, 'DOD MI NUS TE, DE 'DRA'I GZHUNG 'GO MJUG GANG DU YANG MI 'BYUNG BA'I PHYIR, KHO NA RE, MI 'THAD DE, MDO DE DAG GIS NYAN THOS SDE PA'I DER CHOS KYI BDAG MED PHRA MO MA BSTAN PA'I PHYIR, ZER NA SKYON MED DE, RIGS MTHUN GYI DPE'I SGO NAS SGRUB PA YIN PA'I PHYIR,, ` ,,GNYIS PA DBU MA PA'I LUGS KYI 'KHOR LO GSUM GYI DRANG NGES 'GREL TSUL BSHAD PA LA, RANG RGYUD PA'I LUGS BSHAD PA DANG, THAL 'GYUR BA'I LUGS BSHAD PA GNYIS LAS, DANG PO LA, KHA CIG ,DGE SLONG DAG 'DI NI SDUG BSNGAL 'PHAGS PA'I BDEN PA'O, ,ZHES SOGS KYIS SDUG BSNGAL BDEN PA DON DAM PAR SHES BYAR MED PA DANG, KUN 'BYUNG DON DAM PAR SPANGS BYAR MED PAR BSTAN PA YIN ZER NA, GRUB DON DANG PO'I SKABS NAS DNGOS SU BSTAN PA'I BDEN BZHI'I CHOS 'KHOR DE NGES DON GYI MDO YIN PAR THAL, DAM BCA' 'THAD PA'I PHYIR, 'DOD MI NUS TE, DRANG DON GYI MDO YIN PA'I PHYIR, MA GRUB NA, DE CHOS CAN, DRANG DON GYI MDO YIN PAR THAL, KHYOD GRUB DON DANG PO'I SKABS NAS DNGOS SU BSTAN PA'I MDO YIN PA'I PHYIR, KHYAB STE, GRUB DON DANG PO'I SKABS SU DRANG BA'I DON RTZOD PA'I GZHI'I GNAS SU GYUR PA LAGS, ZHES GSUNGS PA'I PHYIR, KHA CIG ,BKA' DANG PO BDEN BZHI'I CHOS 'KHOR DE GZUGS NAS BYANG PHYOGS SO BDUN GYI BAR GYI CHOS RNAMS RANG GI MTSAN NYID KYIS GRUB MNYAM DU BSTAN PA'I SGO NAS DRANG DON DU 'GREL BA YIN ZER NA, 'O NA, DES GZUGS NAS BYANG PHYOGS SO BDUN GYI BAR GYI CHOS RNAMS RANG GI MTSAN NYID KYIS GRUB MNYAM DU BSTAN PAR THAL, DAM BCA' 'THAD PA'I PHYIR, 'DOD NA ,DE'I CHED DU BYA BA'I GDUL BYA DON SMRA SDE GNYIS KYIS DE LTAR KHAS LEN PAR THAL, 'DOD PA'I PHYIR, 'DOD NA BKAG ZIN, KHA CIG ,BYANG CHUB SEMS DPA' DON DAM YANG DAG 'PHAGS ZHUS KYI LE'US, 'KHOR LO BAR PA LA DRANG @31B NGES 'BYED PA'I TSE, 'KHOR LO BAR PA DE LA DGAG BYA LA DON DAM GYI KHYAD PAR MA SBYAR BA'I SHES RAB SNYING PO DANG, DGAG BYA LA DON DAM GYI KHYAD PAR DNGOS SU SBYAR BA'I MDO SDUD PA DANG, YUM BAR MA DANG, DGAG BYA LA DON DAM GYI KHYAD PAR DNGOS SU MA SBYAR BA'I SHER PHYIN 'BUM GYI NANG TSAN DU GYUR PA'I GZUGS LA NGO BO NYID MED ZHES PA NAS, RNAM PA THAMS CAD MKHYEN PA NYID KYI BAR NGO BO NYID ZHES PA GSUM LAS, DANG PO NGES DON GYI MDOR SGRUB MI RUNG BAS DRANG DON DU 'GREL, BAR PA GNYIS NGES DON GYI MDOR SGRUB MI DGOS PAS MI SGRUB, THA MA DE NGES DON GYI MDOR GZHUNG BTZUGS NAS SGRUB PA YIN ZER NA, SHES RAB SNYING PO DGAG BYA LA DON DAM GYI KHYAD PAR SBYAR BA'I MDO MA YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE DGAG BYA LA DON DAM GYI KHYAD PAR SBYAR BA'I MDO YIN PA'I PHYIR, DER THAL, DE DGAG BYA LA DON DAM GYI KHYAD PAR DON GYIS SBYAR BA'I MDO YIN PA'I PHYIR, DER THAL, DES PHUNG PO LNGA PO DON DAM PAR RANG BZHIN GYIS MA GRUB PAR BSTAN PA'I PHYIR, DER THAL, DE STONG NYID STON PA'I MDO YIN PA'I PHYIR, MA GRUB NA, SHES RAB SNYING PO CHOS CAN, KHYOD STONG NYID STON PA'I MDO YIN PAR THAL, BKA' BAR PA MTSAN NYID MED PA'I CHOS 'KHOR YIN PA'I PHYIR, GZHAN YANG, SHER PHYIN 'BUM GYI NANG TSAN DU GYUR PA'I GZUGS LA NGO BO NYID MED ZHES SOGS KYI MDO DE DGAG BYA LA DON DAM GYI KHYAD PAR DNGOS SU MA SBYAR BA'I MDO YIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE DGAG BYA LA DON DAM GYI KHYAD PAR DNGOS SU SBYAR BA'I MDO YIN PA'I PHYIR, DER THAL, DE MGO MJUG GANG RUNG DU DGAG BYA LA DON DAM GYI KHYAD PAR DNGOS SU SBYAR BA'I MDO YIN PA'I PHYIR, DER THAL, 'DI'I MJUG TU DE DAG THAMS CAD DON DAM PAR YIN GYI 'JIG RTEN THA SNYAD DU NI MA YIN NO, ,ZHES GSUNGS PA'I PHYIR, KHA CIG ,DBU MA SNANG BA LAS SGRA JI BZHIN DU RTOG PA BSAL BA'I PHYIR, ZHES PA'I SKABS NAS DNGOS SU BSTAN PA'I SGRA JI BZHIN DU RTOG PA BSAL RGYU'I MDO LA DRANG DON GYI MDOS KHYAB ZER BA DANG, YANG KHA CIG NGES DON GYI MDOS KHYAB ZER NA, DANG PO LA MGO MJUG GANG RUNG DU DGAG BYA LA DON DAM GYI KHYAD PAR DNGOS SU SBYAR SHING, SKABS DER MA SBYAR BA'I SHER PHYIN 'BUM GYI NANG TSAN DU GYUR PA'I GZUGS LA NGO BO @32A *, ,NYID MED ZHES SOGS KYI MDO CHOS CAN, DER THAL, DE'I PHYIR, DER THAL, DE SKABS DER DGAG BYA LA DON DAM GYI KHYAD PAR DNGOS SU MA SBYAR BA LTAR DU SGRA JI BZHIN PAR 'DZIN PA BKAG NAS NGES DON DU SGRUB RGYU'I MDO YIN PA'I PHYIR, DER THAL, LEGS BSHAD SNYING PO LAS, 'DIS NI NGO BO NYID MED PA SOGS GSUNGS PA'I DGONGS PA DGONGS 'GREL GYIS BKRAL TE, SGRA JI BZHIN PAR 'DZIN PA BKAG NAS NGES DON DU SGRUB PAR 'DOD ZHES GSUNGS PA'I PHYIR, RTZA BAR 'DOD MI NUS TE, NGES DON GYI MDO YIN PA'I PHYIR, DER THAL, BYANG CHUB SEMS DPA' DON DAM YANG DAG 'PHAGS ZHUS KYI LE'US, NGES DON GYI MDOR GZHUNG BTZUGS NAS SGRUB RGYU'I MDO YIN PA'I PHYIR, DER THAL, CHOS CAN DE YIN PA'I PHYIR, PHYI MA LA SHES RAB SNYING PO CHOS CAN, DER THAL, DE'I PHYIR, DER THAL, DGAG BYA LA DON DAM GYI KHYAD PAR DNGOS SU MA SBYAR BA LTAR DU SGRA JI BZHIN PAR 'DZIN PA BKAG NAS DRANG DON DU 'GREL RGYU'I MDO YIN PA'I PHYIR, 'DOD MI NUS TE, DRANG DON GYI MDO YIN PA'I PHYIR, KHA CIG ,BYANG CHUB SEMS DPA' DON DAM YANG DAG 'PHAGS ZHUS KYI LE'U 'DES SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DNGOS SU BSTAN NAS SHUGS LA DBU MA PAS 'DOD PA LTAR GYI MTSAN NYID GSUM GYI RNAM BZHAG SHUGS BSTAN BSTAN BYA'I GTZO BOR BYAS NAS BSTAN PA YIN NO ZER NA, BYANG CHUB SEMS DPA' DON DAM YANG DAG 'PHAGS ZHUS KYI LE'US, KUN BTAGS RANG GI MTSAN NYID KYI NGO BO NYID MED PA DANG, GZHAN DBANG BDAG LAS SKYE BA'I NGO BO NYID MED PA DANG, YONGS GRUB CHOS BDAG GI NGO BO NYID MED PA GSUM TZAM ZHIG RGYAS 'BRING BSDUS GSUM LAS, CHOS THAMS CAD NGO BO NYID MED PAR GSUNGS PA'I DGONGS GZHI MTHAR THUG TU DNGOS SU BSTAN PAR THAL, KHYOD KYI DAM BCA' 'THAD PA'I PHYIR, 'DOD NA, DES RGYAS 'BRING BSDUS GSUM DNGOS SU DRANG DON GYI MDOR BKRAL BAR THAL, 'DOD PA'I PHYIR, 'DOD MI NUS TE, DES RGYAS 'BRING BSDUS GSUM NGES DON GYI MDOR GZHUNG BTZUGS NAS SGRUB PA'I PHYIR, DER THAL, DES DBU MA PAS 'DOD PA LTAR GYI MTSAN NYID GSUM GYI RNAM BZHAG DE RGYAS 'BRING BSDUS GSUM GYI DGONGS PA MTHAR THUG TU BSTAN BYA'I GTZO BOR BYAS NAS BSTAN @32B PA'I PHYIR, DER THAL, DE LTAR SHUGS BSTAN BSTAN BYA'I GTZO BOR BYAS NAS BSTAN PA'I PHYIR, RTAGS KHAS, DE YANG 'DOD NA, BYANG CHUB SEMS DPA' DON DAM YANG DAG 'PHAGS ZHUS KYI LE'US DRANG DON DU 'GREL RGYU'I 'KHOR LO BAR PA DANG, NGES DON DU GZHUNG BTZUGS NAS SGRUB RGYU'I 'KHOR LO BAR PA GNYIS MDO GCIG YIN PAR THAL, RGYAS 'BRING BSDUS GSUM DE GNYIS KA YIN PA'I PHYIR, 'DOD MI NUS TE, LEGS BSHAD SNYING PO LAS, DRANG DON DU GSUNGS PA DANG DGONGS PA BSTAN NAS NGES DON DU BSGRUB PA GNYIS MDO GCIG YIN NA 'GAL MOD KYANG 'KHOR LO BAR PA TZAM DU GCIG PA YIN GYI MDO GCIG MIN NO, ,ZHES GSUNGS PA'I PHYIR, GZHAN YANG, SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DE, BYANG CHUB SEMS DPA' DON DAM YANG DAG 'PHAGS ZHUS KYI LE'U'I BSTAN DON YIN PAR THAL, DE'I DNGOS ZIN GYI DON YIN PA'I PHYIR, RTAGS DNGOS, 'DOD MI NUS TE, LEGS BSHAD SNYING PO LAS, DGONGS 'GREL LAS MTSAN NYID GSUM GSUNGS PA'I DON RNAL 'BYOR SPYOD PA DAG GIS JI LTAR BKRAL BA MDO'I DON MIN PAR DBU MA'I DON DU 'GREL BA'I LAM SROL 'DI NI, LEGS LDAN 'BYED KYIS PHYE BA ZHIB TU NI, DBU MA SNANG BA LAS BSHAD DE, TSUL GNYIS KYIS MDO 'GREL TSUL ZHIB TU SHES NA SHING RTA CHEN PO RNAMS KYI RIGS PA'I RNAM 'GYUR DANG, GSUNG RAB 'GREL TSUL DU MA ZHIG SHES SO, ,ZHES GSUNGS PA'I PHYIR, KHA CIG ,'DI NI BLA NA MA MCHIS ZHES PA'I MTSAN GZHIR LE'U BCU'I BDAG NYID CAN GYI MDO SDE DGONGS 'GREL RIL PO DE 'DZIN PA YIN NO ZER NA, BYANG CHUB SEMS DPA' DON DAM YANG DAG 'PHAGS KYIS STON PA LA GRUB DON ZHUS PA'I TSE LE'U BCU'I BDAG NYID CAN GYI MDO SDE DGONGS 'GREL RIL PO GSUNGS ZIN PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, SPYAN RAS GZIGS DANG 'JAM DBYANGS KYI LE'U RNAMS GSUNGS MA ZIN PA'I PHYIR DANG RNAM BSHAD SNYING PO RGYAN LAS KYANG, 'DI NI BLA NA MA MCHIS ZHES NYE TSIG SMOS PA'I MTSAN GZHIR, MDO SDE DGONGS PA NGES 'GREL RIL PO 'DZIN PA YANG MI 'THAD DE, ZHES SOGS GSUNGS PA'I PHYIR, KHA CIG ,BKA' THA MA LEGS PHYE'I CHOS 'KHOR LA NGES DON GYI MDOS KHYAB ZER BA DANG, YANG KHA @33A *, ,CIG ,DE LA DRANG DON GYI MDOS KHYAB ZER NA, DANG PO LA, DGONGS 'GREL GYI BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN NI SEMS LAS THA DAD PA ZHES BGYI'AM, THA DAD PA MA LAGS ZHES BGYI, BCOM LDAN 'DAS THA DAD PA MA LAGS ZHES BGYI'O ZHES PA'I MDO CHOS CAN, DER THAL, DE'I PHYIR, DER THAL, SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DNGOS BSTAN BSTAN BYA'I GTZO BOR BYAS NAS STON PA'I DGONGS 'GREL GYI MDO YIN PA'I PHYIR, DER THAL, CHOS CAN DE YIN PA'I PHYIR, RTZA BAR 'DOD MI NUS TE, DRANG DON GYI MDO YIN PA'I PHYIR, DER THAL, SEMS TZAM PA'I THUN MONG MA YIN PA'I MDO YIN PA'I PHYIR, PHYI MA LA, BYANG CHUB SEMS DPA' DON DAM YANG DAG 'PHAGS ZHUS KYI DRIS LAN GYI LE'U RNAMS CHOS CAN, DER THAL, DE'I PHYIR, RTAGS SLA, 'DOD MI NUS TE, NGES DON GYI MDO YIN PA'I PHYIR, DER THAL, DBU MA PA'I 'DOD BA LTAR GYI MTSAN NYID GSUM GYI RNAM BZHAG DE RGYAS 'BRING BSDUS GSUM GYI DGONGS PA MTHAR THUG TU BSTAN PA'I SGO NAS RGYAS 'BRING BSDUS GSUM NGES DON GYI MDOR GZHUNG BTZUG NAS SGRUB PAR BYED PA'I MDO YIN PA'I PHYIR, DER THAL, CHOS CAN DE YIN PA'I PHYIR, ,KHA CIG ,SLOB DPON LEGS LDAN 'BYED KYIS SEMS TZAM PA'I 'DOD PA LTAR GYI MTSAN NYID GSUM GYI RNAM BZHAG DE DGONGS 'GREL BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN NI ZHES SOGS KYI MDO'I DON DU 'CHAD PA YIN ZER NA, DE MI 'THAD DE, SLOB DPON LEGS LDAN 'BYED DES, SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DE MDO GANG GI YANG DON MA YIN PAR BZHED PA'I PHYIR, DER THAL, PHYI DON BKAG PA DE MDO GANG GI YANG DON MA YIN PAR BZHED PA'I PHYIR, DER THAL, LEGS BSHAD SNYING PO LAS, PHYI DON BKAG PA DE MDO GANG GI YANG DON MA YIN PAR BZHED DAM SNYAM STE DPYAD PAR BYA'O, ,ZHES GSUNGS PA'I PHYIR, KHA CIG ,LTO LDIR BA LA BUM PA ZHES BRDAS BZHAG PA'I YUL DON DAM PAR GRUB PA 'GOG PA LA, DBU MA'I RIGS PA MI DGOS SO ZER NA, DE DGOS PAR THAL @33B LTO LDIR BA LA BUM PA ZHES BRDAS BZHAG PA'I YUL DON DAM PAR MA GRUB PAR RTOGS PA'I RJES DPAG SKYED PA LA DBU MA'I RIGS PA DGOS PA'I PHYIR, DER THAL, DE 'DRA'I RJES DPAG SKYED PA LA DON DAM LA DPYOD PA'I RTAGS YANG DAG 'GOD DGOS PA'I PHYIR, MA GRUB NA, LTO LDIR BA LA BUM PA ZHES PA'I BRDAS BZHAG PA'I YUL CHOS CAN, KHYOD DON DAM PAR MA GRUB PAR RTOGS PA'I RJES DPAG SKYED PA LA DON DAM LA DPYOD PA'I RTAGS YANG DAG 'GOD DGOS PAR THAL, KHYOD GZHI GRUB PA'I PHYIR, KHA CIG ,LEGS BSHAD SNYING PO LAS, DE YANG LTO LDIR BA LA BUM PA ZHES BRDAS BZHAG PA'I YUL DON DAM PAR GRUB PA 'GOG PA LA, DBU MA'I RIGS PA DGOS ZHES SMRA BA MA YIN TE, ZHES PA'I DON LTO LDIR BA LA BUM PA ZHES PA'I BRDAS BZHAG PA'I YUL DON DAM PAR GRUB PAR MI 'DZIN PA LA, DBU MA'I RIGS PA SHES MI DGOS TE, SEMS TZAM PAS DBU MA'I RIGS PA MI SHES KYANG, LTO LDIR BA LA BUM PA ZHES PA'I BRDAS BZHAG PA'I YUL DON DAM PAR GRUB PAR MI 'DZIN PA'I PHYIR ZHES PA'I DON YIN ZER NA, SEMS TZAM PAS LTO LDIR BA LA BUM PA ZHES PA'I BRDAS BZHAG PA'I YUL DON DAM PAR GRUB PAR MI 'DZIN PAR THAL, KHYOD KYI LUNG DON 'THAD PA'I PHYIR, 'DOD NA, DE 'DZIN PAR THAL, DE'I RGYUD LA DE DON DAM PAR GRUB PAR 'DZIN PA'I BDEN 'DZIN LHAN SKYES YOD PA'I PHYIR, DER THAL, DE'I RGYUD LA DE BDEN PAR 'DZIN PA'I BDEN 'DZIN LHAN SKYES YOD PA'I PHYIR, RANG LUGS LA, GSUNG DE'I DON YOD DE, LTO LDIR BA LA BUM PA ZHES PA'I BRDAS BZHAG PA'I YUL, LTO LDIR BA'I GNAS LUGS KYI NGOS NAS GRUB PAR MI 'DOD PA LA DBU MA'I RIGS PA MI DGOS ZHES PA'AM, LTO LDIR BA LA BUM PA ZHES PA'I BRDAS BZHAG PA'I YUL DON DAM PAR GRUB PAR MI 'DOD PA LA DBU MA'I RIGS PA SHES MI DGOS ZHES PA'I DON YIN TE, SEMS TZAM PAS DBU MA'I RIGS PA MI SHES KYANG LTO LDIR BA LA BUM PA ZHES PA'I BRDAS BZHAG PA'I YUL, LTO LDIR BA'I GNAS LUGS KYI NGOS NAS GRUB PAR YANG MI 'DOD, DON DAM PAR GRUB PAR YANG MI 'DOD PA'I PHYIR, DER THAL, DES DE KUN BTAGS SU 'DOD PA'I PHYIR, KHA CIG ,LEGS LDAN 'BYED ZHI MTSO YAB SRAS DANG BCAS PA RNAMS BKA' BAR PA MTSAN NYID MED PA'I CHOS 'KHOR LA DRANG DON @34A *, ,DU 'GREL RGYU'I 'KHOR LO BAR PA GCIG DANG NGES DON DU GZHUNG BTZUGS NAS SGRUB RGYU'I 'KHOR LO BAR PA GNYIS 'DOD CING, DON DAM YANG DAG 'PHAGS ZHUS KYI LE'U NGES DON GYI MDOR 'DOD KYANG, 'PHAGS SENG YAB SRAS GNYIS KYIS SHES RAB SNYING PO NGES DON GYI MDO DANG, DON DAM YANG DAG 'PHAGS ZHUS KYI LE'U DRANG DON GYI MDOR BZHED PA YIN ZER NA, DE MI 'THAD PAR THAL, 'PHAGS SENG YAB SRAS ZHI MTSO YAB SRAS KYI RJES SU 'BRANG NAS RANG RGYUD KYI LTA BA GTAN LA 'BEBS PA GANG ZHIG ,ZHI MTSO YAB SRAS LAS LOGS SU 'PHAGS SENG YAB SRAS KYIS 'KHOR LO GSUM GYI DRANG NGES 'GREL TSUL ZUR PA CIG YOD NA DRANG NGES RNAM 'BYED 'DIR ZUR TZAM ZHIG 'BYUNG RIGS PA LAS MI 'BYUNG BA'I PHYIR, 'BYUNG RIGS PA YANG YIN TE, DBU MA RANG RGYUD PA NANG BSES SU'ANG THA SNYAD KYI RNAM BZHAG SEMS TZAM RNAM BDEN RDZUN GANG DANG YANG MTHUN PA YAN CHAD KYI CHA SHAS PHRA MO RNAMS KYANG GTAN LA PHAB PA'I PHYIR,, ` ,,GNYIS PA RANG LUGS LA, 'KHOR LO GSUM GYI DRANG NGES 'GREL BA'I TSUL YOD DE, GRUB DON DANG PO'I SKABS NAS DNGOS SU BSTAN PA'I BKA' DANG PO BDEN BZHI'I CHOS 'KHOR LA DRANG DON GYI MDOS KHYAB PA DANG, GRUB DON BAR PA'I SKABS NAS DNGOS SU BSTAN PA'I BKA' BAR PA MTSAN NYID MED PA'I CHOS 'KHOR LA DRANG DON DU 'GREL RGYU'I 'KHOR LO BAR PA GCIG DANG, NGES DON DU GZHUNG BTZUGS NAS SGRUB RGYU'I 'KHOR LO BAR PA GCIG DANG BCAS PA GNYIS, GRUB DON THA MA'I SKABS NAS BSTAN PA'I BKA' THA MA LEGS PHYE'I CHOS 'KHOR LA YANG NGES DON GYI MDO DANG, DRANG DON GYI MDO GNYIS YOD PA'I PHYIR, BAR PA GNYIS KYI MTSAN GZHI YOD DE, SHES RAB SNYING PO DE DANG PO DANG, RGYAS 'BRING BSDUS GSUM GNYIS PA YIN PA'I PHYIR, PHYI MA GNYIS KYI MTSAN GZHI YOD DE, DON DAM YANG DAG 'PHAGS ZHUS KYI LE'U DANG PO DANG, DGONGS 'GREL BYAMS ZHUS KYI LE'U'I NANG TSAN DU GYUR PA'I BYAMS BA TING NGE 'DZIN GYI SPYOD YUL GYI GZUGS BRNYAN ZHES SOGS KYI MDO GNYIS PA YIN PA'I PHYIR, GSUM PA RTZOD PA SPONG BA LA, KHO NA RE, BYANG CHUB SEMS DPA' DON DAM YANG DAG 'PHAGS ZHUS KYI LE'US RGYAS 'BRING BSDUS GSUM DRANG DON GYI MDOR BKRAL BAR THAL, DBU SEMS GNYIS KAS RGYAS 'BRING BSDUS GSUM @34B BKA' BAR PA MTSAN NYID MED PA'I CHOS 'KHOR DU 'DOD PA GANG ZHIG ,GRUB DON BAR PA'I SKABS SU DRANG BA'I DON RTZOD PA'I GZHI'I GNAS SU GYUR PA LAGS KYI, ZHES GSUNGS PA'I PHYIR ZER NA SKYON MED DE, DE'I DON NI 'GO MJUG GANG DU YANG DGAG BYA LA DON DAM GYI KHYAD PAR DNGOS SU MA SBYAR BA'I SHES RAB SNYING PO LTA BU DRANG DON GYI MDO DANG DE'I DGONGS GZHI LA MI MTHUN PA'I RTZOD PA 'BYUNG BA DANG, 'GO MJUG GANG RUNG DU DGAG BYA LA DON DAM GYI KHYAD PAR DNGOS SU SBYAR ZHING, SKABS DER DGAG BYA LA DON DAM GYI KHYAD PAR DNGOS SU MA SBYAR BA'I GZUGS LA NGO BO NYID MED DO ZHES PA NAS RNAM PA THAMS CAD MKHYEN PA NYID LA NGO BO NYID MED DO ZHES PA'I MDO RNAMS SKABS DER DGAG BYA LA DON DAM GYI KHYAD PAR DNGOS SU MA SBYAR BA LTAR DU SGRA JI BZHIN DU BZUNG DU MI RUNG ZHES PA'I DON YIN PA'I PHYIR, KHO NA RE, DON DAM YANG DAG 'PHAGS ZHUS KYI LE'US RGYAS 'BRING BSDUS GSUM DRANG DON GYI MDOR BKRAL BAR THAL, DES SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DE RGYAS 'BRING BSDUS GSUM GYI DGONGS PA MTHAR THUG TU DNGOS SU BSTAN PA'I PHYIR, DER THAL, DON DAM YANG DAG 'PHAGS ZHUS KYI LE'U'I DON LA SEMS TZAM PAS 'DOD PA LTAR GYI MTSAN NYID GSUM GYI RNAM BZHAG DNGOS SU BSTAN PA'I CHA GCIG DANG DBU MA PAS 'DOD PA LTAR GYI MTSAN NYID GSUM GYI RNAM BZHAG SHUGS BSTAN BSTAN BYA'I GTZO BOR BYAS NAS BSTAN PA'I CHA GCIG YOD PA'I PHYIR, DER THAL, LEGS BSHAD SNYING PO LAS, CHA PHYE NAS MDO'I DON DU 'JOG GO ,ZHES GSUNGS PA'I PHYIR ZER NA SKYON MED DE, MDO SDE DGONGS 'GREL RIL PO'I DON DU CHA PHYE NAS 'JOG ZHES PA'I DON YIN PA'I PHYIR, KHO NA RE, DON DAM YANG DAG 'PHAGS ZHUS KYI LE'US BKA' BAR PA MTSAN NYID MED PA'I CHOS 'KHOR LA DRANG NGES MA PHYE BAR THAL, DES BKA' BAR PA MTSAN NYID MED PA'I CHOS 'KHOR DRANG DON GYI MDOR YANG MA BKRAL, NGES DON GYI MDOR YANG MA SGRUB PA'I PHYIR, DANG PO MA GRUB NA, DRANG DON SGRA JI BZHIN PA MA YIN PA'I MDOR BKRAL BAR THAL, 'DOD PA'I PHYIR, 'DOD NA, DE DRANG DON GYI MDO YIN PAR THAL, 'DOD PA'I PHYIR, 'DOD NA, DE YIN NA, DRANG DON GYI MDO YIN DGOS PAR THAL, 'DOD PA'I PHYIR ZER NA, MA KHYAB, PHYI MA MA GRUB NA, DE NGES DON GYI MDO YIN PAR THAL, MA GRUB PA DE'I PHYIR, 'DOD NA, DE YIN NA, NGES DON GYI MDO YIN @35A *, ,DGOS PAR THAL, 'DOD PA'I PHYIR, 'DOD NA, SHES RAB SNYING PO CHOS CAN, DER THAL, DE'I PHYIR, 'KHOR GSUM, KHO NA RE, BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN ZHES SOGS KYI MDO CHOS CAN, GRUB DON THA MA'I SKABS NAS DNGOS SU BSTAN PA'I LEGS PHYE'I CHOS 'KHOR YIN PAR THAL, DE'I SKABS NAS BSTAN PA'I LEGS PHYE'I CHOS 'KHOR YIN PA'I PHYIR ZER NA MA KHYAB, 'DOD NA, NGES DON GYI MDO YIN PAR THAL, 'DOD PA'I PHYIR, 'DOD NA, BKAG ZIN, KHO NA RE, 'PHAGS SENG YAB SRAS KYI LUGS LA SHES RAB SNYING PO NGES DON GYI MDO YIN PAR THAL, DES PHUNG PO LNGA PO DON DAM PAR MA GRUB PA DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, DE NYID LAS, PHUNG PO LNGA PO DE DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O, ,ZHES GSUNGS PA'I PHYIR ZER NA MA KHYAB, 'O NA, ZHI BA MTSO YAB SRAS KYI LUGS LA YANG, DE NGES DON GYI MDO YIN PAR THAL, DE NYID LAS, PHUNG PO DE DAG KYANG ZHES SOGS GSUNGS PA'I PHYIR, KHA CIG ,'PHAGS SENG YAB SRAS KYI LUGS LA DON DAM YANG DAG 'PHAGS ZHUS KYI LE'U DRANG DON GYI MDO YIN PAR THAL, DE MTSAN NYID LA LDEM POR DGONGS PA'I MDO YIN PA'I PHYIR, DER THAL, RNAM BSHAD SNYING PO RGYAN LAS, MTSAN NYID LA LDEM POR DGONGS PA NI, MDO SDE DGONGS 'GREL LAS, MTSAN NYID GSUM LA BDEN PAR GRUB MA GRUB GYI KHYAD PAR GSUNGS PA LTA BU'O, ,ZHES GSUNGS PA'I PHYIR ZER NA SKYON MED DE, DE'I DON NI, BYAMS ZHUS KYI LE'U'I NANG TSAN DU GYUR PA'I BYAMS PA TING NGE 'DZIN GYI SPYOD YUL GYI GZUGS BRNYAN NI, ZHE SOGS LA DGONGS PA YIN PA'I PHYIR,, ` ,,GNYIS PA THAL 'GYUR BA'I LUGS KYI DRANG NGES 'GREL TSUL YOD DE, GRUB DON DANG PO'I SKABS NAS DNGOS SU BSTAN PA'I BDEN BZHI'I CHOS 'KHOR LA NGES DON GYI MDOS KHYAB PA DANG, GRUB DON GNYIS PA'I SKABS NAS DNGOS SU BSTAN PA'I BKA' BAR PA MTSAN NYID MED PA'I CHOS 'KHOR LA YANG NGES DON GYI MDOS KHYAB PA DANG, GRUB DON THA MA'I SKABS NAS DNGOS SU BSTAN PA'I BKA' THA MA LEGS PAR RNAM PAR PHYE BA'I CHOS 'KHOR LA DRANG DON GYI MDOS KHYAB PA'I PHYIR, DANG PO DER THAL, DGE SLONG DAG 'DI NI SDUG BSNGAL 'PHAGS PA'I BDEN PA'O, ,'DI NI KUN 'BYUNG 'PHAGS PA'I @35B BDEN PA'O, ,ZHES SOGS KYIS BDEN BZHI RANG BZHIN MED PAR DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, DE LTAR BSTAN PA DE'I TSE NA KUN SHES KOO DI N+YA'I RGYUD LA BDEN BZHI RANG BZHIN MED PAR RTOGS PA'I MTHONG LAM SKYES PAR GSUNGS PA'I PHYIR, LUGS 'DIR BDEN BZHI'I CHOS 'KHOR BSHAD MA THAG PA'I BDEN BZHI DNGOS SU BSTAN PA'I MDO LTA BU LA BYAS NA YAB SRAS KYI GSUNG DANG MTHUN PA YOD DO, ,GNYIS PA LA DE LTAR KHYAB STE, MDO SHES RAB SNYING PO NGES DON GYI MDO YIN PA'I PHYIR, GSUM PA LA DE LTAR KHYAB STE, DON DAM YANG DAG 'PHAGS ZHUS KYI LE'U DRANG DON GYI MDO YIN PA'I PHYIR, DER THAL, DES GZHAN DBANG DANG YONGS GRUB GNYIS RANG GI MTSAN NYID KYIS GRUB CING, KUN BTAGS SEMS TZAM PAS 'DOD PA LTAR GYI RANG GI MTSAN NYID KYIS MA GRUB PAR BSTAN PA'I PHYIR, KHO NA RE, MDO SHES RAB SNYING PO DGAG BYA LA DON DAM GYI KHYAD PAR DNGOS SU SBYAR BA'I MDO YIN PAR THAL, DE DON DAM BDEN PA DNGOS BSTAN BSTAN BYA'I GTZO BOR BYAS NAS BSTAN PA'I MDO YIN PA'I PHYIR ZER NA, MA KHYAB, 'DOD MI NUS TE, THAL 'GYUR BA'I SKABS SU LEGS BSHAD SNYING PO LAS SHES RAB SNYING PO LA SOGS PA DGAG BYA LA DON DAM GYI THA SNYAD DNGOS SU MA SBYAR BA LA YANG, PHUNG PO LNGA PO DE DAG KYANG RANG BZHIN STONG PAR RNAM PAR YANG DAG PAR RJES SU LTA'O, ,ZHES MDOR BSTAN DU RANG MTSAN GYIS STONG PAR GSUNGS PA RGYAS BSHAD KYI SKABS SU SBYAR DGOS PAS DON GYIS SBYAR ZIN LA, ZHES GSUNGS PA'I PHYIR, KHO NA RE, DE DGAG BYA LA DON DAM GYI KHYAD PAR DNGOS SU SBYAR BA'I MDO YIN PAR THAL, DES DGAG BYA RANG BZHIN GYIS GRUB PA DNGOS SU BKAG PA GANG ZHIG ,RANG BZHIN GYIS GRUB PA LAS PHRA BA'I DGAG BYA MED PA'I PHYIR ZER NA MA KHYAB, ,KHO NA RE, SEMS TZAM PAS GZHAN DBANG DANG YONGS GRUB GNYIS RANG GI MTSAN NYID KYIS GRUB PAR 'DOD PAR THAL, DON DAM YANG DAG 'PHAGS ZHUS KYI LE'US RGYAS 'BRING BSDUS GSUM GYI DGONGS PA MTHAR THUG SEMS TZAM DU BKRAL BA GANG ZHIG ,DES GZHAN DBANG YONGS GRUB GNYIS RANG GI MTSAN NYID KYIS GRUB CING, KUN BTAGS RANG GI MTSAN NYID KYIS MA GRUB PAR BSTAN PA'I PHYIR ZER NA MA KHYAB, 'DOD MI NUS TE, SEMS TZAM PAS GZHI GRUB NA, MTSAN NYID GSUM PO GANG RUNG YIN PAS KHYAB PAR 'DOD, GZHAN DBANG DANG YONGS GRUB GANG RUNG MA YIN @36A *, ,PA'I BDEN PAR GRUB PA'I CHOS NI 'DOD PA GANG ZHIG ,DE GNYIS PO GZHAN DBANG YONGS GRUB GANG RUNG MA YIN PA'I PHYIR, MA GRUB NA, DES GZHAN DBANG YONGS GRUB TU 'DOD PAR THAL BA DANG YONGS GRUB GZHAN DBANG DU 'DOD PAR THAL BA 'PHEN NO,, ` ,,AOm SVA STI, GANGS CAN MKHAS GRUB DU MA'I GTZUG GI RGYAN, ,'JIG RTEN MIG GYUR DGE 'DUN BSTAN DAR RJE'I, ,GSUNG GI GSANG BA RGYAL GSUNG DRANG NGES DON, ,GTAN LA 'BEBS PA'I MTHA' DPYOD PAD DKAR PHRENG, ,BLO GSAL MTHAR 'DOD YONGS LA SMAN PHYIR DU, ,NAM YANG 'DZAD MED PAR GYI MCHOD SBYIN CHER, ,LEGS PAR SPEL BA'I DGE BA STON MTSAN GYI, ,ZLA BA DAG PA'I RJES SU ZHUGS 'DRA DES, ,RGYAL BSTAN YANG SNYING GSER ZHUN 'CHANG BA'I SROL, ,YUN DU DAR ZHING DE 'DZIN SKYES BU RNAMS, ,ZHABS ZUNG BRTAN CING MDZAD 'PHRIN YAR ZLAR 'GRAN, ,'JIG RTEN KHAMS SU BDE SKYID 'PHEL BAR SHOG ,'DUS SDE SPYI DANG KHYAD PAR THOS BSAM GYI, ,NOR BU'I GLING DU GRAGS PA'I CHOS KYI SDE'I, ,'DUS TSOGS BSLAB GSUM KHRIMS DANG BSHAD SGRUB KYI, ,LANG TSO DBYAR GYI GANG BA'I RJES 'GROR SHOG ,RGYU SBYOR CHOS MDZAD BLO BZANG 'JAM DPAL KYANG, ,RGYAL BA'I BSTAN LA THOS BSAM GYIS MTSON PA'I, ,CHOS LDAN BSAM SBYOR MTHA' RU PHYIN PA DANG, ,MDO SNGAGS LAM GYI GNAD KUN RTOGS PAR SHOG ,MANG THOS BKA' BCU BLO BZANG DGE LEGS DANG, ,NANG MI LHAG PA'I SEMS LDAN RNAM RGYAL NOR, ,TSE DBANG DPAL 'BAR TSE RING SGROL MA SOGS, ,NYE 'BREL LTOS PAR BCAS PA THAMS CAD KYI, ,SGO GSUM MI 'DOD NYER 'TSE KUN ZHI ZHING, TSE RING NAD MED DPAL 'BYOR BSOD NAMS DANG, ,RNAM DKAR YON TAN GONG NAS GONG 'PHEL TE, ,GNAS SKABS MTHAR THUG 'DOD DON KUN 'GRUB SHOG, DUS 'DAS PA MA DBANG 'DUS TSE RING DANG, ,TSES BCU LHA MO BCAS KYIS THOGS MED NAS, ,BYAS BSAGS SDIG LTUNG KUN BYANG DAL RTEN THOG , RING MIN RDO RJE'I SA LA REG GYUR CIG ,MDOR NA BDAG GZHAN SEMS CAN MA LUS PA, ,RGYAL BAS BSNGAGS PA'I LAM LA RAB ZHUGS NAS, ,SGRIB PA KUN BYANG SKU BZHI'I GO 'PHANG MCHOG ,MYUR DU MNGON GYUR DON GNYIS MTHAR PHYIN SHOG ,CES SER GZHUNG PA KHANG NAS RAG MGO NANG PA'I CHOS MDZAD BLO BZANG 'JAM @36B DPAL DANG MI THOG GONG 'KHOD RNAMS NAS PHA MAS GTZOS PA'I SGRIB SBYONG DANG, LHAG PAR RGYAL PA'I BSTAN LA THOS BSAM TSUL BZHIN DU BYED PA'I GANG ZAG MANG POR PHAN 'DOD KYI BSAM PAS KUN BLANGS TE MKHAS GRUB CHEN PO BSTAN DAR BA'I GSUNG RGYUN DRANG NGES RNAM 'BYED KYI MTHA' DPYOD PAR DU SKRUN SKABS PAR BYANG SMON TSIG ZHIG DGOS ZHES BSKUL NGOR MEER STOD SBYAR BA'O,, [SMON TSIG 'DI'I RTZOM MING MI GSAL,] @37B [BP]