@1A *, ,DGE 'DUN NYI SHU'I SPYI DON LEGS PAR BSHAD PA'I SNYING PO PAD MA DKAR PO'I 'PHRENG BA ZHES BYA BA BZHUGS SO, , @1B *, ,DBANG PO RTUL DANG RNON PO DAG ,CES SOGS KYI SKABS SU, MTHA' DPYAD PA LA, MTSON BYED DPE'I DGE 'DUN BSHAD PA DANG, MTSON BYA DON GYI DGE 'DUN BSHAD PA GNYIS, DANG PO LA, 'BRAS BU'I RNAM GZHAG DANG, GANG ZAG GI RNAM GZHAG GNYIS, DANG PO LA, DGE SBYONG GI TSUL BSHAD PA, DE'I 'BRAS BU BSHAD PA, DE DAG SA GANG LA BRTEN NAS THOB PA SOGS BSHAD PA DANG GSUM, DANG PO LA, NYAN THOS KYI ZAG MED BAR CHAD MED LAM RNAMS DGE SBYONG GI TSUL YIN LA, GNYIS PA 'BRAS BU NI, RANG 'THOB BYED KYI THABS SU GYUR PA'I DGE SBYONG TSUL GYI STOBS KYIS THOB PA'I NYAN THOS KYI RNAM BYANG BDEN PA, NYAN THOS KYI DGE SBYONG TSUL GYI 'BRAS BU'I MTSAN NYID, DE LA CHE LONG RAGS PA'I SGO NAS DBYE NA, RGYUN ZHUGS KYI 'BRAS BU SOGS BZHI YOD, ZHIB MO RNAM DAG GI SGO NAS DBYE NA, DER GYUR PA'I KHAMS GONG 'OG GI MTHONG SPANGS NYON MONGS BRGYAD, KHAMS GSUM SA DGU'I SGOM SPANGS NYON MONGS GYA GCIG SPANGS PA'I 'DUS BYAS RNAM GROL LAM GYA DGU ,'DUS MA BYAS 'GOG BDEN GYA DGU DANG BCAS PA YOD DE, MDZOD LAS; DGE SBYONG TSUL NI DRI MED LAM, ,'BRAS BU 'DUS BYAS 'DUS MA BYAS, ,GROL LAM ZAD PA RNAMS DANG BCAS, ,DE DAG BRGYAD CU RTZA DGU'O, ,ZHES GSUNGS PA'I PHYIR, MDO LAS, DGE SBYONG TSUL GYI 'BRAS BU LA BZHIR 'JOG PA'I RGYU MTSAN YOD DE, THAR PA THOB PA'I GEGS KYI GTZO BO LA MTHONG SPANGS KUN SBYOR GSUM, THA MA'I CHA MTHUN LNGA, GONG MA'I CHA MTHUN LNGA DANG BCAS PA YOD PA LAS, DANG PO GSUM PO SPANGS PA'I CHA NAS RGYUN ZHUGS KYI 'BRAS BU BZHAG ,BAR PA LNGA PO PHAL CHER SPANGS PA'I CHA NAS PHYIR 'ONG GI 'BRAS BU BZHAG ,MA LUS PA LA CHAGS BRAL BYAS PA'I CHA NAS PHYIR MI 'ONG GI 'BRAS BU BZHAG ,GONG MA'I CHA MTHUN LNGA SPANGS PA'I CHA NAS DGRA BCOM GYI 'BRAS BU BZHAG PA'I PHYIR, 'O NA BAR PA LNGA PO DE SPANGS PA'I SKABS LA 'BRAS BU GSAR THOB GNYIS BZHAG ,DANG MTHA' @2A *, ,GNYIS LA 'BRAS BU GSAR THOB GNYIS GNYIS MI 'JOG PA'I RGYU MTSAN CI YIN ZHE NA, DE'I RGYU MTSAN YOD DE, THA MA'I CHA MTHUN LNGA PO DE NYES DMIGS SHIN TU CHE BAS DE SPONG BA'I SKABS LA 'BRAS BU GSAR THOB GNYIS BZHAG PA NA SPRO BA SKYES NAS LNGA PO DE SPONG BA LA SHIN TU GUS PAR 'GYUR BA'I DGOS PA YOD PA'I PHYIR, BZHI PO DE DGE SBYONG TSUL GYI 'BRAS BUR 'JOG PA'I RGYU MTSAN DE LA YANG RNAM PA LNGA YOD DE, ZHUGS LAM SNGON DU BTANG BA DANG, DE LAS GZHAN 'BRAS GNAS KYI LAM THOB PA DANG, MTHONG SPANGS SPANGS PA'I ZAD PA SDOM PA NYER GCIG RNYED PA DANG, SHES PA BRGYAD TSANG BAR THOB PA DANG, MI RTAG SOGS BCU DRUG RTOGS PA SNGON DU SONG BA DANG BCAS PA'I RNAM PA LNGA YOD PA'I PHYIR, MDZOD LAS, 'BRAS LA SNGON LAM BTANG BA DANG, ,GZHAN THOB PA DANG ZAD SDOM DANG, ,SHES PA BRGYAD TSAN THOB PA DANG,, RNAM PA BCU DRUG RTOGS PA'O, ,ZHES GSUNGS PA'I PHYIR, GSUM PA SA GANG LA BRTEN NAS THOB PA SOGS BSHAD PA LA, BZHI PO DE BSAM GTAN SA DRUG GANG RUNG LA BRTEN NAS THOB PA YIN GYI, 'DOD SEMS DANG, GZUGS MED KYI SEMS LA BRTEN NAS MI THOB STE, 'DOD SEMS SHIN TU RAGS, GZUGS MED KYI SNYOMS 'JUG RNAMS ZHI GNAS SHAS CHE BAS NYAN THOS RNAMS KYIS DE DAG LA LAM ZAG MED BRTEN MI NUS, BSAM GTAN SA DRUG CI RIGS LA BRTEN NAS THOB PA YIN TE, 'BRAS BU DANG PO GNYIS, RIM BRGYUD PA'I PHYIR MI 'ONG GI 'BRAS BU, SPANG BYA CIG CAR BA'I DGRA BCOM GYI 'BRAS BU DANG BCAS PA BSAM GTAN DANG PO'I NYER BSDOGS MI LCOGS MED LA BRTEN NAS THOB, CHAGS BRAL MNGON SONG GI PHYIR MI 'ONG GI 'BRAS BU DANG, SPANG BYA RIM GYIS PA'I DGRA BCOM GYI 'BRAS BU DANG GNYIS NI BSAM GTAN GYI DNGOS GZHI CI RIGS LA BRTEN NAS THOB PA YIN PA'I PHYIR, DANG PO DE LTAR YIN TE, 'BRAS BU RIM BRGYUD PA'I PHYIR MI 'ONG GI 'BRAS BU THOB KHA MA'I ZHUGS PA LA PHYIR 'ONG GIS KHYAB, CIG CAR BA'I DGRA BCOM GYI 'BRAS BU THOB KHA MA'I ZHUGS PA LA RGYUN ZHUGS KYIS KHYAB, RGYUN ZHUGS DANG PHYIR @2B 'ONG GANG RUNG LA BSAM GTAN GYI DNGOS GZHI MA THOB PAS KHYAB PA'I PHYIR DANG, CHAGS BRAL SNGON SONG GI PHYIR MI 'ONG GI 'BRAS BU THOB KHA MA'I ZHUGS PA DANG, SPANG BYA RIM GYIS PA'I DGRA BCOM GYI 'BRAS BU THOB KHA MA'I ZHUGS PA YIN NA BSAM GTAN GYI DNGOS GZHI THOB LA MA NYAMS PA YIN DGOS PA'I PHYIR, 'BRAS BU BZHI PO DE MTHONG SGOM GYI LAM GANG LA BRTEN NAS THOB PA'I KHYAD PAR YOD DE, RGYUN ZHUGS KYI 'BRAS BU, CHAGS BRAL SNGON SONG GI 'BRAS BU GNYIS DANG BCAS PA NI MTHONG LAM KHO NA LA BRTEN NAS THOB, BAR PA GNYIS KYI RIM BRGYUD PA'I 'BRAS BU DANG DGRA BCOM GYI 'BRAS BU RNAMS SGOM LAM KHO NA LA BRTEN NAS THOB PA YIN PA'I PHYIR, DANG PO DE LTAR YIN TE, 'BRAS BU DE GSUM GANG RUNG THOB KHA MA'I LAM YIN NA, NYAN THOS KYI MTHONG LAM BAR CHAD MED LAM YIN DGOS PA'I PHYIR, GNYIS PA DER THAL, 'BRAS BU GSUM PO DE GANG RUNG THOB KHA MA'I LAM YIN NA SGOM LAM YIN DGOS PA'I PHYIR, RTAGS RNAMS RIM BZHIN DU 'BUD, ,'JIG RTEN ZHI RAGS KYI RNAM PA CAN DANG, ZAG MED BDEN PA'I RNAM PA CAN GYI LAM GANG LA BRTEN NAS THOB TSUL YOD DE, RGYUN ZHUGS KYI 'BRAS BU, CHAGS BRAL SNGON SONG GI 'BRAS BU GNYIS, DGRA BCOM GYI 'BRAS BU DANG BCAS PA RNAMS NI ZAG MED BDEN PA'I RNAM PA CAN GYI LAM LA BRTEN NAS THOB, BAR PA GNYIS KYI RIM BRGYUD PA'I 'BRAS BU NI 'JIG RTEN ZHI RAGS KYI RNAM PA CAN GYI LAM DANG ZAG MED BDEN PA'I RNAM PA CAN GYI LAM CI RIGS LA BRTEN NAS THOB PA'I PHYIR, DANG PO DE LTAR YIN TE, DANG PO GSUM PO DE GANG RUNG THOB KHA MA'I LAM YIN NA, MTHONG LAM BAR CHAD MED LAM YIN PAS KHYAB, PHYI MA THOB KHA MA'I LAM YIN NA, NYAN THOS KYI SGOM LAM RDO RJE LTA BU'I TING NGE 'DZIN YIN DGOS PA'I PHYIR, RTAGS RNAMS RIM PA BZHIN 'BUD, RTZA RTAGS GNYIS PA DER THAL, BAR PA GNYIS KYI ZHUGS PA DE GNYIS SNGON 'JIG RTEN ZHI RAGS KYI RNAM PA CAN GYI LAM LA GOMS PA SHAS CHE BA YIN NA, DE LA BRTEN NAS 'BRAS BU GNYIS MNGON DU BYED, BDAG MED PA'I RNAM PA CAN GYI LHAG MTHONG LA GOMS PA SHAS CHE BA ZHIG YIN NA, ZAG MED BDEN PA'I RNAM PA CAN GYI LAM LA BRTEN NAS 'BRAS BU DE GNYIS SNGON DU BYED PA'I PHYIR, ZHUGS PA DE GNYIS KYI RGYUD KYI ZHI RAGS KYI RNAM PA CAN GYI LAM DE 'JIG RTEN PA'I LAM DANG, DMIGS RNAM MTHUN PA TZAM LA DGONGS @3A *, ,NAS 'JIG RTEN PA'I LAM LA BRTEN NAS THOB CES PA'I THA SNYAD MDZAD KYI, 'THOB BYED KYI ZHI RAGS KYI RNAM PA CAN GYI LAM DE 'JIG RTEN PA'I LAM MA YIN TE, 'DAS LAM YIN PA'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, 'BRAS BU BZHI PO DE KHAMS GANG LA BRTEN NAS THOB PA'I KHYAD PAR YOD DE, 'BRAS BU DANG PO GSUM PO DE 'DOD KHAMS KHO NAR THOB, BZHI PA KHAMS GSUM GAR THOB PA YIN PA'I PHYIR, DANG PO DE LTAR YIN TE, 'BRAS GNAS DANG PO GNYIS PO GANG RUNG LA 'DOD RTEN PAS KHYAB, CHAGS BRAL SNGON SONG GI PHYIR MI 'ONG GI 'BRAS BU GSAR THOB KYI LUS RTEN DANG, NYAN THOS KYI MTHONG LAM GSAR DU THOB PA'I LUS RTEN GNYIS MTSUNGS PA'I PHYIR, RTZA RTAGS GNYIS PA DER THAL, SPANG BYA CIG CAR BA'I DGRA BCOM GYI 'BRAS BU 'DOD KHAMS SU THOB, GZUGS NYER 'GRO'I PHYIR MI 'ONG GI 'DA' BA BZHI PO LTA BU NI GZUGS KHAMS SU THOB, GZUGS MED NYER 'GRO'I PHYIR MI 'ONG GI GZUGS MED KHAMS SU MYANG 'DAS MNGON DU BYED BA'I PHYIR, MDZOD LAS, 'DOD PAR GSUM THOB THA MA NI, ,GSUM DU'O, ,ZHES GSUNGS PA'I PHYIR, GNYIS PA GANG ZAG GI RNAM GZHAG LA DGE 'DUN GYI BRDA SBYOR TSUL DANG, SO SO'I RNAM GZHAG BSHAD PA GNYIS, DANG PO LA, MTSON BYED DPE'I DGE 'DUN LA SKYES BU ZUNG BZHI GANG ZAG YA BRGYAD YOD PA LAS, 'BRAS GNAS LA, 'BRAS BU THOD BRGAL BA DANG, 'BRAS BU RIM BRGYUD PA GNYIS, SPANG BYA CIG CAR BA DANG, SPANG BYA RIM GYIS PA GNYIS TE BZHI LAS, CHAGS BRAL SNGON SONG DANG, 'BRAS BU THOD BRGAL BA DON GCIG CING, DE GNYIS NI 'BRAS GNAS BAR PA GNYIS KHO NA LA BZHAG TU YOD CING, DANG MTHA' GNYIS LA BZHAG TU MED DE, DANG PO LA BZHAG TU MED PA GANG ZHIG ,THA MA LA BZHAG TU MED PA'I PHYIR, DANG PO DER THAL, DE LA MTHONG LAM GYI SNGA ROL DU MTHONG SPANGS KUN SBYOR GSUM SPANGS PA MED PAS, CHAGS BRAL SNGON SONG BZHAG TU MED, RGYUN ZHUGS KYI 'BRAS BU'I GONG DU THOD BRGAL RGYU'I 'BRAS BU MED PAS 'BRAS BU THOD BRGAL BA BZHAG TU MED PA'I PHYIR, 'O NA, MDZOD 'GREL DU CHAGS BRAL SNGON SONG GI ZHUGS PA 'CHAD PA'I SKABS SU RGYUN ZHUGS ZHUGS PA BSHAD, KUN BTUS SU THOD BRGAL BA'I 'BRAS GNAS GNYIS KYI SKABS SU RGYUN ZHUGS @3B BSHAD PA JI LTAR ZHE NA, DE'I SKYON MED DE, DANG PO NI DE GNYIS DANG RTOGS PA MTSUNGS PAS BSHAD, PHYI MA NI THOB DUS MTSUNGS PAS DE LTAR BSHAD PA'I PHYIR, BAR PA GNYIS LA BZHAG TU YOD DE, PHYIR 'ONG LA MTHONG LAM GYI SNGA ROL DU 'DOD PA LA 'DUN PA'I 'DUN SRED MNGON GYUR BA DRUG PA LA CHAGS BRAL BYAS PA YOD PAS CHAGS BRAL SNGON SONG BZHAG TU YOD, 'BRAS BU DANG PO SNGON DU MA BYAS PAR GNYIS PA SNGON DU BYAS PA YOD PAS 'BRAS BU THOD BRGAL BA BZHAG TU YOD PA'I PHYIR, PHYIR MI 'ONG LA DE GNYIS BZHAG TU YOD DE, MTHONG LAM GYI SNGA ROL TU 'DOD PA LA 'DUN PA'I 'DOD SRED DGU PA MNGON GYUR BA LA CHAGS BRAL BYAS PA YOD PAS CHAGS BRAL SNGON SONG BZHAG TU YOD, 'BRAS BU DANG PO GNYIS MNGON DU MA BYAS PAR PHYIR MI 'ONG GI 'BRAS BU MNGON DU BYAS PA YOD PAS 'BRAS BU THOD BRGAL BA YANG BZHAG TU YOD PA'I PHYIR, KHA CIG ,PHYIR 'ONG LA MTHONG LAM GYI SNGA ROL DU 'DOD PA LA 'DUN PA'I 'DOD SRED DRUG PA MNGON GYUR BA LA CHAGS BRAL BYAS PA YOD KYANG, DE TZAM GYIS CHAGS BRAL SNGON SONG DU 'JOG MI NUS ZER NA, DE MI 'THAD DE, 'DOD PA LA 'DUN PA'I 'DOD SRED DRUG PA MNGON GYUR BA DE GANG LA CHAGS BRAL BYAS PAS PHYIR 'ONG DU BZHAG DGOS PA'I SPANG BYA'I GTZO BO YIN PA GANG ZHIG ,MTHONG LAM GYI SNGA ROL DU DE LA CHAGS BRAL BYAS PA'I PHYIR 'ONG LA CHAGS BRAL SNGON SONG GI PHYIR 'ONG GIS MA KHYAB NA, PHYIR MI 'ONG LA YANG RNAM PA KUN TU MTSUNGS PA'I PHYIR, GZHAN YANG, PHYIR 'ONG LA DE YOD PAR THAL, THOD BRGAL BA'I DGE 'DUN BSHAD ZIN PA'I MTSAMS SBYAR DU, MDZOD 'GREL LAS, PHAL CHER LAS DANG 'DOD PA LA 'DOD CHAGS SOGS DANG BRAL BA RNAMS KYI NGES PAR 'JUG PA'I GANG ZAG RNAM PAR GZHAG PA NI DE LTA BU YIN NO, ,ZHES GSUNGS PA'I PHYIR, KHO NA RE, PHYIR 'ONG LA CHAGS BRAL SNGON SONG BZHAG TU MED PAR THAL, CHOS MNGON RGYA MTSO'I SNYING PO LAS, 'DI LA YANG PHAL CHER LA CHAGS PA DANG BRAL BA SNGON DU SONG BA DANG, SGOM LAM GYI STOBS KYIS THOB PA GNYIS LAS SNGA MA CHAGS BRAL SNGON SONG DU 'DOD PA NI HA CANG THAL BA'O, ,ZHES GSUNGS PA'I PHYIR ZHE NA, SKYON MED DE, DE'I DON NI, PHYIR MI 'ONG GI ZHUGS PA 'DI LA YANG CHAGS BRAL SNGON SONG GI PHYIR 'ONG 'BRAS GNAS KHYAD PAR CAN GCIG DANG, SGOM LAM GYI STOBS KYIS PHYIR 'ONG GI 'BRAS BU THOB PA'I PHYIR 'ONG 'BRAS GNAS KHYAD @4A *, ,PAR CAN GNYIS LAS, SNGA MA CHAGS BRAL SNGON SONG GI PHYIR MI 'ONG GI ZHUGS PAR 'DOD PA HA CANG THAL ZHES PA'I DON YIN PA'I PHYIR, DE LTAR 'DOD NA HA CANG THAL TE, DE'I STOBS KYIS THOB PA'I PHYIR MI 'ONG DE CHAGS BRAL SNGON SONG GI PHYIR MI 'ONG YIN DGOS PA LAS DE DE MA YIN PA'I PHYIR, LUNG DANG PO DE LTAR 'THAD DE, 'DI PHYIR MI 'ONG GI ZHUGS PA 'CHAD PA'I SKABS YIN PA'I PHYIR, SPANG BYA CIG CAR BA 'BRAS BU DANG MTHA' GNYIS LA BZHAG TU YOD CING BAR PA GNYIS LA BZHAG TU MED DE, KHAMS GSUM SA DGU LA 'DUN PA'I 'DOD SRED DRUG PA MNGON GYUR BA CIG CAR DU SPANGS PA'I PHYIR 'ONG MED PA'I PHYIR DANG, DE DGU PA CIG CAR DU SPANGS PA'I PHYIR MI 'ONG MED PA'I PHYIR TE, SRID RTZE'I NYON MONGS DRUG SPANGS PA'I PHYIR 'ONG DANG, SRID RTZE'I NYON MONGS DGU PA SPANGS PA'I PHYIR MI 'ONG YANG MED PA'I PHYIR, RTAGS SLA, SPANG BYA CIG CAR BA 'BRAS BU DANG MTHA' GNYIS LA BZHAG TU YOD DE, RGYUN ZHUGS LA KHAMS GSUM SA DGUS BSDUS PA'I SGOM SPANGS NYON MONGS CHEN PO'I CHEN PO DGU CIG CAR DU SPONG BA NAS CHUNG NGU'I CHUNG NGU DGU CIG CAR DU SPONG BA YANG YOD, DGRA BCOM PA LA DE LTAR SPANGS PA YOD PA'I PHYIR, 'BRAS BU RIM BRGYUD PA DANG, SPANG BYA RIM GYIS PA GNYIS NI, 'BRAS GNAS BZHI KA LA BZHAG TU RUNG STE, DANG PO RGYUN ZHUGS LA 'DOD NYON MA LUS PAR SPANGS RJES SU BSAM GTAN DANG PO'I NYON MONGS SPANGS PA'I SPANG BYA RIM GYIS PA YOD, DE LA 'BRAS BU PHYI MA GSUM RIM GYIS MNGON DU BYED PA'I 'BRAS BU RIM GYIS PA YANG YOD PA'I PHYIR, DE LA KHA CIG ,SPANG BYA CIG CAR BA DANG RIM GYIS PA'I KHYAD PAR KHAMS GSUM SA DGU LA 'DUN PA'I 'DOD SRED MNGON GYUR BA RNAMS KYI CHEN PO'I CHEN PO DGU LA CIG CAR DU CHAGS BRAL BYED PA NAS CHUNG NGU'I CHUNG NGU DGU LA CIG CAR DU CHAGS BRAL BYED PA DANG, DE RNAMS CHUNG NGU'I CHUNG NGU MNGON GYUR BA DGU LA RIM GYIS CHAGS BRAL BYED PA LA 'JOG PA YIN GYI, SA BON SPONG TSUL GYI SGO NAS 'JOG PA MA YIN TE, DE LTAR NA SPANG BYA RIM GYIS PA'I RGYUN ZHUGS KYI RGYUD KYI 'DOD PA'I SAS BSDUS KYI GANG ZAG GI BDAG 'DZIN CHEN PO'I CHEN PO'I DNGOS GNYEN BAR CHAD MED LAM DES, BSAM GTAN DANG PO'I SAS BSDUS KYI GANG ZAG GI BDAG 'DZIN CHEN PO'I CHEN PO'I ZHEN YUL MED PAR MNGON SUM DU RTOGS @4B SAM MA RTOGS, DANG PO LTAR NA, DES BSAM GTAN DANG PO'I GANG ZAG GI BDAG 'DZIN CHEN PO'I CHEN PO SPANGS PAR THAL, DE 'DRA BA'I SPANG BYA RIM GYIS PA DE KHAMS GSUM GYI NYON MONGS MA LUS PAR SPONG 'DOD PA'I GANG ZAG GANG ZHIG ,DES BSAM GTAN DANG PO'I SAS BSDUS KYI GANG ZAG GI BDAG 'DZIN CHEN PO'I CHEN PO'I ZHEN YUL MED PAR MNGON SUM DU RTOGS PA'I PHYIR ZER NA, 'O NA, DE'I RGYUD KYI BAR CHAD MED LAM DES 'DOD PA'I SAS BSDUS KYI GANG ZAG GI BDAG 'DZIN CHUNG NGU CHUNG NGU'I SA BON SPANGS PAR THAL, DES DE'I ZHEN YUL MED PAR MNGON SUM DU RTOGS PA GANG ZHIG ,DE 'DRA BA'I RGYUN ZHUGS DE 'DOD PA'I SAS BSDUS KYI GANG ZAG GI BDAG 'DZIN CHUNG NGU'I CHUNG NGU SPONG BAR 'DOD PA'I GANG ZAG YIN PA'I PHYIR, 'KHOR GSUM KHAS BLANGS SONG, KHO NA RE, NYAN THOS KYI SGOM LAM BAR CHAD MED LAM CHEN PO'I CHEN PO RANG RGYUD LA SKYES NA DE CHUNG NGU'I CHUNG NGU RANG RGYUD LA SKYE DGOS KYI RGYUN ZHUGS YOD PAR THAL, 'DOD PA'I SAS BSDUS KYI GANG ZAG GI BDAG 'DZIN CHUNG NGU CHUNG NGU'I DNGOS GNYEN BAR CHAD MED LAM RANG RGYUD LA BSKYED RJES SU, BSAM GTAN DANG PO'I GANG ZAG GI BDAG 'DZIN CHEN PO'I CHEN PO'I DNGOS GNYEN BAR CHAD MED LAM RGYUD LA SKYE DGOS KYI RGYUN ZHUGS YOD PA'I PHYIR, 'DOD NA RGYUN ZHUGS ZAG MED KYI RTOGS PA LAS NYAMS PA YOD PAR THAL, 'DOD PA DE'I PHYIR, ZER NA MA KHYAB CING, KHO RANG GI MNGON GYUR BA LA CIG CAR DANG RIM GYIS CHAGS BRAL BYED TSUL GYI SGO NAS DE GNYIS KYI KHYAD PAR 'JOG TSUL LA SBYAR NAS 'KHOR GSUM BYA'O, ,MI MTSUNGS ZER NA, 'DOD PA LA 'DUN PA'I 'DOD SRED MNGON GYUR BA CHEN PO'I CHEN PO 'DOD NYON CHEN PO'I CHEN PO YIN MIN LA RAG LAS SO, ,KHO NA RE, SPANG BYA RIM GYIS PA'I RGYUN ZHUGS RNAMS KYIS KYANG KHAMS GSUM SA DGU'I SGOM SPANGS NYON MONGS CHEN PO'I CHEN PO DGU'I SA BON CIG CAR DU SPONG BA YIN PAR THAL, RGYUN ZHUGS ZHUGS PA RNAMS KYIS KHAMS GSUM GYI MTHONG SPANGS NYON MONGS RNAMS KYI SA BON CIG CAR DU SPONG BA'I PHYIR, ZER NA, 'O NA, NYAN THOS SLOB PA RNAMS KYIS KHAMS GSUM SA DGUS BSDUS PA'I SGOM SPANGS NYON MONGS RNAMS CIG CAR DU SPONG BAR THAL, RGYUN ZHUGS ZHUGS PAS KHAMS GSUM GYI MTHONG SPANGS NYON MONGS THAMS CAD CIG CAR DU SPANG BA'I PHYIR, KHYAB PA KHAS, GZHAN YANG, SPANG BYA @5A *, ,RIM GYIS PA RNAMS KYIS KYANG SBYOR BA'I DUS SU, KHAMS DANG, SA SO SOR MA PHYE BAR KHAMS GSUM GYI 'DUS BYAS THAMS CAD MI RTAG ,ZAG BCAS THAMS CAD SDUG BSNGAL, CHOS THAMS CAD STONG ZHING BDAG MED SNYAM PA'I SGOM TSUL CIG CAR BA DANG KHYAD PAR MED PAR THAL, DE GNYIS KYI SGOM SPANGS NYON MONGS KYI SA BON SPONG TSUL LA KHYAD PAR MED PA'I PHYIR, 'DOD MI NUS TE, DE GNYIS LA DBANG PO RNO RTUL GYI KHYAD PAR YOD PA'I PHYIR, KHA CIG ,NYAN THOS KYI SGOM LAM CHEN PO'I CHEN PO RGYUD LA BSKYED RJES SU CHUNG NGU'I CHUNG NGU RGYUD LA BSKYED PA 'JIGS NAS RIM BRGYUD PA RNAMS KYI 'DOD PA NAS; SRID RTZE'I BAR GYI CHEN PO'I CHEN PO RNAMS RIM GYIS SPONG, DE NAS DE'I BAR GYIS 'BRING RNAMS RIM GYIS SPONG BAR 'DOD PA LA NI 'JIGS PA DE MI SEL ZHING, DE LTA NA GZUGS KYI 'CHING BA KUN LDAN GYI PHYIR MI 'ONG MI SRID PAS PHYIR MI 'ONG KHRI DRUG STONG GRANGS 'DREN MI THUB PA SOGS KYI SKYON YOD DO, ,RANG LUGS LA, RIM BRGYUD PA RNAMS KYIS ZAG MED BDEN PA'I RNAM PA CAN GYIS NYON MONGS SPANG BA'I TSUL, 'DOD PA'I SAS BSDUS KYI NYON MONGS KYI SA BON MA LUS PAR SPANGS RJES SU BSAM GTAN DANG PO SOGS KYI NYON MONGS KYI SA BON SPONG BAR BYED DO, ,DE LTA NA THAL 'GYUR BA'I SKABS SU YANG 'DOD PA'I SAS BSDUS KYI BDEN 'DZIN MA LUS PAR SPANGS RJES SU BSAM GTAN DANG PO SOGS KYI SAS BSDUS KYI BDEN 'DZIN GYI SA BON SPONG BAR KHAS LEN RUNG BAS, 'DI'I LUGS KYI DGE 'DUN NYI SHU'I RNAM GZHAG KYANG MI DKA'O, ,GNYIS PA ZHUGS GNAS KYI RNAM GZHAG BSHAD PA LA, RGYUN ZHUGS ZHUGS 'BRAS BSHAD PA SOGS BZHI, DANG PO LA ZHUGS PA BSHAD PA, 'BRAS GNAS BSHAD PA GNYIS, DANG PO LA MTSAN NYID, DBYE BA, PHYE BA SO SO'I DON, SPANGS RTOGS KYI KHYAD PAR, SA MTSAMS DANG LNGA, DANG PO LA, MTHONG SPANGS KUN SBYOR GSUM SPANGS PA'I RAB TU PHYE BA'I DGE SBYONG TSUL GYI 'BRAS BU THOB PHYIR DU BRTZON BZHIN PA'I RAB TU PHYE BA'I ZHUGS PA'I GANG ZAG ,RGYUN ZHUGS ZHUGS PA'I MTSAN NYID, GNYIS PA LA, DE LA DBANG PO'I SGO NAS DBYE NA, DER GYUR PA'I DBANG RTUL DAD PA'I RJES 'BRANG DANG, DBANG RNON CHOS KYI RJES 'BRANG GNYIS, SPANG BYA SPONG TSUL GYI SGO NAS DBYE NA, SPANG BYA CIG CAR BA'I RGYUN ZHUGS PA DANG, SPANG @5B BYA RIM GYIS PA'I RGYUN ZHUGS ZHUGS PA GNYIS YOD, GSUM PA LA, DBANG PO RNO RTUL DE GNYIS KYI KHYAD PAR YOD DE, BDEN BZHI'I GNAS TSUL GTZO BOR DE BZHIN GSHEGS PA LA DAD STOBS KYIS RTOGS PA'I RGYUN ZHUGS ZHUGS PA DANG PO DANG, DE GTZO BOR CHOS RAB TU RNAM 'BYED KYI SHES RAB KYIS SGO NAS RTOGS PA'I RGYUN ZHUGS ZHUGS PA GNYIS PA YIN PA'I PHYIR, 'DOD NYON SPANGS RJES SU GZUGS KYI NYON MONGS SPANGS PA'I RGYUN ZHUGS KYI 'BRAS BU THOB PHYIR DU BRTZON BZHIN PA'I RGYUN ZHUGS ZHUGS PA, SPANG BYA RIM GYIS PA'I DE'I MTSAN NYID, KHAMS GSUM SA DGU PO DE'I NYON MONGS CHUNG NGU'I CHUNG NGU DGU CIG CAR DU SPONG BA'I RGYUN ZHUGS KYI 'BRAS BU THOB PHYIR DU BRTZON BZHIN PA'I RGYUN ZHUGS ZHUGS PA, GNYIS PA'I MTSAN NYID, SPANG BYA CIG CAR BA RGYUN ZHUGS ZHUGS PA MED ZER NA, DE MI 'THAD DE, RJE RIN PO CHE'I GSUNG LAS, DE 'TSOL BA'I BRTZON PA MA BYAS GSUNG BA RNYED SLA BA'I DON YIN GYI MED PA'I DON MA YIN PA'I PHYIR DANG, 'BRAS LA SNGON LAM BTANG BA DANG, ZHES PA DANG YANG 'GAL BA'I PHYIR, BZHI PA LA, DE'I SPANG RTOGS KYI KHYAD PAR YOD DE, 'DOD NYON LNGA PA SPANGS KYANG RUNG MA SPANGS KYANG RUNG, DRUG PA MA SPANGS PA DGOS, RTOGS PA'I KHYAD PAR NI 'DOD NYON DANG PO NAS LNGA PA'I BAR GYI GNYEN PO THOB MA THOB CI RIGS PA YOD DO, ,LNGA PA LA SA MTSAMS NYAN THOS KYI SBYOR LAM STAN GCIG PA NAS LAM RJES BZOD LA GNAS KYI BAR DU YOD, SBYOR LAM STAN GCIG PA DROD NAS CHOS MCHOG GI BAR DU YOD CING, DE'I DON YANG MNYAM GZHAG MTHUN GCIG PA SOGS NI MA YIN TE, STAN THOG DE LA 'DUG BZHIN DU NYAN THOS KYI MTHONG LAM SKYE NUS PA ZHIG LA BYED PA'I PHYIR TE, KUN BTUS LAS, RGYUN DU ZHUGS PA'I 'BRAS BU LA ZHUGS PA GANG ZHE NA, GANG NGES PAR 'BYED PA'I CHA DANG MTHUN PA STAN GCIG NAS BZUNG STE, MTHONG BA'I LAM GYI SKAD CIG BCO LNGA LA GNAS PA'I BAR DAG GO ,ZHES DANG, DE DANG MTHUN PAR DE'I 'GREL PA LAS KYANG GSUNGS PA'I PHYIR, KHA CIG DE LTAR 'JOG PAR MI RIGS TE, DE LA NYAN THOS MTHONG LAM PAS KHYAB PA'I PHYIR, DER THAL, MTSON BYA DON GYI RGYUN ZHUGS ZHUGS PA LA THEG CHEN MTHONG LAM PAS KHYAB PA'I PHYIR TE, 'GREL CHUNG LAS, 'CHAD PAR 'GYUR BA'I LAM SHES PA NYID KYIS BSDUS PA MTHONG BA'I LAM, ZHES GSUNGS PA'I PHYIR, ZER NA, @6A *, ,GONG DU MA KHYAB, KHO NA RE, DE LA 'PHAGS PAS KHYAB PAR THAL, DMAN PAS BRGYAD 'CHAD PA NA NYAN THOS KYI RIGS KYI SA LAS LOGS SU BRGYAD PA'I SA ZHES GSUNGS PA'I PHYIR, ZER NA YANG MA KHYAB, DE'I KHYAB PA MA NGES PA'I RGYU MTSAN YOD DE, THEG CHEN GYI DGE 'DUN DKON MCHOG 'CHAD PA'I SKABS YIN PA'I PHYIR, PHYI MA LA KHYAB PA MA NGES TE, NYAN THOS KYI SA DE DANG PO DRUG LAS LOGS SU GSUNGS KYANG DANG PO DRUG PO GANG RUNG DANG NYAN THOS KYI SA MI 'GAL BA LTA BU YIN PA'I PHYIR DANG, RNAM BSHAD LAS KYANG, SBYOR LAM STAN GCIG PA NAS RGYUN ZHUGS KYI 'BRAS BUS BSDUS PA TSUN CHAD, CES GSUNGS PA'I PHYIR, DE KUN LAS BTUS KYI BZHED PA SKYAR BA YIN ZER NA, 'O NA, RNAM BSHAD RANG LUGS KYI RGYUN ZHUGS SOGS KYI SA MTSAMS MA BSTAN PAR THAL, RANG LUGS KYI RGYUN ZHUGS ZHUGS PA'I SA MTSAMS MA BSTAN PA'I PHYIR, GNYIS PA 'BRAS GNAS BSHAD PA LA, MTSAN NYID, DBYE BA, PHYE BA SO SO'I DON, SA MTSAMS DANG BZHI LAS, DANG PO NI, MTHONG SPANGS KUN SBYOR GSUM SPANGS PA'I RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG ,RGYUN ZHUGS 'BRAS GNAS KYI MTSAN NYID, MTHONG SPANGS KUN SBYOR GSUM GYI KHYAD PAR YOD DE, 'JIG LTA KUN BTAGS [*BRTAGS ETC THROUGHOUT] DANG, TSUL KHRIMS BRTUL ZHUGS MCHOG 'DZIN GYI LTA BA, THE TSOM NYON MONGS CAN DANG BCAS PA'I GSUM YOD PA'I PHYIR, GSUM PO DE RGYUN ZHUGS KYI 'BRAS BU THOB PA'I GEGS KYI GTZO BOR 'JOG PA'I RGYU MTSAN YOD DE, DANG POS, THAR LAM LA 'GRO MI 'DOD PAR BYED, GNYIS PAS LAM LOG PAR 'KHRID, GSUM PAS THAR LAM LA YID GNYIS ZA BAR BYED PA'I PHYIR, MDZOD LAS, 'GRO MI 'DOD DANG LAM NOR DANG, ,LAM LA THE TSOM DE SNYED CIG ,CES GSUNGS PA'I PHYIR, RAB PHYE'I DON YANG MTHONG SPANGS KUN SBYOR GSUM SPANGS PA TZAM DANG, DE LAS LHAG PA MA SPANGS PA LA BYED PA GNYIS KA MI 'THAD DE, DANG PO LTAR NA DGRA BCOM 'BRAS GNAS KYANG DER 'GYUR BA DANG, GNYIS PA LTAR NA YANG MI RIGS TE, DES MTHONG SPANGS MTHA' DAG SPANGS PA'I PHYIR, RANG LUGS RAB PHYE'I DON YOD DE, RGYUN ZHUGS KYI 'BRAS BU THOB PA LA GSUM PO DE NGES PAR SPANGS DGOS, MA SPANGS NA MI @6B THOB SPANGS NA THOB PA'I 'BRAS BU TZAM YIN PA'I DON YIN PA'I PHYIR, GNYIS PA LA, DBANG PO'I SGO NAS DBYE NA DER GYUR PA'I DBANG RTUL DAD MOS PA DANG, DBANG RNON MTHONG THOB PA GNYIS, DE GNYIS KYI KHYAD PAR YOD DE, RGYUN ZHUGS ZHUGS PA DBANG RTUL DAD PA'I RJES 'BRANG GI STOBS KYIS THOB PA'I 'BRAS GNAS DBANG RTUL DE DANG PO DANG, ZHUGS PA DBANG RNON CHOS KYI RJES 'BRANG GI STOBS KYIS THOB PA'I 'BRAS GNAS DBANG RNON DE GNYIS PA YIN PA'I PHYIR, SBYOR BA'I SGO NAS DBYE NA, DE LA TZAM KHYAD GNYIS YOD, DE GNYIS KYI KHYAD PAR YOD DE, 'BRAS BU GONG MA THOB PHYIR DU BRTZON BZHIN PA'I RGYUN ZHUGS 'BRAS GNAS DANG PO DANG; DE LTAR MA BRTZON PA'I RGYUN ZHUGS 'BRAS GNAS GNYIS PA YIN PA'I PHYIR TE, MDZOD LAS, 'BRAS THOB 'BRAS BU'I KHYAD PAR GYIS, ,LAM THOB MED PA DE YI PHYIR, ,MI BRTZON PA NI ZHUGS MA YIN, ,ZHES GSUNGS PA'I PHYIR, SPANG BYA SPONG TSUL GYI SGO NAS DBYE NA, SPANG BYA RIM GYIS PA DANG, SPANG BYA CIG CAR BA'I RGYUN ZHUGS GNYIS YOD, GSUM PA PHYE BA SO SO'I DON BSHAD PA LA, KHA CIG ,KHAMS GSUM SA DGUS BSDUS PA'I SGOM SPANGS NYON MONGS CHUNG 'BRING CHEN PO DGU PO RIM GYIS SPONG BA'I RGYUN ZHUGS 'BRAS GNAS, SPANG BYA RIM GYIS PA'I RGYUN ZHUGS 'BRAS GNAS KYI MTSAN NYID, DE RNAMS CIG CAR DU SPONG BA'I RGYUN ZHUGS 'BRAS GNAS, SPANG BYA CIG CAR BA'I RGYUN ZHUGS 'BRAS GNAS KYI MTSAN NYID ZER NA, DANG PO LA, SPANG BYA CIG CAR BA'I RGYUN ZHUGS CHOS CAN, MTSON BYA DER THAL, MTSAN NYID DE'I PHYIR, DE RNAMS CHEN PO'I CHEN PO DGU NAS CHUNG NGU'I CHUNG NGU DGU RIM CAN DU SPONG BA'I RGYUN ZHUGS YIN PA'I PHYIR TE, CHEN PO'I CHEN PO DGU SPANGS RJES SU CHUNG NGU'I CHUNG NGU DGU SPONG BA'I PHYIR, GNYIS PA MI 'THAD DE, DE 'DRA BA'I RGYUN ZHUGS MI SRID PA'I PHYIR, DER THAL, NYAN THOS KYI SGOM LAM CHUNG NGU 'BRING CHEN PO DGU CIG CAR TU RGYUD LA BSKYED PA'I RGYUN ZHUGS MI SRID PA'I PHYIR, YANG KHA CIG ,DE RNAMS RNAM PAS RIM CAN DU SPONG BA DANG, RNAM PAS CIG CAR DU ZHES SBYOR BA LA YANG SKYON SNGA MA SO NA GNAS, YANG KHA CIG ,KHAMS GSUM SA DGUS BSDUS PA'I SGOM SPANGS NYON MONGS CHEN PO'I CHEN POR DGU RIM CAN DU SPONG BA NAS, DE RNAMS CHUNG NGU'I CHUNG NGU DGU RIM GYIS SPONG BA'I RGYUN ZHUGS, SPANG BYA RIM @7A *, ,GYIS PA'I RGYUN ZHUGS KYI MTSAN NYID, DE RNAMS CHEN PO'I CHEN PO DGU CIG CAR DU SPONG BA NAS, CHUNG NGU'I CHUNG NGU DGU CIG CAR DU SPONG BA'I RGYUN ZHUGS, SPANG BYA CIG CAR BA'I RGYUN ZHUGS KYI MTSAN NYID ZER NA, 'DOD NYON CHEN PO'I 'BRING GI DNGOS GNYEN BAR CHAD MED LAM LA GNAS PA'I SPANG BYA RIM GYIS PA'I RGYUN ZHUGS CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, 'DOD NYON CHEN PO'I CHEN PO SPANGS ZIN PA'I PHYIR TE, CHOS CAN DE YIN PA'I PHYIR, MTSAN NYID GNYIS PA LA, 'DOD NYON CHEN PO'I 'BRING GI DNGOS GNYEN BAR CHAD MED LAM LA GNAS PA'I SPANG BYA CIG CAR BA'I RGYUN ZHUGS CHOS CAN, MTSAN NYID DER THAL, MTSON BYA DE'I PHYIR, RTAGS BSAL SLA'O, ,RANG LUGS LA CI YANG MED KYI SAS BSDUS KYI NYON MONGS CHUNG NGU SPANGS RJES SU SRID NYON DGU PA SPONG BA'I RGYUN ZHUGS SPANG BYA RIM GYIS PA'I RGYUN ZHUGS KYI MTSAN NYID, CI YANG MED KYI SAS BSDUS KYI NYON MONGS DANG SRID RTZE'I SAS BSDUS KYI NYON MONGS CIG CAR DU SPONG BA'I RGYUN ZHUGS, SPANG BYA CIG CAR BA'I RGYUN ZHUGS KYI MTSAN NYID, SPANG BYA RIM GYIS PA LA DBYE NA, SRID PA LAN BDUN PA DANG, RIGS NAS RIGS SKYES GNYIS, DANG PO LA, MTSAN NYID, DBYE BA, PHYE BA SO SO'I DON BSHAD PA GSUM, DANG PO LA, 'DOD PAR RIGS MTHUN GYI SKYE SRID BDUN LEN PA'I RIGS CAN GYI SPANG BYA RIM GYIS PA'I RGYUN ZHUGS, RGYUN ZHUGS SRID PA LAN BDUN PA BA'I MTSAN NYID, DE LA DBYE NA NGES PA'I RGYUN ZHUGS SRID PA LAN BDUN PA DANG, MA NGES PA'I SRID PA LAN BDUN PA GNYIS, DANG PO LA MTSAN NYID, DBYE BA, SKYE BA LEN TSUL GYI KHYAD PAR RNAMS LAS, DANG PO LA 'DOD PA'I SAS BSDUS KYI SGOM SPANGS NYON MONGS DANG PO TZAM LA YANG CHAGS BRAL MA BYAS SHING, 'DOD PAR LHA MI'I RIGS MTHUN GYI SKYE SRID BDUN BDUN DANG, DE'I BAR SRID BDUN BDUN TE SRID PA NYER BRGYAD LEN NGES KYI SPANG BYA RIM GYIS PA'I RGYUN ZHUGS 'BRAS GNAS TZAM PO BA, NGES PA'I RGYUN ZHUGS SRID PA LAN BDUN PA'I MTSAN NYID, DE LTAR YANG MDZOD LAS, 'BRAS GNAS SGOM SPANGS BYA MA ZAD, ,RE LTAR THOGS NA LAN BDUN PA, ,ZHES DANG, RANG 'GREL LAS, 'BRAS BU LA GNAS PA GANG ZHIG ,SGOM PAS SPANG BAR BYA BA'I NYON MONGS PA @7B GCIG KYANG MA SPANGS PA NI RGYUN DU ZHUGS PA YIN LA, DE YANG TSE BDUN GYI BAR DU SKYE BAS NA LAN BDUN PA'O, ,THAMS CAD NI MA YIN TE RE LTAR THOGS NA ZHES BYA BA NI THAMS CAD KYI THA SHAL BA'O, ,ZHES GSUNGS PA'I PHYIR, RTEN GYI SGO NAS DBYE NA 'DOD LHA'I RTEN CAN DANG, MI'I RTEN CAN GNYIS YOD, GSUM PA SKYE BA LEN TSUL GYI KHYAD PAR LA, DES 'DOD PA'I LHA MI'I RIGS MTHUN GYI SKYE SRID BCU BZHI LEN YANG SRID PA LAN BDUN PA BAR MI 'GAL TE, SKYE BA LEN TSUL BDUN TSAN DU MTSUNGS PA'I PHYIR, DPER NA, GNAS BDUN LA MKHAS PA'I DGE SLONG GI MKHAS BYA'I GNAS LA SO LNGA YOD KYANG BDUN TSAN DU MTSUNGS PAS GNAS BDUN LA MKHAS PA DANG, SHING 'DAB MA BDUN PA LA 'DAB MA BRGYA PHRAG DU MA YOD KYANG, YAL GA RE RE LA YOD PA BDUN TSAN DU MTSUNGS PAS SHING 'DAB MA BDUN PA ZHES BYA BA LTA BU YIN PA'I PHYIR, SKYE BA LEN TSUL LA KHA CIG ,DES LHA'I RTEN LA RGYUN ZHUGS KYI 'BRAS BU THOB NA LHAR RIGS MTHUN GYI SKYE SRID DRUG ,DE'I RJES MI'I SKYE SRID BDUN, DE'I RJES LHA'I SKYE SRID GCIG BLANGS NAS RTEN DE LA MYANG 'DAS MNGON DU BYED, MI'I RTEN LA RGYUN ZHUGS KYI 'BRAS BU THOB NA MI'I RIGS MTHUN GYI SKYE SRID DRUG ,DE RJES LHA'I RIGS MTHUN GYI SKYE SRID BDUN, DE RJES MIR SKYE SRID GCIG BLANGS NAS RTEN DE LA MYANG 'DAS MNGON DU BYED PA YIN ZER NA, DE MI 'THAD DE, KUN BTUS LAS, LHA DANG MI DAG GI NANG DU YAN MAN DU LAN BDUN 'KHOR TE, ZHES GSUNGS PA'I PHYIR, RANG LUGS LA, LHA'I RTEN LA RGYUN ZHUGS KYI 'BRAS BU THOB NA DANG POR MIR SKYE BA BLANGS NAS DE NAS LHA'I SKYE BA BLANGS PA'I SPEL MAR BYAS TE, MTHAR LHA'I RTEN LA MYANG 'DAS MNGON DU BYED, MI'I RTEN LA RGYUN ZHUGS KYI 'BRAS BU THOB NA DE LAS BZLOG STE MYANG 'DAS MNGON DU BYED PA'I PHYIR, KHA CIG ,DE MI 'THAD DE, LHA MI'I RIGS MI MTHUN PAS RIGS NAS RIGS SU SKYE BA MIN PAR 'GYUR BA'I PHYIR, ZER NA, DE NI KHYOD RANG LA YANG MTSUNGS TE, LHA MI'I SKYE BA 'PHO MTSAMS SU RIGS NAS RIGS SU SKYE BA MA YIN PAR 'GYUR BA'I PHYIR, LHA'I RTEN LA RGYUN ZHUGS KYI 'BRAS BU THOB NA MTHAR LHA'I RTEN DE LA MYANG 'DAS MNGON DU BYED, MI'I RTEN LA RGYUN ZHUGS KYI 'BRAS BU THOB NA DE LAS BZLOG STE, MYANG 'DAS MNGON DU BYED PA 'THAD DE, MDZOD RANG 'GREL LAS, GANG LHA DAG GI NANG DU RGYUN DU @8A *, ,ZHUGS PA DE NI DE KHO NA RE 'ONGS NAS YONGS SU MYA NGAN LAS 'DA'O, ,GANG DAG MI RNAMS KYI NANG DU RGYUN DU ZHUGS PA DE KHO NAR 'ONGS NAS YONGS SU MYA NGAN LAS 'DA'O, ,ZHES GSUNGS PA'I PHYIR, 'DOD PAR RIGS MTHUN GYI SKYE SRID BDUN LEN PA'I RIGS CAN YIN KYANG LEN PAR MA NGES PA'I RGYUN ZHUGS SRID PA LAN BDUN PA BA, MA NGES PA'I RGYUN ZHUGS SRID PA LAN BDUN PA'I MTSAN NYID, DE SKAD DU YANG, MDZOD 'GREL LAS, MCHOG TU THOGS NA LAN BDUN PA BA GZHAN YANG YOD MOD KYI 'DIR MA NGES PAS MA BRJOD DO, ,ZHES GSUNGS PA'I PHYIR, KHA CIG ,RGYUN ZHUGS SRID PA LAN BDUN PA BA LA NGES PA'I RGYUN ZHUGS SRID PA LAN BDUN PAS KHYAB GSUNGS PA NI BSHAD MA THAG PA'I MDZOD 'GREL DANG 'GAL ZHING, 'OG MIN MTHAR THUG 'GRO DANG, SRID RTZE'I MTHAR THUG 'GRO GNYIS LA 'OG MIN DANG, SRID RTZE'I RTEN LA MYANG 'DAS MNGON DU BYED NGES KYIS KHYAB PAR THAL, MDZOD 'GREL LAS, 'OG MIN DANG SRID RTZE'I MTHAR THUG PAR 'GRO BA NI DE PHAN CHAD DU 'GRO BAR MED PA'I PHYIR, DPER NA, RGYUN DU ZHUGS PA MCHOG TU THOGS NA LAN BDUN PA BA NYID BZHIN NO, ,ZHES GSUNGS PA GANG ZHIG ,RGYUN ZHUGS SRID PA LAN BDUN PA BA LA NGES PA'I RGYUN ZHUGS SRID PA LAN BDUN PAS KHYAB PA'I PHYIR, RTZA BAR 'DOD NA, PHYIR MI 'ONG GNAS THAMS CAD DU 'CHI 'PHO BA LA GZUGS KHAMS GNAS RIGS BCU BDUN PO THAMS CAD DU SKYE BAS KHYAB PAR THAL LO, ,KHO NA RE, RGYUN ZHUGS SRID PA LAN BDUN PA DANG, MCHOG TU THOGS NA LAN BDUN PA GNYIS LA KHYAD YOD PAS LUNG DES MI GNOD ZER NA; MI 'THAD PAR THAL, DE 'DRA BA'I KHYAD PAR TSAD LDAN GYI GZHUNG LAS MA GSUNGS PA'I PHYIR, RGYUN ZHUGS SRID PA LAN BDUN PA LA NGES PA'I RGYUN ZHUGS SRID PA LAN BDUN PAS KHYAB PAR THAL, 'BRAS GNAS SGOM SPANGS BYA MA ZAD, ,CES PA'I SKABS NAS DNGOS BSTAN GYI RGYUN ZHUGS LA NGES PA'I RGYUN ZHUGS SRID PA LAN BDUN PA BA YIN PAS KHYAB PA'I PHYIR, ZER NA, MA KHYAB BO, KHA CIG ,RGYUN ZHUGS SRID PA LAN BDUN PA LA 'BRAS GNAS TZAM POS KHYAB CING, RIGS MTHUN GYI SKYE SRID BZHI LEN PA DGOS GSUNGS PA SNANG BAS DPYAD PAR BYA'O, ,NYAN THOS SRID PA LAN BDUN PA LA SKYE 'PHAGS @8B GNYIS DANG 'PHAGS PA'I RNAM GZHAG GONG DU BSHAD PA DE RNAMS SKU MCHED GNYIS KYI DGONGS PAR GNAS TE, DGE 'DUN NYI SHU CHEN MO LAS, LAN BDUN PA LA SKYE 'PHAGS GNYIS, ,'PHAGS PA LA YANG NGES MA NGES, ,RNAM GNYIS NYER BRGYAD LEN NI YANG, ,BDUN TSAN 'DRA PHYIR BDUN ZHES DANG, ,DANG POR THOB PA'I RTEN DE LA, ,MYANG 'DAS MNGON DU BYED PA DE, ,GONG 'OG GNYIS KYI GZHUNG RNAMS SU, ,SKU MCHED GNYIS KYI DGONGS PAR 'GRUB, ,CES GSUNGS PA'I PHYIR, GNYIS PA RIGS NAS RIGS SKYE LA MTSAN NYID, DBYE BA, SPANG RTOGS KYI KHYAD PAR RO, ,DANG PO NI, 'DOD PA'I SAS BSDUS KYI SGOM SPANGS NYON MONGS GSUM PA SPANGS SHING, 'DOD PAR RIGS MTHUN GYI SKYE SRID GNYIS NGES PAR LEN PA'I SPANG BYA RIM GYIS PA'I RGYUN ZHUGS 'BRAS GNAS KHYAD PAR CAN, RGYUN ZHUGS RIGS NAS RIGS SKYE'I MTSAN NYID, GNYIS PA DE LA DBYE NA, LHA'I RIGS NAS RIGS SKYE DANG, MI'I RIGS NAS RIGS SKYE GNYIS YOD; GSUM PA LA, DE DAG GI SPANGS RTOGS KYI KHYAD PAR YOD DE, 'DOD NYON GSUM PA NGES PAR SPANGS, BZHI PA SPANGS KYANG RUNG MA SPANGS KYANG RUNG, LNGA PA NGES PAR MA SPANGS PA DGOS, RTOGS PA'I KHYAD PAR SPANG BYA DE DAG GI GNYEN PO ZAG MED KYI DBANG PO THOB MA THOB CI RIGS PA YOD PA'I PHYIR, LNGA PA NGES PAR MA SPANGS PA DGOS PA'I RGYU MTSAN YOD DE, DE SPANGS NA DRUG PA SPONG BA LA KHAMS LAS 'DA' MI DGOS SHING, 'BRAS BU KHYAD PAR CAN GSAR THOB YOD PAS DRUG PA SPONG BA LA BRTZON PAR 'GYUR, DE SPANGS NA PHYIR MI 'ONG DU 'GYUR BAS 'DOD PAR RIGS MTHUN GYI SKYE SRID GNYIS LEN PAR 'GAL BA'I PHYIR, KUN BTUS LAS, LNGA PA SPANGS PA'I PHYIR MA YIN NO ZHE NA DE SPANGS NA DRUG PA YANG NGES PAR SPANG BAR 'GYUR TE, KHAMS LAS MI 'DA' BA'I PHYIR DANG 'BRAS BU KHYAD PAR CAN BZHAG TU YOD PA'I PHYIR, ZHES GSUNGS PA'I PHYIR, SKYE BA LEN TSUL LA RIGS MTHUN GYI SKYE SRID BZHI MI LEN PA YIN GYI LHA MI RIGS MI MTHUN PA BZHI LEN PA YOD GSUNG BA YOD DO, RIGS NAS RIGS SKYE'I RNAM GZHAG GONG DU BSHAD PA 'THAD PA YIN TE, MDZOD LAS, RNAM GSUM RNAM BZHI LAS GROL ZHING, ,CHA GNYIS GSUM DU RIGS NAS RIGS, ,ZHES GSUNGS PA'I PHYIR DANG, BLO GSAL 'JUG PA'I THEM SKAS LAS, ,NYON MONGS GSUM DANG SKYE BA GNYIS, ,RIM @9A *, ,BZHIN NGES SPANGS NGES PAR LEN, ,BZHI PA SPANGS DANG SKYE BA NI, ,GSUM PA BLANGS DANG MA BLANGS 'DRA, ,SPANG BYA LNGA PA SKYE BA BZHI, ,NGES PAR MA SPANGS MA BLANGS PAR, ,RIGS NAS RIGS SKYE'I KHYAD CHOS SU, ,MKHAS PA RNAMS KYIS SHES PAR BYA, ,ZHES GSUNGS PA'I PHYIR, SPANG BYA CIG CAR BA'I RGYUN ZHUGS BSHAD PA LA MTSAN NYID, GZHUNG GIS BSTAN TSUL RNAMS LAS MTSAN NYID GONG DU BSHAD ZIN, GZHUNG GIS BSTAN TSUL LA, KUN BTUS LAS, SPANG BYA CIG CAR BA'I RGYUN ZHUGS DE DUS BDEN PA MNGON RTOGS THOB RJES SU SA BSAM GTAN DANG PO'I NYER BSDOGS MI LCOGS MED LA BRTEN NAS, LAM 'JIG RTEN LAS 'DAS PA'I LAM GYIS SPANG BYA KHAMS GSUM NA SPYOD PA'I NYON MONGS PA RNAMS SPONG TSUL CHEN PO'I CHEN PO DGU RNAM PAS CIG CAR TU SPONG BA NAS CHUNG NGU'I CHUNG NGU DGU CIG CAR DU SPANG BA DANG, SPANG BYA CIG CAR BA 'BRAS GNAS DANG MTHA' GNYIS LA 'JOG PA DANG, DE YANG CIG CAR BA'I RGYUN ZHUGS KYI PHAL CHER 'CHI KHA MA TSUN CHOD DU MTHONG CHOS KYI RTEN LA MYANG 'DAS MNGON DU BYED, DE LA MI NUS NA PHYI MA BAR DO'I RTEN LA BYED, DE LA MI NUS NA, SMON LAM GYI STOBS CAN YIN PAR MYANG 'DAS THOB PA'I RTEN KHYAD PAR CAN DU SMON LAM GYI DBANG GIS SKYES TE, SANGS RGYAS 'JIG RTEN DU BYON PA DANG 'DOM NA NYAN THOS KYI BYANG CHUB MNGON DU BYED, MA 'DOM NA RANG RGYAL GYI LAM DU ZHUGS NAS RANG RGYAL GYI BYANG CHUB MNGON DU BYED PA'I KHYAD CHOS RNAM PA BDUN BSTAN PA YIN TE, KUN BTUS LAS, CIG CAR NGES PAR 'BYIN PA GANG ZHE NA, GANG BDEN PA RNAMS MNGON PAR RTOGS PAR BYAS NAS, MI LCOGS MED LA BRTEN NAS 'JIG RTEN LAS 'DAS PA'I LAM GYIS KHAMS GSUM NA SPYOD PA'I NYON MONGS PA RNAMS RNAM PAS CIG CAR DU SPANGS PA GANG YIN PA DE NI RGYUN DU ZHUGS PA DANG DGRA BCOM PA'I 'BRAS BU STE 'BRAS BU GNYIS LA GDAGS SO, ,PHAL CHER NI MTHONG BA'I CHOS SAM 'CHI BA'I TSE KUN SHES PA NYID THOB PAR BYED LA, GAL TE MI BYED NA SMON LAM GYI STOBS CAN YIN PAS SANGS RGYAS 'BYUNG BA MED PA NA RANG RGYAL BAR 'GYUR RO, ,ZHES GSUNGS PA'I PHYIR, BAR DO'I RTEN LA MYANG 'DAS MNGON DU BYED PA LA 'CHI BA'I TSE ZHES 'CHAD PA'I RGYU MTSAN YOD DE, BAR DO TSE THUNG BA'I RGYU MTSAN GYIS DE LTAR BSHAD PA'I PHYIR, KUN LAS BTUS @9B KYI LUNG DON BSDU NA BDUN DU 'DU STE, CIG CAR BA'I RGYUN ZHUGS KYIS DUS NAM GYI TSE SPANG BYA SPONG, SA GANG LA BRTEN NAS SPONG, LAM GANG GIS SPONG, SPANG BYA GANG SPONG, TSUL JI LTAR DU SPONG, SPANGS PA'I 'BRAS BU GANG LA BZHAG ,MYANG 'DAS MNGON DU BYED TSUL DANG BDUN DU 'DU LA, KHA CIG ,CIG CAR BA RANG RGYAL DGRA BCOM DU 'JUG PA NA SLOB LAM GYI TSE NYAN THOS DANG DGRA BCOM GYI TSE RANG RGYAL DU 'GYUR BA YIN ZER NA, MI 'THAD DE, KUN LAS BTUS PA'I LUGS LA NYAN RANG GNYIS SPANG BYA LA KHYAD PAR MED KYANG, KHYAD CHOS DU MA YOD PA SRID PA THA MA PA'I TSE SLOB DPON GZHAN GYI GDAMS NGAG LA MA BLTOS PAR RANG NYID KYIS BYANG CHUB MNGON DU BYED PA TZAM GYI, RANG RGYAL DGRA BCOM DU 'GYUR NA GZUGS MED NYER 'GRO RNAMS KYANG RANG RGYAL DGRA BCOM DU 'GYUR BA'I SKYON YOD PA'I PHYIR, DES NA RANG LUGS NI, RANG RGYAL LAM DU 'JUG PA'I TSE RANG RGYAL GYI TSOGS LAM NAS 'JUG CING, DGRA BCOM MA THOB KYI BAR DU SPANG BYA CIG CAR BA'I RGYUN ZHUGS SU BZHAG NA, DGE 'DUN NYI SHU CHEN MO DANG, CHOS MNGON RGYA MTSO'I SNYING PO SOGS DANG MTHUN PAR 'DRA'O, ,KHA CIG ,SPANG BYA CIG CAR BA'I RGYUN ZHUGS MNGON PA GONG MA BA KHO NA'I LUGS YIN GYI, 'OG MA PA LA MA GRAGS ZER NA, DE MI 'THAD DE, MDZOD LAS, NYER BSDOGS MI LCOGS MED PA YI; ;THAMS CAD LA NI 'DOD CHAGS BRAL, ,ZHES PA'I GZHUNG GIS GRUB PA'I PHYIR TE, NYER BSDOGS MI LCOGS MED LA BRTEN NAS KHAMS GSUM PO THAMS CAD LA CHAGS BRAL BYED PA DANG BYAS PA BAR PA GNYIS LA MED PA'I PHYIR, SPANG BYA CIG CAR BA'I RGYUN ZHUGS NI RGYUN ZHUGS THAMS CAD KYI NANG NAS DBANG PO SHIN TU RNO BAS, KHAMS DANG SA SO SOR MA PHYE BAR KHAMS GSUM GYI 'DUS BYAS THAMS CAD MI RTAG ,ZAG BCAS THAMS CAD SDUG BSNGAL, CHOS THAMS CAD STONG ZHING BDAG MED SNYAM DU YUN RING DU BSRINGS NAS BSGOM BYA'I GTZO BOR BYAS NAS BSGOMS PAS KHAMS GSUM GYI NYON MONGS CHEN PO'I CHEN PO DGU CIG CAR DU SPONG BA SOGS NUS PA YIN PA'I PHYIR TE, DPER NA, GOM PA SHAS CHE CHUNG GI DBANG GIS MTHONG SPANGS NYON MONGS DANG SGOM SPANGS NYON MONGS SPONG NUS MI NUS KYI KHYAD PAR BYUNG BA DE, BDAG MED MNGON SUM DU RTOGS MA RTOGS KYI KHYAD PAR GYIS MA YIN PA LTA BU YIN PA'I PHYIR, @10A *, ,GNYIS PA, PHYIR 'ONG ZHUGS 'BRAS BSHAD PA LA, ZHUGS PA BSHAD PA, 'BRAS GNAS BSHAD PA DANG GNYIS, DANG PO, ,MTSAN NYID, DBYE BA, PHYE BA SO SO'I DON, SPANGS RTOGS KYI KHYAD PAR, SA MTSAMS KYI KHYAD PAR BSHAD PA'O, ,DANG PO LA, 'DOD PA LA 'DUN PA'I 'DOD SRED DRUG PA MNGON GYUR BA LA CHAGS BRAL BYAS PA'I RAB TU PHYE BA'I DGE SBYONG TSUL GYI 'BRAS BU THOB PHYIR DU BRTZON BZHIN PA'I ZHUGS PA'I GANG ZAG ,PHYIR 'ONG ZHUGS PA'I MTSAN NYID, GNYIS PA LA DBANG PO'I DBYE BA SLA, SPANG BYA SPONG TSUL GYI SGO NAS DBYE NA, CHAGS BRAL SNGON SONG GI PHYIR 'ONG ZHUGS PA, 'BRAS BU RIM BRGYUD PA'I PHYIR 'ONG ZHUGS PA GNYIS, DANG PO'I MTSAN NYID, MTHONG LAM GYI SNGA ROL DU 'DOD NYON DRUG PA MNGON GYUR BA LA CHAGS BRAL BYAS PA'I PHYIR 'ONG ZHUGS PA, CHAGS BRAL SNGON SONG GI PHYIR 'ONG ZHUGS PA'I MTSAN NYID, DES MTHONG LAM GYI SNGA ROL DU 'DOD NYON DRUG PA LA CHAGS PA DANG BRAL BA TZAM GYI PHYIR 'ONG GI 'BRAS BU THOB NUS PA MA YIN TE, DE'I STENG DU MTHONG SPANGS KUN SBYOR GSUM SPANGS PA DGOS PA'I PHYIR, MDZOD LAS, 'JIG RTEN PA YI THOB 'BRAS NI, ,BSRES NAS ZAG MED THOB 'DZIN PHYIR, ,ZHES GSUNGS PA'I PHYIR, GNYIS PA'I MTSAN NYID, PHYIR 'ONG GI 'BRAS BU THOB PHYIR DU BRTZON BZHIN PA'I RGYUN ZHUGS 'BRAS GNAS KHYAD PAR CAN NO, ,GSUM PA, DE'I SPANGS RTOGS KYI KHYAD PAR YOD DE, 'DOD PA LA 'DUN PA'I 'DOD SRED DRUG PA MNGON GYUR BA SPANGS MA SPANGS CI RIGS YOD, DGU PA NGES PAR MA SPANGS DGOS, RTOGS PA'I KHYAD PAR DE DAG GI DNGOS KYI GNYEN PO ZAG MED KYI DBANG PO THOB MA THOB CI RIGS YOD, LNGA PA LA, DANG PO'I SA MTSAMS RGYUN ZHUGS ZHUGS PA DANG MTSUNGS, GNYIS PA'I SA MTSAMS RGYUN ZHUGS 'BRAS GNAS KHYAD PAR CAN GYI RTOGS PA THOB PA NAS 'DOD NYON DRUG PA'I DNGOS GNYEN BAR CHAD MED LAM LA GNAS KYI BAR DU YOD, MNGON PA GONG 'OG GNYIS LA, JI TZAM NAS PHYIR 'ONG GI ZHUGS PAR 'JOG MI 'JOG GI KHYAD PAR YOD DE, BLO GSAL 'JUG PA'I THEM SKAS LAS, DRUG PA'I BAR SPONG BRTZON PA DANG, ,NGES PAR DRUG PA SPONG BRTZON PA, ,PHYIR 'ONG ZHUGS YIN ZHES PA NI, ,GONG 'OG GNYIS KYI KHYAD PAR RO, ,ZHES GSUNGS PA LTAR YIN PA'I PHYIR, GNYIS PA PHYIR 'ONG @10B 'BRAS GNAS LA SPYI DANG, PHYIR 'ONG BAR CHAD GCIG PA BYE BRAG TU BSHAD PA GNYIS, DANG PO LA MTSAN NYID, DBYE BA, DANG PO LA, 'DOD PA LA 'DUN PA'I 'DOD SRED DRUG PA MNGON GYUR BA SPANGS PA'I RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG ,PHYIR 'ONG 'BRAS GNAS KYI MTSAN NYID, DBANG PO'I SGO NAS DBYE BA SOGS SLA, SPANG BYA SPANG TSUL GYI SGO NAS DBYE NA, CHAGS BRAL SNGON SONG GI PHYIR 'ONG 'BRAS GNAS, 'BRAS BU RIM BRGYUD PA'I PHYIR 'ONG 'BRAS GNAS DANG GNYIS, DANG PO LA, MTHONG LAM GYI SNGA ROL DU 'DOD PA LA 'DUN PA'I 'DOD SRED DRUG PA MNGON GYUR BA SPANGS PA'I PHYIR 'ONG, DANG PO'I MTSAN NYID, RGYUN ZHUGS 'BRAS GNAS KHYAD PAR CAN GYI STOBS KYIS THOB PA'I PHYIR 'ONG, GNYIS PA'I MTSAN NYID, PHYIR 'ONG GI SPANGS RTOGS KYI KHYAD PAR YOD DE, SPANGS PA'I KHYAD PAR 'DOD PA LA 'DUN PA'I 'DOD SRED DRUG PA MNGON GYUR BA SPANGS PAS KHYAB, BRGYAD PA'I BAR SPANGS MA SPANGS CI RIGS YOD, DGU PA MA SPANGS PAS KHYAB; RTOGS PA'I KHYAD PAR DE DAG MNGON GYUR BA'I GNYEN PO ZAG MED KYI DBANG PO THOB MA THOB CI RIGS YOD PA'I PHYIR TE, MDZOD LAS KYANG, RNAM PA DRUG PA ZAD GYUR PA, ,DE NI LAN CIG PHYIR 'ONG YIN, ,ZHES GSUNGS PA'I PHYIR, SA MTSAMS NYAN THOS KYI MTHONG LAM RJES SHES NAS, 'DOD NYON DGU PA'I BAR CHAD MED LAM LA GNAS KYI BAR DU YOD, GNYIS PA PHYIR 'ONG TSE GCIG BAR CHAD GCIG PA BYE BRAG TU BSHAD PA LA, 'DOD PA'I SAS BSDUS KYI SGOM SPANGS NYON MONGS BDUN PA SPANGS, DGU PA MNGON GYUR BA MA SPANGS PA'I 'DOD PAR RIGS MTHUN GYI SKYE SRID GCIG KHO NA BLANGS, 'DOD LHA'I RTEN LA MYANG 'DAS MNGON DU BYED PA'I PHYIR 'ONG 'BRAS GNAS KHYAD PAR CAN, PHYIR 'ONG TSE GCIG BAR CHAD GCIG PA'I MTSAN NYID, DE LA DBYE NA, LHA DANG MI'I RTEN CAN GNYIS YOD, DE LA TSE GCIG BAR CHAD GCIG PA ZHES 'CHAD PA'I RGYU MTSAN YOD DE, PHYIR MI 'ONG GI 'BRAS BU THOB PA LA 'DOD NYON DGU PAS BAR DU CHOD, MYANG 'DAS THOB PA LA RIGS MTHUN GYI TSE GCIG GIS BAR DU CHOD PA'I RGYU MTSAN GYIS DE LTAR BSHAD PA'I PHYIR, DE'I SPANGS RTOGS KYI KHYAD PAR YOD DE, 'DOD NYON BDUN PA NAS BRGYAD PA'I BAR SPANGS MA SPANGS CI RIGS YOD, DGU PA MA SPANGS PAS KHYAB, RTOGS PA'I KHYAD PAR SPANG BYA DE DAG GI DNGOS KYI GNYEN PO ZAG MED KYI DBANG PO THOB MA @11A *, ,THOB CI RIGS YOD PA'I PHYIR, DES NA TSE GCIG BAR CHAD GCIG PA'I RNAM GZHAG DE LTAR 'THAD DE, MDZOD LAS, NYES CHA BDUN NAM BRGYAD ZAD PA, ,TSE GCIG BAR CHAD GCIG PA DANG, ,GSUM PA LA NI ZHUGS PA'ANG YIN, ,ZHES DANG, BLO GSAL 'JUG PA'I THEM SKAS LAS, ,PHYIR 'ONG BAR CHAD GCIG PA NI, ,NYON MONGS BDUN NAM BRGYAD SPANGS SHING, ,TSE 'PHOS 'DOD LHA'I RTEN DE LA, ,MYANG 'DAS MNGON DU BYED BAR NGES, ,ZHES GSUNGS PA'I PHYIR, DE LA YANG CHAGS BRAL SNGON SONG YOD DE, MDZOD 'GREL LAS, SNGON RNAM PA GSUM DANG BZHI SPANGS PA 'AM BDUN NAM BRGYAD SPANGS PA JI SRID DU 'BRAS BU KHYAD PAR CAN GYI LAM MA THOB PA DE SRID DU RIGS NAS RIGS SU SKYE BA DANG, GZHAN BAR CHAD GCIG PA MA YIN NO, ,ZHES GSUNGS PA'I SHUGS LA 'GRUB PA'I PHYIR, GSUM PA PHYIR MI 'ONG LA ZHUGS PA BSHAD PA DANG, 'BRAS GNAS BSHAD PA GNYIS, DANG PO LA, MTSAN NYID, DBYE BA, SPANGS RTOGS KYI KHYAD PAR, SA MTSAMS RNAMS LAS, DANG PO NI, 'DOD PA LA 'DUN PA'I 'DOD SRED DGU PA MNGON GYUR BA SPANGS PA'I RAB TU PHYE BA'I DGE SBYONG TSUL GYI 'BRAS BU THOB PHYIR DU BRTZON BZHIN PA'I ZHUGS PA'I GANG ZAG ,PHYIR MI 'ONG ZHUGS PA'I MTSAN NYID, SPANG BYA SPONG TSUL GYI SGO NAS DBYE NA, CHAGS BRAL SNGON SONG GI PHYIR MI 'ONG ZHUGS PA DANG, 'BRAS BU RIM BRGYUD PA'I PHYIR MI 'ONG GI ZHUGS PA GNYIS, MTHONG LAM GYI SNGA ROL DU 'DOD PA LA 'DUN PA'I 'DOD SRED DGU PA MNGON GYUR BA LA CHAGS BRAL BYAS PA'I PHYIR MI 'ONG ZHUGS PA, DANG PO'I MTSAN NYID, PHYIR MI 'ONG GI 'BRAS BU THOB PHYIR DU BRTZON BZHIN PA'I 'BRAS BU RIM BRGYUD PA'I PHYIR 'ONG 'BRAS GNAS KHYAD PAR CAN, GNYIS PA'I MTSAN NYID, DE LA KHA CIG ,CHAGS BRAL SNGON SONG GI PHYIR 'ONG 'BRAS GNAS KHYAD PAR CAN CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, CHAGS BRAL SNGON SONG GANG ZHIG ,PHYIR MI 'ONG ZHUGS PA YIN PA'I PHYIR ZER NA MA KHYAB, RTAGS BSAL CHOS CAN GYIS SGRUB ZER NA, 'O NA, DE CHOS CAN, PHYIR 'ONG ZHUGS BA YIN PAR THAL, PHYIR 'ONG GANG ZHIG ,ZHUGS PA YIN PA'I PHYIR, 'KHOR GSUM DON LA KHAS, GZHAN YANG DE CHOS CAN, MTHONG LAM GYI SNGA ROL DU 'DOD PA LA 'DUN PA'I 'DOD SRED DGU PA MNGON GYUR BA LA CHAGS BRAL BYAS PA'I PHYIR @11B MI 'ONG ZHUGS PA YIN PAR THAL, CHAGS BRAL SNGON SONG GI PHYIR MI 'ONG ZHUGS PA YIN PA'I PHYIR, MA KHYAB NA, RGYUN ZHUGS LA YANG CHAGS BRAL SNGON SONG YOD PAR THAL, MTHONG LAM GYI SNGA ROL DU 'DOD NYON GSUM PA DANG BZHI PA LA CHAGS BRAL BYAS PA'I RGYUN ZHUGS YOD PA GANG ZHIG ,MA KHYAB PA DE'I PHYIR, GZHAN YANG, DE'I STOBS KYIS THOB PA'I PHYIR MI 'ONG DE CHAGS BRAL SNGON SONG GI PHYIR MI 'ONG YIN PAR THAL, DAM BCA' DE'I PHYIR, 'DOD NA, KHYOD DANG RGYUD GCIG TU GYUR PA'I PHYIR 'ONG MED PAR THAL, 'DOD PA DE'I PHYIR, 'DOD MI NUS SO, ,PHYIR MI 'ONG ZHUGS PA'I SPANGS RTOGS KYI KHYAD PAR YOD DE, SPANGS PA'I KHYAD PAR 'DOD PA LA 'DUN PA'I 'DOD SRED MNGON GYUR BA DANG PO NAS BRGYAD PA'I BAR LA CHAGS BRAL BYAS KYANG RUNG MA BYAS KYANG RUNG, 'DOD NYON DGU PA MA SPANGS PA DGOS, RTOGS PA'I KHYAD PAR DE RNAMS KYI DNGOS KYI GNYEN PO ZAG MED KYI DBANG PO THOB MA THOB CI RIGS YOD PA'I PHYIR, DANG PO'I SA MTSAMS CHAGS BRAL SNGON SONG GI PHYIR 'ONG ZHUGS PA DANG MTSUNGS, 'BRAS BU RIM BRGYUD PA'I ZHUGS PA'I SA MTSAMS PHYIR 'ONG 'BRAS GNAS KHYAD PAR CAN GYI RTOGS PA THOB PA NAS 'DOD NYON DGU PA'I DNGOS GNYEN BAR CHAD MED LAM LA GNAS KYI BAR DU YOD, GNYIS PA 'BRAS GNAS BSHAD PA LA, MTSAN NYID, DBYE BA, PHYE BA SO SO'I DON DANG GSUM, DANG PO LA, THA MA'I CHA MTHUN LNGA SPANGS PA'I RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG ,PHYIR MI 'ONG 'BRAS GNAS KYI MTSAN NYID, THA MA'I CHA MTHUN LNGA'I KHYAD PAR YOD DE, KUN SBYOR GSUM, 'DOD PA LA 'DUN PA, GNOD SEMS DANG LNGA YIN PA'I PHYIR, LNGA PO DE LA THA MA'I CHA MTHUN ZHES 'CHAD PA'I RGYU MTSAN YOD DE, PHYI MA GNYIS KYI KHAMS KYI THA MA 'DOD PA LAS 'DA' BAR MI BYED, KUN SBYOR GSUM GYI 'GRO BA'I THA MA SO SKYE LA SBYOR PAR BYED PA'I RGYU MTSAN GYIS DE LTAR BSHAD PA'I PHYIR TE, MDZOD LAS, GNYIS KYI 'DOD LAS MI 'DA' ZHING, ,GSUM PO YIS NI PHYIR LOG BYED, ,CES GSUNGS PA'I PHYIR, GNYIS PA LA SPANG BYA'I SGO NAS DBYE NA, CHAGS BRAL SNGON SONG GI PHYIR MI 'ONG DANG, 'BRAS BU RIM GYIS PA'I PHYIR MI 'ONG GNYIS, 'PHAGS CHOS RTEN TSUL GYI SGO NAS DBYE NA 'DOD PAR TSE YONGS GYUR GYIS PHYIR MI 'ONG DANG, 'DOD PAR TSE YONGS SU MA GYUR PA'I PHYIR MI 'ONG GNYIS, DBANG PO DANG, SBYOR BA'I DBYE BA GONG DU BSHAD @12A *, ,PAS SHES, GSUM PA PHYE BA SO SO'I DON LA, MTHONG LAM GYI SNGA ROL DU 'DOD PA LA 'DUN PA'I 'DUN SRED MNGON GYUR BA DGU PA LA CHAGS BRAL BYAS PA'I PHYIR MI 'ONG 'BRAS GNAS, CHAGS BRAL SNGON SONG GI PHYIR MI 'ONG GI MTSAN NYID, KHA CIG ,RANG DANG RGYUD GCIG TU GYUR PA'I PHYIR 'ONG 'BRAS GNAS KHYAD PAR CAN GYI STOBS KYIS THOB PA'I PHYIR MI 'ONG, 'BRAS BU RIM GYIS PA'I PHYIR MI 'ONG GI MTSAN NYID ZER NA, THOD BRGAL BA'I PHYIR 'ONG 'BRAS GNAS KHYAD PAR CAN GYI STOBS KYIS THOB BA'I PHYIR MI 'ONG CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE'I PHYIR, 'DOD NA, RANG DANG RGYUD GCIG TU GYUR PA'I RGYUN ZHUGS 'BRAS GNAS SNGON DU SONG BAR THAL, 'DOD PA'I PHYIR, 'DOD MI NUS SO, ,KHO NA RE, DE 'DRA'I PHYIR MI 'ONG CHOS CAN, 'BRAS BU RIM GYIS PA'I PHYIR MI 'ONG YIN PAR THAL, PHYIR 'ONG DANG PHYIR MI 'ONG GI 'BRAS BU RIM GYIS BRGYUD PA'I PHYIR MI 'ONG YIN PA'I PHYIR, ZER NA, MA KHYAB, 'DOD NA, DE CHOS CAN, 'BRAS BU RIM GYIS PA'I PHYIR MI 'ONG MA YIN PAR THAL, 'BRAS BU THOD BRGAL BA'I PHYIR MI 'ONG YIN PA'I PHYIR, DER THAL, RGYUN ZHUGS KYI 'BRAS BU LAS THOD BRGAL TE, PHYIR 'ONG GI 'BRAS BU MNGON DU BYAS PA'I PHYIR MI 'ONG YIN PA'I PHYIR, 'KHOR GSUM, GZHAN YANG, DE CHOS CAN, CHAGS BRAL SNGON SONG GI DE YIN PAR THAL, MTHONG LAM GYI SNGA ROL DU 'DOD NYON DRUG PA LA CHAGS BRAL BYAS PA'I DE YIN PA'I PHYIR, KHYAB PA KHAS SO, ,RANG LUGS LA, RANG DANG RGYUD GCIG TU GYUR PA'I 'BRAS BU RIM GYIS PA'I PHYIR 'ONG GI STOBS KYIS THOB PA'I PHYIR MI 'ONG, 'BRAS BU RIM GYIS PA'I PHYIR MI 'ONG GI MTSAN NYID, 'DOD PAR 'PHAGS CHOS SKYE BA BRGYUD MAR BRTEN NAS 'DOD PA'I RTEN LA MYANG 'DAS MNGON DU BYED PA'I PHYIR MI 'ONG, 'DOD PAR TSE YONGS GYUR GYI PHYIR MI 'ONG GI MTSAN NYID, DPER NA, RGYUN ZHUGS RIGS NAS RIGS SKYE DANG RGYUD GCIG TU GYUR PA'I PHYIR MI 'ONG LTA BU'O, ,MTHONG LAM THOB PA'I TSE DE LA PHYIR MI 'ONG GI 'BRAS BU GSAR DU THOB PA'I PHYIR MI 'ONG, 'DOD PAR TSE YONGS SU MA GYUR PA'I PHYIR MI 'ONG GI MTSAN NYID, DE GNYIS KYI DANG PO KHAMS GONG DU SKYE BA MI LEN TE, MDZOD LAS, 'DOD PAR TSE YONGS GYUR PA'I 'PHAGS, ,KHAMS GZHAN DU NI 'GRO BA MED, ,CES GSUNGS PA'I PHYIR, 'DOD PAR TSE YONGS SU MA GYUR PA'I PHYIR MI @12B 'ONG LA DBYE NA, GZUGS NYER 'GRO'I PHYIR MI 'ONG DANG, GZUGS MED NYER 'GRO'I PHYIR MI 'ONG, PHYIR MI 'ONG MTHONG CHOS ZHI, LUS MNGON BYED DANG BZHI, DANG PO LA, 'DOD PA NAS SHI 'PHOS TE GZUGS KHAMS SU NYING 'TSAMS SBYAR NAS KHAMS GONG GI RTEN LA MYANG 'DAS MNGON DU BYED PA'I 'DOD PA'I RTEN CAN GYI PHYIR MI 'ONG GZUGS NYER 'GRO'I PHYIR MI 'ONG GI MTSAN NYID, DE LA DBYE NA, GZUGS NYER 'GRO'I PHYIR MI 'ONG BAR 'DA' BA, SKYE 'DA' BA, GONG 'PHO BA DANG GSUM, DANG PO LA, 'DOD PA NAS SHI 'PHOS TE GZUGS KYI BAR SRID DU SKYE BA GCIG KHO NA BLANGS RTEN DE LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG, GZUGS NYER 'GRO'I PHYIR MI 'ONG BAR 'DA' BA'I MTSAN NYID, DE LA DBYE NA, MYUR BAR 'DA' BA, MYUR BA MA YIN PAR 'DA' BA, DUS YUN RING MO ZHIG NAS 'DA' BA DANG GSUM, KHA CIG ,DANG PO 'DIS GZUGS KYI BAR SRID GRUB MA THAG TU MYANG 'DAS MNGON DU BYED PA YIN ZER NA, 'O NA, LAS NYON GYI DBANG GIS 'CHI 'PHO BZHIN PA'I NYAN THOS KYI SGOM LAM RDO RJE LTA BU'I TING NGE 'DZIN LA MNYAM PAR GZHAG PA'I PHYIR MI 'ONG YOD PAR THAL, 'CHI SRID 'GAGS PA DANG, BAR SRID GRUB PA DUS MNYAM PA GANG ZHIG ,KHYOD KYI DAM BCA' 'THAD PA'I PHYIR, 'DOD MI NUS TE, 'CHI SRID SRID PA NYON MONGS CAN YIN PA'I PHYIR DANG, 'CHI BA'I TSE KUN SHES PA NYID CES SOGS KYIS DON BAR DO'I RTEN LA MDZAD PA'I PHYIR, RANG LUGS DE GSUM GYI KHYAD PAR YOD DE, BAR SRID GRUB PA'I DUS SKAD CIG GNYIS PA'I DUS SU MYANG 'DAS MNGON DU BYED PA DANG PO DANG, DE'I TSE'I DKYIL TU MYANG 'DAS MNGON DU BYED PA GNYIS PA DANG, DE'I TSE 'JUG TU MYANG 'DAS MNGON DU BYED PA GSUM PA YIN PA'I PHYIR TE, DE GSUM ZHOG MA'I ME SOGS DPE GSUM GYIS BSTAN NAS SHES NUS PA'I PHYIR, 'DOD PA NAS SHI 'PHOS NAS GZUGS KHAMS SU SKYE SRID GCIG KHO NA BLANGS TE RTEN DE LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG, GZUGS NYER 'GRO'I PHYIR MI 'ONG SKYE 'DA' BA'I MTSAN NYID, DE LA DBYE NA, SKYES TZAM NAS 'DA' BA DANG MNGON PAR 'DU BYED MED PAR 'DA' BA, MNGON PAR 'DU BYED DANG BCAS TE 'DA' BA DANG GSUM, DE GSUM GYI KHYAD PAR YOD DE, GZUGS KYI SKYE SRID GRUB PA'I SKAD CIG GNYIS PA'I DUS SU MYANG 'DAS MNGON DU BYED PA'I SKYE 'DA' BA DE DANG PO DANG, SKYE SRID GRUB NAS 'BAD RTZOL RAGS PA LA MI BLTOS PAR MYANG 'DAS MNGON DU BYED BA'I SKYE 'DA' BA GNYIS PA, 'BAD RTZOL RAGS PA @13A *, ,DANG BCAS TE GZUGS KYI SKYE SRID KYI RTEN LA MYANG 'DAS MNGON DU BYED PA'I SKYE 'DA' BA GSUM PA YIN, KHA CIG BAR 'DA' BAS THOG MA NAS LHAG MED MYANG 'DAS MNGON DU BYED PA YIN ZER NA, 'O NA, MYANG 'DAS MNGON DU BYED KHA MA'I BAR DO'I LUS DE ZAG BCAS NYER LEN GYI PHUNG PO YIN NAM MA YIN, YIN NA DE DANG BCAS BZHIN DU MYANG 'DAS MNGON DU BYED PAS MYANG 'DAS DE LHAG MED MYANG 'DAS SU 'GAL, MA YIN NA MA RIG BAG CHAGS KYIS DANG ZAG MED KYI LAS DBANG GIS SKYE BA LEN NUS KYI PHYIR MI 'ONG YOD PAR 'GYUR, BAR DO'I LUS DE DOR BA DANG MYANG 'DAS MNGON DU BYED PA DUS MNYAM PA YIN ZER NA, DE SHI MA 'PHOS PAR LUS 'DOR MI NUS PAS BAR DO'I RTEN LA MYANG 'DAS MNGON DU BYED PA DANG 'GAL ZHING, BAR DO NAS 'CHI BZHIN PA'I RDO RJE LTA BU'I TING NGE 'DZIN LA GNAS PA'I GANG ZAG YOD PAR 'GYUR RO, ,GONG 'PHO LA MTSAN NYID, DBYE BA, PHYE BA SO SO'I DON RNAMS DANG, GNAS GTZANG DU SKYE BA LEN PA'I RGYU BSAM GTAN SPEL SGOM BSHAD PA DANG BZHI, DANG PO LA, GZUGS KHAMS SU SKYE BA GNYIS BRGYUD MAR BLANGS NAS KHAMS GONG GI RTEN LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG, GZUGS NYER 'GRO'I PHYIR MI 'ONG GONG 'PHO BA'I MTSAN NYID, DE LA DBYE NA, GONG 'PHO 'OG MIN MTHAR THUG 'GRO DANG, SRID RTZE'I MTHAR THUG 'GRO GNYIS YOD, 'DOD PA NAS SHI 'PHOS NAS GZUGS KHAMS SU SKYE SRID GNYIS YAN CHAD 'PHAR MAR BLANGS NAS GNAS GTZANG GI RTEN LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG GONG 'PHO GZUGS NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO'I MTSAN NYID, DE LA DBYE NA, GONG 'PHO 'OG MIN MTHAR THUG 'GRO 'PHAR BA, PHYED DU 'PHAR BA, GNAS THAMS CAD DU 'CHI 'PHO BA DANG GSUM, DE GSUM GYI MTSAN GZHI YOD DE, 'DOD PA NAS SHI 'PHOS NAS TSANGS RIS SU SKYES, DE NAS SHI 'PHOS NAS MI CHE BAR SKYES RTEN DE LA MYANG 'DAS MNGON DU BYED PA LTA BU DANG PO DANG; 'DOD PA NAS SHI 'PHOS TSANGS RIS SU SKYES DE NAS SHI 'PHOS NAS MI CHE BAR SKYES, DE NAS SHI 'PHOS NAS 'OG MIN DU SKYES DER MYANG 'DAS MNGON DU BYED PA LTA BU GNYIS PA DANG, 'DOD PA NAS SHI 'PHOS NAS TSANGS CHEN MA GTOGS PA'I GZUGS KHAMS GNAS RIGS BCU DRUG GI NANG NAS GCIG LA 'PHAR NAS @13B 'OG MIN GYI RTEN LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG LTA BU GSUM PA YIN PA'I PHYIR, DE YANG GNAS GCIG LAS 'PHAR DGOS TE, 'PHAR GSUM ZHES GSUNGS PA'I PHYIR, PHYIR MI 'ONG TSANGS CHEN DU MI SKYE STE, TSANGS CHEN LOG LTA'I GNAS YIN PAS LAM GYI NUS PAS DER SKYE SGO GCOD NUS PA DANG, TSANGS PA CHEN POS 'GRAN ZLA MED PA'I LAS BSAGS PAS 'DIR GTZO BO GCIG TU ZAD PA'I PHYIR, GONG 'PHO DGU PO DE LA LAM DBANG NYON MONGS GSUM GYI KHYAD PAR YOD DE, 'DA' BA DANG PO GSUM PO DE MNGON PAR 'GRUB BYED KYI LAS DANG LDAN, LAS GZHAN GNYIS DANG MI LDAN, 'DA' BA BAR PA GSUM PO DE MNGON PAR 'GRUB BYED KYI LAS DANG, SKYES NAS MYONG 'GYUR GYI LAS GNYIS DANG LDAN, LAN GRANGS GZHAN LA MYONG 'GYUR GYI LAS DANG MI LDAN, 'PHAR BA GSUM PO LAS GSUM GA DANG LDAN PA'I PHYIR, DE RNAMS DBANG PO RNO RTUL GYI KHYAD PAR YOD DE, DANG PO GSUM DBANG PO RNO, ,BAR PA GSUM DBANG PO 'BRING, THA MA GSUM DBANG PO RTUL BA YIN PA'I PHYIR, DE GSUM LA NYON MONGS SHAS CHE CHUNG GI KHYAD PAR YOD DE, DANG PO GSUM NYON MONGS SHAS CHUNG, BAR PA GSUM SHAS 'BRING, THA MA GSUM SHAS CHE BA YIN PA'I PHYIR, MDZOD LAS, GZUGS SU NYE BAR 'GRO BA DGU ,BSHAD DO DE DAG KHYAD PAR RNAMS, ,LAS DBANG NYON MONGS BYE BRAG LAS; ;ZHES GSUNGS PA'I PHYIR, 'DOD PA NAS SHI 'PHOS TE GZUGS SU NYING 'TSAMS SBYAR, DE NAS SHI 'PHOS TE, GZUGS MED KYI RTEN LA MYANG 'DAS MNGON DU BYED PA'I GZUGS NYER 'GRO'I PHYIR MI 'ONG, GZUGS NYER 'GRO'I PHYIR MI 'ONG SRID RTZE'I MTHAR THUG 'GRO'I MTSAN NYID, 'OG MIN MTHAR THUG 'GRO DANG, SRID RTZE'I MTHAR THUG 'GRO GNYIS LA 'OG MIN DANG, SRID RTZE'I RTEN LA MYANG 'DAS MNGON DU BYED PAS MA KHYAB STE, GZUGS KYI PHA MTHA' 'OG MIN DANG, GZUGS MED KYI PHA MTHA' SRID RTZE YIN PAS, GONG MAR SKYES PA'I PHA MTHA' 'DZIN PA'I DBANG DU BYAS PA YIN PA'I PHYIR TE, MDZOD 'GREL LAS BAR SKABS SU YONGS SU MYA NGAN LAS 'DA' BAR RUNG BAR BLTA'O, ,'OG MIN DANG SRID PA'I RTZE MO'I MTHAR THUG PAR 'GRO BA NI, DE PHAN CHAD DU 'GRO BAR MED PA'I PHYIR, DPER NA, RGYUN DU ZHUGS PA MCHOG TU THOGS NA LAN BDUN PA BA NYID BZHIN NO, ,ZHES GSUNGS PA'I PHYIR, BZHI PA GNAS GTZANG DU SKYE BA LEN PA'I RGYU @14A *, ,BSAM GTAN SPEL SGOM BSHAD PA LA, RTEN GYI GANG ZAG GANG GI ,KHAMS GANG DU, DGOS PA CI'I PHYIR, GZHI GANG LA SPEL BA, TSUL JI LTAR SPEL BA, 'BRAS BU SKYE BA LEN TSUL RNAMS LAS, BSAM GTAN SPEL SGOM BYED PA'I RTEN GYI KHYAD PAR YOD DE, PHYIR MI 'ONG DBANG RTUL RNAMS GNAS GTZANG DU SKYE BA LEN PA'I PHYIR DU SNYOMS PAR 'JUG ,DBANG RNON RNAMS MTHONG CHOS LA BDE BAR GNAS PA'I PHYIR DU SNYOMS PAR 'JUG ,DGRA BCOM DBANG RTUL RNAMS TING NGE 'DZIN LA RO MYANG GI BDE BA THAG SRING BA'I PHYIR DU SNYOMS PAR 'JUG ,DBANG RNON RNAMS MTHONG CHOS LA BDE BAR GNAS PA'I PHYIR DU SNYOMS PAR 'JUG PA'I PHYIR TE, MDZOD LAS, SKYE DANG GNAS PA BYA PHYIR DANG, ,NYON MONGS PAS NI 'JIGS PHYIR YANG, ,ZHES GSUNGS PA'I PHYIR, GNYIS PA KHAMS GANG DU SNYOMS PAR 'JUG TSUL YOD DE, DANG POR 'DOD PA'I KHAMS SU SPEL, PHYIS DE LAS NYAMS PAS NI GZUGS KHAMS SU SPEL BA YANG YOD PA'I PHYIR, DER THAL, MDZOD 'GREL LAS, DANG POR 'DOD PA'I KHAMS SU GLING GSUM DAG TU SPEL BAR BYED LA, PHYIS SNGAR YONGS SU NYAMS PA GZUGS KHAMS SU YANG SPEL BAR BYED DO, ,ZHES GSUNGS PA'I PHYIR, GSUM PA RTEN GYI SKABS SU BSHAD PAS SHES, BZHI PA NI, DANG POR BSAM GTAN BZHI PA'I DNGOS GZHI LA SPEL BA YIN TE, DE SKYON BRGYAD LAS GROL BAS SPEL SLA BA'I PHYIR, PHYIS NI NGES PA MED DE, BSAM GTAN DANG PO GSUM GYI DNGOS GZHI LA SPEL BA YOD PA'I PHYIR TE, MDZOD LAS, DANG POR BZHI PA SPEL BAR BYA, ,SKYON BRGYAD LAS NI GROL PHYIR DANG, ,BZHI PA G-YO BA MED PA YIN, ,PHYIS NI GSUM CHAR LA YANG YOD, ,CES GSUNGS PA'I PHYIR, LNGA PA LA SBYOR BA DANG, DNGOS GZHI GRUB TSAD, SPEL TSUL DNGOS SO, ,DANG PO SBYOR BA'I KHYAD PAR YOD DE, BSAM GTAN BZHI PA'I DNGOS GZHI ZAG MED RGYUN LDAN LA MNYAM PAR 'JOG ,DE RJES ZAG BCAS RGYUN LDAN LA, DE RJES ZAG MED RGYUN LDAN LA 'JUG PA'I RING SBYOR, DE NAS RGYUN PHYI MA NAS DE ZAG MED, ZAG BCAS, ZAG MED, SKAD CIG MA GNYIS GNYIS LA 'JUG PA NYE SBYOR YIN PA'I PHYIR, GNYIS PA GRUB TSAD LA, BYE BRAG SMRA BA RNAMS NI, DUS KYI THUNG MTHA'I SKAD CIG MA GCIG LA DE ZAG MED, ZAG BCAS, ZAG MED SPEL NUS PA NI DE GRUB PAR 'DOD PA YIN @14B TE; MDZOD LAS, SKAD CIG MA LA BSRES PAS 'GRUB, ,CES GSUNGS PA'I PHYIR, ZHES ZER, DE MI RIGS TE, SANGS RGYAS MA GTOGS PAS DE LTAR SPEL MI NUS PA'I PHYIR, DES NA SANGS RGYAS MA GTOGS PA SKAD CIG MA SPEL NUS PA MA YIN NO, ,DE'I PHYIR RGYUN CHAGS PA GSUM LA JI LTAR 'DOD PAR SNYOMS PAR 'JUG PA'I SGO NAS RDZOGS PA YIN NO, ,ZHES GSUNGS PAS NA, RANG LUGS KYI GRUB TSAD, SBYOR BA GCIG GI BYED PA LA BRTEN NAS BYA RDZOGS KYI DUS THUNG NGU'I SKAD CIG MA GCIG LA ZAG MED, ZAG BCAS, ZAG MED GSUM SPEL NUS PA NA CHUNG NGU GSUM SPEL GRUB PA YIN ZHING, DES 'BRING DRUG SPEL SOGS LA YANG SHES PAR BYA'O, ,LNGA PA TSUL JI LTAR SPEL BA LA KHA CIG , 'BRING DRUG SPEL GYI TSE DANG POR ZAG MED GNYIS, DE RJES ZAG BCAS GNYIS, DE NAS ZAG MED GNYIS SPEL BA YIN ZER NA, MI 'THAD DE, DE RNAMS RE RE NAS SPEL BA YIN PA'I PHYIR TE, DON GSANG LAS, ZAG MED DANG, ZAG BCAS RE RE NAS SPEL BA GSUNGS PA'I PHYIR, KHO NA RE, CHUNG NGU GSUM SPEL NUS NA 'BRING DRUG SPEL NUS PAS KHYAB PAR THAL, DE GNYIS LA GRANGS MANG NYUNG TZAM MA GTOGS SPEL TSUL KHYAD PAR MED PA'I PHYIR, ZER NA MA KHYAB STE, SPEL TSUL KHYAD PAR MED KYANG SBYOR BA GCIG GI BYED PA LA BRTEN NAS CHUNG NGU GSUM SPEL NUS KYANG 'BRING DRUG SPEL MI NUS PA SOGS YOD PA'I PHYIR, MDZOD 'GREL LAS, DANG PO LA NI GSUM PO ZHES BYA BA NI GANG ZAG DE LA NUS PA DE TZAM YOD PA STE, ZHES 'OG MA RNAMS LA YANG SBYAR BAR BYA'O, ,ZHES GSUNGS PA'I PHYIR, SPEL SGOM LA YANG RNAM PA LNGA YOD DE, SPEL TSUL RE RE NAS SPEL BA'I CHUNG NGU GSUM SPEL, 'BRING DRUG SPEL, CHEN PO DGU SPEL, SHIN TU CHEN PO BCU GNYIS SPEL, CHES SHIN TU CHEN PO BCO LNGA SPEL DANG BCAS PA RNAMS SU YOD PA'I PHYIR, 'DI'I SKABS KYI ZAG BCAS GANG LA BYED PA LA, KHA CIG ,DNGOS GZHI ZHI RAGS KYI RNAM PA CAN MED PAS RJES THOB DAG PA 'JIG RTEN PA'I LAM ZHIG LA BYED PA YIN ZHE NA; DE MI 'THAD DE, RJES THOB DAG PA 'JIG RTEN PA'I LAM DU GYUR PA'I GZUGS MED KYI DNGOS GZHI YANG YOD, TSAD MED KYI NGO BOR GYUR PA'I RJES THOB DAG PA BA'I BSAM GTAN GYI DNGOS GZHI YANG YOD PAS, DE DAG PHYIR MI 'ONG GNAS GTZANG DU SKYE BA'I CHA RKYEN DU 'BREL BA MED PA'I PHYIR, DE 'DRA'I SPEL SGOM GYI @15A *, ,NGOS 'DZIN BYED DGOS PA SOGS NI ZHI RAGS KYI RNAM PA CAN GYI BSAM GTAN GYI DNGOS GZHI KHAS MA BLANGS PA'I NYES PA YIN PA SNYING PO RGYAN DU BSHAD PA DANG, RIGS PA DU MA ZHIG GIS KYANG 'GRUB PAS ZHI RAGS KYI RNAM PA CAN GYI BSAM GTAN BZHI PA'I DNGOS GZHI KHAS BLANGS NAS; DE LTA BU'I ZAG MED SPEL BA'I SNYOMS 'JUG ZAG BCAS SU MDZOD CIG ,DNGOS GZHI LA ZHI RAGS KYI RNAM PA CAN MED PA'I RGYU MTSAN DU NYER BSDOGS KYI 'OG SA LA CHAGS BRAL BYAS ZIN PA 'GOD PA MI RIGS TE, DE LTAR NA BAR CHAD MED LAM GYI RANG GI NGOS SKAL GYI SPANG BYA SPANGS ZIN PAS RNAM GROL LAM SGOM PA MI 'THAD PA DANG, 'JIG RTEN PA'I LAM LA THAG SRING GI GNYEN PO MED PA SOGS KYI SKYON SOGS DPAG TU MED PA 'BYUNG BA'I PHYIR, DRUG PA 'BRAS BU SKYE BA 'GRUB TSUL LA, PHYIR MI 'ONG GNAS GTZANG DU SKYE BA LEN PA'I CHA RKYEN DU 'GYUR BA LA NI BSAM GTAN BZHI PA'I DNGOS GZHI LA SPEL SGOM DGOS KYI; 'OG MA RNAMS KYI SPEL SGOM GYIS DER SKYE BA'I CHA RKYEN DU MI 'GYUR TE, DE RNAMS SA SO SO BA YIN PA'I PHYIR, BZHI PA'I SPEL SGOM GYI DNGOS GZHI ZAG BCAS KYIS SKYE BA LEN PA'I CHA RKYEN BYED PA YIN GYI ZAG MED KYI MA YIN TE, DE 'KHOR BA'I SKYE BA RGYUN GCOD BYED YIN PA'I PHYIR, DE YANG DNGOS GZHI ZAG BCAS DE NYID GNAS GTZANG DU SKYE BA LEN PA'I 'PHEN BYED KYI LAS GSAR DU BSAGS PA MA YIN TE, 'PHAGS PAS 'PHEN BYED KYI LAS GSAR DU BSOG PA MED PA'I PHYIR, DES NA DNGOS GZHI ZAG BCAS SKYE BA LEN PA'I CHA RKYEN DU 'GYUR TSUL YOD DE, SNGON SO SKYE'I RTEN LA BSAM GTAN BZHI PA'I SO SKYE'I RNAM SMIN GYI PHUNG PO 'PHEN BYED KYI LAS BSAG PA DE NYID, PHYIR MI 'ONG GI RTEN LA BSAM GTAN SPEL SGOM BYAS PAS DNGOS GZHI ZAG BCAS KYI GSOS BTAB STE, SNGAR GYI 'PHEN BYED KYI LAS DE NYID PHYIS GNAS GTZANG GI PHUNG PO 'GRUB BYED KYI RGYUR BSGYUR BA'I SGO NAS SKYE BA LEN PA'I CHA RKYEN DU SONG BA'I PHYIR, KHA CIG , DNGOS GZHI ZAG BCAS DE GA RANG 'GRUB BYED KYI LAS SU BYAS NAS LAM BDEN DANG KUN 'BYUNG BDEN PA BZHIN DU KHAS LEN PA NI MI RIGS TE, 'PHAGS RGYUD KYI DGE BA LA LAM BDEN GYIS MA KHYAB CING KUN NAS NYON MONGS KYI BDEN PA DANG RNAM BYANG BDEN PA 'GAL BA'I PHYIR, 'PHAR BA GSUM GYI 'PHAR NAS @15B GNAS GTZANG DU SKYE BA LEN PA'I RGYU MTSAN YOD DE, BSAM GTAN GYI DNGOS GZHI BZHI PA THOB PA'I PHYIR MI 'ONG GI 'DOD RTEN LA, BSAM GTAN DANG PO'I DNGOS GZHI'I SPEL SGOM BYAS PAS DNGOS GZHI'I RO MYANGS PA'I DBANG GIS BSAM GTAN DANG POR SKYES, RTEN DE LA BZHI PA'I SPEL SGOM BYAS PAS DE'I DNGOS GZHI ZAG BCAS KYI DBANG GIS GNAS GTZANG DU SKYE BA 'PHAR BAS TSUL DE NYID PHYI MA GNYIS KYI 'PHAR TSUL LA YANG SHES PAR BYA BA YIN PA'I PHYIR, GNAS GTZANG DU SKYE BA LEN PA'I CHA RKYEN GYI SPEL SGOM LA LNGAR NGES TE, SKYE SA'I GNAS GTZANG LA LNGAR NGES PA'I PHYIR, MDZOD LAS, DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES GSUNGS PA'I PHYIR, GNYIS PA GZUGS MED NYER 'GRO'I PHYIR MI 'ONG BSHAD PA LA, 'DOD PA NAS SHI 'PHOS NAS GZUGS MED DU NYING 'TSAMS SBYAR TE, GZUGS MED KYI RTEN LA MYANG 'DAS MNGON DU BYED PA'I 'DOD PA'I RTEN CAN GYI PHYIR MI 'ONG, GZUGS MED NYER 'GRO'I PHYIR MI 'ONG GI MTSAN NYID, DE LA DBYE NA, DER GYUR PA'I SKYE 'DA' BA GSUM, GONG 'PHO BA DANG BCAS PA RNAM PA BZHI YOD DE, MDZOD LAS, GZHAN NI GZUGS MED 'GRO RNAMS BZHI, ,ZHES GSUNGS PA'I PHYIR, BZHI PO DE'I KHYAD PAR YOD DE, GZUGS MED KYI TSE'I 'GO DANG, TSE'I DKYIL DANG, TSE'I MJUG TU MYANG 'DAS MNGON DU BYED PA SKYE 'DA' BA GSUM GYI KHYAD PAR DANG, GZUGS MED DU GONG NAS GONG DU SKYE SRID GNYIS BRGYUD MAR BLANGS NAS GZUGS MED KYI RTEN LA MYANG 'DAS MNGON DU BYED PA'I GZUGS MED NYER 'GRO DE BZHI PA YIN PA'I PHYIR, DE LA BAR 'DA' BA MED DE, GZUGS MED LA BAR DO MED PA'I PHYIR, MTHONG LAM THOB PA'I TSE DE LA MYANG 'DAS MNGON DU BYED PA'I PHYIR MI 'ONG, PHYIR MI 'ONG MTHONG CHOS BZHI'I MTSAN NYID, MDZOD LAS, GZHAN NI 'DI LA MYA NGAN 'DA', ,ZHES GSUNGS PA'I PHYIR, 'GOG SNYOMS THOB LA MA NYAMS PA'I PHYIR MI 'ONG, PHYIR MI 'ONG LUS MNGON BYED KYI MTSAN NYID, MDZOD LAS, 'GOG PA THOB PA'I PHYIR MI 'ONG; ;LUS KYI MNGON DU BYED PAR 'DOD, ,CES GSUNGS PA'I PHYIR, GONG DU BSHAD PA DE DAG LA DOGS PA CUNG ZAD DPYAD NA, GZUGS GZUGS MED KYI NYER 'GRO GNYIS PO DE, 'BRAS BU RIM GYIS PA LA BZHAG TU YOD MOD, CHAGS BRAL SNGON SONG LA YOD DAM MED CES NA, YOD PAR MNGON TE, MTHONG LAM GYI SNGA ROL DU SRID @16A *, ,RTZE'I DNGOS GZHI THOB PA'I CHAGS BRAL SNGON SONG GI PHYIR MI 'ONG 'DOD RTEN PA DE GZUGS MED DU SKYE BA BLANGS NAS RTEN DE LA MYANG 'DAS MNGON DU BYED PA YANG YOD, BSAM GTAN BZHI PA'I DNGOS GZHI THOB NAS GSUM PA MAN CHAD DU MI SKYE YANG BZHI PAR SKYES TE RTEN DE LA MYANG 'DAS MNGON DU BYED PA YOD PA'I PHYIR, TSANGS RIS KYI RTEN CAN GYIS GZUGS KHAMS SU BAR SRID GCIG KHO NA BLANGS TE MYANG 'DAS MNGON DU BYED PA DANG, YANG DE'I RTEN CAN GYIS GZUGS KHAMS SU SKYE SRID GCIG KHO NA BLANGS TE GZUGS KYI RTEN LA MYANG 'DAS MNGON DU BYED PA DANG, YANG DE'I RTEN CAN GYIS GZUGS KHAMS SU SKYE SRID GNYIS BRGYUD MAR BLANGS NAS GZUGS KYI RTEN LA MYANG 'DAS MNGON DU BYED PA RNAMS NI GZUGS NYER 'GRO'I PHYIR MI 'ONG BAR 'DA' BA SOGS MA YIN PAR MA ZAD, BAR 'DA' BA DANG, SKYE 'DA' BA DANG, GONG 'PHO TZAM YANG MA YIN PAR MNGON TE, BAR 'DA' BA MNGON PAR 'GRUB BYED KYI LAS TZAM DANG LDAN PA DANG, SKYE 'DA' BA SKYES NAS MYONG 'GYUR GYI LAS TZAM DANG LDAN PAR GSUNGS PAS BAR SRID GCIG BLANGS NAS 'GRUB BYED KYI LAS DE ZAD PAR NUS, SKYE SRID GCIG BLANGS NAS SKYES GNAS MYONG 'GYUR GYI LAS DE ZAD PAR NUS PA SOGS YIN PA'I PHYIR, PHYIR MI 'ONG LUS MNGON BYED 'DOD PAR TSE YONGS SU MA GYUR PA'I PHYIR MI 'ONG GI NANG DU GRANGS KYANG, 'DOD PAR TSE YONGS GYUR LA DE YOD DE, TSE DE LA MYANG 'DAS MNGON DU BYED NGES KYI 'DZAM BU GLING PA'I RTEN CAN GYI PHYIR MI 'ONG GI RTEN DE LA 'GOG SNYOMS THOB PA YOD PA'I PHYIR, DPYAD PAR BYA'O, ,BZHI PA DGRA BCOM ZHUGS 'BRAS BSHAD PA LA, ZHUGS PA BSHAD PA, 'BRAS GNAS BSHAD PA GNYIS, DANG PO LA, MTSAN NYID, DBYE BA, PHYE BA SO SO'I DON, SPANGS RTOGS KYI KHYAD PAR, SA MTSAMS RNAMS LAS, DANG PO NI, GONG MA'I CHA MTHUN LNGA SPANGS PA'I RAB TU PHYE BA'I DGE SBYONG TSUL GYI 'BRAS BU THOB PHYIR DU BRTZON BZHIN PA'I ZHUGS PA'I GANG ZAG , DGRA BCOM ZHUGS PA'I MTSAN NYID, DE LA DBANG PO'I SGO NAS DBYE NA, DBANG PO RNO RTUL GNYIS, SPANG BYA SPONG TSUL GYI SGO NAS DBYE NA SPANG BYA RIM BRGYUD PA'I DGRA BCOM ZHUGS PA DANG, CIG CAR BA'I DGRA BCOM ZHUGS PA GNYIS, PHYE BA SO SO'I DON LA, KHAMS GSUM SA DGU'I SGOM SPANGS NYON MONGS CHUNG @16B NGU'I CHUNG NGU DGU CIG CAR DU SPANGS PA'I DGRA BCOM GYI 'BRAS BU THOB PHYIR DU BRTZON BZHIN PA'I DGRA BCOM ZHUGS PA, CIG CAR BA'I DGRA BCOM ZHUGS PA'I MTSAN NYID, DE RIM GYIS SPANGS PA'I DGRA BCOM GYI 'BRAS BU THOB PHYIR DU BRTZON BZHIN PA'I DGRA BCOM ZHUGS PA, GNYIS PA'I MTSAN NYID, DGRA BCOM GYI 'BRAS BU THOB PHYIR DU BRTZON BZHIN PA'I 'BRAS BU RIM GYIS PA'I PHYIR MI 'ONG, 'BRAS BU RIM GYIS PA'I DGRA BCOM ZHUGS PA'I MTSAN NYID, DE DAG GI SPANGS RTOGS KYI KHYAD PAR YOD DE, MTHONG SPANGS KUN SBYOR GSUM NGES PAR SPANGS PAS KHYAB, 'DOD NYON DANG PO NAS SRID NYON BRGYAD PA'I BAR SPANGS MA SPANGS CI RIGS SU YOD, DGU PA NGES PAR MA SPANGS PAS KHYAB, RTOGS PA'I KHYAD PAR DE DAG GI GNYEN PO ZAG MED KYI DBANG PO THOB MA THOB CI RIGS YOD PA'I PHYIR, SA MTSAMS SPANG BYA CIG CAR BA'I RGYUN ZHUGS 'BRAS GNAS KHYAD PAR CAN THOB PA NAS SRID NYON DGU PA'I DNGOS GNYEN BAR CHAD MED LAM LA GNAS KYI BAR DU YOD, GNYIS PA DGRA BCOM 'BRAS GNAS LA MTSAN NYID, DBYE BA, PHYE BA SO SO'I DON BSHAD PA, DANG PO LA, GONG MA'I CHA MTHUN LNGA SPANGS PA'I RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG ,DGRA BCOM 'BRAS GNAS KYI MTSAN NYID, GONG MA'I CHA MTHUN LNGA'I KHYAD PAR YOD DE, GZUGS GZUGS MED KYI 'DOD CHAGS GNYIS, NGA RGYAL, RGOD PA, MA RIG PA'O, ,GNYIS PA LA, SPANG BYA SPONG TSUL GYI DBYE BA, YON TAN THOB TSUL GYI DBYE BA, DBANG PO'I SGO NAS DBYE BA RNAMS LAS, DANG PO LA, KHAMS GSUM SA DGUS BSDUS PA'I SGOM SPANGS NYON MONGS CHEN PO'I CHEN PO DGU CIG CAR DU SPANGS PA NAS CHUNG NGU'I CHUNG NGU DGU CIG CAR DU SPANGS PA'I DGRA BCOM 'BRAS GNAS, SPANG BYA CIG CAR BA'I DGRA BCOM 'BRAS GNAS KYI MTSAN NYID, CI YANG MED KYI NYON MONGS DGU PA SPANGS RJES SU SRID RTZE'I DGU PA SPANGS PA'I DGRA BCOM 'BRAS GNAS, SPANG BYA RIM GYIS PA'I DGRA BCOM 'BRAS GNAS KYI MTSAN NYID, RANG DANG RGYUD GCIG DU GYUR PA'I 'BRAS BU RIM GYIS PA'I PHYIR MI 'ONG GI STOBS KYIS THOB PA'I DGRA BCOM 'BRAS GNAS, 'BRAS BU RIM GYIS PA'I DGRA BCOM 'BRAS GNAS KYI MTSAN NYID, GNYIS PA LA, MNGON SHES THOB MA THOB KYI SGO NAS DGRA BCOM RGYAN BCAS RGYAN MED GNYIS, 'GOG SNYOMS THOB MA THOB KYI SGO NAS GNYIS KA'I CHA @17A *, ,LAS RNAM GROL GYI DGRA BCOM 'BRAS GNAS, SHES RAB RKYANG PAS RNAM GROL GYI DGRA BCOM 'BRAS GNAS GNYIS YOD, MDZOD LAS, 'GOG THOB GNYIS KA LAS RNAM GROL, ,SHES RAB KYIS NI CIG SHOS SO, ,ZHES GSUNGS PA'I PHYIR, GSUM PA LA DBANG PO RNO RTUL GYI SGO NAS DBYE NA, DBANG RTUL DUS SBYOR BA DANG, DBANG RNON DUS MI SBYOR DANG GNYIS, DANG PO LA, DGRA BCOM PA NYAMS PA'I CHOS CAN, 'CHI BA SEMS PA BA, RJES SU BSRUNG BA PA, GNAS PA LAS MI BSKYOD PA, RTOGS PA'I 'OS SU GYUR PA DANG LNGA, DGRA BCOM PA MI G-YO BA'I CHOS CAN DRUG PA DANG DON GCIG PA YIN TE, MDZOD LAS, DGRA BCOM DRUG 'DOD DE DAG LAS, ,LNGA NI DAD PAS MOS LAS BYUNG, ,DE DAG RNAM GROL DUS DANG SBYOR, ,MI G-YO CHOS CAN MI G-YO BA, ,ZHES GSUNGS PA'I PHYIR, DANG PO LNGA'I KHYAD PAR, KUN BTUS DANG NYAN THOS SDE PA'I GZHUNG LAS BSHAD TSUL YOD DE, BDAG BSAD KYANG RUNG MA BSAD KYANG RUNG DGRA BCOM GYI RTOGS PA LAS NYAMS PAR 'GYUR BA'I DGRA BCOM DANG PO, ,BDAG BSAD NA MI NYAMS MA BSAD NA NYAMS PAR 'GYUR BA'I DGRA BCOM GNYIS PA, BDAG BSOD MI DGOS SHING 'DOD YON LAS SEMS BSRUNGS NA MI NYAMS MI BSRUNGS NA NYAMS PAR 'GYUR BA'I DGRA BCOM GSUM PA DANG; DGRA BCOM GYI RTOGS PA LAS MI NYAMS KYANG TSE 'DIR DBANG RNON DU 'PHO MI NUS PA BZHI PA DANG, DBANG RNON DU 'PHO NUS PA LNGA PAR BSHAD PA'I PHYIR, DBU MA PA'I LUGS LA DE LTAR MI 'DOD DE, DGRA BCOM GYI SPANGS RTOGS LAS NYAMS PA MED PA'I PHYIR, 'ON KYANG MTHONG CHOS LA BDE GNAS KYI RTOGS PA LAS NYAMS MI NYAMS KYI SGO NAS SBYAR NA BSHAD DU RUNG BAR MNGON NO, ,DE LTAR BYAS NA DGRA BCOM SPANGS RTOGS LAS NYAMS PA MED KYANG, DGRA BCOM GYI RTOGS PA YIN NA RANG NYID LAS MI NYAMS PAS MA KHYAB STE, DGRA BCOM PA MTHONG CHOS LA BDE GNAS KYI RTOGS PA LAS NYAMS PA YOD PA'I PHYIR, ` ,MTSON BYA DON GYI DGE 'DUN BSHAD PA LA, DGE 'DUN GYI GRANGS 'DREN TSUL, THEG CHEN 'PHAGS PA LA RGYUN ZHUGS SOGS KYI THA SNYAD GSUNGS PA'I DGOS PA SOGS BSHAD PA GNYIS LAS, DANG PO LA, DGE 'DUN DKON MCHOG GI SKABS SU DGE 'DUN GYI DBYE BA MANG DU GSUNGS PA RNAMS BSTAN BCOS 'DIR NYI SHUR @17B BSDUS NAS 'CHAD CING DE'I TSUL YANG SHANTI PA DANG BUDDHA SHR'I GNYIS KYI NI, RTZA BA'I SGRAS ZIN LTAR BZHED DE, DE YANG RGYUN ZHUGS ZHUGS PA DBANG PO RNO RTUL GNYIS, BAR PA GNYIS KYI ZHUGS PA GNYIS, RGYUN ZHUGS RIGS NAS RIGS SKYE PHYIR 'ONG TSE GCIG BAR CHAD GCIG PA, 'DA' BA BZHI, 'OG MIN MTHAR THUG 'GRO, 'PHAR BA GSUM, SRID RTZE'I MTHAR THUG 'GRO ,GZUGS MED NYER 'GRO ,MTHONG CHOS ZHI, LUS MNGON BYED, BSE RU RANG SANGS RGYAS DANG NYI SHU'O, ,'PHAGS GROL GYI RTZA BA'I SGRAS ZIN BCU DRUG ,KHA BSKANG BA BZHI DANG BCAS PA'I NYI SHUR BZHED DE, DE YANG BZHAN RNAMS SNGAR DANG 'DRA BA LA 'OG MIN MTHAR THUG 'GRO; 'PHAR BA GSUM, SRID RTZE'I MTHAR THUG 'GRO RNAMS LA GONG 'PHO ZHES GCIG TU BYED, KHA BSKANG BA BZHI NI RGYUN ZHUGS ZHUGS PA, 'BRAS GNAS BAR PA GNYIS, DGRA BCOM ZHUGS PA DANG BZHIS KHA BSKANG NAS DE LTAR 'DREN PA'I PHYIR, SLOB DPON GYI LUGS LA, RTZA BA'I SGRAS ZIN BCU BDUN KHA BSKONG GSUM DANG BCAS PA'I NYI SHUR BYED PA YIN TE, RGYUN ZHUGS ZHUGS PA DBANG PO RNO RTUL GNYIS BAR PA GNYIS KYI ZHUGS PA GNYIS, RGYUN ZHUGS 'BRAS GNAS TZAM PO BA KHA BSKANG, RGYUN ZHUGS RIGS SKYE GNYIS PHYIR 'ONG TSE GCIG BAR CHAD GCIG PA, SHUGS BSTAN PHYIR 'ONG 'BRAS GNAS TZAM PO, , BAR 'DA' BA SKYE 'DA' BA GSUM, 'OG MIN 'GRO DBYE GZHIR BYAS NAS 'PHAR BA GSUM, SRID RTZE'I MTHAR THUG 'GRO'I MING CAN GYI CHAGS BCOM DBYE GZHIR BYAS PA'I MTHONG CHOS ZHI LUS MNGON BYED GNYIS, DGRA BCOM 'BRAS GNAS KHA BSKANG, BSE RU RANG SANGS RGYAS DANG NYI SHUR BZHED PA'I PHYIR, GNYIS PA RGYUN ZHUGS SOGS KYI MING GIS BTAGS PA'I DGOS PA SOGS LA, MDO LAS THEG CHEN 'PHAGS PA LA RGYUN ZHUGS SOGS KYI MING GIS BTAGS PA'I RGYU MTSAN YOD DE, DE DANG MTHONG SPANGS KUN SBYOR GSUM SPANGS PA'I NGOS NAS SPANGS RTOGS CHOS MTSUNGS CUNG ZAD RTZI RUNG BA LA DGONGS PA'I PHYIR, DGOS PA YOD DE, SGRUB PHYOGS NAS NYAN THOS RIGS MA NGES PA 'GA' ZHIG THEG CHEN LAM LA DKRI BA DANG, THEG PA CHE CHUNG GANG GI DBANG DU BYAS KYANG DGE 'DUN DKON MCHOG LA MCHOD PA SOGS KYI BYA BA BYED PA LA MOS PA'I DGOS PA YOD, DGAG PHYOGS NAS SKYES BU ZUNG BZHI DANG GANG ZAG YA BRGYAD LA SOGS PA'I RNAM GZHAG MA BSTAN @18A *, ,NA LAM SGRUB PA'I ZLA GROGS MA BSTAN PAS SANGS RGYAS KYI BKA' MA YIN NAM SNYAM PA'I LOG RTOGS DGAG PA'I CHED YIN PA'I PHYIR TE, MTSON BYED DPE'I DGE 'DUN NYI SHUS MTSON TE THEG CHEN GYI DGE 'DUN LA YANG DGE BDUN NYI SHU'I MING GI THA SNYAD KYIS BSTAN PA'I PHYIR, DNGOS LA GNOD BYED YOD DE, BYANG 'PHAGS LAS NYON GYI DBANG GIS LHA MI'I RIGS NAS RIGS SU SKYE BA SOGS MED PA'I PHYIR, MTSON BYED DPE'I DGE 'DUN DANG, MTSON BYA DON GYI DGE 'DUN GNYIS KA'I RNAM GZHAG RGYAS PAR GZHAN LAS SHES PAR BYA'O,, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL GYI SPYI DON RNAM BSHAD SNYING PO RGYAN GYI SNANG BA ZHES BYA BA MKHAS SHING GRUB PA BRNYES PA'I DGE SLONG DGE 'DUN BSTAN PA DAR RGYAS KYIS SBYAR BA'I DGE 'DUN NYI SHU'I SPYI DON BSHAD ZIN TO,