@1A *, ,BSAM GZUGS KYI SPYI DON LEGS PAR BSHAD PA'I SNYING PO PADMA DKAR PO'I 'PHRENG BA ZHES BYA BA BZHUGS SO, , @1B *, ,GNYIS PA LA SNYOM [*SNYOMS, THROUGHOUT] 'JUG GI RTEN BSHAD PA DANG, BRTEN PA SNYOM 'JUG BSHAD PA DANG GNYIS, DANG PO LA LUS RTEN BSHAD PA DANG, SEMS RTEN BSHAD PA DANG GNYIS, DANG PO LA, NGAN SONG GSUM DANG TSE DE LA CHOS SPONG DANG MTSAMS MED KYI LAS STOBS CHEN BSAGS LA MA SBYANGS PA DANG, ZA MA DANG MA NING DANG BYANG GI SGRA MI SNYAN PA MA GTOGS PA'I GLING GSUM GYI MI DANG, 'DOD GZUGS KYI LHA'I RTEN LA BSAM GTAN DANG GZUGS MED KYI SNYOM 'JUG GSAR DU SKYE STE, DE RNAMS NI ZHI LHAG LA SOGS PA'I YON TAN DE RNAMS SKYE BA'I RTEN DU GSUNG RAB DGONGS 'GREL DANG BCAS PA NAS BSNGAGS PA'I PHYIR, NGAN SONG GSUM LA SOGS PA'I RTEN LA SNYOM 'JUG DE DAG GSAR DU MI SKYE STE, DE RNAMS NI ZHI LHAG LA SOGS PA'I YON TAN DE RNAMS SKYE BA LA MI KHOM PAR GSUNGS PA'I PHYIR, MI KHOM PA YIN TE, NGAN SONG GSUM DANG TSE DE LA MTSAMS MED KYI LAS STOBS CHEN BSAGS LA MA SBYANGS PA RNAMS LAS KYI SGRIB PA SHAS CHEN POS BSGRIBS, ZA MA DANG MA NING RNAMS NYON MONGS PA'I SGRIB PA SHAS CHEN POS BSGRIBS, BYANG GI SGRA MI SNYAN PA RNAMS RNAM SMIN GYI SGRIB PA SHAS CHEN POS BSGRIBS PA'I PA'I PHYIR, KHA CIG GIS 'OG SA'I RTEN LA GONG SA'I SNYOM 'JUG GSAR SKYE YOD KYANG RANG SA'I RTEN LA RANG SA'I SNYOM 'JUG DANG GONG SA'I RTEN LA 'OG SA'I SNYOM 'JUG GSAR SKYE MED DO ZHE NA MI 'THAD DE, BSAM GTAN DANG PO'I RTEN LA BSAM GTAN DANG PO'I DNGOS GZHI GSAR SKYE YOD PA'I PHYIR, DER THAL, BSAM GTAN DANG PO'I DNGOS GZHI LAS NYAMS PA'I BSAM GTAN DANG PO'I SO SKYE YOD PA'I PHYIR TE, 'DOD PA'I NYON MONGS MNGON DU GYUR PA'I BSAM GTAN DANG PO'I SO SKYE YOD PA'I PHYIR, DER THAL, 'DOD PA'I BAR SRID KYI RNAM SMIN GYI PHUNG PO 'PHEN BYED KYI LAS LA GSOS 'DEBS BYED KYI SRED PA RGYUD LA LDAN PA'I BSAM GTAN DANG PO'I SO SKYE YOD PA'I PHYIR TE, 'DOD @2A #, ,PA'I BAR SRID DU SKYE BA LEN KHA MA'I BSAM GTAN DANG PO BA'I SO SKYE YOD PA'I PHYIR, GONG SA'I RTEN LA 'OG SA'I SNYOM 'JUG GSAR SKYE YOD PAR THAL, SRID RTZE'I RTEN LA CI YANG MED KYI DNGOS GZHI GSAR DU SKYE BA YOD PA'I PHYIR TE, SRID RTZE'I RTEN CAN GYI PHYIR MI 'ONG DES CI YANG MED KYI DNGOS GZHI LA BRTEN NAS 'DAS LAM MNGON DU BYED PA'I PHYIR, MDZOD LAS, SRID RTZE'I 'PHAGS PAS CI YANG MED, ,MNGON DU BYAS NAS ZAG PA ZAD, ,CES GSUNGS PA'I PHYIR, KHA CIG GIS SKYON MED DE, DE NI MDZOD PA'I LUGS YIN NO ZHE NA, 'O NA SRID RTZE'I RTEN CAN GYI PHYIR MI 'ONG DES SRID RTZE'I DNGOS GZHI LA BRTEN NAS MYANG 'DAS MNGON DU BYED PAR THAL, DES CI YANG MED MAN CHAD KYI SNYOM 'JUG LA BRTEN NAS MYANG 'DAS MNGON DU MI BYED PA'I PHYIR, 'DOD MI NUS TE, 'GREL CHEN LAS, GANG YANG 'DOD PA KHAMS DANG SRID RTZE NA, ,BYANG CHUB LAM GYI YAN LAG SPANGS, ,ZHES BYA BA NI THABS LA MI MKHAS PA'I NYAN THOS KYI DBANG DU BYAS PA YIN PAS DE DANG 'DI LA 'GAL BA NI MED DO ZHES GSUNGS PA'I PHYIR, DE LTAR YIN KYANG, BSAM GTAN GZUGS MED RANG DANG NI, ,GONG SA'I RTEN CAN 'OG DGOS MED, ,CES GSUNGS PA DANG 'GAL BA'I SKYON MED DE, DE'I DON NI RANG SA'I DNGOS GZHI LAS MA NYAMS BZHIN DU 'OG SA'I DNGOS GZHI GSAR DU 'THOB PA MED PA DE GZHUNG DE'I DON YIN PA DANG, SRID RTZE'I RTEN CAN GYI PHYIR MI 'ONG CI YANG MED KYI DNGOS GZHI LA BRTEN NAS MYANG 'DAS MNGON DU BYED PA DMIGS BSAL YIN PA'I PHYIR, GNYIS PA SEMS RTEN BSHAD PA LA, KHA CIG ,BSAM GTAN GYI DNGOS GZHI'I SEMS RTEN LA BSAM GTAN GYI DNGOS GZHI YIN PAS KHYAB PA DANG, GZUGS MED KYI DNGOS GZHI'I SEMS RTEN LA GZUGS MED KYI DNGOS GZHIS KHYAB ZER NA, BSAM GTAN GYI DNGOS GZHI'I LUS RTEN GSAR DU THOB PA'I GANG ZAG YIN NA, BSAM GTAN GYI DNGOS GZHI GSAR DU THOB PA'I GANG ZAG @2B YIN DGOS PAR THAL, DE'I SEMS RTEN LA DE'I PHYIR, DER THAL, KHYOD KYI DAM BCA' 'THAD PA'I PHYIR, 'DOD MI NUS TE, DE GSAR DU THOB DGOS KYI DE'I RTEN CAN GYI GANG ZAG YOD PA'I PHYIR TE, DE THOB DGOS KYI GANG ZAG YOD PA'I PHYIR, GZHAN YANG, THEG CHEN SEMS BSKYED KYI SEMS RTEN YIN NA THEG CHEN SEMS BSKYED YIN PAS KHYAB PA DANG, THEG CHEN SGOM LAM BAR CHAD MED LAM GYI SEMS RTEN YIN NA YANG DE YIN PAS KHYAB PA DANG, BYANG SEMS KYI RGYUD KYI GZUGS CAN GZUGS LA BLTA BA'I RNAM THAR GYI SEMS RTEN LA YANG DE YIN PAS KHYAB PAR THAL, KHYOD KYI RTZA BA'I DAM BCA' 'THAD PA'I PHYIR, 'DOD NA, THEG CHEN SEMS BSKYED KYI SEMS RTEN DU GYUR PA'I DAD PA CHOS CAN, SEMS BSKYED DU THAL, DE'I SEMS RTEN YIN PA'I PHYIR, RTAGS BSGRUBS ZIN, 'DOD MI NUS TE, SEMS BYUNG YIN PA'I PHYIR, GZHAN YANG THEG CHEN SGOM LAM BAR CHAD MED LAM GYI SEMS RTEN DU GYUR PA'I 'DOD SEMS CHOS CAN, THEG CHEN SGOM LAM BAR CHAD MED LAM DU THAL, DE'I SEMS RTEN YIN PA'I PHYIR, DER THAL, DE YOD PA'I PHYIR TE, SA DGU LA NI CHEN PO YI, ,ZHES GSUNGS PA'I PHYIR, 'DOD NA, MNYAM GZHAG GI SAS BSDUS YIN PAR THAL, 'DOD PA'I PHYIR, 'DOD MI NUS TE; SLOB PA'I RGYUD KYI 'DOD SEMS YIN PA'I PHYIR, GZHAN YANG BYANG SEMS KYI RGYUD KYI GZUGS CAN GZUGS LA BLTA BA'I RNAM THAR GYI SEMS RTEN DU GYUR PA'I GZUGS MED KYI DNGOS GZHI CHOS CAN, GZUGS CAN GZUGS LA BLTA BA'I RNAM THAR DU THAL, DE'I SEMS RTEN YIN PA'I PHYIR, DER THAL, DE YOD PA'I PHYIR, DER THAL, NYI SNANG LAS, BSAM GTAN NAM GZUGS MED PA'I SNYOM PAR 'JUG PA LA BRTEN NAS ZHES DE'I SEMS RTEN LA BSAM GZUGS KYI DNGOS GZHI GDAM NGA CAN DU GSUNGS PA'I PHYIR, 'DOD NA, GZUGS YUL DU BYED PAR THAL, 'DOD PA'I PHYIR, 'DOD MI NUS TE; SLOB PA'I RGYUD KYI GZUGS MED KYI DNGOS GZHI YIN PA'I PHYIR, DE LTAR YIN KYANG, LEGS BSHAD GSER PHRENG LAS, 'O NA, RTEN DANG BRTEN PAR 'GYUR TSUL JI 'DRA BA ZHE NA, 'DI NI MKHAR GZHONG LA RGYA SHUGS RTEN PA DANG SA BON LAS MYU GU SKYE BA DE LA RTEN ZHES PA LTA BU YANG MA YIN NO @3A *, ,'O NA CI ZHE NA, BRTEN PAR BSHAD PA DE RNAM PA GANG DANG GANG GI NGO BOR SKYES PA LA RTEN PA'I THA SNYAD BYAS PA STE, TSUL 'DI NI LAM GYI SEMS RTEN THAMS CAD LA RIGS PAR BYA STE, ZHES GSUNGS PA DANG MI 'GAL TE, DE'I DON NI, MNGON SHES DANG DE'I SEMS RTEN DU GYUR PA'I BSAM GTAN GYI DNGOS GZHI GNYIS PO DE MKHAR GZHONG LA RGYA SHUG BRTEN PA DANG, SA BON LA MYU GU BRTEN PA LTA BU'I NGO BO THA DAD PA'I RTEN BRTEN PA MA YIN PAR BSAM GTAN GYI DNGOS GZHI LA BRTEN NAS SGRUB PA'I MNGON SHES YIN NA BSAM GTAN GYI DNGOS GZHI YIN PAS KHYAB PAS NA, BSAM GTAN GYI DNGOS GZHI LA BRTEN NAS SGRUB PA'I LAM YIN NA BSAM GTAN GYI DNGOS GZHI YIN PAS KHYAB PA'I DON YIN PA'I PHYIR, RANG LUGS LA, BSAM GTAN GYI SNYOM 'JUG GI SEMS RTEN GYI KHYAD PAR YOD DE, BSAM GTAN DANG PO'I DNGOS GZHI LTA BU LA MTSON NA BSAM GTAN DANG PO'I NYER BSDOGS SBYOR BA MTHAR THUG PA'I 'BRAS BU'I YID BYED DE RANG GI SEMS RTEN DU GYUR PA'I BSAM GTAN DANG PO'I NYER BSDOGS SBYOR BA MTHA'I YID BYED LA BRTEN NAS SKYE BA DANG, BSAM GTAN DANG PO'I NYER BSDOGS MTSAN NYID SO SOR RIG PA YID BYED DE, DE'I RTEN DU GYUR PA'I BSAM GTAN DANG PO'I NYER BSDOGS KYI NGO BOR GYUR PA'I ZHI GNAS LA BRTEN NAS SKYE, DE YANG RANG GI SEMS RTEN DU GYUR PA'I YID BYED DGU PA BTANG SNYOMS SU BYED PA'I YID BYED LA BRTEN NAS SKYE BA'I PHYIR, GNYIS PA BRTEN PA SNYOM 'JUG BSHAD PA LA, BSAM GTAN GYI SNYOM 'JUG BSHAD PA DANG, GZUGS MED KYI SNYOM 'JUG BSHAD PA GNYIS, DANG PO LA, ZHI RAGS KYI RNAM PA CAN GYI DBANG DU BYAS NAS BSAM GTAN GYI SNYOM 'JUG RGYAS PAR BSHAD PA DANG, ZAG MED BDEN PA'I RNAM PA CAN LA DOGS PA DPYAD PA DANG GNYIS, DANG PO LA RGYU SNYOM 'JUG GI BSAM GTAN BSHAD PA 'BRAS BU SKYE BA'I BSAM GTAN BSHAD PA DANG GNYIS, DANG PO LA, KHA CIG ,RANG GI 'OG SA LA CHAGS PA DANG BRAL BYED KYI DGE SEMS RTZE GCIG PA MTSUNGS LDAN DANG BCAS PA, BSAM GTAN GYI SNYOM 'JUG GI MTSAN NYID ZER NA, PHYI ROL PA'I RGYUD KYI BSAM GTAN DANG PO'I DNGOS GZHI @3B CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE'I PHYIR, 'DOD NA, RANG GI 'OG SA 'DOD PA LA CHAGS PA DANG BRAL BYED YIN PAR THAL, 'DOD PA'I PHYIR, 'DOD MI NUS TE, DE LA CHAGS PA DANG BRAL ZIN PA'I PHYIR, DER THAL, CHOS CAN DE YIN PA'I PHYIR, KHA CIG , RANG GI 'OG SA LA CHAGS PA DANG BRAL ZIN PA'I DGE SEMS RTZE GCIG PA MTSUNGS LDAN DANG BCAS PA, DE'I MTSAN NYID ZER NA, PHYI ROL PA'I RGYUD KYI BSAM GTAN DANG PO'I NYER BSDOGS CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE'I PHYIR, 'DOD MI NUS TE, DE LA CHAGS PA DANG BRAL BYED YIN PA'I PHYIR, DER THAL, CHOS CAN DE'I PHYIR, KHA CIG ,BSAM GTAN DANG PO'I NYER BSDOGS DE BSAM GTAN GYI SNYOM 'JUG MA YIN ZER NA, 'O NA DE 'DOD SEMS YIN PAR THAL, DE GONG MA'I SNYOM 'JUG MA YIN PA'I PHYIR, 'DOD NA SPANG BYA CIG CAR BA'I RGYUN ZHUGS DES 'DOD SEMS LA BRTEN NAS MYANG 'DAS MNGON DU BYED PAR THAL, DES BSAM GTAN DANG PO'I NYER BSDOGS MI LCOGS MED LA BRTEN NAS MYANG 'DAS MNGON DU BYED PA GANG ZHIG ,DE 'DOD SEMS YIN PA'I PHYIR, PHYI MA DER THAL, BSAM GTAN DANG PO'I NYER BSDOGS 'DOD SEMS YIN PA'I PHYIR, RTZA BAR 'DOD MI NUS TE, GANG YANG 'DOD PA KHAMS DANG SRID RTZE NA, ,ZHES SOGS GSUNGS PA'I PHYIR, GZHAN YANG BSAM GTAN SA DRUG MED PAR THAL, BSAM GTAN DANG PO'I NYER BSDOGS MI LCOGS MED BSAM GTAN GYI SNYOM 'JUG MA YIN PA'I PHYIR, KHA CIG ,YAN LAG GI SGO NAS RANG GI 'OG SA LA CHAGS PA DANG BRAL BYED KYI DGE SEMS RTZE GCIG PA MTSUNGS LDAN DANG BCAS PA DANG BRAL ZIN PA'I DGE SEMS RTZE GCIG PA MTSUNGS LDAN DANG BCAS PA GANG RUNG DU GYUR PA'I SNYOM 'JUG DE, RGYU SNYOM 'JUG GI BSAM GTAN GYI MTSAN NYID ZER NA, PHYI ROL PA'I RGYUD KYI GZUGS MED NAM MKHA'I NYER BSDOGS CHOS CAN, MTSON BYA DER THAL, MTSAN NYID DER THAL, DER THAL, YAN LAG GI SGO NAS RANG GI 'OG SA LA CHAGS PA DANG BRAL BYED KYI DGE SEMS RTZE GCIG PA MTSUNGS LDAN DANG BCAS PA YIN PA'I PHYIR, GNYEN PO'I YAN LAG GI SGO NAS RANG GI @4A *, ,'OG SA BSAM GTAN BZHI PA LA CHAGS PA DANG BRAL BYED KYI DGE SEMS RTZE GCIG PA MTSUNGS LDAN DANG BCAS PA YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, BSAM GTAN GYI SNYOM 'JUG MA YIN PA'I PHYIR, DER THAL, CHOS CAN DE'I PHYIR, GZHAN YANG, LHAG MED MYANG 'DAS LA GNAS PA'I NYAN THOS DGRA BCOM PA'I RGYUD KYI BSAM GTAN BZHI PA'I DNGOS GZHI CHOS CAN, MTSON BYA DER THAL, MTSAN NYID DE'I PHYIR, DER THAL, DE LA CHAGS PA DANG BRAL ZIN PA'I SNYOM 'JUG YIN PA'I PHYIR, 'DOD NA, RANG RGYUD LA LDAN PA'I GANG ZAG 'KHOR BA'I GNAS SU SKYE BA LEN PA'I RGYU BYED PAR THAL, 'DOD PA'I PHYIR, RANG LUGS LA, BSAM GTAN GYI SNYOM 'JUG GI MTSAN NYID, DBYE BA, BSDU BA, GRANGS NGES, PHYE BA SO SO'I DON BSHAD PA DANG LNGA, DANG PO LA, DMIGS PA DANG YAN LAG GNYIS KYI NANG NAS YAN LAG MI 'DRA BA'I SGO NAS BZHAG PAS RAB TU PHYE BA'I GONG MA'I SNYOM 'JUG, BSAM GTAN GYI SNYOM 'JUG GI MTSAN NYID, RANG RGYUD LDAN GYI GANG ZAG GZUGS KHAMS SU SKYE BA LEN PA'I THUN MONG MA YIN PA'I RGYU BYED PA'I BSAM GTAN GYI SNYOM 'JUG DE, RGYU SNYOM 'JUG GI BSAM GTAN GYI MTSAN NYID, GNYIS PA LA, DE LA DBYE NA BSAM GTAN DANG PO'I SNYOM 'JUG SOGS BZHI YOD, GSUM PA LA, BSAM GTAN GYI SNYOM 'JUG RNAMS BSDU NA RTOG BCAS DPYOD BCAS DANG, RTOG MED DPYOD TZAM, RTOG MED DPYOD MED DANG GSUM DU 'DU STE, BSAM GTAN DANG PO'I DNGOS GZHI TZAM PO DE DANG PO DANG, DE KHYAD PAR CAN DE GNYIS PA DANG, BSAM GTAN GNYIS PA'I SNYOM 'JUG YAN CHAD RNAMS GSUM PA YIN PA'I PHYIR, BZHI PA GRANGS NGES LA, BSAM GTAN GYI SNYOM 'JUG RNAMS BZHIR GRANGS NGES TE, YID 'BYUNG BYA 'KHOR BA'I SDUG BSNGAL RAGS PA'I DBANG DU BYAS NA'ANG BZHIR GRANGS NGES, GANG DU SKYE BA LEN PA'I GNAS KYI DBANG DU BYAS NA'ANG BZHIR GRANGS NGES PA'I PHYIR, DANG PO DER THAL, 'KHOR BA'I SDUG BSNGAL RAGS PA DE LA TSOR BA YID MI BDE SDUG BSNGAL GYI DBANG PO, ,TSOR BA YID BDE, BDE BA'I DBANG PO DANG BZHI YOD PAS, DANG PO LA CHAGS PA DANG BRAL BYED DU BSAM @4B GTAN DANG PO'I SNYOM 'JUG BZHAG PA NAS, BZHI PA DE LA CHAGS PA DANG BRAL BYED DU BSAM GTAN BZHI PA'I SNYOM 'JUG BZHAG PA YIN PA'I PHYIR, TSOR BA BTANG SNYOMS LA CHAGS PA DANG BRAL BYED DU BSAM GTAN GYI SNYOM 'JUG LNGA PA MI 'JOG PA'I RGYU MTSAN YOD DE, TSOR BA BTANG SNYOMS DE KHYAB PA 'DU BYED KYI SDUG BSNGAL PHRA MO YIN PAS BYIS PA'I LAM GYIS DE LA CHAGS PA DANG BRAL BA MI NUS PAS DE LA CHAGS PA DANG BRAL BYED DU ZAG MED BDEN PA'I RNAM PA CAN GYI LAM GSUNGS PA'I PHYIR, BSAM GTAN DANG PO'I SO SKYE'I RGYUD LA TSOR BA SDUG BSNGAL GYI DBANG PO MED KYANG, DES SPANGS ZHES NI MI BYA STE, DE'I RGYUD LA TSOR BA SDUG BSNGAL GYI GNAS NGAN LEN DANG BCAS PA'I PHYIR, BSDU BA LAS, CI'I PHYIR BSAM GTAN DANG PO LA SDUG BSNGAL GYI DBANG PO MA SPANGS ZHE NA SMRAS PA DE LA DE'I PHYOGS KYI GNAS NGAN LEN DANG BCAS PA'I PHYIR, ZHES GSUNGS PA'I PHYIR, GANG DU SKYE BA LEN PA'I GNAS KYI DBANG DU BYAS NA YANG BZHIR GRANGS NGES TE, RGYU SNYOM 'JUG GI BSAM GTAN DANG PO'I DNGOS GZHI CHUNG NGU 'BRING CHEN PO GSUM BSGOMS PA LA BRTEN NAS RIM PA BZHIN DU TSANGS RIS, TSANGS PA MDUN NA 'DON, TSANGS CHEN GSUM DU SKYE BA LEN, RGYU SNYOM 'JUG GI BSAM GTAN GNYIS PA CHUNG NGU 'BRING CHEN PO GSUM BSGOMS PA LA BRTEN NAS RIM PA BZHIN DU 'OD CHUNG, TSAD MED 'OD, 'OD GSAL GSUM DU SKYE BA LEN, GSUM PA CHUNG NGU 'BRING CHEN PO GSUM BSGOMS PA LAS, DGE CHUNG, TSAD MED DGE, DGE RGYAS GSUM DU RIM PAR SKYE BA LEN, BZHI PA CHUNG NGU 'BRING CHEN PO GSUM BSGOMS PAS RIM PA BZHIN DU SPRIN MED, BSOD NAMS SKYES, 'BRAS BU CHE BA GSUM DU SKYE BA LEN PAR BYED PAS DER NGES PA'I PHYIR, LNGA PA PHYE BA SO SO'I DON BSHAD PA LA, BSAM GTAN DANG PO'I SNYOM 'JUG BSHAD PA LA, KHA CIG ,RTOG DPYOD GNYEN PO'I YAN LAG DANG LDAN, DGA' BDE PHAN YON GYI YAN LAG DANG LDAN, TING NGE 'DZIN GNAS KYI YAN LAG DANG LDAN PA'I BSAM GTAN GYI SNYOM 'JUG, BSAM GTAN DANG PO'I SNYOM 'JUG GI MTSAN NYID, ZER NA, BSAM GTAN DANG PO'I DNGOS GZHI KHYAD PAR CAN CHOS CAN, MTSAN NYID DER THAL, @5A *, ,MTSON BYA DE'I PHYIR, DER THAL, CHOS CAN DE YIN PA'I PHYIR, 'DOD NA, RTOG DPYOD GNYEN PO'I YAN LAG DANG LDAN PAR THAL, 'DOD PA'I PHYIR, 'DOD NA, MI 'THAD DE, RTOG MED DPYOD TZAM GYI SNYOM 'JUG YIN PA'I PHYIR, GZHAN YANG, KHYOD KYI RTOG DPYOD GNYEN PO'I YAN LAG DANG LDAN PA'I DON DE KHAMS GONG 'OG LA ZHI RAGS SU BLTA BA'I GNYEN PO'I YAN LAG DANG, DGA' BDE PHAN YON GYI YAN LAG DANG LDAN PA'I DON DE RANG GI 'OG SA LA CHAGS PA DANG BRAL BA TZAM LA BYED NA, MI 'THAD DE, BSAM GTAN GNYIS PA'I SNYOM 'JUG YAN LA YANG KHAMS GANG 'OG LA ZHI RAGS SU BLTA BA'I GNYEN PO'I YAN LAG KYANG YOD, RANG GI 'OG SA LA CHAGS PA DANG BRAL BA'I PHAN YON GYI YAN LAG KYANG YOD PA'I PHYIR, RANG GI 'OG SA 'DOD PA LA CHAGS PA DANG BRAL BYED KYI GNYEN PO'I YAN LAG DANG, DE LA CHAGS PA DANG BRAL ZIN PA'I PHAN YON GYI YAN LAG DANG LDAN PA LA BYED NA, MI 'THAD DE, PHYI ROL PA'I RGYUD KYI BSAM GTAN DANG PO'I NYER BSDOGS DE 'DOD PA LA CHAGS PA DANG BRAL ZIN GYI PHAN YON GYI YAN LAG DANG MI LDAN, DE'I RGYUD KYI BSAM GTAN DANG PO'I DNGOS GZHI DE YANG 'DOD PA LA CHAGS PA DANG BRAL BYED GNYEN PO'I YAN LAG DANG MI LDAN PA'I PHYIR, RANG LUGS LA, RANG GI 'OG SA 'DOD PA LA CHAGS PA DANG BRAL BYED DANG BRAL ZIN PA GANG YANG RUNG BA'I RAB TU PHYE BA'I RIGS SU GNAS BA'I BSAM GTAN GYI SNYOM 'JUG, BSAM GTAN DANG PO'I SNYOM 'JUG GI MTSAN NYID, DE LA DBYE NA DE'I NYER BSDOGS DANG, DE'I DNGOS GZHI GNYIS YOD, NYER BSDOGS DE LA MTSAN NYID, DBYE BA, PHYE BA SO SO'I DON BSHAD PA DANG GSUM, DANG PO LA, RANG GI 'OG SA 'DOD PA LA CHAGS PA DANG BRAL BYED KYI RAB TU PHYE BA'I RIGS SU GNAS PA'I BSAM GTAN DANG PO'I SNYOM 'JUG, BSAM GTAN DANG PO'I NYER BSDOGS KYI MTSAN NYID, GNYIS PA DE LA DBYE NA, DER GYUR PA'I ZHI GNAS DANG, DER GYUR PA'I LHAG MTHONG GNYIS, GSUM PA PHYE BA SO SO'I DON LA, BSAM GTAN DANG PO'I NYER BSDOGS KYI NGO BOR GYUR PA'I ZHI GNAS SGRUB TSUL, BSGRUBS PA'I ZHI LHAG GI NGO BO, ZHI LHAG GI GO RIM SOGS @5B LA DPYAD PA DANG GSUM, DANG PO LA, GANG DU SGRUB PA'I GNAS KYI KHYAD PAR, GANG GIS SGRUB PA'I RTEN GYI GANG ZAG, GANG LA DMIGS NAS SGOM PA'I DMIGS PA'I KHYAD PAR, DE LA DMIGS NAS BSGOMS PAS SEMS GNAS SKYE BA'I RIM PA BSHAD PA DANG BZHI, DANG PO LA, DE'I GNAS KYI KHYAD PAR YOD DE; ZAS GOS SOGS TSEGS CHUNG NGUS RNYED PA DANG, CHOM RKUN SOGS KYIS 'JIGS PA MI 'BYUNG BA'I GNAS BZANG BA DANG, NAD SOGS MI BSKYED PA'I SA BZANG BA DANG, LTA SPYOD MTHUN PA'I GROGS BZANG BA DANG, NYIN MO SKYE BO'I 'DU 'DZIS DBEN PA DANG, MTSAN MO CHUS SOGS KYI KLAG COR MED PA ZHIG DGOS PA'I PHYIR TE, BLO LDAN GANG DU SGRUB PA'I YUL, ,LEGS PAR RNYED PA GNAS BZANG DANG, SA BZANG BA DANG GROGS BZANG BA, ,RNAL 'BYOR BDE BA'I YO BYAD LDAN, ,ZHES GSUNGS PA'I PHYIR, GNYIS PA GANG GIS SGRUB PA'I RTEN GYI GANG ZAG NI, KHAS BLANGS PA'I TSUL KHRIMS RNAM DAG DANG LDAN ZHING, GANG SGOM PA'I TING NGE 'DZIN GYI DMIGS RNAM RNAMS THOS BSAM GYIS GTAN LA PHEBS [*PHAB] PA, TING NGE 'DZIN GYI YON TAN MTHONG BA'I DAD PA DANG LDAN PA'I GANG ZAG DE YIN TE, MDZOD LAS, TSUL GNAS THOS DANG BSAM LDAN PA, ,SGOM PA LA NI RAB TU SBYOR, ,ZHES DANG, DKON BRTZEGS LAS, TSUL KHRIMS LA NI GNAS NAS TING NGE 'DZIN 'THOB STE, ,TING NGE 'DZIN THOB NAS KYANG SHES RAB SGOM PAR BYED, ,SHES RAB KYIS NI YE SHES RNAM PAR DAG PA 'THOB, ,YE SHES RNAM PAR DAG PAS TSUL KHRIMS PHUN SUM TSOGS, ,ZHES GSUNGS PA'I PHYIR, GSUM PA GANG LA DMIGS NAS SGOM PA'I DMIGS PA'I KHYAD PAR NI BZHI STE, KHYAB PA'I DMIGS PA, DPYAD PA RNAM SBYONG GI DMIGS PA, MKHAS PA'I DMIGS PA, NYON MONGS RNAM SBYONG GI DMIGS PA DANG BZHI LAS, DANG PO LA YANG, DPYOD PA DANG, MI DPYOD PA DANG, JI LTA JI SNYED KYIS BSDUS PA'I DNGOS PO LA DMIGS TSUL DANG PO GNYIS PO GANG RUNG GIS DMIGS PA'I SGO NAS GNAS YONGS SU GYUR PA'I DGOS BA GRUB PA'I DMIGS PA DANG BZHI, DPYAD BA RNAM SBYONG GI DMIGS PA'I KHYAD PAR YOD DE, 'DOD CHAGS SHAS CHE BA'I GANG ZAG GIS MI SDUG PA LA DMIGS NAS SGOM PA DANG, ZHE SDANG SHAS CHE BA'I GANG ZAG GIS BYAMS PA LA @6A *, ,DMIGS NAS SGOM PA DANG, GTI MUG SHAS CHE BAS RTEN 'BREL LA DMIGS PA DANG, NGA RGYAL SHAS CHE BA'I GANG ZAG GIS KHAMS KYI RAB DBYE LA DMIGS PA DANG, RNAM RTOG SHAS CHE BAS DBUGS 'BYUNG RNGUB LA DMIGS NAS SGOM PA DANG LNGA YOD PA'I PHYIR, MKHAS PA'I DMIGS PA LA YANG LNGA YOD DE, PHUNG PO DANG KHAMS DANG SKYE MCHED DANG, GNAS DANG GNAS MA YIN PA DANG, RTEN 'BREL DANG LNGA YOD PA'I PHYIR, NYON MONGS RNAM SBYONG GI DMIGS PA'I KHYAD PAR YOD DE, KHAMS GONG 'OG LA ZHI RAGS SU BLTA BA DANG, BDEN PA'I RNAM PA CAN RNAMS YOD PA'I PHYIR, SPYIR ZHI GNAS TZAM NI RDE'U DANG SHING BU SOGS LA BRTEN NAS DMIGS PAS 'GRUB KYANG, 'DIR NI SNGAR BSHAD PA'I DMIGS PA DE DAG LA DMIGS PA DANG, KHYAD PAR DU LAS DANG PO BA RNAMS KYIS DE BZHIN GSHEGS PA'I SKU GZUGS LA DMIGS NAS SGOM DGOS TE, DE LA DMIGS NAS SGOM PA NI TSOGS BSOG SGRIB SBYONG MTHU CHE ZHING 'CHI BA'I TSE SANGS RGYAS RJES DRAN DANG MI 'BRAL BA'I DGOS PA YOD PA'I PHYIR, MDO LAS, MI GANG THUB PA'I ZLA BA DRAN BYED PA, ,DE YI MDUN DU THUB PA RTAG TU BZHUGS ZHES DANG, ,TING 'DZIN RGYAL PO LAS, GSER GYI KHA DOG LTA BU'I SKU LUS KYI, ,'JIG RTEN MGON PO KUN NAS MDZES PA STE, ,DMIGS PA DE LA GANG GIS SEMS 'JUG PA, ,BYANG CHUB SEMS DPA' DE MNYAM GZHAG CES BYA, ,ZHES DANG, SGOM RIM MTHA' MA LAS KYANG, DE LA RNAL 'BYOR PAS THOG MAR DE BZHIN GSHEGS PA'I SKU GZUGS JI LTAR MTHONG BA DANG JI LTAR THOS PA LA SEMS BZHAG NAS ZHI GNAS BSGRUB PAR BYA STE, DE BZHIN GSHEGS PA'I SKU GZUGS DE YANG GSER GTZO MA'I MDOG BZHIN DU SER LA, MTSAN DANG DPE BYED BZANG POS BRGYAN PA 'KHOR GYI NANG NA BZHUGS SHING, THABS SNA TSOGS KYIS SEMS CAN GYI DON MDZAD PA RGYUN DU YID LA BYED PAS DE'I YON TAN LA 'DOD PA BSKYED CING BYING BA DANG RGOD PA LA SOGS PA ZHI BAR BYAS LA JI SRID DU DE MDUN NA BZHUGS PA BZHIN DU GSAL POR MTHONG BAR GYUR PA DE SRID DU BSAM GTAN BYA'O, ,ZHES GSUNGS PA'I PHYIR, DE YANG TING NGE 'DZIN MA 'GRUB KYI @6B BAR DU DMIGS PA SNGAR GYI DE NYID LA DMIGS NAS SGOM DGOS TE, LAM SGRON LAS, DMIGS PA GANG RUNG GCIG DAG LA, ,YID NI DGE LA BZHAG PAR BYA, ,ZHES GSUNGS PA'I PHYIR, DMIGS PA DE DAG LA DMIGS NAS SGOM PA'I TSE LUS KYI GNAS TSUL DANG SEMS KYI GTOD TSUL GYI KHYAD PAR YOD DE; LUS RNAM SNANG GI CHOS BDUN LDAN DU BYED PA DANG, SEMS DRAN SHES BZHIN GNYIS LA BRTEN NAS BYING RGOD GNYIS KYI SKYON SEL BA'I SGO NAS GTOD PAR BYED PA'I PHYIR, LUS KYI GNAS TSUL DE LTAR DU BYAS NAS SGOM PA LA DGOS PA YOD DE, TING 'DZIN SKYE SLA ZHING SPYOD LAM DE LTA BUS GNAS PAS NYES SPYOD KYIS MI GOS PA'I DGOS PA YOD PA'I PHYIR, ZHI GNAS GSAR DU SKYES PA'I TSE DRAN SHES BZHIN GNYIS RTEN DGOS TE, DBU MA SNYING PO LAS, YID KYI GLANG PO LOG 'GRO BA, ,DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RI DBANG BYA; ;ZHES DANG, SGOM RIM BAR PA LAS, DRAN PA DANG SHES BZHIN GYI THAG PAS YID KYI GLANG PO CHE DMIGS PA'I SDONG PO DE NYID LA GDAGS PAR BYA'O, ,ZHES GSUNGS PA'I PHYIR, BYING RGOD SEL BA'I DON DU DRAN SHES BZHIN RTEN DGOS PA'I RGYU MTSAN YOD DE, BYING RGOD GNYIS PO DE TING NGE 'DZIN SKYON MED SKYE BA'I BGEGS KYI GTZO BO YIN PA GANG ZHIG ,DRAN SHES BZHIN GNYIS PO DES DE GNYIS KYI GNYEN PO BYED PA'I PHYIR, DANG PO DER THAL, RGOD PAS DMIGS PA LA RTZE GCIG TU 'DZIN PA LA BAR DU GCOD PAR BYED, BYING BAS GSAL BYA'I NGAR RAM DMIGS RNAM DAM DU 'DZIN PA LA BAR CHAD BYED PA'I PHYIR, BYING RGOD GNYIS KYI DMIGS PA RNAM PA BYED LAS RGYU SOGS KYI KHYAD PAR JI LTA BU ZHE NA, RGOD PA NI DMIGS PA YUL YID 'ONG LA DMIGS NAS SDUG PA'I MTSAN MAR SGRO 'DOGS PA DANG RNAM PA NI SEMS MA ZHI ZHING PHYI ROL YUL LA 'PHRO BA'I 'DOD CHAGS KYI CHAR GTOGS PA DANG, BYED LAS DMIGS PA LA RTZE GCIG TU 'DZIN PA LA BAR DU GCOD PA'I BYED LAS CAN YIN TE, KUN LAS BTUS LAS, RGOD PA GANG ZHE NA, SDUG PA'I MTSAN MA'I RJES SU 'JUG PA'I 'DOD CHAGS KYI CHAR GTOGS PA'I DRAN PA MA ZHI BA STE ZHI GNAS KYI BAR DU GCOD PA'I LAS CAN NO, ,ZHES GSUNGS PA'I @7A *, ,PHYIR, BYING BA NI 'DZIN STANGS LA DVANGS CHA YOD KYANG GSAL BYA'I NGAR RAM 'DZIN STANGS DAM DU MI 'DZIN PA'I RNAM PA CAN YIN TE, SGOM RIM BAR PA LAS, GANG TSE DMUS LONG LTA BU 'AM MUN PAR ZHUGS PA LTA BU 'AM MIG BTZUMS PA LTA BUR SEMS KYI DMIGS PA GSAL BAR MI MTHONG BA DE'I TSE BYING BAR GYUR PAR RIGS PAR BYA'O, ,ZHES GSUNGS PA'I PHYIR, 'O NA BYING RMUGS GNYIS KYI KHYAD PAR JI LTA BU ZHE NA, BYING BA NI SNGAR BSHAD PA LTAR DVANGS CHA YOD KYANG GSAL BYA'I NGAR MED PAS SGRIB LUNG MA BSTAN DANG DGE BA GANG RUNG YIN, RMUGS PA NI BYING BA'I RGYU BYED CING GTI MUG GI CHAR GTOGS PA'I LUS SEMS LCI ZHING LUS SEMS NYOG NYOG POR BYED PA'I MI DGE BA DANG LUNG MA BSTAN GANG RUNG YIN DGOS PA'I PHYIR, PHYI MA DER THAL, KUN LAS BTUS LAS, RMUGS PA GANG ZHE NA GTI MUG GI CHAR GTOGS PA'I SEMS LAS SU MI RUNG BA NYID DE, NYON MONGS PA DANG NYE BA'I NYON MONGS PA THAMS CAD KYIS GROGS BYED PA'I LAS CAN NO, ,ZHES GSUNGS PA'I PHYIR, BYING RGOD DE DAG SKYE BA'I RGYU'I KHYAD PAR YOD DE, DBANG PO'I SGO MI SDOM PA DANG, ZAS KYI TSOD MI RIGS PA SOGS YIN PA'I PHYIR DANG, KHYAD PAR RGOD PA NI, NYE DU DANG MI 'CHI BA'I RNAM PAR RTOG PA DANG SNGON RTZES PA DANG SGEG PA SOGS LA BRTAN NAS SKYE, BYING RMUGS GNYIS NI LUS SEMS RMYO BA DANG MI DGA' BA DANG BYA SMYANG SOGS LA BRTEN NAS SKYE BA'I PHYIR, DE DAG JI LTAR SEL BA'I TSUL YOD DE, BYING BA SKYES PA'I TSE DE BZHIN GSHEGS PA'I SKU GSUNG THUGS KYI YON TAN DANG TING NGE 'DZIN GYI YON TAN DRAN PA'I SGO NAS SEMS GZENGS BSTOD DE SEL BAR BYED, RGOD PA SKYES PA'I TSE NGAN SONG GSUM GYI SDUG BSNGAL BSAMS PA'I SGO NAS SEMS CUNG ZAD SMAD PA'I SGO NAS SEL BAR BYED PA'I PHYIR, DE DAG GI GNYEN PO DRAN SHES BZHIN GNYIS JI LTA BU ZHE NA, DRAN PA NI SNGAR GYI TING NGE 'DZIN GYI DMIGS PA LA SEMS KYI BRJED PA MED PAR RTZE GCIG TU 'DZIN PA'I SEMS PA ZHIG YIN TE, DE NYID LAS, DRAN PA GANG ZHE NA 'DRIS PA'I DNGOS PO LA SEMS KYI BRJED PA MED PA STE RNAM PAR MI @7B G-YENG BA'I LAS CAN NO, ,ZHES GSUNGS PA'I PHYIR DANG, DBUS MTHA'I 'GREL BSHAD LAS, DRAN PA NI DMIGS PA MA BRJED PA'O, ,ZHES GSUNGS PA'I PHYIR, SHES BZHIN NI BYING RGOD KYI SKYON BYUNG MA BYUNG RTOGS PAR BYED CING NGO BO SHES RAB KYI CHAR GTOGS PA'I SEMS PA ZHIG YIN LA, DE YANG DRAN SHES BZHIN GNYIS PO DE DMIGS PA MI BRJED PAR 'DZIN PA TZAM DANG, BYING RGOD BYUNG BA NA SEL BA TZAM MA YIN PAR DRAN PAS DMIGS PA MI BRJED PAR THU RE 'DZIN PA DANG, SHES BZHIN GYIS BYING RGOD DANG POR SKYE GRABS BYED PA NAS SHES PAR BYA BA YIN TE, MDO SDE RGYAN GYI 'GREL BSHAD LAS, DRAN PA DANG SHES BZHIN NI NYE BAR GTOD PAR BYED PA STE GCIG GIS SEMS DMIGS PA LAS MI 'PHRO BAR BYED PA'I PHYIR DANG GNYIS PAS SEMS 'PHRO BAR RAB TU SHES PA'I PHYIR RO, ,ZHES GSUNGS PA'I PHYIR, DE YANG ZHI GNAS GSAR DU SGRUB PA'I TSE SEMS GRIM LHOD RAN PA'I SGO NAS SGOM DGOS TE, HA CANG GRIM DRAG NA RGOD PA SKYE BA DANG, HA CANG LHOD NA BYING BA SKYE BA'I PHYIR, BSHAGS BSTOD LAS, 'BAD PAS 'JUG NA RGOD PA 'BYUNG 'GYUR ZHING, ,DE GLOD NA NI ZHUM PA SKYE BAR 'GYUR, ,'DI YI DBU MA SGRUB PA'ANG RNYED DKA' NA, ,BDAG GIS SEMS DKRUGS PAS NI CI ZHIG BGYI,, ZHES GSUNGS PA'I PHYIR, DE LTA YIN NA BSAM GTAN DANG PO'I NYER BSDOGS KYI NGO BOR GYUR PA'I ZHI GNAS SKYES PA'I DUS MTSAMS JI LTA BU ZHE NA DE YOD DE, YID BYED DGU PA BTANG SNYOMS SU BYED PA'I YID BYED DE LA SEMS TING NGE 'DZIN GYI DMIGS PA LA RTZE GCIG TU MNYAM PAR GZHAG STOBS KYIS SHIN SBYANGS KYI BDE BA KHYAD PAR CAN GYIS ZIN PA'I TING NGE 'DZIN DANG DES MA ZIN PA'I TING NGE 'DZIN GNYIS LAS DANG PO ZHI GNAS DANG, PHYI MA DE SHIN SBYANGS KYI BDE BA TZAM GYIS ZIN YANG BDE BA KHYAD PAR CAN GYIS MA ZIN PAS DE ZHI GNAS MA YIN PA'I PHYIR, DGONGS 'GREL LAS, BCOM LDAN 'DAS BYANG CHUB SEMS DPA' DE JI SRID DU SEMS LA DMIGS PA'I SEMS NANG DU YID LA BGYIS PA NA LUS SHIN TU SBYANGS PA DANG SEMS SHIN TU SBYANGS PA MA THOB PA DE'I BAR DU YID LA BGYIS PA DE LA CI ZHES BGYI, BYAMS PA ZHI GNAS NI MA YIN TE ZHI GNAS KYI RJES SU MTHUN PA'I MOS PA DANG @8A *, ,MTSUNGS PAR LDAN PA YIN PAR BRJOD PAR BYA'O, ,ZHES GSUNGS PA'I PHYIR, DE SHIN SBYANGS KYI BDE BAS ZIN PA YIN TE, SHIN SBYANGS PHRA MOS ZIN PA'I PHYIR, NYAN SA LAS, DE'I DANG PO KHO NAR YANG DAG PA'I SBYOR BA LA RTZOM PA'I TSE SEMS SHIN TU SBYANGS PA DANG LUS SHIN TU SBYANGS PA DANG SEMS DANG LUS LAS SU RUNG BA NI PHRA BA STE BRTAG PAR DKA' BA YIN NO, ,ZHES GSUNGS PA'I PHYIR, DE LTAR 'PHEL BA'I SEMS DMIGS PA LA RTZE GCIG TU MNYAM PAR GZHAG STOBS KYIS SHIN SBYANGS KYI BDE BA KHYAD PAR CAN GYIS ZIN PA'I TING NGE 'DZIN DE ZHI GNAS YIN TE, SGOM RIM BAR PA LAS, DE LTAR ZHI GNAS GOMS PAR BYAS PA DE'I LUS DANG SEMS GANG GI TSE SHIN TU SBYANGS PAR GYUR PA DANG JI LTAR 'DOD PA BZHIN DU DMIGS PA LA SEMS DBANG GYUR PA DE'I TSE ZHI GNAS 'GRUB PA YIN PAR RIGS PAR BYA'O, ,ZHES GSUNGS PA'I PHYIR, 'O NA LUS SEMS SHIN SBYANGS KYI BDE BA KHYAD PAR CAN DE JI LTA BU ZHE NA, LUS DGE BA'I PHYOGS LA JI LTAR 'DOD 'DOD DU BKOL DU MI RUNG BA'I LUS KYI GNAS NGAN LEN DANG BRAL BA'I LUS DGE BA'I PHYOGS LA JI LTAR 'DOD 'DOD DU BKOL DU RUNG BA'I LUS LAS RUNG KHYAD PAR CAN DE LUS SHIN SBYANGS DANG, SEMS DGE BA'I PHYOGS LA JI LTAR 'DOD 'DOD DU BKOL DU MI RUNG BA'I SEMS KYI GNAS NGAN LEN DANG BRAL BA'I SEMS DGE BA'I PHYOGS LA JI LTAR 'DOD 'DOD DU BKOL DU RUNG BA'I SEMS LAS RUNG KHYAD PAR CAN DE SEMS SHIN SBYANGS KHYAD PAR CAN DU 'JOG PA YIN TE, KUN LAS BTUS LAS, SHIN TU SBYANGS PA GANG ZHE NA LUS DANG SEMS KYI GNAS NGAN LEN RNAMS KYI RGYUN GCAD PA'I PHYIR LUS DANG SEMS LAS SU RUNG BA NYID DE SGRIB PA THAMS CAD SEL BA'I LAS CAN NO, ,ZHES GSUNGS PA'I PHYIR, DE YANG SHIN SBYANGS GNYIS KYI NANG NAS DANG POR SEMS SHIN SBYANGS SKYE, BDE BA GNYIS KYI NANG NAS DANG POR LUS BDE SKYE BA YIN TE, SEMS DMIGS PA LA RTZE GCIG TU MNYAM PAR GZHAG STOBS KYIS SEMS LAS SU RUNG, DE LA BRTEN NAS DE'I BZHON PAR GYUR PA'I RLUNG LAS SU RUNG DE LUS KYI NANG DU RGYUS PA LA BRTEN NAS LUS LAS SU RUNG DE LA BRTEN NAS LUS LA @8B BDE BA 'BYUNG DE LA BRTEN NAS SEMS LA DGA' BA 'BYUNG BA'I PHYIR, BZHI PA SEMS GNAS SKYE BA'I RIM PA BSHAD PA LA, DBUS MTHA' NAS BSHAD TSUL DANG, MDO SDE RGYAN NAS BSHAD TSUL DANG GNYIS, DANG PO NI, NYES PA LNGA'I GNYEN POR SPONG BA'I 'DU BYED BRGYAD BRTEN NAS SGOM PA YIN TE, DBUS MTHA' LAS, NYES PA LNGA SPONG 'DU BYED BRGYAD, ,BRTEN PA'I RGYU LAS BYUNG BA'O, ,ZHES GSUNGS PA'I PHYIR, TING NGE 'DZIN SGOM PA'I GEGS NYES PA DE LA LNGA YOD DE, TING NGE 'DZIN SGOM PA LA 'JUG PA'I SNGA ROL DU LE LO NYES PA, 'JUG PA'I TSE GDAM NGAG BRJED PA NYES PA, SGOM BZHIN PA'I TSE BYING RGOD NYES PA, BYING RGOD BYUNG BA'I TSE GNYEN PO MNGON PAR 'DU MI BYED PA NYES PA, TING NGE 'DZIN SKYON MED DU GNAS PA'I TSE GNYEN PO MNGON PAR 'DU BYED PA NYES PA YIN PA'I PHYIR, DE NYID LAS, LE LO DANG NI GDAM NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,ZHES GSUNGS PA'I PHYIR, LNGA PO DE'I GNYEN POR 'DU BYED BRGYAD RTEN TSUL YOD DE, LE LO'I GNYEN POR BRTZON 'GRUS RGYU 'BRAS BZHI, GDAM NGAG BRJED PA'I GNYEN POR DRAN PA, BYING RGOD KYI GNYEN PO DE LA RTOG PA'I SHES BZHIN, GNYEN PO MNGON PAR 'DU MI BYED PA'I GNYEN POR GNYEN PO MNGON PAR 'DU BYED PA'I 'DU BYED SEMS PA DANG, TING NGE 'DZIN SKYON MED DU GNAS PA'I TSE GNYEN PO 'DU BYED PA'I GNYEN POR 'DU MI BYED PA'I BTANG SNYOMS BRTEN PAR BYA BA YIN PA'I PHYIR, BRTZON 'GRUS RGYU 'BRAS BZHI PO DE LE LO'I GNYEN POR 'GYUR TSUL YOD DE, DAD PA 'DUN PA'I RGYU 'DUN PA BRTZON 'GRUS KYI GNAS, BRTZON 'GRUS LE LO'I GNYEN PO DNGOS, SHIN SBYANGS BRTZON 'GRUS KYI 'BRAS BUR BYED CING, SHIN SBYANGS KHYAD PAR CAN GYIS LE LO'I GNYEN PO BYED PA'I PHYIR, SGOM RIM LAS, SHIN TU SBYANGS PA GANG ZHE NA LUS DANG SEMS LAS SU RUNG BA'I MTSAN NYID DE SGRIB PA MTHA' DAG SEL BA'I LAS CAN NO, ,ZHES GSUNGS PA'I PHYIR, DE LTAR BYAS NA GNYEN PO LA LDAN MIN 'DU BYED SHIN TU YANG YOD DO, ,DE SKAD DU YANG DBUS MTHA' LAS, GNAS DANG DE LA GNAS PA DANG, ,RGYU @9A *, ,DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD PA RTOG PA DANG, ,DE SPONG MNGON PAR 'DU BYED DANG, ,ZHI TSE SNAL DU 'JUG PA'O, ,ZHES GSUNGS PA'I PHYIR, GNYIS PA LA, SEMS GNAS PA'I THABS DE LA DGU YOD DE, SEMS NANG NYID DU 'JOG PA DANG, RGYUN DU 'JOG PA DANG, BRLAN DU 'JOG PA DANG, NYE BAR 'JOG PA DANG, DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU BYED PA DANG, BTANG SNYOMS SU BYED PA DANG DGU YOD PA'I PHYIR, DE DGU'I KHYAD PAR YOD DE, SEMS PHYI ROL TU MI G-YENG BAR NANG DU DMIGS PA LA RTZE GCIG TU 'DZIN PA'I YID BYED DANG PO DANG, DE NYID RGYUN 'THUD NAS SGOM PA DE GNYIS PA DANG, RNAM G-YENG CUNG ZAD SKYES PA NA SHES BZHIN GYIS MYUR DU RTOGS PAR BYAS NAS SLAR YANG DMIGS PA LA SEMS BRTEN PAR BYED PA DE GSUM PA DANG, DE NYID GONG NAS GONG DU 'PHEL BAR BYA BA'I PHYIR DRAN PA SHUGS DRAG POS 'JOG PAR BYED PA DE BZHI PA DANG, TING NGE 'DZIN GYI YON TAN MTHONG BA'I SGO NAS DMIGS PA LA SEMS GTOD PAR BYED PA DE LNGA PA DANG, RNAM G-YENG GI NYES PA CUNG ZAD SKYES PA NA TING NGE 'DZIN SGOM PA LA MI DGA' NA DE ZHI BAR BYA BA'I PHYIR DU DMIGS PA LA SEMS GTOD PAR BYED PA DE DRUG PA DANG, TING NGE 'DZIN GYI MI MTHUN PHYOGS BYING RGOD DANG CHAGS SEMS DANG YID MI BDE LA SOGS SKYES PA NA DE ZHI BAR BYA BA'I PHYIR DU DMIGS PA LA SEMS GTOD PAR BYED PA DE BDUN PA DANG, 'BAD RTZOL RAGS PA DANG BCAS PA'I SGO NAS SEMS DMIGS PA LA RANG GI NGANG GIS 'JUG PAR BYA BA'I PHYIR DMIGS PA LA SEMS GTOD PAR BYED PA DE BRGYAD PA DANG, DE LTAR BSGOMS PAS 'BAD RTZOL RAGS PA MED PAR DMIGS PA LA RANG GI NGANG GIS 'JUG PA'I YID BYED DGU PA BTANG SNYOMS SU BYED PA'I YID BYED YIN PA'I PHYIR, DANG PO GNYIS DER THAL, MDO SDE RGYAN LAS, DMIGS PA LA NI SEMS GTAD NAS, ,DE'I RGYUN RNAM PAR G-YENG MI BYA, ,ZHES GSUNGS PA'I PHYIR, GSUM PA DANG BZHI PA DER THAL, RNAM G-YENG MYUR DU RTOGS BYAS NAS, ,DE LA SLAR NI BRLAN PAR BYA, ,ZHES DANG, BLO LDAN @9B GONG NAS GONG DU YANG, ,SEMS NI NANG DU BSDU BAR BYA, ,ZHES GSUNGS PA'I PHYIR, LNGA PA DANG DRUG PA DER THAL, DE NAS YON TAN MTHONG BA'I PHYIR, ,TING NGE 'DZIN LA SEMS DUL LO, ,ZHES DANG, RNAM G-YENG NYES PA MTHONG BA'I PHYIR, ,DE LA MI DGA' ZHI BAR BYED, ,CES GSUNGS PA'I PHYIR, BDUN PA BRGYAD PA DER THAL, DE NAS SDOM BRTZON CAN GYIS NI, ,CHAGS SEMS YID MI BDE LA SOGS, ,LANGS PA DE BZHIN ZHI BAR BYED, ,SEMS LA MNGON PAR 'DU BYED BCAS, ,ZHES GSUNGS PA'I PHYIR, DGU PA DER THAL, DE GOMS PA LAS 'DU MI BYED, ,CES GSUNGS PA'I PHYIR, DE DAG STOBS DRUG GIS 'GRUB PA'I TSUL YOD DE, DANG PO DE THOS PA'I STOBS KYIS 'GRUB, GNYIS PA BSAM PA'I STOBS KYIS 'GRUB, GSUM PA BZHI PA GNYIS PO DRAN PA'I STOBS KYIS 'GRUB, LNGA PA DRUG PA GNYIS SHES BZHIN GYI STOBS KYIS 'GRUB, BDUN PA BRGYAD PA GNYIS BRTZON 'GRUS KYI STOBS KYIS 'GRUB, DGU PA 'DRIS PA'I STOBS KYIS 'GRUB PA'I PHYIR, DE DGU'I GNAS SKABS SU YID BYED BZHI TSANG BA YIN TE, DANG PO GNYIS KYI SKABS SU SGRIMS TE 'JUG PA'I YID BYED TSANG, GSUM PA NAS BDUN PA'I BAR GYI GNAS SKABS SU BYING RGOD KYIS BAR CHAD CING 'JUG PA'I YID BYED TSANG, BRGYAD PA'I SKABS SU CHAD PA MED PA'I YID BYED TSANG, DGU PA'I GNAS SKABS SU LHUN GYIS GRUB PA'I YID BYED TSANG BA'I PHYIR, GNYIS PA SKYES PA'I ZHI LHAG GI NGO BO BSHAD PA LA, RANG GI DMIGS PA LA RTZE GCIG TU MNYAM PAR GZHAG STOBS KYIS SHIN SBYANGS KYI BDE BA KHYAD PAR CAN GYIS ZIN PA'I TING NGE 'DZIN, ZHI GNAS KYI MTSAN NYID, DE LA DBYE NA JI LTA BA RTOGS PA'I ZHI GNAS DANG, JI SNYED PA RTOGS PA'I ZHI GNAS GNYIS, RTEN GYI SGO NAS DBYE NA LAM ZHUGS KYI GANG ZAG GI ZHI GNAS DANG, LAM MA ZHUGS KYI GANG ZAG GI RGYUD KYI ZHI GNAS GNYIS YOD, RANG GI RTEN ZHI GNAS LA BRTEN NAS RANG GI DMIGS PA LA SO SOR DPYAD STOBS KYIS SHIN SBYANGS KYI BDE BA KHYAD PAR CAN GYIS ZIN PA'I SHES RAB DE, LHAG MTHONG GI MTSAN NYID, DBYE NA SNGAR ZHI GNAS LA DBYE BA LTAR YOD, GSUM PA ZHI LHAG GI GO RIM SOGS LA DPYAD @10A *, ,PA LA, GZHAN LUGS BKAG NAS RANG LUGS BZHAG PA, RTZOD PA SPONG BA DANG GNYIS, DANG PO LA, KHA CIG ,ZHI LHAG GNYIS KYI NANG NAS THOG MAR LHAG MTHONG SKYE BA YIN ZHE NA MI RIGS PAR THAL, THOG MAR ZHI GNAS SKYE BA'I PHYIR, DER THAL, JI LTA JI SNYED KYI CHOS GANG LA DMIGS KYANG, RTZE GCIG TU MNYAM PAR GZHAG STOBS KYIS SHIN SBYANGS KYI BDE BAS ZIN PA'I TING NGE 'DZIN SNGON DU MA SONG BAR DE LA BRTEN NAS DMIGS PA LA SO SOR DPYAD STOBS KYIS SHIN SBYANGS KYI BDE BAS ZIN PA'I SHES RAB MI 'BYUNG BA'I PHYIR, DER THAL, SPYOD 'JUG LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR SHES BYA STE, ,THOG MAR ZHI GNAS BTZAL BYA DE YANG NI, ,'JIG RTEN CHAGS PA MED LA MNGON DGA' 'GRUB, ,CES GSUNGS PA DANG, DKON BRTZEGS LAS, DER KHRIMS LA NI GNAS NAS TING NGE 'DZIN 'THOB STE, ,TING NGE 'DZIN THOB NAS KYANG SHES RAB SGOM PAR BYED, ,CES DANG, SGOM RIM LAS, DE LTA BAS NA SGRIB PA MTHA' DAG SPANGS NAS YONGS SU DAG PA'I YE SHES 'BYUNG BAR 'DOD PAS ZHI GNAS LA GNAS NAS SHES RAB SGOM PAR BYED DO, ,ZHES GSUNGS PA'I PHYIR, GNYIS PA RTZOD PA SPONG BA LA, KHA CIG , ZHI LHAG GNYIS KYI NANG NAS THOG MAR LHAG MTHONG SKYE BAR THAL, KUN LAS BTUS LAS, LA LA NI LHAG MTHONG THOB PA YIN GYI ZHI GNAS NI MA THOB STE, DE LHAG MTHONG LA BRTEN NAS ZHI GNAS LA BRTZON PAR BYED DO, ,ZHES GSUNGS PA'I PHYIR, ZER NA, SKYON MED DE, DE BSAM GTAN DANG PO'I DNGOS GZHI MA THOB PA'I GANG ZAG GIS BSAM GTAN DANG PO'I NYER BSDOGS KYI NGO BOR GYUR PA'I LHAG MTHONG LA BRTEN NAS DE'I DNGOS GZHI'I NGO BOR GYUR PA'I ZHI GNAS SGRUB PA'I DON YIN PA'I PHYIR TE, DE LTAR DU SGRUB PA'I GANG ZAG YOD PA'I PHYIR, DER THAL, BSAM GTAN DANG PO'I NYER BSDOGS KYI NGO BOR GYUR PA'I BDEN BZHI'I BLANG DOR LA DMIGS PA'I LHAG MTHONG GIS DE'I DNGOS GZHI'I NGO BOR GYUR PA'I BDEN BZHI'I BLANG DOR LA DMIGS PA'I ZHI GNAS BSGRUBS TE, @10B DE LTA BU'I ZHI LHAG ZUNG 'BREL GYI LAM LA BRTEN NAS NYON MONGS SA BON DANG BCAS PA SPONG BA'I GANG ZAG YOD PA'I PHYIR, DE SKAD DU YANG SA'I DNGOS GZHI LAS, GZHAN YANG SDUG BSNGAL NAS LAM GYI BAR DU YANG DAG PAR JI LTA BA BZHIN DU RAB TU SHES LA BSAM GTAN DANG PO LA SOGS PA NI MA THOB STE, DE 'DUG MA THAG TU SEMS 'JOG STE, CHOS RNAM PAR 'BYED PAR MI BYED DO, ,DE LHAG PA'I SHES RAB DE NYID LA BRTEN NAS LHAG PA'I SEMS LA SBYOR BAR BYED DO, ,ZHES GSUNGS PA'I PHYIR, DE LTAR MA YIN NA BSAM GTAN DANG PO'I NYER BSDOGS MTSAN NYID SO SOR RIG PA YID BYED DE NYER BSDOGS LAS DANG PO BA'I YID BYED DU THAL, DE BSAM GTAN DANG PO'I NYER BSDOGS KYI THOG MA YIN PA'I PHYIR, 'DOD NA, MI 'THAD DE, DE LTAR 'DOD PA NI NYER BSDOGS LAS DANG PO BA'I YID BYED DE DANG NYON MONGS RNAM SBYOR GI LAS DANG PO BA'I YID BYED GNYIS KYI KHYAD PAR MA PHYE BA'I SKYON YIN PA'I PHYIR TE, DE GNYIS YOD PA'I PHYIR, NYAN SA LAS, DE LA YID LA BYED PA LAS DANG PO BA NI RTZE GCIG TU BYA BA NYID LA JI SRID DU YID LA BYED PA MA THOB CING SEMS RTZE GCIG PA NYID LA MA REG PA'I BAR DU LAS DANG PO BA YIN NO, DE LA NYON MONGS RNAM PAR SBYONG BA'I LAS DANG PO BA NI YID LA BYED PA THOB PA NYON MONGS PA RNAMS LA SEMS SBYONG BAR 'DOD PA'I MTSAN NYID SO SOR RIG PA YID LA BYED PA GANG YIN PA LAS BRTZAMS TE LEN PA LA GOMS PA GANG YIN PA STE, ZHES GSUNGS PA'I PHYIR, DES NA BSAM GTAN DANG PO'I NYER BSDOGS LAS DANG PO BA THOB PA'I DUS MTSAMS YOD DE, ZHI GNAS GSAR DU THOB PA DANG, BSAM GTAN DANG PO'I NYER BSDOGS THOB PA, MNYAM PAR GZHAG PA'I SA THOB PA, GONG MA'I SNYOM 'JUG THOB PA RNAMS DUS MNYAM PA'I PHYIR, LHAG MTHONG SGRUB BYED KYI YID BYED DE LA BDUN YOD DE, MTSAN NYID SO SOR RIG PA YID BYED SOGS BDUN YOD PA'I PHYIR, NYAN SA LAS, YANG DE LA 'DOD PA'I 'DOD CHAGS DANG BRAL BAR BYA BA'I PHYIR RAB TU BRTZON PAR RNAL 'BYOR PA NI YID LA BYED PA RNAM PA BDUN GYIS 'DOD PA'I 'DOD CHAGS DANG BRAL BA RJES SU 'THOB BO, ,BDUN PO DE DAG KYANG GANG ZHE NA SMRAS PA MTSAN NYID SO SO @11A *, ,RIG PA DANG, MOS PA LAS BYUNG BA DANG, RAB TU DBEN PA DANG, DGA' BA SDUD PA DANG, DPYOD PA YID LA BYED PA DANG, SBYOR BA MTHAR THUG PA DANG, SBYOR BA MTHAR THUG PA'I 'BRAS BU YID LA BYED PA'O, ,ZHES GSUNGS PA'I PHYIR, KHA CIG ,NYER BSDOGS MTSAN NYID SO SOR RIG PA YID BYED DE THOS BSAM 'DRES MA'I YID BYED YIN NO, ,ZER NA, 'O NA SGOM BYUNG GI SHES RAB DANG BSAM BYUNG GI SHES RAB KYI GZHI MTHUN YOD PAR THAL, THOS BYUNG GI SHES RAB DANG BSAM BYUNG GI SHES RAB KYI GZHI MTHUN YOD PA'I PHYIR, DER THAL, THOS BSAM 'DRES MA'I YID BYED YOD PA'I PHYIR, RTZA BAR 'DOD NA MI 'THAD DE, DE GNYIS 'GAL BA'I PHYIR, YANG KHA CIG ,'DOD PA RNAMS NI RAGS PA DANG BSAM GTAN DANG PO ZHI BAR BLTA BA'I YID BYED CIG YIN ZHES ZER NA, 'O NA, BSAM GTAN DANG PO'I NYER BSDOGS MTSAN NYID SO SO RIG PA YID BYED DE LOG SHES SU THAL, DE 'DOD PA RNAMS NI RAGS PA DANG BSAM GTAN DANG PO ZHI BAR BLTA BA GANG ZHIG ,BSAM GTAN DANG PO ZHI BA MA YIN PA'I PHYIR, DANG PO DER THAL, DAM BCA' 'THAD PA'I PHYIR, RTAGS PHYI MA DER THAL, KHAMS GSUM PO THAMS CAD ME 'OBS LTAR DU SDUG BSNGAL GYI RANG BZHIN CAN DU MTSUNGS PA'I PHYIR, 'DOD MI NUS SO, ,RANG LUGS LA, MTSAN NYID SO SOR RIG PA YID BYED KYI KHYAD PAR YOD DE, 'DOD PA RNAMS NI RAGS PA DANG DE LA BLTOS TE BSAM GTAN DANG PO ZHI BAR BLTA BA'I RTZING BAS 'JUG PA'I YID BYED DANG, 'DOD PA RNAMS NI THA BA NGAN PA LTAR DU YON TAN SKYE DKA' BA DANG, NAGS STUG PO LTAR DU NYON MONGS GRANGS MANG BA DANG, RTZIG PA STUG POS SKOR BA LTAR DU SKYON LAS DBRAL DKA' BA DANG, DE LA BLTOS TE BSAM GTAN DANG PO YON TAN SKYE SLA BA SOGS SU YID LA BYED PA'I YUL LA ZHIB PA'I RNAM PAS 'JUG PA'I YID BYED CI RIGS PA LA BYED PA'I PHYIR, MOS PA LAS BYUNG BA'I YID BYED DANG RAB TU DBEN PA YID BYED GNYIS KYI KHYAD PAR YOD DE, BSAM GTAN DANG PO'I NYER BSDOGS KYI NGO BOR GYUR PA'I ZHI GNAS LA MNYAM PAR GZHAG BZHIN PA'I NGANG NAS DMIGS PA LA SO SOR DPYAD @11B STOBS KYIS SHIN SBYANGS KYI BDE BA KHYAD PAR CAN GYIS ZIN PA'I YID BYED DE LA MOS PA LAS BYUNG BA'I YID BYED DANG, 'DOD PA LA 'DUN BA'I 'DOD SRED CHEN PO MNGON GYUR BA SKOR GSUM CI RIGS KYI SPONG GNYEN BYED PA'I BSAM GTAN DANG PO'I NYER BSDOGS KYI NGO BOR GYUR PA'I ZHI LHAG ZUNG 'BREL GYI YID BYED DE RAB TU DBEN PA YID BYED YIN PA'I PHYIR, DGA' BA SDUD PA YID BYED DANG, DPYOD PA YID BYED GNYIS KYI KHYAD PAR YOD DE, 'DOD SRED 'BRING SKOR GSUM MNGON GYUR BA CI RIGS PA'I SPONG GNYEN BYED PA'I BSAM GTAN DANG PO'I NYER BSDOGS KYI NGO BOR GYUR PA'I ZHI LHAG ZUNG 'BREL GYI YID BYED DE DGA' BA SDUD PA YID BYED DANG, 'BRING SKOR GSUM LA CHAGS PA DANG BRAL BA NA MA LUS PA LA CHAGS PA DANG BRAL LAM MA BRAL SNYAM DU 'DOD PA'I NYON MONGS SKYE SLA BA'I MTSAN MA YID LA BYED PA'I YID BYED DE DPYOD PA YID BYED YIN PA'I PHYIR, SBYOR BA MTHAR THUG PA'I YID BYED KYI KHYAD PAR YOD DE, 'DOD NYON MNGON GYUR BA MA LUS PA LA CHAGS PA DANG MA BRAL BAR MTHONG NAS, 'DOD NYON CHUNG NGU SKOR GSUM MNGON GYUR BA CI RIGS PA'I SPONG GNYEN BYED PA'I BSAM GTAN DANG PO'I NYER BSDOGS KYI NGO BOR GYUR PA'I ZHI LHAG ZUNG 'BREL GYI YID BYED DE SBYOR BA MTHA'I YID BYED YIN PA'I PHYIR, KHA CIG ,NYER BSDOGS LA PHAN YON GYI YAN LAG MED PA DANG, MOS PA LAS BYUNG BA'I YID BYED MAN CHAD LA GNYEN PO'I YAN LAG MED DO, ,ZHE NA, DE MI 'THAD DE, NYER BSDOGS DGA' BA SDUD PA YID BYED DE 'DOD PA LA 'DUN PA'I 'DOD SRED CHEN PO SKOR GSUM GYIS DBEN PAS DGA' BDE CHUNG NGUS REG PAS DE LA DGA' BA SDUD PA YANG BYED CES BSHAD PA'I PHYIR DANG, BSAM GTAN DANG PO'I NYER BSDOGS KYI THOG MAR GYUR PA'I ZHI GNAS DES BYING RGOD SOGS KYI GNYEN PO BYED PA'I PHYIR, NYER BSDOGS SBYOR BA MTHAR THUG PA'I 'BRAS BU YID BYED LA MNGON PA MDZOD PA RNAMS NI BSAM GTAN GYI DNGOS GZHI DANG NYER BSDOGS GNYIS YOD PAR 'DOD KYANG, KUN LAS BTUS PA DANG RANG LUGS LA SBYOR BA MTHAR THUG PA'I 'BRAS BU YID BYED LA BSAM GTAN GYI DNGOS GZHIS KHYAB STE, NYER BSDOGS KYI TSOR BA LA TSOR BA BTANG SNYOMS KYIS KYANG MA KHYAB, BSAM GTAN DANG PO'I @12A *, ,NYER BSDOGS KYI SBYOR BA MTHA'I YID BYED DES 'DOD PA LA 'DUN PA'I 'DOD SRED CHUNG NGU SKOR GSUM GYI SPONG GNYEN BYAS PA'I SGO NAS BSAM GTAN GYI NYER BSDOGS SBYOR BA MTHAR THUG PA'I 'BRAS BU YID BYED DE LA CHAGS PA DANG BRAL BA'I PHAN YON GYI YAN LAG DANG LDAN PA'I PHYIR, MDZOD PA BA RNAMS NI DE LA NYER BSDOGS DANG DNGOS GZHI GNYIS YOD PAR 'DOD DE, BSAM GTAN BZHI PA'I NYER BSDOGS SBYONG BA MTHAR THUG PA'I 'BRAS BU YID BYED LA BSAM GTAN GYI DNGOS GZHIS KHYAB KYANG, BSAM GTAN GSUM PA MAN CHAD KYI NYER BSDOGS SBYOR BA MTHAR THUG PA'I 'BRAS BU YID BYED LA DNGOS GZHI DANG NYER BSDOGS GNYIS YOD PA'I PHYIR, MDZOD LAS, SA GSUM LAS RGYAL BSAM GTAN NI, ,NYER BSDOGS LAS MTHA'I RNAM GROL LAM, ,GONG MA'I NYER BSDOGS LAS MIN 'PHAGS, ,ZHES GSUNGS PA'I PHYIR, RTZA RTAGS PHYI MA DER THAL, NYER BSDOGS KYI NGO BOR GYUR PA'I TSOR BA LA TSOR BA BTANG SNYOMS KYIS KHYAB STE, DBANG RNON RNAMS KYIS TSOR BA BTANG SNYOMS NAS DGA' BDE'I NGO BOR 'PHO NUS, DBANG RTUL RNAMS KYIS TSOR BA BTANG SNYOMS NAS DGA' BDE'I NGO BOR 'PHO BA DKA' BA'I PHYIR, DANG PO DER THAL, MDZOD LAS, DE DAG LA NI NYER BSDOGS BRGYAD, ,DAG PA BDE MIN SDUG BSNGAL MIN, ,ZHES GSUNGS PA'I PHYIR, YID BYED BDUN PO DE YANG BSDU NA 'JIG RTEN PA'I LAM BZHIS BSDU TSUL YOD DE, MTSAN NYID SO SOR RIG PA YID BYED DANG, MOS PA LAS BYUNG BA'I YID BYED GNYIS, 'JIG RTEN PA'I SBYOR BA'I LAM GYIS BSDUS, RAB TU DBEN PA YID BYED DANG, SBYOR BA MTHAR THUG PA'I YID BYED GNYIS 'JIG RTEN PA'I BAR CHAD MED LAM GYIS BSDUS, DGA' BA SDUD PA YID BYED LAM BZHI CHAR GYIS BSDUS, SBYOR BA MTHAR THUG PA'I 'BRAS BU YID BYED, 'JIG RTEN PA'I RNAM GROL LAM GYIS BSDUS, DPYOD PA YID BYED KHYAD PAR CAN GYIS BSDUS PA YIN PA'I PHYIR, BSDUS PA LAS, MTSAN NYID SO SOR RIG PA DANG MOS PA YID LA BYED PA NI SBYOR BA'I LAM GYIS BSDUS PA YIN NO, ,RAB TU DBEN PA DANG SBYOR BA MTHAR THUG PA GNYIS NI BAR CHAD MED BA'I LAM GYIS BSDUS PA YIN NO, ,DGA' @12B BA SDUD PA NI LAM RNAM PA BZHI CHAR GYIS BSDUS PA YIN NO, ,DPYOD PA YID LA BYED PA NI KHYAD PAR CAN GYI LAM GYIS BSDUS PA KHO NA YIN NO, ,ZHES GSUNGS PA'I PHYIR, DE YANG 'JIG RTEN PA'I LAM GYI RNAM GZHAG MDZAD PA'I PHYIR DU DE LTAR BSHAD KYI BAR CHAD MED LAM SOGS DNGOS MA YIN TE, PHYI ROL PA'I RGYUD LA YANG DE DAG YOD PA'I PHYIR, BSAM GTAN DANG PO'I NYER BSDOGS SGRUB TSUL DE GNYIS PA'I NYER BSDOGS NAS SRID RTZE'I BAR DU CI RIGS PAR SBYAR BAR BYA BA YIN TE, KUN LAS BTUS LAS, BSAM GTAN DANG PO LA JI LTA BAR 'DU SHES MED 'DU SHES MED MIN SKYE MCHED KYI BAR DU YANG DE BZHIN NO; ;ZHES GSUNGS PA'I PHYIR, GNYIS PA DNGOS GZHI BSHAD PA LA, MTSAN NYID, DBYE BA, YAN LAG DU LDAN DPYAD PA DANG GSUM, DANG PO LA, RANG GI 'OG SA 'DOD PA LA CHAGS PA DANG BRAL ZIN PA'I RAB TU PHYE BA'I RIGS GNAS KYI BSAM GTAN DANG PO'I SNYOM 'JUG ,BSAM GTAN DANG PO'I DNGOS GZHI'I MTSAN NYID, GNYIS PA DBYE BA NI, DE LA SGRAS BRJOD RIGS KYI SGO NAS DBYE NA, BSAM GTAN DANG PO'I DNGOS GZHI DAG PA BA, ZAG MED, NYON MONGS CAN DANG GSUM, DANG PO LA, KHA CIG ,BSAM GTAN DANG PO'I DNGOS GZHI DAG PA BA YIN NA RANG SA'I KUN DKRIS KYIS MA BSLAD PA TZAM GYI SNYOM 'JUG YIN PAS KHYAB ZER NA, 'O NA PHYI ROL PA'I RGYUD KYI BSAM GTAN DANG PO'I DNGOS GZHI DAG PA BA'I NGO BOR GYUR PA'I GZHAN SEMS SHES PA'I MNGON SHES CHOS CAN, DER THAL, DE'I PHYIR, DER THAL, DE YOD PA'I PHYIR TE, KUN LAS BTUS LAS, PHYI ROL PA'AM NYAN THOS SAM BYANG CHUB SEMS DPA' 'AM DE BZHIN GSHEGS PA YANG RUNG STE DAG PA'I BSAM GTAN BZHI LA BRTEN NAS TSAD MED PA RNAMS MNGON PAR SGRUB BO, ,TSAD MED PA RNAMS JI LTA BA DE BZHIN DU MNGON PAR SHES PA DANG PO LNGA YANG DE BZHIN NO, ,ZHES GSUNGS PA'I PHYIR, RTZA BAR 'DOD MI NUS TE, CHOS CAN DE YIN PA'I PHYIR, YANG KHA CIG ,DE LA ZHI RAGS KYI RNAM PA CAN GYI BSAM GTAN GYI DNGOS GZHI YIN PAS KHYAB ZER NA, DE LA YANG CHOS CAN SNGA MA DE RANG CHOS CAN, DER THAL, DE'I PHYIR, 'DOD MI NUS TE, CHOS CAN DE YIN PA'I PHYIR, RANG LUGS LA RANG SA'I KUN DKRIS KYIS MA BSLAD PA'I RAB TU PHYE BA'I @13A *, ,BSAM GTAN DANG PO'I DNGOS GZHI, BSAM GTAN DANG PO'I DNGOS GZHI DAG PA BA'I MTSAN NYID, DE LA DBYE NA, DER GYUR PA'I TZAM PO BA DANG KHYAD PAR CAN GNYIS YOD, RTOG PA GNYEN PO'I YAN LAG TU LDAN PA'I RAB TU PHYE BA'I RIGS GNAS KYI BSAM GTAN DANG PO'I DNGOS GZHI DAG PA BA, BSAM GTAN DANG PO'I DNGOS GZHI DAG PA BA TZAM PO BA'I MTSAN NYID, RTOG PA GNYEN PO'I YAN LAG LA CHAGS PA DANG BRAL BA'I RAB TU PHYE BA'I RIGS GNAS KYI BSAM GTAN DANG PO'I DNGOS GZHI DAG PA BA DE, DE KHYAD PAR CAN GYI MTSAN NYID, GZHAN YANG, BSAM GTAN DANG PO'I DNGOS GZHI DAG PA BA LA DBYE NA, DER GYUR PA'I NYAMS PA CHA MTHUN, GNAS PA CHA MTHUN, KHYAD PAR CHA MTHUN, NGES 'BYED CHA MTHUN DANG BZHI YOD, RANG GI MJUG THOGS DE MA THAG TU BSAM GTAN GYI DNGOS GZHI NYON MONGS CAN 'DREN PAR BYED PA'I BSAM GTAN DANG PO'I DNGOS GZHI DE DAG PA BA DANG PO DANG, RANG GI MJUG THOGS DE MA THAG TU RANG SA'I BSAM GTAN GYI DNGOS GZHI DAG PA BA GZHAN 'DREN PAR BYED PA'I BSAM GTAN DANG PO'I DNGOS GZHI DAG PA BA DE GNYIS PA DANG, RANG GI MJUG THOGS DE MA THAG TU GONG SA'I DNGOS GZHI DAG PA BA 'DREN PAR BYED PA'I BSAM GTAN DANG PO'I DNGOS GZHI DAG PA BA GSUM PA DANG, RANG GI MJUG THOGS DE MA THAG TU BSAM GTAN GYI DNGOS GZHI ZAG MED 'DREN PAR BYED PA DANG RJES SU MTHUN PA'I BSAM GTAN DANG PO'I DNGOS GZHI DAG PA BA DE BZHI PA YIN PA'I PHYIR TE, MDZOD LAS, DAG PA NYAMS PA'I CHA MTHUN SOGS; ,RNAM BZHI DE YI GO RIMS BZHIN, ,NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,ZHES GSUNGS PA'I PHYIR, BSAM GTAN GYI SNYOM 'JUG NYON MONGS CAN RGYUD LA LDAN PA'I GANG ZAG YIN NA BSAM GTAN GYI SNYOM 'JUG RGYUD LA MI LDAN PAS KHYAB ZER NA, DE MI 'THAD DE, SNYOM 'JUG NYON MONGS CAN RGYUD LA SKYES PA TZAM GYIS BSAM GTAN GYI SNYOM 'JUG LAS MI NYAMS PAR SHES PAR BYA BA'I PHYIR DU BSAM GTAN GYI SNYOM 'JUG NYON MONGS CAN LA SNYOM 'JUG GI MING GIS BTAGS PA YIN PA'I PHYIR, DE LA SNYOM @13B 'JUG CES PA'I MING 'DOGS PA'I DON ZHIG YOD PA'I PHYIR, KHA CIG ,RANG GI NYER LEN DU GYUR PA'I BSAM GTAN DANG PO'I DNGOS GZHI DAG PA BA'I RDZAS RGYUN DU GYUR PA'I LUNG MA BSTAN GYI BSAM PA RTZE GCIG PA MTSUNGS LDAN DANG BCAS PA DE, NYON MONGS CAN DU GYUR PA'I BSAM GTAN DANG PO'I DNGOS GZHI'I MTSAN NYID, ZER NA, 'O NA, DE KHO KHO RANG YIN PAR THAL, DE YOD PA'I PHYIR, 'DOD NA, DE SNYOM 'JUG TU THAL, NYON MONGS CAN DU GYUR PA'I SNYOM 'JUG YIN PA'I PHYIR, DER THAL, NYON MONGS CAN DU GYUR PA'I BSAM GTAN DANG PO'I DNGOS GZHI YIN PA'I PHYIR, RTAGS KHAS, RTZA BAR 'DOD NA, DGE SEMS RTZE GCIG PA MTSUNGS LDAN DANG BCAS PAR THAL, 'DOD PA'I PHYIR, 'DOD NA, MA YIN PAR THAL, LUNG MA BSTAN GYI BSAM PA RTZE GCIG PA MTSUNGS LDAN DANG BCAS PA YIN PA'I PHYIR, DER THAL, MTSAN NYID DE'I PHYIR, RANG LUGS LA, DE NI BSAM GTAN DANG PO'I DNGOS GZHI NYON MONGS CAN GYI MTSAN NYID, DE LA SGRAS BRJOD RIGS KYI SGO NAS DBYE NA, NYI 'OG BYE BRAG SMRA BA DANG KUN LAS BTUS PA RANG LUGS LA, SRED PA SHAS CHE BA, NGA RGYAL SHAS CHE BA, RMONGS PA SHAS CHE BA'I SNYOM 'JUG NYON MONGS CAN DANG BZHIR 'DOD PA YIN TE; MDZOD LAS, DE DAG SRED LTA NGA RGYAL RMONGS, ,ZHES DANG, KUN LAS BTUS LAS, NYON MONGS PA JI LTA BU ZHE NA, LUNG DU MA BSTAN PA'I RTZA BA BZHI PO SRED PA DANG LTA BA DANG NGA RGYAL DANG MA RIG PA STE, ZHES GSUNGS PA'I PHYIR, DE BZHI'I KHYAD PAR YOD DE, SNGAR BSAM GTAN GYI DNGOS GZHI DAG PA BA YIN PA LA DE LA MNYAM PAR GZHAG PA NA SHIN SBYANGS KYI BDE BA'I RO MYANG GIS SRED PA SKYES TE SNYOM 'JUG DE SRED PA DANG MTSUNGS LDAN DU SONG BA DE'I TSE SNYOM 'JUG DE'I RDZAS RGYUN PHYI MA SRED PA SHAS CHE BA'I SNYOM 'JUG NYON MONGS CAN DANG, BSAM GTAN GYI DNGOS GZHI DAG PA BA LA BRTEN NAS SNGON GNAS RJES DRAN GYI MNGON SHES SGRUB STE, DES RANG GI SNGON DANG PHYI BA'I TSE RABS 'GA' ZHIG MTHONG BA NA 'DI TSUN CHAD DU SKYE BA BLANGS DE PHAN CHAD DU SKYE BA MA BLANGS SNYAM PA SOGS KYI LTA NGAN SKYES TE SNYOM 'JUG DE LTA NGAN DANG MTSUNGS LDAN DU SONG BA NA DE'I RDZAS RGYUN PHYI MA LTA BA @14A *, ,SHAS CHE BA DANG, SNYOM 'JUG 'DI LTA BU BDAG GIS THOB KYI GZHAN GYIS MA THOB BO SNYAM DU NGA RGYAL SKYES TE SNYOM 'JUG DE'I RDZAS RGYUN NGA RGYAL DANG MTSUNGS LDAN DU SONG STE DE'I RDZAS RGYUN PHYI MA NGA RGYAL SHAS CHE BA DANG, SNYOM 'JUG 'DI THAR LAM YIN NAM MA YIN SNYAM DU THE TSOM SKYES TE DE'I RDZAS RGYUN PHYI MA THE TSOM DANG MTSUNGS LDAN DU SONG NGA NA DE'I RDZAS RGYUN PHYI MA DE RMONGS PA MA RIG PA SHAS CHE BA'I SNYOM 'JUG NYON MONGS CAN DU 'JOG PA'I PHYIR, KHA CHE BYE BRAG TU SMRA BA RNAMS NI SNYOM 'JUG NYON MONGS CAN DE SRED PA SHAS CHE BA'I SNYOM 'JUG NYON MONGS CAN KHO NAR 'DOD DE, BSAM GTAN GYI SNYOM 'JUG THOB PA NA RO MYANG GIS SRED PA SKYES TE DE'I RDZAS RGYUN PHYI MA SRED PA SHAS CHE BA'I SNYOM 'JUG NYON MONGS CAN DU 'JOG PA'I PHYIR, MDZOD LAS, RO MYANG MTSUNGS LDAN SRED BCAS SO, ,ZHES GSUNGS PA'I PHYIR, DE RNAMS SNYOM 'JUG MA YIN KYANG SNYOM 'JUG GI MING GIS 'DOGS PA'I RGYU MTSAN YOD DE, SNYOM 'JUG NYON MONGS CAN RGYUD LA SKYES PA TZAM GYI SNYOM 'JUG LAS MI NYAMS PAR SHES PA'I CHED YIN PA'I PHYIR, DE DAG LA BSAM GTAN GYI DNGOS GZHI DAG PA BA ZHES 'CHAD PA'I RGYU MTSAN YOD DE, DAG PA PA'I RDZAS RGYUN YIN PA LA BSAM NAS DE'I MING GIS BTAGS PA YIN PA'I PHYIR, DPER NA, SA BON RUL PA LA SA BON GYI MING GIS BTAGS PA LTA BU YIN PA'I PHYIR, MDZOD 'GREL LAS, NYON MONGS CAN JI LTAR BSAM GTAN YIN ZHE NA LOG PAR SEMS PA'I PHYIR, HA CANG THAL BAR 'GYUR RO ZHE NA MA YIN TE DE DAG DANG RIGS MTHUN PA KHO NA LA DE'I MING DU BTAGS PA'I PHYIR TE DPER NA SA BON RUL PA BZHIN NO, ,ZHES GSUNGS PA'I PHYIR, BSAM GTAN GYI DNGOS GZHI NYON MONGS CAN DE DNGOS GZHI DAG PA BA'I RDZAS RGYUN YIN YANG DE'I RDZAS MA YIN TE, DE SNYOM 'JUG GI RDZAS MA YIN PA'I PHYIR TE, DE DGE BA'I RDZAS MA YIN PA'I PHYIR, DER THAL, DE LUNG MA BSTAN GYI RDZAS YIN PA'I PHYIR, GZHAN YANG, DE SNYOM 'JUG YIN PAR THAL, DE SNYOM 'JUG GI RDZAS YIN PA'I PHYIR, 'DOD NA, DGE BA YIN PAR THAL, 'DOD PA'I PHYIR, KHYAB STE, SNYOM 'JUG DGE BA @14B RTZE GCIG PA, ZHES GSUNGS PA'I PHYIR, SNYOM 'JUG NYON MONGS CAN GANG NYON MONGS PAR BYA BA'I GZHI, GANG GIS NYON MONGS PAR BYED PA'I CHOS, JI LTAR NYON MONGS PAR BYED PA'I TSUL GSUM GYIS SHES PAR BYA BA YIN TE, GANG NYON MONGS PAR BYA BA'I GZHI NI BSAM GZUGS KYI DNGOS GZHI DAG PA BA RNAMS DANG, GANG GIS NYON MONGS PAR BYED PA'I CHOS NI NYON MONGS RNAMS KYI NANG NAS SRED PA, LTA BA'I NYON MONGS, NGA RGYAL, RMONGS PAR MA RIG PA RNAMS YIN, JI LTAR NYON MONGS PAR BYED PA'I TSUL NI SNYOM 'JUG DAG PA BA DE DAG LA MNYAM PAR GZHAG PA NA DE DAG LA RO MYANG GIS SRED PA SKYES TE SNYOM 'JUG DE'I RDZAS RGYUN PHYI MA SRED PA SHAS CHE BA'I SNYOM 'JUG NYON MONGS CAN DU 'GYUR BA SOGS YIN BA'I PHYIR, DANG PO DER THAL, MDZOD LAS, 'JIG RTEN PA YI DGE BA NI, ,DAG PA DE NI DES MYANG BYA, ,ZHES GSUNGS PA'I PHYIR, GNYIS PA DER THAL, KUN LAS BTUS LAS, LUNG DU MA BSTAN PA'I RTZA BA BZHI PA,, ZHES GSUNGS PA'I PHYIR, THE TSOM SHAS CHE BA'I SNYOM 'JUG NYON MONGS CAN LA MA RIG PA SHAS CHE BA ZHES 'CHAD PA'I RGYU MTSAN YOD DE, THE TSOM NYON MONGS CAN DE MA RIG PA'I CHAR GTOGS PA'I PHYIR, RANG GI GZHAL BYAR GYUR PA'I BDEN PA'I RNAM PA'AM BDAG MED PHRA RAGS GSUM GANG YANG RUNG BA MNGON SUM DU RTOGS PA'I BSAM GTAN GYI DNGOS GZHI DE, BSAM GTAN GYI DNGOS GZHI ZAG MED KYI MTSAN NYID, MTSAN GZHI THEG CHEN MTHONG LAM BAR CHAD MED LAM PA'I RGYUD KYI BSAM GTAN GYI DNGOS GZHI LTA BU YIN, GSUM PA YAN LAG DU LDAN DPYAD PA LA, BSAM GTAN DANG PO'I DNGOS GZHI DAG PA BA TZAM PO DE YAN LAG RNAM PA LNGA DANG LDAN TE, GNYEN PO'I YAN LAG RTOG DPYOD GNYIS, PHAN YON GYI YAN LAG DGA' BDE GNYIS, GNAS KYI YAN LAG TING NGE 'DZIN DANG LDAN TE, MDO LAS, 'DOD PAS DBEN SDIG TO MI DGE BA'I CHOS KYIS DBEN PA RTOG PA DANG BCAS SHING DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO, ,ZHES DANG, MDZOD LAS, DANG PO LA LNGA RTOG DPYOD DANG, ,DGA' DANG BDE DANG TING 'DZIN GNAS, ,ZHES GSUNGS @15A *, ,PA'I PHYIR, DE LNGA'I KHYAD PAR YOD DE, SNGAR BSAM GTAN DANG PO'I NYER BSDOGS KYI NGO BOR GYUR PA'I 'DOD PA RNAMS NI RAGS PA DANG DE LA BLTOS TE BSAM GTAN DANG PO ZHI BAR BLTA BA'I YUL LA RTZING BAS [*BA'I] RNAM PAS 'JUG PA'I YID BYED DE'I RIGS RGYUN DU GYUR PA'I BSAM GTAN DANG PO'I DNGOS GZHI DAG PA BA'I NGO BOR GYUR PA'I YUL LA DE LTAR DU RTZING BAS [*BA'I] RNAM PAS 'JUG PA'I BLO DE DE'I GNYEN PO'I YAN LAG TU GYUR PA'I RTOG PA DANG, YANG DANG PO'I NYER BSDOGS KYI NGO BOR GYUR PA'I 'DOD PA RNAMS NI THA BA NGAN PA LTAR DU YON TAN SKYE DKA' BA SOGS YUL LA ZHIB PA'I RNAM PAS 'JUG PA'I YID BYED DE'I RIGS RGYUN DU GYUR PA'I BSAM GTAN GYI DNGOS GZHI DAG PA BA'I NGO BOR GYUR PA'I DE LTAR DU YUL LA ZHIB PA'I RNAM PAS 'JUG PA'I BLO DE DE'I GNYEN PO'I YAN LAG TU GYUR PA'I DPYOD PA DANG, 'DOD PA LA 'DUN PA'I 'DOD SRED MNGON GYUR BAS DBEN PA'I DANG PO'I DNGOS GZHI DAG PA BA DE'I NGO BOR GYUR PA'I TSOR BA BDE BA DES LUS SHES 'KHOR BCAS LA PHAN 'DOGS PA'I CHA NAS BDE BA DANG, YID SHES 'KHOR BCAS LA PHAN 'DOGS PA'I CHA NAS DGA' BAR 'JOG PA'I PHYIR, DE RNAMS KYI RTEN BYED PA'I DMIGS PA LA RTZE GCIG TU 'DZIN PA'I DNGOS GZHI DAG PA BA'I NGO BOR GYUR PA'I TING NGE 'DZIN DE DE'I GNYEN PO'I YAN LAG TU GYUR PA'I TING NGE 'DZIN YIN PA'I PHYIR, DANG PO GNYIS DER THAL, MDZOD LAS, RTOGS DANG DPYOD PA RTZING ZHIB NYID, ,CES GSUNGS PA'I PHYIR, BSAM GTAN DANG PO'I DNGOS GZHI DAG PA BA TZAM PO BA DE YAN LAG LNGA DANG LDAN PA YIN YANG, BSAM GTAN GYI DNGOS GZHI DAG PA BA LA DE LNGA DANG LDAN PAS MA KHYAB STE, DE'I GNYEN PO'I YAN LAG TU GYUR PA'I RTOG PA DE YAN LAG LNGA DANG MI LDAN PA'I PHYIR TE, DE LTAR NA YAN LAG LNGA LDAN DE DAG THUG MED DU 'GYUR BA'I PHYIR, BSAM GTAN GNYIS PA'I SNYOM 'JUG BSHAD PA LA, MTSAN NYID, DBYE BA, YAN LAG DU LDAN DPYAD PA DANG GSUM, DANG PO NI, RANG GI 'OG SA BSAM GTAN DANG PO LA CHAGS PA DANG BRAL BYED DANG BRAL ZIN PA GANG YANG RUNG BA'I RAB TU PHYE BA'I RIGS SU GNAS PA'I BSAM GTAN GYI SNYOM 'JUG ,BSAM GTAN @15B GNYIS PA'I SNYOM 'JUG GI MTSAN NYID, GNYIS PA DE LA DBYE NA, DE'I NYER BSDOGS DANG DNGOS GZHI GNYIS, DANG PO LA, RANG GI 'OG SA BSAM GTAN DANG PO LA CHAGS PA DANG BRAL BYED KYI RAB TU PHYE BA'I RIGS SU GNAS PA'I BSAM GTAN GNYIS PA'I SNYOM 'JUG DE, DE'I NYER BSDOGS KYI MTSAN NYID, DBYE NA DER GYUR PA'I ZHI GNAS DANG LHAG MTHONG GNYIS, RANG GI 'OG SA BSAM GTAN DANG PO LA CHAGS PA DANG BRAL ZIN PA'I RAB TU PHYE BA'I RIGS SU GNAS PA'I BSAM GTAN GNYIS PA'I SNYOM 'JUG ,DE'I DNGOS GZHI'I MTSAN NYID, DE LA SGRAS BRJOD RIGS KYI SGO NAS DBYE NA, DAG PA BA, NYON MONGS CAN, ZAG MED DANG GSUM, BSAM GTAN GNYIS PA'I DNGOS GZHI DAG PA BA LA MTSAN NYID SOGS DANG POS RIGS 'GRE, BSAM GTAN GNYIS PA'I DNGOS GZHI DAG PA BA LA TZAM KHYAD GNYIS SU MI 'BYED DE, BSAM GTAN GNYIS PA'I SNYOM 'JUG SOGS PHYI MA GSUM DNGOS GZHI'I YAN LAG PHYOGS GCIG LA CHAGS PA DANG BRAL BAR MI NUS PA'I PHYIR TE, DE RNAMS KYI YAN LAG NANG PHAN TSUN CHAGS PA DANG BRAL DKA' SLA'I KHYAD PAR MED PA'I PHYIR, GSUM PA YAN LAG DU LDAN DPYAD PA LA, BSAM GTAN GNYIS PA'I DNGOS GZHI DAG PA BA YAN LAG BZHI DANG LDAN TE, GNYEN PO'I YAN LAG NANG RAB TU DANG BA DANG, PHAN YON GYI YAN LAG TING NGE 'DZIN LAS SKYES PA'I DGA' BDE GNYIS, GNAS KYI YAN LAG TING NGE 'DZIN DANG BZHI YOD PA'I PHYIR, MDO LAS, DE SEMS KYI RGYUD GCIG TU GYUR PAS NANG RAB TU DANG STE, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA LA NYE BAR BSGRUBS TE GNAS SO, ,ZHES GSUNGS PA'I PHYIR, MDZOD LAS, GNYIS PA LA NI YAN LAG BZHI, ,RAB DGA' DANG NI DGA' LA SOGS, ,ZHES GSUNGS PA'I PHYIR, DE GSUM GYI KHYAD PAR YOD DE, DRAN SHES BZHIN BTANG SNYOMS GSUM LA NANG RAB TU DANG BA'I MING GIS BTAGS BA, 'DOD SRED MNGON GYUR BA LA CHAGS PA DANG BRAL BA TZAM GYI BDE BA MIN PAR TING NGE 'DZIN LAS SKYES PA'I BDE BA DES LUS SHES 'KHOR BCAS LA PHAN 'DOGS PA'I CHA NAS BDE BA, YID SHES 'KHOR BCAS LA PHAN 'DOGS PA'I CHA NAS DGA' BA @16A *, ,SOGS SU 'JOG PA'I PHYIR, BSAM GTAN GSUM PA'I SNYOM 'JUG BSHAD PA LA, MTSAN NYID, DBYE BA, YAN LAG DU LDAN DPYAD PA DANG GSUM, DANG PO NI, RANG GI 'OG SA BSAM GTAN GNYIS PA LA CHAGS PA DANG BRAL BYED DANG BRAL ZIN PA GANG YANG RUNG BA'I RAB TU PHYE BA'I RIGS SU GNAS PA'I SNYOM 'JUG ,BSAM GTAN GSUM PA'I SNYOM 'JUG GI MTSAN NYID, GNYIS PA DE LA DBYE NA, DE'I NYER BSDOGS DANG DNGOS GZHI GNYIS, DANG PO NI, RANG GI 'OG SA BSAM GTAN GNYIS PA LA CHAGS PA DANG BRAL BYED KYI RAB TU PHYE BA'I RIGS SU GNAS PA'I BSAM GTAN GSUM PA'I SNYOM 'JUG ,DE'I NYER BSDOGS KYI MTSAN NYID, DBYE NA, DE'I ZHI LHAG GNYIS, RANG GI 'OG SA BSAM GTAN GNYIS PA LA CHAGS PA DANG BRAL ZIN PA'I RAB TU PHYE BA'I RIGS SU GNAS PA'I BSAM GTAN GSUM PA'I SNYOM 'JUG ,DE'I DNGOS GZHI'I MTSAN NYID, DE LA SGRAS BRJOD RIGS KYI SGO NAS DBYE NA, BSAM GTAN GSUM PA'I DNGOS GZHI DAG PA BA SOGS GSUM, GSUM PA YAN LAG DU LDAN DPYAD PA LA, BSAM GTAN GSUM PA'I DNGOS GZHI DAG PA BA DE YAN LAG LNGA DANG LDAN TE, GNYEN PO'I YAN LAG DRAN SHES BZHIN BTANG SNYOMS GSUM, PHAN YON GYI YAN LAG TSOR BA BDE BA, GNAS KYI YAN LAG TING NGE 'DZIN DANG LNGA YOD PA'I PHYIR, MDO LAS, DE BDE BA YANG SPANGS, SDUG BSNGAL BA YANG SPANGS SDUG BSNGAL DANG YID MI BDE BA SNGA NAS KYANG NUB PAR GYUR TE, BDE BA LUS KYIS MYONG LA 'PHAGS PA RNAMS KYI DRAN PA DANG SHES BZHIN DANG BTANG SNYOMS PA'O, ,ZHES DANG, MDZOD LAS, GSUM PA LA LNGA BTANG SNYOMS DANG, DRAN DANG SHES BZHIN BDE DANG GNAS, ,ZHES GSUNGS PA'I PHYIR, DE RNAMS KYI KHYAD PAR YOD DE, DNGOS GZHI DE'I NGO BOR GYUR PA'I DMIGS RNAM MI BRJED PAR 'DZIN PA'I DRAN PA DANG, BYING RGOD KYI SKYON BYUNG MA BYUNG RTOGS PA'I SHES BZHIN DANG, BYING RGOD KYI SKYON MED PAR GNAS PA'I TSE BTANG SNYOMS SU 'JOG PA'I BTANG SNYOMS DANG, DGA' BAS DBEN PA'I BDE BA DANG, SNGA MA DE RNAMS KYI RTEN BYED PA'I DMIGS PA LA RTZE GCIG PAR 'DZIN PA'I TING NGE @16B 'DZIN DE RIM PA BZHIN 'JOG PA'I PHYIR, BSAM GTAN DANG PO GNYIS KYI SKABS SU DE GNYIS KYI GNYEN PO'I YAN LAG TU GYUR PA'I DRAN SHES BZHIN BTANG SNYOMS GSUM YOD KYANG DE GSUM DNGOS SU MI SMOS PAR GSUM PA'I SKABS SU DNGOS SU SMOS PA'I RGYU MTSAN CI YIN ZHE NA, KHA CIG ,DE'I RGYU MTSAN YOD DE, BSAM GTAN DANG PO GNYIS KYI SKABS SU RIM PA BZHIN DU RTOG DPYOD ME LTA BU'I SKYON DANG DGA' BDE CHU LTA BU'I SKYON DANG BCAS PAS DE GNYIS KYI GNYEN PO'I YAN LAG TU GYUR PA'I DRAN SHES BZHIN BTANG SNYOMS GSUM PO DES RANG GI NGO BO'I SGO NAS BYA BA BYED MI NUS, GSUM PA'I GNAS SKABS SU SKYON DE GNYIS DANG BRAL BAS DE LTAR NUS PA YIN NO, ,ZHES ZER NA 'O NA, BSAM GTAN DANG PO GNYIS KYI NGO BOR GYUR PA'I DRAN SHES BZHIN BTANG SNYOMS GSUM PO DES RANG GI NGO BO'I SGO NAS BYA BA BYED MI NUS PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, DE'I NGO BOR GYUR PA'I DRAN PAS DMIGS PA MI BRJED PAR 'DZIN PA YANG NUS, SHES BZHIN GYIS BYING RGOD BYUNG MA BYUNG RTOGS PA YANG NUS, BTANG SNYOMS KYIS BYING RGOD DANG BRAL BA'I TSE CHA MNYAM DU 'JOG NUS PA'I PHYIR, BSAM GTAN GSUM PA'I PHAN YON GYI YAN LAG TU GYUR PA'I BDE BA DE BYE SMRA BA RNAMS SHIN SBYANGS KYI BDE BAR 'DOD PA YIN TE, DES BSAM GTAN DANG PO GSUM GYI PHAN YON GYI YAN LAG TU GYUR PA'I BDE BA DE SHIN SBYANGS KYI BDE BAR 'DOD, DANG PO GNYIS KYI PHAN YON GYI YAN LAG TU GYUR PA'I DGA' BA DE YID BDER 'DOD PA'I PHYIR TE, MDZOD LAS, SHIN TU SBYANGS PA BDE BA'ANG YIN, ,ZHES DANG, LUNG RNAM GNYIS PHYIR DGA' YID BDE, ZHES GSUNGS PA'I PHYIR, MDO SDE PA NI GSUM PA'I PHAN YON GYI YAN LAG TU GYUR PA'I BDE BA DE LUS BDE BAR 'DOD PA'I PHYIR, SHIN SBYANGS KYI BDE BAR BYED NA BSAM GTAN BZHI PA LA GSUM PA MAN CHAD LAS CHES LHAG PA'I SHIN SBYANGS KYI BDE BA YOD PAS MI 'THAD PA'I PHYIR, ZHES GSUNGS, MKHAS PA KHA CIG ,RANG LUGS MDO SDE PA LTAR 'DOD DO ZHE NA MI 'THAD DE, LUS SHES SU GYUR PA'I BDE BA YIN NA DBANG SHES YIN DGOS, BSAM GTAN GYI DNGOS BZHI YIN NA DBANG @17A *, ,SHES MA YIN DGOS PA'I PHYIR, GZHAN YANG, BSAM GTAN GNYIS PA YAN CHAD KYI SAS BSDUS PA'I DBANG SHES YOD PAR THAL, BSAM GTAN GSUM PA'I PHAN YON GYI YAN LAG TU GYUR PA'I DBANG SHES YOD PA'I PHYIR, 'DOD NA, GNYIS PA YAN CHAD KYI SAS BSDUS PA'I RTOG DPYOD YOD PAR THAL, 'DOD PA GANG ZHIG ,DBANG SHES RTOG DPYOD KYI SA YIN PA'I PHYIR, 'DOD MI NUS TE, DE LA CHAGS PA DANG BRAL ZIN PA'I PHYIR, RTZA BAR 'DOD NA MI 'THAD PAR THAL, BSAM GTAN GNYIS PA YAN CHAD KYI MIG SHES SOGS BSAM GTAN DANG PO'I SAS BSDUS PA'I PHYIR, DER THAL, GNYIS PA SOGS NA LUS MIG DANG, ,ZHES SOGS GSUNGS PA'I PHYIR, BSAM GTAN GSUM PA'I PHAN YON GYI YAN LAG TU GYUR PA'I BDE BA DE SHIN SBYANGS KYI BDE BA MA YIN PAR THAL, LUS SHIN SBYANGS KYI BDE BA YANG MA YIN, SEMS SHIN SBYANGS KYI BDE BA YANG MA YIN PA'I PHYIR, DER THAL, LUS BDE YIN PAR BSHAD MA THAG PA'I SKYON DE DAG 'JUG PA'I PHYIR, PHYI MA DER THAL, DGA' BAS DBEN PA'I BDE BA YIN PA'I PHYIR, DE LTAR YIN KYANG MDO LAS BDE BA LUS KYI MYONG LA ZHES PA DANG, MDZOD LAS, GSUM PA NA SEMS KYI DE NI BDE DBANG PO,, ZHES GSUNGS PA DANG MI 'GAL TE, LUS SHES 'KHOR BCAS LA PHAN 'DOGS PA'I CHA NAS BDE BA'I DBANG PO ZHES BRJOD PA'I PHYIR, RANG LUGS LA, YID SHES SU GYUR PA'I DGA' BAS DBEN PA'I BDE BA YIN, BSAM GTAN BZHI PA'I SNYOM 'JUG BSHAD PA LA; MTSAN NYID DBYE BA, YAN LAG DU LDAN DPYAD PA DANG GSUM, DANG PO LA, RANG GI 'OG SA BSAM GTAN GSUM PA LA CHAGS PA DANG BRAL BYED DANG BRAL ZIN PA GANG YANG RUNG BA'I RAB TU PHYE BA'I RIGS SU GNAS PA'I BSAM GTAN GYI SNYOM 'JUG ,BSAM GTAN BZHI PA'I SNYOM 'JUG GI MTSAN NYID, GNYIS PA DBYE BA LA, DE LA DBYE NA DE'I NYER BSDOGS DANG DNGOS GZHI GNYIS, RANG GI 'OG SA BSAM GTAN GSUM PA LA CHAGS PA DANG BRAL BYED KYI RAB TU PHYE BA'I RIGS SU GNAS PA'I BSAM GTAN BZHI PA'I SNYOM 'JUG ,DE'I NYER BSDOGS KYI MTSAN NYID, DBYE NA @17B DER GYUR PA'I ZHI GNAS DANG LHAG MTHONG GNYIS, RANG GI 'OG SA BSAM GTAN GSUM PA LA CHAGS PA DANG BRAL ZIN PA'I RAB TU PHYE BA'I RIGS SU GNAS PA'I BSAM GTAN BZHI PA'I SNYOM 'JUG ,DE'I DNGOS GZHI'I MTSAN NYID, SGRAS BRJOD RIGS KYI SGO NAS DBYE NA, DAG PA BA, NYON MONGS CAN, ZAG MED DANG GSUM, DE RNAMS KYI MTSAN NYID, DBYE BA SOGS DANG PO LTAR BYED, GSUM PA YAN LAG DU LDAN DPYAD PA LA, DAG PA BA DE YAN LAG BZHI DANG LDAN TE, GNYEN PO'I YAN LAG DRAN PA 'DU BYED BTANG SNYOMS, PHAN YON GYI YAN LAG TSOR BA BTANG SNYOMS, GNAS KYI YAN LAG TING NGE 'DZIN BZHI DANG LDAN PA'I PHYIR, MDZOD LAS, MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN GNAS, ,ZHES GSUNGS PA'I PHYIR, BSAM GTAN GSUM PA'I GNYEN PO'I YAN LAG TU SHES BZHIN DNGOS SU SMOS, BZHI PA'I GNYEN PO'I YAN LAG TU SHES BZHIN DNGOS SU MI SMOS PA'I RGYU MTSAN LA, KHA CIG ,DE'I RGYU MTSAN YOD DE, GSUM PA MAN CHAD DU DGA' BDE CHU LTA BU SOGS TING NGE 'DZIN GYI SKYON BRGYAD PO CI RIGS PA DANG BCAS, BZHI PA'I DNGOS GZHI DE SKYON BRGYAD PO DE LAS GROL BA'I PHYIR, MDZOD LAS, SKYON BRGYAD LAS NI GROL BA'I PHYIR, BZHI PA G-YO BA MED PA YIN, ,ZHES GSUNGS PA'I PHYIR, ZER NA, 'O NA, BSAM GTAN DANG PO'I DNGOS GZHI TZAM PO BA'I NGO BOR GYUR PA'I TING NGE 'DZIN DE TING NGE 'DZIN SKYON CAN YIN PAR THAL, DNGOS GZHI TZAM PO DE RTOG DPYOD GNYIS DANG LDAN PA GANG ZHIG ,DE GNYIS TING NGE 'DZIN GYI SKYON YIN PA'I PHYIR, RTAGS KHAS, 'DOD NA, DE CHOS CAN, TING NGE 'DZIN SKYON CAN MA YIN PAR THAL, BYING RGOD KYI SKYON DANG BRAL BA'I TING NGE 'DZIN YIN PA'I PHYIR TE, CHOS CAN DE YIN PA'I PHYIR, DES GZHAN LA YANG MTSON NO, ,RANG LUGS LA, BRGYAD PO DE SPYIR TING NGE 'DZIN GYI SKYON MA YIN KYANG BZHI PA LA BLTOS PA'I SKYON YIN ZHING, BRGYAD PO DE LAS GROL BAS SHES BZHIN GYIS BYA RA BYED MI DGOS PA'I RGYU MTSAN GYIS MA SMOS PA YIN NO, ,BZHI PA LA BLTOS PA'I SKYON YIN TE, SKYON BRGYAD LAS NI GROL BA'I PHYIR, ,ZHES GSUNGS PA'I PHYIR, YAN LAG BCO BRGYAD PO DE RDZAS RIGS KYI SGO NAS @18A *, ,BSDU TSUL LA, BYE SMRA BA RNAMS DGA' BDE GNYIS KYI DGA' BA YID BDE DANG, BDE BA SHIN SBYANGS KYI BDE BAR BYED, RAB DANG THA DAD PAR BYAS NAS RDZAS RIGS SO SOR BYAS TE RDZAS RIGS BCU GCIG DU BYED, MDO SDE PAS DGA' BA YID BDE DANG BDE BA LUS BDER BYAS PAS DANG PO LA RDZAS RIGS LNGA, RAB DANG DRAN SOGS GSUM LA BTAGS PA BAR BYAS PAS GNYIS PA LA RDZAS RIGS GSUM, BZHI PA'I TSOR BA BTANG SNYOMS GCIG STE DGUR BYED, KUN BTUS PA RANG LUGS DGA' BDE GNYIS YID KYI RNAM SHES KYI 'KHOR DU GYUR PA'I TSOR BA BDE BAR MTSUNGS PAS DANG PO LA RDZAS RIGS BZHI, GNYIS PAR DRAN SHES BZHIN BTANG SNYOMS GSUM, BZHI PA'I TSOR BA BTANG SNYOMS DANG BCAS PAS RDZAS RIGS BRGYAD DU BYED PA YIN NO, ,DE YANG RTOG PA RIGS MTHUN LA 'DIR RDZAS RIGS GCIG PAR BYED KYI YONGS GRAGS KYI RDZAS GCIG THA DAD SOGS NI MA YIN TE, BSAM GTAN DANG PO GNYIS KYI DGA' BDE RDZAS GCIG PA SOGS MA YIN PA'I PHYIR, KHA CIG ,SKABS 'DIR DGA' BDE GNYIS KYI 'BYED TSUL MDO SDE PA DANG MTHUN PAR BYED ZER NA, DANG PO GNYIS KYI PHAN YON GYI YAN LAG TU GYUR PA'I BDE BA CHOS CAN, KHYOD LUS SHES MA YIN PAR THAL, DBANG SHES MA YIN PA'I PHYIR, DER THAL, BSAM GTAN GYI SNYOM 'JUG YIN PA'I PHYIR, GZHAN YANG DE MI 'THAD DE, GNYIS PA SOGS NA LUS MIG DANG, ,ZHES SOGS KYIS GNOD PA'I PHYIR, BSAM GTAN DE DANG DE'I YAN LAG RE RE BA RNAMS BSAM GTAN DE DANG DE YIN NAM ZHE NA SHIN TU YIN TE, THEG CHEN MTHONG LAM BAR CHAD MED LAM GYI NGO BOR GYUR PA'I BYANG CHUB YAN LAG BDUN PO DE RE RE NAS THEG CHEN MTHONG LAM BAR CHAD MED LAM YIN PA'I PHYIR DANG, BSAM GTAN DANG PO'I NGO BOR GYUR PA'I DRAN PA LTA BU LA YANG DE'I MTSAN NYID TSANG BA'I PHYIR, KHA CIG ,BSAM GTAN GONG MA GONG MA'I NYER BSDOGS DANG 'OG MA 'OG MA'I DNGOS GZHI YIN PA YOD ZER NA, 'O NA, BSAM GTAN DANG PO'I DNGOS GZHI DAG PA BA DANG GNYIS PA'I NYER BSDOGS KYI GZHI MTHUN CHOS CAN, KHYOD RANG SA BSAM GTAN DANG PO LA 'DUN PA'I @18B 'DUN SRED MNGON GYUR BA DANG BRAL BYED MA YIN PAR THAL, KHYOD BSAM GTAN DANG PO'I DNGOS GZHI DAG PA BA YIN PA'I PHYIR TE, DPER NA, RTZIG PAS RTZIG PA LA DBYUNG MI NUS PA LTA BU YIN PA'I PHYIR, 'DOD MI NUS TE, KHYOD BSAM GTAN GNYIS PA'I NYER BSDOGS YIN PA'I PHYIR, GZHAN YANG, DE 'DRA'I GZHI MTHUN PA CHOS CAN, BSAM GTAN DANG PO'I GONG SA YIN PAR THAL, BSAM GTAN GNYIS PA'I SNYOM 'JUG YIN PA'I PHYIR, DER THAL, DE'I NYER BSDOGS YIN PA'I PHYIR, 'DOD MI NUS TE, BSAM GTAN DANG PO'I RANG SA YIN PA'I PHYIR, KHA CIG ,SNYOM 'JUG SOGS KYI RTEN BRTEN PA'I DON NGO BO GCIG PA'I RTEN BRTEN PA KHO NAR BYED PA LA YANG RIGS PA 'DI DAG KYANG 'JUG GO ,BSAM GTAN DANG PO'I DNGOS GZHI YIN NA 'DOD NYON DGU PA SPANGS PAS KHYAB ZER NA HA CANG RTZINGS TE, DE LTAR NA, PHYI ROL PA'I RGYUD KYI BSAM GTAN DANG PO'I DNGOS GZHI CHOS CAN, DER THAL, DE'I PHYIR, 'DOD NA, 'DOD PA'I SAS BSDUS KYI GANG ZAG GI BDAG 'DZIN DGU PA SPANGS PAR THAL, 'DOD PA'I PHYIR, MA KHYAB NA, 'DOD NYON YIN NA 'DOD PA LA 'DUN PA'I 'DUN SRED YIN DGOS PAR THAL, 'DOD NYON DGU PA YIN NA 'DOD PA LA 'DUN PA'I 'DUN SRED DGU PA YIN DGOS PA'I PHYIR, 'DOD NA, KHONG KHRO CHOS CAN, DER THAL, DE'I PHYIR, 'DOD NA, SGRIB LUNG MA BSTAN YIN PAR THAL, 'DOD PA DE'I PHYIR, 'DOD MI NUS TE, MI DGE BA YIN PA'I PHYIR, CHOS CAN DE YIN PA'I PHYIR, KHA CIG ,BSAM GTAN DANG PO'I DNGOS GZHI THOB LA MA NYAMS PA'I GANG ZAG YIN NA, 'DOD PA LA CHAGS BRAL GYI GANG ZAG YIN PAS KHYAB ZER NA, RANG RGYUD KYI 'DOD PA'I 'DOD CHAGS GZHAN DON SGRUB PA'I YAN LAG TU SGYUR BZHIN PA'I BYANG 'PHAGS KYIS MA NGES SO, ,KHA CIG ,DE 'DRA'I GANG ZAG LA, 'DOD PA LA 'DUN PA'I 'DUN SRED MNGON GYUR BA SPANGS PAS KHYAB ZER NA, 'DOD PA LA 'DUN PA'I 'DUN SRED MNGON GYUR BA RE ZHIG SPANGS PA'I GANG ZAG YIN NA DE MNGON GYUR BA SPANGS PAS KHYAB PAR THAL, BSAM GTAN DANG PO'I DNGOS GZHI THOB PA'I PHYI ROL PA DE 'DOD PA LA 'DUN PA'I 'DUN SRED MNGON GYUR BA SPANGS PA'I GANG ZAG YIN PA'I PHYIR, MA GRUB NA, 'KHOR GSUM YOD, , @19A *, ,GZHAN YANG, GANG ZAG GI BDAG 'DZIN MNGON GYUR BA RE ZHIG SPANGS PA'I GANG ZAG LA DE MNGON GYUR BA SPANGS PAS KHYAB PA DANG, BDEN 'DZIN LA YANG DE LTAR DGOS PAR THAL LO, ,DES NA LUNG GI RJES 'BRANG GI SEMS TZAM PA'I LUGS LA BSAM GTAN GYI DNGOS GZHI THOB PA'I PHYI ROL PAS NYON YID MA SPANGS PA DANG, RANG RGYUD PA'I LUGS LA 'DOD PA LA 'DUN PA'I 'DUN SRED MNGON GYUR BA RE ZHIG SPANGS KYANG, GANG ZAG GI BDAG 'DZIN DANG DES DRANGS PA'I LOG LTA DANG MTHAR 'DZIN GYI LTA BA LA SOGS PA NI MNGON GYUR BA TZAM YANG MA SPANGS PA DANG, KHA CIG NI, DBU MA THAL 'GYUR BA'I LUGS LA NI BDEN 'DZIN GYIS DRANGS PA'I 'DOD PA LA 'DUN PA'I 'DUN SRED PHRA MO MNGON GYUR BA RE ZHIG TZAM YANG MA SPANGS PAR 'DOD PA YIN TE, SGRUB BYED RGYAS PAR MA BKOD DO, ,BSAM GTAN GYI SNYOM 'JUG RNAMS BYED LAS KYI SGO NAS BSDU NA, 'OG SA LA CHAGS PA DANG BRAL BYED DANG, MTHONG CHOS LA BDE BAR GNAS BYED DANG, YON TAN MNGON PAR SGRUB BYED GSUM DU 'DU STE, NYER BSDOGS RNAMS DANG PO DANG, DAG PA BA RNAMS PHYI MA GNYIS DANG, ZAG MED RNAMS GSUM PAR 'DU BA'I PHYIR, DANG PO YIN TE, BSAM GTAN DANG PO'I NYER BSDOGS KYIS RANG GI GONG SA GSUM CHAR LA CHAGS BRAL NUS, NYER BSDOGS GZHAN RNAMS KYIS 'OG SA 'BA' ZHIG LA CHAGS BRAL BYED PA'I PHYIR, DANG PO DE LTAR YIN TE, ZHUGS PA DANG PO GNYIS KYIS BSAM GTAN DANG PO'I NYER BSDOGS MI LCOGS MED LA BRTEN NAS NYAN THOS KYI MTHONG LAM BAR CHAD MED LAM DE'I NGO BOR BSKYED, 'BRAS GNAS DANG PO GNYIS KYIS NYER BSDOGS MI LCOGS MED LA BRTEN NAS NYAN THOS KYI SGOM LAM BAR CHAD MED LAM DANG, KHYAD PAR SPANG BYA CIG CAR BA'I RGYUN ZHUGS KYIS NYER BSDOGS MI LCOGS MED KYI NGO BOR NYAN THOS SGOM LAM RDO RJE LTA BU'I TING NGE 'DZIN BSKYED NAS KHAMS GSUM GYI NYON MONGS KYI SA BON CIG CAR DU SPONG BA'I PHYIR, MDZOD LAS, NYER BSDOGS MI LCOGS MED PA YI, ,THAMS CAD LA NI 'DOD CHAGS BRAL, ,ZHES GSUNGS PA'I PHYIR, GZHAN RNAMS KYIS RANG RANG GI 'OG SA 'BA' ZHIG LA CHAGS BRAL BYED PA'I @19B RGYU MTSAN YOD DE, GNYIS PA YAN CHAD KYI NYER BSDOGS KYI NGO BOR ZAG MED BAR CHAD MED LAM BSKYED MI NUS PA'I PHYIR TE, BSAM GTAN DANG PO'I DNGOS GZHI MA THOB PAR GNYIS PA YAN CHAD KYI NYER BSDOGS MI SGRUB, DANG PO'I DNGOS GZHI THOB NA LAM SLA BA BSAM GTAN GYI DNGOS GZHI LA BRTEN NAS 'DAS LAM SGRUB PAS CHOG BZHIN DU LAM DKA' BA NYER BSDOGS LA BRTEN NAS SGRUB PA LA DGOS PA MED PA'I PHYIR TE, MDZOD LAS, BSAM GTAN DAG GI LAM RNAMS SLA, ,SA GZHAN DAG GI DKA' BA YIN, ,ZHES GSUNGS PA'I PHYIR, DE GNYIS LA DKA' SLA 'BYUNG BA'I RGYU MTSAN YOD DE, NYER BSDOGS RNAMS GONG 'OG LA ZHI RAGS SU BLTA BA'I DPYAD SGOM GTZO CHE BAS ZHI LHAG CHA MI SNYOMS, DNGOS GZHI RNAMS 'OG SA LA CHAGS PA DANG BRAL ZIN PAS ZHI LHAG CHA SNYOMS PAS SLA BA YIN PA'I PHYIR, BYANG SEMS THABS LA MKHAS PAS 'DOD SEMS DANG, SRID RTZE'I SEMS RTEN LA BRTEN NAS ZAG MED BAR CHAD MED LAM SKYE NUS KYANG, NYAN THOS THABS LA MI MKHAS PAS MI NUS TE, 'DOD SEMS SHIN TU RAGS PA DANG SRID RTZE'I SEMS 'DUS BYAS KYI RGYU BA MI GSAL BA'I PHYIR, NYAN THOS RNAMS KYIS SEMS DE GNYIS LA BRTEN NAS ZAG MED BAR CHAD MED LAM DE GNYIS KYI NGO BOR BSKYED MI NUS KYANG, ZAG MED KYI LAM TZAM NI DE GNYIS KYI NGO BOR BSKYED NUS TE, DE GNYIS RE RE NAS DER GYUR PA'I NYAN THOS KYI MTHONG SGOM GYI LAM YOD, DE GNYIS GANG RUNG LA ZAG MED KYIS KHYAB PA'I PHYIR, DNGOS GZHI DAG PA BA RNAMS MTHONG CHOS LA BDE BAR GNAS PA DANG, YON TAN MNGON PAR SGRUB BYED GNYIS SU 'DU STE, DGA' BDE SOGS KYI PHAN YON GYI SGO NAS MTHONG CHOS LA BDE BAR GNAS, MNGON SHES SOGS KYI SEMS RTEN BYED PAS YON TAN MNGON PAR SGRUB BYED KYANG YIN PA'I PHYIR, DNGOS GZHI ZAG MED RNAMS DE GSUM CHAR DU 'DU STE, DES BYA BA GSUM CHAR DU BYED NUS PA'I PHYIR, BSAM GTAN GYI DNGOS GZHI BZHI PO DE LA NANG GSEL [*GSES] MI 'DRA BA'I KHYAD PAR YOD DE, DNGOS GZHI DANG PO GNYIS LA RTOG DPYOD LA CHAGS PA DANG BRAL MA BRAL GYI SGO NAS GNYEN PO'I YAN LAG RDZOGS MA RDZOGS KYI KHYAD PAR YOD, GNYIS PA DANG GSUM PA LA DGA' BA LA CHAGS PA DANG BRAL MA BRAL GYI SGO NAS PHAN YON GYI YAN LAG RDZOGS MA RDZOGS @20A *, ,KYI KHYAD PAR YOD, GSUM PA DANG BZHI PA LA SKYON BRGYAD LAS GROL MA GROL GYI SGO NAS YONGS SU DAG PA RDZOGS MA RDZOGS KYI KHYAD PAR YOD PA'I PHYIR, GSUM PA'I PHAN YON GYI YAN LAG TU GYUR PA'I DGA' BAS DBEN PA'I BDE BA DGA' BA YIN KYANG DGA' BA LA CHAGS BRAL YIN PAR MI 'GAL TE, DGRA BCOM PA'I RGYUD KYI ZAG MED KYI BDE BA DE BDE BA YIN KYANG BDE BA LA CHAGS BRAL DU MI 'GAL BA LTA BU YIN PA'I PHYIR, KHA CIG ,SRID RTZE'I RTEN LA CI YANG MED KYI DNGOS GZHI MNGON DU 'GYUR BA'I DMIGS BSAL MA GTOGS, MDZOD LAS, BSAM GTAN GZUGS MED RANG DANG NI, ,GONG SA'I RTEN CAN 'OG DGOS MED, ,CES GSUNGS PAS GONG SA'I RTEN LA 'OG SA'I BSAM GZUGS KYI DNGOS GZHI MNGON DU GYUR PA MED ZER NA, DE MI 'THAD DE, BSAM GTAN BZHI PA'I RTEN LA 'OG MA GSUM GA'I DNGOS GZHI MNGON DU GYUR PA YOD PA'I PHYIR, DER THAL, BSAM GTAN BZHI PA'I BYANG 'PHAGS KYIS BSAM GZUGS BRGYAD LA 'GOG PA SPEL BA'I THOD BRGAL GYI DNGOS GZHI LA SNYOM PAR 'JUG PA YOD PA'I PHYIR, DE LTAR NA'ANG MDZOD KYI LUNG DANG 'GAL BA'I SKYON MED DE, DE'I DON NI GONG DU BSHAD ZIN PA LTAR YIN PA'I PHYIR TE, RANG LA RTOGS PA'I YON TAN MCHOG YOD BZHIN DU DE LAS DMAN PA'I RTOGS PA'I YON TAN SGRUB PA LA DGOS PA MED PA'I PHYIR, BYANG 'PHAGS SU MA ZAD GONG MA'I SO SKYE'I RTEN LA 'OG SA'I SNYOM 'JUG MNGON DU GYUR PA YOD DE, GONG DU BSGRUBS ZIN PA'I PHYIR, KHA CIG ,BSAM GTAN GNYIS PA'I LHA'I RGYUD LA 'OG SA'I NYON MONGS MNGON DU GYUR PA DANG GNYIS PA BA 'CHI 'PHO BA DUS MNYAM ZER NA, DE NI SHIN TU MI RIGS TE, 'OG SA'I NYON MONGS GONG SA'I SEMS CAN GYI 'CHI RKYEN DU GANG LAS KYANG MA BSHAD CING, GONG SA'I RTEN LA 'OG SA'I NYON MONGS MNGON DU MI 'GYUR BAR RANG NYID RNAMS KYIS KHAS BLANGS PA DANG YANG 'GAL BA'I PHYIR, 'DI'I LHAG MA RTEN 'BREL GYI SKABS SU DPYOD DO, ,NGES PA BRTAN PA'I PHYIR, RANG RGYUD LA LDAN PA'I GANG ZAG GZUGS KHAMS SU SKYE BA LEN PA'I THUN MONG MA YIN PA'I RGYU BYED PA'I BSAM GTAN GYI SNYOM 'JUG ,RANG NYID RGYU SNYOM 'JUG GI BSAM GTAN YIN PA'I @20B MTSAN NYID, DE LA DBYE NA DER GYUR PA'I NYER BSDOGS DANG DNGOS GZHI GNYIS YOD, DES RGYU SNYOM 'JUG GI GZUGS MED LA YANG MTSON NO, ,RGYU SNYOM 'JUG GI BSAM GTAN BSHAD ZIN TO, ,GNYIS PA 'BRAS BU SKYE BA'I BSAM GTAN LA GZHAN LUGS DGAG PA SOGS GSUM LAS, DANG PO LA, KHA CIG ,GZUGS KHAMS PA'I GANG ZAG GIS SKYE BA GZHAN DU RGYU SNYOM 'JUG GI BSAM GTAN BSGOMS STOBS KYIS THOB PA'I RNAM SMIN GYI 'BRAS BU DANG BDAG 'BRAS GANG RUNG GIS BSDUS PA, 'BRAS BU SKYE BA'I BSAM GTAN GYI MTSAN NYID ZER NA, TSANGS RIS PA'I RGYUD KYI SKYES STOBS KYIS THOB PA'I BSAM GTAN DANG PO'I DNGOS GZHI CHOS CAN, MTSAN NYID DER THAL, MTSON BYA DE'I PHYIR, DER THAL, SKYE BA GZHAN DU RGYU SNYOM 'JUG GI BSAM GTAN BSGOMS STOBS KYIS THOB PA'I TSANGS RIS PA'I RGYUD KYI ZAG BCAS 'BRAS BSDUS KYI CHAR GYUR PA'I PHUNG PO YIN PA'I PHYIR TE, DE ZAG BCAS KYI PHUNG PO YIN PA'I PHYIR, DER SKYES MA THAG PA'I RNAM SHES KYI PHUNG PO DE ZAG BCAS KYI PHUNG PO YIN TE, DE'I 'BRAS DUS KYI RNAM SHES DE LTAR YIN PA'I PHYIR, RTZA BAR 'DOD MI NUS TE, DE GNYIS RE RE NAS MA YIN PA'I PHYIR, CHOS CAN DE YIN PA'I PHYIR, THAL 'GYUR GNYIS PA LA MA KHYAB ZER NA, KHYAB PAR THAL, RGYU MTHUN GYI 'BRAS BU DANG SDUG BDEN GYI GZHI MTHUN YOD PA GANG ZHIG ,SKYE BA GZHAN DU RGYU SNYOM 'JUG GI BSAM GTAN BSGOMS STOBS KYIS THOB PA'I BDAG 'BRAS LA 'BRAS BU SKYE BA'I BSAM GTAN YIN PAS KHYAB PA'I PHYIR, GNYIS PA RANG LUGS LA, SKYE BA GZHAN RGYU SNYOM 'JUG GI BSAM GTAN BSGOMS STOBS KYIS THOB PA'I RNAM SMIN GYI 'BRAS BU DANG, RGYU MTHUN GYI 'BRAS BU DANG, BDAG PO'I 'BRAS BU GSUM PO GANG RUNG GIS BSDUS PA'I GZUGS KHAMS PA'I ZAG BCAS KYI PHUNG POR DMIGS PA, 'BRAS BU SKYE BA'I BSAM GTAN GYI MTSAN NYID, DE LA DBYE NA, DER GYUR PA'I RNAM SMIN GYI 'BRAS BU; RGYU MTHUN GYI 'BRAS BU, BDAG PO'I 'BRAS BU DANG BCAS PA YOD, DE RNAMS KYI MTSAN GZHI YOD DE, GZUGS KHAMS PA'I ZAG BCAS NYER LEN GYI GZUGS PHUNG DANG, DER SKYES STOBS KYIS THOB PA'I BSAM GTAN GYI SNYOM 'JUG DANG, GZUGS KHAMS PA'I LHA'I GZHAL MED KHANG RNAMS @21A *, ,DE RNAMS KYI MTSAN GZHI YIN PA'I PHYIR, RGYU SNYOM 'JUG GI BSAM GTAN LA BRTEN NAS GZUGS KHAMS KYI 'BRAS BU SKYE BA 'GRUB TSUL YOD DE, RGYU SNYOM 'JUG GI BSAM GTAN DANG PO CHUNG NGU 'BRING CHEN PO GSUM BSGOMS PAS TSANGS RIS, TSANGS PA MDUN NA 'DON, TSANGS CHEN GSUM DU RIM PA BZHIN DU SKYE, RGYU SNYOM 'JUG GI BSAM GTAN GNYIS PA CHUNG NGU 'BRING CHEN PO GSUM BSGOMS PAS 'OD CHUNG, TSAD MED 'OD, 'OD GSAL GSUM DU RIM PA BZHIN DU SKYE, RGYU SNYOM 'JUG GI BSAM GTAN GSUM PA CHUNG NGU 'BRING CHEN PO GSUM BSGOMS PAS DGE CHUNG, TSAD MED DGE ,DGE RGYAS GSUM DU RIM PA BZHIN DU SKYE, RGYU SNYOM 'JUG GI BSAM GTAN BZHI PA CHUNG NGU 'BRING CHEN PO GSUM BSGOMS PAS, SPRIN MED, BSOD NAMS SKYE, 'BRAS BU CHE BA GSUM DU SKYE, NYAN THOS 'PHAGS PA RNAMS NI BSAM GTAN SPEL BSGOMS LNGA'I DBANG GIS GNAS GTZANG LNGAR SKYE BA LEN PA YIN PA'I PHYIR, BYANG SEMS 'PHAGS PA RNAMS GNAS GTZANG DU SKYE BA LA SPEL BSGOMS LA BLTOS MI DGOS TE, BYANG SEMS SA BCU PA BA RNAMS PHAL CHER GNAS GTZANG DU SNYING RJE DANG SMON LAM GYI DBANG GIS SKYE BA'I PHYIR, DE RNAMS CHUNG NGU 'BRING CHEN PO GSUM GYI KHYAD PAR YOD DE, GUS SBYOR DANG RTAG SBYOR GANG RUNG MED PA CHUNG NGU DANG, GANG RUNG DANG BCAS PA 'BRING PO DANG, GNYIS KA DANG BCAS PA CHEN PO YIN PA'I PHYIR, KHA CIG , DMIGS RNAM GSAL MI GSAL CHUNG 'BRING CHEN PO GSUM LA DE GSUM DU BYED PA YANG YOD DO, ,GSUM PA RTZOD PA SPONG BA LA, KHA CIG ,'BRAS BU SKYE BA'I BSAM GTAN YIN NA SKYE BA GZHAN DU RGYU SNYOM 'JUG GI BSAM GTAN BSGOMS STOBS KYI THOB PA'I RNAM SMIN GYI 'BRAS BU DANG, RGYU MTHUN GYI 'BRAS BU GANG RUNG YIN DGOS PAR THAL, GSER PHRENG LAS, DES NA GZUGS KYI SNOD KYI 'JIG RTEN DANG BCUD KYI RNAM SMIN GYI CHAR GYUR PA GNYIS KA SKYE BA'I BSAM GTAN YIN TE, SNYOM 'JUG GI BSAM GTAN GYI BDAG 'BRAS DANG RNAM SMIN YIN PA'I PHYIR RO, ,ZHES GSUNGS PA'I PHYIR ZER NA, DE GNYIS KYI RGYU MTHUN GYI 'BRAS BU MTSON PAR DGONGS BSAM SNYAM STE DPYAD PAR BYA'O, ,GNYIS PA @21B ZAG MED BDEN PA'I RNAM PA CAN LA DOGS PA DPYAD PA LA, GZHAN LUGS DGAG ,RANG LUGS BZHAG PA'O, ,DANG PO LA, KHA CIG GI GSUNG NA RE, BSAM GTAN GYI DNGOS GZHI ZAG MED DANG GZUGS MED KYI DNGOS GZHI ZAG MED RNAMS LA DMIGS RNAM MI 'DRA BA'I KHYAD PAR MED PAS, BSAM GTAN GYI DNGOS GZHI ZAG MED BZHI YANG MI 'GAL GZUGS MED KYI DNGOS GZHI ZAG MED BZHI YANG MI 'GAL TE, RNAM MKHYEN GCIG NYID LA 'DOD NYON DGU PA SPANGS PA'I CHA NAS BSAM GTAN DANG PO'I DNGOS GZHIR 'JOG, DANG PO'I NYON MONGS SPANGS PA'I CHA NAS BSAM GTAN GNYIS PAR 'JOG PA SOGS RIM PA BZHIN DU SBYAR TE, CI YANG MED PA'I NYON MONGS DGU PA SPANGS PA'I CHA NAS, SRID RTZE'I DNGOS GZHIR 'JOG PAS BSAM GTAN BZHI DANG GZUGS MED BZHI KA YIN PA'I GZHI MTHUN YOD PA'I PHYIR, DE BZHIN DU BYANG 'PHAGS DANG THEG DMAN 'PHAGS PA LA YANG SBYAR BAS MI 'GAL BA DANG, GZHAN YANG, ZAG MED KYI BSAM GTAN DANG GZUGS MED MI 'GAL BAR THAL, DE GNYIS NGO BO GCIG LA LDOG PA THA DAD YIN PA'I PHYIR DANG, DE GNYIS KYI DMIGS RNAM LA MI 'DRA BA'I KHYAD PAR MED PA'I PHYIR, ZHE NA, 'O NA, SHES BYA CHOS CAN, NYAN THOS DGRA BCOM GYI MKHYEN PA GCIG NYID 'DOD NYON SPANGS PA'I CHA NAS BSAM GTAN DANG PO DANG, DANG PO'I NYON MONGS DGU PA SPANGS PA'I CHA NAS BSAM GTAN GNYIS PAR 'JOG RIGS PAR THAL, RNAM MKHYEN GCIG NYID DE LTAR 'JOG RIGS PA'I PHYIR, 'DOD NA, NYON SGRIB SPANGS SHING BDAG MED MNGON SUM DU RTOGS PA'I MKHYEN PA YIN NA BSAM GZUGS BRGYAD KA'I DNGOS GZHI YIN DGOS PAR THAL, 'DOD PA'I PHYIR, 'DOD NA, CIG CAR BA'I DGRA BCOM THOB MA THAG PA'I RNAM GROL LAM CHOS CAN, DER THAL, DE'I PHYIR, 'DOD NA, MI 'THAD DE, DGRA BCOM THOB MA THAG PA'I SPANG BYA CIG CAR BA DES BSAM GTAN GYI DNGOS GZHI TZAM YANG MA THOB PA'I PHYIR, DER THAL, BSAM GTAN GYI DNGOS GZHI MA THOB PA'I NYON MONGS SPANGS PA'I GANG ZAG YOD PA'I PHYIR, DE SKAD DU YANG SLOB DPON DPA' BOS, KHYOD KYI BSTAN LAS PHYIR PHYOGS PA'I, ,SKYE BO MA RIG GIS LDONGS PA, ,SRID RTZE'I BAR DU SONG NAS KYANG, ,SDUG BSNGAL YANG 'BYUNG SRID PA 'GRUB, ,KHYOD KYI BSTAN PA'I RJES 'GRO @22A *, ,BAR, ,BSAM GTAN DNGOS GZHI MA THOB KYANG, ,BDUD KYI MIG RAS BTZA' BZHIN DU, ,SRID PA DAG NI LDOG PAR BYED, ,CES GSUNGS PA'I PHYIR, DA DUNG CIG CAR BA'I DGRA BCOM THOB MA THAG PA'I RNAM GROL LAM DE BSAM GZUGS BRGYAD KA'I DNGOS GZHIR 'DOD NA, SHES BYA CHOS CAN, BSAM GTAN DANG PO'I NYER BSDOGS KYIS DNGOS SU DRANGS PA'I BSAM GTAN GNYIS PA DANG, GZUGS MED NAM MKHA' SOGS KYI DNGOS GZH'I GZHI MTHUN YOD PAR THAL, DAM BCA' DE'I PHYIR, 'DOD NA, BSAM GTAN DANG PO'I NYER BSDOGS KYANG YIN GNYIS PA'I NYER BSDOGS KYANG YIN PA'I GZHI MTHUN YOD PAR THAL, 'DOD PA DE'I PHYIR, MA KHYAB NA, KHYAB PA YOD PAR THAL, BSAM GTAN GNYIS PA'I DNGOS GZHI DNGOS SU 'DREN BYED KYI BSAM GTAN GYI NYER BSDOGS YIN NA BSAM GTAN GNYIS PA'I NYER BSDOGS YIN MI DGOS PA'I PHYIR, RTAGS 'BUD, DES GZUGS MED NAM MKHA' LA YANG RIGS 'GRE'O, ,YANG GAL TE BSAM GZUGS BRGYAD KA'I NYER BSDOGS RNAMS MI 'GAL ZER NA, SHES BYA CHOS CAN, SPANG BYA CIG CAR BA'I RGYUD KYI NYER BSDOGS ZAG MED KYANG YIN, BSAM GTAN GNYIS PA YAN CHAD KYI NYER BSDOGS KYANG YIN PA'I GZHI MTHUN YOD PAR THAL, BSAM GTAN GZUGS BRGYAD KA'I NYER BSDOGS RNAMS MI 'GAL BA'I PHYIR, 'DOD NA, BSAM GTAN PHYI MA GSUM DANG GZUGS MED BZHI'I NYER BSDOGS ZAG MED YOD PAR THAL, 'DOD PA DE'I PHYIR, GAL TE 'DOD NA, MNGON PA'I SPYI SKAD LAS NYAMS, KHYED KYI SGRUB BYED RNAMS KYANG LTAR SNANG YIN TE, NGO BO GCIG LA LDOG PA THA DAD KYANG YIN, PHAN TSUN 'GAL BA YANG YIN PA'I GZHI MTHUN PA DU MA YOD PA'I PHYIR, GZHAN YANG, SHES BYA CHOS CAN, THEG CHEN MTHONG LAM BAR CHAD MED LAM DANG THEG CHEN GYI SGOM LAM BAR CHAD MED LAM GNYIS MI 'GAL BAR THAL, DE GNYIS DMIGS RNAM LA RIGS MI 'DRA BA'I KHYAD PAR MED PA'I PHYIR, KHYAB PA KHAS, RANG LUGS LA BSAM GTAN DANG PO MA GTOGS ZAG MED RNAMS LA NYER BSDOGS LOGS SU MI DGOS PAR MNGON TE, ZAG MED LA NYER BSDOGS BDUN MA BZHAG PA'I PHYIR, DES NA 'DI LTAR YIN TE, DANG @22B POR BSAM GTAN DANG GZUGS MED KYI DNGOS GZHI DAG BA PA NGES PAR THOB NAS DAG PA BA DE'I SKABS KYI ZHI LHAG ZUNG 'BREL GYI RNAL 'BYOR DE'I NGANG NAS BDAG MED PHRA RAGS SAM MI RTAG SOGS BCU DRUG GANG RUNG MNGON SUM DU RTOGS PA'I DGE SEMS RTZE GCIG PA MTSUNGS LDAN DANG BCAS PA LA DNGOS GZHI ZAG MED 'JOG DGOS TE, BSAM GTAN GYI DNGOS GZHI DAG PA BA NGES 'BYED CHA MTHUN GYI DON RANG GI MJUG THOGS SU LAM ZAG MED 'DREN PA LA BYED DGOS PA DANG, BSDU BA LAS, GZHAN YANG SDUG BSNGAL NAS LAM GYI BAR YANG DAG PAR JI LTA BA BZHIN DU RAB TU SHES LA, DES BSAM GTAN DANG PO LA SOGS PA NI MA THOB STE, DE 'DUG MA THAG TU SEMS RAB TU 'JOG PAR BYED DO, ,CHOS RAB RNAM PAR 'BYED PA NI MI BYED DO, ,ZHES BSAM GTAN DANG PO'I NYER BSDOGS ZAG MED KYI LHAG MTHONG THOB NAS KYANG DNGOS GZHI'I NGO BOR GYUR PA'I ZHI GNAS SGRUB DGOS PAR GSUNGS PA'I 'GROS LAS KYANG, BSAM GTAN GYI DNGOS GZHI DAG PA BA DANG BSAM GTAN GYI DNGOS GZHI ZAG MED GNYIS RIM GYIS SKYE DGOS PA YANG 'GRUB PA'I PHYIR, DE YANG DPER BRJOD NA BSAM GTAN DANG PO'I DNGOS GZHI DAG PA BA'I GNAS SKABS KYI ZHI LHAG ZUNG 'BREL RNAMS KYIS BDAG MED MNGON SUM DU RTOGS PA NA DANG PO'I DNGOS GZHI ZAG MED DU SONG BA YIN ZHING, DES BSAM GTAN DANG GZUGS MED KYI DNGOS GZHI GZHAN LA YANG MTSON NAS SHES PAR BYA ZHING, BSAM GTAN DANG PO'I NYER BSDOGS ZAG MED LA YANG MTSON NO, ,DE LTAR BYAS NA, RANG GI NYER LEN DU GYUR PA'I BSAM GTAN GYI SNYOM 'JUG DAG PA BA LA BRTEN NAS RANG GI GZHAL BYAR GYUR PA'I BDEN PA'I RNAM PA 'AM BDAG MED PA'I RNAM PA CI RIGS PA MNGON SUM DU RTOGS PA'I 'PHAGS RGYUD KYI BSAM GTAN GYI SNYOM 'JUG, BSAM GTAN GYI SNYOM 'JUG ZAG MED KYI MTSAN NYID, DES GZUGS MED LA YANG MTSON NO, ,DE LA RTEN GYI SGO NAS DBYE NA, THEG PA GSUM GYI 'PHAGS RGYUD KYI SNYOM 'JUG ZAG MED GSUM YOD, DES BSAM GTAN BSHAD ZIN, ,GNYIS PA GZUGS MED BSHAD PA LA, RGYU SNYOM 'JUG GI GZUGS MED BSHAD PA DANG, 'BRAS BU SKYE BA'I GZUGS MED BSHAD PA GNYIS, DANG PO LA, MTSAN NYID, DBYE BA, PHYE BA @23A *, ,SO SO'I DON BSHAD PA DANG GSUM, ,DANG PO LA KHA CIG , DMIGS PA'I SGO NAS 'OG SA LAS 'DA' BAR BYED PA'I DGE SEMS RTZE GCIG PA MTSUNGS LDAN DANG BCAS PA, GZUGS MED KYI SNYOM 'JUG GI MTSAN NYID ZER NA, BSAM GTAN DANG PO'I NYER BSDOGS SBYOR BA MTHA'I YID BYED CHOS CAN, MTSON BYA DER THAL, MTSAN NYID DE'I PHYIR, DER THAL, 'DOD PA RNAMS RAGS PA DANG DE LA BLTOS TE BSAM GTAN DANG PO ZHI BAR DMIGS PA'I SGO NAS 'OG SA 'DOD PA LAS 'DA' BYED KYI DGE SEMS RTZE GCIG PA MTSUNGS LDAN DANG BCAS PA YIN PA'I PHYIR, RTAGS SLA, 'DOD MI NUS TE, BSAM GTAN GYI SNYOM 'JUG YIN PA'I PHYIR, GZHAN YANG, BDAG MED MNGON SUM DU RTOGS PA'I BSAM GTAN DANG PO'I NYER BSDOGS CHOS CAN, MTSON BYA DER THAL, MTSAN NYID DE'I PHYIR, RTAGS GSAL SLA, MDOR NA DNGOS GZHI THAMS CAD DMIGS PA'I SGO NAS 'OG SA LAS 'DAS PA DANG, NYER BSDOGS THAMS CAD DMIGS PA'I SGO NAS 'OG SA LAS 'DA' BYED YIN PAS MTSAN NYID SHIN TU RTZINGS SO, ,RANG LUGS LA DMIGS PA DANG YAN LAG MI 'DRA BA GNYIS KYI NANG NAS DMIGS PA MI 'DRA BA'I SGO NAS BZHAG PAS RAB TU PHYE BA'I GONG SA'I SNYOM 'JUG ,GZUGS MED KYI SNYOM 'JUG GI MTSAN NYID, DE'I STENG DU RANG RGYUD LDAN GYI GANG ZAG GZUGS MED DU SKYE BA'I THUN MONG MA YIN PA'I RGYU BYED PA SBYAR BA, RGYU SNYOM 'JUG GI GZUGS MED KYI MTSAN NYID, GZUGS MED PA RNAMS NI ZHI GNAS SU RO GCIG PA'I PHYIR ZHES GSUNGS PA YANG DE GTZO CHE BA LA DGONGS PA YIN GYI DE'I NGO BOR GYUR PA'I LHAG MTHONG SOGS MED PA MA YIN TE, NYER BSDOGS RNAMS LA ZHI LHAG ZUNG 'BREL MED NA 'OG SA LAS 'DA' MI NUS, DNGOS GZHI RNAMS LA ZHI LHAG ZUNG 'BREL MED NA MTHONG CHOS LA BDE BAR GNAS MI NUS PA'I PHYIR, GNYIS PA DBYE BA LA, GZUGS MED NAM MKHA'I SNYOM 'JUG SOGS BZHI YOD, DE LA BZHIR 'BYED PA'I RGYU MTSAN YOD DE, ZAG BCAS KYI TSOR BA RAGS PA RNAMS BSAM GTAN GYI NYER BSDOGS RNAMS KYIS CHAGS BRAL BYAS ZIN PA'I 'OG TU, ZAG BCAS KYI 'DU SHES RAGS PA LA YID 'BYUNG BA'I PHYIR DU @23B GZUGS MED KYI SNYOM 'JUG BZHI SGOM DGOS SHING, DE LA YANG PHYI GZUGS DANG THOGS PA'I 'DU SHES LA CHAGS PA DANG BRAL BYED DU NAM MKHA' MTHA' YAS, NAM MKHA' TZAM GYI 'JUG SHES LA CHAGS PA DANG BRAL BYED DU RNAM SHES MTHA' YAS, NANG RNAM SHES BKRA 'DZIN GYI 'DU SHES LA CHAGS PA DANG BRAL BYED DU CI YANG MED PA'I SKYE MCHED, GZUNG BYA RAGS PA CI YANG MED PA'I 'DU SHES LA CHAGS PA DANG BRAL BYED DU 'DU SHES MED MIN GYI SKYE MCHED SGOM DGOS PAS BZHIR PHYE BA YIN PA'I PHYIR, DE YANG BSAM GTAN BZHI PA'I SAS BSDUS KYI GZUGS DANG THOGS PA'I 'DU SHES LA NAM MKHA'I NYER BSDOGS KYIS CHAGS BRAL BYED PA NAS, CI YANG MED KYI SAS BSDUS KYI GZUNG BYA RAGS PA CI YANG YID LA MI BYED PA'I 'DU SHES LA SRID RTZE'I NYER BSDOGS KYIS CHAGS BRAL BYED KYANG, DE'I SAS BSDUS KYI 'DU SHES MED 'DU SHES MED MIN 'DU SHES LA CHAGS PA DANG BRAL BYED KYI GZUGS MED KYI SNYOM 'JUG LNGA PA MI 'JOG PA'I RGYU MTSAN YOD DE, DE KHYAB PA 'DU BYED KYI SDUG BSNGAL PHRA MO YIN PAS DE LA BYIS LAM GYIS CHAGS BRAL MI NUS PA'I PHYIR, DPER NA, ZAG BCAS KYI TSOR BA BTANG SNYOM LA CHAGS PA DANG BRAL BYED KYI BSAM GTAN GYI SNYOM 'JUG LNGA PA MA GSUNGS PA LTA BU YIN PA'I PHYIR, 'DU BYED KYI SDUG BSNGAL MA LUS PA LA CHAGS BRAL GYI BYIS LAM MED KYANG PHYOGS RE LA CHAGS BRAL BYED PA'I BYIS LAM YOD DE, BSHAD MA THAG PA DE'I PHYIR, KHYAB PA 'DU BYED KYI SDUG BSNGAL SDUG BSNGAL GYI RANG BZHIN DU MNGON SUM DU RTOGS PA LA NI PHRA BA'I MI RTAG PA DANG, BDAG MED PHRA MO MNGON SUM DU RTOGS DGOS TE, BYIS PA LAG MTHIL LTA BU YI, ZHES SOGS GSUNGS PA'I PHYIR, 'DU BYED KYI SDUG BSNGAL PHRA MO'I MTSAN GZHI YOD DE, LAS NYON GYI DBANG GIS NYER LEN GYI PHUNG PO RANG GRUB DUS KYI SKAD CIG GNYIS PA'I DUS SU MI BSDOD PA'I RANG DON GYI GNAS LA YID BRTEN MI RUNG BA'I 'GYUR BA PHRA MO DE NYID YIN PA'I PHYIR, DES NA PHYI ROL PA RNAMS KYIS KYANG 'KHOR BA'I SDUG BSNGAL GSUM PO RAGS PA SDUG BSNGAL GYI RANG BZHIN DU MTHONG NAS DE RNAMS KYIS YID 'BYUNG STE, SRID RTZE MAN CHAD KYI SNYOM 'JUG RGYUD LA SKYES NAS GSUM PO DE RAGS PA LA CHAGS BRAL BYED NUS KYANG, 'DU BYED @24A *, ,KYI SDUG BSNGAL PHRA MO SDUG BSNGAL GYI RANG BZHIN DU MA MTHONG BAS CHAGS BRAL MI NUS PAS 'JIG RTEN PA'I LAM LAS GONG DU 'DAS LAM GSUNGS PA YIN NO, ,GSUM PA SO SO'I NGO BO LA, MDZOD LAS, RNAM SHES MTHA' YAS MKHA' MTHA' YAS, ,CI YANG MED CES BYA DE LTAR, ,SBYOR PHYIR DMAN PHYIR 'DU SHES MED, ,'DU SHES MED PA'ANG MA YIN NO, ,ZHES GSUNGS PA LA BRTEN NAS SBYOR BA'I DUS SU CHOS KUN NAM MKHA' LTAR MTHA' YAS SO SNYAM DU BSGOMS PAS DNGOS BZHI'I GNAS SKABS SU DE MNGON DU GYUR PA'I TING NGE 'DZIN SHES RAB MTSUNGS LDAN DANG BCAS PA, DE BZHIN DU SBYOR BA'I DUS SU CHOS KUN RNAM SHES LTAR MTHA' YAS SO SNYAM DU BSGOMS PAS ZHES SOGS DANG, SBYOR BA'I DUS SU GZUNG BYA RAGS PA CI YANG MED DO SNYAM DU BSGOMS PAS ZHES DANG, SBYOR BA'I DUS SU 'DU SHES RAGS PA YOD PA YANG MA YIN PHRA MO MED PA YANG MA YIN NO SNYAM DU BSGOMS PAS ZHES SOGS RNAMS RIM PA BZHIN DU RGYU SNYOM 'JUG GI GZUGS MED NAM MKHA' SOGS BZHI'I MTSAN NYID DU BZHED DO, ,DE SOR BZHAG BYED NA PHYI ROL PA'I RGYUD KYI GZUGS MED NAM MKHA'I NYER BSDOGS CHOS CAN, MTSAN NYID DER THAL, MTSON BYA DE'I PHYIR, DER THAL, SO SKYE'I RGYUD KYI GZUGS MED KYI NYER BSDOGS YIN PA'I PHYIR TE, CHOS CAN DE'I PHYIR, 'DOD NA, KHYOD GZUGS MED NAM MKHA'I DNGOS GZHIR THAL, 'DOD PA GANG ZHIG ,DE 'DRA'I DGE SEMS RTZE GCIG PA MTSUNGS LDAN DANG BCAS PA YIN PA'I PHYIR, DE BZHIN DU LHAG MA RNAMS LA YANG SBYAR RO, , SNGAR SMROS PA DE RNAMS GZUGS MED NAM MKHA'I SNYOM 'JUG GI MTSAN NYID SOGS SU YANG 'THAD PAR THAL, DAM BCA' 'THAD PA'I PHYIR, 'DOD NA SANGS 'PHAGS KYI RGYUD KYI CI YANG MED KYI DNGOS GZHI CHOS CAN, MTSAN NYID DER THAL, MTSON BYA DE'I PHYIR, 'DOD NA, BZUNG BYA RAGS PA CI YANG MED PAR THAL, SANGS 'PHAGS KYI RGYUD KYI CI YANG MED KYI DNGOS GZHI LA DE MED PAR MNGON DU GYUR PA'I PHYIR, 'DOD NA, 'DZIN PA YANG MED PAR THAL, GZUNG BYA RAGS PA MED PA'I PHYIR, DON LA SKYON MED DU CHUG KYANG TSIG LA SKYON CHE BAR SNANG BAS CI LTAR RIGS PAR SBYOR RO, ,RGYAS PAR NI @24B BRGAL RTAGS KYI SKABS SU BSHAD ZIN TO, ,RANG LUGS LUNG DE'I DON NAM MKHA'I SKABS SU BSAM GTAN BZHI PA'I GZUGS DANG THOGS PA'I 'DU SHES LA RAGS PA DANG, THOGS REG BKAG PA'I NAM MKHA' TZAM GYI 'DU SHES LA MCHOG TU LTA BA'I DON DANG, RNAM SHES KYI SKABS SU NAM MKHA'I 'DU SHES DE LA YANG RAGS PA DANG RNAM SHES BKRAR SNANG GI 'DU SHES LA MCHOG TU LTA BA DANG, CI YANG MED KYI SKABS SU RNAM SHES BKRAR SNANG GI 'DU SHES DE YANG RAGS PA DANG GZUNG BYA RAGS PA CI YANG MI 'DZIN PA'I 'DU SHES LA MCHOG TU LTA BA DANG, SRID RTZE'I SKABS SU 'DU SHES DE LA YANG RAGS PA DANG, 'DU SHES RAGS PA YID YUL DU MI BYED PAR RGYU BA SHIN TU MI GSAL BA'I 'DU SHES PHRA MO LA MCHOG TU LTA BA'I DON YIN PA'I PHYIR, RANG LUGS KYI MTSAN NYID NI, GZUGS MED KYI SNYOM 'JUG GANG ZHIG , RANG GI 'OG SA BSAM GTAN BZHI PA LA CHAGS PA DANG BRAL BYED DANG BRAL ZIN PA GANG RUNG GI RIGS SU GNAS PA, GZUGS MED NAM MKHA'I SNYOM 'JUG GI MTSAN NYID, DE LA DBYE NA, DER GYUR PA'I NYER BSDOGS DANG, DNGOS GZHI GNYIS, DANG PO'I MTSAN NYID, GZUGS MED NAM MKHA'I SNYOM 'JUG GANG ZHIG ,RANG GI 'OG SA BSAM GTAN BZHI PA LA CHAGS PA DANG BRAL BYED KYI RIGS SU GNAS PA, DE'I MTSAN NYID, DE LA DBYE NA, DER GYUR PA'I ZHI LHAG GNYIS KA'I CHA NAS YOD, DNGOS GZHI'I MTSAN NYID, GZUGS MED NAM MKHA'I SNYOM 'JUG GANG ZHIG ,RANG GI 'OG SA BSAM GTAN BZHI PA LA CHAGS PA DANG BRAL ZIN PA'I RIGS SU GNAS PA'O, ,MTSAN NYID DBYE BA SOGS SRID RTZE'I BAR LA SBYOR TSUL SHES PAR BYA'O, , GNYIS PA 'BRAS BU SKYE BA'I GZUGS MED LA MTSAN NYID NI, SKYE BA GZHAN DU RGYU SNYOM 'JUG GI GZUGS MED BSGOMS STOBS KYIS THOB PA'I RGYU MTHUN GYI 'BRAS BU DANG, RNAM SMIN GYI 'BRAS BU GANG RUNG GIS BSDUS PA'I GZUGS MED KYI ZAG BCAS KYI PHUNG POR DMIGS PA'O, ,DE LA YANG DER GYUR PA'I RNAM SMIN GYI 'BRAS BU DANG, RGYU MTHUN GYI 'BRAS BU GNYIS YOD, MTSAN GZHI RIM PA BZHIN GZUGS MED PA'I SO SKYE'I MING GZHI'I PHUNG PO LA BTAGS PA'I 'DU BYED KYI PHUNG PO DANG, DER SKYES STOBS KYIS THOB PA'I GZUGS MED KYI SNYOM 'JUG RNAMS SO, ,DE LA BDAG 'BRAS MED DE, BDAG 'BRAS YUL LA @25A *, ,SMIN PA GANG ZHIG ,GZUGS MED KHAMS SU GNAS GZHAN LOGS PA MED PA'I PHYIR, RGYU SNYOM 'JUG GI GZUGS MED BSGOMS PAS 'BRAS BU SKYE BA 'GRUB TSUL YOD DE, DE CHUNG 'BRING CHE GSUM BSGOMS PAS GZUGS MED MTHO DMAN 'BRING GSUM DANG, BZANG NGAN 'BRING GSUM DU SKYE BA'I PHYIR, MTHO DMAN SOGS RTOGS PA MTHO DMAN DANG, TSE RING THUNG SOGS KYIS 'BYED PA YIN TE, DE DAG LA BLA 'OG GI KHYAD PAR MED PA'I PHYIR TE, DER GZUGS MED PA'I PHYIR, NYING 'TSAMS SBYAR BA'I TSE YANG, GANG DU SHI BA'I GNAS DER MING GZHI'I PHUNG PO CHAGS NAS SKYE BA YIN GYI BAR SRID BRGYUD DGOS PA MA YIN TE, SNGON DUS KYI SRID PA'I SHA TSUGS 'DZIN RGYU MED PA'I PHYIR, DER THAL, DER GZUGS MED PA'I PHYIR TE, KUN LAS BTUS LAS, BSAM GTAN DANG PO LA JI LTA BA DE BZHIN DU 'DU SHES MED 'DU SHES MED MIN GYI BAR DU SBYAR BAR BYA'O, ,ZHES GSUNGS DE BZHIN DU RGYU 'BRAS GNYIS KA'I SKABS SU CI RIGS PAR SBYAR BAR BYA'O,, ,,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI DGONGS 'GREL PADMA DKAR PO'I 'PHRENG BA ZHES BYA BA LAS MKHAS SHING GRUB PA BRNYES PA'I DGE SLONG DGE 'DUN BSTAN PA DAR RGYAS KYIS SBYAR BA'I BSAM GZUGS KYI SPYI DON BSHAD ZIN TO,,