@1A *, ,YID DANG KUN GZHI'I DKA' GNAS [*GNAD] RGYA CHER 'GREL PA
LEGS PAR BSHAD PA'I RGYA MTSO ZHES BYA BA'I RTZA BA DANG, DE'I
'BRU 'GREL SNYING PO'I GNAD DON GSAL BA'I SGRON ME ZHES BYA BA
BZHUGS SO, ,

@1B *, ,RGYAL DANG RGYAL BA'I SRAS RNAMS GSHEGS PA'I BSHUL,
,LEGS GSUNGS LEGS LAM JI BZHIN THUGS CHUD NAS, ,MA NOR MA 'DRES
RDZOGS PAR STON

MDZAD PA'I, ,MKHAS PA'I MKHAS PA DE LA MGOS PHYAG 'TSAL, ,RNAM
RIG GZHUNG GI SHIN TU DKA' BA'I GNAS, ,YID DANG KUN GZHI GSAL
BAR BSTAN PA DANG, ,BDAG NYID DRAN

PA GSO BAR BYA BA'I PHYIR, ,BLA MA'I GSUNG LA BRTEN NAS 'DIR
BSHAD BYA, ,SMRA BA'I DAM PAS THEG PA MCHOG ,'DZIN PAR LUNG
BSTAN 'PHAGS PA KLUS, ,THEG MCHOG RGYAS

PAR MDZAD PA'I RJES, ,LUNG BSTAN BRNYES PA'I THOGS MED KYIS,
,SROL GTOD [*BTOD] SNGON DU DBU MA NYID, ,MTSAN NYID SGRUB PAR
BYED PA DANG, ,DGU DANG GCIG PUR 'DOD PA DGAG ,

DON RNAM BZHI YIS KUN GZHI DANG, ,NYON MONGS CAN YID SHES PAR
BYA, ,MTSAN NYID GNYIS LAS KUN GZHI NI, ,RTEN DANG BRTEN PA'I
DBYE BA YIS, ,MTSAN NYID RNAM PA GNYIS

@2A *, ,SU 'DOD, ,DE LA RTEN GYUR KUN GZHI NI, ,DON DANG SEMS
CAN BAG CHAGS KYI, ,RNAM PAR RIG PA MI RIG PA, ,LUNG DU MA BSTAN
REG LA SOGS, ,

LNGA NYID DANG LDAN SA BON GYI, ,DBANG GIS GNAS DON LUS SU NI,
,SNANG PHYIR DMIGS PA DAG TU 'DOD, ,KUN GZHI'I GZUNG CHA DAG LA
NI, ,RNAM SHES LNGA YIS 'DZIN BYED CING, ,DRUG

PAS THA SNYAD 'DOGS PAS NA, ,KHAMS GNYIS DAG TU NGES PA STE, ,DE
LTA MIN NA GZUGS MED PA, ,GZUGS KYI 'DU SHES MA 'DAS DANG,
,GZUGS CAN PA RU THAL 'GYUR TE, ,

SHES LA GZUGS SU SNANG BA LAS, ,MA GTOGS PHYI ROL MED PHYIR RO,
,'OG NA'ANG SEMS CAN GCIG GI NI, ,KUN GZHI LA NI SNOD DANG BCUD,
,THAMS CAD SNANG NA GZUGS

KHAMS KYI, ,LHA LA'ANG DMYAL SNANG 'BYUNG BA DANG, ,DMYAL BA LA
YANG LHA RNAMS KYI, ,SNOD BCUD SNANG BA 'BYUNG BA DANG, ,THA MAL
RNAMS LA BSKAL PA YI, ,YUL SNA TSOGS PA

@2B SNANG BAR 'GYUR, ,DNGOS SU RANG GI DBANG DON NO, ,BRGYUD NAS
DE YI TSOGS DRUG GI  ,YUL DU SNANG BAR GANG NUS PA, ,KUN GZHI'I
YUL DU'ANG 'JOG PA YIN, ,DBANG DON LAS GZHAN DRUG PA'I YUL, ,KUN
GZHI'I

YUL DU MI 'GYUR TE, ,DRUG PA BRTAGS PA'I YUL CAN DANG, ,KUN GZHI
BKRAR 'DZIN GYIS DBEN PHYIR, ,BAG CHAGS BSGO GZHI YIN PHYIR
DANG, ,DGE DANG MI DGE MNGON GYUR DANG, ,RGYUD GCIG LA NI 'JUG

PA'I PHYIR, ,MA SGRIB LUNG MA BSTAN DU GRUB, ,LUNG MA BSTAN DANG
MI GSAL PHYIR, ,REG SOGS LNGAR NGES TSOR BA NI, ,BAR MA'O 'DI LA
BDAG TU NI, ,SBYOR BA'I PHYIR NA KUN GZHI'O, ,LHAG MA MED DANG
RDO RJE LTA'I, ,

BAR DU RGYUN MI CHAD DU 'JUG ,BRTEN PA SA BON KUN GZHI NI, ,SGO
BAR BYED PAS SGO GZHI LA, ,'GAG LA SNGON DU PHYOGS PA'I TSE,
,BZHAG PA'I NUS PA'O SGO GZHI NI, ,BSTAN LUNG MA BSTAN BSGO BYA
BA, ,SGO BAR

BYED DANG 'BREL BA DANG, ,MTHA' GCIG RTEN DU GYUR PA STE, ,KHYAD
PAR LNGA DANG LDAN PA'O, ,PHYI DANG NANG DANG MI GSAL BA, ,GNYIS
DANG KUN RDZOB NYID DANG NI, ,DAM PA'I DON TE DE DAG KUN, ,SA
BON RNAM PA DRUG TU

'DOD; ;GZHAN YANG SNGON BRJOD BDAG LTA DANG, ,SRID PA'I YAN LAG
BAG CHAGS GSUM, ,THUN MONG THUN MONG MA YIN DANG, ,TSOR DANG
BCAS DANG TSOR MED PA'I, ,SA BON RNAM BZHI GNAS NGAN LEN, ,

SHIN TU SBYANGS DANG SPYAD ZIN DANG, ,MA ZIN PA DANG BZHI RU'ANG
GSUNGS, ,BAG CHAGS DE YANG RTEN LAS NI, ,RDZAS GCIG THA DAD GANG
YANG MIN, ,SA BON DMIGS RNAM YOD PA DANG, ,'GRO BA LNGA YI SA
BON

@3A *, ,RNAMS; ;'CHOL BA NYID DU 'GYUR BA DANG, ,KHAMS KYANG
'CHOL PHYIR GCIG NYID MIN, ,RTEN GCIG LA NI KUN GZHI GNYIS, ,YOD
PAR 'GYUR BAS SO SO MIN, ,DES NA RTEN

LAS DE NYID DANG, ,GZHAN DU BRJOD DU MED PA STE, ,BTAGS YOD TZAM
DU GNAS PHYIR RO, ,'JOG BYED DGE SOGS GANG YIN KYANG, ,BZHAG
PA'I BAG CHAGS LUNG MA BSTAN, ,DGE DANG MI DGE MTSAN NYID

PAR; ;'DOD LA SGRUB PAR BYED PA MED, ,BAG CHAGS 'JOG PA'I TSUL
LA GSUM, ,CHOS NYID KYIS GNAS SNGON MED BSKYED, ,DE DAG GNYIS
KAR 'DOD PA'O, ,KUN NAS NYON MONGS CHOS THAMS CAD, ,

RGYU 'AM 'BRAS BU'I DNGOS PO RU, ,SBYOR BA'I PHYIR NA KUN
GZHI'O, ,DE PHYIR DBANG THOB DGRA BCOM LA, ,KUN GZHI YOD PA MA
YIN TE, ,'JOG BYED GNYIS PO MED PHYIR RO, ,NYON MONGS CAN YID
MTSAN NYID

NI; ;KUN GZHI RNAM SMIN CHA NYID LA, ,BDAG LTA BSGRIBS LA LUNG
MA BSTAN, ,REG DANG CHAGS SOGS DGU KHO NA, ,'GOG PA MNYAM GZHAG
GNAS SKABS DUS, ,DBANG THOB DGRA BCOM MTHAR THUG

GO  ;NYON MONGS CAN DU 'JOG BYED PA'I, ,GANG ZAG 'DZIN PA LOG
GYUR KYANG, ,DE YI RIG TZAM YOD PHYIR DANG, ,CHOS 'DZIN SKYED
NUS MA LOG PHYIR, ,YID SHES MED DANG MNYAM PA NYID, ,THOB PA'I

SKYON GNYIS RING DU SPANGS, ,YID CHES LUNG DANG RIGS PA YIS,
,RNAM SHES DRUG LAS THA DAD PA'I, ,YID DANG KUN GZHI RNAM PAR
SHES, ,YOD PAR KHONG DU CHUD PAR BYA, ,RNAL 'BYOR SPYOD PA'I
GZHUNG LUGS

@3B NAS; ;SGRUB BYED RIGS PA MTHA' YAS PA, ,GSUNGS KYANG LEN
DANG DANG PO GSAL, ,SA BON LAS DANG LUS TSOR DANG, ,SNYOMS 'JUG
'CHI 'PHO MI RUNG BA, ,BRGYAD DU 'DUS PHYIR 'DIR BSHAD BYA, ,KUN
GZHI RNAM

PAR SHES PA DE, ,THEG DMAN GTZUG LAG RNAMS SU YANG, ,KUN GZHI
RTZA BA'I RNAM SHES DANG, ,SRID PA'I YAN LAG JI SRID PA'I,
,PHUNG PO'I RNAM GRANGS DAG GIS BSTAN, ,DE LTAR GSUNGS PA'I KUN
GZHI LA, ,

DBYIG SHES MI'U THUNG DBYANGS SGROGS GSUM, ,RIM BZHIN PHUNG PO
TSOR BA DANG, ,'JIG LTA GSUM LA DGONGS ZHES 'DOD, ,THEG PA 'OG
MA'I LUGS DAG LA, ,TSUL DE MI RUNG MED MOD KYI, ,THEG CHEN PA
RNAMS

LUNG DE'I DON, ,KUN GZHI RNAM PAR SHES PA RU, ,'DOD PA CHES CHER
BZANG BA STE, ,GANG PHYIR DBYIG SHES SOGS KYIS NI, ,BKRAL BA
SKYON DANG LDAN PHYIR RO, ,NYON MONGS CAN GYI YID MED NA, ,MA
'DRES PA YI MA

RIG DANG, ,LNGA PO DAG DANG 'DRA BA DANG, ,SNYOMS PAR 'JUG PA'I
BYE BRAG DANG, ,NGES TSIG MED PA'I SKYON DU 'GYUR, ,'DU SHES MED
PAR SKYES PA'I RGYUN, ,NGAR 'DZIN MED PA'I SKYON DU 'GYUR, ,NGAR
'DZIN PA DANG

LDAN PA NI, ,RNAM PA KUN TU MI 'THAD PHYIR, ,NYON YID YOD PAR
SHES PAR BYA, ,BDUN PA LEN PA'I RNAM SHES DANG, ,KUN GZHI GSUM
DU 'CHAD PA DANG, ,DGU PA DRI MED RNAM SHES SU, ,'DOD PA YANG
DAG BDEN

PA'I LUGS, ,TSOGS BRGYAD DAG LAS LOGS PA YI, ,GTZO BO RNAM SHES
YOD GYUR NA, ,RTAG PA'I DNGOS POR 'GYUR BA'I PHYIR, ,TSOGS DGUR
'DOD LA SGRUB BYED MED, ,YID SHES GCIG NYID DBANG DRUG GI  ,

@4A *, ,RTEN LA SO SOR RGYU BA'I TSE, ,SO SO'I MING DU BTAGS PA
TZAM, ,BRAM ZE'I TSOMS DANG SKYE MCHED NI, ,BCU GNYIS STON PA'I
MDO LAS KYANG, ,GCIG PUR GSUNGS DANG RNAM SHES DRUG ,YID

KYI SKYE MCHED YIN GSUNGS PHYIR, ,SHES KUN YID SHES GCIG PU LO,
,LUNG DON GZHAN DU NUS PHYIR DANG, ,DBANG SHES KYIS KYANG LKOG
GYUR DANG, ,'DAS DANG MA 'ONGS 'DZIN GYUR PHYIR, ,TSOGS GCIG
'DOD PA MUN

SPRUL LO, ,DE PHYIR YID CHES LUNG RIGS KYIS, ,GRUB PA RNAM SHES
BRGYAD YIN PHYIR, ,GSANG BA'I GNAS LA MI ZHUM PA'I, ,MKHAS PAS
BRGYAD NYID 'DOD PAR BYA, ,YID DANG KUN GZHI'I DKA' BA'I GNAS,
,GSAL

BAR STON 'DI MKHAS MCHOG RNAMS, ,JI LTAR BZHED BZHIN BLA MA YI,
,GSUNG LA BRTEN NAS RGYAL KHAMS PA, ,BLO BZANG GRAGS PAS SBYAR
BA YI, ,DGE DES THUB BSTAN RGYAS GYUR CIG , ,,AOm SVA STI,

RNAM RIG GZHUNG GI SHIN TU DKA' BA'I GNAS, ,YID DANG KUN GZHI
GSAL BAR STON PA YI, ,LEGS PAR BSHAD PA RGYA MTSO'I RTZA BA 'DI,
,DAD LDAN BZO RIGS BSAM GRUB TSE RING GIS, ,PAR DU BSKRUN PA'I

RAB DKAR DGE TSOGS KYIS, ,TSE RABS KUN TU DAL 'BYOR RTEN THOB
CING, ,RGYAL BA'I DAM CHOS MA LUS 'DZIN PA LA, ,'JAM DPAL SNYING
PO DE DANG MTSUNGS PAR SHOG , ` NA MO GU RU MU NI AINDRA SU MA
TI KIRTI [*K'IRTI]

YA; ;THUB DBANG BSTAN PA'I NYI MA 'OD PO CHE, ,'PHRIN LAS SNANG
BA'I MNGA' BDAG MI PHAM MGON, ,LEGS GSUNG 'DZAM GLING RGYAS LA
THOGS MED DPAL, ,DGONGS PA SKONG MDZAD TZONG KHA PA LA 'DUD,
,GANG GIS

@4B BDAG RGYUD BYIN RLOBS DGONGS DON GNAD, ,GTING ZAB RGYA
MTSOR BLO CHUNG SBAL PA'I RKYAL, ,MDZES PAR MI 'GYUR MNOG CHUNG
DON LAS CI, ,DE LTA'ANG NAN BSKUL DON DU GLENG GZHIR DGOD,,
,,'DIR RJE RGYAL BA

GNYIS PA'I LEGS BSHAD RGYA MTSO LTA BU LAS YID DANG KUN GZHI'I
DKA' BA'I GNAS RGYA CHER 'GREL PA ZHES BYA BA'I RTZA BA 'BRU
BSNON GYI SGO NAS CUNG ZAD 'CHAD PA LA, MCHOD PAR BRJOD CING
RTZOM BAR DAM BCA' BA DANG,

SEMS TZAM GYI GRUB MTHA' JI LTAR BYUNG BA'I GLENG BSLANG BA
DANG, DE LAS 'BYUNG BA'I KUN GZHI DANG NYON YID KYI RNAM GZHAG
GTAN LA DBAB PA DNGOS DANG, BRTZAMS PA MTHAR PHYIN PA'I DGE BA
BSNGO BA DANG BZHI,

DANG PO 'CHAD PAR BYED PA LA, RTZA BA LAS, RGYAL DANG RGYAL BA'I
SRAS RNAMS GSHEGS PA'I BSHUL, ,LEGS GSUNG LEGS LAM JI BZHIN
THUGS CHUD NAS, ,MA NOR MA 'DRES RDZOGS PAR STON MDZAD PA'I, ,

MKHAS PA'I MKHAS PA DE LA MGOS PHYAG 'TSAL, ,ZHES MCHOD BRJOD
DANG, RNAM RIG GZHUNG GI SHIN TU DKA' BA'I GNAS, ,YID DANG KUN
GZHI GSAL BAR BSTAN PA DANG, ,BDAG NYID DRAN PA GSO BAR BYA BA'I
PHYIR, ,

BLA MA'I GSUNG LA BRTEN NAS 'DIR BSHAD BYA, ,ZHES RTZOM PA DAM
BCA' GSUNGS, GNYIS PA 'CHAD PA LA, SMRA BA'I DAM PAS THEG PA
MCHOG ,'DZIN PAR LUNG BSTAN 'PHAGS PA KLUS, ,THEG MCHOG RGYAS
PAR

MDZAD PA'I RJES, ,LUNG BSTAN BRNYES PA'I THOGS MED KYIS, ,SROL
BTOD SNGON DU DBU MA NYID, ,CES GSUNGS, TSIGS BCAD DE GSUM GYI
DON 'DIR MANG BAR 'GYUR BAS MA SPROS SHING MDO'I KHUNGS 'OG TU
'CHAD DO, ,

@5A *, ,BSTAN BCOS GANG LAS BSHAD PA NI, SPYIR RJE BTZUN BYAMS
PAS RGYAN GNYIS, 'BYED GNYIS, RGYUD BLA MA STE BYAMS CHOS SDE
LNGA MDZAD, 'PHAGS PA THOGS MED KYIS SA'I DNGOS GZHI, GZHI

BSDU BA, RNAM GRANGS BSDU BA, RNAM PAR BSHAD PA'I SGO BSDU BA,
RNAM PAR GTAN LA DBAB PA BSDU BA STE, RGYAS PA'I BSTAN BCOS SA
SDE LNGA DANG, BSDUS PA'I BSTAN BCOS LA THEG PA THUN MONG GI
SDOMS MNGON PA

KUN LAS BTUS DANG, THEG CHEN THUN MONG MA YIN PA'I SDOMS THEG
BSDUS TE SDOMS RNAM GNYIS MDZAD, SLOB DPON DBYIG GNYEN GYIS
'BYED GNYIS DANG MDO SDE RGYAN GSUM GYI 'GREL PA DANG, RNAM
BSHAD

RIG PA, LAS SGRUB PA'I RAB BYED, NYI SHU PA'I RAB BYED, PHUNG PO
LNGA'I RAB BYED, SUM CU PA'I RAB BYED DE PRA KA RA nA SDE BRGYAD
DU GRAGS PA MDZAD, DE RNAMS LA BYAMS PA DANG 'BREL BA'I CHOS SDE
NYI SHU ZHES GRAGS,

DE DAG GI 'GREL PA DANG BCAS PA NAS KUN GZHI DANG NYON YID KYI
RNAM GZHAG BSTAN PA MANG DU YOD LA, SA'I DNGOS GZHI LAS, RNAM
SHES LNGA DANG LDAN PA'I SA, ,YID KYI SA DANG GZHAN GSUM STE,
,RTOG DPYOD

BCAS LA SOGS PA DANG, ,TING 'DZIN BCAS DANG MA BCAS DANG, ,SEMS
YOD PA DANG SEMS MED DANG, ,THOS DANG BSAM DANG SGOM LDAN DANG,
,DE BZHIN THEG PA GSUM LDAN DANG, ,PHUNG POR BCAS DANG PHUNG

MED GZHAN, ,ZHES SDOMS SU MDZAD PA LTAR DBANG PO'I RNAM SHES
LNGA'I SA LA SOGS PA'I SA BCU BDUN GYI RNAM GZHAG RGYAS PAR
GSUNGS NAS KUN GZHI DANG NYON YID KYI RNAM GZHAG GSAL BAR MA
BSTAN PA'I RGYU

@5B MTSAN NI, GTAN LA DBAB PA BSDU BA LAS, RNAM PAR SHES PA
LNGA DANG LDAN PA DANG YID KYI SA'I RNAM PAR GTAN LA DBAB PA NI
SA BON GYI GNAS KUN GZHI RNAM PAR SHES PA ZHES GANG SMOS PA'O,
,DE'I YOD PA NYID

DANG RAB TU DBYE BA NI MA BSTAN TE, CI'I PHYIR MA BSTAN PA DANG,
JI LTAR NA DE'I YOD PA NYID DANG RAB TU DBYE BA RIG PAR BYA ZHE
NA, DE NI BCOM LDAN 'DAS KYIS GSANG STE BSTAN CING RNAM PAR
GZHAG PA YIN PAS NA

DE'I PHYIR MA BSTAN TE, BCOM LDAN 'DAS KYIS JI SKAD DU, ,LEN
PA'I RNAM PAR SHES PA ZAB CING PHRA, ,ZHES SOGS KHUNGS SU DRANGS
NAS GSUNGS, DE NAS, LEN DANG DANG PO GSAL BA DANG, ,ZHES SOGS

SDOMS SU MDZAD NAS KUN GZHI 'THAD PA'I RIGS PA BRGYAD DANG, DE
NAS, DMIGS DANG MTSUNGS PAR LDAN PA DANG, ,GCIG GI RKYEN NYID
GCIG YIN DANG, ,LHAN CIG DNGOS POS 'JUG PA DANG, ,KUN NAS

NYON MONGS LDOG PA YIN, ,ZHES SDOMS SU MDZAD NAS KUN GZHI RNAM
SHES 'JUG PA'I RNAM GZHAG BZHI DANG, SDOG PA'I RNAM GZHAG GCIG
GI SGO NAS RGYAS PAR BSHAD CING NYON YID KYI RNAM GZHAG KYANG
CUNG

ZAD BSTAN, DE DAG GI DON BSDUS NAS SUM CU PAR, RNAM PAR SMIN
DANG, NGAR SEMS DANG, ,YUL LA RNAM PAR RIG PA'O, ,ZHES KUN GZHI
DANG NYON YID DANG 'JUG SHES GSUM MDOR BSTAN NAS, DE LA KUN GZHI

RNAM SHES NI, ,RNAM SMIN SA BON THAMS CAD PA, ,DE NI LEN PA DAG
DANG GNAS, ,ZHES SOGS KYIS KUN GZHI DANG, DE LA GNAS PA RANG
BYUNG ZHING, ,DE LA DMIGS PA YID CES BYA, ,ZHES SOGS KYIS NYON
YID KYI RNAM

@6A *, ,GZHAG GSUNGS, THEG BSDUS LAS, SHES BYA'I GNAS DANG
MTSAN NYID DER 'JUG DANG, ,DE YI RGYU 'BRAS DE RAB DBYE BA DANG,
,BSLAB PA GSUM DANG DE 'BRAS SPANGS PA DANG, ,YE SHES THEG

PA MCHOG GYUR KHYAD PAR 'PHAGS, ,BSTAN 'DI 'DI LTAR GZHAN LA MA
MTHONG LA, ,'DI DAG BYANG CHUB MCHOG GI RGYUR MTHONG BAS, ,GNAS
BCU BSTAN PAS KHYAD ZHUGS GANG YIN PA, ,THEG PA CHEN PO SANGS
RGYAS

BKAR 'DOD DO, ,ZHES SDOMS SU MDZAD PA LTAR THEG PA CHEN PO NYID
NYAN RANG GI THEG PA LAS KHYAD PAR DU 'PHAGS PA'I GNAS RNAM PA
BCU GSUNGS PA LAS DANG PO SHES BYA'I GNAS LA KUN GZHI DANG NYON
YID KYI RNAM

GZHAG RGYAS PAR GSUNGS, DE DAG GI DON PHYOGS GCIG TU DRIL NAS
DRI MA MED PA'I LUNG RIGS KYIS MTHA' CHOD PAR GTAN LA 'BEBS PA'I
SNGON MED KYI LEGS BSHAD RMAD DU BYUNG BA NI RJE BLA MAS MDZAD
PA'I 'DI'I

DKA' 'GREL LEGS BSHAD KYI RGYA MTSO ZHES BYA BA'I RTZA 'GREL
GNYIS YIN LA, 'DI'I RNAM GZHAG DANG MTHA' GCOD RGYAS PAR GZHAN
DU SPROS SHING, 'DIR RTZA BA 'BRU BSNON GTZO BOR BYAS TE MDOR
BSDUS ZHIG

'CHAD PAR BYA'O, ,GSUM PA DE LAS 'BYUNG BA'I KUN GZHI DANG NYON
YID KYI RNAM GZHAG GTAN LA DBAB PA LA, LUS MDOR BSTAN PA DANG,
YAN LAG RGYAS PAR BSHAD PA GNYIS, DANG PO LA, RTZA BA DGOD PA
DANG,

DE'I DON BSHAD PA GNYIS, DANG PO NI, MTSAN NYID SGRUB PAR BYED
PA DANG, ,DGU DANG GCIG PUR 'DOD PA DGAG  ,DON RNAM BZHI YIS KUN
GZHI DANG, ,NYON MONGS CAN YID SHES PAR BYA, ,ZHES GSUNGS, GNYIS

@6B PA DE'I DON BSHAD PA NI, KUN GZHI DANG NYON MONGS CAN GYI
YID GNYIS KYI RNAM PAR GZHAG PA CHOS CAN, DON RNAM PA BZHI'I SGO
NAS SHES PAR BYA STE, DMIGS RNAM NGO BO GROGS SOGS KYI SGO NAS
MTSAN NYID

GTAN LA DBAB PA DANG, DE GNYIS YOD PAR BSGRUB PAR BYED PA'I LUNG
RIGS KYI SGRUB BYED DGOD PA DANG, RNAM SHES GRANGS MANG BAR THAL
BA TSOGS DGU 'DOD PA DGAG PA DANG, RNAM SHES GRANGS NYUNG BAR
THAL

BA TSOGS GCIG PUR 'DOD PA DGAG PA BZHI'I SGO NAS SHES PAR BYA BA
YIN PA'I PHYIR, GNYIS PA RGYAS PAR BSHAD PA LA, DE LTAR DON RNAM
PA BZHI LAS, DANG PO LA, KUN GZHI'I MTSAN NYID GTAN LA DBAB PA

DANG; NYON YID KYI MTSAN NYID GTAN LA DBAB PA GNYIS, DANG PO LA,
DBYE BA'I SGO NAS MDOR BSTAN PA DANG, PHYE BA SO SO'I RANG BZHIN
RGYAS PAR BSHAD PA GNYIS, DANG PO NI, RTZA BA LAS, MTSAN NYID
GNYIS LAS

KUN GZHI NI, ,RTEN DANG BRTEN PA'I DBYE BA YIS, ,MTSAN NYID RNAM
PA GNYIS SU 'DOD, ,CES GSUNGS, NGAG DON NI, KUN GZHI'I MTSAN
NYID DANG NYON YID KYI MTSAN NYID GNYIS LAS DANG PO GTAN LA DBAB
PA LA RNAM

SMIN GYI KUN GZHI'I MTSAN NYID DANG SA BON GYI KUN GZHI'I MTSAN
NYID GTAN LA DBAB PA MI 'DRA BA RNAM PA GNYIS SU YOD PAR 'DOD
DGOS TE, KUN GZHI LA NI RTEN DU GYUR PA RNAM SMIN GYI KUN GZHI
DANG BRTEN PA SA BON GYI

KUN GZHI GNYIS SU DBYE BA YI RGYU MTSAN GYIS DE LTAR 'THAD PA'I
PHYIR, RNAM SMIN GYI KUN GZHI LA RTEN DANG, SA BON GYI KUN GZHI
LA BRTEN PA ZHES BRJOD PA'I RGYU MTSAN YOD DE, RNAM SMIN GYI KUN
GZHI NI SA BON GYI KUN GZHI

@7A *, ,RNAMS 'JOG SA'I GZHI DANG GNAS SA'I RTEN YIN PAS NA
RTEN DANG, SA BON GYI KUN GZHI NI RNAM SMIN GYI KUN GZHI LA GNAS
PA'I TSUL GYI BRTEN PA YIN PAS NA DE LTAR BRJOD PA'I PHYIR,

'DIR CUNG ZAD DPYAD NA SA BON GYI KUN GZHI KUN GZHI'I DBYE BAR
'DOD PA MI 'THAD DE, DE KUN GZHI BTAGS PA BA YIN GYI DNGOS MA
YIN PA'I PHYIR DANG, KUN GZHI DANG RNAM SMIN GYI KUN GZHI DON
GCIG YIN PA'I PHYIR,

DES NA SGRAS BRJOD RIGS GYI DBYE BA SBYOR DGOS PA'I PHYIR ZHES
GRAGS CHE BA SNANG LA, 'O NA, SA BON GYI KUN GZHI KUN GZHI MA
YIN NA, DKA' 'GREL LAS, KUN GZHI SA BON GYI CHA DE LA CI'I PHYIR
KUN GZHI ZHES BYA ZHE NA, ZHES

PA NAS, SPYIR KUN GZHI ZHES 'BYUNG BA'I DON NI 'DIR CHOS KUN
SBYOR BA'I PHYIR YIN LA, BYE BRAG TU KUN GZHI SA BON GYI CHA LA
KUN GZHI ZHES PA NI, ZHES SOGS KUN GZHI'I 'JOG BYED GNYIS GSUNGS
PA MI 'THAD PAR THAL,

KUN GZHI SA BON GYI CHA KUN GZHIR 'JOG PA'I 'JOG BYED MED PA'I
PHYIR, GZHAN YANG 'DI'I GONG 'OG DANG GZHUNG MANG POR KUN GZHI
SA BON GYI CHA DANG RNAM SMIN GYI CHA ZHES YANG YANG 'BYUNG
BA'ANG MI 'THAD PAR THAL, DE 'THAD NA

DE GNYIS GANG LAS PHYE BA'I CHA CAN YOD DGOS, DE YOD NA DE KUN
GZHI LAS GZHAN DU 'OS MED PA'I PHYIR, GZHAN YANG, RNAM SMIN GYI
KUN GZHI DANG SA BON GYI KUN GZHI ZHES PA'I THA SNYAD DANG GO
DON MA GRUB PAR THAL, DE GZHI MTHUN

BSDU BA'I SGRAR BYAS NAS RNAM SMIN YANG YIN KUN GZHI YANG YIN
PAS NA RNAM SMIN GYI KUN GZHI DANG SA BON YANG YIN KUN GZHI YANG
YIN PAS NA SA BON GYI KUN GZHIR 'JOG PA'I DON MA YIN PA'I PHYIR,
RTAGS DNGOS, DPYOD DO,,

@7B GNYIS PA SO SO'I RANG BZHIN RGYAS PAR BSHAD PA LA, RTEN DU
GYUR PA RNAM SMIN GYI KUN GZHI BSHAD PA DANG, BRTEN PA SA BON
GYI KUN GZHI BSHAD PA GNYIS, DANG PO LA, DMIGS PA SOGS KYI KHYAD
PAR BZHI BSHAD PA DANG,

SGRA BSHAD PA DANG, 'JUG LDOG GI DUS BSTAN PA DANG GSUM, DANG PO
LA, SPYIR BSTAN PA DANG, SO SO'I KHYAD PAR ZHIB TU BSHAD PA DANG
GNYIS, DANG PO NI, DE LA RTEN GYUR KUN GZHI NI, ,DON DANG SEMS
CAN BAG CHAGS

KYI; ;RNAM PAR RIG PA MI RIG PA, ,LUNG DU MA BSTAN REG LA SOGS,
,LNGA NYID DANG LDAN, ZHES GSUNGS, DE YANG, SUM CU PA LAS, DE NI
LEN PA DAG DANG GNAS, ,RNAM PAR RIG PA MI RIG PA, ,RTAG TU REG

DANG YID BYED DANG, ,REG DANG 'DU SHES SEMS PAR LDAN, ,ZHES PA'I
DON BSDUS PA YIN PAS DE GNYIS KYI NGAG DON PHYOGS GCIG TU BSHAD
NA, KUN GZHI DE LA DE LTAR GNYIS YOD PA'I NANG NAS SA BON GYI
RTEN DU

GYUR PA'I KUN GZHI DE NI CHOS CAN, DMIGS PA'I KHYAD PAR YOD DE,
PHYI SNOD KYI 'JIG RTEN DANG GZUGS SOGS DON LNGA NI SNOD KYI
RNAM RIG DANG DON GYI RNAM RIG DANG GNAS KYI RNAM RIG YIN ZHING,
DBANG RTEN KHOG PA'I

LUS DANG MIG SOGS DBANG PO SEMS CAN LNGA NI LUS KYI RNAM RIG
DANG NYE BAR BLANGS BYA YIN PAS LEN PA'I RNAM RIG DANG, SKYE BA
PO SOGS KYI BDAG DANG PHUNG KHAMS SKYE MCHED KYI CHOS KUN LA YID
SHES KYIS 'DI

DANG 'DI ZHES SGRO BTAGS PA'I NGO BO NYID LA MNGON PAR ZHEN TE
MNGON PAR BRJOD PA LAS BYUNG BA'I BAG CHAGS NI BAG CHAGS KYI
RNAM RIG DANG LUS NYE BAR LEN PA PO YIN PAS LEN PA'I RNAM RIG
YIN LA, DE LTA BU'I NANG

@8A *, ,BCUD KYI RNAM RIG GAM LEN PA'I RNAM PAR RIG PA GNYIS PO
DAG DANG PHYI'I SNOD GNAS KYI RNAM PAR RIG PA GSUM LA DMIGS PA'I
PHYIR, 'DIR BAG CHAGS LA ZHES DPE MANG POR

'BYUNG BA NI YIG NOR 'DRA'O, ,DE CHOS CAN, RNAM PA'I KHYAD PAR
YOD DE, RNAM RIG DE DAG DNGOS SU SNANG YANG RUNG MI SNANG YANG
RUNG KUN GZHI RANG NYID KYIS 'DI DANG 'DI'O ZHES GZHAL BA DANG
NGES PA'I TSUL GYIS RNAM

PAR MI RIG PA STE RTOGS PAR MI NUS LA, RJES SU'ANG DE LTAR NGES
PA 'DREN MI NUS PA'I RNAM PA SHIN TU MI GSAL BA YIN PA'I PHYIR,
DE CHOS CAN, NGO BO'I KHYAD PAR YOD DE, DGE MI DGE GANG DU YANG
LUNG DU MA BSTAN

PA YIN PA'I PHYIR, DE CHOS CAN, GROGS KYI KHYAD PAR YOD DE, DUS
RTAG TU RANG GI 'KHOR REG PA DANG, LA SOGS PA YID BYED DANG, RIG
PA STE TSOR BA DANG, 'DU SHES DANG, SEMS PA STE SEMS BYUNG KUN
'GRO LNGA KHO NA

NYID DANG MTSUNGS LDAN YIN PA'I PHYIR, GNYIS PA SO SO'I KHYAD
PAR ZHIB TU BSHAD PA LA, DMIGS RNAM LA MTHA' GCOD PA DANG, NGO
BO NGES PA'I SGRUB BYED DGOD PA DANG, GROGS NGES PA'I SGRUB BYED
DGOD PA DANG GSUM,

DANG PO LA, BAG CHAGS DMIGS PAR 'JOG PA LA DPYAD PA DANG, SNOD
BCUD DMIGS PAR 'JOG PA LA DPYAD PA GNYIS, DANG PO NI, KHA CIG 
,KUN GZHI'I STENG GI BDAG DANG CHOS KUN BRTAGS PA'I NGO
BO NYID LA MNGON

PAR ZHEN TE MNGON PAR BRJOD PA LAS BYUNG BA'I BAG CHAGS CHOS
CAN, KHYOD KUN GZHI'I DMIGS PAR 'JOG PA MI RIGS PAR THAL, KHYOD
DE LA SNANG MI NUS PA'I PHYIR, DER THAL, KHYOD DE DANG NGO BO
GCIG PA'I TSUL GYI

@8B DE NYID DU BRJOD DU MED, DE DANG NGO BO THA DAD PA'I TSUL
GYI DE NYID LAS GZHAN DU YANG BRJOD DU MED PA'I PHYIR ZER NA,
DE'I LAN 'CHAD PA LA, SA BON GYI, DBANG GIS GNAS DON LUS SU NI,
,SNANG PHYIR DMIGS PA DAG

TU 'DOD, ,CES GSUNGS, DON NI, DE LTA BU'I BAG CHAGS KYI SA BON
CHOS CAN, KHYOD KUN GZHI'I RNAM SHES KYI DMIGS PA DAG TU 'DOD
RIGS TE, KHYOD DE LA SNANG BA'I SGO NAS DE'I DMIGS PAR MI 'GYUR

YANG KHYOD KYI NUS PA BRTAS PA'I DBANG GIS KUN GZHI RNAM SHES DE
NYID GNAS DBANG RTEN KHOG PA DANG, DON GZUGS SOGS YUL LNGA DANG,
LUS MIG SOGS DBANG PO LNGA STE SNOD BCUD KYI RNAM PA DE DAG TU
NI

SNANG BA'I PHYIR NA DE'I DMIGS PAR BZHAG RUNG BA'I PHYIR, DE
YANG YIN TE, CHOS DE BLO DE'I DMIGS PAR 'JOG PA LA CHOS DE BLO
DE LA NGES PAR SNANG MI DGOS PA'I PHYIR, DER THAL, DPER NA, THEG
CHEN MTHONG

LAM BAR CHAD MED LAM LTA BU'I SHES PA DE YUL GZUGS KYI DBANG GIS
GZUGS PHYI ROL DON GYIS STONG BA'I RNAM PA CAN DU BYUNG BA GANG
ZHIG  ,DE'I TSE GZUGS DE DE LA MI SNANG YANG DE'I DMIGS PAR 'DOD
DGOS

PA LTA BU YIN PA'I PHYIR, LUGS 'DIR KUN GZHI RNAM SHES NYID
DBANG DON BAG CHAGS GSUM DU SNANG BAR 'JOG PA YIN TE, JI SKAD
DU, DON DANG SEMS CAN DU, ,SNANG BA'I RNAM PAR SHES PA NI, ,RAB
TU SKYE'O, ,

ZHES GSUNGS PA'I PHYIR, BAG CHAGS DMIGS PAR 'JOG TSUL DE YANG
KHAMS 'OG MA GNYIS KYI DBANG DU BYAS PA YIN GYI, GZUGS MED DU DE
LTAR 'JOG PA MA YIN TE, GZUGS MED DU BAG CHAGS DMIGS

@9A *, ,PAR 'GYUR BA'I DBANG DON DE DAG DNGOS SU MED PA'I
PHYIR, DES NA GZUGS MED DU BAG CHAGS KUN GZHI'I DMIGS PAR 'JOG
TSUL YOD DE, KUN GZHI RNAM SHES NYID BAG CHAGS

KYI MTHUS PHYIS GNAS DON LUS GSUM POR SNANG RUNG YIN PAS DE LTAR
'JOG RIGS PA'I PHYIR TE, DPER NA, 'BRU'I SBYANG NA GNAS PA'I SA
BON SKAM PO DE PHYIS CHU LUD SOGS KYI RKYEN DANG 'PHRAD NA MYU
GU

BSKYED RUNG YIN PAS DES MYU GU'I RKYEN BYED PAR 'JOG PA LTA BU
YIN PA'I PHYIR, KUN GZHI RNAM SHES KYI DMIGS PAR GYUR PA'I BAG
CHAGS LA MNGON BRJOD KYI BAG CHAGS KHO NAR NGES PAR 'DOD NA, MI

'THAD DE, THEG BSDUS LAS, RNAM RIG BCO LNGA'I DANG PO DGU MNGON
BRJOD KYI BAG CHAGS LAS BYUNG BA DANG, BDAG DANG GZHAN DU SNANG
BA'I RNAM RIG GNYIS BDAG LTA'I BAG CHAGS LAS BYUNG BA DANG, BDE
'GRO

DANG NGAN 'GRO DANG 'CHI 'PHO BA DANG SKYE BAR SNANG BA'I RNAM
RIG BZHI SRID PA'I YAN LAG GI BAG CHAGS LAS BYUNG BAR GSUNGS
PA'ANG BAG CHAGS DE DANG DE'I NUS PA RGYAS PA'I DBANG GIS KUN
GZHI RNAM SHES

NYID DE DANG DE'I RNAM PAR SNANG BA LA 'JOG DGOS PAS GONG GI
RIGS PA DANG MTSUNGS LA, DE BZHIN DU MIG SHES LA SNGON PO SNANG
BA DANG SNGON PO SNGON POR SNANG BA LTA BU RANG GI RIGS MTHUN
GYI BAG CHAGS LAS

BYUNG BAR GSUNGS PAS BAG CHAGS DE YANG DE'I DMIGS PAR 'JOG DGOS
PA'I PHYIR, GNYIS PA DBANG DON DMIGS PAR 'JOG PA LA DPYAD PA NI,
'O NA, DBANG DON GYI SNOD BCUD GNYIS PO DE KUN GZHI RNAM

@9B SHES LA DNGOS SU SNANG BA'I SGO NAS DE'I DMIGS PAR 'JOG NA
GZUGS MED KYI KUN GZHI RNAM SHES LA'ANG DE GNYIS SNANG NGAM ZHE
NA, DE'I LAN 'CHAD PA LA, KUN GZHI'I GZUNG CHA DAG LA NI, ,RNAM
SHES LNGA YIS

'DZIN BYED CING, ,DRUG PAS THA SNYAD 'DOGS PAS NA, ,KHAMS GNYIS
DAG TU NGES PA STE, ,DE LTA MIN NA GZUGS MED PA, ,GZUGS KYI 'DU
SHES MA 'DAS DANG, ,GZUGS CAN PA RU THAL 'GYUR TE, ,SHES LA

GZUGS SU SNANG BA LAS, ,MA GTOGS PHYI ROL MED PHYIR RO, ,ZHES
GSUNGS, DON NI, KUN GZHI RNAM SHES LA DBANG DON SNOD BCUD GNYIS
PO SNANG BA NI 'DOD GZUGS KYI KHAMS 'OG MA GNYIS KHO NA DAG TU
NGES PA

YIN TE, KUN GZHI'I RNAM SHES KYI GZUNG CHA DBANG DON GNYIS PO
DAG LAS GZUGS SOGS DON LNGAR SNANG BA'I CHA NI DE DANG RTEN GCIG
PA'I GANG ZAG GI MIG GI RNAM SHES SOGS DBANG PO'I RNAM SHES LNGA
PO DE YIS RIM

PA BZHIN DU 'DZIN PAR BYED DGOS SHING, DBANG DON GNYIS GA SNANG
BA'I CHA LA NI DE 'DRA'I GANG ZAG GI DRUG PA YID KYI RNAM SHES
KYIS 'DI DANG 'DI ZHES THA SNYAD 'DOGS RUNG BA DGOS PA GANG ZHIG
,DE BAS NA GZUGS MED

DU DE LTAR 'DZIN PA DANG THA SNYAD 'DOGS RUNG BA MED PA'I PHYIR,
RTAGS DANG PO'I ZUR DANG PO DER THAL, RTEN GCIG GI KUN GZHI'I
RNAM SHES LA DNGOS SU SNANG BA'I DON LNGA PO DE RTEN DE'I DBANG
SHES LNGA PO LA RIM PA

BZHIN DU NGES PAR SNANG DGOS PAS DE DE LA LKOG TU GYUR PA MI
SRID PA'I PHYIR, DE LTAR MIN NA GZUGS MED PA RNAMS GZUGS KYI 'DU
SHES YOD PA LAS MA 'DAS PAR THAL BA DANG, GZUGS CAN PA RU THAL
BAR

@10A *, ,'GYUR TE, DE'I KUN GZHI'I RNAM SHES LA GZUGS CAN GYI
SNOD BCUD MTSAN NYID PA DNGOS SU SNANG BA'I PHYIR, RTAGS KHAS,
KHYAB STE, 'DOD GZUGS KYI KHAMS 'OG MA GNYIS

NA'ANG GZUGS KYI 'DU SHES YOD PA DANG GZUGS CAN PAR 'JOG PA'I
DON NANG GI SHES PA LA DBANG DON SOGS GZUGS SU SNANG BA YOD PA
TZAM LA 'JOG PA YIN GYI, DE LTAR MA GTOGS PA'I PHYIR ROL NAS
GRUB

PA'I GZUGS MED PA'I PHYIR RO, ,'DOD MI NUS TE, MDO LAS, THOGS
PA'I 'DU SHES KYANG NUB, SNA TSOGS PA'I 'DU SHES KYANG NUB, CES
GSUNGS PA'I PHYIR, GZUGS MED KYI KUN GZHI RNAM SHES LA

GZUGS CAN GYI SNOD BCUD MI SNANG BA'I RGYU MTSAN YOD DE, SNGON
GZUGS SNANG BKAG PA'I SNYOMS 'JUG BSGOMS PA'I MTHUS GZUGS MED DU
GNAS KYI RING LA DE SNANG BAR 'GYUR BA'I SA BON GYI BAG CHAGS

SAD PA LA RE ZHIG GNOD PA BYAS PA'I DBANG GIS YIN PA'I PHYIR TE,
DPER NA, 'DU SHES MED PA'I SNYOMS 'JUG BSGOMS PA'I MTHUS RANG
DUS DANG 'DU SHES MED PA BAR GNAS KYI RING LA RNAM SHES TSOGS

DRUG RNAMS SKYE 'GYUR GYI BAG CHAGS SAD PA LA RE ZHIG GNOD PA
BYAS PA'I SGO NAS 'GOG PA LTA BU YIN PA'I PHYIR, DE LA KHO NA
RE, GZUGS MED KYI KUN GZHI'I RNAM SHES LA DMIGS PA MED PAR THAL,

DE LA DBANG DON LUS GSUM PO GANG YANG MI SNANG BA GANG ZHIG
,BAG CHAGS DE'I DMIGS PAR 'JOG PA'I DON DE'I DBANG GIS GNAS DON
LUS SU SNANG BA GANG YANG MED PA'I PHYIR, 'DOD NA, DMIGS

@10B PA DANG BRAL BA'I SHES PA YOD PAR THAL LO ZHE NA, SKYON MED
DE, THEG BSDUS LAS, 'DAS SOGS DE BZHIN RMI LAM DANG, ,GZUGS
BRNYAN RNAM PA GNYIS PO YANG, ,DMIGS PA YOD PA MA YIN PAS, ,

DE NI DMIGS PAR RUNG PHYIR RO, ,ZHES GSUNGS PA LTAR, SPYIR SHES
PA RNAMS LAS DMIGS PA YOD PA LA BLTOS DGOS MI DGOS GNYIS YOD LA,
BYE BRAG TU KUN GZHI'I RNAM SHES NI DMIGS PA YOD

PA LA BLTOS DGOS PA MA YIN TE, DE 'GRO BA GANG RUNG SKYES NAS MA
SHI'I BAR RNAM SMIN DU GYUR NAS SKAD CIG KYANG RIGS 'DRA RGYUN
CHAD MED PAR 'PHEN BYED KYI LAS KYI STOBS KYIS 'JUG PA'I PHYIR,
DES NA

GZUGS MED DU DBANG DON BAG CHAGS GSUM LAS BAG CHAGS NYID KUN
GZHI'I DMIGS PAR 'JOG PA YIN TE, DE'I DON GONG DU BSHAD ZIN PA
LTAR YIN PA'I PHYIR, 'ON KYANG DER MING GZHI'I PHUNG PO LA

DMIGS PA YOD CING YID DBANG LA DMIGS PA SOGS YOD MED DPYAD RGYU
YOD DO, ,'O NA, DE LTAR YIN NA KHAMS 'OG MA GNYIS SU KUN GZHI'I
RNAM SHES GCIG LA SNOD BCUD KYI RDZAS THAMS CAD SNANG BA

YIN NAM ZHE NA, DE'I LAN STON PA LA, 'OG NA'ANG SEMS CAN GCIG GI
NI, ,KUN GZHI LA NI SNOD DANG BCUD, ,THAMS CAD SNANG NA GZUGS
KHAMS KYI, ,LHA LA'ANG DMYAL SNANG 'BYUNG BA DANG, ,

DMYAL BA LA YANG LHA RNAMS KYI, ,SNOD BCUD SNANG BA 'BYUNG BA
DANG, ,THA MAL RNAMS LA'ANG BSKAL PA YI, ,YUL SNA TSOGS PA SNANG
BAR 'GYUR, ,ZHES GSUNGS, DON NI, KHAMS 'OG MA GNYIS NA'ANG

@11A *, ,SPYIR KUN GZHI LA SNOD BCUD SNANG YANG SEMS CAN GCIG GI
NI KUN GZHI'I RNAM SHES LA NI SNOD DANG BCUD KYI RDZAS THAMS CAD
SNANG BA MA YIN TE, DE LTAR SNANG NA SKYON DU MA

'BYUNG BA'I PHYIR, GAL TE DE LTAR SNANG NA DMYAL BA PA MA ZAD
'DOD PA'I LHA MI DANG GZUGS KHAMS KYI LHA LA'ANG LCAGS BSREGS
'BAR BAS BSREGS SHING MTSON GYIS BCAD BTUB DANG MUN NAG BU YUG

'TSUB PA SOGS TSA GRANG GI DMYAL SNANG MTSAN NYID PA 'BYUNG BAR
THAL BA DANG, LHA MIR MA ZAD DMYAL BA PA LA YANG MI'I GNAS KYI
RI RA BA KHANG KHYIM SOGS DANG 'DOD GZUGS KYI LHA RNAMS KYI
GZHAL MED

KHANG DANG LONGS SPYOD BDUD RTZI LA SOGS PA'I SNOD BCUD YID DU
'ONG BA MTSAN NYID PA'I SNANG BA 'BYUNG BAR THAL BA DANG, MNGON
SHES DANG LDAN PA MA ZAD MNGON SHES SOGS MA THOB PA'I SEMS CAN
THA MAL PA

RNAMS LA'ANG GNAS KYI BSKAL PA THAG RING PO DANG DUS KYI BSKAL
PA 'DAS MA 'ONGS LTA BU'I BSKAL DON DU SONG BA'I YUL GYI BKOD PA
SNA TSOGS PA RNAMS KYANG SNANG BAR 'GYUR BA YIN PAR THAL, 'DOD

PA'I PHYIR, 'DOD NA, LHA MI LA'ANG DMYAL BA'I SDUG BSNGAL DE DAG
GIS GDUNGS PA DANG, DMYAL BA PAS KYANG LHA MI'I BDE BA DE DAG
MYONG BA DANG, THA MAL PA DE RNAMS KYIS KYANG MNGON SHES KYI YUL
MYONG

BAR THAL, 'DOD PA GANG ZHIG  ,DE LTAR SNANG BA DE DE DAG GI KUN
GZHI'I STENG GI BAG CHAGS SAD PA LA BLTOS PA'I SGO NAS SNANG BA
YIN PA'I PHYIR, KHYAB STE, KUN GZHI'I STENG GI BAG CHAGS SAD
STOBS KYI

@11B MTHUS DE LTAR SNANG BA YIN NA SNANG BA TZAM DES PHAN GNOD
KYANG DE LTAR BYED PA YIN PA'I PHYIR TE, DPER NA, SNGAGS RDZAS
KYIS BSLAD PA'I MTHUS SGYU MAS SPRUL PA'I GSHIN RJE LA GSHIN RJE
RANG MTSAN PAR SNANG

BA NA DE LTAR SNANG BA TZAM GYIS 'JIGS PA BSKYED PA DANG, SGYU
MAS SPRUL PA'I NA CHUNG LA NA CHUNG MTSAN NYID PAR SNANG BA NA
DE LTAR SNANG BA TZAM GYIS CHAGS PA BSKYED PA LTA BU YIN PA'I
PHYIR DANG, GZUGS CAN GYI

SNOD BCUD MA DAG PA RNAMS KUN GZHI'I STENG GI BAG CHAGS SAD PA'I
MTHUS SNOD BCUD DE DANG DE'I RNAM PAR SNANG BA TZAM YIN GYI, DE
LTAR MA GTOGS PA'I PHYI ROL GYI SNOD BCUD MED PA'I PHYIR, 'DIR
RIGS

PAS SPROS NA 'JOG MTSAMS SHIN TU DKA' BA YOD KYANG TSUL 'DI'I GO
BA 'CHAGS PA LA, THEG BSDUS LAS, YI DVAGS DUD 'GRO MI RNAMS
DANG, ,LHA RNAMS JI LTAR RIGS RIGS SU, ,DNGOS GCIG YID

NI THA DAD PHYIR, ,DON MA GRUB PAR 'DOD PA YIN, ,'DAS SOGS DE
BZHIN RMI LAM DANG, ,ZHES SOGS PHYI DON MED PA DPE DANG BCAS PA
GSUNGS PA'I DON SHES DGOS SO, ,'O NA, KHAMS 'OG MA GNYIS

NA KUN GZHI RNAM SHES LA SNOD BCUD JI LTA BU ZHIG SNANG BA YIN
ZHE NA, DE STON PA LA, DNGOS SU RANG GI DBANG DON NO, ,BRGYUD
NAS DE YI TSOGS DRUG GI  ,YUL DU SNANG BAR GANG NUS PA, ,KUN
GZHI'I YUL DU 'JOG

PA YIN, ,ZHES GSUNGS, DON NI, KHAMS 'OG MA GNYIS NA KUN GZHI LA
SNOD BCUD SNANG TSUL YOD DE, DE GNYIS NA KUN GZHI'I DNGOS SU
DMIGS PA NI RANG RANG GI DBANG PO DANG DON YIN NO, ,DE YANG

@12A *, ,'DOD KHAMS NA RTEN GYI GANG ZAG RANG RANG GI DBANG PO
SEMS LDAN LNGA DANG DE LA SNANG BA'I YUL DON LNGA'AM DBANG DON
CI RIGS DANG, GZUGS KHAMS NA RTEN GYI GANG ZAG RANG

RANG GI MIG RNA LUS KYI DBANG PO SEMS LDAN GSUM DANG DE LA SNANG
BA'I DON GZUGS DANG SGRA DANG REG BYA GSUM YIN LA, BRGYUD NAS
DMIGS PA NI GANG ZAG DE YI RNAM SHES TSOGS DRUG GAM CI RIGS PA'I

YUL DU SNANG BAR GANG NUS PA DE DE'I KUN GZHI'I RNAM SHES KYI
SNANG BA'I DMIGS YUL DU 'JOG PA YIN PA'I PHYIR, DE YANG KUN GZHI
RGYUD LDAN GYI MI'I RGYUD LA MIG SHES RGYU BA'I SKABS KYI DE'I
MIG DBANG DANG DON GZUGS

GNYIS DE'I MIG SHES LA DNGOS SU SNANG BA'I CHA NAS DE'I KUN GZHI
RNAM SHES LA DNGOS SU SNANG BAR 'JOG PAS DE'I DNGOS KYI DMIGS PA
DANG, DE'I RGYUD LA MIG SHES MI RGYU BA'I SKABS KYI DE'I MIG
DBANG DANG

DON GZUGS GNYIS SKABS DER DE'I MIG SHES LA MI SNANG YANG DE MA
THAG RKYEN NAM TSANG BA NA DE'I MIG SHES BSKYED PA'I YUL DU
SNANG NUS SU YOD PAS NA DE'I BRGYUD PA'I DMIGS PAR 'JOG PA YIN
LA, DES

DBANG DON GZHAN RNAMS LA'ANG SHES PAR BYA ZHING, DE LTAR ZHIB
CHA MANG DU 'DON DGOS PA YOD DO, ,DE LA KHA CIG  ,KUN GZHI RGYUD
LDAN GYI GANG ZAG GI RGYUD KYI YID SHES KYI YUL YIN NA, DE'I
RGYUD KYI KUN

GZHI'I RNAM SHES KYI YUL YIN PAS KHYAB PAR THAL, GONG GI DAM
BCA' DE'I PHYIR ZER NA, DE'I DMIGS BSAL 'CHAD PA LA, DBANG DON
LAS GZHAN DRUG PA'I YUL, ,KUN GZHI'I YUL DU MI 'GYUR TE, ,

@12B DRUG PA BTAGS PA'I YUL CAN DANG, ,KUN GZHI BKRAR 'DZIN GYIS
DBEN PHYIR, ,ZHES GSUNGS, DON NI, DBANG DON BAG CHAGS GSUM LAS
GZHAN PA'I DRUG PA YID KYI RNAM SHES KYI YUL DU GYUR PA'I GSUNG

RAB YAN LAG BCU GNYIS LTA BU DANG, 'DAS MA 'ONGS SOGS NANG GI
BAG CHAGS SAD STOBS KYIS SNANG BA MA YIN PA'I LDAN MIN 'DU BYED
DANG SGRO BTAGS SAM BTAGS YOD KYI CHOS RNAMS KUN GZHI'I RNAM

SHES KYI YUL DU MI 'GYUR BA YIN TE, DRUG PA YID KYI RNAM SHES NI
DE DAG 'DI DANG 'DI ZHES THA SNYAD BYAS TE SGRO BTAGS PA'I YUL
CAN DU RUNG BA YIN PA'I PHYIR DANG, KUN GZHI'I RNAM SHES NI DE
DAG LA 'DI DANG 'DI

ZHES THA SNYAD 'DOGS PA'I 'DU SHES BKRAR 'DZIN GYIS DBEN PA STE
DE DANG BRAL BA'I PHYIR, GONG DU DRANGS PA'I LUNG DANG RTZA BA
DAG LAS KUN GZHI'I DMIGS PA 'CHAD PA NA SEMS CAN ZHES PA LTAR
KUN GZHI'I

DNGOS KYI DMIGS PAR GYUR PA'I DBANG PO YIN NA DBANG PO SEMS LDAN
YIN DGOS ZHING, RNAM SHES TSOGS BDUN 'KHOR BCAS KYANG KUN GZHI'I
DMIGS PAR 'JOG GAM DPYAD DGOS PA YOD DO, ,

GNYIS PA NGO BO NGES PA'I SGRUB BYED DGOD PA LA, BAG CHAGS SGO
GZHI YIN PHYIR DANG, ,DGE DANG MI DGE MNGON GYUR DANG, ,RGYUD
GCIG LA NI 'JUG PA'I PHYIR, ,MA SGRIB LUNG MA BSTAN DU GRUB,
,CES GSUNGS,

DON NI, KUN GZHI'I RNAM SHES CHOS CAN, MA SGRIB LUNG MA BSTAN
KHO NA NYID DU GRUB PA YIN TE, DGE MI DGE LUNG MA BSTAN GSUM
GA'AM CI RIGS PA'I BAG CHAGS BSGO GZHI YIN PA'I PHYIR DANG, DGE
BA

@13A *, ,DANG MI DGE BA DANG SGRIB LUNG MA BSTAN GYI SEMS MNGON
GYUR BA GSUM PO GANG YANG RUNG BA DANG RGYUD GCIG LA NI DUS GCIG
TU 'JUG PA'I PHYIR, KHYAB STE, DGE BA YIN NA GZHAN GNYIS DANG

MI MTHUN PAS DE GNYIS KYI BAG CHAGS SGO GZHIR MI RUNG BA'I PHYIR
DANG NYON MONGS CAN GYI SEMS DE GNYIS DANG LHAN CIG TU 'JUG PA
MI RUNG BA'I PHYIR, DE BZHIN DU GZHAN GNYIS LA'ANG BSGRUB TSUL
RIGS BSGRE'O, ,

DE LA MA BSGRIBS PA ZHES BYA STE, THAR PA THOB PA LA MA BSGRIBS
PAS NA DE LTAR BRJOD PA'I PHYIR, DE LTAR 'THAD DE, SUM CU PA
LAS, DE NI MA SGRIB LUNG MA BSTAN, ,ZHES DE'I 'KHOR GYI TSOR BA
MA SGRIB LUNG MA BSTAN DU

GSUNGS PAS GRUB PA'I PHYIR, GSUM PA GROGS NGES PA'I SGRUB BYED
DGOD PA LA, LUNG MA BSTAN DANG MI GSAL PHYIR, ,REG SOGS LNGAR
NGES TSOR BA NI, ,BAR MA'O, ,ZHES GSUNGS, DON NI, KUN GZHI'I
RNAM

SHES CHOS CAN, KHYOD KYI 'KHOR DU SEMS BYUNG NGA GCIG GI NANG
NAS REG SOGS KUN 'GRO LNGA KHO NAR NGES PA YIN TE, SEMS GANG
ZHIG  ,RANG GI 'KHOR DU SEMS BYUNG GZHAN RNAMS MI 'BYUNG BA'I
PHYIR, DE CHOS CAN,

RANG GI 'KHOR DU RTZA NYON DRUG DANG NYE NYON NYI SHU RNAMS MI
'BYUNG STE, KHYOD NYON MONGS CAN MA YIN PA'I SEMS YIN PA'I
PHYIR, DE CHOS CAN, RANG GI 'KHOR DU DGE BA BCU GCIG MI 'BYUNG
STE, LUNG MA BSTAN GYI

SEMS YIN PA'I PHYIR, DE CHOS CAN, RANG GI 'KHOR DU YUL NGES LNGA
MI 'BYUNG STE, YUL DNGOS SU SNANG YANG DE LA BYE BRAG TU PHYE
NAS NGES PA'I RNAM PA MI GSAL BA'I SEMS YIN PA'I PHYIR, DE CHOS
CAN, RANG GI

@13B 'KHOR DU GZHAN 'GYUR BZHI MI 'BYUNG STE, GNYID NYON MONGS
CAN NI GTI MUG LA BTAGS PA DANG, GNYID DGE BA DANG LUNG MA BSTAN
GNYIS DANG 'GYOD PA DANG RTOG DPYOD GNYIS RNAMS SHES RAB LA
BTAGS PA GANG

ZHIG  ,KHYOD KYI 'KHOR DU DE DAG GI GDAGS GZHI GTI MUG DANG SHES
RAB MI 'BYUNG BA'I PHYIR, KUN GZHI'I 'KHOR GYI TSOR BA NI BDE
SDUG GANG YANG MA YIN PA'I BAR MA MYONG BA'I TSOR BA BTANG
SNYOMS KHO NAR GNAS

PA YIN TE, DE LA TSOR BA BDE BA YOD NA BSAM GTAN BZHI PA YAN
CHAD DANG NGAN SONG GSUM PO RNAMS TSOR BA BDE BA'I SAR 'GYUR BA
DANG, DE LA TSOR BA SDUG BSNGAL YOD NA BSOD NAMS DANG MI G-YO
BA'I LAS KYIS

RNAM SMIN SDUG BSNGAL 'PHEN PAR 'GYUR BA DANG, GZUGS GZUGS MED
KYI KHAMS GNYIS PO TSOR BA SDUG BSNGAL KYI SAR 'GYUR BA'I SKYON
YOD PA'I PHYIR, DE YANG YIN TE, DE RES 'GA' TSOR BA BDE BA'I NGO
BOR

'GYUR BA DANG RES 'GA' TSOR BA SDUG BSNGAL GYI NGO BOR 'GYUR BA
MED PA'I PHYIR TE, DE 'KHOR BA THOG MA MED PA NAS SLAR JI SRID
'JUG GI BAR DU RGYUD RIGS 'DRA RGYUN CHAGS SU 'JUG PA'I PHYIR,
DER THAL, KUN

GZHI RNAM SHES DE LTAR 'JUG PA GANG ZHIG  ,DE GNYIS MTSUNGS LDAN
YIN PA'I PHYIR, DES NA GANG ZAG CIG GI RGYUD LA TSOR BA BDE SDUG
BTANG SNYOMS GSUM GCIG GI 'JUG THOGS SU GCIG 'BYUNG BA NI 'JUG

SHES GZHAN GYI 'KHOR DU 'BYUNG BA YIN LA, DE YANG KUN GZHI'I
RNAM SHES NI DMIGS RNAM SHIN TU MI GSAL BA'I BLO YIN PAS BDE
SDUG MI MYONG YANG DE LA BDE SDUG SNANG BA'I DBANG GIS 'JUG SHES
'KHOR GYI TSOR

@14A *, ,BAS BDE SDUG MYONG BA 'DOD DGOS SO, ,'ON KYANG KUN
GZHI'I RNAM SHES GANG ZAG TU 'DOD PA LA 'DIR 'JOG MTSAMS DKA' BA
YOD DO, ,GNYIS PA SGRA BSHAD PA LA, 'DI LA BDAG

TU NI, SBYOR BA'I PHYIR NA KUN GZHI'O, ,ZHES GSUNGS, DON NI, KUN
GZHI'I RNAM SHES 'DI CHOS CAN, KHYOD LA KUN GZHI ZHES BYA STE,
GANG GI PHYIR NA 'GRO BA LNGA'I SEMS CAN KUN 'DIR NYON YID KYIS
RANG SKYA

THUB PA'I GANG ZAG GI BDAG TU PHYIN CI LOG TU NI SBYOR BA STE
BLTA BA'I GZHI YIN PA'I PHYIR DANG, DER MA ZAD, DGE SOGS KYI SA
BON KUN BSGO BA'I GZHI YIN PA'I PHYIR, PHYI MA DER THAL, KUN
BTUS DAR tIK

LAS; KUN GZHI'I RNAM PAR SHES PA ZHES BYA STE, SEMS GANG, SA BON
THAMS CAD BSGO BA'I GZHIR GYUR PA'I PHYIR, ZHES GSUNGS PA'I
PHYIR, MING GI RNAM GRANGS NI, THEG CHEN THUN MONG MA YIN PA LA
GRAGS

PA'I DBANG DU BYAS NA, 'DI LA SHES BYA'I GNAS ZHES BYA STE, SHES
BYA'I MTSAN NYID NGO BO NYID RNAM PA GSUM GYI DON BDE BLAG TU
RTOGS PA LA 'DI KHONG DU CHUD PA LA BLTOS PA'I PHYIR, YANG 'PHEN
BYED KYI DGE

MI DGE GANG RUNG GI LAS KYI BAG CHAGS 'BRAS BU NYID DU RNAM PAR
SMIN PA'I NGO BOR GYUR PAS NA RNAM SMIN GYI RNAM SHES DANG, KUN
NYON GYI CHOS KUN GYI SA BON THAMS CAD 'DI LA YOD PAS NA SA BON
THAMS

CAD PA'I RNAM SHES ZHES BYA STE, SUM CU PA LAS, DE LA KUN GZHI
RNAM SHES NI, ,RNAM SMIN SA BON THAMS CAD PA, ,ZHES GSUNGS PA'I
PHYIR, YANG DES SKYE GNAS BZHI PO RNAMS SU GCIG NAS GCIG TU

@14B BRGYUD DE NYING MTSAMS SBYAR NAS SKYE BA LEN PA DANG, DE'I
TSE YANG MIG SOGS GZUGS CAN GYI LUS SNGAR MED LEN PA'I TSUL GYIS
'GRUB PAR BYED PA DANG, DE NAS JI SRID MA SHI'I BAR DU LUS DE MA

ZHIG PAR LEN PA'I TSUL GYIS BZUNG BAS NA LEN PA'I RNAM SHES ZHES
BYA BA DANG, DE YANG 'JIG RTEN PA'I BLOS GTING DPAG PAR MI NUS
PAS NA ZAB PA DANG, NYAN RANG RNAMS KYIS SHES MI NUS PAS NA PHRA
BA DANG,

SA BON THAMS CAD PA YIN PA DANG, CHU BO CHEN PO'I RGYUN BZHIN DU
THOG MA MED PA NAS 'KHOR BAR JI SRID GNAS KYI BAR DU RGYUD RIGS
'DRA RGYUN CHAD MED PAR 'JUG PA DANG, DES NA SHES BYA PHRA BA'I
GNAS DE LA MNO

BSAM MED PA'I BYIS PA NYAN RANG MAN CHAD LA BSTAN NA DE NI GANG
ZAG GI BDAG TU GRUB PA'O ZHES LOG PAR RTOG PAR 'GYUR NA MI RUNG
NGO SNYAM DU DGONGS NAS DE DAG LA GSANG NAS MA BSTAN CING SNOD
RUNG GI GDUL BYA

BYANG SEMS RNAMS LA MA GSANG BAR BSTAN PA YIN TE, DGONGS 'GREL
LAS, LEN PA'I RNAM PAR SHES PA ZAB CING PHRA, ,SA BON THAMS CAD
CHU BO'I RGYUN BZHIN 'BAB, ,BDAG TU RTOG PAR 'GYUR NA MI RUNG

ZHES; ;BYIS PA RNAMS LA NGAS NI DE MA BSTAN, ,ZHES GSUNGS PA'I
PHYIR, YANG THEG PA THUN MONG BA LA GRAGS PA'I MING GI RNAM
GRANGS KYI DBANG DU BYAS NA DE LA SEMS DANG YID DANG RNAM SHES
ZHES BYA BA YIN LA,

DE YANG SGRA DON THUN MONG BA'I DBANG DU BYAS NA RNAM SHES TSOGS
BRGYAD KA LA SEMS DANG YID DANG RNAM SHES ZHES BYA YANG SGRA DON
MI 'DRA BA SO SOR YOD DE, THEG BSDUS KYI 'GREL PA DON GSANG RNAM
NGES LAS, GANG

@15A *, ,GI TSE RNAM PAR SHES PA BRGYAD CAR GYI TSOGS LA BYA BA
DE'I TSE NI KUN GZHI'I RNAM PAR SHES PA NI SOGS PAS NA SEMS SO,
,NYON MONGS PA CAN GYI YID NI DON SEMS PAS NA SEMS SO, ,

RNAM PAR SHES PA DRUG GI TSOGS NI SNA TSOGS LA DMIGS PA'I PHYIR
SEMS SO, ,RNAM PAR SHES PA TSOGS BRGYAD CAR YANG MTSUNGS PA DE
MA THAG PA'I DON NAM RTOGS PA'I DON GYIS GDAGS PA'I SGO NAS YID
YIN NO, ,

RNAM PAR SHES PA TSOGS BRGYAD CAR YANG YUL SO SOR RIG PA'I DON
GYIS NA RNAM PAR SHES PA YIN NO, ,ZHES GSUNGS PA LTAR YIN PA'I
PHYIR, YANG SGRA DON THUN MONG MA YIN PA'I DBANG DU BYAS NA SEMS
YID RNAM

SHES GSUM 'GAL BAR 'JOG PA YIN TE, LANG GSHEGS LAS, SEMS NI KUN
GZHI RNAM PAR SHES, ,NGAR SEMS PA NI YID YIN NO, ,GANG ZHIG YUL
LA 'DZIN BYED PA, ,DE NI RNAM PAR SHES ZHES BYA, ,ZHES

DE GSUM GYI SGRA DON DE LTAR GSUNGS PA'I PHYIR, THEG BSDUS LAS,
KHA CIG 'DI SNYAM DU SEMS DANG YID DANG RNAM PAR SHES PA ZHES
BYA BA NI DON GCIG KHO NA STE, 'DIR TSIG 'BRU THA DAD DO SNYAM
DU SEMS PA

DE YANG MI 'THAD DE, YID DANG RNAM PAR SHES PA GNYIS DON THA DAD
PAR DMIGS PA'I PHYIR RO, ,DE'I PHYIR SEMS KYANG DON THA DAD PAR
'GYUR RO, ,ZHES GSUNGS PA'I PHYIR, GSUM PA 'JUG LDOG GI DUS

BSTAN PA LA, LHAG MA MED DANG RDO RJE'I LTA'I, ,BAR DU RGYUN MI
'CHAD DU 'JUG  ,CES GSUNGS, DON NI, SA BON GYI RTEN DU GYUR PA'I
RNAM SHES DE LA KUN GZHI DANG RNAM SMIN GNYIS KA YIN PA'I CHA
DANG RNAM SMIN

@15B RKYANG PA'I CHA YIN PA GNYIS YOD PAS DANG PO'I LDOG TSUL
'OG TU 'CHAD LA, 'DIR SPYI'I DBANG DU BYAS NAS RNAM SHES RNAM
SMIN GYI CHA'I 'JUG LDOG GI DUS YOD DE, TSE GCIG LA 'JUG TSUL NI
'KHOR BA THOG MA

MED PA NAS 'PHEN BYED DGE MI DGE'I LAS SO SOS JI LTAR 'PHANGS PA
BZHIN 'GRO BA BZANG NGAN DE DANG DE'I RNAM SMIN DU GYUR TE NYING
MTSAMS SBYAR BA NAS JI SRID MA SHI'I BAR DU RGYUN MI CHAD DU
'JUG CING,

SKYE BA BRGYUD NAS 'JUG TSUL NI DE YANG LAS SNGA MAS 'PHANGS
PA'I NUS PA ZAD NAS SHI BA DANG LAS PHYI MAS 'PHANGS PA'I RNAM
SMIN DU GYUR NAS SKYE BA GCIG NAS GCIG TU BRGYUD DE RIGS 'DRA
RGYUN MI CHAD DU

'JUG LA, RGYUN DU 'JUG TSUL NI DE YANG GTAN RIGS CHAD SOGS 'GA'
ZHIG GI RGYUD LA LDOG PA MED CING, RIGS YOD KYI GANG ZAG LA NI
THEG DMAN GYI DBANG DU BYAS NA PHUNG PO LHAG MA MED PA'I MYANG

'DAS MNGON DU BYED KHA MA'I BAR DANG, THEG CHEN GYI DBANG DU
BYAS NA SGOM LAM RDO RJE LTA BU'I TING NGE 'DZIN GYI BAR DU
RGYUN MI CHAD DU 'JUG CING DE GNYIS KYI RJES SKAD CIG GNYIS PA
NAS LDOG PA'I PHYIR TE,

SUM CU PA LAS, LAS KYI BAG CHAGS 'DZIN GNYIS KYI, ,BAG CHAGS
BCAS PA SNGA MA YI, ,RNAM PAR SMIN PA ZAD NAS GZHAN, ,RNAM SMIN
BSKYED PA DE YIN NO, ,ZHES GSUNGS PA'I PHYIR, 'DI LA KHA

CIG  ,DE MI 'THAD PAR THAL, NGAN 'GRO NAS SHI 'PHOS TE BDE
'GRO'I BAR SRID DU SKYES PA'I TSE RNAM SMIN GYI RNAM SHES LDOG
DGOS PA'I PHYIR, DER THAL, DE'I TSE NGAN 'GRO'I RNAM SMIN GYI
RNAM SHES LDOG DGOS

@16A *, ,PA'I PHYIR ZER NA MA KHYAB, RTAGS GRUB STE, THEG BSDUS
LAS, RNAM PAR SMIN PA'I RNAM PAR SHES PA RGYUN CHAD PA NI NYING
MTSAMS SBYOR BA MA GTOGS PA GZHAN DU MNGON PAR 'GRUB PA MED

PA'I PHYIR, ZHES GSUNGS PA'I PHYIR, 'DOD MI NUS TE, DE'I TSE
NGAN 'GRO NAS SHI 'PHOS PA DANG BDE 'GRO'I BAR SRID DU SKYES PA
GNYIS SRANG MDA'I MTHO DMA' BZHIN DU DUS MNYAM PA GANG ZHIG
,KHYOD LTAR NA DE'I TSE

RNAM SMIN GYI RNAM SHES GRUB PA YIN PA'I PHYIR TE, DE'I TSE BDE
'GRO'I BAR SRID KYI RNAM SMIN GYI RNAM SHES GRUB PA YIN PA'I
PHYIR, KHYAB PA DNGOS, GZHAN YANG, DE'I TSE SHI 'PHOS PA PO DANG
SKYE BA LEN PA PO'I RNAM SHES

MED PAR THAL, DE'I TSE KUN GZHI RNAM SHES MED PA'I PHYIR TE,
DE'I TSE RNAM SMIN GYI RNAM SHES MED PA'I PHYIR, RTAGS SONG,
MANG DU SPROS PAS CHOG GO  ,DES NA 'JUG TSUL GONG DU BSHAD PA
LTAR 'THAD PA YIN TE, DPER

NA CHU BO CHEN PO NI RGYA MTSOR MA SLEB KYI BAR DU RGYUN MI CHAD
PAR 'BAB PA DE BZHIN DU RNAM SMIN GYI RNAM SHES SAM LEN PA'I
RNAM SHES DE THOG MA MED PA NAS JI SRID GNAS MA GYUR GYI BAR DU
RIGS 'DRA RGYUN MI CHAD PAR

'JUG PA'I PHYIR DANG, RNAM SHES TSOGS GZHAN BDUN NI RANG RANG GI
YUL SNA TSOGS DANG 'PHRAD PA'I DBANG GIS CHU'I RLABS BZHIN DU
GLO BUR GLO BUR DU 'BYUNG BA'I PHYIR, ZUR DANG PO DER THAL,
DGONGS 'GREL

LAS; SA BON THAMS CAD CHU BO'I RGYUN BZHIN 'BAB, ,CES PA DANG,
SUM CU PA LAS, DE NI RGYUN 'BAB CHU BO BZHIN, ,ZHES GSUNGS PA'I
PHYIR, ZUR PHYI MA DER THAL, LANG GSHEGS LAS, KUN GZHI'I CHU BO
DE

@16B BZHIN DU, ,SNA TSOGS YUL GYI RLUNG GI BSKYOD, ,RNAM SHES
SNA TSOGS RBA RLABS RNAMS, ,GAR BZHIN RAB TU 'BYUNG BAR 'GYUR,
,ZHES GSUNGS PA'I PHYIR, DE YANG 'JUG TSUL BZHI DANG LDOG TSUL
GCIG YOD DE, ,

BSDU BA LAS, DMIGS DANG MTSUNGS PAR LDAN PA DANG, ,GCIG GI RKYEN
NYID GCIG YIN DANG, ,LHAN CIG DNGOS POS 'JUG PA DANG, ,KUN NAS
NYON MONGS LDOG PA YIN, ,ZHES GSUNGS PA'I PHYIR, BZHI

PA LHAN CIG DNGOS POS 'JUG TSUL LA GSUM YOD DE, DE NYID LAS, DE
LTAR NA 'JUG PA'I RNAM PAR SHES PA DANG LHAN CIG GI DNGOS PO
DANG, TSOR BA DANG LHAN CIG GI DNGOS PO DANG, DGE BA LA SOGS PA
DANG

LHAN CIG GI DNGOS POS KYANG KUN GZHI RNAM PAR SHES PA LHAN CIG
GI DNGOS POS 'JUG PA RNAM PAR GZHAG PAR RIG PAR BYA'O, ,ZHES
GSUNGS PA'I PHYIR, 'JUG SHES DANG LHAN CIG TU 'JUG PA LA'ANG
BDUN

YOD DE, 'JUG SHES GCIG KHO NA DANG LHAN CIG TU 'JUG PA NAS 'JUG
SHES BDUN KA DANG LHAN CIG TU 'JUG PA'I BAR YOD PA'I PHYIR, LUGS
'DIR RNAM SMIN NI RNAM SMIN GYI RNAM SHES MTSUNGS LDAN DANG BCAS

PA KHO NA LA 'JOG DGOS TE, DE YIN NA 'GRO BA GANG DU SKYE BA
BLANGS PA DER 'PHEN BYED KYI LAS KYIS JI LTAR 'PHANGS PA BZHIN
SKYES NAS MA SHI'I BAR DU RIGS 'DRA RGYUN CHAGS SU 'JUG PA DGOS
PA GANG ZHIG ,

DBANG SOGS SHES PA DANG BCAS PA GZHAN RNAMS NI TSE DER BAR SKABS
SU 'DOR BA YOD PA'I PHYIR DANG, DE DGE BA YIN NA MI DGE BA'I
SEMS SKAD CIG KYANG SKYE MI NUS PAS NYON MONGS LDOG PA MED PAR
THAL

@17A *, ,BA'I PHYIR DANG, DE MI DGE BA YIN NA DGE SEMS SKAD CIG
KYANG SKYE MI NUS PAS GNYEN PO SKYE BA MED PAR THAL BA SOGS GNOD
BYED MTHA' YAS PA 'JUG PA'I PHYIR, DANG PO GONG DU DRANGS PA'I

THEG BSDUS KYI LUNG GIS BSGRUB, PHYI MA RNAMS DER THAL, THEG
BSDUS LAS, CI'I PHYIR DGE BA DANG MI DGE BA'I CHOS RNAMS KYI
RNAM PAR SMIN PA MA SGRIB LA LUNG DU MA BSTAN PA'I RNAM PAR SMIN
PA ZHES BYA ZHE NA, MA

SGRIB LA LUNG DU MA BSTAN PA 'DI NI DGE BA DANG MI DGE BA DANG
'GAL BA MED DE, DGE BA DANG MI DGE BA NI PHAN TSUN MI MTHUN NO,
,RNAM PAR SMIN PA YANG DGE BA DANG MI DGE BAR 'GYUR NA NI KUN
NAS NYON MONGS PA LOG PAR

MI 'GYUR RO, ,DE LTA BAS NA RNAM PAR SMIN PA'I RNAM PAR SHES PA
NI MA SGRIB LA LUNG DU MA BSTAN PA NYID DO, ,ZHES GSUNGS PA'I
PHYIR DANG, SEMS CAN GYI RGYUD KYI DBANG PO RTEN BCAS KYI GZUGS
CAN RNAMS RNAM SMIN

LAS SKYES PA YIN GYI RNAM SMIN MA YIN PA'I PHYIR, 'ON KYANG DE
RNAM SMIN PHAL PA YIN PAR BSHAD PA'ANG YOD DO, ,SANGS RGYAS KYI
SA NA RNAM SMIN YOD PAR 'DOD PA NI GRUB MTHA' GZHAN GYI LUGS YIN
PAS 'DIR SANGS

RGYAS KYI SA NA RNAM SMIN MED DE, DE YOD NA ME LONG LTA BU'I YE
SHES DE YIN DGOS PA LAS DE DGE BA YIN PA'I PHYIR, 'ON KYANG DAG
SA'I SKABS SU RNAM SMIN YOD PA DANG BSAM GYIS MI KHYAB PA'I 'CHI
'PHO YOD PAR BSHAD CING

KUN BTUS SU ZAG MED KYI LAS KYIS RNAM SMIN MI 'PHEN PAR GSUNGS
PAS DPYAD PAR BYA BA MANG NGO, ,MDOR BSDU NA, NYON YID KYIS GANG
ZAG GI BDAG TU BLTA BA'I GZHIR MA SPANGS PA'I TSUL DU YOD CING,
MA BSGRIBS

@17B LUNG MA BSTAN GYI NGO BOR GYUR PA'I RNAM SMIN GANG ZHIG
,RANG GI GROGS KUN 'GRO LNGA KHO NA DANG MTSUNGS LDAN GYI SHES
PA CHA PHRA BA'I DMIGS RNAM SHIN TU MI GSAL ZHING THOG MA MED PA
NAS 'KHOR BAR JI SRID GNAS

KYI BAR RGYUD RIGS 'DRA RGYUN CHAGS SU 'JUG PA'I RIGS SU GNAS
PA'I GTZO BO'I RNAM RIG GI SHES PA DE KUN GZHI RNAM SHES KYI NGO
BO 'AM MTSAN NYID DU 'JOG ,DE LA DBYE TSUL DU MA YOD DE, KHAMS
KYI SGO NAS DBYE

NA GSUM DANG, SA'I SGO NAS DBYE NA DGU DANG, 'GRO BA'I SGO NAS
DBYE NA LNGA 'AM DRUG DANG, 'JUG LDOG GI SGO NAS DBYE NA 'KHOR
BAR GTAN DU 'JUG CING LDOG PA MED PA DANG 'KHOR BAR GTAN DU MI
'JUG CING LDOG PA

YOD PA'I KUN GZHI RNAM SHES GNYIS DANG, RTEN GYI SGO NAS DBYE NA
SKYE 'PHAGS KYI KUN GZHI RNAM SHES GNYIS DANG, KUN NYON GYI RGYU
'BRAS KYI SGO NAS DBYE NA SA BON THAMS CAD PA'I KUN GZHI RNAM
SHES DANG,

RNAM SMIN GYI KUN GZHI RNAM SHES GNYIS DANG, RGYUD KYI SGO NAS
DBYE NA DPAG TU MED PA RNAMS SU YOD PA'I PHYIR, SA BON THAMS CAD
PA'I RNAM SHES DANG LEN PA'I RNAM SHES DANG RNAM SMIN GYI RNAM
SHES GSUM DON

GCIG KYANG DE GSUM KUN GZHI RNAM SHES DANG DON MI GCIG STE, KUN
GZHI RNAM SHES LA DE GSUM GYIS KHYAB KYANG DE GSUM LA KUN GZHI
RNAM SHES KYIS MA KHYAB PA'I PHYIR TE, NYAN RANG DGRA BCOM PA
DANG DAG SA'I BYANG

SEMS KYI RGYUD LA DE GSUM YOD KYANG KUN GZHI RNAM SHES MED PA'I
PHYIR,, GNYIS PA BRTEN PA SA BON GYI KUN GZHI BSHAD PA LA, NGO
BO MDOR BSTAN PA DANG, KHYAD CHOS RGYAS PAR BSHAD PA GNYIS, DANG
PO NI,

@18A *, ,BRTEN PA SA BON KUN GZHI NI, ,BSGO BAR BYED PAS SGO
GZHI LA, ,'GAG LA MNGON DU PHYOGS PA'I TSE, ,BZHAG PA'I NUS
PA'O, ,ZHES GSUNGS, DON NI, BRTEN PA SA BON GYI KUN GZHI'I NGO
BO NI YOD DE, BSGO BAR BYED PA PO

RNAM SHES TSOGS BDUN 'KHOR BCAS KYIS SGO GZHI KUN GZHI'I RNAM
SHES LA DUS SGO BYED RANG NYID 'GAG PA LA MNGON DU PHYOGS PA'I
TSE NA RANG GI 'BRAS BU RNAM SMIN DANG RGYU MTHUN DANG BDAG
'BRAS GSUM SOGS

GANG YANG RUNG BA SKYED BYED DU DGE MI DGE LUNG MA BSTAN GSUM CI
RIGS PA'I SA BON BZHAG PA'I NUS PA DE DE YIN PA'I PHYIR, GNYIS
PA KHYAD CHOS RGYAS PAR BSHAD PA LA, GANG LA BSGO BA'I SGO GZHI
BSHAD PA

DANG; GANG GIS BSGO BA'I SGO BYED BSHAD PA DANG, GANG BSGO BA'I
SA BON GYI DBYE BA BSHAD PA DANG, BSGOS PA'I BAG CHAGS DE RTEN
GYI RNAM SHES DANG RDZAS GCIG DANG THA DAD GANG YIN DPYAD PA
DANG, BAG CHAGS

JI LTAR 'JOG PA'I TSUL BSHAD PA DANG, SGRA BSHAD PA DANG, 'JUG
LDOG GI DUS BSTAN PA DANG BDUN, DANG PO NI, SGO GZHI NI, BRTAN
LUNG MA BSTAN BSGO BYA BA, ,BSGO BAR BYED DANG 'BREL BA DANG,
,MTHA' GCIG

RTEN DU GYUR PA STE, ,KHYAD PAR LNGA DANG LDAN PA'O, ,ZHES
GSUNGS, DON NI, BAG CHAGS SGO GZHI DE NI KHYAD PAR LNGA DANG
LDAN PA ZHIG DGOS TE, JI SRID SGO BYED YOD KYI BAR DU BAG CHAGS
BSGOD RUNG ZHING CHUD MI ZA BA'I GZHIR

GNAS PA'I BRTAN PA DANG, BAG CHAGS SGO GZHIR BYA RUNG BA'I MA
BSGRIBS LUNG MA BSTAN YIN PA DANG, SGO GZHIR BYA BAR NUS PA
DANG, BSGO BAR BYED PA PO DANG LHAN CIG TU 'PHRAD PA'I 'BREL BA
YOD PA DANG, MTHA'

@18B GCIG TU BAG CHAGS KYI RTEN DU GYUR PA STE DE RNAMS DGOS PA
LAS DE DAG KUN GZHI'I RNAM SHES DANG DE'I RDZAS RGYUN GYI RNAM
SHES LA RUNG BA YIN GYI DE LAS GZHAN LA MI RUNG BA'I PHYIR,
KHYAD PAR DANG PO DGOS TE,

BAG CHAGS BSGO GZHI LA NANG SHES RGYUD KYIS BSDUS PA DGOS LA, DE
YANG RNAM SHES TSOGS BDUN 'KHOR BCAS DANG DBANG PO RTEN BCAS KYI
GZUGS RNAMS NI RLUNG DANG SGRA GLOG BZHIN DU MTHA' GCIG TU BRTAN

PA MA YIN PAS DE DAG LA BAG CHAGS 'CHAGS SU MI NUS SHING GAL TE
'CHAGS SU CHUG KYANG BAR SKABS SU RIGS RGYUN LDOG PAR 'GYUR BAS
BAG CHAGS CHUD ZA BAR 'GYUR BA'I SKYON YOD PA'I PHYIR, DE DAG

BAR SKABS SU RIGS RGYUN LDOG PA YOD DE, SUM CU PA LAS, YID KYI
RNAM SHES 'BYUNG BA NI, ,RTAG TU'O 'DU SHES MED PA PA, ,SNYOMS
PAR 'JUG PA RNAM GNYIS DANG, ,SEMS MED GNYID DANG BRGYAL MA

GTOGS; ;ZHES DE DAG GI SKABS SU YID KYI RNAM SHES MI 'BYUNG BA
DANG, 'JIG RTEN 'DAS PA'I LAM NA MED, ,'GOG PA'I SNYOMS PAR 'JUG
NA MED, ,CES DE GNYIS NA NYON YID MED PAR GSUNGS PA'I PHYIR

DANG; GZUGS MED DU DBANG PO RTEN BCAS KYI GZUGS SHES DANG, GZUGS
KHAMS SU SNA LCE'I SHES PA MED PA'I PHYIR DANG, 'DOD KHAMS
SU'ANG DBANG SHES RNAMS YOD MED CI RIGS 'BYUNG BA'I PHYIR, KHYAD

PAR GNYIS PA GRUB STE, DGE BA NI DRI SHIN TU BZANG BA'I TZAN DAN
DANG GLA RTZI LTA BU DANG, MI DGE BA DANG SGRIB LUNG MA BSTAN
GNYIS NI DRI NGAN PA'I SGOG SKYA LTA BU YIN PAS DE DAG PHAN TSUN
DU BAG CHAGS BSGOD MI RUNG

@19A *, ,ZHING; DES NA DE LA DRI MNYAM PA TIL LTA BU'I MA
BSGRIBS LUNG MA BSTAN YIN PA ZHIG DGOS PA'I PHYIR, KHYAD PAR
GSUM PA GRUB STE, DE LA RKYEN GYIS KHYAD PAR DU BYAR RUNG BA
DANG 'BRAS BU

BSKYED PA'I NUS PA 'JUG RUNG BA'I MI RTAG PA ZHIG DGOS PA YIN
GYI RTAG PA LA SA BON BSGOD MI NUS PA'I PHYIR, KHYAD PAR BZHI PA
GRUB STE, DPER NA TIL LA SNA MA DZ'A TI'I DRI BSGOD PA LA DE
GNYIS SNOD GCIG TU

LHAN CIG 'PHRAD PA'I 'BREL BA YOD PA DGOS PA BZHIN DU BAG CHAGS
BSGOD PA LA GANG ZAG RGYUD GCIG LA SGO GZHI RANG NYID YOD PA
DANG LHAN CIG TU SGO BYED SKYE 'GAG BYAS PA'I 'BREL BA DANG LDAN
PA DGOS KYI DES NA

RGYUD THA DAD PA'I CHOS DANG RGYUD GCIG KYANG LHAN CIG TU MA
'PHRAD PA DANG DUS MI MNYAM PA'I CHOS RNAMS SGO GZHI DANG SGO
BYED DU MI RUNG BA'I PHYIR, KHYAD PAR LNGA PA GRUB STE, KUN
GZHI'I 'KHOR GYI REG SOGS LNGA PO RNAMS

KYANG RNAM GRANGS KYI RTEN DU GYUR PA YIN KYANG SKAD CIG RE RE
BZHIN KUN GZHI'I RNAM SHES LA BRTEN NAS 'BYUNG DGOS PAS NA MTHA'
GCIG TU RTEN DU GYUR PA MA YIN PAS SGO GZHIR MI RUNG BA'I PHYIR,
DE DAG BAG CHAGS

SGO BYED KYANG MA YIN TE, DE DAG DMIGS RNAM SHIN TU MI GSAL BA'I
BLO YIN PA'I PHYIR, DE DAG SKYE BA'ANG RIGS MTHUN GYI BAG CHAGS
BZHAG PA LA BLTOS MI DGOS TE, 'PHEN BYED KYI LAS KYI STOBS KYIS
'JUG

PA'I PHYIR, GNYIS PA GANG GIS BSGO BA'I SGO BYED BSHAD PA NI,
BAG CHAGS SGO BYED LA 'JUG SHES TSOGS BDUN 'KHOR BCAS SU NGES PA
YIN TE, DE LA DMIGS RNAM GSAL BA'I SHES PA ZHIG DGOS PA'I

@19B PHYIR; DE YANG DE BDUN KAS RGYU MTHUN GYI BAG CHAGS 'JOG PA
YIN TE, DE RNAMS KYIS RANG RANG GI RIGS 'DRA BSKYED PA'I BAG
CHAGS 'JOG PA'I PHYIR, TSOGS DRUG 'KHOR BCAS KYIS DGE SOGS GSUM
KA'I

BAG CHAGS 'JOG PA YOD DE, DE DAG LA DGE SOGS GSUM GA YOD PA'I
PHYIR, NYON YID 'KHOR BCAS KYIS LUNG MA BSTAN KHO NA'I BAG CHAGS
'JOG PA YIN TE, DE JI SRID 'JUG GI BAR DU RTAG TU LUNG MA BSTAN

GYI NGO BOR GNAS PA'I PHYIR, YANG 'DZIN PA GNYIS KYI BAG CHAGS
NI NYON MONGS CAN MA YIN PA'I LTA BA MTSUNGS LDAN DANG BCAS PAS
'JOG CING MNGON BRJOD KYI BAG CHAGS SOGS GSUM 'JOG TSUL 'OG TU

'CHAD PA LAS SHES SO, ,'DIR ZHIB CHA MANG DU SPROS DGOS PA YOD
DO, ,GSUM PA GANG BSGO BA'I SA BON GYI DBYE BA BSHAD PA LA, SA
BON DRUG TU DBYE BA DANG, GSUM DU DBYE BA DANG, BZHI TSAN GNYIS
SU DBYE BA

DANG GSUM, DANG PO 'CHAD PA LA, PHYI DANG NANG DANG MI GSAL BA,
,GNYIS DANG KUN RDZOB NYID DANG NI, ,DAM PA'I DON DE DE DAG KUN,
,SA BON RNAM PA DRUG TU 'DOD, ,CES THEG BSDUS SU 'BYUNG BA 'DI
GSUNGS, DON NI,

SA BON GYI RIGS DE DAG KUN BSDU NA SA BON RNAM PA DRUG TU DBYE
BSDUR 'DOD PA YIN TE, 'BRU DANG RTZA BA DANG SDONG PO'I SA BON
SOGS RGYUD KYIS MA BSDUS PA'I SA BON RNAMS PHYI'I SA BON DANG,
RGYUD KYIS BSDUS PA'I

SA BON THAMS CAD PA'I RNAM SHES KYI STENG GI SA BON RNAMS NANG
GI SA BON DANG, PHYI NANG GI SA BON DE GNYIS KYANG NGO BO'I SGO
NAS 'JOG NA DGE BAR MI GSAL BA'I LUNG MA BSTAN GYI SA BON DANG,
MI DGE BAR MI

@20A *, ,GSAL BA'I LUNG MA BSTAN GYI SA BON TE SA BON MI GSAL BA
GNYIS SU NGES PA DANG, RNYED TSUL GYI SGO NAS 'JOG NA PHYI'I SA
BON RNAMS NI THA SNYAD PA'I SHES PA'I YUL DU GRAGS PA TZAM GYI

KUN RDZOB NYID KYI SA BON DANG NI NANG GI SA BON RNAMS NI DON
DAM PAR DPYAD BZOD KYIS RNYED PA'I DON DAM PA'I DON GYI SA BON
TE DE DRUG TU 'DU BA'I PHYIR, 'DI DAG GI KHYAD PAR GYI CHOS DANG
'BRAS BU LA BYA BA BYED TSUL

SOGS MANG DU SHES DGOS PA YOD DO, GNYIS PA GSUM DU DBYE BA 'CHAD
PA LA, GZHAN YANG MNGON BRJOD BDAG LTA DANG, ,SRID PA'I YAN LAG
BAG CHAGS GSUM, ,ZHES GSUNGS, DON NI, DER MA ZAD GZHAN

'JOG BYED KYI SGO NAS SA BON GSUM DU DBYE BA YANG YOD DE, MNGON
BRJOD KYI BAG CHAGS DANG, BDAG LTA'I BAG CHAGS DANG, SRID PA'I
YAN LAG GI BAG CHAGS DANG GSUM YOD PA'I PHYIR, DANG PO YOD DE,
'JOG BYED

YID SHES KHO NAS 'JOG CING, 'BRAS BU GTZO BO'I DBANG DU BYAS NA
GZUGS NAS RNAM MKHYEN GYI BAR GYI CHOS RNAMS KYI NGO BO DANG
KHYAD PAR GYI THA SNYAD SNA TSOGS PA 'DOGS PAR BYED PA'I YID
SHES 'BYUNG BA'I THUN MONG

MA YIN PA'I RGYU RKYEN BYED PA'I SA BON DANG, 'BRAS BU PHAL PA'I
DBANG DU BYAS NA THEG BSDUS NAS BSHAD PA'I RNAM RIG BCO LNGA'I
NANG NAS LUS KYI RNAM RIG SOGS RNAM RIG DANG PO DGU PO 'BYUNG
BA'I THUN MONG MA YIN

PA'I RGYU RKYEN BYED PA'I SA BON DE DE YIN PA'I PHYIR, DE LA
SPROS PA'I BAG CHAGS ZHES BYA STE, DE YID SHES YUL SNA TSOGS LA
SPROS PA 'AM 'PHRO BA'I RGYU BYED PA'I BAG CHAGS YIN PA'I PHYIR,
GONG GI GNYIS PA YOD DE,

@20B 'JOG BYED NYON YID 'KHOR BCAS KYIS 'JOG CING GANG ZAG RANG
NYID LA BDAG TU SNANG BA'I RNAM RIG DANG RANG DANG RGYUD THA DAD
PA LA GZHAN DU SNANG BA'I RNAM RIG BAR PA GNYIS 'BYUNG BA'I THUN
MONG MA YIN PA'I RGYU BYED

PA'I SA BON DE DE YIN PA'I PHYIR, 'DI LA 'JIG TSOGS LA LTA BA'I
BAG CHAGS ZHES BYA STE, DE 'JIG LTA 'BYUNG BAR BYED PA'I SA BON
YIN PA'I PHYIR, DER NGES PA'ANG MA YIN TE, BDAG LTA LHAN SKYES
KYI BAG CHAGS

NI YID GNYIS KAS 'JOG CING, BDAG LTA KUN BRTAGS KYI BAG
CHAGS NI, YID SHES KHO NAS 'JOG PA'I PHYIR, GONG GI GSUM PA YOD
DE, 'JOG BYED 'JUG SHES DRUG PO DGE MI DGE GANG YANG RUNG BAS

'JOG CING, SRID PA 'KHOR BA'I BDE 'GROR SNANG BA'I RNAM RIG
DANG, NGAN 'GROR SNANG BA'I RNAM RIG DANG, 'CHI 'PHO BAR SNANG
BA'I RNAM RIG DANG, SKYE BAR SNANG BA'I RNAM RIG PHYI MA BZHI PO
RNAMS 'BYUNG BAR BYED

PA'I SA BON DE DE YIN PA'I PHYIR, DE LA MING GI RNAM GRANGS SU
RNAM SMIN GYI BAG CHAGS DANG LAS KYI BAG CHAGS ZHES BYA YANG, SA
BON RANG LDOG DE DE LTAR MA YIN TE, DE LA RTEN 'BREL YAN LAG BCU
GNYIS

'BYUNG BA'I BAG CHAGS YOD PA'I PHYIR TE, THEG BSDUS KYI 'GREL PA
BSHAD SBYAR LAS, SRID PA YAN LAG GI BAG CHAGS KYI BYE BRAG CES
BYA BA NI BSOD NAMS DANG BSOD NAMS MA YIN PA DANG MI G-YO BA'I
'DU

BYED KYI DBANG GIS LHA LA SOGS PA'I 'GRO BA RNAMS SU MA RIG PA
NAS RGA SHI LA THUG PA RNAMS KYI BAG CHAGS KYI BYE BRAG GO  ,ZHES
PA DANG, BDE 'GRO LA SOGS PA'I RNAM PAR RIG PA NI MA RIG PA LA
SOGS PA'I

@21A *, ,SRID PA'I YAN LAG BCU GNYIS KYI BAG CHAGS KYI RGYU LAS
BYUNG BA'O, ,ZHES GSUNGS PA'I PHYIR, MDOR BSDU NA, THEG BSDUS
NAS BSHAD PA'I RNAM RIG BCO LNGA SO SO'I NGOS 'DZIN

DANG BAG CHAGS GANG LAS BYUNG BA'I TSUL BSHAD SBYOR LAS GSUNGS
TE, ,DE NYID LAS, LUS DANG LUS CAN DANG ZA BA PO'I RNAM PAR RIG
PA ZHES BYA BA LA SOGS PA DE LA LUS KYI RNAM PAR RIG PA NI DBANG
PO GZUGS

CAN DU SNANG BA STE, DE BZHIN DU 'OG MA RNAMS LA YANG SNANG BA'I
SGRA SBYAR BAR BYA'O, ,LUS CAN GYI RNAM PAR RIG PA NI YID DO,
,ZA BA PO'I RNAM PAR RIG PA NI YID KYI RNAM PAR SHES PA'O, ,DES
NYE BAR SPYAD PAR BYA BA'I RNAM PAR RIG PA NI

PHYI'I SKYE MCHED RNAMS SO, ,DE LA NYE BAR SPYOD PA'I RNAM PAR
RIG PA NI RNAM PAR SHES PA LNGA PO DAG GO  ,DUS KYI RNAM PAR RIG
PA NI DUS GSUM DU SNANG BA'O, ,GRANGS KYI RNAM PAR RIG PA NI
GCIG LA SOGS PAR BGRANG BAR SNANG BA'O, ,YUL GYI

RNAM PAR RIG PA NI GRONG DANG KUN DGA' RA BA SOGS PAR SKYANG
BA'O, ,THA SNYAD KYI RNAM PAR RIG PA NI MTHONG BA DANG, THOS PA
DANG, BYE BRAG BYED PA DANG, RNAM PAR SHES PA'O ZHES BYA'O,
,BDAG DANG GZHAN GYI BYE BRAG GI RNAM PAR RIG PA NI NGAR 'DZIN
PA

DANG; NGA YIR 'DZIN PAR 'CHAD PA LUS LA SOGS PA'I RNAM PAR RIG
PA STE, NGA'O, ,NGA'I 'O, ,'DI NI NGA'O MA YIN GYI 'DI NI GZHAN
GYI'O, ,ZHES BYA BA LA SOGS BA BYE BRAG TU 'DZIN PA'I PHYIR RO,
,BDE 'GRO DANG NGAN 'GRO DANG

'CHI 'PHO DANG SKYE BA'I RNAM PAR RIG PA NI LHA DANG, MI DANG,
SEMS CAN DMYAL BA DANG, DUD 'GRO DANG, YI DVAGS DANG, SKYE BA
DANG, 'CHI BAR SNANG BA'O, ,DE LA LUS DANG LUS CAN DANG, ZHES
BYA BA NAS, THA SNYAD KYI RNAM

@21B PAR RIG PA GANG YIN PA DE NI MNGON PAR BRJOD PA'I BAG CHAGS
KYI SA BON LAS BYUNG BA'I PHYIR RO, ,ZHES BYA BA'I BAR NI DE'I
RGYU LAS BYUNG BA'I PHYIR RO, ,DE BZHIN DU GZHAN GYI BYE BRAG GI
RNAM PAR RIG PA NI BDAG TU LTA BA'I

BAG CHAGS KYI RGYU LAS BYUNG BA STE, NYON MONGS PA CAN GYI YID
SA BON YIN PA'I PHYIR RO, ,BDE 'GRO LA SOGS PA'I RNAM PAR RIG PA
NI MA RIG PA LA SOGS PA'I SRID PA'I YAN LAG BCU GNYIS KYI BAG
CHAGS KYI RGYU LAS

BYUNG BA'I PHYIR RO, ,ZHES GSAL BAR GSUNGS PA LTAR YIN PA'I
PHYIR, LUGS 'DIR DBANG PO LNGA DANG DON LNGA SOGS RNAM RIG TU
'JOG PA'I DON NI DE DAG SHES RIG YIN PA'I DON MA YIN TE, BAG
CHAGS BRTEN BYUNG

GI GANG ZAG GIS DE DAG LA YID GTAD PA'I TSUL GYIS MA BRTAGS MA
DPYAD PA'I TSE NA DE DAG PHYI ROL RGYANG CHAD KYI TSUL DU JI
LTAR SNANG BA LTAR DE DANG DE'I THA SNYAD BYED CING DE'I TSE DE
DAG SHES PA'I BDAG NYID DU GRUB PAR MI

'DOD KYANG, BRDA BYANG GI SKYES BUS YID GTAD PA'I TSUL GYIS
BRTAGS SHING DPYAD PA'I TSE NA DE DAG PHYI ROL RGYANG CHAD DU
MED PAR NANG GI SHES PA NYID DE DANG DE'I RNAM PAR SNANG TZAM
DANG RNAM PAR RIG TZAM YIN PA LA DE

DANG DE'I THA SNYAD BTAGS TZAM DANG SHES PA'I BDAG NYID DU GRUB
PA'I DON YIN PA'I PHYIR, DE'I TSE DE DAG SHES PA LAS RGYANG CHAD
KYI SNANG BA'I CHA DE LA BRJOD DU MED PA'I DNGOS PO ZHES BYA BA
YIN TE, DE'I TSE DE DANG NANG GI SHES

PA DANG GCIG YIN PA'I TSUL GYI SHES PA DE NYID DU BRJOD DU MED,
DE DE DANG NGO BO THA DAD YIN PA'I TSUL GYI DE LAS GZHAN DU'ANG
BRJOD DU MED PA YIN PA'I PHYIR, DES NA SHES PA MI 'DRA BA GNYIS
KYIS YUL GZUGS LTA BU

@22A *, ,GCIG LA BLTAS PA NA DANG PO'I TSE DE GNYIS KYI GZUNG
CHA THUN MONG BA YOD KYANG DE DE GNYIS KYI BDAG NYID DU GRUB PAR
MI 'DOD CING, PHYI MA'I TSE DE GNYIS LA GZUNG CHA THUN MONG BA
MI 'CHAR

BAR GZUNG CHA THUN MONG MA YIN PA RE 'CHAR BAS DE NYID SHES PA
DE DANG DE'I BDAG NYID DU GRUB PAR 'DOD PA YIN PA'I PHYIR, 'DIR
MANG DU SPROS PA YOD DO,,  GSUM PA BZHI TSAN GNYIS SU DBYE BA
LAS BZHI TSAN DANG POR

'CHAD PA LA, THUN MONG THUN MONG MA YIN DANG, ,TSOR DANG BCAS
DANG TSOR MED PA, ,SA BON RNAM BZHI, ZHES GSUNGS, DON NI, SA BON
BZHI TSAN DANG PO YOD DE, PHYI SNOD KYI 'JIG RTEN RI RAB KHANG
KHYIM SOGS 'GRUB

PA'I SA BON LTA BU THUN MONG BA'I SA BON DANG, NANG BCUD KYI
'JIG RTEN PHUNG KHAMS SKYE MCHED SOGS 'GRUB PA'I SA BON LTA BU
THUN MONG MA YIN PA'I SA BON DANG, DE YANG GNYIS PA 'DI LA TSOR
BA DANG BCAS PA 'BYUNG

BA'I SA BON DANG, DANG PO LA TSOR BA MED PA 'BYUNG BA'I SA BON
ZHES BYA BA RNAM PA BZHI YOD PA'I PHYIR, BZHI TSAN GNYIS PA
'CHAD PA LA, GNAS NGAN LEN, SHIN TU SBYANGS DANG SPYAD ZIN DANG,
,MA ZIN PA DANG BZHI

RU'ANG GSUNGS, ,ZHES GSUNGS, DER MA ZAD BZHI TSAN GNYIS PA'I
DBYE BA'ANG YOD DE, RTZA NYON DRUG DANG NYE NYON NYI SHU'I SA
BON LTA BU GNAS NGAN LEN GYI SA BON DANG, DGE BA ZAG BCAS KYI SA
BON LTA BU SHIN TU

SBYANGS PA'I SA BON DANG, DGE MI DGE'I SA BON GNYIS RIM PA BZHIN
BDE 'GRO DANG NGAN 'GRO'I RNAM SMIN GYI NGO BOR SPYAD ZIN PA 'AM
SMIN ZIN PA LTA BU SPYAD ZIN PA'I SA BON DANG, MNGON BRJOD KYI
BAG CHAGS LTA BU

@22B SPYAD MA ZIN PA'I SA BON DANG RNAM PA BZHI RU DBYE BA'ANG
THEG BSDUS LAS GSUNGS PA'I PHYIR, BZHI PA BSGOS PA'I BAG CHAGS
DE RTEN GYI RNAM SHES DANG RDZAS GCIG DANG THA DAD GANG YIN
DPYAD PA LA, DPYOD

TSUL DNGOS DANG, DE'I GRUB DON RDZAS BTAGS GANG DU GNAS PA BSHAD
PA GNYIS, DANG PO LA, DAM BCA' BZHAG PA DANG, SGRUB BYED DGOD PA
GNYIS, DANG PO 'CHAD PA LA, BAG CHAGS DE

YANG RTEN LAS NI, ,RDZAS GCIG THA DAD GANG YANG MIN, ,ZHES
GSUNGS, DON NI, BRTEN PA KUN GZHI'I STENG GI BAG CHAGS DE YANG
CHOS CAN, KHYOD RANG GI RTEN DU GYUR PA'I KUN GZHI'I RNAM SHES

LAS NI RDZAS GCIG DANG RDZAS THA DAD GANG YANG MIN TE, DE DANG
RDZAS GCIG MA YIN PA GANG ZHIG  , ,DE DANG RDZAS THA DAD MA YIN
PA'I PHYIR, GNYIS PA SGRUB BYED DGOD PA LA GNYIS LAS, DANG PO DE
DE

DANG RDZAS GCIG MA YIN PA'I SGRUB BYED DGOD PA LA, SA BON DMIGS
RNAM YOD PA DANG, ,'GRO BA LNGA YI SA BON RNAMS, ,'CHOL BA NYID
DU 'GYUR BA DANG, ,KHAMS KYANG 'CHOL PHYIR GCIG NYID

MIN; ;ZHES GSUNGS, DON NI, DE DE DANG RDZAS GCIG NYID MIN TE, DE
LTAR YIN NA DE LA SKYON GSUM 'JUG PA'I PHYIR, DE YANG SKYON DANG
PO NI, 'O NA KUN GZHI SA BON GYI CHA DE LA DMIGS

RNAM YOD PAR THAL, KUN GZHI RNAM SHES LA DMIGS RNAM YOD PA GANG
ZHIG ,DE GNYIS RDZAS GCIG YIN PA'I PHYIR, 'DOD MI NUS TE, SA BON
LA DMIGS PA DANG RNAM PA MED DO, ,ZHES

@23A *, ,BSHAD PA DANG 'GAL BA'I PHYIR, SKYON GNYIS PA NI, BDE
'GRO'I RNAM SMIN GYI SA BON RNAMS NGAN SONG GI RNAM SMIN GYI SA
BON DANG NGAN SONG GI RNAM SMIN GYI SA BON RNAMS

BDE 'GRO'I RNAM SMIN GYI SA BON YIN PA SOGS 'GRO BA LNGA'I RNAM
SMIN GYI SA BON RNAMS 'CHOL BA NYID DU 'GYUR BAR THAL, 'GRO BA
LNGA'I RNAM SMIN GYI SA BON RNAMS RDZAS GCIG YIN PAR 'DOD PA'I
PHYIR,

DER THAL, GANG ZAG GCIG GI RGYUD LA 'GRO BA LNGA'I RNAM SMIN GYI
SA BON LNGA PO DUS MNYAM DU YOD PA GANG ZHIG ,DE RNAMS GANG ZAG
DE'I RGYUD KYI KUN GZHI'I RNAM SHES SKAD CIG MA GCIG PO DE DANG
RDZAS GCIG

YIN PA'I PHYIR, PHYI MA KHAS, DANG PO SLA, MA KHYAB NA, DE
'DRA'I SA BON LNGA PO DE RDZAS GCIG YIN PAR THAL, DE RNAMS RDZAS
CHA SHAS 'BYED DU MED PA ZHIG YIN PA'I PHYIR, DER THAL, DE
'DRA'I KUN

GZHI RNAM SHES SKAD CIG MA GCIG PO DE RDZAS CHA SHAS 'BYED DU
MED PA ZHIG YIN PA GANG ZHIG ,DE RNAMS DE DANG RDZAS GCIG YIN
PA'I PHYIR, GONG DU 'DOD NA, BDE 'GRO'I RNAM SMIN GYI SA BON DE
'JOG BYED MI DGE

BAS BZHAG PAR THAL BA SOGS 'PHEN NO, ,SKYON GSUM PA NI, DER MA
ZAD GZUGS KHAMS 'DOD KHAMS SU 'GYUR BA SOGS KHAMS KYANG 'CHOL BA
NYID DU 'GYUR BA THAL, GZUGS KHAMS KYI RNAM SMIN

GYI SA BON DES 'DOD PA'I RNAM SMIN 'GRUB PA YOD PA'I PHYIR, DER
THAL, 'DOD PA'I RTEN LA GZUGS KYI SNYOMS 'JUG BSGOMS PA'I MTHUS
GZUGS KHAMS KYI RNAM SMIN GYI SA BON DE 'DOD PA'I RTEN DE'I

@23B RGYUD KYI KUN GZHI'I RNAM SHES LA BSGOD DGOS PA GANG ZHIG
,SA BON DES 'DOD PA'I RNAM SMIN 'GRUB PA'I PHYIR, DANG PO SLA,
PHYI MA DER THAL, DE 'DOD PA'I SAR GTOGS KYI RNAM SMIN GYI SA
BON YIN

PA'I PHYIR, DER THAL, DE GSAR DU BZHAG SA'I KUN GZHI RNAM SHES
DE 'DOD PA'I SAR GTOGS KYI KUN GZHI'I RNAM SHES YIN PA GANG ZHIG
,DE DE DANG RDZAS GCIG YIN PA'I PHYIR, DANG PO SLA, PHYI MA

KHAS; DE BZHIN DU GZUGS MED KHAMS KYANG KHAMS 'OG MA GNYIS SU
THAL BA SOGS GONG BZHIN 'PHEN NO, ,GNYIS PA DE DE DANG RDZAS THA
DAD MA YIN PA'I SGRUB BYED DGOD PA LA, RTEN GCIG LA NI

KUN GZHI GNYIS, ,YOD PAR 'GYUR BAS SO SO MIN, ,ZHES GSUNGS, DON
NI, KUN GZHI'I STENG GI BAG CHAGS DE KUN GZHI'I RNAM SHES DANG
RDZAS SO SO BA MA YIN PAR THAL, DE LTAR YIN NA

GANG ZAG RTEN GCIG GI RGYUD LA NI KUN GZHI'I RNAM SHES GNYIS YOD
PAR 'GYUR BA'I SKYON YOD PA'I PHYIR, DE'I TSUL YANG GANG ZAG
RTEN GCIG GI RGYUD KYI KUN GZHI'I STENG GI BAG CHAGS DE RNAM
SMIN GYI RNAM

SHES LAS GZHAN PA'I KUN GZHI'I RNAM SHES GNYIS PA ZHIG YIN PAR
THAL, DE 'DUS BYAS YIN PA GANG ZHIG ,LDAN MIN 'DU BYED MA YIN,
GZUGS KYANG MA YIN, RNAM SHES TSOGS BDUN 'KHOR

BCAS SU GTOGS PA GANG YANG MA YIN, RNAM SMIN GYI RNAM SHES KYI
'KHOR YANG MA YIN PA'I PHYIR, GZHAN RNAMS SGRUB TSUL SLA, RTAGS
GNYIS PA DER THAL, KHYOD LTAR NA DE RDZAS SU GRUB PA GANG ZHIG ,

@24A *, ,SKABS 'DIR LDAN MIN 'DU BYED LA RDZAS GRUB MI 'JOG PA'I
PHYIR, GONG DU 'DOD NA, GANG ZAG GCIG GI RGYUD LA KUN GZHI'I
RNAM SHES GNYIS YOD PAR THAL, 'DOD PA'I

PHYIR; 'DOD NA, DE GNYIS CHOS CAN, BRTAN PA RANG DBANG CAN GYI
RNAM SHES YIN PAR THAL, KUN GZHI'I RNAM SHES YIN PA'I PHYIR,
'DOD NA, DE GNYIS GCIG LA GCIG RAG MA LAS PAR 'JUG PA DANG

GCIG LA GCIG MA BRTEN PAR 'JUG PAR THAL, 'DOD PA'I PHYIR, 'DOD
NA, DE GNYIS RTEN BRTEN PA MA YIN PAR THAL LO, ,GZHAN YANG DE
GNYIS RGYUD LDAN GYI GANG ZAG CHOS CAN, RGYUD THA DAD YIN

PAR THAL, RNAM SHES BRTAN PA RANG DBANG CAN GNYIS RGYUD LDAN GYI
GANG ZAG YIN PA'I PHYIR, MANG DU SPROS PAS CHOG GO  ,GNYIS PA
DE'I GRUB DON RDZAS BTAGS GANG DU GNAS BSHAD PA LA, DNGOS DANG,

ZHAR BYUNG DGE SOGS GANG DU 'JOG BSHAD PA GNYIS, DANG PO NI, DES
NA RTEN LAS DE NYID DANG, ,GZHAN DU BRJOD DU MED PA STE, ,BTAGS
YOD TZAM DU GNAS PHYIR RO, ,ZHES GSUNGS, DON NI,

DE DE DANG RDZAS GCIG DANG RDZAS THA DAD GANG YANG MA YIN PAR
SNGAR BKOD PA'I RIGS PA DE DAG GIS GRUB PA DES NA DE 'DRA'I BAG
CHAGS DE RTEN KUN GZHI'I RNAM SHES LAS RDZAS GCIG PA'I TSUL GYI
DE NYID

DU BRJOD DU MED PA DANG, YANG DE NYID LAS RDZAS THA DAD PA'I
TSUL GYI GZHAN DU 'DI'O ZHES BRJOD DU MED PA YIN TE, KUN GZHI'I
RNAM SHES LA KUN NYON GYI CHOS SOGS BSKYED PA'I NUS PA YOD PA'I

@24B NUS PA'I CHA DE LA BAG LA NYAL GYI NGO BO ZHES BTAGS PA'I
BTAGS YOD TZAM DU GNAS PA'I PHYIR RO, ,DE CHOS CAN, BTAGS YOD
YIN TE, SHES PA MA YIN PA'I LDAN MIN 'DU BYED YIN PA'I

PHYIR; KHYAB STE, KUN BTUS KYI 'GREL PA RGYAL SRAS MA LAS, DE
LTAR SEMS DANG LDAN PA MA YIN PA'I 'DU BYED KYI CHOS 'DI RNAMS
NI GNAS SKABS DAG LA GDAGS PA'I PHYIR THAMS CAD

BTAGS PAR YOD PAR RIG PAR BYA'O, ,ZHES GSUNGS PA'I PHYIR, 'DIR
KUN GZHI'I RNAM SHES DANG DE'I STENG GI BAG CHAGS GNYIS RDZAS
GCIG LA LDOG PA THA DAD PAR 'DOD PA YOD KYANG, DE

NI MI 'THAD DE, DE LTAR 'DOD PA NI GZUNG LUGS GZHAN GYIS BSHAD
TSUL LTAR YIN GYI SKABS 'DI'I RANG LUGS KYI BSHAD TSUL MA YIN
PA'I PHYIR, DKA' 'GREL LAS, BAG CHAGS ZHES BYA

BA NI NUS PA'I KHYAD PAR TE NUS PA YANG NUS PA CAN DANG DE NYID
DANG GZHAN ZHES BRJOD PAR BYA BA MA YIN NO, ,ZHES PA NAS, SKU
MCHED DGONGS PA GCIG GO  ,ZHES PA'I BAR GYI DON GRUB PA'I

PHYIR; DES NA SLOB DPON CHOS GRAGS SOGS KYIS DNGOS PO YIN NA
RDZAS SU GRUB PAS KHYAB PA BZHED KYANG SLOB DPON THOGS MED SKU
MCHED KYIS DNGOS PO LA RDZAS BTAGS GNYIS SU PHYE NAS

LDAN MIN 'DU BYED GANG YIN RDZAS GRUB TU MI BZHED PA'I KHYAD PAR
'BYED DGOS TE, DKA' 'GREL LAS, GAL TE SA BON DNGOS POR 'DOD LA
RDZAS SU MI 'DOD NA SNGON MED PA'I LUGS SO

@25A *, ,ZHE NA, DE LA'ANG NYES PA MED DE, SLOB DPON 'DI SKU
MCHED DNGOS PO LA RDZAS BTAGS GNYIS SU 'BYED DE, LDAN MIN 'DU
BYED 'DUS BYAS SU BZHED LA RDZAS

SU MI BZHED PA'I PHYIR RO, ,DE NYID KYI PHYIR YANG SLOB DPON SO
SO'I LUGS MA 'DRES PAR 'BYED PA NI MKHAS PA 'DZANGS PA GSAL BA
YID GZHUNGS PA'O, ,ZHES GSUNGS PA'I PHYIR, DES NA

GZUNG 'DZIN GNYIS LTA BU RDZAS THA DAD MA YIN NA DE GNYIS RDZAS
GCIG YIN DGOS SHAG BYED PA MANG YANG 'DIR BSHAD PA LTAR NA DE
GNYIS RDZAS GCIG DANG RDZAS THA DAD GANG YANG MA YIN PAR 'DOD
DGOS

PA LTAR SNANG STE DPYAD PAR BYA BA MANG DU YOD DO, ,SPYIR RDZAS
BTAGS 'DOD TSUL GYI KHYAD PAR YOD DE, BYE BRAG TU SMRA BAS DON
DAM BDEN PA DANG RDZAS YOD DON GCIG ,KUN RDZOB BDEN PA DANG
BTAGS

YOD DON GCIG TU 'DOD, THAL 'GYUR BAS RDZAS YOD MI 'DOD CING GZHI
GRUB NA BTAGS YOD YIN PAS KHYAB PAR 'DOD, MDO SDE PA NAS RANG
RGYUD PA'I BAR RNAMS KYIS SHES BYA LA RDZAS BTAGS

GNYIS SU PHYE NAS 'DOD PAR MTSUNGS PA'I PHYIR, DE YANG LUGS 'DIR
RDZAS BTAGS KYI KHYAD PAR YOD DE, CHOS GANG CI 'DRA ZHIG YIN
YANG RUNG STE RANG NYID BLO YUL DU 'CHAR BA LA DE LAS

GZHAN PA'I CHOS DAG BLO YUL DU 'CHAR BA SNGON DU SONG BA LA MI
BLTOS SHING, DE LAS GZHAN PA'I CHOS DAG BLO YUL DU 'CHAR BA DA
LTA YOD PA LA MI BRTEN PAR CHOS RANG GI MTSAN NYID DAM NGO BO DE

@25B DANG DE BLOS 'DOGS TE 'DZIN PAR BYED NUS PA'I TSUGS THUB TU
GRUB PA'I CHOS DE RDZAS YOD DANG, CHOS GANG CI 'DRA ZHIG YIN
YANG RUNG STE RANG NYID BLO YUL DU 'CHAR BA LA DE LAS GZHAN PA'I
CHOS DAG

BLO YUL DU 'CHAR BA SNGON DU SONG BA LA BLTOS DGOS SHING, DE LAS
GZHAN PA'I CHOS DAG BLO YUL DU 'CHAR BA DA LTA YOD PA LA BRTEN
NAS RANG GI MTSAN NYID DAM NGO BO DE DANG DE BLOS 'DOGS TE 'DZIN

PAR BYED DGOS PA'I TSUGS THUB TU MA GRUB PA'I CHOS DE BTAGS YOD
DU 'JOG PA'I PHYIR TE, BSDU BA LAS, GANG CI YANG RUNG STE DE LAS
GZHAN PA DAG LA MI BLTOS SHING, DE LAS

GZHAN PA DAG LA MI BRTEN PAR RANG GI MTSAN NYID 'DOGS PAR BYED
PA DE NI MDOR NA RDZAS SU YOD PAR RIG PAR BYA'O, ,GANG CI YANG
RUNG STE DE LAS GZHAN PA DAG LA BLTOS SHING, DE

LAS GZHAN PA DAG LA BRTEN NAS RANG GI MTSAN NYID 'DOGS PAR BYED
PA DE NI MDOR NA BTAGS PA'I YOD PAR RIG PAR BYA'I, RDZAS SU YOD
PA MA YIN TE, ZHES GSUNGS PA'I PHYIR

RO; ;DE YANG DBANG PO'I SPYOD YUL DU GYUR PA'I GZUGS SGRA DRI RO
REG BYA RNAMS DBANG SHES KYI GZUNG YUL DU BYAS NAS BLOR 'CHAR BA
LA SGRAS BRJOD PA SOGS LA BRTEN PA'I SGRA SPYI DANG DON

SPYI BLO YUL DU 'CHAR BA LA BLTOS MI DGOS PAR 'CHAR NUS PAS NA
RDZAS YOD DU 'JOG ,SHES PA THAMS CAD RANG NYAMS SU MYONG BA'I
RANG RIG MNGON SUM LTA BU'I GZUNG YUL DU 'GYUR

[FOLLOWING SECTION WAS NOT AVAILABLE WHEN THIS EDITION WAS
PRINTED, AND IS SUPPLIED FROM ANOTHER, PROBABLY THE ORIGINAL:]
BA LA RANG LAS GZHAN PA'I CHOS GZHAN BLO YUL DU 'CHAR BA LA
BRTEN MI DGOS PAR 'DZIN NUS PAS NA RDZAS YOD DU 'JOG PAR 'DOD PA
YIN ZER BA MI 'THAD DE, KHRO BA DANG 'KHON 'DZIN 'TSIG PA PHRAG
DOG NAM 'TSE

RNAMS KHONG KHRO LA BTAGS PA DANG, SER SNA DANG RGYAGS PA RGOD
PA GSUM 'DOD CHAGS LA BTAGS PA DANG, 'CHAB PA DANG G-YO RGYU
RMUGS GNYID 'GYOD PA RNAMS GTI MUG LA BTAGS PA'I BTAGS YOD SOGS
SHES PA LA BTAGS YOD DU MA ZHIG BSDU BA LAS GSUNGS PA'I PHYIR,

YIN KYANG, ,BZHAG PA'I BAG CHAGS LUNG MA BSTAN ZHES GSUNGS, DON
NI, BAG CHAGS 'JOG BYED RNAM SHES TSOGS BDUN 'KHOR BCAS LAS DGE
BA DANG SOGS PAS BSDUS PA MI DGE BA DANG LUNG MA BSTAN GANG YIN
KYANG DES BZHAG

PA'I BAG CHAGS NI LUNG MA BSTAN NYID YIN TE, DPER NA TSI GU'I
RTZI SNA TSOGS KYIS BSGYUR BA'I RAS DE TSON GYI SNOD DU MA BCUG
PA'I DUS NA KHA DOG SNA TSOGS SU MI SNANG BAR KHA DOG GCIG NYID
DU GNAS KYANG TSON GYI SNOD DU BCUG PA'I TSE NA KHA DOG SNA
TSOGS PA'I

DBYE BA 'BYUNG BA DE BZHIN DU KUN GZHI'I RNAM SHES LA 'JOG BYED
'JUG SHES DGE MI DGE SNA TSOGS KYIS BAG CHAGS BSGOS PA'I TSE BAG
CHAGS KYI DUS NA DGE MI DGE SNA TSOGS SU MED PAR LUNG MA BSTAN
GCIG TU GNAS KYANG 'BRAS BU'I DUS NA DE LAS DGE MI DGE

SOGS CHOS SNA TSOGS 'BYUNG BAR GSUNGS PA'I PHYIR, DE LTAR YANG
THEG BSDUS LAS, BAG CHAGS THA DAD PA MA YIN CING SNA TSOGS PA MA
YIN PA CHOS THA DAD PA SNA TSOGS DAG GI RGYUR JI LTAR RUNG ZHE
NA, DPER NA TSI GU'I RTZI SNA TSOGS KYIS BSGYUR BA'I RAS SNA

@26A-27B  [PAGE NUMBERS RESERVED FROM THIS EDITION FOR MISSING
SECTION SUPPLIED BY PRECEDING]

@28A *, ,TSOGS SU MI SNANG BA GANG GI TSE TSON GYI SNOD DU BCUG
PA DE'I TSE RAS LA TSON RNAMS KYI DBYE BA THA DAD PA RNAM PA SNA
TSOGS DU MA STON PA DE BZHIN DU KUN GZHI'I RNAM

PAR SHES PA BAG CHAGS SNA TSOGS KYIS BSGOS PA YANG BAG CHAGS KYI
DUS NA SNA TSOGS MA YIN KYANG 'BRAS BU MNGON PAR 'GRUB PA'I TSON
GYI SNOD DU MNGON PAR PHYOGS NA CHOS SNA TSOGS TSAD

MED PA DAG STON TE, 'DI NI THEG PA CHEN PO LA PHRA BA MCHOG TU
ZAB PA'I RTEN CING 'BREL BAR 'BYUNG BA'O, ,ZHES GSUNGS PA'I
PHYIR, KHA CIG  ,DE MI 'THAD DE, KUN BTUS LAS,

RJES SU 'BREL BA'I DGE BA GANG ZHE NA, DE DAG NYID KYI BAG CHAGS
SO, ,ZHES PA DANG, RJES SU 'BREL BA'I MI DGE BA GANG ZHE NA, DE
DAG NYID KYI BAG CHAGS SO, ,ZHES DGE MI DGE'I BAG CHAGS

GNYIS RIM PA BZHIN RJES 'BREL GYI DGE MI DGER GSUNGS PA'I LUNG
GIS GNOD PA'I PHYIR DANG, DE GNYIS KYIS RNAM SMIN GYI RGYU MI
BYED PA DANG RGYU MTHUN GYI 'BRAS BU MI BSKYED PAR THAL LO ZHE
NA, DE DGAG

PA LA, DGE DANG MI DGE MTSAN NYID PAR, ,'DOD LA SGRUB PAR BYED
PA MED, ,CES GSUNGS, DON NI, DGE MI DGE'I BAG CHAGS GNYIS RIM PA
BZHIN DGE BA DANG MI DGE BA MTSAN NYID PAR 'DOD PA MI

'THAD DE, DE LTAR 'DOD PA LA SGRUB PAR BYED PA'I LUNG RIGS KYI
SGRUB BYED YANG DAG PA MED PA'I PHYIR, DE LTAR LUNG SGRUB BYED
DU MI 'GRO STE, RJES 'BREL GYI DGE BA YIN NA DGE BA YIN PAS MA
KHYAB,

@28B DE BZHIN DU MI DGE BA DANG, GZUGS SOGS LA RIGS 'GRE BA'I
PHYIR, MA GRUB NA, KHAMS GONG MA BA'I RGYUD KYI MI DGE BA'I BAG
CHAGS CHOS CAN, MI DGE BA YIN PAR THAL, RJES 'BREL GYI MI DGE

BA YIN PA'I PHYIR, KHYAB PA KHAS, RTAGS DER THAL, MI DGE BA'I
BAG CHAGS YIN PA'I PHYIR, DE BZHIN DU GZUGS MED PA'I RGYUD KYI
GZUGS KYI SA BON CHOS CAN, GZUGS YIN PAR THAL, RJES

'BREL GYI GZUGS YIN PA'I PHYIR, KHYAB PA KHAS, DE LTAR RIGS PA
YANG SGRUB BYED DU MI 'GRO STE, RNAM SMIN 'PHEN BYED NI 'JOG
BYED DGE MI DGE MNGON GYUR BAS BYED PAS DE'I BAG CHAGS

DES RNAM SMIN 'PHEN PAR BYED PA MA YIN KYANG DE 'GRUB PAR BYED
PAS NA RNAM SMIN GYI RGYUR RUNG BA'I PHYIR, DE GNYIS KYIS RGYU
MTHUN GYI 'BRAS BU MI BSKYED PA'I SKYON YANG MED DE, 'BRAS BU DE
BAG CHAGS 'JOG BYED DANG

RIGS 'DRA BA BSKYED PA'I PHYIR, LNGA PA BAG CHAGS JI LTAR 'JOG
PA'I TSUL BSHAD PA LA, BAG CHAGS 'JOG PA'I TSUL LA GSUM, CHOS
NYID KYIS GNAS SNGON MED BSKYED, ,DE DAG GNYIS KAR 'DOD

PA'O, ,ZHES GSUNGS, DON NI, BAG CHAGS 'JOG PA'I TSUL LA SEMS
TZAM PA'I SLOB DPON RNAMS LA LUGS MI 'DRA BA GSUM BYUNG STE,
SLOB DPON CHOS SKYONG SOGS DANG DE'I RJES SU

'BRANGS NAS DON GSANG MKHAN PO SOGS KYIS BAG CHAGS RNAMS NI SGO
BYED LA MA BLTOS PAR CHOS NYID KYIS GNAS PA KHO NA YIN CING DES
NA 'JUG SHES RNAMS KYIS

@29A *, ,SA BON RNYING PA BSO BA 'BA' ZHIG YIN ZHES 'DOD PA
DANG, SLOB DPON ZLA 'OD SOGS KYIS BAG CHAGS NI SGO BYED KYIS
SNGON MED GSAR DU BSKYED PA DANG SNGON

BSKYED PA PHYIS SGO BYED KYIS BSO BAR BYED PA KHO NA YIN GYI SGO
BYED LA MA BLTOS PAR CHOS NYID KYIS GNAS PA MA YIN ZHES 'DOD PA
DANG, SLOB DPON GZHAN GYIS NI, BAG CHAGS LA SGO BYED LA MA

BLTOS PAR THOG MA MED PA NAS CHOS NYID KYIS GNAS PA DANG, 'JOG
BYED KYIS SNGON MED GSAR DU BSKYED PA DE DAG GNYIS KA YOD PAR
'DOD PA RNAMS SU YOD PA'I PHYIR, DE LA LUGS DANG PO MI

'THAD DE, RNAM SMIN GYI SA BON DANG RGYU MTHUN GYI SA BON GNYIS
CHOS NYID KYIS MI GNAS PA'I PHYIR, DE LTAR GNAS NA SNGAR SGO
GZHI KHYAD CHOS LNGA LDAN DU BSHAD PA DANG 'GAL BA SOGS GNOD
BYED MANG DU

'JUG PA'I PHYIR, GZHAN YANG, TSE 'DIR MTSAMS MED KYI LAS GSAR DU
BSAGS PA LAS BYUNG BA'I DMYAL BAR RNAM SMIN MYONG BAR 'GYUR BA'I
RNAM SMIN GYI SA BON DE THOG MA MED PA NAS

CHOS NYID KYIS GNAS PAR THAL, DE RNAM SMIN GYI SA BON YIN PA'I
PHYIR, KHYAB PA DNGOS ZHES SOGS GNOD BYED MTHA' YAS PA 'JUG GO  ,
,LUGS GNYIS PA MI 'THAD DE, ZAG MED KYI SA BON DE

CHOS NYID KYIS GNAS PA'I SA BON YIN PA'I PHYIR TE, RANG BZHIN
GNAS RIGS DE DE LTAR YIN PA'I PHYIR, BYANG SA LAS, DE LA RANG
BZHIN DU GNAS PA'I RIGS NI, BYANG CHUB SEMS DPA' RNAMS KYI

@29B SKYE MCHED DRUG GI KHYAD PAR GANG YIN PA STE, DE NI GCIG
NAS GCIG TU BRGYUD DE 'ONGS PA THOG MA MED PA'I DUS CAN CHOS
NYID KYIS THOB PA DE LTA BU YIN NO, ,ZHES GSUNGS PA'I PHYIR,
'DIR RIGS GNYIS KYI RNAM

GZHAG 'CHAD PA SKABS SU BAB NA'ANG MANG BAR 'GYUR BAS MA SPROS
SO, ,DRUG PA SGRA BSHAD PA LA, KUN NAS NYON MONGS CHOS THAMS
CAD, ,RGYU 'AM 'BRAS BU'I DNGOS PO RU, ,SBYOR BA'I PHYIR NA KUN
GZHI'O, ,

ZHES GSUNGS, DON NI, BRTEN PA SA BON GYI KUN GZHI LA KUN GZHI
ZHES BYA STE, RANG NYID NYON MONGS PA DANG LAS DANG SKYE BA GSUM
GYI KUN NAS NYON MONGS PA'I CHOS THAMS CAD KYI RGYU RKYEN YIN
PAS DE DAG

GI RGYU'I DNGOS POR GYUR PAR SBYOR BA'AM, CHOS DE DAG RANG NYID
KYI 'BRAS BU'I DNGOS PO RU 'GYUR BAR SBYOR BAR BYED PA'I PHYIR
NA DE LTAR BSHAD PA'I PHYIR, KUN GZHI RNAM SMIN GYI CHA LA KUN
GZHI ZHES PA'I SGRA

BSHAD GONG DU BSHAD ZIN PA LTAR RO, ,BDUN PA LDOG DUS BSTAN PA
NI, DE PHYIR DBANG THOB DGRA BCOM LA, ,KUN GZHI YOD PA MA YIN
TE, ,'JOG BYED GNYIS PO BYED PHYIR RO, ,ZHES GSUNGS, DON NI,
SGRA

BSHAD PA'I RGYU MTSAN DE'I PHYIR NA DBANG THOB PA'I BYANG SEMS
SA BRGYAD PA YAN CHAD DANG NYAN RANG DGRA BCOM RNAMS KYI RGYUD
LA KUN GZHI SA BON GYI CHA DANG RNAM SMIN GYI CHA GNYIS PO GANG
YANG YOD PA MA YIN TE,

DE RNAMS KYI RGYUD LA SNGAR BSHAD PA LTAR GYI KUN GZHIR 'JOG
BYED GNYIS PO GANG YANG MED PA'I PHYIR TE, DE RNAMS KYIS NYON
MONGS MA LUS PAR SPANGS ZIN PA'I PHYIR RO, ,DE LTAR YANG, SUM CU
PA LAS, DGRA BCOM

@30A *, ,NYID NAS DE LDOG GO  ,ZHES GSUNGS PA'I PHYIR, LDOG TSUL
'DI YANG BSDU BA LAS KUN GZHI'I RNAM SHES DANG 'JUG SHES GNYIS
YOD MED KYI MU BZHI GSUNGS PA DE'I DBANG DU BYAS PA YIN

GYI, KUN BTUS KYI LUGS LA BYANG SEMS RNAMS KYIS SGRIB GNYIS CIG
CAR DU SPONG BAR BSHAD PAS KHYAD PAR MANG DU 'BYED DGOS PA YOD
DO, ,DE'I 'JUG DUS YOD DE, DON GSANG LAS, SRID PA'I YAN LAG

GI BAG CHAGS KYI SA BON NI RNAM PAR SMIN PA'I 'BRAS BU MA BYUNG
GI BAR DU'O, ,'JIG TSOGS LA LTA BA'I SA BON DANG NYON MONGS PA
CAN GYI SPROS PA'I BAG CHAGS KYI SA BON NI GNYEN PO MA BYUNG GI
BAR DU'O,,

DGE BA DANG LUNG MA BSTAN GYI SPROS PA'I BAG CHAGS KYI SA BON
YANG NYAN THOS DANG RANG SANGS RGYAS DE DAG GI NI YONGS SU MYA
NGAN LAS MA 'DAS KYI BAR DU'O, ,DE BZHIN GSHEGS PA'I NI RDO RJE
LTA BU'I BAR

DU RGYUN 'JUG PA TZAM GYIS RGYUN CHAGS SU 'BYUNG NGO, ,ZHES BAG
CHAGS GSUM GYI 'JUG DUS DE LTAR BSHAD PA'I PHYIR, DES NA NYAN
RANG DGRA BCOM PA DANG DAG SA'I BYANG SEMS RNAMS KYI RGYUD LA
DGE BA'I

SA BON DANG LUNG MA BSTAN GYI SA BON YOD KYANG DE DAG LA KUN
GZHI ZHES MI BYA STE, SNGAR BSHAD PA'I KUN GZHI'I 'JOG BYED KYI
DON MA TSANG BA'I PHYIR, 'DIR SA BON GYI KUN GZHI KUN GZHI MA YIN
DU CHUG KYANG SGRA

BSHAD DANG LDOG 'JUG NI DE LTAR 'DOD DGOS PAS SA BDUN PA MAN
CHAD KYI BYANG 'PHAGS KYI RGYUD KYI SA BON GYI KUN GZHI DE KUN
NYON GYI CHOS GSUM PO'I RGYU RKYEN YIN PA DANG DE DAG RANG GI
RGYU 'BRAS KYI DNGOS POR SBYOR

@30B TSUL DANG DE 'DRA'I BYANG 'PHAGS RNAMS ZAG BCAS ZAG MED KYI
LAS GANG GIS SKYE BA LEN PA SOGS DPYAD DGOS PA MANG DU YOD DO,
,GNYIS PA NYON YID KYI MTSAN NYID GTAN LA DBAB PA LA, DMIGS
RNAMS SOGS

BZHI BSHAD PA DANG, SGRA BSHAD PA DANG, SA GANG DU GTOGS DPYAD
PA DANG, 'JUG LDOG GI DUS BSTAN PA DANG BZHI, DANG PO NI, NYON
MONGS CAN YID MTSAN NYID NI, ,KUN GZHI RNAM SMIN CHA NYID LA,
,BDAG BLTA

BSGRIBS LA LUNG MA BSTAN, REG DANG CHAGS SOGS DGU KHO NA, ,ZHES
GSUNGS, DON NI, NYON MONGS CAN GYI BDUN YID KYI MTSAN NYID DAM
NGO BO NI YOD DE, DMIGS PA KUN GZHI RNAM SMIN GYI CHA KHO NA
NYID LA DMIGS

NAS RNAM PA DE LA GANG ZAG GI BDAG TU BLTA BA'I SGO NAS NGAR
RLOM PA'I RNAM PA CAN GYI BSGRIBS LA LUNG DU MA BSTAN PA GANG
ZHIG  ,RANG GI 'KHOR REG SOGS KUN 'GRO LNGA DANG CHAGS SOGS NYON
MONGS

BZHI STE DGU KHO NA DANG MTSUNGS LDAN GYI BRTAN PA'I RNAM SHES
DE DE YIN PA'I PHYIR, DE LTAR YANG SUM CU PA LAS, DE LA GNAS PA
RANG BYUNG ZHING, ,DE LA DMIGS PA YID CES BYA, ,RNAM SEMS NGAR
SEMS

BDAG NYID CAN, ,BSGRIBS LA LUNG DU MA BSTAN PA'I, ,NYON MONGS
BZHI DANG RTAG TU 'GROGS, ,BDAG TU LTA DANG BDAG TU RMONGS,
,BDAG RGYAL BDAG TU CHAGS PA STE, ,GANG DU SKYES PA DE'I 'O
GZHAN, ,REG SOGS

KYANG STE, ZHES GSUNGS PA'I PHYIR, DES KUN GZHI RNAM SMIN GYI
RDZAS DE DNGOS SU SNANG BA'I SGO NAS RNAM PA'I YUL DU BYAS PA MA
YIN TE, DE LA GANG ZAG GI BDAG TU 'KHRUL PA TZAM GYI RNAM PA CAN
YIN PA'I PHYIR, NYON YID MA

@31A *, ,SGRIB PA MA YIN TE, DE DGRA BCOM THOB PA'I TSE NA YID
GSAL RIG TZAM GYI NGO BOR GNAS GYUR PA'I PHYIR DANG, SLOB PA'I
MNYAM BZHAG ZAG MED DANG 'GOG SNYOMS KYI GNAS SKABS NA'ANG YID
GSAL

RIG TZAM GYI NGO BOR GNAS SKABS GNAS 'GYUR BA'I PHYIR DANG,
SANGS RGYAS PA'I TSE NA MNYAM NYID YE SHES KYI NGO BOR GNAS GYUR
PA'I PHYIR, PHYI MA DER THAL, MDO SDE RGYAN LAS, NYON MONGS CAN
YID GNAS GYUR PA, ,MNYAM

NYID YE SHES BRJOD PAR BYA, ZHES GSUNGS PA'I PHYIR, 'DI LA KHA
CIG  ,NYON YID CHOS CAN, SGRIB PA YIN PAR THAL, SGRIB LUNG MA
BSTAN YIN PA'I PHYIR, DER THAL, BSGRIBS LA LUNG MA BSTAN YIN
PA'I PHYIR ZER NA, MA

KHYAB STE, NYON YID LA BSGRIBS ZHES PA'I DON NI DES THAR PA SOGS
CHOS GZHAN LA PHAR BSGRIBS PA'I DON MA YIN GYI YID RANG ?  NYID
RANG DANG MTSUNGS LDAN GYI NYON MONGS PA BZHIS BSGRIBS TE RNYOG
RNYOG POR BYAS PA'I DON YIN PAR

DKA' 'GREL LAS ZHIB TU GSUNGS PA'I PHYIR, DE LUNG MA BSTAN YIN
TE, DE DGE SEMS YIN NA MI DGE BA'I SEMS SKYES PA'I SKABS MED, DE
MI DGE BA'I SEMS YIN NA DGE SEMS SKYES PA'I SKABS MI SRID PAR

'GYUR BA'I PHYIR, DER THAL, DE BRTAN PA'I RNAM SHES YIN PAS SO
SKYE'I RGYUD LA 'KHOR MTSUNGS LDAN DANG BCAS PA THOG MA MED PA
NAS BZUNG STE 'PHAGS LAM MA THOB KYI BAR DU MNGON GYUR RIGS 'DRA
RGYUN CHAGS SU MI 'BYUNG

BA'I SKABS MED PA GANG ZHIG  ,YID KYI DGE MI DGE'I SEMS GNYIS DUS
MNYAM DU 'BYUNG BA MED PA'I PHYIR, DE'I 'KHOR GYI TSOR BA DE
TSOR BA BTANG SNYOMS KHO NAR NGES PA YIN TE, DE TSOR BA BDE SDUG
GANG RUNG YIN NA RIGS PA

@31B GONG DANG 'DRA BA'I SKYON 'JUG PA'I PHYIR, DE'I 'KHOR DU
RNAM G-YENG SOGS DRUG 'BYUNG YANG 'KHOR DGUR GRANGS MA NGES
PA'I SKYON MED DE, RNAM G-YENG NI NGA RGYAL LA BTAGS PA DANG,
BAG MED NI 'DOD CHAGS DANG GTI MUG

GNYIS LA BTAGS PA DANG, RGOD PA NI 'DOD CHAGS LA BTAGS PA DANG,
MA DAD PA DANG LE LO DANG RMUGS PA GSUM NI GTI MUG LA BTAGS PA
YIN PAS DE DAG RANG RANG GI GDAGS GZHI LAS RDZAS RIGS ZUR DU

MED PA'I PHYIR, DER MA ZAD DE'I 'KHOR DU NYON MONGS CAN GYI TING
NGE 'DZIN DANG SHES RAB GNYIS YOD KYANG DE 'JIG LTA LA BTAGS PA
DANG, GZHAN YANG DE'I 'KHOR DU CHOS KYI BDAG 'DZIN DANG NYON
MONGS CAN MA YIN

PA'I LTA BA SOGS BZHI YOD PAR 'DOD DGOS TE, ZUR DU BSHAD ZIN PA
LTAR YIN PA'I PHYIR, 'DI'I 'KHOR GYI NYON MONGS LA NYON MONGS
KUN BRTAGS MED DE, DE LA NYON MONGS LHAN SKYES KYIS
KHYAB PA'I PHYIR, GNYIS PA SGRA BSHAD

PA NI, DE LA NYON MONGS CAN GYI YID CES BYA STE, RTZA BA'I NYON
MONGS PA BZHIS RTAG TU RNYOG RNYOG POR BYAS PAS NA NYON MONGS
CAN DANG, KUN GZHI'I RNAM SHES LA NGA'O SNYAM DU RLOM SEMS PA'I
RNAM PA CAN YIN PAS NA

YID CES BRJOD PA'I PHYIR, GSUM PA SA GANG DU GTOGS BSHAD PA NI,
NYON YID DE RANG RGYUD LDAN GYI GANG ZAG KHAMS GSUM GANG DU
SKYES PA'I SA DER GTOGS PA YIN TE, SUM CU PA LAS, GANG DU SKYES
PA DE'I 'O, ,

ZHES GSUNGS PA'I PHYIR, GONG MA'I DNGOS GZHI'I SNYOMS 'JUG THOB
PA'I 'DOD PA'I RTEN CAN GYI PHYIR MI 'ONG DES RE ZHIG KHA PHYIR
LTAS KYI 'DOD PA'I CHAGS SDANG DANG 'DOD PA'I CHOS LA 'DUN PA'I
SRID PA MNGON GYUR BA DANG BRAL YANG

@32A *, ,'DOD PA LA CHAGS PA DANG BRAL BA MA YIN TE, DE'I RGYUD
LA 'DOD NYON YOD PA'I PHYIR, DER THAL, DE'I RGYUD KYI NYON YID
'KHOR BCAS 'DOD PA'I SAS BSDUS YIN PA'I PHYIR, 'DI LA KHA CIG  ,

DE MI 'THAD DE, BSAM GTAN GYI DNGOS GZHI ZAG MED LA BRTEN NAS
'DOD NYON DGU PA SPANGS PA'I 'DOD PA'I RTEN CAN GYI PHYIR MI
'ONG DES 'DOD NYON SPANGS PA'I PHYIR, DER THAL, DES 'DOD NYON
DGU PA SPANGS PA'I PHYIR

ZER NA, NYON YID 'DOD PA'I LUGS 'DIR SHIN TU MA KHYAB STE, KHAMS
GSUM GYI NYON MONGS DGU TSAN GSUM PO RIM GYIS SPANGS PA'I DON NI
GTZO BO YID SHES 'KHOR GYI NYON MONGS RNAMS RIM GYIS SPANGS PA'I
DON YIN

GYI, NYON YID 'KHOR GYI NYON MONGS NI SRID RTZE'I NYON MONGS DGU
PA MA SPANGS BAR DU CHA SHAS TZAM YANG SPONG MI NUS PA'I PHYIR,
DER THAL, DE SHIN TU PHRA BA'I PHYIR NA PHRA RAGS CHE CHUNG SOGS
KYI DBYE BA 'BYED DU MED PAR GNAS SKABS

GSUM MA GTOGS PA'I 'KHOR BA'I DUS THAMS CAD DU NGO BO RIGS GCIG
TU GNAS PA'I PHYIR, ZHIB PA ZUR DU SHES PAR BYA'O, ,BZHI PA 'JUG
LDOG GI DUS BSTAN PA LA, 'GOG PA MNYAM GZHAG GNAS SKABS DUS,
,DBANG

THOB DGRA BCOM MTHAR THUG GO  ,ZHES GSUNGS, DON NI, NYON YID LDOG
PA'I DUS DANG 'JUG PA'I DUS YOD DE, 'GOG PA LA SNYOMS PAR 'JUG
PA'I TSE DANG MNYAM GZHAG ZAG MED KYI TSE GNAS SKABS LDOG CING,

DBANG THOB SA BRGYAD PA'I TSE DANG NYAN RANG DGRA BCOM THOB PA'I
TSE MTHAR THUG GTAN LDOG PA YIN LA, DE MA GTOGS PA'I 'KHOR BA
THOG MA MED PA NAS DUS THAMS CAD DU GCIG NAS GCIG TU BRGYUD DE
RIGS 'DRA RGYUN

@32B CHAGS SU 'JUG PA'I PHYIR TE, SUM CU PA LAS, DGRA BCOM MED,
,'GOG PA'I SNYOMS PAR 'JUG NA MED, ,'JIG RTEN 'DAS PA'I LAM NA
MED, ,DE NI GYUR PA GNYIS PA'O, ,ZHES GSUNGS PA'I PHYIR, DE LA
KHA CIG  ,

DE DAG GI RGYUD LA YID SHES MED PAR THAL, DE DAG GI RGYUD LA YID
SHES KYI BDAG RKYEN NYON YID MED PA'I PHYIR, GZHAN YANG, DBANG
THOB PA DANG NYAN RANG DGRA BCOM PA RNAMS KYIS MNYAM NYID YE
SHES THOB PAR THAL,

DE RNAMS KYIS NYON YID GNAS GYUR THOB PA GANG ZHIG  ,MDO SDE'I
RGYAN LAS, NYON MONGS CAN YID GNAS GYUR PA, ,MNYAM NYID YE SHES
BRJOD PAR BYA, ,ZHES GSUNGS PA'I PHYIR ZER NA, DE'I LAN 'CHAD PA
LA, NYON MONGS

CAN DU 'JOG BYED PA'I, ,GANG ZAG 'DZIN PA LOG GYUR KYANG, ,DE YI
RIG TZAM YOD PHYIR DANG, ,CHOS 'DZIN BSKYED NUS MA LOG PHYIR,
,YID SHES MED DANG MNYAM PA NYID, ,THOB PA'I SKYON GNYIS RING DU
SPANGS, ,ZHES

GSUNGS, DON NI, GANG ZAG DE DAG GI RGYUD LA NYON YID NYON MONGS
CAN DU 'JOG PAR BYED PA'I GANG ZAG GI BDAG TU 'DZIN PA LOG PAR
GYUR KYANG NYON YID DE'I RDZAS RGYUN DU GYUR PA'I GSAL RIG TZAM
GYI YID

RGYUN MA 'CHAD PAR YOD PA'I PHYIR NA DES YID SHES KYI BDAG RKYEN
BYED PAS YID SHES MED PA'I SKYON MED PA DANG, NYAN RANG DGRA
BCOM DANG DBANG THOB PA'I BYANG SEMS KYI RGYUD LA CHOS KYI BDAG
TU 'DZIN

PA'I SHES SGRIB BSKYED PA'I NUS PA MA LOG PAR YOD PA'I PHYIR NA
DE DAG GIS MNYAM PA NYID KYI YE SHES THOB PA'I SKYON MED PAS
SNGAR BSHAD PA'I SKYON GNYIS PO RGYANG RING DU SPANGS PA YIN
PA'I PHYIR, 'O NA DE DAG GI RGYUD

@33A *, ,KYI BDUN YID GSAL RIG TZAM DE ZAG BCAS ZAG MED GANG YIN
ZHE NA, SLOB DPON KHA CIG ZAG MED DU BZHED PA YOD KYANG RANG
LUGS LA ZAG BCAS SU 'DOD PA YIN LA, DE YANG CHOS KYI BDAG

TU 'DZIN PA BSKYED PA'I NUS PA DANG BCAS PA'I DBANG DU BYAS NAS
ZAG PA DANG BCAS PAR 'JOG PA YIN CING, CHOS KYI BDAG 'DZIN DANG
BCAS MA BCAS LA BYED NA LUGS 'DIR NYAN RANG SLOB MI SLOB KYI
MNYAM

GZHAG ZAG MED PA'I RGYUD LA GANG ZAG GI BDAG 'DZIN MED KYANG
CHOS KYI BDAG 'DZIN YOD PAR 'DOD DGOS PAS DE DAG GI RGYUD KYI
BDUN YID DE ZAG BCAS DANG BYANG SEMS MNYAM GZHAG ZAG MED PA'I
RGYUD KYI

BDUN YID DE CHOS KYI BDAG 'DZIN DANG MA BCAS PA'I DBANG DU BYAS
NAS ZAG MED DU 'JOG DGOS PA LTAR SNANG STE, ZUR DU RGYAS PAR
BKOD DO, ,GNYIS PA DE GNYIS YOD PAR 'THAD PA'I LUNG RIGS KYI

SGRUB BYED DGOD PA LA, YID CHES LUNG DANG RIGS PA YIS, ,RNAM
SHES DRUG LAS THA DAD PA'I, ,YID DANG KUN GZHI'I RNAM PAR SHES,
,YOD PAR KHONG DU CHUD PAR BYA, ,ZHES GSUNGS, DON NI, 'DIR

RNAM SHES TSOGS DRUG LAS THA DAD PA'I NYON YID DANG KUN GZHI'I
RNAM PAR SHES PA YOD PAR BLOS KHONG DU CHUD PAR BYA RIGS TE, DE
LTAR YOD PA BCOM LDAN 'DAS NYID KYIS GSUNGS PA'I YID CHES KYI
LUNG DANG, DE TZAM

DU MA ZAD YANG DAG PA'I RIGS PA YIS KYANG 'GRUB PA'I PHYIR, DE
YANG LUNG GI SGRUB BYED DGOD PA DANG, RIGS PA'I SGRUB BYED DGOD
PA GNYIS, DANG PO NI, CHOS MNGON PA'I MDO LAS, THOG MA MED PA'I
DUS

@33B KYI KHAMS, ,CHOS RNAMS KUN GYI GNAS YIN TE, ,DE YOD PAS NA
'GRO KUN GYIS, ,MYANG NGAN 'DAS PA 'THOB PAR 'GYUR, ZHES PA
DANG, CHOS KUN SA BON THAMS CAD PA, ,RNAM PAR SMIN PA KUN GZHI
STE, ,

DE BAS KUN GZHI'I RNAM SHES NI, ,DAM PA DAG LA NGES BSHAD DO,
,ZHES PA DANG, DGONGS 'GREL LAS, RES 'GA' NI KUN GZHI'I RNAM PAR
SHES PA 'DI RNAM PAR SHES PA GCIG DANG LHAN CIG 'JUG STE YID
DANG NGO, ,

RES 'GA' NI GNYIS DANG STE YID DANG YID KYI RNAM PAR SHES PA
DANG NGO, ,RES 'GA' NI 'JUG PA'I RNAM PAR SHES PA BDUN KA DANG
LHAN CIG 'JUG STE, ZHES PA DANG, GZHAN YANG GONG DU DRANGS PA'I
LUNG DANG, DGONGS

'GREL DANG RGYAN STUG DANG LANG GSHEGS SOGS RNAM SHES TSOGS
BRGYAD STON PA'I LUNG RNAMS KYIS 'GRUB PA'I PHYIR, GNYIS PA RIGS
PA'I SGRUB BYED DGOD PA LA, KUN GZHI 'THAD PA'I RIGS PA'I SGRUB
BYED DANG,

NYON YID 'THAD PA'I RIGS PA'I SGRUB BYED DGOD PA GNYIS, DANG PO
LA, DNGOS DANG, 'PHROS DON BSHAD PA GNYIS, DANG PO NI, RNAL
'BYOR SPYOD PA'I GZHUNG LUGS LAS, ,SGRUB BYED RIGS PA MTHA' YAS

PA; ;GSUNGS KYANG LEN DANG DANG PO GSAL, ,SA BON LAS DANG LUS
TSOR DANG, ,SNYOMS 'JUG 'CHI 'PHO MI RUNG BA, ,BRGYAD DU 'DUS
PHYIR 'DIR BSHAD BYA, ,ZHES GSUNGS, DON NI, DE LA MANG DU

YOD DE, THEG BSDUS DANG, RNAM BSHAD RIG PA DANG, SA'I BSTOD
'GREL SOGS RNAL 'BYOR SPYOD PA SEMS TZAM PA'I GZHUNG LUGS DAG
LAS KUN GZHI 'THAD PA'I SGRUB BYED KYI RIGS PA MTHA' YAS PA ZHIG

@34A *, ,GSUNGS KYANG, BSDU BAR, LEN DANG DANG PO GSAL BA DANG,
,SA BON LAS DANG LUS TSOR DANG, ,SEMS MED SNYOMS PAR 'JUG PA
DANG, ,DE BZHIN 'CHI 'PHO MI RUNG 'GYUR, ,ZHES SDOMS

SU MDZAD NAS RGYAS PAR BSHAD PA LTAR KUN GZHI'I RNAM SHES MED NA
LUS LEN PA MI RUNG BAR THAL BA DANG, RNAM SHES DANG PO 'AM GZOD
MA 'BYUNG BA MI RUNG BA DANG, YID SHES GSAL BA 'BYUNG BA MI RUNG
BA DANG,

BAG CHAGS KYI SA BON MI RUNG BA DANG, LAS SU BYA BA MI RUNG BA
DANG, LUS KYI TSOR BA MI RUNG BA DANG, SEMS MED PA'I SNYOMS 'JUG
MI RUNG BA DANG, RNAM SHES KYIS 'CHI 'PHO MI RUNG BAR THAL BA'I
RIGS

PA BRGYAD DU PHAL CHER 'DUS PA'I PHYIR NA 'DIR DE BZHIN DU BSHAD
PAR BYA 'OS PA'I PHYIR, DANG PO DER THAL, KUN GZHI MED NA NYON
YID KYANG MED DGOS PAS RNAM SHES TSOGS DRUG GIS LUS LEN DGOS PA
LAS

DE MI RUNG BA'I RGYU MTSAN LNGA YOD PA'I PHYIR, DE YANG YOD DE,
DE RNAMS LUS BLANGS ZIN NAS DA LTA BA'I RKYEN YUL DANG DBANG PO
DANG YID BYED GSUM LA BRTEN NAS SKYE DGOS PA'I PHYIR DANG, DE
DAG LA DGE

MI DGE GNYIS RE YOD PA'I PHYIR DANG, NYING MTSAMS SBYAR BA NAS MA
SHI'I BAR RIGS 'DRA RGYUN CHAGS SU GNAS MI NUS PA'I PHYIR DANG,
DUS GCIG TU LUS THAMS CAD LA KHYAB PAR GNAS MI NUS PA'I

PHYIR DANG, DE DAG TSE DE LA RES 'GA' 'BYUNG ZHING RES 'GA' MI
'BYUNG BA'I SKABS YOD PAS TSE DE LA LUS YANG YANG 'DOR BA DANG
YANG YANG LEN PAR THAL BAR 'GYUR BA'I PHYIR, RTAGS KHYAB GRUB
STE, LUS LEN

@34B BYED DE LUS LEN KHA MA'I DUS SU YOD CING NYING MTSAMS SBYAR
BA NAS MA SHI'I BAR RNAM SMIN DU GYUR NAS LUS THAMS CAD LA
KHYAB STE RIGS 'DRA RGYUN CHAGS SU GNAS PA DGOS PA'I PHYIR, RIGS
PA

GNYIS PA NI, KHA CIG  ,KUN GZHI YOD NA RNAM SHES GNYIS CIG CAR
'BYUNG BAR THAL LO ZHE NA, DE NI 'DOD PA YIN TE, DE LTAR MI
'BYUNG NA, RNAM SHES TSOGS DRUG KA SKYE BA'I YUL DBANG YID BYED
RNAMS RIGS SU MA

CHAD PAR NYE RING MED PA 'BYUNG RUNG DU GNAS PA NA DANG PO RNAM
SHES BYE BRAG PA GCIG KYANG MI SKYE BAR THAL BAR 'GYUR BA'I
PHYIR, RIGS PA GSUM PA NI, RNAM SHES GNYIS CIG CAR 'BYUNG BA MED
NA, 'O NA,

GZUGS 'DZIN MIG SHES KYIS GZUGS GSAL BAR 'DZIN PA'I TSE DE DANG
DUS MNYAM DU DE'I RJES SU 'BRANG BA'I YID SHES KYIS GZUGS GSAL
BAR 'DZIN PA 'BYUNG BA MED PAR THAL, 'DOD PA GANG ZHIG  ,

DE'I SKAD CIG GNYIS PA PHAN CHAD KYI GZUGS YUL DU BYED PA'I YID
SHES DE 'DAS PA'I GZUGS DRAN PA'I RTOG PA YIN PA'I PHYIR, 'DOD
NA, GZUGS 'DZIN YID KYI MNGON SUM MED PAR THAL LO, ,RIGS

PA BZHI PA NI, DGE MI DGE'I SA BON NYID MI RUNG BAR THAL, DE'I
SGO GZHI KUN GZHI'I RNAM SHES MED PA GANG ZHIG  ,RNAM SHES TSOGS
DRUG SGO GZHIR 'DOD NA RNAM SHES RIGS MI 'DRA BA GCIG GI 'JUG

THOGS SU GCIG 'BYUNG BA MED PA'AM, YOD NA SNGAR BZHAG PA'I BAG
CHAGS RNAMS RGYUN CHAD PAR THAL BA SOGS THEG BSDUS NAS BSHAD
PA'I RIGS PA'I GNOD PA MTHA' YAS PA 'JUG PA'I PHYIR, RIGS

@35A *, ,PA LNGA PA NI, RNAM SHES DU MA CIG CAR MI 'BYUNG NA,
BRTAN PA SNOD DU SNANG BA'I RNAM RIG DANG, G-YO BA GNAS SU
SNANG BA'I RNAM RIG DANG, NGA'O SNYAM PA'I RNAM RIG DANG, YUL

GZUGS SOGS SU SNANG BA'I RNAM RIG BZHI PO DUS GCIG TU 'BYUNG
BA'I LAS SU BYA BA MI RUNG BAR THAL, KUN GZHI MED PA'I PHYIR,
KHYAB STE, DE LTAR YOD NA, DE'I TSE DANG PO GNYIS KUN GZHI'I
RNAM SHES LA

'BYUNG BA DANG, GSUM PA NI NYON YID LA 'BYUNG BA DANG, BZHI PA
NI 'JUG SHES GZHAN LA 'BYUNG BAR 'JOG DGOS PA YIN GYI RNAM SHES
GCIG LA DUS GCIG TU DE LTAR MI 'BYUNG BA'I PHYIR, RIGS PA DRUG

PA NI, TSUL BZHIN YIN PA DANG MIN PA DPYOD PA'I YID BYED THAMS
CAD KYI GNAS SKABS SU LUS KUN LA KHYAB PAR SKYE BA'I MYONG BA'I
TSOR BA MED PAR THAL, DE LTAR SKYE BA'I RTEN SBYIN PA'I KUN
GZHI'I RNAM

SHES MED PA GANG ZHIG  ,'JUG SHES RNAMS KYIS DE LTAR MI NUS PA'I
PHYIR, RIGS PA BDUN PA NI, 'DU SHES MED PA DANG 'GOG PA'I SNYOMS
'JUG GNYIS LA GNAS PA'I GANG ZAG DE RNAM SHES KYIS LUS BOR ZIN

PAR THAL, DE'I RGYUD LA LUS GNAS BYED KYI KUN GZHI'I RNAM SHES
MED PA GANG ZHIG  ,DE'I RGYUD LA RNAM SHES TSOGS DRUG 'GAGS ZIN
PA'I PHYIR, 'DOD MI NUS TE, MDO LAS, DE'I RNAM PAR SHES PA LUS
DANG MA BRAL

BA YIN NO, ,ZHES GSUNGS PA'I PHYIR, KHO NA RE, DE'I RGYUD LA YID
KYI RNAM SHES MI GSAL BA YOD PAS DE'I LUS RNAM SHES DANG BRAL
BA'I SKYON MED ZER NA, DE MI 'THAD PAR THAL, DE'I RGYUD LA KUN
GZHI'I

@35B RNAM SHES YOD KYANG DE'I 'KHOR GYI TSOR 'DU GNYIS DMIGS
RNAM SHIN TU PHRA BAS RGYU BA MI GSAL BA YIN LA, DE'I RGYUD LA
YID KYI RNAM SHES YOD NA DE'I 'KHOR GYI TSOR 'DU GNYIS RGYU BA
RAGS PA YIN DGOS PAS

SNYOMS 'JUG DE GNYIS LA 'DU SHES TSOR 'GOG GI SNYOMS 'JUG CES
PA'I THA SNYAD MI 'THAD PAR 'GYUR BA'I PHYIR, RIGS PA BRGYAD PA
NI, KUN GZHI MI 'DOD NA MNGAL SKYES LTA BU 'CHI 'PHO BA'I TSE
LUS KYI

STOD SMAD NAS SNYING GA'I BAR DROD TSOR RIM GYIS BSDUS NAS LUS
'DOR DGOS PA MA YIN PAR THAL, DE DGOS NA DE LUS THAMS CAD LA
KHYAB PA'I SHES PA ZHIG GIS BSDUS NAS 'DOR DGOS PA LAS DBANG
SHES LNGA PO

NI LUS KYI CHA SHAS SO SOR GNAS PA YIN GYI LUS THAMS CAD LA
KHYAB PAR MI GNAS, YID KYI RNAM SHES NI LUS KYI SHA CHAS RE RE
LA'ANG MI GNAS SHING LUS THAMS CAD LA KHYAB PAR YANG MI GNAS PA
GANG

ZHIG ;DE LAS GZHAN LUS THAMS CAD LA KHYAB PA'I KUN GZHI MED PA'I
PHYIR, LUS DBANG LUS THAMS CAD LA KHYAB KYANG LUS DBANG GAR
KHYAB TU LUS SHES SKYE BA'I NGES PA MED DE, LUS SHES SKYE BA LA

LUS DBANG DANG REG BYA GNAS GANG DU 'PHRAD PA LA BLTOS DGOS PA'I
PHYIR, DES NA KUN GZHI'I RNAM SHES NI LUS THAMS CAD LA KHYAB PAR
GNAS PAS LUS 'DOR BYED DU RUNG BA YIN TE, BYE BSHAD LAS, KUN

GZHI'I RNAM PAR SHES PA NI KHOG PA THAMS CAD LA KHYAB PA'O,
,ZHES GSUNGS PA'I PHYIR, GNYIS PA 'PHROS DON BSHAD PA LA, THEG
DMAN GYI SDE SNOD LAS KUN GZHI RNAM SHES DE RNAM GRANGS GZHAN
GYIS BSTAN

@36A *, ,PAR BSHAD PA DANG, THEG DMAN GYI GRUB MTHA' SMRA BAS DE
DAG GI DON JI LTAR BKRAL BA DANG, DE 'THAD MI 'THAD DPYAD PA
DANG GSUM, DANG PO NI, DE LTAR KUN GZHI'I RNAM SHES NI, ,

THEG DMAN GTZUG LAG RNAMS SU YANG, ,KUN GZHI RTZA BA'I RNAM SHES
DANG, ,'KHOR BA'I JI SRID PHUNG PO DANG, ,SRID PA'I YAN LAG DAG
GIS BSTAN, ,ZHES GSUNGS, DON NI, SNGAR BSHAD PA DE LTAR KUN

GZHI'I RNAM SHES NI THEG CHEN GYI SDE SNOD RNAMS LAS SHES BYA'I
GNAS DANG LEN PA'I RNAM SHES SOGS KYI THA SNYAD BRJOD NAS BSTAN
PAR MA ZAD, THEG DMAN GYI GTZUG LAG MDO SDE RNAMS SU YANG RNAM

GRANGS GZHAN GYIS BSTAN PA YIN TE, LUNG GCIG LAS 'PHROS PA LAS,
SKYE RGU KUN GZHI LA DGA' BA, ZHES SOGS DANG, PHAL CHEN SDE PA'I
LUNG LAS RTZA BA'I RNAM PAR SHES PA, ZHES PA DANG, SA STON SDE'I

LUNG LAS, 'KHOR BA JI SRID PA'I PHUNG PO, ,ZHES PA DANG, GNAS
BRTAN PA'I LUNG LAS, SRID PA'I YAN LAG ,CES PA SOGS RNAM GRANGS
GZHAN DAG GI SGRAS BSTAN PA'I PHYIR, GNYIS PA THEG DMAN GYI

GRUB MTHA' SMRA BAS DE DAG GI DON JI LTAR BKRAL BA NI, DE LTAR
GSUNGS PA'I KUN GZHI LA, ,DBYIG SHES MI'U THUNG DBYANGS SGROG
GSUM, ,RIM BZHIN PHUNG PO TSOR BA DANG, ,'JIG LTA GSUM LA DGONGS

ZHES 'DOD, ,CES GSUNGS, DON NI, DE LTAR GSUNGS PA'I KUN GZHI'I
DON 'GREL TSUL LA MI 'DRA BA GSUM LA DGONGS ZHES 'DOD PA BYUNG
STE, GSUM NI RIM PA BZHIN BTZUN PA DBYIG SHES KYIS NI NYER

@36B LEN GYI PHUNG PO LNGA PO DE SKYE RGU KUN DGA' BAR BYED PA'I
GZHI DANG DE DAG BDAG TU 'DZIN PA'I GZHI YIN PAS DE LNGA LA
DGONGS PAR 'DOD PA DANG, BTZUN PA MI'U THUNG GIS NI 'DOD CHAGS
DANG MTSUNGS LDAN GYI TSOR BA BDE

BA NI 'DOD CHAGS RGYAS PAR 'GYUR BA'I GZHI YIN PAS NA DE LA
DGONGS PAR 'DOD PA DANG, BTZUN PA DBYANGS SGROGS KYIS NI 'JIG
LTA NYID SKYE RGU KUN BDAG TU 'DZIN PAR BYED PA'I GZHI YIN PAS
NA DE LA DGONGS

PAR 'DOD PA'I PHYIR, DER MA ZAD 'DI LA THEG BSDUS SU DMUS LONG
BA MANG PO LA GLANG CHE BSTAN PA'I DPES GSUNGS PA LTAR SHES PAR
BYA'O, ,GSUM PA DE LA 'THAD MI 'THAD DPYAD PA NA, THEG PA 'OG
MA'I

LUGS LA NI, ,TSUL DE MI RUNG MED MOD KYI, ,THEG CHEN PA RNAMS
LUNG DE'I DON, ,KUN GZHIR 'DOD PA CHES BZANG STE, ,GANG PHYIR
DBYIG SHES SOGS KYIS NI, ,BKRAL BA SKYON DANG LDAN PHYIR RO,
,ZHES GSUNGS,

DON NI, THEG PA 'OG MA PA DAG NI SHES BYA PHRA MO'I GNAS KUN
GZHI'I RNAM PAR SHES PA'I DON SHES PA LA RMONGS PA YIN PAS DE
STON PA'I SNOD RUNG MA YIN PA'I PHYIR NA DE DAG GI THEG PAR SHES
BYA RIGS PA'I

RNAM GZHAG TZAM 'CHAD PA YIN PAS DE LTAR 'CHAD PA'I LUGS LA NI
KUN GZHI'I DON 'CHAD TSUL DE LTAR MI RUNG BA MED MOD KYI, 'ON
KYANG SHES BYA PHRA MO'I GNAS KYI KUN GZHI'I DON SHES PA LA MA
RMONGS PA'I THEG CHEN

PA RNAMS KYI LUGS LA NI LUNG DE'I KUN GZHI ZHES PA'I DON KUN
GZHI RNAM SHES KYI DON DU 'DOD PA CHES SHIN TU BZANG BA YIN TE,
RGYU MTSAN GANG GI PHYIR NA DBYIGS SHES SOGS BTZUN PA GSUM GYIS
NI GONG GI DE LTAR

@37A *, ,BKRAL BA BZHIN 'DOD PA NI THEG CHEN PA'I LUGS 'DIR LUNG
RIGS KYIS GNOD PA'I SKYON DANG LDAN PA'I PHYIR RO, ,GNYIS PA
NYON YID 'THAD PA'I RIGS PA'I SGRUB BYED

DGOD PA NI, NYON MONGS CAN GYI YID MED NA, ,MA 'DRES PA YI MA
RIG DANG, ,LNGA PO DAG DANG 'DRA BA DANG, ,SNYOMS PAR 'JUG PA'I
BYE BRAG DANG, ,DES TSIG MED PA'I SKYON DU 'GYUR, ,'DU SHES MED

PAR SKYES PA'I RGYUN, ,NGAR 'DZIN MED PA'I SKYON DU 'GYUR, ,NGAR
'DZIN PA DANG LDAN PA NI, ,RNAM PA KUN TU MI 'THAD PHYIR, ,NYON
YID YOD PAR SHES PAR BYA, ,ZHES GSUNGS, DON NI, NYON YID YOD

PAR SNGAR GYI LUNG GIS 'GRUB PAR MA ZAD YANG DE DAG PA'I RIGS
PAS 'GRUB PA'ANG SHES PAR BYA DGOS TE, NYON MONGS PA CAN GYI YID
MED PAR 'DOD NA SKYON DRUG 'BYUNG BA'I PHYIR, DE YANG DANG PO

MA 'DRES PA YI MA RIG PA MED PAR 'GYUR BA'I SKYON YOD DE, THEG
BSDUS LAS, YANG DAG DON LA 'JUG PA YI, ,SEMS KYI GEGS SU RTAG
GYUR DANG, ,DUS RNAMS KUN TU 'BYUNG BA STE, ,MA 'DRES PA YI MA

RIG 'DOD, ,CES MA RIG PA DE BDAG MED MNGON SUM DU MTHONG BA LA
DUS RTAG TU GEGS BYED PA DANG DGE MI DGE LUNG MA BSTAN GYI SEMS
GSUM GANG YOD PA'I DUS RTAG TU 'BYUNG BAR GSUNGS PAS GTZO BO

RNAM SHES GCIG KHO NA DANG MTSUNGS LDAN DU 'BYUNG DGOS SHING, DE
YANG NYON MONGS YIN PAS KUN GZHI'I 'KHOR DU 'BYUNG BA MED, THOG
MA MED PA NAS JI SRID 'PHAGS LAM MA SKYES KYI BAR RIGS 'DRA

@37B RGYUN CHAGS SU 'BYUNG DGOS PAS RNAM SHES TSOGS DRUG GI
'KHOR DU 'BYUNG BA'ANG MED, DES NA NYON YID MED NA DE 'KHOR DU
'GRO SA'I GTZO SEMS MED PAR 'GYUR BA'I PHYIR, 'DI LA MA 'DRES PA
ZHES PA'I

DON NI, DON GSANG LAS RDZAS MA 'DRES PA LA BSHAD KYANG RANG LUGS
BSHAD SBYAR LTAR SANGS RGYAS KYI CHOS MA 'DRES PA BZHIN RTEN MA
'DRES PA LA BYED RIGS TE, RTEN NYON YID KHO NA LA YOD PA'I
PHYIR,

GNYIS PA NYON YID MED NA YID SHES SKYE BA'I RTEN LA 'DAS PA'I
RTEN DANG DA LTA BA'I RTEN GNYIS YOD PA DBANG SHES LNGA PO DAG
DANG 'DRA BA MED PA'I SKYON DU 'GYUR BA YIN TE, DBANG SHES LNGA
LA 'DAS

PA'I RTEN DE MA THAG RKYEN GYI YID RE DANG DA LTA BA'I RTEN LHAN
CIG TU GNAS PA'I DBANG PO GZUGS CAN PA'I YOD KYI, YID SHES LA
'DAS PA'I RTEN DE MA THAG RKYEN GYI YID YOD KYANG DA LTA BA'I
RTEN DBANG PO

GZUGS CAN MED CING NYON YID MED PAS DE'I DA LTA BA'I RTEN MED
PAR 'GYUR BA'I PHYIR, GSUM PA NYON YID MED NA 'DU SHES MED PA
DANG 'GOG PA'I SNYOMS PAR 'JUG PA GNYIS KYI DON LA MI 'DRA BA'I

BYE BRAG GI KHYAD PAR 'BYED DU MED PAR 'GYUR TE, DE GNYIS LA
RNAM SHES TSOGS DRUG 'GAGS PA NI 'DRA BA GANG ZHIG ,DE GNYIS LA
NYON YID YOD MED KYI KHYAD PAR MED PA'I PHYIR, BZHI PA NYON YID
MED NA

RTAG TU NGAR SEMS PA'I PHYIR YID DO ZHES PA'I NGES TSIG DE SEMS
GANG LA'ANG MED PA'I SKYON DU 'GYUR TE, DE KUN GZHI'I RNAM SHES
DANG DBANG SHES RNAMS LA MED, YID SHES LA NGAR SEMS PA YOD KYANG
RTAG TU NGAR

@38A *, ,SEMS PA MED PA'I PHYIR, LNGA PA NYON YID MED NA 'DU
SHES MED PA BAR SKYES PA'I TSE'I RGYUN GNAS KYI RING LA NGAR
'DZIN MED PA'I SKYON DU 'GYUR TE, DE'I TSE TSOGS DRUG NI 'GAGS

ZIN PA GANG ZHIG ,KUN GZHI 'KHOR BCAS LA NGAR 'DZIN MI 'BYUNG
BA'I PHYIR, DE'I TSE NGAR 'DZIN MED PA'ANG MI 'THAD DE, DE MED
NA DER NYON MONGS CAN MA YIN PAR 'GYUR ZHING DE LTA NA 'PHAGS PA
RNAMS KYIS

DE MI KHOM PA'I GNAS SU GZIGS NAS SPONG BA MI 'THAD PAR 'GYUR
BA'I PHYIR TE, 'GOG SNYOMS BZHIN DU RGYUD LA BSKYED RIGS PAR
'GYUR BA'I PHYIR, DRUG PA NYON YID MED NA NGAR 'DZIN PA DANG
LDAN PA NI

SO SKYE RNAMS LA DUS RNAM PA KUN TU 'BYUNG BA MI 'THAD PA'I
SKYON DU 'GYUR TE, NGA SBYIN PA BYED, NGA SROG BCOD BYED, NGA
KHRUS BYED CES PA LTA BU RIM PA BZHIN DGE MI DGE LUNG MA BSTAN
GYI SEMS THAMS CAD KYI DUS SU

NGAR 'DZIN YOD PA GANG ZHIG ,DE NYON YID KYI 'KHOR DU MED PAR
'DOD NA DE MI DGE BA'I SEMS DANG MTSUNGS LDAN DU GYUR NA SEMS
GZHAN GNYIS DANG DUS GCIG TU 'BYUNG BA MI RIGS, DE DGE BA'I SEMS

DANG MTSUNGS LDAN DU GYUR NA SEMS GZHAN GNYIS DANG DUS GCIG TU
'BYUNG BA MI 'THAD PA'I PHYIR, GSUM PA RNAM SHES GRANGS MED PAR
THAL BA TSOGS DGUR 'DOD PA DGAG PA LA, SPYIR RGYA NAG GI SLOB
DPON

WAN TSIG GAM RDZOGS GSAL ZHES BYA BAS DGONGS 'GREL GYI 'GREL
CHEN DU BZHED PA BKOD PA LTAR THEG DMAN GYI SDE SNOD LA BSTAN
NAS DE'I GRUB MTHA' SMRA BA RNAMS KYIS RNAM SHES TSOGS DRUG KHO
NAR

@38B 'DOD, THEG CHEN PA'I GRUB MTHA' SMRA BA LA BZHED TSUL GNYIS
LAS DANG PO SLOB DPON KLU SGRUB KYI RJES SU 'BRANG BA'I DBU MA
PA PHAL CHER GYIS KYANG RNAM SHES TSOGS DRUG KHO NAR 'DOD, GNYIS
PA RJE BTZUN

BYAMS PA'I GZHUNG LA BRTEN NAS RGYA GAR BA'I SEMS TZAM PA'I SLOB
DPON RNAMS LA BZHED TSUL GSUM LAS DANG PO SLOB DPON PO DE RU TZE
[?] ZHES BYA BAS DE BZHIN NYID NI DMIGS PA CAN GYI SEMS MIN
KYANG CHOS

NYID KYI SEMS DANG, DAD PA DANG CHAGS SOGS DANG MTSUNGS LDAN GYI
SEMS NI RNAM RIG TZAM GYI NGO BO NYID YIN PAS YID DANG RNAM SHES
SU 'JOG CES SEMS RNAM PA GNYIS SU 'DOD, GNYIS PA SLOB

DPON YANG DAG BDEN PAS RNAM SHES TSOGS DGUR 'DOD, GSUM PA SLOB
DPON HYAN TZANG GIS LANG GSHEGS KYI MDO LA BRTEN NAS RNAM SHES
TSOGS BRGYAD DU 'DOD CING SLOB DPON WAN TSIG KYANG DE'I

RJES SU 'BRANG LA, RIGS PA'I RJES 'BRANG GI SEMS TZAM PA RNAMS
RNAM SHES TSOGS DRUG KHO NAR 'DOD DO, ,DE DAG LAS TSOGS DRUG KHO
NAR 'DOD PA DGAG PA NI SNGAR TSOGS BRGYAD STON PA'I LUNG

RIGS KYIS SHES PAR 'GYUR LA, SEMS GNYIS SU 'DOD PA'ANG DGU PA
DRI MED RNAM SHES BKAG PAS SHES PAR 'GYUR BAS 'DIR TSOGS DGUR
'DOD PA DGAG PA LA, PHYOGS SNGA MA BRJOD PA DANG,

DE DGAG PA GNYIS, DANG PO NI, BDUN PA LEN PA'I RNAM SHES DANG,
,KUN GZHI GSUM DU 'CHAD PA DANG, ,DGU PA DRI MED RNAM SHES SU,
,'DOD PA YANG DAG BDEN PA'I LUGS, ,ZHES GSUNGS, DON NI,

@39A-40B [THESE PAGE NUMBERS RESERVED IN THIS EDITION FOR PAGES
MISSING FROM ORIGINAL ON WHICH IT WAS BASED]

@41A *, ,BA DANG DE'I CHA GCIG NI YUL LA ZHEN CING RTOG PA'I YID
SHES YIN ZER BA'ANG MI 'THAD DE, KHYOD LTAR NA DE RTOG MED KHO
NA YIN PA'I PHYIR, DER THAL, DE RTOG MED KYI DBANG SHES

RNAMS DANG RDZAS GCIG YIN PA'I PHYIR, DES NA RNAM SHES TSOGS
GCIG PUR 'DOD PA NI CHES MI 'THAD DE, DE LTAR 'DOD PA NI SROD
KYI MUN PAR GNAS PA'I THAG KHRA LA SBRUL DU 'DZIN PA BZHIN SGRO
BTAGS KHO

NA YIN PA'I PHYIR LO, ,GNYIS PA GRUB DON BSHAD PA NI, DE PHYIR
YID CHES LUNG RIGS KYIS, ,GRUB PA RNAM SHES BRGYAD YIN PHYIR,
,GSANG BA'I GNAS LA MI ZHUM PA'I, ,MKHAS PAS BRGYAD NYID

'DOD PAR BYA, ,ZHES GSUNGS, BZHI PA BRTZOMS PA MTHAR PHYIN PA'I
DGE BA BSNGO BA NI, YID DANG KUN GZHI'I DKA' BA'I GNAS, ,GSAL
BAR STON 'DI MKHAS MCHOG RNAMS, ,JI LTAR BZHED BZHIN BLA MA

YI; ;GSUNG LA BRTEN NAS RGYAL KHAMS PA, ,BLO BZANG GRAGS PAS
SBYAR BA YI, ,DGE DES THUB BSTAN RGYAS GYUR CIG  ,CES GSUNGS,
TSIGS BCAD DE GNYIS KYI DON PHAL CHER GO SLA BAS MA BKROL LO,

SMRAS PA, DKA' GNAS [*GNAD] DPAG DKA'I LEGS BSHAD RGYA MTSO
CHER, ,'DI NA THOS MED THOS NYUNG BLO DMAN PA, ,BGROD PA'I BZANG
BRDZUR MKHAS PA'I THUGS KHREL YANG, ,RJE YI DGONGS DON SNYING
PO'I

YID BZHIN NOR, ,THOS BSAM BYI DOR BYAS LA RAB BRTUN PA'I, ,SKAL
BZANG YID KYI RE BA CIS MI SKONG, ,GZUR GNAS LEGS NYES 'BYED
PA'I SHES RAB KYIS, ,THUB BSTAN DRI MA MED PA'I DPAL GYUR

@41B CIG  ;TSUL 'DIR 'BAD PA'I THOS BSAM BSHAD SGRUB KYIS,
,SHING RTA CHEN PO'I GZHUNG LAM RAB BSKYOD PAR, ,RTZA GSUM BYIN
BRLOB CHOS DBYINGS BDEN PA'I MTHU, ,SRUNG MA'I GROGS KYIS DON

GNYIS LHUN 'GRUB SHOG  ,,CES YID DANG KUN GZHI'I DKA' GNAS
[*GNAD] RGYA CHER 'GREL BA LEGS PAR BSHAD PA'I RGYA MTSO ZHES
BYA BA'I RTZA BA'I 'BRU 'GREL SNYING PO'I GNAD DON GSAL BA'I
SGRON ME ZHES BYA BA 'DI

NI SER SMAD THOS BSAM NOR BU'I GLING GI DBU MA'I 'DZIN GRVA BA
GZHUNG PA BLA MA DGE LEGS RGYA MTSO, SPOM 'BOR RAB 'BYAMS PA
CHOS GRAGS RGYA MTSO, RONG PO DGE SLONG BLO BZANG RIN CHEN, TA
'ON

DGE SLONG 'JAM DBYANGS PHUN TSOGS, SPOM 'BOR DGE SLONG BLO BZANG
RAB BRTAN, SPOM 'BOR DGE SLONG BSKAL BZANG BKRA SHIS, TA 'ON DGE
SLONG THUB BSTAN RGYA MTSO, MI NYAG YE SHES

CHOS 'PHEL SOGS THOS BSAM DON GNYER CAN DMANGS NAS RJE RIN PO
CHES MDZAD PA'I 'DI'I DKA' 'GREL GYI GZHUNG TSIG DON RLING ZHING
GO DKA' BAS DE'I DON 'GREL MTHA' GCOD DANG BCAS PA

GO BDE BA ZHIG BGYIS DGOS TSUL BSKUL BA DANG, SLAR YANG LUNG
RTOGS RGYA MTSO'I BDAG NYID SER SMAD KHRI BZHUGS DPON SLOB GRAGS
PA MKHAS GRUB PA'I ZHAL MNGA' NAS KYIS KYANG DON GNYER BA RNAMS

KYIS JI LTAR MOL BA'I RE BA BSKONG STE MTHA' GCOD DANG BCAS PA'I
RGYAS BSDUS 'TSAM PA 'DZIN CHOS SU BGYIS CHOG PA ZHIG KYANG BRIS
ZHES BSKUL GNANG MDZAD PA DANG, GZHAN YANG TSA BA 'OD ZER SPRUL
PA'I

@42A *, ,SKU RIN PO CHE BLO BZANG THUB BSTAN RGYAL MTSAN, GZHUNG
PA LHA BTZUN SPRUL SKU RIN PO CHE BLO BZANG 'JAM DPAL RAB RGYAS
SKU MCHED SOGS 'DZIN GRVA GONG 'OG GI THOS BSAM DON

GNYER BA MANG POS KYANG BSKUL ZHING, RANG NYID KYANG CHOS TSUL
'DI LA PHYOGS MTHONG TZAM GYIS KYANG GO BA'I BAG CHAGS RNYED NA
CI MA RUNG SNYAM PA'I 'DUN PAS KUN NAS BSLANG STE, DE YANG MTHA'
GCOD

'DI'I DKYUS GCIG TU BKOD NA MANG BAR 'GYUR BAS ZUR DU BKOD CING
GZHAN YANG DPYIS PHYIN PA'I RNAM GZHAG RGYAS PA ZUR DU BKOD NAS,
'DIR RTZA BA'I 'BRU BSNON GTZO BOR BGYIS NAS LEGS BSHAD MANG

PO'I GNAD DON SNYING POR DRIL TE DAD PA MKHAN PO THUGS RJE'I
MING CAN GYIS SE RA THEG PA CHEN PO'I GLING DU GRUB PAR SBYAR
BA, 'DIS KYANG THUB BSTAN SNYING PO RJE RGYAL BA GNYIS PA BLO
BZANG GRAGS PA'I DPAL

GYI BSTAN PA RIN PO CHE MTHA' DBUS PHYOGS DUS KUN TU DAR ZHING
RGYAS LA YUN RING DU GNAS PAR GYUR CIG  ,AOm SVA STI, 'JAM MGON
BLA MA'I LEGS BSHAD BSAM 'PHEL NOR, ,DRI MED DGONGS 'GREL PHRA
TSOM

GYIS MDZES PA, ,LHAG BSAM RGYAL MTSAN RTZE MOR BSGRENG BA'I
MTHUS, ,'DZAD MED PAR GYI MCHOD SBYIN DENG 'DIR SPEL, ,DE LTA'I
DGE BA GCIG TU DKAR BA DES, ,RGYAL BA GNYIS PA'I LUGS BZANG
'DZAM GLING 'DIR, ,NYIN

BYED 'BUM LTAR GSAL ZHING DE 'DZIN KUN, ,RTAG BRTAN RDO RJE'I
KHAMS SU ZHABS BRTAN SHOG ,KHYAD PAR CHOS 'DI'I RGYU SBYOR LAS
BYED KYIS, ,GTZOS PA'I MKHA' MNYAM LUS CAN MA LUS PA, ,RNAM DAG

@42B LAM BZANG BDAG GIR GZUNG BYAS NAS, ,SKU GSUM GZHAL MED
KHANG DU MYUR BGROD SHOG  (,,CES RGYAL BSTAN GSAL BA'I SGRON ME
'JAM DBYANGS GONG MA'I LUNG GIS DAD PA MKHAN POR BSNGAGS PA ZHAL
SNGA NAS BLO BZANG THUGS RJE NAS

STZAL BA'I KUN GZHI RTZA BA'I DGONGS 'GREL 'DI BZHIN BLO GSAL BA
SPYI SGER RNAMS LA PHAN PA BLA MED DU CHE BAR BRTEN, SHAR PHYOGS
BSTAN PA'I NYIN BYED RJE BTZUN BLA MA BSKAL BZANG BSTAN 'DZIN
DPAL BZANG POS GTZO MDZAD, 'OD ZER SPRUL SKU RIN

PO CHE'I 'DZIN GRVA'I SKYOR DPON TSA SDOR DGE SLONG BSKAL BZANG
YON TAN BKRAS LHUN 'GRON GNYER RGYAL RONG SDE PA BSTAN 'DZIN
BCAS KYI 'DZIN GRVA DANG, LHA BTZUN SPRUL SKU RIN PO CHE SKU
MCHED ZUNG GI 'DZIN GRVA BA RNAMS DANG SKYOR DPON SPOM 'BOR YE

SHES RGYAL MTSAN GYI 'DZIN GRVA, SKYOR DPON RONG PO BLO BZANG
CHOS LDAN GYI 'DZIN GRVA BA SOGS NAS ZHAL 'DEBS CHE CHUNG SNA
TSOGS BYUNG BA RNAMS KYIS GZHI BYAS, SER STOD MKHAN RIN PO CHE
YE SHES RAB BRTAN GYIS PAR SHING SOGS STZAL DON BZHIN

MKHAN ZUR GZHUNG LUGS RAB 'BYAMS PA MKHAS PA'I DBANG PO GRAGS PA
MKHAS GRUB NAS THUGS 'GAN CHE GZHES MDZAD PA'I, PAR BYANG SMON
TSIG ZHIG DGOS ZHES PHEBS DON BZHIN, RANG NYID LA DE LTA BU'I
SPOBS PA MA MCHIS RUNG BKA'

STZAL GYEN LDOG MA NUS PAR SER SMAD SPRUL MING BLO BZANG 'PHRIN
LAS RNAM RGYAL GYIS BRIS PA DZA YANTU,,)  ,,ZAG MED RNAM GROL
'BRAS BU'I RI NE MDZOD, ,THAR 'DOD BLO GSAL BYE BA'I DGA' STON
DU, ,'BAD

MED LHUG POR DBYE BA'I LEGS BSHAD 'DI, ,DAG GSAL DPAR GYI RI MOR
DRANGS PA'I DGES, ,THUB BSTAN BYE BA'I YANG SNYING TZONG KHA
PA'I, ,LUGS BZANG MTHA' YAS PHAN BDE'I DPYID DU RGYAS, ,GANGS

@43A *, ,CAN MGON PO'I 'PHRIN LAS NYI ZLA'I RLABS, ,PHYOGS KYI
'KHOR LOR RDZOGS PAR GDAL GYUR CIG  ,YANGS PA'I NOR 'DZIN MTHO
RIS DGA' TSAL DU, ,BGROD BYED RI MO 'GOD PA'I SKYE RGU KUN,
,PHAN TSUN

BYAMS BRTZE'I MDZA' BAS LAG SBREL TE, ,DGA' BDES MYOS PA'I ZLOS
GAR RTZEN GYUR CIG  ,DMAR SER % MDANGS 'DZIN 'JAM MGON MI YI
GAR, ,BLO BZANG BZHED GZHUNG MA SMAD % RGYA MTSO CHER, ,THOS
% DANG BSAM %

SGOM BSAM 'PHEL NOR % GYI BU'I %, ,GTER BRGYA 'DZAM GLING
% DPAL DU 'DZIN GYUR CIG  ,RGYU SBYOR NYID KYANG DENG NAS
BYANG CHUB BAR, ,MKHAS DANG GRUB PA'I KHYU MCHOG RTEN BZANG
BRGYUD, ,THUB BSTAN YANG SNYING

'JAM MGON LUGS BZANG 'DI, ,NAM YANG MI 'BRAL BYANG CHUB MYUR
THOB SHOG  (,CES PA 'DI YANG DAD STOBS LHAG BSAM GYI RGYAN MDZES
SER SMAD SPOM RA DGE BSHES CHOS MDZAD MKHAS GRUB THUB BSTAN NAS

SER SMAD GRVA TSANG GI MTSAN NYID YIG CHA GSHAM GSAL RNAMS KYI
DPAR BSKRUN DGE BSNGO'I SMON TSIG TU YONGS 'DZIN KHRI BYANG
SPRUL MING PAS SBYAR BA'O,) ,DE YANG SER SMAD MKHAN PO LAS 'DZIN
RGYAL NGAG DBANG THEG MCHOG PAS BSTAN

DON LHAG BSAM THUGS KHUR CHE BZHES BGYIS NGOR DAD GTONG LHAG
BSAM YANGS PA SPOM RA DGE BSHES CHOS MDZAD MKHAS GRUB THUB BSTAN
NAS TSE 'DAS PHA LHA BU TSE RING DANG, BOD LUS GSHEGS

BZHUGS MA NGES PA RGAN DGE BSHES RGYAL MTSAN SH'AKYA DANG, DGE
BSHES NGAG DBANG BSOD NAMS BCAS KYI 'DI PHYI KUN DGE'I DGE RTZER
DMIGS RANG GZHUNG YIG CHA DPAR 'DEBS ZHU BYED DU HIN SGOR CHIG

@43B STONG SUM CU SO BDUN RGYU SBYOR MDZAD PA'I THOG GRVA TSANG
SBUG KHONGS NAS HIN SGOR BDUN BRGYA THAMS PA KHA BSNON MDZAD
STENG NAS DENG DUS KUN PHAN NYER MKHO'I RANG GZHUNG KUN GZHI'I
SPYI DON DANG MTHA'

DPYOD, DON BDUN CU, RTAGS RIGS, GRUB MTHA' BCAS DANG, BSAM GZUGS
SPYI MTHA', DGE 'DUN NYI SHU, DRANG DES RTEN 'BREL MTHA' DPYOD
BCAS KYI DPE BSKRUN LAS BYED ZHU DAG PA GTZANG THUB

BSTAN RIN CHEN DANG, SPOM RA BLO BZANG DNGOS GRUB GNYIS KYIS MA
DPE GZHIR BZUNG THOG ZHU DAG DANG, YIG BRIS PA MI GRANGS BCU
GSUM YOD KHONGS NAS 'DI'I YI GE PA NI DMAR DGE SLONG DKON MCHOG

DPAL LDAN DANG, SPOM RA DGE SLONG GRAGS PA BLO LDAN GNYIS NAS
BRIS SHING, DPAR RTZA BDAG SPROD PA MI NYAG BLO BZANG YON TAN
SOGS LAS BYED 'BREL YOD TSANG MAS RANG KHRI'I ZHU BYAR LHAG BSAM

DANG BAS KHUR DU BLANGS TE SER SMAD GRVA TSANG LAS BYED SPYI
ZUNG GIS, PHYI LO 1969 BOD RGYAL 2096 LO SA BYA ZLA 3 YAR TSES
LA GONG GSAL YIG CHA LE'U TSAN RE RER GRANGS 200 RE RDO DPAR GYI
LAM NAS DPAR 'DEBS LEGS

BSGRUBS ZHUS PA'I DGE BAS YAB RJE 'JAM DPAL SNYING PO'I BSTAN PA
GSER ZHUN LTA BU 'DI NYID PHYOGS KYI MU KHYUD KUN TU DAR ZHING
RGYAS LA YUN RING DU GNAS PA'I RGYUR GYUR CIG  ,,