@1A *, ,YID DANG KUN GZHI'I DKA' GNAD RGYA CHER 'GREL GYI GNAD DON GSAL BAR BYED PA'I MTHA' DPYOD PADMA DKAR PO'I 'PHRENG BA BLO GSAL MGUL RGYAN ZHES BYA BA BZHUGS SO,, ,, @1B #, ,NA MO GU RU MANYDZU GHO shA YA, RMAD BYUNG NYI MA'I RIGS KYI THIG LE GANG, ,DZAMBU'I GSER GYI LHUN POR SMIN PA'I SKU, ,STOBS BCU MI 'JIGS BZHI YI DPAL 'BAR BA'I, ,MNYAM MED SH'AKYA'I RGYAL POR PHYAG BGYI'O, ,LUNG RTOGS YON TAN STOBS KYI 'KHOR LO'I KHYON, ,GDUL BYA'I GLING BZHIR BSGYUR DANG LHAN CIG TU, ,BYANG CHUB PHYOGS KYI RGYAL SRID MNGA' THANG CHES, ,SRID ZHI'I DPAL SKYONG MI PHAM MGON LA 'DUD, ,MANG THOS GSER GYI DRA BAS LUS MDZES SHING, ,RNAM DPYOD SO SO RIG BZHI'I RKANG PA YIS, , RGYAL GSUNG NAM MKHA'I PHA MTHA' GZHAL BA LA, ,MCHOG GYUR THOGS MED YAB SRAS PHYAG GI YUL, ,RGYAL BA KUN GYI PHUL BYUNG MKHYEN PA'I CHA, ,MI ZAD RGYAN GYI 'KHOR LOR YONGS BSDOMS PA'I, ,'JAM MGON LHAG PA'I LHA GANG NGUR SMRIG GI ,RNAM PAR ROL BA TZONG KHA PA LA 'DUD, ,RNAM RIG GZHUNG GI DKA' GNAD YONGS 'DUS PA'I, ,YID @2A #, ,DANG KUN GZHI'I RNAM BSHAD NAM MKHA'I NOR, ,'JAM MGON GSUNG GSANG CHU GTER LAS 'THON TE, ,MKHAS MANG BYE BA'I DPAL DU SHAR BAR GYUR, ,RGYAL KUN BLO GROS 'KHYIL BA'I BUM BZANG LAS, ,LEGS BSHAD YONGS SU BLTAMS PA'I GRAGS PA'I DPAL, ,SNYING GI ZE 'BRUR SON PAS GNAD GROL BA'I, ,THAL PHRENG PADMA DKAR PO'I DO SHAL 'GOD; ;'DIR RGYAL BA KUN GYI THUGS RJE DANG MKHYEN RAB GCIG TU BSDUS PA'I NGO BO RJE BLA MA TZONG KHA PA'I GSUNG YID DANG KUN GZHI'I DKA' GNAD RGYA CHER 'GREL GYI GNAD DON GSAL BAR BYED PA'I MTHA' DPYOD PADMA DKAR PO'I DO SHAL ZHES BYA BA 'GOD PAR, THOG MAR, ` MTSAN NYID GNYIS LAS KUN GZHI NI, ZHES SOGS KYI SKABS SU, KUN GZHI'I MTSAN NYID GTAN LA DBAB PA LA RNAM SMIN GYI KUN GZHI'I MTSAN NYID DANG, SA BON GYI KUN GZHI'I MTSAN NYID GTAN LA DBAB TSUL MI 'DRA BA GNYIS SU YOD DE, KUN GZHI @2B LA RNAM SMIN GYI KUN GZHI DANG SA BON GYI KUN GZHI GNYIS SU DBYE RIGS PA'I PHYIR, 'DI'I SKABS SU MTHA' DPYAD PA LA, KHA CIG GIS, SA BON GYI KUN GZHI DE KUN GZHI'I DBYE CHOS SU 'JOG PA MI 'THAD PAR THAL, DE KUN GZHI DNGOS MA YIN GYI KUN GZHI BTAGS PA BA YIN PA'I PHYIR DANG, KUN GZHI DANG RNAM SMIN GYI KUN GZHI GNYIS DON GCIG YIN PA'I PHYIR ZER NA, MI 'THAD DE, SA BON GYI KUN GZHI DE KUN GZHIR 'DOD PA LA GNOD BYED MED CING SGRUB BYED YANG DAG YOD PA GANG ZHIG ,DE LTAR MI 'DOD PA LA GNOD BYED YOD CING SGRUB BYED YANG DAG MED PA'I PHYIR, DANG PO DER THAL, KUN GZHI ZHES PA'I DON NYON YID KYIS BDAG TU SBYOR BA'I GZHI YIN PA TZAM MAM SA BON KUN GNAS PA'I GZHI YIN PA TZAM LA BYED MI RIGS PA'I PHYIR, MA KHYAB NA SLA, DER THAL, DE'I DON SPYIR CHOS KUN SBYOR BA LA 'JOG CING, ,DE LA'ANG CHOS DE KUN NYON GYI CHOS KUN GYI RGYU'I DNGOS POR SBYOR BA'AM KUN NYON GYI CHOS KUN CHOS DE'I 'BRAS BU'I DNGOS POR SBYOR BA'I CHA NAS 'JOG PA DANG, YANG CHOS DE NYON YID KYIS BDAG TU SBYOR BA'I CHA NAS 'JOG PA GNYIS LAS SA BON GYI KUN GZHI DE DANG PO DANG RNAM SMIN GYI KUN GZHI DE GNYIS PAR 'JOG PA'I PHYIR; ;DE LTAR YANG KUN GZHI DKA' 'GREL LAS, KUN GZHI SA BON GYI CHA DE LA CI'I PHYIR KUN GZHI ZHES BYA ZHE NA, ZHES PA NAS, SPYIR KUN GZHI ZHES 'BYUNG BA'I DON NI 'DIR CHOS KUN SBYOR BA'I PHYIR YIN LA, BYE BRAG TU KUN GZHI SA BON GYI CHA LA KUN GZHI ZHES PA NI, TSOGS BDUN KYIS BSDUS PA 'AM, NYON MONGS PA DANG LAS DANG SKYE BA'I KUN NAS NYON MONGS PA'I CHOS RNAMS KYI RGYU'I RKYEN YIN PAS DE DAG 'DI'I 'BRAS BU 'DIR SBYOR BA 'AM, YANG KUN GZHI DE NYID @3A *, ,CHOS DE DAG GI RGYU'I DNGOS POR 'DIR SBYOR BA'I PHYIR KUN GZHI'O, ,KUN GZHI RNAM SMIN GYI CHA NI 'GRO BA LNGA'I SEMS CAN KUN 'DIR NYON YID KYIS BDAG TU SBYOR BA'I PHYIR KUN GZHI'O, ,ZHES THEG BSDUS KYI LUNG KHUNGS SU MDZAD NAS GSUNGS PA'I PHYIR, GZHAN YANG, KUN GZHI SA BON GYI CHA DE KUN GZHI YIN PAR THAL, DE KUN GZHIR 'JOG BYED YOD PA'I PHYIR, DER THAL, KUN GZHI'I 'JOG BYED LA KUN GZHI SA BON GYI CHA KUN GZHIR 'JOG PA'I 'JOG BYED DANG KUN GZHI RNAM SMIN GYI CHA KUN GZHIR 'JOG PA'I 'JOG BYED GNYIS YOD PA'I PHYIR, DER THAL, KUN GZHI SA BON GYI CHA DE KUN NYON GYI CHOS KUN RANG GI 'BRAS BU'I DNGOS POR SBYOR BA'AM RANG NYID KUN NYON GYI CHOS KUN GYI RGYU'I DNGOS POR SBYOR BA'I GZHI YIN PAS NA KUN GZHIR 'JOG PA DANG, KUN GZHI RNAM SMIN GYI CHA DE 'GRO BA LNGA'I SEMS CAN KUN NYON YID KYIS BDAG TU SBYOR BA'I GZHI YIN PAS NA KUN GZHIR 'JOG PA'I PHYIR, DER THAL, RGYU MTSAN DE'I PHYIR, DBANG THOB PA'I SA BRGYAD PA BA YAN CHAD DANG, NYAN RANG DGRA BCOM PA RNAMS KYI RGYUD LA KUN GZHIR 'JOG BYED GNYIS PO GANG YANG MED PAS KUN GZHI SA BON GYI CHA DANG RNAM SMIN GYI CHA GNYIS KA MED PAR BSHAD PA'I PHYIR TE, DKA' 'GREL LAS, KUN NAS NYON MONGS CHOS THAMS CAD, ,RGYU 'AM 'BRAS BU'I DNGOS PO RU, ,SBYOR BA'I PHYIR NA KUN GZHI'O, ,DE'I PHYIR DBANG THOB DGRA BCOM LA, ,KUN GZHI YOD PA MA YIN TE, ,'JOG BYED GNYIS PO MED PHYIR RO, ,ZHES DANG, DE'I DON 'GREL BA NA, GANG GI PHYIR KUN NAS NYON MONGS PA'I CHOS RNAMS 'BRAS BU'I DNGOS POR RAM, SA BON GYI KUN GZHI DE NYID DE DAG GI RGYU'I DNGOS POR SBYOR BA'I PHYIR DANG, NYON YID @3B KYI BDAG TU SBYOR BA'I PHYIR NA KUN GZHIR BZHAG PA DE'I PHYIR, DBANG THOB PA'I BYANG CHUB SEMS DPA' SA BRGYAD PA YAN CHAD DANG, NYAN THOS DANG RANG SANGS RGYAS DGRA BCOM PA RNAMS LA BYE BRAG TU KUN GZHI SA BON GYI CHA MED LA SPYIR KUN GZHI RNAM SHES MED DE, NYON MONGS PA MA LUS PAR SPANGS PAS KUN GZHI'I 'JOG BYED GNYIS PO GANG YANG MED PA'I PHYIR RO, ,ZHES GSUNGS PA'I PHYIR, GNYIS PA DER THAL, SA BON GYI KUN GZHI KUN GZHIR MI 'DOD PA LA DRANGS MA THAG PA'I LUNG RNAMS KYIS GNOD PA'I PHYIR, DE LA KHA CIG ,LUNG DE'I DON SA BON GYI KUN GZHI LA KUN GZHI'I SGRA BSHAD PA TZAM GYI DON YIN ZER NA, 'O NA GZHUNG GZHAN DANG DRANGS MA THAG PA'I LUNG SOGS GONG 'OG TU SA BON GYI KUN GZHI LA KUN GZHI SA BON GYI CHA DANG RNAM SMIN GYI KUN GZHI LA KUN GZHI RNAM SMIN GYI CHA ZHES YANG YANG GSUNGS PA'I GO DON MA GRUB PAR THAL, DE'I GO DON KUN GZHI LA SA BON GYI CHA DANG RNAM SMIN GYI CHA GNYIS SU PHYE BA'I DON MA YIN PA'I PHYIR, MA GRUB NA DNGOS SU 'GAL, MA KHYAB NA, 'O NA, KUN GZHI SA BON GYI CHA DANG KUN GZHI RNAM SMIN GYI CHA GNYIS PO DE LA DE DANG DE'I CHA ZHES RANG BZHIN TSIG GIS BRJOD PA TZAM LAS DE GNYIS GANG LAS PHYE BA'I PHYE SA'I CHA CAN GZHI MA GRUB PAR THAL, KUN GZHI DE LTAR MA YIN PA'I PHYIR, RTAGS DNGOS, MA KHYAB NA SLA, GAL TE 'DOD NA, SHES BYA KUN RDZOB BDEN PA'I CHA DANG SHES BYA DON DAM BDEN PA'I CHA GNYIS PO DE YANG CHA CAN SHES BYA LAS PHYE BA MA YIN PAR THAL, DE GNYIS GANG LAS PHYE BA'I CHA CAN GZHI MA GRUB PA'I PHYIR, DER THAL, KHYOD KYI GONG GI 'DOD PA DE'I PHYIR, MA KHYAB NA NANG 'GAL LO, @4A *, ,SNGA MA LA 'DOD NA, CHA CAN SHES BYA LA DE 'DRA'I CHA GNYIS SU DBYE MI RIGS PAR THAL LO, ,'DOD NA, LUNG RIGS KYI SGRUB BYED DANG RTAG MI RTAG GI CHA SOGS LA SBYAR NAS SPROS SLA BAS 'DIR DE TZAM LAS MA BRIS SO, ,YANG 'DIR KHA CIG ,KUN GZHI LA SA BON GYI CHA DANG RNAM SMIN GYI CHA GNYIS SU MI PHYE YANG SPYIR KUN GZHI SA BON GYI CHA DANG KUN GZHI RNAM SMIN GYI CHA GNYIS YOD ZER BA SRID PA NI GZHI SHA PA'I KHAMS DANG MA PHRAD PA'I SHING BAL DE CUNG ZAD GNAS PA TZAM SRID MOD KYANG GANG LAS PHYE BA'I GZHI CHA CAN NAM MKHA'I PADMO LA 'DAB MA'I CHA DU MA 'BYED PA'I SPROS PA DE NI MKHAS PA DGYES PA'I P'U DZAR STAR RGYU SMRA BA MI MDZES SO SNYAM MO, ,YANG KHA CIG ,KUN GZHI LA SA BON GYI CHA YOD KYANG DE KUN GZHI YIN MI DGOS TE, DPER NA, BUM PA LA LTO LDIR BA'I CHA DANG ZHABS ZHUM PA'I CHA SOGS YOD KYANG DE DAG BUM PA YIN MI DGOS PA LTA BU YIN PA'I PHYIR ZER NA, 'O NA; KUN GZHI CHOS CAN, KHYOD LA RNAM SMIN GYI SA BON GYI CHA YOD PAR THAL, 'DOD PA'I PHYIR, 'DOD NA, DE CHOS CAN, KHYOD LA 'BRAS BUR RNAM PAR MA SMIN PA'I CHA CIG YOD PAR THAL, KHYOD LA RNAM SMIN GYI SA BON GYI CHA YOD PA GANG ZHIG ,DE 'BRAS BUR RNAM PAR MA SMIN PA'I CHA LA 'JOG DGOS PA TSAD LDAN GYI GZHUNG LAS BSHAD PA'I PHYIR, 'DOD MI NUS TE, 'BRAS BUR RNAM PAR SMIN ZIN PA'I CHA YIN PA'I PHYIR, DER THAL, RNAM SMIN YIN PA'I PHYIR, DER THAL, KUN GZHI RNAM SMIN GYI CHA YIN PA'I PHYIR TE, KUN GZHI RNAM SHES YIN PA'I PHYIR, RTAGS KHYAB DNGOS, GZHAN YANG, DE CHOS CAN, KHYOD LA ZAG MED KYI CHA YOD PAR THAL, KHYOD LA @4B ZAG MED KYI SA BON GYI CHA YOD PA'I PHYIR, DER THAL, KHYOD LA KUN BYANG GI SA BON THAMS CAD KYI CHA YOD PA'I PHYIR, DER THAL, KHYOD KYI STENG DU KUN BYANG GI SA BON THAMS CAD YOD PA'I PHYIR, MA KHYAB NA, 'GAL BAR 'GYUR BAS SGRUB TSUL SLA'O, ,GZHAN YANG, RNAM SMIN GYI KUN GZHI LA SA BON GYI CHA YOD PAR THAL, KUN GZHI LA DE LTAR YOD PA GANG ZHIG ,KUN GZHI DANG RNAM SMIN GYI KUN GZHI DON GCIG YIN PA'I PHYIR, RTAGS RE RE NAS KHAS, 'DOD NA, DE LA RNAM SMIN YIN MIN GYI CHA GNYIS YOD PAR THAL, DE LA RNAM SMIN GYI SA BON GYI CHA YOD PA'I PHYIR TE, DE LA SA BON GYI CHA YOD PA'I PHYIR, RTAGS KHAS, DE DAG NI RIGS PA'I 'GROS TZAM BKOD PA YIN GYI 'ON KYANG KUN GZHI RNAM SHES LA KUN BYANG GI SA BON YOD MED SOGS PHYOGS GNYIS KAR BRDOR BA'I CHU LON GYI DPYAD PA 'DIR DGOS PA CHUNG BAS MA BRIS SO, ,DER MA ZAD GZHAN YANG, SA BON GYI KUN GZHI DE KUN GZHI MA YIN PAR 'DOD PA DE MI 'THAD PAR THAL, RNAM SMIN GYI KUN GZHI DANG SA BON GYI KUN GZHI ZHES PA'I THA SNYAD YANG GZHI MTHUN BSDU BA'I SGRAR BYAS NAS RNAM SMIN YANG YIN KUN GZHI YANG YIN PAS NA RNAM SMIN GYI KUN GZHI DANG, SA BON YANG YIN KUN GZHI YANG YIN PAS NA SA BON GYI KUN GZHI ZHES BSHAD PA YIN PA'I PHYIR TE, THA SNYAD DE'I GO DON GZHAN DU 'JOG TU MED PA'I PHYIR, ` ,DE LA RTEN GYUR KUN GZHI NI; ZHES SOGS KYI SKABS SU, SA BON GYI RTEN DU GYUR PA'I KUN GZHI RNAM SHES CHOS CAN, KHYAD PAR BZHI DANG LDAN TE, DMIGS PA'I KHYAD PAR DBANG DON BAG CHAGS GSUM LA DMIGS PA DANG, RNAM PA'I KHYAD PAR @5A *, ,DE DAG SNANG YANG 'DI DANG 'DI ZHES NGES PA 'DREN MI NUS PAS MI GSAL BA DANG, NGO BO'I KHYAD PAR MA BSGRIBS LUNG MA BSTAN DANG, GROGS KYI KHYAD PAR KUN 'GRO LNGA KHO NA DANG MTSUNGS PAR LDAN PA'I PHYIR; 'DI'I SKABS SU DMIGS RNAM LA MTHA' DPYAD PA LA, DGAG BZHAG SPONG GSUM LAS, DANG PO LA, KHA CIG ,DBANG DON BAG CHAGS GSUM PO GANG RUNG YIN NA, KUN GZHI RNAM SHES KYI DMIGS PA YIN PAS KHYAB ZER NA, NYON MONGS MNGON GYUR BA SPANGS PA'I GANG ZAG GI RGYUD KYI MIG DBANG CHOS CAN, DER THAL, DE'I PHYIR, 'DOD NA, DE'I SNANG BA'I DMIGS PA YIN PAR THAL, 'DOD PA GANG ZHIG ,DE'I RGYU'I DMIGS PA MA YIN PA'I PHYIR, 'DOD NA, KUN GZHI'I RNAM SHES KYI STENG GI BAG CHAGS SAD PA'I SNANG BA YIN PAR THAL, 'DOD PA'I PHYIR, KHYAB STE, YID SHES KYIS SGRO BTAGS PA'I YUL RNAMS DE'I DMIGS PAR MI 'JOG PA'I RGYU MTSAN YOD PA'I PHYIR, GZHAN YANG, DE CHOS CAN, KUN GZHI RNAM SHES RGYUD LDAN GYI GANG ZAG GI RGYUD KYI MIG DBANG YIN PAR THAL, DE'I DMIGS PAR GYUR PA'I MIG DBANG YIN PA'I PHYIR, KHYAB STE, KUN GZHI RNAM SHES KYI DMIGS PAR GYUR PA'I MIG DBANG YIN NA, DE DANG LUS RTEN GCIG GI RGYUD LA KUN GZHI RNAM SHES DANG DUS MNYAM LHAN CIG TU 'JUG PA ZHIG DGOS PA'I PHYIR, DER THAL, KUN GZHI RNAM SHES KYI DNGOS KYI DMIGS PAR GYUR PA'I DBANG PO YIN NA, DBANG PO SEMS LDAN YIN PAS KHYAB PA GANG ZHIG ,DE LTAR KHYAB PAR 'DOD PA'I RGYU MTSAN YOD PA'I PHYIR, DANG PO 'OG TU SGRUB, GZHAN YANG, DE'I RGYUD KYI MIG SHES KYI @5B GZUNG CHA THUN MONG MA YIN PA'I GZUGS CHOS CAN, DER THAL, DE'I PHYIR, 'DOD NA, SGRUB BYED GONG DANG MTSUNGS, GZHAN YANG, DE CHOS CAN, KHYOD KUN GZHI RNAM SHES LA MI SNANG BAR THAL, KHYOD DE'I RGYUD KYI MIG SHES DANG BDAG NYID GCIG PA'I PHYIR DANG, CHOS CAN DE YIN PA'I PHYIR, DES DBANG DON GZHAN RNAMS LA'ANG MTSON NO, ,GZHAN YANG, DE'I RGYUD KYI DGE BA'I MNGON BRJOD KYI BAG CHAGS CHOS CAN, DER THAL, DE'I PHYIR, DER THAL, DE YOD PAR DON GSANG LAS BSHAD PA'I PHYIR, 'DOD NA, DE DE'I RGYU'I DMIGS PA YIN PAR THAL, 'DOD PA'I PHYIR, 'DOD NA, DE CHOS CAN, KHYOD KYI DBANG GIS KUN GZHI RNAM SHES NYID DBANG DON LUS GSUM PO GANG RUNG DU SNANG BA'AM SNANG RUNG GANG RUNG YIN PAR THAL, 'DOD PA'I PHYIR, 'DOD MI NUS TE, KUN GZHI SPANGS PA'I GANG ZAG GI RGYUD KYI CHOS YIN PA'I PHYIR, KHA CIG ,KUN GZHI RNAM SHES KYI DMIGS PA YIN NA, RGYUD KYIS BSDUS PAS KHYAB ZER NA, DE'I DMIGS PAR GYUR PA'I PHYI SNOD KYI 'JIG RTEN CHOS CAN, DER THAL, DE'I PHYIR, DER THAL, DE YOD PA'I PHYIR TE, BSDU BA LAS, MDOR BSDU NA KUN GZHI RNAM PAR SHES PA NI DMIGS PA RNAM PA GNYIS KYIS 'JUG STE, NANG GI LEN PA RNAM PAR RIG PA DANG, PHYI ROL GYI SNOD RNAM PA YONGS SU MA CHAD PAS SO, ,ZHES PA DANG, SUM CU PA LAS, DE NI LEN PA DAG DANG GNAS, RNAM PAR RIG PA, ZHES KUN GZHI RNAM SHES DE NI NANG GI LEN PA MNGON BRJOD KYI BAG CHAGS DANG KHOG RTEN DANG BCAS PA'I RNAM RIG GNYIS PO DAG DANG, PHYI'I GNAS SNOD KYI RNAM RIG RNAMS LA DMIGS PAR GSUNGS PA'I PHYIR, KHA CIG ,KUN @6A *, ,GZHI'I RNAM SHES KYI DMIGS PA YIN NA, DBANG DON BAG CHAGS GSUM PO GANG RUNG YIN PAS KHYAB ZER NA, DE'I DMIGS PAR GYUR PA'I MING GZHI'I PHUNG PO CHOS CAN, DER THAL, DE'I PHYIR, DER THAL, DE YOD PA'I PHYIR TE, DE'I DMIGS PA LA NANG GI LEN PA DANG PHYI'I GNAS SNOD GNYIS LAS NANG GI LEN PA LA MNGON BRJOD KYI BAG CHAGS DANG, KHOG RTEN DANG BCAS PA'I DBANG PO'I GZUGS DANG MING GZHI'I PHUNG PO DAG TU YOD PA'I PHYIR TE, SUM CU PA'I 'GREL PA BLO BRTAN GYIS MDZAD PA LAS, DE NI LEN PA DAG DANG GNAS, ,ZHES PA'I DON 'CHAD PA NA, DE LA NANG GI NYE BAR LEN PA NI, KUN BTAGS PA'I NGO BO NYID LA MNGON PAR ZHEN PA'I BAG CHAGS DANG, GNAS DANG BCAS PA'I DBANG PO'I GZUGS DANG MING NGO, ,ZHES GSUNGS PA'I PHYIR, GZHAN YANG, GZUGS MED KYI KUN GZHI RNAM SHES KYI DMIGS PA YIN NA, BAG CHAGS YIN PAS KHYAB PAR THAL, 'DOD PA GANG ZHIG ,DE'I DMIGS PAR GYUR PA'I DBANG DON GNYIS PO GANG YANG MED PA'I PHYIR, 'DOD NA, 'OG TU 'GOG TSUL GYIS SHES PAR BYA'O, ,KHA CIG ,KUN GZHI RNAM SHES KYI DMIGS PAR GYUR PA'I DBANG PO YIN NA, DBANG PO SEMS LDAN YIN PAS KHYAB ZER NA, NYAN THOS MTHONG LAM BAR CHAD MED LAM PA'I RGYUD KYI MIG DBANG CHOS CAN, DER THAL, DE'I PHYIR, DER THAL, DE DE'I RGYUD KYI KUN GZHI'I RNAM SHES KYI DMIGS PA YIN PA'I PHYIR, DER THAL, DE DE'I SNANG BA'I DMIGS PA YIN PA'I PHYIR, DE DE LA SNANG BA'I PHYIR, DER THAL, DE GZUGS SU GRUB PA YIN LA, ,DE GZUGS SU GRUB PA'I CHA DE YANG GANG ZAG RANG GI NANG GI SHES PA LA @6B GZUGS SU SNANG BA TZAM LAS MA GTOGS PA'I PHYI ROL NAS GRUB PA'I GZUGS MED PA GANG ZHIG ,DE'I RGYUD LA RNAM SHES TSOGS DRUG MED CING, DE'I RGYUD GYI BDUN YID LA DE SNANG MI NUS PA'I PHYIR, DANG PO DER THAL, GZUGS CAN GYI KHAMS 'OG MA GNYIS NA GZUGS KYI 'DU SHES YOD PA DANG, GZUGS CAN GYI SA PAR 'JOG PA'I DON YANG NANG GI SHES PA LA DBANG DON SOGS GZUGS SU SNANG BA TZAM LAS PHYI ROL DON DU MA GRUB PAR 'JOG PA GANG ZHIG ,DE'I MIG DBANG DE GANG ZAG DE DANG LUS RTEN THA DAD PA'I GANG ZAG GI SHES PA LA GZUGS SU SNANG BA TZAM LAS PHYI ROL DON DU GRUB PAR 'JOG PA MA YIN PA'I PHYIR, DANG PO DER THAL, BSHAD SBYAR LAS; NYI MA ZLA BA SA RLUNG DANG, ,PHYOGS DANG RGYA MTSO 'BAB CHU RNAMS, ,NANG GI BYED PA DAG GI NI, ,CHA YIN PHYI ROL 'DRA BAR GNAS, ,ZHES PA DANG, DKA' 'GREL LAS, KHAMS 'OG MA GNYIS NA 'ANG SHES PA LA GZUGS SU SNANG BA TZAM LAS MA GTOGS PA'I PHYI ROL GYI GZUGS MA GRUB PA'I PHYIR, ZHES GSUNGS PA'I PHYIR, GONG DU 'DOD MI NUS TE, DE'I RGYUD LA MIG SHES MED PA'I PHYIR, DE BZHIN DU SEMS MED PA'I GNYID DANG, SEMS MED PA'I BRGYAL BA DANG, 'DU SHES MED PA DANG 'DU SHES MED PA'I SNYOMS 'JUG LA GNAS PA DANG, 'GOG SNYOMS LA GNAS PA TE SEMS MED LNGAR GRAGS PA'I SKABS KYI MIG SOGS DBANG PO LNGA DANG, GZUGS KHAMS PA'I SNA LCE'I DBANG PO SOGS KHAMS 'OG MA GNYIS LA RANG RANG GI RNAM SHES MI RGYU PA'I SKABS KYI DBANG PO RNAMS KYIS MTSON NAS SGRUB TSUL SHES PAR BYA'O, ,KHA CIG ,KUN GZHI'I RNAM SHES KYI DMIGS @7A *, ,PAR GYUR PA'I GNAS KYI RNAM RIG YIN NA, PHYI SNOD KYI RNAM RIG YIN PAS KHYAB ZER NA, DE'I DMIGS PAR GYUR PA'I DBANG RTEN KHOG PA CHOS CAN, DER THAL, DE'I PHYIR, DER THAL, DE YOD PA'I PHYIR, MA KHYAB NA 'OG TU SGRUB, MA GRUB NA, DER THAL, DE'I DMIGS PA LA NANG LEN PA'I RNAM RIG DANG PHYI SNOD KYI RNAM RIG GNYIS, DANG PO LA'ANG NYE BAR LEN PA PO MNGON BRJOD KYI BAG CHAGS DANG, NYE BAR BLANG BYA DBANG PO KHOG RTEN DANG BCAS PA GNYIS YOD PA'I PHYIR, DER THAL, KUN BTUS 'GREL CHEN LEGS BSHAD RGYA MTSO LAS, KUN GZHI RNAM PAR SHES PA'I DMIGS PA DE YANG GZUGS CAN GYI KHAMS NI GNYIS LA 'JUG STE, 'DI LTAR NANG LEN PA'I RNAM PAR RIG PA DANG, PHYI SNOD KYI RNAM PAR RIG PA'O, ,DANG PO LA'ANG KUN BTAGS LA ZHEN PA'I BAG CHAGS DANG, GNAS DANG BCAS PA'I DBANG PO GZUGS CAN GNYIS YIN LA, DE LA DANG PO NI 'DIS DBANG PO DANG BCAS PA'I GZUGS LEN PAR BYED PAS LEN PA ZHES BYA LA, GNYIS PA NI BLANG BAR BYA BA YIN PAS LEN PA'O, ,ZHES GSUNGS PA'I PHYIR, GONG GI MA KHYAB MTSAMS LA, DE GNAS KYI RNAM RIG YIN PAR THAL, DRANGS MA THAG PA'I LUNG DE'I PHYIR, YANG KHA CIG ,DE 'DRA'I DBANG RTEN KHOG PA DE, ,DE NI LEN PA DAG DANG GNAS, ,ZHES PA'I GNAS KYI RNAM RIG YIN PAR THAL, SUM CU PA'I 'GREL PA BLO BRTAN GYIS MDZAD PA LAS, YANG NA NYE BAR LEN PAS NA LEN PA'O, ,GNAS NI LUS SO, ,DE YANG GNAS DANG BCAS PA'I DBANG PO GZUGS CAN DANG MING NGO, ,ZHES GSUNGS PA'I PHYIR ZER @7B NA; MI 'THAD DE, DE DANG MNGON BRJOD KYI BAG CHAGS GNYIS KA DE'I SKABS KYI LEN PA'I RNAM RIG YIN PA'I PHYIR DANG, DE'I SKABS KYI GNAS KYI RNAM RIG DE SNOD KYI RNAM RIG LA BYED RIGS PA'I PHYIR, DANG PO DER THAL, LEN PA DAG DANG, ZHES GNYIS TSIG SMOS PA'I DON YOD PA'I PHYIR, KHA CIG ,DE'I DMIGS PAR GYUR PA'I DON GYI RNAM RIG YIN NA, PHYI SNOD KYI RNAM RIG YIN PAS KHYAB ZER NA, DE'I DMIGS PAR GYUR PA'I NANG GI DON LNGA PO CHOS CAN, DER THAL, DE'I PHYIR, RTAGS GSAL SGRUB TSUL SLA, KHA CIG ,DE'I DMIGS PA YIN NA, DE'I SNANG BA'I DMIGS PA YIN PAS KHYAB ZER NA, DE'I DMIGS PAR GYUR PA'I MNGON BRJOD KYI BAG CHAGS CHOS CAN, DER THAL, DE'I PHYIR, RTAGS GRUB CING 'DOD MI NUS TE, DE KUN GZHI RNAM SHES LA SNANG BA'I SGO NAS DE'I YUL DU MI 'GYUR YANG DE'I NUS PA BRTAS PA'I DBANG GIS KUN GZHI RNAM SHES NYID GNAS DON LUS GSUM DU SNANG BA'AM SNANG BAR 'GYUR BAS NA RGYU'I DMIGS PAR 'JOG PA'I KHYAD PAR 'THAD PA'I PHYIR TE, DKA' 'GREL LAS, SA BON GYI, ,DBANG GIS GNAS DON LUS SU NI, ,SNANG PHYIR DMIGS PA DAG TU 'DOD, ,CES SOGS RTZA 'GREL GYIS GRUB PA'I PHYIR, KHA CIG ,DE'I DMIGS PAR GYUR PA'I BAG CHAGS YIN NA, MNGON BRJOD KYI BAG CHAGS YIN PAS KHYAB ZER NA, DE MI 'THAD PAR THAL, BDAG LTA'I BAG CHAGS DANG SRID PA'I YAN LAG GI BAG CHAGS GNYIS PO DE DE'I DMIGS PA YIN PA'I PHYIR, DER THAL, DE GNYIS KUN GZHI RNAM SHES LA DNGOS SU MI SNANG YANG DANG PO'I NUS PA BRTAS PA'I DBANG @8A *, ,GIS KUN GZHI RNAM SHES NYID BDAG DANG GZHAN DU SNANG BA'I RNAM RIG BAR PA GNYIS 'BYUNG BA DANG PHYI MA'I NUS PA RGYAS PA'I DBANG GIS KUN GZHI RNAM SHES NYID BDE 'GRO DANG, NGAN 'GRO DANG, 'CHI 'PHO BA DANG, SKYE BAR SNANG BA'I RNAM RIG PHYI MA BZHI 'BYUNG BAR THEG BSDUS LAS BSHAD PA'I PHYIR, KHYAB STE, MNGON BRJOD KYI BAG CHAGS DE KUN GZHI RNAM SHES LA DNGOS SU MI SNANG YANG DE'I NUS PA BRTAS PA'I DBANG GIS KUN GZHI RNAM SHES NYID LUS DANG LUS CAN GYI RNAM RIG NAS THA SNYAD PA'I BAR SNANG BA'I RNAM RIG DANG PO DGU 'BYUNG BAS NA DE'I DMIGS PAR 'JOG PA'I PHYIR, DER THAL, DE LTAR GNAS DON LUS GSUM DU SNANG BA'I RNAM RIG 'BYUNG BAS NA DE'I DMIGS PAR 'JOG PA GONG DU DRANGS PA'I LUNG GIS SGRUB PA'I PHYIR, DE'I RGYU MTHUN GYI BAG CHAGS LA'ANG DPYOD TSUL RIGS BSGRE'O, ,KHA CIG GZUGS MED KYI KUN GZHI RNAM SHES KYI DMIGS PA YIN NA, BAG CHAGS YIN PAS KHYAB ZER NA, 'O NA, DE'I SNANG BA'I DMIGS PA MED PAR THAL, 'DOD PA GANG ZHIG ,BAG CHAGS KUN GZHI RNAM SHES LA MI SNANG BA DKA' 'GREL LAS BSHAD PA'I PHYIR, 'DOD NA, KUN GZHI RNAM SHES DE 'DOD PA NA RGYU CHUNG NGU'I DMIGS PA CAN YIN PA NAS SRID RTZE NA RGYU SHIN TU PHRA BA'I RNAM PA CAN DU GSUNGS PA MI 'THAD PAR THAL, DE LTAR 'THAD NA DE'I DON YUL SNANG BA'I RGYU CHE CHUNG DANG PHRA BA DANG SHIN TU PHRA BA YOD PA'I RIG PA'I SGO NAS 'JOG PA YIN GYI, BAG CHAGS DE'I DMIGS PAR 'JOG PA'I SGO NAS DE LTAR 'JOG TSUL MED PA'I PHYIR, 'DOD MI NUS TE; BSDU BA LAS, KUN GZHI RNAM PAR SHES PA DE YANG 'DOD PA'I KHAMS NA NI RGYU CHUNG NGU'I DMIGS PA CAN DU BRJOD PAR BYA'O, ,GZUGS KYI KHAMS NA NI RGYU CHEN POR GYUR PA'I DMIGS PA CAN NO, ,GZUGS MED @8B PA'I KHAMS NA NAM MKHA' MTHA' YAS SKYE MCHED DANG RNAM SHES MTHA' YAS SKYE MCHED NA NI RGYU TSAD MED PA'I DMIGS PA CAN NO, ,CI YANG MED PA'I SKYE MCHED NA NI RGYU PHRA BA'I DMIGS PA CAN NO, ,'DU SHES MED 'DU SHES MED MIN GYI SKYE MCHED NA NI RGYU SHIN TU PHRA BA'I RNAM PA CAN DU BLTA BAR BYA'O, ,ZHES GSUNGS PA'I PHYIR, GZHAN YANG, DE'I SNANG BA'I DMIGS PA YOD PAR THAL, DE'I GZUNG CHA'I DMIGS PA YOD PA'I PHYIR, DER THAL, GZUGS MED DANG PO GNYIS KYI KUN GZHI RNAM SHES DE GZUNG CHA TSAD MED PA'I DMIGS PA CAN DU SKYE BA DANG, GZUGS MED PHYI MA GNYIS SU RIM PA BZHIN GZUNG CHA PHRA BA DANG SHIN TU PHRA BA'I RNAM PA CAN DU SKYE ZHING, DE LTAR SKYE BA'I RGYU RKYEN YANG SO SO GRUB PA SOGS YIN PA'I PHYIR, DER THAL, RJE RED MDA' BA'I KUN BTUS 'GREL CHEN LAS, 'DI LTAR KUN BTAGS PA'I RGYU'I RKYEN DANG, NAM MKHA' MTHA' YAS SKYE MCHED LA SOGS PA'I SNYOMS 'JUG GIS BSGRUBS PA'I MI G-YO BA'I LAS KYI BDAG RKYEN LAS GZUGS MED BZHIR SKYES PA'I RNAM PAR SRID PA'I RNAM PAR SHES PA RNAMS DANG PO GNYIS SU NI GZUNG CHA TSAD MED PA'I DMIGS PA CAN DANG, PHYI MA GNYIS SU GZUNG CHA PHRA BA DANG SHIN TU PHRA BA'I DMIGS PA CAN DU SKYE BA'I PHYIR, ZHES GSUNGS PA LTAR YIN PA'I PHYIR, KHA CIG ,KUN GZHI RNAM SHES KYI SNANG BA'I DMIGS PA YIN NA, DE'I DNGOS KYI DMIGS PA YIN PAS KHYAB ZER NA, NYON MONGS MNGON GYUR BA MA SPANGS PA'I 'DOD PA'I GANG ZAG GI RGYUD LA @9A *, ,RNAM SHES TSOGS DRUG GANG YANG MI RGYU BA'I SKABS KYI DBANG DON RNAMS CHOS CAN, DER THAL, DE'I PHYIR, DER THAL, DE DE LA GZUGS SU SNANG BA'I PHYIR, DER THAL, DE RNAMS DE'I RGYUD KYI SHES PA LA GZUGS SU SNANG BA GANG ZHIG ,DE RNAMS DE'I RGYUD KYI BDUN YID LA GZUGS SU MI SNANG BA'I PHYIR, DANG PO DER THAL, 'DOD GZUGS KYI KHAMS 'OG MA GNYIS NA GZUGS KYI 'DU SHES YOD PA DANG GZUGS CAN PAR 'JOG PA'I DON GANG ZAG RANG GI NANG GI SHES PA LA DBANG DON SOGS GZUGS SU SNANG BA TZAM LAS 'JOG PA YIN GYI, DE LTAR MA GTOGS PA'I PHYI ROL GYI GZUGS MED PA'I PHYIR, DER THAL, DKA' 'GREL LAS, GZUGS CAN PA RU THAL 'GYUR TE, ,SHES LA GZUGS SU SNANG BA LAS, ,MA GTOGS PHYI ROL MED PHYIR RO, ,ZHES SOGS RTZA 'GREL GYIS SGRUB PA'I PHYIR, 'DOD MI NUS TE, DE'I BRGYUD PA'I DMIGS PA YIN PA'I PHYIR, DER THAL, DE RNAMS SKABS DER DE MA THAG RKYEN MA TSANG BA'I DBANG GIS TSOGS DRUG SO SO BSKYED PA'I SGO NAS DE DANG DE'I YUL DU DNGOS SU MI SNANG YANG DE MA THAG RKYEN TSANG NA TSOGS DRUG DE DANG DE BSKYED PA'I SGO NAS DE DANG DE LA DNGOS SU SNANG NUS SU YOD PAS NA DE'I BRGYUD PA'I DMIGS PAR 'JOG PA'I PHYIR, DER THAL, DKA' 'GREL LAS, BRGYUD NAS DE'I TSOGS DRUG GI, YUL DU SNANG BA GANG NUS PA, ,KUN GZHI'I YUL DU 'JOG PA YIN, ,ZHES PA'I RTZA 'GREL GYIS SGRUB PA'I PHYIR, GZHAN YANG, @9B DE'I SKABS KYI MIG DBANG CHOS CAN, DER THAL, DE'I PHYIR, 'DOD NA, DE CHOS CAN, DBANG PO SEMS LDAN YIN PAR THAL, KUN GZHI RNAM SHES KYI DNGOS KYI DMIGS PAR GYUR PA'I DBANG PO LNGA PO GANG RUNG YIN PA'I PHYIR, KHYAB STE; DE'I DMIGS PA 'CHAD PA NA, DON DANG SEMS CAN DU, SNANG BA'I RNAM PAR SHES PA NI, ,RAB TU SKYE'O, ,ZHES DANG, DKA' 'GREL LAS, DON DANG SEMS CAN BAG CHAGS KYI, ,ZHES DANG, MIG RNA BA SNA LCE LUS KYI DBANG PO LNGA'I SEMS CAN DANG, ZHES DBANG PO ZHES SMOS PA TZAM GYI MI CHOG PAR DBANG PO SEMS CAN ZHES DMIGS KYIS BKAR NAS GSUNGS PA'I RGYU MTSAN YOD PA'I PHYIR, GZHAN YANG, DE CHOS CAN, KUN GZHI RNAM SHES KYI GZUNG CHA YIN PAR THAL, DE'I DNGOS KYI DMIGS PA YIN PA'I PHYIR, 'DOD NA, DE CHOS CAN, RANG RGYUD LDAN GYI GANG ZAG GI RGYUD KYI YID SHES KYIS 'DI DANG 'DI ZHES THA SNYAD 'DOGS RUNG DU YOD PAR THAL, 'DOD PA'I PHYIR, GZHAN YANG, DE'I SKABS KYI GZUGS SOGS DON LNGA PO CHOS CAN, DER THAL, DE'I PHYIR, RTAGS GONG DU SGRUB ZIN, 'DOD NA, DE'I GZUNG CHA YIN PAR THAL, DE'I DNGOS KYI DMIGS PA YIN PA'I PHYIR, KHYAB PA GRUB CING 'DOD MI NUS TE, KUN GZHI RNAM SHES KYI GZUNG CHA'ANG DNGOS KYI DMIGS PAR GYUR PA'I DON LNGA PO GANG RUNG YIN NA, DE DANG RTEN GCIG PA'I GANG ZAG GI DBANG SHES LNGA PO GANG RUNG GIS 'DZIN DGOS PA'I PHYIR TE, DKA' 'GREL LAS, KUN GZHI'I GZUNG CHA DAG LA NI, ,RNAM SHES LNGA YIS 'DZIN BYED CING, ,ZHES PA NAS, DE'I PHYIR RTEN GCIG GI KUN GZHI LA DNGOS SU SNANG BA'I DON @10A *, ,LNGA NI RTEN DE'I DBANG SHES LAS LKOG TU GYUR PA MA YIN NO, ,ZHES GSUNGS PA'I PHYIR, KHA CIG ,KUN GZHI RNAM SHES RGYUD LDAN GYI GANG ZAG GI RGYUD KYI DBANG DON BAG CHAGS GSUM PO GANG RUNG YIN NA, DE'I DMIGS PA YIN PAS KHYAB ZER NA, DE'I RGYUD KYI YID SHES KYIS SGRO BTAGS KYI YUL DU GYUR PA'I DBANG DON RNAMS DANG RIGS GNYIS DANG SKYE 'PHAGS KYI LAM GYI SA BON BAG CHAGS SOGS LA DPYAD PAR BYA'O, ,KHA CIG ,MI LTA BU'I SEMS CAN GCIG GI KUN GZHI RNAM SHES LA STONG GSUM GYI SNOD BCUD KYI RDZAS THAMS CAD SNANG BAR 'DOD PA SPYIR DGAG PA NI tIKKA LAS SHES PAR BYA LA, YANG KHA CIG ,MI LTA BU'I KUN GZHI RNAM SHES GCIG LA 'GRO BA RIGS LNGA PO'I SNOD BCUD RNAMS RANG RANG JI LTAR YOD PA BZHIN RNAM PA KHRA BOR SNANG BA YIN LA, DE YANG MI'I SNOD BCUD NI DE'I SNANG 'GYUR DANG SPYOD 'GYUR GNYIS KA'I LAS LAS GRUB PAS DES DE LA PHAN GNOD GANG RUNG 'BYUNG YANG 'GRO BA GZHAN GYI SNOD BCUD NI DE'I SNANG 'GYUR GYI LAS LAS GRUB KYANG DE'I SPYOD 'GYUR GYI LAS LAS MA GRUB PAS DES DE LA PHAN GNOD GANG RUNG DU MI 'GYUR BA YIN ZER NA, 'O NA, MI LTA BU'I KUN GZHI RNAM SHES LA DMYAL BA SNANG BA DE DMYAL BA PA LA JI LTAR SNANG BA LTAR SNANG NGAM, MI SNANG, SNANG NA, DMYAL BA'I LCAGS BSREGS 'BAR BA DANG MTSON CHA SOGS KYI DMYAL SNANG MTSAN NYID PA DE DMYAL BA MYONG BA PO KHO NA'I SDIG PA'I LAS DANG SEMS LAS BYUNG BA MA YIN PAR THAL, DE MI'I KUN GZHI RNAM SHES LA'ANG SNANG BA GANG @10B ZHIG ;DE LTAR SNANG NA DE KUN GZHI'I STENG GI BAG CHAGS SAD PA LA BLTOS DGOS PA'I PHYIR, 'DOD MI NUS TE, SPYOD 'JUG LAS, 'DI LTAR 'JIGS PA THAMS CAD DANG, ,SDUG BSNGAL DPAG TU MED PA YANG, ,SEMS LAS BYUNG BA YIN NO ZHES, ,YANG DAG GSUNGS PA NYID KYI GSUNGS, ,SEMS CAN DMYAL BA'I MTSON CHA DAG ,SU ZHIG GIS NI CHED DU BYAS, ,ME TSOGS DE DAG CI LAS BYUNG, ,DE 'DRA DE DAG THAMS CAD NI, ,SDIG SEMS BYUNG BAR THUB PAS GSUNGS, ,ZHES GSUNGS PA'I PHYIR, GZHAN YANG, MI'I KUN GZHI RNAM SHES LA MI'I 'JIG RTEN GYI CHU DE CHU DVANGS SHING BSIL BA JI LTAR SNANG BA LTAR YI DVAGS DANG LHA'I KUN GZHI RNAM SHES LA'ANG DE LTAR SNANG BAR THAL, 'DOD PA'I PHYIR, 'DOD MI NUS TE, DE 'DRA'I CHU DE YI DVAGS KYI KUN GZHI LA RNAG KHRAG LA SOGS PAR SNANG BA DANG, DUD 'GRO'I KUN GZHI LA GNAS LA SOGS PAR SNANG BA DANG, 'DOD PA'I LHA'I KUN GZHI LA BDUD RTZIR SNANG BA DANG, GZUGS MED KYI KUN GZHI LA NAM MKHA' LA SOGS PAR SNANG BA'I PHYIR, DER THAL, THEG BSDUS LAS, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,ZHES PA DANG, DE'I BSHAD SBYAR LAS, CHU KLUNG GI DNGOS PO GCIG LA RANG RANG GI LAS KYI RNAM PAR SMIN PA'I DBANG GIS YI DVAGS KYIS RNAG KHRAG LA SOGS PAS GANG BAR MTHONG BA DANG, DE NYID LA DUD 'GRO LA SOGS PAS GNAS KYI BLOS GNAS @11A *, ,PAR BYED PA DANG, MI RNAMS KYIS NI MNGAR BA DANG, DVANGS PA DANG, BSIL BA'I CHUR RTOGS SHING 'THUNG NGO, ,KHRUS BYED DO, ,DER 'JUG GO ,NAM MKHA' MTHA' YAS SKYE MCHED LA SNYOMS PAR 'JUG PA RNAMS KYIS NI NAM MKHAR MTHONG STE, GZUGS KYI 'DU SHES RNAM PAR BSHIG PA'I PHYIR, ZHES GSUNGS PA'I PHYIR, GZHAN YANG, MI'I KUN GZHI LA MI'I SNOD BCUD JI LTAR SNANG BA LTAR YI DVAGS SOGS 'GRO BA GZHAN LA'ANG DE LTAR SNANG BA MI 'THAD DE, BSHES SPRING LAS, YI DVAGS RNAMS LA SOS KA'I DUS SU NI, ,ZLA BA TSA LA DGUN NI NYI MA'ANG GRANG, LJON SHING 'BRAS BU MED 'GYUR DE DAG GIS, ,BLTAS PA TZAM GYIS KLUNG YANG SKAM PAR 'GYUR, ,ZHES PA DANG, SLOB SPRINGS LAS KYANG, TZANDAN LJON PA SNGON KHRUNGS MA LA YAR SONG NA, ,DE YANG 'DI LA NAGS BSREGS ME LCE RNOS 'KHRIGS SHING, ,'GAL DUM 'GYEL BA MANG POS RANG RONG CAN DU 'GYUR, ,ZHES SOGS MANG DU GSUNGS PA LTAR GYI SNANG TSUL RIGS MI 'DRA BA 'BYUNG BA'I PHYIR, GONG DU DE LTAR MI SNANG ZER NA, 'O NA, NGAN 'GRO'I SDUG BSNGAL MTSAN NYID PA DANG, BDE 'GRO'I BDE BA MTSAN NYID PA GNYIS KA 'GRO BA RIGS DRUG THAMS CAD LA SNANG BAR THAL, MI'I KUN GZHI LA DMYAL BA SNANG BA'I TSE DMYAL BA PA LA JI LTAR SNANG BA LTAR MI SNANG YANG DE LA DMYAL SNANG MTSAN NYID PA SNANG BA'I PHYIR, 'DOD NA, BSREGS SHING BCAD TUB SOGS KYI SDUG BSNGAL MTSAN NYID PA DANG, ZAS GOS GNAS MAL BZANG PO SOGS SPYAD @11B PA'I BDE BA MTSAN NYID PA RNAM KYANG DE THAMS CAD LA SNANG BAR THAL, 'DOD PA'I PHYIR, GZHAN YANG, SNOD BCUD KYI SNANG BAS PHAN GNOD DU 'GYUR BA SPYOD 'GYUR GYI LAS LA BLTOS DGOS PAR 'DOD PA LA'ANG MI 'THAD DE, SNANG 'GYUR GYI LAS TZAM GYIS KYANG DES PHAN GNOD DU 'GYUR BA YOD PA'I PHYIR, DER THAL, MI'I 'JIG RTEN GYI CHU DE LHA SOGS KYI SPYOD 'GYUR GYI LAS LAS MA GRUB KYANG LHA LA BDUD RTZI DANG DUD 'GRO LA GNAS SU SNANG BAS PHAN PA DANG YI DVAGS LA RNAG KHRAG SOGS SU SNANG BAS GNOD PAR 'GYUR BA GONG GI LUNG GIS SGRUB PA'I PHYIR, GZHAN YANG, GONG GI DER THAL, YI DVAGS TSA BAS GDUNGS PA LA MI'I 'JIG RTEN GYI KHA BA BU YUG GIS GNOD PA DANG, YI DVAGS GRANG BAS GDUNGS PA LA MI YI 'JIG RTEN GYI MES GNOD PAR GSUNGS PA'I PHYIR TE, SLOB SPRINGS LAS, TSA BAS NYEN LA BU YUG KYANG NI TSAR GYUR LA, ,LHAG PAS NYAM THAG PA LA ME YANG GRANG BYED DE, ,ZHES GSUNGS PA'I PHYIR, MDOR NA GZUGS SGRA SOGS NANG GI SHES PA LA DE DANG DER SNANG BA TZAM LAS MA GTOGS PA'I PHYI ROL NAS GRUB PA MED PAS DE LTAR SNANG BA TZAM GYIS PHAN GNOD DU 'GYUR NUS PA YIN GYI, ,SPYOD 'GYUR GYI LAS LA NGES PAR BLTOS DGOS PA MA YIN TE, DPER NA, SGYU MAS SPRUL PA'I GSHIN RJE LA GSHIN RJE RANG MTSAN PAR SNANG BA TZAM GYIS 'JIGS SKRAG BSKYED PA DANG, SGYU MAS SPRUL PA'I NA CHUNG LA NA CHUNG MTSAN NYID PAR SNANG BA TZAM GYIS CHAGS PA BSKYED PA LTA BU YIN PA'I PHYIR, YANG KHA CIG ,'GRO BA RIGS LNGA'I KUN @12A *, ,GZHI RNAM SHES RE RE LA'ANG 'GRO BA LNGA'I SNOD KYI 'JIG RTEN THAMS CAD RNAM PA MTHUN PAR SNANG BA YIN TE, DPER NA, MI'I KUN GZHI RNAM SHES LA MI RANG GI SNOD KYI 'JIG RTEN SA RDO RI BRAG LA SOGS PA'I RNAM PAR SNANG BA BZHIN DU LHA'I GZHAL MED KHANG NAS DMYAL BA'I LCAGS SREG GI BAR RNAMS KYANG DE DANG DE'I RNAM PAR MI SNANG BAR SA RDO RI BRAG SOGS KYI RNAM PAR SNANG BA DANG, DE BZHIN DU LHA'I KUN GZHI RNAM SHES LA DE THAMS CAD GZHAL MED KHANG LA SOGS PA'I RNAM PA DANG, DMYAL BA PA LA DE THAMS CAD LCAGS SREG LA SOGS PA'I RNAM PAR SNANG BA'I PHYIR ZER NA, MI 'THAD DE, GZUGS KHAMS KYI LHA LA DMYAL BA'I LCAGS KHANG BSREGS SHING 'BAR BA RNAMS GZHAL MED KHANG DU SNANG BAR THAL BA DANG, DMYAL BA PA LA LHA'I GZHAL MED KHANG RNAMS LCAGS KHANG BSREGS SHING 'BAR BA CAN DU MTHONG BAR THAL BA SOGS SGRUB TSUL SLA'O, ,KHA CIG ,KHAMS 'OG MA GNYIS NA KUN GZHI RNAM SHES LA PHYI NANG GI SNOD BCUD SNANG YANG, RNAM SHES DE PHYI NANG GANG GI SNOD BCUD GNYIS SU MI SNANG ZER NA, DE SNANG BAR THAL, DE NANG GI LEN PA DBANG PO RTEN BCAS DANG, PHYI ROL GYI SNOD GNYIS SU SNANG BA'I PHYIR TE, SUM CU PA'I 'GREL PA DUL BA LHAS MDZAD PA LAS, KUN GZHI RNAM PAR SHES PA NI NANG GI LEN PAR SNANG BA DANG, PHYI ROL GYI RNAM PA YONGS SU MI GSAL BA SNOD DU SNANG BA RNAM PA GNYIS SU 'BYUNG @12B NGO; ;ZHES GSUNGS PA'I PHYIR, GZHAN YANG, DE LTAR SNANG BAR THAL, KHAMS 'OG MA GNYIS NA DE PHYI ROL GYI SNOD KYI RNAM PAR SNANG BA'I PHYIR, DER THAL, DE GNYIS NI DE PHYI ROL GYI SNOD RNAM PA YONGS SU MA CHAD PA'I RNAM PA SNANG BA'I PHYIR, RTAGS KHYAB GNYIS KA GRUB STE, KHAMS 'OG MA GNYIS NA KUN GZHI RNAM SHES DE PHYI ROL GYI SNOD RNAM PA YONGS SU MA CHAD PA'I RNAM PAR SNANG BA'I DON KUN GZHI RNAM SHES NYID SDONG BU DANG SNUM LTA BU'I NANG GI LEN PA'I DMIGS PA MNGON BRJOD KYI BAG CHAGS LA BRTEN NAS MAR ME 'BAR BA LTAR NANG DU 'JUG CING PHYI ROL DU 'OD 'BYUNG BA LTA BUR THOG MAR NYING MTSAMS SBYAR BA NAS JI SRID 'TSO'I BAR DU RGYUN YONGS SU MA CHAD PAR SNOD KYI RNAM PAR RIG PA 'AM RNAM PAR SNANG BA'I DON YIN PA'I PHYIR TE, BSDU BA LAS, DE LA PHYI ROL GYI SNOD RNAM PA YONGS SU MA CHAD PA RNAM PAR RIG PA NI KUN GZHI RNAM PAR SHES PA NANG GI LEN PA'I DMIGS PA GANG YIN PA DE NYID LA BRTEN NAS RTAG TU RGYUN MI CHAD PAR 'JIG RTEN DANG SNOD KYI RGYUN RNAM PAR RIG PA STE, 'DI LTA STE, DPER NA, MAR ME 'BAR BA NI SNYING PO DANG SNUM GYI RGYUS NI 'JUG PAR 'GYUR LA, PHYI ROL DU NI 'OD 'BYUNG BAR BYED PA DE BZHIN DU NANG GI LEN PA'I DMIGS PA DANG, PHYI ROL GYI DMIGS PA 'DI LA YANG KUN GZHI RNAM PAR SHES PA'I TSUL DE DANG 'DRA BAR BLTA BAR BYA'O, ,ZHES GSUNGS PA'I PHYIR, KHA CIG ,KUN GZHI RNAM SHES DE DMIGS RNAM BAR CHAD CING CHAD CING 'JUG PA YIN ZER NA, MI 'THAD DE, DE @13A *, ,DMIGS RNAM YONGS SU MA CHAD PAR DUS RTAG TU 'JUG PA'I PHYIR, DER THAL, DE 'GRO BA GANG DU NYING MTSAMS SBYAR NAS JI SRID 'TSO'I BAR DMIGS RNAM SHIN TU PHRA BA RGYUN YONGS SU CHAD PA MED PAR RO GCIG TU SKAD CIG MA'I RGYUN GYIS 'JUG PA'I PHYIR, DER THAL, BSDU BA LAS, DMIGS PA DE NI 'JIG RTEN GYI MKHAS PA RNAMS KYIS KYANG YONGS SU DPYAD PAR DKA' BA'I PHYIR PHRA BA YIN NO, ,DMIGS PA DE NI RTAG TU YOD PA YIN TE, LAN 'GA' GZHAN DU 'GYUR BA MA YIN NO, ,'ON KYANG DANG PO'I SKAD CIG LA BRTEN NAS JI SRID 'TSO'I BAR DU RNAM PAR RIG PA RO GCIG PAR 'JUG PAR 'GYUR RO, ,KUN GZHI RNAM PAR SHES PA DE NI DMIGS PA LA SKAD CIG MA YIN PAR BLTA BAR BYA STE SKAD CIG MA'I RGYUN GYI RGYUD KYIS 'JUG PA YIN GYI, GCIG PA NI MA YIN TE, ZHES GSUNGS PA'I PHYIR, ,GNYIS PA RANG GI LUGS NI, KUN GZHI RNAM SHES KYI DMIGS PA LA PHYE NA, DBANG DON BAG CHAGS GSUM MAM MING GZHI'I PHUNG PO DANG BZHI, DBANG PO DE LA MIG SOGS DBANG PO LNGA DANG DE RE RE LA'ANG DBANG PO SEMS LDAN DANG SEMS LDAN MA YIN PA GNYIS RE, DON DE LA GZUGS SGRA SOGS LNGA DANG DE RE RE LA'ANG PHYI NANG GI DON LNGA RE, BAG CHAGS DE LA MNGON BRJOD KYI BAG CHAGS DANG, BDAG LTA'I BAG CHAGS DANG, SRID PA'I YAN LAG GI BAG CHAGS DANG, RGYU MTHUN GYI BAG CHAGS DANG BZHI RNAMS SU YOD, YANG DE LA NANG LEN PA'I RNAM RIG DANG PHYI SNOD KYI @13B RNAM RIG GNYIS, DANG PO LA'ANG NYE BAR LEN PA PO BAG CHAGS KYI RNAM RIG DANG NYE BAR BLANG BYA DBANG PO KHOG RTEN DANG BCAS PA'I RNAM RIG GNYIS RNAMS SU YOD, YANG DE LA DE'I RGYU'I DMIGS PA DANG DE'I SNANG BA'I DMIGS PA GNYIS, PHYI MA LA'ANG DE'I DNGOS KYI DMIGS PA DANG DE'I BRGYUD PA'I DMIGS PA GNYIS RNAMS SU YOD, DE YANG KUN GZHI RNAM SHES DE NYID 'KHOR BA THOG MA MED PA NAS JI SRID GNAS MA GYUR GYI BAR DU DMIGS RNAM SHIN TU PHRA ZHING MI GSAL BA BAR CHAD PA MED PA DANG, DE YANG RIGS RGYUN MI 'DRA BA MED PAR RO GCIG TU SKAD CIG MA GCIG NAS GCIG TU BRGYUD DE RGYUN CHAD MED PAR 'JUG PA YIN LA, 'ON KYANG DMIGS PA BYE BRAG PA LA DE LTAR NGES PA MED DE, DPER NA, KHAMS 'OG MA GNYIS NAS GZUGS MED DU SKYE BA'I TSE NA GZUGS LA DMIGS PA 'DOR BA LTA BUS MTSON KHAMS 'OG MA GNYIS NA'ANG DMIGS PA BYE BRAG PA LA DMIGS PA 'DOR BA'I SKABS DU MA YOD PA'I PHYIR, GSUM PA RTZOD PA SPONG BA LA KHA CIG ,NYAN THOS MTHONG LAM BAR CHAD MED LAM PA'I RGYUD KYI MIG DBANG CHOS CAN, NYAN THOS MTHONG LAM BAR CHAD MED LAM PA LA SNANG BAR THAL, DE'I RGYUD KYI KUN GZHI RNAM SHES LA SNANG BA'I PHYIR ZER NA, RNAM PA CIG TU NA 'DIR MA KHYAB, 'DOD NA, DE NYAN THOS MTHONG LAM BAR CHAD MED LAM LA SNANG BAR THAL, 'DOD PA'I PHYIR NA MA KHYAB, YANG KHA CIG ,DE'I MIG DBANG LA SNANG BA'I GZUGS DE DE'I @14A *, ,RGYUD KYI KUN GZHI RNAM SHES LA SNANG BAR THAL, DE'I MIG DBANG DE DE LA SNANG BA'I PHYIR ZER NA MA KHYAB, 'DOD MI NUS TE, DE MED PA'I PHYIR, KHO NA RE, DE YOD PAR THAL, SPYIR MIG DBANG LA SNANG BA'I GZUGS YOD PA'I PHYIR NA MA KHYAB, MA GRUB NA, DE YOD PAR THAL, MIG SHES RGYU BA'I SKABS KYI DE'I DNGOS YUL DU GYUR PA'I GZUGS DE MIG DBANG LA SNANG BA'I PHYIR; DER THAL, DKA' 'GREL LAS, DNGOS SU DMIGS PAR NI RANG RGYUD KYI DBANG PO DE LA SNANG BA'I YUL RNAMS YIN LA, ZHES PA'I DON GRUB PA'I PHYIR, GZHAN YANG, DE LA SNANG BA'I GZUGS YOD PAR THAL, MIG DBANG DANG DON GYI GZUGS GNYIS GZUNG BA'I YUL YUL CAN MIN KYANG DPER NA ME LONG DVANGS PA'I NANG DU BYAD BZHIN GYI GZUGS BRNYAN SNANG BA BZHIN DON GYI GZUGS DE YANG MIG DBANG DVANGS PA LA GZUGS BRNYAN DU SNANG BA'I SPYOD YUL DU 'JOG PA SOGS DBANG DON GZHAN RNAMS LA'ANG RIGS 'GRE BA'I PHYIR TE, MNGON PA KUN BTUS LAS, GZUGS GANG ZHE NA, 'BYUNG BA CHEN PO BZHI DAG RGYUR BYAS PA, ,MIG GI DBANG PO'I SPYOD YUL GYI DON GANG YIN PA'O, ,ZHES GSUNGS SHING, DE BZHIN DU DON PHYI MA BZHI LA'ANG GSUNG PA DANG, DE'I 'THAD KYI DAR tIK LAS, MIG DBANG 'CHAD PA'I SKABS SU, NGO BO'I KHYAD PAR DANG LDAN TE, ME LONG DVANGS PA'I NANG DU BYAD BZHIN GYI GZUGS BRNYAN SNANG BA BZHIN @14B KHA DOG SOGS KYI GZUGS BRNYAN 'CHAR DU RUNG BA'I GZUGS DVANGS PAS BSDUS PA YIN PA'I PHYIR, ZHES PA DANG, GZUGS 'CHAD PA'I SKABS SU, MIG DBANG LA GZUGS KYI GZUGS BRNYAN SHAR BAS MIG GI DBANG PO'I SPYOD YUL ZHES BYA YI, YUL YUL CAN GYIS BSDUS PA'I GZUNG YUL DANG GZUNG YUL CAN NI MA YIN NO, ,ZHES GSUNGS PA LTAR YIN PA'I PHYIR DANG, YANG KHA CIG , KUN GZHI RNAM SHES KYI DMIGS PAR GYUR PA'I BAG CHAGS LA MNGON BRJOD KYI BAG CHAGS KHO NAR NGES PAR THAL, BSDU BA LAS, DE LA NANG GI LEN PA NI KUN BTAGS PA'I NGO BO NYID LA MNGON PAR ZHEN PA'I BAG CHAGS DANG RTEN DANG BCAS PA'I DBANG PO GZUGS SO, ,ZHES GSUNGS PA'I PHYIR ZER BA DANG, SUM CU PA RTZA 'GREL DANG, 'DI'I DKA' 'GREL DU'ANG DE'I DMIGS PA LA BAG CHAGS RNAMS LAS MNGON BRJOD KYI BAG CHAGS LAS MA BSHAD PA'I PHYIR ZER NA, SKYON MED DE, DE NI DE DAG LAS DBANG DON GNYIS KUN GZHI RNAM SHES KYI DMIGS PAR 'CHAD PA NA DE GNYIS GANG LAS BYUNG BA'I BAG CHAGS LA MNGON BRJOD KYI BAG CHAGS KHO NAR NGES PA'I DBANG DU BYAS PA'I PHYIR, YANG KHA CIG ,GZUGS MED KYI KUN GZHI RNAM SHES KYI DMIGS PA YIN NA, BAG CHAGS YIN PAS KHYAB PAR THAL, BSDU BA LAS, DE LA LEN PA NI KUN BTAGS PA'I NGO BO NYID LA MNGON PAR ZHEN PA'I BAG CHAGS DANG RTEN DANG BCAS PA'I DBANG PO'I GZUGS SO, ,DE YANG GZUGS CAN GYI KHAMS NA'O, ,GZUGS CAN @15A *, ,MA YIN PA'I KHAMS NA NI BAG CHAGS LEN PA KHO NAR ZAD DO, ,ZHES GSUNGS PA'I PHYIR ZHE NA, SKYON MED DE, DE'I DON NI KUN GZHI RNAM SHES KYI DMIGS PAR 'GYUR BA'I LEN PA LA BAG CHAGS DANG DBANG PO KHOG RTEN DANG BCAS PA GNYIS LAS GZUGS CAN GYI KHAMS NA DE GNYIS KA 'JOG CING GZUGS MED DU DE GNYIS LAS BAG CHAGS LEN PA KHO NA 'JOG PA LUNG DE NYID KYI DON YIN PA'I PHYIR, KHA CIG GIS, MI LTA BU'I KUN GZHI RNAM SHES GCIG LA SNOD BCUD KYI RDZAS THAMS CAD SNANG BAR THAL, DE LA TSAD KYIS BCAD PAR MI NUS PA'I SNOD BCUD SNANG BA'I PHYIR TE, BYE BRAG BSHAD MDZOD LAS, 'DI'I DMIGS PA DANG RNAM PA YONGS SU BCAD PAR MI NUS SO, ,ZHES GSUNGS PA'I PHYIR ZER NA, MA KHYAB STE, LUNG DE'I DON NI KUN GZHI RNAM SHES LA TSAD KYIS BCAD PAR MI NUS PA'I SNOD BCUD THAMS CAD SNANG BAR STON PA'I DON MA YIN GYI DES DMIGS PA 'DI LTA BU ZHIG LA RNAM PA 'DI 'DRA BA ZHIG GIS GZUNG NGO ZHES KUN GZHI'I RNAM SHES RANG NYID KYIS KYANG GSAL BAR BCAD MI NUS LA DE LTAR RJES SU NGES PA YANG 'DREN MI NUS ZHES PA'I DON YIN PA'I PHYIR, KHA CIG GIS, GANG ZAG RTEN GCIG GI RGYUD KYI KUN GZHI RNAM SHES LA DNGOS SU SNANG BA'I GZUGS CHOS CAN, DE'I RGYUD KYI MIG SHES DANG YID SHES GNYIS KA DANG RDZAS GCIG YIN PAR THAL, DE GNYIS KA LA DNGOS SU SNANG BA'I GZUGS YIN PA'I PHYIR, KHYAB STE, SHES @15B PA LA GANG SNANG BA SHES PA DE'I BDAG NYID DAM DE DANG NGO BO GCIG YIN DGOS PA'I PHYIR, DES NA SHES PA NGO BO THA DAD PA GNYIS KYI GZUNG BYA THUN MONG BA MI SRID PA'I PHYIR ZER NA, MI 'THAD DE, SHES PA LA GANG SNANG BA SHES PA DE DANG NGO BO GCIG MI GCIG DANG SHES PA MI 'DRA BA GNYIS KYI GZUNG BYA THUN MONG BA YOD MED KYI DON NI GANG ZAG GCIG GI RGYUD KYI MIG SHES DANG YID SHES GNYIS KYIS YUL BUM PA LTA BU GCIG LA MA BRTAG MA DPYAD PAR 'JUG PA'I TSE DE GNYIS KYI GZUNG BYA THUN MONG BA YOD KYANG DE SHES PA GNYIS PO GANG DANG YANG NGO BO GCIG DANG NGO BO THA DAD GANG YANG MA YIN ZHING, YANG DE GNYIS KYIS DE LTAR BRTAGS SHING DPYAD NAS 'JUG PA'I SKABS NA GZUNG CHA THUN MONG BA MI 'CHAR BAR SO SO'I GZUNG CHA THUN MONG MA YIN PAR 'CHAR BAS RANG RANG LA GANG 'CHAR BA DE NYID SHES PA SO SO'I BDAG NYID DU GRUB PA DANG DE'I RGYUD KYI KUN GZHI RNAM SHES DANG NGO BO GCIG DANG NGO BO THA DAD GANG DU YANG MA GRUB PAR DKA' 'GREL LAS GSUNGS PA'I PHYIR,, ` BAG CHAGS SGO GZHI YIN PHYIR DANG, ,ZHES SOGS KYI SKABS SU NGO BO DANG GROGS SOGS LA MTHA' DPYAD PA LA, DGAG BZHAG SPONG GSUM LAS, DANG PO LA, BRTAN PA'I RNAM SHES KUN GZHI RNAM SHES KYI MTSAN NYID YIN ZER NA, NYON YID CHOS CAN, MTSON BYA DER THAL, MTSAN NYID DE'I PHYIR, DER THAL, DKA' 'GREL LAS, 'DI'I 'KHOR LA KHAMS GSUM KAR @16A *, ,MANG NYUNG MI 'BYUNG STE, BRTAN PA'I RNAM SHES YIN PAS GTZO BO DANG 'JUG LDOG GI DUS GCIG PA YIN PA'I PHYIR, ZHES GSUNGS PA'I PHYIR, 'DOD NA SLA, YANG KHA CIG ,'KHOR BA JI SRID PAR [*BAR] 'JUG CING 'KHOR 'DAS KUN GYI GZHI BYED PA'I RNAM SHES DE DE'I MTSAN NYID ZER NA, NGAN 'GRO'I KUN GZHI RNAM SMIN GYI CHA CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, 'KHOR BA JI SRID KYI BAR 'JUG PAR THAL, 'DOD PA'I PHYIR, 'DOD MI NUS TE, 'GRO BA BYE BRAG PA'I KUN GZHI RNAM SMIN GYI CHA DE 'GRO BA DER NYING MTSAMS SBYAR BA NAS TSE JI SRID 'TSO'I BAR DU RGYUD RGYUN CHAGS SU 'JUG CING DE NAS SHI BA NA LDOG PA'I PHYIR TE, THEG BSDUS LAS, RNAM PAR SMIN PA'I RNAM PAR SHES PA RGYUN CHAD PA NI NYING MTSAMS SBYOR BA MA GTOGS PA GZHAN DU MNGON PAR 'GRUB PA MED PA'I PHYIR, ZHES GSUNGS PA'I PHYIR, GZHAN YANG, DE 'KHOR BA JI SRID KYI BAR 'JUG PA MI 'THAD PAR THAL, NGAN 'GRO'I PHUNG KHAMS SKYE MCHED RNAMS MTHONG SPANGS YIN PAR MNGON PA KUN BTUS LAS GSUNGS PA'I PHYIR, GZHAN YANG, GTAN YONGS SU MYA NGAN LAS MI 'DA' BA'I RIGS CHAD KYI GANG ZAG GI RGYUD KYI KUN GZHI RNAM SHES CHOS CAN, 'KHOR 'DAS KUN GYI GZHI BYED PAR THAL, MTSAN NYID DE'I PHYIR, 'DOD NA, DE CHOS CAN, @16B MYA NGAN LAS 'DAS PA 'GRUB PA'I GZHI BYED PAR THAL, 'DOD PA'I PHYIR, 'DOD NA, ZAG MED KYI SA BON GNAS PA'I RTEN DANG GZHI BYED PAR THAL, 'DOD PA'I PHYIR, 'DOD MI NUS TE, CHOS CAN DE YIN PA'I PHYIR, DE BZHIN DU KUN BYANG GI SA BON THAMS CAD PA'I RNAM SMIN GYI RNAM SHES DE DE'I MTSAN NYID YIN ZER BA LA'ANG SKYON DE NYID KYIS MA NGES SO, ,YANG KHA CIG ,SA BON THAMS CAD PA'I RNAM SMIN GYI RNAM SHES DE'I MTSAN NYID ZER NA, NYAN RANG DGRA BCOM PA DANG DAG SA'I BYANG SEMS KYI RGYUD KYI LEN PA'I RNAM SHES CHOS CAN, MTSON BYA DER THAL, MTSAN NYID DE'I PHYIR, MA GRUB NA, DE SA BON THAMS CAD PA MA YIN PAR THAL, 'DOD PA'I PHYIR, 'DOD NA, SA BON THAMS CAD PA'I RNAM SHES YIN NA, KUN BYANG GI SA BON THAMS CAD PA DANG; DGE MI DGE LUNG MA BSTAN GYI SA BON THAMS CAD PA DANG, RGYU MTHUN DANG RNAM SMIN DANG MNGON BRJOD DANG BDAG LTA'I SA BON THAMS CAD PA YIN DGOS PAR THAL, 'DOD PA'I PHYIR, 'DOD NA, GTAN RIGS CHAD KYI GANG ZAG DANG, DGE RTZA GTAN NAS CHAD PA'I GANG ZAG DANG, NYON MONGS SPANGS PA'I GANG ZAG RNAMS KYI RGYUD LA SA BON THAMS CAD PA'I RNAM SHES MED PAR THAL; DAM BCA' DE'I PHYIR, 'DOD NA, KUN GZHI RNAM SHES NYID SA BON THAMS CAD PA'I RNAM PAR SHES PA MA YIN PAR THAL BA SOGS MANG DU SPROS PAS CHOG GO ,RTZA BAR 'DOD MI @17A *, ,NUS TE, NYAN RANG DGRA BCOM DANG DAG SA'I BYANG SEMS RNAMS KYI RGYUD LA RNAM SMIN GYI RNAM SHES YOD KYANG KUN GZHI RNAM SHES MED PA'I KHYAD PAR 'THAD PA'I PHYIR DANG, DE DAG GI RGYUD LA KUN GZHI RNAM SHES LDOG ZIN PA'I PHYIR TE, SUM CU PA LAS, DGRA BCOM NYID NAS DE LDOG GO ,ZHES GSUNGS PA'I PHYIR, GZHAN YANG LEN PA'I RNAM SHES CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, DGONGS 'GREL LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,CES GSUNGS PA'I PHYIR, 'DOD MI NUS TE, KUN GZHI RNAM SHES LDOG ZIN PA'I NYAN RANG DGRA BCOM PA DANG DAG SA'I BYANG SEMS KYI RGYUD LA YOD PA'I PHYIR, YANG BRTAN PA RANG DBANG CAN GYI RNAM SMIN GYI RNAM SHES DE'I MTSAN NYID DU 'JOG PA LA'ANG SKYON DE NYID KYIS MA NGES SO, ,YANG KHA CIG ,MA SGRIB LUNG MA BSTAN GYI NGO BOR GYUR PA'I RNAM SMIN GANG ZHIG ,RANG GI GROGS KUN 'GRO RNAMS DANG MTSUNGS LDAN GYI DMIGS RNAM SHIN TU MI GSAL BA'I SHES PA CHA PHRA BA DE DE'I MTSAN NYID ZER NA, DE LA'ANG SKYON DE NYID KYIS MA NGES SHING, GZHAN YANG, KUN GZHI RNAM SHES KYI 'KHOR DU GYUR PA'I SEMS BYUNG KUN 'GRO LNGA PO RE RE NAS CHOS CAN, MTSON BYA DER THAL, MTSAN NYID DE'I PHYIR, MA GRUB NA, DE DER THAL, KUN GZHI RNAM SHES DE LTAR YIN PA'I PHYIR, RTAGS KHYAB GNYIS KA DER THAL, @17B SUM CU PA'I 'GREL PA BLO BRTAN GYIS MDZAD PA LAS, KUN GZHI RNAM SHES NI GONG LTAR RNAM SMIN YIN PA DANG, DMIGS RNAM YONGS SU MA CHAD PA'I MI GSAL BA DANG, REG SOGS LNGA DANG RTAG TU LDAN PA DANG, DER MA ZAD, KUN GZHI RNAM SHES DE NI MA SGRIB LUNG MA BSTAN YIN TE, ,DE NI MA SGRIB LUNG MA BSTAN, ,ZHES PA'I DON DANG, DE BZHIN DU REG SOGS RNAMS KYANG RNAM SMIN YIN PA DANG, DMIGS RNAM YONGS SU MA CHAD PA'I MI GSAL BA DANG, RANG NYID MA GTOGS PA'I KUN 'GRO GZHAN BZHI DANG KUN GZHI RNAM PAR SHES PA DANG RTAG TU MTSUNGS PAR LDAN PA DANG, MA SGRIB LUNG MA BSTAN YIN TE, ,REG LA SOGS PA'ANG DE BZHIN NO, ,ZHES PA'I DON YIN PAR BSHAD PA'I PHYIR, YANG KHA CIG ,RANG DANG RTEN GCIG PA'I NYON YID KYIS GANG ZAG GI BDAG TU BLTA BA'I GZHIR GYUR CING MA SGRIB LUNG MA BSTAN GYI NGO BOR GYUR PA'I RNAM SMIN GANG ZHIG ,RANG GI GROGS KUN 'GRO LNGA KHO NA DANG MTSUNGS LDAN GYI DMIGS RNAM SHIN TU MI GSAL BA'I SHES PA CHA PHRA BA DE DE'I MTSAN NYID ZER NA, NYON MONGS MA SPANGS PA'I GANG ZAG 'GOG SNYOMS PA DANG MTHONG SGOM GYI BAR CHAD MED LAM PA DANG RNAM GROL LAM PA BA RNAMS KYI RGYUD KYI KUN GZHI RNAM SHES CHOS CAN, MTSAN NYID DER THAL, MTSON BYA DE'I PHYIR, DE DER THAL, DE YOD PA'I PHYIR, DER THAL, DPER NA, CHU BO CHEN PO DE RGYA MTSOR MA SLEB KYI BAR DU SKAD CIG KYANG RGYUN CHAD MED PAR 'BAB PA DE BZHIN DU KUN GZHI RNAM SHES KYANG THOG MA MED PA NAS JI SRID MA LDOG GI BAR @18A *, ,SKAD CIG KYANG RGYUD RIGS 'DRA RGYUN CHAD MED PAR 'JUG CING DGRA BCOM DANG SA BRGYAD PA NAM THOB PA NAS LDOG PA'I PHYIR, DER THAL, SUM CU PA LAS, DE NI RGYUN 'BAB CHU BO BZHIN; ;DGRA BCOM NYID NAS DE LDOG GO ,ZHES GSUNGS PA'I PHYIR, GONG DU 'DOD MI NUS TE, DE RNAMS KYI RGYUD LA NYON YID MED PA'I PHYIR, DER THAL, DE RNAMS KYI RGYUD LA NYON YID GNAS SKABS LDOG PA DANG, DGRA BCOM THOB NAS NYON YID GTAN NAS LDOG PA'I PHYIR TE, SUM CU PA LAS, DGRA BCOM MED, 'GOG PA'I SNYOMS PAR 'JUG NA MED, ,'JIG RTEN 'DAS PA'I LAM NA MED, ,CES GSUNGS PA'I PHYIR, KHA CIG ,RNAM SMIN GYI RNAM SHES LA RNAM SHES TSOGS DRUG YOD ZER NA, 'O NA, RNAM SMIN LA DE LTAR YOD PAR THAL, 'DOD PA'I PHYIR, 'DOD MI NUS TE, KUN BTUS LAS, RNAM PAR SMIN PA GANG ZHE NA, KUN GZHI RNAM PAR SHES PA MTSUNGS LDAN DANG BCAS PA'O, ,ZHES GSUNGS PA'I DON YOD PA'I PHYIR, GZHAN YANG, RNAM SMIN LA RNAM SHES TSOGS DRUG DANG DBANG PO RTEN BCAS LNGA DANG DGE MI DGE GNYIS RNAMS YOD PAR THAL, DAM BCA' 'THAD PA'I PHYIR, 'DOD MI NUS TE, 'KHOR BA'I RNAM SMIN YIN NA 'GRO BA GANG DU NYING MTSAMS SBYAR BA NAS MA SHI'I BAR DU RIGS 'DRA RGYUN MI CHAD DU 'JUG DGOS PA GANG ZHIG ,DE DAG TSE GCIG LA BAR SKABS SU YANG YANG LDOG PA YOD PA'I PHYIR DANG, DGE BAR GYUR PA'I RNAM SMIN YOD NA DE DGE BA'I SHES PA YIN DGOS PAS DE YOD PA'I @18B TSE DE LA MI DGE BA'I SEMS SKYE BA'I SKABS MED PAS NYON MONGS LDOG PA MED PA DANG, MI DGE BAR GYUR PA'I RNAM SMIN YOD NA DE MI DGE BA'I SHES PA YIN DGOS PAS DE YOD PA'I TSE DE LA DGE BA'I SEMS SKYE BA'I SKABS MED PAS GNYEN PO SKYE BA MED PAR 'GYUR BA'I SKYON YOD PA'I PHYIR, RTAGS DANG PO GNYIS DER THAL, DKA' 'GREL LAS, YANG THEG BSDUS SU RNAM PAR SMIN PA'I RNAM PAR SHES PA RGYUN CHAD PA NI NYING MTSAMS SBYOR BA MA GTOGS PAR GZHAN DU MNGON PAR 'GRUB PA MED PA'I PHYIR ZHES 'BYUNG BAS RNAM SMIN NI JI SRID 'TSO'I BAR DU 'JUG DGOS PA YIN PA'I PHYIR MA SHI'I BAR DU 'BYUNG DGOS LA, MIG LA SOGS PA NI MA SHI'I GONG DU YANG LDOG PA MTHONG BA'I PHYIR DE DAG RNAM SMIN MTSAN NYID PA MA YIN NO, ,ZHES GSUNGS PA'I PHYIR, PHYI MA DER THAL, THEG BSDUS LAS, RNAM PAR SMIN PA YANG DGE BA DANG MI DGE BAR 'GYUR NA NI KUN NAS NYON MONGS PA LOG PAR MI 'GYUR RO, ,ZHES GSUNGS PA'I PHYIR, DE LA KHO NA RE, RNAM SMIN DGE BAR GYUR PA'I TSE DE LA MI DGE BA'I SEMS SKYE BA DANG LDOG PA MED KYANG DE'I SKYE BA GZHAN LA MI DGE BA'I SEMS SKYE BA DANG LDOG PA YOD CING, DE BZHIN DU RNAM SMIN MI DGE BAR GYUR PA'I TSE DE LA'ANG DE LTAR RIGS 'GRE ZER NA, 'O NA, RNAM SMIN DGE BAR GYUR PA'I TSE DE LA SKYES NAS MYONG 'GYUR DANG LAN GRANGS GZHAN LA MYONG 'GYUR GYI 'PHEN BYED MI DGE BA'I LAS GSAR DU GSOG PA MED PAR THAL, DAM BCA' 'THAD PA'I PHYIR, 'DOD NA, BDE 'GRO'I RTEN LA DE 'DRA'I @19A *, ,LAS GSOG PA MED PAR THAL, 'DOD PA'I PHYIR, 'DOD NA, BDE 'GRO'I RTEN LA 'PHEN BYED MI DGE BA'I LAS BSOG PA DANG, NGAN 'GRO'I RTEN LA 'PHEN BYED DGE BA'I LAS BSOG PA MED PAR THAL, 'DOD PA'I PHYIR, 'DOD NA, MI'I RTEN LA MTSAMS MED KYI LAS BSOG PA MED PAR THAL, 'DOD PA'I PHYIR, GZHAN YANG, 'KHOR BA THOG MA MED PA NAS NGAN 'GRO'I SKYE BA GCIG BLANGS PHYIN DE NAS NGAN 'GRO SHA STAG TU SKYE BA BLANGS DGOS PA DANG, BDE 'GRO'I SKYE BA GCIG BLANGS PHYIN DE NAS BDE 'GRO SHA STAG TU SKYE BA BLANG DGOS PAR THAL, 'DOD PA'I PHYIR, GZHAN YANG, DGE RTZA CHAD PA'I GANG ZAG GI RGYUD LA DGE SEMS MNGON GYUR DU YOD PAR THAL, DE 'DRA'I MI'I RGYUD LA DGE BA'I RNAM SMIN YOD PA'I PHYIR, DER THAL, DE 'DRA'I MI DE 'PHEN BYED DGE BA'I LAS KYIS SKYE BA BLANGS PA'I GANG ZAG YIN PA'I PHYIR, GZHAN YANG, NGAN 'GRO BA'I RGYUD LA DGE SEMS SKYE BA'I SKABS MED CING MI DGE BA'I SEMS RGYUN CHAD PA MED PA DANG, BDE 'GRO BA'I RGYUD LA MI DGE BA'I SEMS SKYE BA'I SKABS MED CING DGE SEMS RGYUN CHAD PA MED PAR THAL, 'DOD PA GANG ZHIG ,SKABS 'DIR RNAM SMIN SHES PA KHO NAR 'DOD DGOS PA GONG DU BSGRUBS ZIN PA'I PHYIR, KHA CIG ,SANGS RGYAS 'PHAGS PA'I RGYUD LA RNAM SMIN GYI RNAM SHES YOD ZER NA, MI 'THAD DE, RTZA BA LAS, LHAG MA MED DANG RDO RJE LTA'I, ,BAR DU RGYUN MI CHAD DU 'JUG ,CES PA'I RTZA 'GREL GYIS GNOD PA'I PHYIR, @19B GZHAN YANG, DE'I RGYUD LA RNAM SMIN YOD PAR THAL, ,'DOD PA'I PHYIR, 'DOD NA, ME LONG LTA BU'I YE SHES RNAM SMIN YIN PAR THAL, 'DOD PA GANG ZHIG ,DE'I RDZAS RGYUN SNGA MAR GYUR PA'I KUN GZHI RNAM SHES DE RNAM SMIN YIN PA'I PHYIR, 'DOD NA, DE'I RGYUD LA MA RIG BAG CHAGS KYI SA DANG ZAG MED KYI LAS LAS GRUB PA'I RNAM SMIN YOD PAR THAL, 'DOD PA'I PHYIR, KHA CIG ,BYANG SEMS 'PHAGS PA'I RGYUD KYI RNAM SMIN GYI RNAM SHES DE ZAG MED KYI LAS KYI RNAM SMIN YIN ZER NA, DPYAD PAR BYA STE, LUGS 'DIR ZAG MED KYI LAS KYI RNAM SMIN YOD DAM MED, YOD NA MI 'THAD DE, BSDU BA LAS, ZAG PA MED PA DANG, LUNG DU MA BSTAN PA DANG, DGE BA DANG MI DGE BA ZAG PA DANG BCAS PA ZAG PA RNAMS DANG BCAS TE SPANGS PA DANG, RNAM PAR SMIN PA RNAM PAR SMIN ZIN PA GANG YIN PA DE DAG NI RNAM PAR SMIN PA MED PA YIN PAR BLTA BAR BYA'O, ,ZHES GSUNGS PA'I PHYIR, GZHAN YANG, DE'I RNAM SMIN MED PAR THAL, KUN BTUS LAS, MI GNAG CING DKAR LA RNAM PAR SMIN PAR MI 'GYUR ZHING LAS ZAD PAR GYUR PA'I LAS GANG ZHE NA, SBYOR BA DANG BAR CHAD MED PA'I LAM RNAMS LA ZAG PA MED PA'I LAS SO, ,ZHES GSUNGS PA'I PHYIR, GZHAN YANG, ZAG MED KYI LAS DE RNAMS RNAM SMIN GYI RGYU YIN PAR THAL, DE'I RNAM SMIN GYI 'BRAS BU YOD PA'I PHYIR TE, DE'I RNAM SMIN YOD PA'I PHYIR, 'DOD NA, DE RNAM SMIN DANG BCAS PA YIN PAR THAL, 'DOD PA'I PHYIR, @20A *, ,'DOD MI NUS TE, RNAM SMIN DANG BCAS PA LA ZAG PA NYON MONGS DANG ZAG BCAS GNYIS SU GRANGS NGES PAR BSDU BA LAS BSHAD, DE LA MI DGE BA DANG DGE BA ZAG BCAS GNYIS SU GRANGS NGES PAR KUN BTUS LAS BSHAD PA'I PHYIR, DANG PO GRUB STE, BSDU BA LAS, DE LA RNAM PAR SMIN PA DANG BCAS PA'I CHOS RNAMS NI MDOR BSDUS NA, ZAG PA RNAMS DANG ZAG PA DANG BCAS PA RNAMS SO, ,ZHES GSUNGS PA'I PHYIR, GNYIS PA GRUB STE, KUN BTUS LAS, JI LTAR NA RNAM PAR SMIN PA DANG BCAS PA YIN, ZHES PA NAS, MI DGE BA DANG DGE BA ZAG PA DANG BCAS PA NI RNAM PAR SMIN PA DANG BCAS PAR BLTA'O, ,ZHES GSUNGS PA'I PHYIR, YANG ZAG MED KYI LAS KYI RNAM SMIN MED ZER NA, 'O NA, MDO SDE RGYAN LAS, BLO LDAN RNAMS KYIS LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR BA'I, ,DBANG GIS SKYE BAR 'DOD PA YIN, ,ZHES BYANG SEMS SO SKYE'I SKABS SU LAS BZANG PO'I DBANG GIS 'DOD KHAMS SU SKYE BA DANG, 'PHAGS PA'I SKABS SU SMON LAM GYI DBANG GIS NGAN SONG DU SKYE BA DANG, BSAM GTAN GYI TING NGE 'DZIN GYI DBANG GIS 'DOD KHAMS SU SKYE BAR GSUNGS PA DANG, BSAM GYIS MI KHYAB PA'I 'CHI 'PHO BYED PAR GSUNGS PAS DE LTAR SKYE BA'I BYANG 'PHAGS KYI RGYUD KYI RNAM SHES RNAM SMIN GYI CHA DE ZAG BCAS DGE BA'I LAS KYI RNAM SMIN YIN PAR THAL, 'DOD PA'I PHYIR, 'DOD NA, @20B DE 'DRA'I BYANG 'PHAGS RNAMS ZAG BCAS DGE BA'I LAS KYI DBANG GIS SKYE BA BLANGS PA'I GANG ZAG YIN PAR THAL, 'DOD PA'I PHYIR, 'DOD MI NUS TE, DE LTAR SKYE BA LEN PA LA GROGS NYON MONGS DGOS PA GANG ZHIG ,BYANG 'PHAGS RNAMS NYON MONGS KYI DBANG DU 'GRO BA MED PA'I PHYIR, PHYI MA DER THAL, KUN BTUS LAS, DE NI NYON MONGS MA SPANGS SU ZIN KYANG SNGAGS DANG SMAN GYIS BSAD PA'I DUG LTA BU DANG, DPER NA, NYON MONGS SPANGS PA'I DGRA BCOM PA LTAR SA THAMS CAD DU NYON MONGS PA'I NYES PA MI SKYED DO, ,ZHES GSUNGS PA'I PHYIR, GZHAN YANG, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA'I RGYUD KYI KUN GZHI RNAM SMIN GYI CHA DE ZAG MED KYI LAS KYI RNAM SMIN YIN NAM, ZAG BCAS KYI LAS KYI RNAM SMIN YIN, DANG PO LTAR NA, DE DANG RGYUD GCIG PA'I SO SKYE'I RGYUD LA ZAG MED KYI LAS YOD PAR THAL BA SOGS SGRUB TSUL SLA'O, ,GNYIS PA LTAR NA, DE 'DRA'I GANG ZAG GI TSE DE'I RNAM SMIN DE DES YID LUS KYI SKYE BA NAM BLANGS PA NA LDOG DGOS PAR THAL, 'DOD PA'I PHYIR, MA KHYAB NA DE SANGS MA RGYAS KYI BAR DU MI LDOG PAR THAL BA SOGS SGRUB TSUL SLA'O, ,'DOD NA, YONGS 'GYUR GYI NYAN THOS DGRA BCOM THEG CHEN LAM DU ZHUGS PA'I GANG ZAG GI TSE DE'I RNAM SMIN DE YANG GANG ZAG DES YID LUS KYI SKYE BA NAM BLANGS PA NA LDOG DGOS PAR THAL, 'DOD PA GANG ZHIG ,DES YID LUS KYI SKYE BA LEN @21A *, ,PA DANG BSAM GYIS MI KHYAB PA'I 'CHI 'PHO BYED PAR BSHAD PA'I PHYIR, 'DOD NA, DES YID LUS KYI SKYE BA NAM BLANGS PA NA SNGA MA'I NYER LEN GYI PHUNG PO 'DOR ZHING SKU TSE'I 'DU BYED BTANG BAR THAL, 'DOD PA'I PHYIR, 'DOD NA, MI 'THAD DE, LEGS BSHAD GSER 'PHRENG LAS, LHAG BCAS NAS LDOG PA'I TSUL YANG RDZU 'PHRUL GYIS TSE BSRINGS NAS BYANG CHUB SGRUB LA, RANG GI LUS MYA NGAN LAS MI 'DA' BAR BYIN GYIS RLOB CING SPRUL PA'I LUS KYIS GZHAN NGOR LHAG MED DU 'DA' TSUL BSTAN NAS LUS SNGA MA LHA RNAMS KYIS KYANG MI MTHONG BAR DBEN PAR GNAS TE TSOGS YONGS SU RDZOGS PAR BYED DO, ,ZHES PA DANG, YANG NA SNGAR YONGS SU 'GYUR BA'I NYAN THOS LA BSHAD PA LTAR SPRUL PA'I LUS KYIS 'DA' TSUL BSTAN CING, DBANG PO'I LUS KYIS DBEN PAR GNAS PA NA KHAMS GSUM PA'I SKYE 'CHI LAS 'DAS KYANG SHES SGRIB KYI RTEN BAG LA NYAL DANG DES KUN NAS BSLANG BA'I LAS DANG DE GNYIS LA BRTEN PA'I YID LUS YOD PA LA DGONGS NAS MA RIG BAG CHAGS KYI SA DANG ZAG MED KYI LAS KYI RGYU RKYEN BYAS PA'I YID LUS KYI SKYE BA LEN PAR BSHAD KYI, DGRA BCOM PA SHI NAS RIG PA PHYI MA MTSAMS MI SBYOR BA 'DI DAG GI RTZA BA'I GRUB MTHA'O, ,ZHES GSAL BAR GSUNGS PA'I LUNG DON DE DAG DANG 'GAL BA DANG, BSDU BA LAS KYANG, YONGS 'GYUR GYI NYAN THOS DGRA BCOM PAS LHAG BCAS MYANG 'DAS LA GNAS BZHIN PA'I NGANG NAS TSOGS RDZOGS PAR BYED PAR GSUNGS PA DANG YANG 'GAL @21B BA'I PHYIR DES NA RANG LUGS NI, DE DAG RNAMS KYI NANG NAS THEG CHEN GYI 'PHAGS LAM THOB NAS ZAG BCAS ZAG MED KYI LAS GANG GI DBANG GIS SKYE BA LEN PA DANG, ZAG MED KYI LAS KYI RNAM SMIN MED PAR GSUNGS PA RNAMS NI LEGS BSHAD GSER 'PHRENG LAS YONGS 'GYUR GYI NYAN THOS DGRA BCOM THEG CHEN LAM DU ZHUGS NAS SANGS RGYA TSUL GSUNGS PA LA DPAGS NA DMAN LAM SNGON DU MA SONG BA'I BYANG SEMS SBYOR LAM CHOS MCHOG SKAD CIG THA MA BA DES THEG CHEN GYI 'PHAGS LAM THOB NAS ZAG MED KYI LAS KYI DBANG GIS YID LUS KYI SKYE BA GRANGS MED PA LEN KYANG DE DAG SKYE 'CHI MTSAN NYID PA MA YIN PAS YID LUS KYI SKYE BA DE DAG LEN BYED KYI ZAG MED KYI LAS KYI RNAM SMIN MED PA DANG, THEG CHEN GYI 'PHAGS LAM THOB NAS LAS NYON GYI SKYE 'CHI MI BYED PAS SANGS MA RGYAS KYI BAR DU SNGA MA'I NYER LEN GYI PHUNG PO DANG RNAM SMIN MI 'DOR BAR 'DOD DGOS TE ZHIB TU BRTAG TE SHES PAR BYA'O, ,KHA CIG ,KUN GZHI RNAM SHES DE 'DU SHES MED PA DANG GNYID DANG BRGYAL BA'I GNAS SKABS SU NYON YID KHO NA DANG LHAN CIG TU 'JUG PA YIN ZER NA, MI 'THAD DE 'DU SHES MED PA BAR NYING MTSAMS SBYAR MA THAG DANG 'CHI 'PHO BA'I TSE YID KYI RNAM SHES KYANG 'BYUNG BA'I PHYIR, BSDU BA LAS; 'DU SHES SKYES NAS SEMS CAN DE DAG DE NAS 'CHI 'PHO BAR GYUR PA YIN NO, ,ZHES GSUNGS PA'I PHYIR, GZHAN YANG, DE MI 'THAD PAR THAL, RMI LAM 'CHAR BA'I SKABS KYI GNYID DANG @22A *, ,DRAN PA CHUNG NGU DANG BCAS PA'I BRGYAL BA'I SKABS NA YID SHES YOD PA'I PHYIR, DER THAL, GNYID DANG DGE BA'I GZHI MTHUN YANG YOD, GNYID DANG MI DGE BA'I GZHI MTHUN YANG YOD PA'I PHYIR DANG, SEMS MED GNYID DANG BRGYAL MA GTOGS, ,ZHES SEMS MED CES SMOS PA'I DON YOD PA'I PHYIR, KHA CIG ,KUN GZHI RNAM SHES DE TSOR BA BDE SDUG GANG RUNG DANG LHAN CIG TU 'JUG PA'I TSE TSOR BA BTANG SNYOMS DANG LHAN CIG TU 'JUG PA MED ZER NA, DE YOD PAR THAL, DE'I TSE GLO BUR GYI TSOR BA BTANG SNYOMS DANG LHAN CIG TU 'JUG PA MED KYANG GNYUG MA'I TSOR BA BTANG SNYOMS DANG LHAN CIG TU 'JUG PA YOD PA'I PHYIR, DER THAL, DE'I TSE RANG GI 'KHOR DU GYUR PA'I TSOR BA BTANG SNYOMS DANG LHAN CIG TU 'JUG PA GANG ZHIG ,DE GNYUG MA'I TSOR BA YIN PA'I PHYIR, DES DGE SOGS LA'ANG RIGS 'GRE'O, ,KHA CIG ,SKABS 'DIR KUN GZHI RNAM SHES DANG YID KYI RNAM SHES GNYIS KA GANG ZAG YIN ZER NA, PHYI MA LA, 'O NA, YID KYI RNAM SHES DE 'CHI 'PHO BA PO DANG SKYE BA LEN PA PO YIN PAR THAL, 'DOD PA'I PHYIR, 'DOD NA, DE LUS LEN PA PO YIN PAR THAL, 'DOD PA'I PHYIR, 'DOD MI NUS TE, 'OG TU DKA' 'GREL LAS, KUN GZHI RNAM SHES 'THAD PA'I RIGS PA BRGYAD KYI DANG PO'I SKABS SU RNAM SHES TSOGS DRUG THAMS CAD LUS LEN PA POR MI RUNG BA'I RIGS PA LNGA KUN BTUS KYI 'GREL PA KHUNGS SU MDZAD NAS GSUNGS PA SOGS DANG 'GAL @22B BA'I PHYIR, GZHAN YANG MANG NGO, ,DANG PO KUN GZHI RNAM SHES GANG ZAG TU 'DOD PA GRAGS CHE YANG 'DI LA'ANG CUNG ZAD DPYAD NA, 'O NA, DMYAL BA MNAR MED PA'I RGYUD KYI KUN GZHI RNAM SHES DE MNAR MED PA YIN NAM MIN YIN NA, DES DMYAL BA'I SDUG BSNGAL BAR MTSAMS MED PAR MYONG BAR THAL, DE MNAR MED PA YIN PA'I PHYIR, 'DOD NA, DE TSOR BA SDUG BSNGAL GYIS GDUNGS PA DANG DE'I 'KHOR DU TSOR BA SDUG BSNGAL YOD PAR THAL LO, ,GONG DU MA KHYAB NA KHYAB STE, DES SDUG BSNGAL BAR MTSAMS MED PAR MYONG BAS NA DE LA MNAR MED PA ZHES BSHAD PA'I PHYIR, DER THAL, DE LA MNAR MED PA ZHES PA'I DON YOD PA'I PHYIR, DE BZHIN DU TSA DMYAL GZHAN DANG GRANG DMYAL BRGYAD SOGS LA MING BTAGS TSUL LA DPAGS NAS SGRUB TSUL SHES PAR BYA'O, ,GZHAN YANG, MI'I RGYUD KYI KUN GZHI RNAM SHES DE MI YIN PA DANG DGE SLONG GI RGYUD KYI KUN GZHI RNAM SHES DE DGE SLONG YIN PAR THAL, DMYAL BA MNAR MED PA'I RGYUD KYI KUN GZHI RNAM SHES DE DMYAL BA MNAR MED PA YIN PA'I PHYIR, RTAGS KHAS, DE LA KHO NA RE, DE DMYAL BA PA YIN KYANG DES DMYAL BA'I SDUG BSNGAL MYONG MI DGOS TE, DMYAL BA PA YIN KYANG DE'I SDUG BSNGAL MI MYONG BA DU MA YOD PA'I PHYIR DANG, DES BDE 'GRO BA LA'ANG RIGS 'GRE BA'I PHYIR ZER NA, 'O NA, DMYAL BA PA'I RGYUD KYI KUN GZHI RNAM SHES DES DMYAL BA'I SDUG BSNGAL DANG MI'I RGYUD KYI KUN GZHI RNAM SHES DES MI'I BDE BA MYONG MA MYONG BAR THAL LO, ,'DOD NA, DE GNYIS @23A *, ,KYIS 'KHOR BA'I BDE SDUG GANG YANG MYONG MA MYONG BAR THAL, 'DOD PA'I PHYIR, 'DOD NA, 'KHOR BA'I BDE SDUG GANG YANG MYONG MA MYONG BA'I 'KHOR BA'I SEMS CAN YOD PAR THAL, 'DOD PA'I PHYIR, YANG GONG GI GNYIS PA DMYAL BA MNAR MED PA'I RGYUD KYI KUN GZHI RNAM SHES DE MNAR MED PA MA YIN ZER NA, 'O NA, DE DMYAL BA PA MA YIN PAR THAL, 'DOD PA'I PHYIR, 'DOD NA, DE NGAN SONG BA MA YIN PAR THAL, 'DOD PA'I PHYIR, 'DOD NA, DE 'KHOR BA PA MA YIN PAR THAL, 'DOD PA'I PHYIR, 'DOD NA, DE 'KHOR BAR SKYE BA PO DANG 'CHI 'PHO BA PO'I GANG ZAG MA YIN PAR THAL, 'DOD PA'I PHYIR; 'DOD NA, MI 'THAD DE, LUGS 'DIR KUN GZHI RNAM SHES GANG ZAG TU 'DOD PA'I RTZA BA'I GRUB MTHA' DANG 'GAL ZHING LUNG RIGS BRGYA PHRAG GIS GNOD PA'I PHYIR, GZHAN YANG, SO SKYE'I RGYUD KYI KUN GZHI RNAM SHES DE SO SKYE YIN NAM MIN, YIN NA, THEG CHEN TSOGS LAM PA'I RGYUD KYI KUN GZHI RNAM SHES DE THEG CHEN SO SKYE DANG TSOGS LAM PA GNYIS KA YIN PAR THAL, 'DOD PA'I PHYIR, 'DOD NA, THEG CHEN MTHONG LAM BAR CHAD MED LAM PA'I RGYUD KYI KUN GZHI RNAM SHES DE YANG THEG CHEN MTHONG LAM BAR CHAD MED LAM PA DANG THEG CHEN 'PHAGS PA GNYIS KA YIN PAR THAL, 'DOD PA'I PHYIR, 'DOD NA, DE STONG NYID MNGON SUM DU RTOGS PA'I GANG ZAG YIN PAR THAL, 'DOD PA'I PHYIR, 'DOD MI NUS TE, DE NGES PA'I BLO MA YIN PA DANG DMIGS RNAM SHIN TU MI GSAL BAS RJES SU NGES @23B SHES 'DREN MI NUS PAR GSUNGS PA SOGS KYI LUNG RIGS DU MAS GNOD PA'I PHYIR, YANG DE SO SKYE MA YIN ZER NA, DE YIN PAR THAL, DE LAS DANG NYON MONGS PA'I DBANG GIS SKYE GNAS SO SOR SKYES SHING 'PHAGS LAM MA THOB PA'I GANG ZAG YIN PA'I PHYIR, KHYAB STE, MNGON PA KUN BTUS LAS, SO SO SKYE BO GANG ZHE NA, 'PHAGS PA'I CHOS RNAMS MA THOB PA LAS SO SO'I SKYE BO ZHES GDAGS SO; ;ZHES PA DANG, DE'I THAD KYI DAR tIK LAS, LAS DANG NYON MONGS PA'I DBANG GIS SKYE GNAS SO SOR 'GRO ZHING ZAG PA MED PA'I LAM MA THOB PA'I GNAS SKABS LA SO SO'I SKYE BO ZHES GDAGS PAR BYA BA'I PHYIR, ZHES GSUNGS PA'I PHYIR, GZHAN YANG, DE TSOGS LAM PA MA YIN NA, DE LAM DU ZHUGS ZIN GYI GANG ZAG MA YIN PAR THAL, 'DOD PA'I PHYIR, 'DOD NA, DE 'PHAGS LAM THOB DGOS KYI GANG ZAG MA YIN PAR THAL, 'DOD PA'I PHYIR, 'DOD NA, DE SANGS RGYAS DGOS KYI GANG ZAG MA YIN PAR THAL, 'DOD PA'I PHYIR, 'DOD NA, DE SANGS RGYA DGOS MA YIN PAR THAL, 'DOD PA'I PHYIR, 'DOD MI NUS TE, DE ME LONG LTA BU'I YE SHES SU GNAS 'GYUR BA'I PHYIR, DE LTAR DPYAD DKA'I GNAS LTA BUR GYUR PA 'DI NI YID KYI RNAM SHES GANG ZAG TU 'DOD PA SOGS KYI GRUB MTHA' SPYI'I RNAM GZHAG PHYOGS MTSUNGS DE DAG GRAGS CHE BA'I TSIG GI RNA BA LAM BYANG SHIN TU ZHUGS PAS BLOR CHUD PA DKA' BA SNANG YANG KUN GZHI RNAM SHES GANG ZAG TU BSHAD PA'I RANG GZHUNG 'DI'I @24A *, ,LUGS LA RNAM SHES DE NYID THEG CHEN GYI DBANG DU BYAS NA SANGS RGYAS KYI BAR DU RNAM SMIN DU GYUR PA YIN LA, DE YANG 'DI'I LUGS LA ZAG MED KYI LAS KYI RNAM SMIN MED CING SLOB LAM DU LAM JI TZAM BGROD KYANG DE SHES PA SHIN TU PHRA BA DMIGS RNAM GANG YANG MI 'DZIN PA DANG MI GSAL BA YIN PAS DES GZHAL BYA GANG YANG RTOGS PA MED LA, SANGS RGYAS MA THAG PA NAS DE KUN MKHYEN YE SHES SU GYUR PA DANG SANGS 'PHAGS SU GYUR PA SOGS 'DOD DGOS PA 'OG TU 'CHAD PA LAS SHES PAR 'GYUR BAS GANG LTAR YANG GONG DU BSHAD PA'I RNA BA LAM BYANG DANG MI BSTUN PA'I 'JOG MTSAMS GSAR PA KHONG NAS 'DZOM PA'I RGYU MTSAN ZHIG STON DGOS PA SNANG STE, 'DIR RA PHO LUG KHYU'I DPE BZHIN DU GYUR DOGS NGAL BA MA BYAS SO, ,DER MA ZAD DE BAS KYANG YID KYI RNAM SHES BDAG TU 'DOD PA RNAMS KYI LUGS LA KUN BYANG GI RGYU 'BRAS DANG SBYAR BA 'AM DGE SOGS GSUM DANG SBYAR BA SOGS KYI TSE NA 'JOG MTSAMS SHIN TU DKA' BA SNANG YANG 'DIR SKABS MIN PA DANG MANG BAR 'GYUR BAS MA BRIS LA, GTZO CHER NI RANG RGYUD PA MAN CHAD KYI 'DOD TSUL THUN MONG MA YIN PA PHAL CHER LA RIGS PAS ZHIB TU BRTAGS SHING DPYAD NA 'JOG MTSAMS DKA' BA ZHIG 'ONG TSOD DU SNANG BAS SGO TZAM BTOD PA YIN CING GZHAN SKABS MIN PA DANG, BDAG BLO SBAL PA'I RKYAL GYIS GRUB MTHA' RGYA MTSO BRGAL BA'I GO SKABS MA RNYED DO, ,GNYIS PA RANG GI LUGS BZHAG PA NI, NYON YID KYIS GANG ZAG GI @24B BDAG TU LTA BA'I GZHIR MA SPANGS PA'I TSUL DU YOD CING MA BSGRIBS LUNG MA BSTAN GYI NGO BOR GYUR PA'I RNAM SMIN YIN PA GANG ZHIG ,RANG GI GROGS KUN 'GRO LNGA KHO NA DANG MTSUNGS LDAN GYI SHES PA CHA PHRA BA'I DMIGS RNAM SHIN TU MI GSAL ZHING THOG MA MED PA NAS JI SRID 'KHOR BA MI LDOG GI BAR RGYUD RIGS 'DRA RGYUN CHAGS SU 'JUG PA'I RIGS SU GNAS PA'I GTZO BO'I RNAM RIG GI SHES PA DE KUN GZHI RNAM SHES KYI MTSAN NYID DAM NGO BOR 'JOG ,DE LA DBYE TSUL DU MA YOD DE, KHAMS KYI SGO NAS PHYE NA 'DOD PA DANG GZUGS GZUGS MED KYI KUN GZHI RNAM SHES GSUM, SA'I SGO NAS PHYE NA 'DOD PA DANG BSAM GZUGS BRGYAD KYI KUN GZHI RNAM SHES DGU, 'GRO BA'I SGO NAS PHYE NA RIGS LNGA 'AM DRUG GI KUN GZHI RNAM SHES LNGA 'AM DRUG ,'JUG LDOG GI SGO NAS PHYE NA 'KHOR BAR GTAN DU 'JUG CING LDOG PA MED PA DANG 'KHOR BAR GTAN DU MI 'JUG CING LDOG PA YOD PA'I KUN GZHI RNAM SHES GNYIS, RTEN GYI SGO NAS PHYE NA SKYE 'PHAGS KYI KUN GZHI RNAM SHES GNYIS, KUN NYON GYI RGYU 'BRAS KYI SGO NAS PHYE NA SA BON THAMS CAD PA'I KUN GZHI RNAM SHES DANG RNAM SMIN GYI KUN GZHI RNAM SHES GNYIS, RGYUD KYI SGO NAS PHYE NA DBYE BA DPAG TU MED PA RNAMS SU YOD PA'I PHYIR, DE RNAM SMIN GYI RNAM SHES DANG LEN PA'I RNAM SHES KHO NAR NGES KYANG, DE GNYIS LA KUN GZHI RNAM SHES KYIS MA KHYAB TE, NYON MONGS SPANGS PA'I GANG ZAG GI RGYUD LA RNAM SMIN GYI RNAM SHES DANG LEN PA'I RNAM SHES YOD KYANG KUN GZHI RNAM SHES MED PA'I PHYIR, DE KHYAD PAR @25A *, ,DU MA DANG LDAN TE, RANG GI 'KHOR KUN 'GRO LNGA KHO NAR NGES PA DANG, DE'I TSOR BA YANG BTANG SNYOMS KHO NAR NGES PA DANG, RNAM SHES RANG NYID DANG 'KHOR KUN 'GRO LNGA DANG BCAS PA RNAMS SHES PA CHA SHIN TU PHRA ZHING DMIGS RNAM SHIN TU MI GSAL BAS RANG YUL SNANG NUS PA TZAM DANG, SNGON GYI 'PHEN BYED KYI DGE MI DGE'I LAS GANG RUNG BA ZHIG GIS 'KHOR BA'I SKYE GNAS GANG YANG RUNG BA'I GZHIR 'PHANGS NAS LAS DE'I RNAM SMIN DU GYUR PAS DGE MI DGE GANG YANG MA YIN PA'I LUNG MA BSTAN KHO NAR NGES PA DANG, LAM DANG THAR PA THOB PA LA MI BSGRIBS PAS MA BSGRIBS PA DANG, RANG NYID MA GTOGS PA'I GTZO 'KHOR GZHAN RNAMS DANG MTSUNGS PAR LDAN PA DANG, 'KHOR BA THOG MA MED PA NAS JI SRID MA LDOG GI BAR RGYUD RIGS 'DRA RGYUN CHAD MED PAR 'JUG CING DE YANG GTAN RIGS CHAD KYI GANG ZAG GI RGYUD LA NAM YANG LDOG PA MED LA RIGS YOD KYI GANG ZAG GI RGYUD LA NYON MONGS MA SPANGS BAR DU 'JUG CING DE NAM SPANGS PA NA LDOG PA DANG DE'I RDZAS RGYUN DU GYUR PA'I RNAM SMIN GYI RNAM SHES DANG LEN PA'I RNAM SHES GNYIS NI THEG DMAN GYI LHAG MED MYA NGAN LAS 'DA' KHA'I BAR DANG THEG CHEN GYI SGOM LAM RDO RJE LTA BU'I TING NGE 'DZIN GYI BAR DU RGYUN MI CHAD DU 'JUG CING DE'I SKAD CIG GNYIS PA NAS LDOG PA RNAMS YIN PA'I PHYIR; DE YANG 'JUG TSUL BZHI YOD DE, LEN PA GNYIS LA DMIGS PA SOGS DGU'I SGO NAS DMIGS PAS 'JUG PA DANG, 'KHOR REG SOGS DANG MTSUNGS LDAN SOGS DRUG GI SGO NAS MTSUNGS LDAN @25B GYIS 'JUG PA DANG, GCIG GI RKYEN NYID GCIG YIN PAS 'JUG PA DANG, LHAN CIG DNGOS POS 'JUG PA DANG BZHI YOD PA'I PHYIR, PHYI MA LHAN CIG DNGOS POS 'JUG PA LA GSUM YOD DE, 'JUG SHES BDUN PO GANG DANG LHAN CIG TU 'JUG PA DANG, TSOR BA GSUM PO GANG DANG LHAN CIG TU 'JUG PA DANG, DGE SOGS GSUM PO GANG DANG LHAN CIG TU 'JUG PA DANG GSUM YOD PA'I PHIR, DANG PO LA 'JUG SHES GCIG KHO NA DANG LHAN CIG TU 'JUG PA NAS BDUN KA DANG LHAN CIG TU 'JUG PA'I BAR BDUN YOD DE, 'CHI 'PHOS DUS MA GTOGS PA'I 'DU SHES MED PA BA DANG 'DU SHES MED PA'I SNYOMS 'JUG LA GNAS PA DANG, SEMS MED KYI GNYID DANG BRGYAL BA RNAMS KYI SKABS SU NYON YID 'KHOR BCAS DANG 'GOG SNYOMS LA GNAS PA'I SKABS SU BDUN YID GSAL RIG TZAM 'KHOR BCAS KHO NA DANG LHAN CIG TU 'JUG ,GZUGS MED SO SKYE'I SKABS SU NYON YID KYI RNAM SHES GNYIS 'KHOR BCAS DANG ZAG MED MNYAM GZHAG GI SKABS SU BDUN YID GSAL RIG TZAM DANG YID KYI RNAM SHES GNYIS 'KHOR BCAS KHO NA DANG LHAN CIG TU 'JUG ,'DOD GZUGS GNYIS NA DBANG SHES GCIG TZAM RGYU BA'I TSE NA DE DANG YID GNYIS TE GSUM TZAM DANG LHAN CIG TU 'JUG ,DE GNYIS NA DBANG SHES GNYIS TZAM DANG GSUM TZAM RGYU BA'I TSE NA RIM PA BZHIN DE LTAR BZHI TZAM DANG LNGA TZAM DANG LHAN CIG TU 'JUG ,GZUGS KHAMS NA LCE'I RNAM SHES MED KYANG 'DOD KHAMS NA DBANG SHES BZHI TZAM RGYU BA DANG LNGA KA RGYU BA'I TSE RIM PA BZHIN DE LTAR DRUG @26A *, ,TZAM DANG BDUN KA DANG LHAN CIG TU 'JUG PA'I PHYIR, GONG GI PHYI MA GNYIS KYI KHYAD PAR YANG KUN GZHI RNAM SHES DE GNYUG MA'I TSOR BA BTANG SNYOMS DANG GNYUG MA'I LUNG MA BSTAN DANG RGYUN CHAGS SU LHAN CIG TU 'JUG KYANG BLO BUR GYI TSOR BA GSUM DANG BLO BUR GYI DGE SOGS GSUM DANG LHAN CIG TU 'JUG MI 'JUG GI KHYAD PAR YOD DE, 'JUG SHES GANG DANG LHAN CIG TU 'JUG PA'I SKABS KYI 'JUG SHES DE'I 'KHOR GYI TSOR BA DANG DGE SOGS DE DANG LHAN CIG TU 'JUG PA'I PHYIR, KUN GZHI'I 'KHOR GYI TSOR BA LA LHAN SKYES KYI TSOR BA'AM GNYUG MA'I TSOR BA ZHES BYA STE, 'KHOR BA THOG MA MED PA NAS JI SRID PAR RGYUN CHAD MED PAR KUN GZHI RNAM SHES DANG LHAN CIG TU NGAM NGAM SHUGS KYIS 'JUG PAS NA DE LTAR BRJOD PA'I PHYIR, 'JUG SHES 'KHOR GYI TSOR BA LA BLO BUR GYI TSOR BA ZHES BYA STE, CHU LA RLABS 'BYUNG BA BZHIN DU BLO BUR BLO BUR DU 'BYUNG BAS NA DE LTAR BRJOD PA'I PHYIR, KHAMS 'OG MA GNYIS NA 'DIR DBANG PO DANG BCAS PA'I LUS THAMS CAD LA KHYAB PAR GNAS PA YIN TE, BYE BRAG BSHAD MDZOD LAS, KUN GZHI RNAM PAR SHES PA NI KHOG PA THAMS CAD LA KHYAB PA'O, ,ZHES GSUNGS PA'I PHYIR, DE YANG YIN TE, DE LTAR MA KHYAB NA DBANG SHES GZHAN BZHIN DBANG PO'I SGO SO SO KHO NAR GNAS PA DANG, LUS DBANG NI LUS THAMS CAD LA KHYAB PAR GNAS KYANG LUS SHES NI LUS DBANG REG BYA DANG 'PHRAD PA'I GNAS SU SKYE BA YIN GYI DE LTAR MA 'PHRAD PA'I GNAS SU MI SKYE BAS DE LTAR MA 'PHRAD PA'I GNAS @26B DE SHI BA'I RO LTAR 'GYUR BA'I PHYIR, GSUM PA RTZOD PA SPONG BA LA, KHA CIG ,KUN GZHI RNAM SHES KYI 'KHOR DU SEMS BYUNG KUN 'GRO LNGA KHO NAR NGES PA MI 'THAD PAR THAL, 'DOD PA'I KUN GZHI RNAM SHES KYI 'KHOR DU RTOG DPYOD GNYIS 'BYUNG BA'I PHYIR, DER THAL, MDZOD LAS, RTOG PA DANG DPYOD PA GNYIS 'DOD SEMS THAMS CAD KYI 'KHOR DU 'BYUNG BAR GSUNGS PA'I PHYIR DANG, DE'I 'KHOR DU SEMS 'BYUNG SEMS PA YOD PA GANG ZHIG ,RTOG DPYOD GNYIS SEMS 'BYUNG SEMS PA LA BTAGS PA'I BTAGS CHOS YIN PA'I PHYIR ZER NA, SKABS 'DIR MI 'THAD DE, DE GNYIS SEMS 'BYUNG SEMS PA THAMS CAD LA BTAGS PA MA YIN GYI YUL 'TSOL ZHING SO SOR RTOG PA'I RNAM PA CAN GYI SEMS 'BYUNG SEMS PA YIN LA, DE NI BLO GSAL BA DANG KUN GZHI RNAM SHES NI BLO MI GSAL BA YIN PAS DE GNYIS MTSUNGS LDAN DU MI RIGS PA'I PHYIR TE, DON GSANG LAS, RTOG PA DANG DPYOD PA DAG SEMS PA LA BTAGS PA DE DAG KYANG THAMS CAD LA MA YIN GYI, 'TSOL ZHING SO SOR RTOG PA'I RNAM PA CAN YIN NA SEMS PA DE LTA BU NI KUN GZHI RNAM PAR SHES PA DANG MTSUNGS PAR LDAN PA MA YIN TE, GSAL BA'I PHYIR, ZHES GSUNGS PA'I PHYIR, KHA CIG ,DMYAL BA MNAR MED PA'I RGYUD KYI KUN GZHI RNAM SHES KYI 'KHOR DU GYUR PA'I TSOR BA DE SIM GDUNG GANG YANG MA YIN PA'I BAR MA NYAMS SU MYONG BA'I TSOR BA BTANG SNYOMS PA KHO NA YIN PAR THAL, KUN GZHI RNAM SHES KYI 'KHOR DU GYUR PA'I TSOR BA @27A *, ,DE DE LTAR YIN PA'I PHYIR, 'DOD NA, DES DMYAL BA'I SDUG BSNGAL MI MYONG BAR THAL, 'DOD PA'I PHYIR, 'DOD NA, DE'I RGYUD KYI KUN GZHI RNAM SHES DES DE MI MYONG BAR THAL, 'DOD PA'I PHYIR, 'DOD NA, DE LA DMYAL BA'I SDUG BSNGAL MI SNANG BAR THAL, 'DOD PA'I PHYIR NA, MA KHYAB STE, DES DE MYONG NA BLO GSAL BA'I NGO BOR 'GYUR BA'I PHYIR, GONG DU 'DOD MI NUS TE, DE DANG RTEN GCIG GI DBANG SHES LA GANG SNANG BRTEN DE'I KUN GZHI RNAM SHES LA SNANG DGOS PA GONG DU BSGRUBS ZIN PA LTAR YIN PA'I PHYIR, DES BSAM GTAN DANG PO GSUM GYI BDE BA LA YANG RIGS 'GRE'O, ,KHA CIG ,GANG ZAG RTEN GCIG GI RGYUD LA DGE SOGS GSUM GCIG GI MJUG THOGS SU GCIG 'BYUNG BA DANG TSOR BA BDE SDUG BTANG SNYOMS GSUM GCIG GI MJUG THOGS SU GCIG 'BYUNG BA MED PAR THAL, RTEN GCIG GI KUN GZHI RNAM SHES KYI 'KHOR DU DE LTAR 'BYUNG BA MED PA'I PHYIR ZER NA MA KHYAB, MA GRUB NA DER THAL, DE'I 'KHOR DU DGE MI DGE YOD NA MI MTHUN PHYOGS LDOG PA DANG GNYEN PO SKYE BA'I SKABS MI SRID PAR THAL BA'I SKYON YOD PA GANG ZHIG ,DE'I 'KHOR DU TSOR BA BDE SDUG YOD NA MNAR MED PA RANG TSOR BA BDE BA'I SA PAR 'GYUR BA DANG, BSAM GTAN DANG PO GSUM YAN CHAD TSOR BA SDUG BSNGAL GYI SA PA DANG BSAM GTAN BZHI PA YAN CHAD TSOR BA BDE BA'I SA PAR THAL BA'I SKYON YOD PA'I PHYIR, DANG PO DER THAL, DE'I 'KHOR DU DGE BA YOD NA DE RGYUD LDAN GYI GANG ZAG GI @27B RGYUD LA DGE BA'I SHES PA RGYUN MI CHAD PA 'BYUNG DGOS PAS MI DGE BA SKYE BA DANG LDOG PA'I SKABS MI SRID CING DGE RTZA CHAD PA MED PAR 'GYUR BA DANG, DE'I 'KHOR DU MI DGE BA YOD NA DE RGYUD LDAN GYI GANG ZAG GI RGYUD LA MI DGE BA'I SHES PA RGYUN MI CHAD PAR YOD DGOS PAS GNYEN PO DGE BA 'BYUNG BA'I SKABS MI SRID CING NYON MONGS LDOG PA MED PA DANG, KHAMS GONG MA GNYIS NA'ANG MI DGE BA YOD PAR THAL BA'I SKYON YOD PA'I PHYIR, DER THAL, DE'I 'KHOR DU DGE MI DGE GANG 'BYUNG YANG THOG MA MED PA NAS JI SRID NYON MONGS MA LDOG GI BAR DU RGYUD RIGS 'DRA RGYUN CHAGS SU GNAS DGOS PA'I PHYIR, DER THAL, KUN GZHI RNAM SHES DE LTAR GNAS DGOS PA GONG DU BSGRUBS ZIN PA GANG ZHIG ,KHYOD LTAR NA DE GNYIS MTSUNGS LDAN DU 'JUG PA'I PHYIR, RTAGS GNYIS PA'I SGRUB TSUL YANG DES DPAGS NAS SHES PAR BYA'O, ,GONG DU 'DOD MI NUS TE, GANG ZAG RTEN GCIG GI RNAM SHES TSOGS DRUG GI 'KHOR DU DE LTAR 'BYUNG BA YOD PA'I PHYIR, DER THAL, GANG ZAG RTEN GCIG GI RNAM SHES TSOGS DRUG GANG YANG RUNG BA GCIG RIGS 'DRA RGYUN CHAGS SU GNAS PA'I TSE NA DE LTAR MI 'BYUNG YANG RIGS MI MTHUN DU GYUR PA'I TSE NA DE LTAR 'BYUNG BA'I PHYIR, DE YANG, DPER NA, YUL YID 'ONG SNANG BA'I YID KYI RNAM SHES KYI 'KHOR DU TSOR BA BDE BA 'BYUNG BA'I MJUG THOGS SU YUL YID MI 'ONG SNANG BA'I YID KYI RNAM SHES SKYES PA NA DE'I 'KHOR DU TSOR BA SDUG BSNGAL 'BYUNG BA NA RNAM SHES SNGA MA 'KHOR BCAS @28A *, ,DE RNAM SHES PHYI MA 'KHOR BCAS SU 'GYUR BA MA YIN TE, DE'I TSE RNAM SHES SNGA MA 'KHOR BCAS DES RANG GI RIGS 'DRA PHYI MA SKYED BYED KYI BAG CHAGS TZAM 'JOG PA YIN GYI RANG GI RIGS 'DRA RGYUN CHAD NAS DE DANG RIGS MI MTHUN GYI RNAM SHES 'KHOR BCAS PHYI MA ZHIG RIGS MTHUN GYI BAG CHAGS GZHAN LA BRTEN NAS GSAR DU BYUNG BA YIN PA'I PHYIR, DES DBANG SHES LNGA'I 'KHOR DU TSOR BA GSUM 'BYUNG TSUL DANG, TSOGS DRUG GI 'KHOR DU DGE SOGS GSUM 'BYUNG TSUL RNAMS DE BZHIN DU DPAGS NAS SHES PAR BYA'O, ,KHA CIG ,SANGS RGYAS 'PHAGS PA'I RGYUD LA RNAM SMIN YOD PAR THAL, DE'I MDZOD SPU KHA DOG DKAR BA DE SBYIN PA'I RNAM SMIN GYI 'BRAS BU YIN PA SOGS MTSAN BZANG RNAMS PHYIN DRUG SO SO'I RNAM SMIN DU NGOS 'DZIN MDO SDE BSKAL BZANG LAS RGYA CHER GSUNGS PA'I PHYIR ZER NA MA KHYAB STE, DE NI GRUB MTHA' GZHAN GYI LUGS LTAR YIN PA'I PHYIR, KHA CIG ,RNAM SHES RNAM SMIN GYI CHA'I 'JUG LDOG GI DUS DE LTAR MI 'THAD PAR THAL, RIGS DRUG GANG NAS 'CHI 'PHO BA'I TSE NA RNAM SHES RNAM SMIN GYI CHA DE LDOG DGOS PA'I PHYIR, DER THAL, DPER NA, NGAN 'GRO NAS SHI 'PHOS TE BDE 'GROR SKYE BA'I TSE NA DE LDOG DGOS PA'I PHYIR, DER THAL, DE'I TSE NA TSE SNGA MA'I NGAN 'GRO'I RNAM SHES RNAM SMIN GYI CHA DE LDOG DGOS PA'I PHYIR ZER NA MA KHYAB, MA GRUB NA DER THAL, THEG BSDUS LAS, RNAM PAR SMIN PA'I RNAM PAR SHES PA RGYUN CHAD PA NI NYING MTSAMS SBYOR BA MA GTOGS PA GZHAN @28B DU MNGON PAR 'GRUB PA MED PA'I PHYIR, ZHES GSUNGS PA'I PHYIR, GZHAN YANG DE LTAR LDOG PAR THAL, DE'I TSE DE'I RIGS RGYUN LDOG PA'I PHYIR, DER THAL, DE'I TSE TSE SNGA MA'I NGAN 'GRO'I RNAM SMIN DU 'PHEN BYED KYI LAS KYI NUS PA RDZOGS PA'I PHYIR, 'O NA KHO RANG LA, DE'I TSE KUN GZHI RNAM SHES LDOG PAR THAL, DE'I TSE RNAM SMIN GYI RNAM SHES LDOG PA'I PHYIR, RTAGS KHAS, 'DOD NA, DE'I TSE 'CHI 'PHO BA PO DANG SKYE BA LEN PA PO'I RNAM SHES MED PAR THAL, DE'I TSE KUN GZHI RNAM SHES MED PA GANG ZHIG , RNAM SHES TSOGS GZHAN BDUN 'CHI 'PHO BA PO DANG SKYE BA LEN PA POR MI RUNG BAR GZHUNG DAG LAS MANG DU GSUNGS PA'I PHYIR, GZHAN YANG, KHYOD LTAR NA DE'I TSE KUN GZHI RNAM SHES LDOG PA MA YIN PAR THAL, DE'I TSE KUN GZHI RNAM SHES GRUB PA YIN PA'I PHYIR, DER THAL, DE'I TSE NGAN 'GRO NAS SHI 'PHOS PA DANG BDE 'GRO'I BAR SRID DU SKYE BA GNYIS SRANG MDA'I MTHO DMA' BZHIN DU DUS MNYAM PA GANG ZHIG ; DE'I TSE BDE 'GRO'I BAR SRID KYI KUN GZHI RNAM SHES GRUB PA'I PHYIR, DES NA 'JUG LDOG GI DUS MTSAMS DE LTAR 'THAD DE, SA BON GYI RTEN DU GYUR PA'I RNAM SHES DE 'KHOR BA THOG MA MED PA NAS BZUNG STE THEG DMAN GYI DBANG DU BYAS NA LHAG MED MYANG 'DAS KYI BAR DANG THEG CHEN GYI DBANG DU BYAS NA SANGS MA RGYAS KYI BAR DU RNAM SMIN DU MA GYUR PA'I SKABS @29A *, ,MED PA'I PHYIR, DER THAL, KUN GZHI RNAM SHES LA RNAM SMIN GYI RNAM SHES KYIS KHYAB KYANG RNAM SMIN GYI RNAM SHES LA KUN GZHI RNAM SHES KYIS MA KHYAB PAR GSUNGS PA'I DON YOD PA'I PHYIR, ` ,BRTEN PA SA BON KUN GZHI NI, ZHES SOGS KYI SKABS SU MTHA' DPYAD PA LA DGAG BZHAG SPONG GSUM LAS, DANG PO LA, KHA CIG , KUN GZHI RNAM SHES YIN NA, DGE SOGS GSUM KA'I BAG CHAGS SGO GZHI YIN PAS KHYAB ZER NA, DGE RTZA GTAN NAS CHAD PA'I GANG ZAG GI RGYUD KYI KUN GZHI RNAM SHES CHOS CAN, DGE BA'I BAG CHAGS SGO GZHI YIN PAR THAL, DAM BCA' DE'I PHYIR, 'DOD NA, DE LA DGE BA'I BAG CHAGS SGO BYED KYI DGE SEMS YOD PAR THAL, 'DOD PA'I PHYIR, 'DOD MI NUS SO, , GZHAN YANG, PHYIR MI 'ONG GI RGYUD KYI KUN GZHI RNAM SHES CHOS CAN, MI DGE BA'I BAG CHAGS SGO GZHI YIN PAR THAL, DAM BCA' DE'I PHYIR, 'DOD NA, DE LA MI DGE BA'I BAG CHAGS BSGOD PA YOD PAR THAL, 'DOD PA'I PHYIR, 'DOD NA, DE'I RGYUD LA MI DGE BA SKYE BA YOD PAR THAL, 'DOD PA'I PHYIR, 'DOD MI NUS SO, ,KHA CIG , BAG CHAGS SGO GZHI YIN NA, KUN GZHI RNAM SHES YIN PAS KHYAB ZER NA, DGRA BCOM PA'I RGYUD KYI RNAM SMIN GYI RNAM SHES CHOS CAN, DER THAL, DE'I PHYIR, DER THAL, DGRA BCOM THOB NAS BDAG LTA'I SA BON ZAD DE NYON YID LDOG PAS NYON MONGS CAN @29B GYI BAG CHAGS 'JOG PA MED KYANG NYON MONGS CAN MA YIN PA'I BAG CHAGS 'JOG PA YOD PA'I PHYIR, DER THAL, DE BZHIN GSHEGS PA LAS GZHAN PA'I GANG ZAG RNAMS LA NYON MONGS CAN DANG NYON MONGS CAN MA YIN PA'I SEMS DANG SEMS BYUNG RNAMS 'GAGS NAS SLAR RIGS MTHUN 'BYUNG BAR 'GYUR BA ZHIG YIN NA RANG NYID 'GAG PA LA MNGON DU PHYOGS PA'I TSE BAG CHAGS NGES PAR BZHAG DGOS PA'I PHYIR, DER THAL, DON GSANG LAS, DE BZHIN GSHEGS PA LAS GZHAN PA RNAMS KYIS NI BAG CHAGS MED PAR NYON MONGS PA CAN DANG NYON MONGS PA CAN MA YIN PA'I CHOS RNAMS KHYAD PAR DU 'BYUNG BAR MI 'GYUR BAS GDON MI ZA BAR BSGO BAR BYA BA YIN PAR KHAS BLANGS DGOS SO, ,ZHES GSUNGS PA'I PHYIR, GZHAN YANG, NYAN RANG DGRA BCOM LHAG BCAS PA DANG DAG SA'I BYANG SEMS KYI RGYUD KYI RNAM SHES TSOGS DRUG RNAMS KYIS RANG NYID 'GAG KHA MA'I TSE RIGS 'DRA PHYI MA BSKYED PA'I RGYU MTHUN GYI BAG CHAGS 'JOG RGYU MED PAR THAL, 'DOD PA'I PHYIR, 'DOD NA; MI 'THAD DE, DE RNAMS KYI RGYUD KYI RNAM SHES TSOGS DRUG RNAMS RIGS 'DRA SNGA MA RGYUN CHAD NAS 'GAGS RJES SLAR YANG RIGS 'DRA PHYI MA 'BYUNG BA YOD PA GANG ZHIG , DE YOD NA DE DAG SKYED BYED KYI RGYU MTHUN GYI BAG CHAGS YOD DGOS PA'I PHYIR, DANG PO DER THAL, DE RNAMS KYIS 'GOG PA LA SNYOMS PAR 'JUG PA'I TSE RNAM SHES TSOGS DRUG @30A *, ,GI RIGS 'DRA RGYUN CHAD NAS SLAR YANG SNYOMS 'JUG DE LAS LANGS PA'I TSE DE DAG GI RGYUD LA RNAM SHES TSOGS DRUG SKYE BA YOD PA'I PHYIR, DES NA DE RNAMS KYI RGYUD LA RIGS MTHUN GYI BAG CHAGS DANG MNGON BRJOD KYI BAG CHAGS 'JOG PA YOD DE, DE RNAMS KYI RGYUD LA RANG DUS NA DBANG SHES DANG YID SHES RNAMS 'BYUNG MI 'BYUNG GI SKABS DU MA YOD PA'I PHYIR DANG, DE RNAMS KYIS ZAG MED KYI LAS GSAR DU GSOG PA YOD PA'I PHYIR, DE LA KHA CIG ,DE LTAR SKYE BA NI SGO GZHI KUN GZHI RNAM SHES YOD DUS SU BZHAG PA'I RIGS MTHUN GYI BAG CHAGS LAS SKYES PA YIN ZER NA, DE MI 'THAD PAR THAL, KUN GZHI RNAM SHES LA BAG CHAGS BSGOD NUS SHING DE GNAS GYUR PA'I LEN PA'I RNAM SHES LA BAG CHAGS BSGOD MI NUS PA'I KHYAD PAR MI 'THAD PA'I PHYIR, GZHAN YANG, NYON MONGS SPANGS MA THAG TU DGE BA'I BAG CHAGS MTHAR THUG PA BSAGS ZIN PAR THAL, 'DOD PA'I PHYIR, 'DOD NA, NYON MONGS SPANGS MA THAG TU DGE BA MTHAR THUG PA THOB ZIN PAR THAL, 'DOD PA'I PHYIR, KHA CIG ,SANGS RGYAS KYI SA NA BAG CHAGS BSGOD PA YOD ZER NA, 'O NA, ME LONG LTA BU'I YE SHES LA BAG CHAGS BSGOD PA YOD PAR THAL, 'DOD PA'I PHYIR, 'DOD MI NUS TE, DE LTAR BSGOS NA DE BZHIN GSHEGS PA SNGA MA RNAMS BAG CHAGS BSAGS PA MANG BAS DE BZHIN GSHEGS @30B PA PHYI MA RNAMS, DE LAS MTHU DMAN PAR 'GYUR BA'I SKYON YOD PA'I PHYIR, DES NA ME LONG LTA BU'I YE SHES LA BAG CHAGS BSGOD PA MED KYANG STOBS SOGS SANGS RGYAS KYI YON TAN RNAMS 'BYUNG BA NI RGYUN MTHA'I TSE SANGS RGYAS 'GRUB PA'I BAG CHAGS THAMS CAD CIG CAR NUS PA MTHAR THUG TU RGYAS PA LA BRTEN NAS SKAD CIG GNYIS PA NAS STOBS SOGS SANGS RGYAS KYI YON TAN THAMS CAD 'BAD MED LHUN GRUB TU GYUR NAS NAM MKHA' MA ZAD GYI BAR DU RIGS 'DRA RGYUN MI CHAD DU 'JUG PA'I PHYIR, DE LTAR YANG DON GSANG LAS, YANG ME LONG LTA BU'I YE SHES LA BAG CHAGS SGO BAR BYED DAM 'ON TE MI BYED, GAL TE SGO BAR BYED NA NI SNGON GYI DE BZHIN GSHEGS PA DUS MI THUNG BAR BAG CHAGS CAN DAG LAS DA LTAR GYI DE BZHIN GSHEGS PA RNAMS BAG CHAGS NYUNG BA NYID KYIS MTHU DMAN PAR THAL BAR YANG 'GYUR LA, DGE BA BSGO BAR BYA BAR THAL BAR 'GYUR RO, ,SANGS RGYAS KYI CHOS RNAMS NI GCIG TU DGE BA'I PHYIR RO, ,'ON TE BSGO BAR MI BYED NA NI JI LTAR SKAD CIG MA'I RGYUN GYI SO SOR RTOG PA'I YE SHES LA SOGS PA 'BYUNG BAR 'GYUR RO ZHE NA, ,SO SOR RTOG PA'I YE SHES LA SOGS PA 'BYUNG BA NI SNGON GYI SA BON GYI RGYUN RDO RJE LTA BU'I DUS NYID NI CIG CAR YONGS SU RGYAS PA LAS YIN GYI SNGON MED PA LAS NI MA YIN NO, ,ZHES GSUNGS PA'I PHYIR, KHA CIG ,RNAM SHES TSOGS DRUG RNAMS KYIS NANG PHAN TSUN DU BAG CHAGS BSGOD PA YOD ZER NA, DE MI 'THAD PAR THAL, @31A *, ,DE DAG SGO GZHI DANG SGO BYED DU PHAN TSUN 'BREL BA MED PA'I PHYIR DANG, DE RNAMS RTEN DBANG PO DANG, DMIGS PA YUL DANG, DE MA THAG RKYEN GYI YID BYED GSUM SO SOR THA DAD PAR YOD PA KHO NA LAS SKYE DGOS PAS DE DANG 'GAL BAR 'GYUR BA'I SKYON YOD PA'I PHYIR, DER THAL, THEG BSDUS LAS, DRUG PO DAG LA 'BREL MED DE, ,THA DAD GSUM DANG 'GAL BA'I PHYIR, ,ZHES GSUNGS PA'I PHYIR, YANG KHA CIG ,'JUG SHES DRUG PO RNAMS NANG PHAN TSUN DU 'BREL BA MED PAS BAG CHAGS MI BSGOD KYANG MIG SHES SKAD CIG SNGA MAS DE SKAD CIG PHYI MA LA BAG CHAGS BSGO BA DANG, DES 'JUG SHES GZHAN RNAMS LA'ANG RIGS 'GRE'O ZER NA, DE YANG MI 'THAD PAR THAL, DE 'DRA'I SKAD CIG MA SNGA PHYI GNYIS PO DE DUS GCIG TU LHAN CIG TU TSOGS PA MED PA'I PHYIR, KHYAB STE, DPER NA, SNA MA ZHES PA DZA TI ME TOG PHYUNG ZIN PA'I SNOD DU TIL BLUGS KYANG DE LA SNA MA'I ME TOG GI DRI BSGOS MI NUS PA LTA BU YIN PA'I PHYIR, DE YANG YIN TE; MIG SHES SKAD CIG SNGA MA 'GAGS KHA MA'I TSE BAG CHAGS BSGOD NA SGO GZHI MED PAR THAL BA DANG, MIG SHES SKAD CIG SNGA MA 'GAGS ZIN NAS BAG CHAGS BSGOD NA SGO BYED MED PAR THAL BA'I SKYON YOD PA'I PHYIR DANG, LAS BYA BA LA LAS BYED PA PO YOD BZHIN PA MI DGOS PAR LAS BYED PA PO 'DAS NAS LAS BYA BA YOD PAR THAL BA SOGS CHES 'BREL MED DU 'GYUR BA'I PHYIR, DE LA KHO NA RE, SKYON MED @31B DE; ;MIG SHES SKAD CIG SNGA PHYI GNYIS DUS MNYAM LHAN CIG TU MED KYANG DE GNYIS RIGS GCIG PAS DE SKAD CIG SNGA MAS DE SKAD CIG PHYI MA LA BAG CHAGS BSGOD NUS PA YIN NO ZER NA, 'O NA, LHA SBYIN GYI MIG SHES KYIS GZHAN MCHOD SBYIN GYI MIG SHES LA BAG CHAGS BSGOD NUS PAR THAL, MIG SHES DE GNYIS RIGS GCIG PA'I PHYIR DANG, GZUGS CAN GYI DBANG PO SKAD CIG SNGA MAS GZUGS CAN GYI DBANG PO SKAD CIG PHYI MAR BAG CHAGS BSGOD NUS PAR THAL, SKAD CIG DE GNYIS RIGS GCIG PA'I PHYIR, 'DOD MI NUS TE, DE NYID LAS, SKAD CIG LHAN CIG MED PA'I PHYIR, RIGS LA BYA NA GZHAN DU THAL, ZHES GSUNGS PA'I PHYIR, DER MA ZAD GZHAN YANG, KHYOD LTAR NA DGE SEMS KYI BAG CHAGS MI DGE BA'I SEMS LA 'JOG PA DANG, MI DGE BA'I SEMS KYI BAG CHAGS DGE SEMS LA 'JOG PA YOD PAR THAL, DGE SEMS KYI MJUG THOGS SU MI DGE BA'I SEMS DANG MI DGE BA'I SEMS KYI MJUG THOGS SU DGE SEMS SKYE BA YOD PA GANG ZHIG ,DE'I TSE SEMS DE GNYIS PO SO SO BAG CHAGS 'JOG PA YOD PA'I PHYIR, DANG PO DER THAL, THEG BSDUS LAS, CI'I PHYIR RNAM PAR SHES PA'I TSOGS DRUG PO DAG PHAN TSUN GYI SA BON NYID MA YIN ZHE NA, 'DI LTAR DGE BA'I 'OG TU MI DGE BA 'BYUNG BA 'AM, MI DGE BA'I 'OG TU DGE BA DANG, DE GNYIS KA'I 'OG TU LUNG MA BSTAN DANG, ZHES PA NAS, 'JIG RTEN LAS 'DAS PA'I 'OG TU 'JIG RTEN PA 'BYUNG STE, ZHES PA DANG, DE'I DON DKA' 'GREL LAS GSAL BAR GSUNGS PA'I PHYIR, GNYIS PA DER THAL, DE LTA MA YIN NA, TSOGS DRUG DGE MI DGE'I SEMS SNGA MA 'GAGS NAS YUN RING ZHIG LON NAS DGE MI DGE'I SEMS KYI @32A *, ,'BYUNG BA RNAMS RGYU MED LAS 'BYUNG BAR THAL BA'I SKYON YOD PA'I PHYIR, DER THAL, DKA' 'GREL LAS, GZHAN YANG TSOGS DRUG RGYUN CHAD PA'I DUS SU BAG CHAGS KYI RTEN MED PAS DE YANG RGYUN CHAD PAR 'GYUR LA DE LTA NA PHYIS 'BYUNG BA'I SEMS RNAMS RGYU MED PAR 'GYUR RO, ,ZHES GSUNGS PA'I PHYIR, KHA CIG ,BAG CHAGS SGO BYED LA RNAM SHES TSOGS BDUN 'KHOR BCAS SU MA NGES ZER NA, DE NGES PAR THAL, DE LA NANG GI SHES PA ZHIG DGOS PA GANG ZHIG ,KUN GZHI RNAM SHES 'KHOR BCAS KYIS BAG CHAGS MI 'JOG PA 'OG TU 'CHAD PAR 'GYUR BA'I PHYIR, DANG PO DER THAL, PHYI'I GZUGS SGRA SOGS NANG GI SGO GZHI DANG LHAN CIG TU TSOGS PA'I 'BREL BA MED PAS DE DAG GIS BAG CHAGS BSGOD MI NUS, NANG GI GZUGS SGRA SOGS SGO GZHI DANG LHAN CIG TU TSOGS PA YOD KYANG DMIGS RNAM 'DZIN RGYU MED PAS BAG CHAGS 'JOG MI NUS PA'I PHYIR, ZUR DANG PO DER THAL, DPER NA, SGO BYED DZA TI'I ME TOG DE SGO GZHI TIL DANG LHAN CIG TU TSOGS PA MED PAR DES DE LA DRI BSGOD MI NUS PA LTA BU YIN PA'I PHYIR, ZUR PHYI MA DER THAL, DMIGS RNAM 'DZIN RGYU YOD KYANG DMIGS RNAM MI GSAL BA'I SEMS DANG SEMS BYUNG RNAMS KYIS KYANG BAG CHAGS 'JOG MI NUS PA GANG ZHIG ,DE LTA NA DMIGS RNAM 'DZIN RGYU MED PA RNAMS KYI BAG CHAGS 'JOG NUS PA LTA CI SMOS PA'I PHYIR, DANG PO DER THAL, KUN GZHI'I 'KHOR GYI REG SOGS LNGA PO DE DMIGS RNAM SHIN TU MI GSAL BA'I LUNG MA BSTAN YIN PA'I RGYU MTSAN GYIS BAG CHAGS @32B MI BSGOD PAR 'DOD PA 'THAD PHYOGS SU MDZAD PA'I PHYIR, DER THAL, DKA' 'GREL LAS, 'O NA, REG SOGS DE DAG GIS RANG 'GRUB PA'I SA BON KUN GZHI LA BSGOD DAM MI BSGOD, DANG PO LTAR NA, TSOGS BDUN LAS GZHAN PA'I SGO BYED YOD PAR 'GYUR RO, ,GNYIS PA LTAR NA, DE DAG RGYU MED DU 'GYUR RO ZHE NA, 'DI LA RGYU MED DU 'GYUR BA'I PHYIR BSGOD DGOS ZHES PA DANG, DE DAG SHIN TU MI GSAL BA'I LUNG MA BSTAN YIN PA'I PHYIR MI BSGOD DO, ,'ON KYANG SNGON GYI LAS KYI RNAM SMIN YIN PAS MA SHI'I BAR DU 'PHEN PAS 'JUG CES PA'I LUGS GNYIS BSHAD KYANG PHYI MA LEGS TE, ZHES GSUNGS PA'I PHYIR, RGYU MTSAN DES NA KUN GZHI RNAM SHES KYIS KYANG BAG CHAGS MI 'JOG PAR GRUB STE, DE DMIGS RNAM SHIN TU MI GSAL BA'I BLO YIN PA'I PHYIR DANG, DER MA ZAD DE RANG NYID KYIS RANG NYID LA BAG CHAGS BZHAG PA'I BYA BYED MI 'THAD LA DE LAS GZHAN DU DES BAG CHAGS BSGOD SA'I SGO GZHI MI RNYED PA'I PHYIR, DER THAL, DRANGS MA THAG PA'I LUNG GI MJUG TU DKA' 'GREL LAS, GZHAN DU NA KUN GZHI NYID KYIS KYANG BSGOD DGOS PAS SGO GZHI MI RNYED PA'I SKYON DU 'GYUR RO, ,ZHES GSUNGS PA'I PHYIR, KHA CIG ,RNAM SHES TSOGS BDUN 'KHOR BCAS YIN NO COG GIS BAG CHAGS BSGOD ZER NA, DE MI 'THAD PAR THAL, DMAN PA'I DGRA BCOM MTHA' MA'I SEMS SEMS BYUNG DANG SANGS 'PHAGS KYI RGYUD KYI SEMS SEMS BYUNG DANG DGE SOGS GSUM GYI SHES PA RGYUN CHAD KHA MA SOGS LA BAG CHAGS BSGOD MI NUS PA'I SHES PA DU MA YOD PA'I PHYIR, GZHAN YANG, YID GZUGS @33A *, ,MDZES LA LHAG PAR CHAGS DUS KYI SGRA 'DZIN DBANG SHES LTA BUS KYANG BAG CHAGS BSGOD MI NUS TE, DES SGRA LA DMIGS RNAM GSAL BAR MI 'DZIN PAS SGRA'I RNAM PA 'DI DANG 'DI ZHES NGES PA 'DREN MI NUS PA'I PHYIR, DE BZHIN DU GNYID DANG RMI LAM GYI SHES PA DANG, GDON GYI BRLAMS PA SOGS SHES PA RANG BZHIN DU MI GNAS PA'I SKABS KYI TSOGS DRUG DGE MI DGE LUNG MA BSTAN GANG GIS KYANG BAG CHAGS BSGOD MI NUS TE, DE DAG GIS DMIGS RNAM GSAL BAR MI 'DZIN PA'I PHYIR DANG, DE DAG GI LAS NI BYAS LA MA BSAGS PA'I LAS YIN PA'I PHYIR, KHYAB STE, DE LTAR MA YIN NA BCAS LDAN DGE SLONG GIS RMI LAM DU SROG GCOD PA LTA BU'I GZHI BSAM PA SBYOR BA MTHAR THUG GI RGYU LA SPYAD PAR RMIS PAS SROG GCOD KYI PHAM PA 'BYUNG BA YOD PAR THAL BA DANG, SHES PA RANG BZHIN DU MI GNAS PA'I DGE SLONG GIS LTUNG BA'I RGYU LA SPYOD NA LTUNG BA 'BYUNG BAR THAL BA SOGS GNOD BYED MANG DU 'JUG PA'I PHYIR, KHA CIG ,NYON YID DANG DE'I 'KHOR GYI KUN 'GRO LNGA POS SGRIB PAR GYUR PA'I LUNG MA BSTAN GYI BAG CHAGS 'JOG PA YIN ZER NA, 'O NA, DE RNAMS SGRIB PA YIN PAR THAL, 'DOD PA'I PHYIR, 'DOD MI NUS TE, DE RNAMS GNAS GYUR MTHAR THUG PA'I TSE MNYAM NYID YE SHES SU 'GYUR BA'I PHYIR, DER THAL, MDO SDE RGYAN LAS, NYON MONGS CAN YID GNAS GYUR PA, , MNYAM NYID YE SHES BRJOD PAR BYA, ,ZHES GSUNGS PA'I PHYIR, YANG KHA CIG ,NYON YID KYI 'KHOR DU GYUR PA'I SEMS BYUNG YIN NA, SGRIB PAR GYUR PA'I LUNG MA BSTAN GYI BAG CHAGS MI 'JOG PAS KHYAB ZER NA, 'O @33B NA, DE'I 'KHOR DU GYUR PA'I CHAGS SOGS NYON MONGS BZHI PO CHOS CAN, DER THAL, DE'I PHYIR, 'DOD MI NUS TE, DE RNAMS NYON YID MA LDOG GI BAR DU RTAG TU SGRIB PAR GYUR PA'I LUNG MA BSTAN GYI NGO BOR GNAS PA'I PHYIR, ,GNYIS PA RANG GI LUGS BZHAG PA NI, BAG CHAGS SGO GZHI NI NANG SHES RGYUD KYIS BSDUS PA ZHIG DGOS TE, LAS KYI RNAM SMIN NI LAS KYI BAG CHAGS GANG DU 'JOG SA'I GZHI DE LA SMIN DGOS PAS RGYUD KYIS BSDUS PA LA SMIN DGOS KYI, RGYUD KYIS MA BSDUS PA'I PHYI ROL GYI 'BYUNG BA SOGS LA SMIN MI NUS PA'I PHYIR, DER THAL, MDO LAS, LAS BYAS SHING BSAGS PA RNAMS KYI RNAM PAR SMIN PA NI PHYI ROL GYI SA'I KHAMS LA MA YIN, ZHES PA NAS, ZIN PA'I PHUNG PO DANG KHAMS DANG SKYE MCHED RNAMS LA SMIN PAR 'GYUR RO, ,ZHES GSUNGS PA'I PHYIR, DGE MI DGE LUNG MA BSTAN RNAMS KYI BAG CHAGS SGO GZHI NI, KUN GZHI RNAM SHES DANG DE'I RDZAS RGYUN DU GYUR PA'I LEN PA'I RNAM SHES KHO NAR NGES PA YIN TE, DE LAS GZHAN SEMS SEMS BYUNG SOGS GANG YANG BAG CHAGS SGO GZHIR MI RUNG BA'I PHYIR DANG SANGS RGYAS 'PHAGS PA'I RGYUD LA BAG CHAGS BSGO GZHI DANG SGO BYED GANG YANG MED PA'I PHYIR, BAG CHAGS SGO BYED LA RNAM SHES TSOGS BDUN 'KHOR BCAS SU NGES PA YIN TE, DE LA SHES PA ZHIG DGOS LA, KUN GZHI RNAM SHES 'KHOR BCAS KYI BAG CHAGS MI BSGO BA GONG DU BSHAD ZIN PA'I PHYIR, DE YANG ZHIB TU PHYE NA GTZO BO RNAM SHES TSOGS BDUN DANG, 'KHOR SEMS BYUNG LNGA BCU NGA GCIG YOD LA, DE YANG PHYE NA RNAM SHES TSOGS BDUN PO SO SOR 'KHOR SEMS BYUNG JI TZAM @34A *, ,'BYUNG BA'I GRANGS DANG, DE YANG KHAMS GSUM DANG SA DGUR PHYE BA'I GRANGS SOGS SHES DGOS SO, ,YANG SPYIR BTANG LA DGE SOGS GSUM KA'I BAG CHAGS 'JOG BYED LA RNAM SHES TSOGS DRUG 'KHOR BCAS SU NGES PA DANG, NYON YID 'KHOR BCAS KYIS LUNG MA BSTAN GYI BAG CHAGS KHO NA BSGO BA YIN LA, 'ON KYANG KHAMS GSUM CHAR DE LTAR NGES PA NI MA YIN TE, 'DOD KHAMS SU RNAM SHES TSOGS DRUG RE RE NAS 'BYUNG MI 'BYUNG GI SKABS CI RIGS YOD PA'I PHYIR DANG, DE LA'ANG DGE RTZA CHAD PA'I GANG ZAG GI RGYUD LA DGE SEMS DANG, BSAM GTAN GYI DNGOS GZHI THOB LA MA NYAMS PA'I RGYUD LA MI DGE BA'I SEMS MED PA'I PHYIR DANG, GZUGS KHAMS PA'I RGYUD LA MI DGE BA'I SEMS DANG SNA LCE'I RNAM SHES MED PA'I PHYIR DANG, KHAMS GSUM KAR ZAG MED MNYAM GZHAG PA DANG 'GOG PA'I SNYOMS 'JUG LA GNAS PA'I GANG ZAG GI RGYUD LA DBANG SHES DANG NYON YID MED CING PHYI MA'I RGYUD LA YE SHES KYANG MED PA'I PHYIR, DE YANG TSOGS DRUG 'KHOR BCAS DGE MI DGE GNYIS KYIS RGYU MTHUN GYI SA BON DANG RNAM SMIN GYI SA BON DANG SRID PA'I YAN LAG GI BAG CHAGS 'JOG ,DE'I STENG DU YID SHES KYIS MNGON BRJOD KYI BAG CHAGS 'JOG ,YANG TSOGS DRUG 'KHOR BCAS LUNG MA BSTAN GYIS RIGS MTHUN GYI BAG CHAGS DANG SGRIB LUNG MA BSTAN DANG MA SGRIB LUNG MA BSTAN GYI SA BON 'JOG CING 'DI LA'ANG KHAMS GSUM KAR TSOGS DRUG GANG DANG GANG GI 'KHOR GYI RTZA NYON BCU DANG NYE NYON GANG 'BYUNG BA'I KHYAD PAR ZHIB TU SHES DGOS SO, ,NYON @34B YID 'KHOR BCAS KYIS NI BDAG LTA'I BAG CHAGS DANG RIGS MTHUN GYI BAG CHAGS DANG LUNG MA BSTAN GYI BAG CHAGS 'JOG ,NYON YID KYI 'KHOR DU GYUR PA'I NYON MONGS CAN MA YIN PA'I SEMS BYUNG BZHI DANG, 'DAS LAM ZAG MED MNGON DU GYUR PA DANG DGRA BCOM PA DANG 'GOG SNYOMS LA GNAS PA DANG DBANG THOB PA RNAMS KYI RGYUD KYI BDUN YID GSAL RIG TZAM DANG, DE'I 'KHOR GYI KUN 'GRO LNGA DANG NYON MONGS CAN MA YIN PA'I SEMS BYUNG BZHI RNAMS KYIS RIGS MTHUN GYI BAG CHAGS DANG LUNG MA BSTAN GYI BAG CHAGS 'JOG ,DMAN PA'I DGRA BCOM PA DANG SA THOB PA RNAMS KYI RGYUD KYI 'JUG SHES DGE BAS RNAM SMIN GYI BAG CHAGS 'JOG MIN DANG ZAG MED KYI LAS KYIS BAG CHAGS 'JOG TSUL RNAMS GONG DU BSHAD PA LTAR DPYOD DGOS PA MANG DU YOD DO, ,GSUM PA RTZOD PA SPONG BA NI, KHA CIG GIS, BAG CHAGS SGO GZHI YIN NA, KUN GZHI RNAM SHES YIN PAS KHYAB PAR THAL, DGE SOGS GSUM KA'I BAG CHAGS SGO GZHI YIN NA DE LTAR KHYAB PA GANG ZHIG ,NYON MONGS CAN DANG, NYON MONGS CAN MA YIN PA GNYIS KYI BAG CHAGS SGO GZHI YIN NA DE LTAR KHYAB PA'I PHYIR ZER NA MA KHYAB, DANG PO DER THAL, MI DGE BA'I BAG CHAGS BSGO GZHI YIN NA KUN GZHI RNAM SHES YIN DGOS PA'I PHYIR, DER THAL, KUN GZHI GNAS GYUR PA'I GANG ZAG GI RGYUD LA MI DGE BA'I BAG CHAGS SGO GZHI MED PA'I PHYIR TE, DE'I RGYUD LA MI DGE BA MED PA'I PHYIR, GNYIS PA MA GRUB NA, DER THAL, NYAN RANG DGRA BCOM PA DANG DAG SA'I BYANG SEMS KYI RGYUD LA NYON MONGS CAN GYI BAG CHAGS SGO GZHI MED PA'I @35A *, ,PHYIR TE, DE DAG GI RGYUD LA NYON MONGS CAN GYI BLO MED PA'I PHYIR, KHA CIG ,KUN GZHI RNAM SHES DE BAG CHAGS SGO BYED JI SRID YOD KYI BAR GNAS PA'I BRTAN PA MA YIN PAR THAL, DGRA BCOM THOB PA DANG DBANG THOB NAS DE LDOG PAR GSUNGS PA'I PHYIR ZER NA, SKYON MED DE, KUN GZHI RANG NYID LA BLTOS PA'I SGO BYED JI SRID YOD KYI BAR GNAS PAS CHOG PA'I PHYIR, DE YANG YIN TE, SKABS 'DIR DGE SOGS GSUM KA DANG NYON MONGS CAN YIN MIN GNYIS KA'I BAG CHAGS SGO GZHI GTAN LA 'BEBS PA'I SKABS YIN PAS DE RNAMS KYI BAG CHAGS SGO BYED YOD KYI BAR KUN GZHI RNAM SHES KYANG GNAS PA'I PHYIR, NYAN RANG DGRA BCOM PA DANG SA BRGYAD PA THOB PA'I BYANG SEMS RNAMS KYI RGYUD LA DGE BA DANG LUNG MA BSTAN DANG NYON MONGS CAN MA YIN PA'I SGO BYED YOD KYANG NYON MONGS CAN GYI SGO BYED MED PAS DE RNAMS KYI RGYUD KYI SGO GZHI RNAM SHES DE LA KUN GZHI MED ZER YANG RNAM SHES RANG LDOG LEN PA'I RNAM SHES SU YOD PA'I PHYIR, DE YANG YIN TE, LEN PA'I RNAM SHES DE NYON MONGS MA SPANGS TSUN DU 'GRO BA RNAMS NYON YID KYI BDAG TU SBYOR BA'I CHA LA KUN GZHI RNAM SHES ZHES BRJOD CING DE SPANGS NAS KUN GZHI ZHES MI BRJOD KYANG RNAM SHES RANG GI NGO BO NI 'KHOR BA THOG MA MED PA NAS THEG DMAN GYI DBANG DU BYAS NA LHAG MED MYANG 'DAS TSUN CHAD DANG, THEG CHEN GYI DBANG DU BYAS NA SANGS MA RGYAS TSUN CHAD DU RIGS 'DRA RGYUN CHAGS SU GNAS NAS BAG CHAGS BSGO BA'I GZHI DANG BAG CHAGS GNAS PA'I RTEN DANG RNAM SMIN DU GYUR PA LAS MI 'DA' BA YIN PA'I PHYIR, 'ON KYANG THEG DMAN GYI LHAG MED DU SONG NAS BAG CHAGS @35B SGO GZHI MED DE, DE'I TSE 'DU BYED KYI RGYU BA GTAN NAS LOG PA'I PHYIR, SANGS RGYAS NAS BAG CHAGS SGO GZHI MED DE, SANGS RGYAS NAS BAG CHAGS BSGO BA MED PA GONG DU BSHAD ZIN PA LTAR YIN PA'I PHYIR, ` PHYI DANG NANG DANG MI GSAL BA, ,ZHES SOGS KYI SKABS SU SA BON GYI DBYE BA YOD DE, SA BON GYI RIGS BSDU NA DRUG TSAN DU DBYE BA DANG, 'JOG BYED KYI SGO NAS GSUM TSAN DU DBYE BA DANG, YANG BZHI TSAN GNYIS SU DBYE BA RNAMS SU YOD PA'I PHYIR, 'DI'I SKABS SU, KHA CIG ,NAS LA SOGS PA'I PHYI'I SA BON RNAMS CHOS CAN, SGO GZHI RNAMS SHES KYI STENG GI SA BON YIN PAR THAL, DE LAS PHYI ROL NA GUD DU MED PA'I PHYIR ZER NA MA KHYAB, MA GRUB NA DER THAL, DE DAG THA SNYAD TZAM DU MYU GU LA SOGS PA'I SA BON DU GRAGS PA TZAM YIN GYI YANG DAG PAR NA MYU GU LA SOGS PA'I SA BON MA YIN PA'I PHYIR TE, MYU GU LA SOGS PA YANG DAG PAR NA SGO GZHI RNAM SHES KYI STENG GI BAG CHAGS KHO NA LAS 'BYUNG DGOS PA'I PHYIR, KHA CIG ,PHYI NANG GI SA BON GNYIS RANG GI 'BRAS BU DANG DUS MNYAM DU 'BYUNG BA MED ZER NA, DE MI 'THAD PAR THAL, DE SKAD CIG MA YIN PA DANG RANG GI 'BRAS BU DANG DUS MNYAM LHAN CIG TU 'BYUNG BA YIN PA'I PHYIR, THEG BSDUS LAS, SKAD CIG MA DANG LHAN CIG 'BYUNG, ,ZHES GSUNGS PA'I PHYIR, DE LTAR 'BYUNG BA'ANG YIN TE, RGYU AUT PA LA'I RTZA BA YOD BZHIN DU, DE'I 'BRAS BU SDONG PO 'BYUNG BA DANG, RGYU CHU SHEL YOD BZHIN DU DE'I 'BRAS BU CHU 'BYUNG BA DANG, RGYU SGRON ME YOD BZHIN DU DE'I 'BRAS BU 'OD 'BYUNG BA DANG, RGYU NAS YOD BZHIN DU DE'I 'BRAS BU MYU GU 'BYUNG BA SOGS DE DAG RGYU 'BRAS DUS MNYAM YIN PA'I @36A *, ,PHYIR; KHA CIG ,DE DAG PHAN TSUN DU RGYU 'BRAS DUS MNYAM YIN ZER NA, DE MI 'THAD PAR THAL, SGRON ME YOD BZHIN DU DES RGYU RKYEN BYAS PA LA BRTEN NAS DE'I 'OD 'BYUNG YANG DE'I 'OD YOD BZHIN DU DES RGYU RKYEN BYAS PA LA BRTEN NAS SGRON ME 'BYUNG BA MA YIN PA'I PHYIR, DES GZHAN RNAMS LA RIGS SGRE, KHA CIG ,PHAN TSUN DU RGYU 'BRAS DUS MNYAM PA MED ZER NA, DE YOD PAR THAL, BUD SHING TSIG PA DANG DE BSREG PA'I ME LCE GNYIS DE LTAR YIN PA'I PHYIR, DER THAL, DE GNYIS GCIG MED NA GCIG MI 'BYUNG BA'I TSUL GYI PHAN TSUN DU RGYU 'BRAS DUS MNYAM PA YIN PA'I PHYIR TE, DON GSANG LAS, DE LA RE ZHIG TSIG PA SNGA LA ME LCE PHYI BA NI MA YIN TE, 'DI LTAR TSIG PA ZHES BYA BA NI BUD SHING MES BYAS PA'I 'GYUR BA YIN NO, ,DE LTA BAS NA ME LCE MED PAR SNGAR TSIG PA MED DE, ,DE NYID KYI PHYIR ME LCE PHYI BA YANG MA YIN NO, ,DE BZHIN DU ME LCE SNGA LA TSIG PA PHYI BA YANG MA YIN TE, YANG 'BAR BA BZHIN DU BUD SHING 'GYUR BA MED PAR THAL BA 'GYUR DU 'ONG BAS SO, ,JI LTAR NA BUD SHING TSIG PA KHO NA ME LCE'I RTEN DU 'GYUR TE, DE LTA BAS NA TSIG PA DANG ME LCE DAG NI DUS MNYAM PA NYID DO, ,ZHES GSUNGS PA'I PHYIR, GZHAN YANG DE LTAR YIN TE, YANG MES SDONG PO TSIG PA DANG, DE'I ME LCE 'BYUNG BA GNYIS KYANGS [*KYANG] GCIG MED NA GCIG MI 'BYUNG BA'I TSUL GYI PHAN TSUN DUS MNYAM RGYU 'BRAS YIN PA'I PHYIR, DE BZHIN DU 'JUG SHES RNAMS KYI RIGS MTHUN GYI SA BON YOD BZHIN DU DES RGYU RKYEN BYAS PA LA BRTEN NAS 'JUG SHES RNAMS 'BYUNG BA DANG, 'JUG SHES RNAMS YOD BZHIN DU DES RGYU RKYEN BYAS PA LA BRTEN NAS 'JUG SHES RNAMS KYI RIGS @36B MTHUN GYI SA BON 'BYUNG BA'I TSUL GYI 'JUG SHES RNAMS DANG DE'I RIGS MTHUN GYI SA BON RNAMS PHAN TSUN DUS MNYAM RGYU 'BRAS YIN PA'I PHYIR, RNAM SMIN GYI KUN GZHI DANG, SA BON GYI KUN GZHI GNYIS KYANG PHAN TSUN DU RGYU 'BRAS DUS MNYAM MDUNG KHYIM BZHIN YIN PA'I PHYIR TE, THEG BSDUS LAS, KUN GZHI RNAM PAR SHES PA DANG KUN NAS NYON MONGS PA'I CHOS DE DAG DUS MNYAM DU GCIG GI RGYU NYID DU GCIG 'GYUR JI LTAR BLTA ZHE NA, DPER NA, MAR ME'I ME LCE 'BYUNG BA DANG SNYING PO TSIG PA PHAN TSUN DUS MNYAM PA DANG, MDUNG KHYIM YANG DUS MNYAM DU GCIG LA GCIG BRTEN NAS MI 'GYEL BA BZHIN DU 'DIR YANG GCIG GI RGYU NYID DU GCIG 'GYUR BAR BLTA'O, ,ZHES GSUNGS PA'I PHYIR, DES NA KUN GZHI GNYIS CHAGS SOGS KUN NYON RNAMS KYI RGYU RKYEN DANG CHAGS SOGS KUN NYON RNAMS KYANG DE GNYIS KYI RGYU RKYEN DU BZHAG DGOS TE, DE NYID LAS, JI LTAR KUN GZHI RNAM PAR SHES PA KUN NAS NYON MONGS PA'I CHOS RNAMS KYI RGYU YIN PA DE LTAR KUN NAS NYON MONGS PA'I CHOS RNAMS KYANG KUN GZHI RNAM PAR SHES PA'I RGYU'I RKYEN NYID DU RNAM PAR BZHAG STE, RGYU'I RKYEN GZHAN MI DMIGS PA'I PHYIR, ZHES GSUNGS PA'I PHYIR, YANG DENG SANG GI RTOG GE BA 'GA' ZHIG NA RE, RGYU 'BRAS DUS MNYAM YOD PA 'DOD PA BYE SMRA'I SKABS YIN GYI GZHAN DU NA BZHAD GAD KYI GNAS SO ZER NA, DE NI RJE NYID KYIS DKA' 'GREL DU, DUS MNYAM PA'I RGYU 'BRAS KYI DBANG DU BYAS NAS DE SKAD BSHAD KYI DUS MI MNYAM PA'I DBANG DU BYAS NA ZHES GSUNGS PA TZAM YANG BLTA BYED KYI YUL DU MA GYUR CING THOS 'DZIN GYI BU GAR MA @37A *, ,SON PA'I NANG RTAGS PHYIR BSTAN PA YIN TE, SKABS 'DIR MKHAS PA RNAMS KYI BZHED TSUL RGYU 'BRAS DUS MNYAM PA KHO NAR 'DOD PA DANG, DUS MI MNYAM PA KHO NAR 'DOD PA DANG GNYIS KA 'DOD PA'I LUGS GSUM YOD PA LAS RANG LUGS GSUM PA LTAR KHAS LEN RIGS PA GONG 'OG GI LUNG DANG SGRUB BYED RNAMS KYIS SHES PA'I PHYIR, DES NA RGYU 'BRAS DUS MI MNYAM PA'I DBANG DU BYAS NA 'JUG SHES RNAMS KYIS TSE PHYI MA'I KUN GZHI RNAM SMIN GYI CHA 'GRUB PA'I RGYU RKYEN BYED PA YIN TE, DE RNAMS KYIS TSE PHYI MA'I KUN GZHI RNAM SMIN GYI CHA 'GRUB PA'I RNAM SMIN GYI SA BON GSAR DU 'JOG PAR BYED PA'I PHYIR, THEG BSDUS LAS; PHYI MA LA DE MNGON PAR 'GRUB PA'I SA BON YONGS SU 'DZIN PA 'JOG PA'I SGO NAS SO, ,ZHES GSUNGS PA'I PHYIR, DE BZHIN DU KUN GZHI RNAM SHES KYIS KYANG TSE PHYI MA'I 'JUG SHES RNAMS 'GRUB PA'I RGYU RKYEN BYED PA YIN TE, DES TSE PHYI MA'I 'JUG SHES RNAMS 'GRUB PA'I SA BON 'DZIN PA'I PHYIR TE, DE LTAR THEG BSDUS LAS GSUNGS PA'I PHYIR, YANG KHA CIG ,PHYI NANG GI SA BON GNYIS PO DE RANG GI 'BRAS BU SKYED BYED YIN KYANG RANG GI 'BRAS BU 'PHEN BYED MA YIN ZER NA, DE MI 'THAD PAR THAL, DE GNYIS KA YIN PA'I PHYIR TE, DE NYID LAS, PHYI DANG NANG GI SA BON DE, ,BSKYED PA DANG NI 'PHEN PAR 'DOD, ,CES GSUNGS PA'I PHYIR, DE YANG PHYI LA BANG BA LA SOGS PAR YOD PA'I SA BON SNGA MA NAS RDOG SKAM HRIL PO DE NYID CHU LUD SOGS KYIS BRTAS KYANG MYU GU'I NGO BO MA THON PA'I BAR DE MYU GU DANG DUS MI MNYAM PA'I RGYU 'BRAS DANG, MYU GU'I NGO BO THON PA NAS SLAR @37B YANG SA BON RDZOGS PA MTHAR THUG PA'I BAR NI SA MYUG GNYIS DUS MNYAM PA'I BSKYED BYA SKYED BYED KYI RGYU 'BRAS DANG, NANG LA RNAM SMIN GYI SA BON SNGA MA DE SRID LAS NUS PA MTHU CHEN DU BYAS NAS RNAM SMIN MA GRUB TSUN CHAD DUS MI MNYAM PA'I RGYU 'BRAS DANG RNAM SMIN GRUB PA'AM MING GZUGS GRUB PA NAS RGA SHI LA THUG GI BAR NI RNAM SMIN DANG DE'I SA BON GNYIS DUS MNYAM PA'I BSKYED BYA SKYED BYED KYI RGYU 'BRAS YIN PA'I PHYIR, DE YANG MYU GU DE SA BON GYI NGO BO MI MNGON PA'I SKABS NAS KYANG SA BON DANG DUS MNYAM PA'I RGYU 'BRAS YIN TE, DE'I TSE SA BON GYI NGO BO MI MNGON KYANG DE'I TSE SA BON GYI RGYUN RJES SU 'BREL BAS BSKYED DGOS PA'I PHYIR, DE LTAR MA YIN PAR, MKHAS PA 'GA' ZHIG GI GSUNG BZHIN, DE LTAR SA BON GYI NGO BO MI MNGON PA NAS, SLAR YANG SA BON GRUB PA MTHAR THUG PA'I BAR SA BON SNGA MA'I 'PHEN STOBS KYIS GNAS PA YIN NA DE DAG SNGA MA SNGA MA LAS PHYI MA PHYI MA KHYAD PAR DU 'GYUR BA MI RIGS TE, MA BTAB PA'I SA BON DANG SHI BA'I RO BZHIN YIN PA'I PHYIR, YANG SA BON PHYI MA GRUB NAS DE ZHING DU MA BTAB PA'I NAS RDOG SKAM HRIL PO DANG LUS CAN SHI BA'I RO GNYIS PO RIGS RGYUN JI SNYED 'BYUNG BA RNAMS RANG GI SA BON GYIS 'PHEN PA DE STOBS KYIS BYUNG BA YIN TE, DE NYID LAS, MA BTAB SHI BA 'PHEN PA'I PHYIR, ZHES GSUNGS PA'I PHYIR, DE YANG YIN TE, DPER NA, MDA' NAM MKHA' LA THOG MAR 'GRO BA NAS BZUNG STE JI SRID PO GANG RDZOGS KYI BAR NI SNGAR GZHU BKANG BA'I 'PHEN PA'I DBANG GIS 'GRO BA YIN GYI SKYE 'DOD SOGS RKYEN GZHAN MED PA'I PHYIR, KHO NA RE, DE YOD DE RANG RANG GI RIGS RGYUN @38A *, ,SNGA PHYI GCIG NAS GCIG TU BRGYUD PA'I DBANG GIS GNAS PA'I PHYIR ZER NA, MI 'THAD DE, DE GNYIS GRUB MA THAG NAS SNGAR GYI 'PHEN PA ZAD PA YIN NA DE MA THAG TU NGANG GIS 'JIG PA YIN GYI GNAS PA'I RGYU DANG RKYEN GZHAN MED PA'I PHYIR, DPER NA, SNYING PO DANG SNUM ZAD PA'I MAR ME BZHIN YIN PA'I PHYIR TE, DE NYID LAS, RANG GI NGANG GIS MTHAR 'JIG BZHIN, ,ZHES GSUNGS PA'I PHYIR, DES NA DGE SOGS KYI SA BON SNGA MA'I NUS PA BRTAS NA DGE SOGS MNGON GYUR BA SKAD CIG MA JI SNYED CIG BYUNG BA YANG DGE SOGS SNGA MA'I SA BON GYI RGYUN RJES SU 'BREL BA'I DBANG GIS BYUNG BA DANG, YANG DGE SOGS MNGON GYUR BA 'GAGS NAS DE'I BAG CHAGS BZHAG PA'I SA BON RIGS RGYUN JI SNYED CIG 'BYUNG BA NI SNGAR GYI SA BON GYI 'PHEN PA'I STOBS KYIS 'BYUNG BA YIN PA'I PHYIR, DE DAG LA BRTEN NAS, SRID PA'I YAN LAG GI BAG CHAGS SAM RNAM SMIN GYI BAG CHAGS SA BON DANG, 'JIG LTA DANG NYON MONGS CAN GYI SPROS PA'I SA BON DANG DE BZHIN DU NYON SGRIB KUN LHAN GNYIS DANG SHES SGRIB KUN LHAN GNYIS DANG, DGE BA DANG LUNG MA BSTAN RNAMS KYI SA BON GANG GI BAR DU 'BYUNG BA GZHAN DU BRIS YOD PA LAS SHES DGOS SO, KHA CIG ,SA LU LA SOGS PA PHYI'I SA BON RNAMS PHYI ROL DON DU GRUB PAR THAL, DE RNAMS KYIS RANG GI 'BRAS BU LA BYA BA BYAS PA'I PHYIR ZER NA, SKYON MED DE, 'GRO BA RNAMS KYI RGYUD KYI SA LU LA SOGS PA'I SA BON LA LONGS SPYOD 'GYUR GYI KUN GZHI'I STENG GI SA BON DE NYID PHYI'I SA BON DE DANG DER SNANG BA BSGRUB PA'I RKYEN GYIS SA BON DE DANG DER @38B SNANG BA TZAM YIN GYI PHYI ROL DON DU MA GRUB PA'I PHYIR, KHA CIG ,RNAM RIG BCO LNGA'I DANG PO DGU KUN GZHI RNAM SHES DANG YID KYI RNAM SHES GNYIS KA DE DANG DE'I RNAM PAR SNANG TZAM DANG RNAM PAR RIG TZAM YIN PAS RNAM RIG TZAM DU BZHAG PA YIN ZER NA, DE MI 'THAD PAR THAL, GZHAN RNAMS DE LTAR 'JOG KYANG DUS KYI RNAM RIG DANG GRANGS KYI RNAM RIG DANG THA SNYAD KYI RNAM RIG LTA BU YID KYI RNAM SHES NYID DE DANG DE'I RNAM PAR SNANG TZAM DANG RIG TZAM YIN PAS NA RNAM RIG TU 'JOG PA YIN KYI KUN GZHI NYID RNAM SHES DE DANG DE'I RNAM PAR SNANG TZAM DANG RNAM PAR RIG TZAM YIN PAS RNAM RIG TU MI 'JOG PA'I PHYIR, DER THAL, DE GSUM KUN GZHI RNAM SHES LA MI SNANG BA'I PHYIR TE, DE GSUM YID SHES KYIS SGRO BTAGS PA'I CHOS YIN PA'I PHYIR, KHA CIG ,DBANG PO LNGA DANG DON LNGA RNAMS YID KYI RNAM SHES NYID DE DANG DER RNAM PAR SNANG TZAM DANG RNAM PAR RIG TZAM YIN PAS RNAM RIG TU 'JOG PA MA YIN PAR THAL, DE RNAMS KUN GZHI RNAM SHES NYID DE DANG DER RNAM PAR SNANG TZAM DANG RNAM PAR RIG TZAM YIN PAS, RNAM RIG TU 'JOG PA'I PHYIR ZER NA MA KHYAB, KHYAB STE, SHES PA GANG LA GANG SNANG BA DE SHES PA DE'I BDAG NYID DU GRUB DGOS PA'I PHYIR ZER NA, MI 'THAD DE, DPER NA, KUN GZHI RNAM SHES DANG YID KYI RNAM SHES GNYIS KYIS YUL GZUGS LTA BU LA MA BRTAG MA DPYAD PAR 'JUG PA'I TSE NA PHYI ROL RGYANG CHAD KYI TSUL GYI GZUNG CHA THUN MONG BA'I SNANG BA 'CHAR BAS DE RNAM SHES DE GNYIS GANG GI YANG BDAG NYID DU GRUB PAR MI 'DOD PA YIN LA, YANG KUN GZHI RNAM SHES KYIS BRTAG SHING DPYAD @39A *, ,NAS; 'JUG PA MED KYANG YID KYI RNAM SHES KYIS DE LA BRTAG SHING DPYAD NAS 'JUG PA'I TSE NA GZUNG CHA THUN MONG BA'I SNANG BA MI 'CHAR BAR GZUNG CHA THUN MONG MA YIN PA'I SNANG BA 'CHAR BAS DE NYID YID KYI RNAM SHES DANG BDAG NYID GCIG TU GRUB CING KUN GZHI RNAM SHES DANG NGO BO GCIG DANG NGO BO THA DAD GANG DU'ANG BRJOD DU MED PA'I PHYIR, RNAM RIG BAR PA GNYIS KUN GZHI RNAM SHES DANG NYON YID GNYIS DE DANG DE'I RNAM PAR SNANG TZAM DANG, RIG TZAM MA YIN ZER NA DE YIN PAR THAL, BDE 'GRO SOGS RNAM RIG PHYI MA BZHI KUN GZHI RNAM SHES DANG 'JUG SHES DGE MI DGE GANG RIGS NYID DE DANG DE'I RNAM PAR SNANG TZAM DANG RIG TZAM YIN PAS NA RNAM RIG TU 'JOG PA'I PHYIR, KHA CIG ,SKABS 'DIR BAG CHAGS LA MNGON BRJOD KYI BAG CHAGS SOGS GSUM DU GRANGS NGES PAR THAL, DE LA DER DBYE RIGS PA'I PHYIR ZER NA MA KHYAB, MA GRUB NA, DER THAL, SKABS 'DIR BAG CHAGS LA GSUM DU DBYE NAS BSTAN PA DE RNAM RIG BCO LNGA PO DE BAG CHAGS GSUM PO GANG DANG GANG LAS 'BYUNG BA SHES PA'I CHED YIN PA'I PHYIR, 'DOD MI NUS TE, RIGS MTHUN GYI BAG CHAGS KYANG YOD, SDUG BSNGAL RTAG PAR 'DZIN PA DANG BDE BAR 'DZIN PA SOGS KYI BAG CHAGS KYANG YOD 'DZIN PA GNYIS KYI BAG CHAGS KYANG YOD PA'I PHYIR, PHYI MA DER THAL, DE NYON MONGS CAN MA YIN PA'I LTA BA MTSUNGS LDAN DANG BCAS PA KHO NAS 'JOG PA YIN PA'I PHYIR DANG DE CHOS KYI BDAG 'DZIN GYI BAG CHAGS YIN PA'I PHYIR, KHA CIG GIS, MNGON BRJOD KYI BAG CHAGS KYI 'BRAS BU LA @39B GTZO PHAL GNYIS MI 'BYED ZER NA, DE 'BYED PAR THAL, CHAS RNAMS KYI NGO BO DANG KHYAD PAR SNA TSOGS PA 'DOGS PAR BYED PA'I YID KYI RNAM SHES DE DE LTAR 'DOGS PAR BYED PA PO YIN PAS NA DE'I 'BRAS BU GTZO BO DANG, RNAM RIG BCO LNGA'I DANG PO DGU PO DE DE 'DRA'I YID SHES KYIS NGO BO DANG KHYAD PAR GYI THA SNYAD SNA TSOGS 'DOGS PAR BYA BA'I CHOS YIN PAS NA DE'I 'BRAS BU PHAL PAR 'JOG PA'I PHYIR, DE YANG YIN TE, DKA' 'GREL LAS, NYES PA MED DE, YID SHES KYI SA BON ZHES SNGAR BRJOD PA NI GTZO BO'I DBANG DU BYAS LA, 'DIR BSTAN PA NI, ZHES PA NAS, 'DI DAG KYANG YID SHES KYIS MNGON PAR BRJOD PAR BYA BA'I CHOS YIN PA'I PHYIR SNYAM DU BSAMS SO, , ZHES GSUNGS PA'I PHYIR, KHA CIG ,MNGON BRJOD KYI BAG CHAGS DE YID SHES KHO NAS 'JOG PA MA YIN PAR THAL, DBANG SHES RNAMS KYIS KYANG MNGON BRJOD KYI BAG CHAGS DANG, RIGS MTHUN GYI BAG CHAGS GNYIS KA 'JOG PA'I PHYIR, DER THAL, SNGON 'DZIN MIG SHES LA SNGON PO SNANG BA DANG SNGON POR SNANG BA DANG SNGON PO GZUGS SU SNANG BA RNAMS RIGS MTHUN GYI BAG CHAGS KYI 'BRAS BU'AM DE'I LAG RJES DANG, MIG SHES DE LA SNGON PO 'DI NI GZUGS SO ZHES SOGS NGO BO DANG, 'DI NI SNGON PO'I SKYE BA'O ZHES SOGS KHYAD PAR GYI THA SNYAD SNA TSOGS 'JUG PA'I GZHIR SNANG BA RNAMS MNGON BRJOD KYI BAG CHAGS KYI 'BRAS BU'AM DE'I LAG RJES YIN PA'I PHYIR ZER NA MA KHYAB STE, RGYAS PAR GZHAN DU BKOD ZIN TO, ,'ON KYANG BSHAD SBYAR LAS RNAM RIG BCO LNGA PO BAG CHAGS GANG LAS BYUNG BA DANG, YANG LHA DANG MI LA SOGS PA BDAG PO'I THA SNYAD BTAGS @40A *, ,PA'I CHA DANG, DBANG PO LNGA DANG DON LNGA LA CHOS KYI THA SNYAD BTAGS PA'I CHA DANG, 'GRO'O, ,'ONG NGO, ,SDOD DO, ,ZHES SOGS BYA BA'I THA SNYAD BTAGS PA'I CHA RNAMS MNGON BRJOD KYI BAG CHAGS LAS BYUNG BAR GSUNGS PAS DE LTAR NA GZUGS RANG DANG LDOG PA, GZUGS GZUGS SU GRUB PA'I CHA DANG DE SNANG BA'I CHA DANG, DE BZHIN DU MIG RANG LDOG PA SOGS DANG, MIG SHES RANG LDOG PA SOGS DANG, LHA DANG MI RANG LDOG PA SOGS RIGS MTHUN GYI BAG CHAGS LAS BYUNG BA YIN NAM DPYAD PAR BYA BA MANG NGO, KHA CIG ,SNOD KYI 'JIG RTEN 'GRUB PA'I SA BON YIN NA THUN MONG BA'I SA BON YIN PAS KHYAB PAR THAL, DE THUN MONG BA'I SA BON YIN PA'I PHYIR ZER NA MA KHYAB, 'DOD MI NUS TE, SNOD KYI 'JIG RTEN LA MA BRTAGS MA DPYAD PAR GZUNG BYA THUN MONG BA 'CHAR SKABS KYI 'JIG RTEN GYI SA BON DE THUN MONG BA'I SA BON YIN KYANG DE LA BRTAGS SHING DPYAD NAS GZUNG CHA THUN MONG MA YIN PA 'CHAR SKABS KYI SNOD KYI 'JIG RTEN GYI SA BON DE THUN MONG MA YIN PA'I SA BON YIN PA'I PHYIR, DER THAL, DE'I TSE BDAG 'BRAS THUN MONG BA'I SNANG BA MI 'CHAR ZHING, BDAG 'BRAS THUN MONG MA YIN PA'I SNANG BA 'CHAR BA'I PHYIR, KHA CIG ,RNAM SMIN GYI SA BON YIN NA, RNAM SMIN SPYOD ZIN PAS KHYAB ZER NA, RNAM SMIN GRUB DGOS KYI RNAM SMIN GYI SA BON CHOS CAN, DER THAL, DE'I PHYIR, SLA'O, ,YANG KHA CIG ,DE LTAR MA YIN PAS KHYAB ZER NA, RNAM SMIN GRUB ZIN CING SLAR RNAM SMIN 'BYUNG DU MED PA'I RNAM SMIN GYI SA BON CHOS CAN, DER THAL, DE'I PHYIR, DER THAL, SA BON DES RNAM SMIN GRUB NAS RDZOGS KYI BAR RANG @40B GI RGYUN; RJES SU 'BREL BAS BSKYED DGOS KYANG DE NAS SLAR RNAM SMIN 'BYUNG DU MED PAS NA SPYAD ZIN PA'I SA BON DU BZHAG PA'I PHYIR TE, BSHAD SBYAR LAS, ,SPYAD ZIN PA'I MTSAN NYID NI GANG DGE BA DANG MI DGE BA'I ZHES BYA BA LA SOGS PA NI RNAM PAR SMIN ZIN PA YANG SMIN PAR MI NUS TE, SPYAD ZIN PA'I PHYIR, DPER NA, SA BON GYIS MYU GU BSKYED NAS YANG BSKYED MI NUS PA BZHIN NO, ,ZHES GSUNGS PA'I PHYIR, KHA CIG ,RNAM SMIN GRUB ZIN PA'I RNAM SMIN GYI SA BON YIN NA, RNAM SMIN SPYAD ZIN PAS KHYAB ZER NA, MI'I RNAM SMIN BRGYA TZAM 'GRUB NGES YIN KYANG DE'I RNAM SMIN DANG PO TZAM GRUB ZIN CING, GNYIS PA PHAN CHAD GRUB DGOS KYI RNAM SMIN GYI SA BON CHOS CAN, DER THAL, DE'I PHYIR, DER THAL, DE YOD PA'I PHYIR TE, LAS GCIG GIS MI'I SKYE BA BRGYA 'PHEN PA YOD PA'I PHYIR, ,'DOD MI NUS TE, DE MI'I RNAM SMIN BRGYA MA GRUB BAR DU RNAM SMIN SPYAD MA ZIN PA DANG, DE GRUB NAS RNAM SMIN SPYAD ZIN PA'I SA BON YIN PA'I PHYIR, DER THAL; DGE MI DGE'I 'PHEN BYED KYI LAS DE RANG RANG GI RNAM SMIN GYI GRANGS JI TZAM 'PHEN PA'I RNAM SMIN GRUB NAS SLAR DE'I RNAM SMIN 'BYUNG RGYU MED PAS NA, DE LTAR RNAM SMIN GRUB ZIN PA'I RNAM SMIN GYI SA BON RNAMS SPYAD ZIN PA'I SA BON YIN PA'I PHYIR, KHA CIG ,MNGON BRJOD KYI BAG CHAGS YIN NA SPYAD MA ZIN PA'I SA BON YIN PAS KHYAB PAR THAL, DE SPYAD MA ZIN PA'I SA BON YIN PA'I PHYIR, 'DOD NA, RIGS MTHUN GYI BAG CHAGS YIN NA; DE LTAR KHYAB PAR THAL, 'DOD PA'I PHYIR, 'DOD MI NUS TE, SANGS RGYAS KHA MA'I RGYUD KYI MIG SHES SOGS KYI SA BON 'DI RIGS MTHUN GYI 'BRAS BU SPYAD ZIN PA'I SA BON YIN PA'I PHYIR ZER NA, MI 'THAD DE, DER @41A *, ,RANG DUS SU BAG CHAGS NUS PA MTHAR THUG TU GYUR NAS SANGS RGYAS PA DANG RIGS MTHUN GYI 'BRAS BU MIG SHES GRUB STE NAM MKHA' MA ZAD KYI BAR RIGS RGYUN CHAD MI SRID PA'I PHYIR, DES NA DGRA BCOM THA MA BA'I RGYUD KYI MIG SHES KYI SA BON DE SPYAD ZIN PA'I SA BON DANG SPYAD MA ZIN PA'I SA BON GANG YANG MA YIN ZHING, DES MNGON BRJOD KYI BAG CHAGS LA'ANG RIGS SGRE'O, , ` BAG CHAGS DE YANG RTEN LAS NI, ZHES SOGS KYI SKABS SU, KHA CIG ,LUGS 'DIR DNGOS PO YIN NA RDZAS SU GRUB PAS KHYAB ZER NA, DE MI 'THAD PAR THAL, KUN GZHI SA BON GYI CHA DE DNGOS PO YIN KYANG RDZAS SU GRUB PAR MI 'DOD PA'I PHYIR, DER THAL, DPAL CHOS KYI GRAGS PA SOGS KYIS DNGOS PO YIN NA, RDZAS SU GRUB PAS KHYAB PA BZHED KYANG, SLOB DPON 'PHAGS PA THOGS MED SKU MCHED GNYIS KYIS DNGOS PO LA RDZAS BTAGS GNYIS SU PHYE NAS LDAN MIN 'DU BYED GANG YIN 'DUS BYAS YIN GYI RDZAS GRUB MA YIN PAR BZHED PA'I PHYIR, DER THAL, DKA' 'GREL LAS, GAL TE SA BON DNGOS POR 'DOD LA RDZAS SU MI 'DOD NA, SNGON MED PA'I LUGS SO ZHE NA, DE LA YANG NYES PA MED DE, SLOB DPON 'DI SKU MCHED DNGOS PO LA RDZAS BTAGS GNYIS SU 'BYED DE, LDAN MIN 'DU BYED 'DUS BYAS SU BZHED LA RDZAS SU MI BZHED PA'I PHYIR RO, ,DE NYID KYI PHYIR YANG SLOB DPON SO SO'I LUGS MA 'DRES PAR 'BYED PA NI MKHAS PA MDZANGS PA GSAL BA YID GZHUNGS PA'O, ,ZHES GSUNGS PA'I PHYIR, GZHAN YANG, DNGOS PO SPYI TZAM PA DE DANG GZUGS GNYIS RDZAS SU GRUB PAR THAL, DE LTAR GRUB PA'I PHYIR, RTAGS KHAS, 'DOD NA, DE GNYIS @41B CHOS CAN, RDZAS GCIG DANG RDZAS THA DAD GANG RUNG YIN PAR THAL, RDZAS SU GRUB PA'I PHYIR, MA KHYAB NA SLA, 'DOD NA, RDZAS GCIG YIN PAR THAL, DE GANG RUNG GANG ZHIG ,RDZAS THA DAD MA YIN PA'I PHYIR, 'DOD NA, DE DANG GZUGS SOGS DON LNGA KA RDZAS GCIG YIN PAR THAL LO, ,'DOD NA, DE DANG 'DUS BYAS THAMS CAD RDZAS GCIG YIN PAR THAL LO, ,GZHAN YANG, DE MI 'THAD PAR THAL, DE GZUGS DANG RDZAS GCIG YIN NA DE SGRA SOGS DON PHYI MA BZHI DANG YANG RDZAS GCIG YIN PAR 'DOD DGOS PA GANG ZHIG ,DE GZUGS KYI RDZAS YIN NA DE SGRA SOGS KYI RDZAS SU 'GRO BA MI 'THAD PA'I PHYIR, DER THAL, KUN GZHI SA BON GYI CHA KUN GZHI RNAM SHES DANG RDZAS GCIG TU 'DOD PA 'GOG PA NA DKA' 'GREL LAS, DE LA BLO GROS KYI 'JUG PA YANGS PA'I RIGS PA MA SAD CING SGRA'I SPYI TZAM SHAR BA, KHA CIG , 'GRO BA LNGA'I SA BON RNAMS PHAN TSUN YIN MI DGOS TE, DNGOS PO DANG GZUGS BZHIN NO SNYAM DU SEMS NA, 'DI DPYAD DE, CI GZUGS DANG RDZAS GCIG PA'I DNGOS PO DE GZUGS KYI RDZAS YIN NAM MA YIN, DANG PO LTAR NA KHYOD KYI 'DOD PA MI 'GRUB STE, KHYOD NI GZUGS DANG RDZAS GCIG PA'I DNGOS PO DE SGRA DANG DRI RO LTA BU DANG YANG RDZAS GCIG PAR 'DOD LA GZUGS KYI RDZAS YIN NA DE DAG LA RDZAS SU 'GRO BA MED DO, ,ZHES GSUNGS PA'I PHYIR, YANG DE LA KHO NA RE, DE GZUGS KYI RDZAS MA YIN ZER NA, DE NI SNYON PA'I TSIG YIN TE SNGAR DE GNYIS RDZAS GCIG YIN PAR KHAS BLANGS, ,DE DE'I RDZAS MA YIN NA DE DE'I RDZAS GZHAN PA'ANG MIN ZHES 'DOD 'DUG PA'I PHYIR, DER THAL, DKA' 'GREL LAS, GZUGS KYIS RDZAS MA YIN NA RDZAS GCIG @42A *, ,PA'ANG YIN LA RDZAS GZHAN PA'ANG YIN PA 'DI NI BSNYON PA'I TSIG STE KHO BO CAG BSNYON PA DANG LHAN CIG MI RTZOD DO, ,ZHES GSUNGS PA'I PHYIR, GZHAN YANG DE MI 'THAD PAR THAL, DE LTAR MI 'THAD PA'I TSUL CHOS RJE SA PAn GYIS, ,SHING MIN LAS LDOG DNGOS PO STE, ,SHA PA YIN NA GZHAN SHING MIN, ,GZHAN SHING YIN NA SHA PA MIN, ,DE YI RANG BZHIN GZHAN MIN PHYIR, ,CES GSUNGS PA'I RIG PA DANG RJES SU MTHUN PAS GNOD TSUL DE'I DON 'GREL DANG BCAS DKA' 'GREL LAS GSAL BAR GSUNGS PA'I PHYIR, RGYU MTSAN DES NA, JI SRID DU SPYI DANG BYE BRAG GNYIS LAS BYE BRAG KHO NAR GSAL BA RNAMS MA GTOGS PA'I SPYI RDZAS SU GRUB PA ZHIG 'DOD PHYIN CHAD DE LTAR 'DOD PA DE SRID KYI BAR DU SNGAR BSHAD PA LTAR GYI RDZAS GCIG DANG RDZAS THA DAD GANG YIN BTAGS PA'I SKYON SPANGS MI NUS PAR GSUNGS PA'I PHYIR DANG, DER MA ZAD, GZHAN YANG, GZUGS DANG BUM PA LTA BU'I DNGOS PO GNYIS RDZAS GCIG TU GRUB PAR KHAS BLANGS NAS NGO BO'I CHA THA DAD GNYIS SU 'DOD PA LA 'GAL BA'I SKYON MED NA MI LTA BU'I YAN LAG DANG YAN LAG CAN GNYIS KYANG RDZAS GCIG TU 'DOD PA LA SANGS RGYAS KYIS KYANG DGAG PA MDZAD MI NUS PAR GSUNGS PA'I PHYIR RO, ,ZUR DANG PO DER THAL, DKA' 'GREL DE NYID LAS DES NA JI SRID GSAL BA RNAMS LAS MA GTOGS PA'I SPYI RDZAS SU GRUB PAR 'DOD PA DE SRID DU RDZAS GCIG DANG THA DAD BTAGS PA'I SKYON GNYIS PO SPONG MI NUS SO, ,ZHES GSUNGS PA'I PHYIR, 'ON KYANG ZUR DANG PO'I LUNG DON NI GO BA'I DBANG DU BYAS NA, DPER NA MDUN 'DIR G-YAS SU GSER BUM DANG G-YON DU DNGUL BUM YOD PA'I SKABS @42B KYI SPYI LTA BU RDZAS SU MA GRUB PA DANG BYE BRAG LTA BU RDZAS SU GRUB PA'I DON 'DRA LA, GZHAN 'JOG MTSAMS RNYED PA NI SHIN TU DKA' 'O, ,DE LA KHA CIG GIS, DNGOS PO YIN NA RDZAS GRUB YIN PAS KHYAB PAR THAL, KUN GZHI SA BON GYI CHA DE RDZAS SU GRUB PA'I PHYIR, DER THAL, KUN GZHI SA BON GYI CHA DANG KUN GZHI RNAM SHES GNYIS RDZAS GCIG LA LDOG PA THA DAD YIN PA'I PHYIR ZER NA, MI 'THAD DE, DE LTAR 'DOD PA DE NI GZHUNG LUGS GZHAN GYIS BSHAD PA'I CHOS SKAD YIN PA LA DES SKABS 'DI'I BSHAD TSUL CHUGS PAS NA SKABS 'DI'I BSHAD LUGS KYI RANG SKAD JI BZHIN MA THON PA'I SKYON YIN PA'I PHYIR, DER THAL, DKA' 'GREL LAS, BAG CHAGS DANG KUN GZHI'I RNAM SHES GNYIS RDZAS THA DAD MA YIN, LDOG PA GCIG MA YIN, ZHES 'GREL NAS DE GNYIS RDZAS GCIG LDOG PA THA DAD DU 'DOD PA NI GZHUNG LUGS GZHAN GYI CHOS SKAD CHUGS PAS NA RANG SKAD MA THON PA YIN NO, ,ZHES GSUNGS PA'I PHYIR, GZHAN YANG; DE MI 'THAD PAR THAL, SLOB DPON 'PHAGS PA THOGS MED KYIS KUN GZHI SA BON GYI CHA RDZAS SU YOD PAR MI BZHED CING BTAGS PA'I YOD PA YIN PAR BZHED PA'I PHYIR, DER THAL, DES KUN GZHI SA BON GYI CHA DE NUS PA YIN PAS NUS PA DE BTAGS YOD DANG, KUN GZHI RNAM SHES DE NUS PA CAN YIN PAS NUS PA CAN DE RDZAS YOD DU BZHED PA'I PHYIR, DER THAL, DKA' 'GREL DE NYID LAS, THA DAD PA DANG THA DAD PA MA YIN PA LAS YANG DAG PAR 'DAS PA'I TSUL GYI KUN GZHI RNAM PAR SHES PA LA BAG CHAGS RNAMS GNAS PAR BRJOD DE NUS PA'I KHYAD PAR GYI RANG BZHIN YIN PA'I PHYIR RO, ,BAG CHAGS ZHES BYA BA NI NUS PA'I KHYAD PAR TE, NUS PA YANG NUS PA @43A *, ,CAN DANG DE NYID DANG GZHAN ZHES BRJOD PAR BYA BA MA YIN NO, ,DE DAG DANG PHAN TSUN THA DAD DAM THA DAD PA MA YIN ZHES 'DRI BA 'DI TSUL BZHIN MA YIN PA STE NUS PA CAN RGYUR BYAS NAS BTAGS PA'I PHYIR RO, ,ZHES BKRAL BAS NA SLOB DPON 'DI, NUS PA BTAGS YOD, NUS PA CAN RDZAS YOD DU BZHED PA'I PHYIR, ZHES GSUNGS PA'I PHYIR, DER MA ZAD SLOB DPON DBYIG GNYEN GYIS KYANG SA BON DANG NUS PA DANG BAG CHAGS GSUM DON GCIG TU BZHED NAS SA BON BTAGS YOD DU BZHED CING RDZAS SU YOD PAR MA BZHED PAS SLOB DPON 'PHAGS PA THOGS MED SKU MCHED GNYIS DGONGS PA GCIG TU GRUB PA'I PHYIR, DER THAL, DKA' 'GREL DE NYID LAS, GZHAN YANG, MDZOD KYI GNAS GNYIS PA'I 'GREL BSHAD DU, SLOB DPON DBYIG GNYEN GYI RANG LUGS 'GREL BA NA, SA BON DANG NUS PA DANG BAG CHAGS ZHES BYA BA NI DON GCIG GO ,SA BON NI BTAGS PA'I YOD PA YIN GYI RDZAS SU YOD PA NI MA YIN NO, ,ZHES 'BYUNG BAS SKU MCHED DGONGS PA GCIG GO ,ZHES GSUNGS PA'I PHYIR, KHA CIG KUN GZHI RNAM SHES LA RNAM SMIN GYI KUN GZHIS MA KHYAB PAR THAL, DE LA SA BON GYI KUN GZHI YOD PA THEG BSDUS RTZA 'GREL LAS GSUNGS PA'I PHYIR ZER NA, SKYON MED DE, DE LTAR TSIG ZIN LA DU MA YOD PA BZHIN BOD SNGA RABS PA DAG GIS DE LTAR 'DOD TSUL SNA TSOGS YOD KYANG DE DAG NI SA BON DANG RNAM SMIN MA PHYE BA'I RIGS BSHAD YIN GYI ZHIB TU BSHAD DUS KUN GZHI SA BON GYI CHA KUN GZHI RNAM SHES MA YIN PA THEG BSDUS RTZA 'GREL GYI KHUNGS DANG SBYAR NAS DKA' 'GREL LAS ZHIB TU GSUNGS PA'I PHYIR, DER THAL, DKA' 'GREL DE NYID LAS, DE LTA NA BAG CHAGS RNAM PA GSUM GYI BYE BRAG GI RNAM PA GSUM @43B TE ZHES GONG DU DRANGS PA DANG, DON GSANG DU YANG, KUN GZHI RNAM PAR SHES PA YANG, SA BON DANG RNAM PAR SMIN PA'I DBANG GIS RNAM PA GNYIS SU DBYE STE ZHES GSUNGS PA RNAMS JI LTAR DRANGS SHE NA, NYES PA MED DE, SPYIR KUN GZHI SA BON LA YANG RNAM SHES KYI SGRAS BSTAN PA NI, SA BON DANG RNAM SMIN MA PHYE BA'I RAGS BSHAD YIN TE PHYE NAS SA BON DANG RNAM SHES RDZAS GCIG GAM THA DAD CES DRIS PA NA GANG YANG MA YIN PAR BSTAN PA'I PHYIR RO, , ZHES GSUNGS PA'I PHYIR, GZHAN YANG DE LTAR MA YIN NA, GANG ZAG RTEN GCIG GI RGYUD LA KUN GZHI RNAM SHES GNYIS YOD PAR THAL, KUN GZHI RNAM SMIN GYI CHA DANG KUN GZHI SA BON GYI CHA GNYIS KA KUN GZHI RNAM SHES YIN PA'I PHYIR, RTAGS KHAS, 'DOD NA, DE GNYIS CHOS CAN, BRTAN PA RANG DBANG CAN GYI RNAM SHES YIN PAR THAL, KUN GZHI RNAM SHES YIN PA'I PHYIR, 'DOD NA, DE GNYIS GCIG LA GCIG RAG MA LAS PA DANG GCIG LA GCIG MA BRTEN PA'I TSUL GYIS 'JUG PAR THAL, 'DOD PA'I PHYIR, 'DOD NA, DE GNYIS RTEN DANG BRTEN PA MA YIN PAR THAL LO, ,'DOD NA, RIGS LAM LAS 'DAS SO, ,GZHAN YANG, SNGA RABS PA DE DAG GIS DON GSANG MKHAN PO'I BZHED PA BYAS PA YIN BYAS NAS SA BON THAMS CAD DANG SA BON THAMS CAD PA GCIG TU 'KHRUL NAS KUN GZHI RNAM SHES SA BON THAMS CAD PA ZHES PA DE KUN NYON GYI RGYU RKYEN BYED PA'I CHA NAS KUN GZHI SA BON GYI CHA YIN PA SOGS KUN GZHI LA GSUM GYI CHA BYAS NAS CHOS PHYI MA LA BLTOS NAS SA BON GYI CHA DANG, CHOS SNGA MA LA BLTOS NAS RNAM SMIN GYI CHA DANG, CHA DE GNYIS KA'ANG DON GYI NGO BO RIG PA'I CHA NAS RNAM SHES YIN PAS DE GSUM KA'ANG KUN @44A *, ,GZHI RNAM SHES SU NGO BO GCIG YIN ZHES GSUNGS PA MI 'THAD DE, SA BON GYI CHA DANG, SA BON THAMS CAD PA MI GCIG PA'I PHYIR, DER THAL, KUN GZHI RNAM SHES DE RANG NYID KYI STENG DU KUN BYANG GI CHOS THAMS CAD KYI SA BON YOD PA CAN YIN PAS NA SA BON THAMS CAD PAR BSHAD PA YIN GYI DE SA BON GYI CHA YIN PA RNAM PA KUN TU MI 'THAD PA'I PHYIR, DE LTAR 'THAD NA, SA BON DANG SA BON CAN GCIG PA DANG, NUS PA DANG NUS PA CAN GCIG PA DANG, CHOS DANG CHOS PA GNYIS GCIG PA DANG, BANG MDZOD DANG BANG MDZOD CAN GCIG PA SOGS GNOD BYED MTHA' YAS PA 'JUG PA'I PHYIR, KHA CIG ,NYON MONGS KYI SA BON DANG DE'I BAG CHAGS DANG DE'I NUS PA RNAMS DON GCIG YIN PAR THAL, KUN GZHI'I STENG GI DE GSUM DON GCIG YIN PA'I PHYIR ZER NA MA KHYAB, KHO NA RE, DE GSUM DON GCIG YIN PAR THAL, MDZOD KYI 'GREL PA RGYAL SRAS MA LAS, SA BON DANG NUS PA DANG BAG CHAGS ZHES BYA BA NI DON GCIG GO ,ZHES GSUNGS PA'I PHYIR ZER NA, SKYON MED DE, NYON MONGS MA SPANGS PA'I GANG ZAG GI RGYUD KYI DE GSUM DON GCIG YIN ZHES PA'I DON YIN PA'I PHYIR, 'DOD MI NUS TE, DGRA BCOM PA'I RGYUD LA NYON MONGS KYI NUS PA DANG BAG CHAGS YOD KYANG DE'I SA BON MED PA'I PHYIR, DE YANG YIN TE, DE'I RGYUD KYI NYON MONGS KYI BAG CHAGS DE RANG 'JOG BYED NYON MONGS SNGA MA ZHIG GIS 'JOG PAS NA BAG CHAGS DANG RANG 'BRAS NYON MONGS PHYI MA BSKYED PA LA DBANG BA'I CHA NAS NUS PA MIN KYANG SHES BYA'I GNAS LUGS MTHONG BAR BSGRIB PA LA DBANG BA'I CHA NAS NUS PAR 'JOG PA'I PHYIR, ` BAG CHAGS 'JOG PA'I TSUL LA GSUM, ZHES SOGS KYI SKABS @44B SU KHA CIG ,KUN GZHI RNAM SHES SKYE BA'I SA BON CHOS NYID KYI GNAS PA YIN TE, DE MI GNAS NA KUN GZHI RNAM SHES PHYI MA PHYI MA SKYE BA RGYU MED DU THAL BA'I PHYIR ZER NA, 'O NA, THEG CHEN RIGS CAN GYI RGYUD LA KUN GZHI RNAM SHES PHYI MA PHYI MA SKYE BA'I SA BON CHOS NYID KYIS GNAS PAR THAL, 'DOD PA'I PHYIR, 'DOD NA, DE'I RGYUD LA KUN GZHI RNAM SHES PHYI MA PHYI MA SKYE BA LAS 'DA' BA MED PAR THAL, DE'I RGYUD LA DE LTAR SKYE BA DE ME LA TSA BA CHU LA GSHER BA BZHIN DU CHOS NYID KYIS GNAS PA'I PHYIR, RTAGS KHAS, KHYAB STE, THEG PA GSUM GYI RANG BZHIN GNAS RIGS GSUM PO DE THOG MA MED PA NAS CHOS NYID KYI [*KYIS ETC: REST HERE CHANGED] GNAS PA'I DON DE GNAS SKABS RKYEN GYI DBANG GIS THEG PA GZHAN DU CUNG ZAD BSGYUR BA YOD KYANG MTHAR RANG RANG GI BYANG CHUB THOB PA LAS MI 'DA' BA'I DON YIN PA'I PHYIR TE, DE'I DON YOD PA'I PHYIR, 'DOD NA, KUN GZHI RNAM SHES LDOG PA MED PAR THAL, 'DOD PA'I PHIR, KHA CIG ,DE 'JOG BYED KYIS GSAR DU BZHAG PA YIN ZER NA, DE MI 'THAD PAR THAL, GANG ZAG GCIG GI RGYUD LA SGO GZHI KUN GZHI RNAM SHES DANG SGO BYED KUN GZHI RNAM SHES GNYIS YOD PAR THAL BA DANG, BAG CHAGS SGO BYED RNAM SHES TSOGS BDUN DU GRANGS MA NGES PAR THAL BA'I SKYON YOD PA'I PHYIR, GZHAN YANG, KUN GZHI RNAM SHES SKYE BA'I SA BON MED PAR THAL, DE SKYE BA SA BON LA BLTOS MI DGOS PA'I PHYIR, DER THAL, DE 'PHEN BYED KYI DBANG GIS 'GRO BA GANG DU SKYE BA BLANGS PA DER RNAM SMIN DU GYUR NAS JI SRID MA SHI BAR 'PHEN BYED KYI LAS KYI STOBS KYIS 'JUG PA'I PHYIR, KHA CIG ,'KHOR BA'I BAG CHAGS CHOS NYID KYIS GNAS PA MED ZER NA, DE YOD PAR THAL, @45A *, ,GTAN RIGS CHAD KYI GANG ZAG GI RGYUD LA 'KHOR BA'I BAG CHAGS CHOS NYID KYIS GNAS PA'I PHYIR, DER THAL, GANG ZAG DE GNAS SKABS DGE BA'I BSHES GNYEN DANG 'PHRAD PA SOGS KYI RKYEN LAS THAR PA DANG THAMS CAD MKHYEN PA LA DAD MOS DANG DON GNYER CUNG ZAD SKYED PA SRID KYANG DE'I RGYUD LA THAR PA DANG THAMS CAD MKHYEN PA'I SA BON MED CING, 'KHOR BA'I SA BON NI ME LA TSA BA DANG CHU LA BSHER BA BZHIN DU CHOS NYID KYIS GNAS PA'I DBANG GIS MTHAR THUG BSGYUR DU MED PAR NAM MKHA' MA ZAD KYI BAR 'KHOR BA LAS MI 'DA' BA'I PHYIR, BAG CHAGS CHOS NYID KYIS GNAS PA'I DON GONG DU BSHAD PA DE LTAR YIN GYI, MANG PO ZHIG GIS ZAG MED SEMS KYI SA BON CHOS NYID KYIS MI GNAS NA DE 'JOG BYED KYIS GSAR DU 'JOG DGOS PAS, 'PHAGS LAM SKAD CIG DANG PO RGYU MED DU SKYE BAR THAL, SBYOR LAM CHOS MCHOG MAN CHAD DU DE 'JOG BYED ZAG MED SEMS KYI RIGS 'DRA SNGA MA LA MED CING 'PHAGS LAM LA 'DRES MA MYONG BA'I PHYIR ZER NA, MI 'THAD DO, ,'O NA, 'PHAGS LAM THOB PA NAS ZAG MED SEMS KYI SA BON DE BLO MNGON GYUR BAR GYUR DGOS PAR THAL, ,DAM BCA' 'THAD PA'I PHIR, 'DOD NA, 'PHAGS PA'I RGYUD LA ZAG MED SEMS KYI SA BON MED PAR THAL, 'DOD PA'I PHYIR, 'DOD NA, DE'I RGYUD LA RGYAS 'GYUR GYI RIGS MED PAR THAL, 'DOD PA'I PHYIR, 'DOD NA, THEG PA GSUM GYI 'PHAGS LAM THOB PA NAS THEG PA RANG RANG GI BYANG CHUB MA THOB BAR DU THOS SOGS RKYEN GYIS BSOS BTAB TE THEG PA RANG RANG GI RIGS SAM ZAG MED KYI NUS PA GONG 'PHEL TU BTANG RGYU MED PAR THAL, 'DOD PA'I PHYIR, @45B 'DOD NA, THEG PA GSUM GYIS 'PHAGS LAM THOB PA NAS THOS BSAM SGOM GSUM BYAS PA SOGS DON MED PAR THAL, 'DOD PA'I PHYIR, GZHAN YANG, SBYOR LAM CHOS MCHOG SKAD CIG THA MA'I TSE ZAG MED SEMS KYI SA BON GYI NUS PA MTHAR THUG THOB PAR THAL, 'DOD PA'I PHYIR, GZHAN YANG RGYUN MTHA'I BAR CHAD MED LAM GYI DUS ZAG MED SEMS KYI SA BON GYI NUS PA MTHAR THUG RGYAS PA MA YIN PAR THAL, DE'I DUS SU NUS PA MTHAR THUG TU RGYAS RGYU'I ZAG MED SEMS KYI SA BON MED PA'I PHYIR, 'DOD MI NUS TE, DON GSANG LAS, SO SOR RTOG PA'I YE SHES LA SOGS PA 'BYUNG BAR SNGON GYI SA BON GYI RGYUN RDO RJE LTA BU'I DUS NYID NAS BAG CHAGS YONGS SU RGYAS PA LAS YIN GYI SNGON MED PA LAS NI MA YIN NO, ,ZHES GSUNGS PA'I PHYIR, GZHAN YANG, ZAG MED SEMS KYI SA BON DE 'PHAGS LAM SKAD CIG DANG PO THOB PA DANG ZAG MED KYI BLO MNGON GYUR BA'I NGO BOR GYUR DGOS PA MI 'THAD PAR THAL, DE THOG MED NAS CHOS NYID KYIS THOB TE GNAS NAS PHYIS BZHIN GYI SGRA DANG RANG GI TSUL BZHIN YID BYED KYI RKYEN LA BRTEN NAS THOS BSAM SGOM GSUM BYAS PA DE LA BRTEN NAS BAG CHAGS CHUNG 'BRING CHE GSUM DU RIM GYIS GYUR NAS KUN NYON GYI SA BON RNAMS RIM GYIS 'GRIB, RNAM BYANG GI SA BON RNAMS RIM GYIS 'PHEL TE RNAM SMIN GYI RNAM SHES SA BON THAMS CAD PA DE YANG SPANGS NAS SKU GSUM DU GNAS 'GYUR BAR BSHAD KYI 'PHAGS LAM SKAD CIG DANG PO THOB NAS ZAG MED KYI BLO MNGON GYUR DU 'GYUR BAR MA BSHAD PA'I PHYIR, ZUR DANG PO DER THAL, THEG BSDUS LAS, DE NI KUN GZHI RNAM @46A *, ,PAR SHES PA MA YIN GYI CHOS KYI SKU DANG RNAM PAR GROL BA'I LUS SU BSDUS PA STE, CHUNG NGU DANG 'BRING DANG CHEN PO JI LTA JI LTAR RIM GYIS 'PHEL BA DE LTA DE LTAR RNAM PAR SMIN PA'I RNAM PAR SHES PA YANG 'BRI ZHING GNAS KYANG 'GYUR RO, ,GNAS RNAMS THAMS CAD DU GYUR PA RNAM PAR SMIN PA'I RNAM PAR SHES PA SA BON THAMS CAD PA YANG SA BON MED PAR GYUR PA DANG, RNAM PA THAMS CAD DU SPANGS PA YANG YIN NO, , ZHES PA DANG, DKA' 'GREL LAS, DE LTAR RNAM SMIN GYI RNAM SHES LA GNAS PA'I ZAG MED KYI SA BON DE KUN GZHI'I GNYEN PO YIN PAS, KUN GZHI MA YIN PA DANG, THOS BSAM SGOM GSUM GYIS LAN MANG DU GSOS BTAB PAS RNAM BYANG GI SA BON 'PHEL KUN NYON GYI SA BON 'GRIB NAS, NGANG PAS 'O MA DANG CHU THA DAD DU MI DMIGS PA 'O MA RIM GYIS BLANGS NAS CHU GSAL BAR GYUR PA DANG 'DRA BAR SA BON KYANG KUN GZHI DANG THA DAD DU MI DMIGS PAR 'JUG KYANG KUN NYON GYI SA BON 'GRIB RNAM BYUNG GI PHYOGS RNAMS RGYUS NAS GNAS GYUR TE SKU GSUM MNGON DU 'GYUR BA YIN TE, ZHES GSUNGS PA'I PHYIR, GZHAN YANG, RANG GI RIGS 'DRA SNGA MA MED PA'I 'DUS BYAS CIG YIN PHYIN DE'I SA BON DE CHOS NYID KYIS GNAS DGOS PAR THAL, DE MI GNAS NA DE RGYU MED DU SKYE BAR THAL BA'I SKYON YOD PA'I PHYIR, KHA CIG ,BAG CHAGS DE CHOS NYID KYIS GNAS PA KHO NA YIN ZER NA, RNAM SMIN GYI BAG CHAGS CHOS NYID KYIS GNAS PA KHO NA YIN PAR THAL, 'DOD PA'I PHYIR, 'DOD NA, DA LTA'I GANG ZAG SKYE BA PHYI MAR NGAN 'GROR SKYE BA'I RNAM SMIN GYI BAG CHAGS DANG, BDE 'GRO @46B SKYE BA'I RNAM SMIN GYI BAG CHAGS GNYIS KA THOGS MA MED PA NAS CHOS NYID KYIS GNAS PAR THAL, KHYOD KYI DAM BCA' DE'I PHYIR, 'DOD NA, DE GNYIS GSAR DU BZHAG RGYU MED PAR THAL, DE GNYIS KA THOGS MED NAS CHOS NYID KYIS GNAS PA'I PHYIR, 'DOD NA, TSOGS BSOG SGRIB SBYONG BYED PA LA DGOS PA MED PAR THAL, 'DOD PA'I PHYIR, 'GO SMOS TZAM YIN GYI 'DI LA MKHAS PA DU MAS KYANG KUN GZHI RNAM SHES DE THOGS MED NAS 'KHOR 'DAS KUN 'GRUB PA'I GZHIR RUNG BAR GNAS PA TZAM LA DGONGS NAS DE LA DE THAMS CAD 'GRUB PA'I NUS PA'AM SA BON DANG BAG CHAGS CHOS NYID KYIS GNAS PA YIN ZHES 'KHRUL TSUL BZHES PAR SNANG YANG BAG CHAGS CHOS NYID KYIS GNAS PA DANG GSAR DU BZHAG PA'I DON SO SOR 'BYED DGOS TE, RGYAS PAR RJE'I GSUNG LTAR GZHAN DU BSHAD ZIN TO, ,KHA CIG ,KUN GZHI RNAM SHES SANGS RGYA BA MED PAR THAL, DE NYON MONGS SOGS SDUG KUN THAMS CAD KYI RTZA BA YIN PAR BSDU BA LAS GSUNGS PA'I PHYIR DANG MDO LAS KYANG, SEMS 'DI NI YUN RING PO NAS 'DOD CHAGS KYIS KUN NAS NYON MONGS PA CAN DU GYUR, ZHES GSUNGS PA'I PHYIR ZER NA MA KHYAB STE, DE 'KHOR BA'I GNAS SKABS SU KUN NYON SOGS SHUGS CHE BA'I GZHAN DBANG DU GYUR CING DE DAG GIS BSLAD PA'I DBANG GIS SDUG KUN GYI RTZA BA BYED PA DANG NYON MONGS CAN DU 'JOG KYANG, RNAM SHES RANG GI NGO BO'I SGO NAS DE DAG GI RTZA BA BYED PA DANG NYON MONGS CAN MA YIN PA'I PHYIR, ZUR PHYI MA DER THAL, RNAM SHES RANG GI NGO BO NI RANG BZHIN GYI DRI MA RNAM PAR DAG PA'I 'OD GSAL BA YIN PA'I PHYIR TE, @47A *, ,MDO LAS, SEMS NI RANG BZHIN 'OD GSAL TE, ,RNYOG PAR BYED PA YID YIN NO, ,ZHES GSUNGS PA'I PHYIR, DE LTAR MA YIN PAR RNAM SHES DE RANG GI NGO BO RANG BZHIN GYI DRI MAS RNAM PAR MA DAG PA'I DRI MA CAN YIN NA DE NYID GNAS 'GYUR MI RUNG BA'I PHYIR TE, SOL BA DE RKYEN KYIS JI TZAM SBYANGS KYANG DKAR POR BSGYUR DU MI RUNG BA LTA BU YIN PA'I PHYIR, SGRUB BYED DANG RGYU MTSAN RGYAS PAR ZUR DU BKOD PA LAS SHES PAR BYA'O, ,KHA CIG ,KUN GZHI RNAM SHES SANGS RGYA BA MED PAR THAL, DE DGRA BCOM THOB PA NAS RGYUD BCAD PA'I TSUL GYI SPANGS PA'I PHYIR, DER THAL, DE DGRA BCOM THOB PA NAS SPANGS PA'I PHYIR ZER NA MA KHYAB; RTAGS GRUB STE, DE DGRA BCOM THOB PA NAS GNAS GYUR PA'I SGO NAS SPANGS PA'AM LDOG PA'I PHYIR, DE GNAS GYUR PA'I DON YOD DE, DE SNGAR KUN NYON GYI CHOS KUN GYI GZHI RTEN BYED PA YIN PA LA DGRA BCOM THOB NAS DE LTAR MI BYED PA'I GNAS SU GYUR PAS DE LTAR 'JOG PA'I PHYIR, DE LA KHO NA RE, NYAN RANG DGRA BCOM DANG SA BRGYAD PA THOB NAS RNAM SHES TSOGS BRGYAD MED PAR THAL, RNAM SHES TSOGS BRGYAD 'DREN PA'I TSE; KUN GZHI RNAM SHES 'DREN RIGS PA GANG ZHIG ,DE DAG GI RGYUD LA KUN GZHI RNAM SHES MED PA'I PHYIR ZER NA MA KHYAB, 'DOD MI NUS TE, DE DAG GI RGYUD LA KUN GZHI RNAM SHES KYI RDZAS RGYUN DU GYUR PA'I RNAM SHES BRGYAD PA LEN PA'I RNAM SHES YOD PA'I PHYIR, RNAM SMIN GYI RNAM SHES GNAS 'GYUR BA'I TSUL YOD DE, SA BRGYAD PA THOB NAS KUN GZHI RNAM SHES DE NYID KUN GZHI YIN PA'I CHA DE DAG NAS RNAM SMIN RKYANG @47B PA'I RNAM SHES SU GNAS GYUR PA YIN KYANG RNAM SMIN GYI RNAM SHES KYI CHA DE SANGS MA RGYAS KYI BAR GNAS MI 'GYUR BA'I PHYIR, RNAM SMIN GYI RNAM SHES DE SANGS NAM RGYAS PA NA RNAM SMIN GYI CHA DE YANG DAG NAS SGRIB PA THAMS CAD DANG BRAL TE, DPER NA ME LONG G-YA' DAG PA LA GZUGS BRNYAN KUN 'BAD RTZOL MED PAR 'CHAR BA BZHIN SHES BYA'I GNAS KUN MA LUS PA DUS GCIG CAR DU MNGON SUM DU 'CHAR BAS NA ME LONG LTA BU'I YE SHES ZHES BRJOD CING DER GNAS GYUR PA YIN PA'I PHYIR, DE YANG ZHIB TU BYAS NA SA BON GYI RTEN DU GYUR PA'I RNAM SHES DE LA KUN GZHI'I CHA DANG RNAM SMIN GYI CHA GNYIS YOD PA LAS DGRA BCOM NAM THOB PA NAS KUN GZHI'I RIGS RGYUN GYI CHA DE LDOG KYANG KUN GZHI'I RDZAS RGYUN GYI CHA DANG RNAM SMIN GYI RIGS RGYUN DANG RDZAS RGYUN GNYIS KA'I CHA MI LDOG ,THEG DMAN GYI LHAG MED KYI TSE NA RNAM SHES RANG LDOG PA DE DANG RNAM SMIN GYI CHA GNYIS KA'I RIGS RGYUN DANG RDZAS RGYUN GNYIS KA LDOG ,SANGS RGYAS PA'I TSE RNAM SMIN GYI CHA DE'I RIGS RGYUN GYI CHA DE LDOG KYANG RNAM SHES RANG LDOG PA DE'I RIGS RGYUN DANG RDZAS RGYUN GNYIS KA'I CHA MI LDOG STE; DE'I TSE DE ME LONG LTA BU'I YE SHES SU GNAS GYUR PA'I PHYIR, DES NA 'JUG SHES DANG KUN GZHI YOD MED LA MU BZHI RTZI BA DANG RNAM SMIN GYI RNAM SHES LDOG TSUL DANG NYAN RANG THEG CHEN LAM DU 'JUG TSUL DANG, THEG CHEN GYI 'PHAGS LAM THOB NAS ZAG BCAS ZAG MED KYI LAS GANG GI DBANG GIS SKYE BA LEN PA DANG, ZAG MED KYI LAS KYI RNAM SMIN YOD MED DANG, SA BON GYI KUN GZHI SPYI BYE BRAG GIS LDOG TSUL DOGS GCOD DANG @48A *, ,BCAS ZHIB PAR ZUR DU BSHAD ZIN PA LAS SHES DGOS PA YOD DO, ` NYON MONGS CAN YID MTSAN NYID NI, ZHES SOGS KYI SKABS SU MTHA' DPYAD PA LA, DGAG BZHAG SPONG GSUM LAS, DANG PO LA, KHA CIG GIS, NYON YID KYI DMIGS PA LA SA BON GYI KUN GZHI DANG RNAM SMIN GYI KUN GZHI GNYIS KA YOD ZER NA, DE MI 'THAD PAR THAL, DE LA KUN GZHI GNYIS LAS PHYI MA RNAM SMIN GYI KUN GZHI YIN PA DGOS PA'I PHYIR TE, DKA' 'GREL LAS, DE LA DMIGS PA NI SA BON DANG RNAM SMIN GYI CHA GNYIS LAS PHYI MA STE, ZHES GSUNGS PA'I PHYIR, KHA CIG ,BAG CHAGS SGO GZHIR GYUR PA'I RNAM SHES YIN NA, NYON YID KYI DMIGS PA YIN PAS KHYAB ZER NA, RNAM SMIN GYI RNAM SHES CHOS CAN, DER THAL DE'I PHYIR, DER THAL, CHOS CAN DE YIN PA'I PHYIR, 'DOD NA, DGRA BCOM PA MA THOB PA'I GANG ZAG GI RGYUD KYI RNAM SHES YIN PAR THAL, RNAM SMIN GYI KUN GZHI YIN PA'I PHYIR, DER THAL, NYON YID KYI DMIGS PA YIN PA'I PHYIR, KHYAB STE, DE'I DMIGS PA 'CHAD PA NA, DKA' 'GREL RTZA BA LAS, KUN GZHI RNAM SMIN CHA NYID LA, ,ZHES NYID TSIG SMOS PA DE KHO NA'I TSIG YIN PA'I PHYIR, KHA CIG , KUN GZHI RNAM SHES DE NYON YID LA SNANG BA'I DMIGS PA YIN ZER NA, DE MI 'THAD PAR THAL, NYON YID DE KUN GZHI RNAM SHES LA BDAG TU 'KHRUL PA TZAM GYI KUN GZHI RNAM SHES DE'I DMIGS PAR BZHAG PA YIN GYI DE LA KUN GZHI RNAM SHES SNANG BA'I SGO NAS KUN GZHI RNAM SHES DE'I DMIGS YUL DU 'JOG PA MIN PAR DKA' 'GREL LAS GSUNGS PA'I PHYIR, KHA CIG GIS, NYON YID DE 'PHAGS PA'I MNYAM BZHAG ZAG MED LA GEGS BYED @48B PA'I SGRIB PA YIN TE, DE'I TSE NA KUN GZHI YOD CING NYON YID GNAS SKABS LDOG DGOS PAS DE MED PA'I PHYIR ZER NA, KHA PHYI LTAS KYI DGE BA DANG LUNG MA BSTAN GYI SEMS SEMS BYUNG RNAMS CHOS CAN, SGRIB PA YIN PAR THAL, 'PHAGS PA'I MNYAM BZHAG ZAG MED LA GEGS BYED YIN PA'I PHYIR, DER THAL, DE'I TSE DE RNAMS GNAS SKABS LDOG DGOS PA'I PHYIR, KHYAB PA DNGOS, YANG KHA CIG GIS, NYON YID THAR PA THOB PA LA BSGRIBS PA'I GEGS BYED KYI SGRIB PA YIN TE, DE MA SPANGS PAR THAR PA THOB MI NUS PA'I PHYIR ZHE NA, YANG SRID 'PHEN NGES KYI BSOD NAMS KYI LAS DANG MI G-YO BA'I LAS CHOS CAN, SGRIB PA YIN PAR THAL, THAR PA THOB PA LA BSGRIBS PA'I GEGS BYED YIN PA'I PHYIR, GZHAN YANG, NYON YID NYON SGRIB YIN PAR THAL, DE SGRIB PA GANG ZHIG ,SGRIB PA GZHAN GNYIS GANG YANG MA YIN PA'I PHYIR, 'DOD NA, DE DGRA BCOM THOB PA'I TSE NA RGYUN CHAD PA'I TSUL GYIS SPANGS DGOS PAR THAL LO, ,'DOD MI NUS TE, DE'I TSE YID GSAL RIG TZAM GYI NGO BOR GNAS 'GYUR BA'I PHYIR, 'OG TU SHES PAR BYA'O, ,KHA CIG ,NYON YID YIN NA, RGYUN CHAD PA MED PAS KHYAB ZER NA, ZHI BA BGROD PA GCIG PU BA'I RGYUD KYI NYON YID CHOS CAN, DER THAL, DE'I PHYIR, 'DOD MI NUS TE, LHAG MED MYANG 'DAS KYI TSE NA RGYUN CHAD PA'I PHYIR, KHA CIG ,NYON YID MI DGE BA YIN ZER NA, 'O NA DE MI DGE BA'I SEMS YIN PAR THAL, 'DOD PA'I PHYIR, 'DOD NA, SO SKYE'I RGYUD LA DGE BA'I SEMS 'KHOR BA THOGS MA MED PA NAS 'PHAGS LAM MA THOB TSUN CHAD DU MNGON GYUR DU 'JUG PA MI SRID PAR THAL, NYON YID DE 'KHOR BA THOGS MA MED PA NAS 'PHAGS @49A *, ,LAM MA THOB KYI BAR DU RIGS 'DRA RGYUN MI CHAD DU 'JUG PA GANG ZHIG ,DE MI DGE BA'I SEMS YIN PA'I PHYIR, DANG PO DER THAL, DE BRTAN PA'I RNAM SHES YIN PA'I PHYIR, PHYI MA DER THAL, DGE MI DGE'I SEMS GNYIS MNGON GYUR DUS GCIG TU LHAN CIG 'JUG PA MI SRID PA'I PHYIR, DES NA DE DGE BA'I SEMS DANG SGRIB LUNG MA BSTAN GYI SEMS YIN ZER BA LA'ANG SKYON SNGAR BZHIN 'PHEN NO, ,KHA CIG GIS, NYON YID KYI 'KHOR DU GYUR PA'I TSOR BA DE TSOR BA BDE BA YIN ZER NA, 'O NA, DE TSOR BA YID BDE YIN PAR THAL, 'DOD PA'I PHYIR, 'DOD NA, SO SKYE'I RGYUD LA YID MI BDE MNGON GYUR DU GTAN MI 'BYUNG BA DANG, MNAR MED PA SOGS KYI RGYUD LA TSOR BA YID BDE MNGON GYUR DU DUS RTAG TU GNAS PA DANG, BSAM GTAN BZHI PA YAN CHAD KYANG TSOR BA BDE BA'I SA PA YIN PAR THAL, DANG PO GNYIS PO'I RGYUD LA TSOR BA YID BDE MNGON GYUR DU DUS RTAG TU 'JUG PA'I PHYIR, DER THAL, NYON YID 'KHOR GYI TSOR BA DE DAG GI RGYUD LA DUS RTAG TU MNGON GYUR DU 'JUG PA GANG ZHIG ,DE TSOR BA YID BDE YIN PA'I PHYIR, KHYAB STE KHAMS GSUM KAR NYON YID KYI 'KHOR LA MANG NYUNG GI KHYAD PAR MI 'BYUNG ZHING, DE'I 'KHOR RNAMS KYANG GTZO BO NYON YID DANG 'JUG LDOG DUS GCIG PA YIN PA'I PHYIR, YANG KHA CIG GIS, 'DI'I 'KHOR GYI TSOR BA DE TSOR BA SDUG BSNGAL YIN ZER NA, SO SKYE RGYUD LA TSOR BA BDE BA DANG YID BDE GTAN MI 'BYUNG BA DANG, BSAM GTAN DANG PO YAN CHAD TSOR BA SDUG BSNGAL GYI SAR THAL BA SOGS SNGAR BSHAD PA'I RIGS PAS DPAGS NAS MI 'THAD PAR SHES PAR BYA'O,, @49B DES NA, 'DI'I 'KHOR GYI TSOR BA NI TSOR BA BTANG SNYOMS 'BA' ZHIG DANG, 'DI DGA' BA'I RNAM PA YIN YANG TSOR BA'I DGA' RNAMS [*RNAM] MA YIN GYI, 'DOD CHAGS KYI DGA' RNAMS [*RNAM] YIN PA'I PHYIR, KHA CIG GIS, NYON YID KYI 'KHOR DU GYUR PA'I NYON MONGS KUN BTAGS YOD ZER NA, DE MI 'THAD PAR THAL, DE'I 'KHOR DU GYUR PA'I NYON MONGS YIN NA NYON MONGS LHAN SKYES YIN DGOS PA'I PHYIR, DER THAL, DE YIN NA, SGOM SPANGS NYON MONGS YIN DGOS PA'I PHYIR, DER THAL, NYON YID DE SGOM SPANGS YIN PA GANG ZHIG ,DE JI SRID 'JUG GI BAR DU DE'I 'KHOR MANG NYUNG MI YONG BA SOGS GONG DU BSGRUB ZIN PA'I PHYIR RO, ,DANG PO DER THAL, DON GSANG LAS; YID NI SGOM PAS SPANGS PAR BYA BA YIN PA'I PHYIR RO, ,ZHES GSUNGS PA'I PHYIR, 'DI LA, KHA CIG GIS, NYON YID CHOS CAN, SANGS RGYA BA MED PAR THAL, SGOM SPANGS YIN PA'I PHYIR ZER NA, NGAN 'GRO'I PHUNG KHAMS SKYE MCHED RNAMS CHOS CAN, SANGS RGYA BA MED PAR THAL, MTHONG SPANGS YIN PA'I PHYIR, ` GNYIS PA RANG GI LUGS LA, RANG DANG RTEN GCIG PA'I GANG ZAG GI RGYUD KYI KUN GZHI RNAM SMIN GYI CHA KHO NA NYID LA DMIGS NAS RNAM PA DE LA GANG ZAG GI BDAG TU 'KHRUL PA TZAM DU BLTA BA'I SGO NAS DUS RTAG TU NGAR RLOM PA'I RNAM PA CAN GYI BSGRIBS LA LUNG DU MA BSTAN PA GANG ZHIG ,RANG GI RTZA BA'I 'KHOR REG SOGS KUN 'GRO LNGA DANG CHAGS SOGS NYON MONGS BZHI STE DGU KHO NA DANG MTSUNGS LDAN GYI BRTAN PA'I RNAM SHES DE NYON YID KYI MTSAN NYID, DE LA DBYE NA, KUN NYON RGYU @50A *, ,'BRAS KYI DBYE TSUL MA GTOGS KUN GZHI RNAM SHES LA DBYE TSUL DANG MTSUNGS, NYON YID KYI 'KHOR DE LA MA DAD PA SOGS DRUG BSNAN PAS SEMS BYUNG BCO LNGA 'BYUNG YANG DE DRUG PO DE NYON YID DANG MTSUNGS LDAN DU MI 'BYUNG BA DANG SEMS BYUNG DGU PO DE LAS GUD NA MED PAS NYON YID KYI RTZA BA'I 'KHOR SEMS BYUNG DGU KHO NAR GRANGS NGES, SEMS BYUNG LNGA BCU NGA GCIG LAS GZHAN RNAMS DE'I 'KHOR DU MI 'BYUNG BA'I TSUL ZUR DU ZHIB PAR BSHAD PA LAS SHES PAR BYA'O, ,SEMS YID RNAM SHES GSUM DU PHYE BA'I YID DE LA, 'JUG SHES KYI DE MA THAG RKYEN BYED PA'I YID DANG, KUN GZHI LA NGAR SEMS PA'I YID GNYIS SU DBYE BA YIN TE, THEG BSDUS LAS, DE MA THAG PA DANG, NGAR SEMS PA'I PHYIR YID NI RNAM PA GNYIS SO, ,ZHES GSUNGS PA'I PHYIR, DE YANG DANG PO DE LA KUN RDZOB PA'I YID CES BYA STE, RNAM SHES TSOGS DRUG LAS ZUR DU BZHAG TU MED PA'I RNAM SHES YIN PAS DE LTAR BRJOD PA'I PHYIR, GNYIS PA DE LA DON DAM PA'I YID CES BYA STE, RNAM SHES GZHAN LA MA BLTOS PAR RANG SKYA THUB PA'I RDZAS SU YOD PA DANG DMIGS GSAL GYI GNAS SKABS GSUM MA GTOGS PA'I DUS RTAG TU NGAR RLOM PAR SEMS PA'I RNAM SHES YIN PAS NA DE LTAR BRJOD PA'I PHYIR, YANG DANG PO DE LA DE MA THAG RKYEN ZHES PA'I DON YOD DE, DE 'DRA'I YID DE RANG GI DE MA THAG 'BRAS SU GYUR PA'I RNAM SHES TSOGS DRUG PO GANG RUNG SKYES MA THAG TU RANG NYID 'GAGS MA THAG PAR GYUR CING, DE'I SNGA LOGS DE MA THAG TU 'GAGS KHA MA YIN DGOS PAS DES DE MA THAG RKYEN BYAS NAS RANG NYID 'GAGS STOBS KYIS RNAM SHES TSOGS DRUG GANG RUNG PHYI MA SKYE BA'I @50B GO 'BYED PAS NA RNAM SHES DE DAG SKYE BA'I GNAS YIN ZHES PA'I DON YIN PA'I PHYIR, DE YANG YIN TE, DON GSANG LAS, 'DIR YANG DRUG PO RKYEN LAS 'DAS MA THAG PA GANG YIN PA DE GZUNG GI PHAN TSUN DAG TU ZHES MA YIN TE, LHAN CIG KYANG 'BYUNG BA'I PHYIR RO, ,ZHES PA DANG, KUN BTUS DAR tIK LAS, DE MA THAG RKYEN YIN YANG PHYI MA SKYE BA'I GO 'BYED PA'I BYED LAS DANG LDAN PAS BDAG RKYEN DU BZHAG LA 'GAGS MA THAG PA'I RANG LDOG RNAM SHES SU KHAS LEN PA NI MA YIN NO, ,ZHES GSUNGS PA'I PHYIR, GNYIS PA DE LA NYON YID CES BRJOD PA'I RGYU MTSAN YOD DE, DMIGS BSAL GSUM MA GTOGS PA'I DUS THAMS CAD DU RANG GI 'KHOR RTZA NYON BZHIS 'KHOR REG SOGS LNGA DANG BCAS PA RNYOG RNYOG POR BYAS PAS NA NYON MONGS CAN DANG DGE SOGS GSUM PO GANG SKYES PA'I DUS THAMS CAD DU KUN GZHI LA NGA'O SNYAM DU RLOM SEMS PA'I RNAM PA CAN YIN PAS NA NYON YID CES BRJOD PA YIN PA'I PHYIR; GSUM PA RTZOD PA SPONG BA LA, KHA CIG GIS, NYON YID CHOS CAN, SGRIB PA YIN PAR THAL, BSGRIBS LUNG MA BSTAN YIN PA'I PHYIR ZER NA, 'DZIN PHYOGS RNAM PA CIG TU NA 'DIR MA KHYAB, MA GRUB NA, DER THAL, BSGRIBS LA LUNG MA BSTAN YIN PA'I PHYIR ZER NA, MA KHYAB STE, DES NA 'DIR NYON YID LA BSGRIBS LUNG MA BSTAN ZHES PA'I BSGRIBS PA NI NYON SGRIB DANG SHES SGRIB BZHIN DU DES CHOS GZHAN PHAR BSGRIBS PA'I DON MA YIN GYI NYON YID RANG NYID CHOS GZHAN RTZA BA'I NYON MONGS PA BZHIS TSUR RNYOG RNYOG POR BYAS PA'I SGO NAS BSGRIBS PA'I DON YIN PA'I PHYIR, DER THAL, DKA' 'GREL DE NYID LAS, DE GNYIS KYI DON CHOS RANG NYID BSGRIBS PA'AM MA BSGRIBS @51A *, ,PA DPYOD PA YIN GYI DES GZHAN LA BSGRIBS MI BSGRIBS MA YIN TE, ZHES GSUNGS PA'I PHYIR, KHA CIG GIS, NYON YID KYI RTZA BA'I 'KHOR LA SEMS BYUNG SNGAR BSHAD PA LTAR DGU KHO NAR GRANGS MA NGES PAR THAL, DE'I 'KHOR DU RNAM G-YENG DANG BAG MED DANG, RGOD PA DANG, MA DAD PA DANG, LE LO DANG, RMUGS PA STE SEMS BYUNG DRUG BSNAN TE 'KHOR BCO LNGA 'BYUNG BAR BSHAD PA'I PHYIR ZER NA, SKYON MED DE, DE LTAR 'BYUNG YANG, DE'I 'KHOR DU GYUR PA'I RNAM G-YENG NI NGA RGYAL LA BTAGS PA DANG, BAG MED PA NI 'DOD CHAGS DANG GTI MUG GNYIS LA BTAGS PA DANG, RGOD PA NI 'DOD CHAGS LA BTAGS PA DANG, MA DAD PA DANG LE LO DANG RMUGS PA GSUM NI GTI MUG GI CHA LA BTAGS SHING, DE YANG RANG RANG GI GDAGS GZHI NYON MONGS PA DE DANG DE'I RDZAS YIN PAS 'DOD CHAGS SOGS GZHI PO GANG RUNG LAS RDZAS RIG ZUR DU MED PAS NA RTZA BA'I 'KHOR DGU KHO NAR GRANGS MA NGES PA'I SKYON MED PA'I PHYIR, KHA CIG GIS, NYON YID KYI 'KHOR DU SNGAR BSHAD PA'I SEMS BYUNG BCO LNGA LAS MANG BA 'BYUNG BAR THAL, DE'I 'KHOR DU NYON MONGS CAN MA YIN PA'I MA RIG PA SOGS BZHI PO YANG 'BYUNG BA'I PHYIR ZER NA, SKYON MED DE, DE BZHI PO NYON YID KYI 'KHOR GYI NYON MONGS BZHI DANG MING DON PHYOGS MTSUNGS PAS ZUR DU MA GRANGS PA YIN NAM SEMS BYUNG NGA GCIG GI NANG DU MA GTOGS PAS YIN NAM DPYAD PAR BYA'O, ,SUM CU PA LAS, GANG DU SKYES PA DE'I 'O GZHAN, ZHES PA DANG, RTZA BA LAS, 'GOG PA'I MNYAM GZHAG GNAS SKABS DUS, ZHES SOGS KYI SKABS SU MTHA' DPYAD PA LA, DGAG BZHAG SPONG @51B GSUM LAS, DANG PO LA, KHA CIG ,'DOD PA'I RTEN LA MYANG 'DAS MNGON DU BYED PA'I PHYIR MI 'ONG DE, KHAMS GSUM KA'I NYON YID SPANGS PA YOD ZER NA, 'O NA, DES KHAMS GSUM GYI NYON YID GSUM CIG CAR RIM CAN GANG RUNG DU SPONG BAR THAL, 'DOD PA'I PHYIR, 'DOD NA, DES DE GSUM PO RIM CAN DU SPONG BAR THAL, 'DOD PA GANG ZHIG ,DES DE GSUM CIG CAR DU MI SPONG BA'I PHYIR, DANG PO KHAS, GNYIS PA MA GRUB NA, DES KHAMS GSUM GYI NYON MONGS GSUM CIG CAR DU SPONG BAR THAL, 'DOD PA'I PHYIR, 'DOD NA, SPANGS BYA RIM GYIS PA MED PAR THAL BA SOGS GNOD BYED MANG DU 'JUG GO ,GONG DU RIM CAN DU SPONG ZER NA, 'O NA, DES DANG PO 'DOD PA'I NYON YID SPONG, DE RJES GZUGS KYI NYON YID SPONG BAR THAL, 'DOD PA'I PHYIR, MA KHYAB NA 'OG TU 'GOG, 'DOD MI NUS TE, DES 'DOD PA'I NYON YID SPANGS PA DANG DGRA BCOM THOB PA DUS MNYAM PA GANG ZHIG ,DES GZUGS KYI NYON YID DE DGRA BCOM THOB RJES SU SPANGS PA MA YIN PA'I PHYIR, DANG PO DER THAL, DE DANG RTEN GCIG PA'I NYAN THOS SGOM LAM RDO RJE LTA BU'I TING NGE 'DZIN THOB KHA MA'I GANG ZAG GI RGYUD LA NYON YID YOD PA GANG ZHIG ,DE 'DOD PA'I NYON YID YIN PA'I PHYIR, DANG PO DER THAL, NYON YID DE DGRA BCOM THOB PA DANG SLOB PA'I ZAG MED MNYAM GZHAG DANG 'GOG SNYOMS GSUM GYI DUS MA GTOGS GZHAN MED PA'I DUS MI SRID PA'I PHYIR TE, SUM CU PA LAS, DGRA BCOM MED, ,'GOG PA'I SNYOMS PAR 'JUG NA MED, ,'JIG RTEN 'DAS PA'I LAM NA MED, ,CES GSUNGS PA'I PHYIR, PHYI MA LA KHYAB STE, 'DOD PA'I NYON YID YIN NA, 'DOD PA'I SAS BSDUS YIN PAS @52A *, ,KHYAB PA SOGS NYON YID RTEN GYI SA PA YIN PA'I PHYIR, SUM CU PAR, GANG DU SKYES PA DE'I 'O, ,ZHES GSUNGS PA'I PHYIR, GONG GI MA KHYAB MTSAMS LA, 'O NA, DES DANG POR GZUGS KYI NYON MONGS SPONG, DE RJES 'DOD PA'I NYON MONGS SPONG BA YIN PAR THAL, DE LTAR YIN PA'I PHYIR, 'DOD NA, BYUNG BA DANG 'BYUNG BAR MI 'GYUR BA'I MKHAS PA ZHIG STE RIGS LAM LAS 'DAS SO, ,MA KHYAB NA KHYAB STE, GZUGS KYI NYON YID SPANGS PA DANG, DE'I 'KHOR GYI BDAG LTA SOGS NYON MONGS BZHI SPANGS PA DUS MNYAM YIN PA'I PHYIR, ZHES SOGS SLA'O, ,KHA CIG GIS, THEG PA GSUM GYI SLOB PA'I ZAG MED MNYAM GZHAG GI TSE NYON YID KYI RDZAS RGYUN DU GYUR PA'I BDUN YID MED ZER NA, DE YOD PAR THAL, DE YOD PA DKA' 'GREL LAS GSUNGS PA'I PHYIR, GZHAN YANG DE YOD PAR THAL, DE'I TSE NYON YID GNAS SKABS GNAS GYUR PA'I BDUN YID YOD PA'I PHYIR, DER THAL, DE LTAR MED NA DGONGS 'GREL LAS KUN GZHI RNAM SHES RES 'GA' YID KYI RNAM SHES GCIG KHO NA DANG LHAN CIG TU 'BYUNG BAR BSHAD RIGS PAR 'GYUR BA LAS DE LTAR MA BSHAD PA'I PHYIR, DER THAL, DON GSANG LAS, GAL TE YANG DE'I TSE YID GYUR PA YANG YID MA YIN PA ZHIG TU GYUR NA NI, 'DI LA YANG YID MA YIN PAR 'GYUR BA 'DI SKAD DU RES 'GA' NI GCIG DANG STE GANG GI TSE YID KYI RNAM PAR SHES PA DANG ZHES KYANG BSHAD PAR 'GYUR RO, ,ZHES GSUNGS PA'I PHYIR, ZHIB PA ZUR DU BSHAD PA LAS SHES PAR BYA'O, ,KHA CIG ,LUGS 'DIR GANG ZAG GCIG GI RGYUD LA BDAG @52B 'DZIN GNYIS DUS MNYAM DU 'BYUNG BA MED ZER NA, DE YOD PAR THAL, DKA' 'GREL LAS, 'DAS LAM MA SKYES GONG DU DUS GCIG TU GANG ZAG DANG CHOS SU 'DZIN PA 'BYUNG LA, ZHES GSUNGS PA'I PHYIR, GZHAN YANG DE GNYIS DUS MNYAM DU 'BYUNG BA YOD PAR THAL, SO SKYE YIN NA, DE GNYIS RGYUD LDAN YIN PAS KHYAB PA'I PHYIR, DER THAL, DE YIN NA NYON YID RGYUD LDAN YIN PAS KHYAB PA GANG ZHIG ,NYON YID YIN NA DE DANG MTSUNGS LDAN GYI BDAG 'DZIN GNYIS DUS GCIG TU YOD DGOS PA'I PHYIR, RTAGS GNYIS KA GRUB STE, DON GSANG LAS, CIG CAR BDAG MED PA GNYIS KA MA MTHONG BA'I GNAS SU GYUR PA'I MA RIG PA GANG YIN PA DE LA BRTEN NAS THAG PA'I SRID KYI DBYIBS LA RTOG PA SNGON DU 'GRO BA CAN GYIS SBRUL DU RAB TU RTOG PA BZHIN DU, NYON MONGS CAN GYI YID DANG MTSUNGS PAR LDAN PA'I LTA BA CIG CAR CHOS DANG GANG ZAG TU RAB TU RTOG PAR BYED PA BYUNG NGO, , ZHES GSUNGS PA'I PHYIR, KHA CIG ,CHOS KYI BDAG 'DZIN RGYUD LDAN YIN NA GANG ZAG GI BDAG 'DZIN RGYUD LDAN YIN PAS KHYAB ZER NA, GANG ZAG GI BDAG MED MNGON SUM DU RTOGS PA'I NYAN THOS 'PHAGS PA CHOS CAN; DER THAL, DE'I PHYIR, DER THAL, DE'I RGYUD KYI NYON YID KYI RDZAS RGYUN DU GYUR PA'I BDUN YID DE, GANG ZAG GI BDAG TU 'DZIN PA'I SGRO 'DOGS PA DANG BRAL BAS NA NYAN THOS 'PHAGS PA DES GANG ZAG GI BDAG MED MNGON SUM DU RTOGS, CHOS KYI BDAG TU 'DZIN PA'I SGRO 'DOGS PA DANG MA BRAL BAS CHOS KYI BDAG MED MNGON SUM DU MA RTOGS SHING NYON MONGS CAN MA YIN PA'I LTA BA SOGS BZHI DANG MTSUNGS LDAN DU 'JUG @53A *, ,PA SOGS YIN PA'I PHYIR, DER THAL, DKA' 'GREL LAS, 'DAS LAM SKYES NA NI, NYAN THOS 'PHAGS PA CIG YIN NA, MNYAM GZHAG GI TSE YID DE GANG ZAG TU SGRO 'DOGS PA MED PA DANG GANG ZAG GI BDAG MED KYI DON LA GSAL BAR 'JUG LA, CHOS RNAMS LA SGRO 'DOGS DANG MA BRAL BAS MI GSAL BAR 'JUG GO ,DE YANG MA RIG PA LTA BA NGA RGYAL DANG, 'DOD CHAGS NYON MONGS PA CAN MA YIN PA BZHI DANG MTSUNGS PAR LDAN LA DE DAG KYANG NYON MONGS CAN MA YIN PAS NYAN THOS KYI 'BRAS BU THOB PA LA GEGS MI BYED CING DGE BA YANG MIN NO, ,ZHES GSUNGS PA'I PHYIR, GONG DU MA KHYAB NA KHYAB STE, DE'I RGYUD KYI BDUN YID KYI 'KHOR DU GYUR PA'I NYON MONGS CAN MA YIN PA'I LTA BA DE CHOS KYI BDAG 'DZIN YIN PA'I PHYIR, DE YANG YIN TE, DE'I RGYU MTSAN YANG NYAN RANG LA CHOS KYI BDAG MED RTOGS PA MED PAS ZAG MED MNYAM GZHAG GI TSE YANG DE'I RGYUD KYI BDUN YID DE NYON MONGS CAN MA YIN PA'I LTA BA SOGS DANG MTSUNGS LDAN DU 'JUG PAS NA CHOS KYI BDAG 'DZIN DANG BCAS PA'I DBANG DU BYAS PA'I ZAG BCAS SU 'JOG ,BYANG SEMS 'PHAGS PAS ZAG MED MNYAM GZHAG GI TSE BDAG MED GNYIS KA'I CHA MNGON SUM DU RTOGS PAS NA BDAG 'DZIN GNYIS KA MNGON GYUR DU MI 'JUG CING, DES NA DE'I RGYUD GYI BDUN YID DE NYON MONGS CAN MA YIN PA'I LTA BA SOGS DANG MTSUNGS LDAN DU MI 'JUG PAS CHOS KYI BDAG 'DZIN DANG MA BCAS PA'I DBANG DU BYAS PA'I ZAG MED DU 'JOG PA YIN PA'I PHYIR, DER THAL, DKA' 'GREL LAS, GAL TE BYANG SEMS @53B 'PHAGS PA ZHIG YIN NA MNYAM GZHAG GI TSE BDAG MED PA GNYIS KA MNGON SUM DU MTHONG BAS BDAG MED PA GNYIS MTHONG BA LA GEGS BYED PA'I GANG ZAG TU 'DZIN PA DANG CHOS SU 'DZIN PA GNYIS CHAR MNGON DU MI 'GYUR BAS ZAG PA MED PA YIN NO, ,ZHES GSUNGS PA'I PHYIR, DES NA ZAG BCAS LA NYON MONGS CAN GYI ZAG BCAS DANG, NYON MONGS CAN MA YIN PA'I ZAG BCAS GNYIS SU 'BYED RIGS TE, DKA' 'GREL LAS, MNYAM GZHAG NA YID NI YOD LA, DE YANG ZAG BCAS SU YOD PAR 'DOD DE 'O NA NYON MONGS PA'I ZAG PA YOD DAM ZHE NA, GZHAN DU NA JI LTAR ZAG PA DANG BCAS ZHE NA, ZHES PAS 'GRUB PA'I PHYIR, GNYIS PA RANG GI LUGS BZHAG PA LA, NYON YID DE RTEN GYI GANG ZAG GANG DU SKYES PA'I SKYE SAS BSDUS PA YIN TE, RANG RGYUD LDAN GYI GANG ZAG 'DOD KHAMS PA YIN NA NYON YID DE 'DOD KHAMS KYI SAS BSDUS, DE BZHIN DU GZUGS GZUGS MED GNYIS SAM BSAM GTAN BZHI'I GZUGS KHAMS GNAS RIGS BCU BDUN DANG GZUGS MED BZHI LA'ANG RIGS BSGRE TSUL SHES PAR BYA'O, ,DE YANG NYAN THOS KYI 'PHAGS LAM THOB NAS ZHI RAGS KYI RNAM PA CAN GYI LAM BGROD NAS NYON MONGS SPONG TSUL MNGON PA GONG 'OG GI LUGS LA GSUNGS KYANG NYAN SA LTAR NA DBU SEMS THUN MONG MA YIN PA'I LUGS LA DE LTAR MI BZHED PA LTAR YOD KYANG GSAR GTAM SGRA 'DZIN DU SON DKA' BA'I RNAM GZHAG DE RE ZHIG BZHAG NAS 'DIR ZAG MED BDEN PA'I RNAM PA CAN GYI LAM LA BRTEN NAS NYON MONGS SPONG BA'I SPANG BYA CIG CAR BA DANG RIM GYIS PA GNYIS 'DOD DGOS LA, DE GNYIS GANG GI DBANG DU @54A *, ,BYAS KYANG NYON MONGS SPANGS PA DANG KHAMS GSUM GYI NYON YID SPANGS PA DUS MNYAM MI MNYAM GANG YANG MA YIN TE, DPER NA, 'DOD PA'I RTEN LA MYANG 'DAS MNGON DU BYED PA'I PHYIR MI 'ONG DE'I RGYUD LA KHAMS GONG MA GNYIS KYI NYON YID SLAR SKYE BA YANG MED, DES 'DOD PA'I NYON YID SPONG TSUL LAS ZUR DU KHAMS GONG MA GNYIS KYI NYON YID SPONG TSUL YANG MED PA'I PHYIR, DES NA GANG ZAG RTEN GCIG GIS KHAMS GSUM GYI NYON YID CIG CAR RIM CAN GANG RUNG DU SPONG BA MED DE 'DOD PA'I RTEN LA MYANG 'DAS MNGON DU BYED PA'I PHYIR MI 'ONG DES DGRA BCOM PA'I 'BRAS BU THOB PA DANG DUS MNYAM DU 'DOD PA'I NYON YID SPANGS PA DANG GTAN LDOG PA YIN PAS, DES NYON YID SPANGS PA DANG GTAN LDOG PA'I GO CHOD PA YIN GYI DE LAS ZUR DU DES KHAMS GONG GI NYON YID SPANGS PA DANG GTAN LDOG RGYU MED PA'I PHYIR, DE YANG YIN TE, LUGS 'DIR NYON MONGS GTAN NAS SPANGS PA'I DON NI YID SHES 'KHOR GYI NYON MONGS TZAM SPANGS PA'I DON MIN GYI NYON YID 'KHOR GYI NYON MONGS GTAN NAS SPANGS PA'I DON DU BYED DGOS LA, DES NA DE 'DRA'I PHYIR MI 'ONG DES, BSAM GTAN DANG PO'I NYON MONGS DGU PA DANG BSAM GTAN DANG PO'I NYON MONGS GNYIS CIG CAR RIM CAN GANG RUNG DU SPONG MI SPONG GI THA SNYAD MI BYED PA NAS GZUGS MED CI YANG MED PA'I BAR RIGS BSGRE ZHING SRID RTZE'I NYON MONGS DGU PA DANG DE'I NYON MONGS SPANGS PA DUS MNYAM YANG SRID RTZE'I NYON YID SPONG MI SPONG GI THA SNYAD MI BYED PA'I PHYIR, DE BZHIN DU GZUGS GZUGS MED KYI RTEN LA MYANG 'DAS MNGON DU BYED PA'I PHYIR MI 'ONG LA YANG DES @54B RIGS BSGRE TSUL SHES PAR BYA'O, ,DE YANG NYON YID 'KHOR GYI NYON MONGS RNAMS SPANGS PA NA DE'I RIGS RGYUN DANG RDZAS RGYUN GNYIS KA'I RGYUN BCAD NAS SLAR MI SKYE BA'I TSUL GYIS SPANGS PAS NA KHAMS GSUM DU NYING MTSAMS SBYOR BA RGYUN CHAD NAS 'KHOR BA LDOG CING, DES NA DE'I TSE NA NYON YID KYI RIGS 'DRA YANG RGYUN CHAD NAS SLAR SKYE MI RUNG DU SONG BAS NA NYON YID SPANGS PAR BZHAG PA'I PHYIR, 'ON KYANG, DE'I TSE NYON YID RDZAS RGYUN CHAD PA'I TSUL GYIS SPANGS PA MA YIN TE, DE'I TSE NA YID GSAL RIG TZAM GYI NGO BOR GNAS GYUR NAS SLAR YANG YID KYI RNAM SHES 'KHRUL PA SKYE BA'I BDAG RKYEN BYED PA'I PHYIR, GONG GI ZHIB CHA DE LTAR 'THAD DE, KUN BTUS DAR tIK LAS, SUM CU PAR, GANG DU SKYES PA DE'I 'O, ZHES BSHAD PAS GANG ZAG 'DOD KHAMS PA YIN NA, BSAM GTAN BZHI PA THOB KYANG DE'I RGYUD KYI NYON YID 'DOD PA'I SAS BSDUS PA YIN PAS BSAM GTAN DANG PO'I NYER BSDOGS KYIS 'DOD PA'I NYON MONGS MNGON DU GYUR TSUL LA MKHAS PAR BYA'O, ,ZHES GSUNGS PA'I PHYIR, SPYIR NYON YID 'JUG LDOG GI TSUL LA 'KHOR BAR GTAN DU 'JUG CING LDOG PA MED PA DANG DE 'KHOR BAR GTAN DU MI 'JUG CING LDOG PA YOD PA GNYIS, DANG PO NI GTAN RIGS CHAD KYI GANG ZAG RNAMS DE YIN, GNYIS PA GNAS SKABS LDOG TSUL DANG MTHAR THUG LDOG TSUL GNYIS YOD, DE YANG THEG PA GSUM GYI SLOB PA ZAG MED MNYAM GZHAG PA DANG DE GSUM GYI 'GOG PA'I SNYOMS 'JUG GI DUS SU GNAS SKABS LDOG ,NYAN RANG DGRA BCOM DANG SA BRGYAD PA THOB NAS GTAN NAS LDOG ,DE GNYIS KA'ANG, RIGS RGYUN CHAD PA'I LDOG TSUL YIN GYI, RDZAS @55A *, ,RGYUN CHAD PA'I LDOG TSUL MA YIN TE, DE GNYIS KA'I DUS SU YID GSAL RIG TZAM GYI NGO BOR GNAS GYUR NAS YOD PA'I PHYIR DE'I TSE CHOS KYI BDAG 'DZIN BSKYED PA'I NUS PA MA LOG PAR YOD PAS MNYAM NYID YE SHES MI THOB CING YID GSAL RIG TZAM DE YID SHES KYI BDAG RKYEN BYED, DE YANG MKHAS PA 'GA' ZHIG GIS 'PHAGS PA GSUM GYI ZAG MED MNYAM GZHAG PA'I RGYUD LA NYON YID KYI 'KHOR NYON MONGS BZHI YANG MNGON GYUR DU 'JUG MI NUS SHING SA BON TZAM DU GNAS PA DES DE'I RGYUD KYI NYON YID KYI RDZAS RGYUN DU GYUR PA'I BDUN YID GSAL RIG ZAG BCAS SU BYED MI NUS PAS ZAG MED DU BZHED KYANG, RANG LUGS LA NYAN RANG RNAMS KYI ZAG MED MNYAM GZHAG GI DUS GANG ZAG GI BDAG MED MNGON SUM DU RTOGS PAS NYON MONGS CAN GYI ZAG BCAS SU MI 'JOG KYANG CHOS KYI BDAG 'DZIN DANG BCAS PA'I DBANG DU BYAS PA'I ZAG BCAS SU 'JOG TSUL SOGS GONG DU BSHAD PA LTAR RO, ,DE'I RDZAS RGYUN LDOG MI LDOG GI TSUL GNYIS YOD, ,DE YANG DMAN PA'I LHAG MED MYANG 'DAS KYI TSE DE'I RDZAS RGYUN YID GSAL RIG TZAM DE YANG RGYUN CHAD PA'I TSUL GYIS LDOG PA YIN TE, DE'I TSE 'DUS BYAS KYI 'JUG PA THAMS CAD RGYUN CHAD PA'I PHYIR, SANGS RGYAS PA'I TSE DE'I RDZAS RGYUN YID GSAL RIG DE TZAM RGYUN CHAD PA'I TSUL GYIS LDOG PA MA YIN TE, DE'I TSE MNYAM NYID YE SHES KYI NGO BOR GNAS GYUR NAS NAM MKHA' MA ZAD KYI BAR RIGS 'DRA RGYUN MI CHAD PAR GNAS NAS SHES BYA THAMS CAD LA DUS CIG CAR DU MNGON SUM RJEN 'CHAR DU 'JUG PA'I PHYIR, GSUM PA RTZOD PA SPONG BA LA, ,KHA CIG @55B GIS; SRID RTZE'I DNGOS GZHI THOB PA'I 'DOD PA'I RTEN CAN GYI PHYIR MI 'ONG DE 'DOD PA LA CHAGS PA DANG BRAL BA MA YIN PAR THAL, DE'I RGYUD LA 'DOD PA'I NYON MONGS MNGON GYUR DU 'JUG PA'I PHYIR TE, DE'I RGYUD KYI NYON YID 'KHOR BCAS 'DOD PA'I SAR GTOGS YIN PA'I PHYIR ZHE NA, 'DOD BYAS PA LA, DE MI 'THAD DE, BSAM GTAN DANG PO'I DNGOS GZHI THOB PA'I 'DOD PA'I SO SKYE YAN CHAD 'DOD PA LA CHAGS PA DANG BRAL BAR GZHUNG GZHAN NAS BSHAD PA'I PHYIR ZHE NA, SKYON MED DE, DE'I DON NI, DE 'DRA'I SO SKYE DE GTZO BOR 'KHRIG PA LA CHAGS PA DANG BRAL BA DANG, ZHI GNAS KYI LAM THOB PAS YID MI BDE'I GDUNG BA MED PA DANG, 'DOD YON LNGA LA SRED PA'I CHAGS PA MNGON GYUR BAS RGYUD GDUNG BA MED PAS NA, RE ZHIG KHA PHYIR BLTAS KYI 'DOD PA'I CHAGS SDANG DANG BRAL BA'I DON YIN GYI, 'DOD PA'I CHAGS PA DANG BRAL BA'I DON MA YIN PA'I PHYIR, DER THAL, NYON YID NI RANG GI 'KHOR BDAG LTA LHAN SKYES DANG MTSUNGS LDAN DU 'JUG PAS 'DI GNYEN PO'I SGO NAS LDOG PA LA DE'I DNGOS KYI GNYEN PO ZAG MED BAR CHAD MED LAM GYI SHES RAB BSKYED DGOS PAS DE 'DRA'I PHYIR MI 'ONG DE 'DOD PA LA CHAGS PA DANG MA BRAL BA DANG DE'I RGYUD LA 'DOD PA'I NYON MONGS YOD PAR KHAS BLANGS RIGS PA'I PHYIR, DE LA KHO NA RE, DE 'DRA'I PHYIR MI 'ONG CHOS CAN, 'DOD PA LA CHAGS PA DANG BRAL BA YIN PAR THAL, 'DOD PA'I CHOS LA SRED PA DANG BRAL BA YIN PA'I PHYIR, DER THAL, 'DOD PA'I CHOS LA 'DUN PA'I SRED PA DANG BRAL BA'I PHYIR ZHE NA, MA KHYAB, DER THAL, 'DOD PA'I CHOS LA DON DU GNYER BA'I 'DUN SRED DANG, DE DANG 'PHRAD @56A *, ,PAR 'DOD PA'I 'DUN SRED DANG, DE DANG MA BRAL BAR 'DOD PA'I 'DUN SRED GSUM KA DANG BRAL BA YIN PA'I PHYIR, DE BZHIN DU DE 'DRA'I PHYIR MI 'ONG DE BSAM GTAN DANG PO NAS CI YANG MED MAN CHAD LA CHAGS PA DANG MA BRAL YANG DE'I BAR GYI CHOS LA 'DUN PA'I SRED PA DANG BRAL BA SOGS YIN PA'I PHYIR, KHO NA RE, GANG ZAG GCIG GI RGYUD LA BDAG 'DZIN GNYIS DUS MNYAM DU 'BYUNG BA MED PAR THAL, DE'I RGYUD LA YID KYI RNAM SHES KYI 'KHOR DU BDAG 'DZIN GNYIS DUS MNYAM DU 'BYUNG BA MED PA'I PHYIR ZHE NA, MA KHYAB STE, 'DIR DE LTAR 'BYUNG BA NI NYON YID 'DOD PA'I DBANG DU BYAS PA YIN LA, YID KYI RNAM SHES KYI 'KHOR DU BDAG 'DZIN GNYIS DUS MNYAM MI 'BYUNG BAR 'DOD PA DBU SEMS GNYIS KA MTSUNGS PA'I PHYIR DANG, SO SKYE'I RGYUD LA NYON YID KYI 'KHOR DU GYUR PA'I BDAG 'DZIN MI 'BYUNG BA'I SKABS MED KYANG DE RGYUD LA YID KYI RNAM SHES KYI 'KHOR DU GYUR PA'I BDAG 'DZIN MI 'BYUNG BAR SKABS DU MAR YOD PA'I PHYIR, YANG KHA CIG GIS, NYON YID CHOS CAN, GANG ZAG GI BDAG 'DZIN YIN PAR THAL, KUN GZHI LA GANG ZAG BDAG TU 'DZIN PA'I RNAM PA CAN YIN PA'I PHYIR ZER NA, MA KHYAB, 'DOD MI NUS TE, GTZO SEMS YIN PA'I PHYIR, KHYAB STE, BDAG 'DZIN GNYIS KA SEMS BYUNG YIN PA'I PHYIR, DER THAL, 'JIG LTA SEMS BYUNG YIN PA'I PHYIR, DER THAL, LTA BA LNGA DANG LTA MIN LNGA STE RTZA NYON RNAMS DANG NYE NYON NYI SHU PO RNAMS SEMS BYUNG YIN PA'I PHYIR, DER THAL, SEMS BYUNG LNGA BCU NGA GCIG PO THAMS CAD SEMS BYUNG YIN PA'I @56B PHYIR, DES NA 'JIG LTA SOGS NYON MONGS LA SEMS DANG SEMS BYUNG GNYIS RE BZHED PA YOD KYANG 'DI NYID KHAS BLANGS BDE'O, ,'ON KYANG GANG ZAG RANG SKYA THUB PA'I RDZAS YOD DU 'DZIN PA'I RTOG PA GANG ZAG GI BDAG 'DZIN YIN PA'I GSUNG RIS SHIG YOD PAS DE LA 'DZIN PHYOGS TZAM SHES DGOS SO ZHAR BYUNG NGO, ,KHA CIG GIS, MNGON PA KUN BTUS KYI LUGS LA SA BRGYAD PA NAS KUN GZHI DANG NYON YID GTAN DU LDOG PAR THAL, BSDU BA DANG THEG BSDUS KYI LUGS LA DE LTAR LDOG PAR BSHAD PA'I PHYIR ZER NA MA KHYAB, 'DOD MI NUS TE, DE'I LUGS LA THEG CHEN GYI DBANG DU BYAS NA NYON YID GTAN DU LDOG PA DANG SANGS RGYAS PA DUS MNYAM GANG ZHIG ,KUN GZHI LDOG TSUL YANG DES 'GRUB PA'I PHYIR, DANG PO DER THAL, DE'I LUGS LA NYON YID DE SLOB PA'I ZAG MED MNYAM GZHAG GI TSE DANG, 'GOG PA'I SNYOMS 'JUG GI TSE GNAS SKABS LDOG PA DANG, THEG PA GSUM GYI MI SLOB LAM THOB NAS GTAN DU LDOG CING, DMIGS BSAL DE GSUM MA GTOGS 'KHOR BA THOG MA MED PA NAS DGE MI DGE LUNG MA BSTAN GANG SKYES PA'I GNAS SKABS THAMS CAD DU RGYUN CHAD MED PAR GTAN DU 'JUG PA'I PHYIR, DER THAL, KUN BTUS DAR tIK LAS, NYON YID DE YANG GNAS GYUR MTHAR PHYIN PA MA THOB KYI BAR THAMS CAD DU MNGON GYUR DU 'JUG PA MA YIN TE, BDAG MED LA MNGON SUM DU MNYAM PAR GZHAG PA'I LAM MNGON DU GYUR PA DANG, 'GOG PA'I SNYOMS PAR 'JUG PA'I DUS NA GNAS SKABS LDOG PA, MI SLOB PA'I SA THOB PA @57A *, ,NA ZAD PAR SPANGS PAS DE GSUM MA GTOGS PAR SEMS DGE BA DANG LUNG DU MA BSTAN PA THAMS CAD DU RJES SU 'GRO BA'I PHYIR RO, ,ZHES GSUNGS PA'I PHYIR, GZHAN YANG, DER THAL; THEG CHEN RIGS NGES KYI BYANG SEMS RNAMS KYIS SGRIB GNYIS SPANGS PA YANG DUS MNYAM, DGRA BCOM PA'I GO 'PHANG THOB PA DANG SANGS RGYAS PA YANG DUS MNYAM PA'I PHYIR, MA KHYAB NA SLA, MA GRUB NA DER THAL, MNGON PA KUN LAS BTUS PA LAS, DE BYANG CHUB THOB PA NA NYON MONGS PA'I SGRIB PA DANG SHES BYA'I SGRIB PA CIG CAR SPONG NGO, CIG CAR DGRA BCOM PA DANG BDE BZHIN GSHEGS PAR 'GYUR RO, ,ZHES GSUNGS PA'I PHYIR, 'DI DAG NI SNYING PO'I DON MDOR BSDUS NAS BKOD PA YIN GYI DPYIS PHYIN PA'I RNAM GZHAG ZUR DU BKOD YOD PA LAS SHES PAR BYA'O,, ` SMRAS PA, THOG MED KUN NYON CHOS RNAMS KUN GYI GZHIR, , NGA 'O YID KYI RNAM GZHAG RTOGS DKA'I GNAS, RGYA CHER 'GREL BA'I LEGS BSHAD RGYA MTSO YI, ,'BRU GNYER SNYING PO'I MDO 'DZIN SNGON NAS GRUB, ,SLAR YANG PAD DKAR THAL 'PHRENG PHYED TZAM NA, ,BRO NAD SMAG RUM 'THIBS POS YUN RING BSGRIBS, ,DE LTAR MCHOG GSUM BYIN RLABS MTHU BTZAN PAS, ,TSANG BAR SBYIN NUS GDUNG SEL SKYA RENG SHAR, ,DON GNYER SHAR DU PHYOGS PA'I RE 'DOD BZHIN, ,GAM YOD DGE BA'I BSHES KYIS ZHI BA'I DBANG, ,BSKYOD TSE NA RGA'I PHU CHU BRDOL BA'I DUS, ,DGE 'OS 'BRU YI PHUNG POR CI LON BYAS, ,DE LTAR LEGS PAR BSHAD PA'I CHU BO NI, ,TSIG DON RGYAN GYI LBU @57B 'PHRENG G-YO BA 'DI, ,THOS MANG RGYA MTSOR 'JUG PA'I 'BAB STEGS SU, ,KHO BO'I YID KYI KLONG LAS DENG 'DIR THON, ,'DIS KYANG THOS BSAM SGOM PA'I LUS ZUNG BRTAS, ,THUB BSTAN SPYI DANG 'JAM MGON BLA MA'I SROL, ,PHYOGS DUS KUN TU DAR ZHING RGYAS PA DANG, ,'GRO KUN 'DREN PA'I DPAL DU BDAG GYUR CIG ,` (CES PA 'DI YANG SPYI DON DU GSAL BA LTAR GYI BSKUL BA PO RNAMS KYIS NAN TAN DU BSKUL BA BZHIN 'BRI BAR BRTZAMS TE PHYED TZAM ZIN DUS BRO TSAL GYIS YUN RING DU GDUNG BAS BAR DU BCAD KYANG SLAR 'TSO BA BRTAN TZAM GYI DUS GAM DU YOD PA'I DGE BSHES DKON MCHOG SBYIN BA NAS DON GNYER CAN DAG GI GNAS TSUL 'DI 'DUG DANG BCAS TE MOL BA'I NGOR, NGAL BA LA MA LTOS PAR DAD PA MKHAN PO BDAG GIS MJUG RDZOGS PAR BGYIS PA'I DGE BAS 'GRO KUN THAMS CAD MKHYEN PA'I SA LA REG PAR GYUR CIG ,) ` ZAG MED RNAM GROL 'BRAS BU'I RIN CHEN MDZOD, , THAR 'DOD BLO GSAL BYA BA'I DGA' STON DU, ,'BAD MED LHUG POR DBYE BA'I LEGS BSHAD 'DI, ,DAG GSAL DPAR GYI RI MOR DRANGS PA'I DGES, ,THUB BSTAN BYE BA'I YANG SNYING TZONG KHA PA'I, ,LUGS BZANG MTHA' YAS PHAN BDE'I DPYID DU RGYAS, ,GANGS CAN MGON PO'I 'PHRIN LAS NYI ZLA'I RLABS, ,PHYOGS KYI 'KHOR LOR RDZOGS PAR GDAL GYUR CIG ,YANGS PA'I NOR 'DZIN MTHO RIS DGA' TSAL DU, ,BGROD BYED RI MO 'GOD PA'I SKYE RGU KUN, ,PHAN TSUN BYAMS BRTZE'I MDZA' BAS LAG SBREL TE, ,DGA' BDES MYOS PA'I ZLOS GAR RTZEN GYUR CIG ,DMAR SER % MDANGS 'DZIN 'JAM MGON MI YI GAR, ,BLO BZANG BZHED GZHUNG MA SMAD % RGYA MTSO @58A *, ,CHER; THOS % DANG BSAM % SGOM BSAM 'PHEL NOR GYI BU'I %, ,GTER BRGYA 'DZAM GLING DPAL DU 'DZIN GYUR CIG ,RGYU SBYOR NYID KYANG DENG NAS BYANG CHEN BAR, ,MKHAS DANG GRUB PA'I KHYU MCHOG RTEN BZANG BRGYUD, , THUB BSTAN YANG SNYING 'JAM MGON LUGS BZANG 'DI, ,NAM YANG MI 'BRAL BYANG CHUB MYUR THOB SHOG ,CES PA 'DI YANG DAD STOBS LHAG BSAM GYI RGYAN MDZES SER SMAD SPOM RA DGE BSHES CHOS MDZAD MKHAS GRUB THUB BSTAN NAS SER SMAD GRVA TSANG GI MTSAN NYID YIG CHA'I GSHAM GSAL RNAMS KYI DPAR BSKRUN DGE BSNGO'I SMON TSIG TU YONGS 'DZIN KHRI BYANG SPRUL MING PAS SBYAR BA'O, , ` SER SMAD MKHAN PO LAS 'DZIN RGYAL NGAG DBANG THEG MCHOG PAS BSTAN DON LHAG BSAM THUGS KHUR CHE BZHES BGYIS NGOR DAD GTONG LHAG BSAM YANGS PA SPOM RA DGE BSHES CHOS MDZAD MKHAS GRUB THUB BSTAN NAS TSE 'DAS PHA LHA BU TSE RING DANG, BOD LUS GSHEGS BZHUGS MA NGES PA RGAN DGE BSHES RGYAL MTSAN SH'AKYA DGE SLONG NGAG DBANG BSOD NAMS BCAS KYI 'DI PHYI KUN DGE'I DGE RTZAR DMIGS RANG GZHUNG YIG CHA DPAR 'DEBS ZHU BYED DU HIN SGOR CHIG STONG SUM BCU SO BDUN RGYU SBYOR MDZAD PA'I THOG SER SMAD GRVA TSANG SBUG KHUNGS NAS HIN SGOR BDUN BRGYA THAM PA KHA SNON MDZAD STENG NAS DENG DUS KUN PHAN NYER MKHO'I RANG GZHUNG KUN GZHI SPYI MTHA', DON BDUN BCU, RTAGS RIGS, GRUB MTHA' BCAS DANG, BSAM GZUGS SPYI MTHA', DGE NYI, DRANG NGES, RTEN 'BREL MTHA' DPYOD BCAS KYI DPE BSKRUN LAS BYED, ZHU DAG PA GTZANG THUB BSTAN RIN CHEN DANG, SPOM RA BLO BZANG DNGOS GRUB GNYIS KYIS MA DPE GZHIR BZUNG THOG ZHU DAG DANG, YIG BRIS PA MI GRANGS 13 NAS 'DI'I YIG BRIS RGYAL NGAG DBANG SENG GE DANG, SPOM RA NGAG DBANG DGE 'DUN GNYIS, DPAR RTZA BDAG SPROD PA MI NYAG BLO BZANG YON TAN SOGS LAS BYED 'BREL YOD TSANG MAS RANG KHRI'I ZHU BYAR LHAG BSAM DANG BAS KHUR DU BLANGS TE SER SMAD GRVA TSANG LAS BYED SPYI ZUNG GIS, PHYI LO 1969, BOD RGYAL LO @58B 2096 SA BYA ZLA YAR TSES LA GONG GSAL YIG CHA LE'U TSAN RE RER TSAR RDO PAR GYI LAM NAS DPAR 'DEBS LEGS BSGRUBS ZHU BA'I DGE BAS YAB RJE 'JAM DPAL SNYING PO'I BSTAN PA GSER ZHUN LTA 'DI NYID PHYOGS KYI MU KHYUD DU DAR ZHING RGYAS LA YUN RING DU GNAS PA'I RGYU GYUR CIG , ,, DGE LEGS 'PHEL,,