@1A *, ,MA TI BH'A D'I PA MA H'A SH'A STRA MA DHY'A MA KA AA VA T'A RA SYA SA M'A NY'A RTHA BI BH'A shI TA M'A K'A RA PRA BH'A A'A KA RA BH'A KA RA N'A MA BI HA RA TE SMA, , *, ,BSTAN BCOS CHEN PO DBU MA LA 'JUG PA'I SPYI DON RNAM BSHAD DGONGS PA RAB GSAL GYI DGONGS PA GSAL BAR BYED PA'I BLO GSAL SGRON ME ZHES BYA BA BZHUGS SO, , @1B [DD] *, ,NA MO MANYDZU GHO shA [*sh'A] YA, ,GRANGS MED GSUM DU TSOGS GNYIS RAB RDZOGS PAS, ,SKU GSUM BRNYES NAS THEG GSUM GDUL BYA LA, ,MDZAD MCHOG 'KHOR LO GSUM PO RAB BSKOR BA'I; ;THUB DBANG SMRA BA'I DBANG POR PHYAG 'TSAL LO, ,RAB 'BYAMS ZHING DU RLABS CHEN SPYOD PA YIS, ,MTHA' YAS 'GRO BA SGRAL BA'I KHUR KHYER BA'I, ,RGYAL SRAS KUN GYI DBUS NA LHAM ME BA, , SRAS KYI THU BO GNYIS LA'ANG MGOS PHYAG 'TSAL, ,RGYAL BA'I RING LUGS SPYI DANG KHYAD PAR DU, ,RTEN 'BREL ZAB MO'I DE NYID 'GREL BA LA, ,SA STENG 'DI NA 'GRAN PA'I ZLA DANG BRAL, ,KLU SGRUB SNYING PO RTAG TU RGYAL GYUR CIG ,YAB SRAS DGONGS PA MTHAR THUG THAL 'GYUR DU, ,'GREL BA'I SROL 'BYED GRUB MCHOG SANGS RGYAS BSKYANGS, ,SROL 'DZIN ZLA MED DPAL LDAN ZLA BA'I ZHABS, ,ZHI BA LHA DANG BCAS PA'I ZHABS LA 'DUD, ,RGYAL BA'I MKHYEN BRTZE GCIG BSDUS 'JAM DPAL DBYANGS, ,NGUR SMRIG 'DZIN PA'I BSHES GNYEN TSUL BZUNG BA, ,BLO BZANG GRAGS PA'I DPAL ZHES SA GSUM GYI, ,SKYE RGU'I 'DREN PA MCHOG LA SNYING NAS 'DUD, ,DE SRAS THU BO GNYIS LAS LEGS BRGYUD PA'I, ,BSHES GNYEN SPYI DANG KHYAD PAR CHOS 'DI YI, ,BKA' DRIN NOD PA'I BLA MA'I ZHABS BTUD NAS, ,DGONGS PA RAB GSAL DGONGS GSAL [DD] @2A [DD] *, ,SGRON ME 'DRI [*'BRI], ,DE LA 'DIR BSTAN BCOS CHEN PO DBU MA LA 'JUG PA, RANG GI 'GREL PA DANG MTHUN PAR 'CHAD PA LA, BSTAN BCOS KYI SNGON DU 'GRO BA SPYI'I RNAM GZHAG BSHAD PA DANG, SKABS SU BABS PA'I GZHUNG DON SO SOR BSHAD PA DANG GNYIS LAS, DANG PO LA, RANG CAG TSE 'DI'I BDE BA TZAM GYIS CHOG PAR MI 'DZIN PAR 'JIG RTEN PHYI MA PHAN CHAD KYI BDE BA DON DU GNYER BA RNAMS KYIS YANG DAG PAR RDZOGS PA'I SANGS RGYAS LA SKYABS SU SONG BA'I SGO NAS, DE'I BSTAN PA LA 'JUG RIGS TE, SPEL MAR BSTOD PA LAS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI ZAD PA'I, ,CHU SRIN GYIS NI LUS ZOS PAS, ,DE RING GANG LA SKYABS SU MCHI, ,GANG LA NYES PA THAMS CAD KUN, ,GTAN NAS YONGS YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I [*PAS?] RIGS, ,ZHES GSUNGS PA'I PHYIR, 'JUG BYA RGYAL BA'I BSTAN PA DE LA YANG, LUNG GI BSTAN PA DANG, RTOGS PA'I BSTAN PA GNYIS, DANG PO LA, STON PAS NYON MONGS PA BRGYAD KHRI BZHI STONG GI GNYEN POR, CHOS KYI PHUNG PO BRGYAD KHRI BZHI STONG GSUNGS PA'I NANG NAS, BRJOD BYA'I NGOS NAS RAB DANG PHUL DU BYUNG BA NI, RGYAS 'BRING BSDUS GSUM LTA BU YIN TE, DE'I DNGOS BSTAN LA THAMS CAD MKHYEN PA THOB PAR MA ZAD, THAR PA TZAM THOB PA LA YANG NGES PAR RTOGS DGOS PA'I STONG NYID RGYAS PAR BSTAN, SBAS DON LA [DD] @2B [DD] RIGS CAN GSUM GYI MNGON PAR RTOGS PA'I NGO BO NGES PA, GRANGS NGES PA, GO RIM NGES PA RGYAS PAR BSTAN PA'I PHYIR, 'DIR DE GNYIS KYI NANG NAS, DNGOS BSTAN STONG NYID KYI RIM PA GTAN LA 'BEBS SHING, DE YANG MGON PO KLU SGRUB KYIS ZAB MO RTEN 'BYUNG GI DE KHO NA NYID LUNG RIGS KYI SGO NAS GTAN LA PHAB PA'I RJES SU 'BRANGS NAS GTAN LA 'BEBS PA YIN TE, MGON POS SPYIR RGYAL BA'I BSTAN PA RGYAS PA'I PHYIR DU, MDO SNGAGS KYI GSUNG RAB DU MA ZHIG MDZAD CING, KHYAD PAR DU YANG ZAB MO RTEN 'BYUNG GI DE KHO NA NYID LUNG RIGS KYI SGO NAS GTAN LA PHAB PA'I PHYIR DANG, DE LTAR 'GREL BAR RGYAL BA NYID KYIS LUNG BSTAN PA'I TSAD MA'I SKYES BU YIN PA'I PHYIR, DE TZAM DU MA ZAD THUN MONG BA'I BSTAN BCOS SKYE BO GSO THIGS, SHES RAB RGYA PA, 'JIG RTEN LUGS KYI BSTAN BCOS SOGS DU MA MDZAD PA'I PHYIR, DES NA ZAB MO RTEN 'BYUNG GI DE KHO NA NYID LUNG RIGS GNYIS KYI SGO NAS GTAN LA PHAB PA'I TSUL YOD DE, MDO SDE DU MA'I LUNG GI SGO NAS ZAB PA DANG RGYA CHE BA'I PHYOGS GNYIS RGYAS PAR STON PA MDO SDE KUN LAS BTUS DANG; RIGS PA'I SGO NAS GTAN LA 'BEBS PA, DBU MA RIGS TSOGS DRUG GSUNGS PA'I PHYIR, RIGS TSOGS DRUG PO DES BRJOD BYA JI LTAR BSTAN PA'I TSUL YOD DE, RTZA SHES RANG GZHAN GYI SDE PA RNAMS KYIS SGRO BTAGS PA'I BSGRUB BYA BDEN DNGOS BKAG PA DANG, ZHIB MO RNAM 'THAG GIS RANG BZHIN GYIS GRUB PA'I SGRUB BYED RTOG GE'I TSIG DON BCU DRUG BKAG PA DANG, RAB BYED BDUN PA LAS 'PHROS PA'I STONG NYID BDUN CU PAS, RANG BZHIN GYIS MED PA LA, SKYE 'JIG LA SOGS PA BYA BYED KYI RNAM GZHAG 'THAD [DD] @3A *, ,TSUL SPYIR BSTAN, RAB BYED DANG PO LAS 'PHROS PA'I RTZOD BZLOG GIS KHYAD PAR DU YANG DGAG SGRUB KYI RNAM GZHAG 'THAD TSUL BSTAN, DBU MA RIN CHEN 'PHRENG BA DANG RIGS PA DRUG CU PA GNYIS KYIS THA SNYAD DU YOD CING, RANG BZHIN GYIS MED PA'I MTHA' GNYIS SPANGS PA'I DE KHO NA NYID RTOGS PA'I YE SHES DE GROL BYED KYI LAM DU BSTAN PA'I PHYIR, ZHIB MO RNAMS 'THAG GIS RTOG GE'I TSIG DON BCU DRUG 'GOG NA, DE GANG ZHE NA YOD DE, TSAD MA GZHAL BYA THE TSOM DGOS PA DANG, ,GRUB MTHA' YAN LAG RTOG GE GTAN DBAB DANG, ,RTZOD DANG BRJOD DANG SUN 'BYIN RGOL BA DANG, ,GTAN TSIGS LTAR SNANG TSIG RTAGS TSAR BCAD PA, ,'DI DAG RTOG GE'I TSIG DON BCU DRUG GO ,ZHES PA LTAR YIN PA'I PHYIR, STONG NYID BDUN CU PA RAB BYED BDUN PA LAS 'PHROS SHING, SKYE 'JIG LA SOGS PA'I RNAM GZHAG 'THAD PAR BSTAN PA'I TSUL YOD DE, RAB BYED BDUN PA LAS, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, ,DE BZHIN DU NI 'JIG PAR GSUNGS, ,ZHES SKYE 'JIG GNAS GSUM RANG BZHIN GYIS MED PAR BSTAN PA NA, KHA CIG ,DE MI 'THAD DE SKYE 'JIG GNAS GSUM RANG BZHIN GYIS MED NA, DE MED DGOS PA DANG, DE MED NA MDO LAS, GSUM PO 'DI DAG NI 'DUS BYAS KYI MTSAN NYID DE, 'DUS BYAS SKYE BA YANG MNGON, 'JIG PAR YANG MNGON GNAS PA LAS GZHAN DU 'GYUR BA YANG MNGON NO, ,ZHES GSUNGS PA DANG 'GAL BA'I PHYIR ZER NA SKYON MED DE, SKYE 'JIG GNAS GSUM PO THA SNYAD TZAM DU YOD PA LA DGONGS PA YIN PA'I PHYIR ZHES LAN MDZAD PA YIN TE, DE SKAD DU YANG STONG NYID BDUN CU PA LAS, SKYE 'AM GNAS 'JIG YOD DAM MED, ,DMAN PA'AM MNYAM DANG KHYAD PAR CAN, ,SANGS RGYAS 'JIG RTEN BSNYAD DBANG GI ,GSUNG GI YANG DAG @3B DBANG GIS MIN, ,ZHES GSUNGS PA'I PHYIR, RTZOD BZLOG RAB BYED DANG PO LAS 'PHROS SHING KHYAD PAR DU YANG DGAG SGRUB KYI RNAM GZHAG 'THAD PAR BSTAN PA'I TSUL YOD DE, RAB BYED DANG PO LAS, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,ZHES DNGOS PO RNAMS RANG BZHIN GYIS MA SKYES PA'I RGYU MTSAN GYIS RANG BZHIN GYIS MA GRUB PAR BSTAN PA NA, KHA CIG ,DNGOS PO RANG BZHIN GYIS MED NA KHYOD KYI DNGOS PO RNAMS RANG BZHIN GYIS MED CES PA'I TSIG DE YANG RANG BZHIN GYIS MED DGOS DE RANG BZHIN GYIS MED NA, TSIG DE LA BRTEN NAS DNGOS PO RANG BZHIN GYIS GRUB PA DGAG PA DANG, DNGOS PO RANG BZHIN GYIS MED PA SGRUB MI NUS SO ZHES RTZOD PA DE 'GOD PA LA, RTZOD BZLOG LAS, GAL TE DNGOS PO THAMS CAD KYI, ,RANG BZHIN KUN LA YOD MIN NA, ,KHYOD KYI TSIG KYANG RANG BZHIN MED, ,RANG BZHIN BZLOG PAR MI NUS SO, ,ZHES RTZOD PA DE BKOD NAS, DE LA DNGOS PO RANG BZHIN GYIS GRUB PA'I KHAS LEN DANG DAM BCA' YOD NA, DE LTA BU'I DGAG SGRUB KYI RNAM GZHAG MI 'THAD KYANG DE 'DRA'I KHAS LEN DANG DAM BCA' MED PAS DGAG SGRUB KYI RNAM GZHAG MI 'THAD PA'I SKYON MED PA'I LAN MDZAD PA YIN TE, RTZOD BZLOG LAS, GAL TE NGAS DAM BCAS 'GA' YOD; ;DES NA NGA LA SKYON DE YOD, ,NGA LA DAM BCAS [*BCA'] MED PAS NA, ,NGA NI SKYON MED KHO NA YIN, ,ZHES GSUNGS PA'I PHYIR, LAN LHAG MA RNAMS RTZOD BZLOG GI GZHUNG LHAG MA RNAMS KYIS 'CHAD PAR BYED PA'I PHYIR, RIGS PA DRUG CU PAS, MTHA' GNYIS SPANGS PA'I YE SHES DE GROL BYED KYI LAM DU BSTAN PA YIN TE, RIGS PA DRUG CU PA LAS, YOD PAS RNAM PAR MI GROL TE, ,MED PAS SRID PA 'DI LAS MIN, ,DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, ,ZHES DANG YOD PA PA NI BDE 'GROR 'GRO, MED PA PA NI NGAN 'GROR 'GRO, YANG DAG JI BZHIN YONGS SHES NAS; ;GNYIS LA MI BRTEN THAR BAR 'GYUR, ,ZHES GSUNGS PA'I PHYIR, RIN CHEN 'PHRENG BAS DE LTA BU'I YE SHES DE GROL BYED KYI LAM DANG THAMS CAD MKHYEN PA 'THOB BYED KYI LAM DU BSTAN PA YIN TE, RIN CHEN 'PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR @4A *, ,'DZIN YOD NA YANG LAS TE, ,DE LAS YANG NI SKYE BA YIN, ,LAM GSUM THOG MTHA' DBUS MED PAR, ,'KHOR BA'I DKYIL 'KHOR 'GAL ME YI, ,DKYIL 'KHOR LTA BU PHAN TSUN DU, ,RGYU RKYEN 'DI NI 'KHOR BAR 'GYUR, ,DE NI RANG GZHAN GNYIS KA DANG, ,DUS GSUM NYID DU'ANG MA THOB PHYIR, ,NGAR 'DZIN PA NI ZAD PAR 'GYUR, ,DE LAS LAS DANG SKYE BA YANG, ,ZHES DANG, BDAG NYID DANG NI 'JIG RTEN 'DIS, ,BLA MED BYANG CHUB 'THOB 'DOD NA, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,PHYOGS MTHA' GTUGS PA'I SNYING RJE DANG, ,GNYIS LA MI BRTEN YE SHES LAGS, ,ZHES GSUNGS PA'I PHYIR, MGON PO KLU SGRUB KYIS RTEN 'BREL ZAB MO'I DE KHO NA NYID LUNG RIGS GNYIS KYI SGO NAS BSTAN TSUL DE LTAR YIN NA, DE'I RJES 'BRANGS RNAMS KYIS BSTAN TSUL JI LTA BU, RANG LUGS 'GREL PA GANG GI RJES SU 'BRANGS NAS 'CHAD PA YIN ZHE NA, SLOB DPON 'PHAGS PA LHAS, MGON PO KLU SGRUB LUGS KYI THUN MONG MA YIN PA'I ZAB PA DANG RGYA CHE BA'I PHYOGS GNYIS BSTAN PA'I TSUL YOD DE, RANG RGYUD LA DGAG PA GSAL BAR MA MDZAD PAR, ZAB PA DANG RGYA CHE BA'I PHYOGS GNYIS GTAN LA 'BEBS PA LA, RNAL 'BYOR SPYOD PA'I BZHI BRGYA PA MDZAD CING, DE'I RJES 'BRANGS RNAMS KYIS SLOB DPON 'PHAGS PA LHA MGON PO KLU SGRUB DANG 'DRA BAR YID CHES PA'I KHUNGS SU BYAS NAS, SLOB DPON 'DI GNYIS LA GZHUNG PHYI MO BA'I DBU MA PA ZHES GRAGS PA'I PHYIR, DE'I RJES SU SLOB DPON SANGS RGYAS BSKYANGS KYIS 'PHAGS PA YAB SRAS KYI DGONGS PA JI LTAR BKRAL BA'I TSUL YOD DE, DNGOS PO RANG BZHIN GYIS GRUB PA LA DGAG PA GSAL BAR MDZAD NAS THAL 'GYUR LA BRTEN NAS DNGOS PO RANG BZHIN GYIS MED PAR RTOGS PA'I RJES DPAG BSKYED NUS PA'I RNAM GZHAG BYAS NAS, 'PHAGS PA YAB SRAS KYI DGONGS PA THAL 'GYUR DU 'GREL BA LA, 'GREL PA BUDDHA P'A LI TA MDZAD PA'I SGO NAS THAL 'GYUR GYI SHING RTA'I SROL PHYE BA YIN PA'I PHYIR, DE'I RJES SU SLOB DPON LEGS LDAN 'BYED YAB SRAS KYIS 'PHAGS PA YAB SRAS KYI DGONGS PA JI LTAR BKRAL BA'I TSUL YOD DE, SLOB DPON SANGS RGYAS BSKYANGS KYIS DE GNYIS KYI DGONGS @4B PA THAL 'GYUR DU BKRAL BA LA DGAG PA RGYAS PAR MDZAD NAS, DE GNYIS KYI DGONGS PA MTHAR THUG RANG RGYUD DU 'GREL BA LA, SLOB DPON LEGS LDAN 'BYED KYIS RANG GZHUNG DBU MA SNYING PO, ,DE'I RANG 'GREL RTOG GE 'BAR BA DANG, GZHAN GZHUNG DU MDZAD PA, RTZA SHE'I 'GREL PA SHES RAB SGRON ME'I PHRENG BA MDZAD PA'I SGO NAS RANG RGYUD KYI SHING RTA'I SROL PHYE BA DANG, SLOB DPON YE SHES SNYING POS, 'PHAGS PA YAB SRAS KYI DGONGS PA RANG RGYUD DU 'GREL BA LA, BDEN GNYIS RANG 'GREL DANG BCAS PA MDZAD PA'I SGO NAS RANG RGYUD DU BKRAL BA'I PHYIR, DE'I RJES SU ZHI 'TSO YAB SRAS DANG, 'PHAGS SENG GNYIS KYIS DGONGS PA JI LTAR BKRAL BA'I TSUL YOD DE, RANG RIG YOD CING PHYI DON MED PA'I THA SNYAD KYI RNAM GZHAG RNAL 'BYOR SPYOD PA DANG MTHUN PAR BSTAN PA'I SGO NAS, 'PHAGS PA YAB SRAS KYI DGONGS PA RNAL 'BYOR SPYOD PA'I DBU MAR 'GREL BA LA, SLOB DPON ZHI BA 'TSOS DBU MA RGYAN RANG 'GREL DANG BCAS PA MDZAD, SLOB DPON KA MA LA SH'I LAS, DBU MA SNANG BA DANG DBU MA'I SGOM RIMS BAR MTHA' GSUM MDZAD, 'PHAGS SENG GNYIS KYI RGYAN RTZA BA'I DGONGS PA RANG RGYUD DU 'GREL BA LA, 'GREL CHEN GNYIS LA SOGS PA MDZAD PA'I PHYIR, DPAL LDAN ZLA BA GRAGS PAS, 'PHAGS PA YAB SRAS KYI DGONGS PA JI LTAR BKRAL BA'I TSUL YOD DE, SLOB DPON LEGS LDAN 'BYED KYIS SANGS RGYAS BSKYANGS LA DGAG PA RGYAS PAR BRJOD PA'I SKYON DE LEGS PAR SPANGS PA'I SGO NAS, SANGS RGYAS BSKYANGS DANG MTHUN PAR 'PHAGS PA YAB SRAS KYI DGONGS PA MTHAR THUG THAL 'GYUR DU 'GREL BA LA, RANG GZHUNG DBU MA 'JUG PA RANG 'GREL DANG BCAS PA DANG, GZHAN 'GREL DU MDZAD PA RTZA SHE'I 'GREL PA TSIG GSAL, BZHI BRGYA PA'I 'GREL PA DANG, RIGS PA DRUG CU PA'I 'GREL PA DANG BCAS PA MDZAD PA'I PHYIR, RTZA SHE'I 'GREL PA LA BRGYAD YOD DE, GA LAS 'JIGS MED, DE BA SHAR MA, GU NA SHR'I, GU NA MA TI, STHI RA MA TI, SANGS RGYAS BSKYANGS, ZLA BA GRAGS PA, LEGS LDAN 'BYED KYIS MDZAD PA'I 'GREL PA RNAMS SU YOD PA'I PHYIR, DE RNAMS KYI NANG NAS GA LAS 'JIGS MED RTZA SHE'I RANG 'GREL DU 'DOD PA MI 'THAD DE, DE NYID DU BTZUN PA 'PHAGS PA LHAS KYANG, NYAN PA PO DANG NYAN BYA DANG, ,SMRA PO 'BYUNG BA SHIN TU DKON, ,DE PHYIR MDOR NA 'KHOR BA NI, ,MTHA' YOD MA YIN MTHA' MED MIN, ,ZHES BZHI BRGYA PA'I LUNG SHES BYED DU DRANGS PA'I PHYIR DANG, DES RTZA SHE'I DKA' BA'I GNAS MA BSHAD PA'I CHA DU MA YOD PA'I PHYIR DANG, @5A *, ,RANG 'GREL DANG, TSIG GSAL GNYIS SU, LEGS LDAN 'BYED KYI 'GREL PA'I LEGS CHA BLANGS PA DU MA YOD PA LAS, GA LAS 'JIGS MED GYI TSIG ZUR TZAM YANG DRANGS PA MED PA'I PHYIR, RANG LUGS 'GREL PA DE RNAMS KYI NANG NAS, 'JUG PA RANG 'GREL DANG BCAS PA'I RJES SU 'BRANGS NAS 'CHAD PA YIN TE, DPAL LDAN ZLA BA GRAGS PA DE MGON PO KLU SGRUB LA RTZA SHE'I TSIG DNGOS SU GSAN NAS DON RDZOGS PAR THUGS SU CHUD PA'I TSAD MA'I SKYES BU YIN PA'I PHYIR, JO BO'I DBU MA BDEN GNYIS LAS, ,STONG NYID GANG GIS RTOGS SHE NA, ,BDE BAR GSHEGS PAS LUNG BSTAN PA'I, ,CHOS NYID BDEN PA GZIGS PA YI; ;KLU SGRUB SLOB MA ZLA GRAGS YIN, ,DE LAS BRGYUD PA'I MAN NGAG LA, ,SANGS RGYAS YOD KYI GZHAN DU MIN, ,ZHES DANG, SGRON GSAL LAS, SANGS RGYAS KUN GYI RIM GNYIS GNAS KYI RGYAS BTAB DE NI KLU SGRUB LAS BRNYES PA, KHYAB BDAG DPAL LDAN RDO RJE SEMS DPA' BTUD DE ZLA BA GRAGS PAS RIM BZHIN BSHAD, CES PA DANG, PAndI TA SKAL LDAN GRAGS PAS KYANG, DE DAG NI DPAL LDAN KLU SGRUB KYI ZHAL SNGA NAS KYI DNGOS KYI SLOB MA NYID DU SO SOR BSTAN GYI BRGYUD PAS NI MA YIN NO, ,ZHES GSUNGS PA'I PHYIR, KHA CIG NA RE, DPAL LDAN ZLA BA DES MGON PO KLU SGRUB KYI DNGOS SLOB YIN PA MI 'THAD PAR THAL, TSIG GSAL LAS, MGON POS MDZAD PA'I GZHUNG DANG SLOB MA'I TSOGS DUS MANG ZHIG NAS NYAMS PAS DENG SANG DUS NA GZHUNG LUGS GSAL PO MED, CES GSUNGS PA'I PHYIR, ZER NA SKYON MED DE, DE'I DON MGON PO'I SKU TSE'I MJUG LA GZHUNG SROL DANG, SLOB MA'I TSOGS RNAMS CUNG ZAD NYAMS PA'I DON YIN PAS MI 'GAL BA'I PHYIR, 'JUG PA RANG 'GREL DANG BCAS PA'I RJES SU 'BRANGS NAS RTEN 'BREL ZAB MO'I DE KHO NA NYID GTAN LA 'BEB PAR BYED NA 'JUG BYA'I DBU MA DE GANG, 'JUG TSUL JI LTA BU ZHE NA, DBU MA LA SGRAS BRJOD RIGS KYI SGO NAS DBYE NA, RJOD BYED TSIG GI DBU MA DANG, BRJOD BYA DON GYI DBU MA GNYIS, DANG PO LA DBU MA'I MDO DANG BSTAN BCOS GNYIS, RGYAS 'BRING BSDUS GSUM LTA BU'I NGES DON GYI MDO RNAMS DANG PO DANG, RIGS TSOGS DRUG LTA BU PHYI MA YIN PA'I PHYIR, BRJOD BYA DON GYI DBU MA LA YANG SGRAS BRJOD RIGS KYI SGO NAS DBYE NA, GZHI DBU MA LAM DBU MA 'BRAS BU DBU MA DANG GSUM, CHOS RNAMS RANG BZHIN GYIS MED PA DANG PO DANG, DE MNGON SUM DU @5B RTOGS PA'I NYAN THOS KYI MTHONG LAM BAR CHAD MED LAM LTA BU GNYIS PA DANG, NYAN THOS KYI LHAG MED MYANG 'DAS LTA BU 'BRAS BU DBU MA YIN PA'I PHYIR, DE RNAMS KYI NANG NAS 'JUG BYA'I DBU MA NI, RJOD BYED TSIG GI DBU MA LA BYED CING, DE YANG DBU MA'I BSTAN BCOS LA BYED PA YIN TE, DBU MA RTZA BA SHES RAB LA BYED PA'I PHYIR, DE YIN TE RANG 'GREL LAS, DBU MA'I BSTAN BCOS LA 'JUG PAR BYA BA'I PHYIR, DBU MA LA 'JUG PA RTZAM PAR 'DOD PAS, ZHES GSUNGS PA'I PHYIR DANG, RANG 'GREL DANG TSIG GSAL GNYIS SU, RIGS TSOGS GZHAN RNAMS LUNG KHUNGS SU SMOS PA NA RANG MING GIS SMOS, RTZA SHES SMOS PA NA DBU MA LAS ZHES 'BYUNG BA'I PHYIR, 'JUG TSUL LA DBU MA 'JUG PAS RTZA SHES LA 'JUG PA'I TSUL GNYIS YOD DE, ZAB PA DANG RGYA CHE BA GNYIS KYI SGO NAS 'JUG PA'I PHYIR, ZAB PA'I SGO NAS 'JUG TSUL LA KHA CIG ,RTZA SHES KUN RDZOB DANG DON DAM PA'I RANG BZHIN RGYAS PAR MA BSTAN CING 'JUG PAS DE NYID RGYAS PAR BSTAN PA'I SGO NAS 'JUG GO, ZER BA MI 'THAD DE, STONG NYID RIGS PA'I RNAM GRANGS MTHA' YAS PA'I SGO NAS RGYAS PAR STON PA 'JUG PA LAS RTZA SHES SHIN TU RGYAS PA'I PHYIR, RANG LUGS LA ZAB MO'I SGO NAS 'JUG TSUL YOD DE, GRUB MTHA' 'OG MA RNAMS DANG THUN MONG MIN PA'I KHYAD CHOS BRGYAD BSTAN PA'I SGO NAS 'JUG PA DANG, RTZA SHE'I DGONGS PA MTHAR THUG SEMS TZAM DU 'GREL DU MI RUNG BA LA NGES PA BRTAN PO RNYED PA GNYIS KYI SGO NAS 'JUG PA'I PHYIR, DANG PO YIN TE JI LTAR GZUGS SOGS BDEN PAS STONG BA'I STONG NYID DE DBU MA'I BSTAN BCOS NAS 'BYUNG BA YIN GYI, SEMS TZAM PA MAN CHAD KYI BSTAN BCOS NAS MI 'BYUNG BA DE BZHIN DU RANG BZHIN GYIS MA GRUB PA GZHIR BYAS PA'I STENG DU KUN GZHI RANG RIG MED PA SOGS KYI KHYAD CHOS RNAMS RANG RGYUD PA MAN CHAD KYI GZHUNG NAS MI 'BYUNG BAS, THUN MONG MA YIN PAS [*PA'I] KHYAD CHOS BSTAN PA'I SGO NAS RTZA SHE'I DGONGS PA 'GREL BA LA 'JUG PA'I PHYIR, DE YANG YIN TE, 'GREL PA LAS, LUGS 'DI NI THUN MONG MIN PA'O ZHES MKHAS PA RNAMS KYI NGES PAR BYA'O, ,ZHES DANG, DE NYID MA RTOGS PA'I CHOS ZAB MO 'DI SPANGS PAS DE'I PHYIR BSTAN BCOS KYI DE KHO NA NYID PHYIN CI MA LOG PA RTOGS PAR BYA BA'I PHYIR DBU MA'I BSTAN BCOS LA 'JUG PA 'DI SBYAR BA YIN NO, ,ZHES DANG, JI LTAR DBU MA'I BSTAN BCOS LAS MA GTOGS PAR BSTAN BCOS GZHAN LAS STONG PA NYID CES BYA BA'I CHOS 'DI PHYIN CI MA @6A *, ,LOG PAR MI BRJOD PA DE BZHIN DU KHO BO CAG GI 'DIR 'BYUNG BA'I LUGS GANG ZHIG BRGAL LAN DANG BCAS TE, BSNYAD PA'I LUGS 'DI NAS 'BYUNG BA DE YANG STONG PA NYID KYI CHOS LTAR BSTAN BCOS GZHAN NA MED DO ZHES MKHAS PA RNAMS KYIS NGES PAR MDZAD DU GSOL, ZHES GSUNGS PA'I PHYIR; RTZA SHE'I DGONGS PA SEMS TZAM DU 'GREL DU MI RUNG BA LA NGES PA BRTAN PO RNYED PA'I SGO NAS 'JUG TSUL YOD DE, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA'I GZHAN SKYE SPYI DANG KHYAD PAR DU SEMS TZAM PA'I 'DOD PA BRJOD NAS DE LEGS PAR BKAG PA'I SGO NAS MING BRDAS BZHAG TZAM LA RGYU 'BRAS KYI RNAM GZHAG 'THAD PAR BSTAN PA'I SGO NAS RTZA SHE'I DON 'GREL BA LA 'JUG PA'I PHYIR, DE YIN TE, TSIG GSAL LAS, RTEN NAS BTAGS PA'I TSUL DBU MA LA 'JUG PA LAS SHES PAR BYA'O, ,ZHES GSUNGS PA'I PHYIR, RGYA CHE BA'I 'JUG TSUL LA, KHA CIG ,RTZA BA SHES RAB THEG CHEN GYI BSTAN BCOS MA YIN PAR THAL, SKABS 'DIR THEG PA CHE CHUNG GI KHYAD PAR STONG NYID PHRA MO MNGON SUM @[7B] DU RTOGS PA YOD MED KYI SGO NAS MI 'JOG PA GANG ZHIG ,RTZA SHES ZAB PA DANG RGYA CHE BA GNYIS KYI NANG NAS ZAB MO'I PHYOGS MA GTOGS RGYA CHE BA'I PHYOGS DNGOS BSTAN BSTAN BYA'I GTZO BOR BYAS NAS MA BSTAN PA'I PHYIR ZER NA, DE THEG CHEN THUN MONG MA YIN PA'I BSTAN BCOS YIN PAR THAL, DES STONG NYID RIGS PA'I RNAM GRANGS MTHA' YAS PA'I SGO NAS BSTAN PA GANG ZHIG ,DE LTAR BSTAN PA DE YANG THEG CHEN GYI RIGS CAN DE RJES SU 'DZIN PA'I PHYIR DU YIN PA'I PHYIR, THAR PA DANG THAMS CAD MKHYEN PA GANG RUNG THOB PA LA STONG NYID PHRA MO MNGON SUM DU RTOGS DGOS PAR MTSUNGS KYANG, THEG DMAN GYI RIGS CAN RNAMS KYI THAR PA TZAM THOB PA LA STONG NYID MDOR BSDUS TZAM DU RTOGS SHING GOMS PAR BYAS PA LA BRTEN NAS 'THOB NUS THEG CHEN GYI RIGS CAN RNAMS KYI THAMS CAD MKHYEN PA THOB @[8A] *, ,PA LA STONG NYID RIGS PA'I RNAMS GRANGS MTHA' YAS PA'I SGO NAS RTOGS SHING GOMS PAR BYAS PA LA BRTEN NAS 'THOB DGOS PA'I PHYIR, DE YIN TE, RANG 'GREL LAS, CHOS KYI BDAG MED PA GSAL BAR BYA BA'I PHYIR, THEG PA CHEN PO BSTAN PA YANG RIGS PA NYID DE RGYAS PAR BSTAN PA BRJOD PAR 'DOD PA'I PHYIR RO, ,NYAN THOS KYI THEG PA LAS NI CHOS KYI BDAG MED PA MDOR MTSON PA TZAM ZHIG TU ZAD DO, ,ZHES GSUNGS PA'I PHYIR, RANG LUGS LA, RGYA CHE BA'I SGO NAS 'JUG TSUL YOD DE, RTZA SHES NAS BSTAN PA'I ZAB MO'I RIM PA RTOGS PA'I LAM GYI STENG DU SO SO SKYE BO'I CHOS GSUM, 'PHAGS PA SLOB PA'I SA BCU, 'BRAS BU'I SA YANG SKU GSUM MDZAD PA 'PHRIN LAS DANG BCAS PA DANG SA LNGA PA DANG DRUG PA'I GO RIMS LA BRTEN NAS BSAM GTAN GYI NGO BOR GYUR PA'I ZHI GNAS DANG BDAG MED PA GNYIS KYI DE KHO NA NYID LA SO SOR DPYOD PA'I LHAG MTHONG GI RIM PA RNAMS RIN CHEN 'PHRENG BA LA SOGS RIGS TSOGS GZHAN RNAMS KYIS BSTAN PA DE DAG GI [*GIS] KHA BSKANG BA'I SGO NAS RTZA SHES LA RGYA CHE BA'I SGO NAS 'JUG PA YIN PA'I PHYIR, KHA CIG GIS, RTZA BA SHES RAB KYIS RGYA CHE BA'I PHYOGS MA BSTAN TO ZER NA, DES RGYA CHE BA'I PHYOGS BSTAN PAR THAL, GZHI DNGOS PO'I GNAS TSUL LAM BGROD PA'I RIM PA 'BRAS BU SANGS RGYAS KYI SA DANG BCAS PA DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DE RNAMS RANG BZHIN GYIS MED CING THA SNYAD DU YOD PA DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, RANG BZHIN GYIS MED CING THA SNYAD DU YOD PA LA DE RNAMS KYI RNAM GZHAG 'THAD PAR BRGAL LAN GYI SGO NAS GTAN LA PHAB PA'I PHYIR, GZHAN YANG RTZA BA SHES RAB KYIS RGYA CHE BA'I LAM GYI RIM PA BSTAN PAR @[8B] THAL; DE'I CHED DU BYA BA'I GDUL BYA DES MDO DANG DGONGS 'GREL GZHAN LA MA BRTEN PAR DE NYID LA BRTEN NAS RGYA CHE BA'I LAM GYI RIM PA RTOGS NUS PA'I PHYIR TE, MNGON RTOGS RGYAN GYI CHED DU BYA BA'I GDUL BYA DES MDO DANG DGONGS 'GREL GZHAN LA MA BRTEN PAR, DE NYID LA BRTEN NAS ZAB PA DANG RGYA CHE BA'I PHYOGS GNYIS KYI NANG NAS, ZAB MO'I PHYOGS DE YANG RTOGS NUS PA'I PHYIR, GZHAN YANG, DES RGYA CHE BA'I LAM GYI RIM PA BSTAN PAR THAL, RIGS TSOGS GZHAN NAS BSTAN PA'I RGYA CHE BA'I LAM GYI RIM PAS KHA BSKANGS NAS RGYA CHE BA'I PHYOGS BSTAN BYA'I GTZO BO BYAS NAS BSTAN PA'I PHYIR TE, DBU MA 'JUG PA 'DIS RIGS TSOGS GZHAN NAS BSTAN PA'I SO SO SKYE BO'I CHOS GSUM LA SOGS PA'I RGYA CHE BA'I LAM GYI RIM PAS KHA BSKANGS NAS, RTZA SHES LA ZAB PA DANG RGYA CHE BA'I PHYOGS GNYIS KYI SGO NAS DE'I DGONGS PA 'GREL BA LA 'JUG PA'I PHYIR, KHO NA RE, DES RGYA CHE BA'I PHYOGS MA BSTAN PAR THAL, RNAM BSHAD DGONGS PA RAB GSAL LAS, RTZA SHES LAS ZAB MO'I PHYOGS MA GTOGS RGYA CHE BA'I THEG CHEN GYI KHYAD CHOS MA BSTAN KYANG, ZHES GSUNGS PA'I PHYIR, RNAM BSHAD RIGS PA'I RGYA MTSO LAS KYANG DE DANG MTSUNGS PAR GSUNGS PA'I PHYIR ZER NA SKYON MED DE, DE'I DON RTZA BA SHES RAB KYIS ZAB PA DANG RGYA CHE BA'I PHYOGS GNYIS KYI NANG NAS RGYA CHE BA'I PHYOGS DNGOS BSTAN BSTAN BYA'I GTZO BOR BYAS NAS MA BSTAN PA'I DON YIN PA'I PHYIR, RIN CHEN 'PHRENG BA'I DAR t'IK LAS, DE YANG GTAN LA DBAB BYA'I GTZO BO'I DBANG DU BYAS PA YIN PA'I PHYIR, GZHAN DU NA RTZA BA SHES RAB KYIS THEG PA CHEN PO'I LAM GYI RIM PA RGYAS PAR BSTAN PA DBU MA LA 'JUG PAS BSGRUBS PA'I PHYIR, ZHES GSUNGS PA'I PHYIR, MDOR BSDU NA, 'DIR 'JUG BYA'I DBU MA DE RTZA BA SHES RAB LA BYED @[9A] *, ,PA DANG, BSTAN BCOS 'JUG PA BRTZAMS PA'I DGOS PA YANG RTZA SHE'I DGONGS [*PA] MTHAR THUG SEMS TZAM DU 'GREL DU MI RUNG BA LA NGES PA BRTAN PO RNYED PA DANG, RANG RGYUD PA MAN CHAD DANG THUN MONG MIN PA'I KHYAD CHOS RNAMS SHES PAR BYA BA'I CHED YIN PA'I PHYIR, RANG 'GREL LAS, DE NYID MA RTOGS PAS ZHES GSUNGS PA'I PHYIR DANG, TSIG GSAL LAS DE LTA BU BSTAN PA'I DGONGS PAS 'DIR DE KHO NA'I DON CAN GYIS BSTAN PA NI GANG ZHIG YIN, DGONGS PA CAN GYI 'DIR GANG ZHIG YIN SNYAM DU GANG ZHIG THE TSOM DU 'GYUR BA DANG, GANG ZHIG BLO GZHAN PA NYID KYIS DRANG BA'I DON GYIS BSTAN PA LA NGES PA'I DON DU RTOGS PA DE GNYIS KA'I THE TSOM DANG, LOG PA'I SHES PA DAG RIGS PA DANG LUNG GNYIS KYI SGO NAS GSAL BAR BYA BA'I PHYIR SLOB DPON GYIS DBU MA'I BSTAN BCOS 'DI BRTZAMS SO, ,ZHES GSUNGS PA'I PHYIR, GNYIS PA GZHUNG DON RNAMS SO SOR BSHAD PA LA, BSTAN BCOS RTZOM PA LA 'JUG PA'I THABS MCHOD PAR BRJOD PA DANG, BRTZAMS PA'I BSTAN BCOS KYI LUS DNGOS DANG, JI LTAR BRTZAMS PA'I TSUL DANG, BSTAN BCOS BRTZAMS PA'I DGE BA BSNGO BA DANG BZHI LAS, DANG PO LA, SNYING RJE CHEN PO LA SO SOR MA PHYE BAR BSTON [*BSTOD] PA DANG, DE LA SO SOR PHYE NAS PHYAG 'TSAL BA GNYIS, DANG PO DE 'CHAD PA LA, NYAN THOS SANGS RGYAS 'BRING RNAMS THUB DBANG SKYES, ,ZHES PA NAS, DE PHYIR BDAG GIS THOG MAR SNYING RJE BSTOD PAR BGYIS, ZHES PA'I BAR GSUNGS PA'I PHYIR, GNYIS PA DE 'CHAD PA LA, DANG POR NGA ZHES BDAG LA ZHEN GYUR CING, ZHES PA NAS, G-YO DANG RANG BZHIN NYID KYIS STONG PAR MTHONG BA YI, ZHES PA'I BAR GSUNGS, DANG PO'I SKABS SU, BSTAN BCOS GZHAN GYI @[9B] BSTOD PHYAG GI YUL DU DNGOS SU SMOS PA'I NYAN RANG DANG RGYAL BA SRAS BCAS LA DNGOS SU MA BSTOD PAR, SNYING RJE CHEN PO LA DNGOS SU BSTOD PA LA DGOS PA YOD DE, SEMS CAN SDUG BSNGAL BA LAS SKYOB PAR 'DOD PA'I SNYING RJE CHEN PO DE, YON TAN THAMS CAD KYI RTZA BAR SHES PA'I DGOS PA YOD PA'I PHYIR, DE YON TAN THAMS CAD KYI RTZA BA YIN TE, NYAN RANG THUB DBANG LAS 'KHRUNGS, THUB DBANG BYANG SEMS LAS 'KHRUNGS, BYANG SEMS DE YANG RGYU GSUM LAS 'KHRUNGS PA DANG, RGYU GZHAN GNYIS PO DE YANG BRTZE BA SNYING RJE CHEN PO LAS 'KHRUNGS PA'I PHYIR, DE YIN TE, RANG 'GREL LAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAM PAS [*RNAMS PAS] KYANG, THOG MAR BCOM LDAN 'DAS SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO, SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA MA LUS PA YONGS SU SKYOB PA'I MTSAN NYID CAN LA BSTOD PAR 'OS PA NYID DU BSTAN PA'I PHYIR, NYAN THOS SANGS RGYAS 'BRING RNAMS THUB DBANG SKYES, ZHES SOGS TSIGS SU BCAD PA GNYIS SMOS SO, ,ZHES GSUNGS PA'I PHYIR, NYAN RANG THUB DBANG LAS 'KHRUNGS NA NYAN RANG DE GANG 'KHRUNGS TSUL DE JI LTA BU ZHE NA, RANG DON DU SDUG KUN NYE BAR ZHI BA'I NYER ZHI GTZO BOR DON DU GNYER BA'I THEG PA CHUNG NGU'I GANG ZAG NYAN THOS YIN ZHING, DE LA NYAN THOS ZHES BYA BA'I RGYU MTSAN YOD DE, DE BZHIN GSHEGS PA LA RTEN 'BREL ZAB MO'I DE KHO NA NYID NYAN NAS, DE DON GNYER GYI GANG ZAG RNAMS KYIS THOS PAR BYED PA'I RGYU MTSAN GYIS DE LTAR BSHAD PA'I PHYIR, THOS PAR BYED PA'I TSUL YOD DE, 'DI LTAR BYA BA BYAS SO, @[10A] *, ,'DI LAS SRID PA GZHAN MI SHES SO, ,ZHES 'BYUNG BA LTAR DU THOS PAR BYED PA'I PHYIR, NYAN THOS KYI SKAD DOD SRA BA KA NI THOS SGROG LA 'JUG PAS, DE'I DBANG DU BYAS NAS DE LA THOS SGROG PA ZHES 'CHAD PA'I RGYU MTSAN YOD DE, THEG CHEN GYI LAM 'BRAS BU DANG BCAS PA DE LA THOS NAS DE DON GNYER GYI THEG CHEN GYI RIGS CAN GZHAN LA SGROGS PAR BYED PA'I RGYU MTSAN GYIS DE LTAR BSHAD PA'I PHYIR, DE YIN TE, DAM CHOS PAD DKAR LAS, MGON PO DE RING BDAG CAG NYAN THOS GYUR, ,BYANG CHUB DAM PA YANG DAG BSGRAG PAR BGYI, ,BYANG CHUB PA YI SGRA YANG RAB TU BRJOD, ,DE BAS BDAG CAG NYAN THOS MI ZAD 'DRA, ,ZHES GSUNGS PA'I PHYIR, NYAN THOS YIN NA NYAN THOS KYI SGRA BSHAD DU YOD PAS MA KHYAB STE, GZUGS MED KHAMS PA'I NYAN THOS LA NYAN THOS KYI SGRA 'JUG TU YOD KYANG, BSHAD DU MED PA'I PHYIR, DPER NA SKAM LAS SKYES PA'I PADMA LA MTSO SKYES KYI SGRA 'JUG TU YOD KYANG BSHAD DU MED PA LTA BU YIN PA'I PHYIR, BYANG SEMS KYIS THEG CHEN GYI LAM 'BRAS BU DANG BCAS PA DE BZHIN GSHEGS PA LA NYAN NAS GZHAN LA STON PA YOD KYANG, THOS SGROG PAR MI 'GYUR TE, NYAN THOS KYIS GZHAN LA SGROG PA TZAM YIN GYI RANG NYID KYIS RJES SU MTHUN PA TZAM YANG NYAMS SU LEN MI NUS PAS, DE LA THOS SGROG GI SGRA DNGOS MING DU 'JUG PA DANG, BYANG CHUB SEMS DPA' RNAMS LA 'DRA BA RGYU MTSAN DU BYAS NAS THOS SGROG GI SGRA BTAGS MING DU 'JUG PA'I PHYIR, KHA CIG ,BYANG CHUB DAM PA ZHES PA THEG CHEN GYI BYANG CHUB DANG, BYANG CHUB GNYIS PA THEG DMAN GYI BYANG CHUB LA BYED PA MI 'THAD DE, BYANG CHUB PHYI MA THEG CHEN GYI BYANG CHUB TU BGROD PAR BYED PA'I THEG CHEN GYI LAM LA BYED PA'I PHYIR, RANG DON DU SDUG KUN NYE BAR ZHI BA'I NYER ZHI GTZO BOR DON DU GNYER BA'I THEG @[10B] PA 'BRING PO'I GANG ZAG RANG RGYAL YIN ZHING, DE LA 'DIR SANGS RGYAS 'BRING ZHES BRJOD PA DE YANG, SANG RGYAS KYI SKAD DOD BUDDHA ZHES PA DE, SANGS RGYAS PA, PADMA RGYAS PA, GNYID SAD PA, KHONG DU CHUD PA LA SOGS PA DU MA LA 'JUG CING; DE'I STENG DU TA TVA BSNAN PAS, DE KHO NA NYID KHONG DU CHUD PA LA 'JUG PAS, RANG RGYAL DE KHO NA NYID KHONG DU CHUD PA'I RTOGS PA LA GNAS PA 'BRING PO YIN PAS, DE NYID DU BSGYUR BAR BYA BA YIN GYI, SANGS RGYAS 'BRING ZHES PA 'GYUR CUNG ZAD MI 'TSAM PA YIN PA'I PHYIR, RANG RGYAL 'BRING POR 'JOG PA'I RGYU MTSAN YOD DE, NYAN THOS LA BLTOS NAS TSOGS GNYIS KYI GOMS PA BSRING NUS PA DANG, TSOGS GNYIS KHYAD PAR CAN DANG, SEMS CAN THAMS CAD LA DMIGS PA'I THUGS RJE CHEN PO DANG RNAM PA THAMS CAD MKHYEN PA NYID LA SOGS PA MED PAS, SANGS RGYAS DANG BYANG CHUB SEMS DPA' RNAMS LAS DMAN PAS 'BRING POR BZHAG PA'I PHYIR, DE YIN TE, RANG 'GREL LAS, DE DAG NI BSOD NAMS DANG YE SHES GONG DU 'PHEL BA'I KHYAD PAR GYIS NYAN THOS RNAMS LAS KHYAD PAR 'PHAGS PA'I PHYIR DANG, BSOD NAMS DANG YE SHES KYI TSOGS DANG THUGS RJE CHEN PO DANG, RNAM PA THAMS CAD MKHYEN PA LA SOGS PA MED PAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAMS LAS DMAN PA'I PHYIR NA 'BRING NGO, ,ZHES GSUNGS PA'I PHYIR, RANG RGYAL LA TSOGS GNYIS KHYAD PAR CAN MED DE, TSOGS GNYIS KHYAD PAR CAN YIN NA, RANG 'BRAS CHOS SKU'I THUN MONG MA YIN PA'I RGYU YIN DGOS PA'I PHYIR, RANG RGYAL GYI RGYUD LA RANG 'BRAS CHOS SKU'I THUN MONG MA YIN PA'I RGYU MED PA'I PHYIR, KHYAB STE 'GREL PA DON GSAL LAS, YANG DAG PAR 'GRUB PA'I NGO BOS BYANG CHUB CHEN PO 'BYIN PAR BYED PA'I PHYIR @[11A] *, ,NA, SNYING RJE CHEN PO LA SOGS PA TSOGS YIN PAS, ZHES GSUNGS PA'I PHYIR, DE'I RGYUD LA TSOGS GNYIS KHYAD PAR CAN MED KYANG, TSOGS TZAM NI YOD DE, TSOGS PHAL PA YOD PA'I PHYIR DANG, MDZOD 'GREL LAS, BSKAL PA CHEN PO BRGYAR BYANG CHUB KYI TSOGS DAG LA SPYAD PAS BSE RU LTA BUR 'GYUR TE, ZHES GSUNGS PA'I PHYIR, KHA CIG GIS, RANG RGYAL 'BRING POR 'JOG PA'I RGYU MTSAN, RANG LAM DU GZUGS PHYI ROL DON 'DZIN GYI RTOG PA SPONG SHES PA BDEN 'DZIN MI SPONG BA'I SGO NAS 'BRING PO 'JOG PA YIN ZER NA, DE MI 'THAD PAR THAL, LUGS 'DIR PHYI DON YOD, NYAN RANG GNYIS LA DE KHO NA NYID MNGON SUM GYIS RTOGS PA YOD PAR MTSUNGS PA'I PHYIR DANG, NYAN RANG SLOB PA RNAMS BDEN 'DZIN SPANG BYA'I GTZO BOR BYAS NAS SPONG BAR MTSUNGS PA'I PHYIR, DE GNYIS THUB PA'I DBANG PO LAS 'KHRUNGS PA'I TSUL YOD DE, THUB PA'I DBANG POS RTEN 'BREL ZAB MO'I CHOS BSTAN PA NYAN SEMS BSGOMS GSUM BYAS PA LA BRTEN NAS RANG RANG GI 'DOD BYA'I BYANG CHUB 'THOB PAR 'GYUR BAS THUB PA'I DBANG PO LAS 'KHRUNGS PAR BZHAG PA'I PHYIR, DE YANG YIN TE RANG 'GREL LAS, SANGS RGYAS RNAMS 'BYUNG BAR GYUR PA NA, RTEN CING 'BREL BAR 'BYUNG BA PHYIN CI MA LOG PAR BSTAN PA LA 'JUG PA'I PHYIR, DE NYAN PA DANG SEMS PA DANG SGOM PA'I RIM PA LAS KYANG LHAG PAR MOS PA JI LTA BA BZHIN, NYAN THOS LA SOGS PA RNAMS YONGS SU RDZOGS PAR 'GYUR BA'I PHYIR RO, ,ZHES GSUNGS PA'I PHYIR, KHA CIG ,NYAN THOS SLOB PA RNAMS KYIS THUB PA'I DBANG POS CHOS BSTAN PA NYAN SEMS BSGOMS GSUM BYAS PA'I TSE DE LA RANG GI BYANG CHUB THOB PA YOD KYANG, RANG RGYAL SLOB PA RNAMS KYIS RTEN 'BREL ZAB MO'I CHOS NYAN @[11B] SEMS BSGOMS GSUM BYAS PA'I TSE DE LA RANG GI BYANG CHUB THOB PA MED PAS, THUB PA'I DBANG PO LAS 'KHRUNGS PA MI 'THAD ZER NA, SKYON MED DE, RANG RGYAL RNAMS KYIS TSE DE LA RANG GI BYANG CHUB MA THOB KYANG, NYAN SEMS BSGOMS GSUM BYAS PA LA BRTEN NAS SKYE BA GZHAN DU RANG GI BYANG CHUB 'THOB PAR 'GYUR BA'I PHYIR, DE YIN TE DPER NA, MYONG NGES KYI LAS BSAGS PA'I GANG ZAG DES TSE DE LA LAS KYI 'BRAS BU MA MYONG YANG, SKYE BA GZHAN DU MYONG BA LTA BU YIN TE, BZHI BRGYA PA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA GZHAN DU 'BAD MED PAR, ,NGES PAR 'THOB 'GYUR LAS BZHIN NO, ,ZHES PA DANG, RTZA SHES LAS, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,BRTEN PA MED PAR RAB TU 'BYUNG, ,ZHES GSUNGS PA'I PHYIR, KHO NA RE, RANG RGYAL YIN NA, RANG RGYAL RIGS NGES YIN PAS KHYAB STE, BZHI BRGYA PA'I LUNG DE'I PHYIR DANG, 'JUG PA LAS, RANG BYANG CHUB LA BDAG NYID NGES RNAMS DANG, ,ZHES GSUNGS PA'I PHYIR ZER NA SKYON MED DE, GTZO CHE BA LA DGONGS PA YIN GYI, RANG RGYAL LA RANG RGYAL RIGS NGES PAS MA KHYAB STE, BCOM LDAN 'DAS KYI 'KHOR DU LHAG [*LHAGS] PA'I NYAN RANG THEG CHEN GYI LAM DU KHA DRANGS PA'I PHYIR DU, BYANG SEMS LA DE BZHIN GSHEGS PA LAS KYANG CHES LHAG PA'I BSNGAGS PA MDZAD PA'I PHYIR, KHYAB STE, MCHOG GI SPRUL SKU'I 'KHOR DU GYUR PA'I RANG RGYAL DGRA BCOM MED PA'I PHYIR, KHA CIG GI GSUNGS NA RE, 'GREL PAR KHA CIG CES SOGS KYI DON, NYAN RANG GNYIS KYI RTEN 'BREL ZAB MO'I CHOS BSTAN PA NYAN SEMS BSGOMS GSUM BYAS PA'I TSE DE LA RANG GI BYANG CHUB MA @[12A] *, ,THOB PA DU MA YOD PAS, DE GNYIS THUB PA'I DBANG PO LAS 'KHRUNGS PA MI 'THAD PA'I LAN BSTAN PA YIN NO, ZHES ZER, YANG KHA CIG ,STON PAS RTEN 'BREL ZAB MO'I CHOS BSTAN MA THAG TU NYAN RANG GNYIS KYIS RANG GI BYANG CHUB MA THOB PHYIS KYANG THOB PAR MI 'GYUR BAS DE GNYIS THUB PA'I DBANG PO LAS 'KHRUNGS PA MI 'THAD PA'I RTZOD LAN BSTAN PA YIN NO, ,ZHES ZER BA MI 'THAD DE, 'DIR RANG RGYAL THUB DBANG LAS 'KHRUNGS PA LA DOGS PA CHE BAS, DE LA DMIGS PHUG PA'I RTZOD LAN MDZAD CING, KHYOD 'DOD PA LTAR GYI RTZOD LAN DE, DE LA DMIGS PHUG PA'I RTZOD LAN MIN PAS, SKABS DON MI 'GRUB PA'I PHYIR, NYAN RANG THUB DBANG LAS 'KHRUNGS NA, THUB PA'I DBANG PO DE GANG, DE GANG LAS 'KHRUNGS PA YIN ZHE NA, SPYIR NYON SGRIB SPANGS PA'I GANG ZAG THAMS CAD THUB PA YIN ZHING, BCOM LDAN 'DAS DE GONG NA MED PA'I CHOS KYI DBANG PHYUG PHUN SUM TSOGS PA MNGA' BA DANG, NYAN RANG RNAMS KYI CHOS KYI RGYAL SRID LA DE'I BKAS MNGA' BSGYUR BA MDZAD PAS, SANGS RGYAS BCOM LDAN 'DAS RNAMS LA THUB PA'I DBANG PO ZHES BRJOD PA YIN PA'I PHYIR, DE YIN TE, RANG 'GREL LAS, DE LA GONG NA MED PA'I CHOS KYI DBANG PHYUG PHUN SUM TSOGS PA MNGA' BAS, NYAN THOS DANG RANG SANGS RGYAS DANG BYANG CHUB SEMS DPA'I RNAM PAS [*RNAMS PAS] KYANG DBANG PHYUG DAM PA PHUN SUM TSOGS PA NYID DANG, NYAN THOS LA SOGS PA RNAMS LA DE'I BKAS MNGA' BSGYUR BA'I PHYIR, SANGS RGYAS BCOM LDAN 'DAS RNAMS LA THUB PA'I DBANG PO ZHES BYA'O, ,ZHES GSUNGS PA'I PHYIR, DE 'KHRUNGS TSUL YANG BYANG SEMS LAS 'KHRUNGS PA YIN TE, BYANG SEMS LAS 'KHRUNGS PA RIGS PAS KYANG 'GRUB, LUNG GIS YANG 'GRUB @[12B] PA'I PHYIR, RIGS PAS 'GRUB PA'I TSUL LA, KHA CIG ,THUB PA'I DBANG PO BYANG SEMS LAS 'KHRUNGS PA MA YIN PAR THAL, BYANG SEMS THUB PA'I DBANG PO LAS 'KHRUNGS PA'I PHYIR, DER THAL, THUB PA'I DBANG POS THEG CHEN GYI LAM 'BRAS BU DANG BCAS PA BSNYAN [*BSTAN] NAS NYAMS SU BLANGS PA DE LA BRTEN NAS BYANG SEMS 'KHRUNGS PAS DE LA RGYAL BA'I SRAS ZHES BRJOD PA'I PHYIR ZER NA, BYANG SEMS RANG NYID LA CHOS STON PA'I RGYAL BA 'GA' ZHIG LAS 'KHRUNGS PAS RGYAL BA'I SRAS ZHES BRJOD PA BDEN MOD KYANG, THUB PA'I DBANG PO BYANG SEMS LAS 'KHRUNGS PA MI 'GAL TE, RANG DANG RGYUD GCIG TU GYUR PA'I BYANG CHUB SEMS DPA'I NYER LEN DANG RANG DANG RGYUD THA DAD DU GYUR PA'I BYANG SEMS 'GA' ZHIG GIS LHAN CIG BYED RKYEN BYAS PA LA BRTEN NAS 'KHRUNGS PA'I PHYIR, DER THAL, DPER NA, 'PHAGS PA 'JAM DPAL BYANG CHUB SEMS DPAR GYUR PA'I DUS NYID NA, BDAG CAG GI STON PA DANG DE LAS GZHAN PA'I BSKAL BZANG GI SANGS RGYAS STONG PO BYANG CHUB MCHOG TU SEMS BSKYED DU BCUG PA MDO SDE LAS GSUNGS PA LTA BU YIN PA'I PHYIR, RANG 'GREL LAS, 'ON KYANG RGYU GNYIS KYIS BYANG CHUB SEMS DPA' DAG SANGS RGYAS BCOM LDAN 'DAS RNAMS KYI RGYUR 'GYUR TE, GNAS SKABS KYI KHYAD PAR DANG, YANG DAG PAR 'DZIN DU 'JUG PA LAS SO, ,DE LA GNAS SKABS KYI KHYAD PAR LAS NI DE BZHIN GSHEGS PA'I GNAS SKABS KYI BYANG CHUB SEMS DPA'I GNAS SKABS RGYU CAN YIN PA NYID KYIS PHYIR, YANG DAG PA 'DZIN TU 'JUG PA LAS NI JI LTAR 'PHAGS PA 'JAM DPAL BYANG CHUB SEMS DPAR GYUR PA NYID KYIS BCOM LDAN 'DAS SH'AKYA THUB PA DANG, DE LAS GZHAN PA'I DE BZHIN GSHEGS PA RNAMS CHES THOG MA KHO NAR BYANG CHUB KYI SEMS YANG DAG PAR 'DZIN DU BCUG PAR 'DOD PA YIN NO, ,ZHES GSUNGS PA'I PHYIR, KHA CIG BYANG CHUB SEMS @[13A] *, ,DPA' RGYAL BA LAS 'KHRUNGS PA LA BDEN KHA STER BZHIN DU THUB PA'I DBANG PO BYANG CHUB SEMS DPA' LAS 'KHRUNGS PA MI 'GAL BAR SGRUB RIGS PA LAS SLAR YANG THUB PA'I DBANG PO BYANG CHUB SEMS DPA' LAS 'KHRUNGS PAR BSGRUBS PA DE DOGS PA SO NA GNAS PA YIN ZER NA, SKYON MED DE BYANG CHUB SEMS DPA' DE RANG LA CHOS STON PA'I THUB PA'I DBANG PO LAS 'KHRUNGS PA LA BDEN KHA SBYIN PA YIN GYI THUB PA'I DBANG PO LAS 'KHRUNGS PA LA BDEN KHA SBYIN PA MA YIN PAS, THUB PA'I DBANG PO BYANG SEMS LAS 'KHRUNGS PA MI 'GAL BA'I PHYIR, THUB PA'I DBANG PO BYANG SEMS LAS 'KHRUNGS PA LUNG GIS 'GRUB PA YIN TE, DKON MCHOG BRTZEGS PA'I MDO LAS, 'OD SRUNGS 'DI LTA STE DPER NA, ZLA BA TSES PA LA PHYAG 'TSAL BA LTAR NYA BA LA NI MA YIN NO, ,'OD SRUNGS DE BZHIN DU GANG DAG NGA LA RAB TU DAD PA DE DAG NI BYANG CHUB SEMS DPA' RNAMS LA PHYAG BYA YIS [*YI] DE BZHIN GSHEGS PA RNAMS LA NI DE LTAR MA YIN NO, ,DE CI'I PHYIR ZHE NA, BYANG CHUB SEMS DPA' LAS NI DE BZHIN GSHEGS PA RNAMS 'BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD 'BYUNG NGO, ,ZHES GSUNGS PA'I PHYIR, BYANG SEMS LA DE BZHIN GSHEGS PA LAS CHES LHAG PA'I BSNGAGS PA BRJOD PA'I RGYU MTSAN YOD DE, DE BZHIN GSHEGS PA'I RGYU DE GCES PAR SHES PA DANG, DE'I RGYU LA BSNGAGS PA BRJOD PAS 'BRAS BU DE BZHIN GSHEGS PA LA BSNGAGS PA BRJOD PAR 'GYUR BA DANG, SMAN GYI MYU GU'I LO MA 'JAM PO DE GCES SPRAS KYIS BSKYANG DGOS PA DE BZHIN DU, DE BZHIN GSHEGS PA'I RGYU BYANG CHUB SEMS DPA' GCES SPRAS KYIS BSKYANG DGOS PA SHES PAR BYA BA DANG, DE BZHIN GSHEGS PA'I 'KHOR DU LHAG [*LHAGS] PA'I NYAN RANG GNYIS THEG CHEN @[13B] LAM DU KHA DRANGS PA'I DGOS PA YOD PA'I PHYIR, NYAN RANG THUB DBANG DANG, THUB DBANG BYANG SEMS DANG, BYANG SEMS RANG GI BDAG RKYEN DU GYUR PA'I THUB PA'I DBANG PO'I GSUNGS LAS 'KHRUNGS PA YIN NA, SKABS 'DIR THUB DBANG LAS 'KHRUNGS TSUL DNGOS SU BSTAN NAS BYANG SEMS 'KHRUNGS TSUL DNGOS SU MI STON PA'I RGYU MTSAN CI YIN ZHE NA, ,DE'I RGYU MTSAN YOD DE, NYAN RANG 'KHRUNGS TSUL DNGOS SU BSTAN PA DE, BRTZE BA SNYING RJE CHEN PO YON TAN THAMS CAD KYI RTZA BAR SHES PA'I CHED DU YIN PA'I PHYIR, BYANG SEMS RGYU GSUM LAS 'KHRUNGS PA 'OG NAS 'CHAD PAR 'GYUR BA'I PHYIR, BYANG SEMS GANG LAS 'KHRUNGS PA'I TSUL YOD DE, BRTZE BA SNYING RJE CHEN PO DANG GNYIS SU MED PA'I SHES RAB DANG, BYANG CHUB KYI SEMS GSUM LAS 'KHRUNGS PA'I PHYIR, DE GSUM GYI NANG NAS SNYING RJE CHEN PO DE YANG SEMS CAN SDUG BSNGAL DANG BRAL 'DOD TZAM GYI SNYING RJE LA BYED PA MA YIN TE, SDUG BSNGAL LAS SKYOB PAR 'DOD PA'I SNYING RJE LA BYED PA'I PHYIR, DE LTAR YIN TE, RANG 'GREL LAS, SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA MA LUS PA YONGS SU SKYOB PA'I MTSAN NYID CAN LA BSTOD PAR 'OS PA NYID DU BSTAN PA'I PHYIR, ZHES GSUNGS PA'I PHYIR, GNYIS MED KYI SHES RAB DE YANG GZUGS 'DZIN GNYIS MED RTOGS PA'I SHES RAB LA BYED PA MA YIN TE, 'GREL PAR MTHA' GNYIS LA MI GNAS PA'I SHES RAB TU GSUNGS PAS STONG NYID RTOGS PA'I SHES RAB LA BYED RIGS PA'I PHYIR, 'DIR BSTAN BYANG CHUB KYI SEMS DE, KHA CIG ,RANG GIS CHOS KYI DE KHO NA NYID RTOGS NAS CHOS NYID DE SEMS CAN THAMS CAD KYI KHONG DU CHUD PAR BYA'O SNYAM PA'I SEMS ZHIG LA BYED PA YIN TE, 'GREL PAR MDO DRANGS PA LAS, RANG GIS CHOS KYI DE KHO NA NYID RTOGS NAS CHOS NYID 'DI SEMS CAN THAMS CAD KYI KHONG DU CHUD PAR BYA'O SNYAM NAS @[14A] *, ,SEMS GANG SKYES PA DE NI BYANG CHUB KYI SEMS ZHES BYA'O, ,ZHES GSUNGS PA'I PHYIR, ZER NA DE MI 'THAD PAR THAL, DE LTA BU'I SEMS DES GZHAN DON GYI PHYOGS GCIG LA DMIGS KYANG, GZHAN DON YONGS RDZOGS LA MA DMIGS PAS, BYANG CHUB KYI SEMS SBYONG BA'I DMIGS RNAM MI RDZOGS PA'I PHYIR, YANG KHA CIG ,BDAG GIS 'JIG RTEN 'DI MTHA' DAG 'KHOR BA'I SDUG BSNGAL LAS BTON TE, RDZOGS PA'I BYANG CHUB LA 'GOD PAR BYA'O SNYAM PA'I SEMS ZHIG LA BYED PA YIN TE, 'GREL PAR MDO DRANGS PA LAS, BDAG GIS 'JIG RTEN 'DI MTHA' DAG SDUG BSNGAL LAS BTON TE, SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYA'O, ,ZHES GSUNGS PA'I PHYIR, ZER NA, DE YANG MI 'THAD PAR THAL, DES RANG DON DU RDZOGS PA'I BYANG CHUB LA MA DMIGS PAS BYANG CHUB KYI SEMS SBYONG BA'I DMIGS RNAM YONGS SU MI RDZOGS PA'I PHYIR, DON DAM @11A *, ,SEMS BSKYED LA BYED PA YANG MI 'THAD DE, DON DAM SEMS BSKYED SA DANG PO NAS THOB PA GANG ZHIG ,'DIR RGYAL SRAS LAS DANG PO BA'I RGYUR GYUR PA'I BYANG CHUB KYI SEMS SHIG GTAN LA 'BEBS PAR BYED PA'I PHYIR, RANG LUGS LA, SKABS 'DIR DNGOS SU BSTAN PA'I BYANG CHUB KYI SEMS DE'I MTSAN GZHI YOD DE, SEMS CAN THAMS CAD RDZOGS BYANG LA 'GOD PA'I PHYIR DU, RANG NYID KYANG RDZOGS PA'I BYANG CHUB 'THOB PAR BYA'O, ,SNYAM PA'I THEG CHEN SEMS BSKYED SBYONG BA'I DMIGS RNAM YONGS SU RDZOGS PA'I SEMS SHIG LA BYED PA'I PHYIR TE, RANG 'GREL DU MDO DRANGS PA LAS, DAM PA'I CHOS KYI BDUD RTZI'I RO PHUL DU BYUNG BA 'BYUNG BA'I RGYU, PHYIN CI LOG GI RTOG PA MTHA' DAG LOG PA'I MTSAN NYID, 'GRO BA YONGS KYI GNYEN NYID KYI RANG BZHIN DU GYUR PA, SANGS RGYAS NYID YANG DAG PAR 'THOB PAR 'DOD PA YIN NO, ,ZHES GSUNGS PA'I PHYIR, KHA CIG ,DE LTA BU'I RGYU CAN GYI BYANG SEMS DE, BYANG SEMS LAS DANG PO BA LA BYED DAM, MI BYED, BYED NA MI 'THAD DE, THEG CHEN LAM DU ZHUGS PA DANG, THEG CHEN SEMS BSKYED RANG RGYUD LA BSKYED PA DUS MNYAM PAR GSUNGS PA'I PHYIR, THEG CHEN GYI RIGS CAN RNAMS KYIS DANG POR BYANG CHUB MCHOG TU SEMS BSKYED, DE RJES STONG NYID RTOGS PA'I LTA BA BTZAL NAS RGYAL SRAS KYI SPYOD PA LA SLOB PAR BYED PA'I PHYIR, MI BYED NA MI 'THAD DE, MDO LAS ZLA BA TSES PA DANG, SMAN GYI MYU GU LTA BU'I BYANG CHUB SEMS DPAR GSUNGS PA DANG 'GAL BA'I PHYIR ZER NA RTAGS DE GNYIS KYI NANG NAS PHYI MA LTAR YIN NA, MDO DANG 'GAL BAS KHAS MI LEN ZHING, DANG PO LTAR KHAS BLANGS PA LA SKYON DER MI 'GYUR TE, 'DIR DNGOS SU BSTAN PA'I BYANG CHUB KYI SEMS DE SGOM BYUNG GI MYONG BA MA THON PA'I THEG CHEN SEMS BSKYED SBYONG BA'I GNAS SKABS KYI BUR SHING GI SHUN BA'I RO LTA BU'I BYANG CHUB KYI SEMS SHIG LA BYED CING, THEG CHEN GYI RIGS CAN DBANG RTUL GYIS DANG POR BYANG CHUB KYI SEMS BSKYED, DE RJES STONG NYID RTOGS PA'I LTA BA 'TSOL BA YIN KYANG, THEG CHEN GYI RIGS CAN DBANG RNON RNAMS KYIS DANG POR STONG NYID RTOGS PA'I LTA BA BSKYED, DE RJES BYANG CHUB MCHOG TU SEMS BSKYED PA, DBU MA RGYAN RANG 'GREL DANG BCAS PA LAS GSUNGS PA'I PHYIR, DANG PO DE LTAR YIN TE, RNAM BSHAD DGONGS PA RAB GSAL LAS, BYANG SEMS KYI SNGON DU 'GRO BA'I SEMS BSKYED PA NI, SEMS @11B BSKYED SGOM PA'I SKABS LA DGONGS KYI BSGOMS PA LA BRTEN NAS SKYES PA'I SEMS BSKYED DNGOS MA YIN NO, ,ZHES GSUNGS PA'I PHYIR, LHAG BSAM BSKUL BA'I MDO LAS, BU RAM SHING SHUN SNYING PO CI YANG MED, ,DGA' BAR GYUR PA'I RO NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO RNYED PAR GYUR PA MA YIN NO, ,JI LTAR SHUN PA DE BZHIN SMRA BA STE, ,RO LTA BU NI 'DI LA DON SEMS YIN, ,ZHES GSUNGS PA'I PHYIR, CHOS GSUM PO DE BYANG SEMS LAS DANG PO BA'I RGYU'I GTZO BO YIN PA MGON PO KLU SGRUB KYI DGONGS PA YIN TE, RIN CHEN 'PHRENG BA LAS, BDAG NYID DANG NI 'JIG RTEN 'DIS, ,BLA MED BYANG CHUB 'THOB 'DOD NA, , DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,ZHES SOGS GSUNGS PA'I PHYIR, SNYING RJE CHEN PO RDZOGS PA'I BYANG CHUB KYI RGYUR GSUNGS PA DANG, BYANG SEMS LAS DANG PO BA'I RGYU'I GTZO BO YIN PA MI 'GAL TE, RTZA BA'I RGYU ZHES PA DE DANG PO'I RGYU'I DON YIN ZHING SKABS 'DIR BYANG SEMS LAS DANG PO BA'I RGYU'I GTZO BO GSUM STON PA'I SKABS YIN PA'I PHYIR, RGYU GSUM PO DE BYANG SEMS LAS DANG PO BA'I RGYU YIN PAR MA ZAD, SEMS CAN SDUG BSNGAL LAS SKYOB 'DOD KYI SNYING RJE CHEN PO DE, RGYU GZHAN GNYIS KYI RTZA BA YIN TE, SNYING RJE CHEN PO DE RGYAL BA'I LO TOG PHUN TSOGS BSKYED PA LA DANG POR GAL CHE BA SA BON DANG, RGYAL BA'I MYU GU GONG NAS GONG 'PHEL DU BYED PA LA BAR DU GAL CHE BA CHU LUD DANG, MTHAR GDUL BYAS LONGS SPYOD PA LA GAL CHE BA 'BRAS BU SMIN PA LTA BU'I YON TAN DE LA YOD PA'I PHYIR, THOG MTHA' BAR GSUM DU GAL CHE BA'I SNYING RJE GSUM PO DE 'GAL BA YIN KYANG, SEMS CAN SDUG BSNGAL LAS SKYOB 'DOD KYI SNYING RJE DE LA DANG POR GAL CHE BA SA BON LTA BU'I SNYING RJE DANG, BAR DU GAL CHE BA CHU LUD LTA BU'I SNYING RJE DANG, MTHAR GAL CHE BA 'BRAS BU SMIN PA LTA BU'I SNYING RJE'I YON TAN DANG LDAN PA YIN TE, DPE'I SKABS SU DPE GSUM SO SO BA YIN PA LTAR MA YIN PAR THOG MTHA' BAR GSUM DU GAL CHE BA'I SNYING RJE GSUM PO DE SNYING RJE CHEN PO'I KHYAD PAR YIN PA'I PHYIR TE, SKU GSUM GYI YON TAN SANGS RGYAS DKON MCHOG LA MNGA' BA LTA BU YIN PA'I PHYIR, THOG MTHA' BAR GSUM DU GAL CHE BA'I SNYING RJE GSUM PO DE 'GAL BA YIN TE, DANG POR BYANG CHUB TU SEMS BSKYED PA'I RTZA BAR GYUR PA'I SNYING RJE DANG, SEMS BSKYED NAS RGYAL SRAS KYI SPYOD PA LA SLOB BA'I THUN MONG MIN PA'I BDAG RKYEN DU GYUR PA'I SNYING RJE @12A *, ,DANG, SANGS RGYAS NAS GDUL BYA RIGS CAN GSUM LA CHOS 'KHOR RDZOGS PAR BSKOR BA'I THUN MONG MA YIN PA'I BDAG RKYEN BYED PA'I SNYING RJE GSUM PO DE 'GAL BA'I PHYIR, DANG POR BYANG CHUB TU SEMS BSKYED PA'I RTZA BAR GYUR PA'I SNYING RJE CHEN PO DE, RGYAL BA'I MYU GU BSKYED PA LA DANG POR GAL CHE BA SA BON DANG CHOS MTSUNGS PA YIN TE, SNYING RJE CHEN PO CAN GYI GANG ZAG DES SEMS CAN SDUG BSNGAL GYIS SDUG BSNGAL BAS SDUG BSNGAL CAN GYI SEMS CAN THAMS CAD RDZOGS BYANG LA 'GOD PA'I PHYIR DU, GZHAN DON DON GNYER GYI BYANG CHUB KYI SEMS BSKYED PA DANG, DE YANG RANG NYID KYIS RDZOGS BYANG THOB PA LA RAG LAS PAR MTHONG NAS, RANG DON DU RDZOGS BYANG DON GNYER GYI SEMS BSKYED PAR BYED PA'I PHYIR, SEMS BSKYED NAS RGYAL SRAS KYI SPYOD PA LA SLOB PA'I THUN MONG MIN PA'I BDAG RKYEN DU GYUR PA'I SNYING RJE DE RGYAL BA'I MYU GU GONG NAS GONG 'PHEL DU BYED PA LA BAR DU GAL CHE BA CHU LUD DANG CHOS MTSUNGS PA YIN TE, BYANG CHUB TU SEMS BSKYED NAS KYANG SNYING RJE CHEN PO'I CHUS YANG NAS YANG DU BRAN NAS TSOGS GNYIS KYI GOMS PA RGYA CHEN PO MED NA, NYAN RANG GI BYANG CHUB TU LTUNG BAR 'GYUR, DE YOD NA DE LAS BZLOG STE 'BYUNG BA'I PHYIR, SANGS RGYAS NAS GDUL BYA RIGS CAN GSUM LA CHOS 'KHOR RDZOGS PAR BSKOR BA'I THUN MONG MA YIN PA'I BDAG RKYEN BYED PA'I SNYING RJE DE MTHAR GAL CHE BA GDUL BYAS LONGS SPYOD PA'I GNAS LA 'BRAS BU SMIN PA DANG MTSUNGS PA YIN TE, RDZOGS PA'I BYANG CHUB THOB NAS KYANG GDUL BYA'I KHAMS LA SNYING RJE CHEN POS NYIN MTSAN DUS DRUG TU GZIGS PA MED NA, GDUL BYA RNAMS KYIS MNGON MTHO NGES LEGS KYI 'BRAS BU LA LONGS SPYOD PA DANG, NYAN RANG DANG BYANG SEMS RNAMS GCIG NAS GCIG TU BRGYUD DE RGYUD MAR 'BYUNG BA DE MI 'THAD PAS GDUL BYA'I KHAMS LA THUGS RJE CHEN POS NYIN MTSAN DUS DRUG TU GZIGS PA DE YOD NA DE LAS BZLOG STE 'BYUNG BA'I PHYIR, SNYING RJE CHEN PO SNGON DU BTANG STE BYANG CHUB MCHOG TU SEMS BSKYED NAS, RGYAL SRAS KYI SPYOD PA LA SLOB PA DANG, KHYAD PAR DU YANG MTHA' GNYIS LA LTUNG BA'I DRI MA MED PA'I STONG NYID RTOGS PA'I SHES RAB LA SLOB PA RNAMS NI, SANGS RGYAS KYI RGYU'I RTZA BA YIN TE, RIN CHEN 'PHRENG BA LAS, THEG PA CHEN PO GANG ZHIG LAS, ,SNYING RJE SNGON BTANG SPYOD KUN DANG, ,YE @12B SHES DRI MA MED BSHAD PA, ,SEMS YOD SU ZHIG DE LA DMOD, ,CES GSUNGS PA'I PHYIR, GANG PHYIR BRTZE NYID CES SOGS KYI GZHUNG 'DIS, THEG CHEN GYI RIGS CAN RNAMS LA THEG PA CHEN PO'I LAM GYI GNAD KHYAD PAR CAN JI LTAR BSTAN PA'I TSUL YOD DE, THEG CHEN PA BYED 'DOD PA RNAMS KYIS DANG POR SNYING RJE CHEN PO'I GZHAN DBANG DU GYUR, DES KUN NAS BSLANGS STE BYANG CHUB MCHOG TU SEMS BSKYED NAS, RGYAL SRAS KYI SPYOD PA SPYI DANG KHYAD PAR STONG NYID RTOGS PA'I SHES RAB LA SLOB DGOS TSUL BSTAN PA'I PHYIR, SO SOR PHYE NAS PHYAG 'TSAL BA LA, SNYING RJE CHEN PO SBYONG BYED KYI THABS BSHAD PA, DE LA BRTEN NAS SKYES PA'I SNYING RJE'I NGO BO BSHAD PA GNYIS, DANG PO LA, SNGAR BSHAD PA'I YON TAN DE LTA BU DANG LDAN PA'I SNYING RJE CHEN PO SBYONG BYED KYI THABS YOD DE, SEMS CAN 'KHOR BAR 'KHOR TSUL ZO CHUN GYI RGYUD MO DANG CHOS MTHUN RNAM PA DRUG TU SBYAR NAS BSAMS PA LA BRTEN NAS SKYE BA'I PHYIR, CHOS MTHUN DRUG TU SBYOR TSUL YOD DE, DPER NA, ZO CHUN GYI RGYUD MO DE THAG PA SOGS KYIS DAM DU BCINGS PA DANG, SKYES BU'I RTZOL BA LA BRTEN NAS RANG DBANG MED PAR 'KHOR BA DANG, GRONG GI KHRON PA ZAB MO'I NANG DU 'JUG PA DANG, GYEN DU 'DREN PA DKA' ZHING THUR DU 'JUG PA SLA BA DANG, SNGA PHYI BAR MTSAMS MED PAR 'KHOR BA DANG, CHU'I KHUR GYIS NON PA DANG, RTZIG PA LA SOGS PAS GCOG PAR BYED PA DE BZHIN DU 'KHOR BA PA'I SEMS CAN RNAMS KYANG, LAS NYON GYI THAG PAS DAM DU BCINGS PA DANG, SHIN TU MA ZHI ZHING MA DUL BA'I RNAM SHES KYIS BSKYOD PA LA BRTEN NAS RANG DBANG MED PAR 'KHOR BA DANG, DE YANG MNAR MED NAS SRID RTZE'I BAR GYI 'KHOR BA'I KHRON PA ZAB MO'I NANG DU 'JUG PA DANG, BDE 'GROR SKYE BA'I RGYU GSOG DKA' ZHING, NGAN 'GROR SKYE BA'I RGYU RANG GI NGANG GIS GSOG PA DANG, NYON MONGS GSUM PO DES SNGA PHYI BAR MTSAMS MED PAR 'KHOR BA DANG, SDUG BSNGAL GYI SDUG BSNGAL SOGS GSUM GYI KHUR GYIS NON ZHING GDUNG BAR BYED PA SOGS CHOS MTHUN DU SBYAR NAS SGOM PAR BYED PA'I PHYIR, DE YANG BYED PA PO GANG GIS 'KHOR DU BCUG NA SHIN TU MA ZHI ZHING MA DUL BA'I SEMS 'DI NYID KYIS 'KHOR DU BCUG ,GNAS GANG DU TSUL JI LTAR 'KHOR NA, GNAS SRID RTZE NAS MNAR MED KYI BAR DU 'KHOR BA DANG, 'KHOR TSUL YANG MI 'KHOR BA'I SKABS CUNG ZAD KYANG MED PAR 'KHOR BA DANG, RGYU RKYEN GANG GIS 'KHOR DU BCUG NA LAS DANG NYON MONGS PA'I @13A *, ,DBANG GIS 'KHOR BA DANG, DE YANG BSOD NAMS MA YIN PA'I LAS DANG NYON MONGS KYI DBANG GIS NGAN 'GROR 'KHOR BA DANG, BSOD NAMS DANG MI G-YO BA'I LAS DANG, DE KUN NAS SLONG BYED KYI NYON MONGS KYI DBANG GIS BDE 'GROR 'KHOR BA'I PHYIR, BDE 'GRO'I RGYU BSOG PA DKA' ZHING NGAN 'GROR SKYE BA'I RGYU RANG GI NGANG GIS BSOG PA YIN TE, LUNG BZHI LAS, BDE 'GRO NAS NGAN 'GROR SKYE BA DANG, NGAN 'GRO NAS NGAN 'GROR SKYE BA SA CHEN PO'I RDUL DANG MNYAM PA DANG, NGAN 'GRO NAS BDE 'GROR SKYE BA DANG, BDE 'GRO NAS BDE 'GROR SKYE BA NI DE BZHIN GSHEGS PA'I PHYAG SEN GYI RTZE MOS GZHAL BA'I RDUL DANG MTSUNGS PAR GSUNGS PA'I PHYIR, NYON MONGS GSUM GYI DBANG GIS SNGA PHYI BAR MTSAMS MED PAR 'KHOR BA YIN TE, RTEN 'BREL TSAR GCIG GIS NYON MONGS PA'I RTEN 'BREL GSUM 'JUG PA'I SKABS SU RTEN 'BREL GZHAN GYI 'BRAS BU'I RTEN 'BREL BDUN PO GANG RUNG 'JUG PA YOD PA DANG, DE'I SKABS SU RTEN 'BREL GZHAN GYI LAS KYI RTEN 'BREL 'JUG PA YOD PAS, SNGA PHYI BAR MTSAMS MED PAR 'KHOR BA'I PHYIR, DE YANG RANG NYID DANG POR 'KHOR BA'I SDUG BSNGAL GYIS MNAR TSUL BSAMS NAS, DE RJES SEMS CAN GZHAN SDUG BSNGAL GYIS MNAR TSUL BSAM DGOS PA YIN TE, RANG NYID 'KHOR BA'I SDUG BSNGAL GYIS MNAR TSUL BSAMS PA NA YID LA 'GYUR BA CUNG ZAD MA THON NA, GZHAN SDUG BSNGAL GYIS MNAR TSUL BSAM PA LA BRTEN NAS SNYING RJE CHEN PO MI SKYE BA'I PHYIR, 'O NA SEMS CAN 'KHOR BA'I SDUG BSNGAL GYIS MNAR TSUL BSAM PA TZAM LA BRTEN NAS SKYE'AM, DE'I GROGS SU RGYU GZHAN DGOS SAM ZHE NA, DE TZAM GYIS MI CHOG STE, DE'I RGYUR YID DU 'ONG BA'I BYAMS PA DGOS TE, 'JIG RTEN 'DIR YANG DGRA SDUG BSNGAL GYIS MNAR BA MTHONG BA NA SDUG BSNGAL DANG BRAL 'DOD KYI BLO MI SKYE ZHING DGA' BA SKYE BA DANG, BAR MA SDUG BSNGAL GYIS MNAR BA MTHONG NA YAL BAR 'DOR 'DOD KYI BLO SKYE BA DANG, GNYEN SDUG BSNGAL GYIS MNAR BA MTHONG NA SDUG BSNGAL DANG BRAL 'DOD KYI BLO SKYE ZHING, DE YANG JI TZAM YID DU 'ONG BA DE TZAM DU SDUG BSNGAL DANG BRAL 'DOD KYI BLO SHUGS DRAG SKYE BA MNGON SUM GYIS 'GRUB PA YIN PA'I PHYIR, DE LTA BU'I BYAMS PA SBYONG TSUL YANG GNYIS YOD DE, BZHI BRGYA PA'I 'GREL PA DANG, SLOB DPON TZANDRA GO MI'I GZHUNG NAS 'BYUNG @13B BA LTAR GYI SEMS CAN RNAMS MA LA SOGS PA'I GNYEN DU GRUB PA'I RIGS PA'I YA MTHA' THUG MED DU BSGRUBS PA'I RIGS PA LA BRTEN NAS SBYONG BA'I TSUL DANG, BSLAB SPYOD GNYIS NAS BSHAD PA LTAR GYI BDAG GZHAN BRJE BA'I SGO NAS SBYONG TSUL DANG GNYIS YOD PA'I PHYIR, DMIGS MED KYI SNYING RJE CHEN PO LA SOGS PA GSUM PO DE DMIGS PA'I SGO NAS 'JOG PA YIN GYI SBYONG TSUL MI 'DRA BA'I KHYAD PAR MED PA'I PHYIR, DE KHO NA NYID RTOGS PA'I SHES RAB DANG MI RTAG LA SOGS RTOGS PA'I SHES RAB KYIS ZIN BYED KYI SGO NAS 'JOG PA YIN TE, SNYING RJE GSUM PO DE'I NGO BO SNGAR BSHAD PA'I THABS DE LA BRTEN NAS SBYONG DGOS PAR MTSUNGS PA'I PHYIR, GNYIS PA, SBYANGS PA LA BRTEN NAS SKYES PA'I SNYING RJE CHEN PO'I NGO BO BSHAD PA LA, MTSAN NYID, DBYE BA, SO SO'I DON BSHAD PA, DANG PO LA, SDUG BSNGAL CAN GYI SEMS CAN GANG LA DMIGS KYANG MA BU GCIG PA LA BRTZE BAS TSOD TZAM DU SDUG BSNGAL DANG BRAL BAR 'DOD PA'I BLO BCOS MA MIN PA RANG GI NGANG GIS SKYE BA'I BLO, SNYING RJE CHEN PO'I MTSAN NYID YIN TE, SGOM RIM LAS, GANG GI TSE YID DU 'ONG BA'I BU MI BDE BA BZHIN DU SEMS CAN THAMS CAD LA SDUG BSNGAL GTAN NAS SBYANG BAR 'DOD PA'I RNAM PA'I SNYING RJE BCOS MA MIN PA RANG GI NGANG GIS 'JUG PA BDAG NYID THAMS CAD KYI MTSUNGS PAR 'JUG PA DE'I TSE DE RDZOGS PA YIN PAS SNYING RJE CHEN PO ZHES BYA BA'I GRANGS SU 'GRO'O, ,ZHES GSUNGS PA'I PHYIR, DE LA DBYE NA, SEMS CAN SDUG BSNGAL DANG BRAL 'DOD KYI SNYING RJE CHEN PO DANG, DE LAS SKYOB 'DOD KYI SNYING RJE CHEN PO GNYIS, PHYI MA DANG LHAG BSAM RNAM DAG GNYIS DON GCIG ,DANG PO DE NYAN RANG DANG THUN MONG BA'I SNYING RJE CHEN PO YIN TE, RGYUD BLA DAR t'IK LAS, SEMS CAN SDUG BSNGAL DANG BRAL BAR 'DOD PA'I SNYING RJE CHEN PO NI THEG DMAN PA RNAMS LA YANG NAS YANG DU 'BYUNG MOD KYI SEMS CAN THAMS CAD SDUG BSNGAL DANG BRAL BA BDAG GIS BYA'O SNYAM PA'I KHUR DU LEN PA'I LHAG BSAM MED PAS THEG CHEN LAS DMAN PA'O, ,ZHES GSUNGS PA'I PHYIR, RNAM BSHAD DGONGS PA RAB GSAL LAS KYANG, 'DI'I SNYING RJE NI DMIGS PA GSUM PO GANG LA DMIGS KYANG, SEMS CAN THAMS CAD SDUG BSNGAL MTHA' DAG LAS SKYOB PAR 'DOD PA'I RNAM PA CAN YIN PAS NYAN RANG GI SNYING RJE DANG KHYAD PAR SHIN TU CHE'O, ,ZHES GSUNGS PA'I PHYIR, DE LA DMIGS PA'I SGO NAS DBYE NA, CHOS LA DMIGS PA'I SNYING RJE DANG, DMIGS @14A *, ,MED LA DMIGS PA'I SNYING RJE DANG, SEMS CAN TZAM LA DMIGS PA'I SNYING RJE DANG GSUM, DE GSUM PO DMIGS PA'I SGO NAS 'JOG PA YIN TE, RNAM PA MI 'DRA BA'I 'DZIN STANGS KYI SGO NAS 'JOG PA MA YIN PA'I PHYIR, DE GSUM GA DMIGS PA SEMS CAN LA DMIGS NAS, RNAM PA SDUG BSNGAL DANG BRAL 'DOD KYI RNAM PA CAN DU MTSUNGS PA'I PHYIR, DMIGS PA'I SGO NAS 'JOG PA YIN TE, RANG 'GREL LAS, CHOS LA DMIGS PA DANG, DMIGS PA MED PA LA DMIGS PA'I SNYING RJE YANG DMIGS PA'I SGO NAS GSAL BAR BYA BA'I PHYIR, 'GRO BA ZHES PA GNYIS SMOS SO, ,ZHES GSUNGS PA'I PHYIR, GSUM PO DE DMIGS PA'I SGO NAS 'JOG KYANG, DMIGS PA SEMS CAN LA DMIGS PA MTSUNGS PA YIN TE, SNYING RJE PHYI MA GNYIS KYI SKABS SU YANG 'GRO LA SNYING RJER GYUR GANG DE LA 'DUD, CES GSUNGS PA'I PHYIR, SNYING RJE CHEN PO YIN NA SNYING RJE LA GSUM DU BYAS PA'I SEMS CAN LA DMIGS PA'I SNYING RJE YIN PAS MA KHYAB KYANG, SEMS CAN LA DMIGS PA'I SNYING RJE YIN PAS KHYAB STE, DE YIN NA RANG GI DMIGS YUL DU GYUR PA'I SEMS CAN LA DMIGS NAS RNAM PA SDUG BSNGAL DANG BRAL BAR 'DOD PA'I SNYING RJE YIN DGOS PA'I PHYIR DANG, BYANG CHUB KYI SEMS YIN NA RDZOGS PA'I BYANG CHUB LA DMIGS PA'I BYANG CHUB KYI SEMS YIN DGOS PA'I PHYIR, GZHAN YANG, DE YIN NA SEMS CAN LA DMIGS PA'I SNYING RJE YIN DGOS TE, CHOS DANG DMIGS MED KYI SNYING RJE GANG RUNG YIN NA SEMS CAN LA DMIGS PA'I SNYING RJE YIN DGOS PA'I PHYIR, DER THAL, DE GANG RUNG YIN NA 'GRO BA LA DMIGS PA'I SNYING RJE YIN DGOS PA'I PHYIR, 'GRO BA G-YO BA CHU YI NANG GI ZLA BA LTAR, ,G-YO DANG RANG BZHIN NYID KYIS STONG PAR MTHONG BA YI, ,'GRO LA SNYING RJER GYUR GANG DE LA 'DUD, ,CES GSUNGS PA'I PHYIR, SNYING RJE CHEN PO YIN NA, DE GSUM DU PHYE BA'I SEMS CAN LA DMIGS PA'I SNYING RJE YIN PAS MA KHYAB STE, DE YIN NA SEMS CAN TZAM LA DMIGS PA'I SNYING RJE YIN PAS MA KHYAB PA'I PHYIR; SNYING RJE GSUM PO DE DMIGS PA'I SGO NAS 'JOG TSUL YOD DE, CHOS LA DMIGS PA'I SNYING RJE DES SNGAR SEMS CAN MI RTAG PA DANG RANG RKYA THUB PA'I RDZAS YOD KYIS STONG PA RTOGS PA SOGS LA BRTEN NAS, MI RTAG PA DANG RANG RKYA THUB PA'I RDZAS YOD KYIS STONG PA SOGS KYI RNAM PA SHAR BA'I SGO NAS 'JOG PA DANG, @14B DMIGS MED KYI SNYING RJE DES SNGAR SEMS CAN RANG BZHIN MED PAR RTOGS PA LA BRTEN NAS, RANG BZHIN MED PA'I RNAM PA SHAR BA'I SGO NAS BZHAG BA DANG, SEMS CAN TZAM LA DMIGS PA'I SNYING RJES, DE LTA BU'I CHOS CAN GANG GI YANG RNAM PA MA SHAR BAR SEMS CAN LA DMIGS PA'I SGO NAS BZHAG PA'I PHYIR, CHOS LA DMIGS PA'I SNYING RJE DE LA MI RTAG PA DANG, RANG RKYA THUB PA'I RDZAS YOD KYIS STONG BA'I RNAM PA SHAR BAR GSUNGS PA DE YANG MTSON PA TZAM YIN GYI DER NGES PA MA YIN TE, RTAG GCIG RANG DBANG CAN GYIS STONG BA'I RNAM PA SHAR BA'I CHOS LA DMIGS PA'I SNYING RJE YANG YOD PA'I PHYIR, SNYING RJE DANG PO LA CHOS LA DMIGS PA'I SNYING RJE ZHES 'CHAD PA'I RGYU MTSAN YOD DE, DE RGYUD LA LDAN PA'I GANG ZAG DES SNGAR SEMS CAN SKAD CIG GIS SKYE 'JIG BYED PAR RTOGS, DE LA BRTEN NAS SEMS CAN RTAG GCIG RANG DBANG CAN YIN PAR BLO NGOR KHEGS, DE LA BRTEN NAS SEMS CAN RANG GI PHUNG PO LAS DON GZHAN PA DE KHEGS NUS, DE LA BRTEN NAS SEMS CAN DE PHUNG PO'I CHOS TZAM LA BRTEN NAS BTAGS PA YIN PAR NGES NUS PAS, PHUNG PO'I CHOS TZAM LA BRTEN NAS BTAGS PA'I SEMS CAN THAMS CAD LA DMIGS PA'I RGYU MTSAN GYIS THA SNYAD BDE BA'I PHYIR DU NYE BSDU'I TSIG GIS BSTAN PA'I PHYIR, SNYING RJE GNYIS PA LA, DMIGS MED KYI SNYING RJE ZHES 'CHAD PA'I RGYU MTSAN YOD DE, RANG GI DMIGS YUL DU GYUR PA'I SEMS CAN BDEN PAR 'DZIN PA'I BDEN 'DZIN DES JI LTAR BZUNG BA LTAR DU MED PA'I KHYAD PAR DU BYAS NAS SEMS CAN LA DMIGS PA'I RGYU MTSAN GYIS THA SNYAD BDE BA'I PHYIR DU NYE BSDU'I TSIG GIS BSTAN PA'I PHYIR, SNYING RJE GSUM PA LA, SEMS CAN TZAM LA DMIGS PA'I SNYING RJE ZHES 'CHAD PA'I RGYU MTSAN YOD DE, MI RTAG SOGS GANG GIS KYANG KHYAD PAR DU MA BYAS PAR SEMS CAN LA DMIGS PA'I RGYU MTSAN GYIS DE LTAR BSHAD PA'I PHYIR, KHA CIG DMIGS MED KYI SNYING RJE DES RANG GI DMIGS YUL DU GYUR PA'I SEMS CAN RANG BZHIN GYIS MED PAR RTOGS PA YIN ZER NA, DE LA 'DZIN STANGS MI 'DRA BA GNYIS YOD PAR THAL, DES RANG GI DMIGS YUL DU GYUR PA'I SEMS CAN RANG BZHIN MED PAR RTOGS PA GANG ZHIG ,RANG GI DMIGS YUL DU GYUR PA'I SEMS CAN SDUG BSNGAL DANG BRAL 'DOD KYI RNAM PA CAN GYI BLO YIN PA'I PHYIR, 'DOD NA MI 'THAD DE, BLO MU GCIG PA YIN PA'I PHYIR, DMIGS MED KYI SNYING RJE DANG CHOS LA DMIGS PA'I SNYING RJE GNYIS PO DES @15A *, ,RANG GI DMIGS YUL DU GYUR BA'I SEMS CAN RANG BZHIN MED PA DANG, MI RTAG PA SOGS SU MA RTOGS KYANG, DE GNYIS KYI RNAM PA SHAR BA ZHIG DGOS TE, RNAM BSHAD DGONGS PA RAB GSAL LAS, DES NA KHYAD PAR GNYIS KYIS KHYAD PAR DU BYAS PA'I SEMS CAN SNYING RJE'I DMIGS PAR 'JOG PA NA, SNYING RJE GNYIS RGYUD LDAN GYI GANG ZAG GIS SEMS CAN SKAD CIG MA DANG, RANG BZHIN MED PA SNGON DU NGES ZIN PA LA BRTEN NAS KHYAD CHOS GNYIS KYI RNAM PA SHAR BA ZHIG DGOS KYI, SNYING RJE DE GNYIS SU DMIGS PA MI DGOS SO, ,ZHES GSUNGS PA'I PHYIR, BYANG SEMS MTHONG LAM PA'I RGYUD KYI DMIGS MED KYI SNYING RJE DE LA, RANG GI DMIGS YUL DU GYUR PA'I SEMS CAN BDEN MED DU YANG SNANG, BDEN GRUB TU YANG SNANG BA YIN TE, BDEN MED DU SNANG BA RNAM BSHAD KYI LUNG GIS 'GRUB PA'I PHYIR, BDEN GRUB TU SNANG BA YIN TE, DE BDEN SNANG CAN GYI SHES PA YIN PA'I PHYIR, DER THAL, SLOB PA'I RGYUD KYI GNYIS SNANG CAN GYI SHES PA YIN PA'I PHYIR, DER THAL, SLOB PA'I RGYUD KYI SNYING RJE YIN PA'I PHYIR, KHA CIG NA RE, DES NA KHYAD PAR GNYIS KYI [*KYIS] ZHES SOGS KYI LUNG DES, DMIGS MED DANG CHOS LA DMIGS PA'I SNYING RJE GNYIS LA, RANG GI DMIGS YUL DU GYUR PA'I SEMS CAN MI RTAG PA DANG RANG BZHIN MED PA'I RNAM PA SHAR BA DGOS PA'I DON MA YIN GYI, DE GNYIS RGYUD LA LDAN PA'I GANG ZAG LA SEMS CAN MI RTAG PA DANG RANG BZHIN MED PA'I RNAM PA SHAR BA DGOS PA'I DON YIN ZER BA DANG, BYANG SEMS 'PHAGS PA LA STONG NYID MNGON SUM DU RTOGS PAS KHYAB PA DANG, DE'I RGYUD LA SNYING RJE GSUM GA YOD PAR 'DOD PA DANG, DE'I RGYUD KYI SNYING RJE PHYI MA GNYIS 'GAL BAR 'DOD PA NI, THAMS CAD 'GAL BA YIN TE, DE LTAR NA BYANG SEMS 'PHAGS PA'I RGYUD KYI SNYING RJE YIN NA, DMIGS MED KYI SNYING RJE CHEN PO YIN DGOS PA'I PHYIR, DER THAL, DE YIN NA, RANG RGYUD LA LDAN PA'I BYANG SEMS LA RANG GI DMIGS YUL DU GYUR PA'I SEMS CAN RANG BZHIN MED PA'I RNAM PA SHAR BA'I SNYING RJE CHEN PO YIN DGOS PA'I PHYIR, RTAGS GRUB STE, SANGS RGYAS 'PHAGS PA'I THUGS RGYUD LA SEMS CAN LA DMIGS PA'I SNYING RJE YOD KYANG, SEMS CAN TZAM LA DMIGS PA'I SNYING RJE MED CING, DE'I RGYUD KYI CHOS DANG DMIGS MED KYI SNYING RJE GNYIS @15B MI 'GAL BAR MA ZAD, BYANG SEMS KYI RGYUD KYI DE GNYIS KYANG MI 'GAL TE, DAG SA LA GNAS PA'I BYANG SEMS KYI RGYUD KYI SNYING RJE YIN NA, DMIGS MED KYI SNYING RJE CHEN PO YIN DGOS PA'I PHYIR, DER THAL, DE YIN NA, RANG GI DMIGS YUL DU GYUR PA'I SEMS CAN BDEN MED KYI RNAM PA SHAR BA'I SNYING RJE YIN DGOS PA'I PHYIR TE, DE YIN NA, RANG GI DMIGS YUL DU GYUR PA'I SEMS CAN BDEN PAR SNANG YANG BDEN PAR MA GRUB PA SGYU MA LTA BUR SNANG BAS KHYAB PA'I PHYIR, KHA CIG ,SEMS CAN TZAM LA DMIGS PA'I SNYING RJE DES, RANG GI DMIGS YUL DU GYUR PA'I SEMS CAN RTAG GCIG RANG DBANG CAN DU DMIGS PA YIN NO, ,ZER NA, DE MI 'THAD PAR THAL, MI RTAG SOGS DANG BDAG MED PA'I DON GANG LA YANG BLO KHA MA PHYOGS PA'I GANG ZAG GI RGYUD LA YANG SEMS CAN TZAM LA DMIGS PA'I SNYING RJE CHEN PO SKYE BA YOD PA'I PHYIR DANG, BDAG MED THUN MONG BA DANG DE KHO NA NYID RTOGS MYONG BA'I GANG ZAG GI RGYUD LA YANG SEMS CAN TZAM LA DMIGS PA'I SNYING RJE CHEN PO SKYE BA YOD PA'I PHYIR, DER THAL, DPER NA, BUM PA RTAG PAR 'DZIN PA'I RTAG 'DZIN GYI ZHEN YUL SUN MA PHYUNG BA'I GANG ZAG GIS, BUM PA DMIGS PAR 'JOG RES KYI RTAG PAS KHYAD PAR DU BYAS NAS 'JOG PAS KYANG MA KHYAB, BUM PA MI RTAG PAR RTOGS MYONG BA'I GANG ZAG GIS, BUM PA DMIGS PAR 'JOG RES KYI MI RTAG PAS KHYAD PAR DU BYAS NAS 'JOG PAS KYANG MA KHYAB PA LTA BU YIN PA'I PHYIR, KHA CIG ,RANG GI DMIGS YUL DU GYUR PA'I RANG BZHIN MED PAS KHYAD PAR DU BYAS PA'I SEMS CAN LA DMIGS PA'I SNYING RJE YIN NA, DMIGS MED KYI SNYING RJE YIN PAS KHYAB PA DANG, RANG GI DMIGS YUL DU GYUR PA'I MI RTAG PA SOGS KYIS KHYAD PAR DU BYAS PA'I SEMS CAN LA DMIGS PA'I SNYING RJE YIN NA, CHOS LA DMIGS PA'I SNYING RJE YIN PAS KHYAB ZER NA, DE MI 'THAD PAR THAL, SNYING RJE CHEN PO YIN NA, RANG BZHIN MED PA DANG MI RTAG PA SOGS KYIS KHYAD PAR DU BYAS PA'I RANG GI DMIGS YUL DU GYUR PA'I SEMS CAN LA DMIGS PA'I SNYING RJE CHEN PO YIN DGOS PA'I PHYIR, DER THAL, SNYING RJE CHEN PO'I DMIGS YUL DU GYUR PA'I SEMS CAN YIN NA, MI RTAG PA DANG RANG BZHIN MED PAS KHYAD PAR DU BYAS PA'I SEMS CAN YIN DGOS PA'I PHYIR, SNYING RJE GSUM PO DE DMIGS PA'I SGO NAS 'JOG PA'I DON YANG YOD DE, DMIGS PAR 'JOG TSUL GYI @16A *, ,SGO NAS 'JOG PA'I PHYIR, DE DMIGS PAR 'JOG TSUL GYI SGO NAS 'JOG PA'I TSUL YANG YOD DE, RANG GI DMIGS YUL DU GYUR PA'I SEMS CAN MI RTAG PA SOGS KYI RNAM PAR SHAR NAS RANG GI DMIGS YUL DU GYUR PA'I SEMS CAN SDUG BSNGAL DANG BRAL 'DOD SOGS KYI SGO NAS 'JOG PA'I PHYIR, DMIGS MED KYI SNYING RJE DANG CHOS LA DMIGS PA'I SNYING RJE GNYIS KYIS, RANG BZHIN MED PA DANG, MI RTAG PA SOGS KYIS KHYAD PAR DU BYAS NAS SEMS CAN LA DMIGS PA'I TSUL YOD DE, DPER NA, CHU DVANGS SHING DRI MA MED PA'I NANG DU ZLA BA'I GZUGS BRNYAN SHAR BA, RLUNG GIS RLABS PA NA, RTEN CHU DANG BRTEN PA ZLA BA'I GZUGS BRNYAN GNYIS SKAD CIG GIS 'JIG PAR MTHONG BA DE BZHIN DU, MI RTAG PA'I SEMS CAN 'DI SDUG BSNGAL DANG BRAL NA SNYAM PA DANG, RANG BZHIN GYIS GRUB PAR SNANG YANG, RANG BZHIN GYIS MA GRUB PA'I SEMS CAN 'DI SDUG BSNGAL DANG BRAL NA SNYAM DU DMIGS PA'I PHYIR, MCHOD BRJOD KYI YUL DU GYUR PA'I SNYING RJE GSUM GA YOD PA DANG, THEG CHEN GYI RIGS CAN RNAMS KYIS DANG POR BYANG CHUB TU SEMS BSKYED DE RJES STONG NYID RTOGS PA'I LTA BA 'TSOL BAR BYED PA DANG, SNYING RJE CHEN PO DE RGYU GZHAN GNYIS KYI RTZA BAR BSTAN PA MI 'GAL TE, DANG PO DE THEG CHEN GYI RIGS CAN DBANG RTUL GYI DBANG DU BYAS, THEG CHEN GYI RIGS CAN DBANG RNON RNAMS KYIS, THAR PA DON GNYER GYI BLO LA BCOS MIN GYI MYONG BA THON PA LA THAR PA TSAD MAS NGES DGOS TE, SNYING RJE CHEN POS KUN NAS BSLANGS TE BYANG CHUB TU SEMS BSKYED PA NA, SEMS CAN SDUG BSNGAL LAS SKYOB DGOS PA DANG NUS PA LA NGES SHES 'DREN PAR BYED, DE LA SEMS CAN GYI RGYUD KYI 'KHOR BA'I RTZA BAR GYUR PA'I BDAG 'DZIN SPONG NUS PA LA NGES PA 'DREN PAR BYED, DE LA YANG, BDAG 'DZIN GYI ZHEN YUL MED PAR TSAD MAS RTOGS DGOS PAS DE LA BRTEN NAS BYANG CHUB KYI SEMS BSKYED PA'I DBANG DU BYAS PA'I PHYIR, THEG CHEN GYI RIGS CAN DBANG RNON RNAMS KYIS THAR PA DON GNYER GYI BLO LA BCOS MIN GYI MYONG BA THON PA LA THAR PA TSAD MAS NGES DGOS PA YIN TE, DES THAR PA TSAD MAS MA NGES PAR THAR PA LA DON GNYER GYI BSAM PA DAM BCA' MI 'JOG PA'I PHYIR, RGYUD BLA DAR t'IK LAS KYANG, GDUL BYA GNYIS KYI DBANG PO RNON POS NI THAR PA DON GNYER GYI @16B BLO SKYE BA TZAM LA STONG NYID PHRA MO RTOGS PA SNGON DU SONG BAR SHES PAR BYA'O, ,ZHES GSUNGS PA'I PHYIR, THAR PA DON GNYER GYI BLO LA BCOS MIN GYI MYONG BA THON PA'I BLO YIN NA, RANG RGYUD LDAN GYI GANG ZAG DES THAR PA TSAD MAS NGES PAS MA KHYAB STE, RDZOGS BYANG DON GNYER GYI BLO LA BCOS MIN GYI MYONG BA THON PA'I BLO YIN NA, RANG RGYUD LDAN GYI GANG ZAG DES RDZOGS BYANG TSAD MAS NGES PAS MA KHYAB PA'I PHYIR, NYAN THOS SANGS RGYAS 'BRING RNAMS THUB DBANG SKYES, ZHES SOGS KYI GZHUNG 'DIS GTZO BOR BYANG SEMS LAS DANG PO BA'I RGYU'I GTZO BO, SEMS CAN SDUG BSNGAL LAS SKYOB PAR 'DOD PA'I SNYING RJE LA BSTOD PA YIN KYANG, BYANG CHUB SEMS DPA'I RGYUD KYI SNYING RJE LA YANG BSTOD PA YIN TE, 'GREL PAR SNYING RJE RGYUD LA LDAN PA'I GANG ZAG DE BYANG SEMS SU GSUNGS PA'I PHYIR, BSTAN BCOS 'JUG PA RTZOM PA'I THOG MAR, MCHOD BRJOD DNGOS SU MDZAD NAS, RTZOM PAR DAM BCA' DNGOS SU MA MDZAD KYANG, SKYON MED DE RTZA BA SHES RAB DANG, RIGS PA DRUG CU PA GNYIS LAS MCHOD BRJOD DNGOS SU MDZAD NAS RTZOM PAR DAM BCA' DNGOS SU MA MDZAD PA LTA BU YIN PA'I PHYIR, RTZOM PAR DAM BCA' DNGOS SU MDZAD NAS MCHOD BRJOD DNGOS SU MA MDZAD PA YANG YOD DE, DBU MA SHES PA'I SPRING YIG LTA BU YIN PA'I PHYIR, BSTAN BCOS 'JUG PA RTZOM PA'I DAM BCA' DNGOS SU MA MDZAD KYANG, RTZOM PA'I DAM BCA' MDZAD PA YIN TE, BSTAN BCOS 'DI RTZOM PA'I PHYIR DU SNYING RJE CHEN PO LA BSTOD PHYAG MDZAD PA'I PHYIR, DBU MA 'JUG PA'I DGOS SOGS CHOS BZHI'I KHYAD PAR YOD DE, KLU SGRUB LUGS KYI ZAB PA DANG RGYA CHE BA'I PHYOGS GNYIS BSTAN BCOS 'DI'I THUN MONG GI BRJOD BYA DANG, 'DI'I CHED DU BYA BA'I GDUL BYAS BSTAN BCOS 'DI LA BRTEN NAS DE GNYIS BDE BLAG TU RTOGS PA THUN MONG GI DGOS PA DANG, GRUB MTHA' 'OG MA RNAMS DANG THUN MONG MIN PA'I KHYAD CHOS BRGYAD DANG, RTZA SHE'I DGONGS PA MTHAR THUG SEMS CAN DU 'GREL DU MI RUNG BA DANG BCAS PA THUN MONG MIN PA'I BRJOD BYA DANG, 'DI'I CHED DU BYA BA'I GDUL BYAS, BSTAN BCOS 'DI LA BRTEN NAS DE BDE BLAG TU RTOGS PA THUN MONG MIN PA'I DGOS PA DANG, DE LTAR RTOGS PA LA BRTEN NAS 'BRAS BU RNAM MKHYEN THOB PA NYID DGOS DANG, DE 'DRA'I RNAM MKHYEN DGOS PAR GYUR PA'I 'DUS BYAS DANG, DGOS PAR GYUR PA'I 'DUS BYAS BRJOD BYAR GYUR PA'I 'DUS BYAS DANG, DE @17A *, ,BSTAN BCOS 'JUG PA LA 'BREL BA'I 'BREL BA DE DGOS SOGS CHOS BZHI'I NANG TSAN GYI 'BREL BA YIN PA'I PHYIR, GNYIS PA BRTZAMS PA'I BSTAN BCOS KYI LUS DNGOS BSHAD PA LA, RGYU'I SA BSHAD PA, 'BRAS BU'I SA BSHAD PA'O, ,DANG PO LA LUGS 'DI'I LAM BGROD TSUL SPYIR BSTAN PA, BYE BRAG TU SO SO SKYE BO'I SAR NYAMS SU LEN TSUL DANG, RGYAL SRAS 'PHAGS PA'I SAR NYAMS SU LEN TSUL DANG GSUM, DANG PO LA, BSTAN BCOS 'JUG PA 'DIS, MGON PO KLU SGRUB LUGS KYI ZAB PA DANG, RGYA CHE BA'I PHYOGS GTAN LA 'BEBS NA, DE STON PA'I MGON PO KLU SGRUB KYI GZHUNG DU ZHIG YOD CE NA, DE'I LUGS KYI ZAB PA DANG RGYA CHE BA GNYIS PHYOGS RE TZAM STON PA'I GZHUNG MANG DU YOD KYANG, DE GNYIS GTZO BOR GTAN LA 'BEBS PA'I GZHUNG GSUM YOD DE, RIN CHEN PHRENG BA, CHOS DBYINGS BSTOD PA, MDO SDE KUN LAS BTUS PA DANG GSUM YOD PA'I PHYIR, RIN CHEN PHRENG BAS JI LTAR BSTAN PA'I TSUL YOD DE, SNYING RJE CHEN PO SNGON DU BTANG NAS BYANG CHUB TU SEMS BSKYED PA'I TSUL DANG, RDZOGS PA'I BYANG CHUB 'THOB PA LA SO SO SKYE BO'I CHOS GSUM NYAMS SU LEN DGOS PA DANG, SPYOD PA'I NGO BO PHYIN DRUG DANG, DE'I GROGS SNYING RJE CHEN PO DANG, DE LA SLOB PA'I TSUL DANG, BSLABS PA'I PHAN YON DANG, SPYOD PA'I RTEN SEMS BSKYED PA SNGON DU BTANG STE, SPYOD PA PHA ROL TU PHYIN PA BCU'I SGO NAS, SA BCU BGROD TSUL RGYAS PAR BSTAN PA'I PHYIR, DE YIN TE, RIN CHEN PHRENG BA LAS, SNYING RJE SNGON BTANG SPYOD KUN DANG, ,ZHES PA DANG, BDAG NYID DANG NI 'JIG RTEN 'DIS, ,BLA MED BYANG CHUB 'THOB 'DOD NA, ,ZHES DANG, DE LA BYANG CHUB SEMS DPA' YIS, ,YON TAN MDOR BSTAN BYA BA NI, ,SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB SNYING RJE SOGS, ,SBYIN PA RANG DON YONGS BTANG BA, ,TSUL KHRIMS GZHAN PHAN BYA BA'O, ,BZOD PA KHRO BA SPANGS PA STE; ;DKAR PO'I CHOS SPEL BRTZON 'GRUS SO, ,BSAM GTAN RTZE GCIG NYON MONGS MED, ,SHES RAB BDEN DON GTAN LA 'BEBS, ,SNYING BRTZE SEMS CAN THAMS CAD LA, ,SNYING RJE RO GCIG BLO GROS SO, ,SBYIN PAS LONGS SPYOD KHRIMS KYIS BDE, ,BZOD PAS MDANGS LDAN BRTZON PAS BRJID, ,BSAM @17B GTAN GYIS ZHI BLO YIS GROL, ,SNYING BRTZE BAS NI DON KUN SGRUB, ,BDUN PO 'DI DAG MA LUS PAR, ,CIG CAR PHA ROL PHYIN PA YIS, ,YE SHES BSAM GYIS MI KHYAB YUL, ,'JIG RTEN MGON PO NYID 'THOB 'GYUR, ,ZHES GSUNGS PA'I PHYIR, CHOS DBYINGS BSTOD PAS JI LTAR BSTAN PA'I TSUL YOD DE, SKYABS 'GRO SNGON DU BTANG NAS BYANG CHUB TU SEMS BSKYED DE, PHYIN DRUG GI KHAMS RGYAS PAR BYAS NAS SA BCU'I NYAMS LEN RAGS PA ZHIG BSTAN PA'I PHYIR, MDO SDE KUN LAS BTUS PA DANG, CHOS DBYINGS BSTOD PAS ZAB BA DANG RGYA CHE BA'I PHYOGS MDOR BSDUS TZAM ZHIG BSTAN PA DE RGYAS PAR BSTAN PA YIN TE, DAL 'BYOR DANG BSTAN PA LA DAD PA RNYED DKA' BA DANG, DE DAG LAS KYANG BYANG CHUB TU SEMS BSKYED PA DANG, SEMS CAN LA SNYING RJE CHE BA RNYED DKA' BA DANG, DE LAS KYANG BYANG SEMS LA SMA PHYUNG BA DANG, SMAS PA DANG CHOS SPONG GI LAS BDUD LAS SPONG BA RNYED DKA' BAS, RNYED DKA' BA'I LAM GYI RIM PA LA SLOB TSUL GTZO BOR GTAN LA PHAB PA'I PHYIR, MGON PO KLU SGRUB LUGS KYI ZAB PA DANG RGYA CHE BA'I PHYOGS GTAN LA PHAB PA LA DGOS PA YOD DE, MGON PO KLU SGRUB 'DI, DE GNYIS GTAN LA 'BEBS PA LA MA 'KHRUL BA'I TSAD MA'I SKYES BU YIN PAS RANG GIS YANG DAG PA'I LAM NYAMS SU LEN TSUL LA NGES PA BRTAN PO RNYED NAS, LAM GZHAN LTAR SNANG LA DKRI MI NUS PA'I DGOS PA YOD PA'I PHYIR, MGON PO'I LUGS 'DZIN CHEN PO RGYAL SRAS ZHI BA LHAS, SPYIR BSLAB SPYOD GNYIS KA LAS RGYAS PAR BSTAN ZHING, KHYAD PAR DU YANG BSLAB BTUS LAS, DAL 'BYOR RNYED DKA' DON CHE BSAM PA'I SGO NAS, TSE 'DIR SNYING PO LEN PA'I PHAN YON SEMS PA'I TSUL DANG, SPYIR BDE LEGS THAMS CAD KYI RTZA BA YID CHES KYI DAD PA DANG, KHYAD PAR DU YANG THEG CHEN THUN MONG MIN PA'I YID CHES KYI DAD PA LA BRTEN NAS, SMON PA BYANG CHUB TU SEMS BSKYED, DE NAS 'JUG SDOM BLANGS, 'JUG PA BYANG CHUB MCHOG TU SEMS BSKYED NAS, LUS LONGS SPYOD DGE PA'I RTZA BA RNAMS LA GTONG BSRUNG DAG SPEL BZHI BZHI BYED TSUL BSTAN PA'I SGO NAS RGYAS PAR BSTAN PA'I PHYIR, DE BZHIN DU BZHI BRGYA PA, DBU MA SNYING PO, DBU MA RGYAN, DBU MA'I SGOM RIMS GSUM DANG BCAS PA RNAMS KYIS BSTAN ZHING, DE THAMS CAD LA NGES PA BDE BLAG TU STER BA'I THABS LAS DANG PO BAS 'JUG PA BDE BA NI, SHING RTA CHEN PO'I LUGS LA MKHAS PA'I, JO BOS MDZAD BA'I BYANG @18A *, ,CHUB LAM GYI SGRON MAS NGES PA BDE BLAG TU STER BA YIN TE, 'DIS RGYAL BA'I GSUNG RAB KYI DON THAMS CAD, SKYES BU GSUM GYI LAM GYI RIM PAR BSGRIL NAS, GO SLA BA'I TSUL GYIS GSAL BAR BSTAN PA'I PHYIR, GNYIS PA, BYE BRAG TU SO SO SKYE BO'I SAR NYAMS SU LEN TSUL BSHAD PA LA, KHA CIG ,DBU MA 'JUG PA 'DIR SO SO SKYE BO'I CHOS GSUM, RGYAL SRAS 'PHAGS PA'I SA BCU BSTAN BYA'I GTZO BOR BYAS NAS STON NA, MCHOD BRJOD KYI GZHUNG RDZOGS PA'I RJES SU, SO SO SKYE BO'I LAM NYAMS SU LEN TSUL DNGOS SU BSTAN PA'I MGON PO'I GZHUNG GCIG 'BYUNG RIGS PA LAS MI 'BYUNG BAS MI 'THAD DO ZHE NA, SKYON MED DE, MCHOD BRJOD KYI SKABS SU CHOS GSUM BSTAN PA LA DGONGS NAS, SKABS 'DIR DNGOS SU MA BSTAN PA'I PHYIR, MCHOD BRJOD KYI SKABS SU DE GSUM BSTAN PAS DE 'GRUB PA YIN TE, THEG CHEN PAR BYED PA LA GSUM PO DE NYAMS SU LEN DGOS ZHES SHES PAR BYA BA'I PHYIR DU BSTAN PAS CHOS GSUM PO DE BYANG SEMS LAS DANG PO BAR 'GYUR BA LA NYAMS SU LEN DGOS PAR MA ZAD, SEMS BSKYED NAS KYANG NYAMS SU LEN DGOS TE, GNYIS SU MED PA'I LTA BAS MTSON NAS RGYAL SRAS KYI SPYOD PA RLABS PO CHE LA SLOB DGOS PA'I PHYIR, DER THAL, MDO SDE KUN LAS BTUS PA LAS, BYANG CHUB SEMS DPA' THABS LA MKHAS PA DANG BRAL BA CHOS NYID ZAB MO LA SBYAR BAR MI BYA STE, 'DI LTAR THABS DANG SHES RAB ZUNG DU 'BREL BA NI, BYANG CHUB SEMS DPA' RNAMS KYI SBYOR BA YANG DAG PA'O ZHES GSUNGS PA'I PHYIR, KHA CIG ,DE KHO NA NYID LA DPYOD PA'I RIGS PAS, DGAG BYA GANG BKAG MA SHES PAR YOD PA THAMS CAD BKAG PAR GO NAS, RTOG PA GANG YIN THAMS CAD BDEN 'DZIN DANG, KUN RDZOB THAMS CAD SNANG NGO TZAM DANG, SANGS RGYAS KYI SA NA YE SHES MED CING, DE BZHIN NYID 'BA' ZHIG YOD PA DANG, GZUGS SKU GNYIS SANGS RGYAS KYIS SAS BSDUS PA MA YIN PAR 'DOD PA MI RIGS TE, DE LTAR 'DOD PA NI, NYAN RANG THUB DBANG, THUB DBANG BYANG SEMS, BYANG SEMS CHOS GSUM LAS 'KHRUNGS PA DE, DBU MA 'JUG PA RANG GI BRJOD BYA DANG, CHOS GSUM PO DE BYANG SEMS DBU MA PA'I NYAMS LEN YIN PA DANG, BDEN PAR MED PA'I SEMS CAN 'KHOR BAR @18B 'KHOR TSUL ZO CHUN GYI RGYUD MO DANG MTSUNGS PAR GSUNGS PA THAMS CAD DANG 'GAL BA'I PHYIR, ` GSUM PA RGYAL SRAS 'PHAGS PA'I SAR NYAMS SU LEN TSUL BSHAD PA LA, SA BCU'I RNAM GZHAG SPYIR BSTAN, SO SO'I NGO BO BSHAD BA, SA'I YON TAN BSHAD PA'O, ,DANG PO NI, DBU MA 'JUG PA 'DIR SA BCU DANG BCU GCIG PA KUN TU 'OD KYI RNAM GZHAG RNAMS STON NA, MDO BSTAN BCOS GANG GI RJES SU 'BRANGS NAS STON ZHE NA, DE'I TSUL YOD DE, DBU MA RIN CHEN PHRENG BAS, SA BCU DANG BCU GCIG PA KUN TU 'OD KYI SA'I RNAM GZHAG RAGS PA ZHIG BSTAN, DE YANG MDO SDE SA BCU PA'I RJES SU 'BRANGS NAS BSTAN PA YIN PAS, 'DIR DE GNYIS KYI RJES SU 'BRANGS NAS BSTAN LA 'BEBS PA'I PHYIR, DANG PO DE LTAR BSTAN PA YIN TE, DE NYID LAS, JI LTAR NYAN THOS THEG PA LA, ,NYAN THOS SA NI BRGYAD BSHAD PA, ,DE BZHIN THEG PA CHEN PO LA, ,BYANG CHUB SEMS DPA'I SA BCU'O, ,ZHES GSUNGS PA'I PHYIR, 'DIR SA BCU DANG SBYAR NAS GSUNGS PA'I SEMS BSKYED DE YANG DON DAM PA'I SEMS BSKYED LA BYED CING, DE YANG NGO BO ZAG MED YE SHES YIN PA DANG, ZIN BYED SNYING RJE CHEN POS ZIN PA'I SGO NAS NYAMS SU LEN TSUL DANG, DE LA RAB DGA' LA SOGS PA SA BCUR 'BYED PA'I TSUL DANG, SGRA DON DANG BCAS PA'I RNAM PA BZHI'I SGO NAS BSHAD PAR BYA BA YIN TE, RANG 'GREL LAS, BYANG CHUB SEMS DPA' RNAMS KYI ZAG PA MED PA'I YE SHES SNYING RJE LA SOGS PAS ZIN PA NYID CHAR RNAM PAR PHYE BA NAS ZHES BYA BA'I MING THOB STE YON TAN GYI GNAS SU GYUR PA'I PHYIR RO, ,ZHES GSUNGS PA'I PHYIR, KHA CIG ,'DIR BSTAN PA'I ZAG MED KYI DON NGO BO DANG MTSUNGS LDAN CI RIGS KYI SGO NAS ZAG PA RGYAS SU RUNG BA LA ZAG BCAS DANG, DE MED PA LA ZAG MED DU 'DOD PA MI RIGS TE, BDEN 'DZIN DANG DE'I BAG CHAGS LA ZAG PA DANG, DE MED PA LA 'DIR BSTAN ZAG MED KYI DON YIN PA'I PHYIR, DER THAL, BDEN 'DZIN ZAG PA'I GTZO BO YIN PA'I PHYIR, DER THAL, TSIG GSAL LAS, MA RIG PA'I RAB RIB DANG BRAL BA DAG GI YE SHES ZAG PA MED PA'I YUL GYI RANG BZHIN LA BLTOS NAS NI MA YIN NO ZHES GSUNGS PA'I PHYIR, SLOB LAM NA 'PHAGS PA'I MNYAM GZHAG YE SHES MA GTOGS ZAG MED KYI SHES PA MED DE, SANGS RGYAS MA THOB TSUN CHAD KYI MNYAM GZHAG YE SHES @19A *, ,MA YIN PA'I SHES PA YIN NA, MA RIG BAG CHAGS KYIS BSLAD PA'I ZAG BCAS KYI SHES PA YIN DGOS PA'I PHYIR, DER THAL, RNAM BSHAD DGONGS PA RAB GSAL LAS, DE YANG SANGS RGYAS KYI SA MA THOB TSUN CHAD DU MA RIG PA'I BAG CHAGS KYIS MA BSLAD PA'I SHES PA NI, 'PHAGS PA RNAMS KYI MNYAM GZHAG MI RTOGS PA'I YE SHES MA YIN PA MED LA, DE YANG RES 'JOG PA STE MNYAM GZHAG LAS LANGS PA NA BAG CHAGS KYIS BSLAD PA CAN DU SKYE'O, ,ZHES GSUNGS PA'I PHYIR RO, ,SA BDUN PA MAN CHAD DU MA RIG PA DANG DE'I BAG CHAGS GNYIS KAS BSLAD PA YOD KYANG, SA BRGYAD PA DANG NYAN RANG DGRA BCOM GNYIS KA'I GO 'PHANG THOB NAS, DE'I BAG CHAGS KYIS BSLAD PA YOD KYI MA RIG PAS BSLAD PA MED DE, SLONG BYED KYI MA RIG PA SPANGS PA'I PHYIR, DE NYID LAS, SA BDUN PA'I BAR DU NI MA RIG PAS BSLAD PA YOD LA, SA BRGYAD PA NAS DANG DGRA BCOM PA GNYIS LA NI, SLONG BYED KYI MA RIG PA ZAD PAS, DES BSLAD PA MED KYI MA RIG PA'I BAG CHAGS KYIS BSLAD PA NI YOD DO, ,ZHES GSUNGS PA'I PHYIR, 'GREL PA LAS KYANG, SA DANG PO LA GNYIS MED KYI YE SHES SU GSUNGS PA'I DON, GZUGS 'DZIN GNYIS MED RTOGS PA LA BYED PA MA YIN TE, YUL YUL CAN RGYANGS CHAD KYI GNYIS SNANG NUB PA'I SGO NAS DE KHO NA NYID MNGON SUM DU RTOGS PA'I DON YIN PA'I PHYIR, DER THAL, DMAN LAM SNGON DU MA SONG BA'I BYANG SEMS KYIS SA DANG PO MA THOB TSUN CHAD DU, YUL YUL CAN RGYANGS CHAD KYI GNYIS SNANG NUB PA'I SGO NAS DE KHO NA NYID MNGON SUM DU MA RTOGS PA'I PHYIR, KHA CIG ,MA RIG PA DANG DE'I BAG CHAGS GNYIS RIG PA YE SHES KYI KHYAB BYED DU BYAS NAS, DE GNYIS ZAD PA NA RIG PA YE SHES ZAD PA DANG SANGS RGYAS KYI SA NA RIG PA RGYUN CHAD PA DANG, MNYAM GZHAG YE SHES KYI TSE NA RIG PA RGYUN CHAD PAR 'DOD PA MI RIGS TE, TSIG GSAL LAS, MA RIG PA'I RAB RIB DANG BRAL BA DAG GI YE SHES ZHES GSUNGS PA'I PHYIR; DE LTAR 'DOD PA NI MU STEGS BYED KYI DRI MA SEMS KYI RANG BZHIN DU 'DOD PA DANG MTSUNGS PA'I PHYIR DANG, YUL CAN GYI BYED PA CI 'DRA BA ZHIG GIS DE KHO NA NYID MNGON SUM DU MTHONG BA'I TSUL DRIS PA'I LAN DU, THA SNYAD DU SEMS KYIS DE KHO NA NYID MNGON SUM DU MTHONG BAR GSUNGS PA'I PHYIR, DPER NA, DRI @19B MA CAN GYI RDO RGYUS KYI GOS MER BCUG PA NA, MES DRI MA BSREGS KYANG GOS MI BSREGS PA LTAR, MNYAM GZHAG YE SHES KYI TSE NA DRI MA BSREGS KYANG YE SHES RANG NYID MI BSREGS PA LTA BU YIN PA'I PHYIR, DE YIN TE, RIN CHEN PHRENG BA LAS, DE PHYIR DE LTAR MTHONG BA GROL, ,GANG GIS MTHONG BAR 'GYUR ZHE NA, ,THA SNYAD DU NI SEMS LA BRJOD, ,CES PA DANG, CHOS DBYINGS BSTOD PA LAS KYANG, JI LTAR ME YIS DAG PA'I GOS, ,SNA TSOGS DRI MAS DRI MA CAN, ,JI LTAR ME YI NANG BCUG NA, ,DRI MA 'TSIG 'GYUR GOS MIN LTAR, ,DE BZHIN 'OD GSAL BA YI SEMS, ,'DOD CHAGS LAS SKYES DRI MA CAN, ,YE SHES ME YIS DRI MA SREG ,DE NYID 'OD GSAL MA YIN NO, ,ZHES GSUNGS PA'I PHYIR, GNAS LUGS MNGON SUM DU RTOGS PA'I THEG PA GSUM GYI MNYAM GZHAG YE SHES GSUM PO DE ZAG MED YE SHES YIN PAR MTSUNGS KYANG, DON DAM PA'I SEMS BSKYED DU 'JOG MI 'JOG GI KHYAD PAR YOD DE, SNYING RJE CHEN PO'I GZHAN DBANG DU GYUR MA GYUR DANG, YON TAN BRGYA PHRAG LA SOGS PA'I NUS PA THOB MA THOB DANG, STONG NYID RIGS PA'I RNAM GRANGS MTHA' YAS PA'I SGO NAS RTOGS MA RTOGS DANG, ZAB DON LA BLO RGYAS MA RGYAS LA SOGS PA'I KHYAD PAR YOD PA'I PHYIR, SA BCU'I MNYAM GZHAG YE SHES BCU PO DE ZAG MED YE SHES YIN PAR MTSUNGS KYANG, RAB DGA' LA SOGS PA'I SA BCUR 'BYED PA'I RGYU MTSAN YOD DE, YON TAN GYI GRANGS DANG, MI MTHUN PHYOGS 'JOMS PA LA MTHU PHUL DU BYUNG BA THOB MA THOB DANG, SBYIN PA LA SOGS PA'I PHAR PHYIN LHAG TSUL DANG, RNAM SMIN GYIS SKYE BA 'DZIN TSUL LA SOGS PA'I SGO NAS BCUR PHYE BA'I PHYIR, RANG 'GREL LAS, DE YANG GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG, SBYIN PA LA SOGS PA'I PHA ROL TU PHYIN PA LHAG PA DANG, RNAM PAR SMIN PA 'PHEL BA'I BYE BRAG GIS SA RAB TU DGA' BA LA SOGS PA'I RNAM PAR DBYE BAS DBYE BA RNAM PA BCUR BZHAG GI, 'DIR RANG GI NGO BO'I KHYAD PAR GYIS BYAS PA'I DBYE BA NI YOD PA MA YIN TE; ZHES GSUNGS PA'I PHYIR, BCUR DBYE BA'I RGYU MTSAN DE LTAR YIN GYI, BCU PO DE LA NGO BO LA RIGS MI 'DRA BA'I KHYAD PAR MED DE, DPER NA, BYA NAM MKHA' LA BGROD PA'I RJES 'JIG RTEN PA'I BRDA' BYANG RNAMS KYI RANG NYID KYIS RTOGS PA JI LTA BA BZHIN BRJOD MI NUS PA DANG, GZHAN LA STON MI NUS PA DE BZHIN DU, NAM @20A *, ,MKHA' LTA BU'I DON DAM BDEN PA LA, BYA LTA BU'I DON DAM SEMS BSKYED KYIS BGROD TSUL BYANG SEMS RANG NYID KYIS JI LTAR RTOGS PA BZHIN DU, NYAN PA PO LA STON MI NUS NA NYAN PA POS DES JI LTAR BRJOD PA LTAR DU RTOGS MI NUS PA LTA SMOS KYANG CI DGOS PA'I PHYIR TE, SA BCU PA'I MDO LAS, JI LTAR BAR SNANG BYA RJES MKHAS RNAMS KYIS, ,BRJOD PAR NUS MA YIN ZHING MI MTHONG BA, ,DE LTAR RGYAL BA'I SRAS KYI SA KUN YANG, ,BRJOD MI NUS NA NYAN PAR GA LA NUS, ,ZHES GSUNGS PA'I PHYIR, ,GNYIS PA SO SO'I NGO BO BSHAD PA LA, SA DANG PO RAB TU DGA' BA SOGS LNGA BSHAD PA DANG, SA DRUG PA MNGON DU GYUR PA BSHAD PA DANG, SA BDUN PA RING DU SONG BA SOGS BZHI BSHAD PA'O, ,DANG PO LA LNGA, SA RAB TU DGA' BA BSHAD PA, GNYIS PA DRI MA MED PA BSHAD PA, GSUM PA 'OD BYED PA BSHAD PA, BZHI PA 'OD 'PHRO BA BSHAD PA, LNGA BA SBYANGS DKA' BA BSHAD PA'O, ,DANG PO LA GZHUNG SPYI'I BSDU BA BSHAD PA, GZHUNG DON DNGOS BSHAD PA DANG GNYIS, DANG PO LA KHYAD GZHI SA'I NGO BO MDOR BSTAN PA, KHYAD CHOS SA'I YON TAN RGYAS PAR BSHAD PA, SA'I YON TAN BSTAN PA'I SGO NAS MJUG BSDU BA'O, ,DANG PO LA THEG CHEN GYI RIGS CAN DBANG RNON RNAMS KYIS TSOGS SBYOR GYI GNAS SKABS SU CHOS GSUM NYAMS SU BLANGS PA LA BRTEN NAS 'BRAS BU'I KHYAD PAR JI LTA BU ZHIG THOB PA YIN ZHE NA, SNYING RJE CHEN PO'I GZHAN DBANG DU GYUR CING, BCOM LDAN 'DAS KUN TU BZANG PO'I SMON LAM GYIS DGE RTZA RDZOGS BYANG DU BSNGOS PAS MTSON PA'I SA DANG PO'I CHA SHAS SU GYUR PA'I DON DAM PA'I SEMS BSKYED THOB PA YIN NO, ,ZHES KHYAD GZHI SA'I NGO BO MDOR BSTAN NAS 'CHAD PA LA, RGYAL BA'I SRAS PO 'DI YIS SEMS GANG 'GRO BA RNAMS, ,ZHES PA NAS, RAB TU GNAS PA DE NI DANG PO ZHES BYA'O, ,ZHES PA'I BAR GSUNGS, KHYAD CHOS SA'I YON TAN RGYAS PAR BSHAD PA LA, RANG RGYUD MDZES PAR BYED PA'I YON TAN BSHAD PA, GZHAN RGYUD ZIL GYIS GNON PA'I YON TAN BSHAD PA, SA 'DIR LHAG PA'I YON TAN GZHAN BSHAD PA'O, ,DANG PO LA DON DAM SEMS BSKYED DANG POR THOB PA NA, DON DAM PA'I BYANG SEMS ZHES PA'I DON LDAN GYI MTSAN KHYAD PAR CAN THOB PA SOGS YON TAN LNGA BSHAD PA, SA GONG MA GNON PA SOGS YON TAN @20B GSUM DANG, MDOR NA 'PHAGS PA BRGYAD PA RGYUN ZHUGS ZHUGS PA DANG SPANGS RTOGS RIGS MTHUN PA'I YON TAN THOB PA YIN NO, ,ZHES 'CHAD PA LA, DE NAS BZUNG STE DE NI THOB PAR GYUR PA YI, ,ZHES PA NAS, 'DI NI 'PHAGS PA BRGYAD PA JI LTA DE LTAR NYE BAR BSTAN, ,ZHES PA'I BAR GSUNGS, GZHAN RGYUD ZIL GYIS GNON PA'I YON TAN BSHAD PA LA, RIGS KYI SGO NAS ZIL GYIS GNON PA'I TSUL BSHAD PA, BLO'I SGO NAS ZIL GYIS GNON PA'I TSUL BSHAD PA DANG GNYIS, DANG PO 'CHAD PA LA, RDZOGS PA'I BYANG CHUB SEMS LTA DANG PO LA GNAS KYANG, ,ZHES PA NAS, BSOD NAMS DAG GI DBANG GIS PHAM BYAS RNAM PAR 'PHEL, ,ZHES PA'I BAR GSUNGS, GNYIS PA 'CHAD PA LA, DE NI RING DU SONG BAR BLO YANG LHAG PAR 'GYUR, ,ZHES PA'I GZHUNG GSUNGS, SA 'DIR LHAG PA'I YON TAN GZHAN BSHAD PA LA, SA 'DIR SBYIN PA'I PHAR PHYIN LHAG PAR THOB PA'I TSUL BSHAD PA, DE LAS RTEN DMAN PA'I SBYIN PA BSHAD PA, SBYIN PA'I PHAR PHYIN GYI DBYE BA RGYAS PAR BSHAD PA'O, ,DANG PO BYANG SEMS SA DANG PO BA DES LUS LONGS SPYOD DGE BA'I RTZA BA RNAMS GZHAN LA GTANG BA'I TSE SER SNA'I KUN 'DZIN CUNG ZAD TZAM YANG MED PAR GTONG BAS RDZOGS PA'I BYANG CHUB KYI RGYU SBYIN PA'I PHAR PHYIN GYI NYAMS LEN LHAG PAR 'THOB TSUL DANG, DE GZHAN GYI NGO BOR DPOG PA'I RTAGS DANG BCAS PA RNAMS RIM PA BZHIN DU 'CHAD PA LA, DE TSE DE LA RDZOGS SANGS BYANG CHUB RGYU, ,ZHES PA NAS, SNANG DU MI RUNG DPOG PA'I RGYUR YANG 'GYUR, ,ZHES PA'I BAR GSUNGS, GNYIS PA BSHAD PA LA SO SO SKYE BO RNAMS NI MNGON MTHO'I BDE BA 'DOD CING, MI LA SOGS PA'I MNGON MTHO'I BDE BA YANG LONGS SPYOD LAS 'BYUNG ZHING LONGS SPYOD KYANG SBYIN PAS 'DREN PAR GZIGS NAS, THUB PAS PHAR PHYIN DRUG GI NANG NAS DANG POR SBYIN PA'I GTAM MDZAD PA YIN, ZHES 'CHAD PA LA, SKYE BO 'DI KUN BDE BA MNGON 'DOD CING, ,ZHES PA NAS, THUB PAS DANG POR SBYIN PA'I GTAM MDZAD DO, ,ZHES PA'I BAR GSUNGS, SBYIN PAS LONGS SPYOD 'DREN PA LA GTONG BA PO TSUL DANG MTHUN PA ZHIG DGOS SAM ZHE NA, MI DGOS TE, SNYING RJE DMAN ZHING SHIN TU RTZUB SEMS CAN RANG DON LHUR LEN PA'I GANG ZAG GIS, SBYIN PA BTANG BA LA YANG LONGS SPYOD 'BYUNG ZHES 'CHAD PA LA, SNYING RJE DMAN ZHING SHIN TU RTZUB SEMS CAN, ,ZHES PA NAS, SDUG BSNGAL NYER @21A *, ,ZHI'I RGYUR GYUR SBYIN LAS 'BYUNG, ZHES PA'I BAR GSUNGS, SBYIN PAS MNGON MTHO'I BDE BA 'DREN PAR MA ZAD, SLONG BA PO 'PHAGS PA'I SKYE BO DANG PHRAD NAS, DES RTEN 'BREL ZAB MO'I CHOS BSTAN PA NYAMS SU BLANGS PA LA BRTEN NAS NGES LEGS KYI BDE BA YANG THOB CES 'CHAD PA LA, 'DIR YANG SBYIN PA'I SKABS KYI NAM ZHIG TSE, ,ZHES PA NAS, DE YIS RGYU CAN ZHI BAR 'GRO BAR 'GYUR, ,ZHES PA'I BAR GSUNGS, BYANG CHUB SEMS DPAS SBYIN 'BRAS LA LONGS SPYOD PA LONGS SPYOD LA BLTOS MI DGOS TE, SLONG BA PO'I YID TSIM PA TZAM GYIS SBYIN 'BRAS LA LONGS SPYOD PA YIN NO ZHES 'CHAD PA LA; 'GRO LA PHAN PAR DAM BCAS YID CAN RNAMS, ,SBYIN PAS RING POR MI THOGS DGA' BA 'THOB, ,CES PA'I GZHUNG GSUNGS, BRTZE BA'I BDAG NYID BYANG CHUB SEMS DPA' DANG, ,DE MA YIN PA'I GANG ZAG RNAMS KYI BDE BA YANG SBYIN PA LAS 'BYUNG BAS, STON PAS GSUNGS RAB 'GA' ZHIG LAS SBYIN PA'I GTAM GTZO BOR MDZAD PA YIN ZHES 'CHAD PA LA, GANG PHYIR BRTZE BDAG BRTZE BDAG MA YIN PA'I, ,DE PHYIR SBYIN PA'I GTAM NYID GTZO BO YIN, ,ZHES PA'I GZHUNG GSUNGS, BYANG CHUB SEMS DPAS SBYIN PA BTANG BAS YID LA DGA' BA 'BYUNG TSUL YOD DE, SLONG BA POS BYIN CIG CES PA'I SGRA THOS PA TZAM GYIS DGE SLONG BSAM GTAN DANG PO LA MNYAM PAR GZHAG PA'I BDE BA LAS LHAG PA'I YID LA DGA' BA 'BYUNG NA, SLONG BA PO YID TSIM PA'I TSE DE BAS KYANG CHES LHAG PA'I BDE BA 'BYUNG NGO ZHES 'CHAD PA LA, JI LTAR BYIN CIG CES SGRA THOS BSAMS LAS, ,ZHES PA NAS, THAMS CAD BTANG BAS LTA ZHIG SMOS CI DGOS, ,ZHES PA'I BAR GSUNGS, BYANG CHUB SEMS DPAS RANG GI LUS BCAD DE SBYIN PA GTONG BA'I TSE, LUS KYI SHA BCAD PA'I SDUG BSNGAL LAS LHAG PA'I DMYAL BA'I SDUG BSNGAL MYONG DGOS PAR MTHONG NAS SDUG BSNGAL DE BCAD PAR BYA BA'I PHYIR DU SLAR YANG SNYING RJE CHEN POS KUN NAS BSLANGS TE, SBYIN PA GTONG BA LA 'JUG PAR BYED DO ZHES 'CHAD PA LA, LUS BCAD STER ZHING BDAG GI SDUG BSNGAL GYIS, ,ZHES PA NAS, DE BCAD BYA PHYIR MYUR DU BRTZON 'GRUS RTZOM, ,ZHES PA'I BAR GSUNGS, GSUM PA DBYE BA BSHAD PA LA, DE LA DBYE NA SBYIN PA'I 'KHOR @21B GSUM BDEN MED DU MNGON SUM DU RTOGS PA'I SHES RAB KYIS MA ZIN PA'I 'JIG RTEN PA'I SBYIN PA'I PHAR PHYIN DANG, DES ZIN PA'I 'JIG RTEN LAS 'DAS PA'I SBYIN PA'I PHAR PHYIN GNYIS YOD CES 'CHAD PA LA, SBYIN PA SBYIN BYA LEN PO GTONG POS STONG, ,ZHES PA NAS, 'JIG RTEN PA YI PHA ROL PHYIN CES BSTAN, ,ZHES PA'I BAR GSUNGS, SA'I YON TAN BSTAN PA'I SGO NAS MJUG BSDUS TE 'CHAD PA LA, ZLA BA'I DKYIL 'KHOR DE NAM MKHA'I DBYINGS MTHON POR GNAS PA DANG, RANG NYID GANG LA GNAS PA'I RTEN DE LA 'OD KYIS MDZES PA BSKYED PA DANG, MUN PA STUG PO DANG TSA GDUNG SEL BA DE BZHIN DU SA DANG PO RAB DGA' 'DI YANG RGYAL SRAS 'PHAGS PA'I SA YIN PAS SA MTHON POR GNAS PA DANG, RANG NYID GANG LA GNAS PA'I RTEN DE LA MDZES PA BSKYED PA DANG, 'GRO BA'I YID KYI MUN PA SEL ZHING TSA GDUNG SEL BAR BYED PA DANG, ZLA BA DANG CHOS MTHUN SBYAR NAS SA'I YON TAN BSTAN PA'I SGO NAS MJUG BSDUS TE 'CHAD PA LA, DE LTAR RGYAL BA'I SRAS KYI YID LA RAB GNAS SHING, ,ZHES PA MAN CHAD KYI GZHUNG RNAMS GSUNGS, GNYIS PA GZHUNG DON DNGOS BSHAD PA LA, RDZOGS PA'I BYANG CHUB SEMS LTA DANG PO, ,ZHES SOGS GSUNGS, DE NI RING DU SONG BAR BLO YANG LHAG PAR 'GYUR ZHES PA'I SKABS SU, MTHA' DPYAD PA LA, NYAN RANG RIGS KYI SGO NAS ZIL GYIS GNON TSUL BSHAD PA, BLO'I SGO NAS ZIL GYIS GNON TSUL BSHAD PA, DE DAG GI GRUB DON BSHAD PA DANG GSUM, DANG PO LA, DON DAM PA'I SEMS BSKYED DANG PO THOB NAS, NYAN RANG RIGS KYI SGO NAS ZIL GYIS GNON PA YIN TE, BYAMS PA'I RNAM THAR GYI MDO LAS, RIGS KYI BU 'DI LTA STE DPER NA, RGYAL PO'I BU SKYES NAS RING POR MA LON PA, RGYAL PO'I MTSAN DANG LDAN PA NI, BLON PO'I TSOGS RGAN PO GTZO BOR GYUR PA THAMS CAD KYANG, RIGS KYI BDAG NYID CHE BA'I DBANG GIS ZIL GYI [*GYIS] GNON TO, ,DE BZHIN DU BYANG CHUB SEMS DPA' LAS DANG PO BA BYANG CHUB TU SEMS BSKYED NAS RING POR MA LON PA, DE BZHIN GSHEGS PA CHOS GYI RGYAL PO'I RIGS SU SKYES PAS KYANG, BYANG CHUB KYI SEMS DANG SNYING RJE'I DBANG GIS NYAN THOS DANG, RANG SANGS RGYAS YUN RING DU TSANGS PAR SPYAD PA RNAMS ZIL GYIS GNON TO, ,RIGS KYI BU 'DI LTA STE, DPER NA, NAM MKHA' LDING GI DBANG PO CHEN PO'I PHRUG GU SKYES NAS @22A *, ,RING POR MA LON PA GSHOG PA'I RLUNG GI SHUGS DANG, MIG YONGS SU DAG PA'I YON TAN GANG YIN PA DE NI, DE LAS GZHAN PA'I BYA'I TSOGS MA LUS PA RGAS PAR GYUR PA THAMS CAD LA YOD PA MA YIN NO, ,DE BZHIN DU BYANG CHUB SEMS DPA' BYANG CHUB TU SEMS DANG PO BSKYED PA, DE BZHIN GSHEGS PA NAM MKHA' LDING GI DBANG PO CHEN PO'I RIGS GYI BRGYUD DU YANG DAG PAR BYUNG BA, NAM MKHA' LDING GI DBANG PO'I PHRUG GU THAMS CAD MKHYEN PA NYID DU SEMS BSKYED PA'I GSHOG PA'I STOBS KYIS PHA ROL GNON PA DANG, LHAG PA'I BSAM PA YONGS SU DAG PA'I MIG GI YON TAN GANG YIN PA DE NI, BSKAL PA BRGYA STONG DU NGES PAR 'BYUNG BA'I NYAN THOS DANG, RANG SANGS RGYAS THAMS CAD LA YOD PA MA YIN NO ZHES BYA BA LA SOGS PA GSUNGS PA BZHIN NO, ,ZHES GSUNGS PA'I PHYIR, DE YANG RIGS TZAM GYI SGO NAS ZIL GYIS GNON PA MA YIN TE, RIGS KHYAD PAR CAN BSOD NAMS KYI TSOGS KHYAD PAR CAN GYI ZIL GYIS GNON PA'I DON YIN PA'I PHYIR, DER THAL, SA 'DIR RIGS KHYAD PAR CAN DANG BSOD NAMS KYI ZIL GYIS GNON PA'I TSUL DANG, SA BDUN PAR BLO'AM YE SHES KHYAD PAR CAN GYI SGO NAS ZIL GYIS GNON PA'I TSUL DE 'CHAD PAR BYED PA'I PHYIR, RIGS TZAM DANG BSOD NAMS KYI TSOGS TZAM NYAN RANG LA YANG YOD PA'I PHYIR, THEG CHEN GYI RIGS TZAM GYI SGO NAS TSOGS SBYOR GYI SKABS SU YANG ZIL GYIS GNON PA YIN TE, MDO DE NYID LAS, RIGS KYI BU 'DI LTA STE DPER NA RDO RJE RIN PO CHE NI CHAG KYANG GSER GYI RGYAN KHYAD PAR DU 'PHAGS PA THAMS CAD ZIL GYIS GNON CING, RDO RJE RIN PO CHE'I MING YANG MI 'DOR LA, DBUL BA THAMS CAD KYANG RNAM PAR BZLOG GO, RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NAN TAN DANG BRAL YANG, NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING, BYANG CHUB SEMS DPA'I MING YANG MI 'DOR LA 'KHOR BA'I DBUL BA THAMS CAD KYANG RNAM PAR BZLOG GO, ZHES GSUNGS PA'I PHYIR, BSLAB BTUS LAS, SPYOD PA NAN TAN DANG BRAL PA'I BYANG CHUB SEMS DPA' LA MI BRNYAS PA'I KHUNGS SU MDZAD PA GANG ZHIG ,SPYOD PA NAN TAN DANG BRAL BA'I SA THOB PA'I BYANG SEMS MED PA'I PHYIR, BLO'I SGO NAS ZIL GYIS GNON TSUL BSHAD @22B PA LA; SA 'DIR RIGS KYI SGO NAS ZIL GYIS GNON NUS NA, BLO'I SGO NAS GANG NAS ZIL GYIS GNON NUS PA YIN ZHE NA, BLO'AM YE SHES KHYAD PAR CAN GYI SGO NAS SA BDUN PA RING DU SONG BA THOB PA DE'I TSE NA ZIL GYIS GNON NUS BA YIN TE, SA BCU PA'I MDO LAS, KYE RGYAL BA'I SRAS DAG 'DI LTA STE, DPER NA, RGYAL PO'I RIGS SU SKYES PA'I RGYAL PO'I MTSAN DANG LDAN PA NI, SKYES PA TZAM GYIS RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, ,NAM DE NAR SON PAR GYUR PA DE'I TSE RANG GI BLO'I STOBS BSKYED PAS, BLON PO'I BYA BA THAMS CAD LAS NI SHIN TU 'DAS PA YIN TE, KYE RGYAL BA'I SRAS DAG DE BZHIN DU BYANG CHUB SEMS DPA' YANG, SEMS BSKYED MA THAG TU LHAG PA'I BSAM PA'I CHE BA NYID KYIS, NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PA NI MA YIN NO, ,BYANG CHUB SEMS DPA' SA BDUN PA 'DI LA GNAS PA'I BYANG CHUB SEMS DPA' NI, RANG GI YUL SHES PA'I CHE BA LA GNAS PAS, NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO, ,ZHES GSUNGS PA'I PHYIR, 'O NA SA BDUN PA 'DIR BLO'I SGO NAS ZIL GYIS GNON NUS PA'I RGYU MTSAN JI LTA BU ZHE NA, DE LA GZHAN LUGS DGAG PA, RANG LUGS BZHAG PA, RTZOD PA SPONG BA GSUM LAS, DANG PO LA, KHA CIG NA RE, SA DRUG PA MAN CHAD DU SHES SGRIB SPONG BA'I NUS PA MED, SA BDUN PA'I GNAS SKABS SU DE SPONG BA'I NUS PA YOD PA'I RGYU MTSAN GYI [*GYIS] YIN NO, ,ZHES ZER, KHA CIG SA DRUG PA MAN CHAD DU TING NGE 'DZIN LA THOD BRGAL DU SNYOM PAR 'JUG PA MED, BDUN PA'I GNAS SKABS SU DE YOD PA'I RGYU MTSAN GYI [*GYIS] YIN NO ZHES ZER, KHA CIG SA BDUN PA'I YE SHES KYIS DE MA THAG TU PHYIR MI LDOG PA'I SA BRGYAD PA THOB NUS PA'I RGYU MTSAN GYI [*GYIS] YIN NO ZER, KHA CIG SA BDUN PA'I GNAS SKABS SU KHO BO LAM DU 'JUG PAR BYA'O SNYAM PA'I 'BAD RTZOL YOD KYANG, MDO LA SOGS PA'I CHOS KYI MTSAN MA MNGON DU BYED MI DGOS DRUG PA'I GNAS SKABS SU DE DGOS PA'I RGYU MTSAN GYI [*GYIS] YIN NO, ,ZER NA, DE'I LUGS DANG PO MI 'THAD DE, LUGS 'DIR GANG ZAG BDEN PAR 'DZIN PA'I BDEN 'DZIN THAMS CAD NYON MONGS CAN GYI MA RIG PA YIN PAS, DE SLAR MI SKYE BA'I TSUL GYI [*GYIS] SPONG BA LA DE'I SA BON @23A *, ,ZAD PAR SPONG DGOS, DE'I SA BON SPANGS PA'I SPANGS PA DE YANG NYAN RANG DGRA BCOM PA RNAMS DANG SPANGS RIGS THUN MONG BA YIN PAS, SA BDUN PA'I SKAD CIG THA MA'I YE SHES LA BDEN 'DZIN GYI SA BON SPONG BA'I NUS PA YOD KYANG, DE TZAM GYI [*GYIS] SHES SGRIB SPONG BA'I NUS PA YOD PAR 'JOG MI NUS SHING, SA BON DE LAS GZHAN PA'I GNYIS SNANG 'KHRUL PA'I BAG CHAGS SHES SGRIB TU BYAS NAS DE GNYEN PO BAR CHAD MED LAM GYIS SPONG BA'I 'GO RTZOM PA NI SA BRGYAD PA MA THOB KYI BAR DU MI RUNG BA'I PHYIR, LUGS GNYIS PA MI 'THAD DE, BRDA' RNYING LA SNREL ZHI ZHES PA DE, TING NGE 'DZIN LA RIM PA CHOL BAR SNYOM PAR 'JUG PA'I DON YIN PAS DE SA DRUG PA'I GNAS SKABS SU YOD PAR MA ZAD, TSOGS SBYOR GYI GNAS SKABS SU YANG YOD PA'I PHYIR, LUGS GSUM PA MI 'THAD DE, SA BDUN PA'I YE SHES DE KHO KHO RANG YIN PA'I RGYU MTSAN GYI [*GYIS] ZIL GYIS GNON ZHES PA TZAM DU SNANG BAS DOGS PA SO NA GNAS PA'I PHYIR, LUGS BZHI PA YANG MI 'THAD DE, SPYIR BYANG CHUB SEMS DPA' RNAMS KYIS, SA DRUG PA MAN CHAD DU DE KHO NA NYID MTSAN BCAS RTZOL BCAS KYI SGO NAS RTOGS, SA BDUN PA'I GNAS SKABS SU MTSAN MED RTZOL BCAS KYI SGO NAS RTOGS, BRGYAD PA'I GNAS SKABS [*SU] MTSAN MED RTZOL MED KYI SGO NAS RTOGS KYANG, 'DIR DE KHO NA NYID RTOGS PA'I YE SHES KYIS DE KHO NA NYID RTOGS TSUL KHYAD PAR BA ZHIG GI SGO NAS 'JOG PA'I PHYIR, KHA CIG ,SA BDUN PAR MTSAN MED KYI SGO NAS RTOGS PA'I DON STONG NYID KYI SGRA SPYI BRGYUD MI DGOS PA LA BYED ZER NA, DE MI 'THAD DE, 'GREL BSHAD LAS, RANG GI BLOS RNAM PAR DPYAD PAS KYANG ZHES BYA BA NI SHES RAB KYIS RANG BZHIN MED PAR SHES PA'I SGO NAS ZHES STON TE DE LTAR LUNG GI SGO NAS NI MA YIN PA'O, ,ZHES DANG, MDO LA SOGS PA'I MTSAN MA MNGON SUM DU MI BYED PAR 'JUG PAR BYA'O ZHES GSUNGS PA'I PHYIR, ` RANG LUGS LA, SA BDUN PA NAS BLO'I SGO NAS ZIL GYIS GNON NUS PA'I RGYU MTSAN YANG YUL KHYAD PAR CAN ZHIG ,YUL CAN KHYAD PAR CAN ZHIG GIS RTOGS TSUL KHYAD PAR CAN ZHIG GI SGO NAS 'JOG PA YIN TE, YUL KHYAD PAR CAN SA LNGA PA MAN CHAD KYI NGOS SKAL GYI DRI MA SPANGS PA'I 'GOG PA YANG DAG PA'I @23B MTHA' LA, YUL CAN SHER PHYIN GYI NYAMS LEN LHAG PAR THOB PA'I 'GOG PA'I SNYOM 'JUG THUN MONG MA YIN PA ZHIG GIS, RTOGS TSUL BYA RDZOGS KYI THUNG MTHA'I SKAD CIG MA GCIG LA, GNYIS SNANG NUB PA'I SGO NAS PHAR SNYOM PAR 'JUG PA DANG, BYA RDZOGS KYI SKAD CIG MA GCIG LA GNYIS SNANG NUB PA DE LAS LDANG NUS PA'I RGYU MTSAN GYIS YIN PA'I PHYIR, SA BDUN PA'I GNAS SKABS SU 'JUG LDANG DE LTAR BYED PA YIN TE, MDO SDE SA BCU PA LAS, KYEE RGYAL BA'I SRAS DAG BYANG CHUB SEMS DPA' SA DRUG PA MAN CHAD BYANG CHUB SEMS DPAS 'GOG PA LA SNYOM PAR 'JUG STE, BYANG CHUB SEMS DPA' SA BDUN PA 'DI LA GNAS PA'I BYANG CHUB SEMS DPA' NI, SEMS KYI SKAD CIG DANG SEMS KYI SKAD CIG LA YANG 'GOG PA LA SNYOM PAR 'JUG CING LDANG STE, 'GOG PA MNGON SUM DU BYAS ZHES NI MI BYA'O, ,ZHES GSUNGS PA'I PHYIR DANG, 'JUG PA LAS, RING DU SONG 'DIR 'DI NI SKAD CIG DANG, ,SKAD CIG LA NI 'GOG PAR 'JUG 'GYUR ZHING, ,ZHES GSUNGS PA'I PHYIR, KHA CIG BYA RDZOGS KYI THUNG MTHA'I SKAD CIG MA GCIG NYID LA GNYIS SNANG NUB PA'I SGO NAS 'JUG LDANG GNYIS KA BYED ZER NA, MI 'THAD DE, DE LTAR YIN NA LDANG BA'I BYA BA DANG, 'JUG PA'I BYA BA GNYIS CHA SHAS SU SONG BAS BYA RDZOGS KYI THUNG MTHA' SKAD CIG MA DE THUNG MTHA'I SKAD CIG MA MA YIN PA'I SKYON YOD PA'I PHYIR, DE LTAR NA LDANG BA'I BYA BA DANG 'JUG PA'I BYA BA GNYIS BYA RDZOGS KYI SKAD CIG MA YIN PA'I PHYIR RO, ,SA 'DIR DE LTA BU'I LDANG 'JUG KHYAD PAR CAN BYED NUS PA'I RGYU MTSAN YOD DE, DRUG PA'I GNAS SKABS SU SHER PHYIN GYI NYAMS LEN LHAG PAR THOB KYANG; THABS MKHAS KYI PHAR PHYIN GYI NYAMS LEN LHAG PAR MA 'THOB, SA 'DIR THABS MKHAS KYI PHAR PHYIN GYI NYAMS LEN LHAG PAR THOB PA'I PHYIR, BYANG CHUB SEMS DPA' RNAMS KYIS SHER PHYIN GYI NYAMS LEN LHAG PAR THOB PA'I SGO NAS LAM BGROD TSUL KHYAD PAR CAN YOD DE, DRUG PA'I GNAS SKABS SU 'GOG PA'I SNYOM 'JUG THUN MONG MIN PA 'THOB, SA BDUN PA'I GNAS SKABS SU 'GOG PA YANG DAG PA'I MTHA' LA MTSAN MED RTZOL BCAS KYI SGO NAS 'JUG LDANG KHYAD PAR CAN BYED PA'I YON TAN THOB, SA BRGYAD PA'I GNAS SKABS SU MTSAN MED RTZOL MED KYI SGO NAS 'JUG LDANG BYED PA'I YON TAN THOB @24A *, ,PA'I RGYAL BA RNAMS KYIS 'GOG LAS SLONG DGOS PAR GSUNGS PA'I PHYIR, DE LTA BU'I 'JUG LDANG KHYAD PAR CAN BYED PA LA THABS MKHAS KYI PHAR PHYIN GYI NYAMS LEN LHAG PAR 'THOB DGOS PA'I RGYU MTSAN YOD DE, SO SO SKYE PO'I GNAS SKABS SU DE KHO NA NYID LA GNYIS SNANG MA NUB PAS DUS THUNG NGU LA 'JUG LDANG BYED PA MI DKA' YANG, RGYAL SRAS 'PHAGS PA'I SKABS SU DE KHO NA NYID LA GNYIS SNANG NUB PA'I SGO NAS 'JUG LDANG BYED PA DKA' BA'I PHYIR, ` RTZOD PA SPONG BA LA, KHA CIG NA RE, DON DAM PA'I SEMS BSKYED MA THAG PA'I BYANG SEMS KYIS RANG RGYUD KYI THEG CHEN SEMS BSKYED DANG SNYING RJE CHEN PO DE GNYIS KYIS, NYAN RANG ZIL GYIS GNON NUS SAM MI NUS, NUS NA MI 'THAD DE, DE'I RGYUD LA DE GNYIS MED PAR KHAS BLANGS PA DANG 'GAL BA'I PHYIR, MI NUS NA MI 'THAD DE, BYAMS PA'I RNAM THAR GYI MDO DANG PO'I SKABS SU, SEMS BSKYED NAS RING POR MA LON ZHES PA DANG, BYANG CHUB KYI SEMS DANG SNYING RJE'I DBANG GIS ZHES DANG, MDO PHYI MA'I SKABS SU, SEMS DANG PO BSKYED PAS ZHES DANG, SA BCU PA LAS KYANG, SEMS BSKYED MA THAG TU LHAG PA'I BSAM PA'I CHE BA NYID KYI [*KYIS] ZHES PA DANG 'GAL BA'I PHYIR DANG, DE NAS BZUNG STE DE NI THOB PAR GYUR PA YI, , ZHES PA'I SEMS BSKYED DE YANG DON DAM PA'I SEMS BSKYED LA BYED PA'I PHYIR ZER NA, BYANG SEMS RGYUN MTHA' BA'I RGYUD LA THEG CHEN SEMS BSKYED YOD PAR THAL, THEG CHEN MTHONG LAM BAR CHAD MED LAM PA'I RGYUD LA THEG CHEN SEMS BSKYED YOD PA'I PHYIR, 'DOD NA, DE'I RGYUD KYI THEG CHEN SEMS BSKYED CHOS CAN, BDEN 'DZIN GYI BAG CHAGS KYIS BSLAD PA'I SHES PA YIN PAR THAL, STONG NYID MNGON SUM DU RTOGS PA'I MNYAM BZHAG YE SHES MA YIN PA'I SLOB PA'I SHES PA YIN PA'I PHYIR, KHYAB STE, t'IK CHEN LAS, DE YANG SANGS RGYAS KYI SA MA 'THOB TSUN CHAD DU MA RIG PA'I BAG CHAGS KYIS MA BSLAD PA'I SHES PA NI 'PHAGS PA RNAMS KYI MNYAM GZHAG YE SHES MIN PA MED LA ZHES SOGS GSUNGS PA'I PHYIR, 'DOD NA, DE'I RGYUD LA SHES SGRIB YOD PAR THAL, 'DOD PA'I PHYIR, KHYAB PA YOD PAR THAL, SHES SGRIB 'CHAD PA'I SKABS SU t'IK CHEN LAS, GNYIS SNANG 'KHRUL PA'I @24B CHA RNAMS KYANG DER BSDU, ZHES GSUNGS PA'I PHYIR, 'DOD NA, GNYEN PO 'GAG 'GYUR GYI TSUL GYIS SPANG BYA 'GAG 'GYUR SPONG BAR THAL, RGYUN MTHA' BA'I RGYUD LA SHES SGRIB YOD PA'I PHYIR, KHA CIG ,DE'I RGYUD KYI THEG CHEN SEMS BSKYED YOD KYANG, DE LA RANG YUL BDEN GRUB TU MI SNANG NGO ZER NA, YANG DAG KUN RDZOB BDEN PA YOD PAR THAL, SNANG TSUL DANG GNAS TSUL MTHUN PAR GRUB PA'I KUN RDZOB BDEN PA YOD PA'I PHYIR, DER THAL, BDEN GRUB TU MI SNANG BA'I KUN RDZOB BDEN PA YOD PA'I PHYIR, DER THAL, BYANG SEMS RGYUN MTHA' BA'I RGYUD KYI THEG CHEN SEMS BSKYED YOD PA NI GANG ZHIG ,DE LA RANG YUL BDEN GRUB TU MI SNANG BA'I PHYIR, GZHAN YANG NYAN THOS KYI SGOM LAM RDO RJE LTA BU'I TING NGE 'DZIN LA GNAS PA'I GANG ZAG DES, LHAG BCAS MYANG 'DAS DANG LHAG MED MYANG 'DAS GNYIS KA CIG CAR DU MNGON DU BYED PAR THAL, NYAN THOS DGRA BCOM PA'I GO 'PHANG THOB MA THAG PA'I GANG ZAG DE'I RGYUD LA LHAG BCAS MYANG 'DAS DANG LHAG MED MYANG 'DAS GNYIS KA YOD PA'I PHYIR, DER THAL, GANG ZAG DE'I RGYUD LA LHAG BCAS MYANG 'DAS YOD PA'I PHYIR, DE'I RGYUD LA BDEN SNANG DANG BCAS PA'I MYANG 'DAS YOD PA'I PHYIR, DE'I RGYUD LA BDEN SNANG YOD PA'I PHYIR, RGYUN MTHA' BA'I RGYUD LA BDEN SNANG YOD PA'I PHYIR, THEG CHEN MTHONG LAM BAR CHAD MED LAM PA'I RGYUD LA RANG RGYUD KYI THEG CHEN SEMS BSKYED MED KYANG THEG CHEN SEMS BSKYED KYI BSOD NAMS KYI SHUGS YOD PA YIN TE, DE 'JUG SDOM THOB LA MA NYAMS PA'I GANG ZAG YIN PA GANG ZHIG ,SPYOD 'JUG LAS, GANG NAS BZUNG STE SEMS CAN KHAMS, ,MTHA' YAS RAB TU BSGRAL BA'I PHYIR, ,MI LDOG PA YI SEMS KYIS SU, ,SEMS NI YANG DAG BLANGS GYUR PA, ,DE NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI CHAD PAR DU MA ZHIG ,NAM MKHA' MNYAM PA RAB TU 'BYUNG, ,ZHES GSUNGS PA'I PHYIR, DE LTAR YIN KYANG MDO SDE DE RNAMS DANG 'GAL BA'I SKYON MED DE, RNAM THAR GYI MDO DANG PO'I SKABS KYI BYANG CHUB TU SEMS BSKYED NAS RING POR MA LON PA ZHES PA DANG, PHYI MA'I SKABS SU BYANG CHUB TU SEMS DANG PO BSKYED PA ZHES PA DANG, SA BCU PA LAS, SKYES PA TZAM ZHES PA'I SKABS KYI SEMS BSKYED GNYIS PO DE DON DAM SEMS BSKYED LA BYED PA DANG, MDO DANG PO'I SKABS SU @25A *, ,BYANG CHUB KYI SEMS DANG ZHES PA DANG, PHYI MA'I SKABS SU THAMS CAD MKHYEN PA NYID DU SEMS BSKYED PA'I ZHES PA DANG, SA BCU PA LAS SEMS SKYES MA THAG TU LHAG PA'I BSAM PA'I CHE BA NYID KYI ZHES PA'I GZHUNG GSUM GYI SKABS NAS DNGOS SU BSTAN PA'I SEMS BSKYED GSUM PO DE KUN RDZOB SEMS BSKYED LA BYED PA'I PHYIR, DANG PO DER THAL, DE GSUM GYI SKABS NAS DNGOS SU BSTAN PA'I SEMS BSKYED DE, DE NAS BZUNG STE DE NI THOB PAR GYUR PA YI, ,ZHES PA'I SKABS NAS DNGOS SU BSTAN PA'I SEMS BSKYED DE LA BYED PA'I PHYIR, GZHUNG DES MDO GSUM PO DE'I DON BSDUS NAS GTAN LA PHAB PA'I PHYIR, PHYI MA DER THAL, t'IK CHEN LAS SEMS BSKYED MA THAG TU ZHES PA NI, SA DANG PO'I SKABS YIN PAS LHAG PA'I BSAM PA DAG PA'I SEMS BSKYED PA'O, ,ZHES GSUNGS PA'I PHYIR, DE LTAR MA YIN PAR THAMS CAD DON DAM PA'I SEMS BSKYED LA BYED PA MI RIGS TE, DE YIN NA MDO SDE DE DAG LAS [*DANG] 'GAL BA SOGS KYI SKYON DU 'GYUR BA'I PHYIR DANG, SEMS BSKYED NAS RING POR MA LON PA ZHES SMOS MI RIGS PA'I PHYIR, DE'I RGYUD LA DE YOD PA'I PHYIR, ` GSUM PA DE DAG GIS GRUB DON BSHAD PA LA, MDO SDE SA BCU PA LAS, NYAN RANG LA CHOS KYI BDAG MED MNGON SUM DU RTOGS PA YOD PAR BSTAN PA DANG, DE'I SHES BYED KYI LUNG BKOD PA DANG, DE LA GZHAN GYIS RTZOD PA SPONG BA DANG GSUM, DANG PO LA 'GREL PA MDZAD PA'I DGONGS PA GSAL BAR BSHAD PA DANG, DE NYID SPYOD 'JUG MKHAN PO'I LUGS SU BSTAN PA DANG GNYIS, DANG PO LA DNGOS DANG, DOGS PA DPYAD PA GNYIS, DANG PO LA; MDO SDE SA BCU PA LAS, BYANG SEMS SA DANG PO BAS, NYAN RANG RIGS KYI SGO NAS ZIL GYIS GNON NUS, BLO'I SGO NAS ZIL GYIS GNON MI NUS PAR BSHAD PA LA BRTEN NAS, NYAN RANG LA CHOS KYI BDAG MED PHRA MO MNGON SUM DU RTOGS PA YOD PAR GRUB PA YIN TE, DE LTAR MA YIN NA, SA BCU BA'I LUNG DANG 'GAL BA SOGS RIGS PA GSUM GYIS GNOD PA'I PHYIR, JI LTAR GNOD NA, SHES BYA CHOS CAN, BYANG SEMS DANG PO BA DES CI YANG MED MAN CHAD LA CHAGS PA MNGON GYUR BA DANG BRAL BA'I PHYI ROL PA BZHIN DU, NYAN RANG DGRA BCOM PA STONG NYID RTOGS PA'I SHES RAB KYI ZIL GYIS GNON NUS PAR THAL, @25B DE GNYIS PO LA STONG NYID RTOGS PA'I SHES RAB MED MTSUNGS GANG ZHIG ,BYANG SEMS DE LA STONG NYID RTOGS PA'I SHES RAB YOD PA'I PHYIR, RTAGS DANG PO DER THAL, NYAN RANG DGRA BCOM PA LA STONG NYID RTOGS PA'I SHES RAB MED PA'I PHYIR, NYAN RANG DGRA BCOM PA CHOS CAN, PHYI ROL PA BZHIN DU KHAMS GSUM NA SPYOD PA'I PHRA RGYAS THAMS CAD MA SPANGS PAR THAL, DE THAMS CAD KYI RTZA BAR GYUR PA'I DNGOS PO RANG BZHIN GYIS GRUB PAR 'DZIN PA'I RTOG PA DANG 'DZIN STANGS DNGOS 'GAL DU ZHUGS PA'I LAM MA RNYED PA'I PHYIR, DER THAL, DNGOS PO RANG BZHIN MED PAR YONGS SU SHES PA DANG BRAL BA'I PHYIR, GZHAN YANG DE CHOS CAN, GANG ZAG GI BDAG MED RDZOGS PAR MA RTOGS PAR THAL, GANG ZAG RANG BZHIN MED PAR MNGON SUM DU MA RTOGS PA'I PHYIR, DER THAL, GDAGS GZHI PHUNG PO RANG NGOS NAS GRUB PAR 'DZIN PA'I ZHEN YUL SUN 'BYIN MI NUS PA'I TSUL GYI PHYIN CI LOG GIS BCINGS PA YIN PA'I PHYIR, DER THAL; PHUNG PO RANG BZHIN MED PAR YONGS SU SHES PA DANG BRAL BA'I PHYIR, THAL 'GYUR SNGA MA LA KHYAB PA YOD DE, GDAGS GZHI PHUNG PO RANG BZHIN GYIS GRUB PAR 'DZIN PA'I RTOG PA'I ZHEN YUL SUN PHYUNG MI NUS PA JI SRID 'JUG GI BAR DU, BTAGS CHOS GANG ZAG RANG NGOS NAS GRUB PAR 'DZIN PA'I RTOG PA'I ZHEN YUL SUN PHYUNG MI NUS PAR 'JUG PA GANG ZHIG ,DE JI SRID 'JUG GI BAR DU DE'I DBANG GIS LAS BSOG ,LAS DE'I DBANG GIS 'KHOR BAR 'KHOR BA'I PHYIR, DE SKAD DU YANG, RANG 'GREL LAS, LUNG 'DI LAS NI NYAN THOS DANG RANG SANGS RGYAS RNAMS LA YANG CHOS THAMS CAD RANG BZHIN MED PAR SHES PA YANG YOD DO, ,ZHES BYA BAR GSAL BAR NGES TE DE LTA MA YIN NA, DNGOS PO RANG BZHIN MED PAR YONGS SU SHES PA DANG BRAL BA'I PHYIR, 'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED PA'I BYANG CHUB SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPONG BAR YANG MI 'GYUR RO, ,GZUGS LA SOGS PA'I RANG GI NGO BO LA DMIGS PAS PHYIN CI LOG TU 'GYUR PA'I PHYIR, GANG ZAG GI BDAG MED PAR RTOGS PAR YANG @26A *, ,MI 'GYUR TE, BDAG TU GDAGS PA'I RGYU'I PHUNG PO LA DMIGS PA'I PHYIR, ZHES GSUNGS PA'I PHYIR, PHYI MA DER THAL, RIN CHEN PHRENG BA LAS, JI SRID PHUNG POR 'DZIN YOD PA, ,ZHES GSUNGS PA'I PHYIR, DE LTAR YIN KYANG PHUNG PO RANG BZHIN MED PAR MA RTOGS NA, GANG ZAG RANG BZHIN MED PAR MA RTOGS PAS MA KHYAB STE, PHUNG PO RANG BZHIN MED PA RDZOGS PAR RTOGS PA LA GANG ZAG RANG BZHIN MED PA RDZOGS PAR RTOGS PA SNGON DU 'GRO DGOS PA'I PHYIR, TING 'DZIN RGYAL PO LAS, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SBYAR BYA, ,ZHES DANG; 'PHAGS PA SDUD PA LAS KYANG, BDAG CI 'DRA BA SEMS CAN THAMS CAD DE 'DRAR SHES, ,SEMS CAN THAMS CAD CI 'DRA DE 'DRAR CHOS KUN SHES, ,ZHES DANG, RIN CHEN 'PHRENG BA LAS KYANG, SKYES BU SA MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ,SKYES BU KHAMS DRUG 'DUS PA'I PHYIR, ,YANG DAG MA YIN JI LTA BAR, ,DE BZHIN KHAMS NI RE RE YANG, ,'DUS PHYIR YANG DAG NYID DU MIN, ,ZHES GSUNGS PA'I PHYIR, BYANG CHUB LAM RIM CHUNG BA LAS KYANG, GZHI GANG ZAG DANG CHOS KYI STENG DU NGES RGYU'I BDAG MED LA PHRA RAGS MED KYANG, KHYAD GZHI'I GNAD KYIS GANG ZAG GI STENG DU NGES SLA LA CHOS KYI STENG DU NGES DKA' BA'I PHYIR, DPER NA, CHOS KYI BDAG MED MIG RNA SOGS KYI STENG DU NGES DKA' ZHING GZUGS SOGS KYI STENG DU NGES SLA BAS, DE RNAMS SNGA MA'I STENG DU BDAG MED GTAN LA 'BEB PA'I DPER 'JOG PA BZHIN NO; ;ZHES GSUNGS PA'I PHYIR, GZHAN YANG, GANG ZAG DANG PHUNG PO LA RANG BZHIN MED PA NGES DKA' SLA'I KHYAD PAR YOD PAR THAL, NANG SDE GRUB MTHA' SMRA BA RNAMS KYIS GANG ZAG DE RANG RANG GI SKABS KYI BTAGS YOD DU RTOGS PA'I PHYIR DANG, BDAG DANG PHUNG PO GNYIS LA NGES DKA' SLA'I KHYAD PAR YOD PA'I PHYIR, DE LA DOGS PA DPYAD PA LA, KHA CIG NA RE, 'KHOR BA LAS GROL BA'I GROL BA MYANG 'DAS THOB PA LA, DNGOS PO RANG BZHIN MED PAR RTOGS MI DGOS PAR THAL, DNGOS PO RANG BZHIN MED PAR RTOGS PA LA MA BLTOS PAR GANG ZAG RANG RKYA THUB PA'I RDZAS YOD PHUNG PO DANG NGO BO GCIG DANG @26B THA DAD GANG RUNG GIS STONG BA THOS BSAM GYIS GTAN LA PHAB NAS, DE'I CHED DU BYA BA'I GDUL BYAS SGOM BYED KYI YAN LAG DANG MA BRAL BAR BSGOMS PAS SGOM PA RAB KYI MTHAR THUG PA NA, BSGOM BYA'I DON MNGON SUM DU RTOGS PA YOD PAR RNAL 'BYOR MNGON SUM 'BYUNG RUNG GI RTAGS LA BRTEN NAS GRUB PAS, DE SNGAR MA RTOGS PA GSAR DU RTOGS PA MTHONG LAM DANG RTOGS ZIN GOMS PA RGYUN LDAN DU BYAS PA SGOM LAM YIN PAS, DE GNYIS KYIS RIM PA BZHIN DU, NYON MONGS KUN BTAGS DANG LHAN SKYES SPONG ZHING, DE YANG MTHONG LAM GYI BAR CHAD MED LAM GYIS SPONG TSUL YIN PAS, NYON MONGS KUN LHAN DE GNYIS KYI SA BON SPANGS NAS, DGRA BCOM PA'I 'BRAS BU MNGON SUM DU BYED PA'I PHYIR ZER NA SKYON MED DE, DNGOS PO RANG BZHIN MED PAR RTOGS PA LA MA BLTOS PAR GANG ZAG RANG RKYA THUB PA'I RDZAS YOD KYIS STONG BA THOS BSAM GYIS GTAN LA PHAB NAS, SGOM BYED KYIS YAN LAG DANG MA BRAL BAR BSGOMS PAS, BSGOM BYA'I DON MNGON SUM DU RTOGS PA YOD DU CHUG KYANG, SNGAR MA RTOGS PA GSAR DU RTOGS PA MTHONG LAM DANG, RTOGS ZIN GOMS PA RGYUN LDAN DU BYED PA SGOM LAM MA YIN PAS, DE GNYIS KYIS NYON MONGS KUN LHAN GYI SA BON SPONG MI NUS PAS, 'DIR DE DRANG DON DU 'GREL BAR BYED PA'I PHYIR TE, DPER NA SEMS TZAM PAS DUL PHRAN CHA MED BSAGS PA'I RAGS PA PHYI DON PA DANG, DE 'DZIN PA'I TSAD MA RDZAS GZHAN GYIS STONG BA'I STONG NYID THOS BSAM GYIS GTAN LA PHAB NAS, DE'I CHED DU BYA BA'I GDUL BYAS SGOM BYED KYI YAN LAG DANG MA BRAL BAR BSGOMS PAS BSGOM BYA'I STONG NYID RTOGS PA YOD PA DANG, DE'I STENG NAS SA BCU DANG, LAM PHYI MA GSUM BGROD TSUL DANG SGRIB GNYIS SPONG BA'I RNAM GZHAG BYED PA 'DIR DRANG DON DU 'GREL BA LTA BU YIN PA'I PHYIR, SEMS TZAM PAS RDUL PHRAN CHA MED BSAGS PA'I RAGS PA PHYI DON PA DANG, DE 'DZIN PA'I TSAD MA RDZAS GZHAN GYIS STONG BA'I STONG NYID CHOS KYI BDAG MED PHRA MOR MI 'DOD KYANG, DE LTAR GSUNGS PA DANG 'GAL BA'I SKYON MED DE, DE'I LUGS LA, PHYI DON BKAG NAS CHOS KYI BDAG MED PHRA MO GTAN LA 'BEBS PA'I SKABS SU, DON SMRA SDE GNYIS KYIS PHYIN CI LOG TU JI LTAR BZUNG BA LTAR SGRUB PA DE BKAG NAS, RANG LUGS KYI LTA BA GTAN LA 'BEBS PA'I DBANG DU BYAS PA'I PHYIR, DPER NA LUGS 'DIR @27A *, ,MTHA' BZHI'I SKYE BA BKAG NAS, CHOS KYI BDAG MED GTAN LA 'BEBS PA LTA BU YIN PA'I PHYIR, RNAL 'BYOR MNGON SUM RGYUD LA LDAN PA'I TSUR MTHONG YOD DE, NYER LEN GYI PHUNG PO MI RTAG PAR MNGON SUM DU RTOGS PA'I TSUR MTHONG YOD PA'I PHYIR, DER THAL, DNGOS PO RANG BZHIN MED PAR RTOGS PA LA MA BLTOS PAR RAGS PA'I MI RTAG SOGS BCU DRUG MNGON SUM DU RTOGS PA'I GANG ZAG YOD PA'I PHYIR, RNAM BSHAD LAS, MTHONG ZIN GOMS PAR BYED PA NI MI 'ONG ZHES KHO BO CAG MI SMRA'O, ,ZHES GSUNGS PA'I PHYIR, KHA CIG GIS, KHYAB PA 'DU BYED KYI SDUG BSNGAL GYI MI RTAG PA MNGON SUM DU RTOGS PA'I TSUR MTHONG YOD PAR THAL, NYER LEN GYI PHUNG PO MI RTAG PAR MNGON SUM DU RTOGS PA'I TSUR MTHONG YOD PA'I PHYIR, 'DOD NA, DE SDUG BSNGAL GYI RANG BZHIN DU MNGON SUM DU RTOGS PA'I TSUR MTHONG YOD PAR THAL, 'DOD PA'I PHYIR, 'DOD NA MI 'THAD DE, CHOS MNGON PA LAS, BYIS PA LAG MTHIL LTA BU YIS, ,'DU BYED SDUG BSNGAL SPU MI RIGS, ,'PHAGS PA MIG DANG 'DRA BA YIS, ,DE YI YID KYANG SHIN TU 'BYUNG, ,ZHES GSUNGS PA'I PHYIR, ZER NA SKYON MED DE, DNGOS PO RANG BZHIN MED PAR RTOGS PA LA MA BLTOS PAR MI RTAG SOGS BCU DRUG RTOGS PA LA BRTEN NAS GROL BA MYANG 'DAS 'THOB PAR 'DOD PA'I GANG ZAG RJES SU 'DZIN PA'I CHED DU GSUNGS PAS DRANG DON DGONGS PA CAN YIN PA'I PHYIR, KHA CIG GIS, 'GOG BDEN LA PHRA RAGS GNYIS YOD KYANG, BDEN PA LHAG MA GSUM LA PHRA RAGS GNYIS GNYIS MED ZER NA, DE GSUM LA YANG PHRA RAGS GNYIS GNYIS RE YOD PAR THAL, KHYI RGAN RGYA 'O LAS NYON GYI DBANG GIS RANG DBANG MED PAR SROG DBANG 'GAGS PA RAGS PA'I MI RTAG PA DANG, DE RANG GRUB DUS KYI SKAD CIG GNYIS PA'I DUS SU MI BSDOD PA PHRA BA'I MI RTAG PA DANG, GANG ZAG RANG RKYA THUB PA'I RDZAS YOD DU 'DZIN PA'I RTOG PA DANG, DES DRANGS PA'I LAS GNYIS RAGS PA'I KUN 'BYUNG DANG, BDEN 'DZIN DANG DES DRANGS PA'I LAS GNYIS PHRA BA'I KUN 'BYUNG DANG, BYANG SEMS MTHONG LAM PA'I RGYUD KYI GANG ZAG RANG RKYA THUB PA'I RDZAS YOD DU 'DZIN PA'I RTOG PA KUN BTAGS SPANGS PA'I KHYAD PAR DU BYAS PA'I GANG ZAG RANG RKYA @27B THUB PA'I RDZAS YOD KYIS STONG BA'I STONG NYID DE RAGS PA'I 'GOG BDEN DANG, DE'I RGYUD KYI BDEN 'DZIN KUN BTAGS SPANGS PA'I KHYAD PAR DU BYAS PA'I STONG NYID DE PHRA BA'I 'GOG BDEN DANG, DANG PO MNGON SUM DU RTOGS PA'I THEG CHEN GYI MTHONG LAM DE RAGS PA'I LAM BDEN DANG, PHYI MA MNGON SUM DU RTOGS PA'I THEG CHEN GYI MTHONG LAM PHRA BA'I LAM BDEN YIN PA'I PHYIR, KHA CIG GIS, DNGOS PO RANG BZHIN MED PA RTOGS PA LA MA BLTOS PAR MI RTAG SOGS BCU DRUG RTOGS PA LA BRTEN NAS GROL BA MYANG 'DAS 'THOB NUS PAR THAL, MNGON PA GNYIS NAS BSHAD PA'I LAM LA BRTEN NAS GROL BA MYANG 'DAS 'THOB NUS PA'I PHYIR, DER THAL, DE NAS BSHAD PA'I THAR PA DE THAR PA YIN PA'I PHYIR, DER THAL, DE NAS BSHAD PA'I DGRA BCOM PA DGRA BCOM PA YIN PA'I PHYIR, DER THAL, DE NAS BSHAD PA'I THAR LAM THAR LAM YIN PA'I PHYIR ZER NA MA KHYAB, MA GRUB NA DER THAL, DE NAS BSHAD PA'I NGES 'BYUNG GI BSAM PA NGES 'BYUNG GI BSAM PA YIN PA'I PHYIR, DER THAL, DE NAS BSHAD PA'I NGES 'BYUNG GI BSAM PAS ZIN PA'I SO THAR GYI SDOM PA DE NGES 'BYUNG GI BSAM PAS ZIN PA'I SO THAR GYI SDOM PA YIN PA'I PHYIR, DER THAL, DE NAS BSHAD PA'I DGE SLONG RNAM DAG DE DGE SLONG RNAM DAG YIN PA'I PHYIR, DE LTA MA YIN NA, MNGON PA GNYIS NAS STONG NYID PHRA MO BSTAN PAR THAL, DE NAS BSHAD PA'I THAR PA DE THAR PA YIN PA'I PHYIR, DER THAL, DE NAS BSHAD PA'I THAR PA'I GO 'PHANG THOB PA'I GANG ZAG DE THAR PA'I GO 'PHANG THOB PA'I GANG ZAG YIN PA'I PHYIR, RTAGS KHAS, RTZA BAR 'DOD NA, MA BSTAN PAR THAL; RANG 'GREL LAS, JI LTAR DBU MA'I BSTAN BCOS LAS, ,ZHES SOGS GSUNGS PA'I PHYIR, MNGON PA NAS BSHAD PA'I DGRA BCOM PA MED ZER NA, DE YOD PAR THAL, DE NAS BSHAD PA'I SKYES BU ZUNG BZHI GANG ZAG YA BRGYAD YOD PA'I PHYIR, DER THAL, MNGON PA LAS, DE LTA BU'I RNAM GZHAG CIG MDZAD PA'I PHYIR, DNGOS PO RANG BZHIN MED PAR RTOGS PA LA MA BLTOS PAR GANG ZAG RANG RKYA THUB PA'I RDZAS YOD KYIS STONG BA MNGON SUM DU RTOGS PA LA BRTEN NAS GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR BA RE ZHIG SPANGS PA'I NYAN THOS DE MNGON PA NAS @28A *, ,BSHAD PA'I DGRA BCOM PA YIN PAR THAL, DE NAS BSHAD PA'I DGRA BCOM PA YIN NA, DGRA BCOM PA YIN PAS MA KHYAB PA'I PHYIR, 'DOD BYAS PA LA, DE CHOS CAN, DE NAS BSHAD PA'I DGRA BCOM PA MA YIN PAR THAL, DE NAS BSHAD PA'I NYAN THOS SLOB PA YIN PA'I PHYIR ZER NA, RNAM PA GCIG TU NA MA KHYAB, MA GRUB NA DER THAL, DE NAS BSHAD PA'I NYAN THOS GANG ZHIG NYAN THOS SLOB PA YIN PA'I PHYIR, ZHES ZER, DNGOS PO RANG BZHIN MED PAR RTOGS PA LA MA BLTOS PAR MI RTAG SOGS BCU DRUG MNGON SUM DU RTOGS PA LA BRTEN NAS GROL BAR 'DOD PA'I LUGS LA YANG STONG BDAG MED RTOGS PA'I YE SHES GROL LAM DNGOS DANG, LHAG MA RNAMS DE RTOGS PA'I YE SHES DE'I RGYUD SMIN BYED DU 'DOD PA YIN TE, RNAM 'GREL LAS, STONG NYID LTA BAS GROL 'GYUR GYI, ,SGOM PA LHAG MA DE DON YIN, ,ZHES GSUNGS PA'I PHYIR, DNGOS PO RANG BZHIN MED PAR RTOGS PA LA MA BLTOS PAR GANG ZAG RANG RKYA THUB PA'I RDZAS YOD KYIS STONG BA MNGON SUM DU RTOGS PA'I YE SHES DES GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR BA RE ZHIG SPONG NUS PA YIN TE, PHYI ROL PA DANG THUN MONG DU GYUR PA'I ZHI RAGS KYI RNAM PA CAN GYI SNYOM 'JUG DES, CI YANG MED MAN CHAD LA CHAGS PA MNGON GYUR BA DANG BRAL BAR NUS PA'I PHYIR, DE 'DRA BA'I YE SHES DES GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR BA DANG DES DNGOS SU DRANGS PA'I LTA BA DANG LTA MIN RNAMS SPONG NUS KYANG BDEN 'DZIN DANG DES DNGOS SU DRANGS PA'I LTA BA DANG LTA MIN SOGS SPONG MI NUS TE, DE BDEN 'DZIN DANG 'DZIN STANGS DNGOS SU 'GAL BA'I LAM MA YIN PA'I PHYIR, DE LTAR YIN KYANG BDEN 'DZIN GYIS DRANGS PA'I NYON MONGS YIN NA DES SPONG MI NUS PAS MA KHYAB STE, GANG ZAG RANG RKYA THUB PA'I RDZAS YOD DU 'DZIN PA'I RTOG PA DE YANG RANG RGYU BDEN 'DZIN GYI RTZA BA CAN YIN PA'I PHYIR, ZHI RAGS KYI RNAM PA CAN GYI SNYOM 'JUG DES BDEN 'DZIN GYIS DNGOS SU DRANGS PA'I KHAMS 'OG MA LA 'DUN PA'I 'DOD SRED MNGON GYUR BA SPONG MI NUS PA YIN TE, DE DANG 'DZIN STANGS 'GAL BA'I BLO MA YIN PA'I PHYIR, SNYOM 'JUG DE DANG YE SHES DE GNYIS PO @28B NYON MONGS KYI SA BON SPONG MI NUS PAR MTSUNGS KYANG, MNGON GYUR BA SPONG BA LA NUS PA CHE CHUNG GI KHYAD PAR YOD DE, YE SHES DES SRID RTZE'I SAS BSDUS KYI GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR BA RE ZHIG SPONG NUS SNYOM 'JUG DES DE MNGON GYUR BA TZAM YANG SPONG MI NUS PA'I PHYIR; GNYIS PA DE NYID SPYOD 'JUG MKHAN PO'I LUGS SU BSTAN PA LA, GROL BA MYANG 'DAS 'THOB PA LA DNGOS PO RANG BZHIN MED PAR RTOGS DGOS PA DPAL LDAN ZLA BA GRAGS PA'I DGONGS PA YIN PAR MA ZAD, RGYAL SRAS ZHI BA LHA'I DGONGS PA YANG YIN TE, DE LTAR RTOGS DGOS PA SPYOD 'JUG LAS BRGAL LAN GYI SGO NAS GTAN LA PHAB PA'I PHYIR, GTAN LA PHAB TSUL JI LTA BU ZHE NA, DE LA RTZOD PA DANG, LAN GNYIS LAS, DANG PO LA KHA CIG GIS, GROL BA MYANG 'DAS 'THOB PA LA STONG NYID RTOGS MI DGOS PAR THAL, STONG NYID RTOGS PA LA MA BLTOS PAR GROL BA MYANG 'DAS 'THOB NUS PA'I PHYIR ZER BA YIN TE, SPYOD 'JUG LAS, BDEN PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, ,ZHES GSUNGS PA'I PHYIR, GZHAN YANG, STONG NYID RTOGS PA LA MA BLTOS PAR GROL BA MYANG 'DAS 'THOB MI NUS PAR THAL, DE LTAR 'DOD PA LUNG GIS GNOD, RIGS PAS KYANG GNOD PA'I PHYIR, LUNG GIS GNOD PA YIN TE, YUM GYI MDO LAS, DNGOS PO'I 'DU SHES CAN LA THAR PA MED PAR GSUNGS PA'I PHYIR DANG, DUS GSUM GYI RGYUN DU ZHUGS PA NAS RANG SANGS RGYAS KYIS BAR RNAMS SHER PHYIN 'DI LA BRTEN NAS RANG RANG GI BYANG CHUB 'THOB DGOS PAR GSUNGS PA'I PHYIR DANG, BSTAN PA'I RTZA BA DON DAM PA'I DGE SLONG YIN YANG, NYAN RANG DGRA BCOM PA LA STONG NYID MNGON SUM DU RTOGS PA MED NA, BSTAN PA'I RTZA BA DON DAM PA'I DGE SLONG YANG BZHAG PAR DKA' BA DANG, SEMS BDEN 'DZIN GYI DMIGS GTAD CAN LA MYA NGAN LAS 'DAS PA YANG 'THOB DKA' BAR YANG GSUNGS PA'I PHYIR, DE NYID LAS, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ,BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,SEMS NI DMIGS DANG BCAS RNAMS LA, ,MYA NGAN 'DAS PA'ANG DKA' BAR GNAS, ,ZHES GSUNGS PA'I PHYIR, @29A *, ,RIGS PAS GNOD PA'I TSUL LA, STONG NYID RTOGS PA LA MA BLTOS PAR GANG ZAG RANG RKYA THUB PA'I RDZAS YOD KYIS STONG BA MNGON SUM DU RTOGS PA LA BRTEN NAS GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR BA RE ZHIG SPANGS PA DE'I TSE NA GROL BA MYANG 'DAS THOB PA YIN PAR THAL, DE 'DRA BA'I LAM LA BRTEN NAS GROL BA MYANG 'DAS 'THOB NUS PA GANG ZHIG ,YE SHES DES NYON SGRIB KYI SA BON SPONG MI NUS PA'I PHYIR, 'DOD NA, GANG ZAG RANG RKYA THUB PA'I RDZAS YOD KYIS STONG BA MNGON SUM DU RTOGS MA THAG TU GROL BA THOB PAR THAL, 'DOD PA'I PHYIR; 'DOD NA, MI 'THAD DE, KHYOD RANG GI LUGS LA YANG BDEN PA MNGON SUM DU MTHONG BA DANG, MYANG 'DAS THOB PA DUS MI MNYAM PA'I PHYIR, DER THAL, DE NYID LAS, NYON MONGS SPANGS PAS GROL NA DE'I, ,DE MA THAG TU DER 'GYUR RO, ,ZHES GSUNGS PA'I PHYIR, GZHAN YANG, YE SHES DES DE MNGON GYUR BA SPANGS PA'I TSE NA GROL BA MYANG 'DAS THOB PA MA YIN PAR THAL, MNYAM GZHAG DE'I TSE NA GANG ZAG DE'I RGYUD LA RTOG PA MNGON GYUR BA DE MED KYANG, MNYAM GZHAG DE LAS LANGS RJES SU DE'I RGYUD LA RTOG PA MNGON GYUR BA SKYE BA'I PHYIR DANG, GANG ZAG DE'I RGYUD LA 'PHEN BYED KYI LAS NUS PA MA NYAMS PAR YOD PA'I PHYIR, RTAGS DANG PO DER THAL, 'DU SHES MED PA'I SNYOM 'JUG LA MNYAM PAR GZHAG PA'I GANG ZAG DE'I RGYUD LA TSOR 'DU RAGS PA MED KYANG SNYOM 'JUG DE LAS LANGS RJES SU TSOR 'DU RAGS PA SKYE BA LTA BU YIN PA'I PHYIR, DE NYID LAS, STONG PA NYID DANG BRAL BA'I SEMS, ,'GAGS PA SLAR YANG SKYE 'GYUR TE, ,'DU SHES MED PA'I SNYOM 'JUG BZHIN, ,ZHES GSUNGS PA'I PHYIR, RTAGS GNYIS PA DER THAL, DE NYID LAS, NYON MONGS MED KYANG DE DAG LA, ,LAS KYI NUS PA MTHONG BA YIN, ,ZHES GSUNGS PA'I PHYIR, KHO NA RE, GANG ZAG DE'I RGYUD LA 'PHEN BYED KYI LAS MED PAR THAL, GANG ZAG DE'I RGYUD LA LAS DE LA GSOS 'DEBS BYED KYI SRED PA MED PA'I PHYIR, DER THAL, GANG ZAG RANG RKYA THUB PA'I RDZAS YOD DU 'DZIN PA'I RTOG PAS DRANGS PA'I SRED PA MED PA'I PHYIR ZER NA MA KHYAB STE, DE'I RGYUD LA DE 'DRA BA'I SRED PA MED KYANG BDEN 'DZIN GYIS DRANGS PA'I SRED PA YOD PA'I PHYIR, DON SMRA @29B KHYOD RANG GI LUGS LA KUN RMONGS CAN DE LA NYON MONGS CAN DANG NYON MONGS CAN MA YIN PA GNYIS 'DOD PA DE BZHIN DU, 'DIR SRED PA DE LA YANG MNGON PA NAS BSHAD PA LTAR GYI DMIGS RNAM 'DZIN PA'I SRED PA GCIG DANG, DE MA YIN PA'I BDEN 'DZIN GYIS DRANGS PA'I SRED PA GNYIS 'DOD DGOS PA'I PHYIR, DER THAL, DE NYID LAS, RE ZHIG NYER LEN SRED PA NI, ,MED CES NGES PA NYID CE NA, ,SRED 'DI NYON MONGS CAN MIN YANG, ,KUN RMONGS BZHIN DU CI STE MED, ,CES GSUNGS PA'I PHYIR, SRED 'DI NYON MONGS CAN MIN YANG, ,ZHES PA'I DON YANG, BDEN 'DZIN GYIS DRANGS PA'I SRED PA DE MNGON PA NAS BSHAD PA LTAR GYI DMIGS RNAM 'DZIN PA'I SRED PA MA YIN PA'I DON YIN GYI NYON MONGS CAN MA YIN PA'I DON MA YIN TE, NYON MONGS CAN YIN PA'I PHYIR ZER NA, MI 'THAD PAR THAL, SRED PA YIN NA NYON MONGS CAN YIN DGOS PA'I PHYIR, DER THAL, BDEN 'DZIN YIN NA, NYON MONGS CAN YIN DGOS PA'I PHYIR, DER THAL, GANG ZAG DE'I RGYUD LA BDEN 'DZIN GYIS DRANGS PA'I SRED PA SKYE BA'I TSUL YOD PA'I PHYIR, DER THAL, DE'I RGYUD LA TSOR BA'I 'KHOR GSUM BDEN PAR 'DZIN PA'I BDEN 'DZIN GYI ZHEN YUL SUN MA PHYUNG BA'I TSUL GYI [*GYIS] YOD PA GANG ZHIG ,DE JI SRID 'JUG GI BAR DU TSOR BA BDE BA SKYES PA NA MI 'BRAL BAR 'DOD PA'I SRED PA SKYE TSOR BA SDUG BSNGAL SKYES PA NA 'BRAL 'DOD KYI SRED PA SKYE BA'I PHYIR, DER THAL, DE LTAR SKYE BA'I MTHUN RKYEN TSANG ZHING 'GAL RKYEN DANG BRAL BA'I PHYIR, DER THAL, DE NYID LAS, TSOR BA'I RKYEN GYIS SRED PA STE, TSOR BA DE DAG LA YANG YOD, ,CES GSUNGS PA'I PHYIR, RANG LUGS LA, DE 'DRA BA'I BDEN 'DZIN SPONG TSUL YOD DE, TSOR BA'I 'KHOR GSUM BDEN MED DU MNGON SUM DU RTOGS PA LA BRTEN NAS SPONG BA'I PHYIR, DER THAL, DE SKAD DU YANG, GANG TSE TSOR PO 'GA' MED CING, ,TSOR BA'ANG YOD PA MA YIN PA, ,DE TSE GNAS SKABS 'DI MTHONG NAS, ,SRED PA CI PHYIR LDOG MI 'GYUR, ,ZHES GSUNGS PA'I PHYIR, KHA CIG GIS, LUNG DE RNAMS KYI DON, DNGOS PO RANG BZHIN MED PAR RTOGS PA LA MA BLTOS PAR GANG ZAG RANG RKYA THUB PA'I RDZAS YOD KYIS STONG BA RTOGS PA'I YE SHES KYIS, NYON MONGS KUN BTAGS SPONG NUS LHAN SKYES SPONG MI NUS PA'I KHYAD PAR 'BYED PA YANG @30A *, ,MI RIGS TE, DES RE ZHIG GANG ZAG RANG RKYA THUB BA'I RDZAS YOD DU 'DZIN PA'I RTOG PA LHAN SKYES DANG KUN BTAGS MNGON GYUR BA SPONG NUS PAR YANG MTSUNGS, DE GNYIS KA'I SA BON SPONG MI NUS PAR MTSUNGS PA'I PHYIR, DES NA PHUNG PO RANG BZHIN MED PAR RTOGS MI NUS NA GANG ZAG RANG BZHIN MED PAR RTOGS MI NUS PAS DE MA RTOGS NA GANG ZAG GI BDAG MED RDZOGS PAR RTOGS MI NUS PA DANG, PHUNG PO BDEN 'DZIN CHOS KYI BDAG 'DZIN YIN NA, GANG ZAG BDEN 'DZIN GANG ZAG GI BDAG 'DZIN YIN DGOS, DE GANG ZAG GI BDAG 'DZIN YIN NA, DE MA ZAD BAR DU CHAGS SOGS NYON MONGS RNAMS MI LDOG PAS DE GNYIS KA NYON MONGS CAN GYI MA RIG PAR 'JOG DGOS PAR MTSUNGS PA YIN TE, PHUNG PO RANG BZHIN MED PA CHOS KYI BDAG MED PHRA MO DANG, GANG ZAG RANG BZHIN MED PA GANG ZAG GI BDAG MED PHRA MOR 'JOG MI 'JOG RGYU MTSAN RNAM PA KUN TU MTSUNGS PA'I PHYIR, DER THAL, CHOS DANG GANG ZAG GI STENG DU GCIG DU BRAL LA SOGS PA'I RIGS PA YANG DAG LA BRTEN NAS, DGAG BYA RANG BZHIN GYIS GRUB PA 'GOG NUS MI NUS RGYU MTSAN RNAM PA KUN TU MTSUNGS PA'I PHYIR, ` GNYIS PA SHES BYED KYI KHUNGS BKOD PA LA, THEG CHEN GYI MDO DANG BSTAN BCOS KYI SHES BYED BKOD PA DANG, THEG DMAN GYI MDO'I SHES BYED BKOD PA DANG GNYIS LAS, DANG PO LA, 'KHOR BA LAS GROL BA'I GROL BA MYANG 'DAS 'THOB PA LA DNGOS PO RANG BZHIN MED PA RTOGS DGOS PA YIN TE, NYER LEN GYI PHUNG PO BDEN PAR BZUNG NAS, MI RTAG SDUG BSNGAL SOGS BSGOMS PAS GROL BA MYANG 'DAS THOB MI NUS PA'I PHYIR, DER THAL, DPER NA, SPRUL PA'I BUD MED LA BUD MED DNGOS GNAS PA BZUNG NAS MI RTAG SDUG BSNGAL SOGS SU BSGOMS PAS BUD MED DNGOS LA CHAGS PA MI LDOG PA LTA BU YIN PA'I PHYIR, DER THAL, LHAG BSAM BSTAN PA'I MDO TSIG GSAL DU DRANGS PA LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYI SEMS BSKYED DE 'DOD CHAGS KYIS SEMS DKRIS NAS 'KHOR GYIS 'JIGS SHING BAG TSA STE, STAN LAS LANGS NAS SONG STE, DE SONG NAS @30B KYANG BUD MED DE NYID LA MI SDUG PAR YID LA BYED CING, MI RTAG PA DANG SDUG BSNGAL BA DANG, STONG PA DANG, BDAG MED PAR YID LA BYED NA, RIGS KYI BU DE JI SNYAM DU SEMS, MI DE YANG DAG PAR ZHUGS PA YIN NAM 'ON TE LOG PAR ZHUGS PA YIN, GSOL PA, BCOM LDAN 'DAS GANG BUD MED MA MCHIS PA LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU 'DI NA DGE SLONG DANG, DGE SLONG MA DANG, DGE BSNYEN DANG, DGE BSNYEN MA KHA CIG ,MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED PA GANG YIN PA DE DAG KYANG DE DANG 'DRA BAR LTA BAR BYA'O, ,NGA NI MI BLUN PO DE DAG LA LAM SGOM PA YIN NO, ,ZHES MI SMRA STE, DE DAG NI LOG PAR ZHUGS PA ZHES BYA'O, ,ZHES GSUNGS PA'I PHYIR, NYER LEN GYI PHUNG PO BDEN PAR BZUNG NAS MI RTAG SDUG BSNGAL SOGS SU SGOM PAS, RTAG 'DZIN GYI NYON MONGS MNGON GYUR BA TZAM SPONG MI NUS PA YIN GYI, BDEN 'DZIN RGYUD LA LDAN PA'I GANG ZAG GIS NYER LEN GYI PHUNG PO MI RTAG SDUG BSNGAL SOGS SU SGOM PAS RTAG 'DZIN GYI NYON MONGS MNGON GYUR BA TZAM SPONG MI NUS PA MA YIN TE, DE LTAR SGOM PA'I SHES PA DE LOG SHES MA YIN PA'I PHYIR, GZHAN YANG, MI RTAG SOGS BCU DRUG BDEN PAR BZUNG NAS MI RTAG SOGS SU SGOM PAS NYON MONGS MNGON GYUR BA RE ZHIG SPANGS PA DE'I TSE, BDAG GIS THAR PA THOB BO SNYAM PA NA, DE 'CHI 'PHO BA'I TSE SKYE BA LEN DGOS PAR MTHONG NAS SANGS RGYAS KYI BYANG CHUB LA YID BRTAN MI RUNG BA'I LOG LTA SKYES, DE'I DBANG GIS NGAN SONG DU SKYE BA YOD PA DANG, BDEN BZHI RANG BZHIN GYIS MED PAR MNGON SUM DU RTOGS PAS BDEN BZHI'I GNAS TSUL JI LTA BA BZHIN DU MTHONG BAR GSUNGS PA YIN TE, BSAM GTAN DPE MKHYUD KYIS ZHUS PA'I MDO TSIG GSAL DU DRANGS PA LAS, 'JAM DPAL 'PHAGS PA'I BDEN PA RNAMS YANG DAG PAR JI LTA BA BZHIN MA MTHONG BAS, SEMS CAN PHYIN CI LOG BZHIS SEMS PHYIN CI LOG TU @31A *, ,GYUR PA RNAMS 'KHOR BA YANG DAG PA MIN PA 'DI LAS 'DA' BAR MI 'GYUR RO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR BAR BSTAN DU GSOL, BCOM LDAN 'DAS KYIS BKA' STZAL PA, 'JAM DPAL BDAG DANG, BDAG GI BAR DMIGS PAS SEMS CAN RNAMS 'KHOR BA LAS MI 'DA'O, ,DE CI'I PHYIR ZHE NA, 'JAM DPAL BDAG DANG GZHAN DU YANG DAG PAR MTHONG BA DES NI LAS MNGON PAR 'DU BYED DO, ,DE 'DI SNYAM DU BDAG SDUG BSNGAL THAMS CAD LAS GROL BAR 'GYUR RO, ,SPANG BAR BYA BA CI YANG MED CING BDAG NI DGRA BCOM PAR 'GYUR RO, ,ZHES BYA BAR BDAG GIS SHES SO, ,DE 'CHI BA'I DUS KYI TSE BDAG 'DIR SKYE BAR MTHONG NAS SANGS RGYAS KYI BYANG CHUB LA THE TSOM DANG SOM NYI ZA BAR 'GYUR RO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS 'PHAGS PA'I BDEN PA BZHI RNAMS JI LTAR 'KHUM PAR BGYI, 'JAM DPAL GANG GIS 'DUS BYAS THAMS CAD MA SKYES PAR MTHONG BA DES SDUG BSNGAL YONGS SU SHES PA YIN NO, ,GANG GIS CHOS NYID 'BYUNG BA MED PAR MTHONG BA DE NI KUN 'BYUNG SPANGS PA YIN NO, ,GANG GIS CHOS THAMS CAD GTAN YONGS SU MYA NGAN LAS 'DAS PAR MTHONG BA DES NI 'GOG PA MNGON DU BYED PA YIN NO, ,GANG GIS CHOS THAMS CAD SHIN TU MA SKYES PAR MTHONG BA DES NI LAM SGOM PA YIN NO, ,ZHES GSUNGS PA'I PHYIR DANG, GZHAN YANG, RGYUN ZHUGS 'BRAS GNAS KYI RGYUD LA RANG NYID DANG RGYUN ZHUGS KYI 'BRAS BU BDEN PAR 'DZIN PA'I BDEN 'DZIN GYI ZHEN YUL SUN MA PHYUNG BA'I TSUL GYI [*GYIS] YOD NA, 'THOB PA PO RANG NYID DANG THOB BYA RGYUN ZHUGS KYI 'BRAS BU BZHAG TU MED PA DANG, RANG NYID RANG NYID LA BDAG TU 'DZIN PA DANG, SEMS CAN DU 'DZIN PA SOGS SU GSUNGS PA YIN TE, SHER PHYIN SUM BRGYA PA LAS, RAB 'BYOR 'DI JI SNYAM DU SEMS, RGYUN DU ZHUGS PA 'DI SNYAM DU BDAG GI RGYUN DU ZHUGS PA'I 'BRAS BU THOB PO SNYAM DU SEMS SAM, RAB @31B 'BYOR GYIS GSOL PA, BCOM LDAN 'DAS DE NI MA LAGS SO, ,DE CI'I SLAD DU ZHE NA, BCOM LDAN 'DAS DE NI GANG LA YANG ZHUGS PA MA MCHIS PA'I SLAD DU STE, DES NA RGYUN DU ZHUGS PA ZHES BYA'O, ,BCOM LDAN 'DAS GAL TE RGYUN DU ZHUGS PA DE 'DI SNYAM DU BDAG GIS RGYUN DU ZHUGS PA'I 'BRAS BU THOB BO SNYAM DU SEMS PAR GYUR NA, DE NYID DE'I BDAG TU 'DZIN PAR 'GYUR BA LAGS SO, SEMS CAN DU 'DZIN PA DANG, SROG TU 'DZIN PA DANG, GANG ZAG TU 'DZIN PAR 'GYUR LAGS SO, ,ZHES GSUNGS PA'I PHYIR, YUM GYIS [*GYI] MDO LAS KYANG, THEG CHEN GYI SGRUB PA THEG DMAN GYI SGRUB PA LAS KHYAD PAR DU 'PHAGS PAR 'CHAD PA DE'I TSE NA, SEMS CAN THAMS CAD MI GNAS PA'I MYANG 'DAS LA 'GOD 'DOD KYI THABS KHYAD PAR CAN GYIS ZIN PA'I SGO NAS BSHAD KYI, STONG NYID RTOGS PA'I SHES RAB YOD MED KYI SGO NAS BSHAD PA MA YIN PA'I PHYIR, RGYUN ZHUGS KYI RGYUD LA BDEN 'DZIN GYI ZHEN YUL SUN MA PHYUNG BA'I TSUL GYI YOD NA MTHONG SPANGS KUN SBYOR GSUM MA SPANGS PAS DE DAG BZHAG TU MI RUNG BA YIN GYI, BDEN 'DZIN RGYUD LA LDAN PA TZAM GYIS MA YIN TE, 'BRAS GNAS DANG PO GNYIS KYI RGYUD LA BDEN 'DZIN LHAN SKYES 'JUG PA YOD PA'I PHYIR, 'PHAGS PA LA STONG NYID RTOGS MYONG GIS KHYAB PA LUGS 'DIR 'DOD PAR MA ZAD, DE LTAR 'DOD PA'I RANG RGYUD PA YANG YOD DE, SLOB DPON SHER 'BYUNG BLO GROS 'DI SHER PHYIN GYI SBAS DON MDZAD PA PO DANG SPYOD 'JUG GI 'GREL PA MDZAD PA PO GNYIS GANG YIN BRTAG ,DANG PO YIN NA, 'PHAGS PA LA STONG NYID RTOGS MYONG GIS KHYAB PA'I SHES BYED SHER PHYIN SUM BRGYA PA'I LUNG DE 'DREN PAR BYED PA'I PHYIR, DES NA LUGS 'DIR NI 'PHAGS PA LA STONG NYID RTOGS MYONG GIS KHYAB PA YIN TE, GROL BA MYANG 'DAS 'THOB PA LA STONG NYID MNGON SUM DU RTOGS DGOS PA GANG ZHIG ,NYAN RANG DGRA BCOM PA 'KHOR BA'I 'CHING BA LAS MA GROL BAR 'DOD PA'I MKHAS PA SU YANG MED CING, RIGS PAS KYANG MI 'THAD PA'I PHYIR, GROL BA MYANG 'DAS PA THOB PA LA STONG NYID MNGON SUM DU RTOGS DGOS PA THEG CHEN GYI MDO LAS GSUNGS PAR MA ZAD, BSTAN BCOS LAS GSUNGS PA YIN TE, PHUNG PO BDEN PAR 'DZIN PA'I BDEN 'DZIN GYI ZHEN YUL SUN PHYUNG MI NUS PAR JI SRID 'JUG GI BAR DU GANG ZAG BDEN PAR 'DZIN PA'I BDEN @32A *, ,'DZIN GYI ZHEN YUL SUN PHYUNG MI NUS PA'I TSUL GYI [*GYIS] 'JUG ,DE JI SRID 'JUG GI BAR DU LAS BSAGS, LAS DE'I DBANG GIS 'KHOR BAR 'KHOR BA MGON PO KLU SGRUB KYIS BZHED PA'I PHYIR, DER THAL, RIN CHEN PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,CES GSUNGS PA'I PHYIR, GRUB MTHA' 'OG MA RNAMS DANG THUN MONG DU GRAGS PA'I GANG ZAG GI BDAG MED NI, GANG ZAG RANG RKYA THUB PA'I RDZAS YOD KYIS STONG BA'I BDAG MED RAGS PA DE LA BYED PA YIN GYI, GANG ZAG GI BDAG MED PHRA MO LA BYED PA MA YIN TE, GANG ZAG RANG BZHIN GYIS MED PAR MA RTOGS NA, GANG ZAG GI BDAG MED RDZOGS PAR RTOGS MI NUS PA'I PHYIR, KHA CIG ,NYAN RANG GIS BDAG MED MNGON SUM DU RTOGS PA'I DON GANG ZAG RANG RKYA THUB PA'I RDZAS YOD KYIS STONG BA MNGON SUM DU RTOGS PA LA BYAS NAS, GRUB MTHA' 'OG MA RNAMS DANG CHOS KYI BDAG MED PHRA MO MNGON SUM DU RTOGS PA YOD MED KYI SGO NAS 'BYED PA MI RIGS TE, GANG ZAG RANG BZHIN MED PAR MA RTOGS NA, GANG ZAG GI BDAG MED RTOGS MI NUS PAR BSHAD ZIN PA'I PHYIR, GANG ZAG RANG RKYA THUB PA'I RDZAS YOD DU 'DZIN PA'I RTOG PA DE 'JIG LTA RAGS PA YIN TE, GANG ZAG RANG RKYA THUB PA'I RDZAS YOD KYIS STONG BA'I STONG NYID DE GANG ZAG GI BDAG MED RAGS PA YIN PA'I PHYIR, LAM GSUM THOB MTHA' DBUS MED PA, ,ZHES PA'I DON YANG YOD DE, GANG ZAG BDEN PAR 'DZIN PA'I BDEN 'DZIN GYI ZHEN YUL SUN PHYUNG MI NUS PAR JI SRID 'JUG GI BAR DU, KUN NAS NYON MONGS PA'I NYON MONGS PA DANG, SKYE BA'I NYON MONGS PA SOGS GSUM GYI DBANG GIS SNGA PHYI BAR MTSAMS MED PAR 'KHOR BA'I DON YIN PA'I PHYIR, DE LAS LDOG PA'I THABS YOD DE, DUS GSUM DU RANG GZHAN GNYIS KA DANG, NGA DANG NGA YI BA RNAMS RANG BZHIN GYIS MED PAR RTOGS SHING GOMS PAR BYAS PA LA BRTEN NAS SPONG BA'I PHYIR, DER THAL, RIN CHEN PHRENG BA LAS, DE NI RANG GZHAN GNYIS KA DANG, ,DUS GSUM NYID DU'ANG MA THOB PHYIR, ,NGAR 'DZIN PA NI ZAD PAR 'GYUR, ,DE LAS LAS DANG SKYE BA YANG, ,ZHES GSUNGS PA'I PHYIR, DE LTAR LDOG PA'I RGYU MTSAN YOD DE, DE LTAR RTOGS SHING GOMS PAR BYAS PAS @32B 'KHOR BA'I RTZA BAR GYUR PA'I BDAG 'DZIN LDOG PAS RGYU MED PA'I ME BZHIN DU 'KHOR BA LAS LDOG PA'I PHYIR, DE NYID LAS, DE LTAR YANG DAG JI BZHIN DU, ,'GRO BA DON MED SHES NAS NI, ,RGYU MED PA YI ME BZHIN DU, ,GNAS MED LEN MED MYA NGAN 'DA', ,ZHES GSUNGS PA'I PHYIR, KHA CIG GIS, DE'I DON THEG CHEN GYI RIGS CAN RNAMS KYIS THEG CHEN GYI BYANG CHUB 'THOB PA LA, STONG NYID RTOGS DGOS PA'I DON YIN ZER NA, DE YANG MI 'THAD DE, THEG DMAN GYI RIGS CAN RNAMS KYIS THEG DMAN GYI BYANG CHUB 'THOB PA LA STONG NYID MNGON SUM DU RTOGS DGOS PAR MTHONG NAS THEG CHEN GYI RIGS CAN RNAMS KYIS THEG CHEN GYI BYANG CHUB 'THOB PA LA STONG NYID MNGON SUM DU RTOGS NAS DE SGOM PAR BSTAN ZHING, 'ON KYANG KHYAD PAR MED PA MA YIN TE, SNYING RJE DANG SMON LAM GYI DBANG GIS 'KHOR BA'I GNAS SU SKYE BA LEN MI LEN GYI KHYAD PAR YOD PA'I PHYIR, DER THAL, DE NYID LAS, DE LTAR BYANG CHUB SEMS DPAS KYANG, ,MTHONG NAS BYANG CHUB NGES PAR 'DOD, ,'ON KYANG DE NI SNYING RJE YIS, ,BYANG CHUB BAR DU SRID MTSAMS SBYOR, ,ZHES GSUNGS PA'I PHYIR, GNYIS PA THEG DMAN GYI MDO'I SHES BYED 'GOD PA LA, GROL BA MYANG 'DAS 'THOB PA LA STONG NYID RTOGS DGOS PA THEG CHEN GYI MDO DANG BSTAN BCOS LAS KYANG GSUNGS PAR MA ZAD, THEG DMAN GYI MDO LAS KYANG GSUNGS PA YIN TE, PHRAN TSEGS LAS, GZUGS NI DBU BA BRDOS PA 'DRA, ,TSOR BA CHU YI CHU BUR 'DRA, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TE, ,ZHES GSUNGS PA'I PHYIR, DANG PO NYID NAS THEG DMAN DU RIGS NGES PA'I THEG DMAN LA STONG NYID MNGON SUM DU RTOGS PA MED PAR BZHED PA'I SLOB DPON LEGS LDAN 'BYED LA SOGS PA RNAMS, MDO DES STONG NYID PHRA MO BSTAN PAR MI BZHED PAR, GZUGS SOGS GANG ZAG GI BDAG TU SNANG YANG DER MA GRUB PA DBU BA BRDOS PA DANG 'DRA BAR BSTAN PAR BZHED DE, KUN LAS BTUS LAS, GZUGS SOGS MI RTAG PA DBU BA BRDOS BA DANG 'DRA BAR BSHAD PA'I PHYIR, KHA CIG GIS, THEG DMAN GYI SDE SNOD LAS CHOS KYI BDAG MED PHRA MO MA BSTAN PAR THAL, BYANG CHUB SEMS 'GREL LAS, STON PAS THEG DMAN RNAMS LA PHUNG PO LNGA RANG BZHIN GYIS GRUB PAR GSUNGS PA DANG, THEG CHEN @33A *, ,RNAMS LA RANG BZHIN MED PAR DBU BA BRDOS PA DANG 'DRA BAR GSUNGS PAR BSHAD ZIN PA'I PHYIR ZER NA, DE MI 'THAD DE, DE DANG PO NYID NAS THEG DMAN DU RIGS NGES PA'I STONG NYID STON PA'I SNOD DU MI RUNG BA'I THEG DMAN LA DGONGS PA YIN GYI, THEG DMAN THAMS CAD LA DGONGS PA MA YIN PA'I PHYIR TE, BYANG CHUB SEMS 'GREL LAS, GANG DAG STONG NYID MI SHES PA, ,DE DAG THAR PA RTEN MA YIN, ,'GRO DRUG SRID PA'I BTZON RA NI, ,RMONGS PA DE DAG 'KHOR BAR 'GYUR, ,ZHES GSUNGS PA'I PHYIR, GZHAN YANG, THEG DMAN GYI SDE SNOD LAS CHOS KYI BDAG MED PHRA MO BSTAN PAR THAL, DE NYID LAS, STONG NYID STON PA NA 'DUS BYAS ZAD PA STONG NYID DU STON PA DANG, THEG CHEN GYI SDE SNOD LAS, 'DUS BYAS RANG BZHIN GYIS SKYE BA MED PA STONG NYID DU BSTAN PAS, DE GNYIS STONG NYID DU DON GCIG PA'I PHYIR, DER THAL, RIN CHEN PHRENG BA LAS, THEG PA CHE LAS SKYE MED BSTAN, GZHAN GYI ZAD PA STONG PA NYID, ,ZAD DANG MI SKYE DON DU NI, ,GCIG PA DE PHYIR BZOD PAR GYIS, ,ZHES GSUNGS PA'I PHYIR, KHA CIG GIS, DE GNYIS STONG NYID DU DON GCIG PA'I DON, NYAN THOS SDE PAS 'DUS BYAS LA ZAD PA KHAS LEN PAS 'DUS BYAS RANG BZHIN GYIS GRUB NA ZAD PA MI 'THAD PA'I DON YIN ZER NA; DE MI 'THAD PAR THAL, DE LTAR YIN NA, DBU MA PAS NGES PAR YOD PAR 'DOD PA'I MYU GU LA SOGS PA'I DNGOS PO THAMS CAD LA RGYU MTSAN DE TSANG BAS DNGOS PO THAMS CAD DANG STONG NYID DON GCIG YIN PA HA CANG THAL BA'I PHYIR, THEG DMAN GYI SDE SNOD LAS 'DUS BYAS ZAD PA STONG NYID DU BSTAN NA, DE'I TSUL DE GANG, DE DANG STONG NYID DON GCIG PA'I TSUL JI LTA BU YIN ZER NA, DANG PO DE LTAR BSTAN PA YIN TE, RIGS PA DRUG CU PA'I 'GREL PAR, GANG SDUG BSNGAL 'DI MA LUS PAR SPANGS PA NGES PAR SPANGS PA BYANG BAR GYUR PA, ZAD PA 'DOD CHAGS DANG BRAL BA, 'GOG PA NYE BAR ZHI BA NUB PA SDUG BSNGAL GZHAN GYI MTSAMS MI SBYOR ZHING, MI 'BYUNG MI SKYE BA 'DI NI ZHI BA, 'DI NI GYA NOM PA STE, 'DI LTA STE, PHUNG PO THAMS CAD NGES PAR SPANGS PA SRID PA ZAD PA, 'DOD CHAGS DANG BRAL BA, 'GOG PA MYA NGAN LAS 'DAS PA'O, ,ZHES GSUNGS PA'I PHYIR, GANG SDUG BSNGAL 'DI MA LUS PA @33B SPANGS PA, ZHES PA NAS NUB PA ZHES PA'I BAR GYIS, DGRA BCOM PA'I TSE 'DI'I NYER LEN GYI PHUNG PO LHAG MED MYANG 'DAS THOB MA THAG PA'I MNYAM GZHAG DE'I GZIGS NGOR MED PAR BSTAN, SDUG BSNGAL GZHAN GYI MTSAMS MI SBYOR ZHES PA MAN CHAD GYIS DGRA BCOM PA'I MA 'ONGS PA'I PHUNG PO MNYAM GZHAG DE'I GZIGS NGOR MED PAR BSTAN PA'I PHYIR, DGRA BCOM PA'I TSE 'DI'I NYER LEN GYI PHUNG PO MNYAM GZHAG DE'I GZIGS NGOR MED PA GNAS LUGS YIN GYIS, DE'I SKYE BA PHYI MA'I ZAG BCAS NYER LEN GYI PHUNG PO DE'I GZIGS NGOR MED PA GNAS LUGS MA YIN TE, DE THA SNYAD TZAM DU YANG MED PA'I PHYIR, ZAD PA STONG NYID DU GSUNGS PA DE YANG, NYER LEN GYI PHUNG PO GDOD MA NAS ZAD PA'AM, RANG BZHIN GYIS ZAD PA LA BYED PA YIN TE, DE 'DRA BA'I PHUNG PO DE RANG BZHIN GYIS GRUB NA, MNYAM GZHAG DE'I GZIGS NGOR YOD DGOS PA LAS MED PA'I PHYIR, GDOD MA NAS ZAD PA LA BYED PA YIN GYIS, DNGOS SMRA BA 'DOD PA LTAR, GNYEN POS ZAD PA LA BYED PA MA YIN TE, DE LTAR YIN NA, THOB BYA LHAG MED MYANG 'DAS YOD PA'I DUS SU THOB PA PO DGRA BCOM PA MED PA DANG, THOB PA PO DGRA BCOM PA YOD PA'I DUS SU THOB BYA LHAG MED MYANG 'DAS MED PAR KHAS LEN DGOS PA'I SKYON YOD PA'I PHYIR, GDOD MA NAS ZAD PA LA BYED PA YIN TE, RGYUD BLA MA LAS, GDOD NAS ZAD PAS ZAD CES BYA, ,ZHES GSUNGS PA'I PHYIR, ` GSUM PA RTZOD PA SPONG BA LA, 'GREL PA NAS BSHAD PA'I RTZOD PA SPONG BA DANG, MA BSHAD PA'I RTZOD PA SPONG BA GNYIS, DANG PO LA, RTZOD PA DANG, LAN GNYIS, DANG PO LA, SLOB DPON SANGS RGYAS BSKYANGS KYIS RAB BYED BDUN PA'I 'GREL PAR THEG DMAN GYI MDO LAS CHOS THAMS CAD BDAG MED PAR GSUNGS PA'I DON, CHOS RNAMS RANG BZHIN GYIS MA GRUB PA'I DON DU BSHAD PA LA, SLOB DPON LEGS LDAN 'BYED NA RE, THEG CHEN BSTAN PA DON MED PAR THAL, THEG DMAN GYI SDE SNOD LAS, CHOS KYI BDAG MED BSTAN PA'I PHYIR, ZHES RTZOD DO, ,GNYIS PA LAN BSHAD PA LA, DE LTAR RTZOD PA MI 'THAD PAR THAL, LUNG DANG YANG 'GAL RIGS PA DANG 'GAL BA'I PHYIR, DANG PO DER THAL, SNGAR BSHAD PA'I MDO BSTAN BCOS DE THAMS CAD DANG 'GAL BA'I PHYIR, RIGS PA DANG 'GAL BA'I TSUL LA, SPYIR THEG CHEN BSTAN PA DON MED PAR 'GYUR ZER RAM, THEG CHEN GYI SDE SNOD LAS @34A *, ,STONG NYID BSTAN PA DON MED DU 'GYUR ZER, DANG PO LTA [*LTAR] NA KHYAB PA NGES PA MA YIN TE, THEG CHEN GYI SDE SNOD LAS STONG NYID PHRA MO TZAM STON PA MIN GYIS BYANG SEMS KYI SA DANG, SBYIN PA LA SOGS PA'I SPYOD PA DANG, SMON LAM DANG, BSNGO BA RLABS PO CHE LA SOGS PA BYANG SEMS KYI MTHU PHUL DU BYUNG BA RNAMS BSTAN PA'I PHYIR, DER THAL, RIN CHEN 'PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD PA, ,BYANG CHUB SEMS DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYI GSUNGS, ,ZHES GSUNGS PA'I PHYIR, PHYI MA LTAR NA YANG KHYAB PA MA NGES PA YIN TE, THEG CHEN GYI SDE SNOD LAS STONG NYID RIGS PA'I RNAM GRANGS MTHA' YAS PA'I SGO NAS BSTAN, THEG DMAN GYI SDE SNOD LAS STONG NYID RIGS PA'I RNAM GRANGS MDOR BSDUS TZAM GYIS SGO NAS BSTAN PA'I PHYIR, STON TSUL DE LTAR 'BYUNG BA'I RGYU MTSAN YOD DE, THEG CHEN GYI RIGS CAN RNAMS KYIS THEG CHEN GYI BYANG CHUB THOB PA LA STONG NYID RIGS PA'I RNAM GRANGS MTHA' YAS PA'I SGO NAS RTOGS SHING GOMS PAR BYAS PA LA BRTEN NAS THOB DGOS, THEG DMAN GYI RIGS CAN RNAMS KYIS THAR PA TZAM THOB PA LA STONG NYID RIGS PA'I RNAM GRANGS MDOR BSDUS TZAM ZHIG GIS RTOGS SHING GOMS PAR BYAS PA LA BRTEN NAS THOB NUS PA'I PHYIR, DER THAL, RANG 'GREL LAS, CHOS KYI BDAG MED PA GSAL BAR BYA BA'I PHYIR THEG PA CHEN PO BSTAN PA YANG RIGS PA NYID CES GSUNGS PA'I PHYIR DANG, DE NYID LAS, GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA, DE'I TSE THEG PA CHEN PO BSTAN PA DON MED PAR 'GYUR RO, ,SNYAM DU SEMS PA DE'I LUGS DE YANG 'DI LTAR RIGS PA DANG, LUNG DANG 'GAL BAR RTOGS SO, ,ZHES GSUNGS PA'I PHYIR, THEG DMAN GYI SDE SNOD LAS STONG NYID RIGS PA'I RNAM GRANGS MTHA' YAS PA'I SGO NAS RDZOGS PAR MA BSTAN KYANG, DE LAS STONG NYID RDZOGS PAR BSTAN PA YIN TE, DE NYID NAS BSHAD PA'I RIGS PAS, CHOS DANG GANG ZAG GI BDAG GNYIS PO DE RDZOGS PAR KHEGS @34B PA'I PHYIR, DER THAL, DE NAS BSHAD PA'I BDAG MED DE BDAG MED PHRA MO YONGS SU RDZOGS PA YIN PA'I PHYIR, DER THAL, RANG 'GREL LAS, DE LTA NA'ANG DE DAG LA CHOS KYI BDAG MED PA RDZOGS PAR BSGOMS PAR [*PA] MED DE, KHAMS GSUM NA SPYOD PA'I NYON MONGS PA SPONG BA'I THABS TZAM ZHIG NI YOD DO, ,DE DAG LA GANG ZAG GI BDAG MED RDZOGS PAR SGOM PA NI YOD PAR RNAM PAR GZHAG GO ,ZHES PA'I DON NYAN RANG GI NYON SGRIB KYI GNYEN POR GANG ZAG GI BDAG MED RDZOGS PAR SGOM PA YOD, SHES SGRIB KYI GNYEN POR CHOS KYI BDAG MED RDZOGS PAR SGOM PA MED CES PA'I DON YIN TE, t'IK CHEN LAS, NYON MONGS PA'I SA BON GYI GNYEN PO RDZOGS PAR BSGOMS PA YOD LA, ZHES GSUNGS PA'I PHYIR, SLOB DPON SANGS RGYAS BSKYANGS KYIS RAB BYED BDUN PA'I 'GREL PAR DE LTAR BSHAD PA YIN TE, 'GREL PA BUDDHA PA LI TA LAS, CHOS THAMS CAD BDAG MED DO ZHES GSUNGS PA LA BDAG MED PA ZHES PA NI NGO BO NYID MED PA'I DON TE BDAG CES BYA BA'I SGRA NI NGO BO NYID KYI TSIG YIN PA'I PHYIR, ZHES GSUNGS PA'I PHYIR, KHA CIG GIS, DNGOS PO BDEN GRUB KHEGS PA'I LUGS SU BYAS NAS BDEN STONG BDEN GRUB TU 'DOD PA DANG, KHA CIG ,DNGOS PO LA GO CHOD KYI CHOS MED PAR KHAS BLANGS NAS CHOS NYID BSGRUB PA RANG DBANG BA'I BDEN GRUB TU 'DOD PAS DANG PO MI 'THAD DE, DE DGAG BYA'I TSAD NGOS MA ZIN PA'I SKYON YIN PA'I PHYIR, PHYI MA MI 'THAD DE, DNGOS PO BDEN GRUB BKAG PAR BRLOM YANG, TSAD MAS MA KHEGS PAS DNGOS PO LA SKUR 'DEBS KYI LTA BAR 'GYUR BA'I PHYIR, KHA CIG GIS, SLOB DPON LEGS LDAN 'BYED KYI [*KYIS] THEG DMAN MTHUN MONG MA YIN PA'I SDE SNOD LAS STONG NYID MA BSTAN PAR BZHED PA YIN GYI, SPYIR THEG DMAN GYI SDE SNOD LAS STONG NYID BSTAN PAR BZHED PA YIN TE, 'DU BYED THAMS CAD BSLU BA'I CHOS, ,DES NA DE DAG BRDZUN PA YIN, ,ZHES PA'I THAD KYI SHES RAB SGRON ME LAS, ,NYAN THOS KYI THEG PA LAS KYANG 'DI LTA STE 'DU BYED GANG YIN PA DE DAG NI BRDZUN PA BSLU BA'I CHOS SO, ,DGE SLONG DAG 'DI LTA STE, MI SLU BA'I CHOS MYA NGAN LAS 'DAS PA DE NI BDEN PA'I MCHOG GO ,ZHES GSUNGS PA'I PHYIR DANG, BCOM LDAN 'DAS KYIS DE GSUNGS PA, ,STONG NYID YONGS SU BSTAN PA YIN, , @35A *, ,ZHES PA'I THAD KYI MDO LAS KYANG, ,STONG NYID BSTAN PAR BSHAD PA'I PHYIR, ,KHA CIG ,SDUG BSNGAL BDAG GIS BYAS ZHES SOGS KYI THAD LAS KYANG, NYAN THOS KYI THEG PA LAS KYANG BKA' STZAL TE, KYEE GO'U TA MA SDUG BSNGAL BDAG GIS BYAS SAM, TSE DANG LDAN PA MA YIN NO, ,SDUG BSNGAL GZHAN GYIS BYAS SAM, TSE DANG LDAN PA MA YIN NO, ,GNYIS KAS BYAS SAM, TSE DANG LDAN PA MA YIN NO, ,BDAG GIS KYANG MA BYAS GZHAN GYIS KYANG MA BYAS SAM, TSE DANG LDAN PA MA YIN NO, ,ZHES GSUNGS PA'I PHYIR DANG, DE BZHIN DU KUN RDZOB YOD CES BYA BA NI RTAG PAR 'GYUR, MED CES BYA BA NI CHAD PAR 'GYUR, ZHES GSUNGS PA'I PHYIR DANG, BCOM LDAN DNGOS DANG DNGOS MED PA ZHES PA'I THAD LAS KYANG, KA TY'A YA NA 'JIG RTEN 'DI NI GNYIS LA GNAS TE, PHAL CHER YOD PA NYID DANG MED PA NYID LA'O, ,ZHES GSUNGS PA'I PHYIR ZER NA SKYON MED DE, SLOB DPON LEGS LDAN 'BYED KYIS GRUB MTHA' 'OG MA RNAMS KYI NGOR GANG ZAG RANG RKYA THUB PA'I RDZAS YOD KYIS STONG BA'I STONG NYID DE LA STONG NYID KYI THA SNYAD MDZAD NAS, STONG NYID RIGS MTHUN GYI DPE'I SGO NAS SGRUB PAR MDZAD PA'I PHYIR, DE YANG YIN TE, DPER NA, GZUGS NI DBU BA BRDOS PA 'DRA, ZHES SOGS KYI DON, GANG ZAG GI BDAG DU SNANG YANG DER MA GRUB PA LA BSHAD PA LTA BU YIN PA'I PHYIR, DE LTA MA YIN NA, GONG DU THEG CHEN BSTAN PA DON MED PAR THAL, THEG DMAN GYI SDE SNOD LAS STONG NYID BSTAN PA'I PHYIR, ZHES RTZOD PA DE, SPYIR THEG DMAN GYI SDE SNOD LAS STONG NYID BSTAN PA'I PHYIR ZER RAM; THEG DMAN THUN MONG MA YIN PA'I SDE SNOD LAS STONG NYID BSTAN PA'I PHYIR ZER, DANG PO LTAR NA, MI 'THAD DE, SLOB DPON LEGS LDAN 'BYED RANG NYID LA SLOG NA 'KHOR GSUM LAN MED YIN PA'I PHYIR, DER THAL, SLOB DPON LEGS LDAN 'BYED THEG DMAN GYI SDE SNOD LAS STONG NYID BSTAN PAR BZHED PA'I PHYIR, PHYI MA LTAR NA MI 'THAD DE, KHYOD KYI LUGS LA LEGS LDAN 'BYED DANG SANGS RGYAS BSKYANGS GNYIS CHOS THAMS CAD STONG ZHING BDAG MED CES PA'I MDO THEG CHEN THUN MONG MA YIN PA'I MDOR BZHED PA KHUNGS MED PA'I PHYIR DANG, DE LTAR MA YIN NA, SNGAR GYI RTZOD @35B PA DE YANG 'BREL MED DU 'GYUR BA'I PHYIR, GNYIS PA, 'GREL PA NAS MA BSHAD PA'I RTZOD PA SPONG BA LA MNGON RTOGS RGYAN DANG 'GAL BA'I RTZOD PA SPONG BA DANG, RGYUD BLA RTZA 'GREL DANG 'GAL BA'I RTZOD PA SPONG BA DANG GNYIS LAS, DANG PO LA, RTZOD PA DANG, LAN GNYIS, DANG PO LA, KHA CIG GIS, 'PHAGS PA LA STONG NYID RTOGS MYONG GIS KHYAB PA DANG BDEN 'DZIN NYON SGRIB TU 'DOD PA MI 'THAD PAR THAL, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,ZHES PA'I SKABS SU RANG RGYAL RNAMS KYIS GZUNG BA LA BDEN ZHEN SPONG NUS KYANG, 'DZIN PA LA BDEN ZHEN SPONG MI NUS PAR GSUNGS PA'I PHYIR DANG, NYON MONGS SHES BYA LAM GSUM GYI, ,ZHES SOGS KYI SKABS SU BDEN 'DZIN SHES SGRIB TU BSHAD PA'I PHYIR, DER THAL, BDEN 'DZIN LA CHUNG 'BRING CHEN PO DGUR BYAS NAS CHUNG NGU'I CHUNG NGU DE RGYUN MTHA'I BAR CHAD MED LAM GYIS SPONG BAR GSUNGS PA'I PHYIR ZER NA, RANG LUGS LA GZUNG BA LA BDEN ZHEN SPONG NUS 'DZIN PA LA BDEN ZHEN SPONG MI NUS PA'I DON DE, PHYI ROL GYI DON TSAD MAS GRUB PA GZHIR BYAS NAS GZUNG BA BDEN MED DU RTOGS, 'DZIN PA BDEN MED DU MA RTOGS PA LA BYED PA YIN NAM, GZUGS GZUGS 'DZIN TSAD MA DANG RDZAS GZHAN YIN PA KHEGS, GZUGS 'DZIN TSAD MA GZUGS DANG, RDZAS GZHAN YIN PA MA KHEGS PA LA BYED DAM, GZUGS PHYI ROL DON DU 'DZIN PA'I RTOG PA SPONG NUS SHES PA BDEN PAR 'DZIN PA'I BDEN 'DZIN SPONG MI NUS PA LA BYED, DANG PO LTAR NA MI 'THAD DE, CHOS GCIG BDEN MED DU TSAD MAS NGES NA, RIGS PA DE'I BYED PA LA BRTEN NAS CHOS GZHAN GYI STENG DU BDEN PAR GRUB MA GRUB BLO KHA PHYOGS PA TZAM GYIS BDEN MED DU NGES NUS PAS KHYAB PA'I PHYIR, DER THAL, 'PHAGS PA LHAS, DNGOS GCIG DNGOS PO KUN GYI NGO BO NYID, ,DNGOS KUN DNGOS PO GCIG GIS [*GI] NGO BO NYID, ,GANG GIS DNGOS GCIG DE BZHIN NYID MTHONG PA [*BA], ,DE YIS DNGOS KUN DE BZHIN NYID DU MTHONG, ,ZHES GSUNGS PA'I PHYIR DANG, BZHI BRGYA PA LAS, GCIG GI LTA PO GANG YIN PA, ZHES GSUNGS PA'I PHYIR, GNYIS PA LTAR NA MI 'THAD DE, GANG ZAG SU DBANG PO RTUL YANG DANG PO KHEGS NA DE'I BYED PA LA BRTEN NAS GNYIS PA YANG KHEGS NUS PA'I PHYIR, DER THAL, @36A *, ,DE YANG RTZOD PA MTSUNGS PHYIR RO, ,ZHES GSUNGS PA'I PHYIR, GSUM PA LTAR NA MI 'THAD DE, RGYAN RTZA BA'I DGONGS PA MTHAR THUG RANG RGYUD DU 'GREL BA'I DBANG DU BYAS NA DE LTAR YIN KYANG LUGS 'DIR GZUNG DON RTOG PA SPONG PHYIR DANG, ,ZHES SOGS DRANG DON DGONGS PA CAN DU 'GREL BAR BYED PA'I PHYIR, BSTAN BCOS MNGON RTOGS RGYAN 'DIR, GDUL BYA RIGS CAN GSUM LA DBANG PO RNO 'BRING RTUL GSUM LTA BA MCHOG DMAN 'BRING GSUM GYI SGO NAS 'JOG PA YIN TE, LTA BA DMAN PA GANG ZAG RANG RKYA THUB PA'I RDZAS YOD KYIS STONG BAR RTOGS PA'I LTA BA DE LA BLTOS DE NYAN THOS RANG BZHIN GYI DBANG RTUL DANG, LTA BA 'BRING PO RDUL PHRAN CHA MED BSAGS PA'I RAGS PA PHYI DON PA DANG, DE 'DZIN PA'I TSAD MA RDZAS GZHAN GYIS STONG PA RTOGS PA'I LTA BA DE LA BLTOS TE RANG RGYAL RNAMS RANG BZHIN GYI DBANG PO 'BRING PO DANG, LTA BA MCHOG STONG NYID RTOGS PA'I LTA BA LA BLTOS TE, THEG CHEN GYI RIGS CAN RNAMS RANG BZHIN GYI DBANG RNON DU BZHAG PA'I PHYIR, RIGS CAN GSUM GA LA STONG NYID MNGON SUM DU RTOGS PA YOD PA'I DBANG DU BYAS NA YANG DE LTAR MI 'THAD DE, DE KHO NA NYID TSAD MAS MYUR DU DPOG NUS MI NUS DANG, RIGS PA'I RNAM GRANGS MTHA' YAS PA'I SGO NAS RTOGS MA RTOGS KYI KHYAD PAR YOD PA'I PHYIR, GZUNG DON RTOG PA SPONG PHYIR DANG, ,ZHES SOGS DANG, NYON MONGS SHES BYA LAM GSUM GYI, ,ZHES SOGS DANG, DE NI TSAD MAR DMIGS SGO NAS, ,ZHES SOGS RNAMS DRANG DON DU 'GREL BA'I RGYU MTSAN YOD DE; RTEN PA'I CHOS KYI BYE BRAG GIS, ,ZHES PA'I DON 'PHAGS PA SLOB PA GSUM GYI RGYUD KYI CHOS DBYINGS LA NGO BO LA RIGS MI 'DRA BA'I KHYAD PAR MED KYANG, RTEN PA SGRUB PA GSUM GYI DBYE BAS GNAS SKABS RIGS GSUM DANG RIGS CAN GSUM GYI DBYE BA 'THAD PA DANG, RTEN BRTEN PA'I DON YANG RTOGS BYA RTOGS BYED LA BYED CING RTOGS BYA'I RIGS DE YANG RANG BZHIN GNAS RIGS LA BYED PAS, CHOS NYID LA DMIGS PA LA CHOS NYID BLO NGOR GRUB DGOS, BDEN GRUB BLO NGOR MA DPYAD PAR BDEN STONG BLO NGOR MI 'GRUB DE MA GRUB NA, CHOS NYID BLO NGOR MI 'GRUB PAS DE YANG DANG POR GZHI CHOS @36B CAN GCIG GI STENG DU NGES DGOS PAS, DE LTAR BYAS NA RANG RGYAL LA DE KHO NA NYID KYI DON RTOGS PA GCIG KYANG YOD DGOS PAS, RANG RGYAL LA SHES PA BDEN PAR 'DZIN PA'I BDEN 'DZIN SPONG MI NUS PAS MA KHYAB PA'I PHYIR, RTEN PA'I CHOS KYI BYE BRAG GIS ,ZHES SOGS KYI DON DE LTAR YIN KYANG, 'DZIN PA MI SPONG PHYIR DANG NI, ZHES PA DANG 'GAL BA'I SKYON MED DE, DE THEG CHEN GYI RIGS CAN DE LA YANG SEMS TZAM PA'I LTA BA LA MA 'KHRID PAR DBU MA'I LTA BA LA DKRI MI RUNG BA YOD PA DE BZHIN DU, RANG RGYAL GYI RIGS CAN LA YANG RDUL PHRAN CHA MED BSAGS PA'I RAGS PA PHYI DON PA DANG, DE 'DZIN PA'I TSAD MA RDZAS GZHAN GYIS STONG BA RTOGS PA'I LTA BA LA MA 'KHRID PAR SHES PA BDEN MED DU RTOGS PA'I LTA BA LA DKRI MI RUNG BA YOD PA DANG, NYAN THOS KYI RIGS CAN LA YANG GANG ZAG RANG RKYA THUB PA'I RDZAS YOD KYIS STONG BA RTOGS PA'I LTA BA LA MA 'KHRID PAR GANG ZAG RANG BZHIN MED PA RTOGS MI NUS PA YOD PA DE'I DBANG DU BYAS PA YIN PA'I PHYIR, MNGON PAR RTOGS PA'I RGYAN 'DIR THEG DMAN LA CHOS KYI BDAG MED PHRA MO RTOGS PA YOD PAR BSHAD PA DANG, MED PAR BSHAD PA'I SKABS GNYIS 'BYUNG BA'I RGYU MTSAN YOD DE, 'DIR LAM SHES GSUM GTAN LA PHAB PA DE GDUL BYA RIGS CAN GSUM RJES SU 'DZIN PA'I PHYIR DU YIN ZHING, RJES SU BZUNG RGYU'I NYAN RANG DE LA YANG, DANG PO NYID NAS STONG NYID STON PA'I SNOD DU RUNG MI RUNG GNYIS YOD CING, DE YANG MI RUNG BA CHES MANG BAS PHAL CHER DE'I LAM GYI RNAM GZHAG BSTAN PA'I PHYIR, RGYAN GYI DGONGS PA MTHAR THUG THAL 'GYUR DU 'GREL BA'I SKABS SU, DE LTA BU'I SKABS GNYIS 'BYUNG BAR MA ZAD, DE'I DGONGS PA MTHAR THUG RANG RGYUD DU 'GREL BA'I SKABS SU YANG SKABS GNYIS 'BYUNG BA YIN TE, RTEN PA'I CHOS KYI BYE BRAG GIS, ZHES PA'I SKABS SU YOD PAR BSTAN, DE NI TSAD [*MTSAN] MAR DMIGS SGO NAS, ZHES SOGS KYI SKABS SU MED PAR BSTAN PA'I PHYIR, RTAGS DANG PO DER THAL, DE'I SKABS SU 'PHAGS PA SLOB PA GSUM GYI RGYUD KYI CHOS DBYINGS LA RIGS MI 'DRA BA'I KHYAD PAR MED KYANG, RTEN PA SGRUB PA GSUM GYI DBYE BAS, GNAS SKABS RIGS GSUM DANG RIGS CAN GSUM GYI DBYE BA 'THAD PA DANG, RTEN BRTEN PA'I DON YANG RTOGS BYA RTOGS BYED LA BYED PA DANG, @37A *, ,RTOGS BYA'I RIGS DE YANG SEMS KYI NGO BO DANG KHYAD PAR LA BDEN PAR SGRO BTAGS NAS 'DZIN PA'I BDEN 'DZIN GYI ZHEN YUL MED PA LA BYED PA 'GREL CHEN GNYIS KAR, 'PHAGS PA'I GANG ZAG THAMS CAD NI 'DUS MA BYAS KYI RAB TU PHYE BA'I SLAD DU'O ZHES PA'I MDO KHUNGS SU MDZAD NAS BSGRUB PAR MDZAD PA'I PHYIR, GNYIS PA RGYUD BLA MA RTZA 'GREL DANG 'GAL BA SPONG BA LA RTZOD PA DANG, LAN GNYIS, DANG PO LA KHA CIG GIS, 'PHAGS PA LA STONG NYID RTOGS MYONG GIS KHYAB PA DANG, BDEN 'DZIN NYON SGRIB TU 'DOD PA MI 'THAD BAR THAL, RGYUD BLA MA LAS, NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, ,CES PA DANG, DE'I THAD KYI 'GREL PA LAS, MDOR BSDU NA GANG ZAG BZHI PO 'DI NI, DE BZHIN GSHEGS PA'I SNYING PO MTHONG BA LA MIG DANG MI LDAN PAR RNAM PAR GZHAG PA YIN TE, BZHI GANG ZHE NA, 'DI LTA STE, SO SO'I SKYE BO DANG, NYAN THOS DANG, RANG SANGS RGYAS DANG, THEG PA LA GSAR DU ZHUGS PA'I BYANG CHUB SEMS DPA' STE, JI SKAD DU, BCOM LDAN 'DAS DE BZHIN GSHEGS PA'I SNYING PO 'DI NI, 'JIG TSOGS LA LTA BAR LHUNG BA RNAMS DANG, PHYIN CI LOG LA MNGON PAR DGA' BA RNAMS DANG, STONG PA NYID LA SEMS RNAM PAR G-YENG BA RNAMS KYI SPYOD YUL MA LAGS SO, ,ZHES GSUNGS PA'I PHYIR DANG, 'KHOR GSUM RNAM PAR RTOG PA GANG, ,DE NI SHES BYA'I SGRIB PAR 'DOD, ,SER SNA LA SOGS RNAM RTOG GANG, ,DE NI NYON MONGS SGRIB PAR 'DOD, ,CES GSUNGS PA'I PHYIR ZER NA, GNYIS PA LAN BSHAD PA LA, SKYON MED DE, 'GREL PA DE'I DON 'JIG LTA LHAN SKYES DANG 'DZIN STANGS DNGOS SU 'GAL BA'I LAM MA RNYED PA'I 'JIG TSOGS LA LTA BAR LHUNG BA'I SO SO SKYE BO 'GA' ZHIG DANG, PHYIN CI LOG LA MNGON PAR DGA' BA'I MI RTAG SOGS BCU DRUG BDEN PAR BZUNG NAS, MI RTAG SOGS SU SGOM PA'I NYAN RANG 'GA' ZHIG DANG, STONG PA NYID LA SEMS RNAM PAR G-YENG BA DNGOS PO BDEN PAR 'DZIN PA'I BDEN 'DZIN GYIS BCINGS PA'I THEG PA LA GSAR DU ZHUGS PA'I BYANG SEMS 'GA' ZHIG GIS SPYOD YUL MA YIN PAR BSTAN PA'I PHYIR, DE LTAR MA YIN NA THEG PA LA GSAR DU ZHUGS @37B PA'I BYANG SEMS DANG SO SO'I SKYE BO GANG RUNG YIN NA, STONG NYID MA RTOGS PAS KHYAB PAR THAL, NYAN THOS DANG, RANG SANGS RGYAS DANG, ZHES GSUNGS NA, DE GANG RUNG LA STONG NYID MA RTOGS PAS KHYAB PA GANG ZHIG ,SO SO SKYE BO DANG, THEG PA LA GSAR DU ZHUGS PA'I BYANG CHUB SEMS DPA' DANG, ZHES GSUNGS PA'I PHYIR; 'DOD NA, DMAN LAM SNGON DU MA SONG BA'I BYANG SEMS SBYOR LAM PA DANG, DANG PO NYID NAS THEG CHEN DU RIGS NGES PA'I THEG CHEN GYI TSOGS LAM DU ZHUGS MA THAG PA'I BYANG SEMS TSOGS LAM PA DBANG RNON GNYIS CHOS CAN, DER THAL, DE'I PHYIR, 'DOD NA, MI 'THAD DE, DANG PO DES STONG NYID RTOGS PA'I LHAG MTHONG THOB PA DANG, THEG CHEN GYI SBYOR LAM DU 'PHOS PA DUS MNYAM PA'I PHYIR, PHYI MA DES TSOGS LAM DU MA ZHUGS PA'I SNGA ROL NAS STONG NYID RTOGS PA'I PHYIR, GZHAN YANG, NYAN RANG LA STONG NYID RTOGS PA YOD PAR THAL, DE BZHIN GSHEGS PA LA DAD STOBS KYIS STONG NYID RTOGS PA YOD PA'I PHYIR, DER THAL, RGYUD BLA MA LAS, RANG 'BYUNG RNAMS KYI DON DAM DE, ,DAD PA NYID KYIS RTOGS BYA YIN, ,ZHES GSUNGS PA'I PHYIR, DE LTAR YIN KYANG, NYI MA'I DKYIL 'KHOR 'OD 'BAR BA, ,ZHES GSUNGS PA DANG 'GAL BA'I SKYON MED DE, DE'I DON MIG DANG MI LDAN PA'I MIS GANG ZAG GZHAN GYIS BSTAN PA LA MA BLTOS [*LTOS] PAR NYI MA'I DKYIL 'KHOR RANG STOBS KYIS MNGON SUM DU RTOGS MI NUS PA DE BZHIN DU, GANG ZAG BZHI PO DES, DE BZHIN GSHEGS PA'I GSUNG LA MA BRTEN PAR RANG NYID KYIS STONG NYID RIGS PA YANG DAG LA BRTEN NAS RANG STOBS KYIS RTOGS MI NUS PA'I DON YIN PA'I PHYIR, GZHAN YANG, NYAN RANG LA STONG NYID RTOGS PA YOD PAR THAL, DNGOS PO BDEN MED DU RTOGS PA LA THABS LA ZHUGS PA DANG, DE BDEN PAR 'DZIN PA'I BDEN 'DZIN GYIS BCINGS PA LA THABS MA YIN PA LA ZHUGS PA GNYIS SU BYAS PA'I THABS LA ZHUGS PA'I NYAN RANG YOD PA'I PHYIR, DER THAL, 'GREL PA LAS, DE LA THABS LA ZHUGS PA YANG RNAM PA GNYIS TE, NYAN THOS KYI THEG PA DANG MTHUN PA YANG DAG PA NGES PA NYID DU ZHUGS PA DANG, RANG SANGS RGYAS KYI THEG PA DANG MTHUN PA'O, ,ZHES GSUNGS PA'I PHYIR, DNGOS PO BDEN MED DU RTOGS PA'I LTA BA RANG RGYUD LA SKYES PA LA THABS LA ZHUGS PAR 'JOG RIGS PA YIN TE, DE BDEN @38A *, ,PAR 'DZIN PA'I BDEN 'DZIN GYIS BCINGS PA LA THABS MA YIN PA LA ZHUGS PAR 'JOG PA'I PHYIR, DER THAL, 'GREL PA LAS, MNGON PA'I NGA RGYAL CAN STONG PA NYID DU LTA BA STE 'DI LA STONG PA NYID DU LTA BA GANG DAG DE'I RNAM PAR THAR PA'I SGO LA YANG STONG PA NYID DU LTA BAR 'GYUR BA'O, ,GANG GI DBANG DU MDZAD NAS 'OD SRUNGS GANG ZAG TU LTA BA RI RAB TZAM NI SLA YI MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,ZHES GSUNGS PA'I PHYIR, KHA CIG ,THEG DMAN LA STONG NYID RTOGS PA MED PAR THAL, RGYUD BLA MA LAS, 'DOD CHEN MU STEGS NYAN THOS DANG, ,RANG BYUNG RNAMS KYI SGRIB RNAM BZHI; ;ZHES DANG, 'GREL PA LAS KYANG, DE LA THEG PA CHEN PO LA YANG DAG PAR GNAS PA'I SEMS CAN SGRIB PA MED PA'I RTOG [*RTOGS] PA MA GTOGS PAR GZHAN SEMS CAN RNAM PA BZHI PO 'DI LTA STE, 'DOD CHEN DANG, MU STEGS PA DANG, NYAN THOS DANG, RANG SANGS RGYAS TE, DE DAG LA NI DE BZHIN GSHEGS PA'I KHAMS MI RTOG [*RTOGS] PA DANG, MNGON DU BYED PAR MI 'GYUR BA'I SGRIB PA 'DI BZHI YANG DAG PAR GNAS SO, ,ZHES GSUNGS PA'I PHYIR ZER NA SKYON MED DE, DE'I DON GANG ZAG BZHI PO DES, SGRIB GNYIS SPANGS PA'I DE BZHIN NYID MNGON SUM DU MA RTOGS PA'I DON DANG, DE MNGON DU MA BYAS ZHES PA'I DON YIN PA'I PHYIR, DES NA BDEN 'DZIN NYON SGRIB DANG, 'PHAGS PA LA STONG NYID RTOGS MYONG GIS KHYAB PA DANG, GROL BA MYANG 'DAS 'THOB PA LA STONG NYID RTOGS DGOS PA, RGYUD BLA MA RTZA 'GREL GYI DGONGS PA MTHAR THUG YIN TE, BDAG 'DZIN GNYIS KYI BAG CHAGS LA BRTEN NAS DE GNYIS SKYES, DE LA BRTEN NAS RANG NGOS NAS GRUB PA'I YID 'ONG BA DANG YID MI 'ONG DU SNANG BA'I TSUL MIN YID BYED KYI RNAM RTOG SKYE, DE LA BRTEN NAS YID 'ONG LA DMIGS NAS MI 'BRAL BAR 'DOD PA'I 'DOD CHAGS DANG, YID MI 'ONG LA DMIGS NAS 'BRAL 'DOD KYI ZHE SDANG SKYES, DE'I DBANG GIS LAS BSAGS LAS DE'I DBANG GIS 'KHOR BAR 'KHOR BA DANG DE LTAR 'KHOR BA DE YANG, DE BZHIN GSHEGS PA'I SNYING PO MNGON SUM DU MA RTOGS PA'I DBANG GIS YIN PAR GSUNGS PA'I PHYIR TE, 'GREL PA LAS, DE LTAR NA BYIS PA BAG LA NYAL DANG LDAN PA MTSAN MAR 'DZIN PA CAN GYI DMIGS PA LA SPYOD PA, DE DAG @38B LA NI TSUL BZHIN MA YIN PA YID LA BYED PA KUN 'BYUNG BA LAS, NYON MONGS PA KUN 'BYUNG NGO, ,NYON MONGS PA KUN 'BYUNG BA LAS NI, LAS KUN 'BYUNG NGO, ,LAS KUN 'BYUNG BA LAS NI, SKYE BA KUN 'BYUNG BAR 'GYUR TE, BYIS PA RNAMS KYI NYON MONGS PA DANG, LAS DANG SKYE BA'I KUN NAS NYON MONGS PA 'DI THAMS CAD KYANG KHAMS GCIG YANG DAG PAR JI LTA BA BZHIN MA SHES PA LAS RAB TU 'JUG GO ,ZHES GSUNGS PA'I PHYIR, 'KHOR BA DE LAS LDOG PA YANG, DE BZHIN GSHEGS PA'I SNYING PO MNGON SUM DU RTOGS PA LA RAG LAS PA GSUNGS PA YIN TE, RGYUD BLA MA'I 'GREL PAR MDO DRANGS PA LAS, 'JAM DPAL SKYE BA MED CING 'GAG PA MED PA LA NI SEMS DANG YID DANG RNAM PAR SHES PA MI 'JUG GO GANG LA SEMS DANG YID DANG RNAM PAR SHES PA MI 'JUG PA DE LA NI, KUN TU RTOG PA GANG ZHIG TSUL BZHIN MA YIN PA YID LA BYED PAR 'GYUR BA KUN TU RTOG PA 'GA' YANG MED DO TSUL BZHIN YID LA BYED PA LA RAB TU SBYAR BA DE NI, MA RIG PAS KUN NAS SLONG BA MI BYED DO, ,MA RIG PA KUN NAS LDANG BA MED PA GANG YIN PA DE NI, SRID PA'I YAN LAG BCU GNYIS KUN NAS LDANG BAR MI BYED DE, ZHES GSUNGS PA'I PHYIR, DE LTAR YIN KYANG, 'KHOR GSUM RNAM PAR RTOG PA GANG, ,ZHES SOGS DANG 'GAL BA'I SKYON MED DE, DANG PO NYID NAS THEG DMAN DU RIGS NGES PA'I STONG NYID STON PA'I SNOD DU MI RUNG BA'I THEG DMAN 'GA' ZHIG RJES SU 'DZIN PA'I PHYIR DU GSUNGS PA'I DRANG DON DGONGS PA CAN YIN PA'I PHYIR, GNYIS PA, SA GNYIS PA DRI MA MED PA BSHAD PA LA, GZHUNG SPYI'I BSDU BA DANG, GZHUNG DON DNGOS BSHAD PA GNYIS LAS, DANG PO LA, SA'I YON TAN RGYAS PAR BSHAD PA DANG, SA'I YON TAN BSTAN PA'I SGO NAS MJUG BSDU BA DANG GNYIS, DANG PO LA, SA 'DIR TSUL KHRIMS YONGS SU DAG PAR BSTAN PA DANG, TSUL KHRIMS KYI BSNGAGS PA BSHAD PA DANG, TSUL KHRIMS MI MTHUN PHYOGS DANG MA 'DRES PA'I DPE BSHAD PA DANG, TSUL KHRIMS KYI PHAR PHYIN GYI DBYE BA BSHAD PA DANG BZHI LAS, DANG PO LA, SA 'DIR RMI LAM GYI SKABS SU YANG TSUL KHRIMS 'CHAL BA'I DRI MA SPANGS PA'I SGO NAS, TSUL KHRIMS KYI PHAR PHYIN GYI NYAMS LEN LHAG PAR THOB PA'I TSUL DANG, NYES SPYOD SDOM PA'I @39A *, ,TSUL KHRIMS RNAM PAR DAG PA'I SGO NAS DGE BCU RANG GI NGANG GIS BSOG PA'I YON TAN THOB PA YIN NO ZHES 'CHAD PAR BYED PA LA, DE TSUL PHUN TSOGS, ZHES PA NAS, DAM PA'I LAS LAM BCU CHAR BSOG PAR BYED, CES PA'I BAR GSUNGS, SA DANG PO'I GNAS SKABS SU YANG DGE BCU RDZOGS PAR BSOG PA YOD KYANG, SA 'DIR RMI LAM GYI GNAS SKABS SU YANG TSUL KHRIMS 'CHAL BA'I DRI MA SPANGS PAS, SA DANG PO'I GNAS SKABS LAS KYANG CHES LHAG PA'I YON TAN THOB PA DANG, NANG DU TSUL KHRIMS KYI PHAR PHYIN GYI NYAMS LEN THOB PA'I PHYI'I RTAGS DANG BCAS PA RIM PA BZHIN DU 'CHAD PA LA, DGE BA'I LAM 'DI LTA ZHIG BCU CHAR YANG, ZHES PA NAS, ZHI 'OD CHAGS PA DE DAG GIS RNAM MDZES, ZHES PA'I BAR GSUNGS, NYES SPYOD SDOM PA'I TSUL KHRIMS RNAM PAR DAG KYANG TSUL KHRIMS KYI 'KHOR GSUM BDEN PAR 'DZIN PA'I BDEN 'DZIN GYIS BCINGS NA, BYANG SEMS KYI TSUL KHRIMS RNAM PAR DAG PAR MI 'GYUR BAS, BYANG SEMS SA GNYIS PA BA 'DIS RMI LAM GYI GNAS SKABS SU YANG TSUL KHRIMS 'CHAL BA'I DRI MA SPANGS PA DANG, TSUL KHRIMS KYI 'KHOR GSUM BDEN MED DU MNGON SUM DU RTOGS PAS, BYANG SEMS KYI TSUL KHRIMS RNAM PAR DAG PA YIN NO ZHES 'CHAD PA LA, GAL TE DE NI KHRIMS DAG RANG BZHIN LTA, ,ZHES PA NAS BZUNG STE, GNYIS BLO'I RGYU BA YANG DAG BRAL BAR 'GYUR, ,ZHES PA'I BAR GSUNGS, GNYIS PA, TSUL KHRIMS KYI BSNGAGS PA BSHAD PA LA, SBYIN PA'I 'BRAS BU BDE 'GRO'I RTEN LA LONGS SPYOD PA TSUL KHRIMS LA RAG LAS PA DANG, DE LA SKYE BA BRGYUD MAR LONGS SPYOD BA TSUL KHRIMS LA RAG LAS PA DANG, TSUL KHRIMS RNAM PAR DAG NA NGAN SONG LAS MYUR DU THAR BA DANG, MNGON MTHO NGES LEGS GANG 'THOB PA'I RGYUR TSUL KHRIMS BSNGAGS PA YIN ZHES BSNGAGS PA DE 'CHAD PA LA, SBYIN PAS LONGS SPYOD DAG NI 'GRO NGAN NA'ANG, ZHES PA NAS, MNGON MTHO'I RGYU NI TSUL KHRIMS LAS GZHAN MED, ,CES PA'I BAR GSUNGS, GSUM PA TSUL KHRIMS MI MTHUN PHYOGS DANG MA 'DRES PA'I DPE BSHAD PA LA, KLU GTZANG SBRA CAN GNAS PA'I RGYA MTSO RO DANG @39B LHAN CIG TU MI GNAS PA DE BZHIN DU, BYANG SEMS SA GNYIS PA BA'I THUGS RGYUD DE YANG, TSUL KHRIMS 'CHAL BA DANG LHAN CIG TU MI GNAS PA DPE'I SGO NAS TSUL KHRIMS RNAM PAR DAG TSUL 'CHAD PAR BYED PA LA, JI LTAR RGYA MTSO RO DANG LHAN CIG TU ZHES PA NAS, ,DE 'CHAL BA DANG LHAN CIG GNAS MI 'DOD, ,CES PA'I BAR GSUNGS, BZHI PA, DBYE BA BSHAD PA LA, DE LA DBYE NA, TSUL KHRIMS KYI 'KHOR GSUM BDEN MED DU MNGON SUM DU RTOGS PA'I SHES RAB KYIS MA ZIN PA'I 'JIG RTEN PA'I TSUL KHRIMS KYI PHAR PHYIN GCIG DANG, DES ZIN PA'I 'JIG RTEN LAS 'DAS PA'I TSUL KHRIMS KYI PHAR PHYIN GNYIS YOD DO ZHES 'CHAD PAR BYED PA LA, GANG GIS GANG ZHIG GANG LA SPONG BYED PA, ,ZHES PA NAS, GSUM LA CHAGS PAS STONG STE 'JIG RTEN 'DAS, ,ZHES PA'I BAR GSUNGS, GNYIS PA, SA'I YON TAN BSTAN PA'I SGO NAS MJUG BSDUS TE BSHAD PA LA, RGYAL BA'I SRAS PO BYANG SEMS SA GNYIS PA BA'I ZLA BA LAS BYUNG BA'I 'OD ZER LTA BU'I SA GNYIS PA'I YE SHES DE, SRID PA 'KHOR BA PA MA YIN KYANG DE'I DPAL DU GYUR PA DANG 'GRO BA'I YID KYI GDUNG BA SEL BA ZLA BA'I 'OD ZER DANG CHOS MTHUN SBYAR NAS 'CHAD PAR BYED PA LA, RGYAL SRAS ZLA BA LAS BYUNG SRID MIN SRID PA YIS, ,ZHES PA MAN CHAD KYI GZHUNG GSUNGS, GNYIS PA; GZHUNG DON DNGOS 'CHAD PA LA, GAL TE DE NI KHRIMS DAG RANG BZHIN LTA, ,ZHES SOGS KYI SKABS SU, MTHA' DPYAD PA LA, BYANG SEMS SA GNYIS PA BA BYANG SEMS KYI TSUL KHRIMS RNAM PAR DAG NA DAG BYA'I TSUL KHRIMS KYI NYAMS LEN GANG ZHE NA, RGYAL SRAS KYI SPYOD PA LA SLOB PA'I NYAMS LEN RNAMS, BYANG SEMS KYI TSUL KHRIMS KYI NYAMS LEN GSUM DU 'DU BA YIN TE, NYAN RANG YID BYED KYI BSAM PA SPONG BA DANG, BDEN 'DZIN SPONG BA'I NYAMS LEN RNAMS NYES SPYOD SDOM PA'I TSUL KHRIMS DANG, GZHAN DON BYA BA BCU GCIG DANG, BSDU BZHI'I NYAMS LEN RNAMS SEMS CAN DON BYED KYI TSUL KHRIMS KYI NYAMS LEN DANG, RGYAL BA'I GSUNG RAB LA THOS PA NGOMS MED DU BYED PA DANG, PHYIN DRUG GI NYAMS LEN RNAMS BYANG SEMS KYI DGE BA CHOS SDUD KYI TSUL KHRIMS KYI NYAMS LEN DU 'DU BA'I PHYIR, BYANG SEMS RAB BYUNG DES LUS NGAG GI KHA NA MA THO BA BDUN SPONG ZHING, DE'I RGYUD KYI TSUL @40A *, ,KHRIMS DE BYANG SEMS KYI TSUL KHRIMS YIN KYANG, LUS NGAG GI KHA NA MA THO BA BDUN DANG, YID KYI GSUM GYI NANG NAS YID KYI GSUM PO DE GTZO BOR SPONG DGOS PA YIN TE, DANG PO BDUN PO DE BYANG SEMS LA GNANG BA'I SKABS YOD, PHYI MA GSUM PO DE BYANG SEMS LA GNANG BA'I SKABS MED PA'I PHYIR, DE'I RGYUD KYI TSUL KHRIMS DE BYANG SEMS KYI TSUL KHRIMS YIN GYI, DE'I RGYUD KYI DGE TSUL GYI SDOM PA DANG DGE SLONG GI SDOM PA GNYIS PO DE BYANG SEMS GYI SDOM PA MA YIN TE, DE JI SRID 'TSO BAR GYI SDOM PA GANG ZHIG ,BYANG SEMS KYI SDOM PA YIN NA JI SRID 'TSO BAR GYI SDOM PA MA YIN DGOS PA'I PHYIR, DE'I RGYUD KYI SDOM PA GNYIS PO DE BYANG SEMS KYI TSUL KHRIMS YIN TE, BYANG SEMS KYI SO THAR GYI TSUL KHRIMS YIN PA'I PHYIR, TSUL KHRIMS KYI 'KHOR GSUM BDEN PAR 'DZIN PA'I BDEN 'DZIN GYIS BCINGS SHING, PHAM PAS MA GOS PA'I DGE SLONG BYANG SEMS KYI RGYUD KYI SDOM PA DE, NYES SPYOD SDOM PA'I TSUL KHRIMS RNAM DAG YIN KYANG, BYANG SEMS KYI TSUL KHRIMS RNAM DAG MA YIN TE, BYANG SEMS KYI TSUL KHRIMS 'CHAL BA YIN PA'I PHYIR, DKON BRTZEGS LAS, 'OD SRUNGS 'DI LA DGE SLONG KHA CIG TSUL KHRIMS DANG LDAN PA YIN TE, SO SO THAR PA'I SDOM PAS BSDAMS SHING GNAS CHO GA DANG SPYOD YUL PHUN SUM TSOGS PA KHA NA MA THO BA PHRA RAGS RNAMS LA'ANG 'JIGS PAR LTA BA, YANG DAG PAR BLANGS TE BSLAB PA'I GZHI RNAMS LA SLOB CING LUS DANG NGAG DANG YID KYI LAS YONGS SU DAG PA DANG LDAN PAR GYUR PAS 'TSO BA YONGS SU DAG KYANG DE BDAG TU SMRA BA YIN TE, 'OD SRUNGS DE NI TSUL KHRIMS 'CHAL PA TSUL KHRIMS DANG LDAN PA LTAR BCOS PA DANG PO'O, ,ZHES BYA BA NAS, 'OD SRUNGS GZHAN YANG 'DI LA DGE SLONG KHA CIG SBYANGS PA'I YON TAN BCU GNYIS YANG DAG BAR BLANGS KYANG DMIGS PAR LTA BA YIN TE, NGAR 'DZIN PA DANG NGA YIR 'DZIN PA LA GNAS PA DE NI 'OD SRUNGS TSUL KHRIMS 'CHAL PA TSUL KHRIMS DANG LDAN PA LTAR BCOS PA BZHI PA STE, ZHES GSUNGS PA'I PHYIR, DE SO THAR GYI NYES SPYOD SDOM PA'I TSUL KHRIMS RNAM DAG YIN TE, DNGOS SMRA BA'I DGE SLONG DE DGE SLONG RNAM DAG YIN PA'I PHYIR, GAL TE DE NI, ZHES PA DANG, MDO LAS 'OD SRUNGS DE NI, ZHES PA DE SA GNYIS PA @40B BA LA SNYEG PA MA YIN TE, SA GNYIS PA BA DE RMI LAM GYI GNAS SKABS SU YANG 'CHAL TSUL GYI DRI MA SPANGS SHING, TSUL KHRIMS KYI 'KHOR GSUM BDEN MED DU RTOGS MYONG BAS BYANG SEMS KYI TSUL KHRIMS RNAM PAR DAG PA YIN PA'I PHYIR, SA GSUM PA 'OD BYED PA BSHAD PA LA, GZHUNG SPYI'I BSDU BA BSHAD PA DANG, GZHUNG DON DNGOS BSHAD PA GNYIS, DANG PO LA KHYAD GZHI SA'I NGES TSIG BSHAD PA DANG, KHYAD CHOS SA'I YON TAN RGYAS PAR BSHAD PA, NYI MA'I 'OD ZER DANG CHOS MTHUN SBYAR NAS SA'I YON TAN BSTAN PA'I SGO NAS MJUG BSDUS TE BSHAD PA DANG GSUM, DANG PO LA, SA DANG PO GNYIS SU PHAR PHYIN DANG PO GNYIS NYAMS SU BLANGS PA LA BRTEN NAS GONG MA'I YON TAN JI LTA BU ZHIG 'BYUNG BA YIN ZHE NA, BZOD PA'I PHAR PHYIN GYI NYAMS LEN LHAG PAR 'THOB PA'I SA GSUM PA 'OD BYED PA DE THOB CING, DE LA 'OD BYED PA ZHES BRJOD PA'I RGYU MTSAN YOD DE, BZOD PA'I PHAR PHYIN GYI NYAMS LEN LHAG PAR THOB PA'I MNYAM GZHAG GI GNAS SKABS SU SHES SGRIB MNGON GYUR BA'I BUD SHING BSREGS PA'I YE SHES KYI ME 'BYUNG BA'I SNGA BLTAS, RJES KYI GNAS SKABS SU SNANG BA ZANGS KYI 'OD LTAR DMAR SER 'BYUNG BA'I RGYU MTSAN GYIS 'OD BYED PA ZHES BSHAD PA'I PHYIR, ZHES KHYAD GZHI SA'I NGES TSIG DE 'CHAD PA LA; SHES BYA'I BUD SHING MA LUS BSREGS PA'I ME, ,ZHES PA NAS, DE TSE NYI LTAR ZANGS 'DRA'I SNANG BAR BYUNG, ,ZHES PA'I BAR GSUNGS, KHYAD CHOS SA'I YON TAN RGYAS PAR BSHAD PA LA, DNGOS DANG, PHAR PHYIN DANG PO GSUM GYI KHYAD PAR BSHAD PA DANG GNYIS, DANG PO LA, SA 'DIR BZOD PA'I PHAR PHYIN GYI NYAMS LEN LHAG PAR THOB TSUL DANG, BZOD PA GZHAN JI LTAR BSTAN PA'I TSUL DANG, BZOD PA'I PHAR PHYIN GYI DBYE BA BSHAD PA DANG, SA 'DIR LHAG PA'I YON TAN GZHAN BSHAD PA DANG BZHI LAS, DANG PO NI, BYANG SEMS SA GSUM PA BA DE BDAG DANG BDAG GI BSHES RNAMS LA GNOD PA 'DI LTA BU BYAS SO SNYAM PA'I NGA DANG NGA YI BAR 'DZIN PA MED PAS KHONG KHRO'I GNAS MA YIN KYANG, KHONG KHROS RGYUD RANG DBANG MED PAR 'KHRUGS PA'I GANG ZAG 'GA' ZHIG GIS, BYANG SEMS DE'I SHA RUS SRANG RE RE NAS BCAD KYANG GCOD BYED LA MI KHRO BAR MA ZAD, SPYIR SHA RUS BCAD PA'I SDUG BSNGAL LAS LHAG PA'I SEMS CAN @41A *, ,DMYAL BA'I SDUG BSNGAL MYONG DGOS PAR MTHONG NAS, SDUG BSNGAL RGYU DANG BCAS PA SPONG BA'I BRTZE BA SNYING RJE CHEN POS ZIN PA'I SGO NAS BZOD PA'I PHAR PHYIN GYI NYAMS LEN LHAG PA'I TSUL DANG, SHA RUS GCOD PA'I 'KHOR GSUM BDEN MED DU MNGON SUM DU RTOGS PA'I SHES RAB KYIS ZIN PA'I SGO NAS, BZOD PA'I PHAR PHYIN GYI NYAMS LEN LHAG PA'I TSUL GNYIS PO DE RIM PA BZHIN DU 'CHAD PA LA, GAL TE GNAS MIN 'KHRUG PA 'GA' YIS DE'I, ,ZHES PA NAS, MTHONG BA DES KYANG DE YIS BZOD PAR 'GYUR, ,ZHES [*PA'I BAR] GSUNGS, GNYIS PA, BZOD PA GZHAN JI LTAR BSTAN PA'I TSUL BSHAD PA LA, KHONG KHRO'I NYES DMIGS BSAM PA'I SGO NAS, KHONG KHRO DGAG RIGS PAR BSTAN PA DANG, BZOD PA'I PHAN YON BSAM PA'I SGO NAS BZOD PA SGOM RIGS PAR BSTAN PA DANG GNYIS LAS, DANG PO LA, GNOD BYED LA GNOD LAN 'JAL BAS SNGAR BYAS KYI GNOD PA MI LDOG CING GNOD LAN 'JAL BAS SNGAR GYI SDUG BSNGAL LAS CHES LHAG PA'I SDUG BSNGAL BSKYED PAS DGOS PA MED CING, NYES DMIGS CHE BA DANG, GNOD BYED LA GNOD LAN 'JAL BA DANG, PHYIN CHAD BDE BAR 'DOD PA 'GAL BA DANG, GNOD BYED KYIS GNOD PA BYED PA DE, SNGON GYI LAS NGAN 'DAG BYED YIN PA LA, SLAR YANG DE LA GNOD LAN 'JAL BAS SNGAR GYI SDUG BSNGAL DE LAS CHES LHAG PA'I NGAN SONG GI SDUG BSNGAL MYONG DGOS PA DANG, KHONG KHROS SNGAR YUN RING DU BSAGS PA'I DGE RTZA 'JOMS PA DANG GNAS SKABS BZHIN MI SDUG CING DAM PA MA YIN PAR DKRI BAR 'GYUR BAS, KHONG KHRO SGO DU MA NAS DGAG RIGS SO ZHES 'CHAD PA LA, GNOD PA BYAS PAS GAL TE DER DKON NA, ,ZHES PA NAS, MI BZOD PA YIS MYUR DU NGAN 'GROR SKYUR BAR BYED, ,CES PA'I BAR GSUNGS, GNYIS PA, BZOD PA'I PHAN YON BSAM PA'I SGO NAS BZOD PA SGOM RIGS PAR BSTAN PA LA, SNGAR BSHAD PA'I KHONG KHRO'I NYES DMIGS DE DAG DANG 'GAL BA'I PHAN YON BZOD PA LA YOD PA'I TSUL DANG, SO SO SKYE BO'I KHONG KHRO'I NYES DMIGS DANG, RGYAL SRAS 'PHAGS PA'I BZOD PA'I PHAN YON BSAM PA'I SGO NAS BZOD PA SGO DU MA NAS SGOM RIGS SO ZHES 'CHAD PAR BYED PA LA, BZOD PAS BSHAD ZIN DANG 'GAL YON TAN @41B RNAMS BYED, CES PA NAS, BSNGAGS PA'I BZOD PA RTAG TU MYUR BSTEN BYA, ,ZHES PA'I BAR GSUNGS, GSUM PA, BZOD PA'I PHAR PHYIN GYI DBYE BA BSHAD PA LA, DE LA DBYE NA, BZOD PA'I 'KHOR GSUM BDEN MED DU MNGON SUM DU RTOGS PA'I SHES RAB KYIS MA ZIN PA'I 'JIG RTEN PA'I BZOD PA'I PHAR PHYIN DANG; DES ZIN PA'I 'JIG RTEN LAS 'DAS PA'I BZOD PA'I PHAR PHYIN GNYIS YOD DO ZHES 'CHAD PAR BYED PA LA, RDZOGS SANGS RGYAS KYI BYANG CHUB PHYIR BSNGOS KYANG, ZHES PA NAS, 'JIG RTEN 'DAS PA'I PHA ROL PHYIN CES BSTAN, ,ZHES PA'I BAR GSUNGS, SA 'DIR LHAG PA'I YON TAN GZHAN BSHAD PA LA, SA 'DIR BZOD PA'I PHAR PHYIN GYI NYAMS LEN LHAG PAR THOB PAR MA ZAD, BSLAB PA GSUM GYI NANG NAS TING NGE 'DZIN GYI BSLAB PA'I NYAMS LEN LHAG PAR THOB PAS SA GNYIS PA MAN CHAD DU MA THOB PA'I ZHI RAGS KYI RNAM PA CAN GYI BSAM GTAN DANG GZUGS MED KYI SNYOM 'JUG DANG, MNGON SHES DANG, SPANGS PA'I KHYAD PAR RNAMS 'CHAD PA LA, SA DER RGYAL SRAS BSAM GTAN MNGON SHES DANG, ZHES PA NAS, 'DOD PA'I 'DOD CHAGS 'JOMS PAR NUS PAR 'GYUR, ,ZHES PA'I BAR GSUNGS, SBYIN SOGS DANG PO GSUM GYI KHYAD PAR BSHAD PA LA, DE GSUM PO DE KHYIM PA DANG RAB BYUNG GNYIS KYI NANG NAS RTEN KHYIM PA LA BSNGAGS PA DANG, TSOGS GNYIS KYI NANG NAS GTZO BOR BSOD NAMS KYI TSOGS KYIS BSDUS PA DANG, SKU GNYIS KYI NANG NAS GTZO BOR GZUGS SKU'I LAG RJES 'JOG PA YIN NO ZHES 'CHAD PA LA, SBYIN SOGS CHOS GSUM DE DAG PHAL MO CHE, ,ZHES PA NAS, SANGS RGYAS GZUGS KYI BDAG NYID SKU YI RGYU, , ZHES PA'I BAR GSUNGS, NYI MA'I 'OD ZER DANG CHOS MTHUN SBYAR NAS SA'I YON TAN BSTAN PA'I SGO NAS MJUG BSDUS TE 'CHAD PA LA NYI MA'I 'OD ZER DES DANG POR RANG NYID MTHONG BA LA SGRIB BYED KYI MUN PA RNAMS SEL DE'I RJES SU GZUGS SOGS GZHAN MTHONG BA LA SGRIB BYED KYI MUN PA SEL BAR BYED PA DE BZHIN DU, SA GSUM PA'I YE SHES 'DI YANG DANG POR SA GSUM PA RANG NYID 'THOB PA LA BGEGS BYED KYI SGRIB PA SEL BAR BYED DE'I RJES SU GDUL BYA GZHAN GYIS 'DI 'THOB PA LA GTZO BOR BGEGS BYED KYI SGRIB PA SEL BAR BYED PA DANG, TSIG RTZUB SOGS SHIN TU RNON PO RNAMS LA YANG KHRO BAR MI BYED DO ZHES @42A *, ,NYI MA'I 'OD ZER DANG CHOS MTHUN SBYAR NAS SA'I YON TAN BSTAN PA'I SGO NAS MJUG BSDUS TE 'CHAD PA LA, RGYAL BA'I SRAS PO NYI MA LA GNAS 'OD BYED 'DI, ,ZHES PA MAN CHAD KYI GZHUNG GSUNGS, ` GNYIS PA, GZHUNG DON DNGOS BSHAD PA LA, GANG PHYIR RGYAL SRAS RNAMS LA KHROS PA YIS, ,ZHES SOGS KYI SKABS SU, MTHA' DPYAD PA LA, RTEN GYI GANG ZAG GANG GIS YUL GANG LA KHONG KHRO JI TZAM ZHIG SKYES PAS DGE RTZA 'JOMS PA'I TSUL BSHAD PA DANG, 'JOM [*'JOMS] BYA'I DGE RTZA NGOS BZUNG BA DANG, JI LTAR 'JOMS PA'I TSUL BSHAD PA DANG, MDOR BSDUS TE BZOD PA BSTAN RIGS PAR BSTAN PA DANG BZHI, DANG PO LA, YUL BYANG CHUB SEMS DPA' LA RGYU MTSAN BDEN PA DANG MI BDEN PA'I TSIG GANG GIS NYES PA LHAG PAR SGRO BTAGS NAS, KHONG KHRO SKAD CIG MA GCIG SKYES NA, BSKAL PA BRGYAR BSAGS PA'I DGE RTZA 'JOMS PA YIN TE, 'JAM DPAL RNAM PAR ROL PA'I MDO LAS, 'JAM DPAL KHONG KHRO BA KHONG KHRO BA ZHES BYA BA NI, BSKAL PA BRGYAR BSAGS PA'I DGE BA NYE BAR 'JOMS PAR BYED PA DE'I PHYIR KHONG KHRO BA ZHES BYA'O, ,ZHES GSUNGS PA'I PHYIR, RGYU MTSAN BDEN PA DANG MI BDEN PA'I KHYAD PAR YOD DE, NYES PA CUNG ZAD KYANG MA BYAS PA LA BYAS SO ZHES GSHE BA NI RGYU MTSAN MI BDEN PAR SGRO BTAGS PA DANG, NYES PA CHUNG NGU BYAS PA LA CHEN PO BYAS SO ZHES GSHE BA NI RGYU MTSAN BDEN PAR SGRO BTAGS PA YIN PA'I PHYIR, YUL RTEN GNYIS KA BYANG SEMS SU GSAL BAR MA GSUNGS KYANG YUL RTEN GNYIS KA BYANG SEMS KYI DBANG DU BYAS PA YIN PA'I PHYIR, BYAMS PA SENG GE SGRAS ZHUS PA'I MDO LAS, BYANG CHUB SEMS DPA' GANG LA LA ZHIG GIS, STONG GSUM GYI STONG CHEN PO'I 'JIG RTEN GYI KHAMS SU GTOGS PA'I SEMS CAN THAMS CAD LA SPYOS PA DANG, BRGYAD PA DANG, DBYUG PA DANG, KHU TSUR GYIS BRDEG PA DE TZAM GYIS, BYANG CHUB SEMS DPA' LA RMA PHYUNG ZHING RMAS PAR MI 'GYUR GYIS, BYANG CHUB SEMS DPA' GANG GIS BYANG CHUB SEMS DPA' GCIG LA, THA NA GNOD SEMS DANG, THA BA DANG, ZHE SDANG GI SEMS BSKYED PA TZAM GYIS BYANG CHUB SEMS DPA' LA RMA PHYUNG ZHING RMAS PAR 'GYUR RO, ,DE CI'I PHYIR ZHE NA, GAL TE DE THAMS @42B CAD MKHYEN PA YONGS SU MA BTANG NA BYANG CHUB SEMS DPAS BYANG CHUB SEMS DPA' CIG SHOS LA GNOD SEMS DANG, THA BA DANG, SDANG BA'I SEMS JI SNYED DU BSKYED PA DE SNYED KYI BSKAL PAR GO CHA GZOD YANG BGO DGOS SO ZHES PA'I MDO LA BRTEN NAS YUL RTEN GNYIS KA BYANG CHUB SEMS DPAR GRUB PA'I PHYIR, KHONG KHRO SKAD CIG MA GCIG KHROS PAS, BSKAL PA BRGYAR BSAGS PA'I DGE RTZA 'JOMS PA DE YANG RTEN GYI BYANG SEMS DE, KHRO YUL GYI BYANG SEMS LAS STOBS CHE BA'I DBANG DU BYAS PA YIN TE, 'GREL PA LAS, BYANG SEMS BDAG NYID CHEN PO DES, ZHES GSUNGS PA'I PHYIR, KHA CIG GIS, YUL BYANG CHUB SEMS DPA' LA KHONG KHRO SKAD CIG MA GCIG SKYES PAS BSKAL PA BRGYAR BSAGS PA'I DGE RTZA 'JOMS PA MI 'THAD PAR THAL, BSKAL PA STONG DU BSAGS PA'I DGE RTZA 'JOMS PA SLOB DPON DPA' BO DANG, RGYAL SRAS ZHI BA LHA GNYIS GAS GSUNGS PA'I PHYIR, ZHI BA LHAS, ,BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN KYANG, ,KHONG KHRO GCIG GIS 'JOMS PAR BYED, ,CES GSUNGS PA'I PHYIR ZER NA, SKYON MED DE, DE BYANG SEMS MA YIN PAS BYANG SEMS LA KHROS PA'I DBANG DU BYAS PA YIN PA'I PHYIR, DER THAL, RIN PO CHE ZA MA TOG LAS, RGYA MTSO CHEN PO'I CHU SRANG GIS GZHAL MI NUS PA DE BZHIN DU BYANG SEMS MA YIN PAS BYANG SEMS LA KHROS PA'I RNAM SMIN GYI MTSAMS 'DZIN MI NUS PAR GSUNGS PA'I PHYIR, KHONG KHRO GSAR DU SKYES PA'I BYANG SEMS LA SO SKYES KHYAB KYANG, KHRO YUL GYI BYANG SEMS LA SO SKYES MA KHYAB STE, BYANG SEMS 'PHAGS PA LA DMIGS NAS, KHONG KHRO LOG LTA SOGS GSAR DU SKYE BA YOD PA'I PHYIR, KHONG KHRO GSAR DU SKYE BA'I RTEN GYI BYANG SEMS DE, SO SKYER NGES TE, 'PHAGS PA'I RTEN LA KHONG KHRO LOG LTA GSAR DU SKYE BA MED PA'I PHYIR, BYANG SEMS STOBS CHE BAS STOBS CHUNG BA LA KHROS PAS DGE RTZA JI TZAM 'JOMS PA DANG, STOBS CHUNG BAS CHE BA LA KHROS PAS DGE RTZA JI TZAM 'JOMS PA DANG, YUL RTEN MNYAM PAS MNYAM PA LA KHROS PAS DGE RTZA JI TZAM 'JOMS PA DANG, BYANG SEMS MA YIN PAS BYANG SEMS LA KHROS PAS DGE RTZA JI TZAM 'JOMS PA'I TSUL YOD DE, DANG PO DE BSHAD MA THAG PA DANG, BAR PA GNYIS PO DE BRGYA LAS LHAG STONG LAS DMAN PA GCIG 'JOMS PA'I @43A *, ,PHYIR; DER THAL, BYANG SEMS STOBS CHE BAS STOBS CHUNG BA LA KHONG KHRO SKAD CIG MA GCIG BSKYED PAS, BSKAL PA BRGYAR BSAGS BA'I DGE RTZA 'JOMS PA DANG, BYANG SEMS MA YIN PAS BYANG SEMS LA KHROS NA BSKAL PA STONG DU BSAGS PA'I DGE RTZA 'JOMS PAR GSUNGS PA'I PHYIR, BYANG CHUB SEMS DPAS LUS NGAG TU 'THON NAS BYANG SEMS MA YIN PA LA KHROS KYANG, KHONG KHRO'I GRANGS DANG MNYAM PAR GZHI NAS BSKAL PAR GO CHA BGO MI DGOS TE, BYANG SEMS KYIS BYANG SEMS MA YIN PA LA KHROS PA DANG, BYANG SEMS MA YIN PAS BYANG SEMS LA KHROS PA GNYIS RGYU MTSAN MI MTSUNGS PAR GSUNGS PA'I PHYIR, BYANG SEMS KYIS LUS NGAG TU MA THON PAR BYANG SEMS LA KHROS NA GZHI NAS BSKAL PAR GO CHA BGO DGOS PAR GSUNGS PA DE YANG, LUNG BSTAN MA THOB PA'I BYANG SEMS KYIS, LUNG BSTAN THOB PA'I BYANG SEMS LA KHROS PA'I DBANG DU BYAS PA YIN TE, MDO SDUD PA LAS, LUNG BSTAN MA THOB BYANG CHUB SEMS DPA' GANG ZHIG GIS, ,LUNG BSTAN THOB LA SEMS KHROS RTZOD PA RTZOM BYED NA, ,THA BA SKYON LDAN SEMS KYI SKAD CIG JI SNYED PA, ,DE SNYED BSKAL PAR GZHI NAS GO CHA BGO DGOS SO, ,ZHES GSUNGS PA'I PHYIR, BSKAL PAR GO CHA BGO DGOS PA'I DON YOD DE, SBYOR LAM DU MYUR DU 'PHO NUS PA'I BYANG SEMS TSOGS LAM CHEN PO BA ZHIG GIS, LUNG BSTAN THOB PA'I BYANG SEMS LA KHROS NA, KHONG KHRO SKAD CIG GI GRANGS DANG MNYAM PAR BSKAL PAR GZHI NAS TSOGS GNYIS LA SLOB DGOS PA'I DON YIN PA'I PHYIR, KHONG KHROS DGE RTZA 'JOMS PAR MA ZAD RNAM SMIN DMYAL BA MYONG DGOS PA YANG YOD DE, SPYOD 'JUG LAS, GANG ZHIG DE 'DRA'I RGYAL SRAS SBYIN BDAG LA, ,GAL TE NGAN SEMS SKYED PAR BYED PA DE, ,NGAN SEMS BSKYED PA'I GRANGS BZHIN BSKAL PAR NI, ,DMYAL BAR GNAS PAR 'GYUR ZHES THUB PAS GSUNGS, ,ZHES GSUNGS PA'I PHYIR, KHONG KHROS DGE RTZA 'JOMS PA DANG DE'I RNAM SMIN BSHAD MA THAG PA DE LTAR YIN PAS, GNYEN PO STOBS BZHI LA BRTEN NAS BSHAGS SDOM LA 'BAD DGOS PA YIN TE, RNAM PAR 'THAG PA BSDUS PA'I MDO LAS, CHOS SPONG GI LAS BYUNG BA'I GANG ZAG DES, LO BDUN GYI BAR DU NYI MA RE RE LA BSHAGS SDOM LAN GSUM BYAS PAS, RNAM SMIN DAG KYANG SBYOR LAM BZOD PA @43B THOB PA LA JI LTAR MYUR YANG BSKAL PA BCUS BUL BAR GSUNGS PAS, BSHAGS SDOM BYAS NA LAM GSAR DU SKYE BA'I NUS PA BCOM PA SOR MI CHUD KYANG RNAM SMIN MYONG MI DGOS PA'I PHYIR, KHONG KHROS DGE RTZA 'JOMS PA'I YUL, ,BYANG CHUB SEMS DPAR MA NGES TE, ,GROGS TSANGS PAR MTSUNGS PAR SPYOD PA LA KHROS PAS KYANG DGE RTZA 'JOMS PA'I PHYIR, DE YIN TE, THAMS CAD YOD PAR SMRA BA'I GZHUNG BSLAB BTUS SU DRANGS PA LAS, DGE SLONG DAG DGE SLONG GI 'DI LTAR SKRA DANG SEN MO'I MCHOD RTEN LA YAN LAG THAMS CAD KYIS PHYAG 'TSAL TE, SEMS DANG BAR BYED PA LA LTOS, BTZUN PA DE LTA LAGS SO, ,DGE SLONG DAG 'DIS JI TZAM ZHIG NON PA'I 'OG DPAG TSAD BRGYAD KHRI BZHI STONG NA GSER GYI 'KHOR LO LA THUG PA'I BAR NA, BYE MA JI SNYED YOD PA DE SNYED DU DGE SLONG 'DIS 'KHOR LOS BSGYUR BA'I RGYAL SRID STONG 'GYUR DU LONGS SPYOD PAR 'GYUR RO, ,ZHES BYA BA NAS, DE NAS TSE DANG LDAN PA NYE BAR 'KHOR GYIS, BCOM LDAN 'DAS GA LA BA DER LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS DGE SLONG GI DGE BA'I RTZA DE LTA BUR CHE BAR GSUNGS NA BCOM LDAN 'DAS DGE BA'I RTZA BA DE DAG GANG DU BSRABS PA DANG, YONGS SU BYANG BA DANG, YONGS SU ZAD PAR 'GYUR, NYE BAR 'KHOR JI LTAR TSANGS PAR MTSUNGS PAR SPYOD PA LA RMA PHYUNG BA DANG, RMAS PAR BYAS PA DE LTA BU NI NGAS MA MTHONG STE, NYE BAR 'KHOR DES DGE BA'I RTZA BA CHEN PO 'DI DAG BSRABS PA DANG, YONGS SU BYANG BA DANG, YONGS SU ZAD PAR 'GYUR RO, ,NYE BAR 'KHOR DE LTA BAS NA CI NAS KYANG 'GAL BA LA YANG, SEMS KYIS GNOD PA MI BYA NA, RNAM PAR SHES PA DANG BCAS PA'I LUS LA LTA SMOS KYANG CI DGOS, ZHES GSUNGS PA'I PHYIR, ZAD PA CHUNG 'BRING CHEN PO GSUM GYI KHYAD PAR YOD DE, RNAM SMIN GYIS 'BRAS BU RGYA CHEN PO 'BYIN PA RGYA CHUNG DU BTANG BA DANG, DUS YUN RING DU 'BYIN PA DUS THUNG DU BTANG BA DE ZAD PA CHUNG NGU DANG, DE NYID 'BRING DU BYAS PA ZAD PA 'BRING DANG, DE NYID GTAN MED DU BYAS PA DE GTUGS PA 'AM; ZAD PA CHEN PO'I DON YIN PA'I PHYIR, DE LTAR RANG GI GROGS LA KHROS PA'I KHONG KHRO'I RNAM SMIN TSUL KHRIMS, THOS PA, DKA' THUB SOGS KYIS SKYOB MI NUS PA YIN TE, ZLA BA SGRON MES ZHUS PA'I MDO LAS, PHAN TSUN GNOD PA'I SEMS SU GANG BYED PA, ,DE LA TSUL KHRIMS THOS PAS SKYOB MI BYED, ,BSAM GTAN @44A *, ,DANG NI DGON GNAS MI SKYOB STE, ,SBYIN DANG SANGS RGYAS MCHOD PA'ANG SKYOB MI BYED, ,CES GSUNGS PA'I PHYIR, GNYIS PA 'JOMS BYA'I DGE RTZA NGOS BZUNG BA LA, KHONG KHRO SKAD CIG MA GCIG GIS BSKAL PA BRGYAR BSAGS PA'I DGE RTZA 'JOMS PA'I DGE RTZA DE YANG TSOGS GNYIS KYI NANG NAS BSOD NAMS KYI TSOGS KYIS BSDUS PA'I DGE RTZA LA BYED PA YIN TE, BDAG MED LEGS PAR RTOGS PA'I DGE RTZA KHONG KHRO LOG LTA LA SOGS PAS 'JOMS MI NUS PA'I PHYIR, 'GREL PA LAS, BSOD NAMS KYI TSOGS ZHES DANG, 'JUG PA LAS, SBYIN DANG KHRIMS BYUNG DGE BA BSKAL PA BRGYAR, ,ZHES GSUNGS PA'I PHYIR; SPYOD 'JUG LAS KYANG, SBYIN DANG BDE GSHEGS MCHOD LA SOGS, ,ZHES GSUNGS PA'I PHYIR, BDAG MED GNYIS LEGS PAR RTOGS PA'I DGE RTZA DES 'JOMS MI NUS PA'I RGYU MTSAN YOD DE, 'JOMS BYED DE GNYIS KYI RTZA BA BDAG 'DZIN GYI ZHEN YUL BDAG MED PAR RTOGS PAS BYED PA PO'I NUS PA BCOM PA'I BYA BA BZHIN DU SONG BA'I PHYIR, DE LTAR YIN GYI YE SHES KYI TSOGS YIN NA, KHONG KHRO SOGS KYIS 'JOMS MI NUS PAS MA KHYAB STE, SBYIN SOGS DANG PO LNGA'I DGE RTZA RNAMS TSOGS GNYIS KYI DGE RTZA YIN PA'I PHYIR, MDO SDE RGYAN LAS, SBYIN DANG TSUL KHRIMS BSOD NAMS KYIS, ,TSOGS YIN SHES RAB YE SHES KYI, , GSUM PO GZHAN NI GNYIS KA STE, ,LNGA CHAR YANG NI YE SHES TSOGS, ,ZHES GSUNGS PA'I PHYIR, KHA CIG GIS, THEG CHEN SEMS BSKYED KYI DGE RTZA DANG, RDZOGS BYANG DU BSNGOS PA'I DGE RTZA YIN NA, KHONG KHRO SOGS KYIS 'JOMS MI NUS PAS KHYAB STE, BLO GROS RGYA MTSOS ZHUS PA'I MDO LAS, CHU YI THIGS PA RGYA MTSO'I NANG DU LHUNG BA NA, RGYA MTSO MA BSKAMS BAR DU CHU THIGS MI BSKAMS PA DE BZHIN DU, RDZOGS BYANG MA THOB BAR DU RDZOGS BYANG DU BSNGOS ZIN PA'I DGE RTZA YANG MI ZAD PAR GSUNGS PA'I PHYIR DANG, SDONG PO BKOD PA'I MDO LAS, DNGUL CHU'I KHAMS GSER DU SNANG BA SRANG GANG GIS LCAGS SRANG STONG GSER DU BSGYUR BA NA LCAGS ZAD KYI DNGUL CHU'I KHAMS MI ZAD PA DE BZHIN DU, KHONG KHROS BYANG SEMS KYI DGE RTZA 'JOMS MI NUS PAR GSUNGS PA'I PHYIR ZER NA, THEG CHEN SEMS BSKYED KYIS ZIN PA'I DGE RTZA KHONG KHROS 'JOMS PAR YOD PAR THAL, BYANG SEMS BDAG NYID CHEN PO'I DGE RTZA 'JOMS PA YOD PA GONG DU BSGRUBS @44B ZIN PA'I PHYIR, DES NA, MDO GNYIS PO DE'I DON YOD DE, DANG PO NI, DPE DE BZHIN DU RDZOGS BYANG DU BSNGOS PA'I DGE RTZA YIN NA, RDZOGS BYANG MA THOB BAR DU 'BRAS BU 'BYIN PAS MI ZAD PA'I DON YIN PA'I PHYIR DANG, PHYI MA NI, BYANG CHUB KYI SEMS KYIS KHONG KHRO GTAN ZAD BYED PA LTAR DU, KHONG KHRO SOGS KYIS BYANG CHUB KYI SEMS GTAN ZAD BYED MI NUS PA'I PHYIR, GSUM PA JI LTAR 'JOMS PA'I TSUL BSHAD PA LA, KHA CIG GIS, KHONG KHROS DGE RTZA 'JOMS PA'I TSUL YANG, RNAM SMIN GYI 'BRAS BU YID 'ONG MYUR DU 'BYIN PA'I NUS PA BCOM NAS, 'BRAS BU 'BYIN PA RGYANG RING DU BTANG BA'I DON YIN GYIS [*GYI], PHYIS RKYEN DANG PHRAD PA NA RNAM SMIN GYI 'BRAS BU YID 'ONG MI 'BYIN PA MA YIN TE, 'JIG RTEN PA'I LAM GANG GIS YANG SPANG BYA'I SA BON SPONG MI NUS PAS, KHONG KHROS DGE RTZA'I SA BON 'JOMS MI NUS PA'I PHYIR ZER NA, DE NI RGYU MTSAN MA NGES PA YIN TE, SO SO SKYE BOS GNYEN PO STOBS BZHI LA BRTEN NAS SDIG PA DAG PA'I DAG PA DE DANG, SBYOR LAM RTZE MO THOB NAS, KHONG KHROS DGE RTZA GCOD PA SPANGS PA'I SPANGS PA DANG, SBYOR LAM BZOD PA THOB NAS LAS NYON GYI DBANG GIS NGAN SONG DU SKYE BA SPANGS PA'I SPANGS PA DE GSUM GYIS RIM PA BZHIN DU DE DAG GI SA BON MA SPANGS KYANG, PHYIS RKYEN DANG PHRAD NA, DANG POS RNAM SMIN GYI 'BRAS BU YID MI 'ONG YANG MI SKYE, SBYOR LAM RTZE MO THOB NAS, KHONG KHROS DGE RTZA GTAN ZAD DU BYED PA DANG, BZOD PA THOB NAS LAS NYON GYI DBANG GIS NGAN SONG DU SKYE BA LEN PA MI SRID PA YIN PA'I PHYIR, GZHAN YANG, KHYOD KYI DGE RTZA 'JOMS TSUL DE MI 'THAD PAR THAL, MDZOD 'GREL DU MDO DRANGS PA LAS, LAS KYI 'KHOR BAR LCI GANG DANG, ,NYE BA GANG DANG GOMS PA GANG, ,SNGON BYAS GANG YIN DE DAG LAS, ,SNGA MA SNGA MA RNAM SMIN 'GYUR, ,ZHES DGE MI DGE'I LAS STOBS GANG CHE BA DE'I 'BRAS BU SNGAR SMIN NAS, LAS GZHAN GYI 'BRAS BU 'BYIN PA YUN RING DU BYAS PA YOD PAR GSUNGS PA GANG ZHIG ,KHYOD LTAR NA YUN RING DU BYAS PA DE YANG BCOM PA YIN PAS, MI DGE BA STOBS LDAN THAMS CAD DGE BA 'JOMS BYED DANG, DGE BA STOBS LDAN THAMS CAD MI DGE BA 'JOMS BYED DU KHAS LEN DGOS PA'I SKYON YOD PA'I PHYIR, ` RANG LUGS LA, KHONG KHROS DGE RTZA 'JOMS PA'I TSUL YOD DE, DBU MA SNYING PO'I 'GREL PAR, SA BON ME YIS TSIG PA PHYIS RKYEN DANG PHRAD KYANG MYU GU SNGON PO MI 'BYUNG BA DE BZHIN DU, GNYEN PO STOBS BZHIS @45A *, ,SDIG PA DAG PA DANG, KHONG KHROS DGE RTZA BCOM PA DE GNYIS KYIS PHYIS RKYEN DANG PHRAD PA NA YANG RIM PA BZHIN DU, RNAM SMIN YID MI 'ONG DANG, YID 'ONG 'BYIN MI NUS PAR GSUNGS PA DE BZHIN DU 'JOMS PAR BYED PA'I PHYIR, DE YANG KHONG KHRO SKYES MA THAG TU DGE RTZA 'JOMS PA MA YIN TE, RNAM SMIN GYI 'BRAS BU 'BYIN PA'I NUS PA LA GNOD PA BYAS PA'I SGO NAS 'JOMS PAR BYED PA'I PHYIR, DE YANG, ZAD PA CHUNG NGU 'BRING CHEN PO GSUM BSHAD PA'I PHYIR, GNOD PA JI TZAM BYAS PA DE NYID PHYIS RKYEN DANG PHRAD KYANG RNAM SMIN GYI 'BRAS BU MI 'BYIN PA YIN GYI, KHONG KHROS BCOM PA'I DGE RTZA YIN NA, RNAM SMIN GYI 'BRAS BU YID 'ONG MI 'BYIN PAS MA KHYAB STE, ZAD PA CHUNG NGU BYAS PA DES RNAM SMIN GYI 'BRAS BU YID 'ONG 'BYIN PA YOD PA'I PHYIR, DER THAL, DES GTAN ZAD DU BYAS PA MA YIN PA'I PHYIR, DE BZHIN DU DMYAL BAR 'PHEN BYED KYI LAS BSHAGS SDOM BYAS PA LA BRTEN NAS, RNAM SMIN DMYAL BAR MYONG BA DAG NAS TSE 'DI'I MGO BO TSA BA TZAM DU 'GYUR BA YOD DE, DBU MA SNYING PO'I 'GREL PA LAS, DMYAL BAR SKYE BA'I LAS RNAMS LA NI, TSE 'DIR MGO BO TSA BA TZAM DU 'GYUR RO, ,ZHES GSUNGS PA'I PHYIR, KHONG KHRO LOG LTA SOGS KYIS DGE RTZA 'JOMS TSUL DE LA YANG GNYIS YOD DE, LAM GSAR PA MYUR DU SKYE BA'I NUS PA LA GNOD PA BYAS PA DANG, BDE 'GRO SOGS KYI 'BRAS BU SKYE BA LA GNOD PA BYAS PA GNYIS YOD PA'I PHYIR, KHONG KHRO LOG LTA SOGS SPYI DANG KHYAD PAR DU GROGS TSANGS PAR MTSUNGS PAR SPYOD PA DANG, BYANG SEMS LA DMIGS PA'I KHONG KHRO SOGS NUS PA CI YOD KYI SGO NAS BSHAGS SDOM LA 'BAD DGOS PA YIN TE, KUN SLONG NGAN PAS BYANG SEMS LA KHONG KHROS PA DANG, SNYAD PA DANG, SMAD PA LA NYES PA MU MED PAR GSUNGS PA'I PHYIR DANG, BYANG SEMS LA KHONG KHROS PAS DGE RTZA 'JOMS PA LA, YUL BYANG CHUB SEMS DPAR NGES MA NGES DANG, RGYU MTSAN BDEN MI BDEN MTSUNGS PAR GSUNGS PA'I PHYIR, DGE RTZA 'JOMS BYED LA KHONG KHRO LOG LTA SOGS SU MA NGES TE, NAM MKHA'I SNYING PO'I MDO LAS, RTZA BA'I LTUNG BA BYUNG BAS 'JOMS PAR YANG GSUNGS, BSLAB BTUS LAS, RNYED BKUR LA LHAG PAR ZHEN NAS YANG DANG YANG DU KHYIM LA LTA BA DANG, MNGON PA'I NGA RGYAL DANG, CHOS SPONG GI LAS BYUNG BAS YANG DGE RTZA 'JOMS PAR GSUNGS @45B PA'I PHYIR, BZHI PA MDOR BSDUS TE BZOD PA SGOM RIGS PAR GDAMS PA LA, SNGAR BSHAD PA'I KHONG KHRO'I NYES DMIGS DANG, BZOD PA'I PHAN YON BSAMS PA'I SGO NAS KHONG KHRO SGO DU MA NAS DGAG PA DANG, BZOD PA SGO DU MA NAS BSTEN RIGS PA YIN TE, SPYOD 'JUG LAS, ZHE SDANG LTA BU'I SDIG PA MED, ,BZOD PA LTA BU'I DKA' THUB MED, ,DE BAS BZOD LA NAN TAN DU, ,SNA TSOGS TSUL GYIS GOMS PAR BYA, ,ZHES GSUNGS PA'I PHYIR, ` SA BZHI PA 'OD 'PHRO BA BSHAD PA LA, SA 'DIR BRTZON 'GRUS KYI PHAR PHYIN LHAG PAR BSTAN PA DANG, SA'I NGES TSIG BSHAD PA DANG, SPANGS PA'I KHYAD PAR BSHAD PA DANG GSUM, DANG PO LA, YON TAN SNGAR MA THOB PA 'THOB PAR BYED PA DANG, THOB ZIN MI NYAMS PAR GONG NAS GONG 'PHEL DU BYED PA YANG, DGE BA LA SPRO BA'I BRTZON 'GRUS LA RAGS LAS SHING, TSOGS GNYIS KHYAD PAR CAN GYI RGYUR YANG BRTZON 'GRUS BSNGAGS PAS SA 'DIR BRTZON 'GRUS KYI PHAR PHYIN GYI NYAMS LEN LHAG PA'I TSUL DE 'CHAD PA LA, YON TAN MA LUS BRTZON 'GRUS RJES 'GRO ZHING, ,BSOD NAMS BLO GROS TSOGS NI GNYIS KYI RGYU, ZHES PA'I GZHUNG GSUNGS, GNYIS PA SA'I NGES TSIG BSHAD PA LA, SA DANG PO GSUM DU PHAR PHYIN DANG PO GSUM NYAMS SU BLANGS PA LA BRTEN NAS GONG MA'I YON TAN GYI KHYAD PAR JI LTA BU ZHIG THOB PA YIN ZHE NA, SA BZHI PA 'OD 'PHRO BA THOB CING DE LA 'OD 'PHRO BA ZHES 'CHAD PA'I RGYU MTSAN YOD DE, BRTZON 'GRUS KYI PHAR PHYIN GYI NYAMS LEN LHAG PAR THOB PA DANG, BSLAB PA GSUM GYI NANG NAS TING NGE 'DZIN GYI BSLAB PA'I NYAMS LEN LHAG PAR THOB PA MA ZAD, BYANG PHYOGS SO BDUN PHRA RAGS LA MKHAS PA'I SHES RAB KYI BSLAB PA'I NYAMS LEN LHAG PAR THOB PAS MNYAM GZHAG GI GNAS SKABS SU SHES SGRIB MNGON GYUR BA'I BUD SHING BSREG PA'I YE SHES KYI ME 'BYUNG BA'I SNGA BLTAS, RJES THOB KYI GNAS SKABS SU SNANG BA ZANGS KYI 'OD LTAR DMAR SER 'BYUNG BA, SA GSUM PA'I GNAS SKABS LAS CHES LHAG PA GCIG 'BYUNG BA'I RGYU MTSAN GYIS 'OD 'PHRO BA ZHES BSHAD PA YIN NO, ,ZHES SA'I NGES TSIG GI SGO NAS 'CHAD PA LA, BRTZON 'GRUS GANG DU 'BAR BAR GYUR PA YIS, ZHES PA NAS, SNANG BA ZANGS GYI 'OD PAS LHAG 'BYUNG ZHING, ,ZHES PA'I BAR GSUNGS, GSUM PA SPANG BYA'I KHYAD PAR BSHAD PA LA, SA BZHI PA'I YE SHES 'DI RANG GI NGOS SKAL GYI SPANG BYAR GYUR PA'I NGA DANG NGA YI BAR 'DZIN @46A *, ,PA'I 'JIG LTA DANG DES DRANGS PA'I GANG ZAG RANG RKYA THUB PA'I RDZAS YOD DU 'DZIN PA'I RTOG PA SPANGS PA'I SPANGS PA DE 'CHAD PAR BYED PA LA, RANG DU LTA BA DANG 'BREL YONGS SU ZAD, ,CES PA'I GZHUNG GSUNGS SO, ,SA LNGA PA SBYANGS DKA' BA BSHAD PA LA, SA'I NGES TSIG BSHAD PA DANG, BSAM GTAN LHAG CING BDEN PA LA MKHAS TSUL BSHAD PA DANG GNYIS, DANG PO LA, SA 'DI LA SBYANGS DKA' BA ZHES 'CHAD PA'I RGYU MTSAN YOD DE, 'JIG RTEN GYI KHAMS THAMS CAD DU GNAS PA'I LHA'I BU'I BDUD LA SOGS PA BDUD GTZO BO RNAMS KYIS 'PHAM PAR MI NUS PAS, DE DAG LAS GZHAN PA'I BDUD KYI BKA' NYAN PA BRAN LA SOGS PA RNAMS KYIS 'PHAM PAR MI NUS PA LTA CI SMOS ZHES SA'I NGES TSIG DE 'CHAD PA LA, BDAG NYID CHE DE BDUD RNAMS KUN GYIS KYANG, ,SBYANGS DKA'I SA LA 'PHAM PAR NUS MA YIN, ,ZHES PA'I GZHUNG GSUNGS, GNYIS PA BSAM GTAN LHAG CING BDEN PA LA MKHAS TSUL 'CHAD PA LA, SA 'DIR YON TAN KHYAD PAR CAN THOB PA'I TSUL YOD DE, PHAR PHYIN BCU'I NANG NAS BSAM GTAN GYI PHAR PHYIN GYI NYAMS LEN LHAG PAR THOB PA DANG, BYANG PHYOGS SO BDUN PHRA RAGS LA MKHAS PA'I SHES RAB GYI BSLAB PA'I NYAMS LEN LHAG PAR THOB PAR MA ZAD BDEN BZHI PHRA RAGS LA MKHAS PA'I SHES RAB KYI BSLAB PA'I NYAMS LEN LHAG PAR THOB PA'I TSUL DE 'CHAD PAR BYED PA LA, BSAM GTAN LHAG CING BLO BZANG BDEN RANG BZHIN, ,ZHIB MO RTOGS LA'ANG SHIN TU MKHAS PA THOB, ,CES PA'I GZHUNG GSUNGS, MDO SDE SA BCU PA LAS, BYANG SEMS SA LNGA PA DE BDEN PA BZHI LA MKHAS PA LAS LOGS SU BDEN PA GNYIS LA MKHAS PAR GSUNGS KYANG, BDEN PA BZHI PO DE BDEN PA GNYIS SU MA 'DUS PA MA YIN TE, 'GOG BDEN DON DAM BDEN PA DANG, LHAG MA RNAMS KUN RDZOB BDEN PAR 'DU BA'I PHYIR, RTAGS DANG PO DER THAL, RIGS PA DRUG CU PA'I 'GREL PAR MYANG 'DAS LA DON DAM BDEN PAS KHYAB PA SHES BYED KYI LUNG DANG BCAS PA'I SGO NAS SGRUB PAR MDZAD PA GANG ZHIG ,MYANG 'DAS LA 'GOG BDEN GYIS KHYAB PA'I PHYIR, GZHAN YANG, 'GOG BDEN LA DON DAM BDEN PAS KHYAB PAR THAL, RIGS PA DRUG CU PA'I 'GREL PAR, 'GOG BDEN MNGON SUM DU RTOGS PAR STON PAS ZHAL GYIS BZHED PAR GSUNGS, MNGON SUM TSAD MA DNGOS @46B PO RANG MTSAN PA 'BA' ZHIG GI DNGOS YUL CAN DU 'DOD PA'I DNGOS SMRA BA'I LUGS LA DE DAG BSHAD PAR MI RUNG ZHING, RANG LUGS LA DE KHO NA NYID MNGON SUM DU RTOGS PA'I MNYAM GZHAG ZAG MED YE SHES KYI STENG NAS BSHAD PAS CHOG ,'GOG BDEN KUN RDZOB BDEN PA YIN NA, DE DAG BSHAD DU MI RUNG BA'I PHYIR DANG, MYANG 'DAS 'THOB PA LA DE KHO NA NYID MNGON SUM DU RTOGS DGOS PA 'BAD PA DU MAS SGRUB PAS 'GOG BDEN KUN RDZOB BDEN PAR 'DOD PA MTHA' MA CHOD PA YIN PA'I PHYIR, GZHI 'GA' ZHIG GI STENG DU DGAG BYA BDEN GRUB BKAG TZAM DON DAM BDEN PA YIN KYANG, DON DAM BDEN PA YIN NA, RANG GI DGAG BYA SHES BYA LA MI SRID PAS MA KHYAB STE, DRI BCAS SEMS KYI CHOS NYID DRI MA JE DAG TU SONG BA NA MYANG 'DAS SU 'GYUR ZHING, DE LTAR MI 'GYUR NA, CHOS NYID MNGON SUM DU RTOGS PA'I PHYIR DU 'BAD PA BYAS PA DON MED DU 'GYUR BAS CHOS NYID DRI MA JE DAG TU SONG BA'I MYANG 'DAS DANG, CHOS SKU'I DGAG BYA'I DRI MA SHES BYA LA SRID PA'I PHYIR, DER THAL, CHOS DBYINGS BSTOD PA LAS, GANG ZHIG KUN TU MA SHES NA, ,SRID PA GSUM DU RNAM 'KHOR BA, ,SEMS CAN KUN LA NGES GNAS PA'I, ,CHOS KYI DBYINGS LA PHYAG 'TSAL 'DUD, ,GANG ZHIG 'KHOR BA'I RGYUR GYUR PA, ,DE NYID SBYANGS PA BYAS PA LAS, ,DAG PA DE NYID MYA NGAN 'DAS, ,CHOS KYI SKU YANG DE NYID DO, ,ZHES GSUNGS PA'I PHYIR, DAG MA DAG GI CHOS CAN SPYI LA KHYAB PA'I CHOS NYID KYI DGAG BYA SHES BYA LA MI SRID PA'I DBANG DU BYAS KYANG 'GOG BDEN GYI DGAG BYA SHES BYA LA SRID PA YIN TE, CHOS CAN DRI MA JE DAG TU SONG BA NA, DE'I CHOS NYID KYANG DRI MA JE DAG TU 'GRO BAS, CHOS CAN KHYAD PAR CAN GYI CHOS NYID DAG PA PHYOGS RE BA TZAM MA YIN PAS RANG RANG GI SKABS KYI BLO [*GLO] BUR GYI DRI MA SPANGS PA'I CHOS NYID DE 'GOG BDEN DU 'JOG PA'I PHYIR, THEG CHEN MTHONG LAM BAR CHAD MED LAM GYI NGOS SKAL GYI DRI MA SPANGS PA'I 'GOG BDEN GYI DGAG BYA MTHONG SPANGS SHES BYA LA SRID PA DANG, BDEN GRUB SHES BYA LA MI SRID PA GNYIS MI 'GAL TE, DPER NA, DGAG BYA RI BONG GI RVA SHES BYA LA MI SRID, DGAG BYA BUM PA SHES BYA LA SRID KYANG, BUM PAS DAG PA'I SA PHYOGS DE RI BONG GI RVA MED DANG, BUM MED GNYIS KA YIN PA LTA BU YIN PA'I PHYIR, LUGS 'DIR NGO BO NYID SKU YIN NA, RANG BZHIN RNAM DAG GI CHAR GYUR PA'I NGO BO NYID SKU YIN PAS KHYAB, DE YIN NA BLO [*GLO] BUR RNAM DAG GI CHAR GYUR PA'I @47A *, ,NGO BO NYID SKU [*MA] YIN PAS KHYAB STE, BLO [*GLO] BUR RNAM DAG GI CHAR GYUR PA'I NGO BO NYID SKU MED PA'I PHYIR, DER THAL, 'GOG BDEN LA DON DAM BDEN PAS KHYAB PA'I PHYIR, KHA CIG ,THEG CHEN MTHONG LAM RNAM GROL LAM GYI STENG GI 'GOG BDEN DON DAM BDEN PA YIN KYANG, GNAS LUGS MA YIN TE, MTHONG LAM DE NYID DU MI GNAS PA'I PHYIR TE, 'GOG BDEN DE NI DE'I DUS GSUM GA LA MA 'KHRUL PA MA YIN PA'I PHYIR, DER THAL, MTHONG LAM PA DE'I 'DAS MA 'ONGS KYI DUS SU CHOS NYID DE MED PA'I PHYIR, THAL 'GYUR DE LA KHYAB PA YOD DE, TSIG GSAL LAS, DUS GSUM DU YANG ME LA MA 'KHRUL BA, ,ZHES SOGS GSUNGS PA'I PHYIR ZER NA MA KHYAB, BZHI PA SA DRUG PA MNGON DU GYUR PA BSHAD PA LA, SA'I NGES TSIG DANG, SHER PHYIN GYI NYAMS LEN LHAG PAR BSTAN PA DANG, SHER PHYIN GYI BSNGAGS PA BSHAD PA DANG, ZAB MO RTEN 'BYUNG GI DE KHO NA NYID GZIGS TSUL BSHAD PA DANG, SA'I YON TAN BSTAN PA'I SGO NAS MJUG BSDUS TE BSHAD PA LNGA LAS, DANG PO LA, SA LNGA PAR BSAM GTAN GYI PHAR PHYIN LHAG PAR NYAMS SU BLANGS PA LA BRTEN NAS GONG MA'I YON TAN GYI KHYAD PAR JI LTA BU ZHIG THOB PA YIN ZHE NA, SA DRUG PA MNGON DU GYUR PA DE THOB CING DE LA MNGON DU GYUR PA'I SA ZHES BSHAD PA'I RGYU MTSAN YANG YOD DE, SA LNGA PAR BSAM GTAN GYI NYAMS LEN LHAG PAR THOB PA LA BRTEN NAS SA 'DIR YANG MNYAM GZHAG YE SHES KHYAD PAR CAN LA GNAS NAS DE KHO NA NYID MNGON SUM DU RTOGS PA'I SHES RAB KYI SGO NAS RDZOGS PA'I BYANG CHUB LA NYE BA 'AM MNGON DU PHYOGS PA'I SA YIN PA'I RGYU MTSAN GYIS MNGON DU GYUR PA'I SA ZHES BSHAD PA DANG, GNYIS PA SHER PHYIN GYI NYAMS LEN LHAG PAR THOB PA'I STOBS KYIS 'GOG PA'I SNYOM 'JUG THUN MONG MA YIN PA ZHIG THOB PAS SA'I NGES TSIG DANG SHER PHYIN GYI NYAMS LEN LHAG PAR THOB PA'I YON TAN DANG BCAS PA MDOR BSTAN PA'I TSUL GYI 'CHAD PA LA, MNGON DU PHYOGS PAR MNYAM GZHAG SEMS GNAS TE, ZHES PA NAS, SHES RAB GNAS PAS 'GOG PA 'THOB PAR 'GYUR, ZHES PA'I BAR GSUNGS, SA 'DIR SHER PHYIN GYI NYAMS LEN LHAG PAR THOB PA YIN TE, ZHI GNAS JI TZAM KHYAD PAR 'PHAGS PAS DE'I LHAG MTHONG KHYAD PAR 'PHAGS PAR 'GYUR BAS SA LNGA PAR BSAM GTAN GYI PHAR PHYIN LHAG PAR THOB PAS SA 'DIR YANG ZHI @47B GNAS KHYAD PAR CAN LA BRTEN NAS DE KHO NA NYID LA SO SOR DPYOD PA'I LHAG MTHONG KHYAD PAR CAN THOB PA'I PHYIR DANG, BYANG PHYOGS SO BDUN PHRA RAGS DANG BDEN BZHI PHRA RAGS LA MKHAS PA'I SHES RAB KYIS BSDUS PA'I NYAMS LEN LHAG PAR THOB PAR MA ZAD, RTEN 'BREL LUGS 'BYUNG LUGS LDOG LA MKHAS PA'I SHES RAB KYI BSLAB PA'I NYAMS LEN LHAG PAR THOB PA'I PHYIR, GSUM PA SHER PHYIN GYI BSNGAGS PA BSHAD PA LA, 'DIR THOB PA'I SHER PHYIN DE YON TAN KHYAD PAR CAN DANG LDAN TE, PHAR PHYIN DANG PO LNGA SANGS RGYAS KYI SAR 'KHRID PA DE LA RAG LAS PAS SHER PHYIN GYI BSNGAGS PA DE 'CHAD PA LA, JI LTAR LONG BA'I TSOGS KUN BDE BLAG TU, ,ZHES PA NAS, MIG NYAMS YON TAN BLANGS TE RGYAL NYID 'GRO, ZHES PA'I BAR GSUNGS, DE LTA BU'I SHER PHYIN DE BSNGAGS PA DE LTA BU DANG LDAN PA YIN TE, MDO SDUD PA LAS, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR, ,SHES RAB MED NA MIG MED PHA ROL PHYIN LNGA 'DI, ,DMIGS BU MED PAS BYANG CHUB REG PAR NUS MA YIN, ,ZHES PA DANG, SHER PHYIN SUM BRGYA PA LAS, DPER NA MIG DANG LDAN PA'I MI ZHIG MUN PAR ZHUGS NAS CI YANG MI MTHONG BA BZHIN DU GANG DNGOS POR LHUNG BA'I SBYIN PA YONGS SU GTONG BA'I BYANG CHUB SEMS DPAR BLTA BAR BYA'O, ,RAB 'BYOR 'DI LTA STE, DPER NA, NAM LANGS TE NYI MA SHAR NAS MIG DANG LDAN PA'I MIS GZUGS RNAM PA SNA TSOGS DAG MTHONG BA DE BZHIN DU GANG DNGOS POR MA LHUNG BAS, SBYIN PA YONGS SU GTONG BA'I BYANG CHUB SEMS DPAR BLTA BAR BYA'O, ,ZHES GSUNGS PA'I PHYIR, BZHI PA ZAB MO RTEN 'BYUNG GI DE KHO NA NYID GZIGS TSUL BSHAD PA LA, SKABS 'DIR BYANG SEMS [*SA] DRUG PA BAS DE KHO NA NYID GZIGS TSUL BSHAD PA DANG, ZAB MO RTEN 'BYUNG GI DE KHO NA NYID JI LTAR BSTAN PA'I TSUL BSHAD PA DANG GNYIS, DANG PO NI, DE'I GZIGS TSUL DE JI LTA BU YIN ZHE NA, DE MNGON SUM DU GZIGS PA LA 'DRI NA SA DRUG PA YAN CHAD KYI SANGS RGYAS DANG BYANG SEMS RNAMS LA 'DRI DGOS SHING, 'ON KYANG MDO SDE SA BCU PA DANG, RGYAS 'BRING BSDUS GSUM LAS BSHAD PAS DE'I RJES SU 'BRANGS NAS 'CHAD DGOS SO ZHE NA, DE YANG MDO DON LA RANG DBANG DU 'JUG MI NUS PAS ZAB MO RTEN 'BYUNG GI DE KHO NA NYID STON PA LA, RGYAL BA NYID KYIS MDO RGYUD DU MA NAS LUNG @48A *, ,BSTAN PA'I MGON PO KLU SGRUB TSAD MA'I SKYES BU YIN PAS DE'I RJES SU 'BRANGS NAS 'CHAD PA YIN NO, ,ZHES ZAB MO RTEN 'BYUNG GI DE KHO NA NYID 'CHAD PAR DAM BCAS PA'I DAM BCA' DE 'CHAD PA LA, JI LTAR DE YIS CHES ZAB CHOS RTOGS PA, ,ZHES PA NAS, JI LTAR GNAS PA'I LUGS BZHIN BRJOD PAR BYA, , ZHES PA'I BAR GSUNGS, MGON PO KLU SGRUB MDO RGYUD DU MA NAS LUNG BSTAN PA YIN TE, LANG KAR GSHEGS PA'I MDO LAS, LHO PHYOGS BE TA'I YUL DU NI, ,DGE SLONG DPAL LDAN ZHES GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO 'O, ,ZHES GSUNGS PA DANG, SPRIN CHEN STONG PHRAG BCU BZHI PA LAS KYANG, GZHON NU 'DI NGA MYA NGAN LAS 'DAS NAS, LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'I BSTAN PA RGYAS PAR BYAS TE, MTHAR GYIS DAD PA'I 'OD CES BYA BA'I 'JIG RTEN GYI KHAMS SU DE BZHIN GSHEGS PA YE SHES 'BYUNG GNAS 'OD CES BYA BA'I RGYAL BAR 'GYUR RO, ZHES GSUNGS PA DANG, 'JAM DPAL RTZA RGYUD LAS KYANG, 'BYUNG BA'I DUS DANG MTSAN DE DANG MTHUN ZHING LO DRUG BRGYA BZHUGS PAR BSHAD PA DANG, RNGA BO CHE'I MDO LAS KYANG, LI TZA BYI GZHON NU 'JIG RTEN THAMS CAD KYIS MTHONG NA DGA' BA 'DI, STON PA 'DAS NAS LO BRGYAD CU PA LA BSTAN PA NYAMS PA'I TSE STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE, LO BRGYA LON PA'I 'OG TU 'DAS NAS BDE BA CAN DU SKYE BAR BSHAD PA'I PHYIR, DE RNAMS LAS 'BYUNG BA'I DUS DANG MTSAN DANG LO DU BZHUGS MI MTHUN PAR GSUNGS PA DANG, RNGA BO CHE LAS SA BDUN PA BAR BSHAD PA DANG, GZHAN LAS SA DANG PO BAR BSHAD PA MI 'GAL TE, SPRUL PA'I MDZAD PA STON PA'I DBANG DU BYAS PA YIN PA'I PHYIR, DPER NA MDO SDE 'GA' ZHIG LAS RGYAL CHEN 'GA' ZHIG RGYUN ZHUGS SU GSUNGS PA DANG, 'GA' ZHIG LAS DE BZHIN GSHEGS PAR GSUNGS PA MI 'GAL BA LTA BU YIN PA'I PHYIR, NGES DON GYI BSTAN BCOS DE YANG, ZAB MO RTEN 'BYUNG GI DE KHO NA NYID NYAN PA'I BAG CHAGS BZHAG PA'I SNOD RUNG GI GDUL BYA LA BSHAD PAR BYA BA YIN GYI BAG CHAGS MA BZHAG PA'I SNOD MI RUNG GI GDUL BYA LA BSTAN PAR BYA BA MA YIN TE, 'GA' ZHIG LA MOS PA CUNG ZAD KYANG MED PAS STONG PA NYID KYI GTAM THOS MA THAG TU SPONG BAR 'GYUR BA DANG, KHA CIG @48B LA MOS PA LTAR SNANG YOD KYANG RANG BZHIN GYIS MED PA DANG, MED PA GNYIS DON GCIG TU BZUNG NAS LAS 'BRAS LA SKUR BA 'DEBS PA'I LOG LTA DANG PO SKYES, DE GONG NAS GONG 'PHEL BYAS NAS NGAN 'GROR SKYE BAR 'GYUR BA'I PHYIR, DER THAL, RTZA SHES LAS, STONG PA NYID LA LTA NYES NA, ,SHES RAB CHUNG RNAMS PHUNG BAR BYED, ,JI LTAR SBRUL LA BZUNG NYES DANG, ,RIGS SNGAGS NYES PAR BSGRUBS PA BZHIN, ,ZHES GSUNGS PA'I PHYIR DANG, DE'I 'GREL PAR YANG, KUN RDZOB LA SKUR BA MI 'DEBS PA LA GZUGS BRNYAN DANG 'DRA BA'I LAS 'BRAS LA GNOD PA MA BYAS PA DGOS PA DANG, DON DAM PAR SGRO MI 'DOGS PA LA DNGOS PO RANG BZHIN GYIS MED PA KHO NA LA LAS 'BRAS KYI RNAM GZHAG 'JOG SHES PA DGOS PAR GSUNGS PA DANG, BZHI BRGYA PA LAS, GCIG NI NGAN 'GRO NYID 'GRO LA, THA MAL MA YIN ZHI NYID DU'O, ,ZHES DANG, DE'I 'GREL PAR YANG, DAM PA MIN PA GANG ZHIG BDAG MED PA'I CHOS NYAN PA DE NI SPANGS PA DANG, PHYIN CI LOG TU RTOGS [*RTOG] PAS NGAN 'GRO KHO NAR 'GRO LA, ZHES GSUNGS PA'I PHYIR, NGES DON GYI BSTAN BCOS DE NYAN PA'I BAG CHAGS BZHAG PA'I SNOD RUNG GI GDUL BYA LA STON PAR BYA BA YIN GYI, NYAN PA'I BAG CHAGS MA BZHAG PA'I SNOD MI RUNG GI GDUL BYA LA STON PAR BYA BA MA YIN NA SNOD DU RUNG MI RUNG GI KHYAD PAR JI LTA BU YIN ZHE NA, DE GANG [*YANG] STONG NYID TSUL BZHIN DU THOS THOS PA'I DON DE TSUL BZHIN DU GO BA LA BRTEN NAS, LUS KYI BA SPU G-YO MIG NAS MCHI MA 'KHRUG PA'I LUS NGAG GI RTAGS KHYAD PAR CAN DANG LDAN PA'I GDUL BYA DE LA STON PAR BYA BA YIN NO, ZHES SNOD RUNG GI GDUL BYA DE STON PAR BYED PA LA, SO SO SKYE BO'I DUS NA'ANG STONG PA NYID THOS NAS, ZHES PA NAS, DE LA DAM PA'I DON GYI BDEN PA BSTAN PAR BYA, ZHES PA'I BAR GSUNGS, DE LTA BU'I SNOD RUNG GI GDUL BYA DE LA, MTHA' GNYIS SU MA LHUNG BA'I ZAB MO'I PHYOGS LA MOS PA'I YON TAN YOD PAR MA ZAD, RGYA CHE BA'I PHYOGS LA MOS PA'I YON TAN 'BYUNG BA YIN TE, SKYE BA THAMS CAD DU STONG NYID SGOM PA'I RTEN GYIS MI 'PHONGS BAR BYA BA'I PHYIR DU, TSUL KHRIMS YANG DAG PAR BSRUNG BAR BYED PA DANG, RTEN DE LA LONGS SPYOD KYIS MI 'PHONGS PAR BYA BA'I PHYIR DU SBYIN PA GTONG BA DANG, STONG NYID RTOGS PA'I SHES RAB @49A *, ,SNGAR BSHAD PA LTA BU'I SNYING RJE CHEN POS ZIN NA, RDZOGS PA'I BYANG CHUB KYI RGYUR 'GYUR BAR MTHONG NAS SNYING RJE CHEN PO SGOM PA DANG KHONG KHROS NGAN SONG DU 'GRO BA DANG DGE RTZA 'JOMS PA DANG, MDOG MI SDUG PAR BYED PAS DE'I RKYEN GYIS 'PHAGS PA RNAMS MI MNYES PA MTHONG NAS BZOD PA SGOM PA DANG, RDZOGS BYANG DU BSNGOS PA'I DGE RTZAS 'BRAS BU 'BYIN PAS MI 'DZAD PAR MTHONG NAS, DGE RTZA RNAMS RDZOGS BYANG DU BSNGO BA DANG, SANGS RGYAS BYANG SEMS MA GTOGS GZHAN RNAMS KYIS STONG NYID RIGS PA'I RNAM GRANGS MTHA' YAS PA'I SGO NAS STON MI NUS PAR MTHONG NAS, SANGS RGYAS BYANG SEMS LA GUS PAR BYED PA LA SOGS PA'I RGYA CHE BA'I PHYOGS LA MOS PA'I YON TAN RNAMS 'BYUNG BA YIN NO, ,ZHES 'CHAD PA LA, DE LA DE YI RJES SU 'GRO BA'I YON TAN 'BYUNG, ,ZHES PA NAS, RDZOGS PA'I BYANG CHUB SEMS DPA' RNAMS LA'ANG GUS PAR BYED, ,CES PA'I BAR GSUNGS, DE LTA BU'I ZAB MO'I PHYOGS LA MOS PA'I STENG DU RGYA CHE BA'I PHYOGS LA MOS NAS NYAMS SU LEN PA DE NI, SA DANG PO RAB TU DGA' BA THOB PAS DE DON DU GNYER BA'I LAM 'DI MNYAN PAR RIGS SO, ,ZHES GDUL BYA LA MNYAN PAR BSKUL BA'I TSUL DE 'CHAD PA LA, ZAB CING RGYA CHE'I TSUL LA MKHAS PA'I SKYE BOS NI, ,ZHES PA NAS, DE NI DON DU GNYER BA'I LAM 'DI MNYAN PAR GYIS, ,ZHES PA'I BAR GSUNGS, STONG NYID TSUL BZHIN DU MI GO YANG BLA MA DAM PA'I BKA' LAS MI 'DA' NA LAS 'BRAS LA MI GNOD PA'I THABS BSTAN PA'I SGO NAS, SKYE BA PHYI MA RNAMS SU STONG NYID STON PA'I BAG CHAGS BZHAG PA'I PHYIR DU STONG NYID STON DGOS PA YIN TE, BZHI BRGYA PA'I 'GREL PA LAS, RANG BZHIN STONG PA NYID KYI GTAM LA GUS PAR 'GYUR NA DE DANG MTHUN PA'I RKYEN NYE BAR BSGRUBS PA'I SGO NAS, JI LTAR STONG PA NYID LA DANG BA 'PHEL BAR 'GYUR BA DE LTAR BYA ZHING SNYING RJE CHE BA DANG, BCOM LDAN 'DAS DE BZHIN GSHEGS PA LA BYAS PA BZO ZHING, BDAG NYID KYI DAM PA'I CHOS KYI BAR CHAD KYI RGYU MTSAN G-YANG SA CHEN PO'I RGYU YONGS SU SPANG BAR 'DOD PAS YA NGA BA LA BRTEN PA DANG, SBYIN PAR DKA' BA YANG SBYIN PA DANG, BSDU BA'I DNGOS PO BZHIS KYANG BSDU BAR BYA STE, DAM PA'I CHOS 'DI 'BAD PA THAMS CAD KYIS SKYES BU DAM PA'I CHOS KYI SNOD DU GYUR PA LA NYE BAR BSTAN PAR BYA'O, ,ZHES GSUNGS @49B PA'I PHYIR, DE LTA BU'I SNOD RUNG GI GDUL BYA THA MA YAN CHAD LA STONG NYID STON PA LA PHAN YON SHIN TU CHE BA YIN TE, MDO KUN BTUS LAS, CHOS ZAB MO LA MOS PAS BSOD NAMS THAMS CAD SDUD PA YIN TE, SANGS RGYAS SU MA GRUB KYI BAR DU 'JIG RTEN PA DANG 'JIG RTEN LAS 'DAS PA'I PHUN SUM TSOGS PA THAMS CAD 'GRUB PAR 'GYUR TE, KHYE'U RIN CHEN BYIN PA'I MDO LAS, 'JAM DPAL BYANG CHUB SEMS DPA' THABS MKHAS PA DANG BRAL BAS, BSKAL PA BRGYA STONG DU PHA ROL TU PHYIN PA DRUG LA SPYAD PA BAS, GANG GI CHOS KYI RNAM GRANGS 'DI THE TSOM DANG BCAS PAS NYAN PA 'DI, BSOD NAMS DE BAS CHES MANG DU BSKYED NAS GANG [*BSKYED NA, GANG] THE TSOM MED PAR NYAN PA LTA CI SMOS, GANG YI GER BRIS NAS LUNG 'BOGS PA DANG, 'CHANG BA DANG, GZHAN DAG LA YANG RGYA CHER RAB TU STON PA LTA CI SMOS, ZHES GSUNGS PA'I PHYIR, SHER PHYIN SUM BRGYA PA LAS KYANG, BCOM LDAN 'DAS KYIS BKA' STZAL PA, RAB 'BYOR 'DI JI SNYAM DU SEMS, GANG G'A'I KLUNG GI BYE MA SNYED GANG JI SNYED PA GANG G'A'I KLUNG YANG DE SNYED DU GYUR NA, GANG DE DAG GI BYE MAR GYUR PA DE MANG BA YIN NAM, RAB 'BYOR GYIS GSOL PA, BCOM LDAN 'DAS GANG G'A'I BYE MA SNYED DU GYUR PA DE DAG NYID KYANG MANG BA LAGS NA DE DAG GI BYE MAR GYUR PA LTA SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR KHYOD LA BSGO'O, ,KHYOD KYIS KHONG DU CHUD PAR BYA'O, ,GANG G'A'I KLUNG DE DAG GI BYE MA JI SNYED PA DE SNYED KYI 'JIG RTEN GYI KHAMS SKYES PA 'AM BUD MED LA LAS RIN PO CHE SNA BDUN GYIS RAB TU BKANG STE, DE BZHIN GSHEGS PA LA SBYIN PA BYIN NA SKYES PA'AM BUD MED DE GZHI DE LAS BSOD NAMS MANG DU BSKYED DAM, RAB 'BYOR GYIS GSOL PA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,BCOM LDAN 'DAS KYIS BKA' STZAL PA, GANG ZHIG CHOS KYI RNAM GRANGS 'DI LAS THA NA TSIG BZHI PA'I TSIGS SU BCAD PA TZAM BZUNG STE, GZHAN DAG LA YANG BSTAN NA DE BAS BSOD NAMS CHES MANG DU BSKYED DO, ,ZHES GSUNGS PA'I PHYIR, GZHAN YANG, SDIG LTUNG SNGAR BSAGS 'DAG PA LA YANG SHIN TU STOBS DANG LDAN PA YIN TE, DE BZHIN GSHEGS PA'I MDZOD KYI MDO LAS, MI DGE BCU'I CHEN PO RNAMS BGRANGS NAS, DE DAG DANG LDAN PA'I BDAG MED PA'I CHOS LA 'JUG CING, CHOS THAMS CAD GDOD MA NAS DAG PAR DAD PA DANG MOS PA'I SEMS @50A *, ,CAN DE NGAN SONG DU MI 'GRO'O, ,ZHES GSUNGS PA'I PHYIR, BDUD 'DUL BA'I LE'U LAS, DGE SLONG GANG GIS CHOS THAMS CAD SHIN TU DUL BAR SHES SHING, NYES PA RNAMS KYI THOG MA'I MTHA' YANG RANG BZHIN GYIS DBEN PAR SHES TE NYES PA BYUNG BA'I 'GYOD PA SEL ZHING BRTAN POR MI BYED PAS MTSAMS MED PA YANG GNON NA, CHO GA DANG TSUL KHRIMS LA LOG PAR ZHUGS PA PHRAN TSEGS LTA CI SMOS, ZHES GSUNGS PA DANG, MA SKYES DGRA'I MDO LAS, MTSAMS MED BYED PAS DAM PA'I CHOS 'DI THOS NAS 'JUG CING MOS NA, DE'I LAS DE LAS KYI SGRIB PA YIN ZHES NGA MI SMRA'O, ,ZHES GSUNGS PA'I PHYIR, DE LTA BU'I PHAN YON 'BYUNG BA LA YANG SEMS RNYED BKUR DANG, GRAGS PAS KUN NAS MA BSLANGS PA DANG, BSHAD BYA'I CHOS LOG PAR MA SONG BA ZHIG DGOS TE, DE GNYIS KA'AM GANG RUNG GCIG DANG LDAN NA BSOD NAMS GSAR DU MI SKYE BAR MA ZAD, SNGAR BSAGS PA'I DGE RTZA YANG 'JOMS PAR BYED PA'I PHYIR, DER THAL, MDZOD LAS, CHOS SBYIN NYON MONGS CAN MIN PAS, ,MDO SOGS YANG DAG DE BZHIN BSHAD, ,CES GSUNGS PA'I PHYIR DANG, DE'I 'GREL PAR, DE'I PHYIR GANG DAG CHOS LOG PAR 'CHAD PAR BYED PA DANG, SEMS NYON MONGS PA CAN RNYED PA DANG, BKUR BSTI DANG GRAGS PA 'DOD PAS 'CHAD PA DE DAG NI BDAG NYID KYI BSOD NAMS CHEN PO NYAMS PAR BYED PA YIN NO, ,ZHES GSUNGS PA'I PHYIR, BZHI PA ZAB MO RTEN 'BYUNG GI DE KHO NA NYID JI LTAR BSTAN PA'I TSUL BSHAD PA LA, YANG DAG PA'I DON LUNG GIS BSTAN PA'I TSUL, LUNG DON RIGS PAS SGRUB PA'I TSUL DANG, RIGS PAS SGRUB PA'I STONG NYID KYI RAB DBYE BSHAD PA DANG GSUM, DANG PO LA, LUNG LAS GSUNGS PA'I TSUL 'GOD PA DANG, DE KHO NA NYID SHES PA'I MI MTHUN PHYOGS NGOS BZUNG BA DANG GNYIS LAS, DANG PO NI BYANG SEMS SA LNGA PA BA SA DRUG PAR 'JUG PA DE'I TSE NA, MNYAM NYID BCU'I SGO NAS 'JUG PA YIN TE, MDO SDE SA BCU PA LAS, SA LNGA PA BA DE SA DRUG PA LA 'JUG PA NA, CHOS MNYAM PA NYID BCUS 'JUG GO ,BCU GANG ZHE NA, 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MTSAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG PA DANG, SPROS PA MED PA DANG, BLANG BA MED PA DANG, , @50B DOR BA MED PAR MNYAM PA NYID DANG, CHOS THAMS CAD SGYU MA DANG, RMI LAM DANG, MIG YOR DANG, BRAG CA DANG, CHU ZLA DANG, GZUGS BRNYAN DANG, SPRUL PA LTA BUR MNYAM PA NYID DANG, CHOS THAMS CAD DNGOS PO DANG, DNGOS PO MED PA GNYIS SU MED PAR MNYAM PA NYID DE, DE CHOS THAMS CAD KYI RANG BZHIN DE LTAR RAB TU RTOGS PA NA, RNO ZHING RJES SU MTHUN PA'I BZOD PAS, BYANG CHUB SEMS DPA'I SA DRUG PA MNGON DU GYUR PA RJES SU THOB STE, ZHES GSUNGS PA'I PHYIR, LUNG DES SA DRUG PA BAS YUL GZIGS TSUL BSTAN PA YIN TE, CHOS THAMS CAD SGYU MA DANG, ZHES SOGS TSIG RKANG BDUN MA GTOGS PA'I LHAG MA RNAMS KYIS, MNYAM GZHAG GI SKABS SU YUL GZIGS TSUL DANG BDUN PO DES RJES THOB KYI GNAS SKABS SU YUL GZIGS TSUL BSTAN PA'I PHYIR, DANG PO DER THAL, TSIG RKANG DANG PO GNYIS KYIS MDOR BSTAN, GZHAN RNAMS KYIS RGYAS PAR BSHAD PA'I PHYIR, DANG PO DER THAL, CHOS THAMS CAD MTSAN MA MED PA ZHES PA DES, SA DRUG PA THOB MA THAG PA'I MNYAM GZHAG YE SHES DE'I GZIGS NGOR, SNGO SER LA SOGS PA'I MTSAN MA THA DAD MED PA MNYAM PA NYID DANG CHOS THAMS CAD MTSAN NYID MED PA ZHES PA DES CHOS THAMS CAD RANG GI MTSAN NYID KYIS GRUB PA MED PA MNYAM PA NYID DU BSTAN PA'I PHYIR, GZHAN RNAMS KYIS RGYAS PAR BSHAD PA YIN TE, MA 'ONGS PA'I DUS KYI DNGOS PO RNAMS RANG BZHIN GYIS SKYE BA MED PA MNYAM PA NYID DANG, 'DAS PA'I DUS KYI DNGOS PO DANG, DA LTA BA'I DUS KYI DNGOS PO RNAMS RANG BZHIN GYIS MA SKYES PA MNYAM PA NYID DANG, DUS GSUM GA'I DNGOS PO RANG BZHIN GYIS GRUB PAS DBEN PA MNYAM PA NYID DANG, DE YANG 'PHRAL DU LUNG RIGS SOGS KYIS BCOS PA MA YIN PAR GDOD MA NAS RANG BZHIN GYIS DBEN PA MNYAM PA NYID DANG, SPROS PA MED PA ZHES PA DES, MNYAM GZHAG DE'I GZIGS NGOR BLANG DOR THA DAD PA'I GNYIS SNANG MED PA MNYAM PA NYID DAM, RANG GI MTSAN NYID KYIS GRUB PA'I BLANG DOR MED PA MNYAM PA NYID DANG, RANG GI MTSAN NYID KYIS GRUB PA'I DNGOS PO MED PA GNYIS SU MED PA MNYAM PA NYID DU BSTAN PA'I PHYIR, DE BZHIN DU ZHES PA DE 'DUS BYAS KYI CHOS THAMS CAD CES PA DE LA SNYEG PA YIN GYI, CHOS THAMS CAD RANG BZHIN GYIS MA SKYES PA, MNYAM GZHAG DE'I GZIGS NGOR YOD PAR BSTAN PA MA YIN TE, CHOS THAMS CAD RANG BZHIN GYIS MA SKYES PA DE DON DAM BDEN PA MA YIN PA'I PHYIR, DER THAL, @51A *, ,CHOS THAMS CAD THA SNYAD TZAM DU YANG MA SKYES PA'I PHYIR, TSIG RKANG BDUN PO DES RJES THOB KYI GNAS SKABS SU YUL GZIGS TSUL BSTAN PA YIN TE, SGYU MA MKHAN GYIS RDE SHING RTA GLANG DU SPRUL PA DE'I TSE NA, RDE SHING RTA GLANG DU SNANG YANG RTA GLANG DU MA GRUB PA DE BZHIN DU GZUGS SOGS BDEN GRUB TU SNANG YANG, BDEN PAR MA GRUB PA SGYU MA SOGS DANG 'DRA BAR GZIGS PAR GSUNGS SHING, RNO ZHING ZHES PA DES, SA DRUG PA'I YE SHES DES, DE KHO NA NYID RTOGS PA'I SHES RAB MYUR BAR BSTAN, RJES SU MTHUN PA ZHES PA DES, MI SKYE BA'I CHOS LA BZOD PA CHEN PO THOB PA'I SA BRGYAD PA'I YE SHES DANG RJES SU MTHUN PA'I SA DRUG PA'I YE SHES DE BSTAN PA'I PHYIR, GNYIS PA DE KHO NA NYID SHES PA'I MI MTHUN PHYOGS NGOS BZUNG BA LA, NGOS 'DZIN DGOS PA'I RGYU MTSAN BSHAD PA DANG, NGOS 'DZIN DNGOS BSHAD PA DANG GNYIS, DANG PO LA, STONG NYID RTOGS PA'I LTA BA RGYUD LA SKYE BA LA DGAG BYA BDEN GRUB KYI DON SPYI BLO YUL DU SHAR BA ZHIG SNGON DU 'GRO DGOS TE, DE SNGON DU MA SONG BAR DE BKAG PA'I STONG NYID RTOGS PA'I LTA BA RGYUD LA SKYE MI NUS PA'I PHYIR, DER THAL, DPER NA, DGAG BYA BUM PA'I DON SPYI BLO YUL DU SHAR BA SNGON DU MA SONG BAR DE BKAG PA'I BUM MED NGES MI NUS PA LTA BU YIN PA'I PHYIR, DER THAL, SPYOD 'JUG LAS, BRTAGS PA'I DNGOS LA MA REG PAR, ,DE YIS DNGOS MED 'DZIN MA YIN, ,ZHES GSUNGS PA'I PHYIR, GNYIS PA, NGOS 'DZIN DNGOS BSHAD PA LA, NGOS MA ZIN PA'I GZHAN LUGS DGAG PA DANG, RANG LUGS BZHAG PA DANG GNYIS, DANG PO LA GNYIS, KHYAB CHE BA DGAG PA, CHUNG BA DGAG PA GNYIS, DANG PO LA, PHYOGS SNGA MA BRJOD PA DANG, DE DGAG PA GNYIS, DANG PO LA KHA CIG ,DBU MA PAS STONG NYID GTAN LA 'BEBS PA'I RIGS PAS, GZUGS NAS RNAM MKHYEN GYI BAR GYI CHOS THAMS CAD BKAG PA YIN TE, DE LTAR MA YIN NA, GZUGS SOGS KYI CHOS RNAMS DBU MA'I RIGS PAS DPYAD BZOD DAM MI BZOD, DPYAD BZOD NA BDEN GRUB TU 'GYUR, MI BZOD NA DBU MA'I RIGS PAS MA BKAG PA DANG 'GAL BA'I PHYIR, GZHAN YANG, GZUGS SOGS KYI CHOS RNAMS DBU MA'I RIGS PAS BKAG PAR THAL, GZUGS SOGS KYI CHOS RNAMS YOD PA DANG, MED PA DANG, YOD MED GNYIS KA DANG GNYIS KA MA YIN PA GANG @51B RUNG DU MA 'DUS PA MED, DE BZHI PO NGES DON GYI GSUNG RAB PHAL CHER LAS BKAG PA'I PHYIR DANG, YOD PAR BZUNG NA RTAG MTHA' DANG, ,MED PAR BZUNG NA CHAD MTHA' DANG, ,DE GNYIS GYI DBUS NA YANG MI GNAS PAR GSUNGS PA'I PHYIR, DER THAL, MDO LAS, YOD MIN MED MIN GNYIS KA MIN, ,GNYIS KA'I BDAG NYID MIN PA'ANG MIN; ;MTHA' BZHI RNAM PAR GROL BA YI, ,DE NYID DBU MA PA YIS RIGS, ,ZHES PA DANG, RIGS PA DRUG CU PA LAS KYANG, ,YOD PAS RNAM PAR MI GROL ZHING, ,MED PAS SRID PA 'DI LAS MIN, ,DNGOS DANG DNGOS MED YONGS SHES NAS, ,BDAG NYID CHEN PO RNAM PAR GROL, ,ZHES DANG, YOD PA PA NI BDE 'GROR 'GRO MED PA PA NI NGAN 'GROR 'GRO, YANG DAG JI BZHIN YONGS SHES PAS, ,GNYIS LA MI BRTEN THAR BAR 'GYUR, ,ZHES PA DANG, RTZA SHES LAS, YOD CES BYA BA RTAG PAR 'DZIN, ,MED CES BYA BA CHAD PAR LTA, ,DE PHYIR YOD DANG MED PA LA, ,MKHAS PAS GNAS PAR MI BYA'O, ,ZHES GSUNGS PA DANG, DKON BRTZEGS LAS; 'OD SRUNGS YOD CES BYA BA 'DI NI MTHA' GCIG GO ,MED CES BYA BA 'DI NI MTHA' GNYIS SO, ,ZHES DANG, YOD DANG MED PA 'DI YANG MTHA' YIN TE, ,GTZANG DANG MI GTZANG 'DI YANG MTHA' NYID YIN, ,DE PHYIR GNYIS KA'I MTHA' NI YONGS SPANGS NAS, ,MKHAS PAS DBUS LA'ANG GNAS PAR YOD MI BYED, ,CES DANG, RTZA SHES LAS, GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,MI STONG CUNG ZAD YOD MIN NA, ,STONG PA YOD PAR GA LA 'GYUR, ,ZHES GSUNGS PA'I PHYIR, GZHAN YANG, DNGOS PO'I SKYE BA YOD NA, TSAD MAS GRUB NAS YOD DAM, MA GRUB PAR YOD, DANG PO LTAR NA 'PHAGS PA'I MNYAM GZHAG YE SHES KYIS GRUB NAS YOD DAM, MIG SHES LA SOGS PA'I THA SNYAD PA'I TSAD MAS GRUB NAS YOD, DANG PO LTAR NA MI 'THAD DE, DE DAG MI SKYE BA'I CHOS LA BZOD PA THOB PA'I PHYIR, PHYI MA LTAR NA MI 'THAD DE, DE DAG TSAD MA MA YIN PA'I PHYIR, DER THAL, TING NGE 'DZIN GYI RGYAL PO LAS, MIG DANG RNA BA SNA YANG TSAD MA MIN, ,LCE DANG LUS DANG YID KYANG TSAD MA MIN, ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ,ZHES GSUNGS PA'I PHYIR, GZHAN YANG, DNGOS PO'I SKYE BA YOD NA, DE LA BDAG SKYE SOGS BZHI PO DER KHA TSON CHOD DAM MI CHOD, MI CHOD NA MI 'THAD DE, DNGOS SMRA BAS, DNGOS PO'I SKYE BA KHAS LEN PA LA DE @52A *, ,BZHI PO GANG RUNG LAS SKYE BA KHA TSON BCAD NAS BKAG PA DANG 'GAL BA'I PHYIR, KHA TSON CHOD NA, DNGOS PO'I SKYE BA YOD PA MI 'THAD PAR THAL, DE LA MTHA' BZHI GANG RUNG LAS SKYE BA KHA TSON CHOD PA GANG ZHIG ,DE GANG RUNG LAS SKYE BA THA SNYAD TZAM DU YANG MED PA'I PHYIR, DER THAL, 'JUG PA LAS, GZHAN LAS SKYE BA 'JIG RTEN LAS KYANG MED, ,CES PA DANG, DE NYID SKABS SU RIGS PA GANG ZHIG GIS, ,BDAG DANG GZHAN LAS SKYE BA RIGS MIN PA, ,RIGS DE THA SNYAD DU YANG RIGS MIN PAS, ,KHYOD KYI SKYE BA GANG GIS YIN PAR 'GYUR, ,ZHES GSUNGS PA'I PHYIR, GZHAN YANG, DNGOS PO'I SKYE BA MED PAR THAL, DNGOS PO RNAMS RANG GI RGYU RKYEN LA BRTEN NAS SKYE BA'I RGYU MTSAN GYIS MI SKYE BA'I PHYIR, DER THAL, MA DROS PAS ZHUS PA'I MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN; ;ZHES GSUNGS PA'I PHYIR, GZHAN YANG, GZUGS SOGS KYI CHOS RNAMS DON DAM DU MED PAS MED GO MI CHOD, THA SNYAD DU YOD PAS YOD GO CHOD PAR THAL, GZUGS SOGS RNAMS DON DAM DU MED KYANG, YOD PAR KHAS LEN RIGS PA'I PHYIR, 'DOD NA, BLO GROS MI ZAD PA'I MDO LAS GANG ZAG LA MI RTON CHOS LA RTON PA DANG, TSIG LA MI RTON DON LA RTON PA DANG, DRANG DON LA MI RTON NGES DON LA RTON PA DANG, RNAM SHES LA MI RTON YE SHES LA RTON PA'I RTON PA BZHI GSUNGS PA DE LAS LDOG STE SMRA RIGS PAR THAL, KUN RDZOB TU YOD PAS YOD PA'I GO CHOD, DON DAM DU MED PAS MED PA'I GO MI CHOD PA'I PHYIR DANG, RNAM SHES 'KHRUL PA'I NGO BOR YOD PAS YOD PA'I GO CHOD, YE SHES MA 'KHRUL PA'I NGO BOR MED PAS MED GO MI CHOD PA'I PHYIR, DE RNAMS KYI NANG NAS, KHA CIG ,CHOS THAMS CAD YOD PA MA YIN NO, ,ZHES ZER, KHA CIG ,THA SNYAD DU YOD PAR SMRA ZHING DE LA THA SNYAD DU YOD PAS YOD GO CHOD DAM, MI CHOD DRIS PA NA, THA SNYAD DU YOD PAS THA SNYAD DU YOD GO CHOD, DON DAM DU MED PAS DON DAM DU MED GO CHOD CES ZER, THA SNYAD DANG DON DAM GANG GIS KYANG KHYAD PAR DU MA BYAS PAR SPYIR YOD DAM MED DRIS PA NA BDEN GNYIS GANG RUNG DU MA 'DUS PA'I CHOS MED PAS DRI BA SKYON CAN YIN NO, ,ZHES LAN 'DEBS PAR BYED DO, ,GNYIS @52B PA DE DGAG PA LA, RIGS PA DES DBU MA THAL 'GYUR BA'I THUN MONG MA YIN PA'I KHYAD CHOS BKAG PAR BSTAN PA DANG, 'GOG BYED KYI RIGS PA DE RIGS PA LTAR SNANG DU BSTAN PA GNYIS, DANG PO LA, THAL 'GYUR BA'I KHYAD CHOS KYI GTZO BO NGOS BZUNG BA DANG, DE RIGS PA DES JI LTAR BKAG PA'I TSUL BSHAD PA GNYIS, DANG PO THAL 'GYUR BA'I KHYAD CHOS KYI GTZO BO NGOS BZUNG BA LA, THAL 'GYUR BA RNAMS NI RIGS PA DRUG CU PA LAS, DGE BA 'DI YIS SKYE BO KUN, ,BSOD NAMS YE SHES TSOGS BSAGS SHING, ,BSOD NAMS YE SHES LAS BYUNG BA'I, ,DAM PA GNYIS NI 'THOB PAR SHOG ,CES GSUNGS PA LTAR, THEG CHEN GYI RIGS CAN RNAMS KYIS DON DU GNYER BYA'I MTHAR THUG PA NI CHOS GZUGS KYI SKU GNYIS ZUNG DU 'JUG PA DE YIN LA, DE 'THOB PA LA LAM DUS SU TSOGS GNYIS ZUNG 'BREL DU BSOG PA LA RAG LAS, DE YANG GZHI DUS SU LTA BA GTAN LA 'BEBS PA NA BDEN GNYIS KYI RNAM GZHAG PHYIN CI MA LOG PAR GTAN LA 'BEBS PA LA RAG LAS PA YIN TE, RGYU SO SO BA LAS 'BRAS BU SO SO BA 'BYUNG BA LA NGES PA MA RNYED NA BSOD NAMS KYI TSOGS BSAGS PA LAS GZUGS SKU GNYIS 'BYUNG BA LA NGES PA MI RNYED PAS, GZUGS SKU GNYIS KYI RGYU BSOD NAMS KYI TSOGS BSOG PA LA GUS PAR MI 'GYUR BA'I PHYIR, RANG BZHIN GYIS GRUB PA RDUL TZAM YANG MED PA LA NGES PA MA RNYED NA YE SHES KYI TSOGS RDZOGS PAR BSOG PAR 'DOD KYANG BSOG PA'I THABS MED PA'I PHYIR, DER THAL, STONG NYID MA RTOGS NA YE SHES KYI TSOGS RDZOGS PAR BSOG PA'I THABS MED PA'I PHYIR, DER THAL, RGYU 'BRAS LA SOGS PA'I BYA BYED KYI RNAM GZHAG 'THAD LDAN DU 'JOG PA DANG, RANG BZHIN GYIS GRUB PA RDUL TZAM YANG MED PA GNYIS 'GAL MED DU 'JOG MI SHES KYI BAR DU TSOGS GNYIS RDZOGS PAR BSOG PA'I GO SKABS MED PA'I PHYIR, RANG BZHIN GYIS GRUB PA RDUL TZAM YANG MED PAR LTA BA'I 'JIG RTEN LAS 'DAS PA'I LTA BA DE RGYUD LA SKYE BA LA, RGYU SO SO BA LAS 'BRAS BU SO SO BA MA 'CHOL BA 'BYUNG BAR LTA BA'I 'JIG RTEN PA'I LTA BA DE SNGON DU 'GRO DGOS TE, DANG PO DE SKYE BA LA BSOD NAMS KYI TSOGS RNAMS BSOG DGOS, PHYI MA DE LA BRTEN NAS BSOD NAMS KYI TSOGS RDZOGS PAR BSOG PA DE 'BYUNG BA YIN PA'I PHYIR, DER THAL, MDO LAS, 'JIG RTEN PA YI YANG DAG LTA, ,MI GANG SU LA YOD GYUR PA, ,DE NI BSKAL PA @53A *, ,STONG RNAMS SU, ,NGAN 'GROR 'GRO BAR MI 'GYUR RO, ,ZHES GSUNGS PA'I PHYIR, LTA BA DANG PO LA 'PHAGS RGYUD KYI LTA BA DANG, PHYI MA LA SO SO SKYE BO'I RGYUD KYI LTA BA YIN PAS MA KHYAB STE 'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES GSUNGS PA LTAR, BDEN GNYIS LA BRTEN PA'I DBANG DU BYAS PA'I PHYIR, DNGOS POR SMRA BA RNAMS NI RGYU SO SO BA LAS 'BRAS BU SO SO BA MA 'CHOL BAR 'BYUNG BAR NGES NA RGYU 'BRAS BDEN PAR GRUB DGOS, BDEN PAR MA GRUB NA DE DAG MI 'THAD PAR MTHONG NAS RGYU 'BRAS BDEN PAR GRUB PAR 'DOD, DBU MA RANG RGYUD PA RNAMS RGYU SO SO BA LAS 'BRAS BU SO SO BA MA 'CHOL BAR 'BYUNG BAR NGES NA RGYU 'BRAS RANG GI MTSAN NYID KYIS GRUB DGOS, RGYU 'BRAS RANG GI MTSAN NYID KYIS MA GRUB NA, DE DAG MI 'THAD PAR MTHONG NAS RGYU 'BRAS RANG GI MTSAN NYID KYIS GRUB PAR 'DOD CING, DE GNYIS KYI LTA BA DE BOR NAS, JI SRID THAL 'GYUR GYI LTA BA LA MA ZHUGS KYI BAR DU THAMS CAD MKHYEN PA LTA ZHOG ,THAR PA TZAM YANG THOB MI NUS TE, SLOB DPON KLU SGRUB KYI THUN MONG MA YIN PA'I BDEN GNYIS KYI RNAM GZHAG LAS PHYI ROL TU GYUR PA RNAMS LA ZHI BA MYANG 'DAS 'THOB PA'I THABS MED PA'I PHYIR, DER THAL, 'JUG PA LAS, SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED DE, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA 'GRUB YOD MIN, ,ZHES GSUNGS PA'I PHYIR, ` RANG LUGS LA, GZUGS SOGS RANG BZHIN GYIS GRUB PA DBU MA'I RIGS PAS BKAG NAS, RGYU 'BRAS LA SOGS PA'I BYA BYED KYI RNAM GZHAG 'THAD PA'I RGYU MTSAN GYIS RANG BZHIN GYIS MA GRUB, DE RANG BZHIN GYIS MA GRUB PA'I RGYU MTSAN GYIS, BYA BYED KYI RNAM GZHAG 'THAD PA YIN TE, GRUB MTHA' 'OG MA RNAMS KYIS RANG BZHIN GYIS GRUB PA'I RGYU MTSAN GTZO BOR BYED PA'I [*BYAS NAS] RGYU 'BRAS MI SLU BAR 'DOD, 'DIR RANG BZHIN GYIS MA GRUB PA'I RGYU MTSAN GTZO BOR BYAS NAS BYA BYED KYI RNAM GZHAG 'THAD PA DANG; RANG BZHIN GYIS GRUB PA RDUL TZAM YANG MED PA GNYIS 'GAL MED DU 'JOG SHES PAR MA ZAD, PHAN TSUN GROGS BYAS NAS NGES PA DRANGS TE TSOGS GNYIS MA TSANG BA MED PAR BSAGS NAS 'BRAS BU SKU GSUM GYI GO 'PHANG MNGON DU BYED PA'I PHYIR, DE LTA BU'I GZHI LAM 'BRAS GSUM GYI RNAM GZHAG DE SHIN @53B TU BSNGAGS PA YIN TE, RTZOD BZLOG LAS, STONG PA NYID DANG RTEN 'BYUNG DAG ,DBU MA'I LAM DU DON GCIG PAR, ,GSUNG MCHOG MTSUNGS PA MED PA YI, ,SANGS RGYAS DE LA PHYAG 'TSAL LO, ZHES GSUNGS PA'I PHYIR, GNYIS PA JI LTAR BKAG PA'I TSUL BSHAD PA LA, KHYOD KYI RIGS PA DES THAL 'GYUR BA'I KHYAD CHOS KYI GTZO BO BKAG PA YIN TE, THAL 'GYUR BA NI RANG BZHIN GYIS MA GRUB PA'I RGYU MTSAN GYIS BYA BYED KYI RNAM GZHAG 'THAD, DE'I RGYU MTSAN GYIS RANG BZHIN GYIS MA GRUB PAR 'DOD, KHYOD NI RANG BZHIN GYIS MA GRUB PA'I RGYU MTSAN GYIS RGYU 'BRAS SOGS YOD PA MA YIN PA DANG DE DAG YOD PA YIN NA RANG BZHIN GYIS GRUB PAR 'DOD PA'I PHYIR, GZHAN YANG, DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, ,CES LTA NGAN GYI DRA BA GCOD PA LA RTEN 'BYUNG GI RIGS PA DGOS PAR GSUNGS PA MI 'THAD PAR THAL, DBU MA'I RIGS PAS RTEN 'BYUNG GI RIGS PA BKAG PA'I PHYIR, DER THAL, DES CHOS THAMS CAD BKAG PA'I PHYIR, RTEN 'BREL GYI RTAGS KYI MYU GU BDEN MED DU SGRUB PA'I KHYAB PA 'GAL KHYAB TU SONG BAR THAL, RTEN 'BREL YIN NA, BDEN MED MA YIN DGOS PA'I PHYIR, DER THAL, DE YIN NA LTOS GRUB MA YIN DGOS PA'I PHYIR, DER THAL, DE YIN NA YOD PA MA YIN DGOS PA'I PHYIR, GZHAN YANG, DBU MA PAS, DNGOS PO BDEN MED DU KHAS BLANGS PA LA DNGOS SMRA BA RNAMS KYIS, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES 'BYUNG 'JIG DANG BDEN BZHI'I 'DOR LEN SOGS MI 'THAD PAR RTZOD PA LA, KHYAB PA 'GAL BA'I LAN BYED MI RIGS PAR THAL, KHYED LTAR NA, 'DOD LAN DON MTHUN ZHIG THEBS PA'I PHYIR, 'DOD NA, MI 'THAD DE, GAL TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES KHYAB PA 'GAL BA'I LAN MDZAD PA'I PHYIR, GZUGS SOGS RANG BZHIN GYIS MA GRUB PAR 'DOD PA'I LUGS LA 'BYUNG 'JIG DANG, BDEN BZHI'I 'DOR LEN DANG, SKYABS YUL DKON MCHOG GSUM LA SOGS PA RUNG ZHING RUNG BA'I DON YANG DE DAG YOD PA LA BYED PA YIN TE, RTZA SHES LAS, GANG LA STONG PA NYID RUNG BA, ,DE LA THAMS CAD RUNG BA YIN, ,GANG LA STONG NYID MI RUNG BA, ,DE LA THAMS @54A *, ,CAD RUNG MI 'GYUR, ,ZHES PA DANG, DE'I 'GREL PA TSIG GSAL LAS, GANG LA DNGOS PO THAMS CAD RANG BZHIN GYIS STONG PA NYID 'DI RUNG BA DE LA, JI SKAD DU SMRAS PA DE DAG THAMS CAD RUNG BAR 'GYUR RO, ,JI LTAR ZHE NA, GANG GI PHYIR KHO BO CAG NI RTEN CING 'BREL PAR 'BYUNG BA LA STONG PA NYID CES SMRA STE, DE'I PHYIR GANG LA STONG PA NYID 'DI RUNG BA DE LA RTEN CING 'BREL PAR 'BYUNG BA RUNG LA, GANG LA RTEN CING 'BREL BAR 'BYUNG BA RUNG BA DE LA 'PHAGS PA'I BDEN PA BZHI RNAMS RIGS PAR 'GYUR RO, ,ZHES GSUNGS PA'I PHYIR, GZHAN YANG, TSIG GSAL LAS, KHO BO CAG LA 'BYUNG 'JIG SOGS MI 'THAD PA'I SKYON MED PAR MA ZAD BDEN PA BZHI LA SOGS PA 'THAD PA YIN NO, ,ZHES GSUNGS PA'I PHYIR DANG, 'JUG PA LAS KYANG, DNGOS PO STONG PA GZUGS BRNYAN LA SOGS PA, ,TSOGS LA LTOS RNAMS MA GRAGS PA YANG MIN, ,ZHES GSUNGS PA'I PHYIR, GNYIS PA DE 'GOG BYED KYI RIGS PA LTAR SNANG DU BSTAN PA LA LNGA LAS, DANG PO GZUGS SOGS KYI CHOS RNAMS DBU MA'I RIGS PAS DPYAD BZOD MI BZOD BRTAGS NAS 'GOG PA DE RIGS PA LTAR SNANG YIN TE, CHOS DE DON DAM DPYOD BYED KYI TSAD MAS DPYAD MI BZOD NA, CHOS DE DON DAM DPYOD BYED KYI TSAD MAS BKAG MI DGOS PA'I PHYIR, DER THAL; CHOS DE DON DAM DPYOD BYED KYI TSAD MAS MA RNYED NA, CHOS DE DON DAM DPYOD BYED KYI TSAD MAS MED PAR RNYED MI DGOS PA'I PHYIR, DER THAL, CHOS DE TSAD MA DES MA RNYED NA, TSAD MA DES CHOS DE MED PAR RNYED MI DGOS PA'I PHYIR, MA GRUB NA SGRA CHOS CAN, MIG SHES TSAD MAS KHYOD MED PAR RNYED PAR THAL; KHYED MIG SHES TSAD MAS MA RNYED PA'I PHYIR, DER THAL, KHYOD MIG SHES TSAD MA'I GZUNG BYA MA YIN PA'I PHYIR, 'DOD NA, SGRA CHOS CAN, MED PAR THAL, MIG SHES TSAD MAS MED PAR RTOGS PA'I PHYIR, 'DOD NA, MI 'THAD DE, SGRA MNGON SUM DU THOS PA DANG 'GAL ZHING, KHYOD KYIS MED PA THAMS CAD CHAD MTHAR KHAS BLANGS PA DANG YANG 'GAL BA'I PHYIR, DES NA DON DAM DPYOD BYED KYI RIGS PAS DPYAD MTSAMS DANG, DPYAD PA'I TSE NA RNYED MI RNYED SOGS KYI KHYAD PAR JI LTA BU YIN ZHE NA, DE'I TSUL YANG YOD DE, BUM SNAM SOGS DANG LHAS BYIN MCHOD SBYIN SOGS CHOS DANG GANG ZAG GI THA SNYAD @54B SNA TSOGS PA BYAS PA 'DI RNAMS LA, MING GI THA SNYAD BTAGS PA TZAM GYIS MA TSIM PAR BTAGS DON RANG GI CHA SHAS RNAMS DANG NGO BO GCIG DANG NGO BO THA DAD GANG DU GRUB MA GRUB BTZAL BA NA DE DAG GI GNAS LUGS 'TSOL BA LA ZHUGS PA YIN ZHING, DE'I TSE NA RANG GI YAN LAG RNAMS DANG NGO BO GCIG DANG THA DAD GANG RUNG DU RNYED RGYU MED DE, DE'I TSE NA RNYED RGYU ZHIG YOD NA RNYED DON BDEN GRUB DANG, 'TSOL BYED KYI RIGS PA DE RIGS PA LTAR SNANG DANG, DE LA BRTEN PA'I RTOG PA DE YANG LOG SHES SU 'GYUR BA'I PHYIR, GAL TE RIGS PA YANG DAG GCIG DU BRAL DANG, MTHA' BDUN GYI RIGS PAS CHOS DANG GANG ZAG DE DAG RANG GI CHA SHAS DANG NGO BO GCIG DANG NGO BO THA DAD GANG RUNG DU MA RNYED PAS CHOS DANG GANG ZAG DE DAG RANG NYID KYIS MTHAR THUG DPYOD PA'I RIGS SHES TSAD MAS MA RNYED PA'I DON MA YIN PA DANG, DE'I TSE NA DE DAG RANG BZHIN MED PA YIN GYI MED PA MA YIN PA DANG, DE'I TSE NA RANG GI CHA SHAS RNAMS DANG NGO BO GCIG DANG THA DAD GANG RUNG DU MA GRUB PA RNYED PA NA, CHOS DANG GANG ZAG DE DAG GI GNAS LUGS RNYED PAR 'GYUR BA YIN TE, DE'I TSE NA DE DAG BDEN PAR MED PA RNYED PAR 'GYUR BA GANG ZHIG ,DE DAG BDEN PAR MED PA DE DAG GI GNAS LUGS YIN PA'I PHYIR, GNYIS PA GZUGS SOGS RNAMS LA YOD MED SOGS MU BZHIR BRTAGS NAS 'GOG PA DE YANG RIGS PA LTAR SNANG YIN TE, YOD PA MA YIN PAR KHAS BLANGS PAS MED PAR KHAS BLANGS PAR SONG, MED PA MA YIN PAR KHAS BLANGS PAS YOD PAR KHAS BLANGS PAR SONG, GNYIS KA MA YIN PAR KHAS BLANGS NAS SLAR YANG GNYIS KA MA YIN PA MA YIN PAR KHAS BLANGS PAS, GNYIS KAR KHAS BLANGS PAR SONG BA'I PHYIR, KHO NA RE, RANG RGYUD PA MAN CHAD KYI LUGS LA DGAG PA GNYIS RNAL MAR GO BA YOD KYANG LUGS 'DIR DGAG PA GNYIS RNAL MAR GO BA MED DO, ,ZER NA, SHES BYA CHOS CAN, PHAN TSUN SPANG 'GAL GYI DNGOS 'GAL MED PAR THAL, YOD PA RNAM PAR BCAD PAS MED PAR GO MI NUS; MED PA RNAM PAR BCAD PAS YOD PAR GO MI NUS PA'I PHYIR, DANG PO MA GRUB NA, DGAG PA GNYIS RNAL MAR GO BA YOD PAR THAL, MA GRUB PA DE'I PHYIR, [*RTZA BAR] 'DOD NA, DNGOS SMRA BAS, DNGOS PO BDEN GRUB KHAS BLANGS PA LA, KHAS BLANGS NANG 'GAL STON PA'I SGO NAS 'GOG MI RIGS PAR THAL, 'DOD PA'I PHYIR, @55A *, ,'DOD NA, DE LTAR 'GOG RIGS PAR THAL, 'GAL BA LA DMIGS PA'I GTAN TSIGS KYI SGO NAS 'GOG RIGS PA'I PHYIR, GZHAN YANG, DNGOS SMRA BAS DNGOS PO BDEN GRUB TU DAM BCAS PA'I DAM BCA' DANG DBU MA PAS BDEN MED DU DAM BCAS PA'I DAM BCA' GNYIS PO DE LA, DAM BCA' YANG DAG YIN MIN GYI KHYAD PAR MED PAR THAL, DE DAG GANG GI YANG BZHED DON LA TSAD MAS GNOD PA YANG MI SRID, GRUB PA YANG MI SRID PA'I PHYIR, PHAN TSUN SPANGS 'GAL GYI DNGOS 'GAL YOD PAR THAL, MA GRUB PA DE'I PHYIR, PHYI MA LTAR NA MI 'THAD DE, KHYOD KYI TSAD MAS GRUB PA'I DON CUNG ZAD TZAM YANG MED PAR KHAS BLANGS PA DANG 'GAL BA'I PHYIR, RTZA BAR 'DOD NA, DE GNYIS KYI GRUB MTHA' LA BZANG NGAN GYI KHYAD PAR MED PAR THAL, KHYOD LTAR NA YOD PA MED PA DANG DNGOS 'GAL MA YIN PA'I PHYIR, DER THAL, CHOS THAMS CAD YOD MED GANG RUNG MA YIN PA'I PHUNG GSUM PA YIN PA'I PHYIR, GZHAN YANG, CHOS GANG LA YANG 'DI YIN DANG 'DI MA YIN GANG DU YANG BZUNG MI RUNG BAR THAL, YOD MED SOGS GANG DU YANG 'DZIN MI RIGS PA'I PHYIR, 'DOD NA, CHOS THAMS CAD SPROS BRAL YIN PA DANG, YOD MED SOGS BZHI PO GANG RUNG MA YIN ZHES 'DZIN MI RIGS PAR THAL, 'DOD PA'I PHYIR, GZHAN YANG, CHOS GANG LA YANG 'DI YIN DANG 'DI MIN GYI NGES PA 'DREN MI NUS PAR THE TSOM ZA BA 'BA' ZHIG SNYING POR BYED RIGS PAR THAL, CHOS THAMS CAD MYU GU YOD MED GANG RUNG MA YIN PA'I PHUNG GSUM PA GANG ZHIG , DE LTAR YIN NA, CHOS THAMS CAD MYU GU YIN MIN DANG MYU GU SKYE MI SKYE DANG DNGOS PO DANG DNGOS MED GANG RUNG MA YIN PA'I PHUNG GSUM PAR KHAS BLANGS DGOS PAR MTSUNGS PA'I PHYIR, KHYOD LTAR NA LUNG LAS BSTAN MA BSTAN YANG MTSUNGS TE, YOD DANG MED PA 'DI YANG MTHA' GCIG STE, ,ZHES GSUNGS PA LTAR DU, GTZANG DANG MI GTZANG 'DI YANG MTHA' NYID YIN, ,ZHES GSUNGS PA'I PHYIR, GZHAN YANG, THAL 'GYUR BA'I LUGS LA, SHES BYA LA BDEN PA GNYIS SU GRANGS NGES 'BYED PA YANG MI 'THAD PAR THAL, PHUNG GSUM SPANGS PA'I 'GAL BA MI SRID PA'I PHYIR, RANG BZHIN MED PA DE YANG RIGS PAS 'GOG PA DANG, RANG BZHIN MED PAR YANG 'DZIN MI RIGS PAR THAL, CHOS THAMS CAD DBU MA'I RIGS PAS BKAG @55B PA'I PHYIR DANG, RANG BZHIN MED PAR BZUNG NA CHAD MTHAR LHUNG BA YIN PA'I PHYIR, 'DOD NA, MI 'THAD DE, SHES RAB SNYING PO LAS, PHUNG PO LNGA PO DE DAG KYANG RANG BZHIN GYIS STONG PA RNAM PAR YANG DAG PAR RJES SU LTA'O, ,ZHES PA DANG, SDUD PA LAS, CHOS RNAMS RANG BZHIN MED PAR YONGS SU SHES GYUR PA, ,'DI NI SHES RAB PHA ROL PHYIN MCHOG SPYOD PA YIN, ,ZHES GSUNGS PA'I PHYIR, GZHAN YANG, DGAG PA GNYIS RNAL MAR GO BAR THAL, CHOS RNAMS RANG BZHIN GYIS MED PA MA YIN NA, RANG BZHIN GYIS GRUB DGOS PA'I PHYIR, DER THAL, RTZOD BZLOG LAS, RANG BZHIN MED PA NYID BZLOG NA, ,RANG BZHIN NYID DU RAB GRUB 'GYUR, , ZHES DANG, RANG 'GREL LAS, GAL TE TSIG RANG BZHIN MED PA NYID KYIS DNGOS PO RNAMS KYI RANG BZHIN MED PA NYID 'GOG PAR BYED NA NI, RANG BZHIN MED PA NYID BKAG PA NYID KYI PHYIR, DNGOS PO RNAMS RANG BZHIN DANG BCAS PAR 'GYUR LA, RANG BZHIN DANG BCAS PA'I PHYIR STONG BA MA YIN PAR 'GYUR RO, ,ZHES GSUNGS PA'I PHYIR, KHO NA RE, CHOS THAMS CAD YOD PA MA YIN PAR THAL, STONG NYID YOD PA MA YIN PA'I PHYIR, DER THAL, RIN CHEN PHRENG BA LAS, BDAG DANG BDAG MED LTA BA DAG ,DE PHYIR THUB PA CHEN POS BZLOG ,CES DANG, BZHI BRGYA PA LAS, STONG MIN MED PAR STONG PA NI, ,GANG LAS 'BYUNG BA NYID DU 'GYUR, , ZHES DANG, RTZA SHES LAS, MI STONG CUNG ZAD YOD MIN NA, ,STONG PA'ANG YOD PA GA LA 'GYUR, ,ZHES GSUNGS PA'I PHYIR ZER NA, SKYON MED DE, DE'I DON, RANG BZHIN GYIS GRUB PAS MI STONG BA'I CHOS RDUL TZAM YANG MED PAS, RANG BZHIN GYIS GRUB PAS STONG BA'I STONG NYID DE YANG RANG BZHIN GYIS MED DO, ,ZHES STONG NYID BDEN GRUB 'GOG PA'I DON YIN PA'I PHYIR, KHYOD LTAR NA KHYAB PA 'GAL KHYAB TU SONG BA YIN TE, RANG BZHIN GYIS GRUB PAS STONG PA'I CHOS RDUL TZAM YANG MED PAS, RANG BZHIN GYIS GRUB PAS STONG BA'I STONG NYID YOD PA MA YIN, ZHES SMRA BA YIN PA'I PHYIR, DER THAL, DPER NA, DGAG BYA RI BONG RVA MED PAS, RI BONG GI RVA MED KYANG YOD PA MA YIN NO, ,ZHES SMRA BA LTA BU YIN PA'I PHYIR, DES NA YOD MIN ZHES SOGS KYI MDO'I YOD PA SOGS BZHI PO DE RANG BZHIN GYIS MED CES PA'I DON YIN PA'I PHYIR, SNGAR BSHAD PA'I LOG RTOG DE DAG 'BYUNG BA NI, RTZA SHES LAS, YOD CES BYA BA RTAG PAR LTA, ,ZHES SOGS KYI LUNG DON CUNG ZAD KYANG MA @56A *, ,GO BAR YOD PA DANG, RANG BZHIN YOD PA DANG, MED PA DANG, RANG BZHIN MED PA'I KHYAD PAR MA PHYED PA'I SKYON YIN PAS, DE BSHAD NA, 'JIG RTEN NA YANG GANG DU LHUNG NA LHUNG BA PO'I SKYES BU PHUNG BAR 'GYUR BA'I GNAS SHIG LA MTHA' ZHES GSUNGS PA DE BZHIN DU, 'DIR YANG GANG DU BZUNG NA 'DZIN PA PO'I SKYES BU LTA NGAN GYI G-YANG SAR LHUNG NAS, PHUNG BAR 'GYUR BA'I GNAS SHIG LA MTHA' ZHES GSUNGS PA YIN LA, MTHAR 'DZIN DE LA YANG GNYIS YOD PA'I RTAG PA'I MTHAR 'DZIN GYI KHYAD PAR YOD DE, PHYI ROL PA KHA CIG GIS, BDAG RTAG PA DANG, SPYI GTZO BO DANG, DBANG PHYUG RTAG PA SOGS YOD PAR 'DZIN PA'I SEMS BYUNG DANG, BYE BRAG TU SMRA BAS, NAM MKHA' RTAG RDZAS DANG, DNGOS SMRA BA RNAMS KYIS DNGOS PO RANG BZHIN GYIS YOD PAR 'DZIN PA'I SEMS BYUNG RNAMS RTAG PA'I MTHAR 'DZIN DANG, DE'I ZHEN YUL DU GRUB PA ZHIG BYUNG NA, RTAG MTHA' YIN PA'I PHYIR, DNGOS PO RANG BZHIN GYIS GRUB PAR 'DZIN PA'I BLO LA RTAG 'DZIN GYI 'DZIN STANGS DNGOS SU MED KYANG, DE RTAG PA'I MTHAR 'DZIN DU 'GYUR BA'I TSUL YOD DE, DNGOS PO RANG BZHIN GYIS GRUB NA DNGOS PO'I YOD PA DE DNGOS PO'I RANG BZHIN YIN DGOS, DE YIN NA, RANG GI RANG BZHIN SPANGS PA'I CHOS MI SRID PAS DE DNGOS PO'I DUS THAMS CAD DU MA 'KHRUL DGOS, DE MA 'KHRUL NA DUS RTAG TU YOD DGOS, DUS RTAG TU YOD NA RTAG PA YIN DGOS PA'I PHYIR, DER THAL, RTZA SHES LAS, GANG ZHIG RANG BZHIN GYIS YOD PA, ,DE NI MED PA MIN PAS RTAG ,CES GSUNGS PA'I PHYIR, CHAD PA'I MTHAR 'DZIN GYI KHYAD PAR YOD DE, PHYI ROL PA KHA CIG THAR PA DANG THAMS CAD MKHYEN PA MED PA DANG, DNGOS PO RNAMS LA RGYU MED PA DANG, SKYE BA SNGA PHYI MED PAR 'DZIN PA'I SEMS BYUNG DANG, NANG SDE KHA CIG ,SRID PA BAR DO MED PA DANG, DNGOS PO SMRA BA RNAMS KYIS RANG NGOS NAS GRUB PA'I DNGOS PO RANG GRUB DUS KYI SKAD CIG GNYIS PA'I DUS SU ZHIG PAR 'DZIN PA'I SEMS BYUNG RNAMS CHAD PA'I MTHAR 'DZIN DANG, DE'I ZHEN YUL RNAMS CHAD MTHA' YIN PA'I PHYIR, RANG BZHIN GYIS GRUB PA'I DNGOS PO RANG GRUB DUS KYI SKAD CIG GNYIS PAR ZHIG PAR 'DZIN PA'I BLO DE LA, DNGOS PO MED PAR 'DZIN PA'I 'DZIN STANGS DNGOS SU MED KYANG, CHAD PA'I MTHAR 'DZIN DU 'GYUR TSUL YOD DE, GONG DU BSHAD PA LTAR DNGOS PO RANG BZHIN GYIS GRUB @56B NA DNGOS PO'I YOD PA DE DNGOS PO'I RANG BZHIN YIN DGOS, DE YIN NA, DE DNGOS PO'I GNAS LUGS DANG, RTAG PA YIN DGOS, GNAS LUGS DANG RTAG PA RANG GRUB DUS KYI SKAD CIG GNYIS PA'I DUS SU ZHIG NA DE DAG LA SKUR 'DEBS YIN PA'I PHYIR, DANG PO DER THAL, SNGON BYUNG DE [*DA] LTAR MED CES PA, ,DES NA CHAD PAR THAL BAR 'GYUR, ,ZHES GSUNGS PA'I PHYIR, DE LTAR YIN GYI YOD PAR BZUNG NA RTAG PA'I MTHAR 'DZIN, MED PAR BZUNG NA CHAD PA'I MTHAR 'DZIN DU 'GYUR BA MA YIN TE, BUM PA YOD PA DANG, NAM MKHA' RTAG PAR BZUNG NA RTAG MTHA' DANG, SANGS RGYAS 'PHAGS PA'I RGYUD LA SGRIB PA MED PA DANG, RI BONG GI RVA MED PAR BZUNG NA CHAD PA'I MTHAR LHUNG BAR 'DOD PA HA CANG THAL BA'I PHYIR, DER THAL, GANG ZHIG RANG BZHIN GYIS YOD PA, ,ZHES SOGS KYI 'GREL PA TSIG GSAL LAS, GANG ZHIG RANG BZHIN GYIS YOD PAR BRJOD PA DE NI RANG BZHIN LDOG PA MED PAS NAM YANG MED PA MA YIN TE, DE LTAR NA, RANG BZHIN YOD PA NYID DU KHAS BLANGS PAS RTAG PAR LTA BAR 'GYUR LA, SNGON GNAS PA'I GNAS SKABS SU DNGOS PO'I RANG BZHIN KHAS BLANGS NAS DA LTA PHYIS DE ZHIG PAS MED DO, ,ZHES KHAS BLANGS PAS CHAD PAR LTA BAR THAL BAR 'GYUR RO, ,ZHES GSUNGS PA'I PHYIR, YOD CES BYA BA RTAG PAR 'DZIN, ZHES PA'I DON YANG YOD TZAM LA BYED PA MA YIN GYI RANG BZHIN GYIS YOD PA, ZHES SOGS GZHUNG GONG MA'I RGYU MTSAN 'CHAD BYED KYI GZHUNG YIN PA'I PHYIR, DES NA LAS DANG BYED PA PO DANG 'BRAS BU LA SOGS PA RANG BZHIN GYIS MED KYANG, YOD PA YIN TE, TSIG GSAL LAS, KHO BO CAG NI LAS DANG, BYED PA PO DANG, 'BRAS BU LA SOGS PA MED DO ZHES SMRA BA YANG MA YIN TE, 'O NA CI ZHE NA, 'DI DAG RANG BZHIN MED DO ZHES RNAM PAR 'JOG PA YIN, ,CI STE RANG BZHIN MED PA RNAMS LA BYA BA BYED PA MI 'THAD PA'I PHYIR NYES PA SO NA 'DUG PA NYID DO SNYAM NA, DE YANG YOD PA MA YIN TE, RANG BZHIN DANG BCAS PA RNAMS KHO NA LA BYA BA MA MTHONG BA'I PHYIR DANG, RANG BZHIN MED PA RNAMS KHO NA LA BYA BA MTHONG BA'I PHYIR, ZHES GSUNGS PA'I PHYIR, GZHAN YANG, CHOS THAMS CAD YOD PA MA YIN PAR 'DOD PA DE MI 'THAD PAR THAL, DE LTAR 'DOD PA DE DNGOS PO SMRA BA RNAMS KYIS DNGOS PO BDEN PAR MA GRUB NA, DE DAG GTAN NAS MED PA BONG BU'I RVA DANG 'DRA BAR KHAS BLANGS PA DANG MTSUNGS PA'I PHYIR, DER THAL, BZHI BRGYA PA'I 'GREL PA LAS, DNGOS @57A *, ,POR SMRA BA'I LTA BA NI, JI SRID DU DNGOS PO DE'I YOD PA NYID YIN PA DE SRID DU RANG GI NGO BO YANG YIN PA NYID LA, GANG GI TSE RANG GI NGO BO DANG BRAL BA DE'I TSE DE LA DNGOS PO DE RNAM PA THAMS CAD DU MED PA'I PHYIR, BONG BU'I RVA DANG 'DRA BAS GNYIS SU SMRA BA LAS MA 'DAS PA'I PHYIR, 'DI'I MNGON PAR 'DOD PA THAMS CAD 'GRIG DKA' BAR 'GYUR RO, ,ZHES GSUNGS PA'I PHYIR, GZHAN YANG, SKYE BA SNGA PHYI LA SOGS PA RANG BZHIN MED KYANG YOD PAR KHAS LEN RIGS TE, DBU MA PAS, DE DAG BDEN MED DU KHAS BLANGS PA LA, DNGOS SMRA BAS, PHYI ROL MED PA BA DANG MTSUNGS PAR RTZOD PA'I LAN DU, PHYI ROL MED PA BA LA KHAS LEN YOD PAS SKYON CHAGS, KHO BO CAG LA KHAS LEN MED PAS MI MTSUNGS PA'I LAN YANG MA MDZAD, PHYI ROL MED PA BAS MED PAR KHAS BLANGS, KHO BO CAG GIS YOD PA MA YIN PAR KHAS BLANGS PAS MI MTSUNGS ZHES LAN MA MDZAD PAR DBU MA PAS, SKYE BA SNGA PHYI SOGS RTEN 'BREL YIN PAS RANG BZHIN GYIS MED KYANG YOD PAR KHAS BLANGS, PHYI ROL MED PA BAS MNGON SUM DU MA MTHONG BAS MED PAR KHAS BLANGS PAS MI MTSUNGS PA'I LAN MDZAD PA'I PHYIR, DES NA THA SNYAD DU YOD NA YOD DGOS TE, TSIG GSAL LAS, GAL TE DE LTA NA YANG DE DAG GIS DNGOS PO'I RANG GI NGO BO YOD PA MIN PA NYID LA MED PA NYID DU RTOGS PA'I PHYIR, RE ZHIG LTA BA 'DI'I SGO NAS MTSUNGS PA YOD DO ZHE NA, MED DE, DBU MA PA DE DAG GIS KUN RDZOB TU YOD PAR KHAS BLANGS PA'I PHYIR LA, DE DAG GIS KHAS MA BLANGS PA'I PHYIR MI MTSUNGS PA NYID DO, ,ZHES GSUNGS PA'I PHYIR, DE LTAR MA YIN NA, BCOM LDAN 'DAS KYIS STONG NYID STON MI RIGS PA DANG, DGONGS 'GREL MKHAN PO RNAMS KYIS KYANG DE GTAN LA 'BEBS MI RIGS PAR THAL, SGOM PA'I TSE NA RANG BZHIN MED PAR 'DZIN MI RIGS NA, THOS BSAM GYIS GTAN LA 'BEBS PA'I TSE, RANG BZHIN GYIS MA GRUB PAR GTAN LA 'BEBS MI RIGS PA MTSUNGS PA'I PHYIR, BDAG YOD MED GANG DU YANG MA BZUNG BAS GNAS LUGS KYI DON SGOM PAR MI 'GYUR TE, SPYIR BLO LA CHOS DANG GANG ZAG GI BDAG YOD PAR 'DZIN PA DANG, MED PAR 'DZIN PA DANG, DE GANG DU YANG MI 'DZIN PA'I MU GSUM YOD PAS, DANG PO 'KHOR BA'I RTZA BA DANG, DE'I GNYEN POR BLO GNYIS PA DE SGOM DGOS PA'I PHYIR, SGOM @57B PA'I TSUL YANG YOD DE, BDEN 'DZIN LHAN SKYES KYI ZHEN YUL LA RIGS PA YANG DAG GIS GNOD BYED BSTAN NAS DE'I ZHEN YUL MED PAR NGES SHES DRANGS NAS SGOM DGOS PA YIN PA'I PHYIR, DPER NA, CHOM RKUN GYIS 'JIGS PA 'BYUNG BA NA CHOM RKUN MED PA'I RGYU MTSAN YID CHES PA LA BRTEN NAS DE'I 'JIGS PA SPONG NUS KYI, CHOM RKUN YOD MED GANG DU YANG MA BZUNG BAS DE'I 'JIGS PA SPONG MI NUS PA LTA BU YIN PA'I PHYIR, DER THAL, RNAM 'GREL LAS, NGES PA DANG NI SGRO 'DOGS YID, ,CES SOGS DANG, 'DI YUL SUN PHYUNG MED PAR NI, ,DE SPONG BA NI NUS MA YIN, ,ZHES GSUNGS PA'I PHYIR DANG, 'JUG PA LAS KYANG NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG 'GYUR ZHING, ,ZHES GSUNGS PA'I PHYIR, GZHAN YANG, BDAG YOD MED GANG DU YANG MA BZUNG BAS GNAS LUGS KYI DON SGOM PA MA YIN TE, DE 'DRA'I BLO DE GRUB MTHAS BLO MA BSGYUR BA'I BYA RI DVAGS SOGS DANG, 'DU SHES MED PA'I SNYOM 'JUG LA GNAS PA'I GANG ZAG GI RGYUD LA YOD PA GANG ZHIG ,DE RNAMS GNAS LUGS SGOM PA MA YIN PA'I PHYIR, RTAGS DANG PO DER THAL, DE DAG GI RGYUD GYI BLO YIN NA, BDEN 'DZIN DANG DE'I GNYEN PO GANG RUNG YIN PAS MA KHYAB PA'I PHYIR, GSUM PA GZUGS SOGS KYI CHOS RNAMS TSAD MAS GRUB MA GRUB BRTAGS NAS 'GOG PA DE YANG LTAR SNANG YIN TE, GZUGS SOGS KYI CHOS RNAMS TSAD MAS GRUB PA'I SGO NAS KHAS LEN, DE YANG GZUGS SOGS KUN RDZOB PA'I CHOS RNAMS THA SNYAD DPYOD BYED KYI TSAD MAS GRUB PA'I SGO NAS YOD PAR KHAS LEN, DON DAM BDEN PA RNAMS MTHAR THUG DPYOD BYED KYI TSAD MAS GRUB PA'I SGO NAS YOD PAR KHAS LEN PA'I PHYIR, KHYOD LTAR NA 'GAL KHYAB YIN TE, MIG SHES DANG NYAN SHES SOGS GZUGS SGRA SOGS LA TSAD MA YIN NA, 'PHAGS LAM BSKYED PA DON MED DU 'GYUR ZHES SMRA BAS THA SNYAD DPYOD BYED KYI TSAD MA THA SNYAD KYI DON LA TSAD MA YIN NA, MTHAR THUG DPYOD BYED KYI TSAD MA MTHAR THUG GI DON LA TSAD MA YIN PA DON MED DU 'GYUR ZHES SMRA DGOS PA'I PHYIR, DES NA, MIG DANG RNA BA SNA YANG TSAD MA MIN, ,ZHES SOGS KYI DON YANG YOD DE, MIG SHES SOGS DE KHO NA NYID LA TSAD MA YIN NA, SEMS CAN RNAMS KYIS THOG MA MED PA NAS DE KHO NA NYID MNGON SUM DU RTOGS DGOS PAS DE MNGON SUM DU RTOGS @58A *, ,PA'I PHYIR DU 'PHAGS LAM BSKYED PA DON MED DU 'GYUR RO ZHES BSTAN PA'I PHYIR, DER THAL, GAL TE 'JIG RTEN TSAD MA YIN NA NI, ,ZHES SOGS KYIS MDO DE DAG GI DON BSDUS TE GTAN LA PHAB PA'I PHYIR, BZHI PA DNGOS PO'I SKYE BA LA, BDAG SKYE SOGS BZHI PO GANG RUNG LAS SKYE BA KHA TSON CHOD DAM MI CHOD BRTAGS NAS 'GOG PA DE YANG BRTAGS PA LTAR SNANG YIN TE, DNGOS SMRA BA DANG, THAL 'GYUR BA GNYIS KYIS DNGOS PO'I SKYE BA KHAS LEN PA TZAM DU MTSUNGS KYANG, DE LA BDAG SKYE SOGS BZHIR BRTAGS NAS 'GOG NUS MI NUS MI MTSUNGS PA'I PHYIR, DER THAL, DNGOS POR SMRA BAS, DNGOS PO'I SKYE BA THA SNYAD BRTAGS PA'I BTAGS DON BTZAL BA'I TSE NA, RNYED PA'I SKYE BAR KHAS BLANGS PAS BZHIR BRTAGS PA'I SGO NAS 'GOG NUS, THAL 'GYUR BAS MA BRTAGS MA DPYAD PAR SKYE BA TZAM KHAS BLANGS PA LA, DE LA BTAGS DON BTZAL BA'I TSE NA RNYED PA 'GOG PA'I RIGS PAS MI GNOD PA'I PHYIR, RTAGS DANG PO DER THAL, DES DNGOS PO'I SKYE BA BDEN PAR SKYE BA KHAS BLANGS PA'I PHYIR, DE NYID SKABS SU RIGS PA GANG ZHIG GI ,ZHES SOGS KYIS DNGOS PO'I SKYE BA BKAG PA MA YIN TE, DE KHO NA NYID LA DPYOD PA'I SKABS SU, MTHA' BZHI GANG RUNG LAS SKYE BA 'GOG BYED KYI RIGS PAS THA SNYAD TZAM DU YANG MTHA' BZHI LAS SKYE BA KHEGS PAS DNGOS PO RANG BZHIN GYIS SKYE BA BKAG PA'I PHYIR, MA DROS PAS ZHUS PA'I MDO LAS, DNGOS PO'I SKYE BA RANG BZHIN MED PAR BSTAN PA'I PHYIR, DER THAL, DE LA SKYE BA'I RANG BZHIN YOD MA YIN, ,ZHES PA DANG, LANG KAR GSHEGS PA LAS KYANG, BLO GROS CHEN PO RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O, ,ZHES SOGS KYIS LUGS 'DIR NI YOD PA DANG RANG BZHIN GYIS YOD PA DANG, MED PA DANG RANG BZHIN GYIS MED PA'I KHYAD PAR SHIN TU CHE BA YIN TE, RIGS PA DRUG CU PA LAS, BRTEN NAS SKYES PA MA SKYES PA, ,DE NYID MKHYEN PA'I MCHOG GIS GSUNGS, ZHES DANG, DE'I 'GREL PAR, GAL TE BRTEN NAS SKYES PA GANG YIN PA DE NI SKYES PA KHO NA MA YIN NAM, DE JI LTAR MA SKYES PA'I SGRAS BRJOD PAR BYA BAR 'GYUR RO, ,CI STE MA SKYES SO ZHES BRJOD NA 'ON TE BRTEN NAS SKYES SO ZHES BRJOD PAR MI BYA'O, ,DE'I PHYIR, PHAN TSUN 'GAL BA NYID KYI PHYIR 'DI MI @58B RIGS SO ZHE NA, KYE MA KYE HUD RNA BA DANG, ,SNYING MED PAS KYANG BRGAL BAR 'GYUR BA 'DI NI KHO BO CAG LA DKA' BA ZHIG BAB PO, ,GANG GI TSE KHO BO CAG GIS GANG BRTEN NAS SKYE BA DE GZUGS BRNYAN BZHIN DU RANG BZHIN GYIS MA SKYES SO ZHES SMRAS PA DE'I TSE RGOL BA'I GO SKABS GA LA YOD, CES GSUNGS PA'I PHYIR, SNGA MA [*LNGA PA] CHOS RNAMS 'JAL BA LA, THA SNYAD DPYOD BYED KYI TSAD MA DANG, MTHAR THUG DPYOD BYED KYI TSAD MA GNYIS PO DE DBANG GANG BTZAN BRTAGS NAS 'GOG PA DE YANG RIGS PA LTAR SNANG YIN TE, MTHAR THUG DPYOD BYED KYI RIGS SHES TSAD MAS GZUGS SOGS KUN RDZOB PA'I CHOS RNAMS MA GZIGS PA YIN GYI MED PAR GZIGS PA MA YIN ZHING MA GZIGS PA YANG YUL MA YIN PAS MA GZIGS PA'I PHYIR YUL MA YIN PA'I RGYU MTSAN YOD DE, GZUGS SOGS KUN RDZOB BDEN PA YIN LA TSAD MA DE MTHAR THUG DPYOD BYED KYI TSAD MA YIN PA'I PHYIR, DES NA MTHAR THUG GI DON 'JAL BA LA, MTHAR THUG DPYOD BYED KYI TSAD MAR DBANG BTZAN, THA SNYAD KYI DON 'JAL BA LA, THA SNYAD DPYOD BYED KYI TSAD MA DBANG BTZAN PA YIN TE, THA SNYAD PA'I TSAD MAS GRUB PA'I DON LA MTHAR THUG DPYOD BYED KYI TSAD MAS MI GNOD, MTHAR THUG DPYOD BYED KYI TSAD MAS GRUB PA'I DON LA, THA SNYAD PA'I TSAD MAS MI GNOD DE, DE LTAR GNOD NA KUN RDZOB BDEN PAS DON DAM BDEN PA BKAG PA DANG, DON DAM BDEN PAS KUN RDZOB BDEN PA BKAG PAR 'GYUR BAS, BDEN GNYIS GZHI GCIG GI STENG DU 'DU MI RUNG DU 'GYUR BA'I PHYIR, KHYOD LTAR NA DRANG DON LA MI RTON, NGES DON LA RTON PA'I KHYAD PAR MI 'THAD PAR THAL, DE GNYIS KA RIGS PAS BKAG PA'I PHYIR, MA KHYAB NA, GANG ZAG GI BDAG LA MI RTON, CHOS KYI BDAG LA RTON PA'I KHYAD PAR 'THAD PAR THAL, MA KHYAB PA DE'I PHYIR, GZHAN YANG, CHOS THAMS CAD YOD PA YIN PAR THAL, TSAD MAS GZHAL BA'I PHYIR, DER THAL, 'PHAGS PA'I MNYAM GZHAG YE SHES KYIS GZHAL BA'I PHYIR, 'DOD NA, MI 'THAD DE, YOD PA MA YIN PAR KHAS BLANGS PA DANG 'GAL BA'I PHYIR, RNAM SHES LA MI RTON YE SHES LA RTON PA'I KHYAD PAR YANG MI 'THAD PAR THAL, DE GANG RUNG YIN NA TSAD MA MA YIN DGOS PA'I PHYIR, MA GRUB NA TSAD MA ZHIG YOD PAR THAL, MA GRUB PA DE'I PHYIR, 'DOD NA, TSAD MAS GRUB PA'I DON ZHIG YOD PAR @59A *, ,THAL, 'DOD PA DE'I PHYIR, ` RANG LUGS LA, DRANG DON LA MI RTON NGES DON LA RTON TSUL YOD DE, THA SNYAD SNA TSOGS SU SNANG BA DE GNAS LUGS MA YIN ZHING DE SNANG BA LTAR DU GRUB PAS STONG PA GNAS LUGS YIN PA DE, DRANG DON LA MI RTON NGES DON LA RTON PA'I DON YIN PA'I PHYIR, RNAM SHES LA MI RTON YE SHES LA RTON PA'I DON YANG YOD DE, RNAM SHES 'KHRUL PA'I NGOR JI LTAR SNANG BA'I DON DE NYID GNAS LUGS MA YIN ZHING YE SHES MA 'KHRUL PA'I NGOR JI LTAR SNANG BA'I DON GNAS LUGS YIN PA DE, RNAM SHES LA MI RTON YE SHES LA RTON PA'I DON YIN PA'I PHYIR, GNYIS PA DGAG BYA KHYAB CHUNG BA BKAG PA LA, PHYOGS SNGA MA BRJOD PA DANG, DE DGAG PA GNYIS, DANG PO LA, KHA CIG ,NGO BO RGYU RKYEN GYIS MA BSKYED PA, 'JOG BYED GZHAN LA RAG MA LAS PA, GNAS SKABS GZHAN NAS GZHAN DU MI 'GYUR BA'I KHYAD CHOS GSUM LDAN DE, DON DAM LA DPYOD PA'I RTAGS YANG DAG GIS [*GI] DGAG CHOS MTHAR THUG PA YIN TE, RTZA SHES LAS, RANG BZHIN DAG NI BCOS MIN DANG, ,GZHAN LA BLTOS PA MED PA YIN, ,ZHES GSUNGS PA'I PHYIR ZER NA, GNYIS PA DE DGAG PA LA, SEMS TZAM PAS DNGOS PO'I STENG DU GNAS LUGS KYI DON TSAD MAS NGES PAR THAL, KHYOD KYI DAM BCA' 'THAD PA GANG ZHIG, DES DNGOS PO KHYAD CHOS GSUM PO DES STONG BAR TSAD MAS NGES PA'I PHYIR, DER THAL, DNGOS PO NGO BO RGYU RKYEN GYIS BSKYED PA SOGS KHYAD CHOS GSUM LDAN DU TSAD MAS NGES PA'I PHYIR, 'DOD NA, MI 'THAD DE, DNGOS SMRA BA YIN PA'I PHYIR, GZHAN YANG, DE LTA BU'I KHYAD CHOS GSUM LDAN DE DON DAM LA DPYOD PA'I RTAGS YANG DAG GI DGAG BYA MTHAR THUG MA YIN PAR THAL, MYU GU KHYAD CHOS GSUM LDAN GYIS STONG BAR RTOGS PA'I TSAD MA DES MYU GU BDEN PAR 'DZIN PA'I BDEN 'DZIN GYI ZHEN YUL GYI BZLOG PHYOGS MI RTOGS PA'I PHYIR, DER THAL, GRUB MTHAS BLO MA BSGYUR BA'I GROG SBUR SOGS KYI RGYUD LA BDEN 'DZIN YOD PA GANG ZHIG ,DE LA KHYAD CHOS GSUM LDAN GYI 'DZIN TSUL DE MED PA'I PHYIR, KHO NA RE, DE LTA BU'I KHYAD CHOS GSUM LDAN DE DON DAM LA DPYOD PA'I RTAGS YANG DAG GI DGAG CHOS MTHAR THUG YIN PAR THAL, BDEN PAR GRUB NA KHYAD CHOS GSUM PO DER GRUB DGOS PA'I PHYIR ZER NA, 'O NA, @59B DNGOS PO RTAG PAR GYUR PA YANG DON DAM LA DPYOD PA'I RTAGS YANG DAG GI DGAG BYA MTHAR THUG YIN PAR THAL, DNGOS PO BDEN PAR GRUB NA, RTAG PAR GRUB DGOS PA'I PHYIR, 'DOD NA, MA YIN PAR THAL, DNGOS PO RTAG PAR MED PA DON DAM BDEN PA MA YIN PA'I PHYIR, DER THAL, DNGOS PO MI RTAG PA DON DAM BDEN PA MA YIN PA'I PHYIR, ` RANG LUGS LA, RTZA SHE'I LUNG DES, DE LTA BU'I DGAG BYA'I KHYAD PAR BSTAN PA MA YIN TE, RANG LUGS LA KHAS LEN PA'I RANG BZHIN BSTAN PA YIN PA'I PHYIR, DE YANG ME BDEN PAS STONG BA DE KHYAD CHOS GSUM DANG LDAN PA YIN TE, CHU'I TSA BA LTAR NGO BO RGYU RKYEN GYIS KYANG MA BSKYED, 'JOG BYED GZHAN LA RAG MA LAS, GNAS SKABS GZHAN DANG GZHAN DU YANG MI 'GYUR, THAG PA KHRU GANG PA GCIG RING POR 'DZIN PA NA, MTHO GANG BA LA BLTOS TE RING POR 'JOG PA YIN GYI, THAG PA 'DOM GANG BA ZHIG MNGON DU GYUR PA NA, RING PO'I BLO 'DOR BA DANG, PHA RI TSU RI LA BLTOS PA DANG, TSU RI PHA RI LA BLTOS PA DANG, ME'I TSA BA DE, CHU'I TSA BA LA BLTOS TE ME'I RANG BZHIN YIN PA 'JIG RTEN DU GRAGS KYANG, ME'I RANG BZHIN MNGON SUM DU RTOGS PA'I GANG ZAG GIS, DE ME'I RANG BZHIN YIN PA 'DOR BA LTAR YIN PA'I PHYIR, ME BDEN PAS STONG BA DE ME'I DUS GSUM GA LA MA 'KHRUL BA YIN PA'I PHYIR, DER THAL, ME'I 'DAS MA 'ONGS KYI DUS SU YANG ME BDEN PAS STONG BA'I PHYIR, DER THAL, ME'I 'DAS MA 'ONGS KYI DUS SU YANG DE BDEN PAR MA GRUB PA'I PHYIR, 'JOG BYED GZHAN LA RAG MA LAS PA'I DON DE LTAR YIN GYI RGYU RKYEN LA RAG MA LAS PA'I DON MA YIN TE, DE YIN NA KHYAD CHOS DANG PO DANG ZLOS PA'I SKYON YOD PA'I PHYIR, RANG GI CHA SHAS LA MI BLTOS PA'I DON MA YIN TE, DE YIN NA, RTEN 'BREL MA YIN PA'I SKYON YOD PA'I PHYIR, DE LTA BU'I KHYAD CHOS GSUM LDAN GYI RANG BZHIN DE NGES PAR YOD PAR KHAS LEN DGOS TE, BYANG CHUB SEMS DPA' RNAMS DE MNGON SUM DU RTOGS PAR BYA BA'I PHYIR DU PHA ROL TU PHYIN PA'I LAM SGOM PA DANG, RGYAL SRAS KYI DKA' SPYAD LA BZOD PA'I BZOD PA NYAMS SU LEN PAR BYED PA'I PHYIR, DER THAL, RANG 'GREL LAS, KHYAD PAR DU MDZAD PA RNAM PA DE LTA BU'I RANG BZHIN SLOB DPON GYI ZHAL GYIS BZHES PA ZHIG YOD DAM ZHE NA, GANG GI DBANG DU MDZAD NAS, BCOM LDAN 'DAS KYIS DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS RNAMS KYI CHOS NYID @60A *, ,'DI NI GNAS PA NYID DO, ,ZHES RGYAS PAR GSUNGS PA CHOS NYID CES BYA BA NI YOD DO CHOS NYID CES BYA BA 'DI YANG CI ZHIG MIG LA SOGS PA 'DI DAG GI RANG BZHIN NO, ,DE DAG GI RANG BZHIN YANG GANG ZHIG CE NA, DE DAG GIS BCOS MA MA YIN PA NYID DANG, GZHAN LA BLTOS PA MED PA GANG YIN PA STE MA RIG PA'I RAB RIB DANG BRAL BA'I SHES PAS RTOGS PAR BYA BA'I RANG GI NGO BO CI DE YOD DAM, MED DO ZHES DE SKAD DU SMRA GAL TE MED NA DE CI'I DON DU BYANG CHUB SEMS DPA' RNAMS PHA ROL TU PHYIN PA'I LAM SGOM PAR 'GYUR TE GANG GI PHYIR CHOS NYID RTOGS PAR BYA BA'I PHYIR, BYANG CHUB SEMS DPA' RNAMS DE LTAR DKA' BA BRGYA PHRAG RTZOM PA YIN NO, ,ZHES GSUNGS PA'I PHYIR, ME BDEN PAS STONG BA DE RANG BZHIN GYIS MA GRUB KYANG DE ME'I RANG BZHIN DU GRUB PA DANG DE YOD PA DANG CHOS CAN DU 'BREL BA RNAMS MTHAR THUG DPYOD BYED KYI TSAD MA'I RNYED DON MA YIN KYANG, THA SNYAD DPYOD BYED KYIS [*KYI] TSAD MAS SGRO BTAGS NAS YOD PA YIN TE; TSIG GSAL LAS, DUS GSUM DU YANG ME LA MI 'KHRUL BA GNYUG MA'I NGO BO MA BCOS PA GANG ZHIG SNGAR MA BYUNG BA LAS PHYIS 'BYUNG BA MA YIN PA GANG ZHIG CHU'I TSA BA 'AM TSU ROL DANG PHA ROL LAM RING PO DANG THUNG NGU LTAR RGYU DANG RKYEN LA BLTOS PA DANG BCAS PAR MA GYUR PA GANG YIN PA DE RANG BZHIN YIN PAR BRJOD DO, ,CI ME'I RANG GI NGO BOR GYUR PA DE YOD DAM ZHE NA, DE NI RANG GI NGO BOS YOD PA YANG MA YIN NO, ,DE LTA YIN MOD KYANG NYAN PA PO RNAMS KYI SKRAG PA SPANG BAR BYA BA'I PHYIR, SGRO BTAGS NAS KUN RDZOB TU DE YOD DO ZHES BRJOD PAR BYA'O, ,ZHES GSUNGS PA'I PHYIR, SGRO BTAGS PA LA MED PAS MA KHYAB STE, SGRO 'DOGS TSUL LA PHYIN CI LOG TU SGRO 'DOGS TSUL DANG, PHYIN CI MA LOG PAR SGRO 'DOGS TSUL GNYIS YOD PAS, GZUGS SOGS KUN RDZOB PA'I CHOS RNAMS RANG 'DZIN RTOG PAS SGRO BTAGS TZAM DU YOD PA'I PHYIR, ` GNYIS PA RANG LUGS DGAG BYA'I TSAD NGOS BZUNG BA LA, DGAG BYA SPYI'I RNAM GZHAG BSHAD PA DANG; DBU MA THAL RANG GI DGAG BYA'I TSAD SO SOR BSHAD PA DANG GNYIS, DANG PO LA, LAM GYI DGAG BYA DANG, RIGS PA'I DGAG BYA GNYIS LAS, DANG PO NI, SGRIB GNYIS LTA BU YIN LA, DE YANG RANG RGYUD LA SLAR MI SKYE BA'I TSUL GYI SPONG BA YIN GYI, SHES BYA LA YOD PA 'GOG PA MA YIN TE SGRIB GNYIS @60B SHES BYA LA MED NA 'GRO BA RNAMS 'BAD MED DU GROL BAR 'GYUR BA'I PHYIR, GNYIS PA RIGS PA'I DGAG BYA LA YANG THA SNYAD DPYOD BYED KYI RIGS PA'I DGAG BYA GANG YIN 'DIR DPYOD PA MA YIN GYI DON DAM DPYOD PA'I RIGS PA'I DGAG BYA NGOS 'DZIN PA YIN LA, DE YANG CHOS RNAMS KYI DE KHO NA NYID LA PHYIN CI LOG TU SGRO 'DOGS PA'I LOG RTOGS [*RTOG] DANG, LOG RTOGS [*RTOG] DE [*DES] JI LTAR [*BZUNG BA LTAR] GRUB PA GNYIS KA YANG DGAG BYA YIN TE, RTZOD GZLOG [*BZLOG] RANG 'GREL LAS, SKYES BU KHA CIG SPRUL PA'I BUD MED RANG BZHIN GYIS STONG BA YIN PA LA, DON DAM PAR BUD MED YOD DO SNYAM DU LOG PAR 'DZIN PAR 'GYUR RO, ,DE'I PHYIR DE LOG PAR 'DZIN PA DES 'DOD CHAGS SKYES PA LA, DE BZHIN GSHEGS PA 'AM, DE'I NYAN THOS KYIS SPRUL PA ZHIG SPRUL LA DES DE'I LOG PAR 'DZIN PA DE LDOG PAR BYED DO, ,DE BZHIN DU NGA'I TSIG STONG PA SPRUL PA LTA BUS DNGOS PO THAMS CAD LA RANG BZHIN MED PA DANG STONG PA SPRUL PA'I BUD MED DANG 'DRA BA DAG LA RANG BZHIN YOD PAR 'DZIN PA GANG YIN PA DE BZLOG PAR BYED DO, ,ZHES GSUNGS PA'I PHYIR, YUL GYI DGAG BYA DANG YUL CAN GYI DGAG BYA GNYIS KYI NANG NAS YUL GYI DGAG BYA GTZO BOR 'GOG DGOS PA YIN TE, BDEN 'DZIN LHAN SKYES KYI ZHEN YUL LA RIGS PA YANG DAG GIS GNOD BYED BSTAN NAS 'GOG MI NUS NA, BDEN 'DZIN LHAN SKYES SPONG BYED KYI THABS MED PA'I PHYIR, GNOD BYED STON PA'I TSUL YANG YOD DE, BDEN 'DZIN LHAN SKYES KYIS JI LTAR BZUNG BA LTAR MED PAR NGES SHES DRANGS TE, DE'I RGYU MTSAN RTOGS SHING GOMS PAR BYAS PA LA BRTEN NAS DE SA BON DANG BCAS PA SPONG BAR BYED PA'I PHYIR, LOG RTOG DE LA YANG KUN BTAGS DANG, LHAN SKYES GNYIS YOD PAS DE GNYIS KYI KHYAD PAR YOD DE, DANG PO NI, DNGOS POR SMRA BA RNAMS KYIS DNGOS PO RANG BZHIN GYIS GRUB PA'I RGYU MTSAN MANG DU SGRO BTAGS NAS RANG BZHIN GYIS GRUB TSUL 'DI 'DRA BA ZHIG 'DOD TSUL MI 'DRA BA SNA TSOGS PA'I SGO NAS RANG NGOS NAS GRUB PAR 'DZIN PA'I LOG RTOG NI DANG PO DANG, PHYI MA NI, SEMS CAN THAMS CAD LA THOG MA MED PA NAS RJES SU 'BREL ZHING CHOS GANG BLO YUL DU SONG YANG RGYU MTSAN CHED DU BSAMS PA LA MA BLTOS PAR RANG GI NGANG GIS RANG BZHIN GYIS GRUB PAR 'DZIN PA'I RTOG PA DE YIN PA'I PHYIR, DE GNYIS KYI NANG NAS DGAG BYA'I GTZO BO NI LHAN SKYES YIN GYI KUN BTAGS MA YIN TE, THOS BSAM GYIS GTAN LA 'BEBS PA'I TSE NA KUN BTAGS KYI ZHEN YUL @61A *, ,BKAG TZAM DE NYID GTAN LA 'BEB NA SGOM PA'I TSE NA YANG DE TZAM ZHIG SGOM DGOS PAS, DES NYON MONGS LHAN SKYES MNGON GYUR BA SPONG MI NUS NA DE'I SA BON SPONG MI NUS PA LTA SMOS KYANG CI DGOS PA'I PHYIR, DER THAL, DPER NA, MTHA' BZHI LAS SKYE BA BKAG TZAM SGOM PAS, RANG BZHIN GYIS GRUB PAR 'DZIN PA'I RTOG PA SPONG MI NUS PA LTA BU YIN PA'I PHYIR, BDAG 'DZIN KUN BTAGS KYI ZHEN YUL BKAG TZAM GYIS DE LHAN SKYES SPONG BA MA YIN GYI LHAN SKYES SPONG BA LA MI PHAN PA MA YIN TE, KUN BTAGS KYI ZHEN YUL BKAG PA LA BRTEN NAS LHAN SKYES SPONG BA'I RGYUD SMIN BYED DU 'GYUR BA'I PHYIR, DE LTA BU'I YUL YUL CAN GYI DGAG BYA DANG DE GNYIS KYI NANG NAS YUL GYI DGAG BYA'I GTZO BO 'GOG DGOS PA DBU SEMS GNYIS KAS 'DOD PA YIN TE, DRANG NGES RNAM 'BYED LAS, LUGS 'DIR RIGS PA'I DGAG BYA LA GNYIS YOD PAS, SKUR 'DEBS NI GRUB MTHAS BZHAG PA KHO NA YIN LA, ZHES GSUNGS PA'I PHYIR DANG, BYANG CHUB LAM RIM CHEN MO LAS KYANG, PHYIN CI LOG GI 'DZIN PA LA DGAG BYAR GSUNGS PA DANG, DES BZUNG BA RANG BZHIN GYIS YOD PA LA DGAG BYAR MDZAD PA GNYIS YOD, 'ON KYANG, DGAG BYA'I GTZO BO NI PHYI MA YIN ZHES GSUNGS PA'I PHYIR, GNYIS PA THAL RANG GI DGAG BYA'I TSAD SO SOR BSHAD PA LA, DBU MA RANG RGYUD PA NI, BLO GNOD MED LA SNANG BA'I DBANG GIS BZHAG TZAM MA YIN PAR, YUL RANG GI THUN MONG MA YIN PA'I BSDOD LUGS KYI SGO NAS YOD PA DE, DON DAM LA DPYOD PA'I RTAGS YANG DAG GI DGAG BYA MTHAR THUG YIN GYI, MING BRDAS BZHAG TZAM MA YIN PAR RANG GI BSDOD LUGS KYI NGOS NAS GRUB PA DE, DON DAM LA DPYOD PA'I RTAGS YANG DAG GI DGAG CHOS MTHAR THUG MA YIN TE, CHOS RNAMS LA RANG GI MING BRDAS BZHAG TZAM MA YIN PAR, RANG GI BSDOD LUGS KYI NGOS NAS GRUB PA'I BSDOD LUGS SHIG YOD PAR 'DOD PA'I PHYIR, DER THAL, t'IK CHEN LAS, DE LTAR BLO LA SNANG BA'I DBANG GIS BZHAG PA MA YIN PA'I BSDOD LUGS MED KYANG, DE'I DBANG GIS BZHAG PA'I BSDOD LUGS MING DU BTAGS BA TZAM MA YIN PA ZHIG YOD PA LUGS 'DI LA MI 'GAL BAS DBU MA PA GNYIS DGAG BYA LA BLO'I NGOR MI 'DRA BA CHEN PO 'ONG NGO, ,ZHES GSUNGS PA'I PHYIR, THAL 'GYUR BA NI, @61B MING BRDAS BZHAG PA TZAM MA YIN PAR RANG GIS BSDOD LUGS KYI NGOS NAS GRUB PA DE, DON DAM LA DPYOD PA'I RTAGS YANG DAG GI DGAG BYA MTHAR THUG TU 'DOD PA YIN TE, GZUGS SOGS KYI CHOS RNAMS MING BRDAS BZHAG TZAM YIN PA'I PHYIR, DER THAL, CHAGS SOGS NYON MONGS RNAMS MING BRDAS BZHAG TZAM YIN PA'I PHYIR, DER THAL, DE RNAMS RANG 'DZIN RTOG PA YOD NA YOD PA DANG, MED NA MED PAS RANG 'DZIN RTOG PA'I RJES SU 'GRO LDOG BYED PA'I PHYIR, DE'I DPE YANG YOD DE, DPER NA, THAG KHRA'I STENG DU MUN BA CUNG ZAD BABS PA NA SBRUL 'DZIN GYI BLO SKYES PA'I TSE THAG KHRA DE'I CHA SHAS RE RE BA DANG DBYIBS DANG TSOGS PA DANG DE LAS DON GZHAN PA GANG YANG SBRUL DE'I MTSAN GZHIR BZUNG RGYU MED PAS THAG KHRA'I STENG DU SBRUL RANG 'DZIN RTOG PAS BTAGS PA TZAM YIN PA LTA BU YIN PA'I PHYIR, BZHI BRGYA PA LAS, RTOG PA MED PAR 'DOD CHAGS LAS, ,SOGS LA YOD NYID YOD MA YIN, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ,ZHES DANG, DE'I 'GREL PAR YANG, RTOG PA YOD PA KHO NAS YOD PA NYID DANG RTOG PA MED PAR YOD PA NYID MED PA DE DAG NI GOR MA CHAG PAR THAG PA BSDOGS PA LA BTAGS PA'I SBRUL LTAR RANG GI NGO BOS MA GRUB PAR NGES SO, ,ZHES GSUNGS PA'I PHYIR, DE BZHIN DU NGA DE YANG RTOG PAS BTAGS TZAM YIN TE PHUNG PO'I STENG DU NGAR 'DZIN GYI BLO SKYES PA DE'I TSE, PHUNG PO'I CHA SHAS RE RE BA DANG DBYIBS DANG TSOGS PA DANG DE LAS GZHAN PA'I DON GANG YANG NGA DE'I MTSAN GZHIR GZUNG RGYU MED PAS NGA RTOG PAS BTAGS PA TZAM YIN PA'I PHYIR, PHUNG PO'I STENG DU NGA RTOG PAS BTAGS TZAM DANG THAG KHRA'I STENG DU SBRUL RANG 'DZIN RTOG PAS BTAGS TZAM YIN PA MTSUNGS KYANG, BTAGS DON GNYIS LA TSAD MAS GNOD MI GNOD MI MTSUNGS TE, DANG PO'I BTAGS DON LA TSAD MAS MI GNOD, PHYI MA'I BTAGS DON LA TSAD MAS GNOD PA'I PHYIR, DER THAL, PHUNG PO'I STENG NA DE YOD, THAG KHRA'I STENG DU SBRUL MED PA'I PHYIR, DER THAL, THAG KHRA SBRUL MA YIN PAR 'DZIN PA'I TSAD MA YOD PA'I PHYIR, NGA RTOG PAS BTAGS TZAM YIN PA DE YANG MTSON PA TZAM YIN GYI DE TZAM DU ZAD PA MA YIN TE, NGA'I GDAGS GZHI PHUNG PO RNAMS KYANG RANG GI CHA SHAS RNAMS LA BTAGS TZAM YIN PA'I PHYIR, DER THAL, RIN @62A *, ,CHEN PHRENG BA LAS, SKYES BU SA MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ,ZHES DANG, TING 'DZIN RGYAL PO LAS, JI LTAR KHYOD KYI BDAG GI 'DU SHES NI, ,SHES PA DE LTAR KUN LA BLOS SBYAR BYA, ZHES DANG, SDUD PA LAS, BDAG CI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD CI 'DRA DE 'DRAR CHOS KUN SHES, ,ZHES GSUNGS PA'I PHYIR, CHOS NYID RTOG PAS BTAGS TZAM YIN NAM ZHE NA, CHOS NYID KYANG RTOG PAS BTAGS TZAM YIN TE, CHOS NYID BDEN PAR GRUB CHOS CAN BDEN PAR MA GRUB NA DE GNYIS LA RTOG PAS BTAGS TZAM YIN MIN GYI KHYAD PAR 'THAD KYANG, CHOS NYID BDEN PAR MA GRUB PAS CHOS NYID RTOG PAS BTAGS TZAM YIN PA'I PHYIR, GZHAN YANG, CHOS CAN RTOG PAS BTAGS TZAM YIN TE, CHOS NYID DANG CHOS CAN GNYIS KYI STENG DU GCIG DU BRAL LA SOGS PA'I RIGS PA YANG DAG LA BRTEN NAS BDEN GRUB KYI GCIG DANG BDEN GRUB KYI DU MA GANG RUNG DU MA GRUB PA'I TSUL GSUM TSANG MA TSANG RGYU MTSAN RNAM PA KUN TU MTSUNGS PA'I PHYIR, DE LTA MA YIN PAR MYU GU BDEN STONG BDEN PAR GRUB NA MYU GU DANG DE GNYIS BDEN GRUB KYI RTEN BRTEN PA YIN PAR THAL, MYU GU BDEN STONG BDEN PAR GRUB PA'I PHYIR, 'DOD NA, DE GNYIS YUL DUS RANG BZHIN GANG LA BLTOS TE YANG RTEN BRTEN PA YIN PAR THAL, 'DOD PA'I PHYIR, 'DOD NA, MYU GU'I GNAS LUGS MNGON SUM DU RTOGS PA'I MNYAM GZHAG YE SHES KYI GZIGS NGOR YANG MYU GU YOD PA DANG, MYU GU'I 'DAS MA 'ONGS KYI DUS SU YANG MYU GU YOD PAR THAL, 'DOD PA'I PHYIR, GZHAN YANG, CHOS NYID RTOG PAS BTAGS TZAM YIN PAR THAL, CHOS NYID CES PA'I THA SNYAD DE BSNYON MED DU 'BYUNG, DE YANG BRDA SBYAR BA PO LA MA BLTOS PAR RANG GRUB TU YANG MA BYUNG, RTOG MED SHES PAS BRDA SBYAR BA YANG MA YIN PAR RANG 'DZIN RTOG PAS BTAGS PA TZAM YIN PA'I PHYIR; RTOG MED SHES PAS BRDA SBYAR BA MA YIN TE, CHOS NYID MNGON SUM DU RTOGS PA'I YE SHES DES CHOS NYID CES PA'I THA SNYAD MI BYED PA'I PHYIR, GZUGS SOGS KYI CHOS RNAMS LA MING TZAM BRDA TZAM ZHES PA'I DON YANG YOD DE, CHOS DANG GANG ZAG GI THA SNYAD SNA TSOGS PA DMIGS PA 'DI RNAMS LA, SNAM BU BUM PA ZHES @62B PA DANG, LHAS SBYIN MCHOD SBYIN ZHES PA'I THA SNYAD BTAGS PA TZAM GYIS TSIM NAS BLANG DOR LA ZHUGS NA BLANG DOR MI SLU BA YIN GYI, DE TZAM GYIS MA TSIM PAR BTAGS DON DE RANG GI CHA SHAS RNAMS DANG NGO BO GCIG DANG, NGO BO THA DAD GANG RUNG DU GRUB BTAGS NAS BLANG DOR LA ZHUGS NA BLANG DOR RGYUN CHAD PAR 'GYUR BA'I PHYIR, DER THAL, LHAS SBYIN DANG PHRAD 'DOD PA'I MI ZHIG GIS, LHAS SBYIN GANG DU YOD DRIS PA NA, BYA ROG SKAD SGROG PA'I KHANG PA'I NANG DU YOD CES PA'I MING TZAM GYIS TSIM NAS KHYIM DU ZHUGS NA LHAS SBYIN DANG PHRAD PAR NUS KYI DE TZAM GYIS MA TSIM PAR BTAGS DON LHAS SBYIN DE RANG GI CHA SHAS RNAMS DANG NGO BO GCIG DANG THA DAD GANG DU GRUB BTAGS NAS PHRAD DGOS NA PHRAD MI NUS PA LTA BU YIN PA'I PHYIR, SA LAM GYI RNAM GZHAG 'GA' ZHIG DANG, DE BZHIN GSHEGS PA'I SKU GSUNG THUGS KYI GSANG BA PHRA MO RNAMS, DANG PO NYID NAS RTOG PAS BRDA SBYAR BA MA YIN KYANG, RTOG PAS BTAGS TZAM YIN PA MI 'GAL TE; BCOM LDAN 'DAS KYIS 'JIG RTEN BZHUGS PA'I PHYIR DU, THA SNYAD KYI RNAM GZHAG 'JIG RTEN DANG MTHUN PAR MDZAD PA'I PHYIR, DBU MA THAL 'GYUR BAS THA SNYAD KYI RNAM GZHAG 'JIG RTEN PA DANG MTHUN PAR 'JOG PA'I DON YANG, 'JIG RTEN BLUN PO RNAMS KYIS YOD PAR KHAS BLANGS NA, YOD PA DANG MED PAR KHAS BLANGS NA, MED PAR KHAS LEN PA'I DON MA YIN TE, SO SO SKYE BO DANG 'PHAGS PA SLOB PA'I RGYUD LA YOD PA'I MA BRTAGS MA DPYAD PAR 'JUG PA'I BLO LHAN SKYES DE'I RJES SU 'BRANG NAS 'JOG PA YIN PA'I PHYIR, THA SNYAD KYI RNAM GZHAG 'JIG RTEN PA DANG MTHUN PAR 'JOG PA YIN TE, MDO LAS, BCOM LDAN 'DAS KYIS 'JIG RTEN NGA DANG LHAN CIG RTZOD KYI, NGA NI 'JIG RTEN DANG MI RTZOD DE, GANG 'JIG RTEN NA YOD PAR 'DOD PA DE NI, NGAS KYANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DO, ,ZHES GSUNGS PA'I PHYIR, GZUGS SOGS KYI CHOS RNAMS MING BRDAS BZHAG TZAM YIN PA NGES DON GYI GSUNG RAB DGONGS 'GREL DANG BCAS PA LAS GSUNGS PA YIN TE, NYE BAR 'KHOR GYIS ZHUS PA'I MDO LAS, SEMS DMYAL 'JIGS PA NGA YIS BSTAN BYAS NAS, ,SEMS CAN STONG PHRAG DU MA SKYO BSKYED KYANG, ,GANG DAG SHI 'PHOS NGAN 'GROR DRAG [*DAG] 'GRO BA'I, ,'GRO BA DE DAG NAM YANG YOD MA @63A *, ,YIN; ;GANG DAG RAL GRI MDA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID DGA' ME TOG KHA 'BYED CING, ,GSER GYI KHANG MCHOG 'BAR BA YID 'ONG BA; ;'DI NA DE LA'ANG BYED PO 'GA' MED DO, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED PA YANG 'BYUNG BA MIN, ,YONGS SU RTOG PA RMI LAM SGYU MA BZHIN, ,ZHES GSUNGS PA'I PHYIR DANG; YAB SRAS MJAL BA'I MDO LAS KYANG, ,DRI ZA'I GRONG KHYER JI LTAR SNANG GYUR KYANG, ,GRONG KHYER PHYOGS BCUR YOD MIN GZHAN NA'ANG MED, ,GRONG KHYER MING TZAM ZHIG GIS RAB TU BZHAG ,DE BZHIN BDE BAR GSHEGS PAS 'GRO 'DI GZIGS, ZHES DANG, SHER PHYIN GYI MDO LAS KYANG, 'DI LTA STE, BYANG CHUB SEMS DPA' ZHES BYA BA 'DI NI MING TZAM MO, ,'DI LTA STE, SHES RAB KYI PHA ROL TU PHYIN PA 'DI NI MING TZAM MO, ,'DI LTA STE, GZUGS DANG, TSOR BA DANG, 'DU SHES DANG, 'DU BYED DANG, RNAM BAR SHES PA ZHES BYA BA 'DI NI MING TZAM MO, ,'DI LTA STE, GZUGS NI SGYU MA LTA BU'O ZHES SOGS MANG DU GSUNGS PA'I PHYIR, MING BRDAS BZHAG PA'I GZUGS SOGS SU MA ZAD 'JOG BYED KYI MING BRDA YANG MING BRDAS BZHAG TZAM YIN TE, RIGS PA DRUG CU PA LAS KYANG, ,'JIG RTEN MA RIG RKYEN CAN DU, ,GANG PHYIR RDZOGS PA'I SANGS RGYAS GSUNGS, ,DE YI PHYIR NA 'JIG RTEN 'DI, ,RNAM RTOG YIN ZHES CIS MI 'THAD, CES GSUNGS PA'I PHYIR; RIN CHEN PHRENG BA LAS, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'GYUR [*'BYUNG] MED GZUGS LTA GA LA YOD, ,DE PHYIR MING TZAM NYID KYANG MED, ,TSOR DANG 'DU SHES 'DU BYED DANG, ,RNAM SHES SGYU MA LTA BU DANG, ,BDAG GZHAN DU NI BSAM BYAS TE, ,DE PHYIR KHAMS DRUG BDAG MED DO, ,ZHES DANG, THA SNYAD GDAGS PAR MA GTOGS PAR, ,GANG GI YOD DANG MED 'GYUR BA'I, ,'JIG RTEN DON DU CI ZHIG YOD, ,CES GSUNGS PA'I PHYIR, DE LTAR SNGAR BSHAD PA BZHIN GYI CHOS THAMS CAD MING BRDAS BZHAG TZAM MA YIN PA'I YOD PAR 'DZIN PA LHAN SKYES DANG, CHOS RNAMS MING @63B BRDA'I DBANG GIS BZHAG TZAM MA YIN PA'I YOD PA ZHIG BYUNG NA DE NYID LA BDEN PAR GRUB PA, DON DAM PAR GRUB PA, YANG DAG PAR GRUB PA, DE KHO NA NYID DU GRUB PA, RANG GI MTSAN NYID KYIS GRUB PA, RANG BZHIN GYIS GRUB PA, RANG NGOS NAS GRUB PA, RDZAS SU GRUB PA ZHES BYA ZHING 'OG TU DGAG SGRUB JI SNYED CIG BYED PA THAMS CAD KYANG, CHOS THAMS CAD KYI STENG DU 'DI DAG 'GOG PA DANG, MING BRDAS BZHAG TZAM LA 'CHING GROL DANG, BYA BYED KYI RNAM GZHAG THAMS CAD 'JOG PA'I YAN LAG TU SHES PAR BYA'O, ,'ON KYANG DE DAG TU GRUB NA, GNAS LUGS SU DANG CHOS NYID DANG, ,DON DAM BDEN PAR GRUB DGOS KYANG, DE GSUM DU GRUB PA TZAM GYIS BDEN PAR GRUB MI DGOS TE, MYU GU BDEN STONG MTHAR THUG DPYOD PA'I RIGS SHES TSAD MA'I RNYED DON DU GRUB PAS, GSUM PO DER 'GRUB KYANG BDEN PAR MA GRUB PA'I PHYIR, DE SKAD DU YANG, RNAM BSHAD DGONGS PA RAB GSAL DU, RIGS PA DRUG CU PA'I 'GREL PA DRANGS PA LAS, MYANG 'DAS KUN RDZOB BDEN PAR GSUNGS PA NI, MYANG 'DAS DON DAM PA'I BDEN PAR YOD PA KUN RDZOB PA'I NGOR 'JOG PA'I DON YIN GYI THA SNYAD DU BDEN PAR BZHED PA MA YIN NO, ,ZHES DANG, STONG MTHUN BSKAL BZANG MIG 'BYED LAS KYANG, GNAS LUGS SU GRUB KYANG BDEN PAR GRUB MI DGOS PAS DE KHO NA NYID DPYOD PA'I RIGS SHES KYI NGO BOR GRUB KYANG BDEN PAR GRUB MI DGOS SO, ,ZHES DANG, CHOS NYID RIGS SHES KYI NGO NA YOD PAS GNAS LUGS SU GRUB PAR SONG YANG, GNAS LUGS SU GRUB PA TZAM GYIS BDEN GRUB TU 'GRO MI DGOS PA'I PHYIR RO, ,ZHES GSUNGS PA DANG, DE DANG MTHUN PAR LAM RIM DANG, DRANG NGES RNAM 'BYED LAS KYANG GSUNGS PA'I PHYIR, 'DI RNAMS RANG RGYUD PA'I SKABS YIN KYANG 'DI TZAM LA THAL RANG GNYIS LA KHYAD PAR MED CING, RANG RGYUD PA DANG RANG GI MTSAN NYID KYIS GRUB PA BZHED MI BZHED KYI KHYAD PAR NI RANG 'GREL LAS 'DIR SMRAS PA, GZUGS DANG TSOR BA LA SOGS PA MNGON SUM DANG ZHES SOGS KYI LUNG DANG, YANG DAG KUN RDZOB BZHED MI BZHED SOGS RIGS PA DU MAS 'GRUB BO, ,GNYIS PA DE RIGS PAS SGRUB PA'I TSUL LA, CHOS KYI BDAG MED RIGS PAS SGRUB TSUL DANG, GANG ZAG GI BDAG MED RIGS PAS SGRUB TSUL LO, ,DANG PO NI, DE NYID DE LAS 'BYUNG MIN GZHAN DAG LAS LTA GA LA ZHIG , @64A *, ,CES PA NAS, RNAM DPYOD PA NI MYUR DU GROL BAR 'GYUR, ,ZHES PA'I BAR GSUNGS, GNYIS PA NI NYON MONGS SKYON RNAMS, ZHES PA NAS, LHAG MA PHYOGS 'DI NYID KYI RTOGS PAR BYA, ZHES PA'I BAR GSUNGS, DANG PO LA, MTHA' BZHI'I SKYE BA BDEN PA GNYIS CAR DU DGAG PA, DE LA RTZOD PA SPONG BA, RTEN 'BYUNG GI SKYE BA NYID KYIS MTHAR 'DZIN GYI LOG RTOG 'GOG TSUL, RIGS PAS DPYAD PA BYAS PA'I 'BRAS BU NGOS BZUNG BA'O, ,DANG PO NI, 'DI NAS DNGOS RNAMS RANG BZHIN BRAL, ,ZHES PA'I BAR GSUNGS, GNYIS PA NI, GANG GI SPRIN TSOGS DANG MTSUNGS, ZHES PA NAS, MO GSHAM BU DANG MTSUNGS PAR THAL MI 'GYUR, ,ZHES PA'I BAR GSUNGS, GSUM PA NI, GANG PHYIR RGYU MED PA DANG, ZHES PA NAS, BUD SHING MED PAR ME YOD MIN DE BZHIN, ,ZHES PA'I BAR GSUNGS, BZHI PA NI, SO SO SKYE BO RNAMS NI RTOG PAS BCINGS, ,ZHES PA NAS, RNAM DPYOD PA NI MYUR DU GROL BAR 'GYUR, ,ZHES PA'I BAR GSUNGS, DANG PO LA, MTHA' BZHI'I SKYE BA BKAG PA'I DAM BCA' BZHAG PA, DE RIGS PAS SGRUB PA'I SGRUB BYED BSHAD PA GNYIS, DANG PO 'CHAD PA LA, DE NYID DE LAS ZHES SOGS RKANG PA GNYIS GSUNGS, ` 'DI'I SKABS SU MTHA' DPYAD PA LA, MTHA' BZHI LAS SKYE BA MED PA'I DAM BCA' JI LTAR MDZAD TSUL, DAM BCA'I BZHED DON DGAG SGRUB GANG YIN DPYAD PA, 'PHROS DON DGAG SGRUB KYI RNAM GZHAG BSHAD PA DANG GSUM LAS, DANG PO LA, SA BCU PA'I MDO LAS MNYAM NYID BCU GSUNGS PA'I NANG NAS 'DUS BYAS KYI CHOS RNAMS SKYE BA MED PA MNYAM PA NYID GTAN LA PHAB NA MNYAM NYID GZHAN RNAMS BSTAN SLA BAR DGONGS NAS DBU MA'I BSTAN BCOS KYI DANG POR MTHA' BZHI LAS SKYE BA MED PA'I DAM BCA' DNGOS SU MDZAD NAS RANG BZHIN GYIS SKYE BA MED PA'I DAM BCA' SHUGS KYIS MDZAD PA DE BZHIN DU 'DIR YANG MDZAD PA YIN TE, RANG 'GREL LAS, DE'I PHYIR 'DIR CHOS SKYE BA MED PA MNYAM PA NYID KHO NA RIGS PAS BSTAN PA NYID KYIS CHOS MNYAM PA NYID GZHAN BSTAN PAR SLA BAR DGONGS TE SLOB DPON GYIS DBU MA'I BSTAN BCOS KYI THOG MAR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,ZHES GSUNGS PA'I @64B PHYIR; DE YANG NAM YANG ZHES BYA BA GZHAR YANG GI SGRA'I RNAM GRANGS YIN ZHING, GANG NA YANG ZHES PA NI YUL DUS GANG GI DBANG GIS KYANG MI SKYE BA'I GZHI STON PA DANG, GANG DAG CES PA RTEN PA'I TSIG GIS GANG MI SKYE BA'I PHYI NANG GI DNGOS PO RNAMS BRJOD PA YIN TE, RANG 'GREL LAS, NAM YANG ZHES BYA BA NI GZHAR YANG ZHES BYA BA'I DON TO, ,GANG NA YANG ZHES BYA BA RTEN PA'I TSIG GIS YUL DANG DUS DANG GRUB PA'I MTHA' BSHAD PA YIN NO, ,GANG DAG ZHES BYA BA RTEN PA'I TSIG GIS NI PHYI DANG NANG GI DNGOS PO BRJOD PA YIN NO, ,ZHES GSUNGS PA'I PHYIR, DNGOS SMRA BA'I GRUB MTHA'I LUGS LA DNGOS PO RANG BZHIN GYIS SKYE YANG DE'I GRUB MTHA' DBANG GIS MI SKYE STE, DNGOS SMRA BAS DNGOS PO RANG BZHIN GYIS SKYE ZHES DAM BCAS PA NA RANG BZHIN GYIS MA SKYES PA'I PHYIR, DE'I TSE DAM BCA' DE DAM BCA' LTAR SNANG YIN PA'I PHYIR, DBU MA SNANG BAR BSHAD PA BZHIN DU PHYI NANG GI DNGOS PO RNAMS CHOS CAN YUL DUS RANG BZHIN GRUB PA'I MTHA' GANG NA YANG RANG BZHIN GYIS SKYE BA MED DE, MTHA' BZHI LAS SKYE BA MED PA'I PHYIR ZHES GZHUNG GI MTSAMS GCOD PA MA YIN TE, PHYI NANG GI DNGOS PO RNAMS BDAG LAS SKYE BA YUL DUS RANG BZHIN GRUB PA'I MTHA' GANG DU YANG YOD PA MA YIN PA DE BZHIN DU GZHAN DANG GNYIS KA DANG RGYU MED LAS SKYE BA YANG YOD PA MA YIN NO ZHES SBYAR BA BYA BA YIN PA'I PHYIR, RANG 'GREL LAS, 'DIR MA YIN ZHES BYA BA NI YOD PA NYID KYI SGRUB BYED RANG LAS SKYE BA DANG SBREL GYI YOD PA DANG NI MA YIN TE DE BKAG PA DON GYIS 'GRUB PA'I PHYIR, DE BZHIN DU DAM BCA' BA 'OG MA GSUM LA YANG SBYAR BAR BYA'O ZHES GSUNGS PA'I PHYIR, 'OG MA GSUM LA YANG SBYOR TSUL YOD DE, 'DIR MA YIN ZHES BYA BA NI YOD PA NYID KYI SGRUB BYED GZHAN LAS SKYE BA DANG SBREL GYI YOD PA DANG NI MA YIN TE DE BKAG PA DON GYIS 'GRUB PA'I PHYIR DE BZHIN DU DAM BCA' 'OG MA GNYIS LA SBYAR BAR BYA'O, ,ZHES SOGS GSUNGS PA'I PHYIR, DNGOS PO RNAMS YUL DUS RANG BZHIN GRUB PA'I MTHA' GANG GI DBANG GIS KYANG BDAG LAS MI SKYE STE, YUL 'DIR GUR GUM MI SKYE YANG YUL GZHAN DU SKYE ZHES PA LTA BU'I YUL GYI DBANG GIS MI SKYE BA TZAM YANG MA YIN, DUS 'DIR LO THOG PHUN SUM TSOGS PA MI 'BYUNG YANG DUS GZHAN DU 'BYUNG ZHES PA LTA BU DUS KYI DBANG GIS MI SKYE BA TZAM YANG MA @65A *, ,YIN; 'DI LTA BU'I RANG BZHIN LA BLTOS NAS MI SKYE YANG RANG BZHIN 'DI LAS SKYE ZHES PA LTA BU'I RANG BZHIN GYIS MI SKYE BA TZAM YANG MA YIN, DBU MA'I GRUB MTHA'I DBANG GIS MI SKYE YANG DNGOS SMRA BA'I GRUB MTHA'I DBANG GIS SKYE ZHES PA TZAM YANG MA YIN PAR BZHI PO DE GANG GI DBANG GIS KYANG MI SKYE BA'I PHYIR, MTHA' BZHI LAS SKYE BA LA YOD PA NYID KYI SGRUB BYED CES 'CHAD PA'I RGYU MTSAN YOD DE, DNGOS SMRA BA RNAMS KYIS DNGOS PO RANG BZHIN GYIS SKYE BA'I SGRUB BYED DU MTHA' BZHI'I SKYE BA GANG RUNG 'GOD PA'I RGYU MTSAN GYIS DE LTAR BSHAD PA'I PHYIR, GZHUNG 'DI'I GCOD MTSAMS DE LTAR YIN GYIS, SPYIR DBU MA SNANG BAR BSHAD PA LTAR 'GOD MI RUNG BA MA YIN TE, GRUB DON GYI SKABS SU, GANG GIS PHYIR NA BDAG DANG GZHAN DANG GNYIS KA LAS SKYES DANG, ,RGYU LA MA LTOS YOD PA MIN PA'I DNGOS RNAMS RANG BZHIN BRAL, ,ZHES GSUNGS PA'I PHYIR, BDAG LAS MA YIN ZHES SOGS KYIS DNGOS SU MTHA' BZHI LAS MI SKYE BA'I DAM BCA' MDZAD NAS SHUGS LA RANG BZHIN GYIS SKYE BA MED PA'I DAM BCA' MDZAD DE 'DI'I THAD KYI RNAM BSHAD LAS, RANG BZHIN GYIS SKYE BA MED PA'I DAM BCA' BZHAG CES DANG RANG 'GREL LAS, DE DGAG PA DON GYIS GRUB PA'I PHYIR, ZHES GSUNGS PA'I PHYIR, DNGOS PO RNAMS YUL DUS RANG BZHIN GRUB PA'I MTHA' GANG DU YANG GZHAN LAS SKYE BA MA YIN ZHES SBYAR BA DANG, TSIG GSAL LAS KYANG, RKYEN NYID 'DI PA TZAM GYIS KUN RDZOB GRUB PA KHAS LEN GYI, PHYOGS BZHI KHAS BLANGS PA'I SGO NAS NI MA YIN TE, DNGOS PO RANG BZHIN DANG BCAS PAR SMRA BAR THAL BAR 'GYUR BA'I PHYIR DANG ZHES GSUNGS PAS, GZHAN SKYE NI GSUNG RAB KYI THA SNYAD MA YIN GYIS GRUB MTHA' SMRA BA'I THA SNYAD YIN LA DES NA LUGS 'DI LA NI GZHAN SKYE THA SNYAD DU YANG MED DE, GZHAN SKYE KHAS LEN PA RANG GI MTSAN NYID KYIS GRUB PA'I GZHAN LA BSAMS PA YIN PAS DE KHAS LEN NA RANG GI MTSAN NYID KYIS GRUB PA YOD PA 'DOD DGOS PA'I PHYIR, RGYU 'BRAS NGO BO THA DAD DANG, 'BRAS BU RANG DANG NGO BO THA DAD PA'I RGYU LAS SKYE YANG DE TZAM GYI [*GYIS] GZHAN SKYE'I DON DU MI 'GYUR TE, THA SNYAD DU YANG CHOS CAN RE RES NGO BO GNYIS GNYIS 'DZIN PAR GSUNGS PA LTAR NGO BO GRUB PA YOD KYANG RANG GIS [*GI] NGO BOS GRUB PA MI @65B 'DOD PA BZHIN YIN PA'I PHYIR, GNYIS PA DAM BCA'I BZHED DON DGAG SGRUB GANG YIN DPYAD PA LA TSIG GSAL LAS, DNGOS PO BDAG LAS MI SKYE BAR SGRUB PA'I DAM BCA'I BZHED DON MED DGAG TU GSUNGS PA NI DAM BCA' GZHAN GSUM LA YANG MTSUNGS PAS BDAG MED PHRA RAGS GANG DAM BCAS PA'I BZHED DON GANG YIN KYANG DGAG BYA BCAD TZAM GYI MED DGAG YIN DGOS TE TSIG GSAL LAS, 'JIG RTEN 'DI NA JI SNYED SGRA YOD PA, ,THAMS CAD DNGOS MED CI YANG MED PA ZHES BYA BA LA SOGS PA 'BYUNG BAS NA MED PAR DGAG PA BRJOD PAR 'DOD PA'I PHYIR, DNGOS PO MED PA'I DON NI RANG BZHIN MED PA'I DON NO ZHES GSUNGS PA'I PHYIR, MTHA' BZHI'I SKYE BA BKAG PA'I DAM BCA'I BZHED DON MED DGAG YIN KYANG DNGOS PO RNAMS RANG BZHIN GYIS SKYE BA MED PAR SGRUB PAR MI 'DOD PA YANG MA YIN TE, RANG 'GREL LAS, DAM BCA' BA BZHI PO DE RJES SU BRJOD NAS RIGS PAS SGRUB PA'I PHYIR BSHAD PA, ZHES GSUNGS PA'I PHYIR, 'OG NAS KYANG MTHA' BZHI'I SKYE BA BKAG PA RTAGS SU BYAS NAS DNGOS PO RNAMS RANG BZHIN GYIS SKYE BA DANG BRAL BAR GSUNGS PA DANG, YANG TSIG GSAL LAS KYANG, MTHA' BZHI'I SKYE BA BKAG PA'I MTHAR DE'I PHYIR SKYE BA YOD PA MA YIN NO ZHES BYA BA 'DI BSGRUBS PA YIN LA, ZHES GSUNGS PA'I PHYIR, KHA CIG , MTHA' BZHI'I SKYE BA BKAG NAS RANG BZHIN MED PAR SGRUB PA MI 'THAD DE, TSIG GSAL LAS, RJES SU DPAG PA DAG NI GZHAN GYI DAM BCA' 'GOG PA TZAM GYI 'BRAS BU CAN YIN PA'I PHYIR, ZHES GSUNGS PA'I PHYIR, ZER NA, SKYON MED DE, DE'I DON NI SBYOR BA RNAMS KYIS PHA ROL PO'I DAM BCA'I BZHED DON 'GOG PA TZAM DU ZAD KYI DE LAS GZHAN MI SGRUB PA'I DON YIN GYI BKAG TZAM DE NYID MI SGRUB PA'I DON MA YIN PA'I PHYIR, DE BZHIN DU KHO BO CAG 'DI YOD PA DANG MED PA MI SGRUB KYI GZHAN GYIS YOD PAR BRTAGS PA DANG MED PAR BRTAGS PA 'GOG STE MTHA' GNYIS BSAL NAS DBU MA'I LAM SGRUB PAR 'DOD PA'I PHYIR, ZHES GSUNGS PA YANG PHA ROL POS KHAS BLANGS PA'I YOD MTHA' DANG, MED MTHA' GNYIS RNAM PAR GCOD PA TZAM YIN GYI MTHA' GNYIS BKAG TZAM MI SGRUB PA MA YIN TE MTHA' GNYIS BSAL NAS DBU MA'I LAM SGRUB PAR GSUNGS PA'I PHYIR, DNGOS PO RANG BZHIN GYIS GRUB PA BKAG KYANG RANG BZHIN GYIS GRUB PA MED PA MA YIN @66A *, ,NA NI PHUNG GSUM MED PA'I RANG BZHIN GYIS YOD PA YIN TE RTZOD BZLOG LAS, GAL TE RANG BZHIN MED NYID KYIS, ,CI STE RANG BZHIN MED LA BZLOG ,RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ,ZHES GSUNGS PA'I PHYIR, DE LTA BU'I SGRUB BYED KHAS LEN KYANG RANG RGYUD KYI RTAGS KHAS LEN MI DGOS TE RANG RGYUD KYI GTAN TSIGS KHAS BLANGS PA RNAMS KYI LUGS LA RTAGS CHOS DON GSUM RANG NGOS NAS GRUB PAR KHAS BLANGS PA'I PHYIR, GSUM PA DGAG SGRUB KYI RNAM GZHAG BSHAD PA LA, SPYIR DGAG PAR 'GYUR BA LA RANG GI DGAG BYA BCAD NAS RTOGS PA'I DNGOS PO LA, RANG GI DGAG BYA DNGOS PO MA YIN PA BCAD PA LTA BUS MI CHOG STE RANG NYID NGES PA'I BLOS RANG GI DGAG BYA DNGOS SU BCAD PA DGOS PA'I PHYIR, RANG BRJOD PA'I SGRAS RANG GI DGAG BYA SGRA ZIN LA BCAD MI DGOS TE, CHOS NYID DANG YONGS GRUB CES PA'I SGRAS DGAG BYA SGRAS ZIN LA MA BCAD KYANG DE DAG NGES PA NA BDEN PA'I SPROS PA BCAD PA'I RNAM PAR NGES DGOS PA'I PHYIR, DES NA RANG NYID NGES PA'I BLOS RANG GI DGAG BYA DNGOS SU MA BCAD PAR NGES NUS PA'I CHOS SGRUB PA'I MTSAN NYID, MTSAN GZHI NI MYU GU LTA BU, KHA CIG GIS GZHI SGRUB PA DANG TSOGS NA CHOS GZHAN 'PHANGS PAR 'GYUR ZHES 'DOD PA MI RIGS TE, BRAM ZE SGRUB PA YIN PAS DES CHANG MI 'THUNG BA MED DGAG YIN PA 'GOG MI NUS PA'I PHYIR, DER THAL, DPER NA SGRA MNGON GYUR BA YIN PAS SGRA MI RTAG PA LKOG GYUR YIN PA MI 'GOG PA LTA BU YIN PA'I PHYIR, KHA CIG GZHI DANG TSOGS NA CHOS GZHAN 'PHANGS PAR 'GYUR ZHES ZER BA YANG MI 'THAD DE, BRAM ZE LTA BU CHOS GZHAN 'PHEN MI 'PHEN RTZI BA'I GZHI YIN GYIS [*GYI] 'PHANGS PA'I CHOS MA YIN PA'I PHYIR TE, DE BLO YUL DU BYAS NAS CHANG 'THUNG MI 'THUNG SOGS RTZI BA'I PHYIR, DE LTAR BYAS NA, RANG NYID NGES PA'I BLOS RANG GI DGAG BYA DNGOS SU BCAD NAS RTOGS DGOS PA'I CHOS, DGAG PA'I MTSAN NYID, DE LA MED DGAG DANG MA YIN DGAG GNYIS, RANG NYID NGES PA'I BLOS RANG GI DGAG BYA BCAD SHUL DU RANG GIS 'PHANGS BYAR GYUR PA'I CHOS GZHAN MI 'PHEN PA'I DGAG PA, MED DGAG GI MTSAN NYID, DPER NA GANG ZAG GI BDAG MED LTA BU, RANG NYID NGES PA'I BLOS RANG GI DGAG BYA BKAG SHUL DU RANG GI @66B 'PHANGS BYAR GYUR PA'I CHOS GZHAN 'PHEN PA 'AM SGRUB PA'I DGAG PA, MA YIN DGAG GI MTSAN NYID, DE LA DBYE NA CHOS GZHAN DNGOS SU 'PHEN PA, SHUGS LA 'PHEN PA, DNGOS SHUGS GNYIS KA LA 'PHEN PA, SKABS STOBS KYIS 'PHEN PA'I MA YIN DGAG DANG BZHI, DANG PO NI, GANG ZAG GI BDAG MED YOD PA LTA BU, GNYIS PA NI NYIN PAR ZAS MI ZA BA'I LHAS BYIN LTA BU'O, GSUM PA NI LHAS BYIN TSON PO NYIN PAR ZAS MI ZA BA RID PA MIN PA YOD PA LTA BU, BZHI PA NI SKYES BU GCIG RGYAL RIGS DANG BRAM ZE'I RIGS GANG RUNG DU NGES KHYAD PAR MA NGES PAR DRIS PA'I TSE BRAM ZE MA YIN PAR STON 'DOD NAS 'DI BRAM ZE MA YIN ZHES BRJOD PA NA BRAM ZE MA YIN PA'I RGYAL RIGS LTA BU'O DE LTAR YIN GYIS DE DAG GI MTSAN GZHIR GANG ZAG GI BDAG MED PA YOD CES PA LTA BU 'DZIN PA MI 'THAD DE, GANG ZAG GI BDAG MED PA YOD CES PA LTA BU DGAG PA MA YIN PA'I PHYIR TE, MYU GU BDEN PAR MED CES PA LTA BU DGAG PA MA YIN PA'I PHYIR TE, NGES DON GYI MDO DGAG PA MA YIN PA'I PHYIR, DGAG PA GNYIS KYI RNAM GZHAG DE LTAR 'THAD DE, SPYAN RAS GZIGS BRTUL ZHUGS SU DRANGS PA LAS, DGAG PA DON GYIS BSTAN PA DANG, ,TSIG GCIG SGRUB PAR BYED PA DANG, ,DE LDAN RANG TSIG MI STON PA, ,MA YIN GZHAN PA GZHAN YIN NO, ,ZHES GSUNGS PA'I PHYIR, DE YANG DGAG PA ZHES PA'I CHOS GZHAN DNGOS LA 'PHEN PA BSTAN NAS, DON GYIS BSTAN PA ZHES PAS SHUGS LA 'PHEN PA DANG, TSIG GCIG CES PAS DNGOS SHUGS GNYIS KA LA 'PHEN PA DANG, DE LDAN RANG TSIG CES SOGS KYIS SKABS STOBS KYIS 'PHEN PA'I MA YIN DGAG DANG, GZHAN PA GZHAN YIN NO ZHES PAS MED DGAG BSTAN PA'I PHYIR, DES NA MTHA' BZHI'I SKYE BA MED PA'I DAM BCA' MDZAD PAS RANG BZHIN GYIS SKYE MED KYI DAM BCA' MDZAD PAR 'GYUR TE, RANG BZHIN GYIS SKYE NA BZHI PO GANG RUNG DU SKYE DGOS PA'I PHYIR, GNYIS PA DE RIGS PAS SGRUB PA'I SGRUB BYED BSHAD PA LA, BDAG SKYE BKAG PA, GZHAN SKYE BKAG PA, GNYIS KA LAS SKYE BA BKAG PA, RGYU MED DU SKYE BA BKAG PA DANG BZHI LAS, DANG PO DE 'CHAD PA LA, DE NI DE LAS 'BYUNG NA YON TAN 'GA' YANG YOD MA YIN, ZHES PA NAS, BYA MIN RGYA CHER BSHAD PA'I NYES PAR THAL BAR 'GYUR PHYIR RO, ,ZHES PA'I BAR GSUNGS, @67A *, ,GNYIS PA DE 'CHAD PA LA, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ZHES PA NAS, STONG NYID DON CAN NGES DON SHES PAR BGYIS, ,ZHES PA'I BAR GSUNGS, GSUM PA DE 'CHAD PA LA, GNYIS LAS SKYE BA'ANG RIGS PA'I NGO BO MA YIN GANG GI PHYIR, ZHES PA NAS, GANG PHYIR RE RE LAS NI SKYE BA 'GRUB PA YOD MA YIN, ,ZHES PA'I BAR GSUNGS, BZHI PA DE 'CHAD PA LA, GAL TE RGYU MED KHO NAR SKYE BA LTA ZHIG 'GYUR NA NI, ,ZHES PA NAS, MA BSHAD 'BYUNG BA 'DI DAG LTA ZHIG YOD PA MA YIN NO, ,ZHES PA'I BAR GSUNGS, MTHA' BZHI'I SKYE BA BKAG PA'I GRUB DON 'CHAD PA LA, GANG GIS PHYIR NA BDAG DANG GZHAN DANG GNYIS KA LAS SKYES DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES PA'I GZHUNG GSUNGS, MTHA' BZHI LAS SKYE BA BDEN PA GNYIS CHAR DU DGAG PA LA, RTZOD PA SPONG BA DANG RTEN 'BYUNG GIS SKYE BAS MTHAR 'DZIN GYIS LOG RTOG SEL BA'I TSUL DANG, RIGS PAS DPYAD PA BYAS PA'I 'BRAS BU NGOS GZUNG BA RNAMS RIM PA BZHIN DU 'CHAD PA LA, GANG GI SPRIN TSOGS DANG MTSUNGS GTI MUG STUG PO'I 'JIG RTEN LA, ,ZHES PA NAS, RNAM DPYOD PA NI MYUR DU GROL BAR 'GYUR, ,ZHES PA'I BAR GSUNGS, ` DE NI DE LAS 'BYUNG NA YON TAN 'GA' YANG YOD MA YIN, ,ZHES SOGS KYI SKABS SU GZHUNG 'GREL DANG, MTHA' DPYAD PA GNYIS LAS, DANG PO LA, 'GREL PA MDZAD PA'I RIGS PAS BKAG PA DANG, RTZA BA SHES RAB KYI RIGS PAS BKAG PA GNYIS LAS, DANG PO LA, DE KHO NA NYID RTOGS PAR 'DOD PA'I GRUB MTHA' MKHAN GYI LUGS BKAG PA DANG, 'JIG RTEN THA SNYAD DU YANG BDAG SKYE BKAG PA DANG GNYIS LAS, DANG PO LA 'BRAS BU RANG DANG NGO BO GCIG PA'I RGYU LAS SKYE BA BKAG PA DANG, RGYU 'BRAS NGO BO GCIG YIN PA BKAG PA GNYIS LAS, DANG PO LA, RGYU DUS SU GRUB PA'I 'BRAS BU SLAR YANG SKYE DGOS NA SLAR YANG SKYE BA DON MED THUG MED DU THAL BA LA, KHO NA RE, SKYON MED DE, DUS DPYID DUS DANG RKYEN CHU LUD LA SOGS PAS SA BON SBRANG RO LTAR NYAMS PAR BYED PAS SA BON SRID MTHA'I BAR DU SKYE BA'I SKYON MED DO ZER NA, 'O NA, SA BON GYIS SA BON SBRANG RO LTAR NYAMS PAR BYED PAR THAL, KHYOD KYI DAM BCA' 'THAD PA GANG ZHIG ,SA @67B BON DANG RKYEN CHU LUD SOGS RANG BZHIN GCIG PA'I PHYIR ZHES NYES SPONG GI LAN DANG BCAS PA 'GOG PAR BYED PA LA, DE NI DE LAS 'BYUNG NA YON TAN 'GA' YANG YOD MA YIN, ,ZHES PA NAS, JI LTAR DE NYID KYI STE RNAM PAR 'JIG PAR BYED PAR 'GYUR, ,ZHES PA'I BAR GSUNGS, GNYIS PA LA, RGYU 'BRAS NGO BO GCIG YIN NA SA MYUG GNYIS LA DBYIBS DANG KHA DOG RO NUS MED PAR THAL BA LA, KHO NA RE SKYON MED DE, SA BON GYI GNAS SKABS BTANG NAS MYU GU'I GNAS SKABS SU 'GYUR BAS SA MYUG GNYIS LA DBYIBS SOGS THA DAD MED PA'I SKYON MED DO ZER NA, 'O NA, MYU GU'I GNAS SKABS BTANG NAS MYU GU'I GNAS SKABS SU 'GYUR BAR THAL, KHYOD KYI DAM BCA' 'THAD PA GANG ZHIG ,SA MYUG GNYIS RANG BZHIN GCIG YIN PA'I PHYIR DANG, SA BON GYI DUS SU SA BON BZUNG DU YOD PA DE BZHIN DU, SA BON GYI DUS SU MYU GU YANG BZUNG DU YOD PA 'AM, YANG NA SA BON GYI DUS SU MYU GU BZUNG DU MED PA DE BZHIN DU SA BON GYI DUS SU SA BON YANG BZUNG DU MED PAR THAL LO, ,ZHES NYES SPONG GI LAN DANG BCAS PA 'GOG PAR BYED PA LA, BYED RGYU SA BON GYI LAS THA DAD MYU GU'I DBYIBS DANG NI, ,ZHES PA NAS, DE PHYIR DE NI KHAS MI BLANGS, ZHES PA'I BAR GSUNGS, GNYIS PA, 'JIG RTEN THA SNYAD DU BDAG SKYE DGAG PA LA, 'JIG RTEN PA RNAMS SA BON ZHIG PA'I RJES SU MYU GU SKYE BAR 'DOD PAS DE KHO NA NYID LA DPYOD PA'I SKABS SU BDAG SKYE MED PAR MA ZAD 'JIG RTEN THA SNYAD DU YANG BDAG SKYE MED DO ZHES 'CHAD PA LA, GANG PHYIR RGYU ZHIG NA YANG DE YI 'BRAS BU MTHONG BA'I PHYIR, ,DE DAG GCIG PA YIN ZHES 'JIG RTEN GYIS KYANG KHAS MI LEN, ,ZHES PA'I GZHUNG GSUNGS, BDEN PA GNYIS CHAR DU YANG BDAG SKYE MED PA'I BDAG LAS SKYE BA YOD PA MA YIN NO ZHES DON BSDUS TE 'CHAD PA LA, DE PHYIR DNGOS PO BDAG LAS 'BYUNG ZHES RAB TU BRTAGS PA NI, ,DE NYID DANG NI 'JIG RTEN DU YANG RIGS PA MA YIN NO, ,ZHES PA'I GZHUNG GSUNGS, GNYIS PA RTZA SHES NAS GSUNGS PA'I RIGS PAS BKAG PA LA, RGYU 'BRAS RANG BZHIN GCIG YIN NA LAS BYA BYED GCIG TU THAL ZHES RTZA SHES NAS RGYA CHER BSHAD PA'I RIGS PAS DGAG PA LA, BDAG LAS SKYE BAR 'DOD NA BSKYED PAR BYA DANG SKYED BYED DANG, ,ZHES PA NAS, BYA MIN RGYA CHER BSHAD PA'I NYES PAR THAL BAR 'GYUR PHYIR RO, ,ZHES @68A *, ,PA'I BAR GSUNGS, GNYIS PA MTHA' DPYAD PA LA, BDAG SKYE 'DOD PA'I PHYOGS SNGA MA BRJOD PA DANG, DE 'GOG PA'I SANGS RGYAS BSKYANGS KYI 'GREL PA BKOD PA DANG, DE LA SLOB DPON LEGS LDAN 'BYED KYIS SKYON BRJOD PA'I TSUL DANG, DPAL LDAN ZLA BAS SKYON DE SPANGS PA'I SGO NAS 'GREL PA'I DGONGS PA PHYIN CI MA LOG PAR BSHAD PA DANG BZHI LAS, DANG PO LA GRANGS CAN PA RNAMS KYIS SHES BYA LA NYI SHU RTZA LNGA'I GRANGS NGES BYAS NAS DE THAMS CAD SPYI GTZO BO CHA MED KYI NGANG DU RANG BZHIN GCIG PAR 'DOD CING, RGYU RKYEN THA DAD PA DU MAS 'BRAS BU GCIG THUN MONG DU SKYE BA YOD, DE THAMS CAD KYI RJES SU 'GRO BA'I SPYI GTZO BO MED NA, RGYU RKYEN DU MAS 'BRAS BU GCIG THUN MONG DU BSKYED PA MED PAS SA BON GYI RANG BZHIN GANG YIN RKYEN CHU LUD KYI RANG BZHIN DANG, DE'I RANG BZHIN GANG YIN THAMS CAD MYU GU'I RANG BZHIN YIN PAS DE THAMS CAD RANG BZHIN GCIG YIN PAR 'DOD PAS RNAM 'GYUR GYI DNGOS PO THAMS CAD RANG BZHIN GCIG TU 'DOD PA YIN NO, ,MYU GU BDAG LAS SKYE BA'I DON YANG MYU GU MYU GU LAS SKYE BA 'AM, MYU GU RGYU RKYEN LAS MI SKYE BAR RANG DBANG DU SKYE BA'I DON MA YIN TE, MYU GU SA BON LAS SKYE BA NA SA BON GYI RANG BZHIN GANG YIN MYU GU'I RANG BZHIN DU 'DOD PAS MYU GU MYU GU'I RANG BZHIN DU GYUR PA'I SA BON LAS SKYE BAR 'DOD PA'I PHYIR DANG, RGYU'I DUS SU GRUB ZIN KYANG RKYEN GYIS BSKYED MA ZIN PAS RGYU RKYEN LAS SLAR YANG SKYE BAR 'DOD PA DANG, KHA CIG RGYU DUS SU SKYES ZIN KYANG GSAL MA ZIN PAS RKYEN GYIS GSAL DGOS PAR GRANGS CAN GSAL BYED PAS 'DOD PA'I PHYIR, GRUB ZIN PA SLAR YANG SKYE DGOS PA DANG, SKYES ZIN PA SLAR YANG GSAL DGOS PA 'DOD PA'I TSUL YOD DE SNGA MAS SPYIR SHES BYAR MED PA ZHIG MI SKYE BA DE BZHIN DU RGYU DUS SU MED PA ZHIG MI SKYE BAS RGYU DUS SU YOD PA ZHIG SKYE DGOS SHING, SKYES ZIN PA SLAR YANG SKYE BA LA DGOS PA MED CING, DGOS PA YOD NA SLAR YANG SKYE BA THUG MED DU THAL BA DANG, PHYI MAS MA SKYES PA ZHIG MI SKYE BA DE BZHIN DU, RGYU DUS SU MA SKYES PA ZHIG MI SKYE BAS, SKYES ZIN PA DE NYID RKYEN GYIS GSAL DGOS PAR 'DOD CING GSAL ZIN SLAR YANG GSAL BA DGOS PA MED @68B CING; DGOS PA YOD NA SLAR YANG GSAL BA THUG MED DU 'DOD PA'I PHYIR, GNYIS PA DE 'GOG BYED SANGS RGYAS BSKYANGS KYIS 'GREL PA BKOD PA LA, KHYOD LTAR NA MYU GU'I RANG BZHIN DANG MYU GU'I NGO BO LAS GZHAN DU MYU GU BZHAG TU MED PAS DES NA MYU GU SA BON GYI DUS SU GRUB DGOS SHING, SA BON GYI DUS SU GRUB PA SLAR YANG SA BON LAS SKYE DGOS NA, SLAR YANG SKYE BA DON MED DANG THUG MED DU 'GYUR RO ZHES 'GOG PAR BYED PA LA, 'GREL PA BUDDHA PA LI TA LAS, DNGOS PO RNAMS BDAG LAS SKYE BA MED DE DE DAG GI SKYE BA DON MED PA NYID DU 'GYUR PA'I PHYIR DANG, SHIN TU THAL BAR 'GYUR BA'I PHYIR RO DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO, ,ZHES GSUNGS PA'I PHYIR, DE'I DON LA KHA CIG GIS, MYU GU CHOS CAN, SLAR YANG SKYE BA DON MED PAR THAL, BDAG LAS SKYE BA'I PHYIR, MA KHYAB NA, SLAR YANG SKYE BA THUG PA MED PAR THAL, MA KHYAB PA DE'I PHYIR, ZHES PA'I THAL 'GYUR DE, 'GREL PA DES BSTAN PA'I THAL 'GYUR YIN ZER NA, DE 'DRA BA'I THAL 'GYUR DANG PO DE DNGOS PO BDAG GI BDAG NYID DU YOD PA RNAMS LA ZHES PA'I SKABS NAS BSTAN PA'I THAL 'GYUR YIN PAR THAL, DAM BCA' 'THAD PA'I PHYIR, 'DOD NA, DE 'DRA BA'I THAL 'GYUR CHOS CAN, KHYOD KYI RTAGS YOD PAR THAL, KHYOD DE'I SKABS NAS BSTAN PA'I THAL 'GYUR YIN PA'I PHYIR, MA KHYAB NA, KHYAB PA YOD PAR THAL, 'GREL PA DES BDAG SKYE 'GOG NUS KYI GZHAN LA GRAGS KYI GTAN TSIGS SHIG BSTAN PA'I PHYIR, DER THAL, TSIG GSAL LAS, DE LA RANG GI BDAG NYID DU YOD PA ZHES BYA BA 'DIS NI GTAN TSIGS 'DZIN PA YIN NO, ,ZHES GSUNGS PA'I PHYIR, GZHAN YANG DNGOS PO BDAG GI BDAG NYID DU YOD PA ZHES PA DES BDAG SKYE BSTAN PAR THAL, KHYOD KYI DAM BCA' 'THAD PA'I PHYIR, 'DOD NA, MI 'THAD DE, BDAG SKYE MED PAS DES BDAG SKYE YOD PAR SGRUB MI NUS PA'I PHYIR, YANG KHA CIG GIS MYU GU CHOS CAN SLAR YANG SKYE BA DON MED PAR THAL, RANG GI RGYU'I DUS SU YOD PA'I PHYIR, MA KHYAB NA, SLAR YANG SKYE BA THUG MED DU THAL, MA GRUB PA DE'I PHYIR, KHA CIG GIS MYU GU CHOS CAN, SA BON LAS SLAR YANG SKYE BA DON MED PAR THAL, SA BON GYI DUS SU GRUB ZIN PA'I PHYIR, MA KHYAB NA, SA BON LAS SLAR YANG SKYE BA THUG MED @69A *, ,DU THAL, MA KHYAB PA DE'I PHYIR, ZHES PA'I THAL 'GYUR DE GNYIS 'GREL PA DES BSTAN PA'I THAL 'GYUR YIN ZER NA, DE YANG MI 'THAD DE, DE SNGAR BSHAD PA'I RIGS PA DE DAG GIS KHEGS NUS PAR MTSUNGS PA'I PHYIR, GZHAN YANG THAL 'GYUR DANG PO DE MI 'THAD DE, KHYAB PA DE GRANGS CAN GYI KHAS BLANGS LA 'GRO DON MED PA SOGS KYIS 'OG NAS 'CHAD PA'I GNOD BYED 'JUG PA'I PHYIR, GSUM PA DE LA SLOB DPON LEGS LDAN 'BYED KYIS SKYON BRJOD TSUL LA, 'GREL PA'I DON JI LTAR DGONGS PA'I TSUL DANG, DGONGS NAS SKYON BRJOD PA'I TSUL DANG, RTZOD PA SPONG BA GSUM LAS, DANG PO LA, DGAG GZHAG GNYIS LAS, DANG PO LA, KHA CIG ,SLOB DPON LEGS LDAN 'BYED KYIS DNGOS PO RNAMS BDAG LAS SKYE BA MED DE ZHES PA'I MDOR BSTAN GYI 'GREL PA LA SLAR YANG GI DON YOD PAR DGONGS SHING THAL 'GYUR GYI BZLOG DON SLAR YANG SKYE BA DON BCAS THUG BCAS RTAGS SU 'GOD NA, DE MI BZHED PA'I DBU MA PA'I GRUB MTHA' DANG 'GAL ZHES SKYON BRJOD PA YIN ZHE NA, 'O NA 'GREL PA DES, SKYE LDAN GYI DNGOS PO RNAMS CHOS CAN, SLAR YANG SKYE BA DON MED PAR THAL, BDAG LAS SKYE BA'I PHYIR, MA KHYAB NA, SLAR YANG SKYE BA THUG MED DU THAL, MA KHYAB PA DE'I PHYIR ZHES PA'I THAL 'GYUR BSTAN PAR DGONGS PAR THAL, DAM BCA' 'THAD PA'I PHYIR, 'DOD NA, MI 'THAD PAR THAL, DE 'DRA BA'I THAL 'GYUR DE'I KHYAB PA GRANGS CAN GYI KHAS BLANGS LA 'GRO DON MED PA'I KHYAB PA 'GAL KHYAB TU SONG ZHING, THAL 'GYUR DES 'PHANGS PA'I SBYOR BA'I GTAN TSIGS KYANG GZHI MA GRUB PAS THAL 'GYUR DANG GTAN TSIGS LA DE LAS SKYON CHE BA MED PAS DE'I SGO NAS SKYON MI BRJOD PAR, SLAR YANG SKYE BA DON BCAS DANG THUG BCAS MI BZHED PA'I DBU MA PA'I GRUB MTHA' DANG 'GAL ZHES ZER DGOS PA BYUNG BAS SLOB DPON LEGS LDAN 'BYED LTA BU'I MKHAS PA DE BAS SHIN TU NGO MTSAR CHE BA'I PHYIR, KHA CIG GIS 'GREL PA DES BDAG SKYE 'GOG PA'I GTAN TSIGS DANG DPE MA BSTAN PA'I SGO NAS SKYON BRJOD PA YIN ZER NA, SLOB DPON LEGS LDAN 'BYED 'GREL PA DES DE MA BSTAN PAR 'DOD PAR THAL, KHYOD KYI DAM BCA' 'THAD PA'I PHYIR, 'DOD NA MI 'THAD DE, DE LTAR BSTAN PAR 'DOD PA'I PHYIR, @69B DER THAL, RGOL BA GZHAN GYIS KLAN KA'I GLAGS DANG BCAS PA'I GTAN TSIGS BSTAN PAR 'DOD PA'I PHYIR, DER THAL, SKYE BA DON BCAS DANG THUG BCAS RTAGS SU BSTAN PAR 'DOD PA'I PHYIR, KHA CIG GIS 'GREL PA DES BSTAN PA'I BDAG SKYE 'GOG BYED KYI GTAN TSIGS YIN NA, BDAG SKYE 'GOG NUS KYI GTAN TSIGS YIN DGOS PAR RTZOD PA YIN ZER NA, 'O NA, SLOB DPON LEGS LDAN 'BYED DE LTAR KHYAB PAR 'DOD PAR THAL, KHYOD KYI DAM BCA' 'THAD PA'I PHYIR, 'DOD NA MI 'THAD DE, SKYE BA DON BCAS DANG THUG BCAS DE 'GREL PA DES BSTAN PA'I BDAG SKYE 'GOG PA'I GTAN TSIGS SU 'DOD KYANG, BDAG SKYE 'GOG NUS KYI GTAN TSIGS SU MI 'DOD PA'I PHYIR, DER THAL, DE RGOL BA GZHAN GYI KLAN KA'I KLAGS DANG BCAS PA'I GTAN TSIG SU 'DOD PA'I PHYIR, ` GNYIS PA RANG LUGS BZHAG PA LA, LEGS LDAN 'BYED KYIS 'GREL PA'I DON JI LTAR DGONGS TSUL DANG, DGONGS NAS SKYON BRJOD TSUL DNGOS DANG GNYIS LAS, DANG PO LA, ,'GREL PA'I DON JI LTAR DGONGS TSUL YOD DE, SKYE LDAN GYI DNGOS PO RNAMS CHOS CAN, BDAG LAS MI SKYE BAR THAL, BDAG LAS SKYE NA SKYE BA DON MED DANG THUG MED DU THAL BAR 'GYUR BA'I PHYIR, ZHES PA DE MDOR BSTAN GYI SKABS NAS BSTAN PA'I DNGOS ZIN GYI THAL 'GYUR DANG, RGYU DUS SU MI GSAL BA'I TSUL GYI YOD PAR 'DOD PA'I MYU GU CHOS CAN, BDAG LAS MI SKYE STE, SKYE BA DON BCAS THUG BCAS YIN PA'I PHYIR, ZHES PA'I SBYOR BA DE SHUGS BSTAN GYI SBYOR BA DANG, SKYE LDAN GYI DNGOS PO RNAMS CHOS CAN, SLAR YANG SKYE BA DON MED PAR THAL, RANG GI BDAG NYID DU GRUB ZIN YOD PA'I PHYIR, MA KHYAB NA DE CHOS CAN, SLAR YANG SKYE BA THUG MED DU THAL, RANG GI BDAG NYID DU GRUB ZIN YOD KYANG SLAR YANG SKYE BA DGOS PA DANG BCAS PA'I PHYIR, ZHES PA'I THAL 'GYUR DE, RGYAS BSHAD KYI SKABS NAS BSTAN PA'I THAL 'GYUR DU DGONGS PA'I PHYIR, GNYIS PA SKYON BRJOD PA'I TSUL DNGOS LA, BDAG SKYE 'GOG NUS KYI GTAN TSIGS DANG DPE MA BSTAN PA'I SGO NAS SKYON BRJOD PA'I TSUL DANG, DBU MA PAS BDAG SKYE MED PAR DAM BCAS PA'I DAM BCA' LA GRANGS CAN GZHAN GYIS SMRAS PA'I NYES PA MA BSAL PA'I SGO NAS SKYON BRJOD TSUL DANG, GAL TE BZLOG DON RTAGS SU 'GOD NA, DBU MA PA'I GRUB MTHA' DANG 'GAL BA'I SGO NAS SKYON @70A *, ,BRJOD TSUL DANG GSUM LAS, DANG PO NI, DNGOS PO RNAMS BDAG LAS SKYE BA MED DE ZHES PA'I 'GREL PA 'DIS BDAG SKYE 'GOG TSUL DE MI 'THAD PAR THAL, DES BDAG SKYE 'GOG NUS KYI RTAGS DPE YANG DAG MA BSTAN PA'I PHYIR, DER THAL, DNGOS ZIN LTAR NA SKYE LDAN GYI DNGOS PO RNAMS CHOS CAN, BDAG LAS MI SKYE STE, SKYE BA DON MED DANG THUG MED YIN PA'I PHYIR ZHES PA 'AM, YANG NA BDAG LAS MI SKYE STE, BDAG LAS SKYE NA DE DAG GI SKYE BA DON MED DANG THUG MED DU 'GYUR DGOS PA'I PHYIR, ZHES PA GANG RUNG LAS MA 'DAS, DANG PO LTAR NA DBU MA PA LA GTAN TSIGS MA GRUB PA'I SKYON DU 'GYUR, PHYI MA LTAR NA GRANGS CAN LA GRUB ZIN BSGRUBS PA'I MA GRUB PA'I GTAN TSIGS SU 'GYUR PA'I PHYIR, DANG PO DER THAL, DBU MA PAS SKYE BA DON BCAS DANG THUG BCAS SU 'DOD PA'I PHYIR, PHYI MA DER THAL, GRANGS CAN GYIS SKYE BA DON BCAS DANG THUG BCAS KHAS BLANGS BDAG LAS SKYE NA SKYE BA DON MED DANG THUG MED DU 'GYUR BAR TSAD MAS NGES NA, BDAG SKYE MED PAR TSAD MAS NGES DGOS PA'I PHYIR, GNYIS PA LA, GRANGS CAN NA RE, KHYOD KYI BDAG LAS MI SKYE ZHES PA'I DON, MNGON PAR GSAL ZIN PA'I MYU GU BDAG LAS MI SKYE ZHES PA'I DON YIN NAM, RGYU DUS SU MNGON PAR MI GSAL BA'I TSUL GYI YOD PA'I MYU GU BDAG LAS MI SKYE ZHES PA'I DON GANG YIN, DANG PO LTAR NA MI 'THAD DE, NGED GRANGS CAN LA GRUB ZIN BSGRUBS PAR 'GYUR PA'I PHYIR, DER THAL, NGED GRANGS CAN GYIS MNGON PAR GSAL ZIN GYI MYU GU BDAG LAS SKYE BA KHAS MA BLANGS PA'I PHYIR, GNYIS PA LTAR NA, DE LTA BU'I MYU GU BDAG LAS MI SKYE BA LA YOD PA'I CHOS MED PAS, GTAN TSIGS GANG BKOD KYANG KHYAB PA 'GAL KHYAB DU 'GYUR BA'I PHYIR, GSUM PA LA, GAL TE BZLOG DON RTAGS SU BKOD NA DBU MA PA'I GRUB MTHA' DANG 'GAL BA'I SKYON YOD DE, THAL 'GYUR TZAM LA BRTEN NAS BDAG SKYE MED PAR RTOGS PA'I RJES DPAG BSKYED MI NUS PAS, RTAGS DPE NGES PAR 'GOD DGOS SHING DNGOS ZIN LTAR 'GOD MI RUNG BA GONG DU BSHAD ZIN PAS DES NA SKYE LDAN GYI DNGOS PO RNAMS CHOS CAN, BDAG LAS MI SKYE STE BDAG LAS SKYE NA SKYE BA DON MED DU 'GYUR DGOS PA LAS DON DANG BCAS PA'I PHYIR, THUG @70B MED DU 'GYUR DGOS PA LAS THUG PA DANG BCAS PA'I PHYIR, ZHES PA'I BZLOG DON SKYE BA DON BCAS DANG THUG BCAS RTAGS SU 'GOD PAR MNGON, DE 'GOD NA BDAG SKYE RNAM PAR BCAD TZAM MA YIN PAS SKYE BA ZHIG BSGRUB BYAR BYAS PAR 'GYUR, DE LTAR NA, BDAG SKYE MED PAR DAM BCAS PAS DAM BCA'I BZHED DON MED DGAG TU KHAS BLANGS PA'I DBU MA PA'I GRUB MTHA' DANG 'GAL BA'I SKYON YOD PA'I PHYIR, SKYE BA DON BCAS THUG BCAS RTAGS SU 'GOD NA, BDAG SKYE BKAG TZAM LAS GZHAN PA'I SKYE BA ZHIG BSGRUB BYAR 'GYUR BA'I RGYU MTSAN YOD DE, DNGOS ZIN GYI RTAGS BZLOG PA'I DON SKYE BA DON BCAS DANG THUG BCAS RTAGS SU 'GOD NA, DNGOS ZIN GYI DAM BCA' YANG BZLOG DGOS TE MTSUNGS PA'I PHYIR, MTSUNGS PA'I DON YANG RTAGS KHYAD PAR CAN SKYE BA DON BCAS DANG THUG BCAS RTAGS SU 'GOD NA, BDAG SKYE RNAM PAR BCAD TZAM LAS GZHAN PA'I SKYE BA ZHIG BSGRUB BYAR BYED PA MNGON PA'I DON YIN GYIS, RGYU MTSAN MTSUNGS PA'I DON MA YIN TE, BDAG SKYE MED PA DANG, SKYE BA DON MED DANG THUG MED LA RIGS PA'I GNOD PA YOD MED MI MTSUNGS PA'I PHYIR, DE YANG DNGOS ZIN GYI RTAGS BZLOG PA LTAR BYAR MED DE, BDAG SKYE 'GOG PA'I SKABS SU BDAG SKYE SGRUB PA MI RIGS PA'I PHYIR, DNGOS ZIN GYI DAM BCA' BZLOG PA'I DON DAM BCA' YIN PAR THAL, DNGOS ZIN GYI RTAGS BZLOG PA'I DON RTAGS YIN PA'I PHYIR, ZHES NAN GYI 'PHUL BA YANG MA YIN TE, RIGS PA SMRA BA'I DOGS PA DPYOD PA'I SKABS YIN PA'I PHYIR, BDAG SKYE RNAM PAR BCAD TZAM LAS GZHAN PA'I SKYE BA BSGRUB BYAR BYAS NA DBU MA PA'I GRUB MTHA' DANG 'GAL BA'I RGYU MTSAN YOD DE, DE BSGRUB BYAR BYAS NA GZHAN SKYE 'PHEN PAR 'GYUR, GZHAN SKYE 'PHEN NA BDAG SKYE MED PAR DAM BCAS PA'I DAM BCA'I BZHED DON MED DGAG TU 'DOD PA'I DBU MA'I GRUB MTHA' DANG 'GAL BA'I PHYIR, DE BSGRUB BYAR BYED NA GZHAN SKYE 'PHEN PA YIN TE, DNGOS PO'I SKYE BA LA BDAG SKYE DANG GZHAN SKYE GNYIS SU KHA TSON CHOD, SKYE BA ZHIG NI BSGRUB BYAR BYAS BDAG SKYE NI BKAG ,DES NA GZHAN SKYE 'PHEN PA'I PHYIR, DER THAL, DPER NA SKYES BU GCIG RGYAL RIGS DANG BRAM ZE'I RIGS GANG RUNG DU NGES KHYAD PAR MA NGES PA NA RGYAL RIGS MA YIN ZHES BRJOD PA'I TSE BRAM ZE'I RIGS SU @71A *, ,GO BA LTA BU YIN PA'I PHYIR, DER THAL, TSIG GSAL LAS, 'DI LA KHA CIG GIS DE NI RIGS PA MA YIN TE GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PAS [*PA'I] NYES PA MA BSAL BA'I PHYIR, THAL BAR 'GYUR BA'I TSIG YIN PA'I PHYIR, SKABS KYI DON LAS BZLOG PA BSGRUB PAR BYA BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR GRUB PA'I MTHA' DANG 'GAL BAR 'GYUR RO, ,ZHES SKYON SMRA STE, ZHES GSUNGS PA'I PHYIR, ` GSUM PA RTZOD PA SPONG BA LA, KHA CIG GIS SLOB DPON LEGS LDAN 'BYED KYIS 'GREL PA'I DON DGONGS PA'I TSUL DANG, DGONGS NAS SKYON BRJOD PA'I TSUL DE MI 'THAD DE, LEGS LDAN 'BYED KYIS MDOR BSTAN LA SLAR YANG GI DON YOD PA DGONGS SHING SKYON BRJOD TSUL YANG 'GREL PA DES BDAG SKYE 'GOG TSUL DE MI 'THAD DE, 'DI LTAR 'GREL PA DES GTAN TSIGS KYI DBANG DU BYAS NAS BDAG SKYE 'GOG GAM, THAL 'GYUR GYI DBANG DU BYAS NAS 'GOG ,DANG PO LTAR NA MI 'THAD DE, 'GREL PA 'DIS BDAG SKYE 'GOG NUS KYI RTAGS DPE YANG DAG DNGOS SU MA BSTAN PA'I PHYIR, PHYI MA LTAR NA SKYE LDAN GYI DNGOS PO RNAMS CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR ZHES PA'I THAL 'GYUR 'DI, BDAG SKYE 'GOG BYED KYI BZLOG DON TSUL GSUM 'PHEN PA'I THAL 'GYUR YIN PAR THAL, THAL 'GYUR GYI DBANG DU BYAS NAS BDAG SKYE 'GOG PA GANG ZHIG , SGRUB BYED MI 'PHEN PA'I THAL 'GYUR GYIS BDAG SKYE 'GOG MI NUS PA'I PHYIR, 'DOD NA, SLAR YANG SKYE BA DON BCAS THUG BCAS DE, THAL 'GYUR DES 'PHANGS PA'I SBYOR BA'I GTAN TSIGS YANG DAG YIN PAR THAL, 'DOD PA'I PHYIR, 'DOD NA, MI RIGS TE, SLAR YANG SKYE BA DON BCAS DANG THUG BCAS MI BZHED PA'I DBU MA PA'I GRUB MTHA' DANG 'GAL BA'I PHYIR ZHES PA DANG, GZHAN SKYE 'PHEN TSUL YANG, SKYE LDAN GYI DNGOS PO RNAMS CHOS CAN, GZHAN LAS SKYE BAR THAL, BDAG SKYE BKAG PA GANG ZHIG ,SLAR YANG SKYE BA DON BCAS DANG THUG BCAS YIN PA'I PHYIR, 'DOD NA GZHAN SKYE MI BZHED PA'I MGON PO KLU @71B SGRUB KYI GRUB MTHA' DANG 'GAL LO ZHES ZER, DES NA LEGS LDAN 'BYED KYIS MDOR BSTAN GYI 'GREL PA LA SLAR YANG GI DON YOD PAR DGONGS PA YIN TE, TSIG GSAL LAS, THAL BAR 'GYUR BA BZLOG PA'I DON DANG YANG PHA ROL PO NYID DANG 'BREL GYI KHO BO CAG LA MA YIN TE ZHES SOGS KYIS, SLAR YANG SKYE BA DON MED DANG THUG MED KYI BZLOG DON SLAR YANG SKYE BA DON BCAS DANG THUG BCAS PHA ROL GRANGS CAN GYIS KHAS LEN DGOS KYI, KHO BO CAG SANGS RGYAS BSKYANGS KYIS KHAS BLANGS PA'I NYES PA MED DO ZHES, DPAL LDAN ZLA BAS SKYON SPONGS MDZAD PA'I PHYIR, KHYOD KYI SBYOR BA'I BZLOG TSUL DE YANG MI 'THAD DE, ,BZLOG KHYAB KYI BZLOG TSUL MA YIN PA'I PHYIR, DNGOS ZIN GYI RTAGS BZLOG NA DNGOS ZIN GYI DAM BCA' BZLOG DGOS PA YANG MA YIN TE, RTAGS CHOS SO SOR BZLOG PA'I PHYIR, ZHES ZER NA, THAL 'GYUR GYI DBANG DU BYAS NAS BDAG SKYE 'GOG PAR DGONGS NAS SKYON BRJOD TSUL DE MI 'THAD PAR THAL, THAL 'GYUR DE'I KHYAB PA 'GAL KHYAB TU SONG BA SOGS KYI SKYON GONG DU BRJOD ZIN PA'I PHYIR, GZHAN SKYE MI BZHED PA'I KLU SGRUB KYI DGONGS PA DANG 'GAL ZHES ZER BA YANG MI RIGS TE, LEGS LDAN 'BYED GZHAN SKYE KLU SGRUB KYI DGONGS PAR BZHED PA'I PHYIR, DER THAL, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA DE'I DGONGS PAR BZHED PA'I PHYIR, DER THAL, RGYU DANG 'BRAS BU RANG GI MTSAN NYID KYIS GRUB PA DE'I DGONGS PAR BZHED PA'I PHYIR, GZHAN SKYE 'PHEN TSUL DE YANG MI RIGS TE, SLAR YANG SKYE BA DON BCAS DANG THUGS BCAS YIN NA, BDAG SKYE'I DON DU 'GYUR BA RIGS PA SMRA BA RNAMS KYI LUGS YIN GYI SLAR YANG SKYE BA DON BCAS DANG THUG BCAS YIN NA, GZHAN SKYE'I DON DU 'GYUR BA RIGS PA SMRA BA RNAMS KYI LUGS MA YIN PA'I PHYIR, THAL BAR 'GYUR BA BZLOG PA'I DON DANG YANG ZHES SOGS GSUNGS PAS LEGS LDAN 'BYED KYIS SLAR YANG GI DON DGONGS PAR MI 'GRUB PAR THAL, DE LTAR GSUNGS PAS MA DGONGS PAR 'GRUB PA'I PHYIR, DER THAL, DE DAG GI SKYE BA DON MED PA NYID DU 'GYUR BA'I PHYIR DANG, ZHES SOGS KYIS, SKYE LDAN GYI DNGOS PO RNAMS CHOS CAN, SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA'I THAL 'GYUR @72A *, ,TZAM BSTAN PA MA YIN PAR, DE RNAMS CHOS CAN, SLAR YANG SKYE BA DON MED DANG THUG MED YIN PAR THAL, RANG GI BDAG NYID DU GRUB ZIN YOD PA'I PHYIR, ZHES PA'I THAL 'GYUR BSTAN PAS, DE'I BZLOG DON SLAR YANG SKYE BA DON BCAS DANG THUG BCAS PHA ROL GRANGS CAN GYIS KHAS BLANGS DGOS KYI, KHO BO CAG SANGS RGYAS BSKYANGS KYIS KHAS BLANGS PA'I NYES PA MED DO ZHES ZLA BAS SKYON SPONGS MDZAD PA GANG ZHIG ,LEGS LDAN 'BYED KYI SLAR YANG GI DON DGONGS NA DE LTA BU'I SKYON SPONG MI DGOS PA'I PHYIR, DER THAL, LEGS LDAN GYIS SANGS RGYAS BSKYANGS SLAR YANG SKYE BA DON BCAS DANG THUG BCAS MI BZHED PA DGONGS ZIN PA'I PHYIR, SBYAR [*SBYOR] BA'I BZLOG TSUL DE LDOG KHYAB KYI BZLOG TSUL MA YIN KYANG, DNGOS ZIN GYI RTAGS BZLOG NA DAM BCA' BZLOG DGOS PAR 'DOD PA'I RGYU MTSAN YOD DE, LEGS LDAN 'BYED BDAG SKYE MED PAR RTOGS PA'I RJES DPAG SKYE BA LA RANG RGYUD KYI GTAN TSIGS SHIG NGES PAR 'GOD DGOS PA PHUGS SU TSANGS PA'I PHYIR, RTAGS CHOS SO SOR BZLOG PAS DNGOS ZIN GYI RTAGS BZLOG NA DNGOS ZIN GYI DAM BCA' BZLOG DGOS PA MI MTSUNGS PAS SKYON BRJOD PA YANG MI 'THAD DE, SPYIR RTAGS BZLOG NA DAM BCA' BZLOG MI DGOS KYANG, LEGS LDAN 'BYED DE LTAR BZHED PA'I RGYU MTSAN, RTAGS KHYAD PAR CAN SKYE BA DON BCAS DANG THUG BCAS RTAGS SU BKOD PAS, BDAG SKYE RNAM PAR BCAD TZAM LAS GZHAN PA'I SKYE BA ZHIG BSGRUB BYAR BYED 'DOD PA DGONGS PA'I PHYIR, GZHAN YANG LEGS LDAN GYIS GRUB MTHA' DANG 'GAL ZHES RTZOD PA DE, BDAG SKYE MED PAR DAM BCA' BA'I DNGOS ZIN LAS BZLOG PAS, DBU MA PA'I GRUB MTHA' DANG 'GAL ZHES SKYON BRJOD PA MA YIN PAR THAL, KHYOD KYIS SHES RAB SGRON ME'I SKYON BRJOD TSUL DE 'THAD PA'I PHYIR, 'DOD NA, DE LTAR SKYON BRJOD PA YIN PAR THAL, SKABS KYI DON LAS BZLOG PAS BSGRUB PAR BYA BA DANG, ZHES SOGS KYI GZHUNG DE, LEGS LDAN 'BYED KYI RANG GZHUNG RNAM DAG YIN PA'I PHYIR, BYAS PA LA KHO NA RE, SKABS KYI DON SKYE LDAN GYI DNGOS PO RNAMS CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA'I THAL 'GYUR GYI RTAGS BZLOG PA BSGRUB BYA DANG, THAL CHOS @72B BZLOG PA RTAGS SU BYAS NAS, SLAR YANG SKYE BA DON BCAS DANG THUG BCAS MI BZHED PA'I DBU MA'I GRUB MTHA' DANG 'GAL ZHES PA'I DON YIN NO ZER NA YANG MI 'THAD DE, SHES RAB SGRON ME LAS, SKABS KYI DON LAS BZLOG PAS BSGRUB PAR BYA BA DANG DE'I CHOS BZLOG PAS [*PA'I] DON MNGON PAS DNGOS PO RNAMS GZHAN LAS SKYE BAR 'GYUR BA DANG, ZHES GSUNGS PA'I PHYIR, RNAM BSHAD RIGS PA'I RGYA MTSO LAS KYANG, 'DI'I THAL CHOS KYI RTAGS BZLOG PA MA YIN TE BSGRUB PAR BYA BA BZLOG PA ZHES BSHAD PA'I PHYIR DANG BDAG SKYE MED PA RTAGS SU MA SMRAS PA'I PHYIR, ZHES GSUNGS PA'I PHYIR, KHO NA RE SKYON MED DE, DNGOS ZIN GYI SKABS KYI DON LAS BZLOG PAS BSGRUB BYA GSAL BAR 'THON, DE'I THAL CHOS BZLOG PAS RTAGS GSAL BAR 'THON ZHES PA'I DON YIN NO ZER NA, DE YANG MI 'THAD PAR THAL, SHES RAB SGRON ME LAS, DAM BCA' BZLOG PAS GZHAN SKYE 'PHEN PAR GSUNGS SPYAN RAS GZIGS BRTUL ZHUGS LAS KYANG DE LTAR GSAL BAR GSUNGS PA'I PHYIR, DE NYID LAS, DE'I PHYIR BSGRUB PAR BYA BA DANG DE'I CHOS BZLOG PA'I DON MNGON PAS ZHES BYA BAR SMRAS TE BSGRUB PAR BYA BA ZHES GSUNGS PA NI DNGOS PO RNAMS BDAG GI BDAG NYID LAS SKYE BA MED DE ZHES BSGRUB PAR BYA'O, ,DE BZLOG PA'I DON MNGON PAS ZHES BYA BA NI DNGOS PO RNAMS BDAG GI BDAG NYID LAS SKYE BA MED DE, ZHES BYA BA BZLOG PA'I DON DNGOS PO RNAMS GZHAN LAS SKYE BA MNGON PAS ZHES GSUNGS PA'I PHYIR, KHA CIG TSIG GSAL 'GYUR RNYING LAS, ,SKABS KYI DON LAS BZLOG PAS BSGRUB PAR BYA BA DANG DE'I CHOS BSAL BA YIN PAS DNGOS PO RNAMS GZHAN LAS SKYE BAR 'GYUR LA, SKYE BA 'BRAS BU DANG BCAS PA DANG SKYE BA THUG PA YOD PA NYID DU 'GYUR BA DE'I PHYIR, GRUB PA'I MTHA' DANG 'GAL BAR 'GYUR RO, ,ZHES SUN 'BYIN MDZAD DE, ZHES GSUNGS, DE'I DON YANG SANGS RGYAS BSKYANGS KYI 'GREL PA 'DIS BDAG SKYE 'GOG TSUL DE MI 'THAD PAR THAL, DES BDAG SKYE 'GOG NUS KYI RTAGS DPE DNGOS SU MA BSTAN PA'I PHYIR, MA GRUB NA, SKYE LDAN GYI DNGOS PO RNAMS CHOS CAN, SLAR YANG SKYE BA DON MED DANG THUG MED DU THAL, BDAG LAS SKYE BA'I PHYIR, ZHES PA'I THAL 'GYUR 'DI BDAG SKYE 'GOG NUS KYI SGRUB BYED YANG DAG 'PHEN PA'I THAL 'GYUR YANG DAG YIN PAR THAL, 'GREL PA DES BDAG SKYE 'GOG NUS KYI @73A *, ,RTAGS DPE DNGOS SU BSTAN PA GANG ZHIG ,SGRUB BYED MI 'PHEN PA'I THAL 'GYUR GYIS BDAG SKYE 'GOG MI NUS PA'I PHYIR, 'DOD NA, SLAR YANG SKYE BA DON BCAS DE THAL 'GYUR DES 'PHANGS PA'I SBYOR BA'I GTAN TSIGS YIN PAR THAL, 'DOD PA'I PHYIR, 'DOD NA MI 'THAD DE, DE LTAR MI BZHED BA'I DBU MA PA'I GRUB MTHA' DANG 'GAL BA'I PHYIR ZHES ZER, GZHAN SKYE 'PHEN TSUL YANG, SKYE LDAN GYI DNGOS PO RNAMS CHOS CAN, RANG GI RGYU'I DUS SU YOD PAR THAL, SLAR YANG SKYE BA DON BCAS DANG THUG BCAS YIN PA'I PHYIR, 'DOD NA, RANG GI RGYU'I DUS SU RANG GI RGYU DANG NGO BO GCIG TU YOD DAM, NGO BO THA DAD DU YOD NGO BO GCIG TU YOD NA BDAG SKYER 'GYUR, NGO BO THA DAD DU YOD NA DON DAM PA'I GZHAN SKYE YIN PAR THAL, 'DOD PA GANG ZHIG ,THA SNYAD PA'I SKYE TSUL LA DE LTAR MI 'THAD PA'I PHYIR, 'DOD NA, DON DAM PA'I GZHAN SKYE MI BZHED PA'I DBU MA PA'I GRUB MTHA' DANG 'GAL BAR 'GYUR ZHE NA, DE MI 'THAD PAR THAL, RNAM BSHAD RIGS PA'I RGYA MTSO DANG MI MTHUN ZHING, SHES RAB SGRON ME LAS SKYON BRJOD PA NA, MDOR BSTAN DRANGS RGYAS BSHAD MA DRANGS PAR SKYON BRJOD PA'I PHYIR DANG, SKYON STON TSUL YANG BDAG SKYE MED PAR DAM BCAS PA'I DAM BCA'I BZHED DON MED DGAG TU KHAS BLANGS PA'I DBU MA PA'I GRUB MTHA' DANG 'GAL BA'I SKYON YOD PAR BRJOD PA YIN GYI, SLAR YANG SKYE BA DON BCAS DANG THUG BCAS MI BZHED PA'I DBU MA'I GRUB MTHA' DANG 'GAL BA'I SKYON BRJOD MA MDZAD PA'I PHYIR, KHA CIG GIS, SANGS RGYAS BSKYANGS KYI 'GREL PA 'DIS BDAG SKYE 'GOG PA DE RTAGS DPE'I DBANG DU BYAS NAS 'GOG GAM; THAL 'GYUR GYI DBANG DU BYAS NAS 'GOG ,PHYI MA LTAR NA SKYE LDAN GYI DNGOS PO RNAMS CHOS CAN, SLAR YANG SKYE BA DON BCAS DANG THUG BCAS MA YIN PAR THAL, BDAG LAS SKYE BA'I PHYIR, ZHES PA'I THAL 'GYUR 'DI BDAG SKYE 'GOG NUS KYI SGRUB BYED YANG DAG 'PHEN PA'I THAL 'GYUR YIN PAR THAL; DE RANG NYID GANG LA 'PHEN PA'I 'PHEN YUL GYI GANG ZAG GI RGYUD LA BDAG SKYE MED PAR RTOGS PA'I RJES DPAG SKYE NUS DANG, BDAG SKYE YOD PAR 'DZIN PA'I LOG RTOG MNGON GYUR BA GZHOM NUS YIN PA'I PHYIR, 'DOD NA, SLAR YANG SKYE BA DON BCAS DANG THUG BCAS DE BDAG SKYE MED PAR SGRUB PA'I @73B SBYOR BA'I GTAN TSIGS YANG DAG YIN PAR THAL, 'DOD PA'I PHYIR, 'DOD NA SLAR YANG SKYE BA DON BCAS DANG THUG BCAS MI BZHED PA'I DBU MA PA'I GRUB MTHA' DANG 'GAL, GZHAN SKYE 'PHEN TSUL YANG 'GREL PA 'DIS SKYE BA ZHIG BSGRUB BYA'I CHOS SU BYAS PAR THAL, SLAR YANG SKYE BA DON BCAS DANG THUG BCAS RTAGS SU BKOD PA'I PHYIR, 'DOD NA, BDAG SKYE RNAM PAR BCAD TZAM MA YIN PA'I SKYE BA ZHIG BSGRUB BYA'I CHOS SU BYAS PAR THAL, 'DOD PA'I PHYIR, 'DOD NA, DE 'DRA'I SKYE BA DE BDAG SKYE MED PAR SGRUB PA'I DNGOS KYI BSGRUB BYA'I CHOS SU BZUNG BYA YIN PAR THAL, 'DOD PA'I PHYIR, 'DOD NA, DE 'DRA'I SKYE BA DE BDAG SKYE MED PAR RTOGS PA'I RJES DPAG GI DNGOS KYI GZHAL BYA YIN PAR THAL, 'DOD PA'I PHYIR, 'DOD NA, DE DE'I GZHAL BYAR GYUR PA'I SKYE BA YIN PAR THAL, DE'I GZHAL BYA GANG ZHIG ,SKYE BA YIN PA'I PHYIR, 'DOD NA, BLOS BZHAG PA MA YIN PAR DPYAD MTHAR RNYED PA'I SKYE BA YIN PAR THAL, 'DOD PA'I PHYIR, 'DOD NA, DON DAM PA'I GZHAN SKYE YIN PAR THAL, 'DOD PA'I PHYIR, 'DOD NA, DON DAM PA'I GZHAN SKYE MI BZHED PA'I DBU MA PA'I GRUB MTHA' DANG 'GAL ZHES ZER NA, 'O NA, LEGS LDAN 'BYED KYIS SANGS RGYAS BSKYANGS THAL 'GYUR LA BRTEN NAS BDAG SKYE MED PAR RTOGS PA'I RJES DPAG SKYE NUS SU BZHED PA DE DGONGS PAR THAL, DAM BCA' 'THAD PA'I PHYIR, 'DOD NA, SANGS RGYAS BSKYANGS RANG RGYUD KYI GTAN TSIGS MI BZHED PAR DGONGS PAR THAL, 'DOD PA'I PHYIR, 'DOD NA, MI 'THAD DE, LEGS BSHAD SNYING PO LAS, LEGS LDAN LA YANG SANGS RGYAS BSKYANGS DANG RANG NYID LA RANG RGYUD KHAS LEN MI LEN GYI KHYAD PAR YOD SNYAM PA MI 'DUG GI KHAS LEN PA 'OS MED DU BYED PA'I LUGS SU SNANG NGO, ,ZHES GSUNGS PA'I PHYIR, LEGS LDAN GYIS SANGS RGYAS BSKYANGS KYI 'GREL PA LA DBU MA'I GRUB MTHA' DANG 'GAL BA'I SKYON BRJOD PA DE YANG DON DAM PAR GZHAN SKYE MI BZHED PA'I GRUB MTHA' DANG SLAR YANG SKYE BA DON BCAS DANG THUG BCAS MI BZHED PA'I DBU MA'I GRUB MTHA' DANG 'GAL ZHES SKYON BRJOD PA MA YIN PAR THAL, BDAG SKYE MED PAR DAM BCAS PA'I DAM BCA'I BZHED DON MED DGAG TU KHAS BLANGS PA'I DBU MA'I GRUB MTHA' DANG 'GAL ZHES SKYON BRJOD PA YIN PA'I PHYIR, SHES RAB SGRON ME LAS, MA YIN PA DGAG PA YONGS SU BZUNG NA NI, DE BSGRUBS @74A *, ,PA GTZO CHE BA'I PHYIR, CHOS RNAMS MA SKYES SO ZHES BSGRUBS PAS SKYE BA MED PA STON PA'I PHYIR, MDZAD PA'I MTHA' DANG BRAL BAR 'GYUR TE, ZHES GSUNGS LA, DE'I 'GREL BSHAD SPYAN RAS GZIGS BRTUL ZHUGS LAS, DE BSGRUBS PA GTZO CHE BA'I PHYIR ZHES BYA BA NI MA YIN PAR DGAG PA DE NI SGRUB PA GTZO CHE BA'I PHYIR, 'DI LTAR DNGOS PO RNAMS SKYE BA MED DO ZHES DGAG PA'I SGO NAS MA SKYES SO ZHES SGRUB PA'I PHYIR, DE GNYIS BSTAN PA'I PHYIR CHOS RNAMS MA SKYES SO ZHES BSGRUBS PAS SKYE BA MED PAR STON PA'I PHYIR ZHES BYA BA SMRAS TE, ZHES GSUNGS PA'I PHYIR, THAL BAR 'GYUR BA'I TSIG YIN PA'I PHYIR ZHES PA YANG THAL 'GYUR GYI DBANG DU BYAS NAS 'GOG GAM ZHES PA'I DON MA YIN TE, SHES RAB SGRON ME'I 'GYUR KHA CIG LAS GLAGS DANG BCAS PA'I TSIG YIN PA'I PHYIR, ZHES GSUNGS PAS, RGOL BA GZHAN GYIS KLAN KA'I GLAGS DANG BCAS PAR GSUNGS PA'I PHYIR, KHA CIG GIS LEGS LDAN GYIS SKYE BA DON BCAS DANG THUG BCAS RTAGS SU 'GOD NA RGOL BA GZHAN GYIS KLAN KA'I GLAGS DANG BCAS PAS DBU MA PA'I GRUB MTHA' DANG 'GAL BA'I SKYON BRJOD PA DE MI 'THAD PAR THAL, RANG NYID KYANG SKYE BA DON BCAS DANG THUG BCAS BDAG SKYE MED PAR SGRUB PA'I RTAGS YANG DAG TU 'DOD PA'I PHYIR, ZER NA LAN LA KHA CIG GIS, 'O NA DES DE MYU GU RANG GI RGYU DUS SU MED PAR SGRUB PA'I RTAGS YANG DAG TU 'DOD PAR THAL, 'DOD PA'I PHYIR, 'DOD NA, MI 'THAD DE, MYU GU SKYE BA DON BCAS DANG THUG BCAS SU TSAD MAS NGES NA, MYU GU RANG GI RGYU'I DUS SU MED PAR TSAD MAS NGES DGOS PA'I PHYIR, GZHAN YANG SKYE BA DON BCAS DANG THUG BCAS DE MYU GU RGYU MED LAS MI SKYE BAR SGRUB PA'I RTAGS YANG DAG TU 'DOD PAR THAL, DAM BCA' 'THAD PA'I PHYIR, 'DOD NA, MI 'THAD PAR THAL, MYU GU SKYE BA DON BCAS DANG THUG BCAS SU TSAD MAS NGES NA MYU GU RGYU MED LAS MI SKYE BAR TSAD MAS NGES DGOS PA'I PHYIR, DER THAL, SKYE BA DON BCAS DANG THUG BCAS TSAD MAS NGES NA MYU GU RANG RGYU LAS SKYE BAR TSAD MAS NGES DGOS PA'I PHYIR, KHA CIG ,RIGS PA DE DAG LA BRTEN NAS GRANGS CAN GYIS MYU GU SKYE BAR TSAD MAS MA NGES SO ZER NA, MYU GU SKYE BAR TSAD MAS NGES PA'I GANG ZAG YIN NA, THAL 'GYUR BA YIN DGOS PAR THAL, RANG RGYUD PA MAN CHAD KYIS NANG @74B SDE DANG GZHAN SDE GANG GIS KYANG MYU GU SKYE BAR TSAD MAS MA NGES PA'I PHYIR, NANG SDES MA NGES PAR THAL, DES MYU GU GZHAN LAS SKYE BAR 'DOD PA'I PHYIR, KHYAB PA YOD PAR THAL, GRANGS CAN GYIS BDAG SKYE 'DOD PA'I RGYU MTSAN GYIS MYU GU SKYE BAR TSAD MAS MA NGES PA'I PHYIR, ` BZHI PA DPAL LDAN ZLA BA GRAGS PAS SKYON DE SPANGS PA'I SGO NAS 'GREL PA'I DGONGS PA PHYIN CI MA LOG PAR BSHAD PA LA, SKYON DE SANGS RGYAS BSKYANGS LA MI 'JUG PAR BSTAN PA DANG, LEGS LDAN 'BYED RANG NYID LA 'JUG PAR BSTAN PA DANG GNYIS, DANG PO LA, MDOR BSTAN PA DANG RGYAS PAR BSHAD PA GNYIS LAS, DANG PO LA, SKYON DE SANGS RGYAS BSKYANGS LA MI 'JUG STE, DE LA MI 'JUG PAR DPAL LDAN ZLA BAS TSAD MAS NGES PA'I PHYIR, DER THAL, TSIG GSAL LAS, SKYON DE DAG THAMS CAD NI RIGS PA MA YIN PAR KHO BO CAG GIS MTHONG NGO, ,ZHES GSUNGS PA'I PHYIR, GNYIS PA, RGYAS PAR BSHAD PA LA, BDAG SKYE 'GOG NUS KYI GTAN TSIGS DANG DPE MA BSTAN PA'I SKYON MED PAR BSTAN PA DANG, NYES PA'I KHYAD PAR GZHAN MED PAR BSTAN PA DANG, THAL 'GYUR GYI BZLOG DON KHAS BLANGS PA'I SGO NAS DBU MA PA'I GRUB MTHA' DANG 'GAL BA'I SKYON MED PAR BSTAN PA DANG GSUM, DANG PO LA, RANG RGYUD KYI GTAN TSIGS DANG DPE SOGS MA BSTAN PA'I SKYON MED PAR BSTAN PA DANG, GZHAN LA GRAGS KYI GTAN TSIGS DANG DPE MA BSTAN PA'I SKYON MED PAR BSTAN PA GNYIS, DANG PO LA, DNGOS DANG, DE LA GZHAN GYIS SMRAS PA'I NYES PA MA BSAL BA'I SKYON MED PAR BSTAN PA DANG GNYIS, DANG PO LA, RANG RGYUD KYI GTAN TSIGS LA DGOS NUS LHAG PO MED PAR BSTAN PA DANG, DBU MA PAS RANG RGYUD KYI GTAN TSIGS KHAS LEN MI RIGS PAR BSTAN PA GNYIS, DANG PO LA, 'GREL PA DES RANG RGYUD KYI GTAN TSIGS MA BSTAN PA'I SKYON MED DE, DES BDAG SKYE 'GOG NUS KYI GTAN TSIGS DANG DGOS NUS MTSUNGS PA'I THAL 'GYUR GNYIS BSTAN PA GANG ZHIG, ,RANG RGYUD KYI GTAN TSIGS LA THAL 'GYUR DE LAS DGOS NUS LHAG PO MED PA'I PHYIR, DES THAL 'GYUR GNYIS BSTAN PA YIN TE, SKYE LDAN GYI MYU GU CHOS CAN, SLAR YANG SKYE BA DON MED DANG THUG MED YIN PAR THAL, RANG GI BDAG NYID DU GRUB ZIN YOD PA'I PHYIR, ZHES PA'I THAL 'GYUR GNYIS BSTAN PA GANG ZHIG ,THAL 'GYUR DE GNYIS GRANGS CAN LA 'GAL BA BRJOD PA'I THAL 'GYUR YIN PA'I PHYIR, DER THAL, GRANGS CAN GYIS SKYE @75A *, ,LDAN GYI MYU GU RANG GI RGYU'I BDAG NYID DU GRUB ZIN YOD PAR KHAS BLANGS, SKYES ZIN SLAR YANG SKYE BA LA DGOS PA MED PAR KHAS BLANGS, DGOS PA YOD NA SLAR YANG SKYE BA DON MED DANG THUG MED DU KHAS BLANGS MYU GU BDAG LAS SKYE BA'I SGRUB BYED DU, SPYIR SHES BYA LA MI SRID PA ZHIG MI SKYE BA DE BZHIN DU, RGYU DUS SU MED PA ZHIG MI SKYE ZHES PA LAS 'GOD RGYU MED PA'I PHYIR, RANG RGYUD KYI GTAN TSIGS LA THAL 'GYUR LAS DGOS NUS LHAG PO MED DE, THAL 'GYUR BKOD PAS 'GAL BA MA MTHONG BAS MI BZLOG NA, RANG RGYUD KYI GTAN TSIGS BKOD KYANG 'GAL BA MTHONG MI NUS PAS 'GOG MI NUS, MTHONG BZHIN DU MI BZLOG NA, RE ZHIG BSNYON 'DING BA YIN PAS BSNYON 'DING BA'I RGOL BA RTZOD ZLAR MI RUNG BA'I PHYIR, DES NA LEGS LDAN 'BYED RTAGS DPE 'GOD MI DGOS PA'I SKABS SU YANG 'GOD DGOS SO ZHES SMRA BA NI MI RIGS TE, RANG NYID RTOG GE'I BSTAN BCOS LA MKHAS PA TZAM ZHIG BSTAN PAR 'DOD PAS KUN NAS BSLANGS PA YIN PA'I PHYIR, THAL 'GYUR DE GNYIS KYI [*KYIS] GRANGS CAN LA 'GAL BA STON PA'I RGYU MTSAN YOD DE, GRANGS CAN GYIS THAL 'GYUR DE'I RTAGS BSAL DNGOS SU KHAS BLANGS KHYAB PA DON GYI [*GYIS] KHAS LEN DGOS SHING RANG GI BDAG NYID DU YOD PA DANG SKYE BA MI 'GAL YANG DE DANG SLAR YANG SKYE BA DON BCAS 'GAL BAS; TSAD MA DANG 'GAL BA'I PHYIR, KHYAB PA DON GYI [*GYIS] KHAS LEN DGOS TE, SKYES ZIN SLAR YANG SKYE BAS DGOS PA MED CING DE YOD NA SLAR YANG SKYE BA THUG MED DU KHAS BLANGS PA'I PHYIR, DER THAL, TSIG GSAL LAS, JI LTAR ZHE NA, DE LA RE ZHIG GTAN TSIG DANG DPE MA BRJOD PA'I PHYIR, ZHES GANG SMRAS PA DE MI RIGS SO CI'I PHYIR ZHE NA, GANG GI PHYIR BDAG LAS ZHES BYA BA 'DI NI YOD PA RGYU NYID DANG, DE NYID SKYE'O ZHES SMRAS PA YIN LA YOD PA NI YANG SKYE BA LA DGOS PA MA MTHONG ZHING, THUG PA MED PAR YANG MTHONG LA KHYED KYIS SKYES PA SLAR YANG SKYE BA MI 'DOD CING THUG PA MED PAR YANG MI 'DOD DO, ,DE'I PHYIR KHYED CAG GIS RTZOD PA NI 'THAD PA DANG BRAL BA DANG RANG GIS KHAS BLANGS PA DANG 'GAL BA YIN NO, ,ZHES PHA ROL PO BDAG LAS SKYE BA 'DOD PA LA 'DRI BAR BYED PA YIN TE, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA 'DI TZAM ZHIG GIS RTZOD PA NA CI'I PHA ROL PO KHAS LEN PAR MI @75B BYED DAM, PHA ROL PO RANG GIS KHAS BLANGS PA DANG 'GAL BAS, RTZOD PAS KYANG MI BZLOG NA NI DE'I TSE NGO TSA MED PA NYID KYI GTAN TSIGS DANG DPE GNYIS KYIS KYANG BZLOG PAR MI 'GYUR BA NYID DO, ,KHO BO CAG NI BSNYON PA DANG LHAN CIG RTZOD PA YANG MA YIN NO, ,DE'I PHYIR SLOB DPON NI GNAS MA YIN PAR RJES SU DPAG PA TSANG BAR BYED PA NA, BDAG 'DI [*NYID] RJES SU DPAG PA LA DGA' BA NYID MNGON PAR BYED PA YIN NO, ,ZHES GSUNGS PA'I PHYIR, 'GAL BRJOD KYI THAL 'GYUR LA BRTEN NAS BDAG SKYE MED PAR RTOGS PA'I RJES DPAG SKYE NUS PA YIN TE, THAL 'GYUR DE BDAG SKYE 'GOG NUS KYI GTAN TSIGS DANG DGOS NUS MTSUNGS PAR GSUNGS PA'I PHYIR, ` GNYIS PA DBU MA PAS RANG RGYUD KYI GTAN TSIGS KHAS LEN MI RIGS PAR BSTAN PA LA, RANG RGYUD KYI GTAN TSIGS LA DGOS NUS LHAG PO MED PAR MA ZAD DBU MA PAS DE KHAS LEN MI RIGS TE, DBU MA PAS SHES 'DOD CHOS CAN BDEN GRUB TU KHAS BLANGS PA'I KHAS LEN MED PA'I PHYIR, DER THAL, TSIG GSAL LAS, DBU MA PA YIN NA NI RANG GI RGYUD KYI RJES SU DPAG PAR BYA BA RIGS PA YANG MA YIN TE, PHYOGS GZHAN KHAS BLANGS PA MED PA'I PHYIR RO, ,DE SKAD DU YANG 'PHAGS PA LHAS, YOD DANG MED DANG YOD MED CES, ,PHYOGS NI GANG LA YOD MIN PA, DE LA YUN NI RING PO NA'ANG, ,KLAN KA BRJOD BA NUS MA YIN, ,ZHES BSHAD DO, ,RTZOD BZLOG LAS KYANG, GAL TE NGAS DAM BCAS 'GA' YOD, ,DE NA NGA LA SKYON DE YOD, ,NGA LA DAM BCA' MED PAS NA, ,NGA NI SKYON MED KHO NA YIN, ,GAL TE MNGON SUM LA SOGS PA'I, ,DON GYI 'GA' ZHIG DMIGS NA NI, ,SGRUB PA'AM BZLOG PAR BYA NA DE, ,MED PHYIR NGA LA KLAN KA MED, ,CES GSUNGS PA'I PHYIR, DE LA GRANGS CAN GZHAN GYIS SMRAS PA'I NYES PA MA BSAL BA'I SKYON MED PA'I TSUL DE 'CHAD PA LA, YANG GANG GI TSE 'DI LTAR DBU MA PAS, RANG GI RGYUD KYI RJES SU DPAG PA MI BRJOD PA NYID YIN PA DE TSE, ZHES PA NAS BZUNG STE, SLOB DPON SANGS RGYAS BSKYANGS KYIS DE'I LAN BRJOD PAR BYA BA MA YIN NO, ,ZHES PA'I BAR GSUNGS, DE'I DON SANGS RGYAS BSKYANGS KYIS 'GREL PA 'DIS BSTAN PA'I RANG RGYUD KYI GTAN TSIGS LA GRANGS CAN GYIS SMRAS PA'I NYES PA MA BSAL BA'I SKYON MED DE, BDAG SKYE 'GOG PA LA RANG RGYUD KYI GTAN TSIGS 'GOD MI DGOS PA'I PHYIR DANG, DBU MA PAS RANG RGYUD KYI GTAN TSIGS KHAS LEN MI @76A *, ,RIGS PA GONG DU BSGRUBS ZIN PA'I PHYIR, ` GNYIS PA GZHAN LA GRAGS KYI GTAN TSIGS DANG DPE MA BKOD PA SOGS KYI SKYON MED PAR BSTAN PA LA RTZOD PA DANG LAN GNYIS, RTZOD PA DE 'CHAD PA LA, CI STE DBU MA PA RNAMS KYI LTAR NA, ZHES PA NAS BZUNG STE, NYES PA DE NYID DU 'GYUR RO, , ZHES PA'I BAR GSUNGS, DE'I DON LA KHA CIG ,DBU MA PAS RANG RGYUD KYI GTAN TSIGS LA GZHAN GYIS SMRAS PA'I NYES PA MA BSAL BA'I SKYON MED DU CHUG KYANG, BDAG SKYE 'GOG BYED KYI GZHAN LA GRAGS KYI GTAN TSIGS LA, GZHAN GYIS SMRAS PA'I NYES PA MA BSAL BA'I SKYON YOD PAS NYES PA DE NYID DU 'GYUR RO ZHES GSUNGS, DE'I LAN BSHAD PA LA PHYIR RGOL MTHA' DAG LA GTAN TSIGS 'GOD MI DGOS PAR BSTAN PA DANG, 'GOD DGOS PA RNAMS LA BKOD PA BSTAN PA GNYIS, DANG PO DE 'CHAD PA LA, BSHAD PAR BYA STE DE NI DE LTAR MA YIN NO, ,ZHES PA NAS BZUNG STE, 'DIR RJES SU DPAG PA 'GAL BA BRJOD PA LA DGOS PA CI ZHIG YOD, CES PA'I BAR GSUNGS, DE'I DON YANG PHYIR RGOL MTHA' DAG LA GTAN TSIGS 'GOD MI DGOS TE, RANG NYID KYIS GANG DAM BCAS PA DE NYID RANG NYID KYIS NGES PA'I RGYU MTSAN YANG DAG DANG MTHUN DPE BKOD PA'I SGO NAS PHYIR RGOL GYI NGO BOR SGRUB PA DE YANG SNGA RGOL YANG DAG GI LUGS YIN NA'ANG, GRANGS CAN GYIS BDAG SKYE DAM BCAS PA'I DAM BCA' DE SGRUB PA LA RANG NYID KYIS NGES PA'I RGYU MTSAN YANG DAG DANG RTAGS CHOS GNYIS LDAN GYI MTHUN DPE YANG DAG 'GOD RGYU MED PAS RANG NYID BSLU BAR BYED PA'I PHYIR, GNYIS PA 'GOD DGOS PA RNAMS LA BKOD PAR BSTAN PA LA, SANGS RGYAS BSKYANGS KYI 'GREL PAS BSTAN PA'I BDAG SKYE 'GOG NUS GYI GZHAN LA GRAGS KYI GTAN TSIGS NGOS BZUNG BA DANG, DE LA GZHAN GYIS SMRAS PA'I NYES PA MA BSAL BA'I SKYON MED PAR BSTAN PA DANG GNYIS, DANG PO LA, SANGS RGYAS BSKYANGS KYI 'GREL PA 'DIS BDAG SKYE 'GOG NUS KYI GZHAN LA GRAGS KYI GTAN TSIGS 'GOD DGOS PA RNAMS LA BKOD PA YIN TE, 'GREL PA GNYIS MDOR BSTAN RGYAS BSHAD DU BYAS NAS, THAL 'GYUR SNGAR BSHAD PA GNYIS DNGOS SU BSTAN NAS GZHAN GRAGS KYI GTAN TSIGS SHUGS LA BSTAN PA'I PHYIR, DANG PO DER THAL, DNGOS PO RNAMS BDAG LAS SKYE BA MED DE, DE DAG GI SKYE BA @76B DON MED PA NYID DU 'GYUR PA'I PHYIR, SHIN TU THAL BAR 'GYUR PA'I PHYIR, ZHES PAS, RGYU DUS SU MI GSAL BA'I TSUL GYI YOD PAR 'DOD PA'I MYU GU BDAG LAS SKYE BA KHAS BLANGS DU MI RUNG STE, DE LA SLAR YANG SKYE BA DON MED DANG, THUG MED KYI RIGS PAS GNOD PA'I PHYIR, ZHES BSTAN, DNGOS PO BDAG GI BDAG NYID DU YOD PA ZHES PA MAN CHAD KYIS, JI LTAR GNOD NA RGYU DUS SU MI GSAL BA'I TSUL GYI YOD PAR 'DOD PA'I MYU GU CHOS CAN, SLAR YANG SKYE BA DON MED DU THAL, RANG GI BDAG NYID DU GRUB ZIN YOD PA'I PHYIR, MA KHYAB NA SLAR YANG SKYE BA THUG MED DU THAL, MA KHYAB PA DE'I PHYIR, ZHES BSTAN PA'I PHYIR, GNYIS PA DER THAL, DNGOS PO RNAMS ZHES PA DANG, DNGOS PO ZHES PA GNYIS MDOR BSTAN RGYAS BSHAD DU BYAS NAS RGYU DUS SU MI GSAL BA'I TSUL GYI YOD PAR 'DOD PA'I MYU GU LTA BU SHES 'DOD CHOS CAN DANG, MNGON GSAL GYI RDZA BUM MTHUN DPER BSTAN, DE DAG GIS ZHES PA DANG, BDAG GI BDAG NYID CES PA GNYIS MDOR BSTAN RGYAS BSHAD DU BYAS NAS RANG GI BDAG NYID DU GRUB ZIN YOD PA DE GTAN TSIGS SU BSTAN, SKYE BA DON MED PA NYID DU 'GYUR ZHES PA DANG, YANG SKYE BA LA DGOS PA MED DE ZHES PA GNYIS MDOR BSTAN RGYAS BSHAD DU BYAS NAS, BSGRUB BYA'I CHOS BSTAN PA'I PHYIR, DER THAL, TSIG GSAL LAS, CI STE YANG RANG GI RJES SU DPAG PAS 'GAL BA GDON MI ZA BAR BRJOD PAR BYA BA YIN NO ZHES NA DE YANG SLOB DPON SANGS RGYAS BSKYANGS KYIS BRJOD PA NYID YIN NO, ,JI LTAR ZHE NA GANG GI PHYIR, DE NI 'DI SKAD DU BSHAD PA YIN TE, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, ZHES BSHAD PA'I PHYIR, DE LA DE DAG CES BYA BA 'DIS NI RANG GI BDAG NYID DU YOD PA 'DZIN PA YIN NO, ,CI'I PHYIR ZHE NA, 'DI LTAR RANG GI BDAG NYID DU YOD PA DAG LA NI YANG SKYE BA LA DGOS PA MED DE, ZHES BYA BA 'DI NI MDOR BZHAG PA'I NGAG DE'I 'GREL PA'I NGAG YIN LA, NGAG 'DI NI CHOS MTHUN PA'I DPE GZHAN LA GRAGS PAR BSGRUB PAR BYA BA DANG, SGRUB PAR BYED PA'I CHOS DANG LDAN PA NYE BAR BZUNG BA YIN NO, ,DE LA RANG GI BDAG NYID DU YOD PA ZHES BYA BA 'DI NI GTAN TSIGS 'DZIN PA YIN NO SKYE BA DON MED PA NYID DU 'GYUR BA'I PHYIR DANG, ZHES BYA BA 'DI NI BSGRUB PAR BYA BA'I CHOS 'DZIN PA YIN NO, ,ZHES GSUNGS PA'I PHYIR, 'GREL PA 'DIS BSTAN PA'I BDAG SKYE @77A *, ,'GOG NUS KYI GZHAN LA GRAGS KYI RTAGS SBYOR GYI MTSAN GZHI GANG ZHE NA, 'GREL PA 'DIS SHUGS LA BSTAN PA'I BDAG SKYE 'GOG NUS KYI DPE DANG DON GYI SGRUB NGAG YAN LAG LNGA LDAN DE 'CHAD PA LA, DE LA SGRA NI MI RTAG STE BYAS PA MI RTAG PA'I PHYIR, ZHES PA NAS BZUNG STE GTAN TSIGS DANG DPE MA BRJOD PA'I PHYIR, ZHES CI STE BRJOD PAR BYED CES PA'I BAR GSUNGS, 'GREL PA DES SHUGS LA BSTAN PA'I BDAG SKYE 'GOG NUS KYI SGRUB NGAG YAN LAG LNGA LDAN GYI DPE'I KHYAD PAR YOD DE, SGRA CHOS CAN, MI RTAG STE, BYAS PA YIN PA'I PHYIR, BYAS NA MI RTAG PAS KHYAB STE, DPER NA BUM PA BZHIN, BUM PA BYAS PA DE BZHIN DU SGRA YANG BYAS SO, ,DE'I PHYIR SGRA MI RTAG CES PA LTA BU YIN PA'I PHYIR, DES MTSON PA'I SGRUB NGAG YAN LAG LNGA LDAN GYI KHYAD PAR YOD DE, RGYU DUS SU MI GSAL BA'I TSUL GYI YOD PAR 'DOD PA'I MYU GU CHOS CAN, SLAR YANG SKYE BA DON MED DE, RANG GI BDAG NYID DU GRUB ZIN YOD PA'I PHYIR, RANG GI BDAG NYID DU GRUB ZIN YOD NA, SLAR YANG SKYE BA DON MED PAS KHYAB STE, DPER NA MNGON GSAL GYI RDZA BUM BZHIN, MNGON GSAL GYI RDZA BUM RANG GI BDAG NYID DU GRUB ZIN YOD PA DE BZHIN DU, DE LTA BU'I MYU GU RANG GI BDAG NYID DU GRUB ZIN YOD DO, ,DE'I PHYIR DE LTA BU'I MYU GU SLAR YANG SKYE BA DON MED DO ZHES PA'I SGRUB NGAG DE YIN PA'I PHYIR, DES YAN LAG LNGA BRJOD PA'I TSUL YOD DE, SLAR YANG SKYE BA DON MED DE ZHES PAS BSGRUB BYA DANG, RANG GI BDAG NYID DU GRUB ZIN YOD PA'I PHYIR, ZHES PAS PHYOGS CHOS BRJOD PA DANG, RANG GI BDAG NYID DU GRUB ZIN YOD NA SLAR YANG SKYE BA DON MED PAS KHYAB STE, DPER NA MNGON GSAL GYI RDZA BUM BZHIN ZHES PAS KHYAB PA BRJOD PA DANG, DE LTA BU'I BUM PA RANG GI BDAG NYID DU GRUB ZIN YOD PA DE BZHIN DU, DE LTA BU'I MYU GU RANG GI BDAG NYID DU GRUB ZIN YOD CES PAS NYER GTOD BRJOD PA DANG, DE PHYIR MYU GU SLAR YANG SKYE BA DON MED CES PAS MJUG BSDUD [*SDUD] BRJOD PA'I PHYIR, ` GNYIS PA DE LA GZHAN GYIS SMRAS PA'I NYES PA MA BSAL BA'I SKYON MED PAR BSTAN PA LA, 'GREL PA 'DIS SHUGS LA BSTAN PA'I BDAG SKYE 'GOG NUS KYI GZHAN LA GRAGS KYI GTAN TSIGS LA GZHAN GYIS SMRAS PA'I NYES PA MA BSAL BA'I SKYON YANG MED DE, 'GREL PA DES MNGON GSAL GYI RDZA BUM MTHUN DPER @77B BSTAN, GRANGS CAN GYIS DE LTA BU'I BUM PA RANG GI BDAG NYID DU GRUB ZIN YOD PAR KHAS BLANGS SLAR YANG MI SKYE BA KHAS BLANGS PAS MTHUN DPE MA GRUB PA'I SKYON YANG MED, 'GREL PA 'DIS RGYU DUS SU MI GSAL BA'I TSUL GYI YOD PAR 'DOD PA'I MYU GU SLAR YANG MI SKYE BAR BSTAN, GRANGS CAN GYIS SLAR YANG SKYE BAR KHAS BLANGS PAS GRUB ZIN BSGRUBS PAS MA GRUB PA'I SKYON YANG MED, DE LTA BU'I MYU GU RANG GI BDAG NYID DU GRUB ZIN YOD PAR KHAS BLANGS PAS GTAN TSIGS MA GRUB PA'I SKYON YANG MED, RANG GI BDAG NYID DU GRUB ZIN YOD NA SLAR YANG MI SKYE BAS KHYAB PAS KHYAB PA 'GAL BA'I SKYON YANG MED PA'I PHYIR, DER THAL, TSIG GSAL LAS, GTAN TSIGS DANG DPE MA BRJOD PA MA YIN PA 'BA' ZHIG TU MA ZAD KYI GZHAN GYIS SMRAS PA'I NYES PA MA BSAL BA YANG MA YIN NO, ,JI LTAR ZHE NA, GRANGS CAN PA DAG MDUN NA GNAS PA'I BUM PA MNGON PAR GSAL BA'I RANG BZHIN CAN YANG MNGON PAR GSAL BAR MI 'DOD CING DE NYID 'DIR DPE NYID DU GRUB PA'I NGO BO YIN LA NUS PA'I NGO BOR GYUR CING MNGON PAR GSAL BA'I RANG BZHIN CAN MA YIN PA SKYE BA BKAG PAS KHYAD PAR DU BYAS PA NI, BSGRUB PAR BYA BA YIN PA NYID KYI PHYIR GRUB PA LA BSGRUBS PA'I PHYOGS KYI SKYON NYID DU DOGS PA'I GTAN TSIGS 'GAL BA'I DON NYID DU DOGS PA GA LA YOD DE'I PHYIR RANG GI RJES SU DPAG PAS 'GAL BA BRJOD PA NA YANG JI SKAD SMRAS PA'I NYES PA BRJOD PA MED PA'I PHYIR, GZHAN GYIS SMRAS PA'I NYES PA MA BSAL BA MED PA NYID YIN PA DE'I PHYIR RO, ,SUN 'BYIN PA 'DI DAG NI 'BREL PA MED PA NYID DO ZHES SHES PAR BYA'O, ,ZHES GSUNGS PA'I PHYIR, SLOB DPON LEGS LDAN 'BYED KYIS DNGOS PO BDAG GI BDAG NYID DU YOD PA RNAMS ZHES SOGS KYIS 'GREL PAR SLAR YANG GI DON YOD PAR DGONGS PA YIN TE, DES BDAG SKYE MED PAR RTOGS PA'I RJES DPAG BSKYED PA LA RTAGS DPE 'GOD DGOS PA LAS, MA BKOD CES RTZOD PA YIN GYI, 'GREL PA DE LA SLAR YANG GI DON YOD MED TZAM LA RTZOD PA MA YIN PA'I PHYIR, DER THAL, SHES RAB SGRON ME LAS SKYON BRJOD MDZAD PA'I TSE NA MDOR BSTAN DRANGS RGYAS BSHAD MA DRANGS PAR SKYON BRJOD PA'I PHYIR, RTAGS DANG PO DER THAL, RANG RGYUD PA MAN CHAD KYIS RJES DPAG SKYE BA LA RTAGS DPE NGES PAR 'GOD DGOS PAR 'DOD, THAL 'GYUR BAS 'GAL BRJOD KYI THAL 'GYUR LA BRTEN NAS BDAG @78A *, ,SKYE MED PAR RTOGS PA'I RJES DPAG BSKYED NUS PAR 'DOD PA DE GNYIS KYI KHYAD PAR YIN PA'I PHYIR, RTAGS DER THAL, BYANG CHUB LAM RIM CHEN MO LAS, DE'I PHYIR DNGOS PO RNAMS LA RANG BZHIN MED PA YANG DE LA BRTEN NAS NGES PAR 'GYUR BAS 'DI NI THAL 'GYUR DU BYAS PA'I TSE, DE'I BYED PA LA BRTEN NAS RJES DPAG SKYES PA YIN GYI DNGOS SU DAM BCA' BSGRUB PA'I SBYOR NGAG MED DO, ,ZHES GSUNGS PA'I PHYIR, STONG MTHUN SKAL BZANG MIG 'BYED LAS, THAL 'GYUR LA BRTEN NAS RJES DPAG SKYE NUS PAR GSUNGS PA'I PHYIR, KHA CIG ,LEGS LDAN 'BYED KYIS DNGOS PO BDAG GI BDAG NYID DU YOD PA RNAMS ZHES PA'I 'GREL PAS BDAG SKYE 'GOG NUS KYI GTAN TSIGS DNGOS SU MA BSTAN PA'I SGO NAS SKYON BRJOD PA MI 'THAD PAR THAL, DES BDAG SKYE 'GOG NUS KYI GTAN TSIGS DNGOS SU BSTAN PAR 'DOD PA'I PHYIR, DER THAL, RANG GI BDAG NYID DU GRUB ZIN YOD PA DE 'GREL PA DES DNGOS SU BSTAN PA'I BDAG SKYE 'GOG PA'I GTAN TSIGS SU YANG 'DOD, SPYIR DE BDAG SKYE 'GOG NUS KYI GTAN TSIGS SU 'DOD PA'I PHYIR, DANG PO DER THAL, 'GREL PA DES DNGOS SU BSTAN PA'I THAL 'GYUR GYI RTAGS SU 'DOD PA'I PHYIR, DER THAL, SKYE LDAN GYI DNGOS PO RNAMS CHOS CAN, SLAR YANG SKYE BA DON MED PAR THAL, RANG GI BDAG NYID DU GRUB ZIN YOD PA'I PHYIR, ZHES PA'I THAL 'GYUR DNGOS SU BSTAN PAR 'DOD PA'I PHYIR, RTZA BA'I RTAGS GNYIS PA DER THAL, YOD PA BDAG SKYE 'GOG NUS KYI GTAN TSIGS SU 'DOD PA'I PHYIR, RTZA BAR 'DOD NA, MI 'THAD DE, TSIG GSAL LAS, GTAN TSIGS DANG DPE MA BRJOD PA'I PHYIR, ZHES GSUNGS PA'I PHYIR, ZER NA SKYON MED DE, RTAGS SBYOR DNGOS SU 'GOD DGOS PA LAS MA BKOD PA'I PHYIR ZHES PA'I DON YIN PA'I PHYIR, GNYIS PA NYES PA'I KHYAD PAR GZHAN MED PAR BSTAN PA LA, BUM PA LA SOGS PA'I STENG DU ZHES PA NAS, BZUNG STE 'DIR MA BSTAN PA CUNG ZAD MED DO ZHES PA'I BAR GSUNGS, KHA CIG NA RE, 'GREL PA 'DIS BDAG SKYE 'GOG TSUL DES BUM PA LA SOGS PA'I DNGOS PO 'GA' ZHIG GI STENG DU BDAG SKYE KHEGS KYANG SNAM BU LA SOGS PA'I DNGOS PO MTHA' DAG GI STENG DU BDAG SKYE MI KHEGS PA'I PHYIR ZER NA, SKYON MED DE, DNGOS PO RNAMS ZHES PA'I SGRAS SKYE LDAN GYI DNGOS PO THAMS CAD KYI STENG DU BDAG SKYE BKAG PA'I @78B PHYIR; YANG NA SBYOR BA'I KHYAD PAR GZHAN ZHIG 'GOD PAR BZHED PA YIN TE, BDAG SHES RIG GI SKYES BU MA GTOGS PA'I SHES BYA NYER BZHI PO DE CHOS CAN, SLAR YANG SKYE BA DON MED DE, RANG GI BDAG NYID DU GRUB ZIN YOD PA'I PHYIR, DPER NA, BDAG SHES RIG GI SKYES BU BZHIN ZHES PA'I SBYOR BA ZHIG BSTAN PA'I PHYIR, KHA CIG GIS, 'GREL PA DES BDAG SKYE 'GOG TSUL MI 'THAD PAR THAL, SKYE BA SMRA BA'I LOG RTOG KHEGS KYANG GSAL BA SMRA BA'I LUGS MA KHEGS PA'I PHYIR, ZER NA SKYON MED DE, DE GNYIS KYI TSIG GIS BRJOD TSUL TZAM MA GTOGS PA'I BSAM DON MTSUNGS PAS, DANG PO BKAG PAS PHYI MA KHEGS PA'I PHYIR, KHA CIG , 'GREL PA DES BDAG SKYE 'GOG TSUL DE MI 'THAD PAR THAL, BDAG SKYE 'GOG BYED KYI RTAGS SBYOR DNGOS SU MA BSTAN PA'I PHYIR ZER NA SKYON MED DE, BDAG SKYE 'GOG BYED KYI RIGS PA THAMS CAD STON PAR BZHED NAS, THAL 'GYUR DNGOS SU BSTAN NAS RTAGS SBYOR SHUGS LA BSTAN PAS DON CHEN PO CAN GYI NGAG YIN PA'I PHYIR, ` GSUM PA THAL 'GYUR GYI BZLOG DON KHAS BLANGS PA'I SGO NAS DBU MA'I GRUB MTHA' DANG 'GAL BA'I SKYON MED PAR BSTAN PA LA 'GREL PA DES SKYE LDAN GYI DNGOS PO RNAMS CHOS CAN, SLAR YANG SKYE BA DON MED DANG THUG MED YIN PAR THAL, RANG GI BDAG NYID DU GRUB ZIN YOD PA'I PHYIR, ZHES PA'I THAL 'GYUR BSTAN KYANG, DE'I BZLOG DON SLAR YANG SKYE BA DON BCAS DANG THUGS BCAS KHO BO CAG SANGS RGYAS BSKYANGS KYIS KHAS BLANGS PA'I NYES PA MED DE, DE GRANGS CAN LA 'GAL BA STON PA'I PHYIR DU 'PHANGS PA YIN PA'I PHYIR DANG, GRANGS CAN LA GNOD PA JI TZAM BYUNG BA DE NYID KHO BO CAG MNGON PAR 'DOD PA KHO NA YIN PA'I PHYIR, DES NA SANGS RGYAS BSKYANGS LA THAL 'GYUR GYI BZLOG DON KHAS BLANGS PA'I SGO NAS DBU MA'I GRUB MTHA' DANG 'GAL BA'I SKYON MED DE, DE MGON PO KLU SGRUB KYI LUGS PHYIN CI MA LOG PA'I RJES SU 'BRANG BA'I TSAD MA'I SKYES BU YIN PA'I PHYIR, DER THAL, TSIG GSAL LAS, THAL BAR 'GYUR BA BZLOG PA'I DON DANG YANG PHA ROL PO NYID [*DANG] 'BREL BA YIN GYI KHO BO CAG NI MA YIN TE, RANG LA DAM BCA' BA MED PA'I PHYIR RO, ,DE'I PHYIR KHO BO CAG LA GRUB PA'I MTHA' DANG 'GAL BA GA LA YOD, THAL BA LAS BZLOG PA'I SGRUB PAS PHA ROL PO LA NYES PA MANG PO JI TZAM DU 'GYUR BA DE TZAM KHO BO CAG MNGON PAR 'DOD PA KHO NA YIN PAS, GANG LAS 'DI LA GZHAN GYIS @79A *, ,GLAGS RNYED PAR 'GYUR BA SLOB DPON KLU SGRUB KYI LUGS PHYIN CI MA LOG PA'I RJES SU 'BRANG BA SLOB DPON SANGS RGYAS BSKYANGS LA GLAGS DANG BCAS PA'I TSIG GSUNGS PA NYID GA LA YOD, CES GSUNGS PA'I PHYIR, SANGS RGYAS BSKYANGS BZLOG DON KHAS LEN 'DOD MED KYANG THAL 'GYUR 'PHANGS PA TZAM GYI [*GYIS] BZLOG DON KHAS LEN DGOS PA MA YIN TE, DPER NA, SGRA DE LA DON DE STON PA'I NUS PA YOD NA, SMRA BA PO'I BRJOD 'DOD KYI RJES SU BYED PA YIN GYI SMRA BA PO ZHAGS PAS BCINGS DBYUG PAS BSNAN [*BSNUN] PA LTA BU'I RANG DBANG MED PAR BYED PA MA YIN PA'I PHYIR, DES NA DON DE STON 'DOD TZAM MA YIN PAR SGRA DES DON DE STON PA LA DON DE STON PA'I NUS PA YOD PA ZHIG KYANG DGOS TE, GRANGS CAN GYIS MYU GU BDAG LAS SKYE BAR BSGRUB 'DOD NAS MYU GU SKYE ZHES PA TZAM GYI MYU GU BDAG LAS SKYE BA STON MI NUS PA'I PHYIR, DER THAL, TSIG GSAL LAS, RANG BZHIN MED PAR SMRA BAS RANG BZHIN DANG BCAS PAR SMRA BA LA THAL BA BSGRUB PA NA THAL BA LAS BZLOG PA'I DON CAN DU THAL BAR YANG GA LA 'GYUR TE, SGRA RNAMS NI DBYUG PA DANG ZHAGS PA CAN BZHIN DU SMRA BA PO RANG DBANG MED PAR BYED PA MA YIN NO, ,'O NA, CI ZHE NA NUS PA YOD NA SMRA BA PO'I BRJOD PAR 'DOD PA'I RJES SU BYED PA YIN NO, ,ZHES GSUNGS PA'I PHYIR; BZLOG DON KHAS LEN 'DOD NAS BKOD PA MA YIN KYANG THAL 'GYUR 'PHANGS PA LA DGOS PA YOD DE, GRANGS CAN GYIS BDAG SKYE DAM BCAS PAS DAM BCA'I BZHED DON 'GOG PA'I DGOS PA YOD PA'I PHYIR TE, TSIG GSAL LAS, DE'I PHYIR THAL BA BSGRUB PA NI PHA ROL PO'I DAM BCA' 'GOG PA TZAM GYI 'BRAS BU CAN YIN PA'I PHYIR, THAL BA LAS BZLOG PA'I DON DU 'GYUR BA YOD PA MA YIN NO, ,ZHES GSUNGS PA'I PHYIR, RANG GI BDAG NYID DU GRUB ZIN YOD PA DE LA RANG LA GRAGS KYI GTAN TSIGS DANG, GZHAN GRAGS KYI GTAN TSIGS ZHES BRJOD PA'I RGYU MTSAN YOD DE, PHYIR RGOL RANG NYID LA GRAGS SHING GRUB PAS RANG LA GRAGS KYI GTAN TSIGS DANG, SNGA RGOL LA GRAGS PAR MA ZAD, SNGA RGOL LAS GZHAN PA'I PHYIR RGOL LA GRAGS SHING GRUB PAS GZHAN LA GRAGS KYI GTAN TSIGS ZHES BSHAD PA'I PHYIR, DES NA THAL 'GYUR LA BRTEN NAS BDAG SKYE MED PAR RTOGS PA'I RJES DPAG SKYE @79B NUS PA YIN TE, DE LA BRTEN NAS DNGOS PO RANG BZHIN MED PAR RTOGS PA'I RJES DPAG SKYE NUS PA'I PHYIR, DER THAL, MGON POS DNGOS PO RANG BZHIN GYIS GRUB PA PHAL CHER THAL 'GYUR GYI SGO NAS 'GOG PAR MDZAD PA'I PHYIR, DER THAL, RTZA SHES LAS, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES PA DANG, GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE DON GANG YANG, ,RGYU MED PA NI GANG NA'ANG MED, ,CES PA DANG, MYA NGAN 'DAS PA DNGOS PO MIN, ,RGA SHI'I MTSAN NYID THAL BAR 'GYUR, ,RGA DANG 'CHI BA MED PA YIS, ,DNGOS PO YOD PA MA YIN NO, ,ZHES GSUNGS PA'I PHYIR, BYAS PA LA KHO NA RE, SKYON MED DE, MGON POS TSIG NYUNG NGUS DON RGYA CHEN PO SDUD PAR BZHED NAS THAL 'GYUR DNGOS SU BSTAN NAS RTAGS SBYOR SHUGS LA BSTAN PA'I DON CHEN PO CAN GYI NGAG YIN PA'I PHYIR ZER NA, DE SANGS RGYAS BSKYANGS KYI 'GREL PA LA YANG MTSUNGS TE, TSIG NYUNG NGUS DON RGYA CHEN PO SDUD PAR BZHED NAS, THAL 'GYUR DNGOS SU BSTAN NAS, RTAGS SBYOR SHUGS LA BSTAN PA'I DON CHEN PO CAN GYI NGAG YIN PA'I PHYIR, BYAS PA LA KHO NA RE, MI MTSUNGS TE, MGON PO'I GZHUNG RTZA BA DANG, SANGS RGYAS BSKYANGS KYI DE 'GREL PA YIN PAS RTZA BAS DNGOS SU MA BSTAN PA 'GREL PAS DNGOS SU STON DGOS PA, 'GREL MDZAD MKHAN PO RNAMS KYI LUGS YIN PA'I PHYIR ZER NA, DE YANG MTHA' GCIG TU MA NGES TE, RTZOD BZLOG RTZA BAS SHUGS LA BSTAN PA YANG RANG 'GREL GYIS DNGOS SU MA BSTAN PA'I CHA DU MA YOD PA'I PHYIR, ` GNYIS PA SKYON DE DAG LEGS LDAN 'BYED RANG NYID LA 'JUG PAR BSTAN PA LA, RANG RGYUD KYI GTAN TSIGS KHAS LEN PA'I 'DOD PA BRJOD PA DANG, DBU MA PAS RANG RGYUD KYI GTAN TSIGS KHAS LEN MI RIGS PAR BSTAN PA DANG, DE NYID TSIG GSAL DANG SBYAR NAS BSHAD PA DANG GSUM, DANG PO NI DE DAG GI LUGS LA GZHAN DON SKABS KYI RANG RGYUD KYI GTAN TSIGS SU 'GYUR BA LA, CHOS CAN RGOL BA SNGA PHYI GNYIS KAS TSAD MAS GRUB PA TZAM GYI [*GYIS] MI CHOG PAR RGOL BA SNGA PHYI GNYIS KYIS TSAD MAS GRUB TSUL MTHUN SNANG BA ZHIG DGOS PAR 'DOD PA YIN TE, KUN LAS BTUS KYI RANG 'GREL LAS, GNYIS KA LA RAB TU GRUB PA NI BSGRUB PA @80A *, ,YIN NO, ,ZHES DANG, GANG ZHIG GNYIS KA LA NGES PA'I TSUL GSUM DANG, MA GRUB PA GNYIS LA SOGS PA BRJOD PA DE KHO NA SGRUB PA'AM SUN 'BYIN PA YIN GYI GANG YANG RUNG BA LA GRUB PA DANG THE TSOM ZA BA BRJOD PA MA YIN TE, YANG SGRUB PAR BYED PA LA BLTOS PA NYID KYI PHYIR RO, ,ZHES GSUNGS PA'I PHYIR, DBU MA THAL RANG GNYIS PO [*SNGA] RGOL PHYIR RGOL DU BYAS NAS, DNGOS PO RANG BZHIN MED PAR SGRUB PA DE'I TSE NA, CHOS CAN TSAD MAS GRUB TSUL MTHUN SNANG DU GRUB PA MED DE, DBU MA RANG RGYUD PA DES CHOS CAN 'JAL BA'I TSAD MA DE RANG NGOS NAS GRUB PA'I CHOS CAN LA TSAD MAR SONG BA DANG, DE CHOS CAN LA MA 'KHRUL BAR 'DOD PA'I PHYIR DANG, DBU MA THAL 'GYUR BA DES CHOS CAN 'JAL BA'I TSAD MA DE RANG NGOS NAS GRUB PA'I CHOS CAN LA TSAD MAR SONG BA YANG MI 'DOD, DE CHOS CAN LA 'KHRUL BAR 'DOD PA'I PHYIR, PHYI MA DER THAL, DES RANG NGOS NAS GRUB PA'I CHOS CAN MI 'DOD PA'I PHYIR, RANG RGYUD PAS GZHAN LA GRAGS KYI RJES DPAG DANG, THAL 'GYUR TZAM LA BRTEN NAS BDAG SKYE MED PAR RTOGS PA'I RJES DPAG SKYE BAR MI 'DOD, THAL 'GYUR BAS DE LTAR 'DOD PA'I PHYIR, DER THAL, SKAL BZANG MIG 'BYED LAS, GNYIS KA'I LUGS LA CHOS CAN TSAD MAS GRUB TSUL MTHUN SNANG DU GRUB PA MI SRID PA'I PHYIR, GZHAN LA GRAGS KYI RJES DPAG DANG, THAL 'GYUR TZAM GYI SGO NAS PHA ROL PO'I RGYUD LA BDEN MED RTOGS PA'I NGES SHES SKYED PAR BYED PA YIN NO, ,ZHES GSUNGS PA'I PHYIR, RANG RGYUD PA'I LUGS LA, MING BRDAS BZHAG TZAM MA YIN PAR RANG NGOS NAS GRUB PA'I TSAD MA'I RNYED DON DU GYUR PA'I CHOS CAN GYI STENG DU SNGA RGOL GANG LA DPAG 'DOD ZHUGS PA'I BSGRUB BYA'I CHOS, SGRUB BYED KYI GTAN TSIGS SU BKOD PA'I TSUL GSUM TSANG BA'I GTAN TSIGS, GZHAN DON SKABS KYI RANG RGYUD KYI GTAN TSIGS KYI MTSAN NYID DU 'DOD, RGOL PHYIR RGOL GNYIS KA LA CHOS CAN TSAD MAS GRUB TSUL MTHUN SNANG DU GRUB PA MI DGOS KYANG SPYIR DE GNYIS KA LA CHOS CAN TSAD MAS GRUB CING, KHYAD PAR PHYIR RGOL GYIS TSAD MAS GRUB PAR KHAS BLANGS PA'I KHAS BLANGS LA DKRIS NAS BKOD PA'I TSUL GSUM TSANG BA'I GTAN TSIGS, GZHAN LA GRAGS KYI GTAN TSIGS YANG DAG GI MTSAN NYID, DNGOS SMRA BA'I GRUB MTHA' BTANG NAS, THAL 'GYUR BA'I GRUB MTHA' LA MA ZHUGS BAR DU, CHOS CAN @80B TSAD MAS GRUB TSUL MTHUN SNANG BA NI MED DE, DES CHOS CAN 'JAL BA'I TSAD MA RANG NGOS NAS GRUB PA'I CHOS CAN LA TSAD MAR SONG BAR 'DOD PA YIN KYANG, DE RANG NGOS NAS GRUB PA'I CHOS CAN 'JAL BA'I TSAD MA MA YIN PA'I PHYIR, DNGOS SMRA BA'I LUGS LA, RANG NGOS NAS MA GRUB PA'I CHOS CAN 'JAL BA'I TSAD MA MED KYANG DE DAG GI RGYUD LA RANG NGOS NAS MA GRUB PA'I CHOS CAN 'JAL BA'I TSAD MA YOD DE, DE DAG GI RGYUD KYI CHOS CAN 'JAL BA'I TSAD MA YIN NA, DE YIN DGOS PA'I PHYIR, 'O NA, GZHAN LA GRAGS KYI GTAN TSIGS KYI DPE SOGS JI LTA BU ZHE NA, DE LA GZHAN LA GRAGS KYI DPE DANG, DE'I TSUL GSUM SGRUB PA'I TSUL DANG, DE LA BRTEN NAS RJES DPAG SKYE BA'I TSUL DANG GSUM, DANG PO NI, RANG LA MI BLTA BA DE MIG DON DAM PAR GZHAN LA MI BLTA BAR SGRUB PAR BYED PA'I GZHAN GRAGS KYI RTAGS YANG DAG YIN TE, RTZA SHES LAS, BLTA DE RANG GI BDAG NYID NI, ,DE LA BLTA BA MA YIN NYID, ,GANG ZHIG BDAG LA MI BLTA BA, ,DE DAG GZHAN LA JI LTAR BLTA, ZHES DANG, TSIGS GSAL LAS, KHO BO CAG NI RANG GI RGYUD KYI RJES SU DPAG PA MI SBYOR TE, RJES SU DPAG PA DAG NI GZHAN GYI DAM BCA' BA 'GOG PA'I 'BRAS BU CAN YIN PA'I PHYIR, 'DI LTAR GZHAN MIG BLTA'O ZHES BYA BAR RTOG PA DE NI MIG LA RANG GI BDAG NYID MI BLTA BA'I CHOS KYANG 'DOD LA, GZHAN LA BLTA BA'I CHOS MED NA MI 'BYUNG BA NYID DU KHAS BLANGS PA YIN TE, DE PHYIR GANG DANG GANG LA RANG GI BDAG NYID BLTA BA MED PA DE DANG DE LA NI GZHAN BLTA BA YANG YOD PA MA YIN TE, DPER NA, BUM PA BZHIN NO, ,MIG LA YANG RANG GI BDAG NYID LA MI BLTA BA YOD PA YIN TE, DE'I PHYIR, GZHAN LA BLTA BA YANG 'DI LA MED DO; ;DE'I PHYIR RANG GI BDAG NYID MI BLTA BA DANG 'GAL BA SNGON PO LA SOGS PA GZHAN LA BLTA BA RANG LA GRAGS PA'I RJES SU DPAG PA DANG 'GAL BA YIN NO ZHES DE LA GRUB PA'I RJES SU DPAG PAS SEL BAR BYED PA YIN NO, ,ZHES GSUNGS PA'I PHYIR, CHOS CAN NI [*MIG] RANG LA MI BLTA BA THA SNYAD DU TSAD MAS GRUB PA DANG GZHAN GZUGS LA RANG BZHIN GYIS BLTA BA THA SNYAD TZAM DU YANG TSAD MAS MA GRUB STE, DE GNYIS LA TSAD MAS GRUB MA GRUB KYI KHYAD PAR MED NA RANG LA MI BLTA BA'I RTAGS LA BRTEN NAS GZHAN LA RANG BZHIN GYIS BLTA BA 'GOG MI NUS PA'I PHYIR, MIG RANG LA MI BLTA BA DE MED NA MIG RANG LA BLTA DGOS PA'I PHYIR, GZHAN @81A *, ,GZUGS LA RANG BZHIN GYIS BLTA BA DE YOD NA, RANG LA MI BLTA BA'I RTAGS LA BRTEN NAS DE MI KHEGS PAR 'GYUR BA'I PHYIR, RANG LA MI BLTA BA'I RTAGS KYI [*KYIS] RANG BZHIN GYIS GZHAN LA MI BLTA BAR SGRUB PAR BYED PA'I CHOS CAN DANG, GTAN TSIGS RANG NYID KYIS TSAD MAS NGES SHING, DGAG BYA TSAD MAS MA GRUB PA GZHAN GYIS KHAS BLANGS PA TZAM MA YIN PAR RANG LUGS LA DBYE NUS PA ZHIG DGOS PA YIN TE, DE 'DRA BA'I GTAN TSIGS DE, PHYI RGOL RANG LA GRAGS SHING GRUB PAS RANG LA GRAGS KYI GTAN TSIGS DANG, SNGA RGOL LA GRAGS SHING GRUB PAR MA ZAD, SNGA RGOL LAS GZHAN PHYIR RGOL LA GRAGS SHING GRUB PAS NA GZHAN LA GRAGS KYI GTAN TSIGS ZHES BSHAD PA'I PHYIR, GNYIS PA TSUL GSUM SGRUB PA'I TSUL LA, CHOS CAN DANG GTAN TSIGS DNGOS SMRA BAS TSAD MAS NGES ZIN PAS SGRUB MI DGOS SHING, KHYAB 'BREL SGRUB PA'I TSUL LA SPYI KHYAB NGES PAR BYED PA'I TSUL DANG, DE DON LA SBYAR BA GNYIS, DANG PO LA, CHU LA GSHER BA DMIGS PA YOD NA DE DANG LDAN PA'I SA LA BRLAN DMIGS PA 'THAD KYIS, CHU LA GSHER BA DMIGS PA MED NA DE DANG LDAN PA'I SA LA BRLAN DMIGS PA MI 'THAD PA DE BZHIN DU, DNGOS PO RNAMS LA RANG NGOS NAS GRUB PA'I RANG BZHIN ZHIG YOD NA, DANG PO RANG NYID LA DMIGS NAS DE RJES GZHAN LA DMIGS DGOS SO ZHES SPYI KHYAB NGES SU 'JUG PA'I PHYIR, GNYIS PA DE DON LA SBYAR BA LA, MIG RANG LA BLTA BA RANG BZHIN GYIS GRUB PA ZHIG YOD NA, DANG PO RANG NYID LA DMIGS NAS DE RJES GZUGS SOGS YUL RUNG BA DANG TSOGS PA NA RANG BZHIN GYIS BLTA BA DMIGS DGOS PA ZHIG NA MIG RANG LA BLTA BA MED PAS GZHAN GZUGS LA RANG BZHIN GYIS BLTA BA YOD PA MA YIN NO ZHES SGRUB PAR BYED PA'I PHYIR, MIG RANG LA MI BLTA NA, GZHAN GZUGS LA THA SNYAD DU MI BLTA BAS MA KHYAB KYANG, RANG LA MI BLTA NA GZHAN GZUGS LA RANG BZHIN GYIS MI BLTA BAS KHYAB STE, DE LTAR MA YIN PAR RANG BZHIN GYIS BLTA NA, DE MIG GI GNAS LUGS YIN DGOS, DE MIG GI GNAS LUGS YIN NA, RANG LA MI BLTA BA DANG, GZHAN LA RANG BZHIN GYIS BLTA BA'I KHYAD PAR MI 'THAD PA'I PHYIR, DE RKYEN LA MI BLTOS PA'I PHYIR, KHO NA RE, MIG RANG LA MI BLTA NA, GZHAN LA RANG BZHIN GYIS MI BLTA @81B BAS MA KHYAB PAR THAL, MES RANG NYID DE MI [*NYID MI] BSREGS KYANG BUD SHING BSREGS PA LTA BU YIN PA'I PHYIR ZER NA, 'DIR NI MIG GZUGS LA THA SNYAD DU BLTA BA 'GOG PA MIN GYI RANG BZHIN GYIS BLTA BA 'GOG PA YIN LA, KHYOD KYI DPE DES THA SNYAD DU MES BUD SHING BSREGS PA 'GOD NA NI, ,DPE DON MI MTSUNGS PA'I PHYIR DANG, RANG BZHIN GYIS BSREGS PA 'GOD NA NI, ME DANG BUD SHING GNYIS RANG BZHIN GYIS GRUB PA'I GCIG DANG THA DAD GANG RUNG YIN PA 'GOG BYED KYI RIGS PA DES, DE GNYIS RANG BZHIN GYIS GRUB PA'I BSREG BYA BSREG BYED YIN PA DE KHEGS PA'I PHYIR, ` GNYIS PA DBU MA PAS RANG RGYUD KYI GTAN TSIGS KHAS LEN MI RIGS PAR BSHAD PA LA, DE LTAR BYAS NA, RANG RGYUD KYI GTAN TSIGS KHAS LEN MI RIGS PA'I RGYU MTSAN YOD DE, RANG NGOS NAS GRUB PA'I SHES 'DOD CHOS CAN ZHIG GI STENG DU 'GOD TSUL DANG MTHUN PA'I GTAN TSIGS MED PA'I PHYIR, DER THAL, RANG NGOS NAS GRUB PA'I GTAN TSIGS MED PA'I PHYIR, GSUM PA DE NYID TSIG GSAL DANG SBYAR NAS BSHAD PA LA, MDOR BSTAN PA DANG RGYAS PAR BSHAD PA GNYIS, DANG PO LA LEGS LDAN 'BYED KYIS RANG NYID RTOG GE'I BSTAN BCOS LA MKHAS PA TZAM ZHIG STON PAR 'DOD NAS DNGOS PO BDEN GRUB 'GOG PA DE'I TSE NA, RANG RGYUD KYI GTAN TSIGS KYIS 'GOG PAR 'DOD PA DE MI RIGS PAR THAL, DNGOS PO BDEN MED DU LTA BA DE DBU MA'I LTA BA RNAM DAG TU KHAS LEN PA DANG, RANG RGYUD KYI GTAN TSIGS KHAS LEN PA GNYIS NANG 'GAL BA'I PHYIR, DER THAL, TSIG GSAL LAS, GZHAN YANG RTOG GE PA 'DI NI BDAG NYID RTOG GE'I BSTAN BCOS LA MKHAS PA TZAM ZHIG STON PAR 'DOD PAS, DBU MA'I LTA BA KHAS LEN BZHIN DU YANG RANG GI RGYUD KYI SBYOR BA'I NGAG BRJOD PA GANG YIN PA DE NI, CHES SHIN TU NYES PA DU MA'I TSOGS KYIS GNAS SU RTOGS PA STE JI LTAR ZHE NA, DE LA DE DAG GI GANG 'DI SKAD DU 'DIR TSIGS SU 'GYUR BA NI DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR, DPER NA SHES PA YOD PA NYID BZHIN NO, ,ZHES SMRAS PA YIN NO, ,ZHES GSUNGS PA'I PHYIR RO, SLOB DPON LEGS LDAN 'BYED KYIS RANG RGYUD KYI GTAN TSIGS KHAS BLANGS PA'I GTAN TSIGS DE'I SBYOR BA'I MTSAN GZHI'I KHYAD PAR YOD DE, MIG SOGS NANG GI SKYE MCHED RNAMS CHOS CAN, DON DAM PAR BDAG LAS MI SKYE STE, YOD PA'I PHYIR RO, ,DPER NA, SHES PA YOD PA NYID @82A *, ,BZHIN NO ZHES PA LTA BU'O, ,GNYIS PA, RGYAS PAR BSHAD PA LA, SLOB DPON LEGS LDAN 'BYED KYIS BDAG SKYE 'GOG PA'I SBYOR BA LA DON DAM GYI KHYAD PAR SBYAR BA LA DGOS PA LHAG PO MED PAR BSTAN PA, RANG GI RGYUD [*RANG RGYUD] KYI GTAN TSIGS 'GOG TSUL DNGOS BSHAD PA, DE GZHAN GRAGS KYI GTAN TSIGS LA MI MTSUNGS PAR BSTAN PA GSUM LAS, DANG PO LA, SLOB DPON LEGS LDAN 'BYED KYIS BDAG SKYE 'GOG PA'I SBYOR BA LA DON DAM GYI KHYAD PAR SBYOR MI RIGS PAR THAL, GRUB MTHAS BLO BSGYUR BA LA BLTOS NAS KYANG SBYOR MI RIGS, BLO MA BSGYUR BA LA BLTOS NAS KYANG MI RIGS PA'I PHYIR, DANG PO DER THAL, SNGA RGOL DBU MA PA LA BLTOS NAS KYANG SBYOR MI RIGS, PHYI RGOL GRANGS CAN LA LTOS NAS KYANG SBYOR MI RIGS PA'I PHYIR, DANG PO LA, SLOB DPON LEGS LDAN 'BYED KYIS BDAG SKYE 'GOG PAR BYED PA LA DON DAM GYI KHYAD PAR SBYOR BA MI RIGS TE, DE LTAR SBYAR BA LA DGOS PA LHAG PO MED PA'I PHYIR, KHO NA RE, BDAG SKYE 'GOG PA LA DON DAM GYI KHYAD PAR SBYAR BA DGOS PA DANG BCAS TE, NGES DON GYI GSUNG RAB DGONGS 'GREL DANG BCAS PA RNAMS LAS MYU GU KUN RDZOB TU BDAG LAS SKYE BAR BZHED, DON DAM PAR BDAG LAS SKYE BA DE 'GOG PAR BYED PA'I PHYIR, ZER NA, DE MI 'THAD DE, NGES DON GYI GSUNG RAB DGONGS 'GREL DANG BCAS PA RNAMS LAS; MIG SOGS BDAG LAS SKYE BA MA GSUNGS SHING, BDAG LAS SKYE BA DE BKAG PA'I PHYIR, DER THAL, SA LU LJANG PA'I MDO LAS, SA BON GYI RGYU LAS BYUNG BA'I MYU GU DE YANG SKYE BA NA, BDAG GIS MA BYAS GZHAN GYIS MA BYAS, GNYIS KAS MA BYAS DBANG PHYUG GIS MA BYAS, RDUL PHRA RAB LAS MA BYUNG RANG BZHIN LAS MA BYUNG NGO BO NYID LAS MA BYUNG, RGYU MED LAS MA SKYES ZHES GSUNGS PA'I PHYIR, LANG KAR GSHEGS PA LAS, SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE PHYIR RTAG MIN CHAD MIN CHOS NYID DO, ,ZHES DANG, RTZA SHES LAS, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN TE, ,DE PHYIR CHAD MIN RTAG PA MIN, ,ZHES GSUNGS PA'I PHYIR, GRANGS CAN LA BLTOS [*LTOS] NAS DON DAM GYI KHYAD PAR SBYOR BA MI 'THAD PAR THAL, GRANGS CAN BDEN GNYIS KYI RNAM GZHAG LAS NYAMS PAS DON DAM GYI KHYAD PAR SBYOR BA LAS SPYIR BDAG SKYE @82B BKAG PA DON CHE BA'I PHYIR, GRUB MTHAS BLO MA BSGYUR BA'I 'JIG RTEN RANG GA BA LA BLTOS TE DON DAM GYI KHYAD PAR SBYOR MI RIGS PAR THAL, DES MIG SOGS BDAG LAS SKYE BA DANG, GZHAN LAS SKYE BA MA DPYAD PAR, DES SKYE BA TZAM ZHIG KHAS LEN GYI GAL TE DES BDAG SKYE KHAS LEN NA, DBU MA PAS KYANG BDAG SKYE KHAS LEN DGOS PA'I PHYIR, DER THAL, DES THA SNYAD KYI RNAM GZHAG 'JIG RTEN PA DANG MTHUN PAR KHAS LEN PA'I PHYIR, GNYIS PA RANG RGYUD KYI GTAN TSIGS 'GOG TSUL DNGOS BSHAD PA LA, LEGS LDAN 'BYED KYIS BDAG SKYE 'GOG BYED KYI GTAN TSIGS DE, RANG RGYUD KYI GTAN TSIGS YIN PA DGAG PA DANG, DE LA BRTEN NAS GTAN TSIGS GZHAN RNAMS RANG RGYUD KYI GTAN TSIGS YIN PA KHEGS PAR BSTAN PA GNYIS LAS, DANG PO LA, CHOS CAN GZHI MA GRUB PA'I PHYOGS KYI SKYON DANG, DE YOD PA'I GTAN TSIGS LA MTSUNGS PAR BSTAN PA DANG, SKYON BRJOD TSUL DE LEGS LDAN 'BYED RANG NYID KYIS KHAS BLANGS PAR BSTAN PA DANG GSUM LAS, DANG PO LA; DNGOS DANG, NYES SPONG GI LAN DGAG PA GNYIS LAS, DANG PO DE 'CHAD PAR BYED PA LA, GZHAN YANG GAL TE KUN RDZOB TU SKYE BA DANG, ZHES PA NAS BZUNG STE, DE NI MI RIGS SO, ,ZHES PA'I BAR GSUNGS, SLOB DPON LEGS LDAN 'BYED KYIS SBYOR BA'I GTAN TSIGS SU BKOD PA'I YOD PA DE, MIG SOGS RNAMS BDAG LAS MI SKYE BAR SGRUB PAR BYED PA'I RANG RGYUD KYI GTAN TSIGS MA YIN PAR THAL, DE LA CHOS CAN GZHI MA GRUB PA'I PHYOGS KYI SKYON YOD PA'I PHYIR, DER THAL, MIG SOGS DON DAM DU YANG MA GRUB, KUN RDZOB TU YANG MA GRUB PA'I PHYIR RO, ,DANG PO DER THAL, DE GRUB NA DBU MA PAS DNGOS PO BDEN MED DU KHAS BLANGS PA DANG 'GAL BA'I PHYIR, PHYI MA MA GRUB NA KHYOD KYI DON DAM GYI KHYAD PAR GANG LA SBYOR BYAS PA LA, KUN RDZOB TU YOD PA'I MIG SOGS DON DAM PAR SKYE BA MED PA LA SBYOR ZER NA, DE MI 'THAD PAR THAL, KUN RDZOB TU YOD PA'I MIG SOGS CHOS CAN, DON DAM PAR BDAG LAS MI SKYE STE, ZHES DNGOS SU MA BKOD PA'I PHYIR DANG; BKOD NA YANG GRANGS CAN LA CHOS CAN GZHI MA GRUB PA'I SKYON YOD PA'I PHYIR, DER THAL, GRANGS CAN GYIS MIG SOGS KUN RDZOB TU GRUB PAR KHAS MA BLANGS PA'I PHYIR, GNYIS PA, NYES SPONG GI LAN DGAG PA LA DE BRJOD PA DANG, DE DGAG PA GNYIS LAS, DANG PO NI, SLOB DPON LEGS LDAN 'BYED @83A *, ,NA RE; MIG SOGS BDAG LAS MI SKYE BAR SGRUB PA'I TSE, BDEN GNYIS GANG DU GRUB RTAGS [*BRTAGS] PA'I SGO NAS CHOS CAN GZHI MA GRUB PA'I SKYON MED DE, DE GNYIS GANG GIS KYANG KHYAD PAR DU MA BYAS PA'I MIG TZAM ZHIG CHOS CAN DU BZUNG NAS SGRUB PA'I PHYIR, DPER NA, SANGS RGYAS PAS BYE BRAG PA'I NGO BOR SGRA MI RTAG PA SGRUB PA DE'I TSE NA, SANGS RGYAS PAS 'DOD PA'I 'BYUNG BA BZHI LAS BYUNG BA'I 'BYUNG 'GYUR GYI SGRA YANG CHOS CAN DU MI 'DZIN, BYE BRAG PAS 'DOD PA'I NAM MKHA'I YON TAN DU GYUR PA'I SGRA YANG CHOS CAN DU MI 'DZIN PAR SGRA TZAM BZUNG NAS SGRUB PA DANG, DE BZHIN DU BYE BRAG PAS GSAL BYED PA'I NGO BOR SGRA MI RTAG PA SGRUB PA DE'I TSE NA, BYE BRAG PAS 'DOD PA'I RGYU RKYEN GYIS GSAR DU BYAS PA'I SGRA YANG CHOS CAN DU MI 'DZIN, GSAL BYED PAS 'DOD PA'I SNGAR YOD RKYEN GYIS MNGON PAR GSAL BAR BYAS PA'I SGRA YANG CHOS CAN DU MI 'DZIN PAR SGRA TZAM BZUNG NAS SGRUB PA DANG, SANGS RGYAS PAS BYE BRAG PA'I NGO BOR SGRA MI RTAG PAR SGRUB PA DE'I TSE NA, SANGS RGYAS PAS 'DOD PA'I 'JIG RGYU DON GZHAN LA BLTOS MED KYI 'JIG PA YANG BSGRUB BYAR MI 'DZIN, BYE BRAG PAS 'DOD PA'I 'JIG RGYU DON GZHAN LA BLTOS BCAS KYI 'JIG PA BSGRUB CHOS SU MI 'DZIN PAR 'JIG PA TZAM ZHIG BSGRUB CHOS SU 'DZIN PA LTA BU'O, ,ZHES GSUNGS PA YIN TE, TSIG GSAL LAS, CI STE JI LTAR SGRA MI RTAG CES BYA BA LA CHOS DANG CHOS CAN GNYIS SPYI NYID BZUNG BA YIN GYI KHYAD PAR NI MA YIN TE, KHYAD PAR 'DZIN NA NI RJES SU DPAG PA DANG, RJES SU DPAG PAR BYA BA'I THA SNYAD MED PAR 'GYUR RO, ,'DI LTAR GAL TE 'BYUNG BA CHEN PO BZHI LAS GYUR PA'I SGRA 'DZIN NA NI PHA ROL PO LA MA GRUB PO, ,'ON TE NAM MKHA'I YON TAN 'DZIN NA NI DE RANG NYID SANGS RGYAS PA LA MA GRUB PA YIN NO, ,DE BZHIN DU BYE BRAG PA SGRA MI RTAG PAR DAM 'CHA' BA NA YANG BYAS PA'I SGRA 'DZIN NA DE GZHAN LA MA GRUB BO, ,'ON TE MNGON PAR GSAL BAR BYA BA YIN NA NI DE RANG LA MA GRUB PA YIN NO, , DE BZHIN DU CI RIGS PAR 'JIG PA YANG GAL TE RGYU DANG BCAS PA YIN NA NI DE SANGS RGYAS PA RANG LA MA GRUB PA YIN LA, 'ON TE, RGYU MED PA YIN NA NI DE PHA ROL PO LA MA GRUB PA YIN NO, ,DE [*DE'I] PHYIR JI LTAR 'DIR CHOS DANG CHOS CAN SPYI TZAM ZHIG 'DZIN PA DE BZHIN DU 'DIR YANG KHYAD PAR DOR BA'I CHOS CAN TZAM ZHIG 'DZIN @83B PAR 'GYUR RO, ,ZHES GSUNGS PA'I PHYIR, GNYIS PA NYES SPONG GI LAN DGAG PA LA, 'DON [*DON] DGAG PA DPE DON MI MTSUNGS PAR BSTAN PA GNYIS, DANG PO LA, MDOR BSTAN PA DANG, RGYAS PAR BSHAD PA, DON BSDU BA GSUM LAS, DANG PO NI, DBU MA PAS DNGOS SMRA BA'I NGO BOR MIG BDEN PA'I SKYE MED DU SGRUB PA DE'I TSE NA; TSAD MAS GRUB TSUL MTHUN SNANG BA'I CHOS CAN MIG DE MED PAR THAL, DBU MA PAS MIG PHYIN CI LOG 'KHRUL BA'I TSAD MA'I RNYED DON DU KHAS BLANG DGOS, DNGOS SMRA BAS PHYIN CI MA LOG PA MA 'KHRUL BA'I TSAD MA'I RNYED DON DU KHAS BLANGS PA GANG ZHIG ,'KHRUL BA'I TSAD MA'I RNYED DON DANG MA 'KHRUL BA'I TSAD MA'I RNYED DON GNYIS PHAN TSUN SPANGS 'GAL GYI DNGOS 'GAL YIN PA'I PHYIR, DBU MA PAS DE LTAR KHAS LEN DGOS PAR THAL, DBU MA PAS MIG 'JAL BYED KYI TSAD MA DE MIG RANG GI MTSAN NYID KYIS GRUB PA LA 'KHRUL BAR KHAS LEN DGOS PA'I PHYIR, DER THAL, MIG RANG GI MTSAN NYID KYIS MA GRUB PAR KHAS LEN DGOS PA'I PHYIR, DER THAL, MIG DE BDEN PA'I SKYE MED DU SGRUB PA'I SHES 'DOD CHOS CAN SKYON MED DU KHAS BLANGS PA'I PHYIR, SEMS TZAM PAS DE LTAR KHAS BLANGS PA YIN TE, SEMS TZAM PAS MIG 'JAL BYED KYI TSAD MA DE, MIG RANG GI MTSAN NYID KYIS GRUB PA LA MA 'KHRUL BAR KHAS LEN DGOS SHING KHAS KYANG BLANGS PA'I PHYIR, DER THAL, MIG BDEN GRUB TU KHAS BLANGS PA'I PHYIR, DE SKAD DU, TSIG GSAL LAS, DE NI DE LTAR MA YIN TE 'DI LTAR GANG GI TSE 'DIR SKYE BA BKAG PAR BSGRUB PAR BYA BA'I CHOS SU 'DOD PA DE'I TSE, DE KHO NAR DE'I RTEN CHOS CAN PHYIN CI LOG TZAM GYIS BDAG GI DNGOS PO RNYED PA NI NYAMS PAR GYUR PA 'DIS RANG NYID KYIS KHAS BLANGS PA NYID DO, ,PHYIN CI LOG DANG PHYIN CI MA LOG PA DAG NI THA DAD PA YIN NO, ,ZHES GSUNGS PA'I PHYIR, GNYIS PA RGYAS PAR BSHAD PA LA, DBU MA PAS, DNGOS SMRA BA'I NGO BOR MIG SOGS BDEN PA'I SKYE MED DU SGRUB PA'I TSE NA, RANG GI MTSAN NYID KYIS GRUB PA'I MIG SOGS LA MA 'KHRUL BA'I TSAD MA'I RNYED DON DU GYUR PA'I RANG GI MTSAN NYID KYIS GRUB PA'I MIG SOGS CHOS CAN TSAD MAS GRUB TSUL MTHUN SNANG BA MED DE, DE PHYIN CI LOG 'KHRUL BA'I TSAD MA'I RNYED DON DU YANG MED, PHYIN CI MA LOG PA MA 'KHRUL BA'I TSAD MA'I RNYED DON DU YANG MED PA'I PHYIR, DANG PO DER THAL, BSE RU'I NANG DU SKRA SHAD @84A *, ,'DZAG PAR SNANG BA'I RAB RIB CAN GYI MIG SHES LTA BU'I MIG RANG GI MTSAN NYID KYIS GRUB PAR 'DZIN PA STE SNANG BA'I TSAD MA'I RNYED DON DU GYUR PA'I RANG GI MTSAN NYID KYIS GRUB PA'I MIG MED PA'I PHYIR, DER THAL, DE 'DRA BA'I TSAD MA DE MIG RANG GI MTSAN NYID KYIS GRUB PA LA 'KHRUL BA'I PHYIR, DPER NA, BSE RU'I NANG DU SKRA SHAD 'DZAG PAR SNANG BA'I RAB RIB CAN GYI MIG SHES LTA BU YIN PA'I PHYIR, PHYI MA DER THAL, BSE RU'I NANG DU SKRA SHAD 'DZAG PAR MI SNANG BA'I RAB RIB MED PA'I MIG SHES LTA BU'I MIG RANG GI MTSAN NYID KYIS GRUB PAR MI 'DZIN PA STE, MI SNANG BA'I TSAD MA'I RNYED DON DU GYUR PA'I RANG GI MTSAN NYID KYIS GRUB PA'I MIG MED PA'I PHYIR, DER THAL, PHYIN CI MA LOG PA MA 'KHRUL BA'I TSAD MA SKYES PA DE'I TSE NA, TSAD MA DE'I GZIGS NGOR MIG KUN RDZOB PA RANG GI MTSAN NYID KYIS MA GRUB PA'I MIG TZAM YANG MED PA'I PHYIR, RTZA BA'I THAL 'GYUR LA KHYAB PA YOD DE, PHYIN CI LOG 'KHRUL BA'I TSAD MA'I RNYED DON DANG, PHYIN CI MA LOG PAR [*PA] MA 'KHRUL BA'I TSAD MA'I RNYED DON GNYIS PHAN TSUN SPANGS 'GAL GYI DNGOS 'GAL YIN PA'I PHYIR, SGRUB BYED DE LTAR 'THAD DE, MGON PO KLU SGRUB KYIS BSGRUB BYA SGRUB BYED RNAMS RANG GI MTSAN NYID KYIS GRUB PA MNGON SUM LA SOGS PA'I YUL DU MED PAS DNGOS SMRA BA'I RIGS PA MI MTSUNGS PA'I SGO NAS LAN MDZAD PA YIN PA'I PHYIR, DER THAL, TSIG GSAL LAS, DE'I PHYIR GANG GI TSE RAB RIB CAN GYIS SKRA SHAD LA SOGS PA LTAR PHYIN CI LOG GIS YOD PA MA YIN PA YOD PA NYID DU 'DZIN PA DE'I TSE NI YOD PAR GYUR PA'I DON CHA TZAM YANG DMIGS PA GA LA 'GYUR, GANG GI TSE RAB RIB CAN MA YIN PA'I SKRA SHAD LA SOGS PA LTAR PHYIN CI MA LOG PAS YANG DAG PA MA YIN PAR SGRO MI 'DOGS PA DE'I TSE NA YANG GANG GIS NA DE'I TSE KUN RDZOB TU 'GYUR BA YOD PA MA YIN PAR GYUR PA'I DON CHA TZAM YANG DMIGS PA GA LA YOD DE NYID KYI PHYIR, SLOB DPON GYI ZHAL SNGA NAS KYANG; GAL TE MNGON SUM LA SOGS PA'I, ,DON GYI 'GA' ZHIG DMIGS NA NI, ,SGRUB PA 'AM BZLOG PAR BYA NA DE, ,MED PHYIR NGA LA KLAN KA MED, ,CES GSUNGS, GSUM PA DON BSDUS TE DGAG PA LA, DBU MA PAS DNGOS SMRA BA'I NGO BOR MIG BDEN PA'I SKYE MED SGRUB PA DE'I TSE NA CHOS CAN TSAD MAS GRUB @84B TSUL MTHUN SNANG BA MED DE, PHYIN CI MA LOG PA MA 'KHRUL BA'I TSAD MA SKYES PA'I GNAS SKABS NA TSAD MA DE'I GZIGS NGOR PHYIN CI LOG 'KHRUL BA'I TSAD MA'I RNYED DON DU GYUR PA'I MIG DE MED PA'I PHYIR, DES NA DBU MA PAS DNGOS SMRA BA'I NGO BOR MIG SOGS BDEN PA'I SKYE MED DU SGRUB PA'I TSE, SLOB DPON LEGS LDAN 'BYED KYIS CHOS CAN GZHI MA GRUB PA'I PHYOGS KYI SKYON DANG GTAN TSIGS GZHI MA GRUB PA'I RTAGS SKYON SPONG MI NUS TE, SNGAR BSHAD PA'I NYES SPONG GI LAN DES LAN DON MTHUN MI THEBS PA'I PHYIR, DER THAL, TSIG GSAL LAS, GANG GI PHYIR DE LTAR PHYIN CI LOG DANG PHYIN CI MA LOG PA DAG THA DAD PA DE'I PHYIR PHYIN CI MA LOG PA'I GNAS SKABS NA PHYIN CI LOG PA YOD PA MA YIN PA'I PHYIR NA GANG ZHIG CHOS CAN NYID DU 'GYUR BA MIG KUN RDZOB PA LTA GA LA YOD, DE'I PHYIR GZHI MA GRUB PA'I PHYOGS KYI SKYON DANG GZHI MA GRUB PA'I GTAN TSIGS KYI SKYON BZLOG PA MED PA NYID [*YIN] PAS 'DI LAN MIN PA NYID DO, ,ZHES GSUNGS SO, ,GNYIS PA DPE DON MI MTSUNGS PAR BSTAN PA LA, KHA CIG ,DE LTA BU'I DPE DON MI MTSUNGS TE, NANG SDE DNGOS SMRA BAS BYE BRAG PA'I NGO BOR SGRA MI RTAG PAR SGRUB PA DE'I TSE, RGOL BA SNGA PHYI GNYIS KAS 'BYUNG 'GYUR GYI SGRA DANG NAM MKHA'I YON TAN GYI SGRA GANG RUNG MA YIN PA'I SGRA TZAM ZHIG MTHUN SNANG DU GRUB PA YOD, DBU MA PAS DNGOS SMRA BA'I NGO BOR MIG SOGS BDEN PA'I SKYE MED DU SGRUB PA'I TSE NA, BDEN BRDZUN GANG GIS KYANG KHYAD PAR DU MA BYAS PA'I MIG MTHUN SNANG DU GRUB PA MED PA'I PHYIR ZER NA, DE MI 'THAD PAR THAL, RANG SDE DNGOS SMRA BA'I LUGS LA 'BYUNG 'GYUR MA YIN PA'I SGRA MED CING 'BYUNG 'GYUR GYI SGRA DE YANG BDEN GRUB TU KHAS LEN PA'I PHYIR DANG, BYE BRAG PA'I LUGS LA NAM MKHA'I YON TAN MA YIN PA'I SGRA MED CING, NAM MKHA'I YON TAN DU GYUR PA'I SGRA DE YANG BDEN GRUB TU KHAS LEN PA'I PHYIR, RANG LUGS LA, SNGAR BSHAD PA DE LTA BU'I DPE DON MI MTSUNGS PA'I DON YOD DE, NANG SDE DNGOS SMRA BAS BYE BRAG PA'I NGO BOR SGRA MI RTAG PAR SGRUB PA DE'I TSE NA; SGRA 'BYUNG 'GYUR YIN PA'I CHA LA YANG TSAD MAR MA SONG, DE NAM MKHA'I YON TAN YIN PA'I CHA LA YANG TSAD MAR MA SONG BAR SGRA TZAM LA TSAD MAR SONG BA'I TSAD MA'I RNYED DON DU GYUR PA'I RANG GI MTSAN NYID KYIS GRUB PA'I SGRA GNYIS KA LA MTHUN SNANG DU GRUB PA YOD, DBU MA PAS DNGOS SMRA BA'I NGO BOR MIG SOGS @85A *, ,BDEN PA'I SKYE MED DU SGRUB PA'I TSE NA BDEN BRDZUN GANG GIS KYANG KHYAD PAR DU MA BYAS PA'I MIG TZAM LA TSAD MAR SONG BA'I TSAD MA'I RNYED DON DU GYUR PA'I RANG GI MTSAN NYID KYIS GRUB PA'I MIG GNYIS KA LA MTHUN SNANG DU GRUB PA MED DE, KUN RDZOB DANG DON DAM PA GANG RUNG DU MA GRUB PA'I PHYIR, DER THAL, TSIG GSAL LAS, DPE LA YANG 'DRA BA YOD PA MA YIN TE, DE NI SGRA'I SPYI DANG MI RTAG PA NYID KYI SPYI'I KHYAD PAR BRJOD PAR MI 'DOD PA GNYIS KA LA YANG YOD NA, DE BZHIN DU MIG GI SPYI NI STONG PA NYID DANG, STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA, DON DAM PAR YANG MA YIN PAS DPE LA 'DRA BA YOD PA MA YIN NO, ,ZHES GSUNGS PA'I PHYIR, GNYIS PA DE YOD PA'I GTAN TSIGS LA MTSUNGS PAR BSTAN PA LA, DBU MA PAS DNGOS SMRA BA'I NGO BOR MIG SOGS BDEN PA'I SKYE MED DU SGRUB PA DE'I TSE NA, CHOS CAN GZHI MA GRUB PA'I PHYOGS KYI SKYON DANG, GTAN TSIGS GZHI MA GRUB PA'I SKYON DE DAG GTAN TSIGS YOD PA LA YANG MTSUNGS PA YIN TE, GTAN TSIGS YOD PA TSAD MAS GRUB TSUL MTHUN SNANG BA LA SNGAR BSHAD PA'I SKYON DE DAG 'JUG PA'I PHYIR, DER THAL, TSIG GSAL LAS, GZHI MA GRUB PA'I PHYOGS KYI NYES PA BRJOD PA'I TSUL GANG YIN PA 'DI NYID NI YOD PA'I PHYIR ZHES BYA BA'I GTAN TSIGS 'DI LA MA GRUB PA'I SKYON BRJOD PA LA YANG SBYAR BAR BYA'O, ,ZHES GSUNGS SO, ,GSUM PA, SKYON BRJOD TSUL DE DAG LEGS LDAN 'BYED KYIS KHAS BLANGS PAR BSTAN PA LA, SNGAR BSHAD PA'I CHOS CAN GZHI MA GRUB PA'I PHYOGS KYI SKYON DANG GTAN TSIGS GZHI MA GRUB PA'I SKYON BRJOD TSUL DE DAG SLOB DPON LEGS LDAN 'BYED KYIS KHAS BLANGS PA YIN TE, BYE BRAG TU SMRA BAS MIG SOGS NANG GI SKYE MCHED RNAMS SKYED PAR BYED PA'I RGYU LA SOGS PA DON DAM PAR YOD PA KHO NA YIN TE, DE LTAR DE BZHIN GSHEGS PAS GSUNGS PA'I PHYIR, GANG DE BZHIN GSHEGS PAS JI SKAD GSUNGS PA DE NI BDEN PA YIN TE, DPER NA, MYA NGAN LAS 'DAS PA NI ZHI BA'O, ,ZHES GSUNGS PA LTA BU'O ZHES BKOD PA NA, SLOB DPON LEGS LDAN 'BYED KYIS DE LTAR DE BZHIN GSHEGS PAS GSUNGS PA'I PHYIR ZHES RTAGS SU SONG TSOD DE KUN RDZOB DANG DON DAM GANG RUNG DU MA GRUB PA MI @85B 'THAD PAS DE KUN RDZOB TU GRUB BAM, DON DAM DU GRUB, DANG PO LTAR NA MI 'THAD DE, KHYOD RANG LA GTAN TSIGS GZHI MA GRUB PA'I SKYON DU 'GYUR BA'I PHYIR, PHYI MA LTAR NA YANG MI 'THAD DE, NGED DBU MA PA LA GTAN TSIGS GZHI MA GRUB PA'I SKYON DU 'GYUR BA'I PHYIR ZHES BKAG PA DE BZHIN DU, PHYIN CI LOG 'KHRUL BA'I TSAD MA DANG, PHYIN CI MA LOG PA MA 'KHRUL BA'I TSAD MA GANG RUNG MA YIN PA'I TSAD MA'I RNYED DON DU GRUB PA MED PAS PHYIN CI LOG 'KHRUL BA'I TSAD MA'I RNYED DON DANG, PHYIN CI MA LOG PA MA 'KHRUL BA'I TSAD MA'I RNYED DON GANG RUNG DU MA GRUB NA, MED PAR KHAS LEN DGOS PA'I PHYIR, DER THAL, TSIG GSAL LAS; DE BZHIN DU DE NI 'DI LTAR YIN TE, GANG GI PHYIR JI SKAD BSNYAD PA'I DON 'DI NI RTOG GE BA 'DIS RANG NYID KYIS KHAS BLANGS PA YIN NO, ,JI LTAR ZHE NA, NANG GI SKYE MCHED RNAMS SKYED PAR BYED PA RGYU LA SOGS PA NI YOD PA KHO NA YIN TE, DE LTAR DE BZHIN GSHEGS PAS GSUNGS PA'I PHYIR RO, ,GANG DE BZHIN GSHEGS PAS JI SKAD GSUNGS PA DE NI DE BZHIN TE, DPER NA MYA NGAN LAS 'DAS PA NI ZHI BA'O, ,ZHES BYA BA GZHAN GYIS BKOD PA'I SGRUB BYED 'DI LA 'DIR KHYOD KYIS GTAN TSIGS KYI DON DU 'DOD PA GANG YIN, DE BZHIN GSHEGS PAS KUN RDZOB TU DE SKAD GSUNGS PA'I PHYIR RAM, 'ON TE DON DAM PAR GSUNGS PA'I PHYIR; GAL TE KUN RDZOB TU NA NI RANG LA GTAN TSIGS KYI DON MA GRUB PA NYID DO, ,'ON TE DON DAM PAR NA NI GANG GI TSE CHOS NI YOD PA DANG, MED [*PA] DANG YOD MED MI 'GRUB PA DE'I TSE 'BRAS BU YOD PA DANG MED PA DANG GNYIS KA'I BDAG NYID KYI RKYEN BSAL BA'I PHYIR, JI LTAR SGRUB BYED RGYU ZHES BYA, ,DE LTAR YIN NA MI RIGS SO, ,DE NI SGRUB PAR BYED PA'I RGYU MA YIN PA KHO NA'O ZHES BYA BA NI NGAG GI DON TO, ,DE'I PHYIR DON DAM PAR BSGRUB PAR BYA BA DANG SGRUB PAR BYED PA NYID MA GRUB PA'I PHYIR, GTAN TSIGS MA GRUB PA'I DON NYID DANG 'GAL BA'I DON NYID DO ZHES 'DIS SKYON 'DI SMRAS PA NYID DO, ,ZHES GSUNGS PA'I PHYIR, DES SLOB DPON LEGS LDAN 'BYED KYI SBYOR BA'I GTAN TSIGS GZHAN RNAMS KYANG RANG RGYUD KYI GTAN TSIGS YIN PA KHEGS PAR BSTAN PA LA, SLOB DPON LEGS 'BYED KYI YOD PA'I GTAN TSIGS DE, MIG SOGS RNAMS DON DAM PAR BDAG LAS MI SKYE BAR SGRUB PA'I RANG RGYUD KYI GTAN TSIGS YIN PA BKAG PA LA @86A *, ,BRTEN NAS, GTAN TSIGS GZHAN GZUGS 'DZIN MIG SHES CHOS CAN, DON DAM PAR MIG DBANG GZHAN LAS MI SKYE STE, GZHAN YIN PA'I PHYIR, DPER NA BUM PA BZHIN ZHES PA'I SBYOR BA'I GTAN TSIGS LA SOGS PA RNAMS, RANG RGYUD KYI GTAN TSIGS YIN PA KHEGS PA YIN TE, DE DAG LA YANG CHOS CAN GZHI MA GRUB PA'I PHYOGS KYI SKYON DANG GTAN TSIGS GZHI MA GRUB PA'I SKYON DE DAG MTSUNGS PAR 'JUG PA'I PHYIR, DER THAL, TSIG GSAL LAS, GANG GI PHYIR DE LTAR 'DIS RANG NYID KYI TSUL 'DIS GTAN TSIGS MA GRUB PAR KHAS BLANGS PA DE'I PHYIR, DNGOS PO'I CHOS GTAN TSIGS SU BKOD PA'I RJES SU DPAG PA THAMS CAD LA GTAN TSIGS LA SOGS PA RANG LA MA GRUB PA'I PHYIR, SGRUB PAR BYED PA THAMS CAD RNAM PAR 'JIG PAR 'GYUR RO, ,ZHES GSUNGS PA'I PHYIR, LEGS LDAN 'BYED KYIS YOD PA'I GTAN TSIGS MIG SOGS DON DAM PAR BDAG LAS MI SKYE BAR SGRUB PA'I RANG RGYUD KYI GTAN TSIGS SU KHAS BLANGS PA LA, CHOS CAN MA GRUB PA'I SKYON DANG GTAN TSIGS MA GRUB PA'I SKYON 'JUG PA'I RGYU MTSAN YOD DE, DES GTAN TSIGS DANG SHES 'DOD CHOS CAN GNYIS BDEN MED DU KHAS BLANGS, RANG GI MTSAN NYID KYIS GRUB PA'I GTAN TSIGS DANG SHES 'DOD CHOS CAN RANG NYID LA MA 'KHRUL BA'I TSAD MA'I RNYED DON DU KHAS BLANGS PAS KHAS BLANGS NANG 'GAL BSTAN PA'I SGO NAS SKYON DE DAG 'JUG PA'I PHYIR, GSUM PA DE GZHAN LA GRAGS KYI GTAN TSIGS LA MTSUNGS PA SPANGS PA LA, KHO NA RE, YOD PA'I GTAN TSIGS RANG RGYUD KYI GTAN TSIGS YIN PA LA, CHOS CAN GZHI MA GRUB PA DANG, GTAN TSIGS GZHI MA GRUB PA'I SKYON BRJOD PA DE MI 'THAD PAR THAL, DE LTA BU'I SKYON BRJOD TSUL DE, GZHAN LA GRAGS KYI GTAN TSIGS LA YANG MTSUNGS PA'I PHYIR ZER NA, MI MTSUNGS TE, KHYOD KYIS RANG RGYUD KYI GTAN TSIGS SU 'GYUR BA LA CHOS CAN RGOL BA SNGA PHYI GNYIS KAS TSAD MAS GRUB TSUL MTHUN SNANG BAR KHAS BLANGS, NGED KYI GZHAN LA GRAGS KYI GTAN TSIGS SU 'GYUR BA LA DE LTAR KHAS MA BLANGS PA'I PHYIR, DER THAL, DE NYID LAS, DES NA SKYON 'DI DAG THAMS CAD MI RIGS PAR 'GYUR RO ZHE NA, BRJOD PAR BYA STE RANG GI RGYUD KYI RJES SU DPAG PA KHAS BLANGS PA DAG LA NYES PA DE NYID DU 'GYUR GYI KHO BO CAG NI RANG GI RGYUD KYI, ZHES GSUNGS PA'I @86B PHYIR; GZHAN SKYE 'GOG PA LA, GZHUNG SPYI'I BSDU BA BSHAD PA, GZHUNG DON LA MTHA' DPYAD PA GNYIS LAS, DANG PO LA, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR GYIS GZHAN SKYE 'GOG PAR BYED NA DE LTAR 'GOG PAR BYED PA'I TSUL DE GANG ZHE NA, DE LA GZHAN SKYE SPYIR BKAG PA DANG, SEMS TZAM PA'I LUGS BYE BRAG TU BKAG PA GNYIS LAS, DANG PO DE 'CHAD PA LA, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ZHES PA NAS, YOD CES DRANG DON NYID DU BSTAN PA YIN, ZHES PA'I BAR GSUNGS, GNYIS PA DE 'CHAD PA LA; GZUNG BA MED PAR 'DZIN PA MA MTHONG ZHING, ,ZHES PA NAS STONG NYID DON CAN NGES DON SHES PAR GYIS, ,ZHES PA'I BAR GSUNGS, DANG PO LA, DNGOS DANG, DE LA RTZOD PA SPONG BA GNYIS LAS, DANG PO DE 'CHAD PAR BYED PA LA, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,ZHES PA NAS, GNYIS GNYIS LA STE CI BYA GNYIS DANG BRAL LA'ANG DES CI BYA, ,ZHES PA'I BAR GSUNGS, GNYIS PA DE 'CHAD PA LA, GANG GI RANG LTA LA GNAS, ,ZHES PA NAS, YOD CES DRANG DON NYID DU BSTAN PA YIN, ,ZHES PA'I BAR GSUNGS, DANG PO LA, GZHAN SKYE SPYIR BKAG PA, BYE BRAG TU BKAG PA DANG, 'BRAS BU LA MU BZHIR BRTAGS NAS BKAG PA GSUM LAS, DANG PO NI, RANG GI MTSAN NYID KYIS GRUB PA'I RGYU GZHAN LAS 'BRAS BU GZHAN SKYE BA LA HA CANG THAL BA'I 'GAL BRJOD KYI THAL 'GYUR GNYIS DNGOS SU BSTAN NAS, GZHAN GRAGS KYI GTAN TSIGS SHUGS LA BSTAN PA'I SGO NAS 'GOG PAR BYED PA LA, GZHAN LA BRTEN NAS, ZHES PA NAS, SKYED PAR BYED PA MA YIN MA LUS LA YANG GZHAN NYID MTSUNGS, ,ZHES PA'I BAR GSUNGS, KHO NA RE, DNGOS PO GANG GI RGYU DES RAB TU BYA BAR NUS PA DE 'BRAS BU DANG RGYU DE 'BRAS BU LAS RANG GI MTSAN NYID KYIS GRUB PA'I GZHAN YIN KYANG, 'BRAS BU DE SKYE BAR BYED PA RGYUR 'JOG CING, SA LU'I SA BON DE SA LU'I MYU GU SKYED PAR BYED, SKYED PAR NUS, RGYUD GCIG TU RTOGS, SKAD CIG SNGA MA'I DUS SU GRUB PAS SA LU'I MYU GU LA BLTOS TE KHYAD CHOS BZHI DANG LDAN NAS MYUG LA BLTOS TE KHYAD CHOS BZHI DANG MI LDAN PAS, RGYU YIN MIN THAMS CAD LAS 'BRAS BU YIN MIN THAMS CAD SKYE BA'I SKYON MED DO, ,ZER NA, 'O NA NAS DANG PADMA'I GE SAR DANG KENG SHU KA'I ME TOG @87A *, ,RNAMS SA LU'I MYU GU LA BLTOS TE, KHYAD CHOS BZHI DANG MI LDAN PA DE BZHIN DU SA LU'I SA BON DE YANG SA LU'I MYU GU LA BLTOS TE KHYAD CHOS BZHI DANG MI LDAN PAR THAL, DE RNAMS SA LU'I MYU GU LA BLTOS TE 'BREL MED DON GZHAN YIN PAR MTSUNGS PA'I PHYIR, DER THAL, DE RNAMS RANG GI MTSAN NYID KYIS GRUB PA'I GZHAN YIN PAR MTSUNGS PA'I PHYIR, ZHES 'GOG PAR BYED PA LA, RAB TU BYA BAR NUS PA DE PHYIR 'BRAS BUR NGES BRJOD CING, ,ZHES PA NAS, SA LU'I SA BON YANG NI DE YI MIN TE GZHAN NYID PHYIR, ,ZHES PA'I BAR GSUNGS, ` GNYIS PA BYE BRAG TU 'GOG PA LA, RGYU 'BRAS SNGA PHYI BA LA GZHAN SKYE BKAG PA DANG, RGYU 'BRAS DUS MNYAM PA LA GZHAN SKYE BKAG PA GNYIS LAS, DANG PO LA, MYU GU DE RANG GI MTSAN NYID KYIS GRUB PA'I SA BON LAS MI SKYE STE, DE SKYE NA DE GNYIS RANG GI MTSAN NYID KYIS GRUB PA'I GZHAN YIN DGOS, DE YIN NA DUS THAMS CAD DU RANG GI MTSAN NYID KYIS GRUB PA'I GZHAN YIN DGOS DE LTAR NA DE GNYIS DUS MNYAM DGOS PA LAS DUS MI MNYAM PA'I PHYIR, ZHES 'GOG PAR BYED PA LA, MYU GU SA BON DANG NI DUS MNYAM YOD PA MA YIN TE, ZHES PA NAS, GZHAN LAS SKYE BA YIN ZHES BYA BA'I PHYOGS 'DI BTANG BAR BYOS, ZHES PA'I BAR GSUNGS, KHO NA RE, MYU GU SA BON DANG DUS MI MNYAM PA'I RGYU MTSAN GYIS, MYU GU RANG GI MTSAN NYID KYIS GRUB PA'I SA BON LAS MI SKYE BA DE MI RIGS PAR THAL, SRANG MDA'I 'GO MJUG GI BYA BA MTHO DMAN GNYIS DUS MNYAM PAS SRANG MDA'I 'GO MJUG DUS MNYAM PA DE BZHIN DU, MYU GU SKYE BA'I BYA BA DANG SA BON 'GAGS PA'I BYA BA GNYIS DUS MNYAM PAS BYED PA PO SA BON DANG MYU GU GNYIS DUS MNYAM PA'I PHYIR ZER NA, DPE DON MI MTSUNGS TE, SRANG MDA'I 'GO MJUG GI MTHO DMA' GNYIS DA LTA BA YIN PAS, SRANG MDA'I STENG DU DUS MNYAM PA DANG, SA MYUG GNYIS KYI SKYE 'GAG GI BYA BA GNYIS DUS MNYAM YANG SA MYUG GNYIS DUS MI MNYAM PA'I PHYIR, DER THAL, SA BON GYI DUS SU MYU GU SKYE BZHIN PA YIN PAS, DE'I DUS SU MYU GU MED SA BON GYI DUS SU SA BON 'GAG BZHIN PA YIN PAS DE'I DUS SU DE YOD PA'I PHYIR, ZHES NYES SPONG GI LAN DANG BCAS PA 'GOG PAR BYED PA LA, JI LTAR SRANG GIS [*GI] MDA' GNYIS MTHO BA DANG NI DMA' BA DAG ,CES PA NAS, DE TSE 'DI NI JI LTA BU @87B NA SRANG DANG MTSUNGS PA YIN, ,SKYE BA 'DI NI BYED PO MED PAR RIGS PA'I NGO BO'ANG MIN, ,ZHES PA'I BAR GSUNGS, GNYIS PA RGYU 'BRAS DUS MNYAM PA LA GZHAN SKYE DGAG PA LA, KHA CIG ,RGYU 'BRAS SNGA PHYI BA LA RANG GI MTSAN NYID KYIS GRUB PA'I GZHAN MED PAS GZHAN SKYE MED DU CHUG KYANG, RGYU 'BRAS DUS MNYAM PA LA RANG GI MTSAN NYID KYIS GRUB PA'I GZHAN YOD PAS GZHAN SKYE YOD PA YIN TE, MIG SHES DE RANG DANG DUS MNYAM PA'I RANG GI RGYU MIG DBANG TSOR BA 'DU SHES SOGS LAS SKYE BA'I PHYIR ZER NA, 'O NA, MIG SHES DE RANG DANG DUS MNYAM PA'I RANG GI RGYU MIG GI DBANG PO SOGS KYI DUS SU YOD DAM MED, YOD NA RGYU'I DUS SU GRUB ZIN SLAR YANG SKYE BA LA DGOS PA MED, DE'I DUS SU MED PA RANG BZHIN GYIS SKYE NA, RGYU 'BRAS SNGA PHYI BA LA GZHAN SKYE 'GOG BYED KYI RIGS PAS GNOD PA YIN NO ZHES 'CHAD PAR BYED PA LA, GAL TE MIG GI BLO LA RANG GI SKYE BYED DUS GCIG PA, ZHES PA NAS, CI STE DE MED CES NA 'DI LA NYES PA BSHAD ZIN TO, ,ZHES PA'I BAR GSUNGS, GSUM PA 'BRAS BU LA MU BZHIR BRTAGS NAS GZHAN SKYE 'GOG PAR BYED PA LA, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE NA RGYU DUS SU YOD PA'I 'BRAS BU SKYE 'AM, MED PAR SKYE 'AM, GNYIS KA LAS SKYE 'AM, GANG RUNG MA YIN PA LAS SKYE BA DAG LAS GANG YIN; DANG PO LTAR NA, RGYU DUS SU YOD PA SLAR YANG RGYUS SKYE BA LA DGOS PA MED PA'I PHYIR, GNYIS PA LTAR NA, RGYU DUS SU MED PA RANG BZHIN GYIS SKYE NA DE DUS RTAG TU MED DGOS TE, DE LTAR NA RI BONG GI RVA BZHIN DU RGYUS SKYE MI NUS PA'I PHYIR, GSUM PA LTAR NA MI RIGS TE, RE RE LAS SKYE BA BKAG ZIN PA'I PHYIR, BZHI PA LTAR NA MI RIGS TE, DE GNYIS GANG RUNG MA YIN PA RANG BZHIN GYIS SKYE NA DE RTAG TU MED DGOS, DE RTAG TU MED NA RGYUS SKYE MI NUS PA'I PHYIR, ZHES 'GOG PAR BYED PA LA, SKYED PAR BYED PA BSKYED BYA GZHAN SKYED PA DE RGYU YIN NA, ,ZHES PA NAS, GNYIS GNYIS LA DE CI BYA GNYIS DANG BRAL LA'ANG DES CI BYA, ,ZHES PA'I BAR GSUNGS, GNYIS PA RTZOD PA SPONG BA LA, RTZOD PA DANG LAN GNYIS, RTZOD PA LA, 'DIR GZHAN SKYE BKAG PA LA, DNGOS SMRA BA RNAMS NA RE, GZHAN SKYE 'GOG NA, SA BON LAS MYU GU SKYE BA MTHONG BA'I MNGON SUM GYIS GNOD PAR 'GYUR TE, SA BON LAS MYU GU SKYE BA 'JIG RTEN PA RNAMS KYI MNGON SUM GYIS MTHONG 'JIG RTEN PA RNAMS @88A *, ,MNGON SUM GYIS MTHONG BA RGYU MTSAN DU BYAS NAS SKYE 'JIG SOGS KYI THA SNYAD LA 'JUG PA SHIN TU STOBS DANG LDAN PAS MNGON SUM LAS GZHAN SKYE GRUB PA'I THABS GZHAN MI DGOS PA'I PHYIR ZHES RTZOD PA DE 'GOD PA LA, GANG GI RANG LTA LA GNAS, ZHES PA NAS, RIGS PA CI ZHIG DGOS, ZHES PA'I BAR GSUNGS, LAN BSHAD PA LA, DE LTA BU'I RTZOD PA DE MYU GU SKYE NA RANG BZHIN GYIS SKYE BA DANG, RANG BZHIN GYIS MI SKYE NA MI SKYE BAR 'DOD PAS, BDEN GNYIS GZHI GCIG GI STENG DU 'DU MI RUNG GI RTZOD PA YIN ZHING, RTZOD PA DE SPONG BA LA, YUL BDEN PA GNYIS DANG, YUL CAN TSAD MA GNYIS KYI RNAM GZHAG BSTAN DGOS PAS, DE LA GZHAN SKYE BKAG PA LA, 'JIG RTEN PAS MI GNOD PAR BSTAN PA DANG, MI GNOD PA TZAM DU MA ZAD YON TAN 'BYUNG BAR BSTAN PA GNYIS, DANG PO DE 'CHAD PA LA, DNGOS KUN YANG DAG ,CES PA NAS, GZHAN LAS SKYE BA 'JIG RTEN LAS KYANG MED, ,CES PA YAN CHAD KYI GZHUNG RNAMS GSUNGS, GNYIS PA DE 'CHAD PA LA, GANG PHYIR MYU GU SA BON LAS GZHAN MIN, ,ZHES PA MAN CHAD KYI GZHUNG GSUNGS, DANG PO LA DE KHO NA NYID LA DPYOD PA'I SKABS SU GZHAN SKYE BKAG PA LA, 'JIG RTEN PAS MI GNOD PAR BSTAN PA DANG, THA SNYAD DPYOD PA'I SKABS SU GZHAN SKYE BKAG PA LA, 'JIG RTEN PAS MI GNOD PAR BSTAN PA DANG GNYIS LAS, DANG PO LA MI GNOD PA'I RGYU MTSAN BSHAD PA DANG, GNOD PAR 'DOD PA LA GNOD BYED BSTAN PA DANG GNYIS LAS, DANG PO LA, BDEN GNYIS KYI RNAM GZHAG SPYIR BSTAN PA DANG, SKABS KYI DON LA SBYAR BA DANG, BDEN GNYIS SO SO'I MTSAN GZHI NGOS BZUNG BA DANG GSUM LAS, DANG PO LA SNGAR GYI RTZOD PA DE LTA BU 'BYUNG BA NI, YUL BDEN GNYIS DANG YUL CAN TSAD MA GNYIS KYI RNAM GZHAG GTAN LA MA PHEBS PA'I RTZOD PA YIN PAS, DE 'GOG PA LA YUL BDEN GNYIS DANG YUL CAN TSAD MA GNYIS KYI RNAM GZHAG BSTAN DGOS, DE YANG GZHAN SKYE 'GOG PA'I [*PA DE] 'BRAS BU RANG BZHIN GYIS SKYE BA 'GOG PA'I SKABS YIN ZHING 'BRAS BU RANG BZHIN GYIS MI SKYE BA DE MTHAR THUG GI TSAD MA'I RNYED DON YIN LA, MYU GU SA BON LAS SKYE BA MTHONG BA'I TSAD MA DE, THA SNYAD PA'I TSAD MA YIN PAS THA SNYAD KYI TSAD MAS MTHAR THUG GI TSAD MA'I RNYED DON LA MI GNOD PA DPE DANG BCAS PA'I SGO NAS @88B BSHAD DGOS SHING, DE LA BDEN GNYIS KYI RNAM GZHAG SPYIR BSTAN PA LA, PHYI NANG GI DNGOS PO RNAMS KYI RANG RANG GI DON DAM PA'I NGO BO DANG KUN RDZOB PA'I NGO BO GNYIS GNYIS 'DZIN PAS, YUL YANG DAG PA MTHONG BA'I TSAD MA'I RNYED DON DON DAM PA'I NGO BO DANG, YUL BRDZUN PA MTHONG BA'I TSAD MA'I RNYED DON KUN RDZOB BDEN PA'I NGO BO YIN PA DANG, SHES BYA LA YANG LOG GNYIS KYI DBYE BA BYED PA DANG, LOG PA LA YANG LOG GNYIS KYI DBYE BA MI BYED KYANG, 'JIG RTEN SHES NGO LA BLTOS PA'I YANG LOG GNYIS KYI DBYE BA BYED DE, 'PHRAL GYIS [*GYI] 'KHRUL RGYUS BSLAD PA'I SHES PA YUL DANG BCAS PA DE LA BLTOS PA'I YUL YUL CAN LOG PA DANG, 'PHRAL GYI 'KHRUL RGYUS MA BSLAD PA'I SHES PA YUL DANG BCAS PA DE LA BLTOS PA'I YUL YUL CAN YANG DAG DANG, DE KHO NA NYID RTOGS PA LA MA BLTOS PAR LOG SHES SU 'GRUB NUS PA'I PHYI ROL PA'I RGYUD KYI SPYI GTZO BO YOD PAR 'DZIN PA'I SHES PA LTA BU YUL CAN LOG PA'I MTSAN GZHI SOGS SU RIM PA BZHIN DU 'CHAD PAR BYED PA LA, DNGOS KUN YANG DAG BRDZUN PA MTHONG BA YIS, ,ZHES PA NAS, DE DAG 'JIG RTEN LAS KYANG YOD MA YIN, ,ZHES PA'I BAR GSUNGS, GNYIS PA SKABS KYI DON LA SBYAR BA LA, RAB RIB CAN GYI MIG SHES KYIS BSE RU'I NANG DU SKRA SHAD MTHONG BAS RAB RIB MED PA'I MIG SHES KYIS BSE RU'I NANG DU SKRA SHAD MA MTHONG BA LA MI GNOD PA DE BZHIN DU ZAG PA MED PA'I YE SHES SPANGS SHING RGYU 'BRAS RANG GI MTSAN NYID KYIS GRUB PAR SNANG BA'I THA SNYAD PA'I TSAD MAS, RGYU 'BRAS BDEN MED DU RTOGS PA'I TSAD MA'I YUL LA MI GNOD DO ZHES SKABS DON LA SBYAR NAS 'CHAD PAR BYED PA LA, MIG NI RAB RIB CAN GYI DMIGS PA YI, ,ZHES PA NAS, DRI MED BLO LA GNOD PA YOD MA YIN, ,ZHES PA'I BAR GSUNGS, GSUM PA DE DAG GI MTSAN GZHI NGOS BZUNG BA LA, GTI MUG BDEN 'DZIN DE DE KHO NA NYID MTHONG BA LA SGRIB BYED KYI KUN RDZOB YIN ZHING, DE'I NGOR GZUGS SOGS BDEN PA DANG, GZUGS SGRA SOGS RANG BZHIN GYIS MA GRUB KYANG, BDEN 'DZIN DES RANG BZHIN GYIS GRUB PAR SNANG BAR BCOS PA'I BCOS MA'I KUN RDZOB BDEN PA DANG, DE NYAN RANG DGRA BCOM DANG DAG SA LA GNAS PA'I BYANG CHUB SEMS DPA' RNAMS LA BDEN PA MA YIN ZHING KUN RDZOB TZAM YIN PA DANG, RAB RIB CAN GYI MIG SHES LA BSE RU'I NANG DU SKRA SHAD SNANG BA SKRA SHAD KYI YIN TSUL MA YIN ZHING, RAB RIB MED PA'I MIG SHES @89A *, ,KYIS BSE RU'I NANG DU SKRA SHAD MA MTHONG BA DE SKRA SHAD KYI YIN TSUL YIN PA DE BZHIN DU, GZUGS SGRA SOGS RANG BZHIN GYIS GRUB PAR SNANG BA'I THA SNYAD PA'I TSAD MA'I GZIGS NGOR GZUGS SGRA SNANG BA DE DON DAM BDEN PA'I MTSAN GZHI MA YIN ZHING, DE BDEN MED DU MNGON SUM DU RTOGS PA'I YE SHES KYI GZIGS NGOR DE MED PA DE DON DAM BDEN PA'I MTSAN GZHI YIN NO ZHES MTSAN GZHI RIM PA BZHIN DU 'CHAD PA LA, GTI MUG RANG BZHIN SGRIB PHYIR KUN RDZOB STE, ,ZHES PA NAS, MTHONG DE DE NYID DE BZHIN 'DIR SHES KYI, ,ZHES PA'I BAR GSUNGS, GNYIS PA GNOD PAR 'DOD PA LA GNOD BYED BSTAN PA LA; DE KHO NA NYID LA DPYOD PA'I SKABS SU GZHAN SKYE BKAG PA LA, SA BON LAS MYU GU SKYE BA MTHONG BA'I 'JIG RTEN PA'I MNGON SUM GYIS MI GNOD DE, DE'I SKABS SU DE RNAM PA THAMS CAD DU TSAD MAR MI MTSUNGS PA'I PHYIR, GAL TE TSAD MA YIN NA, DE KHO NA NYID MNGON SUM DU RTOGS PA'I TSUR MTHONG YOD PAR 'GYUR BAS; DE KHO NA NYID MNGON SUM DU RTOGS PA'I CHED DU 'PHAGS LAM BSKYED PA DON MED DU 'GYUR RO ZHES 'CHAD PA LA, GAL TE 'JIG RTEN TSAD MA YIN NA NI, ,ZHES PA NAS, DE NYID SKABS SU 'JIG RTEN GNOD PA MED, ,CES PA'I BAR GSUNGS, DE KHO NA NYID LA DPYOD PA'I SKABS SU YUL GANG BKAG KYANG 'JIG RTEN GYIS GNOD PA MA YIN NAM ZHE NA, DE YANG MA YIN TE, BUM PA RDZAS YIN PA DANG, MYU GU SKYE BA BKAG NA 'JIG RTEN GYIS GNOD DO ZHES 'CHAD PA LA, 'JIG RTEN DON NI 'JIG RTEN GRAGS NYID KYI, ,GAL TE SEL NA 'JIG RTEN GYIS GNOD 'GYUR, ,ZHES PA'I GZHUNG GSUNGS, GNYIS PA THA SNYAD LA DPYOD PA'I SKABS SU; GZHAN SKYE BKAG PA LA 'JIG RTEN PAS MI GNOD PAR BSTAN PA LA, 'JIG RTEN THA SNYAD DU GZHAN SKYE YOD DU CHUG KYANG, DE KHO NA NYID LA DPYOD PA'I SKABS SU 'JIG RTEN GYI MNGON SUM GYIS MI GNOD PAR MA ZAD, 'JIG RTEN PA'I BLO LHAN SKYES LA RGYU 'BRAS RANG GI MTSAN NYID KYIS GRUB PA'I GZHAN DU 'DZIN PA DANG, RANG GI MTSAN NYID KYIS GRUB PA'I SO SO BAR 'DZIN PA MED PAS, 'JIG RTEN PA RNAMS KYIS SHING GI SA BON BTZUGS NAS PHYIS SDONG POR SKYES PA NA BDAG GI SHING SDONG 'DI SKYES SO ZHES PA'I THA SNYAD TZAM ZHIG BYED CING, GZHAN SKYE'I THA SNYAD MI BYED PAS GZHAN SKYE BKAG PA LA 'JIG RTEN GYI THA SNYAD KYIS MI GNOD DO @89B ZHES 'CHAD PA LA, GANG PHYIR 'JIG RTEN SA BON TZAM BTAB NAS, ,ZHES PA NAS, GZHAN LAS SKYE BA 'JIG RTEN LAS KYANG MED, ,CES PA'I BAR GSUNGS, GNYIS PA GZHUNG DON SO SOR BSHAD PA LA, GZHAN LA BRTEN NAS, ZHES SOGS KYI SKABS SU MTHA' DPYAD PA LA, GZHAN SKYE 'DOD PA'I PHYOGS SNGA MA BRJOD PA DANG, DE DGAG PA GNYIS LAS, DANG PO NI, RANG SDE DNGOS POR SMRA BA RNAMS NA RE, BDAG LAS SKYE BA SNGAR GYI RIGS PA DE DAG GIS KHEGS PAS BDAG LAS SKYE BA MED, DE MED PAS GNYIS KA LAS SKYE BA MED CING RGYU MED LAS SKYE BA SHIN TU MTHA' CHAD PAS MED KYANG, GZHAN DAG LAS LTA GA LA ZHIG ,CES GZHAN SKYE 'GOG PA MI RIGS PAR THAL, DE LA LUNG DANG 'GAL, MNGON SUM DANG YANG 'GAL BA'I PHYIR, LUNG DANG 'GAL TE, DNGOS PO RNAMS RANG GI MTSAN NYID KYIS GRUB PA'I GZHAN DU GYUR PA'I RKYEN BZHI PO GANG RUNG LAS SKYE BA'I PHYIR, DER THAL, MDO LAS, GZHAN DU GYUR PA'I RKYEN BZHI PO DNGOS PO RNAMS SKYED PAR BYED PA'I RGYU YIN NO, ,ZHES GSUNGS PA'I PHYIR; BYE BRAG TU SMRA BA RNAMS, DNGOS PO RNAMS RANG GI MTSAN NYID KYIS GRUB PA'I RKYEN BZHI PO CI RIGS LAS SKYE ZHING RGYU 'BRAS DU MNYAM YOD PAR 'DOD PA DANG, RGYU DRUG GI NANG NAS BYED RGYU MA GTOGS PA'I GZHAN LNGA PO DE RGYU'I RKYEN DANG, CHOS THAMS CAD DMIGS RKYEN DANG, LHAG MED MYANG 'DAS LA 'JUG KHA MA'I SEMS SEMS BYUNG RNAMS MA GTOGS PA DE MA THAG RKYEN DANG, BYED RGYU BDAG RKYEN DU 'DOD DE, MDZOD LAS, RGYU ZHES BYA BA RGYU LNGA YIN, ,ZHES DANG, DMIGS PA CHOS RNAMS THAMS CAD DO, ,ZHES PA DANG, SEMS DANG SEMS BYUNG SKYES PA RNAMS, ,THA MA MI MTSUNGS DE MA THAG ,BYED RGYU ZHES BYA BDAG POR BSHAD, ,CES GSUNGS SO; ;RGYU DRUG TU 'DOD PA YIN TE, DE NYID LAS, BYED RGYU LHAN CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN TU 'GRO DANG RNAM SMIN TE, ,RGYU NI RNAM PA DRUG TU 'DOD, ,CES GSUNGS PA'I PHYIR, RKYEN BZHI PO DE BSDU NA GSUM DU 'DU STE, BDAG RKYEN RGYU GNYIS YOD PA'I RKYEN DANG, DE MA THAG RKYEN MED PA'I RKYEN DANG, DMIGS RKYEN MDUN NA GNAS PA'I RKYEN DANG, MYU GU LTA BU'I GZUGS CAN GYI DNGOS PO RNAMS LA DE MA THAG RKYEN YOD PAR 'DOD PA'I PHYIR, RANG RGYUD PA NAS MDO SDE PA'I BAR GZHAN SKYE 'DOD PA'I TSUL YOD DE, 'BRAS BU RNAMS RANG LAS GZHAN PA'I RGYU LAS SKYE BA TZAM MA YIN PAR RANG GI MTSAN NYID KYIS GRUB PA'I RGYU @90A *, ,GZHAN LAS SKYE BAR 'DOD PA'I PHYIR, GNYIS PA DE DGAG PA LA LUNG GIS DGAG PA DANG, RIGS PAS DGAG PA GNYIS LAS, DANG PO LA, DE LTA BU'I GZHAN SKYE DE MED PAR THAL, SA LU LJANG BA'I MDO LAS, SA BON GYIS RGYU LAS BYUNG BA'I MYU GU DE YANG ZHES SOGS GSUNGS PA'I PHYIR, GNYIS PA RIGS PAS DGAG PA LA, HA CANG THAL PA'I RIGS PAS DGAG PA DANG, HA CANG THAL BA'I RIGS PAS GNOD PA'I RGYU MTSAN BSHAD PA DANG, DE LA RTZOD PA SPONG BA GSUM, DANG PO LA, RANG GI MTSAN NYID KYIS GRUB PA'I RGYU GZHAN LAS, RANG GI MTSAN NYID KYIS GRUB PA'I 'BRAS BU GZHAN SKYE NA, RGYU YIN MIN THAMS CAD LAS 'BRAS BU YIN MIN THAMS CAD SKYE BAR THAL, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA'I PHYIR, ZHES PA DANG, ME LCE LAS MUN PA STUG PO 'BYUNG BAR THAL, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA'I PHYIR, ZHES PA'I THAL 'GYUR GNYIS PO BZLOG DON TSUL GSUM 'PHEN PAR BYED PA'I THAL 'GYUR YIN TE, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN MI SKYE STE, RGYU YIN MIN THAMS CAD LAS 'BRAS BU YIN MIN THAMS CAD MI SKYE BA'I PHYIR, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN MI SKYE STE, ME LCE LAS MUN PA STUG PO MI 'BYUNG BA'I PHYIR, ZHES PA'I SBYOR BA GNYIS 'PHANGS NAS BSTAN PA'I PHYIR, GNYIS PA HA CANG THAL BA'I RIGS PAS 'JUG PA'I TSUL LA KHA CIG ,GZHAN SKYE KHAS BLANGS PA LA, HA CANG THAL BA'I RIGS PAS GNOD PA'I RGYU MTSAN YOD DE, RGYU 'BRAS LA SNGA PHYI BAS KHYAB, GZHAN LA DUS MNYAM PAS KHYAB PAS, HA CANG THAL BA'I RIGS PA 'JUG PA'I PHYIR ZER NA, DE MI RIGS TE, KHYOD RANG GI LUGS LA YANG DE LTAR KHAS LEN DGOS PAS NYES PA DE NYID DU 'GYUR BA'I PHYIR, DER THAL, 'BRAS BU DE RGYU LAS GZHAN PA DANG, RGYU DE 'BRAS BU DE LAS GZHAN YIN PAR 'DOD PA'I PHYIR, ` RANG GI LUGS LA, GZHAN SKYE KHAS BLANGS PA LA, MTHUN RKYEN MA TSANG BA'I RGYU LAS 'BRAS BU SKYE BA DANG 'GAL RKYEN GYIS ZIN PA'I RGYU LAS 'BRAS BU SKYE BAR THAL BA'I RIGS PAS GNOD PA'I RGYU MTSAN YOD DE, 'DIR GZHAN SKYE @90B 'GOG PA NI 'BRAS BU RANG LAS GZHAN PA'I RGYU LAS SKYE BA TZAM 'GOG PA MA YIN ZHING RANG GI MTSAN NYID KYIS GRUB PA'I RGYU GZHAN LAS, RANG GI MTSAN NYID KYIS GRUB PA'I 'BRAS BU GZHAN SKYE BA 'GOG PA'I DBANG DU BYAS SHING, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE NA RANG GI MTSAN NYID KYIS GRUB PA'I GZHAN YIN DGOS, DE YIN NA DUS THAMS CAD DU RANG GI MTSAN NYID KYIS GRUB PA'I GZHAN YIN DGOS, DE YIN NA DUS MNYAM DU 'GYUR BA'I SKYON YOD PA'I PHYIR DANG, RANG GI MTSAN NYID KYIS GRUB PA'I GZHAN YIN NA, 'BREL MED DON GZHAN YIN DGOS, 'BREL MED DON GZHAN LA RGYU 'BRAS KYI RNAM GZHAG 'THAD NA, HA CANG THAL BAS RIGS PAS GNOD PA'I PHYIR, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA 'GOG PA YIN TE, TSIG GSAL LAS, RKYEN NYID 'DI PA TZAM GYIS KUN RDZOB GRUB PA KHAS LEN GYI PHYOGS BZHI KHAS BLANGS PA'I SGO NAS NI MA YIN TE, DNGOS PO RANG BZHIN DANG BCAS PA SMRA BA THAL BAR 'GYUR BA'I PHYIR DANG, DE YANG RIGS PA MA YIN PA'I PHYIR RO, ,ZHES SOGS GSUNGS PA'I PHYIR, ` GSUM PA RTZOD PA SPONG BA LA, DPAL LDAN ZLA BA'I 'GREL PA DANG 'GAL BA'I RTZOD PA SPONG BA DANG, GZHAN SKYE 'GOG BYED KYI SANGS RGYAS BSKYANGS KYI 'GREL PA DANG 'GAL BA'I RTZOD PA SPONG BA DANG GNYIS LAS, DANG PO LA, KHA CIG NA RE, THAL 'GYUR GNYIS PO DE BZLOG DON TSUL GSUM 'PHEN PA DE MI RIGS PAR THAL, TSIG GSAL LAS, THAL BAR 'GYUR BA BZLOG PA'I DON DANG YANG, ,ZHES SOGS GSUNGS PA'I PHYIR, ZHES ZER NA, SKYON MED DE, 'GREL PA DES THAL 'GYUR MTHA' DAG GI BZLOG DON KHAS MI LEN BAR BSTAN PA MA YIN GYI, BDAG SKYE 'GOG BYED KYI THAL 'GYUR GNYIS PO DE'I BZLOG DON KHAS BLANGS PA'I SGO NAS GRUB MTHA' DANG 'GAL BA'I SKYON MED PA DANG, KHAS LEN 'DOD MED KYANG BKOD PA TZAM GYI KHAS LEN MI DGOS PA DANG, KHAS LEN 'DOD NAS MA BKOD KYANG, THAL 'GYUR BKOD PA LA DGOS PA YOD PAR BSTAN PA'I PHYIR, PHYI MA LA GZHAN SKYE 'GOG BYED KYI SANGS RGYAS BSKYANGS KYI 'GREL PA NGOS BZUNG BA DANG, DE LA LEGS LDAN 'BYED KYIS SKYON BRJOD PA'I TSUL DANG, DPAL LDAN ZLA BAS SKYON DE SPONG BA'I TSUL DANG GSUM LAS, DANG PO NI, TSIG GSAL LAS, SLOB DPON SANGS RGYAS BSKYANGS NI DNGOS PO RNAMS GZHAN LAS SKYE BA MED DE THAMS CAD LAS @91A *, ,THAMS CAD SKYE BAR 'GYUR BA'I PHYIR, ZHES 'CHAD PAR BYED DO, ,ZHES PA'I 'GREL PA DE YIN LA, GNYIS PA DE LA LEGS LDAN 'BYED KYIS SKYON BRJOD PA LA, GZHAN SKYE 'GOG PA DE GZHAN SKYE KUN RDZOB TU GRUB PA 'GOG GAM, DON DAM DU 'GOG ,DANG PO LTAR NA MI RIGS TE, SANGS RGYAS BSKYANGS KYIS GZHAN SKYE KUN RDZOB TU KHAS BLANGS PA'I PHYIR, DER THAL, MYU GU RANG LAS GZHAN PA'I SA BON LAS SKYE BAR 'DOD PA'I PHYIR, GNYIS PA LTAR NA MI RIGS TE, DON DAM PAR GZHAN SKYE 'GOG NUS KYI GTAN TSIGS DNGOS SU MA BSTAN PA'I PHYIR, MA GRUB NA DER THAL, DNGOS ZIN LTAR NA, THAMS CAD LAS THAMS CAD SKYE BA RTAGS SU 'GOD DGOS PA LAS DE MI RIGS PAS NA DNGOS ZIN GYI RTAGS KYI BZLOG DON 'GA' ZHIG LAS 'GA' ZHIG SKYE BA RTAGS SU 'GOD PAR MNGON, DE 'GOD NA DNGOS ZIN GYI RTAGS BZLOG NA DNGOS ZIN GYI DAM BCA' BZLOG DGOS PAR MTSUNGS PAS, DON DAM PAR GZHAN SKYE BKAG TZAM LAS GZHAN PA'I SKYE BA ZHIG BSGRUB DGOS, DE SGRUB NA DNGOS PO RNAMS BDAG GAM GNYIS SAM RGYU MED PA GANG RUNG LAS SKYE BA 'PHEN DGOS, DE 'PHEN NA DON DAM PAR GZHAN SKYE MED PAR DAM BCA' BA'I DAM BCA'I BZHED DON MED DGAG TU KHAS BLANGS PA'I DBU MA PA'I GRUB MTHA' DANG 'GAL BA'I SKYON BRJOD MDZAD PA'I PHYIR, DER THAL, TSIG GSAL LAS, 'DI LA SLOB DPON LEGS LDAN 'BYED NI, DES NA DE LA THAL BAR 'GYUR BA'I NGAG YIN PA'I PHYIR BSGRUB PAR BYA BA DANG, SGRUB PAR BYED PA BZLOG PAR BYAS NAS DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG 'GA' ZHIG LAS 'GA' ZHIG SKYE BAR 'GYUR BA'I PHYIR GONG MA'I PHYOGS DANG 'GAL BAR 'GYUR RO, ,GZHAN DU NA YANG THAMS CAD LAS THAMS CAD SKYE BAR 'GYUR BA'I PHYIR RO, ,DE BAS NA DE LA SGRUB PA DANG SUN 'BYIN PA NYID MED PA'I PHYIR, DE NI DON 'BREL PA MED PA YIN TE, ZHES SUN 'BYIN SMRAS SO, ,ZHES GSUNGS PA'I PHYIR, ` GSUM PA DPAL LDAN ZLA BAS SKYON DE SPONG BA'I TSUL LA SANGS RGYAS BSKYANGS KYI 'GREL PA 'DIS, GZHAN SKYE 'GOG PAR BYED PA'I GTAN TSIGS YANG DAG DNGOS SU MA BSTAN BA'I SGO NAS SKYON MED DE, THAL 'GYUR GNYIS LA BRTEN NAS RJES DPAG SKYE BA DANG, SNGAR BDAG SKYE BKAG PA LA SKYON SPONG BYAS PA'I SKABS SU BSHAD ZIN PA'I PHYIR DANG, @91B 'GREL PA 'DIS BDAG SKYE 'GOG PAR BYED PA'I THAL 'GYUR GNYIS DNGOS SU BSTAN NAS, SHUGS LA GZHAN SKYE 'GOG PAR BYED PA'I GZHAN LA GRAGS KYI GTAN TSIGS BSTAN PA'I PHYIR, TSIG GSAL LAS, 'DI YANG DON 'BREL PA MED PA YIN TE, GONG KHO NAR BSHAD ZIN PA'I PHYIR DANG, GZHAN GYI DAM BCA'I DON SUN 'BYIN PAR BYA BA DANG SUN 'BYIN PAR BYED PA NYID KYANG YIN PA'I PHYIR, 'DI NI GYI NA'O, ,ZHES GSUNGS PA'I PHYIR, RGYU 'BRAS RANG GI MTSAN NYID KYIS GRUB PA'I GZHAN DU MA GRUB PA DANG, RGYU 'BRAS RANG GI MTSAN NYID KYIS GRUB PA'I SO SO BAR MA GRUB PAR GTAN LA 'BEBS PA DE, DE KHO NA NYID LA DPYOD PA'I SKABS YIN KYANG, RGYU 'BRAS RANG GI MTSAN NYID KYIS GZHAN DU MA GRUB PA DE, DE KHO NA NYID DANG, DE LTAR GRUB PAR 'DZIN PA DE CHOS KYI BDAG 'DZIN MA YIN TE, BDAG DANG GZHAN LAS MI SKYE BA GNYIS KYI RTAGS LA BRTEN NAS, RGYU 'BRAS RANG GI MTSAN NYID KYIS MA GRUB PA DE SGRUB PAR BYED PA'I PHYIR, RGYU 'BRAS GZHAN DU RANG GI MTSAN NYID KYIS MA GRUB PA DE KHO NA NYID DANG, DE RANG GI MTSAN NYID KYIS GRUB PA'I [*PAR] 'DZIN PA DE BDEN 'DZIN PHRA MO YIN TE, RGYU 'BRAS GNYIS THA SNYAD DU GZHAN YIN PA DANG MYU GU SA BON GZHAN LAS SKYE BA RANG GI MTSAN NYID KYIS MA GRUB PA MYU GU'I GNAS LUGS YIN PA'I PHYIR, ` DNGOS KUN YANG DAG BRDZUN PA MTHONG BA YIS, ,ZHES SOGS KYI SKABS SU MTHA' DPYAD PA LA DBU MA THAL RANG GNYIS PO DE, BDEN PA GNYIS PO DE'I MTSAN NYID, DBYE GZHI SOGS PHAL CHER MTHUN KYANG, MTSAN GZHI MI MTHUN PA DANG, KUN RDZOB BDEN PA LA YANG LOG GNYIS KYIS DBYE BA BYED MI BYED KYI KHYAD PAR YOD DE, RANG RGYUD PAS GZUGS SOGS BLO GNOD MED LA SNANG BA'I DBANG GIS BZHAG TZAM MA YIN PAR YUL RANG GI BSDOD LUGS KYI NGOS NAS MA GRUB PA DE DON DAM BDEN PA'I MTSAN GZHI YIN PA DANG, BLO GNOD MED LA SNANG BA'I DBANG GIS BZHAG TZAM DE KUN RDZOB BDEN PA'I MTSAN GZHIR 'DOD, THAL 'GYUR BAS GZUGS SOGS RANG NGOS NAS MA GRUB PA DON DAM BDEN PA'I MTSAN GZHI DANG, MING BRDAS BZHAG TZAM DU GRUB PA DE KUN RDZOB BDEN PA'I MTSAN GZHIR 'DOD PA'I PHYIR, DE GNYIS KYIS KUN RDZOB BDEN PA LA YANG LOG GNYIS KYI DBYE BA BYED MI BYED KYI KHYAD PAR YOD DE, DBU MA RANG RGYUD PAS KUN RDZOB BDEN PA LA YANG LOG GNYIS KYI DBYE BA BYED CING, THAL 'GYUR BAS SHES BYA LA YANG LOG GNYIS KYI DBYE BA BYED KYANG @92A *, ,KUN RDZOB LA YANG LOG GNYIS KYI DBYE BA MI BYED PA'I PHYIR, DE LTAR MI BYED KYANG 'JIG RTEN GYI SHES NGO LA BLTOS NAS YANG LOG GNYIS KYI DBYE BA BYED DE, 'PHRAL GYI 'KHRUL RGYUS BSLAD PA'I DBANG PO'I SHES PA YUL DANG BCAS PA 'JIG RTEN NYID LA BLTOS PA'I YUL YUL CAN LOG PA DANG; 'PHRAL GYI 'KHRUL RGYUS MA BSLAD PA'I SHES PA YUL DANG BCAS PA RNAMS 'JIG RTEN SHES NGO LA BLTOS PA'I YUL YUL CAN YANG DAG YIN PA'I PHYIR, DBANG SHES BSLAD BYED KYI 'PHRAL GYI 'KHRUL RGYU DE LA YANG, NANG NA YOD PA DANG, PHYI NA YOD PA GNYIS YOD PAS RAB RIB DANG, MIG SER DANG, DA DU RA ZOS PA SOGS NANG NA YOD PA DANG, CHU DANG TIL MAR DANG BRAG PHUG GI SGRA DANG, DPYID DUS KYI NYI MA'I 'OD ZER BYE MA SKYA BO'I YUL DANG NYE BA RNAMS RKYEN PHYI NA YOD PA YIN PA'I PHYIR, DANG PO DER THAL, DE RNAMS LA BRTEN NAS BSE RU'I NANG DU SKRA SHAD 'DZAG SNANG GI DBANG SHES DANG, DUNG DKAR SER 'DZIN GYI DBANG SHES DANG, GZUGS BRNYAN BYAD BZHIN DU 'DZIN PA'I DBANG SHES DANG, SMIG RGYU LA CHU 'DZIN GYI DBANG SHES RNAMS SKYE BA'I PHYIR, YID SHES SLAD BYED KYI 'PHRAL GYI 'KHRUL RGYU LA YANG DU MA YOD DE, SNGAR BSHAD PA DE DAG THAMS CAD DANG, GNYID DANG GRUB MTHA' NGAN PA DANG, GTAN TSIGS LTAR SNANG SOGS YIN PA'I PHYIR, DER THAL, DE RNAMS LA BRTEN NAS BSE RU'I NANG DU SKRA SHAD 'DZAG PAR 'DZIN PA'I RTOG PA DANG, DUNG DKAR SER 'DZIN GYI RTOG PA DANG SMIG RGYU CHU 'DZIN GYI RTOG PA DANG, RMI LAM DU MI YOD PAR 'DZIN PA'I RTOG PA DANG, SGRA RTAG 'DZIN RTOG PA DANG, SPYI GTZO BO YOD PAR 'DZIN PA'I RTOG PA RNAMS SKYE BA'I PHYIR, NANG GI 'KHRUL RGYU DE LA YUL LA YOD PA DANG, RTEN LA YOD PA DANG, DE MA THAG RKYEN LA YOD PA DANG, BDAG RKYEN LA YOD PA DU MA YOD DE, SMIG RGYU LA CHU 'DZIN GYI DBANG SHES SKYES PA NI, RKYEN YUL LA YOD PA DANG, GRU NANG DU ZHUGS NAS LJON SHING 'GRO SNANG GI DBANG SHES SKYES PA NI RTEN LA YOD PA DANG, SA GZHI DMAR SNANG GI DBANG SHES SKYES PA NI DE MA THAG RKYEN LA YOD PA DANG, BSE RU'I NANG DU SKRA SHAD 'DZAG SNANG GI DBANG SHES SKYES PA NI 'KHRUL RGYU BDAG RKYEN LA YOD PA YIN PA'I PHYIR, 'PHRAL GYI 'PHRUL RGYUS BSLAD PA'I SHES PA YUL DANG BCAS PA RNAMS 'JIG RTEN SHES NGO LA BLTOS PA'I YUL YUL CAN LOG PA YIN TE, STONG NYID RTOGS PA LA MA BLTOS PAR 'JIG RTEN RANG KHA BA RNAMS KYIS SNANG BA DE @92B SNANG BA LTAR DU MA GRUB PAR RTOGS NUS PA'I PHYIR, BYAD BZHIN DANG DE 'DZIN PA'I SHES PA 'JIG RTEN SHES NGO LA BLTOS PA'I YANG DAG YIN TE, DE RNAMS STONG NYID RTOGS PA LA MA BLTOS PAR SNANG BA DE SNANG BA LTAR DU MA GRUB PAR 'JIG RTEN RANG KHA BA RNAMS KYIS RTOGS MI NUS PA'I PHYIR, 'PHRAL GYI 'KHRUL RGYUS BSLAD PA'I SHES PA YIN NA; STONG NYID RTOGS PA LA MA BLTOS PAR 'JIG RTEN RANG KHA BAS 'KHRUL SHES SU RTOGS NUS PA DANG, ZHEN YUL MED PAR RTOGS NUS PAS MA KHYAB STE, GRUB MTHA' NGAN PAS BSLAD PA'I BDAG 'DZIN KUN BTAGS GNYIS PO DE STONG NYID RTOGS PA LA MA BLTOS PAR 'JIG RTEN RANG KHA BA RNAMS KYIS LOG SHES DANG, ZHEN YUL MED PAR RTOGS MI NUS PA'I PHYIR, DER THAL, DE'I ZHEN YUL MED PAR RTOGS PA STONG NYID RTOGS PA LA BLTOS PA'I PHYIR, DE'I ZHEN YUL MED PA STONG NYID YIN PA'I PHYIR, BDAG 'DZIN KUN BTAGS GNYIS MA GTOGS PA'I 'PHRAL GYI 'KHRUL RGYUS BSLAD PA'I SHES PA YIN NA, GRUB MTHAS BLO MA BSGYUR BA'I 'JIG RTEN PA RNAMS KYIS LOG SHES SU RTOGS NUS PAS MA KHYAB STE, GRUB MTHAS BLO MA BSGYUR BA'I 'JIG RTEN PA RNAMS KYIS SGRA RTAG 'DZIN RTOG PA KUN BTAGS LOG SHES SU RTOGS MI NUS PA'I PHYIR, DER THAL, DES SGRA MI RTAG PAR RTOGS MI NUS PA'I PHYIR, 'JIG RTEN SHES NGO LA BLTOS PA'I YUL CAN YANG DAG DANG LOG PA YIN NA, YOD PAS KHYAB KYANG, DE LA BLTOS PA'I YUL YANG DAG DANG LOG PA YIN NA, YOD PAS MA KHYAB STE, SGRA RTAG PA DANG, SPYI GTZO BO DE LA BLTOS PA'I YUL LOG PA DANG, BDAG GNYIS PO DE LA BLTOS PA'I YUL YANG DAG YIN PA'I PHYIR, 'PHRAL GYI 'KHRUL RGYUS BSLAD PA'I SHES PA YUL DANG BCAS PA DE LA BLTOS PA'I YUL YUL CAN LOG PA DANG, DES MA BSLAD PA'I SHES PA YUL DANG BCAS PA DE LA BLTOS PA'I YUL YUL CAN YANG DAG YIN PA'I PHYIR, 'JIG RTEN SHES NGO LA BLTOS PA'I YUL CAN YANG DAG DANG LOG PA YIN NA YOD PAS KHYAB STE, 'PHRAL GYI 'KHRUL RGYUS BSLAD PA'I SHES PA DANG, 'PHRAL GYI 'KHRUL RGYUS MA BSLAD PA'I SHES PA LA YOD PAS KHYAB PA'I PHYIR, THAL 'GYUR BAS KUN RDZOB LA YANG LOG GNYIS KYI DBYE BA MI BYED KYANG, 'JIG RTEN SHES NGO NYID LA BLTOS NAS KUN RDZOB LA YANG LOG GNYIS KYI DBYE BA BYED PA'I DON YANG, 'JIG RTEN SHES NGO NA KUN RDZOB LA YANG LOG GNYIS KYI DBYE BA BYAS PA LTAR DU KHAS MI LEN PA'I DON YIN GYI, 'JIG RTEN SHES NGO LA BLTOS NAS KUN RDZOB LA YANG LOG GNYIS KYI DBYE BA BYAS @93A *, ,PA'I RGYU MTSAN GYI, RANG LUGS LA KHAS MI LEN PA'I DON MA YIN TE, DE LTAR YIN NA BYA BYED DANG 'GRO 'ONG SOGS KYANG 'JIG RTEN GYI SHES NGO LA BLTOS NAS 'JOG PAS, RANG LUGS LA DE KHAS MI LEN PAR 'DOD DGOS PA'I SKYON YOD PA'I PHYIR, 'JIG RTEN SHES NGO NA KUN RDZOB LA YANG LOG GNYIS KYI DBYE BA BYED PA'I RGYU MTSAN YANG, BYAD BZHIN DE RANG NYID 'DZIN PA'I SHES PA LA BYAD BZHIN DU SNANG ZHING SNANG BA LTAR DU GRUB PA LA BSAMS NAS YANG DAG DANG, BYAD BZHIN GYI GZUGS BRNYAN DE DE 'DZIN PA'I SHES PA LA DER SNANG GI [*ZHING] SNANG BA LTAR DU MA GRUB PA LA BSAMS NAS DE LA LOG PA'I THA SNYAD BYED PA'I PHYIR, THA SNYAD TSAD MAS KUN RDZOB LA YANG LOG GNYIS KYI DBYE BA BYAS NAS RANG LUGS LA KHAS MI LEN PA'I DON MA YIN TE, DE LTAR YIN NA, TSAD MA'I RNYED DON DU GRUB NAS RANG LUGS LA KHAS MI LEN NA, GRUB MTHA'I RNAM GZHAG MI SHES PA'I SKYON YOD PA'I PHYIR, 'JIG RTEN NYID LA BLTOS PA'I KUN RDZOB LA YANG LOG GNYIS KYI DBYE BA BYED KYANG, DE LA BLTOS PA'I YANG DAG KUN RDZOB DANG LOG PA'I KUN RDZOB GNYIS KYI DBYE BA MI BYED DE, BYAD BZHIN DE RANG GI NGO BOR YANG DAG TU SONG BA'I BLO YIN NA, RANG NYID KYI NGO BOR KUN RDZOB TU SONG BA'I BLO MA YIN DGOS PA'I PHYIR, DE LOG PAR SONG BA'I BLO MA YIN DGOS PA'I PHYIR DANG, BYAD BZHIN DE BLO GANG LA BLTOS NAS YANG DAG TU 'JOG PA'I BLO YIN NA, DE GANG LA BLTOS NAS LOG PAR 'JOG PA'I BLO MA YIN MI DGOS PA HA CANG THAL BA'I PHYIR, ` RANG LUGS LA, KUN RDZOB LA YANG LOG GNYIS KYI DBYE BA MI BYED DE, KUN RDZOB BDEN PA LA SNANG BA LTAR GRUB PA'I KUN RDZOB BDEN PA DANG, SNANG BA LTAR MA GRUB PA'I KUN RDZOB BDEN PA GNYIS KYI RNAM GZHAG MI 'THAD PA'I PHYIR TE, DE YIN NA, SNANG TSUL GZHAN DU SNANG ZHING GNAS TSUL GZHAN DU GRUB PAS KHYAB PA'I PHYIR, DER THAL, DE YIN NA THA SNYAD DU BRDZUN PAR GRUB PAS KHYAB PA'I PHYIR, MA GRUB NA, THA SNYAD DU BDEN PAR GRUB PA'I KUN RDZOB BDEN PA YOD PAR THAL, MA GRUB PA DE'I PHYIR, GZHAN YANG, TSUR MTHONG GI RGYUD KYI GZUGS 'DZIN MNGON SUM LA, RANG GI SNANG YUL LA 'KHRUL MA 'KHRUL GNYIS YOD PAR THAL, DE LA YANG LOG GNYIS YOD PA'I PHYIR, 'DOD NA, GZUGS RANG GI MTSAN NYID KYIS GRUB PAR THAL, TSUR MTHONG GI GZUGS 'DZIN MNGON SUM DE LA, GZUGS MING BRDAS BZHAG TZAM MA YIN PAR, RANG GI BSDOD LUGS KYI NGOS @93B NAS GRUB PAR SNANG BA GANG ZHIG ,DE LA SNANG BA DE SNANG BA LTAR DU GRUB PA'I PHYIR, DER THAL, DE 'DRA'I SHES PA MA 'KHRUL BA YOD PA'I PHYIR, DER THAL, DE LA 'KHRUL MA 'KHRUL GNYIS YOD PA'I PHYIR, GZHAN YANG, TSUR MTHONG GI MNGON SUM DE LA 'KHRUL MA 'KHRUL GNYIS DANG, KUN RDZOB LA YANG LOG GNYIS KYI DBYE BA BYED PAR MI 'THAD PAR THAL, YANG LOG GNYIS SU BYAS PA'I YANG DAG YIN NA, PHYIN CI MA LOG PA YIN DGOS, TSUR MTHONG GI RGYUD KYI PHYIN CI MA LOG PA'I SHES PA YOD NA, DE SNANG YUL LA MA 'KHRUL BA'I SHES PA YIN DGOS, DE YIN NA RANG GI MTSAN NYID KYIS MA GRUB BZHIN DU RANG GI MTSAN NYID KYIS GRUB PAR KHAS LEN DGOS PA'I PHYIR, THAL RANG GNYIS KYIS TSUR MTHONG GI RGYUD KYI GZUGS 'DZIN MNGON SUM LA 'KHRUL MA 'KHRUL GNYIS KYI DBYE BA BYED MI BYED KYI KHYAD PAR YOD DE, DE KUN RDZOB LA YANG LOG GNYIS KYI DBYE BA BYED MI BYED LA THUG ,DE YANG RANG GI MTSAN NYID KYIS GRUB PA KHAS LEN MI LEN LA THUG PA'I PHYIR, RANG RGYUD PAS KUN RDZOB LA YANG LOG GNYIS KYI DBYE BA BYED PA DE, RANG NYID DBU MA'I LTA BA LA GNAS PA'I DBANG DU BYAS NAS KYANG MI 'THAD, 'JIG RTEN SHES NGO LA BLTOS NAS KYANG MI 'THAD PAS DES NA RANG LUGS LA KUN RDZOB LA YANG LOG GNYIS KYI DBYE BA MI BYED DE, BYAD BZHIN DANG GZUGS BRNYAN GNYIS LA LOG PA YIN MA YIN GYI KHYAD PAR MED PA'I PHYIR, DER THAL, DE GNYIS KA LOG PA YIN PAR MTSUNGS PA'I PHYIR, DER THAL, DE GNYIS RANG 'DZIN PA'I SHES PA LA SNANG TZAM NAS RANG GI MTSAN NYID KYIS GRUB PAR SNANG BA YANG MTSUNGS, RANG GI MTSAN NYID KYIS MA GRUB PAR YANG MTSUNGS PA'I PHYIR, 'JIG RTEN PA RNAMS KYIS BYAD BZHIN BYAD BZHIN DU GRUB PA LA BSAMS NAS BYAD BZHIN LA YANG DAG GI THA SNYAD BYED KYANG THA SNYAD DE THA SNYAD DON MTHUN MA YIN TE, BYAD BZHIN YANG DAG MA YIN PA'I PHYIR DANG, BYAD BZHIN BLO GANG GI NGO BOR YANG DAG TU SONG BA'I BLO YIN NA, LOG SHES YIN DGOS PA'I PHYIR RO, ,GZHAN YANG, BSAM DON DE MA 'KHRUL KYANG, THA SNYAD DE THA SNYAD LOG PA YIN TE, DPER NA, DNGOS SMRA BA RNAMS KYIS RGYU DGE BA BYAS PA LAS 'BRAS BU BDE BA 'BYUNG BAR NGES PA LA BSAMS NAS, LAS 'BRAS BDEN PAR GRUB PA'I THA SNYAD BYED PAS BSAM DON MA 'KHRUL YANG, THA SNYAD LOG PA YIN PA LTA BU YIN PA'I PHYIR, DE 'DRA'I THA SNYAD DE THA SNYAD LOG PA YIN TE, LAS 'BRAS BDEN PAR MA GRUB PA'I PHYIR, KHA CIG NA @94A *, ,RE; YANG DAG KUN RDZOB MED PAR MA ZAD LOG PA'I KUN RDZOB KYANG MED DE, RNAM BSHAD DGONGS PA RAB GSAL LAS, GAL TE YANG DAG PA'I KUN RDZOB MI 'DOD PAS YANG LOG GNYIS SU MI BYED KYANG, MA RIG PAS BSLAD PA'I YUL DANG YUL CAN RNAMS LOG PA'I KUN RDZOB TU CI'I PHYIR MI 'JOG CE NA KUN RDZOB NI THA SNYAD PA'I TSAD MAS 'JOG DGOS PA'I PHYIR, LOG PA'I KUN RDZOB 'JOG NA YANG DE LA BLTOS NAS 'JOG DGOS NA, MA RIG PA'I BAG CHAGS KYIS BSLAD PA NI 'KHRUL PAR THA SNYAD TSAD MAS MI 'GRUB PA'I PHYIR RO, ,ZHES GSUNGS PA'I PHYIR, KHA CIG NA RE, GSUNG DES LOG PA'I KUN RDZOB MED PAR BSTAN PA YIN TE, DE'I TSUL YANG SHES BYA CHOS CAN, DE MED PAR THAL, LOG PA'I KUN RDZOB YOD NA THA SNYAD PA'I TSAD MAS 'JOG DGOS PA LAS, DE THA SNYAD PA'I TSAD MAS 'JOG MI NUS PA'I PHYIR, DER THAL, KUN RDZOB YIN NA, DE KHO NA NYID RTOGS PA LA MA BLTOS PAR THA SNYAD PA'I TSAD MAS KUN RDZOB TU 'JOG MI NUS PAS KHYAB PA'I PHYIR, KUN RDZOB YIN NA, DE RTOGS PA LA MA BLTOS PAR BRDZUN PAR THA SNYAD PA'I TSAD MAS RTOGS MI NUS PAS KHYAB PA'I PHYIR ZHES BSTAN PA YIN PA'I PHYIR ZER NA, 'O NA, KUN RDZOB BDEN PA MED PAR THAL, DE YOD NA THA SNYAD PA'I TSAD MAS 'JOG DGOS PA LAS 'JOG MI NUS PA'I PHYIR, DER THAL, KUN RDZOB YIN NA, DE KHO NA NYID RTOGS BA LA MA BLTOS PAR KUN RDZOB TU RTOGS MI NUS PAS KHYAB PA'I PHYIR, ` RANG LUGS LA, GSUNG DES LOG PA'I KUN RDZOB MED PAR BSTAN PA MA YIN TE, MA RIG PA'I BAG CHAGS KYIS BSLAD PA'I GZUGS SOGS BDEN PAR SNANG BA'I BDEN SNANG DANG, DE BDEN PAR 'DZIN PA'I BDEN 'DZIN LOG PA'I KUN RDZOB BDEN PA MA YIN PAR BSTAN PA'I PHYIR, BSTAN PA'I TSUL YANG, DE LOG PA'I KUN RDZOB YIN NA, KUN RDZOB KYI MTSAN GZHI BUM SNAM LA SOGS [*SNAM SOGS] DE KHO NA NYID RTOGS PA LA MA BLTOS PAR THA SNYAD TSAD MAS 'JOG PA DE BZHIN DU, DE DAG KYANG DE KHO NA NYID RTOGS PA LA MA BLTOS PAR THA SNYAD PA'I TSAD MAS LOG PAR 'JOG DGOS PA LAS 'JOG MI NUS PA'I PHYIR, DE RTOGS PA LA MA BLTOS PAR THA SNYAD PA'I TSAD MAS SNANG BA DE LOG PA DANG BDEN 'DZIN DE 'KHRUL SHES SU RTOGS MI NUS PA'I PHYIR ZHES BSTAN PA'I PHYIR, GSUNG DES DE DAG MA GTOGS PA'I 'PHRAL GYI 'KHRUL RGYUS BSLAD PA'I SHES PA YUL DANG BCAS PA RNAMS LOG PA'I KUN RDZOB BDEN PAR @94B SHUGS LA BSTAN PA YIN TE, GZUGS BRNYAN DANG DE 'DZIN PA'I SHES PA LOG PA'I KUN RDZOB BDEN PAR BSTAN PA'I PHYIR, DER THAL, DE GNYIS DE KHO NA NYID RTOGS PA LA MA BLTOS PAR THA SNYAD PA'I TSAD MAS SNANG BA DE YANG SNANG BA LTAR DU MA GRUB PA DANG, DE 'DZIN GYI SHES PA DE 'KHRUL SHES SU RTOGS NUS PAR BSTAN PA'I PHYIR, KHA CIG NA RE, LUGS 'DI LA YANG DAG KUN RDZOB YOD DE, 'PHRAL GYI 'KHRUL RGYUS MA BSLAD PA'I SHES PA YUL DANG BCAS PA RNAMS THA SNYAD PA'I TSAD MAS YANG DAG KUN RDZOB TU 'GRUB PA'I PHYIR, DER THAL, LAM RIM LAS, THAL 'GYUR BA'I LUGS KYI NI 'PHRAL GYI 'KHRUL RGYUS MA BSLAD PA'I SHES PA DRUG DANG, DE LAS LOG PA'I SHES PA DRUG DANG, PHYI MA DRUG GIS BZUNG BA'I YUL DRUG STE, LOG PA'I YUL YUL CAN DRUG LOG PA'I KUN RDZOB DANG, MA LOG PA'I YUL YUL CAN DRUG YANG DAG PA'I KUN RDZOB TU 'JOG LA, DE YANG 'JIG RTEN PA'I THA SNYAD PA'I TSAD MA NYID LA BLTOS NAS YANG DAG DANG LOG PA'I KUN RDZOB TU 'JOG GI , 'PHAGS PA'I GZIGS PA'I RJES SU 'BRANG BA'I RIGS SHES LA BLTOS NAS MA YIN PAS, DBU MA PA RANG GI LUGS LA MA RIG PA DANG LDAN PA LA GZUGS BRNYAN LA SOGS DANG, SNGO SOGS SNANG BA GNYIS LA SNANG YUL LA BLTOS TE 'KHRUL MA 'KHRUL GNYIS MED PA'I PHYIR, YANG DAG DANG LOG PA'I KUN RDZOB GNYIS SU MI BYED DE, 'JUG PA LAS, GNOD PA MED PA'I DBANG PO DRUG RNAMS KYIS, ,ZHES SOGS GSUNGS PA'I PHYIR, ZHES ZER NA, SKYON MED DE, LUNG DES THAL 'GYUR BA RANG LUGS LA, KUN RDZOB LA YANG LOG GNYIS SU MI BYED DE, MA RIG PA DANG LDAN PA RNAMS LA GZUGS BRNYAN SOGS SNANG BA DANG, SNGO SOGS SNANG BA'I TSE SNANG YUL LA 'KHRUL MA 'KHRUL GYI KHYAD PAR MED PA'I PHYIR, DER THAL, DE KHO NA NYID RTOGS PA LA MA BLTOS PAR DE GNYIS RANG GI MTSAN NYID KYIS GRUB PAR SNANG ZHING, SNANG BA LTAR DU MA GRUB PAR RTOGS MI NUS PAR YANG MTSUNGS, DE GNYIS 'DZIN PA'I SHES PA LA DE GNYIS RANG GI MTSAN NYID KYIS GRUB PAR SNANG ZHING, SNANG BA LTAR DU MA GRUB PA'I LOG SHES SU RTOGS MI NUS PAR MTSUNGS PA'I PHYIR, DER THAL, 'PHRAL GYI 'KHRUL RGYUS MA BSLAD PA'I 'JUG SHES YUL DRUG DANG BCAS PA 'JIG RTEN SHES NGO LA BLTOS PA'I YANG DAG TU GYUR PA'I KUN RDZOB DANG, 'PHRAL GYI 'KHRUL RGYUS BSLAD PA'I 'JUG SHES DRUG YUL DANG BCAS PA, 'JIG RTEN SHES NGO @95A *, ,LA BLTOS PA'I LOG PAR GYUR PA'I KUN RDZOB YIN ZHING, DE YANG 'JIG RTEN PA 'AM, THA SNYAD PA'I TSAD MAS 'JOG GI MTHAR THUG GI TSAD MAS 'JOG PA MA YIN NO ZHES 'JUG PA'I LUNG SHES BYED DU DRANGS NAS BSTAN PA'I PHYIR, DE LTA MA YIN NA, YANG DAG KUN RDZOB MED PAR THAL, DE NYID LAS, LUGS 'DI NI MA RIG PA DANG LDAN PA LA, RANG GI MTSAN NYID KYIS GRUB PAR GANG SNANG BA THAMS CAD SHES PA DE MA RIG PAS BSLAD PA'I SNANG BAR BZHED PAS, KUN RDZOB PA'I DON LA YANG LOG GNYIS SU MI 'BYED DO, ,ZHES GSUNGS PA'I PHYIR, GZHAN YANG, DE KHO NA NYID RTOGS PA LA MA BLTOS PAR SNANG BA DE SNANG BA LTAR DU MA GRUB PAR RTOGS NUS PA DANG, 'KHRUL SHES SU RTOGS NUS PA'I YUL CAN RNAMS LOG PA'I KUN RDZOB YIN KYANG, DE RTOGS PA LA MA BLTOS PAR SNANG BA DE SNANG BA LTAR DU MA GRUB PAR RTOGS MI NUS PA DANG, 'KHRUL SHES SU RTOGS MI NUS PA'I YUL YUL CAN RNAMS YANG DAG KUN RDZOB KYANG MA YIN TE, RANG LUGS LA KUN RDZOB LA YANG LOG GNYIS KYI DBYE BA MI BYED CING, DE DAG 'JIG RTEN SHES NGO LA BLTOS TE KUN RDZOB MA YIN TE, DE DAG 'JIG RTEN SHES NGO LA BLTOS NAS LOG PA MA YIN PA'I PHYIR, 'DIR BSTAN PA'I 'JIG RTEN PA DANG 'JIG RTEN LAS 'DAS PA DANG, SKYE 'PHAGS KYI KHYAD PAR YANG DE DAG MTSAN NYID PA LA MI BYED DE, STONG PA NYID RTOGS MYONG GI GANG ZAG RNAMS 'DIR BSTAN PA'I 'PHAGS PA DANG, 'JIG RTEN LAS 'DAS PA YIN ZHING, DE RTOGS MA MYONG BA'I GANG ZAG RNAMS 'JIG RTEN PA DANG, SO SKYER 'JOG PA'I PHYIR, ` GTI MUG RANG BZHIN SGRIB PHYIR KUN RDZOB STE, ,ZHES SOGS KYI SKABS SU MTHA' DPYAD PA LA, GZUGS SOGS KUN RDZOB PA GANG GI NGO BOR BDEN PA DANG MA BDEN PA'I KHYAD PAR BSHAD PA, KUN RDZOB TZAM GANG ZAG GSUM LA SNANG MI SNANG GI KHYAD BAR BSHAD PA DANG, SKYE 'PHAGS LA BLTOS TE DON DAM PA DANG KUN RDZOB TU 'GYUR TSUL BSHAD PA GSUM LAS, DANG PO LA DNGOS DANG, LUGS 'DI'I THUN MONG MA YIN PA'I SGRIB PA GNYIS KYI RNAM GZHAG BSHAD PA DANG GNYIS LAS, DANG PO LA, GZUGS SOGS KUN RDZOB PA'I CHOS RNAMS LA KUN RDZOB BDEN PA ZHES 'CHAD PA'I RGYU MTSAN YOD DE, BLO KUN RDZOB PA RANG BDEN PAR 'DZIN PA'I BDEN 'DZIN GYI NGO BOR BDEN PAR GRUB KYANG, DON LA MI BDEN @95B PA'I RGYU MTSAN GYIS DE LTAR BSHAD PA'I PHYIR, BDEN PAR MED KYANG BDEN 'DZIN GYIS BDEN PAR SNANG BAR BCOS PA'I GZUGS SOGS KUN RDZOB PA'I CHOS RNAMS STONG NYID RTOGS PA'I MNYAM GZHAG LAS LANGS MA THAG PA'I YE SHES KYI NGO BOR BDEN PA MA YIN TE, DE'I NGO BOR BCOS MA'I KUN RDZOB TZAM YIN PA'I PHYIR, DER THAL, DE LA BDEN ZHEN MED PA'I PHYIR, BDEN 'DZIN GYI NGO BOR BDEN YANG, DON LA MI BDEN PA'I BYAD BZHIN GYI GZUGS BRNYAN DANG BLO NGOR BDEN PA MA ZAD, DON LA YANG BDEN PA'I PHUNG SOGS RANG BZHIN GYIS MED PA GNYIS BRDA MA BYANG BA'I 'JIG RTEN PA DANG, MA RIG PAS BSLAD PA'I SHES PA LA BLTOS NAS, KUN RDZOB BDEN PA DANG, BDEN PAR 'JOG PA MA YIN TE, GANG ZAG DE'I NGO BOR BYAD BZHIN DU SNANG YANG BYAD BZHIN DU MA GRUB PA'I BRDZUN PA YIN PA'I PHYIR DANG, SNGON PO DANG SHES PA SOGS SNGON PO SOGS SU SNANG ZHING, SNANG BA LTAR DU GRUB PAS BDEN PA YIN PA'I PHYIR, DE DAG RANG BZHIN GYIS MED PA DE MA RIG PAS BSLAD PA'I SHES PA'I NGO BOR BDEN PA MA YIN TE, DE LA SNANG TSUL DANG GNAS TSUL MTHUN PAR MI SNANG BA'I PHYIR, DER THAL, STONG NYID DON SPYI'I TSUL GYIS RTOGS PA'I YE SHES LA SNANG TSUL DANG GNAS TSUL MTHUN PAR MI SNANG BA'I PHYIR, DER THAL, DE LA STONG NYID KYI DON SPYI STONG NYID DU SNANG BA'I PHYIR DANG, DE LA STONG NYID MNGON SUM DU MI SNANG BA'I PHYIR, DER THAL, RANG 'GREL LAS BRTEN NAS BYUNG BA GZUGS BRNYAN DANG BRAG CHA LA SOGS PA CUNG ZAD GCIG NI BRDZUN YANG MA RIG PA DANG LDAN PA RNAMS LA SNANG LA, SNGON PO LA SOGS PA GZUGS DANG SEMS DANG TSOR BA LA SOGS PA CUNG ZAD GCIG NI BDEN PAR SNANG STE, RANG BZHIN NI MA RIG PA DANG LDAN PA RNAMS LA RNAM PA THAMS CAD DU MI SNANG NGO DE'I PHYIR, DE DANG GANG ZHIG KUN RDZOB TU YANG BRDZUN PA NI, KUN RDZOB KYI BDEN PA MA YIN NO, ,ZHES GSUNGS PA'I PHYIR, 'GREL PA DES GANG ZAG DE'I NGO BOR BDEN 'DZIN KUN RDZOB BDEN PA MA YIN PAR BSTAN PA YIN GYIS, SPYIR KUN RDZOB BDEN PA MA YIN PAR BSTAN PA MA YIN TE, KUN RDZOB BDEN PA YIN PA'I PHYIR, GANG ZAG DE LA BYAD BZHIN GYI GZUGS BRNYAN BYAD BZHIN DU SNANG YANG BYAD BZHIN DU MA GRUB PA'I BRDZUN PA YIN GYIS BDEN PAR SNANG YANG BDEN PAR MA GRUB PA'I BRDZUN PAR RTOGS PA MA YIN TE, GANG ZAG DE'I RGYUD LA, GZUGS BRNYAN BDEN PAR 'DZIN PA'I BDEN 'DZIN GYIS ZHEN YUL SUN MA PHYUNG @96A *, ,BA'I TSUL GYI YOD PA'I PHYIR, GZUGS SOGS KUN RDZOB PA'I CHOS RNAMS RANG BDEN PAR 'DZIN PA'I BDEN 'DZIN GYI DBANG GIS KUN RDZOB BDEN PAR BZHAG KYANG, DES KUN RDZOB BDEN PAR BZHAG PA MA YIN TE, DES BZHAG PA'I DON THA SNYAD TZAM DU YANG MED PA'I PHYIR TE, RANG 'GREL LAS; DE LTAR NA RE ZHIG SRID PA'I YAN LAG GIS YONGS SU BSDUS PA NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR GZHAG GO, ,ZHES GSUNGS PA'I PHYIR, GZUGS SOGS SANGS MA RGYAS PA'I GANG ZAG THAMS CAD KYI NGO BOR BDEN PA YIN NAM ZHE NA MA YIN TE, NYAN RANG DGRA BCOM PA DANG DAG SA LA GNAS PA'I BYANG CHUB SEMS DPA' RNAMS KYI NGO BOR BDEN PA MA YIN PA'I PHYIR, DER THAL, DE DAG GI NGO BOR BCOS MA'I KUN RDZOB TZAM YIN PA'I PHYIR, DER THAL, DE DAG GI RJES THOB KYI GNAS SKABS SU BDEN PAR SNANG YANG DER MA GRUB PA SGYU MA LTA BUR GZIGS PA'I PHYIR DANG, BDEN 'DZIN SA BON DANG BCAS PA SPANGS PA'I PHYIR, RANG 'GREL LAS, DE YANG NYAN THOS DANG RANG SANGS RGYAS DANG BYANG CHUB SEMS DPA' NYON MONGS PA CAN GYI MA RIG PA SPANGS PA, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOS MA'I RANG BZHIN YIN GYI BDEN PA NI MA YIN TE, BDEN PAR MNGON PAR RLOM PA MED PA'I PHYIR, ZHES GSUNGS PA'I PHYIR, ` GNYIS PA LUGS 'DI'I SGRIB PA GNYIS KYI RNAM GZHAG THUN MONG MA YIN PA BSHAD PA LA, SGRIB GNYIS KYI RNAM GZHAG BSHAD PA, LUGS 'DI'I NYON MONGS SPYI'I RNAM GZHAG THUN MONG MA YIN PA BSHAD PA, SGRIB PA GNYIS LAM GANG GI GNAS SKABS SU SPONG TSUL BSHAD PA DANG GSUM LAS, DANG PO NI, SA LAM GYI RTOGS PA SKYE BA LA GTZO BO GEGS BYED PA'I KHA NA MA THO BA, SGRIB PA'I MTSAN NYID, DE LA DBYE NA, NYON SGRIB DANG, SHES SGRIB GNYIS YOD DE, DANG PO LA THAR PA DANG THAMS CAD MKHYEN PA GNYIS KYI NANG NAS GTZO BO THAR PA THOB PA LA GEGS BYED KYI SGRIB PA'I RIGS SU GNAS PA DE, NYON SGRIB KYI MTSAN NYID, DE LA DBYE NA KUN BTAGS DANG LHAN SKYES GNYIS YOD PAS, KUN BTAGS NI GRUB MTHAS BLO BSGYUR BA'I DBANG GIS RGYU MTSAN MANG DU BSAMS PA'I SGO NAS, MYU GU GZHAN LAS SKYE BAR 'DZIN PA'I RTOG PA SA BON DANG @96B BCAS PA YIN, LHAN SKYES NI RGYU MTSAN MANG DU BSAM MI DGOS PAR RANG GI NGANG GIS MYU GU LTA BU BDEN PAR GRUB PAR 'DZIN PA'I RTOG PA SA BON DANG BCAS PA RNAMS YIN, SGRIB PA KUN BTAGS YIN NA MTHONG SPANGS YIN PAS KHYAB KYANG, MTHONG SPANGS YIN NA SGRIB PA KUN BTAGS YIN PAS MA KHYAB STE, GRUB MTHAS BLO MA BSGYUR BA'I GANG ZAG GI RGYUD KYI MTHONG SPANGS RTOG PA'I SA BON DE MTHONG SPANGS YIN KYANG, SGRIB PA KUN BTAGS MA YIN PA'I PHYIR, DANG PO DER THAL, DE YOD PA'I PHYIR, DER THAL, GRUB MTHA' NGAN PAS BLO BSGYUR KHA MA'I GANG ZAG GI RGYUD KYI DE YOD PA'I PHYIR, RTAGS PHYI MA DER THAL, CHOS CAN DE YIN PA'I PHYIR, NYON MONGS KYI BAG CHAGS SHES SGRIB YIN KYANG, DE YIN NA SHES SGRIB YIN PAS MA KHYAB STE, 'JUG SHES DRUG LA YUL RANG NGOS NAS GRUB PAR SNANG BA'I GNYIS SNANG 'KHRUL BA'I CHA TZAM SKYES PA'I NUS PA'I NGO BOR GYUR PA'I NYON MONGS KYIS BAG CHAGS SHES SGRIB DANG, NYON MONGS KYI RIGS 'DRA PHYI MA BSKYED PA'I NUS PA'I NGO BOR GYUR PA'I BAG CHAGS NYON SGRIB YIN PA'I PHYIR, NYON MONGS PA'I BAG CHAGS SHES SGRIB YIN TE, DE SKAD DU, RANG 'GREL LAS, GANG GIS SEMS KYI RGYUD 'BAG PAR BYED CING BSGO BAR BYED LA, RJES SU BGROD PAR BYED PA DE NI BAG CHAGS TE, NYON MONGS PA'I MUR THUG PA DANG, GOMS PA DANG, RTZA BA DANG, BAG CHAGS SHES BYA BA NI RNAM GRANGS DAG GO, ,DE NI ZAG PA MED PA'I LAM GYIS NYON MONGS PA SPANGS SU ZIN KYANG, NYAN THOS DANG RANG SANGS RGYAS KYIS SPANG BAR MI NUS TE, TIL MAR DANG ME TOG LA SOGS PA BSAL DU ZIN KYANG, BUM PA DANG SNAM BU LA SOGS PA RNAMS LA DE DANG PHRAD PAS YON TAN PHRA MO DMIGS PA BZHIN NO, ,ZHES GSUNGS PA'I PHYIR, DE GNYIS KYI NANG NAS GTZO BOR THAMS CAD MKHYEN PA 'THOB PA LA GEGS BYED PA'I SGRIB PA'I RIGS SU GNAS PA, SHES SGRIB KYI MTSAN NYID, DE LA DBYE NA MNGON GYUR BA DANG, SA BON GYI CHA GNYIS, DANG PO NI, 'JUG SHES DRUG LA YUL RANG NGOS NAS GRUB PAR SNANG BA'I GNYIS SNANG 'KHRUL PA'I CHA LTA BU YIN, GNYIS PA DE SKYED PA'I NUS PA'I NGO BOR GYUR PA'I BAG CHAGS LTA BU YIN PA'I PHYIR, RNAM PA GCIG TU NA, RGYU 'BRAS KYI RAB DBYE MTHA' YAS PA LA RANG STOBS KYIS RMONGS PA'I SEMS BYUNG RMONGS PA LTA BU MNGON GYUR BA DANG, DE SKYED PA'I NUS PA'I NGO BOR GYUR PA'I BAG CHAGS LTA BU SA BON @97A *, ,GYI CHA YIN PA'I PHYIR, DE LTA BU'I RMONGS PA DE LA YANG DU MA YOD DE, YUL SHIN TU SKAL BA LA RMONGS PA DANG, YUL MCHOG TU GYUR PA LA RMONGS PA DANG, RGYU 'BRAS KYI RAB DBYE MTHA' YAS PA LA RMONGS PA DANG, YUL SHIN TU PHRA BA LA RMONGS PA DANG BZHI LAS, DANG PO NI, MO'U 'GAL GYI BUS, RANG GI MA BYANG PHYOGS 'OD ZER CAN GYI 'JIG RTEN GYI KHAMS KYI DMYAL BAR SKYES PA MNGON SHES KYI YUN RING DU BRTAGS KYANG RANG STOBS KYIS MI SHES PA'I RMONGS PA LTA BU DANG PO DANG, NYAN RANG DGRA BCOM PAS DE BZHIN GSHEGS PA'I TSUL KHRIMS KYI PHUNG PO DNGOS SU MTHONG BA LA YANG RANG STOBS KYIS RMONGS PA LTA BU GNYIS PA DANG, DE'I RGYUD KYI RMA BYA'I MDONGS LA SOGS PA'I RGYU 'BRAS KYI RAB DBYE MTHA' YAS PA LA RANG STOBS KYIS RMONGS PA LTA BU GSUM PA DANG, SH'A RI'I BUS KHYIM BDAG DPAL BSKYED KYI RGYUD LA THAR PA CHA MTHUN GYI DGE RTZA YOD PA MNGON SHES KYIS YUN RING DU BRTAGS KYANG MA SHES PA'I RMONGS PA BZHI PA YIN PA'I PHYIR, GNYIS PA DER THAL, SHER PHYIN SUM BRGYA PA LAS, RAB 'BYOR KHYOD KYIS DE BZHIN GSHEGS PA'I TSUL KHRIMS KYI PHUNG PO MTSAL [*'TSAL] LAM, BDE BAR GSHEGS PA MA MTSAL [*'TSAL] LAGS SO, ,ZHES GSUNGS PA'I PHYIR, GSUM PA DER THAL, SGRA GCAN 'DZIN GYIS ZHUS PA'I MDO LAS, RMA BYA'I MDONGS KHRA LA SOGS PA'I, ,RGYU YI RNAM PA JI SNYED PA, ,KUN MKHYEN MIN PA'I RTOGS BYA MIN, ,ZHES GSUNGS PA'I PHYIR, BZHI PA DE LTAR YIN TE, MDO LAS, NGAS NI DE YI THAR PA YIS, ,SA BON SHIN TU PHRA BA DAG ,MTSO 'AM RDO YI GSEB DAG TU, ,BAG LA ZHA BA LTA BUR GZIGS, ,ZHES GSUNGS PA'I PHYIR, DES NA 'JUG SHES DRUG LA YUL RANG NGOS NAS GRUB PAR SNANG BA'I GNYIS SNANG 'KHRUL PA'I CHA DANG DE'I BAG CHAGS GNYIS SHES SGRIB KYI GTZO BO YIN KYANG, DER NGES PA MA YIN TE, PHAR PHYIN DRUG GI NYAMS LEN LHAG PAR 'THOB PA LA GTZO BO GEGS BYED KYI SGRIB PA DANG, YON TAN BRGYA PHRAG BCU GNYIS 'THOB PA LA GTZO BOR GEGS BYED KYI SGRIB PA DANG, LAS 'BRAS KYI 'BREL BA LA RANG STOBS KYIS RMONGS PA'I SGRIB PA DANG, NYAN RANG DGRA BCOM PA'I RGYUD LA 'BYUNG BA'I LUS NGAG GI GNAS NGAN LEN SKYED PA'I NUS PA'I NGO BOR GYUR PA'I BAG CHAGS DANG BCAS PA RNAMS SHES SGRIB YIN PA'I @97B PHYIR, DER THAL, SGRIB PA GANG ZHIG ,NYON SGRIB DANG, SNYOM 'JUG GI SGRIB PA GANG RUNG MA YIN PA'I PHYIR, DE GNYIS SHES SGRIB KYI GTZO BO YIN TE, RANG 'GREL LAS, MA RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS DANG NGAG GI 'JUG PA DE LTA BU'I RGYU YANG YIN TE, MA RIG PA DANG, 'DOD CHAGS LA SOGS PA'I BAG CHAGS DE YANG RNAM PA THAMS CAD MKHYEN PA DANG, SANGS RGYAS KHO NA LA LDOG PAR 'GYUR GYI, GZHAN DAG LA NI MA YIN NO, ,ZHES GSUNGS PA'I PHYIR, MTHONG SPANGS SHES SGRIB YOD KYANG SHES SGRIB KUN BTAGS MED DE, DE YOD NA GRUB MTHA'I DBANG GIS 'JUG SHES DRUG LA YUL RANG NGOS NAS GRUB PAR SNANG BA DE SNANG BA LA MA 'KHRUL BAR 'THAD SNYAM DU 'DZIN PA'I RTOG PA DE DE YIN DGOS PA LAS DE MIN PA'I PHYIR, DER THAL, DE NYON SGRIB KUN BTAGS YIN PA'I PHYIR, DER THAL, DE BDEN 'DZIN KUN BTAGS YIN PA'I PHYIR TE, GRUB MTHA'I DBANG GIS DE LA SNANG BA DE SNANG BA LTAR DU GRUB PAR 'DZIN PA'I RTOG PA DE BDEN 'DZIN KUN BTAGS YIN PA'I PHYIR, RTZA BA'I RTAGS DER THAL, NYAN THOS DGRA BCOM PA'I RTOGS PA SNGON DU SONG BA'I THEG CHEN MTHONG LAM BAR CHAD MED LAM GYI NGOS SKAL GYI SGRIB PA YOD PA'I PHYIR, DER THAL, DE 'DRA BA'I BAR CHAD MED LAM YOD PA'I PHYIR, DER THAL, DE'I RTOGS PA SNGON DU SONG BA'I SA BDUN PA MAN CHAD KYI BAR CHAD MED LAM YOD PA'I PHYIR, DE'I RTOGS PA SNGON DU SONG BA'I SA BDUN PA MAN CHAD KYI SPANG BYA'I YONGS SBYONG YOD PA'I PHYIR, DER THAL, DE 'DRA'I GNYEN PO'I YONGS SBYONG YOD PA'I PHYIR, DES NA NYON SGRIB GANG ZHIG ,DMIGS RNAM 'DZIN PA'I BLO, NYON SGRIB MNGON GYUR BA'I MTSAN NYID, DMIGS RNAM MI 'DZIN KYANG RANG GI 'BRAS BUR GYUR PA'I NYON MONGS KYI RIGS 'DRA PHYI MA BSKYED PA'I NUS PA'I NGO BOR GYUR PA'I BAG CHAGS DE, SA BON DU GYUR PA'I NYON SGRIB KYI MTSAN NYID, DE GNYIS RE RE LA YANG KUN BTAGS DANG LHAN SKYES GNYIS GNYIS YOD DE, RANG RGYU NYON MONGS PA'I DBANG GIS BZHAG CING, RANG 'BRAS GNYIS SNANG 'KHRUL PA'I CHA BSKYED PA'I SGRIB PA GANG ZHIG ,NYAN RANG DGRA BCOM PA DANG, DAG SA LA GNAS PA'I BYANG CHUB SEMS DPA'I RGYUD LA 'BYUNG BA'I RIGS SU GNAS PA'I SGRIB @98A *, ,PA DE, SHES SGRIB PHRA MO'I MTSAN NYID, ` GNYIS PA NYON MONGS KYI RNAM GZHAG THUN MONG MA YIN PA BSHAD PA LA, RANG RGYUD PA MAN CHAD KYI NANG SDE DANG GZHAN SDE GNYIS KAS CHOS DANG GANG ZAG RANG NGOS NAS GRUB PAR 'DZIN PA'I RTOG PA NYON MONGS SU MI 'DOD KYANG, RANG SDE DE DAG GIS NYON MONGS 'JOG TSUL GYI KHYAD PAR YOD DE, GANG ZAG PHUNG PO LA DBANG SGYUR BA PO'I RANG RKYA THUB PA'I RDZAS YOD DU 'DZIN PA'I SHES RAB NYON MONGS CAN DE, NGAR 'DZIN PA'I 'JIG LTA DANG, NGA YI BA RNAMS RANG RKYA THUB PA'I NGA DE'I DBANG BSGYUR BYAR 'DZIN PA'I SHES RAB NYON MONGS CAN DE, NGA YI BA 'DZIN PA'I 'JIG LTA DANG, DE LA BRTEN NAS SKYES PA'I DUG GSUM DANG, DE LAS GZHAN PA'I LTA NGAN DANG NYE NYON RNAMS NYON MONGS SU BZHED PA'I PHYIR, LUGS 'DI LA GANG ZAG RANG RKYA THUB PA'I RDZAS YOD DU 'DZIN PA'I RTOG PA LA KUN BTAGS KYIS MA KHYAB KYANG, GANG ZAG PHUNG PO DANG MTSAN NYID MI MTHUN PA'I RDZAS YOD DU 'DZIN PA'I RTOG PA LA KUN BTAGS KYIS KHYAB, GANG ZAG RTAG GCIG RANG DBANG CAN DU 'DZIN PA'I RTOG PA LA KUN BTAGS KYIS KHYAB PA'I PHYIR, DANG PO DER THAL, DER GYUR PA'I LHAN SKYES YOD PA'I PHYIR, DER THAL, 'JUG PA LAS, RANG DU LTA BA DANG 'BREL YONGS SU ZAD, ,CES GSUNGS PA'I PHYIR, LUGS 'DI LA SNGAR BSHAD PA DE DAG THAMS CAD NYON MONGS YIN PAR MA ZAD, CHOS DANG GANG ZAG RANG NGOS NAS GRUB PAR 'DZIN PA'I RTOG PA NYON MONGS YIN TE, DE GNYIS CHOS DANG GANG ZAG GI GNAS LUGS MTHONG BA LA RMONGS PAR BYED PAS NA GTI MUG DANG, 'KHOR BA'I RTZA BAR GYUR PA'I NYON MONGS CAN GYI MA RIG PA YIN PA'I PHYIR, DANG PO DER THAL, RANG 'GREL LAS, DE LA 'DIS SEMS CAN RNAMS JI LTAR GNAS PA'I DNGOS PO LTA BA LA RMONGS PAS NA GTI MUG STE, MA RIG PA DNGOS PO'I RANG GI NGO BO YOD PA MA YIN PA SGRO 'DOGS PAR BYED PA RANG BZHIN MTHONG BA LA SGRIB PA'I BDAG NYID CAN NI KUN RDZOB BO, ,ZHES GSUNGS PA'I PHYIR, RTAGS GNYIS PA DER THAL, DE 'DRA'I RTOG PA GNYIS PO DE BDAG MED RTOGS PA'I RIG PA YE SHES KYI MA YIN MI MTHUN PHYOGS DANG MED PA MI MTHUN PHYOGS TZAM MA YIN PAR 'GAL ZLA MI MTHUN PHYOGS YIN PA'I PHYIR DANG, LUS DBANG ZUR DU BZHAG PA LAS MIG GI DBANG PO BZHAG TU MED PA DE BZHIN DU, CHAGS @98B SOGS RNAMS DANG POR SKYE BA'I TSE NA, BDAG 'DZIN DE GNYIS LA BRTEN NAS SKYES MTHAR DE DANG MTSUNGS LDAN DU 'JUG PA'I PHYIR, DER THAL, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS 'GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR GYUR, ,ZHES GSUNGS PA'I PHYIR DANG, DE'I 'GREL PA LAS, GTI MUG NI DE RNAMS JI LTAR BDEN PAR RTOGS PA LAS RMONGS PA NYID KYI PHYIR DNGOS PO BDEN PA'I RANG GI NGO BOR LHAG PAR SGRO 'DOGS PAR RAB TU 'JUG GO, ,'DOD CHAGS LA SOGS PA DAG KYANG GTI MUG GIS KUN TU BRTAGS PA'I DNGOS PO'I RANG BZHIN KHO NA LA, SDUG PA DANG MI SDUG PA LA SOGS PA'I KHYAD PAR SGRO 'DOGS PAR 'JUG PA NYID KYI PHYIR, GTI MUG LAS THA MI DAD PAR 'JUG PAR 'GYUR ZHING, GTI MUG LA BRTEN PAR YANG 'GYUR TE, GTI MUG GTZO BO NYID KYI PHYIR RO, ,ZHES GSUNGS PA'I PHYIR, CHAGS SOGS NYON MONGS RNAMS RANG GI RGYUR GYUR PA'I BDEN 'DZIN LAS SKYE BA'I TSUL YOD DE, CHOS DANG GANG ZAG BDEN PAR BZUNG BA LA BRTEN NAS DE'I DMIGS YUL RANG NGOS NAS GRUB PA'I YID 'ONG YID MI 'ONG DU SNANG BA'I TSUL MIN YID BYED KYI RNAM RTOG SKYE ZHING, DE LA BRTEN NAS YID 'ONG LA DMIGS PA'I 'DOD CHAGS DANG YID MI 'ONG LA DMIGS PA'I ZHE SDANG SKYE ZHING, DE DAG LA BRTEN NAS GANG ZAG RANG RKYA THUB PA'I RDZAS YOD DU 'DZIN PA'I RTOG PA LA BRTEN PA'I CHAGS SOGS SKYE TSUL YANG SHES PAR BYA BA YIN PA'I PHYIR, BDEN 'DZIN DES DNGOS SU DRANGS PA'I 'DOD CHAGS DES BDEN 'DZIN GYI DMIGS PA LA DMIGS NAS RANG NGOS NAS GRUB PAR SNANG BA YIN GYI, DE'I ZHEN YUL LA DMIGS NAS RANG NGOS NAS GRUB PAR SNANG BA MA YIN TE, DE GNYIS DMIGS PA MTSUNGS KYANG 'DZIN STANGS MI MTSUNGS [*PA'I PHYIR] TE, 'DOD CHAGS GYIS BDEN PAR MI 'DZIN PA'I PHYIR, DE 'DRA'I 'DOD CHAGS BDEN 'DZIN MA YIN PA'I PHYIR, BDEN 'DZIN 'KHOR BA'I RTZA BA DANG, DE MA LDOG BAR DU 'KHOR BA MI LDOG PA DANG, DE LDOG PA YANG PHUNG SOGS RANG BZHIN MED PA RTOGS PA LA RAG LAS PA DANG, DE YANG NYAN RANG DGRA BCOM PA DANG DAG SA LA GNAS PA'I BYANG CHUB SEMS DPA' RNAMS KYIS SPANGS PA YIN TE, BZHI BRGYA PA'I 'GREL PA LAS, RNAM PAR SHES PA DNGOS PO'I RANG GI NGO BO LHAG PAR SGRO 'DOGS PAR BYED PA NYON MONGS PA CAN GYI MI SHES PA'I DBANG GIS DNGOS PO RNAMS LA CHAGS PA DANG LDAN ZHING 'KHOR BAR @99A *, ,'JUG PA'I SA BON DU GYUR PA RNAM PA THAMS CAD DU 'GAG PA LAS, 'KHOR BA LDOG PA RNAM PAR BZHAG GO ZHES BSTAN PA'I PHYIR BSHAD PA DANG, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,JI SKAD BSHAD PA'I TSUL GYI YUL RANG BZHIN MED PAR MTHONG BAS, CHAGS PA'I RGYU SRID PA'I SA BON DU GYUR PA DANG, RNAM PA THAMS CAD DU LOG PA LAS NYAN THOS DANG RANG SANGS RGYAS DANG, MI SKYE BA'I CHOS LA BZOD PA THOB PA'I BYANG SEMS RNAMS LA 'KHOR BA LDOG PAR RNAM PAR BZHAG GO, ZHES GSUNGS PA'I PHYIR, BDEN 'DZIN DE CHAGS SOGS NYON MONGS GZHAN THAMS CAD KYI RTZA BA YIN TE, SEMS BDEN 'DZIN GANG RUNG GCIG GI DMIGS GTAD BYED PA [*SA] GCIG RNYED NA SEMS DE NYON MONGS PA'I SBRUL GDUG GIS ZIN PAR GYUR PA'I PHYIR, DER THAL, RIGS PA DRUG CU PA LAS, GANG YANG RUNG BA'I GNAS RNYED NA, , NYON MONGS SBRUL DUG [*GDUG] G-YO CAN GYIS, ,ZIN PAR 'GYUR RO GANG GIS SEMS, ,GNAS MED DE DAG ZIN MI 'GYUR, ,GNAS DANG BCAS PA'I SEMS LDAN LA, ,NYON MONGS DUG CAN CIS MI 'BYUNG, ,ZHES GSUNGS PA'I PHYIR DANG, DE'I 'GREL PA LAS, DNGOS POR DMIGS PA YIN NA NI 'DOD CHAGS LA SOGS PA'I NYON MONGS PA RAB 'BYAMS NGES PAR LDOG TU MED PA RNAMS 'BYUNG NGO, ,JI LTAR ZHE NA, RE ZHIG GAL TE DNGOS PO DE YID DANG MTHUN PA YIN NA NI, DE'I TSE DE LA RJES SU CHAGS PA LDOG PAR DKA'O CI STE MI MTHUN NA NI, DE'I TSE DE LA KHONG KHRO BA DANG TSIG PA ZA BA LDOG DKA'O, ,ZHES GSUNGS PA'I PHYIR, CHOS DANG GANG ZAG RANG NGOS NAS GRUB PAR 'DZIN PA'I RTOG PA GNYIS PO DE NYON MONGS CAN GYI MA RIG PA DANG, 'KHOR BA'I RTZA BA YIN TE, CHOS DANG GANG ZAG GI STENG DU GCIG DU BRAL DANG, RTEN 'BREL SOGS KYI RIGS PA LA BRTEN NAS, CHOS DANG GANG ZAG RANG NGOS NAS GRUB PA KHEGS, DE LA BRTEN NAS RTOG PA GNYIS PO DE ZHEN YUL LA 'KHRUL BA'I LOG SHES DANG BDEN 'DZIN DU GRUB, DE LA BRTEN NAS RTOG PA GNYIS PO DE BDAG 'DZIN GNYIS SU GRUB, DE LA BRTEN NAS DE GNYIS CHOS DANG GANG ZAG GI GNAS LUGS MTHONG BA LA SGRIB BYED KYI RMONGS PAR GRUB PAS DE MA ZAD BAR DU 'JIG LTA MI ZAD, DE MA ZAD BAR DU 'KHOR BA MI LDOG PA'I PHYIR, 'JIG @99B LTA YIN NA GANG ZAG GI BDAG 'DZIN YIN PAS KHYAB KYANG, GANG ZAG GI BDAG 'DZIN LA 'JIG LTAS MA KHYAB STE, LHAS SBYIN GYI RGYUD KYI MCHOD SBYIN RANG NGOS NAS GRUB PAR 'DZIN PA'I RTOG PA DE 'JIG LTA MA YIN PA'I PHYIR, DER THAL, 'JIG LTA YIN NA, RANG GI DMIGS YUL GYI GTZO BO LA DMIGS NAS NGA'O SNYAM PA'I BLO RANG GI NGANG GIS SKYE BA ZHIG YIN DGOS PA GANG ZHIG ,LHAS SBYIN GYI RGYUD LA MCHOD SBYIN LA DMIGS NAS NGA'O SNYAM PA'I BLO RANG GI NGANG GIS MI SKYE BA'I PHYIR, 'JIG LTA YIN NA GANG ZAG GI BDAG 'DZIN YIN PAS KHYAB STE, BDAG 'DZIN GNYIS PO DMIGS YUL GYI GTZO BO'I SGO NAS 'JOG PA YIN GYI, 'DZIN STANGS MI 'DRA BA'I SGO NAS MI 'JOG PA'I PHYIR, BDAG 'DZIN GNYIS PO DE 'DZIN STANGS MI MTHUN PA'I SGO NAS 'JOG PA MA YIN TE, BDAG MED GNYIS PO DE DGAG BYA PHRA RAGS KYI SGO NAS MI 'JOG PAR, DGAG GZHI'I GTZO BO'I SGO NAS 'JOG PA'I PHYIR, DER THAL, DGAG BYA RANG NGOS NAS GRUB PA DE PHUNG SOGS RNAMS KYI STENG DU BKAG PA CHOS KYI BDAG MED PHRA MO DANG, GANG ZAG GI STENG DU BKAG PA GANG ZAG GI BDAG MED PHRA MO YIN PA'I PHYIR, BZHI BRGYA PA'I 'GREL PA LAS, DE LA BDAG CES BYA BA NI, GANG ZHIG DNGOS PO RNAMS KYI GZHAN LAS RAG MA LAS PA'I NGO BO RANG BZHIN TE, DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU GTOGS TE, CHOS KYI BDAG MED PA DANG, GANG ZAG GI BDAG MED PA ZHES BYA'O, ,ZHES GSUNGS PA'I PHYIR, KHA CIG GIS, BDAG 'DZIN GNYIS PO LA MU BZHIR RTZI BA YIN TE, NGA YI BAR 'DZIN PA'I 'JIG LTA DE, 'JIG LTA YIN KYANG GANG ZAG GI BDAG 'DZIN MA YIN PA DANG, NGAR 'DZIN PA'I 'JIG LTA DE, DE GNYIS KA YIN PA DANG, RANG LAS RGYUD THA DAD PA'I SKYES BU LHAS SBYIN LA DMIGS NAS RANG NGOS NAS GRUB PAR 'DZIN PA'I RTOG PA DE, GANG ZAG GI BDAG 'DZIN YIN KYANG 'JIG LTA MA YIN PA DANG, BUM PA BDEN PAR 'DZIN PA'I RTOG PA DE, DE GNYIS KA MA YIN PA'I MU YIN PA'I PHYIR ZER NA, DE MI 'THAD DE, 'JIG LTA LHAN SKYES KYI DMIGS PA'I GTZO BO YIN NA, GANG ZAG YIN DGOS PA'I PHYIR, DER THAL, RTZA BAR PHUNG PO 'JIG LTA'I YUL GYI GTZO BO YIN PA BKAG PA DANG, 'GREL PAR BRTEN NAS BRTAGS PA'I BDAG 'JIG LTA'I DMIGS YUL GYI GTZO BOR GSUNGS PA'I PHYIR, 'JIG LTA GNYIS PO DE'I DMIGS YUL GYI @100A *, ,GTZO BO GANG ZAG YIN PAR MTSUNGS KYANG, DE GNYIS KYI DMIGS PAR 'JOG TSUL MI 'DRA BA'I KHYAD PAR YOD DE, NGAR 'DZIN PA'I 'JIG LTA DE NGA TZAM LA DMIGS NAS NGA RANG NGOS NAS GRUB PAR 'DZIN, NGA YI BAR 'DZIN PA'I 'JIG LTA DES NGA TZAM LA DMIGS NAS MIG SOGS NGA YI BA LA LONGS SPYOD PA POR BDEN PAR 'DZIN PA'I PHYIR, DER THAL, 'JUG PA LAS, DANG POR NGA ZHES BDAG LA ZHEN GYUR CING, ,BDAG GI 'DI ZHES DNGOS LA CHAGS BSKYED PA, ,ZHES GSUNGS PA'I PHYIR DANG, RANG 'GREL LAS, DE LA 'JIG TSOGS LA LTA BA NI NGA DANG NGA YI SNYAM PA DE LTA BU'I RNAM PAR ZHUGS PA SHES RAB NYON MONGS PA CAN NO, ,ZHES GSUNGS PA'I PHYIR, 'JIG LTA GNYIS PO DE RANG NGOS NAS GRUB PAR 'DZIN PA'I RNAM PA CAN DU MTSUNGS PA YIN TE, RANG 'GREL LAS, NGAR 'DZIN PAS YOD PA MA YIN PA'I BDAG YOD DO SNYAM DU NYE BAR BRTAGS NAS 'DI NYID DU BDEN PAR MNGON PAR ZHEN CING, ZHES GSUNGS PA'I PHYIR, NGA YI BAR 'DZIN PA'I 'JIG LTA DES NGA YI BA'I MTSAN GZHI MIG SOGS LA LONGS SPYOD PA POR BDEN PAR 'DZIN PA YIN TE, BSTAN BCOS MNGON RTOGS RGYAN LAS SHES SGRIB 'DZIN RTOG 'CHAD PA DE'I TSE, LONGS SPYOD PA POR BDEN PAR 'DZIN PA'I RTOG PA GSUNGS PA DANG, MDO LAS SHES PA PO'I BDAG DANG, TSOR BA PO'I BDAG DANG, DMAN PA'I GNAS NAS 'PHO BA PO'I GANG ZAG GI BDAG MED PA DANG, NYON MONGS 'DUL BA PO'I GANG ZAG GI BDAG MED PAR GSUNGS PA'I PHYIR, MIG SOGS NGA YI BAR 'DZIN PA'I 'JIG LTA'I DMIGS PA'I GTZO BO MA YIN KYANG DMIGS PA TZAM YIN TE, DE DAG LA LONGS SPYOD PA POR BDEN PAR 'DZIN PA LA DE DAG LA DMIGS DGOS PA'I PHYIR, DER THAL, SKYES BU 'DI NI DBYUG PA CAN NO SNYAM DU 'DZIN PA LA, SKYES BU'I DBYUG PA LA DMIGS DGOS PA'I PHYIR, DER THAL, 'GREL CHUNG LAS, KHYAD PAR MA BZUNG BAR KHYAD PAR CAN GYI BLO MI SKYE'O, ,ZHES GSUNGS PA'I PHYIR, MIG SOGS NGA YI BA RNAMS DE'I DMIGS YUL GYI GTZO BO MA YIN TE, NGA YI BAR 'DZIN PA'I 'JIG LTAS DE DAG RANG NGOS NAS GRUB PAR YANG MI 'DZIN, LONGS SPYAD BYAR BDEN PAR YANG MI 'DZIN PA'I PHYIR, DE LTAR YIN KYANG, RNAM BSHAD DGONGS PA RAB GSAL LAS, BDAG GIR 'DZIN PA'I @100B 'JIG LTA LHAN SKYES KYI DMIGS PA NI, NGA YI BA NYID YIN GYI, RANG GI MIG SOGS DMIGS PAR MI BZUNG NGO, ,RNAM PA NI DMIGS PA DE LA DMIGS NAS NGA YI BAR RANG GI MTSAN NYID KYIS GRUB PAR 'DZIN PA'O, ,ZHES GSUNGS PA DANG 'GAL BA'I SKYON MED DE, LUNG DANG PO'I DON NI, NGA YI BAR 'DZIN PA'I 'JIG LTAS MIG SOGS LA DMIGS NAS DE LA LONGS SPYOD PA POR BDEN PAR 'DZIN PA'I DON YIN PA'I PHYIR DANG, LUNG GNYIS PA'I DON NI, MIG SOGS RNAMS NGA YI BAR 'DZIN PA'I 'JIG LTA'I DMIGS PA'I GTZO BO MA YIN PA LA DGONGS PA'I PHYIR, DE LTAR MA YIN NA NGA YI BA CHOS DANG GANG ZAG GNYIS SU PHYE BA'I CHOS YIN PAS, NGA YI BAR 'DZIN PA'I 'JIG LTA DE CHOS KYI BDAG 'DZIN DANG, GANG ZAG GI BDEN 'DZIN GNYIS KA YIN DGOS PA LAS MA YIN PA'I PHYIR TE, RANG 'GREL LAS, 'DI NI BDAG GI'O SNYAM DU NGAR 'DZIN PA'I YUL LAS GZHAN PA'I DNGOS PO'I RNAM PA MA LUS PA LA MNGON PAR ZHEN PA YIN, ZHES GSUNGS PA'I PHYIR DANG, RNAM BSHAD DGONGS PA RAB GSAL LAS, DE NI MIG SOGS RNAMS BDAG GI BAR MTHONG NAS, BDAG GI BA LA BDEN PAR MNGON PAR ZHEN PA'I DON YIN GYI, BDAG GI BA'I MTSAN GZHI MIG SOGS DMIGS PAR STON PA MA YIN TE, DE LTAR MA YIN NA, 'JIG LTA DANG CHOS KYI BDAG 'DZIN GNYIS MI 'GAL BAR 'GYUR BA'I PHYIR RO, ,ZHES GSUNGS PA'I PHYIR RO, ,NGA YI BA 'DZIN PA'I 'JIG LTA DES NGA YI BA RANG GI MTSAN NYID KYIS GRUB PAR MI 'DZIN KYANG, NGA YI BA LA DMIGS PA YIN TE, BYANG CHUB SEMS DPA'I RGYUD KYI DMIGS MED KYI SNYING RJE DES DMIGS PA'I GTZO BO SEMS CAN DANG, DE RANG BZHIN MED PA LA'ANG DMIGS KYANG SEMS CAN RANG BZHIN MED PA SDUG BSNGAL DANG BRAL 'DOD KYI RNAM PA CAN DU MI 'DZIN PA'I PHYIR, DES SEMS CAN RANG BZHIN MED PA LA DMIGS PA YIN TE, DE DMIGS MED LA DMIGS PA'I SNYING RJE YIN PA'I PHYIR, DER THAL, RNAM BSHAD LAS, SNYING RJE GSUM PO DMIGS YUL GYI GTZO BO DE'I SGO NAS 'JOG PA YIN ZHING, 'DZIN STANGS MI MTHUN PA'I SGO NAS MI 'JOG PAR GSUNGS PA'I PHYIR, BDAG GI BA LA BDEN PAR MNGON PAR ZHEN PAR GSUNGS PA'I DON YOD DE, MIG SOGS BDAG GI BAR SNANG NAS NGA DE LA LONGS SPYOD PA POR BDEN PAR ZHEN PA'I DON YIN @101A *, ,PA'I PHYIR, KHA CIG GIS, NGA YI BA GANG ZAG YIN PA'I PHYIR ZER NA, 'O NA GANG ZAG THA SNYAD BRTAGS PA'I BRTAGS DON BTZAL BA'I TSE NA RNYED PAR THAL, NGA YI BA GANG ZAG GANG ZHIG ,NGA YI BA'I GDAGS GZHI MIG SNA SOGS NGA YI BA'I MTSAN GZHI YIN PA'I PHYIR, DER THAL, RNAM BSHAD LAS, NGA YI BA'I MTSAN GZHI MIG SNA SOGS DMIGS PAR STON PA MA YIN, ZHES GSUNGS PA'I PHYIR, 'DOD NA, GANG ZAG RANG NGOS NAS GRUB PAR THAL, 'DOD PA'I PHYIR, GZHAN YANG, NGA YI BA'I GDAGS GZHI MIG SNA SOGS CHOS CAN, GANG ZAG YIN PAR THAL, GANG ZAG GI MTSAN GZHI YIN PA'I PHYIR, DER THAL, NGA YI BA'I MTSAN GZHI GANG ZHIG ,NGA YI BA GANG ZAG YIN PA'I PHYIR, RTZA BAR MA KHYAB NA, GANG ZAG GI GDAGS GZHI YIN NA, GANG ZAG GI MTSAN GZHI YIN DGOS PAR THAL, GANG ZAG GI MTSAN GZHI YIN NA GANG ZAG YIN MI DGOS PA'I PHYIR, 'DOD NA, SKYES BU LHAS BYIN GYI GDAGS GZHI MIG SNA SOGS CHOS CAN, SKYES BU LHAS BYIN GYI MTSAN GZHI YIN PAR THAL, DE'I GDAGS GZHI YIN PA'I PHYIR, KHA CIG GIS, NGA YI BA CHOS YIN KYANG, CHOS DANG GANG ZAG RNAM PA GNYIS SU PHYE BA'I GANG ZAG YIN PA'I PHYIR ZER, KHA CIG ,NGA YI BA GANG ZAG YIN KYANG, CHOS DANG GANG ZAG GNYIS SU PHYE BA'I CHOS YIN ZER NA, DANG PO MI 'THAD DE, CHOS DANG GANG ZAG GNYIS SU PHYE BA'I GANG ZAG YIN NA, GANG ZAG YIN DGOS PA'I PHYIR, DER THAL, GZUNG 'DZIN GNYIS SU PHYE BA'I 'DZIN PA YIN NA, 'DZIN PA YIN DGOS PA'I PHYIR, DER THAL, YUL YUL CAN GNYIS SU PHYE BA'I YUL CAN YIN NA, YUL CAN YIN DGOS PA'I PHYIR, GNYIS PA MI 'THAD DE, GANG ZAG YIN NA, CHOS DANG GANG ZAG GNYIS SU PHYE BA'I GANG ZAG YIN DGOS PA'I PHYIR, DER THAL, 'DZIN PA YIN NA, GZUNG 'DZIN GNYIS SU PHYE BA'I 'DZIN PA YIN DGOS PA'I PHYIR, DER THAL, YUL CAN YIN NA, YUL YUL CAN GNYIS SU PHYE BA'I YUL CAN YIN DGOS PA'I PHYIR, KHA CIG GIS, NGA YI BA CHOS DANG GANG ZAG GNYIS SU PHYE BA'I CHOS KYANG MA YIN, GANG ZAG KYANG MA YIN PA'I PHYIR ZER NA, DE MI 'THAD DE, DE GNYIS SU PHYE BA'I DE GNYIS GANG RUNG MA YIN PA'I CHOS MED PA'I PHYIR, DER THAL, YUL YUL CAN GNYIS @101B SU PHYE BA'I DE GNYIS GANG RUNG MA YIN PA'I CHOS MED PA'I PHYIR, LUS CAN DANG LUS CAN MA YIN PA GNYIS SU PHYE BA'I DE GNYIS GANG RUNG MA YIN PA'I CHOS MED PA'I PHYIR, DER THAL, LUS CAN DANG LUS CAN MA YIN PA GNYIS PHAN TSUN SPANG 'GAL GYI DNGOS 'GAL YIN PA'I PHYIR, DBU MA SNANG BA LAS, LUS CAN DANG LUS CAN MA YIN PA'I BYE BRAG LTA BU'O, ,ZHES GSUNGS PA'I PHYIR, GZHAN YANG NGA YI BAR 'DZIN PA'I 'JIG LTA DE, CHOS KYI BDAG 'DZIN DANG GANG ZAG GI BDAG 'DZIN GNYIS SU PHYE BA'I GANG ZAG GI BDAG 'DZIN DANG, CHOS KYI BDAG 'DZIN GANG RUNG MA YIN PAR THAL, NGA YI BAR 'DZIN PA'I 'JIG LTA DES DE BDEN PAR BZUNG BA GANG ZHIG ,NGA YI BA DE CHOS DANG GANG ZAG GNYIS SU PHYE BA'I CHOS KYANG MA YIN, GANG ZAG KYANG MA YIN PA'I PHYIR, 'DOD NA, MI 'THAD DE, NGA YI BAR 'DZIN PA'I 'JIG LTA DE DE GNYIS SU PHYE BA'I GANG ZAG GI BDAG 'DZIN YIN PA'I PHYIR, DER THAL, DE GNYIS SU PHYE BA'I GANG ZAG GI BDAG 'DZIN GYI PHYE BA'I YA GYAL YIN PA'I PHYIR, DER THAL, GANG ZAG GI BDAG 'DZIN GYI YA GYAL YIN PA'I PHYIR, DER THAL, GANG ZAG GI BDAG 'DZIN DE LA NGA YI BAR 'DZIN PA'I 'JIG LTA DANG, NGAR 'DZIN PA'I 'JIG LTA DANG, DE MA YIN PA'I GANG ZAG GI BDAG 'DZIN DANG BCAS PA RNAMS SU YOD PAR KHAS BLANGS PA'I PHYIR, KHA CIG GIS, BDAG 'DZIN GNYIS PO DE DMIGS YUL GYI GTZO BO'I SGO NAS 'JOG PA DANG, DE GNYIS 'GAL BAR 'DOD PA MI 'THAD PAR THAL, GANG ZAG GI SKYE BA RANG NGOS NAS GRUB PAR 'DZIN PA DE, GANG ZAG GI BDAG 'DZIN DANG CHOS KYI BDAG 'DZIN GNYIS KA YIN PA'I PHYIR, DE GANG ZAG GI BDAG 'DZIN YIN TE, GANG ZAG GI SKYE BA RANG NGOS NAS MA GRUB PA DE GANG ZAG GI GNAS LUGS YIN PA'I PHYIR, DER THAL, MYU GU'I SKYE BA RANG NGOS NAS MA GRUB PA DE DE'I GNAS LUGS YIN PA'I PHYIR, RNAM BSHAD RIGS PA'I RGYA MTSO LAS, MYU GU'I SKYE BA DON DAM PAR MED PA MYU GU'I GNAS LUGS YIN KYANG SKYE BA DON DAM BAR MED PA DE NYID GNAS LUGS MA YIN TE, RANG NYID RANG NYID KYI GNAS LUGS YIN PA 'GAL BA'I PHYIR, ZHES GSUNGS PA'I PHYIR ZER NA, DE'I SKYON MED DE, DE'I DON NI MYU GU'I SKYE BA RANG BZHIN GYIS MED PA DE, MYU GU'I KHYAD CHOS SU GYUR BA'I SKYE BA'I GNAS LUGS YIN PA'I DON YIN @102A *, ,PA'I PHYIR, DER THAL, KHYOD KYI LUNG DE RTEN 'BREL GYI STENG DU 'GAG SOGS BRGYAD THA SNYAD DU YOD CING, DON DAM PAR MED PA GTAN LA 'BEBS PA'I SKABS YIN PA'I PHYIR, GZHAN YANG, GANG ZAG GI SKYE BA RANG NGOS NAS GRUB PAR 'DZIN PA DE, GANG ZAG GI BDAG 'DZIN YIN PAR THAL, DE RANG NGOS NAS MA GRUB PA DE GANG ZAG GI GNAS LUGS YIN PA'I PHYIR, DER THAL, GANG ZAG 'GRO BA RANG BZHIN MED PA DE DE'I GNAS LUGS YIN PA'I PHYIR, DER THAL, GANG ZAG 'GRO BA POR RANG BZHIN GYIS MED PA DE'I GNAS LUGS YIN PA'I PHYIR NA MA KHYAB, GZHAN YANG DE CHOS KYI BDAG 'DZIN YIN PAR THAL, GANG ZAG GI SKYE BA RANG NGOS NAS MA GRUB PA DE CHOS KYI BDAG MED PHRA MO YIN PA'I PHYIR, DER THAL, RTEN 'BREL YAN LAG BCU GNYIS KYI NANG TSAN GYI SKYE BA'I RTEN 'BREL RANG BZHIN GYIS MA GRUB PA DE CHOS KYI BDAG MED PHRA MO YIN PA'I PHYIR, DER THAL, RTEN 'BREL YAN LAG BCU GNYIS PO CHOS DANG GANG ZAG GNYIS SU PHYE BA'I CHOS YIN PA'I PHYIR, GSUM PA SGRIB PA GNYIS LAM GANG GI GNAS SKABS SU SPONG BA'I TSUL BSHAD PA LA, DMAN LAM SNGON DU MA SONG BA'I BYANG CHUB SEMS DPA' RNAMS KYI SGRIB PA GNYIS PO DE LAM GANG GI GNAS SKABS SU SPONG BA'I TSUL YOD DE, DE LA MTHONG SPANGS DANG SGOM SPANGS GNYIS SU BYAS NAS NYON SGRIB KUN BTAGS RNAMS NI, MTHONG LAM BAR CHAD MED LAM GYIS SPONG, LHAN SKYES LA CHE 'BRING DRUG TU PHYE NAS SA DANG PO'I NGO BOR GYUR PA'I SGOM LAM BAR CHAD MED LAM NAS, SA BDUN PA'I SKAD CIG THA MA'I BAR CHAD MED LAM GYI BAR GYIS SPONG, GNYIS SNANG 'KHRUL PA'I BAG CHAGS SHES SGRIB PHRA MOR BYAS NAS, DE GNYEN PO BAR CHAD MED LAM GYIS SA BRGYAD PA NAS SPONG, YON TAN BRGYA PHRAG BCU GNYIS 'THOB PA LA GTZO BOR GEGS BYED KYI SGRIB PA RNAMS DANG, SBYIN PA'I PHAR PHYIN GYI NYAMS LEN LHAG PAR 'THOB PA LA GTZO BO GEGS BYED KYI SGRIB PA SHES SGRIB TU BYAS PA NI, SA BDUN PA MAN CHAD DU YANG GNYEN PO BAR CHAD MED LAM GYIS SPONG BA YOD PA'I PHYIR, KHA CIG GIS, DMAN LAM SNGON DU MA SONG BA'I BYANG CHUB SEMS DPAS BDEN 'DZIN LHAN SKYES DE LA CHUNG NGU 'BRING CHEN PO DGUR BYAS NAS, DANG PO DRUG PO DE SA GNYIS PA NAS SA BDUN @102B PA'I BAR GYIS SPONG, CHUNG NGU SKOR GSUM PO DE, SA BRGYAD PA THOB MA THAG PA'I BAR CHAD MED LAM GYIS SPONG BA YIN NO ZER NA, DE MI 'THAD PAR THAL, DES DE GSUM PO DE CIG CAR DU SPONG NA BDEN 'DZIN CHUNG NGU DE LA, CHUNG NGU 'BRING CHEN PO GSUM DU PHYE BA DON MED DU 'GYUR PA'I PHYIR DANG, RIM CAN DU SPONG NA SA BRGYAD PA THOB MA THAG PA'I BAR CHAD MED LAM DE CHUNG NGU 'BRING CHEN PO GSUM DU 'JOG DGOS PA'I SKYON YOD PA'I PHYIR, KHA CIG ,SGOM SPANGS SU GYUR PA'I SGRIB PA LA, CHUNG NGU 'BRING CHEN PO DGUR BYAS PA'I DANG PO DRUG NYON SGRIB TU BYAS NAS, SA GNYIS PA NAS BDUN PA'I BAR GYIS SPONG, PHYI MA GSUM PO SHES SGRIB TU BYAS NAS, DAG PA SA GSUM GYI GNAS SKABS SU SPONG, ZHES ZER, YANG KHA CIG ,BDEN 'DZIN LHAN SKYES LA CHEN PO BSKOR [*SKOR] GSUM DANG 'BRING BSKOR [*SKOR] GSUM DU BYAS NAS, SA GNYIS PA NAS BDUN PA'I BAR GYIS SPONG ZHES ZER NA, DE GNYIS KA LA BDEN 'DZIN 'BRING GI CHUNG NGU DE CHOS CAN, KHYOD LA BLTOS PA'I BDEN 'DZIN CHUNG NGU YOD PAR THAL, BDEN 'DZIN 'BRING YIN PA'I PHYIR, DER THAL, 'BRING GI CHUNG NGU YIN PA'I PHYIR, 'DOD NA MI 'THAD DE, SA BRGYAD PA NAS NYON SGRIB SPANGS PA KHAS BLANGS PA DANG 'GAL BA'I PHYIR, ` RANG LUGS LA, BDEN 'DZIN LHAN SKYES LA DRUG TU BYAS NAS DMAN LAM SNGON DU MA SONG BA'I BYANG CHUB SEMS DPAS JI LTAR SPONG BA'I TSUL YOD DE, BDEN 'DZIN LHAN SKYES DE LA CHUNG 'BRING CHEN PO GSUM DANG, DE RE RE LA GNYIS GNYIS BYAS NAS DRUG PO DE, SA DANG PO'I NGO BOR GYUR PA'I SGOM LAM BAR CHAD MED LAM NAS BDUN PA'I SKAD CIG THA MA'I BAR CHAD MED LAM GYI BAR GYIS SPONG BA'I PHYIR, DER THAL, 'DOD CHAGS ZHE SDANG YONGS SU ZAD PAR 'GYUR, ZHES PA'I RNAM BSHAD LAS, DE YANG SGOM SPANGS KYI NYON MONGS LHAN SKYES CHE 'BRING DRUG TU BYAS NAS SA GNYIS PA NAS, BDUN PA'I BAR GYIS SPONG BA'I SA 'DI'I SPANG BYA LA DGONGS SO, ,ZHES GSUNGS PA'I PHYIR, SA GNYIS PA NAS ZHES GSUNGS KYANG SA DANG PO NAS SPONG BAR KHAS BLANGS PA DANG 'GAL BA'I SKYON MED DE, SA DANG PO'I NGO BOR GYUR PA'I SGOM LAM BAR CHAD MED LAM DES, RANG GI NGOS SKAL GYI SPANG BYAR GYUR PA'I BDEN 'DZIN CHEN PO'I CHEN PO'I DNGOS KYI GNYEN PO BYED PAS RIGS BSDU BA YIN PA'I PHYIR, KHA CIG ,SA BRGYAD @103A *, ,PA THOB MA THAG PA'I BAR CHAD MED LAM DE, RNAM GROL LAM DANG BAR CHAD MED LAM GNYIS KA YIN PAR THAL, NYON SGRIB LAS DNGOS SU GROL BA'I RNAM GROL LAM GANG ZHIG ,RANG GI NGOS SKAL GYI SHES SGRIB KYI DNGOS GNYEN BAR CHAD MED LAM YIN PA'I PHYIR, 'DOD BYAS PA LA, SPANG BYA GCIG LA BLTOS PA'I DE GNYIS KYI GZHI MTHUN YOD PAR THAL, 'DOD PA'I PHYIR ZER NA MA KHYAB, RTZA BA'I RTAGS DANG PO DER THAL, SA BDUN PA'I SKAD CIG THA MA'I BAR CHAD MED LAM DE NYON SGRIB KYI DNGOS GNYEN BAR CHAD MED LAM YIN PA'I PHYIR, GZHAN YANG, SA BRGYAD PA'I YE SHES DES NYON SGRIB MA SPANGS PAR THAL, DE NYON SGRIB SPONG DGOS YIN PA'I PHYIR, DER THAL, 'JUG PA LAS, SA BRGYAD PA LA DRI MA DE DAG RTZA BCAS NYE BAR ZHI 'GYUR ZHING, ZHES 'GYUR TSIG SMOS PA'I PHYIR ZER NA MA KHYAB, 'O NA, SA BDUN PA'I NGOS SKAL GYI SPANG BYA'I YONGS SBYONG YONGS SU RDZOGS PA'I SA BDUN PA'I YE SHES YOD PAR THAL, DE'I NGOS SKAL GYI SPANG BYA'I YONGS SBYONG YONGS SU RDZOGS PA'I YE SHES YIN NA, SA BRGYAD PA THOB PAS MA KHYAB PA'I PHYIR, MA GRUB NA, SA BRGYAD PA THOB MA THAG PA'I BAR CHAD MED LAM DE, DE'I NGOS SKAL GYI SPANG BYA LAS DNGOS SU GROL BA'I RNAM GROL LAM YIN PAR THAL, MA GRUB PA DE'I PHYIR, 'DOD NA SPANG BYA GCIG LA BLTOS PA'I BAR CHAD MED LAM DANG, RNAM GROL LAM GYI GZHI MTHUN YOD PAR THAL, 'DOD PA'I PHYIR, GZHAN YANG, SA BRGYAD PA NAS DBANG BCU MA THOB PAR THAL, DBANG RNAMS BCU PO THOB PAR 'GYUR ZHING, ZHES 'GYUR TSIG SMOS PA'I PHYIR, 'DOD NA, MI 'THAD DE, SA BRGYAD PA'I YE SHES DE DAG SA'I YE SHES YIN PA'I PHYIR, KHO NA RE, DMAN LAM SNGON DU MA SONG BA'I BYANG CHUB SEMS DPAS, BDEN 'DZIN LHAN SKYES LA CHUNG 'BRING CHEN PO DGUR BYAS NAS SPANGS PAR THAL, DE'I SPANG BYAR GYUR PA'I BDEN 'DZIN LHAN SKYES LA CHUNG 'BRING CHEN PO DGU'I DBYE BA 'THAD PA'I PHYIR NA MA KHYAB, KHA CIG, SA BDUN PA MAN CHAD DU SHES SGRIB SPONG BA DE MI 'THAD PAR THAL, NYON SGRIB MA SPANGS BAR DU SHES SGRIB MI SPONG BA'I PHYIR, DER THAL, RNAM BSHAD DGONGS PA RAB GSAL LAS, BDEN 'DZIN NYON MONGS @103B SU 'JOG PA'I LUGS 'DI LA NYON MONGS ZAG MED LAM GYIS SPONG BA NA, BDEN 'DZIN DE'I SA BON SPONG DGOS PAS, SA BON DE LAS GZHAN PA'I GNYIS SNANG 'KHRUL PA'I BAG CHAGS SHES SGRIB TU BZHAG PA'I PHYOGS RE YANG GTAN ZAD MI NUS PAS NYON MONGS THAMS CAD MA ZAD BAR DU SHES SGRIB MI SPONG BA'I PHYIR, SHES SGRIB NI DAG PA SA GSUM GYI SKABS SU SPONG NGO, ,ZHES GSUNGS PA'I PHYIR, ZHES ZER NA SKYON MED DE, GNYIS SNANG 'KHRUL PA'I BAG CHAGS SHES SGRIB TU BYAS PA DE SA BDUN PA MAN CHAD DU GNYEN PO BAR CHAD MED LAM GYIS MI SPONG BA'I DON YIN PA'I PHYIR, DER THAL, RNAM BSHAD LAS, LUGS 'DIR NI GANG ZAG GI BDAG 'DZIN THAMS CAD NYON MONGS CAN GYI MA RIG PAR BZHED LA, DE SLAR MI SKYE BA'I TSUL GYIS SPONG BA LA, DE DAG GI SA BON ZAD DGOS SHING SPANGS PA DE YANG DGRA BCOM GNYIS DANG THUN MONG BA YIN PAS BDEN 'DZIN GYI SA BON SPONG BA NI SHES SGRIB SPONG BA MA YIN NO, ,SA BON DE LAS GZHAN PA'I BAG CHAGS KYIS SGRIB PA SHES SGRIB TU 'JOG PA NI, SA BRGYAD PA MA THOB BAR DU SPONG BA MA YIN PA'I PHYIR, ZHES GSUNGS PA'I PHYIR, KHO NA RE, NYON MONGS CAN MA YIN PA'I MA RIG PA YIN NA SHES PA YIN DGOS PA THAL, SHES SGRIB DANG SHES PA'I GZHI MTHUN YOD PA'I PHYIR, ZER NA 'DIR MA KHYAB, 'DOD NA, NYAN THOS DGRA BCOM PA'I RGYUD KYI BDEN 'DZIN GYI BAG CHAGS PHRA MO CHOS CAN, SHES PA YIN PAR THAL, NYON MONGS CAN MA YIN PA'I MA RIG PA YIN PA'I PHYIR, DER THAL, SHES SGRIB PHRA MO YIN PA'I PHYIR, 'DOD NA MI RIGS TE, CHOS CAN DE YIN PA'I PHYIR, KHA CIG GIS, NYAN THOS DGRA BCOM PA'I RTOGS PA SNGON DU SONG BA'I SA BDUN PA MAN CHAD KYI NGOS SKAL GYI SPANG BYA MED ZER BA DANG, DE'I SPANG BYA YOD KYANG, DE GNYEN PO BAR CHAD MED LAM GYIS SPONG MI DGOS ZHES ZER, DANG PO MI 'THAD DE, DE'I NGOS SKAL GYI SPANG BYA YOD PA'I PHYIR, DER THAL, DE'I NGOS SKAL GYI SPANG BYA'I YONGS SBYONG YOD PA'I PHYIR, DER THAL, DE'I YONGS SBYONG YOD PA'I PHYIR, GNYIS PA MI 'THAD DE, SHES SGRIB DE RJES THOB TU BSOD NAMS KYI TSOGS TZAM LA BRTEN NAS SPONG MI NUS PA'I PHYIR, DER THAL, SHES SGRIB DE DAG PA SA GSUM DU TSOGS GNYIS KYIS ZIN PA'I SGO NAS GNYEN PO BAR CHAD MED LAM GYIS SPONG BA'I PHYIR, GZHAN YANG, DE'I @104A *, ,NGOS SKAL GYI SPANG BYA YOD PAR THAL, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS SBYOR BA DANG, DMAN LAM SNGON DU MA SONG BA'I BYANG SEMS TSOGS SBYOR BA GNYIS PO DES SA GSUM PA 'THOB PA LA GEGS BYED KYI SGRIB PA YOD PA GANG ZHIG ,SA GSUM PA BA DES DANG POR RANG NYID KYI [*KYIS] SA GSUM PA 'THOB PA LA GEGS BYED KYI SGRIB PA SPONG, DE RJES 'GRO BA GZHAN GYIS SA GSUM PA 'THOB PA LA GEGS BYED KYI SGRIB PA SBYONG BAR BYED PA'I PHYIR, DER THAL, 'JUG PA LAS, RANG RTOG MUN RNAMS DANG POR YANG DAG BSAL BYAS NAS, ,'GRO BA'I MUN PA RNAM PAR 'JOMS PAR MNGON PAR 'DOD, ,CES GSUNGS PA'I PHYIR, GNYIS PA KUN RDZOB TZAM GANG ZAG GSUM LA SNANG BA DANG MI SNANG BA'I KHYAD PAR BSHAD PA LA, GZUGS SOGS KUN RDZOB PA'I CHOS RNAMS, NYAN RANG DGRA BCOM PA DANG DAG PA SA GSUM LA GNAS PA'I BYANG CHUB SEMS DPA' RNAMS KYI NGOR BDEN PAR MA GRUB CING, DE'I NGOR BDEN PAR SNANG BA'I KUN RDZOB YIN KYANG DE'I NGOR RNAM PA THAMS CAD DU KUN RDZOB TZAM MA YIN TE, RJES THOB SNANG BCAS KYI SKABS SU KUN RDZOB TZAM YIN GYI, MNYAM GZHAG SNANG MED RTOGS [*RTOG] BRAL GYI SKABS SU KUN RDZOB TZAM YANG MA YIN PA'I PHYIR, GANG ZAG DE RNAMS LA MNYAM RJES RES 'JOG 'BYUNG BA'I RGYU MTSAN YOD DE, DE RNAMS KYIS SHES BYA'I SGRIB PA'I MTSAN NYID CAN GYI MA RIG PA MA SPANGS PA'I PHYIR, DER THAL, RANG 'GREL LAS, SHES BYA'I SGRIB PA'I MTSAN NYID CAN GYI MA RIG PA KUN TU SPYOD PA'I 'PHAGS PA SNANG BA DANG BCAS PAS SPYOD YUL CAN RNAMS LA SNANG GI ,SNANG BA MED PA'I SPYOD YUL MNGA' BA RNAMS LA MA YIN NO, ,ZHES GSUNGS PA'I PHYIR, SEMS DPA' YIN NA, THEG CHEN SEMS BSKYED RGYUD LA YOD PAS MA KHYAB STE, MNYAM GZHAG SNANG MED KYI SEMS DPA' RNAMS LA KUN RDZOB MI SNANG BA'I PHYIR, DER THAL, KUN RDZOB KYI SNANG BA NUB PA'I PHYIR, DER THAL, BSHAD MA THAG PA'I LUNG DE'I PHYIR, SANGS RGYAS 'PHAGS PA LA MNYAM RJES RES 'JOG MI 'BYUNG BA'I RGYU MTSAN YOD DE, DES SHES BYA'I SGRIB PA'I MTSAN NYID CAN GYI MA RIG PA SPANGS PA'I MKHYEN PA SKAD CIG GCIG NYID KYIS CHOS THAMS CAD LA RNAM PA THAMS CAD DU MNGON PAR BYANG CHUB PA'I PHYIR, DER THAL, RANG @104B 'GREL LAS, SANGS RGYAS RNAMS LA NI, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I PHYIR, SEMS DANG SEMS LAS BYUNG BA'I RGYU BA GTAN LOG PAR 'DOD PA YIN NO, ,ZHES GSUNGS PA'I PHYIR, SEMS DANG SEMS BYUNG GI RGYU BA LOG PA DE YANG RNAM RTOG GI RGYU BA LOG PA LA BYED PA YIN GYI, SEMS DANG SEMS BYUNG GI RGYU BA GTAN LOG PA LA BYED PA MA YIN TE, SANGS RGYAS 'PHAGS PA'I RGYUD LA SEMS DANG SEMS BYUNG YOD PA'I PHYIR, DER THAL, MDO LAS, 'JIG RTEN KHAMS KYI SEMS CAN THAMS CAD KYIS, DUS GCIG NYID LA DRI BA ZHU ZHUS KYANG, SEMS KYI SKAD CIG GCIG GIS THUGS CHUD NAS, ,GSUNGS DBYANGS GCIG GIS LAN YANG SO SOR 'DEBS, ,ZHES GSUNGS PA'I PHYIR, SEMS SEMS BYUNG GI RGYU BA DE RNAM RTOG GI RGYU BA LA BYED DE, TSIG GSAL LAS, RNAM PAR RTOG PA NI SEMS KYI RGYU BA YIN NO, DE DANG BRAL BA'I PHYIR, DE KHO NA NYID NI RNAM PAR RTOG PA MED PA YIN NO, ,JI SKAD DU MDO LAS, DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA SMOS KYANG CI DGOS, ZHES GSUNGS PA'I PHYIR, GSUM PA SKYE 'PHAGS LA LTOS TE, DON DAM DANG KUN RDZOB TU 'GYUR TSUL BSHAD PA LA, SO SO SKYE BO'I NGOR DON DAM PAR GRUB PA'I GZUGS SOGS KUN RDZOB PA'I CHOS RNAMS STONG NYID MNGON SUM DU RTOGS PA'I MNYAM GZHAG LAS LANGS MA THAG PA'I RJES THOB KYI KUN RDZOB TZAM DANG, DE DAG RANG BZHIN GYIS MED PA STONG NYID MNGON SUM DU RTOGS PA'I 'PHAGS PA RNAMS LA DON DAM PA'I BDEN PA YIN TE, DE SKAD DU YANG, RANG 'GREL LAS, DE LA SO SO SKYE BO RNAMS KYI DON DAM PA GANG YIN PA DE NYID 'PHAGS PA SNANG BA DANG BCAS PA'I SPYOD YUL CAN RNAMS KYI KUN RDZOB TZAM YIN LA, DE'I RANG BZHIN STONG PA NYID GANG YIN PA DE NI DE RNAMS KYI DON DAM PA'O, ,ZHES GSUNGS PA'I PHYIR, LUNG DE'I DON DE LTAR YIN GYI, SO SKYE'I GZUGS SOGS BDEN BAR 'DZIN PA'I BDEN 'DZIN GYI ZHEN YUL RJES THOB YE SHES KYI NGOR KUN RDZOB TZAM DU STON PA MA YIN TE, DE GZHI MA GRUB PA'I PHYIR, DER THAL, DE RTOGS PA'I RJES THOB YE SHES MED PA'I PHYIR, KHA CIG NA RE, PHUNG SOGS KUN RDZOB PA'I CHOS RNAMS 'PHAGS PA LA BLTOS NAS DON DAM PA DANG, SO SO SKYE BO LA BLTOS NAS KUN RDZOB TU 'DOD PA NI @105A *, ,MI 'THAD DE, DE DAG RANG BZHIN GYIS MED PA DON DAM BDEN PA YIN PA'I PHYIR DANG, DE LTAR 'DOD PA DE, GZUGS SOGS KYI CHOS RNAMS BLO GANG GI NGO BOR KUN RDZOB BDEN PA YIN PA DANG, BLO DE'I NGOR BDEN GRUB YIN PA'I GZHI MTHUN MA KHEGS PA'I SKYON YIN PA'I PHYIR, PHUNG SOGS KYI GNAS LUGS DE SLOB PA LA MNYAM GZHAG SNANG MED DANG, RJES THOB SNANG BCAS KYI SKABS SU RANG BZHIN NYID YIN MIN GYI RES 'JOG 'BYUNG BA LTAR MA YIN PA'I PHYIR, SANGS RGYAS KYI YE SHES KYI YUL DU GYUR PA'I GNAS LUGS DE SANGS RGYAS 'PHAGS PA LA DUS THAMS CAD DU RANG BZHIN NYID YIN TE, SANGS RGYAS 'PHAGS PAS DE LA DUS RTAG TU SLAR MI LDANG BA'I TSUL GYIS MNYAM PAR GZHAG PA'I PHYIR, DER THAL, RANG 'GREL LAS, SANGS RGYAS RNAMS KYI DON DAM PA NI RANG BZHIN NYID YIN ZHING, DE YANG BSLU BA MED PA NYID KYI DON DAM PA'I BDEN PA YIN LA, DE NI DE RNAMS KYI SO SO RANG GI RIG BAR BYA BA YIN NO, ,ZHES GSUNGS PA'I PHYIR, DE YANG BDEN PAR GRUB PA'I BDEN PA'I DON MA YIN TE, SNANG TSUL DANG GNAS TSUL MTHUN PA'I DON YIN PA'I PHYIR, DER THAL, DE YANG BSLU BA MED PA NYID KYI, ZHES GSUNGS PA'I PHYIR TE, SLOB PA'I STONG NYID RTOGS PA'I RJES THOB YE SHES LA STONG NYID KYI DON SPYI STONG NYID DU SNANG BA'I PHYIR, ` RAB RIB MTHU YI SKRA SHAD LA SOGS PA'I, ,ZHES SOGS KYI SKABS SU MTHA' DPYAD PA LA, DON DAM BDEN PA SHES BRJOD KYI YUL LAS 'DAS PAR GSUNGS PA DE RAB RIB CAN DANG RAB RIB CAN MA YIN PA'I SNANG TSUL GYI DPE LA BRTEN NAS BSHAD DGOS PAS, DE SHES BRJOD KYI YUL LAS 'DAS PA'I DON DE, DON DAM BDEN PA MNGON SUM DU RTOGS PA'I GANG ZAG GIS RANG NYID KYIS MNGON SUM DU RTOGS PA LTAR GZHAN LA STON MI NUS PA DANG, NYAN PA POS 'CHAD PA POS MNGON SUM DU RTOGS PA LTAR RTOGS MI NUS PA'I DON YIN GYI, SPYIR SHES BRJOD KYI YUL LAS 'DAS PA'I DON MA YIN TE, NGES DON GYI GSUNG RAB KYIS BRJOD PAR NUS SHING DE LA 'JUG PA'I THOS BSAM GYI SHES RAB KYIS RTOGS PAR NUS BA'I PHYIR, DER THAL, DPER NA, RAB RIB DANG BRAL BA'I GANG ZAG GIS RANG NYID KYI [*KYIS] BSE RU'I NANG DU SKRA SHAD MED PA MNGON SUM DU RTOGS PA LTAR, RAB RIB CAN LA STON MI NUS KYANG SPYIR BSE RU'I @105B NANG DU SKRA SHAD MED PAR STON NUS PA DANG, RAB RIB CAN GYI GANG ZAG GIS SNGA MAS RTOGS PA LTAR RTOGS MI NUS KYANG SPYIR BSE RU'I NANG DU SKRA SHAD MED PAR RTOGS NUS PA LTA BU YIN PA'I PHYIR, DES NA DON DAM BDEN PA DE RAB RIB DANG BCAS BRAL GYI MIG SHES KYI MTHONG TSUL GYI DPE LA BRTEN NAS GTAN LA 'BEBS NA DE'I TSUL DE JI LTA BU ZHE NA, DE LA DNGOS DANG, RTZOD PA SPONG BA GNYIS LAS, DANG PO LA DPE BSHAD PA DANG, DON LA SBYAR BA GNYIS LAS, DANG PO NI RAB RIB CAN GYI MIG SHES DANG, DE DANG BRAL BA'I MIG SHES GNYIS BSE RU GTZANG MA GCIG NYID LA BLTAS PA DE'I TSE NA SNANG TSUL DANG ZHEN TSUL MI 'DRA BA'I KHYAD PAR YOD DE; DANG PO LA, DE'I NANG DU SKRA SHAD SNANG BA DANG ZHEN PA GNYIS KA YOD, PHYI MA LA DE'I NANG DU SKRA SHAD SNANG ZHEN GNYIS KA MED PA'I PHYIR, DES NA RAB RIB CAN GYI MIG SHES LA SKRA SHAD SNANG ZHING ZHEN NAS DE SEL BA LA BRTZON PA DANG, BSE RU'I NANG DU SKRA SHAD YOD DO ZHES SMRAS PA NA, RAB RIB DANG BRAL BA'I MIG SHES KYIS BSE RU'I NANG DU SKRA SHAD MA MTHONG ZHING RGYU MTSAN DU MA'I SGO NAS MED DO ZHES SMRAS PAS, RAB RIB CAN GYI MIG SHES LA BSE RU'I NANG DU SKRA SHAD SNANG BA LA SKUR PA BTAB PAR MI 'GYUR TE, DE LA SNANG BA'I SKRA SHAD KYI YIN TSUL DE, RAB RIB DANG BRAL BA'I MIG SHES KYIS BSE RU'I NANG GI SKRA SHAD GRUB PA MED PAR MTHONG BA DANG MED PAR SMRAS PA'I DON DE YIN GYI, RAB RIB CAN GYI MIG SHES LA JI LTAR SNANG BA'I DON DE DE'I YIN TSUL MA YIN PA'I PHYIR, DER THAL, BSE RU GTZANG MA'I NANG DU SKRA SHAD MED PA'I PHYIR, RAB RIB CAN GYI MIG SHES LA JI LTAR SNANG BA'I SKRA SHAD MED KYANG DE LA SNANG BA'I SKRA SHAD YOD DE, SGYU MA MKHAN GYIS RDE SHING RTA GLANG DU SPRUL PA'I TSE NA SGYU MA'I RTA GLANG YOD PA LTA BU YIN PA'I PHYIR, GNYIS PA DON LA SBYAR BA LA DPE DE BZHIN DU, MA RIG PA'I BAG CHAGS KYIS BSLAD PA'I SHES PA DANG, DES MA BSLAD PA'I SHES PA GNYIS KYIS PHUNG SOGS KYI CHOS RNAMS LA CIG CAR DU BLTAS PA'I TSE NA, SNANG TSUL MI 'DRA BA'I KHYAD PAR YOD DE, DANG POS RAB RIB CAN BZHIN DU PHUNG SOGS RANG NGOS NAS GRUB PAR SNANG BA'I SGO NAS PHUNG SOGS LA DMIGS, PHYI MAS RAB RIB DANG BRAL BA'I MIG SHES KYIS BSE RU'I NANG DU SKRA SHAD 'DZAG PAR SNANG BA'I SNANG BA TZAM YANG MA MTHONG BA DE BZHIN DU, GZUGS @106A *, ,SOGS RANG GI MTSAN NYID KYIS GRUB PAR SNANG BA'I SNANG BA TZAM YANG MA MTHONG BAR DON DAM BDEN PA DMIGS PA'I PHYIR, DE LTAR BYAS NAS BDEN PA GNYIS KYI KHYAD PAR YOD DE, MA RIG PA'I BAG CHAGS KYIS BSLAD PA'I SHES PA LA RANG GI MTSAN NYID KYIS GRUB PAR SNANG BA'I GZUGS SOGS KUN RDZOB PA'I CHOS RNAMS KUN RDZOB BDEN PA DANG, DES MA BSLAD PA'I SLOB PA'I MNYAM GZHAG YE SHES KYI GZIGS NGOR PHUNG SOGS KUN RDZOB PA'I CHOS RNAMS MED PA DE RNAMS KYI DON DAM BDEN PA YIN PA'I PHYIR, GNYIS PA RTZOD PA SPONG BA LA, RTZOD PA DANG, LAN GNYIS, ,DANG PO LA KHA CIG NA RE, JI LTA BA RTOGS PA'I RNAM MKHYEN GYIS PHUNG SOGS KUN RDZOB PA'I CHOS RNAMS MA GZIGS PAR THAL, DPE DON SBYOR TSUL 'THAD PA GANG ZHIG ,RAB RIB DANG BRAL BA'I MIG SHES KYIS BSE RU'I NANG DU SKRA SHAD 'DZAG PAR SNANG BA'I SNANG BA TZAM YANG MA MTHONG BA'I PHYIR, 'DOD NA, MA RIG PA'I BAG CHAGS KYIS BSLAD PA'I SGO NAS SNANG BA'I GZUGS SOGS KUN RDZOB PA'I CHOS RNAMS MED PAR THAL, DE YOD NA JI LTA BA RTOGS PA'I RNAM MKHYEN GYIS GZIGS DGOS PA LAS MA GZIGS PA'I PHYIR, DANG PO DER THAL, JI LTA BA RTOGS PA'I SANGS RGYAS KYIS GZIGS DGOS PA'I PHYIR, 'DOD NA, JI LTA BA RTOGS PA'I RNAM MKHYEN MED PAR THAL, 'DOD PA GANG ZHIG ,DANG POR BYUNG CHUB MCHOG TU SEMS BSKYED, DE RJES 'TSANG RGYA BAR 'DOD PA LA MA RIG PA'I BAG CHAGS KYIS BSLAD PA'I DBANG GIS GZUGS SOGS RANG GI MTSAN NYID KYIS GRUB PAR MI SNANG BA'I PHYIR, DER THAL, DE LTAR SNANG MKHAN DE MED PA'I PHYIR, GNYIS PA LAN BSHAD PA LA, SANGS RGYAS KYIS SHES BYA MKHYEN TSUL SPYIR BSTAN PA DANG, DNGOS KYI LAN BSHAD PA GNYIS, DANG PO LA, RNAM MKHYEN GYIS JI LTA BA DANG JI SNYED PA GNYIS JI LTAR GZIGS PA'I TSUL YOD DE, RNAM MKHYEN GYIS JI LTA BA GZIGS PA'I TSE NA, MA RIG PA'I BAG CHAGS KYIS BSLAD PA'I SHES PA LA RANG GI MTSAN NYID KYIS GRUB PAR SNANG BA'I GZUGS SOGS KUN RDZOB PA'I CHOS RNAMS MA GZIGS PA'I TSUL GYIS JI LTA BA GZIGS, JI SNYED PA GZIGS PA'I TSE NA, MI SNANG BA'I SHUGS RTOGS SANGS RGYAS LA GZHAG TU MI RUNG ZHING, SNANG NAS MKHYEN DGOS PA'I YUL YUL CAN GNYIS SU SNANG BA'I TSUL GYI [*GYIS] @106B GZIGS PA'I PHYIR, DER THAL, RNAM BSHAD LAS, SANGS RGYAS KYI YE SHES KYIS SHES BYA MKHYEN TSUL NI GNYIS TE, DON DAM BDEN PA'I SHES BYA THAMS CAD MKHYEN TSUL DANG, KUN RDZOB BDEN PA'I SHES BYA THAMS CAD MKHYEN TSUL LO, ,DE LA DANG PO LA, PHUNG PO LA SOGS PA KUN RDZOB PA'I SNANG BA RNAMS MA GZIGS PA'I TSUL GYI [*GYIS] DE RNAMS KYI DE KHO NA NYID MKHYEN PA'O, ,GNYIS PA NI, MI SNANG YANG RTOGS PA'I SHUGS RTOGS SANGS RGYAS LA GZHAG TU MI RUNG BA'I PHYIR, SNANG NAS MKHYEN DGOS PAS JI SNYED PA MKHYEN PA'I YE SHES DE'I NGOR, YUL DANG YUL CAN GNYIS SU SNANG BA'I TSUL GYIS MKHYEN PA'O, ,ZHES GSUNGS PA'I PHYIR, DE'I DON LA MKHAS PA KHA CIG ,RNAM MKHYEN GYIS JI LTA BA'I CHOS RNAMS GNYIS SNANG NUB PA'I SGO NAS GZIGS, RANG LAS THA DAD PA'I JI SNYED PA'I CHOS RNAMS GNYIS SNANG DANG BCAS PA'I SGO NAS GZIGS KYANG, RANG NYID KYIS RANG NYID GNYIS SNANG BCAS NUB GANG GI SGO NAS KYANG MA GZIGS TE; GNYIS SNANG DANG BCAS PA'I SGO NAS GZIGS NA RANG NYID RANG NYID DANG THA DAD PAR 'GYUR, GNYIS SNANG NUB PA'I SGO NAS GZIGS NA NI DON DAM BDEN PAR THAL BA LDOG TU MED PA'I PHYIR, RNAM MKHYEN LA RNAM MKHYEN GYI RNAM PA MA SHAR TE, DES DE GNYIS SNANG DANG BCAS NUB GANG GI SGO NAS KYANG MA RTOGS PA'I PHYIR, DE LTAR YIN KYANG LUNG DE DANG 'GAL BA'I SKYON MED DE, SANGS RGYAS KYI SA NA SEMS CAN LA SNANG BA LTAR GYI SHUGS RTOGS MED PA'I DON YIN PA'I PHYIR, KHA CIG GI GSUNGS NA RE, RNAM MKHYEN GYIS JI LTA BA'I CHOS RNAMS GNYIS SNANG NUB PA'I SGO NAS GZIGS, JI SNYED PA'I CHOS RANG LAS THA DAD PA RNAMS GNYIS SNANG DANG BCAS PA'I SGO NAS GZIGS, RNAM MKHYEN GYIS RANG NYID GNYIS SNANG NUB PA'I SGO NAS GZIGS KYANG, RANG NYID KYIS DON DAM PAR GZIGS MI DGOS TE, RANG NYID RANG NYID DANG THA DAD MA YIN PAR GZIGS NA DON DAM PAR GZIGS MI DGOS PA'I PHYIR, DER THAL, RANG NYID RANG NYID DANG GCIG TU GZIGS NA DES DE DON DAM PA MA YIN PAR GZIGS DGOS PA'I PHYIR, RNAM MKHYEN GYI [*GYIS] RANG NYID MNGON SUM DU RTOGS TE, DES RANG NYID GNYIS SNANG NUB PA'I SGO NAS RTOGS PA'I PHYIR ZER NA, DANG PO LA, RNAM MKHYEN DU GYUR PA'I RNAM PAR SHES PA LA RNAM MKHYEN DU GYUR PA'I RNAM PAR SHES PA MI SNANG BAR THAL, RNAM MKHYEN LA @107A *, ,RNAM MKHYEN MI SNANG BA'I PHYIR, 'DOD NA MI 'THAD DE, DE LA DE SNANG BA'I PHYIR, DER THAL, DE'I 'KHOR DU GYUR PA'I TSOR BA LA DE SNANG BA GANG ZHIG ,DE GNYIS RNAM PA MTSUNGS PA'I PHYIR, DER THAL, DE GNYIS MTSUNGS LDAN RNAM PA LNGA MTSUNGS PA YIN PA'I PHYIR, DER GYUR PA'I TSOR BA DE LA DE SNANG BAR THAL, DES DE MNGON SUM DU RTOGS PA'I PHYIR, DER THAL, RNAM MKHYEN GYIS RANG LAS THA DAD PA'I KUN RDZOB PA'I CHOS THAMS CAD MNGON SUM DU RTOGS PA'I PHYIR, DER THAL, GNYIS SNANG DANG BCAS PA'I SGO NAS MNGON SUM DU RTOGS PA'I PHYIR, GZHAN YANG, RNAM MKHYEN LA RNAM MKHYEN SNANG BAR THAL; DE LA DE'I MI RTAG PA SNANG BA GANG ZHIG ,DE GNYIS YUL DUS RANG BZHIN GANG LA BLTOS TE GRUB SDE RDZAS GCIG YIN PA'I PHYIR, DER THAL, RNAM 'GREL LAS, DE PHYIR DNGOS PO MTHONG BA YIS, ,YON TAN THAMS CAD MTHONG BA NYID, ,CES GSUNGS PA'I PHYIR, DANG PO DER THAL, RNAM MKHYEN GYIS DE'I MI RTAG PA MNGON SUM DU RTOGS PA'I PHYIR, MA GRUB NA, RNAM MKHYEN CHOS CAN, KHYOD KYIS RNAM MKHYEN GYI MI RTAG PA MNGON SUM DU RTOGS PAR THAL, KHYOD RNAM MKHYEN YIN PA'I PHYIR, GZHAN YANG, KHYOD KYIS RNAM BSHAD KYI LUNG DON 'CHAD TSUL DE MI 'THAD PAR THAL, RNAM MKHYEN GYIS YUL GZIGS TSUL DANG, SEMS CAN GYI SHES PAS YUL GZIGS TSUL LA KHYAD PAR MED DAM SNYAM PA'I DOGS BA RGOL BA RTOGS LDAN LA MI SKYE BA'I PHYIR, DER THAL, SANGS RGYAS 'PHAGS PAS YUL GZIGS TSUL DANG SEMS CAN GYIS YUL GZIGS TSUL LA KHYAD PAR MED DAM SNYAM PA'I DOGS PA RGOL BA RTOGS LDAN LA MI SKYE BA'I PHYIR, LUGS GNYIS PA MI 'THAD DE, 'O NA, BLO DE'I NGOR BLO DE DANG YUL YUL CAN THA DAD PA'I GNYIS SNANG NUB PA'I SGO NAS DON DAM BDEN PA RTOGS NA BLO DES DON DAM BDEN PA GNYIS SNANG NUB PA'I SGO NAS RTOGS DGOS PAR THAL, RNAM MKHYEN GYIS RANG NYID RANG NYID YUL YUL CAN THA DAD PA'I GNYIS SNANG NUB PA'I SGO NAS RTOGS PA'I RGYU MTSAN GYIS, RANG NYID KYIS RANG NYID GNYIS SNANG NUB PA'I SGO NAS RTOGS PAR BZHAG PA'I PHYIR, 'DOD NA, DMAN LAM MNGON DU MA SONG BA'I STONG NYID RTOGS PA'I THEG PA CHEN PO'I SBYOR LAM BZOD PA'I YE SHES DES, STONG NYID GNYIS SNANG NUB PA'I SGO NAS RTOGS PAR THAL, DES RANG NYID @107B KYI NGOR YUL YUL CAN THA DAD PA'I GNYIS SNANG NUB PA'I SGO NAS STONG NYID RTOGS PA'I PHYIR, DER THAL, NYAN THOS KYI SA LAS, GNYIS SNANG NUB PA LTAR SNANG GI GNYIS SNANG NUB PA NI MA YIN NO, ,ZHES GSUNGS PA'I PHYIR, 'DOD NA MI 'THAD DE, SO SKYE'I YE SHES YIN PA'I PHYIR, ` RANG LUGS RNAM MKHYEN GYIS SHES BYA JI LTAR MKHYEN PA'I TSUL YOD DE, DON DAM BDEN PA'I SHES BYA THAMS CAD GNYIS SNANG NUB PA'I SGO NAS RTOGS, KUN RDZOB BDEN PA'I SHES BYA THAMS CAD GNYIS SNANG DANG BCAS PA'I SGO NAS RTOGS PA'I PHYIR, PHYI MA DER THAL, KUN RDZOB BDEN PA'I SNANG BA DANG BCAS PA'I SGO NAS RTOGS PA'I PHYIR; DER THAL, RNAM BSHAD LAS, JI SNYED PA MKHYEN PA'I YE SHES DE'I NGOR, YUL YUL CAN GNYIS SU SNANG BA'I TSUL GYIS MKHYEN PA'O, ,MDO LAS, GZUGS NI GNYIS SU SNANG BA'O, ,ZHES GSUNGS PA'I PHYIR, KUN RDZOB PA'I SNANG BA DANG BCAS NAS RTOGS PA LA GNYIS SNANG DANG BCAS NAS RTOGS PA ZHES 'CHAD PA'I RGYU MTSAN YOD DE, SEMS CAN LA GZUGS SOGS KUN RDZOB PA'I CHOS SNANG BA NA, BDEN PAR SNANG BA'I SGO NAS YUL YUL CAN 'BREL MED RGYANG CHAD KYI SNANG BA 'BYUNG, RNAM MKHYEN LA DE LTA BU'I SNANG BA MED KYANG DE'I RIGS SU GNAS PA'I RGYU MTSAN GYIS DE LTAR BSHAD PA'I PHYIR, KHA CIG ,RNAM MKHYEN GYIS DON DAM BDEN PA GNYIS SNANG NUB PA'I SGO NAS MA RTOGS PAR THAL, YUL YUL CAN THA DAD PA'I GNYIS SNANG YANG MA NUB, KUN RDZOB PA'I SNANG BA YANG MA NUB PAR DON DAM BDEN PA RTOGS PA'I PHYIR ZER NA, SKYON MED DE, RNAM MKHYEN GYIS YUL YUL CAN 'BREL MED RGYANG CHAD KYI GNYIS SNANG NUB PA'I SGO NAS RTOGS PA'I PHYIR, GNYIS PA LAN DNGOS BSHAD PA LA, RAB RIB DANG BRAL BA'I MIG SHES KYIS RAB RIB CAN GYI MIG SHES LA BSE RU'I NANG DU SKRA SHAD 'DZAG PAR SNANG BA'I SNANG BA TZAM YANG MA MTHONG BAR BSE RU'I NANG DU SKRA SHAD MED PAR RTOGS KYANG, RNAM MKHYEN GYIS MA RIG PA'I BAG CHAGS KYIS BSLAD PA'I SHES PA LA KUN RDZOB SNANG BA'I SNANG BA DE MA MTHONG BAR JI LTA BA RTOGS PA MA YIN NO, ,SNANG BA DE RNAM MKHYEN LA MI SNANG NA MED DGOS PA'I PHYIR, DER THAL, KUN MKHYEN YE SHES KYIS GZIGS PA LAS LOG NA MED DGOS PA'I PHYIR DES NA DPE DON SBYOR BA'I TSUL YOD DE, DPE DE @108A *, ,BZHIN DU, RNAM MKHYEN RANG NYID MA RIG BAG CHAGS KYIS MA BSLAD KYANG, MA RIG PA'I BAG CHAGS KYIS BSLAD PA'I SHES PA LA KUN RDZOB SNANG BA'I SNANG BA MA GZIGS PA'I TSUL GYIS JI LTA BA GZIGS PA'I PHYIR [*TE], JI LTA BA GZIGS PA'I GZIGS NGOR KUN RDZOB MA GZIGS PA'I PHYIR, KHA CIG NA RE, RNAM MKHYEN GYIS JI LTA BA MA GZIGS PAR THAL, DES GZIGS NA, DES JI LTA BA GNYIS SNANG NUB PA'I SGO NAS GZIGS DGOS PA LAS DES DE LTAR MA GZIGS PA'I PHYIR, RNAM MKHYEN DANG JI LTA BA GNYIS YUL YUL CAN THA DAD KYANG YIN TE, YUL YUL CAN THA DAD PA DE RNAM MKHYEN GYIS GZIGS PA'I PHYIR, ZER NA, RNAM MKHYEN GYIS JI LTA BA GZIGS PA'I GZIGS NGOR GNYIS SNANG DANG BCAS PA'I SGO NAS MA GZIGS PA DE BDEN MOD KYANG, DES JI LTA BA MA GZIGS PA'I SKYON MED DE, GNYIS SNANG DE DAG MA GZIGS PA'I TSUL GYIS JI LTA BA GZIGS PA'I PHYIR, LAN DE RTZOD PA DE'I LAN DU 'GRO TSUL YOD DE, RNAM BSHAD DGONGS PA RAB GSAL LAS, 'DI'I RTZOD PA'I LAN DU 'GRO TSUL NI JI LTA BA MKHYEN PA'I YE SHES DES PHUNG SOGS KYI DE KHO NA NYID MNGON SUM DU GZIGS PA'I PHYIR DANG, PHUNG SOGS RNAMS GZIGS NGO DER MA GRUB PA DE DAG GI DE KHO NA NYID YIN PA'I PHYIR, PHUNG SOGS MA GZIGS PA'I TSUL GYIS DE KHO NA NYID GZIGS PA'I PHYIR TE, RANG 'GREL LAS, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS, DE NYID THUGS SU CHUD PA'I PHYIR SANGS RGYAS ZHES BRJOD DE, ZHES GSUNGS PA'I PHYIR, KHA CIG GIS, RNAM MKHYEN GYIS PHUNG SOGS MA GZIGS PAR DE'I DE KHO NA NYID GZIGS PAR THAL, DE MA GZIGS PA'I TSUL GYIS DE KHO NA NYID GZIGS PA'I PHYIR, ZER NA MA KHYAB, 'DOD NA MI 'THAD DE, DES BDEN GNYIS DUS CIG CAR DU GZIGS PA'I PHYIR ZER NA, BSAL BA KHYOD RANG GI DER THAL, RNAM MKHYEN GYIS PHUNG SOGS KYI DE KHO NA NYID GZIGS PA'I GZIGS NGOR, PHUNG SOGS MA GZIGS PA'I TSUL GYIS DE DAG GIS DE KHO NA NYID GZIGS PA'I PHYIR, DER THAL, RANG 'GREL LAS, DNGOS PO BYAS PA CAN LA MA REG PAR, ,ZHES GSUNGS PA'I PHYIR DANG, MDO LAS, MTHONG BA MED PA NI MTHONG BA DAM PA'O, ,ZHES GSUNGS PA'I PHYIR, @108B DANG; SDUD PA LAS, GZUGS RNAMS MI MTHONG TSOR BA DAG KYANG MI MTHONG ZHING, ,'DU SHES MTHONG BA MED LA SEMS PA MI MTHONG ZHING, ,GANG LA RNAM PAR SHES DANG SEMS NYID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG STE DE 'DIR BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,ZHES GSUNGS PA'I PHYIR, MDO DANG PO'I DON, YUL CI YANG MA MTHONG BA MTHONG BA DAM PA'I DON MA YIN TE, MA MTHONG BA DES NI [*BA NI] KUN RDZOB KYI SPROS PA DANG; DE DAG RANG BZHIN GYIS MED PA MTHONG BA DAM PA'I DON YIN PA'I PHYIR, MDO PHYI MA'I DON NI, NAM MKHA' THOG BCAS KYI REG BYA BKAG TZAM YIN ZHING, DE RTOGS PA DANG MTHONG ZHES BRJOD PA NA, THOGS BCAS KYI REG BYA YOD NA DMIGS DGOS PA LAS MA DMIGS PAS, THOGS BCAS KYI REG BYA MA MTHONG BA NAM MKHA' MTHONG BA'I DON DU BSTAN PA'I PHYIR, DPE DE BZHIN DU GZUGS SOGS KYI CHOS RNAMS RANG BZHIN GYIS MED DE, DE RANG BZHIN GYIS YOD NA, GNAS LUGS MNGON SUM DU RTOGS PA'I SLOB PA 'PHAGS PA'I MNYAM GZHAG GI GZIGS NGOR YOD DGOS PA LAS, DE'I GZIGS NGOR DE MED PA DE DAG GI GNAS LUGS YIN PA'I PHYIR, DER THAL, MDO LAS, GANG GI RTEN CING 'BREL PAR 'BYUNG BA MTHONG BA DE NI, CHOS MTHONG BA YIN NO, ,ZHES GSUNGS PA'I PHYIR, KHA CIG NA RE, DE KHO NA NYID RTOGS PA'I TSE NA YUL CI YANG MA MTHONG BA MTHONG BA DAM PA'I DON DU 'DOD PA NI, MTHONG BA DPE GZHAN GYIS NI BSNYAD PAR NUS MA YIN, ,ZHES PA'I MDOS BKAG PA YIN TE, THOGS BCAS KYI REG BYA BKAG TZAM MTHONG BA DE NAM MKHA' MTHONG BA'I DON DU BZHAG PA BZHIN DU DE KHO NA NYID MTHONG BAR GSUNGS PA'I PHYIR, DES NA RNAM MKHYEN GYIS JI LTA BA GZIGS PA'I GZIGS NGOR JI SNYED PA MA GZIGS PAR JI LTA BA GZIGS PA YIN TE, PHUNG SOGS LUS NGAG YID GSUM GYI YUL DU GYUR PA LTAR, GZIGS NGO DER YOD NA SPROS PA MA CHOD PAS DON DAM PA MA YIN PA'I PHYIR, KUN RDZOB BDEN PAR 'GYUR BA'I PHYIR, RNAM MKHYEN GYIS JI LTA BA GZIGS PA'I GZIGS NGOR JI LTA BA GZIGS PA'I TSUL YOD DE, MING TSIG YI GE LA SOGS PA'I THA SNYAD @109A *, ,THAMS CAD LAS 'DAS PA DANG, DON DAM BDEN PA LA NGO BO LA RIGS MI 'DRA BA'I KHYAD PAR MED PA DANG, SKYE 'GAG DANG BRJOD BYA RJOD BYED DANG, SHES BYA SHES BYED DANG BRAL BAR MNGON SUM DU RTOGS PA'I PHYIR, DER THAL, MDO LAS, LHA'I BU GAL TE DON DAM PAR NA DON DAM PA'I BDEN PA LUS DANG NGAG DANG YID KYI YUL GYI RANG BZHIN DU 'GYUR NA NI DON DAM PA ZHES BYA BA'I GRANGS SU MI 'GRO STE, KUN RDZOB KYI BDEN PA NYID DU 'GYUR RO, ,'ON KYANG LHA'I BU DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA, BYE BRAG MED PA MA SKYES PA MA 'GAG PA SMRA BAR BYA BA DANG SMRA BA DANG, SHES PAR BYA BA DANG, SHES PA DANG BRAL BA'O, ,ZHES GSUNGS PA'I PHYIR, RNAM MKHYEN GYIS JI LTA BA GZIGS PA'I GZIGS NGOR JI LTA BA GNYIS SNANG NUB PA'I SGO NAS GZIGS PA YIN TE, SEMS CAN RNAMS LA DON DAM PA'I BDEN PA'O ZHES BRJOD PA NA, SGRA DE'I RJES SU 'BRANG BA'I RTOG PA DE LA YUL YUL CAN 'BREL MED RGYANG CHAD DU SNANG ZHING, SANGS RGYAS KYIS DE LTA BU'I GNYIS SNANG NUB PA'I SGO NAS GZIGS PA'I PHYIR DANG, GNYIS SNANG DE BRDZUN PA BSLU BA'I CHOS CAN YIN PA'I PHYIR, DER THAL, MDO LAS, LHA'I BU DON DAM PA'I BDEN PA NI RNAM PA THAMS CAD KYI MCHOG DANG LDAN PA DANG THAMS CAD MKHYEN PA'I YE SHES KYI YUL GYI BAR LAS 'DAS PA YIN TE, DE LTAR DON DAM PA'I BDEN PA'O, ,ZHES BRJOD PA LTAR NI MA YIN NO, ,CHOS THAMS CAD DE NI BRDZUN TE BSLU BA'I CHOS SO, ,ZHES GSUNGS PA'I PHYIR, RNAM MKHYEN GYIS BDEN GNYIS DUS CIG CAR DU RTOGS PA DANG, DUS GSUM CIG CAR DU MNGON SUM DU RTOGS KYANG, JI LTA BA LA BLTOS NAS JI SNYED PA RTOGS PA'I YE SHES DANG, JI SNYED PA LA BLTOS NAS JI LTA BA RTOGS PA'I YE SHES MA YIN PA DANG, JI LTA BA LA BLTOS NAS MNYAM GZHAG YE SHES YIN PA DANG, JI SNYED PA LA BLTOS NAS RJES THOB YE SHES YIN TE, RGYUD BLA MA LAS, SHES RAB YE SHES RNAM GROL RNAMS, ,GSAL DANG DAG DANG 'PHRO BA DANG, ,THA DAD MED CING 'OD DANG ZER, ,NYI MA'I DKYIL 'KHOR DAG DANG MTSUNGS, ,ZHES GSUNGS PA'I PHYIR, DES DUS GSUM CIG CAR DU MNGON SUM DU RTOGS KYANG, DUS GSUM @109B CIG CAR DU GRUB MI DGOS TE, MKHYEN DUS DANG GRUB DUS MI MTSUNGS PA'I PHYIR, DER THAL, DES DUS GSUM CIG CAR DU RTOGS PA NA, 'DAS MA 'ONGS GNYIS DA LTA BA'I DUS KYIS KHYAD PAR DU BYAS NAS MA RTOGS PA'I PHYIR, KHA CIG NA RE, SANGS RGYAS KYI SA NA, JI SNYED PA RTOGS PA'I YE SHES MED CING, JI LTA BA RTOGS PA'I YE SHES YOD PA DANG, YANG KHA CIG GIS, DE GNYIS KA MED PAR 'DOD PA NI 'BRAS BU SANGS RGYAS KYI YE SHES LA SKUR BA BTAB PA YIN TE, MKHYEN PA'I SKAD CIG GCIG GIS YUL SO SO LA BLTOS NAS GZIGS TSUL MI 'DRA BA GNYIS KYI SGO NAS MNGON SUM DU GZIGS PAS MKHYEN PA GNYIS SU 'JOG PA SANGS RGYAS KHO NA'I KHYAD CHOS YIN PA'I PHYIR, DER THAL, BDEN GNYIS RANG 'GREL LAS, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ,ZHES GSUNGS PA'I PHYIR, RNAM MKHYEN GYIS JI SNYED PA MA GZIGS PA'I TSUL GYIS JI LTA BA GZIGS PA DANG, JI LTA BA MA GZIGS PA'I TSUL GYIS JI SNYED PA GZIGS PA DANG, JI SNYED PA GZIGS PA'I GZIGS NGOR JI LTA BA MA GZIGS PA DANG, JI LTA BA GZIGS PA'I GZIGS NGOR JI SNYED PA MA GZIGS PA'I DON YOD DE, JI LTA BA GZIGS PA LTAR DU JI SNYED PA MA GZIGS JI SNYED PA GZIGS PA LTAR DU JI LTA BA MA GZIGS PA'I DON YIN PA'I PHYIR, DER THAL, MDO LAS, JI LTAR DON DAM PA'I BDEN PA ZHES BRJOD PA LTAR NI MA YIN NO, ,ZHES DANG, MNGON RTOGS RGYAN LAS, GZUGS LA SOGS PAR MI SHES PHYIR, ,DE NI BSAM MI KHYAB PAR 'DOD, ,CES DANG, MDO LAS, MIG DANG RNA BA SNA YANG TSAD MA MIN, ,ZHES GSUNGS PA'I PHYIR, RNAM MKHYEN GYIS RNAM MKHYEN BDEN STONG GZIGS PA LTAR DU RNAM MKHYEN MA GZIGS PA YIN TE, DES RNAM MKHYEN BDEN STONG GZIGS PA NA, CHU LA CHU BZHAG GI TSUL DU RO MNYAM DU GZIGS, RNAM MKHYEN GZIGS PA NA DE LTAR DU MA GZIGS PA'I PHYIR, RNAM MKHYEN GYIS JI SNYED PA GZIGS PA'I SGO NAS JI LTA BA GZIGS KYANG, JI SNYED PA [*MA] GZIGS PA'I TSUL GYIS JI LTA BA GZIGS PA MI 'GAL TE, DPER NA, RGYUN MTHA' BAS DE BZHIN NYID LA SLAR MI LDANG BAR MNYAM PAR GZHAG KYANG, DE LA SLAR MI LDANG BA'I TSUL GYIS MNYAM PAR MA GZHAG PA LTA BU YIN PA'I PHYIR, RNAM MKHYEN DANG JI LTA BA GNYIS 'JAL BYA @110A *, ,'JAL BYED YIN KYANG, JI LTA BA GZIGS PA'I GZIGS NGOR 'JAL BYA 'JAL BYED MA YIN TE, DPER NA, MYU GU BDEN MED DANG, DE RTOGS PA'I RIGS SHES RJES DPAG GNYIS 'JAL BYA 'JAL BYED YIN KYANG, DES DE GZIGS PA'I GZIGS NGOR DE GNYIS 'JAL BYA 'JAL BYED MA YIN PA LTA BU YIN PA'I PHYIR, DER THAL, MDO LAS, THAMS CAD MKHYEN PA'I YE SHES KYI, ,ZHES GSUNGS PA'I PHYIR, DE LA KHA CIG ,PHUNG PO BDEN MED DU GZIGS PA'I THEG CHEN MTHONG LAM BAR CHAD MED LAM GYI GZIGS NGOR PHUNG PO MED PA DE'I GNAS LUGS YIN PAR THAL, RNAM MKHYEN GYIS JI LTA BA GZIGS PA'I GZIGS NGOR PHUNG PO MED PA DE'I GNAS LUGS YIN PA'I PHYIR, 'DOD NA, DE DE'I GNAS LUGS MA YIN PAR THAL, DE DE'I GNAS LUGS GTAN LA 'BEBS PA'I RTAGS KYI PHYOGS GCIG YIN PA'I PHYIR [*ZER NA], RNAM PA GCIG TU MA KHYAB, MA GRUB NA, DER THAL, PHUNG PO CHOS CAN, BDEN PAR MED DE, BDEN PAR YOD NA GNAS LUGS MNGON SUM DU RTOGS PA'I SLOB PA'I MNYAM GZHAG YE SHES KYI GZIGS NGOR YOD DGOS PA LAS MA GZIGS PA'I PHYIR, ZHES PA'I SBYOR BA 'DI, DE'I GNAS LUGS GTAN LA 'BEBS PA'I RTAGS SBYOR RNAM DAG YIN PA'I PHYIR, RTZA BA LA KHYAB PA YOD DE, MTHA' BDUN DU MA GRUB PA DE, GANG ZAG GI GNAS LUGS MA YIN PA GANG ZHIG ,DE DE'I GNAS LUGS GTAN LA 'BEBS PA'I RTAGS YANG DAG YIN PA'I PHYIR, ZER NA MA KHYAB, MA GRUB NA DER THAL, DE DE'I GNAS LUGS GTAN LA 'BEBS PA LA 'JUG PA'I THABS YIN PA'I PHYIR, DER THAL, 'JUG PA LAS, DES DE NYID LA BDE BLAG 'JUG 'GYUR BAS, ,ZHES GSUNGS PA'I PHYIR, KHA CIG ,PHUNG PO BDEN MED DU RTOGS PA'I THEG CHEN MTHONG LAM BAR CHAD MED LAM GYI GZIGS NGOR PHUNG PO MED PA DE DE'I GNAS LUGS MA YIN KYANG, RNAM BSHAD KYI LUNG DE DANG 'GAL BA'I SKYON MED DE, PHUNG PO BDEN PAR GRUB NA, DE'I GZIGS NGOR YOD DGOS PA LAS DE'I GZIGS NGOR MED PAS, DE'I SGO NAS PHUNG SOGS KYI GNAS LUGS GTAN LA 'BEBS PA'I DON YIN PA'I PHYIR, ZHES ZER, GNYIS PA, GZHAN SKYE 'GOG PA LA, 'JIG RTEN GYIS MI GNOD PAR MA ZAD, YON TAN 'BYUNG BAR BSTAN PA @110B LA; RTAG CHAD KYI MTHA' GNYIS SPONG SLA BA'I YON TAN DANG, LAS 'BRAS KYI RNAM GZHAG CHES 'THAD PA'I YON TAN DANG GNYIS, DANG PO LA, MDOR BSTAN PA DANG, RGYAS PAR BSHAD PA, DON BSDU BA GSUM LAS, DANG PO LA, SA BON LAS MYU GU RANG BZHIN GYIS SKYE BA KHEGS KYANG, THA SNYAD DU SA BON LAS MYU GU SKYE BAR KHAS BLANGS PA LA, SA BON GYI DUS SU MYU GU YOD MI DGOS PAS RTAG MTHA' SPONG BA DANG, SA BON MYU GU'I DUS SU RGYUN MA CHAD PAR KHAS BLANG PAS CHAD MTHA' SPANG BA YIN NO ZHES MDOR BSTAN NAS 'CHAD PA LA, GANG PHYIR MYU GU SA BON LAS GZHAN MIN, ,ZHES PA NAS, MYUG TSE SA BON YOD CES BRJOD MI BYA, ZHES PA'I BAR GSUNGS, GNYIS PA, RGYAS PAR BSHAD PA LA RGYU 'BRAS RANG GI MTSAN NYID KYIS GRUB PA BKAG PA DANG, RANG GI MTSAN NYID KYIS MA GRUB KYANG, RANG RGYU LAS SKYE BA DPE'I SGO NAS BSTAN PA GNYIS LAS, DANG PO LA, DBU MA RANG RGYUD PA KHA CIG ,DNGOS PO DON DAM PA RANG GI MTSAN NYID KYIS MA GRUB PAS DON DAM PAR GZHAN LAS SKYE BA 'GOG RIGS KYANG, THA SNYAD DU RANG GI MTSAN NYID KYIS GRUB PA'I RGYU GZHAN LAS SKYE BA 'GOG MI RIGS TE, DE MI SKYE NA, DE YANG DAG KUN RDZOB MA YIN PAR 'GYUR, DE YANG DAG KUN RDZOB MA YIN NA, DE MED DGOS PA'I SHES BYA LA DON DAM PA'I BDEN PA KHO NAR 'GYUR RO ZHES ZER, DE 'GOG PA LA; MNYAM GZHAG YE SHES DNGOS PO'I 'JIG RGYUR THAL BA DANG, THA SNYAD BDEN PA RIGS PA'I DPYAD BZOD DU THAL BA DANG, DON DAM PA'I SKYE BA MI KHEGS PAR THAL BA DANG BCAS PA'I RIGS PA GSUM GYI SGO NAS 'GOG PA LA, GAL TE RANG GI MTSAN NYID BRTEN 'GYUR NA, ZHES PA NAS, KHYOD KYI SKYE BA GANG GI YIN PAR 'GYUR, ,ZHES PA'I BAR GSUNGS, GNYIS PA NI, DNGOS PO RANG GI MTSAN NYID KYIS GRUB PA'I RGYU GZHAN LAS MI SKYE YANG, THA SNYAD DU RANG GI RGYU LAS SKYE BA BYAD BZHIN DANG, DE'I GZUGS BRNYAN GYI RGYU 'BRAS KYI DPE LA BRTEN NAS 'CHAD PA LA, DNGOS PO STONG PA GZUGS BRNYAN LA SOGS PA, ZHES PA NAS, STONG NYID DAG LAS RAB TU SKYE BAR 'GYUR, ,ZHES PA'I BAR GSUNGS, GSUM PA DON BSDU BA LA, RANG GI MTSAN NYID KYIS GRUB PA'I RGYU GZHAN LAS RANG GI MTSAN NYID KYIS GRUB PA'I 'BRAS BU GZHAN SKYE BA, BDEN PA GNYIS CHAR DU BKAG PA LA BRTEN NAS RTAG CHAD KYI LTA BA SPONG SLA BA'I YON TAN YOD DO, ,ZHES @111A *, ,DON BSDUS TE 'CHAD PA LA, BDEN PA GNYIS SU'ANG RANG BZHIN MED PA'I PHYIR, ,DE DAG RTAG PA MA YIN CHAD PA'ANG MIN, ,ZHES PA'I GZHUNG GSUNGS, GNYIS PA LAS 'BRAS KYI RNAM GZHAG CHES 'THAD PA'I YON TAN BSHAD PA LA, DNGOS DANG, RTZOD PA SPONG BA GNYIS LAS, DANG PO LA, RANG GI MTSAN NYID KYIS GRUB PA'I RGYU GZHAN LAS, RANG GI MTSAN NYID KYIS GRUB PA'I 'BRAS BU GZHAN SKYE BA BKAG PA LA, RTAG CHAD KYI LTA BA SPONG SLA BA'I YON TAN YOD PAR MA ZAD, LAS 'BRAS KYI RTEN DU GYUR PA'I KUN GZHI KHAS LEN MI DGOS PA SOGS KYI YON TAN 'BYUNG TSUL 'CHAD PA LA, GANG PHYIR RANG BZHIN GYIS TE MI 'GAGS PA, ,ZHES PA NAS, 'BRAS BU YANG DAG 'BYUNG BA RIG PAR GYIS, ,ZHES PA'I BAR GSUNGS, GNYIS PA RTZOD PA SPONG BA LA, RNAM SMIN GYI 'BRAS BU 'BYIN PA THUG MED DU THAL BA SPANG BA DANG, KUN GZHI YOD PAR STON PA'I LUNG DANG 'GAL BA SPONG BA GNYIS, DANG PO LA, GANG PHYIR RANG BZHIN GYIS TE MI 'GAGS PA, ,ZHES [*SOGS] RTZA 'GREL GYI SKABS SU KUN GZHI BKAG NAS LAS ZHIG PAS 'BRAS BU BSKYED PAR BSTAN PA LA, KHA CIG ,DGE MI DGE'I LAS KYI RNAM SMIN GYI 'BRAS BU YID 'ONG DANG, YID MI 'ONG 'BYIN PA 'CHOL BAR 'GYUR BA DANG, 'BRAS BU PHYUNG ZIN PA'I LAS KYIS SLAR YANG 'BRAS BU 'BYIN PAR THAL LO ZER NA, DE LTA BU'I RTZOD PA DE RMI LAM GYI DPE'I SGO NAS 'GOG PA LA, RMI LAM DMIGS PA'I YUL DAG MTHONG NAS NI, ,ZHES PA NAS, LAS 'BRAS RNAMS LA SEMS PA'ANG DGAG PA MDZAD, ,CES PA'I BAR GSUNGS, RTZOD PA GNYIS PA LA KUN GZHI MED NA, KUN GZHI YOD PAR STON PA'I LUNG DANG 'GAL LO ZER NA, 'GAL BA'I SKYON MED DE, PHUNG PO BDEN GRUB 'DOD PA'I GANG ZAG GI NGOR PHUNG PO BDEN GRUB STON PA'I LUNG DRANG DON DGONGS PA CAN YIN PA DE BZHIN DU, KUN GZHI YOD PAR STON PA'I LUNG YANG DRANG DON DGONGS PA CAN YIN NO, ,ZHES 'CHAD PAR BYED PA LA, KUN GZHI YOD CING GANG ZAG NYID YOD LA, ,ZHES PA NAS, YOD CES DRANG DON NYID DU BSTAN PA YIN, ,ZHES PA'I BAR GSUNGS, ` ,GAL TE RANG GI MTSAN NYID BRTEN GYUR NA, ,ZHES SOGS KYI SKABS SU MTHA' DPYAD PA LA, PHYOGS SNGA MA BRJOD PA DANG, DE DGAG PA GNYIS, DANG PO LA, SNGAR RANG GI MTSAN NYID KYIS GRUB PA'I RGYU GZHAN LAS 'BRAS BU GZHAN SKYE BA BKAG @111B PA LA; DBU MA RANG RGYUD PA RNAMS NA RE, DNGOS PO DON DAM PAR RANG GI MTSAN NYID KYIS MA GRUB PAS, DON DAM PAR GZHAN LAS SKYE BA 'GOG RIGS KYANG, TSAD MA GNYIS KYI YUL DU GYUR PA'I GZUGS DANG, TSOR BA SOGS THA SNYAD DU RANG GI MTSAN NYID KYIS GRUB PA'I RANG GI RGYU LAS SKYE BA 'GOG MI RIGS TE, DE GNYIS RANG GI MTSAN NYID KYIS GRUB PA'I RGYU LAS MI SKYE NA, DE GNYIS YANG DAG KUN RDZOB MA YIN PAR 'GYUR, DE GNYIS YANG DAG KUN RDZOB MA YIN NA DE GNYIS MED DGOS PAS, SHES BYA LA DON DAM PA'I BDEN PA KHO NAR 'GYUR BA'I SKYON YOD PA'I PHYIR ZER BA YIN TE, RANG 'GREL LAS, 'DIR SMRAS PA, DON DAM PAR SKYE BA MED PAS, BDAG DANG GZHAN LAS SKYE BA DGAG PA LA RAG MOD, GZUGS DANG, TSOR BA LA SOGS PA GANG DAG MNGON SUM DANG RJES SU DPAG PA DAG GIS DMIGS PA DE DAG GI, RANG BZHIN NI GDON MI ZA BAR GZHAN LAS SKYE BAR 'GYUR RO, ,CI STE, DE LTAR MI 'DOD NA NI, BDEN PA GNYIS SU CI STE BRJOD DE, BDEN PA GCIG KHO NAR 'GYUR RO, ,DE'I PHYIR GZHAN LAS SKYE BA YOD PA NYID DO, ,ZHES GSUNGS PA'I PHYIR, GZHUNG 'DI'I PHYOGS SNGA SMRA BA PO RANG RGYUD PA YIN TE, DE'I PHYOGS SNGA SMRA BA PO'I PHYI ROL PA YANG MED, NANG SDE DNGOS SMRA BA YANG MED PA'I PHYIR, DANG PO DE MED DE, GZHAN SKYE 'DOD PA'I PHYI ROL PA RNAMS KYIS, DNGOS PO DON DAM PAR GZHAN LAS SKYE BAR 'DOD PA GANG ZHIG ,GZHUNG 'DI'I PHYOGS SNGA SMRA BA POS DE LTAR MI 'DOD PA'I PHYIR, GNYIS PA DE MI 'THAD DE, DES DNGOS PO RNAMS BDEN PAR GRUB PA'I RANG GI RGYU LAS SKYE BAR 'DOD PA YIN GYI, THA SNYAD DU SKYE BAR MI 'DOD PA GANG ZHIG ,GZHUNG 'DI'I PHYOGS SNGA SMRA BA POS, DNGOS PO RNAMS BDEN PAR GRUB PA'I RGYU LAS SKYE BAR MI 'DOD KYI, THA SNYAD DU SKYE BAR 'DOD PA'I PHYIR, GNYIS PA, DE DGAG PA LA, MNYAM GZHAG YE SHES DNGOS PO'I 'JIG RGYUR THAL BA SOGS GSUM LAS, DANG PO LA, DNGOS PO BDEN MED DU MNGON SUM DU RTOGS PA'I MNYAM GZHAG YE SHES DE, DNGOS PO'I 'JIG RGYU YIN PAR THAL, DNGOS PO YOD PA GANG ZHIG ,MNYAM GZHAG DE'I TSE NA DNGOS PO MED PA'I PHYIR, DER THAL, DE'I TSE YOD NA MNYAM GZHAG YE SHES DES GZIGS DGOS PA LAS MA GZIGS PA'I PHYIR, DE'I TSE NA DES GZIGS DGOS TE, DE'I TSE YOD NA GNAS LUGS SU GRUB DGOS, DNGOS PO'I GNAS LUGS SU GRUB NA DES GZIGS @112A *, ,DGOS PA'I PHYIR, DE'I TSE GRUB NA GNAS LUGS SU GRUB DGOS PAR THAL, DE'I TSE GRUB NA BDEN PAR GRUB DGOS PA'I PHYIR, DER THAL, DE'I TSE YOD NA RANG GI MTSAN NYID KYIS GRUB DGOS PA'I PHYIR, DER THAL, DE RANG GI MTSAN NYID KYIS GRUB PA'I PHYIR, RANG STONG KHAS LEN PA'I DBU MA PA RNAMS KYIS; PHUNG SOGS RANG GI MTSAN NYID KYIS MA GRUB PA RANG STONG GI DON DU KHAS LEN DGOS TE, PHUNG SOGS RANG GI MTSAN NYID KYIS MA GRUB PA DANG, PHUNG SOGS RANG 'DZIN TSAD MA DANG RDZAS GZHAN GYIS STONG BA'I STONG NYID RANG STONG GI DON DU MTSUNGS PAR 'DOD NA, LUNG DANG YANG 'GAL, RIGS PA DANG YANG 'GAL BA'I PHYIR, LUNG DANG 'GAL BA YIN TE, DKON MCHOG BRTZEGS PA LAS, 'OD SRUNGS GZHAN YANG, DBU MA'I LAM CHOS RNAMS LA YANG DAG PAR SO SOR RTOGS PA NI GANG STONG PA NYID KYI CHOS RNAMS STONG PAR MI BYED DE, CHOS RNAMS NYID KYANG STONG PA NYID DANG, ZHES SOGS GSUNGS PA'I PHYIR, PHUNG SOGS RANG GI MTSAN NYID KYIS MA GRUB PA RANG STONG GI DON DU 'DOD DGOS PA'I RGYU MTSAN YOD DE, PHUNG SOGS RANG GI MTSAN NYID KYIS MA GRUB PA, TSAD MAS RTOGS SHING BYED PA MA NYAMS KYI BAR DU BDEN GRUB TU SGRO 'DOGS PA'I SGRO 'DOGS DE MI 'BYUNG ZHING, PHUNG SOGS RANG 'DZIN TSAD MA DANG, RDZAS GZHAN GYIS STONG PA'I STONG NYID TSAD MAS RTOGS SHING, BYED PA MA NYAMS KYANG DE 'DRA BA'I SGRO 'DOGS 'JUG PA YOD PA'I PHYIR, KHA CIG GIS, GZUGS SOGS KYI CHOS RNAMS RANG NYID KYIS RANG NYID STONG BA DE, RANG STONG GI DON YIN NO ZHES ZER NA, 'O NA GZUGS SOGS KYI CHOS RNAMS MED PAR THAL, DE GZUGS SOGS KYI CHOS RNAMS LA YANG MED, DE LAS GZHAN PA'I CHOS RNAMS LA YANG MED PA'I PHYIR, DANG PO LA, DE MED DE, DES STONG BA'I PHYIR, 'DOD NA, 'PHAGS PA'I MNYAM GZHAG YE SHES DNGOS PO'I 'JIG RGYUR MI 'DOD PA THAL BAR 'PHEN PA MI 'THAD PAR THAL, GZUGS SOGS KYI CHOS RNAMS DE KHO NA NYID LA DPYOD PA'I SKABS SU MED PA GANG ZHIG ,DE 'JIG RTEN THA SNYAD DU YOD PA'I PHYIR, DER THAL, 'JIG RTEN PA RNAMS KYIS DE YOD PAR KHAS LEN PA'I PHYIR, GZUGS SOGS KYI CHOS RNAMS RANG GI MTSAN NYID KYIS MA GRUB NA, DE KUN RDZOB BDEN PA MA YIN DGOS, DE MA YIN NA DE MED DGOS PA'I SHES BYA LA BDEN PA GCIG KHO NAR 'GYUR RO ZHES RTZOD PA DE, SNANG TSUL DANG @112B GNAS TSUL MTHUN PA LA BDEN PAR BYAS NAS DE'I DBANG DU BYAS TE, SHES BYA LA BDEN PA GCIG KHO NAR 'GYUR RO ZHES ZER BA YIN NAM, BDEN PAR GRUB PA'I BDEN PA LA BYAS NAS DE'I DBANG DU BYAS TE SHES BYA LA BDEN PA GCIG KHO NAR 'GYUR RO ZHES ZER BA DAG LAS GANG YIN, DANG PO LTAR NA 'DOD PA KHO NA YIN TE; SNANG TSUL DANG GNAS TSUL MTHUN PA'I MI SLU BA'I BDEN PA YIN NA, DON DAM BDEN PA YIN DGOS TE, RIGS PA DRUG CU PA'I 'GREL PAR MDO DRANGS PA LAS, DGE SLONG DAG BDEN PA DON DAM PA 'DI NI GCIG STE, 'DI LTA STE, MI SLU BA'I CHOS MYA NGAN LAS 'DAS PA'O, ,ZHES GSUNGS PA'I PHYIR, PHYI MA LTAR NA, SHES BYA LA BDEN PA GNYIS SU BYAS PA'I DBYE BA'I YA GYAL DU GYUR PA'I BDEN PA DE, BDEN GRUB LA BYED PAR THAL, KHYOD KYI RIGS PA DE 'THAD PA'I PHYIR, 'DOD NA, MI 'THAD DE, BDEN PAR GRUB PA MED PA'I PHYIR, DE LTAR MA YIN PAR RGYU 'BRAS RANG GI MTSAN NYID KYIS GRUB NA, SHES BYA LA BDEN PA GCIG KHO NAR 'GYUR BA YIN TE; RANG GI MTSAN NYID KYIS GRUB NA BDEN PAR GRUB DGOS, BDEN PAR GRUB NA SNANG TSUL DANG GNAS TSUL DU MTHUN PA'I MI SLU BA'I BDEN PA YIN DGOS, DE YIN NA DON DAM BDEN PA YIN DGOS PA'I PHYIR, RIGS PA GNYIS PA LA GZUGS SOGS KYI DNGOS PO RNAMS, MTHAR THUG DPYOD PA'I RIGS SHES KYIS DPYAD BZOD KYI SKYE BA YIN PAR THAL, THA SNYAD BRTAGS PA'I BRTAGS DON BTZAL BA'I TSE NA RNYED PA'I SKYE BA YIN PA'I PHYIR, DER THAL, RANG GI MTSAN NYID KYIS GRUB PA'I SKYE BA YIN PA'I PHYIR, 'DOD NA, MI 'THAD DE, THA SNYAD PA'I SKYE BA YIN PA'I PHYIR, DER THAL, DE THA SNYAD BDEN PA YIN PA'I PHYIR, RIGS PA GSUM PA RDO RJE GZEGS MA'I GTAN TSIGS DANG, GCIG DU BRAL SOGS KYI GTAN TSIGS LA BRTEN NAS GZUGS SOGS BDEN GRUB 'GOG MI NUS PAR THAL, DE DAG LA BRTEN NAS RANG GI MTSAN NYID KYIS GRUB PA 'GOG MI NUS PA'I PHYIR, DER THAL, GZUGS SOGS RANG GI MTSAN NYID KYIS GRUB PA'I PHYIR, 'DOD NA, GZUGS SOGS BDEN PAR GRUB PAR THAL, 'DOD PA'I PHYIR, DES NA GZUGS RANG GI MTSAN NYID KYIS MA GRUB STE, RIGS PA DE DAG LA BRTEN NAS RANG GI MTSAN NYID KYIS GRUB PA DANG, BDEN PAR GRUB PA GNYIS, 'GOG NUS MI NUS RGYU MTSAN RNAM PA KUN TU MTSUNGS PA'I PHYIR, ` DNGOS PO STONG PA GZUGS BRNYAN LA SOGS PA, ,ZHES @113A *, ,SOGS KYI SKABS SU MTHA' DPYAD PA LA, PHYOGS SNGA MA BRJOD PA DANG, DE DGAG PA GNYIS DANG PO LA, KHA CIG ,GZUGS SGRA SOGS MED PAR THAL, DE RANG GI MTSAN NYID KYIS MA GRUB PA'I PHYIR, 'DOD NA, DE DAG MNGON SUM DU MTHONG BA DANG THOS PA MED PAR THAL, DE DAG MED PA'I PHYIR, MA KHYAB NA, RI BONG GI RVA YANG MTHONG BA YOD PAR THAL, MA KHYAB PA DE'I PHYIR ZER NA, GNYIS PA DE DGAG PA LA, DPE 'GOD PA DANG, DPE DE DON LA SBYAR BA DANG GNYIS, DANG PO LA, ME LONG NANG GI BYAD BZHIN GYI GZUGS BRNYAN DE, BYAD BZHIN DU RANG GI MTSAN NYID KYIS MA GRUB KYANG KHYAD CHOS DU MA DANG LDAN PA YIN TE, ME LONG G-YA' DAG PA SOGS RANG GI RGYU RKYEN DU MA LAS SKYE BA DANG, RANG NYID BYAD BZHIN DU SNANG BA'I SHES PA SKYED PAR BYED PA'I 'DUS BYAS DANG, SHES PA'I RDZAS MA YIN PAS PHYI ROL DON DU GRUB PA DANG, RANG 'DZIN MIG SHES KYI DMIGS RKYEN BYED PAS, GZUGS BRNYAN BYAD BZHIN DU SNANG YANG, BYAD BZHIN DU MA GRUB PA DANG, BYAD BZHIN DU MA GRUB KYANG, GZUGS BRNYAN DU GRUB PA SOGS KHYAD CHOS DU MA DANG BCAS PA'I PHYIR, GNYIS PA DE DON LA SBYAR BA LA, DPE DE BZHIN DU GZUGS SGRA SOGS KYI DNGOS PO RNAMS RANG GI MTSAN NYID KYIS MA GRUB KYANG RGYU 'BRAS KYI BYA BA BYED PA SOGS KHYAD CHOS DU MA DANG LDAN PA YIN TE, RANG GI RGYU RKYEN RNAMS TSOGS PA LAS SKYE BA DANG, RANG 'DZIN SHES PA BSKYED PA'I 'DUS BYAS DANG, SHES PA'I RDZAS MA YIN PAS PHYI ROL DON DU GRUB PA DANG, RANG GI MTSAN NYID KYIS GRUB PAR SNANG YANG DER MA GRUB PA DANG, RANG GI MTSAN NYID KYIS MA GRUB KYANG GZUGS SOGS SU GRUB PA SOGS KHYAD CHOS DU MA DANG LDAN PA'I PHYIR, KHA CIG GIS, BYAD BZHIN GYI GZUGS BRNYAN BYAD BZHIN DU SNANG YANG BYAD BZHIN DU MA GRUB PA'I BDEN MED DU RTOGS PA'I SHES PA DE, DE KHO NA NYID RTOGS PA'I RIGS SHES RAGS PAR 'DOD PA MI 'THAD DE, DE KHO NA NYID PHRA RAGS GANG RUNG LA BLO KHA MA PHYOGS PA'I 'JIG RTEN PAS DE RTOGS PA YOD PA'I PHYIR, DE LTAR YIN KYANG PHUNG SOGS RANG GI MTSAN NYID KYIS MA GRUB PA'I DPER BKOD PA DANG 'GAL BA'I SKYON MED DE, 'JIG RTEN LA GRAGS PA'I BRDZUN PA TZAM ZHIG ,DBU MA PAS BZHAG PA'I BRDZUN PA'I RIGS MTHUN GYI DPER BKOD PA'I PHYIR, 'GOD @113B TSUL YANG YOD DE, GZUGS BRNYAN SNANG TZAM NYID NAS CHA THAMS CAD NAS BYAD BZHIN DU SNANG YANG, GANG SNANG GI CHA THAMS CAD NAS BYAD BZHIN DU GRUB PAS STONG PA'I RGYU 'BRAS KYI BYA BA BYED PA DANG, DE BZHIN DU PHUNG SOGS KYI DNGOS PO RNAMS SNANG TZAM NYID NAS RANG GI MTSAN NYID KYIS GRUB PAR SNANG YANG, CHA THAMS CAD NAS RANG GI MTSAN NYID KYIS GRUB PAS STONG PA'I SGO NAS RGYU 'BRAS KYI BYA BA BYED PA YIN PA'I PHYIR, DES NA GZUGS SOGS KYI CHOS RNAMS RANG GI MTSAN NYID KYIS MA GRUB CING, THA SNYAD DU GRUB PAR KHAS BLANGS PAS RTAG CHAD KYI MTHA' GNYIS LAS GROL BAR 'GYUR BA YIN TE, RANG GI MTSAN NYID KYIS MA GRUB PAR KHAS BLANGS PAS RTAG MTHA' LAS GROL BA DANG, THA SNYAD DU YOD PAR KHAS BLANGS PAS CHAD MTHA' LAS GROL BAR 'GYUR BA'I PHYIR, DER THAL, RANG 'GREL LAS, GZUGS BRNYAN RANG BZHIN GYIS MED PA'I RGYU DANG 'BRAS BU RNAM PAR GZHAG PA YANG, SHES BZHIN DU MKHAS PA SU ZHIG GZUGS DANG TSOR BA LA SOGS PA RGYU DANG 'BRAS BU LAS THA DAD PA MED PAR GNAS PA RNAMS YOD PA TZAM ZHIG TU DMIGS PAS, RANG BZHIN DANG BCAS PAR NGES PAR BYED PA DE'I PHYIR, YOD PAR DMIGS KYANG RANG BZHIN GYIS SKYE BA MED, CES GSUNGS PA'I PHYIR, DBU MA PA DANG, DNGOS SMRA BA GNYIS PHUNG SOGS RANG GI MTSAN NYID KYIS GRUB MA GRUB RTZOD PA NA, DNGOS SMRA BAS, DBU MA PAS BZHAG PA'I BRDZUN PA DE MTHUN DPE GZUGS BRNYAN GYI STENG DU MA NGES KYANG RTEN 'BREL GYI RTAGS KYI [*KYIS] MYU GU BDEN MED DU GRUB [*SGRUB] PA'I RTAGS 'GOD PA SKABS SU BABS PA'I PHYIR RGOL YANG DAG GIS MTHUN DPE GZUGS BRNYAN GYI STENG DU, DBU MA PAS BZHAG PA'I BRDZUN PA NGES PA YIN TE, DPE DE'I STENG DU BDEN MED TSAD MAS NGES PA'I PHYIR, DER THAL, DE'I STENG DU RTEN 'BREL LA BDEN STONG GIS KHYAB PA TSAD MAS NGES PA'I PHYIR, DE LTAR MA YIN NA, DBU MA PA DANG RTZOD PA DE'I TSE NA, DNGOS SMRA BA BDEN MED SGRUB PA 'GOD PA SKABS SU BAB PA'I PHYIR RGOL YANG DAG YIN PAR THAL, RTEN 'BREL GYI RTAGS KYI [*KYIS] MYU GU BDEN MED DU SGRUB PA'I RTAGS YANG DAG 'GOD PA SKABS SU BAB PA'I PHYIR RGOL YANG DAG DES MTHUN DPE GZUGS BRNYAN GYI STENG DU BDEN MED TSAD MAS NGES NA, DNGOS SMRA BAS DE LTAR NGES DGOS PA'I PHYIR, 'DOD NA, DNGOS SMRA BA DE, BDEN MED SGRUB PA'I RTAGS 'GOD PA SKABS SU BAB PA'I PHYIR RGOL YANG DAG YIN PAR @114A *, ,THAL; 'DOD PA'I PHYIR, 'DOD NA MI 'THAD DE, DNGOS SMRA BA YIN PA'I PHYIR, DES NA, GZUGS BRNYAN GYI DPE LA BRTEN NAS PHUNG SOGS KYI CHOS RNAMS KYI STENG DU MTHA' GNYIS SPONG BA SHIN TU BSNGAGS PA YIN TE, MDO LAS, ME LONG SHIN TU YONGS DAG LA, ,JI LTAR RANG BZHIN MED PA YIS, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR BYA, ,ZHES GSUNGS PA'I PHYIR, ` GANG PHYIR RANG BZHIN GYIS TE MI 'GAG PA, ,ZHES SOGS KYI SKABS SU LAS 'BRAS KYI 'BREL BA CHES 'THAD PA'I YON TAN BSHAD PA LA, MTSAMS SBYAR GYI DON BSHAD, RTZA BA'I TSIG DON BSHAD PA DANG, DE LAS 'PHROS PA'I DON BSHAD PA DANG GSUM LAS, DANG PO NI, RANG BZHIN GYIS SKYE BA BDEN PA GNYIS CHAR DU BKAG PA LA BRTEN NAS, RTAG CHAD KYI MTHA' SPONG SLA BA'I YON TAN YOD PAR MA ZAD, LAS 'BRAS KYI RTEN DU GYUR PA'I KUN GZHI KHAS LEN MI DGOS PA SOGS GRUB MTHA' 'OG MA PA RNAMS DANG THUN MONG MA YIN PA'I KHYAD CHOS DU MA'I YON TAN YOD DE, RANG 'GREL LAS, BDEN PA GNYIS KAR YANG RANG BZHIN MED PAS RTAG PA DANG CHAD PAR LTA BA RGYANG RING DU SPANGS PA 'BA' ZHIG TU MA ZAD KYI, LAS RNAMS 'GAGS NAS YUN RING DU LON YANG LAS RNAMS KYI 'BRAS BU DANG 'BREL BA NI, KUN GZHI'I RNAM PAR SHES PA DANG, SEMS KYI RGYUN DANG, CHUD MI ZA BA DANG, THOB PA LA SOGS PA YONGS SU RTOGS PAR MED PAR YANG 'THAD PA YIN NO, ,ZHES GSUNGS PA'I PHYIR, GRUB MTHA' 'OG MA RNAMS DANG THUN MONG MA YIN PA'I KHYAD CHOS KYI GTZO BO LA DU MA YOD DE, RTZA BA'I DAM BCA' BRGYAD, 'PHROS PA YAN LAG LTA BU'I DAM BCA' DANG BCAS PA YOD PA'I PHYIR, DANG PO LA BRGYAD YOD DE, RANG BZHIN GYIS MA GRUB PA GZHIR BYAS PA'I SGO NAS, 'PHAGS PA LA STONG NYID MNGON SUM DU RTOGS MYONG DANG, BDEN 'DZIN NYON SGRIB DANG, PHYI DON YOD PA DANG, ZHIG PA DNGOS POR YOD PA DANG BCAS PA'I SGRUB PA'I DAM BCA' BZHI DANG, KUN GZHI MED PA DANG, RANG RIG MED PA DANG, RANG RGYUD KYI GTAN TSIGS MED PA DANG, GZHAN SKYE MI 'DOD PA DANG BCAS PA'I DGAG PA'I DAM BCA' BZHI DANG BCAS PA'I BRGYAD YOD PA'I PHYIR, 'PHROS PA YAN LAG LTA BU LA DU MA YOD DE, TSUR MTHONG GI @114B RGYUD LA RNAL 'BYOR MNGON SUM YOD PA DANG, MYANG 'DAS GNYIS KYI NANG NAS DANG POR LHAG MED MYANG 'DAS MNGON DU BYED PA DANG, 'GOG BDEN LA DON DAM BDEN PAS KHYAB PA DANG, STONG NYID MNGON SUM DU RTOGS PA'I MNYAM GZHAG YE SHES KHYAD PAR BA ZHIG THUN MONG MA YIN PA'I 'GOG SNYOMS SU 'DOD PA DANG, YANG DAG KUN RDZOB MI BZHED PA DANG, SGRIB GNYIS LAM GANG GI GNAS SKABS SU SPONG TSUL THUN MONG MA YIN PA DANG, STONG NYID MNGON SUM DU RTOGS PA'I SLOB PA'I MNYAM GZHAG YE SHES LA GZHI SHES KYIS KHYAB PA DANG, SLOB PA'I RGYUD KYI GNYIS SNANG CAN GYI SHES PA LA ZAG BCAS KYIS KHYAB PA DANG, DE YIN NA RANG GI SNANG BA LA TSAD MA YIN DGOS PA DANG, RANG GI GZHAL BYA LA 'KHRUL PA'I TSAD MA YOD PA DANG, GZHI GRUB NA LKOG GYUR DANG, MNGON GYUR GNYIS KA YIN DGOS PA DANG, BCAD SHES LA TSAD MAS KHYAB PA SOGS DU MA YOD PA'I PHYIR, RTZA BA'I DAM BCA' BRGYAD PO KHAS LEN PA DE, RANG GI MTSAN NYID KYIS MA GRUB PA KHAS LEN PA LA THUG PA YIN TE, DE DAG KHAS MI LEN PA DE, RANG GI MTSAN NYID KYIS GRUB PA KHAS LEN PA LA THUG PA'I PHYIR, 'PHAGS PA LA STONG NYID MNGON SUM DU RTOGS MYONG GIS MA KHYAB PAR 'DOD PA DE, RANG GI MTSAN NYID KYIS GRUB PA KHAS LEN PA LA THUG PA YIN PA'I PHYIR TE, CHOS DANG GANG ZAG RANG GI MTSAN NYID KYIS GRUB PAR KHAS BLANGS PA LA BRTEN NAS, DE GNYIS RANG GI MTSAN NYID KYIS GRUB PAR 'DZIN PA'I RTOG PA GNYIS PO DE RIM PA BZHIN DU CHOS KYI BDAG 'DZIN DANG, GANG ZAG GI BDAG 'DZIN DU KHAS MA BLANGS SHING, DE LA BRTEN NAS GANG ZAG GI BDAG MED PHRA MO MNGON SUM DU RTOGS NA, STONG NYID MNGON SUM DU RTOGS PAS MA KHYAB PA DANG, 'PHAGS PA LA STONG NYID MNGON SUM DU RTOGS MYONG GIS MA KHYAB PAR KHAS BLANGS PA'I PHYIR, BDEN 'DZIN NYON SGRIB TU MI 'DOD PA RANG GI MTSAN NYID KYIS GRUB PA KHAS BLANGS PA LA THUG PA YIN TE, CHOS DANG GANG ZAG RANG NGOS NAS GRUB PA KHAS BLANGS, DE LA BRTEN NAS DE DAG BDEN PAR 'DZIN PA'I BDEN 'DZIN DE, THAR PA 'THOB PA LA NGES PAR SPONG MI DGOS PAR KHAS LEN PA'I PHYIR, PHYI DON MI 'DOD PA RANG GI MTSAN NYID KYIS GRUB PA KHAS BLANGS PA LA THUG PA YIN TE, NANG GI SHES PAS PHYI ROL GYI SNGON PO MTHONG, ZHES PA TZAM GYIS MA TSIM PAR BRTAGS DON BTZAL BA'I TSE NA SNGON PO DE SNGON @115A *, ,'DZIN SHES PA'I RDZAS SU SKYE BAR KHAS LEN PA'I PHYIR, ZHIG PA DNGOS POR MI 'DOD PA RANG GI MTSAN NYID KYIS GRUB PAR KHAS BLANGS PA LA THUG PA YIN TE, MYU GU RANG GRUB DUS KYI SKAD CIG GNYIS PA'I DUS SU ZHIG CES PA TZAM GYIS MA TSIM PAR BRTAGS DON BTZAL BA'I TSE, DE RANG GRUB DUS KYI SKAD CIG GNYIS PA'I DUS SU MI BSDOD PA'I CHA DE'I ZHIG PA'I MTSAN GZHIR KHAS BLANGS PA'I PHYIR, KUN GZHI KHAS LEN PA RANG GI MTSAN NYID KYIS GRUB PA KHAS BLANGS PA LA THUG PA YIN TE, BDAG GIS LAS 'DI LTA BU BYAS PAS, 'BRAS BU 'DI MYONG NGO ZHES PA TZAM GYIS MA TSIM PAR BRTAGS DON BTZAL BA'I TSE NA, RNAM SHES TSOGS DRUG LAS DON GZHAN PA'I RNAM SHES KYI STENG DU BAG CHAGS BZHAG PA RNAMS SMIN PA LA BRTEN NAS, DGE MI DGE'I RNAM SMIN GYI 'BRAS BU MYONG DGOS PAR KHAS BLANGS PA'I PHYIR, RANG RIG 'DOD PA RANG GI MTSAN NYID KYIS GRUB PA KHAS BLANGS PA LA THUG PA YIN TE, SNGON PO GZHAL STOBS KYIS SNGON 'DZIN DBANG PO'I MNGON SUM GRUB CES PA TZAM GYIS MA TSIM PAR BRTAGS DON BTZAL BA'I TSE NA, KHA NANG KHO NA LA PHYOGS SHING, GNYIS SNANG THAMS CAD DANG BRAL BA'I 'DZIN RNAM YAN GAR BA ZHIG GIS GRUB PAR KHAS LEN PA'I PHYIR, RANG RGYUD KYI GTAN TSIGS 'DOD PA RANG GI MTSAN NYID KYIS GRUB PAR KHAS BLANGS PA LA THUG PA YIN TE, RGOL BA SNGA PHYI GNYIS KAS SHES 'DOD CHOS CAN TSAD MAS GRUB CING, KHYAD PAR PHYIR RGOL GYIS TSAD MAS GRUB PAR KHAS BLANGS PA'I KHAS BLANGS LA DKRIS TE BKOD PA'I GTAN TSIGS LA BRTEN NAS, RJES DPAG BSKYED MI NUS PAR DE GNYIS KYIS TSAD MAS GRUB TSUL MTHUN SNANG BA'I GTAN TSIGS LA BRTEN NAS RJES DPAG BSKYED DGOS PAR KHAS BLANGS PA'I PHYIR, GZHAN SKYE 'DOD PA RANG GI MTSAN NYID KYIS GRUB PA KHAS BLANGS PA LA THUG PA YIN TE, MYU GU SA BON LAS SKYE ZHES PA TZAM GYIS MA TSIM PAR, BRTAGS DON BTZAL BA'I TSE NA RANG LAS NGO BO THA DAD PA'I, RANG GI MTSAN NYID KYIS GRUB PA'I SA BON LAS SKYE BAR KHAS BLANGS PA'I PHYIR, GNYIS PA RTZA BA'I TSIG DON BSHAD PA LA, RTZOD PA DANG LAN GNYIS, DANG PO LA KHA CIG ,DGE MI DGE'I LAS DANG, RNAM SMIN GYI 'BRAS BU YID 'ONG DANG YID MI 'ONG GI BAR DU BSKAL PA LA SOGS PAS @115B CHOD PA YOD CING, LAS DE GNYIS KYIS 'BRAS BU DE GNYIS BSKYED PAR KHAS LEN DGOS, LAS DE GNYIS KYIS 'BRAS BU SKYES MA ZIN PA'I BAR DU, LAS DE GNYIS GNAS SAM MI GNAS DANG PO LTAR NA LAS RTAG PAR 'GYUR BAS KHYOD KYI LUGS LA MI 'THAD, GNYIS PA LTAR NA MI 'THAD DE, LAS ZHIG PA DNGOS POR MED PA'I PHYIR, LAS DE GNYIS KYIS 'BRAS BU DE GNYIS BSKYED PAR KHAS LAN DGOS PA YIN TE, MDO LAS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BABS PA NA, ,'BRAS BU SMIN PA NYID DU 'GYUR, ,ZHES GSUNGS PA'I PHYIR ZER NA, GNYIS PA LAN BSHAD PA LA; GRUB MTHA' 'OG MA PAS LAN 'DEBS PA'I TSUL DANG, RANG LUGS KYIS LAN 'DEBS PA'I TSUL GNYIS LAS, DANG PO LA, KHA CHE BYE BRAG SMRA BA LAS GZHAN PA'I BYE BRAG TU SMRA BA KHA CIG NA RE, DGE MI DGE BA'I LAS DANG, RNAM SMIN GYI 'BRAS BU'I BAR DU BSKAL PA LA SOGS PAS CHOD PA YOD CING, LAS DE GNYIS KYIS 'BRAS BU DE GNYIS BSKYED MA ZIN GYI BAR DU LAS DE MI GNAS KYANG, LAS DE GNYIS KYIS 'BRAS BU DE GNYIS MA BSKYED PA'I SKYON MED DE, LAS DE GNYIS LAS DON GZHAN PA'I THOB PA RDZAS GRUB LDAN MIN 'DU BYED CIG GIS RNAM SMIN GYI 'BRAS BU BSKYED PA'I PHYIR ZHES ZER, YANG DE LAS GZHAN PA'I BYE BRAG TU SMRA BA KHA CIG NA RE, DE LTA BU'I SKYON MED DE, LAS DE GNYIS LAS DON GZHAN PA'I BU LON GYI SPANGS RGYA STE YI GE DANG 'DRA BA CHUD MI ZA BA RDZAS GRUB LDAN MIN 'DU BYED CIG GIS RNAM SMIN GYI 'BRAS BU BSKYED PA'I PHYIR, ZHES 'DOD PA YIN TE, RTZA SHES LAS, GANG PHYIR LAS NI SKYE BA MED, ,'DI LTAR RANG BZHIN MED DE'I PHYIR, , GANG PHYIR DE NI MA SKYES PA, ,DE PHYIR CHUD ZAR MI 'GYUR RO, ,ZHES GSUNGS PA'I PHYIR, KHA CHE BYE BRAG TU SMRA BA NA RE, DE LTA BU'I SKYON MED DE, PHUNG PO'I RGYUN LA LAS KYI BAG CHAGS BSGOS NAS, DE SMIN PA NA RNAM SMIN GYI 'BRAS BU 'BYIN PAR 'DOD PA YIN TE, PHUNG PO'I RGYUN 'DI DAG LA DGE MI DGE'I 'BRAS BU YOD PA NYID, CES PA DANG; DE'I THAD KYI 'GREL PA LAS, BDAG TU MNGON PAR BRJOD PA GANG YIN PA DE NI, PHUNG PO'I RGYUN 'DI KHO NA LA 'JUG GI BRJOD PAR BYA BA GZHAN DAG LA NI MA YIN NO, ,ZHES GSUNGS PA'I PHYIR, DBU MA RANG RGYUD PA KHA CIG DANG LUNG GI RJES 'BRANG GI SEMS TZAM PA RNAMS NA RE, DE LTA BU'I SKYON MED DE, KUN @116A *, ,GZHI'I RNAM SHES KYI STENG DU LAS KYI BAG CHAGS BZHAG ,DE LA PHYIS RKYEN GYIS GSOS BTAB NAS RNAM SMIN GYI 'BRAS BU 'BYIN PA'I PHYIR, ZHES ZER, MDO SDE PA DANG, RIGS PA'I RJES 'BRANG GI SEMS TZAM PA DANG, RNAL 'BYOR SPYOD PA'I DBU MA RANG RGYUD PA DANG, LEGS LDAN 'BYED DANG BCAS PA RNAMS NA RE, DE LTA BU'I SKYON MED DE, LAS ZHIG PA NA YID KYI RNAM PAR SHES PA'I STENG DU LAS KYIS BAG CHAGS BZHAG ,DE LA PHYIS RKYEN GYIS GSOS BTAB NAS, RNAM SMIN GYI 'BRAS BU 'BYIN PA'I PHYIR ZHES 'DOD PA YIN TE, DE SKAD DU, RTOG GE 'BAR BA LAS, KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, RNAM PAR SHES PA YANG SRID PAR SKYE BA LEN PA'I PHYIR BDAG YIN NO, ,ZHES GSUNGS PA'I PHYIR, ` GNYIS PA RANG LUGS KYI LAN 'DEBS TSUL LA, DGE MI DGE BA'I LAS DANG, RNAM SMIN GYI 'BRAS BU YID 'ONG DANG YID MI 'ONG GI BAR DU BSKAL PA LA SOGS PAS CHOD PA YOD CING, LAS DE GNYIS RNAM SMIN GYI 'BRAS BU YID 'ONG DANG YID MI 'ONG MA BSKYED KYI BAR DU MI GNAS KYANG, LAS DES 'BRAS BU DE GNYIS MI BSKYED PA'I SKYON MED DE, LAS 'JIG PA NA RANG BZHIN GYIS MI 'JIG CING, PHUNG PO LA BTAGS PA'I NGA TZAM GYI STENG DU LAS KYI BAG CHAGS BZHAG ,DE LA PHYIS RKYEN GYIS GSOS BTAB NAS RNAM SMIN GYI 'BRAS BU YID 'ONG DANG YID MI 'ONG BSKYED PA'I PHYIR, DE LTAR RANG BZHIN GYIS MI 'GAG CING PHUNG PO LA BTAGS PA'I NGA TZAM, BAG CHAGS BSGO GZHI MTHAR THUG TU 'DOD PA'I LUGS 'DI LA, KUN GZHI KHAS LEN PA'I GRUB MTHA' SMRA BAS GANG ZAG GNAS 'GYUR GYI RIGS PAS MI GNOD PA'I PHYIR, SRID RTZE'I RTEN CAN GYI PHYIR MI 'ONG 'BRAS GNAS KYIS CI YANG MED KYI DNGOS GZHI LA BRTEN NAS NYAN THOS KYI SGOM LAM RDO RJE LTA BU'I TING NGE 'DZIN MNGON DU BYED PA DE'I TSE NA, SRID RTZE'I SAS BSDUS PAS BTAGS GZHIR GYUR PA'I PHUNG PO MED KYANG, DE LA BTAGS PA'I NGA TZAM DE SRID RTZE'I SAS BSDUS PAS, DE LTA BU'I RTZOD PA LA, RANG RGYUD PA MAN CHAD KYIS LAN DON MTHUN MI THEBS SHING, THAL 'GYUR BAS LAN DON MTHUN THEBS PA'I PHYIR, DER THAL, RANG RGYUD PA MAN CHAD KYIS LAS RANG BZHIN GYIS 'GAG CING, LAS KYI BAG CHAGS BSGO GZHI THA SNYAD BRTAGS @116B PA'I BRTAGS DON BTZAL BA'I TSE NA RNYED PAR KHAS BLANGS, THAL 'GYUR BAS DE LTAR KHAS MA BLANGS PA'I PHYIR, DGE MI DGE'I LAS KYI BAG CHAGS BSGO GZHI MA BRTAGS MA DPYAD PAR 'JOG PA'I LUGS 'DI LA, NYAN THOS MTHONG LAM BAR CHAD MED LAM PA'I GDAGS GZHI'I [*GZHI] PHUNG PO LNGA PO GANG RUNG DE, SHES SGRIB LHAN SKYES KYI BAG CHAGS KYIS MA GOS KYANG, DE 'DRA BA'I GANG ZAG DE, DE'I BAG CHAGS KYIS GOS PA MI 'GAL TE, DPER NA, SRID RTZE'I RTEN CAN GYI PHYIR MI 'ONG DE, CI YANG MED KYI DNGOS GZHI LA BRTEN NAS NYAN THOS KYI SGOM LAM RDO RJE LTA BU'I TING 'DZIN MNGON DU BYAS PA DE'I TSE NA, GDAGS GZHI PHUNG PO BZHI PO DE SRID RTZE'I SAS BSDUS MA YIN KYANG, DE 'DRA BA'I GANG ZAG DE SRID RTZE'I SAS BSDUS YIN PA LTA BU YIN PA'I PHYIR, NYAN THOS MTHONG LAM BAR CHAD MED LAM PA'I GDAGS GZHI PHUNG PO LNGA PO DE, SHES SGRIB LHAN SKYES KYI BAG CHAGS KYIS MA GOS TE, DE'I GZUGS PHUNG YANG DES MA GOS, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO YANG DES MA GOS PA'I PHYIR, TSOR PHUNG DES MA GOS PAR THAL, DE'I RGYUD LA DBANG SHES RANG RIG KUN GZHI MED, YID SHES RNAMS ZAG MED KYI NGO BOR GYUR ZIN PA'I PHYIR, KUN GZHI KHAS LEN PA'I RANG RGYUD PA DANG SEMS TZAM PA GNYIS KYI LUGS LA NYAN THOS MTHONG LAM BAR CHAD MED LAM PAS SHES SGRIB LHAN SKYES MA SPANGS KYANG, RKYEN MA TSANG BA'I DBANG GIS DE'I RGYUD LA SHES SGRIB LHAN SKYES MED DE, PHUNG PO LA BTAGS PA'I NGA TZAM YANG DE'I BAG CHAGS BSGO GZHIR KHAS MA BLANGS, GDAGS GZHI PHUNG PO LNGA PO YANG DE'I BAG CHAGS KYIS MA GOS PAR GONG DU BSGRUBS ZIN PA'I PHYIR, RTAGS DANG PO DER THAL, PHUNG PO LA BTAGS PA'I NGA TZAM BAG CHAGS BSGO GZHIR 'DOD PA LUGS 'DI'I THUN MONG MA YIN PA'I KHYAD CHOS YIN PA'I PHYIR, DER THAL, BYANG CHUB LAM RIM LAS, DE'I PHYIR NGA TZAM LA BDAG TU ZHES PA THA SNYAD DU YOD PA DANG, ZHES DANG, 'OG TU DE 'DRA BA'I GANG ZAG NGOS 'DZIN PA'I LUGS BLA NA MED PA 'DI'I KHYAD CHOS SO, ,ZHES GSUNGS PA'I PHYIR, GSUM PA 'PHROS DON BSHAD PA LA, LAS RANG BZHIN GYIS MI 'GAGS PA DE, LAS 'BRAS KYI RTEN DU GYUR PA'I KUN GZHI KHAS LEN MI DGOS PAS KUN GZHI KHAS LEN [*RTEN DU GYUR PA'I KUN GZHI KHAS LEN] @117A *, ,MI DGOS PA'I RGYU MTSAN DU 'GRO TSUL BSHAD PA DANG, DE'I RTEN DU GYUR PA'I KUN GZHI MED KYANG LAS KYI BAG CHAGS BSGO GZHI JI LTAR 'JOG TSUL BSHAD PA DANG, DE LA RTZOD PA SPONG BA DANG GSUM, DANG PO LA, RTZOD PA DANG, LAN GNYIS, DANG PO LA KHA CIG NA RE, LAS RANG BZHIN GYIS MI 'GAGS KYANG, THA SNYAD DU LAS 'GAGS PA KHAS LEN DGOS PAS SNGAR GYI DOGS PA DE SO NA GNAS PA YIN TE, LAS ZHIG PA DNGOS PO MA YIN PAS, RNAM SMIN GYI 'BRAS BU YID 'ONG DANG YID MI 'ONG 'BYIN PA MI 'THAD PA'I PHYIR, THA SNYAD DU LAS 'GAGS PA KHAS LEN DGOS TE, LA LAR LAS 'GAGS YUN RING LON LAS KYANG, ,ZHES PA DANG, GANG PHYIR RANG BZHIN GYIS TE MI 'GAGS PA, ,ZHES PA DANG, MGON POS KYANG, THA SNYAD TSUL DU 'GAGS PAR BSTAN, ,ZHES GSUNGS PA'I PHYIR, ZHES ZER, GNYIS PA LAN BSHAD PA LA, LAN DNGOS DANG, DUS GSUM GYI RNAM GZHAG SPYIR BSTAN PA DANG, 'DAS MA 'ONGS DNGOS POR SGRUB PA'I TSUL DANG GSUM LAS, DANG PO LA, LAS RANG BZHIN GYIS MI 'GAGS PA DE, LAS 'BRAS KYI RTEN DU GYUR PA'I KUN GZHI KHAS LEN MI DGOS PA'I RGYU MTSAN DU 'GRO TSUL YOD DE, LAS RANG BZHIN GYIS MA SKYES PA'I RGYU MTSAN GYIS LAS RANG BZHIN GYIS MI 'GAGS, ,DES NA LAS 'GAGS PA DNGOS PO YIN PAS, LAS 'GAGS NAS YUN RING DU LON YANG, LAS ZHIG PAS RNAM SMIN GYI 'BRAS BU YID 'ONG DANG YID MI 'ONG 'BYIN PA'I PHYIR, LAS RANG BZHIN GYIS MI 'GAGS PA'I LUGS LA LAS ZHIG PA DNGOS POR RUNG BA YIN TE, RANG RGYUD PA MAN CHAD KYI LUGS LA MYU GU ZHIG PA DE'I TSE NA, MYU GU'I CHA SHAS KYI DNGOS PO THAMS CAD LOG ,MYU GU ZHIG PA DE KA BA DANG, BUM PA LA SOGS PA'I DNGOS PO GZHAN GYI NGO BO MA THOB PAS, MYU GU RANG GRUB DUS KYI SKAD CIG GNYIS PA'I DUS SU ZHIG PA TZAM ZHIG ,MYU GU 'DAS PA'I MTSAN GZHIR KHAS BLANGS, DE LA BRTEN NAS MYU GU'I 'DAS PA DE RTAG PA DANG MED DGAG TU KHAS BLANGS, MYU GU'I ZHIG PA MA BRTAGS MA DPYAD PAR 'JOG PA'I LUGS LA, MYU GU ZHIG PA DE'I TSE NA, MYU GU'I CHA SHAS KYI DNGOS PO THAMS CAD LOG ,KA BA LA SOGS PA'I DNGOS PO GZHAN GYI NGO BO MA THOB KYANG, MYU GU'I ZHIG PA DNGOS POR KHAS BLANG DU RUNG BA YIN PA'I PHYIR, DER THAL, @117B DPER NA, SKYES BU LHAS BYIN GYI PHUNG PO RE RE BA DANG, TSOGS TZAM DANG, DBYIBS DANG, DE LAS GZHAN PA'I DON GANG YANG, LHAS BYIN DU MED PA DANG LHAS BYIN DE RNAMS GANG RUNG DU MA GRUB KYANG, DE RNAMS LA BTAGS PA'I LHAS BYIN DNGOS POR 'JOG PA LTA BU YIN PA'I PHYIR, GNYIS PA, DUS GSUM SPYI'I RNAM GZHAG BSHAD PA LA, GRUB MTHA' 'OG MA RNAMS KYI LUGS BRJOD PA DANG, THAL 'GYUR BA RANG LUGS BZHAG PA GNYIS, DANG PO LA, BYE BRAG TU SMRA BA RNAMS MYU GU LA SOGS PA RE RE YANG DUS GSUM DU 'JOG PAS, MYU GU DE RANG GI 'DAS MA 'ONGS KYI DUS SU YOD PAR 'DOD DO, ,DE YANG BTZUN PA CHOS SKYOB NI, MYU GU MA 'ONGS PA NAS DA LTAR BA DANG, DA LTAR BA NAS 'DAS PAR 'JUG PA NA, DNGOS PO 'GYUR BA YIN LA RDZAS 'GYUR BA MA YIN TE, DPER NA, GSER GYI SNOD GCIG RGYAN GZHAN DU GYUR PA'I TSE, DNGOS PO 'GYUR BA YIN GYI RDZAS 'GYUR BA MA YIN PA'I PHYIR, BTZUN PA DBYANGS SGROGS NI, MYU GU LTA BU'I DUS RE RE YANG DUS GSUM GA'I MTSAN NYID DANG LDAN MOD KYANG, GANG SHAS CHE BA DE'I SGO NAS 'DAS PA LA SOGS PAR 'JOG STE, DPER NA, SKYES BU ZHIG BUD MED GCIG LA CHAGS PA SHAS CHE BAR GYUR PA'I TSE, BUD MED GZHAN LA CHAGS BRAL MA BYAS PA LTA BU YIN PA'I PHYIR, ZHES ZER RO, ,BTZUN PA DBYIG BSHES NI, MYU GU LA SOGS PA'I DNGOS PO GCIG NYID KYANG MA 'ONGS PA LA SOGS PA'I GNAS SKABS SO SOR PHYIN PA NA MA 'ONGS PA LA SOGS PAR 'JOG STE, RIL BU GCIG GCIG DANG BRGYA DANG STONG GI SHO MIG TU RIM GYI BZHAG PA NA, GCIG DANG BRGYA DANG STONG GI THA SNYAD BYED PA BZHIN NO, ,ZHES ZER RO, ,BTZUN PA SANGS RGYAS LHA NI, BUD MED GCIG NYID RANG GI MA LA BLTOS NAS BU MO DANG, RANG GI BU MO LA BLTOS NAS MAR 'JOG PA DE BZHIN DU, DNGOS PO GCIG NYID KYANG RANG GI SKAD CIG SNGA MA LA BLTOS NAS MA 'ONGS PA DANG, PHYI MA LA BLTOS NAS 'DAS PAR 'JOG GO ,ZHES ZER RO, ,LUGS DANG PO MI 'THAD DE, MYU GU LTA BU'I DNGOS PO RNAMS DUS GSUM DU 'JOG PA DE'I TSE NA, DNGOS PO 'GYUR ZHING RDZAS MI 'GYUR BAR 'DOD PA NI, GRANGS CAN GYIS DNGOS PO RNAMS RANG BZHIN GCIG LA RNAM 'GYUR THA DAD DU 'DOD PA DANG MTSUNGS PA'I PHYIR, LUGS GNYIS PA MI 'THAD DE, DUS GSUM RE RE YANG DUS GSUM GYI MTSAN NYID DANG LDAN NA, DUS GSUM 'CHOL BAR @118A *, ,'GYUR BA'I PHYIR, LUGS GSUM PA YANG MI 'THAD DE, DE LTAR NA MYU GU LTA BU'I DNGOS PO RNAMS, RANG GI 'DAS MA 'ONGS KYI BYA BA RNAMS DANG NGO BO THA DAD YIN NAM, NGO BO GCIG YIN, DANG PO LTAR NA DE DNGOS PO MA YIN PAR THAL, DE RANG GI 'DAS MA 'ONGS KYI BYA BA DANG NGO BO THA DAD YIN PA'I PHYIR, GNYIS PA LTAR NA, MYU GU LTA BU'I DNGOS PO RNAMS, RANG GI 'DAS MA 'ONGS KYI BYA BA BYED MI BYED KYI KHYAD PAR MED PAR THAL, DE DE DANG NGO BO GCIG YIN PA'I PHYIR, LUGS BZHI PA MI 'THAD DE, DE LTAR NA MA 'ONGS PA DE, RANG GI SKAD CIG SNGA MA LA BLTOS TE MA 'ONGS PA DANG, PHYI MA LA BLTOS TE 'DAS PA YIN DGOS PAS DUS GSUM THUG MED DU 'GYUR BA'I PHYIR, GZHAN YANG, DE THAMS CAD MI 'THAD PAR THAL, MYU GU RANG GI DUS GSUM GA'I DUS SU YOD NA, MYU GU MA 'ONGS PA DA LTAR BA 'DAS PA ZHES PA'I THA SNYAD MI 'THAD PA'I SKYON YOD PA'I PHYIR, MDO SDE PA YAN CHAD KYIS MA 'ONGS PA SOGS KYI MTSAN GZHI 'DOD TSUL GYI KHYAD PAR YOD DE, DNGOS PO DE SKYE BA'I RGYU YOD CING, RKYEN MA TSANG BA'I DBANG GIS RE ZHIG MA SKYES PA'I CHA, DNGOS PO DE'I MA 'ONGS PA DANG, DNGOS PO DE SKYE LA MA 'GAG PA DNGOS PO DE'I DA LTAR BA DANG, DE RANG GRUB DUS KYI SKAD CIG GNYIS PA'I DUS SU ZHIG PA'I CHA DE'I 'DAS PA'I MTSAN GZHI YIN PA'I PHYIR, GNYIS BA BYE BRAG TU SMRA BA DANG, THAL 'GYUR BA GNYIS, DUS GSUM DNGOS POR 'DOD PAR MTSUNGS KYANG RNAM PA THAMS CAD DU MI MTSUNGS TE, BYE BRAG TU SMRA BAS MYU GU LTA BU'I DNGOS PO RNAMS RANG GI DUS GSUM GA'I GNAS SKABS SU YOD PAR 'DOD, THAL 'GYUR BAS DE LTAR MI 'DOD PA'I PHYIR, DBU MA THAL 'GYUR BAS 'DAS MA 'ONGS GTZO BO MA YIN ZHING, DA LTAR BA GTZO BOR 'DOD PA YIN TE, BZHI BRGYA PA'I 'GREL PA LAS, DE LA MA 'ONGS PA NI DA LTA BA'I DUS SU MA PHYIN PA'O, ,'DAS PA NI DE NYID LAS 'DAS PA'O, ,DA LTAR BYUNG BA NI SKYES LA MA 'GAGS PA'O, ,DA LTAR BYUNG BA NI DA LTAR DMIGS PA'I PHYIR GTZO BO YIN GYI, MA 'ONGS PA DANG BRGAL BA DAG GIS MA 'ONGS PA DANG 'DAS PA'I DUS GNYIS RNAM PAR GZHAG PA NI GTZO BO MA YIN NO, ,ZHES GSUNGS PA'I PHYIR, LUGS 'DI'I DUS GSUM GYI MTSAN GZHI'I KHYAD PAR YOD DE, MYU GU LTA BU LA MTSON NA SPYIR MYU GU SKYE BA'I RGYU YOD KYANG, DGUN @118B DUS GYI ZHING LTA BU RE ZHIG RKYEN MA TSANG BA'I DBANG GIS YUL DUS DER MYU GU MA SKYES PA'I MA YIN DGAG GI CHA, MYU GU'I MA 'ONGS PA DANG, MYU GU'I NGO BOR SKYES PA'I DNGOS PO DE'I DA LTAR BA DANG, DE RANG GRUB DUS KYI SKAD CIG GNYIS PA'I DUS SU ZHIG PA'I CHA DE, DE'I 'DAS PA'I MTSAN GZHI YIN PA'I PHYIR, RI BONG GI RVA DANG NAM MKHA' LTA BU RNAMS MA SKYES SHING MA 'ONGS KYANG DE DAG MA 'ONGS PA MA YIN TE, DE MA 'ONGS PA YIN PA DPYAD PA'I [*BCAD PA'I] PHYIR DU, CHOS MNGON PA'I MDO LAS, MA 'ONGS PA NI SKYE BA'I RGYU YOD CING MA SKYES PA'O, ,ZHES GSUNGS PA'I PHYIR, KHA CIG ,THAL ZIN PA 'DAS PA'I MTSAN NYID, MA SLEB PA MA 'ONGS PA'I MTSAN NYID DU 'DOD PA MI 'THAD DE, CHOS MNGON PA'I LUNG DE'I RNAM BCAD MA GO BA'I SKYON YIN PA'I PHYIR DANG, SHING RTA CHEN PO RNAMS 'DAS MA 'ONGS RNAMS DA LTA BA LA BLTOS NAS 'JOG PAR 'DOD PA GANG ZHIG ,NAM MKHA'I MA 'ONGS PA, DE'I DA LTA BA LA BLTOS NAS 'JOG PA MI 'THAD PA'I PHYIR, DER THAL, NAM MKHA'I DA LTA BA MED PA'I PHYIR, MYU GU'I ZHIG PA DE SKYES LA MA 'GAGS PA YIN TE, MYU GU SKAD CIG JI SNYED CIG 'BYUNG BA THAMS CAD, SNGA MA SNGA MA LAS PHYI MA PHYI MA SKYES PA DE BZHIN DU, MYU GU'I ZHIG PA SKAD CIG JI SNYED CIG 'BYUNG BA THAMS CAD KYANG, SNGA MA SNGA MA LAS PHYI MA PHYI MA SKYE BA'I PHYIR, GZHAN YANG, DUS GSUM 'GAL BA YIN TE, 'DAS PA'I RIGS 'DRA JI SNYED CIG 'BYUNG BA THAMS CAD, DNGOS PO GZHAN ZHIG 'DAS PA'I CHA LAS 'JOG PA DANG, MA 'ONGS PA'I RIGS 'DRA JI SNYED CIG 'BYUNG BA THAMS CAD DNGOS PO GZHAN ZHIG SKYE BA'I RGYU YOD CING, MA SKYES PA'I CHA LAS 'JOG PA'I PHYIR DANG, DA LTA BA LA DE LTA BU'I KHYAD CHOS MED PA'I PHYIR, MYU GU ZHIG PA MYU GU'I ZHIG PAR KHAS BLANGS PA LA, KHA CIG ,MYU GU 'DAS PA'I DUS SU MYU GU MA 'DAS PAR THAL, MYU GU 'DAS PA 'DAS PA YIN PA'I PHYIR, MA KHYAB NA DGAG PA GNYIS RNAL MAR GO BA GCIG MED PAR THAL LO, ,ZHES ZER NA, 'O NA SPYIR MYU GU SKYE BA'I RGYU YOD KYANG RKYEN MA TSANG BA'I DBANG GIS RE ZHIG DGUN DUS KYI ZHING LA MYU GU MA SKYES PA'I CHA DE, SKYES SAM MA SKYES SKYES NA KHYOD RANG GI DE 'DUS MA BYAS SU KHAS BLANGS PA DANG 'GAL, MA SKYES NA, DE LTA BU'I ZHING LA MYU GU SKYES PAR THAL, DE MA SKYES PA DE MA SKYES PA'I PHYIR, MA KHYAB NA, KHYOD 'DOD PA LTAR NA DGAG PA GNYIS RNAL MAR MI GO BAR @119A *, ,THAL LO, ,DES NA MYU GU'I 'DAS PA MYU GU'I 'DAS PAR KHAS BLANGS PA DANG, MYU GU 'DAS PA'I DUS SU MYU GU 'DAS PAR KHAS BLANGS PA LA DGAG PA GNYIS RNAL MAR MI GO BA'I SKYON MED PAR THAL, MYU GU'I 'DAS PA DE MYU GU'I 'DAS PA DANG, MYU GU'I MA 'ONGS PA GANG RUNG DANG DNGOS 'GAL MA YIN PA'I PHYIR, DER THAL, DE GNYIS KYI BAR DU GNYIS MA YIN GYI PHUNG GSUM PA DU MA YOD PA'I PHYIR, KHA CIG ,SKYES LA MA 'GAG PA DA LTAR BA'I MTSAN NYID DANG, MA 'ONGS PA'I MTSAN NYID KYI ZUR DU SKYE BA LA MNGON DU PHYOGS PA ZHES ZER BA MI 'THAD DE, 'DAS MA 'ONGS GNYIS KA SKYE LA MA 'GAG PA YIN PA'I PHYIR DANG, MYU GU'I MA 'ONGS PA DE SKYE BA LA MNGON DU PHYOGS PA MA YIN PA'I PHYIR, DER THAL, DE SKYES ZIN PA'I PHYIR, DER THAL, DNGOS PO YIN PA'I PHYIR, YANG KHA CIG ,RANG NYID DUS GANG DU 'JOG PA'I DNGOS PO GANG GI RANG DUS LA BLTOS NAS BZHAG DGOS PA'I BLTOS SAR GYUR PA'I DNGOS PO'I DUS LAS THAL ZIN PA, 'DAS PA'I MTSAN NYID, RANG NYID DUS GANG DU 'JOG PA'I DNGOS PO GANG GI RANG DUS LA BLTOS NAS BZHAG DGOS PA'I BLTOS SAR GYUR PA'I DNGOS PO DE'I DUS SU MA SLEB PA'I CHA, MA 'ONGS PA'I MTSAN NYID ZER NA, MYU GU'I MA 'ONGS PA CHOS CAN, 'DAS PA YIN PAR THAL; MTSAN NYID DE'I PHYIR, DER THAL, MYU GU DE MYU GU'I MA 'ONGS PA MA 'ONGS PAR 'JOG PA'I DNGOS PO YIN PA GANG ZHIG ,MYU GU'I MA 'ONGS PA DE MYU GU'I DUS SU THAL ZIN PA'I PHYIR, DER THAL, MYU GU MYU GU'I DUS SU SLEBS ZIN PA'I PHYIR, 'DOD NA MA YIN PAR THAL, MA 'ONGS PA YIN PA'I PHYIR, DER THAL, MYU GU'I MA 'ONGS PA YIN PA'I PHYIR, MYU GU'I 'DAS PA CHOS CAN, MA 'ONGS PA YIN PAR THAL, MA 'ONGS PA'I MTSAN NYID DE'I PHYIR, DER THAL, MYU GU DE MYU GU'I 'DAS PA 'DAS PAR 'JOG PA'I DNGOS PO YIN PA GANG ZHIG ,MYU GU'I 'DAS PA DE MYU GU'I DUS SU MA SLEBS PA'I PHYIR, DER THAL, MYU GU MYU GU'I DUS SU MA 'DAS PA'I PHYIR, 'DOD NA, MI 'THAD PAR THAL, 'DAS PA YIN PA'I PHYIR, DER THAL, MYU GU'I 'DAS PA YIN PA'I PHYIR, ` RANG GI LUGS LA, RANG NYID DUS GANG DU 'JOG PA'I DNGOS PO GANG GI RANG DUS LA BLTOS NAS BZHAG DGOS PA'I BLTOS SAR GYUR PA'I DNGOS PO DE RANG DUS SU MA @119B SLEBS PA, MA 'ONGS PA'I MTSAN NYID, RANG NYID DUS GANG DU 'JOG PA'I DNGOS PO GANG GI RANG DUS LA BLTOS NAS BZHAG DGOS PA'I BLTOS SAR GYUR PA'I DNGOS PO DE RANG DUS SU THAL ZIN PA'I CHA, 'DAS PA'I MTSAN NYID, SKYE LA MA 'GAG PA GANG ZHIG ,RANG NYID KYI SPYI 'CHAR BA LA RANG GI 'DAS MA 'ONGS GANG RUNG GI SPYI 'CHAR BA LA BLTOS MI DGOS PA'I CHOS, DA LTAR BA'I MTSAN NYID, MTSAN GZHI SNGAR BSHAD PA LTAR RIM PA BZHIN DU 'JOG GO ,GSUM PA 'DAS MA 'ONGS DNGOS POR SGRUB PA'I TSUL LA, LUNG GIS SGRUB PA DANG RIGS PAS SGRUB PA GNYIS, DANG PO LA, DNGOS PO'I 'DAS MA 'ONGS DNGOS PO YIN PAR THAL, SEMS CAN 'DAS PA DNGOS PO YIN PA'I PHYIR, DER THAL, SEMS CAN SHI BA DNGOS PO YIN PA'I PHYIR, DE RANG RGYU SKYE BA'I RKYEN GYIS BSKYED PA'I PHYIR DANG, DES 'DU BYED KYI PHUNG PO 'JIG PAR BYED, RANG 'BRAS MA RIG PA'I RIGS 'DRA PHYI MA SKYED PAR BYED PA'I BYA BA GNYIS SU GNAS PA'I PHYIR, DER THAL, SA BCU PA'I MDO LAS, SKYE BA'I RKYEN GYIS RGA SHI ZHES PA DANG, DE NYID LAS, SHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PA BYED LA, YONGS SU MI SHES PA RGYUN MI CHAD PA'I RGYU YANG 'BYIN PA'O, ,ZHES GSUNGS PA'I PHYIR, GZHAN YANG, 'DAS PA DNGOS PO YIN PAR THAL, MYU GU 'DAS PA DNGOS PO YIN PA'I PHYIR, DER THAL; MYU GU'I DNGOS POR YOD PA'I MYU GU DANG, DE'I DNGOS POR MED PA'I MYU GU'I 'DAS PA GNYIS KA DNGOS PO YIN PA'I PHYIR, DER THAL, RTZA SHES LAS, DNGOS DANG DNGOS MED 'DUS BYAS YIN, ,ZHES GSUNGS PA'I PHYIR, GZHAN YANG, 'DAS PA DNGOS PO YIN PAR THAL, MAR ME 'DAS PA DNGOS PO YIN PA'I PHYIR, DER THAL, MAR ME SHI BA DNGOS PO YIN PA'I PHYIR, DER THAL, RIGS PA DRUG CU PA LAS, RGYU ZAD NYID LAS SHI BA NI, ,ZAD CES BYA BAR DMIGS PA STE, ,ZHES GSUNGS PA'I PHYIR DANG, DE'I 'GREL PA LAS KYANG, MAR DANG SNYING PO LTA BU'I RGYU ZAD PA MAR ME LTA BU'I 'BRAS BU ZAD PA'I RGYUR GSUNGS PA, ZHES GSUNGS PA'I PHYIR, GNYIS PA DE RIGS PAS SGRUB PA'I TSUL BSHAD PA LA, MYU GU'I 'JIG PA RGYU RKYEN LA BLTOS, DE ZHIG PA RKYEN LA MI BLTOS NA, MYU GU SKAD CIG MA MA YIN PAR THAL, DE 'JIG RGYU RANG GI SKYE BYED LAS DON GZHAN LA BLTOS MED KYI DNGOS PO YIN PA'I PHYIR, DER THAL, DE'I 'JIG PA RGYU RKYEN LA MI BLTOS PA'I PHYIR, GZHAN YANG, MYU GU'I 'JIG PA RGYU RKYEN @120A *, ,LA BLTOS PA'I DNGOS PO DANG, DE'I ZHIG PA RGYU RKYEN LA MI BLTOS PAS DE DNGOS PO MED PAR 'DOD PA MI 'THAD PAR THAL, MYU GU'I 'JIG PA 'JIG RGYU DON GZHAN LA BLTOS MED KYI DNGOS POR 'DOD PA DANG, DE'I ZHIG PA DNGOS MED DU 'DOD PA MI 'GRIG PA'I PHYIR, DER THAL, TSIG GSAL LAS, 'JIG PA RGYU MED DU KHAS BLANGS NAS 'DUS BYAS SKAD CIG MAR SMRA BA LTAR NA, RGYU MED PA'I 'JIG PA MED PA'I PHYIR, DNGOS PO SKAD CIG DANG 'JIG PA DANG BRAL BA RNAMS 'DUS BYAS SU JI LTAR 'GRUB, DE'I PHYIR DE THAMS CAD MI 'GRIG PAR 'GYUR RO, ,ZHES GSUNGS PA'I PHYIR, MDOR BSDU NA, MYU GU LA SOGS PA'I DNGOS PO RNAMS RGYU RKYEN LA MI BLTOS PAR ZHIG PA ZHIG YOD DAM MED, YOD NA MYU GU'I 'JIG PA RGYU LA MI BLTOS PAR THAL, MYU GU'I ZHIG PA RGYU LA MI BLTOS PA'I PHYIR, KHYAB STE, MYU GU 'JIG PA DE MYU GU ZHIG PA LA MNGON DU PHYOGS PA'I GNAS SKABS LA 'JOG PA GANG ZHIG ,ZHIG PA LA MNGON DU PHYOGS PA RGYUS BSKYED, ZHIG PA RGYUS MI BSKYED PA'I KHYAD PAR MI 'THAD PA'I PHYIR, MYU GU SKYE BA LA MNGON DU PHYOGS PA RGYUS BSKYED, MYU GU BSKYED PA RGYUS MI BSKYED PA'I KHYAD PAR MI 'THAD PA'I PHYIR, DE MED NA, MYU GU'I ZHIG PA DNGOS PO YIN PAR THAL, DE RGYU RKYEN LA MA BLTOS PAR ZHIG PA MED PA'I PHYIR, DER THAL, MYU GU LA SOGS PA RNAMS RGYU RKYEN LA MA BLTOS PAR ZHIG PA MED PA'I PHYIR, DES NA MYU GU'I ZHIG PA 'JIG RGYUS BSKYED MA BSKYED MTSUNGS PAR 'DOD PA'I LUGS LA, 'DUS BYAS RNAMS SKAD CIG MAR 'GRUB SLA BA YIN TE, SKYE BA'I RKYEN GYIS RGA SHI ZHES PA'I RIGS PA LA BRTEN NAS SEMS CAN SHI BA DE RANG RGYU SKYE BA'I RKYEN GYIS BSKYED PA YIN GYI DE LAS GZHAN PA'I RGYU LAS MI SKYE BAR BSHAD PA DE BZHIN DU, MYU GU ZHIG PA DE YANG RANG RGYU 'JIG PA'I RGYUS BSKYED PAR BSHAD PAS, DE RNAMS SKAD CIG MAR 'GRUB SLA BA'I PHYIR, KHA CIG ,MYU GU'I ZHIG PA RGYU RKYEN LA MA BLTOS PAR THAL, DE MYU GU'I DNGOS POR MED PA GANG ZHIG ,DE'I DNGOS POR MED PA SLAR YANG RGYUS BSKYED PA LA DGOS PA MED PA'I PHYIR ZER NA, MYU GU YANG RANG RGYU LAS MI SKYE BAR THAL, DE RANG RGYU LAS SKYES ZIN PA GANG ZHIG ,SKYES ZIN PA SLAR YANG RGYUS BSKYED PA LA DGOS PA MED PA'I PHYIR, GANG ZHIG DER THAL, DNGOS PO YIN PA'I PHYIR, 'DOD NA RANG RGYU LAS SKYES PAR THAL, RANG RGYU'I BSKYED BYA YIN PA'I PHYIR, @120B DER THAL, RANG RGYU'I 'BRAS BU YIN PA'I PHYIR, GZHAN YANG, MYU GU'I ZHIG PA DNGOS PO YIN PAR THAL, MYU GU SA BON GYI DUS SU MED KYANG, RANG DUS SU YOD PA'I 'DUS BYAS YIN PA DE BZHIN DU, MYU GU'I ZHIG PA DE MYU GU'I DUS SU MED KYANG, MYU GU'I SKAD CIG GNYIS PA'I DUS SU GSAR DU BYUNG BA'I RES 'GA' BA YIN PA'I PHYIR, KHA CIG ,MAR DANG SNYING PO LTA BU'I RGYU ZAD PA ZHES SOGS RTZA 'GREL RNAMS KYIS, SDONG BU SNUM LDAN ZAD PA MAR ME SHI BA'I RGYUR BSTAN PA MA YIN PAR THAL, DE'I TSE NA, MAR ME SKAD CIG MTHA' MA'I RIGS 'DRA PHYI MA MA 'ONGS PA RNAMS, RKYEN MA TSANG BA'I DBANG GIS MI SKYE BA TZAM DU BSTAN PA'I PHYIR ZER NA, 'O NA MAR ME'I MA 'ONGS PA SKYE BAR THAL, DE'I RIGS 'DRA PHYI MA'I MA 'ONGS PA SKYE BA'I PHYIR, DER THAL, DE SDONG BU SNUM LDAN LA SOGS PA'I RKYEN TSANG NA SKYE BA'I PHYIR, SDONG BU SNUM LDAN ZAD PA'I TSE MAR ME SKAD CIG MTHA' MA'I RIGS 'DRA PHYI MA MA 'ONGS PA RNAMS, RKYEN MA TSANG BA'I DBANG GIS MI SKYE BA TZAM DU KHAS BLANGS PA'I SHUGS KYI [*KYIS] RKYEN TSANG NA DE LAS SKYE BAR KHAS BLANGS PAR SONG BA YIN PA'I PHYIR, DES NA MYU GU'I SKYE 'GAG LA SOGS PA MA BRTAGS MA DPYAD PAR 'JOG PA'I LUGS LA MYU GU DANG DE'I ZHIG PA DANG, MAR ME DANG, DE'I ZHIG PA RNAMS RANG GI RGYU LAS SKYE MI SKYE RGYU MTSAN RNAM PA KUN TU MTSUNGS PA YIN TE, MA BRTAGS MA DPYAD PA'I TSE NA SKYE BAR MTSUNGS, BRTAGS SHING DPYAD PA'I TSE NI [*TSE NA] MI SKYE BAR YANG MTSUNGS PA'I PHYIR, KHA CIG ,MYU GU'I 'DAS PA SKAD CIG DANG PO MYU GU'I 'DAS PA YIN KYANG, DE'I SKAD CIG GNYIS PA PHAN CHAD, MYU GU'I 'DAS PA MA YIN NO ZER NA, DE'I SKAD CIG GNYIS PA DE MYU GU'I 'DAS PA YIN PAR THAL, DE'I 'DAS PAR 'JOG PA'I DA LTAR BA'I DNGOS PO ZHIG YOD PA GANG ZHIG ,DE'I 'DAS PA SKAD CIG DANG PO DE, SKAD CIG GNYIS PA PHAN CHAD 'DAS PAR 'JOG PA'I DA LTAR BA'I DNGOS PO MA YIN PA'I PHYIR, DER THAL, DE DA LTAR BA MA YIN PA'I PHYIR, DER THAL, DE 'DAS PA YIN PA'I PHYIR, RTAGS DANG PO DER THAL, 'DAS MA 'ONGS GNYIS DA LTAR BA LA BLTOS NAS 'JOG PAS DA LTA BA GTZO BO DANG, GZHAN GNYIS GTZO BO MA YIN PAR BZHI BRGYA PA'I 'GREL PA LAS GSUNGS PA'I PHYIR, MYU GU'I 'DAS PA SKAD CIG GNYIS PA PHAN CHAD MYU GU 'DAS PA YIN PAR THAL, DE'I 'DAS PA'I RIGS 'DRA JI SNYED CIG 'BYUNG BA THAMS CAD DE'I 'DAS PAR 'JOG @121A *, ,DGOS PA'I PHYIR, DER THAL, MYU GU'I RIGS 'DRA JI SNYED CIG 'BYUNG BA THAMS CAD MYU GUR 'JOG PA LTA BU YIN PA'I PHYIR, DE LTAR MA YIN NA, DGE MI DGE'I LAS 'GAGS NAS BSKAL PA BRGYA PHRAG LA SOGS PAS CHOD PA'I RNAM SMIN GYI 'BRAS BU DNGOS SU MI SKYE BAR THAL, DE 'DRA BA'I LAS KYIS KYANG DNGOS SU MI BSKYED, LAS DE'I ZHIG PAS KYANG DNGOS SU MI BSKYED PA'I PHYIR TE, DE'I ZHIG PA SKAD CIG GNYIS PA PHAN CHAD LAS DE'I ZHIG PA MA YIN PA'I PHYIR RO, ,RTZA BA LA KHYAB PA YOD PAR THAL, LAS DES KYANG DNGOS SU MI BSKYED, LAS ZHIG PAS KYANG DNGOS SU MI BSKYED NA, DE DNGOS SU SKYED BYED KYI RGYU MED DGOS PA'I PHYIR, MYU GU'I ZHIG PA MYU GU'I ZHIG PA YIN PAR THAL, DE'I SPYI 'CHAR BA LA MYU GU'I SPYI 'CHAR BA DGOS PA GANG ZHIG ,DE ZHIG PA YIN PA'I PHYIR, RTAGS DANG PO DER THAL, MYU GU'I ZHIG PA'I ZHIG PA DE'I SPYI 'CHAR BA LA MYU GU'I ZHIG PA'I SPYI 'CHAR BA DGOS, MYU GU'I ZHIG PA'I SPYI 'CHAR BA LA MYU GU'I SPYI 'CHAR DGOS PA'I PHYIR, MYU GU'I ZHIG PA DE, DNGOS PO YIN KYANG DE DGAG PA NI YIN TE, RANG NYID RTOGS PA'I BLOS RANG GI DGAG BYA DNGOS SU BCAD NAS RTOGS DGOS PA'I CHOS YIN PA'I PHYIR, DE MA YIN DGAG YIN TE, DE DGAG PA GANG ZHIG ,MED DGAG MA YIN PA'I PHYIR, DGE BA'I LAS ZHIG PA DE DGE BA DANG, MI DGE BA'I LAS ZHIG PA DE MI DGE BA YIN TE, DE GNYIS RIM PA BZHIN DU RANG GI RNAM SMIN GYI 'BRAS BU YID 'ONG DANG, YID MI 'ONG 'BYIN PA NI GANG ZHIG ,DGE BA DANG LDAN MIN 'DU BYED KYI GZHI MTHUN YANG YOD, MI DGE BA DANG LDAN MIN 'DU BYED KYI GZHI MTHUN YANG YOD PA'I PHYIR; DER THAL, DGE BA DANG GZUGS KYI GZHI MTHUN YANG YOD, MI DGE BA DANG GZUGS KYI GZHI MTHUN YOD PA'I PHYIR, LUS NGAG GANG RUNG GI DGE BA'I LAS GZUGS CAN PA YOD DE, DE GANG RUNG GI MI DGE BA'I LAS GZUGS CAN PA YOD PA'I PHYIR, GZHAN YANG, DGE BA'I LAS KYI ZHIG PA DE DGE BA YIN PAR THAL, DE 'DAS PA YIN PA GANG ZHIG ,DUS GSUM GYI DGE RTZA YOD PA'I PHYIR, GNYIS PA LAS 'BRAS KYI RTEN DU GYUR PA'I KUN GZHI MED KYANG, LAS 'BRAS KYI RTEN DU GYUR PA'I BAG CHAGS BSGO GZHI JI LTAR 'JOG PA'I TSUL LA, NGA'O SNYAM PA'I BLO LHAN SKYES DES GANG LA DMIGS PA'I PHUNG PO LNGA LA @121B BTAGS PA'I NGA TZAM BAG CHAGS BSGO GZHI YIN TE, BAG CHAGS BSGO GZHI YOD PA GANG ZHIG ,SGO GZHI MED NA MI 'THAD CING, GRUB MTHA' 'OG MA RNAMS KYIS 'DOD PA'I KUN GZHI LA SOGS PA RNAMS BAG CHAGS BSGO GZHI'I GTZO BOR MI 'THAD PA'I PHYIR, BAG CHAGS BSGO GZHI YOD DE, THOGS MED NAS BRGYUD DE 'ONGS PA'I BDEN 'DZIN LHAN SKYES KYIS BAG CHAGS BSGO BA YOD PA'I PHYIR, DER THAL, RANG 'GREL LAS, THOG MA MED PA'I 'KHOR BAR DNGOS PO'I BAG CHAGS BZHAG PA YONGS SU SMIN PA'I DNGOS PO LA MNGON PAR ZHEN CING, ZHES GSUNGS PA'I PHYIR, DE 'DRA BA'I NGA TZAM DE, LAS 'BRAS KYIS BAG CHAGS BSGO GZHI YIN TE, KUN GZHI 'DOD PA RNAMS KYIS NYON YID KYI NGA'O SNYAM DU DMIGS PA'I KUN GZHI LAS 'BRAS KYI RTEN DU 'DOD PA, 'DI'I RGYUD SMIN BYED DU BCOM LDAN 'DAS KYIS GSUNGS PA'I PHYIR RO, ,DE LA KHA CIG NA RE, NGA TZAM BAG CHAGS BSGO GZHI YIN ZHING, YID KYI RNAM SHES BAG CHAGS BSGO GZHI MA YIN PA MI RIGS PAR THAL, GANG GIS SEMS KYI RGYUD SBAGS PAR BYED CING, BSGO BAR BYED LA ZHES SOGS GSUNGS PA'I PHYIR ZER NA, SKYON MED DE, NGA TZAM DE RNAM PAR SHES PA LA BTAGS PA'I RGYUN DANG, YID KYI RNAM PAR SHES PA GNAS SKABS KYI BAG CHAGS BSGO GZHI YIN PA'I DON YIN PA'I PHYIR, DER THAL, YAN LAG GNYIS PA 'DU BYED KYI LAS KYI BAG CHAGS BSGO GZHIR GYUR PA'I RGYU DUS KYI RNAM SHES KYI RTEN 'BREL YOD PA'I PHYIR, DGE MI DGE'I LAS 'GAGS PAS, RNAM SMIN GYI 'BRAS BU 'BYIN PA'I DPE YANG YOD DE, CHAGS PA DANG LDAN PA'I SKYES BUS, RMI LAM DU YUL GYI BUD MED BZANG MO RMIS NAS, SAD DUS SU DE LTA BU'I BUD MED 'GAGS KYANG; DE LA DMIGS PAS CHAGS PA SKYE BA LTA BU YIN PA'I PHYIR, ` GSUM PA RTZOD PA SPONG BA LA, KHA CIG GIS, DGE BA DANG MI DGE BA'I LAS GNYIS KYIS RIM PA BZHIN DU, RNAM SMIN GYI 'BRAS BU YID 'ONG DANG YID MI 'ONG 'BYIN PA MED PAR THAL, LAS DE GNYIS BDEN PAR MED PA GANG ZHIG ,LAS ZHIG PAS 'BRAS BU BSKYED PA'I PHYIR, ZHES ZER, YANG KHA CIG GIS, DGE MI DGE'I LAS KYI RNAM SMIN GYI 'BRAS BU 'BYIN PA THUG MED YIN PAR THAL, LAS ZHIG PAS 'BRAS BU BSKYED PA'I PHYIR, ZHES ZER NA, LAS RANG BZHIN GYIS MA GRUB CING, LAS ZHIG PAS 'BRAS BU BSKYED KYANG, RNAM SMIN GYI 'BRAS BU 'BYIN PA THUG MED DU 'GYUR BA DANG MA NGES @122A *, ,PA'I SKYON MED DE, BSE RU GTZANG MA'I NANG DU SKRA SHAD DANG, RI BONG GI RVA GNYIS MED MTSUNGS YIN KYANG, RAB RIB CAN LA BSE RU'I NANG DU SKRA SHAD 'DZAG SNANG GI DBANG SHES SKYE, RI BONG RVA SNANG GI DBANG SHES MI SKYE BA DE BZHIN DU, 'BRAS BU GTAN NAS PHYUNG ZIN PA'I LAS KYIS 'BRAS BU MI 'BYIN KYANG, 'BRAS BU PHYUNG MA ZIN PA'I LAS KYIS 'BRAS BU YID 'ONG DANG YID MI 'ONG CI RIGS PAR 'BYIN PAR NGES PA'I PHYIR, LAS 'BRAS KYI RTEN DU GYUR PA'I KUN GZHI MED PA DE MI 'THAD PAR THAL, DGONGS 'GREL LAS, LEN PA'I RNAM PAR SHES PA ZAB CING PHRA, ,ZHES SOGS GSUNGS PA'I PHYIR, ZER NA, SKYON MED DE, DGOS PA'I DBANG GIS GSUNGS PA'I DRANG DON GYI MDO YIN PAS, DGONGS GZHI DGOS PA DNGOS LA GNOD BYED GSUM GYI SGO NAS DRANG DON DU 'GREL BAR BYED PA'I PHYIR, DER THAL, PHUNG PO BDEN GRUB TU 'DOD PA'I GANG ZAG GI NGOR DE MA BKAG PAR, MDO LAS, SEMS ZHES BYA BA 'AM, YID CES BYA BA 'AM; RNAM PAR SHES PA ZHES BYA BA DE NI DUS DANG POR DAD PA DANG, TSUL KHRIMS LA SOGS PAS YONGS SU BSGOS SHING GONG DU 'GRO BA NA PHYI MA LA MTHO RIS SU 'GYUR RO, ,ZHES GSUNGS PA'I PHYIR, LAS 'BRAS KYI RTEN DU GYUR PA'I BDAG RANG RKYA THUB PA'I RDZAS YOD DU 'DOD PA'I GANG ZAG GI NGOR, DGE SLONG DAG KHUR YOD DO KHUR KHUR BA PO YOD DO, ,ZHES GSUNGS PA LTA BU YIN PA'I PHYIR, DER THAL, BCOM LDAN 'DAS KYI RGYUD LA NGAR 'DZIN MED KYANG, DGOS PA'I DBANG GIS YOD PA LTAR DU GSUNGS PA LTA BU YIN PA'I PHYIR, RGYAL BA'I BKA' DANG DE'I DGONGS PA 'GREL BAR BYED PA'I BSTAN BCOS RNAMS LAS KUN GZHI YOD PAR BSTAN PA DANG, MED PAR BSTAN PA'I TSUL GNYIS YOD DE, DGONGS 'GREL DANG, LANG KAR GSHEGS PA DANG, RGYAN STUG PO BKOD PA LA SOGS PA LAS DE YOD PAR BSTAN PA DANG, SHER PHYIN GYI MDO RGYAS 'BRING BSDUS GSUM SOGS LAS DE MED PAR BSTAN PA DANG, BYAMS CHOS PHYI MA GSUM LAS DE YOD PAR BSTAN, MNGON PAR RTOGS PA'I RGYAN DANG, THEG PA CHEN PO'I RGYUD BLA MA'I BSTAN BCOS SOGS LAS MED PAR BSTAN PA'I PHYIR, DE'I RJES SU 'BRANG BA'I GANG ZAG LA YANG DE YOD PAR 'DOD MI 'DOD GNYIS YOD DE, MGON PO KLU SGRUB LUGS KYI THAL 'GYUR GYI SROL PHYE BA'I RJES SU 'BRANG BA'I THAL @122B 'GYUR BA MTHA' DAG DANG, RANG RGYUD PA PHAL CHE BA RNAMS KYIS DE MED PAR 'DOD PA DANG, 'PHAGS PA THOGS MED KYIS SEMS TZAM GYI SROL PHYE BA'I RJES SU 'BRANG BA'I LUNG GI RJES SU 'BRANGS PA'I SEMS TZAM PAS DE YOD PAR 'DOD PA DANG, RIGS PA'I RJES 'BRANG GI SEMS TZAM PAS DE MED PAR 'DOD PA'I PHYIR, SEMS TZAM PA LA KUN GZHI YOD PAR 'DOD PA DANG MED PAR 'DOD PA GNYIS YOD PA DE BZHIN DU, RANG RGYUD PA LA YANG GNYIS YOD DE, ZHI 'TSO YAB SRAS DANG 'PHAGS SENG GNYIS, LEGS LDAN 'BYED AA BHYA KA RA [*AA BHY'A KA RA] DANG BCAS PA RNAMS KUN GZHI MED PAR 'DOD, TZANd'A [*TZANDRA] GO MI DANG L'A BA PA [*LVA BA PA] GNYIS YOD PAR 'DOD PA'I PHYIR, ` GNYIS PA SEMS TZAM PA'I LUGS BYE BRAG TU DGAG PA LA, GZHUNG SPYI'I BSDU BA BSHAD PA DANG, GZHUNG DON RNAMS LA MTHA' DPYAD PA GNYIS LAS, DANG PO LA PHYOGS SNGA MA BRJOD PA DANG, DE DGAG PA GNYIS LAS, DANG PO LA, SEMS TZAM PA NA RE, BYANG SEMS SA DRUG PA BA DES, MNYAM GZHAG TU CHOS THAMS CAD RANG BZHIN MED PAR MNGON SUM DU RTOGS PA LA BRTEN NAS, SHER PHYIN GYI NYAMS LEN LHAG PAR THOB PA MA YIN TE, DES MNYAM GZHAG TU GZUGS SOGS PHYI ROL DON GYIS STONG BAR MNGON SUM DU RTOGS PA DANG, RJES THOB TU GZUGS SOGS RNAM PAR RIG PA TZAM GYI BDAG NYID DU RTOGS PA LA BRTEN NAS, SHER PHYIN GYI NYAMS LEN LHAG PAR THOB PA'I PHYIR, DES NA KUN GZHI RNAM SHES KYI STENG DU BAG CHAGS BZHAG PA SMIN PA LA BRTEN NAS SKYES PA'I MA DAG GZHAN DBANG RNAMS NI KHYAD CHOS BZHI DANG LDAN PA YIN TE, NGO BO DANG KHYAD PAR LA KUN BTAGS PA'I KUN BTAGS KYI 'DOGS GZHI DANG, PHYI ROL DU MA GRUB CING BDEN PAR GRUB PA DANG, DON DAM PAR SGRA RTOG GI SPROS PA'I YUL MIN PA DANG BCAS PA'I KHYAD CHOS BZHI DANG LDAN PA'I PHYIR ZHES, SEMS TZAM PA'I 'DOD PA DE 'CHAD PA BYED PA LA, GZUNG BA MED PAR 'DZIN PA MA MTHONG ZHING, ,ZHES PA NAS, YOD DANG SPROS KUN YUL MIN RANG BZHIN YOD, ,CES PA'I BAR GSUNGS, GNYIS PA DE DGAG PA LA, PHYI ROL MED PA'I SHES PA RANG BZHIN GYIS GRUB PA'I BSGRUB BYA DGAG PA DANG, DE SGRUB BYED KYI TSAD MA DGAG PA DANG, DE'I SGRUB BYED KYI LUNG DGAG PA DANG GSUM LAS, DANG PO DE 'CHAD PA LA, PHYI ROL MED SEMS DPE NI GANG DU YOD, ,CES PA NAS, BLO YANG MED CES DON 'DI SHES PAR GYIS, ,ZHES BA'I BAR GSUNGS, @123A *, ,GNYIS PA 'CHAD PA LA, GAL TE GZUNG MED 'DZIN PA NYID BRAL ZHING, ,ZHES PA NAS, PHYI NAS STOBS LDAN BDAG GIS BSTEN PAR BYA, ,ZHES PA'I BAR GSUNGS, GSUM PA DE 'CHAD PA LA, MNGON GYUR MNGON PHYOGS BYANG CHUB SEMS DPA' YIS, ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR GSUNGS, DANG PO LA, PHYI ROL MED PA'I SHES PA RANG BZHIN GYIS SKYE BA'I DPE BKAG PA DANG, DON BKAG PA DANG, DE LTAR BKAG PA LA LUNG RIGS DANG 'GAL BA SPANG BA DANG GSUM LAS, DANG PO LA PHYI DON MED PA'I SHES PA RANG BZHIN GYIS SKYE NA DE'I DPE JI LTA BU YIN BYAS PA LA, KHA CIG ,DE'I DPE YOD DE, RMI LAM DU KHANG MIG CHUNG NGU'I NANG DU GLANG PO CHE MED KYANG, DE SNANG GI SHES PA RANG BZHIN GYIS SKYE BA LTA BU YIN PA'I PHYIR ZER NA, DE LTA BU'I DPE DE LA BRTEN NAS PHYI DON MED PA'I SHES PA RANG BZHIN GYIS SKYE BA MI 'GRUB STE, RMI LAM GYI YUL DBANG RNAM SHES GSUM PO DE THA SNYAD DU YOD MTSUNGS DANG, RANG BZHIN GYIS MED MTSUNGS YIN PA'I PHYIR, ZHES 'GOG PAR BYED PA LA, PHYI ROL MED SEMS DPE NI GANG DU YOD, ,CES PA NAS, GTI MUG GNYID SAD LAS DE DE BZHIN NO, ,ZHES PA'I BAR GSUNGS, YANG KHA CIG ,DE'I DPE YOD DE, BSE RU GTZANG MA'I NANG DU SKRA SHAD MED KYANG, DER SNANG GI SHES PA RANG BZHIN GYIS SKYE BA LTA BU YIN PA'I PHYIR, ZHES ZER, BSE RU GTZANG MA'I NANG DU SKRA SHAD MED KYANG DE SNANG GI SHES PA RANG BZHIN GYIS SKYE NA RKYEN LA BLTOS MI DGOS PAS, RAB RIB DANG BRAL BA'I SHES PA LA'ANG, BSE RU'I NANG DU SKRA SHAD SNANG BAR 'GYUR RO, ,ZHES 'GOG PAR BYED PA LA, DBANG PO RAB RIB BCAS PA BLO GANG GI, ZHES PA NAS, DE LTA MA YIN DE PHYIR DE YOD MIN, ,ZHES PA'I BAR GSUNGS, GNYIS PA DE LA KHA CIG GIS, RMI LAM GYI GNAS SKABS DANG, SAD DUS KYI GNAS SKABS SU KHANG MIG CHUNG NGU'I NANG DU GLANG CHEN MYOS PA'I KHYU SNANG BA'I SHES PA SKYE MI SKYE MTSUNGS PA DANG, RAB RIB DANG BCAS PA'I GANG ZAG DANG, DE DANG BRAL BA'I GANG ZAG GNYIS LA, BSE RU GTZANG MA'I NANG DU SKRA SHAD 'DZAG SNANG GI DBANG SHES SKYE MI SKYE MTSUNGS PA DE MI 'THAD PAR THAL, RMI LAM GYI GNAS SKABS DANG, RAB RIB CAN GYI GANG ZAG GNYIS LA RIM PA BZHIN DU RNAM SHES DE @123B GNYIS SKYE BA'I NUS PA YOD CING, SAD DUS KYI GNAS SKABS DANG, RAB RIB DANG BRAL BA'I GANG ZAG DE GNYIS LA RNAM SHES DE GNYIS SKYE BA'I NUS PA MED PA'I PHYIR, ZER NA, DE MI 'THAD DE, RNAM SHES KYI NUS PA RANG BZHIN GYIS GRUB NA, DE LTAR YIN DGOS KYANG, DE RANG BZHIN GYIS MED PA'I PHYIR, DER THAL, RNAM SHES SKYE BA'I NUS PA RANG BZHIN GYIS GRUB PA DE, RNAM SHES DA LTA BA DANG, DE MA 'ONGS PA DANG, DE 'DAS PA GSUM PO GANG RUNG LA MED PA'I PHYIR, ZHES 'GOG PAR BYED PA LA, GANG PHYIR MTHONG BA DAG LA BLO NUS NI, ,ZHES PA NAS, DE DAG RGYUD GCIG RTOGS PAR RIGS MA YIN, ,ZHES PA'I BAR GSUNGS, DE LA KHA CIG , MIG SHES SKAD CIG DANG PO 'GAGS PA'I TSE NA KUN GZHI'I RNAM SHES KYI STENG DU, MIG SHES SKAD CIG PHYI MA SKYE BA'I NUS PA BZHAG PA SMIN PA LA BRTEN NAS, PHYI ROL DON DU MED PA'I RNAM SHES RANG BZHIN GYIS SKYE BA YIN TE, DPER NA, RMI LAM LTA BU YIN PA'I PHYIR, ZER NA, DE MI 'THAD PAR THAL, RMI LAM GYI DPE LA BRTEN NAS PHYI ROL GYI GZUGS MED CING, NANG GI SHES PA RANG BZHIN GYIS SKYE BA MI 'GRUB CING, DE GNYIS BRDZUN PAR SKYE BA 'GRUB PA'I PHYIR, ZHES SLAR YANG PHYI DON MED PA'I SHES PA RANG BZHIN GYIS SKYE BAR SGRUB PA'I SGRUB BYED DE 'GOG PAR BYED PA LA, MIG BLO SKYE BA RANG NUS GANG ZHIG LAS, ZHES PA NAS, RTZOD 'DIS SEL BYED CES PA'I BAR GSUNGS, PHYI DON MED PA'I RNAM SHES RANG BZHIN GYIS SKYE BA DGAG PA LA, BCOM LDAN 'DAS KYI LUNG DANG 'GAL BA'I SKYON MED DE, BCOM LDAN 'DAS RANG LUGS LA, MDO SDE 'GAR YANG DNGOS PO RANG BZHIN GYIS GRUB PA MA GSUNGS PA'I PHYIR, ZHES 'CHAD PAR BYED PA LA, SANGS RGYAS RNAMS KYI NI, 'GAR YANG DNGOS PO YOD CES MA BSTAN TO, ,ZHES GSUNGS, GSUM PA, RIGS PA DANG 'GAL BAR SPONG BA LA, KHA CIG ,PHYI DON MED PA'I SHES PA RANG BZHIN GYIS GRUB STE, DPER NA, RNAL 'BYOR PA'I BLA MA'I MAN NGAG LA BRTEN NAS, KENG RUS GSAL SNANG CAN GYI TING NGE 'DZIN LA SA GZHI THAMS CAD KENG RUS KYIS KHYAB PAR SNANG BA DE'I TSE SA GZHI THAMS CAD KENG RUS KYIS MA KHYAB KYANG DER SNANG GI SHES PA RANG BZHIN GYIS SKYE BA LTA BU YIN ZER NA, KENG RUS GSAL SNANG GI TING NGE 'DZIN GYI DPE LA BRTEN NAS, PHYI DON MED PA'I SHES PA RANG BZHIN GYIS SKYE BA DE MI 'GRUB PAR THAL, @124A *, ,DE LTA BU'I TING NGE 'DZIN DE'I YUL YUL CAN THA SNYAD DU YOD MTSUNGS DANG, RANG BZHIN GYIS MED MTSUNGS YIN PA'I PHYIR, DE BZHIN DU BSE RU'I NANG DU SKRA SHAD 'DZAG SNANG GI RAB RIB CAN GYI MIG SHES DANG, CHU KLUNG RNAG KHRAG TU SNANG BA'I YI DVAGS KYI MIG SHES KYI DPE LA BRTEN NAS, PHYI DON MED PA'I SHES PA RANG BZHIN GYIS SKYE BA MI 'GRUB BO, ,ZHES RIM PA BZHIN DU 'CHAD PAR BYED PA LA, RNAL 'BYOR PA YIS BLA MA'I MAN NGAG LAS, ZHES PA NAS, BLO YANG MED CES DON 'DI SHES PAR GYIS, ,ZHES PA'I BAR GSUNGS, SGRUB BYED TSAD MA DGAG PA LA, GZHAN DBANG RANG BZHIN GYIS GRUB PA'I SGRUB BYED RANG RIG 'GOG PA DNGOS DANG, SEMS TZAM PA'I LUGS BDEN PA GNYIS CHAR LAS NYAMS PAR BSTAN PA DANG, DES NA MGON PO KLU SGRUB KHO NA'I RJES SU 'BRANG RIGS PAR BSTAN PA DANG, GZHAN DBANG RANG BZHIN GYIS GRUB PA BKAG PA DANG, 'JIG RTEN GYIS THA SNYAD BKAG PA MTSUNGS PA SPANG PA DANG BCAS PA RIM PA BZHIN DU 'CHAD PAR BYED PA LA, GAL TE GZUNG MED 'DZIN PA NYID BRAL ZHING, ZHES PA NAS, PHYIS NAS STOBS LDAN BDAG GIS BRTEN PAR BYA, ,ZHES PA'I BAR GSUNGS, LUNG GI SGRUB BYED DGAG PA LA MDO SDE SA BCU PA LAS SEMS TZAM DU GSUNGS PA'I DON DANG LANG KAR GSHEGS PA LAS SEMS TZAM DU GSUNGS PA'I DON BSHAD PA DANG GNYIS LAS, MDO DANG PO LAS DE LTAR GSUNGS PA DE BYED PA PO DON GZHAN BKAG PA YIN GYI PHYI DON BKAG PA MA YIN PA DANG, MDO PHYI MA LAS, PHYI ROL SNANG BA YOD MIN TE, ,ZHES SOGS KYIS PHYI DON BKAG KYANG, DGONGS GZHI, DGOS PA, DNGOS LA GNOD BYED GSUM GYI SGO NAS DRANG DON DU 'GREL BA DANG, DE BZHIN DU KUN GZHI YOD PAR STON PA'I MDO DANG, GZHAN DBANG RANG BZHIN GYIS YOD PAR STON PA'I MDO DANG BCAS PA RNAMS, DGONGS GZHI, DGOS PA, DNGOS LA GNOD BYED GSUM GYI SGO NAS DRANG DON DU 'GREL BA DANG, DRANG NGES KYI MDO'I DON RTOGS PA'I THABS DANG BCAS PA RNAMS RIM PA BZHIN DU 'CHAD PAR BYED PA LA, MNGON GYUR MNGON PHYOGS BYANG CHUB SEMS DPA' YIS, ,ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR GSUNGS, ` GANG PHYIR MTHONG BA DAG LA BLO NUS NI, ,ZHES SOGS KYI SKABS SU MTHA' DPYAD PA LA, RNAM SHES KYI NUS PA RANG @124B BZHIN GYIS MA GRUB STE, DE RNAM SHES DA LTAR BA LA YANG MED, RNAM SHES MA 'ONGS PA LA YANG MED, RNAM SHES 'DAS PA LA YANG MED PA'I PHYIR, DE RNAM SHES DA LTA BA LA MED PAR THAL, DE YOD NA NUS PA'I RNAM SHES ZHES PA'I SGRA DE'I RJES SU 'BRANG BA'I RTOG PA LA JI LTAR SNANG BA LTAR DU GRUB PA DANG, NUS PA LAS RNAM SHES ZHES PA'I SGRA DE'I RJES SU 'BRANG BA'I RTOG PA LA JI LTAR SNANG BA LTAR DU GRUB PA GANG RUNG ZHIG TU GRUB DGOS PAS, DE GNYIS GANG RUNG DU MA GRUB PA'I PHYIR, DANG PO DER THAL, DE LTAR GRUB NA, RNAM SHES DANG RNAM SHES KYI NUS PA GNYIS RANG BZHIN GYIS GRUB PA'I NGO BO GCIG YIN DGOS, DE YIN NA DE THA DAD GTAN MED KYI GCIG YIN DGOS, DE LTAR NA LAS BYA BYED GNYIS GCIG TU 'GYUR BA'I PHYIR, GNYIS PA DER THAL, DE LTAR GRUB NA DE GNYIS 'BREL MED DON GZHAN DU 'GYUR BA'I PHYIR, RTOG PA DE LA DE GNYIS BDEN GRUB KYI THA DAD DU SNANG BA'I PHYIR, DE RNAM SHES MA 'ONGS PA LA MED PAR THAL, RNAM SHES MA 'ONGS PA DA LTAR RNAM SHES SU MED, DE MED PAS DE'I NUS PA RNAM SHES RANG BZHIN GYIS GRUB PA'I NUS PAR MED, DE MED PAS DE'I NUS PA RNAM SHES MA 'ONGS PA RNAM SHES KYI NUS PA RANG BZHIN GYIS GRUB PA LAS SKYE BA MI 'THAD PA'I PHYIR, DE LA, KHA CIG NA RE, SKYON MED DE, RNAM SHES MA 'ONGS PA DA LTAR RNAM SHES SU MED KYANG, MA 'ONGS PA NA 'BYUNG 'GYUR LA BSAMS NAS, RNAM SHES MA 'ONGS PA RNAM SHES KYI NUS PA RANG BZHIN GYIS GRUB PA LA SKYE BA'I THA SNYAD BYED PA'I PHYIR, MDZOD LAS, MNGAL DU 'JUG PA GSUM YANG STE, 'KHOR LOS BSGYUR RGYAL RANG BYUNG GNYIS, ,ZHES GSUNGS PA'I PHYIR DANG, MA 'ONGS PA LA BSAMS NAS 'BRAS CHEN TSOS SHIG RAS YUG THOGS SHIG CES PA LTA BU YIN PA'I PHYIR ZER NA, RNAM SHES MA 'ONGS PA CHOS CAN, RANG BZHIN GYIS MI SKYE BAR THAL, RANG GI RGYU RKYEN LA BLTOS NAS SKYE BA'I PHYIR, KHYAB STE, LTOS NAS GRUB PA RANG BZHIN GYIS MA GRUB PA'I DON DU BCOM LDAN 'DAS LA SOGS PA'I DAM PA MKHAS PA RNAMS BZHED PA'I PHYIR, DE RNAM SHES 'DAS PA LA YOD NA, RNAM SHES SKAD CIG DANG PO 'GAGS PA'I NUS PA LAS RNAM SHES SKAD CIG GNYIS PA SKYE BAR THAL, RNAM SHES NUS PA RANG BZHIN GYIS GRUB PA DE RNAM SHES 'DAS PA LA YOD PA'I PHYIR, 'DOD NA MI 'THAD PAR THAL, DE GNYIS @125A *, ,'BREL MED DON GZHAN YIN PA'I PHYIR, DER THAL, RANG GI MTSAN NYID KYIS GRUB PA'I NGO BO THA DAD YIN PA'I PHYIR, DER THAL, KHYOD LTAR NA BYAMS PA DANG NYER SBAS LTA BU YIN PA'I PHYIR, DE LA KHA CIG ,DE GNYIS RANG GI MTSAN NYID KYIS GRUB PA'I NGO BO THA DAD YIN KYANG, 'BREL MED DON GZHAN MA YIN TE, DE GNYIS RGYUN GCIG YIN PA'I PHYIR, ZER NA, DE MI 'THAD PAR THAL, RANG GI MTSAN NYID KYIS GRUB PA'I NGO BO THA DAD LA, RGYUN GCIG DANG SKAD CIG SNGA PHYI LA SOGS PA MI 'THAD PA GZHAN SKYE SPYIR 'GOG PA'I SKABS SU BSHAD ZIN PA'I PHYIR, , ` CHU 'BAB KLUNG LA YI DVAGS RNAG BLO YANG, ,ZHES SOGS KYI SKABS SU MTHA' DPYAD PA LA, CHU KLUNG RNAG KHRAG TU SNANG BA'I YI DVAGS KYI MIG SHES DANG, BSE RU'I NANG DU SKRA SHAD 'DZAG PAR SNANG BA'I RAB RIB CAN GYI MIG SHES DANG, SA GZHI KENG RUS KYIS KHYAB PAR SNANG BA'I KENG RUS GSAL SNANG CAN GYI TING NGE 'DZIN DANG BCAS PA RNAMS KYI YUL DE DANG, DER YOD MED RNAM PA KUN DU MTSUNGS SAM MI MTSUNGS ZHE NA, DE LA BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO LA, THEG BSDUS LAS, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YI [*YID] NI THA DAD PHYIR, ,DON MA GRUB PAR 'DOD PA YIN, ,ZHES DANG, DE'I BSHAD SBYAR DGE BSNYEN BTZUN PA NGO BO NYID MED PAS MDZAD PA LAS, CHU KLUNG GI DNGOS PO GCIG LA RANG RANG GI LAS KYI RNAM SMIN GYI DBANG GIS YI DVAGS KYIS RNAG KHRAG LA SOGS PAS GANG BAR MTHONG BA DANG, DE NYID LA DUD 'GRO LA SOGS PAS GNAS KYI BLOS GNAS PAR BYED PA DANG, MI RNAMS KYIS NI MNGAR BA DANG, DVANGS PA DANG, BSIL BA'I CHUR RTOGS SHING 'THUNG NGO, ,KHRUS BYED DO, ,DER 'JUG GO, NAM MKHA' MTHA' YAS SKYE MCHED LA SNYOMS PAR ZHUGS PA'I LHA RNAMS KYIS NAM MKHAR MTHONG STE, GZUGS KYI 'DU SHES RNAM PAR BSHIG PA'I PHYIR RO, ,ZHES GSUNGS PA'I PHYIR, GNYIS PA LUNG GI DON BSHAD PA LA, GZHAN LUGS DGAG ,RANG LUGS BZHAG ,RTZOD PA SPONG BA DANG GSUM LAS, DANG PO LA, KHA CIG NA RE, RGYU MTSAN DE NYID KYI PHYIR NA, CHOS THAMS CAD LA 'DI YIN 'DI MIN GANG DU YANG BZUNG DU MED DO, ,ZHES ZER NA, SANGS RGYAS PA'I GRUB @125B MTHA' DANG, PHYI ROL PA'I GRUB MTHA' LA BZANG NGAN DANG, BDAG CAG GI STON PA DANG, PHYI ROL PA'I STON PA LA MCHOG DMAN SOGS MED PAR THAL, CHOS THAMS CAD LA 'DI YIN 'DI MIN GANG DU YANG BZUNG DU MED PA'I PHYIR, 'DOD NA, YOD PAR THAL, BDAG NI STON PA GZHAN SPANGS NAS, ,KHYOD LA SKYABS SU MCHI LAGS KYI, ,CI SLAD CE NA KHYED NYID NI, ,SKYON MI MNGA' ZHING YON TAN RDZOGS, ,ZHES GSUNGS PA'I PHYIR, YANG KHA CIG ,BRLAN ZHING GSHER BA CHU PHOR PA GANG LA, LHA MI YI DVAGS GSUM GYIS CIG CAR DU BLTAS PA DE'I TSE NA, 'GRO BA RANG RANG GI NGO BOR THAD KA THAD KAR BDEN PAS, BRLAN ZHING GSHER BA CHU PHOR PA GANG PO DE, YI DVAGS KYI NGO BOR RNAG KHRAG TU BDEN, MI'I NGO BOR CHUR BDEN LHA'I NGO BOR BDUD RTZIR BDEN PA YIN NO, ,ZER NA, DE'I TSE NA 'GRO BA GSUM PO DE'I MIG SHES THAMS CAD TSAD MA YIN NAM, 'GA' ZHIG TSAD MA YIN PA DAG LAS GANG YIN, DANG PO LTAR NA BRLAN ZHING GSHER BA CHU PHOR PA GANG PO DE RNAG KHRAG LA SOGS PA'I DNGOS PO GSUM GA YIN PA DANG, 'GAL BA LA MA 'KHRUL BA'I TSAD MA YOD PA DANG, PHOR PA GANG PO DE CHU YIN PA DANG CHU MA YIN PA GNYIS KAR TSAD MAS RTOGS PAR THAL, DE'I TSE NA 'GRO BA GSUM PO DE'I MIG SHES THAMS CAD TSAD MA YIN PA'I PHYIR, 'DOD NA MI 'THAD PAR THAL, RNAG KHRAG LA SOGS PA'I DNGOS PO GSUM PO 'GAL BA'I PHYIR DANG, CHU YIN MIN GNYIS PO DE PHAN TSUN SPANGS 'GAL GYI DNGOS 'GAL YIN PA'I PHYIR, DE LA KHO NA RE, MI'I MIG SHES TSAD MA YIN GYI, 'GRO BA GZHAN GNYIS KYI MIG SHES TSAD MA MA YIN TE, DE GNYIS LAS BZANG NGAN GYI DBANG GIS RNAG KHRAG DANG, BDUD RTZI SOGS SU MTHONG BA TZAM YIN PA'I PHYIR, ZER NA, 'O NA MI'I MIG SHES TSAD MA MA YIN PAR THAL, MI LAS 'BRING PO'I DBANG GIS CHUR MTHONG BA TZAM YIN PA'I PHYIR, GZHAN YANG, MI MA YIN PA'I 'GRO BA'I RGYUD LA LUS SHES TSAD MA DANG, NYAN SHES TSAD MA YANG MED PAR THAL, DE'I RGYUD LA MIG SHES TSAD MA MED PA'I PHYIR, DER THAL, KHYOD KYI RTZA BA'I DAM BCA' 'THAD PA'I PHYIR, 'DOD NA, 'GRO BA DE DAG GIS NGES SHES 'GRONGS [*DRONGS] PA DANG, SGRO 'DOGS CHOD PA YANG MED PAR THAL, 'DOD PA'I PHYIR, 'DOD NA, DE DAG PHAN TSUN GCIG GIS GCIG NGO SHES PA YANG MED PAR THAL, 'DOD PA'I PHYIR, ` GNYIS PA @126A *, ,RANG LUGS BZHAG PA LA, BRLAN ZHING GSHER BA CHU PHOR PA GANG LA, LAS CAN GYI LHA MI YI DVAGS GSUM GYIS CIG CAR DU BLTAS PA DE'I TSE, CHU PHOR PA GANG PO DE DNGOS PO GSUM GYI GZHI MTHUN PA MA YIN PA DANG, DE'I TSE TSAD MTSUNGS GSUM NGES PAR MI DGOS SHING, BRLAN ZHING GSHER BA CHU PHOR PA GANG PO DE CHA SHAS GSUM LDAN DU SKYE BA DANG, DE YANG DANG POR GRUB TZAM NAS CHA SHAS GSUM LDAN DU GRUB CING, MTHAR MA ZHIG GI BAR DU CHA SHAS GSUM LDAN DU GNAS PA MA YIN TE, BRLAN ZHING GSHER BA CHU PHOR PA GANG PO DE'I CHA SHAS GCIG GIS NYER LEN DANG, YI DVAGS KYI LAS KYIS LHAN CIG BYED RKYEN BYAS PA LA BRTEN NAS DE'I CHA SHAS GCIG GI RIGS 'DRA PHYI MA RNAG KHRAG TU SKYE BA DANG, DE'I CHA SHAS GCIG GIS NYER LEN DANG, MI'I LAS KYIS LHAN CIG BYED RKYEN BYAS PA LA BRTEN NAS DE'I CHA SHAS GCIG GI RIGS 'DRA PHYI MA CHUR SKYE BA DANG, YANG DE'I CHA SHAS GCIG GIS NYER LEN DANG, LHA'I LAS KYIS LHAN CIG BYED RKYEN BYAS PA LA BRTEN NAS, DE'I CHA SHAS GCIG GI RIGS 'DRA PHYI MA BDUD RTZIR SKYE BA SOGS YIN PA'I PHYIR, DE'I TSE NA BRLAN ZHING GSHER BA CHU PHOR PA GANG PO DE CHA SHAS GSUM LDAN DU YOD KYANG, GSUM GAS GSUM GA MTHONG BA MA YIN TE, YI DVAGS KYI LAS NGAN PA BSAGS PA'I DBANG GIS RNAG KHRAG TU MTHONG, DNGOS PO GZHAN GNYIS MA MTHONG BA DANG, DE BZHIN DU 'GRO BA 'OG MA GNYIS LA YANG SHES PAR BYA BA YIN PA'I PHYIR, DE LTAR 'BYUNG BA DE YANG BRLAN ZHING GSHER BA PHOR PA GANG PO DE BLTA BYA THUN MONG BA YIN PA'I DBANG DU BYAS PA YIN GYI, YI DVAGS KYIS LAG TU BLANGS NAS LONGS SPYOD PAR BRTZAMS PA DE'I TSE NA KHYAD CHOS GSUM LDAN DU SKYE BA MA YIN TE, DE'I TSE NA YI DVAGS KYI THUN MONG MA YIN PA'I LONGS SPYOD BYA YIN PAS, RIGS 'DRA PHYI MA RNAG KHRAG TU SKYE BA YIN PA'I PHYIR, DANG POR GANG DU GNAS PA DE YANG 'GRO BA GSUM PO DE'I RANG RANG GI THUN MONG MA YIN PA'I LAS LA BRTEN NAS GRUB PA'I SNOD KYI 'JIG RTEN GANG NAS BLANGS PA DE NYID DU GRUB PA YIN TE, MI'I THUN MONG MA YIN PA'I LAS LA BRTEN NAS GRUB PAS MI'I 'JIG RTEN GYI CHU DVANGS SHING BSIL BA NAS BLANGS NA DE NYID DU GNAS PA SOGS YIN PA'I PHYIR, YI DVAGS KYIS CHU KLUNG LA @126B BLTAS PA NA RNAG KHRAG MTHONG BA DE YANG YI DVAGS 'GA' ZHIG LA YIN GYI, YI DVAGS THAMS CAD LA MA YIN TE, YI DVAGS LA PHYI'I SGRIB PA CAN, NANG GI SGRIB PA CAN, ZAS SKOM NYID LA YOD PA'I SGRIB PA CAN DU MA YOD PA'I PHYIR, BRLAN ZHING GSHER BA PHOR PA GANG LA LAS CAN GYI 'GRO BA GSUM GYIS CIG CAR DU BLTAS PA DE'I TSE NA DNGOS PO TSAD MAS GRUB PA GSUM SKYE BA'I DPE YANG YOD DE, LCAGS GONG DMAR 'BAR BA'I CHA SHAS GCIG GIS NYER LEN DANG LCAGS SNGAGS KYIS LHAN CIG BYED RKYEN BYAS PA LA BRTEN NAS, LCAGS SNGAGS BTAB PA'I LAG PAS REG PA DE'I TSE NA TSA BA'I REG BYA MI MYONG REG BYA GZHAN ZHIG MYONG BA DANG, LCAGS SNGAGS MA BTAB PA'I LAG PAS REG PA DE'I TSE NA, TSA BA'I REG BYA MYONG REG BYA GZHAN MI MYONG BA DANG, SOS KA'I DUS SU ZLA BA'I REG BYA'I CHA SHAS GCIG GIS NYER LEN DANG, YI DVAGS KYI LAS KYIS LHAN CIG BYED RKYEN BYAS PA LA BRTEN NAS, DE'I LUS SHES KYI MYONG BYAR GYUR PA'I TSA BA'I REG BYA SKYE BA DANG, DGUN DUS SU NYI MA'I REG BYA'I CHA SHAS GCIG GIS NYER LEN DANG, YI DVAGS KYI LAS KYIS LHAN CIG BYED RKYEN BYAS PA LA BRTEN NAS, DE'I LUS SHES KYI MYONG BYAR GYUR PA'I GRANG BA'I REG BYA SKYE BA YOD PA LTA BU YIN PA'I PHYIR, DE LTAR SKYE BA YIN TE, BSHES SPRING LAS; YI DVAGS RNAMS LA SOS KA'I DUS SU NI, ,ZLA BA'ANG TSA LA DGUN NI NYI MA'ANG GRANG, ZHES GSUNGS PA'I PHYIR, DE YANG YUL DUS KHYAD PAR CAN DE DAG GI DBANG GIS SKYE BA YIN GYI SPYIR DE LTAR SKYE BA MA YIN TE, NYI MA'I STENG DU GRANG BA'I REG BYA YANG MED, ZLA BA'I STENG DU TSA BA'I REG BYA YANG MED PA'I PHYIR, DER THAL; NYI MA'I STENG DU MUN PA'I RDZAS MED PA'I PHYIR, GSUM PA DE LA RTZOD PA SPONG BA LA, BRLAN ZHING GSHER BA PHOR PA GANG PO LA, LAS CAN GYI 'GRO BA GSUM GYIS CIG CAR DU BLTAS PA DE'I TSE, BRLAN ZHING GSHER BA PHOR PA GANG PO DE, CHA SHAS GSUM LDAN GYI CHA CAN DU SKYES KYANG, 'GRO BA GSUM PO DES RANG RANG GI THUN MONG MA YIN PA'I LAS KYI DBANG GIS, 'GRO BA RE RES DNGOS PO GSUM GA MA MTHONG BAR KHAS BLANGS PA LA, KHA CIG ,DE LTAR 'DOD PA DE MI 'THAD PAR THAL, DPAL LDAN CHOS KYI GRAGS PA'I LUNG DANG 'GAL BA'I PHYIR, DER THAL, DE'I GZHUNG LAS, GAL TE DE YANG MTHONG MED LA, ,BRTEN @127A *, ,NAS GZUGS GZHAN 'BYUNG 'GYUR NA, ,ZHES DGRA GNYEN GNYIS KYIS SKYES BU GCIG GI GZUGS LA BLTAS PA DE'I TSE NA, SKYES BU DE'I GZUGS MDZES MI MDZES GNYIS SU GNAS KYANG, GZUGS DE DANG DGRA GNYEN GNYIS KYI BAR DU LAS GZUGS SKYES PAS, DGRA GNYEN GNYIS PO DES GZUGS MDZES MI MDZES GNYIS KA MA MTHONG BA, GRANGS CAN GYIS KHAS BLANGS PA DE 'GOG BYED KYI RIGS PA KHA SPOS PAS KHYOD KYI DE LA GNOD PA'I PHYIR ZER NA, DE MI 'THAD PAR THAL, DE LTAR 'DOD PA DE NI CHOS KYI GRAGS PA'I LUNG DON DANG, PHYOGS SNGA SMRA BA PO'I 'DOD PA GNYIS KA KHONG DU MA CHUD PA'I SKYON YIN PA'I PHYIR, DER THAL, CHOS KYI GRAGS PA'I LUNG DON NI, GRANGS CAN GYIS RGYANG RING THUNG GI GZUGS LA BLTAS PA DE'I TSE NA, RGYANG RING THUNG GI GZUGS DANG, MIG SHES GNYIS KYI BAR DU, LAS GZUGS GSAL MI GSAL SKYE BA'I DBANG GIS, GZUGS GSAL BAR SNANG MI SNANG 'JOG PA YIN GYI, GZUGS KYI RNAM PA SHAR BA'I SGO NAS GZUGS GSAL BAR SNANG MI SNANG 'JOG PA MA YIN ZHES KHAS BLANGS PA LA, DE LTA BU'I LAS GZUGS GNYIS PO DES RGYANG RING THUNG GI GZUGS GNYIS PO DE BSGRIBS SAM MA BSGRIBS, BSGRIBS NA MIG SHES KYIS GZUGS GNYIS PO DE MA MTHONG BAR THAL, DES DE SGRIB PA'I PHYIR, MA BSGRIBS NA, MIG SHES DES LAS GZUGS GNYIS DANG RGYANG RING THUNG GI GZUGS GNYIS PO DE CIG CAR DU MTHONG BAR THAL, DES DE MA BSGRIBS PA'I PHYIR ZHES BKAG PA'I DON YIN PA'I PHYIR, GNYIS PA DER THAL, PHYOGS SNGA MAS BRLAN ZHING GSHER BA PHOR PA GANG LA, 'GRO BA GSUM GYIS CIG CAR DU BLTAS PA DE'I TSE NA, BRLAN ZHING GSHER BA PHOR PA GANG PO DE, DNGOS PO GSUM GYI GZHI MTHUN DU YANG KHAS MA BLANGS, SKYES BU GCIG GI GZUGS MDZES MI MDZES GNYIS KA YIN PAR YANG KHAS MA BLANGS, YI DVAGS KYIS MIG SHES DANG CHU KLUNG GI BAR DU RNAG KHRAG GI LAS GZUGS SKYE BAR KHAS MA BLANGS, YI DVAGS KYI MIG GIS RNAG KHRAG GI LAS GZUGS DANG CHU KLUNG GNYIS KA MTHONG BAR YANG KHAS MA BLANGS, LAS KYI DBANG GIS YI DVAGS KYI CHU KLUNG MA MTHONG BAR KHAS BLANGS PA'I PHYIR, GZHAN YANG, DPAL CHOS KYI GRAGS PA'I LUNG DANG KHYOD 'GAL BA YIN TE, KHYOD KYI NAD LNGA DANG, 'BYUNG BA @127B LNGA DANG, GDON LNGA DANG BCAS PA RNAMS, NYON MONGS PA DUG LNGA'I DNGOS 'BRAS SU KHAS BLANGS, MU STEGS BYED KYI BAD KAN DANG 'DOD CHAGS RGYU 'BRAS, MKHRIS PA DANG ZHE SDANG RGYU 'BRAS SOGS SU KHAS BLANGS PA LA, BAD KAN DANG 'DOD CHAGS RJES SU 'GRO LDOG 'KHRUL, MKHRIS PA DANG ZHE SDANG RJES SU 'GRO LDOG 'KHRUL PAS DE 'GOG BYED KYI, 'KHRUL PHYIR RLUNG SOGS CHOS MA YIN, ,ZHES PA'I GZHUNG 'DON PA SGYUR BA'I SGO NAS KHYOD LA GNOD PA'I PHYIR DANG, 'DUS MA BYAS KYI NAM MKHA' PHRAG DOG GI DNGOS 'BRAS SU 'DOD PA MI RIGS PA'I PHYIR, YANG KHA CIG NA RE, DNGOS GCIG YIS [*YID] NI THA DAD PHYIR, ,DON MA GRUB PAR 'DOD PA YIN, , ZHES DNGOS PO GCIG LA SNANG TSUL MI 'DRA BA GSUM 'BYUNG BAR GSUNGS PA MI 'THAD PAR THAL, KHYOD LTAR NA DNGOS PO GSUM LA SNANG TSUL MI 'DRA BA GSUM 'BYUNG BA'I PHYIR, DER THAL, 'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS PA DE'I TSE NA, DNGOS PO TSAD GRUB PA GSUM LA SNANG TSUL MI 'DRA BA GSUM 'BYUNG BA'I PHYIR, ZER NA, 'O NA, SKYES BU GCIG GIS YAN LAG MI 'DRA BA LNGAS BYA BA MI 'DRA BA LNGA BYAS PA DE'I TSE NA, SKYES BU GCIG GIS BYA BA MI 'DRA BA LNGA BYAS PA MA YIN PAR THAL, YAN LAG MI 'DRA BA LNGAS BYA BA MI 'DRA BA LNGA BYAS PA'I PHYIR, BYAS PA LA KHO NA RE, SKYON MED DE, YAN LAG LNGA PO DE SKYES BU DE'I CHA SHAS YIN PAS, DES BYA BA BYAS PAS SKYES BU DES BYA BA BYAS PAR 'JOG DGOS PA'I PHYIR, ZER NA, SNGA MA YANG DE DANG MTSUNGS TE, RNAG KHRAG LA SOGS PA'I DNGOS PO GSUM PO DE, BRLAN ZHING GSHER BA PHOR PA GANG PO DE'I CHA SHAS YIN PAS DE GSUM SNANG BA NA, BRLAN ZHING GSHER BA PHOR PA GANG PO DE'I STENG DU SNANG TSUL MI 'DRA BA GSUM SNANG BAR 'JOG PA'I PHYIR, YANG KHA CIG NA RE, RNAG KHRAG LA SOGS PA'I DNGOS PO GSUM PO DE PHAN TSUN GO SA 'GOG PA'I DNGOS PO MA YIN PAR THAL, LAS CAN GYI 'GRO BA GSUM GYI CHU PHOR PA GANG LA CIG CAR DU BLTAS PA DE'I TSE NA, DNGOS PO TSAD GRUB PA GSUM SRID PAR KHAS BLANGS PA LA, DNGOS PO GSUM PHAN TSUN GO SA 'GOG PA'I DNGOS PO MA YIN PAR THAL BA'I RIGS PAS MI GNOD DE, DE'I TSE NA BRLAN ZHING GSHER BA PHOR PA GANG PO DE, DNGOS PO GSUM GYI GZHI MTHUN DU YANG KHAS MA BLANGS, TSAD MTSUNGS NGES PAR DGOS PAR YANG KHAS MA BLANGS PA'I @128A *, ,PHYIR; YANG KHA CIG NA RE, NYI SHU PA'I 'GREL BSHAD SLOB DPON DUL BA LHAS MDZAD PA LAS, DE LA RNAG GI THIGS PA 'GA' YANG MED NA RNAG GIS GANG BA'I KLUNG LTA GA LA YOD, LAS KYI RNAM PAR SMIN PA'I DBANG GIS DE DAG GIS DE MTHONG NGO, ,ZHES GSUNGS PA DE MI 'THAD PAR THAL; 'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS PA DE'I TSE NA, YI DVAGS KYI MIG SHES TSAD MAR SONG BA'I RNAG DNGOS GNAS PA YOD PA'I PHYIR ZER NA, SKYON MED DE, DE LTA BU'I BRGAL LAN JI SNYED CIG BYAS PA THAMS CAD PHYI DON 'GOG PA'I DBANG DU BYAS PA'I PHYIR, PHYI DON 'GOG PA'I TSUL YANG YOD DE, SNGON PO PHYI ROL DON DU GRUB NA, TSUR MTHONG GI RGYUD KYI MNGON 'DZIN [*SNGON 'DZIN] DBANG PO'I MNGON SUM LA, SNGON PO SNANG BA NA MNGON 'DZIN [*SNGON 'DZIN] SNGA MA 'GAGS PA'I TSE, SNGON 'DZIN PHYI MA SKYE BA'I BAG CHAGS BZHAG PA SMIN PA LA BRTEN NAS, SNANG BA MA YIN PAR SNGON PO PHYI ROL NAS RANG 'DRA'I RNAM PA GTAD PA'I SGO NAS SNANG BA YIN NA, 'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS NAS, DNGOS PO GSUM SNANG BA DE'I TSE NA, RANG RANG GI LAS KYIS BAG CHAGS BZHAG PA SMIN PA LA MA BLTOS PAR, DNGOS PO GSUM PO DE RANG 'DRA'I RNAM PA GTAD PA'I SGO NAS SNANG DGOS, DE LTAR SNANG NA 'GRO BA GSUM PO DES RANG RANG GI THUN MONG MA YIN PA'I LAS KYIS BAG CHAGS BZHAG PA SMIN PA LA BRTEN NAS, DNGOS PO GSUM PO DE SNANG BA MA YIN PAS, GANG ZAG RE RES DNGOS PO GSUM GA RTOGS DGOS PA LAS MA RTOGS PA'I PHYIR ZHES BKAG PA'I PHYIR, DES NA LUNG DE'I DON YOD DE, YI DVAGS LA JI LTAR SNANG BA LTAR GYI PHYI ROL DON DU GRUB PA'I RNAG GI THIGS PA 'GA' YANG MED NA, PHYI ROL DON DU GRUB PA'I RNAG GIS GANG BA'I KLUNG LTA GA LA YOD, 'ON KYANG, 'GRO BA DE DAG GI LAS KYI DBANG GIS RNAG SOGS MTHONG NGO ZHES BSTAN PA'I PHYIR, DER THAL, DE'I 'OG TU RNAG KHRAG PHYI ROL DON DU MA GRUB CING, SEMS TZAM GYI BDAG NYID YIN NA, DES BZA' BTUNG GI BYA BA MI NUS PAR RTZOD PA'I LAN DU, BYA BYED RMI LAM GNOD PA 'DRA, ,ZHES DE PHYI ROL DON DU MA GRUB KYANG BZA' BTUNG GI BYA BA BYED NUS PA RMI LAM SOGS DPE DU MAS SGRUB PAR MDZAD PA'I PHYIR, DE LTAR MA YIN NA GZUGS LA SOGS PA'I @128B SKYE MCHED RNAMS MED PAR THAL, DE YOD PAR STON PA'I MDO DRANG DON DGONGS PA CAN GYI MDO YIN PA'I PHYIR, DER THAL, NYI SHU PA'I RANG 'GREL LAS, DE BZHIN DU BCOM LDAN 'DAS KYI GZUGS LA SOGS PA'I SKYE MCHED YOD PAR GSUNGS PA YANG DE STON PAS 'DUL BA'I SKYE BO'I CHED DU STE BKA' DE NI DGONGS PA CAN NO, , ZHES GSUNGS PA'I PHYIR, BYAS PA LA KHO NA RE, SKYON MED DE, PHYI ROL DON DU GRUB PA'I GZUGS SOGS SKYE MCHED YOD PAR STON PA'I MDO DRANG DON DGONGS PA CAN YIN PA'I DON YIN PA'I PHYIR, ZER NA, LUNG SNGA MA'I DON YANG MTSUNGS TE, PHYI ROL DON DU GRUB PA'I RNAG KHRAG GI THIGS PA 'GA' YANG MED CES PA'I DON YIN PA'I PHYIR, YANG KHA CIG ,YI DVAGS KYIS CHU KLUNG LA BLTAS PA DE'I TSE, CHU KLUNG BSKAMS PA LA TSAD MAR SONG BA'I DE'I MIG SHES DANG, 'BRAS BU CAN GYI LJON PA LA BLTAS PA DE'I TSE, 'BRAS BU MED PA LA TSAD MAR SONG BA'I DE'I MIG SHES TSAD MA YOD PAR THAL, 'GRO BA GSUM GYIS BRLAN ZHING GSHER BA PHOR PA GANG LA BLTAS PA DE'I TSE, RNAG KHRAG DNGOS GNAS PA LA TSAD MAR SONG BA'I YI DVAGS KYI MIG SHES TSAD MA YOD PA'I PHYIR, ZER NA MA KHYAB STE, DANG POR YI DVAGS KYIS CHU MA MTHONG NA PHYOGS DER LONGS SPYOD PA'I PHYIR, 'GRO BA YANG MI 'THAD PAS DANG POR CHU MTHONG YANG, PHYIS LAS KYI DBANG GIS CHU MA MTHONG BAR 'OG GZHI GRAM SREG TZAM ZHIG MTHONG ZHING, DE'I RJES SU RTOG PAS CHU BSKAMS PAR ZHEN PA DANG, DE BZHIN DU DANG POR LJON SHING GI 'BRAS BU MTHONG YANG PHYIS LAS KYI DBANG GIS 'BRAS BU MA MTHONG BAR YAL GA TZAM ZHIG MTHONG ZHING, DE'I RJES SU RTOG PAS 'BRAS BU MED PAR ZHEN PA'I PHYIR, DE'I TSE NA, YI DVAGS KYI MIG SHES KYI SGRIB BYED KYIS CHU KLUNG MA MTHONG BAS, 'OG GZHI GRAM SREG MTHONG BA YIN TE, MI'I MIG SHES KYIS KYANG SGRIB BYED KYIS CHU KLUNG MA MTHONG NA, 'OG GZHI GRAM SREG MTHONG DGOS PA LTA BU YIN PA'I PHYIR, RNAM PA GCIG TU NA, YI DVAGS KYIS CHU KLUNG LA BLTAS PA DE'I TSE NA DE MA BSKAMS KYANG, RANG GI BLTA BYAR GYUR PA'I CHU KLUNG DANG, LONGS SPYOD BYAR GYUR PA'I CHU KLUNG BSKAMS PA YOD DE, 'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS PA DE'I TSE NA, LAS KYI DBANG GIS RNAG KHRAG SOGS DNGOS PO RNAM PA GSUM CIG CAR DU GRUB PA @129A *, ,ZHIG YOD PA'I PHYIR, DE LTAR BYAS NA, ZAS SKOM NYID LA YOD PA'I SGRIB PA CAN GYI YI DVAGS KYIS LONGS SPYOD PA LA MA BRTZAMS KYI BAR DU BZA' BTUNG DNGOS YIN KYANG, DES LONGS SPYOD PAR BRTZAMS PA NA, ZAS DE'I RIGS 'DRA PHYI MA RNAG KHRAG TU SKYE BA YIN GYI, RNAG KHRAG TU SNANG BA'I SNANG BA TZAM GYIS BZA' BTUNG GI BYA BA BYED PA MA YIN TE, DE YIN NA LAS 'BRAS LA SKUR BA BTAB PAR 'GYUR BA'I PHYIR, DER THAL, DE LTA BU'I YI DVAGS KYIS LAS 'BRAS LA SKUR BA BTAB PAR 'GYUR BA'I PHYIR, GZHAN YANG, SNANG GZHIR GYUR PA'I RNAG KHRAG MED CING DER SNANG BA'I SNANG BA TZAM GYIS BZA' BTUNG GI BYA BA BYED NA, RAB RIB CAN LA BSE RU'I NANG DU SKRA SHAD SNANG BAS 'CHING BA DANG, DE LA SNANG BA'I SBRANG BUS LUS ZA BA DANG, SMIG RGYU'I CHUS CHU'I BYA BA BYED NUS PA SOGS YIN PAR THAL, SNANG GZHIR GYUR PA'I RNAG KHRAG MED KYANG, RNAG KHRAG TU SNANG BA'I SNANG BA TZAM GYIS BZA' BTUNG GI BYA BA BYED NUS PA'I PHYIR, BRLAN ZHING GSHER BA PHOR PA GANG LA LHA MI YI DVAGS DUD 'GRO SOGS KYIS CIG CAR DU BLTAS PA DE'I TSE NA, LHA YI BDUD RTZI SNANG BA'I SNANG BA LA TSAD MAR SONG BA DANG, YI DVAGS LA RNAG KHRAG SNANG BA'I SNANG BA LA TSAD MAR SONG BA YOD KYANG, SNANG GZHIR GYUR PA'I RNAG KHRAG SOGS MED NA, SEMS CAN DMYAL BA'I MIG SHES DES, DMYAL BA'I LCAGS SREG DANG, RAL GRI'I NAGS TSAL DANG, ME TSOGS LA SOGS PA SNANG BA'I SNANG BA TZAM LA TSAD MAR SONG BA YOD KYI, DE DAG DNGOS GNAS PA LA TSAD MAR SONG BA MED PAR THAL, KHYOD KYI DAM BCA' 'THAD PA GANG ZHIG ,RGYU MTSAN MTSUNGS PA'I PHYIR, 'DOD NA, LCAGS SREG LA SOGS PAS, DER SKYES PA'I 'GRO BA'I LUS SREG PA DANG, GTUB PA LA SOGS PA DNGOS GNAS PA ZHIG MED PAR THAL, 'DOD PA DE'I PHYIR, 'DOD NA, DMYAL BA'I SDUG BSNGAL MED PAR THAL, 'DOD PA DE'I PHYIR, GZHAN YANG DE LTAR CIG CAR DU BLTAS PA DE'I TSE NA, MI'I MIG SHES TSAD MAR SONG BA'I CHU DNGOS GNAS PA MED PAR THAL, DE'I TSE NA RNAG KHRAG DNGOS GNAS PA MED PA'I PHYIR, KHO NA RE, DE'I TSE NA CHU DNGOS GNAS PA YOD DE, CHUS LUS 'KHRUD PA DANG 'TSOD PAR BYED PA MI RANG GIS MYONG BAS 'GRUB PA'I PHYIR ZER NA, 'O NA, DE'I TSE NA, RNAG KHRAG DNGOS GNAS @129B YOD PAR THAL, DE'I TSE NA, RNAG KHRAG LA LONGS SPYOD PA DANG, LTO BA DANG MGRIN PA LA SOGS PA 'TSIG PA YI DVAGS RANG GIS MYONG BAS 'GRUB PA'I PHYIR, BYAS PA LA KHO NA RE, MI MTSUNGS TE, YI DVAGS LA DE LTAR 'BYUNG BA DE, YI DVAGS RANG GI BLOS RLOM PA TZAM YIN PA'I PHYIR, ZER NA, DES NA MI LA YANG DE LTAR 'BYUNG BA MED DE, DE MI RANG GI BLOS RLOM PA TZAM YIN PA'I PHYIR, BYAS PA LA KHO NA RE, MI LA LUS 'KHRUD PA SOGS DNGOS GNAS PA MED PAR THAL, DE MI RANG GI BLOS RLOM PA TZAM YIN PA'I PHYIR, ZER NA, YI DVAGS LA YANG LTO BSREG PA SOGS DNGOS GNAS PA MED PAR THAL, DE YI DVAGS RANG GI BLOS RLOM PA TZAM YIN PA'I PHYIR, 'DOD NA, YI DVAGS KYI SDUG BSNGAL MED PAR THAL, KHO NA RE, DE LTAR CIG CAR DU BLTAS PA'I TSE, RNAG KHRAG DNGOS GNAS PA MED PAR THAL, RAB RIB CAN GYIS BSE RU LA BLTAS PA DE'I TSE BSE RU'I NANG DU SKRA SHAD MED PA GANG ZHIG ,RAB RIB DANG LDAN DBANG PO CAN MTSUNGS PA, ,CHU 'BAB KLUNG LA YI DVAGS RNAG BLO YANG, , ZHES GSUNGS PA'I PHYIR, ZER NA, SKYON MED DE, DBU SEMS GNYIS DON SHES YOD MED MTSUNGS MI MTSUNGS DPYOD PA'I SKABS YIN PA'I PHYIR DANG, YI DVAGS KYI MIG SHES LA CHU KLUNG RNAG KHRAG TU SNANG BA'I TSE NA, DE LTAR SNANG BA'I MIG SHES TSAD MA MA YIN PA DANG, CHU KLUNG LA BLTAS PA DE'I TSE NA, RNAG KHRAG DNGOS GNAS PA ZHIG YOD PA MI 'GAL BA'I PHYIR, YANG KHA CIG ,'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS PA'I TSE NA, RNAG KHRAG DNGOS GNAS PA MED PAR THAL, DMYAL BA'I LCAGS SREG LA SOGS PA DER SKYES PA'I SEMS CAN GYI SNANG BA TZAM YIN GYI, DNGOS GNAS SU GRUB PA MED PA'I PHYIR, DER THAL, DE 'DRA'I BYED PA PO SU YANG MED PA'I PHYIR, DER THAL, SPYOD 'JUG LAS, LCAGS SREG SA GZHI SU YIS BYAS, ,ME TSOGS DE DAG CI LAS BYUNG, ,DE 'DRA DE DAG THAMS CAD KYANG, SDIG SEMS YIN PAR THUB PAS GSUNGS, ,ZHES GSUNGS PA'I PHYIR, ZER NA, SKYON MED DE, DE'I DON LCAGS SREG LA SOGS PA DE DAG DBANG PHYUG RTAG PA SOGS KYIS BLO'I G-YO BA SNGON DU BTANG NAS BYAS PA MA YIN PAR DER SKYES PA'I 'GRO BA'I SDIG SEMS BYED PA POR BSTAN PA'I PHYIR, DE LTAR MA YIN NA, DGE BA BCU LA SPYOD PA'I SKYES BU DAM PA MTHO RIS SU SKYES NAS DE'I BDE BA MYONG BA DANG, MI DGE @130A *, ,BCU LA SPYOD PA'I SEMS CAN DMAN PA NGAN SONG DU SKYES NAS DE'I SDUG BSNGAL MYONG BA GNYIS LA, 'KHRUL SNANG BZANG NGAN TZAM MA GTOGS LUS KYIS BDE SDUG MYONG MI MYONG GI KHYAD PAR MED PAR THAL, KHYOD KYIS [*KYI] RIGS PA DE 'THAD PA'I PHYIR, 'DOD NA, MTHO RIS KYI BDE BA DANG, NGAN SONG GI SDUG BSNGAL MED PAR THAL, 'DOD PA DE'I PHYIR, DES NA, LAS CAN GYI 'GRO BA GSUM GYIS BRLAN ZHING GSHER BA PHOR PA GANG LA CIG CAR DU BLTAS PA DE'I TSE, TSAD MTSUNGS NGES PAR DGOS PA MA YIN TE, DGOS NA, PHOR PA GANG PO DE'I NANG DU GNAS KYI BLOS GNAS SHING, THA MAL GYI MIG SHES KYIS MI BZOD PA'I SROG CHAGS PHRA MO'I MIG SHES KYIS KYANG, DE'I TSAD MAR 'GRO DGOS PA DANG, RGYA MTSO'I NANG NA GNAS PA'I SROG CHAGS PHRA MO'I MIG SHES KYIS KYANG, RGYA MTSO'I TSAD LA TSAD MAR 'GRO DGOS PA DANG, LHA MA YIN 'GA' ZHIG LA, MTSON CHA PHOR GANG SNANG DGOS PA LA SOGS PA'I SKYON YOD PA'I PHYIR, DE'I TSE NA, TSAD MTSUNGS NGES PAR MI DGOS KYANG, TSAD MTSUNGS GSUM YOD PA SRID PA YIN TE, LAS KYI DBANG GIS DNGOS PO TSAD GRUB PA GSUM BSKYED NUS PA SNGAR GYI RIGS PAS 'GRUB, DE BSKYED NUS NA, LAS KYI DBANG GIS SNOD TSAD MTSUNGS GSUM SKYE BA YOD PAR YANG MTSUNGS PA'I PHYIR, RNAG LA SOGS PA'I DNGOS PO GSUM PO DE SPYIR GO SA 'GOG NUS KYI DNGOS PO YIN KYANG, DE LTAR BLTAS PA DE'I TSE NA GO SA 'GOG BYED KYI DNGOS PO MA YIN PA MI 'GAL TE, RI RAB GRU BZHI DANG, ZLUM PO LA SOGS PA PHAN TSUN GO SA 'GOG NUS KYI DNGOS PO YIN KYANG, RI RAB GCIG GI GO SA NA, DE GNYIS KA YOD PA SRID PA LTA BU YIN PA'I PHYIR, LCAGS GONG DMAR 'BAR BA TSA BA YIN KYANG, LCAGS SNGAGS BTAB PA'I LAG PAS REG PA'I TSE, DE'I MYONG BYAR GYUR PA'I REG BYA DE TSA BA'I REG BYA MA YIN TE, TSA BA MA YIN PA'I REG BYA YIN PA'I PHYIR, ` GAL TE BZUNG MED 'DZIN PA NYID BRAL ZHING, ,ZHES SOGS KYI SKABS SU MTHA' DPYAD PA LA, PHYOGS SNGA MA BRJOD PA DANG, DE DGAG PA DANG, RANG LUGS LA RANG RIG MED KYANG DRAN SHES SKYE BA'I TSUL BSHAD PA DANG GSUM LAS, DANG PO LA, SEMS TZAM PA KHYOD KYI PHYI DON MED PA'I SHES PA BDEN PAR GRUB NA, SGRUB BYED KYI TSAD MA MED NA MI 'THAD PAS, TSAD MA GANG GIS 'GRUB @130B BYAS PA LA, KHO NA RE, DE 'GRUB BYED KYI TSAD MA YOD DE, DE MYONG BYED KYI RANG RIG MNGON SUM GYIS 'GRUB PA'I PHYIR, RANG RIG SKYE BA'I TSUL YOD DE, SNGON 'DZIN DBANG PO'I MNGON SUM SKYES PA DE'I TSE NA, SNGON PO'I RNAM PA SHAR BA'I RIG PA GCIG DANG, SNGON PO'I RNAM PA MA SHAR YANG KHA NANG KHO NA LA PHYOGS SHING, GNYIS SNANG THAMS CAD DANG BRAL BA'I 'DZIN RNAM YAN 'GAR BA GCIG DANG GNYIS SKYE BAS, DANG PO GZUNG RNAM DANG PHYI MA 'DZIN RNAM DU SKYE BA'I PHYIR, DER THAL, DPER NA, SHEL GONG G-YA' DAG PA RAS SNGON PO'I STENG DU BZHAG PA DE'I TSE NA, RAS SNGON POS KHA BSGYUR BA'I DVANGS CHA GCIG DANG SHEL GONG RANG NYID KYI NGO BO DVANGS PA'I DVANGS CHA GCIG DANG GNYIS SKYE BA DANG, SGRON ME SKYES PA DE'I TSE NA, DANG POR RANG NYID GSAL BAR BYAS DE RJES GZUGS GZHAN GSAL BAR BYAS PA MA YIN PAR RANG NYID GSAL BA'I NGO BOR SKYE BA DANG, GZHAN GZUGS GSAL BAR BYED PA DANG, BUM PA'O ZHES BRJOD PA DE'I TSE NA, BUM PA LA DMIGS PA'I BLO GCIG SKYE BA DANG, SGRA DE LA DMIGS PA'I BLO GCIG DANG GNYIS SKYE BA LTA BU YIN PA'I PHYIR, ZHES 'DOD PA YIN TE, RTOG GE 'BAR BAR SEMS TZAM PA'I 'DOD PA BRJOD PA'I SKABS SU, SEMS TZAM PAS RNAM SHES NI GNYIS SU SNANG STE, RANG SNANG BA DANG YUL DU SNANG BA'O, ,YUL DU SNANG BA'I RNAM SHES NI PHYI ROL GYI YUL GYI RNAM PAR GYUR NAS, RANG SNANG BA'I RNAM SHES KYI YUL DU 'GYUR RO, ,ZHES GSUNGS PA'I PHYIR, DE 'GOG PA LA, YUL DU SNANG LAS GZHAN GYUR PA'I, ,SEMS NYID JI 'DRA BA ZHIG SNANG, ,ZHES GSUNGS PA'I PHYIR DANG, SLOB DPON YE SHES SNYING POS KYANG, KHYOD KYIS PHYI DON MED PA'I SHES PA BDEN GRUB TU 'DOD PA MI 'THAD PAR THAL, DE YOD NA KHA NANG KHO NA LA PHYOGS SHING, GNYIS SNANG THAMS CAD DANG BRAL BA'I 'DZIN RNAM GCIG GIS 'GRUB DGOS PA LAS, DE 'DRA'I 'DZIN RNAM MED PA'I PHYIR, ,ZHES BKAG PA YIN TE, DE LTAR YANG BDEN GNYIS RANG 'GREL LAS, SHES PA NI GNYIS KYIS DBEN PA'I RANG GI NGO BO RIG PA 'BYUNG BA YIN PA DANG DE MED PAR SHES PAR 'GYUR GYI DE LTA MA YIN NA MI RIGS PA'I PHYIR RO, ,ZHES GSUNGS PA'I PHYIR, DE DAG GI LUGS LA SNGON 'DZIN MYONG BYED KYI 'DZIN RNAM DES SNGON 'DZIN DANG, RANG NYID GNYIS KA MYONG BA YIN KYANG, RANG NYID LA RIG BYED DANG, SNGON 'DZIN LA RIG @131A *, ,BYA'I RNAM PA 'CHAR RGYU MED PA'I GNYIS SNANG DANG BRAL BA'I 'DZIN RNAM YAN 'GAR BA GCIG TU 'DOD PA YIN TE, RNAM 'GREL LAS, RTAG TU BDAG LA SNANG MNGON PHYOGS, ,RIG BYA RIG BYED RNAM PA'ANG MED, ,CES GSUNGS PA'I PHYIR, SNGON 'DZIN LA MYONG BYED YOD PA SGRUB PA'I TSUL YANG SNGON 'DZIN LA MYONG BYED RANG RIG YOD DE, PHYIS SNGON 'DZIN DRAN PA'I DRAN PA SKYE BA'I PHYIR, ZHES DNGOS SU MI 'GOD DE, DE LTAR NA BYE BRAG TU SMRA BA DANG MDO SDE SPYOD PA'I DBU MA RANG RGYUD PA DANG, THAL 'GYUR BA DANG BCAS PA'I NGO BOR RTAGS CHOS GNYIS LDAN GYI MTHUN DPE MA GRUB PA'I PHYIR, DES NA, DE LTAR SGRUB PA'I TSUL YOD DE, DRAN PA'I RTAGS LA BRTEN NAS, SNGON 'DZIN LA MYONG BYED YOD PAR 'GRUB, MYONG BYED LA DON GZHAN GYI MYONG BYED DANG, RANG MYONG GNYIS PO GANG RUNG DU NGES, GZHAN MYONG YOD NA MYONG BYED THUG MED DU THAL BA DANG, SNGON 'DZIN PHYI MA SNGON PO LA MI 'JUG PAR THAL BA'I RIGS PAS KHEGS PAS MI 'THAD, RANG MYONG YOD NA, RANG LAS RGYANG CHAD PA'I RANG MYONG MI 'THAD PAS, DES NA RANG RIG 'GRUB PA'I PHYIR, GZHAN MYONG MED PA'I TSUL LA, SNGON 'DZIN LA MYONG BYED DON GZHAN PA YANG MED PAR THAL, RANG DANG DUS MNYAM PA'I MYONG BYED DON GZHAN PA YANG MED, PHYIS 'BYUNG BA'I MYONG BYED DON GZHAN PA YANG MED PA'I PHYIR, DANG PO MED DE, DE YOD NA MYONG BYED DON GZHAN PA DE YANG RANG DANG DUS MNYAM PA'I MYONG BYED DON GZHAN PA ZHIG GIS MYONG BAR 'GYUR BA'I PHYIR, PHYIS 'BYUNG BA'I MYONG BYED DON GZHAN PA MED DE, DE YOD NA DE YANG PHYIS 'BYUNG GI MYONG BYED DON GZHAN PA ZHIG GIS MYONG DGOS, DE LTAR NA MYONG BYED THUG MED DU 'GYUR, DE THUG MED YIN NA, SHES PA THUG MED YIN PA DE BZHIN DU, SNGON 'DZIN THUG MED YIN DGOS, DE LTAR NA RTZA BA'I SNGON 'DZIN MED PAS RTZA BA'I SNGON 'DZIN LA MYONG BYED MED PAR 'GYUR BA'I PHYIR, DES NA SNGON 'DZIN LA MYONG BYED YOD DE, NGAS SNGON PO MTHONG SNYAM PA'I YUL YUL CAN DRAN PA SKYE BA GANG ZHIG ,SNGON PO MA MYONG NA YUL SNGON PO DRAN PA'I DRAN SHES MI SKYE BA DE BZHIN DU SNGON 'DZIN LA MYONG BYED MED NA, YUL CAN DE DRAN PA'I DRAN SHES SKYE BA MI 'THAD PA'I PHYIR, DE LA KHO NA RE, MYONG BYED THUG MED DU 'GYUR BA'I SKYON MED DE, SNGON 'DZIN PHYI MAS SNGON 'DZIN SNGA MA MYONG @131B BA'I PHYIR ZER NA, SNGON 'DZIN PHYI MA YUL SNGON PO LA MI 'JUG PAR THAL, DES SNGON 'DZIN SNGA MA MYONG BA'I PHYIR, KHYAB STE, NANG GI YAN LAG NYE BA SNGON 'DZIN BZUNG DON DU BYED PA BOR NAS, PHYI ROL GYI SNGON PO LA 'JUG PA LA DGOS PA MED PA'I PHYIR, KHO NA RE, SKYON MED DE, SNGON 'DZIN PHYI MA DANG, SNGON 'DZIN SNGA MA MYONG BYED KYI SNGON 'DZIN GNYIS CIG CAR DU SKYE BA'I PHYIR ZER NA, SEMS CAN GCIG GI RGYUD LA YID KYI RNAM SHES RIGS MTHUN RDZAS THA DAD PA GNYIS CIG CAR DU SKYE BA YOD PAR THAL, KHYOD KYI DAM BCA' 'THAD PA'I PHYIR, 'DOD NA MI 'THAD PAR THAL, MDO LAS, LUS CAN RNAMS NI RNAM PAR SHES PA RGYUD RE RE KHO NA'O, ,ZHES GSUNGS PA'I PHYIR, DE LA KHO NA RE, GANG ZAG GCIG GI RGYUD LA RNAM PAR SHES PA RDZAS THA DAD PA DU MA CIG CAR DU SKYE BA YOD PAR THAL, GAR MKHAN GYI KHYIM DU BLTAS PA NA, GAR MKHAN GYI CHAS GOS SOGS MTHONG BA'I RNAM PAR SHES PA DU MA CIG CAR DU SKYE BA'I PHYIR, ZHES RTZOD PA NA, DE'I LAN DU SKYON MED DE, DE DAG RIM CAN DU SKYES KYANG 'JUG PA MYUR BAS CIG CAR DU SKYE BA MNGON PA'I PHYIR, DER THAL, DPER NA, AUTPA LA'I 'DAB MA BRGYA MDA' GCIG GIS PHUG PA NA, RIM CAN DU PHUG KYANG 'JUG PA MYUR BAS CIG CAR DU PHUG PA MNGON PA LTA BU YIN PA'I PHYIR, ZHES LAN 'DEBS PA YIN TE, RANG 'GREL LAS, RNAM PAR SHES PA AUTPA LA'I 'DAB MA BRGYA 'BIG PA LTAR RIM GYIS 'BYUNG BA RNAMS CIG CAR DU 'JUG PA LTA BU MNGON PA YIN NO, ,ZHES GSUNGS PA'I PHYIR [*ZER NA], DE MI 'THAD PAR THAL, RANG RIG 'DOD PA'I MDO SEMS GNYIS PO DES, SEMS CAN GCIG GI RGYUD LA YID KYI RNAM PAR SHES PA RIGS MTHUN RDZAS THA DAD PA DU MA CIG CAR DU MI SKYE BA 'DOD PA YIN GYI, DE'I RGYUD LA RNAM PAR SHES PA RIGS MI MTHUN RDZAS THA DAD PA DU MA CIG CAR DU MI SKYE BA MI 'DOD PA'I PHYIR, RTAGS DANG PO DER THAL, RNAM 'GREL LAS, DE RNAMS RIGS MTHUN PA NYID LAS, NUS PA NGES PAR GYUR PA YIN, ZHES GSUNGS PA'I PHYIR, YANG KHA CIG NA RE, LUNG DE'I DON, SEMS CAN GCIG GI RGYUD LA RNAM PAR SHES PA RDZAS THA DAD PA DU MA CIG CAR DU SKYE BA YOD PAR THAL, ZA 'OG LA BLTAS PA DE'I TSE NA, SNGO SER LA SOGS PA MTHONG BA'I RNAM PAR SHES PA DU MA CIG CAR DU SKYE BA'I PHYIR ZHES RTZOD PA NA, SKYON MED DE, DE DAG RIM CAN DU SKYES KYANG CIG CAR @132A *, ,DU SKYE BA MNGON PA YIN PA'I PHYIR, DPE SNGAR BZHIN NO, ,ZHES LAN 'DEBS PA YIN NO ZHES ZER NA, DE YANG MI 'THAD PAR THAL, MDO LUNG DE'I DON SEMS CAN GCIG GI RGYUD LA YID KYI RNAM PAR SHES PA RIGS MTHUN RDZAS THA DAD PA DU MA CIG CAR DU SKYE BA MED PA'I DON YIN GYI; YID KYI RNAM PAR SHES PA RDZAS THA DAD PA DU MA CIG CAR DU MI SKYE BA'I DON MA YIN PA'I PHYIR, DE LTA MA YIN NA, KHRA 'DZIN DBANG MNGON SOGS MED PAR KHAS LEN DGOS PA'I SKYON YOD PA'I PHYIR, ` RANG LUGS LA, LUNG DE RTAGS DPE MA DAG PA YIN TE, SEMS CAN GCIG GI RGYUD LA YID KYI RNAM PAR SHES PA RDZAS THA DAD PA DU MA CIG CAR DU SKYE BA YOD PAR THAL, DE'I RGYUD LA YID KYI RNAM PAR SHES PA RIGS MTHUN RDZAS THA DAD PA DU MA CIG CAR DU SKYE BA YOD PA'I PHYIR ZHES RTZOD PA NA, SKYON MED DE, DE DAG RIM CAN DU SKYES KYANG 'JUG PA MYUR BAS CIG CAR DU SKYE BA MNGON PA YIN PA'I PHYIR, ZHES DPE BSTAN TE LAN BTAB PA LTAR SNANG YANG MDO SEMS GNYIS KYIS 'JUG PA MYUR BA CIG CAR DU SKYE BA'I 'KHRUL RGYU YIN PA BKAG PA'I PHYIR, GNYIS PA DE DGAG PA LA, SGRUB BYED DGAG PA DANG, BSGRUB BYA DGAG PA GNYIS LAS, DANG PO LA, DRAN PA'I RTAGS LA BRTEN NAS SNGON 'DZIN LA MYONG BYED YOD PA SGRUB PA DE, RANG GI MTSAN NYID KYIS GRUB PA'I DRAN PA RTAGS SU 'GOD DAM, DRAN PA TZAM RTAGS SU 'GOD, DANG PO LTAR NA MI RIGS TE, THAL 'GYUR BA'I LUGS LA DE LTA BU'I DRAN PA DE DANG RANG RIG GNYIS MED MTSUNGS YIN PAS, SGRUB BYED BSGRUB BYA DANG MTSUNGS PA'I PHYIR, DER THAL, MIG SHES KYI BZUNG BYA'I RTAGS LA BRTEN NAS SGRA MI RTAG PAR SGRUB PA LTA BU YIN PA'I PHYIR, GNYIS PA LTAR NA KHYAB PA MA NGES PA YIN TE, ME TZAM GYI RTAGS LAS ME SHEL DANG, CHU TZAM GYI RTAGS LAS CHU SHEL MI 'GRUB PA LTA BU YIN PA'I PHYIR, GZHAN YANG, DRAN SHES KYI RTAGS LA BRTEN NAS SNGON 'DZIN LA MYONG BYED YOD PA 'GRUB DE LA BRTEN NAS RANG RIG SGRUB PA DE MI 'THAD PAR THAL, DRAN SHES KYI RTAGS LA BRTEN NAS SNGON 'DZIN LA MYONG BA YOD PA 'GRUB TU CHUG KYANG, KHYOD 'DOD PA LTAR DU MYONG BA LA RANG MYONG DANG GZHAN MYONG GNYIS SU MA NGES PA'I PHYIR, DER THAL, MAR ME GSAL BA'I NGO BOR SKYES KYANG RANG @132B NYID KYIS RANG NYID GSAL BAR YANG MI BYED, DE LAS DON GZHAN GYIS KYANG GSAL BAR MI BYED PA LTA BU YIN PA'I PHYIR, DANG PO MA GRUB NA, MUN PAS MUN PA SGRIB PAR THAL, MAR ME RANG NYID KYIS RANG NYID GSAL BAR BYED PA'I PHYIR, 'DOD NA, MUN KHUNG NA YOD PA'I BUM PA'I GZUGS MTHONG BA RKYEN LA BLTOS MI DGOS PAR THAL, 'DOD PA DE'I PHYIR, SNGA MA LA KHYAB PA YOD PAR THAL, RTZA SHES LAS, MAR ME RANG DANG GZHAN GYI DNGOS, ,GAL TE SNANG BAR BYED 'GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BA THE TSOM MED, ,CES GSUNGS PA'I PHYIR, GZHAN YANG, DRAN SHES KYI RTAGS LA BRTEN NAS SNGON 'DZIN LA MYONG BYED YOD PA SGRUB PA MI RIGS PAR THAL, SNGON 'DZIN DRAN PA'I DRAN SHES DANG, SNGON 'DZIN GNYIS PO 'BREL MED DON GZHAN YIN PA'I PHYIR, DER THAL, BYAMS PAS MYONG BA NYE SBAS KYIS MI DRAN PA LTA BU YIN PA'I PHYIR, DER THAL, RANG GI MTSAN NYID KYIS GRUB PA'I SO SO BA YIN PA'I PHYIR, GNYIS PA BSGRUB BYA DGAG PA LA, SNGON 'DZIN MYONG BYED KYI RANG RIG DE KHA NANG KHO NA LA PHYOGS PA'I GNYIS SNANG THAMS CAD DANG BRAL ZHING, RIG BYA RIG BYED KYI RNAM PA 'CHAR RGYU MED KYANG RANG NYID RANG NYID KYI RIG BYA RIG BYED GNYIS KA YIN PA DE MI 'THAD PAR THAL, DPER NA, RAL GRI RANG NYID KYIS RANG NYID GCOD PAR MI BYED, SOR MO RANG NYID KYIS RANG NYID KYI RTZE MO LA REG PAR MI BYED, SKYES BU G-YER SHING LEGS PAR BSLABS PA'I YANG ZOR CAN DES, RANG NYID KYIS RANG NYID KYI PHRAG PA LA 'GOM PAR MI BYED PA LTA BU YIN PA'I PHYIR, DE SKAD DU YANG, LANG KAR GSHEGS PA LAS, JI LTAR RAL GRIS RANG GI SO, ,GCOD PAR MI BYED SOR MOS NI, ,RANG LA REG PAR MI BYED LTAR, ,RANG RIG SEMS KYANG DE BZHIN NO, ,ZHES GSUNGS PA'I PHYIR, GZHAN YANG, DE LTA BU'I RANG RIG DE RANG NYID RANG NYID KYI RIG BYA RIG BYED GNYIS KA YIN PA MI 'THAD PAR THAL, DE LA YID JI TZAM GTAD KYANG RIG BYA RIG BYED KYI RNAM PA 'CHAR RGYU MED PA'I PHYIR, MA KHYAB NA, MYU GU DE RANG NYID KYI BSKYED BYA SKYED BYED GNYIS KA YIN PAR THAL, DE LTA BU'I RANG RIG DANG MYU GU GNYIS LA YID JI TZAM GTAD KYANG, DANG PO LA RIG BYA RIG BYED DANG, MYU GU RANG NYID KYI BSKYED BYA SKYED BYED GNYIS KYI RNAM PA 'CHAR RGYU MED PA MTSUNGS PA GANG ZHIG ,RANG @133A *, ,RIG DE RANG RIG GI RIG BYA RIG BYED GNYIS KA YIN PA'I PHYIR, 'DOD NA, LAS BYA BYED GNYIS GCIG YIN PAR THAL, 'DOD PA DE'I PHYIR, 'DOD NA, SNGON 'DZIN MYONG BYED KYI RANG RIG DE MED PAR THAL, RANG RIG DE DANG BYE BRAG TU SMRA BA'I 'DOD PAS BTAGS PA'I RDUL PHRAN PHYOGS KYI CHA MED PA GNYIS LA YID JI TZAM GTAD KYANG, RIG BYA RIG BYED DANG CHA BCAS KYI RNAM PA 'CHAR RGYU MED PA MTSUNGS PAS, GRUB MTHAS BTAGS PA KHO NA YIN PA'I PHYIR, DER THAL, BDEN GNYIS RANG 'GREL LAS, SHES PA'I BDAG NYID LA NI RDUL PHRA RAB DAG GNYIS PO MED PA'I DNGOS PO'I NGO BO MI SNANG NGO, , MI SNANG BA LA NI THA SNYAD MED DO, ,ZHES GSUNGS PA'I PHYIR, GZHAN YANG, DE LTA BU'I RANG RIG DE RANG NYID KYI RIG BYA RIG BYED GNYIS KA YIN PA MI 'THAD PAR THAL, DE LA YID JI TZAM GTAD KYANG RIG BYA RIG BYED KYI RNAM PA 'CHAR RGYU MED CING, DRAN PA TZAM DE LAS GZHAN PA'I SGRUB BYED YANG DAG MED PAS, SGRUB BYED LTAR SNANG TZAM DU ZAD PA'I PHYIR, DER THAL, DE SKAD DU YANG BDEN GNYIS RANG 'GREL LAS, GAL TE SNANG BA BZHIN DU YANG NGES PAR MI ZIN SNYAM PA NA, DES NA CI DE LTA BU LA NI THA SNYAD MED DO SNANG ZHES BYA BA 'DI LA YANG YID CHES PA MED PA'I PHYIR, GNA' CHU THUNG DGOS SO, ,ZHES GSUNGS PA'I PHYIR, ` GSUM PA RANG LUGS LA, RANG RIG MED KYANG DRAN SHES SKYE TSUL BSHAD PA LA, DNGOS DANG, RTZOD PA SPONG BA GNYIS LAS, DANG PO LA GZHUNG 'DI NAS BSHAD TSUL DANG, GZHUNG GZHAN NAS BSHAD TSUL GNYIS LAS, DANG PO LA, SNGON 'DZIN LA MYONG BYED RANG RIG MED KYANG, NGAS SNGON PO MTHONG SNYAM PA'I YUL CAN GYI DRAN PA SKYE BA MI 'GAL TE, SNGON 'DZIN GYI RJES SU SKYES PA'I DRAN SHES YUL YUL CAN DANG SNGON 'DZIN GYI YUL YUL CAN GNYIS RANG GI MTSAN NYID KYIS GRUB PA'I SO SO BA MA YIN KYANG, RGYUN GCIG PA'I 'BREL BA GRUB PA'I PHYIR DANG, SNGON 'DZIN GYI YUL SNGON PO DE DANG, DRAN SHES KYI YUL SNGON PO GNYIS YUL GCIG PA'I PHYIR DANG, SNGON 'DZIN DE NGA MA YIN KYANG NGA'I CHA SHAS YIN PAS, DES SNGON PO MTHONG BAS NGAS SNGON PO MTHONG NGO SNYAM PA'I DRAN PA SKYE BA 'THAD PA'I PHYIR, DE LTAR YIN KYANG SNGON 'DZIN GYI DUS SU GRUB PA'I SNGON PO DE, DRAN SHES KYI DUS SU GRUB SNYAM PA'I DRAN PA SKYE @133B BA MA YIN TE, DE LTA BU'I BLO LHAN SKYES LA DUS KYIS KHYAD PAR DU BYAS PA'I DRAN PA SKYE BA MI 'THAD PA'I PHYIR, GNYIS PA GZHUNG GZHAN NAS BSHAD TSUL LA, SNGON 'DZIN GYI DUS SU SNGON 'DZIN LA MYONG BYED KYI RANG RIG MED KYANG, PHYIS NGAS SNGON PO MTHONG SNYAM PA'I YUL CAN GYI DRAN PA SKYE BA MI 'GAL TE, DPER NA, DGUN DUS SU BYI BAS RMUGS PA NA DUG ZHUGS NAS, DPYID DUS SU 'BRUG SGRA THOS NAS DUG LANGS PA NA, BYI BAS RMUGS PA MA SPANGS PAR BYI BAS RMUGS PA'I DUS SU DUG ZHUGS SO SNYAM PA'I DRAN SHES SKYE BA LTA BU YIN PA'I PHYIR, DER THAL, DE SKAD DU YANG, SPYOD 'JUG LAS, GAL TE RANG RIG YOD MIN NA, ,RNAM SHES DRAN PA JI LTAR 'GYUR, ,GZHAN MYONG BA DANG 'BREL PA LAS, ,DRAN 'GYUR BYI BA'I DUG BZHIN NO, ,ZHES GSUNGS PA'I PHYIR, DE DANG CHOS MTHUN PA YIN TE, SNGON 'DZIN GYI DUS SU SNGON PO MTHONG BA DANG, ,DGUN DUS SU BYI BAS RMUGS PA GNYIS CHOS MTHUN PA DANG, SNGON 'DZIN GYI DUS SU SNGON 'DZIN LA MYONG BYED MED PA DANG, BYI BAS RMUGS PA'I DUS SU DUG ZHUGS PA MA MYONG BA GNYIS CHOS MTHUN NO, ,SNGON 'DZIN MA SPANGS PAR NGAS SNGON PO MTHONG SNYAM PA'I DRAN PA SKYE BA DANG, BYI BAS RMUGS PA MA SPANGS PAR DUG ZHUGS PA MYONG BA'I DRAN PA SKYE BA GNYIS CHOS MTHUN PA'I PHYIR, KHA CIG NA RE, DPAL LDAN ZLA BA GRAGS PAS RANG GI MTSAN NYID KYIS GRUB PA'I RANG RIG MI BZHED KYANG THA SNYAD DU RANG RIG BZHED DO ZER NA, DE MI 'THAD PAR THAL, DPAL LDAN ZLA BAS RDZAS RANG GI MTSAN NYID KYIS GRUB PA BKAG PA'I 'OG TU RANG RIG DANG, DES DRANGS PA'I DRAN SHES GNYIS BKAG PA'I PHYIR, DER THAL, RANG 'GREL LAS, 'ON TE 'JIG RTEN GYI THA SNYAD KYI DBANG DU YIN NA NI, DE LTA NA YANG RANG RIG PA'I RGYU CAN GYI DRAN PA MI SRID PA NYID DO, ,ZHES PA DANG, YANG DE NYID LAS, RANG RIG PA MED PAR YANG DRAN PA JI LTAR 'BYUNG BA DE LTAR STON PAR 'GYUR RO, ,ZHES GSUNGS PA'I PHYIR, GNYIS PA RTZOD PA SPONG BA LA, RTZOD PA DANG LAN GNYIS, DANG PO LA KHA CIG NA RE, THAL 'GYUR BA RANG LUGS LA RANG RIG MED KYANG, DBANG SHES DANG YID SHES SOGS 'DOD DGOS PAS, DE RANG GI MTSAN NYID KYIS GRUB NA RANG RIG BKAG PA DANG 'GAL, MYONG BYED DON GZHAN PA ZHIG GIS GRUB NA, MYONG BYED THUG MED DU 'GYUR PAS, 'JUG PA LAS, 'DI YI YOD PA GANG GIS SHES @134A *, ,PAR 'GYUR, MA BZUNG BAR YANG YOD CES BYA MI RUNG, ,ZHES GSUNGS PA'I PHYIR, RTZOD PA RANG LUGS LA YANG MTSUNGS PAR 'GYUR RO ZER NA, DE'I LAN BSHAD PA LA, LAN DNGOS DANG, ZHAR LA TSAD MA'I RNAM GZHAG BSHAD PA DANG GNYIS, DANG PO LA, DE LTA BU'I PHYOGS GNYIS KA KHAS MI LEN ZHING, RANG RIG DGAG PA DANG MTSUNGS PA SOGS KYI SKYON MED DE, GZHAL BYA'I GRANGS NGES KYI SGO NAS TSAD MA'I GRANGS NGES 'JOG PA DANG, TSAD MA LA GZHAL BYA'I RNAM PA SHAR BA'I SGO NAS TSAD MA GRUB PA YIN TE, DE LAS ZUR DU 'GRUB BYED RANG RIG SOGS MI DGOS PA'I PHYIR, DER THAL, TSIG GSAL LAS, TSAD MA'I GRANGS 'JUG PA GZHAL BYA'I GZHAN GYI DBANG YIN PA'I PHYIR DANG, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I TSAD MA DAG GIS RANG GI NGO BO RNAM PAR 'JOG PA'I PHYIR, ZHES GSUNGS PA'I PHYIR, DE'I DON LA, TSAD MA LA GZHAL BYA'I RNAM PA SHAR BA'I SGO NAS TSAD MA GRUB PAR 'JOG PA YIN NA, DE'I DON DE GANG ZHE NA, DE LA GZHAN LUGS DGAG PA DANG, RANG LUGS BZHAG PA GNYIS, DANG PO LA, MKHAS PA KHA CIG GI GSUNG NA RE, SNGON 'DZIN DBANG PO'I MNGON SUM LA, SNGON PO'I RNAM PA SHAR BA'I SGO NAS, SNGON 'DZIN DBANG PO'I MNGON SUM YOD PAR GRUB, DES NA SNGON 'DZIN RANG NYID KYIS RANG NYID YOD PAR GRUB PAS SNGON 'DZIN GYIS SNGON 'DZIN RTOGS PA DANG MYONG BA YIN ZER NA, DE MI 'THAD PAR THAL, SNGON 'DZIN LA YID JI TZAM GTAD KYANG, RANG NYID LA RANG NYID KYI RIG BYA RIG BYED KYI RNAM PA 'CHAR RGYU MED KYANG, RANG NYID RANG NYID KYI RIG BYA RIG BYED GNYIS KA YIN PAR 'DOD NA, RANG RIG BKAG PA DANG 'GAL BA'I PHYIR, GZHAN YANG, SNGON 'DZIN DBANG PO'I MNGON SUM GYIS SNGON 'DZIN DBANG PO'I MNGON SUM MA RTOGS PAR THAL, DES DE DNGOS SHUGS GANG RUNG DU MA RTOGS PA'I PHYIR, KHO NA RE, DES SNGON PO MNGON SUM DU RTOGS NAS RANG NYID SHUGS LA RTOGS PA YIN PA'I PHYIR, ZER NA, STONG NYID MNGON SUM DU RTOGS PA'I SLOB PA'I MNYAM GZHAG YE SHES DES, STONG NYID MNGON SUM DU RTOGS NAS YUL CAN RANG NYID SHUGS LA RTOGS PAR THAL, KHYOD KYI DAM BCA' 'THAD PA'I PHYIR, 'DOD NA, MYU GU RANG BZHIN MED PA @134B MNGON SUM DU RTOGS PA'I MNYAM GZHAG YE SHES DES, MYU GU RANG BZHIN MED PA YOD PA SHUGS LA RTOGS PAR THAL, 'DOD PA'I PHYIR, 'DOD NA, MYU GU RANG BZHIN GYIS MED CES BRJOD PA'I SGRA DES, MYU GU RANG BZHIN MED PA YOD PA SHUGS LA BSTAN PAR THAL, 'DOD PA'I PHYIR, 'DOD NA, SGRA DE'I RJES SU 'BRANG BA'I RTOG PA DES MYU GU RANG BZHIN MED PA YOD PA DE SHUGS LA RTOGS PAR THAL, 'DOD PA'I PHYIR, 'DOD NA, MYU GU RANG BZHIN MED PA DE MA YIN DGAG YIN PAR THAL, DE DGAG BYA RANG BZHIN GYIS GRUB PA BKAG SHUL DU MYU GU RANG BZHIN MED PA YOD PA 'PHANGS NAS RTOGS PA'I DGAG PA YIN PA'I PHYIR, 'DOD NA, MI 'THAD DE, MED DGAG YIN PA'I PHYIR TE, STONG NYID YIN PA'I PHYIR, DE SKAD DU YANG, RNAM BSHAD RIGS PA'I RGYA MTSO LAS, 'ON TE RANG BZHIN MED PA YOD PA NI SHUGS KYIS RTOGS LA DE YANG RIGS SHES KYIS GRUB PAR BYA DGOS SNYAM NA, DE LTAR NA MYU GU RANG BZHIN MED CES PA'I SGRAS KYANG, RANG BZHIN MED PA YOD PA DE SHUGS LA BSTAN DGOS TE, SGRA DE'I RJES SU 'BRANG BA'I BLOS DE YOD PAR SHUGS LA RTOGS PA'I PHYIR, DE'I PHYIR, DGAG BYA BCAD TZAM MA YIN PA'I CHOS GZHAN SHUGS LA 'PHEN PA'I MA YIN DGAG YIN PAS, MED DGAG YIN PA NYAMS SO, ,ZHES GSUNGS PA'I PHYIR, GZHAN YANG, MYU GU RANG BZHIN MED PA YOD PA DE MTHAR THUG DPYOD PA'I RIGS SHES KYI RNYED DON MA YIN PAR THAL, THA SNYAD PA'I TSAD MA'I RNYED DON YIN PA'I PHYIR, DER THAL, KUN RDZOB BDEN PA YIN PA'I PHYIR, KHA CIG NA RE, MYU GU RANG BZHIN MED PA MNGON SUM DU RTOGS PA'I MNYAM GZHAG YE SHES DES, MYU GU RANG BZHIN MED PA YOD PA DNGOS SU RTOGS PA YIN PA'I PHYIR ZER NA, DE MI 'THAD PAR THAL, DE LTAR YIN NA, SLOB LAM NA THA SNYAD PA'I TSAD MA DANG, MTHAR THUG DPYOD PA'I TSAD MA MI 'GAL BA DANG, DE NA BDEN GNYIS DUS CIG CAR DU MNGON SUM DU RTOGS PA'I YE SHES YOD PA DANG, MNYAM GZHAG DE'I GZHAL BYAR GYUR PA'I MYU GU RANG BZHIN MED PA DE, CHOS GZHAN DNGOS SU 'PHEN PA'I MA YIN DGAG YIN PA'I SKYON YOD PA'I PHYIR, GZHAN YANG, SNGON 'DZIN DBANG PO'I MNGON SUM GYIS SNGON 'DZIN DBANG PO'I MNGON SUM MA GRUB PAR THAL, DES SNGON PO GZHAL STOBS KYIS RANG NYID GRUB PA MA YIN PA'I PHYIR, RANG NYID LA RANG NYID GRUB PA'I CHA SHAS @135A *, ,SHIG YOD NA, RANG NYID [*RANG RIG] BKAG PA DANG 'GAL BA'I PHYIR, DER THAL, DE SKAD DU YANG, RNAM BSHAD DGONGS PA RAB GSAL LAS, TSAD MA 'GRUB PA LA GZHAL BYA GRUB PA TZAM GYIS MI CHOG PAR, TSAD MA RANG LAS TSAD MA 'GRUB PA GZHAN DAG 'DOD PA LTAR YIN NA, GZHAL BYA LA MA BLTOS PAR TSAD MA 'GRUB PAR 'GYUR RO, ,ZHES GSUNGS PA'I PHYIR, RANG LUGS TSIG GSAL GYI LUNG DE'I DON YOD DE, SNGON 'DZIN GYIS SNGON 'DZIN 'GRUB, DES SNGON PO GZHAL STOBS KYIS DE 'GRUB PA'I PHYIR, ZHES BSTAN PA MA YIN ZHING, DES SNGON PO GZHAL STOBS KYIS DE YOD PAR 'GRUB PA'I DON YIN PA'I PHYIR, DE YOD PAR 'GRUB PA'I TSUL YANG YOD DE, DES SNGON PO DRAN PA'I DRAN SHES DE TSAD MA GZHAN LA MA BLTOS PAR RANG STOBS KYIS 'DREN, DE 'DRA BA'I DRAN SHES DES YUL SNGON PO DANG YUL CAN SNGON 'DZIN GNYIS MED PA'I SGRO 'DOGS BCAD NAS, BLO KHA PHYOGS PA TZAM GYIS YUL YUL CAN DE GNYIS [*YOD PAR] DRAN PA'I DRAN SHES TSAD MA GZHAN LA MA BLTOS PAR RANG STOBS KYIS 'DREN PA'I PHYIR, DES NA SNGON 'DZIN GYIS DRANGS PA'I DRAN SHES DES YUL SNGON PO DANG YUL CAN SNGON 'DZIN GNYIS KA RTOGS PA YIN TE, SNGON 'DZIN MA SPANGS PAR NGAS SNGON PO MTHONG SNYAM PA'I DRAN PA DE SKYE BA'I PHYIR, SNGON 'DZIN DBANG PO'I MNGON SUM DES SNGON PO MNGON SUM DU RTOGS PA LA BRTEN NAS RANG NYID GRUB KYANG, DE SNGON PO MNGON SUM DU RTOGS PA LA TSAD MAR MA SONG STE, SNGON 'DZIN GYIS DRANGS PA'I DRAN SHES DE SNGON 'DZIN GYIS SNGON PO MNGON SUM DU MTHONG BA LA TSAD MAR SONG BA'I PHYIR DANG, SNGON 'DZIN GYIS SNGON PO RTOGS NA SNGON 'DZIN YOD DGOS PA'I PHYIR, DE LTAR BYAS NA, JI LTA BA MNGON SUM DU RTOGS PA'I SLOB PA'I MNYAM GZHAG YE SHES DES, DGAG BYA BDEN GRUB BCAD TZAM GYI MED DGAG LA CHU LA CHU BZHAG GI TSUL DU MNYAM PAR GZHAG CING, YUL CAN DANG YUL STONG NYID YOD PA MA GRUB KYANG 'GRUB PA YIN TE, DES YUL STONG NYID DANG YUL CAN RANG NYID NGES PA'I NGES SHES DE TSAD MA GZHAN LA MA BLTOS PAR RANG STOBS KYIS 'DREN, DE 'DRA BA'I DRAN SHES DES YUL YUL CAN GNYIS MED PA'I SGRO 'DOGS BCAD NAS, YOD PAR NGES PA'I NGES SHES DE RANG STOBS KYIS 'DREN PA'I PHYIR, @135B DER THAL, RNAM BSHAD RIGS PA'I RGYA MTSO LAS, DE LTA NA'ANG BAR DU TSAD MA GZHAN BRGYUD PA LA MI BLTOS PAR RIGS SHES KYI STOBS LA BRTEN NAS, RANG BZHIN MED PA MED PAR 'DZIN PA'I SGRO 'DOGS DANG, 'DZIN STANGS DNGOS SU 'GAL BA'I BLO BSKYED NUS SHING, DE NYID KYIS DE DPYOD PAS RIGS SHES LA BRTEN NAS SGRO 'DOGS GCOD MOD KYANG RIGS SHES KYIS SGRO 'DOGS DE GCOD PA MIN NO, ,ZHES GSUNGS PA'I PHYIR, DES NA SNGON 'DZIN GYIS SNGON PO GZHAL STOBS KYIS RANG NYID KYIS RANG NYID 'GRUB PA YIN TE, DPER NA, YUL DRAN PAS YUL CAN DRAN PA DE BZHIN DU SNGON 'DZIN GYIS SNGON PO GZHAL STOBS KYIS RANG NYID DRAN PA'I DRAN SHES DE TSAD MA GZHAN LA MA BLTOS PAR RANG STOBS KYIS 'DREN, DE 'DRA BA'I NGES SHES DES SNGON 'DZIN 'GRUB PA'I PHYIR, DER THAL, DE SKAD DU YANG, RNAM BSHAD DGONGS PA RAB GSAL LAS, SNGON PO GRUB PA NYID KYIS SNGON 'DZIN DE 'GRUB STE, DPER NA YUL DRAN PA NYID KYIS YUL CAN DRAN PA YIN GYI, SNGAR YUL CAN KHO RANG GI KHO RANG GZHAN DAG 'DOD PA LTAR, MYONG BA'I DBANG GIS DRAN PA DE 'BYUNG BA MIN PA DANG 'DRA'O, ,ZHES GSUNGS PA'I PHYIR, DE LA, KHA CIG NA RE, SNGON 'DZIN GYIS SNGON 'DZIN GRUB PAR THAL, RNAM BSHAD DE NYID LAS, DE LTAR NA, SNGON 'DZIN NI GZHAN LUGS LTAR RANG RIG GIS MI 'GRUB KYI DBANG PO'I MNGON SUM TSAD MAS 'GRUB PAR BSTAN TE, ZHES GSUNGS PA'I PHYIR, ZHES ZER NA, SKYON MED DE, DE'I DON SNGON 'DZIN RANG NYID KYIS RANG NYID 'GRUB CES PA'I DON YIN PA'I PHYIR, DER THAL, GZHUNG GNYIS PO DE DGONGS PA GCIG PA YIN PA'I PHYIR, DES NA, GNAS LUGS MNGON SUM DU RTOGS PA'I SLOB PA'I MNYAM GZHAG YE SHES DES, RANG NYID LA GNAS LUGS SNANG BA DE DNGOS SHUGS GANG RUNG LA MA GRUB PAS, SNANG BA DE DANG, YUL CAN RANG NYID GNYIS MA GRUB KYANG 'GRUB PA YIN TE, DE GNYIS NGES PA'I NGES SHES DE TSAD MA GZHAN LA MA BLTOS PAR RANG STOBS KYIS 'DREN, DES DRANGS PA'I NGES SHES DES, YUL CAN DE DANG SNANG BA GNYIS KA GRUB PA'I PHYIR, MNYAM GZHAG DES SNANG BA DE DNGOS SHUGS GANG RUNG DU MA GRUB PAR THAL, SHUGS LA GRUB NA CHOS NYID DE'I DNGOS KYIS GZHAL BYA MA YIN PAR 'GYUR BA'I PHYIR DANG, DNGOS SU GRUB NA MNYAM GZHAG YE SHES DE @136A *, ,GNYIS SNANG CAN GYI SHES PA YIN DGOS PA'I PHYIR, DER THAL, MNYAM GZHAG DE LA GNAS LUGS SNANG BA KUN RDZOB BDEN PA YIN PA'I PHYIR, DER THAL, DES GNAS LUGS GZIGS PA KUN RDZOB BDEN PA YIN PA'I PHYIR, DE BZHIN DU ZLA BA GNYIS SNANG GI DBANG SHES DANG, BSE RU'I NANG DU SKRA SHAD 'DZAG SNANG GI DBANG SHES LA SOGS PA'I RTOG MED LOG SHES RNAMS DANG, SGRA RTAG 'DZIN RTOG PA DANG, BDEN 'DZIN GNYIS LA SOGS PA'I LOG SHES RNAMS RIM PA BZHIN DU ZLA BA GNYIS SU SNANG BA DANG, SGRA RTAG PAR SNANG BA SOGS LA TSAD MA YIN ZHING, YUL CAN RANG NYID MA GRUB KYANG 'GRUB PA YIN TE, SNANG BA DE DANG YUL CAN RANG NYID GNYIS KA NGES PA'I NGES SHES TSAD MA GZHAN LA MA BLTOS PAR RANG STOBS KYIS 'DREN, DE 'DRA'I NGES SHES DES SNANG BA DE DANG YUL CAN GNYIS KA 'GRUB PA'I PHYIR, ` GNYIS PA ZHAR LA TSAD MA'I RNAM GZHAG BSHAD PA LA, MTSAN NYID, DBYE BA, PHYE BA SO SO'I DON DANG GSUM, DANG PO LA, RANG GI 'DZIN STANGS KYI YUL DU GYUR PA'I GZHAL BYA'I GTZO BO LA MI SLU BA'I RIG PA, TSAD MA'I MTSAN NYID, MTSAN NYID DE LTAR 'JOG PA DANG, 'DU BYED RNAMS NI BSLU BA'I CHOS, ,DES NA DE DAG BRDZUN PA YIN, ,ZHES GSUNGS PA DANG 'GAL BA'I SKYON MED DE, 'DU BYED THAMS CAD RANG 'DZIN RTOG PA LA SNANG TSUL DANG GNAS TSUL MI MTHUN PA'I BRDZUN PA BSLU BA'I DON YIN PA DANG, TSAD MAS RANG GI GZHAL BYA JI LTAR DPYAD PA LTAR DU GRUB PA'I DON LA MI SLU BA MI 'GAL BA'I PHYIR, RANG RGYUD PA MAN CHAD KYI LUGS LA TSAD MA YIN NA, RANG GI GZHAL BYA LA MI SLU BA DANG MA 'KHRUL BAS KHYAB KYANG, LUGS 'DI LA DE LTAR MA KHYAB STE, TSUR MTHONG GI RGYUD KYI THA SNYAD PA'I TSAD MA DANG, MA RIG PA'I BAG CHAGS KYIS BSLAD PA'I SLOB PA 'PHAGS PA'I RGYUD KYI THA SNYAD PA'I TSAD MA RNAMS RANG GI GZHAL BYA LA 'KHRUL BA'I PHYIR, DER THAL, TSUR MTHONG GI RGYUD KYI SGRA MI RTAG RTOGS KYI RIGS SHES RJES DPAG DANG, 'PHAGS RGYUD KYI SGRA MI RTAG PAR MNGON SUM DU RTOGS PA'I MNGON SUM GNYIS KA SGRA MI RTAG PA LA 'KHRUL BA'I PHYIR, DER THAL, DE GNYIS KA LA SGRA MI RTAG PA RANG GI MTSAN NYID KYIS GRUB PAR SNANG YANG, DE @136B RANG GI MTSAN NYID KYIS MA GRUB PA'I PHYIR, GNYIS PA TSAD MA LA DBYE NA, MNGON RJES KYI TSAD MA GNYIS YOD CING, DE LTAR YIN KYANG RTZOD BZLOG RTZA 'GREL LAS, LUNG TSAD MA DANG, DPE NYER 'JAL GYI TSAD MA GNYIS GSUNGS PA DANG 'GAL BA'I SKYON MED DE, DANG PO NI, DPYAD GSUM GYIS DAG PA'I LUNG GI RTAGS LA BRTEN NAS GZHAL BYA SHIN TU LKOG GYUR 'GA' ZHIG LA MI SLU BA'I YID CHES RJES DPAG YIN PA DANG, PHYI MA NI, DPE'I RTAGS LA BRTEN NAS GZHAL BYA LKOG GYUR 'GA' ZHIG LA MI SLU BA'I RIG PA YIN PAS DE GNYIS KA RJES DPAG TSAD MA'I NANG DU 'DU BA'I PHYIR, MNGON SUM GYI TSAD MA LA DBYE NA, DBANG PO'I MNGON SUM GYI TSAD MA DANG, YID KYI MNGON SUM TSAD MA DANG, RNAL 'BYOR MNGON SUM TSAD MA DANG GSUM KHO NAR NGES PA YIN TE, RANG RIG GONG DU BKAG ZIN PA'I PHYIR, YID KYI MNGON SUM YANG RNAM 'GREL SOGS NAS BSHAD PA DANG MI MTHUN TE, DE LAS GZUGS GSAL BAR MNGON SUM DU MTHONG BA'I RANG KHA BA'I TSUR MTHONG GI YID KYI MNGON SUM YOD PAR GSUNGS, LUGS 'DI LA GZUGS GSAL BAR MNGON SUM DU MTHONG BA'I RANG KHA BA'I TSUR MTHONG GI DBANG PO'I MNGON SUM YOD KYANG, GZUGS GSAL BAR MNGON SUM DU MTHONG BA'I RANG KHA BA'I TSUR MTHONG GI YID KYI MNGON SUM MED DE, GZUGS 'DZIN YID KYI SHES PA DE DBANG PO'I MNGON SUM GYIS GZUGS GSAL BAR MNGON SUM DU MTHONG BA DRAN PA'I TSUL GYIS RTOGS PA'I RTOG PA YIN PA'I PHYIR, DER THAL, DE SKAD DU YANG, BZHI BRGYA PA'I 'GREL PA LAS, RNAM PAR SHES PA GNYIS KYIS DON GCIG RNAM PAR SHES PA MA YIN TE, GCIG NI YUL GYI RNAM PA DNGOS SU GCOD PAR BYED PA STE GANG DANG POR SKYE BA'O, ,GNYIS PA NI DNGOS SU BYED PA NYID DU RNAM PAR SHES PA MA YIN TE, DBANG PO'I RNAM PAR SHES PA'I STOBS KYIS DE LTAR RTOG CING SKYE BA NA DES KYANG DON DE RNAM PAR SHES SO ZHES NYE BAR 'DOGS SO, ,ZHES GSUNGS PA'I PHYIR, 'ON KYANG YID KYI MNGON SUM MI BZHED PA MA YIN TE, 'GREL PA DE NYID KYIS, TSOR BA LA SOGS PA LTAR NYAMS SU MYONG BA'I RNAM PA YANG MA YIN LA, GZUGS DANG SGRA LA SOGS PA BZHIN DBANG PO'I SGO NAS YONGS SU DPYAD PAR BYA BA YANG MA YIN NO, ,ZHES GSUNGS PAS YID KYI RNAM PAR SHES PA'I 'KHOR DU BYUNG BA'I TSOR BA BDE SDUG @137A *, ,BTANG SNYOMS GSUM SOGS RANG YUL SIM GDUNG BAR MA SOGS NYAMS SU MYONG BA'I SGO NAS, RANG GI GZHAL BYA MNGON GYUR LA MI SLU BA'I YID KYI MNGON SUM DU GSUNGS PA'I PHYIR, DE YID KYI MNGON SUM YIN PA DANG RANG RIG BKAG PA MI 'GAL TE, SEMS 'BYUNG TSOR BA GSUM PO 'JAL BYED DANG, BDE SDUG SOGS GZHAL BYA YIN PA DANG, MDO LAS KYANG NYAMS SU MYONG BA KHYAD PAR CAN TSOR BA'I MTSAN NYID DU GSUNGS PA DANG, GANG NYAMS SU MYONG NA BDE SDUG SOGS NYAMS SU MYONG ZHES 'CHAD DGOS SHING, 'JIG RTEN PA RNAMS KYIS KYANG BDE BA DANG SDUG BSNGAL MYONG ZHES THA SNYAD BYED PA'I PHYIR DANG, DE LA YID GTAD PA NA TSOR BA LA MYONG BYED DANG BDE SDUG SOGS LA MYONG BYA'I RNAM PA 'CHAR RGYU YOD PA LUNG RIGS GNYIS KYIS GRUB PAS, DE LTAR NA RANG RIG BKAG PA DANG MI 'GAL BA'I PHYIR, TSIG GSAL LAS, GAL TE MTSAN GZHI 'AM, RANG GI MTSAN NYID DAM, SPYI'I MTSAN NYID KYANG RUNG STE, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR, LKOG TU MA GYUR PA YIN TE DE'I PHYIR, DE'I YUL CAN GYI RNAM PAR SHES PA DANG LHAN CIG TU MNGON SUM NYID DU RNAM PAR GZHAG GO ZHES GSUNGS PA'I DON YIN KYANG, GZHI GRUB NA KUN MKHYEN YE SHES LA MNGON GYUR DANG MNGON SUM YIN PAS KHYAB PA DANG, LKOG GYUR MED PAR BSTAN PA MA YIN TE, TSAD MA GNYIS KYI NANG NAS MNGON SUM TSAD MA NGOS 'DZIN PA'I SKABS YIN PA'I PHYIR, DE'I MJUG TU TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL BA LAS SKYES PA'I SHES PA NI RJES SU DPAG PA'O, ,ZHES LKOG GYUR YOD PAR GSUNGS PA'I PHYIR, DES NA LUNG SNGA MA'I DON NI, DNGOS SMRA BA RNAMS KYIS RANG SPYI GANG RUNG DU KHAS BLANGS PA'I CHOS YIN NA, RANG SNANG YUL DU BYED PA'I GNYIS SNANG CAN GYI SHES PA LA RANG NYID KYI RNAM PA SHAR BAS KHYAB, SHES PA GANG LA YUL GANG GI RNAM PA SHAR BA'I YUL DE YIN NA, SHES PA DE'I YUL MNGON SUM PA YIN PAS KHYAB PAS YUL DE LA MNGON SUM GYI SGRA DNGOS MING DANG, DE LA BLTOS TE YUL CAN LA MNGON SUM GYI SGRA BTAGS NAS 'JUG PA'I DON YIN PA'I PHYIR, DE LTAR BYAS NA @137B GNYIS SNANG CAN GYI SHES PA YIN NA, RANG GI SNANG BA LA MNGON SUM TSAD MA YIN PAS KHYAB STE, DE YIN NA RANG GI SNANG BA DE LA BLTOS TE RANG YUL LA MI SLU BAS KHYAB, SHES PA DE'I YUL MNGON SUM PA YIN NA, SHES PA DE'I YUL MNGON GYUR BA YIN PAS KHYAB PA GANG ZHIG ,RANG GI RTEN RTAGS YANG DAG LA MA BRTEN PAR RANG GI YUL GYI GTZO BO MNGON GYUR BA LA MI SLU BA'I RIG PA, MNGON SUM TSAD MA'I MTSAN NYID YIN PA'I PHYIR, DES NA ZLA GCIG ZLA GNYIS SU SNANG BA'I DBANG SHES LA SOGS PA'I RTOG MED LOG SHES RNAMS DANG, SGRA RTAG 'DZIN RTOG PA LA SOGS PA'I RTOG PA LOG SHES RNAMS KYANG RANG GI SNANG BA LA MNGON SUM TSAD MA YIN TE, SNANG BA DE LA BLTOS TE YUL MNGON GYUR BA LA MI SLU BA'I RIG PA YIN PA'I PHYIR, DE DAG SNANG BA DE LA MI SLU BA'I RIG PA YIN TE, SHES PA DES SNANG BA DE DANG YUL CAN DE NYID NGES PA'I NGES SHES TSAD MA GZHAN LA MA BLTOS PAR RANG STOBS KYIS 'DREN PA'I PHYIR, DE DAG RANG GI SNANG BA LA TSAD MA YIN KYANG TSAD MA MA YIN TE, RANG GI 'DZIN STANGS KYI YUL GYI GTZO BO LA TSAD MA MA YIN PA'I PHYIR, DER THAL, ZLA BA GCIG ZLA BA GNYIS YIN PA DANG, SGRA RTAG PA YIN PA LA TSAD MA MA YIN PA'I PHYIR, RANG GI 'DZIN STANGS KYI YUL GYI GTZO BO LA TSAD MA MA YIN NA TSAD MA MA YIN PAS KHYAB STE; DPER NA, MDO SDE PAS LOG SHES YIN MA YIN GYI KHYAD PAR, YUL GYI GTZO BO LA LOG SHES YIN MA YIN GYI SGO NAS 'JOG PA YIN GYI, SNANG BA TZAM LA LOG SHES YIN MIN GYI SGO NAS LOG SHES YIN MIN DU MI 'JOG PA LTA BU YIN PA'I PHYIR, RANG GI SNANG BA LA TSAD MA YIN NA TSAD MA YIN PAS KHYAB MA KHYAB DPYAD PA LA, KHO NA RE, ZLA GCIG ZLA GNYIS SU SNANG BA LA SOGS PA'I RTOG MED LOG SHES RNAMS, RANG GI SNANG BA LA TSAD MA YIN PAS DE DAG TSAD MAR 'JOG NUS PA DANG, SGRA RTAG 'DZIN LA SOGS PA'I RTOG PA LOG SHES RNAMS RANG GI SNANG BA LA TSAD MA YIN KYANG, DE DAG TSAD MAR 'JOG MI NUS TE; RTOG MED SHES PA'I YUL KYI GTZO BO SNANG YUL DANG, RTOG PA'I YUL GYI GTZO BO ZHEN YUL YIN PA GANG ZHIG ,SGRA RTAG 'DZIN RTOG PA DE RANG GI ZHEN YUL LA TSAD MA MA YIN PA'I PHYIR, DER THAL, SGRA RTAG PA LA TSAD MA MA YIN PA'I PHYIR ZER NA, RGYU MTSAN DE NYID KYI PHYIR RTOG MED LOG SHES RNAMS @138A *, ,TSAD MA MA YIN PAR GRUB PA YIN TE, DE'I YUL GYI GTZO BO SNANG YUL YIN KYANG, DE'I SNANG BA TZAM SNANG YUL GYI GTZO BO MA YIN ZHING, SNANG BA DE'I SNANG GZHI DE NYID YUL GYI GTZO BO YIN PA'I PHYIR, DER THAL, DPER NA, SNGON PO'I SNANG BA TZAM ZHIG SNGON 'DZIN DBANG PO'I MNGON SUM GYI YUL GYI GTZO BO MA YIN ZHING, DE'I SNANG GZHI SNGON PO DE DE'I YUL GYI GTZO BO YIN PA LTA BU YIN PA'I PHYIR, DES NA RANG GI SNANG BA LA TSAD MAR SONG BA'I RTOG MED SHES PA RNAMS, SNANG GZHI'I GTZO BO GANG LA YANG TSAD MAR MA SONG NA DE DAG TSAD MA MA YIN PAS KHYAB STE, DE DAG TSAD MAR SONG BA'I SNANG YUL GYI GTZO BO GZHI MA GRUB PA'I PHYIR, RGYU MTSAN DE'I PHYIR LOG SHES YIN MIN GYI KHYAD PAR, YUL GYI GTZO BO LA LOG SHES YIN MIN GYI SGO NAS 'JOG PA YIN GYI, SNANG BA TZAM LA LOG SHES YIN MIN GYI SGO NAS LOG SHES YIN MIN DU 'JOG PA MA YIN TE, DE YIN NA, TSUR MTHONG GI RGYUD KYI RTOG MED LOG SHES MED PA'AM, YANG NA DE'I RGYUD KYI RTOG MED SHES PA LA LOG SHES KYIS KHYAB PA GANG RUNG KHAS LEN DGOS PA'I SKYON YOD PA'I PHYIR, DE LTAR BYAS NA RTOG MED LOG SHES RNAMS RANG GI SNANG BA LA TSAD MA YIN KYANG TSAD MA MA YIN TE, LOG SHES YIN MIN GYI KHYAD PAR YUL GYI GTZO BO LA LOG SHES YIN MIN GYI SGO NAS 'JOG PA DE BZHIN DU, TSAD MA YIN MIN GYI KHYAD PAR YANG RANG GI YUL GYI GTZO BO LA, TSAD MA YIN MIN GYI SGO NAS 'JOG PA'I PHYIR, TSAD MAR 'GRO TSUL YANG RANG GI 'DZIN STANGS KYI YUL LA MI SLU BA'I SGO NAS 'JOG PA YIN GYI, GSAR DU MI SLU BA'I SGO NAS 'JOG PA MA YIN TE, GSAR DU MI SLU BA'I DGOS PA THA SNYAD PA'I TSAD MAS MI 'GRUB NA, MTHAR THUG RTOGS PA'I TSAD MAS 'JOG MI NUS PA'I PHYIR, RTAGS PHYI MA DER THAL, DE MTHAR THUG DPYOD PA'I TSAD MA'I RNYED DON MA YIN PA'I PHYIR, DER THAL, DE KUN RDZOB BDEN PA YIN PA'I PHYIR, RTAGS DANG PO DER THAL, 'PHRAL GYI 'PHRUL RGYUS MA BSLAD CING, MA BRTAGS MA DPYAD PAR 'JUG PA'I 'JIG RTEN PA'I BLO LHAN SKYES RANG KHA BA DES, 'DZIN STANGS KYI YUL LA MI SLU BA'I RIG PA ZHIG LA TSAD MA'I THA SNYAD BYED PA YIN ZHING, GSAR DU MI SLU BA'I RIG PA LA TSAD MA'I THA SNYAD MI BYED PA'I PHYIR DANG, RANG RGYUD PA MAN CHAD KYIS TSAD MA'I MTSAN NYID @138B KYI ZUR DU GSAR DU MI SLU BA 'DOD PA NI, TSAD MAR 'GRO TSUL DE THA SNYAD BTAGS PA'I BTAGS DON BTZAL BA'I TSE NA RNYED PA KHAS BLANGS PA'I DBANG GIS YIN GYI, LUGS 'DIR DE LTAR KHAS MI LEN PA'I PHYIR, RANG RGYUD PAS SGRA MI RTAG RTOGS KYI RIGS SHES RJES DPAG DE, SNANG YUL LA 'KHRUL ZHING, ZHEN YUL LA MA 'KHRUL BAR 'DOD KYANG, LUGS 'DIR ZHEN YUL LA YANG 'KHRUL BA YIN TE, SGRA MI RTAG PA LA 'KHRUL PA'I PHYIR, DER THAL, SGRA MI RTAG PA RANG GI MTSAN NYID KYIS MA GRUB BZHIN DU DE LA SGRA MI RTAG PA RANG GI MTSAN NYID KYIS GRUB PAR SNANG BA'I PHYIR, KHYAB STE, ZLA GCIG ZLA GNYIS SNANG BA'I DBANG SHES LA ZLA GCIG ZLA GNYIS SU MA GRUB BZHIN DU DE LA ZLA GCIG ZLA GNYIS SU SNANG BA'I RGYU MTSAN GYIS DE ZLA BA LA 'KHRUL PAR BZHAG PA'I PHYIR, LOG SHES YIN MIN GYI KHYAD PAR RANG DANG 'DZIN STANGS 'GAL BA'I TSAD MA YOD MED KYI SGO NAS 'JOG PA YIN GYI, SNANG STANGS 'GAL BA'I TSAD MA YOD MED DANG RANG GI ZHEN YUL LA 'KHRUL MA 'KHRUL GYI SGO NAS 'JOG PA MA YIN TE, SGRA MI RTAG RTOGS KYIS [*KYI] RIGS SHES RJE DPAG DANG, TSUR MTHONG GI RGYUD KYI SNGON 'DZIN DBANG PO'I MNGON SUM LA RANG DANG SNANG STANGS 'GAL BA'I TSAD MA YANG YOD, DE GNYIS RANG GI ZHEN YUL LA 'KHRUL YANG LOG SHES MA YIN PA'I PHYIR, KHA CIG TSAD MAR 'GRO TSUL DE MI 'THAD PAR THAL, RTOG MED SHES PA'I 'DZIN STANGS MED PA'I PHYIR ZER NA, DE MI 'THAD PAR THAL, DE LTAR 'DOD PA NI 'DZIN STANGS DANG ZHEN STANGS MA PHYED PA'I SKYON YIN PA'I PHYIR, DE YIN TE, SHES PAS YUL JI LTAR DPYAD PA LTAR DU BZUNG BA DE 'DZIN STANGS KYI DON YIN PA'I PHYIR, GZHAN YANG; RTOG MED SHES PA'I 'DZIN STANGS MED PA DE MI 'THAD PAR THAL, DE MED NA BDEN 'DZIN GNYIS DANG BDEN MED MNGON SUM DU RTOGS PA'I SHES RAB GNYIS DMIGS PA GCIG LA DMIGS NAS 'DZIN STANGS DNGOS 'GAL DU ZHUGS PA KHAS BLANGS PA DANG 'GAL BA'I PHYIR, MNGON SUM DNGOS BTAGS KYI KHYAD PAR YANG YUL SO SO LA BLTOS NAS 'JOG PA YIN GYI, MNGON SUM TSAD MA YIN NA, MNGON SUM BTAGS PA BA YIN PAS MA KHYAB STE, SNGON PO DE SNGON 'DZIN MIG SHES LA BLTOS NAS MNGON SUM MTSAN NYID PA DANG, SNGON 'DZIN MIG SHES DE LA BLTOS NAS MNGON SUM BTAGS PA BA DANG, MNGON @139A *, ,SUM TSAD MA DNGOS DANG SNGON 'DZIN MIG SHES DE, RANG MNGON SUM DU RTOGS PA'I GZHAN SEMS SHES PA'I MNGON SHES LA BLTOS NAS MNGON SUM MTSAN NYID PA DANG, DE 'DRA BA'I MNGON SHES DE SNGON 'DZIN LA BLTOS NAS MNGON SUM BTAGS PA BA DANG, MNGON SUM TSAD MA MTSAN NYID PA YIN PA'I PHYIR, DES NA LUGS 'DI LA BCAD SHES DANG, MNGON SUM TSAD MA MI 'GAL ZHING SGRA DON 'DRES RUNG DU 'DZIN PA'I ZHEN RIG DANG, MNGON SUM TSAD MA MI 'GAL TE, SNGON 'DZIN DBANG PO'I MNGON SUM GYIS DRANGS NAS SKYES PA'I DRAN SHES MNGON SUM TSAD MA YIN PA'I PHYIR, DER THAL, DE RANG GI 'DZIN STANGS KYI YUL DU GYUR PA'I SNGON PO MNGON GYUR BA LA MYONG STOBS KYIS MI SLU BA'I RIG PA YIN PA'I PHYIR, DER THAL, DE SKAD DU YANG, TSIG GSAL LAS, GZHAN YANG MNGON SUM GYI SGRA NI LKOG TU MA GYUR PA'I DON GYIS BRJOD PAR BYED PA YIN PA'I PHYIR, DBANG PO MNGON DU PHYOGS PA'I DON NI MNGON SUM YIN NO, ,'DI LA DBANG PO MNGON DU PHYOGS PAS ZHES BYAS NAS BUM PA DANG SNGON PO LA SOGS PA LKOG TU MA GYUR PA RNAMS MNGON SUM NYID DU GRUB PAR 'GYUR LA DES YONGS SU DPYOD PAR BYED PA'I SHES PA NI RTZVA DANG SOG MA'I ME BZHIN DU MNGON SUM GYI RGYU CAN YIN PA'I PHYIR, MNGON SUM NYID DU RJOD PAR BYED DO, ,ZHES GSUNGS PA'I PHYIR, SNGON PO DANG SNGON 'DZIN GNYIS MNGON SUM DNGOS BTAGS SU 'GYUR TSUL YOD DE, SNGON PO DE SNGON 'DZIN GYIS DNGOS SU RTOGS PA DANG DE LA MNGON DU GYUR PA YOD, SNGON 'DZIN DE YANG SNGON POS DNGOS SU RTOGS PA DANG, SNGON PO LA MNGON DU GYUR PA MED PA'I DON YIN PA'I PHYIR, DE LTAR YIN KYANG SNGON 'DZIN LA SNGON 'DZIN MNGON SUM ZHES 'CHAD PA'I RGYU MTSAN YOD DE, RTZVA LAS BYUNG BA'I ME LA RTZVA'I ME ZHES BRJOD PA LTA BU YIN PA'I PHYIR, GZHI GRUB NA MNGON GYUR DANG LKOG GYUR GNYIS KA YIN PAS KHYAB STE, GZHI GRUB NA RANG NYID MNGON SUM DU SONG BA'I YUL CAN YOD PAS KHYAB, RANG NYID LKOG GYUR DU SONG BA'I YUL CAN MNGON SUM YOD PAS KHYAB PA'I PHYIR, RTAGS DANG PO DER THAL, DE YIN NA, RANG NYID MNGON SUM DU RTOGS PA'I YUL CAN ZHIG YOD DGOS PA'I PHYIR, RTAGS PHYI MA DER THAL, DE YIN NA, RANG NYID LKOG GYUR DU SONG BA'I TSUR MTHONG ZHIG YOD DGOS PA'I @139B PHYIR, RANG YUL MNGON SUM PA RTOGS PA'I TSAD MA YIN NA, DE MNGON SUM DU RTOGS PAS MA KHYAB STE, SNGON 'DZIN DBANG PO'I MNGON SUM GYIS DRANGS NAS SKYES PA'I DRAN SHES DES RANG YUL MNGON SUM PA MNGON SUM DU MA RTOGS PA'I PHYIR, DE BZHIN DU MNGON SUM TSAD MA YIN NA RANG YUL MNGON SUM DU RTOGS PAS MA KHYAB STE, DE 'DRA'I DRAN SHES DE MNGON SUM TSAD MA YIN KYANG, RANG YUL MNGON SUM DU MA RTOGS PA'I PHYIR, DER THAL, DES RANG YUL MNGON SUM DU RTOGS NA, DE DANG SNGON 'DZIN DBANG PO'I MNGON SUM GNYIS YUL RTOGS TSUL LA KHYAD PAR MED DGOS, DE MED NA LONG BAS KYANG SNGON PO MNGON SUM DU MTHONG BAR 'GYUR BA'I PHYIR, RANG RGYUD PA MAN CHAD KYI LUGS LA, MI RTAG SOGS BCU DRUG MNGON SUM DU RTOGS PA'I SO SKYE MED PA DANG, SO SKYE'I RGYUD KYI KENG RUS GSAL SNANG CAN GYI TING 'DZIN DE RNAL 'BYOR MNGON SUM MA YIN PA DANG, DMAN LAM SNGON DU MA SONG BA'I STONG NYID RTOGS PA'I THEG PA CHEN PO'I SBYOR LAM DE RTOG PA YIN ZHING, MNGON SUM TSAD MA MA YIN PAS RNAL 'BYOR MNGON SUM RGYUD LA LDAN PA'I TSUR MTHONG MED PAR 'DOD KYANG, LUGS 'DI LA NI DE RGYUD LA LDAN PA'I TSUR MTHONG YOD DE, BDAG MED PHRA MO GNYIS GTAN LA MA PHEBS PAR, RAGS PA'I MI RTAG SOGS BCU DRUG DANG, GANG ZAG RANG RKYA THUB PA'I RDZAS YOD KYIS STONG BA'I STONG NYID DANG, GZUGS DANG GZUGS 'DZIN TSAD MA RDZAS GZHAN GYIS STONG BA'I STONG NYID RNAMS THOS BSAM GYIS GTAN LA PHEBS NAS SGOM BYED KYI YAN LAG DANG MA BRAL BAR BSGOMS PA RAB KYI MTHAR THUG PA DE'I TSE, DE DAG MNGON SUM DU RTOGS PA YOD PA'I PHYIR, DMAN LAM SNGON DU MA SONG BA'I STONG NYID RTOGS PA'I THEG PA CHEN PO'I SBYOR LAM DE, RANG GI RTEN RTAGS YANG DAG LA MA BRTEN PAR RANG GI 'DZIN STANGS KYI YUL DU GYUR PA'I GZHAL BYA MNGON GYUR BA LA, MI SLU BA'I RIG PA YIN PAS MNGON SUM TSAD MA YIN PA'I PHYIR, DE LTAR BYAS NA RANG GI RTEN RTAGS YANG DAG LA MA BRTEN PAR RANG GI 'DZIN STANGS KYI YUL DU GYUR PA'I GZHAL BYA'I GTZO BO MNGON GYUR BA LA MI SLU BA'I RIG PA, MNGON SUM TSAD MA'I MTSAN NYID, DE LA DBYE NA GSUM YOD, RANG GI THUN MONG MA YIN PA'I BDAG RKYEN DBANG PO GZUGS CAN PA LA BRTEN NAS SKYE ZHING, RANG GI 'DZIN STANGS KYI YUL DU GYUR PA'I GZHAL BYA'I @140A *, ,GTZO BO MNGON GYUR BA LA MI SLU BA'I RIG PA, DBANG PO'I MNGON SUM GYI TSAD MA'I MTSAN NYID, DE LA DBYE NA LNGA YOD, RANG GI THUN MONG MA YIN PA'I BDAG RKYEN YID DBANG LA BRTEN NAS DNGOS SU SKYES SHING, TING 'DZIN LA MI BRTEN PA'I RIGS SU GNAS PA'I SGO NAS RANG GI 'DZIN STANGS KYI YUL DU GYUR PA'I GZHAL BYA'I GTZO BO MNGON GYUR PA LA MI SLU BA'I RIG PA, YID KYI MNGON SUM GYI TSAD MA'I MTSAN NYID, DPER NA, SNGON 'DZIN DBANG PO'I MNGON SUM GYI RJES SU SKYES PA'I SNGON PO DRAN PA'I DRAN SHES LTA BU YIN, RANG GI THUN MONG MA YIN PA'I BDAG RKYEN ZHI LHAG ZUNG 'BREL GYI TING NGE 'DZIN LA BRTEN NAS DNGOS SU SKYES SHING, RANG GI YUL DU GYUR PA'I BDAG MED PA 'AM, BDEN PA'I RNAM PA GANG YANG RUNG BA LA MI SLU ZHING RTOG PA DANG BRAL BA'I YE SHES, RNAL 'BYOR MNGON SUM GYI TSAD MA'I MTSAN NYID, RANG GI RTEN RTAGS YANG DAG LA BRTEN NAS RANG GI GZHAL BYA LKOG GYUR PA LA MI SLU BA'I RIG PA, RJES DPAG TSAD MA'I MTSAN NYID, DE LA DBYE NA, DNGOS STOBS RJES DPAG ,GRAGS PA'I RJES DPAG ,YID CHES RJES DPAG ,DPE NYER 'JAL GYI RJES DPAG DANG BZHI YOD DE, PHYI MA'I MTSAN GZHI NI, RVA DANG, RMIG PA DANG, NOG DANG LKOG SHAL SOGS PA GLANG DANG 'DRA BA'I RTAGS LA BRTEN NAS BA MIN BA GLANG DANG 'DRA BAR RTOGS PA'I RJES DPAG LTA BU YIN TE, DE SKAD DU YANG, RTZOD BZLOG LAS, GANG GI BA MIN CI 'DRA ZHES, ,GRONG PA DAG GIS DRIS PA NA, ,BA GLANG CI 'DRA DE 'DRA ZHES, ,'BROG PAS SMRAS PA LTA BU'O, ,ZHES GSUNGS PA'I PHYIR, PHYI DON MED CING SHES PA BDEN GRUB TU 'DOD PA MI 'THAD PAR THAL, DE RANG BZHIN GYIS MA SKYES SHING DE LTAR GRUB PA'I TSAD MA MED PA'I PHYIR, GZHAN YANG, PHYI DON MED CING SHES PA BDEN PAR GRUB PA DE MI 'THAD PAR THAL, DE BDEN PA GNYIS CHAR LAS NYAMS PA'I PHYIR, DON DAM BDEN PA LAS NYAMS PA YIN TE, RANG GI RGYU 'BRAS KYI DUS SU MED CING, RANG DUS SU YOD PA DANG PHYI ROL DON 'DZIN GYI RTOG PA'I RGYU BYED PA'I KHYAD CHOS DANG MI LDAN PA'I PHYIR TE, BDEN PAR GRUB PA'I PHYIR, KUN RDZOB BDEN PA LAS NYAMS PA YIN TE, PHYI ROL DON DU MA GRUB NA SONG ZHIG 'DUG CIG CES PA DANG, PHYI'I YUL LA BLTA BA LA SOGS PA'I THA SNYAD MI 'THAD PA'I @140B PHYIR, DER THAL, BYA BA DE DAG PHYI ROL LA BLTOS PA'I PHYIR, DE LA KHA CIG NA RE, PHYI ROL DON DU MED CING SHES PA BDEN GRUB TU 'DOD PA'I LUGS LA, 'GRO 'ONGS SOGS MI 'THAD PA'I SKYON MED CING GZUGS SOGS BDEN MED DU 'DOD PA'I LUGS LA SKYON DE DAG YOD DO, ,ZER NA, GZUGS SOGS BDEN MED DU 'DOD PA'I LUGS LA SKYON DE DAG MED DE, 'GRO 'ONGS LA SOGS PA'I THA SNYAD KYI RNAM GZHAG ,DANG POR 'JIG RTEN PA'I THA SNYAD BYAS PA DANG MTHUN PAR 'JOG CING, PHYI DON MED CING SHES PA BDEN GRUB TU 'DOD PA KHYOD DANG, 'JIG RTEN PA GNYIS RTZOD PA GYIS DANG GANG RGYAL BA 'AM STOBS DANG LDAN PA DE'I RJES SU 'BRANG BA YIN GYI, NGED DBU MA PA 'JIG RTEN DANG MI MTHUN PA'I THA SNYAD MI BYED PA'I PHYIR, 'GRO 'ONGS LA SOGS PA'I THA SNYAD KYI RNAM GZHAG 'JIG RTEN PA DANG, MTHUN PAR 'JOG PA'I TSUL YANG YOD DE, BSNYON MED KYI THA SNYAD KYI RNAM GZHAG RNAMS THA SNYAD PA'I TSAD MAS GRUB PA'I SGO NAS 'JOG PA DANG, DE KHO NA NYID STON PA'I SNOD DU MI RUNG BA RNAMS LA, PHUNG SOGS BDEN GRUB TU BSTAN NAS RE ZHIG DE DANG MTHUN PA TZAM DU KHAS LEN PA'I PHYIR, DES NA PHYI DON MED CING SHES PA BDEN PAR GRUB PAR 'DOD PA'I SEMS TZAM PA'I GRUB MTHA' LA ZHEN CING, MGON PO KLU SGRUB KYI THUN MONG MA YIN PA'I LUGS LAS NYAMS PA'I GANG ZAG DE RE ZHIG THAR PA MYANG 'DAS THOB PA'I THABS MED DE, BDEN GNYIS KYI RNAM GZHAG PHYIN CI MA LOG PA LAS PHYI ROL TU GYUR PA'I PHYIR, KHYAB STE, KUN RDZOB BDEN PA JI LTA BA BZHIN DU RTOGS PA DE JI LTA BA RTOGS PA'I THABS DANG, DON DAM BDEN PA JI LTA BA BZHIN DU RTOGS PA'I YE SHES DE THAR LAM DNGOS YIN PA'I PHYIR, DE YANG NYER LEN GYI PHUNG PO SPANGS PA'I ZHI BA'I DBYINGS LA MNYAM PAR GZHAG PA'I DGRA BCOM PA'I RGYUD LA NYER LEN GYI PHUNG PO MED PA DE BZHIN DU THA SNYAD KYI RNAM GZHAG RNAMS MED BZHIN DU YOD PAR KHAS LEN PA MA YIN TE, CHOS MNGON PA LAS YOD PAR GSUNGS, RGYAS 'BRING BSDUS GSUM SOGS LAS RANG BZHIN MED PAR GSUNGS PA'I PHYIR, THA SNYAD KYI RNAM GZHAG 'JIG RTEN PA DANG MTHUN PAR KHAS LEN PA YIN TE, DE LTAR DU MDO LAS GSUNGS PA'I PHYIR, ` MNGON GYUR MNGON PHYOGS BYANG CHUB SEMS DPA' YIS, ,ZHES SOGS KYI SKABS SU MTHA' DPYAD PA LA, MDO SDE SA BCU PA LAS SEMS TZAM DU GSUNGS @141A *, ,PA'I DGONGS PA BSHAD PA DANG, PHYI DON DANG, NANG GI SHES PA YOD MED MTSUNGS PAR BSTAN PA DANG, MDO GZHAN LAS SEMS TZAM DU GSUNGS PA'I DGONGS PA BSHAD PA DANG GSUM, DANG PO LA, SA BCU PA LAS SEMS TZAM DU GSUNGS PA DES PHYI DON BKAG PA MA YIN PAR BSTAN PA DANG, DE MDO GZHAN GYIS SGRUB PA DANG, TZAM GYIS SGRAS SEMS BYED PA PO'I GTZO BOR BSTAN PA DANG GSUM LAS, DANG PO LA, KHA CIG NA RE, SGRUB BYED YANG DAG MED PAR 'JIG RTEN GYI THA SNYAD KYIS 'JIGS NAS PHYI DON YOD PAR KHAS LEN NA, LUNG GI 'JIGS NAS DE MED PAR KHAS LEN DGOS TE, DE SKAD DU YANG SA BCU PA LAS, DE 'DI SNYAM DU SEMS TE, 'DI LTAR KHAMS GSUM PO 'DI NI SEMS TZAM STE ZHES GSUNGS PA'I PHYIR, ZER NA, SKYON MED DE, MDO DES PHYI DON BKAG PA MA YIN ZHING, SRID PA KHAMS GSUM PO DE BDAG RTAG PA DANG, SPYI GTZO BO LA SOGS PA RNAMS BYED PA PO YIN PA DE BKAG NAS, SEMS BYED PA POR BSTAN PA YIN PA'I PHYIR, DE SKAD DU YANG SA BCU PA LAS, LUGS SU 'BYUNG BA'I RNAM PAR RTEN CING 'BREL BAR 'BYUNG BA LA RAB TU RTOG GO ,DE LTAR NA SDUG BSNGAL GYI PHUNG PO, SDUG BSNGAL GYI LJON PA BYED PA PO DANG, TSOR BA PO MED PA 'BA' ZHIG PO 'DI MNGON PAR 'GRUB PAR 'GYUR RO SNYAM MO DE 'DI SNYAM DU SEMS TE, BYED PA PO LA MNGON PAR ZHEN PAS LAS RNAMS YOD PAR GYUR TO, ,GANG NA BYED PA PO MED PA DE NA, DON DAM PAR LAS KYANG MI DMIGS SNYAM MO, ,DE 'DI SNYAM DU SEMS TE, KHAMS GSUM PO 'DI NI SEMS TZAM STE SRID PA'I YAN LAG BCU GNYIS PO GANG DAG DE BZHIN GSHEGS PAS RAB TU PHYE STE BKA' STZAL PA DE DAG THAMS CAD KYANG SEMS GCIG LA BRTEN PA DAG GO ,ZHES GSUNGS PA'I PHYIR, GNYIS PA MDO GZHAN GYIS SGRUB PA'I TSUL BSHAD PA LA, GZHAN YANG, SA BCU PA'I MDO DES PHYI DON BKAG PA MA YIN TE, LANG KAR GSHEGS PA LAS, GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PO RNAMS, ,SEMS TZAM DU NI NGAS BSHAD DO, ,ZHES MU STEGS BYED RNAMS KYIS BDAG RTAG PA DANG, SPYI GTZO BO LA SOGS PA BYED PA POR 'DOD PA DE BKAG NAS SEMS BYED PA POR BSTAN PAR GSUNGS PA'I PHYIR, GSUM PA TZAM GYIS SGRAS SEMS BYED PA POR @141B BSTAN PAR BSHAD PA LA, SA BCU PA'I MDO DES, TZAM SGRA SMOS PAS PHYI DON BKAG PA MA YIN TE, GZUGS SEMS GNYIS KYI NANG NAS SEMS BYED PA POR BSTAN PA'I PHYIR, DER THAL, SNOD BCUD KYI 'JIG RTEN RNAMS SEMS CAN RNAMS KYI THUN MONG MA YIN PA'I LAS LA BRTEN NAS GRUB, LAS DE YANG BYED PA PO SEMS MED NA MI 'THAD PAS, GZUGS SEMS GNYIS KYI NANG NAS SEMS BYED PA POR BSTAN PA'I PHYIR, DE LTAR YIN KYANG SEMS TZAM ZHES SMOS PA'I RGYU MTSAN YOD DE, SEMS BYED PA PO'I GTZO BO YIN PAS, GTZO BO'I TSIG MI MNGON PAR BYAS NAS SEMS TZAM ZHES BRJOD PA'I PHYIR, DER THAL, DPER NA, DE KHO NA NYID LA BLO KHA RGYAS PA LA SANGS RGYAS ZHES BRJOD PA YIN KYANG, DE KHO NA NYID KYI TSIG MI MNGON PAR BYAS NAS SANGS RGYAS ZHES BRJOD PA LTA BU YIN PA'I PHYIR, DE LTAR MA YIN NA, MDO DES MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA ZHES GSUNGS PA MI 'THAD PAR THAL, RNAM PAR SHES PA 'DU BYED KYI RKYEN LA MA BLTOS PA'I PHYIR, DER THAL, RNAM PAR SHES PA BDEN PAR GRUB PA'I PHYIR, GNYIS PA PHYI DON DANG NANG GI SHES PA GNYIS YOD MED MTSUNGS PAR BSTAN PA LA, DE GNYIS YOD MED MTSUNGS TE, DE GNYIS THA SNYAD PA'I TSAD MAS GRUB MNYAM DANG, MTHAR THUG GI TSAD MAS MA GRUB MNYAM DU MTSUNGS PA'I PHYIR, LUNG LAS BSTAN MA BSTAN YANG MTSUNGS PA'I PHYIR, DER THAL, CHOS MNGON PA LAS YOD MNYAM DU GSUNGS KYANG, SHER PHYIN GYI MDO LAS, GZUGS MI DMIGS TSOR BA MI DMIGS ZHES RANG BZHIN GYIS MED MNYAM DU GSUNGS PA'I PHYIR, MDOR BSDU NA SEMS TZAM PA KHYOD KYIS PHYI DON MED CING SHES PA BDEN GRUB TU 'DOD PA DE MI 'THAD PAR THAL, DE LTAR 'DOD PA NI BDEN GNYIS KYI RNAM GZHAG PHYIN CI MA LOG PA DE BSHIG CING, RNAM SHES BDEN PAR GRUB PA YANG MI 'GRUB, PHYI DON MED PAR YANG MI 'GRUB PA'I PHYIR, GSUM PA MDO GZHAN LAS SEMS TZAM DU GSUNGS PA'I DGONGS PA BSHAD PA LA, KHO NA RE, PHYI DON MED PAR THAL, LANG GSHEGS LAS, PHYI ROL SNANG BA YOD MIN TE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ,ZHES GSUNGS PA'I PHYIR ZER NA, SLOB DPON LEGS LDAN 'BYED NI, MDO DES PHYI DON BKAG PA MI BZHED DE, DE'I DON LUS MIG GI DBANG PO SOGS DANG, LONGS SPYOD GZUGS SGRA SOGS @142A *, ,DANG, GNAS SNOD KYI 'JIG RTEN SOGS DNGOS SU RTOGS PA'I TSAD MA SKYES PA DE'I TSE NA, DE DAG GI RNAM LDAN DU SKYE BA YIN GYI, RNAM MED DU SKYE BA BKAG PAR BZHED PA'I PHYIR, DES NA SLOB DPON LEGS LDAN 'BYED, PHYI DON BKAG PA MDO GANG GI YANG DON MA YIN PAR BZHED PA YIN TE, MDO DES PHYI DON BKAG PA MI BZHED PA'I PHYIR, ` RANG LUGS LA, MDO DES PHYI DON BKAG KYANG PHYI DON MED MI DGOS TE, MDO DE DGONGS GZHI DGOS PA DNGOS LA GNOD BYED GSUM GYI SGO NAS DRANG DON DU 'GREL BA'I PHYIR, DGONGS GZHI YOD DE, TSUR MTHONG GI RGYUD KYI GZUGS 'DZIN DBANG SHES LA, GZUGS PHYI ROL DON DU RANG GI MTSAN NYID KYIS GRUB PAR SNANG BA DE SNANG BA LTAR DU MA GRUB PA LA DGONGS PA'I PHYIR, DE LA DE LTAR SNANG BA SNANG BA LTAR DU MA GRUB STE, DE LA GZUGS RANG BZHIN GYIS GRUB PA'I PHYI ROL DON DU SNANG BA'I PHYIR, DGOS PA YOD DE, PHYI ROL DON LA BDEN PAR ZHEN NAS DUG GSUM LA SOGS PA'I NYON MONGS RGYAS PAR 'GYUR BA'I GANG ZAG GI RGYUD KYI PHYI ROL DON LA BRTEN PA'I CHAGS SOGS NYON MONGS RNAMS 'GOG PA'I DGOS PA YOD PA'I PHYIR, DNGOS LA GNOD BYED YOD DE, DON SHES YOD MED MTSUNGS PAR STON PA'I LUNG RIGS KYIS GNOD PA'I PHYIR, LUNG GIS GNOD PA YIN TE, DE SKAD DU YANG LANG GSHEGS LAS; ;JI LTAR NAD PA NAD PA LA, ,SMAN PA SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES PA'I LUNG GIS GNOD PA'I PHYIR, RANG LUGS LA PHYI DON YOD DE, GZUGS 'DZIN MIG SHES LA SOGS PA'I DBANG SHES RNAMS DANG, PHYI ROL GYI GZUGS SOGS GNYIS RGYANG CHAD DU SNANG ZHING SNANG BA LTAR DU MA GRUB, SNANG BA LTAR DU GRUB PA DE, MTHAR THUG GI TSAD MA LA MA BLTOS PAR THA SNYAD PA'I TSAD MAS 'GOG MI NUS, MTHAR THUG GI TSAD MAS DPYAD PA'I TSE NA PHYI ROL GYI GZUGS SU MA ZAD NANG GI SHES PA YANG MI RNYED PA'I PHYIR DANG, PHYI DON 'GOG BYED KYI THA SNYAD PA'I TSAD MA MED PA'I PHYIR, PHYI DON 'GOG BYED KYI THA SNYAD PA'I TSAD MA MED PA LUGS 'DIR MA ZAD, SEMS TZAM PA'I LUGS LA YANG MED DE, DE'I LUGS LA LHAN CIG DMIGS NGES LA SOGS PA'I RTAGS LA BRTEN NAS, MTHAR THUG GI TSAD MAS PHYI DON 'GOG PA'I PHYIR DANG, GZUGS SOGS PHYI ROL DON DU MA @142B GRUB PA DON DAM BDEN PAR 'DOD PA'I PHYIR, PHYI DON MED PA DANG, GZUGS SOGS RANG GI MTSAN NYID KYIS MA GRUB PAR 'DOD PA GNYIS PO KHAS LEN NANG 'GAL YIN TE, GZUGS SOGS PHYI ROL DON DU MA GRUB PAR NANG SEMS KYI BDAG NYID YIN NA, DE MA DPYAD PAR 'JUG PA'I 'JIG RTEN PA'I BLO LHAN SKYES RANG KHA BAS MI 'GRUB DE TZAM GYIS MA TSIM PAR PHYI'I BEM PO DANG NANG GI SHES PA'I BDAG NYID GANG DU GRUB BRTAGS NAS, NANG GI SHES PA'I BDAG NYID DU GRUB NA, RANG GI MTSAN NYID KYIS GRUB PAR 'GYUR BA'I PHYIR, MDO SDE PA DANG, THAL 'GYUR BA GNYIS PHYI DON KHAS LEN PAR MTSUNGS KYANG, LEN TSUL MI MTSUNGS TE; MDO SDE PAS RDUL PHRAN CHA MED BSAGS PA'I RAGS PA PHYI ROL DON DU KHAS LEN, THAL 'GYUR BAS MA BRTAGS MA DPYAD PAR PHYI'I GZUGS DANG NANG GI SHES PA ZHES PA TZAM GYIS RJES SU 'BRANGS NAS PHYI DON KHAS LEN PA'I PHYIR, DE LTAR BYAS NA, DRUG GI CIG CAR SBYAR BA NA, ZHES GSUNGS PA DANG 'GAL BA'I SKYON MED DE, LUNG DES RDUL PHRAN CHA MED BSAGS PA'I RAGS PA PHYI ROL DON DU GRUB PA 'GOG PA'I DBANG DU BYAS, LUGS 'DIR RDUL PHRAN CHA MED BSAGS PA'I PHYI DON KHAS MI LEN PA'I PHYIR, KHA CIG NA RE, SEMS TZAM PA MDO SDE PA LAS GRUB MTHA' DMAN PAR THAL, DE GNYIS KAS SHES PA BDEN GRUB TU 'DOD PAR MTSUNGS, MDO SDE PAS PHYI DON YOD PAR 'DOD, SEMS TZAM PAS PHYI DON MED PAR 'DOD PA GANG ZHIG ,PHYI DON YOD PAR 'DOD PA DE, PHYI DON MED PAR 'DOD PA LAS GRUB MTHA' CHES BZANG BA'I PHYIR ZER NA, DE MI 'THAD PAR THAL, MDO SDE PAS RDUL PHRAN CHA MED BSAGS PA'I RAGS PA PHYI DON DU BDEN PAR YOD PAR 'DOD, SEMS TZAM PAS DE MI 'THAD PAR 'DOD CING, DE YOD PAR 'DOD PA LAS DE MED PAR 'DOD PA STONG NYID RTOGS PA'I LTA BA'I RGYUD SMIN BYED KYI MCHOG TU GSUNGS PA'I PHYIR, PHYI DON YOD PA MGON PO KLU SGRUB KYI DGONGS PA YIN TE, MGON PO KLU SGRUB KYIS DON SHES GNYIS YOD MED MTSUNGS PAR BZHED PA'I PHYIR, DER THAL, DE SKAD DU YANG, BYANG CHUB SEMS 'GREL LAS, SHES PAS SHES BYA RTOGS PA STE, ,SHES BYA MED PAR SHES PA MED, ,DE LTA NA NI RIG BYA DANG, ,RIG BYED MED CES CIS MI 'DOD, ,CES GSUNGS PA'I PHYIR, KHA CIG NA RE, SEMS TZAM PA'I LUGS LA GZUGS MED DO @143A *, ,ZER NA, DE YOD PAR THAL, GZUGS SOGS PHUNG PO LNGA YOD PAR STON PA'I PHUNG PO LNGA'I RAB BYED DE SEMS TZAM PA'I RANG GZHUNG RNAM DAG YIN PA'I PHYIR, KHA CIG NA RE, DE'I LUGS LA DE MED PAR THAL, GZUGS MED NA NI SEMS YOD MA 'DZIN CIG ,CES GSUNGS PA'I PHYIR ZER NA SKYON MED DE, DE'I DON NI, PHYI ROL GYI GZUGS MED NA DE 'DZIN PA'I SHES PA MED PAR 'GYUR RO, ,ZHES PA'I DON YIN PA'I PHYIR, DE LTA MA YIN NA DE'I LUGS LA SHES BYA YANG MED PAR THAL, GAL TE SHES BYA MED PAR BLO YOD NA, ,ZHES GSUNGS PA'I PHYIR, KHA CIG NA RE, SEMS TZAM PAS PHYI DON BDEN GRUB TU MI 'DOD KYANG, THA SNYAD DU PHYI DON YOD PAR 'DOD DO ZER, DES NA 'JUG PA RTZA 'GREL LAS, DBU SEMS GNYIS DON SHES YOD MED MTSUNGS MA MTSUNGS KYIS BRGAL LAN JI SNYED CIG BYAS PA 'BREL MED PAR THAL, DE GNYIS KAS PHYI DON BDEN GRUB TU MED PA DANG, THA SNYAD DU YOD PAR 'DOD PA MTSUNGS PA'I PHYIR; LUGS 'DIR LANG GSHEGS LAS, PHYI ROL SNANG BA YOD MIN TE, ,ZHES SOGS DRANG DON DU 'GREL BAR MA ZAD, SEMS TZAM PAS NGES DON GYI MDOR KHAS BLANGS SHING, LUGS 'DIR DRANG DON DU 'GREL RGYU'I DGONGS 'GREL GYI MDO DE LA BZHI YOD DE, MTSAN NYID GSUM LA BDEN PAR GRUB MA GRUB SO SOR PHYE NAS STON PA'I MDO DANG, PHYI DON MED PAR STON PA'I MDO DANG, KUN GZHI YOD PAR STON PA'I MDO DANG, MTHAR THUG THEG PA GSUM DU GRUB PAR STON PA'I MDO DANG BZHI YOD PA'I PHYIR, DE DAG GI MTSAN GZHI'I KHYAD PAR YOD DE, DGONGS 'GREL LAS, BTAGS PA DANG GZHAN GYI DBANG DANG, YONGS SU GRUB PA ZHES BYA BA'I MTSAN NYID GSUM BSTAN PA LAS, BTAGS PA MED PA NYID DANG, GZHAN GYI DBANG YOD PA DANG ZHES PA'I MDO LTA BU DANG PO, GNYIS PA NI, DE'I BYAMS ZHUS KYI LE'U LAS, BCOM LDAN 'DAS TING NGE 'DZIN GYI SPYOD YUL GYI GZUGS BRNYAN DE CI SEMS DE LAS THA DAD PA ZHES BGYI 'AM, THA DAD PA MA LAGS PA ZHES BGYI, BCOM LDAN 'DAS KYIS BKA' STZAL PA, BYAMS PA THA DAD PA MA YIN ZHES BYA'O, DE CI'I PHYIR ZHE NA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN YIN NO ZHES NGAS BSHAD DO, ,ZHES PA'I MDO DANG, GSUM PA NI, LEN PA'I RNAM PAR SHES PA @143B ZAB CING PHRA, ,SA BON RNAMS NI CHU BO'I RGYUN BZHIN 'BAB, ,BDAG TU RTOGS PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,ZHES PA DANG, BZHI PA NI, DE NYID LAS NYAN THOS KYI RIGS KYI GANG ZAG ZHI BA BGROD PA GCIG PU PA RNAMS NI SANGS RGYAS THAMS CAD BRTZON PA DANG LDAN PAR GYUR KYANG, ZHES SOGS KYI MDO LTA BU YIN PA'I PHYIR, KHA CIG ,DE BZHIN DU BCOM LDAN 'DAS KYIS MDO BRJOD PA LAS ZHES PA'I DON, BDE GSHEGS SNYING PO BDEN GRUB TU BSTAN PA'I MDO DRANG DON DU 'GREL PA DE BZHIN DU, PHYI DON MED PAR STON PA'I MDO DRANG DON DU 'GREL BA'I DON MA YIN TE, PHYI DON MED PAR STON PA'I MDO DRANG DON DU 'GREL PA DE BZHIN DU CIG SHOS KYANG DRANG DON DU 'GREL ZHES PA'I DON YIN PA'I PHYIR, RANG 'GREL LAS, DE'I PHYIR DE LTAR NA RNAM PA DE LTA BU'I MDO DE RNAM PAR SHES PAR SMRA BA RNAMS KYI NGES PA'I DON NYID DU KHAS BLANGS PA THAMS CAD DRANG BA'I DON NYID DU YIN PAR, LUNG 'DIS MNGON PAR GSAL BAR BYAS NAS ZHES GSUNGS PA'I DRANG DON DU 'GREL RGYU DE YANG, PHYI DON MED PAR STON PA'I MDO DANG, KUN GZHI YOD PAR STON PA'I MDO SOGS DGONGS 'GREL GYI MDO DE RNAMS LA BYED PA YIN TE, MDO DE SEMS TZAM PAS NGES DON GYI MDOR KHAS BLANGS PA YIN PA'I PHYIR, DER THAL, DES PHYI DON MED PA DANG, KUN GZHI YOD PAR 'DOD PA'I PHYIR, BDE GSHEGS SNYING PO RTAG BRTAN BDEN GRUB STON PA'I MDO DE 'DIR DNGOS SU BSTAN PA'I DRANG DON DU 'GREL RGYU'I MDO MA YIN TE, DE DBU SEMS GNYIS KAS DRANG DON GYI MDOR 'DOD PA'I PHYIR, LUNG 'DIS ZHES PA 'DI YANG SA BCU PA'I RTEN 'BREL LA RTOGS PA'I LUNG LA BYED PA MA YIN TE, LANG GSHEGS LAS, DE BZHIN GSHEGS PA'I SNYING PO BSTAN PA NI, ZHES PA DANG, SANGS RGYAS THAMS CAD KYIS MDO SDE'I NANG DU ZHES SOGS KYI MDO TSAN PA GNYIS LA BYED PA'I PHYIR, 'DIR DRANG DON DU 'GREL RGYU'I MDO DE LA BZHI YOD PAS, DRANG DON DU 'GREL BYED KYI MDO DE LA BZHI DGOS KYANG, MTHAR THUG THEG PA GSUM DU GRUB PAR STON PA'I MDO DRANG DON DU 'GREL BYED KYI MDO SKABS 'DIR DNGOS SU MI STON PA'I RGYU MTSAN YOD DE, MGON POS MDO KUN LAS BTUS LAS, LUNG RIGS GNYIS KYI SGO NAS RGYAS PAR DRANG DON DU 'GREL BAS DE LA DGONGS NAS SKABS 'DIR DNGOS SU MA SMOS PA'I PHYIR, RTAG [*BTAGS] PA DANG, ZHES SOGS KYI MDO DE DRANG DON DU 'GREL @144A *, ,BA'I MDO'I MTSAN GZHI YOD DE, LANG GSHEGS LAS, BLO GROS CHEN PO STONG PA NYID DANG MI SKYES PA DANG, MI GNYIS PA DANG, RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU CHUD PA 'DI ZHES DANG, 'DI NI MDO SDE GANG DU YANG RUNG STE DE DAG TU DON 'DI NYID KHONG DU CHUD PAR BYA'O, ,ZHES PA'I MDO GNYIS KYIS DRANG DON DU 'GREL BA'I PHYIR, DRANG DON DU 'GREL TSUL YOD DE, SANGS RGYAS KYIS BKA' THAMS CAD DNGOS SHUGS CI RIGS PA'I SGO NAS 'DUS BYAS KYI CHOS RNAMS KYI NGO BO RGYU 'BRAS GSUM BDEN PAS STONG BA MA RTOGS PA RTOGS PAR BYED PA DANG, RTOGS PA GONG 'PHEL DU BYED PA'I PHYIR DU GSUNGS PAR BSHAD PA'I SGO NAS DRANG DON DU 'GREL BA'I PHYIR, DE LTAR GSUNGS PA YANG YIN TE, DE SKAD DU YANG SPYOD 'JUG LAS, YAN LAG 'DI DAG THAMS CAD NI, ,THUB PAS SHES RAB DON DU GSUNGS, ,DE YI PHYIR NA SDUG BSNGAL DAG ,ZHI BAR 'DOD PAS SHES RAB BSKYED, ,CES GSUNGS PA'I PHYIR, BCOM LDAN 'DAS TING NGE 'DZIN GYI SPYOD YUL ZHES SOGS KYI MDO DRANG DON DU 'GREL BA'I TSUL YOD DE, PHYI ROL SNANG BA YOD MIN TE, ,ZHES SOGS KYI MDO DRANG DON DU BKRAL BA DE BZHIN DU 'GREL BAR BYED PA'I PHYIR, KUN GZHI YOD PAR STON PA'I MDO DRANG DON DU 'GREL BA'I TSUL YANG YOD DE, BDE GSHEGS SNYING PO RTAG BRTAN BDEN GRUB STON PA'I MDO DES DRANG DON DU 'GREL BA'I PHYIR, DE DRANG DON DU 'GREL BYED KYI MDO DE GANG, 'GREL TSUL JI LTA BU ZHE NA, DE'I MTSAN GZHI YOD DE, LANG GSHEGS LAS, DE BZHIN DU BCOM LDAN 'DAS KYIS MDO BRJOD PA LAS, DE BZHIN GSHEGS PA'I SNYING PO GSUNGS PA DE BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PA NYID, MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DE BCOM LDAN 'DAS KYIS RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR PHUNG PO DANG KHAMS DANG SKYE MCHED KYI GOS KYIS BKRIS PA 'DOD CHAGS DANG, ZHE SDANG DANG GTI MUG GIS ZIL GYIS GNON PA YONGS SU RTOG PA'I DRI MAS DRI MA CAN DU GYUR PA RTAG PA BRTAN PA THER ZUG PAR NI BRJOD NA, BCOM LDAN 'DAS KYIS DE BZHIN GSHEGS PA'I SNYING PO SMRA BA 'DI NI MU STEGS BYED KYIS @144B BDAG TU SMRA BA DANG, JI LTAR 'DRA BA MA LAGS, BCOM LDAN 'DAS MU STEGS BYED RNAMS KYANG, RTAG PA BYED PA PO YON TAN MED PA KHYAB PA MI 'JIG PA'O, ,ZHES BDAG TU SMRA BA STON PAR BGYID DO, ,BCOM LDAN 'DAS KYIS BKA' STZAL PA, BLO GROS CHEN PO NGA YIS DE BZHIN GSHEGS PA'I SNYING PO BSTAN PA NI, MU STEGS BYED GYI BDAG TU SMRA BA DANG MTSUNGS PA MA YIN TE, BLO GROS CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, STONG PA NYID DANG, YANG DAG PA'I MTHA' DANG, MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING PO BSTAN PAR BYAS NAS, BYIS PA RNAMS BDAG MED PAS 'JIGS PAR 'GYUR BA'I GNAS RNAM PAR SPANG BA'I DON DU, DE BZHIN GSHEGS PA'I SNYING PO'I SGRA BSTAN PAS, RNAM PAR MI RTOG PA'I GNAS, SNANG BA MED PA'I SPYOD YUL STON TE, BLO GROS CHEN PO MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU MNGON PAR ZHEN PAR MI BYA'O, ,ZHES SOGS KYI MDOS DRANG DON DU 'GREL BA'I PHYIR, DES DRANG DON DU 'GREL BA'I TSUL YANG YOD DE, DGONGS GZHI DGOS PA DNGOS LA GNOD BYED GSUM GYIS [*GYI] SGO NAS DRANG DON DU 'GREL BA'I PHYIR TE, DE DGONGS GZHI CHOS NYID LA DGONGS PA DANG, DGOS PA MU STEGS BYED BDAG LA ZHEN PA'I BAG CHAGS CAN RNAMS LA BDAG MED GNYIS BSTAN NA SKRAG PAR 'GYUR BA'I SKRAG PA SPONG BA'I DGOS PA YOD PA DANG, DNGOS LA GNOD BYED BDE GSHEGS SNYING PO BDEN GRUB TU 'DOD PA DANG, MU STEGS BYED KYIS BDAG RTAG PAR 'DOD PA GNYIS MTSUNGS PAR STON PA'I LUNG RIGS RNAMS KYIS GNOD PA'I PHYIR, MDO DES KUN GZHI YOD PAR STON PA'I MDO DRANG DON DU 'GREL BA'I RGYU MTSAN YOD DE, MDO DE GNYIS DGONGS GZHI DGOS PA DNGOS LA GNOD BYED GSUM MTSUNGS PA'I PHYIR, DGONGS GZHI CHOS NYID LA DGONGS PA MTSUNGS PA YIN TE, DE SKAD DU YANG RANG 'GREL LAS, DNGOS PO THAMS CAD KYI RANG BZHIN RJES SU ZHUGS PA'I PHYIR STONG PA NYID KHO NA, KUN GZHI'I RNAM PAR SHES PA'I SGRAS BSTAN PAR RIG PAR BYA'O, ,ZHES GSUNGS PA'I PHYIR DANG, RGYAN STUG PO BKOD PA'I MDO LAS KYANG, SA RNAMS SNA TSOGS KUN GZHI STE, ,BDE GSHEGS SNYING PO DGE BA'ANG DE, ,SNYING PO DE LA KUN GZHI'I @145A *, ,SGRAS; ;DE BZHIN GSHEGS RNAMS STON PAR MDZAD, ,SNYING PO KUN GZHIR BSGRAGS PA YANG, ,BLO ZHAN RNAMS KYIS MI SHES SO, ,ZHES GSUNGS PA DANG, CHOS MNGON PA LAS, ,THOG MA MED PA'I DUS KYI KHAMS, ,CHOS RNAMS KUN GYI GNAS YIN TE, ,'DI YOD PAS NA 'GRO KUN GYIS; ;MYA NGAN 'DAS PA'ANG 'THOB PAR 'GYUR, ,ZHES GSUNGS PA'I PHYIR, DGOS PA DANG DNGOS LA GNOD BYED YOD DE, SNGAR BDE GSHEGS SNYING PO BDEN GRUB TU STON PA'I MDO DRANG DON DU 'GREL BA'I SKABS BZHIN SHES PAR BYA BA YIN PA'I PHYIR, BDE GSHEGS SNYING PO BDEN GRUB TU STON PA'I MDO DANG, DE BZHIN GSHEGS PA'I SNYING PO'I MDO GNYIS MI GCIG STE, DANG PO NI STONG GSUM DAR YUG CHEN PO'I TSAD KYI MDO YIN ZHING, DES BDE GSHEGS SNYING PO BDEN PAR GRUB PA DE SEMS CAN THAMS CAD KYI RGYUD LA YOD PA DANG, SEMS CAN THAMS CAD KYI RGYUD LA STOBS SOGS KYI YON TAN RNAMS RANG CHAS SU YOD PAR BSTAN, DE BZHIN GSHEGS PA'I SNYING PO'I MDO LAS, SEMS CAN GYI RGYUD KYI SEMS BDEN PAS STONG BA'I RANG BZHIN GNAS RIGS DE RANG BZHIN GYIS RNAM PAR DAG PA YIN KYANG, BLO [*GLO] BUR GYI DRI MAS MA DAG BAR DU STOBS SOGS KYI YON TAN MNGON DU MI 'GYUR BA DANG, DES DAG PA NA STOBS SOGS KYI YON TAN MNGON DU 'GYUR BA DON DGU DPE DGU'I SGO NAS RGYAS PAR BSTAN, DE BZHIN DU THEG PA CHEN PO'I RGYUD BLA MAS KYANG RGYAS PAR GTAN LA PHABS PA'I PHYIR, LUGS 'DIR KUN GZHI MED NA, DE YOD PAR 'DOD PA'I LUGS LA, KUN GZHI'I NGO BO DANG BYED LAS DE DAG GANG, RANG LUGS LA, DE MED PA'I RGYU MTSAN JI LTA BU YIN ZER NA, DE KHAS LEN PA'I LUGS LA DE'I NGO BO DANG BYED LAS KYI KHYAD PAR YOD DE, NGO BO MA SGRIB LUNG MA BSTAN DU GYUR PA'I RNAM SMIN GYI CHOS DANG, BYED LAS SKYE BA SNGA MA NAS 'DIR SKYE SEMS DANG, 'DI NAS PHYI MAR 'CHI SEMS DANG, KUN KHYAB [*BYANG] GI SA BON 'DZIN PA'I GZHI BYED PA DANG, LUS KUN LA KHYAB PA DANG; LUS KUN GNAS PA'I RTEN BYED PA'I KHYAD CHOS CAN DU 'DOD PA'I PHYIR, DE DAG GIS NYON YID JI LTAR 'DOD PA'I TSUL YOD DE, NGO BO SGRIB LUNG MA BSTAN DANG KUN GZHI LA DMIGS NAS NGA'O SNYAM DU 'DZIN PA DANG, 'KHOR BDAG TU LTA BA DANG, BDAG TU RMONGS PA DANG, BDAG TU NGA RGYAL BA DANG, BDAG @145B TU CHAGS PA DANG LDAN PA DANG RTEN GYI GANG ZAG GANG DU RTOGS [*GTOGS] PA'I SA DE NYID KYIS BSDUS PA DANG, DGRA BCOM PA'I 'BRAS BU THOB PA DANG, 'DAS LAM MNGON DU GYUR PA DANG, 'GOG PA LA MNYAM PAR BZHAG PA'I GNAS SKABS GSUM DU MI 'JUG PA'I KHYAD PAR CAN DU 'DOD PA'I PHYIR, DE DAG [*GIS] KUN GZHI DANG NYON YID LUNG RIGS GNYIS KYIS SGRUB PA YIN TE, LUNG NI, LEN PA'I RNAM PAR SHES PA ZAB CING PHRA, ,ZHES SOGS DANG, RGYAN STUG PO BKOD PA LAS, JI LTAR ZLA BA SKAR TSOGS DANG, ,MKHA' LA LHAN CIG RGYU BA LTAR, ,DE BZHIN KUN GZHI'I RNAM SHES KYANG, ,RNAM SHES BDUN DANG LHAN CIG GNAS, ,ZHES PA'I LUNG GIS SGRUB PA'I PHYIR DANG, RIGS PA SRID RTZE'I RTEN CAN GYI PHYIR MI 'ONG GIS CI YANG MED KYI DNGOS GZHI LA BRTEN NAS LAM ZAG MED MNGON DU BYAS PA DE'I TSE NA DE GNYIS KYIS 'GRO BA LDOG PA LA SOGS PA'I RIGS PA CHEN PO BRGYAD KYIS SGRUB PA'I PHYIR, RANG LUGS LA, KUN GZHI MI BZHED PA'I RGYUN MTSAN BSHAD PA LA, DE LTA BU'I KUN GZHI MED PAR THAL, DE YOD NA DGE MI DGE'I LAS KYI BAG CHAGS BSGO GZHI YIN DGOS PA LAS, DE MED KYANG LAS DE GNYIS KYI BAG CHAGS BSGO GZHI YOD PA'I PHYIR, DER THAL, DE SKAD DU YANG RANG 'GREL LAS, DE'I PHYIR DE LTA NA BDEN PA GNYIS KA DU [*GAR] YANG RANG BZHIN MED PA ZHES GSUNGS PA'I PHYIR RO; ;GZHAN YANG, DE LTA BU'I KUN GZHI DE MED PAR THAL, DE YOD NA, DGONGS 'GREL DANG, THEG BSDUS DANG, GTAN LA DBAB PA BSDU BA DANG, SUM CU PA RTZA 'GREL DANG, BYAMS CHOS PHYI MA GSUM 'GREL PA DANG BCAS PA LAS JI LTAR BSHAD PA LTAR GYI KUN GZHI YOD DGOS PA LAS, DE YOD PA DRANG NGES KYI LUNG GIS MI 'GRUB CING, KHAS KYANG LEN PA MI RIGS PA'I PHYIR, KHAS LEN MI RIGS PAR THAL, SUM CU PA LAS, DE LA LEN PA DAG DANG GNAS, ,SNANG BA'I RNAM PAR RIG PA NI, ,SKYE'O, ZHES BCUD KYI SEMS CAN GYI LUS DANG, SNOD KYI 'JIG RTEN RNAMS, KUN GZHI'I BAG CHAGS BZHAG PA SMIN PA'I SNANG BA TZAM YIN PAS, KUN GZHI LA DMIGS PA MA CHAD PAR GSUNGS, DE YOD NA PHYI DON MED DGOS PA LAS PHYI DON YOD PA'I PHYIR, GZHAN YANG, DE LTA BU'I KUN GZHI MED PAR THAL, DE MA BRTAGS MA DPYAD PAR 'JUG PA'I THA SNYAD PA'I TSAD MAS MI 'GRUB, BRTAGS SHING BTZAL NAS RNAM SHES TSOGS BRGYAD KYI @146A *, ,YA GYAL DU GYUR PA'I KUN GZHI RNYED NA, BRTAGS DON BTZAL BA'I TSE NA RNYED PA'I CHOS MED PA DANG 'GAL BA'I PHYIR, GZHAN YANG, DE LTA BU'I KUN GZHI MED PAR THAL, DE YOD NA, DE 'JIG LTA LHAN SKYES KYI DMIGS YUL GYI GTZO BO YIN DGOS PA LAS PHUNG PO LNGA GA DANG, RNAM PAR SHES PA LA SOGS PA RE RE BA RNAMS DE'I DMIGS PA'I GTZO BO YIN PA 'JUG PA RTZA 'GREL GYIS BKAG PA'I PHYIR, MDOR BSDU NA KUN GZHI MED DE, DE YOD NA THA SNYAD BTAGS PA'I BRTAGS DON BTZAL BA'I TSE NA RNYED PA'I CHOS YOD DGOS PA LAS MED PA DANG, RANG BZHIN GYIS GRUB PA'I CHOS MED PA DANG, PHYI DON YOD PAR KHAS BLANGS PA DANG 'GAL BA'I PHYIR, KHA CIG NA RE, DPAL LDAN ZLA BAS KUN GZHI STON PA'I MDO DRANG DON DU 'DOD PA YIN GYI, KUN GZHI MED PAR 'DOD PA MA YIN TE, DE MED NA PHUNG PO DANG GANG ZAG KYANG MED PAR 'DOD DGOS PAR THAL, KUN GZHI MED PA GANG ZHIG ,'JUG PA LAS, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CING, ,ZHES GSUNGS PA'I PHYIR, DE LTAR YIN KYANG RANG 'GREL LAS, DBANG PHYUG KUN GYI BYED PA POR GSUNGS PA DANG KUN GZHI BYED PA POR GSUNGS PA GNYIS NI MI RTAG PA DANG, RTAG PAR 'DOD PA'I KHYAD PAR TZAM DU ZAD DO, ,ZHES GSUNGS PA DANG 'GAL BA'I SKYON MED DE, DE GNYIS BYED PA POR 'DOD PA MTSUNGS PA'I DON YIN GYI, DE GNYIS YOD MED MTSUNGS PA'I DON MA YIN PA'I PHYIR, DE MED NA, JI LTAR ZLA BA SKAR TSOGS DANG, ,ZHES SOGS KYI LUNG DON 'GOG RIGS PAR THAL, KUN GZHI MED PA'I PHYIR, KHO NA RE, GZHAN YANG DE YOD PAR THAL, GSER 'OD DAM PA LAS, RNAM SHES TSOGS BRGYAD KYI GNAS 'GYUR SO SOR GSUNGS PA'I PHYIR ZER NA, DPAL LDAN ZLA BAS KUN GZHI YOD PAR STON PA'I MDO DRANG DON DU 'DOD PA'I DON DE, DE DRANG DON DGONGS PA CAN YIN PA LA BYED DAM, KUN GZHI KUN RDZOB BDEN PA YIN PA LA BYED, DANG PO LTAR NA KUN GZHI MED PAR THAL; DE DRANG DON DGONGS PA CAN GYI MDO YIN PA'I PHYIR, GNYIS PA LTAR NA, MDO DE'I DGONGS GZHI STONG NYID DE KUN GZHI MA YIN KYANG, DGOS PA'I DBANG GIS DGONGS GZHI DE LA DGONGS NAS KUN GZHI YOD PAR BSTAN PA DANG, DGOS PA BDAG RTAG PAR LTA BA'I BAG CHAGS CAN GYI MU STEGS RNAMS RJES @146B SU 'DZIN PA'I DGOS PA DANG, DNGOS LA GNOD BYED BDAG RTAG PAR BYED PA POR 'DOD PA [*DANG], KUN GZHI BYED PA POR 'DOD PA MTSUNGS PAR STON PA'I RIGS PA GSUM GYIS DRANG DON DU 'GREL BA MA YIN PAR THAL, KUN GZHI DE RNAM SHES TSOGS BRGYAD KYI YA GYAL DU GYUR PA'I KUN RDZOB BDEN PA YIN PA'I PHYIR DANG, STONG NYID RNAM SHES MA YIN PA'I PHYIR, DE LA KHO NA RE, KUN GZHI BDEN GRUB TU STON PA'I MDO DRANG DON DGONGS PA CAN YIN PA'I DON YIN ZER NA, 'O NA, PHUNG PO DANG GANG ZAG MED PAR THAL, KUN GZHI MED PA'I PHYIR ZHES PA'I THAL BA DE, DE DAG BDEN PAR MED PAR THAL ZER RAM, DE DAG MED PAR THAL ZER, DANG PO LTAR NA, 'DOD PA KHO NA'O; ;DPAL LDAN ZLA BAS BDEN GRUB THA SNYAD TZAM DU YANG MI BZHED PA KHYOD RANG YANG 'DOD PA'I PHYIR, PHYI MA LTAR NA MI RIGS TE, 'BREL MED DU 'GYUR BA'I PHYIR, GZHAN YANG, DPAL LDAN ZLA BAS KUN GZHI MED PAR BZHED PAR THAL, MU STEGS BYED KYIS DBANG PHYUG KUN GYI BYED PA POR 'DOD PA DANG, SEMS TZAM PAS KUN GZHI BYED PA POR 'DOD PA GNYIS MTSUNGS PAR STON BYED KYI RIGS PA LA BRTEN NAS KUN GZHI MED PAR GRUB PA'I PHYIR DANG, DE YOD NA, SNOD BCUD KYI 'JIG RTEN RNAMS KUN GZHI'I STENG DU BAG CHAGS BZHAG PA SMIN PA LA BRTEN NAS BYUNG BA'I SNANG BA TZAM YIN DGOS, DE LTA NA PHYI DON MED DGOS PA LAS YOD PAR BZHED PA'I PHYIR, DE LTA MA YIN NA DBU MA THAL RANG GNYIS KYIS MDO SDE DGONGS 'GREL GYI DON BKAG PAR THAL, DE GNYIS KYIS GZHAN DBANG BDEN GRUB TU STON PA'I DGONGS 'GREL GYI MDO DRANG DON DGONGS PA CAN DU BKRAL BA'I PHYIR, KHYAB PA KHAS, KHYOD RANG NYID LA'ANG, RANG BZHIN MED CING RNAM RIG MED, ,KUN GZHI MED CING DNGOS MED NA, BYIS PA NGAN PA RTOG GE PA, ,RO DANG 'DRA BAS 'DI DAG RTAG ,CES PA'I MDO DON BKAG PAR THAL, KHYOD KUN GZHI YOD PAR 'DOD PA'I PHYIR, KHYAB PA SNGA PHYI KHAS BLANGS, GZHAN YANG, KHYOD LTAR NA, MDO YIN NA SGRA JI BZHIN PA'I MDO YIN DGOS PAR THAL, MDO GNYIS KYI SGRAS ZIN DRANG DON DU BKRAL NA, MDO THAMS CAD BKAG DGOS PA'I PHYIR, KHO NA RE, DPAL LDAN ZLA BA KUN GZHI BZHED PAR THAL, MGON PO KLU SGRUB DE BZHED PA'I PHYIR, DE SKAD DU YANG, BYANG CHUB SEMS 'GREL LAS, JI LTAR KHAB LEN DANG NYE BAS, ,LCAGS NI MYUR DU YONGS SU 'KHOR, ,DE LA SEMS NI YOD MIN TE, ,SEMS DANG LDAN BZHIN SNANG BAR 'GYUR, ,DE BZHIN KUN @147A *, ,GZHI'I RNAM SHES NI, ,BDEN MIN BDEN PA BZHIN DU NI, ,GANG TSE 'GRO 'ONGS G-YO BAR 'GYUR, ,DE TSE SRID PA 'DZIN PAR BYED, ,JI LTAR RGYA MTSO LA NI SHING, ,SEMS NI MED KYANG G-YO BAR 'GYUR, ,DE BZHIN KUN GZHI'I RNAM SHES NI, ,LUS LA BRTEN NAS G-YO BA YIN, ,ZHES GSUNGS PA'I PHYIR, ZER NA, SKYON MED DE, GZHUNG DE PHYI DON MED CING SHES PA BDEN GRUB TU 'DOD PA'I SEMS TZAM PA 'GOG CES PA'I DON YIN PA'I PHYIR, DE'I TSUL YANG YOD DE, SEMS KYI RANG BZHIN GNAS GYUR PA'I RANG BZHIN RNAM DAG BDEN PAR GRUB PA DE, SO SO RANG RIG PA'I YE SHES KYI YUL YIN PA DE BKAG PA NA, SEMS TZAM PA NA RE LAS KYI BAG CHAGS BSGO GZHIR GYUR PA'I YID KYI RNAM PAR SHES PA BDEN PAR MA GRUB PAR THAL, DE'I GNAS LUGS RANG BZHIN RNAM DAG BDEN PAR MA GRUB PA'I PHYIR, 'DOD NA, DES SKYE BA SNGA MA NAS 'DIR SKYE SEMS DANG, 'DI NAS PHYI MAR 'CHI SEMS MI 'THAD PAR THAL, DE BDEN PAR MA GRUB PA'I PHYIR; ZHES ZER BA LA SKYON MED DE, DE BDEN PAR MA GRUB KYANG BDEN PAR SNANG BA'I SGO NAS SKYE BA SNGA MA NAS 'DIR SKYE SEMS DANG, 'DI NAS PHYI MAR 'CHI SEMS BYED PA'I PHYIR, DER THAL, DPER NA, LCAGS DANG SHING LA SEMS MED KYANG, RDO KHAB LEN DANG NYE BA NA SEMS YOD PA LTAR G-YO BA LTA BU YIN PA'I PHYIR, ZHES BKAG PA YIN PA'I PHYIR, DES NA MGON PO KLU SGRUB KUN GZHI MI BZHED DE, DE BZHED NA PHYI DON MI BZHED DGOS PA LAS, DES DON SHES GNYIS YOD MED MTSUNGS PAR BZHED PA'I PHYIR, DER THAL, GZHUNG DE NYID KYI, SHES PAS SHES BYA RTOGS PA STE, ,ZHES SOGS GSUNGS PA'I PHYIR, GZHAN DBANG YONGS GRUB BDEN PAR GRUB PA'I MTSAN NYID GSUM GYI RNAM GZHAG STON PA'I MDO DRANG DON GYI MDO YIN NA, LUGS 'DI'I MTSAN NYID GSUM GYI RNAM GZHAG DE JI LTA BU ZHE NA, DE LA BDAG MED PHRA RAGS GNYIS KYI DBANG DU BYAS PA'I MTSAN NYID GSUM GYI 'JOG LUGS GNYIS LAS, BDAG MED PHRA MO'I DBANG DU BYAS PA'I MTSAN NYID GSUM GYI 'JOG TSUL YOD DE, DPER NA, SBRUL DE THAG KHRA'I STENG DU RANG 'DZIN RTOG PAS BTAGS TZAM GYI KUN BTAGS DANG, DES STONG BA THAG KHRA'I YIN TSUL DANG, SBRUL DE RANG 'DZIN SHES PA'I NGO BOR SBRUL DNGOS SU YONGS SU GRUB PA DE BZHIN DU, RANG BZHIN GCIG NYID KYANG GZHI SO SO LA BLTOS @147B NAS KUN BTAGS DANG, YONGS GRUB TU 'GYUR TSUL YOD DE, RANG BZHIN DE RTEN 'BREL 'DUS BYAS KYI STENG DU RANG 'DZIN RTOG PAS BTAGS PA TZAM GYI KUN BTAGS DANG, MIG SHES LA SOGS PAS BZUNG BZHIN PA'I RTEN CING 'BREL BAR 'BYUNG BA GZUGS BRNYAN DANG 'DRA BA'I GZUGS LA SOGS PA'I STENG DU, KUN BTAGS PA'I RANG BZHIN DE, DE RNAMS KYI RANG BZHIN JI LTAR GZIGS PA'I GZIGS NGOR RANG BZHIN DNGOS YIN PA'I PHYIR, DANG PO DER THAL, RANG BZHIN YIN NA NGO BO RGYU RKYEN GYIS MA BSKYED PA, 'JOG BYED GZHAN LA RAG MA LAS PA DANG, GNAS SKABS GZHAN NAS GZHAN DU MI 'GYUR BA'I KHYAD CHOS GSUM LDAN YIN DGOS PA'I PHYIR, 'DUS BYAS YIN NA; RANG GI RGYU RKYEN GYIS BSKYED DGOS PA SOGS YIN PA'I PHYIR, DER THAL, DE SKAD DU YANG, RTZA SHES LAS, RANG BZHIN DAG NI BCOS MIN DANG, ,GZHAN LA BLTOS PA MED PA YIN, ,ZHES GSUNGS PA'I PHYIR, RTAGS PHYI MA DER THAL, RNAM MKHYEN GYIS JI LTA BA GZIGS PA'I GZIGS NGOR JI SNYED PA MA GZIGS KYANG, MNYAM GZHAG DES JI SNYED PA MA GZIGS PA'I TSUL GYIS JI LTA BA GZIGS PA'I SANGS RGYAS DANG, THAMS CAD MKHYEN PA ZHES BRJOD PA'I PHYIR, DES NA MTSAN NYID GSUM GYI 'JOG LUGS GNYIS GSUNGS PA LAS, NYI KHRI BYAMS ZHUS KYI LE'U LAS GSUNGS PA DE RANG LUGS SU KHAS LEN ZHING, DE YONGS SU RDZOGS PA'I MTSAN NYID GSUM GYI RNAM GZHAG DANG, MDO DGONGS 'GREL LAS SEMS TZAM PA'I 'DOD PA LTAR GYI MTSAN NYID GSUM GYI RNAM GZHAG GSUNGS PA DE, SEMS TZAM PA'I RIGS CAN RJES SU 'DZIN PA'I PHYIR DU GSUNGS PA RANG LUGS LA KHAS MI LEN PAS YONGS SU MA RDZOGS PA'I MTSAN NYID GSUM GYI RNAM GZHAG YIN PA'I PHYIR, DER THAL, RANG 'GREL LAS, DPER NA, SBRUL THAG PA BSDOGS PA'I RTEN CING 'BREL BAR 'BYUNG BA LA BTAGS PA YIN TE, *DE DE LA YOD PA MA YIN PA'I PHYIR, DE SBRUL DNGOS LA NI YONGS SU GRUB PA YIN TE KUN TU MA BTAGS PA'I PHYIR, DE BZHIN DU RANG BZHIN YANG GZHAN GYI DBANG BYAS PA CAN LA NI KUN TU BTAGS PA YIN TE, RANG BZHIN DAG NI BCOS MIN DANG, ,GZHAN LA BLTOS PA MED PA YIN, ,ZHES 'BYUNG BAS NGO BO NYID NI BYAS PA CAN MA YIN TE, GZUNG BZHIN PA'I RTEN CING 'BREL BAR 'BYUNG BA BYAS PA CAN LA NI GZUGS BRNYAN DANG 'DRA BA LA, BTAGS PA GANG YIN PA DE NI SANGS RGYAS KYI SPYOD YUL LA NI DNGOS YIN TE, KUN TU MA BRTAGS @148A *, ,PA'I PHYIR TE, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PA DE NYID THUGS SU CHUD PA'I PHYIR, SANGS RGYAS ZHES BRJOD DO, ,DE'I PHYIR DE LTAR BTAGS PA DANG GZHAN GYI DBANG DANG YONGS SU GRUB PA ZHES BYA BA'I NGO BO NYID GSUM RNAM PAR DAG PA RTOGS PAR BYAS NAS, MDO'I DGONGS PA RNAM PAR BSHAD PAR BYA'O, ,ZHES GSUNGS PA'I PHYIR, DE LTAR BYAS NA GZUGS NAS RNAM MKHYEN GYI BAR GYI CHOS THAMS CAD RANG GI GNAS LUGS GTAN LA 'BEBS PA'I DBANG DU BYAS PA'I GZHAN DBANG DANG, DE'I STENG DU BDEN GRUB TU SGRO BTAGS PA KUN BTAGS DANG, BTAGS PA LTAR DU GRUB PAS STONG BA YONGS GRUB TU 'JOG PA YIN TE, DPER NA, THAG KHRA DE RANG NYID KYI STENG DU SBRUL 'DOGS PA'I GZHI GZHAN DBANG DANG, DE'I STENG DU SBRUL DU SGRO BTAGS PA KUN BTAGS DANG, BTAGS PA LTAR DU GRUB PAS STONG BA THAG KHRA'I YIN TSUL DANG, SBRUL DE SBRUL DNGOS KYI STENG DU YONGS SU GRUB PA LTA BU YIN PA'I PHYIR, 'DIR PHYI DON MED PA'I SHES PA BDEN GRUB BKAG PA LA, PHYI DON MED PAR STON PA'I MDO DANG 'GAL BA'I SKYON MED DE, DE'I DON PHYI ROL GYI GZUGS RANG BZHIN GYIS GRUB PA KHEGS NA RANG BZHIN GYIS GRUB PA KHEGS SLA BA LA DGONGS PA'I PHYIR, DE LTAR BYAS NA RIGS PA DE DAG LA BRTEN NAS, STONG NYID DNGOS BSTAN BSTAN BYA'I GTZO BOR BYAS NAS STON PA'I SGRA JI BZHIN PA'I MDO NGES DON GYI MDO DANG, STONG NYID DNGOS BSTAN BSTAN BYA'I GTZO BOR BYAS NAS MI STON PA'I MDO DRANG DON GYI MDOR GRUB PA YIN TE, SGRA JI BZHIN PA MA YIN PA'I MDO DANG, SGRA JI BZHIN PA'I MDO GNYIS LAS, DANG PO DRANG DON DGONGS PA CAN DANG, PHYI MA LA GRANGS [*DRANG] NGES KYI MDO GNYIS LAS, KUN RDZOB BDEN PA DON DAM BDEN PA YIN PA BKAG PA LA BRTEN NAS DE LTAR GRUB PA'I PHYIR, GNYIS LAS SKYE BA'ANG RIGS PA'I NGO BO MA YIN GANG GI PHYIR, ZHES SOGS KYI SKABS SU, GCER BU PA KHA CIG ,BDAG SKYE DANG GZHAN SKYE LA SNGAR BSHAD PA'I RIGS PA DE DAG GIS GNOD PAS MI 'THAD KYANG, GNYIS KA LAS SKYE BA YOD DE, SKYES BU LHAS BYIN DE RANG GI BDAG NYID DU GYUR PA'I SROG DBANG LAS SKYE BAS BDAG LAS SKYE BA DANG, RANG GI PHA MA SOGS LAS SKYE BAS GZHAN LAS SKYE BAS GNYIS KA LAS SKYE BA YIN PA'I PHYIR NA, DE MI 'THAD PAR THAL, DE LTAR 'DOD PA LA SNGAR BSHAD PA'I RIGS PA DE DAG GIS GNOD PA'I PHYIR, GAL TE RGYU MED @148B KHO NAR SKYE BAR LTA ZHIG 'GYUR NA NI, ZHES SOGS KYI SKABS SU, KHA CIG ,BDAG GZHAN RE RE BA DANG, GNYIS KA LAS SKYE BA LA SNGAR BSHAD PA'I RIGS PA DE DAG GIS GNOD PAS MI 'THAD KYANG RGYU MED LAS SKYE BA YOD DE, RMA BYA'I MDONGS KYI KHRA BO'I KHYAD PAR RNAMS BYED PA PO SU YANG MED PAS RGYU MED LAS SKYE BA'I PHYIR DANG, TSE 'DI'I BDE SDUG RNAMS SKYE BA SNGA MA'I LAS LA BRTEN NAS SKYES PA MA YIN PAR, 'BYUNG BA'I NUS PA SMIN PA LA BRTEN NAS SKYES PA YIN PA'I PHYIR, DPER NA, 'BYUNG BA'I NUS PA SMIN PA LA BRTEN NAS SKYES BU MYOS PA'I NUS PA 'BYUNG BA'I PHYIR ZER NA, DE MI 'THAD PAR THAL, DE LTAR YIN NA, DNGOS PO DUS THAMS CAD DU SKYE BA 'AM; YANG NA GTAN NAS MI SKYE BA'I SKYON YOD PA'I PHYIR DANG, STON DUS SU LO TOG PHUN SUM TSOGS PA 'BYUNG BA'I PHYIR DU, DPYID DUS SU SA BON 'DEBS PA SOGS KYI DE'I BRTZON PA DON MED DU 'GYUR BA'I PHYIR, 'BYUNG BA RANG BZHIN GYIS GRUB PA'I NUS PA LAS, SKYES BU MYOS PA'I NUS PA SKYE BA DE MI 'THAD PAR THAL, 'BYUNG BA RANG BZHIN GYIS GRUB PA GONG DU BKAG ZIN PA'I PHYIR, RGYANG 'PHEN DE DAG GIS RGYU MED PA RGYUR BYAS NAS SKYE BA DANG, 'BRAS BU YIN NA RGYU MED LAS SKYE BAR 'DOD PA MA YIN TE, 'BYUNG BA'I NUS PA SMIN PA LA BRTEN NAS SKYES BU MYOS PA'I NUS PA SKYE BAR 'DOD PA'I PHYIR DANG, TSAD MA LA MNGON SUM TSAD MA KHO NAR GRANGS NGES PAR 'DOD PA DANG, MNGON SUM GYIS MTHONG BA LA BSNYON MI 'DING BA'I PHYIR, PHYI NANG GI DNGOS PO RNAMS CHOS CAN, RANG BZHIN GYIS MI SKYE STE, BDAG LA SOGS PA'I MTHA' BZHI PO GANG RUNG LAS MI SKYE BA'I PHYIR, KHYAB STE, RANG BZHIN GYIS SKYE NA, DE BZHI PO GANG RUNG LAS SKYE DGOS PA'I PHYIR, RANG BZHIN GYIS SKYE NA RGYU YOD MED GANG RUNG LAS SKYE DGOS, RGYU YOD PA LAS SKYE NA RANG DANG NGO BO GCIG PA'I RGYU DANG NGO BO THA DAD PA'I RGYU GANG RUNG LAS RANG BZHIN GYIS SKYE DGOS PA'I PHYIR, DES NA RANG BZHIN GYIS SKYE BA KHEGS TE, GONG DU BKAG ZIN PA'I PHYIR, ` NYON MONGS SKYON RNAMS MA LUS 'JIG TSOGS LA, ZHES SOGS KYI SKABS SU, MTHA' DPYAD PA LA, THAR 'DOD KYI SKYES BU RNAMS KYI THOG MAR BDAG DANG BDAG GI BA RANG BZHIN GYIS GRUB PA 'GOG DGOS PA'I RGYU MTSAN BSHAD PA DANG, BDAG DANG BDAG GI BA RANG BZHIN GYIS GRUB PA 'GOG PA'I TSUL DANG, BDAG DANG SHING RTA'I DPYAD PA DNGOS PO GZHAN LA BSGRE BAR BSTAN PA DANG GSUM, DANG PO LA, THAR 'DOD KYI SKYES @149A *, ,BU RNAMS KYI DE GNYIS RANG BZHIN GYIS GRUB PA 'GOG DGOS PA'I RGYU MTSAN YOD DE, BDAG DANG BDAG GI BA LA DMIGS NAS RANG NGOS NAS GRUB PAR 'DZIN PA'I 'JIG LTA SKYE DE GNYIS LA BRTEN NAS, CHAGS SOGS NYON MONGS GZHAN RNAMS DANG, ,SKYE RGA NA 'CHI LA SOGS PA'I 'KHOR BA'I RGUD PA RNAMS 'BYUNG, 'JIG LTA DE GNYIS LDOG NA DE THAMS CAD LDOG PA DANG, DE GNYIS MA LDOG NA DE THAMS CAD MI LDOG PA YIN PA'I PHYIR, DER THAL, DE LTAR LUNG GIS KYANG 'GRUB, RIGS PAS KYANG 'GRUB PA'I PHYIR, DANG PO DER THAL, DE SKAD DU YANG, BSLAB BTUS LAS, GANG ZAG STONG PA NYID NI DE LTAR SHIN TU GRUB PA YIN NO, ,DE'I PHYIR RTZA BA CHAD PAS NYON MONGS THAMS CAD KUN TU MI 'BYUNG NGO ZHES DANG, 'PHAGS PA DE BZHIN GSHEGS PA'I GSANG BA'I MDO LAS, JI SKAD DU ZHI BA'I BLO GROS 'DI LTA STE, DPER NA, SHING RTZA BA NAS BCAD NA YAL GA DANG, LO MA DANG, YAN LAG PHRA MO THAMS CAD BSKAMS PAR 'GYUR RO, ,ZHI BA'I BLO GROS DE BZHIN DU, 'JIG TSOGS LA LTA BA NYE BAR ZHI NA, NYON MONGS PA DANG NYE BA'I NYON MONGS PA THAMS CAD ZHI BAR 'GYUR RO, ,ZHES GSUNGS PA'I PHYIR DANG, DBU MA RIN CHEN PHRENG BA LAS, ,JI SRID PHUNG POR 'DZIN YOD PA, ,ZHES SOGS GSUNGS PA'I PHYIR, GNYIS PA DER THAL, BDAG DANG BDAG GI BA RANG NGOS NAS GRUB PAR BZUNG BA LA BRTEN NAS, RANG NGOS NAS GRUB PA'I YUL YID 'ONG DANG YID MI 'ONG DU SNANG BA'I TSUL MIN YID BYED KYI RNAM RTOG SKYE, DE LA BRTEN NAS YUL YID 'ONG LA DMIGS NAS MI 'BRAL BAR 'DOD PA'I 'DOD CHAGS DANG, YUL YID MI 'ONG LA DMIGS NAS 'BRAL 'DOD KYI ZHE SDANG SKYE, DE GNYIS KYI DBANG GIS DGE MI DGE'I LAS BSAGS, LAS DE'I DBANG GIS SKYE RGA NA 'CHI LA SOGS PA'I 'KHOR BA'I SDUG BSNGAL RNAMS MYONG DGOS PA'I PHYIR, 'JIG LTA GNYIS PO DE YANG BDAG DANG BDAG GI BA RANG BZHIN GYIS MED PAR MNGON SUM DU RTOGS PA LA BRTEN NAS SPONG DGOS PA YIN TE, DE SKAD DU YANG RNAM 'GREL LAS, 'DI YUL SUN PHYUNG MED PAR NI, ,DE SPONG BA NI NUS MA YIN, ,ZHES PA DANG, BZHI BRGYA PA LAS, BDAG MED RNAM PA GNYIS MTHONG NA, ,SRID PA'I SA BON 'GAG PAR 'GYUR, ,ZHES GSUNGS PA'I PHYIR, GNYIS PA LA BDAG RANG BZHIN GYIS GRUB PA BKAG PA DANG, BDAG GI BA RANG BZHIN GYIS GRUB PA DGAG PA @149B DANG GNYIS LAS, DANG PO LA, GZHAN SDES BTAGS PA'I PHUNG PO LAS NGO BO THA DAD PA'I BDAG DGAG PA DANG, RANG SDES BTAGS PA'I PHUNG PO NYID BDAG TU 'DOD PA DGAG PA DANG, DE GNYIS KYI LHAG MA'I PHYOGS RTEN DANG BRTEN PA SOGS GSUM DGAG PA DANG, DE NYID DANG GZHAN NYID DU BRJOD DU MED PA'I GANG ZAG RDZAS YOD DGAG PA, BDAG BRTEN NAS BTAGS PA TZAM DU BZHAG PA DPE DANG BCAS PAR BSHAD PA, DE LTAR BZHAG PA LA MTHAR 'DZIN GYI RTOG PA SPANGS SLA BA'I YON TAN BSHAD PA DANG DRUG LAS, DANG PO LA PHYOGS SNGA MA BRJOD PA DANG DE DGAG PA'O, ,DANG PO LA MU STEGS BYED RNAMS KYIS BDAG DE, RTAG PA'I DNGOS PO DANG, CHA MED KYI GCIG PU DANG, PHUNG PO LA DBANG SGYUR BA PO'I RANG DBANG CAN GYI KHYAD CHOS GSUM LDAN DU 'DOD PAR MTSUNGS SHING, DE RNAMS KYI NANG NAS GRANGS CAN PA DES BDAG RNAM SMIN LA LONGS SPYOD PA PO'I ZAB PA PO DANG RTAG PA'I DNGOS PO DANG, RNAM 'GYUR GYI BYED PA PO MIN PA DANG, RDUL MUN SNYING STOBS GSUM GYI YON TAN DANG MI LDAN PA DANG, KHYAB PA'I BYED PA PO YIN ZHING, BYA BA MIN PA'I YON TAN LNGA DANG LDAN PAR 'DOD PA DANG, BYE BRAG PA'I YON TAN DGU LDAN DU 'DOD PA DANG, RIG BYED PAS NAM MKHA' GCIG NYID SNOD SO SO LA BLTOS NAS, THA DAD DU 'JOG PA DE BZHIN DU, BDAG GCIG NYID PHUNG PO SO SO LA BLTOS NAS, GNAS SKABS DU MAR 'GYUR BAR 'DOD PA'I PHYIR, GRANGS CAN GYI [*GYIS] SHES BYA LA NYI SHU RTZA LNGA'I GRANGS NGES 'DOD PA YIN TE, SPYI GTZO BO'AM RANG BZHIN DANG, BLO'AM CHEN PO DANG, NGA RGYAL DANG, GZUGS SOGS DE TZAM LNGA DANG, MIG SOGS DBANG PO BCU GCIG DANG, SA SOGS 'BYUNG BA LNGA DANG, BDAG SHES RIG GI SKYES BU DANG, NYI SHU RTZA LNGAR 'DOD PA'I PHYIR, DE RNAMS KYI NANG NAS SPYI GTZO BO RANG BZHIN KHO NA YIN ZHING, RNAM 'GYUR MIN PA DANG, BLO DANG, NGA RGYAL DANG, GZUGS SOGS DE TZAM LNGA DANG BDUN PO RTZA BA'I RANG BZHIN LA BLTOS NAS RNAM 'GYUR DANG, RANG GI RNAM 'GYUR LA BLTOS NAS RANG BZHIN YIN PAS DE GNYIS KA YIN PA DANG, BDAG SHES RIG GI SKYES BU MA GTOGS PA'I LHAG MA BCU DRUG PO DE RNAM 'GYUR KHO NA YIN ZHING, RANG BZHIN MA YIN PA DANG, BDAG SHES RIG GI SKYES BU DE GNYIS KA MA YIN PAR 'DOD PA YIN TE, DE NYID KYI GZHUNG LAS, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM @150A *, ,'GYUR ZHING, ,BCU DRUG PO NI RNAM PAR 'GYUR BA STE, ,SKYES BU RANG BZHIN MA YIN RNAM 'GYUR MIN, ,ZHES 'BYUNG BA'I PHYIR DANG, MU STEGS BYED RNAMS KYIS RTAG GCIG RANG DBANG CAN GYI BDAG DE 'JIG LTA LHAN SKYES KYI DMIGS YUL DU GYUR PA'I KHYAD CHOS GSUM LDAN DU RANG BZHIN GYIS GRUB PAR 'DOD PA'I PHYIR, GNYIS PA DE DGAG PA LA, DE LTA BU'I BDAG DE RANG BZHIN GYIS MA GRUB PA DANG, 'JIG LTA LHAN SKYES KYI DMIGS YUL DU YANG RANG BZHIN GYIS MA GRUB PA DANG, THA SNYAD DU YANG RDZAS SU MA GRUB PA YIN TE, MO GSHAM GYI BU LTAR SKYE BA DANG BRAL BA'I PHYIR, RTAGS DPE DE GNYIS LA BRTEN NAS BDAG RANG BZHIN GYIS GRUB PA KHEGS PA MA ZAD, DE DAG GIS KHYAD CHOS ZA BA PO DANG, BDE SDUG RNAMS KYANG RANG BZHIN GYIS GRUB PA KHEGS TE, DE RNAMS KYANG MO GSHAM GYI BU LTAR SKYE BA DANG BRAL BA BDAG DANG MTSUNGS PA'I PHYIR, GZHAN YANG, DE LTA BU'I BDAG DE MED PAR THAL, DE YOD NA PHUNG PO LAS YAN 'GAR DU DMIGS DGOS PA LAS MA DMIGS PA'I PHYIR, GZHAN YANG, DE LTA BU'I BDAG DE MED PAR THAL, DE YOD NA 'JIG LTA LHAN SKYES KYI DMIGS YUL DU YOD DGOS PA LAS MED PA'I PHYIR, DER THAL, DE LTA BU'I BDAG MA MTHONG BA'I GANG ZAG LA 'JIG LTA LHAN SKYES RANG GI NGANG GIS SKYE BA YOD PA'I PHYIR, DES NA RTAG GCIG RANG DBANG CAN GYI BDAG KHYAD CHOS GSUM LDAN DU RANG BZHIN GYIS MA GRUB PAR THAL, DE GONG DU BKAG ZIN PA'I PHYIR, GNYIS PA NANG SDES BTAGS PA'I PHUNG PO NYID BDAG TU 'DOD PA DGAG PA LA, PHYOGS SNGA MA BRJOD PA DANG, DE DGAG PA GNYIS, DANG PO LA, NANG SDE GNAS MA BU BA DANG, KHA CHE BYE BRAG TU SMRA BA MA GTOGS PA'I MANG BKUR BA RNAMS NA RE, DGE SLONG DAG DGE SBYONG NGAM BRAM ZE GANG SU DAG GCIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO 'DI KHO NA LA YANG DAG PAR RJES SU BLTA'O, ,ZHES PA'I MDO LA BRTEN NAS PHUNG PO LNGA GA BDAG TU 'DOD, GNAS MA BU PA RNAMS PHUNG PO LAS DE NYID DANG, GZHAN NYID DU BRJOD DU MED PA'I BDAG RDZAS YOD GCIG 'JIG LTA'I DMIGS YUL SOGS SU 'DOD, KHA CHE BYE BRAG TU SMRA BA DANG, RIGS PA'I RJES 'BRANGS KYI SEMS TZAM PA DANG, KUN GZHI MI 'DOD PA'I DBU MA RANG RGYUD PA RNAMS, BDAG NYID @150B BDAG GI MGON YIN GYIS [*GYI], ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NA, ,MKHAS PAS MTHO RIS 'THOB PAR 'GYUR, ,BDAG NYID BDAG GI MGON YIN GYIS [*GYI], ,BDAG NYID BDAG GI DGRA YANG YIN, ,LEGS DANG NGAN PA BYED PA LA, ,BDAG NYID BDAG GI DPANG PO YIN, ,ZHES PA DANG, MDO GZHAN LAS, SEMS DUL BAS BDAG DUL BAR GSUNGS PA'I PHYIR, YID KYI RNAM PAR SHES PA 'DI NAS 'CHI SEMS DANG, PHYI MAR SKYE SEMS BYED PA'I RIGS PA LA BRTEN NAS YID KYI RNAM SHES BDAG TU 'DOD PA'I PHYIR, KHA CHE BYE BRAG TU SMRA BAS YID KYI RNAM PAR SHES PA BDAG TU 'DOD PA YIN TE, MDZOD 'GREL LAS, BDAG TU MNGON PAR BRJOD PA GANG YIN PA DE NI PHUNG PO'I RGYUN 'DI KHO NA LA 'JUG GI BRJOD PAR BYA BA GZHAN DAG LA MA YIN NO, ,ZHES GSUNGS PA'I PHYIR, DER MA ZAD MDO SDE PA, SLOB DPON LEGS LDAN 'BYED, 'PHAGS SENG GNYIS DANG BCAS PA YANG YID KYI RNAM SHES BDAG TU 'DOD PA YIN TE, RTOG GE 'BAR BA LAS, 'DI LTAR KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, 'DI LTAR RNAM PAR SHES PA NI YANG SRID PA LEN PA'I PHYIR BDAG YIN, ZHES LUS DANG DBANG PO'I TSOGS DAG LA YANG NYE BAR 'DOD PA'I PHYIR, ZHES GSUNGS PA'I PHYIR DANG, 'GREL CHEN LAS KYANG, RGYUN NYID GANG ZAG GCIG GO ,ZHES GSUNGS PA'I PHYIR, SLOB DPON TZANdA [*TZANDRA] GO MI KUN GZHI BDAG TU BZHED DE, KHO RANG GI GZHUNG LAS, GANG YANG KUN GZHI'I RNAM PAR SHES, ,ME LONG YE SHES NYID GYUR PA, ,ZHES GSUNGS PA'I PHYIR, LA BA PA DE LTA BU'I GNAS 'GYUR BZHED PA KHO RANG GI GZHUNG LAS 'BYUNG, DE DAG THAMS CAD KYIS BDAG GI MTSAN GZHI DE DAG 'JIG LTA LHAN SKYES KYI DMIGS YUL DU GYUR PA'I RANG BZHIN GYIS GRUB PA'I BDAG TU 'DOD PA DE NYID 'GOG GO ,SLOB DPON LEGS LDAN 'BYED LA SOGS PA DANG PO NYID NAS THEG DMAN DU RIGS NGES KYI THEG DMAN LA CHOS KYI BDAG MED PHRA MO MNGON SUM DU RTOGS PA MED PAR 'DOD PA RNAMS KYI LUGS LA, NYAN RANG GNYIS GANG ZAG RANG LDOG NAS RANG RKYA THUB PA'I RDZAS YOD KYIS STONG BA RTOGS PAR 'DOD PA YIN GYI, DE'I GZHI LDOG TU GYUR PA'I RNAM PAR SHES PA RANG RKYA THUB PA'I RDZAS KYIS STONG BA RTOGS PAR 'DOD PA MA YIN TE, GANG ZAG RANG LDOG NAS BTAGS YOD DANG, DE'I GZHI LDOG TU GYUR PA'I YID KYI RNAM PAR SHES PA RDZAS YOD DU 'DOD PA'I PHYIR, DER THAL, @151A *, ,DE SKAD DU YANG, RNAM BSHAD DGONGS PA RAB GSAL LAS, GANG ZAG RANG RKYA THUB PA'I RDZAS SU MED PAR SMRA BA NI, GANG ZAG RANG GI LDOG PA NAS 'DOD PA YIN GYI GANG ZAG GI MTSAN GZHI RNAM PAR SHES PA LA DE LTAR 'DOD PA MA YIN NO, ,ZHES GSUNGS PA'I PHYIR, KHA CIG ,MANG BKUR BAS PHUNG PO LNGA BDAG TU MI 'DOD PA DANG, KHA CHE BYE BRAG TU SMRA BA NAS RANG RGYUD PA'I BAR GYI [*GYIS] KUN GZHI DANG YID KYI RNAM SHES SOGS BDAG TU MI 'DOD DO ZER NA, DE MI 'THAD PAR THAL, DE DAG NI NYE BAR LEN PA'I PHUNG PO LNGA PO 'DI KHO NA, ZHES SOGS DANG, BDAG NYID BDAG GI MGON YIN GYI, ,ZHES SOGS DANG, LEN PA'I RNAM PAR SHES PA ZAB CING PHRA, ,ZHES SOGS KYI MDO RNAMS SGRA JI BZHIN DU KHAS BLANGS PA'I PHYIR, DE LTA MA YIN NA, DPAL LDAN ZLA BA GRAGS PAS, 'JIG LTA LHAN SKYES KYI DMIGS YUL DU GYUR PA'I BDAG RANG BZHIN GYIS GRUB PA 'GOG PA DE'I TSE NA, LNGA CHAR YANG 'DOD KHA CIG SEMS GCIG 'DOD, , CES PHYOGS SNGA MA BRJOD NAS BKAG PA DE PHYOGS SNGA MA MA LON PAR THAL, KHYOD KYI DAM BCA' 'THAD PA'I PHYIR, KHA CIG ,DE DAG GIS PHUNG PO LNGA DANG RNAM SHES SOGS BDAG GI MTSAN GZHIR 'DOD PA YIN GYI, BDAG TU 'DOD PA MA YIN NO ZHES ZER NA, DE DAG GI LUGS LA GANG ZAG GI GDAGS GZHI YIN NA, GANG ZAG GI MTSAN GZHI YIN DGOS PAR THAL, GANG ZAG GI MTSAN GZHI YIN NA GANG ZAG YIN PAS MA KHYAB PA'I PHYIR, GNYIS PA DE DGAG PA LA DNGOS DANG, MDO LAS PHUNG PO BDAG TU GSUNGS PA SOGS KYI DGONGS PA BSHAD PA GNYIS, DANG PO LA BDAG GCIG NYID RGYUD THA DAD PA LNGAR 'GYUR BA DANG, PHUNG PO LNGA GCIG TU 'GYUR BAR THAL, PHUNG PO LNGA PO DE RANG BZHIN GYIS GRUB PA'I BDAG YIN PA'I PHYIR, BDAG DE KUN GZHI'I RNAM SHES DANG YID KYI RNAM SHES DANG THA DAD GTAN MED KYI GCIG YIN PAR THAL, DE GNYIS RANG BZHIN GYI [*GYIS] GRUB PA'I NGO BO GCIG YIN PA'I PHYIR, RANG BZHIN GYIS GRUB PA GANG ZHIG ,PHUNG PO LAS NGO BO THA DAD PA'I BDAG MED PA'I PHYIR, 'DOD NA, BDAG CHOS CAN, RDZAS YOD YIN PAR THAL, RNAM SHES RDZAS YOD PA DE DANG GCIG YIN PA'I PHYIR, 'DOD NA MI 'THAD PAR THAL, BTAGS YOD YIN PA'I PHYIR, DE SKAD DU YANG MDO LAS, DGE SLONG DAG LNGA PO 'DI DAG NI MING TZAM BTAGS PA TZAM STE, 'DI LTA STE, 'DAS @151B PA'I DUS DANG MA 'ONGS PA DANG NAM MKHA' DANG, ,MYA NGAN LAS 'DAS PA DANG GANG ZAG GO ,ZHES PA DANG, YANG MDO LAS, JI LTAR YAN LAG TSOGS RNAMS LA, ,BRTEN NAS SHING LTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES GSUNGS PA'I PHYIR, KHYOD LTAR NA GANG ZAG RANG RKYA THUB PA'I RDZAS YOD DU GRUB PAR 'DZIN PA'I RTOG PA DE 'DZIN STANGS DON MTHUN GYI BLO YIN PAR THAL, KHYOD KYI LUGS LA GANG ZAG RANG RKYA THUB PA'I RDZAS YOD YIN PA'I PHYIR, KHYAB STE, SER PO SER POR 'DZIN PA'I BLO DANG, SNGON PO SNGON POR 'DZIN PA'I BLO LTA BU YIN PA'I PHYIR, GZHAN YANG, NYAN RANG DGRA BCOM PAS LHAG MED MYANG 'DAS THOB PA DE'I TSE BDAG RGYUN CHAD PAR THAL, DE'I TSE NA NYER LEN GYI PHUNG PO RGYUN CHAD PA GANG ZHIG ,NYER LEN GYI PHUNG PO RANG BZHIN GYIS GRUB PA'I BDAG YIN PA'I PHYIR, 'DOD NA, MA YIN PAR THAL, LAS 'BRAS KYI RTEN DU GYUR PA'I BDAG RGYUN CHAD PAR LTA BA'I LTA BA DE CHAD LTAR 'DOD PA NANG PA SANGS RGYAS PA THAMS CAD MTSUNGS PA'I PHYIR, LHAG MED MYANG 'DAS MA THOB PA'I SNGA ROL DU PHUNG PO RGYUN CHAD PA'I TSUL GYIS SKAD CIG SNGA PHYI SKYE 'JIG BYED PA DE BZHIN DU, BDAG DE YANG RGYUN CHAD PA'I TSUL GYIS SKAD CIG SNGA PHYI SKYE 'JIG BYED PAR THAL, PHUNG PO RANG BZHIN GYIS GRUB PA'I BDAG YIN PA'I PHYIR, 'DOD NA, BDAG GI LUS 'DI SNGON 'DI LTA BU ZHIG TU GYUR SNYAM DU SKYE BA MI DRAN PA DE BZHIN DU, BDAG SNGON 'DI LTA BU ZHIG TU GYUR SNYAM DU SKYE BA DRAN PA MI 'THAD PAR THAL, 'DOD PA DE'I PHYIR, 'DOD NA, MI 'THAD PAR THAL, NGA DE'I TSE DE'I DUS NA RGYAL PO NGA LAS NUS ZHES BYA BAR GYUR TE, ZHES GSUNGS PA'I PHYIR, GZHAN YANG LAS MA BYAS PA DANG PHRAD PA DANG, BYAS PA CHUD ZOS PA YOD PAR THAL, PHUNG PO SKAD CIG SNGA PHYI SKYE 'JIG BYED PAR RANG BZHIN GYIS GRUB PA'I BDAG YIN PA GANG ZHIG ,RANG BZHIN GYIS GRUB PA'I SKAD CIG SNGA PHYI BA YIN NA, 'BREL MED DON GZHAN YIN DGOS, 'BREL MED DON GZHAN YIN NA, SNGA MAS BSAGS PA'I LAS KYI 'BRAS BU PHYI MAS MYONG BA MI 'THAD PA'I PHYIR, DER THAL, DE SKAD DU YANG, RTZA SHES LAS, NYE BAR LEN NYID BDAG MA YIN, ,DE 'BYUNG BA DANG 'JIG PA YIN, ,NYE BAR BLANGS PA JI LTA BUR, ,NYE BAR LEN PO YIN PAR 'GYUR, ,ZHES PA DANG, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES GSUNGS PA'I PHYIR, @152A *, ,KHA CIG ,BDAG SKAD CIG SNGA PHYI GNYIS PO DE RANG BZHIN GYIS GRUB PA'I SO SO BA YIN KYANG, DE GNYIS 'BREL MED DON GZHAN DU 'GYUR BA'I SKYON MED DE, DE GNYIS RGYUD GCIG YIN PA'I PHYIR, ZHE NA MI 'THAD PAR THAL, RANG BZHIN GYIS GRUB PA'I SO SO BA LA RGYUD GCIG MI 'THAD PA, BYAMS PA NYE SBAS LA ZHES SOGS KYI SKABS SU BSHAD ZIN PA'I PHYIR, GZHAN YANG, PHUNG PO LNGA DANG KUN GZHI'I RNAM SHES DANG, YID KYI RNAM SHES SOGS BDAG TU 'DOD PA DE MI RIGS PA'I RGYU MTSAN DANG, DE DAG BDAG TU 'DOD PA LA SNGAR BSHAD PA'I LUNG RIGS KYIS GNOD PAR MA ZAD, DE DAG BDAG TU KHAS LEN MI RUNG BA'I RGYU MTSAN GZHAN YANG YOD DE, BDAG DANG PHUNG PO MI RTAG PAR LTA BA'I LTA BA DANG, BDAG DANG 'JIG RTEN MTHA' DANG LDAN PA DE SKYE BA PHYI MAR MI 'JUG PAR LTA BA DANG GROL BAR 'DOD PA'I BDAG GRONGS PHAN CHAD DU 'BYUNG BAR LTA BA DANG, MI 'BYUNG BAR LTA BA DANG, LUS SROG RDZAS GCIG TU LTA BA DANG, RDZAS THA DAD DU LTA BA'I LTA BA RNAMS LUNG MA BSTAN GYI LTA NGAN YIN PAS, DE DAG GIS KUN NAS BSLANGS PA'I DRI BA YIN NA, BCOM LDAN 'DAS KYIS LAN MTHA' GCIG TU LUNG STON MI RIGS PAS KHYAB PA GANG ZHIG ,PHUNG PO MI RTAG PAR LUNG STON RIGS PA'I PHYI ROL PA YOD PA'I PHYIR, GNOD BYED GZHAN BSTAN PA LA, RNAL 'BYOR PAS BDAG MED MNGON SUM DU RTOGS PA'I TSE NA YANG, PHUNG SOGS MED PAR RTOGS PAR THAL, DE'I TSE BDAG RANG BZHIN GYIS MED PAR RTOGS PA GANG ZHIG ,PHUNG PO RANG BZHIN GYIS GRUB PA'I BDAG YIN PA'I PHYIR; 'DOD NA, MI 'THAD PAR THAL, DE'I TSE NA PHUNG PO YOD PA'I PHYIR, DE'I TSE NA PHUNG PO RANG BZHIN GYIS GRUB PA'I BDAG YIN PA'I PHYIR, DE LA KHO NA RE, RNAL 'BYOR PAS BDAG MED MNGON SUM DU RTOGS PA DE'I TSE NA, RTAG CIG RANG DBANG CAN GYI BDAG GIS STONG BA'I 'DU BYED KYI PHUNG PO TZAM ZHIG MNGON SUM DU RTOGS PAS, PHUNG PO MED PA'I SKYON MED DO ZER NA, PHUNG PO RANG BZHIN GYIS GRUB PA'I BDAG MA YIN PAR THAL, KHYOD KYI DAM BCA' 'THAD PA GANG ZHIG ,RANG BZHIN GYIS GRUB PA'I BDAG YIN NA, RTAG CIG RANG DBANG CAN GYI BDAG YIN DGOS PA'I PHYIR, GZHAN YANG, RNAL 'BYOR PAS @152B BDAG MED MNGON SUM DU RTOGS PA LA BRTEN NAS, CHAGS SOGS NYON MONGS RNAMS SPONG BA MA YIN PAR THAL, DE'I TSE NA RTAG GCIG RANG DBANG CAN GYI BDAG GIS STONG BA TZAM ZHIG RTOGS PA'I PHYIR, KHYAB PA YOD PAR THAL, CHAGS SOGS NYON MONGS RNAMS SKYE BA NA RTAG CIG RANG DBANG CAN GYI BDAG LA DMIGS NAS; MI 'BRAL BAR 'DOD PA'I 'DOD CHAGS DANG, DE LA DMIGS NAS BRAL 'DOD KYI ZHE SDANG SOGS SKYE BA YIN PA'I PHYIR, 'DOD NA, MI 'THAD PAR THAL, RNAL 'BYOR PAS BDAG MED MNGON SUM DU RTOGS PAR BYED PA DE CHAGS SOGS NYON MONGS RNAMS SPONG BA'I CHED DU YIN PA'I PHYIR, GNYIS PA MDO LAS PHUNG PO BDAG TU GSUNGS PA SOGS KYI DGONGS PA BSHAD PA LA, BDAG TU GANG LTA BA THAMS CAD PHUNG PO KHO NA LA LTA BAR GSUNGS PA'I DON BSHAD PA DANG, PHUNG PO'I TSOGS PA TZAM GYI DBYIBS KYI BKOD PA BDAG YIN PA DGAG PA DANG, PHUNG PO'I TSOGS TZAM BDAG TU 'DOD PA LA GNOD BYED BSTAN PA DANG, THUB PAS BDAG DE KHAMS DRUG 'DUS PA SOGS LA BRTEN NAS BTAGS PAR GSUNGS PA BSHAD PA DANG BZHI LAS, DANG PO LA, KHA CIG NA RE, PHUNG PO LNGA PO BDAG YIN PAR THAL, MDO LAS, NYE BAR LEN PA'I PHUNG PO LNGA PO 'DI KHO NA YANG DAG PAR RJES SU BLTA'O, ,ZHES GSUNGS PA'I PHYIR ZER NA, SKYON MED DE, MDO DES DGAG PHYOGS NAS PHUNG PO LAS DON GZHAN PA'I BDAG BKAG PA YIN GYI, SGRUB PHYOGS NAS PHUNG PO LNGA PO BDAG TU BSTAN PA MA YIN PA'I PHYIR, DER THAL, MDO GZHAN LAS, GZUGS BDAG MA YIN TSOR BA BDAG MA YIN, ZHES GSUNGS PA'I PHYIR DANG, GAL TE PHUNG PO BDAG TU BSTAN DU CHUG KYANG, PHUNG PO'I TSOGS PA TZAM ZHIG BDAG TU BSTAN PA YIN GYI, RE RE BA RNAMS BDAG TU BSTAN PA MA YIN PA'I PHYIR, DER THAL, DPER NA, SHING RNAMS NI NAGS TSAL LO, ,ZHES BRJOD PA DE'I TSE NA SHING GI TSOGS PA TZAM ZHIG NAGS TSAL DU BSTAN PA YIN GYI, SHA SHUG LA SOGS PA RE RE BA RNAMS NAGS TSAL DU BSTAN PA MA YIN PA LTA BU YIN PA'I PHYIR, PHUNG PO'I TSOGS PA BDAG TU 'DOD PA YIN NO, ,ZER NA, DES NA KHYOD KYI BDAG DE MGON DANG, LEGS NYES KYI DPANG PO SOGS SU 'DOD PA DE MI RIGS PAR THAL, PHUNG @153A *, ,PO'I TSOGS PA BTAGS YOD YIN ZHING, RDZAS YOD MA YIN PA GANG ZHIG ,KHYOD KYI MGON DANG 'DUL BA PO LA RDZAS YOD CIG DGOS PAR KHAS BLANGS PA'I PHYIR, GZHAN YANG, SHING RTA'I TSOGS PA TZAM ZHIG SHING RTA YIN PAR THAL, PHUNG PO'I TSOGS PA TZAM ZHIG BDAG YIN PA GANG ZHIG ,DE GNYIS DPE DON DU SBYAR NAS GSUNGS PA'I PHYIR, DER THAL, DE SKAD DU YANG MDO LAS, BDAG CES BYA BA BDUD KYI SEMS, ZHES GSUNGS PA'I PHYIR, GZHAN YANG, PHUNG PO'I TSOGS PA BDAG MA YIN PAR THAL, BDAG PHUNG PO'I TSOGS PA LA BRTEN NAS 'DOGS PA YIN PA'I PHYIR, DER THAL, BDAG DANG SHING RTA DPE DON DU SBYAR NAS GSUNGS PA GANG ZHING, ,SHING RTA DE SHING RTA'I TSOGS PA LA BRTEN NAS 'DOGS PA YIN PA'I PHYIR, DER THAL, JI LTAR YAN LAG TSOGS RNAMS LA, BRTEN NAS SHING RTAR BRJOD PA LTAR, ZHES GSUNGS PA'I PHYIR, GNYIS PA, PHUNG PO'I TSOGS PA'I DBYIBS KYI BKOD PA BDAG YIN PA BKAG PA LA, KHA CIG NA RE, PHUNG PO'I TSOGS PA'I DBYIBS KYI BKOD PA BDAG YIN NO ZER NA, DES NA KHYOD KYI LUGS LA, BDAG DE GZUGS CAN KHO NA LA YOD PAR THAL, PHUNG PO'I TSOGS PA'I DBYIBS KYI BKOD PA RANG BZHIN GYIS GRUB PA'I BDAG YIN PA GANG ZHIG ,DBYIBS DE GZUGS CAN KHO NA LA YOD PA'I PHYIR, 'DOD NA, PHUNG PO LNGA PO DANG, KHYAD PAR RNAM PAR SHES PA BDAG MA YIN PAR THAL, 'DOD PA DE'I PHYIR, GZHAN YANG, GZUGS MED KHAMS NA BDAG MED PAR THAL, BDAG DE GZUGS CAN KHO NA LA YOD PA GANG ZHIG ,GZUGS MED KHAMS NA GZUGS MED PA'I PHYIR, GSUM PA GNOD BYED GZHAN BSTAN PA LA, PHUNG PO LA BLTOS NAS NYE BAR BLANG BYA DANG, NYE BAR LEN PA PO GNYIS GCIG YIN PAR THAL, PHUNG PO'I DBYIBS KYI BKOD PA DE NYE BAR LEN PA PO YIN PA GANG ZHIG , NYE BAR BLANG BYA YIN PA'I PHYIR, RTAGS PHYI MA DER THAL, PHUNG PO'I DBYIBS NYE BAR BLANG BYA YIN PA'I PHYIR, 'DOD NA MI 'THAD PAR THAL, DE SKAD DU YANG, RTZA SHES LAS, DE BZHIN NYER LEN SHES PAR BYA, ,LAS DANG BYED PO GSAL PHYIR RO, ,BYED PA PO DANG LAS DAG GIS ,DNGOS PO LHAG MA SHES PAR BYA, , @153B ZHES GSUNGS PA'I PHYIR, KHO NA RE, PHUNG PO'I TSOGS PA TZAM GYI DBYIBS KYI BKOD PA LAS GZHAN PA'I BDAG MED KYANG, DBYIBS KYI BKOD PA DE RANG BZHIN GYIS GRUB PA'I NYE BAR BLANG BYA YIN NO ZER NA, DE MI 'THAD PAR THAL, BYED PA PO MED PAS LAS SU BYA BA MI 'THAD PA'I PHYIR, DER THAL, RGYU MED PAS 'BRAS BU MED PA'I PHYIR, DES DNGOS PO LHAG MA RNAMS LA SHES PAR BYA BA'I TSUL YOD DE, RGYU DANG 'BRAS BU DANG MTSAN NYID MTSON BYA RNAMS DE BZHIN DU SHES PAR BYA BA YIN PA'I PHYIR, BZHI PA THUB PAS BDAG DE KHAMS DRUG LA BRTEN NAS BTAGS PAR GSUNGS PA'I DON BSHAD PA LA, PHUNG PO LNGA KA DANG RE RE BA DANG, PHUNG PO'I TSOGS PA DANG DBYIBS DANG BCAS PA RNAMS 'JIG LTA LHAN SKYES KYI DMIGS YUL DU GYUR PA'I RANG BZHIN GYIS GRUB PA'I BDAG MA YIN PAR THAL, THUB PAS BDAG DE KHAMS DRUG DANG, SKYE MCHED DRUG SOGS LA BRTEN NAS BTAGS PAR GSUNGS PA'I PHYIR, DER THAL, RGYAL PO LA GDAMS PA LAS, RGYAL PO CHEN PO SKYES BU GANG ZAG DE NI KHAMS DRUG DANG REG PA'I SKYE MCHED DRUG DANG, YID KYI NYE BAR RGYU BA BCO BRGYAD PA'O, ,ZHES GSUNGS PA'I PHYIR, GZHAN LUGS 'BREL MED DU BSTAN PA LA, KHYOD KYI LUGS LA PHUNG PO MA ZAD PAR [*BAR] DU 'JIG LTA MI ZAD PA DANG, 'JIG LTA ZAD NA PHUNG PO ZAD PA YIN PAR THAL, PHUNG PO DE 'JIG LTA LHAN SKYES KYI DMIGS RNAM GNYIS KYI NANG NAS RNAM PA'I 'DZIN STANGS KYI YUL YIN PA'I PHYIR, KHO NA RE, SKYON MED DE, BDAG MED MNGON SUM DU RTOGS PA DE'I TSE, RTAG GCIG RANG DBANG CAN GYI BDAG MED MNGON SUM DU RTOGS PAS, 'JIG LTA LHAN SKYES SPONG BA YIN NO ZER NA, DE MI 'THAD PAR THAL, 'JIG LTA LHAN SKYES DE LA RTAG GCIG RANG DBANG CAN GYI 'DZIN TSUL DE MED PAS, BDAG RTAG GCIG RANG DBANG CAN GYIS STONG BAR MNGON SUM DU RTOGS PA DE'I TSE NA, RTAG GCIG RANG DBANG CAN DU 'DZIN PA'I RTOGS PA MNGON GYUR BA RE ZHIG SPONG NUS KYANG; 'JIG LTA LHAN SKYES SPONG MI NUS PA'I PHYIR, KHYIM DU GLANG PO CHE MED PAR BZUNG BAS, GLANG PO CHE GTUM PO'I 'JIGS PA SPONG NUS KYANG, DUG SBRUL GYI 'JIGS PA SPONG MI NUS PA LTA BU YIN PA'I PHYIR, GSUM PA DE GNYIS KYI LHAG MA RTEN DANG BRTEN PA SOGS GSUM DGAG PA LA, KHA CIG NA RE, @154A *, ,BDAG DANG PHUNG PO GNYIS PO DE RANG BZHIN GYIS GRUB PA'I RTEN BRTEN PA YIN NO ZER NA, DE MI 'THAD PAR THAL, BDAG LA PHUNG PO RANG BZHIN GYIS BRTEN PA YANG MA YIN, PHUNG PO LA BDAG RANG BZHIN GYIS BRTEN PA YANG MA YIN PA'I PHYIR, DER THAL, BDAG DANG PHUNG PO GNYIS RANG BZHIN GYIS GRUB PA'I DON GZHAN YIN PA GONG DU BKAG ZIN PA'I PHYIR, KHYAB STE, DE LTAR BRTEN NA RANG BZHIN GYIS GRUB PA'I GZHAN YIN DGOS PA'I PHYIR, DE LA KHO NA RE, BDAG PHUNG PO LA LDAN PAR RANG BZHIN KYIS GRUB PA YIN ZER NA, DE MI 'THAD PAR THAL, DE SKYES BU LHAS SBYIN RANG GI RNA BA DANG LDAN PA LTAR GYI NGO BO GCIG TU LDAN PAR YANG RANG BZHIN GYIS MA GRUB, SKYES BU LHAS SBYIN RANG GI GNAG DANG LDAN PA LTAR GYIS NGO BO THA DAD DU LDAN PAR YANG RANG BZHIN GYIS MA GRUB PA'I PHYIR, DES NA DBU MA RANG RGYUD PA MAN CHAD KYIS RNAM PAR SHES PA SOGS RANG BZHIN GYIS GRUB PA'I BDAG TU LTA BA'I LTA BA DE 'JIG LTA KUN BTAGS YIN ZHING, 'JIG LTA KUN BTAGS DE LA NYI SHU YOD DE, GZUGS KYI PHUNG PO RANG BZHIN GYIS GRUB PA'I BDAG TU LTA BA DANG, BDAG GZUGS KYI PHUNG PO LA LDAN PAR RANG BZHIN GYIS LTA BA DANG, BDAG LA GZUGS PHUNG RANG BZHIN GYIS LDAN PAR LTA BA DANG, GZUGS PHUNG LA BDAG RANG BZHIN GYIS YOD PAR LTA BA DANG, BZHI YOD PA DE BZHIN DU PHUNG PO LHAG MA BZHI LA YANG BZHI BZHI DANG BCAS PA NYI SHU YOD PA'I PHYIR, DE 'JOMS BYED KYI GNYEN PO YANG, NYAN THOS KYI DBANG DU BYAS NAS SPONG BA'I TSUL YOD DE NYI SHU PO DE DANG DE GANG LA GNAS PA'I 'JIG TSOGS LA LTA BA LHAN SKYES KYI RI'I LHUN STUG PO DE'I RTZE MO KUN BTAGS RNAMS DANG LHAN CIG TU NYAN THOS KYI MTHONG LAM BAR CHAD MED LAM GYI YE SHES KYI RDO RJES BCOM NAS DES RGYUN ZHUGS KYI 'BRAS BU MNGON DU BYED PA'I PHYIR, DER THAL, DE SKAD DU YANG, MDO LAS, DE LA 'JIG TSOGS LA LTA BA'I RI'I RTZE MO MTHO BA YE SHES KYIS BCOM NAS RGYUN DU ZHUGS PA'I 'BRAS BU MNGON DU BYAS SO, ,ZHES GSUNGS PA'I PHYIR, BZHI PA PHUNG PO LAS DE NYID DANG GZHAN NYID DU BRJOD DU MED PA'I GANG ZAG RDZAS YOD BKAG PA LA, PHYOGS SNGA MA BRJOD PA DANG, DE @154B DGAG PA GNYIS LAS, DANG PO LA NANG SDE GNAS MA BU PA RNAMS NA RE, PHUNG PO LAS DON GZHAN PA'I BDAG YOD PA DANG, PHUNG PO NYID BDAG YIN PA LA SNGAR BSHAD PA'I RIGS PA DE DAG GIS GNOD PAS MI 'THAD CING, DES NA PHUNG PO LAS DE NYID DANG GZHAN NYID GANG DU YANG BRJOD DU MED PA DANG, RTAG MI RTAG SOGS GANG DU YANG BRJOD DU MED PA'I BDAG RDZAS YOD CIG 'JIG LTA LHAN SKYES KYI DMIGS YUL DU GYUR PA'I RANG BZHIN GYIS GRUB PA'I BDAG YIN TE, DE RNAM SHES DRUG GIS SHES BYA DANG 'KHOR BAR 'CHING BA PO DANG, BDE SDUG GI RNAM SMIN MYONG BA PO YIN NO, ,ZHES ZER, GNYIS PA DE DGAG PA LA, BDAG DE PHUNG PO LAS DE NYID DANG GZHAN NYID GANG DU BRJOD DU MED PA'I RDZAS YOD DU YOD PA MA YIN PAR THAL, DE RDZAS YOD YIN NA PHUNG PO LAS DE NYID DANG, GZHAN NYID GANG RUNG ZHIG TU YOD PAR KHAS LEN DGOS PA'I PHYIR, DER THAL, KHYOD KYI RNAM SHES RDZAS YOD DU KHAS BLANGS PAS; RNAM SHES LA DE NYID DANG GZUGS PHUNG LA GZHAN NYID GANG RUNG DU 'DOD PA LTA BU YIN PA'I PHYIR, GZHAN YANG, BDAG RDZAS YOD DU 'DOD PA MI RIGS PAR THAL, KHYOD KYI LUGS LA DE PHUNG PO LAS DE NYID DANG GZHAN NYID GANG DU YANG BRJOD DU MED PA'I BTAGS YOD DU 'DOD DGOS PA'I PHYIR, DER THAL, KHYOD KYI BUM PA DE RANG GI CHA SHAS RNAMS DANG DE NYID DANG, GZHAN NYID GANG DU YANG BRJOD DU MED PA'I BTAGS YOD DU 'DOD PA LTA BU YIN PA'I PHYIR, GZHAN YANG, BDAG RANG BZHIN GYIS MA GRUB PAR THAL, DE DNGOS PO LA YOD PA'I CHOS GCIG DANG, DU MA GANG RUNG DU GRUB PA DANG BRAL BA'I PHYIR, DER THAL, DE PHUNG PO LAS DE NYID DANG GZHAN NYID GANG DU YANG BRJOD DU MED PA'I PHYIR, GZHAN YANG, BDAG DE PHUNG PO LAS DE NYID DANG, GZHAN NYID GANG DU YANG BRJOD DU MED PA DE MI 'THAD PAR THAL, DE GNYIS GANG RUNG ZHIG TU YOD PAR KHAS LEN DGOS PA'I PHYIR; DER THAL, KHYOD KYI LUGS LA RNAM SHES RDZAS YOD PA DE RNAM SHES LA BLTOS NAS DE NYID DANG, GZUGS PHUNG LA BLTOS NAS GZHAN NYID DU YOD PAR KHYOD KYI KHAS BLANGS PA YIN PA'I PHYIR, LNGA PA, BDAG BRTEN NAS BTAGS PA TZAM DU BZHAG PA DPE DANG BCAS PAR BSHAD PA LA, @155A *, ,BDAG MTHA' BDUN DU MED KYANG BRTEN NAS BTAGS PA SHING RTA DANG 'DRA BAR BSTAN PA DANG, SNGAR MA BSHAD PA'I PHYOGS LHAG MA GNYIS RGYAS PAR BSHAD PA DANG, DE LTAR BSHAD PA LA GZHAN GYIS RTZOD PA SPONG BA DANG, MING GI THA SNYAD KYIS DON GZHAN GRUB PAR BSTAN PA DANG BZHI LAS, DANG PO LA BDAG RANG BZHIN GYIS MA GRUB STE, PHUNG PO LAS DON GZHAN PA'I BDAG KYANG RANG BZHIN GYIS MA GRUB, PHUNG PO NYID KYANG BDAG TU RANG BZHIN GYIS MA GRUB CING, PHUNG PO DANG RTEN BRTEN PA DANG LDAN PAR YANG RANG BZHIN GYIS MA GRUB PAR PHUNG PO LA BRTEN NAS BTAGS PA TZAM YIN PA'I PHYIR, DER THAL, DPER NA, SHING RTA DE RANG GI YAN LAG GI TSOGS PA'I STENG DU MING DANG RTOG PAS BTAGS PA TZAM YIN PA LTA BU YIN PA'I PHYIR, GNYIS PA LA DNGOS KYI DON DANG, RIGS PA DE GZHAN LA KHA SPO BA DANG GNYIS LAS, DANG PO LA, KHA CIG ,SHING RTA'I YAN LAG GI TSOGS PA SHING RTA YIN NO ZER NA, DES NA SHING RTA'I YAN LAG SIL BUR SPUNGS PA DE'I TSE NA SHING RTA YOD PAR THAL, DAM BCA' 'THAD PA'I PHYIR, 'DOD NA MI 'THAD DE, MNGON SUM DANG 'GAL BA'I PHYIR, GZHAN YANG SHING RTA'I YAN LAG MED PAR THAL, YAN LAG CAN SHING RTA MED PA'I PHYIR, DER THAL, KHYOD KYI SHING RTA'I YAN LAG GI TSOGS PA LAS GZHAN PA'I YAN LAG CAN GYI SHING RTA MED PAR KHAS BLANGS PA GANG ZHIG SHING RTA'I YAN LAG GI TSOGS PA YAN LAG CAN GYI SHING RTA MA YIN PA'I PHYIR, 'DOD NA, DE YOD PAR THAL, YAN LAG CAN GYI SHING RTA YOD PA'I PHYIR, KHA CIG NA RE, SHING RTA'I YAN LAG GI DBYIBS SHING RTA YIN ZER NA, DE'I YAN LAG RE RE'I DBYIBS SHING RTA YIN NAM, YAN LAG TSOGS PA'I DBYIBS SHING RTA YIN, DANG PO LTAR NA SHING RTA MA BSGRIGS PA'I GNAS SKABS KYI YAN LAG RE RE'I DBYIBS KYI KHYAD PAR MA BTANG BA DE SHING RTA YIN NAM, DE BTANG BA'I YAN LAG RE RE'I DBYIBS SHING RTA YIN, DANG PO LTAR NA, SHING RTA BSGRIGS PA'I GNAS SKABS NA SHING RTA MED PAR THAL, MA BSGRIGS PA'I GNAS SKABS KYI YAN LAG RE @155B RE'I DBYIBS KYI KHYAD PAR MA BTANG BA DE SHING RTA YIN PA GANG ZHIG ,SNGAR MA BSGRIGS PA'I GNAS SKABS KYI DBYIBS KYI KHYAD PAR MA BTANG BA'I YAN LAG RE RE'I DBYIBS LA SHING RTA MED PA'I PHYIR, GNYIS PA LTAR NA, SHING RTA MA BSGRIGS PA'I GNAS SKABS NA YANG SHING RTA YOD PAR THAL, SHING RTA MA BSGRIGS PA'I GNAS SKABS KYI YAN LAG RE RE'I DBYIBS SHING RTA YIN PA GANG ZHIG ,DE BSGRIGS PA'I GNAS SKABS KYI DE'I YAN LAG RE RE BA DANG, DE MA BSGRIGS PA'I GNAS SKABS KYI DE'I YAN LAG RE RE BA LA MI 'DRA BA'I KHYAD PAR MED PA'I PHYIR, DER THAL, DE GNYIS LA MI 'DRA BA'I KHYAD PAR YOD NA, TSAD MAS BZUNG DU YOD DGOS PA LAS TSAD MAS BZUNG DU MED PA'I PHYIR, KHO NA RE, SHING RTA'I YAN LAG TSOGS PA'I DBYIBS KYI BKOD PA KHYAD PAR BA ZHIG MTHONG BA NA, SHING RTA MTHONG BAR 'JOG PAS DE'I YAN LAG TSOGS PA'I DBYIBS SHING RTA YIN NO ZER NA, DE YANG MI 'THAD PAR THAL; KHYED KYI LUGS LA SHING RTA'I YAN LAG GI TSOGS PA BRJOD DU MED PAS, DE LA BTAGS PA'I DBYIBS BTAGS YOD PA DE SHING RTA [*RTAR] 'DOD PA MI RIGS PA'I PHYIR, DER THAL, KHYOD KYIS BTAGS YOD THAMS CAD BTAGS DON BTZAL BA'I TSE NA RANG GI BTAGS GZHI RDZAS YOD DE LA 'JOG PAR KHAS BLANGS PA'I PHYIR, GZHAN YANG, SHING RTA'I DBYIBS SHING RTA MA YIN PAR THAL, SKYES BU'I KHA DOG SNGO SANG DANG SKYA SANG SOGS SKYES BU MA YIN PA'I PHYIR, DER THAL, DE SKYES BU'I GDAGS GZHI DANG, SKYES BU'I BLANG BYA YIN PA'I PHYIR, GNYIS PA RIGS PA DE GZHAN LA KHA SPO BA LA, KHO NA RE, TSOGS PA MI BDEN PA BTAGS YOD LAS DBYIBS MI BDEN PA BTAGS YOD 'DOGS ZER NA, PHYI'I RGYU SA BON BRDZUN PA DANG, NANG GI RGYU MA RIG PA BRDZUN PA LAS, 'BRAS BU BRDZUN PA MYU GU DANG 'DU BYED KYI LAS LA SOGS PA SKYE BA YOD PAR THAL, SHING RTA'I TSOGS PA BRDZUN PA BTAGS YOD PA DE LA, SHING RTA BRDZUN PA BTAGS YOD PA DE 'DOGS PA'I PHYIR, GZHAN YANG, BUM PA RDUL RDZAS BRGYAD 'DUS 'BYAR BA'I GZHI DE DANG, BUM PA'I YAN LAG TSOGS PA'I DBYIBS BUM PA MA YIN PAR THAL, @156A *, ,SHING RTA'I DBYIBS SHING RTA MA YIN PA'I PHYIR, GZHAN YANG, BUM PA'I YAN LAG GI TSOGS PA'I DBYIBS BUM PA MA YIN PAR THAL, MTHA' GZHI LAS SKYE BA 'GOG BYED KYI RIGS PA LA BRTEN NAS BUM PA'I BTAGS GZHI RDUL RDZAS BRGYAD RANG BZHIN GYIS SKYE BA GONG DU BKAG ZIN PA'I PHYIR, ` GSUM PA RTZOD PA SPONG BA LA, KHA CIG NA RE, SHING RTA MED PAR THAL, SHING RTA BTAGS DON BTZAL BA'I TSE NA MTHA' BDUN GANG RUNG DU MA GRUB PA'I PHYIR, ZER NA MA KHYAB, 'DOD NA, SHING RTA LON SHIG CHOS SHIG CES PA'I THA SNYAD MI 'THAD PAR THAL, 'DOD PA'I PHYIR ZER NA, 'O NA KHYOD RANG GI LUGS LA DE LTA BU'I THA SNYAD MI 'THAD PAR THAL, SHING RTA MED PA'I PHYIR, DER THAL, KHYOD KYI SHING RTA BTAGS DON BTZAL BA'I TSE NA, MTHA' BDUN GANG RUNG DU GRUB PA'I SGO NAS GRUB PAR 'DOD PA GANG ZHIG ; SHING RTA MTHA' BDUN GANG RUNG DU GRUB PA GONG DU BKAG ZIN PA'I PHYIR, DES NA SHING RTA DON DAM DU MED CING THA SNYAD DU YOD DE, DON DAM DANG THA SNYAD DU YANG BTAGS DON BTZAL BA'I TSE NA MTHA' BDUN PO GANG DU MA GRUB PA GANG ZHIG ,'JIG RTEN NA SHING RTA'I THA SNYAD SKYON MED DU YOD PA'I PHYIR, BZHI PA LA, SHING RTA RANG GI GDAGS GZHI'I STENG DU MA BRTAGS MA DPYAD PAR 'JIG RTEN PA'I RIGS PA 'DI DAG LA BRTEN NAS MING GIS THA SNYAD KYI DON GZHAN YANG GRUB PA YIN TE, RANG GI YAN LAG LA BLTOS NAS YAN LAG CAN DANG, RANG GI CHA SHAS LA BLTOS NAS CHA SHAS CAN DANG, NYE BAR LEN PA'I BLANG BYA LA BLTOS NAS BYED PA PO DANG, NYE BAR BLANG BYA LA BLTOS NAS LEN PA PO LA SOGS PA'I MING GI THA SNYAD KYANG GRUB PA'I PHYIR, DRUG PA DE LTAR BKAG PA LA MTHAR 'DZIN GYI RTOG PA SPONG SLA BA'I YON TAN BSTAN PA LA, DNGOS KYI DON DANG, SHING RTA DANG BDAG GI THA SNYAD RNAMS DPE DON DU SBYAR BA DANG, BRTEN NAS BTAGS PA'I BDAG KHAS LEN PA'I YON TAN BSTAN PA DANG, MKHAS RMONGS KYI 'CHING GROL GYI GZHI'I BDAG NGOS BZUNG BA DANG BZHI LAS, DANG PO LA, DBU MA PA'I LUGS 'DIR NI BDAG DE PHUNG PO'I STENG DU MING BRDAS BZHAG @156B TZAM DU GRUB PAR BRJOD PAR BYA BA YIN TE, BDAG DE MTHA' BDUN PO GANG RUNG DU MA GRUB KYANG, MING BRDAS BZHAG TZAM LA BRTEN NAS DE KHO NA NYID LA BDE BLAG TU 'JUG PA DANG, KUN RDZOB KYI BDEN PA RGYUN MI CHAD PA'I DGOS PA YOD PA'I PHYIR, DER THAL, DE LA BRTEN NAS BDAG RANG BZHIN GYIS GRUB PAR 'DOD PA DE MA RIG PA'I LING RTOG GI BSGRIBS PA'I DBANG GIS YIN PAR SHES NAS RNAL 'BYOR PAS BDAG RANG BZHIN GYIS MED PA LA NGES PA SKYE BAR 'GYUR BA'I PHYIR, DER THAL, BDAG RANG BZHIN GYIS GRUB NA MTHA' BDUN PO GANG RUNG ZHIG TU GRUB DGOS PA LAS, MTHA' BDUN PO GANG RUNG DU MA GRUB PA'I PHYIR, KHA CIG ,DBU MA PA RANG LUGS LA, DAM BCA' DANG KHAS LEN SOGS MED DO ZER NA, MI 'THAD PAR THAL, BDAG MTHA' BDUN GANG RUNG DU MA GRUB KYANG, PHUNG PO'I STENG DU MING BRDAS BZHAG PA TZAM DU 'JOG PA'I LUGS 'DI LUGS RNAMS KYI NANG NAS MCHOG YIN PA'I PHYIR DANG, DE LTAR KHAS LEN DGOS PAR YANG GSUNGS PA'I PHYIR, KHO NA RE, SHING RTA RANG BZHIN GYIS MA GRUB KYANG SHING RTA'I TSOGS PA RANG BZHIN GYIS GRUB PA YIN NO, ,ZER NA, DE MI 'THAD PAR THAL, SHING RTA RANG BZHIN GYI [*GYIS] MA GRUB NA, SHING RTA'I YAN LAG RANG BZHIN GYIS MED DGOS, DE RANG BZHIN GYIS MED NA, SHING RTA'I YAN LAG GI TSOGS PA YANG RANG BZHIN GYIS MED PAR 'GYUR BA'I PHYIR, DER THAL, DPER NA, SHING RTA MES 'TSIG NA, SHING RTA'I YAN LAG GI TSOGS PA YANG MES 'TSIG DGOS PA DE BZHIN DU, MTHAR THUG DPYOD PA'I RIGS SHES TSAD MAS SHING RTA RANG BZHIN GYIS GRUB PA BSREGS PA NA, SHING RTA'I YAN LAG GI TSOGS PA RANG BZHIN GYIS GRUB PA YANG BSREG PAR 'GYUR BA'I PHYIR, KHA CIG ,SHING RTA MED NA SHING RTA'I YAN LAG MED MI DGOS PAR THAL, SHING RTA BSHIG PA'I TSE NA, SHING RTA MED KYANG SHING RTA'I YAN LAG YOD PA'I PHYIR, ZER NA, DE MI 'THAD PAR THAL, YAN LAG DE RNAMS SNGAR SHING RTA DANG BDAG GCIG TU 'BREL MYONG BA'I DBANG GIS SHING RTA'I THA SNYAD BYED KYANG, DE SHING RTA'I YAN LAG MA YIN PA'I PHYIR, DE'I DUS SU SHING RTA MED PA'I PHYIR DANG, SHING RTA DANG DE'I YAN LAG GI THA SNYAD @157A *, ,MI SHES PA'I GANG ZAG GIS YAN LAG DE DAG SHING RTA'I YAN LAG TU MI 'DZIN PA'I PHYIR, GNYIS PA, SHING RTA DANG BDAG GI THA SNYAD DPE DON DU SBYAR BA LA, BDAG PHUNG PO LNGA DANG SKYE MCHED DRUG SOGS LA BLTOS NAS NYE BAR LEN PA PO DANG; LAS SU BYED PA PO DANG PHUNG PO DANG SKYE MCHED DE DAG BDAG LA BLTOS NAS, NYE BAR BLANG BYA DANG, LAS SU BYA BAR MING BRDAS BZHAG TZAM DU 'JOG PA YIN TE, DPER NA SHING RTA DE RANG GI YAN LAG LA BLTOS NAS YAN LAG CAN DANG, CHA SHAS LA BLTOS NAS CHA SHAS CAN SOGS SU 'JOG PA LTA BU YIN PA'I PHYIR, GSUM PA LA, BDAG RANG BZHIN GYIS GRUB PA'I DNGOS POR MED PAS, BRTEN MI BRTEN GANG RUNG DU RANG BZHIN GYIS MA GRUB STE, BRTEN PA RTAG PAR YANG RANG BZHIN GYIS MA GRUB, MI BRTEN PA MI RTAG PAR YANG RANG BZHIN GYIS MA GRUB PA'I PHYIR, DANG PO DER THAL, BDAG RTAG PAR RANG BZHIN GYIS GRUB NA SKYE BA SNGA PHYI'I BDAG GNYIS PO DE GCIG TU 'GYUR BA DANG, SKYE BA SNGA PHYI'I PHUNG PO GNYIS 'BREL MED DON GZHAN YIN PA DE BZHIN DU, SKYE BA SNGA PHYI DRAN PA MED PA'I SKYON DU 'GYUR PA'I PHYIR; PHYI MA DER THAL, BDAG MI RTAG PAR RANG BZHIN GYIS GRUB NA, PHUNG PO LAS DON GZHAN PA'I BDAG MED PAS PHUNG PO SKAD CIG SNGA PHYIR SKYE 'JIG BYED PA DE BZHIN DU BDAG RANG BZHIN GYIS GRUB PA'I SKYE 'JIG BYED DGOS, DE LTA NA, BDAG SKAD CIG SNGA PHYI GNYIS PO DE 'BREL MED DON GZHAN DU 'GYUR BA'I SKYON YOD PA'I PHYIR DANG, BDAG DE BDAG GI NYE BAR BLANG BYA YIN DGOS PA'I SKYON YOD PA'I PHYIR, DES NA BDAG DE PHUNG PO'I STENG DU MING BRDAS BTAGS PA TZAM DU BZHAG PA LA DGOS PA YOD DE, BDAG DANG PHUNG PO MI RTAG PAR LTA BA DANG, RTAG MI RTAG GNYIS KAR LTA BA DANG, GNYIS KA MA YIN PAR LTA BA LA SOGS PA'I LUNG MA BSTAN GYI LTA NGAN DE RNAMS MI 'BYUNG BA'I DGOS PA YOD PA'I PHYIR, DE SKAD DU YANG RTZA SHE LAS, RTAG DANG MI RTAG LA SOGS BZHI, ,ZHI BA 'DI LA GA LA YOD, ,MTHA' DANG MTHA' @157B MED LA SOGS BZHI, ,ZHI BA 'DI LA GA LA YOD, ,CES GSUNGS PA'I PHYIR, BZHI PA LA, BDAG RANG BZHIN GYIS MA GRUB KYANG, MKHAS RMONGS RNAMS KYI 'CHING GROL GYI GZHIR GYUR PA'I BDAG 'JOG PA'I TSUL YOD DE, MTHA' BDUN GANG RUNG DU BZUNG NA BYIS PA RNAMS 'CHING BAR 'GYUR ZHING, GANG RUNG DU MA BZUNG NA RNAL 'BYOR PA RNAMS GROL BAR 'GYUR BA'I GZHI BYED PA'I NGA TZAM DE, 'CHING GROL GYI GZHIR GYUR PA'I BDAG TU 'JOG PA'I PHYIR, JI LTAR 'CHING BA'I TSUL YOD DE, MU STEGS BYED KYI BDAG 'TSOL BYED KYI RIGS PA DES PHUNG PO BDAG TU MA RNYED PA NA, PHUNG PO LAS DON GZHAN GYIS BDAG RANG BZHIN GYIS GRUB PAR BZUNG, DE LA BRTEN NAS NGA YI BAR ZHEN DE LA BRTEN NAS 'CHING BAR BYED PA'I PHYIR DANG, DBU MA RANG RGYUD PA MAN CHAD KYI NANG SDE RNAMS KYI PHUNG PO LAS DON GZHAN PA'I BDAG 'GOG BYED KYI RIGS PA DES PHUNG PO LAS DON GZHAN PA'I BDAG KHEGS NAS MA MTHONG BA NA, PHUNG PO RANG BZHIN GYIS GRUB PA'I BDAG TU BZUNG, DE LA BRTEN NAS NGA YI BA LA ZHEN DE LA BRTEN NAS 'CHING BAR BYED PA'I PHYIR, GNYIS PA BDAG GI BA RANG BZHIN GYIS GRUB PA BKAG PA LA, MIG SNA SOGS NANG GI CHOS DANG, ZAS GOS GNAS MAL SOGS PHYI NANG GI BDAG GI BA RNAMS KYANG RANG BZHIN GYIS MA GRUB STE, BDAG RANG BZHIN GYIS MA GRUB PA'I PHYIR, KHYAB STE, DPER NA, RDZA MKHAN MED PAS, DES BYAS PA'I RDZA BUM MED PA LTA BU YIN PA'I PHYIR, BDAG DANG BDAG GI BA RANG BZHIN GYIS MA GRUB PAR GTAN LA PHAB PA LA DGOS PA YOD DE, RNAL 'BYOR PAS DE GNYIS RANG BZHIN GYIS MA GRUB PA RTOGS SHING GOMS PAR BYAS PA LA BRTEN NAS, GROL BA MYA NGAN 'DAS THOB PA'I DGOS PA YOD PA'I PHYIR, GSUM PA, BDAG DANG SHING RTA'I DPYAD PA DNGOS PO GZHAN LA BSGRE BAR BSTAN PA LA, BUM SNAM SOGS KYI DNGOS PO LA BSGRE BA DANG, RGYU 'BRAS SOGS KYI DNGOS PO LA BSGRE BA DANG, DE LA GZHAN GYIS RTZOD PA SPONG BA DANG GSUM LAS, DANG PO LA, BDAG DANG SHING RTA'I DPYAD PA DE DAG DNGOS PO GZHAN LA YANG MTSUNGS TE, BDAG DANG SHING RTA BTAGS DON BTZAL BA'I TSE NA MTHA' @158A *, ,BDUN PO GANG RUNG DU MA GRUB PAS RANG GI BTAGS GZHI'I STENG DU MING BRDAS BZHAG PA TZAM YIN PA DE BZHIN DU, BUM PA SNAM BU RE LDE DMAG NAS BZUNG STE, MGRON GNAS KYI BAR RNAMS KYANG BTAGS DON BTZAL BA'I TSE NA MTHA' BDUN PO GANG RUNG DU MA GRUB PAS, RANG GI BTAGS GZHI'I STENG DU MING BRDAS GZHAG PA TZAM YIN PA'I PHYIR, DE YANG 'JIG RTEN GYI SKYE BOS THA SNYAD SKYON MED JI LTAR BYAS PA LTAR DU THA SNYAD KYI RNAM GZHAG 'THAD PA YIN TE, STON PA SANGS RGYAS KYIS THA SNYAD 'JIG RTEN DANG MI 'GAL BAR 'JOG PA'I PHYIR, DE SKAD DU YANG, DKON MCHOG BRTZEGS PA LAS, 'JIG RTEN PA NGA DANG LHAN CIG RTZOD KYI, NGA NI 'JIG RTEN DANG MI RTZOD DE, GANG 'JIG RTEN NA YOD PAR 'DOD PA DE NI NGAS KYANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DO ZHES GSUNGS PA'I PHYIR, THA SNYAD JI LTAR BYED PA'I TSUL YANG YOD DE, GYO MO DE RDZA BUM GYI YAN LAG DANG, RDZA BUM DE'I YAN LAG CAN DANG, MI RIS SNGO SANGS LA SOGS PA DE'I YON TAN DANG, RDZA BUM DE'I YON TAN CAN DANG, YUL YID 'ONG LA LHAG PAR CHAGS PA'I GANG ZAG CHAGS PA CAN DANG, YUL YID 'ONG LA RANG STOBS KYIS SRED PA'I SEMS PA DE 'DOD CHAGS DANG, DE BZHIN DU BSREG BYA SREG BYED DANG MTSAN NYID MTSON BYA LA SOGS PA'I THA SNYAD BYED PA'I PHYIR, DE DAG THAMS CAD RANG BZHIN GYIS MA GRUB STE, SHING RTA BZHIN DU RANG GI BTAGS GZHI'I STENG DU MING BRDAS BZHAG TZAM YIN PA'I PHYIR, GNYIS PA RGYU 'BRAS KYI DNGOS PO LA SBYOR TSUL LA, RGYU 'BRAS GNYIS PO DE YANG PHAN TSUN BLTOS NAS GRUB PA YIN TE, RGYUS 'BRAS BU MI BSKYED NA RGYUR BZHAG TU MED, RGYUS 'BRAS BU BSKYED PAS RGYU 'BRAS BU LA BLTOS PA DANG, 'BRAS BU RGYU LAS MI SKYE NA 'BRAS BU RGYU MED DU 'GYUR BAS 'BRAS BU RGYUS BSKYED PAS 'BRAS BU RGYU LA BLTOS PA'I PHYIR, DES NA RGYU 'BRAS GNYIS RANG BZHIN GYIS MA GRUB STE, DE GNYIS PHAN TSUN BLTOS NAS GRUB PA YIN PA'I PHYIR, DE LTA MA @158B YIN PAR RGYU 'BRAS RANG BZHIN GYIS GRUB NA RGYU DE 'BRAS BU'I SNGA ROL DU BYUNG NGAM PHYI ROL TU BYUNG NGAM, DUS SNYAM DU BYUNG BA DAG LAS GANG YIN, DANG PO LTAR NA RGYU'I DUS SU RGYU RGYUR 'JOG PA'I 'BRAS BU YOD PAR THAL, RGYU 'BRAS BU'I SNGA ROL DU RANG BZHIN GYIS GRUB PA'I PHYIR, GNYIS PA LTAR NA, 'BRAS BU RGYU MED LAS SKYES PAR THAL, 'BRAS BU RGYU'I SNGA ROL DU SKYES PA'I PHYIR, GSUM PA LTAR NA MI 'THAD DE, RGYU'I DUS SU GRUB ZIN PA SLAR YANG RGYU LAS SKYES PA LA DGOS PA MED PA'I PHYIR, GZHAN YANG RGYU 'BRAS RANG BZHIN GYIS GRUB NA RGYU 'BRAS GNYIS PHRAD NAS SKYED DAM MA PHRAD PAR SKYED, DANG PO LTAR NA, RGYU 'BRAS GNYIS NUS PA GCIG PAR THAL, RGYUS 'BRAS BU PHRAD NAS RANG BZHIN GYIS BSKYED PA'I PHYIR, 'DOD NA, DE GNYIS BSKYED BYA SKYED BYED MA YIN PAR THAL, 'DOD PA'I PHYIR, GNYIS PA LTAR NA, MA PHRAD PAR THAMS CAD KYIS THAMS CAD BSKYED PAR THAL, RGYUS 'BRAS BU MA PHRAD PAR RANG BZHIN GYIS BSKYED PA'I PHYIR, 'DOD MI RIGS TE, PHRAD MA PHRAD GANG RUNG MA YIN PA'I PHYIR, YANG RGYUS 'BRAS BU MI BSKYED DE, KHYOD KYIS RGYUS 'BRAS BU BSKYED PA DE THA SNYAD BTAGS PA TZAM GYIS MA TSIM PAR BTAGS DON BTZAL BA'I TSE NA RNYED PA'I SGO NAS BSKYED PAR KHAS BLANGS PA'I PHYIR, GZHAN YANG 'BRAS BU RANG BZHIN GYIS MA GRUB PAR THAL, RGYUS 'BRAS BU RANG BZHIN GYIS MI BSKYED PA'I PHYIR, 'DOD NA, RGYU RANG BZHIN GYIS MA GRUB PAR THAL, 'BRAS BU RANG BZHIN GYIS MA GRUB PA GANG ZHIG ,RGYU DANG BRAL BA'I 'BRAS BU MED PA'I PHYIR, DES NA DBU MA PA RANG LUGS LA RGYU 'BRAS GNYIS MED PA'I SKYON MED CING, 'JIG RTEN NA GRAGS PA'I DNGOS PO RNAMS KYANG YOD PA YIN TE, RGYU 'BRAS GNYIS SGYU MA'I RGYU 'BRAS BZHIN DU NANG PHAN TSUN BLTOS NAS GRUB CING, 'JIG RTEN GYI THA SNYAD TZAM DU YOD PA'I PHYIR, GSUM PA RTZOD PA SPONG BA LA, RGYU 'BRAS RANG BZHIN GYIS GRUB PA BKAG PA LA, SKYON MTSUNGS PA'I RTZOD PA BKOD PA DANG, RANG LA SKYON MI MTSUNGS PA'I LAN BSTAN PA DANG GNYIS LAS, DANG PO LA @159A *, ,KHA CIG NA RE, KHYOD KYI RGYU 'BRAS PHRAD MA PHRAD BTAGS NAS RGYU 'BRAS RANG BZHIN GYIS GRUB PA 'GOG PA DE MI RIGS PAR THAL, DE 'GOG NA DE LTA BU'I SUN DBYUNG BYED DES RGYU 'BRAS RANG BZHIN GYIS GRUB PAR DAM BCA' BA DANG PHRAD NAS SUN DBYUNG NGAM, MA PHRAD PAR SUN DBYUNG, DANG PO LTAR NA, DE GNYIS NUS PA GCIG TU 'GYUR BAS SUN DBYUNG BYA DBYUNG BYED KYI KHYAD PAR MED PAR 'GYUR BA'I PHYIR DANG, GNYIS PA LTAR NA, MA PHRAD PAR THAMS CAD KYIS THAMS CAD SUN DBYUNG BAR 'GYUR PA'I PHYIR, DE GNYIS PO GANG RUNG MA YIN PA'I SUN DBYUNG TSUL GCIG MED PA'I PHYIR, DES NA 'BRAS BU RANG BZHIN GYIS GRUB STE, DE 'GOG BYED KYI SUN 'BYIN DE SUN DBYUNG BYA DBYUNG BYED PHRAD MA PHRAD BTAGS PA'I THAL BA MTSUNGS PAS, DE LA RGYU 'BRAS RANG BZHIN GYIS GRUB PA 'GOG PA'I NUS PA MED PA'I PHYIR, GZHAN YANG, KHYOD KYIS RGYU 'BRAS GNYIS RANG BZHIN GYIS MA GRUB PAR 'DOD PA DE SANGS RGYAS DANG, BYANG CHUB SEMS DPA' LA SOGS PA'I SKYES BU DAM PA RNAMS KYI BZHED PAR MI 'GYUR TE, DE LA YANG THAL BA MTSUNGS SHING SGRUB BYED KYI RIGS PA YANG DAG MED PAS MTHA' CHAD KYI RIGS PA YIN ZHING, DNGOS PO RNAMS LA SKUR 'DEBS SU 'GYUR BA'I PHYIR, GZHAN YANG, MA PHRAD PAR SKYE NA, MA PHRAD PAR THAMS CAD KYIS THAMS CAD SKYE DGOS PAS DE YANG MI 'THAD PAR THAL, RDO KHAB LEN GYI LCAGS DANG MA PHRAD PAR LCAGS 'DREN PAR BYED PA'I PHYIR DANG, MIG GI DBANG POS GZUGS DANG MA PHRAD PAR YUL DU RUNG BA DANG TSOGS PA NA GZUGS MTHONG BA'I PHYIR, GZHAN YANG, RGYU 'BRAS RANG BZHIN GYIS GRUB STE, DE LTA MA YIN NA RANG LUGS LA RGYU 'BRAS BZHAG TU MED CING, GZHAN LUGS 'GOG PA GTZO BOR BYED PA KHYOD SUN CI 'BYIN [*PHYIN] GYI RGOL BA POR 'GYUR BA'I PHYIR, GNYIS PA RANG LA SKYON MI MTSUNGS PA'I LAN BSHAD PA LA, RANG LUGS LA SUN 'BYIN SGRUB PA 'THAD TSUL BSHAD PA DANG, GZHAN GYI THAL BA MI MTSUNGS PA'I RGYU MTSAN GSAL BAR BSHAD PA DANG, RANG NYID KYI DNGOS PO RANG BZHIN GYIS MED PAR SGRUB NUS PA DE BZHIN DU, GZHAN GYI DE LAS LDOG STE @159B SGRUB MI NUS PA DANG, 'DIR MA BSHAD PA'I SUN 'BYIN LHAG MA SHES PAR BYED PA'I TSUL DANG BZHI LAS, DANG PO LA THA SNYAD DU GZHAN LUGS SUN 'BYIN PA KHAS LEN TSUL DANG, RANG LUGS SGRUB PA KHAS LEN TSUL GNYIS LAS, DANG PO LA, RGYU 'BRAS PHRAD MA PHRAD BTAGS PA'I SGO NAS RGYU 'BRAS RANG BZHIN GYIS GRUB PA BKAG PA LA, KHYOD KYIS SUN DBYUNG BYA DBYUNG BYED PHRAD MA PHRAD BRTAGS NAS, MTSUNGS SO ZHES RTZOD PA DE MI RIGS PAR THAL, KHYOD KYI BSKYED BYA SKYED BYED RANG BZHIN GYIS GRUB PAR KHAS BLANGS, KHO BOS SUN DBYUNG BYA DBYUNG BYED DANG RGYU 'BRAS RANG BZHIN GYIS GRUB PAR KHAS MA BLANGS PA'I PHYIR, KHYAB STE, RANG BZHIN GYIS GRUB NA, THA SNYAD BTAGS PA'I BTAGS DON BTZAL BA'I TSE NA RNYED DGOS, RANG BZHIN GYIS MA GRUB PA LA, DE LTAR RNYED MI DGOS PA'I PHYIR, GNYIS PA RANG LUGS SGRUB PA KHAS LEN TSUL LA, RANG BZHIN GYIS GRUB PA'I BSGRUB BYA SGRUB BYED KYI 'THAD PA DANG BRAL YANG, GDONG PA DANG 'DRA BA'I STONG NYID RTOGS PA'I THOS BSAM SGOM GSUM GYI SHES RAB GSUM GYIS, MA RIG PA'I DRI MA SBYANG ZHING BDEN MED SGRUB PA'I GCIG DU BRAL DANG, RTEN 'BREL LA SOGS PA'I GTAN TSIGS RNAMS 'THAD PA YIN TE, DPER NA GZUGS BRNYAN LA BRTEN NAS NYI MA DANG BYAD BZHIN GYI KHYAD PAR RNAMS SHES PAR 'GYUR ZHING, GZUGS BRNYAN DE YANG NYI MA DANG PHRAD MA PHRAD MA BRTAGS PAR BRDZUN PAR SKYE BA DANG, BRDZUN PA DES KYANG BYAD BZHIN LA CHAGS PA'I DRI MA SEL BA'I BYA BA BYED NUS PA LTA BU YIN PA'I PHYIR, GNYIS PA, GZHAN GYIS THAL BA MI MTSUNGS PA'I RGYU MTSAN GSAL BAR BSHAD PA LA, RGYU 'BRAS PHRAD MA PHRAD BRTAGS PA'I SGO NAS RGYU 'BRAS RANG BZHIN GYIS GRUB PA BKAG PA LA, SUN DBYUNG BYA DBYUNG BYED PHRAD MA PHRAD BRTAGS PA'I THAL BA DE MI MTSUNGS PA'I RGYU MTSAN YOD DE, BSGRUB BYA SGRUB BYED DE DAG RANG BZHIN GYIS GRUB PAR KHAS BLANGS NA DE LTAR MTSUNGS KYANG, KHO BOS DE DAG RANG BZHIN GYIS GRUB PAR KHAS MA BLANGS PAS KHYOD RANG NGAL BA TZAM DU ZAD PA'I PHYIR, GSUM PA RANG NYID KYI DNGOS PO RNAMS RANG BZHIN GYIS MED PAR SGRUB NUS PA BZHIN DU, GZHAN GYIS DE LAS BZLOG STE SGRUB MI NUS PAR BSTAN PA LA, DBU @160A *, ,MA PAS DNGOS SMRA BA'I NGO BOR GZUGS SOGS BDEN MED DU SGRUB NUS PA BZHIN DU, DNGOS SMRA BAS DBU MA PA'I NGOR GZUGS SOGS BDEN GRUB TU SGRUB MI NUS TE, DANG POS DE LTAR SGRUB PA'I TSE RGOL BA SNGA PHYI GNYIS KA LA MTHUN SNANG DU GRUB PA'I GZUGS BRNYAN LA SOGS PA'I RTAGS CHOS GNYIS LDAN GYI MTHUN DPE YANG DAG 'GOD RGYU YOD, PHYI MAS DE LTAR SGRUB PA'I TSE NA RGOL BA SNGA PHYI GNYIS KA LA MTHUN SNANG DU GRUB PA'I RTAGS CHOS GNYIS LDAN GYI MTHUN DPE YANG DAG 'GOD RGYU MED PA'I PHYIR,, ,,DNGOS RNAMS MTHA' DAG DNGOS PO MED PAR RTOGS SU ZHUGS PA NI, ZHES PA'I GZHUNG 'DIS RTEN 'BREL GYI RTAGS LA BRTEN NAS MYU GU BDEN MED DU SGRUB PA DE'I TSE, MTHUN DPE GZUGS BRNYAN GYI STENG DU RTEN 'BREL LA BDEN STONG GIS KHYAB PA TSAD MAS MA NGES PAR SHES 'DOD CHOS CAN GYI STENG DU BDEN MED TSAD MAS NGES MI NUS PAR BSTAN PA YIN TE; DE SKAD DU YANG, RNAM BSHAD DGONGS PA RAB GSAL LAS, 'DIS NI BDEN MED SGRUB PA'I GTAN TSIGS RTEN 'BREL LTA BU LA BDEN MED KYIS KHYAB PA MTHUN DPE'I STENG DU MA NGES PAR, BDEN MED CHOS CAN GYI STENG DU TSAD MAS NGES PAR BYAR MED PAR GSUNGS SO, ,ZHES GSUNGS PA'I PHYIR, DE LTAR SGRUB PA DE'I TSE NA PHYI RGOL YANG DAG DES, MTHUN DPE GZUGS BRNYAN GYI STENG DU RTEN 'BREL LA BDEN STONG GIS KHYAB PA TSAD MAS NGES KYANG MTHUN DPE BDEN MED DU TSAD MAS MA NGES ZER NA, PHYI RGOL DES MYU GU'I STENG DU DE 'DRA BA'I KHYAB PA TSAD MAS NGES PAR THAL, MYU GU'I STENG DU DE NGES NA, MYU GU BDEN MED DU TSAD MAS NGES MI DGOS PA'I PHYIR, DER THAL, MTHUN DPE GZUGS BRNYAN LA DE'I PHYIR, 'DOD NA, MYU GU BDEN MED DANG RTEN 'BREL GYI GZHI MTHUN DU TSAD MAS NGES PAR THAL, 'DOD PA'I PHYIR, DES NA DNGOS SMRA BA KHYOD KYI SU ZHIG GIS RBAD CING BCOL NAS, DAR GYI SRIN BU RANG GI KHA MCHUS 'CHING BA DE BZHIN DU, SEMS CAN RNAMS BDEN 'DZIN LHAN SKYES KYIS BCINGS BZHIN DU BDEN 'DZIN KUN BTAGS KYIS 'CHING BAR BYED PA MI RIGS PAR THAL, DNGOS PO RANG BZHIN GYIS GRUB PA 'GOG BYED KYI SUN 'BYIN DE, CHOS MTHUN GYI @160B RGOL BA GANG GI YANG BZLOG PAR MI NUS PA'I PHYIR, GZHAN YANG, BDEN 'DZIN LHAN SKYES KYI [*KYIS] KUN NAS BSLANGS NAS, RIGS PA LTAR SNANG GIS DNGOS PO RANG BZHIN GYIS GRUB PAR SGRUB PA DE MI 'THAD PAR THAL, GZHAL BYA RANG SPYI GNYIS DANG GZHAL BYED MNGON RJES TSAD MA GNYIS RANG BZHIN GYIS GRUB PA'I SKABS MED PA'I PHYIR, NGED DBU MA PA SUN CI PHYIN GYI RGOL BA PO YANG MA YIN TE, DE NI RANG PHYOGS THA SNYAD TZAM DU BZHAG TU MED GZHAN PHYOGS 'GOG PA DON DAM DU GRUB PAR 'DOD PA ZHIG YIN PA ZHIG NA, NGED DBU MA PA DE LTA BU MA YIN PA'I PHYIR, BZHI PA, 'DIR MA BSHAD PA'I SUN 'BYIN LHAG MA SHES PAR BYA BA'I TSUL LA, SA BON LA MYU GU RTEN PAS RTEN 'BYUNG DANG, PHUNG PO LA BDAG RTEN PA'I RTEN 'BREL GYI RNAM GZHAG BYED PA DE'I TSE NA, DE'I LOG PHYOGS MTHA' BZHI 'GOG BYED KYI RIGS PA'I SUN 'BYIN LHAG MA RGYU 'BRAS PHRAD MA PHRAD BRTAGS PA'I SGO NAS BKAG PA LA, SUN DBYUNG BYA DBYUNG BYED PHRAD MA PHRAD BRTAGS PA'I SGO NAS MTSUNGS PAR BSGRE BA LA SNGA PHYI RANG BZHIN GYIS GRUB PAR KHAS LEN PA'I KHAS LEN MED PA'I LAN 'DI NYID KYANG DE DANG RIGS PA MTSUNGS PA'I PHYIR, RTZOD PA GZHAN LA YANG LAN BSTAN PAR BYA BA YIN TE, 'DI'I SGO NAS LAN DON MTHUN THEBS GZHAN GYIS MI THEBS PA'I PHYIR; MDOR BSDU NA, CHOS DANG GANG ZAG THAMS CAD RANG BZHIN GYIS MA GRUB STE, DE GNYIS RANG BZHIN GYIS GRUB PA TSAD MAS MI 'GRUB CING, DE GNYIS RANG BZHIN GYIS MA GRUB PAR DAM BCAS PA LA CHOS MTHUN GYI RGOL BA SU YANG MED PA'I PHYIR, 'BRAS BU'I RNAM GZHAG LA SOGS PA NI GZHAN DU SHES PAR BYA'O,, ,,RAB 'BYAMS ZHING GI RGYAL DANG DE SRAS KYIS, ,LEGS PAR BSNGAGS PA'I RGYAS 'BRING BSDUS GSUM GYI, ,DNGOS BSTAN STONG NYID RIM PA LUNG RIGS KYIS, ,RDZOGS PAR 'GREL PA KLU SGRUB GZHUNG LUGS MCHOG ,TSUL BZHIN 'GREL MDZAD DPAL LDAN ZLA BA YIS, , 'GREL MDZAD GZHAN DANG THUN MONG MA YIN PA, ,RANG BZHIN MED CING MING BRDAS BZHAG TZAM LA, ,'CHING GROL CHES 'THAD MTHA' BRAL DBU MA'I LAM, ,'GA' ZHIG 'DI LA PHYOGS TZAM MOS NA YANG, ,DAM PA'I MGON DANG BSAGS SBYANGS STOBS DMAN PAS, ,YOD MIN RANG BZHIN MED PA'I DON SOGS @161A *, ,SU; ;'DZIN PA'I NYES BSHAD DRI MAS SBAGS PA RNAMS, ,LUNG DANG RIGS PAS LEGS PAR SUN PHYUNG NAS, ,GANGS RI'I KHROD 'DIR RGYAS PAR BYED PA LA, ,KLU SGRUB SNYING PO SLAR YANG BYON 'DRA BA'I, ,BLO BZANG GRAGS PA'I LUGS BZANG RMAD DU BYUNG, ,DE PHYIR MGON DE'I BKA' DRIN BSAM MI KHYAB, ,DE BSAB PHYIR DANG DON GNYER 'GA' ZHIG LA, ,PHAN PAR SRID SNYAM KHO BOS 'DI BYAS SO, ,DE PHYIR GZUNG GNAS BLO GROS LDAN RNAMS KYIS, ,BSNYEN BKUR DON GNYER DRI MAS MA GOS PAR, ,RANG GZHAN DON GNYIS BSGRUB PAR BYA BA'I PHYIR, , 'JUG NGOGS 'DI LA THOS BSAM SGOM GSUM GYIS, ,'JUG PAR RIGS SO BRTZON PA'I STOBS BSKYED CIG ,'ON KYANG BDAG NI BLO DMAN BRTZON PA CHUNG, ,SHER PHYIN DGONGS DON MTSO LTAR GTING ZAB PAS, ,ZAB MO'I LAM 'DI RTOGS PAR SHIN TU DKA', ,DE PHYIR NOR 'KHRUL MCHIS NA MKHAS LA BSHAGS, ,DGE 'DIS MTSON NAS DUS GSUM DANG 'BREL BA'I, ,BDAG GZHAN DGE BA'I RTZA BA CI MCHIS PA, ,GNAS SKABS ZAB MO'I DON 'DI LEGS RTOGS NAS, ,MTHAR THUG BYANG CHUB CHEN PO MYUR THOB SHOG ,DE MA THOB KYI TSE RABS THAMS CAD DU, ,BLO BZANG BSTAN PA'I RGYAL MTSAN PHYOGS KUN TU, ,BSGRENG LA SA STENG 'GRAN ZLA MA MCHIS PA'I, ,PHYOGS LAS RNAM PAR RGYAL BA 'THOB PAR SHOG ,'DI NYID 'CHAD DANG NYAN PAR BYED PA RNAMS, ,RGYAL BA'I SPYAN SNGAR SKYONG BAR ZHAL BZHES PA, ,ZHING SKYONG GZI LDAN DBANG PHYUG 'KHOR BCAS KYIS, ,G-YEL BA MED PAR RTAG TU GROGS BYED SHOG ,CES DBU MA LA 'JUG PA'I SPYI DON RNAM BSHAD DGONGS PA RAB GSAL GYI DGONGS PA GSAL BAR BYED PA BLO GSAL SGRON ME ZHES BYA BA 'DI NI SNYOMS LAS 'DZIN PA DGE SLONG DGE 'DUN BSTAN PA DAR RGYAS KYIS SBYAR BA'O,, ,,AOm SVASTI, PHUN TSOGS LEGS BYAS GSER GYI SA GZHI LAS, ,LEGS 'THON SKU BZHI'I BANG RIM MCHOG GIS MDZES, ,SKYON BRAL 'PHRIN LAS GZI BYIN RAB 'BAR BA'I, ,THUB DBANG SA 'DZIN DBANG POR GUS @161B PHYAG 'TSAL, ,DE SRAS THU BO RJE BTZUN MKHYEN PA'I GTER, ,KLU SGRUB 'PHAGS PA LHA DANG ZLA BA'I ZHABS, ,THUB BSTAN 'DZIN PA'I GTZUG RGYAN MKHAS PA'I MCHOG ,YAB SRAS BRGYUD PAR BCAS LA SNYING NAS 'DUD, ,BLO GROS BLO YIS MUN PA MTHAR BYED CING, ,BZANG PO'I LEGS BSHAD PAD TSAL RGYAS MDZAD PA, ,GRAGS PA'I 'OD STONG SRID GSUM RAB SPRO BA'I, ,'JAM MGON NYIN BYED DBANG PO PHYAG GI YUL, ,MKHAS MANG DGE 'DUN RGYU SKAR DBUS GNAS SHING, ,LUNG RTOGS BSTAN PA'I GLING BZHI'I MKHAR 'PHAGS TE, ,MKHYEN BRTZE'I 'OD KYIS GDUL BYA KUN DGA'I TSAL, ,YONGS SMIN BSHES GNYEN MTSAN MO'I MGON DE RGYAL, ,ZAB BRLING DON BZANG LEGS BSHAD RGYUD MANG GLUR, ,BLANGS PAS THE TSOM NAD SEL SMAN GYI LJON, ,MA RIG NAD KYI ZUG RNGU ZHI BYED PA'I, ,MTHA' BRAL LTA BA'I GNAD DON SENGGE'I SGRAS, ,PHAS RGOL GNYIS 'THUNG TSOGS RNAMS ZIL GYIS GNON, ,DPAL LDAN ZLA BA'I LUGS BZANG CHU GTER LAS, ,LEGS 'THON RNAM BSHAD RIN CHEN DBANG GI RGYAL, ,LUNG DANG RIGS PA'I BYI DOR CHER BYAS TE, ,THUB BSTAN RGYAL MTSAN RTZE MOR RAB BKOD NAS, ,YANG DAG LTA BA'I 'BYOR PA 'DOD RNAMS LA, ,DPAG YAS YON TAN 'DZAD MED NOR GYI CHAR, ,PHAB PAS LTA NGAN DBUL 'PHONGS ZHI GYUR CIG ,'DIR 'BAD DGE TSOGS BYANG CHUB RGYUR BSNGOS PA'I, ,'BRAS BU'I TSAD KYANG NAM MKHA'I MTHA' KLAS PA, ,'GRO BA KUN GYI 'DREN PA BLA MED MCHOG ,THAMS CAD GZIGS PA'I GO 'PHANG MYUR THOB SHOG ,THUB BSTAN SNYING PO GSER MDOG 'CHANG BA'I SDE, ,SPYI DANG THOS BSAM NOR BUS PHYUG PA'I GLING, ,'PHEL RGYAS PHAN BDE'I DRI BZANG MNGAR PO'I RO, ,MYANGS PAS MTHA' DBUS 'GRO RNAMS BDE LDAN SHOG ,'DI'I CHED RGYU SBYOR 'BREL THOGS 'GRO BA KUN, ,SNGON BSAGS SDIG SGRIB DRI MA KUN SBYANGS NAS, ,LEGS TSOGS TSE 'BYOR STOBS SOGS YON TAN KUN, ,LHUN GRUB KUN MKHYEN THOB PA'I RGYU RU BSNGO, ,DGE LEGS KUN 'BYUNG BLA MA YI DAM LHA, ,'PHRIN LAS KUN SGRUB SRUNG MA'I TSOGS SPYI DANG, ,KHYAD PAR THA 'OG LI BYIN HA RA CHES, , @162A *, ,[DD] G-YEL MED SRUNG SKYOB BKRA SHIS BDE LEGS MDZOD, ,CES BSTAN BCOS CHEN PO DBU MA LA 'JUG PA'I SPYI DON MKHAS GRUB BSTAN PA DAR RGYAS KYIS MDZAD PA'I RNAM BSHAD DGONGS PA RAB GSAL GYI DGONGS PA GSAL BAR BYED PA'I BLO GSAL SGRON ME ZHES BYA BA 'DI SNGA SOR SER SMAD RANG DU PAR ZHIG YOD PAR SNANG YANG LCAGS SBRUL LA ZHUGS KYIS RKYEN DBANG DU SONG BA BCAS, SPYI DON 'DI BZHIN BLO GSAL RNAMS LA PHAN THOGS CHE NGES YOD STABS BSTAN RGYUN LA BSAMS GZHUNG SA NAS PAR GSAR BSKRUN BGYID RTZIS YOD THOG RGYAL KHAB PI CING NAS G-YUNG DGON KHRI PA RGYUD STOD SHAR PA CHOS RJES KYANG BSKUL MA'I NYER LEN LA BRTEN SNGON YOD PAR MA LA YIG NOR PHRAN BU YOD PA RNAMS RANG LUGS KHAS LEN DANG MTHUN KHYAD SER SMAD THOS BSAM NOR BU'I GLING GI SLOB DPON LAS THOG PA GRAGS PA 'PHRIN LAS NAS ZHIB 'JUG BGYIS SHING, DGE BSHES RAB 'BYAMS PA RIN CHEN RGYAL MTSAN DANG, DKA' BCU 'PHRIN LAS CHOS 'KHOR GNYIS NAS KYANG CHED DU YIG CHAR DAG THER SKYON SEL LEGS PAR BYAS, DO DAM RTZE DRUNG SBYANG GRONG BSKAL BZANG 'PHRIN LAS YAR 'PHEL DANG, AE SNYE'I BRIS BRKOS MKHAS BSDUS BZHI BCU SKOR NAS ME KHYI LO 'PHAGS PA 'JIG RTEN DBANG PHYUG GI GZHAL MED KHANG PHO BRANG CHEN PO PO TA LAR PAR GSAR BSKRUN BGYIS DUS PAR BYANG SMON TSIG TU SH'AKYA'I DGE SLONG DE MO NO MIN HAN NGAG DBANG 'JAM DPAL BDE LEGS RGYA MTSOS DGA' LDAN GSANG SNGAGS DGA' TSAL GYI GTZUG LAG KHANG DU SBYAR BA 'DIS KYANG RGYAL BA'I BSTAN PA RIN PO CHE PHYOGS DUS GNAS SKABS THAMS CAD DU DAR ZHING RGYAS LA YUN RING DU GNAS PA'I RGYUR GYUR CIG ,SARBA MANGGA LAm; ,, [DD] @162B [BP]