@IV-01 *, ,TSAD MA RNAM 'GREL GYI DGONGS PA RGYAS PAR BSHAD PA ZHES BYA BA LE'U BZHI PA BZHUGS SO, @IV-02 *, ,RANG GZHAN KUN GYI 'KHOR RTZA MA RIG PA'I, , DPUNG TSOGS 'JOMS BYED SGRUB NGAG SUN 'BYIN MTSON, , LTAR SNANG BCAS PA JI BZHIN RGYAS MDZAD PA'I, , GZHAN DON LE'U YI RNAM BSHAD 'DIR BSHAD DO, , RANG NYID NGES PA'I THABS BSHAD ZIN NAS GZHAN RJES SU 'DZIN PA'I THABS BSTAN PA LA 'BRU 'GREL DANG, MTHA' DPYOD PA GNYIS LAS THOG MAR 'BRU 'GREL GTZO BO 'CHAD PA LA, @IV-03 ` RJOD BYED KYI NGAG DANG, BRJOD BYA'I DON BSHAD PA GNYIS, DANG PO KUN BTUS SU GZHAN DON RJES DPAG GI MTSAN NYID 'CHAD PA'I TSIG ZUR DU RANG GIS MTHONG BA ZHES PA'I DON 'CHAD PA LA, RTZA BAR, GZHAN LA BSTAN PAR BYA NYID PHYIR, ,BDAG MTHONG MIN YANG GZHAN DAG GIS, ,MTHONG BA SGRUB BYED CES KHA CIG , DE SPANG PHYIR BDAG MTHONG BA'I TSIG ,CES PAS, RANG GIS MTHONG BA SMOS PA'I DGOS PA SNGA RGOL RANG GIS MTHONG BA SMOS PA'I DGOS PA BSHAD DE, SER SKYA PA KHA CIG GIS, GZHAN DON GYI GTAN TSIGS RNAMS NI PHYI RGOL GZHAN LA BSTAN PAR BYA BA NYID YIN PAS, GZHAN DAG SANGS RGYAS PA'I LUNG TZAM LAS MTHONG BA'I RTAGS DE SGRUB BYED YANG DAG YIN NO, ,SNGA RGOL BDAG GIS MTHONG BA MIN YANG GZHAN DON RJES DPAG GO ZHES SMOS SO, , DE 'DRA DE SGRUB NGAG YANG DAG YIN PA SPANG BA'I PHYIR, MTSAN NYID KYI ZUR DU BDAG GIS MTHONG BA'I TSIG SMOS PA'O,, LUNG TZAM SGRUB BYED MA YIN PAR BSTAN PA LUNG TZAM SGRUB BYED MIN PAR BSTAN PA NI, RTZA BAR, YONGS BRTAGS YONGS SU LEN PA'I PHYIR, ,RJES SU DPAG PA'I YUL LA TSIG , TSAD MA NYID DU 'DOD MA YIN, ,DER NI RJES DPAG 'JUG MI 'GYUR, , LUNG LA GNOD PHYIR GZHAN LA NI, ,SGRUB BYED BRJOD PHYIR DE YI TSE, , DE NI TSAD MA DE BAS NA, ,DES GRUB MA LUS GRUB MA YIN, , @IV-04 GAL TE LUNG DE LDAN LA GRUB, ,CE NA GANG GI LUNG GANG YIN, , TSAD MAS GNOD PAR GYUR PA YI, ,LUNG DE JI LTAR GRUB PA YIN, , DE DANG 'GAL BA KHAS LEN PA, ,DE NYID KYIS NI JI LTAR 'GYUR, , DE LAS GZHAN PA KHAS LEN NA, ,DE DOR YAN LAG TSAD MA MIN, , ZHES PAS, GZHAL BYA'I GNAS DANG PO GNYIS LA YONGS SU BRTAGS ZIN NAS, SHIN LKOG GI SGRUB BYED DU YONGS SU LEN PA TZAM YIN PAS, SANGS RGYAS PA'I LUNG TSIG DNGOS PO STOBS ZHUGS KYI RJES SU DPAG PA'I YUL LA SGRUB BYED TSAD MA NYID DU 'DOD PA MA YIN NO, ,BLO BDE SKYE 'JIG CAN DER NI DNGOS STOBS RJES DPAG 'JUG PA MI 'GYUR TE, LUNG TZAM GYIS GRUB PA KHYOD KYIS KHAS LEN PAS SO, ,SKYE 'JIG CAN GYI RTAGS KYIS BLO BDE SEMS MED DU SGRUB PA DE'I TSE, BLO BDE SKYE 'JIG CAN DU BRJOD PA'I SANGS RGYAS PA'I LUNG DE NI, SGRUB BYED TSAD MA MIN PAR THAL, DE'I TSE BLO BDE SEMS YOD DU STON PA'I SANGS RGYAS PA'I LUNG DON LA GNOD BYED BSTAN PA'I PHYIR DU GZHAN BLO BDE SEMS MED LA NI @IV-05 SKYE 'JIG CAN SGRUB BYED DU BRJOD PA YIN PA'I PHYIR, DE BAS NA SANGS RGYAS PA'I LUNG DES GRUB PA'I RTAGS SKYE 'JIG CAN, RTAGS DES GRUB PA'I BLO BDE SEMS MED LA SOGS PA MA LUS PA GRUB PA MA YIN NO, ,GAL TE LUNG DE KHAS BLANG PA DANG LDAN PA LA TSAD MA GRUB BO ZHE NA, SANGS RGYAS PA GANG GI LUNG DE JI LTAR TSAD MAR GRUB STE MA GRUB PAR THAL, TSAD MAS GNOD PAR GYUR PA'I LUNG YIN PA'I PHYIR, SANGS RGYAS PAS DE LTAR KHAS LEN NO ZHE NA, SANGS RGYAS PA CHOS CAN, SANGS RGYAS PA'I LUNG KHAS BLANGS PA DE NYID KYIS NI, BLO BDE SKYE 'JIG CAN DU JI LTAR GRUB STE 'GRUB PAR MI 'GYUR BAR THAL, SANGS RGYAS PA'I LUNG DE DANG 'GAL BA KHAS LEN RIGS PA'I PHYIR, KHYAB STE LUNG DE LAS GZHAN PA KHAS LEN NA, LUNG DE DOR BYA'I YAN LAG YIN GYI TSAD MA MIN PA'I PHYIR, ` GRANGS CAN RANG LA SGRUB BYED 'GOD PAR GDAMS PA NI, RTZA BAR, RANG RTOGS GANG LAS BYUNG GYUR PA, ,SGRUB BYED DES NI CIS MA BRJOD, , RIG PA GANG GIS LUNG 'DZIN PA, ,DE NI 'DIS KYANG CIS MI 'DZIN, , @IV-06 SNGAR NI SGRUB BYED GANG DAG GIS, ,THA MAL PAR GYUR RTOGS PA DANG, , DBANG PO 'BYUNG BA'I SGRUB DE DAG ,DE'I DON NUS SHES LA NUS YIN, , GANG YANG 'BREL BA RNAM CHAD CAN, ,SPYIS KYANG SPYOD YUL MA YIN PA'I, , DON DE DAG LA BSGRUB BYA DANG, ,SGRUB BYED DPYOD PA CUNG ZAD MED, , CES PAS, GRANGS CAN RANG GIS BLO BDE SEMS MED DU RTOGS PA GANG LAS BYUNG BAR GYUR PA'I SGRUB BYED DE NI, SANGS RGYAS PA LA CIS MA BRJOD DE BRJOD RIGS PAR THAL, SANGS RGYAS PA LA BLO BDE SEMS MED DU SGRUB PA'I SNGA RGOL YIN PA'I PHYIR, KHYOD KYIS GRANGS CAN GYI LUNG KHAS MI LEN PAS MA BRJOD CE NA, LUNG DE TSAD MA MIN NA, DE LAS BLO BDE SEMS MED DU SGRUB MI NUS, TSAD MA YIN NA, RIGS PA GANG GIS KHYOD TSAD MAR 'DZIN PA'I RIGS PA DE NI, SANGS RGYAS PA 'DIS KYANG CIS MI 'DZIN TE 'DZIN RIGS PAR THAL, LUNG TSAD MA YIN PA'I PHYIR, BLO BDE SEMS MED DU RNAL 'BYOR MNGON SUM GYIS RTOGS SO ZHE NA, GRANGS CAN KHYOD SNGAR NI THA MAL PAR GYUR PA LAS SGRUB BYED GANG GIS RNAL 'BYOR MNGON SUM RTOGS PA DANG, DBANG PO STE RNAL 'BYOR MNGON SUM 'BYUNG BA'I SGRUB @IV-07 BYED DE DAG SANGS RGYAS PA LA STON RIGS TE, BLO BDE SEMS MED RNAL 'BYOR MNGON SUM GYIS RTOGS PA'I SNGA RGOL YIN PAS SO, ,KHYAB STE, SANGS RGYAS PAS KYANG RNAL 'BYOR MNGON SUM DE'I DON SGRUB PA'I NUS PA SHES LA SHES PA LTAR SGRUB NUS PA YIN PA'I PHYIR, RNAL 'BYOR MNGON SUM DE SGRUB BYED GANG DANG 'BREL BA RNAM PAR CHAD PA CAN YIN PAS MA BSTAN TO ZHE NA, 'O NA, BLO BDE SEMS MED KYI DON DE DAG LA BSGRUB BYA DANG SGRUB BYED KYI DPYOD PA CUNG ZAD KYANG MED PAR THAL, RNAL 'BYOR MNGON SUM THABS GANG DANG YANG 'BREL BA RNAM PAR CHAD PAS, MNGON SUM GYI YUL MIN PA MA ZAD, SPYI'I SGO NAS KYANG TSAD MA'I SPYOD YUL MA YIN PA'I PHYIR, KHAS BLANGS TZAM SGRUB BYED YIN NA HA CANG THAL BA KHAS BLANGS TZAM SGRUB BYED YIN NA HA CANG THAL BA NI, RTZA BAR, SKYES BU'I BSAM PA'I DBANG GIS NI, ,DE NYID DE NYID MI 'JOG NA, ,GTAN TSIGS DER SNANG MED 'GYUR TE, , DE NI DNGOS BSTAN MED PHYIR RO, ,DON YOD SHES LA LTOS BCAS YIN, , MED PA SHES PAS SGRUB BYED MIN, ,ZHES PAS, SKYES BU'I BSAM PA'I DBANG GIS NI GTAN TSIGS YANG DAG DE NYID DANG, DE NYID MIN PAR 'JOG @IV-08 NUS PAR THAL, PHYI RGOL GYIS KHAS BLANGS PA TZAM GYIS RTAGS YANG DAG TU 'GYUR BA'I PHYIR, 'DOD NA, GTAN TSIGS YANG DAG DANG DER SNANG STE GTAN TSIGS LTAR SNANG GNYIS MTHA' GCIG TU NGES PA MED PAR 'GYUR RO, ,KHYAB STE, STONG PA ZHES 'DOD PA DE NI DNGOS PO LA BRTEN PA MIN PA'I PHYIR RO,, ` RANG LUGS NI, TSUL GSUM DON LA MED PAR BTAGS TZAM SGRUB BYED YANG DAG MIN TE, RTAGS YANG DAG YIN NA TSUL GSUM DON LA YOD PA TSAD MAS SHES PA LA LTOS PA DANG BCAS PA YIN PA'I PHYIR, ` BSGRUB BYA DGAG PA NI, RTZA BAR, YOD KYANG DNGOS DANG 'BREL MED PA'I, , RTOGS PA RTOGS PA MED DANG MTSUNGS, ,RANG BZHIN DANG NI 'BRAS BU 'AM, , SNANG BA MTHONG BA MED NYID RTAGS, ,'BREL DE DNGOS LA GRUB YIN NA, , RANG LA CI YI PHYIR MA GRUB, ,GZHAN GYIS KYANG GZHAN LAS RTOGS PAR, , MI RIGS, ,ZHES PAS, BLO BDE SEMS MED GAL TE YOD KYANG KHYOD RTOGS PA DE RTOGS PA MED PA DANG MTSUNGS PAR THAL, SGRUB BYED KYI DNGOS PO DANG 'BREL BA MED PA'I PHYIR, SKYE 'JIG CAN GYI RTAGS DE BLO BDE SEMS MED DU SGRUB PA'I RANG BZHIN DANG NI 'BRAS BU'AM, SNANG BA @IV-09 MTHONG BA MED PA NYID KYI RTAGS GANG RUNG DU THAL, DE SGRUB KYI RTAGS YANG DAG YIN PA'I PHYIR, 'DOD NA, RTAGS CHOS KYI 'BREL BA DE CHOS CAN, SNGA RGOL RANG LA CI'I PHYIR MA GRUB STE GRUB PAR THAL, DNGOS PO LA GRUB PA'I PHYIR, DE MA GRUB NA, SANGS RGYAS PA GZHAN GYIS KYANG GZHAN SKYE 'JIG CAN GYI RTAGS LAS BLO BDE SEMS MED DU RTOGS PAR MI RIGS PAR THAL, RTAGS CHOS 'BREL BA MED PA'I PHYIR, ` RANG LA MTSUNGS PA SPANGS PA'I NANG GSES THAL 'GYUR GYI RNAM GZHAG BSHAD PA NI, RTZA BAR, GZHAN GYIS BRTAGS PA YIS, ,THAL BA SGRUB PA GNYIS 'BREL PHYIR, ,GCIG MED NA GZHAN DGAG PHYIR YIN, ,ZHES PAS, SER SKYA PAS, GZHAN GYI KHAS BLANGS RTAGS SU MI RUNG NA, KHYOD DANG SLOB DPON PHYOGS GLANG SOGS KYIS DE LTAR BKOD DO ZHE NA, BYE BRAG PA GZHAN GYIS BTAGS PA'I BA LANG GI SPYI RTAG DNGOS CHOS CAN, RANG BZHIN DU MAR THAL, GSAL BA DU MA LA DON DAM PAR 'BREL BA'I PHYIR, ZHES PAS MI 'DOD PA'I THAL BA SGRUB PA CHOS CAN, DON YOD DE, GCIG RANG BZHIN DU MA MED NA GZHAN GSAL BA DU MA LA DON DAM PAR 'BREL BA DGAG PA'I CHED YIN @IV-10 PA'I PHYIR, CHA BCAS SU MED NA, GSAL BA DU MA DANG 'BREL BA DGAG NUS TE, CHA DANG CHA BCAS GNYIS 'BREL DGOS PA'I PHYIR, DON SMOS PA'I DGOS PA GNYIS PA KUN BTUS SU GZHAN DON RJES DPAG GI MTSAN NYID 'CHAD PA'I TSIG ZUR DU DON SMOS PA'I DGOS PA NI, RTZA BAR, DON SMOS DE NI SGRA DAG DANG, ,RTOG PAS SGRO BTAGS BDAG NYID CAN, ,RTAGS NYID MIN PAR SGRUB DON TE, ,DON LAS DON NI GRUB PHYIR RO, , RTOG DANG LUNG DAG BYED PA PO'I, ,'DOD PA TZAM DANG RJES 'BREL DANG, , DNGOS LAS GZHAN DU SRID PA'I PHYIR, ,BTAGS PA DAG NI 'KHRUL PA YIN, , ZHES PAS, GZHAN DON RJES DPAG 'CHAD PA'I SKABS SU DON SMOS PA DE NI CHOS CAN, DGOS PA YOD DE, DON LA MA GRUB PAR SGRA DAG DANG RTOG PAS SGRO BTAGS PA'I BDAG NYID CAN GYI RTAGS DE RTAGS YANG DAG NYID MIN PAR BSGRUB PA'I DON DU YIN PA'I PHYIR TE, TSUL GSUM DON LA YOD PA LAS BSGRUB BYA DON LA YOD PA NI GRUB PA ZHIG DGOS PAR BSTAN PA'I PHYIR RO, ,RTOG PA DANG LUNG DAG GIS BTAGS PA'I RTAGS DAG NI BYED PA PO'I 'DOD PA TZAM DANG RJES SU 'BREL BA DANG MTHUN PHYOGS KYI DNGOS PO LAS GZHAN DU 'JUG PA SRID PAS KHYAB PA @IV-11 'KHRUL PA YIN NO, GSAL BYED SMOS PA'I DGOS PA GSUM PA KUN BTUS SU GZHAN DON RJES DPAG GI MTSAN NYID 'CHAD PA'I TSIG ZUR DU RAB GSAL BYED SMOS PA'I DGOS PA LAS PHYOGS TSIG SGRUB NGAG GI YAN LAG YIN PA DGAG PA NI, RTZA BAR, DON GYIS DON RTOGS PHYIR DON LA, ,PHYOGS DANG GTAN TSIGS BRJOD NUS MED, ,DES NA DE DAG RANG NYID LAS, ,SGRUB PAR BYED PA GNAS MA YIN, ,PHYOGS KYI TSIG DE SMRA BA PO'I, ,BSAM PA STON PAR BYED PA LA, ,TSAD YIN DE LAS THE TSOM DAG ,SKYE PHYIR DNGOS SU SGRUB BYED MIN, , BSGRUB PAR BYA BA BRJOD PA YIS, ,BRGYUD PA YIN KYANG NUS PA MED, , GTAN TSIGS BRJOD PA RANG NYID LA, ,NUS PA MED KYANG NUS STON BYED, , GTAN TSIGS DON GYI YUL NYID KYIS, ,NUS MED DE NI BRJOD PAR BSHAD, , CES PAS, RAB GSAL BYED CES PA NI PHYOGS TSIG SGRUB NGAG GI YAN LAG YIN PA BCAD PA'I CHED YIN TE, PHYOGS DANG GTAN TSIGS BRJOD PA'I TSIG DE DAG CHOS CAN, RANG NYID LAS BSGRUB BYA SGRUB PAR BYED PAR GNAS PA MA YIN TE, TSOGS DON LA RTOGS PA SKYE BA'I NUS PA MED PA'I PHYIR, KHYAB STE, RTAGS YANG DAG YIN NA TSUL GSUM PA'I DON GYIS BSGRUB BYA'I DON RTOGS PA DGOS PA'I @IV-12 PHYIR, SGRA MI RTAG CES PA'I PHYOGS KYI TSIG DE CHOS CAN, RANG SMRA BA PO'I RGYUD LA BSAM PA STON PAR BYED PA LA SGRUB BYED TSAD MA YIN TE, DE SGRUB KYI TSUL GSUM YIN PA'I PHYIR, SGRA MI RTAG PA DNGOS SU SGRUB BYED MIN TE, KHYOD LAS SGRA MI RTAG PA LA THE TSOM DAG SKYE BA'I PHYIR, BRGYUD PA YIS KYANG SGRA MI RTAG PA SGRUB PA'I NUS PA MED DE, BSGRUB PAR BYA BA SGRA MI RTAG PA TZAM DNGOS SU RJOD PA YIS SO, ,GTAN TSIGS BRJOD PA'I SGRUB NGAG CHOS CAN, RANG NYID LA SGRA MI RTAG PA DNGOS SU SGRUB PA'I NUS PA MED KYANG SGRA MI RTAG PA'I SGRUB BYED YIN ZHES BRJOD DU RUNG STE, SGRA MI RTAG PA DNGOS SU SGRUB NUS KYI TSUL GSUM STON BYED KYI NGAG YIN PA'I PHYIR, PHYOGS TSIG DNGOS DANG BRGYUD PA'I SGO NAS BSGRUB BYA SGRUB BYED MIN PA SLOB DPON GYIS BZHED DE, DE LAS THE TSOM DAG SKYE BA'I PHYIR ZHES DANG, DE LA DPAG BYA BSTAN PA NI, ,GTAN TSIGS DON GYI YUL DU 'DOD, , CES GSUNGS PA NYID KYIS, PHYOGS TSIG PHYOGS SGRUB PA'I NUS PA MED PA'I PHYOGS DE NI BRJOD PAR BSHAD PA'I PHYIR, ` SGRUB BYED DGAG PA NI, @IV-13 RTZA BAR, GAL TE DE LA'ANG NUS YOD DE, ,GTAN TSIGS TSIG NI 'JUG PHYIR NA, ,DE NI THE TSOM GYIS SHES PAR, ,'DOD PAS SKABS LA BRTEN PA YIN, ,MI MTHUN PHYOGS KHAS LEN NA YANG, ,DE MTSUNGS PHYIR NA THUG MED 'GYUR, ,NANG GI YAN LAG NUS PA NI, ,TSUL GSUM DAG LA YANG DAG GNAS, ,DE LA DRAN PA BSKYED PA NI, ,DE NYID TSIG LA YANG DAG GNAS, ,GAL TE YUL BSTAN MED PAR NI, ,GTAN TSIGS 'JUG PA MED PA'I PHYIR, ,YUL BSTAN PA DAG NYID LAS NI, ,NUS PA BSGRUB PAR 'DOD CE NA, ,KHYAB SNGON CAN LA DE MED KYANG, ,SGRA NI BYAS YIN 'DI 'DRA KUN, ,MI RTAG CES NI BRJOD PAS KYANG, ,DON GYIS DE NI 'JIG BLOR 'GYUR, ,PHYOGS BSTAN PA NI MED NA YANG, ,'GRUB PA LA NI GEGS MED PHYIR, ,GSUM LAS TSUL GANG RUNG BA NYID, , MA BSTAN MA TSANG YIN PAR BRJOD, ,CES PAS, GAL TE PHYOGS TSIG DE LA'ANG PHYOGS SGRUB PA'I NUS PA YOD DE, KHYOD LA BRTEN NAS GTAN TSIGS KYI TSIG NI 'JUG PA'I PHYIR ZHE NA, SGRA DE NI RTAG MI RTAG THE TSOM ZA BA'I RGYU MTSAN GYIS SHES PAR 'DOD PAS, SNGA RGOL LA @IV-14 'DRI BA'I SKABS SGRUB NGAG GI YAN LAG YIN PAR THAL, DE LA BRTEN NAS GTAN TSIGS 'JUG PA YIN PA'I PHYIR, GNYEN PO 'DREN NUS KYI MI MTHUN PHYOGS SGRA RTAG PAR KHAS LEN PA'I TSIG CHOS CAN, SGRUB NGAG GI YAN LAG YIN PAR THAL, KHYOD LA BRTEN NAS RTAGS TSIG 'JUG PA MTSUNGS PA'I PHYIR, 'DOD NA, SGRUB NGAG GI YAN LAG THUG MED DU 'GYUR RO, ,PHYOGS TSIG LA BSGRUB BYA SGRUB PA'I NUS PA MED DE, NANG GI YAN LAG BSGRUB BYA DNGOS SU SGRUB PA'I NUS PA NI TSUL GSUM DAG LA YANG DAG PAR GNAS LA TSUL GSUM DE LA DRAN PA BSKYED PA NI, TSUL GSUM DE NYID BRJOD PA'I TSIG LA YANG DAG PAR GNAS PA'I PHYIR, GAL TE YUL PHYOGS BSTAN PA MED PAR GTAN TSIGS 'JUG PA MED PA'I PHYIR, YUL PHYOGS BSTAN PA DAG NYID LAS NI PHYOGS SGRUB PA'I NUS PA GRUB PAR 'DOD DO ZHE NA, GANG BYAS PA DE 'DRA KUN MI RTAG , DPER NA BUM PA BZHIN, SGRA NI BYAS PA YIN ZHES BRJOD PA KHYAB PA SNGON 'GRO CAN GYI SGRUB NGAG CHOS CAN, @IV-15 PHYOGS DNGOS SU BSTAN PA DE MED KYANG DON GYIS SGRA DE NI 'JIG PAR RTOGS PA'I BLO SKYE BAR 'GYUR TE, PHYOGS DNGOS SU BSTAN PA NI MED NA YANG, SGRA MI RTAG PAR 'GRUB PA LA NI GEGS MED PA'I SGRUB NGAG YIN PA'I PHYIR, SGRA NI MI RTAG STE, BYAS PA'I PHYIR, DPER NA BUM PA BZHIN ZHES PA'I NGAG CHOS CAN, SGRUB NGAG MA TSANG BA YIN PAR BRJOD DE, TSUL GSUM LAS GANG YANG RUNG BA KHYAB PA NYID DNGOS SU MA BSTAN PA'I PHYIR, ` GNYIS PA RANG LA MTSUNGS PA SPANG BA NI, RTZA BAR, BSGRUB BYA BRJOD PA DAM BCAS NA'ANG, ,SMRA DE LA SKYON 'THAD MIN TE, , SGRUB BYED DBANG DU BYAS NYID KYIS, ,GTAN TSIGS LTAR SNANG THAL MIN PHYIR, ,KHYAD PAR MED PAR BRJOD NA YANG, ,RIGS GCIG THE TSOM SKYE 'GYUR TE, ,GZHAN DU BSGRUB BYA BRJOD PA KUN, ,DAM BCA' BA NI THAL BAR 'GYUR, , GAL TE GRUB BRJOD SGRUB BYED PHYIR, ,GZHAN DAG LA YANG SKYON MED NA, , DE NI SGRUB BYED BSTAN PA DAG ,CI LTAR SGRUB BYED YAN LAG YIN, , ZHES PAS, BSGRUB BYA BRJOD PA DAM BCA'I MTSAN NYID DU SMRA @IV-16 NA'ANG, SANGS RGYAS PA LA DPE RTAGS MA GRUB BRJOD PA DAM BCA' THAL BA'I SKYON 'THAD PA MIN TE, GTAN TSIGS DANG DPE LTAR SNANG BSGRUB BYAR THAL BA'I SKYON YOD PA MIN PA'I PHYIR TE, DPE RTAGS MA GRUB PA DE SGRUB BYED KYI DBANG DU BYAS PA NYID KYI MA GRUB PA YIN LA, BSGRUB BYA DE SGRUB BYED KYI DBANG DU MA BYAS PA'I MA GRUB PA YIN PA'I PHYIR, BSGRUB BYA BRJOD PAR DAM BCA' NA'ANG ZHES PA BRTAGS PA MTHA' BZUNG YIN, DPE RTAGS MA GRUB PA BRJOD PA DAM BCA' YIN PA GCAD PA'I PHYIR DU NGES GZUNG SMOS MI DGOS PAR THAL, NGES GZUNG GI KHYAD PAR MED PAR BSGRUB BYA RJOD PA DAM BCA'O ZHES RJOD NA YANG, RIGS GCIG PA LA THE TSOM SKYE BAR 'GYUR GYI, DPE RTAGS MA GRUB PA DANG BSGRUB BYA GNYIS RIGS MI GCIG PA'I PHYIR, DE LAS GZHAN DU RIGS MI GCIG PA LA'ANG THE TSOM SKYE NA, RDZA BUM BYA'O ZHES SOGS BSGRUB BYA RJOD PA KUN CHOS CAN, GZHAN DON RTAGS KYI DAM BCA' BAR NI THAL BAR 'GYUR BAR THAL, GZHAN DON BSGRUB BYA DANG MA @IV-17 GRUB PA RJOD PA TZAM DU MTSUNGS PA'I PHYIR, GAL TE RIGS PA CAN GZHAN DAG LA YANG, DPE RTAGS MA GRUB PA RJOD PA SGRUB BYED KYI YAN LAG TU THAL BA'I SKYON MED DE, SGRUB BYED KYI YAN LAG YIN NA, PHYI RGOL GYIS GRUB PA ZHIG BRJOD DGOS PA'I PHYIR ZHE NA, DE NI BSGRUB BYA BSTAN PA DAG CHOS CAN, JI LTAR SGRUB BYED KYI YAN LAG YIN TE MA YIN PAR THAL, PHYIR RGOL GYIS MA GRUB PA BRJOD PA'I PHYIR, GZHAN GYI RTZOD LAN 'BREL MED DU BSTAN PA GSUM PA GZHAN GYI RTZOD LAN 'BREL MED DU BSTAN PA NI, RTZA BAR, LTAR SNANG CAN SOGS BKOD PA DANG, ,LAN NI 'BREL MED BZHAD GAD DE, ,'DI LTAR DE NI RIGS PA NYID, ,MA YIN NO ZHES BSHAD ZIN TO, ,ZHES PAS, RIGS SGO'I 'GREL BYED KHA CIG GIS, RIGS PA CAN PA NA RE, PHYOGS TSIG CHOS CAN, SGRUB NGAG GI YAN LAG YIN TE, LTAR SNANG DANG BCAS PA SGRUB PAR BYED PA'I DUS SU RJOD PA'I PHYIR ZHES SOGS KYI SGRUB BYED BKOD PA DANG, DE LA MNGON SUM GYIS MA NGES ZHES SOGS KYI LAN NI CHOS CAN, MKHAS PA'I BZHAD @IV-18 GAD KYI GNAS YIN TE, 'BREL MED KYI DVOGS PA BSUS NAS 'BREL MED KYI LAN BTAB PA'I PHYIR, 'DI LTAR LDOG KHYAB MA GRUB PA DE NI RTAGS YANG DAG TU RIGS PA NYID MA YIN NO ZHES BSHAD ZIN PA'I PHYIR, t'IK CHEN LAS, 'BREL MED KYI DVOGS PA RIM PAR BKOD NAS, DE LA 'BREL MED KYI LAN RIM PAR BTAB, CES GSUNGS, RIGS SGO'I 'GREL BYED MANG PO LEN GYI BU LA BYED, RANG DON LE'U'I SKABS BSHAD ZIN ZHES PA'O, , ` GNYIS PA BRJOD BYA'I DON BSHAD PA LAS SHUGS KYI BRJOD BYA GZHAN DON BSGRUB BYA'I MTSAN NYID NI, RTZA BAR, SGRUB BRJOD RTOGS PA'I DON CAN NYID, ,YIN YANG RMONGS MED PHYIR MTSAN NYID, , NGO BO TSIG PHRAD BDAG NYID 'DOD, ,TSIG GIS DE YI MTSAN NYID BZHI, , MA GRUB SGRUB BYED MIN DON BRJOD, ,RGOL BAS KHAS BLANGS PA BZUNG NGO, , ZHES PAS, SGRUB BYED BRJOD PA'I SHUGS LA RTOGS PA'I DON CAN NYID YIN YANG BSGRUB BYA'I MTSAN NYID BSTAN PA'I DON YOD DE, BSGRUB BYA'I MTSAN NYID LA RMONGS PA MED PAR BYA BA'I CHED YIN PA'I PHYIR, @IV-19 BSGRUB BYA'I MTSAN NYID 'CHAD PA'I TSIG ZUR DU NGO BO KHO NA STE TSIG PHRAD BDAG NYID DANG 'DOD PA ZHES TSIG BZHI SMOS PA LA DON YOD DE, DE SGRUB KYI BSGRUB BYA YIN NA, DE SGRUB KYI PHYIR RGOL GYIS MA GRUB PA DANG SGRUB BYED DU BKOD PA MIN PA DANG, RGOL BAS DON GYIS BRJOD PA STE 'DOD PA DANG, RGOL BAS KHAS BLANGS PA ZHIG DGOS ZHES GZUNG BA'I CHED YIN PA'I PHYIR, 'DOD PA RGYAS BSHAD 'DOD PA RGYAS BSHAD NI, RTZA BAR, MA BRJOD NA YANG 'DOD PAS KHYAB, ,BDAG GI DON BZHIN BSGRUB BYAR 'DOD, ,GZHAN 'DOD THAMS CAD BZLOG NA YANG, ,'GREL PAR BDAG NYID SGRA BSHAD PA, , DVOGS PA'I GNAS NI BZLOG PA STE, ,'DI NI DE DON BYAS PA YIN, , DE NI LTOS NAS CHOS DAG DANG, ,CHOS CAN KHYAD PAR YIN PAR BRJOD, , MA BRJOD NA YANG 'DOD PA NI, ,SKABS LAS RTOGS PAR 'GYUR BA YIN, , DE DPE RJES 'GRO MED PA YI, ,SKYON YANG CI SKAD BDAG GZHAN NA, , DE MA GRUB CES BSHAD BZHIN TE, ,DER NI 'DOD LA GNOD BYED YIN, , ZHES PAS, GZHAN DON BSGRUB BYA YANG DAG GI MTSAN NYID KYI ZUR DU 'DOD PA ZHES PA'I TSIG CHOS CAN, DON YOD DE, RGOL BAS @IV-20 DNGOS SU MA BRJOD NA YANG ZHE 'DOD LA BSGRUB BYAR 'DOD PA YOD CES RTOGS PA'I CHED YIN PA'I PHYIR, DPER NA MIG SOGS GZHAN DON BYED PAR SGRUB PA LA, 'DUS BSAGS RTAGS SU BKOD PA'I TSE NA MIG SOGS BDAG GI DON BYED PA BZHIN NO, ,'DOD PA ZHES PAS, RGOL BAS MI 'DOD PA BSGRUB BYA YIN PA BCAD NA, RANG NYID SMOS PA CI'I PHYIR NA, RGOL BAS KHAS BLANGS PA'I LUNG DON THAMS CAD BSGRUB BYA YIN NAM SNYAM PA'I DVOGS PA'I GNAS NI BZLOG PA DE'I DON DU BYAS PA YIN PAS, KUN BTUS KYI 'GREL PAR BDAG NYID SGRA BSHAD PA'O, , BDAG DON BYED PA DE NI SGRAS BRJOD TSUL LA LTOS NAS CHOS DAG DANG CHOS CAN GYI KHYAD PAR YIN PAR BRJOD PA'I PHYIR, MIG SOGS BDAG DON BYED PA NGAG TU MA BRJOD NA YANG BSGRUB BYAR 'DOD PA RTOGS NUS TE, DE LTA NA'ANG DE BSGRUB BYAR 'DOD PA NI KHYOD 'GOD PA'I SKABS LAS RTOGS PAR 'GYUR BA YIN PA'I PHYIR, DE BSGRUB BYAR BYAS NA SKYON CI YOD CE NA, BDAG DON BYED PA BSGRUB BYA'I CHOS YIN NA DPE LA RJES 'GRO MED PAS SO, ,DBYIG GNYEN GYIS, GZHAN DE BDAG LA 'DOD @IV-21 NA, DE DPE LA MA GRUB CES BSHAD PA BZHIN NO, ,'DUS BSAGS KYI RTAGS KYIS MIG SOGS GZHAN DON BYED PAR SGRUB PA DER NI 'GAL RTAGS YIN TE, DE SGRUB KYI PHYOGS CHOS GANG ZHIG , 'DOD YUL GYI BSGRUB BYA'I CHOS LA GNOD BYED YIN PA'I PHYIR, KUN BTUS KYIS GZHAN DON BSGRUB BYA'I MTSAN NYID KYI ZUR DU NGO BO ZHES PA NI, GZHAN DON BSGRUB BYA YANG DAG YIN NA SKABS KYI PHYI RGOL DES TSAD MAS MA GRUB PA DGOS PAR BSTAN, KHO NA ZHES PA NI, DE YIN NA SGRUB BYED DU BKOD BZHIN PA MIN PA DGOS ZHES BSTAN, RANG NYID CES PA NI, RGOL BAS KHAS MA BLANGS PA'I BSTAN BCOS MKHAN POS 'DOD PA RNAMS BSGRUB BYAR BCAD, 'DOD PA ZHES PA NI, RGOL BAS 'DOD PA'I YUL MIN PA RNAMS GZHAN DON BSGRUB BYA YIN PA BCAD PA YIN, MA BSAL BA ZHES PA NI, GZHAN DON BSGRUB BYA YANG DAG YIN NA TSAD MA GANG GIS KYANG MA GNOD PA DGOS ZHES BSTAN TO, ,SKABS 'DIR DANG PO BZHI LAS MA BSAL BA'I TSIG GI DGOS PA MA GSUNGS PA NI, DE NYID GZHAN LAS BSHAD @IV-22 GZHI CHE BAS, RANG LUGS KYI DAM BCA' LTAR SNANG GI DPE RGYAS PAR 'CHAD PA DANG GCIG TU MA BSAL BA 'CHAD, TSAD MAS BSAL BA GZHAN DON BSGRUB BYA'I MTSAN NYID 'JUG MI 'JUG DPYAD PA t'IK CHER, TSAD MAS BSAL BA GZHAN DON BSGRUB BYA'I MTSAN NYID 'JUG MI 'JUG DPYOD PA'I GZHIR MI RUNG BAS SKABS 'DIR MA SMOS PA YIN ZER BA LA DGAG PA DANG, MDOR BSTAN DU MA BSAL BA BSTAN PA MED PAR MA BSAL BA RGYAS BSHAD BKOD NA, MDOR BSTAN MED PA'I RGYAS BSHAD DANG, RGYAS BSHAD MED PA'I DON BSDU SOGS NI LUS MED PA'I YAN LAG DANG 'DRA BA'O ZHES GSUNGS, GO'U BSOD NAMS SENG GE'I RNAM 'GREL 'GREL PA LAS, SKABS 'DIR BSTAN PA DANG, RIGS SGOR BSGRUB BYAR KHAS BLANGS PA BSGRUB BYA YANG DAG TU BSHAD PA GNYIS DON GCIG DANG, DE'I STENG DU MA BSAL BA BSNAN PAS BSGRUB BYA YANG DAG GI MTSAN NYID YIN ZHES GSUNGS, DE LTAR NA, SKABS 'DI DANG, RIGS SGO GNYIS RE RE NAS BSGRUB BYA YANG DAG GI MTSAN NYID YONGS RDZOGS MA BSTAN PAR 'DOD DGOS PAS, MDO DANG RNAM 'GREL GNYIS KAR GZHAN DON BSGRUB BYA YANG DAG GI MTSAN NYID MA BSTAN PAR 'GYUR RO,, @IV-23 GO BO'I RNAM 'GREL LAS, MDOR BSTAN DANG, RGYAS BSHAD MDZAD PA LA DGAG PA BYAS NAS, MDOR RANG NYID SNGON LA BSHAD PA DANG, RGYAS BSHAD LA 'DOD PA SNGON BSTAN PA'I GO RIM DGOS PA BSHAD PAR 'DUG KYANG, MKHAS GRUB t'IK CHEN LAS, RANG NYID DANG 'DOD PA GNYIS MDOR BSTAN RGYAS BSHAD MI MTHUN PAR BSHAD DGOS PA'I RGYU MTSAN GSAL BAR BSTAN PA DE LAS GO DON CHE BA SU LA'ANG MI RNYED DO, ` BSGRUB BYA MIN NA HA CANG THAL BA NI, RTZA BAR, GAL TE GANG LA RTZOD PA YIS, , SGRUB BKOD DE BSGRUB BYA MIN NA, ,BSGRUB BYA CI YIN GZHAN DU NA, , MI 'DOD PA'AM 'BRAS MED 'GYUR, ,ZHES PAS, GAL TE BDAG YOD MED GANG LA RTZOD PA'I SKABS SU BDAG YOD PA'I SGRUB BYED BKOD PA DE'I TSE MIG SOGS BDAG DON BYED PA DE BSGRUB BYA MIN NA DE'I BSGRUB BYA CI YIN DRIS PAS, DE LAS GZHAN DU MIG SOGS GZHAN DON BYED PA BSGRUB BYA YIN NO ZHE NA, MIG SOGS GZHAN DON BYED PA DE CHOS CAN, GZHAN DON BSGRUB BYA MA YIN PAR THAL, @IV-24 KHYOD SNGA RGOL GYIS BSGRUB MI 'DOD PA'AM, PHYI RGOL GYI NGOR SGRUB PA LA 'BRAS BU MED PAR 'GYUR BA'I PHYIR, ` GSUM PA TSUL DES RIGS CAN GZHAN YANG KHEGS PA LAS DNGOS LA, RTZA BAR, 'DIS NI GNYIS BCAS SBYOR BA LA, ,RJES 'GRO MED DANG 'GAL BA DAG , BSTAN PA YIN NO CI STE YANG, ,BSGRUB PAR BYA BA SPYIR 'DOD NA, , DE NYID DON GZHAN MED PA'I PHYIR, ,LUS MI 'GYUR NA GRUB MA YIN, , BRJOD BYAS STONG PA BRJOD RNAMS KYI, ,'DI DE MI SHES KYIS BSLANGS YIN, , ZHES PAS, GRANGS CAN GYI ZOL SBYOR 'GOG PA'I RIGS PA 'DIS NI DON YOD DE, RGYANG 'PHEN GYI GNYIS BCAS SBYOR BA LA, CHOS DPE RJES 'GRO MED PA DANG, RTAGS 'GAL BA DAG BSTAN PA YIN PA'I PHYIR, GNYIS BCAS KYI SBYOR BA NI, BUM PA CHOS CAN, LUS SEMS RDZAS GCIG PA'I SKYES BU'I LUS DANG, BUM PA GANG RUNG GI ZLA BCAS YIN TE, AUTPALA MA YIN PA'I PHYIR, RTZIG PA BZHIN, ZHES PA'O, ,CI STE YANG, LUS SEMS RDZAS @IV-25 GCIG PA'I LUS DANG BUM PA GANG RUNG GI ZLA BCAS KYI SPYIR SGRUB PAR BYA BA 'DOD DO ZHE NA, BUM PA DE LUS SEMS RDZAS GCIG PA'I SKYES BU'I LUS BUM GANG RUNG GI ZLA BCAS SU GRUB PA MA YIN PAR THAL, BUM PA DE NYID BUM PA LAS DON GZHAN DU MED PA'I PHYIR DANG, LUS SEMS RDZAS GCIG PA'I SKYES BU'I LUS KYANG GRUB PAR MI 'GYUR BA'I PHYIR, BUM PA 'DI LUS SEMS RDZAS GCIG PA'I SKYES BU'I LUS DANG BUM PA GANG RUNG GI ZLA BCAS YIN NO ZHES PA'I TSIG DE CHOS CAN, MI SHES PA NYID KYIS KUN NAS BSLANGS PA YIN TE, BRJOD BYAS STONG PA BRJOD PA RNAMS KYI TSIG YIN PA'I PHYIR, GNYIS BCAS SBYOR BA NI, RGYANG 'PHEN PA RNAMS KYIS LUS SEMS RDZAS GCIG TU SGRUB 'DOD NAS BKOD PA YIN, LUS SEMS RDZAS GCIG TU SGRUB NAS SKYE BA SNGA PHYI MED PAR SGRUB 'DOD PA'O,, ` RTZOD SPANG NI, RTZA BAR, SGRA DANG BUM PA'I KHYAD PAR GYIS, ,RTOG NA 'JIG LA'ANG MTSUNGS SHE NA, ,MA YIN 'JIG PA SGRUB PA YIS, ,SGRA NI DE LTAR GRUB PHYIR RO, ,DE BZHIN DON GZHAN YOD GYUR NA, ,BUM PA'ANG DE DANG LDAN PAR 'GYUR, , @IV-26 MI RTAG SGRA YI KHYAD PAR CAN, ,RJES 'GRO MED NA MA 'BREL BA, , BZLOG PHYIR MA YIN MI LDAN DANG, ,GZHAN LDAN RNAM GCOD RNAM PA GNYIS, , MI LDAN GCOD PHYIR GZHAN DANG NI, ,RJES 'GRO MED PAR 'GYUR MA YIN, , DE SPYI BSGRUB PAR BYA YIN PAS, ,GRUB PA SGRUB PA NYID MA YIN, , CHOS CAN KHYAD PAR CAN DE NI, ,RJES 'GRO MED PA'I SKYON LDAN MIN, , ZHES PAS, GAL TE SGRA DANG BUM PA'I KHYAD PAR GYIS RTOG NA, BYAS PA'I RTAGS KYIS SGRA 'JIG PA SGRUB PA LA YANG MTSUNGS TE, SGRA'I BYAS PA BUM PA LA MA GRUB, BUM PA'I BYAS PA SGRA LA MA GRUB PA'I PHYIR ZHE NA, BYAS PA CHOS CAN, SGRA'I BYAS PA BUM PA LA MA GRUB, BUM PA'I BYAS PA SGRA LA MA GRUB KYANG, SGRA MI RTAG PAR SGRUB PA'I RTAGS LTAR SNANG MA YIN TE, 'JIG PA TZAM GRUB PA YIS SGRA NI MI RTAG PA DE LTAR SGRUB PA'I TSUL GSUM YIN PA'I PHYIR, DE BZHIN DU SPYI DON GZHAN YOD PAR GYUR NA, BUM PA'ANG SPYI DON GZHAN DE DANG LDAN PAR 'GYUR NA'ANG, SPYI DON GZHAN MED PA'I PHYIR, DE DANG LDAN PA MA YIN NO, @IV-27 MI RTAG PA CHOS CAN, SGRA LA RJES 'GRO MED PAR THAL, BUM PA'I KHYAD PAR CAN DU BYAS PA'I PHYIR ZHE NA, MI RTAG PA DE BUM PA'I KHYAD PAR CAN DU BYAS NA'ANG SGRA LA RJES 'GRO MED PAS MA KHYAB STE, BUM PA LA MA 'BREL BA BZLOG PA'I PHYIR, MI LDAN DANG GZHAN LDAN RNAM GCOD RNAM PA GNYIS LAS SGRAS MI LDAN RNAM GCOD KYIS KHYAD PAR DU BYAS PA'I PHYIR, BYAS PA CHOS CAN, SGRA'I STENG DU MI RTAG PA GRUB ZIN SGRUB PA MA YIN TE, SGRA'I STENG DU SPYI MI RTAG PA BSGRUB PAR BYA BA'I TSUL GSUM YIN PA'I PHYIR, DE NI CHOS CAN SGRAS KHYAD PAR CAN DU BYAS PAS BUM PA LA RJES 'GRO MED PA'I SKYON DANG LDAN PA MIN TE, SGRAS MING LDAN RNAM GCOD KYIS KHYAD PAR DU BYAS PA'I PHYIR, 'DOD YUL MIN PA BKAG PAS 'GAL BA MIN PA 'DOD YUL MIN PA BKAG PAS 'GAL BA MIN PA NI, RTZA BAR, 'DIS NI CHOS CAN CHOS DAG GIS, ,CHOS DANG CHOS CAN KHYAD PAR CAN, , 'GOG PA DAG NI BSAL YIN TE, ,CHOS CAN DE LTAR MI BSGRUB PHYIR, , CHOS CAN LA NI TSOGS PA DAG ,BSAL BA 'GAL BA MA YIN TE, , GANG PHYIR DE LTAR SGRUB 'DOD MIN, ,'DIR CHOS 'BA' ZHIG BSGRUB BYA YIN, , @IV-28 ZHES PAS, 'DOD YUL BSGRUB BYAR BSTAN PA 'DIS NI, SGRA'I STENG DU CHOS CAN GYI CHOS KHYAD PAR DU BYAS PA DANG, CHOS DAG GIS CHOS CAN KHYAD PAR CAN DU BYAS PA 'GOG PA DAG NI, RTAGS 'GAL BA BSAL BA YIN TE, CHOS CAN SGRA LA TSOGS PA DE LTAR MI SGRUB PA'I PHYIR, ` NGAG DON NI, BYE BRAG PAS, GRANGS CAN PAR SGRA MI RTAG STE, BYAS PA'I PHYIR, ZHES BKOD PA NA, GRANGS CAN PAS, RTAGS DES SGRA LA RTAG PA BKAG PA NA, SGRA'I SPYI RTAG PA DON GZHAN YANG BKAG CING, DE BKAG NA CHOS CAN SGRA YANG BKAG PAR 'GYUR LA, DE LTA NA SGRA DANG MI RTAG PA'I TSOGS DON YANG BKAG PAR 'GYUR BA'I PHYIR, RTAGS DE ZHE 'DOD KYI BSGRUB BYA 'GOG PA'I 'GAL BAR 'GYUR RO ZER BA LA, SLOB DPON GYIS DE'I TSE, BYE BRAG PA'I ZHE 'DOD KYI BSGRUB BYA MA YIN PAS, SGRA'I SPYI RTAG DNGOS DON GZHAN BKAG PAS ZHE 'DOD KYI BSGRUB BYA BKAG PA'I 'GAL BAR MI 'GYUR ZHES LAN BSTAN PA YIN, GRANGS CAN GYIS BYE BRAG PA LA SKYON BRJOD PA @IV-29 DES MTSON PA RGOL BAS ZHE 'DOD KYI BSGRUB BYAR KHAS MA BLANGS KYANG DE SGRUB KYI BSGRUB BYA YIN PA GCOD PA NYID 'DOD TSIG GI RNAM BCAD KYI DGOS PA YIN ZHES BYA BA'I DON NO, ,BYAS PA CHOS CAN, CHOS CAN SGRA LA NI TSOGS PA DON GZHAN DAG BSAL BAS RTAGS 'GAL BA MA YIN TE, GANG GI PHYIR SGRA LA TSOGS PA DON GZHAN DE LTAR SGRUB PAR 'DOD PA MIN PA'I PHYIR, SGRA 'DIR CHOS MI RTAG PA 'BA' ZHIG BSGRUB BYA YIN PA'I PHYIR, RANG NYID RGYAS BSHAD ` RANG NYID RGYAS BSHAD LAS BSTAN PA NI, RTZA BAR, CHOS CAN GCIG LA BSTAN BCOS LAS, ,CHOS RNAMS DU MA RNAM BZHAG KYANG, ,BDAG NYID 'DOD PA BSGRUB BYA ZHES, ,BDAG NYID KYI NI SGRA SMOS SO, ,ZHES PAS, BSGRUB BYA'I MTSAN NYID KYI TSIG ZUR DU BDAG NYID KYI SGRA SMOS PA NI CHOS CAN, DON YOD DE, CHOS CAN GCIG LA BSTAN BCOS LAS RTAG MI RTAG SOGS CHOS RNAMS DU MA RNAM PAR BZHAG KYANG, RGOL BA BDAG NYID KYI 'DOD PA BSGRUB BYA YIN NO ZHES RTOGS PA'I CHED YIN PA'I PHYIR, ` GZHAN SDES LUNG DON BSGRUB BYAR 'DOD PA DGAG PA LAS 'DOD PA @IV-30 BRJOD PA NI, RTZA BAR, GAL TE BSTAN BCOS KHAS BLANGS PHYIR, , THAMS CAD BZUNG BAS DE GCIG LA, ,RAB TU GNOD NA'ANG GTAN TSIGS DANG, ,DAM BCA' BA DAG SKYON 'GYUR NA, ,ZHES PAS, GAL TE RGOL BAS BSTAN BCOS KHAS BLANGS PA'I PHYIR, LUNG DON THAMS CAD BSGRUB BYAR BZUNG BAS, LUNG DON DE GCIG LA GNOD NA'ANG, GTAN TSIGS DANG DAM BCA' BA DAG 'GAL BA'I SKYON DU 'GYUR RO ZHE NA, ` DE DGAG PA NI, RTZA BAR, SGRA MI RTAG PAR SGRUB PA NA, , DRI SA'I YON TAN BZLOG PA'I PHYIR, ,GTAN TSIGS 'GAL 'GYUR SKABS MIN PHYIR, ,MIN NA DE NI GZHAN LA'ANG MTSUNGS, ,CI STE CHOS CAN 'DIR SKABS YIN, ,DE LA BSTAN BCOS DON GNOD NYID, ,CHOS CAN CHOS SOGS SGRUB BYED KYIS, ,CI STE RGOL 'DOD YIN BRJOD NA, ,GNAS SKABS 'GA' YIS 'DOD 'GYUR ZHING, ,DE RTOGS PA YANG DE DAG GIS, ,NAN GYIS KHYOD 'DI 'DOD CES PA, ,GSAL BAR DBANG PHYUG SPYOD PA YIN, ,'BRAS BU'I RTAGS CAN MIN BRJOD DE, ,'KHRUL PA YIS NI GNOD PAR 'GYUR, , MED NA MI 'BYUNG MIN DON LA, ,GNOD KYANG GZHAN LA CI ZHIG GNOD, , @IV-31 CES PAS, BYAS PA DE SGRA MI RTAG PAR SGRUB PA NA, DRI RTAG PA SA'I YON TAN BZLOG PA'I SGO NAS KYANG, GTAN TSIGS 'GAL BAR 'GYUR BAR THAL, DE'I SGO NAS KYANG LUNG DON GCIG LA GNOD PA'I PHYIR, DRI RTAG PA SA'I YON TAN BKAG PAS RTAGS 'GAL BA MIN TE, DE'I SKABS SU BAB PA MIN PA'I PHYIR ZHE NA, BYAS PA CHOS CAN, SGRA RTAG PA BKAG PAS KYANG RTAGS 'GAL BA MA YIN PAR THAL, SKABS SU MA BAB PA DE NI SGRA RTAG PA LA'ANG MTSUNGS PA'I PHYIR, CI STE 'DIR SGRA RTAG PA SKABS SU BAB PA YIN TE, CHOS CAN SGRA SKABS SU BAB PA'I PHYIR, DRI RTAG PA SA YON SKABS SU MA BAB STE, CHOS CAN DRI SKABS SU MA BAB PA'I PHYIR ZHE NA, BYAS PA CHOS CAN, DRI RTAG PA SA YON BKAG PAS KYANG RTAGS 'GAL BAR THAL, DRI RTAG PA SA YON BKAG PA DE LA'ANG BSTAN BCOS KYI DON GCIG LA GNOD PA NYID YIN PA'I PHYIR, ` DE DAG GI DON NI GRANGS CAN SOGS KYIS, BYAS PA LTA BU'I RTAGS KYIS, BSTAN BCOS LAS BSHAD PA'I DON GCIG LA GNOD NA, @IV-32 BSTAN BCOS DE LUNG TSAD MA YIN PA KHEGS PAR 'GYUR ZHING, BSTAN BCOS DE LUNG TSAD MA YIN PA KHEGS NA, DE LAS BSHAD PA'I DON RNAMS KHEGS DGOS, DE LTAR NA, SGRA MI RTAG PA YANG KHEGS PAS RTAGS DE 'GAL RTAGS SU 'GYUR ZHES PA'O, , BYE BRAG PAS SGRA NAM MKHA'I YON TAN DU KHAS LEN PAS RTAG PA YIN DGOS, SGRA MI RTAG SGRUB LA BYAS PA RTAGS SU BKOD PA NA, RTAG PA TZAM BKAG PAS NAM MKHA'I YON TAN YANG BKAG CING, BYE BRAG PA RANG GI BSTAN BCOS LA SGRA MI RTAG PAR BSTAN PA LA GNOD, DE LTA NA BYAS PA SGRA MI RTAG SGRUB LA 'GAL RTAGS SU 'GYUR ZHES PA DE YIN, RANG LUGS KYIS, BYAS PAS DRI SA'I YON TAN DU GYUR PA'I RTAG PA BKAG PA LA MTSUNGS ZHES 'GOG PA YIN NO, ,GZHUNG DON LA, CI STE CHOS CAN SGRA'I CHOS SOGS YIN PA'I SGRUB BYED KYIS, SGRA MI RTAG PAR SGRUB PA'I SNGA RGOL LA, SGRA'I STENG DU RTAG PA NAM MKHA'I YON TAN LA DPAG 'DOD YOD PAR BRJOD DO ZHE NA, DE MI 'THAD DE, PHYI RGOL SGRA RTAG MI RTAG THE TSOM @IV-33 ZA BA LA SOGS PA'I GNAS SKABS 'GA' YIS, SNGA RGOL SGRA MI RTAG PA LA DPAG 'DOD SKYE BAR 'GYUR ZHING, DPAG 'DOD DE RTOGS PA YANG SGRUB BYED 'GOD PA'I SKABS DE DAG GIS RTOGS PA'I PHYIR, NAN GYIS SGRA MI RTAG PAR SGRUB PA'I SNGA RGOL KHYOD RTAG PA NAM MKHA'I YON TAN 'DI 'DOD CES PA NI GSAL BAR DBANG PHYUG NGAN PA'I SPYOD PA DANG MTSUNGS PA YIN PA'I PHYIR, SGRA'I CHOS YIN PA DE NI, SNGA RGOL SGRA'I STENG DU RTAG PA NAM MKHA'I YON TAN LA DPAG 'DOD YOD PAR SGRUB PA'I 'BRAS BU'I RTAGS CAN MIN PAR BRJOD DE, DE SGRUB KYI KHYAB PA 'KHRUL PA YIS RTAGS YANG DAG YIN PA LA GNOD PAR 'GYUR BA'I PHYIR, GZHAN MI RTAG PA CHOS CAN, RTAG PA NAM YON GYI DON LA GNOD KYANG, KHYOD LA CI ZHIG GNOD DE MI GNOD PAR THAL, RTAG PA NAM YON MED NA KHYOD MI 'BYUNG BA MIN PA'I PHYIR, DNGOS STOBS YUL LA LUNG GIS MI GNOD PA DNGOS STOBS YUL LA LUNG GIS MI GNOD PA NI, RTZA BAR, RJES DPAG RANG GI SPYOD YUL LA, ,LUNG LA LTOS PA MED PAR BSHAD, , DE SGRUB DE NI LEGS PAR GRUB, ,DE TSE BSTAN BCOS LTOS MA YIN, , @IV-34 DE TSE RTZOD DOR 'GYUR ZHE NA, ,DE TSE KHAS BLANGS MED PHYIR MIN, , 'DI NI KHAS LEN THABS YIN TE, ,DE TSE YOD KYANG YAN LAG MIN, , ZHES PAS, SGRA MI RTAG RTOGS KYI RJES DPAG CHOS CAN, RANG GI SPYOD YUL LA LUNG GIS MI GNOD DE, LUNG LA LTOS PA MED PA RANG YUL GRUB PAR BSHAD PA'I PHYIR, DE CHOS CAN, SGRA MI RTAG PA 'JAL BA'I TSE BSTAN BCOS KHAS LEN PA LA LTOS PA MA YIN TE, KHYOD KYIS GRUB PA'I SGRA MI RTAG PA DE NI DNGOS STOBS TSAD MAS LEGS PAR GRUB PA'I PHYIR, DE'I TSE LUNG KHAS MA BLANGS NA RTZOD PA DOR BAR 'GYUR RO ZHE NA, DE'I TSE SGRA MI RTAG PAR SGRUB PA'I SNGA RGOL CHOS CAN, LUNG DANG 'GAL BA KHAS BLANGS NA RTZOD PA DOR BA MIN PAR THAL, LUNG KHAS BLANGS PA MED PA'I PHYIR, DNGOS STOBS YUL LA DPYOD PA DE'I TSE LUNG KHAS BLANGS PA YOD KYANG, GNOD BYED KYI YAN LAG MIN TE, DNGOS STOBS YUL LA DPYOD PA 'DI NI LUNG KHAS LEN PA'I THABS TZAM YIN PA'I PHYIR, LUNG GIS GNOD PA'I YUL NGOS BZUNG BA LUNG GIS GNOD PA'I YUL NGOS GZUNG BA NI, RTZA BAR, DE LTAR YUL GNYIS RNAM DAG NA, ,DE NI BSTAN @IV-35 BCOS YONGS 'DZIN PAR, ,'DOD PA'I DUS YIN DE YI TSE, ,BSTAN BCOS KYIS NI GNOD PAR 'GYUR, ,DES GRUB DON LA DE DANG NI, , 'GAL BAR SEMS PA MI RUNG PHYIR, ,GNAS GSUM PAR NI 'PHO BA NA, , BSTAN BCOS LEN PAR RIGS LDAN YIN, ,DER YANG BSGRUB BYA'I CHOS DANG NI, , MED NA MI 'BYUNG LA GNOD NYID, ,SPANG BAR BYA YI GZHAN MIN TE, , THUG PA MED PAR THAL PHYIR RO, ,DPYOD PA KUN LA BSTAN BCOS DAG , GZUNG ZHES LUNG 'DI GANG GIS BYAS, ,DE NI GRUB MTHA' MED RNAMS KYIS, , DU BAS ME NI RTOGS MI 'GYUR, ,SKYE BO RENG BUR SKYES 'GYUR ZHING, , YON TAN NYES PA MA MTHONG LA, ,GRUB MTHA' MI ZAD GDON 'DI NI, , KYE MA SU YIS BSKOS PA YIN, ,ZHES PAS, SHIN LKOG LA DPYOD PA DE'I TSE BSTAN BCOS KYIS NI GNOD PAR 'GYUR TE, DE LTAR YUL DANG PO GNYIS LA DPYAD PA RNAM PAR DAG PA NA, SHIN LKOG LA DPYOD PA DE NI BSTAN BCOS YONGS SU 'DZIN PAR 'DOD PA'I DUS YIN PA'I PHYIR TE, LUNG DES GRUB PA'I DON LA LUNG DE DANG NI 'GAL BAR SEMS PA MI RUNG BA'I PHYIR, GZHAL BYA'I @IV-36 GNAS GSUM PA NI 'PHO BA NA, BSTAN BCOS KHAS LEN PAR RIGS PA DANG LDAN PA YIN TE, LUNG MA GTOGS PA SHIN LKOG GI SGRUB BYED MED PA'I PHYIR, LUNG KHAS LEN PA DER YANG BSGRUB BYA'I CHOS DANG NI MED NA MI 'BYUNG BA LA GNOD PA NYID RTAGS YANG DAG YIN PA SPANG BAR BYA'I, GZHAN LA GNOD PAS RTAGS YANG DAG YIN PA SPANG BAR BYA BA MIN TE, DE LTA NA THUG PA MED PAR THAL BA'I PHYIR, LUNG DON LA DPYOD PA KUN LA BSTAN BCOS DAG ,SGRUB BYED DU GZUNG DGOS ZHES PA'I LUGS 'DI, RIGS PA GANG GIS BYAS TE MA BYAS PAR THAL, DE LTA NA DE NI GRUB MTHA' KHAS LEN PA MED PA'I SKYE BO RNAMS KYIS DU BAS ME NI RTOGS PAR MI 'GYUR BA'I SKYON YOD PA'I PHYIR TE, LUNG KHAS LEN PA MED PA'I PHYIR TE, SKYE BO DE 'BREL MED RING BUR SKYES PAR 'GYUR ZHING, LUNG KHAS BLANGS PA'I YON TAN DANG MA BLANGS PA'I NYES PA MA MTHONG BA'I PHYIR, LUNG DON LA DPYOD PA KUN LA LUNG SGRUB BYED DU KHAS LEN DGOS ZHES PA'I GRUB MTHA' MI BZAD PA'I GDON DANG 'DRA BA 'DI NI, KYE MA @IV-37 SU YIS BSKOS PA YIN ZHES DPYAS PAR BYA'O,, ` LUNG DON BKAG PA RTAGS KYI NYES PA MIN PA NI, RTZA BAR, GAL TE DPE LA BSTAN BCOS KUN, ,SGRUB PAR BYED PA GCIG NYID LA, , BSTAN PA SGRUB BYED 'GYUR ZHE NA, ,'DI NI 'JIG RTEN 'DAS LUGS YIN, , 'BREL MED CHOS NI MA GRUB PAS, ,MA GRUB PAR NI JI LTAR 'GYUR, , DE GRUB YIN NA DE GRUB BRJOD, ,GTAN TSIGS SKYON LDAN JI LTAR YIN, , CHOS CAN CHOS NI MA LUS PA, ,DPER BLANGS MED PA KHO NAR NI, , SKYE BOS TSIG DANG DUD SOGS LAS, ,SEMS LDAN MED DANG RJES DPOG BYED, , MI 'KHRUL PAS NA RANG BZHIN DANG, ,RGYUD DAG SGRUB PAR BYED PA'I DON, , 'GA' YI SMRA BA LA GNOD PAS, ,NGO BO NYID LAS LDOG MA YIN, , DE NI 'DOD PA'I BSGRUB BYA YI, ,DON DANG MED NA MI 'BYUNG BAR, , RTOGS PA GZHAN DAG GTAN TSIGS DES, ,CI LTAR RTOGS PAR 'GYUR MA YIN, , ZHES PAS, GAL TE MTHUN DPE LA BSTAN BCOS KUN GYIS SGRUB PAR BYED PA GCIG NYID LA KHYAB PAR BSTAN PA, SGRUB BYED YANG DAG TU 'GYUR RO ZHE NA, RTAGS YANG DAG YIN NA LUNG DON KUN GYIS @IV-38 MTHUN DPE'I STENG DU KHYAB PA BSTAN DGOS SO ZHES PA 'DI NI CHOS CAN, MI 'THAD DE, 'JIG RTEN GYI THA SNYAD LAS 'DAS PA'I LUGS NGAN YIN PA'I PHYIR, BYAS PA CHOS CAN, 'BREL MED KYI CHOS RTAG PA NAM MKHA'I YON TAN NI MA GRUB PAS, SGRA MI RTAG PAR MA GRUB PAR NI JI LTAR 'GYUR TE MI 'GYUR BAR THAL, RTAG PA NAM YON MA GRUB KYANG, SGRA MI RTAG PAR SGRUB PA'I TSUL GSUM GRUB PA YIN PA'I PHYIR, BYAS PA RTAG PA NAM YON LA GNOD KYANG, SGRA MI RTAG PAR SGRUB PA'I GTAN TSIGS SKYON LDAN JI LTAR YIN TE MA YIN PAR THAL, DE LA GNOD KYANG DE SGRUB KYI SGRUB BYED YANG DAG TU BRJOD PA'I PHYIR, RTAGS YANG DAG YIN NA, CHOS CAN GYI CHOS MA LUS PAS, MTHUN DPE'I STENG DU KHYAB PA BSTAN PA DGOS SO ZHE NA, DE MI DGOS PAR THAL, CHOS CAN GYI CHOS NI MA LUS PAS MTHUN DPE'I STENG DU KHYAB PA KHAS BLANGS PA MED PA KHO NAR NI SKYE BOS TSIG DANG DUD SOGS LAS SEMS LDAN DANG ME SOGS RJES SU DPOG PAR BYED PA'I PHYIR TE, RANG BZHIN MI RTAG PA DAG SGRUB PAR BYED PA'I DON BYAS PA DES, RGOL BA 'GA' YI SMRA BA RTAG PA NAM @IV-39 YON LA GNOD PAS, SGRA MI RTAG PAR SGRUB PA'I NGO BO NYID LAS LDOG PA MA YIN TE, MI RTAG PA DANG 'BREL BA MI 'KHRUL BAS SO, , DU BA DES, DU LDAN LA LA ME MED PA LA GNOD PAS, LA LA RGYU ME DAG YOD PAR SGRUB PA'I NGO BO NYID LAS LDOG PA MA YIN TE, DE SGRUB KYI PHYOGS CHOS GANG ZHIG ME LA MI 'KHRUL BA'I PHYIR, GTAN TSIGS BYAS PA DE NI CHOS CAN, PHYI RGOL GZHAN DAG KHYOD LAS SGRA MI RTAG PAR JI LTAR RTOGS PAR 'GYUR BA MA YIN TE YIN PAR THAL, DE SGRUB KYI PHYOGS CHOS GANG ZHIG 'DOD PA'I BSGRUB BYA'I CHOS KYI DON MI RTAG PA DANG MED NA MI 'BYUNG BAR RTOGS PA'I PHYIR, ` LUNG DON BKAG PA RGOL BA'I NYES PA MIN PA NI, RTZA BAR, GTAN TSIGS BRJOD DAM MA BRJOD KYANG, ,'GAL NA RGOL BAS 'DIR CI BYAS, , DES BRJOD NYES PAS BSTAN BCOS LA, ,GNOD BYED DU NI DE SKYES MIN, , GNOD BYED BRJOD PHYIR SKYON CE NA, ,GAL TE MA BRJOD NA DE CI, , GNOD PA MIN NAM MI RIGS BYED, ,MIN TE CIS NA SKYON CAN YIN, , GTAN TSIGS LTAR SNANG GZHAN DAG LA, ,RANG 'DOD NYID NI SGRUB MED PHYIR, , @IV-40 DON MED BRJOD PAS SKYON 'GYUR NA, ,DE SGRUB PHYIR NA 'DIR MA YIN, , ZHES PAS, RTAG PA NAM YON LA BYAS PA GNOD BYED DU BRJOD PAS RGOL BA SKYON CAN YIN NO ZHE NA, DE 'DRA'I RGOL BA CHOS CAN, BYAS PA DE GNOD BYED DU BRJOD PA'I NYES PAS BSTAN BCOS LA GNOD BYED DU NI BYAS PA DE GSAR DU SKYES PA MIN PAR THAL, BYAS PA GNOD BYED DU BRJOD PA 'DIR NYES PA CI BYAS TE MA BYAS PA'I PHYIR TE, GTAN TSIGS BYAS PA DE GNOD BYED DU BRJOD DAM MA BRJOD KYANG, RTAG PA NAM YON DANG 'GAL BA'I PHYIR, MA BRTAGS PAR GNOD BYED BRJOD PAS RGOL BA SKYON CAN NO ZHE NA, DE CHOS CAN, DE LTAR BRJOD PAS CIS NA SKYON CAN YIN TE MA YIN PAR THAL, BYAS PA GNOD BYED DU BRJOD PA MI RIGS PA BYED PA MIN PA'I PHYIR TE, GAL TE DE LTAR MA BRJOD NA BYAS PA DE CI RTAG PA NAM YON LA GNOD PA MIN NAM STE YIN PA'I PHYIR, RTAGS YANG DAG 'GOD PAR KHAS BLANGS NAS DON MED PA'I GTAN TSIGS LTAR SNANG BRJOD PAS RGOL BA SKYON CAN DU 'GYUR TE, GTAN TSIGS LTAR SNANG GZHAN @IV-41 DAG LA RANG GI 'DOD YUL NYID NI SGRUB PA'I NUS PA MED PA'I PHYIR, SGRA MI RTAG SGRUB PA'I SNGA RGOL CHOS CAN, BYAS PAS RTAG PA NAM YON LA GNOD PA 'DIR RGOL BA SKYON CAN MA YIN TE, BYAS PA SGRA MI RTAG PAR SGRUB PA'I TSUL GSUM YIN PA'I PHYIR, ` LUNG DON BKAG PAS 'GAL NA HA CANG THAL BA NI, RTZA BAR, GAL TE BSTAN BCOS LA LA 'GA', ,RIGS MIN PAS NA RIGS SMRA BA, , GZHAN PA DAG KYANG 'GOG BYED CES, ,BYA BA RGYAL RIGS LUGS YIN NO, , DON KUN MTSUNGS PAR BYAS NAS NI, ,SGRUB BYED BRJOD PAR NUS MA YIN, , DES NA KUN TU BSGRUB BYA DANG, ,SGRUB BYED RNAM GZHAG 'DI NYAMS 'GYUR, , CHOS CAN GCIG LA 'GAL BA DANG, ,MI RUNG PHYIR NA 'GAL NGES LA, , GNOD 'GYUR 'DI NI DE 'DRA BA'I, ,'GAL BA YOD PA MA YIN NO, , DE DAG GNOD BYA GNOD BYED NI, ,MIN YANG BSTAN BCOS DON SLAD PHYIR, , 'BREL BA MED KYANG GNOD CE NA, ,THAMS CAD THAMS CAD KYIS GNOD 'GYUR, , 'BREL YOD DES NA DE NYID LA, ,GNOD 'GYUR ZHE NA MA YIN TE, , RTAGS KUN RANG GI BSGRUB BYA LA, ,SKYON DANG YON TAN DPYAD PHYIR RO, , @IV-42 MED NA BSGRUB BYA MI 'BYUNG BA'I, ,'BREL BA DE NI 'DIR RTOGS MED, , 'DIR NI BSTAN BCOS GNOD 'BA' ZHIG ,SKYON YIN DE GZHAN BYAS LA'ANG MTSUNGS, , ZHES PAS, GAL TE BSTAN BCOS LA LAR RTAG PA NAM YON LTA BU 'GA' ZHIG RIGS PA MIN PA BKAG PAS NA, RIGS PA SMRA BA GZHAN PA DAG KYANG 'GOG PAR BYED CES BYA BA CHOS CAN, MI 'THAD DE, RGYAL RIGS NGAN PA'I CHOS LUGS DANG MTSUNGS PA YIN PA'I PHYIR, LUNG DON KUN DANG BSGRUB BYAR MTSUNGS PAR BYAS NAS NI, SGRUB BYED YANG DAG BRJOD PAR NUS PA MA YIN PA DES NA'I PHYIR, KUN TU BSGRUB BYA DANG SGRUB BYED KYI RNAM GZHAG 'DI NYAMS PAR 'GYUR RO, ,SGRA CHOS CAN GCIG LA RTAG MI RTAG 'GAL BA DAG GZHI MTHUN DU 'DU BA MI RUNG BA'I PHYIR, CHOS CAN DE DNGOS SU 'GAL BA'I RTAG MI RTAG GNYIS KA YIN PAR NGES PA LA GNOD PAR 'GYUR RO, ,RTAG PA NAM YON BKAG PAS SGRA MI RTAG PAR 'GRUB PA MI 'GAL TE, RTAG PA NAM YON MIN PA DANG MI RTAG PA 'DIR NI, RTAG MI RTAG @IV-43 DE 'DRA BA'I 'GAL BA YOD PA MA YIN PA'I PHYIR, RTAG MI RTAG 'BREL BA MED KYANG RTAG PA NAM YON BKAG NA, SGRA MI RTAG PA LA GNOD DE, RTAG PA NAM YON MIN PA DANG MI RTAG PA DE DAG GNOD BYA GNOD BYED MIN YANG, RTAG PA NAM YON BKAG NA BSTAN BCOS KYI DON BSLAD PAR 'GYUR BA'I PHYIR ZHE NA, RTAGS THAMS CAD KYIS BSGRUB BYA THAMS CAD LA GNOD PAR 'GYUR BAR THAL, 'BREL MED KYI LUNG DON LA GNOD PAS, SKABS KYI BSGRUB BYA LA GNOD PA'I PHYIR, RTAG PA NAM YON DE SGRA DANG 'BREL BA YOD PA DES NA DE NYID LA GNOD NA RTAGS 'GAL BAR 'GYUR GYI GZHAN LA GNOD PAS 'GAL BA MIN NO ZHE NA, BYAS PA DES RTAG PA NAM YON LA GNOD PAS SGRA MI RTAG PAR SGRUB PA'I RTAGS 'GAL BA MA YIN TE, DE LA GNOD KYANG SGRA MI RTAG PAR SGRUB PA'I BSGRUB BYA SGRUB PA LA MI GNOD PA'I PHYIR, KHYAB STE, RTAGS KUN RANG GI BSGRUB BYA LA LTOS NAS SKYON CAN DANG YON TAN CAN DU DPYAD PAR BYA BA YIN PA'I PHYIR RO, ,RTAG PA NAM YON @IV-44 MED NA BSGRUB BYA'I CHOS MI 'BYUNG BA'I 'BREL BA DE NI 'DIR RTOGS PA MED KYI, RTAG PA NAM YON LA GNOD PAS SGRA MI RTAG PA LA GNOD PA 'DIR NI, BSTAN BCOS KYI DON LA GNOD PA 'BA' ZHIG SKYON YIN PA DE LTAR NA CHOS CAN, RTZOL BYUNG GIS DRI RTAG PA SA YON LA GNOD PAS KYANG RTAGS 'GAL BAR THAL, BSTAN BCOS KYI DON LA GNOD PA DE NI, GZHAN RTZOL BYUNG GIS DRI RTAG PA SA YON LA GNOD PA BYAS PA LA'ANG MTSUNGS PA'I PHYIR, ` THUN MONG LUNG DON BSGRUB BYAR 'DOD PA DGAG PA LAS 'DOD PA BRJOD PA NI, RTZA BAR, GAL TE BSTAN BCOS KHAS BLANGS PHYIR, ,BSTAN BCOS MTHONG BA MA LUS BSGRUB, CES PAS, GAL TE RANG GZHAN GYI SDE PAS, RGOL BAS BSTAN BCOS KHAS BLANGS PA'I PHYIR, BSTAN BCOS LAS MTHONG BA MA LUS PA BSGRUB BYA YIN NO ZHE NA, ` DE DGAG PA LAS DPE RTAGS MA GRUB PA BRJOD PA DAM BCA' THAL BA NI, RTZA BAR, @IV-45 DPE DANG GTAN TSIGS MA GRUB SMRA, ,DAM BCA' BA NI THAL BAR 'GYUR, , GAL TE SGRUB BYED NYID BRJOD PA, ,MA YIN 'DOD PA SMOS PHYIR NA, , BSGRUB BYA RIG PAS THOB PA NI, ,TSIG LAS LDOG PA MA YIN NO, , MI 'DOD BSGRUB BYA MIN ZHE NA, ,RGOL BA MI 'DOD CHOS GZHAN YANG, , BSGRUB MIN DE TSE BSGRUB BYA BA, ,MIN LA GNOD PAS CI ZHIG 'GAL, , ZHES PAS, BSTAN BCOS LAS BSHAD PA'I DPE DANG GTAN TSIGS MA GRUB PA SMRA BA CHOS CAN, DAM BCA' BAR NI THAL BAR 'GYUR BAR THAL, BSGRUB BYA RJOD PA YIN PA'I PHYIR, GAL TE SGRUB BYED NYID DU BRJOD PA'I DPE RTAGS MA GRUB PA CHOS CAN, BSGRUB BYA MA YIN TE, BSGRUB BYA YIN PA BCAD PA'I PHYIR DU, KUN BTUS SU KHO NA DANG RIGS SGOR 'DOD PA SMOS PA'I PHYIR ZHE NA, GONG GI DE CHOS CAN, BSGRUB BYAR RIGS PAS THOB PA NI YIN PAS, KHO NA DANG 'DOD PA'I TSIG LAS LDOG PA MA YIN NO, , YANG RGOL BAS BSGRUB BYAR MI 'DOD PAS BSGRUB BYA MIN NO ZHE NA, CHOS GZHAN RTAG PA NAM YON YANG RGOL BAS BSGRUB BYAR MI @IV-46 'DOD PAS BSGRUB BYA MIN NO, ,'DOD PA DE'I TSE RTAG PA NAM YON BSGRUB BYA MIN PAS, BYAS PA DES RTAG PA NAM YON LA GNOD PAS RTAGS CI ZHIG 'GAL TE MI 'GAL LO,, ` RANG SGRA SMOS PA DON MED DU THAL BA LAS THAL BA DGOD PA NI, RTZA BAR, PHYOGS MTSAN PHYI ROL DON CAN YIN, ,RANG NYID SGRA YANG DON MED 'GYUR, , ZHES PAS, RANG NYID CES PA'I SGRA YANG CHOS CAN, PHYOGS KYI MTSAN NYID LAS PHYI ROL DU GYUR PA'I DON CAN YIN PAR THAL, LUNG DON BSGRUB BYAR BCOD PA'I PHYIR DU SMOS PA GANG ZHIG LUNG DON BSGRUB BYA YIN PA'I PHYIR, 'DOD NA, KHYOD SMOS PA DON MED DU 'GYUR RO,, ` BSTAN BCOS LA 'DOD PAS 'JUG PA'I DON DU SMOS PA DGAG PA NI, RTZA BAR, BSTAN BCOS 'DOD 'JUG DON ZHE NA, , 'O NA DVOGS 'DI GANG LAS YIN, ,DE NI TSAD MAS BKAG MED NA, , 'DZIN PA GANG GIS BZLOG PAR NUS, ,GAL TE TSAD MAS BKAG NA YANG, , TSIG LAS GANG GIS 'JUG PAR 'GYUR, ,DE DAG SNGAR YANG GRUB MTHA' NI, , RANG NYID 'DOD PA NYID KYIS 'DZIN, ,DE NI PHYIS KYANG JI ZHIG LTAR, , @IV-47 GZHAN 'DZIN PA NI CIS MI THOB, ,'DOD GNOD MED DANG BSGRUB BYA MIN, , THUG PA MED PAR BSTAN PAS NA, ,LOG PAR RTOG PA BSAL BA'I PHYIR, , 'DIR NI RANG NYID SGRA MDZAD DO, ,ZHES PAS, BSTAN BCOS LA 'DOD PAS 'JUG PA'I DON DU RANG SGRA SMOS SO ZHE NA, RGOL BA DBANG RNON BSTAN BCOS LA 'DOD PAS MI 'JUG GAM SNYAM PA'I DVOGS PA 'DI SEL DGOS PA GANG LAS YIN TE MA YIN PAR THAL, RGOL BA DBANG RNON DE NI LUNG DON TSAD MAS BKAG PA MED NA LUNG 'DZIN PA GANG GIS KYANG BZLOG PAR MI NUS LA, GAL TE LUNG DON TSAD MAS BKAG NA YANG, RANG NYID KYI TSIG LAS GANG GIS LUNG LA 'JUG PAR 'GYUR BA MA YIN PA'I PHYIR, RGOL BA DBANG RTUL BSTAN BCOS LA 'JUG PA'I DON DU RANG SGRA SMOS MI DGOS PAR THAL, RGOL BA DBANG RTUL DE DAG SNGAR YANG GRUB MTHA' NI RANG GI 'DOD PA NYID KYIS 'DZIN CING, DE NI PHYIS KYANG JI ZHIG LTAR BSTAN BCOS GZHAN 'DZIN PA NI CIS MI THOB STE THOB PA'I PHYIR, KHYOD RANG LA'ANG RANG SGRA SMOS PA DON MED DU 'GYUR RO ZHE NA, BSGRUB BYA'I MTSAN NYID @IV-48 'CHAD PA'I SKABS 'DIR NI, RANG NYID KYI SGRA MDZAD PA CHOS CAN, DON YOD DE, LUNG DON BSGRUB BYA YIN NAM SNYAM PA'I LOG PAR RTOG PA BSAL BA'I PHYIR, SEL NUS TE, LUNG DON LA GNOD PAS 'DOD YUL GYI BSGRUB BYA LA GNOD PA MED PA DANG, LUNG DON BSGRUB BYA MIN PA DANG, LUNG DON LA GNOD PAS SKABS KYI BSGRUB BYA LA GNOD NA THUG PA MED PAR BSTAN PAS SO,, ` GRAGS PA CHOS CAN DU GZUNG BA'I DON DU SMOS PA DGAG PA NI, RTZA BAR, GZHUNG LUGS KYIS BYAS KHYAD PAR DAG ,YONGS SU SPANGS NAS RAB GRAGS PA'I, , CHOS CAN DAG NI ZUNG DON DU, ,GZHAN NI RANG NYID SGRA BRJOD ZER, , DPYAD PA NYID KYI SKABS KYI NI, ,RANG GRAGS RTEN NI GRUB GYUR TE, , RANG 'DOD BRTAGS PA'I KHYAD PAR CAN, ,DNGOS PO RNAMS RTZOD MED PHYIR RO, , ZHES PAS, RANG RANG GI GZHUNG LUGS KYIS BYAS PA'I KHYAD PAR DAG CHOS CAN YONGS SU SPANGS NAS, RAB TU GRAGS PA'I CHOS CAN DAG NI GZUNG BA'I DON DU RANG NYID KYI SGRA BRJOD CES KUN BTUS KYI 'GREL BYED GZHAN NI ZER RO, ,KHYAD CHOS LA DPYAD PA @IV-49 BYED PA NYID KYI SKABS KYIS NI, RGOL PHYI RGOL GNYIS KA LA RAB TU GRAGS PA'I RTEN CHOS CAN NI GRUB PAR GYUR TE, RANG GI 'DOD PAS BRTAGS PA'I CHOS CAN KHYAD PAR CAN GYI STENG DU KHYAD CHOS KYI DNGOS PO RNAMS LA RTZOD PA MED PA'I PHYIR, ` GRUB ZIN CHOS CAN BSGRUB BYA MIN PAR RTOGS PA'I DON DU RANG NYID SMOS PA DGAG PA NI, RTZA BAR, CI STE GRUB PAR BSTAN PA YI, ,CHOS CAN BSGRUB BYA MIN BRJOD NA, , RANG GI NGO BO NYID BSTAN PA, ,ZHES BYA 'DI NYID KYIS DE RTOGS, , GRUB DANG SGRUB PA'I NGO BO NI, ,BSTAN PA DAG NI YOD YIN NA, , BSGRUB BYA NYID DU BSTAN PA ZHES, ,BYA BA 'DI NA 'BRAS LDAN 'GYUR, , ZHES PAS, CI STE, CHOS CAN GRUB PAR BSTAN PA'I SGO NAS BSGRUB BYA MIN PAR RTOGS PA'I DON DU RANG SGRA BRJOD DO ZHE NA, RANG GI NGO BO NYID BRTAN PA ZHES BYA BA 'DI NYID KYIS, GRUB ZIN GYI CHOS CAN BSGRUB BYA MA YIN PA DE RTOGS TE, GRUB ZIN PA DANG SGRUB PAR BYED PA'I NGO BOR NI BSTAN PA DAG NI BSGRUB BYAR DGOS PA YOD PA YIN @IV-50 NA, DE BCAD PHYIR DU BSGRUB BYA NYID DU BSTAN PA ZHES BYA BA 'DI NI 'BRAS BU DANG LDAN PAR 'GYUR BA'I PHYIR, PHYOGS SKYON DU MI 'GYUR TSUL DANG RTAGS SKYON PHYOGS SKYON BSHAD PA PHYOGS SKYON DU MI 'GYUR BA'I TSUL DANG RTAGS SKYON PHYOGS SKYON BSHAD PA NI, ,RTZA BAR, RJES SU DPAG PA SPYI YI NI, ,YUL CAN NYID DU BSHAD PA YIN, , 'DIR NI DE SKAD MA BSTAN KYANG, ,PHYOGS LA 'GAL BA CUNG ZAD MED, , GAL TE CHOS CAN BSGRUB BYAR BYAS, ,DE LAS CIR 'GYUR DE MI NUS, , CI PHYIR RTAGS RJES 'GRO MED PHYIR, ,'DI DE DAG GI SKYON MIN NAM, , YAN LAG PHYI MA LA BLTOS PA, ,PHYOGS SKYON 'DOD MIN DE LTA NA'ANG, , GTAN TSIGS LA SOGS NYES PA YANG, ,PHYOGS KYI SKYON DU THAL 'GYUR TE, , THAMS CAD PHYOGS LA GNOD PHYIR RO, ,DE PHYIR DE TZAM DANG 'BREL BA, , PHYOGS KYI SKYON 'DOD GZHAN MIN TE, ,MNGON SUM LA SOGS 'GAL BA BZHIN, , ZHES PAS, SLOB DPON GYIS RJES SU DPAG PA TSOGS SPYI'I NI YUL CAN NYID DU BSHAD PAS MA GRUB PA'I CHOS NYID YAN GAR BA BSGRUB BYA MIN PAR RTOGS NUS PAS SO, ,CHOS CAN YAN GAR BA BSGRUB BYA MIN PAR RTOGS PA'I DON DU RANG SGRA SMOS PA MI 'THAD DE, BSGRUB BYA'I @IV-51 MTSAN NYID 'CHAD PA'I SKABS 'DIR NI, MA GRUB PA'I CHOS CAN YAN GAR BA BSGRUB BYA MA YIN PAR RTOGS PA'I DON DU RANG NYID CES DE SKAD MA BSTAN KYANG, PHYOGS YANG DAG GI MTSAN NYID 'GRUB PA LA 'GAL BA CUNG ZAD KYANG MED DO, ,GAL TE MA GRUB PA'I CHOS CAN YAN GAR BA BSGRUB BYAR BYAS NA, DE LAS SKYON CIR 'GYUR DRIS PAS, DE RTAGS KYIS BSGRUB MI NUS PA'I PHYIR ZHE NA, CI'I PHYIR BYAS PAS RTAGS PHYOGS CHOS MA GRUB PA DANG, CHOS DPE LA RJES 'GRO MED PA'I PHYIR ZHE NA, RTAGS PHYOGS CHOS MA GRUB PA DANG CHOS DPE LA RJES 'GRO MED PA 'DI CHOS CAN, PHYOGS SKYON MA YIN PAR THAL, RTAGS DPE DE DAG GI SKYON MIN NAM TE YIN PA'I PHYIR, KHYAB STE, YAN LAG PHYI MA RTAGS DPE LA LTOS PA'I SKYON PHYOGS SKYON DU 'DOD PA MIN PA'I PHYIR, YANG, PHYOGS SKYON YIN TE, PHYOGS 'GRUB PA LA GNOD PA'I PHYIR ZHE NA, DE LTA'ANG GTAN TSIGS LA SOGS PA'I NYES PA THAMS CAD CHOS CAN, PHYOGS KYI SKYON DU THAL BAR 'GYUR TE, PHYOGS 'GRUB PA LA GNOD PA'I PHYIR, @IV-52 'O NA, PHYOGS SKYON GANG ZHE NA, SGRA MNYAN BYAR SGRUB PA'I PHYOGS SU BZUNG NAS, PHYI RGOL GYIS GRUB ZIN PA CHOS CAN, PHYOGS KYI SKYON DU 'DOD KYI, GZHAN RTAGS SKYON MIN TE, DAM BCA' DE TZAM DANG 'BREL BA'I NYES PA YIN PA'I PHYIR, DPER NA, MNGON SUM DANG 'GAL BA SGRA MNYAN BYA MA YIN PAR DAM BCAS PA BZHIN NO, ` MA GRUB CHOS CAN BSGRUB BYA MIN PAR RTOGS PA'I DON DU RANG SGRA SMOS PA DGAG PA DNGOS NI, RTZA BAR, RGYU SOGS MTSAN NYID BSAL BYA LA, ,LTOS PA MED PAR MA KHYAB DANG, ,LDOG PA DAG NI SPANG PA'I PHYIR, ,PHYOGS KYI MTSAN NYID BSHAD PA YIN, RANG NYID TSIG PHRAD NGO BO'I SGRA, ,MA BSAL BA DANG BCAS PA DAG ,LDOG PA SEL BAR BYED PA YIN, ,'DOD SGRAS MA KHYAB SEL BAR BYED, ,BSGRUB BYAR KHAS BLANGS PHYOGS MTSAN NYID, ,DE RNAMS LA NI PHYOGS NYID MED, ,BSAL BA GNOD DANG LHAG MA LA, ,MTSAN NYID 'JUG PA MED PHYIR RO, ,ZHES PAS, RGYU RTAGS DPE SOGS KYI MTSAN NYID KYI BSAL BYA SEL BA LA LTOS PA MED PAR, MA KHYAB @IV-53 PA DANG, LDOG PA KHYAB CHES PA DAG NI SPANG BA'I PHYIR DU PHYOGS KYI MTSAN NYID BSHAD PA YIN PA'I PHYIR, TSIG GANG GIS SEL NA, MTSAN NYID KYI ZUR DU RANG NYID TSIG PHRAD NGO BO'I SGRA MA BSAL BA DANG BCAS PA DAG CHOS CAN, GZHAN DON BSGRUB BYA'I LDOG PA KHYAB CHES PA SEL BAR BYED PA YIN TE, RGOL BAS MI 'DOD PA'I LUNG DON DANG, SGRUB BYED DU BKOD BZHIN PA DANG, PHYI RGOL GYIS GRUB ZIN PA DANG, TSAD MAS BSAL BA GZHAN DON BSGRUB BYA YIN PA SEL BA'I PHYIR, TSIG ZUR GYI 'DOD PA'I SGRAS GZHAN DON BSGRUB BYA'I MA KHYAB PA SEL BAR BYED DE, NGAG TU MA BRJOD KYANG, ZHE BAS 'DOD PA BSGRUB BYAR YOD PA BSTAN PA'I PHYIR, ` MDOR BSDU NA, TSAD MAS MA BSAL ZHING, RGOL BA RTOGS LDAN GYIS BSGRUB BYAR KHAS BLANGS PA DE GZHAN DON PHYOGS YANG DAG GI MTSAN NYID YIN NO, ,TSAD MAS BSAL BA SOGS DE RNAMS LA NI, PHYOGS KYI MTSAN NYID DE 'JUG PA MED PA'I PHYIR TE, TSAD MAS BSAL BA LA TSAD MAS GNOD PA'I PHYIR, DE GNYIS DON GCIG PA LA DGONGS SO, ,LHAG MA PHYI RGOL @IV-54 GYIS GRUB ZIN SOGS BZHI LA, PHYOGS KYI MTSAN NYID RGOL BA RTOGS LDAN GYIS BSGRUB BYAR KHAS BLANGS 'JUG PA MED PA'I PHYIR, ` DE LA RTZOD SPANG NI, RTZA BAR, RANG NYID 'DOD PA BRJOD PA YIS, ,NGES GZUNG DON NI RTOGS NA YANG, ,BYED PA'I MTHA' DANG 'BREL BA'I PHYIR, ,DUS GZHAN BCAD PHYIR BSHAD PA YIN, ,'DOD RKYEN 'DIR NI YAN LAG MIN, ,'DOD PAR GYUR PA'I TSIG DAG LA, , YAN LAG NYID YIN DE YIS NI, ,GTAN TSIGS MA GRUB LA SOGS 'GOG , CES PAS, KUN BTUS SU, BSGRUB BYA'I MTSAN NYID 'CHAD PA'I TSIG ZUR GYI RANG NYID DANG 'DOD PA BRJOD PA CHOS CAN, BSTAN BYA BA DANG KHYAD GZHI KHYAD CHOS SU MA 'BREL NA YANG, NGES GZUNG GI DON RTOGS NUS TE, DE LTA NA YANG, RANG NYID 'DOD PAR GYUR PA PHYOGS YIN ZHES PA'I TSIG YIN PA'I PHYIR DANG, BYED PA'I MTHA' BSTAN BYA DANG KHYAD GZHI KHYAD CHOS SU 'BREL BA'I RANG NYID 'DOD TSIG YIN PAS RANG NYID DANG 'DOD PA BRJOD PA DES, NGES GZUNG GI DON RTOGS MI NUS SO, , @IV-55 KHO NA ZHES PA'I TSIG GIS, DUS GZHAN MA 'ONGS PA NA BSGRUB BYAR 'GYUR RUNG GI DPE RTAGS MA GRUB PA BSGRUB BYA YIN PA GCAD DO, ,RANG NYID DANG 'DOD TSIG GIS DPE RTAGS MA GRUB PA BSGRUB BYA YIN PA GCOD NUS TE, RANG NYID 'DOD PAR GYUR PA PHYOGS YIN ZHES PA'I TSIG YIN PA'I PHYIR ZHE NA, KUN BTUS SU, 'DOD PA'I SKAD KYI BYINGS LA RKYEN BYIN PAS, 'DOD PAR GYUR PA ZHES PA'I TSIG 'DIR NI CHOS CAN, DPE RTAGS MA GRUB PA BSGRUB BYA YIN PA GCOD NUS PA'I YAN LAG MIN TE, BSTAN BYA BA DANG KHYAD GZHI KHYAD CHOS SU 'BREL BA'I 'DOD TSIG YIN PA'I PHYIR, RIGS SGO'I 'DOD PAR GYUR PA'I TSIG DE YIS NI CHOS CAN, GTAN TSIGS MA GRUB PA LA SOGS PA BSGRUB BYA YIN PA 'GOG STE, DE BSGRUB BYA YIN PA GCOD NUS KYI YAN LAG NYID YIN PA'I PHYIR, MDOR NA, KUN BTUS SU BSTAN BYA BA ZHES PA'I TSIG YOD PA DANG, RIGS SGOR TSIG DE MED PAS RKYEN GYIS YIN NO, , @IV-56 ` DON BSDU BA NI, RTZA BAR, RJOD BYED MIN PHYIR YANG MI RIGS,, DES NA RANG NYID BDAG NYID 'DOD, ,BSTAN BCOS KUN LA BLTOS MED PAR,, DE 'DOD PA NI BSGRUB BYA NYID, ,DES NA MI 'DOD DANG 'BREL BA'I,, 'DOD PA LA YANG GNOD PA NA, ,JI LTAR SGRUB LA GNOD MED PHYIR,, PHYOGS DANG GTAN TSIGS SKYON MED NYID, ,CES PAS, RANG NYID CES PA'I SGRA CHOS CAN, BSTAN BCOS LA 'DOD PAS 'JUG PA SOGS STON BYED DU MI RIGS TE, DE DAG RJOD BYED MIN PA'I PHYIR, DES NA, DES RGOL BA BDAG NYID KYI 'DOD PA BSGRUB BYAR STON TE, BSTAN BCOS KUN LA BLTOS PA MED PAR RGOL BA DE 'DOD PA NI BSGRUB BYA NYID DU BSTAN PA'I PHYIR, DES NA, BYAS PA CHOS CAN, RGOL BAS MI 'DOD PA DANG 'BREL BA'I BSTAN BCOS MKHAN PO'I 'DOD PA LA YANG GNOD PA NA SGRA MI RTAG PAR SGRUB PA'I PHYOGS DANG GTAN TSIGS SKYON MED PA NYID YIN TE, DE LA GNOD KYANG JI LTAR SGRA MI RTAG PAR SGRUB PA LA GNOD PA MED PA'I PHYIR, @IV-57 BSAL KHA RGYAS BSHAD GSUM PA MA BSAL BA RGYAS PAR BSHAD PA NI, RTZA BAR, KHAS BLANGS DE YANG TSAD MA NI, ,DAG GIS BKAG MED YIN PAR 'DOD,, GTAN TSIGS THE TSOM LA BRJOD PHYIR, ,BSAL BA GTAN TSIGS RTEN MA YIN, ,RJES SU DPAG PA'I DBYE BA YIS, ,GNOD PA DE NI RNAM BZHIR BSHAD, ,DE LA KHAS BLANGS 'BRAS RTAGS TE, ,'GRO LA GRAGS PA RANG BZHIN RTAGS, ,ZHES PAS, RGOL BAS KHAS BLANGS PA DE YANG, MNGON RJES KYI TSAD MA NI DAG GIS BKAG PA MED PA ZHIG BSGRUB BYA YIN PAR 'DOD DE, TSAD MAS BSAL BA GTAN TSIGS 'JUG PA'I RTEN MA YIN PA'I PHYIR TE, GZHAN DON GYI GTAN TSIGS YANG DAG YIN NA, TSAD MAS MA GSAL ZHING PHYI RGOL THE TSOM DANG LDAN PA'I TSOGS DON LA SGRUB BYED DU BRJOD PA'I PHYIR, DAM BCA' LTAR SNANG LA GNOD PA'I TSAD MA DE NI BZHIR BSHAD DU RUNG STE, GNOD BYED TSAD MA LA MNGON SUM DANG, RJES SU DPAG PA LA GSUM DU DBYE BA YIS SO, ,GSUM YOD PA DE LA RGOL BAS KHAS BLANGS PA'I YID CHES KYI TSIG CHOS CAN, RANG GI BRJOD @IV-58 BYA'I 'BRAS BUR KHAS LEN PA'I NGOR, RANG GI BRJOD BYA SGRUB PA LA 'BRAS RTAGS YANG DAG YIN ZHES BSHAD DU RUNG STE, DE'I NGOR DE SGRUB KYI 'BRAS BU'I TSUL GSUM YIN ZHES BRJOD DU RUNG BA'I PHYIR, 'GRO BA LA GRAGS PA RTOG YUL NA YOD PA CHOS CAN, RI BONG CAN ZLA BA'I SGRAS BRJOD RUNG DU SGRUB PA'I RANG BZHIN GYI RTAGS YANG DAG YIN TE, DE SGRUB KYI SGRUB RTAGS YANG DAG GANG ZHIG ZLA BA'I SGRAS BRJOD RUNG LA BDAG GCIG TU 'BREL BA'I PHYIR, YID CHES KYIS MA BSAL BA RGYAS BSHAD LA LUNG GNOD GEGS SU 'GYUR TSUL YID CHES KYIS MA BSAL BA RGYAS BSHAD LA LUNG GNOD GEGS SU 'GYUR BA'I TSUL NI, RTZA BAR, YANG DAG NGES LDAN BRJOD 'DOD PA, ,BDAG GZHAN YID CHES MTSUNGS PA YI, ,PHYIR NA RANG GI TSIG DANG NI, ,BSTAN BCOS GCIG TU BSHAD PA YIN, , JI LTAR BDAG NI TSAD MIN NA, ,TSIG NI 'JUG PAR MI 'GYUR PA,, DE BZHIN BSTAN BCOS MI RTEN NA, ,DER GRAGS DON LA DPYOD PA YANG,, MTSUNGS PAR BSTAN PHYIR BSTAN BCOS DE'I, ,SKABS RTEN NYID LA GNOD BYED CES,, DON 'DI BSTAN PA'I CHED DU 'DI, ,RANG GI TSIG DANG LHAN CIG BSHAD,, DES NA 'DI LA DPE DAG KYANG, ,MTSUNGS PA NYID DU BSTAN PA YIN, , @IV-59 TSAD MA RNAMS NI YOD MIN NA, ,BSTAN BCOS TSIG MI RUNG PHYIR RO, , RANG TSIG 'GAL LA GSAL BA'I DPE, ,LUNG LA PHYOGS TZAM BSTAN PA YIN,, DE LA MA 'ONGS PA NA CHOS, ,BDE BA MI 'GRUB CES BYA YIN, , ZHES PAS, YID CHES PA DANG DE'I TSIG GANG ZHE NA, RGOL BA BDAG DANG GZHAN BSTAN BCOS MKHAN PO CHOS CAN, YID CHES PA YIN TE, DON YANG DAG PAR NGES PA DANG LDAN PA BRJOD PAR 'DOD PA'I PHYIR, RANG GI TSIG DANG BSTAN BCOS GNYIS KUN BTUS SU YID CHES ZHES SEL BYED GCIG TU BSHAD PA'I RGYU MTSAN YOD DE, YID CHES PA'I TSIG TU MTSUNGS PA'I PHYIR, JI LTAR RGOL BA BDAG NYID KYI TSIG NI RANG GI BRJOD BYA LA MI SLU BA'I TSAD MAR KHAS LEN PA MIN NA RANG GI BSAM PA'I DON GZHAN LA BSTAN PA'I CHED DU, RANG GI TSIG NI 'JUG PAR MI 'GYUR BA DE BZHIN DU BSTAN BCOS RANG GI BRJOD BYA LA MI SLU BA'I TSAD MAR KHAS BLANGS PA LA MI BRTEN NA BSTAN BCOS DES GRAGS PA'I DON SHIN TU LKOG GYUR LA DPYOD PA YANG MI 'JUG GO ZHES MTSUNGS PAR BSTAN PA'I PHYIR DU, RANG TSIG DANG LUNG @IV-60 TSIG GNYIS KA YID CHES ZHES PA'I TSIG GCIG GIS BSTAN PA YIN PA'I PHYIR, DGOS PA NI, SKABS KYI RTEN SHIN LKOG NYID LA BSTAN BCOS DE KHAS BLANGS PA TZAM GYIS GNOD BYED DANG SGRUB BYED YIN NO ZHES PA'I DON 'DI BSTAN PA'I CHED DU, BSTAN BCOS 'DI RANG GI TSIG DANG LHAN CIG BSHAD PA YIN NO, ,RANG TSIG DANG BSTAN BCOS 'DI CHOS CAN, GZHAL BYA'I DON CAN GYI TSAD MA DAG MED DO ZHES KHYOD LA RANG 'GAL GYI DPE DAG KYANG MTSUNGS PA NYID DU BSTAN PA LA RGYU MTSAN YOD DE, KHYOD RANG 'GAL GYI DAM BCA' LA KHAS BLANGS PA TZAM GYIS GNOD BYED YIN PA DES NA'O,, GZHAL BYA'I DON CAN GYI TSAD MA DAG MED DO ZHES PA'I TSIG DE RANG TSIG DANG BSTAN BCOS DANG 'GAL BA GNYIS KA'I DPER RUNG STE, TSAD MA RNAMS NI YOD PA MIN NA, BSTAN BCOS DANG RANG TSIG TSAD MAR MI RUNG BA'I PHYIR, GZHAL BYA'I DON CAN GYI TSAD MA DAG MED DO ZHES PA'I TSIG CHOS CAN, RANG GI TSIG DANG 'GAL BA LA RNAM PA GSAL BA'I DPE YIN TE, NGAG DNGOS SHUGS @IV-61 'GAL BA'I DAM BCA' GANG ZHIG BRJOD BYA'I LDOG PHYOGS 'GRUB PA LUNG LA MI LTOS PA'I PHYIR, LUNG DANG 'GAL BA LA PHYOGS TZAM MTSON NAS BSTAN PA'I DPE YIN GYI, LUNG DANG 'GAL BA'I RNAM PA GSAL BA'I DPE MA YIN, DKAR PO'I CHOS NI MA 'ONGS PA NA BDE BA MI 'GRUB CES BYA BA NI, LUNG DANG 'GAL BA DE LA RNAM PA GSAL BA'I DPE YIN NO,, DNGOS STOBS KYIS GRUB PA LA LUNG GIS MI GNOD PA DNGOS STOBS KYIS GRUB PA LA LUNG GIS MI GNOD PA NI, RTZA BAR, DE LA RTEN MIN DNGOS PO LA, ,BSTAN BCOS DANG 'GAL BRJOD NA YANG,, GNOD PA MA YIN GNYIS PO DAG ,NUS PA MTSUNGS PHYIR GEGS BYED 'GYUR,, DPER NA RANG GI TSIG BZHIN TE, ,DE YANG DE TSE RANG TSIG BDAG , DE DAG GANG LA TSAD MA YOD, ,DE NI GZHAN LA GNOD BYED 'GYUR,, DE LTA MIN NA RIGS BRAL GYI, ,DAM BCA' NUS PA MTSUNGS PA YI,, DAM BCA' JI BZHIN DON CAN GYI, ,RJES DPAG LA NI JI LTAR GNOD,, LUNG RNAMS TSAD MA YIN PA NI, ,SNGAR NYID RNAM PAR BZLOG PA YIN, , ZHES PAS, LUNG DE LA BRTEN PA MIN PA'I DNGOS PO SGRA LA @IV-62 SPYOD PA BAS SNGAR SGRA RTAG PAR KHAS BLANGS NAS PHYIS TSAD MAS MA GRUB BZHIN DU, BSTAN BCOS DANG 'GAL BA SGRA MI RTAG PAR BRJOD NA YANG GNOD PA MA YIN TE, DAM BCA' GNYIS PO DE DAG PHAN TSUN GEGS BYED TZAM DU 'GYUR BA'I PHYIR TE, DE GNYIS DAM BCA' 'GAL BA NUS PA MTSUNGS PA YIN PA'I PHYIR, DPER NA, NGA'I MA MO SHAM MO ZHES PA'I RANG GI TSIG BZHIN NO, ,SNGAR SGRA RTAG STON GYI BSTAN BCOS TSAD MAR BYAS NAS, PHYIS TSAD MAS MA GRUB BZHIN DU SGRA MI RTAG PAR KHAS BLANGS PA DE'I TSE SGRA RTAG STON GYI BSTAN BCOS DE YANG SGRA MI RTAG PAR DAM BCA' PA LA GNOD PA MA YIN TE, RANG TSIG 'GAL BA'I BDAG NYID YIN PA'I PHYIR, SGRA MI RTAG PA DANG RTAG PAR DAM BCAS PA DE DAG LAS, MI RTAG PAR TSAD MAS GRUB NAS DAM BCAS PA DE NI, GZHAN SGRA RTAG PAR DAM BCAS PA LA GNOD BYED DU 'GYUR TE, SGRA RTAG PA'I LDOG PHYOGS DAM BCAS PA DANG RGYAB RTEN TSAD MA YOD PA'I DAM BCA' YIN PA'I PHYIR, DE LTA MIN PAR SGRA RTAG STON GYI BSTAN BCOS KYIS, SGRA @IV-63 MI RTAG PAR DAM BCAS PA LA GNOD NA, SGRA RTAG STON GYI BSTAN BCOS KYIS SGRA MI RTAG PAR DAM BCAS PA LA MI GNOD DE, BSTAN BCOS DE RGYAB RTEN RIGS PA DANG BRAL BA'I SGRA MI RTAG PA'I DAM BCA' DANG NUS PA MTSUNGS PA'I DAM BCA' YIN ZHING, SGRA MI RTAG PA JI LTA BA BZHIN GYI DON CAN GYI RJES DPAG LA NI JI LTAR GNOD DE MI GNOD DO, ,LUNG RNAMS TSAD MA YIN PA NI SNGAR NYID RNAM PAR BZLOG ZIN PA YIN PA'I PHYIR, ` CHOS CAN LUNG GIS GRUB PA LA LUNG GIS GNOD PA NI, RTZA BAR, DE YI PHYIR NA KHAS BLANGS NAS, DPYOD PA DAG LA SKYON 'DI 'DOD, , DES NA GNOD PHYIR RJES DPAG LAS,, KHAS BLANGS PHYI ROL GYUR MIN YANG, ,YUL GYI KHYAD PAR BSTAN PA YI,, PHYIR NA THA DAD BYAS PA YIN, ,DE LTA MIN NA THAL CHES PA'AM,, LOGS SHIG BYAS PA DON MED 'GYUR, ,RANG GI TSIG KYANG THA DAD PA,, TSIG TZAM BRJOD LA GEGS BYED YIN, ,DE YIS BSTAN BCOS TSAD MAR NI,, KHAS BLANGS PHYIR NA DNGOS KUN LA, ,GNOD BYED CE NA GAL TE DE,, @IV-64 MI 'DOD GNOD BYED YIN NAM CI, ,RANG TSIG 'GAL NA RANG TSIG DANG,, BSTAN BCOS 'GAL THA DAD MI 'GYUR, ,SKYES BU'I 'DOD PAS BYAS NA 'DI,, YONGS SU RDZOGS PA'I TSAD MA NYID, ,DES NA RANG GRAGS DON DAG LA,, BSTAN BCOS DOR NA'ANG NYES PA MED, ,LKOG GYUR DAG LA BSTAN BCOS NI,, MI 'DOD DPYOD PA NYID MI 'JUG ,CES PAS, LUNG KHAS BLANGS NAS DPYOD PA'I DKAR PO'I CHOS KYIS BDE BA MI STER BAR DAM BCAS PA LA, LUNG GIS GNOD PA'I SKYON 'DI YOD DE, DKAR CHOS KYIS BDE BA STER BAR LUNG GIS GRUB PA DE'I PHYIR, DES NA, KHAS BLANGS PA'I YID CHES RJES DPAG NI RJES DPAG LAS PHYI ROL DU GYUR PA MIN TE, RTAGS LA BRTEN NAS DAM BCA' LTAR SNANG GI DON LA GNOD BYED KYI TSAD MA YIN PA'I PHYIR, DE LTAR YIN YANG, YID CHES RJES DPAG GI YUL GYI KHYAD PAR BSTAN PAS RJES DPAG LAS THA DAD DU BYAS PA LA DON YOD DO, ,DE LTA MIN PAR RJES DPAG GI GSAL BA'I DBYE BA RTOGS PA'I PHYIR DU, THA DAD DU BYAS PA YIN NA, 'BRAS RANG GI RTAGS LA BRTEN PA'I RJES @IV-65 DPAG KYANG, BSTAN DGOS PA HA CANG THAL CHES PAR 'GYUR TE, RJES DPAG GI DBYE BA RTOGS PA'I PHYIR DU THA DAD DU BSTAN PAR KHAS BLANGS PA'I PHYIR, SKYON MED DE RJES DPAG GI NANG DU 'DUS PA'I PHYIR ZHE NA, YID CHES RJES DPAG KYANG LOGS SHIG TU BYAS PA DON MED DU 'GYUR TE, MTSUNGS PA'I PHYIR, 'O NA, RIGS SGOR RANG TSIG BSTAN BCOS LAS THA DAD DU BYAS PA LA DGOS PA CI YOD CE NA, TSIG TZAM RJOD PA RANG 'GAL GYI DAM BCA' LA GEGS BYED YIN PAR BSTAN PA'I CHED YIN PAS, RANG GI TSIG KYANG BSTAN BCOS LAS THA DAD DU BYAS PA'O, ,RGOL BA DE YIS BSTAN BCOS TSAD MAR NI KHAS BLANGS PA'I PHYIR NA, DNGOS PO KUN LA LUNG GNOD BYED YIN NO ZHE NA, GAL TE LUNG DE CHOS CAN, RGOL BAS MI 'DOD NA'ANG GNOD BYED YIN NAM CI STE YIN PAR THAL, DNGOS PO'I STOBS KYIS GNOD BYED YIN PA'I PHYIR, BSTAN BCOS DANG 'GAL NA RGOL BA'I RANG TSIG DANG 'GAL LO ZHE NA, 'O NA, RANG TSIG DANG BSTAN BCOS GNYIS RANG 'GAL GYI DAM BCA' LA @IV-66 GEGS BYED TZAM DU THA DAD MED PAR 'GYUR BAR THAL, 'DOD PA DE'I PHYIR, LUNG DE SKYES BU'I 'DOD PAS TSAD MAR BYAS SO ZHE NA, RANG TSIG KYANG 'DOD PAS TSAD MAR BYAS PA 'DI YONGS SU RDZOGS PAS TSAD MA NYID YIN PAR 'GYUR RO, ,MNGON SUM LA RAB TU GRAGS PA'I DON DAG NI DNGOS STOBS KYIS GRUB PA DES NA, KHYOD LA BSTAN BCOS SGRUB BYED DU DOR NA'ANG NYES PA MED, SHIN TU LKOG GYUR DAG LA NI LUNG KHO NAS GRUB PAS, BSTAN BCOS NI TSAD MAR MI 'DOD NA KHYOD LA DPYOD PA NYID MI 'JUG GO ,, TSAD MAR GYUR PA'I LUNG NGOS BZUNG BA TSAD MAR GYUR PA'I LUNG NGOS GZUNG BA NI, RTZA BAR, 'DI LA BRTAG PA PHAL CHER NI, ,'GAL BA BRJOD YIN 'DI LTA STE,, CHAGS SOGS CHOS MIN RTZA BA DANG, ,KHRUS KYIS CHOS DAG 'GYUR BA'O, , MTHONG DANG MA MTHONG BA DAG LA, ,RIG PAS GRUB DANG RANG TSIG GIS,, GNOD MED GTAN TSIGS GANG YIN DE, ,GZUNG BAR BYA PHYIR DPYOD 'JUG 'GYUR, , ZHES PAS, LUNG YIN PA TZAM GYIS MI SLU BAR YIN PAS MA KHYAB STE, LUNG 'DI DAG GI DON LA BRTAG PA NA, PHAL CHER NI NANG @IV-67 'GAL BRJOD PA MTHONG NGO, ,'DI LTA STE, CHAGS SOGS CHOS MIN PA'I RTZA BA DANG, KHRUS KYIS CHOS MIN SDIG PA RTZA BA NAS DAG PAR 'GYUR BAR BRJOD PA DE'O, ,MTHONG BA MNGON GYUR DANG LKOG GYUR DAG LA RIGS PAS GRUB PA DANG, MA MTHONG BA SHIN TU LKOG GYUR LA RANG TSIG 'GAL BA SOGS KYIS GNOD PA MED PA'I BSTAN BCOS GANG YIN PA DE NI, KHYOD LA BRTEN NAS SHIN LKOG LA DPYOD PA 'JUG PAR 'GYUR TE, KHYOD SHIN LKOG GI SGRUB BYED DU GZUNG BAR BYA BA'I LUNG YIN PA'I PHYIR, ZHES PA NI TSAD MAR GYUR PA'I LUNG NGOS BZUNG BA'O,, GRAGS PAS MA BSAL RGYAS BSHAD LA BRJOD RUNG GRAGS PA YIN PA BSTAN PA GRAGS PAS MA BSAL BA RGYAS PAR BSHAD PA LAS BRJOD RUNG GRAGS PA YIN PAR BSTAN PA NI, RTZA BAR, SKYES BU'I 'DOD DANG RJES 'BREL BA, ,'DOD SGRA'I BRJOD BYA NYID DON LA,, BKAG MED PHYIR NA GNOD MED NGAG ,SKYE BO RNAMS 'DOD YID CHES YIN,, THA SNYAD LAS NI SKYES PA YI, ,CHOS DE GRAGS PA'I SGRA YIS BRJOD,, MNGON SUM SOGS KYI GZHAL BYA YANG, ,'JAL BYED SGRA SGRO BTAGS NAS BRJOD, , CES PAS, GZHAN DON BSGRUB BYA LA GRAGS PAS MA @IV-68 BSAL BA DGOS PAS, GRAGS PA GANG ZHE NA, SKYES BU'I 'DOD PA DANG RJES SU 'BREL BA'I 'DOD RGYAL BA'I ZLA BA ZHES PA'I SGRA CHOS CAN, RI BONG CAN KHYOD KYIS BRJOD DU RUNG BAR SKYE BO RNAMS 'DOD CING YID CHES PA YIN TE, KHYOD KYIS DON THAMS CAD BRJOD DU RUNG BA LA GNOD PA MED PA'I NGAG YIN PA'I PHYIR TE, KHYOD KYI BRJOD BYA RUNG BA NYID DON THAMS CAD LA BKAG PA MED PA'I PHYIR, ZLA BA ZHES PA'I THA SNYAD LAS NI SKYES PA'I CHOS RI BONG CAN ZLA BA'I SGRAS BRJOD RUNG DE CHOS CAN, GRAGS PA'I SGRA YIS BRJOD PA'I RGYU MTSAN YOD DE, GRAGS PA MTSAN NYID PA DE'I YUL YIN PA'I PHYIR, BRJOD RUNG GIS BRJOD MI RUNG LA GNOD MOD, ,SGRA 'DZIN MNGON SUM GYIS SGRA MNYAN BYA MA YIN PA LA JI LTAR GNOD CE NA, YUL GYIS GNOD PA LA YUL CAN GYIS GNOD CES BSHAD PA STE, MNGON SUM SOGS GYI GZHAL BYA LA YANG 'JAL BYED KYI SGRA SGRO BTAGS NAS BRJOD PA YIN NO,, ` BRJOD RUNG GNOD BYED YIN PAR BSTAN PA NI, RTZA BAR, DE LA BRTEN NAS 'BYUNG BA CAN, ,'DOD PAS 'JUG PHYIR @IV-69 DGAG MED PA, ,BYAS DANG MA BYAS PA RNAMS SU, ,SNA TSOGS RANG BZHIN NYID KYIS RUNG, ,DON TZAM DANG NI RJES 'BREL CAN, ,BYUNG BA 'AM NI 'BYUNG 'GYUR BA, ,SGRA YI RUNG BA NYID DE YIS, ,MI MTHUN PA DAG GNOD PAR 'GYUR, , ZHES PAS, 'DOD PA DE LA BRTEN NAS 'BYUNG BA CAN GYI ZLA BA ZHES PA'I SGRA CHOS CAN, DON THAMS CAD LA 'JUG TU RUNG BA DGAG TU MED PA YIN TE, 'DOD PAS 'JUG PA'I SGRA YIN PA'I PHYIR, SNA TSOGS PA'I RI BONG CAN CHOS CAN, SNGAR BRDA BYAS PA ZLA BA ZHES PA DANG SNGAR BRDA MA BYAS PA BUM PA ZHES PA SOGS RNAMS KYIS BRJOD RUNG YIN TE, RTOG YUL NA YOD PA'I RANG BZHIN NYID YIN PA'I PHYIR, DON SNA TSOGS LA BRDA BYA RUNG BA ZLA BA ZHES PA'I SGRA CHOS CAN, SNGAR BRDA BYUNG BA ZLA BA ZHES PA'AM 'BYUNG BAR 'GYUR BA BUM PA'I SGRAS BRJOD DU RUNG BA DE YIS, DE DANG MI MTHUN PA BRJOD MI RUNG DAG LA GNOD PAR 'GYUR TE, RTOG YUL NA YOD PA'I DON TZAM DANG NI RJES SU 'BREL BA CAN YIN PA'I PHYIR, ` BRJOD RUNG GRAGS PAR SLOB DPON GYIS BZHED PA NI, RTZA BAR, GRAGS PA MED KYANG DNGOS PO LA, ,RUNG NYID DE YI STOBS NYID LAS,, @IV-70 DE LA SGRA KUN 'BREL DES NA, DE LA DE NI GRUB PA YIN,, GZHAN DU 'DIR NI GNOD PA YI, ,GTAN TSIGS THUN MONG NYID MI 'GYUR, , ZHES PAS, BUM PA'I DNGOS PO DE CHOS CAN, ZLA BA GRAGS PA MED KYANG KHYOD LA ZLA BA'I SGRAS BRJOD RUNG DE NI GRUB PA YIN TE, DE MED KYANG RTOG YUL NA YOD PA DE'I STOBS NYID LAS KHYOD LA SGRA KUN BRJOD RUNG NYID DU 'BREL BA DES NA'O, ,BRJOD RUNG GRAGS PAR BZHED PA LAS GZHAN DU GRAGS ZIN KHO NA LA GRAGS PAR RJOD NA, RI BONG CAN LA ZLA BA'I SGRAS BRJOD RUNG 'DIR NI, GNOD BYED DU BRJOD PA'I GTAN TSIGS RTOG YUL NA YOD PA CHOS CAN, RI BONG CAN ZLA BA'I SGRAS BRJOD MI RUNG DU SGRUB PA'I THUN MONG MIN PA NYID DU MI 'GYUR BAR THAL, ZLA BAR GRAGS MA ZIN PA DU MA LA YOD PA'I PHYIR, ` MDO'I TSIG GI DGONGS PA BSHAD PA NI, RTZA BAR, DE 'GOG RJES DPAG LAS 'GYUR TE,, SGRA DON MED PA'I 'JUG MED PHYIR, ,GANG LA YOD RJES 'GRO MED DE,, RTAGS RNAMS THUN MONG MIN NYID CES, ,DE LTAR GTAN TSIGS DPER BRJOD PA,, 'BRAS BU DANG NI LDAN PAR 'DOD, ,SGRA NI BRDA LA BRTEN PA CAN, @IV-71 ,DE YANG 'DOD TZAM BRTEN PA YIN, ,SGRA YI GRUB PA MI 'GRUB MIN, , DE LTAR SGRA BYUNG GRAGS PA GSUNGS, ,RJES SU DPAG PAS BSGRUB RNAMS LA, , 'GAL BA 'KHRUL PA MED PA CAN, ,MED PAR STON YIN DE LTA BU'I, , GRAGS PA'I RJES DPOG YIN PHYIR RO, ,ZHES PAS, TSAD MA MDOR GANG LA THUN MONG MA YIN PA'I PHYIR, RJES SU DPAG PA MED LA, SGRA LAS BYUNG BA'I GRAGS PA DANG 'GAL BA'I DON GYIS NA, BSAL BA DE YANG PHYOGS MA YIN NO, ,DPER NA RI BONG CAN NI ZLA BA MA YIN TE, YOD PA'I PHYIR, ZHES PA'I DON 'CHAD PA LAS BRJOD MI RUNG LA SBYAR TE BSHAD PA NI, RI BONG CAN ZLA BA'I SGRAS BRJOD RUNG DE, RJES DPAG LAS 'GOG PAR 'GYUR TE, TSAD MAS 'GOG CING MNGON SUM GYIS MI 'GOG PA'I PHYIR TE, SGRA DON LA DBANG PO STE MNGON SUM GNOD SGRUB TU 'JUG PA MED PA'I PHYIR, 'DOD MI NUS TE, YOD PA RI BONG CAN ZLA BA'I SGRAS BRJOD MI RUNG DU SGRUB PA'I RTAGS THUN MONG MA YIN PA YIN PA'I PHYIR, YOD PA THUN MONG MA YIN PA YIN MOD, RTAGS GZHAN YOD PA MA YIN NAM ZHE NA, @IV-72 RI BONG CAN NI ZLA BA MA YIN TE, YOD PA'I PHYIR, ZHES PA'I GTAN TSIGS DPER BRJOD PA CHOS CAN, 'BRAS BU DANG NI LDAN PAR 'DOD DE, RI BONG CAN ZLA BA'I SGRAS BRJOD MI RUNG DU SGRUB PA GANG LA, YOD PA DE MTHUN PHYOGS LA RJES 'GRO MED PA DE LTAR RTAGS GZHAN RNAMS KYANG THUN MONG MIN PA NYID DO ZHES DE LTAR RTOGS PA'I CHED YIN PA'I PHYIR, RI BONG CAN ZLA BA'I SGRAS BRJOD RUNG LA GNOD BYED MED MOD, SGRUB BYED GANG ZHE NA, SGRA LAS BYUNG BA'I GRAGS PA ZHES GSUNGS PA CHOS CAN, DON YOD DE, ZLA BA'I SGRA YIS BRJOD RUNG DU GRUB PA DE DON THAMS CAD LA YANG MA GRUB PA MIN NO ZHES DE LTAR RTOGS PA'I CHED YIN PA'I PHYIR TE, ZLA BA ZHES PA'I SGRA NI BRDA LA BRTEN PA CAN YIN LA, BRDA DE YANG 'DOD PA TZAM LA BRTEN PA YIN PA'I PHYIR, SGRA BYUNG GRAGS PA ZHES GSUNGS PA CHOS CAN, DNGOS PO STOBS ZHUGS KYI RJES SU DPAG PAS BSGRUBS PA RNAMS LA, 'GAL BA LA 'KHRUL PA MED PAR STON PA YIN TE, RI BONG CAN ZLA BA'I SGRAS BRJOD RUNG DE LTA BUR RTOGS PA'I @IV-73 GRAGS PA'I RJES DPAG LA 'GRAN ZLA MED PAR BSTAN PA YIN PA'I PHYIR, DE DAG GI DON GSAL BAR BRJOD NA, RJOD BYED KYI SGRA DON THAMS CAD LA 'JUG TU RUNG BA 'GOG PA'I RJES SU DPAG PA MED DE, RTAGS GANG BKOD KYANG, THUN MONG MA YIN PA'I RTAGS LTAR SNANG DU 'GYUR BA'I PHYIR, DE LTAR 'GOG PA NI, SGRA LAS BYUNG BA'I GRAGS PA DANG 'GAL BA'I DON GYIS NA, RJOD BYED KYI SGRA DON THAMS CAD LA 'JUG TU MI RUNG BA DE NYID GRAGS PAS GSAL BA YIN PA'I PHYIR PHYOGS MA YIN NO, ,DPER NA RI BONG CAN ZLA BA MA YIN TE, YOD PA'I PHYIR ZHES PA LTA BU'O, ,BRJOD RUNG GRAGS PA LA RJES DPAG GZHAN GYIS GNOD BYED MED PAR BSTAN CING BRJOD RUNG GRAGS PAS BSAL BA PHYOGS MIN PAR BSTAN NAS TSAD MA THAMS CAD LA YANG GNOD BYED MED PAR BSTAN TE, 'DOD PA TZAM GYIS GZHAG PA'I DON 'JAL BA'I TSAD MA LA YANG GNOD BYED KYI TSAD MA GZHAN MED NA, DNGOS PO STOBS SHUGS KYI TSAD MA LA LTA CI SMOS ZHES PA'O, ,DE NI MDO'I DON BSHAD @IV-74 PA DE, DE 'GOG RJES DPAG LAS 'GYUR TE, ,CES PA NAS RNAM RTZAS MDO'I DON RGYAS PAR BSHAD PA YIN NO,, ` BRJOD RUNG LA SBYAR TE BSHAD PA NI, RTZA BAR, YANG NA 'JIG RTEN BRJOD PA LA,, RJES DPAG MED PAR BRJOD PA LA, ,DES NA RJES SU DPAG PA LAS, , GRAGS PA THA DAD YUL CAN NYID, ,DES NA DNGOS RNAMS YOD MED PA'I, , RJES SU 'JUG CAN RJES DPAG LAS, ,THA DAD DE DBANG MI 'JUG PA, , DE 'DOD LAS SKYES YIN ZHES BSTAN, ,RI BONG CAN ZLAR MI 'DOD PA, , DE GRAGS GANG ZHIG 'DOD PAR 'GYUR, ,DE PHYIR DE LA DPE MED CAN, , DE NI THUN MONG MA YIN 'DOD, ,CES PAS, LUNG DANG POS RI BONG CAN ZLA BA'I SGRAS BRJOD RUNG LA GNOD PA MED PAR BSTAN PA LAS, YANG NA, LUNG DANG POS, 'JIG RTEN NA RI BONG CAN ZLA BA'I SGRAS BRJOD PA DNGOS PO BA LA RJES DPAG MED PAR BRJOD PAS, DNGOS STOBS RJES DPAG LAS GRAGS PA'I RJES DPAG YUL THA DAD PA CAN NYID DU STON TE RI BONG CAN LA ZLA BA ZHES PA'I SGRAS DNGOS DBANG GIS MI 'JUG PAR BSTAN, DGOS PA NI, DNGOS STOBS RJES DPAG LAS GRAGS @IV-75 PA'I RJES DPAG DPYOD YUL THA DAD PAR BSTAN PA LA, DON YOD DE, DNGOS PO RNAMS YOD PA DANG MED PA'I RJES SU 'JUG PA CAN GYI DNGOS STOBS RJES DPAG LAS THA DAD PAR GRAGS PA'I RJES DPAG DE DNGOS PO'I DBANG GIS MI 'JUG PAR 'DOD PA LAS SKYES PA YIN NO ZHES BSTAN PA'I CHED YIN PA'I PHYIR, YOD PA DE NI, RI BONG CAN ZLA SGRAS BRJOD RUNG DNGOS PO BAR SGRUB PA'I THUN MONG MA YIN PA'I RTAGS SU 'DOD DE, DE SGRUB KYI PHYOGS CHOS GRUB CING, DE LTAR SGRUB PA DE LA MTHUN DPE MED PA CAN YIN PA'I PHYIR TE, ZLA BA'I SGRAS BRJOD RUNG DNGOS PO BA GANG ZHIG 'DOD PAR 'GYUR TE MI 'GYUR BA'I PHYIR TE, ZLA BAR CHES GRAGS PA'I RI BONG CAN YANG ZLA BA'I SGRAS BRJOD RUNG DNGOS PO BAR MI 'DOD PA'I PHYIR, DE DAG GIS, ZLA BA'I SGRAS BRJOD RUNG DE 'JIG RTEN 'DOD TZAM GYIS BZHAG PA DANG, DNGOS DBANG GIS DE LTAR MI 'JUG PAS, DNGOS STOBS RJES DPAG DANG, GRAGS PA'I RJES DPAG YUL THA DAD PAR BSTAN NO, , DPE GZHAN LA MA KHYAB PAR THAL BA NI, RTZA BAR, DPE 'DI NYID DBANG BYAS NAS NI, ,DE SKAD BSHAD MIN MTSAN NYID PHYIR, , @IV-76 DE BZHIN DA TRIG SHING MIN ZHES, ,BRJOD PA LA YANG GNOD PHYIR RO, , ZHES PAS, YOD PA'I RTAGS KYIS RI BONG CAN ZLA BA MA YIN PAR SGRUB PA'I DPE GCIG PO 'DI NYID KYI DBANG DU BYAS NAS NI SGRA LAS BYUNG BA'I GRAGS PA ZHES DE SKAD DU BSHAD PAR 'GYUR TE KHYOD KYI 'DOD PA DE'I PHYIR, 'DOD NA MI 'THAD DE, LUNG GNYIS PAS DE SKAD DU BSHAD PA MIN PAR 'GYUR BA LAS, GRAGS PAS GNOD PA'I MTSAN NYID KYIS MTSAN GZHI LA KHYAB PAR BSTAN PA'I PHYIR TE, RI BONG CAN ZLA BA'I SGRAS BRJOD MI RUNG LA GRAGS PAS GNOD PA DE BZHIN DU, DA TRIG SHING SGRAS BRJOD RUNG MIN ZHES BRJOD PA LA'ANG GRAGS PAS GNOD PAR BSTAN PA'I PHYIR, ` SKABS KYI DPE LA MTHUN DPE YOD PAR BSTAN PA NI, RTZA BAR, 'DIR YANG GA BUR DNGUL SOGS LA, ,'JIG RTEN NA NI MTHONG BA'I PHYIR, ,BRDA LAS 'JUG PAR 'GYUR BA LA, ,THUN MONG MIN PA NYID KYANG CI, , GAL TE LA LAR DE GRUB NA, ,DE NI DNGOS STOBS LAS GRUB YIN, , GRAGS GRUB KHAS LEN RI BONG CAN, ,MA YIN PA LA'ANG BZLOG MED PHYIR, , @IV-77 DNGOS PO LA NI GRUB PA DE, ,RI BONG CAN LA'ANG BZLOG PA MED, , DNGOS DE MED NA RI CAN LA, ,BZLOG KYANG NYES PA YOD MA YIN, , DE'I PHYIR DNGOS DES MED BRDA CAN, ,SGRA LAS BYUNG BA'I CHOS RNAMS KYI,, RUNG BA DON RNAMS NYID YIN TE, ,'DOD LA GEGS BYED MED PHYIR RO, , GAL TE LA LAR DE GRUB NA, ,DE NI DNGOS STOBS LAS GRUB YIN, , GRAGS PAS GRUB PAR KHAS LEN NA, ,RI BONG CAN LA'ANG BZLOG MED PHYIR, , RUNG BA NYID DE 'GOG PA LA, ,BRDA 'GOG MED LAS SKYES PA YIN, , GRAGS PA ZHES BYA'I RJES SU DPAG ,RUNG BA YUL CAN GYIS GNOD BYED, , 'DIS NI BRDA RJES 'JUG PA YIN, ,SGRA RNAMS LA NI DON NGES PA, , YOD MED CES BRJOD DE DAG RNAMS, ,DER 'GOG PA NI 'GAL BA YIN, , ZHES PAS, 'JIG RTEN 'DIR YANG GA BUR DANG DNGUL CHU SOGS LA ZLA BA'I SGRAS BRJOD PA MTHONG BAS, RI BONG CAN LA ZLA BA'I SGRAS BRJOD RUNG DU SGRUB PA'I MTHUN DPE MED PA MA YIN, ZLA BA ZHES PA'I SGRA DE BRDA LAS 'JUG PAR 'GYUR BA YIN PAS, RI BONG CAN LA THUN MONG MIN PAR 'JUG RUNG NYID KYANG CI YIN TE MA YIN @IV-78 NO, ,GAL TE RI BONG CAN LA LAR KHO NAR ZLA BA ZHES PA'I SGRA DE GRUB BO ZHE NA, DE NI CHOS CAN, RI BONG CAN LA DNGOS STOBS LAS GRUB PA YIN PAR THAL, RI BONG CAN KHO NA LA GRUB PA'I PHYIR, RI BONG CAN LA GRAGS PAS GRUB PAR KHAS LEN NO ZHE NA, RI BONG CAN MIN PA LA'ANG GRAGS PAS 'JUG PA BZLOG TU MED DE, RI BONG CAN LA DE LTAR GRUB PA DE GZHAN LA'ANG MTSUNGS PA'I PHYIR, GA BUR DANG DNGUL CHU SOGS LA DKAR BSIL SOGS DNGOS PO LA NI GRUB PAS, ZLA BA ZHES PA'I SGRA RGYU MTSAN GYI DBANG GIS 'JUG CE NA, RI BONG CAN LA'ANG ZLA BA ZHES PA'I SGRA RGYU MTSAN GYI DBANG GIS 'JUG PA BZLOG PA MED PAR THAL, 'DOD PA DE'I PHYIR, RI BONG CAN LA DNGOS PO DE LTAR MED DO ZHE NA, RI BONG CAN LA ZLA BA ZHES PA'I SGRA BZLOG KYANG GRAGS PAS GNOD PA'I NYES PA YOD PA MA YIN PAR THAL, ZLA BA ZHES PA'I SGRA DE RGYU MTSAN CAN GYI SGRA GANG ZHIG ,KHYOD LA ZLA BA ZHES PA'I SGRA 'JUG PA'I RGYU MTSAN MED PA'I PHYIR TE, RGYU MTSAN CAN GYI SGRA RGYU MTSAN MED PAR MI 'JUG PA DE'I PHYIR, @IV-79 DNGOS PO LA 'JUG PA'I NGES PA MED PAR, BRDA LA LTOS PA CAN GYI ZLA BA ZHES PA'I SGRA LAS BYUNG BA'I CHOS RNAMS KYIS BRJOD DU RUNG BA DON RNAMS NYID YIN TE, ZLA BA ZHES PA'I SGRA 'DOD PAS 'JUG PA LA GEGS BYED PA MED PA'I PHYIR RO, ,GAL TE GA BUR SOGS LA LA KHO NAR ZLA BA ZHES PA'I SGRA DE RGYU MTSAN GYI DBANG GIS GRUB BO ZHE NA, ZLA BA ZHES PA'I SGRA DE NI GA BUR SOGS LA DNGOS STOBS LAS GRUB PA YIN PAR THAL, DE LA RGYU MTSAN GYIS 'JUG PA'I PHYIR, DE LA GRAGS PAS GRUB PAR KHAS LEN NO ZHE NA, RI BONG CAN LA'ANG ZLA BA'I SGRA RGYU MTSAN GYI DBANG GIS 'JUG KYANG GRAGS PAS GRUB PA BZLOG TU MED PAR THAL, RGYU MTSAN MTSUNGS PA'I PHYIR, RI BONG CAN LA ZLA BA'I SGRAS BRJOD DU RUNG BA NYID DE 'GOG PA LA, ZLA BA ZHES PA'I BRDA 'GOG PA MED PA LAS SKYES PA'I GRAGS PA ZHES BYA BA'I RJES SU DPAG PA ZLA BA'I SGRAS BRJOD DU RUNG BA'I YUL CAN GYIS GNOD PAR BYED PA'I PHYIR, BSHAD MA THAG PA'I RIGS PA 'DIS NI BRDA'I RJES SU 'JUG PA'I SGRA RNAMS LA NI DON MTHA' GCIG TU @IV-80 NGES PA YOD PA MIN NO ZHES BRJOD PAS, RI BONG CAN SOGS DE DAG RNAMS ZLA BA'I SGRA BRJOD RUNG DER 'GOG PA NI 'GAL BA BSTAN PA YIN NO,, ` DON BSDU BA NI, RTZA BAR, DES NI RGYU MTSAN CAN SGRA YIN, ,DON NAM SGRA RNAMS KYI NI DON, ,DON DAM PA NYID 'GOG PA LA, , GNOD PA MED PAR BSTAN PA YIN, ,ZHES PAS, RI BONG CAN DE 'TSED BYED MA YIN PAS, RI BONG CAN LA 'TSED BYED CES PA'I RGYU MTSAN CAN GYI SGRA'I DON YIN PA 'GOG PA LA GRAGS PAS GNOD PA MED DO, ,RI BONG CAN LA ZLA BA ZHES PA'I SGRA RNAMS KYI NI DON, DON DAM PA NYID 'GOG PA LA GRAGS PAS GNOD PA MED PAR BSTAN PA YIN TE, DON DAM PAR ZLA BA'I SGRAS BRJOD RUNG MA YIN PA'I PHYIR, ` GRAGS PA LOGS SU 'CHAD PA'I RGYU MTSAN NI, RTZA BAR, DES NA YUL GYI KHYAD PAR NI, ,BSTAN PHYIR GRAGS PA RJES DPAG LAS, , PHYI ROL GYUR PA MA YIN YANG, ,THA DAD BYAS YIN SNGA MA BZHIN, , GRUB PA THA DAD BSHAD PA LA, ,DGOS PA BSTAN PHYIR 'DI GNYIS NI, , RGYU DANG BCAS PA RAB BRJOD DE, ,MNGON SUM RJES DPAG GNOD LA MIN, , @IV-81 ZHES PAS, GRAGS PA'I RJES DPAG DE RJES DPAG LAS PHYI ROL DU GYUR PA MA YIN TE, GRAGS PA'I RJES DPAG DE YANG RTAGS LA BRTEN NAS DON RTOGS PA DES NA'O, ,DE LTA NA'ANG, THA DAD DU BYAS PA'I DGOS PA NI, GRAGS PA'I RJES DPAG GI THUN MONG MA YIN PA'I YUL GYI KHYAD PAR NI BSTAN PA'I PHYIR DU YIN TE, DPER NA, SNGA MA YID CHES RJES DPAG BZHIN NO, , YID CHES DANG GRAGS PA'I RJES DPAG 'DI GNYIS NI, RJES DPAG TU GRUB PA YIN YANG RJES DPAG LAS THA DAD DU BSHAD PA LA DGOS PA YOD DE, RIM PA BZHIN DU RANG 'GAL GYI DAM BCA' LA KHAS BLANGS DANG GRAGS PAS GNOD PA'I DGOS PA BSTAN PHYIR DU RANG 'GAL GYI DAM BCA' LA GNOD PA 'BAB TSUL RGYU MTSAN DANG BCAS PA RGYAS PA RAB TU BRJOD PA'I PHYIR, MNGON SUM DANG DNGOS STOBS RJES DPAG GNYIS RANG 'GAL GYI DAM BCA' LA GNOD PA 'BAB TSUL RGYAS PAR BSHAD PA MIN TE, RANG 'GAL GYI DAM BCA' LA DNGOS PO'I STOBS KYIS GNOD PA'I PHYIR, MNGON SUM GYIS MA BSAL BA RGYAS BSHAD MNGON SUM GYIS MA BSAL RGYAS PAR BSHAD PA LAS DON SMOS PA'I DGOS PA NI, RTZA BAR, MNGON SUM GYIS GNOD 'DI LA YANG, , @IV-82 SGRA NI DU MA'I DNGOS NYID DU, ,GRAGS PA'I NGO BO NYID GANG ZHIG , SNA TSOGS SU NI SNANG BA YIN, ,BLO NI SKYE BA MED PA'I PHYIR, , NYAN LA GNYIS MED SNANG GYUR PA, ,DE DON DON BSHAD 'DI NYID NI, , SPONG NA MNGON SUM GYIS GNOD 'GYUR, ,NGO BO DE NYID DE LA DON, , LHAG MA LDOG PA'I MTSAN NYID CAN, ,SPYI NI DNGOS MED NGO BO YIN, , DE PHYIR DE DBANG SPYOD YUL MIN, ,ZHES PAS, MNGON SUM GYIS GNOD PA RTOGS SLA BAS SLOB DPON GYIS RGYAS PAR MA GSUNGS MOD, 'DI LA YANG BRJOD PAR BYA BA YOD DO, ,JI LTAR YOD CE NA, DON ZHES BSHAD PA CHOS CAN, DON YOD DE, SGRA DE NYAN SHES LA SPYI GSAL GNYIS MED PAR GSAL BAR SNANG BAR GYUR PA DE RTOGS PA'I DON YIN PA'I PHYIR, SHES BYA CHOS CAN, SGRA DE NYAN SHES LA SPYI GSAL GNYIS SU SNANG BA MED DE, SGRA NI LDOG PA DU MA'I DNGOS PO NYID DU GRAGS PA'I NGO BO NYID GANG ZHIG ,SPYI GSAL SNA TSOGS SU SNANG BA'I BLO NYAN SHES SKYE BA MED PA'I PHYIR, SGRA MNYAN BYA YIN PA 'DI NI CHOS CAN, KHYOD SPONG NA MNGON SUM GYIS GNOD PAR 'GYUR TE, KHYOD MNGON SUM GYIS GRUB PA'I PHYIR, @IV-83 SGRA'I NGO BO DE NYID CHOS CAN, KHYOD LA DON ZHES BSHAD DE, DON DAM PAR GRUB PA'I PHYIR, ,LHAG MA LDOG PA'I MTSAN NYID CAN GYI SPYI NI CHOS CAN, DBANG MNGON GYI DNGOS KYI SPYOD YUL MIN TE, DNGOS MED KYI NGO BO YIN PA DE'I PHYIR, ` MNYAN BYA SMOS PA'I DGOS PA NI, RTZA BAR, DES NA SPYI YI CHOS RNAMS NI, ,MNGON SUM MIN PAR GRUB PA'I PHYIR, , SPONG YANG GNOD PA YOD MIN ZHES, ,MNYAN BYA SMOS PAS BSTAN PA YIN, , RNAM KUN BRJOD BYA'I DNGOS MIN PHYIR, ,GRUB PAS DE LA BRTEN PHYIR DANG, , DE YI STOBS KYIS GNOD PA'I PHYIR, ,MNYAN BYAS DBANG PO'I SPYOD YUL BSHAD, , CES PAS, SGRA LA MNYAN BYA'I MING GI SMOS PA'I DON YOD DE, SPYI'I CHOS RNAMS NI SPONG YANG MNGON SUM GYIS GNOD PA YOD PA MIN NO ZHES BSTAN PA YIN PA'I PHYIR TE, SPYI'I CHOS RNAMS NI MNGON SUM GYI YUL MIN PAR GRUB PA'I PHYIR, SGRA RANG MTSAN MIN NO ZHES SMOS PAS CHOG MOD, CI'I PHYIR SGRA MNYAN BYA MIN ZHES SMOS ZHE NA, SGRA CHOS CAN, DON DAM PAR RANG MING GIS BRJOD MI NUS TE, DON DAM PAR RNAM PA KUN TU SGRAS BRJOD BYA'I DNGOS PO MIN PA'I PHYIR, @IV-84 MNYAN BYA'I MING GI SMOS PA LA DGOS PA LHAG PO YOD TE, DBANG PO'I MNGON SUM GYI SPYOD YUL SGRA LA MNYAN BYA'I MING GI BSHAD PA CHOS CAN, DON YOD DE, SGRA MNYAN BYAR GRUB PA NYAN SHES DE LA BRTEN PA'I PHYIR DANG, NYAN SHES DE YI STOBS KYIS SGRA MNYAN BYA MIN PA LA GNOD PA RTOGS PA'I CHED YIN PA'I PHYIR, MKHAS GRUB t'IK CHER BLTAS NA GSAL, ` CHOS CAN GANG LA MA BSAL BA LAS SKABS KYI CHOS CAN LA GNOD PAS BSGRUB BYA LA GNOD PA NI, RTZA BAR, KUN TU RGOL BA BDAG NYID KYI, ,BSGRUB BYA 'DOD PA'I CHOS GANG YIN, , CHOS DE LDAN LA GNOD 'GYUR GYI, ,CHOS GZHAN GYI NI CHOS CAN MIN, , GZHAN DU CHOS CAN GZHAN LA NI, ,GNOD KYANG 'DI LA CI ZHIG BKAG , DON 'DI MTSAN NYID KYIS RTOGS KYANG, ,RANG GI CHOS CAN SMOS PAS NI, , CHOS CAN LA NI GNOD PAS KYANG, ,GNOD 'GYUR ZHES NI GRUB DON TE, , RTEN NI 'GAL BAR GYUR PA YIS, ,DE BRTEN PA NI 'GAL BA'I PHYIR, , GZHAN DU DE LTA'I RNAM CAN CHOS, ,BSGRUB BYA YIN ZHES BRJOD PA'I PHYIR, , DE GNOD NYID YIN PAR SEMS LA, DES NA RANG GI CHOS CAN SMOS, , @IV-85 ZHES PAS, SLOB DPON GYIS RANG RTEN LA, ZHES SMOS PA CI ZHE NA, DE LTAR SMOS PA LA DON YOD DE, KUN TU RGOL BA BDAG NYID KYIS BSGRUB BYAR 'DOD PA'I CHOS GANG YIN PA'I CHOS DE DANG LDAN PA'I CHOS CAN LA GNOD NA BSGRUB BYA LA GNOD PAR 'GYUR GYI, CHOS GZHAN GYI NI CHOS CAN LA GNOD PAS BSGRUB BYA LA GNOD PA MIN NO ZHES RTOGS PA'I CHED YIN PA'I PHYIR, SKABS BAB LAS GZHAN DU CHOS CAN GZHAN LA NI GNOD KYANG, SGRA MI RTAG PA 'GRUB PA 'DI LA CI ZHIG BKAG PA MED PA YIN PA'I PHYIR NA, BYAS PA DES RTAG PA NAM YON LA GNOD PAS SGRA MI RTAG PAR SGRUB PA'I RTAGS 'GAL BA GA LA YIN, 'BREL MED KYI CHOS CAN LA GNOD PAS BSGRUB BYA LA MI GNOD PA'I DON 'DI BSGRUB BYA'I MTSAN NYID 'CHAD PA'I TSIG ZUR GYI RANG NYID DANG 'DOD PA ZHES PA'I TSIG GIS RTOGS KYANG, RANG GI CHOS CAN SMOS PAS NI DON YOD DE, SKABS KYI CHOS CAN LA NI GNOD PAS KYANG BSGRUB BYA LA GNOD PAR 'GYUR RO ZHES NI GRUB PA'I DON YIN PA'I PHYIR TE, RTEN NI 'GAL BAR GYUR @IV-86 PA YIS DE LA BRTEN PA NI 'GAL BA'I PHYIR, RANG RTEN SMOS PA LAS GZHAN DU TSOGS DON DE GNOD PA NYID BSGRUB BYA LA GNOD PA YIN PAR SEMS PA SRID DE, RGOL BAS 'DOD PA DE LTA BU'I RNAM PA CAN GYI CHOS, CHOS CAN GYI STENG DU BSGRUB BYA YIN ZHES BRJOD PA'I PHYIR, RANG GI CHOS CAN SMOS PA CHOS CAN, DON YOD DE, TSOGS DON LA GNOD PA KHO NA BSGRUB BYA LA GNOD PA YIN NAM SNYAM DU SEMS PA BZLOG PA'I CHED YIN PA DES NA'O,, ` 'BREL MED KYI CHOS CAN LA GNOD PAS BSGRUB BYA LA MI GNOD PA NI, RTZA BAR, 'DI YANG DON GYIS GRUB MIN NAM, ,BDEN TE 'GA' ZHIG CHOS CAN NI, , 'BA' ZHIG BKAG PA LA YANG NI, ,SKYON DANG LDAN PA KHAS LEN TO, , DPER NA MKHA' SOGS GZHAN DAG GIS, ,SNGON MED RANG BZHIN SKYED MED MIN, , CIG CAR SGRA SOGS RGYU YIN PHYIR, ,ZHES BSHAD PA LA SUN 'BYIN PA, , DE BZHIN MKHA' SOGS CHOS CAN GYI, ,NGO BO'ANG DNGOS MED CES BRJOD BZHIN, , DE LTAR 'DOD PA'I BSGRUB BYA LA, ,GNOD PA 'GA' YANG MED PA NYID, , 'DIS NI GNYIS KA BSGRUB BYA NYID, ,YIN NA CHOS CAN LA GNOD GANG, , @IV-87 BSGRUB PAR BYA BA'I CHOS 'GOG PAS, ,DE LA GNOD CES BSTAN PA YIN, , DE LTA NYID DU CHOS CAN YANG, ,BSGRUB BYA NYID PHYIR 'BA' ZHIG MIN, , ZHES PAS, CHOS CAN LA GNOD PAS BSGRUB BYA LA GNOD PA 'DI YANG RANG NYID DANG 'DOD PA'I TSIG GIS DON GYIS GRUB PA MIN NAM ZHE NA, BDEN TE, 'ON KYANG RGOL BA 'GA' ZHIG CHOS CAN NI 'BA' ZHIG PA BKAG PA LA YANG NI RTAGS SKYON DANG LDAN PAR KHAS LEN TE, DPER NA, SANGS RGYAS PAS MKHA' SOGS CHOS CAN, RKYEN GZHAN DAG GIS SNGON MED PA'I RANG BZHIN BSKYED DU MED PA'I RTAG RDZAS MIN TE, CIG CAR SGRA SOGS KYI RGYU MIN PA'I PHYIR ZHES BSHAD PA LA BYE BRAG PAS SUN 'BYIN PA, CIG CAR SGRA SOGS KYI RGYU MIN PA CHOS CAN, NAM MKHA' RTAG RDZAS MA YIN PAR SGRUB PA'I RTAGS 'GAL BAR THAL, RTAG RDZAS BKAG PA DE BZHIN DU MKHA' SOGS CHOS CAN GYI NGO BO'ANG DNGOS MED DU BSTAN PA'I PHYIR, ZHES BRJOD PA BZHIN NO, , @IV-88 LAN NI DNGOS GYUR GYI NAM MKHA' BKAG PAS, DE LTAR SGRUB PA'I 'DOD PA'I BSGRUB BYA LA GNOD PA 'GA' YANG MED PA NYID YIN PA'I PHYIR, RANG RTEN LA ZHES PA 'DI NI CHOS CAN LA GNOD PA GANG GIS BSGRUB PAR BYA BA'I CHOS 'GOG PAS, BSGRUB BYA DE LA GNOD CES BSTAN PA YIN TE, CHOS DANG CHOS CAN GNYIS KA'I TSOGS DON BSGRUB BYA NYID YIN PA'I PHYIR, RGOL BAS ZHE BAS 'DOD PA DE LTA NYID DU CHOS KYIS KHYAD PAR DU BYAS PA'I CHOS CAN YANG BSGRUB BYA NYID YIN PAS, 'BREL MED KYI CHOS CAN 'BA' ZHIG PA LA GNOD PAS, BSGRUB BYA LA GNOD PA MIN NO, ,DE NI, MI RTAG PA'I KHYAD PAR DU GYUR PA'I SGRA BSGRUB BYA YIN YANG SGRA BSGRUB BYA MA YIN PAR BSTAN NO,, ` DE LA RTZOD PA SPANG BA NI, RTZA BAR, GAL TE DE LTA NA 'DIR GNOD, ,CIG CAR SGRA SOGS RGYU MIN PHYIR, , BDE SOGS GZHAN GYIS BSKYED NUS MIN, ,MA YIN ZHES BYA SNGA MA BZHIN, , GAL TE 'DI LA GTAN TSIGS NI, ,DES NA 'GAL BAR 'GYUR BA NYID, , RIM BZHIN BYAS DANG MI RTAG GNYIS, ,'GAL BA MED PHYIR MI MTHUN PHYOGS, , @IV-89 LDOG LA THE TSOM ZA BAS NA, ,'DI NI LHAG LDAN KHYAD PAR 'DOD, , CES PAS, GAL TE SKABS KYI CHOS CAN LA GNOD PAS BSGRUB BYA LA GNOD PA DE LTA NA, SANGS RGYAS PAS GRANGS CAN LA GNOD BYED BRJOD PA 'DIR GNOD BYED YOD DE, BDE SOGS CHOS CAN, RKYEN GZHAN GYIS SKYED NUS MIN PA'I RTAG RDZAS MA YIN TE, CIG CAR SGRA SOGS KYI RGYU MA YIN PA'I PHYIR, ZHES BYA BA LA SNGA MA BYE BRAG PA BZHIN DU RGOL LO, ,GAL TE SBYOR BA 'DI LA MED DGAG GTAN TSIGS SU NI NGES NA, RTAGS 'GAL BAR 'GYUR BA NYID YIN YANG, RIM BZHIN DON BYED PA RTAGS YIN LA, RIM BZHIN DON BYED PA CHOS CAN, BDE SOGS MI RTAG PAR SGRUB PA'I RTAGS 'GAL BA MA YIN TE, KHYOD DANG MI RTAG PA NYID 'GAL BA MED PA'I PHYIR, 'O NA BKOD TSOD KYI RTAGS DE CI 'GYUR ZHE NA, CIG CAR SGRA SOGS KYI RGYU MIN PA 'DI NI CHOS CAN, DE SGRUB KYI LHAG LDAN GYI KHYAD PAR DU 'DOD DE, DE SGRUB KYI LDOG KHYAB LA THE TSOM ZA BAS NA'O,, ` DON BSDU BA NI, RTZA BAR, @IV-90 GANG PHYIR RANG NYID 'DOD PA'I CHOS, ,BSGRUB BYA DE PHYIR DE RTEN NI, , GNOD YIN 'BA' ZHIG PA NYID DAM, ,GZHAN RTEN LA MIN ZHES BSTAN TO, , RANG NYID SGRA YIS CHOS GZHAN LA, ,GNOD PAS GNOD MIN ZHES BSTAN PA, , DE BZHIN RANG GI CHOS CAN GYIS, ,CHOS CAN GZHAN LA YANG ZHES BRJOD, , CES BRJOD PAS, RANG RTEN ZHES SMOS PA CHOS CAN, SKABS KYI CHOS DE'I RTEN LA NI GNOD NA BSGRUB BYA LA GNOD PA YIN GYI CHOS CAN 'BA' ZHIG PA NYID DAM, CHOS GZHAN GYI RTEN LA GNOD PAS BSGRUB BYA LA GNOD PA MIN NO ZHES BSTAN TE, GANG GI PHYIR RGOL BA RANG NYID 'DOD PA'I CHOS CHOS CAN GYI STENG DU BSGRUB BYA YIN PA DE'I PHYIR, RANG GI CHOS CAN ZHES SMOS PA CHOS CAN, DON YOD DE, CHOS CAN GZHAN LA GNOD NA YANG SKABS KYI BSGRUB BYA LA GNOD PA MIN NO ZHES BRJOD PA'I PHYIR, DPER NA, RANG NYID KYI SGRA YIS CHOS GZHAN LA GNOD PAS, SKABS KYI BSGRUB BYA LA GNOD PA MIN NO ZHES BSTAN PA DE BZHIN NO,, DAM BCA' LTAR SNANG GI DPE LAS 'GAL RTAGS NGOS BZUNG BA DAM BCA' LTAR SNANG GI DPE LAS KHYAD PAR MA GRUB PA LA SOGS PA PHYOGS SKYON MIN PA'I TSUL KHYAD PAR @IV-91 MA GRUB PA NI, RTZA BAR, SGRUB BYED SKYON NI THAMS CAD KYIS, ,PHYOGS NYID LA NI GNOD 'GYUR BA, ,DE LTA NA YANG DAM BCA' BA, ,TZAM DANG 'BREL BA PHYOGS SKYON YIN, ,YAN LAG PHYI MA LA BLTOS SKYON, ,GANG YIN DE NI DE NYID DANG, ,RJES 'BREL ZHES BSHAD DE YI PHYIR, ,RTEN SOGS MA GRUB PHYOGS SKYON MIN, ,ZHES PAS, GRANGS CAN GYI NGOR SGRA MI RTAG CES PA DANG, KHYAD PAR CAN MA GRUB PA DANG, BDAG NI THAMS CAD LA KHYAB PA'O ZHES PA DANG, GNYIS KA MA GRUB PA NI, BDAG NI 'PHRO BA 'DU BA CAN GYI RGYU'O ZHES PA LTA BU DE DAG PHYOGS SKYON YIN TE, PHYOGS 'GRUB PA LA GNOD PA'I PHYIR ZHE NA, SGRUB BYED SKYON NI THAMS CAD CHOS CAN, PHYOGS SKYON YIN PAR THAL, PHYOGS 'GRUB PA LA GNOD PA'I PHYIR, 'DOD PA DE LTA NA'ANG, RTEN CHOS CAN SOGS MA GRUB PA PHYOGS SKYON MIN PAR THAL, DAM BCA' BA TZAM DANG 'BREL BA'I NYES PA DE PHYOGS SKYON YIN GYI, YAN LAG PHYI MA RTAGS DPE LA LTOS PA'I SKYON GANG YIN PA DE NI, RTAGS DPE DE NYID @IV-92 DANG RJES SU 'BREL BA'I SKYON YIN NO ZHES BSHAD PA DE'I PHYIR, ` KHYAD PAR CAN MA GRUB PA NI, RTZA BAR, 'DIS SGRUB YAN LAG GYUR PA YI, ,CHOS CAN CHOS KYI KHYAD PAR DANG, CHOS CAN RANG GI NGO BO LA, GNOD PA DAG NI BSTAN PA YIN, ,ZHES PAS, KUN BTUS SU, CHOS KYI NGO BO LA GNOD PA'I DAM BCA' LTAR SNANG LA MNGON SUM SOGS KYIS GNOD PA 'BAB TSUL RGYAS PAR BSTAN LA, CHOS KYI KHYAD PAR DANG, CHOS CAN GYI KHYAD PAR DANG, CHOS CAN RANG GI NGO BO LA GNOD PA'I DAM BCA' LTAR SNANG LA MNGON SUM SOGS KYIS GNOD PA 'BAB TSUL RGYAS PAR MI STON PA'I RGYU MTSAN CI ZHE NA, KUN BTUS SU TSUL 'DI LTAR BSTAN PA 'DIS NI CHOS CAN, BSGRUB BYA'I YAN LAG TU GYUR PA'I CHOS CAN GYI KHYAD PAR DANG, CHOS KYI KHYAD PAR DANG, CHOS CAN RANG GI NGO BO LA GNOD PA'I DAM BCA' DAG NI, DAM BCA' LTAR SNANG DU BSTAN PA YIN TE, 'DOD YUL GYI BSGRUB BYA LA GNOD PA'I DAM BCA' THAMS CAD DAM BCA' LTAR SNANG DU BSTAN PA'I PHYIR, @IV-93 t'IK CHEN LAS RANG 'GREL DRANGS NAS, DAM BCA' LTAR SNANG GI GNOD BYED DNGOS SU BSTAN NAS DAM BCA' LTAR SNANG SHUGS LA 'PHANGS PAR GSUNGS SO,, ` DAM BCA' NGOS GZUNG BA NI, RTZA BAR, DE LA DON NI BSTAN PA YI, ,DON DU DPE NI PHYOGS TZAM BRJOD, , LDAN DON RDZAS KYI MTSAN NYID CAN, ,MTHONG BA LA BRTEN GZHAN YOD MIN, , MA MTHONG KHYAD PAR CAN MIN PA, ,DAM BCA' BA LA DGOS PA MED, , MA MTHONG BA LA 'BRAS MED PA, ,MTHONG NA YAN LAG CAN SGRUB 'DOD, , KHYAD PAR CAN MIN GZHAN YOD NI, ,BSGRUB NA GRUB PA SGRUB PA NYID, , ZHES PAS, BYE BRAG PA'I CHOS KYI KHYAD PAR LA GNOD PA'I DAM BCA' LTAR SNANG GI DPE LA GNOD PA'I TSUL NI PHYOGS TZAM BRJOD PA CHOS CAN, DON YOD DE, BYE BRAG PA'I CHOS CAN GYI KHYAD PAR DANG, CHOS CAN RANG GI NGO BO LA GNOD PA'I DAM BCA' DE LA, GNOD TSUL GYI DON NI BSTAN PA'I DON DU YIN PA'I PHYIR, 'O NA, CHOS GYI KHYAD PAR LA GNOD PA'I DAM BCA' DE GANG ZHE NA, SHES BYA CHOS CAN, BYE BRAG PAS RDUL PHAN TSUN @IV-94 LDAN PAS BRTZAMS PA'I DON RDZAS KYI MTSAN NYID GSUM GYI KHYAD PAR DU BYAS PA CAN, MNGON SUM GYIS MTHONG BA LA BRTEN PA'I YAN LAG CAN YAN LAG LAS RDZAS GZHAN DU DAM BCA' PA YIN TE, MNGON SUM GYIS MA MTHONG ZHING CHOS GSUM GYIS KHYAD PAR DU BYAS PA CAN MIN PA'I YAN LAG CAN, YAN LAG LAS RDZAS GZHAN DU DAM BCAS PA LA DGOS PA MED PA'I PHYIR TE, MA MTHONG BA RDUL PHRA RAB LA SGRIB THOGS SOGS KYI 'BRAS BU MED PAR MTHONG NAS, SGRIB THOGS SOGS BSGRUB PA'I PHYIR DU, YAN LAG CAN RDZAS GZHAN BSGRUB PAR 'DOD PA'I PHYIR DANG, CHOS GSUM GYIS KHYAD PAR CAN DU BYAS PA MIN PA'I YAN LAG CAN YAN LAG LAS GZHAN DU YOD PA NI BSGRUB NA, GRUB ZIN SGRUB PA NYID DU 'GYUR BA'I PHYIR, ` GNOD BYED BSTAN PA LAS, DNGOS NI, RTZA BAR, GAL TE 'DI LCI 'OG 'GROR 'GYUR, ,SRANG NI DMA' BA DAG TU 'GYUR, DES NA YON TAN BYA MED PA, ,DE PHYIR 'DU BA CAN RGYU MIN, , DE PHYIR 'BRAS BU NGO BO DAG ,MTHONG BA MED PHYIR DE MTHONG MIN, , @IV-95 DES NA MED NA MI 'BYUNG BA, ,KHYAD PAR GZHAN LA GNOD PA YIN, , ZHES PAS DAM BCA' DE LA GNOD PA 'BAB TSUL JI LTA BU ZHE NA, LCI MNYAM GYI 'JIM RIL BCU TSAN GNYIS LA, SDOM THEBS DGU BYAS PA'I 'JIM RIL 'DI CHOS CAN, YAN LAG LA MED PA'I YON TAN LCID DANG, DES DRANGS PA'I BYA BA MED PAR THAL, GAL TE YAN LAG LA MED PA'I YON TAN LCID DANG, DES DRANGS PA'I 'OG TU 'GRO BA'I BYA BA YOD PAR 'GYUR NA, MA BSDOMS PA'I 'JIM RIL BCU PO DE DANG, SRANG GRANGS MNYAM PO LA BCAL BA NA, KHYOD SRANG MGO NI DMA' BA DAG TU 'GYUR DGOS PA LA DE LTAR MI 'GYUR BA'I PHYIR, 'DOD NA, DE CHOS CAN, YAN LAG LA MED PA'I YON TAN LCID DANG, DES DRANGS PA'I BYA BA 'PHRO BA 'DU BA CAN GYI RGYU MIN PAR THAL, 'DOD PA DE'I PHYIR, CHOS GSUM GYIS KHYAD PAR DU BYAS PA'I YAN LAG CAN DE TSAD MAS MTHONG BA MIN TE, DE'I 'BRAS BU DANG NGO BO DAG TSAD MAS MTHONG BA MED PA'I PHYIR, BYE BRAG PAS YAN LAG CAN YAN LAG LAS RDZAS GZHAN DU DAM BCAS @IV-96 PA CHOS CAN, MI RIGS TE, CHOS GSUM GYIS KHYAD PAR DU BYAS NAS YAN LAG CAN RDZAS GZHAN DU DAM BCAS PA GANG ZHIG GANG MED NA MI 'BYUNG BA'I KHYAD PAR GZHAN CHOS GSUM PO LA TSAD MAS GNOD PA YIN PA'I PHYIR, t'IK CHEN LAS, 'DI NI YAN LAG DANG YAN LAG CAN GNYIS GZHAN TZAM SANGS RGYAS PAS KHAS LEN PAS SGRUB MI DGOS, RDZAS GZHAN SGRUB PA YIN LA, DE YANG BYE BRAG PAS RDUL PHRAN LA SGRIB THOGS BYED PA SOGS 'BRAS MED DU MTHONG NAS SGRIB THOGS BYED PA'I YAN LAG CAN DE YAN LAG LAS RDZAS GZHAN DU 'DOD LA, DE YANG CHOS GSUM GYIS KHYAD PAR DU BYAS PA'I SGO NAS RDZAS GZHAN DU SGRUB, CHOS GSUM NI, LCID KYI YON TAN DANG, DES DRANGS PA'I 'GRO BA'I BYA BA DANG, DE GNYIS KYI 'PHRO 'DU'I RGYU BYED PA GSUM MO ZHES SOGS KYIS SHIN TU GSAL BAR GSUNGS SO, ,GAL TE DE LTAR NA, 'JIM RIL LNGA MA BSRES PA'I GNAS SKABS DANG, BSRES BA'I GNAS SKABS KYI 'JIM RIL LNGA TSAN GNYIS LA LCID YANG GI KHYAD PAR YOD DGOS PA LA DE LTAR MED PA'I PHYIR, @IV-97 ` DE'I LAN DGAG PA NI, RTZA BAR, PHRA MO NAS BRTZAMS RDZAS 'PHRENG DAG , GCAL NYID PHYIR NA RDZAS GZHAN GYI, ,LCI NYID MI RTOGS RAS BAL GYI, , 'DAB BZHAG BZHIN ZHES GZHAN DAG ZER, ,DE YI CIG CAR LDAN PA DANG, , SO SOR LDAN PA'I RDUL TSOGS DAG ,SO SOR LHAN CIG GCAL BA NA, , DE PHYIR LCID NI THA DAD 'GYUR, ,MA SHA LA SOGS RIM PA YIS, , GRANGS MTSUNGS PA NI MI RUNG NGO, ,GAL TE YUNGS KAR NAS BRTZAMS TE, , TSOGS CHEN GONG NAS GONG DU NI, ,'PHEL LDAN 'BRAS BU'I 'PHRENG BA YI, , LCI BA RTOGS PA MA YIN NA, ,YUNGS KAR BAR GYI LCID DAG KYANG, CHUNG NGU SHIN TU RTOGS DKA' BAS, ,'BRAS BU'I LCID NI MI RTOGS PHYIR, , DE YI RGYU NYID GZHAL BYAR 'GYUR, ,DON DE MTHONG MED RAS 'DAB BZHIN, , DE YI 'BRAS BU'ANG RTOGS PA MED, ,LCID NYID RTOGS MED BZHIN DU DE'I, , YON TAN THAMS CAD RTOGS MED PHYIR, ,MA SHA LA SOGS LHAG YOD MIN, , DMA' MED DE NI NYER MTSON TE, ,GZUGS SOGS LHAG DANG LHAG CI BZHIN, , RANG GI DBANG POS MTHONG MED PHYIR, ,ZHES PAS RDUL PHRA MO NAS BRTZAMS TE RDZAS KYI 'PHRENG BA DAG ,SRANG LA BCAL BA NYID KYI PHYIR @IV-98 NA, YAN LAG CAN RDZAS GZHAN GYI LCID NYID MI RTOGS TE, RAS BAL GYI 'DAB MA PHRA MO NYID BZHAG PA'I LCID SRANG GIS MI RTOGS PA BZHIN ZHES BYE BRAG PA GZHAN DAG ZER RO, , SHES BYA CHOS CAN, RGOL BA DE'I LUGS LA LCID MNYAM PA'I 'JIM RIL BCU TSAN GNYIS LAS GCIG CIG CAR LDAN PA DANG, GCIG SO SOR LDAN PA'I RDUL SOGS DAG ,SO SOR LHAN CIG BCAL BA NA LCID NI CHE CHUNG THA DAD DU 'GYUR BAR THAL, DE GNYIS LA SRANG GIS RTOGS PA'I LCID DU MA YOD MED THA DAD PA DE'I PHYIR, LCID LHAG PO YOD PA'I SKYON MED DE, YAN LAG CAN PHYI MA SKYES PA'I TSE SNGA MA ZHIG PA'I PHYIR ZHE NA, RIM GYIS BSDOMS PA'I GSER MA SHA KA LNGA PO DE CHOS CAN, KHYOD DANG MA BSDOMS PA'I MA SHA KA LNGA PO DE MA SHA KA LNGA TZAM LA SOGS PA'I RIM PA YIS GRANGS MTSUNGS PAR NI MI RUNG BAR THAL, KHYOD LA YAN LAG CAN GYI LCID GCIG LAS MED, DE LA YAN LAG CAN GYI LCID LHAG PO LNGA YOD PA'I PHYIR, GAL TE RDUL YUNGS KAR TZAM NAS BRTZAMS TE TSOGS PA CHEN @IV-99 PO GONG NAS GONG DU NI 'PHEL BA DANG LDAN PA'I 'BRAS BU'I PHRENG BA'I LCI BA SRANG GIS RTOGS PA MED DE, CHUNG BA'I PHYIR ZHE NA, RDUL PHRA RAB NAS YUNGS KAR TZAM GYI BAR GYI LCID DAG KYANG CHOS CAN, SHIN TU RTOGS PAR DKA' BAR THAL, SHIN TU CHUNG BA'I PHYIR, SHES BYA CHOS CAN, YAN LAG CAN DE'I RGYU YAN LAG GI LCI BA NYID SRANG GIS GZHAL BYAR 'GYUR BAR THAL, SRANG GIS GZHAL BA'I LCID YOD, 'BRAS BU YAN LAG CAN GYI LCID NI SRANG GIS MI RTOGS PA'I PHYIR, RTAGS KHAS BLANGS, RAS 'DAB BZHIN ZHES PA'I DPE DON MI MTSUNGS TE, RAS 'DAB MNGON SUM GYIS MTHONG ZHING DE'I LCID SRANG GIS RTOGS PA GANG ZHIG ,YAN LAG CAN RDZAS GZHAN PA'I DON DE MTHONG BA MED CING, DE'I 'BRAS BU'ANG RTOGS PA MED PA'I PHYIR, YON TAN LCID LHAG PO MED KYANG GZUGS SOGS LHAG PO YOD DO ZHE NA, MA SHA KA LA SOGS PA CHOS CAN, YAN LAG LA MED PA'I YON TAN LHAG PO MED PAR THAL, YAN LAG LA MED PA'I YON TAN LCID NYID RTOGS PA MED PA BZHIN DU, YAN LAG CAN DE'I @IV-100 YON TAN THAMS CAD RTOGS PA MED PA'I PHYIR, 'O NA, SRANG DMA' BA'I KHYAD PAR 'DZIN PA MED PA'I PHYIR ZHES LCID KHO NA 'GOG PA CI ZHE NA, DE NI, YAN LAG LA MED PA'I YON TAN LCID KHO NA 'GOG 'DOD PA MIN TE, GZHAN THAMS CAD MED PA NYE BAR MTSON THUB PA'I PHYIR, GSER MA SHA KA CHOS CAN, YAN LAG LA MED PA'I YON TAN GZUGS SOGS LHAG PO MED PAR THAL, DE YOD NA LHAG PO JI LTA BA BZHIN DU, RANG GI DBANG PO'I MNGON SUM GYIS MTHONG DGOS PA LAS MTHONG BA MED PA'I PHYIR, ` CHOS CAN LA GNOD TSUL GNYIS KYANG RTOGS PAR BYA BA NI, RTZA BAR, KHAS BLANGS RANG GI TSIG SOGS KYIS, , GNOD PA DAG NI SRID PAS NA, ,JI SKAD BSHAD PA'I PHYOGS KYIS NI, , DPER BRJOD GZHAN YANG RTOGS PAR BYA, ,ZHES PAS BYE BRAG PAS YAN LAG RNAMS LAS YAN LAG CAN RDZAS GZHAN DU YOD PA'I DAM BCA' CHOS CAN, DAM BCA' YANG DAG MA YIN TE, KHYOD KYI DON LA BYE BRAG PA'I KHAS BLANGS DANG RANG GI TSIG 'GAL BA DANG, MNGON SUM DANG RJES DPAG DANG GRAGS PA SOGS KYIS, CI RIGS PAR @IV-101 GNOD PA DAG NI SRID PA'I PHYIR, BYE BRAG PA'I CHOS KYI KHYAD PAR LA GNOD PA'I DAM BCA' LA GNOD TSUL JI SKAD BSHAD PA'I PHYOGS KYI NI CHOS CAN, DON YOD DE, BYE BRAG PA'I CHOS CAN GYI KHYAD PAR DANG CHOS CAN RANG GI NGO BO LA GNOD PA'I DAM BCA'I DPER BRJOD LA GNOD PA 'BAB TSUL DANG BCAS PA GZHAN YANG RTOGS PAR BYA BA'I CHED YIN PA'I PHYIR, ` MTSAN NYID DGAG PA NI, RTZA BAR, BYA BA DUS GSUM YUL CAN PHYIR, ,DE LTA'I BDAG MIN GZHAN DAG LA, , DE LTAR BKOD DE DE YI TSE, ,MI 'DOD NA YANG SGRUB BYAR 'GYUR, , SHES BYED SKABS KYIS MA GRUB PA, ,THAMS CAD RTOGS PAR BYED PA YIN, , DE PHYIR BSGRUB PAR BYA BA'I SGRA, ,'DOD PA'I KHYAD PAR LA BRTEN MIN, , DES NA DPE DANG GTAN TSIGS DAG ,MA GRUB DPER NI BYAS PA YIN, , GZHAN DU RI BONG RVA LA SOGS, ,MA GRUB KUN KYANG BSGRUB BYAR 'GYUR, , THAMS CAD RNAM 'GAS MA GRUB PHYIR, ,DES NA LAS LA SOGS PA YI, , KHYAD PAR NYE BAR BKOD PA YI, ,LAN GYIS RNAM 'BYED NUS MA YIN, , SNGAR MA GRUB PA'I RANG BZHIN PHYIR, ,BSGRUB BYA'I YAN LAG CES RUNG MIN, , @IV-102 GANG GIS KHAS BLANGS MTSAN NYID 'GYUR, ,DE YANG BSGRUB BYA NYID DU MTSUNGS, , ZHES PAS, TSAD MA MDOR, BSGRUB BYA STON PA ZHES 'DI LA, ,ZHES SOGS KYI DON 'CHAD PAR, RIGS PA CAN PA NA RE, BSGRUB PAR BYA BA BSTAN PAR BYA BA DE, BSGRUB BYA'I MTSAN NYID YIN NO ZHE NA, DPE RTAGS MA GRUB PA DE LTA BU'I BDAG NYID MIN BZHIN DU, PHYI RGOL GZHAN DAG LA SGRA MI RTAG SGRUB LA BYAS PA RTAGS SU BKOD PA DE'I TSE, DPE RTAGS MA GRUB PA DE CHOS CAN, RGOL BAS BSGRUB BYAR MI 'DOD NA'ANG BSGRUB BYAR 'GYUR BAR THAL, BSGRUB PAR BYA BA BSTAN PAR BYA BA YIN PA'I PHYIR TE, MA 'ONGS PA NA BSGRUB BYA YIN PA'I PHYIR, KHYAB STE, BSTAN BYA BA DE DUS GSUM GA LA 'JUG PA'I YUL CAN YIN PA'I PHYIR, BSGRUB PAR BYA BA BSTAN PAR BYA BA ZHES PAS RGOL BAS BSGRUB BYAR 'DOD PA KHO NA BSGRUB BYAR STON PA YIN NO ZHE NA, BSGRUB PAR BYA BA BSTAN PAR BYA BA ZHES PA'I SGRA CHOS CAN, RGOL BAS BSGRUB BYAR 'DOD PA'I KHYAD PAR KHO NA GO BA LA BRTEN PA MIN TE, SHES BYED SKABS KYI MA @IV-103 GRUB PA THAMS CAD RTOGS PAR BYED PA YIN PA'I PHYIR, RGYU MTSAN DES NA, RIGS PA CAN PA'I BSGRUB BYA'I MTSAN NYID LA DPE DANG GTAN TSIGS DAG MA GRUB PA SUN 'BYIN GYI DPER NI BYAS PA LA RGYU MTSAN DANG BCAS PA'O, ,DE LAS GZHAN DU MA GRUB PA TZAM BSGRUB BYA'I MTSAN NYID YIN NA, RI BONG RVA LA SOGS PA MA GRUB PA KUN KYANG BSGRUB BYAR 'DOD PAR 'GYUR RO, ,DPE RTAGS MA GRUB PA CHOS CAN, BSGRUB BYA MA YIN TE, LAS BYA BYED GSUM GYI NANG NAS LAS MA YIN PA'I PHYIR DANG, KHYOD BRJOD PA DAM BCA'I YAN LAG MA YIN PA'I PHYIR DANG, GRUB MTHA' BZHI'I NANG NAS KHAS BLANGS PA'I GRUB MTHA' MA YIN PA'I PHYIR ZHE NA, DE THAMS CAD CHOS CAN, LAS MIN PA LA SOGS PA'I KHYAD PAR NYE BAR BKOD PA YI LAN GYIS, BSGRUB BYA LAS RNAM PAR 'BYED NUS PA MA YIN PAR THAL, PHYI RGOL GYIS RNAM PA 'GAS MA GRUB PA'I PHYIR, CHOS CAN, BSGRUB BYA BRJOD PA DAM BCA'I YAN LAG GO ZHES PA'I LAN GYIS BSGRUB BYA MA YIN PAR RUNG BA MA YIN PAR THAL, PHYI RGOL GYIS SNGAR @IV-104 MA GRUB PA'I RANG BZHIN YIN PA'I PHYIR, DE YANG CHOS CAN, GRUB MTHA' NYID DU MTSUNGS PAR THAL, RGOL BAS KHAS BLANGS PA YIN PA'I PHYIR, KHYAB PA KHAS BLANGS TE, RGOL BA GANG GIS KHAS BLANGS PA DE, KHAS BLANGS PA'I GRUB MTHA'I MTSAN NYID DU 'GYUR BA'I PHYIR, GRUB MTHA' BZHI NI, t'IK CHER, GZHAL BYA'I DON CAN GYI TSAD MA DAG YOD DE ZHES PA, RGYUD THAMS CAD KYI GRUB MTHA' YIN TE, GRUB MTHA' SMRA BA THAMS CAD KYIS KHAS BLANGS PA'O, , BDAG YOD CES PA DANG MED CES PA LTA BU, SO SO'I RGYUD KYI GRUB MTHA' STE, GRUB MTHA' SO SO LA NGES PA'I 'DOD PA'O, ,BDAG SHI NAS RNAM SMIN LA LONGS SPYOD CES PA, SKABS KYI GRUB MTHA' STE, BDAG KHAS BLANGS PA'I SKABS KYI 'DOD PA KHYAD PAR RO, ,KHYAD GZHI TZAM KHAS BLANGS NAS DE RJES KHYAD CHOS LA DPYOD PA DE, KHAS BLANGS PA'I GRUB MTHA' STE, MA BRTAGS PAR KHYAD GZHI TZAM DANG PO KHAS BLANGS PA'O, ,SKYON SPONG GSUM PO RE RE NAS RTZA BA DANG SBYAR NAS GSAL BAR GSUNGS PAS DER GZIGS MDZOD, @IV-105 BSGRUB BYA'I MTSAN NYID GANG YIN BRTAGS LA DGAG PA MTSAN GZHI GANG YIN BRTAGS LA DGAG PA NI, RTZA BAR, TSOGS PA SGRUB BYA NYID YIN NA'ANG, ,GNYIS PO PHAN TSUN KHYAD PAR CAN, , BSGRUB BYA DE TSE GTAN TSIGS DANG, ,DPE YI MTSAN NYID MA GRUB 'GYUR, , MI SRID PHYIR NA BSGRUB BYA'I SGRA, ,GAL TE CHOS CAN LA 'JUG 'DOD, , BSTAN BCOS CI BYA CI RIGS PAR, ,RANG NYID 'JUG PAR 'GYUR BA MIN, , ZHES PAS SGRA MI RTAG PAR SGRUB PA LA SKYE LDAN RTAGS SU BKOD PA'I TSE NA, MI RTAG PA DANG SGRA DANG TSOGS DON GANG BSGRUB BYA YIN, DANG PO LTAR NA, SKYE LDAN CHOS CAN, PHYI RGOL GYIS KHYOD DANG BUM PA GNYIS MI RTAG PAR CHOS MTHUN PA MA GRUB PAR THAL, MI RTAG PA RTAGS DE'I BSGRUB BYA YIN PA'I PHYIR, GNYIS PA LTAR NA, SGRA CHOS CAN, SGRA MI RTAG PAR BSGRUB PA'I PHYIR DU RTAGS BKOD PA DON MED PAR THAL, KHYOD RTAGS DE'I BSGRUB BYA GANG ZHIG ,KHYOD PHYI RGOL GYIS GRUB PA'I PHYIR, TSOGS DON BSGRUB BYA YIN PAR 'DOD NA, SGRA DANG MI RTAG PA GNYIS PO PHAN TSUN KHYAD PAR CAN DU BYAS PA BSGRUB BYAR THAL, @IV-106 'DOD NA, DPE DANG CHOS MTHUN PAS BSGRUB BYA SGRUB PAR BYED PA GTAN TSIGS KYI MTSAN NYID DANG, BSGRUB PAR BYA BA DANG CHOS MTHUN PAS DE'I CHOS YOD PA CAN MTHUN DPE'I MTSAN NYID DU MA GRUB PAR 'GYUR BAR THAL, SGRAS KHYAD PAR DU BYAS PA'I MI RTAG PA BSGRUB BYA YIN PA'I PHYIR, GAL TE DPE RTAGS KYI MTSAN NYID KYI ZUR GYI BSGRUB BYA'I SGRA DE TSOGS DON LA 'JUG PA MI SRID PA'I PHYIR NA, CHOS CAN LA 'JUG PAR 'DOD DO ZHE NA, RIGS PA CAN PA'I DPE RTAGS KYI MTSAN NYID STON PA'I BSTAN BCOS CI BYA STE DON MED PAR THAL, DPE RTAGS KYI MTSAN NYID LA CI RIGS PAR DPYAD NAS RGOL BA RANG NYID 'JUG PAR 'GYUR BA'I PHYIR, t'IK CHER, SGRA MI RTAG SGRUB LA SKYE LDAN RTAGS SU BKOD TSE, CHOS CAN SGRA DE BSGRUB BYA MA YIN TE, DE LTAR NA GTAN TSIGS BKOD PA DON MED PAR 'GYUR, GNYIS KA BSGRUB BYA YIN NA, RE RE BSGRUB BYA YIN PA LA SKYON DE DAG 'JUG GO ,CHOS DANG CHOS CAN TSOGS PA BSGRUB BYA YIN NA, RIGS PA CAN PA LA NANG 'GAL @IV-107 STON PA STE, PHAN TSUN KHYAD PAR BYAS PA GNYIS KA BSGRUB BYA YIN DGOS LA, DE LTAR NA, JI SKAD BSHAD PA'I SKYON RNAMS 'JUG GO , CHOS DANG CHOS CAN RE RE NAS BSGRUB BYAR 'GOG PA KUN BTUS SU GSUNGS KYANG, TSOGS PA BSGRUB BYAR 'DOD PA LA 'GOG TSUL DNGOS SU MA GSUNGS PA NI, RIGS PA CAN PAS SMRAS PA'I RTAGS DPE MTSAN NYID DANG NANG 'GAL STON PA YIN LA, KHAS BLANGS NANG 'GAL STON PA'I SKYON DE RTOGS SLA BAS MA GSUNGS PA YIN, RNAM 'GREL DU KHA BSKANG STE 'CHAD TSUL NI, KHYOD KYIS TSOGS PA BSGRUB BYA NYID DU KHAS BLANGS NA, GNYIS PO PHAN TSUN KHYAD PAR CAN BSGRUB BYAR 'DOD DGOS LA, DE LTAR NA, RIGS PA CAN PAS DPE DANG CHOS MTHUN PAS BSGRUB BYA SGRUB PAR BYAS PA RTAGS SO ZHES PA DANG, BSGRUB PAR BYA BA DANG CHOS MTHUN PAS DE'I CHOS YOD PA CAN DPE'O ZHES GTAN TSIGS DANG DPE'I MTSAN NYID SMOS PA DANG 'GAL LO,, ` KHO NA'I SBYAR SA LA BRTAGS NAS DGAG PA NI, RTZA BAR, @IV-108 SGRUB BYED BSTAN PA'I SHUGS NYID LAS, ,DON DE BSGRUB BYA NYID DU RTOGS, , GTAN TSIGS SOGS MTSAN GYIS KHYAB PHYIR, SGRUB PAR BYED LA DVOGS PA'ANG MED, , SNGAR NGES BZUNG NA DE YIS NI, ,DAM BCA'I MTSAN NYID BRJOD DON MED, , DE PHYIR SHUGS KYIS DER BRJOD PAS, ,KHYAB PA'I 'BRAS CAN YIN PAR RTOGS, , ZHES PAS BSGRUB PAR BYA BA BSTAN PAR BYA BA DE DAM BCA'I MTSAN NYID YIN NA, BSGRUB PAR BYA BA KHO NA BSTAN PAR BYA BA ZHES BSTAN PAR BYA BA'I SNGAR NGES GZUNG SMOS SAM, BSGRUB PAR BYA BA BSTAN PAR BYA BA KHO NA ZHES BSTAN BYA BA'I 'JUG TU NGES GZUNG SMOS, DANG PO LTAR NA, GRUB ZIN BSGRUB BYA YIN PA BCAD PA'I PHYIR DU SMOS SAM, SGRUB BYED BSGRUB BYA YIN PA BCAD PA'I PHYIR DU SMOS, DANG PO LTAR NA, BSGRUB BYA NYID YIN NA PHYIR RGOL GYIS MA GRUB PA'I DON DE CHOS CAN, KHYOD RTOGS PA'I PHYIR DU RIGS PA CAN PA'I DAM BCA'I MTSAN NYID KYI ZUR DU NGES GZUNG SMOS MI DGOS PAR THAL, SGRUB BYED DPE RTAGS KYI MTSAN NYID BSTAN PA'I SHUGS NYID LAS KHYOD RTOGS PA'I PHYIR, GNYIS PA LTAR NA, SGRUB @IV-109 PAR BYED PA CHOS CAN, KHYOD LA BSGRUB BYA YIN NAM SNYAM PA'I DVOGS PA'ANG NGES GZUNG GIS GCOD DGOS PA MED PAR THAL, GTAN TSIGS DANG SOGS PAS DPE'I MTSAN NYID KYIS KHYOD BSGRUB BYA MIN PAS KHYAB PA DE 'PHANGS PA'I PHYIR, BSTAN BYA BA'I SNGAR NGES GZUNG SMOS NA, RIGS PA CAN PA DE YIS NI DAM BCA'I MTSAN NYID BRJOD PA DON MED DU 'GYUR BA DE'I PHYIR, SHUGS KYIS BSTAN BYA BA'I 'JUG DER NGES GZUNG BRJOD DGOS PAS KHYAB PA DE MI LDAN RNAM GCOD KYI 'BRAS BU CAN YIN PAR RTOGS LA, GONG GI SKYON SO NA GNAS SO,, ` 'GAL BA'I DON BRTAGS NAS DGAG PA NI, RTZA BAR, 'GAL BA 'DOD DANG 'BREL MED DE, , PHAN MED LHAN CIG MI GNAS PA, ,DE LTA NA NI RTAGS KYI SKYON, , THAMS CAD DAM BCA'I SKYON DU 'GYUR, ,PHYOGS SKYON GZHAN LA LTOS PA NI, , MA YIN ZHES KYANG BSTAN ZIN TO, ,'DOD LA MED NA'ANG MA GRUB YIN, , ZHES PAS RIGS PA CAN PAS, RTAGS DAM BCA' DANG 'GAL BA DAM BCA'I SKYON YIN TE, DPER NA, SGRA RTAG STE, THAMS CAD MI RTAG PA'I PHYIR ZHES PA LTA BU'O, ,DE RTAGS DAM @IV-110 BCA' DANG JI LTAR 'GAL NA, THAMS CAD MI RTAG NA SGRA RTAG PAR 'GAL TE, SGRA YANG THAMS CAD KYI NANG DU 'DUS PA'I PHYIR ZHE NA, RTAGS DAM BCA' DANG 'GAL BA'I DON 'DOD YUL GYI BSGRUB BYA DANG 'BREL BA MED PA DE YIN NA, DE'I DON BSGRUB BYA SGRUB PA LA PHAN PA MED PA'AM, ,SHES 'DOD CHOS CAN LA LHAN CIG MI GNAS PA YIN, DANG PO DE LTA NA NI, RTAGS KYI SKYON THAMS CAD CHOS CAN, DAM BCA'I SKYON DU 'GYUR BAR THAL, BSGRUB BYA SGRUB PA LA PHAN PA MED PA'I PHYIR, 'DOD MI NUS TE, PHYOGS SKYON RTAGS DPE GZHAN LA LTOS PA NI MA YIN ZHES KYANG BSHAD ZIN PA'I PHYIR, GNYIS PA LTAR NA, RTAGS SHES 'DOD CHOS CAN LA MED PA'ANG CHOS CAN, PHYOGS SKYON MA YIN PAR THAL, PHYOGS CHOS MA GRUB PA'I RTAGS SKYON YIN PA'I PHYIR, ` MI RTAG PA RTAGS SU MA 'PHANGS PA NI, RTZA BAR, MI RTAG GTAN TSIGS DANG LDAN PAS, ,SGRA LA DE LTAR BRJOD BYED NA, , DE LTAR DE NI BZLOG PAR 'GYUR, ,'DI LA DPE BSTAN PA NYID LAS, , @IV-111 DON GZHAN CI ZHIG MTHONG BA YOD, ,KHYAD PAR LA NI GZHAN BRJOD NAS, , SPYI YI RJES SU 'JUG PAS NA, ,DE KHYAB MA YIN SPYI RJES SU, , 'JUG LA 'BRAS BU'ANG CI ZHIG YOD, ,DE PHYIR SGRA LA GNAS PA YI, , MI RTAG NYID KYIS SEL ZHES GSUNGS, ,ZHES PAS SGRA RTAG STE, THAMS CAD MI RTAG PA'I PHYIR, ZHES PA'I SBYOR BA 'DIS, MI RTAG PA'I GTAN TSIGS DANG LDAN PAS SGRA LA MI RTAG PA DE LTAR BRJOD PAR BYED NA, DE LTAR SGRA RTAG PA DE NI BZLOG PAR 'GYUR TE, RTAG MI RTAG DNGOS 'GAL YIN PA'I PHYIR, 'ON KYANG DE LTA BU'I SBYOR BA 'DI CHOS CAN, MI RTAG PA RTAGS SU MA 'PHANGS PAR THAL, THAMS CAD MA YIN PA'I RTAGS KYIS, SGRA RTAG PAR SGRUB PA'I CHOS MI MTHUN DPE'I SBYOR BA LTAR SNANG BSTAN PA NYID LAS DON GZHAN CI ZHIG MTHONG BA YOD DE MED PA'I PHYIR, CHOS CAN, SGRA LA MI RTAG PAS KHYAB PA 'PHANGS PA MA YIN PAR THAL, KHYAD PAR SGRA LA NI GZHAN RTAG PA BRJOD NAS THAMS CAD MI RTAG CES SPYIR BTANG GI TSIG NI RJES SU 'JUG PAS NA'O, , @IV-112 DE CHOS CAN, SGRA RTAG CES DMIGS KYIS BSAL NAS THAMS CAD MI RTAG CES SPYIR BTANG GI TSIG NI RJES SU 'JUG PA 'BRAS BU'ANG CI ZHIG YOD DE MED PAR THAL, SGRA'ANG MI RTAG PAR 'PHANGS PA'I PHYIR, SHES BYA CHOS CAN, SGRA LA GNAS PA'I MI RTAG PA NYID KYIS, SGRA RTAG PA SEL ZHES GSUNGS PA'I RGYU MTSAN YOD DE, SGRA MI RTAG NA RTAG PAR 'GAL BA DE'I PHYIR, ` THAMS CAD MIN PA RTAGS SU 'PHANGS PA DNGOS NI, RTZA BAR, YUL GZHAN LA NI 'GAL SMRA BAS, ,SGRA NI GZHAN DU BRJOD PA YIN, , ZHES PAS SBYOR BA DES GANG RTAGS SU 'PHANGS ZHE NA, SBYOR BA DE CHOS CAN, SGRA NI THAMS CAD LAS GZHAN DU BRJOD PA YIN TE, THAMS CAD MI RTAG PAR BRJOD NAS YUL GZHAN SGRA LA NI DE DANG 'GAL BA RTAG PA SMRAS PA'I PHYIR, ` SHES BYA THAMS CAD MIN PA RTAGS MA GRUB TU BSTAN PA NI, RTZA BAR, SPYI NI KHYAD PAR MI SPONG PHYIR, ,DE YANG 'THAD PA MA YIN NO, ,DPER NA SKABS 'GAR SHING SHA PA, ,NYID NI SHING MIN ZHES PA BZHIN, ,THAMS CAD @IV-113 MNYAN PA GCIG NYID LA, ,'JUG PA 'GOG 'GYUR DE TZAM GYIS, , THAMS CAD MIN MIN KHYAD PAR KUN, DE MED NA DE MED 'GYUR PHYIR, ,ZHES PAS THAMS CAD MIN PA RTAGS SU 'PHANGS PAR NGED KYANG 'DOD DO ZHE NA, SHES BYA THAMS CAD MIN PA RTAGS YIN NAM, SGRA MIN THAMS CAD MIN PA RTAGS YIN, DANG PO LTAR NA, SGRA SHES BYA THAMS CAD MIN PA DE YANG 'THAD PA MA YIN PAR THAL, SGRA YANG THAMS CAD KYI NANG DU 'DUS PA'I PHYIR, KHYAB STE SPYI SGRA NI KHYAD PAR MI SPONG BA'I PHYIR, RTAGS MA GRUB STE, SGRA KHO NA THAMS CAD MIN ZHES PA'I TSIG GIS SGRA THAMS CAD MA YIN PAR BSTAN PA'I PHYIR ZHE NA, SGRA KHO NA THAMS CAD MIN ZHES PA'I TSIG CHOS CAN, SGRA THAMS CAD MIN PAR BSTAN PA MIN PAR THAL, THAMS CAD CES PA'I MNYAN PA SGRA GCIG NYID LA 'JUG PA 'GOG PAR 'GYUR BA DE TZAM YIN PA'I PHYIR, DPER NA, SKABS 'GAR SHING SHA PA NYID NI SHING MIN ZHES PA'I SGRAS, SHING GI SGRA SHA PA KHO NA LA 'JUG PA BKAG GI, SHA PA LA 'JUG PA MA BKAG PA BZHIN NO, ,SGRA CHOS CAN, @IV-114 THAMS CAD DU MA 'DUS PAR THAL, THAMS CAD NI MA LUS PA YIN LA, KHYOD THAMS CAD KYI PHYOGS GCIG YIN PA'I PHYIR ZHE NA, SGRA LAS GZHAN PA'I KHYAD PAR KUN CHOS CAN, THAMS CAD DU 'DUS PA DE MED PAR THAL, THAMS CAD KYI PHYOGS GCIG YIN PA'I PHYIR, 'DOD NA, DER 'DUS PA MED PAR 'GYUR BAR THAL, SGRA DANG SGRA LAS GZHAN PA'I KHYAD PAR KUN THAMS CAD DU MA 'DUS PA'I PHYIR, ` SGRA MIN THAMS CAD MIN PA RTAGS MA GRUB TU BSTAN PA DNGOS NI, RTZA BAR, SHES BYA SHES BYED THA DAD PHYIR, ,CHOS CAN GTAN TSIGS DNGOS GYUR NI, , SHES BYED NYID DU MA GRUB PHYIR, ,CHOS CAN RANG SGRUB BYED MA GRUB, , ZHES PAS SHES BYA CHOS CAN, CHOS CAN SGRA DE RANG RTAG PA'I SGRUB BYED DU MA GRUB STE, CHOS CAN GTAN TSIGS KYI DNGOS POR GYUR PA NI SHES BYED PHYOGS CHOS NYID DU MA GRUB PA'I PHYIR, PHYOGS CHOS YIN NA SHES BYA SHES BYED THA DAD PA'I PHYIR, ` DE LA RTZOD SPANG NI, RTZA BAR, DNGOS PO KUN LA CHOS DANG NI, ,CHOS CAN RNAM DBYE MED PA'I PHYIR, , KUN LA NYES MTSUNGS SHE NA MIN, ,LDOG PA KHYAD PAR YOD PHYIR RO, , @IV-115 DON DAM PAR NI RNAM DPYAD NA, ,DE LTA BUR GYUR MA GRUB PHYIR, , KUN RDZOB PA YI DNGOS RNAMS LA, ,DE NYID GZHAN NYID 'GOG PAR 'GYUR, , DPAG BYA DPOG PAR BYED PA YI, ,DON GYI THA SNYAD GNAS PA 'DI, , SHES PA LA GRUB THA DAD LA, ,BRTEN NAS RNAM PAR BRTAGS PA YIN, , BDAG NYID CI LTA'I THA DAD KYI, ,MTHAR THUG SHES LA THA DAD PAR, , CHOS DANG CHOS CAN SNANG GYUR PA, ,DE NI THA SNYAD RTEN YIN NO, , 'DI NI THA SNYAD KYIS BZHAG PA, ,THA DAD BLO DANG 'BREL MED CAN, , CHOS CAN DE NYID SGRUB BYED DU, ,BYAS PA DES NA MA GRUB BSTAN, , DES NA BYE BRAG SPYI CHOS THA, ,DAD PHYIR RTAGS DANG RTAGS CAN NYID, , DPER NA RTZOL BYUNG NYID KYI PHYIR, ,RTZOL BYUNG SGRA NI MI RTAG BZHIN, , PHYOGS YAN LAG NA'ANG GNOD MED PHYIR, ,CHOS CAN THA DAD MA GRUB MIN, , DPER NA GONG BU RVA CAN 'DI, ,RVA CAN NYID PHYIR RTA MIN BZHIN, , YANG NA DE RTOGS NAS LDOG PHYIR, ,BSGRUB BYA'I DUS SU YAN LAG MIN, , CHOS THA DAD PHYIR KHYAD PAR YANG, ,DAM BCA'I DON DU 'THAD MA YIN, , ZHES PAS RANG BZHIN GYI RTAGS KUN LA'ANG GZHI RTAGS THA @IV-116 DAD MED PA'I NYES PA DES MTSUNGS TE, SGRA BYAS MI RTAG PA'I DNGOS PO KUN LA CHOS DANG NI CHOS CAN GYI RNAM DBYE MED PA'I PHYIR ZHE NA, BYAS PA CHOS CAN, SGRA DANG THA DAD MED PA'I NYES PA MTSUNGS PA MA YIN TE, SGRA DANG LDOG PA THA DAD PA'I KHYAD PAR YOD PA YIN PA'I PHYIR, KUN RDZOB PA'I DNGOS PO SGRA BYAS MI RTAG THA DAD PA'I CHA RNAMS CHOS CAN, RDZAS GCIG DE NYID DANG RDZAS GZHAN NYID 'GOG PAR 'GYUR TE, DON DAM PAR NI RNAM PAR DPYAD NA RDZAS DE LTA BUR GYUR PA MA GRUB PA'I PHYIR, SGRA BYAS MI RTAG RDZAS THA DAD MIN NA, DPAG BYA DPOG BYED KYI THA SNYAD MI 'THAD DO ZHE NA, 'THAD DE, DPAG BYA DPOG BYED KYI DON GYI THA SNYAD GNAS PA 'DI, SHES PA LA GRUB PA'I THA DAD LA BRTEN NAS RNAM PAR BRTAGS PA YIN PA'I PHYIR TE, RANG MIN LAS THA DAD KYI BDAG NYID CI LTA BA'I RANG MTSAN GYI MTHAR THUG PA'I SHES PA LA, CHOS DANG CHOS CAN THA DAD PAR SNANG BAR GYUR PA DE NI, DPAG BYA DPOG BYED KYI THA SNYAD 'JUG PA'I RTEN YIN PA'I PHYIR, CHOS CAN SGRA DE NYID SGRA RTAG PA'I SGRUB BYED DU BYAS PA DES NA, @IV-117 PHYOGS CHOS MA GRUB PAR BSTAN TE, SGRA DANG SGRA 'DI NI CHOS CHOS CAN GYI THA SNYAD KYIS BZHAG PA'I BLO LA THA DAD DU SNANG BA DANG 'BREL BA MED PA CAN YIN PA'I PHYIR, 'DUS BYAS DE, 'DUS BYAS KYI BUM PA MI RTAG PAR SGRUB PA'I RTAGS YANG DAG YIN TE, RTAGS DANG RTAGS CAN THA DAD PA NYID DE, 'DUS BYAS DANG 'DUS BYAS KYI BUM PA LDOG CHOS THA DAD PA STE, SPYI DANG BYE BRAG YIN PAS SO, ,DPER NA, RTZOL BYUNG DE PHYOGS BTAGS PA BA RTZOL SGRA'I BYED CHOS KYI YAN LAG YIN NA'ANG, CHOS CAN RTZOL SGRA DANG THA DAD DU MA GRUB PA MA YIN PAR THAL, DE LTA NA'ANG DE SGRUB KYI BSGRUB BYA 'GRUB PA LA MI GNOD PA'I PHYIR, DPER NA, GONG BU RVA CAN 'DI CHOS CAN, RTA MIN TE, RVA CAN NYID YIN PA'I PHYIR ZHES PA BZHIN NO, ,KHYAB PA MA GRUB PA LAS YANG NA, GONG BU RVA CAN 'DI CHOS CAN, RTZOL BYUNG GI SGRA MI RTAG PA BSGRUB BYAR SONG BA'I DUS SU, RTZOL BYUNG GI SGRA'I MTSON BYED KYI YAN LAG MIN TE, DE'I DUS SU DE MTSON ZIN NAS @IV-118 MTSON BYED YIN PA LDOG PA'I PHYIR, MNYAN BYA YANG SGRA RTAG PAR SGRUB PA'I GZHI RTAGS THA DAD MED PAR 'GYUR RO ZHE NA, KHYAD PAR MNYAN BYA YANG CHOS CAN, SGRA RTAG PAR SGRUB PA'I DAM BCA'I DON GYI PHYOGS GCIG CHOS CAN RTAGS SU BKOD PA'I MA GRUB PAR 'THAD PA MA YIN TE, SGRA DANG LDOG CHOS THA DAD YIN PA'I PHYIR, t'IK CHER RGYAN GYI LUGS DE KUN BTUS RTZA 'GRE DANG MTHUN PAR GSUNGS SO, DNGOS KYI BRJOD BYA GTAN TSIGS BSHAD PA DNGOS KYI BRJOD BYA GTAN TSIGS BSHAD PA NI, RTZA BAR, GTAN TSIGS RAB TU DBYE BA'I DON, , BDE BAR BZUNG BA GRUB BYA'I PHYIR, ,PHYOGS CHOS RAB TU DBYE BA YIS, , MDOR BSDUS PA NI GSUNGS PA YIN, ,CHOS KYI TSIG PHRAD THA DAD PAR, , BYED PAS MI LDAN GZHAN LDAN PA, ,SHIN TU MI SRID RNAM GCOD BYED, , KHYAD PAR KHYAD PAR CAN DAG DANG, ,BYA BA DAG NI LHAN CIG BRJOD, , DE SBYAR MED KYANG BRJOD 'DOD LAS, ,DE DON NYID NI RTOGS PAR 'GYUR, , GANG PHYIR NGAG 'BRAS RNAM GCOD PHYIR, ,DPER NA NAG PA 'PHONG SKYEN PA, , SRID SGRUB 'PHONG SKYEN ZHES PA'AM, ,SNGON PO MTSO SKYES 'GYUR ZHES BZHIN, , @IV-119 DER YANG ZLA BO RNAMS GCOD PA, ,DON RNAMS LA NI RTOGS 'GYUR TE, , DE LTAR GRAGS DANG NUS PA DANG, ,SGRA NI BRJOD 'DOD RJES 'BRANGS PHYIR, , DES NI MI LDAN RNAM GCOD PAS, ,CHOS CAN CHOS KYI KHYAD PAR YIN, , DE YI KHYAD PAR CAN GYI CHOS, ,RJES 'GRO MED PA'I SKYON RTEN MIN, , ZHES PAS TSAD MA MDOR, GANG PHYIR GTAN TSIGS DAG DANG NI, , ZHES SOGS KYI DON 'CHAD PA LA, GTAN TSIGS KYI MTSAN NYID MI 'CHAD PAR CI'I PHYIR DBYE BA 'CHAD CE NA, PHYOGS CHOS CAN DGU'I RAB TU DBYE BA YIS MDOR BSDUS PA NI GSUNGS PA CHOS CAN, DON YOD PA YIN TE, GTAN TSIGS YANG DAG DANG LTAR SNANG GI RAB TU DBYE BA'I DON BDE BAR BZUNG BA GRUB PAR BYA BA'I PHYIR RO, MI LDAN RNAM GCOD DANG GZHAN LDAN RNAM GCOD ,BYAS PA BUM PA LA RJES 'GRO MED PAR THAL, SGRAS KHYAD PAR DU BYAS PA'I PHYIR ZHE NA, CHOS KYI TSIG PHRAD SBYAR SA THA DAD PAR BYED PAS, MI LDAN RNAM GCOD DANG, GZHAN LDAN RNAM GCOD DANG SHIN TU MI SRID RNAM GCOD GO BAR BYED DE, KHYAD PAR DANG KHYAD PAR CAN DAG DANG BYA BA DAG DANG NI NGES GZUNG LHAN CIG BRJOD PAS, RNAM GCOD GSUM @IV-120 RIM PA BZHIN GO BA'I PHYIR, NGES GZUNG DNGOS SU MA SBYAR YANG RNAM GCOD GO BA YOD DAM ZHE NA, NGES GZUNG DE DNGOS SU SBYAR BA MED KYANG BRJOD PA PO'I BRJOD 'DOD LAS NGES GZUNG DE'I DON NYID NI RTOGS PAR 'GYUR TE, GANG GI PHYIR NGAG GI 'BRAS BU NI RNAM GCOD GO BA YIN PA'I PHYIR, DPER NA, NAG PA 'PHONG SKYEN ZHES PA'AM, SRID SGRUB 'PHONG SKYEN ZHES PA'AM, MTSO SKYES SNGON POR 'GYUR ZHES PA BZHIN NO, ,DE GSUM GYIS RNAM GCOD GO BA'I RGYU MTSAN CI YIN ZHE NA, NAG PA 'PHONG SKYEN ZHES PA DER YANG 'PHONG SKYEN PA'I ZLA BO RNAM PAR GCOD PA'I DON RNAMS LA NI RTOGS PA SKYE BAR 'GYUR TE, 'PHONG MI SKYEN PA GCOD PA DE LTAR GRAGS PA DANG, DE LTAR GCOD NUS PA DANG, SGRA NI BRJOD 'DOD KYI RJES SU 'BRANGS NAS DON STON PA'I PHYIR, DES NA BYAS PA CHOS CAN, SGRA DE'I KHYAD PAR CAN GYI CHOS YIN PAS BUM PA LA RJES 'GRO MED PA'I SKYON RTEN PA MIN TE, CHOS CAN SGRA DE CHOS KHYOD KYIS MI LDAN PA RNAM PAR GCOD PA'I KHYAD PAR DU BYAS PA YIN PA'I PHYIR, PHYOGS CHOS CAN GTAN TSIGS DGU'I DGOS PA PHYOGS CHOS CAN GYI GTAN TSIGS DGUR BSDUS PA'I DGOS PA @IV-121 NI, RTZA BAR, RANG BZHIN 'BRAS BU GRUB DON DU, , GTAN TSIGS GNYIS DANG LDOG PA GNYIS, ,RTZOD PHYIR KHYAD PAR SPYI DAG STE, , LHAG MA LDOG PA'I SGRUB BYED YIN, ZHES PAS, CI'I PHYIR PHYOGS CHOS CAN GYI GTAN TSIGS DGU BSTAN ZHE NA, PHYOGS CHOS CAN GYI RAB DBYE 'CHAD PA'I SKABS SU, GTAN TSIGS GNYIS DANG BZLOG PAS GNYIS SMOS PA CHOS CAN, DON YOD DE, RTAGS YANG DAG GI MTSAN GZHI LA, RANG BZHIN DANG 'BRAS BU DANG MA DMIGS PA'I RTAGS GSUM DU GRANGS NGES PAR GRUB PA'I DON DU YIN PA'I PHYIR, KHYAD PAR MNYAN BYA DANG SPYI GZHAL BYA DAG DPER SMOS PA CHOS CAN, DON YOD DE, LDOG PA RKYANG PA DANG RJES 'GRO RKYANG PA CAN GYI RTAGS YANG DAG YOD PAR RTZOD PA BZLOG NAS, RTAGS YANG DAG GI MTSAN NYID LA TSUL GSUM DU NGES SO ZHES RTOGS PA'I CHED YIN PA'I PHYIR, LHAG MA MA NGES PA'I GTAN TSIGS GSUM SMOS PA CHOS CAN, DON YOD DE, RTAGS YANG DAG YIN NA MI MTHUN PHYOGS MTHA' DAG LAS LDOG PA'I SGO NAS, SGRUB BYED YIN NO @IV-122 ZHES RTOGS PA'I CHED YIN PA'I PHYIR, ` RTOGS DKA' BA BYE BRAG TU BSHAD PA LAS YANG DAG GNYIS SMOS PA'I DGOS PA NI, RTZA BAR, RANG BZHIN NYID LAS GZHAN GYIS NI, , GO BYA LA KHYAB YOD MIN TE, ,RGYU NI 'KHRUL PA SRID PHYIR RO, , DE PHYIR 'BRAS RNAMS GNYIS SU 'JUG ,SNGAR YOD PA YI SHES PA NI, , RTZAL MA THAG BYUNG NGES MIN TE, ,SGRIB BYED DBANG PO SGRA LA DE, , RNAM KUN NYER SBYOR MIN PHYIR RO, ,LTOS PA MED PAR 'GA' ZHIG TSE, , 'BRAS MI BYED PA 'GAL BA'I PHYIR, ,SHES PA 'DI 'DRA RES 'GA' BA'I, , 'BRAS BUR GRUB PA'I DE RTAGS YIN, ZHES PAS, BYAS PA DE MTHUN PHYOGS LA KHYAB BYED DU 'JUG PA'I RANG BZHIN RTAGS KYI DPER SMOS PA'I RGYU MTSAN YOD DE, RANG BZHIN BYAS PA NYID LAS GZHAN 'BRAS RTAGS KYIS NI GO BYA MTHUN PHYOGS LA KHYAB BYED DU 'JUG PA YOD PA MIN PA'I PHYIR TE, RGYU NI 'BRAS BU LA 'KHRUL PA SRID PA'I PHYIR RO, , 'BRAS BU RTZOL BYUNG NYAN SHES CHOS CAN, RIG BYED KYI SGRA THOS PA'I NYAN SHES, RANG RGYU SGRA MI RTAG PA SNGON DU SONG BAR SGRUB PA'I @IV-123 MTHUN PHYOGS LA RNAM PA GNYIS SU 'JUG STE, MTHUN PHYOGS LA 'JUG PA GANG ZHIG ,KHYAB BYED DU MI 'JUG PA DE'I PHYIR, RIG BYED KYI SGRA THOS PA'I NYAN SHES DE RANG RGYU SGRA MI RTAG PA SNGON DU MA SONG STE, RIG BYED KYI SGRA RTAG PA YIN PA'I PHYIR ZHE NA, RIG BYED KYI SGRA CHOS CAN, KHYOD THOS PA'I SHES PA NI, RKYEN RTZOL BAS BRTZAL MA THAG BYUNG BAR NGES PA MIN PAR THAL, RTZOL BA'I SNGAR NAS RTAG PAR YOD PA'I PHYIR, KHYAB STE, SGRA RTAG PA THOS PA'I SGRIB BYED SEL BA BA DANG, RNA BA'I DBANG PO DANG SGRA RTAG PA LA PHAN PA RNAM PA KUN TU NYE BAR SBYOR BA MIN PA'I PHYIR RO, ,RIG BYED KYI SGRA CHOS CAN, 'GA' ZHIG GI TSE NA 'BRAS BU MI BYED PA 'GAL BAR THAL, RKYEN LA LTOS PA MED PAR 'BRAS BU SKYED PA'I PHYIR, RTZOL BYUNG NYAN SHES 'DI 'DRA CHOS CAN, RIG BYED KYI SGRA THOS PA'I NYAN SHES, RANG RGYU SGRA MI RTAG PA SNGON DU SONG BAR SGRUB PA'I 'BRAS RTAGS YIN TE, DE SGRUB KYI PHYOGS CHOS GANG ZHIG ,RES 'GA' BA RANG RGYU SGRA MI RTAG PA'I 'BRAS BUR @IV-124 GRUB PA'I PHYIR, BYAS PA RANG BZHIN GYI DPER SMOS PA'I DGOS PA BYAS PA RANG BZHIN RTAGS KYI DPER SMOS PA'I DGOS PA NI, RTZA BAR, 'DI NYID KYIS NI RANG BZHIN NYID, , GRUB KYANG THA DAD BYAS PA NI, ,'BRAS DANG LHAN CIG BSTAN PA NI, , THAMS CAD DE 'DRAR SHES MI 'GYUR, ,RJES SU DPAG PAR BSHAD ZIN DON, , GTAN TSIGS BRJOD BYAS RTOGS DON DU, ,RAB TU DBYE BA TZAM BSHAD DE, , MTSAN NYID LA NI THA DAD MED, ,DES 'DIS 'BRAS BU'I RTAGS KYIS NI, , RANG BZHIN PHYOGS GCIG RTEN PA'ANG BSHAD, ,DES NA RTZOL LAS GSAL BA DANG, , SKYE BA 'DRA BAR DPER BRJOD DO, ZHES PAS, RTZOL BYUNG SMOS PAS RANG BZHIN GYI RTAGS GRUB MOD, DE LAS THA DAD DU BYAS PA SMOS PA'I CI BYA ZHE NA, RTZOL BYUNG 'DI NYID KYIS NI RANG BZHIN GYI RTAGS NYID DU GRUB KYANG, DE LAS THA DAD DU BYAS PA RANG BZHIN RTAGS KYI DPER BYAS PA NI CHOS CAN, DON YOD DE, 'BRAS BU RTZOL BYUNG DANG LHAN CIG TU BYAS PA RANG BZHIN RTAGS KYI DPER BSTAN PA NI, RANG BZHIN GYI RTAGS THAMS CAD MTHUN PHYOGS LA CHA GNYIS SU 'JUG PA DE 'DRAR SHES PAR MI 'GYUR BA'I CHED YIN PA'I PHYIR, GTAN TSIGS KYI DBYE BA'I @IV-125 DON RANG DON RJES DPAG TU BSHAD ZIN KYANG, 'DIR GTAN TSIGS KYI DBYE BA TZAM BSHAD PA DE CHOS CAN, DON YOD DE, MTHUN PHYOGS LA KHYAB BYED DANG CHA GNYIS SU 'JUG PA'I DBYE BA RTOGS PA'I DON DU BRJOD PAR BYAS PA'I PHYIR, 'DIR RTAGS YANG DAG GI MTSAN NYID MI 'CHAD PA NI, RTAGS YANG DAG GI MTSAN NYID LA NI RANG DON RJES DPAG TU BSHAD PA LAS DON THA DAD MED PA'I PHYIR, PHYOGS CHOS KYI RAB DBYE 'CHAD PA'I SKABS 'DIR CHOS CAN, MTHUN PHYOGS LA CHA GNYIS SU 'JUG PA'I RTAGS MA BSTAN PA'I NYES PA MED DE, 'BRAS BU'I RTAGS RTZOL BYUNG NYID KYIS NI, RANG BZHIN GYI RTAGS MTHUN PHYOGS KYI PHYOGS GCIG LA BRTEN PA'ANG BSHAD PA'I PHYIR, DES NA SHES BYA CHOS CAN, 'BRAS RTAGS DANG MTHUN PHYOGS LA CHA GNYIS SU 'JUG PA'I RANG BZHIN GYI RTAGS GNYIS DPER BRJOD GCIG GIS MTSON NUS TE, RTZOL BA LAS GSAL BAR DMIGS PA'I 'BRAS RTAGS DANG, RTZOL BA LAS SKYE BA'I RANG BZHIN GYI RTAGS GNYIS RTZOL BYUNG DU 'DRA BA'I PHYIR, 'BRAS RANG GI RTAGS GNYIS SO @IV-126 SOR BRJOD PA LA DGOS PA NI, RTZA BAR, YOD PA GANG MED MI 'BYUNG BA'AM, ,RANG BDAG RNAM DBYER MED CAN GANG, , DE NI DE DANG 'KHRUL MI 'GYUR, ,ZHES BYA'I DON DU 'DIR RAB PHYE, , LDAN PA CAN SOGS GANG DAG LA, ,DE 'DRA'I 'BREL BA YOD MIN PA, , DE DAG 'KHRUL PA SRID PA'I PHYIR, ,GTAN TSIGS MIN ZHES BSHAD PA YIN, , 'BREL BA YOD PA YIN NA YANG, ,DE NYID RTOGS PA'I SGRUB BYED YIN, , NGES PA MED NA MI 'BYUNG YIN, ,NGES PA MED PA SGRUB BYED MIN, , ZHES PAS, 'BRAS RANG 'DI GNYIS RAB TU PHYE NAS BSHAD PA LA DON YOD DE, BSGRUB BYA'I CHOS GANG PHAN 'DOGS BYED DU YOD NA SKYE MED NA MI 'BYUNG BA'AM, BSGRUB BYA'I CHOS DANG RANG GI BDAG NYID RNAM PAR DBYER MED PA CAN GYI RTAGS GANG YIN PA DE NI, BSGRUB BYA'I CHOS DE DANG 'KHRUL PAR MI 'GYUR RO ZHES BYA BA'I DON DU YIN PA'I PHYIR, DE LTAR RTOGS PA LA DGOS PA CI YOD CE NA, LDAN PA CAN SOGS GANG DAG LA BRTEN PA'I GTAN TSIGS DE DAG CHOS CAN, GTAN TSIGS YANG DAG MIN ZHES BSHAD PA @IV-127 YIN TE, BSGRUB BYA'I CHOS LA 'KHRUL PA SRID PA'I PHYIR TE, MED NA MI 'BYUNG BA DE 'DRA BA'I 'BREL BA YOD PA MIN PA'I PHYIR, DE 'DRA'I 'BREL BA YOD PA YIN ZHE NA'ANG, SHES BYA CHOS CAN, LDAN 'DU'I 'BREL BA BTAGS PA DON MED PAR THAL, MED NA MI 'BYUNG BA'I 'BREL BA DE NYID BSGRUB BYA RTOGS PA'I SGRUB BYED YIN PA'I PHYIR TE, 'BREL BA NGES PA YIN NA, MED NA MI 'BYUNG BA'I 'BREL BA YIN LA, 'BREL BA NGES PA MED PA SGRUB BYED YANG DAG MIN PA'I PHYIR, MNYAN BYA SMOS PA'I DGOS PA MNYAN BYA SMOS PA'I DGOS PA LAS SROG LA LDOG PA GRUB PA DGAG PA DNGOS NI, RTZA BAR, LDOG PA CAN NI NGES PA NYID, ,MED NA MI 'BYUNG YIN PAR BRJOD, , DE YANG 'BREL BA MED LA MED, ,DE NYID PHYIR NA RJES 'GRO GNAS, , RANG GI BDAG GAM RGYU DNGOS NI, ,GRUB NA LDOG PA GRUB 'GYUR BA, , DE YI PHYIR NA KHYAD PAR NI, ,LDOG MED RJES 'GRO'ANG YOD MA YIN, , MA MTHONG BA TZAM LA BRTEN NAS, ,LDOG PA'ANG 'BA' ZHIG CAN DU BSHAD, , DE YI PHYIR NA MA NGES PA, ,GZHAN DU GO BAR BYED PAR 'GYUR, , @IV-128 ZHES PAS, RIGS PA CAN GYIS SROG DE GSON LUS BDAG BCAS SU SGRUB PA'I LDOG PA RKYANG PA CAN GYI RTAGS YANG DAG YIN NO ZHE NA, SROG CHOS CAN, BDAG DANG MED NA MI 'BYUNG BA'I 'BREL BA GRUB PA YIN PAR BRJOD PAR THAL, DE SGRUB KYI LDOG PA'I KHYAB PA NYID NI NGES PA NYID YIN PA'I PHYIR, KHYAB STE, LDOG KHYAB DE YANG 'BREL BA MED PA LA MED PA'I PHYIR, 'DOD NA, DE SGRUB KYI RJES 'GRO GNAS PAR THAL, 'DOD PA DE NYID KYI PHYIR, KHYAD PAR SROG NI CHOS CAN, DE SGRUB KYI LDOG KHYAB MED CING RJES 'GRO'ANG YOD PA MA YIN PAR THAL, BDAG DE RANG GI BDAG NYID DAM RGYU'I DNGOS POR NI GRUB NA, LDOG PA GRUB PAR 'GYUR NA YANG BDAG DANG 'BREL MED YIN PA'I PHYIR, 'O NA, SROG LDOG PA CAN DU BSHAD PA DANG 'GAL LO ZHE NA, MI 'GAL TE, MI MTHUN PHYOGS LA MA MTHONG BA TZAM LA BRTEN NAS, LDOG PA'ANG 'BA' ZHIG PA CAN DU BSHAD PA YIN PA'I PHYIR, KHYAD PAR SROG CHOS CAN, DE SGRUB KYI MA NGES PA'I RTAGS YIN TE, PHYOGS CHOS GANG ZHIG , @IV-129 MI MTHUN PHYOGS LA MA MTHONG BA TZAM YIN PA'I PHYIR, DE'I PHYIR DE LAS GZHAN DU LDOG KHYAB GRUB NA, SROG CHOS CAN, GO BAR BYED PA'I RTAGS YANG DAG TU 'GYUR BAR THAL, DE SGRUB KYI PHYOGS CHOS GANG ZHIG ,LDOG KHYAB GRUB PA'I PHYIR, RTAGS KHAS BLANGS, ` DE'I LAN DGAG PA NI, RTZA BAR, GAL TE BDAG NI LDOG PA YIS, , SROG SOGS BDAG NI LDOG 'GYUR NA, ,SROG SOGS MED PAS BDAG MED LA, , KHYAB 'GYUR DE YANG YOD MA YIN, ,GZHAN LDOG PAR NI GYUR PA YIN, , GZHAN LDOG PAR NI MI RUNG PHYIR, ,DE BDAG DE LAS BYUNG ZHE NA, , GAL TE BDAG NI DMIGS PAS NA, ,DE DMIGS RTOGS PA MED PAR YANG, , MA RTOGS NA 'DI GRUB PAR 'GYUR, ,SHIN TU LKOG TU GYUR PA LA, , MTHONG DANG MA MTHONG DE GRUB MED, ,GZHAN LA MTHONG MED NGO BO CAN, , BUM SOGS LA MED CES GANG LAS, ,LDOG PA SHES PA MED PA YI, , LDOG PA'I KHYAB PA'ANG CI LTAR YIN, ,SROG SOGS LA LAR MTHONG BA YIS, , YOD MED NYID NI RTOGS PAR 'GYUR, ,GAL TE DE LTAR BDAG MTHONG NA, , @IV-130 YOD MED NYID NI RTOGS PAR 'GYUR, ,RGYU GANG ZHIG NI MED PA YIS, , BUM PA LA SOGS MTHONG MED PA, ,LUS LA'ANG GAL TE DE MED NA, , LUS LA MED PAR RIGS PA YIN, ,GAL TE CUNG ZAD CHOS MTHUN PHYIR, , THA DAD PA YANG DER RTOG NA, ,GZHAL BYA NYID PHYIR BUM SOGS RNAMS, , BDAG DANG BCAS PA CIS MI DPOG ,MI 'DOD CE NA TSAD MA NYID, , 'DOD PA KUN GYI RGYU YIN TE, ,DE MED PA NI DNGOS PO DANG, , DNGOS MED RNAM GZHAG GANG GIS NUS, ,SROG DANG MIG 'BYED LA SOGS NI, , DRAN 'DOD RTZOL BA LAS SKYES YIN, ,DE DAG YUL DBANG BLO LAS BYUNG, , DE YANG PHAN TSUN RKYEN LA NI, ,BLTOS PA'I RANG GI RIGS LAS BYUNG, , DE TZAM LAS 'DI BDAG DNGOS 'DI, ,RJES 'GRO LDOG PA LA BRTEN YIN, , GZHAN DU RTOG NA THUG PA MED, ,CES PAS, GAL TE BDAG NI LDOG PA YIS SROG SOGS DAG NI LDOG PAR 'GYUR TE, , SROG SOGS MED PAS BDAG MED LA KHYAB PAR 'GYUR BA'I PHYIR ZHE NA, BDAG LDOG NA SROG LDOG PAS KHYAB PA DE YANG YOD PAR 'DOD PA MIN TE, GZHAN DAG LDOG PAR NI GYUR BA YIS @IV-131 GZHAN SROG LDOG PAR NI MI RUNG BA'I PHYIR TE, BDAG SROG 'BREL MED THA DAD YIN PA'I PHYIR, RTAGS MA GRUB STE, SROG DE BDAG GI BDAG NYID DAM, BDAG DE LAS BYUNG BA'I PHYIR ZHE NA, SROG CHOS CAN, BDAG GI BDAG NYID MA YIN PAR THAL, KHYOD MI RTAG LA, BDAG DE RTAG DNGOS YIN PA'I PHYIR, SROG CHOS CAN, BDAG LAS MA BYUNG BAR THAL, BDAG DANG RGYU 'BRAS SU MA GRUB PA'I PHYIR TE, BDAG PHAN 'DOGS BYED DU YOD NA SKYE BAR MTHONG BA DANG, PHAN 'DOGS BYED DU MED NA SKYE BAR MA MTHONG BA DE NYID GRUB PA MED PA'I PHYIR TE, GAL TE, BDAG NI DMIGS PA NA KHYOD DMIGS, BDAG RTOGS PA MED PAR YANG KHYOD MI RTOGS NA, RJES SU 'GRO LDOG 'DI GRUB PAR 'GYUR NA YANG, BDAG DE YOD KYANG MTHONG RUNG MIN PA'I SHIN TU LKOG TU GYUR PA YIN PA'I PHYIR, RTAGS KHAS BLANGS, BUM SOGS CHOS CAN, KHYOD LA BDAG MED CES GANG LAS GRUB STE MA GRUB PAR THAL, BDAG DE GZHAN LA YOD KYANG MTHONG RUNG DU MED PA'I NGO BO CAN YIN PA'I PHYIR, @IV-132 'DOD NA, BDAG LDOG NA SROG LDOG PA'I KHYAB PA'ANG JI LTAR GRUB PA YIN TE MA YIN PAR THAL, BDAG LDOG PA SHES PA MED PA'I PHYIR, BUM SOGS CHOS CAN, BDAG MED DE, BDAG MA MTHONG BA'I PHYIR ZHE NA, SROG SOGS DE LA LAR MTHONG BA YIS, GSON LUS LA YOD, BUM PA LA MED PA NYID NI RTOGS PAR 'GYUR BA DE LTAR, GAL TE BDAG LA LAR MTHONG NA GSON LUS LA YOD, BUM PA LA MED PA NYID NI RTOGS PAR 'GYUR NA YANG, BUM SOGS CHOS CAN, BDAG MA MTHONG BAS MED PAR MI 'GRUB PAR THAL, BDAG DE YOD KYANG MTHONG RUNG MA YIN PA'I PHYIR, GSON LUS CHOS CAN, SROG MED PAR THAL, BDAG MED PA'I PHYIR ZHE NA, RGYU BLO GANG ZHIG NI MED PA YIS BUM PA LA SROG MTHONG BA MED PA LTAR, GAL TE GSON LUS LA'ANG BLO DE MED NA, GSON LUS LA SROG MED PAR RIGS PA YIN NA'ANG, GSON LUS CHOS CAN, BDAG MED PAS SROG MED PAR MA GRUB PAR THAL, BDAG SROG 'BREL MED THA DAD YIN PA'I PHYIR, GSON LUS CHOS CAN, SROG BCAS LA THA DAD PA DER YANG RTOG RIGS PAR THAL, @IV-133 GAL TE BUM PA DANG CUNG ZAD BDAG MED DU CHOS MTHUN PA'I PHYIR ZHE NA, BUM SOGS RNAMS CHOS CAN, BDAG DANG BCAS PA CIS MI DPOG STE DPOG RIGS PAR THAL, GSON LUS DANG GZHAL BYA NYID DU CHOS MTHUN PA'I PHYIR, DE BDAG BCAS SU MI 'DOD DO ZHE NA, BUM SOGS RNAMS CHOS CAN, BDAG BCAS SU 'DOD RIGS PAR THAL, BDAG BCAS SU TSAD MAS GRUB PA'I PHYIR, KHYAB STE, TSAD MAS GRUB PA NYID 'DOD PAR RIGS PA KUN GYI RGYU YIN PA'I PHYIR TE, TSAD MAS GRUB PA DE MED PAR NI, DNGOS PO DANG DNGOS MED KYI RNAM GZHAG GANG GIS NUS TE MI NUS PA'I PHYIR, BDAG DE BLO'I RGYU YIN NO ZHE NA, MA YIN PAR THAL, SROG DANG MIG 'BYED 'DZUM LA SOGS PA NI DRAN 'DOD RTZOL BA LAS SKYES PA YIN LA, DRAN 'DOD RTZOL BA DE DAG YUL DBANG BLO SNGA MA LAS BYUNG, YUL DBANG BLO SNGA MA DE YANG PHAN TSUN RKYEN LA NI LTOS PA'I RANG GI RIGS 'DRA SNGA MA LAS BYUNG BA'I PHYIR, NANG GI BDAG NYID KYI DNGOS PO 'DI CHOS CAN, RIGS 'DRA SNGA MA DE TZAM LAS BYUNG STE, DE PHAN 'DOGS BYED DU YOD PA DANG, MED PA'I RJES SU 'GRO BA DANG LDOG PA LA BRTEN PA YIN PA'I PHYIR, @IV-134 GONG GSAL DE CHOS CAN, RGYU THUG PA MED PAR THAL, RANG GI RIGS 'DRA SNGA MA LAS GZHAN DU BDAG RTAG PA RGYUR RTOG RIGS PA'I PHYIR, SROG DANG MNYAN BYA MTSUNGS PAR BSTAN PA SROG DANG MNYAN BYA MTSUNGS PAR BSTAN PA LAS MTSUNGS PA'I TSUL NI, RTZA BAR, 'KHRUL PA NYID KYI MNYAN BYA DANG, , SROG SOGS 'DI NI MTSUNGS PAR 'GYUR, ,MA YIN LDOG PA CAN YIN YANG, , 'DI NI 'KHRUL PA'I PHYIR ZHE NA, CI LTAR SGRUB MIN NYID LAS DE, , LDOG MIN 'O NA DON GYIS DE, ,BSGRUB BYA'I RJES 'JUG MIN DE LTAR, , BRJOD 'GYUR DE NI GZHAN LA'ANG MTSUNGS, ,SGRUB MIN NYID LAS RNAM GCAD CES, , BSGRUB BYA LA GNAS BRJOD PA YIN, ,DE NYID PHYIR NA DON GO BAS, , GCIG GIS GNYIS KA BSTAN PAR BRJOD, ,DE PHYIR RJES 'GRO MED PA LAS, , 'DI 'DRA'I MI 'KHRUL GRUB MA YIN, ,BKAG PA 'GOG PAR BYED PA NI, , SGRUB PA LAS GZHAN CI 'DRA ZHIG ,CES PAS MNYAN BYA DANG SROG SOGS 'DI NI CHOS CAN, LDOG KHYAB MA GRUB PAR MTSUNGS PAR 'GYUR TE, LDOG KHYAB 'KHRUL PA NYID KYIS MTSUNGS PA'I PHYIR, MTSUNGS PA MA YIN TE, SROG LDOG PA CAN YIN YANG, @IV-135 MNYAN BYA 'DI NI LDOG PA 'KHRUL PA'I PHYIR ZHE NA, JI LTAR 'KHRUL DRIS PAS, MNYAN BYA CHOS CAN, LDOG PA 'KHRUL TE, BSGRUB MIN NYID DE MI MTHUN PHYOGS KHO NA LAS LDOG PA MIN PAR, MTHUN PHYOGS LAS KYANG LDOG PA'I PHYIR ZHE NA, MNYAN BYA CHOS CAN, 'O NA DON GYI BSGRUB BYA'I RJES SU 'JUG PA MIN PAS LDOG PA 'KHRUL PA DE LTAR BRJOD DGOS PAR 'GYUR BAR THAL, MTHUN PHYOGS LAS LDOG PAS LDOG PA 'KHRUL PA'I PHYIR, 'DOD NA, GZHAN SROG CHOS CAN, LDOG PA 'KHRUL PAR THAL, MTHUN PHYOGS LA MI 'JUG PA DE NI KHYOD LA'ANG MTSUNGS PA'I PHYIR, DON GYI GO BAS RJES SU 'GRO LDOG GANG RUNG GCIG GIS GNYIS KA BSTAN PAR BRJOD DE, BSGRUB MIN NYID LAS RNAM PAR BCAD CES PA'I TSIG GIS, BSGRUB BYA LA GNAS PA BRJOD PA YIN PA DE NYID KYI PHYIR, RJES 'GRO MED PA LAS MI 'KHRUL BA 'DI 'DRA BA'I LDOG KHYAB GRUB PA MA YIN TE, RJES SU 'GRO LDOG PHAN TSUN MI 'KHRUL BA DE'I PHYIR, SROG CHOS CAN, MTHUN PHYOGS LA BSGRUB PA LAS GZHAN CI 'DRA ZHIG YIN TE MA YIN PAR THAL, @IV-136 MTHUN PHYOGS LA BKAG PA 'GOG PAR BYED PA NI YIN PA'I PHYIR, ` DE DAG GI SKABS SU, t'IK CHEN RIGS PA'I RGYA MTSOR ZHIB TU BLTAS NA GO BA CHEN PO LEN THUB BO,, MNYAN BYA DANG SROG SOGS MI MTSUNGS PAR 'DOD PA DGAG PA MNYAN BYA DANG SROG SOGS MI MTSUNGS PAR 'DOD PA DGAG PA NI, RTZA BAR, BSGRUB BYA MED LAS LDOG MED PA, , DES NA SGRUB MIN NYID LA MED, ,CES PAS BSGRUB MIN NYID DE MI MTHUN PHYOGS KHO NA LA MED DE, BSGRUB BYA MTHUN PHYOGS LAS LDOG PA MED PA'I PHYIR TE, MTHUN PHYOGS DNGOS MED YIN PA'I PHYIR, KHYAB STE, DNGOS MED DGAG SGRUB KYI GZHIR MI RUNG BA'I PHYIR ZHE NA, ` DNGOS MED DGAG SGRUB KYI GZHIR MI RUNG BA DGAG PA NI, RTZA BAR, MED CES LDOG PA DE NYID NI, CI LTAR MED LAS LDOG PAR 'DOD, ,LDOG PA MED PA SGRUB PA YIN, ,DNGOS YOD MED NA'ANG YOD YIN LA, ,DNGOS PO MED PA'ANG YOD MIN ZHES, BLUN PO YI NI DPYOD LA LTOS, ,GAL TE DE LAS LDOG MED NA, ,GTAN TSIGS 'JUG PAR 'DOD DAM CI, ,DE YANG MIN NA LDOG BKAG NI, ,'DI NYID YIN NA CI STE 'GOG ,CES PAS GSON LUS BDAG BCAS SU SGRUB PA'I @IV-137 MTHUN PHYOGS CHOS CAN, SROG MED CES LDOG PA DE NYID NI JI LTAR KHYOD LAS LDOG PAR 'DOD DE 'DOD MI RIGS PAR THAL, DNGOS MED YIN PA'I PHYIR, SROG CHOS CAN, MTHUN PHYOGS LA BSGRUB PA YIN PAR THAL, MTHUN PHYOGS LAS LDOG PA MED PA'I PHYIR, 'DOD NA, RIGS PA CAN PA CHOS CAN, BLUN PO YI NI DPYOD TSUL LA LTOS PA YIN TE, SROG GI DNGOS POR YOD PA MTHUN PHYOGS LA MED NA'ANG YOD PA YIN LA, DNGOS PO MED PA YOD NA'ANG YOD PA MIN ZHES 'DOD PA'I PHYIR, GAL TE, GTAN TSIGS SROG DE MTHUN PHYOGS LAS LDOG PA MED NA'ANG MTHUN PHYOGS LA 'JUG PAR 'DOD DAM CI BYAS PAS, MTHUN PHYOGS LA 'JUG PA DE YANG MIN NA, SROG CHOS CAN, MTHUN PHYOGS LA 'JUG PA CI STE 'GOG STE 'GOG MI RIGS PAR THAL, MTHUN PHYOGS LAS LDOG PA BKAG PA NI 'DI NYID YIN PA'I PHYIR, ` THA SNYAD RGYUN CHAD PAR THAL BA NI, RTZA BAR, SGRUB DANG DGAG PA MA GTOGS PAR, ,SGRA LAS BYUNG BA'I THA SNYAD GZHAN,, YOD MIN DE YANG MED PA LA, ,MED PHYIR 'DIR NI MI SMRA THOB, , YOD PA RNAMS LA DGAG PA MED, ,DE NI MED LA'ANG YOD MA YIN, , @IV-138 RIGS PA 'DI YIS 'GRO BA LA, ,DGAG PA'I DON NI MED PAR 'GYUR, , GAL TE YUL DUS 'GOG CE NA, ,CI LTAR DE YOD DE LTAR NI, , MI 'GOG CI LTAR DE MED PA, ,DE LTAR YANG NI 'GOG MI 'GYUR, , ZHES PAS DNGOS PO MED PA 'DIR NI CHOS CAN, MI SMRA BA THOB PAR THAL, SGRUB PA DANG DGAG PA MA GTOGS PAR, SGRA LAS BYUNG BA'I THA SNYAD GZHAN YOD PA MIN, THA SNYAD DE YANG KHYOD LA 'JUG PA MED PA'I PHYIR, RIGS PA 'DI YIS 'GRO BA LA DGAG PA'I DON NI MED PAR 'GYUR BAR THAL, CHOS DE YOD PA RNAMS LA CHOS DE DGAG PA MED LA, CHOS DE DGAG PA DE NI CHOS DE MED PA LA'ANG YOD PA MA YIN PA'I PHYIR, GAL TE BUM PA YUL DUS LA LTOS NAS 'GOG GO ZHE NA, BUM PA DE CHOS CAN, YUL DUS LA LTOS NAS KYANG MI 'GOG PAR THAL, YUL DUS LA LTOS NAS KYANG JI LTAR YOD PA DE LTAR NI MI 'GOG LA, JI LTAR MED PA DE LTAR YANG NI 'GOG PAR MI 'GYUR BA'I PHYIR, DGAG SGRUB KYI DNGOS RTEN SGRA DON DU SGRUB PA RANG LA MTSUNGS PA SPONG BA LAS DGAG SGRUB KYI DNGOS RTEN SGRA DON DU SGRUB PA NI, RTZA BAR, DE PHYIR DNGOS DNGOS MED RTEN CAN, , @IV-139 PHYI ROL RTEN MIN SGRA DON LA, ,BRTEN NAS 'DIR NI SGRUB PA DANG, , DGAG PA THAMS CAD 'DOD PA YIN, ,DE 'DRA MED NA'ANG CHOS CAN DE, , DE DAG DANG NI 'BREL BAR SNANG, ,DE YANG SGRA 'JUG PA NYID LAS, , YOD CES THA SNYAD RTEN PAR 'DOD, ,CES PAS DGAG SGRUB KYI THA SNYAD RGYUN CHAD PAR THAL, CHOS DE YOD NA SGRUB MI DGOS SHING, DGAG MI NUS, MED NA DGAG MI DGOS SHING BSGRUB MI NUS PA'I PHYIR ZHE NA, DGAG SGRUB KYI DNGOS RTEN PHYI ROL RANG MTSAN MIN TE, DE YIN PA LA RIGS PAS GNOD PA'I PHYIR, DE'I PHYIR DGAG SGRUB KYI DNGOS RTEN SGRA DON LA BRTEN NAS 'DIR NI SGRUB PA DANG DGAG PA THAMS CAD 'DOD PA YIN TE, DGAG SGRUB DON DAM PAR GRUB PA DE 'DRA MED NA'ANG, CHOS CAN SGRA DE DGAG SGRUB DE DAG DANG NI 'BREL BAR SNANG BA'I PHYIR, SGRA DON CHOS CAN, GSUM YOD DE, DNGOS PO DNGOS MED DANG GNYIS KA LA BRTEN PA'I SGRA DON RNAMS SU YOD PA'I PHYIR, SGRA DON DE YANG YOD CES THA SNYAD RTEN PAR 'DOD DE, SGRA 'JUG PA NYID YIN PA'I PHYIR, DGAG SGRUB KYI RTEN DNGOS PO YIN PA @IV-140 'GOG GI, DGAG SGRUB KYI RTEN YIN NA DNGOS MED YIN PAS MA KHYAB BO,, ` RANG MTSAN YIN PAR DGAG PA NI, RTZA BAR, DE LTA MIN NA DON RNAMS KYI, CHOS GCIG BSGRUBS SAM BKAG PA NA, , BDAG NYID THAMS CAD BSGRUBS PA DANG, ,BKAG 'GYUR BDAG THA DAD MED PHYIR, , THA DAD YIN NA GZHAN DANG GZHAN, ,BKAG PA DANG NI BSGRUBS PA BZHIN, , BSGRUBS PA DANG NI DGAG PA DAG ,CHOS CAN GCIG LA 'DU MI 'GYUR, , ZHES PAS DE LTA MIN PAR DGAG BSGRUB KYI DNGOS RTEN RANG MTSAN YIN NA, DON SGRA RNAMS KYI STENG DU BYAS PA LTA BU'I CHOS GCIG BSGRUBS SAM MA BYAS PA LTA BU GCIG BKAG PA NA, MI RTAG PA LA SOGS PA'I BDAG NYID THAMS CAD BSGRUBS PA DANG RTAG PA LA SOGS PA THAMS CAD BKAG PAR 'GYUR BAR THAL, BYAS MI RTAG BDAG NYID THA DAD MED PA'I PHYIR, KHYAB PA KHAS, RTAGS MA GRUB STE, RDZAS THA DAD DO ZHE NA, BYAS MI RTAG BSGRUBS PA DANG MA BYAS RTAG PA BKAG PA DAG CHOS CAN, SGRA GCIG LA GZHI MTHUN DU 'DU BAR MI 'GYUR BAR THAL, BYAS MI RTAG RDZAS THA DAD YIN PA'I PHYIR, DPER NA, BUM SNAM GZHAN DANG GZHAN BKAG @IV-141 PA DANG NI BSGRUBS PA GZHI MTHUN MIN PA BZHIN NO,, ` THA SNYAD JI LTAR BYED TSUL NI, RTZA BAR, SNA TSOGS CHOS KYI GZHIR GYUR PA,, CHOS CAN GCIG GI DBANG BYAS TE, ,GCIG SGRUB PA NA DE RTEN DANG,, GZHAN RNAMS BTANG SNYOMS LTA BU DANG, ,'GOG NA DE YIS DBEN PA DANG,, DE LAS GZHAN LA LTOS LTA BU, ,MED PA YI NI DON CAN GYI,, THA SNYAD JI LTAR BLOS BSTAN PA, ,DE BZHIN NYID DE MA BRTAGS PAR,, THA DAD DON RTEN KHAS LEN PA, ,THOG MED BAG CHAGS LAS BYUNG BA'I,, 'JIG RTEN DON LA GNOD MI 'GYUR, ,DE 'BRAS CAN DANG DE 'BRAS MED,, DE DE LAS THA DAD DON GCIG ,THA DAD RTEN CAN 'PHEL BA DANG,, 'GRIB PA LTA BUR BYED PA YI, ,BSLAD PA DE DANG DE DAG GIS,, 'BREL BA 'GAL LAS DE LDAN NYID, ,MIN YANG MTHONG BAS SBYOR DES NA,, DE DAG BSLAD PA'ANG SHES MA YIN, ,ZHES PAS KHYOD RANG GI LUGS LA DGAG SGRUB KYI THA SNYAD JI LTAR BYED CE NA, NGED KYI LUGS LA DGAG SGRUB KYI DNGOS KYI RTEN RANG MTSAN YIN TE, SNA TSOGS PA'I CHOS KYI GZHIR GYUR PA'I CHOS CAN SGRA LTA BU GCIG GI DBANG @IV-142 DU BYAS TE, BYAS PA GCIG BSGRUBS PA NA BYAS PA DE GSAR DU BRTEN PA LTA BU DANG, MI RTAG PA LA SOGS PA GZHAN RNAMS BTANG SNYOMS LTA BU DANG, MA BYAS PA 'GOG NA MA BYAS PA DE YIS GSAR DU DBEN PA LTA BU DANG, DE LAS GZHAN BYAS PA LA GSAR DU LTOS PA LTA BUR SNANG BA'I PHYIR, RTOG PA'I SNANG BA DNGOS POR MED NA, TSAD MAS GNOD PAR 'GYUR RO ZHE NA, THOG MA MED PA'I BAG CHAGS LAS BYUNG BA'I 'JIG RTEN DGAG SGRUB BYED PA'I RTOG PA'I DON LA TSAD MAS GNOD PAR MI 'GYUR TE, DNGOS PO MED PA'I DON CAN GYI THA SNYAD JI LTAR BLOS BSTAN PA'I DE BZHIN NYID DE DNGOS POR YOD MED MA BRTAGS PAR THA DAD PA'I DON RANG MTSAN LA BRGYUD NAS BRTEN PA'I THA SNYAD DON MTHUN KHAS LEN PA'I PHYIR, RTOG PA'I SNANG BA DNGOS POR MED NA DGAG SGRUB KYI THA SNYAD JI LTAR 'JUG CE NA, DON BUM PA GCIG CHOS CAN, DGAG SGRUB DU MA 'JUG STE, CHU MI SKYOR BA DE LAS KYANG THA DAD, GRANG BA SKYOB PA DE LAS KYANG THA DAD PA'I PHYIR TE, CHU SKYOR BA DE'I 'BRAS BU CAN DANG, @IV-143 GRANG BA SKYOB PA DE'I 'BRAS BU MED PA CAN YIN PA'I PHYIR, SGRA'I STENG DU MI RTAG PA GSAR DU 'PHEL BA LTA BU DANG, RTAG PA GSAR DU 'GRIB PA LTA BUR BYED PA'I BSLAD PA DE DANG DE DAG CHOS CAN, GZUNG DON DE DANG LDAN PA MIN YANG, RANG MTSAN MNGON SUM DU MTHONG BA LA SBYOR TE, DE MIN YANG THA DAD PA'I RANG MTSAN LA BRTEN PA'I 'BREL BA 'GA' LAS DE LTAR SBYOR NUS PA'I PHYIR, DE DAG CHOS CAN, RANG NYID BSLAD PA'ANG RANG GIS SHES PA MA YIN TE, SNANG BTAGS SO SOR MI PHYED PA'I BLO YIN PA'I PHYIR, t'IK CHER, CHU SKYOR BA'I 'BRAS BU CAN DANG, BZHO BKAL DANG, GDUNG 'DEGS PA SOGS DE'I 'BRAS BU MED PA'I SGO NAS LOG PA DE DANG, DE LAS THA DAD PA'I LDOG PA DU MA YOD PA'I PHYIR ZHES DANG, THA SNYAD DE DAG 'KHRUL PAR TSAD MA GZHAN GYIS SGRUB DGOS ZHES GSUNGS, ` MTHUN PHYOGS LAS LDOG PA MED PAS LDOG PA GRUB PA DGAG PA NI, RTZA BAR, YOD NYID SGRUB BYED 'JUG PA'I PHYIR,, DE MED MA YIN THE TSOM 'GYUR, ,KHAS BLANGS TSAD MA MIN PA LAS,, @IV-144 MED PA NYID KYANG RIGS MA YIN, ,MED LAS LDOG PA MED NA YANG,, MTHUN PHYOGS LAS LDOG THE TSOM ZA, ,DE LA THE TSOM ZA PHYIR TE,, MI MTHUN PHYOGS LAS LDOG PAR YANG, ,PHUNG PO NYID LAS GCIG LA NI,, NGES PAR GRUB NA GZHAN LAS NI, ,LDOG GRUB MA MTHONG BA YIN YANG,, MTHONG MED DAG LA THE TSOM ZA, ,GSAL LA KHYAB BYED MA YIN YANG,, DE YI RIGS GYUR DON YOD PAS, ,MA MTHONG BAS 'GAR NGES MED DE,, MKHREGS PA MTSON GYIS MI CHOD BZHIN, ,ZHES PAS BUM PA CHOS CAN, BDAG DE MED PA MA YIN PAR THE TSOM DU 'GYUR BAR THAL, KHYOD DANG GSON LUS BDAG MED PAR BSGRUB DKA' SLA MTSUNGS PA GANG ZHIG , GSON LUS LA BDAG YOD PA NYID KYI SGRUB BYED 'JUG PA'I PHYIR, BUM PA CHOS CAN, BDAG MED DE, SANGS RGYAS PAS DE LTAR KHAS BLANGS PA'I PHYIR ZHE NA, BUM PA CHOS CAN, SANGS RGYAS PAS BDAG MED PAR KHAS BLANGS PA LAS BDAG MED PA NYID KYANG RIGS PA MA YIN PAR THAL, SANGS RGYAS PA'I KHAS BLANGS TSAD MA MIN PA'I PHYIR, MA GRUB NA, GSON LUS CHOS CAN, BDAG MED PAR THAL LO, ,MTHUN PHYOGS @IV-145 DNGOS MED LAS LDOG PA MED NA YANG, SROG CHOS CAN, MTHUN PHYOGS LAS LDOG PA LA THE TSOM ZA BAR THAL, BDAG DE LA YOD MED THE TSOM ZA BA'I PHYIR, 'DOD NA, MI MTHUN PHYOGS LAS LDOG PAR YANG THE TSOM ZA BAR THAL LO, ,KHYAB STE, BDAG YOD MED KYI PHUNG PO GNYIS LAS GCIG LA NI NGES PAR GRUB NA, GZHAN LAS NI LDOG PA GRUB PA'I PHYIR, GSON LUS CHOS CAN, MI MTHUN PHYOGS KHA GCIG LA MA MTHONG BAS MI MTHUN PHYOGS LA MED NGES SU MI 'GRUB PAR THAL, MI MTHUN PHYOGS KHA CIG LA MA MTHONG BA YIN YANG, YOD KYANG MTHONG RUNG DU MED PA'I MI MTHUN PHYOGS DAG LA THE TSOM ZA BA'I PHYIR, MI MTHUN PHYOGS 'GA' ZHIG LA MA MTHONG BAS MED PAR NGES PA MED DE, BDAG MED KYI GSAL BA LA KHYAB BYED MA YIN YANG, BDAG MED PA'I RIGS SU GYUR PA'I DON LA YOD SRID PAS SO, ,DPER NA, SHING GI MKHREGS PA MTSON GYIS CHOD KYANG, RDO RJE PHA LAM GYI MKHREGS PA MTSON GYIS MI CHOD PA BZHIN NO,, ` SROG GO BYED YIN PA DGAG PA LAS 'GAL BA MED PAS GO BYED MIN PA NI, @IV-146 RTZA BAR, YOD LA 'GAL BA MA MTHONG NA, ,THE TSOM GANG LAS LDOG PAR 'GYUR, ,DE YANG LA LAR DE 'BRAS DANG, ,BDAG TU NGES LAS GZHAN CI YOD,, DES NA BDAG MED PA LAS KYANG, ,'DI NI LDOG PA THE TSOM ZA,, LDOG TU CHUG PA DE LTA NA'ANG, ,BDAG MED MED LAS BDAG MI 'GYUR,, GANG GIS DE NI LDOG MED PA, ,NGES PAR DNGOS POR 'DOD MA YIN,, DPER NA SROG SOGS MTHUN PHYOGS LA, ,LDOG PA MED KYANG YOD MIN BZHIN,, GAL TE GTAN TSIGS MTHUN PHYOGS LAS, LDOG MED DES RGYUS RJES 'GRO CAN,, RJES 'GRO CAN MIN LDOG MIN NA, ,BDAG MED MA YIN BDAG BCAS MIN, , ZHES PAS SROG CHOS CAN, BDAG MED LAS LDOG PA LA THE TSOM GANG LAS LDOG PAR 'GYUR TE MI 'GYUR BAR THAL, BDAG MED LA YOD PA LA 'GAL BA MA MTHONG BA'I PHYIR, MA GRUB NA, SROG CHOS CAN, LA LAR BDAG DE'I 'BRAS BU DANG DE'I BDAG NYID DU NGES PA LAS GZHAN CI YOD DE MED PAR THAL, BDAG MED DANG 'GAL BA DE YANG MA YIN PA'I PHYIR, 'DI NI CHOS CAN, BDAG MED PA LAS KYANG LDOG PAR THE TSOM ZA BAR THAL, @IV-147 BDAG MED DANG 'GAL BA MA YIN PA'I PHYIR, BDAG MED LAS LDOG TU CHUG PA DE LTA NA'ANG, BDAG MED LA MED PA LAS BDAG BCAS SU MI 'GYUR BAR THAL, GANG GIS CHOS DE NI LDOG PA MED PA DE NGES PAR DNGOS POR TE YOD PAR 'DOD PA MA YIN PA'I PHYIR, DPER NA, SROG SOGS MTHUN PHYOGS LAS LDOG PA MED KYANG YOD PA MIN PA BZHIN, GAL TE SROG SOGS CHOS CAN, MTHUN PHYOGS LA RJES 'GRO CAN YIN PAR THAL, MTHUN PHYOGS LAS LDOG PA MED PA DE'I RGYUS SO, ,MA KHYAB NA, BDAG MA YIN BDAG BCAS KYANG MIN PAR THAL, MTHUN PHYOGS LA RJES SU 'GRO BA CAN MIN ZHING LDOG PA MIN PA'I PHYIR, ` 'BREL BA MED PAS GO BYED MIN PA BSTAN PA LAS DE BYUNG 'BREL MED PA BSTAN PA GO BYED 'BREL BA LA LTOS PA NI, RTZA BAR, 'JUG LA GANG GI RANG BDAG NYID, ,GANG MED MI 'BYUNG CAN GRUB PA,, DE PHYIR DE NYID LDOG BYED DE, ,'JUG PA NA YANG 'JUG BYED YIN,, MED NA MI 'BYUNG DE YANG NI, ,SGRUB PAR BYED LA LTOS PA YIN,, @IV-148 'BRAS BU MTHONG DANG MA MTHONG BA, ,DE DAG RGYU DANG 'BRAS BU NYID, , CES PAS DU LDAN GYI LA LA ME 'JUG PAR SGRUB PA LA, DU BA GANG GI RANG GI BDAG NYID RTAGS SU BKOD PA'I TSE NA, DU BA CHOS CAN, ME DE NYID LOG PA NA LDOG PAR BYED DE, ME GANG PHAN 'DOGS BYED DU MED NA MI 'BYUNG BA CAN DU GRUB PA DE'I PHYIR, ME MED NA DU BA MI 'BYUNG BA'I 'BREL BA DE YANG NI, SGRUB PAR BYED PA KHYAD PAR CAN LA LTOS PA YIN TE, ME PHAN 'DOGS BYED DU YOD NA 'BRAS BU DU BA SKYE BAR MTHONG BA DANG, ME PHAN 'DOGS BYED DU MED NA SKYE BAR MA MTHONG BA LAS ME DU DE DAG RGYU DANG 'BRAS BU NYID DU GRUB PA'I PHYIR, ` DE SROG LA MA GRUB PA NI, RTZA BAR, DE YOD NA YOD NGES MED PHYIR, ,DON GZHAN RTOGS PA YOD MA YIN,, RTAG TU YOD PA'AM MED PA NA, ,DE DAG MED PAR MI SRID PHYIR,, 'BRAS BU RANG BZHIN THA DAD RNAMS, ,RGYU RNAMS LAS NI BYUNG BA'I PHYIR,, DE DAG MED PAR GZHAN LAS BYUNG, ,CI LTAR DES BSKYED RANG BZHIN YIN,, TSOGS PA'I NUS PA THA DAD PHYIR, ,DNGOS RNAMS SNA TSOGS NGO BO NYID,, @IV-149 GAL TE THA DAD BYED MIN NA, ,'GRO 'DI NGO BO GCIG TU 'GYUR, , ZHES PAS SROG DE CHOS CAN, KHYOD LAS GSON LUS LA DON GZHAN BDAG RTOGS PA YOD PA MA YIN PAR THAL, KHYOD YOD NA BDAG YOD PA'I NGES PA MED PA'I PHYIR, BDAG DE DAG MED PA NA SROG DE DAG MED PAR 'GYUR BA MI SRID DE, BDAG DE RTAG TU YOD PA'I PHYIR, LDOG PA 'BA' ZHIG LAS RGYU 'BRAS 'GRUB PA MIN TE, RJES 'GRO GRUB PAS RGYU 'BRAS GRUB PA'I PHYIR ZHE NA, SROG DE CHOS CAN, JI LTAR BDAG DES BSKYED PA'I RANG BZHIN YIN TE MA YIN PAR THAL, BDAG DE DAG MED PAR RGYU GZHAN LAS BYUNG BA'I PHYIR, KHYAB STE, 'BRAS BU'I RANG BZHIN THA DAD PA RNAMS RGYU THA DAD PA RNAMS LAS NI BYUNG BA'I PHYIR, DE'I RGYU MTSAN NI DNGOS PO RNAMS CHOS CAN, RDZAS SNA TSOGS PA'I NGO BO NYID YIN TE, RGYU RKYEN TSOGS PA'I NUS PA LAS NGO BO THA DAD DU SKYES PA'I PHYIR, GAL TE RGYU RKYEN THA DAD LAS SKYES PA DE RDZAS THA DAD PA'I 'JOG BYED MIN NO ZHE NA, 'GRO BA DNGOS PO 'DI KUN NGO BO GCIG @IV-150 TU 'GYUR BAR THAL LO,, ` DE LA RTZOD SPANG NI, RTZA BAR, 'DI THA DAD BYED THA DAD BYED, ,MIN NA RANG BZHIN GCIG NYID NYAMS, ,GCIG NI RANG BZHIN DU MA NA, ,ME DANG ME MIN RANG BZHIN GNYIS,, DES NA GZHAN NI DES BSKYED PA'I, ,RANG BZHIN YIN NA DE DE NYID,, DES BSKYED RANG BZHIN MA YIN NA, ,DE NI DE LAS CI LTAR 'BYUNG,, DE LTAR RGYU DANG 'BRAS BU DAG ,PHAN TSUN RANG BZHIN NGES PA NYID,, DES NA RANG BZHIN MTHONG BA BZHIN, ,'BRAS MTHONG NA YANG DE RTOGS 'GYUR, , ZHES PAS RGYU RKYEN THA DAD LAS SKYES PA DE RDZAS THA DAD DU 'JOG BYED MIN TE, DU BA DE ME LAS KYANG SKYES DE LAS THA DAD PA BRGYA BYIN GYI SPYI BOS KYANG SKYED PAR BYED PA DE'I PHYIR ZHE NA, BRGYA BYIN GYI SPYI BO GCIG NI CHOS CAN, RANG BZHIN GCIG NYID NYAMS NAS ME DANG ME MIN GYI RANG BZHIN GNYIS YIN PAR THAL, DU BA SKYED BYED DANG ME MIN RANG BZHIN DU MA YIN PA'I PHYIR, GZHAN BRGYA BYIN GYI SPYI BO NI CHOS CAN, ME YOD DE NYID YIN PAR THAL, DU BA DE SKYED PA'I RANG BZHIN YIN PA'I PHYIR, DU BA DE SKYED PA'I RANG BZHIN MIN @IV-151 NO ZHE NA, DU BA DE NI JI LTAR 'BYUNG STE MI 'BYUNG BAR THAL LO, ,ME'I RANG BZHIN LAS DU BA SKYE BAR MTHONG BA BZHIN DU, 'BRAS BU DU BA MTHONG NA YANG ME DE RTOGS PAR 'GYUR, ME DU RGYU DANG 'BRAS BU DAG TU PHAN TSUN RANG BZHIN NGES PA NYID YIN PA'I PHYIR TE, DU BA ME LAS 'BYUNG GI ME MIN LAS MI 'BYUNG BA DE'I PHYIR, ` DE'I LAN DGAG PA NI, RTZA BAR, CHU DANG 'O MA RUL 'GYUR BZHIN,, DU MA LAS GCIG JI LTAR 'GYUR, ,GSHER NUS GANG LAS RUL 'GYUR TE,, GNYIS KA'ANG GCIG NYID CI 'DI NI, ,THA DAD GCIG PA'I BDAG NYID DAM,, THA DAD GSHER NYID JI LTAR YIN, ,RANG RANG NGO BO LA GNAS PHYIR,, DE YI RANG BZHIN CAN GYI BLO, ,THA DAD MED PHYIR GCIG CES BRJOD,, DE BZHIN ME NI THA DAD KYANG, ,CHA GANG GIS NI MER RTOGS PA'I,, RTEN YIN DES NI DU BSKYED PA, ,DES NI DE LTAR RTOGS PA YIN, , MER SHES YAN LAG GZHAN LAS NI, LTOS PA NYID LAS BYUNG BA'I PHYIR,, DU BA DE LA 'KHRUL MED CAN, ,DE LTAR 'BRAS GZHAN DE BZHIN GRUB,, DU BA BUD SHING 'GYUR BA YI, ,YAN LAG RTEN LA MER 'JOG PHYIR,, @IV-152 GAL TE ME MIN DE DU MIN, ,GAL TE DE DU ME DE NYID, , CES PAS RGYU DU MA LAS 'BRAS BU GCIG 'BYUNG STE, JI LTAR CHU DANG 'O MA LAS 'BRAS BU RUL PA GCIG 'BYUNG BAR 'GYUR BA BZHIN NO ZHE NA, CHU DANG 'O MA GNYIS KA CHOS CAN, RIGS GCIG NYID YIN TE, GSHER BA'I NUS PA GANG LAS 'BRAS BU RUL BA GCIG SKYED PAR 'GYUR BA'I PHYIR, CI CHU 'O 'DI NI RDZAS THA DAD DANG RIGS GCIG PA'I BDAG NYID GNYIS KA YIN PAR THAL, RIGS GCIG GANG ZHIG , MNGON SUM LA SO SOR SNANG BA'I PHYIR, 'DOD NA, RDZAS THA DAD NA GSHER BA NYID DU RIGS GCIG PA JI LTAR YIN ZHE NA, CHOS CAN, RDZAS THA DAD YIN TE, RANG RANG GI NGO BO LA GNAS PA'I DNGOS PO THA DAD YIN PA'I PHYIR, CHU 'O GNYIS RIGS GCIG CES BRJOD DE, RIGS GCIG PA DE'I RANG BZHIN CAN GYI BLO'I RGYUR THA DAD MED PA'I PHYIR, DE BZHIN DU TZAN DAN DANG SHUG PA'I ME NI, RDZAS THA DAD KYANG RIGS GCIG YIN TE, ME MIN LAS LOG PA'I CHA GANG GIS NI MER RTOGS PA'I RTEN YIN PA'I PHYIR, DU BA CHOS CAN, @IV-153 ME YOD PA DE LTAR RTOGS PA YIN TE, ME DES NI BSKYED PA DES NA'O, , DU BA CHOS CAN, ME DE LA 'KHRUL PA MED PA CAN YIN TE, MER SHES PA'I YAN LAG GZHAN BUD SHING LAS NI LTOS PA'I ME NYID LAS BYUNG BA'I PHYIR, DE LTAR DU 'BRAS BU GZHAN YANG CHOS CAN, RANG RGYU LA MI 'KHRUL BA DE BZHIN DU 'GRUB STE, RANG RGYU LAS SKYES PA'I PHYIR, GAL TE BRGYA BYIN GYI SPYI BO DE CHOS CAN, KHYOD LAS SKYES PA'I SNGO 'PHYUR BA DE DU BA MIN PAR THAL, KHYOD ME YOD MIN PA'I PHYIR, SPYI BO DE CHOS CAN ME YOD DE NYID YIN PAR THAL, GAL TE KHYOD LAS SKYES PA'I SNGO 'PHYUR BA DE DU BA YIN PA'I PHYIR, KHYAB STE, DU BA DANG BUD SHING GI 'GYUR BA'I YAN LAG GI RTEN DMAR 'BAR BA DE LA MER 'JOG PA'I PHYIR, ` BDAG GCIG 'BREL MED PAS GO BYED MIN PA NI, RTZA BAR, CI LTAR RANG RGYU LA LTOS NAS, ,RANG BZHIN MED NA MI 'BYUNG BAR, SHES BYA 'JIG DANG BYAS PA NYID, , GONG DU JI SKAD BSHAD BZHIN NO, ,ZHES PAS RANG BZHIN GYI GTAN TSIGS CHOS CAN, RANG GI BSGRUB BYA'I CHOS MED NA MI 'BYUNG BAR SHES PAR @IV-154 BYA STE, RANG GI BSGRUB BYA'I CHOS LA 'BREL BA'I RGYU MTSAN JI LTAR RIGS PA LA LTOS NAS 'BREL BA'I PHYIR, 'JIG PA DANG BYAS PA GNYIS 'BREL BAR GONG DU JI SKAD BSHAD PA BZHIN NO, , ` TSUL DES RIGS CAN GZHAN YANG KHEGS PA NI, RTZA BAR, LDOG CAN MTSUNGS PA BSTAN PA'I PHYIR, ,MNYAN BYA NYID NI BRJOD MDZAD LAS, ,GTAN TSIGS MIN NYID RTOGS PA YI, ,TSUL 'DIS THAMS CAD DPAG PAR BYA, ZHES PAS PHYOGS CHOS CAN GYI RAB DBYE 'CHAD PA'I SKABS SU MNYAN BYA NYID NI DPER BRJOD PAR MDZAD PA CHOS CAN, KHYOD LAS SROG GTAN TSIGS YANG DAG MA YIN PAR RTOGS PA'I TSUL 'DIS, LDOG PA RKYANG PA CAN DU 'DOD PA'I RTAGS THAMS CAD DPAG PAR BYA STE, SROG DANG MNYAN BYA LDOG PA CAN DU MTSUNGS PAR BSTAN PA'I PHYIR, MA DMIGS PA'I RGYU KHYAB BYED MA DMIGS PA LOGS SU MI STON PA'I RGYU MTSAN MA DMIGS PA'I RGYU KHYAB BYED MA DMIGS PA LOGS SU MI STON PA'I RGYU MTSAN NI, RTZA BAR, RGYU DANG NGO BO LDOG NYID KYIS, DON LDOG PAR NI BRJOD PA LAS, ,MI DMIGS DPE NI GRUB PA'I PHYIR, THA DAD PAR NI MA BSHAD DO, ,DE LA'ANG SKYES BU MTHONG MED LAS, ,SROG SOGS @IV-155 LDOG PA MED PA'I PHYIR, ,GTAN TSIGS THE TSOM ZA BSHAD PAS, , BLTAR RUNG DON LA DE ZHES BSTAN, ,'DIS NI DNGOS LA'ANG DNGOS PO'I CHA, ,KHAS BLANGS MED PAR DGAG PA NYID, ,SGRUB BYED SNGA MA DAG GIS NI, MA YIN SGRUB PAR BYED PHYIR RO, ,ZHES PAS RANG BZHIN 'BRAS BU GRUB DON DU GTAN TSIGS GNYIS SMOS NAS, RGYU KHYAB BYED MA DMIGS PA'I DPER BRJOD MI 'CHAD PA'I RGYU MTSAN CI ZHE NA, RGYU KHYAB BYED MA DMIGS PA'I RTAGS CHOS CAN, PHYOGS CHOS CAN RAB DBYE 'CHAD PA'I SKABS SU, 'BRAS RANG GI RTAGS LAS THA DAD PAR NI KHYOD KYI DPER BRJOD MA BSHAD PA'I RGYU MTSAN YOD DE, SNANG RUNG GI RGYU DANG KHYAB BYED KYI NGO BO LDOG PA NYID KYIS 'BRAS BU DANG KHYAB BYA'I DON LDOG PAR NI BRJOD PA LAS, KHYOD KYI DPE NI GRUB PA'I PHYIR, RGYU KHYAB BYED MA DMIGS PA LA SNANG RUNG GI KHYAD PAR DE GANG LAS THOB CE NA, RGYU KHYAB BYED MA DMIGS PA DE LA'ANG BLTAR RUNG BA'I DON LA MA DMIGS PA DE MED PA'I GO BYED YIN NO ZHES BSTAN TE, SKYES BU STE BDAG MTHONG RUNG DU MED PA @IV-156 LAS SROG SOGS LDOG PA MED PA'I PHYIR TE, GTAN TSIGS SROG DE GSON LUS BDAG BCAS SU SGRUB PA'I MI MTHUN PHYOGS LAS LDOG PA LA THE TSOM ZA BAR BSHAD PAS SO, ,RTAGS THAMS CAD RNAM BCAD TZAM SGRUB PA MA YIN PAR THAL, RGYU KHYAB BYED MA DMIGS PA 'DIS NI CHOS CAN DNGOS PO LA'ANG, DNGOS PO'I CHA KHAS BLANGS PA MED PAR MED DGAG NYID SGRUB BYED YIN LA, SNGA MA 'BRAS RANG DAG GIS NI DNGOS SU SGRUB PA DANG, SHUGS LA MA YIN DGAG SGRUB PAR BYED PA'I PHYIR, RANG BZHIN MA DMIGS PA'I RTAGS BZHED PA RANG BZHIN MA DMIGS PA'I RTAGS BZHED PA NI, RTZA BAR, DE LA DMIGS RUNG RNAMS KYI NI, , YOD PA DMIGS PA LAS GZHAN MIN, ,DE PHYIR MI SHES SHES BYA'I PHYIR, , MI DMIGS DPE GCIG BZHED PA YIN, YUL MED PHYIR DER YUL CAN NI,, SHES BRJOD THE TSOM 'GOG 'GYUR TE, ,DPER NA SREG PAR BYED MIN PHYIR, , ME MA YIN ZHES BYA BA BZHIN, ,DMIGS SU RUNG BA'I MED PA NI, , MI DMIGS PA LAS GZHAN MA YIN, ,DE PHYIR DE YOD PA LAS DE'I, , RGYU MTSAN CAN GYI SGRA SHES SGRUB, ,SNANG BA MA MTHONG NA MED CES, , @IV-157 BYA BA'I THA SNYAD 'DI GRUB PAS, ,DE 'BRAS YIN YANG DE LAS NI, , BLO SGRA THE TSOM MED PAR 'GRUB, ,YUL YOD NA YANG RMONGS PAS 'DIR, , GZHAN DAG RJES SU MI BRJOD PA, ,GRUB PA DANG NI CHOS MTHUN LAS, , BRDA DRAN BYED PA 'BA' ZHIG GO , ,CI LTAR MTHONG DANG MA MTHONG LAS, , RGYU DANG 'BRAS NYID SGRUB BZHIN TE, ,DE GNYIS LA NI 'BRAS SOGS SGRA, , THA SNYAD DON DU BKOD PA YIN, ,ZHES PAS RANG BZHIN MA DMIGS PA'I RTAGS MI BZHED DAM, DE'I DPER BRJOD MI 'CHAD PA'I RGYU MTSAN CI ZHE NA, SLOB DPON PHYOGS GLANG CHOS CAN, SNANG RUNG MA DMIGS PA LA MED PA'I THA SNYAD MI SHES PA SHES PAR BYA BA'I PHYIR DU, RANG BZHIN MA DMIGS PA'I DPE GCIG BZHED PA YIN TE, DE LA DMIGS RUNG RNAMS KYI NI YOD PA'I 'JOG BYED TSAD MAS DMIGS PA LAS GZHAN YOD PA MIN PA DE'I PHYIR, 'O NA RANG BZHIN MA DMIGS PA'I DPE JI LTA BU ZHE NA, YUL SNANG RUNG DMIGS PA MED PA'I PHYIR, GZHI DER CHOS DE'I YUL CAN GYI SHES RJOD THE TSOM 'GOG PAR 'GYUR TE, DPER NA, GZHI 'GA' @IV-158 ZHIG CHOS CAN, ME MA YIN TE, SREG PAR BYED PA MIN PA'I PHYIR ZHES BYA BA BZHIN NO, ,SNANG RUNG MA DMIGS PAS MED NGES SGRUB NUS PA'I RGYU MTSAN CI ZHE NA, SNANG RUNG MA DMIGS PA DE YOD PA LAS MED PA DE'I RGYU MTSAN CAN GYI SGRA SHES SGRUB NUS TE, DMIGS SU RUNG BA'I MED PA 'JOG BYED NI, SNANG RUNG MI DMIGS PA LAS GZHAN YOD PA MIN PA DE'I PHYIR, BUM PA SNANG RUNG MA MTHONG BA CHOS CAN, KHYOD KYIS BUM MED SGRUB MI NUS PAR THAL, BUM MED DE KHYOD KYI RNAM GZHAG GI 'BRAS BU YIN PA'I PHYIR, KHYAB STE RGYU NI 'BRAS BU LA 'KHRUL BA'I PHYIR ZHE NA, BUM PA SNANG RUNG MA MTHONG BA CHOS CAN, BUM MED DE KHYOD KYI RNAM GZHAG GI 'BRAS BU YIN YANG, KHYOD LAS BUM PA'I BLO SGRA THE TSOM GYI YUL BUM PA MED PAR 'GRUB STE, KHYOD YIN NA BUM PA MED CES BYA BA'I THA SNYAD 'DI GNAG RDZI'I BAR GYI GRUB PAS SO, , 'O NA, BUM PAS DAG PA'I SA PHYOGS CHOS CAN, BUM MED BSGRUB MI DGOS PAR THAL, BUM PA SNANG RUNG MA DMIGS PA GRUB PA'I @IV-159 PHYIR ZHE NA, 'DIR CHOS CAN, YUL BUM PA SNANG RUNG MA DMIGS PA GRUB ZIN DU YOD NA YANG, PHYIR RGOL GZHAN DAG BUM PA MED PAR RJES SU MI BRJOD PA'I RGYU MTSAN YOD DE, BUM PA MED PA'I THA SNYAD LA RMONGS PA SRID PA'I PHYIR, BUM MED KYI DON BSGRUB MI DGOS TE, SNANG RUNG MA DMIGS PA LA MED PA'I THA SNYAD GRUB PA DANG NI CHOS MTHUN PAR BSTAN PA LAS, BUM MED KYI BRDA DRAN PAR BYED PA 'BA' ZHIG YIN PA'I PHYIR, JI LTAR ME PHAN 'DOGS BYED DU YOD NA DU BA SKYE BAR MTHONG BA DANG, ME MED NA DU BA SKYE BAR MA MTHONG BA LAS, ME RGYU DANG DU BA 'BRAS BU NYID DU SGRUB PA BZHIN TE, DON GZHAN SNGA MA YOD MED KYI RJES SU 'GRO LDOG BYED PA PO DANG, DON GZHAN PHYI MA YOD MED KYI RJES SU 'GRO LDOG BYAS PA DE GNYIS LA NI, 'BRAS BU DANG SOGS PA RGYU'I SGRA BKOD PA CHOS CAN, DON YOD DE, THA SNYAD ZOR YANG BAR BYA BA'I DON DU YIN PA'I PHYIR, ` DE LOGS SU MI STON PA'I RGYU MTSAN DNGOS NI, RTZA BAR, @IV-160 RGYU LAS 'BRAS BU BSGRUB PAS NA, ,'DI NI RANG BZHIN NANG 'DUS PHYIR, , GTAN TSIGS DBYE BA BSHAD PA LAS, ,THA DAD PAR NI DPER MA BSTAN, , ZHES PAS RANG BZHIN MA DMIGS PA'I DPER BRJOD LOGS SU MI 'CHAD PA'I RGYU MTSAN, RANG BZHIN MA DMIGS PA'I RTAGS 'DI NI GTAN TSIGS KYI DBYE BA 'CHAD PA'I SKABS SU 'BRAS RANG GI RTAGS LAS THA DAD PAR NI, DPER BRJOD MA BSTAN TE, RANG BZHIN GYI RTAGS NANG DU 'DUS PA'I PHYIR TE, RNAM 'JOG GI RGYU LAS RNAM 'JOG GI 'BRAS BU SGRUB PA'I RTAGS YIN PA'I PHYIR, ` RTZOD SPANG DNGOS LAS PHYOGS CHOS MNGON SUM GYIS GRUB PAR BSTAN PA NI RTZA BAR, GCIG DMIGS NYAMS SU MYONG BA LAS, ,'DI NI DMIGS SO ZHES BYA 'AM, , MA DMIGS SO ZHES RTOG CAN GYI, ,BLO NI SKYE BAR 'GYUR BA YIN,, MYONG BA KHYAD PAR CAN NYID LAS, ,DON RNAMS KHYAD PAR CAN DU RTOGS, , ZHES PAS BUM PA SNANG RUNG MA DMIGS PA CHOS CAN, , KHYOD KYIS BUM MED SGRUB MI NUS PAR THAL, KHYOD TSAD MAS MA DMIGS PA'I PHYIR ZHE NA, BUM PA SNANG RUNG MA DMIGS @IV-161 PA TSAD MAS MA GRUB PA'I SKYON MED DE, GCIG SA PHYOGS DAG PA BA DMIGS PA'I DBANG MNGON NYAMS SU MYONG BA'I RANG RIG MNGON SUM LAS, SA PHYOGS 'DI NI DMIGS SO ZHES BYA BA 'AM BUM PA 'DI NI MA DMIGS SO ZHES BYA BAR RTOG PA CAN GYI BLO GNYIS NI SKYE BAR 'GYUR BA YIN PA'I PHYIR, CI DMIGS ZHES PAS CHOG MOD NYAMS SU MYONG BA ZHES SMOS PAS CI BYA ZHE NA, NYAMS SU MYONG BA ZHES SMOS PA'I DON YOD DE, MYONG BA KHYAD PAR CAN NYID LAS DON RNAMS KHYAD PAR CAN DU RTOGS PA'I CHED YIN PA'I PHYIR, ` SGRUB PA'I TSUL NI, RTZA BAR, DE LTA'I BDAG NYID CAN MYONG NI, , 'DI NI THA DAD BLO RGYU YIN, ,DE PHYIR BLO DBYE RANG NYID LAS, , GRUB 'GYUR DE DAG GI DE'I DON, ,DE LTA MIN NA THUG MED PHYIR, , 'GA' YANG THA DAD GRUB MI 'GYUR, ,RANG BZHIN KHYAD PAR CAN MYONG LAS, , GZHAN GSAL BA NI GZHAN MA YIN, ,DE PHYIR DE MI DMIGS PA YANG, , DE LAS KHYAD PAR CAN DMIGS NYID, ,DES NA MI DMIGS PA 'DI NI,, RANG NYID MNGON SUM LAS RTOGS PAS, ,RANG NYID TZAM GYIS 'JUG PA CAN,, @IV-162 DE MIN RNAM GZHAG GO BYED YIN, ,ZHES PAS BUM 'DZIN DBANG MNGON DANG DAG 'DZIN DBANG MNGON GYI BLO'I DBYE BA RANG RIG NYID LAS GRUB PAR 'GYUR LA, BLO DE DAG GIS DE'I DON GYI DBYE BA 'GRUB PAR 'GYUR TE, SA PHYOGS DAG PA BA DE LTA BU'I BDAG NYID KYI RNAM PA CAN GYI DBANG MNGON MYONG BA'I RANG RIG NI, DAG 'DZIN MNGON SUM 'DI NI BUM 'DZIN MNGON SUM LAS THA DAD DU 'BYED PA'I BLO'I RGYU YIN PA'I PHYIR, DE LTA MIN NA, SA PHYOGS DAG PA BA 'GA' YANG CHOS CAN, BUM PA MED PA'I SGRUB BYED THUG MED DU THAL, BUM PA SNANG RUNG MA DMIGS PA MNGON SUM GYIS MA GRUB PA'I PHYIR, 'DOD NA, DE CHOS CAN, BUM PA YOD PAS THA DAD DU 'GRUB PAR MI 'GYUR BAR THAL LO, BUM PA SNANG RUNG MA DMIGS PA 'DI NI RANG NYID MNGON SUM LAS RTOGS PA YIN TE, BUM PA 'DI SNANG RUNG MI DMIGS PA YANG, BUM PA DE LAS KHYAD PAR CAN GYIS PHYOGS DMIGS PA NYID DANG, TSAD MA GCIG GI BYED PA 'JUG PA'I YUL YIN PA'I @IV-163 PHYIR TE, BUM PA'I RANG BZHIN LAS KHYAD PAR CAN GYI SA PHYOGS MYONG BA'I MNGON SUM LAS GZHAN BUM 'DZIN GSAL BA NI GZHAN MA YIN PA'I PHYIR TE DE GNYIS TSAD MA GCIG BYED PA 'JUG PA'I YUL YIN PA'I PHYIR, t'IK CHER SA PHYOGS LAS DGAG BYA GZHAN BUM PA BSAL BA'I DGAG PA NI ZHES 'GREL, BUM PA SNANG RUNG MA DMIGS PA CHOS CAN, BUM PAS DAG PA'I SA PHYOGS SU RANG NYID YOD TZAM GYIS 'JUG PA CAN GYI BUM PA DE MED PA'I RNAM GZHAG GO BYED YIN TE, DE SGRUB KYI TSUL GSUM YIN PA'I PHYIR, ` DE LAS GZHAN DU THUG MED DU THAL BA NI, RTZA BAR, GZHAN DU DON GYI MED PA NYID, ,MI DMIGS PA LAS RTOGS PAR 'GYUR,, GZHAN GYIS DMIGS PA MED PA NYID, ,YIN PA'I PHYIR NA THUG MED 'GYUR, , ZHES PAS GZHAN DU RJES DPAG GIS GRUB NA, BUM PAS DAG PA'I SA PHYOGS CHOS CAN, BUM PA MED PA'I DON GYI SGRUB BYED THUG MED DU 'GYUR BAR THAL, BUM PA MED PAR BUM PA SNANG RUNG MA DMIGS PA LAS RTOGS PAR 'GYUR LA, BUM PA DMIGS PA MED PA NYID DE YANG GTAN TSIGS GZHAN GYIS BSGRUB DGOS PA'I PHYIR, @IV-164 MA MTHONG BA TZAM GYIS MED NGES SU SGRUB MI NUS PAR BSTAN PA MA MTHONG BA TZAM GYIS MED NGES SGRUB MI NUS PAR BSTAN PA NI, RTZA BAR, MI SNANG NGES PA MI RUNG PHYIR, ,GZHAN DU GZHAG PA 'GOG 'GYUR DPER,, SEMS CAN GZHAN LA RTAGS MED PA'I, ,RNAM RTOG LA SOGS MI 'GRUB BZHIN,, 'BRAS BU NGES MED CAN 'DIS NI, ,LDOG PA SGRUB PAR NUS MA YIN,, NGES PA BSGRUB PHYIR GTAN TSIGS LA, ,DANG PO'I DBANG DU BYAS PA YIN, , ZHES PAS MA MTHONG BA TZAM GYIS MED NGES LAS GZHAN DU YOD NGES KYI THA SNYAD BZHAG PA 'GOG PAR 'GYUR TE, MI SNANG BA TZAM GYIS MED PAR NGES PA MI RUNG BA'I PHYIR, DPER NA, SEMS CAN GZHAN LA RTAGS MED PAR RNAM RTOG LA SOGS PA RGYU BA'I GRANGS MA MTHONG BA TZAM GYIS MED PAR MI 'GRUB PA BZHIN NO, ,BUM PA MA MTHONG BA TZAM 'DIS NI, BUM PA LDOG PA SGRUB PAR NUS PA MA YIN TE, 'BRAS BU BUM PA MED PAR NGES PA MED PA CAN YIN PA'I PHYIR, MA DMIGS PA'I GTAN TSIGS LAS MED NGES SGRUB NUS PA DE DANG PO SNANG RUNG MA DMIGS PA'I DBANG DU BYAS PA YIN TE, SNANG RUNG MA DMIGS PAS MED PAR NGES PA SGRUB NUS PA'I PHYIR, @IV-165 ` 'GAL ZLA DMIGS PA'I RTAGS LOGS SU MI STON PA'I RGYU MTSAN NI, RTZA BAR, RANG GI SBYOR BA DAG LA DE'I, ,RANG GI NGO BO SBYOR BA'AM,, DON LA GNOD BYED NGO BO STE, ,YOD NA YOD PAS MED PHYIR RAM,, PHAN TSUN THA DAD GRUB PHYIR TE, ,BRTEN DNGOS DANG NI 'JIG PA BZHIN,, TSAD MA GZHAN GYIS GNOD PHYIR YANG, ,NGES GYUR DANG NI LTOS BCAS BZHIN,, RGYU GZHAN LAS SKYE NYE BAR NI, ,GDON MI ZA BAR GA LA YOD,, DNGOS PO RGYU LAS BYUNG YIN NA, ,BRGYUD PA'I DUB PAS CI ZHIG BYA,, GAL TE RGYU DE 'JIG PA GZHAN, ,BSKYED PAS DE NI 'JIG 'GYUR NA,, DNGOS PO DE NYID 'JIG PA YI, ,NGANG DU BSKYED NA CI ZHIG 'GYUR,, DE NI BDAG NYID GRUB GYUR NA, ,BDAG LA PHAN 'DOGS BYED PA GANG,, BDAG LA PHAN 'DOGS BYED MIN NA, ,DE YIS LTOS BYA GANG CI ZHIG , LTOS MED DNGOS PO NAM YANG NI, ,DE LTA MIN PAR CI LTAR 'GYUR,, DPER NA DE NYID 'JIG KA MAR, ,SDOD LA BRTEN PA MI 'DOD BZHIN,, LTOS PA MED NA SKAD CIG KYANG, ,DNGOS PO YOD MIN 'GYUR ZHE NA,, DE LTAR GYUR TE DNGOS NYID YIN, DNGOS MED DE LTAR CI LTAR 'GYUR, GANG DAG DE YOD GZHAN LTOS MED,, @IV-166 DE DAG DE YOD LA DES YIN, ,'BRAS BU LAS LA GEGS BYED PA,, MED PA CAN GYI TSOGS PA BZHIN, ,ZHES PAS PHYOGS CHOS CAN GYI RAB DBYE 'CHAD PA'I SKABS SU, 'GAL ZLA DMIGS PA'I RTAGS KYI DPER BRJOD MI 'CHAD PA'I RGYU MTSAN GANG ZHE NA, DE RANG BZHIN MA DMIGS PA'I NANG DU 'DUS LA, RANG BZHIN MA DMIGS PA LOGS SU MI 'CHAD PA'I RGYU MTSAN BSHAD ZIN TO, ,MA DMIGS PA'I RTAGS LA DU ZHE NA, MA DMIGS PA RANG GI SBYOR BA DAG CHOS CAN, GNYIS SU YOD DE, MA DMIGS PA DE'I RANG GI NGO BO RTAGS SU SBYOR BA'AM, DGAG BYA'I CHOS KYI DON LA GNOD BYED KYI NGO BO RTAGS SU SBYOR BA GNYIS YOD PA'I PHYIR, DGAG BYA'I CHOS LA GNOD BYED DE, LHAN CIG MI GNAS 'GAL DANG, PHAN TSUN SPANGS 'GAL GNYIS LAS DANG PO NI, TSA REG DES GRANG REG LA GNOD BYED YIN TE, GRANG REG RGYUN MA GTAGS PAR YOD PA NA TSA REG NYE BAR YOD PAS, GRANG REG MED PAR SONG BA'I PHYIR, t'IK CHER, GNOD BYA GRANG REG RGYUN LDAN DU 'BYUNG BZHIN PA YOD PA NA GNOD BYED @IV-167 MI NYE BAR YOD PA'I STOBS KYIS GRANG REG RGYUN MED PAR SONG BA MTHONG BA'I PHYIR, MI RTAG PA RTAG PA DANG DNGOS 'GAL, DE GNYIS PHAN TSUN GRUB PAS TE RNAM GCOD YONGS GCOD KYI SGO NAS DNGOS SU MI MTHUN PAR GNAS PA YIN PA'I PHYIR TE, BRTEN DNGOS DANG NI 'JIG PA BZHIN NO, ,'JIG NGES SU GYUR BA DANG NI 'JIG PA PHYIS BYUNG GI RGYU LA LTOS BCAS BZHIN TE, 'JIG NGES CHOS CAN, 'JIG PA PHYIS BYUNG GI RGYU LA LTOS BCAS DANG BRGYUD 'GAL YIN, DE LA TSAD MA GZHAN GYIS GNOD PA'I SGO NAS 'GAL BA'I PHYIR, JI LTAR 'GAL ZHE NA, BUM PA CHOS CAN, NYE BAR GDON MI ZA BAR NI 'JIG PA GA LA YOD DE MED PAR THAL, 'JIG PA PHYIS BYUNG GI RGYU GZHAN LAS SKYES PA'I PHYIR, MA KHYAB STE, BUM PA'I DNGOS PO'I RGYU LA 'JIG RGYU SKYE, DE LAS 'JIG PA BYUNG BA YIN PA'I PHYIR ZHE NA, CHOS CAN, RANG RGYU LAS 'JIG RGYU 'BYUNG LA, DES 'JIG PA'I BRGYUD PA'I DUB PAS CI ZHIG BYA STE DON MED PAR THAL, RANG GRUB TZAM NAS 'JIG NGES YIN PA'I PHYIR, GAL TE 'JIG RGYU DES 'JIG PA @IV-168 GZHAN SKYED PAS, BUM PA DE NI 'JIG PAR 'GYUR NA BUM PA'I DNGOS PO DE NYID 'JIG PA'I NGANG DU SKYED NA SKYON CI ZHIG TU 'GYUR DRIS PAS, GNAS TSUL DANG MI MTHUN PA YIN ZHE NA, DE NI CHOS CAN, 'JIG RGYU DON GZHAN DES BDAG LA PHAN 'DOGS BYED PA GANG LAS YIN TE MA YIN PAR THAL, BDAG NYID GRUB PAR GYUR PA YIN PA'I PHYIR, 'DOD NA, CHOS CAN, 'JIG RGYU DON GZHAN DE'I LTOS BYA GANG CI ZHIG YIN STE MA YIN PAR THAL, DE BDAG LA PHAN 'DOGS BYED MIN PA'I PHYIR, CHOS CAN, NAM YANG 'JIG NGES DE LTA MIN PAR JI LTAR 'GYUR TE MI 'GYUR BAR THAL, 'JIG PA PHYIS BYUNG GI RGYU LA LTOS MED KYI DNGOS PO YIN PA'I PHYIR, DPER NA, BUM PA DE NYID 'JIG KHA MAR SKAD CIG GNYIS PAR SDOD PA LA BRTEN PAR MI 'DOD PA BZHIN NO, ,PHYIS BYUNG GI RGYU LA LTOS PA MED PAR 'JIG NA SKAD CIG KYANG DNGOS POR YOD PA MIN PAR 'GYUR ZHE NA, CHOS CAN, LTOS MED DU 'JIG PA DE LTAR GYUR PA DE DNGOS PO NYID YIN TE, DNGOS MED BLTOS MED DU 'JIG PA DE LTAR JI LTAR 'GYUR TE MI 'GYUR BA'I PHYIR, GANG DAG CHOS DE LA YOD PA GZHAN LA LTOS PA MED PA DE DAG RANG GRUB TZAM NAS CHOS @IV-169 DE LA YOD NGES YIN TE, 'BRAS BU MYU GU SKYE BA'I LAS LA GEGS BYED PA MED PA CAN GYI MYU GU'I RGYU TSOGS PA THA MA BZHIN DU, BUM PA 'DI YANG PHYIS BYUNG GI RGYU LA LTOS MED DU 'JIG PA YIN NO ZHES BYA BA NI RANG BZHIN GYI GTAN TSIGS SO MI RTAG PA SGRUB PA'I RANG BZHIN RTAGS KYIS MJUG BSDU MDZAD PA'I DGOS PA MI RTAG PA SGRUB PA'I RANG BZHIN GYI RTAGS KYIS MJUG BSDU BAR MDZAD PA NI DGOS PA CHE TE, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ,ZHES PA LTAR, 'KHOR BA'I SDUG BSNGAL THAMS CAD ZHI BA'I MYA NGAN LAS 'DAS PA 'THOB PA YANG, GANG ZAG GI BDAG MED PA RTOGS PA'I SHES RAB KYIS SRID PA'I SDUG BSNGAL THAMS CAD KYI RTZA BA 'JIG TSOGS LA LTA BA'I RI BO MTHON PO BCOM PAR BYAS PA NYID LA RAG LAS SHING, DE LTA'I MYA NGAN LAS 'DAS PA'I GO 'PHANG RIN PO CHE'I GLING DU PHYIN PAR BYA BA'I PHYIR, BDAG MED RTOGS PA'I GRU GZINGS DAM PA 'TSOL BAR BYED PA YANG 'KHOR BA'I 'BROG DGON PA SDUG BSNGAL BRGYA PHRAG DU MA'I 'BYUNG GNAS SU RIG PA'I RTZA BA CAN YIN ZHING, DE THAMS CAD KYANG PHUNG PO MI RTAG PAR RTOGS PA LA RAG LAS PA YIN PAS, BSTAN BCOS 'DIR LTA BA BKAR BTAGS KYI PHYAG BRGYA BZHI'I NANG NAS KYANG 'DUS BYAS MI RTAG PA NYID SGRUB PA'I RIGS PA RGYAS PAR BSHAD PA YIN NO,, @IV-170 ` MJUG BSDU BA LAS GZHUNG 'DI RTOGS DKA' BA DANG RTOGS NA DON CHE BA BSTAN PA NI RTZA BAR, BLO YI NUS PA CHUNG BA MED PA DE DAG GIS KYANG ZAB MO'I DE NYID RTOGS MED CAN,, BRTZON 'GRUS SHIN TU LHAG PAR GYUR PA DE DAG GIS KYANG MCHOG GI DE NYID MTHONG MED LDAN, ,'GRO BA RNAMS LA MTSUNGS PAR LEGS BSHAD SLAR 'DZIN BYED PA MI RNYED PA CAN KHO BO'I GZHUNG, ,RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR, ,TSUL DANG TSUL MIN RNAM PAR 'BYED MKHAS LTA BA NGAN PA'I TSANG TSING BSREG ,'PHAGS PA NYID KYI RJES SU BZUNG BAS YANG DAG RIG PA'I LAM STON PA, GZHUNG LUGS NYIN BYED YON TAN BRGYA LDAN BLO NGAN NYID SPONG 'JIGS PA SPANGS, DE LTA MOD KYI BLO MIG RNAM DAG MKHAS PA'I PADMO RGYAS BYED YIN, TSAD MA RNAM 'GREL LAS GZHAN GYI DON GYI TSIG LE'UR BYAS PA STE LE'U BZHI PA'O, ` MTHAR PHYIN PA'I TSUL NI RTZA BAR, TSAD MA RNAM 'GREL GYI TSIG LE'UR BYAS PA 'DI NI YUL LHO PHYOGS KYI RGYUD DU BYUNG BA GZHUNG LUGS NGAN PA THAMS CAD CHES SHIN TU 'KHRUL PAR 'JUG PA SNYAN PA'I GRAGS PAS SA'I STENG MA LUS PAR KHYAB PA 'GRAN ZLA MED PA'I MKHAS PA CHEN PO DPAL CHOS KYI GRAGS PAS MDZAD PA RDZOGS SO,,,, @IV-171 GONG GI GZHUNG DON DE DAG GI MTHA' DPYOD RGYAS PAR BSHAD GNYIS PA MTHA' CUNG ZAD DPYAD PA LA, SGRUB NGAG DANG SUN 'BYIN GNYIS KYI KHYAD PAR, THAL 'GYUR YANG DAG GIS MTHA' GCIG TU 'DZIN PA'I LOG RTOG BSAL NAS, DON 'GYUR GYI THE TSOM 'DREN PAR BYED, SGRUB NGAG GIS THE TSOM DE YANG BSAL NAS RJES DPAG TSAD MA 'DREN PAR BYED PA STE, DPER NA, RTAG NA MA BYAS PAS KHYAB PA NGES SHING SGRA BYAS PA YANG NGES LA, SGRA RTAG PAR KHAS LEN PA'I RGOL BA DE LA, SGRA CHOS CAN, MA BYAS PAR THAL, RTAG PA'I PHYIR ZHES BKOD PA NA, RGOL BA DE YI BLOR MI 'DOD PA SGRA MA BYAS PAR 'PHEN PA NA, SGRA RTAG PA MTHA' GCIG TU 'DZIN PA'I LOG RTOG BZLOG STE, PHAL CHER SGRA MI RTAG SNYAM PA'I THE TSOM 'DREN, SLAR YANG, RGOL BA DE LA, RTAG NA MA BYAS PAS KHYAB, DPER NA, NAM MKHA' BZHIN, SGRA NI BYAS ZHES PA'I SGRUB NGAG BKOD PA NA, THE TSOM DE YANG BZLOG PAR BYAS NAS, BSGRUB BYA SGRA MI RTAG PA LA GO BA BSKYED PAS @IV-172 SGRUB NGAG DANG, SUN 'BYIN GNYIS BYED LAS MI 'DRA BA YIN, DE 'DRA'I THAL 'GYUR LA BRTEN NAS THE TSOM SKYE BA DANG, SGRUB NGAG LA BRTEN NAS RJES DPAG SKYE BA YOD NA, THAL 'GYUR DANG, SGRUB NGAG GNYIS PO RE RE NAS, DE 'DRA'I THE TSOM DANG, RJES DPAG GNYIS PO RE RE NAS SKYED BYED YIN MI DGOS TE, RTZA'I ME DANG, TZAN DAN GYI ME LAS DU BA SKYE BA YOD KYANG, DE GNYIS DU BA SKYED BYED YIN MI DGOS PA BZHIN NO, , GZHAN DU NA, BYAMS PA'I MA LAS BU MI SKYE BAR KHAS LEN DGOS PA SOGS SKYON DU MA 'BYUNG BA'I PHYIR, ` LE'U DANG PO DANG LE'U BZHI PA GNYIS LOGS SU BRTZAMS PA'I DGOS PA DNGOS KYI 'BRAS BU THA DAD PA'I PHYIR ZHES 'GOD, LE'U DANG POS TSUL GSUM PA'I RTAGS SBYOR DNGOS BSTAN BSTAN BYA'I GTZO BOR BYAS NAS BSTAN, LE'U BZHI PAR SGRUB NGAG BSTAN BYA'I GTZO BOR BYAS NAS BSTAN PAS, DE GNYIS KYI DNGOS KYI 'BRAS @IV-173 BU THA DAD PA STE, RTAGS SBYOR GYIS RTAGS CAN RJES DPAG DANG, SGRUB NGAG GIS TSUL GSUM CIG CAR DU DRAN PA'I SHES PA 'DREN PAR BYED, SGRA THOS PA'I NYAN SHES NI, RTAGS SBYOR DANG SGRUB NGAG GNYIS KAR 'DRA BA'I PHYIR, RNAM NGES DAR t'IK LAS KYANG, THAL BA'I RTAGS BLO YUL DU SONG BA'I DNGOS KYI 'BRAS BU NI, MI 'DOD PA 'PHEN PA YIN LA, RANG RGYUD KYI RTAGS BLO YUL DU SONG BAS NI, BSGRUB BYA LA DNGOS SU NGES PA BSKYED PAR BYED PA YIN NO, ,DE YANG KHYAB PA NGES PA SNGON DU SONG NA YIN GYI, MTHA' GCIG TU NI MA NGES SO, ,RGYUD GCIG DANG, RGYUD THA DAD KYI DBYE BA MA PHYED PAR DNGOS 'BRAS DANG BRGYUD 'BRAS LA BSAM NA, LE'U GNYIS PAR DGRA BCOM 'CHI KHA MA'I SEMS DE'I 'BRAS BUR GYUR PA'I KUN MKHYEN YE SHES YOD PAR GSUNGS PA DE DNGOS 'BRAS YIN PA LAS GZHAN MED, ` GRANGS CAN LA, BLO BDE CHOS CAN, SEMS MED BEM PO YIN TE, SKYE 'JIG CAN YIN PA'I PHYIR ZHES PA'I RTAGS LA DGAG @IV-174 PA BYED PA NA, GZHAN GYI KHAS BLANGS TZAM RTAGS SU MI RUNG BA BSTAN, GRANGS CAN PAS, 'O NA BYE BRAG PAS BA LANG GI SPYI CHA MED RANG GI GSAL BA KUN LA DUS GCIG TU 'PHRO 'DU 'BREL BA BYED PA KHAS LEN PA LA, BA LANG GI SPYI CHOS CAN, CHA DU MA DANG BCAS PAR THAL, RANG GI GSAL BA DU MA LA DUS GCIG TU 'PHRO 'DU 'BREL BA'I PHYIR ZHES PA'ANG, BYE BRAG PA'I KHAS BLANGS RTAGS SU BKOD NAS DGAG PA DE MI 'THAD PAR 'GYUR RO ZHE NA, DE GNYIS MI 'DRA STE, RANG GI GSAL BA DU MA DANG DUS GCIG TU 'BREL NA, CHA DANG BCAS PAS KHYAB LA, SKYE 'JIG CAN YIN NA SEMS MED BEM PO YIN PAS MA KHYAB CES PA'O, SANGS RGYAS PA'I LUNG RTAGS SU, MI RUNG NA, LE'U GSUM PA'I SKABS SU, RIGS MI MTHUN RNAMS RTZOM MED PHYIR, ,ZHES BYE BRAG PA'I LUNG RTAGS SU BKOD NAS SGRUB PA JI LTAR YIN, GZHAN YANG, RDUL PHRAN CHA MED CHOS CAN, CHA DANG BCAS PAR THAL, RANG GI GSAL @IV-175 BA DU MA LA DUS GCIG TU 'BREL BA'I PHYIR, RTAGS KHYAB GNYIS KA KHAS LEN DGOS, RDUL PHRAN CHA MED GSAL BA DU MA'I SPYI YIN PA 'DOD DGOS, KHYAB PA YANG GRUB STE, RNAM BSHAD LAS DE LTAR GSUNGS SO, ,GO RAM PA'I TSAD MA LAS, BA LANG GI SPYI CHOS CAN, GSAL BA DU MA LA DON LA KHYAB PA MA YIN TE, DU MA MIN PA'I PHYIR ZHES BKOD, 'O NA, BUM PA CHOS CAN DU BYAS NAS 'PHEN NA LAN JI LTAR BRJOD, ` PHYOGS KYI MTSAN NYID KYI SKABS SU TSAD MAS BSAL BA MA SMOS PA NI, PHYOGS KYI MTSAN NYID MTSAN GZHI GANG LA ZHUGS DPYOD PAR BZHED PA YIN LA, TSAD MAS BSAL BA NI, MTSAN NYID GANG LA 'JUG MI 'JUG DPYOD PA'I GZHIR MI RUNG BA'I PHYIR ZHES GSUNGS, DE LA, t'IK CHEN RIGS PA'I RGYA MTSOR, BOD SNGA MA KHA CIG GI 'DOD PA BKOD NAS DE NI MI 'THAD DE, GRANGS CAN GYIS SGRA RTAG PA GZHAN DON BSGRUB BYAR KHAS LEN PA'I TSE, SGRA RTAG PA GZHAN DON BSGRUB BYA YIN PA 'GOG PA DANG, @IV-176 MA YIN PAR SGRUB PA'I RTAGS YANG DAG MI SRID PAR THAL, TSAD MAS BSAL NA GZHAN DON BSGRUB BYA'I MTSAN NYID 'JUG MI 'JUG DPYOD PA'I GZHIR MI RUNG DGOS PA'I PHYIR, ZHES GSUNGS YANG, THAR LAM GSAL BYED LAS, RGYAS BSHAD LA, 'DOD PA RGYAS BSHAD, RANG NYID RGYAS BSHAD, MA BSAL BA'I RGYAS BSHAD, CES 'CHAD PA LA, t'IK CHER, GZHUNG GI TSIG TZAM LA YANG MA BRTAGS PA STE, DE LTAR NA, MDOR BSTAN DU, MA BSAL BA MDOR BSTAN PA MED PAR DE NYID KYI RGYAS BSHAD BKOD NA, RTZOM PA PO BSTAN BCOS KYI BRDA MA BYANG BAR 'GYUR TE, MDOR BSTAN DU YOD KYANG RTOGS SLA BA LA BSAMS NAS DE'I RGYAS BSHAD MI BYED PA NI, BSTAN BCOS MKHAN PO DAG GI LUGS LA YONGS SU GRAGS KYANG, MDOR BSTAN MED PA'I RGYAS BSHAD DANG, RGYAS BSHAD MED PA'I BSDUS DON SOGS NI LUS MED PA'I YAN LAG DANG 'DRA BAR, RANG NYID NGO TSA BA'I GNAS SU BYED PA YIN NO, ,GZHAN YANG MDOR BSTAN DU MA BSAL BA MI SMOS PA'I RGYU MTSAN TSAD MAS BSAL BA GZHAN @IV-177 DON BSGRUB BYA'I MTSAN NYID 'JUG MI 'JUG DPYOD PA'I GZHIR MI RUNG BA NYID YIN PAR SMRAS NAS, RGYAS BSHAD DU, BSDUS DON DE LTAR 'GOD PA NI, KHAS BLANGS NANG 'GAL BA YIN TE, SHES BYA CHOS CAN, 'DOD PA DANG, RANG NYID KYI RGYAS BSHAD DANG, MA BSAL BA'I RGYAS BSHAD RGYUN GCIG TU 'CHAD MI RIGS PAR THAL, TSAD MAS BSAL BA GZHAN DON BSGRUB BYA'I MTSAN NYID 'JUG MI 'JUG DPYOD PA'I GZHIR MI RUNG BA'I PHYIR, RTAGS GSAL DNGOS, ZHES GSUNGS, t'IK CHEN RANG GI DGONGS PA NI, TSIG GIS DE YI MTSAN NYID BZHI, ,ZHES PA'I SKABS 'DIR MA BSAL BA'I TSIG GI DGOS PA MA GSUNGS PA NI, BSHAD GZHI CHE BAS ZUR DU BSHAD PA YIN, DE YANG DAM BCA' LTAR SNANG GI DPE RGYAS PAR 'CHAD PA DANG BYED PA GCIG PAS DGAG BYA DANG DE DGAG PA GNYIS DKYUS GCIG TU 'CHAD PAR GSUNGS LA, TSIG GIS DE YI MTSAN NYID BZHI, ,ZHES PA'I SKABS SU MA BSTAN KYANG, KHAS BLANGS DE YANG TSAD MA NI, ,ZHES PA'I TSIG BZHI MA BSAL BA MDOR BSTAN DANG, DE MAN CHAD RGYAS BSHAD DO, , @IV-178 SRAS MCHOG GNYIS DGONGS PA GCIG TU GNAS TE, RGYAL TSAB RJES, TSIG GIS DE YI MTSAN NYID BZHI, ,ZHES PA'I SKABS MA BSAL BA'I MA BSHAD PA'I RGYU MTSAN 'CHAD, MKHAS GRUB RJES, KHAS BLANGS DE YANG TSAD MA NI, ,ZHES SOGS KYIS MA BSAL BA MDOR BSTAN PA 'CHAD LA, DE GNYIS SRAS MCHOG GNYIS KAS ZHAL GYIS BZHES PA'I PHYIR, t'IK CHER GSUNGS PA DER ZHIB TU GZIGS NA THAR LAM GSAL BYED KYI DGONGS DON GSAL BAR 'GYUR RO, ,GO BO'I TSAD MA KUN TU BZANG POR, TSAD MA MDOR GZHAN DON BSGRUB BYA YANG DAG GI MTSAN NYID YONGS RDZOGS BSTAN, TSIG GIS DE YI MTSAN NYID BZHI, , ZHES PA'I SKABS DANG, RIGS SGOR, BSGRUB PAR BYA BA NYID DU 'DOD PA 'GAL BA'I DON GYIS MA BSAL BA PHYOGS YIN NO, ,ZHES PAS BSTAN PA'I BSGRUB BYA GNYIS DON GCIG TU BYAS NAS, GZHAN DON BSGRUB BYA TZAM GYI MTSAN NYID BSTAN PA DANG, DE'I STENG DU MA BSAL BA TSANG NA PHYOGS YANG DAG TU GYUR, DE'I PHYIR @IV-179 MA BSAL BA SKABS 'DIR MA SMOS ZHES 'CHAD, RGYAS BSHAD DANG, MDOR BSTAN GNYIS KYI GO RIM MI 'DRA BAR BSHAD PA NI, MDOR BSTAN GYI SKABS MDO'I GO RIM DANG MTHUN PAR BSHAD, RGYAS BSHAD SKABS 'DOD PA ZHES PA ZHE 'DOD SKABS KYI BSGRUB BYAR BSTAN PA NA, RGOL BAS KHAS BLANGS PA'I LUNG DON THAMS CAD ZHE 'DOD KYI BSGRUB BYA YIN NAM SNYAM PA'I DVOGS PA BZLOG PA'I CHED DU RANG NYID SMOS DGOS PA'I DBANG DU BYAS, ZHES GSUNGS, DES NA, RIGS SGO DANG, RNAM 'GREL GNYIS KA'I MDOR BSTAN GYI TSIG DES BSGRUB BYA YANG DAG GI MTSAN NYID MA BSTAN PAR BSHAD DO, ,RIGS SGOR BSHAD PA'I PHYOGS DE PHYOGS YANG DAG MA YIN NA, PHYOGS YANG DAG GI MTSAN NYID BSTAN PA'I RIGS SGO'I TSIG GCIG KYANG MED PAR 'GYUR BA DANG, TSAD MA BSLU MED CAN SHES PA, ,ZHES PAS TSAD MA'I MTSAN NYID MA BSTAN, MA SHES DON GYI GSAL BYED KYANG, ,ZHES PAS TSAD MA'I MTSAN NYID MA BSTAN NA, TSAD MA'I MTSAN NYID YONGS RDZOGS BSTAN PA'I RNAM RTZA'I TSIG GCIG KYANG MED PAR 'GYUR, DE TZAM @IV-180 MA ZAD, STON PA BCOM LDAN 'DAS GROL BA DON GNYER LA TSAD MA'I SKYES BUR SGRUB PA'I THOG MAR TSAD MA SPYI'I DON GANG ZHE NA, TSAD MA BSLU MED CAN SHES PA, ,ZHES PA'I GZHUNG DE BYUNG BA YIN PAS, 'BREL MA CHAGS PAR 'GYUR BA'I SKYON YOD DO,, ` RANG GI LUGS LA, RIGS SGO LAS BSGRUB BYA YANG DAG GI MTSAN NYID YONGS RDZOGS BSTAN KYANG DGOS PA'I DBANG GIS KUN BTUS LAS BSHAD PA DANG MI 'DRA'O,, ` GRANGS CAN PA'I MIG SOGS CHOS CAN DU BZUNG BA DE'I SOGS KHONGS NANG SHES BYA NYER GSUM MA 'DUS NA GRANGS CAN GYI 'DOD DON MI SGRUB PA THAR LAM GSAL BYED LAS GSUNGS, TSAD MA SDE BDUN YID KYI MUN SEL LAS, MIG SOGS ZHES PA MIG SOGS DBANG PO LNGA DANG, GZUGS SOGS DON LNGA TZAM CHOS CAN BZUNG BAR 'DOD, DE LA SHES BYA NYER BZHI CHOS CAN DU BZUNG NA, PHYOGS CHOS GRUB MA GRUB DPYAD DGOS, BDE SDUG BTANG SNYOMS GSUM CHA MNYAM PA'I CHA DANG, BLO TZAM RANG LUGS LA'ANG KHAS BLANGS PAS, PHYOGS CHOS GRUB GSUNGS PA DER @IV-181 RI BONG GI RVA DANG, DE'I DON SPYI GCIG TU BZUNG BA'I GANG ZAG GIS, RI BONG GI RVA CHOS CAN, YOD DE, TSAD MAS DMIGS PA'I PHYIR, ZHES BKOD NA PHYOGS CHOS GRUB PAR THAL, SMOS PA'I CHOS CAN MED NA'ANG, ZHE 'DOD KYI CHOS CAN YOD PA'I PHYIR, DER THAL, RI BONG RVA'I DON SPYI YOD PA'I PHYIR, MA KHYAB NA, SPYI GTZO BO MED KYANG, BDE SDUG BTANG SNYOMS GSUM CHA MNYAM PA YOD PA'I RGYU MTSAN GYIS PHYOGS CHOS GRUB PAR 'DOD PA'I PHYIR, BLO 'AM CHEN PO LA YANG DPYAD DO, ,RGYANG PHAN GYI GNYIS BCAS SBYOR BA DE LA, AUTPALA MA YIN PA'I DNGOS PO YIN PA'I PHYIR ZHES PA'I RTAGS LA BSAM BLO ZHIB TU DPYAD DGOS, ` GAL TE BSTAN BCOS KHAS BLANGS PHYIR, ,ZHES SOGS KYIS SKABS SU, PHYOGS SNGA RIGS PA CAN PA BZHAG PA DE LA, t'IK CHER, KHA CIG RIGS PA CAN SKABS 'DI'I PHYOGS SMRA BA POR 'CHAD PA NI, RIGS PA CAN RANG NYID KYIS BKOD PA'I RTAGS LA RANG NYID KYIS SUN 'BYIN BRJOD PA SHIN TU NGO MTSAR RO, ,ZHES BKAG NAS @IV-182 RANG LUGS LA, SKABS 'DI'I PHYOGS SNGA SMRA BA PO, SGRA MI RTAG SGRUB LA BYAS PA RTAGS SU BKOD PA'I GRANGS CAN PA DANG, DPYOD PA BA SOGS 'JOG , ` RTAGS KUN RANG GI BSGRUB BYA LA, ,SKYON DANG YON TAN DPYAD PHYIR RO, ,ZHES PA'I SKABS RTAGS YANG DAG DANG RTAGS YON TAN CAN DON GCIG DANG, RTAGS LTAR SNANG DANG RTAGS SKYON CAN DON GCIG TU BSHAD, RTZA BAR, 'DI DE DAG GI SKYON MIN NAM, ,YAN LAG PHYI MA LA BLTOS PA, , PHYOGS SKYON 'DOD MIN DE LTA NA'ANG, GTAN TSIGS LA SOGS NYES PA YANG, ,PHYOGS KYI SKYON DU THAL 'GYUR TE, ,THAMS CAD PHYOGS LA GNOD PHYIR RO, ,DE PHYIR DE TZAM DANG 'BREL BA, ,PHYOGS KYI SKYON 'DOD GZHAN MIN TE, ,MNGON SUM LA SOGS 'GAL BA BZHIN, ,ZHES SOGS KYI SKABS PHYOGS SKYON DANG RTAGS DPE'I SKYON 'GAL BAR BSHAD, RNAM BSHAD LAS, DES NA PHYOGS SKYON GYI DON NI, PHYOGS SU GZUNG BYA DE PHYOGS SKYON CAN DU 'JOG PA'I THUN MONG MA YIN PA'I CHOS DANG, DE BZHIN DU RTAGS KYI SKYON YANG @IV-183 RTAGS SU GZUNG BYA RTAGS SKYON CAN DU 'JOG PA'I THUN MONG MA YIN PA'I CHOS SO, ,ZHES DANG, MIG SHES KYI GZUNG BYA SGRA'I STENG DU 'GOD TSUL DANG MTHUN PAR MA GRUB PA'I CHA, SGRA MI RTAG PAR SGRUB PA'I MA GRUB PA'I RTAGS KYI SKYON YIN GYI PHYOGS KYI SKYON MIN TE, DE KHYAD CHOS SU LDAN PA'I CHA NAS MA GRUB PA'I GTAN TSIGS SKYON CAN DU SONG BA YIN GYI, DE YOD PA DANG MED PAS PHYOGS SKYON CAN DANG SKYON MED DU SGRUB MI NUS PA'I PHYIR, RTZOD GZHI LA 'GOD TSUL LTAR MA GRUB PA PHYOGS CHOS KYI SKYON DU 'DOD PA NI, DE'I SKYON DANG MTSAN NYID KYI BSAL BYA MA PHYED PA'I 'KHRUL PA YIN LA, DE MA GRUB PA'I RTAGS KYI YON TAN DU 'DOD PA NI, KHYAD PAR GYI CHOS DANG, YON TAN MA PHYED PAS NONGS PA'O, ,ZHES GSUNGS, PAn CHEN BSOD NAMS GRAGS PA'I GSUNG LAS, RTAGS YON TAN CAN DANG, RTAGS SKYON CAN GZHI MTHUN YOD GSUNGS, DE SGRUB KYI TSUL GSUM GANG RUNG TSANG NA DE SGRUB @IV-184 KYI RTAGS YON TAN CAN DU 'JOG ,RTAGS SKYON YIN NA RTAGS SKYON CAN GYI MTSAN NYID YIN PAS KHYAB, SGRA MI RTAG PAR SGRUB PA'I RTAGS SKYON YIN NA, SGRA MI RTAG PAR SGRUB PA'I RTAGS SKYON CAN GYI MTSAN NYID YIN PAS KHYAB PAR GSUNGS, MIG SHES KYI GZUNG BYA 'JOG BYED RANG NYID YIN PA'I CHA NAS DE MIG SHES KYI GZUNG BYA'I RTAGS KYIS SGRA MI RTAG PAR SGRUB PA'I RTAGS SKYON CAN DU SONG BA, RANG NYID MIG SHES KYI GZUNG BYA'I RTAGS KYIS DE SGRUB KYI RTAGS SKYON CAN GYI MTSAN NYID, MIG SHES KYI GZUNG BYA 'JOG BYED RANG NYID YIN PA'I CHA NAS, DE SGRA MI RTAG PAR SGRUB PA'I RTAGS SKYON CAN DU SONG BA, RANG NYID SGRA MI RTAG PAR SGRUB PA'I RTAGS SKYON YIN PA'I MTSAN NYID, DPER NA, SGRA MI RTAG PAR SGRUB PA'I RTAGS SU BKOD PA YANG YIN, DE SGRUB KYI TSUL GSUM MA YIN PA YANG YIN PA'I GZHI MTHUN PA LTA BU, GZHAN RNAMS LA YANG RIGS 'GRE, RNAM BSHAD LAS GSUNGS PA DE @IV-185 MIG SHES KYI GZUNG BYA'I RTAGS KYIS DE SGRUB KYI RTAGS SU BKOD PA YANG YIN, DE SGRUB KYI TSUL GSUM MA YIN PA YANG YIN PA'I GZHI MTHUN PA DE, DE SGRUB KYI RTAGS SKYON YIN ZHES PA'I DON YIN GSUNGS, MDOR NA, PHYOGS SKYON DANG, RTAGS SKYON DANG, DPE SKYON GSUM PO RE RE NAS YIN NA, PHYOGS SKYON CAN DANG, RTAGS SKYON CAN DANG, DPE SKYON CAN GSUM PO RE RE'I MTSAN NYID YIN PAS KHYAB PAR ZHAL GYIS BZHES SO, , TSAD MA RIGS RGYAN LAS, DE SGRUB KYI RTAGS SKYON GYI MTSAN NYID, DE SGRUB KYI RTAGS SU GZUNG BYA DE RTAGS SKYON CAN DU SGRUB BYED DO, ,RTAGS SKYON CAN LA GSUM YOD PA LTAR RTAGS SKYON LA YANG GSUM YOD PAR ZHAL GYIS BZHES, LTAR SNANG GSUM PO RANG RANG GI MTSAN NYID DAG ,RANG RANG GI RTAGS SKYON DU BZHED, RTAGS SKYON LA GZHI GRUB PAS KHYAB, RTAGS SKYON CAN LA GZHI GRUB MA GRUB GNYIS YOD, MIG SHES KYI GZUNG BYAS SGRA MI RTAG PAR SGRUB PA LTA BU LA MTSON NA, SGRA MI RTAG @IV-186 SGRUB PA'I RTAGS SU BZUNG NAS PHYOGS CHOS MA GRUB PA DE RTAGS SKYON DANG, MIG SHES KYI GZUNG BYA RTAGS SKYON CAN YIN, RTAGS BKOD NA, MIG SHES KYI GZUNG BYA CHOS CAN, SGRA MI RTAG PAR SGRUB PA'I RTAGS SKYON CAN YIN TE, SGRA MI RTAG PAR SGRUB PA'I RTAGS SU BKOD PA GANG ZHIG ,DE SGRUB KYI PHYOGS CHOS MA GRUB PA'I PHYIR ZHES PA'O, ,DE BZHIN DU DPE SKYON DANG, PHYOGS SKYON SOGS LA'ANG SBYAR BAR BYA'O, , RTAGS SKYON DANG, PHYOGS SKYON GNYIS KYI GZHI MTHUN ZHAL GYIS BZHES, RTZA BA'I DON NI, RTAGS DPE KHO NA'I SKYON RNAMS PHYOGS SKYON MA YIN ZHES PA'I DON YIN GSUNGS SO, ,GONG GSAL GZHUNG DE DAG GI DON LA DPYAD RGYU SHIN TU MANG STE, BLO GROS CAN RNAMS 9KYIS ZHIB TU DPYAD PA MDZOD, , ` DE LA KHAS BLANGS 'BRAS RTAGS TE, , 'GRO LA GRAGS PA RANG BZHIN RTAGS, ,ZHES PA'I SKABS RNAM BSHAD LAS, 'BRAS RTAGS DANG, RANG BZHIN GYI RTAGS @IV-187 DNGOS GNAS PA 'JOG CING, DANG PO DE, TSAD MAR KHAS BLANGS PA'I LUNG DE RANG GI BSTAN BYA'I DON SGRUB PA'I 'BRAS RTAGS SU 'DOD NA, LE'U GNYIS PAR, SMRA BA PO YI BYED PA'I YUL, ,DON GANG BLO LA RAB GSAL BA, DE LA SGRA NI TSAD MA NYID, ,DON GYI DE NYID RGYU CAN MIN, ,ZHES DANG, LE'U DANG POR, SGRA RNAMS DNGOS DANG LHAN CIG TU, ,MED NA MI 'BYUNG NYID MED PHYIR, ,DE LAS DON GRUB MIN DE DAG ,SMRA PO'I BSAM PA STON PAR BYED, ,CES PA RNAMS KYIS, TSIG RNAMS RANG GI BRJOD BYA DANG MED NA MI 'BYUNG BA'I 'BREL BA MED PAS, RANG GI BRJOD BYA SGRUB BYED KYI RTAGS YANG DAG MA YIN PAR SGRUB PA DANG JI LTAR MI 'GAL, DPYAD GSUM GYIS DAG PA'I LUNG, SBYIN PA'I LONGS SPYOD KHRIMS KYIS BDE, ,ZHES PA'I LUNG RANG GI BSTAN BYA'I DON LA MI SLU BAR SGRUB PA'I RTAGS YANG DAG YIN PA'I RGYU MTSAN GYIS, RANG GI BSTAN BYA'I DON SGRUB PA'I 'BRAS RTAGS YANG DAG TU 'DOD NA, 'GOD TSUL YIN 'GOD MI RIGS PAS, YOD 'GOD LAS MA 'DAS, DE LTAR NA, RANG GI BSTAN @IV-188 BYA'I DON YOD DE, DPYAD GSUM GYIS DAG PA'I LUNG YIN PA'I PHYIR, ZHES BKOD DGOS, DE LTAR NA, RTAGS DANG CHOS SU BZUNG BA DE GNYIS RGYU 'BRAS SU 'DOD DGOS PAS, LUNG DANG BSTAN BYA'I DON GNYIS RGYU 'BRAS BU GA LA 'GYUR, DE LA MKHAS GRUB THAMS CAD MKHYEN PAS, t'IK CHEN LAS, 'O NA, YID CHES PA'I TSAD MA DANG, GRAGS PA'I TSAD MA DE DAG RJES DPAG TSAD MA YIN NA, DE DAG RTAGS GANG LA BRTEN PA YIN ZHE NA, DE LA YID CHES PA'I TSAD MA NI, LUNG RNAM DAG RANG GI BSTAN BYA'I DON GYI 'BRAS BU'AM, DE LA MI 'KHRUL BAR KHAS BLANGS PA'I SGO NAS DE NYID BSGRUB PA'I PHYIR DU BKOD PA'I LUNG GI RTAGS LA BRTEN PA YIN ZHING, GRAGS PA'I RJES DPAG GI RTEN DU GYUR PA'I RTAGS NI, 'GRO BA LA GRAGS PA'I MING CAN BRJOD RUNG GRAGS PA'I KHYAB BYA'I RANG BZHIN YIN NO, ,YANG NA, SLOB DPON PHYOGS GLANG GIS RANG LUGS LA LUNG RNAM DAG RANG GI BRJOD BYA'I SGRUB BYED YANG DAG TU 'GYUR BA MI BZHED KYANG, GSUNG RAB LA DPYAD PA SHAS CHER MA RDZOGS PAS, LUNG DPYAD @IV-189 GSUM GYIS DAG PAR TSAD MA'I STOBS KYIS DA LTA NGES MI NUS PA'I GDUL BYA 'GA' ZHIG SHIN TU LKOG GYUR LA 'JUG LDOG BYED PA'I THABS SU GDUL BYA DE 'DRA'I DBANG DU BYAS NAS, SBYIN PA'I LONGS SPYOD KHRIMS KYIS BDE, ,ZHES PA LTA BU'I LUNG RANG GI BRJOD BYA'I 'BRAS BUR KHAS BLANGS PA'I SGO NAS, LUNG DE RANG GI BRJOD BYA'I SGRUB BYED DU GYUR PA'I 'BRAS RTAGS SU GZHAN NGOR RE ZHIG KHAS BLANGS PA'I RNAM GZHAG MDZAD PA YIN PA DE'I PHYIR, RNAM 'GREL 'DI NYID DU'ANG, DE LA KHAS BLANGS 'BRAS RTAGS TE, ,ZHES GSUNGS PA YIN LA, 'ON KYANG YID CHES KYI RTAGS YANG DAG MED PA DANG, LUNG RNAM DAG RANG GI BRJOD BYA'I SGRUB BYED YANG DAG YIN PA GNYIS KA'ANG, YANG DAG PA MA YIN PAR KHO BOS TSAD MA YID KYI MUN SEL DU RGYAS PAR BSHAD ZIN CING, DE LTA NA YANG YID CHES PA'I RTAGS YANG DAG GI RTAGS SBYOR JI LTAR 'GOD PA'I TSUL LA SOGS PA NI, RANG DON LE'UR BSHAD ZIN TO, , DE BZHIN DU GRAGS PA'I RTAGS YANG DAG KYANG RANG BZHIN @IV-190 GYI RTAGS YANG DAG YIN PAR SLOB DPON MI BZHED DE, BSGRUB BYA'I CHOS DNGOS MED SGRUB PA'I SGRUB RTAGS YANG DAG YOD PA RIGS PA'I DBANG PHYUG GI DGONGS PA MA YIN NO ZHES KHO BOS BSHAD ZIN TO, ,DE LTA NA YANG, RTOG YUL NA YOD PA THAMS CAD 'DOD PA'I DBANG GIS BRJOD BYED KYI SGRA GANG YANG SBYAR DU RUNG BA'I RANG BZHIN YIN PAR SHES PA'I PHYIR DU 'GRO LA GRAGS PA RANG BZHIN RTAGS ZHES BYA BA 'DI GSUNGS PA YIN PAR SHES PAR BYA'O, ,ZHES GSUNGS SO,, ` DE DAG LA 'DI LTAR BSAM STE, YID CHES KYI RTAGS YANG DAG GAL CHE STE, SHIN LKOG SHIN TU RTOGS DKA' BAS YID CHES KYI RTAGS LA BRTEN DGOS, TSE 'DIR SBYIN PA GTONG BA DANG, TSUL KHRIMS SRUNG BA SOGS DGE RTZA RNAMS, TSE PHYI MAR LONGS SPYOD 'BYUNG BA DANG, BDE 'GROR SKYE BA SOGS KHAS MI LEN NA LAS DGE MI DGE LAS 'BRAS BU BDE SDUG 'BYUNG BA KHAS MI LEN PA YIN PAS, LAS RGYU 'BRAS LA SKUR BA 'DEBS PA'I LOG LTA CAN DU 'GYUR BAS DGE RTZA MA LUS PA @IV-191 GCOD PAR 'GYUR BA DANG, SDOM LDAN YIN NA SDOM PA YANG GTONG BAR 'GYUR, GONG GI DE DAG KHAS LEN NA, SBYIN PA DANG, TSUL KHRIMS SOGS LAS, TSE PHYI MAR LONGS SPYOD DANG, BDE 'GROR SKYE BA SOGS MNGON SUM TSAD MAS MA NGES LA, MNGON STOBS RJES DPAG GIS RTOGS MI NUS PAS, YID CHES RJES DPAG KHO NA LAS GZHAN MED CING, DES RTOGS TSUL YANG, SBYIN PA LAS LONGS SPYOD 'BYUNG BA SOGS STON PA BCOM LDAN 'DAS KYIS GSUNGS ZHING, DON DE LA MNGON SUM TSAD MAS GNOD PA MED DE, SBYIN PA SOGS LAS LONGS SPYOD SOGS MI 'BYUNG BA MNGON SUM TSAD MAS MA SHES PA'I PHYIR, DNGOS STOBS RJES DPAG GIS, SBYIN SOGS LAS BDE BA 'BYUNG BAR MA RTOGS TE, RJES DPAG NI RTAGS LA BRTEN DGOS ZHING, SBYIN SOGS LAS BDE SOGS MI 'BYUNG BAR SGRUB BYED KYI DNGOS STOBS KYI RTAGS MED PA'I PHYIR, DES NA, SBYIN SOGS LAS BDE SOGS 'BYUNG BAR BSTAN PA LA, MNGON SUM TSAD MA DANG, DNGOS STOBS @IV-192 RJES DPAG GIS MI GNOD CING, DE LTAR BSTAN PA LA, RANG TSIG SNGA PHYI 'GAL BA DANG, KHAS BLANGS SNGA PHYI 'GAL BA SOGS MA MTHONG BA NA, GSUNG DE DPYAD PA GSUM GYIS DAG PAR KHAS LEN DGOS, DE LTA NA, RANG GI BSTAN BYA'I DON LA MI SLU BAR SGRUB PA'O, ,TSAD MA SDE BDUN YID KYI MUN SEL LAS, SBYIN PAS LONGS SPYOD KHRIMS KYIS BDE, ,ZHES PA'I LUNG DE SHIN LKOG KHO NA BSTAN PA'I LUNG DANG, DPYAD GSUM GYIS DAG PA'I TSUL YANG MTHONG BA MNGON GYUR BSTAN PA'I CHA LA ZHES SOGS MA SBYAR BAR, RANG GI BRJOD BYA DE LTAR BSTAN PA LA, TSAD MA GSUM GYIS GNOD PA MED PA ZHES BRJOD DGOS GSUNGS, SBYIN PAS LONGS SPYOD KHRIMS KYIS BDE, ,ZHES PA'I LUNG DES SBYIN PA DANG, TSUL KHRIMS MA BSTAN NA MNGON SUM DANG 'GAL LA, BSTAN NA, DE DAG SHIN LKOG MA YIN PAS, LUNG DE SHIN LKOG KHO NA BSTAN PA 'GAL BA'I PHYIR DANG, SBYIN PA MA BSTAN PAR, SBYIN PA LAS LONGS SPYOD 'BYUNG BAR BSTAN @IV-193 MI SRID PA'I PHYIR TE, ME MA BSTAN PAR ME LAS DU BA 'BYUNG BA BSTAN MI SRID PA'I PHYIR, DES NA, BSTAN BYA'I GTZO BOR SHIN LKOG KHO NA BSTAN NA'ANG, MNGON GYUR DANG, CUNG ZAD LKOG GYUR YANG BSTAN PA LA 'GAL BA MED DO, ,GZUGS SOGS DON LNGA BSTAN PA'I MDO MTHONG BA MNGON GYUR BSTAN PA'I MDO DANG, BDEN BZHI MI RTAG LA SOGS BCU DRUG BSTAN PA'I MDO CUNG ZAD LKOG GYUR BSTAN PA'I MDO, MI DGE BCU SPONG GI TSUL KHRIMS LAS PHYI MAR BDE 'GROR SKYE BAR BSTAN PA'I MDO, SHIN LKOG BSTAN PA'I MDO YIN, SANGS RGYAS LA GZHAN DRING MI 'JOG PA'I DAD PA BRTAN PO MED NA, SHIN LKOG RTOGS PA'I THABS DANG BRAL BAS RTOGS DKA' LA MA RTOGS NA NYES PA SHIN TU CHE BA GSOG PAR 'GYUR, TSE 'DI'I DGE SDIG LAS PHYI MAR BDE SDUG 'BYUNG BAR TSAD MAS NGES NA, SDIG SPONG DGE SGRUB LA BRTZON PAR 'GYUR NAS DON CHEN PO BSGRUB PAS SHIN TU GAL CHE, DE YANG YID CHES KYI RTAGS KHO @IV-194 NAR RAG LAS SO, ,t'IK CHER, BSGRUB BYA'I CHOS DNGOS MED SGRUB PA'I RANG BZHIN GYI RTAGS MED PAR GSUNGS PAS, 'GRO LA GRAGS PA RANG BZHIN RTAGS, ,ZHES PA DE, RTAGS CHOS RANG BZHIN GCIG PA TZAM YIN GYI RANG BZHIN GYI RTAGS YANG DAG MA YIN GSUNGS, SHES BYA DANG, YOD PA, GZHI GRUB, RTAG PA SOGS BSGRUB BYA'I CHOS SU BZUNG BA'I RANG BZHIN GYI RTAGS MED PAR 'GYUR BA DANG, ME YOD PA RTAG PA YIN NAM MIN, YIN NA, DU LDAN GYI LA CHOS CAN ME YOD DE, DU BA YOD PA'I PHYIR, ZHES PA DE, SGRUB RTAGS YANG DAG MA YIN PAR 'GYUR BA DANG, RTAG PA MIN NA, SHES BYA RTAG PA YIN PA'I RGYU MTSAN MED PAR 'GYUR RO, , THAR LAM GSAL BYED LAS, DE JI LTA BU ZHE NA, 'DI LTA STE, CHAGS SOGS CHOS MIN SDIG PA'I RTZA BAR KHAS BLANGS NAS KHRUS KYIS CHOS MIN SDIG PA DAG PAR 'GYUR BAR STON PAR MTHONG BA'I PHYIR, DE NI KHAS BLANGS 'GAL BAR JI LTAR 'GYUR ZHE NA, GANG ZHIG GANG GI RGYU LA MI GNOD PA DE NI @IV-195 DE'I RGYU BKAG PA'I SGO NAS 'JOMS NUS PA MA YIN TE, SNUM PA'I RDZAS KYIS BAD KAN 'GOG MI NUS PA BZHIN KHRUS KYIS CHAGS SOGS MNGON GYUR LA YANG MI GNOD DO ZHES BYA BA'O, ,CHAGS SOGS KYIS SDIG PA BSKYED PA'I NUS PA MNGON SUM GYIS MI 'GRUB CING, DE LA KHRUS KYIS MI GNOD PA YANG MNGON SUM GYIS MA GRUB KYANG, KHRUS BYAS PAS CHAGS PA MNGON GYUR CHUNG DU MI 'GRO BA RANG RIG MNGON SUM GYIS GRUB PAS KHAS BLANGS SNGA PHYI 'GAL BAR SHES SO, ,DE LTA NA YANG SHIN TU LKOG GYUR GYI DON LA MNGON SUM GNOD SGRUB TU 'JUG PA MA YIN TE, CHAGS SOGS KYIS SDIG PA BSKYED PA'I NUS PA'I KHYAD PAR DANG, NUS PA'I KHYAD PAR DE LA KHRUS KYIS MI GNOD PA MNGON SUM GYIS MI 'GRUB PA'I PHYIR, ZHES GSUNGS PA LA CUNG ZAD DPYAD NA, RGYAL BA'I SKU LA KHRUS GSOL NAS SEMS CAN GYI SDIG PA DAG PA YOD DAM MED, YOD NA KHRUS KYIS SDIG PA LA MI GNOD PA'I PHYIR TE, RGYU CHAGS SOGS LA MI GNOD PA'I PHYIR, MED NA, DE LTAR SMON LAM BTAB @IV-196 PA DE, RI BONG GI MGOR RVA NOR BU 'BYUNG BAR SHOG ,CES PA DANG KHYAD PAR CI YOD, 'JOG PO'I GTZUG RGYAN LEN PA'I BSTAN BCOS DE DGOS PA SGRUB MI NUS PA DANG 'DRA, GZHAN YANG, SROG GCOD KYI SDIG PA GNYEN PO STOBS BZHI'I SGO NAS BSHAGS NA SDIG PA DAG PAR MDO RGYUD DU MAR GSUNGS SHING, BSHAGS PA DES SDIG PA'I 'BRAS BU 'BYIN MI NUS PAR BYAS NAS DAG DGOS PAS SROG GCOD PA'I SDIG PA DE LA GNOD DGOS, DE GNOD NA, DE'I RTZA BA BDAG 'DZIN MA RIG PA LA GNOD PAR 'GYUR BAR THAL, DE LA GNOD PA'I PHYIR, BSHAGS PAS, MA RIG PA LA GNOD NA, TSOGS BSAGS SGRIB SBYANG BYED PA MTHA' DAG MA RIG PA LA GNOD PAR 'GYUR RO, DER 'DOD NA, KHRUS GSOL BYED PA YANG MA RIG PA LA GNOD PAR KHAS BLANGS DGOS SO, ,GZHAN YANG, RGYU CHAGS SOGS LA GNOD PA'I STOBS KYIS, 'BRAS BU SDIG PA RGYU BKAG PA'I STOBS KYIS GNOD NA, RGYU CHAGS SOGS LA GNOD NA, DE'I @IV-197 'BRAS BU RNAM SMIN GYI PHUNG PO LA GNOD DAM MI GNOD, GNOD NA, BDAG MED MNGON SUM DU RTOGS PA'I YE SHES KYIS DAL BRGYAD 'BYOR BCU TSANG BA'I RNAM SMIN GYI LUS RTEN KHYAD PAR CAN LA YANG GNOD DGOS, DER GNOD NA, LUS RTEN DES THAR PA THOB PA LA GEGS BYED YIN PAR THAL LO,, 'DOD MI NUS TE, THAR PA THOB PA LA PHAN 'DOGS BYED YIN PA'I PHYIR, MI GNOD NA, DE'I RGYU BDAG 'DZIN LA GNOD PA'I PHYIR, LE'U GNYIS PAR, DE NI GTAN DU BA MIN TE, ,RGYU LA GEGS SOGS SRID PHYIR RO, ,ZHES SOGS DRAN PAR GYIS, KHRUS BYAS PAS CHAGS SOGS MNGON GYUR CHUNG DU MI 'GRO BA RANG RIG MNGON SUM GYIS GRUB CES PAS, RANG RIG DE GANG NYAMS SU MYONG BA'I RANG RIG YIN DPYAD DO, ,DE DAG GANG LA TSAD MA YOD, ,DE NI GZHAN LA GNOD BYED 'GYUR, ,ZHES PA YANG GANG LA RGYAB RTEN TSAD MA YOD PA DE NI, GZHAN LA GNOD BYED DU 'GYUR BA YIN GYI RGYAB RTEN TSAD MA MED NA, GZHAN LA GNOD BYED DU MI 'GYUR @IV-198 RO,, ` MNGON SUM SOGS KYI GZHAL BYA YANG, , 'JAL BYED SGRA SGRO BTAGS NAS BRJOD, ,CES SOGS KYI SKABS GNOD BYED MTSAN NYID PA DANG, GRAGS PA MTSAN NYID PA BSHAD, ZLA BA'I SGRA BRJOD RUNG DE, BRJOD MI RUNG BA LA GNOD BYED MTSAN NYID PA YIN GYI, BRJOD RUNG ZHES PA'I SGRA DANG, BRJOD RUNG RTOGS PA'I SHES PA RNAMS GRAGS PA MTSAN NYID PA YIN GYI, GNOD BYED MTSAN NYID PA MA YIN TE, DNGOS STOBS YUL LA GRAGS PAS GNOD PA MI 'JUG PA'I PHYIR, ZHES GSUNGS, YANG RNAM BSHAD LAS, 'O NA GRAGS PAS GNOD PA'I DPER SMOS PA JI LTA BU ZHE NA, DE NI DA TRIG SHING ZHES PA'I SGRAS BRJOD DU MI RUNG BA LA GRAGS PAS GNOD PAR BSTAN PA YIN NO, ZHES DANG, YANG GZHUNG DE DAG GIS YUL CAN LA GNOD BYED KYI MING GIS BSTAN PA MA YIN GYI, YUL GNOD BYED LA YUL CAN GYI MING GIS BTAGS NAS BSTAN PA'I DON TO, ,ZHES GSUNGS, MDOR NA, SGRA MNYAN BYA YIN PA DE, DE NYID RTOGS PA'I MNGON SUM @IV-199 GYI GZHAL BYA DANG, SGRA MNYAN BYA MA YIN PA LA DNGOS SU GNOD BYED YIN, DE LA MNGON SUM GYIS GNOD CES BRJOD PA DANG, DE BZHIN DU, DNGOS STOBS RJES DPAG DANG, YID CHES RJES DPAG DANG, GRAGS PA'I RJES DPAG SOGS KYI YUL LA 'JAL BYED TSAD MA'I MING GIS BTAGS NAS BRJOD, SGRA MI RTAG PAR RTOGS PA'I TSAD MA DES, SGRA RTAG PA LA MI GNOD, SGRA MI RTAG PA DES SGRA RTAG PA LA GNOD PAR BSHAD, ZLA BA'I SGRAS BRJOD RUNG DES ZLA BA'I SGRAS BRJOD MI RUNG LA GNOD PA LA GRAGS PAS GNOD CES BTAGS PA'O, ,LE'U DANG POR, GNOD BYA GNOD BYED NGO BO PHYIR, ,ZHES SOGS KYI SKABS LA BSAM PAR BYA'O, ,THA SNYAD TZAM LA 'KHRI NA, SANGS RGYAS KYIS SGRIB PA SPANGS PA DES, SEMS CAN KYIS SGRIB PA MA SPANGS PA LA GNOD MI GNOD DPYAD, YANG BRJOD RUNG DE 'DOD PA'I DBANG GIS DON THAMS CAD LA 'JUG TU RUNG BA GSUNGS PA DER, NYI MA LA ZLA BA ZHES PA'I SGRAS BRJOD RUNG BA DANG, SANGS RGYAS LA SEMS CAN ZHES PA'I SGRAS BRJOD RUNG @IV-200 BA DANG, NYAN RANG DGRA BCOM PAR NYON SGRIB MA SPANGS ZHES PA'I SGRAS BRJOD RUNG BAR THAL, 'DOD MI NUS TE, DE LTAR BRJOD NA NYES LTUNG CHEN PO GSOG PA'O, , ` RANG RTEN LA'O, ZHES PAS, RANG RTEN GYI CHOS CAN DANG, CHOS CAN 'BA' ZHIG PA GNYIS KYI KHYAD PAR, RANG RTEN GYI CHOS CAN BKAG NA SKABS KYI BSGRUB BYA'I CHOS LA GNOD PAR 'GYUR GYI, CHOS CAN 'BA' ZHIG PA BKAG PAS SKABS KYI BSGRUB BYA LA GNOD PAR MI 'GYUR TE, RNAM BSHAD LAS, BSGRUB BYA'I CHOS DANG 'BREL MED KYI CHOS CAN 'BA' ZHIG PA BKAG PAS SKABS KYI BSGRUB BYA LA GNOD PA'I 'GAL BAR 'GYUR BA'I LOG RTOG DGAG PA'I CHED DU YANG SMOS SO, , DE LA CHOS CAN 'BA' ZHIG PA JI LTA BU DE BKAG PAS NYES PAR MI 'GYUR BA'I DON CI YIN ZHE NA, DNGOS POR GYUR PA'I NAM MKHA' CHOS CAN, RTAG PA'I RDZAS MA YIN TE, YON TAN DON GZHAN GYI RTEN MI BYED PA'I PHYIR, CES BKOD PA NA, @IV-201 DNGOS POR GYUR PA'I NAM MKHA' NI BSGRUB BYA'I CHOS KYI RTEN GZHI MA YIN PAS 'BA' ZHIG PA ZHES BYA LA, DE BKAG KYANG BSGRUB BYA LA GNOD PA'I NYES PAR MI 'GYUR TE, MNGON GYUR GYI NAM MKHA' KHEGS PA NYID RTAG RDZAS KHEGS PA'I YAN LAG TU 'GYUR ZHING, DE KHEGS NA, DE RTAG RDZAS KYIS STONG PA BDE BLAG TU 'GRUB PA'I PHYIR RO, ,ZHES PAR, CHOS CAN DANG BSGRUB BYA'I CHOS 'BREL MED KYI RTAGS YANG DAG YOD NA, CHOS CAN DANG RTAGS GNYIS 'BREL MED KYI RTAGS YANG DAG KHAS LEN DGOS DE LTAR NA RTAGS DE'I PHYOGS CHOS JI LTAR 'GRUB, PHYOGS CHOS KYI MTSAN NYID LA DPYAD DO, , YANG SANGS RGYAS PA DANG BYE BRAG PA GNYIS RTZOD PA NA, NAM MKHA' MTHUN SNANG DU GRUB PA MED CING, SGRA MTHUN SNANG DU GRUB PA YOD CES PAR, RANG RANG GI THUN MONG MA YIN PA'I KHYAD PAR DOR NAS NAM MKHA' TZAM ZHIG GNYIS KAS KHAS LEN PAS, DE TZAM GYIS MTHUN SNANG DU GRUB PAR MI 'JOG NA, SGRA LAS MTSUNGS PA'I PHYIR, @IV-202 NYAN SHES KYIS THOS PA TZAM GNYIS KAS KHAS LEN PA'I PHYIR ZHE NA, YID SHES KYI YUL DU GYUR PA GNYIS KAS KHAS LEN PA'I PHYIR ZHES BRJOD, DE BZHIN DU DBU MA'I SKABS CHOS CAN MTHUN SNANG DU GRUB MA GRUB LA DPYOD PA'I SKABS RANG RGYUD KYI TSUL GSUM GRUB PA KHAS LEN PA RNAMS CHOS CAN MTHUN SNANG DU GRUB DGOS, DBU MA THAL 'GYUR BA DANG GRUB MTHA' GZHAN RTZOD PA NA CHOS CAN MTHUN SNANG DU GRUB PA MED PAR KHAS LEN DGOS, DE LTA NA, SANGS RGYAS PA 'OG MA DANG BYE BRAG PA RTZOD PA NA, RANG BZHIN GYIS GRUB PA'I NAM MKHA' GNYIS KAS MTHUN SNANG DU GRUB PA'I PHYIR TE, GNYIS KAS NAM MKHA' YOD PAR 'DOD PA'I PHYIR, NAM MKHA' LA MING TZAM ZHIG MA GTOGS DON MTHUN SNANG DU GRUB PA CUNG ZAD KYANG MED PA'I PHYIR, DES NA GZHAN 'BA' ZHIG GIS KHAS BLANGS PA'I DNGOS POR GYUR PA'I NAM MKHA' CHOS CAN BZUNG NAS, DE YON TAN DON GZHAN DU MA'I RTEN BYED PA'I RDZAS YIN PA DGAG PAR BYA BA YIN NO,, @IV-203 ZHES GSUNGS PAR, BYE MDO GNYIS KYIS, GZHAN SDER NAM MKHA' CHOS CAN DU BZUNG NAS DNGOS MED DU SGRUB PA'I RTAGS BKOD PA NA, RTAGS DE RANG RGYUD KYI RTAGS LAS MA 'DAS SHING, RANG RGYUD KYI RTAGS YIN NA, RTAGS DE'I RTAGS CHOS DON GSUM RGOL BA GNYIS KYIS MTHUN SNANG DU GRUB PA DGOS PA'I PHYIR DANG, RANG GZHAN GYI SDE PA DE GNYIS NAM MKHA' RANG GI MTSAN NYID KYIS GRUB PA'ANG MTHUN SNANG DU KHAS LEN PA'I PHYIR, ` CHOS KYI TSIG PHRAD THA DAD PAR, ,BYED PAS MI LDAN GZHAN LDAN PA, ,SHIN TU MI SRID RNAM GCOD BYED,, CES SOGS SKABS, MI LDAN RNAM GCOD KYI SGRA DANG, GZHAN LDAN RNAM GCOD KYI SGRA, MI SRID RNAM GCOD KYI SGRA GSUM BSHAD, TSIG PHRAD SBYAR SA THA DAD PAR SBYAR BAS RNAM GCOD DU MA'I BYA BA BYED PAR GSUNGS PAS, DPER NA, BYAS PA SGRA LA YOD PA KHO NA ZHES PA MI LDAN RNAM GCOD DANG, BYAS PA KHO NA SGRA LA YOD CES PA GZHAN LDAN RNAM GCOD @IV-204 DANG, BA LAS BE'U 'BYUNG SRID PA KHO NA ZHES PA MI SRID RNAM GCOD DU 'JOG ,LE'U DANG POR, YAL GA LO 'DAB DANG LDAN PA 'DI YANG SHING YIN ZHES PA MI LDAN RNAM GCOD DANG YAL GA LO 'DAB DANG LDAN PA 'DI KHO NA SHING YIN ZHES PA'I GZHAN LDAN RNAM GCOD GNYIS LAS MA 'DAS, DANG PO LTAR SBYAR NA, NYES PA YOD PAR GSUNGS, LE'U DANG PO DANG, LE'U BZHI PAR GSUNGS PA GNYIS PHYOGS GCIG TU LTA BAR BYA'O, ,DE SBYAR MED KYANG BRJOD 'DOD LAS, ,ZHES SOGS KYIS TSIG PHRAD MA SBYAR YANG, SGRA RNAMS BRJOD 'DOD KYI DBANG GIS MI LDAN, GZHAN LDAN, MI SRID GSUM GYI DON GO BAR GSUNGS SO,, BUM PA CHOS CAN, MTSON BYA YIN TE, BTAGS YOD CHOS GSUM TSANG BA YIN PA'I PHYIR, ZHES BKOD PA'I TSE NA, BTAGS YOD CHOS GSUM TSANG BA DE, BUM PA LA YOD PA KHO NA YIN NAM MIN, YIN NA, BUM PA LA KHYAB BYED DU 'JUG DGOS PAS, BUM PA YIN NA, BTAGS YOD CHOS GSUM TSANG BA YIN PAS KHYAB PAR 'GYUR, @IV-205 MIN NA, PHYOGS CHOS JI LTAR GRUB, BYAS PA SGRA LA YOD PA KHO NA MIN NA PHYOGS CHOS GRUB TSUL MED PA BZHIN YIN NO, ,DE BZHIN DU, DON BYED NUS PA MTSAN NYID YIN PAR SGRUB PA'I RTAGS YANG DAG DANG, SHES BYA RTAG PAR SGRUB PA'I RTAGS SOGS PHYOGS CHOS GRUB DGOS PAS, RTZOD GZHI LA YOD PA KHO NA YIN MIN DANG, YIN NA RTZOD GZHI LA KHYAB BYED DU 'JUG PAR 'GYUR BA 'PHEN NO,, @IV-206 DE LTAR TSAD MA'I DGONGS RGYAN LE'U BZHI RTZOM PA MTHAR PHYIN TE DGE BA BSNGO BA ` SMRAS PA, KUN LHAN MTHAR 'DZIN GDUNG BAS 'GRO BA RNAMS, ,SGROL MDZAD BRGYAD KHRI BZHI STONG 'O MA'I MTSO,, RIGS LAM BYE BAS BSRUBS LAS NYING KHU'I BCUD, ,SBYIN MDZAD PHYOGS GLANG CHOS GRAGS GTZUG TU BKUR, ,PHYI RGOL SGRO 'DOGS SKUR 'DEBS NAGS STUGS PO, ,SUN 'BYIN GNAM LCAGS THOGS MDE'U ZHIB MOR BYAS, ,ZHI SGO LAM BZANG MA NOR 'KHRID MDZAD PA'I, ,'PHAGS YUL MKHAS GRUB MDZAD BZANG RMAD DU BYUNG, ,STON MCHOG ZHABS KYIS MA BCAG MTHA' KHOB TU, ,LOG SMRA WA SKYES 'BYUNG POS LTA NGAN SPEL, ,RIGS LAM DU MA LAS DRANGS SENG GE'I SGRA, ,SGROGS PAS GZHAN BSKRAD LO PAn BKA' DRIN CAN, ,JO BO'I LUNG GIS ZIN PA'I GSANG PHU RU, ,CHOS KYI SENG GES GRVA BSKOR SROL GTOD PAS, KHA BA CAN PA SMAG RUB DUS 'DAS NAS, ,TSAD MA'I RIGS LAM SGO 'BYED MIG TU GYUR, ,'PHROG BYED @IV-207 DGA' BO LA SOGS MU STEGS KYIS, ,BOD DU MU STEGS GRUB MTHA' SPEL BAR BSAMS, ,SA PAn CHEN POS PHA ROL RTZOD PAS BSKRAD, ,GANGS CAN KUN LA BKA' DRIN BSAM MI KHYAB, ,SDE BDUN MDO BCAS PHYI ROL RTZOD PHYIR TZAM, ,MA YIN THEG GSUM SA LAM BRJOD BYA BSTAN,, NANG DON RIG PAR SGRUB PA'I TZONG KHA PA, ,LUGS BZANG 'GRAN MED ZUR GNAS KUN GYIS BSNGAGS, , RANG GZHAN GRUB MTHA' RGYA MTSO'I PHA MTHAR SON, ,'CHAD RTZOD RTZOM PA'I MKHAS PA'I RGYAN GYIS SPUD, ,DPAL LDAN MKHAS DBANG RNAMS KYIS GTZUG TU BKUR, ,MI PHAM BLA MA GNYIS PAR YONGS SU GRAGS, ,MDO RGYUD GSUNG RAB MKHA' LA THOGS MED 'JUG ,RIGS LAM GNAM LCAGS 'BUM DU LEGS SPROS PAS, ,SRA BRTAN DAM BCA' KUN KYANG 'JOMS MDZAD PA, ,PHYOGS LAS RNAM PAR RGYAL BA DGE LEGS DPAL, ,LUNG 'DREN RIGS PA YAL GA MA RGYAS SHING, @IV-208 TSIG TSOGS BSKYUNGS NAS TSAD MA RNAM 'GREL GYI, 'BRU 'GREL BDE BLAG GO BA'I BSDUS DON DE, ,DGE 'DUN GRUB KYI GZHUNG BZANG DRIN DU CHE, ,GANG LA'ANG SBYANGS 'BRAS SMIN MA NUS, ,SKYES STOBS BLO GROS NYIN SKAR 'DRA, ,SNYAN NGAG SDEB SBYOR RO MA MYONG, ,BDAG BLO BYIS PA NANG BYIS PA, SHES BYA MKHA' DBYINGS BGROD THABS BRAL, ,MIG MED GZUGS KYI BZANG NGAN 'BYED, MIG LDAN BZHAD GAD GNAS LAGS KYANG, RANG GI BGO SKAL CUNG ZAD BRJOD, ,MUN KHANG DOG PA'I GNAS BCA' STE, , KUN GSAL SHES BYA 'JAL NUS BRAL, ,'ON KYANG BLO GSAR RE SKONG PHYIR, ,BRIS PAS 'GA' LA PHAN PA'ANG SRID, , SNGON BSAGS BSOD NAMS MTHU YIS RGYAL BSTAN MJAL, ,GZHUNG CHEN DAG LA DKA' SPYAD CUNG ZAD BYAS, ,SHES RAB DMAN PAS ZAB DON MA MYONG YANG, ,TSIG GI LO MA TZAM ZHIG JUS 'GRO BYAS, ,PHYAG DAR KHROD DU RIN CHEN RNYED SRID LTAR, , @IV-209 TSIG RNYOG 'DI LAS LEGS CHA RE RNYED SRID, MKHAS MANG GZHUNG LAS LEGS BSHAD BSDU RUB BYAS, RANG NUS GANG DPOG MA SBAS GSAL BAR BSHAD, RMONGS 'CHAR NONGS PA GANG BGYIS DE DAG RNAMS, ,GZUR GNAS DPYOD LDAN RNAMS KYI SPYAN SNGAR 'CHAGS, ,'DIS MTSON DUS GSUM BSAGS PA'I RNAM DKAR CHES, ,BDAG 'DRA NYAM THAG SEMS CAN RIGS LAM MIG ,PHYE STE SHES BYA'I GNAS LUGS RTOGS PA DANG, ,KUN MKHYEN YE SHES THOB PA'I RGYUR GYUR CIG ,CES TSAD MA RNAM 'GREL GYI DGONGS PA RGYAS PAR BSHAD PA DPAL CHOS KYI GRAGS PA MNYES PAR BYED PA'I MCHOD SPRIN LEGS BSHAD BLO GSAR RE SKONG ZHES BYA BA 'DI, BOD YUL SHAR PHYOGS YUL THAR LAM ZHES PAR SKYES PA'I SER SMAD SPOM RA DGE MING YE SHES DBANG PHYUG GIS, RGYA BOD KUN TU DGE PHRUG TU GTOGS PA'I DON GNYER CAN 'GA' ZHIG GIS 'BOD BSKUL GNANG BA'I RKYEN BYAS, RANG @IV-210 YANG, TSE STOD SER SMAD DU CHOS GRVA 'GRIM SKABS MKHAS MANG DBUS SU TSAD MA'I GZHUNG LA BRGAL BRTAG CUNG ZAD BYAS PA'I 'BRAS BUR SMIN PA DRAN GSO BA DANG, DRIN CAN DGE BA'I BSHES GNYEN BYAMS PA'I MTSAN CAN GYI ZHAL BZANG LAS BYUNG BA RNAMS GANG DRAN BKOD PA, MKHAS DBANG YIG CHA'I BDAG PO RNAMS KYI LEGS CHA BSDU RUB BYAS SHING, LE'U DANG GNYIS SKABS THAR LAM GSAL BYED KYI TSIG 'BRU DANG, GSUM BZHI GNYIS RJE DGE 'DUN GRUB KYI TSAD MA'I BSDUS DON BZHIN BYAS LA, DKA' GNAD PHRA MOR THUG SKABS MKHAS GRUB THAMS CAD MKHYEN PA'I t'IK CHEN RIGS PA'I RGYA MTSO YANG YANG MJAL NAS MTHA' BCAD, RIGS PA'I DBANG PHYUG MKHAS GRUB BSTAN PA DAR RGYAS KYI GZHUNG DANG 'GRIG GANG THUB BYAS NAS SBYAR BA'O, ,LE'U DANG GNYIS KYI DPE DEB THON ZIN CING, GSUM PA SNGA LOR ZIN, BZHI PA BOD RAB BYUNG BCU BDUN PA'I LCAGS LUG ZLA 6 PA'I TSES 10 PHYI LO 1991 PHYI ZLA 7 TSES 21 RGYAL SPYI'I BOD KYI LOR LHA SA NOR GLING RANG SHAG TU RDZOGS PAR ZIN PA DGE'O, BKRA SHIS BDE LEGS,,