*, ,CHOS MNGON MDZOD KYI t'IKKA RGYAL BA SRAS BCAS 'PHAGS TSOGS THAMS CAD KYI DGONGS DON GSAL BAR BYED PA'I NYI MA ZHES BYA BA BZHUGS SO, , @01A #, ,NA MO GU RU BUDDHA BO DHI SATV'A BHYA: GRANGS MED {DD} GSUM GYI TSOGS GNYIS YONGS RDZOGS SKU GSUM GO 'PHANG MCHOG BRNYES TE, , RIGS CAN GSUM GYI GDUL BYA'I TSOGS LA RNAM GSUM 'KHOR LO RAB BSKOR NAS, ,THEG PA GSUM GYI BYANG CHUB LAM BKOD KHAMS GSUM 'GRO BA'I GNYEN GCIG PU, ,SRID PA GSUM GYI STON PA MCHOG DER SGO GSUM GUS PAS PHYAG 'TSAL LO, ,DRI MED YE SHES SPYAN ZUR GCIG GIS KYANG, ,MA LUS CHOS KYI RANG SPYI'I MTSAN NYID KUN, ,JI BZHIN MA 'DRES GSAL BAR MNGON GZIGS PA, ,SMRA BA'I DBANG PHYUG 'JAM PA'I DBYANGS LA 'DUD, ,RGYAL BA'I DAM CHOS MA LUS KUN 'DZIN PAR, ,RGYAL BA NYID KYIS LUNG BSTAN BRNYES GYUR PA, ,RGYAL SRAS THOGS MED SKU MCHED RJES 'BRANG BCAS, ,RGYAL BA'I GDUNG 'TSOB DGE BA'I {DD} @02A *, ,BSHES SU NGES, ,BRTAN PA'I 'KHOR LO RJE BTZUN TZONG KHA PA, ,PAD DKAR 'DZIN PA BLO BZANG RGYA MTSO'I SDE, ,YONGS 'DZIN MKHAS PA NGAG {DD} DBANG BRTZON 'GRUS SOGS, ,DNGOS BRGYUD BLA MA RNAMS LA PHYAG 'TSAL LO, ,CHOS MNGON RGYA MTSOR RANG DBANG 'JUG DKA' YANG, ,BSHES GNYEN MKHAS PA'I DED DPON LA BRTEN NAS, ,DGONGS DON SNYING PO BSDUS PA'I YID BZHIN NOR, ,LEGS BSHAD RGYAL MTSAN RTZE MOR MCHOD PAR BYA, ,DE LA 'DIR MKHAS MCHOG DBYIG GNYEN ZHABS KYIS MDZAD PA'I MNGON PA MDZOD KYI DGONGS DON 'CHAD PA LA 'JUG PAR BYA STE, DE YANG RTZA BA'I TSIG DON LA NGES PA RNYED PA'I CHED DU RANG RANG GI SKABS KYI RTZA TSIG BKOD NAS DE'I DON RNAMS RIM PA BZHIN DU 'CHAD PAR BYA'O, ,'DI LA GSUM, KLAD KYI DON DANG, GZHUNG GI DON DANG, MJUG GI DON BSHAD PA'O, ,DANG PO LA, MTSAN GYI DON DANG, 'GYUR GYI @02B PHYAG BSHAD PA GNYIS, DANG PO LA, BSTAN BCOS 'DI'I RGYA SKAD KYI MTSAN DANG, DE BOD KYI SKAD DU BSGYUR BA GNYIS, DANG PO NI, RGYA GAR SKAD DU, AA BHI DHARMA KO shA K'A RI K'A ZHES BYA LA, GNYIS PA NI, SHES BYA CHOS CAN, BSTAN BCOS 'DI'I MTSAN BOD KYI SKAD DU BSGYUR TSUL YOD DE, AA BHI NI MNGON PA, DHARMA NI CHOS, KO shA NI MDZOD, K'A RI K'A NI TSIG LE'UR BYAS PA ZHES BYA BAR 'GYUR BA'I PHYIR, SKAD SHAN SBYAR BA LA DGOS PA YOD DE, BSTAN BCOS 'DI 'PHAGS YUL GYI MKHAS PA'I GSUNG YIN PAR SHES PA DANG, LEGS SBYAR GYI SKAD LA BAG CHAGS 'JOG PA'I CHED YIN PA'I PHYIR RO, ,GNYIS PA 'GYUR GYI PHYAG LA, GZHUNG DGOD PA DANG, DON BSHAD PA GNYIS, DANG PO NI, 'JAM DPAL GZHON NUR GYUR PA LA PHYAG 'TSAL LO ZHES BYUNG, GNYIS PA NI, SHES BYA CHOS CAN, YUL GANG LA PHYAG 'TSAL BA LA DGOS PA YOD DE, SGRIB GNYIS KYI RTZUB REG DANG BRAL BAS NA 'JAM, TSOGS GNYIS KYI DPAL DANG LDAN PAS NA DPAL, NA TSOD LO BCU DRUG LON PA'I NYAMS CAN YIN PAS NA GZHON NUR GYUR PA STE, DE LA PHYAG 'TSAL BA YIN PA'I PHYIR, DE LTAR PHYAG 'TSAL BA LA DGOS PA YOD DE, BSTAN BCOS 'DI SNGON GYI BKAS BCAD LTAR MNGON PA'I SDE SNOD KYI KHONGS SU GTOGS PAR SHES PA'I CHED YIN PA'I PHYIR, GNYIS PA LA, BSTAN BCOS LA 'JUG PA'I YAN LAG DANG, GZHUNG GI DON DNGOS DANG, BSHAD PA MTHAR PHYIN PA'I TSUL GSUM, DANG PO LA, MCHOD PAR BRJOD PA, @03A *, ,BRTZAM PAR DAM BCA' BA, MNGON PA'I MTSAN DON, BRTZAMS PA'I DGOS PA BSHAD PA BZHI, DANG PO LA GZHUNG DGOD PA DANG, DE'I DON BSHAD PA GNYIS, DANG PO NI, GANG ZHIG KUN LA MUN PA GTAN BCOM ZHING, ,'KHOR BA'I 'DAM LAS 'GRO BA DRANGS MDZAD PA, ,DON BZHIN STON PA DE LA PHYAG 'TSAL ZHES BYUNG, GNYIS PA LA TSIG DON DANG, MTHA' DPYAD PA GNYIS, DANG PO NI, SLOB DPON DBYIG GNYEN CHOS CAN, KHYOD KYIS BSTAN BCOS 'DI RTZOM PA'I THOG MAR STON PA SANGS RGYAS GANG ZHIG LA PHYAG 'TSAL BA'I RGYU MTSAN YOD DE, RANG NYID DAM PA'I SPYOD PA DANG MTHUN PA DANG, BSOD NAMS 'PHEL BA DANG, BSTAN BCOS RTZOM PA'I BAR CHAD ZHI BA SOGS KYI CHED YIN PA'I PHYIR, SANGS RGYAS DE CHOS CAN, PHUN SUM TSOGS PA GSUM MNGA' STE, SHES BYA KUN LA RMONGS PA'I NYON MONGS DANG NYON MONGS CAN MA YIN PA'I SGRIB PA'I MUN PA SA BON DANG BCAS PA GTAN NAS BCOM ZHING SPANGS PA'I SPANGS PA PHUN TSOGS DANG, DE'I SHUGS KYIS 'PHANGS PA'I SHES BYA THAMS CAD RTOGS PA'I RTOGS PA PHUN TSOGS GNYIS DANG LDAN ZHING, BRTZE BA'I THUGS KYIS 'GRO BA RNAMS LA PHAN PA'I DON SKAL BA JI LTA BA BZHIN DU CHOS STON PA'I SGO NAS BRGAL BAR DKA' BA'I 'KHOR BA'I 'DAM LAS DRANG BAR MDZAD PA'I 'PHRIN LAS PHUN SUM TSOGS PA GSUM DANG LDAN PA'I PHYIR, GNYIS PA MTHA' DPYAD PA LA, KHA CIG ,NYON MONGS CAN DANG NYON MONGS @03B CAN MA YIN PA'I MUN PA SPANGS PA'I SPANGS PA YIN NA, 'DI'I DNGOS BSTAN GYI SPANGS PA YIN PAS KHYAB ZER NA, NYAN RANG DGRA BCOM PA'I RGYUD KYI SPANGS PA CHOS CAN, DER THAL, DE'I PHYIR, DER THAL, NYAN RANG DGRA BCOM PAS DE GNYIS SPANGS PA'I PHYIR, DER THAL, DES NYON MONGS CAN GYI MUN PA SPANGS PA GANG ZHIG ,DE MA YIN PA'I MUN PA SPANGS PA'I PHYIR, DANG PO DER THAL, DGRA BCOM PA YIN PA'I PHYIR, GNYIS PA DER THAL, DES DE 'DUN PA LA 'DOD CHAGS DANG BRAL BA'I TSUL GYIS SPANGS YANG, GTAN NAS BCOM PA MA YIN PA'I KHYAD PAR 'THAD PA'I PHYIR, DER THAL, RANG 'GREL LAS, KUN LA MUN PA BCOM PAR NI 'DOD MOD KYI, GTAN NAS NI MA YIN TE, ZHES GSUNGS PA'I PHYIR, RTZA BAR 'DOD NA, MI 'THAD PAR THAL, DE SPANGS PA PHUN TSOGS MA YIN PA'I PHYIR, DER THAL, DE SANGS RGYAS KYI RGYUD KYI SPANGS PA MA YIN PA'I PHYIR, KHYAB STE, 'DI'I DNGOS BSTAN GYI SPANGS PA DE LA, SKYE MCHED BCU GNYIS KYI CHOS KUN LA SGRIB PA'I MUN PA GTAN NAS BCOM PA ZHIG DGOS PA'I PHYIR, DER THAL, KUN LA MUN PA GTAN BCOM ZHING, ,ZHES GSUNGS PA'I PHYIR, KHA CIG ,'DI'I DNGOS BSTAN GYI MUN PA YIN NA, MUN PA YIN PAS KHYAB ZER NA, DE MI 'THAD PAR THAL, DE YIN NA, MUN PA MA YIN PAS KHYAB PA'I PHYIR, DE YIN NA, SGRIB PA YIN DGOS PA'I PHYIR, KHYAB STE, SPYIR MUN PA LA, PHYI'I GZUGS KYIS KHYAB PA'I PHYIR, GZHAN YANG, DE MI 'THAD PAR THAL, 'DIR SGRIB PA GNYIS PO DE LA MUN PA DANG CHOS MTHUN YOD PA'I SGO NAS DE'I MING GIS BTAGS PA TZAM YIN PA'I PHYIR, DER THAL, MUN PA DES PHYI'I GZUGS GSAL BAR MTHONG BA LA SGRIB PAR BYED PA BZHIN DU, SGRIB PA GNYIS PO @04A *, ,DES NANG CHOS RNAMS KYI RANG SPYI'I MTSAN NYID MNGON SUM DU MTHONG BA LA SGRIB PAR BYED PAS NA DE LTAR BTAGS PA'I PHYIR, GZHAN YANG, SKABS 'DIR DE GNYIS GANG RUNG SPANGS NA, GTAN NAS SPANGS MI DGOS TE, DE GANG RUNG SPANGS NA SLAR MI SKYE BA'I CHOS CAN DU BYAS NAS SPANGS MI DGOS PA'I PHYIR, DER THAL, NYAMS PA'I CHOS CAN GYI DGRA BCOM PA YOD PA'I PHYIR, DER THAL, DGRA BCOM PA RANG GI 'BRAS BU LAS NYAMS PA YOD PA'I PHYIR, DER THAL, DGRA BCOM DGU LAS NYAMS PA'I CHOS CAN SOGS LNGA RANG GI 'BRAS BU LAS NYAMS PAR 'GYUR BA DANG, DGRA BCOM PAR PA BZHI NI RANG GI RIGS LAS NYAMS PAR 'GYUR BA YOD CING, DANG PO RGYUN ZHUGS RANG GI 'BRAS BU LAS MI NYAMS PA'I KHYAD PAR 'THAD PA'I PHYIR, DER THAL, RTZA BAR, BZHI NI RIGS LAS LNGA 'BRAS LAS, ,NYAMS 'GYUR DANG PO LAS MA YIN, ,ZHES GSUNGS PA'I PHYIR, KHA CIG ,SKABS 'DIR SHES SGRIB SPANGS PA'I SPANGS PA DE, SPANGS PA PHUN TSOGS SU 'DOD PAR THAL, 'DIR SHES BYA'I GNAS TSUL LEGS PAR MTHONG BA LA SGRIB PA'I SGRIB PA KHAS LEN PA'I PHYIR, ZER NA MA KHYAB, 'DOD MI NUS TE, DES SGRIB PA LA SHES SGRIB KYI THA SNYAD MI BYED PA'I PHYIR, KHA CIG ,YON TAN DE LAS NYAMS PAR 'GYUR NA, DE THOB PA LAS NYAMS PAS KHYAB ZER NA, DE MI 'THAD PAR THAL, 'DIR NYAMS TSUL LA, YON TAN DE THOB PA DANG, MA THOB PA DANG, THOB KYANG MNGON DU MI BYED PA'I NYER SPYAD LAS NYAMS PA GSUM YOD PA'I PHYIR, DER THAL, GNAS DRUG PA LAS, THOB DANG MA THOB NYER SPYAD LAS, ,YONGS NYAMS RNAM PA GSUM ZHES BYA, ,ZHES GSUNGS PA'I PHYIR, GSUM GYI KHYAD PAR @04B YOD DE, DE GSUM GYI DANG PO SNGAR LTAR YIN LA, YON TAN DE MA THOB NA MA THOB PA LAS NYAMS PA DANG, THOB KYANG MNGON DU MI BYED NA NYER SPYAD LAS NYAMS PAR 'JOG PA'I PHYIR, PHYI MA DER THAL, STON PA LA 'GOG SNYOMS THOB KYANG DE MNGON DU MA BYAS PA'I PHYIR, DER THAL, DE SGO LNGA'I DBANG SHES DANG TSOR 'DU RAGS PA RGYUD LDAN GYI GANG ZAG YIN PA'I PHYIR, 'ON KYANG YON TAN DE MA THOB NA, DE LAS NYAMS PAR MA NGES TE, THOB MA THOB BRTZI BA'I GZHI THOB MKHAN NI GANG ZAG GZHIR BYED PA YIN PA'I PHYIR RO, ,KHA CIG ,MI SHES PA'I CHOS BZHI PO SGRIB PA YIN PAR THAL, RGYU BZHIS YUL BZHI MTHONG BA LA SGRIB PAR BYED PA'I PHYIR ZER NA MA KHYAB, MA GRUB NA DER THAL, YUL RING BA'I KHAMS DANG 'GRO BA DANG, SKYE GNAS DANG RTOGS DKA' BA LA SGRIB PAR BYED CING, DE BZHIN DU 'JIG RTEN GYI KHAMS 'BUM SOGS KYIS BAR DU CHOD PA LTA BU'I YUL DANG, BSKAL PA BRGYA STONG SOGS KYIS BAR DU CHOD PA'I DUS RING BA DANG, SHES BYA'I DBYE BA MTHONG BA LA SGRIB PAR BYED PA'I PHYIR, RTZA BAR 'DOD MI NUS TE, SANGS RGYAS KYI ZAG MED KYI PHUNG PO LNGA'I KHYAD PAR PHRA MO RNAMS SGRIB PA MA YIN PA'I PHYIR, KHA CIG ,'DI'I DNGOS BSTAN GYI DRANG 'OS KYI GDUL BYA LA LAM MA ZHUGS YOD PAR THAL, SKAL LDAN GYI LAM MA ZHUGS YOD PA'I PHYIR, ZER NA MA KHYAB, RTAGS DER THAL, LAM DU 'JUG KHA MA YIN NA, SKAL LDAN YIN DGOS PA'I PHYIR, 'DOD NA, MI 'THAD PAR THAL, 'DI'I DNGOS BSTAN GYI SKAL LDAN LA THAR PA CHA MTHUN RGYUD LA SKYES PA CIG DGOS PA'I PHYIR, DER THAL, GANGS SPEL LAS, SKAL PA DANG LDAN PA GANG ZHIG CE NA, THAR PA'I CHA DANG MTHUN PA'I DGE BA'I RTZA BA YONGS SU SMIN PA'O, ,ZHES GSUNGS PA'I PHYIR, KHA CIG ,SANGS RGYAS KYI RDZU 'PHRUL GYIS GDUL BYA 'KHOR BA DANG NGAN SONG LAS DRANGS BA MED PAR THAL, @05A *, ,DES DE DAG LAS CHOS BSTAN NAS 'DREN DGOS PA'I PHYIR, DER THAL, THUB RNAMS SDIG PA CHU YIS MI 'KHRU ZHING, ,ZHES PA NAS, CHOS NYID BDEN PA BSTAN PAS GROL BAR 'GYUR, ,ZHES GSUNGS PA'I PHYIR NA SNGA MAR MA KHYAB, 'DOD NA, MI 'THAD PAR THAL, DES RDZU 'PHRUL BSTAN NAS DANG DE NGAN SONG LAS THAR BAR BYAS RJES 'KHOR BA LAS GROL BA YOD PA'I PHYIR, DER THAL, DES RDZU 'PHRUL LA BRTEN NAS 'KHOR BA DANG NGAN SONG LAS THAR BAR MDZAD NA, DE TZAM GYI DBANG GIS GROL BAR 'DOD MI DGOS PA'I PHYIR, DER THAL, RANG RGYAL GYIS SGRA MED LUS KYI RNAM 'GYUR GYI SGO NAS GDUL BYA SMIN PAR BYED NA, SANGS RGYAS KYIS LTA SMOS KYANG CI DGOS PA'I PHYIR, DER THAL, SGRA MED KYANG DE DE LTAR SNANG, ,ZHES GSUNGS PA'I PHYIR, DES NA CHOS STON NA NGAG GIS STON PAS MA KHYAB BO, ,KHA CIG ,'DI'I DNGOS BSTAN GYI GDUL BYA SKAL LDAN YIN NA, 'KHOR BA LAS THAR ZIN PAS KHYAB PAR THAL, DE YIN NA, 'KHOR BA LAS DRANGS ZIN PAS KHYAB PA'I PHYIR, DER THAL, DE YIN NA, DE LAS DRANGS PAS KHYAB PA'I PHYIR, DER THAL, RANG 'GREL LAS, SKAL BA JI LTA BA BZHIN DU DRANGS SO, ,ZHES GSUNGS PA'I PHYIR ZER NA, MA KHYAB STE, DE NI 'KHOR BA'I RGUD PA CI RIGS LAS DRANGS PA'I DON YIN PA'I PHYIR, DER THAL, JI SKAD DU, KHYOD KYIS GANG LAS 'GRO BA DAG ,MA DRANGS RGUD PA GANG MA MCHIS, ,ZHES GSUNGS PA LTA BU YIN PA'I PHYIR, ,KHA CIG ,'DI'I DNGOS BSTAN GYI DE YIN NA, 'KHOR BA LAS DRANGS PAS KHYAB PAR THAL, RTZA BAR, 'KHOR BA'I 'DAM LAS 'GRO BA DRANGS MDZAD PA, ,ZHES GSUNGS PA'I PHYIR NA, RE ZHIG 'DOD KYANG RUNG STE, 'DIR DRANG ZHES PA DRANGS ZIN KHO NA'I DON MA YIN PA'I PHYIR, DER THAL, DE NI BYA BYED GNYIS KA LA SBYOR @05B RIGS PA'I PHYIR, DER THAL, BYED PA LA SBYAR BA'I TSE DRANG BAR MDZAD PA STE 'DREN PA'I SKABS LA SBYOR RUNG ZHING, BYA BA LA SBYOR BA'I TSE DRANGS ZIN PA LA SBYOR RIGS PA'I PHYIR, KHA CIG ,STON PAS SKAL PA DANG MI LDAN PA'I GDUL BYA MI 'DREN PAR THAL, NYI MA SHAR BA'I TSE YONGS SU SMIN PA'I PADMO KHA 'BYED NUS SHING, MA SMIN PA'I PADMO KHA MI 'BYED PA LTAR, SANGS RGYAS 'JIG RTEN DU BYON YANG GDUL BYA SMIN MA SMIN PA'I DON BYED MI BYED DE DANG 'DRA BA'I PHYIR, DER THAL, JI SKAD DU; JI LTAR NYI MA SHAR BA NA, ,YONGS SMIN PADMA KHA 'BYED LTAR, ,ZHES SOGS GSUNGS PA'I PHYIR NA, MA KHYAB, 'DOD MI NUS TE, SANGS RGYAS KYIS DON MI BYED PAR YAL BAR DOR BA'I SEMS CAN MED PA'I PHYIR, 'ON KYANG SKAL BA DANG LDAN PA'I GDUL BYA 'DREN PAR DNGOS SU BSTAN PA'I SHUGS LA, SKAL BA DANG MI LDAN PA RNAMS DNGOS SU SMIN PAR MI MDZAD PAR BSTAN TE, JI SKAD DU, SANGS RGYAS RNAMS NI BYUNG GYUR KYANG, ,SKAL BA MED PAS BZANG MI MYONG, ,ZHES PA LTA BU YIN PA'I PHYIR, GNYIS PA NI, NAS, ,CHOS MNGON MDZOD KYI BSTAN BCOS RAB BSHAD BYA, ,ZHES BYUNG, SLOB DPON CHOS CAN, KHYOD KYIS STON PA LA MCHOD BRJOD MDZAD NAS, BYA BA GANG LA 'JUG PA YOD DE, CHOS MNGON PA SDE BDUN GYI BRJOD BYA'I DON THAMS CAD 'DUS PA'I RGYAL PO'I BANG MDZOD LTA BU'I BSTAN BCOS 'DI RAB TU BSHAD PAR BYA BAR BZHED PA'I PHYIR, GSUM PA LA, DON DAM PA'I CHOS MNGON PA'I DON DANG, BRDAR BTAGS PA'I CHOS MNGON PA'I DON DANG, MDZOD KYI MTSAN DON BSHAD PA GSUM, DANG PO NI, CHOS MNGON SHES RAB DRI MED RJES 'BRANG BCAS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, MTHONG SGOM MI SLOB LAM DRI MED RJES 'BRANG DANG BCAS PA CHOS CAN, DON DAM PA'I CHOS MNGON PA YIN TE, @06A *, ,DON DAM PA YIN PA'AM, DE LAS BYUNG ZHING CHOS 'GOG LAM LA MNGON DU PHYOGS PA'AM MNGON SUM DU RTOGS PAS NA DON DAM PA DANG MNGON PA ZHES BRJOD PA'I PHYIR, DON DAM PA'I CHOS MNGON PA CHOS CAN, PHUNG PO LNGA PA CAN YIN TE, ZAG MED KYI SHES RAB RJES 'BRANG STE 'KHOR DU BYAS PA'I TSOR BA 'DU SHES 'DU BYED RNAM SHES DANG BCAS PA'I LNGA PA CAN YIN PA'I PHYIR, GNYIS PA MTHA' DPYAD PA LA, KHA CIG ,ZAG MED KYI CHOS YIN NA, DON DAM PA'I CHOS MNGON PA YIN PAS KHYAB ZER NA, NAM MKHA' CHOS CAN, DER THAL, DE'I PHYIR, DER THAL, 'DUS MA BYAS GSUM PO GANG RUNG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, LAM BDEN MA YIN PA'I PHYIR, KHA CIG ,'DIR CHOS MNGON PA LA SHES RAB GTZO BOR GYUR PA MI 'THAD PAR THAL, RNAM SHES GTZO BO DANG SHES RAB DE'I 'KHOR DU 'BYUNG BA'I PHYIR ZER NA, MA KHYAB, KHA CIG ,CHOS MNGON PA YIN NA, SHES PA YIN PAS KHYAB ZER NA, 'PHAGS RGYUD KYI ZAG MED KYI SDOM PA CHOS CAN, DER THAL, DE'I PHYIR, DER THAL, ZAG MED KYI PHUNG PO LNGA PO GANG RUNG YIN PA'I PHYIR, DER THAL, CHOS CAN DE YIN PA'I PHYIR, 'DOD NA, MI 'THAD PAR THAL, GZUGS PHUR YIN PA'I PHYIR, KHA CIG , GZUGS MED KHAMS NA ZAG MED KYI SDOM PA MED ZER NA, RE ZHIG DE MI 'THAD PAR THAL, GNAS BZHI PA LAS, ZAG MED NI, ,BSAM GTAN KHYAD PAR 'DU SHES MED, ,SEMS CAN MA GTOGS GZUGS MED NA'ANG, ,ZHES KHYAD PAR PHYE NAS BSHAD PA'I PHYIR DANG, RANG 'GREL LAS KYANG, ZAG PA MED PA'I SDOM PA NI ZHES PA NAS GZUGS MED PA'I KHAMS SU SKYES PA RNAMS LA YANG YOD DO, ,ZHES GSUNGS PA'I PHYIR, KHA CIG ZAG MED KYI SDOM PA YIN NA, GZUGS CAN MA YIN @06B PAS KHYAB PAR THAL, GZUGS MED KHAMS NA DE YOD PA'I PHYIR, DER THAL, GZUGS MED KHAMS PA'I 'PHAGS PA LA DE YOD PA'I PHYIR, KHA CIG MA KHYAB ZER, RTAGS DER THAL, ZAG MED 'PHAGS PA'I SEMS CAN RNAMS, ,ZHES GSUNGS PA'I PHYIR, KHA CIG ,GZUGS MED KYI SAS BSDUS KYI ZAG MED KYI SDOM PA YOD PAR THAL, GZUGS MED NA DE YOD PA'I PHYIR NA MA KHYAB, KHYAB STE, ZAG MED GANG DU SKYES PA'I YIN, ,ZHES GSUNGS PA'I PHYIR NA YANG MA KHYAB STE, SPYIR BSTAN PA TZAM YIN PA'I PHYIR, YANG NA GZUGS MED KHAMS PA'I RGYUD LA ZAG MED KYI SDOM PA MED PAR THAL, GZUGS MED KHAMS NA GZUGS CAN GYI SDOM PA MED PA'I PHYIR, DER THAL, DE NA GZUGS MED PA'I PHYIR NA SNGA MA LA MA KHYAB PA'AM GANG BDE'O, ,KHA CIG ,SO THAR DANG ZAG MED KYI SDOM PA'I GZHI MTHUN YOD PAR THAL, SPONG SDOM DANG DE'I GZHI MTHUN YOD PA'I PHYIR NA MA KHYAB, 'DOD MI NUS TE, BSAM GTAN DANG ZAG MED KYI SDOM BA GNYIS SEMS KYI RJES 'BRANG ZHES BYA LA, SO THAR NI LUS NGAG GI RJES 'BRANG GTZO CHE BA'I PHYIR, GNYIS PA BRDAR BTAGS PA'I CHOS MNGON PA NI, DE THOB BYA PHYIR GANG DANG BSTAN BCOS GANG, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BRDAN BTAGS PA'I CHOS MNGON PA CHOS CAN, KHYOD KYI NGO BO'I KHYAD PAR YOD DE, 'BRAS BU'I MNGON PA DE THOB PAR BYA BA'I PHYIR DU ZHUGS PA'I LAM GANG YIN PA DANG, DE DAG BRJOD BYAR BYED PA'I BSTAN BCOS TE GZHUNG MNGON PA GANG YIN PA GNYIS SU YOD PA'I PHYIR, DE GNYIS KYI KHYAD PAR YOD DE, THOS BSAM SGOM GSUM GANG RUNG GIS BSDUS PA'I ZAG BCAS KYI MNGON PA DE LAM MNGON PA DANG, GZHUNG MNGON PA NI BSHAD PA LTAR BKA' BSTAN BCOS GANG RUNG @07A *, ,GIS BSDUS PA ZHIG LA BYED PA'I PHYIR, GNYIS PA LA, KHA CIG ,DON DAM PA'I CHOS MNGON PA THOB BYED KYI LAM YIN NA, BRDAR BTAGS PA'I CHOS MNGON PA YIN PAS KHYAB ZER NA, DE MI 'THAD PAR THAL, NYAN THOS 'PHAGS PA'I RGYUD KYI THOS BSAM SGOM GSUM GANG RUNG GIS BSDUS PA'I DON DAM PA'I CHOS MNGON PA THOB BYED KYI THABS SU GYUR PA'I LAM YOD CING, DE BRDAR BTAGS PA'I CHOS MNGON PA MA YIN PA'I PHYIR, DER THAL, DON DAM PA'I CHOS MNGON PA YIN PA'I PHYIR, KHA CIG ,TSOGS SBYOR GANG RUNG YIN NA, BRDAR BTAGS PA'I CHOS MNGON PA YIN PAS KHYAB PAR THAL, DAM BCA' 'THAD PA'I PHYIR, 'DOD NA, MA YIN PAR THAL, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA YOD PA'I PHYIR, DER THAL, NYAN THOS 'PHAGS PA'I RTOGS PA SNGON DU SONG BA'I DE YOD PA'I PHYIR, DER THAL, NYAN THOS SBYOR LAM NAS RIGS BZLOG NAS BYANG SEMS LAM DU 'JUG PA YOD PA'I PHYIR NA MA KHYAB, DER THAL, GNYIS SLOB RIGS LAS LOG NAS NI, ,SANGS RGYAS SU 'GYUR ZHES NYAN THOS KYI SBYOR LAM DROD RTZE NAS DE LTAR DU 'GYUR BA YOD PA'I PHYIR, KHA CIG ,'DOD KHAMS SU LAM MNGON PAR GYUR PA'I BSGOMS BYUNG MED PAR THAL, 'DOD PA'I SAS BSDUS KYI BSGOMS BYUNG MED PA'I PHYIR NA MA KHYAB, MA GRUB NA DER THAL, 'DOD PA'I SAS BSDUS KYI THOS BSAM GYI SHES RAB YOD KYANG BSGOMS BYUNG GI SHES RAB MED, GZUGS MED NA THOS BYUNG DANG BSAM BYUNG MED LA BSGOMS BYUNG YOD, GZUGS KHAMS KYI SAS BSDUS PA'I THOS BSAM GNYIS MED KYANG BSGOMS BYUNG GI SHES RAB YOD PA'I PHYIR DANG, GZUGS NA THOS BSAM YOD KYANG GO @07B SAS BSDUS SU MI 'JOG PA'I PHYIR, RTZA BAR 'DOD MI NUS TE, 'DOD KHAMS NA SBYOR LAM YOD PA'I PHYIR, KHA CIG ,GZHUNG MNGON PA CHOS MNGON PA YIN PAR THAL, LAM 'BRAS KYI MNGON PA CHOS MNGON PA YIN PA'I PHYIR NA MA KHYAB, KHA CIG ,LUNG MNGON PA CHOS MNGON PA YIN PAR THAL, LUNG GI CHOS MNGON PA MER BSREG PAS CHOS MNGON PA BSREGS PA'I CHOS SPONG GI LAS 'BYUNG BA'I PHYIR NA MA KHYAB BO, ,GSUM PA NI, 'DIR DE DON DU YANG DAG CHUD PHYIR RAM, ,'DI YI GNAS DE YIN PAS CHOS MNGON MDZOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BSTAN BCOS 'DI CHOS CAN, KHYOD LA CHOS MNGON PA'I MDZOD CES BYA STE, MNGON PA SDE BDUN GYI BRJOD BYA MNGON PA GSUM PO DE 'DIR BRJOD BYA'I DON DU YANG DAG PAR CHUD PA'I PHYIR RAM, BSTAN BCOS 'DI YI 'BYUNG BA'I GNAS KYANG SDE BDUN PO DE YIN PA'I RGYU MTSAN GYIS DE LTAR BRJOD PA'I PHYIR, GNYIS PA MTHA' DPYAD PA LA, KHA CIG ,BSTAN BCOS 'DIR SDE BDUN GYI TSIG THAMS CAD CHUD PAR THAL, SDE BDUN GYI TSIG DON GCES PA RNAMS CHUD PA'I PHYIR NA MA KHYAB, 'DOD NA, MI 'THAD PAR THAL, SDE BDUN GYI TSIG TSOGS KYI SPROS PA RNAMS 'DIR MA 'DUS PA'I PHYIR, DER THAL, RGYAL SRAS MA LAS, TSIG GI SGO NAS MA YIN TE, DE NI DON GYI SGO NAS CHUD KYI THAMS CAD NI MA YIN NO, ,ZHES GSUNGS PA'I PHYIR, KHA CIG ,'DI'I DNGOS BSTAN GYI MNGON PA MDZOD YIN NA, SLOB DPON GYI BSTAN BCOS 'DI YIN PAS KHYAB ZER NA, MI 'THAD PAR THAL, 'DI'I DNGOS BSTAN GYI DE LA BSTAN BCOS 'DI GANG LAS 'BYUNG BA'I GNAS KYI MDZOD YOD PA'I PHYIR, DER THAL, MDZOD KYI DON LA SNGAR BSHAD PA LTAR GNYIS YOD PA'I PHYIR, DER THAL, DPER NA, NOR @08A *, ,BU 'JOG PA'I GNAS LA MDZOD CES BTAGS PA LTAR MDZOD CES BRJOD PA DANG, NOR BU GANG NAS 'BYUNG BA'I GNAS LA MDZOD CES BRJOD PA LTA BU GNYIS YOD PA'I PHYIR, BZHI PA MNGON PA GSUNGS PA'I DGOS PA NI, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,NYON MONGS PAS KYANG 'JIG RTEN SRID MTSO 'DIR 'KHYAMS TE, ,DE BAS DE PHYIR 'DI NI STON PAS GSUNGS SO LO, , ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, SLOB DPON CHOS CAN, MNGON PA'I BSTAN BCOS 'DI RTZOM PAR SPRO BA'I RGYU MTSAN YOD DE, RGYU MTSAN GANG GI PHYIR NA, CHOS RNAMS RAB TU RNAM PAR 'BYED PA'I SHES RAB MED PAR NYON MONGS PA RNAMS NYE BAR ZHI BAR BYED PA'I THABS KYI GTZO BO MED LA, NYON MONGS PA'I DBANG GIS KYANG 'JIG RTEN TE SKYE RGU RNAMS SRID PA'I RGYA MTSO CHEN PO 'DIR RAB TU 'KHYAMS TE THAR PA THOB PAR MI 'GYUR BA'I RGYU MTSAN DE'I PHYIR, DE BAS NA STON PAS DANG POR MNGON PA'I TSIG DON THOR BUR GSUNGS PA PHYOGS GCIG TU MNGON PA SDE BDUN PO 'DIR, DGRA BCOM PA BDUN GYIS BSDUS PAR BYE BRAG SMRA BA LA GRAGS SO, ,KHO BO ZHES SMOS PA'I RGYU MTSAN YOD DE, SLOB DPON GYIS SDE BDUN PO 'DI DGRA BCOM PA'I MING CAN BDUN GYIS BRTZAMS PAR BZHED PAS, BYE BRAG SMRA BAS SDE BDUN BKA' YIN YANG DGRA BCOM PA BDUN GYIS BSDUS PAR 'DOD PA LA MA RANGS PA'I DGAG TSIG STON PA'I PHYIR, DGRA BCOM DE DAG GIS BSDUS PA'I BSTAN BCOS BDUN YOD DE, JI SKAD DU SDOM LAS, YE SHES LA 'JUG KA TYA'I BUS, ,RAB TU BYED PA DBYIG BSHES KYIS, ,RNAM SHES TSOGS NI LHA SKYID KYIS, ,CHOS KYI PHUNG PO SH'A RI'I BUS, ,GDAGS PA'I BSTAN @08B BCOS MO'U 'GAL BUS, ,'GRO BA'I RNAM GRANGS GSUM PO CHES, ,KHAMS KYI TSOGS NI GANG POS BYAS, ,ZHES 'BYUNG BA LTAR YIN PA'I PHYIR, GNYIS PA MTHA' DPYAD PA LA, KHA CIG ,SLOB DPON GYIS MNGON PA SDE BDUN GYI TSIG DON LA MA RANGS PA'I DGAG PA MDZAD PAR THAL, LO ZHES GSUNGS PA NI MA RANGS PA'I DGAG TSIG YIN PA'I PHYIR NA MA KHYAB STE, DE NI BYE BRAG SMRA BAS SDE BDUN BKAR 'DOD PA LA MA RANGS PA'I DGAG PA YIN GYI, SDE BDUN GYI TSIG DON LA MA RANGS PA MA YIN PA'I PHYIR, 'DOD MI NUS TE, SLOB DPON GYIS SDE BDUN GYI DGONGS PA 'GREL BA LA 'JUG PA'I PHYIR, KHA CIG ,SKABS 'DIR SLOB DPON NYID MDO SDE PA YIN PAR THAL, RGYAL SAS MA LAS, MDO SDE PA KHO BO CAG GI, ZHES GSUNGS PA'I PHYIR NA MA KHYAB STE, DE NI SDE BDUN BKA' MA YIN PAR 'DOD PA LA MDO SDE PA NANG MTSUNGS ZHES PA'I DON YIN GYI, SLOB DPON NYID MDO SDE PA YIN ZHES PA'I DON MA YIN PA'I PHYIR, DER THAL, BYE BRAG SMRA'I LUGS GZHIR BYED PA'I TSE SLOB DPON BYE BRAG TU SMRA BAR 'DOD DGOS PA'I PHYIR, DER THAL, DE GZHIR 'JOG PA'I TSE STON PA NYID KYANG BYE BRAG TU SMRA BAR 'DOD DGOS PA'I PHYIR, KHA CIG ,LO ZHES PA MA RANGS PA'I TSIG MA YIN PAR THAL, DE BSHAD PA'I RGYAN YIN PA'I PHYIR, DER THAL, LO GRAGS ZER GSUM BSHAD PA'I RGYAN YIN PA'I PHYIR, DER THAL, SLOB DPON RANG GI BLA MA KHA CHE 'DUN BZAS DE LTAR BZHED PA'I PHYIR NA MA KHYAB, KHA CIG ,SLOB DPON GYIS SDE BDUN GYI TSIG DON THAMS CAD 'KHRUL MED BZHED PAR THAL, DES SDE BDUN GYI DGONGS PA THAMS CAD 'KHRUL MED DU 'GREL BA'I PHYIR NA MA KHYAB, 'DOD NA, MI 'THAD PAR THAL, SDE BDUN GYI GZHUNG LA LAS 'DUS MA BYAS RDZAS GRUB TU STON PAS DE RDZAS GRUB TU SLOB DPON MI BZHED PA'I PHYIR, @09A *, ,KHA CIG ,SLOB DPON GYIS SDE BDUN SDUD PA PO RNAMS DGRA BCOM PA MA YIN PAR BZHED PAR THAL, MDO SDE PAS DE LTAR 'DOD PA'I PHYIR NA, RE ZHIG MA KHYAB, RTAGS DER THAL, DES DE RNAMS 'PHAGS PA MIN PAR 'DOD PA'I PHYIR, DER THAL, THUB BSTAN BYI DOR LAS, DE'I PHYIR MDO SDE PAS KYANG MNGON PA SDE BDUN LA SOGS PA RTZOM PA PO RNAMS 'PHAGS PA MIN PAR SMRA'O, ,ZHES GSUNGS PA'I PHYIR, GNYIS PA GZHUNG DON DNGOS LA; LUS KYI SGO NAS MDOR BSTAN PA DANG, YAN LAG GI SGO NAS RGYAS PAR BSHAD PA GNYIS, DANG PO LA GNYIS, BRJOD BYA'I DON BSDUS TE BSTAN PA DANG, CUNG ZAD PHYE STE BSHAD PA GNYIS, DANG PO NI, ZAG BCAS ZAG PA MED CHOS RNAMS, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BSTAN BCOS 'DI CHOS CAN, KHYOD KYI BRJOD BYA YOD DE, ZAG BCAS DANG ZAG PA MED PA'I CHOS RNAMS NI KHYOD KYI BRJOD BYA YIN PA'I PHYIR, DGOS PA YOD DE, CHOS THAMS CAD DE GNYIS SU BSDUS NAS STON PAR BZHED PA'I CHED YIN PA'I PHYIR, ZAG BCAS DANG POR 'BYUNG BA'I RGYU MTSAN YOD DE, KUN NAS NYON MONGS PA SNGON DANG RNAM PAR BYANG BA RJES SU BZUNG BA'I GO RIM DANG MTHUN PAR BRJOD PA YIN PA'I PHYIR, BSTAN BCOS 'DI CHOS CAN, KHYOD KYI DGOS SOGS CHOS BZHI'I KHYAD PAR YOD DE, ZAG BCAS ZAG MED KYI CHOS RNAMS KHYOD KYI BRJOD BYA, KHYOD LA BRTEN NAS DE RNAMS LEGS PAR RTOGS PA DE KHYOD KYI DGOS PA; RTOGS NAS NYAMS SU BLANGS NAS THOB PAR 'GYUR BA'I MYANG 'DAS GNYIS NYID DGOS, CHOS GSUM PHYI MA SNGA MA LA 'BREL BA DE 'BREL BA YIN PA'I PHYIR, GNYIS PA MTHA' DPYAD PA LA, KHA CIG ,ZAG BCAS YIN NA, DMIGS PA @09B DANG MTSUNGS LDAN GNYIS KYI SGO NAS ZAG PA RGYAS RUNG YIN PAS KHYAB ZER NA, NYAN THOS DGRA BCOM PA'I MIG DBANG CHOS CAN, DER THAL, DE'I PHYIR, DER THAL, LAM BDEN DU MA GTOGS PA'I 'DUS BYAS YIN PA'I PHYIR, KHYAB STE, RTZA BAR LAM MA GTOGS PA'I 'DUS BYAS RNAMS, ,ZAG BCAS ZHES GSUNGS PA'I PHYIR, 'DOD NA, MI 'THAD PAR THAL, MTSUNGS LDAN GYI SGO NAS ZAG PA RGYAS RUNG MA YIN PA'I PHYIR, DER THAL, DE DGRA BCOM PA'I DBANG PO YIN PA'I PHYIR, DER THAL, CHOS CAN DE YIN PA'I PHYIR, GZHAN YANG, DE MI 'THAD PAR THAL, DE DANG MTSUNGS LDAN MED PA'I PHYIR, DER THAL, DE GZUGS CAN YIN PA'I PHYIR, KHA CIG NYAN THOS DGRA BCOM PA'I MIG DBANG DE ZAG BCAS YIN KYANG SGOM SPANG MA YIN ZER NA, DE CHOS CAN, SGOM SPANG YIN PAR THAL, GZUGS CAN GYI KHAMS BCU PO GANG RUNG YIN PA'I PHYIR, KHYAB STE, DE BCU DANG MIG SOGS KYI RNAM SHES KYI KHAMS LNGA LA SGOM SPANG GIS KHYAB PA'I PHYIR, DER THAL, RTZA BAR, BCU NI SGOM PA'I SPANG BYA YIN, ,LNGA YANG, ZHES GSUNGS PA'I PHYIR, KHA CIG ,DE SPANG BYA YIN PAR THAL, SGOM SPANG YIN PA'I PHYIR NA MA KHYAB BO, ,KHA CIG ,'DIR GANG LA DMIGS NAS ZAG PA SKYE RUNG DE ZAG BCAS KYI DON YIN ZER NA, 'GOG LAM GNYIS CHOS CAN, ZAG BCAS YIN PAR THAL, KHYOD LA DMIGS NAS ZAG PA SKYE RUNG BA'I PHYIR, DER THAL, 'GOG PA LA DMIGS PA DANG LAM LA DMIGS PA'I 'GOG PA DANG LAM MTHONG SPANG YOD PA'I PHYIR, DER THAL, RTZA BAR 'GOG DANG LAM MTHONG SPANG BYA BA, ,ZHES SOGS GSUNGS PA'I PHYIR, 'DOD NA, DE GNYIS CHOS CAN, KHYOD LA DMIGS NAS ZAG PA RGYAS PAR 'GYUR BAR THAL, ZAG BCAS YIN PA'I PHYIR, 'DOD MI NUS TE, RANG 'GREL LAS, DE GNYIS LA RGYAS @10A *, ,PAR MI 'GYUR BAS DE GNYIS ZAG PA DANG BCAS PA NYID DU THAL BA MED DO, ,ZHES GSUNGS PA'I PHYIR, RANG LUGS NI, DMIGS PA DANG MTSUNGS LDAN GANG RUNG GI SGO NAS ZAG PA'AM NYON MONGS RGYAS 'GYUR DE ZAG BCAS KYI DON YIN TE, 'DIR, ZAG BCAS GANG PHYIR DE DAG LA, ,ZAG RNAMS KUN TU RGYAS 'GYUR PHYIR, ,ZHES GSUNGS PA'I PHYIR, DMIGS PA DANG MTSUNGS LDAN GYI SGO NAS BZHAG PA'I MTSAN GZHI YOD DE, GZUGS CAN BCU LTA BU DANG PO DANG, PHRA RGYAS RNAMS GNYIS PA YIN PA'I PHYIR, DMIGS MTSUNGS GANG RUNG GI SGO NAS ZAG PA RGYAS PAR MI 'GYUR BA'I CHOS DE ZAG MED KYI DON YIN LA, MTSAN GZHI YOD DE, LAM BDEN DANG 'DUS MA BYAS GSUM LTA BU YIN PA'I PHYIR, GNYIS PA NI, LAM MA GTOGS PA'I 'DUS BYAS RNAMS, ,ZAG BCAS GANG PHYIR DE DAG LA, ,ZAG RNAMS KUN TU RGYAS PAR 'GYUR, ,ZAG MED LAM GYI BDEN PA DANG, ,'DUS MA BYAS RNAMS GSUM YANG STE, ,NAM MKHA' DANG NI 'GOG PA GNYIS, ,DE LA NAM MKHA' MI SGRIB PA'O, ,SO SOR BRTAGS PAS 'GOG PA GANG, ,BRAL BA'O SO SO SO SO YIN, ,SKYE LA GTAN DU GEGS BYED PA, ,'GOG GZHAN SO SOR BRTAGS MIN PAS, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, LAM BDEN DU MA GTOGS PA'I 'DUS BYAS RNAMS CHOS CAN, ZAG BCAS YIN TE, RGYU MTSAN GANG GI PHYIR NA DE DAG LA DMIGS PA DANG MTSUNGS LDAN GANG RUNG GI SGO NAS ZAG PA RNAMS KUN TU RGYAS PAR 'GYUR BA'I PHYIR, LAM GYI BDEN PA DANG, 'DUS MA BYAS RNAM PA GSUM YANG CHOS CAN, ZAG MED YIN TE, SNGAR LTAR ZAG PA RGYAS PAR MI 'GYUR BA'I PHYIR, NAM MKHA' DANG NI 'GOG PA RNAM PA GNYIS CHOS CAN, ZAG MED YIN @10B TE; RTAGS DE'I PHYIR, DE LA 'DUS MA BYAS KYI NAM MKHA' CHOS CAN, MA SGRIB PA'I RANG BZHIN CAN YIN TE, GZUGS CAN GZHAN LA PHAR MI SGRIB CING TSUR YANG MI SGRIB PA ZHIG LA BYED PA'I PHYIR, DGRA BCOM PA'I RGYUD KYI 'GOG PA GANG CHOS CAN, SO SOR BRTAGS PAS 'GOG PA DANG BRAL BA ZHES BYA STE, BDEN BZHI LA SO SOR BRTAGS PA'I BAR CHAD MED LAM GYI STOBS KYIS THOB PA'I 'GOG BDEN YIN PA'I PHYIR, SDUG BSNGAL MTHONG SPANG SOGS BZHI SPANGS PA'I SO SOR BRTAGS 'GOG CHOS CAN, RDZAS SO SO PA YIN TE, LDAN BYED KYI RDZAS SO SO BA YIN PA'I PHYIR, 'GOG PA GZHAN SO SOR BRTAGS 'GOG MIN PA CHOS CAN, NGO BO YOD DE, RANG GI DGAG BYA'I CHOS MA 'ONGS PA SKYE BA LA GEGS BYED PA'I BRAL BA LAS GZHAN PA'I BRAL BA YIN PA'I PHYIR, DER THAL, BAR CHAD MED LAM GYI STOBS KYIS THOB PA MA YIN PAR RANG GI SPANG BYA RE ZHIG RKYEN MA TSANG BAS MA SKYES PA'I 'GOG PA YIN PA'I PHYIR, GNYIS PA MTHA' DPYAD PA LA, KHA CIG ,'DUS MA BYAS RNAMS GSUM YANG STE ZHES PA'I YANG SGRA DON MED PAR THAL, DES BSDU RGYU MED PA'I PHYIR NA MA GRUB STE, GNAS MA BU PA DANG, BYE BRAG PA SOGS KYIS 'DOD PA'I NAM MKHA' DGAG PA'I CHED DANG, ZAG MED LAM BDEN DU MA ZAD PAR BSTAN PA'I CHED YIN PA'I PHYIR, KHA CIG ,RKYEN MA TSANG BA'I 'GOG PA YIN NA, SO SOR BRTAGS MIN GYI 'GOG PA YIN PAS KHYAB ZER NA, DE MI 'THAD PAR THAL, MI RTAG PA'I 'GOG PA DANG SNYOMS 'JUG GI 'GOG PA DANG SKYE BA'I BSAM GTAN GYI 'GOG PA LTA BU 'GOG PA GNYIS PO GANG RUNG MA YIN PA'I PHYIR, GNYIS PA YAN LAG GI SGO NAS RGYAS PAR BSHAD PA LA, GANG LA MKHAS PAR BYA DGOS PA'I GNAS NGOS BZUNG BA DANG, DE LTAR MKHAS PAR BYAS PA'I YON TAN BSTAN PA GNYIS, DANG PO LA, MKHAS @11A *, ,BYA'I GNAS DANG, DE NYID NGES PAR BYED PA'I TSUL GNYIS, DANG PO LA, YUL PHUNG KHAMS SKYE MCHED KYI RNAM GZHAG DANG, YUL CAN DBANG PO'I RAB DBYE BSHAD PA GNYIS, DANG PO LA, 'DUS BYAS SPYI'I MTSAN NYID DANG, CHOS GSUM GYI RNAM GZHAG DANG, KHAMS KYI RNAM PA RAB DBYE DANG GSUM, DANG PO LA, MTSAN NYID KYI SGO NAS DBYE BA DANG, RNAM GRANGS KYI DBYE BA GNYIS, DANG PO NI, 'DUS BYAS CHOS RNAMS DE DAG KYANG, ,GZUGS LA SOGS PA'I PHUNG PO LNGA, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, 'DUS BYAS KYI CHOS RNAMS DE DAG KYANG CHOS CAN, DBYE BA YANG LAS 'DIR BSDU NA LNGA YIN TE, GZUGS LA SOGS PA STE GZUGS KYI PHUNG PO, TSOR BA'I PHUNG PO, 'DU SHES KYI PHUNG PO, 'DU BYED KYI PHUNG PO, RNAM SHES KYI PHUNG PO DANG LNGA PO SNGAR 'DUS BYAS RNAMS ZHES BSHAD PA LTAR YOD PA'I PHYIR, DE LNGA CHOS CAN, 'DUS BYAS YIN TE, RANG GI RGYU RKYEN LAS SKYES PAS RAB TU PHYE BA DE YIN PA'I PHYIR, DE LNGA'I NGO BO YOD DE, GZUGS CAN YIN PA GZUGS KYI PHUNG PO, GTZO SEMS RNAMS RNAM SHES KYI PHUNG PO, SIM GDUNG BAR MA MYONG BA'I SEMS BYUNG RNAMS TSOR BA'I PHUNG PO, MTHONG THOS SOGS BYE BRAG 'BYED PA'I SEMS BYUNG RNAMS 'DU SHES KYI PHUNG PO, DE LAS GZHAN PA'I SEMS BYUNG DANG LDAN MIN 'DU BYED RNAMS 'DU BYED KYI PHUNG PO YIN PA'I PHYIR, GNYIS PA MTHA' DPYAD PA LA, KHA CIG , GZUGS CAN GYI KHAMS YIN NA, GZUGS KYI KHAMS YIN PAS KHYAB ZER NA, SGRA'I KHAMS CHOS CAN, DER THAL, DE'I PHYIR, DER THAL, GZUGS PHUNG YIN PA'I PHYIR, DER THAL, DBANG PO LNGA DANG, DON LNGA PO GANG RUNG YIN PA'I PHYIR, DER THAL, GZUGS CAN GYI @11B KHAMS BCU YOD PA'I PHYIR, 'DOD MI NUS TE, BSTAN YOD KYI GZUGS MA YIN PA'I PHYIR TE, CHOS CAN DE YIN PA'I PHYIR, KHYAB STE, GZUGS CAN BCU'I DANG PO GZUGS KHAMS GCIG PO BSTAN YOD KYI GZUGS YIN ZHING, GZHAN DGU PO BSTAN MED YIN PA'I PHYIR, DER THAL, RTZA BAR, BSTAN YOD 'DIR NI GZUGS GCIG PU, ,ZHES GSUNGS PA'I PHYIR, KHA CIG ,GZUGS CAN GYI KHAMS YIN NA, GZUGS CAN GYI KHAMS BCU PO GANG RUNG YIN PAS KHYAB ZER NA, RNAM PAR RIG BYED MA YIN PA'I GZUGS CHOS CAN, DER THAL, DE'I PHYIR, DER THAL, GZUGS CAN YIN PA'I PHYIR, 'DOD NA, DBANG PO LNGA DANG DON LNGA PO GANG RUNG YIN PAR THAL, 'DOD PA'I PHYIR, KHYAB STE, RTZA BAR, DBANG DON DE DAG KHO NA LA; ;SKYE MCHED DANG NI KHAMS BCUR 'DOD, ,CES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,YID DANG RNAM SHES KYI PHUNG PO 'GAL BAR THAL, KHAMS BCO BRGYAD PO NANG PHAN TSUN 'GAL BA'I PHYIR NA, MA KHYAB, 'DOD NA, MI 'THAD PAR THAL, RNAM SHES KYI KHAMS DRUG PO GANG RUNG LA YID KHAMS KYIS KHYAB PA'I PHYIR, KHA CIG ,BAR DO BA'I RGYUD LA MI GSOGS DBANG PO LNGA YOD PAR THAL, LHA MI'I BAR DO BA RNAMS DBANG PO KUN TSANG BA'I PHYIR, 'DOD NA, 'DOD GZUGS KYI LHA'I BAR DO BA'I RGYUD LA DE LNGA YOD PAR THAL, 'DOD PA'I PHYIR, 'DOD NA, DE GNYIS KYI BAR DO BA LA MIG GI RNAM SHES SOGS LNGA PO YOD PAR THAL, 'DOD PA'I PHYIR NA MA KHYAB, 'DOD NA, MI 'THAD PAR THAL, GZUGS KHAMS PA'I BAR SRID PA LA SNA LCE'I RNAM SHES GNYIS DANG DRI RO GNYIS TE BZHI MI LDAN PA'I PHYIR, DER THAL, 'DOD PA'I SAS BSDUS PA'I KHAMS BCO BRGYAD DANG, GZUGS KYI SAS BSDUS PA'I DE BZHI MED CING LHAG MA BCU BZHI YOD @12A *, ,PA'I PHYIR, DER THAL, RTZA BAR, 'DOD KHAMS GTOGS PA THAMS CAD DO, ,GZUGS KYI KHAMS NA BCU BZHI'O, ,DRI DANG RO DANG SNA DANG NI, ,LCE YI RNAM SHES KHAMS MA GTOGS, ,ZHES GSUNGS PA'I PHYIR, KHA CIG ,GZUGS MED KHAMS NA GZUGS CAN GYI KHAMS YOD ZER NA, DE MED PAR THAL, DE NA GZUGS MED PAS DE DAG MED CING, YID DANG CHOS DANG RNAM SHES KYI KHAMS RNAMS LAS MED PA'I PHYIR, DER THAL, RTZA BAR, GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,ZHES GSUNGS PA'I PHYIR, KHA CIG ,ZIN PA'I 'BYUNG BA LAS GYUR PA'I KHAMS YIN NA, ZIN PA'I KHAMS YIN PAS KHYAB ZER NA, LAG PA BRDAB PA'I SGRA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SGRA YIN NA, MA ZIN PA'I KHAMS YIN DGOS PA'I PHYIR, DER THAL, 'DI'I SKABS KYI ZIN MA ZIN GYI DON DBANG POS ZIN MA ZIN LA BYED PA'I RGYU MTSAN GYIS, SEMS KYI KHAMS BDUN MA ZAD, CHOS KHAMS KYI PHYED KYANG SEMS BYUNG DANG BRGYAD, SGRA DANG DGU PO DE MA ZIN PAR 'JOG ,GZUGS CAN GZHAN DGU LA ZIN MA ZIN GYI CHA GNYIS YOD PA'I PHYIR, DER THAL, RTZA BAR, MA ZIN DGU, ,BRGYAD PO DE DAG RNAMS DANG SGRA, ,DGU PO GZHAN NI RNAM PA GNYIS, ,ZHES GSUNGS PA'I PHYIR, KHA CIG ,GZUGS YIN NA, CHOS KHAMS MA YIN PAS KHYAB ZER NA, MI 'THAD PAR THAL, RNAM PAR RIG BYED MA YIN PA'I GZUGS LA CHOS KHAMS KYIS KHYAB PA'I PHYIR, KHA CIG ,SO THAR GYI SDOM PA LA, RNAM PAR RIG BYED MA YIN PA'I GZUGS KYIS KHYAB ZER NA, MI 'THAD PAR THAL, DER RNAM PAR RIG BYED YIN MIN GNYIS YOD PA'I PHYIR, DER THAL, RTZA BAR, DANG PO'I RNAM RIG RNAM RIG MIN, ,ZHES GSUNGS @12B PA'I PHYIR, KHA CIG ,RNAM RIG MA YIN PA'I GZUGS LA SDOM PAS KHYAB ZER NA, DE YANG MI 'THAD PAR THAL, DER SDOM PA SDOM MIN PAR MA GSUM YOD PA'I PHYIR, DER THAL, RTZA BAR, RNAM RIG MIN RNAM GSUM SHES BYA, ,SDOM DANG SDOM PA MIN DANG GZHAN, ,ZHES GSUNGS PA'I PHYIR, KHA CIG, SO THAR GYI SDOM PA DE RNAM PAR RIG BYED MA YIN PA'I GZUGS YIN ZER NA, DE MI 'THAD PAR THAL, DE NI RDZAS SPYI MA CHOD PA'I SKYON DU 'GYUR BA'I PHYIR, DER THAL, DE LA RIG BYED YIN MIN GNYIS YOD PA'I PHYIR, KHA CIG ,CHOS DANG KHAMS KYI GZHI MTHUN YIN NA, CHOS KHAMS YIN PAS KHYAB ZER NA, GZUGS KYI KHAMS CHOS CAN, DER THAL, DE'I PHYIR, DER THAL, CHOS GANG ZHIG , KHAMS YIN PA'I PHYIR, DANG PO DER THAL, GZHI GRUB PA'I PHYIR, 'DOD MI NUS TE, PHUNG PO DANG PO NYID CHOS KHAMS MA YIN ZHING, PHUNG PO BAR PA GSUM DANG, RNAM PAR RIG BYED MA YIN PA'I GZUGS, 'DUS MA BYAS KYI CHOS GSUM NI CHOS KYI SKYE MCHED DANG CHOS KYI KHAMS SU 'JOG PA'I PHYIR, DER THAL, RTZA BAR, DE GSUM RNAM RIG BYED MIN DANG, ,'DUS MA BYAS RNAMS BCAS PA NI, ,CHOS KYI SKYE MCHED KHAMS ZHES BYA, ,ZHES GSUNGS PA'I PHYIR, GNYIS PA LA, 'DUS BYAS SPYI'I MING GI RNAM GRANGS DANG, ZAG BCAS KYI MING GI RNAM GRANGS GNYIS, DANG PO NI, DE DAG NYID DUS GTAM GZHI DANG, ,NGES PAR 'BYUNG BCAS GZHI DANG BCAS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI; 'DUS BYAS DE DAG NYID CHOS CAN, KHYOD LA DUS ZHES BYA STE, DUS GSUM DU 'JOG PA'I GZHI YIN PA'I PHYIR, DE CHOS CAN, GTAM GYI GZHI ZHES BYA STE, RJOD BYED KYI GTAM NI NGAG TSIG TU MI 'DUS PA YIN ZHING, DE 'BYUNG BA'I @13A *, ,GZHI YIN PA'I PHYIR, DE CHOS CAN, NGES PAR 'BYUNG BCAS ZHES BYA STE, LHAG MED MYANG 'DAS LA BLTOS NAS LAM BDEN DANG BCAS PA'I 'DUS BYAS RNAMS KYANG MYA NGAN YIN LA, MYANG 'DAS DE MNGON DU BYED PA'I TSE 'DUS BYAS RNAMS DOR NAS GDON MI ZA BAR NGES PAR 'BYUNG BAR BYED DGOS PA'I PHYIR, DE CHOS CAN, GZHI DANG BCAS PA ZHES BYA STE, GZHI SKYED BYED KYI RGYU DU MA DANG BCAS PA'I PHYIR, GNYIS PA LA, KHA CIG , GTAM GYI GZHI YIN NA, 'DUS BYAS YIN PAS KHYAB ZER NA, NAM MKHA' CHOS CAN, DER THAL, DE'I PHYIR, DER THAL, 'JIG RTEN NA NAM MKHA' ZHES GTAM SNA TSOGS KYIS BRJOD PA'I PHYIR, KHA CIG ,NAM MKHA' GTAM GYI GZHIR MI RUNG BAR THAL, 'DUS MA BYAS RNAMS GTAM GYI GZHI MA YIN PA'I PHYIR, DER THAL, RGYAL SRAS MA LAS, 'DUS MA BYAS NI GTAM RGYU DANG RKYEN MIN PAS GTAM GYI GZHI MA YIN NO, ,ZHES GSUNGS PA'I PHYIR NA, SKYON MED DE, 'DI'I DNGOS BSTAN LA DGONGS PA'I PHYIR, KHA CIG , LAM BDEN 'DOR BYAR BYED RUNG BAR THAL, LHAG MED MYANG 'DAS MNGON DU BYED PA'I SKABS LA LTOS NAS 'DOR BYAR RUNG BA'I PHYIR NA MA KHYAB, MA GRUB NA DER THAL, LHAG MED MYANG 'DAS KYI TSE 'DUS BYAS KYI RGYU BA LDOG DGOS PAS LAM BDEN NA YANG 'DOR BA'I PHYIR, DER THAL, RGYAL SRAS MA LAS, CHOS KYI RNAM GRANGS 'DI GZINGS LTA BUR SHES PA RNAMS KYIS CHOS RNAMS KYANG SPANG BAR BYA NA ZHES PA'I KHUNGS DRANGS NAS BSGRUBS PA'I PHYIR, GNYIS PA NI, GANG DAG ZAG BCAS NYER LEN PA'I, ,PHUNG PO'ANG DE DAG 'THAB BCAS KYANG, ,SDUG BSNGAL KUN 'BYUNG 'JIG RTEN DANG, ,LTA GNAS SRID PA'ANG DE DAG YIN, ,ZHES GSUNG, 'DI LA TSIG @13B DON DANG, MTHA' DPYAD PA GNYIS, DANG PO NI, ZAG BCAS KYI PHUNG PO LNGA PO GANG DAG BSHAD PA DE DAG CHOS CAN, NYE BAR LEN PA'I PHUNG PO ZHES BYA STE, 'DIR NYER LEN NI NYON MONGS YIN LA, DE LAS KHYOD BYUNG ZHING KHYOD LAS DE RNAMS 'BYUNG BA'I PHYIR TE, DPER NA, RTZA LAS BYUNG BA'I ME LA RTZVA'I ME ZHES PA LTAR RGYU'I SGO NAS DANG, RGYAL PO LA RAG LAS PA'I MI BZHIN RAG LAS KYI SGO NAS DANG, ME TOG GI SHING BZHIN 'BRAS BU'I SGO NAS BTAGS PA'I PHYIR, ZAG BCAS KYI PHUNG PO DE DAG CHOS CAN, 'THAB BCAS ZHES KYANG BRJOD DE, NYON MONGS NI RANG GZHAN LA GNOD PAS 'THAB PA YIN LA, KHYOD DE DANG BCAS SHING, KHYOD LA BRTEN NAS LUS NGAG GI 'THAB MO SKYED PA'I PHYIR, DE CHOS CAN, SDUG BSNGAL ZHES BYA STE, SDUG BSNGAL GSUM PO GANG RUNG DANG BCAS PA'I PHYIR, DE CHOS CAN, KUN 'BYUNG ZHES BYA STE, KHYOD LAS SDUG BSNGAL KUN 'BYUNG BA'I PHYIR, DE CHOS CAN, 'JIG RTEN ZHES BYA STE, SKAD CIG RE RE NAS SKYE 'JIG BYED PA'I PHYIR, ,DE CHOS CAN, LTA GNAS ZHES BYA STE, KHYOD LA BRTEN NAS LTA BA NGAN PA RNAMS SKYE BA'I PHYIR, DE CHOS CAN, SRID PA ZHES BYA STE, SDUG KUN GNYIS BRGYUD MAR 'BYUNG BA'I SRID PA 'GRUB PA'I RGYU YIN PA'I PHYIR, GNYIS PA LA, KHA CIG , NYER LEN DANG PHUNG PO'I GZHI MTHUN YIN NA, NYER LEN GYI PHUNG PO YIN PAS KHYAB ZER NA, DGRA BCOM PA'I RNAM SHES KYI PHUNG PO CHOS CAN, DER THAL, DE'I PHYIR, DER THAL, NYER LEN GANG ZHIG ,PHUNG PO YIN PA'I PHYIR, DANG PO DER THAL, RANG GI NYER 'BRAS SKYED BYED YIN PA'I PHYIR, 'DOD MI NUS SO, ,KHA CIG ,RANG RGYU NYON MONGS LAS BYUNG BA'I PHUNG PO YIN NA, NYER LEN GYI PHUNG PO YIN DGOS PAR THAL, RGYU MTSAN 'THAD PA'I PHYIR NA MA KHYAB, 'DOD NA, RANG RGYU MA RIG PA LAS BYUNG BA'I DGRA BCOM PA'I PHUNG PO YIN PA'I @14A *, ,PHYIR, DER THAL, SO SKYE'I RTEN LA DGRA BCOM PA'I GO 'PHANG MNGON DU BYED PA YOD PA'I PHYIR, ,GNYIS PA CHOS GSUM GYI RNAM GZHAG LA, CHOS GSUM SO SO'I RANG BZHIN, CHOS GSUM GYI KHYAD CHOS, CHOS GSUM GYIS CHOS GZHAN BSDUS TSUL GSUM, DANG PO LA, GZUGS KYIS BSDUS PA'I CHOS GSUM, GZUGS SEMS LAS GZHAN PAS BSDUS PA'I CHOS GSUM, SEMS KYIS BSDUS PA'I CHOS GSUM DANG GSUM, DANG PO LA; GZUGS PHUNG GI RANG BZHIN DANG, DE LAS PHUNG STE PHUNG KHAMS SKYE MCHED 'JOG TSUL GNYIS, DANG PO LA, MDOR BSTAN PA DANG, RGYAS PAR BSHAD PA GNYIS, DANG PO NI, GZUGS NI DBANG PO LNGA DANG DON, ,LNGA DANG RNAM RIG BYED MIN NYID, ,CES GSUNG, 'DI LA TSIG DON DANG, MTHA' DPYAD PA GNYIS, DANG PO NI, MIG RNA BA SNA LCE LUS KYI DBANG PO STE LNGA DANG, GZUGS SGRA DRI RO REG BYA STE DON LNGA DANG, RNAM PAR RIG BYED MA YIN PA'I GZUGS DANG BCU GCIG PO CHOS CAN, GZUGS KYI PHUNG PO YIN TE, BLO'I YUL DU DU MA SPUNGS PA LTAR SNANG BA'I GZUGS YIN PA'I PHYIR, DES NA GZUGS SU RUNG BA DE GZUGS PHUNG GI MTSAN NYID YIN TE, MDO LAS, DGE SLONG DAG GZUGS SU YOD CING, GZUGS SU RUNG BAS NI DE'I PHYIR GZUGS NYE BAR LEN PA'I PHUNG PO ZHES BYA'O, ,ZHES GSUNGS PA'I PHYIR, GNYIS PA LA, KHA CIG, GZUGS RUNG GZUGS PHUNG GI MTSAN NYID MA YIN PAR THAL, DE GZUGS KYI MTSAN NYID DU GRAGS PA'I PHYIR NA, SKYON MED DE, GANG BYAS KYANG MI 'GAL BA'I PHYIR, KHA CIG ,DE MI 'THAD PAR THAL, PHUNG PO'I DON NI SPUNGS PA'I DON YIN PAS GZUGS SU RUNG BA TZAM LA NI PHUNG PO'I DON MA @14B TSANG BA'I PHYIR ZER NA MA KHYAB, KHA CIG, DE GZUGS KYI MTSAN NYID DU MI 'THAD PAR THAL, GZUGS SU RUNG BAR NGES NA GZUGS KYANG NGES DGOS PA'I PHYIR ZER RO, ,GNYIS PA LA, DBANG PO LNGA, DON LNGA, RNAM RIG MA YIN PA'I GZUGS BSHAD PA GSUM, DANG PO NI, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, MIG LA SOGS PA DE DAG RNAMS KYI RNAM PAR SHES PA'I RTEN CHOS CAN, KHYOD 'JOG TSUL YOD DE, MIG DBANG LA SOGS PA RANG RANG GI 'BRAS BU RNAM SHES SO SO'I THUN MONG MIN PA'I BDAG RKYEN BYED PA'I RIGS SU GNAS PA'I NANG GI GZUGS CAN DANG BA RNAMS RANG DBANG PO GZUGS CAN PA YIN PA'I NGO BO'AM MTSAN NYID YIN PA'I PHYIR TE, MDO LAS, DGE SLONG DAG MIG NI NANG GI SKYE MCHED 'BYUNG BA CHEN PO BZHI RGYUR BYAS PA GZUGS DANG BA'O, ,ZHES GSUNGS PA'I PHYIR, RIGS GNAS SMOS PA'I RGYU MTSAN YOD DE, DE MTSUNGS KYI DBANG PO SDUD PA'I CHED YIN PA'I PHYIR, LA SOGS SMOS PA LA DGOS PA YOD DE, RNA BA SNA LCE LUS KYI DBANG PO BZHI SDUD PA'I CHED YIN PA'I PHYIR, MDOR BSDUS PA'I MTSAN NYID YOD DE, MIG GI RNAM SHES KYI RTEN NANG GI GZUGS CAN DANG BA DE, MIG DBANG GI MTSAN NYID YIN PA NAS LUS KYI RNAM SHES KYI RTEN NANG GI GZUGS CAN DANG BA DE, LUS KYI DBANG PO'I MTSAN NYID DU RIGS PA'I PHYIR, DBYE NA GNYIS YOD DE, DE MTSUNGS DANG RTEN BCAS KYI DBANG PO GNYIS GNYIS YOD PA'I PHYIR, DE GNYIS SO SO'I KHYAD PAR YOD DE, DANG PO NI, GNYID DUS KYI DBANG PO LTA BU DANG, GNYIS PA NI, GZUGS SOGS LA LTA BA'I SKABS KYI DBANG PO LA BYED PA'I PHYIR @15A *, ,GNYIS PA LA, KHA CIG , MIG DBANG SOGS BSTAN MED KYI GZUGS MA YIN PAR THAL, BSTAN YOD KYI GZUGS YIN PA'I PHYIR, DER THAL, MIG GI DBANG PO NI ZAR MA'I ME TOG LTA BU, RNA BA'I DBANG PO NI GRO GA GCUS NAS BCAD PA LTA BU, SNA'I DBANG PO NI RGYA KHAB GSHIBS PA LTA BU, LCE'I DBANG PO NI ZLA BA PHYED PA LTA BU, LUS KYI DBANG PO NI LUS KYI CHA LA KHYAB PA'I KHYAD PAR ZHIG LA BYED PA GANG ZHIG ,DE LTAR NA BSTAN YOD DU RIGS PA'I PHYIR, DANG PO DER THAL, BYE BRAG SMRA BAS DE LTAR 'DOD PA'I PHYIR, KHA CIG MA KHYAB ZER, PHYI MA DER THAL, MIG GI DBUS NA MTHONG BYED ZAR MA'I ME TOG LTA BU YOD PA DE MIG GI YUL DU BSTAN DU YOD PA'I PHYIR, KHA CIG MA KHYAB GSUNGS TE DPYAD PAR BYA'O, ,RTZA BAR 'DOD MI NUS TE, SLOB DPON SKU MCHED KYI GZHUNG DU DBANG PO LNGA NANG GI GZUGS CAN DANG BA BSTAN MED DU BSHAD PA'I PHYIR, GNYIS PA NI, GZUGS RNAM GNYIS DANG RNAM NYI SHU, ,SGRA NI RNAM PA BRGYAD YOD DE, ,RO NI RNAM DRUG DRI RNAM BZHI, ,REG BYA BCU GCIG BDAG NYID DO, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, GZUGS KYI SKYE MCHED CHOS CAN, KHYOD KYI MTSAN NYID YOD DE, MIG SHES KYI GZUNG BYA DE DE YIN PA'I PHYIR, GZUGS KYI SKYE MCHED DE CHOS CAN, KHYOD LA RTZA BA'I SGO NAS DBYE NA RNAM PA GNYIS SU YOD DE, RANG YIN PA'I KHA DOG DANG DBYIBS GZUGS GNYIS YOD PA'I PHYIR, DE CHOS CAN, KHYOD LA YAN LAG GI SGO NAS DBYE NA RNAM PA NYI SHU YOD DE, KHA DOG BCU GNYIS DANG, DBYIBS GZUGS BRGYAD YOD PA'I PHYIR, DANG PO GRUB STE, RTZA BA'I KHA DOG BZHI DANG, YAN LAG GI KHA DOG BRGYAD YOD PA'I PHYIR, DANG PO GRUB STE, SNGO @15B SER DKAR DMAR BZHI YOD PA'I PHYIR, GNYIS PA GRUB STE, SPRIN DANG DU BA DANG RDUL DANG KHUG SNA DANG GRIB MA DANG NYI 'OD DANG SNANG BA DANG MUN PA RNAMS SU YOD PA'I PHYIR, RTZA RTAGS GNYIS PA GRUB STE, RING PO THUNG DU LHAM PA ZLUM PO MTHO BA DMA' BA PHYAL LE BA PHYAL LE BA MA YIN PA RNAMS SU YOD PA'I PHYIR, SNANG BA'I KHYAD PAR YOD DE, ZLA BA DANG DKAR MA DANG ME 'OD LTA BU LA BYED PA'I PHYIR, LHAM PA YOD DE, GRU BZHI LA BYED PA'I PHYIR, ZLUM PO YOD DE, RIL RIL LTA BU LA BYED PA'I PHYIR, GZHAN SLA ZHING PHYAL LE BA YIN MIN GYI KHYAD PAR YOD DE, MNYAM MI MNYAM DANG LEB LEB YIN MIN LTA BU LA BYED PA'I PHYIR, KHA DOG DANG DBYIBS YIN MIN LA MU BZHI YOD DE, SNGO SER DKAR DMAR BZHI GRIB MA NYI 'OD MUN PA RNAMS GZUGS KYI SKYE MCHED DANG KHA DOG TU YOD KYANG DBYIBS SU MED, RING PO DANG THUNG NGU DANG LHAM PA DANG ZLUM PA DANG MTHO DMA' DANG PHYAL LE YIN MIN RNAMS NI DBYIBS SU YOD CING KHA DOG TU MED, SPRIN DANG DU BA DANG KHUG SNA RNAMS NI DBYIBS DANG KHA DOG GNYIS KAR YOD PAR RANG 'GREL SOGS LAS BSHAD PA'I PHYIR, SGRA'I SKYE MCHED CHOS CAN, KHYOD KYI MTSAN NYID YOD DE, RNA SHES KYI GZUNG BYA DE DE YIN PA'I PHYIR, SGRA CHOS CAN, KHYOD LA RTZA BA'I SGO NAS GNYIS YOD DE, ZIN MA ZIN GYI SGRA GNYIS YOD PA'I PHYIR, YAN LAG GI SGO NAS RNAM PA BRGYAD YOD DE, DE GNYIS RE RE LA'ANG BZHI BZHI YOD PA'I PHYIR, ZIN MA ZIN GYI DON YOD DE, DBANG POS ZIN MA ZIN LA BYED PA'I PHYIR, DE YANG YIN TE, LAG PA BRDAB PA'I SGRA LTA BU ZIN PA DANG, NAGS TSAL CHU SGRA LTA BU MA ZIN PA'I SGRA YIN PA'I PHYIR, ZIN MA ZIN GYI SGRA LA BZHI BZHIR 'BYED TSUL YOD DE, SEMS CAN DU STON PA GNYIS DANG MI STON PA GNYIS DER 'BYED PA'I PHYIR, SEMS CAN DU @16A *, ,STON MI STON GYI KHYAD PAR YOD DE, 'DIR SEMS CAN DU STON PA'I SGRA NI RNAM PAR RIG BYED DANG, MI STON PA NI RIG BYED MA YIN PA'I SGRAR 'JOG PA'I PHYIR, DE YANG YIN TE, RANG 'GREL LAS, SEMS CAN DU STON PA NI NGAG GI RNAM PAR RIG BYED KYI SGRA'O, ,GZHAN NI SEMS CAN DU STON PA MIN PA'O, ,ZHES GSUNGS PA'I PHYIR, SEMS CAN DU STON MI STON LA DBYE NA BRGYAD YOD DE, ZIN PA SEMS CAN DU STON PA SNYAN MI SNYAN GNYIS DANG, ZIN PA SEMS CAN DU MI STON PA SNYAN MI SNYAN GNYIS TE BZHI DANG, MA ZIN PA SEMS CAN DU STON PA SNYAN MI SNYAN GNYIS DANG, DE SEMS CAN DU MI STON PA SNYAN MI SNYAN GNYIS TE BZHI YOD PA'I PHYIR, DANG PO GRUB STE, SKYES BUS GLU LEN PA DANG DES TSIG RTZUB SMRA BA LTA BU DANG, SKYES BUS GLING BU 'BUD PA DANG DES KHU TSUR RDEG PA'I SGRA LTA BU LA BYED PA'I PHYIR, GNYIS PA GRUB STE, SPRUL PAS CHOS BSTAN PA DANG DES TSIG RTZUB SMRA BA DANG, RNGA SGRA DANG CHU SGRA DRAG PO LTA BU LA BYED PA'I PHYIR, DRI'I SKYE MCHED KYI MTSAN NYID YOD DE, SNA SHES KYI GZUNG BYA DE DE YIN PA'I PHYIR, DRI CHOS CAN, RTZA BA'I SGO NAS GNYIS YOD DE, DRI ZHIM MI ZHIM GNYIS YOD PA'I PHYIR, YAN LAG GI SGO NAS RNAM PA BZHI YOD DE, ZHIM PA LA MNYAM MI MNYAM GNYIS DANG, MI ZHIM PA LA'ANG DE GNYIS YOD PA'I PHYIR, MNYAM MI MNYAM PA'I DON YOD DE, SHAS MI CHE BA NI MNYAM PA DANG, SHAS CHE BA'I DRI NI MI MNYAM PA YIN PA'I PHYIR, DE YANG DRI GANG LA SBYOR BA YOD DE, GTZO BOR SBYAR BA'I DRI'I DBANG DU MDZAD PA'I PHYIR, SKYE MCHED KYI MTSAN NYID YOD DE, LCE SHES KYI GZUNG BYA DE DE YIN PA'I PHYIR, RO CHOS CAN, KHYOD LA RTZA BA'I SGO NAS DBYE NA RNAM PA DRUG YOD DE, MNGAR BA, SKYUR BA, KHA BA, SKA BA, TSVA BA, LAN TSVA BA DANG DRUG YOD PA'I PHYIR, DE CHOS CAN, KHYOD LA @16B YAN LAG GI SGO NAS MANG STE, MNGAR BA'I MNGAR BA SOGS DRUG TU PHYE BA'I SO DRUG DANG, DE RE RE LA LCE SHES LA PHAN 'DOGS PA, LUS SHES LA PHAN 'DOGS PA, LUS SEMS LA PHAN 'DOGS PA'I RO BRGYA DANG BRGYAD YOD PA'I PHYIR, REG BYA'I SKYE MCHED KYI MTSAN NYID YOD DE, LUS SHES KYI GZUNG BYA DE DE YIN PA'I PHYIR, DBANG PO LNGA'I GZUNG BYA DANG DE'I GZUNG DON GNYIS DON GCIG STE, ,KUN BTUS LAS, MIG GI DBANG PO'I SPYOD YUL GYI DON GANG YIN PA STE, ZHES PA NAS, LUS KYIS GZUNG BA'I DON GANG YIN PA STE, ZHES GSUNGS PA'I PHYIR, REG BYA CHOS CAN, KHYOD LA DBYE NA BCU GCIG YOD DE, 'BYUNG BA CHEN PO BZHI DANG 'BYUNG 'GYUR GYI REG BYA BDUN TE BCU GCIG GI BDAG NYID DU YOD PA'I PHYIR, 'BYUNG 'GYUR LA BDUN YOD DE, 'JAM RTZUB, LCI YANG, BKRES SKOM, GRANG BA'I REG BYA DANG BDUN YOD PA'I PHYIR, LCI YANG GI DON YOD DE, ZHO SRANG SOGS LA GZHAL RGYU YOD PA LCI BA DANG, DE MED PA MANG BAR 'JOG PA'I PHYIR, GNYIS PA MTHA' DPYAD PA LA, KHA CIG ,KHA DOG YIN NA, GZUGS YIN DGOS PAR THAL, DAM BCA' 'THAD PA'I PHYIR, 'DOD NA, RTA DKAR PO CHOS CAN, DER THAL, DE'I PHYIR, DER THAL, DKAR PO YIN PA'I PHYIR, DER THAL, RTA DKAR PO YIN PA'I PHYIR NA MA KHYAB, KHA CIG ,SA DKAR PO CHOS CAN, KHA DOG YIN PAR THAL, DKAR PO YIN PA'I PHYIR, DER THAL, SA DKAR PO YIN PA'I PHYIR NA MA KHYAB, 'DOD NA, GZUGS KYI SKYE MCHED YIN PAR THAL, 'DOD PA'I PHYIR, 'DOD MI NUS TE, DE REG BYA'I SKYE MCHED YIN PA'I PHYIR, KHA CIG ,DBYIBS LA GZUGS KYIS KHYAB PAR THAL, GZUGS LA DBYE NA KHA DOG DANG DBYIBS GNYIS KYI DBYE BA 'THAD PA'I PHYIR, 'DOD NA, MI BONG TSOD RING NGO CHOS CAN, DER THAL, DE'I PHYIR, DER THAL, @17A *, ,RING THUNG GANG RUNG YIN PA'I PHYIR, DER THAL, RING PO YIN PA'I PHYIR, DE DER THAL, MI RING PO YIN PA'I PHYIR NA MA KHYAB, KHA CIG ,SA GRU BZHI CHOS CAN, DBYIBS GZUGS SU THAL, GRU BZHI YIN PA'I PHYIR, DE DER THAL, SA GRU BZHI YIN PA'I PHYIR NA MA KHYAB, 'DOD MI NUS TE, GZUGS KYI SKYE MCHED MA YIN PA'I PHYIR, DER THAL, REG BYA'I SKYE MCHED YIN PA'I PHYIR, DER THAL, 'BYUNG BZHI GANG RUNG YIN PA'I PHYIR, KHA CIG ,SPRIN DKAR PO'I KHA DOG CHOS CAN, YAN LAG GI KHA DOG YIN PAR THAL, SPRIN GYI KHA DOG YIN PA'I PHYIR, 'DOD MI NUS TE, RTZA BA'I KHA DOG YIN PA'I PHYIR, DER THAL, DKAR PO YIN PA'I PHYIR ZER TE DPYAD DO, ,KHA CIG ,NYI MA KHA DOG YIN PAR THAL, DE YAN LAG GI KHA DOG YIN PA'I PHYIR, DER THAL, RGYA GZHUNG DU MAR NYI MA'I 'OD KYI THA SNYAD MED PAR NYI MA YAN LAG GI KHA DOG TU DRANGS PA'I PHYIR NA, SKYON MED DE, DON NI DE'I 'OD KYI KHA DOG LA DGONGS KYI NYI MA KHA DOG TU 'DOD NA RIGS PA DANG 'GAL BA'I PHYIR, KHA CIG ,RING THUNG GNYIS MI 'GAL BAR THAL, KHRU GANG NI MTHO GANG LAS RING, 'DOM GANG LAS THUNG BA'I PHYIR ZER BA DANG, YANG CHE CHUNG GNYIS KYANG MI 'GAL BAR THAL, NAS KYI TSAD TZAM DE NYUNGS SOGS LAS CHE, SRAN MA SOGS LAS CHUNG BA'I PHYIR ZER BA DANG, MTHO DMAN GNYIS KYANG MI 'GAL BAR THAL, RI PHRAN RNAMS RI RAB LAS DMA', GZHAN DU MA LAS MTHO BA'I PHYIR ZER NA, 'DI LTA BU NI BLTOS NAS 'JOG DGOS PAS MTHA' GCIG TU MA NGES SO, ,GSUM PA RNAM PAR RIG BYED MA YIN PA'I GZUGS LA DNGOS DANG, ZHAR BYUNG GNYIS, DANG PO NI, G-YENGS DANG SEMS MED PA YI YANG, ,DGE DANG MI DGE RJES 'BREL GANG, , @17B 'BYUNG BA CHE RNAMS RGYUR BYAS PA, ,DE NI RNAM RIG BYED MIN BRJOD, ,CES GSUNG, 'DI LA TSIG DON DANG, MTHA' DPYAD PA GNYIS, DANG PO NI, RNAM PAR RIG BYED MIN PA'I GZUGS DE NI CHOS CAN, KHYOD 'JOG TSUL YOD DE, KHYAD CHOS BZHI LDAN GYI BSTAN MED THOGS MED KYI GZUGS ZHIG LA BRJOD PA'I PHYIR, DE CHOS CAN, KHYAD CHOS BZHI DANG LDAN PAR BRJOD DE, GNAS SKABS NGO BO RGYUN RGYU BZHI DANG LDAN PA'I PHYIR, DANG PO GRUB STE, SEMS MA G-YENGS PA'I SKABS SU MA ZAD, SEMS G-YENGS PA DANG SEMS MNGON GYUR PA MED PA'I SKABS SU 'BYUNG BA'I PHYIR, GNYIS PA GRUB STE, DGE DANG MI DGE GANG RUNG GIS BSDUS PA ZHIG YIN PA'I PHYIR, GSUM PA GRUB STE, SNGA MA LAS PHYI MA RJES SU 'BREL BA'I RGYUN GANG YIN PA DANG BCAS PA'I PHYIR, BZHI PA GRUB STE, SA LA SOGS PA'I 'BYUNG BA CHEN PO RNAMS RGYUR BYAS PA LAS BYUNG BA'I 'BRAS GZUGS YIN PA'I PHYIR, GNYIS PA LA, KHA CIG ,GRUB MTHA' SMRA BA BZHI POS RNAM PAR RIG BYED MA YIN PA'I GZUGS DE GZUGS MTSAN NYID PAR BZHED PAR THAL, BYE SMRA DANG THAL 'GYUR BA RNAM PA GNYIS KYIS DE GZUGS MTSAN NYID PAR BZHED PA'I PHYIR NA MA KHYAB, 'DOD NA, MI 'THAD PAR THAL, MDO SEMS RANG RGYUD PA GSUM GYIS DE GZUGS DNGOS MIN PAR 'DOD PA'I PHYIR, DER THAL, DE GSUM GYIS DE KUN BTAGS KYI GZUGS TZAM DU 'DOD PAR BSHAD PA'I PHYIR, KHA CIG ,RNAM PAR RIG BYED MA YIN PA'I GZUGS DE SEMS MED KYI SKABS SU MI 'JUG PAR THAL, RNAM PAR RIG BYED KYI GZUGS DE'I SKABS SU MI 'JUG PA'I PHYIR NA MA KHYAB, RTAGS DER THAL, DE SEMS BCAS KHO NA'I GNAS SKABS SU 'JUG PA'I PHYIR, SKABS 'DIR 'DUN BZANG GIS SKYON BRJOD TSUL MANG YANG MA SPROS SO, ,RNAM PAR RIG BYED MIN PA ZHES BRJOD PA'I @18A *, ,RGYU MTSAN YOD DE, RANG KUN NAS SLONG BA'I SEMS GZHAN GYIS RIG PAR MI BYED PAS DE LTAR DU BRJOD PA'I PHYIR RO, ,GNYIS PA ZHAR BYUNG LA, 'BYUNG BA'I DBYE BA, BYED LAS, NGO BO, 'PHROS DON DANG BZHI, DANG PO NI, 'BYUNG BA DAG NI SA KHAMS DANG, ,CHU DANG ME DANG RLUNG KHAMS RNAMS, ,ZHES BYUNG, 'BYUNG BA DAG NI CHOS CAN, KHYOD LA DBYE NA BZHI YOD DE, SA KHAMS DANG, CHU DANG, ME DANG, RLUNG GI KHAMS RNAMS SU YOD PA'I PHYIR, 'BYUNG BA ZHES BRJOD PA'I RGYU MTSAN YOD DE, GZUGS SNA TSOGS 'GRUB PA NI 'BYUNG BA DE DAG GI RNAM PAR 'BYUNG BAS NA DE LTAR BRJOD PA'I PHYIR, GNYIS PA NI, 'DZIN PA LA SOGS LAS SU GRUB, ,CES BYUNG, DE BZHI CHOS CAN, BYED LAS YOD DE, SAS 'DZIN PA DANG LA SOGS TE CHUS SDUD, MES SMIN, RLUNG GIS RGYAS PAR BYED PA'I LAS RNAMS SU GRUB PA'I PHYIR, GSUM PA NI, SRA GSHER DRO NYID G-YO BA RNAMS, ,ZHES BYUNG, 'BYUNG BZHI SO SO'I MTSAN NYID YOD DE, SRA BA'I 'BYUNG BA DE SA DANG, GSHER BA'I 'BYUNG BA DE CHU DANG, DRO BA'I 'BYUNG BA DE ME DANG, G-YO BA'I 'BYUNG BA DE RLUNG GI MTSAN NYID YIN PA'I PHYIR, KHAMS ZHES BRJOD PA'I RGYU MTSAN YOD DE, RANG GI MTSAN NYID 'DZIN PAS NA DE SKAD DU BRJOD PA'I PHYIR, BZHI PA NI, 'JIG RTEN GYI NI THA SNYAD DU, ,KHA DOG DBYIBS LA SA ZHES BRJOD, ,CHU ME YANG NGO RLUNG KHAMS RNAMS, ,NYID YIN DE DANG 'DRA BA'ANG YIN, ,ZHES 'BYUNG, 'DI LA GNYIS, TSIG DON DANG, MTHA' DPYAD PA GNYIS, DANG PO NI, SA SOGS DANG DE'I KHA DOG GI KHYAD PAR YOD DE, 'JIG RTEN GYI THA SNYAD DU 'BYUNG BZHI'I KHA DOG DANG DBYIBS LA SA ZHES SOGS KYI THA SNYAD BRJOD PA'I PHYIR TE, SA SER PO DANG GRU BZHI, CHU @18B DKAR PO DANG ZLUM PO, ME DMAR PO DANG GRU GSUM ZHES BRJOD CING, RLUNG GI TSOGS JI SNYED PA NI RLUNG GI KHAMS RNAMS NYID YIN YANG THA SNYAD NI SNGA MA DE DANG 'DRA BAR SNGON PO DANG ZLA GAM ZHES SU'ANG BRJOD PA YIN PA'I PHYIR, 'BYUNG BZHI'I KHA DOG SOGS 'BYUNG BZHI DE DAG MIN KYANG DE MTHONG BAS SA SOGS MTHONG BAR 'JOG PA MI 'GAL TE, MI'I GZUGS MI MA YIN YANG DE MTHONG BAS MI MTHONG BAR 'JOG PA MI 'GAL BA LTA BU YIN PA'I PHYIR, GNYIS PA LA, KHA CIG ,SA SER PO SA MA YIN PAR THAL, SA'I KHA DOG SA MA YIN PA'I PHYIR NA MA KHYAB, 'DOD NA, DE DE YIN PAR THAL, RTA DKAR PO RTA YIN PA'I PHYIR, KHA CIG ,SA'I SKYE MCHED MIG SHES KYI GZUNG BYA YIN PAR THAL, SA SER PO DE'I GZUNG BYA YIN PA'I PHYIR, DER THAL, SA'I SER PO DE'I GZUNG BYA YIN PA'I PHYIR NA MA KHYAB, RTAGS DER THAL, SA'I KHA DOG DE'I GZUNG BYA YIN PA'I PHYIR, DER THAL, 'JIG RTEN PAS SA'I KHA DOG DANG DBYIBS MTHONG BAS SA ZHES THA SNYAD BYED PA'I PHYIR, GONG DU 'DOD NA MI 'THAD PAR THAL, 'BYUNG BA'I SA YIN NA, REG BYA'I SKYE MCHED YIN DGOS PA'I PHYIR, KHA CIG ,SHING DANG RDO LCAGS SOGS KYI SRA BA SA'I KHAMS YIN PAR THAL, DAM BCA' 'THAD PA'I PHYIR, 'DOD NA, SHING DANG RDO LCAGS KYANG SA'I KHAMS YIN PAR THAL, 'DOD PA'I PHYIR, 'DOD NA, DE DAG SA YIN PAR THAL, 'DOD PA'I PHYIR NA DPYAD DO, ,GNYIS PA DE LAS PHYUNG STE KHAMS DANG SKYE MCHED DU 'JOG PA NI, DBANG DON DE DAG KHO NA LA, ,SKYE MCHED DANG NI KHAMS BCUR 'DOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, DBANG PO LNGA DANG DON LNGA STE BCU PO DE DAG KHO NA CHOS CAN, KHYOD LA SKYE MCHED DU 'JOG TSUL YOD DE, GZUGS CAN GYI SKYE MCHED BCUR 'JOG PA'I PHYIR TE, MIG GI SKYE MCHED SOGS LNGA DANG DE DAG GI YUL GYI SKYE @19A *, ,MCHED LNGA STE BCUR 'JOG PA'I PHYIR, KHAMS BCUR 'JOG TSUL YOD DE, MIG GI KHAMS SOGS LNGA DANG GZUNG DON YUL GYI KHAMS LNGA STE BCUR 'JOG PAR 'DOD PA'I PHYIR, GNYIS PA NI, KHA CIG ,'DIR MIG DANG MIG GI KHAMS GNYIS DON GCIG TU 'DOD ZER NA, DGRA BCOM PA'I MIG THA MA CHOS CAN, MIG GI KHAMS YIN PAR THAL, MIG YIN PA'I PHYIR, 'DOD NA, KHYOD KYI RIGS 'DRA'I PHYI RGYUN YOD PAR THAL, 'DOD PA'I PHYIR, KHA CIG MA KHYAB ZER, 'DOD MI NUS TE, RGYUN CHAD KHA MA YIN PA'I PHYIR, DER THAL, CHOS CAN DE YIN PA'I PHYIR, GZHAN YANG DE DE MA YIN PAR THAL, KUN BTUS LAS, MIG YIN LA MIG GI KHAMS MA YIN PA YANG YOD DE, DGRA BCOM PA'I THA MA'I MIG GO, ZHES GSUNGS PA'I PHYIR, GZHAN YANG, SGO NGA'I NANG GI MIG GI KHAMS CHOS CAN, MIG YIN PAR THAL, MIG GI KHAMS YIN PA'I PHYIR, DE DER THAL, DE YOD PA'I PHYIR, 'DOD NA, MA YIN PAR THAL, KUN BTUS LAS, MIG GI KHAMS YIN LA MIG MA YIN PA YANG YOD DE, SGO NGA'I NANG NA 'DUG PA DANG, ,ZHES SOGS GSUNGS SHING, RNA BA SOGS LA'ANG DE BZHIN DU SBYOR BAR BSHAD PA'I PHYIR RO, ,GNYIS PA GZUGS SEMS GNYIS LAS GZHAN PA'I CHOS LA; NGO BO DANG, DE LAS KHAMS DANG SKYE MCHED 'JOG TSUL GNYIS, DANG PO NI, TSOR BA MYONG BA'O 'DU SHES NI, ,MTSAN MAR 'DZIN PA'I BDAG NYID DO, ,'DU BYED PHUNG PO BZHI LAS GZHAN, ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SPYIR SIM GDUNG BAR MA GSUM CI RIGS NYAMS SU MYONG BA'I SGO NAS BZHAG PA'I SEMS BYUNG DE TSOR BA'I MTSAN NYID YIN PAS, 'DIR TSOR BA CHOS CAN, KHYOD KYI MTSAN NYID YOD DE ZHES SOGS 'GOD PA'AM, @19B TSOR BA'I PHUNG PO'I MTSAN NYID YOD DE, SIM GDUNG BAR MA CI RIGS NYAMS SU MYONG BA'I SEMS BYUNG GI PHUNG PO DE DE YIN PA'I PHYIR, TSOR BA CHOS CAN, KHYOD LA NGO BO'I SGO NAS GSUM YOD DE, YUL BDE SDUG BTANG SNYOMS KYI DBYE BAS GSUM YOD PA'I PHYIR, BDAG RKYEN GYI SGO NAS DRUG YOD DE, MIG GI 'DUS TE REG PA LAS BYUNG BA'I TSOR BA NAS YID KYI 'DUS TE REG PA LAS BYUNG BA'I TSOR BA'I BAR DRUG YOD PA'I PHYIR, DRUG PO RE RE LA GSUM GSUM DU PHYE BAS BCO BRGYAD YOD DE, RTZA BAR, RNAM PA DAG NI YANG BCO BRGYAD, ,CES GSUNGS PA'I PHYIR, BSDU NA LUS TSOR DANG SEMS TSOR GNYIS SU 'DU STE, RTZA BAR, LNGA NI LUS KYI'O SEMS KYI GZHAN, ,ZHES GSUNGS PA'I PHYIR, DBANG SHES SU GYUR PA'I TSOR BA DANG LUS TSOR DON GCIG ,YID SHES SU GYUR PA'I TSOR BA DANG SEMS TSOR GCIG STE, MING GI RNAM GRANGS KYIS PHYE BA TZAM YIN PA'I PHYIR, MYONG BA'I DON LA GSUM YOD DE, GANG MYONG BA DANG, GANG GIS MYONG BA DANG, JI LTAR MYONG BA GSUM YOD PA'I PHYIR TE, DANG PO NI MYONG BYA DANG, GNYIS PA NI MYONG BYED DANG, GSUM PA NI MYONG TSUL YIN PA'I PHYIR, NYAMS SU ZHES PA'I DON YOD DE, REG PAS BCAD PA LTAR MYONG BA DE'I DON YIN PA'I PHYIR, 'DIR, KHA CIG , MYONG BA'I DON LA GSUM DU PHYE BA MI 'THAD DE, MYONG BA NI JI LTAR MYONG BA'I TSUL GCIG TU NGES PA'I PHYIR, DER THAL, MYONG BA NI BDE SDUG BAR MA GSUM PO GANG RUNG ZHIG TU NGES PA'I PHYIR NA MA KHYAB, YANG NA, MA NGES TE, DE GSUM PO GANG RUNG MA YIN PA'I TSOR BA YOD PA'I PHYIR, DER THAL, TSOR BA SPYI DANG TSOR BA GSUM PO DE DE LTAR YIN PA'I PHYIR, 'DU SHES KYI MTSAN NYID YOD DE, RANG YUL GYI THUN MONG MA YIN PA'I MTSAN MA'AM SPU RIS MA 'DRES PAR 'DZIN @20A *, ,PA'I BDAG NYID KYI SEMS BYUNG DE DE YIN PA'I PHYIR, DBYE BA YOD DE, MIG GI 'DUS TE REG PA LAS BYUNG BA'I 'DU SHES SOGS DRUG DANG, NGO BO'I SGO NAS RTOG MED DANG RTOG BCAS KYI 'DU SHES GNYIS YOD PA'I PHYIR, PHYI MA GNYIS KYI KHYAD PAR YOD DE, SGO LNGA'I DBANG PO'I 'DU SHES DANG PO DANG, YID KYI 'DU SHES GNYIS PA YIN PA'I PHYIR, 'DU BYED KYI MTSAN NYID YOD DE, GZUGS TSOR 'DU SHES RNAM SHES KYI PHUNG PO BZHI PO GANG RUNG LAS DON GZHAN PA'I 'DUS BYAS DE DE YIN PA'I PHYIR, DBYE NA, GNYIS YOD DE, MTSUNGS LDAN 'DU BYED DANG, LDAN MIN 'DU BYED GNYIS YOD PA'I PHYIR, DE GNYIS KYI KHYAD PAR YOD DE, DANG PO NI, SHES PA YIN PA'I 'DU BYED DANG, GNYIS PA NI SHES PA MA YIN PA'I 'DU BYED YIN PA'I PHYIR, DANG PO LA DU MA YOD DE, TSOR 'DU GNYIS MA YIN PA'I SEMS BYUNG ZHE DGU YOD PA'I PHYIR, GNYIS PA LA DU MA YOD DE, KUN BTUS LTAR NA NYER GNYIS DANG, 'DI LTAR NA 'CHAD PA LTAR BCU BZHI YOD PA'I PHYIR RO, ,GNYIS PA MTHA' DPYAD PA LA, KHA CIG ,YAN LAG GNYIS PA 'DU BYED KYI LAS BSHAD PA MI 'THAD PAR THAL, LAS 'DU BYED DU KHYOD KYIS MA BSHAD PA'I PHYIR ZER NA, MA GRUB STE, MTSUNGS LDAN 'DU BYED KYI NANG DU BSDUS NAS BSTAN PA'I PHYIR, DER THAL, NANG GI 'DU BYED LA LAS GTZO CHE BA'I PHYIR, DER THAL, SEMS BYUNG LAS NI MTSUNGS LDAN 'DU BYED KYI GTZO BO YIN PA'I PHYIR, KHA CIG ,TSOR 'DU GNYIS LAS 'DU BYED KYI MTSAN GZHI MANG BAR THAL, SEMS BYUNG LHAG MA ZHE DGU PO THAMS CAD 'DU BYED DU 'JOG PA'I PHYIR, 'DOD NA, MI 'THAD PAR THAL, GANG ZAG GCIG LA'ANG TSOR BA DANG 'DU SHES KYI RNAM RTOG GRANGS KYIS MI CHOD PA LTA BU SKYE BA'I PHYIR NA MA KHYAB BO, ,GNYIS PA NI, DE @20B GSUM RNAM RIG BYED MIN DANG, ,'DUS MA BYAS RNAMS BCAS PA NI, ,CHOS KYI SKYE MCHED KHAMS ZHES BYA, ,ZHES BYUNG, TSOR 'DU 'DU BYED KYI PHUNG PO DE GSUM DANG RNAM PAR RIG BYED MA YIN PA'I GZUGS DANG BZHI 'DUS MA BYAS GSUM RNAMS DANG BCAS PA BDUN PO 'DI NI CHOS CAN, KHAMS DANG SKYE MCHED GANG DU 'JOG TSUL YOD DE, CHOS KYI SKYE MCHED DANG CHOS KYI KHAMS ZHES BYA BAR 'JOG PA'I PHYIR RO, ,GSUM PA SEMS KYIS BSDUS PA'I CHOS GSUM LA, CHOS GSUM GYI RANG BZHIN, CHOS GSUM GYI GTZO BO NGOS BZUNG BA, ZHAR LA KHAMS KYI GRANGS NGES LA RTZOD PA SPANG BA GSUM, DANG PO NI, RNAM SHES SO SO RNAM RIG PA, ,YID KYI SKYE MCHED KYANG DE YIN, ,KHAMS BDUN DAG DU'ANG 'DOD PA STE, ,RNAM PAR SHES PA DRUG DANG YID, , DRUG PO 'DAS MA THAG PA YI, ,RNAM SHES GANG YIN DE YID DO, ,DRUG PA'I RTEN NI RAB BSGRUB PHYIR, ,KHAMS NI BCO BRGYAD DAG TU 'DOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, RNAM PAR SHES PA'I TSOGS DRUG CHOS CAN, RNAM SHES KYI PHUNG PO ZHES BYA STE, BLO'I YUL DU DU MA SPUNGS PA LTAR SNANG ZHING RANG STOBS KYIS YUL GYI NGO BO SO SOR RNAM PAR RIG PA'I GTZO SEMS YIN PA'I PHYIR, YIN TE, MIG GI RNAM SHES KYIS GZUGS RANG STOBS KYIS RIG PA NAS YID KYI RNAM SHES KYIS CHOS RANG STOBS KYIS RIG PA'I PHYIR, YID KYI SKYE MCHED KYANG CHOS CAN, BZHAG TU YOD DE, RNAM SHES DRUG PO DE NYID LA BYED PA YIN PA'I PHYIR, KHAMS DRUG TU MA ZAD, BDUN DAG DU'ANG 'DOD PA STE RNAM PAR SHES PA'I KHAMS DRUG SO SO DANG YID KYI KHAMS TE BDUN DU 'DOD PA'I PHYIR, RNAM SHES TSOGS DRUG TU MA 'DUS PA'I RNAM SHES MED KYANG RNAM SHES KYI KHAMS BDUN DU 'JOG PA MI 'GAL TE, RNAM SHES TSOGS DRUG PO GANG GI @21A *, ,SNGON DU 'DAS MA THAG PA STE 'GAGS MA THAG PA'I RNAM SHES DRUG PO GANG YIN PA DE NI YID KYI KHAMS SU 'ANG 'JOG PA'I PHYIR, DGOS PA YOD DE, RNAM SHES DANG PO LNGA LA RTEN MIG NAS LUS KYI BAR YOD LA, DRUG PA YID KYI RNAM PAR SHES PA'I RTEN LA GNAS MED PAS SNGA ROL DE MA THAG 'GAGS PA'I RNAM SHES DRUG PO GANG RUNG GIS DE'I RTEN BYED PAR BSGRUB PA'I CHED YIN PA'I PHYIR, KHAMS CHOS CAN, KHYOD LA RGYAS PAR PHYE NA BCO BRGYAD DAG TU 'DOD PA YIN TE, RTEN DBANG PO'I KHAMS DRUG ,BRTEN PA RNAM SHES KYI KHAMS DRUG ,DMIGS PA YUL GYI KHAMS DRUG STE BCO BRGYAD YOD PA'I PHYIR TE, MIG SOGS DBANG PO DRUG DANG, MIG GI RNAM SHES SOGS DRUG DANG, GZUGS SOGS YUL DRUG STE BCO BRGYAD YOD PA'I PHYIR, GNYIS PA LA, KHA CIG ,RNAM SHES TSOGS DRUG TZAM DU MI RIGS PAR THAL, KUN GZHI'I RNAM SHES YOD PA'I PHYIR, DER THAL, RNAM SHES PHYI MA DRUG GI GZHI BYED PA'I RNAM SHES CIG YOD PA'I PHYIR NA MA KHYAB, KHA CIG ,RNAM SHES CHOS CAN, DU MAR SPUNGS PAR THAL, BLO'I YUL DU DU MAR SPUNGS PA'I PHYIR, DER THAL, BLO'I YUL DU DU MA SPUNGS PA LTAR SNANG BA'I PHYIR NA MA KHYAB, KHA CIG ,RNAM SHES SNGA MA DRUG 'GAG MA THAG PA DE RNAM SHES YIN PAR THAL, DE DRUG 'GAG MA THAG PA'I RNAM SHES DE RNAM SHES KYI KHAMS YIN PA'I PHYIR NA RE ZHIG MA KHYAB, RTAGS DER THAL, RNAM SHES PHYI MA DRUG SKYE PA'I TSE SNGA MA DRUG 'GAGS LA, 'GAG KHA MA'I RNAM SHES DRUG PO DE RNAM SHES KYI KHAMS YIN PA'I PHYIR NA MA KHYAB, GONG DU 'DOD NA, MI 'THAD PAR THAL, 'DUS MA BYAS YIN PA'I PHYIR, DER THAL, DE 'GAGS PA 'DUS MA BYAS YIN PA'I PHYIR RO, ,GNYIS PA CHOS GSUM GYI GTZO BO NGOS BZUNG BA NI, PHUNG PO DANG NI SKYE MCHED DANG, , @21B KHAMS GCIG GIS NI THAMS CAD BSDUS, ,RANG GI NGO BO NYID KYIS TE, ,GZHAN GYI DNGOS DANG MI LDAN PHYIR, ,ZHES BYUNG, GZUGS KYI PHUNG PO DANG YID KYI SKYE MCHED DANG CHOS KHAMS GCIG PU STE GSUM PO CHOS CAN, CHOS GSUM GYI GTZO BO BSDU BYA MANG BA CAN YIN TE, CHOS THAMS CAD BSDUS PA'I PHYIR TE, GZUGS KYIS RANG DU GTOGS PA THAMS CAD DANG, YID KYIS YID KHAMS BDUN DANG, TSOR 'DU 'DU BYED 'DUS MA BYAS RNAMS DANG RNAM RIG MIN BA NI CHOS KHAMS KYIS BSDUS PA'I PHYIR, BSDUS TSUL DE CHOS CAN, BSDU TSUL GZHAN GYI DBANG DU BYAS PA YIN TE, RANG GI NGO BO NYID YIN PA'I BSDU TSUL YIN PA'I PHYIR TE, 'DIR BSDU BYA SDUD BYED NI RANG MA YIN PA GZHAN GYI DNGOS PO DANG MI LDAN PA'I PHYIR RO, ,GSUM PA KHAMS KYI GRANGS NGES LA RTZOD PA SPANG BA NI, MIG LA SOGS PA GNYIS MOD KYI, ,RIGS DANG SPYOD YUL RNAM PAR SHES, ,'DRA BA'I PHYIR NA KHAMS GCIG NYID, ,MDZES BYA'I PHYIR NA GNYIS BYUNG NGO, ,ZHES BYUNG, 'DIR KHO NA RE, KHAMS BCO BRGYAD DU GRANGS MA NGES PAR THAL, MIG SOGS GNYIS GNYIS YOD PA'I PHYIR ZER NA, SHES BYA CHOS CAN, MIG RNA LA SOGS PA G-YAS G-YON GNYIS GNYIS YOD MOD KYI, DES KHAMS KYI GRANGS NGES 'JIG PA'I SKYON MED PAR THAL, MIG G-YAS G-YON LTA BU MIG TU RIGS GCIG PA DANG, SPYOD YUL GZUGS LA DMIGS PAR MTSUNGS PA DANG, 'BRAS BU MIG GI RNAM PAR SHES PA SKYED PA 'DRA BAS KHAMS GCIG TU BZHAG PA'I PHYIR, RNA BA LA'ANG DE LTAR RO, MIG RE RE DANG GSUM SOGS KYIS KYANG BYA BA BYED NUS KYANG GNYIS GNYIS BYUNG BA'I RGYU MTSAN YOD DE, RTEN MDZOS PAR BYA BA'I CHED DU YIN PA'I PHYIR RO, ,SNA'I GONG BU GCIG YIN KYANG SNA GNYIS SU BZHED PA'ANG MI 'GAL TE, SNA BUG GNYIS RE YOD CING SO SO NAS DRI TSOR BA'I PHYIR RO, ,GNYIS @22A *, ,PA CHOS GSUM GYI KHYAD CHOS LA, CHOS GSUM GYI SGRA DON, CHOS GSUM GSUNGS PA'I DGOS PA, CHOS GSUM GYI GO RIM GSUM, DANG PO NI, SPUNGS DANG SKYES RIGS KYI DON, ,PHUNG PO SKYE MCHED KHAMS RNAMS YIN, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, PHUNG PO LNGA CHOS CAN, KHYOD LA PHUNG PO ZHES BRDZOD PA'I RGYU MTSAN YOD DE, RGYU RKYEN DU MA SPUNGS PA'AM ? MTSOGS PAS NA DE LTAR BRJOD PA'I PHYIR TE, RANG 'GREL LAS, SPUNGS PA'I DON NI PHUNG PO'I DON TO, ,ZHES GSUNGS PA'I PHYIR, SKYE MCHED BCU GNYIS CHOS CAN, SKYE MCHED CES BRJOD PA'I SGRA DON YOD DE, SEMS SEMS BYUNG RNAMS SKYE ZHING MCHOD PA STE RGYAS PA'I SGOR GYUR PAS NA DE LTAR BRJOD PA'I PHYIR RO, ,GZUGS SGRA DRI RO SOGS KHAMS BCO BRGYAD CHOS CAN, KHAMS ZHES BYA STE, 'BRAS BU 'BYUNG BA'I RGYU'AM RIGS TE SA BON LTA BU YIN PAS NA DE SKAD BRJOD PA'I PHYIR TE, RANG 'GREL LAS, RIGS KYI DON NI KHAMS KYI DON TE, ZHES GSUNGS PA'I PHYIR, GNYIS PA LA, KHA CIG ,GZUGS YIN NA, GZUGS KYI PHUNG PO YIN PAS KHYAB PAR THAL, PHYI'I GZUGS LA DE'I PHYIR NA MA KHYAB, RTAGS DER THAL, 'DIR RDUL PHRA RAB KYANG GZUGS KYI PHUNG PO YIN PA'I PHYIR, DER THAL, DE RGYU RKYEN DU MA 'DUS PA YIN PA'I PHYIR, MA GRUB NA, RGYU RKYEN GYIS MA SKYED PAR THAL, MA GRUB PA DE'I PHYIR, 'DOD NA, 'DUS BYAS MA YIN PAR THAL LO, ,GONG DU 'DOD NA, RNAM RIG MIN PA'I GZUGS CHOS CAN, DER THAL, DE'I PHYIR, 'DOD NA, DE DE MA YIN PAR THAL, DE CHOS KYI KHAMS DANG, DE'I SKYE MCHED YIN PA'I PHYIR, GZHAN YANG, BYE SMRA'I LUGS 'DIR RDUL PHRA RAB LA PHUNG PO'I DON TSANG BAR THAL, GANGS SPEL LAS, RDUL PHRA RAB @22B GCIG PU YANG PHUNG POR BRJOD DE, ZHES GSUNGS PA'I PHYIR, GZHAN YANG, DE DE YIN PAR THAL, BYE SMRAS DE PHUNG PO'I DON TSANG BAR 'DOD PA LA, MDO SDE PAS DE LA SPUNGS PA'I DON MA TSANG BA'I SKYON BRJOD PA'I PHYIR, KHA CIG ,PHUNG PO RDZAS YOD YIN PAR THAL, PHUNG PO RE RE NAS RDZAS YOD YIN PA'I PHYIR, DER THAL, PHUNG PO RE RE NAS RDZAS YOD DU SLOB DPON YANG BZHED PA'I PHYIR, 'DOD NA, MA YIN PAR THAL, BTAGS YOD YIN PA'I PHYIR, DER THAL, BYE SMRAS RDZAS YOD DANG, SLOB DPON DANG MDO SDE PAS PHUNG PO SPYI TZAM PA DE BTAGS YOD DU BZHED PA'I PHYIR, GNYIS PA LA, CHOS GSUM BSTAN PA'I DGOS PA DANG, DOGS GCOD GNYIS, DANG PO NI, RMONGS DBANG 'DOD RNAMS GSUM GYI PHYIR, ,PHUNG PO LA SOGS GSUM BSTAN TO, ,ZHES BYUNG, PHUNG PO LA SOGS TE SKYE MCHED DANG KHAMS TE CHOS GSUM BSTAN PA LA CHOS CAN, DGOS PA YOD DE, RMONGS PA GSUM BZLOG PA DANG, DAD SOGS KYI DBANG PO RNO 'BRING RTUL GSUM RJES SU 'DZIN PA DANG, TSIG GI SPROS PA RGYAS 'BRING BSDUS GSUM 'DOD PA RNAM PA GSUM GYI CHED DU YIN PA'I PHYIR, DANG PO GRUB STE, SEMS BYUNG RNAMS LA RIL PO'AM GCIG TU 'DZIN PA'I RMONGS PA BZLOG PA'I CHED DU PHUNG PO LNGA BSTAN, GZUGS LA RIL 'DZIN GYI RMONGS PA BZLOG PA'I CHED DU SKYE MCHED BCU GNYIS BSTAN, GZUGS SEMS GNYIS KA LA RIL 'DZIN GYI RMONGS PA BZLOG PA'I CHED DU KHAMS BCO BRGYAD BSTAN PA'I PHYIR, DE LTAR BSTAN PAS RMONGS PA GSUM BZLOG NUS TE, PHUNG PO LNGA'I SKABS SU SEMS BYUNG GI PHUNG PO GSUM DU PHYE, SKYE MCHED BCU GNYIS KYI SKABS SU GZUGS CAN BCUR PHYE, KHAMS BCO BRGYAD KYI SKABS SU GZUGS CAN BCU DANG RNAM SHES KYI KHAMS BDUN DU BSHAD PAS RMONGS PA DE RNAMS BZLOG NUS PA'I PHYIR, RTZA RTAGS PHYI @23A *, ,MA GNYIS GRUB STE, DBANG RNON 'GO SMOS PAS GO BA LA TSIG BSDUS TE PHUNG PO LNGA BSTAN, CUNG ZAD SPROS NAS GO BA DBANG 'BRING LA TSIG RGYAS BSDUS 'TSAM PAS SKYE MCHED BCU GNYIS BSTAN, DBANG RTUL TSIG DON GNYIS KA RGYAS PAR 'DOD PA LA KHAMS BCO BRGYAD BSTAN NAS 'DOD PA RNAM PA GSUM DANG LDAN PA'I GDUL BYA RJES SU 'DZIN PA'I CHED YIN PA'I PHYIR, GNYIS PA NI, RTZOD PA'I RTZA BAR GYUR PA DANG, ,'KHOR BA'I RGYU DANG RIM RGYU'I PHYIR, ,SEMS BYUNG RNAMS LAS TSOR BA DANG, ,'DU SHES LOGS SHIG PHUNG POR BZHAG ,PHUNG PO DAG DU 'DUS MA BYAS, ,DON DU MI RUNG PHYIR MA BSHAD, ,CES BYUNG, SHES BYA CHOS CAN, SEMS BYUNG RNAMS LAS TSOR BA DANG 'DU SHES LOGS SHIG TU PHUNG POR BZHAG PA'I RGYU MTSAN YOD DE, ZAG BCAS KYI TSOR 'DU GNYIS RTZOD PA'I RTZA BAR GYUR PA DANG, 'KHOR BAR 'KHOR BYED KYI RGYU DANG, NYON MONGS GZHAN LAS RAGS SHING DE RNAMS KYI GO RIM GYI RGYU BYED PA'I PHYIR, 'DUS MA BYAS CHOS CAN, PHUNG PO DAG TU MA BSHAD DE, RGYU RKYEN DU MA SPUNGS PA'I DON DU MI RUNG BA'I PHYIR, MA BSHAD CES PA NI STON PAS MA BSHAD CES PA YIN GYI, SLOB DPON RANG NYID KYIS MA BSHAD CES PA TZAM GYI DON MIN TE, 'DIR SANGS RGYAS KYIS GSUNGS PA'I MNGON PA'I GZHUNG GIS BSTAN TSUL DANG, DGOS PA SOGS 'CHAD PAR MDZAD PA'I PHYIR RO, ,GSUM PA GO RIM LA, PHUNG PO'I GO RIM, KHAMS DANG SKYE MCHED KYI GO RIM, ZHAR BYUNG DANG GSUM, DANG PO NI, RIM NI RAGS DANG KUN NYON MONGS, ,SNOD SOGS DON KHAMS JI BZHIN NO, ,ZHES BYUNG, SHES BYA CHOS CAN, PHUNG PO LNGA'I GO RIM NI RAGS PA DANG POR BSTAN NAS PHRA BA @23B RJES SU BSTAN PA YIN TE, GZUGS SOGS LNGA SNGA MA SNGA MA RAGS SHING, PHYI MA PHYI MA PHRA BA'I PHYIR, DE 'DRA BA'I GO RIM BYAS PA LA CHOS CAN, RGYU MTSAN YOD DE, DANG POR GZUGS MTHONG STE NYON MONGS SKYE, DE NAS TSOR BA SKYE ZHING BDE BA 'DOD, DE NAS 'DU SHES PHYIN CI LOG SKYE, DE LAS 'DU BYED KYI LAS GSOG ,DE'I DBANG GIS RNAM PAR SHES PA KUN NAS NYON MONGS CAN DU 'GYUR BA'I GO RIM LTAR YIN PA'I PHYIR, DGOS PA YOD DE, GZUGS SNOD LTA BU, TSOR BA ZAS LTA BU, 'DU SHES BYA NA LTA BU, 'DU BYED BYA NA PHO LTA BU, RNAM SHES LONGS SPYOD PA PO LTA BUR SHES PA'I DGOS PA YOD PA'I PHYIR, DE YANG YIN TE, PHYI'I SNOD LA SOGS PA'I DPES NANG GI DON KHAMS JI LTA BA BZHIN DU NGES PA'I PHYIR, DER THAL, SNOD KYIS ZAS BRTEN PA LTAR GZUGS KYIS TSOR BA'I RTEN BYED, ZAS LONGS SPYAD BYA YIN PA LTAR TSOR BA RNAM SHES KYIS SPYAD BYA, BYAN STE TSOD MAS ZAS ZHIM PAR BYED PA LTAR 'DU SHES KYIS BDE SDUG GI THA SNYAD SHES, BYAN PO LAG BDES ZAS 'DREN PA LTAR 'DU BYED KYIS RNAM SHES LA BDE SDUG SKYED PAR BYED, SKYES BUS ZAS LA LONGS SPYAD PA LTAR RNAM SHES KYIS BDE SDUG LA LONGS SPYOD PAR BYED PA'I PHYIR, DGOS PA GZHAN YOD DE, 'DOD KHAMS NI, GZUGS CAN GYI 'DOD YON LNGA LA LONGS SPYOD PAS PHYE, BSAM GTAN BZHI TSOR BA LA LONGS SPYOD PAS GZUGS KHAMS TSOR BAS PHYE, GZUGS MED DANG PO GSUM 'DU SHES KYIS PHYE, SRID RTZE 'DU BYED KYIS PHYE, RNAM SHES NI KUN LA KHYAB PAS DE DAG DANG 'DRA PAR SHES PA'I DGOS PA YOD PA'I PHYIR, GNYIS PA NI, DA LTA'I DON PHYIR DBANG PO LNGA, ,'BYUNG BA LAS GYUR DON PHYIR BZHI, ,GZHAN NI CHES RING MYUR 'JUG PHYIR, ,YANG NA JI LTAR GNAS RIM BZHIN, ,ZHES BYUNG, DBANG PO LNGA DANG POR BSTAN NAS YID RJES SU @24A *, ,BSHAD PA LA DGOS PA YOD DE, DANG PO DBANG PO LNGA YUL DA LTA BA KHO NA'I DON GYI PHYIR 'JUG ,YID NI DUS GSUM GA LA 'JUG PAR 'GYUR BA'I PHYIR, DBANG PO LNGA'I NANG NAS LUS DBANG RJES SU BSHAD PA LA DGOS PA YOD DE, DBANG PO SNGA MA BZHI NI 'BYUNG BA LAS GYUR PA'I DON KHO NA'I YUL CAN YIN PA'I PHYIR DANG, LUS DBANG NI 'BYUNG BA DANG 'BYUNG 'GYUR GNYIS KA'I YUL LA 'JUG PA'I PHYIR, MIG RNA GNYIS LAS MIG DANG POR BSHAD PA'I RGYU MTSAN YOD DE, MIG DBANG GZHAN NI CHES RING BA'I YUL LA MYUR DU 'JUG LA, RNA BAS DE TZAM GYI SGRA MI THOS PA'I PHYIR, SNA LCE GNYIS LAS SNA DANG POR BSHAD PA'I RGYU MTSAN YOD DE, LCES RO MA MYONG GONG DU SNA YUL DRI LA MYUR DU 'JUG PA'I PHYIR, GO RIM DER MA ZAD RGYU MTSAN NAM DGOS PA GZHAN YOD DE, YANG NA DBANG RTEN LUS LA JI LTAR GNAS PA BZHIN GYI RIM PA YANG YIN PA'I PHYIR, GSUM PA NI, BYE BRAG DON DANG GTZO BO'I PHYIR, , CHOS MANG BA DANG MCHOG BSDUS PHYIR, ,GCIG NI GZUGS KYI SKYE MCHED DANG, ,GCIG NI CHOS ZHES BYA BAR BRJOD, ,CES BYUNG, MIG GI YUL DU GZUGS KYI SKYE MCHED SGOS SU BZHAG PA'I RGYU MTSAN CI ZHE NA, SKYE MCHED DANG PO GCIG NI GZUGS KYI SKYE MCHED DU BZHAG PA'I RGYU MTSAN YOD DE, SPYIR GZUGS CAN BCU GZUGS YIN YANG 'DIR SPYI MING BYE BRAG LA BTAGS PA'I DON YIN PA'I PHYIR, DE LTAR BTAGS PA LA CHOS CAN, DGOS PA YOD DE, DE GZUGS KYI SKYE MCHED KYI GTZO BO YIN PA'I PHYIR, YID SHES KYI YUL GYI SKYE MCHED GCIG PO NI CHOS CAN, CHOS KYI KHAMS ZHES BYA BAR BRJOD DE, SPYIR SKYE MCHED THAMS CAD CHOS YIN YANG CHOS KYI SKYE MCHED KYIS CHOS MANG PO DANG CHOS KYI MCHOG MYANG @24B 'DAS BSDUS KYI, GZHAN DAG GIS MA BSDUS PA'I PHYIR RO, ,GSUM PA CHOS GSUM GYIS GZHAN BSDUS TSUL LA, CHOS PHUNG GIS BSDUS TSUL DANG, PHUNG KHAMS GZHAN BSDUS TSUL GNYIS, DANG PO LA, DNGOS DANG, ZHAR BYUNG GNYIS, DANG PO NI, CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG ,TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,ZHES BYUNG, CHOS PHUNG GANG RNAMS THUB PA'I DBANG POS DUG GSUM RE RE DANG CHA MNYAM PA'I GNYEN POR NYI KHRI RE GSUNGS PA'I CHOS KYI PHUNG PO BRGYAD KHRI PO DE DAG CHOS CAN, 'DIR BSHAD PA'I PHUNG POR 'DUS PA YIN TE, MDO SDE PA LTAR NA TSIG GI RANG BZHIN YIN PAS GZUGS PHUNG GIS BSDUS LA, BYE BRAG SMRA BA LTAR NA MING TSIG TSOGS PA'I RANG BZHIN YIN PAS LDAN MIN 'DU BYED DAG TU 'DUS PAR 'DOD PA'I PHYIR, GNYIS PA NI, KHA CIG BSTAN BCOS TSAD CES ZER, ,PHUNG PO LA SOGS GTAM RE YIN, ,SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES BYUNG, SHES BYA CHOS CAN, CHOS PHUNG GI TSAD LA 'DOD TSUL MI 'DRA BA YOD DE, KHA CIG SH'A RI'I BUS MDZAD PA'I CHOS KYI PHUNG PO ZHES PA'I BSTAN BCOS DER SHO LO KA DRUG STONG YOD PA DE'I TSAD ZER LA, GZHAN DAG PHUNG PO LA SOGS TE KHAMS DANG SKYE MCHED RNAMS KYI DON TSAN RE RE RDZOGS PAR STON PA'I GTAM RE YIN ZHES 'DOD PA SOGS YOD PA'I PHYIR, SLOB DPON RANG GI BZHED PA YOD DE, NYON MONGS PA SNA RE'I GNYEN PO RDZOGS PAR STON PA'I GSUNG RAB RE LA BYED PA'I PHYIR, DER THAL, NYON MONGS PA BRGYAD KHRI LA SPYOD PA RNAMS KYI GNYEN POR NI CHOS KYI PHUNG PO BRGYAD KHRI'I GRANGS MTHUN PAR GSUNGS PA'I PHYIR, GAL TE CHOS KYI PHUNG PO BRGYAD KHRI BZHI STONG ZHES BRJOD PA MA YIN NAM ZHEN @25A *, ,SKYON MED DE, 'DI BYE BRAG SMRA BA'I LUGS GTZO BOR MDZAD PA YIN PA'I PHYIR, GNYIS PA KHAMS DANG SKYE MCHED GZHAN GYIS BSDUS TSUL NI, DE BZHIN GZHAN YANG CI RIGS PAR, ,PHUNG PO SKYE MCHED KHAMS RNAMS NI, ,RANG GI MTSAN NYID LEGS DPYAD DE, ,JI SKAD BSHAD PAR BSDU BAR BYA, ,BU GNAM MKHA'I KHAMS ZHES BYA, ,SNANG DANG MUN PA DAG YIN LO, ,ZAG DANG BCAS PA'I RNAM SHES NI, ,RNAM SHES ? YIN SKYE BA'I RTEN, ,ZHES BYUNG, SHES BYA CHOS CAN, CHOS PHUNG CHOS GSUM GYIS BSDUS PA DE BZHIN DU GZHAN YANG MDO LAS CI RIGS PAR GSUNGS PA'I PHUNG PO DANG SKYE MCHED KHAMS RNAMS NI, RANG GI MTSAN NYID JI LTAR YIN PA LA LEGS PAR DPYAD DE 'DIR JI SKAD BSHAD PA'I CHOS GSUM DU BSDU PAR BYA STE, ZAG MED KYI TSUL KHRIMS TING NGE 'DZIN SHES RAB RNAM PAR GROL BA DE'I YE SHES GZIGS PA'I PHUNG PO RNAMS LAS DANG PO GZUGS KYI PHUNG PO DANG, LHAG MA RNAMS 'DU BYED KYI PHUNG POR BSDU ZHING, DE LTA BU GZHAN DAG KYANG BSDU TSUL SHES PAR BYA BA YIN PA'I PHYIR, SNANG DANG SKAR KHUNG LA SOGS PA'I BU GA NI NAM MKHA' DNGOS MIN KYANG BU GA NAM MKHA'I KHAMS ZHES BYA STE, DER NYIN MO ? SNANG BA DANG MTSAN MO MUN PA'I RANG BZHIN DAG YIN PA'I PHYIR, LO ZHES SMOS PA'I RGYU MTSAN YOD DE, SNANG MUN DE GNYIS NAM MKHA' DNGOS GNAS PAR 'DOD PA'I LUGS DGAG PA'I CHED YIN PA'I PHYIR, ZAG PA DANG BCAS PA'I RNAM SHES CHOS CAN, KHAMS DRUG TU PHYE BA'I RNAM SHES KYI KHAMS YIN TE, YANG SRID DU SKYE BA'I RTEN BYED PA'I RNAM SHES YIN PA'I PHYIR, KHYAB STE, ZAG MED KYI RNAM SHES KYIS DE'I RTEN MI BYED PA'I PHYIR, ` GSUM PA KHAMS KYI RNAM PAR BA DBYE BA SHAD PA LA, @25B MTSAN NYID KYI SGO NAS BSHAD PA, GSUM TSAN GYI SGO NAS, BCAS MA BCAS KYI SGO NAS, GRUB PA SOGS KYI SGO NAS, BYUNG SOGS KYI SGO NAS, LTA SOGS KYI DBYE BA DRUG ,DANG PO NI, BSTAN YOD 'DIR NI GZUGS GCIG PU, ,THOGS DANG BCAS PA GZUGS CAN BCU, ,ZHES BYUNG, GZUGS KYI SKYE MCHED GCIG PU CHOS CAN, 'DIR NI BSTAN YOD YIN TE, MIG GI DBANG PO'I YUL DU BSTAN DU YOD PA'I GZUGS YIN PA'I PHYIR, DBANG PO LNGA DON LNGA STE GZUGS CAN BCU PO CHOS CAN, THOGS DANG BCAS PA ZHES BYA STE, GZUGS CAN GZHAN RANG LA THOGS PA DANG, RANG GZUGS CAN GZHAN LA PHAR THOGS PA GANG RUNG YIN PA'I PHYIR, DANG PO GRUB STE, GZUGS KYI SKYE MCHED YIN PA'I PHYIR, GNYIS PA GRUB STE, SNANG BA DE DE YIN PA'I PHYIR, DER THAL, RTZIG PA LA THOGS PA'I PHYIR, THOGS TSUL DE LA GSUM YOD DE, YUL DANG DMIGS PA DANG SGRIB PA GSUM LA THOGS PA'I PHYIR, DANG PO GRUB STE, YUL CAN YUL LA THOGS PA'I PHYIR, DER THAL, GZUGS CAN GYI THOGS PA NI PHAN TSUN GO SA 'GOG PA'I THOGS PA YIN LA, MIG DBANG SOGS YUL CAN RNAMS YUL LA THOGS PA NI RANG RANG GI YUL DANG 'PHRAD NAS DE 'DZIN GYI, GANG NI MI 'DZIN PA'I DON YIN PA'I PHYIR, MIG DBANG YUL LA THOGS MI THOGS KYI KHYAD PAR DU MA YOD DE, CHU LA THOGS SHING SKAM LA MI THOGS PA, DE LAS BZLOG PA, CHU DANG SKAM GNYIS KAR THOGS PA, GNYIS KAR MI THOGS PA, NYIN MO THOGS SHING, MTSAN MO MI THOGS PA, DE LAS BZLOG PA, GNYIS KAR THOGS PA, GNYIS KAR MI THOGS PA'I MU BRGYAD YOD PA'I PHYIR, DANG PO GRUB STE, NYA'I MIG RNAMS DE YIN PA'I PHYIR, DER THAL, DES CHUR MTHONG ZHING SKAMS RA MI MTHONG BA'I PHYIR, GNYIS PA GRUB STE, MI PHAL CHER GYIS SKAM SANG MTHONG LA CHUR MI @26A *, ,MTHONG BA'I PHYIR, GSUM PA GRUB STE, SBAL PA SOGS KYIS GNYIS KAR MTHONG BA'I PHYIR, BZHI PA GRUB STE, GNYID DUS DANG MNGAL GYI MIG LTA BU YIN PA'I PHYIR, LNGA PA GRUB STE, MI PHAL CHER GYI MIG DE DE YIN PA'I PHYIR, DRUG PA GRUB STE, 'UG PA'I MIG GIS MTSAN MO MTHONG ZHING NYIN MO MI MTHONG BA'I PHYIR, BDUN PA GRUB STE, GUNG KHYI'I MIG GIS NYIN MTSAN GNYIS KAR MTHONG BA'I PHYIR, BRGYAD PA GRUB STE, 'GOG PA LA SNYOMS PAR ZHUGS PA'I MIG LTA BU DE YIN PA'I PHYIR, GNYIS PA DMIGS PA LA THOGS PA YOD DE, ZLA BA GNYIS SNANG GI DBANG SHES LTA BU DE YIN PA'I PHYIR, GSUM PA YOD DE, GZUGS CAN PHAN TSUN GCIG YOD PA'I GO SAR GZHAN 'BYUNG BA 'GOG CING SGRIB PAR BYED PA'I PHYIR RO, ,GNYIS PA LA, DGE SOGS GSUM DU DBYE BA, KHAMS GSUM GYI SGO NAS DBYE BA GNYIS, DANG PO NI, LUNG MA BSTAN BRGYAD DE DAG NYID, ,GZUGS SGRA MA GTOGS GZHAN RNAM GSUM, ,ZHES BYUNG, GZUGS CAN BCU LAS GZUGS SGRA MA GTOGS PA'I GZUGS CAN BRGYAD PO DE DAG NYID CHOS CAN, MTHA' GCIG TU LUNG MA BSTAN YIN TE, DGE MI DGE GNYIS KHYOD LA BZHAG TU MI RUNG BA'I PHYIR, DE DAG LAS GZHAN GZUGS SGRA GNYIS DANG RNAM SHES KYI KHAMS BDUN DANG CHOS KYI KHAMS DANG BCU CHOS CAN, KHYOD LA DGE SOGS RNAM PA GSUM YOD DE, KHYOD LA SDOM PA LTA BU DGE BA'I GZUGS DANG, RDZUN LTA BU MI DGE BA'I SGRA DANG, DE LAS GZHAN PA RNAMS SU YOD PA'I PHYIR, PHYI MA DER THAL, KHA DOG DANG DBYIBS LTA BU GZUGS LUNG MA BSTAN, CHU SGRA LTA BU SGRA LUNG MA BSTAN, RNAM SHES KYI KHAMS BDUN DANG, CHOS KHAMS LA DGE MI DGE LUNG MA BSTAN GSUM SKABS STOBS KYIS 'BYUNG BA'I PHYIR, PHYI MA DER THAL, MIG SOGS @26B KYIS GZUGS SGRA SOGS LA LTA BA'I TSE DE GSUM SKYE BA YOD PA'I PHYIR, DER THAL, SANGS RGYAS KYI GZUGS LTA BU DANG DE'I GSUNG LTA BU MTHONG THOS KYI TSE DGE BA'I DBANG SHES SAM YID SHES SKYE LA, BUD MED LTA BU'I GZUGS DANG DE'I GLU LTA BU MTHONG THOS KYI TSE MI DGE BA'I DBANG SHES DANG YID SHES SKYE BA YOD CING, BAR MA'I GZUGS SGRA SOGS MTHONG THOS SOGS KYI TSE LUNG MA BSTAN DU 'GYUR BA'I PHYIR, CHOS KHAMS KYI NANG TSAN SEMS BYUNG LA DGE SOGS GSUM KA YOD DE, MA RIG PA LTA BU LUNG MA BSTAN YIN CING, SEMS BYUNG LA DGE MI DGE GNYIS YOD PA'I PHYIR TE, SEMS BYUNG LA MI DGE BA DANG DGE BA BCU GCIG SOGS DBYER YOD PA'I PHYIR, GNYIS PA NI, 'DOD PAR GTOGS PA THAMS CAD DO, , GZUGS KYI KHAMS NA BCU BZHI'O, ,DRI DANG RO DANG SNA DANG NI, ,LCE YI RNAM SHES KHAMS MA GTOGS, ,GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,ZHES BYUNG, SHES BYA CHOS CAN, KHAMS GSUM GYI SAR GTOGS MI GTOGS 'BYED TSUL YOD DE, 'DOD PA'I SAR GTOGS PA LA NI KHAMS BCO BRGYAD PO THAMS CAD YOD PA'I PHYIR, GZUGS KYI KHAMS NA KHAMS BCU BZHI YOD DE, DER DRI DANG RO DANG SNA'I RNAM SHES DANG, LCE'I RNAM SHES KYI KHAMS MA GTOGS GZHAN THAMS CAD YOD PA'I PHYIR, GZUGS MED KYI SAR GTOGS PA'I KHAMS GSUM YOD DE, YID DANG CHOS DANG YID KYI RNAM PAR SHES PA'I KHAMS GSUM YOD PA'I PHYIR, GSUM PA LA, ZAG PA DANG BCAS MA BCAS, RTOG PA DANG BCAS MA BCAS, DMIGS PA DANG BCAS MA BCAS GSUM, DANG PO NI, DE GSUM ZAG BCAS ZAG PA MED, ,LHAG MA RNAMS NI ZAG BCAS SO, ,ZHES BYUNG, YID CHOS YID KYI RNAM SHES DE GSUM CHOS CAN, KHYOD LA ZAG @27A *, ,BCAS ZAG MED GNYIS YOD DE, DE GSUM DU GTOGS PA'I LAM BDEN MA YIN PA'I 'DUS BYAS RNAMS ZAG BCAS DANG, LAM BDEN DANG 'DUS MA BYAS KYI CHOS RNAMS ZAG MED YIN PA'I PHYIR, KHAMS LHAG MA BCO LNGA PO RNAMS CHOS CAN, ZAG BCAS YIN TE, SGOM SPANG YIN PA'I PHYIR, GNYIS PA LA DNGOS DANG, RTZOD SPONG GNYIS, DANG PO NI, RTOG DANG DPYOD DANG BCAS PA NI, ,RNAM PAR SHES PA'I KHAMS LNGA YIN, ,THA MA GSUM NI RNAM GSUM MO, ,LHAG MA RNAMS NI GNYIS KA SPANGS, ,ZHES BYUNG, MIG SOGS DBANG PO LNGA'I RNAM PAR SHES PA'I KHAMS LNGA PO CHOS CAN, RGYUN LDAN GYI DBANG DU BYAS NA RTOG PA DANG BCAS PA DANG DPYOD PA DANG BCAS PA YIN TE, GZHAN 'GYUR GYI NANG TSAN GYI RTOG DPYOD GNYIS KA YANG KHYOD KYI 'KHOR DU 'BYUNG BA'I PHYIR, KHAMS THA MA YID DANG CHOS DANG YID KYI RNAM SHES KYI KHAMS GSUM CHOS CAN, KHYOD LA RTOG DPYOD GNYIS DANG BCAS PA DANG, RTOG PA MED CING DPYOD PA YOD PA DANG, GNYIS KA SPANGS PA DANG RNAM PA GSUM YOD DE, 'DOD PA DANG BSAM GTAN DANG PO'I DNGOS GZHI TZAM PO BA'I KHAMS DE GSUM NI DANG PO DANG, BSAM GTAN DANG PO'I DNGOS GZHI KHYAD PAR CAN GYI KHAMS DE NI GNYIS PA DANG, BSAM GTAN GNYIS PA YIN GYI KHAMS DE GSUM DANG, GZUGS SOGS KHAMS LHAG MA BCO LNGA RNAMS NI RTOG DPYOD GNYIS KA SPANGS PA YIN PA'I PHYIR, GNYIS PA NI, NGES PAR RTOGS DANG RJES DRAN PA'I, ,RNAM PAR RTOG PAS RNAM MI RTOG ,DE DAG YID KYI SHES RAB G-YENG, ,YID KYI DRAN PA THAMS CAD NYID, ,CES BYUNG, KHO NA RE, KHYOD KYI SGO LNGA'I DBANG SHES RTOG BCAS SU BSHAD PA MI 'THAD PAR THAL, MDO LAS, DGE SLONG DAG ,MIG GI RNAM PAR SHES @27B PAS SNGON PO SHES KYI, SNGON PO'I SNYAM DU NI MA YIN NO ZHES DBANG SHES RTOG BRAL DU BSHAD PA DANG 'GAL BA'I PHYIR, ZHE NA, SKYON MED DE, SPYIR DBANG SHES RTOG MED DU GRAGS KYANG, 'DI'I RTOG DPYOD KYI RTOG BCAS NI GZHAN 'GYUR LNGA'I NANG TSAN GYI RTOG BCAS KYI DBANG DU BYAS LA, MDO LAS DBANG SHES LNGA RTOG BRAL DU GSUNGS PA NI, NGES PAR RTOG PA DANG RJES DRAN GYI RTOG PAS RNAM PAR MI RTOG PA CI RIGS LA DGONGS PA'I PHYIR, DE DAG GI 'JOG TSUL YOD DE, NGES RTOG NI YID SHES DANG MTSUNGS LDAN G-YENG BA RJES THOB KYI SKABS SU 'BYUNG BA, NGO BO YUL DON SPYI'I SGO NAS 'DZIN PA'I SHES RAB CIG LA BYED, RJES DRAN GYI RTOG PA NI YID KYI RNAM SHES DANG MTSUNGS LDAN, MNYAM RJES THAMS CAD NYID DU 'BYUNG BA, NGO BO DRAN PA ZHIG LA BYED PA'I PHYIR, GSUM PA NI, DMIGS BCAS SEMS KYI KHAMS BDUN NO, ,CHOS KYI PHYED KYANG, ZHES BYUNG, SEMS KYI KHAMS BDUN NI CHOS CAN, DMIGS PA DANG BCAS PA YIN TE, RANG GI DMIGS YUL DMIGS PA'I SHES PA YIN PA'I PHYIR, CHOS KHAMS KYI PHYED SEMS BYUNG KYANG CHOS CAN, DMIGS PA DANG BCAS TE, RTAGS DE'I PHYIR, BZHI PA LA, ZIN MA ZIN GYI SGO NAS DBYE BA, 'BYUNG BA DANG 'BYUNG GYUR GYI SGO NAS DBYE BA, BSAGS MA BSAGS KYI SGO NAS DBYE BA, GCAD BYA BCOD BYED KYI SGO NAS DBYE BA BZHI, DANG PO NI, MA ZIN DGU, ,BRGYAD PO DE DAG RNAMS DANG SGRA, ,DGU PO GZHAN NI RNAM PA GNYIS, ,ZHES BYUNG, RNAM SHES KYI KHAMS BDUN DANG SEMS BYUNG BCAS BRGYAD PO DE DAG RNAMS DANG SGRA DANG DGU PO CHOS CAN, 'DIR MA ZIN PA ZHES BYA STE, ZIN MA ZIN NI GZUGS CAN DANG, PHAN TSUN PHRAD PA LAS TSOR BA BDE SDUG SKYED MI SKYED LA 'JOG PA GANG ZHIG ,KHYOD RNAMS KYIS DE LTAR SKYED MI NUS PA'I PHYIR, SGRA MA YIN PA'I GZUGS CAN GZHAN @28A *, ,DGU PO NI CHOS CAN, ZIN MA ZIN RNAM PA GNYIS YOD DE, PHAN TSUN PHRAD PA LAS BDE SDUG SKYED NUS MI NUS GNYIS KYI CHA YOD PA'I PHYIR, GNYIS PA NI, REG BYA RNAM PA GNYIS YIN TE, ,LHAG MA GZUGS CAN DGU PO NI, ,'BYUNG GYUR CHOS KHAMS PHYOGS GCIG KYANG, ,ZHES BYUNG, REG BYA'I KHAMS CHOS CAN, KHYOD LA 'BYUNG BA DANG 'BYUNG GYUR RNAM PA GNYIS YOD PA YIN TE, KHYOD LA SA SOGS 'BYUNG BA BZHI DANG, 'JAM RTZUB LCI YANG SOGS 'BYUNG GYUR BDUN YOD PA'I PHYIR, KHAMS BCO BRGYAD CHOS CAN, KHYOD LAS 'BYUNG GYUR KHO NA YIN PA YOD DE, REG BYA'I LHAG MA GZUGS CAN DGU DANG, DER MA ZAD CHOS KHAMS KYI PHYOGS GCIG KYANG RNAM PAR RIG BYED MA YIN PA'I GZUGS NI 'BYUNG GYUR KHO NA YIN PA'I PHYIR, GSUM PA NI, GZUGS CAN BCU NI BSAGS PA'O, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, DBANG DON GYI GZUGS CAN BCU CHOS CAN, BSAGS PA ZHES BYA STE, RDUL PHRA RAB 'DUS PA'I GZUGS YIN PA'I PHYIR, GNYIS PA LA, KHA CIG ,BSAGS RDUL YIN NA, RDZAS RDUL LAS CHE BAS KHYAB ZER NA, DE MI 'THAD PAR THAL, BSAGS RDUL PHRA RAB YOD PA'I PHYIR, DER THAL, RANG 'GREL LAS, THAMS CAD PAS PHRA BA'I GZUGS NI BSAGS PA'I RDUL PHRA RAB CES BYA STE, DE LAS CHUNG BA NI MI MNGON NO, ,ZHES GSUNGS PA'I PHYIR, KHA CIG ,RDZAS RDUL BRGYAD 'DUS PA'I GONG BU DE BSAGS RDUL YIN PAR THAL, RDZAS RDUL GNYIS 'DUS PA'I GONG BU DE BSAGS RDUL GANG ZHIG ,BSAGS RDUL DE RDZAS RDUL BRGYAD DANG LHAN CIG SKYES PA'I PHYIR NA MA KHYAB, 'DOD NA, MA YIN PAR THAL, DE RDUL RAGS PA YIN PA'I PHYIR, DER THAL, @28B RDZAS RDUL BDUN 'DUS PA'I GONG BU DE RDUL RAGS PA YIN PA'I PHYIR, KHA CIG ,RDUL PHRA RAB YIN NA, RDUL RAGS PA DANG MA BCAS PAS KHYAB ZER NA, BUM PA'I CHA SHAS SU GYUR PA'I RDUL PHRA RAB CHOS CAN, DER THAL, DE'I PHYIR, DER THAL, BUM PA DE RDUL PHRA RAB BSAGS PA'I GONG BU YIN PA'I PHYIR, 'DOD NA, MI 'THAD PAR THAL, BUM PA'I CHA SHAS YIN PA'I PHYIR, KHA CIG ,DU MA BSAGS PA'I RDUL YIN NA, BSAGS RDUL YIN PAS KHYAB ZER NA, RDUL PHRA RAB DRUG MAN BSAGS PA CHOS CAN, DER THAL, DE'I PHYIR, DER THAL, RDUL PHRA RAB DRUG BSAGS PA'I DE YIN PA'I PHYIR, 'DOD MI NUS SO, ,BZHI PA NI, GCOD BYED GCAD PAR BYA BA NYID, ,PHYI ROL GYI NI KHAMS BZHI YIN, ,DE BZHIN BSREG BYA 'JAL BYA DANG, ,SREG DANG GZHAL LA MI MTHUN SMRA, ,ZHES BYUNG, KHAMS BCO BRGYAD PO DE DAG CHOS CAN, KHYOD LAS GCOD BYED DANG GCAD PAR BYA BA NYID KYI KHYAD PAR YOD DE, STA RE DANG GRI ZOR LTA BU DANG PO DANG, SHING DANG RTZVA LTA BU GNYIS PAR GRAGS PA'I GCOD BYED NI DBANG PO LNGA DANG SGRA LTA BU DANG, GCAD BYA NI PHYI ROL GYI GZUGS DRI RO REG BYA'I KHAMS BZHI LA 'JOG PA'I PHYIR, DE BZHIN DU BSREG BYA SREG BYED DANG 'JAL BYA 'JAL BYED KYI KHYAD PAR YOD DE, DPE BSREG BYA SHING DANG SREG BYED ME DANG 'JAL BYA DNGOS PO DANG 'JAL BYED SRANG LTA BU YANG DON SNGA MA LTAR KHAMS RNAMS KYI DE'I STENG NAS 'JOG PA'I PHYIR, SREG DANG GZHAL BA LA MI MTHUN PAR SMRA BA'I TSUL YOD DE, KHA CIG ,KHAMS BZHI PO NYID SREG BYED DANG GZHAL BYA GNYIS KAR 'DOD CING, LA LA ME KHO NA SREG BYED DANG LCI BA KHO NA GZHAL BYAR SMRA BA'I PHYIR, LNGA PA LA BYUNG MA BYUNG GI SGO NAS DBYE BA, PHYI NANG GI SGO NAS, RTEN BCAS DE MTSUNGS KYI SGO NAS, SPANG BYA YIN MIN @29A *, ,GYI SGO NAS DBYE BA BZHI, DANG PO LA, BYUNG BA SPYIR BSTAN PA, MA BYUNG BA DMIGS KYIS BSAL BA, DBANG PO DANG RNAM SHES KYIS MTSUNGS GSUM, DANG PO LA, RNAM SMIN GYI RGYU, RGYAS BYUNG GI RGYU, RGYU MTHUN GYI RGYU GSUM, DANG PO NI, RNAM PAR SMIN LAS BYUNG BA DANG, ,ZHES BYUNG, BDE 'GRO NGAN 'GRO'I NANG GI DBANG PO LNGA CHOS CAN, RNAM PAR SMIN PA'I RGYU LAS BYUNG BA YIN TE, BDE 'GRO'I DBANG PO LNGA NI DGE BA ZAG BCAS DANG, NGAN 'GRO'I DBANG PO LNGA NI MI DGE BA LAS BYUNG BA'I PHYIR, GNYIS PA NI, RGYAS LAS BYUNG BA NANG GI LNGA, ,SGRA NI RNAM SMIN LAS SKYES MIN, ,ZHES BYUNG, NANG GI DBANG PO LNGA CHOS CAN, RGYAS PA LAS BYUNG BA YOD DE, KHAM ZAS ZOS PA DANG, GNYID LOG PA DANG, LEGS SPYAD SOGS KYIS DBANG RTEN KHOG PA SOGS RGYAS PAS DBANG PO LNGA YANG RGYAS PAR BYED PA'I PHYIR, SGRA CHOS CAN, RNAM SMIN GYI RGYU LAS SKYES PA MA YIN TE, SMRA BA PO'I 'DOD PA BZHIN DU BYAS CHOG PA'I PHYIR, GSUM PA NI, RGYU MTHUN LAS BYUNG RNAM SMIN SKYES, ,THOGS PA MED BRGYAD GZHAN RNAM GSUM, ,ZHES BYUNG, THOGS MED KYI KHAMS RNAM SHES BDUN DANG SEMS BYUNG DANG BRGYAD CHOS CAN, RGYU MTHUN LAS BYUNG BA DANG RNAM SMIN LAS SKYES PA GNYIS KA YOD DE, SKAL MNYAM DANG KUN 'GRO'I RGYU LAS BYUNG BA RNAMS NI RGYU MTHUN LAS BYUNG BA YIN LA, ZAG BCAS KYI DGE MI DGE LAS BYUNG BA NI RNAM SMIN LAS BYUNG BA YIN PA'I PHYIR, GZHAN SGRA MA GTOGS PA'I GZUGS DRI RO REG BZHI CHOS CAN, RGYAS PA DANG RNAM SMIN DANG RGYU MTHUN RNAM PA GSUM GA LAS SKYES PA YOD DE, RGYU MTSAN GONG DU BSHAD CING 'CHAD PAR 'GYUR BA'I PHYIR, GNYIS PA NI, RDZAS DANG LDAN GCIG THA MA GSUM, ,SKAD CIG MA STE, ZHES BYUNG, BYE @29B SMRA'I SKABS 'DIR RTAG PA'I RDZAS DANG LDAN PA'I CHOS KHAMS GCIG PO CHOS CAN, RGYU GSUM GANG RUNG LAS MA BYUNG STE, 'DUS MA BYAS YIN PA'I PHYIR, SDUG BSNGAL CHOS BZOD SKAD CIG MA DANG PO'I NGO BOR BYUNG BA'I KHAMS THA MA YID RNAM SHES CHOS GSUM CHOS CAN, RGYU MTHUN LAS BYUNG BA MIN TE, RANG DANG RIGS 'DRA BA'I ZAG MED KYI KHAMS SNGON DU MA SONG BA'I PHYIR TE, ZAG MED DANG PO YIN PA'I PHYIR, GSUM PA NI, MIG DANG NI, ,RNAM SHES KHAMS DAG SO SO DANG, ,LHAN CIG TU NI 'THOB PA'ANG YOD, ,CES BYUNG, SHES BYA CHOS CAN, MIG DBANG DANG MIG GI RNAM SHES KYI KHAMS DAG 'THOB TSUL YOD DE, GNYIS KA SO SOR 'THOB PA DANG LHAN CIG TU NI 'THOB PA'ANG YOD PA'I PHYIR, DER THAL, SAS BSDUS KYI MIG DBANG GSAR DU 'THOB LA, RNAM SHES GSAR DU MA THOB PA DANG, DE LAS BZLOG PA, GNYIS KA THOB PA, GNYIS KA MA THOB PA DANG BZHI YOD PA'I PHYIR, RTAGS RNAMS DER THAL, GZUGS MED NAS BSAM GTAN BZHI PAR SKYE BA'I TSE, GZUGS MED NA DE GNYIS KA MED CING, BSAM GTAN BZHI PA'I SAS BSDUS KYI MIG YOD KYANG MIG SHES MED, BZHI PA NAS DANG POR SKYE BA'I TSE BSAM GTAN DANG PO'I SAS BSDUS KYI GNYIS KA YOD, GZUGS MED NAS DANG POR SKYE BA'I TSE YANG GNYIS KA YOD, BSAM GTAN DANG PO NAS GZUGS MED DU SKYE BA'I TSE GZUGS MED NA GNYIS KA MED PA'I PHYIR RO, ,DER MA ZAD, MIG DBANG DANG DE'I SHES PA GNYIS KYIS GZUGS LA LTA BA'I CHOS MTSUNGS YANG MI 'DRA STE, 'DOD PA'I RTEN CAN GYIS BSAM GTAN DANG PO'I MIG LA BRTEN NAS GZUGS LA LTA BA'I TSE, RTEN DBANG PO RNAM SHES RNAMS SAS BSDUS MI MTSUNGS PA'I PHYIR, DER THAL, DE'I TSE RTEN 'DOD PA'I SAS BSDUS, GZHAN GNYIS BSAM GTAN DANG PO'I SAS BSDUS PA'I @30A *, ,PHYIR RO, ,GNYIS PA NI, NANG GI BCU GNYIS GZUGS LA SOGS, ,MA GTOGS, ZHES BYUNG, NANG GI KHAMS CHOS CAN, KHYOD LA BCU GNYIS YOD DE, PHYI'I GZUGS LA SOGS PA YUL GYI KHAMS DRUG MA GTOGS PA DBANG PO DRUG DANG RNAM SHES DRUG PO RNAMS DE YIN PA'I PHYIR, GSUM PA NI, CHOS ZHES BYA BA STE, ,RTEN PA DANG BCAS LHAG MA NI, ,DE DANG MTSUNGS PA DAG KYANG YIN, ,GANG ZHIG RANG GI LAS MI BYED, ,CES BYUNG, CHOS ZHES BYA BA'I KHAMS NI CHOS CAN, MTHA' GCIG TU RTEN DANG BCAS PA YIN TE, RNAM SHES KYI YUL DU MI 'GYUR MI SRID PA'I PHYIR, LHAG MA RNAMS NI CHOS CAN, RTEN BCAS DANG DE DANG MTSUNGS PA DAG KYANG YOD DE, KHAMS GANG ZHIG RANG GI LAS BYED BZHIN PA RTEN BCAS DANG, LAS MI BYED PA NI DE MTSUNGS YIN PA'I PHYIR, DPER NA, MIG GIS GZUGS LA LTA BA DANG MI LTA BA'I SKABS KYI KHAMS BZHIN NO, ,BZHI PA NI, BCU NI SGOM PAS SPANG BYA YIN, ,LNGA YANG THA MA GSUM RNAM GSUM, ,NYON MONGS CAN MIN MTHONG SPANG MIN, ,GZUGS MIN DRUG PA MIN SKYES MIN, ,ZHES BYUNG, GZUGS CAN BCU NI CHOS CAN, SGOM PAS SPANG BAR BYA BA YIN TE, MTHONG SPANG MIN PA'I SPANG BYA YIN PA'I PHYIR, ZAG BCAS KYI RNAM PAR SHES PA'I KHAMS LNGA YANG CHOS CAN, SGOM SPANG YIN TE, RTAGS DE'I PHYIR, KHAMS THA MA YID CHOS YID KYI RNAM SHES KYI KHAMS GSUM CHOS CAN, KHYOD LA RNAM PA GSUM YOD DE, MTHONG SPANG SGOM SPANG SPANG BYA MIN PA GSUM YOD PA'I PHYIR, DER THAL, NYON MONGS CAN 'GA' ZHIG MTHONG SPANG, DE MIN PA SNGAR BSHAD PA LTA BU SGOM SPANG, ZAG MED KYI YID RNAMS DE GANG RUNG MA YIN PA'I PHYIR, SO SO'I SKYE BO CHOS @30B CAN, MTHONG SPANG MIN TE, NYON MONGS CAN MA YIN PA'I PHYIR, GZUGS CAN BCU CHOS CAN, MTHONG SPANG MA YIN TE, GZUGS YIN PA'I PHYIR, DRUG PA YID SHES MIN PA DBANG PO GZUGS CAN PA LAS SKYES PA'I SGO LNGA'I DBANG SHES CHOS CAN, MTHONG SPANG MIN TE, YUL BDEN PA LA PHYIN CI LOG TU SGRO 'DOGS BYED MA YIN PA'I PHYIR, KHYAB STE, 'DIR MTHONG SPANG NI YUL BDEN BZHI'I RNAM PA CI RIGS LA PHYIN CI LOG TU SGRO 'DOGS PA'I NYON MONGS CAN ZHIG LA BYED PA'I PHYIR, DRUG PA LA, LTA BA YIN MIN GYI SGO NAS DBYE BA, YUL DU 'GYUR TSUL GYI SGO NAS, RTAG MI RTAG GI SGO NAS, DBANG PO YIN MIN GYI SGO NAS DBYE BA BZHI, DANG PO LA, SPYIR BSTAN PA DANG, MIG LTA BAR SGRUB PA, DBANG PO'I KHYAD CHOS GSUM, DANG PO NI, MIG DANG CHOS KYI KHAMS PHYOGS NI, ,LTA BA YIN TE RNAM PA BRGYAD, ,RNAM SHES LNGA DANG MTSUNGS SKYES BLO, ,NGES RTOG MED PHYIR LTA MA YIN, ,ZHES BYUNG, SHES BYA CHOS CAN, LTA BA DANG LTA MIN GYI KHYAD PAR YOD DE, MIG DANG CHOS KHAMS KYI PHYOGS GCIG LTA BA LNGA DANG 'JIG RTEN PA'I YANG DAG PA'I LTA BA DANG SLOB MI SLOB KYI GNYIS TE RNAM PA BRGYAD PO LTA BA YIN LA, LHAG MA PHYED DANG BCU BDUN LTA BA MA YIN PA'I PHYIR, SGO LNGA'I RNAM SHES LNGA DANG MTSUNGS LDAN DU SKYES PA'I BLO SHES RAB NYON MONGS CAN CHOS CAN, YANG DAG PA'I LTA BA MA YIN TE, NGES RTOG MING DON 'DZIN PA'I YANG DAG PA'I RTOG PA'I NGO BOR MED PA'I PHYIR, DER THAL, DBANG SHES YIN PA'I PHYIR, GNYIS PA NI, MIG GIS GZUGS RNAMS MTHONG RTEN BCAS, ,DE LA BRTEN PA'I RNAM SHES MIN, ,GANG PHYIR BAR DU CHOD PA YI, ,GZUGS NI MTHONG BA MIN PHYIR LO, ,MIG NI GNYIS KA DAG GIS KYANG, ,MTHONG STE GSAL BAR MTHONG PHYIR RO, ,ZHES BYUNG, MIG CHOS CAN, LTA BA YIN TE, GZUGS @31A *, ,RNAMS MTHONG BYED YIN PA'I PHYIR, MIG GIS GZUGS MTHONG BA NI RTEN DBANG PO DANG BCAS SHING DE LA RAG LAS PA YIN GYI, DE LA BRTEN PA'I RNAM SHES KHO NAS MTHONG BA MIN TE, RGYU MTSAN GANG GI PHYIR DE KHO NAS MTHONG NA BAR DU CHOD PA'I GZUGS RNAMS KYANG MTHONG DGOS PA LAS, DE NI MTHONG BA MIN PA'I PHYIR, LO ZHES SMOS PA LA CHOS CAN, DGOS PA YOD DE, MIG DBANG TZAM GYIS GZUGS MTHONG BA DGAG PA'I CHED DU YIN PA'I PHYIR, GZUGS CHOS CAN, MIG GCIG GIS MTHONG YANG KHYAD PAR YOD DE, MIG NI GNYIS KA DAG GIS KYANG GSAL BAR MTHONG BAR 'GYUR BA'I PHYIR, GSUM PA LA, DBANG POS YUL 'DZIN TSUL, DBANG PO RTEN DU 'GYUR TSUL, SA GANG DU GTOGS PA DANG GSUM, DANG PO NI, MIG DANG YID DANG RNA BA NI, ,YUL DANG MA PHRAD GSUM GZHAN DU, ,SNA LA SOGS PA GSUM GYIS NI, ,YUL NI MNYAM PAR 'DZIN PAR 'DOD, ,CES BYUNG, MIG DANG YID DANG RNA BA GSUM NI CHOS CAN, RANG GI YUL DANG MA PHRAD PAR 'DZIN PA YIN TE, MIG GIS RGYANG RING PO'I GZUGS MTHONG, RNA BAS RGYANG RING PO'I SGRA THOS, YID KYIS DUS GSUM GA YUL DU BYED PAS 'PHRAD MI DGOS PA'I PHYIR, SNA LA SOGS PA GSUM NI CHOS CAN, MA PHRAD PA LAS GZHAN DU 'PHRAD NAS 'DZIN PA YIN TE; KHYOD GSUM GYIS NI RANG DANG MNYAM PA'I YUL 'DZIN PAR 'DOD PA'I PHYIR, DER THAL, LCES RANG DANG PHRAD PA'I RO'I RDUL 'DZIN GYI, MA PHRAD PAR MI 'DZIN, DE BZHIN DU SNA DANG LUS KYIS KYANG PHRAD PA'I YUL 'DZIN GYI, MA PHRAD PA MI 'DZIN PA'I PHYIR, GNYIS PA NI, THA MA'I RTEN 'DAS LNGA RNAMS KYI, ,DE DAG LHAN CIG SKYED PA'ANG YIN, ,DE DAG GYUR BAS 'GYUR NYID PHYIR, ,RTEN NI MIG LA SOGS PA YIN, ,DE PHYIR THUN MONG MA YIN PHYIR, ,DE DAG GIS NI RNAM SHES BSTAN, ,ZHES BYUNG, @31B KHAMS THA MA YID KYI RNAM SHES CHOS CAN, KHYOD KYI RTEN DU DUS GSUM GA MED DE, RANG DUS NA 'DAS PA'I YID KYI BDAG RKYEN KHO NA LA BRTEN NAS SKYES PA'I PHYIR, DBANG PO'I RNAM SHES LNGA RNAMS CHOS CAN, KHYOD KYI BDAG RKYEN LA GNYIS YOD DE, RANG DUS SU 'DAS PA DANG DA LTA BA GNYIS YOD PA'I PHYIR, DER THAL, DBANG PO DE DAG RANG DANG LHAN CIG TU SKYES PA'ANG YIN PA'I PHYIR, MIG LA SOGS PA DBANG PO LNGA PO DE DAG CHOS CAN, RANG GI RNAM SHES KYI RTEN YIN TE, DBANG PO DE DAG GSAL MI GSAL DU GYUR BA LAS RNAM SHES DAG KYANG GSAL MI GSAL DU 'GYUR BA NYID KYI PHYIR, RTEN DBANG PO LNGA PO DE DAG GI MING GIS NI BRTEN PA RANG RANG GI RNAM SHES KYANG BSTAN PA YIN TE, MIG SOGS DBANG PO LNGA PO DE RANG RANG GI RNAM SHES SO SOR THUN MONG MA YIN PA'I BDAG RKYEN YIN PA'I PHYIR, DER THAL, MIG RNA BA SNA LCE LUS KYI RNAM SHES ZHES PA'I THA SNYAD NI RANG RANG GI BDAG RKYEN THUN MONG MA YIN PA DBANG PO'I SGO NAS BRJOD KYI, THUN MONG BA'I BDAG RKYEN GZUGS SGRA DRI RO REG BYA'I SGO NAS MA YIN PA'I PHYIR, GSUM PA NI, LUS LA 'OG MA'I MIG MA YIN, ,MIG GIS GONG MA'I GZUGS MA YIN, ,RNAM PAR SHES PA'ANG DE YI GZUGS, ,LUS KYI'ANG GNYIS KA THAMS CAD DU, ,RNA BA'ANG DE BZHIN GSUM DAG NI, ,THAMS CAD RANG GIS PA NYID, ,LUS KYI RNAM SHES 'OG DANG NI, ,RANG GI SA YI MA NGES TE, ,ZHES BYUNG, SHES BYA CHOS CAN, SA GONG MA'I LUS LA SA 'OG MA'I MIG SKYE BA MA YIN TE, GONG MA'I LUS KYIS 'OG MA'I MIG LAS MCHOG TU GYUR PA RANG SA'I MIG GI RTEN BYED PA'I PHYIR, SA 'OG MA'I MIG GIS GONG MA'I GZUGS MTHONG BA MIN TE, 'OG MA'I MIG DMAN CING, GONG MA'I GZUGS MCHOG YIN PAS YUL DU BYED MI NUS PA'I PHYIR DANG, 'OG MA'I MIG GIS GONG MA'I RNAM PAR SHES PA'I RTEN MI BYED PA'ANG DE DANG 'DRA BA'I PHYIR, RNAM SHES DE YI @32A *, ,YUL LA SA GSUM GA'I GZUGS NI YOD DE, BSAM GTAN DANG PO BAS BZHI PA'I MIG THOB PA'I TSE RNAM SHES KYIS RANG SA DANG PO, 'OG SA 'DOD PA, GONGS BZHI PA'I GZUGS YUL DU BYED PA'I PHYIR, LUS KYI'ANG RNAM SHES DANG YUL GNYIS KA SA GSUM DU GTOGS PA YOD DE, SNGA MA DANG 'DRA ZHING, RNA BA'ANG DE BZHIN DU SBYOR RIGS PA'I PHYIR, SNA LCE LUS KYI RNAM PAR SHES PA GSUM PO DAG NI CHOS CAN, DBANG RTEN YUL DANG BCAS PA THAMS CAD RANG GI SA PAR SPYIR MTSUNGS PA NYID YIN LA 'ON KYANG MA NGES TE, LUS KYI RNAM SHES NI 'OG SAR GTOGS PA YOD CING, RANG GI SAR GTOGS PA NI 'DOD PA DANG BSAM GTAN DANG PO NA YOD PA'I PHYIR, YID KYI RNAM SHES CHOS CAN, RANG YUL DANG SA MTSUNGS PAR MA NGES TE, SA GONG 'OG THAMS CAD KYI GZUGS YUL DU BYED PA'I PHYIR, GNYIS PA NI, GNYIS KYI RNAM SHES PHYI YI LNGA, ,ZHES BYUNG, PHYI'I GZUGS SOGS SKYE MCHED LNGA CHOS CAN, RNAM SHES GNYIS GNYIS KYI YUL DU 'GYUR BA YOD DE; MIG GI RNAM SHES SOGS LNGA DANG YID SHES KYI YUL DU'ANG 'GYUR BA'I PHYIR, GSUM PA NI, 'DUS MA BYAS CHOS RTAG PA'O, ,ZHES BYUNG, 'DUS MA BYAS KYI CHOS CHOS CAN, RTAG PA YIN TE, MI 'JIG PA'I CHOS YIN PA'I PHYIR, BZHI PA NI; CHOS KYI PHYED DANG GANG DAG NI, ,BCU GNYIS NANG GIR BSHAD DBANG PO, ,ZHES BYUNG, SHES BYA CHOS CAN, DBANG PO YIN MIN GYI KHYAD PAR YOD DE, CHOS KYI PHYED TSOR BA BDE BA SOGS LNGA DANG, DAD PA'I DBANG PO SOGS LNGA DANG, RNAM BYANG GI DBANG PO GSUM STE BCU GSUM DANG, KHAMS GANG DAG MIG SOGS NANG GI KHAMS SU BSHAD PA BCU GNYIS NI DBANG PO YIN LA, DE LAS GZHAN PA RNAMS DBANG POR MA BSHAD PA'I PHYIR, SHES BYA CHOS CAN, CHOS MNGON PA MDZOD KYI TSIG @32B LE'UR BYAS PA LAS KHAMS BSTAN PA ZHES BYA BA STE GNAS DANG PO LEGS PAR BSHAD PA YIN TE, TSIG DON GYI SGO NAS LEGS PAR BSHAD PA'I PHYIR RO,, ,, ` (MDZOD KYI GNAS GNYIS PA'I t'IKKA BZHUGS SO,,) GNYIS PA YUL CAN DBANG PO'I RAB DBYE BSHAD PA LA, DBANG PO NYER GNYIS KYI RANG BZHIN, 'DUS BYAS KYI CHOS RNAMS KYI SKYE TSUL, RGYU RKYEN 'BRAS BU'I 'BYUNG TSUL GYI SGO NAS BSHAD PA DANG GSUM, DANG PO LA, DBANG POR 'JOG PA'I RGYU MTSAN, DBANG PO'I GRANGS NGES, NGO BO, RAB DBYE DANG BZHI, DANG PO LA, BYE BRAG TU SMRA BA'I LUGS DANG, MDO SDE PA'I LUGS GNYIS, DANG PO NI, LNGA PO RNAMS NI DON BZHI LA, ,DBANG BYED BZHI RNAMS GNYIS LA LO, ,LNGA DANG BRGYAD PO DE RNAMS NI, ,KUN NAS NYON MONGS RNAM BYANG LA, , ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, MIG SOGS DBANG PO LNGA PO RNAMS NI CHOS CAN, DON BZHI BZHI LA DBANG BYED PA YIN TE, LUS BSRUNG BA, LUS MDZES PA, YUL LA DMIGS PA, RANG 'BRAS RNAM SHES SKYED PA STE BZHI BZHIR DBANG BYED PAS NA DBANG PO ZHES BRJOD PA'I PHYIR, DANG PO GRUB STE, MIG GIS GNOD BYED MTHONG NAS LUS SRUNG, RNA BAS DE'I SGRA THOS NAS SRUNG, SNA LCE LUS GSUM GYIS KHAM ZAS LA LONGS SPYOD PA'I SGO NAS LUS RGYAS PAR BYAS PA'I SGO NAS SRUNG BAR BYED PA'I PHYIR, GNYIS PA GRUB STE, DBANG PO DE DAG LUS LA LDAN NA MDZES SHING MI LDAN NA MI MDZES PA'I PHYIR, GSUM PA GRUB STE, DBANG PO LNGA PO DE DAG GIS RANG RANG GI YUL GZUGS SGRA SOGS LA DMIGS PA'I PHYIR, BZHI PA GRUB STE, LNGA PO DES RANG RANG GI RNAM SHES KYI BDAG RKYEN BYED PA LA DBANG BYED PA'I PHYIR, PHO MO'I DBANG PO GNYIS DANG SROG YID GNYIS TE BZHI RNAMS CHOS CAN, DON GNYIS GNYIS LA DBANG BYED PA YIN @33A *, ,TE; DANG POS RANG GANG LA LDAN PA'I RTEN GYI GANG ZAG DE NYID PHOR MTSON ZHING, SKAD GZENGS MTHO BA SOGS LA DBANG BYED, GNYIS PAS MOR MTSON ZHING SKAD PHRA BA SOGS LA DBANG BYED, GSUM PAS DBANG PO'I RIGS 'DRA SNGA MA LAS PHYI MA 'BYUNG BA DANG, BYUNG BA GNAS PAR BYED, BZHI PAS SNGA MA NAS 'DI DANG 'DI NAS PHYI MAR NYID MTSAMS SBYOR BA SOGS LA DBANG BYED PA'I PHYIR, LO ZHES SMROS PA LA CHOS CAN, DGOS PA YOD DE, BYE SMRA'I 'DOD PA LA MA RANGS BA'I DGAG PA 'PHEN PA'I PHYIR TE, DBANG PO DE DAG GI DON BSHAD TSUL BYE SMRA'I DER MA 'DUS PA'I PHYIR, TSOR BA BDE SDUG GNYIS DANG YID BDE MI BDE GNYIS DANG BTANG SNYOMS KYI DBANG PO LNGA CHOS CAN, DBANG PO ZHES BYA STE, KUN NAS NYON MONGS PA LA DBANG BYED PA'I PHYIR, DER THAL, BDE BA LA CHAGS, SDUG BSNGAL LA KHRO, BTANG SNYOMS LAS NI MA RIG PA SKYED PA'I PHYIR, DAD PA BRTZON 'GRUS DRAN PA TING NGE 'DZIN SHES RAB KYI DBANG PO LNGA DANG, MI SHES PA KUN SHES PAR BYED PA'I DBANG PO SOGS GSUM STE BRGYAD PO DE RNAMS NI CHOS CAN, DBANG PO ZHES BYA BA STE, RNAM BYANG PHYOGS LA DBANG BYED PA'I PHYIR, DER THAL, RANG GI MI MTHUN PHYOGS MGO GNON CING, RTOGS PA GONG 'PHEL DU BYED PA LA DBANG BYED PA'I PHYIR, GNYIS PA MTHA' DPYAD PA LA, KHA CIG ,PHO THAMS CAD PHO DBANG GIS PHOR MTSON ZER NA, DE MI 'THAD PAR THAL, GZUGS KHAMS PA'I GANG ZAG LA PHO MO'I DBYE BA YOD KYANG, PHO MO'I DBANG PO DE MED PA'I PHYIR, DER THAL, DE'I PHO MO NI SKAD GDANGS MTHO MI MTHO DANG, NU MA'I KHYAD PAR GYIS 'JOG PA'I PHYIR, KHA CIG ,PHO'I DBANG PO LDAN PA'I GANG ZAG YIN NA, PHO YIN PAS KHYAB ZER NA, MTSAN GNYIS PA CHOS CAN, DER THAL, DE'I PHYIR, DER THAL, PHO MO @33B GNYIS KA'I DBANG PO DANG LDAN PA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD NA, MO YIN PAR THAL, MO DBANG DANG LDAN PA'I GANG ZAG YIN PA'I PHYIR, KHYAB PA DON GYIS SONG, 'DOD NA, PHO MO GNYIS KA YIN PAR THAL LO, ,GNYIS PA NI, RANG GI DON DANG THAMS CAD LA, ,DMIGS PAR DBANG BYED PHYIR DBANG DRUG ,MO NI PHO NYID LA DBANG PHYIR, ,LUS LAS MO DANG PHO DBANG DAG ,RIG GNAS KUN NAS NYON MONGS DANG, ,RNAM PAR BYANG LA DBANG BYED PHYIR, ,SROG DANG TSOR BA RNAMS DANG NI, ,DAD SOGS DBANG PO LNGAR 'DOD DO, ,MYA NGAN 'DAS SOGS GONG NAS GONG, ,'THOB PA LA NI DBANG BYED PHYIR, ,KUN SHES BYED DANG KUN SHES DANG, ,DE BZHIN KUN SHES LDAN DBANG PO, ,ZHES BYUNG, MIG SOGS DBANG PO RNAMS CHOS CAN, KHYOD LA DBANG PO ZHES BYA STE, KHYOD DRUG GI DANG PO LNGAS RANG GI GZUNG DON GZUGS SOGS LNGA DANG, DRUG PA YID KYIS CHOS THAMS CAD LA DMIGS PAR BYED PA LA DBANG BYED PAS NA DE LTAR DU BRJOD PA'I PHYIR, PHO MO'I DBANG PO GNYIS CHOS CAN, RANG GI RANG BZHIN LA DBANG BYED PAS DBANG PO ZHES BYA STE, MO'I RANG BZHIN NGA RO ZHEN PA DANG SPYOD PA PHO LA SEMS PA NYID DANG, PHO'I RANG BZHIN DE LAS LDOG PA NYID LA DBANG BYED PAS NA DE LTAR BRJOD PA'I PHYIR, DE GNYIS CHOS CAN, LUS DBANG GI CHA SHAS YIN TE, LUS KYI CHA SHAS LAS GRUB PA'I MO DANG PHO'I DBANG PO DAG YIN PA'I PHYIR, SROG GI DBANG PO CHOS CAN, DBANG PO ZHES BYA STE, SEMS CAN GYI PHUNG PO'I RIGS 'DRA GNAS PA LA DBANG BYED PA'I PHYIR, TSOR BA'I DBANG PO RNAMS DANG DAD SOGS KYI DBANG PO LNGA CHOS CAN, DBANG PO ZHES BYA STE, RIM BZHIN KUN NAS NYON MONGS PA DANG RNAM PAR BYANG BA LA DBANG BYED PAR 'DOD PA'I PHYIR, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, DE BZHIN DU @34A *, ,KUN SHES LDAN PA'I DBANG PO RNAMS CHOS CAN, DBANG PO ZHES BYA STE, SNGA MAS PHYI MA DANG LHAG MED MYANG 'DAS KYI BAR GONG NAS GONG DU 'THOB PA LA DBANG BYED CING, SOGS TE MTHONG SGOM GYI SPANG BYA RIGS GYIS SPONG BA DANG SPANGS BA LA'ANG DBANG BYED PA'I PHYIR, GNYIS PA GRANGS NGES LA, BYE BRAG SMRA BA DANG, MDO SDE PA'I LUGS GNYIS, DANG PO NI, SEMS KYI RTEN DANG DE'I BYE BRAG ,GNAS DANG KUN NAS NYON MONGS NYID, ,TSOGS DANG RNAM BYANG JI SNYED PA, ,DBANG PO DAG KYANG DE SNYED DU, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, GRANGS CAN SOGS NA RE, DBANG PO NYER GNYIS SU GRANGS MA NGES PAR THAL, NGAG DANG RKANG LAG DANG 'DOMS DANG 'PHONGS KYI DBANG PO YANG YOD PA'I PHYIR, ZHE NA, SKYON DE MI 'JUG PAR THAL, SEMS CAN GYI LUS SEMS KYI KHYAD PAR GYI RTEN BYED PA'I CHA NAS RGYU JI SNYED YOD PA DE DAG DANG MTHUN PAR DBANG PO'I GRANGS DAG KYANG DE SNYED DU BZHAG PA'I PHYIR DER THAL, SEMS RNAM SHES KYI RTEN NAM GZHI BYED PA'I CHA NAS MIG SOGS DBANG PO DRUG BZHAG ,SEMS CAN DE'I PHO MO'I BYE BRAG 'BYED PA'I CHA NAS PHO MO'I DBANG PO GNYIS BZHAG ,SEMS CAN GYI PHUNG PO'I RIGS RGYUN GNAS PAR BYED PA'I CHA NAS SROG GI DBANG PO BZHAG ,SEMS CAN KUN NAS NYON MONGS PA LA SPYOD CING DBANG BYED PA'I CHA NAS TSOR BA'I DBANG PO LNGA STE NYON MONGS PHYOGS KYI DBANG PO BCU BZHI BZHAG LA, RNAM BYANG GI RGYU TSOGS PA'I DBANG DU BYAS NAS DAD SOGS DBANG PO LNGA DANG, RNAM PAR BYANG BA'I NGO BOR SKYES SHING DBANG BYED PA DANG LDAN PA'I CHA NAS DRI MED KYI DBANG PO GSUM BZHAG CING, 'KHOR BA'I 'JUG RIM GYI DBANG GIS BCU BZHI DANG, LDOG RIM GYI DBANG GIS BRGYAD BZHAG PA'I PHYIR, GNYIS @34B PA MTHA' DPYAD PA LA, KHA CIG , DBANG PO NYER GNYIS SU GRANGS MA NGES PAR THAL, NGAG GI DBANG PO SOGS KYIS DBANG PO'I BYA BA BYED NUS PA'I PHYIR, DER THAL, NGAG GIS GTAM SMRA, LAG PAS LEN 'JOG , RKANG PAS 'GRO 'DUG ,'DOMS KYIS DGA' DGUR, 'PHONGS KYIS RTUG PA 'BYIN PA LA DBANG BYED PA'I PHYIR ZER NA, DE MI 'THAD PAR THAL, RE RE NAS MA NGES PA'I PHYIR, DER THAL, TSIG SMRA BA SLOB PA DANG KUN SLONG LTA BU LA LTOS, SROG CHAGS 'GA'I KHA DANG RKANG PAS KYANG 'DEGS 'JOG BYED, SBRUL DANG NYA SOGS LA RKANG LAG MED KYANG 'GRO 'ONG BYED, PHA WANG GI KHA NAS KYANG RTUG PA 'BYIN PA'I PHYIR, KHA CIG ,NYAN THOS KYI TSOGS SBYOR NA DRI MED KYI DBANG PO GSUM GA YOD ZER NA, DE MI 'THAD PAR THAL, DRI MED DBANG PO DANG PO KUN SHES BYED PA'I DBANG PO LA MTHONG LAM GYIS KHYAB, GNYIS PA KUN SHES PA'I DBANG PO LA SGOM LAM GYIS KHYAB, GSUM PA KUN SHES LDAN PA'I DBANG PO LA MI SLOB LAM GYIS KHYAB PA'I PHYIR, GNYIS PA MDO SDE PA'I LUGS NI, YANG NA 'JUG PA'I RTEN DANG NI, ,SKYE DANG GNAS DANG NYER SPYOD LAS, ,BCU BZHI DE BZHIN LDOG PA LA, ,DBANG PO RNAMS NI GZHAN YIN NO, ,ZHES BYUNG, YANG NA DBANG PO NYER GNYIS SU GRANGS NGES PA YIN TE, 'KHOR BAR 'JUG PA'I RTEN GYI DBANG DU BYAS NAS MIG SOGS DBANG PO DRUG DANG, 'KHOR BAR SKYE BA'I RGYU BYED PA'I CHA NAS PHO MO'I DBANG PO GNYIS DANG, RIS MTHUN GNAS PA'I DBANG DU BYAS NAS SROG GI DBANG PO DANG, YUL NYE BAR LONGS SPYOD PA'I CHA NAS TSOR BA'I DBANG PO LNGA STE BCU BZHI BZHAG ,DE BZHIN DU DE LAS LDOG PA'I DBANG DU BYAS NAS DBANG PO GZHAN PHYI MA BRGYAD RNAMS BZHAG PA'I PHYIR RO, ,GSUM PA NGO BO LA, TSOR BA'I DBANG PO LNGA BSHAD PA DANG, DRI MED KYI DBANG PO GSUM BSHAD PA GNYIS @35A *, ,DANG PO NI, LUS TSOR SEMS PA MA YIN GANG, ,SDUG BSNGAL DBANG PO'I SIM PA NI, ,BDE BA'O BSAM GTAN GSUM PA NA, ,SEMS KYI DE NI BDE DBANG PO, ,GZHAN NI DE YID BDE BA YIN, ,SEMS KYI SIM PA MA YIN PA, ,YID MI BDE BA'O BTANG SNYOMS NI, ,BAR MA'O GNYIS KA'I MI GTOGS PHYIR, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, TSOR BA LA LNGAR PHYE BA'I TSOR BA SDUG BSNGAL GYI DBANG PO'I MTSAN NYID YOD DE, SIM PA STE BDE BA MA YIN PAR GDUNG BAR NYAMS SU MYONG BA'I LUS TSOR DE DE YIN PA'I PHYIR, TSOR BA BDE BA'I DBANG PO'I MTSAN NYID YOD DE, SIM PAR NYAMS SU MYONG BA'I LUS TSOR DANG BSAM GTAN GSUM PA NA YOD PA'I SEMS KYI TSOR BA BDE BA GANG RUNG GIS BSDUS PA'I SIM PA'I TSOR BA DE NI DE YIN PA'I PHYIR, TSOR BA YID BDE BA'I MTSAN NYID YOD DE, BSAM GTAN GSUM PA LAS GZHAN PA'I SIM PAR MYONG BA'I SEMS TSOR DE DE YIN PA'I PHYIR, TSOR BA YID MI BDE BA'I MTSAN NYID YOD DE, SIM PA MA YIN PAR GDUNG BAR NYAMS SU MYONG BA'I SEMS KYI TSOR BA DE DE YIN PA'I PHYIR, TSOR BA BTANG SNYOMS KYI MTSAN NYID YOD DE, SIM GDUNG BAR MAR NYAMS SU MYONG BA'I TSOR BA DE DE YIN PA'I PHYIR TE, DE NI BDE SDUG GNYIS KAR MI GTOGS PAR MYONG BA'I YUL CAN YIN PA'I PHYIR, GNYIS PA LA, KHA CIG ,TSOR BA SDUG BSNGAL GYI DBANG PO YIN NA, TSOR BA LA LNGAR PHYE BA'I SDUG BSNGAL GYI DBANG PO YIN PAS KHYAB ZER NA, TSOR BA YID MI BDE BA'I DBANG PO CHOS CAN DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, LUS TSOR YIN PAR THAL, 'DOD PA'I PHYIR, 'DOD NA, PHYI TSOR YIN PAR THAL, 'DOD PA'I PHYIR, KHYAB STE, LUS TSOR PHYI TSOR DBANG SHES SU GYUR BA'I TSOR BA @35B RNAMS DON GCIG YIN PA'I PHYIR, 'DOD NA MI 'THAD PAR THAL, NANG GI TSOR BA YIN PA'I PHYIR, DER THAL, YID KYI TSOR BA YIN PA'I PHYIR, KHYAB STE, YID KYI TSOR BA, NANG GI TSOR BA, YID SHES SU GYUR PA'I TSOR BA RNAMS DON GCIG PA'I PHYIR, KHA CIG ,TSOR BA BDE BA'I DBANG PO YIN NA, TSOR BA LA LNGAR PHYE BA'I BDE BA'I DBANG PO YIN PAS KHYAB ZER NA, TSOR BA YID BDE BA'I DBANG PO CHOS CAN, DER THAL, DE'I PHYIR, DER THAL, TSOR BA LA GSUM DU PHYE BA'I TSOR BA BDE BA YIN PA'I PHYIR 'DOD NA MI 'THAD PAR THAL, CHOS CAN DE YIN PA'I PHYIR, KHYAB STE, DE LNGAR PHYE BA'I TSOR BA BDE BA GTZO BOR LUS TSOR LA 'JOG PA'I PHYIR, KHA CIG ,DAD SOGS DBANG PO LNGA PO GANG RUNG LA LAM GYIS KHYAB ZER NA, LAM MA ZHUGS KYI GANG ZAG GI RGYUD KYI DANG BA'I DBANG PO CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, DER DKON MCHOG DANG LAS 'BRAS DANG BDEN BZHI'I BLANG DOR LA DAD CING 'JUG PA YOD PA'I PHYIR, 'DOD NA SLA'O, ,GNYIS PA DRI MED KYI DBANG PO NI; MTHONG SGOM MI SLOB LAM LA DGU, ,GSUM YIN, ZHES BYUNG, THEG PA GSUM GA'I MTHONG LAM CHOS CAN, MI SHES PA KUN SHES PAR BYED PA'I DBANG PO YIN TE, BDEN PA MNGON RTOGS YIN PA'I PHYIR, MTHONG LAM CHOS CAN, KHYOD LA DBYE NA DGU YOD DE, RANG GI NGO BOR GYUR PA'I DAD SOGS DBANG PO LNGA DANG, YID DANG TSOR BA BDE BA DANG YID BDE BTANG SNYOMS DANG DGU YOD PA'I PHYIR, SGOM LAM RNAMS CHOS CAN, KUN SHES PA'I DBANG PO YIN TE, ZAG MED KYI RJES LA MNGON RTOGS YIN PA'I PHYIR, DBYE NA DGU YOD DE, SNGAR LTAR DGU YOD PA'I PHYIR, MI SLOB LAM RNAMS CHOS CAN, KUN SHES LDAN PA'I DBANG PO YIN TE, ZAD MI SKYE SHES PA'I YE SHES KYI NGO BOR LDAN PA'I ZAG MED KYI SHES PA YIN PA'I PHYIR, DBYE NA DGU @36A *, ,YOD DE, SNGAR LTAR YOD PA'I PHYIR, BZHI PA DBANG PO'I DBYE BA LA, DBANG PO'I DBYE BA DNGOS, DE RNYED GTONG GI TSUL, DGE SBYONG TSUL GYI 'BRAS BU DBANG PO DUS 'THOB TSUL, DBANG PO LDAN TSUL BZHI, DANG PO LA; GNYIS TSAN DANG, GSUM TSAN GYI DBYE BA GNYIS, DANG PO LA, ZAG PA DANG BCAS MA BCAS KYI SGO NAS DBYE BA, RNAM SMIN YIN MIN GYI SGO NAS, RNAM SMIN DANG BCAS MA BCAS KYI SGO NAS DBYE BA GSUM, DANG PO NI, GSUM NI DRI MA MED, , GZUGS CAN SROG DANG SDUG BSNGAL DAG ,ZAG DANG BCAS PA DGU RNAM GNYIS, ,ZHES BYUNG, BSHAD MA THAG PA'I KUN SHES KYI DBANG PO GSUM CHOS CAN, ZAG MED KHO NA YIN TE, DRI MED KYI DBANG PO YIN PA'I PHYIR, DBANG PO GZUGS CAN BDUN DANG SROG DANG SDUG BSNGAL DANG YID MI BDE BA DANG DGU PO DAG CHOS CAN, ZAG PA DANG BCAS PA KHO NA YIN TE, LAM BDEN DU MA GTOGS PA'I 'DUS BYAS YIN PA'I PHYIR, DAD SOGS DBANG PO LNGA, TSOR BA BDE BA, YID BDE, BTANG SNYOMS, YID DBANG DANG DGU CHOS CAN, ZAG BCAS YIN MIN GYI CHA RNAM PA GNYIS YOD DE, LAM BDEN GYIS BSDUS MA BSDUS GNYIS YOD PA'I PHYIR, GNYIS PA NI, SROG NI RNAM SMIN BCU GNYIS GNYIS, ,THA MA BRGYAD DANG YID MI BDE, ,MA GTOGS PA STE, ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, DBANG PO NYER GNYIS LA RNAM SMIN YIN MIN GYI KHYAD PAR YOD DE, SROG NI RNAM SMIN KHO NA YIN LA, DAD SOGS LNGA DANG DRI MED GSUM STE THA MA BRGYAD DANG YID MI BDE BA RNAMS RNAM SMIN MA YIN PA KHO NA YIN ZHING, DE RNAMS MA GTOGS PA DBANG PO GZUGS CAN BDUN, TSOR BA GZHAN BZHI DANG YID DBANG DANG BCU GNYIS LA RNAM SMIN YIN @36B MIN GNYIS KA YOD PA'I PHYIR, SROG NI RNAM SMIN KHO NA YIN TE, BDE 'GRO DANG NGAN 'GRO'I SROG NI DGE MI DGE'I RNAM SMIN NYID YIN PA'I PHYIR, DAD SOGS BRGYAD CHOS CAN, RNAM SMIN MA YIN TE, DGE BA YIN PA'I PHYIR, YID MI BDE BA CHOS CAN, RNAM SMIN MA YIN TE, KHYOD LA DGE MI DGE GNYIS 'BYUNG BA'I PHYIR TE, SDIG PAS YID MI BDE BA DGE BA DANG, ZHE SDANG GIS YID MI BDE BA MI DGE BA YIN PA'I PHYIR, MIG RNA BA SNA LCE LUS PHO MO'I DBANG PO BDUN LA RNAM SMIN YIN MIN GNYIS YOD DE, DE BDUN LAS KYIS BYUNG BA NI RNAM SMIN DANG, RGYAS BYUNG RNAMS NI RNAM SMIN MA YIN PA'I PHYIR, TSOR BA YID BDE BA LAS GZHAN BZHI DANG YID DBANG DANG LNGA LA RNAM SMIN YIN MIN GNYIS KA YOD DE, DE RNAMS KYI DGE BA DANG NYON MONGS CAN SOGS RNAM SMIN MA YIN LA, LAS SKYES 'GA' ZHIG NI RNAM SMIN YIN PA'I PHYIR, DER THAL, RNAM SMIN NI LUNG MA BSTAN YIN YANG 'BAD RTZOL LA MI BLTOS SHING, DGE MI DGE DANG 'BAD PAS BSGRUB DGOS PA'I LUNG MA BSTAN RNAMS RNAM SMIN MA YIN PA'I PHYIR, GNYIS PA MTHA' DPYAD PA LA, KHA CIG ,SROG LA RNAM SMIN GYIS MA KHYAB PAR THAL, 'BYUNG BA RGYAS PA LAS BYUNG BA'I SROG NI RNAM SMIN MA YIN PAR 'DOD PA SOGS DU MA YOD PA'I PHYIR NA MA KHYAB, RTAGS DER THAL, BTZUN PA DBYANGS SGROGS RJES 'BRANG DANG BCAS PAS DE LTAR 'DOD PA'I PHYIR, KHA CIG ,TSE 'DI'I PHUNG PO LNGA RNAM SMIN YIN PAR THAL, TSE 'DI'I SKYE BA BLANGS PA'I CHA DANG LUS GRUB PA'ANG RNAM SMIN YIN PA'I PHYIR, 'DOD NA, DE GANG RUNG YIN NA, RNAM SMIN YIN DGOS PAR THAL, 'DOD PA'I PHYIR NA MA KHYAB STE, DE LA RNAM SMIN GYI 'GYUR BA YIN LA, RNAM SMIN MA YIN PA YOD PA'I PHYIR, DER THAL, DE LAS PHYIS RGYAS BYUNG DU GYUR PA YOD PA'I PHYIR, GSUM PA NI, DE @37A *, ,GCIG NI, ,RNAM PAR SMIN BCAS BCU RNAM GNYIS, ,YID DANG TSOR GZHAN DAD LA SOGS, ,ZHES BYUNG, SHES BYA CHOS CAN, DBANG PO NYER GNYIS LA RNAM PAR SMIN PA BCAS MA BCAS YIN MIN GNYIS YOD DE, YID MI BDE BA DE GCIG PU NI 'BRAS BU RNAM SMIN DANG BCAS LA, YID DBANG DANG TSOR BA GZHAN BZHI DAD PA LA SOGS PA'I DBANG PO LNGA STE BCU LA RNAM SMIN DANG BCAS MA BCAS RNAM PA GNYIS YOD PA'I PHYIR, PHYI MA DER THAL, DAD SOGS ZAG BCAS RNAM SMIN DANG BCAS SHING, ZAG MED RNAMS RNAM SMIN DANG MA BCAS LA, YID DANG TSOR BA GZHAN BZHI DGE MI DGE NI RNAM SMIN DANG BCAS SHING, DE LAS GZHAN RNAM SMIN DANG MA BCAS PA'I PHYIR, LHAG MA RNAMS LA RNAM SMIN MED DE, SROG GI DBANG PO DANG GZUGS CAN BDUN NI LUNG MA BSTAN YIN PAS RNAM SMIN MED LA, DRI MED GSUM NI ZAG MED YIN PAS RNAM SMIN MED PA'I PHYIR, GNYIS PA LA, DGE SOGS GSUM DANG, KHAMS GSUM DANG, MTHONG SPANG SOGS GSUM GYI SGO NAS DBYE BA GSUM, DANG PO NI, DGE BA BRGYAD YID MI BDE BA, ,RNAM GNYIS YID DANG TSOR GZHAN NI, ,RNAM GSUM GZHAN NI RNAM PA GCIG ,CES BYUNG, SHES BYA CHOS CAN, DBANG PO DE LAS GCIG TU DGE BA YIN PA YOD DE, RNAM BYANG GI DBANG PO BRGYAD PO DE DE YIN PA'I PHYIR, YID MI BDE BA CHOS CAN, DGE MI DGE RNAM PA GNYIS YOD DE, DGE BA BYAS PA LA YID MI BDE BA MI DGE BA DANG, MI DGE BA BYAS PA LA YID MI BDE BA DGE BA YIN PA'I PHYIR, YID DANG TSOR BA GZHAN BZHI CHOS CAN, DGE MI DGE LUNG MA BSTAN RNAM PA GSUM YOD DE, DGE SOGS GSUM GYI SEMS DANG MTSUNGS LDAN GSUM YOD PA'I PHYIR, GZHAN DBANG PO GZUGS CAN BDUN DANG SROG DBANG DANG BRGYAD CHOS CAN, RNAM PA GCIG TU LUNG MA BSTAN YIN TE, DGE MI DGE @37B GANG RUNG GIS BSDUS PA MA YIN PA'I CHOS YIN PA'I PHYIR, GNYIS PA NI, DRI MED MA GTOGS 'DOD PAR GTOGS, ,PHO MO'I DBANG DANG SDUG BSNGAL DAG ,MA GTOGS GZUGS GTOGS GZUGS CAN DANG, ,BDE BA'ANG MA GTOGS GZUGS MED GTOGS, ,ZHES BYUNG, SHES BYA CHOS CAN, 'DOD KHAMS KYI SAR GTOGS BCU DGU YOD DE, DRI MED KYI DBANG PO GSUM PO MA GTOGS GZHAN BCU DGU PO RNAMS DE LTAR YIN PA'I PHYIR, DBANG PO NYER GNYIS PO CHOS CAN, KHYOD LAS GZUGS KYI SAR GTOGS PA BCO LNGA YOD DE, SNGAR GYI BCU DGU LAS PHO MO'I DBANG PO DANG, TSOR BA SDUG BSNGAL DANG, YID MI BDE BA DAG STE BZHI MA GTOGS PA'I BCO LNGA PO DE DE YIN PA'I PHYIR, GZUGS MED KYI SAR GTOGS BRGYAD YOD DE, DBANG PO GZUGS CAN BDUN DANG BDE MI BDE SOGS BZHI DANG DRI MED GSUM MA GTOGS, SROG YID BTANG SNYOMS GSUM DANG DAD SOGS LNGA STE BRGYAD YOD PA'I PHYIR, GSUM PA NI, YID DANG TSOR BA GSUM RNAM GSUM, ,GNYIS KYIS SPANG BYA YID MI BDE, , DGU NI SGOM PAS LNGA PO NI, ,SPAR BAR BYA MIN YANG GSUM MIN, ,ZHES BYUNG, YID DANG TSOR BA BDE BA YID BDE BTANG SNYOMS GSUM PO CHOS CAN, KHYOD LA MTHONG SPANG SGOM SPANG SPANG BYA MIN PA RNAM PA GSUM GA'I CHA YOD DE, MTHONG SPANG DANG MTSUNGS LDAN RNAMS MTHONG SPANG YIN LA, DE LAS GZHAN PA'I ZAG BCAS RNAMS SGOM SPANG DANG, ZAG MED RNAMS SPANG BYA MA YIN PA'I PHYIR, TSOR BA YID MI BDE BA CHOS CAN, KHYOD LA MTHONG SGOM GNYIS KYIS SPANG BAR BYA BA'I CHA GNYIS YOD DE, MTHONG SPANG DANG MTSUNGS LDAN YIN MIN GNYIS YOD PA'I PHYIR, DBANG PO GZUGS CAN BDUN DANG SROG DANG TSOR BA SDUG BSNGAL GYI DBANG PO DGU CHOS CAN, SGOM PAS SPANG BAR BYA BA YIN TE, MTHONG SPANG MA YIN PA'I ZAG BCAS YIN PA'I PHYIR, DAD SOGS @38A *, ,LNGA PO CHOS CAN, SGOM PAS SPANG BAR BYA BA MA YIN PA YANG YOD LA DE'I SPANG BYA YIN PA YANG YOD DE, ZAG MED SPANG BYA MIN YANG ZAG BCAS SGOM SPANG YIN PA'I PHYIR, DRI MED KYI DBANG PO GSUM CHOS CAN, SPANG BYA MIN PAR NGES TE, ZAG MED YIN PA'I PHYIR RO, ,GNYIS PA RNYED GTONG GI TSUL LA, RNYED PA'I TSUL DANG, GTONG BA'I TSUL GNYIS, DANG PO LA, 'DOD PA DANG, GONG MA'I DBANG DU BYAS PA GNYIS, DANG PO LA, MNGAL SKYES DANG, RDZUS SKYES KYI DBANG DU BYAS PA GNYIS TE, 'DOD PAR DANG POR RNAM SMIN GNYIS, ,RNYED DE RDZUS TE SKYE BAS MIN, ,DE LAS DRUG GAM BDUN NAM BRGYAD, ,CES BYUNG, SHES BYA CHOS CAN, 'DOD PAR MNGAL SKYES SOGS GSUM SKYE BA'I TSE DANG POR RNAM SMIN GYI DBANG PO DU ZHIG RNYED TSUL YOD DE, LUS SROG GI DBANG PO GSAR DU RNYED LA, DE'I TSE DAD SOGS DANG YID DANG BTANG SNYOMS SOGS 'GA' ZHIG RNYED KYANG DE RNAMS NI RNAM SMIN MA YIN PA'I PHYIR, 'ON KYANG 'DOD PAR RDZUS TE SKYE BAS NI RNAM SMIN SROG LUS GNYIS KHO NA RNYED PA MA YIN TE, BSKAL PA DANG PO'I MI LTAR MTSAN GNYIS KA MED NA RNAM SMIN DU GYUR PA'I MIG SOGS LNGA DANG SROG DANG DRUG ,'DOD LHA LTA BUS DE LAS MIG SOGS DRUG DANG PHO MO'I DBANG PO GANG RUNG DANG BDUN, NGAN 'GRO LTA BUS MIG SOGS DRUG DANG MTSAN GNYIS BSNAN NAS BRGYAD RNYED PA'I PHYIR, GNYIS PA NI, GZUGS NA DRUG GO GONG MAR GCIG ,CES BYUNG, SHES BYA CHOS CAN, GZUGS SU NYID MTSAMS SBYOR BA'I DANG POR DBANG PO DRUG RNYED DE, MIG SOGS LNGA DANG SROG DANG DRUG RNYED PA'I PHYIR, DE'I GONG MA GZUGS MED DU MANG PO CIG CAR DU RNYED PA MA YIN TE, RNAM SMIN SROG SKYES GCIG PU RNYED PA'I PHYIR, DER THAL, GZUGS MED KHAMS NA GZUGS CAN GYI @38B DBANG PO RNAMS MED PA'I PHYIR, GNYIS PA LA, NYON MONGS CAN LUNG MA BSTAN GYI GTONG TSUL DANG, DGE SEMS CAN GYI GTONG TSUL GNYIS, DANG PO LA, KHAMS GONG MA DANG, 'DOD KHAMS KYI GTONG TSUL GNYIS, DANG PO NI, GZUGS MED DAG TU 'CHI BA NI, ,SROG DANG YID DANG BTANG SNYOMS NYID, ,'GAG PAR 'GYUR RO GZUGS NA BRGYAD, ,CES BYUNG, SHES BYA CHOS CAN, GZUGS MED DAG TU 'CHI BA'I TSE NA DBANG PO DU ZHIG CIG CAR DU GTONG TSUL YOD DE, SROG DANG YID DANG BTANG SNYOMS GSUM NYID CIG CAR DU 'GAG PAR 'GYUR BA'I PHYIR, GZUGS KHAMS SU GTONG TSUL YOD DE, SNGA MA GSUM DANG MIG SOGS LNGA STE BRGYAD CIG CAR 'GAG PAR 'GYUR BA'I PHYIR, DER THAL, RDZUS SKYES LA DBANG PO LNGA TSANG BAR 'GYUR BA'I PHYIR, GNYIS PA NI, 'DOD PAR BCU 'AM DGU'AM BRGYAD, ,RIM GYIS 'CHI BA DAG LA BZHI, ,ZHES BYUNG, SHES BYA CHOS CAN, 'DOD PAR MTSAN GNYIS PA CIG CAR 'CHI BA'I TSE DBANG PO DU ZHIG 'GAG TSUL YOD DE, MIG SOGS LNGA DANG SROG YID BTANG SNYOMS GSUM PHO MO'I DBANG PO GNYIS TE BCU CIG CAR GTONG BA'I PHYIR, MTSAN GCIG PA CHOS CAN, KHYOD KYIS DBANG PO GTONG TSUL YOD DE, SNGA MA BRGYAD KYI STENG PHO MO'I DBANG PO GANG RUNG ZHIG DANG BCAS PA DGU CIG CAR GTONG BA'I PHYIR, 'DOD KHAMS PA RIM GYIS 'CHI BA DAG LA CHOS CAN, GTONG TSUL YOD DE, LUS SROG YID BTANG SNYOMS BZHI CIG CAR GTONG BA'I PHYIR, DER THAL, DE DAG SO SOR PHRAL NAS MI 'CHI BA'I PHYIR, GNYIS PA NI, DGE LA THAMS CAD DAG TU LNGA, ,ZHES BYUNG, DGE SEMS CAN CHOS CAN, KHYOD 'CHI BA'I TSE SNGA MA LAS MANG STE, GONG DU BSHAD PA LTAR 'GAG PA'I GNAS SKABS THAMS CAD DU DE DAG DANG DAD SOGS DBANG PO LNGA CIG CAR 'GAG DGOS PA'I @39A *, ,PHYIR, GSUM PA NI, 'BRAS BU THA MA GNYIS DGUS 'THOB, ,GNYIS NI BDUN DANG BRGYAD DANG DGUS, ,BCU GCIG DAG GIS DGRA BCOM NYID, ,'GA' ZHIG SRID PHYIR BSHAD PA YIN, ,ZHES BYUNG, 'BRAS BU THA MA SNGA PHYI GNYIS LAS RGYUN ZHUGS KYI 'BRAS BU CHOS CAN, ZAG MED KYI DBANG PO DGUS 'THOB STE, LAM RJES SHES KYI NGO BOR GYUR PA'I DAD SOGS DBANG PO LNGA, YID DBANG, BTANG SNYOMS, MI SHES PA KUN SHES PAR BYED PA'I DBANG PO STE BRGYAD DANG, LAM RJES SHES KYI NGO BOR GYUR PA'I KUN SHES PA'I DBANG PO DANG DGUS THOB PA'I PHYIR, PHYI MA DGRA BCOM PA'I 'BRAS BU CHOS CAN, DBANG PO DGUS THOB STE, SGOM LAM RDO RJE LTA BU'I NGO BOR GYUR PA'I DAD SOGS LNGA DANG TSOR BA BDE BA YID DBANG YID BDE BTANG SNYOMS GSUM GANG RUNG, KUN SHES PA'I DBANG PO STE BRGYAD DANG, MI SLOB LAM GYI NGO BOR GYUR PA'I KUN SHES LDAN PA'I DBANG PO DANG DGUS THOB PA'I PHYIR, 'BRAS BU BAR PA GNYIS NI CHOS CAN, THOB TSUL YOD DE, DBANG PO BDUN DANG BRGYAD DANG DGUS THOB PA GSUM YOD PA'I PHYIR, DER THAL, ZHI RAGS KYI RNAM PA CAN GYIS THOB PAR BYED NA DAD SOGS LNGA DANG MI LCOGS MED PA'I NGO BOR GYUR PA'I YID DANG BTANG SNYOMS BDUN GYIS THOB, MTHAR GYIS PA LHAG MTHONG LA SHAS CHER SPYAD PA YIN NA, DAD SOGS DANG MI LCOGS MED PA'I YID DANG TSOR BA BTANG SNYOMS TE BDUN DANG KUN SHES PA'I DBANG PO DANG BRGYAD KYIS THOB, CHAGS BRAL GYI 'BRAS BU NI RGYUN ZHUGS LTAR MTHONG LAM GYI NGO BOR GYUR PA'I DBANG PO BRGYAD DANG LAM RJES SHES DANG DGUS THOB PA'I PHYIR, RAB TU BYED PAR DGRA BCOM PA'I 'BRAS BU DBANG PO BCU GCIG DAG GIS THOB PAR BSHAD PA DANG MI 'GAL TE, DES DGRA BCOM PA'I @39B 'BRAS BU NYID 'GA' ZHIG THOB SRID PA LA DGONGS NAS BSHAD PA'I PHYIR, BZHI PA LDAN TSUL LA, NGES LDAN DANG, SRID LDAN GNYIS, DANG PO LA, PHAN TSUN NGES LDAN DANG, DBANG PO GZHAN NGES LDAN GYI TSUL GNYIS, DANG PO NI, BTANG SNYOMS DANG NI SROG DANG NI, ,YID DANG LDAN LA NGES LDAN GSUM, ,ZHES BYUNG, BTANG SNYOMS DANG NI SROG DANG YID DBANG GSUM CHOS CAN, NGES LDAN YIN TE, PHAN TSUN NGES LDAN YIN PA'I PHYIR, DER THAL, GANG RUNG GCIG DANG LDAN NA GZHAN GNYIS KYANG LDAN PAR NGES PA'I PHYIR, DE CHOS CAN, KHYAB PA'I NGES LDAN YIN TE, KHAMS GSUM GYI 'GRO BA THAMS CAD LA KHYAB PA'I PHYIR, DER THAL, DE GSUM DANG MI LDAN PA'I GANG ZAG MI SRID PA'I PHYIR, GNYIS PA NI, BDE LUS LDAN LA BZHI DAG DANG, ,MIG SOGS LDAN LA LNGA DANG LDAN, ,YID BDE LDAN YANG SDUG BSNGAL LDAN, ,BDUN DANG MO YI DBANG SOGS LDAN, ,BRGYAD DANG KUN SHES LDAN PA YI, ,DBANG PO LDAN LA BCU GCIG LDAN, ,KUN SHES BYED PA'I DBANG LDAN LA, ,BCU GSUM DAG DANG LDAN PA YIN, ,ZHES BYUNG, BDE BA CHOS CAN, KHYOD DANG LDAN NA DBANG PO BZHI DAG DANG LDAN PAS KHYAB STE, NGES LDAN GSUM GYI STENG DU BDE BA DANG BZHI LDAN PA'I PHYIR, LUS DBANG CHOS CAN, KHYOD DANG LDAN NA BZHI DAG DANG LDAN TE, NGES LDAN GSUM DANG KHYOD DANG BCAS BZHI LDAN PA'I PHYIR, MIG SOGS DBANG PO LNGA CHOS CAN, KHYOD SO SO DANG LDAN NA LNGA DANG LDAN TE, NGES LDAN GSUM DANG LUS DANG BZHI'I STENG DU KHYOD GANG RUNG GCIG STE LNGA DANG LDAN PA'I PHYIR, YID BDE CHOS CAN, KHYOD DANG LDAN NA YANG LNGA DANG LDAN TE, BDE BA DANG YID BDE BA STE LNGA DANG LDAN PA'I PHYIR, SDUG BSNGAL GYI DBANG PO CHOS CAN, KHYOD DANG LDAN NA DBANG PO BDUN DANG LDAN TE, NGES LDAN GSUM, SDUG BSNGAL BDE BA YID BDE BA BTANG SNYOMS BCAS LDAN PA'I PHYIR, MO YI @40A *, ,DBANG PO DANG SOGS TE PHO'I DBANG PO YID MI BDE DANG DAD SOGS GANG RUNG STE BZHI DANG LDAN NA BRGYAD DANG LDAN TE, SNGA MA BDUN DANG PHO MO'I DBANG PO GANG RUNG STE BRGYAD DANG LDAN PA DANG, YID MI BDE DANG, DAD SOGS GANG RUNG DANG LDAN NA SNGAR LTAR BDUN DANG BCAS BRGYAD DANG LDAN PAS KHYAB PA'I PHYIR, KUN SHES DANG DE LDAN PA'I DBANG PO CHOS CAN, KHYOD DANG LDAN NA BCU GCIG DANG LDAN TE, BDE BA YID BDE BTANG SNYOMS SROG YID DANG DAD SOGS LNGA KUN SHES PA'I DBANG PO'AM DE LDAN PA'I DBANG PO DANG BCU GCIG LDAN PA'I PHYIR, KUN SHES BYED PA'I DBANG PO CHOS CAN, KHYOD DANG LDAN NA BCU GSUM DAG DANG LDAN PAS KHYAB STE, YID SROG LUS GSUM DANG TSOR BA'I DBANG PO GNYIS, DAD SOGS LNGA DANG, YID BDE BTANG SNYOMS GNYIS, KHYOD RANG BCAS BCU GSUM LDAN PA'I PHYIR, GNYIS PA SRID LDAN LA, NYUNG LDAN DANG, MANG LDAN GNYIS, DANG PO NI, DGE MED NANG NA NYUNG LDAN PA, ,LUS TSOR SROG YID BRGYAD DANG LDAN, ,GZUGS MED BYIS PA'ANG DE BZHIN TE, ,BTANG SNYOMS SROG YID DGE RNAMS DANG, ,ZHES BYUNG, DGE RTZA CHAD NAS MED PA'I GANG ZAG GI NANG NAS DBANG PO NYUNG NGU DANG LDAN NA BRGYAD DANG LDAN TE, LUS TSOR BA LNGA DANG SROG YID BRGYAD DANG LDAN PA'I PHYIR, GZUGS MED KYI BYIS PA'ANG CHOS CAN, DBANG PO BRGYAD DANG LDAN TE, SNGA MA DE BZHIN DU BTANG SNYOMS SROG YID DANG DAD SOGS DGE BA LNGA STE BRGYAD RNAMS DANG LDAN PA'I PHYIR, GNYIS PA NI, MANG POR LDAN LA BCU DGU STE, ,DRI MA MED RNAMS MA GTOGS SO, ,ZHES BYUNG, MTSAN GNYIS DANG LDAN PA'I 'DOD PA'I SO SKYE CHOS CAN, DBANG PO MANG PO DANG LDAN TE, DRI MED KYI DBANG PO RNAMS MA GTOGS BCU DGU DANG LDAN PA'I PHYIR, RGYUN ZHUGS DANG PHYIR 'ONG LTA BU'I 'PHAGS PA CHAGS BCAS CHOS CAN, DBANG PO BCU DGU DANG LDAN TE, @40B SNGAR GYI STENG NAS PHO MO'I MTSAN MA GANG RUNG GCIG MA GTONGS BCO BRGYAD DANG, DRI MED PHYI MA GNYIS MA GTOGS PA LHAG MA RNAMS DANG LDAN PA'I PHYIR RO, ` ,GNYIS PA 'DUS BYAS SKYE TSUL LA, GZUGS CAN SKYE TSUL DANG, DE MIN PA'I SKYE TSUL GNYIS, DANG PO NI, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,LUS DBANG LDAN LA RDZAS DGU'O, ,DBANG PO GZHAN LDAN RDZAS BCU'O, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, 'DOD PA NA DBANG POS ZIN PA MED PA'I RDUL PHRA RAB GCIG SKYE BA'I TSE RDUL RDZAS BRGYAD CIG CAR DU SKYE STE, DE SKYE BA'I TSE 'BYUNG BZHI'I RDUL DANG SGRA MED PA STE MA GTOGS PA'I GZUGS DRI RO REG BYA'I RDUL PHRA RAB BCAS BRGYAD CIG CAR DU SKYE BA'I PHYIR, 'DOD PAR LUS DBANG DANG LDAN PA LA RDZAS DGU CIG CAR SKYE STE, SNGA MA BRGYAD LUS DBANG DANG DGU SKYE BA'I PHYIR, DBANG PO GZHAN MIG RNA BA SNA LCE DANG LDAN PA LA RDZAS BCU DUS CIG CAR SKYE STE, SNGA MA DGU DANG MIG SOGS GANG RUNG BCAS BCU SKYE BA'I PHYIR, GNYIS PA LA, KHA CIG ,RDZAS RDUL PHRA RAB MED PAR THAL, BSAGS RDUL PHRA RAB LAS CHUNG BA'I RDUL MED PA'I PHYIR NA MA KHYAB, RTAGS DER THAL, RANG 'GREL LAS, DE LAS CHUNG BA NI MI MNGON NO, ,ZHES GSUNGS PA'I PHYIR, 'DOD NA, DE YOD PAR THAL, GANGS SPEL LAS, RDUL PHRA RAB NI RNAM PA GNYIS TE, RDZAS KYI RDUL PHRA RAB DANG BSAGS PA'I RDUL PHRA RAB BO, ,ZHES GSUNGS PA'I PHYIR, KHA CIG ,SLOB DPON GYIS RDZAS RDUL PHRA RAB BZHED PAR THAL, BYE SMRA'I LUGS 'DIR DE YOD PAR 'DOD PA'I PHYIR NA MA KHYAB, 'DOD NA, MI 'THAD PAR THAL, SLOB DPON DANG MDO SDE PAS DE KHAS MI LEN PAR BSHAD PA'I PHYIR, KHA CIG ,'DOD PA'I RDUL RDZAS BRGYAD 'DUS KYI GONG BU PHRA RAB GCIG LA, RDUL PHRA RAB BRGYAD YOD @41A *, ,PAR THAL, DE RDUL RDZAS BRGYAD 'DUS KYI GONG BU YIN PA'I PHYIR, DER THAL, DE LTA BU'I GONG BU PHRA RAB GCIG YOD PA'I PHYIR NA SNGA MAR MA KHYAB, 'DOD NA, DE MI 'THAD PAR THAL, RDUL RDZAS BRGYAD 'DREN PA'I TSE SA CHU ME RLUNG BZHI DANG, GZUGS DRI RO REG BYA BZHI STE BRGYAD KYI RDZAS 'DREN PA GANG ZHIG ,DE LTAR NA RDUL RDZAS BRGYAD 'DUS PAR RDUL PHRA RAB GCIG TU KHAS LEN DGOS PA'I SKYON YOD PA'I PHYIR, GZHAN YANG, DE MI 'THAD PAR THAL, RDUL RDZAS BRGYAD 'DUS ZHES PA NI RDZAS SA MA NUS PA 'DUS PA YIN GYI, RDZAS RIL RIL BRGYAD TSANG BA'I DON MA YIN PA'I PHYIR, KHA CIG ,RDO SRA BA LTA BU ZHIG LAS KHAMS YOD KYANG GZHAN GSUM MED PAR THAL, DE LA RLUNG RDZAS MED PA'I PHYIR, DER THAL, DE LA G-YO BA MED PA'I PHYIR, DER THAL, DE G-YO BA'I KHAMS MA YIN PA'I PHYIR NA MA KHYAB, 'DOD NA, GZHAN GSUM YOD PAR THAL, DE LA SAS SDUD PA DANG ME KHAMS DRO BA DANG CHU RDZAS GSHER BA DANG RLUNG KHAMS G-YO BA RNAMS YOD PA'I PHYIR, DER THAL, DE LA SA KHAMS SHAS CHE YANG GZHAN GSUM NUS PA'I TSUL GYIS YOD PA'I PHYIR, KHA CIG ,BSAGS RDUL PHRA RAB GCIG LA RDUL RDZAS BRGYAD NGO BO THA DAD DU DMIGS PAR THAL, DE LA RDUL RDZAS BRGYAD TSANG BA'I PHYIR NA MA KHYAB, 'DOD NA, MI 'THAD PAR THAL, DE LA DE BRGYAD KYI NGO BO SO SOR BZUNG BAR MI NUS PA'I PHYIR, GNYIS PA LA, MTSUNGS LDAN 'DU BYED DANG, LDAN MIN 'DU BYED GNYIS, DANG PO LA, MDOR BSTAN PA DANG, RGYAS PAR BSHAD PA GNYIS, DANG PO NI, SEMS DANG SEMS BYUNG NGES LHAN CIG ,THAMS CAD 'DUS BYAS MTSAN NYID DANG, ,THOB PA'AM, ZHES BYUNG, SHES BYA CHOS CAN, GTZO SEMS GCIG SKYE BA'I TSE 'KHOR SEMS BYUNG DANG LHAN CIG NGES PAR SKYE BAS KHYAB STE, SEMS SEMS BYUNG GNYIS PA NA TSUN @41B GCIG MED PAR CIG SHOS MI SKYE BA'I PHYIR, DER THAL, RANG 'GREL LAS, 'DI DAG NI PHAN TSUN MED NA 'BYUNG BAR MI NUS SO, ,ZHES GSUNGS PA'I PHYIR, 'DUS BYAS THAMS CAD CHOS CAN, SKYE BA'I TSE RANG GI MTSAN NYID SKYE 'GAG GNAS GSUM MI RTAG PA DANG BZHI LHAN CIG SKYE BAS KHYAB STE, DE RNAMS DANG 'BRAL MED DU LDAN PAS KHYAB PA'I PHYIR, GANG ZAG GI RGYUD KYIS BSDUS PA'I 'DUS BYAS CHOS CAN, KHYOD YIN NA SNGA MA'I STENG DU RANG GI THOB PA DANG LHAN CIG SKYE BAS KYANG KHYAB STE, KHYOD YIN NA GANG ZAG DE NYID KYI RGYUD LA LDAN PAR BYED PA'I RDZAS ZHIG YOD PAS KHYAB PA'I PHYIR, LAM ZHES SMOS PA LA DGOS PA YOD DE, RGYUD DU GTOGS MI GTOGS LA THOB PA YOD MED KYI KHYAD PAR BSTAN PA'I CHED YIN PA'I PHYIR, GNYIS PA LA, SEMS BYUNG SPYI'I RNAM GZHAG ,GTZO SEMS GANG GI 'KHOR DU SEMS BYUNG DU 'GRO BA, ZHAR LA SEMS BYUNG 'GA' ZHIG GI KHYAD PAR BSHAD PA GSUM, DANG PO LA, NGES PA'I MTSUNGS LDAN 'DU BYED DANG, MA NGES PA'I MTSUNGS LDAN 'DU BYED GNYIS, DANG PO LA; MDOR BSTAN PA DANG, RGYAS PAR BSHAD PA GNYIS, DANG PO NI, SEMS BYUNG RNAM LNGA STE, ,SA MANG LA SOGS THA DAD PHYIR, ,ZHES BYUNG, NGES PA'I MTSUNGS LDAN GYI SEMS BYUNG CHOS CAN, KHYOD LA SKYE TSUL RNAM PA LNGA YOD DE, SEMS GYIS MANG PO LA SOGS TE DGE BA'I SA PA, NYON MONGS CHEN PO'I SA PA, MI DGE BA'I SA PA, NYON MONGS CHUNG NGU'I SA PA STE THA DAD PA LNGA YOD PA'I PHYIR, GNYIS PA LA LNGA'I DANG PO NI, TSOR DANG SEMS PA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,ZHES BYUNG, SHES BYA CHOS CAN, 'DI BA'I LUGS KYIS MANG PO PA BCU YOD DE, YUL MYONG BA'I TSOR ? BA DANG, 'DU BYED PA'I SEMS PA DANG, YUL DANG 'DUS SHES PA'I 'DU @42A *, ,SHES DANG, DON DU GNYER BA'I 'DUN PA DANG, YUL DBANG RNAM SHES GSUM DANG PHRAD NAS SKYES PA'I REG PA DANG, CHOS RNAM PAR 'BYED PA'I BLO GROS SHES RAB DANG, MI BRJED PA'I DRAN PA DANG, SEMS KYI 'JUG PA YID LA BYED PA DANG, YUL DE 'DOD PA'I MOS PA DANG, RTZE GCIG PA'I TING NGE 'DZIN DANG BCU YOD PA'I PHYIR, DE BCU CHOS CAN, SEMS KYIS MANG ZHES BRJOD PA'I RGYU MTSAN YOD DE, SEMS KYI SKAD CIG THAMS CAD DANG SA THAMS CAD LA 'BYUNG BA'I PHYIR, LNGA'I GNYIS PA NI, DAD DANG BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE LA 'BYUNG, ,ZHES BYUNG, SEMS DANG BA'I DAD PA DANG, YON TAN LA GCIS SPRAS BYED PA'I BAG fYOD DANG, SEMS LAS RUNG GI SHIN TU SBYANGS PA DANG, SEMS MNYAM PA NYID KYI 'DU BYED BTANG SNYOMS DANG, NGO TSA SHES PA DANG, KHREL YOD PA DANG, CHAGS MED DANG ZHE SDANG MED PA'I RTZA BA GNYIS DANG, GZHAN LA MI 'TSE BA DANG, DGE BA'I BRTZON 'GRUS DANG BCU CHOS CAN, DGE BA'I SA MANG ZHES BYA STE, DGE BA'I SEMS KUN GYI 'KHOR DU 'GRO BA'I PHYIR, GSUM PA NI, RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,ZHES BYUNG, RMONGS PA STE MA RIG PA DANG, BAG MED DANG, LE LO DANG, MA DAD PA DANG, RMUGS SEMS DANG, MA ZHI BA'I RGOD PA DANG DRUG CHOS CAN, NYON MONGS CHEN PO'I SA PA YIN TE, RTAG TU NYON MONGS CAN GYI SEMS THAMS CAD KYI 'KHOR DU 'BYUNG BA'I PHYIR, BZHI PA NI, MI DGE LA NI KHREL MED DANG, ,NGO TSA MED PA'O, ZHES BYUNG, KHREL MED DANG NGO TSA MED PA GNYIS CHOS CAN, MI DGE BA'I SA MANG YIN TE, MI DGE BA'I SA MANG PO THAMS CAD KYI 'KHOR KHO NAR 'BYUNG BA'I PHYIR, LNGA PA NI, KHRO BA DANG, ,KHON DU @42B 'DZIN DANG G-YO DANG NI, ,PHRAG DOG 'TSIG 'CHAB SER SNA DANG, ,SGYU DANG RGYAGS DANG RNAM 'TSE NI, ,NYON MONGS CHUNG NGU'I SA PA RNAMS, ,ZHES BYUNG, MNAR SEMS KYIS KHRO BA DANG, SHA GNYER BA'I KHON DU 'DZIN PA DANG, SEMS SGYUR BA'I G-YO DANG, GZHAN GYI PHUN TSOGS LA PHRAG DOG DANG, SDIG LA ZHEN PA'I 'TSIG PA DANG, NYES PA SBED PA'I 'CHAB SEMS DANG, SER SNA DANG, YON TAN DE MED KYANG YOD PAR STON PA'I SGYU DANG, RANG GI CHOS LA CHAGS PA'I RGYAGS PA DANG, GZHAN LA 'THO 'TSAM PA'I DUS ? TSE DANG BCU PO RNAMS CHOS CAN, NYON MONGS CHUNG NGU'I SA PA YIN TE, GROGS CHUNG DU SPANG BYA'I SGO NAS CHUNG NGUS RNAMS KYI CHUNG NGUR BZHAG PA'I PHYIR, DER THAL, GROGS MA RIG PA DANG MTSUNGS LDAN, SGOM SPANG KHO NA, 'DOD PA'I SAS BSDUS PA'I SKYED ? KYI RNAM SHES KHO NA DANG MTSUNGS LDAN YIN PA'I PHYIR, GNYIS PA MA NGES PA'I MTSUNGS LDAN NI, 'DOD CHAGS, KHONG KHRO, NGA RGYAL, THE TSOM BZHI DANG, GZHAN 'GYUR BZHI DANG BRGYAD PO CHOS CAN, MA NGES PA ZHES BYA STE, SAD GANG DU'ANG MA NGES PA'I ? PHYIR, GNYIS PA LA, 'DOD PA DANG, KHAMS GONG MA'I DBANG DU BYAS PA GNYIS, DANG PO LA, DGE BA DANG, MI DGE BA DANG, LUNG MA BSTAN GYI DBANG DU BYAS PA GSUM, DANG PO NI, 'DOD PA'I DGE BA'I SEMS LA NI, ,RTOG DANG DPYOD DANG BCAS ? PA'I PHYIR, SEMS LAS BYUNG BA NYI SHU GNYIS, ,LA LA DAG DA 'GYOD PA BSNAN, ,CES BYUNG, SHES BYA CHOS CAN, 'DOD PA'I DGE SEMS KYI 'KHOR DU SEMS LAS BYUNG BA NYI SHU RTZA GNYIS YOD DE, SEMS KYI SA MANG BCU, DRAG PA'I SA MANG BCU, COG ? DPYOD GNYIS DANG BCAS PA'I NYER GNYIS YOD PA'I PHYIR, NYER GSUM 'BYUNG BA'ANG YOD DE, LA LA DAG TU SDIG PA LA 'GYOD PA BSNAN PAS DE LTAR DU 'BYUNG BA'I PHYIR, GNYIS PA LAM 'DRES PA DANG, 'DRES PA GNYIS KYI DANG PA NI, MI DGE LA NIS 'DRES @43A *, ,DANG, ,LTA DANG LDAN LA'ANG NYI SHU 'BYUNG, ,ZHES BYUNG, CHAGS SOGS GZHAN DANG MA 'DRES PA'I LTA BA PHYI MA GSUM DANG MTSUNGS LDAN GYI 'DOD PA'I MI DGE BA'I SEMS CHOS CAN, KHYOD KYI 'KHOR DU SEMS BYUNG NYI SHU 'BYUNG BA YOD DE, SEMS KYI SA MANG BCU, NYON MONGS CHEN PO'I SA MANG DRUG ,MI DGE BA'I SA MANG GNYIS, RTOG DPYOD GNYIS RNAMS 'BYUNG BA YOD PA'I PHYIR, GNYIS PA NI, NYON MONGS BZHI DANG KHRO SOGS DANG, ,'GYOD PA DANG NI NYI SHU GCIG , ZHES BYUNG, 'DOD CHAGS KHONG KHRO NGA RGYAL THE TSOM NYON MONGS CAN BZHI MTSUNGS LDAN 'DRES PA'I SEMS CHOS CAN, KHYOD KYI 'KHOR DU NYER GCIG 'BYUNG STE, SNGA MA NYI SHU DANG 'DOD CHAGS SOGS BZHI PO GANG RUNG GCIG DANG NYI SHU RTZA GCIG 'BYUNG BA'I PHYIR, KHRO SOGS NAS RNAM 'TSE'I BAR GYI NYE NYON BCU RNAMS DANG MTSUNGS LDAN GYI MI DGE BA'I SEMS CHOS CAN, KHYOD KYI 'KHOR LA'ANG NYI SHU RTZA GCIG 'BYUNG STE, SNGA MA NYI SHU DANG NYE NYON DE DANG DE GANG RUNG BSNAN PAS NYER GCIG 'BYUNG BA'I PHYIR, 'GYOD PA LA'ANG DE DANG 'DRA BA 'BYUNG STE, SNGA MA NYI SHU DANG DE LA DGE MI DGE GNYIS YOD PA'I GANG RUNG 'BYUNG BA'I PHYIR, GSUM PA NI, BSGRIBS LA BCO BRGYAD LUNG MA BSTAN, ,GZHAN LA BCU GNYIS DAG TU 'DOD, ,GNYID NI KUN DANG MI 'GAL PHYIR, , GANG LA YOD PA DE BSNAN NO, ,ZHES BYUNG, BSGRIBS LUNG MA BSTAN GYI GTZO SEMS CHOS CAN, KHYOD KYI 'KHOR DU BCO BRGYAD 'BYUNG BA YOD DE, SEMS KYI SA MANG BCU, NYON MONGS CHEN PO'I SA MANG DRUG ,RTOG DPYOD GNYIS DANG BCAS PA 'BYUNG BA YOD PA'I PHYIR, GZHAN MA BSGRIBS LUNG MA BSTAN GYI SEMS CHOS CAN, KHYOD LA BCU GNYIS 'BYUNG BA YOD DE, SEMS KYI SA MANG BCU DANG, RTOG DPYOD GNYIS RNAMS 'BYUNG BA YOD PA'I PHYIR, GNYID NI CHOS CAN, KHYOD DGE ME DGE BSGRIBS MA BSGRIBS @43B LUNG MA BSTAN GANG LA YOD PA DE LA BSNAN RIGS TE, DE KUN DANG MI 'GAL BA'I PHYIR, DER THAL, KHYOD DU GYUR BA'I DE RNAMS YOD PA'I PHYIR, DE DAG LA SA ZHES BRJOD PA'I RGYU MTSAN YOD DE, DE DANG DE SKYE BA'I GO SKABS KYI YUL YIN PAS NA SA'AM SA PA ZHES BRJOD PA'I PHYIR, GNYIS PA KHAMS GONG MA'I DBANG DU BYAS PA NI, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,RTOG PA'ANG BSAM GTAN KHYAD PAR CAN, ,DE YI GONG NA DPYOD PA YANG, ,ZHES BYUNG, SHES BYA CHOS CAN, SEMS BYUNG DE LAS 'GYOD PA DANG GNYID DANG MI DGE BA RNAMS NI BSAM GTAN DANG PO DAG NA MED DE, DE DAG LA CHAGS PA DANG BRAL BA'I PHYIR DANG, DER MA ZAD, RTOG DPYOD KYI RTOG PA'ANG BSAM GTAN KHYAD PAR CAN NA MYOD ? LA, DE'I GONG BSAM GTAN GNYIS PA YAN CHAD NA DPYOD PA YANG MED PA'I PHYIR, YANG SGRA'I DON YOD DE, DER MI DGE BA'I RTOG DPYOD SOGS MED PAR MA ZAD, G-YO SGYU YANG MED CES PA YIN PA'I PHYIR, GSUM PA SEMS BYUNG 'GA' ZHIG GI KHYAD PAR LA, SEMS BYUNG BRGYAD KYI KHYAD PAR DANG, SEMS SEMS BYUNG GI MING GI RNAM GRANGS GNYIS, DANG PO NI, MA GUS NGO TSA MED KHREL MED, ,KHA NA MA THO 'JIGS MI LTA, ,DGA' DANG GUS NYID NGO ? TSA SHES, ,DE GNYIS 'DOD DANG GZUGS DAG NA, ,RTOG DANG DPYOD PA RTZING ZHIB NYID, ,NGA RGYAL KHENGS PA RGYAGS PA NI, ,RANG GI CHOS LA CHAGS PA YI, ,SEMS NI YONGS SU GTUGS PA'O, ,ZHES BYUNG, SHES BYA CHOS CAN, SEMS BYUNG GI NGO TSA MED PA DANG KHREL MED KYI KHYAD PAR YOD DE; BYE SMRA LTAR NA YON TAN DANG YON TAN CAN LA MA GUS PA NGO TSA MED PA DANG, KHA NA MA THO BA LA 'JIGS PAR MI LTA BA NI KHREL MED PA YIN LA, SLOB DPON LTAR NA RANG DANG GZHAN LA LTOS NAS NYES PA LA MI 'DZEM PA GNYIS RIM PA BZHIN NGO TSA MED @44A *, ,PA DANG KHREL MED DU 'JOG PA'I PHYIR, GNYIS PA DER THAL, DE GNYIS LAS LDOG PA NI NGO TSA YOD PA DANG KHREL YOD YIN PA'I PHYIR, DGA' BA DANG GUS PA GNYIS KYI KHYAD PAR YOD DE, YUL LA DGA' BA LA NYON MONGS CAN YIN MIN GNYIS YOD DE, YUL KHYAD PAR CAN LA DAD CING GUS PA NI NGO TSA SHES PA YIN PA'I PHYIR, ZUR DANG PO DER THAL, DGA' BA LA BU DANG CHUNG MA SOGS LA DGA' BA DANG, YON TAN CAN LA DGA' BA GNYIS YOD CING, SPYIR DGA' DAD LA MU BZHI YOD PA'I PHYIR, DGA' BA DANG GUS PA DE GNYIS NI 'DOD PA DANG GZUGS KHAMS DAG NA YOD KYANG GZUGS MED NA MED DE, GZUGS MED NA GANG ZAG PHAN TSUN MNGON SUM GYI YUL MA YIN PA'I PHYIR, RTOG PA DANG DPYOD PA GNYIS KYI KHYAD PAR YOD DE, RTOG PA NI RTZING BA DANG DPYOD PA NI ZHIB PA NYID KYI RNAM PAS 'JUG PA'I PHYIR, NGA RGYAL CHOS CAN, 'JOG TSUL YOD DE, SEMS KHENGS PA'I RNAM PA CAN GYI SEMS BYUNG ZHIG LA 'JOG PA'I PHYIR, RGYAGS PA CHOS CAN, 'JOG TSUL YOD DE, RANG GI CHOS LA NGANG GIS CHAGS LA CHAGS PA YI SEMS YONGS SU GTUGS PA'I SEMS BYUNG ZHIG LA 'JOG PA'I PHYIR, NGA RGYAL GYI KHYAD PAR YOD DE, DE NI SEMS KHENGS PA'I RNAM PA CAN GYI SEMS BYUNG ZHIG LA 'JOG PA'I PHYIR, GNYIS PA NI, SEMS DANG YID DANG RNAM SHES NI, , DON GCIG SEMS DANG SEMS BYUNG DANG, ,RTEN DANG DMIGS DANG RNAM BCAS DANG, ,MTSUNGS PAR LDAN PA'ANG RNAM PA LNGA, ,ZHES BYUNG, GSUNG RAB NAS BSHAD PA'I SEMS DANG YID DANG RNAM SHES RNAMS CHOS CAN, DON THA DAD PA MA YIN TE, DON GCIG YIN PA'I PHYIR, DER THAL, RNAM PAR RIG PA'I GTZO SEMS SU MTSUNGS PA'I PHYIR, MING GIS THA DAD DU BSHAD PA'I SGRA DON YOD DE, DON RNAM PAR 'BYED PAS NA SEMS DANG, DON SHES PAS YID DANG, YUL GZUGS SOGS LA DMIGS NAS RNAM PAR SHES PAR BYED PAS NA RNAM SHES SU BSHAD @44B PA'I PHYIR, MDO SEMS GNYIS NA RE, RNAM GRANGS KYI THA DAD DE, BAG CHAGS BSAGS PAS NA SEMS DANG, RTEN DU GYUR PAS NA YID DANG, DA LTA'I DNGOS PO LA BLTOS PAS NA RNAM SHES SU BSHAD PA'I PHYIR GSUNG, SEMS DANG SEMS BYUNG RNAMS CHOS CAN, KHYOD RTEN BCAS DANG DMIGS BCAS DANG RNAM BCAS DANG MTSUNGS LDAN ZHES BRJOD CING, DON GCIG LA 'JUG STE, KHYOD DBANG PO LA BRTEN, YUL LA DMIGS, RNAM PAS KHYAD PAR DU GCOD, MTSUNGS PAR LDAN PA RNAM PA LNGA DANG BCAS PA'I PHYIR, PHYI MA DER THAL, RTEN DANG DMIGS PA DANG RNAM PA DANG DUS DANG RDZAS LNGA MA TSUNGS PA'I PHYIR, DE LNGAS MTSUNGS TE, GTZO SEMS RTEN GANG LA BRTEN PA DE LA 'KHOR SEMS BYUNG RNAMS KYANG BRTEN, DMIGS PA GANG LAS SEMS SKYE BA DE LAS 'KHOR SEMS BYUNG RNAMS SKYE, SEMS YUL GANG GI RNAM PAR SKYES PA LTAR 'KHOR SEMS BYUNG RNAMS KYANG SKYES, SEMS DUS GANG GI TSE SKYES PA NA 'KHOR SEMS BYUNG RNAMS KYANG SKYES, SEMS RDZAS RIGS GCIG PA LTAR DE DANG 'KHOR SEMS BYUNG RNAMS KYANG RDZAS RIGS GCIG PA'I PHYIR, GONG DU BSHAD PA'I SEMS SEMS BYUNG LA SPYI DON GYIS MDOR BSDUS BSHAD NA, GTZO SEMS KYI MTSAN NYID YOD DE, RANG GI 'KHOR SEMS BYUNG DANG MTSUNGS LDAN LNGAS MTSUNGS PA'I RNAM RIG DE DE YIN PA'I PHYIR, DE LA DBYE NA DRUG YOD DE, RNAM SHES TSOGS DRUG YOD PA'I PHYIR, SEMS BYUNG GI MTSAN NYID YOD DE, GTZO SEMS GANG GI 'KHOR DU BYUNG ZHING DE DANG MTSUNGS LDAN RNAM PA LNGAS MTSUNGS PA'I RIG PA DE DE YIN PA'I PHYIR, DBYE BA YOD DE, KUN BTUS LTAR NA NGA GCIG DANG, SKABS 'DI'I SDE TSAN LNGAS DBYE NA ZHE DRUG YOD PA'I PHYIR, DANG PO GRUB STE; KUN 'GRO LNGA, YUL NGES LNGA, DGE BA BCU GCIG ,RTZA NYON DRUG ,NYE NYON NYI SHU, GZHAN 'GYUR BZHI RNAMS SU YOD PA'I PHYIR, GNYIS PA GRUB STE, SEMS KYI SA MANG BCU, DGE BA'I SA MANG BCU, NYON MONGS CHEN PO'I SA MANG DRUG ,MI DGE BA'I SA @45A *, ,PA GNYIS, NYON MONGS CHUNG NGU'I SA PA BCU, 'DOD CHAGS KHONG KHRO NGA RGYAL THE TSOM BZHI, GZHAN 'GYUR BZHI DANG BRGYAD RNAMS SU YOD PA'I PHYIR, GTZO 'KHOR GYI DON YOD DE, SEMS LA RTEN DMIGS PA SOGS LNGA RANG DBANG YOD, SEMS BYUNG RNAMS SEMS KYI DE LA MA BRTEN PAR DE LNGA RANG DBANG DU MED PA'I PHYIR, KHA CIG ,BRTZON 'GRUS LA DGE MI DGE LUNG MA BSTAN GSUM YOD PAR THAL, GNYID DANG 'GYOD PA LA DE GSUM YOD PA'I PHYIR NA MA KHYAB STE, MI DGE BA'I PHYOGS DANG BYA BA GZHAN NGAN PA LA 'BAD PA'I BRTZON 'GRUS DE BRTZON 'GRUS MA YIN PA'I PHYIR, DER THAL, LE LO NGAN LA ZHEN PA DANG, ZHES GSUNGS PA'I PHYIR, KHA CIG ,DGE BA'I RTZA BA GSUM MED PAR THAL, 'DIR RTZA BA GNYIS ZHES 'BYUNG BA'I PHYIR NA MA KHYAB STE, 'DIR CHAGS MED DANG SDANG MED KYIS GTI MUG MED PA YANG SDUD PA'I PHYIR, KHA CIG ,BSAM GTAN DANG PO SOGS NA MI DGE BA YOD PAR THAL, DE DAG NA RANG SAR CHAGS PA'I SRED PA YOD PA'I PHYIR NA SKYON MED DE, DE YOD KYANG LUNG MA BSTAN YIN PA'I PHYIR, DER THAL, GONG MA THAMS CAD LUNG MA BSTAN, ,ZHES GSUNGS PA'I PHYIR, KHA CIG ,SEMS SEMS BYUNG RNAMS RNAM PA MI MTSUNGS PAR THAL, SEMS BYUNG SNA TSOGS PA RNAMS KYIS YUL SNA TSOGS LA DMIGS PA'I TSE RNAM PA YANG SNA TSOGS 'BYUNG LA, SEMS KYI RNAM PA SEMS BYUNG LTAR SNA TSOGS SU MI 'GYUR BA'I PHYIR ZER BA DANG, MIG GI RNAM SHES KYIS GZUGS SNA TSOGS LA BLTAS PA'I TSE DE'I 'KHOR DU GYUR BA'I TSOR 'DU SOGS LNGA PO RE RER GZUGS SNA TSOGS PA'I RNAM PA SHAR PAR THAL, DAM BCA' 'THAD PA'I PHYIR, 'DOD NA, TSOR BAS MYONG BA DANG, 'DU SHES KYIS DRAN PA SOGS DON 'DRA BAR THAL, 'DOD PA'I PHYIR NA MA KHYAB BO, ,GNYIS PA LDAN MIN 'DU BYED LA, DBYE @45B BA MDOR BSTAN PA DANG, RANG BZHIN RGYAS PAR BSHAD PA DANG, KHYAD PAR GZHAN BSTAN PA'I SGO NAS DON BSDU BA GSUM, DANG PO NI, MI LDAN PA YI 'DU BYED RNAMS, ,THOB DANG MA THOB SKAL MNYAM DANG, ,'DU SHES MED PA'I SNYOMS 'JUG DANG, ,SROG DANG MTSAN NYID RNAMS DANG NI, ,MING GI TSOGS LA SOGS PA YANG, ,ZHES BYUNG, MI LDAN PA STE LDAN MIN 'DU BYED RNAMS CHOS CAN, KHYOD LA DBYE NA BCU BZHI YOD DE, THOB PA DANG MA THOB PA DANG SKAL MNYAM DANG 'DU SHES MED PA DANG DE'I SNYOMS 'JUG DANG SROG DANG, 'DUS BYAS KYI MTSAN NYID SKYE RGA GNAS PA MI RTAG PA BZHI RNAMS DANG, MING GI TSOGS DANG, LA SOGS PA NGAG GI TSOGS DANG, YI GE'I TSOGS DANG BCU BZHI YOD PA'I PHYIR, GNYIS PA LA, THOB PA SOGS GSUM BSHAD PA DANG, 'DU SHES MED PA SOGS GSUM BSHAD PA DANG, SROG SOGS LNGA BSHAD PA DANG, MING TSIG SOGS GSUM BSHAD PA DANG BZHI, DANG PO LA, THOB MA THOB DANG, SKAL MNYAM BSHAD PA GNYIS, DANG PO LA, THOB MA THOB KYI NGO BO DANG, KHYAD CHOS GNYIS, DANG PO NI, THOB PA RNYED DANG LDAN PA'O, ,THOB DANG MA THOB RANG RGYUD DU, ,GTOGS PA RNAMS KYI'O 'GOG GNYIS KYI, ,ZHES BYUNG, THOB PA CHOS CAN, KHYOD KYI 'JOG TSUL YOD DE, RANG GANG LA LDAN PA'I GANG ZAG GI RGYUD LA LDAN PAR BYED PA'I RDZAS ZHIG LA 'JOG PA'I PHYIR, DE CHOS CAN, KHYOD LA DBYE NA GNYIS YOD DE, RNYED THOB DANG LDAN THOB GNYIS YOD PA'I PHYIR, DANG PO GRUB STE, SNGAR MA THOB PA DANG THOB KYANG NYAMS PA SLAR GSAR DU RNYED BYED KYI RDZAS ZHIG LA 'JOG PA'I PHYIR, DE GNYIS KYI KHYAD PAR YOD DE, SNGA MA NI MTHOR LAM GSAR DU THOB PA LTA BU DANG, GNYIS PA NI BSAM GZUGS LAS NYAMS PA SLAR GSAR DU THOB PA LTA BU YIN PA'I PHYIR, GNYIS PA LDAN THOB YOD DE, THOB ZIN @46A *, ,SKAD CIG GNYIS PA PHAN CHAD DU LDAN PAR BYED PA'I RDZAS ZHIG LA 'JOG PA'I PHYIR, MA THOB PA CHOS CAN, KHYOD 'JOG TSUL YOD DE, THOB BYA DE GANG ZAG DE'I RGYUD LA LDAN PA LA GEGS BYED PA'I RDZAS ZHIG LA 'JOG PA'I PHYIR, DE CHOS CAN, KHYOD LA GNYIS YOD DE, RNYED PA'I MA THOB PA DANG, LDAN PA'I MA THOB PA GNYIS GNYIS YOD PA'I PHYIR, DE GNYIS KYI KHYAD PAR YOD DE, DANG PO NI, THOB BYA'I CHOS DE GSAR DU RNYED PA LA GEGS BYED KYI RDZAS ZHIG DANG, PHYI MA NI CHOS DE GANG ZAG DE'I RGYUD LA RGYUN DU LDAN PA LA GEGS BYED PA'I RDZAS ZHIG LA 'JOG PA'I PHYIR, THOB DANG MA THOB GNYIS CHOS CAN, GANG ZAG DE RNAMS KYI RANG RGYUD DU GTOGS PA ZHIG DGOS TE, GZHAN RGYUD DU GTOGS PA SOGS KYIS MI CHOG PA'I PHYIR, THOB MA THOB GNYIS 'DUS BYAS KHO NA'I STENG DU BRTZI BAR MA NGES TE, 'GOG PA GNYIS KYI THOB MA THOB KYANG YOD PA'I PHYIR, 'DIR KHA CIG ,THOB PA DANG RNYED PA DANG LDAN PA GSUM DON GCIG ZER BA NI MI 'THAD DE, THOB PA DBYE BZHI DANG, GZHAN GNYIS DBYE BA'I YA GYAL YIN PA'I PHYIR, DER THAL, RANG 'GREL LAS, THOB PA NI RNAM PA GNYIS TE, ZHES GSUNGS PA'I PHYIR, KHA CIG ,RNYED THOB DANG LDAN THOB GNYIS 'GAL GSUNG BA NI MI 'THAD DE, DE GNYIS SU PHYE BA'I RNYED THOB DANG LDAN THOB 'GAL YANG, SPYIR DE GNYIS MI 'GAL BA'I PHYIR, DER THAL, SDUG BSNGAL CHOS BZOD SKAD CIG DANG PO DE RNYED PA THOB PA LDAN PA GSUM KA YIN PA'I PHYIR, DER THAL, GANGS SPEL LAS, THOB PA DANG RNYED PA DANG LDAN PA'I SGRA DON GCIG PAR 'DOD MOD KYI, ZHES GSUNGS PA'I PHYIR, GNYIS PA KHYAD CHOS SO SOR BSHAD PA LA, THOB PA'I KHYAD CHOS DANG, MA THOB PA'I KHYAD CHOS GNYIS, DANG PO LA, SPYIR BSTAN PA DANG, DMIGS BSAL GNYIS, DANG PO NI, DUS GSUM PA YI RNAM PA GSUM, ,DGE LA SOGS KYI DGE LA SOGS, ,DER GTOGS RNAMS KYI RANG KHAMS PA, ,MA GTOGS @46B RNAMS KYI RNAM PA BZHI, ,SLOB DANG MI SLOB MIN GYI GSUM, ,SPANG BYA MIN PA'I RNAM GNYIS 'DOD, ,CES BYUNG, 'DI LA GNYIS, TSIG DON DANG, MTHA' DPYAD PA'O, ,DANG PO NI, THOB PA CHOS CAN, KHYOD LA DUS GSUM BZHAG TU YOD DE, LTOS SA LA LTOS NAS DUS GSUM DANG, DUS RE RE LA YANG 'DAS PA'I THOB PA MA 'ONGS PA'I THOB PA DA LTA BA'I THOB PA RNAM PA GSUM GSUM YOD PA'I PHYIR, DER THAL, CHOS 'DAS PA'I THOB PA LA YANG 'DAS MA 'ONGS DA LTA BA GSUM YOD PA'I PHYIR, DER THAL, SO THAR LTA BU'I THOB PA SKYES LA 'GAGS PA NI 'DAS PA YIN LA, DE'I SNGAR THOB PA SKYES PA 'DAS PA'I 'DAS PA DANG DE'I PHYIS SKYE BA'I THOB PA 'DAS PA'I MA 'ONGS PA DANG DE DANG LHAN CIG THOB PA NI 'DAS PA'I DA LTA BA YIN PA'I PHYIR, DE BZHIN DU NYON MONGS SAM DGE BA GANG YIN YANG THOB PA SKYES LA MA 'GAGS PA DE DA LTA BA DANG, DE'I SNGAR SKYES PA DE'I 'DAS PA DANG, DE'I PHYIS SKYE BA DE'I MA 'ONGS PA DANG, DE DANG LHAN CIG SKYES PA DE'I DA LTA BA YIN TE, GZHAN LA'ANG RIGS 'GRE BA'I PHYIR, THOB PA CHOS CAN, KHYOD LA DGE MI DGE LUNG MA BSTAN GSUM YOD DE, DGE BA'I THOB PA DGE BA DANG, LA SOGS PAS MI DGE BA'I THOB PA MI DGE BA DANG LUNG MA BSTAN GYI THOB PA NI LUNG MA BSTAN DU 'JOG PA GTZO CHE BA'I PHYIR, DER THAL, DGE LA SOGS PA ZHES PAS GO RIM DE LTAR SBYOR BAR BSTAN PA'I PHYIR, THOB PA CHOS CAN, KHYOD LA KHAMS GSUM GYI SAR GTOGS PA YOD DE, THOB BYA'I CHOS KHAMS GSUM PO GANG YIN PA DER GTOGS PA RNAMS KYI THOB PA NI RANG GI KHAMS DER GTOGS PA STE SA DES BSDUS PA'I PHYIR, SHES BYA CHOS CAN, THOB BYA'I CHOS KHAMS GSUM GYI SAR MA GTOGS PA RNAMS KYI KHYAD PAR RNAM PA BZHI YOD DE, THOB BYA'I CHOS KHAMS GSUM GYI SAR MA GTOGS LA, THOB PA DE GSUM GYIS BSDUS PA SOGS MU GSUM, CHOS DE KHAMS GSUM GANG RUNG GI SAR MA GTOGS LA, THOB PA DE GSUM @47A *, ,GANG RUNG GIS MA BSDUS PA'I MU DANG BZHI YOD PA'I PHYIR, RTAGS DER THAL, KHAMS GSUM PA'I GANG ZAG GI RGYUD KYI SO SOR BRTAGS MIN GYI 'GOG PA 'DOD PA'I SAR MA GTOGS KYANG, DE'I THOB PA NI GANG ZAG GI 'DU GTOGS PA DER GTOGS PA GSUM, SO SOR BRTAGS 'GOG GI THOB PA ZAG BCAS GONG MA GNYIS SU GTOGS LA, SO SOR BRTAGS 'GOG DANG LAM BDEN KHAMS GSUM GANG DU MA GTOGS SHING DE'I THOB PA ZAG MED RNAMS KHAMS GSUM GANG DU YANG MI GTOGS PA'I PHYIR, SLOB PA DANG MI SLOB PA'I CHOS ZAG MED KYI THOB PA CHOS CAN, RIM PA BZHIN DU RANG RGYUD LDAN GYI GANG ZAG SLOB PA DANG MI SLOB PAR MTSON PAR BYED PA'I CHOS YIN TE, SLOB MI SLOB PA'I LAM BDEN GYIS BSDUS PA'I YON TAN YIN PA'I PHYIR, SLOB MI SLOB GANG RUNG YIN PA'I CHOS CHOS CAN, KHYOD LA GDU MA YOD DE, KHYOD LA SLOB MI SLOB GANG RUNG MA YIN PA DANG, SLOB PA DANG MI SLOB PAR BYED PA'I CHOS GSUM YOD PA'I PHYIR, DER THAL, ZAG BCAS DANG 'DUS MA BYAS RNAMS NI SLOB MI SLOB GANG RUNG MIN PA'I CHOS, SO SOR BRTAGS 'GOG SLOB PA'I LAM GYIS THOB PA'I THOB PA NI SLOB PA DANG DE MI SLOB PA'I LAM GYIS THOB PA'I THOB PA NI MI SLOB PAR BYED PA'I CHOS YIN PA'I PHYIR, THOB BYA'I CHOS SPANG BYA MA YIN PA CHOS CAN, KHYOD KYI THOB PA LA RNAM PA GNYIS 'DOD DE, SPANG BYA DANG SPANG BYA MA YIN PA RNAM PA GNYIS YOD PA'I PHYIR, GNYIS PA MTHA' DPYAD PA LA, KHA CIG ,THOB BYA'I CHOS KHAMS GSUM GANG DU GTOGS PA RNAMS KYI THOB PA YANG 'DOD PAR GTOGS SO ZER NA, DE MI 'THAD DE, GONG DU BSHAD CING 'CHAD PA'I PHYIR, ,KHA CIG ,MA GTOGS RNAMS KYI RNAM PA BZHI ZHES PA'I SKABS KYI MA GTOGS PA'I DON LAM BDEN DE KHAMS GSUM DU MI GTOGS PA'I DON YIN ZER NA, DE YANG MI 'THAD PAR THAL, DE ZAG MED KYI THOB PA BZHI LA BYED PA'I PHYIR, DER THAL, RANG 'GREL LAS, ZAG PA MED PA'I @47B CHOS RNAMS KYI THOB PA NI MDOR BSDU NA RNAM PA BZHI STE, KHAMS GSUM PA DANG ZAG PA MED PA'O, ,ZHES GSUNGS PA'I PHYIR, KHA CIG ,SLOB PA'I THOB PA SLOB PA, MI SLOB PA'I THOB PA MI SLOB PA YIN NO ZER NA, DE YANG MI 'THAD PAR THAL, SLOB PA DANG MI SLOB PA GNYIS KA GANG ZAG GI STENG NAS 'JOG RIGS PA'I PHYIR, DER THAL, SLOB MI SLOB TU BYED PA'I CHOS SLOB PA DANG MI SLOB PA MA YIN PA'I PHYIR, DER THAL, BDAG SGRA SBYAR MA SBYAR LA KHYAD PAR YOD PA'I PHYIR, 'ON KYANG 'DOD TSUL MI 'DRA BA'ANG YOD DO, ,GNYIS PA DMIGS BSAL NI, LUNG BSTAN MIN THOB LHAN CIG SKYE, ,MNGON SHES SPRUL PA MA GTOGS PA, ,BSGRIBS PA'I GZUGS KYI'ANG 'DOD PA NA, ,GZUGS KYI SNGAR NI SKYE BA MED, ,CES BYUNG, LUNG BSTAN MIN PA STE MA BSGRIB LUNG MA BSTAN CHOS CAN, KHYOD KYI THOB PA BZHAG TU YOD DE, RANG DANG LHAN CIG SKYE BA'I THOB PA YOD PA'I PHYIR, THOB PA DE CHOS CAN, KHYOD LA DUS GSUM TZAM YOD KYANG DE RE RE LA NI DUS GSUM SO SOR MED DE, KHYOD KYI DUS GSUM GYI THOB PA RNAMS DUS GSUM RE RE BA KHO NA YIN PA'I PHYIR, DER THAL, DE DAG GI THOB PA SPYIR SNGAR SKYES DANG PHYIS SKYES MED PA'I PHYIR, DER THAL, RANG RANG DANG LHAN CIG KHO NAR SKYE BA'I PHYIR, DMIGS BSAL MA NGES PA'ANG YOD DE, LUNG MA BSTAN GYI THOB PA LA SNGAR SKYES PHYIS SKYES LHAN CIG SKYES GSUM DANG, SNGA MA MED LA PHYI MA GNYIS YOD PA SRID PA'I PHYIR, DANG PO GRUB STE, MIG GI MNGON SHES LUNG MA BSTAN DANG, SPRUL SEMS LUNG MA BSTAN DANG BI SHVA KARMA'I BZO BA'I GNAS LTA BU DANG STON PA'I SPYOD LAM LTA BU YOD PA'I PHYIR, GNYIS PA GRUB STE, MNGON SHES DANG SPRUL PA LTA BU MA GTOGS PAR DGE BA DANG BSGRIBS PA'I GZUGS KYI THOB PA 'DOD PA NA YOD PA LAS @48A *, ,GZUGS KYI SNGAR SKYES MED CING PHYIS SKYES DANG DA LTAR SKYES YOD PA'I PHYIR, GNYIS PA MA THOB PA'I KHYAD CHOS LA, SPYIR BSTAN PA DANG, GTONG TSUL GNYIS, DANG PO NI, MA THOB MA BSGRIBS LUNG MA BSTAN, ,'DAS MA SKYES KYI DE RNAM GSUM, ,'DOD SOGS GTOGS DANG DRI MED KYI'ANG, ,LAM MA THOB PA SO SO YI, ,SKYE BOR 'DOD DO ZHES BYUNG, DGE MI DGE LUNG MA BSTAN GANG RUNG GI MA THOB PA CHOS CAN, LUNG MA BSTAN YIN TE, MA BSGRIBS LUNG MA BSTAN YIN PA'I PHYIR, DE CHOS CAN, DGE MI DGE GANG RUNG MA YIN TE, DGE RTZA CHAD PA DANG MI DGE SPANGS PA LA'ANG KHYOD YOD PA'I PHYIR, BSGRIBS LUNG MA BSTAN MA YIN TE, DGRA BCOM PA'I RGYUD LA'ANG YOD PA'I PHYIR, MA THOB PA CHOS CAN, DUS GSUM GANG 'JOG GI KHYAD PAR YOD DE, THOB BYA'I CHOS 'DAS PA'I 'DAS PA SOGS GSUM DANG, MA 'ONGS PA'I 'DAS PA SOGS GSUM DANG, DA LTA BA'I 'DAS MA 'ONGS GNYIS TZAM YOD PA'I PHYIR, 'DAS PA DANG MA SKYES PA STE MA 'ONGS PA GNYIS KYI DUS DE RNAM GSUM YOD KYI, 'DIR THOB BYA'I DA LTA BA'I DA LTAR BA MED DE, DA LTAR BA'I THOB BYA MA THOB PA DA LTAR BAR 'JOG PAR 'GAL BA'I PHYIR, MA THOB PA 'DOD KHAMS SOGS SU GTOGS PA GSUM YOD DE, RTEN GYI GANG ZAG GANG DU SKYES PA'I SA DER GTOGS PA GSUM YOD PA'I PHYIR, DRI MED LAM BDEN GYI THOB PA'ANG CHOS CAN, KHAMS GSUM GANG RUNG DU GTOGS TE, RTEN GYI GANG ZAG SKYES PA'I SAR GTOGS PA'I PHYIR, LAM BDEN GYI MA THOB PA CHOS CAN, DRI MED MA YIN TE, SO SO'I SKYE BO'I RGYUD KYI ZAG BCAS YIN PAR 'DOD PA'I PHYIR, GNYIS PA GTONG TSUL NI, DE THOB DANG, ,SA 'PHOS NAS NI RNAM NYAMS 'GYUR, ,ZHES BYUNG, SHES BYA CHOS CAN, MA THOB PA'I GTONG RGYU YOD DE, RTOGS PA'I YON TAN MA THOB PA DE THOB PAS GTONG, SA DGU'I MA THOB PA NI SA DE DANG @48B DER 'PHOS PA'I RGYUS GTONG BA'I PHYIR, DANG PO GRUB STE, TSOGS LAM PAS SBYOR LAM THOB PA'I TSE SBYOR LAM MA THOB PA NYAMS SHING, SO SKYES 'PHAGS LAM THOB PA'I RGYUS DE MA THOB PA NYAMS PAR 'GYUR BA SOGS YIN PA'I PHYIR, GNYIS PA GRUB STE, 'DOD KHAMS PA BSAM GTAN DANG POR SKYES PA'I TSE SA 'PHOS NAS BSAM GTAN GYI MA THOB PA GTONG ZHING NYAMS PA SOGS YIN PA'I PHYIR, GNYIS PA SKAL MNYAM NI, SKAL MNYAM SEMS CAN 'DRA BA'O, ,ZHES BYUNG, SKAL MNYAM GYI RDZAS CHOS CAN, BZHAG TU YOD DE, SEMS CAN RNAMS KYI RIS 'DRA BA'AM MTHUN PA ZHES BYA BA'I RDZAS ZHIG YIN PA'I PHYIR, SKAL MNYAM CHOS CAN, GNYIS YOD DE, THA DAD MIN PA DANG THA DAD PA'I SKAL MNYAM GNYIS YOD PA'I PHYIR, DER THAL, SNGA MA NI SEMS CAN TZAM DU 'DRA BA'I RDZAS DANG, PHYI MA NI LHA MI SOGS SO SOR 'DRA BAR BYED PA'I RDZAS ZHIG YIN PA'I PHYIR, GNYIS PA 'DU SHES MED PA SOGS GSUM LA, 'DU SHES MED PA DANG, DE'I SNYOMS 'JUG DANG, 'GOG PA'I SNYOMS 'JUG GSUM, DANG PO NI, 'DU SHES MED PA BA 'DU SHES, ,MED PAR SEMS DANG SEMS BYUNG RNAMS, ,'GOG PA'O RNAM SMIN DE 'BRAS CHE, ,ZHES BYUNG, SHES BYA CHOS CAN, 'DU SHES MED PA BA'I GANG ZAG DE 'DU SHES MED PAR 'JOG PA'I RDZAS YOD DE, GNAS DER SKYES PA'I GANG ZAG GI SEMS DANG SEMS BYUNG RNAMS 'GOG PA'I 'DU BYED KYI RDZAS GANG YIN PA DE DE YIN PA'I PHYIR, DE 'DRA BA'I RDZAS DE CHOS CAN, RNAM SMIN YIN TE, 'DU SHES MED PA'I SNYOMS 'JUG GI RNAM SMIN YIN PA'I PHYIR, 'DU SHES MED PA'I LHA RNAMS CHOS CAN, BSAM GTAN BZHI PA BA YIN TE, DE 'BRAS BU CHE BA'I LHAR GTOGS PA'I PHYIR, GNYIS PA NI, DE BZHIN 'DU SHES MED SNYOMS 'JUG ,BSAM GTAN THA MAR 'BYUNG 'DOD PAS, ,DGE BA'O SKYES NAS @49A *, ,MYONG 'GYUR NYID, ,'PHAGS PA'I MA YIN DUS GCIG 'THOB, ,CES BYUNG, 'DU SHES MED PA'I SNYOMS 'JUG CHOS CAN, KHYOD KYI NGO BO YOD DE, SNGA MA DE BZHIN DU SEMS DANG SEMS BYUNG 'GOG PAR BYED PA'I SNYOMS 'JUG ZHIG DE YIN PA'I PHYIR, DE CHOS CAN, BSAM GTAN BZHI PAR GTOGS PA YIN TE, BSAM GTAN THA MA STE BSAM GTAN BZHI PA'I RAB MTHA' LA BRTEN NAS 'BYUNG BAR 'DOD PA'I PHYIR, DE CHOS CAN, DGE BA YIN TE, SNYOMS 'JUG YIN PA'I PHYIR, DE CHOS CAN, SKYES NAS MYONG BAR 'GYUR BA NYID YIN TE, GSUM GYI NANG NAS MTHONG CHOS LA MYONG 'GYUR SOGS GZHAN GNYIS GANG RUNG MA YIN PA'I DGE BA'I SNYOMS 'JUG YIN PA'I PHYIR, DE CHOS CAN, SKYE BA'I RTEN SO SKYER NGES TE, 'PHAGS PA MIN PA KHO NA'I SNYOMS 'JUG YIN PA'I PHYIR, DE CHOS CAN, DANG POR GCIG KHO NAR THOB PA YIN TE, DA LTAR GYI DUS GCIG KHO NAR THOB KYI, 'DAS MA 'ONGS KYI THOB PA MED PA'I PHYIR, GSUM PA NI, 'GOG PA ZHES PA'ANG DE BZHIN NYID, ,'DI GNAS DON DU SRID RTZE SKYES, ,DGE BA'O GNYIS SU MYONG 'GYUR DANG, ,MA NGES 'PHAGS PA'I SBYOR LAS 'THOB, ,THUB PA'I BYANG CHUB KYIS THOB BYA, ,DANG PO MA YIN SKAD CIG MA, ,SUM CU RTZA BZHIS THOB PHYIR RO, ,GNYIS KA'ANG 'DOD DANG GZUGS RTEN CAN, ,'GOG PA DANG POR MI'I NANG DU, ,ZHES BYUNG, 'GOG PA'I SNYOMS 'JUG ZHES PA'ANG CHOS CAN, NGO BO YOD DE, SEMS SEMS BYUNG 'GOG PA'I TSUL SNGAR BSHAD PA DE BZHIN DU MTSUNGS PA NYID YIN PA'I PHYIR, DE LA SNYOMS PAR 'JUG PA'I KUN SLONG DANG DGOS PA YOD DE, ZHI BA'I YID BYED 'DI LA GNAS NA ZHI BA'O SNYAM NAS DE'I DON DU SNYOMS PAR 'JUG PA'I @49B PHYIR, DE CHOS CAN, SEMS RTEN DANG SA GANG DU GTOGS PA YOD DE, SRID RTZER GTOGS SHING DER SKYE BA'I PHYIR, DE CHOS CAN, DGE MI DGE GANG RUNG YIN TE, DGE BA YIN PA'I PHYIR, DE CHOS CAN, MYONG 'GYUR GYI KHYAD PAR YOD DE, SKYES NAS MYONG 'GYUR DANG LAN GRANGS GZHAN LA MYONG 'GYUR BA'I GNYIS SU MYONG 'GYUR DANG, RNAM SMIN MI MYONG BA'I MA NGES PA GCIG STE GSUM YOD PA'I PHYIR, DE CHOS CAN, KHYOD KYI RTEN YOD DE, 'PHAGS PA KHO NA'I SBYOR BA LAS 'THOB PA'I PHYIR, THUB PA BCOM LDAN 'DAS KYIS NI SBYOR BA DANG 'BAD PAS THOB PA MIN TE, DES ZAD MI SKYE SHES PA'I BYANG CHUB THOB PA'I TSE DE THOB PAR 'GYUR BA'I PHYIR, BSKYED TSUL LA, KHA CIG ,DANG POR BYANG SEMS SLOB PA'I DUS SU THOB ZER BA SOGS LAS, DANG PO MA YIN TE, BDEN PA SKAD CIG MA MNGON RTOGS BCU DRUG DANG, SRID RTZE'I BAR GYI SGOM SPANG SKOR DGU'I GNYEN PO BAR CHAD MED LAM DGU DANG, DE'I RNAM GROL LAM DGU STE SUM CU RTZA BZHI BAR MA CHAD PAR BYANG CHUB THOB PA'I PHYIR, 'DU SHES MED PA DANG 'GOG PA GNYIS KA'ANG CHOS CAN, 'DOD PA DANG GZUGS KHAMS GNYIS KA'I RTEN CAN LA THOB PA YOD DE, DANG PO 'DOD PA'I RTEN LA THOB PA NYAMS NAS SLAR GZUGS KYI RTEN LA BSKYED PA YOD PA'I PHYIR, KHYAD PAR CUNG ZAD YOD DE, 'GOG PA'I SNYOMS 'JUG NI DANG POR MI'I NANG DU SKYE LA, PHYIS GZUGS KYI RTEN LA BSKYED BA YOD PA'I PHYIR, KHA CIG ,'GOG PA DANG PO MI NANG DU ZHES GSUNGS PA MI 'THAD PAR THAL, DE GNYIS KA'I RTEN LA 'GOG SNYOMS GSAR DU SKYE BA YOD PA'I PHYIR NA MA KHYAB, RTAGS DER THAL, GZUGS KYI RTEN LA MA NYAMS PA'I GSAR SKYE MED KYANG, NYAMS PA'I GSAR SKYE YOD PA'I PHYIR, DER THAL, RTZA BAR, GNYIS @50A *, ,KA 'DOD DANG GZUGS RTEN CAN, ,ZHES GSUNGS PA'I PHYIR, KHA CIG ,'GOG SNYOMS THOB PA'I GANG ZAG YIN NA, DE MNGON DU BYAS PAS KHYAB ZER BA NI MI 'THAD DE, DE 'THOB PA'I DGRA BCOM PA RJES THOB PA RNAMS KYIS DE MNGON DU MA BYAS PA'I PHYIR, GSUM PA SROG SOGS LNGA BSHAD PA LA, SROG DBANG BSHAD PA DANG, 'DUS BYAS KYI MTSAN NYID BSHAD PA GNYIS, DANG PO NI, SROG NI TSE YIN DROD DANG NI, ,RNAM SHES RTEN GANG YIN PA'O, , ZHES BYUNG, SROG DBANG CHOS CAN, KHYOD KYI NGO BO YOD DE, PHUNG PO'I RIGS 'DRA GNAS PA'I TSE LA 'DOD PA'I PHYIR, DE CHOS CAN, KHYOD KYI BYED LAS YOD DE, 'DOD GZUGS GNYIS NA DROD DANG RNAM SHES KYI RTEN BYED, GZUGS MED DU RNAM SHES KYI RTEN BYED PA'I NUS PA GANG YIN PA DE YIN PA'I PHYIR, KHA CIG ,SROG DANG TSE NI DROD KYI RTEN DU MI RIGS PAR THAL, GZUGS MED NA TSE SROG YOD KYANG DROD MED PA'I PHYIR NA MA KHYAB STE, 'DIR NI KHAMS 'OG MA'I DBANG DU MDZAD PA'I PHYIR, KHO NA RE, DE MI 'THAD PAR THAL, RNAM SHES DANG TSE NI DROD LA MA LTOS PA'I PHYIR, MA GRUB NA, DROD CHUNG NGUR SONG NA TSE SROG CHUNG NGUR SONG BAS KHYAB PAR THAL, MA GRUB PA DE'I PHYIR NA MA KHYAB, KHA CIG ,SROG DANG RLUNG GI GZHI MTHUN YOD PAR THAL, RANG 'GREL LAS, SROG CES BYA BA NI LUS SEMS LA BRTEN NAS 'JUG PA DE LTA BU'I RLUNG YIN TE, ZHES GSUNGS PA'I PHYIR NA MA KHYAB STE, MING GIS DER BTAGS PA TZAM YIN PA'I PHYIR, GNYIS PA NI, MTSAN NYID DAG NI SKYE BA DANG, ,RGA DANG GNAS DANG MI RTAG NYID, ,DE DAG SKYE BA'I SKYES LA SOGS, ,DE CHOS BRGYAD DANG GCIG LA 'JUG ,RGYU DANG RKYEN DAG MED PAR NI, ,SKYE BAS BSKYED BYA SKYED BYED MIN, ,ZHES BYUNG, 'DUS BYAS CHOS CAN, KHYOD KYI MTSAN NYID DAG YOD @50B DE; SKYE BA DANG RGA BA DANG GNAS PA DANG MI RTAG PA NYID KYI CHOS DE KHYOD KYI MTSON BYED YIN PA'I PHYIR, MTSAN NYID DE BZHI CHOS CAN, KHYOD KYI NGO BO DANG BYED LAS YOD DE, SKYE BAS SKYED PAR BYED, GNAS PAS GNAS PAR BYED, RGA BAS RNYING BAR BYED, MI RTAG PA NYID KYIS CHOS DE 'JIG PAR BYED PA'I PHYIR, 'DUS BYAS DE DAG GANG RUNG ZHIG CHOS CAN, MTSAN NYID RJES MTHUN DANG BCAS NA BRGYAD YOD DE, RTZA BA'I MTSAN NYID BZHI DANG SKYE BA'I SKYE BA SOGS TE, GNAS PA'I GNAS PA, RGA BA'I RGA BA, MI RTAG PA'I MI RTAG PA STE RJES MTHUN GYI MTSAN NYID BZHI DANG BRGYAD YOD PA'I PHYIR, SKYE SOGS THUG MED DU THAL BA'I SKYON MED DE, CHOS DE SKYE BA'I TSE RANG GI SKYE SOGS BRGYAD DANG RANG DANG DGU CIG CAR DU LHAN CIG SKYE BA'I PHYIR, DER THAL, SKYE BAS NI SKYE RGA SOGS BRGYAD SKYED LA, GNAS PAS NI DE BRGYAD GNAS PAR BYED PA SOGS YIN PAS, SKYE BA'I SKYE BA DE SKYE BA GCIG PU LA 'JUG PA DANG GNAS PA'I GNAS PA SOGS KYANG CHOS RE RE'AM GCIG LA 'JUG PA'I PHYIR, MA 'ONGS PA KUN CIG CAR DU SKYE BAR THAL, SKYE BAS SKYE BA'I BRGYAD SKYED PA'I PHYIR NA MA KHYAB STE, RGYU DANG RKYEN DAG TSOGS PA MED PAR NI SKYE BA KHO NAS BSKYED BYA SKYED PAR BYED PA MA YIN PA'I PHYIR, BZHI PA NI, MING GI TSOGS LA SOGS PA NI, ,MING DANG NGAG DANG YI GE'I TSOGS, ,'DOD DANG GZUGS GTOGS SEMS CAN STON, ,RGYU MTHUN LUNG BSTAN MIN, ZHES BYUNG, MING GI TSOGS LA SOGS PA LAS, DANG PO MING CHOS CAN, 'JOG TSUL YOD DE, DON GYI NGO BO TZAM STON PA'I SGRA YIN PA'I SGO NAS 'JOG PA'I PHYIR TE, DPER NA, GZUGS, TSOR BA ZHES PA'I NGAG LTA BU YIN PA'I PHYIR, NGAG CHOS CAN, 'JOG TSUL YOD DE, DON GYI NGO BO KHYAD PAR DANG BCAS NAS STON PA'I NGAG YIN PA'I SGO NAS 'JOG PA'I PHYIR TE, DPER NA, GZUGS MDZES, TSOR BA MYONG ZHES PA LTA BU YIN PA'I @51A *, ,PHYIR, YI GE CHOS CAN, 'JOG TSUL YOD DE, MING DANG NGAG GI RTZOM GZHIR GYUR PA'I SKAD KYI GDANGS ZHIG LA BYED PA'I PHYIR TE, DPER NA, AA AI KA KHA ZHES PA LTA BU YIN PA'I PHYIR, TSOGS GSUM PO DE CHOS CAN, KHAMS GANG DU GTOGS PA YOD DE, 'DOD PA DANG GZUGS KHAMS KHO NAR GTOGS PA'I PHYIR, DE GSUM PO CHOS CAN, KHYAD PAR GSUM DANG LDAN TE, NGO BO SEMS CAN DU STON PA'I SGRA, RGYU MTHUN LAS BYUNG BA, MA BSGRIBS LUNG MA BSTAN YIN PA'I PHYIR, DANG PO GRUB STE, BRJOD MKHAN GYI RGYUD KYIS BSDUS PA'I PHYIR, GNYIS PA GRUB STE, RANG GI RIGS MTHUN SNGA MA LAS SKYES PA'I PHYIR, GSUM PA GRUB STE, DGE RTZA CHAD PA DANG CHAGS BRAL LA'ANG YOD CING RNAM SMIN LAS MI SKYED PA'I PHYIR, KHA CIG ,DE MI 'THAD DE, NAM MKHA' LAS KYANG MING TSIG YI GE GSUM LDAN GYI SGRA 'BYUNG BA'I PHYIR, DER THAL, NAM MKHA' LAS KYANG CHOS KYI SGRA, ,ZHES GSUNGS PA LTA BU YOD PA'I PHYIR ZER NA, SKYON MED DE, DE NI DE LTAR 'GYUR BAR BYED PA PO'I RGYUD KYIS BSDUS PA'I PHYIR, DE LTAR MA YIN NA, SANGS RGYAS KYI BKA' LA RGYUD KYIS MA BSDUS PA YOD PAR THAL BAR 'GYUR TE, DPYAD DGOS PAR YANG SNANG NGO, ,GSUM PA CHOS GZHAN GYI KHYAD PAR BSTAN PA'I SGO NAS DON BSDU BA NI, DE BZHIN, ,SKAL MNYAM RNAM PAR SMIN PA'ANG YIN, ,KHAMS GSUM PA STE THOB RNAM GNYIS, ,MTSAN NYID RNAMS DANG SNYOMS 'JUG DANG, ,MI LDAN PA DAG RGYU MTHUN PA, ,ZHES BYUNG, SKAL MNYAM CHOS CAN, BSHAD MA THAG PA DE BZHIN DU CHOS GSUM LDAN DU MA ZAD, LNGA LDAN YANG YIN TE, NGO BO SEMS CAN DU STON PA SOGS GSUM DU MA ZAD, SKAL MNYAM DANG RNAM PAR SMIN PA'I RGYU LAS BYUNG BA'ANG YIN ZHING, KHAMS GSUM PA STE DE GSUM GYI SANG GTOGS @51B PA LNGA YOD PA'I PHYIR, DE CHOS CAN, KHYOD KYI THOB PA LA RNAM PA GNYIS YOD DE, RNAM SMIN DANG RGYU MTHUN LAS BYUNG BA GNYIS YOD PA'I PHYIR, DER THAL, RANG GI RIGS 'DRA SNGA MA LAS BYUNG BA NI RGYU MTHUN LAS BYUNG BA DANG, MIG SOGS RNAM SMIN LAS BYUNG bA GNYIS YOD PA'I PHYIR, 'DUS BYAS KYI MTSAN NYID SKYE SOGS RNAMS CHOS CAN, KHYOD LA BYUNG BA GNYIS YOD DE, RGYU MTHUN DANG RNAM SMIN SKYES GNYIS YOD PA'I PHYIR, DER THAL, SEMS CAN DU MI STON PA RGYU MTHUN DANG, SEMS CAN DU STON PA'I DE BZHI RNAM SMIN LAS BYUNG BA YOD PA'I PHYIR, GONG DU BSHAD PA'I SNYOMS 'JUG GNYIS DANG, MI LDAN PA'I 'DU BYED DE DAG CHOS CAN, RNAM SMIN GYI RGYU LAS BYUNG BA MIN TE, RGYU MTHUN KHO NA LAS BYUNG BA'I PHYIR RO, ,GSUM PA RGYU RKYEN 'BRAS BU'I RNAM GZHAG LA, RGYU 'BRAS SPYIR BSTAN PA DANG, RKYEN BYE BRAG TU BSHAD PA GNYIS, DANG PO LA, RGYU DANG 'BRAS BU BSHAD PA GNYIS DANG, DE GNYIS KYI THUN MONG GI CHOS BSHAD PA GSUM, DANG PO LA, DBYE BA MDOR BSTAN PA DANG, RANG BZHIN RGYAS PAR BSHAD PA DANG, DON BSDU BA GSUM, DANG PO NI, BYED RGYU LHAR CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN TU 'GRO DANG RNAM SMIN DANG, ,RGYU NI RNAM PA DRUG TU 'DOD, ,CES BYUNG, RGYU NI CHOS CAN, RNAM PA DRUG TU 'DOD DE, BYED RGYU DANG LHAN CIG 'BYUNG BA'I RGYU DANG SKAL MNYAM GYI RGYU DANG, MTSUNGS PAR LDAN PA'I RGYU DANG KUN TU 'GRO BA'I RGYU DANG RNAM SMIN GYI RGYU DANG DRUG YOD PA'I PHYIR, GNYIS PA LA DRUG LAS, DANG PO BYED RGYU NI, RANG LAS GZHAN PA BYED RGYU'I RGYU, ,ZHES BYUNG, BYED RGYU CHOS CAN, BZHAG TU YOD DE, RANG SKYE BA LA GEGS MI BYED CING, RANG LAS DON GZHAN PA'I CHOS ZHIG LA 'JOG PA'I PHYIR, BYED RGYU CHOS CAN, KHYOD LA GNYIS YOD DE, SKABS 'DIR NUS LDAN DANG NUS MED GNYIS YOD PA'I PHYIR, DE GNYIS KYI @52A *, ,KHYAD PAR YOD DE, CHOS DE SKYE BA LA PHAN 'DOGS PA'I 'DUS BYAS RNAMS NI, CHOS DE'I BYED RGYU NUS LDAN DANG, CHOS DE SKYE BA LA GEGS MI BYED KYANG PHAN MI 'DOGS PA'I CHOS DE, CHOS DE'I BYED RGYU NUS MED DU 'JOG PA'I PHYIR, SO SO'I MTSAN GZHI YOD DE, CHOS DE'I RGYU THAMS CAD CHOS DE'I BYED RGYU NUS LDAN DANG, 'DUS MA BYAS KYI CHOS RNAMS DANG 'DUS BYAS YIN KYANG DE LA MI GNOD MI PHAN PA RNAMS, CHOS DE'I BYED RGYU NUS MED DU 'JOG PA'I PHYIR, DER THAL, SA BON DANG CHU LUNG DANG DROD GSHER SOGS RANG 'BRAS MYU GU'I RGYU SNGA MA DANG, KA BUM LA SOGS PA NI DE'I RGYU PHYI MA YIN PA'I PHYIR, SPYIR BYED RGYU THAMS CAD NUS LDAN YIN TE, 'DIR BYED RGYU NUS STONG NI GZHI LA LTOS NAS YIN PA'I PHYIR, 'DUS MA BYAS LA DMIGS NAS YID SHES SKYE ZHING, DE LAS DBANG SHES KYANG SKYE BA YOD DE, MDZOD RANG 'GREL LAS, RGYU BRGYUD PA'I SGO NAS DE YANG RKYEN DU 'GYUR BA'I PHYIR NUS PA YOD DE, ZHES GSUNGS PA'I PHYIR, DE YANG BYE SMRA'I LUGS YIN GYI, GONG MAS BYED RGYU LA 'DUS BYAS KYIS KHYAB PAR 'DOD PAS KHYAD PAR YOD DO, ,CHOS DE SKYE BA LA GNOD PA NI CHOS DE'I BYED RGYU MA YIN TE, DE DE'I 'JIG BYED YIN PA'I PHYIR, GNYIS PA NI, LHAN CIG 'BYUNG GANG PHAN TSUN 'BRAS, ,'BYUNG BZHIN SEMS KYI RJES 'JUG PA, ,SEMS DANG MTSAN NYID MTSAN GZHI BZHIN, ,SEMS LAS BYUNG DANG SDOM GNYIS DANG, ,SEMS DANG DE DAG GI MTSAN NYID, ,SEMS KYI RJES 'JUG DUS DANG NI, ,'BRAS SOGS DGE LA SOGS PA'O, ,ZHES BYUNG, 'DI LA MTSAN NYID, MTSAN GZHI, SEMS KYI RJES 'JUG NGOS BZUNG, DE RJES SU 'JUG TSUL BZHI, DANG PO NI, LHAN CIG 'BYUNG BA'I RGYU GANG CHOS CAN, KHYOD KYI MTSAN NYID DAM NGO BO YOD DE, PHAN TSUN PHAN 'DOGS RGYU 'BRAS SU GNAS PA'I RGYU DE DE YIN PA'I PHYIR, GNYIS PA NI, DE CHOS CAN, KHYOD KYI MTSAN GZHI DANG @52B DPE YOD DE, TSOGS PA GCIG LA GNAS PA'I 'BYUNG BZHI BZHIN DANG, SEMS KYI RJES 'JUG NGA BRGYAD DANG SEMS BZHIN DANG, MTSAN NYID SKYE SOGS BZHI DANG MTSAN GZHI 'DU BYED PA BZHIN YIN PA'I PHYIR, GSUM PA NI, SEMS KYI RJES 'JUG CHOS CAN, NGOS BZUNG DU YOD DE, SEMS KYI 'KHOR DU GYUR PA'I SEMS BYUNG RNAMS DANG, BSAM GTAN ZAG MED KYI SDOM PA RNAM PA GNYIS DANG SEMS DANG DE DAG GI MTSAN NYID SKYE 'JIG SOGS DE YIN PA'I PHYIR, BZHI PA NI, SEMS KYI RJES 'JUG DE RNAMS CHOS CAN, RGYU BCUS SEMS KYI RJES 'JUG CES BYA STE, DUS KYI SGO NAS BZHI DANG 'BRAS BU SOGS TE RNAM SMIN DANG RGYU MTHUN GSUM DANG, DGE BA SOGS TE MI DGE BA LUNG MA BSTAN GSUM DANG BCU PO GANG RUNG YIN PAR CIG CAR RJES SU 'JUG PA GCIG DGOS PA'I PHYIR, DANG PO GRUB STE, SEMS DANG DE'I SKYE 'GAG SOGS BZHI DUS GCIG PA DGOS PA'I PHYIR, GNYIS PA GRUB STE, 'BRAS BU BYED 'BRAS DANG BRAL 'BRAS GNYIS DANG, RNAM SMIN DANG RGYU MTHUN GYI 'BRAS BU RNAMS GANG RUNG 'BYUNG BA GCIG DGOS PA'I PHYIR, GSUM PA GRUB STE, DGE SOGS GSUM PO GANG YIN PA GCIG DGOS PA'I PHYIR, DER THAL, SEMS DGE SOGS GSUM GYIS RANG RANG GI SEMS BYUNG DGE SOGS GSUM SO SOR SKYED PAR BYED PA'I PHYIR, LHAN CIG 'BYUNG BA'I RGYU 'BRAS NI BYE SMRA LTAR NA RGYU 'BRAS MTSAN NYID PA YIN KYANG, GONG MA RNAMS KYIS BTAGS PA BAR BZHED DE, DUS MNYAM LA RGYU 'BRAS MI BZHED PA'I PHYIR, GSUM PA SKAL MNYAM GYI RGYU LA, NGO BO SPYIR BSTAN PA DANG, NANG TSAN BYE BRAG TU BSHAD PA GNYIS, DANG PO NI, SKAL MNYAM RGYU NI 'DRA BA'O, ,ZHES BYUNG, SKAL MNYAM GYI RGYU CHOS CAN, 'JOG TSUL YOD DE, 'BRAS BU RANG DANG RIGS 'DRA BA ZHIG SKYED PA'I SGO NAS 'JOG PA'I PHYIR, DPER NA, DGE MI DGE LUNG MA BSTAN GSUM GYI SNGA MAS RANG GI RIGS 'DRA PHYI MA @53A *, ,SKYED PAR BYED PA LTA BU'O, ,GNYIS PA LA, NYON MONGS CAN DANG, NYON MONGS CAN MA YIN PA GNYIS LAS, DANG PO NI, RANG RIS SA PA'O SNGAR SKYES RNAMS, ,ZHES BYUNG, NYON MONGS CAN GYI SKAL MNYAM GYI RGYU CHOS CAN, KHYAD CHOS GSUM DANG LDAN TE, RAB DANG SPANG BYA RIGS GCIG PA, SA GCIG PA, 'BRAS BU'I SNGAR SKYES PA GSUM RNAMS DGOS PA'I PHYIR, DANG PO GRUB STE, MTHONG SPANG DANG SGOM SPANG LTA BUR RIGS GCIG PA DGOS PA'I PHYIR, GNYIS PA GRUB STE; KHAMS GSUM PO RANG RANG GI SAS BSDUS PA'I NYON MONGS KYIS RANG RANG GI SAS BSDUS KYI NYON MONGS PHYI MA'I SKAL MNYAM GYI RGYU BYED KYI, 'DOD PA'I MTHONG SPANG LTA BUS GONG MA'I MTHONG SPANG GI RGYU MI BYED PA SOGS YIN PA'I PHYIR, GSUM PA GRUB STE, 'BRAS BU DE'I SNGAR SKYES PAS PHYI MA SKYES PA DANG MA SKYES PA'I SKAL MNYAM GYI RGYU BYED KYI, DUS MNYAM PAS DE MI BYED PA'I PHYIR, GNYIS PA NI, SA DGU'I LAM NI PHAN TSUN DU, ,MNYAM DE'I KHYAD PAR CAN GYI YIN, ,SBYOR BYUNG DE GNYIS KHO NA'I YIN, ,THOS DANG BSAM BYUNG LA SOGS PA, ,ZHES BYUNG, GONG DU SA GCIG PA ZHIG DGOS PAR BSHAD PA NI NYON MONGS CAN GYI SKAL MNYAM GYI DBANG DU BYAS PA YIN GYI, ZAG MED LA NI DE LTAR MA NGES TE, ZAG MED KYI SA DGU LA BRTEN PA'I LAM NI PHAN TSUN MNYAM PAS MNYAM PA DANG, KHYAD PAR CAN GYI RGYU BYED PA'I PHYIR, DER THAL, LAM BDEN PHAN TSUN MTHO DMAN MNYAM PA DANG GONG MA'I SKAL MNYAM GYI RGYU BYED PA'I PHYIR, DER MA ZAD SBYOR BYUNG 'JIG RTEN PA'I LAM ZAG BCAS KYI DGE BA DE'ANG MNYAM PA DANG KHYAD PAR CAN GYI SKAL MNYAM GYI RGYU DE GNYIS KHO NAS BYED PA YIN TE, THOS BYUNG DANG BSAM BYUNG LA SOGS PA STE BSGOMS BYUNG RNAMS KYIS DE LTAR BYED PA'I PHYIR, DER THAL, 'DOD PA'I SAS @53B BSDUS KYI BSGOMS BYUNG MED KYANG THOS BYUNG DANG BSAMS BYUNG SNGA MAS PHYI MA'I SKAL MNYAM GYI RGYU BYED, GZUGS NI BSAMS BYUNG MED KYANG THOS BYUNG DANG BSGOMS BYUNG SNGA MAS PHYI MA'I SKAL MNYAM GYI RGYU BYED, GZUGS MED DU BSGOMS BYUNG SNGA MAS PHYI MA'I RGYU DE BYED PA'I PHYIR, 'DIR BSGOMS BYUNG 'JOG MTSAMS YOD DE, ZHI GNAS THOB PA NAS 'JOG PA'I PHYIR, BZHI PA MTSUNGS LDAN RGYU NI, MTSUNGS LDAN RGYU NI SEMS DAG DANG, ,SEMS BYUNG RTEN MTSUNGS CAN RNAMS SO, ,ZHES BYUNG, MTSUNGS LDAN GYI RGYU CHOS CAN, KHYOD 'JOG TSUL YOD DE, THUN MONG MA YIN PA'I BDAG RKYEN GCIG LA BRTEN PAR MTSUNGS PA CAN GYI SEMS DAG DANG, SEMS BYUNG RNAMS PHAN TSUN RGYU 'BRAS SU 'JOG PA'I PHYIR, DER THAL, DE DAG PHAN TSUN GCIG MED NA GCIG MI 'BYUNG BA'I RGYU 'BRAS YIN PA'I PHYIR, 'DI RGYU 'BRAS MTSAN NYID PAR BYE SMRAS 'DOD KYANG GZHAN GYIS BTAGS PA BAR 'DOD DO, ,LNGA PA KUN 'GRO'I RGYU NI, KUN 'GRO ZHES BYA NYON MONGS CAN, ,RNAMS KYI RANG SA KUN 'GRO LNGA, ,ZHES BYUNG, KUN 'GRO'I RGYU CHOS CAN, 'JOG TSUL YOD DE, RANG DANG RIGS DANG SA GCIG PA'I NYON MONGS DANG NYON MONGS CAN GYI KUN 'GRO'I RGYU DANG, DE MI GCIG PA'I NYON MONGS DANG NYON MONGS CAN RNAMS KYI KUN 'GRO'I RGYU GNYIS YOD PA'I PHYIR, KUN 'GRO LNGA YOD DE, TSOR 'DU SOGS LNGA LA BYED PA'I PHYIR, DRUG PA RNAM SMIN GYI RGYU NI, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,ZHES BYUNG, RNAM SMIN GYI RGYU CHOS CAN, 'JOG TSUL YOD DE, RNAM PAR SMIN PA 'BYIN BYED KYI MI DGE BA DANG, DGE BZAG BCAS RNAMS KHO NA DER 'JOG PA'I PHYIR, DE GNYIS CHOS CAN, RNAM SMIN GYI RGYU YIN TE, NGO BO STOBS DANG LDAN ZHING SRED PA'I RLAN DANG BCAS PA'I PHYIR, LUNG MA BSTAN RNAMS CHOS CAN, RNAM SMIN GYI RGYU MA YIN TE, SRED PA'I RLAN DANG BCAS KYANG NGO BO STOBS DANG MI LDAN @54A *, ,PA'I PHYIR, DGE BA ZAG MED RNAMS CHOS CAN, RNAM SMIN GYI RGYU MA YIN TE, NGO BO STOBS DANG LDAN KYANG SRED PA'I RLAN DANG MA BCAS PA'I PHYIR, RNAM SMIN GYI DON YANG YOD DE, RNAM PAR TE KHYAD PAR MI 'DRA BAR SMIN PA DE DE'I SGRA DON YIN PA'I PHYIR, GSUM PA DON BSDU NI, KUN 'GRO SKAL MNYAM DUS GNYIS PA, ,GSUM PO DAG NI DUS GSUM PA, ,ZHES BYUNG, KUN 'GRO DANG SKAL MNYAM GYI RGYU CHOS CAN, DUS GNYIS PA CAN YIN TE, 'DAS PAS DA LTAR BA DANG, DA LTAR BAS MA 'ONGS PA'I RGYU BYED PA CAN YIN PA'I PHYIR, LHAN CIG 'BYUNG BA MTSUNGS LDAN RNAM SMIN GYI RGYU GSUM PO DAG NI CHOS CAN, DUS GSUM PA CAN YIN TE, 'DAS PA DANG DA LTA BA DANG MA 'ONGS PAS KYANG MA 'ONGS PA SKYED PA'I PHYIR, 'DIR SPYI DON GYIS CUNG ZAD BSHAD NA, SPYIR RGYU DRUG GI NANG TSAN MI 'GAL TE, RGYU YIN NA BYED RGYU YIN PAS KHYAB PA'I PHYIR, GZHI DANG SBYAR NA 'GAL BA MANG STE, RNAM SMIN SKYES KYI SEMS DE'I RNAM SMIN GYI RGYU YIN NA, SEMS DE'I MTSUNGS LDAN DANG LHAN CIG 'BYUNG BA'I RGYU MIN DGOS PA'I PHYIR, DER THAL, DE'I MTSUNGS LDAN GYI RGYU DANG LHAN CIG 'BYUNG BA'I RGYU NI DE DANG DUS MNYAM YIN LA, DE'I RNAM SMIN GYI RGYU NI SNGA ROL TU BYUNG BA YIN PA'I PHYIR, DE'I KUN 'GRO DANG SKAL MNYAM GYI RGYU GANG RUNG YANG SEMS DE'I LHAN CIG 'BYUNG BA'I RGYU MIN TE, DE GNYIS RANG GI 'BRAS BU'I SNGON DU 'BYUNG BA'I PHYIR RO, ,GNYIS PA 'BRAS BU LA, MTSAN GZHI, 'BRAS BU GANG RGYU LAS SKYES PA, 'BRAS BU SO SO'I NGO BO DANG GSUM, DANG PO NI, 'DUS BYAS BRAL BCAS 'BRAS BU YIN, ,'DUS MA BYAS LA DE DAG MED, ,CES BYUNG, 'BRAS BU CHOS CAN, BZHAG TU YOD DE, 'DUS BYAS RNAMS DANG BRAL BA 'GOG BDEN BCAS PA DE YIN PA'I PHYIR, 'DUS MA BYAS CHOS CAN, KHYOD LA SKYED BYED KYI RGYU 'BRAS MTSAN NYID PA DE DAG @54B GANG YANG MED DE, RGYU DRUG 'BRAS BU LNGA'I BYED RGYU DANG BRAL 'BRAS MA GTOGS GZHAN SKYED BYED KYI RGYU 'BRAS MTSAN NYID PA MED PA'I PHYIR, GAL TE 'DUS MA BYAS LA SKYED BYED KYI RGYU 'BRAS MTSAN NYID PA YOD DE, BYED RGYU LA 'DUS MA BYAS YOD CING BRAL 'BRAS 'DUS MA BYAS YIN PA'I PHYIR NA MA KHYAB STE, BRAL 'BRAS LAM BDEN GYI STOBS KYIS THOB KYANG DE LAM BDEN LAS BYUNG BA MA YIN PA'I PHYIR, GNYIS PA NI, RNAM SMIN 'BRAS BU THA MA'I YIN, ,BDAG PO'I 'BRAS BU DANG PO'I YIN, ,RGYU MTHUN SKAL MNYAM KUN 'GRO BA'I, ,SKYES BU BA NI GNYIS KYI YIN, ,ZHES BYUNG, RNAM SMIN GYI 'BRAS BU CHOS CAN, KHYOD KYI RGYU YOD DE, RGYU DRUG GI THA MA RNAM SMIN GYI RGYU LAS BYUNG BA YIN PA'I PHYIR, BDAG PO'I 'BRAS BU CHOS CAN, KHYOD KYI RGYU YOD DE, RGYU DANG PO BYED RGYU LAS BYUNG BA YIN PA'I PHYIR, RGYU MTHUN GYI 'BRAS BU CHOS CAN, RGYU GNYIS KYI 'BRAS BU YIN TE, SKAL MNYAM DANG KUN 'GRO'I RGYU LAS BYUNG BA'I PHYIR, SKYES BU BYED PA'I 'BRAS BU CHOS CAN, KHYOD KYI RGYU YOD DE, LHAN CIG 'BYUNG BA DANG MTSUNGS LDAN GYI RGYU GNYIS LAS BYUNG BA YIN PA'I PHYIR, GSUM PA NI, RNAM SMIN LUNG DU MA BSTAN CHOS, ,SEMS CAN BRJOD LUNG BSTAN PHYIS 'BYUNG, ,RGYU MTHUN RGYU DANG 'DRA BA'O, ,BRAL BA BLO YIS ZAD PA'O, ,GANG GIS STOBS KYIS GANG SKYES PA, ,'BRAS DE SKYES BU BYED LAS SKYES, ,SNGON BYUNG MA YIN 'DUS BYAS NI, ,'DUS BYAS KHO NA'I BDAG PO'I 'BRAS, ,ZHES BYUNG, RNAM SMIN GYI 'BRAS BU CHOS CAN, KHYOD KYI CHOS GSUM LAS DANG PO YOD DE, MI DGE BA DANG DGE BA GANG RUNG MA YIN ZHING MA BSGRIBS LUNG DU MA BSTAN PA'I CHOS YIN PA ZHIG YIN PA'I PHYIR, MI DGE BA MIN TE, DGRA BCOM PA'I RGYUD LA YOD PA'I PHYIR, DGE BA MIN TE, DGE RTZA CHAD PA LA'ANG YOD PA'I PHYIR, PHYI MA GRUB STE, 'BRAS BU RNAM SMIN PA 'BYON PA'I ZAG BCAS YIN PA'I @55A *, ,PHYIR, DE'I CHOS GNYIS PA YOD DE, SEMS CAN DU BRJOD PA RGYUD KYIS BSDUS PA ZHIG YIN PA'I PHYIR, GSUM PA YOD DE, RANG RGYU LUNG DU BSTAN PA ZAG BCAS KYI DGE MI DGE GANG RUNG LAS PHYIS 'BYUNG BA ZHIG YIN PA'I PHYIR, RGYU MTHUN GYI 'BRAS BU CHOS CAN, BZHAG TU YOD DE, RANG RGYU DANG RIS 'DRA BA'I 'BRAS BU ZHIG LA BYED PA'I PHYIR, DER THAL, RANG RGYU SKAL MNYAM GYI RGYU DANG KUN 'GRO'I RGYU LAS BYUNG BA'I PHYIR, BRAL BA'I 'BRAS ? BU CHOS CAN, 'JOG TSUL YOD DE, BLO BAR CHAD MED LAM GYI STOBS KYIS RANG GI NGO SKAL GYI SPANG BYA ZAD PAR SPANGS PA'I 'GOG BDEN LA 'JOG PA'I PHYIR, SKYES BU BYED PA'I 'BRAS BU CHOS CAN, KHYOD KYI NGO BO BZHAG TU YOD DE, RGYU GANG GI STOBS KYIS 'BRAS BU GANG SKYES PA DE DE YIN PA'I PHYIR, DER THAL, 'GOG BDEN YANG SKYES BU BYED 'BRAS YIN LA, ZHING PAS BSGRUBS PA'I LO TOG DANG, BZO BOS BYAS PA'I KHANG PA DANG, RNAM GROL LAM RNAMS DANG, ZAG BCAS KYIS ZAG MED BSKYED PA RNAMS DANG, SA MI GCIG PA'I NYON MONGS CAN GCIG LAS GCIG SKYES PA SOGS DE YIN PA'I PHYIR, SHES BYA CHOS CAN, BDAG PO'I 'BRAS BU YOD DE, RGYU DE'I SNGON DU BYUNG BA MA YIN PA'I 'DUS BYAS RGYU DE'I BDAG PO'I 'BRAS BU YIN PA'I PHYIR, BDAG 'BRAS LA 'DUS MA BYAS YOD DAM ZHE NA MED DE, 'DUS BYAS KHO NA'I STENG NAS 'JOG PA'I PHYIR, SKYES BU BYED 'BRAS DANG BDAG 'BRAS GNYIS MI 'GAL TE, RGYU BYED PA PO DANG LHAN CIG DANG DE MA THAG BYUNG BA'I 'BRAS BU DE DE GNYIS KA YIN PA'I PHYIR RO, ,GSUM PA RGYU 'BRAS GNYIS KA'I THUN MONG GI CHOS LA, 'BRAS BU 'DZIN 'BYIN GYI KHYAD PAR DANG, 'BRAS BU GANG RGYU DU ZHIG GIS SKYED PA GNYIS, DANG PO NI, LNGA PO DE LTAR 'BRAS BU 'DZIN, ,GNYIS NI RAB TU @55B 'BYIN PA YIN, ,DA LTAR GYI DANG 'DAS PA DAG ,GCIG NI 'DAS PAS 'BYIN PAR 'GYUR, ,ZHES BYUNG, BYED RGYU MA GTOGS PA'I RGYU LNGA PO CHOS CAN, DA LTAR BA'I 'BRAS BU 'DZIN PA YIN TE, 'DAS PAS BZUNG ZIN NAS 'DAS, MA 'ONGS PA LA BYED 'BRAS MED PAS 'DZIN PA'I NUS PA MED PA'I PHYIR, LHAN CIG 'BYUNG BA DANG MTSUNGS LDAN GYI RGYU GNYIS NI CHOS CAN, 'BRAS BU RAB TU STE RGYU DA LTAR BA DANG DUS MNYAM DU DANG PO NAS 'BYIN PAR BYED DE, 'BRAS BU 'DZIN 'BYIN GNYIS CIG CAR DE LTAR GYI DUS SU MNYAM DU BYED PA'I PHYIR, SKAL MNYAM DANG KUN 'GRO'I RGYU GNYIS CHOS CAN, DA LTAR BA RGYU MTHUN GYI 'BRAS BU DANG 'DAS PA'I RGYU MTHUN GYI 'BRAS BU GNYES DAG 'BYIN PA YOD DE, SKAD CIG GZHAN GYIS PAR MA CHOD PA'I 'BRAS BU 'BYIN NA DA LTAR GYI DUS SU DE 'BYIN PA DANG, BAR CHOD PA'I 'BRAS BU 'BYIN NA 'DAS PA'I DUS SU DE 'BYIN PA'I BYA BA BYED PA'I PHYIR, 'BRAS BU 'DZIN ZHES PA'I DON YOD DE, RGYAL SRAS MA LAS, 'DZIN ZHES BYA BA NI 'PHEN PAR BYED PA STE, SA BON GYI DNGOS PO NYE BAR GNAS ZHES BYA BA'I THA TSIG GO ZHES GSUNGS PA LTAR YIN PA'I PHYIR, 'BRAS BU 'DZIN LA MI 'BYIN PA YANG YOD DE, DGE RTZA CHAD KHA'I CHUNG NGU'I CHUNG NGU LTA BU YIN PA'I PHYIR, 'DZIN 'BYIN GNYIS KA YIN PA YOD DE, DGE RTZA MA CHAD PA'I SKABS PHAL CHER DE YIN PA'I PHYIR, RNAM SMIN GYI RGYU GCIG PU NI CHOS CAN, KHYOD 'DAS PA KHO NAS 'BRAS BU 'BYIN PA YIN TE, LHAN CIG GAM DE MA THAG KHYOD KYI 'BRAS BU 'BYUNG BA MED PA'I PHYIR RO, ,GNYIS PA LA, MTSUNGS LDAN RGYU DU LAS BYUNG BA DANG, MTSUNGS LDAN MIN PA RGYU DU LAS BYUNG BA GNYIS, DANG PO NI, NYON MONGS CAN DANG RNAM SMIN SKYES, ,LHAG DANG DANG PO 'PHAGS RIM BZHIN, ,RNAM SMIN KUN 'GRO DE GNYIS DANG, ,SKAL MNYAM MA GTOGS LHAG @56A *, ,LAS SKYES, ,SEMS DANG SEMS LAS BYUNG BA YIN, ,ZHES BYUNG, SHES BYA CHOS CAN, SKABS 'DIR CHOS BZHI YOD DE, NYON MONGS CAN DANG RNAM SMIN SKYES DANG, ZAG MED DANG PO DANG, DE GSUM GYI LHAG MA'I 'DUS BYAS DANG BZHI YOD PA'I PHYIR, RIM PA BZHIN NYON MONGS CAN CHOS CAN, RGYU LNGA LAS SKYES TE, RNAM SMIN GYI RGYU MA GTOGS GZHAN LNGA LAS SKYES PA'I PHYIR, RNAM SMIN LAS SKYES PA CHOS CAN, RGYU LNGA LAS SKYES TE, KUN 'GRO MA GTOGS LHAG MA LNGA LAS SKYES PA'I PHYIR, LUNG MA BSTAN RNAMS DANG ZAG MED SKAD CIG GNYIS PA PHAN CHAD KYI DGE BA RNAMS CHOS CAN, RGYU BZHI LAS SKYES TE, RNAM SMIN GYI RGYU DANG KUN 'GRO'I RGYU GNYIS MA GTOGS LHAG MA BZHI LAS SKYES PA'I PHYIR, ZAG MED SKAD CIG DANG PO 'PHAGS PA'I LAM NI CHOS CAN, RGYU GSUM LAS SKYES TE, RNAM SMIN GYI RGYU KUN 'GRO'I SGYU SKAL MNYAM GYI RGYU MA GTOGS, LHAG MA BYED LHAN MTSUNGS LDAN GYI RGYU GSUM LAS SKYES PA'I PHYIR, CHOS BZHI PO DE DAG 'DUS BYAS SPYIR MA ZAD GTZO BOR MTSUNGS LDAN GYI DBANG DU BYAS PA YIN TE, SEMS DANG SEMS BYUNG GI DBANG DU BYAS PA'I PHYIR, GNYIS PA NI, MTSUNGS LDAN MA GTOGS GZHAN DE BZHIN, ,ZHES BYUNG, MTSUNGS LDAN MA GTOGS PA'I 'BRAS BU CHOS CAN, KHYOD KYI RGYU LA DU MA YOD DE, SNGAR BSHAD PA DE BZHIN DU BZHI DANG GSUM DANG GNYIS YOD PA'I PHYIR, DER THAL, GZHAN SDOM MIN DANG DBANG PO NYON MONGS CAN DANG NYON MONGS CAN GYI LDAN MIN SOGS NI RNAM SMIN DANG MTSUNGS LDAN MA GTOGS PA'I RGYU BZHI LAS SKYES, SO THAR DANG BSAM GTAN LA SOGS PA'I DGE BA LDAN MIN DANG SKYE 'JIG SOGS KYI LUNG MA BSTAN RNAMS NI, RNAM SMIN @56B KUN 'GRO MTSUNGS LDAN MA GTOGS PA GZHAN GSUM LAS SKYES, ZAG MED KYI SDOM PA LTA BU NI BYED RGYU DANG LHAN CIG GI RGYU GNYIS LAS SKYES PA'I PHYIR, DE CHOS CAN, MTSUNGS LDAN GYI RGYU LAS MA BYUNG STE, LDAN MIN YIN PA'I PHYIR, GNYIS PA RKYEN BYE BRAG TU BSHAD PA LA, SPYIR BSTAN PA DANG, DE MA THAG RKYEN BYE BRAG TU BSHAD PA GNYIS, DANG PO LA, DBYE BA MDOR BSTAN PA DANG, SO SO'I RANG BZHIN RGYAS PAR BSHAD PA, DE DAG GI KHYAD CHOS GZHAN BSHAD PA GSUM, DANG PO NI, RKYEN NI BZHI PO DAG TU GSUNGS, ,ZHES BYUNG, RKYEN CHOS CAN, KHYOD LA DBYE NA BZHI YOD DE, RGYU RKYEN DMIGS RKYEN BDAG RKYEN DE MA THAG RKYEN DANG BZHI YOD PA'I PHYIR, GNYIS PA NI, RGYU ZHES BYA BA RGYU LNGA YIN, ,SEMS DANG SEMS BYUNG SKYES PA RNAMS, , THA MA MIN MTSUNGS DE MA THAG ,DMIGS PA CHOS RNAMS THAMS CAD DE, ,BYED RGYU ZHES BYA BDAG POR BSHAD, ,CES BYUNG, RGYU DANG RKYEN GNYIS 'GAL LAM ZHE NA, MI 'GAL TE, BYED RGYU MA GTOGS PA'I RGYU ZHES BYA BA LNGA PO DE RGYU'I RKYEN YIN PA'I PHYIR, SEMS DANG SEMS BYUNG SKYES PA PHAL CHE BA RNAMS CHOS CAN, MTSUNGS PA DE MA THAG RKYEN YIN TE, RANG GI MTSUNGS PA DE MA THAG SHES PA PHYI MA SKYED PA'I RIG PA YIN PA'I PHYIR, DGRA BCOM PA'I THA MA'I SEMS SEMS BYUNG RNAMS CHOS CAN, MTSUNGS PA DE MA THAG RKYEN MIN TE, NYER 'BRAS RIG PA PHYI MA MED PA'I PHYIR, GZUGS SOGS KYI CHOS THAMS CAD CHOS CAN, DMIGS PA'I RKYEN DNGOS BTAGS GANG RUNG YIN TE, GZUGS MIG GI RNAM SHES KYI DMIGS RKYEN YIN PA NAS CHOS THAMS CAD YID KYI RNAM SHES KYI DMIGS RKYEN YIN PA'I PHYIR, BDAG PO'I RKYEN CHOS CAN, BZHAG TU YOD DE, BYED RGYU ZHES BYA BA DE KHYOD DU BSHAD PA'I PHYIR, 'DIR SPYI DON GYIS CUNG ZAD BSHAD NA, SPYIR RGYU RKYEN GNYIS MI @57A *, ,'GAL TE, DE GNYIS YIN KHYAB MNYAM YIN PA'I PHYIR, GZHI GCIG LA LTOS NA KHYAD PAR YOD DE, CHOS DE'I NYER LEN NI RGYU RKYEN GNYIS SU PHYE BA'I RGYU YIN LA, DE'I LHAN CIG BYED PA NI DE GNYIS SU PHYE BA'I RKYEN YIN PA'I PHYIR, 'DUS BYAS MA YIN PA'I CHOS NI, DMIGS RKYEN DNGOS GNAS PAR 'DOD PAR MI BYA STE, DE RKYEN MA YIN PA'I PHYIR, BYE SMRAS NYON MONGS CAN GYI SEMS KYIS NYON MONGS CAN GYI SEMS PHYI MA KHO NA'I DE MA THAG RKYEN BYED PA PO SOGS SU 'DOD KYI; SLOB DPON NI DE MI BZHED DE, ZAG BCAS KYI SEMS SEMS BYUNG GIS NI, ZAG MED KYI SEMS SEMS BYUNG GI DE MA THAG RKYEN BYED PAR BZHED PA'I PHYIR, DER THAL, SBYOR LAM GYIS MTHONG LAM GYI DE MA THAG BYED PA'I TSUL SOGS BZHED PA'I PHYIR, GZUGS CAN LA MTSUNGS PA DE MA THAG MED DE, DE DANG MTSUNGS LDAN MED PA'I PHYIR, DE MA THAG RKYEN YIN NA, MTSUNGS PA DE MA THAG YIN PAS MA KHYAB STE, DE LA MU BZHI BSHAD PA'I PHYIR, GNYID 'THUG PO DANG 'GOG PA DANG 'DU SHES MED PA LAS LANGS MA THAG PA'I DBANG SHES KYI DE MA THAG RKYEN LA 'DOD TSUL MI 'DRA BA 'GA' RE SNANG STE, MKHAS PA KHA CIG GIS GNYID DANG SNYOMS 'JUG LAS LANGS KHA MA'I YID SHES LA 'DOD CING, GZHAN DAG DE DAG TU 'JUG KHA MA'I DBANG SHES LA 'DOD PA'I PHYIR, BYED RGYU RNAMS BDAG RKYEN DU BSHAD PAS RGYU YIN NA SPYIR BDAG RKYEN YIN PAS KHYAB LA, BDAG RKYEN ZHES PA'I SGRA DON YOD DE, MANG PO'I RKYEN DANG LHAG PA'I RKYEN ZHES PA'I DON YIN PA'I PHYIR, GSUM PA LA, RKYEN GANG GIS 'BRAS BU GANG LA BYA BA BYED TSUL, 'BRAS BU GANG RKYEN GANG LAS BYUNG TSUL, 'BYUNG BA DANG 'BYUNG 'GYUR GNYIS RKYEN DANG RKYEN CAN DU 'GYUR TSUL GSUM, DANG PO NI, RGYU GNYIS PO DAG 'GAG PA LA, ,BYA BA BYED DO GSUM PO NI, ,SKYE LA'O DE LAS GZHAN @57B PA YI, ,RKYEN DAG DE LAS BZLOG PA YIN, ,ZHES BYUNG, SHES BYA CHOS CAN, RGYU LNGAS 'BRAS BU DUS GSUM PO GANG LA BYA BA BYED TSUL YOD DE, LDAN MTSUNGS GNYIS PO DAG GIS 'BRAS BU 'GAG PA MNGON DU PHYOGS PA LA BYA BA BYED, SKAL KUN RNAM SMIN GSUM PO YIS NI SKYE BA LA MNGON DU PHYOGS PA MA 'ONGS PA LA BYA BA BYED PA'I PHYIR, DANG PO GRUB STE, DE GNYIS KYIS 'BRAS BU DA LTA BA DUS MNYAM PA 'DZIN 'BYIN GNYIS DANG LONGS SPYOD PA'I BYA BA GSUM BYED PA'I PHYIR, GNYIS PA GRUB STE, DE GSUM GYIS 'BRAS BU MA 'ONGS PA'I SKYE BA KHO NA LA BYA BA BYED PA'I PHYIR, DER THAL, RANG 'BRAS 'PHANGS PA'I RJES SU SKYE BA'I PHYIR, DE LAS GZHAN PA YI RKYEN DE MA THAG RKYEN DMIGS RKYEN BDAG RKYEN GSUM PO DAG NI CHOS CAN, RKYEN LNGA PO GNYIS SU BSHAD PA DE LAS GO RIM BZLOG NAS BYED PA YIN TE, MTSUNGS RKYEN GYI SKYE BA'I GO SKABS 'BYED PAS MA 'ONGS PA LA BYA BA BYED, DMIGS RKYEN GYIS DA LTA BYUNG BA 'DZIN PAS 'GAG BZHIN PA LA BYA BA BYED, BDAG RKYEN GYIS SKYE 'GAG THAMS CAD LA BYA BA BYED PA'I PHYIR, GNYIS PA NI, BZHI YIS SEMS DANG SEMS BYUNG RNAMS, ,GSUM GYIS SNYOMS PAR 'JUG PA GNYIS, ,GZHAN NI GNYIS PO DAG LAS SKYE, ,DBANG PHYUG SOGS MIN RIM SOGS PHYIR, ,ZHES BYUNG, SEMS DANG SEMS BYUNG RNAMS CHOS CAN, RKYEN BZHI LAS SKYES PA YIN TE, RANG GI RGYU RKYEN DANG BDAG RKYEN LAS SKYE BA GANG ZHIG ,DMIGS RKYEN DANG DE MA THAG RKYEN LAS SKYE, DE BZHI MA TSANG BAR KHYOD SKYE BA MED PA'I PHYIR, DANG PO GRUB STE, 'DUS BYAS YIN PA'I PHYIR, GNYIS PA GRUB STE, SHES PA YIN PA'I PHYIR, DER THAL, BZHI YIS SEMS DANG SEMS BYUNG RNAMS, ,ZHES GSUNGS PA'I PHYIR, 'DU SHES MED PA DANG 'GOG PA'I SNYOMS PAR 'JUG PA GNYIS CHOS CAN, RKYEN GSUM LAS SKYE STE, RGYU RKYEN DANG BDAG RKYEN DANG DE MA @58A *, ,THAG RKYEN GSUM LAS SKYE BA'I PHYIR, DANG PO GRUB STE, SKAL MNYAM LAS SKYE BA'I PHYIR, GNYIS PA GRUB STE, LHAN CIG 'BYUNG RGYU LAS SKYE BA'I PHYIR, GSUM PA GRUB STE, SNYOMS PAR 'JUG KHA MA'I SEMS DANG BCAS PA LAS SKYE BA'I PHYIR, CHOS GZHAN MTSUNGS LDAN MIN PA'I 'DU BYED DANG GZUGS CAN RNAMS NI CHOS CAN, RKYEN GNYIS LAS SKYE STE, RGYU RKYEN DANG BDAG RKYEN GNYIS PO DAG LAS SKYE BA'I PHYIR, RKYEN LA RNAM PA BZHIR NGES TE, PHYI ROL PAS 'DOD PA LTAR DBANG PHYUG RTAG PA SOGS TE RANG BZHIN RTAG PA DANG, DUS RTAG PA DANG, NGO BO NYID DANG, RDUL PHRAN RTAG PA SOGS RKYEN DU MI RUNG BA'I PHYIR, DER THAL, 'BRAS BU RNAMS RIM GYIS SKYE BA'I PHYIR DANG, SOGS PAS RES 'GA' SKYE BA'I PHYIR, GSUM PA LA, 'BYUNG BA RGYUR BYAS PA DANG, 'BYUNG GYUR RGYUR BYAS PA GNYIS, DANG PO LA, 'BYUNG BA SKYED PA DANG, 'BYUNG GYUR SKYED PA GNYIS, DANG PO NI, DE'I RGYU 'BYUNG BA RNAM PA GNYIS, ,ZHES BYUNG, 'BYUNG BA DE'I RGYU 'BYUNG BA CHOS CAN, RNAM PA GNYIS SU YOD DE, LHAN CIG BYED PA DANG SKAL MNYAM GYI RGYU GNYIS YOD PA'I PHYIR, DER THAL, 'BYUNG BAS RANG DANG DUS MNYAM PA'I 'BYUNG BA GZHAN SKYED PAS LHAN CIG 'BYUNG BA'I RGYU DANG, 'BYUNG BAS RIGS 'DRA PHYI MA'I 'BYUNG BA SKYED PAS SKAL MNYAM GYI RGYU BYED PA'I PHYIR, GNYIS PA NI, 'BYUNG LAS GYUR PA'I RNAM PA LNGA, ,ZHES BYUNG, 'BYUNG BA CHOS CAN, KHYOD KYIS 'BYUNG BA LAS GYUR PA'I RGYU RNAM PA LNGA BYED DE, DE SKYED PA'I RGYU DANG GNAS PA'I RGYU DANG RTEN PA'I RGYU DANG MI CHAD PA DANG 'PHEL BA'I RGYU LNGA BYED PA'I PHYIR, DANG PO GRUB STE, DE LAS 'BYUNG GYUR SKYE BA'I PHYIR, GNYIS PA GRUB STE, 'BYUNG BA DE 'BYUNG GYUR 'PHEL 'GRIB KYI GZHI YIN PA'I PHYIR, @58B GSUM PA GRUB STE, DE 'BYUNG GYUR GYI RTEN YIN PA'I PHYIR, PHYI MA GNYIS GRUB STE, DES 'BYUNG GYUR RGYUN MI CHAD PA DANG GONG 'PHEL DU BYED PA'I PHYIR, GNYIS PA NI, 'BYUNG GYUR LAS RANG NYID SKYE BA DANG, DE LAS 'BYUNG BA BSKYED PA GNYIS, DANG PO NI, 'BYUNG GYUR RNAM GSUM PHAN TSUN DU, ,ZHES BYUNG, 'BYUNG GYUR CHOS CAN, KHYOD KYIS 'BYUNG GYUR GZHAN GYI RGYU GSUM BYED DE, LHAN CIG SKAL MNYAM RNAM SMIN GYI RGYU GSUM BYED PA'I PHYIR, DER THAL, BSAM GTAN DANG ZAG MED KYI SDOM PA DANG TSOGS PA GCIG PA RNAMS NI PHAN TSUN LHAN CIG 'BYUNG BA'I RGYU 'BRAS DANG, 'BYUNG GYUR SNGA MAS PHYI MA'I SKAL MNYAM GYI RGYU DANG, MI DGE BA DANG DGE BA LAS NGAN SONG DANG MTHO RIS KYI DBANG LUS RNAMS 'BYUNG BA'I PHYIR, GNYIS PA NI, 'BYUNG BA RNAMS KYI DE RNAMS GCIG ,CES BYUNG, 'BYUNG GYUR DE RNAMS CHOS CAN, KHYOD KYIS 'BYUNG BA RNAMS KYI RNAM SMIN GYI RGYU GCIG PU BYED DE, TSE 'DI'I LUS NGAG GI RNAM PAR RIG BYED LAS PHYI MA'I RNAM SMIN SKYES KYI MIG SOGS DBANG PO'I TSOGS PAR YOD PA'I 'BYUNG BA'I RGYU BYED PA'I PHYIR, GNYIS PA DE MA THAG RKYEN LA, BCU GNYIS SU DBYE BA, NYI SHUR DBYE BA, BCU GNYIS PO GANG LAS GANG GSAR DU RNYED TSUL GSUM, DANG PO LA, DBYE BA DNGOS DANG, DE MA THAG PA'I RKYEN DANG RKYEN CAN SBYAR BA GNYIS, DANG PO NI, 'DOD YID DGE DANG MI DGE DANG, ,BSGRIB PA DANG NI MA BSGRIB PA, ,GZUGS DANG GZUGS MED PA DAG NA, ,MI DGE LAS GZHAN ZAG MED GNYIS, ,ZHES BYUNG, SEMS SA MA ? YID CHOS CAN, BCU GNYIS YOD DE; 'DOD PA NA YID DGE BA DANG MI DGE BA DANG, BSGRIBS LUNG MA BSTAN DANG, MA BSGRIBS LUNG MA BSTAN DANG BZHI, GZUGS DANG GZUGS MED PA'I KHAMS DAG NA MI DGE BA LAS GZHAN PA'I DGE BA DANG LUNG MA BSTAN GYI SEMS GSUM @59A *, ,GSUM STE DRUG DANG, SLOB MI SLOB KYI ZAG MED KYI SEMS GNYIS DANG BCU GNYIS YOD PA'I PHYIR, GNYIS PA LA, 'DOD PA DANG, GZUGS DANG, GZUGS MED DANG, ZAG MED KYI DBANG DU BYAS PA BZHI, DANG PO NI, 'DOD SEMS DGE BA LAS SEMS DGU, ,DE NI BRGYAD PO KHO NA LAS, ,MI DGE BA NI BCU DAG LAS, ,DE LAS BZHI STE BSGRIBS DE BZHIN, ,MA BSGRIBS PA NI LNGA DAG LAS, ,DE LAS MJUG THOGS SEMS BDUN NO, ,ZHES BYUNG, RTZA BAR 'DI DAG GI SKABS SU SGRIB MA SGRIB GNYIS KYI YI GE LA BAS PHUL SA'I MTHA' RTEN 'BYUNG YANG DON LA KHYAD MI SNANG BAS 'DIR SPYI LTAR DE DAG MED PAR BYAS TE BSHAD NA, 'DOD PA'I DGE BA'I SEMS CHOS CAN, DE MA THAG RKYEN GYI DBANG DU BYAS TSE KHYOD KYI MJUG THOGS DE MA THAG LAS SEMS DGU 'BYUNG BA YOD DE, RGYUN DANG SA MTSUNGS KYI SGO NAS RANG SA'I BZHI, NYING MTSAMS SBYOR BA'I TSE GONG MA'I SGRIB LUNG MA BSTAN GNYIS, SNYOMS 'JUG GI TSE GZUGS KYI DGE BA GCIG ,SLOB MI SLOB KYI ZAG MED GNYIS DANG DGU 'BYUNG BA YOD PA'I PHYIR, DANG PO GRUB STE, RGYUN GYI TSE 'DOD PA'I DGE SEMS GCIG DANG SA MTSUNGS KYI MI DGE BA DANG LTA BA GANG RUNG DANG MTSUNGS LDAN GYI SGRIB LUNG MA BSTAN DANG RANG SA'I SPYOD LAM NYON MONGS CAN MA YIN PA'I LUNG MA BSTAN DANG BZHI 'BYUNG BA YOD PA'I PHYIR, GNYIS PA GRUB STE, GZUGS DANG GZUGS MED GANG RUNG DU SKYE NA DE GNYIS KYI NYON MONGS CAN GANG RUNG DANG BCAS SGRIB LUNG MA BSTAN GNYIS YOD PA'I PHYIR, GSUM PA GRUB STE, 'DOD PA'I DGE BA SBYOR BYUNG GI MJUG TU BSAM GTAN DANG PO'I NYER BSDOGS DANG DNGOS GZHI GANG RUNG GCIG 'BYUNG BA'I PHYIR, BZHI PA GRUB STE, 'DOD PA'I DGE SEMS KYI MJUG TU SLOB MI SLOB KYI SEMS ZAG @59B MED GNYIS 'BYUNG BA'I PHYIR, 'DOD PA'I DGE SEMS DE NI CHOS CAN, SEMS BRGYAD PO KHO NA'I MJUG TU 'BYUNG BA YOD DE, RGYUN DANG SA MTSUNGS KYI TSE SNGAR LTAR RANG SA'I BZHI DANG SNYOMS 'JUG LAS LDANG BA'I TSE GZUGS KYI DAG SEMS GCIG DANG, SLOB MI SLOB KYI SEMS ZAG MED GNYIS DANG, NYON MONGS KYIS GZIR BA'I TSE GZUGS KYI SGRIB LUNG MA BSTAN GYI SEMS TE BRGYAD LAS 'BYUNG BA YOD PA'I PHYIR, MI DGE BA NI CHOS CAN, KHYOD BCU DAG LAS 'BYUNG BA YOD DE, RGYUN SA'I BZHI DANG, NYING MTSAMS SBYOR BA'I TSE GZUGS DANG GZUGS MED KYI SEMS GSUM GSUM STE DRUG LAS 'BYUNG BA YOD PA'I PHYIR, MI DGE BA CHOS CAN, KHYOD LAS BZHI 'BYUNG BA YOD DE, RGYUN SA'I BZHI 'BYUNG BA YOD PA'I PHYIR, 'DOD PA'I SGRIB LUNG MA BSTAN NI DE BZHIN DU BCU LAS DANG DE BZHI LAS 'BYUNG BA YOD DE, SNGAR LTAR SKYE BA'I PHYIR, 'DOD PA'I MA SGRIB LUNG MA BSTAN GYI SEMS CHOS CAN, KHYOD SEMS LNGA'I DE MA THAG TU 'BYUNG BA YOD DE, RANG SA'I BZHI DANG SPRUL PA PO 'JUG PA'I TSE GZUGS KYI DGE SEMS DAG LAS 'BYUNG BA YOD PA'I PHYIR, DE CHOS CAN, KHYED LAS MJUG THOGS SU SEMS BDUN 'BYUNG BA YOD DE, RGYUN DANG SA MTSUNGS KYI TSE NA, RANG SA'I BZHI DANG, KHAMS GONG MA GNYIS SU NYING MTSAMS SBYOR BA'I TSE DE GNYIS KYI NYON MONGS CAN GNYIS DANG, SPRUL SEMS LAS LDANG BA'I TSE GZUGS KYI DGE SEMS GCIG DANG BDUN 'BYUNG BA'I PHYIR, GNYIS PA NI, GZUGS NA DGE LAS BCU GCIG GO, DE NI DGU YI MJUG THOGS SU, ,BSGRIBS PA BRGYAD LAS DE LAS DRUG ,MA BSGRIBS PA NI GSUM LAS SO, ,DE LAS DRUG STE, ZHES BYUNG, GZUGS KYI DGE BA'I SEMS CHOS CAN, KHYOD LAS BCU GCIG 'BYUNG BA YOD DE, RGYUN DANG SA MTSUNGS KYI TSE RANG SA'I DGE BA DANG, LUNG MA BSTAN GNYIS TE GSUM, LDANG BA'I TSE 'DOD PA'I @60A *, ,DGE BA, SPRUL 'JUG GI TSE 'DOD PA'I MA SGRIB PA, NYING 'TSAMS SBYOR BA'I TSE 'DOD PA'I MI DGE BA DANG SGRIB LUNG MA BSTAN GYI SEMS DANG, GZUGS MED KYI SGRIB LUNG MA BSTAN GYI SEMS, SNYOMS 'JUG GI TSE GZUGS MED KYI DGE BA DANG ZAG MED KYI SEMS GNYIS DANG BCU GCIG YOD PA'I PHYIR, DE NI CHOS CAN, KHYOD SEMS DGU'I MJUG THOGS SU 'BYUNG BA YOD DE, RGYUN MTSUNGS KYI TSE RANG SA'I GSUM, SNYOMS 'JUG GI TSE 'DOD PA'I DGE SEMS, LDANG BA'I TSE GZUGS MED KYI DGE BA DANG ZAG MED GNYIS, SBRUL LDANG GI TSE 'DOD PA'I MA SGRIB PA, NYON MONGS CAN GYIS GZIR BA'I TSE GZUGS MED KYI SGRIB PA LAS 'BYUNG BA'I PHYIR, GZUGS KYI SGRIB LUNG MA BSTAN GYI SEMS CHOS CAN, SEMS BRGYAD LAS 'BYUNG STE, RGYUN MTSUNGS KYI TSE RANG SA'I GSUM, NYING MTSAMS SBYOR BA'I TSE GZUGS MED KYI GSUM, 'DOD PA'I DGE BA DANG MA SGRIB PA'I SEMS GNYIS LAS 'BYUNG BA YOD PA'I PHYIR, DE CHOS CAN, KHYOD LAS SEMS DRUG 'BYUNG BA YOD DE, RGYUN MTSUNGS KYI TSE RANG SA'I GSUM DANG, NYID MTSAMS SBYOR BA'I TSE 'DOD PA'I MI DGE BA DANG SGRIB PA GNYIS, NYON MONGS KYIS GZIR BA'I TSE 'DOD PA'I DGE BA STE DRUG 'BYUNG BA'I PHYIR, GZUGS KYI MA SGRIB PA'I SEMS CHOS CAN, GSUM LAS 'BYUNG STE, RANG SA'I GSUM LAS 'BYUNG BA'I PHYIR, DE CHOS CAN, KHYOD LAS DRUG 'BYUNG STE, RANG SA'I GSUM DANG, NYING MTSAMS SBYOR BA'I TSE 'DOD PA'I MI DGE BA DANG SGRIB LUNG MA BSTAN GNYIS DANG GZUGS MED KYI NYON MONGS CAN TE DRUG 'BYUNG BA'I PHYIR, GSUM PA NI, GZUGS MED PA'ANG, ,DE YI TSUL LO DGE BA LAS, ,SEMS DGU DAG GO DE DRUG GI, BSGRIBS PA LAS @60B BDUN DE DE BZHIN, ,ZHES BYUNG, GZUGS MED KYI MA SGRIB PA'ANG GZUGS KYI DE YI TSUL LTAR YIN TE, DE RANG SA'I GSUM LAS 'BYUNG ZHING DE LAS RANG SA'I GSUM DANG, NYING 'TSAMS SBYOR BA'I TSE GZUGS KYI GCIG DANG, 'DOD PA'I NYON MONGS CAN GNYIS DANG DRUG 'BYUNG BA'I PHYIR, GZUGS MED KYI DGE BA CHOS CAN, KHYOD LAS SEMS DGU DAG 'BYUNG STE, RGYUN DANG SA MTSUNGS KYI TSE RANG SA'I GSUM, NYING 'TSAMS SBYOR BA'I TSE GZUGS KYI SGRIB PA, 'DOD PA'I SGRIB PA DANG MI DGE BA GNYIS, SNYOMS 'JUG GI TSE ZAG MED GNYIS, DE LAS LANGS PA'I TSE GZUGS KYI DGE BA DANG DGU 'BYUNG BA'I PHYIR, DE CHOS CAN, KHYOD DRUG GI MJUG TU 'BYUNG BA YOD DE, RGYUN DANG SA MTSUNGS KYI CHO GSUM DANG, SNYOMS 'JUG GI TSE GZUGS KYI DGE BA DANG, DE LAS LDANG BA'I TSE ZAG MED GNYIS TE DRUG LAS 'BYUNG BA YOD PA'I PHYIR, GZUGS MED KYI SGRIB PA'I SEMS CHOS CAN, KHYOD LAS BDUN 'BYUNG BA YOD DE, RGYUN DANG SA MTSUNGS KYI TSE RANG SA'I GSUM, NYING 'TSAMS SBYOR BA'I TSE GZUGS KYI SGRIBS SEMS DANG, 'DOD PA'I MI DGE BA DANG SGRIB SEMS GNYIS SNYOMS 'JUG NYON MONGS CAN GYIS GZIR BA'I TSE 'DOD PA'I DGE BA RNAMS 'BYUNG BA'I PHYIR, DE CHOS CAN, SNGA MA DE BZHIN DU BDUN GYI MJUG TU 'BYUNG BA YOD DE, RGYUN SA'I GSUM DANG, NYING 'TSAMS SBYOR BA'I TSE 'DOD GZUGS KYI DGE BA GNYIS, MA SGRIB LUNG MA BSTAN BDUN LAS 'BYUNG BA'I PHYIR RO, ,BZHI PA NI, SLOB PA BZHI LAS DE LAS LNGA, ,MI SLOB PA NI LNGA LAS SO, ,DE LAS SEMS NI BZHI DAG GO, ZHES BYUNG, SLOB PA'I ZAG MED KYI SEMS DE CHOS CAN, KHYOD BZHI LAS 'BYUNG BA YOD DE, RGYUN GYI TSE SLOB PA'I SEMS SNGON MA DANG, SNYOMS 'JUG GI TSE KHAMS GSUM GYI DGE BA GSUM LAS 'BYUNG BA'I PHYIR, DE CHOS CAN, KHYOD KYI MJUG THOGS @61A *, ,LAS SEMS LNGA 'BYUNG STE, MNYAM GZHAG LAS LDANG BA'I TSE KHAMS GSUM GYI DGE SEMS GSUM DANG RGYUN GYI TSE SLOB PA'I RIGS 'DRA PHYI MA DANG MI SLOB PA'I ZAG MED RNAMS 'BYUNG BA'I PHYIR, MI SLOB PA'I SEMS CHOS CAN, KHYOD SEMS LNGA'I MJUG DE MA THAG LAS 'BYUNG BA YOD DE, SNYOMS 'JUG GI TSE KHAMS GSUM GYI DGE BA GSUM, MI SLOB PA'I RGYUN SNGA MA DANG SLOB PA'I RDO RJE LTA BU'I SEMS RNAMS LAS 'BYUNG BA'I PHYIR, DE CHOS CAN, KHYOD LAS SEMS BZHI DAG 'BYUNG STE, RGYUN KYI TSE MI SLOB PA'I SEMS PHYI MA DANG SNYOMS 'JUG GI TSE KHAMS GSUM GYI DGE BA GSUM 'BYUNG BA'I PHYIR, GNYIS PA BCU GNYIS PA NYI SHUR DBYE BA NI, BCU GNYIS DE DAG NYI SHUR YANG, ,GSUM DU SKYES NAS THOB PA DANG, ,SBYOR BYUNG DGE RNAM GNYIS PHYE NAS, ,RNAM SMIN SKYES DANG SPYOD LAM PA, ,BZO BA'I GNAS DANG SPRUL PA DANG, ,'DOD NA LUNG BSTAN MIN RNAM BZHIR, ,GZUGS NA BZO MA GTOGS PA'O, ,ZHES BYUNG, BCU GNYIS PO DE DAG LA DBYE NA SEMS NYI SHUR YANG YOD DE, KHAMS GSUM GYI DGE BA LA SKYES NAS THOB PA DANG SBYOR BYUNG GI THOB PA RNAM PA GNYIS GNYIS SU PHYE NAS DRUG DANG, 'DOD PA NA MA SGRIB LUNG MA BSTAN GYI SEMS LA RNAM SMIN SKYES DANG, SPYOD LAM PA DANG, BZO BA'I GNAS DANG, SPRUL PA'I SEMS DANG RNAM PA BZHIR PHYE, GZUGS NA BZO'I LAS NI MA GTOGS PA'I RNAM SMIN SKYES SOGS GSUM PHYE BAS 'DOD GZUGS NA LUNG MA BSTAN GYI SEMS BDUN DANG, GZUGS MED NA MA SGRIB LUNG MA BSTAN GYI SEMS RNAM SMIN SKYES GCIG PU DANG, SLOB MI SLOB KYI ZAG MED KYI SEMS GNYIS DANG NYI SHUR YOD PA'I PHYIR, GZUGS KHAMS NA BZO BYED PA MED DE, GNAS KHANG GOS SOGS DANG BCAS RDZOGS PAR SKYE BAS DE RNAMS BYA MI DGOS PA'I PHYIR, GSUM PA SEMS KYI THOB PA RNYED TSUL BYE BRAG TU BSHAD PA NI KHAMS GSUM @61B PA YI NYON MONGS CAN, ,DRUG DANG DRUG DANG GNYIS RNYED DO, ,GZUGS SKYES DGE LA GSUM DAG GO ,SLOB PA LA BZHI LHAG LA DE, ,ZHES BYUNG, SEMS DE RNAMS LAS SEMS DU ZHIG RNYED PA'I TSUL YOD DE, KHAMS GSUM PA'I SEMS NYON MONGS CAN LAS 'DOD PA'I NYON MONGS CAN MNGON DU GYUR PA'I TSE SEMS DRUG GSAR DU RNYED, GZUGS KYI DE MNGON DU GYUR PA'I TSE SEMS DRUG GSAR DU RNYED, GZUGS MED KYI DE MNGON DU GYUR PA'I TSE SEMS GNYIS GSAR DU RNYED PA'I PHYIR, DANG PO GRUB STE, 'DOD GZUGS NAS 'DOD PAR SKYES PA'I TSE SEMS NYON MONGS CAN GNYIS DANG DGE BA SKYES NAS THOB PA DANG, 'DOD NYON GYIS DGRA BCOM NYAMS PA'I TSE GONG MA GNYIS KYI NYON MONGS CAN GNYIS DANG SLOB PA'I SEMS RNAMS GSAR DU RNYED PA YOD PA'I PHYIR, GNYIS PA GRUB STE, GZUGS MED NAS GZUGS SU SKYES PA'I TSE GZUGS KYI NYON MONGS CAN DANG DGE BA LA SKYES THOB DANG, 'DOD GZUGS KYI SPRUL SEMS GNYIS DANG, GZUGS KYI NYON MONGS CAN GYIS DGRA BCOM NYAMS PA'I TSE GZUGS KYI NYON MONGS DANG SLOB PA'I LAM RNAMS GSAR DU RNYED PA YOD PA'I PHYIR, GSUM PA GRUB STE, GZUGS MED KYI NYON MONGS PAS DGRA BCOM NYAMS PA'I TSE DE'I NYON MONGS CAN GYI SEMS DANG SLOB PA'I SEMS GNYIS GSAR DU RNYED PA YOD PA'I PHYIR, GZUGS SU SKYES PA'I DGE SEMS MNGON DU GYUR PA'I TSE SEMS GSUM DAG GSAR DU RNYED PA YOD DE, GZUGS KYI DGE BA DANG 'DOD GZUGS KYI MA SGRIB LUNG MA BSTAN GYI SPRUL SEMS GNYIS DANG GSUM RNYED PA'I PHYIR, SLOB PA'I SEMS MNGON DU GYUR PA LA BZHI RNYED DE, ZAG MED DANG PO'I TSE SLOB PA'I SEMS DANG, ZAG MED LAM GYIS 'DOD PA LA CHAGS PA DANG BRAL BA'I TSE 'DOD GZUGS KYI SPRUL SEMS GNYIS DANG, DES GZUGS LA CHAGS PA DANG BRAL BA'I TSE GZUGS MED KYI DGE @62A *, ,SEMS RNAMS GSAR DU RNYED PA'I PHYIR, DE DAG GI LHAG MA 'DOD PA DANG GZUGS MED KYI DGE SEMS GNYIS DANG MA SGRIB PA GNYIS DANG, GZUGS KYI MA SGRIB PA DANG MI SLOB PA'I SEMS DANG DRUG CHOS CAN, KHYOD GANG RNYED PA'I TSE RANG NYID GCIG PU DE GSAR DU RNYED PA YIN TE, DE'I TSE DE MI LDAN PA LAS GSAR DU THOB PA'I PHYIR RO, ,GONG DU BSHAD PA DE DAG GI 'BYUNG TSUL BSDUS NA GNAS SKABS BRGYAD YIN TE, RIGS RGYUN DANG SA MTSUNGS DANG NYING 'TSAMS SBYOR BA DANG SNYOMS PAR 'JUG PA DANG DE LAS LDANG BA DANG NYON MONGS CAN GYIS GZER BA DANG SPRUL PA LA 'JUG PA DANG DE LAS LDANG BA'I SKABS BRGYAD DANG SBYAR NAS BSHAD PA YIN PA'I PHYIR TE, DE YANG DANG PO NI RIGS RGYUN SNGA MA LAS BYUNG BA, GNYIS PA NI SA GCIG PA DANG, GSUM PA NI NYON MONGS CAN GYI SEMS SEMS BYUNG, BZHI PA NI KHAMS 'OG MA'I DGE BA LAS GONG MA'I DGE BA ZAG MED SKYE BA, LNGA PA NI GONG MA'I DGE BA LAS 'OG MA'I DGE BA ZAG BCAS SKYE BA, DRUG PA NI, GONG MA'I SGRIB LUNG MA BSTAN LAS 'OG MA'I DGE BA SKYE BA, BDUN PA NI, GZUGS KYI DGE BA LAS 'DOD PA'I SPRUL SEMS SKYE BA, BRGYAD PA NI, 'DOD PA'I SPRUL SEMS LAS GZUGS KYI DGE SEMS 'BYUNG BA LTA BU LA 'JOG PA'I PHYIR, DE LTAR SHES PA'I DGOS PA YOD DE, SEMS DU LAS DGE SEMS DANG MI DGE BA'I SEMS DANG LUNG MA BSTAN GYI SEMS DU 'BYUNG BA DANG, DE GSUM NI SEMS GZHAN DU LAS 'GYUR ? BAR SHES PA'I CHED YIN PA'I PHYIR, GNAS GNYIS PA'I TSIG DON LEGS PAR BSHAD ZIN TO,, ,, ` (CHOS MNGON PA MDZOD KYI GNAS GSUM PA'I RNAM BSHAD BZHUGS SO,) ,GNYIS PA DE NYID NGES PAR BYED PA'I TSUL LA, SHES BYA SDUG BSNGAL @62B GYI BDEN PA GTAN LA DBAB PA, SPANG BYA KUN 'BYUNG GI BDEN PA GTAN LA DBAB PA, THOB BYA 'GOG LAM GYI BDEN PA GTAN LA DBAB PA GSUM, DANG PO LA, NANG BCUD KYI 'JIG RTEN GYI RNAM GZHAG DANG, PHYI SNOD KYI 'JIG RTEN GYI RNAM GZHAG GNYIS, DANG PO LA, DBYE BA SPYIR STAN PA DANG, RTEN 'BRES BYE BRAG TU BSHAD PA, SKYE BA GNAS PA'I THABS, GNAS PA 'CHI BA'I 'PHO SEMS, SEMS KYI TSOGS GSUM DU SDUD PA LNGA, DANG PO LA, KHAMS GSUM DU DBYE BA, 'GRO BA RIGS LNGAR DBYE BA, SKYE GNAS BZHIR DBYE BA GSUM, DANG PO LA, 'DOD KHAMS, GZUGS KHAMS, GZUGS MED KHAMS BSHAD PA DANG GSUM, DANG PO NI, DMYAL BA YI DVAGS DUD 'GRO DANG, ,MI RNAMS DANG NI LHA DRUG DAG ,'DOD PA'I KHAMS YIN DMYAL BA DANG, ,GLING DBYE BA LAS ? DE NYI SHU, ,ZHES BYUNG, DMYAL BA DANG YI DVAGS DANG DUD 'GRO DANG MI RNAMS DANG, 'DOD LHA RIGS DRUG DAG DANG BCAS PA'I BRTEN PA DANG RTEN RLUNG DKYIL YAN CHAD KYI SNOD DANG BCAS PA CHOS CAN, 'DOD PA'I KHAMS YIN TE, 'DOD YON LA LONGS SPYOD PA'I SAS BSDUS SHING DE LA CHAGS BRAL MA BYAS PA'I KHAMS DNGOS DANG DE'I SDER GTOGS GANG RUNG YIN PA'I PHYIR, 'DOD PA'I 'GRO BA CHOS CAN, KHYOD LA RIGS KYIS DBYE NA LNGA YOD DE, DMYAL BA NAS 'DOD LHA RIGS DRUG GI BAR LHA YOD PA'I PHYIR, DE RNAMS KYI SGRA DON YOD DE, BSOD NAMS MA YIN PA'I LAS KYIS YID DU MI 'ONG ZHING SDUG BSNGAL GYIS GZIR BAR BYED PAS NA DMYAL BA, BKRES SKOM GYIS GDUNGS PAS ZAS SKOM YID LA BTAGS PAS NA YI DVAGS, DUD DE 'GRO BAS NA DUD 'GRO, YID SHAS CHE BAS NA MI, NAM MKHAR RTZE ZHING ROL PAS NA LHA ZHES BYA BA'I PHYIR, 'DOD LHA RIGS DRUG GI SGRA DON YOD DE, RGYAL CHEN RIGS BZHI'I GNAS DER SKYES PA'I LHA YIN PAS @63A *, ,RGYAL CHEN RIGS BZHI'I LHA, DE BZHIN DU NYE DBANG SO GNYIS DANG DBANG PO BRGYA BYIN DANG BCAS PA'I SO GSUM GYI GNAS LA SUM CU RTZA GSUM, LHA MIN DANG 'THAB RTZOD BRAL BA'I GNAS YIN PAS NA 'THAB BRAL, DGE BA MANG PO 'BYUNG BA'I GNAS YIN PAS NA DGA' LDAN, RANG GIS SPRUL PA'I LONGS SPYOD LA DBANG BSGYUR BAS NA 'PHRUL DGA', GZHAN GYIS SPRUL PA'I LONGS SPYOD LA'ANG DBANG BSGYUR BAS NA GZHAN 'PHRUL DBANG BYED CES BRJOD PA YIN PA'I PHYIR, 'DOD KHAMS DE CHOS CAN, KHYOD LA GNAS RIGS NYI SHUR DBYER YOD DE, TSA DMYAL BRGYAD DANG YI DVAGS DANG DUD 'GRO'I GNAS DANG BCAS NGAN 'GRO'I GNAS BCU DANG, GLING BZHI'I MI'I GNAS DANG 'DOD LHA RIGS DRUG GI GNAS BCAS BDE 'GRO'I GNAS BCU YOD PA'I PHYIR, DBYE BA DE DAG NI GNAS SAM GANG ZAG RE RE KHO NA LA SBYOR BA MIN TE, DE GNYIS KA LA SBYOR BA'I DBANG DU MDZAD PA'I PHYIR, 'DIR GRANG DMYAL DANG NYI TSE BA DANG GLING PHRAN RNAMS SO SOR LOGS SU MI 'BYED PA'I RGYU MTSAN YOD DE, GRANG DMYAL BRGYAD NI TSA DMYAL SO SO'I 'KHOR YIN ZHING, NYI TSE BA NI YUL DANG BONG TSOD TSAD MA NGES PA DANG, GLING PHRAN RNAMS NI GLING BZHI SO SO'I 'KHOR YIN PA'I RGYU MTSAN GYIS LOGS SU MA BSHAD PAR BSDUS NAS BSTAN PA'I PHYIR, GLING BCU GNYIS NA MI YOD KYANG DER MA NGES TE, RNGA YAB GLING NA SRIN PO DU MA GNAS PA'I PHYIR, GLING PHRAN GYI MI RNAMS NI RANG GI RTZA BA'I GLING GI MI'I LUS LAS LUS CHUNG STE, GANGS SPEL LAS, DE LA GNAS PA'I MI RNAMS NI LUS CHUNG BA YIN NO, ,ZHES GSUNGS PA'I PHYIR, GNYIS PA NI, GONG MA'I GNAS DAG BCU BDUN NI, ,GZUGS KHAMS YIN DER SO SO YI, ,BSAM GTAN SA NI GSUM PA YIN, ,BZHI PA'I SA NI BRGYAD PA YIN, ZHES BYUNG, 'DI LA TSIG DON DANG, MTHA' @63B DPYAD PA GNYIS, DANG PO NI, KHAMS GONG MA'I GNAS TSANGS RIS NAS 'OG MIN GYI BAR DAG BCU BDUN GYI RTEN SA DAS GANG ZAG RNAMS CHOS CAN, GZUGS KYI KHAMS YIN TE, LAS KYI 'PHANGS PA LTAR 'DOD PA LA CHAGS PA DANG BRAL ZHING, GZUGS LA CHAGS BRAL MA BYAS PAS RAB TU PHYE BA'I SAS BSDUS PA YIN PA'I PHYIR, GZUGS KHAMS DER NI CHOS CAN, KHYOD LA SO SO'I DBYE BA BCU BDUN YOD DE, BSAM GTAN GYIS DANG PO GSUM LA NI GSUM, ,GSUM DANG BZHI PA'I SA LA NI BRGYAD YOD PA'I PHYIR, DANG PO GRUB STE, BSAM GTAN DANG PO LA, TSANGS RIS TSANGS PA 'DUN NA 'DON TSANGS CHEN GSUM, GNYIS PA LA 'OD CHUNG TSAD MED 'OD 'OD GSAL GSUM, GSUM PA LA DGE CHUNG TSAD MED DGE DGE RGYAS GSUM DANG DGU YOD PA'I PHYIR, BZHI PA GRUB STE, SPRIN MED BSOD NAM SKYES 'BRAS BU CHE BA STE SO SKYE'I GNAS GSUM DANG, MI CHE BA MI GDUNG BA SHIN TU MTHONG BA GYA NOM SNANG BA 'OG MIN TE 'PHAGS PA'I GNAS LNGA YOD PA'I PHYIR, GNYIS PA MTHA' DPYAD PA LA, KHA CIG , GZUGS KHAMS PA'I RTEN CAN YIN NA, LHA YIN PAS KHYAB ZER NA, GZUGS KHAMS PA'I BAR SRID CHOS CAN, DER THAL DE'I PHYIR, DER THAL, DE'I BAR SRID KYI RTEN CAN YIN PA'I PHYIR, 'DOD NA DE MI 'THAD PAR THAL, BAR DO BA DE 'GRO BA RIGS DRUG GANG RUNG DU MI GTOGS PA'I PHYIR, DER THAL, RTZA BAR, SEMS CAN ZHES BYA BAR SRID MIN, ZHES GSUNGS PA'I PHYIR, KHA CIG ,BAR DO BA DE 'GRO BA MA YIN ZER NA, DE MI THAD BAR THAL, DE 'GRO BA YIN PA'I PHYIR, DER THAL, SEMS CAN YIN PA'I PHYIR, KHA CIG ,BAR DO BA DE SEMS CAN YANG MA YIN TE, SEMS ZHES BYE PAR SRID MIN, ZHES GSUNGS PA'I PHYIR NA MA KHYAB STE, DE RIGS LNGA'AM DRUG PO GANG RUNG DU GTOGS PA'I SEMS CAN MIN @64A *, ,ZHES PA'I DON YIN PA'I PHYIR, GSUM PA NI, GZUGS MED KHAMS NA GNAS MED DO, ,SKYE BA LAS NI RNAM PA BZHI, ,DER NI RIS DANG SROG LA YANG, ,SEMS KYI RGYUD NI RTEN PA YIN, ,ZHES BYUNG, GZUGS MED KHAMS CHOS CAN, KHYOD NA GZUGS CAN GYI GNAS MED DE, RTEN SNOD DANG BRTEN PA SEMS CAN LA NI KHA DOG DANG DBYIBS SOGS MED PA'I PHYIR, DE CHOS CAN, KHYOD LA SNYOMS 'JUG GI SGO NAS SKYE BA LAS NI RNAM PA BZHI YOD DE, NAM MKHA' MTHA' YAS DANG DE BZHIN DU RNAM SHES DANG CI YANG MED DANG 'DU SHES MED MIN GYI SKYE MCHED DE MU BZHI YOD PA'I PHYIR, DE CHOS CAN, KHYOD LA RTEN GZUGS MED KYANG BRTEN PA SEMS CAN MED PA'I SKYON DU MI 'GYUR TE, GNAS DER NI RIS 'DRA SKAL MNYAM DANG, DER MA ZAD SROG LA YANG SEMS KYI RGYUD NI BRTEN PA YIN PA'I PHYIR, GNYIS PA LA, DNGOS DANG, DOGS DPYOD DANG BCAS PA GNYIS, DANG PO NI, DER NI DMYAL SOGS 'GRO BA LNGA, ,RANG GI MING GIS BSTAN DE DAG ,NYON MONGS CAN MIN LUNG BSTAN MIN, ,SEMS CAN ZHES BYA BAR SRID MIN, ,ZHES BYUNG, KHAMS GSUM PO DER NI CHOS CAN, SKYE BA'I 'GRO BA LNGA YOD DE, DMYAL BA SOGS TE YI DVAGS DUD 'GRO MI LHA'I 'GRO BA LNGA RANG GI MING GIS BSTAN PA DE DAG YOD PA'I PHYIR, 'DIR 'GRO BA LA LNGAR BSHAD PA'I RGYU MTSAN YOD DE, 'PHEN BYED DGE BAS 'PHANGS PA'I LHA MIN LHA DANG, MI DGE BAS 'PHANGS PA'I LHA MIN YI DVAGS DANG DUD 'GROR BSDUS NAS BSTAN PA'I LUGS SU MDZAD PA'I PHYIR, 'GRO BA LNGA CHOS CAN, MA BSGRIB LUNG MA BSTAN YIN TE, DE DANG NYON MONGS CAN DANG LUNG DU BSTAN PA GSUM PO GANG RUNG GANG ZHIG ,PHYI MA GNYIS GANG RUNG MA YIN PA'I PHYIR, DE CHOS CAN, @64B SEMS CAN ZHES BYA STE, ZAG BCAS KYI SEMS RGYUD LA BRTEN PA CAN YIN PA'I PHYIR, SRID PA BAR MA CHOS CAN, 'GRO BA LNGA PO GANG RUNG DU GTOGS PA MIN TE, DE DAG GIS MA BSDUS PA'I PHYIR, DER THAL, GDAGS PA LAS, 'GRO BA LNGAS SKYE GNAS BZHI MA BSDUS TE, GANG ZHE NA SRID PA BAR MA'O, ,ZHES GSUNGS PA'I PHYIR, KHA CIG ,GZHUNG 'DI'I DNGOS BSTAN GYI 'GRO BA YIN NA, DMYAL BA YI DVAGS DUD 'GRO DANG ZHES PA'I DNGOS BSTAN GYI 'GRO BA YIN PAS KHYAB ZER NA, GRANG DMYAL BRGYAD KYI 'GRO BA RNAMS CHOS CAN, DER THAL, DE'I PHYIR, DER THAL, DMYAL SOGS ZHES PAS DNGOS SU BSTAN PA'I 'GRO BA YIN PA'I PHYIR, 'DOD NA, MA YIN PAR THAL, GZHUNG DES DE BRGYAD TSA DMYAL BRGYAD STON PA'I SHUGS KYIS BSTAN PA YIN PA'I PHYIR, DER THAL, DES GRANG DMYAL DANG NYI TSE BA GNYIS KA SHUGS LA BSTAN PA'I PHYIR, MA GRUB NA, DNGOS BSTAN LA DE NYI SHU ZHES PA MI 'THAD PAR THAL, NYI SHU LAS GRANGS MANG BA'I GRANG DMYAL SOGS YOD PA'I PHYIR, 'O NA GZA' DANG RGYU SKAR DRI ZA GSHIN RJE SOGS 'GRO BA DRUG PO GANG DU GTOGS ZHE NA, YOD DE, GZA' DANG RGYU SKAR DRI ZA RNAMS LHAR GTOGS, NAM MKHA' LDING DANG MI'AM CI DANG KLU RNAMS DUD 'GROR GTOGS, 'BYUNG PO SHA ZA SRIN PO SMYO BYED BRJED BYED GSHIN RJE MA ME SOGS PHAL CHER YI DVAGS SU GTOGS ZHING, DA LTA GZHI BDAG TU GRAGS PA 'DI RNAMS KYANG YI DVAGS SU GTOGS PA'I PHYIR, GNYIS PA LA, SEMS KYIS GNAS PA BDUN BSHAD PA, SEMS CAN GYI GNAS DGU BSHAD PA, SEMS KYI GNAS PA BZHI BSHAD PA GSUM, DANG PO NI, LUS DANG 'DU SHES THA DAD DANG, ,LUS THA DAD CING 'DU SHES GCIG ,BZLOG DANG LUS DANG 'DU SHES GCIG ,GZUGS CAN MA YIN GSUM PO DANG, ,RNAM SHES @65A *, ,GNAS PA BDUN LHAG MA, ,DE 'JOMS BYED LDAN ZHES BYUNG, RNAM SHES KYI GNAS PA CHOS CAN, KHYOD LA BDUN YOD DE, LUS DANG 'DU SHES GNYIS KA THA DAD PA DANG, LUS THA DAD CING 'DU SHES GCIG PA DANG, DE LAS BZLOG PA LUS NYID GCIG CING 'DU SHES THA DAD PA DANG, LUS DANG 'DU SHES GNYIS KA GCIG PA DANG, GZUGS CAN MA YIN PA'I GNAS GSUM PO DAG DANG BDUN YOD PA'I PHYIR, ` ,LUS DANG 'DU SHES GNYIS KA THA DAD PA YOD DE, THOG MAR BYUNG BA MA YIN PA'I 'DOD PA'I LHA MI GNYIS DANG, DE 'DRA BA'I BSAM GTAN DANG PO STE DE GSUM YIN TE, DE GSUM LUS CHE CHUNG DANG KHA DOG DANG DBYIBS THA DAD CING, 'DU SHES BDE SDUG SOGS KYANG THA DAD PA'I PHYIR, BSAM GTAN DANG POR THOG MAR SKYES MA THAG PA RNAMS CHOS CAN, LUS THA DAD CING 'DU SHES GCIG PA ZHES BYA STE, LUS SNGA MA DANG 'DRA ZHING, 'DU SHES TSANGS CHEN GYIS BYAS SO SNYAM BAR GCIG PA'I PHYIR, BSAM GTAN GNYIS PA BA RNAMS CHOS CAN, LUS GCIG CING 'DU SHES THA DAD PA YIN TE, LUS 'OD LUS SU GCIG PA GANG ZHIG ,'DU SHES BDE BA DANG BTANG SNYOMS GNYIS RE MOS SU DON DU GNYER BA'I PHYIR, BSAM GTAN GSUM PA BA CHOS CAN, LUS GCIG CING 'DU SHES KYANG RIGS GCIG PA YIN TE, LUS SNGAR LTAR DANG, 'DU SHES TSOR BA BDE BAR RIGS GCIG PA'I PHYIR, DE'I LHAG MA NGAN SONG GSUM DANG BSAM GTAN BZHI PA DANG SRID RTZE RNAMS CHOS CAN, RNAM SHES KYI GNAS PA ZHES MI BYA STE, RNAM SHES DE 'JOMS BYED DANG LDAN PA'I PHYIR, DER THAL, NGAN SONG GSUM NA SDUG BSNGAL GYIS 'JOMS, BSAM GTAN BZHI PAR 'DU SHES MED PA'I SNYOMS 'JUG GIS 'JOMS, SRID RTZER 'GOG SNYOMS KYIS 'JOMS PA'I PHYIR, MI DANG @65B 'DOD LHA DANG BSAM GTAN DANG POR PHYIS SKYES PA'I LHA GANG RUNG YIN NA, RNAM SHES KYI GNAS PA DANG PO YIN PAS MA KHYAB STE, 'GOG SNYOMS RGYUD LDAN GYI DE DAG YOD PA'I PHYIR, GNYIS PA NI, SRID RTZE DANG, 'DU SHES PA'I SEMS CAN RNAMS, SEMS CAN GYI NI GNAS DGUR BSHAD, ,MI 'DOD BZHIN GNAS PHYIR GZHAN MING, ZHES BYUNG, SHES BYA CHOS CAN, SEMS CAN GYI NI GNAS DGUR BSHAD DU YOD DE, SNGAR GYI GNAS BDUN DANG SRID RTZE DANG 'DU SHES MED PA'I SEMS CAN RNAMS DANG DGU YOD PA'I PHYIR, DER THAL, 'DI DAG TU SEMS CAN DE RANG DGAR GNAS PAR BYED PA'I PHYIR, DE LAS NGAN SONG GSUM PO CHOS CAN, SEMS CAN GYI GNAS SU 'DOD PA YIN TE, GNAS DER MI 'DOD BZHIN DU GNAS PA'I PHYIR, GSUM PA NI, GNAS PA DAG NI YANG BZHI STE, ZAG DANG BCAS RNAMS PA'I PHUNG PO BZHI, ,RANG GI SA PA NYID RNAM SHES, ,'BA' ZHIG GNAS PAR MA BSHAD DO, ,SDU NA MU NI BZHI YIN NO, ,ZHES BYUNG, SHES BYA CHOS CAN, RNAM SHES KYI GNAS PA DAG NI BDUN DU MA 'DUS PA YANG BZHI STE, ZAG PA DANG BCAS PA'I GZUGS TSOR 'DU SHES 'DU BYED KYI PHUNG PO BZHI YOD PA'I PHYIR, ZAG BCAS DE DAG RANG GI SA PA NYID YIN PA ZHIG DGOS TE, SA GZHAN GYI PHUNG PO LAS GZHAN GYI RNAM SHES LA DGA' BA'I SRID PA MI SKYE BA'I PHYIR, DER THAL, 'OG MA'I PHUNG PO LTA BU RANG SA'I RNAM SHES KHO NA'I GNAS YIN PA'I PHYIR, 'DIR RNAM SHES 'BA' ZHIG GNAS PAR MA BSHAD DE, RNAM SHES NI RNAM SHES KYI GNAS MA YIN PA'I PHYIR, DER THAL, RANG NYID RANG LA BRTEN PA 'GAL BA'I PHYIR, RNAM SHES KYI GNAS PA CHOS CAN, KHYOD BSDU NA MU NI BZHI YOD PA YIN TE, BDUN GYIS BSDUS LA BZHIS MA BSDUS PA DANG, DE LAS ZLOG PA DANG, GNYIS @66A *, ,KAS BSDUS PA DANG, GNYIS KAS MA BSDUS PA BZHI YOD PA'I PHYIR, DANG PO YOD DE, BDUN GYI GNAS SKABS KYI ZAG BCAS KYI RNAM PAR SHES PA'I PHUNG PO LTA BU YIN PA'I PHYIR, GNYIS PA YOD DE, NGAN SONG GSUM DANG BSAM GTAN BZHI PA DANG SRID RTZE'I RNAM SHES MA GTOGS PA'I PHUNG PO BZHI LTA BU YIN PA'I PHYIR, GSUM PA YOD DE, BDUN GYI GNAS SKABS KYI ZAG BCAS KYI PHUNG PO DANG PO BZHI LTA BU YIN PA'I PHYIR, BZHI PA YOD DE, NGAN SONG BA DANG BSAM GTAN BZHI PA DANG SRID RTZE'I RNAM SHES LTA BU YIN PA'I PHYIR, GSUM PA SKYE GNAS BZHIR DBYE BA LA, GANG DU 'JUG PA SKYE GNAS KYI DBYE BA, GANG 'JUG PA BAR SRID KYI RANG BZHIN, DE SKYE GNAS SU 'JUG TSUL GSUM DANG PO NI, DER NI SGO NGA LAS SKYES SOGS, ,SEMS CAN SKYE GNAS BZHI DAG TU, ,MI DANG DUD 'GRO RNAM PA BZHI, ,DMYAL BA RNAMS DANG LHA RNAMS DANG, SRID PA BAR MA BRDZUS TE SKYE, ,YI DVAGS MNGAL NAS SKYE BA'ANG YIN, ,ZHES BYUNG, 'GRO BA SEMS CAN RNAMS CHOS CAN, KHYOD LA KHAMS GSUM PO DER NI SKYE GNAS BZHI DAG TU YOD DE, SGO NGA LAS SKYES PA DANG SOGS TE MNGAL SKYES DROD GSHER SKYES RDZUS SKYES RNAMS YOD PA'I PHYIR, MI DANG DUD 'GRO CHOS CAN, KHYOD LA SKYE GNAS RNAM PA BZHI KA YOD DE, MI LA DE BZHI YOD PA GANG ZHIG ,DUD 'GRO LA'ANG DE BZHI YOD PA'I PHYIR, DANG PO GRUB STE, MI SGONG SKYES NI GRU ZHIG PA'I TSONG PA BYA KHRUNG KHRUNG MO DANG 'DUS PA'I SGONG SKYES DGE SLONG GRAGS PA DANG NYE BA'I GRAGS PA GNYIS, RI DVAGS 'DZIN GYI BU SGONG SKYES SUM CU RTZA GNYIS, RGYAL PO LNGA LEN GYI BU LNGA BRGYA LTA BU DANG, MI MNGAL SKYES SLA ZHING, DROD GSHER SKYES NI RGYAL PO GSO SBYONG 'PHAGS KYI SPYI BO LAS NGA LAS NU DANG @66B BRLA G-YAS G-YON LAS MDZES PA DANG NYE MDZES SKYES PA LTA BU DANG, RDZUS SKYES NI BSKAL PA DANG PO'I MI RNAMS LTA BU YIN PA'I PHYIR, GNYIS PA GRUB STE, DUD 'GRO KLU DANG NAM MKHA' LDING LA DE BZHI YOD PA'I PHYIR, DER THAL, NAM MKHA' LDING RDZUS SKYES KYIS KLU DE BZHI KA ZA, DROD GSHER GYIS DE GSUM ZA, MNGAL SKYES KYIS DE GNYIS ZA, SGONG SKYES KYIS KLU SGONG SKYES KHO NA ZA BAR BSHAD PA'I PHYIR, RDZUS SKYES LA RO MED PAR BSHAD PA DANG MI 'GAL TE, MA SHI'I BAR DU ZA BA YIN PA'I PHYIR, DMYAL BA PA DANG LHA RNAMS DANG SRID PA BAR MA CHOS CAN, SKYE GNAS GCIG PAR NGES TE, BRDZUS TE SKYE BA KHO NA YIN PA'I PHYIR, YI DVAGS CHOS CAN, KHYOD LA BRDZUS TE SKYE BA MANG YANG DER MA NGES TE, MNGAL NAS SKYE BA'ANG YOD PA'I PHYIR, SKYE GNAS BZHI'I MCHOG DMAN YOD DE, RDZUS SKYES MCHOG ,DROD SKYES DANG MNGAL SKYES 'BRING, SGONG SKYES THA MA YIN PA'I PHYIR, DER THAL, SNGA MA GNYIS GZHAN LA GNOD MED DU SKYE ZHING, PHYI MA GNYIS GZHAN LA GNOD CING RANG GZHAN SDUG BSNGAL MYONG BA DANG BCAS PAR SKYE BA'I PHYIR, 'ON KYANG STON PA CHOS CAN, SNGA MA GNYIS BZHAG NAS MNGAL DU SKYE BA'I RGYU MTSAN YOD DE, GDUL BYA SPRO BA BSKYED CING CHOS LA 'GOD PA DANG MU STEGS BYED SOGS KYIS SGYU MA MKHAN NO SNYAM PA'I LOG RTOG SEL BA'I CHED YIN PA'I PHYIR, SKYE GNAS BZHI LAS GANG MANG ZHE NA, BSHAD TSE DE LTAR NA RDZUS SKYES MANG STE, LHA THAMS CAD DANG DMYAL BA PA RNAMS DANG BAR DO BA THAMS CAD KYANG RDZUS SKYES YIN PA'I PHYIR, GNYIS PA BAR SRID LA, NGO BO, SGRUB BYED, KHYAD CHOS GSUM, DANG PO NI, 'DIR GANG 'CHI DANG SKYE BA YI, ,SRID PA'I BAR DU 'BYUNG BA'O, ,'GROD PA'I YUL DU MA PHYIN PHYIR, ,SRID PA BAR MA BYUNG BA MIN, , @67A *, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BAR SRID CHOS CAN, KHYOD KYI NGO BO BZHAG TU YOD DE, 'JIG RTEN 'DIR GANG GI SNGA MA'I 'CHI BA DANG PHYI MA'I SKYE BA'I SRID PA'I BAR DU 'BYUNG BA'I SRID PA DE DE YIN PA'I PHYIR, SRID PA BAR MA CHOS CAN, KHYOD SKYES KYANG BYUNG BA ZHES PA'I THA SNYAD BYED PA MIN TE, BYUNG BA NI BGROD PA'I YUL DU SON ZIN PA LA BYED PAS, KHYOD GANG DU BGROD PA'I YUL DU SON MA ZIN PA'I PHYIR, DER THAL, SNGON DUS KYI SRID PAR MA PHYIN PA'I PHYIR, GNYIS PA MTHA' DPYAD PA LA, KHA CIG ,BAR DO BA YIN NA, BAR SRID RGYUD LDAN YIN PAS KHYAB ZER NA, GZUGS KYI BAR SRID KYI RTEN LA MYANG 'DAS THOB PA'I BAR DO BA CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, PHYIR MI 'ONG BAR 'DA' BA YOD PA'I PHYIR, 'DOD NA, MI 'THAD PAR THAL, SRID PA CHAGS BRAL GYI TSUL GYIS SPANGS PA'I PHYIR, GZHAN YANG, DE MI 'THAD PAR THAL, SKYE SRID KYI RTEN CAN YIN NA, DE RGYUD LDAN YIN MI DGOS PA'I PHYIR, DER THAL, GZUGS KYI SKYE SRID KYI RTEN LA MYANG 'DAS MNGON DU BYED PA'I NYAN THOS YOD PA'I PHYIR, KHA CIG ,SKYE SRID DU NYING 'TSAMS SBYOR BA'I BLO YIN NA, BLO PHYIN CI LOG YIN PAS KHYAB ZER NA, RGYAL PO GZHON NU DON GRUB TU NYING 'TSAMS SBYOR BA'I BLO CHOS CAN, DER THAL, DE'I PHYIR, 'DOD MI NUS TE, BSAM BZHIN MA 'KHRUL BAR 'JUG PA'I BLO YIN PA'I PHYIR, KHA CIG ,YUM SGYU MA LHA MDZES KYI MNGAL DU 'JUG KHA MA'I BAR DO BA DE MTSAN DPE GSAL RDZOGS KYIS SPRAS PAR THAL, STON PA DES SPRAS PA GANG ZHIG ,SNGON DUS SRID 'BYUNG SHA TSUGS CAN, ,ZHES GSUNGS PA'I PHYIR NA MA KHYAB, 'DOD NA, SANGS RGYAS @67B YIN PAR THAL LO, ,KHA CIG ,MI LDOG DE NI DRI ZA'O, ,ZHES GSUNGS PA MI 'THAD PAR THAL, KHYI'I BAR SRID GRUB NAS MIR SKYE BA YOD PA'I PHYIR ZER NA, MA KHYAB STE, GTZO CHE BA LA DGONGS PA'I PHYIR, RTAGS DER THAL, KUN BTUS LAS, CI STE NA LDOG GO, ZHES GSUNGS PA'I PHYIR, KHA CIG ,KHYI'I BAR SRID GRUB NAS DUD 'GRO GZHAN DU SKYE BA MED ZER NA, DE YOD PAR THAL, DE GRUB NAS DOM LTA BU LCE SPYANG DU SKYE BA YOD PA'I PHYIR, DER THAL, RKYEN MA TSANG BA'I DBANG GIS DER 'GYUR BA YOD PA'I PHYIR, DER THAL, 'KHRIG PA'I DUS DANG 'GRO BA RIGS MTHUN PA'I DBANG GIS DE LTAR DU 'GYUR BA'I PHYIR, DER THAL, DGUN BA LANG GI BAR SRID GRUB KYANG BA LANG DE DBYAR CHAGS PA SPYOD CING, BA MEN DUS MIN DU SPYOD PAS BA MEN DU SKYE, DGUN RTA'I BAR SRID GRUB NA DE SOS KA CHAGS PA SPYOD CING, BONG BU DUS MIN DU SPYOD PAS BONG BUR SKYE, DBYAR DOM GYI BAR SRID GRUB NA DE DGUN CHAGS PA SPYOD CING, DRED DUS MIN DU SPYOD PAS DRED DU SKYE, DBYAR KHYI'I BAR SRID GRUB NA DE STON CHAGS PA SPYOD CING LCE SPYANG DUS MIN DU SPYOD PAS LCE SPYANG DU SKYE BA YOD PA'I PHYIR, KHA CIG ,MI KHYI'I BAR SRID PA RNAMS MI KHYI YIN ZER NA, MI 'THAD PAR THAL, DE DAG 'GAL BA'I PHYIR, DER THAL, BAR SRID PA RNAMS RDZUS SKYES YIN PA'I PHYIR, KHA CIG ,BAR SRID PA YIN NA, RANG GI SNGON DUS KYI SRID PA DANG DBANG PO SOGS RNAM PA THAMS CAD DU 'DRA BAS KHYAB ZER NA, MI 'THAD PAR THAL, DBANG PO MA TSANG BA'I MI'I BAR DO BA RNAMS DBANG PO KUN TSANG BA'I PHYIR, DER THAL, DBANG PO KUN TSANG ZHES GSUNGS PA'I PHYIR, DER MA ZAD, 'BU SRIN PHRA MO'I BAR DO BA RNAMS NI JI LTAR YIN DPYAD DGOS PA YOD DO, ,GNYIS PA SGRUB BYED LA, RIGS PA DANG, @68A *, ,LUNG GNYIS, DANG PO NI, 'BRU YI RGYUN DANG CHOS MTHUN PHYIR, ,SRID PA CHAD LAS BYUNG BA MIN, ,GZUGS BRNYAN MA GRUB PHYIR BA DANG, ,MI 'DRA'I PHYIR NA DPE MA YIN, ,GCIG NA LHAN CIG GNYIS MED PHYIR, , RGYUN MIN PHYIR GNYIS LAS BYUNG PHYIR, ,ZHES BYUNG, PHAL CHEN SDE PA DANG SA STON SDE PA NA RE, BAR SRID MED DE, SKYE SRID DANG 'CHI SRID BAR MA CHAD PAR 'BYUNG BA'I PHYIR ZER NA, DE NI MI 'THAD DE, SKYE SRID KYI GZUGS SEMS GNYIS NI RANG GI RGYUN SNGON MA'I BAR SRID KYI GZUGS SEMS SNGON DU SONG BA LA BRTEN NAS BYUNG BA'I PHYIR TE, DPER NA 'BRU SHAR NAS NUB TU DRANGS PA'I TSE RGYUN PHYI MA 'BYUNG BA DANG CHOS MTHUN PA BZHIN, BAR SRID MED PAR 'CHI BA'I SRID PA RGYUN CHAD PA LAS SKYE SRID KYI GZUGS SEMS GNYIS BYUNG BA MIN NO, ,DE LA KHO NA RE, 'CHI SRID RGYUN CHAD PA LAS SKYE SRID 'BYUNG BA'I DPE YANG YOD DE, ME LONG GI NGOS SOGS DANG BYAD BZHIN GYI GZUGS KYI BAR 'GYANGS CHEN PO YOD KYANG, DE DAG TU GZUGS BRNYAN 'BYUNG BA LTA BU YIN PA'I PHYIR ZER NA, DPE DON DE MA YIN PAR THAL, KHYOD 'DOD PA LTAR DE'I DPE YANG MA GRUB CING, GRUB TU CHUG KYANG DPE DON MI 'DRA BA'I PHYIR, DANG PO DER THAL, KHYOD KYIS GZUGS BRNYAN KHA DOG CAN GYI THOGS BCAS SU 'DOD KYANG DE LTAR MA GRUB PA'I PHYIR, DER THAL, DER ME LONG GI NGOS DANG GZUGS BRNYAN SNANG YANG DE LTA BU'I KHA DOG THA DAD PA GNYIS GOS GCIG NA LHAN CIG MED PA'I PHYIR TE, DER DE LTA BU'I 'BYUNG BA RIGS THA DAD PA GNYIS CIG CAR DU MED PA'I PHYIR, DER THAL, MI'I LUS KYI 'BYUNG BA DANG MKHAR BA'I 'BYUNG BA GNYIS 'GAL BA'I PHYIR, GNYIS PA DER THAL, BYAD @68B BZHIN GYI GZUGS BRNYAN DE BYAD BZHIN GYI RGYUN MA YIN PAS MI 'DRA BA'I PHYIR DANG, ME LONG GI GZUGS BRNYAN DE BYAD BZHIN DANG ME LONG GI NGOS TSOGS PA GNYIS LAS BYUNG BA LTAR, SKYE SRID NI DE 'DRA'I RGYU GNYIS LAS MI 'BYUNG BA'I PHYIR, SBYOR BA 'GOD TSUL GCIG LA, 'CHI SRID KYI SEMS CHOS CAN, RGYUN MI CHAD PAR YUL GZHAN DU 'BYUNG STE, RGYUN GYIS YUL GZHAN DU SKYE ZHING 'JUG PA'I CHOS YIN PA'I PHYIR, DPER NA 'BRU YUL GZHAN DU DRANGS PA'I RGYUN BZHIN ZHES PA'O, ,GNYIS PA NI, MGUR NAS GSUNGS PHYIR YOD DRI ZA, ,LNGAR GSUNGS 'GRO MDO LAS KYANG GRU PA, ,CES BYUNG, DRI ZA BAR SRID CHOS CAN, KHYOD YOD DE, STON PA'I MGUR NAS SRID PA NI BDUN TE, DMYAL BA'I SRID PA DANG, YI DVAGS KYI SRID PA DANG, DUD 'GRO'I SRID PA DANG, MI'I SRID PA DANG, LHA'I SRID PA DANG, SRID PA BAR MA'O ZHES 'GRO BA BDUN GSUNGS PA'I MDO'I KHUNGS LAS KYANG GRUB PA'I PHYIR DANG, GZHAN YANG BAR 'DA' BA GCIG ,SKYE 'DA' BA GSUM, GONG 'PHO BA DANG LNGAR GSUNGS KYANG KHYOD PAR GRU PA'I PHYIR, GSUM PA NI, DE NI 'PHEN PA GCIG PA'I PHYIR, ,SNGON DUS SRID 'BYUNG SHA TSUGS CAN, ,DE NI 'CHI BA'I SNGON ROL TE, , SKYE BA'I SKAD CIG PHAN CHAD DO, ,RIS MTHUN LHA MIG DAG PAS MTHONG, ,LAS KYI RDZUL 'PHRUL SHUGS DANG LDAN, ,DBANG PO KUN TSANG THOGS MED LDAN, ,MI LDOG DE NI DRI ZA'O, ,ZHES BYUNG, LHA MI'I BAR SRID PA DE CHOS CAN, KHYOD KYI BYAD DBYIBS YOD DE, RANG GANG DU SKYE 'GYUR GYI LHA MI'I SNGON DUS KYI SRID PA 'BYUNG BA DE'I SHA TSUGS CAN DU 'GYUR BA'I PHYIR, DE LTAR 'BYUNG BA'I RGYU MTSAN YOD DE, KHYOD DANG RANG GI SNGON DUS KYI SRID PA DE GNYIS 'PHEN BYED KYI LAS GCIG GIS 'PHANGS @69A *, ,PA'I PHYIR, SNGON DUS KYI SRID PA LA DE LTAR BRJOD PA'I RGYU MTSAN YOD DE, SKYE SRID KYI RJES YIN YANG 'CHI SRID KYI SNGON YIN PAS DE SKAD CES BRJOD PA'I PHYIR, SNGON DUS KYI SRID PA DE NI CHOS CAN, BZHAG TU YOD DE, SKYE SRID GRUB PA'I SKAD CIG GNYIS PA PHAN CHAD NAS 'CHI BA'I SRID PA'I SNGON ROL TSUN CHAD LA 'JOG PA'I PHYIR, BAR SRID PA CHOS CAN, MI PHAL PA RNAMS DANG RIS MI MTHUN PAS MI MTHONG STE, LHA'I BAR DO BAS LHA'I BAR DO BA DANG MI'I BAR DO BAS MI'I BAR DO BA LTA BU PHAN TSUN RIS MTHUN PAS GCIG GIS GCIG MTHONG ZHING, RIS MI MTHUN PAS MI MTHONG LA, 'ON KYANG GONG MA'I BAR DO BAS 'OG MA'I BAR DO BA MTHONG BAR 'GYUR BA'I PHYIR, BAR DO BA CHOS CAN, KHYOD GZHAN GYIS MTHONG BA YOD DE, SKYON BCU GCIG DANG BRAL BA'I MNGON SHES DANG LHA'I MIG GI RNAM PAR DAG PAS MTHONG BA'I PHYIR, DE CHOS CAN, RDZU 'PHRUL DANG LDAN PA YIN TE, NAM MKHA' LA 'GRO NUS PA'I LAS STOBS KYIS THOB PA'I RDZU 'PHRUL DANG LDAN PA'I PHYIR, DE CHOS CAN, SHUGS DANG LDAN TE, GANG 'DOD PA'I SAR SKAD CIG GIS SLEB NUS PA'I LAS KYI SHUGS MYUR BA DANG LDAN PA'I PHYIR, DE CHOS CAN, DBANG PO KUN TSANG BA YIN TE, DBANG PO LNGA TSANG BA'I PHYIR, DE CHOS CAN, THOGS PA MED PA DANG LDAN TE, RI BRAG SOGS LA'ANG THOGS RDUGS MED PAR 'GRO BA'I PHYIR, BYE BRAG SMRA BA'I LUGS 'DIR GANG GI BAR SRID GRUB PA DE'I SNGON DUS KYI SRID PA 'GRUB PAR NGES TE, BAR SRID DE GRUB NAS 'GRO BA RIGS MI MTHUN PA GZHAN DU MI LDOG PA'I PHYIR, DE CHOS CAN, KHYOD KYIS KHAM ZAS KYANG ZA STE, DRI ZA BAR BYED PA'I PHYIR, DE CHOS CAN, KHYOD KYI KHA DOG GI KHYAD PAR YOD DE, DMYAL BA'I BAR DO NI SDONG DU MA MES TSIG PA LTA BU SOGS YIN PA'I @69B PHYIR, BONG ? TSOD YOD DE, LHA MI'I BAR DO BA DE BYIS PA LO LNGA'AM DRUG LON PA LTA BUR YOD PA'I PHYIR, GOS DANG BCAS MA BCAS GNYIS YOD DE, NGO TSA KHREL YOD CHE BA RNAMS GOS DANG BCAS SHING, NGO TSA DANG KHREL MED RNAMS GCER BUR SKYE BA SHAS CHE BA'I PHYIR, TSE TSAD YOD DE, ZHAG BDUN RE GNAS TE, SKYE BA'I RKYEN TSOGS NA SHI NAS GZHAN DU NYING 'TSAMS SBYOR LA, MA RNYED NA SLAR BAR DOR SKYE LA, BDUN PHRAG BDUN TSUN CHAD DU DER 'DUG SRID KYI, DE PHAN CHAD DU MI GNAS PA'I PHYIR RO, ,GSUM PA SKYE GNAS SU BGROD PA'I TSUL LA, DNGOS DANG, DBYE BA GNYIS LAS DANG PO NI, BLO NI PHYIN CI LOG GYUR PAS, ,RTZE DAGS 'GRO BA'I YUL DU 'GRO, ,DRI DANG GNAS LA MNGON 'DOD GZHAN, ,DMYAL BA YI NI SPYI TSUGS YIN, ZHES BYUNG, MNGAL SGONG LAS SKYE BA'I BAR DO BA CHOS CAN, KHYOD SKYE GNAS SU BGROD TSUL YOD DE, RGYANG RING PO NAS KYANG LAS KYI DBANG GIS SKYE GNAS MTHONG BA RANG GI BLO NI PHYIN CI LOG TU GYUR NAS CHAGS PAS RTZE ZHING, DGA' BAS 'GRO BA'I YUL SKYE GNAS DER 'GRO BAR 'GYUR BA'I PHYIR RO, ,GZHAN DROD SKYES DANG SGONG SKYES CHOS CAN, SKYE GNAS SU 'JUG TSUL YOD DE, SNGA MA DRI DANG, PHYI MA GNAS LA MNGON PAR 'DOD PA'I RKYEN GYIS 'JUG PA'I PHYIR, GNAS 'DOD NAS 'JUG TSUL YOD DE, LHA LTA BUS GNAS YID DU 'ONG BA DANG, TSA DMYAL DU SKYE NA DMYAL BA'I ME MTHONG NAS DANG, GRANG DMYAL SKYE NA DMYAL BA'I BSIL MTHONG NAS 'DOD PA'I RKYEN GYIS DE DAG TU 'JUG PAR 'GYUR BA'I PHYIR, BAR SRID KYI 'GRO TSUL YOD DE, DMYAL BA YI NI BAR SRID SPYI BO TSUGS SU 'GRO LA, LHA'I BAR DO BA NI GYEN DANG, GZHAN GSUM NI THAD KAR 'GRO BA'I PHYIR, GNYIS PA NI, GCIG NI SHES BZHIN DU 'JUG GO, ,GZHAN NI GNAS PA YANG GZHAN NI, ,'BYUNG BA'ANG GZHAN NI THAMS @70A *, ,CAD RMONGS, ,SGO NGA LAS SKYES RTAG TU'O, ,MNGAL DU 'JUG PA GSUM DAG STE, ,'KHOR LOS BSGYUR DANG RANG BYUNG GNYIS, ,LAS SAM YE SHES SAM GNYIS KA ,RGYA CHE'I PHYIR NA GO RIM BZHIN, ,ZHES BYUNG, MNGAL DU 'JUG PA'I TSE BLO PHYIN CI LOG TU 'GYUR BAR MA NGES TE, GCIG NI SHES BZHIN DU 'JUG LA GNAS PA DANG 'BYUNG BA SHES BZHIN MIN PA 'KHOR LOS BSGYUR RGYAL DANG, GZHAN RANG SANGS RGYAS NI 'JUG PAR MA ZAD GNAS PA YANG SHES SHING, DE LAS GZHAN SANGS RGYAS NI 'JUG TU MA ZAD 'BYUNG BA'ANG SHES LA, DE GSUM LAS GZHAN NI 'JUG GNAS 'BYUNG GSUM THAMS CAD LA RMONGS SHING SGO NGA LAS SKYES PA NI RTAG TU RMONGS PA CAN YIN PA'I PHYIR, DE LA SHES BZHIN DU MNGAL DU 'JUG PA DAG NI SNGA MA GSUM 'DRA YANG KHYAD PAR YOD DE, SNGAR BSHAD PA LTAR YIN PA'I PHYIR, DER THAL, 'KHOR LOS SGYUR DANG RANG BYUNG RANG RGYAL DANG SANGS RGYAS GNYIS TE GSUM NI GO RIM BZHIN DU LAS DANG BSOD NAMS RGYA CHE BA TZAM DANG, YE SHES RGYA CHE BA DANG, TSOGS GNYIS KA RGYA CHE BA'I KHYAD PAR GYIS DE LTAR 'GYUR BA'I PHYIR, GNYIS PA SKYE TSUL RTEN 'BREL GYI RANG BZHIN LA, DNGOS DANG, ZHAR BYUNG SRID PA BZHI'I KHYAD PAR GNYIS, DANG PO LA, 'KHOR BAR 'JUG TSUL GYI SGO NAS MDOR BSTAN PA, GRUB PA'I 'KHOR BA RGYAS PAR BSHAD PA, NYON MONGS PAS DPE GSUM MTSON TSUL GYI SGO NAS DON BSDU BA GSUM, DANG PO LA, 'KHOR BAR 'JUG TSUL DNGOS DANG, SRID RGYUN THOG MED DU BSTAN PA GNYIS, DANG PO NI, BDAG MED PHUNG PO TZAM NYID DO, ,NYON MONGS LAS KYIS MNGON 'DUS BYAS, ,SRID PA BAR MA'I RGYUN GYIS NA, ,MAR ME BZHIN DU MNGAL DU 'GRO, ,ZHES BYUNG, PHYI ROL PA NA RE, SEMS CAN 'JIG RTEN SNGA MA NAS 'DIR 'ONG BA DANG, 'DI NAS PHYI MAR @70B 'PHO ZHING 'GRO BA ZHIG YOD PAR THAL, SKYE 'CHI BYED PA'I BDAG ZHIG YOD PA'I PHYIR, 'DOD NA, RTAG PA'I BDAG ZHIG YOD PAR THAL, 'DOD PA'I PHYIR, 'DOD NA, BDAG MED MA YIN PAR THAL LO ZER NA, PHYI ROL PA CHOS CAN, KHYOD KYIS RTAG PA'I BDAG MED NA SKYE BA SNGA PHYIR NYING 'TSAMS SBYOR DU MI RUNG BAR 'DOD PA MI 'THAD PAR THAL, RTAG PA'I BDAG MED KYANG PHUNG PO TZAM LA BDAG TU 'DOGS PA NYID YIN ZHING, PHUNG PO'I RGYUN TZAM GYIS SKYE BA SNGA PHYIR NYING 'TSAMS SBYOR BAR 'GYUR BA'I PHYIR, DER THAL, SKYE BA SNGON MAR NYON MONGS PAS KUN NAS BSLANGS TE ZAG BCAS KYI LAS MNGON PAR 'DU BYAS PA LAS, PHUNG PO'I RANG BZHIN CAN GYI SRID PA BAR MA'I SEMS KYI RGYUN DANG, DE LAS SKYE SRID KYI SEMS KYI RGYUN 'BYUNG BA NYID KYIS NA, DPER NA, MAR ME'I RGYUN SNGA PHYI GZHAN DU 'JUG PA LTAR PHUNG PO'I RGYUN TZAM MNGAL DU 'GRO BA SOGS YIN PA'I PHYIR, GNYIS PA NI, JI LTAR 'PHANGS BZHIN RIM GYIS RGYUN, ,SKYES NAS LAS DANG NYON MONGS KYIS, ,'JIG RTEN PHA ROL DAG TU 'GRO ,SRID PA'I 'KHOR LO THOG MA MED, ,CES BYUNG, SRID PA'I 'KHOR LO 'DI CHOS CAN, KHYOD KYI THOG MA MED DE, SNGON MA RIG PAS KUN NAS BSLANGS TE ZAG BCAS KYI 'PHEN BYED KYI LAS BSAGS, DES YANG SRID PHYI MAR YANG DANG YANG DU JI LTAR 'PHANGS PA BZHIN DU SO SOR 'KHOR LA, SKYE BA SNGA MAR MA RIG PA DANG LAS GZHAN SNGON DU SONG BA LAS 'DIR RIM GYIS PHUNG PO'I RGYUN 'BYUNG ? ZHING, 'DIR SKYES NAS KYANG LAS DANG NYON MONGS PA'I STOBS KYIS PHYI MA'I 'JIG RTEN PHA ROL DAG TU 'GRO BAR 'GYUR BA'I PHYIR, MNGAL DU 'JUG TSUL GSAL BAR MNGAL 'JUG GI MDO LAS BSHAD PA'I DON BDAG GIS GZHAN DU BRIS ZIN PAS 'DIR MA BRIS SO, ,GNYIS PA LA BYE BRAG SMRA BA'I LUGS DANG, MDO SDE @71A *, ,PA'I LUGS GNYIS, DANG PO LA, RDZOGS TSUL, BSDU BA, 'KHOR TSUL GSUM, DANG PO LA, MDOR BSTAN PA, RGYAS DANG BSHAD PA, DON BSDU PA GSUM, DANG PO NI, DE NI RTEN CING 'BREL 'BYUNG BA'I, , YAN LAG BCU GNYIS CHA GSUM MO, ,SNGON DANG PHYI MTHAR GNYIS GNYIS DANG, ,BAR DU BRGYAD YONGS RDZOGS LDAN LO, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, PHUNG PO'I RGYUN SKYE BA'I GNAS SKABS GSUM PO DE NI CHOS CAN, KHYOD RTEN CING 'BREL BAR 'BYUNG BA'I YAN LAG BCU GNYIS DANG LDAN TE, MA RIG PA NAS RGA SHI'I BAR BCU GNYIS DANG LDAN PA'I PHYIR, DE CHOS CAN, SNGON DANG PHYI MTHA' BAR GYI CHA GSUM DANG LDAN TE, YAN LAG DANG PO GNYIS SNGON GYI CHA'AM MTHA' DANG, SKYE RGA GNYIS NI PHYI MA'I CHA'AM MTHA' DANG, RNAM SHES NAS SRID PA'I BAR BRGYAD NI DBUS SAM BAR GYI CHA'AM MTHAR 'JOG PA'I PHYIR, BAR DU BRGYAD YOD PA YONGS RDZOGS LDAN PA'I DBANG DU BYAS KYI, DER MA NGES TE, SKYE GNAS GZHAN GSUM YANG YOD CING, BAR MA DOR 'CHI BA'ANG YOD PA'I PHYIR, GNYIS PA MTHA' DPYAD PA LA, KHA CIG ,YAN LAG BCU GNYIS PO DE TSE GSUM LA NGES PAR RDZOGS DGOS SO ZER NA; DE MI 'THAD PAR THAL, DE TSE GNYIS LA'ANG RDZOGS PA YOD PA'I PHYIR, DER THAL, TSE SNGON MAR MA RIG PA'I DBANG GIS RNAM SHES KYI STENG DU LAS BSAGS, LAS DE LA SRED LEN PHYIS GSOS BTAB BAS SRID LAS NUS PA MTHU CAN DU GYUR NAS PHYI MA LHA MI LTA BUR SKYES PA'I TSE GZHAN RNAMS RDZOGS PA YOD PA'I PHYIR, KHA CIG ,TSAR GCIG GI YAN LAG DANG PO GNYIS TSE DANG PO LA RDZOGS, RGA SHI GNYIS TSE GSUM PA LA RDZOGS, GZHAN BRGYAD TSE GNYIS PA @71B LA RDZOGS PA DE TSE GSUM LA RDZOGS PA'I DON YIN ZER NA, DE MI 'THAD PAR THAL, DE 'DRA MI SRID PA'I PHYIR, DER THAL, RGA SHI GNYIS NI SKYE BA BLANGS PA'I TSE DE THOG TU 'BYUNG DGOS PA'I PHYIR, 'ON KYANG, SNGON DANG PHYI MTHAR GNYIS GNYIS DANG, , BAR DU BRGYAD YONGS RDZOGS LDAN LA, ,ZHES GSUNGS PA DANG MI 'GAL TE, DE NI MA RIG PA DANG 'DU BYED GNYIS SNGON DANG RGA SHI GNYIS RJES DANG, GZHAN BRGYAD PAR DU 'BYUNG TSUL SPYIR BSTAN PA TZAM YIN GYI, SKYE BA SNGA PHYI BAR GSUM GYI DBANG DU BYAS PA MA YIN PA'I PHYIR, KHA CIG ,CHA GSUM MO ZHES PA'I DON SNGAR BSHAD PA LTAR CHA GSUM DU BYED PA TZAM GYI DON YIN ZER NA, DE MA YIN PAR THAL, DE NI BCU GNYIS PO DE LA 'DAS MA 'ONGS DA LTA'I PHUS GSUM DU 'DU SHES PA'I CHED YIN PA'I PHYIR, DER THAL, YAN LAG DANG PO GNYIS 'DAS PA DANG, RGA SHI GNYIS MA 'ONGS PA DANG, GZHAN BRGYAD DA LTA BAR SHES PA'I CHED YIN PA'I PHYIR, KHA CIG ,MA RIG PA'I RTEN 'BREL LA, MA RIG PAS KHYAB ZER NA, MA RIG PA'I RTEN 'BREL DU GYUR PA'I GZUGS PHUNG CHOS CAN, DER THAL, DE'I PHYIR, DER THAL, MDO LAS DE LTAR BSHAD PA'I PHYIR, 'DOD NA SLA'O, ,KHA CIG ,MA RIG PA'I GROGS SU GYUR PA'I SHES PA YIN NA, MA RIG PA YIN PAS KHYAB ZER NA, MA RIG PA DANG MTSUNGS LDAN DU GYUR PA'I TSOR BA SOGS CHOS CAN, DER THAL, DE'I PHYIR, RTAGS GSAL SLA'O, ,GNYIS PA NI, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,RNAM SHES MTSAMS SBYOR PHUNG PO YIN, MING DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,DE NI GSUM 'DUS TSUN CHAD DO, ,REG PA BDE SDUG LA SOGS KYI, ,RGYU SHES NUS PA TSUN CHAD DO, ,TSOR 'KHRIG TSUN CHAD SRED PA NI, ,LONGS SPYOD 'KHRIG PA CHAGS CAN GYI, ,NYE @72A *, ,BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA'I, ,DE SRID 'BRAS BU 'BYUNG 'GYUR BA'I, ,LAS BYED DE NI SRID PA YIN, ,NYING 'TSAMS SBYOR BA SKYE BA YIN, ,TSOR BA'I BAR NI RGA SHI YIN, , 'DI NI GNAS SKABS PAR 'DOD LO, ,GTZO BO'I PHYIR NA YAN LAG BSGRAGS, ,ZHES BYUNG, 'DIR GNAS SKABS PA'I MA RIG PA CHOS CAN, KHYOD 'JOG TSUL YOD DE, SNGON 'PHEN BYED KYI LAS KUN NAS SLONG BA'I NYON MONGS PA'I GNAS SKABS KYI PHUNG PO LNGA PO DE DE YIN PA'I PHYIR, 'DU BYED DAG NI CHOS CAN, GZHAG TU YOD DE, SNGON 'DU BYED KYI LAS GSOG PA'I PHUNG PO LNGA DE YIN PA'I PHYIR, RNAM SHES CHOS CAN, BZHAG TU YOD DE, NYING 'TSAMS SBYOR BA'I SKAD CIG DANG PO'I SKABS KYI PHUNG PO LNGA DE YIN PA'I PHYIR, MING DANG GZUGS NI CHOS CAN, NGO BO YOD DE, RNAM SHES DE PHAN CHAD NAS SKYE MCHED DRUG DOD TSUN CHAD KYI PHUNG PO LNGA DE YIN PA'I PHYIR, SKYE MCHED DE NI CHOS CAN, NGO BO YOD DE, DE NAS YUL DBANG RNAM SHES GSUM 'DUS PA TSUN CHAD KYI PHUNG PO LNGA DE YIN PA'I PHYIR, REG PA CHOS CAN, NGO BO YOD DE, DE NAS TSOR BA BDE SDUG LA SOGS KYI RGYU SHES NUS PA TSUN CHAD KYI PHUNG PO LNGA DE YIN PA'I PHYIR, TSOR BA CHOS CAN, NGO BO YOD DE, RGYU SHES NAS 'KHRIG PA LA MI SPYOD PA'I SKABS TSUN CHAD KYI PHUNG PO LNGA DE YIN PA'I PHYIR, SRED PA CHOS CAN, NGO BO YOD DE, 'DOD YON LA LONGS SPYOD PA'I 'KHRIG PA'I CHAGS CAN GYI YUL YONGS SU 'TSOL BA LA ZHUGS PA'I PHUNG PO LNGA DE YIN PA'I PHYIR, NYE BAR LEN PA CHOS CAN, NGO BO YOD DE, DE NAS LONGS SPYOD DE RNAMS THOB PAR BYA BA'I PHYIR DU YONGS SU RGYUG PA'I SKABS KYI PHUNG PO LNGA DE YIN PA'I PHYIR, SRID PA @72B CHOS CAN, NGO BO YOD DE, RGYUG PA DE SRID DU 'BRAS BU YANG SRID 'BYUNG BAR 'GYUR BA'I LAS GSOG PAR BYED PA'I SKABS KYI PHUNG PO LNGA DE YIN PA'I PHYIR, SKYE BA CHOS CAN, NGO BO YOD DE, 'DI NAS PHYI MAR NYING 'TSAMS SBYOR BA'I SKABS KYI PHUNG PO LNGA DE YIN PA'I PHYIR, RGA SHI CHOS CAN, NGO BO BZHAG TU YOD DE, DE NAS TSOR BA'I BAR RIM GYIS 'BYUNG BA'I GNAS SKABS KYI PHUNG PO LNGA DE YIN PA'I PHYIR, DE LTA BU'I RTEN 'BREL BCU GNYIS PO 'DI CHOS CAN, SKAD CIG MA DANG RGYUN CHAGS PA DANG 'BREL BA CAN DANG GNAS SKABS PA BZHI LAS, GNAS SKABS PA'I RTEN 'BREL YIN TE, 'DIR YAN LAG DE DANG DE'I GNAS SKABS KYI PHUNG PO LNGA LA RTEN 'BREL DE DANG DER BZHAG CING 'DOD PA YIN PA'I PHYIR, LO ZHES SMOS PA'I RGYU MTSAN YOD DE, BYE MDO GNYIS KYI BSHAD PA LA MA RANGS PA'I TSIG YIN PA'I PHYIR, MA RIG PA LA SOGS PA'I GNAS SKABS KYI PHUNG PO LNGA LA RTEN 'BREL DE DANG DE'I MING GIS 'DOGS PA'I RGYU MTSAN YOD DE, MA RIG PA LA SOGS PA DE RNAMS GTZO BO YIN PA'I PHYIR NA DE'I SKABS KYI YAN LAG DE DANG DER BSGRAGS PA'I PHYIR, DPER NA, RGYAL PO 'KHOR BCAS 'BYON PA LA RGYAL PO 'BYON ZHES BRJOD PA BZHIN NO, ,RTEN 'BREL GZHAN GSUM GYI 'JOG TSUL YOD DE, SNGA PHYI RGYUN DANG LDAN PA NI RGYUN CHAGS PA DANG, PHYI MA SNGA MA LA RAG LAS PA NI 'BREL BA CAN DANG, RKYEN GYIS SKYE 'JIG BYED PA NI SKAD CIG MA'I RTEN 'BREL DU 'JOG PA'I PHYIR, GSUM PA NI, SNGON DANG PHYI MTHA' BAR DAG LA, ,RMONGS PA RNAM PAR BZLOG PHYIR RO, ,ZHES BYUNG, RTEN 'BREL DE DAG CHOS CAN, CHA GSUM DU BSDUS NAS BSTAN PA LA DGOS PA YOD DE, SNGON GYI MTHA' DANG, PHYI MA'I MTHA' DANG, BAR MTHA' GSUM DE DAG LA RMONGS @73A *, ,PA RNAM PAR BZLOG PAR BYA BA'I CHED YIN PA'I PHYIR, DER THAL, BDAG SNGON BYUNG NGAM MA BYUNG DANG, MA 'ONGS PAR 'BYUNG NGAM MI 'BYUNG DANG, DA LTA CI ZHIG YIN NAM MIN SNYAM PA'I RMONGS PA BZLOG SA'I CHED YIN PA'I PHYIR, DER THAL, RIM PA BZHIN MA RIG PA DANG 'DU BYED GNYIS, SKYE RGA GNYIS, LHAG MA BRGYAD BSTAN PA'I DGONGS PA DE LTAR YIN PA'I PHYIR, GNYIS PA LA, NYON MONGS PA GSUM DU BSDU BA DANG, RGYU 'BRAS GNYIS SU BSDU BA GNYIS, DANG PO NI, NYON MONGS GSUM MO LAS GNYIS SO, ,GZHI BDUN ZHES BYUNG, SNGAR BSHAD PA LTAR YAN LAG BCU GNYIS PO CHOS CAN, NYON MONGS PA DANG LAS DANG GZHI GSUM DU 'DU STE, NYON MONGS LA MA RIG PA SRED LEN GSUM, LAS LA 'DU BYED DANG SRID LAS GNYIS, GZHI LA RNAM SHES SOGS LHAG MA BDUN YOD PA'I PHYIR, GNYIS PA NI, DE BZHIN 'BRAS BU YIN, ,GNYIS KYI RGYU 'BRAS MDOR BSDUS PA, ,BAR MA'I RJES SU DPAG PA LAS, , ZHES BYUNG, BDUN GZHI YIN PA DE BZHIN DU 'BRAS BU YANG YIN TE, LHAG MA LNGA NI RGYU'I RTEN 'BREL YIN PA'I PHYIR, NYON MONGS GSUM DANG LAS GNYIS TE RGYU LNGA SNGON MTHA' DANG GZHI BDUN 'BRAS BUR BSHAD NAS PHYI MTHAR BSDUS PA LA CHOS CAN, DGOS PA YOD DE, SNGA PHYI'I MTHA' GNYIS KYIS RIM PA BZHIN RGYU DANG 'BRAS BU MDOR BSDUS PA NI, BAR MA'I RGYU 'BRAS BRGYAD BSKYED PA'I RJES SU DPAG PA LAS SNGA PHYI'I RGYU 'BRAS KYANG RGYAS PAR GO NUS PA'I CHED YIN PA'I PHYIR, GSUM PA LA DNGOS DANG, RGYU 'BRAS KYI KHYAD PAR RO, ,DANG PO 'KHOR TSUL NI, NYON MONGS PA LAS NYON MONGS DANG, ,BYA BA NYID DO DE LAS GZHI, ,DE LAS GZHI DANG NYON MONGS SKYE, ,'DI NI SRID PA'I YAN LAG LUGS, , @73B ZHES BYUNG, ZHES BYA CHOS CAN, MA RIG PA LA RGYU DANG RGA SHI LA 'BRAS BU YOD PAS YAN LAG BCU GNYIS KYI GRANGS NGES NYAMS PA'I SKYON YOD PA MIN TE, NYON MONGS PA SRED PA LAS NYON MONGS PA LEN PA DANG, DE LAS BYA BA NYID DE SRID PA DANG MA RIG PA LAS BYA BA 'DU BYED DANG, DE LAS GZHI RNAM SHES DANG, SRID PA LAS GZHI SKYE BA DANG, DE LAS GZHI MING GZUGS SOGS DANG, GZHI SKYE BA LAS GZHI RGA SHI, GZHI TSOR BA LAS NYON MONGS SRID PA SKYE BA SOGS BSHAD PA 'DI NI SRID PA'I YAN LAG LUGS 'BYUNG DU STON PAS BSHAD PA'I PHYIR, GNYIS PA NI, 'DIR NI 'BYUNG BA RGYU YIN TE, ,BYUNG BA 'BRAS BU YIN PAR 'DOD, ,CES BYUNG, DE LAS RGYU 'BRAS KYI KHYAD PAR YOD DE, SKABS 'DIR 'BYUNG BA NI RGYU'I RTEN 'BREL DANG, BYUNG BA NI 'BRAS BU'I RTEN 'BREL GYI DBANG DU BYAS PAR 'DOD PA'I PHYIR, BYE SMRA'I LUGS KYI YAN LAG BCU GNYIS LA GNAS SKABS MA BYAS PAR BCU GNYIS SO SOR 'JOG TSUL YOD DE, MA RIG PA NI RTEN 'BREL LA RMONGS PA'I SEMS BYUNG LTA MIN GYIS BSDUS PA DANG, 'DU BYED NI MA RIG PAS BSKYED PA'I SGO GSUM GYI LAS GZUGS CAN NAM DE MIN PA GANG RUNG DANG, RNAM SHES NI PHYI MAR NYING 'TSAMS SBYOR BA'I RNAM SHES DANG, MING GZUGS NI RNAM SHES NYING 'TSAMS SBYAR BA'I SKAD CIG GNYIS PA NAS SKYE MCHED TSUN CHAD KYI MING GZHI'I PHUNG PO DANG, SKYE MCHED DRUG NI, MIG SOGS KYI SKYE MCHED DNGOS BTAGS GANG RUNG DANG, REG PA NI, DE NAS YUL DBANG RNAM SHES GSUM 'DUS NAS YUL GCOD PA'I SEMS BYUNG DANG, TSOR BA NI REG PAS BCAD PA LTAR MYONG BA'I SEMS BYUNG DANG, SRED PA NI, TSOR BA'I RKYEN GYIS PHUL BA 'BRAL MI 'BRAL GANG RUNG DU SRED PA'I SEMS BYUNG DANG, LEN PA NI, SRED PA'I DBANG GIS @74A *, ,YUL DE DAG LA 'DUN PA'I 'DOD CHAGS DANG, SRID PA NI, LEN PAS GSOS BTAB NAS YANG SRID PHYI MA 'GRUB NGES KYI LAS DANG, SKYE BA NI, SRID LAS KYI DBANG GIS RNAM SHES NYING 'TSAMS SBYAR BA'I PHUNG PO DANG, RGA SHI'I RGA BA NI SKYE BA'I DBANG GIS PHUNG PO NA TSOD RGAS 'KHOG GI BAR DANG SHI BA NI SEMS CAN GYI TSE 'DI'I RIS MTHUN 'DOR BA'I SKABS LA 'JOG PA'I PHYIR, GNYIS PA MDO SDE PA'I LUGS LA, RTEN 'BREL GYI RANG BZHIN DANG, LHAG MA 'CHAD 'GYUR LA LTOS PAR BSTAN PA GNYIS, DANG PO LA, MA RIG PA DANG MING DANG REG PA DANG TSOR BA'I RTEN 'BREL BZHI, DANG PO NI, RIG PA'I MI MTHUN PHYOGS CHOS GZHAN, ,MA RIG MI MDZA' RDZUN SOGS BZHIN, ,KUN SBYOR SOGS TSIG PHYIR GAL TE, ,SHES RAB NGAN PA'I MIN LTA'I PHYIR, ,LTA BA DE DANG MTSUNGS LDAN PHYIR, ,SHES RAB NYON MONGS BSTAN PHYIR RO, ,ZHES BYUNG, MA RIG PA CHOS CAN, KHYOD KYI MTSAN NYID YOD DE, RIG PA YE SHES DANG 'DZIN STANGS DNGOS SU 'GAL BA'I SEMS BYUNG RMONGS PA DE DE YIN PA'I PHYIR, DER THAL, MA RIG PA NI RIG PA BKAG TZAM GYI NYON MONGS LA MI 'JOG PAR, RIG PA DE'I 'GAL ZLA MI MTHUN PHYOGS SU GYUR PA'I CHOS GZHAN ZHIG LA 'JOG DGOS PA'I PHYIR, DPER NA, MDZA' BA'I MI MTHUN PHYOGS MI MDZA' DANG, BDEN PA'I MI MTHUN PHYOGS RDZUN SOGS CHOS GZHAN ZHIG LA 'JOG PA BZHIN YIN PA'I PHYIR, GZHAN YANG, MA RIG PA ZHES PA'I MA'I DGAG SGRA SNGAR BSHAD PA LTAR 'GAL ZLA'I CHOS GZHAN STON PA'I DGAG TSIG YIN PAR THAL, MDO LAS, MA RIG PA NI, KUN SBYOR DANG 'CHING BA DANG PHRA RGYAS SOGS KYI TSIG GIS STON PAS NA, RIG PA BKAG TZAM NI @74B DE DAG TU MI RUNG BA'I PHYIR, GAL TE MA RIG PA NI SHES RAB NGAN PA LA 'DOD PA'O ZHE NA, DE YANG 'THAD PA MIN TE, DE LTA BA YIN PA'I PHYIR, KHYAB STE, LTA BA NI MA RIG PA DE DANG MTSUNGS LDAN DU BSHAD PA'I PHYIR DANG, LTA BA SHES RAB NYON MONGS CAN DANG MA RIG PA GNYIS NYON MONGS BYA MONGS BYED DU BSTAN PA'I PHYIR RO, ,GNYIS PA MING BSHAD PA NI, MING NI GZUGS CAN MIN PHUNG PO, ,ZHES BYUNG, MING GI RTEN 'BREL CHOS CAN, KHYOD KYI NGO BO YOD DE, TSOR 'DU SOGS GZUGS CAN MA YIN PA'I PHUNG PO BZHI CI RIGS KYIS BSDUS PA ZHIG LA BYED PA'I PHYIR, PHUNG PO BZHI PO DE NI CHOS CAN, MING DNGOS MIN YANG DE LTAR BRJOD PA'I RGYU MTSAN YOD DE, MING GI SKAD DOD N'A MA ZHES PA GZHOL BA LA 'JUG PAS, KHYOD DBANG DON 'BOD MING GSUM GYI DBANG GIS YUL DE DANG DE 'DZIN PA LA GZHOL BAR BYED PAS NA DE LTAR BRJOD PA'I PHYIR, GSUM PA REG PA NI, REG DRUG 'DUS TE BYUNG BA YIN, ,LNGA NI THOGS PA'I REG PA YIN, ,DRUG PA BLA DVAGS TSIG CES BYA, ,RIG DANG MA RIG DANG GZHAN RIG ,DRI MED NYON MONGS CAN LHAG MA, ,GNOD SEMS RJES SU CHAGS PA'I REG ,BDE BA MYONG 'GYUR LA SOGS GSUM, ,ZHES BYUNG, REG PA'I RTEN 'BREL CHOS CAN, NGO BO BZHAG TU YOD DE, YUL DBANG RNAM SHES GSUM 'DUS TE BYUNG ZHING YUL GYI 'GYUR BA RANG STOBS KYIS GCOD PA'I SEMS BYUNG DE DE YIN PA'I PHYIR, DBYE NA DRUG YOD DE, MIG GI 'DUS TE REG PA SOGS DRUG YOD PA'I PHYIR, YID MA GTOGS PA'I DANG PO LNGA NI CHOS CAN, THOGS PA'I REG PA ZHES BYA STE, THOGS BCAS KYI DBANG PO GZUGS CAN PA LA BRTEN PA'I REG PA YIN PA'I PHYIR, DRUG PA YID KYI REG PA CHOS CAN, TSIG BLA DVAGS KYI REG PA ZHES BYA STE, MING TSIG SOGS @75A *, ,LA DMIGS PA'I YID KYI REG PA YIN PA'I PHYIR, REG PA CHOS CAN, KHYOD LA LDAN GZHI'I SGO NAS DBYE NA GSUM YOD DE, RIG PA'I REG PA, MA RIG PA'I REG PA, DE LAS GZHAN PA'I REG PA RNAMS YOD PA'I PHYIR, DANG PO YOD DE, DRI MED KYI REG PA DE DE YIN PA'I PHYIR, GNYIS PA YOD DE, NYON MONGS CAN GYI REG PA DE DE YIN PA'I PHYIR, GSUM PA YOD DE, DE GNYIS KYI LHAG MA DGE BA ZAG BCAS DANG MA SGRIB LUNG MA BSTAN GYI REG PA RNAMS DE YIN PA'I PHYIR, NYON MONGS CAN GYI REG PA CHOS CAN, KHYOD LA GSUM YOD DE, MA RIG PA'I REG PA DANG GNOD SEMS KYI REG PA DANG RJES SU CHAGS PA'I REG PA RNAMS YOD PA'I PHYIR, DE CHOS CAN, 'BRAS BU'I SGO NAS GSUM YOD DE, BDE BA MYONG 'GYUR DANG LA SOGS TE SDUG BSNGAL MYONG 'GYUR DANG BTANG SNYOMS MYONG 'GYUR GYI REG PA GSUM YOD PA'I PHYIR, BZHI PA LA, SPYIR BSTAN PA DANG, YID TSOR BYE BRAG TU BSHAD PA GNYIS, DANG PO NI, DE LAS BYUNG BA'I TSOR BA DRUG , LNGA NI LAS KYI'O SEMS KYI GZHAN, ,ZHES BYUNG, REG PA DE LAS BYUNG BA'I TSOR BA CHOS CAN, BDAG RKYEN GYIS DBYE NA DRUG STE, MIG GI 'DUS TE REG PA LAS BYUNG BA'I TSOR BA SOGS DRUG YOD PA'I PHYIR, TSOR BA DANG PO LNGA NI CHOS CAN, LUS KYI TSOR BA YIN TE, BDAG RKYEN DBANG PO GZUGS CAN PA LA BRTEN NAS PHYE BA'I TSOR BA YIN PA'I PHYIR, GZHAN PA TSOR BA DRUG PA CHOS CAN, SEMS KYI TSOR BA YIN TE, BDAG RKYEN SEMS LA BRTEN NAS PHYE BA'I TSOR BA YIN PA'I PHYIR, GNYIS PA LA, GRANGS KYI SGO NAS MDOR BSTAN PA, YUL LA 'JUG TSUL GYI SGO NAS RGYAS PAR BSHAD PA, NGO BO'I SGO NAS DON BSDU BA GSUM, DANG PO NI, DE YID NYI BAR RGYU BA LAS, ,RNAM PA DAG NI YANG BCO BRGYAD, @75B CES BYUNG, YID TSOR DE NI CHOS CAN, YID YUL LA NYE BAR RGYU BA LAS RNAM PA DAG NI SNGAR BSHAD PA DER MA ZAD, YANG BCO BRGYAD YOD DE, YUL GZUGS SOGS DRUG LA DMIGS PA'I TSOR BA YID BDE DRUG ,DE LTA BU'I YID MI BDE BA DRUG , BTANG SNYOMS DRUG RNAMS SU YOD PA'I PHYIR, NYE BAR RGYU BA'I DON YOD DE, YUL DE DAG LA YID NYE BAR RGYU BAR BYED PA'I DON YIN PA'I PHYIR, GNYIS PA LA 'DOD PA DANG, GZUGS DANG, GZUGS MED KYI DBANG DU BYAS PA GSUM, DANG PO NI, 'DOD NA THAMS CAD RANG DMIGS CAN, ,SPYOD YUL GZUGS CAN BCU GNYIS SO, ,GONG MA GSUM GYI ZHES BYUNG, 'DOD PA NA CHOS CAN, NYE BAR RGYU BCO BRGYAD PO THAMS CAD YOD DE, THAMS CAD RANG SA'I YUL DRUG LA DMIGS PA CAN YIN PA'I PHYIR, 'DOD PA'I YID KYI NYER RGYU CHOS CAN, SPYOD YUL YOD DE, GZUGS CAN TE GZUGS KHAMS GYI YUL LA DMIGS PA BCU GNYIS DANG, GONG MA GZUGS MED KYI YUL LA DMIGS PA GSUM YOD PA'I PHYIR, DANG PO, , GRUB STE, DE'I DRI RO LA DMIGS PA'I BDE SDUG BTANG SNYOMS DRUG MA GTOGS PA BCU GNYIS YOD PA'I PHYIR, GNYIS PA GRUB STE, DE'I CHOS KHAMS LA DMIGS PA'I DE GSUM YOD PA'I PHYIR, GNYIS PA LA BSAM GTAN DANG PO GNYIS DANG, PHYI MA GNYIS KYI DBANG DU BYAS PA GNYIS, DANG PO NI, BSAM GTAN NI, ,GNYIS NA BCU GNYIS 'DOD 'GRO RNAMS, ,RANG LA DMIGS BRGYAD GZUGS MED PA, ,GNYIS KYI ZHES BYUNG, BSAM GTAN DANG PO GNYIS NA CHOS CAN, 'DOD PA'I YUL LA 'GRO ZHING DMIGS PA'I TSE NYER RGYU BCU GNYIS SU 'GYUR BA YOD DE, YID MI BDE BA DRUG MA GTOGS BCU GNYIS YOD PA'I PHYIR, RANG SA LA DMIGS PA'I TSE BRGYAD YOD DE, RANG SA'I GZUGS SGRA REG BYA CHOS LA @76A *, ,DMIGS PA'I BDE BA BZHI BTANG SNYOMS BZHI STE BRGYAD YOD PA'I PHYIR, GZUGS MED LA DMIGS PA'I TSE GNYIS YOD DE, YID BDE DANG BTANG SNYOMS GNYIS YOD PA'I PHYIR, GNYIS PA NI, BSAM GTAN GNYIS NA DRUG ,DRUG GI 'DOD PA'O RANG NI BZHI'I, ,GONG MA GCIG GI DMIGS PA YIN, ,ZHES BYUNG, BSAM GTAN PHYI MA GNYIS CHOS CAN, KHYOD NA DRUG YOD DE, BCO BRGYAD LAS BTANG SNYOMS DRUG TZAM YOD PA'I PHYIR, KHAMS GSUM LA DMIGS TSUL GYI SGO NAS KHYAD PAR YOD DE, 'DOD PA'I YUL LA DMIGS PA'I BTANG SNYOMS DRUG ,RANG SA'I YUL BZHI LA DMIGS PA'I DE BZHI, GONG MA GZUGS MED LA DMIGS PA'I DE GCIG YOD PA'I PHYIR, GSUM PA GZUGS MED NI, GZUGS MED NYE BAR BSDOGS NA BZHI, ,GZUGS 'GRO GONG MAR 'GRO BA GCIG ,DNGOS GZHIN GCIG RANG YUL CAN, ,ZHES BYUNG, GZUGS MED CHOS CAN, KHYOD KYI NYER BSDOGS DANG DNGOS GZHI'I TSOR BA'I DMIGS TSUL YOD DE, NAM MKHA' MTHA' YAS KYI NYER BSDOGS NA GZUGS LA DMIGS SHING 'GRO BA BZHI DANG, GONG MA GZUGS MED LA DMIGS SHING 'GRO BA'I TSE CHOS LA RGYU BA GCIG KHO NA YOD PA'I PHYIR, DE CHOS CAN, KHYOD KYI DNGOS GZHIN GCIG KHO NA YOD DE, RANG SA'I SPYOD YUL CAN GYI CHOS LA RGYU BA GCIG KHO NA YOD PA'I PHYIR, GSUM PA DON BSDU BA NI, BCO BRGYAD THAMS CAD ZAG DANG BCAS, ,ZHES BYUNG, 'DIR BSTAN PA'I YID TSOR BCO BRGYAD PO THAMS CAD CHOS CAN, ZAG PA DANG BCAS PA YIN TE, KUN NAS NYON MONGS PA'I RTEN 'BREL YIN PA'I PHYIR RO, ,GNYIS PA 'CHAD 'GYUR LA LTOS PAR STON PA NI, BSHAD DANG 'CHAD PAR 'GYUR BA GZHAN, ,ZHES BYUNG, SKABS @76B 'DIR NI CHOS CAN, RTEN 'BREL GYI YAN LAG BZHI TZAM GTZO BOR STON PA'I RGYA MTSAN YOD DE, RNAM SHES DANG SKYE MCHED DANG GZUGS NI BSHAD ZIN LA, GZHAN 'DU BYED DANG SRID PA GNYIS NI LAS KYI SKABS SU BSTAN PA DANG, SRED LEN GNYIS NI PHRA RGYAS STON PA'I SKABS SU 'CHAD BAR 'GYUR BA'I PHYIR RO, ,GNYIS PA NYON MONGS DPES MTSON TSUL LA, NYON MONGS PA'I NYON MONGS DPE LNGA DANG, LAS KYI KUN NAS NYON MONGS DPE GSUM DANG, GZHI'I KUN NAS NYON MONGS DPE GCIG GIS MTSON TSUL GSUM, DANG PO NI, 'DIR NI NYON MONGS SA BON BZHIN, ,KLU BZHIN RTZA BZHIN LJON SHING BZHIN, ,DE BZHIN SHUN PA BZHIN DU 'DOD, ,CES BYUNG, NYON MONGS CHOS CAN, DPE LNGA DANG MTSUNGS TE, 'DIR NI SA BON DANG KLU DANG SHING GI RTZA BA DANG LJON SHING DANG SHUN LPAGS BZHIN DU 'DOD PA'I PHYIR, DANG PO GRUB STE, SA BON LAS SDONG BU DANG LO MA 'BYUNG BA DE BZHIN DU NYON MONGS PA LAS LAS DANG GZHI RNAMS 'BYUNG BA'I PHYIR, GNYIS PA GRUB STE, KLU GNAS PA'I MTSO MI BSKAM PA LTAR NYON MONGS YOD NA SKYE BA'I MTSO MI BSKAMS PA'I PHYIR, GSUM PA GRUB STE, NAGS TSAL GYI RTZA BA MA PHYUNG NA BCAD KYANG SLAR SKYE BA LTAR NYON MONGS RTZA BA NAS MA SPANGS NA SLAR SKYES NAS 'KHOR BAR 'PHEN PA'I PHYIR, BZHI PA GRUB STE, LJON SHING LAS DUS DUS SU ME TOG DANG 'BRAS BU SKYE BA BZHIN NYON MONGS LAS NI LAS DANG GZHI DUS DUS SU 'BYUNG BA'I PHYIR, LNGA PA GRUB STE, 'BRAS SHUN LPAGS DANG BCAS PA LAS 'BRAS BU SKYE ZHING DE MED NA MI SKYE PA BZHIN DU NYON MONGS YOD NA LAS KYIS GZHI'I MYU GU SKYED KYI DE MED NA MI SKYE BA'I PHYIR, GNYIS PA NI, LAS NI SHUN BCAS 'BRAS DANG 'DRA, ,DE BZHIN SMAN DANG ME TOG BZHIN, ,ZHES BYUNG, LAS CHOS CAN, DPE @77A *, ,GSUM DANG 'DRA STE, SHUN PA DANG BCAS PA'I 'BRAS DANG SMAN DANG ME TOG BZHIN YIN PA'I PHYIR, DANG PO GRUB STE, SHUN LPAGS DANG BCAS PA'I 'BRAS KYIS MYU GU SKYED PA BZHIN DU NYON MONGS DANG BCAS PA'I LAS KYIS RNAM SMIN SKYED NUS PA'I PHYIR, GNYIS PA GRUB STE, BCUD PHYUNG ZIN PA'I SMAN GYIS SLAR 'BRAS BU MI 'BYIN PA BZHIN DU RNAM SMIN PHYUNG ZIN PO'I LAS KYIS SLAR RNAM SMIN MI 'BYIN PA'I PHYIR, GSUM PA GRUB STE, ME TOG RANG GI 'BRAS BU'I NYE RGYU YIN PA BZHIN DU LAS NI RNAM SMIN GYI NYE RGYU YIN PA'I PHYIR, GSUM PA NI, GZHI NI BZA' BTUNG GRUB PA BZHIN, ,ZHES BYUNG, 'BRAS BU RNAM SHES MING GZUGS SOGS GZHI BDUN PO CHOS CAN, MTSOD PA'I DPE GCIG YOD DE, DPER NA BZA' BTUNG G-YOS GRUB PA DE LONGS SPYOD BYA KHO NA YIN PA LTAR KHYOD RNAMS RNAM PAR SMIN ZIN KHO NA YIN GYI, RNAM PAR SMIN BYED MA YIN PA'I PHYIR RO, ,GNYIS PA SRID PA BZHI'I KHYAD PAR NI, SRID PA BZHI PO DE DAG LAS, ,SKYE BA'I SRID PA NYON MONGS CAN, ,RANG GI SA PA'I NYON MONGS KUN, ,GZHAN RNAM GSUM PO GZUGS MED GSUM, ,ZHES BYUNG, SRID PA CHOS CAN, KHYOD LA BZHI YOD DE, KHYOD LA BAR SRID, SKYE SRID, SNGON DUS, 'CHI SRID RNAMS SU YOD PA'I PHYIR, BZHI PO DE DAG LAS SKYE BA'I SRID PA CHOS CAN, NYON MONGS CAN YIN TE, RANG SA'I NYON MONGS PA KUN GYIS NYON MONGS PA CAN DU BYED PA'I PHYIR, SRID PA GZHAN GSUM PO CHOS CAN, KHYOD RE RE LA'ANG RNAM PA GSUM GSUM YOD DE, DGE BA DANG NYON MONGS CAN DANG LUNG MA BSTAN GSUM RE YOD PA'I PHYIR, GZUGS MED NA SRID PA GSUM YOD DE, BAR SRID MA GTOGS GSUM YOD PA'I PHYIR, GSUM PA GNAS PA'I THABS LA, ZAS KYI BYED LAS @77B MDOR BSTAN PA, SO SOR RGYAS PAR BSHAD PA, GRANGS NGES KYI DON BSDU BA GSUM, DANG PO NI, 'GRO BA ZAS KYIS GNAS PA YIN, ,ZHES BYUNG, 'GRO BA RNAMS CHOS CAN, GANG GIS GNAS PAR BYED PA YOD DE, ZAS KYIS GNAS PAR BYED PA YIN PA'I PHYIR, ZAS CHOS CAN, KHYOD LA BZHI YOD DE, KHAM GYI ZAS, REG PA'I ZAS, SEMS PA'I ZAS, RNAM SHES KYI ZAS DANG BZHI YOD PA'I PHYIR, GNYIS PA LA, GZUGS CAN GYI ZAS, GZUGS CAN MA YIN PA'I ZAS, ZHAR LA BAR SRID KYI RNAM GRANGS DANG GSUM, DANG PO NI, KHAM GYI ZAS NI 'DOD PA NA, ,SKYE MCHED GSUM GYI BDAG NYID DO, ,GZUGS KYI SKYE MCHED MA YIN DES, ,RANG DBANG GROL BA MI PHAN PHYIR, ,ZHES BYUNG, KHAM GYI ZAS CHOS CAN, NGO BO BZHAG TU YOD DE, KHAM DU BCAD CING MING PA'I ZAS ZHIG LA 'JOG PA'I PHYIR, DE LA PHRA RAGS GNYIS YOD DE, PHRA BA NI BAR SRID PA DANG LHA RNAMS DANG BSKAL PA DANG PO'I MI'I ZAS LTA BU YIN LA, RAGS PA NI DA LTA'I KHAM ZAS LTA BU YIN PA'I PHYIR TE, SNGA MA ZOS PAS RGYU MTHUN GSHAD ? BCI MED CING, PHYI MA ZOS PA LA DE YOD PA'I PHYIR, KHAM ZAS CHOS CAN, KHAMS GANG DU YOD PA DANG SKYE MCHED GANG LA 'JOG PA YOD DE, KHYOD NI 'DOD PA NA YOD CING DRI RO REG BYA'I SKYE MCHED GSUM GYI BDAG NYID CAN YIN PA'I PHYIR, KHAMS GONG MA GNYIS NI KHAM ZAS LA CHAGS PA DANG BRAL BAS DE GNYIS NA KHAM ZAS MED CING, GZUGS KYI SKYE MCHED NI KHAM ZAS MA YIN PA'I PHYIR, PHYI MA DER THAL, RANG GI DBANG PO DANG PHRAD PA'I SGO NAS RANG LA MI PHAN PA'I PHYIR TE, KHAM ZAS LA CHAGS PA DANG BRAL BA'I GROL BA LA, ZAS KYI KHA DOG DANG DBYIBS MTHONG BA LA MI PHAN PA LTA BU YIN PA'I PHYIR, GNYIS PA NI, REG DANG SEMS PA RNAM SHES NI, ,ZAG BCAS ZAS YIN GSUM DAG NA, ,ZHES BYUNG, GZUGS @78A *, ,CAN MA YIN PA'I ZAS CHOS CAN, KHYOD LA GSUM YOD DE, ZAG BCAS KYI REG PA DANG SEMS PA DANG RNAM SHES GSUM YOD PA'I PHYIR, DE GSUM PO CHOS CAN, KHAMS GCIG KHO NANG YOD PAR MA NGES TE, KHAMS GSUM PO DAG NA YOD PA'I PHYIR, DE GSUM CHOS CAN, RTEN GNAS BYED KYI ZAS YIN TE, REG PAS SEMS SEMS BYUNG RGYAS PAR BYED, SEMS PAS GNAS PA DANG 'PHEL BAR BYED, GNAS NI RNAM SHES KYIS BYED PA'I PHYIR, GSUM PA NI, YID LAS BYUNG DANG SRID TSOL DANG, ,DRI ZA SRID PA BAR MA DANG, ,'GRUB PA'O ZHES BYUNG, BAR SRID PA CHOS CAN, YID LAS BYUNG BA ZHES BYA STE, BRDOS BCAS KYI LUS RAGS PA MED PAR YID TZAM LAS SKYES PA'I PHYIR, DE CHOS CAN, SRID TSOL ZHES BYA STE, SRID PA TSOL BA'I NGANG TSUL CAN YIN PA'I PHYIR, DRI ZA ZHES BYA STE, ZAS SU DRI ZA BA TZAM YIN PA'I PHYIR, SRID PA BAR MA ZHES BYA STE, 'CHI SRID DANG SKYE SRID GNYIS KYI BAR GYI SRID PA YIN PA'I PHYIR, MNGON PAR 'GRUB PA ZHES BYA STE, SKYE SRID LA MNGON DU PHYOGS PA YIN PA'I PHYIR, GSUM PA GRANGS KYI SGO NAS DON BSDU BA NI, 'DI LA GNAS DANG NI, ,RTEN PA RGYAS PA'I DON DU GNYIS, ,SRID GZHAN 'PHEN DANG 'GRUB PA YI, ,DON DU GNYIS TE GO RIM BZHIN, ,ZHES SO, ,SHES BYA CHOS CAN, ZAS LA DE LTAR BZHIR BSHAD PA'I RGYU MTSAN YOD DE, TSE 'DI LA GNAS PA'I DBANG PO DANG BCAS PA'I LUS RGYAS PA'I DON DU KHAM ZAS DANG, RTEN PA SEMS SEMS BYUNG RGYAS PA'I DON DU REG PA'I ZAS GNYIS DANG, SRID PA GZHAN DU 'PHEN PA DANG 'GRUB PA YI DON DU SEMS PA DANG RNAM SHES KYI ZAS GNYIS TE GO RIM BZHIN DU BZHAG PA'I PHYIR, KHAMS YIN NA, ZAS YIN PAS MA KHYAB STE, ZAG MED KYI KHAMS @78B RNAMS ZAS MA YIN PA'I PHYIR, DER THAL, ZAS NI ZAG BCAS KYI STENG NAS 'JOG PA'I PHYIR, DE'I ZAS YIN NA, DE'I DBANG PO DANG 'BYUNG BA LA PHAN PAS MA KHYAB STE, DE'I ZAS YIN YANG 'BYUNG BA LA GNOD PA YOD PA'I PHYIR, BZHI PA 'CHI 'PHO BA'I SEMS LA, SEMS GANG GIS 'CHI BA, TSOR BA GANG GIS 'CHI BA ZHAR BYUNG DANG BCAS PA, LUS KYI PHYOGS GANG NAS 'CHI BA, GNAD GCOD PA'I RGYU DANG BZHI, DANG PO NI, CHAD DANG MTSAMS SPYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,CES BYUNG, SHES BYA CHOS CAN, SEMS GANG GIS 'CHI BA YOD DE, DGE RTZA CHAD PA DANG, DGE RTZA MTSAMS SBYOR BA DANG, 'DOD CHAGS DANG BRAL BA'O MNYAM GZHAG DANG, DE YONGS SU NYAMS PA DANG, 'CHI 'PHO BA DANG, SKYE BA'I SKABS KYI SEMS RNAMS GTZO BOR YID KYI RNAM SHES KYIS BYED PA KHO NAR 'DOD PA'I PHYIR, GNYIS PA NI, 'CHI 'PHO SKYE BA BTANG SNYOMS LA, ,RTZE GCIG SEMS MED LA DE MED, ,MYA NGAN 'DAS LUNG BSTAN MIN GNYIS, ,ZHES BYUNG, TSOR BA GANG GIS 'CHI BA YOD DE, 'CHI 'PHO DANG SKYE BA LEN PA GNYIS LA TSOR BA GSUM GYI NANG NAS BTANG SNYOMS KHO NAR NGES PA'I PHYIR TE, TSOR BA BDE SDUG GNYIS RNAM PA CHES GSAL BAS DE LA MI RUM BA'I PHYIR, RTZE GCIG PA'I MNYAM GZHAG DANG, SEMS MED 'GOG PA DANG 'DU SHES MED PA'I SNYOMS 'JUG LTA BU'I DANG NAS 'CHI 'PHO BYED PA MED DE, DE LA DE LTAR 'GYUR BA MED PA'I PHYIR, LHAG MED DU MYA NGAN LAS 'DA' BA'I 'CHI SEMS LA RNAM SMIN SKYES DANG SPYOD LAM PA'I LUNG MA BSTAN GNYIS YOD KYI, DGE MI DGE'I SEMS MED DE, SEMS RGYUN CHAD KHA MA LA DE GNYIS MI RUNG BA'I PHYIR, GSUM PA NI, 'OG MI LHAR 'GRO MI SKYE RNAMS, ,RIM GYIS @79A *, ,'CHI NA RKANG PA DANG, ,LTE BA SNYING GAR YID 'CHI 'PHO, ,ZHES BYUNG, 'OG NGAN 'GROR SKYE BA RNAMS CHOS CAN, RIM GYIS 'CHI BA YIN NA RKANG PA NAS YID 'GAG CING 'CHI 'PHO STE, DE'I TSE RNAM SHES KYI RTEN LUS DBANG RKANG ? PAR BSDUS NAS 'GAG PAR BYED PA'I PHYIR, MI'I NANG DU 'GRO BA RIM GYIS 'CHI BA RNAMS CHOS CAN, PHYOGS GANG NAS 'CHI TSUL YOD DE, YID LTE BA RU 'GAGS SHING 'CHI BA'I PHYIR, LHA DANG LAS NYON GYIS MI SKYE BA'I DGRA BCOM PA DAG CHOS CAN, 'CHI TSUL YOD DE, SNYING GAR YID 'CHI 'PHO BYED PA'I PHYIR, BZHI PA NI, GNAD GCOD PA NI CHU SOGS KYIS, ,ZHES BYUNG, SHES BYA CHOS CAN, GNAD GCOD GANG GIS BYED PA YOD DE, RLUNG MKHRIS SOGS LA BRTEN PA'I RLUNG ME CHU SOGS KYIS GCOD PAR BYED PA'I PHYIR, GANG GCOD PA YOD DE, LUS KYI GNAD NYAMS NA 'CHI BAR BYED PA NI GCOD PA'I DON YIN PA'I PHYIR TE, LUS KYIS RNAM SHES KYI RTEN BYED PA'I NUS PA BCAD PA DE BCAD PA'I DON YIN PA'I PHYIR, LHA LA GNAD GCOD KHYAD PAR BA MED DE, RANG 'GREL LAS, LHA DAG GI NANG NA NI GNAD CHAD PA MED MOD KYI, ZHES GSUNGS PA'I PHYIR, 'DOD LHA LA 'CHI BA'I TSE SDUG BSNGAL MED PA NI MIN TE, 'CHI LTAS MTHONG NAS SDUG BSNGAL DU 'GYUR BA YOD PA'I PHYIR, LNGA PA SEMS CAN GYI TSOGS GSUM DU SDUD PA NI, 'PHAGS DANG MTSAMS MED BYED PA DAG ,YANG DAG LOG PA NYID DU NGES, ,ZHES BYUNG, 'PHAGS PA RGYUN ZHUGS SOGS CHOS CAN, TSOGS DANG PO YANG DAG PA NYID DU NGES PA YIN TE, MYANG 'DAS MNGON DU BYED PAR NGES PA'I PHYIR, 'TSAMS MED BYED PA RNAMS CHOS CAN, TSOGS GNYIS PA LOG PA NYID DU NGES TE, NGAN SONG ? DU @79B SKYE BAR NGES PA'I PHYIR, DE LAS GZHAN PA'I SO SKYE RNAMS CHOS CAN, TSOGS GSUM PA MA NGES PA ZHES BYA STE, DE GNYIS GANG RUNG DU MTHA' GCIG TU MA NGES PA'I PHYIR TE, RKYEN SGRUB PA LA LTOS PA'I PHYIR RO,, ` ,,GNYIS PA PHYI SNOD KYI 'JIG RTEN BSHAD PA LA, BSHAD TSUL SPYIR BSTAN PA DANG, GZHUNG DON BYE BRAG TU BSHAD PA'O, ,DANG PO YOD DE, PHAL CHEN DANG YAB SRAS MJAL BA'I MDO DANG SA SDE DANG DUS 'KHOR SOGS NAS BSHAD TSUL MI 'DRA BA DU MA 'BYUNG BA LTAR YIN PA'I PHYIR RO, ,GNYIS PA LA, RTEN DKYIL 'KHOR GSUM BSHAD PA, BRTEN PA RI MTSO GLING GSUM BSHAD PA, TSA GRANG DMYAL BA'I GNAS BSHAD PA, NYI ZLA'I 'CHAR TSUL DANG TSAD BSHAD PA, LHA'I GNAS BSHAD PA, STONG GSUM NGOS BZUNG BA, 'GRO BA RNAMS KYI LUS DANG TSE TSAD BSHAD PA, TSAD DE GZHAL BA'I THABS BSHAD PA, SNOD BCUD KYI KHYAD CHOS BYE BRAG TU BSHAD PA DANG DGU, DANG PO LA, RLUNG DANG CHU DANG SA DKYIL BSHAD PA GSUM LAS, DANG PO NI, MDZOD LAS, DE LA SNOD KYI 'JIG RTEN GYI, ,GNAS PAR 'DOD PA'I 'OG DAG GI ,RLUNG GI DKYIL 'KHOR RDAMS SU NI, ,SA YA DRUG 'BUM GRANGS MED DO, ,ZHES BYUNG, SHES BYA CHOS CAN, SNOD BCUNG GNYIS YOD PA DE LA SNOD KYI 'JIG RTEN GYI KHAMS STONG GSUM 'DI'I 'OG GZHIR RTEN RLUNG GI DKYIL 'KHOR CHEN PO GCIG GNAS PAR 'DOD PA DE'I CHAGS TSUL YOD DE, DANG PO NAM MKHA' LTAR STONG PAR GNAS PA LAS SEMS CAN SPYI MTHUN GYI LAS STOBS KYI LO DU MANG RLUNG 'JAM PO RIM GYIS 'KHRIGS PA LAS 'THAB BRAL YAN CHAD CHAGS PA'I RJES SU CHAGS PA'I PHYIR, RLUNG DKYIL DE CHOS CAN, KHYOD KYI TSAD YOD DE, RDAMS TE DPANGS SU DPAG TSAD SA YA GCIG DANG DRUG 'BUM YOD CING, RGYAR DPAG TSAD @80A *, ,GRANGS MED CIG YOD PA'I PHYIR, RLUNG DKYIL 'DI'I RGYAR DPAG TSAD DE LTAR MANG BA'I RGYU MTSAN YOD DE, STONG GSUM 'JIG RTEN KHAMS KYI 'OG GI RLUNG DKYIL NI GCIG GIS GO CHOD CING, CHU SA RNAMS SO SO BA YIN PA'I PHYIR, GNYIS PA NI, CHU RNGAMS 'BUM PHRAG BCU GCIG DANG, ,STONG PHRAG DAG NI NYI SHU'O, ,ZHES BYUNG, CHU DKYIL CHOS CAN, KHYOD CHAGS TSUL YOD DE, RLUNG DKYIL GYI STENG DU SEMS CAN RNAMS KYI LAS KYIS SPRIN GSER GYI SNYING PO CAN 'DUS TE CHAR GYI RGYUN SHING RTA'I 'PHANG LO TZAM MAM GNYA' SHING TZAM LO DU MAR BABS PA LAS CHAGS PA'I PHYIR, DE CHOS CAN, KHYOD KYI TSAD YOD DE, RNGAMS SU DPAG TSAD 'BUM PHRAG BCU GCIG DANG STONG PHRAG DAG NI NYI SHU STE NYI KHRI YOD PA'I PHYIR, GSER GYI SNYING PO CAN ZHES PA'I DON YOD DE, BSRUBS NA GSER 'BYUNG RUNG GI SNYING PO CAN YIN PA'I PHYIR, CHU MTHA' CHOS CAN, PHYIR MI 'PHO STE, SEMS CAN GYI LAS DBANG GIS 'DZIN PA'I PHYIR, GSUM PA NI, PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU 'GYUR, ,CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O, ,KHOR YUG TU NI SUM 'GYUR RO, ,ZHES BYUNG, GSER DKYIL CHOS CAN, KHYOD CHAGS TSUL YOD DE, SNGAR GYI CHU DKYIL DE SEMS CAN SPYI MTHUN GYI LAS STOBS KYIS RLUNG GIS BSRUBS PA LAS PHYIS NI RNGAMS SU DPAG TSAD 'BUM PHRAG BRGYAD DU 'GYUR TE, LHAG MA SUM 'BUM NYI KHRI DAG NI CHU DE'I STENG DU KHYOD DU 'GYUR BA'I PHYIR, DE YANG SA'I DKYIL 'KHOR LOGS NAS 'ONGS PA MIN GYI CHU DKYIL SNGA MA DE'I SUM CHA GSER GYI DKYIL 'KHOR DU 'GYUR @80B BA YIN TE, DPER NA 'O MA'I STENG GI SPRIS MA CHAGS PA LTAR 'GYUR BA'I PHYIR, CHU DANG GSER GYI DKYIL 'KHOR GNYIS PO CHOS CAN, KHYOD KYI RGYA TSAD MNYAM PA YIN TE, THAD KAR CHE CHUNG MED PAR 'BUM PHRAG BCU GNYIS DANG STONG PHRAG GSUM DANG BRGYA PHRAG NI PHYED DANG LNGA RNAMS KHO NAR NGES PA'I PHYIR, DE GNYIS CHOS CAN, KHYOD KYI KHOR YUG GI TSAD YOD DE, KHOR YUG TU NI ZHENG GI SUM 'GYUR 'BUM PHRAG SUM CU RTZA BDUN TE SUM 'BUM BDUN KHRI DANG BRGYA PHRAG PHYED DANG BZHI YOD PA'I PHYIR TE, BLUM PO'I MTHA' SKYOR NI ZHENG GI SUM 'GYUR DU NGES PA'I PHYIR, MKHAS PA KHA CIG ,SNOD CHAGS PA'I THOG MA RLUNG GI DKYIL 'KHOR CHAGS PA NAS YIN GSUNG BA NI MI 'THAD DE, TSANGS PA'I 'JIG RTEN THOG MAR CHAGS NAS RLUNG DKYIL RJES SU CHAGS PA SOGS YIN PA'I PHYIR, DER THAL, MES 'JIG GI RJES SU DE LTAR CHAGS PAR 'GYUR BA'I PHYIR, 'DOD KHAMS CHAGS PA'I SNOD KYI THOG MA YANG RLUNG DKYIL NAS MA YIN TE, TSANGS RIS NAS 'THAB BRAL GYI BAR CHAGS PA'I RJES SU RLUNG DKYIL CHAGS PA RANG 'GREL DANG 'GREL BSHAD LAS GSAL BAR BSHAD PA'I PHYIR, 'ON KYANG, CHAGS PA DANG PO'I RLUNG NAS NI ZHES PA DANG MI 'GAL TE DE NI THOG MA'I RLUNG YIN GYI RLUNG DKYIL DE'I DBANG DU BYAS PA MA YIN PA'I PHYIR, KHOR YUG GI PHYI MTHA' RU CHU DANG GSER DKYIL GYI LHAG MA MED PA NI MIN TE, LCAGS RI'I PHYI ROL TU YANG PHYOGS RE RER DE GNYIS DPAG TSAD STONG DANG NYIS BRGYA DANG BRGYAD CU RTZA PHYED DANG BRGYAD RE LHAG LUS PA YOD PA'I PHYIR, DER THAL, RGYAS SRAS MA LAS, DE NI KHOR YUG GI PHYI ROL NA CHU DANG GSER GYI DKYIL 'KHOR DE TZAM LHAG PA'I PHYIR NYES PA MED DO, ,ZHES GSUNGS PA'I PHYIR, GNYIS PA LA, RI DGU RGYU DANG DBYIBS TSAD KYI SGO NAS BSHAD PA, MTSO BRGYAD @81A *, ,KYI DBYIBS TSAD BSHAD PA, GLING BZHI GLING PHRAN BRGYAD KYI TSAD DBYIBS BSHAD PA, 'DZAM BU'I GLING GI YON TAN BYE BRAG TU BSHAD PA DANG BZHI, DANG PO NI, DE LA LHUN PO GNYA' SHING 'DZIN, ,GSHOL 'DA' 'DZIN DANG SENG LDENG CAN, ,DE BZHIN BLTA NA SDUG RI DANG, ,RTA RNA DANG NI RNAM 'DUD DANG, ,MU KHYUD 'DZIN RI'O DE NAS NI, ,GLING RNAMS YIN NO DE DAG GI, ,PHYI ROL NA NI KHOR YUG STE, ,BDUN NI GSER YIN DE LCAGS SO, ,LHUN PO RIN CHEN BZHI'I RANG BZHIN, ,CHU YI NANG DU BRGYAD KHRI DAG ,NUB PO DE BZHIN STENG DU YANG, ,DPAG TSAD DAG NI BRGYAD KHRI'O, ,BRGYAD PO'I 'PHANG DU PHYED PHYED DBRI, ,DE DAG RNGAMS SU'ANG 'PHANG DANG MNYAM, ,ZHES BYUNG, SHES BYA CHOS CAN, GSER DKYIL GYI STENG DE LA CHAR GYI RGYUN SNGAR BZHIN BABS PA LAS RGYA MTSO CHEN PO DPANGS SU DPAG TSAD BRGYAD KHRI YOD PA ZHIG CHAGS PA RLUNG GIS BSRUBS PAS KHAMS RAB LAS RI RNAMS KYI DBUS SU RI GZHAN LAS LHUN BRJID CHE BA'I LHUN PO CHAGS, YANG DE LTAR BSRUBS PAS KHAMS 'BRING LAS GSER RI GNYA' SHING 'DZIN DANG GSHOL MDA' 'DZIN DANG SENG LDENG CAN DANG DE BZHIN DU BLTA NA SDUG RI DANG RTA RNA DANG RNAM 'DUD DANG MU KHYUD 'DZIN RE BDUN GRU BZHIR BSKOR BA'I TSUL GYIS CHAGS SHING, YANG KHAMS THA MA LAS DE NAS PHYI ROL TU NI GLING RNAMS KYANG CHAGS NAS GNAS PA'I PHYIR, DE DAG GI PHYI ROL NA DE KHOR YUG TU BSKOR BA'I LCAGS RI YOD CING DE RNAMS KYI RGYU'I KHYAD PAR YOD DE, GNYA' SHING 'DZIN SOGS RI BDUN NI GSER DANG, KHOR YUG DE LCAGS LAS GRUB PA'I PHYIR, LHUN PO CHOS CAN, RIN PO CHE BZHI'I RANG BZHIN LAS GRUB PA YIN TE, SHAR DNGUL, LHO BEE d'URYA, NUB SHEL, BYANG GSER LAS GRUB PA'I PHYIR, DE'I @81B RGYU MTSAN GYIS GLING SO SO'I NGOS KYI NAM MKHA' YANG DE DAG GI MDOG TU SNANG BA YIN TE, RANG 'GREL LAS, GANG GI RANG BZHIN YIN PA DE'I MTHUS DE'I NAM MKHA' YANG DE'I KHA DOG TU SNANG STE, ZHES GSUNGS PA'I PHYIR, LHO PHYOGS KYI NAM MKHA' SNGON POR SNANG BA'I RGYU MTSAN YOD DE, RI RAB KYI LHO NGOS BEE d'URYA SNGON PO'I RANG BZHIN CAN YIN PA'I DBANG GIS YIN PA'I PHYIR, RI DGU PO CHOS CAN, KHYOD KYI DPANGS TSAD YOD DE, CHU'I NANG DU GSER DKYIL LA THUG PAR DPAG TSAD BRGYAD KHRI RE MNYAM PAR NUB CING RI RAB NI DE BZHIN DU CHU'I STENG DU YANG DPAG TSAD DAG NI BRGYAD KHRI 'PHAGS PA'I PHYIR, GNYA' SHING 'DZIN SOGS RI GZHAN BRGYAD PO NI CHOS CAN, CHU'I STENG DU SNGA MA LAS PHYI MA 'PHANG STE RNGAMS SU PHYED PHYED DBRI BA YIN TE, GNYA' SHING 'DZIN GYI CHU MTSAMS YAN CHAD LA DPAG TSAD BZHI KHRI, DE BZHIN DU GNYIS PA LA DE'I PHYED NYIS KHRI, GSUM PA LA CHIG KHRI, BZHI PA LA LNGA STONG, LNGA PA LA NYIS STONG LNGA BRGYA, DRUG PA LA CHIG STONG DANG PHYED DANG SUM BRGYA, BDUN PA LA DRUG BRGYA NYI SHU RTZA LNGA YOD PA'I PHYIR, RI BRGYAD PO DE DAG CHOS CAN, CHU MTSAMS YAN GYI RNGAMS SU'ANG 'PHANG STE 'DIR ZHENG DANG TSAD MNYAM PA YIN TE, RGYA DPANGS GNYIS MNYAM PA'I PHYIR, 'DI LTAR NA 'PHANG LA RNGAMS ZHENG GNYIS KYI SGRA 'JUG PAR GSAL ZHING, RI PHYI MA LAS NANG MA MTHUG PA'I DBANG NGO, ,RI LHAG MA BDUN CHOS CAN, KHYOD KYI NGOS BZHI'I DKYUS TSAD YOD DE, SNGA MA LAS PHYI MA CHE BA'I PHYIR TE, SNGA MA LAS PHYI MA'I DKYUS TSAD RANG GI SNGA MA'I MTSO DANG RANG GI ZHENG TSAD NYIS 'GYUR RES LHAG PA'I PHYIR, GNYA' SHING 'DZIN CHOS CAN, KHYOD KYI NGOS RE DANG MTHA' SKOR GYI TSAD GNYIS YOD DE, PHYI'I NGOS GCIG GI ZUR NAS ZUR DU DPAG TSAD @82A *, ,SUM 'BUM NYIS KHRI DANG, MTHAR DE'I BZHI 'GYUR SA YA GCIG DANG NYIS 'BUM BRGYAD KHRI YOD PA'I PHYIR, ZUR SNGA MA GRUB STE, RI RAB DANG DE'I G-YAS G-YON GYI MTSO DANG RANG GI ZHENG TSAD GNYIS RNAMS BSDOMS PA LA TSAD DE LTAR YOD PA'I PHYIR, DE BZHIN DU GSHOL MDA' 'DZIN CHOS CAN, NGOS RE DANG MTHA'I TSAD YOD DE, NGOS RER BZHI 'BUM BZHI KHRI RE DANG MTHAR SA YA GCIG DANG BDUN 'BUM DRUG KHRI YOD PA'I PHYIR, SER LDENG CAN CHOS CAN, NGOS RE DANG MTHA'I TSAD YOD DE, NGOS RER LNGA 'BUM RE DANG MTHAR SA YA GNYIS YOD PA'I PHYIR, BLTA NA SDUG RI CHOS CAN, NGOS RE DANG MTHA'I TSAD YOD DE, NGOS RER LNGA 'BUM SUM KHRI RE DANG MTHAR SA YA GNYIS DANG CHIG 'BUM NYIS KHRI YOD PA'I PHYIR, RTA RNA CHOS CAN, NGOS RE DANG MTHA'I TSAD YOD DE, NGOS RER LNGA 'BUM BZHI KHRI LNGA STONG RE DANG MTHAR SA YA GNYIS DANG CHIG 'BUM BRGYAD KHRI YOD PA'I PHYIR, RNAM 'DUD CHOS CAN, NGOS RE DANG MTHA'I TSAD YOD DE, NGOS RER LNGA 'BUM LNGA KHRI NYIS STONG LNGA BRGYA RE DANG MTHAR SA YA GNYIS DANG NYIS 'BUM CHIG KHRI YOD PA'I PHYIR, MU KHYUD 'DZIN CHOS CAN, NGOS RE DANG MTHA'I TSANG YOD DE, NGOS RER LNGA 'BUM LNGA KHRI DRUG STONG PHYED DANG SUM BRGYA RE DANG MTHA' SKOR DU SA YA GNYIS DANG NYIS 'BUM NYIS KHRI LNGA STONG YOD PA'I PHYIR, KHA CIG CUNG ZAD MI 'DRA BA RE BSHAD KYANG DON NI 'DI KHO NA LTAR RO, ,RI BDUN PO CHOS CAN, SO SO'I SGRA BSHAD YOD DE, NYI ZLA GNYA' SHING LTAR 'DZIN PA'AM RTZE MO NA BRAG GNYA' SHING LTA BU YOD PAS NA GNYA' SHING 'DZIN DANG, DE BZHIN DU RTZE MO GSHOL MDA' LTAR YOD PA DANG, RTZE MOR SENG LDENG GI NAGS YOD PA DANG, RTZE MO LTA NA SDUG CING MDZES PAR YOD PA DANG, RTZE MO RTA'I RNA BA @82B LTAR YOD PA DANG, RTZE MO DBUS SU 'DUD PA'I TSUL DU YOD PA DANG, RTZE MO 'KHOR LO'I MU KHYUD LTAR YOD PAS NA DE LTAR DU BRJOD PA'I PHYIR, GNYIS PA NI, DE DAG BAR BDUN ROL MTSO YIN, ,DANG PO STONG PHRAG BRGYAD CU'O, ,DE NI NANG GI RGYA MTSO YIN, ,DE YI NGOS LA SUM 'GYUR RO, ,ROL MTSO GZHAN NI PHYED PHYED DO, ,LHAG MA PHYI YI RGYA MTSO YIN, ,'BUM PHRAG GSUM DANG STONG PHRAG NI, ,NYI SHU GNYIS SO ZHES BYUNG, ROL MTSO BDUN PO CHOS CAN, BZHAG TU YOD DE, LHUN PO NAS MU KHYUD 'DZIN LA THUG PA DE DAG GI BAR BDUN GYI MTSO BDUN PO DE KHYOD DU 'JOG PA YIN PA'I PHYIR, MTSO DANG PO CHOS CAN, KHYOD KYI ZHENG TSAD YOD DE, STONG PHRAG BRGYAD CU STE BRGYAD KHRI YOD PA'I PHYIR, DE NI CHOS CAN, NANG GI RGYA MTSO YIN TE, MTSO BRGYAD KYI NANG MA YIN PA'I PHYIR, DE CHOS CAN, KHYOD KYI NGOS TSAD YOD DE, RANG GI THAD KA'I SUM 'GYUR YOD PA'I PHYIR TE, NGOS RE LA NYIS 'BUM BZHI KHRI RE DANG MTHAR DE'I BZHI 'GYUR DGU 'BUM DRUG KHRI YOD PA'I PHYIR, ROL MTSO GZHAN DRUG GI KHA ZHENG NI SNGA MA LAS PHYI MA PHYED PHYED KYIS DBRI BA YIN TE, RIM BZHIN BZHI KHRI DANG NYIS KHRI DANG CHIG KHRI DANG LNGA STONG DANG, PHYED DANG SUM STONG DANG CHIG STONG NYIS BRGYA LNGA BCU YOD PA'I PHYIR, MTSO DE RNAMS CHOS CAN, DKYUS TSAD SNGA MA LAS PHYI MA CHE STE, ROL MTSO DANG PO'I NGOS RER DPAG TSAD NYIS 'BUM BZHI KHRI DANG MTHAR DGU 'BUM DRUG KHRI, GNYIS PA'I NGOS RER BZHI 'BUM RE DANG MTHAR SA YA GCIG DANG DRUG 'BUM, GSUM PA'I NGOS RER BZHI 'BUM BRGYAD KHRI RE DANG MTHAR SA YA GCIG DANG DGU 'BUM NYIS KHRI, BZHI PA'I NGOS RER LNGA 'BUM NYIS KHRI DANG MTHAR SA YA GNYIS DANG BRGYAD KHRI, LNGA PA'I NGOS RER LNGA 'BUM BZHI KHRI RE DANG MTHAR SA @83A *, ,YA GNYIS DANG CHIG 'BUM DRUG KHRI, DRUG PA'I NGOS RER LNGA 'BUM LNGA KHRI RE DANG MTHAR SA YA GNYIS DANG NYIS 'BUM, BDUN PA'I NGOS RER LNGA 'BUM LNGA KHRI LNGA STONG RE DANG MTHA' SKOR DU BZHI 'GYUR SA YA GNYIS DANG NYIS 'BUM NYIS KHRI YOD PA'I PHYIR, BDUN PO DE CHOS CAN, ROL MTSO ZHES BRJOD PA'I RGYU MTSAN YOD DE, DGA' BO DANG NYE DGA' LA SOGS KLU'I RGYAL PO RNAMS RTZE ZHING ROL BAS NA DE SKAD CES BRJOD PA'I PHYIR, MTSO SNGA MA BDUN PO NANG GI RGYA MTSO YIN LA, MU KHYUD 'DZIN DANG KHOR YUG GI BAR GYI MTSO CHOS CAN, PHYI'I RGYA MTSO ZHES BYA STE, MTSO GZHAN GYI PHYI'I LHAG MA'I RGYA MTSO YIN PA'I PHYIR, DE CHOS CAN, KHYOD KYI ZHENG TSAD YOD DE, DE'I BAR LA DPAG TSAD 'BUM PHRAG GSUM DANG STONG PHRAG DAG NI NYI SHU RTZA GNYIS YOD PA'I PHYIR,, ,,GSUM PA GLING RNAMS TSAD DBYIBS KYI SGO NAS BSHAD PA NI, DER NI, ,'DZAM BU'I GLING STE NGOS GSUM LA, ,STONG PHRAG GNYIS SO SHING RTA'I DBYIBS, ,GCIG LA DPAG TSAD PHYED DANG BZHI, ,SHAR GYI LUS 'PHAGS ZLA GAM 'DRA, ,NGOS GSUM 'DI DANG 'DRA GCIG LA, ,DPAG TSAD SUM BRGYA LNGA BCU'O, ,BA LANG SPYOD GLING ZLUM PO STE, ,STONG PHRAG PHYED DANG BRGYAD YIN NO, ,DE'I DBUS STONG PHRAG PHYED DANG GSUM, ,SGRA MI SNYAM BRGYAD GRU BZHIR MNYAM, ,DE YI BAR GYI GLING BRGYAD NI, ,LUS DANG LUS 'PHAGS SGRA MI SNYAN, ,SGRA MI SNYAM GYI ZLA DANG NI, , RNGA YAB DANG NI RNGA YAB GZHAN, ,G-YO LDAN DANG NI LAM MCHOG 'GRO, ,ZHES BYUNG, GLING RNAMS CHOS CAN, GANG LA GNAS PA YOD DE, PHYI'I RGYA MTSOR RTZA BA SA GZHIR THUG PA'I TSUL GYIS GNAS PA'I PHYIR, RI RAB KYI LHO NA @83B YOD PA'I 'DZAM BU'I GLING CHOS CAN, KHYOD KYI SGRA DON DBYIBS TSAD SOGS YOD DE, SHING 'DZAM BU'I 'BRAS BU MTSO NANG DU LHUNG BA'I SGRA DANG SHING DES MTSON PAS NA 'DZAM BU'I GLING DANG, DBYIBS SHING RTA LTA BU DANG, NGOS GZHAN GSUM LA DPAG TSAD STONG PHRAG GNYIS RE DANG, LHO PHYOGS KYI NGOS GCIG LA DPAG TSAD PHYED DANG BZHI YOD PA'I PHYIR, SHAR GYI LUS 'PHAGS GLING CHOS CAN, KHYOD KYI DBYIBS TSAD SOGS YOD DE, DBYIBS NI ZLA KHAM DANG 'DRA LA, TSAD NI NGOS GSUM 'DZAM BU'I GLING 'DI DANG 'DRA BAR DPAG TSAD STONG PHRAG GNYIS RE DANG LCAGS RI'I PHYOGS KYI NGOS GCIG LA DPAG TSAD SUM BRGYA LNGA BCU YOD PA'I PHYIR, SGRA DON YOD DE, LUS 'DZAM BU'I GLING PA'I LUS LAS 'PHAGS SHING MDZES PAS NA DE LTAR BRJOD PA'I PHYIR, NUB PHYOGS KYI BA LANG SPYOD CHOS CAN, KHYOD KYI DBYIBS TSAD YOD DE, DBYIBS ZLUM PO DANG, TSAD NI MTHAR DPAG TSAD STONG PHRAG PHYED DANG BRGYAD YIN LA DE'I DBUS THAD KAR ZHENG LA DPAG TSAD STONG PHRAG PHYED DANG GSUM YOD PA'I PHYIR, SGRA DON YOD DE, BA LANG DANG NOR BU LA SPYOD PAS NA DE SKAD BRJOD PA'I PHYIR, BYANG GI SGRA MI SNYAN CHOS CAN, KHYOD KYI DBYIBS TSAD YOD DE, DBYIBS GRU BZHIR MNYAM ZHING, TSAD NI NGOS RER DPAG TSAD NYIS STONG RE YOD CING MTHA' SKOR DU DPAG TSAD STONG PHRAG BRGYAD YOD PA'I PHYIR, SGRA DON YOD DE, DE NA YOD PA'I MI RNAMS 'CHI BA'I TSE ZHAG BDUN GYI GONG DU 'CHI'O ZHES PA'I SGRA MI SNYAM PA NAM MKHA' LAS 'BYUNG BAS NA DE LTAR BRJOD PA'I PHYIR, GLING DE RNAMS CHOS CAN, KHYOD LA GLING ZHES BRJOD PA'I SGRA DON YOD DE, MTHA' CHUS BSKOR BA'I TSUL GYIS SO SOR GNAS PAS NA DE SKAD CES BRJOD PA'I PHYIR, GLING DE DAG NA BYA BA BYED TSUL DANG, MI RNAMS GYI BYANG DBYIBS KYI @84A *, ,KHYAD PAR YOD DE, GLING GZHAN NA CHED DU BYAS PA'I KHA ZAS ZA LA, SGRA MI SNYAN NA MA RMOS PA'I LO TOG SOGS LA SPYOD, SNGA MA GSUM NA BAG MA GTONG LEN DANG NYO TSONG DANG GNAS KHANG 'BUB PA SOGS YOD, SGRA MI SNYAN NA DE LTA BU MED LA, BYANG DBYIBS KYI KHYAD PAR NI GDONG RANG RANG GI GLING GI DBYIBS LTA BU YIN PA'I PHYIR, GLING BZHI PO DE'I BAR GYI GLING CHOS CAN, KHYOD LA BRGYAD YOD DE, G-YON SKOR GYIS SHAR DU LUS DANG LUS 'PHAGS GNYIS, BYANG DU SGRA MI SNYAN DANG SGRA MI SNYAN GYI ZLA GNYIS, NUB TU G-YO LDAN DANG LAM MCHOG 'GRO GNYIS, LHOR RNGA YAB DANG RNGA YAB GZHAN GNYIS TE BRGYAD YOD PA'I PHYIR, GLING PHRAN BRGYAD PO DE CHOS CAN, KHYOD KYI TSAD DBYIBS YOD DE, RANG GI DBUS KYI GLING LAS PHYED KYIS CHUNG ZHING DBYIBS NI RANG RANG GI DBUS KYI GLING LTA BU YIN PA'I PHYIR, MKHAS PA KHA CIG ,GLING G-YOG RNAMS RANG RANG GI GTZO BO'I GLING DANG TSAD 'DRA BAR 'DOD KYANG MI 'THAD DE, DE BRGYAD NA GNAS PA'I MI'I LUS NI DBUS GLING GI MI RNAMS LAS PHYED KYIS CHUNG BAR BSHAD PAS KYANG GLING G-YOG RNAMS DBUS GLING LAS CHUNG BAR GRUB PA'I PHYIR, RNGA YAB GLING NA MIR MA ZAD DE, DE NA SRIN PO YANG GNAS PA'I PHYIR, BZHI PA 'DZAM BU'I GLING GI YON TAN BYE BRAG TU BSHAD PA NI, 'DI NAS BYANG DU RI NAG PO, ,DGU 'DAS GANGS RI'O DE NAS NI, ,SPOS NGAD LDANG BA'I TSU ROL NA, ,MCHU ZHENG LNGA BCU YOD PA'I MTSO, ,ZHES BYUNG, SHES BYA CHOS CAN, 'DZAM GLING 'DI NI KHYAD CHOS DU MA DANG LDAN TE, RDO RJE GDAN 'DI NAS BYANG DU RI NAG PO GSUM GSUM STE DGU 'DAS PA'I PHA ROL NA GANGS RI CHEN PO TI SE ZHES BYA BA YOD CING, DE NAS KYANG PHA ROL DPAG TSAD LNGA @84B BCU NA SPOS NGAD LDANG BA'I RI BO YOD LA, YANG DE NAS DPAG TSAD LNGA BCU'I TSU ROL NA KLU'I RGYAL PO MA DROS PA GNAS PA'I MTSO MA DROS PA ZHES BYA BA DBYIBS GRU BZHI DANG, MCHU ZHENG GNYIS LA'ANG DPAG TSAD LNGA BCU RE YOD CING, MTHA' SKOR DU DPAG TSAD NYIS BRGYA PA YAN LAG BRGYAD LDAN GYI CHUS GANG BA ZHIG YOD PA'I PHYIR, DE CHOS CAN, KHYOD KYI DBUS NA SHING KHYAD PAR CAN YOD DE, DER 'DZAM BU'I SHING 'BRAS BU MNGAR PO DANG LDAN PA LHAS KYANG LONGS SPYOD DU RUNG BA'I SHING KHYAD PAR CAN YOD PA'I PHYIR, DE CHOS CAN, KHYOD KYI PHYOGS BZHI NAS CHU BO CHEN PO BZHI 'BAB PA YIN TE, SHAR NA DNGUL GYI BRAG GLANG CHEN 'DRA BA'I KHA NAS GANGG'A DNGUL GYI BYE MA 'DREN PA DANG, LHOR GSER GYI BRAG KHYU MCHOG GI KHA 'DRA BA NAS SINDHU GSER GYI BYE MA DANG, NUB NA BEE d'URYA'I BRAG RTA'I KHA 'DRA BA NAS PAKshU BEE d'URYA'I BYE MA DANG, BYANG NA RDO RJE'I BRAG SENGGE'I KHA 'DRA BA NAS SI TA ZHES BYA BA RDO RJE'I PHYE MA 'DREN CING, DE RE RE'ANG CHU BRAN LNGA BRGYA RE BCAS NAS MTSO MA DROS PA LA G-YAS SKOR LAN BDUN RE BYAS NAS RANG RANG GI PHYOGS SU 'BAB PA'I PHYIR, DE LTAR 'BAB PA'I RGYU MTSAN YOD DE, KLU RGYAL MA DROS PA DE SPRUL PA'I KLU KHYAD PAR CAN YIN ZHING DE'I SMON LAM GYI MTSON DON KHYAD PAR CAN DANG LDAN PA'I SGO NAS DE LTAR DU 'BAB PA'I PHYIR, RI SPOS NGAD LDANG CHOS CAN, KHYOD KYI BYANG PHYOGS DPAG TSAD NYI SHU NA BRAG GSER GYI BYA SKYIBS ZHES BYA BA RANG 'DRA BRGYA STONG GIS BSKOR BA YOD DE, ZHENG DU DPAG TSAD LNGA BCU, 'PHANG DU DPAG TSAD PHYED DANG BZHI, MTHAR DPAG TSAD NYIS BRGYA YOD PA, LTA NA SDUG CING MDZES PA YIN PA'I PHYIR, BYA SKYIBS DE CHOS CAN, KHYOD KYI BYANG DANG SHAR NA SHING DANG RDZING @85A *, ,BU GNYIS YOD DE, BYANG NA SHING S'A LA'I RAB BRTAN DANG SHAR NA RDZING BU DAL GYIS 'BAB PA ZHES BYA BA GNYIS YOD PA'I PHYIR, SNGAR BSHAD PA DE DAG GI NYE SKOR DU GANG RGYU BA YOD DE, BRGYA BYIN GYI GLANG CHE G-YUL NGOR SPYOD PA RAB BRTAN ZHES BYA BA SRID DU DPAG TSAD PHYED DANG GSUM DANG, ZHENG DU DPAG TSAD GCIG ,'PHANG DU DPAG TSAD PHYED GNYIS YOD PA 'KHOR GLANG PO CHE BRGYA STONG DANG BCAS DGUN GSER GYI BYA SKYIBS DANG, DPYID S'A LA RAB BRTAN DANG, DBYAR RDZING BU DAL GYIS 'BAB PAR GNAS PA'I PHYIR, 'DZAM GLING CHOS CAN, KHYOD KYI KHYAD CHOS GZHAN YANG YOD DE, DBUS SU SANGS RGYAS KYI BZHUGS GNAS RDO RJE GDAN BYANG CHUB KYI SHING DANG BCAS PA, SHAR NA 'JAM DPAL GYI GNAS RI BO RTZE LNGA, LHO NA SPYAN RAS GZIGS KYI GNAS GRU 'DZIN, NUB NA MKHA' 'GRO'I GSANG MDZOD KYI GNAS AO dI YA NA, BYANG NA CHOS RGYAL RIGS LDAN SO GNYIS SAM SO GSUM GYI GNAS SHAMBHA LA YOD PA'I PHYIR, GZHAN YANG KHYAD PAR DU MA BSHAD PA YOD DE, GLING 'DI LA GLING G-YOG LNGA BRGYA DANG, YUL PHRAN STONG DANG, BCO BRGYAD DANG, BCU DRUG SOGS DU MA BSHAD PA'I PHYIR TE, GSANG BA BSAM GYIS MI KHYAB PA'I MDO LAS YUL KA SHA DANG BA HU DANG THO GAR LA SOGS PA STONG DANG, DRAN PA NYER GZHAG LAS BCO BRGYAD DANG, GSANG BA'I MDO LAS BCU DRUG DANG, LUNG PHRAN TSIGS LAS MNYAN YOD LA SOGS PA DRUG KYANG BSHAD PA'I PHYIR, GSUM PA DMYAL BA'I GNAS BSHAD PA NI, 'DI 'OG STONG PHRAG NYI SHU NA, ,MNAR MED PA'O DE TZAM MO, ,DE YI STENG NA DMYAL BA BDUN, ,BRGYAD PO KUN LAS LHAG BCU DRUG ,DE DAG GI NI NGOS BZHI NA, , @85B ME MAR MUR DANG RO MYAGS DANG, ,SPU GRI'I LAM SOGS CHU BO YIN, ,CHU BUR CAN SOGS GRANG BRGYAD GZHAN, ,ZHES BYUNG, 'DZAM BU'I GLING 'DI CHOS CAN, KHYOD KYI 'OG TU DPAG TSAD STONG PHRAG NYI SHU NA MNAR MED PA'I DMYAL BA'I YAS STENG YOD DE, DE NAS DE'I RNGAMS SU THUR DANG RGYA TSAD LA'ANG DPAG TSAD STONG PHRAG NYI SHU DE TZAM RE YOD PA'I PHYIR, SA SDE LAS MA DROS MTSO'I 'OG TU BSHAD PA DANG MI 'GAL TE, MA DROS MTSO NI GLING 'DI'I MTSO'I BYE BRAG YIN PA'I PHYIR, MNAR MED DE YI STENG NA DMYAL BA BDUN YOD DE, YANG SOS SOGS BDUN YOD PA'I PHYIR, TSA DMYAL BRGYAD PO KUN CHOS CAN, 'KHOR DU MA YOD DE, KHYOD RE RE LA'ANG LHAG MA 'KHOR BCU DRUG RE YOD PA'I PHYIR, DER THAL, BRGYAD PO DE DAG GI NGOS BZHI RE RE NA ME MAR MUR GYI 'OBS, RO MYAGS KYI 'DAM, SPU GRI GTAMS PA'I LAM, SOGS TE CHU BO RAB MED BZHI BZHI LA LCAGS RIS BSKOR NAS YOD PA'I PHYIR, SOGS SGRAS GZHAN YANG SDUD DE, RAL GRI'I LO MA DANG SHAL MA LI SOGS SDUD PA'I PHYIR, TSA DMYAL BRGYAD PO CHOS CAN, KHYOD KYI THAD KAR GZHAN GRANG DMYAL BRGYAD YOD DE, DE DAG TU CHU BUR CAN LA SOGS PA BRGYAD YOD PA'I PHYIR, NGAN SONG GZHAN YI DVAGS KYI GNAS YOD DE, GNAS KYI RTZA BA NI 'DZAM GLING 'DI'I 'OG DPAG TSAD LNGA BRGYA SONG BA NA YI DVAGS KYI GRONG KHYER SER SKYA ZHES BYA BA YOD PA'I PHYIR, DER MA NGES TE, YI DVAGS 'GA' ZHIG DANG, NYI TSE BA'I DMYAL BA'I GNAS RGYA MTSO'I 'GRAM DANG MI YUL NA'ANG YOD PA'I PHYIR, YI DVAGS DANG DMYAL BA'I GSHIN RJE'I RGYAL PO NI GANG ZAG TU 'DOD CING NGO BO GCIG TU BZHED PA DANG MI BZHED PA'I TSUL GNYIS YOD LA, THIG NAG PO 'DEBS MKHAN LA SOGS PA'I GSHIN RJE'I GZUGS SU SNANG BA LA 'DOD RGUL GNYIS YOD DE, BYE SMRAS @86A *, ,GANG ZAG TU 'DOD CING, MDO SDE PA DANG DBU SEMS RNAMS KYIS 'BYUNG BZHI'I KHYAD PAR LA 'DOD CES BSHAD PA'I PHYIR, DUD 'GRO'I GNAS YOD DE, THANG DANG CHU DANG NAM MKHA' SOGS LA GNAS PA YOD KYANG RTZA BA'I GNAS NI RGYA MTSO CHEN PO NYID YIN PA'I PHYIR, LHA MA YIN GYI GNAS YOD DE, RI RAB KYI CHU 'TSAMS MAN GYI KHONG SENG NA GTZO BOR GNAS SHING, KHA 'THOR NI GZHAN DAG NA'ANG YOD PA'I PHYIR, DANG PO GRUB STE, CHU MTSAMS MAN GYI KHONG SENG NA DANG PO LHA MA YIN GYI DBANG PO SGRA GCAN 'KHOR BCAS DANG, DE NAS 'OG TU MGUL PHRENG DANG, DE NAS BRTAN PA DANG, DE NAS THAG BZANG RIS 'KHOR BCAS YOD PAR GDAGS PA LAS BSHAD PA'I PHYIR, LHA MIN RNAMS KYI YO BYAD KYI KHYAD PAR YOD DE, SUM CU RTZA GSUM PA'I LHA RNAMS LA JI LTAR YOD PA LTA BU'I DOD RE RE YOD PA'I PHYIR TE, MTSON NA LHA'I GLANG CHEN G-YUL NGOR SPYOD PA'I DOD DU, LHA MIN LA GLANG CHEN BZOD DKA' YOD PA BZHIN NO, ,DE'I PHYIR DE RNAMS KYIS SUM CU RTZA GSUM PA'I LHA LA 'GRAN NUS PA YIN TE, 'ON KYANG LHA RNAMS NI BSOD NAMS MTHU CHE BA YIN NO, ,BZHI PA NYI ZLA'I 'CHAR TSUL LA, DNGOS DANG, DUS TSIGS KYI RNAM GZHAG GNYIS, DANG PO NI, NYI ZLA LHUN PO'I PHYED NA'O, ,DPAG TSAD LNGA BCU GCIG DANG BCAS, ,NAM PHYED NYI MA NUB PA DANG, ,NYI MA PHYED DANG 'CHAR DUS GCIG ,CES BYUNG, NYI ZLA GNYIS CHOS CAN, KHYOD GANG NAS 'CHAR BA'I TSUL YOD DE, LHUN PO'I CHU 'TSAMS YAN CHAD KYI PHYED GNYA' SHING 'DZIN GYI RTZE MO DANG MNYAM PA'I THAD NAS 'CHAR BA'I PHYIR, GANG GIS RTEN BYAS NAS 'CHAR BA YOD DE, SEMS CAN GYI LAS KYI MJUS RANG NYID 'DEGS BYED DANG 'PHUL @86B BYED KYI RLUNG STOBS KYIS 'CHAR BA'I PHYIR, NYI ZLA SKAR GSUM 'PHUL BYED KYI RLUNG LA MGYOGS BUL KHYAD PAR YOD DE, SKAR MA NYI ZLA GSUM RIM PA BZHIN SNGA MA MGYOGS SHING, PHYI MA BUL BA'I PHYIR, NYI MA'I LHO BYANG GI 'GROD GNYIS KYI TSE MTHO DMAN MI MNYAM STE, BYANG BGROD KYI TSE MTHO LA LHO BGROD KYI TSE DE LAS DMA' BA'I PHYIR, SPYIR NYI ZLA GNYA' SHING 'DZIN GYI RTZE MO DANG MNYAM PA DANG 'CHAR BAR BSHAD PA NI STON DPYID LTA BU'I DUS KYI TSE YIN YANG, DE'I TSE GNYA' SHING 'DZIN GYI RTZE MO'I THAD KA NA YOD PA MIN TE, NYI ZLA BYANG BGROD MTHAR THUG GI DUS SU YANG LHO GLING 'DI'I DBUS NAS BYANG PHYOGS SU MI 'ONG BA'I PHYIR, NYI ZLA'I TSAD YOD DE, ZLA BA'I DKYIL 'KHOR GYI RGYAR NI DPAG TSAD LNGA BCU DANG, NYI MA'I DKYIL 'KHOR GYI RGYAR DPAG TSAD NGA GCIG DANG BCAS LA, GNYIS KA'I MTHA' SKOR DU NI SUM 'GYUR DANG, GNYIS KA RNGAMS SU DPAG TSAD PHYED DANG DRUG DANG GCIG GI BCO BRGYAD CHA GCIG YOD PA'I PHYIR, NGO BO'I KHYAD PAR YOD DE, NYI MA'I 'OG NGOS ME SHEL DANG ZLA BA'I 'OG NGOS CHU SHEL LAS GRUB CING, DE GNYIS KA'I STENG NA GSER GYI RVA BA 'PHANG DU DPAG TSAD PHYED PAS BSKOR BA YOD CING, SKYED POS ? TSAL SOGS DANG, NANG DU LHA'I GRONG KHYER DU MA DANG, LHA'I BU NYI MA DANG ZLA BA 'KHOR BCAS GNAS PA'I PHYIR, ZLA BA'I NGOS KYI GZUGS BRNYAN DE LA BSHAD TSUL MI 'DRA BA YOD KYANG STON PA RI BONG DU SKYE BA BZHES PA'I RI BONG GI GZUGS BSNYAN BYIS PA LTAR 'DOD PAR BYA STE, RI BONG CAN ZHES PA DANG MTHUN PA'I PHYIR, SKAR MA'I GRANGS TSAD YOD DE, GLING BZHI GCIG LA SKAR MA DUNG 'PHYUR GNYIS DANG BYE BA BRGYAD SA YA LNGA YOD CING, TSAD CHE BA LA RGYANG GRAGS BCO BRGYAD DANG, BRING LA BCU NAS BCU @87A *, ,GNYIS PAR DANG, CHUNG BAR RGYANG GRAGS GSUM DANG GCIG YOD PAR BSHAD PA'I PHYIR, BYED LAS YOD DE, NYI MAS GRANG BA RNAMS DRO BA DANG ZLA BAS TSA BA RNAMS BSIL BAR BYED CING, RTZI SHING LO TOG SOGS SKYED PA'I GROGS BYED CING, GNOD PA'ANG CI RIGS BYED PAR 'GYUR BA'I PHYIR, BYA BA BYED TSUL YOD DE, MTSON NA SGRA MI SNYAN DU NAM PHYED PA DE'I TSE LUS 'PHAGS SU NYI MA NUB PA DANG, 'DZAM BU'I GLING 'DIR NYI MA PHYED PA DANG BA LANG SPYOD DU NYI MA SHAR BA BZHI DUS MNYAM PA DE BZHIN DU GLING GZHAN LA'ANG 'GRO BA'I PHYIR, 'DI LA'ANG 'DOD PA MI 'DRA BA YOD DE, NYIN MTSAN MNYAM PA'I DUS GCIG LA 'DOD PA DANG, NYIN ZHAG RE RE'ANG DE LTAR 'GYUR BA'I 'DOD TSUL GNYIS YOD PA'I PHYIR, RANG LUGS NI PHYI MA LTAR RUNG STE, RJE NOR BZANG BAS LEGS PAR GTAN LA PHAB PA LTAR 'DOD PA'I PHYIR RO, ,GNYIS PA DUS TSIGS NI, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DGUN RNAMS KYI NI BZHI PA LA, ,THUNG NGUR 'GYUR RO NYIN MO BZLOG ,NYIN MTSAN RING BA THANG GCIG GO ,NYI MA'I LHO BYANG BGROD TSE 'O, ,NYI MA DANG NI NYE BA LAS, ,RANG GI GRIB MAS SGRIB PAR SNANG, ,ZHES BYUNG, 'DI LA TSIG DON DANG, SPYI DON DANG, MTHA' DPYAD PA GSUM, DANG PO NI, RAGS RTZIS DUS TSIGS LA GSUM DU PHYE BA'I DBYAR GYI ZLA BA GNYIS PA KHRUMS ZLA'I PHYOGS THA MA HOR ZLA BRGYAD PA'I MAR NGO'I TSES BDUN BRGYAD LA NYIN MTSAN MNYAM PA LAS, TSES DGU NAS MTSAN MO RING BAR 'GYUR TE, DE NAS ZLA BA GSUM GYI BAR ZLA BA RE RER THANG CIG SUM CU'AM YUD TZAM BCO BRGYAD KYI BAR DU RIM GYIS 'PHEL NAS BCU GCIG PA'I TSES BRGYAD LA DGUN NYI ZLOG CING, DE NAS ZLA BA GSUM GYI BAR DU THANG @87B CIG DANG YUD TZAM RES NYIN MO RING BA DANG MTSAN MO THUNG NGUR RIM GYIS GYUR TE, DUS TSIGS LA GSUM DU PHYE BA'I DBUN RNAMS KYI NI ZLA BA BZHI PA DBO ZLA'I YAR NGO GNYIS PA'I TSES BRGYAD LA DPYID NYIN MTSAN MNYAM PA 'BYUNG ZHING, DE NAS YANG MTSAN MO THUNG NGU DANG NYIN MO RING BAR GYUR TE ZLA BA GSUM RDZOGS PA'I TSE LNGA PA'I TSES BRGYAD LTA BU LA DBYAR NYI MTHAR THUG 'BYUNG BA SOGS YIN PA'I PHYIR, NYIN MO BZLOG CES PA'I DON YANG YOD DE, NYIN MTSAN RING THUNG GO BZLOG TU 'BYUNG BA LA BYED KYI, NYI LDOG GI DUS TZAM LA MI BYED PA'I PHYIR, DGUN NYI LDOG PA NAS NYIN MO RING BAR 'GRO YANG DE MTSAN MO LAS RING BAR MA NGES TE, MTSAN MO LAS NYIN MO RING BA NI DPYID NYIN MTSAN MNYAM ZIN NAS 'BYUNG BA'I PHYIR, NYIN MTSAN GANG RUNG CHOS CAN, KHYOD RING THUNG NGU 'GYUR BA'I TSAD YOD DE, ZHAG RE LA THANG CIG RES 'PHEL 'GRIB KYI RING THUNG NGU 'GYUR BA'I PHYIR, THANG CIG GI TSAD YOD DE, ZHAG GCIG GI CHA DGU BRGYAR BYAS PA'I CHAG GCIG LA BYED PA'I PHYIR, DE CHOS CAN, RING THUNG DU 'GYUR BA'I DUS YOD DE, LHO BGROD KYI TSE THUNG, BYANG BGROD KYI TSE RING BAR 'GYUR BA'I PHYIR TE, NYI MA BYANG BGROD KYI TSE MTHOR SONG BA'I DBANG GIS 'CHAR SNGA LA, NUB PA PHYI BAS NYIN MO RING LA MTSAN MO THUNG ZHING, ZLA BA LA'ANG PHYOGS 'DRA BA'I PHYIR, NYI ZLA GNYIS LHO BYANG DU BGRONG PA RES MOS YIN TE, DE GNYIS LAS GCIG LHO BGROD KYI TSE CIG SHOS BYANG BGROD YIN LA, GCIG BYANG 'GROD KYI TSE CIG SHOS LHO BGROD BYED PA'I PHYIR, TSES GSUM LTA BU LA ZLA BA'I DKYIL 'KHOR MA RDZOGS PA'I RGYU MTSAN YOD DE, DE'I TSE ZLA BA NYI MA'I DKYIL 'KHOR DANG NYE BA LAS NYI 'OD ZLA BA'I GZHAL MED KHANG LA BABS PA NA PHA ROL GYI NGOS SU ZLA BA RANG GI GRIB MA THABS PA LAS @88A *, ,'GRIB PAR SNANG BAR GRAGS PA'I PHYIR, DPER NA, MTSAN MO KA BA DANG MAR ME'I 'OD NYI BA NA KA BA RANG GI GRIB MAS PHAR NGOS SGRIB PAR BYED PA BZHIN DU'O, ,GNYIS PA SPYI DON LA, DUS TSIGS GANG LAS BYUNG BA DANG, BYED PA PO YOD MED DANG, DUS TSIGS SO SOR BSHAD PA DANG GSUM, DANG PO NI, RGYAS BAR BSHAD NA MANG YANG 'DIR BSDUS NAS BSHAD PAR BYA STE, BSKAL PA DANG PO'I MI RNAMS KYI LUS KYI 'OD SOGS NYAMS NAS 'JIG RTEN DU MUN PA BYUNG BA LA BRTEN NAS MYA NGAN BYAS PAS SPYI MTHUN GYI LAS KYIS NYI ZLA GZA' SKAR SOGS BYUNG STE, DE LA BRTEN NAS NYIN MTSAN DANG DUS TSIGS KYI RNAM GZHAG RNAMS BYUNG BA'I PHYIR, GNYIS PA YOD DE, DE'I TSE NYI ZLA SOGS GO RIM MA NGES PAR RGYU BA LAS BDAG CAG GI STON PA 'DI DRANG SRONG RNGA BONG DU GYUR PA'I DUS SU RGYU SKAR SOGS KYI GO RIM MDZAD PAR BSHAD PAS BYED PA PO YOD PA'I PHYIR, GSUM PA ? NI, SPYIR DUS KYI THA SNYAD LA DU MA YOD KYANG 'CHI MED MDZOD LAS 'DI LTAR BSHAD DE, MIG 'DZUM BCO BRGYAD MTHAR GNAS LA, ,DE SUM CU LA SKAD CIG BGRANG, ,DE NI BCU GNYIS YUD TZAM YIN, ,DE SUM CU LA NYIN ZHAG GCIG ,DE DAG BCO LNGAR PHYOGS SU GRAGS, ,SNGA PHYI'I PHYOGS NI DKAR NAG GNYIS, ,DE GNYIS BSDOMS PAS 'JAL BYED DO, ,MCHU ZLA LA SOGS GNYIS GNYIS LA, ,DE TSIGS DE GSUM BGROD PA GCIG ,LHO BYANG BKOD PA GNYIS LA LO, ,ZHES GSUNGS PA LTAR YIN PA'I PHYIR, LO RNAM PA GSUM YOD DE, TSES LO NYIN ZHAG GI LO KHYIM LO GSUM YOD PA'I PHYIR, DE GSUM GYI KHYAD PAR CUNG ZAD RGYAS PA ZHIG GZHAN DU BSHAD ZIN PAS 'DIR BSDU NA DE GSUM GYI KHYAD PAR YOD DE, NYI MAS KHYIM BCU GNYIS @88B LA RANG 'GROS KYIS RDZOGS PAR SPYOD PA'I TSUL GYIS BGROD GNYIS RDZOGS PA'I LO DE KHYIM LO DANG, NAM LANGS NAS NAM LANGS KYI BAR NYIN ZHAG GI ZLA BA BCU GNYIS LA NYIN ZHAG GI LO DANG, ZLA BA'I 'PHEL 'GRIB KYI CHA RE RDZOGS PA'I TSES ZHAG GI ZLA BA BCU GNYIS RDZOGS PA LA TSES ZHAG GI LOR 'JOG PA'I PHYIR, GZHAN YANG LO'I DBYE BA YOD DE, RAB BYUNG LA SOGS PA'I DRUG CU YOD CING, DE YANG ME YOS SOGS LO RGAN DRUG CU DANG DON GCIG TU 'GYUR BA'I PHYIR, ZLA BA DANG ZHAG LA'ANG DE GSUM YOD DE, LUG GLANG 'KHRIG PA KA RKAt SOGS KHYIM ZLA DANG KHYIM ZHAB, STAG GI ZLA BA LA SOGS PA'I ZLA BA BCU BZHI DANG, MGO LA SOGS PA'I ZLA BA BCU GNYIS DANG ZHAG SOGS KYI THA SNYAD KYANG YOD PA'I PHYIR, SPYIR LO 'GO NGOS 'DZIN LA MANG DU YOD KYANG 'DUL MNGON GYI LUGS LA LO 'GO 'DZIN TSUL YOD DE, HOR ZLA BCU PA'I MAR NGO'I TSES GCIG NAS 'DZIN PA'I PHYIR, LO LA DUS TSIGS BYED TSUL DU MA YOD DE, GSUM DANG BZHI DANG LNGA DANG DRUG RNAMS SU YOD PA'I PHYIR, DANG PO YOD DE, MGO RGYAL MCHU DBO'I ZLA BA BZHI NI DGUN DANG, NAG PA SA GA SNON CHU STOD KYI ZLA BA BZHI NI DPYID, GRO BZHIN KHRUMS STONG THA SKAR SMIN DRUG MI ZLA BA BZHI NI DBYAR DUS SU 'JOG PA'I PHYIR, DUS TSIGS LA BZHIR 'JOG TSUL YOD DE, DGUN DPYID DBYAR STON BZHIR BYAS NAS RGYU SKAR SNGA MA GSUM GSUM DANG SBYAR NAS 'JOG PA'I PHYIR, DUS TSIGS LA LNGAR 'BYED TSUL YOD DE, DGUN DANG DPYID DANG DBYAR TZAM DANG DBYAR THUNG NGU DANG DBYAR RING PO'I DUS DANG LNGAR 'JOG PA'I PHYIR TE, DBYAR THA CHUNG GI TSES BCU DRUG LA DBYAR THUNG NGU ZHES PA MA GTOGS SNGA MA DANG 'DRA BA'I PHYIR, DUS TSIGS LA DRUG TU 'BYED TSUL YOD DE, DGUN STOD DGUN SMAD SOGS GNYIS GNYIS PHYE @89A *, ,BAS DRUG TU 'GYUR BA LTAR YIN PA'I PHYIR, DUS TSIGS LA DBYE BA DE LTAR MDZAD PA LA CHOS CAN, DGOS PA YOD DE, GSUM DU PHYE BA NI PHYAG DAR KHROD PA'I GOS SHES PA DANG, BZHIR PHYE BA NI 'JIG RTEN GRAGS PA DANG SGO BSTUN PA DANG, LNGAR PHYE BA NI DBYAR THUNG NGU SHES PA DANG, DRUG TU PHYE BA NI GSO SBYONG BCU BZHI PA DANG ZHAG MI THUB 'BYUNG BA'I DUS SHES PA'I CHED YIN PA'I PHYIR, PHYI MA GRUB STE, LO DRI BA LAS, RGYAL DANG DBO DANG SA GA CAN, ,ZHES SOGS DANG, RANG 'GREL LAS, DGUN DANG DPYID DANG DBYAR RNAMS KYI ZHES SOGS 'BYUNG BA LTAR YIN PA'I PHYIR, ZLA BSHOL 'DOD TSUL LA ZHIB RTZIS DANG RAGS RTZIS GNYIS YOD CING DANG PO NI GZHAN DU SHES PAR BYA DGOS LA, RAGS RTZIS LA 'DON TSUL YOD DE, TSES ZHAG LAS NYIN ZHAG YUD TZAM PHYED KYIS RING BA LA BRTEN NAS ZLA BA GNYIS GNYIS NA NYIN ZHAG RE MA THUB PA'I DBANG GIS LO LNGA LNGA NAS ZLA BSHOL 'DON PA DANG, TSES ZHAG GIS KHYIM ZHAG GI DOD MA THUB PA LA BRTEN NAS KHYIM LO GNYIS DANG ZLA BA PHYED DANG DGU NAS ZLA BSHOL 'DON PA'I TSUL GNYIS YOD PA'I PHYIR, 'DI SKOR GZHAN DU BSHAD ZIN PAS DE TZAM MO, ,GNYIS PA MTHA' DPYAD PA LA KHA GCIG ,DUS BZHI CIG CAR BA YIN TE, GLING BZHIR DGUN BZHI DUS CIG CAR GRUB PA SOGS YIN PA'I PHYIR ZER NA, DE MI 'THAD PAR THAL, GLING BZHI SO SOR DUS BZHI RIM CAN DU 'BYUNG BA'I PHYIR, DER THAL, 'DZAM GLING 'DI LTA BUR DBYAR RJES SU STEN, STON RJES SU DGUN, DGUN RJES SU DPYID 'BYUNG BA MNGON SUM DU GRUB PA'I PHYIR, GZHAN YANG, DE MI 'THAD PAR THAL, DE LTAR NA DBYAR NYI MTHAR THUG PA'I TSE NYIN ZHAG GCIG TU CHU TSOD DRUG CU LHAG DANG, DGUN NYI MTHAR THUG PA'I TSE NYIN ZHAG @89B GCIG LA'ANG DE LTAR DU 'GYUR BAR THAL BA SOGS KYI SKYON YOD PA'I PHYIR, KHA CIG, GANG LA LTOS KYANG TSES ZHAG DE NYIN ZHAG LAS THUNG BAS KHYAB PAR THAL, ZHAG GSUM GYI NANG NAS TSES ZHAG THUNG BA'I PHYIR NA MA KHYAB STE, SPYIR DE LTAR YIN KYANG ZLA BA'I RKANG PA'I DBANG GIS TSES 'PHEL DUS CHU TSOD RE BZHI'I BAR DU 'BYUNG BA YOD CING, 'GRIB DUS CHU TSOD NGA BZHI'I BAR DU 'ONG SRID PA'I PHYIR, DER THAL, ZLA BA'I SNGA RKANG LUGS 'BYUNG GI DUS SU TSES 'PHEL DUS ZLA BA'I 'PHEL 'GRIB BUL LA, PHYI RKANG RIM MIN GYI DUS SU TSES 'GRIB PA NA ZLA BA'I 'PHEL 'GRIB MGYOGS PAS TSES YUN THUNG BAR 'GYUR BA'I PHYIR, DER THAL, TSES 'PHEL DUS LHAG PA BSDUD MA DANG, TSES 'GRIB DUS CHAD PA BSTAD MANG 'GYUR BA RI MOS RTOGS PA'I PHYIR, DE LA KHO NA RE, NYIN ZHAG LA'ANG RING THUNG 'BYUNG BAR THAL, DAM BCA' 'THAD PA'I PHYIR NA MA KHYAB, 'DOD MI NUS TE, NYIN ZHAG RER CHU TSOD DRUG CU RER NGES PA'I PHYIR, KHA CIG , ZHAG GSUM 'JOG TSUL LA DKA' SLA'I KHYAD PAR MED ZER NA, DE YOD PAR THAL, NYIN ZHAG 'JOG SLA ZHING, DE LAS TSES ZHAG CUNG DKA' LA, DE LAS KHYIM ZHAG 'JOG DKA' BA'I PHYIR, KHA CIG , LO BSHOL 'DON RIGS PAR THAL, ZLA BSHOL 'DON RIGS PA'I PHYIR NA MA KHYAB STE, ZLA BSHOL BTON ZIN NAS LO BSHOR LOGS SU 'DON RGYU MED PA'I PHYIR, 'ON KYANG 'DIR DPYAD RGYU YOD DE, DA LTA'I BRTZI LUGS KYIS LO DRUG CU SONG BA'I TSE KHYIM LO DBANG BTZAN PAR SONG NAS, DE'I TSE TSES LO DANG NYIN ZHAG GI LO KHO NA DANG SBYAR TE BRTZIS NA DE LAS LHAG 'ONGS SRID PA'I PHYIR DPYAD PAR BYA'O,, ` ,,LNGA PA LHA RNAMS KYI GNAS BSHAD PA LA, SA DANG 'BREL BA'I GNAS DANG, MA 'BREL PA'I GNAS, SEMS CAN GYI KHYAD CHOS, @90A *, ,GONG 'OG GI BAR GYI THAG TSAD DANG BZHI, DANG PO LA, RGYAL CHEN BZHI PA DANG, SUM CU RTZA GSUM PA'I GNAS GNYIS, DANG PO NI, 'DI LA BANG RIM BZHI YOD DE, ,BAR GYI THAG NI STONG PHRAG BCU, ,STONG PHRAG DAG NI BCU DRUG DANG, ,BRGYAD DANG BZHI DANG GNYIS 'PHAGS SO, ,DE LA LAG NA GZHONG THOGS DANG, ,'PHRENG THOGS DANG NI RTAG MYOS DANG, ,RGYAL CHEN BZHI BA'I LHA RNAMS GNAS, ,RI NI BDUN PO DAG LA YANG, ,ZHES BYUNG, RI RAB KYI CHU 'TSAMS YAN CHAD 'DI LA CHOS CAN, BANG RIM BZHI YOD DE, DE RE RE'I BAR GYI THAG NI DPAG TSAD STONG BCU BCU STE KHRI PHRAG RE RE YOD PA'I PHYIR, BANG RIM DE DAG CHOS CAN, RI RAB LAS PHYIR 'PHAGS TSUL BZHI YOD DE, BANG RIM DANG PO 'OG MA NI RI RAB LAS PHYIR DPAG TSAD STONG PHRAG BCU DRUG DANG, GNYIS PA STONG PHRAG BRGYAD DANG, GSUM PA STONG PHRAG BZHI DANG, BZHI PA STONG PHRAG GNYIS PHYIR 'PHAGS PA'I PHYIR, BANG RIM DE LA LHA GANG GNAS PA YOD DE, DANG PO LA LAG NA GZHONG THOGS DANG, GNYIS PA LA 'PHENG THOGS DANG, GSUM PA LA RTAG MYOS DANG, BZHI PA LA RGYAL CHEN BZHI DANG DE'I 'KHOR GYI LHA RNAMS GNAS PA'I PHYIR, PHYI MA GRUB STE, SHAR PHYOGS NA YUL 'KHOR SRUNG GNAS PA SOGS YIN PA'I PHYIR TE, DER MA ZAD GSER GYI RI BDUN PO DAG LA YANG RGYAL CHEN BZHI'I RIS KYI LHA RNAMS GNAS PA'I PHYIR, GNYIS PA LA MDOR BSTAN PA, RGYAS PAR BSHAD PA GNYIS, DANG PO NI, LHUN PO'I RTZE NA SUM CU GSUM, ,DE YI NGOS LA BRGYAD KHRI'O, ,ZHES BYUNG, LHUN PO CHOS CAN, KHYOD KYI RTZE NA SUM CU RTZA GSUM PA'I GNAS YOD DE, BRGYA BYIN, NOR LHA BRGYAD, DRAG PO BCU @90B GCIG , NYI MA BCU GNYIS, THA SKAR GYI BU DANG BCAS PA'I LHA'I GTZO BO SUM CU RTZA GSUM BZHUGS PA'I GNAS YOD PA'I PHYIR, LHUN PO'I RTZE CHOS CAN, KHYOD KYI RGYA TSAD YOD DE, NGOS RE RER DPAG TSAD BRGYAD KHRI RE YOD PA'I PHYIR TE, RI THAMS CAD KYI CHU 'TSAMS YAN DBANGS ZHENG MNYAM PAR MTSUNGS PA'I PHYIR, GNYIS PA RGYAS PAR BSHAD PA LA, GNAS DANG TSAL DANG SA GZHI DANG SHING DANG 'DUN SA DANG LNGA, DANG PO NI, PHYOGS 'TSAMS BRTZEGS PA BZHI LA NI, ,LAG NA RDO RJE'I GNAS DBUS NA, ,GRONG KHYER LTA NA SDUG CES PA, ,NGOS LA NYIS STONG LNGA BRGYA PA, ,DPAG TSAD PHYED DANG GNYIS GSER GYI, ,RANG BZHIN GZHI BKRA MNYEN PA YOD, ,DES NA RNAM PAR RGYAL BYED DE, ,NGOS LA NYIS BRGYA LNGA BCU'O, ,ZHES BYUNG, LTUG PO ? CHOS CAN, KHYOD KYI PHYOGS KYI 'TSAMS TE GRVA BZHI NA KHANG PA BRTZEGS PA BZHI YOD CING DER GANG GNAS PA YOD DE, ,LHA RNAMS SRUNG BA PO'I GNOD SBYIN LAG NA RDO RJE GNAS PA'I PHYIR, DE CHOS CAN, KHYOD KYI RTZE'I DBUS NA GNAS YOD DE, BRGYA BYIN GYI GRONG KHYER LTA NA SDUG CES BYA BA YOD PA'I PHYIR, GRONG KHYER DE CHOS CAN, KHYOD KYI TSAD YOD DE, NGOS RER DPAG TSAD NYIS STONG LNGA BRGYA DANG, 'PHANG DU DPAG TSAD PHYED DANG GNYIS YOD PA'I PHYIR, DE CHOS CAN, RGYU GANG LAS GRUB TSUL YOD DE, ? GSER GYI RANG BZHIN LAS GRUB CING, SA GZHI TSON SNA TSOGS KYIS BKRA BAR BYAS PA, RKANG PA BZHAG NA NEM NEM DANG, BTEGS NA PAR CES BYED PA'I 'JAM ZHING MNYEN PA DANG LDAN PA'I PHYIR, GRONG KHYER DE CHOS CAN, KHYOD KYI DBUS NA BRGYA BYIN GYI KHANG BZANG RNAM PAR RGYAL BYED YOD DE, DE'I NGOS RE RER DPAG TSAD NYIS BRGYA LNGA BCU DANG, MTHA' SKOR DU DPAG TSAD STONG DANG, LTA NA SDUG LAS KYANG GYEN DU DPAG TSAD PHYED DANG LNGA 'PHAGS PA'I PHYIR, GNYIS PA @91A *, ,NI; PHYI ROL SNA TSOGS SHING RTA DANG, ,RTZUB 'GYUR 'DRES TSAL DGA' BAS BRGYAN, ,ZHES BYUNG, GRONG KHYER LTA NA SDUG CHOS CAN, KHYOD KYI PHYOGS BZHIR LHA'I TSAL BZHI YOD DE, SHAR DU SHING RTA SNA TSOGS KYI TSAL DANG, LHO NA SHES RGYUD RTZUB PAR 'GYUR BA'I TSAL DANG, NUB NA LHA'I PHO MO 'DRES SHING RTZE BA'I TSAL DANG, BYANG NA YID DGA' BAR BYED PA'I TSAL RNAMS KYIS BRGYAN NAS YOD PA'I PHYIR, SHING RTA SNA TSOGS KYI TSAL DE CHOS CAN, KHYED DU GLANG CHEN SA SRUNG YOD CING DE'I TSAD DANG 'PHRUL YOD DE, LUS DKAR ZHING MGO DMAR BA MCHE BA DRUG LDAN, SRID DU DPAG TSAD GCIG DANG KHOR YUG BDUN YOD PA 'KHOR GLANG PO CHE BRGYA STONG DANG LDAN PA, MGO SO GSUM SPRUL TE MGO GTZO BO LA DBANG PO DANG GZHAN SO GNYIS LA NYE DBANG SO GNYIS ZHON NAS 'GRO BA SOGS KYI 'PHRUL DU MA DANG LDAN PA'I PHYIR, GSUM PA SOGS NI, DE DAG GI NI PHYOGS BZHI NA, ,NYI SHUS BCAD NA SA GZHI BZANG, ,BYANG SHAR 'TSAMS NA YONGS 'DU STE, ,LHO NUB 'TSAMS NA CHOS BZANG NGO, ,ZHES BYUNG, SKYED TSAL DE DAG CHOS CAN, KHYOD KYI PHYOGS BZHI NA GNAS BZHI YOD DE, DPAG TSAD NYI SHUS BCAD PA NA SA GZHI BZANG PO TSAL RNAMS LA 'GRAN NAS PA BZHI YOD PA'I PHYIR, BZHI PA NI, LTA NA SDUG CHOS CAN, KHYOD KYI BYANG SHAR NA SHING KHYAD PAR CAN YOD DE, RTZA BA DPAG TSAD LNGA BRGYA THUR DU ZUG CING DE TZAM GYEN DU 'PHAGS PA'I YONGS 'DU SA BRTOL ZHES BYA BA YAL 'DAB ME TOG 'BRAS BU DRI PHUN SUM TSOGS PA DANG LDAN PA YOD PA'I PHYIR RO, ,LNGA PA NI, DE CHOS CAN, KHYOD KYI PHYI ROL LHO NUB 'TSAMS NA CHOS BZANG LHA'I 'DUN SA YOD DE, DE'I CHU ZHENG LA DPAG TSAD SUM BRGYA DANG GYEN DU KHYOD LAS 'PHAGS SHING, NANG @91B BRGYA BYIN GYI GSER KHRI DANG, NYE DBANG RNAMS KYI KHRI DANG BCAS PA YOD PA'I PHYIR, DBANG PO DANG NYE DBANG RNAMS KYI MDZAD PA YOD DE, TSES BRGYAD DANG BCO LNGA'I DUS SU RGYAL CHEN BZHI DANG BCAS NAS 'DZAM BU'I GLING GI SEMS CAN GYIS CHOS DANG CHOS MIN GANG BYED LTA NYUL MDZAD PA YIN PA'I PHYIR RO, ` ,GNYIS PA SA DANG MA 'BREL BA'I GNAS NI, DE STENG LHA RNAMS GZHAL MED KHANG, ,ZHES BYUNG, SHES BYA CHOS CAN, SA DANG MA 'BREL BA'I GNAS YOD DE, SUM CU RTZA GSUM GYI STENG NA 'THAB BRAL SOGS 'DOD LHA DRUG DANG, TSANGS CHEN SOGS GZUGS KHAMS KYI GNAS BCU BDUN RNAMS YOD PA'I PHYIR, GNAS DE DAG GANG LA BRTEN PA YOD DE, RLUNG DANG SPRIN GYI PHUNG PO CI RIGS LA BRTEN PA'I PHYIR RO, ,GSUM PA SEMS CAN GYI KHYAD CHOS LA, 'DOD PA LA SPYOD TSUL DANG, LHA'I SKYE TSUL DANG, BDE BA'I KHYAD PAR GSUM, DANG PO NI, 'DOD PA SPYOD PA DRUG YIN NO, ,GNYIS GNYIS 'KHYUD DANG LAG BCANGS DANG, ,DGOD DANG BLTAS PAS 'KHRIG PA YIN, ,ZHES BYUNG, GONG MA GNYIS KYIS 'DOD PA MI SPYOD CING 'DOD PA'I LHA DRUG CHOS CAN, KHYOD KYIS 'DOD PA LA SPYOD TSUL YOD DE, KHYOD LAS RIM PA BZHIN SUM CU RTZA GSUM DANG RGYAL CHEN BZHI'I LHA GNYIS NI MI LTAR DBANG PO GNYIS SPRAD NAS 'DOD PA SPYOD CING, 'THAB BRAL BAS 'KHYUD PA TZAM DANG, DGA' LDAN PAS LAG PA BCANGS PA TZAM DANG, 'PHRUL DGA' BAS DGOD PA TZAM DANG, GZHAN 'PHRUL DBANG BYED PAS BLTAS PA TZAM GYIS 'KHRIG PA'I BDE BA LA SPYOD PAR BYED PA'I PHYIR, 'OG MA GNYIS MI LTAR DBANG PO GNYIS SPRAD KYANG KHYAD PAR YOD DE, DE RNAMS LA RTZA RGYUS RGYU MA SOGS MED PAS DBANG PO'I SGO NAS RLUNG NYI TSE 'BYUNG GI, KHU KHRAG 'BYUNG BA MED PA'I PHYIR @92A *, ,RO, ,GNYIS PA NI, BYIS PA LO LNGA LON PA NAS, ,LO BCU LON PA LTA BU'I BAR, ,DE DAG TU SKYE GZUGS CAN RNAMS, ,KUN RDZOGS GOS DANG BCAS PA NYID, ,CES BYUNG, 'DOD PA'I LHA LAS BU SKYE TSUL YOD DE, LHA PHO MO GANG GI PANG PAR BU'AM BU MO GANG BRDZUS TE BYUNG BA DE DE'I BU DANG BU MOR 'JOG PA'I PHYIR TE, TSAD NI RGYAL CHEN BZHI PA LA DA LTA'I BYIS PA LO LNGA LTA BU NAS GZHAN 'PHRUL DBANG BYED PA LA BYIS PA LO BCU LON PA LTA BU'I BAR 'DOD LHA DE DAG TU SKYE BA'I PHYIR, GZUGS KHAMS SAM GZUGS CAN GYI LHA RNAMS CHOS CAN, CHUNG RIM GYIS SKYE BA MA YIN TE, SKYES MA THAG NAS LUS RDZOGS SHING GOS DANG BCAS PA NYID DU SKYE BA'I PHYIR, 'DOD LHA'I NANG NAS KYANG BRGYA BYIN YANG RDZOGS PAR SKYE BAS SKYE BA BRJES PA LHA GZHAN GYIS MI SHES PAR GSUNGS TE, DMIGS BSAL YIN PA'I PHYIR RO, ,GSUM PA NI, 'DOD PA SKYE BA GSUM PO NI, ,'DOD PA'I LHA DANG MIR BCAS RNAMS, ,BDE BA SKYE BA GSUM PO NI, , BSAM GTAN GSUM LAS SA DGU YIN, ,ZHES BYUNG, SHES BYA CHOS CAN, 'DOD PA SKYE BA GSUM YOD DE, 'DOD PA'I LHA DANG MIR BCAS PA RNAMS LA 'JOG PA'I PHYIR TE, MI DANG 'DOD LHA 'OG MA BZHI NI YUL JI LTAR BYUNG BA LA 'DOD PA SPYOD PA DANG PO YIN LA, 'DOD LHA LNGA PA 'PHRUL DGA' BA NI RANG GIS 'DOD PA SPRUL PA LA SPYOD PA'I 'DOD PA SKYE BA GNYIS PA DANG, GZHAN 'PHRUL BA RANG GI 'DOD PA BZHIN BDAG GIS SPRUL PA DANG GZHAN GYI SPRUL PA LA 'DOD PA SPYOD PA GSUM YIN PA'I PHYIR, GZHAN YANG BDE BA SKYE BA GSUM GSUNGS TE, BSAM GTAN DANG PO GSUM LAS SA GSUM GSUM STE DGUR PHYE BAS RIM PA BZHIN DU BSAM GTAN DANG PO GSUM NI DBEN PA LAS SKYES PA'I BDE @92B BA DANG, GNYIS PA GSUM NI TING NGE 'DZIN LAS SKYES PA'I BDE BA DANG, GSUM PA GSUM NI DGA' BA MED PA'I BDE BA LA SPYOD PAR 'JOG PA'I PHYIR RO, ,BZHI PA BAR THAG GI TSAD NI, GNAS NAS GNAS 'OG JI SRID PA, ,DE NAS DE YI GONG DE SRID, ,CES BYUNG, SHES BYA CHOS CAN, GNAS DE DAG GI BAR THAG GI TSAD YOD DE, RGYAL CHEN BZHI'I GNAS NAS GNAS 'OG MA 'DZAM BU'I GLING GI BAR LA DPAG TSAD BZHI KHRI JI SRID YOD PA DE BZHIN DU, RGYAL CHEN BZHI NAS SUM CU RTZA GSUM BAR DPAG TSAD BZHI KHRI DANG, SUM CU RTZA GSUM NAS 'THAB BRAL BAR LA BRGYAD KHRI, DE NAS DGA' LDAN PAR LA KHRI TSO BCU DRUG , DE NAS 'PHRUL DGA' BAR LA SO GNYIS, DE NAS GZHAN 'PHRUL DBANG BYED PAR LA RE BZHI, DE NAS TSANGS RIS BAR KHRI KHRAG BRGYA DANG NYER BRGYAD YOD PA SOGS RIGS 'GRE SBYOR RIGS PA'I PHYIR, MDOR NA 'DI LTAR YIN TE, GNAS DE DANG DE NAS 'DZAM GLING BAR LA TSAD CI TZAM YOD PA DE BZHIN DU, DE NAS DE YI GONG MA'I GNAS KYI BAR TSAD DE SRID TZAM ZHIG YOD PA'I PHYIR, YANG RDZU 'PHRUL GZHAN BRTEN MA GTOGS PA, ,DE DAG GONG MA MTHONG BA MED, ,CES GSUNGS TE, GNAS 'OG MAR SKYES PA'I GANG ZAG RANG STOBS KYIS GNAS GONG MA RNAMS SU BGROD PA DANG MTHONG NUS PA MED KYANG MTHA' GCIG TU MA NGES TE, RDZU 'PHRUL THOB PA DANG GZHAN GYIS DE DAG TU 'KHRID PA LTA BU GZHAN LA BRTEN PA DANG GONG SA'I TING NGE 'DZIN THOB PA LTA BU MA GTOGS PA'I DBANG DU BYAS PA'I PHYIR, ` ,DRUG PA STONG GSUM NGOS BZUNG BA NI, GLING BZHI DANG NI NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, ,DE STONG LA NI STONG GNYIS @93A *, ,PA; ;BAR MA'I 'JIG RTEN KHAMS YIN NO, ,DE STONG LA NI STONG GSUM MO, ,MNYAM DU 'JIG CING 'BYUNG BA YIN, ,ZHES BYUNG, STONG GSUM LAS DANG PO STONG SPYI PHUD GYI 'JIG RTEN CHOS CAN, 'JOG TSUL YOD DE, GLING BZHI RE RE LA STONG DANG, DE BZHIN DU, NYI MA DANG ZLA BA DANG RI RAB DANG 'DOD LHA DRUG DANG TSANGS PA'I 'JIG RTEN STONG LONGS PA LA NI STONG SPYI PHUD DAM STONG DANG PO YIN PAR 'DOD PA'I PHYIR, STONG GNYIS PA DANG GSUM PA CHOS CAN, 'JOG TSUL YOD DE, STONG DANG PO DE STONG LA NI STONG GNYIS PA BAR MA'I 'JIG RTEN GYI KHAMS YIN ZHING, STONG GNYIS PA DE STONG LA NI STONG GSUM GYI STONG CHEN POR 'JOG PA'I PHYIR, ,STONG GSUM PO DE CHOS CAN, 'CHAGS 'JIG KYANG DUS MNYAM PA YIN TE, ME CHU SOGS KYI RKYEN GYIS DUS MNYAM DU 'JIG CING SLAR 'CHAGS PA 'BYUNG BA YIN PA'I PHYIR, STONG GSUM PO DE RE RE LA'ANG LCAGS RI NAG PO RE RES BSKOR BA KUN BTUS LAS BSHAD CING DE YANG SNGA MA LAS PHYI MA RIM GYIS MTHO BAR GZHAN LAS BSHAD PA LTAR YIN TE, DE GSUM SNGA MA LAS PHYI MA RGYA CHE BA'I PHYIR, STONG GSUM LA NI GCIG KHO NAR MA NGES TE, STENG 'OG DANG THAD KA'I PHYOGS PHYOGS NA STONG GSUM GYI GRANGS MTHA' MED PA YOD PA'I PHYIR TE, NAM MKHA' LA NI MTHA' MED PA'I PHYIR, 'DI DAG NI THEG CHEN THUN MONG BA LTAR NA MCHOG SPRUL GCIG GI ZHING YIN LA, ZHING THAMS CAD 'JOG TSUL 'DI KHO NA LTAR MA NGES TE, SANGS RGYAS KYI ZHING DBYIBS TSAD DANG 'BYUNG 'JIG SOGS SNA TSOGS PA YOD PA'I PHYIR RO, ,BDUN PA 'GRO BA RNAMS KYI LUS DANG TSE TSAD BSHAD PA LA, LUS TSAD DANG TSE TSAD GNYIS, @93B DANG PO LA, MI'I LUS TSAD DANG, LHA'I LUS TSAD GNYIS, DANG PO NI, 'DZAM BU'I GLING PA RNAMS KYI TSAD, ,KHRU BZHI PA DANG PHYED DANG BZHI, ,SHAR DANG BA LANG SPYOD DANG NI, ,BYANG ZHES BYA BA NYIS 'GYUR BSKYED, ,CES BYUNG, SHES BYA CHOS CAN, GLING BZHI'I MI RNAMS KYI LUS TSAD YOD DE, 'DZAM BU'I GLING PA'I MI'I LUS NI KHA CIG KHRU BZHI PA DANG, PHAL CHER NI KHRU PHYED DANG BZHI YIN LA, SHAR KHRU BRGYAD, BA LANG SPYOD PA BCU DRUG , BYANG SGRA MI SNYAN PA SO GNYIS ZHES BYA SNGA MA LAS PHYI MA NYIS 'GYUR DU BSKYED PA'I PHYIR, GNYIS PA LA, 'DOD LHA DANG GZUGS KHAMS PA'I LUS TSAD GNYIS, DANG PO NI, 'DOD DANG LDAN PA'I LHA YI LUS, ,BZHI CHA NAS NI RGYANG GRAGS DAG ,PHYED DANG GNYIS KYI BAR DU BSKYED, ,CES BYUNG, 'DOD DANG LDAN PA'I LHA'I LUS TSAD YOD DE, RGYAL CHEN RIGS BZHI PA RGYANG GRAGS KYI BZHI CHA, SUM CU RTZA GSUM PA BZHI CHA GNYIS, 'THAB BRAL BA BZHI CHA GSUM, DGA' LDAN PA RGYANG GRAGS GCIG , 'PHRUL DGA' BA RGYANG GRAGS GCIG DANG BZHI CHA GCIG , GZHAN 'PHRUL BA RGYANG GRAGS PHYED DANG GNYIS KYI BAR DU BSKYED PA'I PHYIR, GNYIS PA NI, GZUGS CAN DANG PO DPAG TSAD PHYED, ,DE YI GONG MA PHYED PHYED BSKYED, ,'OD CHUNG RNAMS KYI LTAG YAN CHAD, ,LUS NI NYIS 'GYUR NYIS 'GYUR TE, ,SPRIN MED DPAG TSAD GSUM DOR RO, ,ZHES BYUNG, DE CHOS CAN, GZUGS KHAMS PA'I LUS TSAD YOD DE, GZUGS CAN DANG PO TSANGS RIS PA'I LUS DPAG TSAD PHYED DANG, DE YI GONG MA BZHI LA DPAG TSAD PHYED PHYED BSKYED PAS 'DUN NA 'DON DPAG TSAD GCIG , TSANGS CHEN PHYED GNYIS, 'OD CHUNG GNYIS DANG, 'OD CHUNG GI LTAG YAN CHAD KYI LUS NI SNGA MA LAS PHYI MA NYIS 'GYUR BYAS PAS TSAD MED 'OD DPAG, @94A *, ,TSAD BZHI, 'OD GSAL BRGYAD, DGE CHUNG BAR CU DRUG , DGE RGYAS SO GNYIS, SPRIN MED NYIS 'GYUR LAS DPAG TSAD GSUM DOR BAS BRGYA NYER LNGA, 'BRAS BU CHE BA LNGA BRGYA, MI CHE BA STONG, MI GDUNG BA NYIS STONG, GYA NOM SNANG BA BZHI STONG, SHIN TU MTHONG BA BRGYAD STONG, 'OG MIN PA'I LUS DPAG TSAD KHRI DRUG STONG YOD PA'I PHYIR, GNYIS PA CHE TSAD LA, BDE 'GRO DANG NGAN 'GRO DANG MA NGES PA'I 'CHI BA YOD MED GSUM, DANG PO LA MI DANG LHA'I TSE TSAD GNYIS, DANG PO NI, SGRA MI SNYAN NA TSE STONG STE, ,GNYIS NA PHYED PHYED SPANGS PA'O, ,'DI NA MA NGES THA MAR NI, ,LO BCU DANG PO DPAG TU MED, ,CES BYUNG, DE DAG CHOS CAN, KHYOD KYI TSE TSAD YOD DE, SGRA MI SNYAN NA TSE STONG DANG, NUB DANG SHAR GNYIS NA DE'I PHYED PHYED SPANGS PA STE NUB LNGA BRGYA DANG SHAR NA PHYED DANG SUM BRGYA RE YIN LA, 'DZAM BU'I GLING PA'I MI'I TSE MA NGES PA'I PHYIR TE, THA MAR TSE LO BCU PA DANG BSKAL PA DANG PO'I TSE LO NI DPAG TU MED PA THUB PA'I PHYIR, GNYIS PA LA, 'DOD LHA DANG GZUGS DANG GZUGS MED KHAMS PA'I TSE TSAD GSUM, DANG PO NI, MI RNAMS KYI LO LNGA BCU LA, ,'DOD PA DAG GI LHA RNAMS LAS, ,'OG MA DAG GI NYIN ZHAG GCIG , DES NA TSE LO LNGA BRGYA'O, , GONG MA GNYIS KA NYIS 'GYUR RO, ,ZHES BYUNG, SHES BYA CHOS CAN, 'DOD LHA DRUG GI TSE TSAD YOD DE, MI RNAMS KYI LO LNGA BCU LA 'DOD PA DAG GI LHA RNAMS LAS 'OG MA RGYAL CHEN RIGS BZHI PA DAG GI NYIN ZHAG GCIG , DE SUM CU LA ZLA BA DANG, DE BCU GNYIS LOR BYAS PA DES NA RANG GI TSE LO LNGA BRGYA YIN ZHING, GONG MA SUM CU RTZA GSUM PA YAN CHAD ZHAG DANG LO GNYIS KA NYIS 'GYUR DU BYAS NAS ZLA BA LO SNGAR LTAR BRTZIS NA, MI LO BRGYA LA SUM CU RTZA GSUM @94B PA'I NYIN ZHAG GCIG SOGS BYAS PAS RANG LO STONG, DE BZHIN DU NYIS BRGYA, BZHI BRGYA, BRGYAD BRGYA, STONG DANG DRUG BRGYA LA RIM PA BZHIN 'THAB BRAL, DGA' LDAN, 'PHRUL DGA', GZHAN 'PHRUL DBANG BYED PA'I ZHAG RE DANG, DE SUM CU LA ZLA BAR BYAS PAS RIM BZHIN RANG LO NYIS STONG, BZHI STONG, BRGYAD STONG, KHRI DRUG STONG THUB PA YIN PA'I PHYIR, GNYA' SHING 'DZIN YAN CHAD NA NYI ZLA'I BYA BA LA MA LTOS KYANG NYIN ZHAG GI KHYAD PAR 'THAD DE, KUNDA KHA PHYE NAS PADMA KHA ZUM PA DANG BYA SKAD MI 'BYIN PA SOGS KYI TSE MTSAN DUS SU 'JOG PA'I PHYIR, GNYIS PA NI, GZUGS CAN NYIN MTSAN MED TSE NI, RANG LUS GZHAL BA'I BSKAL PA YIS, ,ZHES BYUNG, GZUGS CAN GYI KHAMS CHOS CAN, KHYOD DU NYIN MTSAN GYI THA SNYAD MED KYANG LHA'I TSE TSAD YOD DE, RANG LUS GZHAL BA'I DPAG TSAD GRANGS KYIS BAR BSKAL MIN PA'I BSKAL PAR BGRANGS PAS BRTZI BA'I PHYIR, DER THAL, TSANGS RIS PA'I LUS DPAG TSAD PHYED YIN PA DE BZHIN DU, TSE BAR BSKAL BZHI BCU LA BSKAL PA GCIG TU BYAS PA'I BSKAL PA DANG, DE BZHIN DU 'DUN NA 'DON BSKAL CHEN GCIG , TSANGS CHEN PA DE BZHI BCU LA BSKAL PA GCIG BYAS PA'I PHYED GNYIS, 'OD CHUNG YAN BSKAL CHEN YIN PAS 'OD CHUNG BSKAL CHEN GNYIS NAS 'OG MIN PA BSKAL CHEN KHRI DRUG STONG YOD PAS LUS TSAD SNGAR LTAR YIN PA'I PHYIR, GSUM PA NI, GZUGS MED BSKAL PA STONG PHRAG NI, ,NYI SHU LHAG PAS LHAG PA YIN, ,'OD CHUNG NAS BZUNG BSKAL CHEN TE, ,DE YI 'OG MA PHYED YIN NO, ,ZHES BYUNG, GZUGS MED KYI LHA CHOS CAN, KHYOD RNAMS KYI TSE TSAD YOD DE, KHYOD LAS GZUGS MED DANG PO BSKAL PA STONG PHRAG NYI SHU YIN LA, DE'I GONG MA GSUM RIM PAR BSKAL CHEN NYI SHU NYI SHU RES LHAG PAS LHAG PA YIN PA'I PHYIR, DER THAL, RNAM @95A *, ,SHES MTHA' YAS BZHI KHRI, CI YANG MED DRUG KHRI, SRID RTZE BRGYAD KHRI YIN PA'I PHYIR, BSKAL PA DE DAG CHOS CAN, BAR BSKAL TZAM MIN TE, 'OD CHUNG NAS BZUNG SRID RTZE'I BAR BSKAL CHEN GYIS BRTZI LA, GZUGS KHAMS DE YI 'OG MA TSANGS RIS NAS BSKAL CHEN DE'I PHYED LA BSKAL PAR BYAS PA'I TSUL DES RTZI BA'I PHYIR, DES NA TSANGS PA 'DUN NA 'DON PA'I TSE TSAD NI BSKAL CHEN GYI PHYED TZAM LA 'JOG PA NI MIN TE, DE PHYED DANG GNYIS LA 'JO PAR BSHAD PA'I PHYIR RO, , GNYIS PA NGAN 'GRO'I TSE TSAD LA, TSA DMYAL, DUD 'GRO, YI DVAGS, GRANG DMYAL GYI TSE TSAD DANG BZHI, DANG PO NI, YANG SOS LA SOGS DRUG RIM BZHIN, ,'DOD LHA'I TSE DANG NYIN ZHAG MNYAM, ,DES NA DE DAG RNAMS KYI TSE, ,'DOD PA'I LHA DANG 'DRA BA YIN, ,RAB TU TSA PHYED MNAR MED NI, ,BAR GYI BSKAL PA'O ZHES BYUNG, TSA DMYAL BA CHOS CAN, KHYOD KYI TSE TSAD YOD DE, YANG SOS DANG, SOGS PAS THIG NAG DANG BSDUS 'JOMS DANG NGU 'BOD DANG NGU 'BOD CHEN PO DANG TSA BA DRUG PO DE DAG RNAMS KYI TSE TSAD DANG LO'I BRTZI TSUL NI RIM PA BZHIN 'DOD LHA DRUG GI TSE DANG NYIN ZHAG MNYAM PA SOGS KYIS BRTZI BA'I PHYIR, DER THAL, RGYAL CHEN BZHI PA RANG LO LNGA BRGYA NAS GZHAN 'KHRUL BA KHRI DRUG STONG LA 'JOG CING, DE DRUG YANG SOS LA SOGS PA DRUG GI ZHAG RE YIN LA, TSUL DES ZLA BA DANG LO YANG BRTZIS PA NA, YANG SOS PA RANG LO LNGA BRGYA, THIG NAG PA STONG, BSDUS 'JOMS PA NYIS STONG, NGU 'BOD PA BZHI STONG, NGU 'BOD CHEN PO PA BRGYAD STENG, TSA BA RANG LO KHRI DRUG STONG LA 'JOG PA'I PHYIR, DES NA DMYAL BA DE DAG GI TSE TSAD BRTZI TSUL NI 'DOD PA'I LHA DANG 'DRA BA YIN TE, RGYU MTSAN DE'I PHYIR, RAB TU TSA BA DANG MNAR MED KYI TSE TSAD YOD DE, RAB TU TSA BA'I TSE BAR BSKAL BYED DANG, MNAR @95B MED NI BAR GYI BSKAL PA GCIG TU 'JOG PA'I PHYIR RO, ,GNYIS PA NI, DUD 'GRO RNAMS, ,MCHOG RING BSKAL PA'O ZHES BYUNG, DUD 'GRO CHOS CAN, KHYOD RNAMS KYI TSE TSAD YOD DE, THUNG BA RNAMS NI MTHA' GCIG TU MA NGES SHING, KLU LTA BU TSE MCHOG TU RING BA NI BAR GYI BSKAL PA GCIG THUB PA YOD PA'I PHYIR, GSUM PA NI, YI DVAGS RNAMS, ,ZLA BA NYIN ZHAG GI LNGA RGYA, ,ZHES BYUNG, YI DVAGS CHOS CAN, KHYOD KYI TSE TSAD YOD DE, MI'I ZLA BA GCIG LA ZHAG GCIG , DE SUM CU LA ZLA BA, DE BCU GNYIS LA LOR BYAS PA'I RANG LO LNGA BRGYA THUB PA'I PHYIR, LHA MIN CHOS CAN, TSE TSAD YOD DE, SUM CU RTZA GSUM PA LTAR THUB PA'I PHYIR, BZHI PA NI, TIL SBYANGS NANG NAS LO BRGYA ZHING, ,TIL GCIG PHYUNG BAS ZAD GYUR PA, ,CHU BUR CAN GYI TSE YIN TE, ,GZHAN GYI TSE NI NYI SHUR 'GYUR, ,ZHES BYUNG, GRANG DMYAL BA CHOS CAN, KHYOD KYI TSE TSAD YOD DE, TIL SBYANGS TE TIL GYI BANG BA MA GA DHA'I BRE BO CHE KHAL BRGYAD CU SHONG BA'I TIL GYI NANG NAS LO BRGYA BRGYA ZHING TIL GCIG RE PHYUNG BAS ZAD PAR GYUR PA'I YUN TSAD DANG, CHU BUR CAN GYI YUN MNYAM LA, DE'I LHAG MA CHU BUR RDOL BA SOGS BDUN NI SNGA MA LAS PHYI MA NYI SHU NYI SHUS 'PHAR ZHING RING BAR 'GYUR BA'I PHYIR, GRANG DMYAL DU MA ZAD, TSA DMYAL YANG SNGA MA LAS PHYI MA BRGYAD 'GYUR GYIS RING STE, RI MOS 'GRUB PA'I PHYIR, GSUM PA NI, SGRA MI SNYAN MA GTOGS PAR 'CHI, ,ZHES BYUNG, SGRA MI SNYAN PA CHOS CAN, KHYOD MA GTOGS PA ZHES BRJOD PA LA DGOS PA YOD DE, KHYOD TSE MA RDZOGS PAR MI 'CHI LA, 'GRO BA GZHAN GYI TSE TSAD BSHAD PA LTAR MA NGES PA'I PHYIR, MI LA TSE NGES PA YOD DE, SRID PA THA MA PA'I MI RNAMS DANG, 'KHOR BSGYUR SOGS KYI TSE NGES PA'I PHYIR RO,,` ,,BRGYAD PA TSAD DE GZHAL THABS LA, DE RTZOM BYED KYI GZHI DANG, BRTZAMS @96A *, ,PA'I 'JAL BYED GNYIS, DANG PO NI, GZUGS MING DUS MTHA' RDUL YIG DANG, ,SKAD CIG CES BYUNG, SHES BYA CHOS CAN, RTZOM BYED KYI GZUGS DANG MING DANG DUS KYI THUNG MTHA' YOD DE, RDUL PHRA RAB DE GZUGS KYI THUNG MTHA' DANG, YI GE KA DANG KHA LTA BU MING GI THUNG MTHA' DANG, DUS MTHA'I SKAD CIG MA DE DUS KYI THUNG MTHA' YIN PA'I PHYIR, SKAD CIG MA'I TSED YOD DE, RDUL PHRA RAB GCIG BLA 'OG BSGYUR BA LTA BU YIN PA'I PHYIR, GNYIS PA LA, YUL GYI TSAD DANG, DUS KYI TSAD GNYIS, DANG PO NI, PHRA RAB RDUL DANG NI, ,RDUL PHRAN DANG NI DE BZHIN DU, ,LCAGS CHU RI BONG LUG DANG GLANG, ,NYI ZER RDUL DANG SRO MA DANG, ,DE LAS BYUNG DANG DE BZHIN DU, ,SOR TSIGS ZHES BYA GONG BDUN BSGYUR, ,SOR MO NYI SHU BZHI LA KHRU, ,KHRU BZHI LA NI GZHU GANG NGO, ,DE DAG LNGA BRGYA RNAMS LA NI, ,RGYANG GRAGS DE LA DGON PAR 'DOD, ,DE BRGYAD DPAG TSAD CES BYA'O, ,ZHES BYUNG, SHES BYA CHOS CAN, RDUL PHRA RAB SOGS LAS RGYANG GRAGS DANG DPAG TSAD 'GRUB TSUL YOD DE, RTZOM BYED DANG PO RDUL PHRA RAB DANG, DE BDUN BSAGS PAS RDUL PHRAN GCIG DANG, DE BZHIN DU LCAGS RDUL DANG CHU RDUL DANG RI BONG GI RDUL DANG LUG RDUL GLANG RDUL DANG NYI ZER GYI RDUL DANG SRO MA DANG DE LAS BYUNG BA SHIG DANG, DE BZHIN DU NAS DANG SOR TSIGS ZHES BYA BA RNAMS RIM PA BZHIN DU GONG NAS GONG DU BDUN 'GYUR BSGYUR BA'I SOR MO NYI SHU RTZA BZHI LA KHRU GANG, KHRU BZHI LA GZHU 'DOM GANG, GZHU 'DOM DE DAG LNGA BRGYA RNAMS LA NI RGYANG GRAGS GCIG DANG, DE TZAM GRONG LAS 'PHAGS PA LA DGON PAR 'DOD CING, RGYANG GRAGS DE BRGYAD LONGS PA LA DPAG TSAD CES BYA BAR 'JOG PA'I PHYIR, GNYIS PA LA, LO DANG BSKAL PA BSHAD PA GNYIS, DANG PO NI, SKAD CIG MA BRGYA NYI SHU LA, ,DE YI SKAD CIG DE DAG KYANG, ,DRUG CU LA NI THANG GCIG @96B GO, ,YUD TZAM NYIN ZHAG ZLA GSUM NI, ,GONG NAS GONG DU SUM CUR 'GYUR, ,ZHAG MI THUB DANG BCAS PA YI, ,ZLA BA BCU GNYIS LA LO GCIG ,CES BYUNG, THANG CIG CHOS CAN, KHYOD KYI RTZOM GZHI YOD DE, DUS MTHA'I SKAD CIG MA BRGYA NYI SHU LA DE'I SKAD CIG MA GCIG ,DE'I SKAD CIG MA DE DAG DRUG CU'I YUN LA NI KHYOD NYID DU 'JOG PA'I PHYIR, YUD TZAM DANG NYIN ZHAG DANG ZLA BA GSUM NI CHOS CAN, 'JOG TSUL YOD DE, SNGA MA SNGA MA GONG NAS GONG DU SUM CUR 'GYUR BA'I TSUL GYIS YUD TZAM NYIN ZHAG ZLA BA GSUM DU RIM PAR 'JOG PA'I PHYIR, LO CHOS CAN, 'JOG TSUL YOD DE, LO RE RE LA ZHAG MI THUB DOR BA DE RNAMS DANG BCAS PA YI ZLA BA BCU GNYIS LA LO GCIG TU 'JOG PA'I PHYIR, DER THAL, ZHAG MI THUB PA DRUG YOD KYANG NYIN ZHAG GI LO BRTZI BA'I TSE DE DRUG BSNAN NAS TSANG DGOS TE, MA TSANG NA NYIN ZHAG SUM BRGYA DRUG CU MI YONG PAS NYIN ZHAG GI LO MI RDZOGS PA'I PHYIR, DER THAL, ZHAG GSUM SO SO'I LOR 'JOG PA LA NI RANG RANG GI ZHAG PO SUM BRGYA DRUG CU NGES PAR TSANG DGOS PA'I PHYIR, ZHAG GSUM GYI RNAM DBYE LEGS PAR SHES PA LA ZHAG LHAG DANG ZLA LHAG 'DON TSUL SHES DGOS TE, DE LA TSES ZHAG DANG KHYIM ZHAG GI KHYAD PAR DANG DE DANG NYIN ZHAG GI KHYAD PAR SOGS SHES DGOS PA'I PHYIR, GNYIS PA LA MDOR BSTAN PA DANG RGYAS PAR BSHAD PA GNYIS, DANG PO NI, BSKAL PA RNAM PA MANG BSHAD PA, ,ZHES BYUNG, BSKAL PA CHOS CAN, KHYOD LA RNAM PA MANG DU BSHAD DE, BAR BSKAL, 'JIG BSKAL, STONG BSKAL, 'CHAGS BSKAL, GNAS BSKAL, BSKAL PA CHEN PO SOGS BSHAD PA'I PHYIR, GNYIS PA LA, 'JIG BSKAL, 'CHAGS BSKAL, GNAS BSKAL, STONG BSKAL, BSKAL CHEN DANG LNGA, DANG PO NI, 'JIG PA'I BSKAL PA DMYAL @97A *, ,BA YI, ,SRID PA MED NAS SNOD ZAD PA, ,ZHES BYUNG, 'JIG BSKAL CHOS CAN, BZHAG TU YOD DE, MNAR MED KYI DMYAL BA'I SRID PAR GSAR SKYE MED PA NAS BSAM GTAN DANG PO GSUM GYI GANG 'JIG RGYU'I SNOD DE ZAD PA'I BAR LA 'JOG PA'I PHYIR, GNYIS PA NI, 'CHAGS PA DANG PO'I RLUNG NAS NI, ,DMYAL BA'I SRID PA'I BAR DU'O, ,ZHES BYUNG, 'CHAGS BSKAL CHOS CAN, BZHAG TU YOD DE, 'CHAGS PAR RTZOM PA'I DANG PO RLUNG 'JAM BU KHAD KYIS LDANG BA NAS NI DMYAL BA'I SRID PAR SEMS CAN GCIG SKYES PA'I BAR LA 'JOG PA'I PHYIR, 'DI'I RLUNG NAS ZHES PA NI BSHAD PA LTAR YIN GYI, 'OG GZHI'I RLUNG DKYIL NAS 'GO RTZOM PAR 'DOD PA NI MI 'THAD DE, BSAM GTAN DANG PO GSUM PO GANG RUNG 'CHAGS PA'I RLUNG LDANG BA SNGON DU MA SONG BAR 'OG GZHI'I RLUNG DKYIL 'CHAGS PA MI 'BYUNG BA'I PHYIR, DER THAL, THOG MAR SA DANG MA 'BREL BA'I GNAS YAS RIM GYIS 'CHAGS SHING, DE NAS SA DANG 'BREL BA NI MAS RIM NAS 'CHAGS PA YIN PA'I PHYIR TE, DE YANG MES 'JIG PA'I RJES SU CHAGS PA NA THOG MAR BSAM GTAN DANG PO'I GNAS TSANGS PA'I GZHAL MED KHANG CHAGS, DE NAS 'DUN NA 'DON DANG TSANGS RIS KYI GNAS CHAGS, DE NAS RLUNG 'OG TU BABS PA LAS GZHAN 'PHRUL DBANG BYED NAS 'THAB BRAL GYI BAR CHAGS, DE NAS 'OG GI RLUNG DKYIL SOGS CHAGS PA'I PHYIR, GZHAN YANG DE LTAR THOG MAR CHAGS PA RLUNG LDANG BA NAS YIN TE, 'DI'I THAD KYI RGYAL SRAS MA LAS, GANG GI TSE NAM MKHA' LA RLUNG 'JAM PO 'JAM PO DAG LDANG BA DE NAS BZUNG STE ZHES GSUNGS PA'I PHYIR, GSUM PA LA, GNAS BSKAL GYI YA THOG DANG BAR BSKAL DANG PO BSHAD PA, BAR GYI KHUG PA BCO BRGYAD BSHAD PA, MTHA'I MA THOG DANG YAR 'PHEL BCU DGU'I MTSAMS BSTAN LA, YAR 'PHEL GYI TSAD BSHAD PA, DE RNAMS GNAS BSKAL DU BSTAN PA LA, @97B DANG PO NI, BAR GYI BSKAL PA DPAG MED NAS, ,TSE LO BCU PA'I BAR DU'O, ,ZHES BYUNG, SHES BYA CHOS CAN, GNAS SKAL GYI YA THOG DANG PAR BSKAL DANG PO YOD DE, TSE LO DPAG MED 'GRIB PA'I MTSAMS ZHIG NAS TSE LO BCU'I BAR TSAD LA DER 'JOG PA'I PHYIR, GNYIS PA NI, DE NAS YAR SKYE MA BRI BA'I, ,BSKAL PA GZHAN NI BCO BRGYAD DANG, ,ZHES BYUNG, BAR GYI KHUG PA CHOS CAN, KHYOD LA BCO BRGYAD YOD DE, TSE LO BCU PA DE NAS YAR BRGYAD KHRI'I BAR SKYE ZHING 'PHEL BA DANG, YANG MAR BCU PA'I BAR BRI BA RE NI BAR BSKAL RE DANG POR GYI KHUG PA RER BYAS PA'I DE 'DRA'I KHUG PA BCO BRGYAD LONGS PA NI YA THOG RING MO LAS GZHAN DU 'JOG PA'I PHYIR, GSUM PA NI, YAR SKYE PA NI GCIG YIN TE, ,ZHES BYUNG, MTHA'I MA THOG RING MO YOD DE PA'I RJES SU TSE LO BCU BA NAS BRGYAD KHRI'I BAR DU YAR SKYE BA STE 'PHEL BA NI GCIG KHO NA YIN LA, YAR 'GRIB PA MI 'BYUNG BA DE GNAS BSKAL GYI THA MA MA THOG ZHES BYA BAR 'JOG CING, DE BRGYAD KHRI 'JIG BSKAL GYI 'GO RTZOM PAR BYED PA'I PHYIR, BZHI PA NI, DE DAG TSE NI BRGYAD KHRI'I BAR, ,ZHES BYUNG, YAR 'PHEL DE DAG CHOS CAN KHYOD KYI TSAD YOD DE, TSE LO BCU PA NAS RGYAD KHRI'I BAR DU YAR 'PHEL GYI, DE MAN CHAD DU MI 'PHEL BA'I PHYIR, THOG MTHA' GNYIS RKYANG PA DANG BAR PA BCO BRGYAD KHUG PA YIN LA YUN TSAD MI MNYAM PA'I SKYON MED DE, RKYANG PA RE RE YUN LA'ANG KHUG PA RE RE'I YIN TSAD YOD PA'I PHYIR TE, RKYANG PA GNYIS PHUL ? LA KHUG PA MYUR BA'I PHYIR, LNGA PA NI, DE LTAR 'JIG RTEN CHAGS PA 'DI, ,BAR GYI BSKAL PA NYI SHUR GNAS, ,ZHES BYUNG, SHES BYA CHOS CAN, GNAS BSKAL YOD DE, DE LTAR 'JIG RTEN CHAGS ZIN PA 'DI BAR YA THOG DANG KHUG PA BCO BRGYAD DANG MA THOG BCAS PA'I BAR GYI BSKAL PA NYI SHUR GNAS PA YIN @98A *, ,PA'I PHYIR, TSE LO DPAG MED NAS GNAS BSKAL GYI 'GO 'DZIN PA MI 'THAD DE, DE NI 'CHAGS BSKAL DU 'DU BA YIN PA'I PHYIR, GNAS BSKAL GYI 'GO TSE LO BRGYAD KHRI'I THOG MA NAS 'DZIN PA SA'I DNGOS GZHI'I LUGS YIN KYANG MDZOD RANG 'GREL GYI LUGS LA NI CUNG MA YIN TE, DMYAL BAR 'DZAM GLING LTA BU'I MI ZHIG MA SKYES BAR DU GNAS BSKAL GYI 'GO MI 'DZIN PA'I PHYIR, TSE LO DPAG MED KYI DUS SU 'BYUNG BA'I MI'I TSE TSAD 'DZIN MI NUS PA MIN TE, DE DAG GI GZUGS DANG TSE SOGS TSANGS RIS PA DANG 'DRA BA'I PHYIR, DER THAL, RTZA BAR, SNGAR BYUNG SEMS CAN GZUGS CAN BZHIN, ,ZHES PA DANG, RANG 'GREL LAS, BSKAL PA DANG PO'I MI RNAMS NI GZUGS NA SPYOD PA BZHIN DU GYUR TE ZHES GSUNGS PA'I PHYIR, BZHI PA NI, CHAGS PA DANG NI 'JIG PA DANG, ,ZHIG NAS 'DUG PA DAG MNYAM MO, ,ZHES BYUNG, SHES BYA CHOS CAN, DE LTAR 'JIG RTEN 'CHAGS PA DANG GNAS PA DANG 'JIG PA DANG ZHIG NAS 'DUG PA STONG BA'I BSKAL PA BZHI'I TSAD MNYAM PA DAG YIN TE, BZHI PO RE RER BAR BSKAL NYI SHU NYI SHU RES MNYAM PA'I PHYIR, LNGA PA LA, BSKAL CHEN NGOS BZUNG BA DANG, ZHAR LA SANGS RGYAS SOGS 'BYUNG TSUL GNYIS, DANG PO NI, DE DAG BRGYAD CU LA BSKAL CHEN, ,ZHES BYUNG, BSKAL CHEN CHOS CAN, YOD DE, BSHAD MA THA GA PA'I BAR BSKAL DE DAG BRGYAD CU LA NI KHYOD DU 'JOG PA'I PHYIR, GNYIS PA LA, SANGS RGYAS, RANG RGYAL, 'KHOR SGYUR 'BYUNG TSUL DANG GSUM, DANG PO NI, DE GRANGS MED GSUM LA SANGS RGYAS, ,'BYUNG NGO MAR NI 'GRIB PA YI, ,BRGYA YI BAR LA DE DAG 'BYUNG, ,ZHES BYUNG, SHES BYA CHOS CAN, SANGS RGYAS 'BYUNG TSUL YOD DE, BSKAL CHEN GRANGS MED GSUM DU TSOGS BSAGS PA @98B LAS DE 'BYUNG BA'I PHYIR, GRANGS MED DE NI GRANGS GTAN NAS MED PA MA YIN TE, GRANGS KYI GNAS DRUG CUR BGRANG DU MED PAS NA GRANGS MED CES BSHAD PA TZAM YIN PA'I PHYIR, GRANGS MED DE CHOS CAN, KHYOD BRTZI TSUL YOD DE, GCIG BCU BRGYA STONG KHRI 'BUM DANG, ,SA YA BYE BA DUNG 'PHYUR RNAMS, ,RKYANG PA'I GRANGS SU SHES PAR BYA, ,CHEN PO'I ZLA DANG BCAS PA NI, ,THER 'BUM KHRAG KHRIG RAB BKRAM DANG, ,GTAM DKRIG MI 'KHRUG KHRAD PHYIN DANG, ,PANG STENG DER 'DREN MTHA' SNANG DANG, ,RGYU RIG 'OD MDZES DBANG PO DANG, ,LEGS PHYIN RTOG 'GRO 'BYIN RDUL DANG, ,RGYA RTAGS STOBS 'KHOR BRDA' SHES DANG, ,RNAM 'BYUNG STOBS MIG NYI SHU GCIG ,BAR DU BRGYAD NI MA RNYED PAS, ,RANG GI MING GANG RUNG BA GZHUG ,GRANGS MED BAR DU BCU 'GYUR BSGRES, ,ZHES GSUNGS PA LTAR YIN PA'I PHYIR, CHEN PO DANG BCAS PA BCU 'GYUR BYA TSUL YOD DE, DUNG 'PHYUR BCU LA THER 'BUM GCIG ,DE BCU LA THER 'BUM CHEN PO GCIG ,DE BCU LA KHRAG KHRIG GCIG ,DE BCU LA KHRAG KHRIG CHEN PO GCIG TU 'JOG PA SOGS YIN PA'I PHYIR, RANG 'GREL LAS STOBS MIG CHEN PO BCU LA GRANGS MED PA ZHES BSHAD KYANG SPYI 'GRO LA DE'I RJES SU TSAD MED BZHI'I MING CAN CHEN PO DANG BCAS PA NAS GRANGS MED GCIG DANG, DE NAS BCU 'GYUR DU BYAS TE DE GNYIS DANG, DE GSUM DU 'JOG PA LTAR YANG RUNG STE, BAR DU BRGYAD NI MA RNYED PAS, ,ZHES SOGS KYI DON DU SNANG BA'I PHYIR, DER MA ZAD GRANGS KYI RNAM GRANGS GZHAN YANG MANG STE, 'JAM DPAL RTZA RGYUD DANG PHAL CHEN NAS GRANGS KYI GNAS BRGYA NYE BA GSUM DANG, SDONG PO BKOD PA LAS BZHI BCU DANG, YANG BRGYA DANG LNGA BSHAD PA'I PHYIR, DE DAG NI GRANGS MED GSUM LAS KYANG LHAG STE, DES GRANGS MED GRANGS MED PA YANG BRTZI NUS PA'I PHYIR, SANGS RGYAS DE DAG CHOS CAN, KHYOD 'BYUNG @99A *, ,BA'I DUS YOD DE, YAR 'PHEL BA'I TSE SEMS CAN SKYO SHAS CHUNG BAS MI 'BYON LA, MAR 'GRIB PA YI BRGYAD KHRI NAS BRGYA YI BAR LA 'BYUNG BA'I PHYIR, PHYI MA GRUB STE, BRGYA PHYIN CHAD HA CANG SNYIGS MA LNGA BDO BA'I DBANG GIS MI 'BYUNG BA'I PHYIR, GNYIS PA NI, RANG SANGS RGYAS RNAMS GNYIS KA LA, ,BSE RU BSKAL PA BRGYA YI RGYUS, ,ZHES BYUNG, RANG SANGS RGYAS RNAMS CHOS CAN, 'BYUNG BA'I DUS YOD DE, YAR 'PHEL MAR 'GRIB GNYIS KA LA 'BYUNG BA'I PHYIR, DE CHOS CAN, KHYOD LA TSOGS SPYOD BSE RU LTA BU GNYIS YOD PA LAS BSE RU LTA BU'I RANG RGYAL 'BYUNG BA'I RGYU YOD DE, BSKAL PA BRGYA YI RGYU TSOGS BSAGS PA LAS 'BYUNG BA'I PHYIR, DER THAL, 'DIR BSE RU LTA BU'I RANG RGYAL SLOB PA NI RANG GI BYANG CHUB TU RIGS NGES PAR 'DOD PA'I PHYIR, GSUM PA 'KHOR SGYUR 'BYUNG TSUL LA, TSIG DON DANG, SPYI DON GNYIS, DANG PO LA, 'BYUNG BA'I DUS, DBYE BA, 'KHOR LOS SGYUR TSUL, SANGS RGYAS DANG 'KHOR BSGYUR GYI MTSAN GYI KHYAD PAR BZHI, DANG PO NI, 'KHOR LOS SGYUR BA 'BYUNG BA NI, ,STONG PHRAG BRGYAD CU LAS MI 'PHYI, ,ZHES BYUNG, 'KHOR LOS SGYUR BA CHOS CAN, KHYOD 'BYUNG BA'I DUS YOD DE, TSE LO DPAG MED NAS BRGYAD KHRI'I BAR KHO NAR 'BYUNG GI, DE PHYIN TSAD SNOD MIN PAS MI 'BYUNG BA'I PHYIR, SGRA DON YOD DE, 'KHOR LO'I SGO NAS SKYE BO LA DBANG SGYUR BAS NA DE LTAR BRJOD PA'I PHYIR, GNYIS PA NI, GSER DNGUL ZANGS LCAGS 'KHOR LO CAN, ,DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,LHAN CIG GNYIS MIN SANGS RGYAS BZHIN, ,ZHES BYUNG, 'KHOR SGYUR CHOS CAN, KHYOD LA RIGS BZHI YOD DE, GSER GYI 'KHOR LO YOD PAS GSER GYI 'KHOR SGYUR DANG, DE BZHIN DU DNGUL DANG ZANGS DANG LCAGS KYI 'KHOR LO SGYUR BA @99B DANG BZHI YOD PA'I PHYIR, DE DAG LAS MAS RIM BZHIN DU GSER GYI 'KHOR SGYUR GYIS GLING BZHI DANG, DNGUL GYIS GLING GSUM DANG, ZANGS KYIS GLING GNYIS DANG, LCAGS KYI 'KHOR SGYUR GYIS GLING GCIG LA DBANG BYED PA YIN TE, MCHOG DANG NYE BA'I MCHOG DANG 'BRING DANG THA MA YIN PA'I PHYIR, 'DI DAG GANG LAS BSHAD TSUL YOD DE, GDAGS PA LAS BSTAN CING, MDO GZHAN DAG LAS KYANG BSHAD PA'I PHYIR, 'KHOR SGYUR CHOS CAN, KHYOD GLING GCIG LA LHAN CIG GAM DUS GCIG TU GNYIS MI 'BYUNG STE, 'GRAN ZLA MED PA'I LAS BSAGS PA'I GANG ZAG YIN PA'I PHYIR, DPER NA, RDZOGS PA'I SANGS RGYAS GNYIS BSTAN PA GCIG LA DUS GCIG TU MI 'BYUNG BA BZHIN NO, ,'ON KYANG, ZHING GZHAN GYI SANGS RGYAS NI ZHING 'DIR STON PA'I DRUNG DU 'BYON PA LA NGES PA MED DO, ,GSUM PA NI, PHAS BSU RANG 'GRO G-YUL BSHAMS DANG, ,MTSON BRTZAMS PAS RGYAL GNOD PA MED, ,CES BYUNG, 'KHOR SGYUR CHOS CAN, KHYOD BZHIS SA LA DBANG BSGYUR TSUL YOD DE, GSER GYI 'KHOR LOS SGYUR BA'I RGYAL PO RANG LA RGYAL PHRAN RNAMS KYIS PHAS NAS BSUS TE RGYAL PO BYED, DNGUL LA NI RANG NYID DER 'GRO BA STE SONG NAS 'DUD CING RGYAL PO BYED, ZANGS LA NI G-YUL BSHAMS PA TZAM GYIS 'DUD, LCAGS LA NI MTSON 'DEBS BRTZAMS PA TZAM GYIS 'DUD CING DBANG DU 'GYUR BAS GZHAN LA GNOD PA CI YANG MED PA'I PHYIR, BZHI PA NI, THUB MTSAN YUL NA GNAS PA DANG, ,GSAL LA RDZOGS PAS 'PHAGS PA YIN, ,ZHES BYUNG, 'KHOR SGYUR CHOS CAN, KHYOD DANG THUB PA LA MTSAN BZANG YOD PAR MTSUNGS KYANG KHYAD PAR YOD DE, THUB PA SANGS RGYAS KYI MTSAN NI GNAS 'GRUS PAR YUL NA MA 'DRES PAR GNAS PA DANG, 'OD GSAL ZHING CHA RDZOGS PA SOGS KYIS KHYAD PAR DU 'PHAGS LA, KHYOD KYI MTSAN NI DE LTAR MA YIN PA'I PHYIR, GNYIS PA SPYI DON LA, RGYU DANG DUS DANG 'BYUNG @100A *, ,TSUL DANG YON TAN GYI KHYAD PAR DANG DGOS PA GANG GI CHED DU 'BYUNG BA DANG LNGA, DANG PO RGYU YOD DE, BSOD NAMS KYI MTHU CHEN PO BYAS PA LAS BYUNG BA'I PHYIR, GNYIS PA DUS YOD DE, RDZOGS LDAN MA GTOGS MI 'BYUNG BAR BSHAD ZIN PA LTAR YIN PA'I PHYIR, GSUM PA 'BYUNG TSUL YOD DE, RGYAL PO RGYAL RIGS SPYI BO NAS DBANG BSKUR PA'I TSES BCO LNGA'I DUS GSO SBYONG LA GNAS PA NA, GSER 'KHOR CAN DU 'GYUR BA LA GSER GYI 'KHOR LO RTZI BAS STONG YOD PA DPAG TSAD LNGA BRGYA PA BRGYA BYIN GYIS STER BAR 'GYUR BA'I PHYIR, BZHI PA YON TAN NAM PHUN TSOGS KYI KHYAD PAR YOD DE, RGYAL SRID RIN CHEN BDUN DANG, NYE BA'I RIN CHEN BDUN DANG, YO BYAD KYI RIN CHEN BDUN SOGS 'BYUNG BA'I PHYIR, DANG PO GRUB STE, 'KHOR LO NOR BU SOGS BDUN 'BYUNG BA'I PHYIR, 'DI DAG GI KHYAD PAR RGYAS PA NI CHOS YANG DAG PAR SDUD PA DANG DRAN PA NYER GZHAG DANG MNGON 'BYUNG SOGS LAS 'BYUNG BA LTAR SHES PAR BYA STE 'DIR MI 'CHAD DO, ,GNYIS PA GRUB STE, RAL GRI DANG LPAGS PA DANG, KHANG PA DANG GOS DANG NAGS TSAL DANG MAL CHA DANG LHVAM STE BDUN 'BYUNG BA'I PHYIR, DE'I BYED LAS KYANG GZHAN DU SHES, GSUM PA GRUB STE, MU SAL GAR BHA DANG, BEE d'URYA DANG GSER DANG DNGUL DANG MU TIG DANG SHEL DANG RDO'I SNYING PO STE BDUD 'BYUNG BA'I PHYIR, LNGA PA 'BYUNG BA'I DGOS PA YOD DE, SEMS CAN MANG PO DGE BCU LA 'GOD PA'I CHED DU 'BYUNG BA'I PHYIR, 'KHOR SGYUR DU 'GYUR BA NI BYANG SEMS KHO NAR MA NGES TE, SANGS RGYAS KYI RIGS CAN LAM MA ZHUGS NA'ANG DER 'GYUR BA YOD PA'I PHYIR, MDO LAS DGE RTZA 'DI BYAS NA 'KHOR SGYUR DU 'GYUR GSUNGS PA NI 'KHOR SGYUR DNGOS GNAS PAR DGONGS PA'I NGES PA MED DE, PHAL CHER STOBS KYIS 'KHOR SGYUR DU 'GYUR BA LA DGONGS SHING, LA LA NI DER SKYE BA'I RGYU 'DZIN PA TZAM @100B LA DGONGS PA'I PHYIR, ` ,DGU PA SNOD BCUD KYI KHYAD CHOS LA, DNGOS DANG, 'JIG BSKAL BYE BRAG TU BSHAD PA GNYIS, DANG PO LA, BSKAL PA DANG PO'I KHYAD PAR, DE LAS 'GRIB TSUL, MTHAR JI LTAR 'BYUNG TSUL DANG GSUM, DANG PO NI, SNGAR BYUNG SEMS CAN GZUGS CAN BZHIN, ,ZHES BYUNG, SNGAR BSKAL PA DANG POR BYUNG BA'I SEMS CAN MI RNAMS CHOS CAN, GZUGS CAN GYI LHA BZHIN TE, GZUGS MDZES PA, YAN LAG DANG NYING LAG TSANG BA, RANG LA 'OD YOD PA, DGA' BA ZAS SU ZA BA, TSE DPAG MED THUB PAR MDO LAS BSHAD PA BZHIN YIN PA'I PHYIR, GNYIS PA NI, DE NAS RIM GYIS RO LA CHAGS, ,LE LOS GSOG 'JOG BYAS NAS NI, ,'DZIN BCAS RNAMS KYIS ZHING DPON STABS, ,DE NAS LAS KYI LAM LHAG PAS, ,TSE THUNG LO NI BCU YIN NO, ,ZHES BYUNG, SHES BYA CHOS CAN, DE NAS RIM GYIS 'GRIB TSUL YOD DE, BSKAL PA DANG PO'I MI GZUGS KYI LHA 'DRA BA DE DAG GIS SA'I ZHAG DANG RO SBRANG RTZI'I RO LTA BU BYUNG BA SOGS MYANGS PAS RO LA CHAGS SHING LE LOS GSOG 'JOG BYAS NAS BDAG TU 'DZIN PA DANG BCAS PA RNAMS KYIS ZHING BTAB STE LONGS SPYOD KYI CHED DU 'THAB RTZOD BYUNG NAS DPON DU MANG POS BKUR BA'I RGYAL PO BSKOS, DE LA KUN GYIS ZHING GI DAG CHA BSTABS PAR BYAS PAS RGYAL RIGS KYI THOG MA BYUNG BA'I PHYIR, DE NAS RIGS LHAG MA RNAMS DANG LAS LAM BYUNG TSUL YOD DE, DE'I TSE KHYIM LAS BYOL NAS NAGS KHROD SOGS SU RTZA BA DANG 'BRAS BU ZA ZHING TSANGS PAR SPYAD PA RNAMS LA BRAM ZE DANG, KHYIM DU GNAS KYANG RKU SOGS MI BYED PA'I 'BYOR CAN LA RJI RIGS DANG, SO NOM DANG RKU DANG SROG GCOD SOGS BYED PA LA DMANGS RIGS DANG GDOL PA'I RIGS ZHES PA'I THA SNYAD BYUNG ZHING, DE NAS RDZUN DANG SROG GCOD SOGS MI DGE BA'I LAS KYI LAM LHAG PA STE 'PHEL BAS, @101A *, ,RIM GYIS TSE BRI NAS LO NI THUNG BA BCU PA'I BAR DU YANG 'BYUNG BA YIN PA'I PHYIR RO, ,GSUM PA NI, BSKAL PA MTSON DANG NAD DANG NI, ,MU GE DAG GIS TSAR PHYIN TO, ,ZHAG RNAMS DANG NI ZLA BA DANG, ,LO BDUN DAG TU GO RIM BZHIN, ,ZHES BYUNG, SHES BYA CHOS CAN, MTHAR JI LTAR 'BYUNG BA'I TSUL YOD DE, BCUD KYI SEMS CAN NI MTSON DANG NAD DANG MU GE'I BSKAL PA BAR MA GSUM PO DAG GIS TSAR PHYIN PA STE RDZOGS PAR BYED PA'I PHYIR, DE GSUM GYI YUN TSAD YOD DE, GO RIM BZHIN DU MTSON GYI BSKAL PA ZHAG BDUN RNAMS DANG, DE'I SNGON DU NAD KYI BSKAL PA ZHAG BDUN ZLA BA BDUN DANG, DE'I SNGON DU MU GE'I BSKAL PA LO BDUN ZLA BA BDUN ZHAG BDUN 'BYUNG BA'I PHYIR, DE DAG TU MI SKYE BA'I THABS YOD DE, NYI MA 'GA' ZHIG TU SROG GCOD SPONG BA'I SDOM PA BSRUNGS PAS MTSON BSKAL DANG, DGE 'DUN LA AA RU RA SOGS SMAN PHUL BAS NAD BSKAL DANG, DGE 'DUN LA BSOD SNYOMS PHUL BAS MU GE'I BSKAL PAR MI SKYE BAR BSHAD PA'I PHYIR, GNYIS PA 'JIG BSKAL BYE BRAG TU BSHAD PA LA, 'JIG RKYEN, 'JIG BYA, 'JIG PA'I RGYU MTSAN, JI LTAR 'JIG TSUL DANG BZHI, DANG PO NI, ME DANG CHU DANG RLUNG DAG GIS, ,'JIG PA DAG NI YANG GSUM YIN, ,ZHES BYUNG, SHES BYA CHOS CAN, SNOD 'JIG RKYEN LA GSUM YOD DE, DA LTA'I NYI MA 'DI DANG NYI MA GZHAN DRUG RIM GYIS BYUNG NAS ME DANG, CHAR CHEN PO 'BAB PA'I CHU DANG, DRAG PO'I RLUNG DAG GIS 'JIG PA DAG NI GSUM YIN PA'I PHYIR, YANG ZHES SMOS PA LA DGOS PA YOD DE, MU STEGS PAS RDUL PHRA RAB MI 'JIG PAR 'DOD KYANG 'DIR DE YANG 'JIG PAR STON PA'I PHYIR, GNYIS PA NI, BSAM GTAN GNYIS SOGS GSUM PO NI, ,DE DAG GI TSE GO RIM BZHIN, ,ZHES BYUNG, @101B SHES BYA CHOS CAN, 'JIG PA GSUM GYI 'JIG BYA DANG GANG LUS PA YOD DE, BSAM GTAN GNYIS PA DANG, SOGS KYIS GSUM PA DANG BZHI PA GSUM GYI 'OG MAN CHAD ME CHU RLUNG GSUM GYIS 'JIG PAR BYED CING, DE DAG GI RTZE MO STE GONG MA GSUM DE'I TSE MI 'JIG PA'I PHYIR, DER THAL, MES BSAM GTAN DANG PO MAN CHAD DANG, CHUS BSAM GTAN GNYIS PA MAN CHAD DANG, RLUNG GIS RANG GI 'JIG BYA BSAM GTAN GSUM PA MAN CHAD 'JIG CING, RANG RANG GI GONG MA LUS PA GNYIS PA DANG GSUM PA DANG BZHI PA RNAMS MI 'JIG PA'I TSUL GO RIM BZHIN DU SBYOR BA YIN PA'I PHYIR, GSUM PA NI, DE YI SKYON DANG CHOS MTHUN PHYIR, ,BZHI PA NA MED MI G-YO'I PHYIR, ,MI RTAG DE YI GZHAL MED KHANG, ,SEMS CAN BCAS TE 'BYUNG 'JIG PHYIR, ,ZHES BYUNG, SHES BYA CHOS CAN, DE LTAR 'JIG PA'I RGYU MTSAN YOD DE, 'JIG BYED ME CHU RLUNG GSUM DANG MTHUN PA'I SKYON GSUM GYI DBANG GIS YIN PA'I PHYIR, DER THAL, SEMS CAN DE DANG DE'I NANG GI SKYON BSAM GTAN DANG PO NA RTOG DPYOD ME LTA BU DANG, GNYIS PA NA BSAM GTAN GYI SKYON DGA' BDE CHU LTA BU DANG, GSUM PA NA DE'I SKYON DBUGS 'BYUNG RNGUB KYI RLUNG YOD PAS NA PHYI RKYEN DE GSUM GYI DBANG GIS 'JIG PAR BYED PA'I PHYIR, DANG PO GRUB STE, RTOG DPYOD KYIS YID ME LTAR GDUNG BAR BYED PA'I PHYIR, GNYIS PA GRUB STE, SHIN SBYANGS KYI DGA' BA DES LUS MNYEN CING CHU LTAR RLAN PAR BYED PA'I PHYIR, GSUM PA GRUB STE, DBUGS KYI 'BYUNG RDUB RLUNG LTAR BYED PA'I PHYIR, BSAM GTAN BZHI PA NA 'JIG PA DE GSUM MED DE, BSAM GTAN BZHI PA'I TING NGE 'DZIN NI, SKYON DE DAG GIS MI G-YO BA'I PHYIR, 'O NA DE DAG RTAG PA YIN NAM ZHE NA, MI RTAG PA YIN TE, BZHI PA DE'I GZHAL MED KHANG SEMS CAN DANG BCAS TE LHAN CIG 'BYUNG BA DANG LHAN @102A *, ,CIG 'JIG PAR BYED PA'I PHYIR, DER THAL, DE DAG GI SNOD RNAMS SKAR MA LTAR MA 'BREL BAR SO SOR GNAS PAS SO SO LAS THUN MONG DU 'JIG PA MIN PA'I PHYIR, BZHI PA NI, ME YIS BDUN NO CHU YIS GCIG ,DE LTAR CHU BDUN THAL NAS KYANG, ,ME YIS BDUN NO DE NAS NI, ,MJUG TU RLUNG GIS 'JIG PA YIN, ,ZHES BYUNG, SHES BYA CHOS CAN, DE NAS 'JIG BYED GSUM GYI 'JIG TSUL YOD DE, ME YIS 'JIG PA'I TSUL BDUN 'BYUNG ZHING, DE NAS CHU YIS 'JIG PA GCIG 'BYUNG, DE LTAR ME 'JIG BDUN RE'I MJUG TU CHU 'JIG RE RE 'BYUNG ZHING CHU 'JIG BDUN THAL NAS NI, DE'I RJES SU ME YIS 'JIG PA BDUN DANG, DE NAS NI MJUG TU RLUNG GIS 'JIG PA GCIG 'BYUNG BA YIN PA'I PHYIR, ME 'JIG GI TSE NYI MA GCIG PO 'DI BDUN 'GYUR GYI TSA BAR SONG NAS 'JIG PA DANG, NYI MA GZHAN DRUG LOGS SU 'BYUNG BAR 'DOD PA'I TSUL GNYIS SNANG BA LAS PHYI MA LTAR MNGON NO, ,MES 'JIG PA MANG ZHING DE LAS CHUS 'JIG PA NYUNG BA DANG RLUNG GIS 'JIG PA GCIG 'BYUNG BA'I RGYU MTSAN YOD DE, TSANGS CHEN DANG 'OD GSAL DANG DGE RGYAS PA'I TSE TSAD KYI KHYAD PAR GYIS YIN PA'I PHYIR, DE LTAR NA BSKAL CHEN RE BZHIN RLUNG 'JIG 'BYUNG BA YIN TE, MES 'JIG BDUN TSAN BRGYAD DANG CHUS 'JIG BDUN TSAN GCIG DANG, DE NAS RLUNG GIS 'JIG PA GCIG 'BYUNG BA'I PHYIR RO,, ` ,,CHOS MNGON PA MDZOD KYI GNAS BZHI PA'I RNAM BSHAD BZHUGS SO, ,GNYIS PA SPANG BYA KUN 'BYUNG BDEN PA GTAN LA DBAB PA LA, LAS KYI KUN 'BYUNG DANG, NYON MONGS PA'I KUN 'BYUNG GNYIS, DANG PO LA, MDOR BSTAN PA DANG, RGYAS PA BSHAD PA DANG, LAS KYI RNAM GRANGS BSTAN PA'I DON BSDU BA GSUM, DANG PO NI, 'JIG RTEN SNA TSOGS LAS LAS @102B SKYES, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, 'JIG RTEN SNA TSOGS PA 'DI NI CHOS CAN, KHYOD KYI RGYU YOD DE, RANG RANG GI RGYU THUN MONG BA DANG THUN MONG MA YIN PA'I LAS LAS SKYES BA YIN PA'I PHYIR, GNYIS PA MTHA' DPYAD PA LA, KHA CIG ,LAS YIN NA, SEMS BYUNG YIN PAS KHYAB ZER NA, LUS NGAG GI LAS CHOS CAN, DER THAL, DE'I PHYIR, 'DOD NA, MI 'THAD PAR THAL, GZUGS CAN YIN PA'I PHYIR, KHA CIG ,DE YIN NA, GZUGS CAN YIN PAS KHYAB ZER NA, YID LAS SEMS PA CHOS CAN, DER THAL, DE'I PHYIR, RTAGS GSAL SLA'O, ,KHA CIG ,LAS YIN NA, BDE SDUG BAR MA GSUM GANG RUNG MYONG 'GYUR GYI LAS YIN PAS KHYAB ZER NA, ZAG MED KYI LAS CHOS CAN, DER THAL, DE'I PHYIR, 'DOD NA, MA YIN PAR THAL, RNAM SMIN MYONG 'GYUR GYI LAS MA YIN PA'I PHYIR, DER THAL, ZAG BCAS MA YIN PA'I PHYIR, KHA CIG ,ZAG BCAS KYI LAS YIN NA, DE GSUM GANG RUNG MYONG NGES YIN PAS KHYAB ZER NA, RNAM SMIN MI 'BYIN PA'I LUNG MA BSTAN GYI LAS RNAMS CHOS CAN, DER THAL, DE'I PHYIR, 'DOD NA, MA YIN PAR THAL, LUNG MA BSTAN GYI LAS YIN PA'I PHYIR, KHA CIG ,LUS NGAG GANG RUNG GI LAS YIN NA, ZAG BCAS YIN PAS KHYAB ZER NA, DGRA BCOM PA'I LUS LAS SU GYUR PA'I ZAG MED KYI SDOM PA CHOS CAN, DER THAL, DE'I PHYIR, RTAGS GSAL SLA'O, ,GNYIS PA LA, BSTAN BCOS NAS BSHAD PA DANG, MDO NAS BSHAD PA'I TSUL GNYIS, DANG PO LA, SPYIR BSTAN PA DANG, RIG BYED MIN PA BYE BRAG TU BSHAD PA GNYIS, DANG PO LA SEMS PA DANG BSAM PA'I LAS NGOS BZUNG BA, RIG BYED DANG DE MIN PA NGOS BZUNG BA, DE DAG LA DGE SOGS 'JOG TSUL GSUM, DANG PO NI, DE @103A *, ,NI SEMS PA DANG DES BYAS, ,SEMS PA YID KYI LAS YIN NO, ,DES BSKYED LUS DANG NGAG GI LAS, ,ZHES BYUNG, 'DI LA TSIG DON, SPYI DON, MTHA' DPYAD PA GSUM, DANG PO LA, LAS DE NI CHOS CAN, KHYOD LA GNYIS YOD DE, SEMS PA'I LAS DANG, DES BYAS PA BSAM PA'I LAS GNYIS YOD PA'I PHYIR, SEMS PA'I LAS CHOS CAN, YID KYI LAS YIN TE, YID KYIS BSGRUBS LA LUS NGAG TU MA THON PA'I LAS YIN PA'I PHYIR, DES BSKYED PA'I LAS CHOS CAN, KHYOD LA LUS DANG NGAG GI LAS GNYIS YOD DE, LUS DANG NGAG GIS GTZO BOR BSGRUBS PA'I LAS GNYIS YOD PA'I PHYIR, GNYIS PA LA, LAS KYI NGO BO LA 'DOD TSUL MI 'DRA BA YOD DE, BYE BRAG SMRA BA DANG DBU MA PA KHA CIG LUS NGAG GI LAS GZUGS CAN DU 'DOD, DBU MA PA GZHAN DANG SEMS TZAM PA DANG MDO SDE PAS LAS RNAMS SEMS BYUNG DU 'DOD PA'I PHYIR, DE'I PHYIR LUS NGAG GI LAS GNYIS LA RNAM RIG YIN MIN GNYIS YOD CING, RNAM GRANGS KYI SGO NAS DBYE BA MANG DU 'BYUNG BA NI TSIG DON BSHAD PA LAS SHES PAR BYA STE, 'CHAD PAR 'GYUR RO, ,GSUM PA MTHA' DPYAD PA LA, KHA CIG ,LUS KYI RNAM PAR RIG BYED NI LUS KYI DBYIBS SDOD TSUL TZAM LA BYED ZER NA, DE MI 'THAD PAR THAL, DE NI SEMS KYI DBANG GIS LUS KYIS BSDAD PA'I DBYIBS LTA BU LA BYED PA'I PHYIR, DER THAL, SEMS KYIS DBANG MIN PAR RLUNG LTA BU'I DBANG TZAM GYIS LUS DE LTAR BSDAD PA'I DBYIBS NI RNAM PAR RIG BYED KYI GZUGS SU MI 'GYUR BAR RANG 'GREL LAS BSHAD PA'I PHYIR, KHA CIG ,SDOM PA LEN PA LTA BU'I SKABS SU LUS TSAD MA'I DBYIBS TZAM RNAM PAR RIG BYED KYI GZUGS @103B SU 'JOG ZER NA, DE MI 'THAD PAR THAL, DE'I TSE YANG SEMS KYI KHYAD PAR RIG CING GO BAR BYED PA'I LTAS BZHIN 'GYUR BA DANG PUS MO 'DZUG PA DANG THAL MO SBYAR BA LTA BU'I LUS KYI SDOD TSUL KHYAD PAR BZHIG ? RNAM PAR RIG BYED KYI GZUGS SU 'JOG DGOS PA'I PHYIR, DER THAL, RNAM PAR RIG BYED KYI SGRA DON NI, NANG GI KUN SLONG RIG PAR BYED PA'I DON YIN PAS LAG PA THAL MO SBYOR BA LA SOGS PA'I PHYI'I LUS NGAG GI RNAM 'GYUR GYIS NANG GI BSAM PA'I KHYAD PAR DAD SOGS DANG LDAN PAR RIG CING GO BAR BYED NUS SU MTHONG BA'I PHYIR, KHA CIG ,DKAR NAG LA SOGS BYE BRAG GIS, ,LAS NI RNAM PA BZHI YIN NO, ,ZHES PA'I DNGOS BSTAN GYI LAS YIN NA, LAS YIN PAS KHYAB ZER NA, LOG LTA CHOS CAN, DER THAL, DE'I PHYIR, DER THAL, DE'I DNGOS BSTAN GYI RNAM SMIN NAG PA'I LAS YIN PA'I PHYIR, 'DOD MI NUS TE, RTZA BAR, GNOD SEMS LA SOGS LAS MIN YANG, ,ZHES GSUNGS PA'I PHYIR, GNYIS PA LA, MDOR BSTAN PA DANG, RGYAS PAR BSHAD PA GNYIS, DANG PO NI, DE DAG RNAM RIG RNAM RIG MIN, ,ZHES BYUNG, LUS NGAG GI LAS DE DAG CHOS CAN, KHYOD RE RE LA'ANG GNYIS RE YOD DE, RNAM PAR RIG BYED DANG, RIG BYED MA YIN PA GNYIS YOD PA'I PHYIR, GNYIS PA LA, RIG BYED DANG RIG BYED MA YIN PA GNYIS, DANG PO LA, LUS DANG NGAG GI RIG BYED GNYIS, DANG PO LA, BYE BRAG SMRA BA'I LUGS BZHAG ,GNAS MA BU PA'I LUGS DGAG ,MDO SDE PA'I LUGS BRJOD PA GSUM, DANG PO NI, LUS RNAM RIG BYED DBYIBS SU 'DOD, ,CES BYUNG, LUS KYI RNAM PAR RIG BYED CHOS CAN, LUS KYI DBYIBS SU 'DOD DE, SEMS KYI DBANG GIS LUS KYI SDOD TSUL SOGS SU 'DOD PA'I PHYIR, GNYIS PA NI, 'GRO @104A *, ,MIN GANG PHYIR 'DUS BYAS NI, ,SKAD CIG MA YIN 'JIG PHYIR RO, ,RGYU MED PA LAS 'GA' MI 'BYUNG, ,RGYU YANG 'JIG PA POR 'GYUR RO, ,ZHES BYUNG, GNAS MA BU PA NA RE, LUS SKAD CIG GIS MA 'GAG PAR LUS GZHAN DU 'GRO BA'I LUS KYI BYA BA NI LUS KYI RIG BYED DU 'JOG PA YIN ZER NA, LUS CHOS CAN, SKAD CIG GIS MA 'GAG PAR YUL GZHAN DU 'GRO BA MA YIN PAR THAL, RGYU MTSAN GANG GI PHYIR NA, SKAD CIG MA YIN PA'I PHYIR, DER THAL, BCOM LDAN 'DAS KYIS 'DUS BYAS RNAMS SKAD CIG MAR GSUNGS PAS NA LTOS MED DU 'JIG PA'I PHYIR, KHO NA RE, DE LTAR GSUNGS PA NI GLOG LTA BU LA DGONGS KYI, BUM PA LTA BU LA DGONGS PA MIN TE, BUM PA LTA BU NI PHYIR 'BYUNG GI 'JIG RGYU THO BA LTA BU SOGS LA LTOS PA'I PHYIR ZER NA, 'O NA, DON GZHAN PA'I 'JIG RGYU MED PA LA 'JIG PA 'GA' YANG 'BYUNG MI SRID PAR THAL, DNGOS PO THAMS CAD 'JIG RGYU DON GZHAN LA LTOS PA'I PHYIR, 'DOD MI NUS TE, GLOG DANG MAR ME SOGS DE LA MI LTOS PAR RANG GZHAN GYIS MTHONG BA'I PHYIR, KHA CIG ,THO BAS BUM PA'I DBYIBS SOGS GZHAN DU SGYUR BAR BYED PAS NA DE BUM PA'I 'JIG RGYU YIN ZER NA, 'O NA RDZA BUM GYI RGYU RDZA MKHAN DANG ME LCE LA SOGS PA YANG DE'I 'JIG PA POR 'GYUR BAR THAL, DE RNAMS KYIS RDZA BUM DE DBYIBS DANG KHA DOG GZHAN DU SGYUR BAR BYED PA'I PHYIR, 'DOD NA, PHAN 'DOGS BYED DANG GNOD BYED GNYIS KA YIN PAR THAL LO, ,GSUM PA NI, GNYIS GZUNG 'GYUR TE RDUL LA MED, ,CES BYUNG, MDO SDE PA NA RE, DBYIBS RDZAS SU MED DE, DE LTOS TE BZHAG PA'I BTAGS YOD YIN PA'I PHYIR, GAL TE RDZAS SU YOD NA, MIG DANG LUS DBANG GNYIS KYI GZUNG BYAR 'GYUR BAR THAL, DE GNYIS KA @104B LA BRTEN NAS KYANG SHES PA'I PHYIR, 'DOD NA, MA YIN PAR THAL, RING PO DANG THUNG NGU SOGS KYI DBYIBS NI GZUGS KYI SKYE MCHED DANG MIG GI DBANG PO'I GZUNG BYA YIN GYI, REG BYA'I SKYE MCHED MIN PAS LUS DBANG GI GZUNG BYAR MI 'GYUR BA'I PHYIR, YANG DBYIBS NI RDZAS SU MED DE, KHA DOG SNGON PO CAN GYI DBYIBS GRU BZHI BCOM PA'I RDUL PHRAN LA KHA DOG SNGON PO YOD KYANG DBYIBS GRU BZHI MED PA'I PHYIR ZER, KHA CIG MDO SDE PA LTAR NA RDUL PHRA RAB LA DBYIBS MED ZER BA NI MI 'THAD DE, DE DBYIBS ZLUM POR BSHAD PA'I PHYIR, GZHAN DU NA RDUL PHRAN CHA MED 'DOD DGOS PAR 'GYUR RO, ,YANG RDUL PHRA RAB BDUN RDUL PHRA RAB MIN ZER BA NI MI 'THAD DE, RDUL PHRA RAB THAMS CAD RDUL PHRA RAB YIN PA'I PHYIR, DER THAL, RDUL PHRA RAB BDUN 'DUS PA'I GONG BU DE RDUL PHRA RAB MIN YANG, DE BDUN DE YIN PA'I KHYAD PAR 'BYED DGOS PA'I PHYIR, PHYI MA DER THAL, YUNGS KAR BRGYA YUNGS KAR YIN PA'I PHYIR, DER THAL, MI BRGYA MI YIN PA'I PHYIR, GNYIS PA NI, NGAG RNAM RIG BYED NI NGAG SGRA, ,ZHES BYUNG, NGAG GI RNAM PAR RIG BYED NI CHOS CAN, NGO BO YOD DE, NGAG GI RANG BZHIN GYI SGRA LA 'JOG PA'I PHYIR, GNYIS PA RIG BYED MA YIN PA'I GZUGS BSHAD PA LA, DBYE BA, SGRUB BYED, KHYAD CHOS GSUM, DANG PO NI, RNAM GSUM DRI MED GZUGS GSUNGS DANG, ,ZHES BYUNG, RNAM RIG MA YIN PA'I GZUGS CHOS CAN, DBYE NA RNAM PA GSUM YOD DE, SDOM PA DANG SDOM MIN DANG BAR MA'I TSUL KHRIMS KYIS BSDUS PA GSUM MAM BSTAN YOD SOGS GSUM DANG, DRI MED KYI GZUGS ZHES MDO LAS GSUNGS PA RNAMS YOD PA'I PHYIR, KHA CIG ,'DIR RNAM RIG MIN PA LA BSTAN YOD THOGS BCAS KYI GZUGS BSHAD PA NI MI 'THAD DE, DE YIN NA BSTAN MED THOGS MED KYI GZUGS YIN DGOS PA'I PHYIR, GNYIS PA @105A *, ,NI; 'PHEL DANG MA BYAS LAM SOGS PHYIR, ,ZHES BYUNG, SHES BYA CHOS CAN, RNAM RIG MIN PA'I GZUGS YOD DE, MDO LAS BSTAN YOD THOGS BCAS DANG, BSTAN MED THOGS BCAS DANG BSTAN MED THOGS MED KYI GZUGS GSUM YOD PAR GSUNGS PA GANG ZHIG ,PHYI MA DE RNAM RIG MIN PAR 'JOG DGOS PA'I PHYIR DANG, RDZAS LAS BYUNG BA'I BSOD NAMS 'PHEL BAR GSUNGS PA DANG, RANG GIS MA BYAS PAR SROG GCOD KYI LAS LAM SOGS 'GRUB PA YOD PAS RNAM RIG MA YIN PA'I GZUGS MED NA DE MI RUNG BA'I PHYIR, GSUM PA KHYAD CHOS LA, RGYU DANG SA DANG NGO BO DANG RGYU'I KHYAD CHOS GZHAN BSHAD PA BZHI, DANG PO NI, 'DOD GTOGS RNAM RIG MIN SKAD CIG ,PHYIN CHAD 'DAS PA'I 'BYUNG LAS SKYES, ,ZHES BYUNG, 'DOD GTOGS KYI RNAM RIG MIN PA'I GZUGS CHOS CAN, SKYE TSUL YOD DE, SKAD CIG DANG PO NI RANG DANG DUS MNYAM PA'I SA SOGS 'BYUNG BZHI DA LTA BA KHO NA DANG, DANG PO PHYIN CHAD NI 'DAS PA'I 'BYUNG BZHI DANG RANG GI RTEN GYI 'BYUNG BZHI DA LTA BA LAS SKYES PA'I PHYIR, DANG PO GRUB STE, DE YAN CHAD DU DE'I RIGS 'DRA 'DAS PA MED PA'I PHYIR, GNYIS PA GRUB STE, RANG GI SNGON DU SKYE MCHED KYI 'BYUNG BZHI SONG ZHING DA LTA BAS NI RGYUN MI CHAD PA'I GZHI RTEN BYED PA'I PHYIR, 'BYUNG BA LA PHYI NANG GI 'BYUNG BA GNYIS YOD PA'I NANG GI 'BYUNG BZHI'I KHYAD PAR YOD DE, LUS KYI SHA RUS SOGS SA DANG KHRAG SOGS CHU DANG DROD ME DANG DBUGS SOGS RLUNG GI KHAMS SU 'JOG PA'I TSUL SHES DGOS PA'I PHYIR, GNYIS PA NI, ZAG BCAS LUS DANG NGAG GI LAS, ,RANG GI 'BYUNG BA DAG RGYUR BYAS, ,ZAG MED GANG DU SKYES PA YIN, ,ZHES BYUNG, ZAG BCAS KYI LUS @105B DANG NGAG GI LAS RNAM RIG MIN PA DE CHOS CAN, 'DOD GZUGS KYI SA GANG YIN PA DE'I RANG GI SA'I 'BYUNG BA BZHI PO DAG RGYUR BYAS NAS SKYE STE, 'BYUNG BA DE DAG GIS KHYOD LA PHAN 'DOGS PA'I PHYIR, ZAG MED KYI LUS NGAG GI RNAM RIG MIN PA DE CHOS CAN, GANG LAS SKYES PA YOD DE, KHAMS GSUM GYI SAS BSDUS MED KYANG GANG DU SKYES PA'I SA DE'I 'BYUNG BA RGYUR BYAS NAS SKYES PA'I PHYIR, GSUM PA NI, RNAM RIG BYED MIN MA ZIN DANG, ,RGYU MTHUN LAS BYUNG SEMS CAN STON, , ZHES BYUNG, RNAM RIG MIN PA'I GZUGS CHOS CAN, KHYAD CHOS GSUM DANG LDAN TE, MA ZIN PA DANG RGYU MTHUN LAS BYUNG BA DANG SEMS CAN DU STON PA GSUM DANG LDAN PA'I PHYIR, BZHI PA NI, RGYU MTHUN ZIN PA'I 'BYUNG LAS SKYE, ,TING 'DZIN SKYES 'BYUNG MA ZIN DANG, ,RGYAS BYUNG THA DAD MIN LAS SKYE, ,ZHES BYUNG, RNAM RIG MIN PA DE CHOS CAN, SKYE TSUL BZHI YOD DE, 'DOD PA'I DE NI RGYU MTHUN DANG ZIN PA'I 'BYUNG BA LAS SKYE, TING NGE 'DZIN LAS SKYES PA'I BSAM GTAN DANG ZAG MED KYI SDOM PA LTA BU NI MA ZIN PA'I 'BYUNG BA DANG RGYAS BYUNG LAS SKYE, SO THAR LTA BU NI 'BYUNG BA RIGS GZHAN THA DAD LAS SKYE, BSAM GTAN GYI SDOM PA NI 'BYUNG BA BZHI TSAN RIGS THA DAD MIN PA LAS SKYE BA'I PHYIR, GSUM PA LA, DNGOS DANG, DGE SOGS GSUM GYI DBYE BA, KUN SLONG BYE BRAG TU BSHAD PA GSUM, DANG PO NI, RNAM RIG MIN LUNG BSTAN MIN MED, ,GZHAN NI RNAM GSUM MI DGE NI, ,'DOD NA'O GZUGS NA'ANG RNAM RIG MIN, ,RNAM RIG BYED DANG BCAS DAG NI, ? ,'DOD PA NA YANG SGRIB PA MED, , GANG PHYIR KUN SLONG MED CES BYUNG, RNAM RIG MIN PA DE CHOS CAN, KHYOD LA LUNG MA BSTAN MED DE, DGE MI DGE GANG RUNG DU NGES PA'I PHYIR, GZHAN RNAM RIG BYED NI CHOS CAN, RNAM PA GSUM YOD DE, DGE MI DGE LUNG MA BSTAN GSUM YOD PA'I @106A *, ,PHYIR, MI DGE BA'I RNAM RIG BYED NI CHOS CAN, KHAMS GONG MA GNYIS NA MED DE, 'DOD PA KHO NA'I SAS BSDUS PA'I PHYIR, GZUGS KHAMS NA'ANG CHOS CAN, LAS GNYIS YOD DE, RIG BYED DANG RNAM PAR RIG BYED MIN PA GNYIS YOD PA'I PHYIR, GZUGS MED NA DE GNYIS MED DE, DER GZUGS MED PA'I PHYIR, RNAM PAR RIG BYED NI CHOS CAN, RTOG DPYOD DANG BCAS PA'I BSAM GTAN DANG PO DAG NA YOD KYI DE YIN NA MED DE, DE'I KUN SLONG DE NA MED PA'I PHYIR, 'DOD PA NA YANG SGRIB PA'I RNAM PAR RIG BYED MED DE, GANG GI PHYIR NA DER DE'I KUN SLONG MED PA'I PHYIR, GNYIS PA NI, THAR PA, ,DAM PA'I DON DU DGE RTZA BA, ,NGO TSA KHREL YOD BDAG NYID KYIS, ,DE DAG DANG LDAN MTSUNGS LDAN GYI, ,BYA BA LA SOGS KUN SLONG BAS, ,BZLOG PA MI DGE DON DAM PAR, ,LUNG MA BSTAN PA BSTAN PA DAG ,CES BYUNG, THAR PA CHOS CAN, DAM PA'I DON DU DGE BA ZHES BYA STE, SDUG BSNGAL NYE BAR ZHI BA'I BDE PA'I RANG BZHIN CAN YIN PA'I PHYIR, DGE BA'I RTZA BA GSUM DANG, NGO TSA SHES PA DANG, KHREL YOD PA CHOS CAN, BDAG NYID DAM NGO BO NYID KYI DGE BA YIN TE, RNAM SMIN DKAR BA'I NGO BOR LUNG DU BSTAN PA YIN PA'I PHYIR, DGE BA DE DAG DANG MTSUNGS LDAN GYI SEMS SEMS BYUNG CHOS CAN, MTSUNGS LDAN GYI DGE BA YIN TE, GROGS CAN GYI DBANG GIS DER BZHAG PA'I PHYIR, DGE BA'I LUS NGAG GI BYA BA LA SOGS KUN NAS SLONG BA'I SEMS SEMS BYUNG DANG BSLANG BA'I LAS DANG THOB PA DANG SNYOMS 'JUG RNAMS CHOS CAN, KUN SLONG GI DGE BA ZHES BYA STE, KUN SLONG GI SGO NAS DER BZHAG PA'I PHYIR, THAR PA LAS BZLOG PA 'KHOR BA CHOS CAN, DON DAM PA'I MI DGE BA YIN TE, SDUG BSNGAL GYI GNAS DAM PA YIN @106B PA'I PHYIR, DGE MI DGE GNYIS 'JOG PA KUN SLONG GTZO CHE YANG DE KHO NA'I SGO NAS MIN TE, DGE MI DGE GNYIS KA LA NI RNAM GRANGS KYIS DON DAM PA DANG NGO BO NYID DANG MTSUNGS LDAN DANG KUN SLONG GI SGO NAS 'JOG TSUL YOD PA'I PHYIR, DON DAM PA'I DGE MI DGE LA DGE MI DGES MA KHYAB STE, 'KHOR 'DAS GNYIS DE GANG RUNG MA YIN PA'I PHYIR, DER THAL, DE GNYIS LUNG MA BSTAN YIN PA'I PHYIR TE, SO SOR BRTAGS MIN GYI 'GOG PA DANG 'DUS MA BYAS KYI CHOS RNAMS DON DAM PA'I LUNG MA BSTAN DANG, DBANG PO GZUGS CAN PA RNAMS NGO BO NYID KYI LUNG MA BSTAN DANG, GONG MA'I SAS BSDUS KYI NYON MONGS RNAMS MTSUNGS LDAN GYI LUNG MA BSTAN DANG, SPRUL PA'I LUS NGAG GI BYA BA PHAL CHER DAG DON DAM PA'I LUNG MA BSTAN YIN PA'I PHYIR TE, RNAM SMIN DGE MI DGE GANG RUNG 'BYIN PAR LUNG DU MA BSTAN PA'I RIGS GNAS YIN PA'I PHYIR, GSUM PA LA, KUN SLONG GI DBYE BA DANG, MU BZHI'I SGO NAS RGYAS PAR BSHAD PA GNYIS, DANG PO NI, KUN SLONG RNAM GNYIS RGYU DANG NI, ,DE YI DUS KYI SLONG ZHES BYA, ,GNYIS LAS DANG PO RAB 'JUG BYED, ,GNYIS PA RJES SU 'JUG BYED YIN, ,ZHES BYUNG, LAS KYI KUN SLONG CHOS CAN, KHYOD LA RNAM PA GNYIS YOD DE, RGYU'I KUN SLONG DANG DE YI DUS KYI KUN SLONG ZHES BYA BA GNYIS YOD PA'I PHYIR, DE GNYIS LAS DANG PO DE CHOS CAN, RAB TU 'JUG BYED YIN TE, LAS BRGYUD NAS RAB TU 'PHEN PA'I KUN SLONG YIN PA'I PHYIR, GNYIS PA DE CHOS CAN, RJES SU 'JUG BYED YIN TE, LAS DE DANG DUS MTHUN PAR DNGOS SU 'JUG PA'I KUN SLONG YIN PA'I PHYIR, GNYIS PA LA, MU BZHI DANG, DGE SOGS DGUR BSHAD PA GNYIS, DANG PO NI, MTHONG BAS SPANG BYA'I RNAM SHES NI, ,RAB TU 'JUG BYED YIN YID NI, ,SGOM PAS @107A *, ,SPANG BYA GNYIS KA YIN, ,LNGA NI RJES SU 'JUG BYED YIN, ,ZHES BYUNG, 'JUG BYED CHOS CAN, KHYOD LA MU BZHI YOD DE, RAB 'JUG YIN LA RJES 'JUG MA YIN PA'I MU, GNYIS KA YIN PA'I MU, GNYIS KA MA YIN PA'I MU, RJES 'JUG YIN LA RAB 'JUG MA YIN PA'I MU BZHIR YOD PA'I PHYIR, DANG PO GRUB STE, MTHONG BAS SPANG BAR BYA BA'I YID KYI RNAM SHES RNAMS RAB TU 'JUG BYED YIN PA'I PHYIR, GNYIS PA GRUB STE, SGOM PAS SPANG BAR BYA BA'I YID KYI RNAM SHES NI DE GNYIS KA YIN PA'I PHYIR, GSUM PA GRUB STE, ZAG MED KYI RNAM SHES NI DE GNYIS KA MA YIN PA'I PHYIR, BZHI PA GRUB STE, DBANG PO GZUGS CAN GYI RNAM SHES LNGA NI RJES SU 'JUG BYED KHO NA YIN PA'I PHYIR, GNYIS PA NI, RAB TU 'JUG BYED DGE SOGS LAS, ,RJES 'JUG BYED KYANG RNAM GSUM 'GYUR, ,THUB PA'I 'DRA BA'AM DE DGE BA, ,RNAM SMIN LAS SKYES GNYIS KA MIN, ,ZHES BYUNG, RAB TU 'JUG BYED DGE MI DGE SOGS GSUM PO RE RE LAS KYANG RJES SU 'JUG BYED KYANG DGE MI DGE LUNG MA BSTAN RNAM PA GSUM DU 'GYUR TE, RNAM PA DGUR 'GYUR BA'I PHYIR, DER MA NGES TE, THUB PA BCOM LDAN 'DAS KYI RAB 'JUG DANG RJES 'JUG 'DRA MI 'DRA GNYIS YOD PA'I PHYIR TE, DE'I RAB TU 'JUG BYED DGE BA LA RJES SU 'JUG BYED KYANG DGE BA KHO NA 'BYUNG LA, DE LUNG MA BSTAN LA DGE BA'AM LUNG MA BSTAN 'BYUNG BA'I PHYIR, RNAM SMIN SKYES CHOS CAN, 'JUG BYED GNYIS KA MIN TE, KUN SLONG LA MA LTOS SHING STOBS CHUNG BA'I PHYIR, GNYIS PA RIG BYED MA YIN PA BYE BRAG TU BSHAD PA LA, MDOR BSTAN PA DANG, RGYAS PAR BSHAD PA GNYIS, DANG PO NI, RNAM RIG MIN RNAM GSUM ZHES BYA, ,SDOM DANG SDOM PA MIN DANG GZHAN, ,ZHES BYUNG, @107B RNAM PAR RIG BYED MA YIN PA'I GZUGS CHOS CAN, RNAM PA GSUM YOD DE, SDOM PA DANG SDOM PA MA YIN PA DANG, GZHAN BAR MA ZHES BYA BA GSUM YOD PA'I PHYIR, GNYIS PA LA, SDOM PA BSHAD PA DANG, GSUM KA THUN MONG DU BSHAD PA GNYIS, DANG PO LA, MDOR BSTAN PA DANG RGYAS PAR BSHAD PA GNYIS, DANG PO NI, SDOM PA SO SOR THAR CES BYA, ,DE BZHIN ZAG MED BSAM GTAN SKYES, ,ZHES BYUNG, SDOM PA CHOS CAN, KHYOD LA RNAM PA GSUM YOD DE, SO SOR THAR CES BYA BA'I SDOM PA DANG, DE BZHIN DU ZAG MED KYI SDOM PA DANG, BSAM GTAN LAS SKYES PA'I SDOM PA GSUM YOD PA'I PHYIR, GNYIS PA LA, SO THAR DANG, BSAM GTAN DANG ZAG MED, SDOM PA'I RNAM GRANGS GZHAN BSHAD PA DANG GSUM, DANG PO LA, DBYE BA, BSDU BA, LDAN TSUL, NGO BO, RNAM GRANGS, SGRA BSHAD, RTEN GYI GANG ZAG BSHAD PA DANG BDUN, DANG PO NI, SO SOR THAR CES BYA RNAM BRGYAD, ,CES BYUNG, SO SOR THAR CES BYA BA'I SDOM PA CHOS CAN, KHYOD LA RNAM PA BRGYAD YOD DE, DGE SLONG PHA MA'I DANG, DGE TSUL PHA MA, DGE SLOB MA, DGE BSNYEN PHA MA, BSNYEN GNAS KYI SDOM PA DANG BRGYAD YOD PA'I PHYIR, MTHA' DPYAD PA LA, KHA CIG ,NGES 'BYUNG GIS ZIN PA'I TSUL KHRIMS YIN NA, SDOM PA YIN PAS KHYAB ZER NA, NGES 'BYUNG GIS ZIN PA'I BAR MA'I TSUL KHRIMS CHOS CAN, DER THAL, DE'I PHYIR, DER THAL, CHOS CAN DE'I PHYIR, 'DOD NA, MA YIN PAR THAL, BAR MA'I TSUL KHRIMS YIN PA'I PHYIR, KHYAB STE, SDOM PA DANG SDOM MIN GYI BAR MA ZHIG LA BAR MA'I TSUL KHRIMS SU 'JOG PA'I PHYIR, KHA CIG ,BYE BRAG SMRA BA THAMS CAD KYIS SO THAR GYI SDOM PA GZUGS CAN DU 'DOD PA YIN TE, 'DUL BA RGYA MTSO'I SNYING PO LAS, LDOG PA DE YANG LUS @108A *, ,NGAG LAS, ,GZUGS CAN YIN ZHES 'DOD PA DANG, ,ZHES GSUNGS PA'I PHYIR ZER, GZHAN DAG DE MI 'THAD PAR THAL, DE NI MDZOD LUGS 'DZIN PA'I KHA CHE BYE BRAG SMRA BA'I 'DOD PA STON GYI, NYI 'OG PA'I LUGS LAS THAR LA GZUGS CAN GYIS MA KHYAB PA'I PHYIR ZHES GSUNG, KHA CIG ,SO THAR GYI SDOM PA YIN NA, SPONG BDUN 'KHOR BCAS KYI SDOM PA YIN PAS KHYAB ZER NA, SPONG BA RE RE BA'I SDOM PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, SROG GCOD SPONG BA SOGS KYI LAS RE RE BA YOD PA'I PHYIR, 'DOD NA, MA YIN PAR THAL, CHOS CAN DE'I PHYIR, KHA CIG ,SO THAR GYI SDOM PA YIN NA, RNAM PAR RIG BYED MA YIN PAS KHYAB ZER NA, RNAM PAR RIG BYED KYI SO THAR SKAD CIG DANG PO CHOS CAN, DER THAL, DE'I PHYIR, DER THAL, DANG PO'I RNAM RIG RNAM RIG MIN, ,SO SOR THAR DANG BYA BA'I LAM, ,ZHES GSUNGS PA'I PHYIR, KHA CIG ,BSAM GTAN DANG ZAG MED GANG RUNG LA, BSAM GTAN DANG ZAG MED KYI SDOM PAS KHYAB ZER NA, DE MI 'THAD PAR THAL, BSAM GTAN DANG ZAG MED GNYIS KA LA SHES PA YOD, DE GNYIS KYI SDOM PA LA 'DIR GZUGS CAN GYIS KHYAB PA'I PHYIR, DER THAL, DE LA NI RNAM PAR RIG BYED MA YIN PA'I GZUGS GTZO CHE BA'I PHYIR GSUNG, KHA CIG ,DE MI 'THAD PAR THAL, DE GNYIS KYI SDOM PA LA SHES PA YOD PA'I PHYIR, DER THAL, DE GNYIS LA SEMS BYUNG YOD PA'I PHYIR, DER THAL, DE GNYIS SEMS KYI RJES 'BRANG YIN PA'I PHYIR, DER THAL, THA MA GNYIS NI SEMS RJES 'BRANG, ,ZHES GSUNGS PA'I PHYIR ZER, GNYIS PA BSDU BA NI, RDZAS SU RNAM PA BZHI YIN NO, ,MTSAN LAS MING NI 'PHO BA'I PHYIR, ,ZHES BYUNG, @108B SO THAR RIGS BRGYAD PO DE CHOS CAN, RDZAS SU BSDU NA RNAM PA BZHI YIN TE, DGE SLONG PHA MA'I SDOM PA RDZAS RIGS GCIG ,DGE TSUL PHA MA DANG DGE SLOB MA'I SDOM PA RDZAS RIGS GCIG ,DGE BSNYAN PHA MA'I SDOM PA RDZAS RIGS GCIG YIN ZHING, BSNYEN GNAS KYI DE DANG BZHIR 'DU BA'I PHYIR, DER THAL, DGE SLONG PHA MTSAN 'GYUR BA LAS DGE SLONG MAR MING NI 'PHO BA YIN GYI, DE'I TSE DGE SLONG GI SDOM PA MI GTONG ZHING, DGE TSUL SOGS LA'ANG 'DRA BA'I PHYIR, GSUM PA NI, THA DAD DE DAG 'GAL BA MED, ,CES BYUNG, GANG ZAG GCIG GIS SDOM GSUM RIM GYIS BLANGS PA'I TSE SROG GCOD SPONG BA'I SPONG BA RIGS MTHUN RDZAS THA DAD PA GSUM SO SOR SKYE BA YIN NAM, SNGA MA GCIG PO DE GONG 'PHEL DU 'GYUR ZHE NA, DE GSUM RIM GYIS SO SOR THA DAD PA'I TSUL GYIS RIM CAN DU SKYE STE, DGE SLONG PHUL NAS DGE TSUL DU GNAS PA YOD PA'I PHYIR, DE'I TSE SPONG BA RDZAS THA DAD PA GSUM RGYUD GCIG LA CIG CAR YOD PA 'GAL LO ZHE NA, 'GAL BA MED DE, BSLAB PA'I GZHI'I DBANG GIS RDZAS THA DAD PA DE DAG CIG CAR TSOGS PA MI 'GAL BA'I PHYIR, DER THAL, PHYI MA SNGA MA'I GTONG RGYUR MI RUNG BA'I PHYIR, BZHI PA NGO BO NI, SPANG BYA LNGA BRGYAD BCU DANG NI, ,THAMS CAD SPONG BAR MNOS PA LAS, ,DGE BSNYEN DANG NI BSNYEN GNAS DANG, ,DGE TSUL CHED DANG DGE SLONG NYID, ,CES BYUNG, SDOM PA BZHI PO CHOS CAN, SO SO'I NGO BO YOD DE, SPANG BYA SROG GCOD, MA BYIN LEN, 'DOD LOG ,RDZUN SMRA, CHANG LNGA SPONG BAR KHAS BLANGS PA'I CHA NAS DANG, RTZA BZHI DANG GAR SOGS PHRENG SOGS GCIG DANG, MAL CHE MTHO GCIG ,PHYI DRO'I KHA ZAS GCIG ,CHANG DANG BCAS BRGYAD SPONG BA'I CHA NAS DANG, RTZA BZHI CHANG DANG GAR SOGS GCIG ,PHRENG SOGS GCIG ,MAL CHE @109A *, ,MTHO GCIG ,GSER DNGUL LEN PA GCIG ,PHYI DRO'I KHA ZAS ZA BA DANG BCU SPONG BA'I CHA NAS DANG, GZHAN GNOD GZHI DANG BCAS PA THAMS CAD SPONG BAR MNOS PA STE KHAS BLANGS PA'I CHA NAS, RIM PA BZHIN DU DGE BSNYEN DANG BSNYEN GNAS DANG DGE TSUL DANG, DGE SLONG NYID DU 'GYUR BA'I PHYIR TE, DE DAG TU 'GYUR BA'I CHED DU SDOM PA DE DAG BLANGS PA YIN PA'I PHYIR, LNGA PA NI, TSUL KHRIMS DANG NI LEGS SPYAD DANG, ,LAS DANG SDOM PA ZHES BYA'O, ,ZHES BYUNG, SO THAR GYI SDOM PA CHOS CAN, MING GI RNAM GRANGS YOD DE, TSUL KHRIMS DANG, LEGS SPYAD DANG, LAS DANG, SDOM PA ZHES BYA BAR BSHAD PA'I PHYIR, DER THAL, 'CHAL TSUL GYI GDUNG BSEL BA DANG, DAM PAS BSNGAGS PAR 'OS PA DANG, BYA BA'I RANG BZHIN YIN PA DANG, NYES SPYOD LAS SDOM PAR BYED PAS NA RIM PA BZHIN DU DE LTAR BRJOD PA'I PHYIR, DRUG PA NI, DANG PO'I RNAM RIG RNAM RIG MIN, ,SO SOR THAR DANG BYA BA'I LAM, ,ZHES BYUNG, SO THAR GYI SDOM PA SKAD CIG DANG PO CHOS CAN, RNAM PA GNYIS YOD DE, RNAM RIG DANG RNAM RIG MIN PA GNYIS YOD PA'I PHYIR, DE CHOS CAN, SO SOR THAR PA DANG BYA BA'I LAM ZHES KYANG BYA STE, SDOM MIN LAS SO SOR TE DANG POR THAR PA DANG, LUS NGAG GI SEMS PA 'JUG PA'I GZHI YIN PAS NA DE SKAD DU BRJOD PA'I PHYIR, SO SOR THAR PA'I SDOM PA LA SO SOR THAR PAS MA KHYAB STE, SO THAR SKAD CIG GNYIS PA PHAN CHAD SO SOR THAR PA'I SDOM PA YIN KYANG, SO SOR THAR PA MA YIN PA'I PHYIR, 'DI NI BSHAD TSUL GSUM LAS GCIG GI DBANG DU BYAS PA'O, ,BDUN PA NI, SO SOR THAR DANG LDAN PA BRGYAD, ,CES BYUNG, SO SOR THAR PA'I SDOM PA DANG LDAN PA CHOS CAN, KHYOD LA BRGYAD DU BSHAD PA'I RGYU MTSAN YOD DE, @109B GZHAN SDE LA TSUL KHRIMS TZAM YOD KYANG SO THAR MED CING, 'DIR SO THAR GYI SDOM PA RIGS BRGYAD DU NGES PAR SHES PA'I CHED YIN PA'I PHYIR, GNYIS PA BSAM GTAN ZAG MED KYI SDOM PA NI, BSAM GTAN SKYES DANG DE LDAN PA, ,ZAG MED 'PHAGS PA'I SEMS CAN DANG, ,ZHES BYUNG, BSAM GTAN LAS SKYES PA'I SDOM PA DE CHOS CAN, KHYOD DANG LDAN PA'I GANG ZAG YOD DE, GANG BSAM GTAN GYI NYER BSDOGS DANG DNGOS GZHI'I ZAG BCAS GANG RUNG DANG LDAN PA'I GANG ZAG YIN NA KHYOD DANG LDAN PAS KHYAB PA'I PHYIR, SDOM PA DE'I NGO BO YOD DE, BSAM GTAN GYI NYER BSDOGS DANG DNGOS GZHI GANG RUNG MNGON DU GYUR PA'I STOBS KYIS THOB PA'I GZUGS CAN GYI SDOM PA ZHES BZHED PA DANG, KHA CIG LTAR DE GNYIS GANG RUNG GIS BSDUS PA'I TSUL KHRIMS ZHES 'DOD PA LTA BU LA BYED PA'I PHYIR, ZAG MED KYI SDOM PA CHOS CAN, RGYUD LDAN GYI GANG ZAG YOD DE, 'PHAGS PA'I SEMS CAN SLOB MI SLOB RNAMS DE YIN PA'I PHYIR, 'PHAGS PA YIN NA, DE DANG LDAN PAS MA KHYAB STE, 'GOG PA LA ZHUGS PA'I TSE DE DANG MI LDAN PAR BSHAD PA'I PHYIR, GNYIS PA ZHAR BYUNG LA, RJES 'BRANG YIN MIN SOGS GSUM LAS, DANG PO NI, THA MA GNYIS NI SEMS RJES 'BRANG, ,ZHES BYUNG, SDOM PA GSUM LAS SEMS KYI RJES 'BRANG YIN MIN GNYIS YOD DE, THA MA BSAM GTAN DANG ZAG MED KYI SDOM PA GNYIS NI SEMS YOD MED KYI RJES SU 'GRO LDOG BYED PAS SEMS KYI RJES 'BRANG YIN LA, SO THAR NI DE LTA BU MA YIN PA'I PHYIR, GNYIS PA NI, BAR CHAD MED LAM SKYES DE GNYIS, ,MI LCOGS MED LA SPONG ZHES BYA, ,ZHES BYUNG, BSAM GTAN DANG ZAG MED KYI SDOM PA CHOS CAN, KHYOD RE RE LA'ANG SPONG SDOM YIN MIN GYI KHYAD PAR YOD DE, BAR CHAD MED LAM GYI TSOGS PAR SKYES PA'I DE @110A *, ,GNYIS SPONG SDOM YIN ZHING, DNGOS GZHI DANG RNAM GROL LAM GYI DE GNYIS SPONG SDOM MA YIN PA'I PHYIR, DE GNYIS THOB PA'I DUS YOD DE, BSAM GTAN DANG PO'I NYER BSDOGS MI LCOGS MED KYI 'JIG RTEN PA'I BAR CHAD MED LAM SKABS BSAM GTAN GYI SPONG SDOM DANG, DE'I ZAG MED BAR CHAD MED LAM GYI SKABS ZAG MED KYI SPONG SDOM THOB PA'I PHYIR, DER THAL, DE 'DRA'I BAR CHAD MED LAM DGU TSAN GNYIS KYI SKABS SU RANG GI NGO SKAL GYI 'CHAL TSUL DANG NYON MONGS RE SPONG BA'I SPONG SDOM ZHES BYA BA RE 'BYUNG BA'I PHYIR, GSUM PA NI, SHES BZHIN DANG NI DRAN DAG GNYIS, ,YID DANG DBANG PO'I SDOM PA YIN, ,ZHES BYUNG, SHES BYA CHOS CAN, YID DANG DBANG PO'I SDOM PA YOD DE, SHES BZHIN DANG DRAN PA DAG GNYIS NI LUS NGAG GI NYES SPYOD LAS SDOM PAS DE GNYIS KYI SDOM PA ZHES BRJOD PA'I PHYIR, SDOM PA DNGOS YIN PAR MA NGES TE, HA CANG THAL BAR 'GYUR BA'I PHYIR, GNYIS PA THUN MONG DU BSHAD PA LA, LDAN TSUL, THOB TSUL, GTONG RGYU; LDAN PA'I GANG ZAG DANG BZHI, DANG PO LA, RIG BYED MIN PA'I LDAN TSUL DANG, RIG BYED KYI LDAN TSUL, SDOM MIN GYI MING GI RNAM GRANGS, MU BZHI'I SGO NAS DOGS PA DPYAD PA BZHI, DANG PO LA, SDOM PA DANG SDOM MIN DANG, BAR MA'I LDAN TSUL GNYIS, DANG PO NI, SO SOR THAR GNAS JI SRID DU, ,MA BTANG BAR DAG DA LTAR GYI, ,RNAM RIG MIN LDAN SKAD CIG MA, ,DANG PO PHYIN CHAD 'DAS PA DANG, ,SDOM MIN GNAS PA'ANG DE DANG 'DRA, ,BSAM GTAN SDOM DANG LDAN PA NI, ,RTAG TU 'DAS DANG MA 'ONGS DANG, ,'PHAGS NI DANG PO 'DAS DANG MIN, ,MNYAM GZHAG 'PHAGS LAM GNAS DE GNYIS, ,DE LTAR DANG LDAN ZHES BYUNG, SO THAR GYI SDOM PA'I RNAM RIG MIN PA CHOS CAN, LDAN TSUL YOD DE, SO SOR THAR PA GNAS @110B PA NI THOB NAS JI SRID MA BTANG GI BAR DU RTAG TU DA LTAR GYI RNAM RIG MIN PA DANG LDAN PAS KHYAB LA, SKAD CIG MA DANG PO NI DA LTAR BA KHO NA DANG, SKAD CIG GNYIS PA PHYIN CHAD MA BTANG BAR DU DA LTA BA DANG 'DAS PA GNYIS KA DANG LDAN PAS KHYAB PA'I PHYIR, SDOM MIN LA GNAS PA'ANG CHOS CAN, KHYOD KYI LDAN TSUL YOD DE, SNGA MA DE DANG 'DRA BA'I PHYIR, BSAM GTAN GYI SDOM PA DANG LDAN PA NI CHOS CAN, LDAN TSUL YOD DE, THOB NAS MA BTANG GI BAR DU RTAG TU 'DAS PA DANG MA 'ONGS PA'I RNAM RIG MIN PA DANG LDAN PA'I PHYIR, DER THAL, BSAM GTAN THOB NAS MNGON DU MA BYAS PA NI DA LTAR BA MI LDAN CING GZHAN GNYIS DANG LDAN PA'I PHYIR, 'PHAGS PA'I ZAG MED KYI SDOM PA CHOS CAN, LDAN TSUL YOD DE, SKAD CIG DANG PO 'DAS PA'I RNAM RIG MIN PA DANG LDAN PA MIN LA, MA 'ONGS PA DANG LDAN BSAM GTAN DANG 'DRA BA'I PHYIR, MNYAM GZHAG 'PHAGS LAM LA GNAS PA'I SAS BSDUS KYI BSAM GTAN ZAG MED KYI SDOM PA GNYIS CHOS CAN, LDAN TSUL YOD DE, DA LTAR BA'I RNAM RIG MIN PA DANG DUS SU LDAN LA, MNYAM GZHAG LAS LANGS PA'I TSE DE DANG MI LDAN PA'I PHYIR, GNYIS PA NI, BAR GNAS LA, ,YOD NA DANG PO BAR GYI DANG, ,PHYIN CHAD DUS NI GNYIS DANG NGO, ,SDOM MIN GNAS PA DGE BA DANG, ,SDOM LA GNAS PA MI DGE BA'I, ,RNAM RIG MIN LDAN JI SRID DU, ,RAB DANG NYON MONGS SHUGS LDAN PAR, ,ZHES BYUNG, BAR MA LA GNAS PA'I TSUL KHRIMS CHOS CAN, LDAN TSUL YOD DE, KHYOD RGYUD LDAN LA RNAM RIG MIN PA YOD PAS MA KHYAB CING, GAL TE YOD NA MA BTANG BAR DU DANG POR DUS SUM GYI BAR GYI DA LTAR BA KHO NA DANG LDAN LA, DANG PO PHYIN CHAD DUS DA LTAR BA DANG 'DAS PA GNYIS KA DANG LDAN PA'I PHYIR, SDOM MIN LA GNAS PA LA DGE BA'I RNAM RIG MIN PA DANG, SDOM PA LA GNAS @111A *, ,PA LA MI DGE BA'I RNAM RIG MIN PA'I LDAN TSUL YOD DE, YOD PAR MA NGES KYANG YOD NA SDOM MIN CAN GYIS PHYAG 'TSAL BA'I TSE GANG ZAG DE DAD GUS RAB TU CHE NA DGE BA'I RNAM RIG MIN PA DANG, SDOM LDAN GYIS NYON MONGS SHUGS DRAG PO LDAN PAS SROG GCOD SOGS BYED PA'I TSE MI DGE BA'I RIG MIN YOD CING, DE YANG JI SRID DU LAS DE DAG LA GNAS KYI BAR YOD PA'I PHYIR, GNYIS PA RNAM PAR RIG BYED KYI LDAN TSUL NI, RNAM RIG BYED NI THAMS CAD LA, ,BYED PA DAG LA DA LTAR LDAN, ,MA BTANG BAR DU SKAD CIG MA, ,PHYIN CHAD 'DAS LDAN MA 'ONGS MED, ,BSGRIBS PA DANG NI MA BSGRIBS PA, ,'DAS PA DAG DANG LDAN PA'ANG MED, ,CES BYUNG, RNAM PAR RIG BYED CHOS CAN, LDAN TSUL KHYAD PAR BA YOD DE, RNAM PAR RIG BYED KYI SDOM PA DANG SDOM MIN DANG BAR MA THAMS CAD LA LUS NGAG GI BYA BA BYED PA DAG LA DA LTA BA DANG LDAN PAS KHYAB LA, DE YANG THOB NAS MA BTANG BAR DU LDAN ZHING, SKAD CIG MA DANG PO PHYIN CHAD 'DAS PA DANG LDAN GYI, MA 'ONGS PA DANG LDAN PA MED PA'I PHYIR, DER THAL, SDOM PA'I RIG BYED NI BSLAB PA NYAMS PA SOGS KYIS MA BTANG BA DANG, SDOM MIN NI SDOM PA BLANGS PAS MA BTANG BA DANG, BAR MA NI DAD SOGS KYIS MA BTANG BAR DU DE DANG LDAN PA'I PHYIR, SGRIB PA DANG MA SGRIB PA'I LUNG MA BSTAN CHOS CAN, DE MA 'ONGS PA DANG MI LDAN PAR MA ZAD, 'DAS PA DAG DANG LDAN PA'ANG MED DE, SHIN TU NYAM CHUNG BA'I PHYIR, KHYAB STE, CHOS NYAM CHUNG BAS THOB PA YANG NYAM CHUNG BAS RJES SU 'BREL MI NUS PA'I PHYIR, GSUM PA SDOM MIN GYI RNAM GRANGS NI, SDOM PA MIN DANG NYES SPYAD DANG, ,'CHAL BA'I TSUL KHRIMS LAS DE'I LAM, ,ZHES BYUNG, SDOM MIN CHOS CAN, MING GI RNAM @111B GRANGS YOD DE, LUS NGAG MI SDOM PA'I SDOM MIN DANG, DAM PAS SMAD PA'I NYES SPYAD DANG, TSUL KHRIMS KYI MI MTHUN PHYOGS KYI TSUL 'CHAL DANG, LUS NGAG GI BYA BA RANG BZHIN GYI LAS DANG, SEMS PA 'JUG PA'I GZHIS BSDUS PAS LAS DE'I LAM ZHES BRJOD PA'I PHYIR, DE CHOS CAN, 'DOD PA KHO NA NA YOD KYI KHAMS GONG NA MED DE, DER DE'I KUN SLONG MED PA'I PHYIR, BZHI PA MU BZHI'I SGO NAS DOGS PA DPYAD PA NI, BAR MA DOR GNAS SEMS ZHAN PAS, ,BYED NA RNAM RIG NYID DANG LDAN, ,RNAM RIG BTANG DANG MA SKYES PA'I, ,'PHAGS PA'I GANG ZAG RNAM RIG MIN, ,ZHES BYUNG, SHES BYA CHOS CAN, RNAM RIG YIN MIN LDAN MI LDAN LA MU BZHI YOD DE, RNAM RIG KHO NA DANG LDAN ZHING RNAM RIG MIN PA DANG MI LDAN PA DANG DE LAS BZLOG PA DANG GNYIS KA DANG LDAN PA DANG GNYIS KA MI LDAN PA BZHI YOD PA'I PHYIR, DER THAL, SNGAR RNAM RIG MIN PA MA THOB PA LA SDOM SDOM MIN GYI BAR MA DOR GNAS PA'I SEMS ZHAN PAS LAS LAM DANG RDZAS LAS BYUNG BA MIN PA'I DGE MI DGE BYED NA DANG PO RNAM RIG NYID DANG LDAN LA, TSE SNGA MA'I RNAM RIG BTANG BA DANG PHYI MA'I RNAM RIG MA SKYES PA'I 'PHAGS PA'I GANG ZAG NI GNYIS PA RNAM RIG MIN PA DANG, BSNYEN PAR RDZOGS MA THAG PA'I DGE SLONG NI GSUM PA DANG, GZUGS MED KYI SO SKYE NI BZHI PA YIN PA'I PHYIR, GSUM PA DANG BZHI PA GRUB STE, DE'I TSE RNAM RIG YIN MIN GNYIS KA DANG LDAN PA DANG, GZUGS MED NA GZUGS KYI RNAM PA MED PA'I PHYIR, GNYIS PA THOB TSUL LA, RGYU GANG LA BRTEN PA DANG, GZHI GANG LA BRTEN PA GNYIS, DANG PO LA, BSAM GTAN ZAG MED KYI SDOM PA DANG, SO THAR RGYU GANG LA BRTEN NAS THOB PA GNYIS, DANG PO NI, BSAM GTAN LAS SKYES BSAM GTAN GYI, ,SA NYID KYIS 'THOB ZAG @112A *, ,MED NI, ,'PHAGS DES ZHES BYUNG, BSAM GTAN DANG ZAG MED KYI SDOM PA CHOS CAN, KHYOD GNYIS THOB TSUL YOD DE, DANG PO BSAM GTAN LAS SKYES PA DE'I SDOM PA NI BSAM GTAN GYIS DRUG CI RIGS PA NYID KYIS THOB LA, ZAG MED KYI SDOM PA NI ZAG MED SA DRUG GANG RUNG DANG 'PHAGS LAM THOB PA DES THOB PA'I PHYIR, DER THAL, BSAM GTAN BZHI DANG MI LCOGS MED DANG BSAM GTAN KHYAD PAR CAN LTA BUS THOB PA'I PHYIR, GNYIS PA LA, SPYIR BSTAN PA DANG, BYE BRAG TU BSHAD PA GNYIS, DANG PO NI, SO SOR THAR CES PA, ,GZHAN GYI RNAM RIG BYED SOGS KYIS, ,ZHES BYUNG, SO SOR THAR CES PA'I SDOM PA CHOS CAN, THOB TSUL YOD DE, GZHAN DGE 'DUN NAM MKHAN SLOB SOGS GANG ZAG GI LUS NGAG GI RNAM PAR RIG BYED SOGS LAS THOB PA'I PHYIR, DER THAL, SNGON DANG DA LTAR GYI CHO GA LTA BU LAS THOB PA'I PHYIR, DE LA GNYIS YOD DE, DGE 'DUN LAS THOB PA DANG GANG ZAG LAS THOB PA GNYIS YOD PA'I PHYIR, DER THAL, DGE SLONG PHA MA DANG DGE SLOB MA'I SDOM PA GSUM NI DGE 'DUN DANG, GZHAN LNGA GANG ZAG LAS THOB PAR 'GYUR BA'I PHYIR, SPYIR DGE SLONG GI SDOM PA NI SNGON DANG DA CHOG GANG RUNG LA BRTEN NAS THOB DGOS ZHES BYA YANG DER MA NGES TE, TSUR SHOG SOGS LA BRTEN NAS BSNYEN PAR RDZOGS PA YOD PA'I PHYIR TE, 'DIR SOGS KYIS ZHES PAS KYANG SDUD PA'I PHYIR, DER THAL, DES SNGON CHOG BCU GSUNGS PA RNAMS SDUD PAR RANG 'GREL SOGS LAS BSHAD CING, DE'I RNAM GZHAG RGYAS PAR GZHAN DU SHES DGOS PA'I PHYIR, GNYIS PA LA, DUS KYI DANG, BSNYEN GNAS, DGE BSNYEN, CHE CHUNG GI DBYE BA, @112B RTEN SKYABS 'GRO, BSLAB BYA'I KHYAD PAR DRUG ,DANG PO NI, JI SRID 'TSO DANG NYIN ZHAG TU, ,SDOM PA YANG DAG BLANG BAR BYA, ,NYIN ZHAG PA YI SDOM MIN MED, ,DE DE LTAR NOD MED CES GRAG ,CES BYUNG, SO THAR RIGS BRGYAD PO DE CHOS CAN, LEN TSUL YOD DE, SDOM PA GZHAN BDUN JI SRID 'TSO BA'I BAR DU LEN PA DANG, BSNYEN GNAS KYI SDOM PA NI NYIN ZHAG GCIG TU YANG DAG PAR BLANG BAR BYA BA YIN PA'I PHYIR, NYIN ZHAG GCIG PA'I SDOM MIN NI MED DE, DE LTAR DU NOD PA MED CES GRAG PA'I PHYIR, GNYIS PA LA, LEN TSUL, BSLAB BYA, LEN PA'I GANG ZAG LA DPYAD PA DANG GSUM, DANG PO NI, DMA' BAR 'DUG SMRAS BZLAS PA YIS, ,MI RGYAN NAM NI LANGS PAR DU, ,BSNYEN GNAS YAN LAG TSANG BAR NI, ,NANG PAR GZHAN LAS NOD PAR BYA, ,ZHES BYUNG, BSNYEN GNAS KYI SDOM PA CHOS CAN, KHYOD LEN TSUL GYI KHYAD PAR BZHI YOD DE, KUN SPYOD STAN DMA' BAR 'DUG CING GNAS, LEN TSUL GZHAN GYIS SMRAS BA'I RJES ZLOS BYED PA YIS DANG, RGYAN GSAR DU MI 'DOGS PA DANG, DUS NAM LANGS NAS NYI MA MA SHAR BAR DU DANG, YAN LAG GI KHYAD PAR BSNYEN GNAS YAN LAG BRGYAD TSANG BAR NI NANGS PAR LEN PA'I YUL SDOM LDAN GZHAN LA NOD PAR BYA DGOS PA'I PHYIR, 'O NA, BSNYEN GNAS KYI SDOM PA LEN PA'I TSE ZLA PHYED KYI BAR STABS GCIG TU LEN PA 'DI JI LTAR 'THAD CE NA SKYON MED DE, CHO 'PHRUL ZLA BA'I YAR NGO'I TSES GCIG NAS BCO LNGA'I BAR STABS GCIG BLANGS KYANG TSES GCIG GI BSNYEN GNAS KYI SDOM PA DE TSES GNYIS KYI NAM LANGS PA'I TSE GTONG ZHING, DE MA THAG TSES GNYIS KYI BSNYEN GNAS KYI SDOM PA GSAR DU SKYE BA SOGS BCO LNGA'I BAR 'GRE BA'I PHYIR, YANG ZLA BA BYUNG NGO COG GI NYA STONG TSES BRGYAD KYI @113A *, ,DUS GSUM DU BSNYEN GNAS SRUNG BAR KHAS BLANGS KYANG SKYON DU MI 'GYUR TE, DE NI SNGAR BLANGS PA'I CHO GA LA BRTEN NAS PHYIS NYA STONG TSES BRGYAD BYUNG RES KYI NANG PAR SRUNG 'DOD YOD NA GSAR DU SKYE BA'I PHYIR, LEN PA'I YUL DGE SLONG SOGS RAB BYUNG KHO NAR MA NGES TE, KHYIM PA SDOM LDAN KHYAD PAR CAN GYIS KYANG 'BOGS RUNG BA'I PHYIR TE, LUNG LAS KHYIM BDAG MGON MED ZAS SBYIN GYIS DE GZHAN LA 'BOG PAR BSHAD PA'I PHYIR, GNYIS PA NI, TSUL KHRIMS YAN LAG BAG YOD PA'I, ,YAN LAG BRTUL ZHUGS YAN LAG STE, ,GZHI GCIG DE BZHI GSUM RIM BZHIN, ,DE YIS DRAN NYAMS DREGS PAR 'GYUR, ,ZHES BYUNG, YAN LAG BRGYAD PO DE LAS RTZA BA BZHI SPONG BA CHOS CAN, TSUL KHRIMS KYI YAN LAG YIN TE, RANG BZHIN GYI TSUL 'CHAL GYI DNGOS KYI GNYEN PO YIN PA'I PHYIR, CHANG SPONG BA GCIG PU CHOS CAN, BAG YOD KYI YAN LAG YIN TE, BAG MED DU 'GYUR BA'I GNYEN PO YIN PA'I PHYIR, LHAG MA GAR SOGS GSUM SPONG BA CHOS CAN, BRTUL ZHUGS KYI YAN LAG YIN TE, BRTUL ZHUGS SAM SPYOD PA NGAN PA'I GNYEN PO YIN PA'I PHYIR, RIM BZHIN ZHES PA'I DON YOD DE, BZHI GCIG GSUM NI TSUL KHRIMS BAG YOD BRTUL ZHUGS KYI YAN LAG DANG RIM PAR SBYOR BA'I DON YIN PA'I PHYIR, RTZA BZHIR MA ZAD, YAN LAG DE DAG KYANG SPONG DGOS TE, MA SPANGS NA NI SKYON DU 'GYUR BA'I PHYIR TE, CHANG 'THUNG BA DE YIS BYA BA DANG BYA BA MA YIN PA SHES PA'I DRAN PA NYAMS PAR 'GYUR ZHING, DUS MIN GYI ZAS ZOS PAS SKYO BA DANG BSNYEN GNAS KYI DRAN PA NYAMS PAR BYED LA, KHRI STAN CHE MTHO SOGS KYIS RGYUD DREGS PAR 'GYUR BA'I PHYIR, GSUM PA NI, GZHAN @113B LA'ANG BSNYEN GNAS YOD MOD KYI, ,SKYABS SU MA SONG BA LA MED, ,CES BYUNG, BSNYEN GNAS CHOS CAN, KHYOD DGE BSNYEN GYIS GTZO BOR BYED KYANG DE KHO NAR MA NGES TE, KHYIM PA GZHAN LA'ANG KHYOD YOD PA'I PHYIR, DE YOD MOD KYI DKON MCHOG LA SKYABS SU MA SONG BA LA NI MED DE, SKYABS 'GRO DE NI SDOM PA 'DI RNAMS KYI RTEN DU NGES PAR DE DGOS PA'I PHYIR DANG, 'DIR SKYABS 'GRO RTZOM BYED DU BYAS PA'I SGO NAS KHAS LEN DGOS PA'I PHYIR, GSUM PA DGE BSNYEN GYI KHYAD PAR NI, DGE BSNYEN NYID DU KHAS BLANGS PAS, ,SDOM PA BSTAN PA DGE SLONG BZHIN, ,GAL TE THAMS CAD SDOM YIN NA, ,SNA GCIG SPYOD SOGS JI LTA BU, ,DE SRUNG BA LA SRUNG ZHES GRAG ,CES BYUNG, KHA CIG MDO LAS SKYABS 'GRO TZAM BYAS PAS DGE BSNYEN DU 'GYUR BAR GSUNGS PA LTAR 'DOD DAM ZHE NA, DE LA KHA CHE BA NA RE, DE TZAM GYIS DGE BSNYEN DU MI 'GYUR TE, DGE BSNYEN NYID DU KHAS BLANGS PA LAS DE'I SDOM PA THOB DGOS PA'I PHYIR, BSLAB PA BSTAN PA MI 'GAL TE, BLANG DOR SHES PA'I CHED YIN PA'I PHYIR, DPER NA, DGE SLONG GI GDAMS NGAG BRJOD PA BZHIN NO, ,NYI 'OG PAS NI SKYABS 'GRO TZAM GYIS DGE BSNYEN DU 'GYUR BAR 'DOD DE KHYAD PAR RO, ,GAL TE DGE BSNYEN THAMS CAD SDOM PAS BSDAMS PA YIN NA 'O NA, MDO LAS SNA GCIG SPYOD PA DANG, SNA 'GA' SPYOD PA SOGS KYI DGE BSNYEN BSHAD PA DE JI LTA BU ZHE NA, SKYON MED DE, DANG POR KHAS LEN PA'I TSE GCIG GAM GNYIS SOGS GANG SRUNG NUS PAR KHAS BLANGS BDE SRUNG BAR BYED PA LA SNA GCIG SPYOD SOGS SU GSUNGS ZHES GRAG PA'I PHYIR, 'DI LA KHA CHE BAS DANG POR SDOM PA DE THAMS CAD SRUNG BAR KHAS BLANGS NAS PHYIS DE GANG RUNG GCIG SRUNG BA LA SNA GCIG SPYOD PA SOGS SU 'DOD KYANG SLOB DPON RANG LUGS NI DE MIN TE, TSIG DON @114A *, ,BSHAD ZIN PA LTAR YIN PA'I PHYIR TE, KHA CHE BA LTAR DGE BSNYEN GYI RTZA BA BZHI SRUNG BAR KHAS BLANGS NAS MI SRUNG BAR SNA GCIG TZAM SRUNG BAR BYED NA TSUL KHRIMS 'CHAL BA'I SKYON YOD PA'I PHYIR TE, GRAG CES PA NI KHA CHE BA'I 'DOD PA DE LA MA RANGS PA'I GSUNGS YIN PA'I PHYIR, BZHI PA NI, CHUNG NGU LA SOGS YID JI BZHIN, ,ZHES BYUNG, SDOM PA CHOS CAN, KHYOD LA CHUNG 'BRING CHEN PO GSUM YOD DE, LEN 'DOD KUN SLONG CHUNG NGU DANG 'BRING LA SOGS PA'I YID GSUM YOD PA JI LTA BA DE BZHIN DU SDOM PA YANG DE LTAR SKYE BA'I PHYIR, LNGA PA NI, GANG ZHIG GSUM LA SKYABS 'GRO BA, ,SANGS RGYAS DGE 'DUN BYED PA'I CHOS, ,MI SLOB PA DANG GNYIS KA DANG, ,MYA NGAN 'DAS LA SKYABS SU 'GRO ,ZHES BYUNG, SKYES BU GANG ZHIG DKON MCHOG GSUM LA SKYABS SU 'GRO BA DE CHOS CAN, KHYOD KYI SKYABS YUL GYI GTZO BO YOD DE, SANGS RGYAS SU BYED PA'I CHOS MI SLOB PA DANG, DGE 'DUN DU BYED PA'I CHOS SLOB MI SLOB GNYIS KA DANG, CHOS SU BYED PA'I CHOS MYA NGAN LAS 'DAS PA LA SKYABS KYI GTZO BOR BYED PA'I PHYIR, BYE BRAG SMRA BAS SANGS RGYAS KYI GZUGS KYI SKU NI SANGS RGYAS DKON MCHOG TU MI 'DOD PAR BSHAD KYANG, SANGS RGYAS SU 'DOD PA YIN TE, GZUGS SKU'I RGYUD KYI ZAD MI SKYE SHES PA'I YE SHES DE DE SANGS RGYAS SU BYED PA'I BYED CHOS SU 'DOD PA'I PHYIR, KHA CIG NA RE, SANGS RGYAS KYI GZUGS PHUNG SANGS RGYAS YIN PAR MI 'DOD ZER NA, DE YANG MI 'THAD DE, DE SANGS RGYAS YIN PA MA BKAG PA'I PHYIR, DER THAL, RANG 'GREL LAS, DE'I PHYIR RTEN SANGS RGYAS NYID DU MA BKAG CES GSUNGS PA'I PHYIR, DRUG PA NI, LOG G-YEM SHIN TU SMAD PHYIR DANG, , @114B SLA PHYIR MI BYED THOB PHYIR RO, ,SDOM PA JI LTAR KHAS BLANGS BZHIN, ,'THOB KYI RGYUD LA MA YIN NO, ,BSLAB PA THAMS CAD 'DAS GYUR KYANG, ,BRDZUN DU THAL BAR 'GYUR BA'I PHYIR, ,BCAS PA'I KHA NA MA THO BA, ,MYONG 'GYUR LAS GZHAN SRUNG ? PHYIR RO, , ZHES BYUNG, DGE BSNYEN CHOS CAN, KHYOD KYI BSLAB PA'I YAN LAG TU MI TSANGS SPYOD SPONG BA MI 'JOG PAR LOG G-YEM SPONG BA 'JOG PA'I RGYU MTSAN YOD DE, GZHAN GYI CHUNG MAR LOG PAR G-YEM PA NI 'JIG RTEN NA SHIN DU SMAD PA'I PHYIR DAG KHYIM PAS DE SPONG SLA BA'I PHYIR DANG, 'PHAGS PA NI RTAG TU DE MI BYED PA'I NUS PA THOB PA'I PHYIR, DE LTAR YIN KYANG DGE BSNYEN GYIS GZHAN GYI CHUNG MA YIN PA ZHIG 'THAD LDAN DU RANG GI CHUNG MAR BLANGS NAS SPYAD KYANG SDOM PA MI GTONG STE, DE'I TSE BUD MED DE RANG GI YIN PA'I 'DU SHES DANG LDAN PA'I PHYIR, DER THAL, RANG GI CHUNG MAR GYUR NA SDOM PA GTONG BAR MI 'GYUR BA'I PHYIR TE, SDOM PA KHAS LEN PA'I TSE GZHAN GYI BUD MED LA LOG G-YEM BYED PA SPONG ZHES JI LTAR KHAS BLANGS PA LTAR THOB KYI, RANG GI BUD MED KYI RIGS RGYUD LA DE LTAR KHAS MA BLANGS PA YIN PA'I PHYIR, NGAG GI NYES SPYOD LAS RDZUN DU SMRA BA SPONG BA BSLAB PA'I YAN LAG TU 'JOG PA'I RGYU MTSAN YOD DE, BSLAB PA THAMS CAD LAS 'DAS KYANG MA 'DAS SO RDZUN DU SMRA BAR THAL BAR 'GYUR BA DGAG PA'I CHED YIN PA'I PHYIR, BCAS PA'I KHA NA MA THO BA RNAMS LAS MYOS 'GYUR SPONG BA BSLAB PA'I YAN LAG TU 'JOG PA'I RGYU MTSAN YOD DE, YAN LAG GZHAN SRUNG BAR BYED PA'I CHED YIN PA'I PHYIR RO, ,KHA CIG ,CHANG 'THUNG BA'I NYES PA BCAS PA'I KHA NA MA THO BA MA YIN PAR THAL, DE RANG BZHIN GYI KHA NA MA THO BA YIN PA'I PHYIR, DER THAL, BCOM LDAN 'DAS KYIS SDOM LDAN NAD PA LA'ANG DE 'THUNG @115A *, ,BAR MA GNANG BA'I PHYIR NA, MA KHYAB STE, DE NI CHANG CUNG ZAD RE 'THUNG BAS RO LA ZHEN NAS MANG PO 'THUNG BA 'BYUNG LA, DE NAS RA RO BA SOGS BAG MED PA'I SPYOD PA LA ZHUGS NAS NGAN 'GRO'I RGYU CHER GSOG PAR 'GYUR BA LA DGONGS NAS MA GNANG BA YIN GYI, CUNG ZAD 'THUNG BA TZAM GYIS NYES PA CHE BA'I NGES PA MED PA'I PHYIR TE, DGAG BYA CHE BA DANG, NYES PA CHE BA GNYIS RNAM PA THAMS CAD DU MTSUNGS PA MA YIN PA'I PHYIR RO, ,GNYIS PA GZHI GANG LA BRTEN NAS 'THOB PA LA, SDOM PA DANG, SDOM MIN DANG, BAR MA GSUM, DANG PO LA, SO THAR DANG, BSAM GTAN ZAG MED KYI SDOM PA GNYIS, DANG PO NI, 'DOD GTOGS THAMS CAD GNYIS KA DANG, ,DA LTAR BA LAS 'THOB PAR 'GYUR, ,ZHES BYUNG, 'DOD PAR GTOGS PA'I SO THAR GYI SDOM PA CHOS CAN, 'THOB TSUL GYI KHYAD PAR YOD DE, LAS LAM SBYOR DNGOS 'JUG GSUM THAMS CAD KYI GNYEN PO DANG, GZHI SEMS CAN DANG SEMS CAN MA YIN PA GNYIS KA LA BRTEN NAS DANG, DUS DA LTA BA'I GDAGS GZHI PHUNG KHAMS SKYE MCHED DAG LAS THOB PAR 'GYUR BA'I PHYIR, GNYIS PA NI, BSAM GTAN ZAG MED SDOM PA NI, ,DNGOS DANG DUS NI THAMS CAD LAS, ,SDOM PA SEMS CAN THAMS CAD LAS, ,YAN LAG RGYU LA DBYE BA YOD, ,CES BYUNG, BSAM GTAN DANG ZAG MED KYI SDOM PA GNYIS NI CHOS CAN, 'THOB TSUL GYI KHYAD PAR YOD DE, MI DGE BA'I DNGOS GZHI SPONG BA LAS THOB PA DANG, DUS NI GSUM PO THAMS CAD LAS 'THOB PA'I PHYIR, DE NAS SO THAR DANG BSAM GTAN ZAG MED KYI THOB TSUL MI 'DRA STE, SO THAR GYI SDOM PA DE GZHI SEMS CAN THAMS CAD LA 'TSE BA SPONG BA'I TSUL GYIS 'THOB @115B DGOS PA'I PHYIR, DE LTAR YIN KYANG THOB BYED KYI YAN LAG DANG RGYU LA DBYE BA YOD DE, DGE SLONG GI SDOM PA NI YAN LAG STE SPANG BYA'I LAS LAM THAMS CAD SPONG BA LAS THOB, PHAL CHER DANG 'GA' ZHIG SPONG BA LAS DGE TSUL GYI SDOM PA SOGS THOB CING, RGYU YANG CHE 'BRING CHUNG GSUM GYI DGE RTZA DANG SEMS KYIS BLANGS PA'I KHYAD PAR YOD PA'I PHYIR, GNYIS PA SDOM MIN NI, SDOM PA MIN PA THAMS CAD DANG, ,YAN LAG KUN LAS RGYUS MIN NO, ,SDOM PA MIN PA BYA BA'AM, ,KHAS LEN PA LAS 'THOB PAR 'GYUR, ,ZHES BYUNG, SDOM PA MIN PA CHOS CAN, THOB TSUL GYI KHYAD PAR GNYIS YOD DE, YUL SEMS CAN THAMS CAD DANG YAN LAG KUN LAS THOB KYI, RGYU 'GA' ZHIG TZAM LAS THAMS CAD KYIS THOB PA MA YIN PA'I PHYIR, SDOM PA MIN PA CHOS CAN, THOB TSUL YOD DE, GANG ZAG DE SHAN PA SOGS KYI RIGS SU SKYES NAS SROG GCOD KYI BYA BA LA ZHUGS PA LTA BU'AM, DE'I RIGS MIN KYANG DONG NAS SROG GCOD PA SOGS KYIS 'TSO BAR BYA'O ZHES KHAS LEN PA LAS 'THOB PAR 'GYUR BA'I PHYIR, GSUM PA NI, LHAG MA'I RNAM RIG MIN ZHING DANG, ,LEN DANG GUS PAR BYED PAS THOB, ,CES BYUNG, SDOM PA DANG SDOM MIN GYI LHAG MA BAR MA'I RNAM PAR RIG BYED MIN PA CHOS CAN, THOB TSUL YOD DE, KUN DGA' RA BA 'BUL BA SOGS RDZAS LAS BYUNG BA'I BSOD NAMS BDUN LTA BU ZHING DANG, DKON MCHOG LA PHYAG MA BYAS PAR ZAS MI ZA ZHES KHAS LEN PA DANG, YUL KHYAD PAR CAN LA DAD CING GUS PAR BYED PA LAS THOB PA'I PHYIR, GSUM PA GTONG TSUL LA, SDOM PA DANG SDOM MIN DANG BAR MA DANG ZHAR LA GZUGS CAN MIN PA GZHAN GTONG TSUL DANG BZHI, DANG PO LA, SO THAR DANG, BSAM GTAN ZAG MED KYI SDOM PA'I GTONG RGYU GNYIS, DANG @116A *, ,PO NI, BSLAB PA PHUL DANG SHI 'PHOS DANG, ,MTSAN GNYIS DAG NI BYUNG BA DANG, ,RTZA BA CHAD DANG MTSAN 'DAS LAS, ,SO SO THAR PA'I 'DUL BA GTONG, ,KHA CIG LTUNG BAR 'GYUR LAS SMRA, ,GZHAN DAG DAM CHOS NUB PA LAS, ,KHA CHE RNAMS NI BYUNG BA LAS, ,BU LON NOR BZHIN GNYIS SU 'DOD, ,CES BYUNG, SO SOR THAR PA'I 'DUL BA STE SDOM PA CHOS CAN, KHYOD GTONG BA'I RGYU YOD DE, BSAM PA THAG PAS BSLAB PA PHUL BA DANG, SHI 'PHOS PA DANG, MTSAN GNYIS DAG NI CIG CAR DU BYUNG BA DANG, DGE RTZA CHAD PA RNAMS KYIS GTONG BA'I PHYIR, DANG PO GRUB STE, SDOM PA DE MI SRUNG BAR DAM BCAS SHING KHAS BLANGS PA'I PHYIR, GNYIS PA GRUB STE, SDOM PA'I RTEN ZHIG PA'I PHYIR, GSUM PA GRUB STE, SDOM PA'I RTEN NYAMS PA'I PHYIR, BZHI PA GRUB STE, SDOM PA GNAS PA'I GZHI CHAD PA'I PHYIR, BSNYEN GNAS KYI SDOM PA CHOS CAN, GTONG RGYU LNGA YOD DE, SNGA MA BZHI'I STENG DU ZHAG DE'I MTSAN MO 'DAS PA NA GTONG BA'I PHYIR, DER THAL, 'PHEN PA'I DUS ZAD PA'I PHYIR, NYI 'OG PA DANG MDO SDE PA KHA CIG NA RE, GTONG RGYU GZHAN YOD DE, RTZA BA'I LTUNG BAR GYUR PA LAS GTONG BA'I PHYIR ZHES SMRA LA, GOS DMAR SDE PA GZHAN DAG NA RE, DAM PA'I CHOS NUB PA LAS KYANG GTONG STE, DE'I TSE BSLAB PA'I BCAS MTSAMS DANG CHO GA RNAMS MED PA'I PHYIR ZER, SLOB DPON NA RE, 'DI MI 'THAD DE, DE'I SDOM PA GSAR THOB MED KYANG SNGAR YOD MI GTONG BA'I PHYIR GSUNG, KHA CHE BYE BRAG SMRA BA RNAMS NA RE, RTZA BZHI GANG RUNG BYUNG BAS SDOM PA MI GTONG STE, DE GANG RUNG BYUNG BA LA NI BU LON CAN DANG NOR CAN BZHIN DU DE TSUL KHRIMS 'CHAL BA DANG TSUL @116B KHRIMS DANG LDAN PA GNYIS SU 'DOD PA'I PHYIR, DER THAL, DE NI SDOM PA'I PHYOGS GCIG NYAMS KYANG KUN NYAMS PA MA YIN PA'I PHYIR ZER, SLOB DPON DANG NYI 'OG PA NA RE, DE NI MI 'THAD DE, BCOM LDAN 'DAS KYIS DGE SLONG MA YIN DGE SBYONG MA YIN ZHES SOGS GSUNGS PA DANG 'GAL BA'I PHYIR GSUNG, GNYIS PA NI, BSAM GTAN GTOGS PA'I DGE BA NI, ,SA 'PHOS NYAMS PA DAG GIS GTONG, ,DE BZHIN GZUGS MED GTOGS 'PHAGS PA, ,'BRAS BU THOB SBYANGS NYAMS PA LAS, ,ZHES BYUNG, BSAM GTAN DU GTOGS PA'I DGE BA STE SDOM PA CHOS CAN, GTONG RGYU YOD DE, SA 'PHOS PA DANG SNYOMS 'JUG LAS NYAMS PA DAG GIS GTONG BA'I PHYIR, DANG PO DER THAL, BSAM GTAN DANG PO BA LTA BU GONG SA BSAM GTAN GNYIS PA SOGS SU SKYES PA NA BSAM GTAN GNYIS PA SOGS KYI SAS BSDUS MI GTONG YANG DANG PO'I SAS BSDUS RNAMS GTONG, DE 'DOD PAR SKYES NA THAMS CAD GTONG BA'I PHYIR, DE BZHIN DU GZUGS MED DU GTOGS PA LA'ANG 'DRA'O, ,'PHAGS PA'I ZAG MED KYI SDOM PA CHOS CAN, GTONG RGYU GSUM YOD DE, 'BRAS BU GONG MA GSAR DU THOB PA DANG, DBANG RTUL GYIS DBANG PO SBYANGS NAS RNON PAR GYUR PA DANG, 'BRAS BU THOB PA NYAMS PA LAS GTONG BA'I PHYIR, 'DIR GTONG BA NI SDOM PA GTZO BO YIN KYANG DE TZAM GYI DBANG DU MDZAD PA MA YIN TE, DGE BA GZHAN PHAL CHER LA'ANG 'DRA BAR BSHAD PA'I PHYIR, GNYIS PA NI, SDOM MIN SDOM PA THOB PA DANG, ,SHI DANG MTSAN GNYIS BYUNG BA DANG, ,ZHES BYUNG, SDOM MIN CHOS CAN, GTONG RGYU GSUM YOD DE, GNYEN PO SDOM PA GSUM GANG RUNG THOB PA DANG, SHI 'PHOS PA DANG, MTSAN GNYIS CIG @117A *, ,CAR DU BYUNG BAS GTONG BA'I PHYIR, GSUM PA NI, BAR MA SHUGS BLANGS BYA BA DANG, ,DON TSE RTZA BA CHAD PA LAS, ,ZHES BYUNG, BAR MA'I DGE BA CHOS CAN, GTONG RGYU DRUG YOD DE, 'PHEN PA'I BLO SHUGS CHAD PA DANG, KHAS BLANGS PA DOR NAS CHAD PA DANG, KHAS BLANGS PA'I BYA BA DE MA BYAS PAS RGYUN CHAD PA DANG, GTZUG LAG KHANG ZHIG PA LTA BU DON CHAD PA DANG, TSE ZAD NAS CHAD PA DANG, DGE RTZA CHAD PA RNAMS KYIS GTONG BA'I PHYIR, BZHI PA NI, 'DOD GTOGS DGE BA GZUGS MIN NI, ,RTZA CHAD GONG DU SKYES PA LAS, ,NYON MONGS PA CAN GZUGS MIN NI, ,GNYEN PO SKYES PA RNAMS NYAMS 'GYUR, ,ZHES BYUNG, 'DOD PAR GTOGS PA'I DGE BA GZUGS CAN MA YIN PA NI CHOS CAN, KHYOD GTONG BA'I RGYU GNYIS YOD DE, DGE RTZA CHAD PA DANG KHAMS GONG MA GNYIS GANG RUNG DU SKYES PA LAS GTONG BA'I PHYIR, KHAMS GSUM GYI NYON MONGS CAN GZUGS CAN MIN PA NI CHOS CAN, KHYOD KYI GTONG RGYU YOD DE, RANG GI DNGOS KYI GNYEN PO SKYES PA LAS RNAM PAR NYAMS PAR 'GYUR BA'I PHYIR, BZHI PA LDAN PA'I GANG ZAG LA SDOM MIN DANG, SDOM PA LDAN PA'I GANG ZAG GNYIS, DANG PO NI, ZA MA MA NING SGRA MI SNYAN, ,MTSAN GNYIS MA GTOGS MI RNAMS LA, ,SDOM MIN ZHES BYUNG, SDOM MIN CHOS CAN, KHYOD LDAN PA'I GANG ZAG GSUM YOD DE, MTSAN MED PA'I ZA MA DANG YOD KYANG DON BYED MI NUS PA'I MA NING DANG, MTSAN GNYIS CIG CAR BYUNG BA DANG, SGRA MI SNYAN PA MA GTOGS PA'I GLING GSUM GYI MI RNAMS YIN PA'I PHYIR, GNYIS PA NI, SDOM PA'ANG DE BZHIN LA, ,LHA LA'ANG MI RNAMS LA GSUM MO, ,'DOD DANG GZUGS SKYE @117B LHA RNAMS LA, ,BSAM GTAN SKYES YOD ZAG MED NI, ,BSAM GTAN KHYAD PAR 'DU SHES MED, ,SEMS CAN MA GTOGS GZUGS MED NA'ANG, ,ZHES BYUNG, SDOM PA CHOS CAN, KHYOD DANG LDAN PA'I GANG ZAG YOD DE, KHYOD LA'ANG SDOM MIN DE BZHIN DU ZA MA SOGS MA GTOGS PA'I MI LA SKYE BA YOD PA'I PHYIR, LHA LA'ANG SDOM PA YOD DE, BSAM GTAN GYI SDOM PA YOD PA'I PHYIR, MI RNAMS CHOS CAN, KHYOD LA SDOM PA GSUM YOD DE, SO THAR BSAM GTAN ZAG MED KYI SDOM PA YOD PA'I PHYIR, BSAM GTAN LAS SKYES PA'I SDOM PA CHOS CAN, RTEN YOD DE, 'DOD PA DANG GZUGS KHAMS SU SKYES PA'I LHA RNAMS LA YOD PA'I PHYIR, ZAG MED KYI SDOM PA CHOS CAN, RTEN YOD DE, BSAM GTAN KHYAD PAR CAN DANG 'DU SHES MED PA'I SEMS CAN MA GTOGS PA'I GZUGS MED NA'ANG YOD PA'I PHYIR, GNYIS PA MDO LAS GSUNGS PA'I LAS KYI RNAM GRANGS LA, THUN MONG DU BSHAD PA DANG, SO SOR BSHAD PA GNYIS, DANG PO LA, RGYU 'BRAS KYI SGO NAS DBYE BA, LAS KYI RNAM GRANGS DU MA BSTAN PA, LAS GANG GIS 'BRAS BU GANG 'GRUB TSUL, LAS KYI RNAM GRANGS GZHAN BSHAD PA BZHI, DANG PO LA, 'BRAS BU'I SGO NAS DBYE BA, RGYU'I SGO NAS DBYE BA, GNYIS KA'I SGO NAS DBYE BA GSUM, DANG PO LA, DGE SOGS GSUM DU DBYE BA, BSOD NAMS SOGS GSUM DU DBYE BA, MYONG 'GYUR GYI LAS KYI KHYAD PAR BSTAN PA GSUM, DANG PO NI, LAS BDE MI BDE DANG GZHAN NI, ,DGE DANG MI DGE DANG GZHAN YIN, ,ZHES BYUNG, DGE BA ZAG BCAS KYI LAS CHOS CAN, LAS BDE BA ZHES BYA STE, RNAM SMIN BDE BA 'BYIN BYED YIN PA'I PHYIR, MI DGE BA'I LAS CHOS CAN, MI BDE BA ZHES BYA STE, RNAM SMIN SDUG BSNGAL @118A *, ,'BYIN BYED YIN PA'I PHYIR, DGE MI DGE GANG RUNG LAS GZHAN PA'I LAS CHOS CAN, BAR MA'I LAS YIN TE, RNAM SMIN BDE SDUG GANG RUNG MI 'BYIN PA'I LAS YIN PA'I PHYIR, GNYIS PA LA, MDOR BSTAN PA DANG, RGYAS PAR BSHAD PA GNYIS, DANG PO NI, BSOD NAMS BSOD NAMS MIN MI G-YO, ,BDE BA MYONG 'GYUR LA SOGS GSUM, ,ZHES BYUNG, LAS CHOS CAN, KHYOD LA GSUM YOD DE, BSOD NAMS KYI LAS DANG BSOD NAMS MA YIN PA'I LAS DANG MI G-YO BA'I LAS DANG GSUM YOD PA'I PHYIR, YANG GSUM YOD DE, BDE BA MYONG 'GYUR DANG LA SOGS TE SDUG BSNGAL MYONG 'GYUR BAR MA MYONG BAR 'GYUR BA'I LAS GSUM YOD PA'I PHYIR, GNYIS PA NI, BSOD NAMS 'DOD KHAMS DGE BA'I LAS, ,MI G-YO GONG MA LAS SKYES PA'I, ,GANG PHYIR SA NI DE DAG TU, ,LAS RNAMS SMIN PHYIR MI G-YO'I PHYIR, ,ZHES BYUNG, LAS DE CHOS CAN, KHYOD LA BSOD NAMS KYI LAS SOGS GSUM YOD DE, 'DOD PA'I DGE BA'I LAS DE BSOD NAMS KYI LAS DANG, MI DGE BA'I LAS DE BSOD NAMS MIN PA'I LAS DANG, KHAMS GONG MAR SKYES PA'I LAS DE MI G-YO BA'I LAS YIN PA'I PHYIR, PHYI MA GRUB STE, GANG GI PHYIR NA KHAMS GONG MA'I SAS BSDUS KYI LAS RNAMS NI GONG MA'I SA NI DE DAG TU RNAM SMIN GYI 'BRAS BU SMIN PA'I PHYIR NA SA GZHAN DU RNAM SMIN MI G-YO BA'I PHYIR, DER THAL, DE 'DOD PA'I LAS NI RNAM SMIN GZHAN DU G-YO BAS DE LTA BU MA YIN PA'I PHYIR, GSUM PA LA, MYONG 'GYUR GSUM DU DBYE BA, LNGAR DBYE BA, LAS NGES MA NGES KYI KHYAD PAR BSHAD PA GSUM, DANG PO LA, RANG LUGS DANG GZHAN GYI 'DOD PA GNYIS, DANG PO NI, BSAM @118B GTAN GSUM PA'I BAR DGE BA, ,BDE BA MYONG 'GYUR DE YAN CHAD, ,SDUG MIN BDE MIN MYONG 'GYUR BA, ,SDUG BSNGAL MYONG 'GYUR 'DI'I MI DGE, ,ZHES BYUNG, LAS DE CHOS CAN, KHYOD LA SNGAR BDE LUG ? BTANG SNYOMS MYONG 'GYUR GSUM BSHAD PA DE'I KHYAD PAR YOD DE, 'DOD PA NAS BSAM GTAN GSUM PA'I BAR GYI LAS DGE BA DE BDE BA MYONG 'GYUR DANG, GSUM PA DE YAN CHAD NAS SRID RTZE'I BAR GYI LAS DE SDUG MIN BDE MIN MYONG 'GYUR DANG, 'DOD KHAMS 'DI'I MI DGE BA'I LAS NI SDUG BSNGAL MYONG 'GYUR GYI LAS YIN PA'I PHYIR, GNYIS PA NI, 'OG NA BAR MA YOD DO ZHES, ,KHA CIG ZER TE GANG GI PHYIR, ,BSAM GTAN KHYAD PHAR RNAM SMIN LAS, ,SNGA PHYIR MED GSUM SMIN 'DOD PHYIR, ,ZHES BYUNG, BSAM GTAN BZHI PA CHOS CAN, KHYOD KYI 'OG GSUM PA MAN NA'ANG BDE SDUG GI BAR MA BTANG SNYOMS MYONG 'GYUR GYI LAS NI YOD DO ZHES KHA CIG ZER TE, RGYU MTSAN GANG GI PHYIR NA BSAM GTAN DANG PO'I DNGOS GZHI KHYAD PAR CAN LA RNAM SMIN GYI 'BRAS BU YOD PA LAS SHES PA'I PHYIR, DER THAL, DER TSOR BA BTANG SNYOMS MED NA BDE SDUG MED PAS RNAM SMIN GTAN MED PAR 'GYUR BA'I PHYIR NA, SNGA PHYI MED PAR RGYUD GCIG LA TSOR BA BDE SDUG BTANG SNYOMS GSUM SMIN PA YOD CES 'DOD RIGS PA'I PHYIR ZER, SLOB DPON NA RE, DE NI MI 'THAD DE, DE NA SDUG BSNGAL MYONG 'GYUR MED PA'I PHYIR GSUNG, GNYIS PA NI, NGO BO NYID DANG MTSUNGS LDAN DANG, ,DMIGS PA DANG NI RNAM SMIN DANG, ,MNGON SUM DU NI 'GYUR BA LAS, ,MYONG 'GYUR RNAM PA LNGA YIN NO, ,ZHES BYUNG, MYONG 'GYUR GYI LAS CHOS CAN, KHYOD LA RNAM PA LNGA YOD DE, TSOR BA NGO BO NYID KYIS MYONG BAR 'GYUR BA DANG, REG @119A *, ,PA MTSUNGS LDAN GYIS MYONG BAR 'GYUR BA DANG, GZUGS DMIGS PAS MYONG BAR 'GYUR BA DANG, BDE SDUG RNAM SMIN GYIS MYONG BAR 'GYUR BA DANG, TSOR BA SDUG BSNGAL LTA BU MNGON SUM MYONG BAR 'GYUR BA'I LAS RNAMS SU YOD PA'I PHYIR, GNYIS PA LA, MDOR BSTAN PA DANG RGYAS PAR BSHAD PA GNYIS, DANG PO NI, DE YANG NGES DANG MA NGES PA, ,ZHES BYUNG, MYONG 'GYUR GYI LAS GSUM PO DE YANG CHOS CAN, RE RE LA'ANG GNYIS GNYIS SU YOD DE, NGES PA DANG MA NGES PA'I LAS GNYIS RE YOD PA'I PHYIR, GNYIS PA LA, DBYE BA SPYIR BSTAN PA, KHYAD CHOS SO SOR BSHAD PA, MYONG NGES BYE BRAG TU BSHAD PA DANG GSUM, DANG PO LA, DNGOS DANG, SDE PA GZHAN GYI 'DOD TSUL GNYIS, DANG PO NI, MTHONG BA'I CHOS LA SOGS PA LA, ,MYONG 'GYUR PHYIR NA NGES RNAM GSUM, ,ZHES BYUNG, MNGON SUM DU MYONG BAR 'GYUR BA'I LAS CHOS CAN, KHYOD LA NGES PA RNAM GSUM YOD DE, MTHONG BA'I CHOS TSE 'DI LA RNAM SMIN 'GO ZUG NAS MYONG 'GYUR DANG, LA SOGS PAS SKYE BA PHYI MA LA 'GO BTZUGS TE SKYES NAS MYONG BA DANG, TSE GSUM PA SOGS LA RNAM SMIN 'GO RTZOM NAS LAN GRANGS GZHAN LA MYONG 'GYUR GYI LAS RNAM PA GSUM YOD PA'I PHYIR, BZHIR DBYER YANG RUNG STE, RKYEN GZHAN GYIS MA NGES PAR 'GYUR BA ZHIG KYANG YOD PA'I PHYIR, DER THAL, BSHAGS PA SOGS KYIS MYONG NGES KYI LAS KYANG 'DAGS NUS PAR BSHAD PA'I PHYIR, DE GSUM NI RNAM SMIN 'GO RTZOM PA'I DBANG DU MDZAD PA YIN TE, RANG 'GREL LAS, RNAM PAR SMIN PA TSE RABS GZHAN DAG NA YANG YOD MOD KYI, RTZOM PA'I DBANG GIS DE LTAR RNAM PAR @119B BZHAG GO, ZHES GSUNGS PA'I PHYIR, GNYIS PA NI, KHA CIG LAS RNAM LNGA ZHES ZER, ,GZHAN DAG MU NI BZHI ZHES ZER, ,ZHES BYUNG, SDE PA KHA CIG NA RE LAS DE LA RNAM PA LNGA YOD DE, NGES PA'I LAS GSUM DANG, MA NGES PA LA GNAS SKABS MA NGES SHING RNAM SMIN NGES PA DANG, GNYIS KA MA NGES PA RNAMS SU YOD PA'I PHYIR ZHES ZER, GZHAN DAG STE MDO SDE PA NA RE, LAS LA MU NI BZHI YOD DE, GNAS SKABS MA NGES LA RNAM SMIN NGES PA DE LAS BZLOG PA, GNYIS KA NGES PA, GNYIS KA MA NGES PA RNAMS YOD PA'I PHYIR ZER ZHING, DANG PO GRUB STE, RNAM SMIN MYONG BAR NGES KYANG GNAS SKABS MTHONG CHOS SOGS GSUM PO GANG RUNG DU MYONG BA MA NGES PA'I LAS RNAMS DE YIN PA'I PHYIR, GZHAN DU RIGS 'GRO'O, ,DE LTAR NA MU BRGYAD DU'ANG 'GYUR TE, NGES MA NGES RE RE LA BZHI BZHI YOD PA'I PHYIR, SKAD CIG MA GCIG LA RTZA BA'I LAS BZHI BYED PA'ANG SRID DE, MI TSANGS SPYOD RANG GIS BYED CING SROG GCOD SOGS GSUM GZHAN LA BCOL BAS DE LTAR 'GRUB PA CIG SRID PA'I PHYIR RO, ,GNYIS PA NI, GSUM GYIS RIS NI 'PHEN PAR BYED, ,THAMS CAD NA NI 'PHEN PA BZHI, ,DMYAL BA NA NI DGE BA'I GSUM, ,GANG LA 'DOD CHAGS BRAL BRTAN PA'I, ,BYIS PA DER SKYES MYONG MI BYED, ,'PHAGS PA GZHAN DU'ANG MYONG MI BYED, ,'DOD RTZE'I MI BRTAN PA YANG MIN, ,SRID PA BAR MA 'DOD KHAMS SU, ,'PHEN PA RNAM PA NYI SHU GNYIS, ,DE NI MTHONG CHOS 'BRAS BU YIN, ,DE NI RIM GCIG KHO NA YIN, , ZHES BYUNG, LAN GRANGS GZHAN DANG SKYES NAS MYONG BA DANG MA NGES PA'I LAS CHOS CAN, KHYOD GSUM GYIS RANG GI RIS MTHUN NI 'PHEN PAR BYED KYI, RIS MI MTHUN MI 'PHEN TE, LAS DE BYED PA'I PHUNG PO'I RGYUN LAS GZHAN @120A *, ,PA'I RIS MTHUN GYI PHUNG PO 'PHEN PA'I PHYIR, 'DOD PA'I KHAMS SOGS KHAMS GSUM PO THAMS CAD DANG 'GRO BA LNGA NI CHOS CAN, 'PHEN PA BZHI YOD DE, MTHONG CHOS DANG SKYES GNAS DANG LAN GRANGS GZHAN DANG MA NGES PA RNAMS SU YOD PA'I PHYIR, DMYAL BA NA NI MI DGE BA BZHIG YOD ? CING DGE BA'I 'PHEN PA GSUM YOD KYANG, MTHONG CHOS LA BDE BA MYONG 'GYUR NI MED DE, DER MTHONG CHOS KYI RNAM SMIN YID 'ONG 'BYIN PA MED PA'I PHYIR, SA GANG LA 'DOD CHAGS DANG BRAL BA BRTAN PAR BYAS PA'I BYIS PA SO SO SKYE BO CHOS CAN, SA DER SKYE BAS MYONG 'GYUR GYI LAS GSAR GSOG MI BYED DE, SA DE LA CHAGS BRAL BRTAN PA'I GANG ZAG YIN PA'I PHYIR, 'DIS LAS GZHAN GSUM BYED SRID PAR 'PHANGS SO, ,DE 'DRA BA'I 'PHAGS PA CHOS CAN, DER MA ZAD LAN GRANGS GZHAN RNAMS SU'ANG MYONG 'GYUR GYI LAS MI BYED DE, DE LA CHAGS BRAL BRTAN PA'I 'PHAGS PA YIN PA'I PHYIR, 'DIS MA NGES PA DANG MTHONG CHOS KYI LAS BYED SRID PAR 'PHANGS PAR RANG 'GREL LAS BSHAD DO, ,'DOD PA DANG SRID RTZE LA CHAGS BRAL MI BRTAN PA NYAMS PA'I CHOS CAN GYI 'PHAGS PA YANG CHOS CAN, SA DIR MYONG 'GYUR GYI LAS MI BYED DE, 'BRAS BU LAS NYAMS YANG LAS DE MI GSOG PA'I PHYIR, BAR MA DO NA YANG LAS KYI 'PHEN PA YOD DE, SRID PA BAR MA BA DE 'DOD KHAMS SU SKYE BA'I TSE BAR DO DANG MNGAL GYI GNAS SKABS LNGA DANG BCAS PA'I GNAS SKABS LNGA DANG BCU GCIG PO DE RE RE LA'ANG NGES MA NGES GNYIS TE, 'PHEN PA RNAM PA NYI SHU RTZA GNYIS YOD PA'I PHYIR, NYER GNYIS LAS NGES PA BCU GCIG PO DE NI CHOS CAN, MTHONG CHOS LA MYONG BA'I 'BRAS BU @120B CAN YIN TE, KHYOD KYI 'BRAS BU BCU GCIG PO DE NI RIS GCIG PA KHO NA YIN PA'I PHYIR, DER THAL, DE 'DRA BA'I BAR DO DANG LHAG MA BCU NI LAS GCIG GIS 'PHANGS PA'I PHYIR, GSUM PA LA, MYONG NGES SPYIR BSTAN PA, MTHONG CHOS LA MYONG NGES BYE BRAG TU BSHAD PA, ZHAR BYUNG GI DON DANG GSUM, DANG PO NI, NYON MONGS RAB DANG DRAG PO DANG, ,YON TAN ZHING DANG RGYUN CHAGS SU, ,BYAS PA GANG ZHIG YIN PA DANG, ,PHA MA GSOD GANG DE DES SO, ,ZHES BYUNG, NGES PA'I LAS CHOS CAN, DRUG YOD DE, NYON MONGS RAB TU DRAG POS MI DGE BA DANG, DAD PA RAB TU DRAG POS DGE BA DANG, YON TAN GYI ZHING DKON MCHOG GSUM SOGS LA PHAN GNOD DANG, DUS RGYUN CHAGS SU BYAS PA GANG ZHIG YIN PA DANG, PHAN 'DOGS PA'I ZHING PHA MA GSOD PA GANG YIN PA DE RNAM SMIN NGES PA'I LAS YIN PA'I PHYIR, GNYIS PA NI, MTHONG CHOS 'BRAS BU CAN GYI LAS, ,ZHING DANG BSAM PA'I KHYAD PAR LAS, ,SA DE'I 'DOD CHAGS GTAN BRAL PHYIR, RNAM SMIN NGES PHA GANG YIN PA'O, ,GANG DAG 'GOG BYAMS NYON MONGS MED, ,MTHONG DANG DGRA BCOM 'BRAS LANGS PA, ,DE LA PHAN GNOD BYAS PA YI, ,'BRAS BU 'PHRAL ? DU MYONG BAR 'GYUR, ,ZHES BYUNG, MTHONG CHOS 'BRAS BU CAN GYI LAS CHOS CAN, KHYOD LA GNYIS YOD DE, ZHING GI KHYAD PAR DGE 'DUN NAM GANG ZAG KHYAD PAR CAN LA BUD MED CES SKUR PA BTAB PAS TSE DE LA MTSAN GYUR PA LTA BU DANG, BSAM PA'I KHYAD PAR GLANG GI MTSAN GCOD PA LAS THAR BAR BYAS PA LAS TSE DER SKYES PAR GYUR PA LTA BU YIN PA'I PHYIR, DE CHOS CAN, KHYOD LA RNAM GRANGS GZHAN YANG YOD DE, SA DE'I 'DOD CHAGS DANG GTAN NAS BRAL BA'I TSE SA DE'I DGE MI DGE RNAM SMIN NGES LA GNAS SKABS @121A *, ,MA NGES PA NI DE SA DER MI SKYE BAS RNAM SMIN NGES PA MTHONG CHOS NYID DU MYONG BA GANG YIN PA DE LTA BU YOD PA'I PHYIR, DE CHOS CAN, RNAM GRANGS GZHAN DRUG YOD DE, GZHAN GANG DAG 'GOG PA LA ZHUGS PA DANG, BYAMS PA TSAD MED DANG, NYON MONGS MED PA'I TING NGE 'DZIN DANG, BDEN PA MTHONG BA'I LAM DANG, DGRA BCOM PA'I 'BRAS BU THOB MA THAG DANG, 'BRAS BU DE LAS LANGS MA THAG PA DE LA PHAN GNOD GANG BYAS PA'I RNAM SMIN GYI 'BRAS BU TSE 'DIR 'PHRAL DU MYONG BAR 'GYUR BA'I PHYIR, GSUM PA LA, LAS GANG GI 'BRAS BU DANG, G-YENG BA'I SEMS NGOS BZUNG BA GNYIS, DANG PO NI, RNAM PAR RTOG PA MED PA YI, ,DGE BA'I LAS KYI RNAM SMIN NI, ,SEMS KYI TSOR BA KHO NAR 'DOD, ,MI DGE BA'I NI LUS KYI YIN, ,ZHES BYUNG, RNAM PAR RTOG PA MED PA BSAM GTAN KHYAD PAR CAN NAS SRID RTZE'I BAR GYI DGE BA'I LAS CHOS CAN, KHYOD KYI RNAM SMIN GYI 'BRAS BU TSOR BA NI SEMS KYI TSOR BA KHO NAR 'DOD DE, DE'I BAR GYI SAS BSDUS KYI TSOR BA LA NI LUS TSOR MED PA'I PHYIR, MI DGE BA'I RNAM SMIN GYI TSOR BA NI LUS KYI TSOR BA KHO NA YIN TE, DE'I SEMS TSOR NI RNAM SMIN DU MI 'JOG PA'I PHYIR, GNYIS PA NI, G-YENG BA'I SEMS NI YID SEMS LA; ;DE NI LAS KYI RNAM SMIN SKYES, ,SKRAG GNOD MA MNYAM MYA NGAN GYIS, ,SGRA MI SNYAN MIN 'DOD LDAN RNAMS, ,ZHES BYUNG, G-YENG BA STE SMYOS PA'I SEMS NI CHOS CAN, KHYAD CHOS GSUM DANG LDAN TE, NGO BO'I KHYAD PAR YID KYI SEMS LAS BYUNG BA DANG, DE NI RGYU SNGON GZHAN SMYOR BCUG PA'I LAS KYI RNAM SMIN SKYES YIN PA DANG, MI MA YIN GYIS SKRAG PAR BYAS PA DANG, DES GNOD PA DANG, 'BYUNG BA CHA MI MNYAM PA DANG, MYA NGAN GYIS GZIR BA LTA BU'I @121B RKYEN DANG LDAN ZHING, RTEN SGRA MI SNYAN PAR GTOGS PA MA YIN PA'I 'DOD PA DANG LDAN PA'I GANG ZAG RNAMS LA YOD PA'I PHYIR, SMYO SEMS LA DBANG SHES MED DE, DBANG SHES RNAMS RTOG MED YIN PA'I PHYIR, GNYIS PA RGYU'I SGO NAS DBYE BA NI, YON SKYON SNYIGS MAR GSUNGS PA NI, ,G-YO DANG ZHE SDANG 'DOD CHAGS SKYES, ,ZHES BYUNG, MDO LAS YON PO DANG SKYON CAN GYI LAS DANG SNYIGS MAR GSUNGS PA'I LAS GSUM CHOS CAN, KHYOD KYI RGYU YOD DE, G-YO SGYU DANG ZHE SDANG DANG 'DOD CHAGS LAS SKYES PA'I PHYIR, GSUM PA RGYU 'BRAS GNYIS KA'I SGO NAS DBYE BA LA, MDOR BSTAN PA DANG RGYAS PAR BSHAD PA GNYIS, DANG PO NI, DKAR NAG LA SOGS BYE BRAG GIS, ,LAS NI RNAM PA BZHI YIN NO,, ZHES BYUNG, LAS NI CHOS CAN, KHYOD LA RNAM PA BZHI YOD DE, DKAR LA RNAM SMIN DKAR BA GZUGS KYI LAS DANG, GNAG LA RNAM SMIN NAG PA MI DGE BA DANG, LA SOGS TE DKAR NAG 'DRES MA 'DOD PA'I DGE BA'I LAS DANG, MI DKAR MI GNAG CING RNAM SMIN MED PA ZAG MED KYI LAS DANG BCAS PA'I BYE BRAG GI SA BZHIR DBYE BA YIN PA'I PHYIR, GNYIS PA LA, SO SO'I NGO BO SPYIR BSTAN PA, ZAG MED KYI LAS BYE BRAG TU BSHAD PA, GZHAN GYI 'DOD PA BRJOD PA DANG GSUM, DANG PO NI, MI DGE GZUGS DANG 'DOD GTOGS PA'I, ,DGE BA NYID NI RIM BZHIN DU, ,GNAG DANG DKAR DANG GNYIS KA'I LAS, ,ZHES BYUNG, RIM PA BZHIN DU SBYAR NA MI DGE BA'I LAS CHOS CAN, GNAG LA RNAM SMIN GNAG PA'I LAS YIN TE, NGO BO NYON MONGS CAN YIN PAS GNAG CING, RNAM SMIN YID DU MI 'ONG BA 'BYIN PAS GNAG PA'I PHYIR, GZUGS KHAMS KYI DGE BA CHOS CAN, DKAR LA RNAM SMIN DKAR BA'I LAS @122A *, ,YIN TE, NGO BO MI DGE BA DANG MA 'DRES SHING, RNAM SMIN KYANG YID DU 'ONG BA 'BYIN PAS DKAR BA'I PHYIR, 'DOD KHAMS SU GTOGS PA'I DGE BA'I LAS NYID CHOS CAN, DKAR NAG GNYIS KA 'DRES MA'I LAS SU BSHAD DE, RANG GI NGO BO DKAR BA YIN YANG RGYUD GCIG LA MI DGE BA DANG 'DRES PAS DKAR NAG 'DRES MA DANG, RNAM SMIN YID 'ONG 'BYIN PAS DKAR YANG RGYUD GCIG LA SDUG BSNGAL DANG 'DRES NAS 'JUG PAS DKAR NAG GNYIS KA 'DRES MA'I LAS YIN PA'I PHYIR, DKAR NAG 'DRES TSUL DE LTAR YIN GYI DGE BA'I NGO BO NYID DKAR NAG 'DRES MA MIN TE, DKAR PO'I LAS KHO NA YIN PA'I PHYIR, RNAM SMIN KYANG DKAR NAG GNYIS KA 'DRES MA MA YIN TE, DGE BA'I LAS KYIS RNAM SMIN NAG PO 'BYIN MI SRID PA'I PHYIR, GNYIS PA NI, DE ZAD BYED PA ZAG MED YIN, ,CHOS BZOD 'DOD CHAGS BRAL BA YI, ,BAR CHAD MED LAM BRGYAD KYI GANG, ,SEMS PA RNAM PA BCU GNYIS TE, ,NAG PO ZAD PAR BYED PA'I LAS, ,DGU PA'I SEMS PA GANG YIN PA, ,DE NI DKAR NAG ZAD BYED YIN, ,DKAR PO BSAM GTAN 'DOD CHAGS BRAL, ,BAR CHAD MED LAM SKYES THA MAS, ,ZHES BYUNG, NAG PO'I LAS DE CHOS CAN, KHYOD ZAD PAR BYED PA'I LAS YOD DE, ZAG MED KYI LAS DE DE YIN PA'I PHYIR, ZAG MED KYI LAS CHOS CAN, KHYOD LA SEMS PA RNAM PA BCU GNYIS YOD DE, MTHONG LAM SDUG BSNGAL CHOS BZOD KYI SEMS PA BZHI DANG, 'DOD PA LA 'DOD CHAGS DANG BRAL BA YI SGOM LAM BAR CHAD MED LAM BRGYAD KYI SEMS BRGYAD DE BCU GNYIS PO GANG YIN PA DE NAG PO MI DGE BA ZAD PAR BYED PA'I LAS YIN PA'I PHYIR, 'DOD CHAGS DANG BRAL BAR BYED PA'I SGOM LAM BAR @122B CHAD MED LAM DGU PA'I SEMS PA GANG YIN PA DE NI CHOS CAN, 'DOD PA'I SAS BSDUS KYI DKAR NAG 'DRES MA'I LAS ZAD BYED YIN TE, DE 'JOMS BYED YIN PA'I PHYIR, BSAM GTAN SA DGU LA 'DOD CHAGS DANG BRAL BAR BYED PA'I SGOM LAM BAR CHAD MED LAM ZAG MED DGU DGU SKYES PA'I THA MA CHOS CAN, KHYOD KYIS BSAM GTAN GYI SAS BSDUS PA'I DKAR PO'I LAS 'KHOR BA'I RGYU BYED PA DE ZAD PAR BYED PA YIN TE, SA DE DAG LA 'DOD CHAGS DANG BRAL BA'I TSUL GYIS SPONG BAR BYED PA'I PHYIR, SPYIR DKAR PO'I LAS SPONG BA DANG ZAD PAR BYED MI RIGS PAS SKABS 'DIR ZHIB CHA DGOS TE, DE YANG 'DOD PA'I DGE BA LA 'DOD CHAGS DANG BRAL BA'I TSUL GYIS DE'I SKYON SBYONG BAR BYED PAS DE LTAR BRJOD PA'I PHYIR TE, DGE BA DE'I NGO BO SPONG BA NI MIN PA'I PHYIR TE, RANG 'GREL LAS, DE'I RANG GI NGO BO NI SPONG BA MA YIN TE, ,ZHES GSUNGS PA'I PHYIR, GSUM PA NI, GZHAN NI DMYAL BA MYONG 'GYUR DANG, ,'DOD GZHAN MYONG 'GYUR GNYIS SU RIGS, , GZHAN NI MTHONG BA'I SPANG BYA GNAG ,'DOD PA LAS SKYES GZHAN DKAR NAG ,CES BYUNG, SLOB DPON GZHAN DAG NA RE, LAS DKAR NAG SOGS KYI KHYAD PAR YOD DE, DMYAL BA MYONG 'GYUR GYI LAS NI NAG LA RNAM SMIN NAG PA DANG, GZHAN 'DOD PA'I MYONG 'GYUR GYI LAS NI DKAR NAG GNYIS 'DRES MAR RIGS ZHES 'DOD PA DANG, YANG GZHAN DAG NI MTHONG BA STE MTHONG LAM GYI SPANG BYA NI GNAG PA'I LAS DANG, 'DOD PA LAS SKYES PA'I MTHONG SPANG LAS GZHAN SGOM SPANG NI DKAR NAG 'DRES MA YIN ZHES 'DOD PA'I PHYIR, DANG PO GRUB STE, DMYAL BAR 'PHEN RDZOGS KYI LAS GNYIS GNAG ,'DOD PA NA GZHAN DU DE GNYIS KA DKAR NAG 'DRES NAS 'JUG PA'I PHYIR ZHES DANG, @123A *, ,GNYIS PA GRUB STE, MTHONG SPANG LA DGE BA MED PA NAG CING, SGOM SPANG LA DGE SOGS GSUM GA YOD PAS 'DRES MA YIN PA'I PHYIR ZER RO, ,GNYIS PA LAS KYI RNAM GRANGS DU MA BSTAN PA LA, DBYE BA SPYIR BSTAN PA DANG, LAS LAM BYE BRAG TU BSHAD PA GNYIS, DANG PO NI, MI SLOB LUS NGAG LAS YID NYID, ,THUB PA'I GSUM STE GO RIM BZHIN, ,LEGS SPYAD GSUM PO THAMS CAD NA, ,GTZANG BYED RNAM PA GSUM YIN NO, ,LUS KYI LAS SOGS MI DGE BA, ,NYES PAR SPYAD PA GSUM DU 'DOD, ,BRNAB SEMS LA SOGS LAS MIN YANG, ,YID KYI NYES SPYOD GSUM DU 'DOD, ,BZLOG PA LEGS PAR SPYAD PA YIN, ,ZHES BYUNG, MDO LAS 'BYUNG BA'I THUB PA'I LAS GSUM YOD DE, MI SLOB PA'I LUS DANG NGAG GI LAS DANG YID KYI LAS NYID LA GO RIM BZHIN DU THUB PA'I LUS KYI LAS SOGS GSUM DU 'JOG LA, MI SLOB PA'I YID KHO NA LA THUB PAR 'JOG KYANG DE LAS YIN PAR MI 'JOG PA'I PHYIR, SGO GSUM GYI LEGS SPYAD GSUM PO THAMS CAD CHOS CAN, GTZANG BYED RNAM PA GSUM YIN TE, LUS NGAG YID KYI DAG BYED YIN PA'I PHYIR, LUS KYI LAS SOGS TE NGAG DANG YID KYI MI DGE BA CHOS CAN, NYES PAR SPYAD PA GSUM DU 'DOD DE, SGO GSUM GYI NYES SKYON YIN PA'I PHYIR, BRNAB SEMS LA SOGS TE GNOD SEMS LOG LTA GSUM PO CHOS CAN, LAS MIN YANG YID KYI NYES SPYOD GSUM DU 'DOD DE, DE'I NYES SKYON YIN PA'I PHYIR, YID KYI LEGS PAR SPYOD PA GSUM YANG YOD DE, YID KYI NYES SPYOD GSUM LAS BZLOG PA'I BYA BA BRNAB SEMS SOGS DANG BRAL BA'I LEGS SPYAD DE DE YIN PA'I PHYIR, GNYIS PA LA, MDOR BSTAN PA DANG, RGYAS PAR BSHAD PA GNYIS, DANG PO NI, DE @123B LAS CHE LONG BSDUS NAS NI, ,DGE DANG MI DGE CI RIGS PAR, ,LAS KYI LAM NI BCUR GSUNGS SO, ,ZHES BYUNG, 'DI LA GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, LEGS SPYAD DANG NYES SPYAD DE LAS CHE LONG STE RAGS PA BSDUS NAS DGE MI DGE'I LAS LAM NI BCUR GSUNGS PA YIN TE, LEGS SPYAD DANG NYES SPYAD CI RIGS BSDUS NAS DGE BA BCU DANG MI DGE BA BCUR BSHAD PA'I PHYIR, GNYIS PA MTHA' DPYAD PA LA, KHA CIG ,SKABS 'DI'I DNGOS BSTAN GYI LAS YIN NA, LAS YIN PAS KHYAB ZER NA, BRNAB SEMS SOGS YID KYI GSUM PO RE RE CHOS CAN, DER THAL, DE'I PHYIR, DER THAL, 'DI'I DNGOS BSTAN GYI DGE MI DGE'I LAS BCU PO GANG RUNG YIN PA'I PHYIR, 'DOD NA MI 'THAD PAR THAL, BRNAB SEMS LA SOGS LAS MIN YANG, ,ZHES GSUNGS PA'I PHYIR, GZHAN YANG DE MI 'THAD PAR THAL, DE GSUM NYON MONGS YIN PA'I PHYIR, DER THAL, LOG LTA NYON MONGS YIN PA GANG ZHIG ,GZHAN GNYIS KYANG DE YIN PA'I PHYIR, DANG PO DER THAL, 'JIG LTA LOG LTA MTHAR LTA SOGS LTA BA NYON MONGS CAN LNGA YOD PA'I PHYIR, 'ON KYANG MDO SDE PA KHA CIG MI DGE BA BCU PO LAS YIN PAS, LAS NYON GNYIS MI 'GAL BAR 'DOD DE, BRNAB SEMS SOGS GSUM DE GNYIS KA YIN PAR 'DOD PA'I PHYIR GSUNG, KHA CIG ,RGYU DUS KYI KUN SLONG GNYIS GANG RUNG MI DGE BAS BYAS PA'I LAS YIN NA, MI DGE BA'I LAS YIN PAS KHYAB ZER NA, RGYU'I KUN SLONG DGE BA DANG DUS KYI KUN SLONG ZHE SDANG GIS BYAS PA'I LAS KHYAD PAR BA DE CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, MA YIN PAR THAL, @124A *, ,DGE BA YIN PA'I PHYIR, DER THAL, DGE BAS RGYU'I KUN SLONG BYAS PA'I LAS YIN PA'I PHYIR, KHYAB CING RTAGS GRUB STE, DE 'DRA YOD PA'I PHYIR, DER THAL, MI NAG MDUNG THUNG CAN DED DPON SNYING RJE CAN GYIS BSAD PA'I TSE DE LA NYES PA MA BYUNG BAR PHAN YON THOB PAR BSHAD PA'I PHYIR, GNYIS PA LA, RIG BYED DANG RIG BYED YIN PA NGOS BZUNG BA, RTZA BA GSUM DU BSTAN PA, RDZOGS BYED GSUM DU BSTAN PA, SO SO'I NGO BO ZHAR BYUNG DANG BCAS PA BZHI, DANG PO LA, DNGOS GZHI LA DOGS GCOD DANG, SBYOR MJUG LA DOGS GCOD GNYIS, DANG PO NI, MI DGE DRUG NI RNAM RIG MIN, ,GCIG RNAM GNYIS PO DE DAG KYANG, ,BYED NA DGE BA BDUN RNAM GNYIS, ,TING 'DZIN LAS SKYES RNAM RIG MIN, ,ZHES BYUNG, NGAG GI LAS BZHI DANG, SROG GSOD MA BYIN LEN TE MI DGE BA DRUG NI CHOS CAN, RANG GIS MI BYED NA RNAM PAR RIG BYED MA YIN PA NYID GTZO CHE STE, GZHAN LA BYED DU BCUG PA'I TSE DNGOS GZHI LA BYED DU 'JUG PA PO LA RNAM PAR RIG BYED MI 'BYUNG BA'I PHYIR, GCIG 'DOD LOG NI CHOS CAN, RNAM PA GNYIS DANG LDAN TE, RIG BYED YIN MIN GNYIS KA DANG LDAN PA'I PHYIR, 'DI NI BCOL BAS MI RDZOGS TE, RANG GI BYED PA LA LTOS PA'I PHYIR, DRUG PO DE DAG NI RANG GIS BYED NA RNAM RIG YIN MIN GNYIS KA DANG LDAN TE, MTSON 'DEBS PA DANG RDZUN DU SMRA BA SOGS KYI TSE RNAM RIG DANG LDAN LA, DNGOS GZHI LA RNAM RIG MIN PA DANG LDAN PA'I PHYIR, LUS NGAG GI DGE BA BDUN NI CHOS CAN, RIG BYED YIN MIN RNAM PA GNYIS KA DANG LDAN PA 'BYUNG STE, SROG GCOD LAS LUS GZUNG BA DANG NGAG GI BDEN PAR SMRA @124B BA SOGS KYI TSE RNAM RIG DANG, DE LAS GZHAN GYI TSE RNAM RIG MA YIN PA DANG LDAN PA'I PHYIR, TING NGE 'DZIN LAS SKYES PA'I BSAM GTAN DANG ZAG MED KYI SDOM PA CHOS CAN, GCIG DANG LDAN TE, RNAM RIG MIN PA KHO NA DANG LDAN PA'I PHYIR, GNYIS PA NI NYER BSDOGS RNAMS NI RNAM RIG BYED, ,RNAM RIG BYED MIN 'GYUR BA'AM, ,MA YIN BZLOG PA MJUG YIN NO, ,ZHES BYUNG, DGE MI DGE NYER BSDOGS TE SBYOR BA RNAMS CHOS CAN, RNAM PAR RIG BYED DANG LDAN TE, LUS NGAG GI BYA BA CI RIGS LA LTOS PA'I PHYIR, DE DAG GI SBYOR BA RNAMS CHOS CAN, RNAM RIG YIN MIN GNYIS KA DANG LDAN PA'ANG YOD DE, DE DAG NYON MONGS SAM DANG BA DRAG POS 'JUG PA'I TSE, RNAM RIG DU MA ZAD RNAM PAR RIG BYED MIN PA DANG LDAN PAR 'GYUR BA'AM, YANG DE MA YIN PAR SBYOR BA ZHAN ? PA GCIG GIS RNAM PAR RIG BYED DANG LDAN PAR 'GYUR BA'ANG SRID PA'I PHYIR, BDUN PO DE DAG GI MJUG GI KHYAD PAR YOD DE, RANG RANG GI NYER BSDOGS LAS BZLOG PA RANG RANG GI MJUG TU 'JOG PA'I PHYIR, DER THAL, SBYOR BA LAS BZLOG PA STE RNAM RIG MIN PA DANG NGES PAR LDAN LA, RIG BYED DANG LDAN MI LDAN GNYIS YOD PA'I PHYIR, GNYIS PA NI, SBYOR BA RTZA BA GSUM LAS SKYES, ,DE YI MJUG THOGS LAS BYUNG PHYIR, ,BRNAB SEMS SOGS RTZA GSUM LAS SKYES,, DGE BA SBYOR DANG MJUG BCAS RNAMS, ,CHAGS SDANG GTI MUG MED LAS SKYES, ,ZHES BYUNG, MI DGE BA BCU'I SBYOR BA CHOS CAN, DANG PO'I KUN SLONG DUG GSUM GYI RTZA BA GSUM GANG RUNG LAS SKYES PA YIN TE, DE YI MJUG THOGS LAS BYUNG BA'I PHYIR, BRNAB SEMS DANG LA SOGS PA GNOD SEMS LOG LTA GSUM CHOS CAN, DUG GSUM GYI RTZA BA GANG RUNG LAS SKYES TE, RTAGS DE'I PHYIR, DGE BA BCU'I SBYOR BA MJUG DANG BCAS PA RNAMS CHOS CAN, CHAGS SDANG GTI MUG MED PA LAS @125A *, ,SKYES TE, DE LAS BYUNG BA'I PHYIR, GSUM PA RDZOGS BYED GSUM DU BSTAN PA LA, DNGOS DANG GZHI GANG LA BRTEN PA GNYIS, DANG PO NI, GSOD DANG GNOD SEMS TSIG RTZUB BO, ,ZHE SDANG GIS NI MTHAR PHYIN BYED, ,LOG G-YEM BRNAB SEMS MA BYIN LEN, ,CHAGS PA YIS NI RDZOGS PAR BYED, ,LOG PAR LTA BA GTI MUG GIS, ,LHAG MA GSUM GYIS RDZOGS PAR 'DOD, ,CES BYUNG, SHES BYA CHOS CAN, MI DGE BA BCU PO DE NYON MONGS GANG GIS RDZOGS PAR BYED TSUL YOD DE; GSOD PA DANG GNOD SEMS DANG TSIG RTZUB BO GSUM NI ZHE SDANG GIS NI MTHAR PHYIN PAR BYED LA, LOG G-YEM DANG BRNAB SEMS DANG MA BYIN LEN GSUM NI CHAGS PA YIS NI RDZOGS PAR BYED CING, LOG PAR LTA BA NI GTI MUG GIS RDZOGS PAR BYED LA, DE DAG GI LHAG MA RDZUN PHRA MA NGAG KYAL GSUM NI DUG GSUM CHAR GYIS RDZOGS PAR BYED PAR 'DOD PA'I PHYIR, GNYIS PA NI, GZHI NI SEMS CAN LONGS SPYOD DANG, ,MING DANG GZUGS NI MING YIN NO, ,ZHES BYUNG, LAS LAM BCU LA CHA BZHIR BYAS PA'I DANG PO GSOD DANG GNOD SEMS TSIG RTZUB GSUM CHOS CAN, BYED PA'I GZHI NI SEMS CAN YIN TE, YUL SEMS CAN GYI SROG GCOD PA SOGS LAS 'GRUB PA ZHIG DGOS PA'I PHYIR, LOG G-YEM BRNAB SEMS MA BYIN LEN CHOS CAN, GZHI YOD DE, GZHAN GYI LONGS SPYOD LA BRTEN NAS 'BYUNG BA'I PHYIR, LOG LTA CHOS CAN, GZHI YOD DE, MING DANG GZUGS KYI DGE MI DGE SOGS LA SKUR BA 'DEBS PA LAS 'GRUB PA'I PHYIR, NGAG GI BZHI CHOS CAN, GZHI YOD DE, MING GI TSOGS LA BRTEN NAS 'BYUNG BA'I PHYIR, BZHI PA SO SO'I NGO BO ZHAR BYUNG DANG BCAS PA LA, LAS LAM SO SO'I NGO BO, SEMS PA GANG LAS LAM DU DANG LHAN CIG 'BYUNG BA, 'GRO BA GANG NA LAS LAM DU YOD, LAS KYI 'BRAS BU ZHAR BYUNG DANG BCAS @125B PA BZHI, DANG PO LA, LUS DANG NGAG DANG YID KYI LAS BSHAD PA GSUM, DANG PO LA, SROG GCOD MA BYIN LEN LOG G-YEM GSUM, DANG PO NI, SNGA DANG MNYAM DU SHI BA LA, ,DNGOS MED LUS GZHAN SKYES PHYIR RO, ,DMAG LA SOGS PA DON GCIG PHYIR, , THAMS CAD BYED PA PO BZHIN LDAN, ,SROG GCOD PA NI BSAM BZHIN DU, ,MA NOR BA NI GZHAN GSOD PA'O, ,ZHES BYUNG, PHA ROL PO 'CHING BA SOGS GSOD PA'I SBYOR BA BYAS NAS GSOD BYED GSAD BYA'I SNGAR SHI BA DANG MNYAM DU SHI BA LA NI LAS LAM DNGOS GZHI 'BYUNG BA NI MED DE, DE'I TSE LAS LAM DNGOS GZHI 'BYUNG BA'I RTEN ZHIG ZIN PA'I PHYIR, DER THAL, DE'I TSE SBYOR BA BYED PA'I LUS RTEN DANG RGYUN MI GCIG PA'I LUS GZHAN ZHIG SKYES ZIN PA'I PHYIR, DMAG LA SOGS PA BYED PA DE DAG GI NANG NAS GCIG GIS SROG GCOD BYAS NA'ANG DE THAMS CAD BYED PA PO BZHIN DU LAS LAM GYI DNGOS GZHI DANG LDAN PAR 'GYUR TE, DE THAMS CAD GSOD PA'I DON GCIG LA ZHUGS PAR MTSUNGS PA'I PHYIR, DE'I TSE GSOD SEMS GTAN MED NA DNGOS GZHI MED DE, GSOD 'DOD MED PA YAN LAG MA TSANG BA'I PHYIR, SROG GCOD PA NI CHOS CAN, KHYOD KYI LAS LAM DNGOS GZHI 'BYUNG BA'I TSAD YOD DE, GSOD 'DOD KYI BSAM PAS GSAD BYA GZHAN BSAM BZHIN DU MA NOR BAR BSAD PA'I TSE DER 'GYUR BA'I PHYIR, GNYIS PA NI, MA BYIN LEN PA GZHAN GYI NOR, ,MTHU DANG 'JAB BUS BDAG GIR BYED, ,CES BYUNG, MA BYIN LEN PA'I LAS LAM CHOS CAN, KHYOD KYI NGO BO YOD DE, GZHAN GYIS BZUNG BA'I NOR MTHUS 'PHROG PA DANG, 'JAM BUS BRKUS NAS BDAG GIR BYAS PA'I LAS LAM DE DE YIN PA'I PHYIR, GSUM PA NI, BGROD MIN BGROD PAR 'DOD PA YIS, ,LOG PAR G-YEM PA RNAM PA BZHI, ,ZHES BYUNG, LOG G-YEM CHOS CAN, NGO BO YOD DE, BGROD BYA MIN PA LA BGROD PAR 'DOD PA YI RGYU LAS BYUNG BA'I @126A *, ,LAS LAM ZHIG DE YIN PA'I PHYIR, LOG PAR G-YEM PA DE CHOS CAN, KHYOD LA RNAM PA BZHI YOD DE, BGROD BYA MIN PA YUL GZHAN GYI CHUNG MA SOGS DANG, KHA DANG BSHANG LAM SOGS LAM MIN PA DANG, GTZUG LAG KHANG SOGS GNAS MIN PA DANG, SBRUM MA DANG BSNYEN GNAS SOGS DUS MA YIN PAR BGROD PA RNAMS SU YIN PA'I PHYIR, GNYIS PA LA, RDZUN PHRA MA TSIG RTZUB NGAG KYAL BZHI LAS, DANG PO LA, DNGOS DANG ZHAR BYUNG GNYIS, DANG PO NI, RDZUN TSIG 'DU SHES GZHAN BSGYUR BA'I, ,TSIG DON MNGON PAR GO BA'O, ,ZHES BYUNG, RDZUN TSIG GI LAS LAM CHOS CAN, NGO BO YOD DE, SMRA BA POS SMRA BYA'I DON DE LAS GZHAN DU 'DU SHES BSGYUR TE BSAM BZHIN DU MI BDEN PAR SMRAS PA'I TSIG DON PHA ROL POS MNGON PAR GO BA'I LAS LAM DE DE YIN PA'I PHYIR, GNYIS PA NI, MIG RNA YID KYI RNAM SHES DANG, ,GSUM GYIS NYAMS SU MYONG GANG DE, ,MTHONG THOS RNAM PAR SHES PA DANG, ,RTOGS PA YIN TE RIM BZHIN BSHAD, ,CES BYUNG, RDZUN LA THA SNYAD BCU DRUG GSUNGS PA YOD DE, MTHONG BA DANG THOS PA DANG RNAM PAR SHES PA DANG RTOGS PA BZHI LA MA MTHONG SOGS SU SMRA BA BZHI DANG, MA MTHONG BA SOGS BZHI LA MTHONG BA SOGS SMRA BA BZHI STE BRGYAD NI LOG RDZUN YIN LA, DE DAG BDEN PAR SMRA BA'I BZHI TSAN GNYIS TE BRGYAD NI YANG DAG PA'I DON CAN TE 'DIR SNGA MA CI RIGS LA BYED PA'I PHYIR, MTHONG BA SOGS KYI KHYAD PAR YOD DE, MIG GIS MTHONG BA DANG, RNA BAS THOS PA DANG, YID KYI RNAM PAR SHES PAS RNAM PAR SHES PA DANG, SNA LCE LUS GSUM GYI RNAM SHES KYIS NYAMS SU MYONG BA GANG YIN PA DE LA RTOGS PA YI NI RIM PA BZHIN DU BSHAD PA'I PHYIR, GNYIS PA PHRA MA NI, PHRA MA PHA ROL DBYE BA'I PHYIR, ,NYON MONGS CAN GYI SEMS KYI TSIG ,CES BYUNG, @126B PHRA MA'I LAS LAM CHOS CAN, NGO BO YOD DE, PHA ROL MTHUN PA'I DBYE BA'I PHYIR DU MA 'KHRUL BA'I NYON MONGS CAN GYI TSIG GANG YIN PA'I LAS LAM DE DE YIN PA'I PHYIR, GSUM PA NI, TSIG RTZUB PO NI MI SNYAN PA, ,ZHES BYUNG, TSIG RTZUB KYI LAS LAM CHOS CAN, NGO BO YOD DE, MA 'KHRUL BAS NYON MONGS CAN GYI NGAG MI SNYAN PAR SMRA BA'I DON PHA ROL POS GO BA'I LAS LAM DE DE YIN PA'I PHYIR, DE LTA BU NI GZHAN LA PHAN PA'I CHED DU MA YIN PAR SMRAS PA ZHIG DGOS TE, GANGS SPEL LAS, DE LA PHAN PA'I PHYIR MA YIN PA'O, ,ZHES GSUNGS PA'I PHYIR DANG, PHAN SEMS KYIS SMRAS PA NI NYON MONGS CAN MA YIN PA'I PHYIR RO, ,BZHI PA NI, NYON MONGS CAN KUN KYAL PA NYID, ,GZHAN NI DE LAS GZHAN NYON MONGS, ,KHA GSAG GLU DANG ZLOS GAR BZHIN, ,BSTAN BCOS NGAN BZHIN ZHES BYUNG, TSIG KYAL PA'I LAS LAM CHOS CAN, NGO BO YOD DE, SEMS NYON MONGS CAN GYIS SMRAS PA'I TSIG KUN DE DE YIN PA'I PHYIR, SDE PA GZHAN NA RE, DE'I NGO BO YOD DE, RDZUN SOGS GSUM PO DE LAS GZHAN PA'I NYON MONGS CAN GYI TSIG DE DE YIN PA'I PHYIR ZHES 'DOD PA'I PHYIR, DBYE NA DU MA YOD DE, BKUR STI THOB PA'I CHED DU KHA GSAG BYED PA DANG, CHAGS PAS GLU LEN PA DANG ZLOS GAR DANG BZHAD GAD BYED PA GSUM BZHIN DANG, PHYI'I BSTAN BCOS NGAN PA 'DON PA BZHIN YIN PA'I PHYIR, GSUM PA LA, BRNAB SEMS GNOD SEMS LOG LTA GSUM LAS, DANG PO NI, BRNAB SEMS NI, ,LOG PAS GZHAN GYI NOR LA CHAGS, ,ZHES BYUNG, BRNAB SEMS KYI LAS LAM CHOS CAN, NGO BO YOD DE, LOG PAS GZHAN GYI NOR LA CHAGS PA'I LAS LAM DE DE YIN PA'I PHYIR, GNYIS PA NI, GNOD SEMS SEMS CAN LA SDANG BA, ,ZHES BYUNG, GNOD SEMS KYI LAS LAM CHOS CAN, NGO BO YOD DE, ZHE SDANG BAS SEMS CAN GZHAN LA GNOD @127A *, ,PAR BSAM PA'I LAS LAM DE DE YIN PA'I PHYIR, GSUM PA LA, DNGOS DANG, ZHAR BYUNG GNYIS, DANG PO NI, DGE DANG MI DGE MED LTA BA, ,LOG PAR LTA BA YIN ZHES BYUNG, LOG PAR LTA BA'I LAS LAM CHOS CAN, NGO BO YOD DE, DGE BA DANG MI DGE BA MED PAR LTA BAS MTSON PA'I CHOS CI RIGS LA SKUR PA 'DEBS PA'I SHES RAB NYON MONGS CAN DE DE YIN PA'I PHYIR, 'DI LA DBYE NA RNAM GRANGS MANG STE, 'PHAGS PA'I GANG ZAG LTA BU DANG, SA LAM DANG, 'JIG RTEN PHA ROL LA SKUR PA 'DEBS PA DANG, SNOD BCUD DBANG PHYUG DANG TSANGS PA SOGS KYIS BYAS PAR LTA BA SOGS YOD PA'I PHYIR, GNYIS PA LA GNYIS KYI DANG PO NI, 'DI LA, ,GSUM LAM BDUN NI LAS KYANG YIN, ,ZHES BYUNG, BRNAB SEMS SOGS YID KYI GSUM CHOS CAN, LAS KYI LAM YIN TE, RANG DANG MTSUNGS LDAN GYI SEMS PA YUL LA G-YO BAR BYED PA'I BYED LAS CAN YIN PA'I PHYIR TE, KHYOD KYI DBANG GIS SEMS PAS DE LTAR 'DU BYED PA'I PHYIR, LUS NGAG GI LAS BDUN NI CHOS CAN, LAS LAM DU MA ZAD LAS KYANG YIN TE, KHYOD KUN NAS SLONG BA'I SEMS PA NI KHYOD LA BRTEN NAS 'JUG PAS NA LAS KYI LAM YIN LA, NGO BO'I SGO NAS LAS KYANG YIN PA'I PHYIR, LUS NGAG GI LAS LAM BDUN LA DNGOS GZHIS KHYAB STE, DE DAG GI SBYOR BA BDUN NI LAS LAM GYI CHED DU 'JUG PA YIN PAS LAS LAM MA TSANG, MJUG BDUN NI LAS LAM LAS 'DAS PA'I PHYIR, GNYIS PA LA, GCOD TSUL DANG, 'TSAMS SBYAR TSUL GNYIS, DANG PO NI, MED PAR LTA BAS RTZA BA GCOD, ,'DOD GTOGS SKYES NAS THOB PA RNAMS, ,RGYU DANG 'BRAS LA SKUR 'DEBS PAS, ,KUN GYIS RIM GYIS MI NANG DU, ,SKYES PA BUD MED KYIS GCOD DO, ,LTA SPYOD DE NI MI LDAN PA'O, ,ZHES BYUNG, SHES BYA @127B CHOS CAN, MI DGE BA GANG GIS DGE BA'I RTZA BA GCOD PA YOD DE, RGYU DANG 'BRAS BU SOGS LA MED CES SKUR PA 'DEBS PA'I LOG LTAS GCOD PAR BYED PA'I PHYIR, GANG GCOD PA YOD DE, 'DOD GTOGS KYI DGE RTZA SKYES NAS THOB PA RNAMS GCOD KYI, GONG MA'I DGE RTZA MI GCOD PA'I PHYIR, DE YANG ZAG MED LA DMIGS PAS MI GCOD PA MIN TE, ZAG BCAS ZAG MED KUN LA DMIGS KYANG GCOD PA'I PHYIR, DES NA KUN GYIS DON LOG LTA KUN GYIS ZHES MI SBYOR RO, ,GCOD TSUL NI CIG CAR DU MIN TE, CHUNG 'BRING CHEN PO RNAMS RIMS KYIS GCOD PA'I PHYIR, 'GRO BA GZHAN DU MA YIN PAR MI'I NANG DU SKYES PA DANG BUD MED KYIS GCOD PAR BYED KYI, ZA MA DANG MA NING SOGS KYIS MI GCOD DE, DE RNAMS BSAM PA MI BRTAN PA'I PHYIR, DE YANG LTA BA SPYAD PAS GCOD KYI, SRID PA SPYAD PAS MI GCOD DE, DE BSAM PA G-YO BA'I PHYIR, DGE RTZA BCAD PA DAG NI CHOS CAN, DGE RTZA DE DANG MI LDAN PA ZHES BYA STE, DE DANG BRAL BA'I PHYIR, GNYIS PA NI, 'TSAMS NI THE TSOM YOD LTA BAS, , 'TSAMS MED BYED PA'I 'DI LA MIN, ,ZHES BYUNG, DGE RTZA CHAD PA CHOS CAN, KHYOD SLAR 'TSAMS SBYOR BA'I DUS YOD DE, RGYU 'BRAS LA YOD DAM SNYAM PA'I THE TSOM DANG, YOD PAR NGES PA'I LTA BA GANG RUNG GIS 'TSAMS SBYOR BA'I PHYIR, 'TSAMS MED BYED PA'I DGE RTZA CHOS CAN, TSE 'DI LA 'TSAMS SBYOR BA MIN YANG SBYOR BA'I DUS YOD DE, TSE 'PHOS NAS 'TSAMS SBYOR BAR 'GYUR BA'I PHYIR, GNYIS PA SEMS PA GANG LAS LAM DU DANG LHAN CIG 'BYUNG DPYAD PA LA, MI DGE BA DANG DGE BA'I DBANG DU BYAS PA GNYIS, DANG PO NI, MI DGE BRGYAD KYI BAR DAG DANG, ,SEMS PA CIG CAR LHAN CIG 'BYUNG, ,ZHES BYUNG, SEMS PA CHOS CAN, MI DGE BA DU DANG LHAN CIG 'BYUNG BA YOD DE, SROG GCOD PA SOGS MI DGE BA GCIG NAS BRGYAD @128A *, ,KYI BAR DAG DANG LHAN CIG CIG CAR 'BYUNG BA YOD PA'I PHYIR, DER THAL, LUS NGAG GI BDUN DANG YID KYI GSUM GANG RUNG DANG LHAN CIG 'BYUNG BA YOD PA'I PHYIR, GNYIS PA NI, DGE BA BCU YI BAR DAG DANG, ,GCIG DANG BRGYAD DANG LNGA DANG MIN, ,CES BYUNG, SEMS PA CHOS CAN, DGE BA DU DANG LHAN CIG 'BYUNG BA YOD DE, GCIG NAS BCU YI BAR DAG DANG LHAN CIG 'BYUNG BA'I PHYIR, DER THAL, SROG GCOD SPONG BA SOGS BCU DANG LHAN CIG 'BYUNG BA YOD PA'I PHYIR, DMIGS BSAL YOD DE, SDOM PA'I DBANG DU BYAS NAS DGE BA'I LAS LAM GCIG KHO NA DANG, LNGA KHO NA DANG, BRGYAD KHO NA DANG LHAN CIG 'BYUNG BA MED PA'I PHYIR, DER THAL, SNA GCIG KHO NA'I SDOM PA GZUGS CAN MED PA'I PHYIR DANG, SPONG BA GSUM DANG LNGA TZAM GYI SDOM PA MED PA'I PHYIR, GSUM PA 'GRO BA GANG NA LAS LAM DU YOD DPYAD PA LA, MI DGE BA DANG DGE BA GNYIS, DANG PO NI, DMYAL BA NA NI KYAL PA DANG, ,TSIG RTZUB GNOD SEMS RNAM GNYIS SO, ,BRNAB SEMS LOG LTA LDAN PAS SO, ,SGRA MI SNYAN NA GSUM YOD DE, ,DE NA BDUN PA DNGOS SU YANG, ,'DOD PA GZHAN NA MI DGE BCU, ,ZHES BYUNG, DMYAL BA CHOS CAN, KHYOD NA MI DGE BA GSUM YOD DE, TSIG KYAL PA DANG TSIG RTZUB DANG GNOD SEMS GSUM MNGON GYUR DANG LDAN PA RNAM PA GNYIS KA'I SGO NAS YOD PA'I PHYIR, DE NA MI DGE GZHAN GNYIS KYANG YOD DE, BRNAB SEMS DANG LOG LTA LDAN PA'I SGO NAS YOD PA'I PHYIR, SGRA MI SNYAN NA GSUM YOD DE, BRNAB SEMS GNOD SEMS LOG LTA GSUM SA BON LDAN PA'I SGO NAS YOD LA, DE NA BDUN PA NGAG KYAL MNGON GYUR DU DNGOS SU YANG YOD PA'I PHYIR, SNGAR BSHAD PA DE GNYIS NA GZHAN PHYOGS MTHUN @128B LTA BU LAS YONGS SU RDZOGS PA MED DE, DE DAG GI MTSAN NYID TSANG BA MED PA'I PHYIR, DE GNYIS LAS GZHAN PA'I 'DOD PA NA MI DGE BCU MNGON GYUR DU YOD DE, GLING GSUM GYI MI DANG YI {DVAGS} DANG DUD 'GRO DANG LHA MIN LA DE LTAR YOD CING, LHA LA'ANG CI RIGS YOD PA'I PHYIR, GNYIS PA NI, DGE BA GSUM NI THAMS CAD NA, ,RNYED DANG MNGON DU GYUR SGO NAS, ,GZUGS MED 'DU SHES MED SEMS CAN, ,RNYED PAS BDUN YOD LHAG BYAS NA, ,MNGON DU GYUR PA'I SGO NAS KYANG, , DMYAL BCAS SGRA MI SNYAN MA GTOGS, ,ZHES BYUNG, YID KYI DGE BA GSUM NI CHOS CAN, KHAMS GSUM DANG 'GRO BA LNGA THAMS CAD NA YOD DE, DE DAG NA RNYED PA DANG MNGON DU GYUR BA CI RIGS KYI SGO NAS YOD, GZUGS MED DANG 'DU SHES MED PA'I SEMS CAN LA RNYED PA STE LDAN PA'I SGO NAS YOD, DE DAG GI LHAG MAR BYAS PA'I KHAMS DANG, 'GRO BA DAG NA LUS NGAG GI BDUN MNGON DU GYUR PA'I SGO NAS YOD PA'I PHYIR, 'DI LTAR YIN GYI, BDUN PO SNGA MA DANG MI SBYOR RO, ,YI {DVAGS} DANG DUD 'GRO LA YID KYI GSUM YOD KYANG SDOM PAS BSDUS PA'I DE GSUM MED PAR SHES DGOS TE, DE DAG NA SDOM PA MED PA'I PHYIR, DMYAL BA DANG BCAS PA'I SGRA MI SNYAN PA NI MA GTOGS TE, DMIGS KYIS BSAL NAS MNGON GYUR DU MED PAR BSHAD PA'I PHYIR RO, ,BZHI PA LAS KYI 'BRAS BU ZHAR BYUNG DANG BCAS PA LA, 'BRAS BU DANG ZHAR BYUNG GNYIS, DANG PO NI, THAMS CAD BDAG PO RGYU MTHUN DANG, ,RNAM SMIN 'BRAS BU 'BYIN PAR 'DOD, ,SDUG BSNGAL PHYIR DANG BSAD PHYIR DANG, ,GZI BYIN MED PHYIR 'BRAS RNAM GSUM, ,ZHES BYUNG, DGE MI DGE'I LAS LAM THAMS CAD CHOS CAN, SBYOR DNGOS MJUG GSUM GYIS 'BRAS BU SO SOR 'BYIN PAR 'DOD DE, SBYOR BAS RNAM SMIN GYI 'BRAS BU DANG, DNGOS GZHIS RGYU MTHUN GYI 'BRAS BU @129A *, ,DANG, MJUG GIS BDAG PO'I 'BRAS BU 'BYIN PA'I PHYIR, DER THAL, SROG GCOD KYIS MTSON NA SBYOR BA'I TSE GZHAN SDUG BSNGAL BAR BYAS PAS RNAM SMIN SDUG BSNGAL BA'I LUS 'GRUB, DNGOS GZHI'I TSE BSAD PAS RGYU MTHUN TSE THUNG, MJUG TU GSAD BYA DE GZI BYIN MED PAR BYAS PA'I PHYIR BDAG 'BRAS SA PHYOGS DANG SMAN GZI MTHU CHUNG BA'I PHYIR, DE BZHIN DU MI DGE BA GZHAN DANG DE LAS BZLOG PA'I DGE BA'I 'BRAS BU LA'ANG CI RIGS SBYOR TE, 'DI NI MTSON PA TZAM YIN PA'I PHYIR, GNYIS PA NI, LUS DANG NGAG DANG CHAGS LAS SKYES, ,LOG 'TSO SBYANGS DKA'I PHYIR LOGS SHIG ,BSTAN TO GAL TE YO BYAD LA, ,CHAGS BSLANG MDO DANG 'GAL PHYIR MIN, ,ZHES BYUNG, LOG 'TSO CHOS CAN, KHYOD KYI NGO BO YOD DE, LUS DANG NGAG GI LAS LOG PAR CHAGS PA LAS SKYES PA ZHIG DE YIN PA'I PHYIR, LOG 'TSO CHOS CAN, KHYOD LOGS SHIG TU BKAR NAS BSTAN PA'I RGYU MTSAN YOD DE, SO SKYES SBYANGS DKA' BA'I RGYU MTSAN GYIS YIN PA'I PHYIR, GAL TE KHA CIG YO BYAD LA CHAGS PAS KUN NAS BSLANGS PA'I LUS NGAG KHO NA LA LOG 'TSOR 'JOG GO SNYAM NA, 'THAD PA MIN TE, DE NI TSUL KHRIMS KYI PHUNG PO'I MDOR GSUNGS PA DANG 'GAL BA'I PHYIR, DER THAL, MDO DER GLANG CHEN 'THAB PA DANG STOBS 'GYED PA SOGS 'JIG RTEN GYI G-YENG BA LA LTAD MO LTA BA YANG LOG 'TSOR BSHAD PA'I PHYIR, GSUM PA LAS GANG GIS 'BRAS BU GANG 'GRUB TSUL LA, MDOR BSTAN PA DANG RGYAS PAR BSHAD PA GNYIS, DANG PO NI, DRIR BCAS SPONG BA'I LAM DAG GI, LAS NI LNGA YI 'BRAS BUR BCAS, ,DRI MED BZHI YIS ZAG BCAS GZHAN, ,DGE DANG MI DGE GANG YIN PA'ANG, ,ZAG PA MED PA LHAG MA DANG, ,LUNG BSTAN MIN GANG GSUM GYIS SO, ,ZHES BYUNG, DRIR BCAS TE ZAG BCAS NYON MONGS SPONG BA 'JIG RTEN PA'I SGOM LAM DAG GI SEMS PA'I BZHI CHOS CAN, LNGA YI 'BRAS BUR BCAS PA YIN TE, RNAM SMIN GYI 'BRAS BU YID 'ONG, @129B RGYU MTHUN GYI 'BRAS BU RIGS 'DRA PHYI MA DANG, SKYES BU BYED 'BRAS RNAM GROL LAM DANG, 'OG MA'I NYON MONGS SPANGS PA'I BRAL 'BRAS DANG, BDAG 'BRAS LAS GZHAN PA'I 'DUS BYAS SNGAR MA BYUNG BA 'GRUB PA DANG BCAS PA'I PHYIR, DRI MED SPONG LAM ZAG MED BAR CHAD MED LAM CHOS CAN, 'BRAS BU BZHI DANG LDAN TE, RNAM SMIN MA GTOGS PA'I 'BRAS BU BZHI DANG BCAS PA'I PHYIR, SPONG LAM LAS GZHAN PA'I DGE BA ZAG BCAS DANG MI DGE BA'I LAS GANG YIN PA'ANG CHOS CAN, 'BRAS BU BZHI DANG LDAN TE, BRAL 'BRAS MA GTOGS BZHI DANG LDAN PA'I PHYIR, DE LAS GZHAN PA'I ZAG PA MED PA LHAG MA DANG LUNG BSTAN MIN PA'I LAS GANG CHOS CAN, 'BRAS BU GSUM DANG BCAS TE, RNAM SMIN DANG BRAL 'BRAS MA GTOGS PA GSUM DANG BCAS PA'I PHYIR, GNYIS PA RGYAS PAR BSHAD PA LA, DGE SOGS GSUM DU BSHAD PA, DUS GSUM DU BSHAD PA, KHAMS GSUM DU BSHAD PA, SLOB SOGS GSUM DU BSHAD PA, MTHONG SPANG SOGS GSUM DU 'BRAS BU DU DANG BCAS PA DANG LNGA, DANG PO NI, DGE BA'I DGE LA SOGS PA NI, ,BZHI DANG GNYIS DANG DE BZHIN GSUM, ,MI DGE'I DAG SOGS GNYIS DANG NI, GSUM DANG BZHI STO RIM PA BZHIN, ,LUNG MA BSTAN GYI DGE LA SOGS, ,DE DAG GNYIS DANG GSUM DANG ? GSUM, ,ZHES BYUNG, DGE BA'I LAS CHOS CAN, 'BRAS BU DGE BA LA BZHI YOD DE, RNAM SMIN GYI 'BRAS BU MA GTOGS PA GZHAN BZHI 'BYUNG BA'I PHYIR, DGE BA ? LA SOGS PAS NI DE'I MI DGE BA LA GNYIS YOD DE, SKYES BU BYED 'BRAS DANG BDAG 'BRAS GNYIS YOD PA'I PHYIR, DE'I LUNG MA BSTAN LA GSUM YOD DE, DE BZHIN DU RGYU MTHUN DANG BRAL 'BRAS MA GTOGS PA GSUM YOD PA'I PHYIR, MI DGE BA CHOS CAN, KHYOD KYI 'BRAS BU DGE SOGS GSUM LAS CI TZAM 'BYUNG BA YOD DE, KHYOD KYI 'BRAS BU DGE BA LA SKYES BDAG GNYIS DANG, MI DGE BA LA RGYU BDAG SKYES GSUM DANG, LUNG MA @130A *, ,BSTAN LA BRAL 'BRAS MA GTOGS PA BZHI STE RIM PA BZHIN DU YOD PA'I PHYIR TE, RGYU MTHUN SKYES BDAG RNAM SMIN BZHI YOD PA'I PHYIR, LUNG MA BSTAN CHOS CAN, KHYOD KYI 'BRAS BU DGE SOGS DE DAG GSUM LAS CI TZAM 'BYUNG BA YOD DE, KHYOD KYI 'BRAS BU DGE BA LA SKYES BDAG GNYIS DANG, MI DGE BA LA RGYU BDAG SKYES GSUM DANG, LUNG MA BSTAN LA RGYU MTHUN BYED 'BRAS RNAM SMIN GSUM YOD PA'I PHYIR, GNYIS PA LA, 'DAS DA LTAR MA 'ONGS PA GSUM LAS, DANG PO NI, 'DAS PA'I THAMS CAD BZHI YIN NO, ,BAR MA YI NI MA 'ONGS PA'ANG, ,BAR MA GNYIS SO MA SKYES PA'I, ,'BRAS BU MA 'ONGS GSUM YIN NO, ,ZHES BYUNG, 'DAS PA'I LAS CHOS CAN, KHYOD KYI 'BRAS BU DUS GSUM THAMS CAD DANG LDAN ZHIN DE RNAMS NI 'BRAS BU BZHI DANG BCAS PA YIN TE, BRAL 'BRAS MA GTOGS PA BZHI YOD PA'I PHYIR, GNYIS PA BAR MA DA LTAR BA YI LAS NI CHOS CAN, KHYOD KYI 'BRAS BU MA 'ONGS PA YIS KYANG BZHI YOD DE, BRAL 'BRAS MA GTOGS PA BZHI YOD PA'I PHYIR, BAR MA DA LTAR BA'I LAS CHOS CAN, 'BRAS BU DA LTAR BA GNYIS YOD DE, SKYES BDAG GI 'BRAS BU GNYIS YOD PA'I PHYIR, MA SKYES PA STE MA 'ONGS PA'I LAS CHOS CAN, KHYOD 'BRAS BU GSUM DANG LDAN TE, RGYU MTHUN DANG BRAL 'BRAS MA GTOGS GSUM DANG LDAN PA YIN PA'I PHYIR, GSUM PA NI, RANG GI SA ? PA'I BZHI YIN NO, ,GZHAN GYI SA PA'I GSUM DANG GNYIS, ,ZHES BYUNG, KHAMS GSUM GYI LAS CHOS CAN, RANG GI SA PA'I 'BRAS BU 'GRUB PA LA BZHI YOD DE, BRAL 'BRAS MIN PA BZHI YOD PA'I PHYIR, DE CHOS CAN, KHYOD KYIS GZHAN GYI SA PA'I LAS 'GRUB PA LA GSUM MAM, GNYIS 'BYUNG BA YOD DE, ZAG MED ZHIG GRUB NA RNAM SMIN DANG BRAL 'BRAS MA GTOGS PA GSUM DANG, ZAG BCAS GRUB NA SKYES BDAG GNYIS @130B 'BYUNG BA'I PHYIR, BZHI PA LA, SLOB PA DANG, MI SLOB PA DANG, GNYIS KA MIN PA GSUM, DANG PO NI, SLOB PA'I SLOB LA SOGS PA GSUM, ,MI SLOB LAS KYI 'BRAS BU NI, ,SLOB PA YI NI CHOS LA SOGS, ,GCIG DANG GSUM DANG GNYIS YIN NO, ,DE LAS GZHAN PA'I 'BRAS BU NI, ,SLOB SOGS GNYIS DANG GNYIS DANG LNGA, ,ZHES BYUNG, SLOB PA'I LAS CHOS CAN, KHYOD KYIS 'BRAS BU SLOB PA LA SOGS GSUM LAS GANG SKYES PA'I KHYAD PAR YOD DE, 'BRAS BU SLOB PA 'GRUB NA RGYU SKYES BDAG GSUM DANG, SOGS PAS MI SLOB PA 'GRUB NA YANG 'BRAS BU DE GSUM DANG, SLOB MI SLOB GNYIS KA MIN PA 'GRUB NA SKYES BDAG BRAL 'BRAS GSUM 'BYUNG BA'I PHYIR, GNYIS PA MI SLOB PA'I LAS CHOS CAN, 'BRAS BU SLOB SOGS GSUM LA CI TZAM SKYES PA YOD DE, SLOB PA'I CHOS SKYES NA BDAG 'BRAS GCIG PU DANG, SOGS PAS MI SLOB PA SKYES NA RGYU BDAG SKYES GSUM DANG, SLOB MI SLOB GNYIS KA MIN PA SKYES NA SKYES BDAG GNYIS 'BYUNG BA YIN PA'I PHYIR, GSUM PA SLOB MI SLOB DE LAS GZHAN PA'I GNYIS KA MIN PA'I LAS CHOS CAN, 'BRAS BU GSUM PO DE LAS CI TZAM SKYED PA YOD DE, KHYOD KYIS SLOB PA LA SKYES BDAG GNYIS DANG SOGS KYIS MI SLOB PA LA'ANG DE GNYIS DANG, GNYIS KA MIN PA LA 'BRAS BU LNGA 'BYUNG BA'I PHYIR, LNGA PA NI, MTHONG BAS SPANG BYA'I DE LA SOGS, GSUM DANG BZHI DANG GCIG YIN NO, ,SGOM PAS SPANG BAR BYA LAS KYI, DE DAG GNYIS DANG BZHI DANG GSUM, ,SPANG BYA MIN PA'I DE DAG GCIG ,GNYIS DANG BZHI STE GO RIM BZHIN, ,ZHES BYUNG, 'DI LA GSUM GYI DANG PO NI, MTHONG BAS SPANG BAR BYA BA'I LAS CHOS CAN, KHYOD KYI 'BRAS BU DE GSUM LAS GANG 'BYUNG BA YOD DE, MTHONG SPANG LA RGYU SKYES BDAG GSUM DANG, SOGS KYIS SGOM SPANG LA BRAL 'BRAS MIN PA'I BZHI DANG, SPANG BYA MIN PA LA BDAG 'BRAS GCIG PU KHO NA 'BYUNG BA'I PHYIR, @131A *, ,SGOM PAS SPANG BAR BYA BA'I LAS CHOS CAN, KHYOD KYI 'BRAS BU DE DAG GSUM LAS GANG 'BYUNG BA YOD DE, 'BRAS BU MTHONG SPANG LA SKYES BDAG GNYIS DANG, SGOM SPANG LA BRAL 'BRAS MIN PA'I BZHI DANG, SPANG BYA MIN PA LA SKYES BDAG BRAL 'BRAS GSUM YOD PA'I PHYIR, SPANG BYA MIN PA'I LAS CHOS CAN, KHYOD KYIS GSUM PO DE DAG LAS GANG SKYED PA YOD DE, 'BRAS BU GO RIM BZHIN DU MTHONG SPANG LA BDAG 'BRAS GCIG PU DANG, SGOM SPANG LA SKYES BDAG GNYIS DANG, SPANG BYA MIN PA RNAM SMIN MIN PA'I BZHI DANG LDAN PA'I PHYIR RO, ,BZHI PA LAS KYI RNAM GRANGS GZHAN NI, RIGS MIN BSKYED PA NYON MONGS CAN, ,KHA CIG CHO GA NYAMS ZHE'O, ,GCIG GIS SKYE BA GCIG 'PHEN NO, ,YONGS SU RDZOGS BYED DU MA YIN, ,SEMS MED SNYOMS PAR 'JUG PA DAG ,'PHEN BYED MA YIN THOB PA'ANG MIN, ,ZHES BYUNG, RIGS MI RIGS GNYIS KA MIN PA'I LAS GSUM LAS RIGS PA MA YIN PA'I LAS CHOS CAN, YOD DE, NYON MONGS CAN GYIS BSKYED PA'I LAS RNAMS DE YIN PA'I PHYIR, KHA CIG NA RE, DE YOD DE, SNGA MA'I STENG DU 'GRO 'DUG ZAS SOGS LA CHO GA LTAR MA BYAS PA'I LAS DE DE YIN PA'I PHYIR, DER THAL, DE CHO GA NYAMS PA'I LAS MI RIGS PA YIN PA'I PHYIR ZHE'O, ,GONG DU BSHAD PA'I LAS GCIG GIS SKYE BA GCIG DANG DU MA GANG ZHE NA, BYE SMRA'I GRUB MTHA' 'DIR LAS GCIG KHO NAS SKYE BA GCIG 'PHEN GYI, DU MA MI 'PHEN LA, DU MAS KYANG GCIG TZAM LAS 'PHEN PAR MI 'DOD DE, DE LA RIGS PAS GNOD PA'I PHYIR ZER TE RIGS PA NI GANGS SPEL LAS SO, ,'O NA MDO LAS GCIG GIS SKYE BA DU MA 'PHEN PAR BSHAD PA DE JI LTAR ZHE NA, KHO NA RE, SKYON MED DE, LAS GZHAN GYI SA BON GSO BA DANG, DE LA BRTEN NAS SKYE BA RGYUN CHAGS SU 'BYUNG BA LTA BU LA DGONGS PA'I PHYIR ZER, 'PHEN BYED GCIG YIN YANG @131B YONGS SU RDZOGS BYED DU MA YOD PA YIN TE, DPER NA, RI MO MKHAN GCIG GIS BRIS PA LA TSON SNA TSOGS KYIS RDZOGS PAR BYED PA LTAR, 'PHEN BYED GCIG GI 'BRAS BU DBANG PO TSANG MA TSANG SOGS SNA TSOGS 'BYUNG BA YOD PA'I PHYIR, SEMS MED 'GOG PA DANG 'DU SHES MED PA'I SNYOMS PAR 'JUG PA DAG CHOS CAN, RNAM SMIN DANG BCAS KYANG RIS MTHUN 'PHEN BYED MA YIN TE, LAS DANG LHAN CIG MI 'BYUNG BA'I PHYIR, DER MA ZAD LHAN CIG TU BYUNG BA'I THOB PA'ANG 'PHEN BYED MIN TE, LAS DANG LHAN CIG KYANG SEMS MED PAS STOBS TSUNG BA'I PHYIR DANG 'BRAS BU MI GCIG PA'I PHYIR RO, ,GNYIS PA SO SOR BSHAD PA LA, SPANG BYA SGRIB PA GSUM, BSTEN BYA BSOD NAMS GSUM, CHA MTHUN DGE BA GSUM BSHAD PA DANG GSUM, DANG PO LA, SPYIR BSTAN PA DANG, 'GRO BA GANG NA SGRIB PA DU YOD DANG, LAS SGRIB BYE BRAG TU BSHAD PA GSUM, DANG PO NI, MTSAMS MED PA YI LAS RNAMS DANG, ,NYON MONGS SHAS CHEN NGAN 'GRO DANG, ,'DU SHES MED PA'I SEMS CAN DANG, ,SGRA MI SNYAN SGRIB GSUM DU 'DOD, ,CES BYUNG, SGRIB PA CHOS CAN, KHYOD LA RNAM GRANGS KYIS DBYE NA GSUM DU 'DOD DE, LAS KYI SGRIB PA, NYON MONGS PA'I SGRIB PA, RNAM SMIN GYI SGRIB PA DANG GSUM YOD PA'I PHYIR, DER THAL, MTSAMS MED PA YI LAS RNAMS DANG PO DANG, NYON MONGS SHAS CHEN PO'I SGRIB PA RNAMS GNYIS PA DANG, NGAN 'GRO BA RNAMS DANG 'DU SHES MED PA'I SEMS CAN DANG SGRA MI SNYAN PA RNAMS GSUM PAS BSDUS PA YIN PA'I PHYIR, DE DAG GIS GANG LA SGRIB TSUL YOD DE, SDOM PA DANG LAM KHYAD PAR CAN CI RIGS SKYE BA LA SGRIB PAR BYED PA'I PHYIR, DE GSUM GYI CHE CHUNG YOD DE, NYON MONGS DANG LAS DANG RNAM SMIN GSUM SNGA MA SNGA MA CHE BA'I PHYIR, 'ON KYANG MTHA' GCIG TU MA NGES TE, MTSAMS MED LAS STOBS CHUNG BA'I NYON MONGS DU MA YOD PA'I PHYIR, GNYIS PA NI, MTSAMS MED GLING GSUM @132A *, ,DAG NA YOD, ,ZA MA SOGS LA MI 'DOD DO, ,PHAN DANG NGO TSA CHUNG BA'I PHYIR, ,LHAG MA 'GRO BA LNGA DAG NA, ,ZHES BYUNG, MTSAMS MED LNGA CHOS CAN, GANG DU YOD MED KYI KHYAD PAR YOD DE, SGRA MI SNYAN MIN PA'I GLING GSUM GYI MI DAG LA YOD KYI, ZA MA DANG SOGS KYIS MA NING LTA BU LA YOD PAR MI 'DOD PA'I PHYIR, DER THAL, DE PHAN SEMS CHUNG ZHING RGYUD NGO TSA KHREL YOD SHAS CHUNG BA'I PHYIR, MTSAMS MED KYI LHAG MA NYON MONGS DANG RNAM SMIN GYI SGRIB PA CHOS CAN, GANG NA YOD PA NI PHYOGS RE BA MIN TE, 'GRO BA LNGA PO THAMS CAD DAG NA YOD PA'I PHYIR, GSUM PA LA, MTSAMS MED DNGOS DANG, NYE BA'I MTSAMS MED ZHAR BYUNG DANG BCAS PA GNYIS, DANG PO LA, DGE 'DUN GYI DBYEN DANG, DE DAG MTSAMS MED YIN PA'I RGYU MTSAN, DE LA GZHAN GYI DOGS PA SPANG BA, DGE MI DGE'I 'BRAS BU TSE TSAD BSTAN PA DANG BZHI, DANG PO LA, DGE 'DUN GYI DBYEN DNGOS DANG, 'KHOR LO'I DBYEN GYI MTSAMS MED NGOS BZUNG BA DANG, DE'I KHYAD CHOS BSHAD PA GSUM, DANG PO NI, DGE 'DUN DBYEN NI MI 'PHROD PA'I, ,RANG BZHIN LDAN PA MA YIN CHOS, ,NYON MONGS CAN MIN LUNG BSTAN MIN, ,DE DANG DGE 'DUN YANG DAG LDAN, ,ZHES BYUNG, DGE 'DUN GYI DBYEN CHOS CAN, 'JOG TSUL YOD DE, DGE 'DUN GYI SDE GNYIS PHAN TSUN MI 'PHROD PAR BYED PA'I RANG BZHIN LDAN PA MIN PA'I CHOS DE DE YIN PA'I PHYIR, DE CHOS CAN, NYON MONGS CAN MIN TE, NYON MONGS SPANGS PA'I GANG ZAG GI RGYUD LA YOD PA'I PHYIR, MI DGE BA'ANG MIN TE, LUNG DU BSTAN PA MIN PA'I CHOS YIN PA'I PHYIR, DGE BA MIN PA NI SHES SLA'O, ,DE CHOS CAN, GANG LA LDAN PA YOD DE, DGE 'DUN DE DANG DE PHYE BA'I DGE 'DUN PHAN TSUN GNYIS DANG YANG DAG LDAN GYI, 'BYED PA PO LA MI @132B LDAN PA'I PHYIR, GNYIS PA NI, DE YI KHA NA MA THO RDZUN, ,DE DANG 'BYED PO YANG DAG LDAN, ,ZHES BYUNG, DGE 'DUN 'KHOR LO'I DBYEN GYI MTSAMS MED KYI LAS CHOS CAN, 'JOG TSUL YOD DE, DGE 'DUN SDE GNYIS PHAN TSUN 'BYED PAR BYED PA DE YI KHA NA MA THO BA'I RDZUN CHEN PO'I MTSAMS MED DE YIN PA'I PHYIR, DE CHOS CAN, GANG LA LDAN PA YOD DE, DE DANG 'BYED PA PO LHAS BYIN LTA BU LA YANG DAG PAR LDAN PA'I PHYIR, DGE 'DUN GYI DBYEN YIN NA LUNG MA BSTAN YIN PAS MA KHYAB STE, DE'I MTSAMS MED KYI LAS RNAMS LUNG MA BSTAN MA YIN PA'I PHYIR, DER THAL, DE RNAMS MI DGE BA CHEN PO YIN PA'I PHYIR, GSUM PA DE'I KHYAD CHOS LA, 'BRAS BU'I KHYAD PAR DANG, GANG ZAG GI DANG, TSUL JI LTAR DANG, GNAS KYI KHYAD PAR DANG, DUS NAM GYI TSE BYED PA LNGA, DANG PO NI, BSKAL PAR MNAR MED PAR SMIN 'GYUR, ,LHAG PAS GNOD PA LHAG PAR 'GYUR, ,ZHES BYUNG, 'KHOR LO'I MTSAMS MED CHOS CAN, KHYOD KYIS BYAS PA'I RNAM SMIN GYI 'BRAS BU YOD DE, BYED PA PO BAR GYI BSKAL PAR MNAR MED PA'I DMYAL BAR RNAM SMIN YID DU MI 'ONG BA MYONG BAR 'GYUR BA'I PHYIR, MTSAMS MED GCIG DANG MANG PO BYAS PA LA KHYAD PAR YOD DE, GCIG LAS LHAG BYAS PA DE'I LUS JE CHER SKYES NAS MTSAMS MED KYI GRANGS BZHIN DU, SDUG BSNGAL GYI GNOD PA YANG GNYIS SOGS CHES LHAG PAR MYONG BAR 'GYUR BA'I PHYIR, GNYIS PA NI, DGE SLONG LTA SPYOD TSUL LDAN PAS, ,'BYED DO ZHES BYUNG, DBYEN DE CHOS CAN, KHYOD BYED PA PO'I GANG ZAG YOD DE, DGE SLONG YIN PA, LTA BA GTZO BOR SPYOD PA, TSUL KHRIMS DANG LDAN PAS 'BYED KYI, DE LAS GZHAN PAS MI NUS PA'I PHYIR, GSUM PA NI, GZHAN DU'O BYIS PA RNAMS, ,STON DANG LAM GZHAN LA BZOD PA, ,PHYED PA'O DE NI MI GNAS SO, ,DE NI 'KHOR LO'I DBYEN @133A *, ,DU 'DOD, ,CES BYUNG, SANGS RGYAS DNGOS SU BZHUGS PA'I GNAS DE LAS GZHAN DU BYIS PA STE SO SKYE RNAMS 'BYED DGOS TE, STON PA BZHUGS PAR GZI BRJID MI BZOD CING, 'PHAGS PA'I GANG ZAG 'BYED MI NUS PA'I PHYIR, BYE BA'I TSAD YOD DE, STON PA LAS GZHAN PA'I LHAS BYIN LA DAD PA DANG, STON PAS BCAS PA'I LAM LAS GZHAN BSLAB TSIG LNGA LA BZOD PA STE 'DOD CING DANG DU BLANGS PA NA BYE BA YIN PA'I PHYIR, BYE BA DE CHOS CAN, KHYOD KYI YUN TSAD YOD DE, ZHAG GCIG LAS LHAG MI GNAS PAR 'DUM PAR 'GYUR BA'I PHYIR, DBYEN DE NI CHOS CAN, 'KHOR LO'I DBYEN DU 'DOD PA YIN TE, MA 'DUM BAR DU LAM GSAR PA MI SKYE ZHING CHOS 'KHOR YANG BYE BAS NA DE LTAR DU BRJOD PA'I PHYIR, BZHI PA NI, 'DZAM BU GLING NA'O DGU SOGS KYIS, ,LAS KYI DBYEN NI GLING GSUM NA, ,DE NI BRGYAD DAG YAN CHAD KYIS, ,ZHES BYUNG, 'KHOR LO'I DBYEN DE CHOS CAN, 'DZAM GLING KHO NA NA YOD KYI GZHAN NA MED DE, 'GRAN ZLA SANGS RGYAS MED PA'I PHYIR, GRANGS NYUNG MTHA' YANG DGE SLONG DGU SOGS DGOS TE, DGE 'DUN SDE GNYIS LA DGE SLONG BRGYAD DANG 'BYED PA PO GCIG KYANG DGOS PA'I PHYIR, LAS KYI DBYEN DE NI CHOS CAN, GLING GSUM NA YOD DE, BSTAN PA GNAS SA KHO NAR YOD PA'I PHYIR, DE NI CHOS CAN, KHYOD LA DGE SLONG BZHI TSAN GNYIS TE BRGYANG DAG YAN CHAD KYIS CHO GA STE, 'BYED PA PO ZUR DU MI DGOS PA'I PHYIR, LNGA PA NI, DANG PO MTHA' SKYON ZUNG GCIG GI, ,SNGA ROL THUB PA NONGS PA PA DANG, ,MTSAMS MA BCAD PA DAG TU YANG, ,'KHOR LO'I DBYEN NI MI 'BYUNG NGO, ,ZHES BYUNG, 'KHOR LO'I DBYEN CHOS CAN, DUS DRUG TU MI 'BYUNG STE, STON PA DANG PO SANGS RGYAS MA THAG DANG, MTHA' STE PHYIS MYA NGAN LAS 'DA' KHA DANG, BAR DU'ANG @133B BSTAN PA LA SKYON MA BYUNG BA'I BAR DANG, NYAN THOS MCHOG ZUNG GCIG MA BYUNG BA'I SNGA ROL DANG, THUB PA NONGS PA STE MYA NGAN LAS 'DAS RJES DANG, 'TSAMS PO CHE MA BCAD PA'I NANG DAG TU YANG MI 'BYUNG BA'I PHYIR, RTAGS GZHAN RNAMS SLA ZHING, BZHI PA GRUB STE, DBYEN DE MCHOG ZUNG GCIG GIS 'DUM PAR BYED DGOS PA'I PHYIR, DRUG PA GRUB STE, MTSAMS NANG GCIG TU GNAS PA LA DE 'BYUNG BA'I PHYIR, GNYIS PA NI, PHAN 'DOGS PA DANG YON TAN ZHING, ,SPANGS DANG MED PAR BYAS PHYIR RO, ,ZHES BYUNG, PHA MA BSAD PA'I LAS DE CHOS CAN, 'TSAMS MED KYI LAS YIN TE, PHAN 'DOGS PA'I ZHING KHYAD PAR BA BSAM PAS SPANGS SHING SBYOR BAS MED PAR BYAS PA'I PHYIR, DGRA BCOM BSAD PA DANG DGE 'DUN GYI DBYEN DANG SANGS RGYAS LA NGAN SEMS KYIS KHRAG PHYUNG BA'I LAS GSUM CHOS CAN, 'TSAMS MED YIN TE, YON TAN GYI ZHING KHYAD PAR CAN SPANGS SHING MED PA DANG NYAMS PA SNGAR LTAR BYAS PA'I PHYIR, GSUM PA NI, MTSAN NI GZHAN DU GYUR KYANG 'GYUR, ,GANG GI ZLA MTSAN LAS BYUNG MA, ,SANGS RGYAS BRDEG PAR SEMS LA MIN, ,BSNUN 'OG DGRA BCOM LA MA YIN, ,'TSAMS MED SBYOR BA BYAS PA LA, ,'DOD CHAGS BRAL 'BRAS MI SRID DO, ,ZHES BYUNG, SHES BYA CHOS CAN, PHA MA MTSAN GYUR PA BSAD NA'ANG 'TSAMS MED DU 'GYUR TE, PHA BUD MED DANG MA SKYES PA LTA BU MTSAN GZHAN DU GYUR PA GNYIS LA YANG 'TSAMS MED 'BYUNG BA'I PHYIR, BUD MED KHA CIG RANG GI MNGAL GYI NUR NUR PO DE BUD MED GZHAN GYI MNGAL DU BLUGS NAS BTZAS PA'I BU DE'I MA DNGOS GNAS PA GANG ZHE NA, YOD DE, GANG GI ZLA MTSAN LAS BYUNG BA'I BUD MED DE DE'I MA DNGOS YIN PAS DE NYID BSAD NA 'TSAMS MED KYI LAS 'BYUNG BA'I PHYIR, 'ON KYANG DE NI SKYED BYED KYI MA'I DBANG DU MDZAD PA YIN TE, @134A *, ,SPYIR MA TZAM LA NI SKYED BYED DANG, GSO BYED KYI MA SOGS DU MAR BRJOD RIGS PA'I PHYIR, SANGS RGYAS LA BRDEG PAR SEMS PA TZAM LA NI 'TSAMS MED MI 'BYUNG STE, SANGS RGYAS BKRONG 'DOD MED NA DE MI 'BYUNG BA'I PHYIR, DGRA BCOM MA THOB GONG DU MTSON BNUN NAS DE'I 'OG TU DGRA BCOM THOB PA LA NI DGRA BCOM BKRONG BA'I 'TSAMS MED KYI LAS 'BYUNG BA MIN TE, GANG ZAG DES DGRA BCOM BKRONG BA'I SBYOR BA MA BYAS PA'I PHYIR, 'TSAMS MED KYI SBYOR BA BYAS PA DES BSAM PA DE MA LOG GI BAR LA KHAMS GSUM GYI 'DOD CHAGS DANG BRAL BA'I 'BRAS BU BZHI GANG RUNG THOB MI SRID DE, LAS SGRIB SHIN TU STOBS CHE BA LA DE MI SRID PA'I PHYIR, DGRA BCOM BSAD PA'I LAS YIN NA 'TSAMS MED KYI LAS YIN PAS MA KHYAB STE, RGYU MTSAN GONG DU BSHAD PA LTAR DANG, MA BSAMS PA DANG NOR NAS KYANG DGRA BCOM BSAD PA YOD PA'I PHYIR, DE BZHIN DU PHA MA BSAD PA'I LAS LA YANG 'TSAMS MED KYI LAS KYIS MA KHYAB STE, DE DAG GSOD 'DOD GTAN MED PAR STES DBANG GIS BSAD PA YOD PA'I PHYIR, DER THAL, BTZO LAG MKHAN GYI BUS SBRANG BU BSAD PAR 'DOD NAS PHA BSAD KYANG LAS LAM DNGOS GZHI MA BYUNG BA BZHIN NO, ,PHA YANG YIN DGRA BCOM PA YANG YIN PA'I GZHI MTHUN PA BSAD NA 'TSAMS MED GCIG BYAS PAR 'JOG STE, RTEN GCIG PA'I PHYIR, DES NA, SROG GCOD KYI LAS LAM GCIG KHO NA 'BYUNG GI , GNYIS 'BYUNG BA'I DON MED DE, GSAD BYA GCIG KHO NA YIN PA'I PHYIR, 'O NA, MTSAMS MED GNYIS KYI NANG NAS GANG DU 'JOG CE NA, MING GI RNAM GRANGS KYIS GNYIS KAR 'JOG RUNG YANG BYE SMRA LTAR NA GCIG TU 'JOG STE, DGRA BCOM BSAD PA'I MTSAMS MED KYI LAS SU 'DOD PA'I PHYIR, SKABS 'DIR GRUB MTHA'I KHYAD PAR GYIS CUNG ZAD MI @134B 'DRA BA RE YOD DO, ,BZHI PA DGE MI DGE'I 'BRAS BU CHE TSAD NGOS BZUNG BA NI, DGE 'DUN DBYEN PHYIR RDZUN SMRA BA, ,KHA NA MA THO RAB CHER 'DOD, ,'JIG RTEN PA YI DGE BA LA, ,SRID RTZE'I SEMS PA 'BRAS RAB CHE, ,ZHES BYUNG, 'TSAMS MED KYI NANG NAS DGE 'DUN GYI DBYEN BYED PA'I PHYIR DU RDZUN RLABS PO SMRA BA'I 'TSAMS MED KYI LAS DE CHOS CAN, KHYOD KHA NA MA THO BA RAB TU CHE BAR 'DOD DE, 'TSAMS MED GZHAN BZHI LAS KYANG CHE BA'I PHYIR, DER THAL, NGAN SEMS KYIS KHRAG PHYUNG BA DANG, DGRA BCOM BSAD PA DANG, MA DANG PHA BSAD PA SNGA MA SNGA MA CHE YANG THAMS CAD LAS KHYOD SDIG CHE BA'I PHYIR, 'JIG RTEN PA YI DGE BA LA NI SRID RTZE'I SEMS DE CHOS CAN, RNAM SMIN GYI 'BRAS BU RAB TU CHE STE, BSKAL PA CHEN PO BRGYAD KHRI RAB TU ZHI BAR GNAS PA'I PHYIR, GNYIS PA LA, NYE BA'I 'TSAMS MED DNGOS DANG, LAS LAM GYI GEGS NGOS BZUNG BA DANG, BYANG SEMS NGES GNAS BSHAD PA GSUM, DANG PO NI, MA DGRA BCOM MA SUN BYAS DANG, ,BYANG CHUB SEMS DPA' NGES GNAS DANG, ,SLOB PA GSOD DANG DGE 'DUN GYI, ,'DU BA'I SGO NI 'PHROG PA DAG , MTSAMS MED PA DANG CHA 'DRA STE, ,LNGA PA MCHOD RTEN 'JIG PA YIN, ,ZHES BYUNG, 'TSAMS MED CHOS CAN, KHYOD DANG CHA 'DRA BA'I NYE BA'I 'TSAMS MED LNGA YOD DE, MA DGRA BCOM MA LA MI TSANGS PAR SPYAD PAS SUN PHYUNG BAR BYAS PA DANG, BYANG CHUB SEMS DPA' NGES GNAS GSOD PA DANG, 'PHAGS PA SLOB PA GSOD PA DANG, DGE 'DUN GYI ZHAL GYI 'DU BA'I SGO 'PHROG PA DAG NI RIM PA BZHIN DU MA DANG PHA DANG DGRA BCOM PA GSOD PA DANG DGE 'DUN GYI DBYE NA BYAS PA'I 'TSAMS MED DANG CHA 'DRA ZHING, LNGA PA MCHOD RTEN 'JIG PA NI DE BZHIN GSHEGS PA LA NGAN SEMS KYI KHRAG 'BYIN PA DANG CHA 'DRA BA YIN PA'I PHYIR, GNYIS PA NI, BZOD DANG PHYIR MI 'ONG DGRA @135A *, ,BCOM, ,'THOB LA LAS GEGS SHIN TU BYED, ,CES BYUNG, YON TAN GYI KHYAD PAR 'GA' ZHIG 'THOB PA LA GEGS BYED KYI GTZO BO GSUM YOD DE, SBYOR LAM BZOD PA THOB PA LA NGAN SONG DU SKYE NGES KYI LAS DANG PHYIR MI 'ONG THOB PA LA 'DOD KHAMS SU SKYE NGES KYI LAS DANG, DGRA BCOM THOB PA LA KHAMS GONG DU SKYE NGES KYI LAS RNAMS KYIS SHIN TU GEGS BYED PA'I PHYIR, DER THAL, YON TAN DE DAG THOB NA DE RNAMS SU GTAN MI SKYE BA'I PHYIR, GSUM PA LA, BYANG SEMS NGES GNAS KYI KHYAD CHOS DANG, SNGON BYUNG STON PA'I RNAM THAR BSHAD PA GNYIS, DANG PO NI, GANG NAS BYANG CHUB SEMS DPA' YIN, ,GANG NAS MTSAN GYI LAS BYED PA, ,BDE 'GROR RIGS MTHOR SKYE DBANG TSANG, ,PHOR GYUR TSE RABS DRAN MI LDOG ,DE NI 'DZAM GLING PHOR GYUR NYID, ,MNGON SUM SANGS RGYAS LA SEMS PA, ,BSAM PA LAS BYUNG BSKAL PA BRGYA, ,LUS PA DAG TU 'PHEN PAR BYED, ,RE RE 'ANG BSOD NAMS BRGYA LAS SKYE, ,ZHES BYUNG, DUS GANG NAS BYANG CHUB SEMS DPA' NGES GNAS YIN ZHE NA, YOD DE, GANG PHAN CHAD NAS SANGS RGYAS KYI MTSAN GYI RNAM PAR SMIN PA CAN GYI LAS BYED PA DANG, CHOS GZUGS KYI SKU LA DMIGS PA DANG, BYANG CHUB LA NGES PAR GZHOL CING SMON LAM BTAB PA'I NUS PA KHYAD PAR DU GYUR PA'I TSE NGES GNAS ZHES BYA BA'I PHYIR, DE CHOS CAN, YON TAN DRUG DANG LDAN TE, DE PHAN CHAD DU BDE 'GROR SKYE ZHING, RIGS MTHON POR SKYE BA DANG, DBANG PO TSANG BA DANG, PHO KHO NAR 'GYUR BA DANG, TSE RABS DRAN PA DANG, PHYIR MI LDOG PA DRUG DANG LDAN PA'I PHYIR, MTSAN RNAM PAR SMIN PA'I LAS SU BSHAD PA DE CHOS CAN, KHYAD PAR DRUG DANG LDAN TE, GNAS 'DZAM GLING DANG, RTEN PHOR GYUR BA NYID DANG, YUL MNGON SUM DU GYUR PA'I SANGS @135B RGYAS MNGON SUM DU GYUR PA DANG, DMIGS PA SANGS RGYAS LA DMIGS SHING DON DU GNYER BAR SEMS PA DANG, LAS DE'I NGO BO NI BSAM PA LAS BYUNG BA DANG, DUS 'TSANG RGYA BA LA BSKAL PA BRGYA LUS PA DAG TU 'PHEN GYI, DE LAS MI MANG BA'I PHYIR, MTSAN DE RNAMS CHOS CAN, RNAM SMIN GYI RGYU YOD DE, RE RE'ANG BSOD NAMS BRGYA LAS SKYES PA'I PHYIR, BRGYA 'DREN TSUL MI 'DRA BA BZHI YOD DE, 'PHEN RDZOGS KYI SEMS PA BRGYA DANG, LAS LAM BCU LA RGYU LNGAS DMIGS PA'I SEMS PA BRGYA DANG, CHOS GZUGS KYI SKU LA DMIGS PA'I SEMS PA BRGYA DANG, KHAMS GSUM LA DMIGS PA'I SNYING RJE'I SEMS PA BRGYAR 'DOD PA DANG BZHI YOD PA'I PHYIR, GNYIS PA LA, BSOD NAMS BSAGS TSUL DANG, PHAR PHYIN RDZOGS TSUL GNYIS, DANG PO NI, RNAM GZIGS MAR ME RIN CHEN GTZUG GRANGS MED GSUM GYI THA MAR BYUNG, ,DANG PO SH'AKYA THUB PA YIN, ,ZHES BYUNG, BDAG CAG GI STON PA CHOS CAN, KHYOD KYI SNGON SLOB LAM NAS TSOGS GANG JI LTAR RDZOGS PA'I TSUL YOD DE, GRANGS MED GSUM GYI DANG POR SH'AKYA THUB PA CHEN PO LA RDZA MKHAN GYI KHYE'U SNANG BYED DU GYUR PA'I TSE BSNYEN BKUR DANG BSTOD NAS SEMS BSKYED, DE NAS SANGS RGYAS BDUN KHRI LNGA STONG LA BSNYEN BKUR BA'I MTHAR RIN CHEN GTZUG TOR CAN GYI TSE GRANGS MED DANG PO'I TSOGS RDZOGS, GNYIS PAR SANGS RGYAS BDUN KHRI DRUG STONG LA BSNYEN BKUR BA'I THA MAR MAR ME MDZAD KYI TSE GRANGS MED GNYIS PA'I TSOGS RDZOGS, GSUM PAR SANGS RGYAS BDUN KHRI BDUN STONG LA BSNYEN BKUR BA'I THA MAR RNAM GZIGS KYI TSE GRANGS MED GSUM PA'I TSOGS RDZOGS PA'I PHYIR, GNYIS PA NI, KUN LA THAMS CAD SNYING RJE YIS, ,SBYIN PAR BYED PAS SBYIN PA RDZOGS, ,CHAGS BCAS YAN LAG BCAD KYANG NI, ,MI 'KHRUGS BZOD DANG TSUL KHRIMS KYI, , @136A *, ,SKAR RGYAL BSTOD PAS BRTZON 'GRUS KYI, ,DE MA THAG LA TING 'DZIN BLO'I, ,ZHES BYUNG, PHAR PHYIN RDZOGS TSUL YOD DE, THAMS CAD SGROL GYI TSE KUN LA SNYING RJES SBYIN PA BYIN PAS SBYIN PA DANG, CHAGS BCAS BZOD PA SMRA BA'I TSE YAN LAG BCAD KYANG BZOD PA DANG TSUL KHRIMS DANG, SKAR RGYAL LA BSTOD PAS BRTZON 'GRUS DANG, BYANG CHUB KYI DE MA THAG PA'I SNGON DER BSAM GTAN NAM TING 'DZIN DANG BLO SHES RAB KYI PHAR PHYIN RDZOGS PAR MDZAD PA'I PHYIR, GNYIS PA BSTEN BYA BSOD NAMS KYI GZHI GSUM LA, MDOR BSTAN, RGYAS BSHAD, ZHAR BYUNG GSUM, DANG PO NI, GSUM PO BSOD NAMS BYA BA DANG, ,DE'I GZHI DPER NA LAS LAM BZHIN, ,ZHES BYUNG, BSOD NAMS BYA BA'I GZHI CHOS CAN, KHYOD LA GSUM YOD DE, SBYIN PA DANG TSUL KHRIMS DANG BSGOMS PA LAS BYUNG BA'I BSOD NAMS GSUM LA, BSOD NAMS DANG BYA BA DANG GZHI GSUM RE RE NAS KYANG 'JOG PA'I PHYIR, DER THAL, RNAM SMIN YID 'ONG 'BYIN PAS BSOD NAMS, LAS KYI RANG BZHIN YIN PAS BYA BA, KUN SLONG GI RTEN YIN PAS NA DE'I GZHI ZHES BYA BA'I PHYIR, DPER NA LAS DANG LAM BZHIN NO, ,KHYAD PAR YOD DE, SBYIN PA'I LUS NGAG GI BDUN PO DE BSOD NAMS DANG BYA BA DANG GZHI GSUM GA YIN LA, BSGOMS PA LAS BYUNG BA LA CI RIGS YOD PA'I PHYIR, GNYIS PA LA, SBYIN PA DANG TSUL KHRIMS DANG BSGOMS PA LAS BYUNG BA'I GZHI GSUM, DANG PO LA, NGO BO DANG DBYE BA DANG KHYAD CHOS DANG ZHAR BYUNG DANG BZHI, DANG PO NI, GANG GIS SBYIN BYED DE SBYIN PA, ,MCHOD DANG PHAN GDAGS 'DOD PA YIS, ,LUS DANG NGAG LAS SLONG DANG BCAS, ,DE 'BRAS LONGS SPYOD CHEN PO CAN, ,ZHES BYUNG, SBYIN PA CHOS CAN, KHYOD KYI NGO BO 'JOG TSUL YOD DE, , @136B SBYIN BYA'I DNGOS PO GANG GIS SBYIN PAR BYED PA DE DE YIN PA'I PHYIR, DE'I KUN SLONG YOD DE, CHAGS PAS SBYIN PA TZAM GYI SBYIN PA YOD KYANG, 'DIR YUL KHYAD PAR CAN MCHOD PA DANG GZHAN LA PHAN GDAGS PAR 'DOD PA YIS SBYIN PAR BYED PA'I LUS DANG NGAG GI LAS KUN SLONG DANG BCAS PAS BYIN NA, SBYIN PA DE NI 'BRAS BU LONGS SPYOD CHEN PO CAN DU 'GYUR BAR BSHAD PA'I PHYIR, GNYIS PA NI, BDAG GZHAN DON PHYIR GNYIS DON PHYIR, ,GNYIS KA'I DON DU MIN PHYIR SBYIN, ,ZHES BYUNG, SBYIN PA CHOS CAN, KHYOD LA BDAG KHO NA DANG, GZHAN KHO NA'I DON GYI PHYIR DANG, BDAG GZHAN GNYIS KA'I DON GYI PHYIR DANG, GNYIS KA MA YIN PA'I SBYIN PA DANG BZHI YOD DE, SO SKYES MCHOD RTEN LA PHUL BA DANG PO DANG, 'PHAGS PA CHAGS BRAL GYIS CHAGS BCAS SO SKYE LA SBYIN PA GNYIS PA DANG, CHAGS BRAL MA BYAS PAS GZHAN LA SBYIN PA GSUM PA DANG, 'PHAGS PA CHAGS BRAL GYIS MCHOD RTEN LA PHUL BA DE BZHI PA YIN PA'I PHYIR, PHYI MA 'DI SBYIN YUL GYI DBANG DU BYAS KYI, BSAM PA'I DBANG TZAM MIN TE, SEMS CAN GZHAN GYI DON DU DMIGS NAS KYANG SBYIN PA YOD PA'I PHYIR, GSUM PA LA, MDOR BSTAN DANG RGYAS BSHAD GNYIS, DANG PO NI, DE YI KHYAD PAR SBYIN BDAG DANG, ,DNGOS DANG ZHING GI KHYAD PAR LAS, ,ZHES BYUNG, SBYIN PA DE YI KHYAD PAR CHOS CAN, YOD DE, SBYIN BDAG DANG SBYIN BYA'I DNGOS PO DANG, SBYIN YUL ZHING GI KHYAD PAR LAS 'BRAS BU LONGS SPYOD DE LTAR 'GYUR BA'I PHYIR, GNYIS PA LA, SBYIN BDAG ,DNGOS PO ZHING GI KHYAD PAR GSUM, DANG PO NI, SBYIN BDAG KHYAD 'PHAGS DAD SOGS KYIS, ,GUS LA SOGS PAS SBYIN PAR BYED, ,DE PHYIR BKUR STE RGYA CHEN DANG, ,DUS DANG BAR CHAD MED PAR RNYED, ,CES BYUNG, SBYIN BDAG KHYAD 'PHAGS CHOS CAN, KHYOD LA GSUM YOD DE, DAD PA CAN DANG SOGS @137A *, ,KYIS TSUL KHRIMS CAN DANG, DE GNYIS KA DANG LDAN PA DANG, THOS SOGS KYI YON TAN DANG LDAN PA GSUM YOD PA'I PHYIR, SBYIN TSUL YOD DE, DAD GUS LA SOGS PA'I BSAM PA KHYAD PAR CAN GYIS SBYIN PAR BYED DGOS PA'I PHYIR, 'BRAS BU YOD DE, SBYIN TSUL DE LTAR BYAS PA'I RGYU MTSAN DE YI PHYIR 'BRAS BU CHEN PO BZHI THOB PAR 'GYUR BA'I PHYIR, DER THAL, GUS PAS STER BAS RANG LA BKUR STI DANG, RANG GI LAG GIS STER BAS LONGS SPYOD RGYA CHEN PO DANG, DUS SU STER BAS LONGS SPYOD KYI DUS MI YOL BA DANG, GZHAN LA MI GNOD PAR STER BAS LONGS SPYOD LA BAR CHAD MED PAR RNYED PAR 'GYUR BA'I PHYIR, GNYIS PA NI, KHA DOG LA SOGS PHUN SUM DNGOS, ,DE LAS GZUGS BZANG GRAGS DANG LDAN, ,DGA' DANG SHIN TU GZHON SHA CAN, ,DUS SU REG NA BDE LUS 'BYUNG, ,ZHES BYUNG, SBYIN BYA'I DNGOS PO CHOS CAN, KHYOD 'PHAGS TSUL YOD DE, KHA DOG PHUN SUM TSOGS PA DANG LA SOGS PA DRI RO REG BYA BZANG BA'I KHYAD PAR DANG LDAN PA ZHIG YIN PA'I PHYIR, DE LTA BU'I DNGOS PO CHOS CAN, KHYOD BYIN PAS SBYIN PA KHYAD PAR DU 'PHAGS TSUL YOD DE, SBYIN BYA KHA DOG BZANG BA DE LAS 'BRAS BU GZUGS BZANG, DRI BZANG BA LAS GRAGS PA RGYAS PA LDAN, RO BZANG BA LAS DKA' BAR 'GYUR, REG BYA BZANG BA LAS LUS SHIN TU GZHON SHA CAN DANG DUS SU REG NA BDE BA'I LUS SU 'GYUR BA'I PHYIR, GSUM PA NI, 'GRO DANG SDUG BSNGAL PHAN 'DOGS DANG, ,YON TAN RNAMS KYI ZHING KHYAD 'PHAGS, ,MCHOG NI GROL BAS GROL BA'AM, ,BYANG CHUB SEMS DPA' YIS BRGYAD PA, ,'PHAGS PA MIN YANG PHA MA DANG, ,NAD PA DANG NI CHOS SMRA DANG, ,SKYE MTHA'I BYANG CHUB SEMS DPA' LA, ,YON NI GZHAL DU MED PA YIN, ,ZHES @137B BYUNG, SHES BYA CHOS CAN, SBYIN PA'I YUL DE LA BZHI YOD DE, 'GRO BA'I SGO NAS SBYIN YUL DUD 'GRO LA BYIN NA RNAM SMIN BRGYA 'GYUR DANG, TSUL 'CHAL GYI MI LA STONG 'GYUR DANG, SDUG BSNGAL GYI SGO NAS NAD PA DANG MGON MED LA BSOD NAMS TSAD MED DANG, PHAN 'DOGS PA'I SGO NAS PHA MA SLOB DPON SOGS LA RNAM SMIN GZHAL MED DANG, YON TAN GYI SGO NAS TSUL KHRIMS DANG LDAN PA SOGS LA RNAM SMIN 'BUM 'GYUR DANG, DGRA BCOM PA RNAMS LA PHUL NA RNAM SMIN DE BAS KYANG KHYAD PAR DU 'PHAGS PA'I PHYIR, SBYIN PA'I MCHOG NI CHOS CAN, KHYOD LA RNAM PA GSUM YOD DE, GROL BA DGRA BCOM PAS GROL BA DGRA BCOM PA LA ZANG ZING SBYIN PA DANG, GROL BA MIN YANG BYANG CHUB SEMS DPA' YIS SEMS CAN KUN GROL PHYIR SBYIN PA DANG, BRGYAD PA STE SEMS KYI RGYAN LA SOGS PA THOB PA'I PHYIR DU SBYIN PA BRGYAD RNAMS SU YOD PA'I PHYIR, BRGYAD YOD DE, NYE BA LA SBYIN PA, 'JIGS PAS SBYIN PA, BDAG LA BYIN NAS SBYIN PA, BDAG LA SBYIN PAR 'GYUR BAS SBYIN PA, PHA MA SOGS KYIS BYIN PAS SBYIN PA, MTHO RIS KYI CHED DU SBYIN PA, GRAGS PA'I DON DU SBYIN PA DANG, SEMS KYI RGYAN DANG YO BYAD DANG RNAL 'BYOR GYI TSOGS DANG DON GYI MCHOG THOB PA'I PHYIR DU SBYIN PA RNAMS SU YOD PA'I PHYIR, SEMS KYI RGYAN SOGS KYI KHYAD PAR YOD DE, SEMS KYI RGYAN RDZU 'PHRUL DANG, YO BYAD 'PHAGS LAM BRGYAD DANG, RNAL 'BYOR GYI TSOGS ZHI GNAS DANG, DON GYI MCHOG DGRA BCOM GYI GO 'PHANG LTA BU LA BYED PA'I PHYIR, SBYIN YUL 'PHAGS PA MIN YANG RNAM SMIN CHE BA LNGA YOD DE, PHA MA GNYIS DANG NAD PA DANG CHOS SMRA BA'I GANG ZAG DANG SKYE MTHA'I BYANG SEMS SRID PA THA MA PA LNGA LA PHUL BA'I PHAN YON NI GZHAL DU MED PA YIN PA'I PHYIR, CHOS SMRA BA NI PHAN 'DOGS PA DANG YON TAN GYI ZHING YIN PAS DE LA PHUL BA @138A *, ,PHAN YON CHE LA, KHYAD PAR DU SANGS RGYAS KYI 'PHRIN LAS SGRUB PA'I RGYU MTSAN GYIS YIN TE, SKABS 'DI'I RANG 'GREL LAS, MDOR NA SANGS RGYAS KYI MDZAD PA THAMS CAD BYED PAS DGE BA'I BSHES GNYEN CHEN PO YIN NO, ,ZHES GSUNGS PA'I PHYIR, BZHI PA ZHAR BYUNG LA, LAS CHE CHUNG GI KHYAD PAR, BSAGS MA BSAGS KYI KHYAD PAR, LAS KYI 'BRAS BU LA DOGS PA DPYAD PA GSUM, DANG PO NI, MJUG DANG ZHING DANG GZHI DANG NI, ,SBYOR DANG SEMS PA BSAM PA STE, ,DE DAG CHUNG DANG CHE BA LAS, ,LAS KYANG CHUNG DANG CHE BA NYID, ,CES BYUNG, LAS DE CHOS CAN, KHYOD LA LCI YANG GNYIS YOD DE, MJUG TU LAS DE LA RJES SU YI RANG BA DANG, PHAN 'DOGS DANG YON TAN GYI ZHING DANG, LAS LAM DE BYED PA'I YUL GZHI DANG, LAS LAM DE'I SBYOR BA DANG, RDZOGS PAR BYED PA'I SEMS PA DANG, KUN SLONG GI BSAM PA'I KHYAD PAR DRUG PO DE DAG CHUNG BA DANG CHE BA LAS, LAS KYANG STOBS CHUNG BA DANG CHE BA NYID DU 'GYUR BA'I PHYIR, GNYIS PA NI, BSAM BZHIN PA DANG RDZOGS PA DANG, ,MI 'GYOD GNYEN PO MED PA DANG, ,'KHOR DANG RNAM PAR SMIN PA LAS, ,BSAGS PA'I LAS ZHES BYA BA YIN, ,ZHES BYUNG, BSAGS PA'I LAS CHOS CAN, 'JOG TSUL YOD DE, BSAM BZHIN DU BYAS PA DANG, MJUG RDZOGS PAR BYAS PA DANG, LAS NGAN PA DE LA MI 'GYOD PA DANG, LAS DE LA GNOD BYED KYI GNYEN PO MED PA DANG, LAS MI DGE BA LA 'KHOR YANG MI DGE BA, DPER NA SROG BCAD NAS NOR 'PHROG PA'AM DGE BA LA SROG MI GCOD CING NOR STER BA LTA BU DANG, RNAM PAR SMIN PA 'BYIN NGES PA'I LAS DRUG LA BSAGS PA'I LAS ZHES BYA BA YIN LA, DE LAS BZLOG PA DRUG LAM BSAGS PA'I LAS ZHES BYA BA'I PHYIR, BSAM BZHIN DU BYAS PA'I LAS YIN NA BSAGS PA'I LAS YIN PAS MA KHYAB @138B STE; GOMS PA LANG SHOR GYI RDZUN BAB COL DU BYAS PA DANG, 'GRO BA DER SKYE 'GYUR GYI LAS MA RDZOGS PA YANG BSAGS PA'I LAS MIN PAR BSHAD PA'I PHYIR, DGE MI DGE'I 'KHOR KHYAD PAR BA YOD DE, DE GANG RUNG BYAS NAS DE LA RJES SU YI RANG BA RNAMS DE YIN PA'I PHYIR, GSUM PA NI, MCHOD RTEN LA BTANG RGYUS BYUNG BA'I, ,BSOD NAMS LEN MED BYAMS SOGS BZHIN, ,RGYU LAS 'BRAS BU MI 'KHRUL PHYIR, ,NGAN BA'I ZHING LAS 'BRAS YID 'ONG, ,ZHES BYUNG, 'DI LA PHAL CHEN SDE PA DAG NA RE, 'DOD CHAGS DANG BRAL BAS MCHOD RTEN LTA BU LA SBYIN PA BYIN PA LA BSOD NAMS MED DE, DES DE LA LONGS SPYOD PA MED CING BDAG GI DON GYI PHYIR BYIN PA'ANG MIN PA'I PHYIR ZHE NA, DE NI MI 'THAD DE, MCHOD RTEN DANG SKU GZUGS LTA BU DE LEN PA MED KYANG BTANG BA'I RGYU LAS BYUNG BA'I BSOD NAMS YOD PA'I PHYIR, DPER NA, BYAMS PA DANG SOGS KYIS SNYING RJE BSGOMS PA LAS PHAN YON 'BYUNG BA BZHIN NO, ,GCER BU PA NA RE, CHOM RKUN LTA BU LA BYIN NA PHAN YON MED DO ZHE NA, DE YANG MI 'THAD PAR THAL, DE LTA BU'I NGAN PA'I ZHING LA'ANG PHAN SEMS KYIS SBYIN PA BTANG BA LAS RNAM SMIN GYI 'BRAS BU YID 'ONG 'BYIN PA'I PHYIR, DER THAL, RGYU DGE BA LAS 'BRAS BU BDE BA 'BYUNG BA MI 'KHRUL BA'I PHYIR, DER THAL, ZHING BZANG YANG SROG GCOD PA LAS 'BRAS BU SDUG BSNGAL 'BYUNG GI BDE BA 'BYUNG MI SRID PA'I PHYIR, GNYIS PA TSUL KHRIMS LAS BYUNG BA'I BSOD NAMS BYA BA'I GZHI NI, 'CHAL PA'I TSUL KHRIMS MI DGE'I GZUGS, ,DE SPONG TSUL KHRIMS RNAM GNYIS SO, ,SANGS RGYAS KYI NI BCAS PA YANG, ,RNAM DAG YON TAN BZHI LDAN NO, ,'CHAL KHRIMS DE RGYU 'PHEN MA BYUNG, ,DE GNYEN PO DANG GZHI LA RTEN, ,ZHES BYUNG, @139A *, ,'CHAL BA'I TSUL KHRIMS CHOS CAN, KHYOD KYI NGO BO YOD DE, TSUL KHRIMS KYI ZLOG ZLA'I RNAM PAR RIG BYED MIN PAS BSDUS PA'I MI DGE BA'I GZUGS DE DE YIN PA'I PHYIR, DE CHOS CAN, KHYOD SPONG BA'I TSUL KHRIMS DE LA RNAM PA GNYIS YOD DE, DER GYUR BA'I REG BYED YIN MIN GYI TSUL KHRIMS RNAM DAG GNYIS YOD PA'I PHYIR, TSUL KHRIMS DES RANG BZHIN GYI KHA NA MA THO BA TZAM SPONG BA MIN TE, SANGS RGYAS KYI NI BCAS PA'I KHA NA MA THO BA DUS MIN GYI ZAS ZA BA SOGS KYI NYES PA YANG SPONG BA'I PHYIR, TSUL KHRIMS RNAM PAR DAG PA CHOS CAN, YON TAN BZHI DANG LDAN TE, 'CHAL KHRIMS KYIS NI RANG LA 'PHEN PA STE SKYON MA BYUNG BA DANG DE'I RGYU NYON MONGS KYIS SKYON MA BYUNG BA DANG, DE'I GNYEN PO DRAN SHES LA BRTEN PA DANG, GZHI MYANG 'DAS DON GNYER LA BRTEN PA'I KHYAD PAR DANG LDAN PA'I PHYIR, GSUM PA BSGOMS PA LAS BYUNG BA'I BSOD NAMS BYA BA'I GZHI NI, MNYAM PAR BZHAG PA'I DGE BA NI, ,BSGOM PA'O SEMS LA BSGO PHYIR RO; ;MTHO RIS DON DU TSUL KHRIMS DANG, ,'BRAL BA'I DON DU BSGOM GTZO'I PHYIR, ,ZHES BYUNG, MNYAM PAR BZHAG PA'I SEMS RTZE GCIG PA'I DGE BA NI CHOS CAN, BSGOM PA ZHES BRJOD PA'I RGYU MTSAN YOD DE, SEMS RGYUD LA YON TAN BSGO BA'I BDAG NYID DU BYED PA'I PHYIR, TSUL KHRIMS DANG BSGOM PA CHOS CAN, KHYOD GNYIS KYI 'BRAS BU DANG BYED LAS KYI KHYAD PAR YOD DE, MTHO RIS KYI DON DU TSUL KHRIMS GTZO BO DANG, NYON MONGS DANG 'BRAL BA NGES LEGS KYI DON DU BSGOM PA GTZO BOR 'JUG PA'I PHYIR, BZHI PA ZHAR BYUNG LA, TSANGS PA'I BSOD NAMS DANG, CHOS KYI SBYIN PA GNYIS, DANG PO NI, BSKAL PAR MTHO RIS GNAS DGA'I PHYIR, ,BZHI YI TSANGS PA'I BSOD NAMS YIN, , @139B ZHES BYUNG, TSANGS PA'I BSOD NAMS CHOS CAN, KHYOD LA BZHI YOD DE, SNGAR MED PA'I SA PHYOGS SU SANGS RGYAS KYI SKU GDUNG MCHOD RTEN BZHENGS PA DANG, PHYOGS BZHI'I DGE 'DUN LA KUN DGA' RA BA PHUL NAS DE NYID DU GTZUG LAG KHANG BYED PA DANG, DGE 'DUN BYE BA 'DUM PA DANG, BYAMS PA TSAD MED BSGOM PA'I BSOD NAMS DANG BZHI YOD PA'I PHYIR, DE DAG CHOS CAN, KHYOD LA TSANGS PA'I BSOD NAMS ZHES BRJOD PA'I RGYU MTSAN YOD DE, TSANGS PA 'DUN NA 'DON DANG TSE RING THUNG MNYAM PAR BSKAL PAR MTHO RIS SU GNAS PAR DKA' BA'I GANG ZAG DE DAG GI BSOD NAMS YIN PAS NA DE SKAD DU BRJOD PA'I PHYIR, GNYIS PA NI, CHOS SBYIN NYON MONGS CAN MIN PAS, ,MDO SOGS YANG DAG JI BZHIN STON, ,ZHES BYUNG, CHOS KYI SBYIN PA CHOS CAN, YOD DE, SEMS RNYED PA DANG BKUR STI DANG GRAGS 'DOD SOGS KYI NYON MONGS CAN MA YIN PA'I SGO NAS MDO DANG SOGS KYIS BSTAN BCOS KYI TSIG DON YANG DAG PA JI LTA BA BZHIN DU STON PA DE DE YIN PA'I PHYIR, GSUM PA CHA MTHUN GYI DGE BA GSUM NI, BSOD NAMS MYA NGAN 'DAS PA DANG, ,NGES 'BYED CHA MTHUN DGE RNAM GSUM, ,ZHES BYUNG, CHA MTHUN GYI DGE BA CHOS CAN, KHYOD LA RNAM PA GSUM YOD DE, MYANG 'DAS KYI BSAM PAS MA ZIN PA'I DGE BA NI BSOD NAMS CHA MTHUN DANG, SBYOR LAM MA THOB GONG GI MYA NGAN LAS 'DAS PA DON GNYER GYI BSAM PAS ZIN PA'I DGE BA RNAMS NI THAR PA CHA MTHUN DNGOS SAM DE'I SDER GTOGS DANG, SBYOR LAM BZHI NGES 'BYED CHA MTHUN GYI DGE BA YIN PA'I PHYIR, GSUM PA LAS KYI RNAM GRANGS GZHAN BSTAN PA'I SGO NAS DON BSDU BA LA, 'JIG RTEN PA'I LAS KYI RNAM GRANGS DNGOS DANG, CHOS KYI RNAM GRANGS GZHAN BSTAN NAS MJUG BSDU GNYIS, DANG PO NI, @140A *, ,RIGS PAS RAB TU BCUG PA'I LAS, ,RNAM GSUM KUN SLONG BCAS PA NI, ,YIG 'BRU RGYA DANG BGRANG BCAS PA'I, ,SNYAN NGAG GRANGS TE GO RIM BZHIN, ,ZHES BYUNG, RIGS PAS TE THABS KYI RAB TU BYED DU BCUG PA'I LAS CHOS CAN, RNAM PA GSUM YOD DE, RIGS PA SLOB PA'I THABS KYI BYE BRAG GIS SGO GSUM GYI LAS KUN SLONG DANG BCAS PA GSUM LA NI GO RIM BZHIN DU 'JOG PA'I PHYIR, DER THAL, THABS KYIS KA LA SOGS PA'I YIG 'BRU'I GZUGS 'BRI BA DANG LHA LTA BU'I RGYA RKO BA LUS KYI LAS DANG, BGRANG BA RTZIS DANG BCAS PA'I SNYAN NGAG NI NGAG GI LAS DANG, CHOS KYI RNAM GRANGS SDUD PAR BYED PA'I YID KYI LAS RNAMS SU YOD PA'I PHYIR, GNYIS PA NI, SGRIB NGAN KHA NA MA THO BA, ,NYON MONGS CAN CHOS DRI MED DGE, ,GYA NOM 'DUS BYAS DGE BSTEN BYA, ,THAR PA BLA NA MED PA YIN, ,ZHES BYUNG, NYON MONGS CAN GYI CHOS CHOS CAN, KHYOD KYI RNAM GRANGS YOD DE, SGRIB PA DANG, NGAN PA DANG, KHA NA MA THOB ZHES BYA BA'I PHYIR, DER THAL, LAM LA SGRIB BYED DANG, 'DOR BYA DANG, NYON MONGS CAN DANG LHAN CIG GNAS PA'I PHYIR, DRI MED KYI DGE BA CHOS CAN, GYA NOM PA ZHES BYA STE, PHUN SUM TSOGS PA'I RANG BZHIN YIN PA'I PHYIR, 'DUS BYAS ZAG BCAS KYI DGE BA CHOS CAN, RNAM GRANGS YOD DE, RGYUD LA BSTEN BYA ZHES BYA BA YIN PA'I PHYIR, THAR PA MYANG 'DAS CHOS CAN, BLA NA MED PA NYID YIN TE, CHOS GZHAN NI BLA NA YOD PA DANG BCAS LA, KHYOD LAS CHES KHYAD PAR DU 'PHAGS PA'I CHOS GZHAN MED CING, GCIG TU DGE ZHING RTAG PA YIN PA'I PHYIR RO, ,GNAS BZHI PA'I TSIG DON LEGS PAR BSHAD ZIN TO,, ,, ` CHOS MNGON PA MDZOD KYI GNAS LNGA PA'I TSIG 'GREL BZHUGS SO,, GNYIS PA NYON MONGS PA'I KUN @140B 'BYUNG BSHAD PA LA, SPANG BYA PHRA RGYAS NYON MONGS BSHAD PA, DE JI LTAR SPONG TSUL BSHAD PA, SPANGS PA'I 'BRAS BU YONGS SHES BSHAD PA DANG GSUM, DANG PO LA, DBYE BA, SKYE TSUL, RNAM GRANGS DANG GSUM, DANG PO LA, NGO BO'I SGO NAS, RNAM PA'I SGO NAS, BCAS MA BCAS KYI SGO NAS DBYE BA DANG GSUM, DANG PO LA, SPYIR BSTAN PA DANG, LTA BA DANG NGA RGYAL BYE BRAG TU BSHAD PA GNYIS, DANG PO LA, RTZA BA DANG, NANG TSAN DANG, GNYEN PO'I SGO NAS DBYE BA GSUM, DANG PO LA, TSIG DON, SPYI DON, MTHA' DPYAD PA DANG GSUM, DANG PO NI, SRID PA'I RTZA BA PHRA RGYAS DRUG ,'DOD CHAGS DE BZHIN KHONG KHRO DANG, ,NGA RGYAL MA RIG LTA BA DANG, ,THE TSOM YIN TE DE DRUG KYANG, ,'DOD CHAGS DBYE BAS BDUN DU BSHAD, ,KHAMS GNYIS LAS SKYES SRID 'DOD CHAGS, ,KHA NI NANG DU BLTAS PHYIR DER, ,THAR PA'I 'DU SHES BZLOG PHYIR BSHAD, ,CES BYUNG, SRID PA'I RTZA BA CHOS CAN, KHYOD LA NGO BO'I SGO NAS DRUG YOD DE, PHRA RGYAS DRUG YOD PA'I PHYIR, DER THAL, 'DOD CHAGS PHRA RGYAS DANG, DE BZHIN DU KHONG KHRO DANG, NGA RGYAL DANG, MA RIG PA DANG, YANG DAG PA MA YIN PA'I LTA BA DANG, THE TSOM NYON MONGS PA DRUG YOD PA'I PHYIR, DE DRUG KYANG CHOS CAN, KHYOD LA BDUN DU'ANG BSHAD DE, 'DOD PA DANG SRID PA'I 'DOD CHAGS GNYIS SU DBYE BAS DE LTAR YOD PA'I PHYIR, KHAMS GONG MA GNYIS LAS SKYES PA'I 'DOD CHAGS CHOS CAN, SRID PA'I 'DOD CHAGS ZHES GCIG TU BYA STE, PHAL CHER SNYOMS 'JUG LA CHAGS PA'I KHA NI NANG DU BLTAS PAR MTSUNGS PA'I PHYIR, SRID PA'I 'DOD CHAGS ZHES BSHAD PA'I RGYU MTSAN YOD DE, SRID PA STE 'KHOR BA'I KHYAD PAR LA CHAGS KYANG DER THAR PA'I 'DU SHES 'BYUNG BAS DE BZLOG PAR BYA BA'I PHYIR DE LTAR DU BRJOD PA'I PHYIR, @141A *, ,GNYIS PA LA, NYON MONGS KYI MTSAN NYID, SGRA BSHAD, BYED LAS, DBYE BA DANG BZHI, DANG PO YOD DE, RANG DANG MTSUNGS LDAN GYI SEMS RGYUD MA ZHI BAR BYED PA'I RIGS GNAS KYI SEMS BYUNG DE, NYON MONGS PA'I MTSAN NYID DU RIGS PA'I PHYIR, GNYIS PA YOD DE, SEMS BLOD BLONG POR BYED PAS SAM MA ZHI BAR BYED PAS NA NYON MONGS ZHES BYA LA, RJES SU 'BREL BA'I NYON MONGS PA PHRA BA'ANG RGYAS PAR BYED PAS NA PHRA RGYAS ZHES BYA BA'I PHYIR, GSUM PA YOD DE, NYON MONGS PA SOGS KYI RGYUN BRTAN PA DANG, GNAS PAR BYED PA SOGS BCU YOD PA'I PHYIR, BZHI PA YOD DE, NGO BO'I SGO NAS RTZA NYON DRUG DANG, NYE NYON NYI SHU DANG, RNAM PA'I SGO NAS BCU DANG, KHAMS KYI SGO NAS GO BRGYAD YOD PA'I PHYIR, GSUM PA MTHA' DPYAD PA LA, KHA CIG ,RTZA NYON DRUG PO GANG RUNG YIN NA, PHRA RGYAS YIN PAS KHYAB ZER NA, SKAD CIG THA MA'I NYON MONGS DRUG RE RE NAS CHOS CAN, DER THAL, DE'I PHYIR, DER THAL, RTZA NYON YIN PA'I PHYIR, 'DOD NA MIN TE, GZHAN RGYAS PAR MI BYED CING, RANG NYID KYANG RGYAS PAR MI 'GYUR BA'I PHYIR, DER THAL, RGYUN CHAD KHA MA'I DE YIN PA'I PHYIR, KHA CIG ,PHRA RGYAS KYI DON LA 'DOD TSUL MI MTHUN PA MED ZER NA, DE YOD PAR THAL, BYE SMRAS NYON MONGS LA 'DOD, GNAS MA BU PAS NYON MONGS KYI THOB PA LA DER BTAGS PAR 'DOD, SLOB DPON DANG MDO SDE PAS NYON MONGS KYI SA BON LA DER BTAGS PAR 'DOD CES RANG 'GREL LAS BSHAD PA'I PHYIR, KHA CIG ,'DIR BSTAN PHRA RGYAS LA SGOM SPANG GIS KHYAB ZER NA, DE MI 'THAD PAR THAL, MTHONG SPANG PHRA RGYAS KYANG YOD PA'I PHYIR, DER THAL, GZHUNG 'DI DE GNYIS THUN MONG DU 'CHAD BYED YIN PA'I PHYIR, GNYIS PA NI, LTA BA LNGA STE 'JIG TSOGS DANG, ,LOG DANG @141B MTHAR 'DZIN LTA BA DANG, ,LTA BA DANG NI TSUL KHRIMS DANG, ,BRTUL ZHUGS MCHOG TU 'DZIN DANG BCU, ,ZHES BYUNG, PHRA RGYAS CHOS CAN, KHYOD LA NANG TSAN GYIS DBYE NA BCU YOD DE, LTA BA LNGA DANG LTA MIN LNGA YOD PA'I PHYIR, DER THAL, 'JIG TSOGS LA LTA BA'I 'JIG LTA DANG, LOG LTA DANG, MTHAR 'DZIN GYI LTA BA DANG, LTA BA MCHOG 'DZIN GYI LTA BA DANG, TSUL KHRIMS DANG BRTUL ZHUGS MCHOG 'DZIN GYI LTA BA STE LNGA DANG, LTA MIN LNGA DANG BCU YOD PA'I PHYIR, GNYIS PA GRUB STE, BSHAD PA LTAR 'DOD CHAGS SOGS LNGA YOD PA'I PHYIR, GSUM PA LA, DNGOS DANG, GNYEN POS SPANG BYA SPONG TSUL GNYIS, DANG PO LA, 'DOD PA DANG, GZUGS DANG GZUGS MED KYI DE GNYIS, DANG PO LA, MTHONG LAM DANG SGOM LAM GYI SPANG BYA GNYIS, DANG PO NI, DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PA, ,'DOD NA SDUG BSNGAL LA SOGS PA, ,MTHONG BAS RIM BZHIN SPONG BAR BYED, ,CES BYUNG, SHES BYA CHOS CAN, 'DOD PA NA PHRA RGYAS DE DAG SUM CU RTZA DRUG YOD DE, SDUG BSNGAL MTHONG SPANG LA LTA BA LNGA DANG LTA MIN LNGA STE BCU DANG, SOGS KYIS KUN 'BYUNG DANG 'GOG PA MTHONG SPANG LA 'JIG LTA DANG MTHAR LTA DANG TSUL ZHUGS MCHOG 'DZIN GYI LTA BA GSUM MA GTOGS PA'I GZHAN BDUN BDUN DANG, LAM MTHONG SPANG LA 'JIG LTA DANG MTHAR LTA GNYIS MA GTOGS PA'I GZHAN BRGYAD YOD PA'I PHYIR, 'DOD PA'I PHRA RGYAS DE CHOS CAN, MTHONG SPANG YIN TE, MTHONG BA'I LAM GYIS RIM PA BZHIN DU SPONG BAR BYED DGOS PA'I PHYIR, GNYIS PA NI, BZHI NI SGOM PA'I SPANG BYA YIN, ,ZHES BYUNG, 'DOD CHAGS KHONG KHRO NGA RGYAL MA RIG PA BZHI NI CHOS CAN, SGOM PA'I LAM GYIS SPANG BAR BYA BA YIN TE, BDEN PA MTHONG BA TZAM GYIS SPONG MI NUS KYI, PHYIS RIM GYIS SPONG BAR BYED DGOS PA'I PHYIR TE, DE DAG BCU DANG BDUN @142A *, ,BDUN BRGYAD, ,CES PA'I GZHUNG GIS MTHONG SPANG DNGOS SU BSTAN NAS 'DOD PA'I SGOM SPANG NYID DNGOS SU 'CHAD PAR BYED PA'I PHYIR, SGOM SPANG YIN NA, 'DI'I DNGOS BSTAN GYI SGOM SPANG YIN PAS MA KHYAB STE, KHAMS GONG MA'I SAS BSDUS KYI SGOM SPANG DE 'DI'I DNGOS BSTAN GYI DE MA YIN PA'I PHYIR TE, 'DIS 'DOD PA'I SGOM SPANG NYID 'CHAD PAR MDZAD PA'I PHYIR, DER THAL, GONG MA'I SAS BSDUS PA'I DE BZHI MED PA'I PHYIR, DER THAL, DE'I SAS BSDUS PA'I KHONG KHRO MED PA'I PHYIR, GNYIS PA NI, KHONG KHRO MA GTOGS DE DAG NYID, ,GZUGS KHAMS GZUGS MED DE DANG 'DRA, ,ZHES BYUNG, GZUGS KHAMS KYI SAS BSDUS PA'I PHRA RGYAS SGOM SPANG CHOS CAN, KHYOD LA SO GCIG RE YOD DE, KHONG KHRO LNGA MA GTOGS PA'I SO GCIG DE DAG NYID YOD CING, GZUGS MED NA'ANG DE DANG 'DRA BA'I PHYIR, DE LTAR DGU BCU BRGYAD DU 'DOD, ,CES PA NI DON BSDU BA YIN TE, 'DOD PA NA SO DRUG DANG GONG MA GNYIS NA SO GCIG RE YOD PA'I KHYON BSDOMS 'CHAD PAR BYED PA'I PHYIR, KUN 'BYUNG 'GOG PA GNYIS LA DMIGS NAS LOG PAR ZHUGS PA'I LTA BA GSUM MI 'ONG STE, 'JIG LTAS NI NYER LEN GYI PHUNG PO LA DMIGS NAS 'JUG ,MTHAR LTAS PHUNG PO DE DAG RTAG CHAD GANG RUNG LTA, TSUL ZHUGS MCHOG 'DZIN GYIS NI PHUNG PO LA 'DAG GROL SOGS SU LTA BAS SDUG BDEN NYID LA DMIGS PA YIN PA'I PHYIR, LAM MTHONG SPANG LA 'JIG LTA MTHAR LTA GNYIS MI 'JOG STE, DE GNYIS KYIS NYER LEN GYI PHUNG PO LA DMIGS DGOS PA'I PHYIR, TSUL ZHUGS MCHOG 'DZIN KYANG MI 'JOG STE, DES LAM NGAN PA LA LAM MCHOG TU DMIGS NAS 'JUG PA'I PHYIR, GNYIS PA NI, SRID RTZE LAS SKYES BZOD PA YIS, ,GZHOM BYA MTHONG BAS SPANG BYA NYID, ,LHAG SKYES MTHONG DANG SGOM GNYIS KYIS, ,BZOD PAS GZHOM MIN SGOM KHO NAS, ,ZHES BYUNG, PHRA RGYAS RNAMS MTHONG LAM KHO NAS SPONG MI NUS PAS, DE LA GNYIS YOD PA'I SRID RTZE LAS SKYES @142B PA'I SDUG KUN 'GOG LAM BZHI'I MTHONG SPANG PHRA RGYAS CHOS CAN, MTHONG BAS SPANG BAR BYA BA KHO NA NYID YIN TE, SDUG BSNGAL CHOS BZOD LA SOGS PA BZHI YIS GZHOM PAR BYA BA YIN PA'I PHYIR, DER THAL, DE BZHIS BDEN PA MNGON SUM DU MTHONG BA TZAM GYIS KHOD SPONG NUS PA'I PHYIR, SRID RTZE'I LHAG MA 'DOD PA DANG KHAMS GONG MA LAS SKYES PA'I PHRA RGYAS CHOS CAN, MTHONG LAM DANG SGOM LAM GNYIS KYIS SPONG BAR BYED DE, 'DAS LAM GYIS SPONG BA'I TSE MTHONG LAM GYIS SPONG ZHING, SO SKYES 'JIG RTEN PA'I SGOM LAM GYIS SPONG BA YANG YOD PA'I PHYIR, MTHONG LAM BZOD PAS GZHOM BYA MIN PA'I LTA MIN BZHI CHOS CAN, SGOM SPANG KHO NA YIN TE, 'JIG RTEN PA'I SGOM LAM DANG 'DAS PA'I SGOM LAM CI RIGS KYIS SPONG BA'I PHYIR, KHYAD PAR YOD DE, SNGA MAS SRID RTZE'I DE SPONG MI NUS SHING, PHYI MAS THAMS CAD SPONG NUS PA'I PHYIR, GNYIS PA LA, LTA BA DANG NGA RGYAL BSHAD PA GNYIS, DANG PO LA, DNGOS DANG, DOGS GCOD GNYIS, DANG PO NI, BDAG DANG BDAG GIR RTAG CHAD DANG, ,MED DANG DMAN LA MCHOG LTA DANG, ,RGYU MIN LAM MIN DER LTA BA, ,DE DAG LTA BA LNGA YIN NO, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, LTA BA NGAN PA DE DAG CHOS CAN, KHYOD LA LNGA YOD DE, NYER LEN GYI PHUNG PO LA DMIGS NAS BDAG DANG BDAG GIR LTA BA'I SHES RAB NYON MONGS CAN DE 'JIG LTA, DE LA DMIGS NAS RTAG CHAD GANG RUNG DU LTA BA'I SHES RAB NYON MONGS CAN DE MTHAR LTA, LAS RGYU 'BRAS SOGS YOD PA'I DON LA MED PAR LTA BA'I SHES RAB NYON MONGS CAN DE LOG LTA, LTA BA DMAN PA LA DMIGS NAS 'DAG PA DANG GROL BYED MCHOG TU 'DZIN PA'I LTA NGAN DE LTA BA MCHOG 'DZIN GYI LTA BA, DBANG PHYUG SOGS SNOD BCUD KYI RGYU MIN PA DANG, TSUL ZHUGS NGAN PA SOGS LAM MIN PA LA RGYU DANG LAM DER @143A *, ,LTA BA NI TSUL KHRIMS DANG BRTUL ZHUGS MCHOG 'DZIN GYI LTA BA YIN PA'I PHYIR, GNYIS PA MTHA' DPYAD PA LA, KHA CIG ,TSUL KHRIMS DANG BRTUL ZHUGS MCHOG 'DZIN GYI LTA BA YIN NA, DE GNYIS KA LA DMIGS NAS MCHOG TU 'DZIN PA'I LTA BA YIN PAS KHYAB ZER NA, TSUL KHRIMS NGAN PA TZAM LA MCHOG TU 'DZIN PA'I LTA NGAN CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, 'DOD MI NUS SO, ,KHA CIG ,LTA BA LNGA PO DE LTA BA YIN ZER NA, RE ZHIG DE MI 'THAD PAR THAL, LTA NGAN LTA BAR MI RUNG BA'I PHYIR, DER THAL, SHES RAB NYON MONGS CAN SHES RAB TU MI RUNG BA YIN PA'I PHYIR, MA GRUB NA, SHES RAB NYON MONGS CAN DANG LOG LTA RGYUD LDAN YIN NA SHES RAB CAN YIN PAS KHYAB PAR THAL, MA GRUB PA DE'I PHYIR, 'DOD NA HA CANG THAL SNYAM STE DPYAD PAR BYA'O, ,GZHAN YANG, DE LNGA LTA BA MA YIN PAR THAL, GANGS SPEL LAS, LOG PAR DMIGS PA'I SHES RAB THAMS CAD NI LTA BAR MI 'DOD DO, ,ZHES GSUNGS PA'I PHYIR, KHA CIG ,LAM DANG 'GOG PA MTHONG SPANG GANG RUNG YIN NA, 'GOG LAM GANG RUNG LA DMIGS PAS KHYAB PAR THAL, SPANG BYA DE DAG YUL LA DMIGS NAS LOG PAR 'JUG TSUL GYI SGO NAS 'JOG PA'I PHYIR NA MA KHYAB STE, 'GOG LAM MTHONG SPANG DU GYUR PA'I 'DOD CHAGS NGA RGYAL LTA BUS DE GANG RUNG LA DMIGS NAS MI 'JUG PA'I PHYIR, DER THAL, DE GNYIS KYIS YUL KHYAD PAR CAN LA MA DMIGS PAR ZAG BCAS KYI KHYAD PAR LA DMIGS NAS 'JUG PA'I PHYIR, GNYIS PA NI, DBANG PHYUG SOGS RGYUN MNGON ZHON PA, ,RTAG BDAG PHYIN CI LOG PA YIN, ,RAB TU 'JUG PAS DE PHYIR DE, ,LTA BA GSUM LAS PHYIN CI LOG ,BZHI TSAN PHYIN CI LOG PHYIR DANG, ,NGES RTOG PHYIN DANG SGRO 'DOGS PHYIR, ,SEMS DANG 'DU @143B SHES DE'I DBANG GIS, ,ZHES BYUNG, DBANG PHYUG SOGS 'GRO BA'I RGYU MIN PA LA RGYUR MNGON PAR ZHEN PA DE CHOS CAN, SDUG KUN MTHONG SPANG YIN TE, SDUG BSNGAL GYI RGYU LA LOG PAR ZHUGS PA'I PHYIR TE, DBANG PHYUG RTAG PA DANG BDAG TU PHYIN CI LOG PAR ZHEN PA YIS RAB TU 'JUG PAS DE'I PHYIR, KHYAB STE, DE 'DRA BA SDUG BSNGAL CHOS BZOD KYIS SPONG BAR BYED PA'I PHYIR, 'JIG LTA PHOG LTA MTHAR 'DZIN GYI LTA BA STE LTA BA GSUM LAS PHYE BA'I PHYIN CI LOG CHOS CAN, KHYOD LA BZHI YOD DE, MI RTAG PA LA RTAG PAR LTA BA DANG, MI GTZANG BA LAG TZANG BAR LTA BA DANG, SDUG BSNGAL LA BDE BAR LTA BA DANG, BDAG MED PA LA BDAG TU LTA BA'I PHYIN CI LOG DANG BZHI YOD PA'I PHYIR, LTA BA GSUM LAS PHYIN CI LOG BZHIR PHYE BA YIN TE, MTHAR LTA LA RTAG 'DZIN, MCHOG 'DZIN LA GTZANG BDE'I 'DZIN PA GNYIS, 'JIG LTA LA BDAG LTA BZHAG PA'I PHYIR, PHYIN CI LOG BZHI TSAN GCIG PO CHOS CAN, PHYIN CI LOG TU 'JOG PA'I RGYU MTSAN YOD DE, DMIGS PA LA PHYIN CI LOG PA'I PHYIR DANG, DER NGES PAR RTOG PA'I PHYIR DANG, SGRO 'DOGS PA'I PHYIR RO, ,KHYAB STE, LTA BA GZHAN DANG TSUL ZHUGS MCHOG 'DZIN SOGS KYIS DE LTAR SGRO MI 'DOGS PA'I PHYIR, MDO LAS SEMS PHYIN CI LOG DANG 'DU SHES PHYIN CI LOG CES GSUNGS PA DANG MI 'GAL TE, DE GNYIS LTA BA PHYIN CI LOG DE'I DBANG GIS PHYIN CI LOG TU 'GYUR BA LA DGONGS PA'I PHYIR, GNYIS PA NGA RGYAL LA, DBYE BA DANG, SPONG TSUL DOGS GCOD DANG BCAS PA GNYIS, DANG PO NI, NGA RGYAL BDUN NAM DGU GSUM MO, ,ZHES BYUNG, NGA RGYAL CHOS CAN, BDUN NAM DGU YOD DE, 'DI DANG BDAG RIGS SOGS MNYAM MO SNYAM DU SEMS PA'I MNYAM PA'I NGA RGYAL DANG, DE LAS BDAG LHAG GO SNYAM PA'I LHAG PA'I NGA RGYAL DANG, KHYAD PAR 'PHAGS PA DE LAS KYANG BDAG 'PHAGS @144A *, ,SO SNYAM PA'I NGA RGYAL LAS NGA RGYAL DANG, NYE BAR LEN PA'I PHUNG PO LA DMIGS NAS NGA'O SNYAM PA'I NGA RGYAL DANG, YON TAN GYI KHYAD PAR DE MA THOB KYANG THOB BO SNYAM PA'I MNGON PA'I NGA RGYAL DANG, KHYAD 'PHAGS DE LAS CUNG ZAD DMAN NO SNYAM PA'I CUNG ZAD SNYAM PA'I NGA RGYAL DANG, YON TAN CAN MIN PA LA YON TAN CAN DU RLOM PA'I LOG PA'I NGA RGYAL DANG BDUN YOD CING, BSTAN BCOS DAG LAS, BDAG MCHOG YIN NO, ,BDAG DANG 'DRA'O, ,BDAG DMAN NO, ,BDAG PAS MCHOG GO, BDAG PAS DMAN NO, ,BDAG DANG MNYAM PA MED DO, ,BDAG PAS DMAN PA MED DO, ,BDAG DANG MNYAM PA YOD DO, ,BDAG PAS DMAN PA YOD DO ZHES DGU GSUNGS PA RNAMS NI, NGA RGYAL DANG LHAG PA'I NGA RGYAL DANG CUNG ZAD SNYAM PA'I NGA RGYAL GSUM GYIS BSDUS PA'I PHYIR, DE DAG 'GA' ZHIG NI NGA RGYAL DNGOS MIN TE, DE'I RNAM PA LTA BU LA NGA RGYAL DU BTAGS PA'I PHYIR, NGA RGYAL DU 'GRO BA LA NYON MONGS PAS KUN NAS BSLANGS PA ZHIG DGOS KYI, BDAG MCHOG GO SNYAM PA LTA BU TZAM NI NGA RGYAL MIN TE, YIN NA SANGS RGYAS LA'ANG NGA RGYAL YOD PAR THAL BA'I PHYIR, GNYIS PA NI, MTHONG DANG SGOM PAS ZAD BYA BA, ,SGOM PAS SPANG BAR BYA BA NI, ,GSOD SOGS KUN NAS DKRIS PA'O, ,DE BZHIN 'JIG SRED 'PHAGS PA LA, ,RNAM SOGS NGA'O SNYAM MI 'BYUNG, ,LTA BAS RGYAS PAR 'GYUR PHYIR RO, ,MI DGE'I 'GYOD PA'ANG MA YIN NO, ,ZHES BYUNG, NGA RGYAL BDUN PO DE RNAMS CHOS CAN, KHYOD LA MTHONG LAM DANG SGOM PA'I LAM GYIS ZAD PAR BYA BA'I CHA GNYIS YOD DE, MTHONG SPANG RNAMS MTHONG LAM DANG, SGOM SPANG RNAMS SGOM LAM GYIS SPONG BA'I PHYIR, SGOM PAS SPANG BAR BYA BA NI CHOS CAN, KHYOD LA DU MA YOD DE, GSOD PA LA SOGS PA LUS NGAG GI MI DGE BA RNAMS @144B DANG, DE DAG GI KUN SLONG KUN NAS DKRIS PA DANG, DE BZHIN DU BDAG MYUR DU SHIN SNYAM PA'I 'JIG SRED DANG, SNGAR GYI NGA RGYAL GYI RNAM PA BDUN DANG, SOGS KYIS BDAG BUD MED LTA BUR SKYES NA SNYAM PA'I SKYE SRED DANG, NGA'O SNYAM PA'I NGA RGYAL RNAMS 'PHAGS PA LA MNGON GYUR DU MI 'BYUNG YANG SGOM SPANG YIN PA'I PHYIR, DE DAG 'PHAGS PA LA MNGON GYUR DU MI 'BYUNG STE, DE DAG NI NYON MONGS CAN GYI LTA BAS RGYAS PAR 'GYUR BA'I PHYIR RO, ,'PHAGS PA LA MI DGE BA'I 'GYOD PA'ANG MNGON GYUR DU MI 'BYUNG STE, DE LA THE TSOM YOD KYANG THE TSOM NYON MONGS CAN MED PA'I PHYIR, GNYIS PA RNAM PA'I SGO NAS DBYE BA LA, KUN 'GRO YIN MIN GYI SGO NAS, ZAG MED LA DMIGS MA DMIGS KYI SGO NAS, DMIGS PA DANG MTSUNGS LDAN GYI SGO NAS, MI DGE BA DANG LUNG MA BSTAN GYI SGO NAS, DUS GSUM LA PHRA RGYAS KYI SGO NAS DBYE BA DANG LNGA, DANG PO NI, SDUG BSNGAL RGYU MTHONG SPANG BYA BA, ,LTA DANG DE BZHIN THE TSOM DANG, ,GANG DE LHAN CIG MA 'DRES PA'I, ,MA RIG GANG YIN KUN TU 'GRO, ,DE DAG LAS DGU GONG DU DMIGS, ,LTA BA GNYIS PO MA GTOGS PA'I, ,DE DAG DANG NI LHAN CIG GANG, ,'BYUNG DE'ANG KUN 'GRO THOB MA GTOGS, ,ZHES BYUNG, SDUG BSNGAL MTHONG SPANG LNGA DANG, RGYU KUN 'BYUNG MTHONG BAS SPANG BAR BYA BA'I LTA BA LOG LTA DANG LTA BA MCHOG 'DZIN GNYIS RE DANG, DE BZHIN DU SDUG KUN MTHONG SPANG GI THE TSOM GNYIS RE DANG, THE TSOM GANG YIN PA DE DANG LHAN CIG PA'I MA RIG PA DANG, RTZA NYON GZHAN DANG MA 'DRES PA'I MA RIG PA GNYIS RE STE KHAMS GSUM NA BCU GCIG RE YOD PA'I SO GSUM GANG YIN PA DE CHOS CAN, RANG SA'I SPANG BYA RIGS LNGA LA 'GRO BA'I SKAL MNYAM KUN 'GRO YIN TE, DE LNGA LA DMIGS NAS RGYAS PAR 'GYUR BA'I PHYIR, BCU GCIG PO DE DAG LAS DGU KHAMS GONG DU DMIGS PA YIN TE, 'JIG LTA MTHAR LTA GNYIS MA GTOGS PA GZHAN RNAMS KYIS DER @145A *, ,DMIGS PA'I PHYIR, KUN 'GRO DE DAG DANG LHAN CIG 'BYUNG BA'I SEMS SEMS BYUNG GANG YIN PA DE YANG CHOS CAN, KUN 'GRO YIN TE, DE DAG DANG DMIGS RNAM MTSUNGS PAR 'JUG PA'I PHYIR, KUN 'GRO DE DAG GI THOB PA CHOS CAN, PHRA RGYAS KUN 'GROR MA GTOGS TE, KHYOD DANG KUN 'GRO RNAMS 'BRAS BU MI MTSUNGS PA'I PHYIR, GNYIS PA LA, ZAG MED LA DMIGS PA DANG, DE LA MA DMIGS PA GNYIS, DANG PO NI, 'GOG DANG LAM MTHONG SPANG BYA BA, , LOG LTA THE TSOM DE DAG DANG, ,LDAN DANG 'BA' ZHIG MA RIG DANG, ,DRUG NI ZAG MED SPYOD YUL CAN, ,RANG GI SA PA'I 'GOG PA DANG, ,LAM NI PHAN TSUN RGYU YIN PAS, ,SA DRUG SA DGU'I LAM NI DE'I, ,SPYOD YUL CAN GYI YUL YIN NO, ,ZHES BYUNG, 'GOG PA DANG LAM MTHONG BAS SPANG BAR BYA BA'I LOG LTA DANG, THE TSOM DE DAG DANG, DE DAG DANG MTSUNGS LDAN GYI MA RIG PA DANG, 'BA' ZHIG PA MA 'DRES PA'I MA RIG PA DANG DRUG NI CHOS CAN, ZAG MED KYI SPYOD YUL CAN YIN TE, RANG GI SA PA'I 'GOG PA DANG, LAM LA DMIGS PA'I PHYIR, LAM LA DMIGS PA'I TSE 'DOD PA'I LOG LTA SOGS DRUG GI DMIGS PA BSAM GTAN BZHI DANG MI LCOGS MED DANG KHYAD PAR CAN TE BSAM GTAN SA DRUG DANG CHOS SHES PA'I PHYOGS DANG MTHUN PA'I LAM THAMS CAD DANG, KHAMS GONG GI DES LAM LA DMIGS PA NAS MI LCOGS MED PA NAS SRID RTZE'I BAR GYIS DGU'I RJES SHES DANG PHYOGS MTHUN PA'I GONG GI LAM RNAMS LA DMIGS, SA DRUG DANG SA DGU'I LAM NI RANG RANG GIS DE'I PHAN TSUN GYI RGYU BYED PA'I SPYOD YUL CAN GYI YUL CAN YIN PA'I PHYIR, GNYIS PA NI, 'DOD CHAGS MIN TE SPANG BYA'I PHYIR, ,GNOD MI BYED PHYIR ZHE SDANG MIN, ,ZHI DANG DAG DANG MCHOG GYUR PHYIR, ,NGA RGYAL MA YIN MCHOG 'DZIN MIN, ,ZHES BYUNG, 'DOD CHAGS @145B CHOS CAN, KHYOD KYIS ZAG MED 'GOG LAM LA DMIGS PA MIN TE, KHYOD ZAG BCAS LA GTZO BOR DMIGS PAS THAR 'DOD KYIS GCIG TU SPANG BYA YIN PA'I PHYIR, ZHE SDANG CHOS CAN, KHYOD KYIS DE LA DMIGS PA MIN TE, 'GOG LAM NI GNOD PA MI BYED PA'I RANG BZHIN CAN YIN LA, KHYOD NI GNOD PAR SEMS PA CAN YIN PA'I PHYIR, NGA RGYAL CHOS CAN, KHYOD KYIS KYANG DE LA DMIGS PA MA YIN TE, 'GOG LAM NI ZHI PA YIN LA, KHYOD NI KHENGS PA'I RNAM PA CAN YIN PA'I PHYIR, TSUL ZHUGS MCHOG 'DZIN CHOS CAN, KHYOD KYIS KYANG DE LA DMIGS PA MIN TE, 'GOG LAM RNAM PAR DAG PA YIN LA, KHYOD KYIS NI MA DAG LA GTZO BOR DMIGS NAS MCHOG TU 'DZIN PA'I PHYIR, LTA BA MCHOG 'DZIN CHOS CAN, KHYOD KYIS KYANG 'GOG LAM LA DMIGS PA MA YIN TE, KHYOD KYIS DMAN PA LA MCHOG TU 'DZIN PA YIN LA, 'GOG LAM NI CHOS KYI MCHOG TU GYUR PAS KHYOD KYI YUL MIN PA'I PHYIR, GSUM PA DMIGS PA DANG MTSUNGS LDAN GYI SGO NAS DBYE BA NI, PHRA RGYAS KUN TU 'GRO BA NI, , DMIGS PA'I SGO NAS RANG GI SA, ,THAMS CAD DU NI RGYAS PAR 'GYUR, ,KUN 'GRO MA YIN RANG RIS SU, ,ZAG MAD GONG MA'I YUL CAN MIN, ,BDAG GIR MA BYAS GNYEN PO'I PHYIR, ,GANG ZHIG GANG DANG MTSUNGS LDAN PA, ,DE NI DE MTSUNGS LDAN SGO NAS, ,ZHES BYUNG, PHRA RGYAS KUN TU 'GRO BA RNAMS NI CHOS CAN, DMIGS PA'I SGO NAS KHAMS RANG GI SA PA'I RNAM PA LNGA PO THAMS CAD DU NI RGYAS PAR 'GYUR BA YIN TE, RANG SA'I DE RNAMS NI LTA BAS BDAG GIR BYAS PA'I PHYIR, KUN 'GRO MA YIN PA'I PHRA RGYAS CHOS CAN, DMIGS PA'I SGO NAS RANG GI SAR RANG GI RIS KHO NA LA RGYAS PAR 'GYUR GYI, RIS GZHAN DU MI RGYAS TE, SDUG BSNGAL MTHONG SGOM GYI SPANG BYA RNAMS RANG SA'I SDUG BSNGAL MTHONG SGOM GYI SPANG BYA'I @146A *, ,RIS KHO NA LA RGYAS PAR 'GYUR BA SOGS YIN PA'I PHYIR, PHRA RGYAS KUN 'GRO MA YIN PA LA DMIGS PA'I SGO NAS RGYAS PAR MI 'GYUR BA YANG YOD DE, ZAG MED LA DMIGS PA DANG, GONG MA LA DMIGS PA'I YUL CAN RNAMS NI DMIGS PA'I SGO NAS RGYAS PAR 'GYUR BA MA YIN PA'I PHYIR, DER THAL, ZAG MED NI BDAG LTAS BDAG GIR MA BYAS PA'I PHYIR TE, ZAG MED DE DAG GI GNYEN PO YIN PA'I PHYIR, PHRA RGYAS GANG ZHIG SEMS BYUNG TSOR BA SOGS GANG DANG MTSUNGS PAR LDAN PA'I SA MANG PO DE NI CHOS CAN, DE DANG MTSUNGS LDAN GYI SGO NAS RGYAS PAR 'GYUR BA YIN TE, PHRA RGYAS DANG MTSUNGS LDAN GYI NYON MONGS CAN YIN PA'I PHYIR, BZHI PA LA, DBYE BA SPYIR BSTAN PA, DE DAG TU 'JOG PA'I RTZA BA NGOS BZUNG BA, DRI BA DANG LAN GYIS GTAN LA DBAB PA DANG GSUM, DANG PO NI, GONG MA THAMS CAD LUNG MA BSTAN, ,'DOD NA 'JIG TSOGS LTA BA DANG, ,MTHAR 'DZIN LHAN CIG MA RIG PA, ,LHAG MA RNAMS 'DIR MI DGE BA'O, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, KHAMS GONG MA GNYIS KYI NYON MONGS THAMS CAD CHOS CAN, LUNG MA BSTAN YIN TE, SGRIB LUNG MA BSTAN YIN PA'I PHYIR, DER THAL, SGRIB PA YIN YANG, DUS DE'I TING NGE 'DZIN GYI NUS PAS BTUL BAS RNAM SMIN SDUG BSNGAL 'BYIN PA MED PA'I PHYIR, 'DOD PA NA 'JIG TSOGS LTA BA DANG MTHAR 'DZIN GYI LTA BA DANG, DE GNYIS DANG LHAN CIG PA'I MTSUNGS LDAN GYI MA RIG PA CHOS CAN, SGRIB LUNG MA BSTAN YIN TE, RNAM SMIN MI 'BYIN PA'I RIGS CAN GYI SGRIB PA YIN PA'I PHYIR, DE GSUM GYI LHAG MA 'DOD CHAGS LA SOGS PA RNAMS CHOS CAN, 'DOD PA 'DIR MI DGE BA YIN TE, RNAM SMIN SDUG BSNGAL 'BYIN BYED YIN PA'I PHYIR, GNYIS PA MTHA' @146B DPYAD PA LA, MI DGE BA'I RTZA BA YIN NA, MI DGE BA YIN PAS KHYAB ZER NA, DE'I RTZA BAR GYUR PA'I MA RIG PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, PHRA RGYAS NA RIG PA YOD PA'I PHYIR, 'DOD NA, MA YIN PAR THAL, LUNG MA BSTAN YIN PA'I PHYIR, DER THAL, MA RIG PA YIN PA'I PHYIR, KHA CIG , 'DOD CHAGS YIN NA, MI DGE BA YIN PAS KHYAB ZER NA, GONG MA'I 'DOD CHAGS CHOS CAN, DER THAL, DE'I PHYIR, RTAGS GSAL SLA, KHA CIG , 'DOD PA'I MI DGE BA YIN NA, RNAM SMIN 'BYIN PAS KHYAB ZER NA, BSHAGS PAS 'DAGS NGES KYI MI DGE BA CHOS CAN, DER THAL, DE'I PHYIR, DER THAL, CHOS CAN DE'I PHYIR, KHYAB STE, KHAMS GONG NA MI DGE BA MED PA'I PHYIR, 'DOD NA SLA 'O, ,GNYIS PA LA, 'DOD PA'I NYON MONGS MI DGE BA DANG, KHAMS GONG GI NYON MONGS LUNG MA BSTAN DU 'JOG PA'I RTZA BA GNYIS, DANG PO NI, 'DOD NA 'DOD CHAGS KHONG KHRO DANG, RMONGS PA RNAMS MI DGE'I RTZA BA YIN, ZHES BYUNG, 'DOD PA NA MI DGE BA'I RTZA BA YIN PA YOD DE, DE'I 'DOD CHAGS DANG KHONG KHRO DANG LTA BA DANG PO GNYIS DANG MTSUNGS LDAN MA YIN PA'I RMONGS PA RNAMS DE'I RTZA BA YIN PA'I PHYIR, GNYIS PA LA, KHA CHE BA'I LUGS DANG, 'OG PA'I LUGS GNYIS, DANG PO NI, LUNG MA BSTAN PA'I RTZA BA GSUM, ,DE NI SRED DANG MA RIG BLO, ,RNAM GNYIS MTHOR 'JUG PHYIR DE LAS, ,GZHAN MIN ZHES BYUNG, LUNG MA BSTAN PA'I RTZA BA DE CHOS CAN, KHYOD LA GSUM YOD DE, LUNG MA BSTAN GYI SRED PA DANG DE'I MA RIG PA DANG, RNAM PAR SMIN PA'I BLO SHES RAB GSUM YOD PA'I PHYIR, DE LAS GZHAN THE TSOM DANG NGA RGYAL NI, DE'I RTZA BA MA YIN TE, SNGA MA NI RNAM PA GNYIS SU 'JUG CING, PHYI MA NI RNAM PA MTHO BAR 'JUG PA'I PHYIR ZER, @147A *, ,GNYIS PA NI, BZHI ZHES NYI 'OG PA, ,DE DAG SRED LTA NGA RGYAL RMONGS, ,BSAM GTAN PA GSUM MA RIG LAS, ,ZHES BYUNG, LUNG MA BSTAN GYI RTZA BA DE DAG CHOS CAN, KHYOD LA BZHI YOD DE, SRED PA DANG LTA BA DANG NGA RGYAL DANG RMONGS PA BZHI YOD PA'I PHYIR, DER THAL, SRED LTA NGA RGYAL SHAS CHE BA'I BSAM GTAN PA GSUM YANG MA RIG PA'I DBANG LAS DE LTAR 'GYUR BA'I PHYIR ZER RO, ,GSUM PA DRI LAN GYIS GTAN LA PHAB PA NI, MGO GCIG PA DANG RNAM PHYE DANG, ,DRI DANG BZHAG PA LUNG BSTAN PA, ,'CHI DANG SKYE DANG KHYAD PAR 'PHAGS, ,BDAG GZHAN LA SOGS LTA BU YIN, ,ZHES BYUNG, 'DIR DRI BA DE CHOS CAN, KHYOD LA BZHI YOD DE, MGO GCIG TU LUNG BSTAN PAR BYA BA DANG, RNAM PAR PHYE NAS LUNG BSTAN PA DANG, DRI BAS LUNG BSTAN PA DANG, GZHAG PAR BYA BA'I DRI ZA DANG BZHI YOD PA'I PHYIR, DANG PO YOD DE, SEMS CAN 'DI RNAMS 'CHI BAR 'GYUR RAM ZHES 'DRI NA 'CHI BAR 'GYUR ZHES LUNG BSTAN PAR BYA BA YIN PA'I PHYIR, GNYIS PA YOD DE, SEMS CAN RNAMS NYON MONGS KYIS SKYE'AM ZHE NA NYON MONGS CAN RNAMS DE'I DBANG GIS SKYE'I, NYON MONGS SPANGS PA RNAMS NI MI SKYE ZHES RNAM PAR PHYE NAS LUNG BSTAN PAR BYA BA YIN PA'I PHYIR, GSUM PA YOD DE, CI MI 'DI DMAN NAM KHYAD PAR 'PHAGS ZHES 'DRIN, GANG LA LTOS TE YIN ZHES DRIS NAS LHA LA LTOS TE ZER NA DMAN LA, NGAN SONG LA LTOS TE ZER NA KHYAD PAR DU 'PHAGS ZHES LUNG BSTAN PAR BYA BA YIN PA'I PHYIR, BZHI PA YOD DE, PHUNG PO RNAMS BDAG LAS GZHAN NAM GZHAN MIN ZHES SOGS KHYAD GZHI GANG ZAG GI BDAG LA BSAMS NAS 'DRI BA'I TSE LAN LUNG MI STON PAR GZHAG PAR BYA BA LTA BU YIN PA'I PHYIR, DER THAL, GANG ZAG GI BDAG MED PAS @147B DER GRUB PA'I BDAG NI PHUNG PO DANG GCIG DANG THA DAD GANG DU'ANG MI RIGS PA'I PHYIR, LNGA PA DUS GSUM LA PHRA RGYAS LDAN TSUL GYI SGO NAS DBYE BA LA, PHRA RGYAS KYI DMIGS YUL, DUS GSUM LDAN TSUL LAM DE'I RNAM GZHAG BSTAN LA, SPANG BRAL GYI KHYAD PAR BSHAD PA, SEMS KYI DMIGS PA BYE BRAG TU BSHAD PA DANG BZHI, DANG PO LA, DMIGS YUL NGES CAN GYI NYON MONGS DANG, NGES MED KYI NYON MONGS GNYIS, DANG PO NI, 'DAS DANG NYER GNAS 'DOD CHAGS DANG, ,KHONG KHRO NGA RGYAL DAG GIS NI, ,GANG LA DE SKYES PA SPANGS PA'I, ,DNGOS PO DE DANG LDAN PA YIN, ,YID KYI DE DAG MA 'ONGS PAS, ,KUN DANG GZHAN GYI RANG DUS PA, ,MI SKYE RNAMS KYI THAMS CAD DANG, ,ZHES BYUNG, 'DAS PA DANG DA LTA BAR NYE BAR GNAS PA'I RNAM SHES DRUG DANG MTSUNGS PAR LDAN PA'I 'DOD CHAGS DANG KHONG KHRO DANG NGA RGYAL DAG GIS NI CHOS CAN, KHYOD RANG GANG LA RANG NYID SKYES NAS MA SPANGS KYI BAR DU YUL 'DOD CHAGS SOGS DNGOS PO DE DANG DE RANG RGYUD LDAN GYI GANG ZAG DE LA LDAN PAR BYED PA YIN TE, RANG GI MTSAN NYID PA'I NYON MONGS YIN PA'I PHYIR, YID KYI RNAM SHES KYI 'KHOR DU BYUNG BA'I 'DOD CHAGS KHONG KHRO NGA RGYAL GSUM PO DE DAG CHOS CAN, KHYOD KYIS YUL MA 'ONGS PA'I DUS GSUM PO KUN DANG LDAN PAR BYED DE, YUL GANG LA DE SKYES LA MA SPANGS SHING, YID KYI YUL NI DUS GSUM PA YIN PA'I PHYIR, YID LAS GZHAN PA'I DBANG SHES DANG DE'I 'KHOR GYI NYON MONGS RNAMS CHOS CAN, KHYOD KYIS RANG DANG DUS MNYAM PA'I YUL DUS SO SO KHO NA DANG LDAN PAR BYED DE, MA 'ONGS PAS MA 'ONGS PA DANG, DE BZHIN DU DA LTA BA DANG 'DAS PA LA'ANG SO SOR LDAN PAR BYED PA'I PHYIR, MI SKYE BA'I CHOS CAN GYI MING CAN DBANG SHES RNAMS CHOS CAN, YUL DUS GSUM PA'I DNGOS @148A *, ,PO THAMS CAD DANG LDAN PAR BYED DE, YUL DE GSUM LA DMIGS PAS MNGON DU PHYOGS PA YIN PA'I PHYIR, GNYIS PA NI, LHAG MA KUN GYIS KUN DANG LDAN, ,ZHES BYUNG, DE DAG GI LHAG MA LTA BA DANG THE TSOM DANG MA RIG PA KUN CHOS CAN, KHYOD RANG YUL DUS GSUM PA'I DNGOS PO KUN DANG LDAN TE, DE DAG SKYES LA MA SPANGS SHING NYON MONGS SPYI BA ? ZHES BYA BA DE YIN PA'I PHYIR, GSUM PA LA, DUS GSUM RDZAS YOD DU GRUB TSUL, DUS GSUM GYI 'JOG TSUL, DE LA MDO SDE PAS GNOD BYED BRJOD PA, BYE BRAG SMRA BAS LAN BTAB TSUL DANG BZHI, DANG PO LA, LUNG DANG RIGS PA'I SGRUB BYED GNYIS, DANG PO NI, DUS RNAMS KUN TU YOD BSHAD PHYIR, ,ZHES BYUNG, DUS GSUM PO CHOS CAN, RNAM PA KUN TU RDZAS SU YOD DE, BCOM LDAN 'DAS KYIS DGE SLONG DAG GAL TE 'DAS PA'I GZUGS ZHIG YOD PAR MA GYUR NA ZHES SOGS KYIS KHYOD RDZAS YOD DU BSHAD PA'I PHYIR, GNYIS PA NI, GNYIS KYI YUL YOD PHYIR 'BRAS PHYIR, ,DE YOD SMRA BA'I PHYIR THAMS CAD, ,YOD PAR SMRA BAR 'DOD, CES BYUNG, DA LTA BAR MA ZAD, 'DAS MA 'ONGS GNYIS CHOS CAN, RDZAS SU YOD DE, KHYOD GNYIS LA DMIGS PA'I RNAM SHES KYI YUL DNGOS PO BA YOD PA'I PHYIR DANG, 'DAS PA'I LAS KYI 'BRAS BU BSKYED PA YOD PAR MTHONG BA'I PHYIR, GZHI THAMS CAD YOD PAR SMRA BAS DUS GSUM RDZAS YOD DU 'DOD DE, DE RDZAS YOD DU 'DOD PAR KHA CHE BAS SMRA BA'I PHYIR, GNYIS PA NI, DE DAG , ,RNAM BZHI DNGOS DANG MTSAN NYID DANG, ,GNAS SKABS GZHAN GZHAN 'GYUR ZHES BYA, ,GSUM PA BZANG STE BYA BA YIS, ,DUS RNAMS RNAM GZHAG CES BYUNG, YOD SMRA'I LUGS LA DE DAG KYANG RNAM PA BZHIR 'DOD TSUL YOD DE, DNGOS PO GZHAN @148B DU 'GYUR BA DANG, DE BZHIN DU MTSAN NYID DANG, GNAS SKABS DANG, SNGA PHYI GZHAN DANG GZHAN DU 'GYUR ZHES BYA BAR SMRA BA BZHI YOD PA'I PHYIR, DANG PO NI BTZUN PA CHOS SKYOB KYI LUGS YIN TE, DES MYU GU LTA BU 'DAS PA NAS DA LTAR BA DANG DA LTA BA NAS MA 'ONGS PAR 'JUG PA'I TSE RDZAS GZHAN DU MI 'GYUR YANG DNGOS PO GZHAN DU 'GYUR BAR 'DOD PA'I PHYIR, DPER NA, GSER SNOD BCOM NAS RGYAN BYAS TSE GSER GYI MDOG MI 'GYUR BA DANG, 'O MA ZHOR 'GYUR BA'I TSE RO NUS 'GYUR YANG KHA DOG MI 'GYUR BA BZHIN NO, ,GNYIS PA NI DBYANGS SGROGS KYI LUGS YIN TE, DES DE LTAR 'JUG PA'I TSE MYU GU DE DUS GSUM CHAR LDAN YANG MTSAN NYID GANG SHAS CHE BA'I SGO NAS MTSAN NYID GZHAN DU 'GYUR BAR 'DOD PA'I PHYIR, DPER NA, SKYES PA GCIG BUD MED GCIG LA CHAGS PA'I TSE BUD MED GZHAN LA CHAGS PA DANG MA BRAL YANG DE LA CHAGS ZHES BRJOD PA BZHIN NO, ,GSUM PA DBYIG BSHES KYI LUGS YIN TE, DUS GSUM GNAS SKABS GZHAN DU 'GYUR GYI RDZAS GZHAN DU MI 'GYUR ZHING, SNGAR LTAR 'JUG PA'I TSE BYA BA MA SKYES PA MA 'ONGS PA DANG, BYA BA SKYES LA MA 'GAGS PA DA LTAR BA DANG, BYA BA ZHIG PA 'DAS PA STE GNAS SKABS GZHAN DU 'GYUR BAR 'DOD PA'I PHYIR, DPER NA, RTZIS KYI RIL BU GCIG NI GCIG DANG BRGYA STONG SOGS KYI SHO MIG GI GO SAR BZHAG PA NA GCIG DANG BRGYA SOGS SU BRJOD PA BZHIN NO, ,BZHI PA NI SANGS RGYAS LHA'I LUGS YIN TE, DES DE LTAR 'JUG PA'I TSE SNGA PHYI BAR GSUM LA 'DAS MA 'ONGS DA LTAR BA GSUM DU 'JOG PAS GZHAN DANG GZHAN DU 'GYUR BAR 'DOD PA'I PHYIR, DPER NA, BUD MED GCIG RANG GI MA LA LTOS NAS BU MO DANG RANG GI BU MO LA LTOS NAS MA DANG RANG NYID DE'I BAR DU 'JOG PA BZHIN NO ZHES ZER RO, ,DE'I DANG PO MI 'THAD DE, @149A *, ,PHYI ROL GRANGS CAN GYI 'DOD PA DANG MTSUNGS PA'I PHYIR, GNYIS PA YANG MI 'THAD DE, DUS GSUM GYI MTSAN NYID 'CHOL BAR 'GYUR BA'I PHYIR, BZHI PA YANG MI 'THAD DE, DUS GSUM RE RE YANG DUS GSUM CHAR DU THAL BA'I SKYON YOD PA'I PHYIR, LUGS GSUM PA NI CUNG ZAD BZANG STE, BYA BA MI BYED PAS MA 'ONGS PA DANG, BYED PA'I TSE DA LTA BA DANG, BYAS NAS 'GAGS PA 'DAS PA DANG GSUM PO DE YI SGO NAS DUS GSUM PO RNAMS RNAM PAR BZHAG PA'I PHYIR, GSUM PA NI, GEGS SU BYED, ,DE YANG JI LTAR GZHAN MA YIN, ,DUS SU MI RUNG DE BZHIN DU, ,YOD NA CI'I PHYIR MA SKYES ZHIG ,CES BYUNG, MDO SDE PA NA RE, GSUM PA DE CUNG ZAD BZANG YANG SKYON YOD DE, 'DAS MA 'ONGS GNYIS KYIS 'BRAS BU SKYED PA'I BYA BA BYED PAR THAL, DE GNYIS KYIS 'BRAS BU BSKYED PA LA GEGS BYED PA MED PA'I PHYIR, BYA BA 'DAS MA 'ONGS DA LTAR BA GANG YIN PA DE YANG JI LTAR BYA BA LA YANG BYA BA GZHAN ZHIG YOD PA MA YIN PAR THAL, 'DAS PA SOGS GANG YANG MIN PA'I 'DUS MA BYAS YIN PA'I PHYIR, DER THAL, BYA BA 'DAS ZIN NAS MED PA DE DUS SU MI RUNG ZHING, GANG LA BYA BA MI BYED PA'I MA 'ONGS PA NI DNGOS POR BRJOD DU MI RUNG BA'I PHYIR, CI'I PHYIR MA 'ONGS PA NI MA SKYES SHING 'DAS PA NI ZHIG PA MA YIN PAR THAL, DA LTA BA BZHIN DU DE GNYIS KYANG YOD PA'I PHYIR ZER, BZHI PA NI, CHOS NYID DAG NI ZAB PA YIN, ,ZHES BYUNG, BYE BRAG SMRA BA NA RE, MDO SDE PA'I RTZOD PA DE KHO BO CAG LA MI GNOD PAR THAL, 'DAS MA 'ONGS DE LTAR 'JOG TU YOD PA'I CHOS NYID DE GNAS LUGS LA NI RTOGS DKA' ZHING ZAB PA YIN PAS RTOG GE TZAM GYI YUL MA YIN PA'I PHYIR RO, ,GSUM PA SPANG BRAL GYI KHYAD PAR NI, SDUG @149B BSNGAL MTHONG SPANG BYA SPANGS KYANG, ,KUN 'GRO LHAG MA RNAMS KYIS LDAN, ,DANG PO'I RNAM PA SPANGS KYANG DE'I, ,YUL CAN DRI MA LHAG RNAMS KYIS, ,ZHES BYUNG, SKABS 'DIR SPANG BYA DE DANG BRAL NA SPANGS PAS KHYAB KYANG, SPANGS NA BRAL BAS MA KHYAB STE, SDUG BSNGAL SHES PA GNYIS SKYES LA KUN 'BYUNG SHES PA MA SKYES PA'I SDUG BSNGAL MTHONG SPANG SPANGS KYANG, KUN 'GRO LHAG MA KUN 'BYUNG MTHONG SPANG RNAMS KYIS DMIGS PA'I SDUG BSNGAL MTHONG SPANG DANG LDAN PA'I PHYIR TE, DES MTHONG SPANG GZHAN LA 'GRE BA'I PHYIR, PHYIR MI 'ONG GI 'BRAS BU THOB PA'I TSE 'DOD PA'I SAS BSDUS PA'I SGOM SPANG DANG PO'I RNAM PA STE CHEN PO'I CHEN PO SOGS SPANGS KYANG DE DANG LDAN PA YOD DE, SGOM SPANG CHEN PO DE'I YUL CAN LHAG MA CHUNG NGU'I SGOM SPANG RNAMS MA SPANGS BAR DU DE DAG GIS DMIGS PAS CHEN PO DANG YANG LDAN PAR 'GYUR BA'I PHYIR, BZHI PA SEMS KYI DMIGS PA BSHAD PA NI, SDUG BSNGAL RGYU MTHONG GOMS PA LAS, ,SPANG BYA 'DOD KHAMS LAS SKYES PA, ,RANG GI GSUM DANG GZUGS GTOGS GCIG ,DRI MED RNAM SHES SPYOD YUL LO, ,GZUGS KHAMS LAS SKYES RANG GI DANG, ,'OG GSUM GONG GCIG DRI MED KYI'ANG, ,GZUGS MED LAS SKYES KHAMS GSUM GTOGS, ,GSUM DANG ZAG MED SPYOD YUL LO, ,'GOG DANG LAM MTHONG SPANG BYA KUN, ,RANG GIS GLAGS PA'I SPYOD YUL LO, ,ZAG MED KHAMS GSUM MTHA' GSUM DANG, ,ZAG PA MED PA'I SPYOD YUL LO, ,ZHES BYUNG, SPYIR SDUG BSNGAL MTHONG SPANG SOGS SPANG BYA RIGS LNGA LNGA STE BCO LNGA DANG ZAG MED DANG BCAS PA'I TSES BCU DRUG YOD PAS, DE RNAMS KYI YUL CAN YANG BCU DRUG YOD DE, DE YANG SDUG BSNGAL MTHONG SPANG DANG RGYU KUN 'BYUNG MTHONG SPANG DANG, GOMS PA STE SGOM PA YI LAM GYIS SPANG BAR BYA BA DANG ? 'DOD KHAMS LAS SKYES PA CHOS CAN @150A *, ,SEMS LNGA'I SPYOD YUL LAM DMIGS PA STE, 'DOD PA RANG GI SAS BSDUS SDUG KUN MTHONG SPANG GNYIS DANG 'DOD PA'I SGOM SPANG STE GSUM DANG, GZUGS SU GTOGS PA'I SGOM SPANG GCIG DANG, DRI MED CHOS SHES KYI PHYOGS RNAM SHES KYI SPYOD YUL RANG YIN PA'I PHYIR, GZUGS KHAMS SU SKYES PA'I SDUG KUN MTHONG SPANG DANG SGOM SPANG GSUM PO CHOS CAN, SEMS BRGYAD KYI DMIGS PA YIN TE, RANG GI SA'I SDUG KUN MTHONG SPANG GI SEMS GNYIS DANG SGOM SPANG GI SEMS GCIG STE GSUM DANG, 'OG MA'I 'DOD KHAMS KYI MTHONG SPANG GI KUN 'GRO DANG MTSUNGS LDAN GYI SEMS GNYIS DANG SGOM SPANG GI SEMS GCIG STE GSUM DANG, GONG MA GZUGS MED KYI NYER BSDOGS KYIS BSDUS PA GCIG DANG DRI MED KYI SHES PA'I SPYOD YUL 'ANG GCIG YIN PA'I PHYIR, GZUGS MED LAS SKYES PA'I SPANG BYA GSUM PO CHOS CAN, RNAM SHES BCU'I DMIGS PA YIN TE, KHAMS GSUM DU GTOGS PA'I SDUG KUN MTHONG SPANG GNYIS DANG SGOM SPANG GCIG STE GSUM GSUM DANG, ZAG MED KYI SPYOD YUL GCIG YIN PA'I PHYIR, 'GOG PA DANG LAM GYI MTHONG BAS SPANG BYA KUN CHOS CAN, RNAM SHES DU MA'I SPYOD YUL YIN TE, 'DOD PAR SNGAR BSHAD PA'I SEMS LNGA'I STENG DU 'GOG LAM RANG GI SEMS GLAGS PA STE BSNAN PA'I RNAM SHES DRUG DANG, GZUGS KHAMS KYI BRGYAD BSHAD PA'I STENG DU RANG GI DE BSNAN PAS DGU DANG, GZUGS MED KYI BCU BSHAD PA'I STENG DU RANG GI DE BSNAN PAS BCU GCIG GI SPYOD YUL YIN PA'I PHYIR, ZAG MED CHOS CAN, RNAM SHES BCU'I SPYOD YUL YIN TE, KHAMS GSUM NA SPANG BYA MTHA' STE THA MA 'GOG LAM MTHONG SPANG GNYIS DANG SGOM SPANG GCIG STE GSUM GSUM DANG, ZAG PA MED PA'I SEMS KYI SPYOD YUL GCIG YIN PA'I PHYIR, GSUM PA BCAS MA BCAS KYI SGO NAS DBYE BA NI, NYON MONGS PHRA RGYAS BCAS RNAM GNYIS, ,NYON MONGS CAN MIN RGYAS 'GYUR GYIS, ,ZHES BYUNG, @150B NYON MONGS CAN GYI PHRA RGYAS CHOS CAN, KHYOD LA RNAM PA GNYIS YOD DE, PHRA RGYAS DE RGYAS PAR 'GYUR BA DANG, MI RGYAS KYANG PHRA RGYAS DANG BCAS PA GNYIS YOD PA'I PHYIR, DER THAL, SPANG PA NI RGYAS PA MIN GYI, NYON MONGS CAN MA YIN PA MA SPANG PA NI RGYAS PAR 'GYUR BA'I PHYIR, GNYIS PA SKYE TSUL LA, SKYE BA'I GO RIM DANG DE'I RGYU GNYIS, DANG PO NI, RMONGS LAS THE TSOM DE NAS NI, ,LOG LTA DE NAS 'JIG TSOGS LTA, ,DE NAS MTHAR 'DZIN DE NAS NI, ,TSUL KHRIMS MCHOG 'DZIN DE NAS LTA, ,RANG GI LTA LA NGA RGYAL CHAGS, ,GZHAN LA ZHE SDANG DE LTAR RIM, ,ZHES BYUNG, NYON MONGS PHRA RGYAS RNAMS CHOS CAN, KHYOD SKYE BA'I RIM PA YOD DE, DANG POR BDEN BZHI'I DON LA RMONGS PA SKYE, DE LAS DE YOD DAM MED YIN NAM MIN SNYAM PA'I THE TSOM SKYE, DE NAS RGYU MTSAN PHYIN CI LOG LA BRTEN NAS DE DAG MED PA DANG MIN SNYAM PA'I LOG LTA SKYE, DE NAS PHUNG PO LA BDAG TU LTA BA'I 'JIG TSOGS LA LTA BA SKYE, DE NAS DE LA RTAG CHAD DU LTA BA'I MTHAR 'DZIN GYI LTA BA SKYE, DE NAS DES DAG PAR 'DZIN PA'I TSUL KHRIMS DANG BRTUL ZHUGS MCHOG 'DZIN SKYE, DE NAS LTA NGAN LA MCHOG TU 'DZIN PA'I LTA BA MCHOG 'DZIN SKYE, DE LA BRTEN NAS RANG GI LTA BA LA NGA RGYAL DANG 'DOD CHAGS DANG, GZHAN GYI LTA BA LA ZHE SDANG DE LTAR RIM PA BZHIN DU SKYE BA'I PHYIR, GNYIS PA NI, PHRA RGYAS SPANGS PA MA YIN DANG, ,YUL NI NYE BAR GNAS PA DANG, ,TSUL BZHIN MA YIN YID BYED LAS, ,NYON MONGS RGYU NI TSANG BA YIN, ,ZHES BYUNG, PHRA RGYAS DE RNAMS CHOS CAN, RGYU DANG YUL DANG SBYOR BA GSUM LAS SKYE STE, PHRA RGYAS NYON MONGS SPANGS PA YIN ZHING LDAN PA DANG, NYON MONGS SKYE BA'I YUL GZUGS SDUG MI SDUG NI NYE BAR GNAS PA DANG, TSUL BZHIN MA YIN PA YID LA BYED PA'I SBYOR BA DANG RGYU NI GSUM TSANG BA LAS SKYE BA'I PHYIR, GSUM PA RNAM GRANGS LA, MDO LAS GSUNGS PA, BSTAN BCOS LAS GSUNGS PA, ZHAR BYUNG MTSUNGS LDAN BSHAD PA, SPONG @151A *, ,BYA SGRIB PA LNGA BSHAD PA DANG BZHI, DANG PO LA, SO SOR BSHAD PA DANG, NGES TSIG BSDUS TE BSTAN PA GNYIS, DANG PO LA, ZAG PA DANG, CHU BO SBYOR BA, NYER LEN DANG GSUM, DANG PO LA, 'DOD PA DANG SRID PA DANG MA RIG PA'I ZAG PA GSUM, DANG PO NI, 'DOD NA GTI MUG MA GTOGS PA'I, NYON MONGS KUN DANG DKRIS BCAS ZAG ,CES BYUNG, 'DOD PA NA GTI MUG MA GTOGS PA'I NYON MONGS SO GCIG DANG KUN DKRIS BCU DANG BCAS PA CHOS CAN, 'DOD PA'I ZAG PA YIN TE, 'DOD PA'I YON TAN SOGS CI RIGS LA DMIGS PA'I 'KHOR BAR ZAG BYED YIN PA'I PHYIR, KHYON ZHE GCIG YIN TE, LTA BA BCU GNYIS, THE TSOM BZHI, CHAGS SDANG NGA RGYAL GSUM LA LNGA LNGA STE SO GCIG NGO TSA KHREL MED SOGS BCU RNAMS YIN PA'I PHYIR, GNYIS PA NI, GZUGS DANG GZUGS NI MED PA NA, ,PHRA RGYAS KHO NA SRID PA'I ZAG ,DE LUNG MA BSTAN KHA NANG BLTAS, ,MNYAM GZHAG SA PA'I PHYIR GCIG BYAS, ,ZHES BYUNG, GZUGS DANG GZUGS MED PA'I KHAMS NA MA RIG PA BCU BOR PA'I LHAG MA PHRA RGYAS LTA BA BCU GNYIS, THE TSOM BZHI, 'DOD CHAGS NGA RGYAL LNGA LNGA STE NYER DRUG RE BCAS PA'I PHRA RGYAS LNGA BCU RTZA GNYIS CHOS CAN, SRID PA'I ZAG PA YIN TE, PHAL CHER GONG SA'I NYON MONGS LA DMIGS PA'I RIGS GNAS KYI ZAG PA YIN PA'I PHYIR, KHO NA'I DON YOD DE, KUN DKRIS GCOD PA'I CHED YIN PA'I PHYIR, GONGS GNYIS KYI PHRA RGYAS LA SRID PA'I ZAG PA ZHES GCIG TU BYAS PA'I RGYU MTSAN YOD DE, DE GNYIS KA SGRIBS LUNG MA BSTAN DU 'DRA ZHING, KHA NANG DU BSKAS ? PA 'DRA BA DANG, MNYAM BZHAG GI BAR YANG 'DRA BA'I PHYIR, GSUM PA NI, RTZA BA MA RIG YIN PAS NA, ,LOGS SHIG DU NI ZAG PAR BSTAN, ,ZHES BYUNG, MA RIG PA'I ZAG PA CHOS CAN, BZHAG TU YOD DE, KHAMS GSUM GYI MA RIG PA LNGA LNGA STE ? BCO LNGA PO DE DE YIN PA'I PHYIR, MA RIG PA @151B CHOS CAN, KHYOD LOGS SHIG TU ZAG PAR BSTAN PA'I RGYU MTSAN YOD DE, ZAG PA GZHAN THAMS CAD KYI RTZA BA YIN PAS NA DE LTAR BSTAN PA'I PHYIR, GNYIS PA NI, CHU BO SBYOR BA'ANG DE BZHIN DU, ,LTA RNAMS GSAL PHYIR LOGS SHIG BSTAN, ,ZAG PA MA YIN GROGS MED RNAMS, ,'JOG PA'I RJES SU MI MTHUN LO, ,ZHES BYUNG, CHU BO DANG SBYOR BA GNYIS CHOS CAN, KHYOD LA BZHI BZHI YOD DE, ZAG PAR 'DOD PA DANG SRID PA DANG MA RIG PA'I ZAG PA GSUM, DE BZHIN DU 'DOD SRID MA RIG PA'I CHU BO GSUM DANG, DE GSUM GYI SBYOR BA GSUM DANG, LTA BA'I CHU BO DANG SBYOR BA RE RE BSTAN NAS BZHI BZHIR BYED PA'I PHYIR, LTA BA RNAMS NI LTA BA'I CHU BO DANG SBYOR BA ZHES LOGS SHIG TU BSTAN PA'I RGYU MTSAN YOD DE, DMIGS RNAM GSAL BA'I RGYU MTSAN GYIS YIN PA'I PHYIR, BYE SMRA NA RE, ZAG PAR LTA BA RNAMS LOGS SU MA BSTAN PA'I RGYU MTSAN YOD DE, ZAG PA'I NGES TSIG NI 'JOG BYED YIN LA, GROGS MED PA'I LTA BA RNAMS 'JOG PA'I RJES SU MI MTHUN PA'I PHYIR, LO ZHES PA'I DON YOD DE, SLOB DPON RANG NYID DE LTAR MI BZHED PA'I PHYIR, GSUM PA NYER LEN NI, JI SKAD BSHAD NYID MA RIG BCAS, ,NYER LEN RNAM GNYIS LTA RNAM GNYIS, ,PHYE BA'I PHYIR RO MA RIG PA, ,'DZIN PA BYED PA MIN PHYIR BSRAS, ,ZHES BYUNG, NYER LEN RNAMS CHOS CAN, RNAM PA BZHI YOD DE, GONG DU JI SKAD BSHAD PA NYID KYI 'DOD PA'I SBYOR BA NYER DGU MA RIG PA LNGA DANG BCAS PA'I SO BZHI PO 'DOD PA NYE BAR LEN PA DANG, SRID PA'I SBYOR BA NYER BRGYAD MA RIG PA BCU DANG BCAS PA'I SO BRGYAD NI BDAG TU LTA BA NYE BAR LEN PA RNAM PA GNYIS DANG, LTA BA'I SBYOR BA LA TSUL ZHUGS MCHOG 'DZIN DRUG DOR BA'I LHAG MA SUM CU NI LTA BA NYE BAR LEN PA DANG, TSUL KHRIMS DANG BRTUL ZHUGS MCHOG 'DZIN DRUG NI TSUL ZHUGS MCHOG 'DZIN NYE BAR LEN PA STE RNAM PA GNYIS SU PHYE BAS DE LTAR YOD PA'I PHYIR, @152A *, ,MA RIG PA 'DOD PA DANG BDAG TU LTA BA NYER LEN GNYIS SU BSRES NAS STON PA'I RGYU MTSAN YOD DE, NYER LEN NI SRID PA 'DZIN PA'I DON YIN PAS, MA RIG PA RKYANG PAS SRID PA 'DZIN PAR BYED PA MA YIN PA'I PHYIR, DER THAL, DE MI GSAL BA'I RANG BZHIN CAN YIN PA'I PHYIR, GNYIS PA NGES TSIG NI, GANG PHYIR DE DAG PHRA BA DANG, ,RJES 'BREL RNAM GNYIS RGYAS 'GYUR DANG, ,RJES SU 'BRANG PAS DE YI PHYIR, ,PHRA RGYAS DAG TU BSHAD PA YIN, ,DE DAG 'JOG BYED ZAG BYED DANG, ,'KHYER BAR BYED DANG 'PHYAR BYED DANG, ,NYE BAR 'DZIN PHYIR ZAG LA SOGS, ,DE DAG GI NI NGES TSIG YIN, ,ZHES BYUNG, RTZA NYON DE DAG CHOS CAN, PHRA RGYAS DAG TU BSHAD PA'I NGES TSIG GI DON YOD DE, RTOGS DKA' BAS PHRA BA DANG, THOB BA DANG RJES SU 'BREL BA DANG, DMIGS PA DANG MTSUNGS LDAN RNAM PA GNYIS KYI SGO NAS RGYAS PAR 'GYUR BA DANG, BZLOG PA LA 'BAD KYANG RJES SU 'BRANG BAR 'GYUR BA DE YI PHYIR, NYON MONGS DE DAG CHOS CAN, KHYOD LA ZAG PA SOGS BRJOD PA'I RGYU MTSAN YOD DE, 'KHOR BAR BJOG PAR BYED PA DANG, ZAG PAR BYED PA DANG, SKYE GNAS BZHIR 'KHYER BA DANG, DER 'DZIN BSAM 'BYAR BAR BYED PA DANG, NYE BAR 'DZIN PAR BYED PA'I PHYIR NA ZAG PA DANG SOGS PAS CHU BO DANG SBYOR BA DANG, NYE BAR LEN PA ZHES PA NI DE DAG GI NGES TSIG GI DON YIN PA'I PHYIR, GNYIS PA BSTAN BCOS LAS BSHAD PA'I RNAM GRANGS LA, MDOR BSTAN PA DANG, RGYAS PAR BSHAD PA GNYIS, DANG PO NI, DE DAG KUN TU SBYOR SOGS KYI, ,DBYE BAS YANG RNAM SNGAR BSHAD DO,, ZHES BYUNG, PHRA RGYAS DE DAG CHOS CAN, YANG RNAM PA LNGAR BSHAD DE, KUN TU SBYOR BA DANG, SOGS KYIS 'CHING BA DANG, PHRA RGYAS DANG, NYE NYON DANG, KUN DKRIS KYI DBYE BAS DE LTAR DU BSHAD PA'I PHYIR, GNYIS PA LA, KUN SBYOR, 'CHING BA, NYE @152B NYON, KUN DKRIS DANG BZHI, DANG PO LA, DNGOS DANG, ZHAR BYUNG GNYIS, DANG PO NI, RDZAS DANG MCHOG 'DZIN 'DRA BA'I PHYIR, ,LTA GNYIS KUN TU SBYOR GZHAN NO, ,GANG PHYIR GNYIS KA GCIG TU NI, ,MI DGE RANG DBANG DE YI PHYIR, ,PHRAG DOG SER SNA DE DAG LAS, ,LOGS SHIG TU NI KUN SBYOR BSTAN, ,ZHES BYUNG, LTA BA MCHOG 'DZIN DANG TSUL ZHUGS MCHOG 'DZIN GYI LTA BA GNYIS CHOS CAN, LTA BA'I KUN TU SBYOR BA GZHAN GSUM LAS GZHAN PA'I KUN SBYOR GCIG TU BSHAD PA'I RGYU MTSAN YOD DE, LTA BA'I KUN SBYOR GZHAN DAG DANG RDZAS BCO BRGYAD BCO BRGYAD DU 'DRA BA DANG, RDZAS DANG MCHOG TU 'DZIN PA 'DRA BAS KUN SBYOR GCIG TU BYAS PA'I PHYIR, PHRAG DOG DANG SER SNA CHOS CAN, KUN SBYOR BRGYAD BSHAD PA DE DAG GI NANG NAS LOGS SHIG TU KUN SBYOR DGU'I GRANGS GNYIS SU BSTAN PA'I RGYU MTSAN YOD DE, GANG GI PHYIR NA GNYIS KA MTHA' GCIG TU MI DGE BA RANG DBANG CAN YIN PA DE YI PHYIR, GNYIS PA ZHAR BYUNG LA, THA MA'I CHA MTHUN LNGA, KUN SBYOR GSUM, GONG MA'I CHA MTHUN LNGA BSHAD PA DANG GSUM, DANG PO NI, THA MA'I CHA DANG MTHUN RNAM LNGA, ,GNYIS KYIS 'DOD LAS MI 'DA' LA, ,GSUM PO YIS NI PHYIR ZLOG BYED, ,CES BYUNG, KUN SBYOR LA THA MA'I CHA DANG MTHUN PA LNGA YOD DE, 'DOD PA LA 'DUN PA DANG, GNOD SEMS DANG, 'JIG LTA DANG, TSUL ZHUGS MCHOG 'DZIN DANG, THE TSOM NYON MONGS CAN RNAMS SU YOD PA'I PHYIR, DE LNGA'I BYED LAS YOD DE, DANG PO GNYIS KYIS 'DOD PA'I KHAMS LAS MI 'DA' BAR BYED CING, PHYI MA GSUM PO YIS NI KHAMS GONG MAR LAN GCIG SKYES KYANG 'DOD PAR PHYIR ZLOG PAR BYED PA'I PHYIR, GNYIS PA LA, BYE SMRA DANG MDO SDE PA'I LAN GNYIS, DANG PO NI, SGO DANG RTZA BAS BSDUS PHYIR GSUM, ,ZHES BYUNG, RGYUN ZHUGS KUN SBYOR THA MA GSUM GYI MA THONG SPANG @153A *, ,SPANGS PAS RAB TU PHYE NAS STON PA'I RGYU MTSAN YOD DE, SDUG BDEN SOGS YUL GYI RNAM PA NI GCIG DANG GNYIS DANG BZHI STE RNAM PA GSUM TSAN BYAS PA'I SGO YIN PA DANG, KUN SBYOR DE GSUM NI MTHONG SPANG GI RTZA BA YIN PAS DES BSDUS PAR GRAGS PA'I PHYIR, GNYIS PA NI, 'GRO MI 'DOD DANG LAM NOR DANG, ,LAM LA THE TSOM DE SNYED CIG ,THAR PAR BGROD LA GEGS BYED PHYIR, ,DE YI PHYIR NA GSUM BSTAN TO, ,ZHES BYUNG, RGYUN ZHUGS KYIS KUN SBYOR DE GSUM SPANGS PA'I 'BRAS BU THOB PAR 'JOG PA'I RGYU MTSAN YOD DE, DE THAR PAR BGROD PA'I GEGS BYED PA'I GTZO BO LA GSUM PO DE SNYED CIG TU NGES PA DE YI PHYIR NA KUN SBYOR GSUM BSTAN PA'I PHYIR, DER THAL, 'JIG LTAS THAR PAR 'GRO MI 'DOD PAR BYED PA DANG, TSUL ZHUGS MCHOG 'DZIN GYIS LAM NOR BA DANG, THE TSOM GYIS LAM LA THE TSOM ZA BAR BYED PA'I RGYU MTSAN GYIS YIN PA'I PHYIR, GSUM PA NI, GONG MA'I CHA DANG MTHUN LNGA NYID, ,GZUGS DANG GZUGS MED LAS SKYES PA'I, ,'DOD CHAGS GNYIS RGOD NGA RGYAL RMONGS, ,ZHES BYUNG, KUN TU SBYOR BA GONG MA'I CHA DANG MTHUN PA CHOS CAN, KHYOD LA LNGA YOD DE, GZUGS DANG GZUGS MED KHAMS LAS SKYES PA'I 'DOD CHAGS GNYIS DANG, RGOD PA DANG, NGA RGYAL DANG, RMONGS PA MA RIG PA RNAMS SU YOD PA'I PHYIR, GNYIS PA 'CHING BA BSHAD PA NI, TSOR BA'I DBANG GIS 'CHING BA GSUM, ,ZHES BYUNG, 'CHING BA CHOS CAN, KHYOD LA GSUM YOD DE, TSOR BA BDE BA'I DBANG GIS 'DOD CHAGS KYI 'CHING BA, SDUG BSNGAL GYI DBANG GIS ZHE SDANG GI 'CHING BA; BTANG SNYOMS KYI DBANG GIS GTI MUG GI 'CHING BA GSUM YOD PA'I PHYIR, GSUM PA NYE NYON NI, NYON MONGS LAS GZHAN NYON MONGS CAN, ,SEMS BYUNG 'DU BYED PHUNG ZHES PA, ,GANG DE'ANG NYE BA'I NYON MONGS DE, ,DE DAG NYON MONGS ZHES MI BYA, , @153B ZHES BYUNG, RTZA BA'I NYON MONGS LAS GZHAN PA'I NYON MONGS CAN SEMS BYUNG 'DU BYED KYI PHUNG POS BSDUS PA BSHAD CING 'CHAD PAR 'GYUR BA'I KHRO BA DANG NGO TSA MED PA SOGS NYI SHU GANG YIN PA DE'ANG CHOS CAN, NYON MONGS YIN TE, NYE BA'I NYON MONGS YIN PA'I PHYIR, DE DAG CHOS CAN, KHYOD LA RTZA BA'I NYON MONGS ZHES MI BYA STE, RTZA NYON DANG NYE BA'I NYON MONGS TZAM YIN PA'I PHYIR, BZHI PA KUN DKRIS LA, DNGOS DANG, ZHAR BYUNG DRI MA DRUG BSHAD PA DANG, KHYAD CHOS BSHAD PA GSUM, DANG PO LA, DBYE BA DANG, RGYU GANG LAS BYUNG BA GNYIS, DANG PO LA, BSTAN BCAS RAB TU BYED PA NAS BSHAD TSUL DANG, BYE BRAG SMRA BA'I LUGS GNYIS, DANG PO NI, NGO TSA MED DANG KHREL MED DANG, ,PHRAG DOG SER SNA RGOD PA DANG, ,'GYOD DANG RMUGS DANG GNYID DANG NI, ,KUN NAS DKRIS PA RNAM PA BRGYAD, ,CES BYUNG, KUN DKRIS CHOS CAN, KHYOD LA BRGYAD YOD DE, NGO TSA MED PA DANG, KHREL MED PA DANG, PHRAG DOG DANG, SER SNA DANG, RGOD PA DANG, 'GYOD PA DANG, RMUGS PA DANG, GNYIS DANG BCAS PA'I KUN NAS DKRIS PA RNAM PA BRGYAD YOD PA'I PHYIR, GNYIS PA NI, KHRO DANG 'CHAB PA'O ZHES BYUNG, BYE SMRA NA RE, DE LA BCU YOD DE, SNGA MA BRGYAD KYI STENG KHRO BA DANG 'CHAB PA GNYIS BSNAN PAS BCU YOD PA'I PHYIR, GNYIS PA NI, 'DOD CHAGS KYIS, ,NGO TSA MED RGOD SER SNA BSLANG, ,'CHAB PA RTZOD DO MA RIG LAS, ,RMUGS DANG GNYIS DANG KHREL MED DO, ,THE TSOM LAS 'GYOD KHRO BA DANG, ,PHRAG DOG KHONG KHRO'I RGYU LAS BYUNG, ,ZHES BYUNG, NGO TSA MED PA DANG RGOD PA DANG SER SNA GSUM CHOS CAN, RGYU GANG LAS BYUNG BA YOD DE 'DOD CHAGS KYIS KUN NAS BSLANG BAS DE DANG NYE ZHING DE LAS BYUNG BA'I PHYIR, 'CHAB PA'I RGYU LA RTZOD DE, KHA CIG MA RIG PA LAS BYUNG ZER LA, GZHAN DAG SRED PA DANG 'DOD CHAGS LAS KYANG BYUNG ZHES ZER BA'I PHYIR, RMUGS PA DANG GNYID DANG KHREL MED ? @154A *, ,GSUM CHOS CAN, MA RIG PA LAS BYUNG STE, DES KUN NAS BSLANG BA'I PHYIR, 'GYOD PA CHOS CAN, THE TSOM LAS BYUNG STE, DES KUN NAS BSLANG BA'I PHYIR, KHRO BA PHRAG DOG CHOS CAN, KHONG KHRO'I RGYU LAS BYUNG STE, DES KUN NAS BSLANG ZHING DE DANG NYE BA'I PHYIR, GNYIS PA LA, DBYE BA DANG, RGYU GNYIS, DANG PO NI, GZHAN YANG NYON MONGS DRI MA DRUG ,SGYU DANG G-YO DANG RGYAGS PA DANG, ,DE BZHIN 'TSIG DANG 'KHON 'DZIN DANG, ,RNAM 'CHI'O ZHES BYUNG, KUN DKRIS BCU LAS GZHAN YANG NYON MONGS PA'I DRI MA CHOS CAN, KHYOD LA DRUG YOD DE, SGYU DANG G-YO DANG RGYAGS PA DANG DE BZHIN DU 'TSIG PA DANG 'KHON 'DZIN DANG RNAM PAR 'TSE BA DANG DRUG YOD PA'I PHYIR, DE DRUG CHOS CAN, DRI MA ZHES BYA STE, LUS LAS DRI NGAN 'BYUNG BA LTAR KHYOD RTZA NYON LAS BYUNG BA'I NYON MONGS YIN PA'I PHYIR, DE RNAMS KYI KHYAD PAR YOD DE, SGYU NI GZHAN 'DRID PA DANG, G-YO NI SEMS KYI GYA GYU DANG, 'TSIG PA NI NYES PA DAM POR 'DZIN PA DANG, 'KHON 'DZIN NI MNAR SEMS DANG, RNAM 'CHI NI GZHAN LA THO 'TSAM PA ZHIG YIN PA'I PHYIR, GNYIS PA RGYU NI, SGYU DANG RGYAGS PA NI, ,'DOD CHAGS LAS SKYES 'KHON 'DZIN DANG, ,RNAM 'TSE KHONG KHRO LAS SKYES SO, ,'TSIG PA LTAR BA MCHOG 'DZIN LAS, ,G-YO NI LTA BAS KUN NAS BSLANG, ,ZHES BYUNG, DE DRUG CHOS CAN, RGYU RTZA NYON GANG LAS BYUNG BA YOD DE, SGYU DANG RGYAGS PA NI 'DOD CHAGS LAS SKYES, 'KHON DU 'DZIN PA DANG RNAM 'TSE NI KHONG KHRO LAS SKYES, 'TSIG PA NI LTA BA MCHOG 'DZIN LAS SKYES, G-YO NI LTA BA NGAN PAS KUN NAS BSLANG BA'I PHYIR, GSUM PA KHYAD CHOS LA, MTHONG SGOM GYI SPANG BYA'I KHYAD PAR, DGE BA DANG LUNG MA BSTAN GYI KHYAD PAR, KHAMS DANG SA'I KHYAD PAR DANG GSUM, DANG PO NI, DE LAS NGO TSA MED PA DANG, ,KHREL MED RMUGS GNYID RGOD RNAM GNYIS, ,DE LAS GZHAN NI SGOM SPANG BYA, ,RANG DBANG DE @154B BZHIN DRI MA RNAMS, ,ZHES BYUNG, NGO TSA MED PA DANG KHREL MED PA DANG RMUGS GNYID DANG RGOD PA LNGA CHOS CAN, KHYOD LA MTHONG SGOM GYI SPANG BYA RNAM PA GNYIS YOD DE, MTHONG SGOM RANG RANG GYI SPAR BYA DANG MTSUNGS LDAN GNYIS YON PA'I PHYIR, DE LAS GZHAN PHRAG DOG SER SNA KHRO BA 'CHAB PA 'GYOD PA LNGA CHOS CAN, SGOM PAS SPANG BAR BYA BA YIN TE, MA RIG PA TZAM DANG MTSUNGS LDAN GYI NYON MONGS RANG DBANG CAN YIN PA'I PHYIR, DE BZHIN DU G-YO DANG SGYU SOGS DRI MA DRUG PO RNAMS CHOS CAN, SGOM SPANG YIN TE, RANG DBANG CAN GYI NYON MONGS YIN PA'I PHYIR, GNYIS PA NI, 'DOD NA MI DGE GSUM RNAM GNYIS, ,DE YAN CHAD NI LUNG MA BSTAN, ,ZHES BYUNG, DE DAG LAS MI DGE BA DANG LUNG MA BSTAN GYI KHYAD PAR YOD DE, 'DOD PA NA NYON MONGS CAN GYI DE NYID RMUGS CHOD PA ? GSUM LA MI DGE BA DANG LUNG MA BSTAN GYI CHA RNAM PA GNYIS YOD CING, DE YAN CHAD DE KHAMS GONG NA NI KUN DKRIS DANG DRI MA RNAMS NI LUNG MA BSTAN YIN PA'I PHYIR, GSUM PA NI, 'DOD DANG BSAM GTAN DANG PO NA, ,G-YO SGYU TSANGS PAS 'DRI PHYIR RO, ,RMUGS RGOD RGYAGS PA KHAMS GSUM NA, ,GZHAN DAG 'DOD KHAMS LAS SKYES PA, ,ZHES BYUNG, KUN DKRIS DANG DRI MA DE DAG LAS KHAMS GANG NA YOD MED KYI KHYAD PAR YOD DE, G-YO SGYU GNYIS 'DOD PA DANG BSAM GTAN DANG POR YOD CING, DANG PO DER TSANGS PAS G-YO SGYUS GZHAN 'DRID PA'I PHYIR DANG, RMUGS RGOD RGYAGS PA NI KHAMS GSUM NA DANG, DE LNGA LAS GZHAN NGO TSA MED PA SOGS BCU GCIG DAG NI 'DOD KHAMS LAS SKYES PA KHO NA YIN PA'I PHYIR, GSUM PA MTSUNGS LDAN LA, GTZO SEMS GANG DU MTSUNGS PAR LDAN TSUL DANG MTSUNGS BAR LDAN PA GNYIS, DANG PO NI, MTHONG SPANG BYA GNYID NGA RGYAL BCAS, ,YID KYI RNAM SHES SA PA YIN, ,NYE BA'I NYON MONGS RANG DBANG YANG, GZHAN NI RNAM SHES DRUG RTEN CAN, ,ZHES @155A *, ,BYUNG, NYON MONGS DE DAG LAS MTHONG BAS SPANG BYA'I NYON MONGS THAMS CAD DANG SGOM SPANG GNYID DANG NGA RGYAL BCAS PA CHOS CAN, YID KYI RNAM SHES KYIS PA YIN TE, DE KHO NA'I 'KHOR DU 'BYUNG BA'I PHYIR, NYE BA'I NYON MONGS RANG DBANG CAN PHRAG DOG SER SNA 'GYOD PA KHRO 'CHAB CHOS CAN, YID KYI RNAM SHES KYIS PA YIN TE, RTAGS DE'I PHYIR, GZHAN 'DOD CHAGS KHONG KHRO SOGS RTZA NYON DANG NYE NYON NGO TSA MED KHREL MED RMUGS RGOD BAG MED LE LO MA DAD PA RNAMS CHOS CAN, RNAM SHES DRUG GI RTEN PA YIN TE, DE DAG GI 'KHOR DU 'BYUNG BA'I NYON MONGS YIN PA'I PHYIR, GNYIS PA LA, RTZA NYON TSOR BA GANG DANG, NYE NYON TSOR BA GANG DANG MTSUNGS PAR LDAN TSUL GNYIS, DANG PO LA, 'DOD PA DANG, KHAMS GONG MA'I MTSUNGS PAR LDAN TSUL GNYIS, DANG PO NI, BDE BA DAG DANG 'DOD CHAGS SU, ,MTSUNGS LDAN ZHE SDANG BZLOG PA'O, ,MA RIG PA DAG THAMS CAD DANG, ,MED LTA YID BDE SDUG BSNGAL DANG, ,YID MI BDE DANG THE TSOM MO, ,GZHAN YID BDE DANG 'DOD LAS SKYES, ,BTANG SNYOMS DANG KUN ZHES BYUNG, RTZA NYON 'DOD KHAMS KYI NYON MONGS DANG TSOR BA BDE SDUG SOGS GANG DANG MTSUNGS PAR LDAN TSUL YOD DE, 'DOD CHAGS NI LUS DANG YID KYI BDE BA DAG DANG MTSUNGS LDAN DU 'JUG PA YOD, ZHE SDANG NI DE LAS BZLOG PA LUS DANG YID KYI SDUG BSNGAL DANG YID MI BDE BA DAG DANG, MA RIG PA DAG NI TSOR BA BDE SDUG BTANG SNYOMS THAMS CAD DANG, MED LTA NI YID BDE BA DANG SDUG BSNGAL GNYIS DANG, THE TSOM NI YID MI BDE BA DANG, GZHAN RTZA NYON GZHAN PA LTA BA BZHI DANG NGA RGYAL NI RANG GI GROGS YID BDE DANG LHAN CIG MTSUNGS LDAN DU 'JUG PA'I PHYIR, DE RNAMS CHOS CAN, KHAMS GANG DU SKYES TSUL YOD DE, 'DOD PA LAS SKYES PA'I PHYIR, DMIGS BSAL TSOR BA BTANG SNYOMS PHRA RGYAS BCU PO KUN DANG SO SOR MTSUNGS LDAN DU SONG @155B BA ZHIG YOD DE, DMIGS RNAM MI BSAL BAS DE RNAMS LHAN CIG 'JUG PA MI 'GAL BA'I PHYIR, GNYIS PA NI, SA GONG MA, ,SA JI BZHIN DU RANG RANG DANG, ,ZHES BYUNG, SA GONG MA GZUGS GZUGS MED KYI PHRA RGYAS RNAMS CHOS CAN, SA GANG NA TSOR BA'I DBANG PO JI LTA BA BZHIN RANG RANG GI GROGS TSOR BA DANG MTSUNGS PAR LDAN PA YOD DE, BSAM GTAN DANG PO NA MIG RNA BA LUS GSUM KYI RNAM SHES KYI BDE BA'I 'DOD CHAGS DANG LDAN LA, DE YIN NA NYON MONGS CAN PHAL CHER DANG TSOR BA BTANG SNYOMS DANG LDAN PA'I PHYIR, GNYIS PA NI, 'GYOD DANG PHRAG DOG KHRO BA DANG, ,RNAM 'TSE 'KHON DU 'DZIN PA DANG, ,'TSIG PA YID MI BDE BA DANG, ,SER SNA DAG NI BZLOG PA YIN, ,G-YO DANG SGYU DANG 'CHAB DANG GNYID, ,GNYIS KA DANG LDAN BDE DAG DANG, RGYAGS PA BTANG SNYOMS KUN TU 'GRO ,BZHI PO GZHAN NI LNGA DAG DANG, ,ZHES BYUNG, NYE NYON TSOR BA GANG DANG MTSUNGS LDAN DU 'JUG TSUL YOD DE, 'GYOD PA DANG PHRAG DOG DANG KHRO BA DANG RNAM 'TSE DANG 'KHON DU 'DZIN PA DANG 'TSIG PA DRUG NI RANG GI GROGS YID MI BDE BA DANG MTSUNGS LDAN DU 'JUG ,SER SNA NI DE LAS BZLOG PA YID BDE DANG, G-YO DANG SGYU DANG 'CHAB PA DANG GNYID BZHI NI SKABS 'GAR YID BDE MI BDE GNYIS KA GANG RUNG DANG MTSUNGS LDAN DANG, BSAM GTAN GSUM PA MAN CHAD YID BDE DANG, GSUM PAR BDE BA'I DBANG PO DAG DANG RGYAGS PA DANG MTSUNGS LDAN DANG, TSOR BA BTANG SNYOMS NI KHAMS GSUM PO KUN TU 'GRO ZHING, GZHAN NGO TSA MED PA KHREL MED RMUGS RGOD BZHI PO NI TSOR BA LNGA PO DAG DANG MTSUNGS LDAN DU 'JUG PA'I PHYIR RO; ;BZHI PA SGRIB PA LNGA NI, 'DOD NA SGRIB RNAMS MI MTHUN GDANG, ,ZAS DANG BYA BA GCIG PA'I PHYIR, ,GNYIS GCIG PHUNG PO GNOD BYED DANG, ,THE TSOM PHYIR NA LNGA NYID DO, ,ZHES BYUNG, MDO LAS SGRIB PA LNGA ZHES GSUNGS PA YOD DE, 'DOD PA LA 'DUN @156A *, ,PA DANG, GNOD SEMS DANG, GNYID RMUGS DANG, RGOD 'GYOD DANG, THE TSOM NYON MONGS CAN LNGA YIN PA'I PHYIR, GNYID RMUGS GNYIS PO NI 'DIR SGRIB PA RIGS GCIG TU 'JOG CING, 'GYOD RGOD GNYIS KYANG GCIG TU 'DREN PA'I RGYU MTSAN YOD DE, DE DAG GI 'GAL ZLA MI MTHUN PHYOGS DE GNYEN PO DANG ZAS DANG BYA BA GSUM GCIG PA'I PHYIR, GNYID RMUGS GNYIS KYI DE GSUM GCIG STE, DE GNYIS KYI GNYEN PO KHYAD PAR BA NI SNANG BA'I 'DU SHES SU GCIG ,ZAS RMYA BA DANG MI DGA' BA DANG BYA RMYANG DANG KHA ZAS TSOD MI ZIN PA BZHI YANG GCIG ,BYA BA YANG SEMS ZHUM PAR GCIG PA'I PHYIR, 'GYOD RGOD GNYIS KYI DE GSUM YANG GCIG STE, GNYEN PO NI ZHI GNAS, ZAS NI, SNGAR DGOD BA DANG RTZES PA SOGS DRAN NAS RNAM PAR RTOG PA YANG GCIG ,BYA BA NI SEMS MA ZHI BAR BYED PAR GCIG PA'I PHYIR, SGRIB PA LNGA PO DE LAS 'DOD PA LA 'DUN PA SOGS GSUM GYI GNYEN PO SOGS GSUM SO SO BA YIN TE, 'DOD 'DUN GYI GNYEN PO MI SDUG PA, ZAS SDUG PA'I MTSAN MA, GNOD SEMS KYI GNYEN PO BYAMS PA, ZAS KHONG KHRO, THE TSOM GYI GNYEN PO RTEN 'BREL RTOGS PA, ZAS DUG GSUM YIN LA, BYA BA YANG RIM PA BZHIN DU SRID PA RGYAS PA DANG, SEMS MA ZHI BAR BYED PA DANG, YIN TSUL MI RTOGS PA LTA BU YIN PA'I PHYIR, SGRIB PA LA LNGA NYID DU 'JOG PA'I RGYU MTSAN YOD DE, 'DOD 'DUN DANG GNOD SEMS GNYIS KYIS TSUL KHRIMS KYI PHUNG PO DANG, GNYID RMUGS GNYIS KYI SHES RAB LA GNOD, 'GYOD RGOD GNYIS KYIS TING NGE 'DZIN SKYE BA LA GNOD PAR BYED, THE TSOM GCIG GIS NI DE GSUM LA GNOD PA'I DBANG DU BYAS NAS BZHAG PA'I PHYIR, GNYIS PA SPONG BYED GNYEN PO BSHAD PA LA, GNYEN PO GANG GIS SPANG BYA GANG SPONG BA, GNYEN PO'I DBYE BA, THAG SRID @156B PA'I GNYEN PO, RTEN GYI GNYEN PO BSHAD PA DANG BZHI, DANG PO NI, DMIGS PA YONGS SU SHES PA DANG, ,DE LA DMIGS PA YANG DAG PAR, ,ZAD DANG DMIGS PA SPANGS PAS SO, ,GNYEN PO SKYES PAS ZAD PAR 'GYUR, ,ZHES 'BYUNG, NYON MONGS DE RNAMS CHOS CAN, SPONG TSUL YOD DE, DMIGS PA BDEN PA BZHI LA DMIGS PA'I SGO NAS YONGS SU SHES PAS SPONG BA DANG, DE LA DMIGS PA'I BYED PA YANG DAG PAR SPONG BAS ZAD PA DANG, DE LA DMIGS PA SPANGS BA'I SGO NAS SPONG BA DANG GNYEN PO SKYES PAS ZAD PAR 'GYUR BA RNAMS SU YOD PA'I PHYIR, GNYIS PA NI, GNYEN PO RNAM BZHI SPONG BA DANG, ,GZHI DANG SRID NYID RNAM PAR NI, ,SUN 'BYIN ZHES BYA DMIGS PA LAS, ,NYON MONGS PA NI SPANG BYAR 'DOD, ,CES BYUNG, NYON MONGS PA'I GNYEN PO CHOS CAN, KHYOD LA RNAM PA BZHI YOD DE, SPONG BA'I GNYEN PO DANG, GZHI'I GNYEN PO DANG, THAG SRID PA'I GNYEN PO NYID DANG, RNAM PAR SUN 'BYIN PA'I GNYEN PO ZHES BYA BA RNAMS SU YOD PA'I PHYIR, NYON MONGS PA CHOS CAN, GANG LA BRTEN NAS SPONG TSUL YOD DE, YUL GANG LA PHYIN CI LOG TU DMIGS PA'I ZHEN YUL MED PAR SHES PA LAS SPANG BAR BYA BAR 'DOD PA'I PHYIR, GNYEN PO BZHI'I KHYAD PAR YOD DE, BAR CHAD MED LAM DANG PO RNAMS SPONG BA'I GNYEN PO YIN LA, SDUG BSNGAL CHOS BZOD YIN GYI RNAM GROL DANG BAR CHAD MED LAM NI GZHI'I GNYEN PO, SDUG BSNGAL CHOS SHES MA GTOGS PA YAN CHAD NI THAG SRID PA'I GNYEN PO, KHAMS GANG LA SKYON DU MTHONG NAS NYON MONGS DE SPONG BA'I LAM NI SUN 'BYIN PA'I GNYEN POR 'JOG PA YIN PA'I PHYIR RO; ;GSUM PA DANG BZHI PA NI, MTSAN NYID MI MTHUN MI MTHUN PHYOGS, ,YUL RNAM CHAD DANG DUS KYIS TE, ,'BYUNG DANG TSUL KHRIMS PHYOGS DANG NI, ,DUS GNYIS RING BA NYID LTA BU, ,LAN CIG TU ZAD DE DAG NI, ,BRAL BA'I THOB PA YANG DANG YANG, ,GNYEN PO SKYES @157A *, ,DANG 'BRAS THOB DANG, ,DBANG PO RNAM PAR 'PHEL RNAMS SU, ,ZHES BYUNG, THAG SRID PA'I GNYEN PO CHOS CAN, KHYOD LA BZHI YOD DE, MTSAN NYID MI MTHUN PAS RING BA, MI MTHUN PHYOGS KYIS RING BA, YUL RNAM PAR CHAD PAS RING BA, DUS KYI SGO NAS RING BA RNAMS SU YOD PA'I PHYIR, RTAGS GRUB STE, 'BYUNG BA BZHI LTA BU DANG PO DANG, TSUL KHRIMS DANG 'CHAL TSUL LTA BU GNYIS PA DANG, PHYOGS SHAR NUB KYI RGYA MTSO LTA BU GSUM PA DANG, DUS 'DAS MA 'ONGS RING BA NYID LTA BU BZHI PA YIN PA'I PHYIR, NYON MONGS THAMS CAD NI ZAD KYANG GNYEN POS YANG YANG SPONG BA MIN GYI LAN GCIG TU ZAD PAR BYED LA, 'ON KYANG BRAL BA DE DAG GI THOB PA NI YANG DANG YANG DU 'BYUNG STE, GNYEN PO RNAM GROL LAM SKYES DUS DANG DGE SBYONG TSUL GYI 'BRAS BU BZHI THOB DUS DANG, DBANG PO RTUL PO DBANG RNON DU RNAM PAR 'PHEL BA'I DUS RNAMS SU BRAL THOB KHYAD PAR DU 'GRO BA'I PHYIR, GSUM PA SPANGS PA'I 'BRAS BU YONGS SHES LA, DBYE BA, LAM GANG GI SPANG BYA GANG YIN PA, GRANGS NGES, GANG ZAG GANG LA LDAN PA, THOB GTONG BSHAD PA DANG LNGA, DANG PO NI, YONGS SU SHES DGU 'DOD PA NA, ,DANG PO RNAM GNYIS ZAD LA GCIG ,GNYIS ZAD PA NI DE GNYIS SO, ,DE BZHIN GONG MA'I DE GSUM NYID, ,YONGS SU SHES PA GZHAN GSUM STE, ,THA MA'I CHA DANG MTHUN GZUGS DANG, ,ZAG PA KUN ZAD CES BYUNG, YONGS SU SHES PA CHOS CAN, KHYOD LA SGRAS BRJOD RIGS KYIS DBYE NA GNYIS YOD DE, YE SHES YONGS SHES DANG, SPANGS PA YONGS SHES GNYIS YOD PA'I PHYIR, SPANGS PA YONGS SU SHES PA CHOS CAN, KHYOD LA DGU YOD DE, 'DOD PA NA DANG PO SDUG KUN MTHONG SPANG RNAM GNYIS ZAD PA LA YONGS SHES GCIG, 'GOG LAM MTHONG SPANG GNYIS ZAD PA'I YONGS SHES DE GNYIS, DE BZHIN DU KHAMS GONG MA'I MTHONG SPANG SPANGS PA'I DE GSUM NYID DANG, YONGS SU SHES PA @157B GZHAN SGOM SPANG SPANGS PA'I YONGS SHES GSUM RNAMS SU YOD PA'I PHYIR, PHYI MA GSUM YOD DE, THA MA'I CHA DANG MTHUN PA LNGA SPANGS PA DANG, GZUGS KYI ZAG PA ZAD PA DANG, KHAMS GSUM GYI ZAG PA KUN ZAD PA'I YONGS SHES RNAMS SU YOD PA'I PHYIR, GNYIS PA NI, DRUG BZOD 'BRAS, ,LHAG MA RNAMS NI SHES PA'I YIN, ,MI LCOGS MED 'BRAS THAMS CAD DO, ,BSAM GTAN RNAMS KYI LNGA'AM BRGYAD, ,NYE BAR BSDOGS PA'I GCIG YIN TE, ,GZUGS MED DNGOS GZHI GSUM GYI YANG, ,THAMS CAD 'PHAGS PA'I LAM GYI YIN, ,'JIG RTEN PA'I GNYIS RJES KYI YANG, ,CHOS SHES PA'I NI GSUM YIN NO, ,DE'I PHYOGS MTHUN GYI DRUG DANG LNGA, ,ZHES BYUNG, SPANGS PA'I YONGS SHES DRUG CHOS CAN, RANG THOB BYED KYI MTHONG LAM BZOD PA DE'I 'BRAS BU ZHES BYA STE, DE'I BRAL 'BRAS YIN PA'I PHYIR, LHAG MA SGOM SPANG SPANGS PA'I YONGS SHES GSUM RNAMS CHOS CAN, CHOS SHES PA'I 'BRAS BU ZHES BYA STE, DE'I BRAL 'BRAS YIN PA'I PHYIR, BSAM GTAN DANG PO'I NYER BSDOGS MI LCOGS MED CHOS CAN, KHYOD KYI BRAL 'BRAS DU MA YOD DE, KHYOD LA BRTEN NAS THOB PA'I YONGS SHES DGU PO THAMS CAD DE YIN PA'I PHYIR, BSAM GTAN GYI DNGOS GZHI RNAMS CHOS CAN, KHYOD KYI BRAL 'BRAS YONGS SHES LNGA LNGA YOD DE, KHAMS GONG GI MTHONG SPANG SPANGS PA'I YONGS SHES GSUM GZUGS KYI ZAG PA ZAD PA'I DE GCIG DANG, ZAG PA KUN ZAD PA'I DE GCIG YOD PA'I PHYIR ZHES BYE SMRA ZER, DBYANGS SGROGS NA RE, DE'I DNGOS GZHI'I 'BRAS BU BRGYAD YOD DE, SNGA MA LNGA'I STENG DU 'DOD PA'I MTHONG SPANG SPANGS PA'I YONGS SHES YOD PA'I PHYIR ZER NA, GZUGS MED NAM MKHA'I NYE BAR BSDOGS PA CHOS CAN, KHYOD KYI BRAL 'BRAS YONGS SHES GCIG YIN TE, GZUGS KYI ZAG PA ZAD PA'I YONGS SHES DE DE YIN PA'I PHYIR, GZUGS MED KYI DNGOS GZHI DANG PO GSUM CHOS CAN, KHYOD KYI BRAL 'BRAS YANG GCIG @158A *, ,YIN TE, ZAG PA KUN ZAD PA'I YONGS SHES GCIG YOD PA'I PHYIR, SKABS 'DI'I YONGS SHES THAMS CAD CHOS CAN, 'PHAGS PA'I LAM GYI BRAL 'BRAS YIN TE, DANG PO DRUG MTHONG LAM GYI DANG PHYI MA GSUM SGOM LAM GYI BRAL 'BRAS YIN PA'I PHYIR, 'JIG RTEN PA'I SGOM PA'I LAM CHOS CAN, KHYOD KYI 'BRAS BU YONGS SHES YANG GNYIS YOD DE, DER GYUR PA'I THA MA'I CHA MTHUN LNGA SPANGS PA DANG, GZUGS KYI SGOM SPANG SPANGS PA'I DE GNYIS YOD PA'I PHYIR, SGOM LAM RJES SHES CHOS CAN, KHYOD KYI 'BRAS BU YONGS SHES YANG GNYIS YIN TE, DER GYUR PA'I YONGS SHES THA MA GNYIS YOD PA'I PHYIR, SGOM LAM CHOS SHES PA CHOS CAN, KHYOD KYI 'BRAS BU YONGS SHES DGU'I THA MA GSUM YOD PA YIN TE, THA MA'I CHA MTHUN, GZUGS KYI ZAG PA, ZAG PA THAMS CAD SPANGS PA'I DE GSUM YOD PA'I PHYIR, SGOM LAM CHOS SHES DE'I PHYOGS MTHUN CHOS SHES PA'I BZOD PA RNAMS DANG CHOS SHES RNAMS CHOS CAN, KHYOD KYI 'BRAS BU YONGS SHES DRUG YOD DE, MTHONG SPANG DANG SGOM SPANG SPANGS PA'I YONGS SHES GSUM GSUM YOD PA'I PHYIR, RJES SHES KYI PHYOGS MTHUN RJES BZOD RJES SHES CHOS CAN, KHYOD KYI BRAL 'BRAS YONGS SHES LNGA YOD DE, GONG MA'I MTHONG SPANG SPANGS PA'I YONGS SHES GSUM DANG YONGS SHES THA MA GNYIS DANG LNGA YOD PA'I PHYIR, GSUM PA GRANGS NGES NI, BRAL BA'I THOB PA ZAG MED DANG, ,SRID RTZE NYAMS PAR BYAS PA DANG, ,RGYU GNYIS KUN TU BCOM PA'I PHYIR, ,YONGS SHES KHAMS LAS 'DAS PA LAS, ,ZHES BYUNG, SO SKYES YONGS SHES MI 'JOG CING @158B YONGS SHES DGUR 'JOG PA'I RGYU MTSAN BRAL BA'I THOB PA ZAG MED RNYED PA DANG, SRID RTZE'I NYON MONGS KYI PHYOGS RE NYAMS PA STE SPANGS PAR BYAS PA DANG, SRID RTZE'I SDUG KUN MTHONG SPANG KUN 'GRA'I RGYU GNYIS BCOM PA'I FRGYU MTSAN GSUM GYIS MTHONG SPANG SPANGS PA'I YONGS SHES DRUG DANG, RGYU GSUM PO DE DANG RGYU BZHI PA KHAMS GSUM SO SO LAS 'DAS TE 'DOD CHAGS DANG BRAL BA'I RGYU MTSAN GYIS YONGS SHES THA MA GSUM BZHAG PA'I PHYIR, BZHI PA NI, GCIG MIN MTHONG LA GNAS PA NI, ,LNGA YI BAR DANG YANG DAG LDAN, ,SGOM LA GNAS PA DRUG GAM NI, ,GCIG GAM YANG NA GNYIS DANG NGO, ,KHAMS LAS 'DOD CHAGS BRAL BA DANG, ,'BRAS BU THOB PHYIR DE DAG BSDOMS, , ZHES BYUNG, RE ZHIG PA GCIG STE SO SKYE NI CHOS CAN, YONGS SHES DANG MI LDAN PA KHO NA YIN TE, BRAL THOB ZAG MED DANG MI LDAN PA'I PHYIR, MTHONG LAM LA GNAS PA CHOS CAN, YONGS SHES GCIG NAS LNGA'I BAR CI RIGS YANG DAG PAR LDAN TE, MTHONG LAM SDUG BSNGAL CHOS BZOD KYI BAR RGYU GNYIS BCOM PA MED PAS YONGS SHES DANG MI LDAN CING, KUN 'BYUNG CHOS SHES PA YONGS SHES GCIG DANG LDAN, KUN 'BYUNG RJES SHES PA SNGA MA DANG SDUG KUN MTHONG SPANG SPANGS PA'I YONGS SHES GNYIS DANG LDAN, 'GOG PA CHOS SHES PA SNGA MA GNYIS DANG RANG GI DE DANG GSUM DANG LDAN, 'GOG PA RJES SHES PA SNGA MA GSUM DANG RANG GI DE DANG BZHI DANG LDAN, LAM RJES BZOD PA BZHI PO DE DAG DANG 'DOD PA'I LA MTHONG SPANG SPANGS PA'I YONGS SHES TE LNGA DANG LDAN PA'I PHYIR, SGOM LAM LA GNAS PA CHOS CAN, YONGS SHES DRUG GAM YANG NA GCIG GAM GNYIS DANG LDAN TE, BCU DRUG PA LAm RDZES SHES LA GNAS PA CHAGS BRAL MIN PA DANG YONGS SU NYAmS PA NI MTHONG SPANG SPANGS @159A *, ,PA'I DE DRUG DANG, ,CHAGS BRAL SNGON SONG GI LAM RJES SHES PA NI THA MA'I CHA MTHUN SPANGS PA'I DE GCIG DANG RIM GYIS PA PHYIR MI 'ONG THOB PA'I TSE DANG, DGRA BCOM THOB PA'I TSE YANG YONGS SHES GCIG DANG, GZUGS KYI 'DOD CHAGS DANG BRAL BA'I TSE THA MA DANG GONG MA'I CHA MTHUN GNYIS SPANGS PA'I DE GNYIS DANG LDAN PA'I PHYIR, PHYIR MI 'ONG DANG DGRA BCOM THOB PA'I TSE YONGS SHES RE RE LDAN PA'I RGYU MTSAN YOD DE, PHYIR MI 'ONG GIS 'DOD KHAMS LA CHAGS PA DANG BRAL NAS GZUGS KYI DE DANG MA BRAL BAR 'BRAS BU THOB PA DE DAG GCIG TU DANG, DGRA BCOM THOB PA'I TSE KUN SBYOR THAMS CAD SPANGS PA'I SGO NAS YONGS SHES RNAMS GCIG TU BSDOMS PAR BYAS PA'I PHYIR, LNGA PA NI, LA LA GCIG GNYIS LNGA DANG DRUG ,GTONG STE THOB PA LNGA MIN NO, ,ZHES BYUNG, GANG ZAG LA LA NI YONGS SHES GCIG GTONG BA YOD DE, DGRA BCOM PA'I 'BRAS BU LAS NYAMS NAS PHYIR MI 'ONG DU GYUR PA'I ZAG PA KUN ZAD KYI 'BRAS BU GTONG ZHING, PHYIR MI 'ONG NYAMS PAS KYANG THA MA'I CHA MTHUN SPANGS PA'I 'BRAS BU YONGS SHES GCIG GTONG BA'I PHYIR, LA LA GNYIS GTONG BA YOD DE, GZUGS KYI 'DOD CHAGS DANG BRAL BA 'DOD NYON GYIS NYAMS PA'I TSE YONGS SHES BDUN PA DANG BRGYAD PA GNYIS GTONG BA'I PHYIR, LA LA LNGA GTONG BA YOD DE, CHAGS BRAL SNGON SONG GI PHYIR MI 'ONG LAM RJES SHES PAS THA MA'I CHA MTHUN LNGA SPANGS PA'I DE THOB PA'I TSE MTHONG SPANG SPANGS PA'I YONGS SHES LNGA GTONG BA'I PHYIR, LA LA DRUG GTONG BA YOD DE, 'DOD PA LA CHAGS PA DANG BRAL BA'I MTHAR GYIS PA NYAMS NAS PHYIR 'ONG DU GNAS 'GYUR BA'I TSE MTHONG SPANG SPANGS PA'I YONGS SHES DRUG GTONG BA'I PHYIR, THOB PA'I TSE GCIG DANG GNYIS DANG DRUG THOB PA GSUM LAS GCIG THOB PA LA YANG BZHI YOD DE, RGYUN @159B ZHUGS KYIS KUN 'BYUNG CHOS SHES LA GNAS PA'I TSE YONGS SHES DGU'I DANG PO GCIG THOB, CHAGS BRAL SNGON SONG GI PHYIR MI 'ONG LAM RJES SHES (PAS THA MA'I) CHA MTHUN SPANGS PA'I GCIG THOB, SGOM LAM LA RIM GYIS PAS 'DOD NYON SPANGS PA'I TSE YANG CHA MTHUN DE SPANGS PA'I GCIG THOB, DGRA BCOM PA THOB PA'I TSE YANG YONGS SHES DGU PA GCIG PU THOB PA'I PHYIR, GNYIS THOB PA YOD DE, DGRA BCOM PA GZUGS MED KYI NYON MONGS KHO NAS NYAMS NA THA MA'I CHA MTHUN SPANGS PA'I DE DANG GZUGS KYI 'DOD CHAGS SPANGS PA'I DE GNYIS THOB PA'I PHYIR, DRUG THOB PA LA GNYIS YOD DE, DGRA BCOM PA DANG 'BRAS BU RIM GYIS PA'I PHYIR MI 'ONG 'DOD NYON GYIS NYAMS PA NA MTHONG SPANG SPANGS PA'I YONGS SHES DRUG DANG LDAN PAR 'GYUR BA'I PHYIR, GTONG STE 'THOB PA'I TSUL DE LTAR YIN GYI, NYAMS PA'I YONGS SHES LNGA CIG CAR THOB PA NI YOD PA MIN TE, 'DOD PA DANG CHAGS BRAL SNGON DU 'GRO BA LA NI YONGS SU NYAMS PA MED PA'I PHYIR RO, ,SPYIR 'DOD PA'I MTHONG SPANG SPANGS PA'I YONGS SHES THOB NA, MTHONG SPANG SPANGS PA'I YONGS SHES THOB PAS MA KHYAB STE, KHAMS 'OG MA'I MTHONG SPANG SPANGS KYANG GONG MA'I MTHONG SPANG MA SPANGS PA DU MA YOD PA'I PHYIR, GZHUNG 'DI DAG GI DNGOS BSTAN GYI YONGS SHES NI SPANGS PA YONGS SHES GTZO CHE YANG YONGS SHES MTSAN NYID PA LA 'DOD PA MI MTHUN PA YOD DE, KHA CIG YE SHES YONGS SHES NI YONGS SHES MTSAN NYID PA YIN GYI, SPANGS PA YONGS SHES NI DER BTAGS PA TZAM DU BZHED LA, KHA CIG NI DE LAS LDOG STE BZHED KYANG SNGA MA LTAR YIN PA'I PHYIR, GNAS LNGA PA LEGS PAR BSHAD ZIN TO,, ,, @160A *, (,CHOS MNGON PA MDZOD KYI GNAS DRUG PA'I TSIG DON BZHUGS SO,) ,GSUM PA THOB BYA 'GOG LAM GYI BDEN PA GTAN LA DBAB PA LA, LAM GYI RNAM GZHAG ,RTEN GANG ZAG GI RNAM GZHAG ,LAM GYI KHYAD CHOS GZHAN BSHAD PA DANG GSUM, DANG PO LA, LAM GYI NGO BO, ,DMIGS PA, SGOM TSUL DANG GSUM, DANG PO NI, BDEN PA MTHONG DANG BSGOMS PA LAS, ,NYON MONGS SPANGS PA ZHES BSHAD PA, ,SGOM PA'I LAM NI RNAM GNYIS TE, , MTHONG BA ZHES BYA ZAG PA MED, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, LAM CHOS CAN, KHYOD LA GNYIS YOD DE, BDEN PA MNGON SUM DU GSAR DU MTHONG BA'I LAM DANG, RTOGS ZIN BSGOMS PAR BYAS PA'I LAM GNYIS KYIS NYON MONGS SPANGS PA ZHES BSHAD PA'I LAM GNYIS YOD PA'I PHYIR, SGOM PA'I LAM NI CHOS CAN, KHYOD LA'ANG RNAM PA GNYIS YOD DE, SGRAS BRJOD RIGS KYI SGO NAS 'JIG RTEN PA'I ZAG BCAS SGOM LAM DANG, 'JIG RTEN LAS 'DAS PA'I ZAG MED SGOM LAM GNYIS YOD PA'I PHYIR, MTHONG BA ZHES BYA BA'I LAM CHOS CAN, KHYOD ZAG MED 'DAS LAM KHO NA YIN TE, KHAMS GSUM GYI NYON MONGS PA'I GNYEN PO KHYAD PAR CAN YIN PA'I PHYIR, GNYIS PA MTHA' DPYAD PA LA, KHA CIG ,MTHONG LAM RJES THOB YE SHES YOD ZER NA, DE MED PAR THAL, SKAD CIG MA BCU DRUG NI MNYAM GZHAG THUN GCIG YIN PAR BSHAD CING, DE'I BCU DRUG PA SGOM LAM NYID YIN PA'I PHYIR, KHA CIG ,ZAG MED 'PHAGS LAM LA MNYAM GZHAG GIS KHYAB ZER NA, 'PHAGS PA'I RGYUD KYI RJES THOB YE SHES SU GYUR PA'I MI RTAG SOGS BCU DRUG RTOGS PA'I YE SHES CHOS CAN, DER THAL, DE'I PHYIR, DER THAL, LAM BDEN YIN PA'I PHYIR, 'DOD MI NUS SO, ,KHA CIG @160B ZAG BCAS SGOM LAM DE SGOM LAM YIN ZER NA, DE MI 'THAD PAR THAL, DE ZAG MED 'PHAGS LAM MA YIN PA'I PHYIR, DER THAL, ZAG BCAS SGOM LAM YIN PA'I PHYIR, KHA CIG ,SDUG BDEN YIN NA, SDUG BSNGAL YIN PAS KHYAB ZER NA; ZAG BCAS KYI TSOR BA BDE BA CHOS CAN, DER THAL, DE'I PHYIR, DER THAL, ZAG BCAS KYI PHUNG PO YIN PA'I PHYIR, 'DOD NA, MA YIN PAR THAL, BDE BA YIN PA'I PHYIR, DER THAL, CHOS CAN DE'I PHYIR, KHYAB STE, SO SKYE'I RGYUD LA BDE BA YOD PA'I PHYIR, DER THAL, DES DGE BA BYAS PA'I RNAM SMIN BDE BA MYONG BA YOD PA'I PHYIR, KHA CIG ,PHYI ROL PA'I RGYUD LA LAM YOD PAR THAL, DE'I RGYUD LA SGOM LAM YOD PA'I PHYIR, DER THAL, DE'I RGYUD LA 'JIG RTEN PA'I ZAG BCAS SGOM LAM YOD PA'I PHYIR NA MA KHYAB, 'DOD MI NUS TE, LAM ZHUGS KYI PHYI ROL PA MED PA'I PHYIR, GNYIS PA LA, BDEN BZHI DANG, BDEN GNYIS BSHAD PA GNYIS, DANG PO LA, DNGOS DANG, ZAG BCAS RNAMS SDUG BDEN DU BSHAD PA GNYIS, DANG PO NI, BDEN PA DAG NI BZHIR BSHAD DO, ,SDUG BSNGAL KUN 'BYUNG DE BZHIN DU, ,'GOG DANG LAM STE DE LTAR NA, ,DE DAG JI LTAR MNGON RTOGS RIM, ,ZHES BYUNG, 'DIR BDEN PA DAG NI CHOS CAN, KHYOD LA BZHIR BSHAD DE, SDUG BSNGAL GYI BDEN PA, KUN 'BYUNG GI BDEN PA, DE BZHIN DU 'GOG PA'I BDEN PA DANG, LAM GYI BDEN PA STE DE LTAR NA BZHI YOD PA'I PHYIR, DE BZHI'I GO RIM DE LTAR BSTAN PA'I RGYU MTSAN YOD DE, DE DAG BDEN BZHI'I YUL CAN MNGON RTOGS SKYE BA'I RIM PA LTAR BSTAN PA'I PHYIR, 'DIR BSHAD MA THAG PA'I GO RIM BZHIN DU MDO LAS KYANG BSHAD PA YIN TE, MDO LAS, DGE SLONG DAG 'DI SDUG BSNGAL 'PHAGS PA'I BDEN PA'O, ,ZHES SOGS KYIS RIM PA DE LTAR BSHAD PA'I PHYIR, GNYIS PA NI, YID @161A *, ,'ONG YID DU MI 'ONG DANG, ,DE LAS ZAG BCAS GZHAN RNAMS NYID, ,SDUG BSNGAL NYID GSUM LDAN PA'I PHYIR, ,CI RIGS MA LUS SDUG BSNGAL LO, ,ZHES BYUNG, ZAG BCAS KYI TSOR BA YID DU 'ONG BA DANG YID DU MI 'ONG BA STE MI BDE BA'AM SDUG BSNGAL DANG, GNYIS PO DE LAS GZHAN PA'I TSOR BA BTANG SNYOMS RNAMS GSUM DANG, MTSUNGS LDAN MA YIN PA'I ZAG BCAS NYER LEN GYI PHUNG PO MA LUS PA CHOS CAN, SDUG BSNGAL ZHES MDO LAS BSHAD PA'I RGYU MTSAN YOD DE, SDUG BSNGAL NYID GSUM PO CI RIGS DANG LDAN ZHING 'BREL BA'I RGYU MTSAN GYIS DE LTAR BRJOD KYI, SDUG BSNGAL KHO NA YIN PA'I SGO NAS BSHAD PA MA YIN PA'I PHYIR, GNYIS PA NI, GANG LA BCOM DANG BLO YIS GZHAN, , BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,ZHES BYUNG, KUN RDZOB BDEN PA CHOS CAN, KHYOD KYI MTSAN NYID YOD DE, GANG LA BCOM PA'AM BLO YIS CHOS GZHAN SO SOR BSAL BA NA DER 'DZIN GYI BLO MI 'JUG PA'I CHOS DE DE'I MTSAN NYID DANG, KUN RDZOB TU GRUB TSAD GNYIS KA YIN PA'I PHYIR, DPER NA, BUM PA DANG, BUM NANG GI CHU BZHIN TE, BUM PA NI THO BAS BCOM PA NA BUM PA'I BLO 'DOR, BUM CHU YANG CHU DE'I KHA DOG DRI RO REG BYA SO SOR BSAL BA NA CHUR 'DZIN PA'I BLO 'DOR BA'I PHYIR RO, ,DE GNYIS CHOS CAN, KUN RDZOB BDEN PA ZHES BYA STE, 'DIR KUN RDZOB NI THA SNYAD PA'I SHES PA 'KHRUL MA 'KHRUL CI RIGS LA BYED PA YIN LA, KHYOD DE'I NGO BOR BDEN PAS KUN RDZOB BDEN PA ZHES BZHAG PA'I PHYIR, KUN RDZOB TU GRUB TSAD YOD DE, THA SNYAD DU YOD PA DE DE YIN PA'I PHYIR, DON DAM BDEN PA CHOS CAN, KHYOD KYI MTSAN NYID YOD DE, SNGA MA LAS GZHAN BCOM BSAL GANG RUNG GIS DER 'DZIN PA'I BLO @161B MI 'DOR BA'I CHOS DE DE YIN PA'I PHYIR, MTSAN GZHI NI, GZUGS DANG, TSOR BA 'DU SHES SOGS SEMS SEMS BYUNG RANG RKYA BA RNAMS CHOS CAN, DON DAM BDEN PA YIN TE, BCOM GZHIG BYAS KYANG GZUGS TSOR SOGS KYI BLO MI 'DOR PA'I PHYIR, GZUGS TSOR SOGS CHOS CAN, DON DAM BDEN PA ZHES BYA STE, DON DAM PA NI 'PHAGS PA'I YE SHES YIN LA, DE'I YUL GYI DON DU YOD CING BDEN PA SA DE LTAR DU BRJOD PA'I PHYIR, GSUM PA LAM SGOM TSUL LA, LAM LA 'JUG TSUL GYI SGO NAS MDOR BSTAN PA DANG, LAM SGOM TSUL GYI SGO NAS RGYAS PAR BSHAD PA GNYIS, DANG PO NI, TSUL GNAS THOS DANG BSAM LDAN PAS, BSGOM LA NI RAB TU SBYOR, THOS SOS LAS BYUNG BLO RNAMS NI, ,MING DANG GNYIS KA DON YUL CAN, ,CES BYUNG, BDEN PA MNGON PAR RTOGS PA'I LAM CHOS CAN, KHYOD LA 'JUG TSUL GYI KHYAD PAR BZHI YOD DE, DANG PO KHO NAR TSUL KHRIMS LA GNAS DGOS, DE NAS BDEN PA MTHONG BA DANG MTHUN PA'I THOS PA DANG, DE NAS DE'I DON LA BSAM PA DANG LDAN PA DANG, DE NAS TING NGE 'DZIN BSGOM PA LA NI RAB TU SBYOR BA YIN PA'I PHYIR, THOS PA DANG SOGS PAS BSAM PA DANG BSGOMS PA LAS BYUNG BA'I BLO RNAMS NI CHOS CAN, SO SO'I NGO BO BZHAG TU YOD DE, GZHUNG DE'I MING TZAM LA DMIGS PA'I SHES RAB DE THOS BYUNG GI SHES RAB DANG, DE'I MING DANG DON GNYIS KA LA DMIGS PA'I SHES RAB DE BSAM BYUNG GI SHES RAB DANG, DON KHO NA DMIGS PAS RAB TU PHYE BA'I YUL CAN GYI SHES RAB DE BSGOMS BYUNG GI SHES RAB TU 'JOG PA'I PHYIR, DE NI BYE SMRA BA'I LUGS YIN LA, SLOB DPON RANG LUGS YOD DE, YID CHES PA'I LUNG TSAD MA LAS DANG POR SKYES PA'I SHES RAB DE THOS BYUNG DANG DE NAS RTAGS SHING DPYAD PA LAS BYUNG @162A *, ,BA'I SHES RAB DE BSAM BYUNG DANG, TING NGE 'DZIN ZHI GNAS YAN CHAD LAS SKYES PA'I SHES RAB DE BSGOMS BYUNG DU BZHED PA'I PHYIR, GNYIS PA LA, LAM SGOM PA'I GANG ZAG ,SGOM PA'I TSUL DANG GNYIS, DANG PO LA, GANG ZAG GI NGO BO MI MTHUN PHYOGS DANG BCAS PA, DE LA LDAN PA'I YON TAN, DE RIGS SU 'JOG TSUL DANG GSUM, DANG PO NI, BSRING GNYIS LDAN CHOG MI SHES DANG, ,'DOD CHEN CAN LA MA YIN NO, ,RNYED LA YANG SRED CHOG MI SHES, ,MA RNYED LA 'DOD 'DOD CHEN CAN, ,ZHES BYUNG, SGOM LA BRTZON PA'I GANG ZAG CHOS CAN, KHYOD KYIS SGOM PA RDZOGS PA'I THABS GNYIS YOD DE, 'DU 'DZI THAG BSRING NAS GCIG PUR GNAS PA DANG, MI DGE BA'I RNAM RTOG THAG BSRING BA GNYIS DANG LDAN NA RDZOGS PAR 'GYUR BA'I PHYIR, DE GNYIS 'DOD CHUNG CHOG SHES DANG LDAN PA LA SLA ZHING, GANG ZAG GANG LA DKA' BA YOD DE, 'DOD CHEN CAN LA DKA' ZHING SLA BA MA YIN PA'I PHYIR, MNGON PA BA NA RE, CHOG MI SHES PA DANG 'DOD CHEN CAN GYI NGO BO YOD DE, RNYED PA GANG GRUB KYIS MI CHOG PAR BZANG PO YANG YANG 'DOD CING SRED PA NI CHOG MI SHES PA DANG, MA RNYED PA DAG LA GDUNG ZHING 'DOD PA CHE BA NI 'DOD CHEN CAN YIN PA'I PHYIR ZER, SLOB DPON NA RE, DE GNYIS KYI KHYAD PAR YOD DE, BZANG PO DANG MANG PO MA RNYED NA YID MI BDE BA NI CHOG MI SHES PA DANG, DE LTA BU MA RNYED PAS DE LA 'DOD ZHEN CHE BA NI 'DOD CHEN CAN YIN PAR GSUNG, GNYIS PA NI, BZLOG PA DE YI GNYEN PO DAG ,DE GNYIS KHAMS GSUM GTOGS DRI MED, ,CES BYUNG, DE LAS BZLOG PA 'DOD CHUNG CHOG SHES DAG CHOS CAN, BZLOG ZLA DE YI GNYEN PO YIN TE, DE GNYIS DNGOS SU 'JOMS BYED YIN PA'I PHYIR, DE GNYIS CHOS CAN, KHYOD LA GNYIS YOD DE, KHAMS GSUM DU GTOGS, @162B PA RE DANG DRI MED 'PHAGS LAM GYIS BSDUS PA RE YOD PA'I PHYIR, GSUM PA RIGS SU 'JOG TSUL NI, MA CHAGS 'PHAGS RIGS DE DAG LAS, ,GSUM NI CHOG SHES BDAG NYID DO, ,GSUM GYIS TSUL BSTAN THA MA'I LAS, ,BDAG GI BDAG 'DZIN DNGOS 'DOD PA, ,DE YI DUS DANG GTAN ZHI'I PHYIR, ,ZHES BYUNG, 'DOD CHUNG CHOG SHES GNYIS CHOS CAN, MA CHAGS PA YIN TE, CHAGS PA'I 'GAL ZLA STE GNYEN PO YIN PA'I PHYIR, MA CHAGS PA CHOS CAN, 'PHAGS PA'I RIGS YIN TE, 'PHAGS PA DANG DE'I CHOS RNAMS SKYE BA'I GZHI YIN PAS NA RIGS ZHES BYA BA'I PHYIR, CHOS GOS NGAN NGON TZAM GYIS CHOG SHES PA DANG, DE BZHIN DU BSOD SNYOMS DANG, GNAS MAL NGAN NGON TZAM GYIS CHOG SHES PA DANG, SPONG BA DANG SGOM PA LA DGA' BA'I 'PHAGS RIGS BZHI MDO LAS GSUNGS PA DE DAG LAS DANG PO GSUM NI CHOS CAN, MA CHAGS PA YIN TE, 'DOD CHUNG CHOG SHES PA'I BDAG NYID YIN PA'I PHYIR, DE GNYIS KYIS NI 'PHAGS PA'I RIGS KYI TSUL BSDUS LA; THA MA SPONG BA DANG SGOM PA LA DGA' BA CHOS CAN, KHYOD KYI BYED LAS YOD DE, KHYOD KYIS BDAG GIR 'DZIN PA DANG BDAG TU 'DZIN PA'I DNGOS PO 'DOD PA DE YI DUS GNYIS KA DANG BCAS GTAN TU ZHI BAR BYED LA, DANG PO GSUM GYIS NI CHOS GOS SOGS KYI DNGOS PO LA BDAG GIR 'DZIN PA'I 'DOD PA NYID ZHI BAR BYED PA YIN PA'I PHYIR, GNYIS PA SGOM TSUL DNGOS LA, ZHI GNAS DANG, LHAG MTHONG SGOM TSUL GNYIS, DANG PO LA, MDOR BSTAN PA DANG, RGYAS PAR BSHAD PA GNYIS, DANG PO NI, DE LA 'JUG PA MI SDUG PA, ,DBUGS RNGUB DBUGS 'BYUNG DRAN PA YI, ,'DOD CHAGS RNAM RTOG LHAG RNAMS SO, ,ZHES BYUNG, 'DI LA TSIG DON DANG, SPYI DON GNYIS, DANG PO NI, DE LTAR RIGS DANG LDAN PAS, BSGOM PA DE LA @163A *, ,'JUG TSUL YOD DE, 'DOD CHAGS SHAS CHE BAS MI SDUG BSGOM PA LA 'JUG ,RNAM RTOG SHAS LHAG PAR CHE BA RNAMS KYIS NI, DBUGS TSUR RNGUB PA DANG PHYIR 'BYUNG BA DRAN PA SGOM PAR BYED PA LA 'JUG PA'I PHYIR, GNYIS PA NI, THAR PAR BGROD PA'I GSHEGS SHUL GYI MNGON RTOGS DE, THAR LAM GYI MTSAN NYID DANG SGRA BSHAD KYANG YIN LA, DE LA NI RTEN GYI SGO NAS NI NYAN RANG SOGS KYI LAM GSUM, DE RE RE LA'ANG TSOGS LAM SOGS LPA ? LNGA YOD CING, 'DIR 'KHOR DANG BCAS NA PHUNG PO LNGA PA CAN NO, ,TSOGS LAM LA NI THOS BYUNG DANG BSAM BYUNG SHUGS CHE YANG, DER MA NGES TE, TSOGS LAM SKAD CIG THA MA NI BSGOMS BYUNG GTZO CHE BA'I PHYIR, DER THAL, DER ZHI GNAS GTZO CHE BA'I PHYIR, SBYOR LAM SOGS GSUM LA NI BSGOMS BYUNG GTZO CHE YANG THOS BSAM MED PA NI MIN TE, 'PHAGS PA SLOB PA THOS BSAM LA'ANG 'JUG DGOS PA'I PHYIR, SGOM TSUL NI 'CHAD PAR 'GYUR RO, ,GNYIS PA RGYAS PAR BSHAD PA LA, MI SDUG PA SGOM TSUL DANG, DBUGS RNGUB 'BYUNG DRAN PA SGOM TSUL GNYIS, DANG PO LA, DE SGOM TSUL DANG, DE'I RNAM GZHAG GNYIS, DANG PO NI, KENG RUS CHAGS BCAS THAMS CAD LA, ,RUS PA RGYA MTSO'I BAR DU NI, ,SPRO ZHING SDUD PA LAS DANG PO, ,RKANG RUS NAS NI THOD BYED BAR, ,BTANG BAS SBYANG PA BYAS PAR BSHAD, ,SMIN MA'I BAR DU SEMS 'DZIN PAS, ,YID LA BYED PA RDZOGS PA YIN, ,ZHES BYUNG, MI SDUG PA'I TING NGE 'DZIN CHOS CAN, KHYOD SGOM PA'I YUL GYI SGO NAS BZHI YOD DE, RNAM PAR BSNGOS PA DANG, RNAM PAR ZOS PA'AM 'THOR BA DANG, RNAM PAR 'BUS GZHIG PA DANG, RO LA DMIGS NAS SGOM PA RNAMS SU YOD PA'I PHYIR, DE BZHI GANG GI GNYEN POR SGOM PA'I TSUL YOD DE, KHA DOG DANG DBYIBS DANG REG BYA DANG BSNYEN BKUR LA CHAGS PA'I GNYEN @163B POR SGOM PAR BYED PA'I PHYIR, GANG GIS SGOM PA YOD DE, CHAGS BCAS THAMS CAD KYIS BSGOM PAR BYAR DUR BA'I PHYIR, SGOM PA DE CHOS CAN, KHYOD LA GSUM YOD DE, RANG GI RKANG PA'I MTHE BONG DAM DBRAL BA'I RUS PA ZAG NAS LHUNG BA'I RJES KYI RUS PA KENG RUS LTAR DKAR LHAG GER ? YOD PAR MOS SHING, DE NAS DE BZHIN DU LUS KYI RUS PA THAMS CAD DANG, GTZUG LAG KHANG LTA BU NAS PHYI'I RGYA MTSO'I BAR DU KENG RUS KYIS KHYAB PAR SPRO ZHING, SDUD PA'I TSE TSUR RIM GYIS BSDUS NAS RANG NYID GCIG PU'I LUS KENG RUS SU MIS PAR BYED PA NI LAS DANG PO PA'I SGOM TSUL DANG, RKANG RUS BONG NAS LHAG MAR MOS SHING DE BZHIN DU THOD BA'I PHYED KA BTANG STE PHYED KA GZHAN SGOM PA NI YONGS SU SBYANG BAR BYAS PA'I SGOM TSUL DU BSHAD, THOD PA'I PHYED SGOM PA YANG BOR NAS SMIN MA'I BAR TZAM KENG RUS SU SEMS 'DZIN PA'I TSUL GYIS SGOM PA NI, MI SDUG PA'I YID LA BYED PA RDZOGS PA'I RNAL 'BYOR SGOM TSUL YIN PA'I PHYIR, GNYIS PA NI, MI SDUG MA CHAGS SA BCU NGANG, ,DMIGS PA 'DOD SNANG MIS SKYED DO, ,ZHES BYUNG, MI SDUG PA SGOM PA'I TING NGE 'DZIN CHOS CAN, RANG BZHIN DANG SEMS RTEN DANG DMIGS PA DANG LUS RTEN BCAS BZHI YOD DE, NGO BO MA CHAGS PA DANG, SEMS RTEN BSAM GTAN BZHI DANG DE'I NYER BSDOGS BZHI DANG BSAM GTAN KHYAD PAR CAN DANG 'DOD SEMS TE SA BCU DANG, DMIGS PA KHA PHYIR BLTAS 'DOD PA'I SNANG BA KHA DOG SOGS LA DMIGS PA DANG, RTEN GLING GSUM GYI MIS SKYED PAR BYED PA RNAMS SU YOD BA'I PHYIR, 'DIR GZUGS MED KYI TING NGE 'DZIN GYIS MI SDUG PA SGOM TSUL MI 'CHAD PA'I RGYU MTSAN YOD DE, MI SDUG PA SGOM PA NI GZUGS LA DMIGS PA YIN LA, GZUGS MED KYIS GZUGS LA MI DMIGS PA'I PHYIR, GSUM PA DBUGS RNGUB 'BYUNG DRAN PA @164A *, ,SGOM PA LA, DE'I RNAM GZHAG DANG, SGOM TSUL DRUG BSHAD PA DANG, DE'I YUL BSHAD PA DANG GSUM, DANG PO NI, DBUGS RNGUB DBUGS 'BYUNG DRAN PA NI, ,SHES RAB SA LNGA SPYOD YUL RLUNG, ,'DOD RTEN PHYI BA'I MA YIN NO, ,ZHES BYUNG, DBUGS NI RLUNG YIN LA, RNGUB PA NANG DU 'JUG PA DANG, 'BYUNG BA PHYIR 'BYUNG BA STE DE LTAR DRAN PA NI CHOS CAN, KHYAD PAR DRUG DANG LDAN TE, NGO BO SHES RAB DANG, SEMS RTEN BSAM GTAN GYI NYER BSDOGS GSUM DANG BSAM GTAN KHYAD PAR CAN DANG 'DOD PA'I SA LNGA DANG, SPYOD YUL LAM DMIGS PA RLUNG DANG, LUS RTEN 'DOD PA DANG, THOB TSUL SBYOR BYUNG DANG, YID BYED CHAGS BRAL BYED PA'I TSUL GYIS BYED PA'I PHYIR, PHYI ROL PAS 'DI SGOM PA MIN TE, NANG PA KHO NA'I YIN PA'I PHYIR, GNYIS PA SGOM TSUL DRUG GI KHYAD PAR NI, BGRANG BA LA SOGS RNAM PA DRUG ,CES BYUNG, DBUGS RNGUB 'BYUNG CHOS CAN, SGOM TSUL KHYAD PAR DRUG DANG LDAN TE, BGRANG BA DANG LA SOGS PAS RJES 'GRO DANG, 'JOG PA DANG, NYER RTOG DANG, YONGS SU SGYUR BA DANG, YONGS DAG DANG RNAM PA DRUG YOD PA'I PHYIR, DE DAG GI KHYAD PAR YOD DE, BGRANG BA NI PHYI NANG DU RGYU BA'I GRANGS LA SEMS GTOD PA DANG, RJES 'GRO NI 'BYUNG RNGUB KYI 'GROS GNAS PA LA DE GTOD DE NAS 'JOG PA NI RLUNG SNA RTZE NAS RKANG PA'I BAR DU GNAS PA LA DANG, NYE BAR RTOG PA NI 'BYUNG BZHI'I RLUNG DANG PHUNG PO LNGAR SO SOR BRTAGS NAS DANG, YONGS SGYUR NI RLUNG LA DMIGS NAS BLO BSGYUR TE DRAN PA NYER GZHAG SOGS GONG NAS GONG DU ZHI LHAG GNYIS KYIS SGOM PA DANG, YONGS DAG NI DE LTAR BSGOMS PAS MTHONG SGOM GYI DRI MA DAG PA MI SLOB PA'I LAM LA 'JUG PA RNAMS SU YOD PA'I PHYIR, GSUM PA NI, DBUGS RNGUB DBUGS 'BYUNG GANG LAS LUS, ,SEMS CAN ZHES BYA MA ZIN PA'O, ,RGYU MTHUN LAS @164B BYUNG 'OG MA YI, ,YID KYIS DE GNYIS MI RTOGS SO, ,ZHES BYUNG, DBUGS RNGUB PA DANG 'BYUNG BA GNYIS CHOS CAN, SA LUS GANG GANG DU GTOGS PA DER GTOGS TE, LUS KYI PHYOGS GCIG YIN PA'I PHYIR, DE GNYIS CHOS CAN, KHYAD CHOS BZHI DANG LDAN TE, SEMS CAN GYI RGYUD KYI YIN PAS SEMS CAN ZHES BYA BA DANG, DBANG POS MA ZIN PA DANG, RGYU MTHUN SNGA MA LAS BYUNG BA DANG, SA 'OG MA SPYOD LAM PA DANG SPRUL PA'I YID KYIS MI RTOGS PA'I KHYAD PAR DANG LDAN PA'I PHYIR, GNYIS PA LHAG MTHONG SGOM TSUL LA, THOG MAR DRAN PA NYER GZHAG ,DE NAS DROD SOGS BZHI, DE NAS BDEN PA MNGON RTOGS BCU DRUG SGOM TSUL DANG GSUM, DANG PO LA SPYIR BSTAN PA DANG, CHOS DRAN PA NYER GZHAG BYE BRAG TU BSHAD PA GNYIS, DANG PO NI, ZHI GNAS GRUB BAR GYUR PA YIS, ,DRAN PA NYER GZHAG BSGOM PAR BYA, ,LUS TSOR SEMS DANG CHOS RNAMS LA, ,MTSAN NYID GNYIS SU YONGS BRTAGS PAS, ,SHES RAB THOS SOGS LAS BYUNG PA, ,GZHAN NI 'BREL DANG DMIGS PA LAS, ,RIM NI JI LTAR SKYE BA BZHIN, , PHYIN CI LOG GI GNYEN PO BZHI, ,ZHES BYUNG, SHES BYA CHOS CAN, ZHI GNAS GRUB PAR GYUR PA YI GANG ZAG CHOS CAN, KHYOD KYIS DE NAS LHAG MTHONG BSGOM PAR BYA STE, DE YANG DRAN PA NYER GZHAG BSGOM PAR BYA BA YIN LA DES LHAG MTHONG 'GRUB PAR 'GYUR BA'I PHYIR, DRAN PA NYER GZHAG CHOS CAN, DMIGS PA'I SGO NAS BZHI YOD DE, LUS DANG TSOR BA DANG SEMS DANG DE GSUM LAS GZHAN PA'I CHOS RNAMS LA DMIGS NAS RANG GI NGO BO RANG MTSAN DANG, DE DAG GI BYAS MI RTAG BDAG MED PA'I SPYI'I MTSAN NYID GNYIS SU YONGS SU BRTAGS NAS SGOM PAR BYED PA YIN PA'I PHYIR, DE CHOS CAN, KHYOD LA GSUM YOD DE, RANG BZHIN DRAN PA NYER GZHAG ,'BREL PA DRAN PA NYER GZHAG ,DMIGS PA DRAN PA NYER GZHAG GSUM YOD @165A *, ,PA'I PHYIR, DE GSUM GYI KHYAD PAR YOD DE, LUS SOGS LA RJES SU LTA BA'I SHES RAB THOS SOGS TE BSAM PA DANG BSGOMS PA LAS BYUNG BA RNAMS DANG PO DANG, GZHAN DE DAG DANG MTSUNGS LDAN DU GYUR PA'I SEMS BYUNG 'DU SHES SOGS GNYIS PA, 'BREL PA DRAN PA NYER GZHAG DANG, RANG BZHIN GYI DRAN PA NYER GZHAG DANG 'BREL BA'I DRAN PA NYER GZHAG GNYIS KYI DMIGS pA'I DRAN PA NYER GZHAG DE DMIGS PA DRAN PA NYER GZHAG YIN PA'I PHYIR, DMIGS PA LA BZHI YOD DE, LUS TSOR SEMS CHOS LA DMIGS PA'I DE BZHI YOD PA'I PHYIR, DE RE RE LA'ANG GSUM GSUM YOD DE, RANG DANG GZHAN DANG GNYIS KA'I RGYUD LA DMIGS PA GSUM GSUM YOD BA'I PHYIR, DE BZHI'I GO RIM NI YOD DE, JI LTAR SKYE BA'I RIM PA DANG MTHUN BAR BZHAG PA'I PHYIR, DER THAL, SNGA MA SNGA MA RAGS LA PHYI MA PHYI MA PHRA BA'I PHYIR, BZHIR 'JOG PA'I RGYU MTSAN YOD DE, GTZANG BDE RTAG BDAG GI PHYIN CI LOG BZHI'I GNYEN POR RIM PAR BZHAG PA'I PHYIR, DER THAL, LUS DRAN PA NYER GZHAG NI LUS GTZANG 'DZIN PHYIN CI LOG GI GNYEN PO DANG, TSOR BA DRAN NYE NI BDER 'DZIN PHYIN CI LOG GI GNYEN PO DANG, SEMS DRAN NYE NI RTAG 'DZIN PHYIN CI LOG GI GNYEN PO DANG, CHOS DRAN NYE NI BDAG 'DZIN PHYIN CI LOG GI GNYEN PO YIN PA'I PHYIR, GNYIS PA NI, DE NI CHOS DRAN NYER GZHAG PA, ,SPYI LA DMIGS PA LA GNAS TE, ,DE DAG LA NI MI RTAG DANG, ,SDUG BSNGAL STONG BDAG MED PAR LTA, ,ZHES BYUNG, LUS DRAN NYE SOGS GSUM PO DE NI DMIGS PA DE LTAR MA 'DRES PA YIN LA, CHOS DRAN PA NYER GZHAG NI CHOS CAN, 'DRES PA'I SPYI LA DMIGS NAS GNAS TE, LUS SOGS DE DAG LA NI MI RTAG PA DANG SDUG BSNGAL BA DANG STONG PA DANG BDAG MED PAR LTA BA'I PHYIR, DE DAG NI TSOGS LAM CHEN PO NAS BSGOM @165B PA'I DBANG DU BYAS SO, ,GNYIS PA LA, SBYOR LAM SKABS KYI SGOM TSUL, DROD SOGS SKYE RIM GYI SGOM TSUL DANG KHYAD CHOS, ZHAR LA THEG PA GSUM GYI LAM BGROD TSUL DANG GSUM, DANG PO LA, SKYE RIM GYI TSUL DANG, PHUNG PO DU YOD DANG, NGES TSIG GSUM, DANG PO NI, DE LAS DRO BAR GYUR PA 'BYUNG, ,DE NI BDEN BZHI'I SPYOD YUL CAN, ,RNAM PA BCU DRUG DRO BA LAS, ,RTZE MO DE YANG DE DANG 'DRA, ,GNYIS KA CHOS KYI RNAM PA GTOD, ,GZHAN DAG GIS KYANG 'PHEL BAR BYED, ,DE LAS BZOD PA GNYIS DE BZHIN, ,THAMS CAD CHOS KYIS 'PHEL BAR BYED, ,CHEN PO 'DOD GTOGS SDUG BSNGAL YUL, ,DE NI SKAD CIG GCIG DE BZHIN, ,CHOS MCHOG CES BYUNG, SBYOR LAM BZHI'I DANG PO SBYOR LAM NGO BOR GYUR PA CHOS CAN, SKYE TSUL YOD DE, TSOGS LAM DU CHOS DRAN PA NYER GZHAG BSGOMS PA DE LAS 'BYUNG BA'I PHYIR, SBYOR LAM DROD DE NI CHOS CAN, DMIGS PA DANG RNAM PA'I KHYAD PAR YOD DE, DMIGS PA BDEN BZHI'I SPYOD YUL CAN DANG RNAM PA MI RTAG SOGS BCU DRUG PO CI RIGS LA DMIGS PA'I RNAM PA CAN YIN PA'I PHYIR, DRO BA DE LAS SBYOR LAM RTZE MO 'BYUNG ZHING, RTZE MO DE YANG CHOS CAN, DMIGS RNAM GYI KHYAD PAR YOD DE, SBYOR LAM DROD DE DANG 'DRA BA'I PHYIR, DROD RTZE GNYIS KA CHOS CAN, BDEN BZHI'I CHOS DRAN PA NYER GZHAG GI RNAM PA GTOD PA'AM 'GOD LA, DRAN PA NYER GZHAG GZHAN DAG GIS KYANG 'PHEL BAR BYED DE, CHUNG 'BRING CHEN PO GSUM DU RIM GYIS 'PHEL ZHING RGYAS PAR BYED PA'I PHYIR, SBYOR LAM BZOD PA CHOS CAN, RTZE MO DE LAS KHYOD SKYE BA YIN TE, DE KHYOD KYI DNGOS RGYU YIN PA'I PHYIR, BZOD PA LA CHUNG 'BRING CHEN PO GSUM LAS CHUNG 'BRING GNYIS CHOS CAN, DMIGS RNAM GYI KHYAD PAR YOD DE, SNGA MA RTZE MO DE BZHIN DU YIN PA'I PHYIR, SBYOR LAM BZOD PA CHUNG 'BRING CHEN PO THAMS CAD CHOS CAN, GANG GIS 'PHEL BAR @166A *, ,BYED PA YOD DE, CHOS DRAN PA NYER GZHAG GIS 'PHEL BAR BYED PA'I PHYIR, SBYOR LAM BZOD PA CHEN PO CHOS CAN, DMIGS RNAM YOD DE, 'DOD PAR GTOGS PA'I SDUG BSNGAL GYI BDEN PA YUL DU BYED CING RNAM PA PHYI MA GNYIS YID LA BYED PA'I PHYIR, DE NI CHOS CAN, DMIGS RNAM DE LTAR YIN KYANG RNAM PA GCIG TU MA NGES TE, SDUG BDEN GYI RNAM PA BZHI GANG RUNG GI RNAM PA CAN GYI SKAD CIG MA GCIG YIN PA'I PHYIR, SBYOR LAM CHOS MCHOG CHOS CAN, DMIGS RNAM BZOD PA CHEN PO DE BZHIN DU YIN TE, DMIGS PA 'DOD PA'I SDUG BDEN LA DMIGS PA DANG, RNAM PA SDUG BDEN GYI RNAM PA MI RTAG SDUG BSNGAL STONG BA BDAG MED BZHI GANG RUNG GI RNAM PA CAN LA, RGYUN NI SKAD CIG MA YIN PA'I PHYIR, SBYOR LAM BZHI SO SO'I SGRA DON YOD DE, BDAG MED RTOGS PA'I SGOM BYUNG GI YE SHES KYI ME'I DROD 'BYUNG BAS DROD DANG, DGE BA G-YO BA'I RTZE MOR PHYIN PAS RTZE MO DANG, BDEN PA LA BZOD PA'I MI SKRAG PAS BZOD PA DANG, 'JIG RTEN PA'I CHOS KYI MCHOG YIN PAS NA CHOS MCHOG CES BYA BA'I PHYIR, SPYIR BDEN BZHI'I RNAM PA BCU DRUG YIN YANG KHAMS GSUM GYI SGO NAS BZHI BCU RTZA BRGYAD DANG, DE DAG LA DMIGS PA'I SBYOR LAM DANG PO GSUM LA CHUNG 'BRING CHEN PO GSUM CI RIGS KYI SGO NAS PHYE NA MANG DU YOD KYANG, LUGS 'DIR CHOS MCHOG LA DE GSUM GYI DBYE BA MI BYED DE, DE NI SKAD CIG MA GCIG YIN PA'I PHYIR, GNYIS PA NI, THAMS CAD PHUNG PO LNGA, ,THOB PA MA GTOGS ZHES BYUNG, NGES 'BYED CHA MTHUN GYI GTZO BO DRAN PA NYER GZHAG YIN PAS SHES RAB YIN YANG 'KHOR DANG BCAS NA THAMS CAD PHUNG PO LNGA PA CAN YIN TE, GZUGS KYANG RNAM PAR DAG BYED MA YIN PA YOD PA'I PHYIR, NGES 'BYED CHA MTHUN GYI THOB PA CHOS CAN, NGES 'BYED DER MA GTOGS TE, @166B 'PHAGS PA LA'ANG KHYOD RGYUD LDAN YOD PA'I PHYIR, GSUM PA NGES TSIG NI, DE LTAR NA, ,NGES 'BYED CHA MTHUN RNAM PA BZHI, ,ZHES BYUNG, SBYOR LAM BZHI PO DE CHOS CAN, NGES 'BYED CHA MTHUN ZHES BYA STE, NGES 'BYED NI 'PHAGS LAM YIN LA, DE'I CHA SHAS MTHONG LAM GYI PHYOGS GCIG DANG MTHONG LAM DE 'DREN BYED YIN PAS NA DE LTAR DU BRJOD PA'I PHYIR, GRANGS NI RNAM PA BZHI YIN TE, SNGAR BSHAD PA LTAR YIN PA'I PHYIR, GNYIS PA LA, NGO BO'I KHYAD PAR, RTEN GYI DANG, BRAL THOB KYI DANG, DE LDAN PA'I YON TAN DANG, LAM GZHAN DU 'JUG TSUL LNGA, DANG PO NI, BSGOMS BYUNG, ZHES BYUNG, SNGAR BSHAD PA'I DNGOS BSTAN GYI SBYOR LAM BZHI CHOS CAN, THOS BYUNG BSAM BYUNG BSGOMS BYUNG GSUM PO GANG RUNG YIN TE, BSGOMS BYUNG KHO NA YIN PA'I PHYIR, GNYIS PA LA, SEMS RTEN DANG, LUS RTEN GNYIS, DANG PO NI, MI LCOGS MED PA DANG, ,KHYAD PAR BSAM GTAN SA PA'O, ,GNYIS NI 'OG NA'ANG YOD PA'AM, ,ZHES BYUNG, SBYOR LAM CHOS CAN, SA GANG LA BRTEN PA YOD DE, BSAM GTAN DANG PO'I NYER BSDOGS MI LCOGS MED PA DANG, KHYAD PAR DU BSAM GTAN KHYAD PAR CAN DANG, BSAM GTAN BZHI PA'I DNGOS GZHI'I SA RNAMS LA BRTEN PA'I PHYIR, KHA CIG DROD RTZE GNYIS 'OG SA 'DOD SEMS LA BRTEN PA'ANG YOD CES 'DOD DE, 'AM NI DPYAD BYAR BZHED PA'I DON YIN PA'I PHYIR, GNYIS PA NI, 'DOD RTEN CHOS MCHOG BUD MED KYI, ,GNYIS KA'I RTEN CAN 'THOB PAR 'GYUR, ,ZHES BYUNG, SBYOR LAM CHOS CAN, KHYOD KYI LUS RTEN YOD DE, 'DOD PA'I RTEN CAN GYI GLING GSUM GYI MI'I RTEN LA BZOD PA CHEN PO MA YIN PA'I SBYOR LAM DANG PO GSUM DANG, PHYI MAS LHA DAG GI NANG DU MNGON DU BYED PA YOD LA, BZOD PA CHEN PO DANG CHOS MCHOG CHEN PO NI LHA'I NANG DU'ANG GSAR DU SKYE BA YOD PA'I PHYIR, SBYOR LAM CHOS MCHOG CHOS CAN, @167A *, ,THOB TSUL GYI KHYAD PAR YOD DE, SNGAR SKYES PA'I RTEN LA THOB PAS NI PHYIS BUD MED KYI RTEN LA MNGON DU 'GYUR BA DANG, SNGAR BUD MED KYI RTEN LA THOB PAS NI PHYIS SKYES PA'I RTEN LA THOB PA YOD PAS SKYES PA BUD MED GNYIS KA'I RTEN CAN LA THOB PA YOD CING, SKYE BA BRJES PA DANG MTSAN 'GYUR BA LAS KYANG DE LTAR DU THOB PAR 'GYUR BA YOD PA'I PHYIR, GSUM PA BRAL THOB KYI KHYAD PAR NI, 'PHAGS PAS DE DAG SA BOR NAS, ,GTONG NGO 'PHAGS MIN 'CHI BAS SO; ;DANG PO GNYIS YONGS NYAMS PAS KYANG, ,DNGOS GZHI DE NYID LA BDEN MTHONG, ,RNAM PAR NYAMS NA SNGON MED THOB, ,NYAMS PA GNYIS NI MI LDAN PA, ,ZHES BYUNG, SBYOR LAM DE DAG CHOS CAN, GANG GIS GTONG BA YOD DE, 'PHAGS PAS NI SA DRUG GANG RUNG LA BRTEN PA'I SA DE DAG BOR NAS SAM 'PHOS NAS THOB PA GTONG, 'PHAGS MIN SO SKYES NI 'CHI 'PHOS PAS SBYOR LAM DE'I THOB PA GTONG BA'I PHYIR, SBYOR LAM DANG PO GNYIS CHOS CAN, GTONG RGYU GZHAN YOD DE, LOG LTAS YONGS SU NYAMS PAR BYAS NAS KYANG GTONG BA'I PHYIR, BSAM GTAN GYI DNGOS GZHI LA BRTEN NAS SBYOR LAM THOB PA DE CHOS CAN, TSE DE NYID LA BDEN PA MNGON SUM DU RTOGS PAR 'GYUR TE, YID SKYO SHAS CHE BAS MTHONG LAM DU TSE DER 'JUG NUS PA'I PHYIR, RNAM PAR NYAMS PA DE CHOS CAN, SLAR THOB PA'I TSE SNGON MED PA NYID 'THOB KYI BTANG BA NI THOB PA MIN TE, MA 'DRIS PA DANG 'BAD DE BSGRUB PAR BYA BA YIN PA'I PHYIR, NYAMS PA CHOS CAN, SLAR THOB TSUL GNYIS YOD DE, GANG NYAMS PA'I 'PHRO NAS SKYED PA DANG, GANG NYAMS PA DE SLAR GZHI NAS SKYED PA GNYIS YOD PA'I PHYIR, YONGS NYAMS DANG RNAM NYAMS KYI GANG ZAG GNYIS CHOS CAN, SBYOR LAM GANG NYAMS PA DE DANG MI LDAN PA YIN TE, DE LAS NYAMS PA'I GANG ZAG YIN @167B PA'I PHYIR, BZHI PA NI, RTZE MO THOB PA RTZA MI CHAD, ,BZOD THOB NGAN SONG MI 'GRO'O, ,ZHES BYUNG, SBYOR LAM DE DAG CHOS CAN, KHYOD THOB PA LA YON TAN KHYAD PAR BA YOD DE, KHYOD LAS DROD THOB LA MA NYAMS PA LTA ZHOG ,NYAMS KYANG SOR CHUD DE MYA NGAN LAS 'DAS PA THOB PAR 'GYUR LA, RTZE MO THOB PA NI MTSAMS MED SOGS BYED PA YOD KYANG DGE RTZA MI CHAD, BZOD PA THOB PA'I TSE NGAN SONG DU SKYE BA'I RGYU MI GSOG PAS NGAN SONG DU MI 'GRO LA, CHOS MCHOG GI TSE BDEN PA MTHONG BA LA NYE BA'I PHYIR, LNGA PA NI, GNYIS SLOB RIGS LAS BZLOG NAS NI, ,SANGS RGYAS SU 'GYUR GZHAN GSUM YANG, ,ZHES BYUNG, DROD DANG RTZE MO GNYIS LA GNAS PA CHOS CAN, SLOB MA STE NYAN THOS KYI RIGS LAS BZLOG NAS NI SANGS RGYAS SU 'GYUR BA YOD DE, NYAN RANG GANG RUNG DU RIGS NGES BAS MA KHYAB PAS BYANG SEMS KYI LAM DU 'JUG PA YOD PA'I PHYIR, DROD RTZE BZOD PA GSUM LA GDAS PA CHOS CAN, RANG GI RIGS LAS LOG NAS GZHAN DU 'GYUR BA YANG YOD DE, RANG RGYAL DU 'GYUR BA YOD PA'I PHYIR, GSUM PA THEG PA GSUM GYI LAM BGROD TSUL NI, STON DANG BSE RU BYANG CHUB BAR, ,BSAM GTAN MTHA' RTEN GCIG LA KUN, ,DE YI SNGON DU THAR CHA MTHUN, ,MYUR BA SRID PA GSUM GYI MTHAR, ,THOS BSAM LAS BYUNG LAS GSUM MO, ,MI YI NANG NAS 'PHEN PAR BYED, ,CES BYUNG, RANG RGYAL RIGS NGES DANG BSE RU LTA BU NI RIGS LAS LDOG PA MED DE, STON PA DANG BSE RU LTA BU'I RANG RGYAL GNYIS KYIS DROD NAS ZAD MI SKYE SHES PA'I BYANG CHUB KYI BAR GYI LAM KUN BSAM GTAN GYI MTHA' BZHI PA'I DNGOS GZHI LA BRTEN NAS STAN GCIG LA SKYED PAR BYED PA'I PHYIR, DANG PO NAS NGES 'BYED CHA MTHUN SKYED PA MIN TE, DE YI SNGON DU THAR PA CHA MTHUN TSOGS LAM SKYED DGOS PA'I PHYIR, NYAN THOS BRTZON 'GRUS SHIN TU CHE ZHING MYUR BA CHOS CAN, KHYOD SRID PA STE TSE GSUM GYIS 'KHOR BA LAS THAR @168A *, ,BAR 'GYUR TE, TSE DANG POR THAR CHA, GNYIS PA LA NGES CHA, GSUM PA LA 'PHAGS LAM RDZOGS PAR SKYED NUS PA'I PHYIR, THAR PA CHA MTHUN DE CHOS CAN, NGO BO YOD DE, THOS BSAM LAS BYUNG BA GTZO CHE BA'I PHYIR, DE CHOS CAN, LAS GSUM GYIS BSDUS PA YOD KYANG YID LAS GTZO CHE STE, BYANG CHUB 'DOD PA'I YID LAS NYID GTZO CHE BA'I PHYIR, DE CHOS CAN, RTEN GANG LA SKYE BA YOD DE, GLING GSUM GYI MI YI NANG DU 'PHEN PA STE SKYED PAR BYED PA'I PHYIR, GSUM PA BDEN PA MNGON RTOGS BCU DRUG SGOM TSUL LA, SKYE RIM, GRANGS NGES, SA GANG LA BRTEN PA, SPONG GNYEN GYI LAM GANG YIN BSHAD PA DANG BZHI, DANG PO NI, 'JIG RTEN PA YI CHOS MCHOG LAS, ,CHOS KYI BZOD PA ZAG PA MED, ,'DOD SDUG BSNGAL LA DE NAS NI, ,DE NYID LA CHOS SHES DE BZHIN, ,SDUG BSNGAL LHAG LA RJES BZOD SHES, ,BDEN PA GSUM LA DE BZHIN NO, ,ZHES BYUNG, 'JIG RTEN PA YI CHOS MCHOG CHOS CAN, KHYOD LAS 'PHAGS LAM SKAD CIG MA BCU DRUG RIM GYIS SKYE STE, DANG POR SDUG BSNGAL LA DMIGS PA'I CHOS KYI BZOD PA ZAG PA MED PA 'DOD PA'I SDUG BSNGAL LA DMIGS NAS SKYE ZHING, DE NAS NI SDUG BDEN DE NYID LA DMIGS PA'I SDUG BSNGAL CHOS SHES SKYE, DE BZHIN DU SDUG BSNGAL GYI LHAG MA KHAMS GONG GI SDUG BSNGAL LA DMIGS PA'I RJES BZOD SKYE, DE NAS DE LA DMIGS PA'I RJES SHES SKYE LA, BDEN PA GZHAN GSUM LA'ANG DE BZHIN DU SBYOR BA YIN PA'I PHYIR, SBYOR TSUL YOD DE, SDUG BSNGAL CHOS SHES KYI MJUG TU 'DOD PA'I KUN 'BYUNG CHOS BZOD DANG, KUN 'BYUNG CHOS SHES, DE NAS KHAMS GONG MA'I KUN 'BYUNG RJES BZOD DANG, KUN 'BYUNG RJES SHES, DE NAS 'DOD PA'I 'GOG PA CHOS BZOD DANG CHOS SHES, DE NAS GONG MA'I 'GOG PA RJES BZOD DANG RJES SHES, DE NAS 'DOD PA'I LAM @168B CHOS BZOD DANG CHOS SHES, DE NAS GONG MA'I LAM RJES BZOD DANG RJES SHES RNAMS RIM GYIS SKYE BA'I PHYIR, GNYIS PA GRANGS NGES NI, DE LTAR BDEN PA MNGON RTOGS 'DI, ,SEMS BCU DRUG GO RNAM GSUM MO, ,MTHONG DMIGS BYA BA ZHES BYA'O, ,ZHES BYUNG, DE LTAR BSHAD PA'I BDEN PA MNGON RTOGS 'DI CHOS CAN, ZAG MED KYI SEMS BCU DRUG TU NGES TE, SHES BZOD SKAD CIG MA BCU DRUG TU NGES PA'I PHYIR, RNAM PA GSUM GSUM DU'ANG 'GYUR TE, MTHONG BA'I MNGON RTOGS, DMIGS PA'I MNGON RTOGS, BYA BA'I MNGON RTOGS ZHES BYA BA GSUM YOD PA'I PHYIR, DER THAL, BDEN PA MTHONG BA'I SGO NAS DANG PO, MTSUNGS LDAN GYI SEMS BYUNG RNAMS GNYIS PA, BYA BA NYID MNGON PAR RTOGS PA NI GSUM PA YIN PA'I PHYIR, SPYI DON GYIS BSHAD NA 'DOD TSUL MANG YANG, SKYE TSUL LA, 'DIR MNGON RTOGS BCU DRUG PO THAMS CAD RIM CAN DU SKYE BAR 'DOD CING, GZHAN DAG BZOD PA BRGYAD CIG CAR DANG, SHES PA BRGYAD CIG CAR DU SKYE BAR 'DOD PA DANG MI 'DRA'O, ,GSUM PA SEMS RTEN NI, DE NI CHOS MCHOG DANG SA GCIG ,CES BYUNG, BDEN PA MNGON PAR RTOGS PA'I SEMS DE CHOS CAN, KHYOD KYI SEMS RTEN YOD DE, SBYOR LAM CHOS MCHOG DANG SEMS RTEN SA GCIG PA'I PHYIR, DER THAL, BSAM GTAN SA DRUG LA BRTEN CING, CHOS MCHOG DANG MNYAM GZHAG THUN GCIG GIS BSDUS PA'I PHYIR, BZHI PA GNYEN PO DANG SPONG LAM BSHAD PA NI, BZOD DANG SHES PA GO RIM BZHIN, ,BAR CHAD MED DANG RNAM GROL LAM, ,DE LAS SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,ZHES BYUNG, SKAD CIG BCU DRUG PO DE DAG CHOS CAN, GNYIS SU 'DU BA STE, BZOD PA BRGYAD BAR CHAD MED LAM DANG, SHES PA BRGYAD RNAM GROL LAM DU GO RIM BZHIN 'JOG PA'I PHYIR, DER THAL, DANG PO BRGYAD NI RANG GI SPANG BYA DNGOS SU SPONG @169A *, ,BA LA GZHAN GYIS BAR DU GCOD MI NUS SHING, PHYI MA BRGYAD NI SPANG BYA DE DAG LAS RNAM PAR GROL BA'I SGO NAS DE LTAR BZHAG PA'I PHYIR, DE DAG LAS SKAD CIG SNGA MA BCO LNGA PO NI CHOS CAN, MTHONG BA'I LAM YIN TE, BDEN PA'I RNAM PA SNGAR MNGON SUM MA MTHONG BA GSAR DU MTHONG BA'I LAM YIN PA'I PHYIR, BCU DRUG PA CHOS CAN, DE MIN TE, MTHONG ZIN GOMS PAR BYED PA'I SGOM LAM YIN PA'I PHYIR, DE DAG LAS GNYEN PO DANG SPONG LAM GYI KHYAD PAR YOD DE, BZOD PA BRGYAD NI SPANG BYA'I GNYEN PO YIN PAS GNYEN PO'I LAM DANG, SHES PA BRGYAD NI SPANGS PA LA DBANG BSGYUR BAS SPONG LAM DU 'JOG PA'I PHYIR, GNYIS PA GANG ZAG GI RNAM GZHAG LA, ZHUGS GNAS KYI RNAM GZHAG SPYIR BSTAN PA, NANG TSAN GYI SGO NAS BDUN DU DBYE BA, GANG ZAG GI RIGS BSDUS PA DANG GSUM, DANG PO LA, RGYUN ZHUGS DANG CHAGS BRAL SNGON SONG GI RNAM GZHAG DANG, 'BRAS BU RIM GYIS PA'I RNAM GZHAG GNYIS, DANG PO NI, DBANG PO RNO RTUL DE DAG TU, ,DAD DANG CHOS KYI RJES 'BRANG BA, , SGOM PA'I SPANG BYA MA SPANGS PA, ,'BRAS BU DANG PO LA ZHUGS PA, ,RNAM LNGA'I BAR BCOM GNYIS PA LA, ,DGU PA TSUN CHAD ZAD PA YIN, ,'DOD PA'AM YANG NA GONG MA LAS, ,CHAGS BRAL GSUM PA LA ZHUGS PA, ,GANG ZHIG GANG LA ZHUGS PA NI, ,BCU DRUG PA LA DE 'BRAS GNAS, ,DE TSE DBANG PO RNO RTUL DAG ,DAD PAS MOS DANG MTHONG BAS THOB, ,'BRAS THOB 'BRAS BU KHYAD PAR GYI, ,LAM THOB MED PA DE YI PHYIR, ,MI BRTZON PA NI ZHUGS MA YIN, ,ZHES BYUNG, MNGON RTOGS DE DAG TU GNAS PA'I GANG ZAG CHOS CAN, KHYOD LA RNAM PA GNYIS YOD DE, DBANG PO RNO BA CHOS KYI RJES SU 'BRANG BA DANG, DBANG RTUL DAD PA'I RJES 'BRANG GNYIS YOD PA'I PHYIR, DE GNYIS LAS SNGON SGOM PA'I SPANG BYA GCIG KYANG MA SPANGS PA NI 'BRAS BU DANG PO LA ZHUGS PA YIN @169B LA; DE GCIG NAS RNAM PA LNGA'I BAR BCOM PA DE YANG DE LA ZHUGS PA YIN TE, RGYUN ZHUGS ZHUGS PA YIN PA'I PHYIR, MTHONG LAM GYI SNGON DU 'DOD PA'I SGOM SPANG DRUG PA NAS DGU PA TSUN CHAD DE BRGYAD PA ZAD PA DE CHOS CAN, 'BRAS BU GNYIS PA PHYIR 'ONG LA ZHUGS PA YIN TE, CHAGS BRAL SNGON SONG GI PHYIR 'ONG ZHUGS PA YIN PA'I PHYIR, MTHONG LAM GYI SNGON DU 'DOD PA LA CHAGS PA DANG BRAL BA'AM, YANG NA GONG MA CI YANG MED MAN CHAD LA 'DOD CHAGS DANG BRAL BA DE CHOS CAN, 'BRAS BU GSUM PA PHYIR MI 'ONG LA ZHUGS PA YIN TE, CHAGS BRAL SNGON SONG GI PHYIR MI 'ONG ZHUGS PA YIN PA'I PHYIR, ZHUGS PA DE GSUM PO GANG ZHIG 'BRAS BU DE GSUM GANG THOB PA'I PHYIR ZHUGS PA DE CHOS CAN, BCU DRUG PA LAM RJES SHES LA GNAS PA DE'I TSE 'BRAS GNAS GSUM DU RIM PAR 'JOG STE, DE'I TSE RGYUN ZHUGS SOGS GSUM GYI 'BRAS BU GANG YIN PA DE THOB PAR 'JOG PA'I PHYIR, DE'I TSE DBANG PO RNO RTUL DE DAG CHOS CAN, DAD PA DANG CHOS KYI RJES 'BRANG ZHES MI BYA STE, DBANG RTUL LA DAD PAS MOS PA DANG DBANG RNON LA MTHONG BAS THOB PA ZHES BYA BA'I PHYIR, 'BRAS BU THOB PAS NI 'BRAS BU GONG MA THOB PA'I PHYIR DU MI BRTZON PA DE CHOS CAN, 'BRAS GNAS GONG MA DE'I ZHUGS PA MA YIN TE, 'BRAS BU KHYAD PAR CAN GYI ZHUGS PA'I LAM THOB PA MED PA DE YI PHYIR, GNYIS PA LA SPANG BYA SPANG TSUL DANG, ZHUGS GNAS KYI RNAM GZHAG DNGOS GNYIS, DANG PO NI, SA DANG SA NA NYES RNAM DGU, ,DE BZHIN DU NI YON TAN RNAMS, ,CHUNG DANG 'BRING DANG CHE RNAMS KYI, ,CHUNG NGU LA SOGS THA DAD PHYIR, ,ZHES BYUNG, 'DOD PA NAS SRID RTZE'I BAR GYI SA DANG SA CHOS CAN, KHYOD NA NYES PA RNAM PA DGU DGU YOD DE, SGOM SPANG CHUNG NGU DANG 'BRING DANG CHEN PO GSUM DANG, DE RE RE LA'ANG CHUNG NGU'I CHUNG NGU NAS CHEN PO'I CHEN PO'I BAR YOD PA'I PHYIR, DE @170A *, ,BZHIN DU SGOM LAM GYI YON TAN CHOS CAN, DGU RNAMS YOD DE, BAR CHAD MED LAM DANG RNAM GROL LAM RE RE LA'ANG, CHUNG NGU DANG 'BRING DANG CHE BA RNAMS KYI CHUNG NGU'I CHUNG NGU LA SOGS PA THA DAD DU PHYES YOD PA'I PHYIR, GNYIS PA LA, RGYUN ZHUGS ZHUGS 'BRAS, PHYIR 'ONG, PHYIR MI 'ONG, DGRA BCOM ZHUGS GNAS DANG BZHI, DANG PO LA GNYIS KYI ZHUGS PA BSHAD ZIN CING, 'BRAS GNAS LA, TZAM PO BA DANG, KHYAD PAR CAN GNYIS, DANG PO NI, 'BRAS GNAS SGOM SPANG BYA MA ZAD, ,DE LTAR THOGS NA LAN BDUN PA, ,ZHES BYUNG, RGYUN ZHUGS SRID PA LAN BDUN PA BA CHOS CAN, KHYOD 'JOG TSUL YOD DE, 'BRAS BU LA GNAS PA GANG ZHIG ,SGOM PA'I SPANG BYA GCIG KYANG MA ZAD PA DE NI, RGYUN ZHUGS DE LTAR THOGS PA STE MCHOG TU'AM RAB TU THOGS NA 'DOD PAR SKYE SRID LAN BDUN LEN PA'I RIGS CAN GYI RGYUN ZHUGS YIN PA'I PHYIR, DE LA YANG NGES MA NGES GNYIS YOD, RGYUN ZHUGS KYI SGRA DON YOD DE, THAR LAM GYI RGYUN LA DANG POR ZHUGS PA'I RIGS CAN YIN PAS NA DER BRJOD PA'I PHYIR, GNYIS PA NI, RNAM GSUM RNAM BZHI LAS GROL BA, ,TSE GNYIS GSUM DU RIGS NAS RIGS, ,ZHES BYUNG, RGYUN ZHUGS RIGS NAS RIGS SKYE CHOS CAN, 'JOG TSUL YOD DE, 'BRAS BU GONG MA THOB PHYIR DU ZHUGS PA GANG ZHIG ,'DOD PA'I SGOM SPANG NYON MONGS RNAM PA GSUM MAM, RNAM PA BZHI LAS GROL BA DANG, DE'I GNYEN PO ZAG MED KYI DBANG PO THOB PA DANG, 'DOD PA'I LHA'AM MI'I TSE GNYIS SAM GSUM LUS SHING, LHA MI GANG RUNG GI RIGS NAS RIGS SU SKYE BA LEN PA'I RIGS CAN DE DE YIN PA'I PHYIR, GNYIS PA LA, PHYIR 'ONG ZHUGS PA DANG 'BRAS GNAS GNYIS, DANG PO NI, RNAM PA LNGA YI BAR BCOM PA, ,GNYIS PA LA NI ZHUGS PA YIN, , @170B ZHES BYUNG, GNYIS PA RIM GYIS PA'I PHYIR 'ONG CHOS CAN, KHYOD KYI ZHUGS PA YOD DE, 'BRAS GNAS GANG ZHIG ,SGOM SPANG GCIG NAS RNAM PA LNGA'I BAR BCOM PA GANG YIN PA DE DE YIN PA'I PHYIR, GNYIS PA LA, TZAM PO BA DANG, KHYAD PAR CAN GNYIS, DANG PO NI, RNAM PA DRUG PA ZAD GYUR PA, ,DE NI LAN CIG PHYIR 'ONG PA, ,ZHES GYUR, LAN CIG PHYIR 'ONG BA'I 'BRAS GNAS CHOS CAN, 'JOG TSUL YOD DE, 'BRAS GNAS BZHI GANG RUNG GANG ZHIG ,SGOM SPANG RNAM PA DRUG PA ZAD PAR GYUR PAS RAB TU PHYE BA'I GANG ZAG DE NI DE YIN PA'I PHYIR, GNYIS PA NI, NYES ? CHA BDUN NAM BRGYAD ZAD PA, ,TSE GCIG BAR CHAD GCIG PA DANG, ,ZHES BYUNG, PHYIR 'ONG BAR CHAD GCIG PA CHOS CAN, 'JOG TSUL YOD DE, 'DOD PA'I NYES PA'I CHA BDUN NAM BRGYAD ZAD PA, DE'I GNYEN PO THOB PA, DGRA BCOM THOB PA LA TSE GCIG DANG PHYIR MI 'ONG GI 'BRAS BU THOB PA LA BAR CHAD GCIG GIS CHOD PA'I PHYIR 'ONG DE DE YIN PA'I PHYIR, GSUM PA LA, ZHUGS PA DANG, 'BRAS GNAS GNYIS, DANG PO NI GSUM PA LA NI ZHUGS PA'ANG YIN, ,ZHES BYUNG, PHYIR 'ONG 'BRAS GNAS DE CHOS CAN, GSUM PA PHYIR MI 'ONG GI 'BRAS BU LA ZHUGS PA'ANG YIN TE, DE THOB PHYIR DU BRTZON PA'I PHYIR 'ONG 'BRAS GNAS KHYAD PAR CAN YIN PA'I PHYIR, GNYIS PA LA, MDOR BSTAN PA DANG, RGYAS PAR BSHAD PA GNYIS, DANG PO NI, DE DGU ZAD PA'I PHYIR MI 'ONG, ,ZHES BYUNG, PHYIR MI 'ONG 'DRA GNAS DE CHOS CAN, KHYOD THOB PA'I DUS YOD DE, PHYIR 'ONG 'BRAS GNAS KHYAD PAR CAN DES 'DOD NYON DGU PA DE NYID SPANGS SHING ZAD PA'I TSE KHYOD DU GYUR PA YIN PA'I PHYIR, GNYIS PA LA, GZUGS NYER 'GRO ,GZUGS MED NYER 'GRO ,MTHONG CHOS ZHI, NYER 'GRO DGUR DBYE BA, TSE YONGS GYUR, LUS MNGON BYED DANG DRUG ,DANG PO LA, RTZA BA'I SGO NAS LNGA NGA DBYE BA DANG, GONG 'PHO BYE PHRAG TU BSHAD PA @171A *, ,GNYIS, DANG PO NI, DE NI BAR SKYES 'DU BYED DANG, ,'DU BYED MED YONGS MYA NGAN 'DA', ,GONG DU 'PHO PA RNAMS ZHES BYUNG, PHYIR MI 'ONG DE NI CHOS CAN, KHYOD LA DBYE NA LNGA YOD DE, BAR DO'I RTEN LA MYANG 'DAS MNGON DU BYED PA'I BAR 'DA' BA DANG, GZUGS KYI SKYE SRID KYI RTEN LA DE MNGON DU BYED PA'I SKYES NAS 'DA' BA DANG, SKYES NAS 'BAD BRTZON 'DU BYED DANG BCAS PAS DE MNGON DU BYED PA'I 'DU BYED DANG BCAS TE 'DA' BA DANG, 'BAD RTZOL CHEN PO MED PAR DE MNGON DU BYED PA'I 'DU BYED MED PAR YONGS SU MYA NGAN LAS 'DA' BA DANG, GONG DU 'PHO BA DANG LNGA RNAMS SU YOD PA'I PHYIR, RGYAS PAR NI GZHAN DU SHES SO, ,GNYIS PA NI, DE NI, ,BSAM GTAN SPEL NAS 'OG MIN 'GRO ,DE 'PHAR PHYED 'PHAR THAMS CAD DU, , 'CHI 'PHO GZHAN SRID RTZE MOR 'GRO ,ZHES BYUNG, PHYIR MI 'ONG GONG 'PHO DE CHOS CAN, KHYOD LA GNYIS YOD DE, BSAM GTAN SPEL SGOM BYAS NAS 'OG MIN GYI MTHAR THUG PAR 'GRO BA DANG, GZHAN DE MA BYAS PAR SRID PA'I RTZE MO'I BAR 'GRO BA GNYIS YOD PA'I PHYIR, GZUGS NYER 'GRO'I PHYIR MI 'ONG DE CHOS CAN, KHYOD LA GSUM YOD DE, GZUGS KYI GNAS GNYIS GSUM TZAM BZUNG NAS GZUGS KYI RTEN LA MYANG 'DAS MNGON DU BYED PA'I 'PHAR BA DANG, GNAS GTZANG DU SKYES KYANG 'GA' ZHIG BRGAL NAS 'OG MIN DU 'JUG PA'I PHYED DU 'PHAR BA DANG, TSANGS CHEN MA GTOGS PA'I GZUGS KYI GNAS THAMS CAD DU 'PHOS NAS 'OG MIN DU 'JUG PA'I GNAS THAMS CAD DU 'CHI 'PHO BA DANG GSUM YOD PA'I PHYIR, GNYIS PA NI, GZHAN NI GZUGS MED 'GRO RNAM BZHI, ,ZHES BYUNG, GZHAN GZUGS MED NYER 'GRO'I PHYIR MI 'ONG CHOS CAN, KHYOD LA RNAM PA BZHI YOD DE, SKYE 'DA' BA NAS GONG 'PHO'I BAR BZHI YOD PA'I PHYIR, GSUM PA MTHONG CHOS ZHI NI, GZHAN NI 'DI LA MYA NGAN 'DA', ,ZHES @171B BYUNG, GZHAN PHYIR MI 'ONG MTHONG CHOS ZHI CHOS CAN, BZHAG TU YOD DE, NYER 'GRO GNYIS LAS GZHAN PA'I PHYIR MI 'ONG MTHONG LAM THOB PA'I TSE 'DI LA MYA NGAN LAS 'DA' BA DE DE YIN PA'I PHYIR, BZHI PA LA, DGUR BSHAD PA DANG, DE'I KHYAD PAR DANG, DAM PA'I 'GRO BA BDUN DANG GSUM, DANG PO NI, GSUM LA'ANG RNAM PA GSUM PHYE NAS, ,GZUGS SU NYER 'GRO DGUR BSHAD DO, ,ZHES BYUNG, GZUGS SU NYER 'GRO CHOS CAN, KHYOD LA DBYE NA DGUR YOD PAR BSHAD DE, BAR 'DA' BA DANG, SKYE 'DA' BA DANG, GONG DU 'PHO BA GSUM LA YANG RNAM PA GSUM GSUM DU PHYE NAS DGUR YOD PA'I PHYIR, DER THAL, DANG PO LA MYUR BAR DANG, MYUR BA MIN PAR DANG, DUS RING NAS 'DA' BA GSUM, GNYIS PA LA SKYES TZAM NAS DANG, 'DU BYED DANG BCAS TE DANG, 'DU BYED MED PAR 'DA' BA GSUM, GSUM PA LA 'PHANG BA DANG, PHYED 'PHAR DANG, GNAS THAMS CAD DU 'CHI 'PHO BA GSUM YOD PA'I PHYIR, GNYIS PA NI, DE DAG GI NI KHYAD PAR RNAMS, ,LAS DANG NYON MONGS BYE BRAG LA, ,ZHES BYUNG, PHYIR MI 'ONG DGU PO DE DAG GI CHOS CAN, KHYAD PAR RNAMS DE LTAR 'BYUNG BA'I RGYU MTSAN YOD DE, LAS DANG DBANG PO DANG NYON MONGS PA'I BYE BRAG LAS BZHAG PA'I PHYIR, DER THAL, DANG PO GSUM MNGON PAR 'GRUB PA'I LAS KYI DANG, BAR PA GSUM SKYES NAS MYONG 'GYUR GYI LAS DANG, PHYI MA GSUM LA NA GRANGS GZHAN LA MYONG 'GYUR GYI LAS DANG, YANG RIM PA BZHIN DBANG PO RNO 'BRING RTUL GSUM DANG, YANG RIM PA BZHIN NYON MONGS CHUNG 'BRING CHEN PO GSUM GYI BYE BRAG GAM KHYAD PAR GYIS BZHAG PA'I PHYIR, GSUM PA NI, GONG DU 'PHO BA MA PHYE BAR, ,DAM PA'I 'GRO BA BDUN DU 'DOD, ,DAM PA DAM MIN 'JUG MI 'JUG, ,SON PA PHYIR MI 'ONG PHYIR DE, ,ZHES BYUNG, MDO LAS BSTAN PA'I SKYES BU DAM PA'I 'GRO BA DE CHOS CAN, KHYOD LA BDUN DU YOD DE, SNGAR GYI DGU PO DE LAS GONG @172A *, ,DU 'PHO BA MA PHYE BAR GCIG TU BGRANG BAS BDUN DU YOD PA'I PHYIR, DE CHOS CAN, DAM PA ZHES BYA STE, DAM PA DGE BA KHO NAR 'JUG CING, DAM MIN MI DGE BA LA MI 'JUG PA'I PHYIR, PHYIR MI 'ONG ZHES BYA STE, 'DOD PA LAS SON ZHING RANG SA DANG 'OG SAR TSE PHYI MAR SLAR MI 'ONG BA'I 'GRO BA YIN PA'I PHYIR, LNGA PA TSE YONGS GYUR LA, DNGOS DANG, ZHAR BYUNG GNYIS, DANG PO NI, 'DOD PAR TSE YONGS GYUR PA'I 'PHAGS, ,KHAMS GZHAN DU NI 'GRO BA MED, ,DE DANG GONG MAR SKYES PA NI, ,YONGS NYAMS DBANG PO 'PHO MI BSTEN, ,ZHES BYUNG, 'DOD PAR TSE YONGS GYUR GYI 'PHAGS PA CHOS CAN, KHYOD 'JOG TSUL YOD DE, RGYUN ZHUGS DANG PHYIR 'ONG GI 'BRAS BU GANG RUNG THOB NAS 'DOD PA'I TSE GNYIS PAR PHYIR MI 'ONG GI 'BRAS BU THOB PA'I PHYIR MI 'ONG ZHIG DE YIN PA'I PHYIR, DE CHOS CAN, KHAMS GZHAN DU NI 'GRO BA MED DE, 'DOD PA'I TSE DE NYID LA MYANG 'DAS MNGON DU BYED PA'I PHYIR, DE DANG KHAMS GONG MAR SKYES PA'I 'PHAGS PA CHOS CAN, YONGS SU NYAMS PA DANG DBANG PO 'PHO BA MI BSTEN TE, MI NYAMS PA DANG DBANG PO MI 'PHO BA'I RTEN KHYAD PAR CAN THOB PA'I PHYIR, GNYIS PA NI, DANG PO BZHI PA SPEL BAR BYED, ,SKAD CIG MA NI BSRES PAS 'GRUB, ,SKYE DANG GNAS PAR BYA PHYIR DANG, ,NYON MONGS PAS NI 'JIG PHYIR YANG, ,DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES BYUNG, PHYIR MI 'ONG DANG DGRA BCOM KHA CIG CHOS CAN, KHYOD KYIS BSAM GTAN SPEL SGOM BYED PA'I TSE DANG POR BSAM GTAN BZHI PA SPEL BAR BYED PA YIN TE, DE BSAM GTAN GZHAN GYI MCHOG YIN PA'I PHYIR, SPEL TSUL YOD DE, BSAM GTAN ZAG MED GNYIS KYI BAR DU ZAG BCAS DANG, DE LAS BZLOG PA SOGS SKAD CIG MA RE RE BZHIN BSRES PAS 'GRUB PA'I PHYIR, DGOS PA YOD DE, GNAS GTZANG DU SKYE BA DANG, MTHONG CHOS LA @172B BDE BAR GNAS PAR BYA BA'I PHYIR DANG, NYON MONGS MA SPANGS PA'I DBANG RTUL 'GA' ZHIG NYON MONGS PAS NI 'JIG PA DE ZHI BA'I PHYIR YANG SGOM PAR BYED PA'I PHYIR, BSGOM TSUL LNGAR NGES TE, GNAS GTZANG MAR SKYE BA'I GNAS LA MI CHE BA SOGS LNGA KHO NA YIN PAS DER SKYE BA'I RGYUR BSAM GTAN SPEL SGOM BYED TSUL DE NI RNAM PA LNGA KHO NAR NGES PA'I PHYIR, SPEL SGOM CHOS CAN, KHYOD LA LNGA YOD DE, CHUNG NGU GSUM DU SPEL BA, 'BRING DRUG TU SPEL BA, CHEN PO DGUR SPEL BA, SHIN TU CHE BA BCU GNYIS SU SPEL BA, SHIN TU CHES CHE BA BCO LNGAR SPEL BA RNAMS SU YOD PA'I PHYIR, DRUG PA NI, 'GOG PA THOB PA'I PHYIR MI 'ONG, ,LUS KYIS MNGON SUM BYED PAR 'DOD, ,CES BYUNG, PHYIR MI 'ONG LUS MNGON BYED CHOS CAN, BZHAG TU YOD DE, 'GOG PA'I SNYOMS 'JUG THOB PA'I PHYIR MI 'ONG DE PHYIR MI 'ONG LUS KYIS MNGON DU BYED PAR 'DOD PA'I PHYIR, LUS KYIS MNGON DU BYED CES BRJOD PA'I RGYU MTSAN YOD DE, SEMS SAM TSOR 'DU 'GAG PA'I LUS LA BRTEN NAS SNYOMS 'JUG DE SKYE BA'I PHYIR, SPYIR PHYIR MI 'ONG LA DBYE NA KHRI NYIS STONG DGU BRGYA DANG DRUG CU YOD DE, PHYIR MI 'ONG BAR 'DA' BA SOGS RIGS LNGA PO RE RE LA'ANG NYIS STONG LNGA BRGYA DGU BCU RTZA GNYIS RE YOD PAR RANG 'GREL LAS BSHAD PA'I PHYIR, BZHI PA DGRA BCOM ZHUGS 'BRAS LA, ZHUGS PA DANG, 'BRAS GNAS GNYIS, DANG PO NI, SRID RTZE'I BAR CHA BRGYAD ZAD PA, ,DGRA BCOM NYID LA ZHUGS PA YIN, ,DGU PA'I BAR CHAD MED LAM YANG, ,DE NI RDO RJE LTA BU YIN, ,ZHES BYUNG, DGRA BCOM ZHUGS PA CHOS CAN, KHYOD 'JOG TSUL YOD DE, BSAM GTAN DANG PO'I SGOM SPANG GCIG SPANGS PA NAS SRID RTZE'I BAR GYI SGOM SPANG GI CHA BRGYAD PA ZAD PA'I PHYIR MI 'ONG RNAMS DGRA BCOM PA NYID KYI 'BRAS BU LA ZHUGS PA YIN PA'I PHYIR DANG, SRID NYON DGU PA'I DNGOS GNYEN BAR CHAD MED LAM LA GNAS PA'I 'BRAS GNAS @173A *, ,GZHAN DE YANG DE YIN PA'I PHYIR, BAR CHAD MED LAM DE CHOS CAN, RDO RJE LTA BU'I TING NGE 'DZIN YIN TE, RDZAS KYI RDO RJE PHA LAM LTAR NYON MONGS PA THAMS CAD 'JOMS SHING 'BIGS PA'I SGOM LAM BAR CHAD MED LAM MTHAR THUG YIN PA'I PHYIR, GNYIS PA 'BRAS GNAS LA, DNGOS DANG, KHYAD CHOS DANG, DBYE BA GSUM, DANG PO NI, DE ZAD THOB DANG ZAD PA SHES, ,DE TSE DE MI SLOB DGRA BCOM, ,ZHES BYUNG, DGRA BCOM 'BRAS GNAS CHOS CAN, KHYOD THOB PA'I DUS YOD DE, SRID NYON DGU PA DE ZAD PA'I BRAL BA THOB PA DANG LHAN CIG ZAG PA ZAD PA'I SHES PA SKYES PA DE'I TSE THOB PA YIN PA'I PHYIR TE, DE'I TSE KHYOD KYI ZHUGS PA DES LAM DE'I GONG DU SLOB MI DGOS PA'I RANG LAM GYI MI SLOB PA'I LAM GSAR DU THOB PA'I PHYIR, GNYIS PA LA, CHAGS BRAL GYI RNAM GZHAG DANG, DGE SBYONG TSUL GYI RNAM GZHAG GNYIS, DANG PO LA, GANG GIS CHAGS PA DANG BRAL BA'I LAM DANG, BRAL THOB SKYE TSUL, SA GANG GI GANG LA CHAGS PA DANG BRAL BA, 'JIG RTEN PA'I LAM GYI DMIGS RNAM BSHAD PA BZHI, DANG PO NI, 'JIG RTEN 'DAS KYIS SRID RTZE LAS, ,CHAGS BRAL GZHAN LAS RNAM PA GNYIS, ,ZHES BYUNG, SHES BYA CHOS CAN, LAM GANG GIS GANG LA CHAGS PA DANG BRAL BAR BYED TSUL YOD DE, 'JIG RTEN LAS 'DAS PA'I SGOM LAM GYIS SRID RTZE LAS CHAGS PA DANG BRAL BAR BYED PA, SRID RTZE LAS GZHAN PA'I NYON MONGS BRGYAD NI 'JIG RTEN LAS 'DAS MA 'DAS KYI SGOM LAM RNAM PA GNYIS KYIS CHAGS BRAL BYED PA YOD PA'I PHYIR, GNYIS PA NI, 'JIG RTEN PA YI CHAGS BRAL BA'I, ,'PHAGS LA BRAL BA'I THOB RNAM GNYIS, ,KHA CIG 'JIG RTEN 'DAS KYIS KYANG, ,BTANG LA NYON MONGS MI LDAN PHYIR, ,SRID RTZE'I PHYED LAS RNAM GROL DANG, ,GONG DU SKYES PA BZHIN MI LDAN, ,ZHES BYUNG, 'PHAGS @173B PA 'JIG RTEN PA YI LAM GYIS 'DOD CHAGS DANG BRAL BAR GYUR PA CHOS CAN, KHYOD LA 'PHAGS PA'I BRAL BA'I THOB PA 'JIG RTEN LAS 'DAS MA 'DAS RNAM PA GNYIS YOD DE, 'JIG RTEN PA'I ZHI RAGS KYI RNAM PA CAN GYI LAM DANG, 'JIG RTEN LAS 'DAS PA'I LAM GYIS 'DOD CHAGS DANG BRAL BA GNYIS YOD PA'I PHYIR, KHA CIG NA RE, 'JIG RTEN LAS 'DAS PA'I LAM GYIS KYANG 'DOD CHAGS DANG BRAL BA RNAM PA GNYIS YOD DE, LAM GONG MA BTANG BA LA DE'I NYON MONGS DANG MI LDAN PA YOD PA'I PHYIR ZER NA, MA KHYAB STE, 'DAS LAM GYIS SRID RTZE'I PHYED LAS RNAM PAR GROL BA'I PHYIR MI 'ONG 'GA' ZHIG DBANG PO 'PHOS PA NA LAM SNGA MA BTANG ZHING 'JIG RTEN PA'I BRAL THOB MED KYANG SRID RTZE'I NYON MONGS SLAR MI LDAN PA DANG, 'DOD PAR CHAGS BRAL GYI SO SKYE BSAM GTAN DANG PO YAN GYI GONG DU SKYES PA LA 'DOD PA'I NYON MONGS DANG BRAL BA'I THOB PA ZAG BCAS BTANG BAS BRAL THOB MED KYANG 'DOD NYON SLAR MI LDAN PA BZHIN YIN PA'I PHYIR, GSUM PA NI, ZAG MED MI LCOGS MED PA YIS, ,THAMS CAD LA NI 'DOD CHAGS BRAL, ,SA GSUM LAS RGYAL BSAM GTAN NAM, ,NYER BSDOGS LAS MTHA'I RNAM GROL LAM, ,GONG MA'I NYER BSDOGS LAS MIN 'PHAGS, ,BRGYAD KYIS RANG GONG SA LAS RGYAL, ,ZHES BYUNG, ZAG MED KYI SA CHOS CAN, KHYOD LA DGU YOD DE; BSAM GTAN DANG PO'I NYER BSDOGS ZAG MED DANG, DANG PO'I DNGOS GZHI ZAG MED TZAM KHYAD GNYIS DANG, BSAM GTAN PHYI MA GSUM GYI DNGOS GZHI ZAG MED DANG, GZUGS MED GSUM GYI ZAG MED GSUM DANG DGU YOD PA'I PHYIR, DE LAS BSAM GTAN DANG PO'I NYER BSDOGS MI LCOGS MED PA YIS CHOS CAN, 'DOD PA NAS SRID RTZE'I BAR GYIS THAMS CAD LA 'DOD CHAGS DANG BRAL BAR BYED NUS TE, BAR CHAD MED LAM GYI BDAG NYID DANG BRAL BA'I SGO NAS DE LTAR NUS PA'I PHYIR TE, DES 'DOD PA DANG @174A *, ,BSAM GTAN DANG PO GNYIS TE SA 'OG MA GSUM LAS 'DOD CHAGS DANG BRAL NAS RGYAL BA'I RNAM GROL LAM THOB PA'I TSE, RNAM GROL LAM GNYIS THOB STE, BSAM GTAN GYI DNGOS GZHI 'AM, NYER BSDOGS LAS MTHAR STE RNAM GROL LAM THA MA'I NGO BOR SKYE BA'I PHYIR, BSAM GTAN BZHI SOGS GONG MA LA CHAGS PA DANG BRAL BA'I RNAM GROL LAM CHOS CAN, THA MA'I NYER BSDOGS LAS SKYE BA MIN TE, DNGOS GZHI KHO NA LAS SKYE BA YIN PA'I PHYIR, 'PHAGS PA'I ZAG MED KYI BSAM GTAN BZHI DANG GZUGS MED DANG PO GSUM DANG DNGOS GZHI ZAG MED BRGYAD CHOS CAN, KHYOD KYIS RANG SA DANG GONG SA LAS RGYAL BAR BYED KYI, 'OG SA LAS MIN TE, DE LAS SNGAR 'DOD CHAGS DANG BRAL ZIN PA'I PHYIR, BZHI PA DMIGS RNAM LA; 'JIG RTEN PA'I LAM GYI DMIGS RNAM DANG, 'JIG RTEN LAS 'DAS PA'I MTHAR GROL LAM SKYE TSUL GNYIS, DANG PO NI, 'JIG RTEN PA YI RNAM GROL DANG, ,BAR CHAD MED LAM GO RIM BZHIN, ,ZHI SOGS RIGS SOGS RNAM PA CAN, ,GONG DANG 'OG MA'I SPYOD YUL CAN, ,ZHES BYUNG, 'JIG RTEN PA YI RNAM GROL LAM DANG DE'I BAR CHAD MED LAM GNYIS CHOS CAN, DMIGS RNAM YOD DE, GO RIM BZHIN DU SNGA MAS SA GONG MA LA ZHI BA DANG GYA NOM PA SOGS KYI RNAM PA CAN GYI NGO BOR SPYOD YUL DU BYED LA, PHYI MAS NI SA 'OG MA LA RIGS PA DANG DMAN PA SOGS KYI RNAM PA'I SGO NAS SPYOD YUL DU BYED PA'I PHYIR, GNYIS PA NI, GAL TE MI G-YO'I ZAD SHES LAS, ,MI SKYE'I BLO GROS GAL TE MIN, ,ZAD PA SHES SAM MI SLOB LTE, ,DE NI DGRA BCOM THAMS CAD LA, , ZHES BYUNG, GAL TE DGRA BCOM PA DE CHOS CAN, MI G-YO BA'I CHOS CAN YIN NA ZAD PA SHES PA LAS MI SKYE BA'I BLO GROS TE SHES PA SKYE LA, GAL TE DE MIN NA DE LAS ZAD PA SHES PA'I RGYUN NAM, MI SLOB PA'I YANG DAG PA'I LTA BA GANG RUNG SKYE STE, DE LTAR 'BYUNG @174B BA'I RGYU TSANG BA'I PHYIR, MI SLOB PA'I LTA BA DE NI CHOS CAN, MI G-YO BA'I CHOS CAN GYI DGRA BCOM LA'ANG YOD DE, DGRA BCOM PA THAMS CAD LA YOD PA'I PHYIR, GNYIS PA DGE SBYONG TSUL GYI 'BRAS BU LA, NGO BO DBYE BA DANG BCAS PA DANG, MDO DANG 'GAL BA'I RTZOD PA SPANG PA DANG, DOGS GCOD DANG, 'THOB PA'I TSUL BZHI, DANG PO NI, DGE SBYONG TSUL NI DRI MED LAM, ,'BRAS BU 'DUS BYAS 'DUS MA BYAS, ,DE DAG BRGYAD CU RTZA DGU'O, ,GROL LAM ZAD PA RNAMS DANG BCAS, ,ZHES BYUNG, DGE SBYONG GI TSUL CHOS CAN, KHYOD KYI NGO BO YOD DE, DRI MED DE ZAG MED BAR CHAD MED LAM LA 'JOG PA'I PHYIR, BAR CHAD MED LAM DE CHOS CAN, DGE SBYONG GI TSUL YIN TE, RANG RGYUD LDAN GYI GANG ZAG DON DAM PA'I DGE SBYONG DU 'JOG BYED GYI TSUL TE LAM YIN PA'I PHYIR, DGE SBYONG TSUL GYI 'BRAS BU CHOS CAN, KHYOD LA DBYE NA GNYIS YOD DE, 'DUS BYAS RNAM GROL LAM DANG 'DUS MA BYAS 'GOG BDEN GNYIS YOD PA'I PHYIR, GNYIS PO DE DAG CHOS CAN, RE RE LA'ANG BRGYAD CU RTZA DGU RE YOD DE, MTHONG SPANG SPANGS PA'I RNAM GROL LAM BRGYAD DANG, SA DGU'I SGOM SPANG SPANGS PA'I RNAM GROL LAM DGU DGU BRGYAD CU RTZA GCIG ,ZAD PA 'GOG BDEN DANG BDEN PA RNAMS LA'ANG DE LTAR YOD PA'I PHYIR, SPYI DON GYIS CUNG ZAD BSHAD NA, DGE SBYONG TSUL GYI 'BRAS BU YIN NA, 'BRAS BU YIN PAS MA KHYAB STE, 'DUS MA BYAS 'GOG BDEN RNAMS 'BRAS BU MA YIN PA'I PHYIR, DGE SBYING GI 'BRAS BU THOB PA'I GANG ZAG YIN NA, 'BRAS BU BZHI GANG RUNG DANG LDAN PAS MA KHYAB STE, DGE SBYONG GI 'BRAS BU THOB PA'I SANGS 'PHAGS YOD PA'I PHYIR, RGYUN ZHUGS ZHUGS PA LA SO SKYE MED DE, 'DIR ZHUGS PA BZHI PO GANG RUNG LA'ANG 'PHAGS PAS KHYAB PA'I PHYIR, NYAN THOS MTHONG LAM RNAM GROL LAM LA GNAS PA'I RGYUN ZHUGS 'BRAS GNAS MED DE, RGYUN ZHUGS 'BRAS GNAS LA SGOM LAM PAS KHYAB PA'I PHYIR, @175A *, ,DER THAL, 'BRAS GNAS DANG PO GSUM LA SGOM LAM PAS KHYAB PA'I PHYIR, DER THAL, CHAGS BRAL SNGON SONG GI 'BRAS GNAS LA BCU DRUG PA LAM RJES SHES THOB DGOS SHING, DE NYID SKABS 'DIR SGOM LAM DU 'JOG PA'I PHYIR, 'BRAS BU BZHI GANG RUNG THOB PHYIR DU BRTZON BZHIN PA'I NYAN THOS YIN NA, DE GANG RUNG GI ZHUGS PA YIN PAS MA KHYAB STE, DE DAG THOB PHYIR BRTZON BZHIN PA'I NYAN THOS TSOGS LAM PA YOD PA'I PHYIR, CHAGS BRAL SNGON SONG GI PHYIR 'ONG PHYIR MI 'ONG GANG RUNG GI ZHUGS PA YIN NA, MTHONG LAM PA YIN PAS KHYAB, BAR PA GNYIS KYI RIM GYIS PA'I ZHUGS PA YIN NA, SGOM LAM PA YIN PAS KHYAB STE, RGYUN ZHUGS 'BRAS GNAS KHYAD PAR CAN DANG, PHYIR 'ONG 'BRAS GNAS KHYAD PAR CAN LA SGOM LAM PAS KHYAB PA'I PHYIR, GNYIS PA NI, 'BRAS BU BZHIR RNAM BZHAG PA NI, ,RGYU LNGA DAG NI SRID PHYIR RO, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, ,SHES PA BRGYAD TSAN THOB PA DANG, ,RNAM PA BCU DRUG THOB PA'O, ,ZHES BYUNG, DGE SBYONG TSUL GYI 'BRAS BU BRGYAD CU RTZA DGUR BSHAD PA DE CHOS CAN, MDO LAS 'BRAS BU BZHIR BSHAD PA DANG 'GAL BA'I SKYON MED DE, BZHIR RNAM PAR BZHAG PA'I RGYU MTSAN DAG NI RNAM PA LNGA SRID PA'I PHYIR, GANG ZHE NA YOD DE, 'BRAS BU LA RANG GI ZHUGS LAM SNGON DU BTANG BA DANG, ZHUGS PA LAS GZHAN PA'I 'BRAS GNAS KYI LAM THOB PA DANG, MTHONG SPANG THAMS CAD ZAD PA BSDOMS PA'I THOB PA GCIG RNYED PA DANG, SDUG BSNGAL CHOS SHES SOGS SHES PA BRGYAD TSAN THOB PA DANG, RNAM PA MI RTAG SOGS BCU DRUG RTOGS PA'I LAM THOB PA LNGA YOD PA'I PHYIR, GSUM PA DOGS GCOD NI, 'JIG RTEN PA YI THOB 'BRAS NI, ,BSRES DANG ZAG MED THOB 'DZIN PHYIR, ,DE NYID TSANGS TSUL TSANGS PA YI, ,'KHOR LO TSANGS PAS BSKOR PHYIR RO, ,CHOS KYIS @175B 'KHOR LO MTHONG BA'I LAM, BAR 'GRO SOGS RTZI BAS ? SOGS KYIS, ZHES BYUNG, KHO NA RE, CHAGS BRAL SNGON SONG GI BAR ? PA GNYIS KYI 'BRAS BU DE DGE SBYONG TSUL GYI 'BRAS BUR JI LTAR RUNG ZHE NA, DE GNYIS CHOS CAN, DGE SBYONG TSUL GYI 'BRAS BUR MI RUNG BA'I SKYON MED DE, 'JIG PA'I THOB 'BRAS TZAM MA YIN PAR 'JIG RTEN PA'I THOB 'BRAS NI MTHONG LAM GYI BRAL 'BRAS DER BSRES PA DANG, ZAG MED KYI THOB PA YANG 'DZIN PA'I PHYIR, DGE SBYONG GI TSUL DE NYID CHOS CAN, TSANGS PA'I TSUL ZHES BYA STE, MYANG 'DAS NI TSANGS PA YIN LA DE THOB BYED KYI TSUL LAM LAM YIN PA'I PHYIR, TSANGS PA YI 'KHOR LO CHOS CAN, SKOR BA PO YOD DE, TSANGS PA BCOM LDAN 'DAS KYIS BSKOR BA'I PHYIR, MTHONG LAM GYI NGO BOR GYUR BA'I 'PHAGS LAM YAN LAG BRGYAD CHOS CAN, CHOS KYI 'KHOR LO BYA STE, 'KHOR LOS BSGYUR BA'I RGYAL PO'I 'KHOR LO RIN PO CHE DANG CHOS MTSUNGS PA'I PHYIR, DER THAL, 'KHOR LO RIN PO CHE NI DE LA RTEN PAR BYED PA'I LTE BA DANG, SDUD CING MYUR BAR 'GRO BA SOGS KYI MU KHYUD DANG, GCOD PAR BYED PA'I RTZIBS SOGS GSUM PA DE BZHI DU, 'DIR YANG DAG PA'I NGAG DANG LAS KYI MTHA' DANG 'TSO BA GSUM STE BA DANG MTSUNGS, YANG DAG PA'I LTA BA RTOG PA RTZOL BA GSUM NI RTZIBS DANG MTSUNGS, YANG DAG PA'I DRAN PA TING NGE 'DZIN GNYIS NI MU KHYUD DANG MTSUNGS PA'I PHYIR, BZHI PA TSUL NI, 'DOD PAR GSUM THOB THA MA NI, GSUM DU'O GOD NA MTHONG LAM MED, MI SKYO LUNG LAS 'DIR RTZOM ZHING, ,DE MTHAR PHYIN CES 'BYUNG PHYIR RO, ,ZHES BYUNG, 'BRAS BU BZHI PO DE CHOS CAN, KHAMS GSUM GANG GI RTEN LA THOB PA YOD DE, 'DOD 'BRAS BU DANG PO GSUM THOB CING 'BRAS BU THA MA DGRA BCOM PA'I 'BRAS BU NI KHAMS GSUM GYI RTEN DU THOB PA YOD PA'I PHYIR, 'BRAS BU DANG PO DANG CHAGS BRAL SNGON SONG GI BAR PA GNYIS DANG GSUM KHAMS GONG DU GSAR DU THOB PA ME @176A *, ,DE; DE NA MTHONG LAM GSAR DU THOB PA MED PA'I PHYIR TE, DE NA SKYO SHAS CHEN PO MI SKYE BA'I PHYIR, DE NI RIGS PA'I SGRUB BYED YIN LA, LUNG GI SGRUB BYED KYANG YOD DE, MDO LAS PHYIR MI 'ONG BAR DOR 'DA' BA SOGS LNGA PO 'DIR LAM LA RTZOM ZHING LAM GONG MA DER MTHAR PHYIN CES 'BYUNG BA'I PHYIR RO, ,GSUM PA DGRA BCOM 'BRAS GNAS GYI DBYE BA LA, MTSAN GZHI'I SGO NAS DRUG TU DBYE BA, GNYIS SU BSDU BA, RIGS DANG 'BRAS BU GANG LAS NYAMS PA, RIGS KYI DBYE BA DE GZHAN LA SBYAR BA, NYAMS PA'I DBYE BA, DBANG PO 'PHO TSUL, DGRA BCOM DGUR DBYE BA DANG BDUN, DANG PO NI, DGRA BCOM DRUG 'DOD CES BYUNG, DGRA BCOM PA CHOS CAN, KHYOD LA DRUG TU YOD PAR 'DOD DE, YONGS SU NYAMS PA'I CHOS CAN, 'CHI BAR SEMS PA'I CHOS CAN, RJES SU SRUNG BA'I CHOS CAN, GNAS PAS MI BSKYOD PA DANG RTOGS PA'I SKAL BA CAN DANG MI G-YO BA'I CHOS CAN RNAMS SU YOD PA'I PHYIR, GNYIS PA NI, DE DAG LAS, ,LNGA NI DAD PA'I MOS LAS SKYES, ,DE DAG RNAM GROL DUS DANG SBYOR, ,MI G-YO CHOS CAN MI G-YO BA, ,DE PHYIR DE DUS MI SBYOR GROL, ,DE NI MTHONG THOB RGYU LAS BYUNG, ,KHA CIG DANG PO NAS DE'I RIGS, ,KHA CIG SBYANGS PA LAS GYUR TO, ,ZHES BYUNG, DGRA BCOM DE DAG RNAMS LAS MI G-YO BA'I CHOS CAN MA GTOGS PA'I DANG PO LNGA CHOS CAN, RGYU YOD DE, RANG RGYU DAD PAS MOS PA LAS SKYES PA'I PHYIR, LNGA PO DE DAG CHOS CAN, RNAM GROL DUS DANG SBYOR ZHES BYA STE, MYANG 'DAS MNGON DU BYED PA LA YO BYAD DANG NAD MED PA DANG YUL GYI KHYAD PAR LA LTOS PA'I PHYIR, MI G-YO BA'I CHOS CAN GYI DGRA BCOM CHOS CAN, RNAM GROL DUS DANG MI SBYOR BA ZHES BYA STE, DBANG PO MI G-YO ZHING NYON MONGS PAS KYANG MI G-YO BA DE'I PHYIR, DE NI CHOS CAN, GANG LAS BYUNG BA YOD DE, MTHONG BAS THOB PA'I RGYU LAS BYUNG BA'I PHYIR, @176B DRUG BDE DAG CHOS CAN, DANG PO NAS DE DANG DE'I RIGS CAN DU MA NGES TE, KHA CIG DANG PO NAS DE'I RIGS CAN DANG, KHA CIG DANG PO NYAMS PA'I CHOS CAN YIN YANG DBANG PO SBYANG BA LAS GZHAN DU 'GYUR BA YOD CID MI G-YO BA'I CHOS CAN DU 'GYUR BA YANG YOD PA'I PHYIR, GSUM PA NI, BZHI NI RIGS LAS LNGA 'BRAS LAS, NYAMS 'GYUR DANG PO LAS MA YIN, ,ZHES BYUNG, DGRA BCOM LNGA CHOS CAN, RIGS DANG 'BRAS BU LAS NYAMS TSUL GYI KHYAD PAR YOD DE, BSHAD TSUL GNYIS SNANG BA LAS GCIG NI NYAMS PA'I CHOS CAN SOGS BZHI NI RIGS LAS NYAMS PA YOD, LNGA PO 'BRAS BU LAS NYAMS PAR 'GYUR BA YOD KYANG, RANG GI 'BRAS BU GANG DANG POR THOB PA LAS NYAMS PAR 'GYUR BA YOD PA MA YIN PA'I PHYIR, BSHAD TSUL CUNG MI 'DRA BA YOD DE; DANG PO NYAMS PA'I CHOS CAN NI RIGS DMA' SHOS YIN PAS DE LAS NYAMS PA MED CING, 'CHI BAR SEMS PA SOGS BZHI RIGS LAS NYAMS PA YOD BA'I PHYIR, PHYI MA NI RANG 'BRAS DANG MTHUN NO, ,BZHI PA LA, DNGOS DANG, LAM GANG LAS DBANG PO 'PHO BA GNYIS, DANG PO NI, SLOB DANG 'PHAGS MIN RIG DRUG LDAN, ,ZHES BYUNG, 'PHAGS PA SLOB PA DANG 'PHAGS MIN SO SKYE CHOS CAN, NYAMS PA'I CHOS CAN NAS MI G-YO BA'I BAR RIGS DRUG DANG LDAN TE, DGRA BCOM DRUG GI RIGS CAN RE RE YOD PA'I PHYIR, GNYIS PA NI; MTHONG BA LA NI 'PHO BA MED, ,CES BYUNG, LAM GZHAN LA DBANG PO 'PHO BA YOD KYANG MTHONG BA'I LAM CHOS CAN, KHYOD LA GNAS PA LA DBANG PO 'PHO BA MED DE, YUN THUNG BAS DBANG PO MI 'PHO ZHING DE'I SBYOR BA MED BA'I PHYIR, LNGA PA NI, THOB DANG MA THOB RER SPYAD LAS, ,YONGS NYAMS RNAM PA GSUM ZHES BYA, ,STON LA THA MA MI G-YO LA, BAR MA'ANG GZHAN LA RNAM GSUM MO, ,'BRAS LAS NYAMS PA 'CHI BA MED, ,BYA BA MA YIN DE MI BYED, ,CES BYUNG, YONGS SU NYAMS PA DE CHOS CAN, RNAM PA GSUM ZHES BYA BA @177A *, ,YIN TE, YON TAN THOB PA SHOR BA NI THOB PA LAS NYAMS PA DANG, THOB BYA MA THOB PA NI MA THOB PA LAS NYAMS PA DANG, THOB KYANG MNGON DU MI BYED PA'I NYER SPYAD LAS NYAMS PA GSUM YOD PA'I PHYIR, STON PA CHOS CAN, DE GSUM GYI THA MA NYER SPYAD LAS NYAMS PA YOD DE, 'GOG SNYOMS THOB KYANG MNGON DU MI BYED PA'I PHYIR, DER THAL, SEMS CAN YAL BAR MI 'DOR BA'I SNYING RJE CHEN POS BCINGS PA'I PHYIR, MI G-YO BA'I CHOS CAN GYI DGRA BCOM CHOS CAN, BAR MA THOB PA LAS NYAMS PA YOD DE, SANGS RGYAS KYI CHOS MA 'DRES PA SOGS MA THOB PA'I NYAN THOS YIN PA'I PHYIR, DGRA BCOM GZHAN CHOS CAN, NYAMS PA RNAM PA GSUM YOD DE, 'BRAS BU LAS NYAMS PA SOGS GSUM YOD PA'I PHYIR, GAL TE DGRA BCOM PA NYAMS NAS 'KHOR BAR SKYE BAR 'GYUR SRID DAM SNYAM NA, DE MED PAR THAL, DGRA BCOM PA'I 'BRAS BU LAS NYAMS PA NI 'BRAS BU DE SOR MA CHUNG BAR DU 'CHI BA MED CING, 'BRAS BU DANG 'GAL BA'I BYA BA MA YIN PA MI BYED PA'I PHYIR TE, RTZAL PO CHE 'DRED KYANG RDEG MI 'CHA' BA BZHIN NO, ,DRUG PA DBANG PO 'PHO TSUL NI, MI G-YO RNAM GROL BAR CHAD MED, ,LAM DGU'O SHIN TU BSTEN PHYIR RO, ,MTHONG BAS THOB LA RE RE'O, ,ZAG MED MI YIN NANG DU 'PHEL, ,MI SLOB SA DGU LA BRTEN TE, ,SLOB PA DRUG LA GANG GI PHYIR, ,'PHEL BA 'BRAS BU KHYAD PAR CAN, ,BTANG STE 'BRAS BU THOB PAR 'GYUR, ,ZHES BYUNG, GONG GI DGRA BCOM DE DAG LAS GANG GIS 'PHO TSUL GYI KHYAD PAR NI, RTOGS PA'I SKAL PA CAN MI G-YO BAR DBANG PO 'PHO NA ZAG MED KYI LAM BCO BRGYAD DGOS TE, RNAM GROL LAM DGU DANG BAR CHAD MED LAM DGU DGOS PA'I PHYIR TE, DBANG PO RTUL PO'I RIGS TE GOMS PA SHIN TU BRTAN PAS BZLOG DKA' BA'I PHYIR, DAD MOS PA MTHONG THOB BAR DBANG PO 'PHO @177B BA LA BAR CHAD MED LAM DANG RNAM GROL LAM GANG RUNG RE RES CHOG STE, DBANG PO 'PHO SLA BA'I PHYIR, SLOB PA 'PHAGS PA CHOS CAN, DBANG PO 'PHO TSUL YOD DE, ZAG MED KYI LAM LA BRTEN NAS 'PHO ZHING, RTEN MI'I NANG DU 'PHEL BAR 'GYUR BA'I PHYIR, MI SLOB PA CHOS CAN, GANG LA BRTEN NAS DBANG PO 'PHO BA YOD DE, ZAG MED MI LCOGS MED PA NAS GZUGS MED DANG PO GSUM TSUN GYI SA DGU GANG LA BRTEN NAS 'PHO BA'I PHYIR, SLOB PA PHYIR 'ONG DANG PHYIR MI 'ONG DANG MOS PA GNYIS CHOS CAN, DBANG PO 'PHO TSUL YOD DE, ZAG MED KYI BSAM GTAN SA DRUG GANG RUNG LA BRTEN NAS 'PHO BA'I PHYIR, DE DAG GI DBANG PO CHOS CAN, DE LTAR 'PHO BA'I RGYU MTSAN YOD DE, RGYU MTSAN GANG GI PHYIR NA, DBANG RTUL GYI DBANG PO 'PHEL BAS RANG GI LAM DANG 'BRAS BU KHYAD PAR CAN BTANG STE DBANG RNON GYI 'BRAS BU PHYI MA 'THOB PAR 'GYUR BA'I PHYIR, BDUN PA DGRA BCOM DGUR DBYE BA NI, DE DGU DBANG PO RNAM DGU CAN, ,GANG ZAG BDUN PO SBYOR BA DANG, ,DBANG PO SNYOMS 'JUG RNAM GROL DANG, ,GNYIS KAS BYAS PA'O ZHES BYUNG, DGRA BCOM CHOS CAN, KHYOD LA DBANG PO'I BYE BRAG GI DGUR DBYE BA YOD DE, RANG RGYAL DGRA BCOM DANG RDZOGS PA'I SANGS RGYAS DANG NYAN THOS BDUN RNAMS SU YOD PA'I PHYIR, DGU PO DE CHOS CAN, DBANG PO RNAM PA DGU PA CAN YIN TE, DBANG PO CHEN PO'I CHEN PO NAS CHUNG NGU'I BAR SO SOR YOD PA'I PHYIR, NYAN THOS KYI GANG ZAG BDUN PO DE CHOS CAN, SBYOR BA DANG DBANG PO DANG SNYOMS 'JUG DANG RNAM GROL DANG GNYIS KA'I CHA NAS RDZOGS PA'AM SHES PAR 'JOG PA YIN TE, DAD PA DANG CHOS KYI RJES 'BRANG GNYIS SBYOR BA DANG, DAD MOS MTHONG THOB GNYIS DBANG PO DANG, LUS MNGON BYED SNYOMS 'JUG DANG, NYON MONGS LAS RNAM PAR GROL BA TZAM NI SHES @178A *, ,RAB KYI RNAM PAR GROL BA DANG, NYON MONGS LAS GROL BA DANG 'GOG PA THOB PA GNYIS KA BYAS PA'I CHA NAS GNYIS KA'I CHA LAS RNAM PAR GROL BAR MDZAD PA'I PHYIR, GSUM PA LA GANG ZAG GI RIGS BSDU BA DANG, RNAM GROL GYI KHYAD PAR GNYIS, DANG PO NI, DE DAG DRUG ,'DI LTAR LAM GSUM LA GNYIS GNYIS, ,ZHES BYUNG, GANG ZAG BDUN PO DE DAG CHOS CAN, RDZAS KYI SGO NAS DRUG TU 'GYUR TE, 'DI LTAR MTHONG SGOM MI SLOB LAM GSUM LA GNYIS GNYIS 'JOG PA'I PHYIR, DER THAL, MTHONG LAM LA RJES 'BRANG GNYIS, SGOM LAM LA DAD MOS DANG MTHONG THOB GNYIS, MI SLOB LAM LA DUS KYI RNAM GROL DANG, DUS MI SBYOR GYI RNAM PAR GROL BA GNYIS 'JOG PA'I PHYIR, GNYIS PA NI, 'GOG THOB GNYIS KA LAS RNAM GROL, ,SHES RAB KYIS NI CIG SHOS SO, ,ZHES BYUNG, 'GOG PA'I SNYOMS 'JUG THOB PA'I DGRA BCOM PA CHOS CAN, GNYIS KA'I CHA NAS RNAM PAR GROL BA ZHES BYA STE, NYON MONGS SPANGS SHING SNYOMS 'JUG GI SGRIB PA LAS RNAM PAR GROL BA'I PHYIR, NYON MONGS PA'I SGRIB PA TZAM SPANGS PA'I DGRA BCOM DE CHOS CAN, CIG SHOS SHES RAB KYIS RNAM PAR GROL BA ZHES BYA STE, SHES RAB KYIS NYON MONGS PA TZAM LAS GROL BA'I DGRA BCOM YIN PA'I PHYIR, BZHI PA YAN LAG GI RDZOGS TSUL NI, SNYOMS 'JUG DBANG PO 'BRAS RNAMS KYIS, ,SLOB PA RDZOGS PA ZHES BYA'O, ,GNYIS KYIS MI SLOB YONGS SU RDZOGS, ,ZHES BYUNG, SLOB PA CHOS CAN, RDZOGS BYED KYI CHOS GSUM YOD DE, SNYOMS 'JUG DANG DBANG PO DANG 'BRAS BU RNAMS KYIS RDZOGS PA ZHES BYA BAR 'JOG PA'I PHYIR TE, PHYIR MI 'ONG DAD MOS PA LUS MNGON @178B BYED MIN PA NI 'BRAS BU KHO NAS RDZOGS, MTHONG THOB CHAGS BRAL MIN PA NI DBANG PO KHO NAS RDZOGS, LUS MNGON BYED MIN PA'I PHYIR MI 'ONG MTHONG THOB PA NI 'BRAS BU DANG DBANG POS RDZOGS, DAD MOS LUS MNGON BYED NI 'BRAS BU DANG SNYOMS 'JUG GIS RDZOGS, MTHONG THOB LUS MNGON BYED NI 'BRAS BU DBANG PO SNYOMS 'JUG GSUM GYIS RDZOGS PA'I PHYIR, MI SLOB PA CHOS CAN, CHOS GNYIS KYIS RDZOGS TE, DBANG PO DANG SNYOMS 'JUG GIS YONGS SU RDZOGS PAR BYED PA'I PHYIR RO, ,GSUM PA LAM GYI KHYAD CHOS GZHAN BSHAD PA LA, LAM GYI DBYE BA SPYIR BSTAN PA, BYANG CHUB KYI PHYOGS BYE BRAG TU BSHAD PA, LAM GYIS THOB PA'I RNAM GROL LAM NGOS BZUNG BA DANG GSUM, DANG PO LA, RIGS BSDUS BZHIR BSHAD PA DANG, DKA' SLA MYUR BUL BZHIR BSHAD PA GNYIS, DANG PO NI, MDOR NA LAM NI RNAM BZHI STE, ,KHYAD PAR CAN DANG RNAM GROL DANG, ,BAR CHAD MED DANG SBYOR ZHES BYA, ,ZHES BYUNG, LAM GYI KHYAD PAR MANG DU BSHAD PA DAG LAS MDOR BSDU NA 'BRAS BU THOB BYED KYI LAM NI CHOS CAN, KHYOD LA RNAM PA BZHI YOD DE, KHYAD PAR GYI LAM DANG, RNAM GROL LAM DANG, BAR CHAD MED PA'I LAM DANG, SBYOR BA'I LAM ZHES BYA BA BZHI YOD PA'I PHYIR, DANG PO DANG PHYI MA GNYIS KYI KHYAD PAR YOD DE, RNAM GROL LAM YAN CHAD NI KHYAD PAR GYI LAM DANG, BAR CHAD MED LAM LA 'JUG PA'I LAM NI SBYOR BA'I LAM YIN LA, BAR PA GNYIS SLA BA'I PHYIR, GNYIS PA NI, BSAM GTAN DAG GI LAM RNAMS SLA, ,SA GZHAN DAG NI DKA' BA YIN, ,BLO RTUL MNGON SHES BUL BA STE, ,CIG SHOS KYI NI MNGON SHES MYUR, ,ZHES BYUNG, LAM DE CHOS CAN, KHYOD LA DKA' SLA MYUR BUL BZHI YOD DE, SEMS RTEN DANG DBANG PO'I SGO NAS DE LTAR @179A *, ,YOD PA'I PHYIR, SA'I SGO NAS DKA' SLA GNYIS YOD DE, BSAM GTAN GYI DNGOS GZHI BZHI YAN LAG GIS ZIN PA DANG ZHI LHAG CHA SNYOMS PA NI LAM RNAMS BSKYED PA SOGS SLA LA, SA GZHAN BSAM GTAN DANG PO'I DNGOS GZHI KHYAD PAR CAN DANG NYER BSNGOGS BRGYAD DAG NI LHAG MTHONG SHAS CHE BAS LAM DKA' ZHING, GZUGS MED KYI DNGOS GZHI BZHI NI ZHI GNAS SHAS CHE BAS LAM DKA' BA'I PHYIR, DKA' SLA DE GNYIS CHOS CAN, KHYOD LA MYUR BUL GNYIS RE YOD DE, BLO RTUL PO NI MNGON SHES BUL BA STE; CIG SHOS RNON PO NI MNGON SHES MYUR BA DANG GNYIS YOD PA'I PHYIR, GNYIS PA LA, MING GI SGO NAS DBYE BA DANG, RDZAS KYI SGO NAS BSDU BA, SDE TSAN GYI GO RIM, NGO BO'I KHYAD PAR, SA GANG GIS BSDUS PA, ZHAR BYUNG SHES NAS DAD PA THOB TSUL DANG DRUG ,DANG PO NI, ZAD DANG MI SKYE SHES PA NI, ,BYANG CHUB DE DANG MTHUN NYID PHYIR, ,SUM CU RTZA BDUN DE'I PHYOGS MTHUN, ,MING GI SGO NAS ZHES BYUNG, THEG GSUM RANG RANG GI ZAD DANG MI SKYE SHES PA'I YE SHES CHOS CAN, RANG RANG GI BYANG CHUB GSUM PO GANG YIN PA DE ZHES BYA STE; RANG RANG GI SPANG BYA NYON MONGS PA SPANGS SHING THOB BYA RDZOGS PA'I LAM YIN PA'I PHYIR, DRAN PA NYER GZHAG SOGS BYANG CHUB KYI CHOS SUM CU RTZA BDUN PO CHOS CAN, BYANG CHUB DE'I PHYOGS DANG MTHUN PA ZHES BYA STE, DE SKYED PA DANG MTHUN PA'I LAM NYID YIN PA'I PHYIR, SO BDUN PO CHOS CAN, MING GI SGO NAS 'JOG TSUL YOD DE, DRAN PA NYER GZHAG BZHI NAS 'PHAGS LAM YAN LAG BRGYAD KYI BAR DU 'JOG PA'I PHYIR, GNYIS PA NI, RDZAS SU BCU, ,DAD DANG BRTZON 'GRUS DRAN PA DANG, ,SHES RAB TING 'DZIN BTANG SNYOMS DGA', ,RTOG DANG TSUL KHRIMS SHIN TU SBYANGS, ,DRAN PA NYER GZHAG SHES RAB STE, ,BRTZON 'GRUS YANG DAG 'JOG CES BYA, ,RDZU 'PHRUL RKANG PA TING 'DZIN TO, ,GTZO BO SMOS PA DE DAG NI, ,SBYOR BYUNG YON TAN KUN KYANG YIN, ,ZHES @179B BYUNG, SO BDUN PO DE DAG CHOS CAN, RDZAS SU BCUR 'DU BA YIN TE, DAD PA DANG, BRTZON 'GRUS DANG, DRAN PA DANG, SHES RAB DANG, TING NGE 'DZIN DANG, BTANG SNYOMS DANG, DGA' BA DANG, RTOG PA DANG, TSUL KHRIMS DANG, SHIN TU SBYANGS PA DANG BCUR 'DU BA'I PHYIR TE, DRAN PA NYER GZHAG BZHI SHES RAB DANG, YANG DAG SPONG BA BZHI BRTZON 'GRUS DANG, RDZU 'PHRUL GYI RKANG PA BZHI TING NGE 'DZIN DU 'DU ZHING, DAD SOGS DBANG STOBS KYI RDZAS LNGA DANG, BYANG CHUB YAN LAG LNGA'I RDZAS DANG BCUR 'DU BA'I PHYIR, DRAN NYE SHES RAB TU BSHAD PA SOGS NI GTZO BO SMROS PA YIN GYI DER NGES NAS NI MIN TE, DRAN PA NYER GZHAG SOGS DE DAG NI RANG RANG GI SBYOR BA DE'I STOBS KYIS 'BYUNG BA'I YON TAN SEMS BYUNG KUN KYANG DE NYID YIN PA'I PHYIR, GSUM PA NI, SDE TSAN BDUN NI GO RIM BZHIN, , LAS NI DANG PO BDAG DANG, ,NGES 'BYED CHA MTHUN RNAMS DANG NI, ,MTHONG DANG SGOM LA RAB TU PHYE, ,ZHES BYUNG, BYE SMRA NA RE, SO BDUN GYI SDE TSAN BDUN NI CHOS CAN, 'JOG PA'I GO RIM YOD DE, LAS NI DANG PO LA TSOGS LAM PA DAG DANG, NGES 'BYED CHA MTHUN RNAMS DANG, MTHONG LAM DANG, SGOM LAM RNAMS LA GO RIM BZHIN DU BZHAG PA'I PHYIR, DER THAL, DRAN NYE TSOGS LAM, YANG DAG SPONG BA DROD DANG, RDZU 'PHRUL RKANG PA RTZE MO DANG, DBANG PO BZOD PA DANG, STOBS RNAMS CHOS MCHOG NAS DANG, BYANG CHUB KYI YAN LAG SGOM LAM DANG 'PHAGS LAM YAN LAG RNAMS MTHONG LAM LA RAB TU PHYE NAS BZHAG PA'I PHYIR, SLOB DPON SOGS NA RE, GO RIM YOD DE, GZHAN PHAL CHER 'DRA BA LA DRAN NYE SOGS SDE TSAN GSUM NI TSOGS LAM CHUNG 'BRING CHEN PO GSUM DANG, DBANG STOBS GNYIS DROD DANG BZOD PA NAS SKYE BAR 'JOG PA'I PHYIR, BZHI PA NI, BYANG CHUB YAN LAG LAM YAN LAG ,ZAG PA MED GZHAN RNAM GNYIS SO, ,ZHES BYUNG, BYANG CHUB KYI YAN LAG DANG 'PHAGS LAM YAN LAG CHOS CAN, ZAG MED YIN TE, 'PHAGS LAM ZAG MED YIN PA'I @180A *, ,PHYIR, DE LAS GZHAN CHOS CAN, RNAM PA GNYIS YOD DE, ZAG BCAS ZAG MED GNYIS YOD PA'I PHYIR TE, LAM BDEN YIN MIN GNYIS YOD PA'I PHYIR, LNGA PA NI, BSAM GTAN DANG PO NA THAMS CAD, ,MI LCOGS MED NA DGA' MA GTOGS, ,GNYIS PA NA NI RTOG MA GTOGS, ,GNYIS NA DE GNYIS MA GTOGS PA, ,BSAM GTAN BAR NA'ANG GZUGS MED PA, ,GSUM NA'ANG DE DANG TSUL YAN LAG ,BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,ZHES BYUNG, SDE TSAN BDUN PO DE CHOS CAN, KHAMS DANG SA GANG NA YOD MED KYI KHYAD PAR YOD DE, BSAM GTAN DANG PO NA SO BDUN PO THAMS CAD YOD, MI LCOGS MED NA DGA' BA MA GTOGS PA'I SO DRUG ,BSAM GTAN GNYIS PA NA NI YANG DAG PA'I RTOG PA MA GTOGS PA'I SO DRUG ,BSAM GTAN GSUM PA DANG BZHI PA GNYIS NA DGA' RTOG DE GNYIS MA GTOGS PA'I SO LNGA DANG, DE BZHIN DU BSAM GTAN GYI BAR NYER BSDOGS GSUM DANG DANG PO KHYAD PAR CAN GSUM NA'ANG DE DANG 'DRA LA, GZUGS MED DANG PO GSUM NA'ANG YANG DAG PA'I NGAG DANG LAS KYI MTHA' DANG 'TSO BA STE 'PHAGS LAM YAN LAG GI NGO BOR GYUR PA'I TSUL KHRIMS KYI YAN LAG GSUM DANG DGA' RTOG GNYIS MIN PA SO GNYIS, 'DOD KHAMS DANG SRID RTZE NA BYANG CHUB YAN LAG DANG 'PHAGS LAM YAN LAG GNYIS MA GTOGS PA'I NYER GNYIS YOD PA'I PHYIR, 'DIR BSHAD PA NI SAS BSDUS KYI DBANG DU BYAS PA YIN GYI, 'DOD KHAMS PA'I GANG ZAG GI RGYUD LA BYANG CHUB DANG 'PHAGS LAM GYI YAN LAG MED PA'I DON MIN LA, GZUGS MED NA YANG DAG PA'I NGAG SOGS GSUM MED PAR BSHAD PA NI, LUGS 'DIR TE GSUM PO GZUGS CAN DU 'DOD PA'I DBANG DU BYAS PA YIN TE ZHIB CHA GYIS SHIG ,DRUG PA NI, BDEN GSUM MTHONG NA TSUL KHRIMS DANG, ,CHOS LA SHES NAS DAD PA 'THOB, ,LAM MNGON RTOGS NA @180B SANGS RGYAS DANG, ,DE YI DGE 'DUN DAG LA YANG, ,CHOS BDEN GSUM DANG RANG SANGS RGYAS, ,BYANG CHUB SEMS DPA'I LAM YIN NO, ,RDZAS SU GNYIS TE DAD PA DANG, ,TSUL KHRIMS DRI MA MED PA YIN, ,ZHES BYUNG, MDO LAS CHOS LA SHES NAS DAD PA THOB TSUL LA BZHI BSHAD DE, BDEN PA DANG PO GSUM MNGON SUM DU MTHONG NA 'PHAGS PA DGYES PA'I TSUL KHRIMS DANG CHOS LA SHES NAS DAD PA 'THOB, LAM BDEN MNGON SUM DU RTOGS NA SANGS RGYAS DANG DE YI NYAN THOS KYI DGE BDUN DAG LA YANG SHES NAS DAD PA THOB PAR BSHAD PA'I PHYIR, DE'I DMIGS YUL GYI CHOS CHOS CAN, BZHAG TU YOD DE, BDEN PA DANG PO GSUM DANG, RANG SANGS RGYAS DANG BYANG CHUB SEMS DPA'I LAM RNAMS NI DE YIN PA'I PHYIR, DAD PA'I YUL GYI KHYAD PAR CHOS CAN, BZHIR BSHAD KYANG RDZAS SU GNYIS YIN TE, DKON MCHOG SOGS LA DAD PA NI DAD PA'I RANG BZHIN DANG, TSUL KHRIMS KYI PHYOGS GNYIS SU 'DU BA YIN PA'I PHYIR, DE LTA BU'I DAD PA CHOS CAN, ZAG MED YIN TE, YANG DAG PA'I DON LEGS PAR RTOGS NAS YID CHES PA'I DRI MA MED PA'I DAD PA YIN PA'I PHYIR, GSUM PA LAM GYIS THOB PA'I RNAM GROL LAM LA, RNAM GROL LAM GYI DBYE BA, THOB TSUL, 'DUS MA BYAS KYI RNAM GROL BYE BRAG TU BSHAD PA, YID 'BYUNG DANG CHAGS BRAL GYI KHYAD PAR DANG BZHI, DANG PO NI, BCINGS PHYIR SLOB PA'I YAN LAG TU, ,RNAM GROL MA BSHAD DE RNAM GNYIS, ,NYON MONGS BCOM PA 'DUS MA BYAS, ,MOS PA 'DUS BYAS YAN LAG NI, ,DE YIN DE NYID RNAM GROL GNYIS, ,ZHES BYUNG, SHES BYA CHOS CAN, SLOB PA'I YAN LAG TU YANG DAG PA'I RNAM BROL LAM DANG YANG DAG PA'I SHES PA MA BSHAD PA'I RGYU MTSAN YOD DE, SLOB PA NI NYON MONGS PAS BCINGS PA'I PHYIR, KHYAB STE, YANG DAG PA'I SHES PA NI 'DIR NYON MONGS PA LAS RNAM PAR GROL BAR 'JOG PA'I PHYIR, RNAM GROL LAM DE @181A *, ,CHOS CAN, KHYOD LA RNAM PA GNYIS YOD DE, NYON MONGS RNAMS BCOM PA'I 'DUS MA BYAS SO SOR BRTAGS 'GOG DANG, MI SLOB PA'I MOS PA 'DUS BYAS KYI RNAM GROL GNYIS YOD PA'I PHYIR, MI SLOB PA'I MOS PA RNAM GROL LAM CHOS CAN, MI SLOB PA'I LAM YAN LAG YIN TE, DE'I MNGON RTOGS DE YIN PA'I PHYIR, 'DUS BYAS RNAM GROL LAM DE NYID CHOS CAN, KHYOD LA GNYIS YOD DE, SEMS RNAM PAR GROL BA DANG, SHES RAB RNAM PAR GROL BA ZHES MDO LAS GSUNGS PA LTAR YOD PA'I PHYIR, GNYIS PA LA, SEMS GANG RNAM PAR GROL BA DANG, LAM GANG GIS RNAM PAR GROL BA GNYIS, DANG PO NI, BYANG CHUB JI SKAD BSHAD SHES PA, ,MI SLOB SEMS NI SKYE 'GYUR BA, ,SGRIB PA LAS NI RNAM GROL 'GYUR, ,ZHES BYUNG, SEMS RNAM PAR GROL BAR 'GYUR BA DANG GROL BA'I DUS CHOS CAN, SO SOR BZHAG TU YOD DE, BYANG CHUB JI SKAD BSHAD PA'I SHES PA MI SLOB PA'I SEMS NI DUS GSUM LAS MA 'ONGS PA SKYE BAR 'GYUR NA DE SGRIB PA LAS NI RNAM PAR GROL BAR 'GYUR BA DE YIN LA, MI SLOB PA'I SEMS SKYES ZIN PA'I TSE SEMS RNAM PAR GROL BA ZHES BYA BA DE YIN PA'I PHYIR, DER THAL, SGOM LAM RDO RJE LTA BU'I TING NGE 'DZIN SKYES PA NA SEMS NYON MONGS PA LAS RNAM PAR GROL BAR 'GYUR BA'I DUS YIN LA, DES NYON MONGS PA SPANGS PA NA DE LAS RNAM PAR GROL BA YIN PA'I PHYIR, GNYIS PA NI, 'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, ,ZHES BYUNG, SHES BYA CHOS CAN, LAM GANG GIS MI SLOB LAM SKYE BA'I SGRIB PA SPONG BAR BYED PA YOD DE, RDO RJE LTA BU'I LAM 'GAG BZHIN PA 'GAG PAR 'GYUR BA'I LAM GYIS NI DE YI SGRIB PA RAB TU SPONG BAR BYED PA'I PHYIR, GSUM PA NI, 'DUS MA BYAS NYID KHAMS ZHES BYA, ,'DOD CHAGS KUN 'DAS ? 'DOD CHAGS BRAL, ,SPANGS PA'I KHAMS NI GZHAN DAG GO , @181B 'GOG PA'I KHAMS ZHES BYA BA GZHI, ,ZHES BYUNG, RNAM GROL 'DUS MA BYAS NYID KYI KHAMS ZHES BYA BA DE CHOS CAN, KHYOD LA GSUM YOD DE, SPANGS PA'I KHAMS DANG, 'DOD CHAGS KUN ZAD PA 'DOD CHAGS DANG BRAL BA'I KHAMS DANG, DE LAS GZHAN PA'I ZAG BCAS SPANGS PA'I KHAMS DAG YOD PA'I PHYIR, DANG PO GRUB STE, 'DOD PA'I 'DOD CHAGS LAS GZHAN PA'I NYON MONGS SPANGS PA'I SPANGS PA DE DE YIN PA'I KHYIR GNYIS PA GRUB STE, 'DOD PA'I 'DOD CHAGS KUN SPANGS PA'I SPANGS PA DE DE YIN PA'I PHYIR, GSUM PA GRUB STE, DE DAG LAS GZHAN PA'I ZAG BCAS SPANGS PA'I SPANGS PA DE DE YIN PA'I PHYIR, 'GOG PA'I KHAMS ZHES BYA BA CHOS CAN, BZHAG TU YOD, GZHI'I ZAG BCAS THAMS CAD SPANGS PA'I 'GOG PA DE DE YIN PA'I PHYIR, 'ON KYANG 'DIR GZHI ZHES PA GRANGS KYI BZHI LA BYED PA DANG, 'GOG PA'I KHAMS DE KHAMS GSUM GYI NANG DU 'DREN MI 'DREN GNYIS SNANG STE BRTAG ,BZHI BA NI, SDUG BSNGAL RGYU BZOD SHES RNAMS KYIS, ,YID 'BYUNG GANG GIS SPONG 'GYUR BA, , KUN GYIS 'DOD CHAGS BRAL BAR 'GYUR, ,DE LTAR NA NI MU BZHI SRID, ,CES BYUNG, SHES BYA CHOS CAN, SPANG BYA GANG LA LAM GANG GIS YID 'BYUNG SKYED CING SPONG BA YOD DE, SDUG BSNGAL BDEN PA LA CHOS BZOD DANG CHOS SHES DANG, RGYU KUN 'BYUNG LA RJES BZOD DANG RJES SHES RNAMS KYIS 'KHOR BA LA YID 'BYUNG SKYED PAR BYED CING NGO SKAL GYI SGRIB PA SPROB BAR 'GYUR BA KUN GYIS 'DOD CHAGS DANG BRAL BAR 'GYUR BA'I PHYIR, DE LTAR NA MNGON RTOGS DE LA LING 'BYUNG ZHING NYON MONGS MI SPONGS DANG, DE LAS BZLOG PA DANG GNYIS KA YIN PA DANG MIN PA'I MU NI BZHI SRID DE, SDUG KUN LA DMIGS PA'I SHES PA BZHI NI YID 'BYUNG BA'I LAM YIN LA, 'DOD CHAGS DANG BRAL BA'I LAM MA YIN, SDUG KUN GYI BZOD PA BZHI NI GNYIS KA YIN, 'GOG LAM GYI BZOD PA BZHI NI @182A *, ,CHAGS BRAL GYI LAM YIN LA, YID 'BYUNG BA'I LAM MA YIN, 'GOG LAM GYI SHES PA BZHI NI GNYIS KA MA YIN PA'I MU YIN PA'I PHYIR, GNAS DRUG PA BSHAD ZIN TO,, ,, ` CHOS MNGON PA MDZOD KYI GNAS BDUN PA'I TSIG 'GREL BZHUGS SO, ,GNYIS PA MKHAS PAR BYA BA'I YON TAN GTAN LA DBAB PA LA, SHES PA'I YON TAN GTAN LA DBAB PA DANG, SNYOMS 'JUG GI YON TAN GTAN LA DBAB PA GNYIS, DANG PO LA, YE SHES KYI RANG BZHIN DANG LDAN TSUL DANG THOB TSUL DANG KHYAD PAR GYI CHOS DANG BZHI, DANG PO LA, BZOD SHES DANG LTA BA'I KHYAD PAR, SHES PA BCU'I RNAM GZHAG ,DE DAG GI KHYAD CHOS DANG GSUM, DANG PO NI, DRI MED BZOD RNAMS SHES PA MIN, ,ZAD DANG MI SKYE'I BLO LTA MIN, ,DE LAS GZHAN 'PHAGS BLO GNYIS KA; ;GZHAN SHES DRUG NI LTA BA'ANG YIN, ,ZHES BYUNG, 'DIR BZOD PA DANG SHES PA DANG YANG DAG PA'I LTA BA ZHES BSHAD NA DE RNAMS KYI KHYAD PAR JI LTAR ZHE NA, DRI MED ZAG MED BZOD PA BRGYAD KYI SHES RAB RNAMS CHOS CAN, BZOD SHES GNYIS KYI NANG NAS SHES PA MA YIN TE, RANG YUL LA MI SKRAG PA'I YE SHES KYI NGO BOR SKYES KYANG THE TSOM SPANGS PA'I NGES PA'I NGO BOR MA SKYES PA'I PHYIR, DER THAL, RANG GI NGO SKAL GYI SPANG BYA'I THE TSOM SPONG BYED YIN PA'I PHYIR, DE CHOS CAN, LTA BA YIN TE, NYE BAR RTOG CING 'TSOL BA'I SHES RAB YIN PA'I PHYIR, ZAD DANG MI SKYE BA SHES PA'I BLO CHOS CAN, LTA BA MIN TE, NYE BAR RTOG PA MED CING YONGS SU 'TSOL BA'I RANG BZHIN CAN MA YIN PA'I PHYIR, DER THAL, SO SOR RTOG PA TZAM YOD KYANG BYA BA BYAS ZIN PAS YONGS SU 'TSOL BA MI BYED PA'I PHYIR, SNGA MA DE DAG LAS GZHAN 'PHAGS PA'I SDUG BSNGAL CHOS SHES SOGS BRGYAD KYI BLO SHES RAB CHOS CAN, BZOD SHES KYI SHES PA DANG LTA BA GNYIS KA YIN TE, RANG YUL LA THE TSOM SPANGS PA'I NGES PA DANG NYE BAR RTOG PA'I NGO @182B BO YANG YIN PA'I PHYIR, ZAG MED LAS GZHAN 'JIG RTEN PA'I RNAM SHES TSOGS DRUG DANG NYON MONGS PA DANG MTSUNGS LDAN GYI MI DGE BA DANG LUNG MA BSTAN GYI SHES RAB RNAMS CHOS CAN, LTA BA MIN TE, LTA SHES GNYIS KYI NANG NAS SHES PA TZAM YIN PA'I PHYIR, GZHAN DMIGS BSAL 'JIG LTA LA SOGS LTA BA LNGA DANG 'JIG RTEN PA'I YANG DAG PA'I LTA BA DANG DRUG NI CHOS CAN, KUN RDZOB SHES PAR MA ZAD, LTA SHES GNYIS KYI LTA BA'ANG YIN TE, YUL LA RTOG CING 'TSOL BA'I SHES PA YIN PA'I PHYIR, GNYIS PA LA, MDOR BSTAN PA DANG, RGYAS PAR BSHAD PA GNYIS, DANG PO NI, SHES PA ZAG BCAS ZAG PA MED, ,CES BYUNG, SKABS 'DIR BSHAD PA'I SHES PA CHOS CAN, KHYOD LA BCU YOD DE, KUN RDZOB SHES PA DANG, CHOS SHES PA DANG, RJES SU SHES PA DANG SDUG BSNGAL SHES PA DANG KUN 'BYUNG SHES PA DANG 'GOG PA SHES PA DANG LAM SHES PA DANG SEMS SHES PA DANG ZAD PA SHES PA DANG MI SKYE BA SHES PA DANG BCU YOD PA'I PHYIR, BCU PO DE THAMS CAD CHOS CAN, BSDU NA GNYIS SU 'DU STE, ZAG BCAS DANG ZAG PA MED PA'I SHES PA GNYIS SU 'DU BA'I PHYIR, GNYIS PA LA, SPYIR BSTAN PA DANG, BYE BRAG TU BSHAD PA GNYIS, DANG PO NI, DANG PO KUN RDZOB CES BYA'O, ,ZAG MED RNAM GNYIS CHOS DANG NI, ,RJES SU SHES PA KHO NA YIN, ,KUN RDZOB YUL NI THAMS CAD DO, ,CHOS ZHES BYA BA'I SPYOD YUL NI, ,'DOD SDUG BSNGAL SOGS RJES SHES PA'I, ,SPYOD YUL GONG MA'I SDUG BSNGAL SOGS, ,ZHES BYUNG, SHES PA GNYIS PO DE CHOS CAN, KHYOD LAS SHES BCU'I SHES PA GSUM DU 'JOG TSUL YOD DE, SHES PA DANG PO ZAG BCAS KUN RDZOB SHES PA ZHES BYA LA, ZAG MED LA CHOS SHES PA DANG RJES SU SHES PA RNAM PA GNYIS KHO NA YOD PA YIN PA'I PHYIR, DANG PO KUN RDZOB SHES PA CHOS CAN, DMIGS YUL LA NI CHOS THAMS CAD YOD DE, DGE MI DGE LUNG MA BSTAN THAMS CAD DE YIN PA'I PHYIR, CHOS SHES PA @183A *, ,ZHES BYA BA'I BLO CHOS CAN, KHYOD KYI SPYOD YUL TE DMIGS PA NI YOD DE, 'DOD PA'I SDUG BSNGAL DANG SOGS KYI SGRAS KUN 'BYUNG 'GOG LAM DAG LA DMIGS PA'I PHYIR, RJES SU SHES PA CHOS CAN, KHYOD KYI DMIGS PA YOD DE, KHYOD KYI SPYOD YUL NI GONG MA'I SDUG BSNGAL SOGS KYI BDEN BZHI LA DMIGS PA'I PHYIR, GNYIS PA LA, PHA ROL GYI SEMS SHES PA DANG, ZAD DANG MI SKYE BA SHES PA GNYIS, DANG PO LA, CHOS SHES KYI DBYE BA DANG, PHA ROL GYI SEMS SHES PA GNYIS, DANG PO LA, GNYIS LAS BRGYAD DU DBYE BA DANG, BZHI LAS BCU GNYIS SU DBYE BA GNYIS, DANG PO NI, DE DAG NYID BDEN BYE BRAG GIS, ,BZHI STE ZHES BYUNG, CHOS SHES DANG RJES SHES DE DAG NYID CHOS CAN, KHYOD LA BRGYAD DU DBYER YOD DE, BDEN BZHI'I BYE BRAG GIS RIM BZHIN DU 'OG MA DANG GONG MA'I BDEN BZHI LA DMIGS PA'I CHOS SHES BZHI DANG RJES SHES BZHI YOD PA'I PHYIR, GNYIS PA NI, RNAM BZHI DE DAG NI, ,MI SKYE BA DANG ZAD PA SHES, ,DE GNYIS DANG PO SKYES PA NI, ,SDUG BSNGAL RGYU RJES SHES PA YIN, ,ZHES BYUNG, BDEN BZHI'I SHES PA BZHI PO DE DAG CHOS CAN, KHYOD LA NI RNAM PA BCU GNYIS SU YOD DE, CHOS SHES BZHI DANG, RJES SHES BZHI PO GANG RUNG ZHIG DANG, DE GNYIS GANG RUNG DU GYUR PA'I ZAD PA SHES PA BZHI DANG, MI SKYE BA SHES PA BZHI STE BCU GNYIS SU YOD PA'I PHYIR, MI SKYE BA DANG ZAD PA SHES PA DE GNYIS CHOS CAN, KHYOD DANG POR SKYES PA NI SDUG KUN RJES SHES YIN TE, SDUG BSNGAL DANG RGYU KUN 'BYUNG BDEN PA LA DMIGS PA'I RJES SU SHES PA ZHES BSHAD PA DE YIN PA'I PHYIR TE, SRID RTZE'I SGOM SPANG DGU PA DANG SDUG KUN LA DMIGS NAS, RDO RJE LTA BU'I RJES SU DANG POR ZAD PA SHES SHING, DE NAS MI SKYE BA SHES NAS SLAR SHES PAR BYAR MED PA'I RANG BZHIN CAN YIN PA'I PHYIR, GNYIS PA NI, BZHI LAS PHA ROL SEMS RIG PA, ,DES NI SA DBANG GANG ZAG 'DAS, , @183B ZHIG DANG MA SKYES MI RIG GO ,CHOS RJES BLO PHYOGS PHAN TSUN MIN, ,NYAN THOS MTHONG BA'I SKAD CIG GNYIS, ,RIG STE BSE RU LTA BUS GSUM, ,SANGS RGYAS SBYOR BA MED PAR KUN, ,ZHES BYUNG, PHA ROL GYI SEMS RIG PA DE CHOS CAN, BZHI LAS BYUNG STE, CHOS SHES RJES SHES LAM SHES KUN RDZOB SHES PA BZHI LAS BYUNG ZHING DE'I RANG BZHIN CAN YIN PA'I PHYIR, SEMS SHES DE CHOS CAN, YUL NGES PA CAN YIN GYI KUN RIG PA MIN TE, CHOS KYIS SA 'DAS PA GONG MA'I SEMS MI RIG ,DBANG PO RTUL BA DAD MOS LTA BUS RNO BA MTHONG THOB LTA BU'I SEMS MI RIG ,GANG ZAG SLOB PAS DGRA BCOM PA'I SEMS MI RIG PA'I PHYIR TE, DE DAG DE'I YUL LAS 'DAS PA'I PHYIR, DE CHOS CAN, DA LTAR BA'I YUL CAN KHO NA YIN TE, YUL DA LTAR BA RIG GI PHA ROL GYI SEMS 'DAS NAS ZHIG PA DANG MA SKYES PA'I MA 'ONGS PA MI RIG PA'I PHYIR, KHYOD PHAN TSUN YUL SO SOR NGES PA YIN TE, CHOS SHES DANG RJES SHES BLO'I PHYOGS LA DMIGS PAS PHAN TSUN SHES PA MIN PA'I PHYIR TE, SHES PA DE GNYIS KHAMS 'OG MA DANG GONG MA'I GNYEN PO LA SO SOR DMIGS PA'I PHYIR, MTHONG LAM LA PHA ROL GYI SEMS SHES MED KYANG MTHONG LAM DE CHOS CAN, KHYOD LA DMIGS PA'I SEMS SHES GSUM YOD DE, NYAN THOS KYI SEMS SHES DES MTHONG BA'I LAM GYI CHOS BZOD DANG CHOS SHES SKAD CIG MA DANG PO GNYIS RIG LA, GZHAN MI RIG ,BSE RU LTA BU'I SEMS SHES KYIS DANG PO GNYIS DANG BRGYAD PA KUN 'BYUNG RJES SHES DANG GSUM RIG CING GZHAN MI RIG ,SANGS RGYAS KYI SEMS SHES KYIS 'BAD RTZOL GYI SBYOR BA MED PAR KUN GZIGS PA'I PHYIR, GNYIS PA NI, ZAD PA SHES PA BDEN RNAMS LA, , YONGS SHES LA SOGS NGES PA'O, ,YONGS SHES BYAR MED CES LA SOGS, ,MI SKYE BA YI BLOR 'DOD DO, ,ZHES BYUNG, ZAD DANG MI SKYE BA SHES PA'I BLO CHOS CAN, KHYOD GNYIS KYI KHYAD PAR YOD DE, ZAD PA SHES PA NI BDEN PA RNAMS LAS SDUG BSNGAL YONGS SU @184A *, ,SHES SO, ,NYES DMIGS KYIS KUN 'BYUNG SPANGS SO, ,'GOG PA MNGON DU BYAS SO, ,LAM SGOM MO ZHES NGES PA YIN LA, SDUG BSNGAL YONGS SU SHES TE SLAR YONGS SU SHES PAR BYAR MED CES PA DANG, LA SOGS KYIS KUN 'BYUNG SPANGS SO SLAR SPANG BAR BYAR MED, 'GOG PA MNGON DU BYAS TE SLAR MNGON DU BYAR MED, LAM BSGOMS TE SLAR BSGOM PAR BYAR MED CES SHES PA'I YE SHES DE MI SKYE BA SHES PA'I BLO 'DOD PA'I PHYIR, 'DI LTAR SHES PA NI ? MNYAM GZHAG GI SKABS SU MIN TE, MNYAM GZHAG DES DRANGS PA'I NGES SHES DE 'DRA RJES THOB TU SKYE BA LA DGONGS PA'I PHYIR ZHES BYE SMRA 'DOD DO, ,GSUM PA KHYAD CHOS LA, SHES PA BCUR 'JOG PA'I RGYU MTSAN, GNYEN PO'I KHYAD PAR, RNAM PA'I KHYAD PAR DANG GSUM, DANG PO NI, RANG BZHIN DANG NI GNYEN PO DANG, ,RNAM PA RNAM PA SPYOD YUL DANG, ,SBYOR DANG BYA BA BYAS NYID DANG, ,RGYU RGYAS PA LAS BCU YIN NO, ,ZHES BYUNG, 'DIR BSTAN PA'I SHES PA DE CHOS CAN, BSDUS NA GSUM YIN KYANG BCUR 'JOG PA'I RGYU MTSAN YOD DE, RANG ? BZHIN LAS KUN RDZOB SHES PA DANG, GNYEN PO LAS CHOS SHES DANG RJES SHES, RNAM PA LAS SDUG BSNGAL DANG KUN 'BYUNG SHES PA DANG, RNAM PA DANG SPYOD YUL TE DMIGS PA GNYIS KA LAS 'GOG PA DANG LAM SHES PA DANG, SBYOR BA LAS PHA ROL GYI SEMS SHES PA DANG, BYA BA BYAS PA NYID LAS ZAD PA SHES PA DANG, RGYU RGYAS PA LAS NI MI SKYE BA SHES PA BZHAG PA'I PHYIR, DER THAL, DANG PO DES RANG BZHIN KUN RDZOB TZAM SHES, GNYIS PA DE GNYIS NI 'DOD PA DANG KHAMS GONG MA'I GNYEN PO YIN, GSUM PA DE GNYIS DMIGS PA SDUG BDEN LA DMIGS KYANG RNAM PA THA DAD, BZHI PA GNYIS DMIGS RNAM GNYIS KA THA DAD, LNGA PA NI SEMS SO SO LA SBYOR PA SO SOR DGOS, DRUG PA NI BYA BA BYAS PA'I RGYUD LA DANG PO KHO NAR SKYE, BDUN PA NI RANG GI RGYU RGYAS PA LAS @184B BYUNG BA'I PHYIR, GNYIS PA NI, SGOM PA'I LAM LA 'GOG PA'AM, ,LAM LA CHOS SHES GANG YIN DE, ,KHAMS GSUM GYI NI GNYEN PO YIN, ,'DOD PA'I KHAMS KYI RJES MA YIN, ,ZHES BYUNG, MTHONG LAM CHOS SHES 'DOD PA DANG RJES SHES GONG MA'I GNYEN PO YIN KYANG, SGOM LAM CHOS CAN, KHYOD LA DER MA NGES TE, KHYOD LA 'GOG PA'AM, LAM LA CHOS SHES PA GANG YIN PA DE NI KHAMS GSUM GYI GNYEN PO YIN PA SRID PA'I PHYIR, DER THAL, 'DOD PA'I RTEN CAN GYI 'PHAGS PAS 'DOD PA'I SGOM SPANG RNAMS CHOS SHES KYIS RIM PAR SPANGS NAS GONG MA'I SGOM SPANG RNAMS SNGAR 'DRIS PA'I LAM DE NYID BSKYED NAS SPONG SRID PA'I PHYIR, 'DOD PA'I KHAMS KYI GNYEN PO RJES SHES KYIS BYED PA MA YIN TE, CHOS SHES KYIS SPANG 'DOD PAR GNYEN PO BYAS ZIN PA'I PHYIR, GSUM PA SHES BCU'I RNAM PA'I KHYAD PAR LA, SHES PA SO SO'I RNAM PA DANG, RNAM PA'I GRANGS NGES, DE DAG GI KHYAD PAR, CHOS GZHAN BSHAD PA DANG BZHI, DANG PO NI, CHOS SHES PA DANG RJES SU SHES, ,RNAM PA BCU DRUG KUN RDZOB NI, ,DE BZHIN GZHAN DU'ANG RANG RANG GI ,BDEN PA'I RNAM PA BZHI YIN NO, ,PHA ROL YID SHES DRI MED KYANG, ,DE BZHIN DRI MA DANG BCAS NI, ,SHES BYA'I RANG GI MTSAN NYID DO, ,RDZAS RE RE ZHIG SPYOD YUL LO, ,LHAG MA RNAM PA BCU BZHI CAN, ,STONG DANG BDAG MED MA GTOGS SO, ,ZHES BYUNG, CHOS SHES PA DANG RJES SU SHES PA CHOS CAN, RNAM PA BCU DRUG CAN YIN TE, MI RTAG SOGS BCU DRUG GI RNAM PA CAN YIN PA YIN PA'I PHYIR, KUN RDZOB SHES PA CHOS CAN, RNAM PA DU MA CAN YIN TE, SBYOR LAM DROD RTZE'I SKABS SU SNGA MA DE BZHIN DU BDEN PA'I RNAM PA BCU DRUG CAN DANG, DE LAS GZHAN DU'ANG CHOS RNAMS KYI RANG SPYI'I MTSAN NYID LA DMIGS PA'I PHYIR, SDUG BSNGAL KUN 'BYUNG 'GOG LAM SHES PA LA CHOS CAN, RNAM PA BZHI PA BZHI YIN TE, RANG GI BDEN PA'I RNAM PA BZHI BZHI LA GNAS PA'I PHYIR, PHA ROL YID @185A *, ,SHES PA ZAG PA DANG BCAS BRAL GNYIS YOD PA LAS YID SHES DRI MED DE ZAG MED KYANG CHOS CAN, BDEN BZHI SHES PA DE BZHIN DU BDEN BZHI'I RNAM PA CAN YIN TE, DE BZHI'I SPYOD YUL CAN YIN PA'I PHYIR, PHA ROL GYI YID SHES DRI MA DANG BCAS PA NI CHOS CAN, RANG GI SHES BYA'I RANG GI MTSAN NYID DE RANG MTSAN SPYOD YUL CAN YIN TE, PHA ROL GYI SEMS DANG SEMS BYUNG GI RDZAS NI RE RE ZHIG KHO NA'I SPYOD YUL CAN YIN PA'I PHYIR, DER THAL, GANG GI TSE 'DI SEMS SO SNYAM DU 'DZIN PA'I TSE SEMS BYUNG NGO SNYAM DU MI 'DZIN PA'I PHYIR, SNGAR BSHAD PA'I LHAG MA ZAD DANG MI SKYE BA'I SHES PA GNYIS CHOS CAN, RNAM PA BCU BZHI CAN YIN TE, BDEN BZHI'I RNAM PA LAS STONG DANG BDAG MED MA GTOGS PA'I RNAM PA GZHAN BCU BZHI LA DMIGS PA'I PHYIR, GNYIS PA LA, DRI MED BCU DRUG GZHAN RNAM MED, ,GZHAN YOD CES PA BSTAN BCOS LAS, ,RDZAS SU RNAM PA BCU DRUG GO ,ZHES BYUNG, 'DIR LUGS GNYIS LAS KHA CHE BA RNAMS NA RE, BDEN PA'I RNAM PA DRI MED BCU DRUG TU MA GTOGS PA GZHAN MED CES ZER LA, DE LA NYI 'OG PA NA RE BCU DRUG LAS GZHAN YOD CES SMRA STE, BSTAN BCOS LAS RIGS PAS BSKYED PA'I SGO NAS MI RTAG PA DANG ZHES PA NAS RKYEN TE 'DI NI GNAS YOD DO, ,'DI NI GZHI YOD DO, ,ZHES 'BYUNG BA'I PHYIR, KHYAB STE; GNAS YOD DO ZHES PAS MTSAN NYID YOD PA DANG, GZHI YOD DO ZHES PAS RGYU YOD PAR BSTAN PA'I PHYIR ZER, RNAM PA BCU DRUG PO 'DI CI MING GI SGO NAS SAM RDZAS SU BCU DRUG YIN ZHE NA, 'DI LA 'DOD TSUL MI 'DRA BA YOD KYANG, BYE BRAG TU SMRA BA NA RE, RDZAS SU YANG RNAM PA BCU DRUG YIN TE, RNAL 'BYOR PA DANG RNAM PA SO SOR MNGON DU BYED DGOS PA'I PHYIR, BCU DRUG TU BZHAG PA NI MING GI RNAM GRANGS KYI YIN MOD, DE TZAM ZHIG MIN TE, BDEN BZHIR DON MI 'DRA BA'I LDOG PA BZHI BZHI YOD PA'I PHYIR, DER THAL, RKYEN @185B GYIS 'JIG PA'I MI RTAG PA DANG, BDE BA'I RANG BZHIN MIN PA DANG, SKYE 'JIG CAN YIN PA DANG, BDAG GIS STONG BA SOGS DON MI 'DRA BA'I KHYAD PAR DU MA YOD PA'I PHYIR, GSUM PA NI, RNAM PA SHES RAB DANG BCAS PA'I, ,DMIGS DANG BCAS PAS 'DZIN PAR GYID, ? ,YOD PA THAMS CAD GZUNG BYA YIN, ,ZHES BYUNG SKABS 'DI'I SHES PA'I RNAM PA'I NGO BO GANG ZHES BYA SMRA NA DE SHES PA'I RNAM PA'I NGO BO YOD DE, YUL 'DZIN PA'I RNAM PA CAN GYI SHES RAB YIN PA'I PHYIR, SHES RAB KHO NAS 'DZIN PA NI MIN TE, SHES RAB DANG BCAS PA'I SEMS SEMS BYUNG DMIGS PA DANG BCAS PA KUN GYIS 'DZIN PAR BYED PA'I PHYIR, RDZAS BTAGS KYI YOD PA THAMS CAD CHOS CAN, GZUNG BYA YIN TE, SHES RAB DANG BCAS PA'I SEMS SEMS BYUNG RNAMS KYI GZUNG BYA YIN PA'I PHYIR, BZHI PA LA, NGO BO DANG RTEN DANG DRAN PA NYER GZHAG DANG DMIGS PA'I KHYAD PAR DANG BZHI, DANG PO NI, DANG POS RNAM GSUM GZHAN RNAM DGE, ZHES BYUNG, ,BDEN PA'I RNAM PA BCU CHOS CAN, KHYOD LA DGE SOGS GANG 'JOG PA'I KHYAD PAR YOD DE, DANG PO KUN RDZOB SHES PA LA DGE MI DGE LUNG MA BSTAN RNAM PA GSUM YOD CING, SHES PA GZHAN RNAM PA DGU NI DGE BA KHO NAR 'JOG PA'I PHYIR, DANG PO GRUB STE, KHAMS GSUM GYI SHES PA ZAG BCAS THAMS CAD KUN RDZOB SHES PAR 'JOG PA'I PHYIR, GNYIS PA GRUB STE, SEMS SHES NI BSGOMS BYUNG DANG SHES PA GZHAN RNAMS ZAG MED LA 'JOG PA'I PHYIR, GNYIS PA LA SEMS DANG LUS RTEN GNYIS, DANG PO NI, DANG PO SA RNAMS THAMS CAD NA, ,DRUG NA CHOS SHES BYA BA DGU ,RJES SHES BYA BA DE BZHIN DRUG ,GZHAN YID SHES PA BSAM GTAN BZHI, ,ZHES BYUNG, DANG PO KUN RDZOB SHES PA CHOS CAN, SA RNAMS THAMS CAD NA YOD DE, 'DOD PA NAS SRID RTZE'I BAR DU YOD PA'I PHYIR, CHOS SHES BYA BA CHOS CAN, SA DRUG NA YOD DE, BSAM GTAN BZHI MI LCOGS MED DANG BSAM GTAN KHYAD PAR CAN NA YOD PA'I PHYIR, RJES SHES ZHES BYA @186A *, ,BA CHOS CAN, SA DGU NA YOD DE, BSAM GTAN SA DRUG PO DE DANG GZUGS MED DANG PO GSUM STE DGU NA YOD PA'I PHYIR, SDUG KUN 'GOG LAM BZHI DANG ZAD DANG MI SKYE SHES PA DRUG CHOS CAN, SNGAR BSHAD PA DE BZHIN DU YOD DE; SA DRUG DANG DGU NA'ANG YOD PA'I PHYIR, DER THAL, CHOS SHES RNAMS SA DRUG DANG RJES SHES RNAMS SA DGU NA YOD PA'I PHYIR, GZHAN YID SHES PA DE CHOS CAN, BSAM GTAN BZHI KHO NA NA YOD DE, 'ON KYANG NYER BSDOGS DANG GZUGS MED NA MED PA'I PHYIR, GNYIS PA NI, DE NI 'DOD DANG GZUGS RTEN CAN, ,CHOS ZHES BYA BA 'DOD RTEN CAN, ,KHAMS GSUM PA YI RTEN CAN GZHAN, ,ZHES BYUNG, GZHAN SEMS SHES PA DE NI CHOS CAN, 'DOD PA DANG GZUGS KYI RTEN CAN YIN TE, DE GNYIS SU MNGON DU BYED KYI GZUGS MED KYI RTEN LA MI BYED PA'I PHYIR, CHOS ZHES BYA BA NI CHOS CAN, 'DOD PA'I RTEN CAN KHO NA LA SKYE'I KHAMS GONG NA MNGON DU MI BYED DE, DE NA MTHONG LAM MI SKYE BA'I PHYIR, DE GNYIS LAS GZHAN BDEN BZHI SHES PA DANG RJES SHES DANG KUN RDZOB SHES PA DANG ZAD DANG MI SKYE SHES PA BRGYAD CHOS CAN, KHAMS GCIG TU MA NGES TE KHAMS GSUM PA YI RTEN CAN LA SKYE BA YOD PA'I PHYIR, GSUM PA NI, 'GOG BLO DRAN PA NYER GZHAG PA, ,GCIG STE PHA ROL SEMS BLO NA, ,GSUM MO LHAG MA BZHI YIN NO, ,ZHES BYUNG, 'GOG PA SHES PA'I BLO CHOS CAN, DRAN PA NYER GZHAG GCIG DANG LDAN TE, CHOS DRAN PA NYER GZHAG YIN PA'I PHYIR, PHA ROL GYI SEMS BLO SHES PA CHOS CAN, DRAN NYE GSUM DANG LDAN TE, LUS DRAN NYE MA GTOGS GSUM DANG LDAN PA'I PHYIR, LHAG MA'I SHES PA BRGYAD CHOS CAN, DRAN NYE BZHI DANG LDAN PA YOD DE, LUS TSOR SEMS CHOS BZHI KA LA DMIGS PA YOD PA'I PHYIR, BZHI PA DMIGS PA'I KHYAD PAR LA, SHES PA NANG PHAN TSUN YUL DU 'GYUR TSUL, CHOS BCU DANG SHES BCU YUL YUL CAN DU SBYAR BA, CHOS GANG @186B RIG PA DANG GSUM, DANG PO NI, CHOS BLO'I SPYOD YUL DGU YIN NO, ,LAM RJES BLO YI DGU YIN NO, ,SDUG BSNGAL RGYU BLO'I GNYIS YIN NO, ,BZHI YI BCU YIN GCIG GI MIN, ,ZHES BYUNG, CHOS SHES PA'I BLO CHOS CAN, KHYOD KYI SPYOD YUL LAM DMIG PA YOD DE, RJES SHES MA GTOG PA'I DGU YOD PA YIN PA'I PHYIR, LAM SHES PA DANG RJES SHES KYI BLO CHOS CAN, KHYOD GNYIS KYI DMIGS PA LA DGU DGU YOD DE, SNGA MA LA KUN RDZOB SHES PA MA GTOGS PA DANG, PHYI MA LA CHOS SHES MA GTOGS PA RNAMS YOD PA YIN PA'I PHYIR, SDUG BSNGAL DANG RGYU KUN 'BYUNG SHES PA'I BLO CHOS CAN, KHYOD GNYIS KYI DMIGS PA GNYIS YIN TE, KUN RDZOB SHES PA DANG PHA ROL GYI SEMS SHES GNYIS YOD PA'I PHYIR, KUN RDZOB DANG SEMS SHES DANG ZAD DANG MI SKYE SHES PA BZHI CHOS CAN, KHYOD KYI DMIGS PA BCU YIN TE, SHES PA BCU PO LA DMIGS PA YOD PA'I PHYIR, DE LTAR YIN YANG NANG GSES KYI KHYAD PAR YOD DE, THAMS CAD LA CIG CAR DMIGS PA'I NGES PA CAN MIN ZHING, BDEN BZHI SO SO'I RNAM PA LA DMIGS TSUL MI 'DRA BA YOD PA'I PHYIR, 'GOG PA SHES PA CHOS CAN, KHYOD GCIG PU'I DMIGS PA LA SHES PA YOD PA MIN TE, 'DUS MA BYAS KHO NA LA DMIGS PA'I PHYIR TE, 'GOG PA NYID LA DMIGS PA'I PHYIR, GNYIS PA NI, CHOS BCU DAG NI SBYAR BAR BYA, ,KHAMS GSUM PA DANG DRI MED CHOS, ,'DUS MA BYAS RNAMS GNYIS GNYIS SO, , ZHES BYUNG, SHES BCU CHOS CAN, KHYOD CHOS BCU DAG DANG YUL YUL CAN DU SBYOR TSUL YOD DE, KUN RDZOB SHES PA'I DMIGS PA LA CHOS BCU PO THAMS CAD YOD, CHOS SHES KYI DE LA LNGA, RJES SHES KYI DER BDUN, SDUG KUN SHES PA'I DER DRUG ,'GOG PA SHES PA'I DER GCIG ,LAM SHES PA'I DER GNYIS, GZHAN RNAMS KYI DER GSUM, ZAD DANG MI SKYE SHES PA'I DMIGS PAR DGU YOD PA'I TSUL GYIS SBYAR BAR BYA BA'I PHYIR, CHOS BCU 'JOG TSUL YOD DE, SNGAR LTAR BCU NI KHAMS GSUM PA'I CHOS DANG, DRI MED KYI CHOS BZHI @187A *, ,LA MTSUNGS LDAN YIN MIN RNAM GNYIS SU PHYE BAS BRGYAD DANG, 'DUS MA BYAS LA DGE BAR BTAGS PA DANG LUNG MA BSTAN RNAM GNYIS SU PHYE BAS BCU YOD PA'I PHYIR, GSUM PA NI, KUN RDZOB GCIG PUS RANG TSOGS LAS, ,GZHAN NI BDAG MED NYID RIG 'GYUR, ,ZHES BYUNG, KUN RDZOB SHES PA GCIG PU CHOS CAN, CHOS BCU LA DMIGS PA YOD KYANG RANG GI NGO BO DANG TSOGS PA GCIG PA'I TSOR 'DU SOGS HA CANG NYE BAS MI 'DZIN TE, 'DZIN PA'I BYED PA 'GAL BA'I PHYIR TE, RANG GIS RANG LA BYED PA 'JUG PA MI RIGS PA'I PHYIR, DE LAS GZHAN PA'I CHOS NI DES RIG PAR 'GYUR BA YOD DE, CHOS THAMS CAD NI BDAG MED PA NYID DO ZHES SHES PAR 'GYUR BA'ANG YOD PA'I PHYIR, GNYIS PA LDAN TSUL NI, ZAG MED SKAD CIG DANG PO LA, ,CHAGS CAN SHES PA GCIG DANG LDAN, ,GNYIS PA LA GSUM YAN CHAD NI, GZHI LA RE RE 'PHEL DANG LDAN, ,ZHES BYUNG, SHES BYA CHOS CAN, GANG ZAG GANG SHES PA GANG DANG LDAN TSUL YOD DE, ZAG MED SKAD CIG DANG PO LA GNAS PA'I 'PHAGS PA CHAGS CAN SDUG BSNGAL CHOS BZOD PA NI, KUN RDZOB SHES PA GCIG PU DANG LDAN, GNYIS PA SDUG BSNGAL RJES BZOD LA GNAS PA NI KUN RDZOB DANG CHOS DANG SDUG BSNGAL SHES PA GSUM DANG LDAN, DE YAN CHAD NI SNGA MA GSUM DANG SEMS SHES BZHI DANG LDAN PA DANG, SDUG BSNGAL RJES SHES DUS SU CHAGS CAN RJES SHES DANG BZHI, CHAGS BRAL LNGA DANG LDAN PA'I STENG DU RE RE 'PHEL BA KUN 'BYUNG SHES PAR CHAGS BCAS LNGA DANG CHAGS BRAL DRUG ,'GOG PA SHES PAR CHAGS CAN DRUG CHAGS BRAL BDUN, LAM SHES PAR CHAGS BCAS BDUN CHAGS BRAL BRGYAD DANG LDAN PA'I PHYIR, KUN RDZOB SHES PA DANG LDAN PA MANG STE, 'DOD PA LA CHAGS BRAL MA BYAS PA'I SO SKYE THAMS CAD NI DE DANG LDAN PA'I PHYIR, GSUM PA THOB TSUL LA, LAM GYI GNAS SKABS GANG DU SHES PA DU THOB PA DANG, SA GANG DU SHES PA DU THOB PA DANG, THOB PA'I DBYE BA @187B GSUM, DANG PO LA, MTHONG LAM DU DANG, SGOM LAM DU DANG, BSHAD PA'I LHAG MA DU THOB PA GSUM, DANG PO NI, MTHONG BA'I LAM LA BZOD PA DANG, ,SHES PA JI LTAR SKYES PA RNAMS, MA 'ONGS PA THOB DE NYID LA, ,RJES GSUM LA NI KUN RDZOB KYANG, ,DE PHYIR MNGON RTOGS MTHA' ZHES BYA, ,DE NI MI SKYE'I CHOS CAN YIN, ,RANG DANG 'OG SA 'GOG PA'I MTHA', ,RANG BDEN RNAM CAN 'BAD LAS BYUNG, ,ZHES BYUNG, SHES BYA CHOS CAN, SKABS GANG DU LAM GANG THOB PA'I KHYAD PAR YOD DE, MTHONG BA'I LAM LA NI BZOD PA BRGYAD DANG SHES PA JI LTAR SKYES PA RNAMS RANG GI RIGS 'DRA MA 'ONGS PA THOB PAR 'GYUR GYI, MNGON DU GYUR PA NI 'THOB PAR MI 'GYUR BA'I PHYIR TE, THOB ZIN SLAR MI THOB PA'I PHYIR RO, ,MTHONG LAM DE NI CHOS CAN, KHYOD LA SDUG KUN 'GOG PA RJES SHES GSUM LA NI KUN RDZOB SHES PA YANG THOB PHAR 'GYUR TE, DE RJES SHES KYI SKABS SU THOB KYI CHOS SHES KYI TSE MI THOB PA'I PHYIR, KUN RDZOB SHES PA DE CHOS CAN, MNGON RTOGS KYI MTHA' LAS BYUNG BA ZHES BYA STE, BDEN PA DE MNGON PAR RTOGS PA'I RJES SHES KYI TSE BYUNG BA DE'I PHYIR, RJES SHES GSUM GYI KUN RDZOB SHES PA DE NI CHOS CAN MNGON GYUR DU MI 'BYUNG STE, MA 'ONGS PA MI SKYE BA'I CHOS CAN YIN PA'I PHYIR, RJES SHES KYI KUN RDZOB SHES PA CHOS CAN, SA GANG LA BRTEN NAS THOB PA YOD DE, MTHONG LAM GANG LA BRTEN PA'I RANGS DANG 'OG SA LA BRTEN NAS THOB PA YOD PA'I PHYIR, KUN RDZOB SHES PA DE GSUM CHOS CAN, DRAN PA NYER GZHAG GANG DU 'JOG TSUL YOD DE, 'GOG PA'I MTHA' LAS BYUNG BA'I KUN RDZOB SHES PA NI CHOS DRAN NYE DANG, LHAG MA GNYIS LA DRAN NYE BZHI KA BZHAG TU YOD PA'I PHYIR, DE GSUM CHOS CAN, DMIGS RNAM YOD DE, RANG GI BDEN PA'I DMIGS RNAM CAN YIN PA'I PHYIR, DE CHOS CAN, 'BAD RTZOL LAS BYUNG BA YIN TE, RANG RANG GI BDEN PA MNGON RTOGS RJES SHES LAS BYUNG BA'I PHYIR, GNYIS PA SGOM LAM DU THOB PA NI, CHAGS BCAS BCU DRUG PA LA DRUG ,'DOD LAS CHAGS DANG BRAL BAS BDUN, ,DE YI @188A *, ,GONG MA CHAGS BCAS KYIS, ,SGOM PA'I {LAm} LA BDUN 'THOB BO, ,SA BDUN LAS RGYAL MNGON SHES DANG, ,MI G-YO 'THOB DANG SPEL BSGOM PA'I, ,BAR CHAD MED PA'I LAM DAG DANG, ,GONG MA'I GROL BA'I LAM BRGYAD LA'ANG, ,SLOB PA SBYONG BA'I GROL BA LA, ,SHES PA DRUG DANG BDUN 'THOB PA'AM, ,BAR CHAD MED PA'I LAM LA DRUG ,DE BZHIN SRID RTZE RNAM RGYAL LA'ANG, ,ZAD PA SHES PA LA DGU'O, ,MI G-YO BAS NI BCU 'THOB BO, ,DER 'PHO GROL BA'I THA MA LA'ANG, ,ZHES BYUNG, 'DOD PA LA CHAGS BCAS KYI 'PHAGS PA CHOS CAN, KHYOD KYIS BCU DRUG PA LAM RJES SHES LA GNAS PA'I TSE SHES PA DRUG THOB PAR BYED DE, CHOS RJES GNYIS DANG BDEN BZHI SHES PA DANG DRUG THOB PA'I PHYIR, 'DOD PA LA CHAGS PA DANG BRAL PA'I 'PHAGS PA CHOS CAN, KHYOD KYI DE'I TSE BDUN THOB PAR BYED DE, SNGA MA DRUG DANG SEMS SHES BCAS BDUN THOB PA'I PHYIR, DE YI GONG MA'I SGOM LAM PA CHAGS BCAS CHOS CAN, KHYOD KYIS JI LTAR THOB TSUL YOD DE, CHAGS BRAL MA BYAS PA DE SRID DU SGOM PA'I LAM LA GNAS PA'I TSE CHOS SHES RJES SHES KUN RDZOB SHES PA GSUM DANG BDEN BZHI SHES PA BZHI STE BDUN THOB PAR BYED PA'I PHYIR, BSAM GTAN BZHI GZUGS MED DANG PO GSUM GYIS BDUN GYI NYON MONGS LAS RGYAL BA DAG DANG, MNGON SHES LNGA DANG, DE THOB BYED KYI BAR CHAD MED PA'I LAM DAG DANG GONG MA SRID RTZE LAS GROL BA'I RNAM GROL LAM DANG PO BRGYAD LA GNAS PA'ANG CHOS CAN, SHES PA BDUN THOB STE, BSHAD MA THAG PA BDUN THOB PA'I PHYIR, RTOG PA'I SKAL BA CAN MI G-YO BA'I CHOS CAN THOB BYED KYI BAR CHAD MED LAM DANG, BSAM GTAN SPEL SGOM LA BSGOM LA BRTZOM PA'I BAR CHAD MED PA'I LAM DAG LA GNAS PA GNYIS CHOS CAN, KHYOD KYIS KYANG SHES PA BDUN BDUN 'THOB STE, SNGA MAS CHOS SHES RJES SHES BDEN BZHI SHES PA ZAD SHES DANG BDUN DANG, PHYI MAS 'GOG LAM CHOS SHES RJES SHES BDEN BZHI SHES PA KUN RDZOB SHES PA DANG BDUN THOB PAR BYED PA'I PHYIR, GONG MA SRID @188B RTZE'I SA LA CHAGS BRAL BYAS PA'I GROL BA'I LAM DANG PO BRGYAD CHOS CAN, KHYOD LA'ANG SHES PA BDUN THOB STE, CHOS SHES RJES SHES BDEN BZHI SHES PA SEMS SHES THOB PA'I PHYIR, SLOB PA CHAGS BCAS DBANG PO SPYOD PA'I GROL BA'I LAM LA GNAS PA CHOS CAN, KHYOD KYIS SHES PA DRUG THOB STE, CHOS SHES RJES SHES BDEN BZHI SHES PA DANG DRUG THOB PA'I PHYIR, DE 'DRA'I CHAGS BRAL BA CHOS CAN, KHYOD KYIS BDUN THOB PA YOD DE, SNGA MA DRUG GI STENG DU SEMS SHES DANG BDUN THOB PA'I PHYIR, SLOB PA DBANG PO SPYOD PA'I BAR CHAD MED PA'I LAM LA GNAS PA'I 'PHAGS PA DANG DE BZHIN DU SRID RTZE'I NYON MONGS LAS RNAM PAR RGYAL BA'I BAR CHAD MED LAM LA GNAS PA'ANG CHOS CAN, SHES PA DRUG RE THOB STE, CHOS SHES RJES SHES BDEN BZHI SHES PA RNAMS THOB PAR BYED PA'I PHYIR, SRID RTZE'I RNAM GROL LAM DGU PA ZAD PA SHES PA LA GNAS PA CHOS CAN, SHES PA DGU THOB STE, MI SKYE BA SHES PA MA GTOGS DGU PO THOB PA'I PHYIR, DBANG RNON MI G-YO BA'I CHOS CAN DANG, RTOGS PA'I CHOS CAN MI G-YO BA DER DBANG PO 'PHO BA'I RNAM GROL LAM THA MA DGU PA GNYIS LA GNAS PA'ANG CHOS CAN, SHES PA BCU THOB PA YIN TE, MI SKYE SHES PA'ANG THOB PA'I PHYIR, GSUM PA NI, BSHAD PA'I LHAG MA LA BRGYAD THOB, ,CES BYUNG, SNGAR BSHAD PA'I LHAG MA 'DOD PA LA 'DOD CHAGS DANG BRAL BA'I RNAM GROL LAM DGU PA DANG MNGON SHES DANG SPEL SGOM BYED PA GSUM CHOS CAN, SHES PA BRGYAD BRGYAD THOB STE, ZAD DANG MI SKYE SHES PA GNYIS MA GTOGS PA BRGYAD RE THOB PA'I PHYIR, GNYIS PA SA GANG DU SHES PA DU THOB PA NI, GANG LA CHAGS BRAL BYA PHYIR GANG, ,THOB PA DER YANG 'OG MA'ANG 'THOB, ,ZAD PA SHES PA ZAG BCAS KYANG, ,SA KUN SNGON RNYED MI THOB BO, ,ZHES BYUNG, SHES BYA CHOS CAN, LAM GANG GI SKABS SU SHES PA DU 'THOB TSUL YOD DE, SA 'OG MA GANG LA CHAGS PA DANG BRAL BAR BYA BA'I PHYIR SBYOR LAM SOGS DANG 'DAS LAM GYIS 'DOD CHAGS DANG BRAL BA DAG GIS SA 'OG MAS BSDUS PA'I @189A *, ,LAM GANG THOB PA DER YANG RANG SA DANG 'OG MA'I SAS BSDUS PA'I ZAG MED KYI LAM THOB PA'I PHYIR, ZAD PA SHES PA LA GNAS PA CHOS CAN, YON TAN DU MA THOB STE, ZAG MED KYI YON TAN DU MA ZAD ZAG BCAS KYI YON TAN MI SDUG PA SGOM PA DANG DBUGS RNGUB 'BYUNG DANG, DRAN NYE DANG, BSAM GTAN SA DRUG DANG, GZUGS MED DANG BCAS PA BCU GCIG PO KUN GYIS BSDUS PA'I YON TAN THOB PA'I PHYIR, DE YANG SA KUN LAS SNGON MA RNYED PA THOB PA YIN GYI, RNYED ZIN MI 'THOB STE, THOB ZIN SLAD MI THOB PA'I PHYIR, GSUM PA THOB PA'I DBYE BA NI, RNYED DANG BSTEN CES BYA BA NI, ,DGE BA 'DUS BYAS 'THOB PA'O, ,GNYEN PO DANG NI THAG BSRING BA'I, ,THOB PA ZAG DANG BCAS PA'I YIN, ,ZHES BYUNG, THOB PA CHOS CAN, KHYOD LA BZHI YOD DE, RNYED PA'I THOB PA, BSTEN PA'I THOB PA, GNYEN PO'I THOB PA, THAG BSRING BA'I THOB PA DANG BZHI YOD PA'I PHYIR, DE DAG GI KHYAD PAR YOD DE, SNGAR MED GSAR DU RNYED PA DE DANG PO DANG, DE SKAD CIG GNYIS PA PHAN CHAD DU YANG YANG MNGON DU BYED PA NI GNYIS PA YIN LA, DE GNYIS KA'ANG DGE BA 'DUS BYAS KYI THOB PA DANG, SPANG BYA SPONG BZHIN PA'I SKABS KYI THOB PA DE GSUM PA DANG, SPANG BYA LAS GROL BA'I SKABS KYI THOB PA DE BZHI PA YIN LA, DE GNYIS KYI THOB PA NI ZAG PA DANG BCAS PA'I CHOS KYI THOB PA YIN PA'I PHYIR, PHYI MA'I DON 'CHAD TSUL LA MI 'DRA BA YOD DE, DGE BA ZAG BCAS LA THOB PA BZHI KA YOD PA'I DON DU'ANG BSHAD PA'I PHYIR, DE DAG NI MTSON PA TZAM YIN TE, DGE BA 'DUS BYAS LA RNYED BSTEN GYI THOB PA GNYIS, ZAG BCAS LA GNYEN PO DANG THAG BSRING PA GNYIS, ZAG MED LA RNYED BSTEN GNYIS, NYON MONGS CAN DANG LUNG MA BSTAN GYI THOB PA LA GNYEN PO DANG THAG BSRING BA GNYIS YOD PA'I PHYIR, BZHI PA KHYAD PAR GYI CHOS LA, THUN MONG MA YIN PA'I YON TAN DANG, THUN MONG BA'I YON TAN GNYIS, DANG PO LA MDOR BSTAN PA, RGYAS PAR BSHAD PA, DON BSDU BA DANG GSUM, @189B DANG PO NI, SANGS RGYAS CHOS NI MA 'DRES PA, ,STOBS LA SOGS PA BCO BRGYAD DO, ,ZHES BYUNG, BYE SMRA NA RE, SANGS RGYAS KYI CHOS MA 'DRES PA CHOS CAN, KHYOD LA BCO BRGYAD YOD DE, STOBS BCU LA SOGS PA STE MI 'JIGS PA BZHI, DRAN PA NYE BAR BZHAG PA GSUM THUGS RJE CHEN PO DANG BCAS PA YOD PA'I PHYIR ZER, LUGS GZHAN LTA NGAN BCO BRGYAD YOD DE, RTOGS SAM 'DRES PA DRUG ,SPYOD PA MA 'DRES PA DRUG ,'PHRIN LAS MA 'DRES PA GSUM, YE SHES MA 'DRES PA GSUM STE BCO BRGYAD LA 'DOD PA'I PHYIR, GNYIS PA LA, STOBS DANG, YID JIGS PA DANG, DRAN PA NYER GZHAG DANG, THUGS RJES CHEN PO DANG BZHI, DANG PO LA, MKHYEN PA'I STOBS DANG, SKU'I STOBS GNYIS, DANG PO LA, SO SO'I NGO BO DANG, SA GANG DU YOD PA DANG, SGRA BSHAD PA GSUM, DANG PO NI, GNAS DANG GNAS MIN SHES PA BCU, ,LAS 'BRAS LA BRGYAD BSAM GTAN SOGS, ,DBANG PO MOS DANG KHAMS LA NI, ,DGU'O LAM DGRA LAM BCU 'AM, ,GNYIS NI KUN RDZOB SHES PA YIN, ,ZAD PA DRUG GAM BCU YIN NO, ,ZHES BYUNG, STOBS DANG PO DRUG CHOS CAN, SHES PA BCUS BSDUS TSUL YOD DE, GNAS DANG GNAS MIN PA MKHYEN PA'I STOBS NI SHES PA BCUS BSDUS, LAS DANG 'BRAS BU RNAM PAR SMIN PA MKHYEN PA'I STOBS NI 'GOG LAM GYI SHES PA GNYIS MIN PA'I BRGYAD KYIS BSDUS, BSAM GTAN DANG SOGS KYIS GZUGS MED RNAM THAR SOGS MKHYEN PA DANG DBANG PO MCHOG DMAN DANG MOS PA DANG KHAMS SNA TSOGS MKHYEN PA'I STOBS BZHI NI 'GOG SHES MIN PA'I SHES PA DGUS BSDUS PA'I PHYIR, STOBS PHYI MA BZHI CHOS CAN, SHES PA GANG GIS BSDUS TSUL YOD DE, LAM 'BRAS BU DANG BCAS NA THAMS CAD DU 'GRO BA'I LAM MKHYEN PA'I STOBS DAG LA SHES PA BCU YOD PAS DE RNAMS KYIS BSDUS PA'AM, RANG GI NGO BO'I DBANG DU BYAS NA 'GOG SHES MIN PA'I DGUS BSDUS, SNGON GNAS MKHYEN PA DANG 'CHI 'PHO DANG SKYE BA MKHYEN PA'I STOBS GNYIS NI KUN RDZOB SHES PA @190A *, ,YIN LA, ZAG PA ZAD PA MKHYEN PA'I STOBS NI 'GOG PA KHO NA SHES PA'I TSE CHOS SHES RJES SHES 'GOG SHES ZAD SHES MI SKYE SHES PA KUN RDZOB SHES PA DANG DRUG GIS BSDUS PA'AM, GZHAN GYI TSE SHES PA BCUS BSDUS PA YIN PA'I PHYIR, GNYIS PA NI, SNGON GNAS 'CHI 'PHO SKYE BA'I STOBS, ,BSAM GTAN DAG NA LHAG MA NI, ,SA RNAMS KUN NA ZHES BYUNG, STOBS BCU PO CHOS CAN, SA GANG NA YOD PA'I KHYAD PAR YOD DE, STON GNAS MKHYEN PA DANG 'CHI 'PHO DANG SKYE BA MKHYEN PA'I STOBS NI BSAM GTAN GYI DNGOS BZHI BZHI DAG NA YOD, STOBS LHAG MA BRGYAD NI 'DOD PA NAS SRID RTZE'I BAR GYI SA ? RNAMS KUN NA YOD PA'I PHYIR, GSUM PA NI, CI YI PHYIR, ,'DI'I STOBS GANG PHYIR THOGS MI MNGA', ,ZHES BYUNG, RGYU MTSAN CI YI PHYIR NA STOBS ZHES BRJOD CE NA, SANGS RGYAS 'DI'I RGYUD KYI STOBS RNAMS CHOS CAN, KHYOD LA STOBS ZHES BRJOD PA'I RGYU MTSAN YOD DE, GANG GI PHYIR NA SHES BYA'I GNAS THAMS CAD LA THOGS PA MI MNGA' BAR 'JUG PA'I MKHYEN PA MTHAR THUG YIN PA DE'I PHYIR, GNYIS PA NI, SKU LA SRED MED BU YI STOBS, ,GZHAN DAG TSIGS NA GLANG CHEN SOGS, ,BDUN CUS GLAGS PA'I STOBS YIN NO, ,DE NI REG BYA'I SKYE MCHED DO, ,ZHES BYUNG, SANGS RGYAS CHOS CAN, KHYOD KYI SKU'I STOBS BZHAG TU YOD DE, SKU LA SRED MED KYI BU'I STOBS MNGA' BA'I PHYIR, SLOB DPON GZHAN DAG NA RE, TSIGS SUM BRGYA DRUG CU RTZA GNYIS RE RE NA'ANG SRED MED KYI BU'I STOBS MNGA' ZER, SRED MED KYI BU'I STOBS TSAD YOD DE, GLANG CHEN PHAL PA DANG, SOGS KYIS SPOS KYI GLANG PO CHE DANG, TSAN PO CHE DANG, RAB GNON DANG, YAN LAG MCHOG DANG, STOBS MCHOG DANG, SRED MED KYI BU BDUN PO DE SNGA MA SNGA MA LAS PHYI MA PHYI MA BCU 'GYUR GYIS STOBS GLAGS PA STE LHAG PA'AM CHE BA'I PHYIR, SLOB DPON RANG LUGS NI SKU'I STOBS LAS THUGS KYI STOBS CHE BAR BZHED DE, MTHA' @190B YAS SHING TSAD MED BAR BZHED PA'I PHYIR, SKU'I STOBS DE NI CHOS CAN, REG BYA'I SKYE MCHED YIN TE, SKU BE MA POR 'DOD PA'I LUGS LA NI 'BYUNG BZHI'I KHYAD PAR KHO NAR 'DOD PA'I PHYIR, GNYIS PA MI 'JIGS PA NI, MI 'JIGS PA NI RNAM PA BZHI, ,JI LTAR STOBS NI DANG PO DANG, ,BCU PA GNYIS PA BDUN PA BZHIN, ,ZHES BYUNG, MI 'JIGS PA CHOS CAN, RNAM PA BZHI YOD DE, RANG DON RTOGS PA PHUN TSOGS DANG SPANGS PA PHUN TSOGS GNYIS DANG, GZHAN DON BAR CHAD KYI CHOS SU DAM BCAS PA DANG NGAS PAR 'BYUNG BA'I LAM LA DAM BCAS PA GNYIS TE BZHI YOD PA'I PHYIR TE, DE YANG JI LTAR STOBS DANG PO GNAS DANG GNAS MA YIN PA MKHYEN PA'I STOBS NI SHES PA BCU DANG SA THAMS CAD KYIS BSDUS PA LTAR MI 'JIGS PA DANG PO DANG, STOBS BCU PA ZAG BZAD PA MKHYEN PA NI SHES PA DRUG GAM BCU DANG SA BCU GCIG GIS BSDUS PA LTAR MI 'JIGS PA GNYIS PA DANG, STOBS GNYIS PA LAS 'BRAS MKHYEN PA NI SHES PA BRGYAD DANG SA THAMS CAD KYIS BSDUS PA LTAR MI 'JIGS PA GSUM PA DANG, STOBS BDUN PA KUN TU 'GRO BA'I LAM MKHYEN PA NI SHES PA BCU 'AM DGU DANG SA THAMS CAD NA YOD PA LTAR MI 'JIGS PA BZHI PA YANG DE BZHIN YIN PA'I PHYIR, GSUM PA NI, DRAN PA NYER GZHAG BDAG NYID GSUM, ,ZHES BYUNG, 'DIR BSTAN DRAN PA NYER GZHAG CHOS CAN, KHYOD LA GSUM YOD DE, 'KHOR GUS PAS CHOS NYAN PA LA MI CHAGS PA'I DE, MI GUS PAR NYAN PA LA MI KHRO BA'I DE, GUS MI GUS 'DRES MA LA DE GNYIS MI 'BYUNG BA'I BTANG SNYOMS DRAN PA NYER GZHAG GI BDAG NYID DANG GSUM YOD PA'I PHYIR, BZHI PA THUGS RJE CHEN PO NI, THUGS RJE CHEN PO KUN RDZOB BLO, , TSOGS DANG RNAM PA SPYOD YUL DANG, ,MNYAM PA'I PHYIR DANG CHES CHE'I PHYIR, ,THA DAD BYA BA RNAM PA BRGYAD, ,CES BYUNG, THUGS RJE CHEN PO CHOS CAN, KHYOD KYI NGO BO'I KHYAD PAR YOD DE, KUN RDZOB SHES PA'I BLO'I RANG BZHIN CAN YIN PA'I PHYIR, DER THAL, 'JIG @191A *, ,RTEN LA NYIN MTSAN DUS DRUG TU SU NI DAR SU NI RGUD SU NI SMIN SU NI MA SMIN SU NI YE SHES KYIS GROL BAR BYA SNYAM DU DGONGS PA'I KHYAD PAR LNGA DANG LDAN PA'I THUGS RJE CHEN PO YIN PA'I PHYIR, DE CHOS CAN, THUGS RJE CHEN PO ZHES BYA STE, RGYU'I KHYAD PAR TSOGS CHEN POS 'GRUB PA DANG, RNAM PA'I KHYAD PAR SEMS CAN GYI SDUG BSNGAL LA RTOG PA'I RNAM PA CAN DANG, SPYOD YUL GYI KHYAD PAR SEMS CAN THAMS CAD LA DMIGS PA DANG, 'JUG TSUL GYI KHYAD PAR SEMS CAN RNAMS LA NYE RING MED PAR MNYAM PAR 'JUG PA'I PHYIR DANG, NGO BO'I KHYAD PAR CHES RNO BA DANG CHES CHE BA'I KUN RDZOB SHES PA'I SHES RAB YIN PA'I PHYIR, SKABS 'DI'I THUGS RJE CHEN PO NI SNYING RJE CHEN PO TZAM LA MI BYED DE, SNYING RJE CHEN PO DANG THUGS RJE CHEN PO LA THA DAD DU BYA BA RNAM PA BRGYAD YOD PA'I PHYIR, DER THAL, SNYING RJE CHEN PO NI ZHE SDANG MED PA DANG, THUGS RJE CHEN PO NI GTI MUG MED PA'I RNAM PA CAN GYI SHES RAB YIN LA, SNYING RJE CHEN PO NI 'DOD PA'I SEMS CAN LA DMIGS, SDUG BSNGAL GYI SDUG BSNGAL DANG BRAL 'DOD KYI RNAM PA CAN, BSAM GTAN BZHI LA BRTEN PA, NYAN THOS LA'ANG YOD PA, 'DOD PA LA CHAGS PA DANG BRAL BAS THOB PA, 'DOD KHAMS KYI SEMS CAN SKYOB PAR 'DOD PA, 'PHRIN LAS KYANG DE LTAR DU 'JUG PA YIN LA, THUGS RJE CHEN PO NI KHAMS GSUM GYI SEMS CAN LA DMIGS, 'DU BYED KYI SDUG BSNGAL DANG BRAL 'DOD KYI RNAM PA CAN, BSAM GTAN BZHI PA NYID LA BRTEN PA, SANGS RGYAS KHO NA LA YOD PA, SRID RTZE LA CHAGS BRAL GYI TSUL GYIS THOB PA, KHAMS GSUM GYI SEMS CAN SKYOB PAR 'DOD PA, 'PHRIN LAS KYANG DE LTAR KUN LA 'JUG PA'I KHYAD PAR DANG LDAN PA'I PHYIR, GSUM PA DON BSDU BA NI, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSED KYIS MIN, ,ZHES BYUNG, SANGS RGYAS BCOM LDAN 'DAS THAMS CAD CHOS CAN, MNYAM PA GSUM GYIS MNYAM PA YIN TE, RGYU TSOGS GNYIS BSAGS @191B PAR MNYAM PA DANG, 'BRAS BU CHOS KYI SKU THOB PAR MNYAM PA DANG, 'PHRIN LAS 'GRO BA'I DON SPYOD PAS MNYAM PA NYID YIN PA'I PHYIR, MI MNYAM PA'I KHYAD PAR YOD DE, SKU TSE RING THUNG DANG, RIGS BZANG NGAN DANG, SKU BONG TSED CHE CHUNG NI GDUL BYA'I DBANG GIS MI MNYAM PA YOD PA'I PHYIR, GNYIS PA THUN MONG GI YON TAN BSHAD PA LA, MDOR BSTAN PA DANG, RGYAS PAR BSHAD PA GNYIS, DANG PO NI, CHOS GZHAN SLOB DANG THUN MONG YIN, ,KHA CIG SO SO SKYE BO DANG, ,NYON MONGS MED DANG SMON GNAS SHES, ,SO SO YANG DAG RIG MNGON SOGS, ,ZHES BYUNG, THUN MONG BA'I YON TAN CHOS CAN, BZHAG TU YOD DE, SANGS RGYAS KYI CHOS MA 'DRES PA LAS GZHAN PA'I CHOS NYON MONGS MED DANG SMON GNAS SHES PA DANG, SO SO YANG DAG PA'I RIG PA DANG, MNGON SHES DANG, BSAM GZUGS BRGYAD DANG, TSAD MED BZHI DANG, RNAM THAR BRGYAD DANG, ZIL GNON ZAD PAR SOGS NI SANGS RGYAS DANG SLOB MA NYAN THOS GNYIS THUN MONG BA'I YON TAN YIN LA, YON TAN DE DAG LAS BSAM GZUGS DANG MNGON SHES DANG TSAD MED SOGS KHA CIG SO SO SKYE BO DANG THUN MONG BA YIN PA'I PHYIR, GNYIS PA LA, SLOB PA 'PHAGS PA DANG THUN MONG BA'I YON TAN DANG, SO SKYE DANG THUN MONG BA'I YON TAN BSHAD PA GNYIS, DANG PO LA, NYONG MONGS MED PA DANG, SMON GNAS SHES PA DANG, SO SO YANG DAG PA'I RIG PA BZHI DANG, DE DAG THOB TSUL DANG, ZHAR BYUNG BSAM GTAN GYI RAB MTHA' NGOS BZUNG BA LNGA, DANG PO NI, NYON MONGS MED PA KUN RDZOB SHES, ,BSAM GTAN MTHA' NA MI G-YO'I CHOS, ,MIS SKYES NYON MONGS 'DOD GTOGS PA, ,MA SKYES GZHIR BCAS SPYOD YUL CAN, ,ZHES BYUNG, NYON MONGS MED PA'I TING NGE 'DZIN CHOS CAN, KHYAD PAR LNGA DANG LDAN TE, NGO BO KUN RDZOB SHES PA YIN LA, SA BSAM GTAN GYI RAB MTHA' BZHI PA KHO NAR BRTEN PA, GANG ZAG DGRA BCOM PA MI G-YO BA'I CHOS CAN KHO NA LA YOD PA, RTEN GLING GSUM GYI MIS SKYES PA KHO NA DANG, DMIGS PA 'DOD PAR GTOGS PA'I NYON MONGS MA SKYES PA STE SKYE 'GYUR GZHI RGYU DANG BCAS @192A *, ,PA LA DMIGS NAS RNAM PA PHA ROL PO'I NYON MONGS SKYE 'GYUR 'DI DANG 'DI MI SKYE BAR GYUR CIG SNYAM PA'I SPYOD YUL CAN YIN PA'I PHYIR, GNYIS PA NI, SMON GNAS SHES PA'ANG DE BZHIN NO, ,DE YI DMIGS PA THAMS CAD DO,, ZHES BYUNG, SMON GNAS SHES PA'ANG CHOS CAN, SNGON MA DE BZHIN DU CHOS LNGA DANG LDAN TE, GZHAN GSUM NI SNGA MA LTAR YIN LA, DE'I DMIGS PA CHOS THAMS CAD LA SMON NAS SHES PA 'JUG PA DANG, RNAM PA NI SNGON NAS SMON PA BTANG STE 'DI BSHAD PAR BYA'O SNYAM DU RAB MTHA'I BZHI PA LA ZHUGS PAS JI LTA BA BZHIN DU SHES PA'I PHYIR, GSUM PA NI, DE BZHIN CHOS DON NGES TSIG DANG, ,SPOBS PA SO SO YANG DAG RIG ,GSUM NI GO RIM BZHIN MING DANG, ,DON DANG NGAG LA THOGS MED SHES, ,BZHI PA RIGS PA THAGS THOGS MED, ,MNGON BRJOD LAM LA DBANG NYID LA, ,DE YI DMIGS PA NGAG DANG LAM, ,SHES PA DGU'O SA THAMS CAD, ,YANG DAG DON RIG BCU 'AM DURG, ,DE NI KUN NA GZHAN KUN RDZOB, ,CHOS RIG 'DOD DANG BSAM GTAN NA, ,NGAG NI 'DOD DANG DANG PO NA, ,ZHES BYUNG, SO SO YANG DAG PA'I RIG PA CHOS CAN, ,KHYOD LA DBYE NA BZHI YOD DE, CHOS DANG DON DANG NGES PA'I TSIG DANG SPOBS PA SO SOR YANG DAG RIG PA BZHI YOD PA'I PHYIR DANG, DE DAG GI RGYUD DANG RTEN GNYIS NYON MONGS MED PA LA BSHAD PA DE BZHIN YIN LA, DMIGS PA DANG SA DANG NGO BO GSUM MI 'DRA BA'I PHYIR, DE BZHI'I NGO BO'I KHYAD PAR YOD DE, DANG PO GSUM NI GO RIM ZHIN DU CHOS KYI MING NGAM TSIG DANG DON DANG NGAG GI KHYAD PAR SO SOR YANG DAG PAR RIG PA DANG, BZHI PA SPOBS PA SO SO YANG DAG RIG PA NI MYANG 'DAS SOGS DANG 'BREL BA'I RIG PA THAGS THOGS MED PAR MNGON PAR BRJOD PA SHES SHING, LAM TING NGE 'DZIN LA DBANG BA NYID GSAL BAR BYED PA LA THOGS PA MED PA'I PHYIR, PHYI MA DE YI DMIGS PA YOD DE, NGAG GI KHYAD PAR DANG LAM LA DMIGS PA'I PHYIR, DE BZHI CHOS CAN, SHES PA BCU DANG SA GANG GIS @192B BSDUS PA YOD DE, PHYI MA SPOBS PA NI 'GOG SHES MA GTOGS DGU DANG, 'DOD PA NAS SRID RTZE'I BAR GYIS THAMS CAD NA YOD, YANG DAG PA'I DON RIG PA NI CHOS THAMS CAD LA DMIGS NA SHES PA BCU DANG, MYANG 'DAS YIN NA 'GOG PA CHOS SHES RJES SHES KUN RDZOB SHES PA ZAD SHES MI SKYE SHES PA DRUG GIS BSDUS SHING, DE NI SA KUN NA YOD LA, SPONGS DON GNYIS LAS GZHAN PA'I CHOS DANG NGES TSIG RIG PA GNYIS NI KUN RDZOB SHES PAS BSDUS, CHOS RIG NI 'DOD PA DANG BSAM GTAN BZHI STE LNGA NA YOD CING, NGAG STE NGES TSIG RIG PA NI 'DOD PA DANG BSAM GTAN DANG PO GNYIS NA YOD PA'I PHYIR, BZHI PA NI, MA TSANG BAR NI DE THOB MED, DRUG PO DE DAG RAB MTHA' BAS, ,ZHES BYUNG, SO SO YANG DAG RIG PA BZHI CHOS CAN, KHYOD GANG RUNG GCIG THOB NA BZHI KA THOB PAS KHYAB STE, GANG RUNG GCIG MA TSANG BAR NI DE THOB PA MED PA'I PHYIR, NYON MONGS MED PA DANG SMON GNAS DANG YANG DAG RIG PA BZHI STE DRUG PO DE DAG CHOS CAN, KHYOD GANG GIS THOB PA YOD DE, RAB MTHA'I BSAM GTAN GYI STOBS LAS THOB PA'I PHYIR, LNGA PA ZHAR BYUNG RAB MTHA' NI, DE NI RNAM DRUG BSAM GTAN MTHA', ,DE NI SA KUN KYIS MTHUN BYAS, ,'PHEL BAS RAB TU PHYIN PA YIN, ,SANGS RGYAS LAS GZHAN SBYOR LAS SKYES, ZHES BYUNG, RAB MTHA' DE NI CHOS CAN, RNAM PA DRUG YOD DE, DER GYUR BA'I NYON MONGS MED PA'I TING NGE 'DZIN DANG, SMON GNAS MKHYEN PA DANG, NGES TSIG MA GTOGS PA'I SO SO YANG DAG PA RIG PA GSUM DANG, DE LAS GZHAN PA'I BSAM GTAN GYI RAB MTHA' NYID DANG DRUG DANG YOD PA'I PHYIR, BSAM GTAN GYI RAB MTHA' 'DI NI BSAM GTAN BZHI PA NYID NA YOD KYANG BZHI PA THAMS CAD NI RAB MTHA' MIN TE, BSAM GTAN BZHI PA'I DNGOS GZHI RAB TU PHYIN PA ZHIG LA NI DER 'JOG PA'I PHYIR TE, RAB MTHA' DE NI SA DGU KUN GYIS MTHUN PAR BYAS SHING 'PHEL BAS RAB TU PHYIN PA ZHIG LA 'JOG PA YIN PA'I PHYIR, DER THAL, RAB MTHA' LA SNYOMS PAR 'JUG NUS NA NI, 'DOD PA NAS SRID RTZE'I @193A *, ,BAR DANG, DE NAS SLAR YANG 'DOD SEMS KYI BAR THAMS CAD LA DGA' DGUR SNYOMS PAR 'JUG NUS PA'I PHYIR, BSHAD MA THAG PA'I YON TAN DE DAG CHOS CAN, SANGS RGYAS LAS GZHAN PA'I GANG ZAG LA NI SBYOR BA'I STOBS KYIS SKYES PA YIN TE, 'BAD CING BSGRUBS NAS SKYES PA'I PHYIR, SANGS RGYAS NI DE LTAR MIN TE, SBYOR BA MED PAR LHUN GRUB TU THOB PA'I PHYIR, GNYIS PA SO SKYE DANG THUN MONG BA'I YON TAN BSHAD PA LA, MNGON SHES KYI DBYE BA, NGO BO, CHOS KYI KHYAD PAR DANG GSUM, DANG PO NI, RDZU 'PHRUL RNA BA YID DANG NI, ,SNGON TSE 'CHI 'PHO SKYE BA DANG, ,ZAD SHES MNGON DU BYA BA YI, ,MNGON SHES RNAM DRUG CES BYUNG, MNGON SHES CHOS CAN, KHYOD LA RNAM PA DRUG YOD DE, RDZU 'PHRUL GYI MNGON SHES DANG, LHA'I RNA BA'I DANG, GZHAN GYI YID DE SEMS SHES PA'I DANG, SNGON GYI TSE RABS SAM GNAS RJES SU DRAN PA'I DANG, 'CHI 'PHO BA DANG SKYE BA RJES SU DRAN PA DANG, ZAG PA ZAD PA SHES PA MNGON DU BYA BA YI MNGON SHES DANG DRUG YOD PA'I PHYIR, DE DAG GI KHYAD PAR YOD DE, RIM PA BZHIN DU SPRUL PA GCIG NANG DU MAR SPRUL SHES PA DANG, SGRA PHRA RAGS DU MA THOS PA DANG, PHA ROL GYI SEMS KYI KHYAD PAR CI RIGS SHES PA DANG, RANG GZHAN GYI SKYE BA SNGON MA DU MA DRAN PA DANG, 'CHI 'PHO BA DANG GANG DU SKYE BA SHES PA DANG, MA RIG PA'I ZAG PA ZAD PA LA DER SHES PA'I TING NGE 'DZIN SHES RAB DANG BCAS PA ZHIG LA 'JOG PA'I PHYIR, GNYIS PA NI, RNAM GROL BLO, ,BZHI NI KUN RDZOB SHES PA STE, ,SEMS LA SHES PA LNGA YIN NO, ,ZAD PA'I MNGON SHES STOBS BZHIN NO, ,ZHES BYUNG, DE DRUG CHOS CAN, NGO BO YOD DE, RNAM PAR GROL PA YAN CHAD KYIS BSDUS PA'I BLO'I RANG BZHIN YIN PA'I PHYIR DANG, MNGON SHES GSUM PA DANG DRUG PA MA GTOGS PA'I GZHAN BZHI NI KUN RDZOB SHES PA DANG, GZHAN SEMS SHES PA'I MNGON SHES NI CHOS SHES RJES SHES LAM SHES KUN RDZOB SHES PA SEMS SHES DANG LNGAS BSDUS PA YIN LA, ZAG PA ZAD @193B PA'I MNGON SHES NI STOBS BZHIN DU DRUG GAM BCUS BSDUS PA YIN PA'I PHYIR, GSUM PA LA, KHYAD PAR GYI CHOS SPYIR BSTAN PA DANG, MNGON SHES LNGA SO SOR BSHAD PA GNYIS, DANG PO LA, SA'I KHYAD PAR, DRAN PA NYER GZHAG GI KHYAD PAR, NGO BO'I KHYAD PAR, RIG PA'I KHYAD PAR, CHO 'PHRUL GSUM GYI KHYAD PAR DANG LNGA, DANG PO NI, LNGA NI BSAM GTAN BZHI DAG NA, ,RANG DANG 'OG MA'I YUL CAN YIN, ,THOB BYA 'DRIS PAS CHAGS BRAL BAS, ,ZHES BYUNG, MNGON SHES DANG PO LNGA PO CHOS CAN, SA GANG DU YOD PA'I KHYAD PAR YOD DE, BSAM GTAN GYI DNGOS GZHI BZHI DAG NA YOD CING GZUGS MED NA YOD PA MA YIN PA'I PHYIR, DE LNGA CHOS CAN, RANG SA DANG 'OG SA'I SPYOD YUL CAN YIN TE, RDZU 'PHRUL GYI DES RANG SA DANG 'OG SA'I DE SPRUL NUS KYI GONG SAS BSDUS PA DE MI NUS LA, RNA BA'I DES KYANG RANG SA DANG 'OG SA'I SGRA THOS KYI GONG MA MIN, DE BZHIN DU GZHAN GSUM GYIS KYANG RANG SA DANG 'OG SA'I MIN PAR GONG SAS BSDUS PA MI SHES PA'I PHYIR, DER THAL, SHIN TU MTHO BA MA GTOGS, GZHAN RNAMS KYIS RANG STOBS LAS GONG MA MNGON DU SHES MI NUS PA'I PHYIR, DE CHOS CAN, KHYOD THOB TSUL LA GNYIS YOD DE, SNGON TSE RABS GZHAN DU MA 'DRIS PAS SBYOR BAS THOB PAR BYA BA YIN LA, 'DRIS PAS NI CHAGS PA DANG BRAL BA LAS THOB PAR 'GYUR BA'I PHYIR, GNYIS PA NI, GSUM PA DRAN PA NYER GZHAG GSUM, ,DANG PO RNA BA RDZU 'PHRUL MIG ,CES BYUNG, MNGON SHES DRUG CHOS CAN, DRAN PA NYER GZHAG GANG DANG LDAN TSUL YOD DE, GSUM PA GZHAN SEMS SHES NI SEMS TSOR CHOS DRAN NYE GSUM GYIS BSDUS, RNA BA RDZU 'PHRUL MIG GI MNGON SHES GSUM NI DRAN NYE DANG PO LUS DRAN NYES BSDUS, MNGON SHES GZHAN DRAN PA NYER GZHAG BZHI'I RANG BZHIN CAN YIN PA'I PHYIR, GSUM PA NI, MIG DANG RNA BA'I MNGON SHES NI, ,LUNG MA BSTAN DANG LHAG RNAMS DGE ,ZHES BYUNG, LUGS 'DIR MNGON SHES DRUG PO CHOS CAN, KHYOD LA DGE SOGS GSUM GANG RUNG YIN MIN GYI KHYAD PAR YOD DE, MIG DANG RNA BA'I MNGON SHES NI @194A *, ,LUNG MA BSTAN YIN LA, LHAG MA RNAMS DGE BA YIN PA'I PHYIR, BZHI PA NI, GSUM NI RIG PA SNGON MTHA' SOGS, ,MA RIG PA NI BZLOG PHYIR RO, ,MI SLOB THA MA GNYIS NI DE'I, ,RGYUD LA SKYE PHYIR DE ZHES BYA, ,SLOB LA 'DOD DO MA RIG DANG, ,BCAS RGYUD PHYIR NA RIG MA BSHAD, ,CES BYUNG, MI SLOB PA'I RIG PA CHOS CAN, KHYOD LA GSUM YOD DE, MI SLOB PA'I RGYUD KYI SNGON GNAS SHES PA DANG, 'CHI 'PHO BA DANG SKYE BA SHES PA DANG, ZAG PA ZAD PA SHES PA GSUMM LA RIG PA GSUM ZHES BSHAD PA DE YIN PA'I PHYIR, RIG PA LA DE GSUM DU 'JOG PA'I RGYU MTSAN YOD DE, SNGON MTHA' DANG SOGS PAS PHI MA'I MTHA' DANG BAR LA RMONGS PA'I MA RIG PA NI BZLOG PAR BYA BA'I CHED YIN PA'I PHYIR, DER THAL, MNGON SHES GSUM PO RIM PA LTAR GYIS DE GSUM RNAM PAR ZLOG PAR BYED PA'I PHYIR RO, ,MI SLOB PA'I RGYUD KYI THA MA ZAG ZAD SHES PA'I MNGON SHES NYID MI SLOB PA YIN GYI, GZHAN GNYIS NI SLOB MI SLOB GANG RUNG YIN YANG DE GNYIS LA'ANG MI SLOB PA ZHES BYA BAR BRJOD PA MI 'GAL TE, DE GNYIS GANG ZAG DE'I RGYUD LA SKYES PA'I PHYIR NA DE SKAD DU BRJOD PA'I PHYIR, SNGON GNAS RJES DRAN DANG 'CHI 'PHO SHES PA'I MNGON SHES GNYIS NI SLOB PA LA'ANG YOD PAR 'DOD MOD, 'ON KYANG DE GNYIS SKABS 'DIR RIG PA GSUM GYI GRANGS SU MA BSHAD DE, SLOB PA NI MA RIG PA DANG BCAS PA'I RGYUD YIN PA'I PHYIR, DER THAL, 'DIR RIG PA NI MA RIG PA LAS GROL BA'I LDOG CHA NAS BSHAD DGOS PA'I PHYIR, LNGA PA NI, DANG PO GSUM PA DRUG PA NI, ,CHO 'PHRUL RNAMS YIN BSTAN PA MCHOG ,MI 'KHRUL PHYIR DANG PHAN PA DANG, ,YID 'ONG 'BRAS LA SBYOR BYED PHYIR, ,ZHES BYUNG, CHO 'PHRUL DE CHOS CAN, KHYOD LA GSUM YOD DE, RDZU 'PHRUL GYI CHO 'PHRUL SOGS GSUM YOD PA'I PHYIR, DER THAL, MNGON SHES DRUG GI DANG PO NI RDZU 'PHRUL GYI CHO 'PHRUL DANG, MNGON SHES GSUM PA GZHAN @194B SEMS SHES PA NI KUN BRJOD PA'I PHO 'PHRUL DANG, DRUG PA ZAG PA ZAD PA'I MNGON SHES NI RJES SU BSTAN PA'I CHO 'PHRUL YIN PA'I PHYIR, CHO 'PHRUL NI YID 'PHROG PAR BYED PA'I 'PHRUL BSTAN PA LAS YIN LA, CHO 'PHRUL GSUM GYI NANG NAS RJES SU BSTAN PA'I CHO 'PHRUL MCHOG YIN TE, DES GDUL BYA YANG DAG PA'I DON LA 'JUG PAR NGES PAS MI 'KHRUL LA, GZHAN GNYIS NI DE LTAR MA YIN PA'I PHYIR, DANG PO DER THAL, RJES BSTAN GYIS PHAN PA DANG YID DU 'ONG BA'I 'BRAS BU LA NYE BAR SBYOR BAR BYED PA'I PHYIR RO, ,GNYIS PA MNGON SHES SO SOR BSHAD PA LA, RDZU 'PHRUL GYI MNGON SHES, LHA'I MIG RNA BSHAD PA, SKYES THOB YIN MIN GYI KHYAD PAR BSHAD PA DANG GSUM, DANG PO LA, RDZU 'PHRUL GYI NGO BO 'BRAS BU BCAS PA, SEMS YUL DANG BCAS PA, SPRUL PA BYED TSUL ZHAR BYUNG DANG BCAS PA, RDZU 'PHRUL GYI DBYE BA DANG BZHI, DANG PO NI, RDZU 'PHRUL TING 'DZIN DE LAS NI, ,SPRUL DANG 'GRO BA STON PA LA, ,YID MGYOGS 'GRO BA GZHAN DAG LA, ,PHYIN BYED MOS PA LAS BYUNG YANG, ,ZHES BYUNG, BYE SMRA NA RE, RDZU 'PHRUL GYI NGO BO YOD DE, TING NGE 'DZIN ZHIG LA 'JOG PA'I PHYIR, SGRA DON YOD DE, 'BYOR BAR BYED PAS SAM SGRUB PAR BYED PAS DE SKAD CES BYA BA'I PHYIR, TING NGE 'DZIN DES BSGRUB PAR BYA BA GNYIS YOD DE, DE LAS BYUNG BA'I SPRUL PA DANG 'GRO BA GNYIS YOD PA'I PHYIR, 'GRO BA'I TSUL DE LA GSUM YOD DE, STON PA LA YUL THAG SHIN TU RING YANG THUGS BSKYED PA TZAM GYIS SLEB PA'I YID LTAR MGYOGS PA'I 'GRO BA YOD LA, GZHAN NYAN RANG DAG LA YUL THAG RING BA LA BYA BZHIN DU LUS RIM GYIS PHYIN PAR BYED PA DANG, RING BA LA NYE BAR MOS PA LAS BYUNG BA'I MYUR DU PHYIN PAR BYED PA YANG YOD PA'I PHYIR, GNYIS PA NI, 'DOD PAR GTOGS PA'I SPRUL PA NI, ,PHYI YI SKYE MCHED BZHI RNAM GNYIS, ,GZUGS GTOGS GNYIS SPRUL SEMS DAG GI ,DE DAG KYANG NI BCU BZHI'O, ,BSAM GTAN 'BRAS @195A *, ,GNYIS GNAS LNGA'I BAR, ,RIM BZHIN GONG MA LAS SKYES MIN, ,DE RNYED BSAM GTAN BZHI DE NI, ,DAG DANG RANG LAS DE LAS GNYIS, ,ZHES BYUNG, SPRUL PA CHOS CAN, KHYOD LA GNYIS YOD DE, 'DOD PAR GTOGS PA DANG GZUGS SU GTOGS PA'I DE GNYIS YOD PA'I PHYIR, 'DOD PAR GTOGS PA'I SPRUL PA DE NI CHOS CAN, PHYI'I SKYE MCHED YIN TE, GZUGS DRI RO REG BYA BZHI'I RANG BZHIN YIN PA'I PHYIR, PHYI'I SGRA LA SPRUL PA MED DO, DE LA RIGS 'DRA'I RGYUN MED PA'I PHYIR, , 'DOD PA'I SPRUL PA DE CHOS CAN, KHYOD LA RNAM PA GNYIS YOD DE, RANG GI LUS SENG GE SOGS SU SPRUL PA DANG, GZHAN GYI LUS DE DAG TU SPRUL PA GNYIS YOD PA'I PHYIR, 'DIR SPRUL PA PO GANG ZAG YIN KYANG GANG ZAG DANG DBANG PO SPRUL PA MIN PAR BSHAD DE, PHYI'I SKYE MCHED BZHI SPRUL PA'I PHYIR RO, ,'ON KYANG GZUGS KYI RTEN CAN GYIS SKYE MCHED GNYIS SPRUL PA YIN TE, GZUGS SU GTOGS PA'I DRI RO MED PAS GZUGS DANG REG BYA'I SKYE MCHED GNYIS SPRUL PA BYED PA'I PHYIR, MNGON SHES KYI SPRUL PA BYED PA MIN TE, DE'I 'BRAS BU SPRUL SEMS DAG GIS SPRUL PAR BYED PA'I PHYIR, SPRUL SEMS DE DAG KYANG CHOS CAN, BCU BZHI YOD DE, BSAM GTAN DANG PO'I 'BRAS BU'I SPRUL SEMS 'DOD PA DANG RANG SA'I GCIG STE GNYIS DANG, GNYIS PA LA RANG SA MAN GSUM DANG, GSUM PA LA RANG SA MAN BZHI DANG, BZHI PA LA SPRUL SEMS 'OG SA BZHI DANG RANG SA GCIG STE LNGA'I BAR RIM PA BZHIN DU YOD PA'I PHYIR, SA 'OG MA'I SPRUL SEMS CHOS CAN, SA GONG MA LAS SKYES PA MIN TE, RANG SA DANG 'OG SA KHO NAR NGES PA'I PHYIR, SPRUL SEMS DE CHOS CAN, RNYED TSUL YOD DE, BSAM GTAN GYI DNGOS GZHI BZHIN DU 'OG SA LA 'DOD CHAGS DANG BRAL BAS RNYED PA'I PHYIR, SPRUL SEMS DE NI CHOS CAN, KHYOD KHO NA LAS LDANG BAR 'GYUR BA MED DE, KHYOD NI DANG PO'I SPRUL PA LA 'JUG PA'I TSE BSAM GTAN DAG PA BA DANG @195B RGYUN GYI TSE RANG NYID DANG GNYIS LAS 'BYUNG LA, SPRUL PA LAS LDANG BA'I TSE YANG BSAM GTAN DAG PA BA DANG RANG NYID GNYIS PO DE LAS LDANG DGOS PA'I PHYIR, GSUM PA NI, RANG GI SA PAS SPRUL BAR BYED, ,SMRAR 'JUG PA NI 'OG MAS KYANG, ,STON MIN SPRUL PA PO DANG BCAS, ,BYIN GYIS BRLABS NAS GZHAN 'JUG PHYIR, ,SHI BA LA YANG BYIN BRLABS YOD, ,MI BRTAN LA MED GZHAN DAG MIN, ,DANG PO DU MAS GCIG YIN TE, ,BYANG BAR GYUR NAS BZLOG PA'O, ,BSGOMS LAS SKYES PA LUNG MA BSTAN, ,SKYES BA LAS SKYES RNAM GSUM MO, ,ZHES BYUNG, SA GZHAN GYI SPRUL SEMS CHOS CAN, DE LAS SA GZHAN GYI SPRUL PA MI BYED DE, SPRUL PA NI RANG SA'I SPRUL SEMS KYIS SPRUL PAR BYED PA'I PHYIR, BSAM GTAN GNYIS PA YAN CHAD KYI SPRUL PA CHOS CAN, KHYOD KYIS SMRAR 'JUG PA NI 'OG MA BSAM GTAN DANG PO'I SEMS KYIS BYED DE, KYANG NI DER MA ZAD 'DOD PA DANG BSAM GTAN DANG PO NI SPRUL PA SMRA BA RANG SAS BYED PAR STON PA'I PHYIR, SPRUL PA CHOS CAN, SMRA BA'I TSUL YOD DE, STON PA MA YIN PA'I SPRUL PA NI SPRUL PA PO DANG BCAS TE CIG CAR SMRA DGOS LA, STON PA'I DES NI JI LTAR BZHED PA BZHIN BYED PA'I PHYIR, 'O NA, SPRUL SEMS KYIS NGAG SMRA BAR BYED DAM MIN NA GANG GIS SMRA BAR BYED CE NA, DE NI SMRA SEMS KYIS BYED DE, DANG PO SPRUL PA GNAS PAR BYIN GYIS BRLABS TE, DE NAS 'DIS DAG 'DI LTAR SMRA BAR GYUR CIG SNYAM DU SPRUL SEMS LAS GZHAN RTOG DPYOD DANG BCAS PA'I SMRA SEMS KYIS SMRA BA LA 'JUG PA'I PHYIR, BYIN GYIS RLOB PA PO GSON PAR MA ZAD, SHI BA LA YANG BYIN GYIS BRLOBS PA YOD DE, 'OD SRUNG CHEN PO MYA NGAN LAS 'DAS PA'I RUS PA BYAMS PA 'JIG RTEN DU MA BYIN GYI BAR DU GNAS PAR BYIN GYIS BRLABS PA LTA BU YIN PA'I PHYIR, DE YANG BRTAN PA RUS PA LA YIN GYI SHA LA SOGS PA NI MIN TE, DE DAG MI BRTAN PAS MI RUNG BA'I PHYIR, SDE PA GZHAN DAG KHA CIG NI DE LTAR MIN TE, DE'I RUS PA GNAS PA NI GNAS @196A *, ,GTZANG GI LHA'I MTHU YIN PA'I PHYIR ZER, 'O NA, SPRUL SEMS DU MAS SPRUL PA GCIG BYED DAM GCIG GIS SPRUL PA DU MA BYED CE NA, GNYIS KA LA BYED PA YOD DE, DANG PO NI SPRUL SEMS DU MAS SPRUL PA GCIG BYED PA YIN LA; PHYIS BYANG BAR GYUR NAS DE LAS BZLOG PA SPRUL SEMS GCIG GIS KYANG SPRUL PA DU MA BYED NUS PA'I PHYIR, SPRUL SEMS LA LUNG MA BSTAN MANG YANG DE KHO NAR MA NGES TE, BSGOMS PA LAS SKYES PA'I SPRUL SEMS NI LUNG MA BSTAN DU GNAS GNYIS PAR BSHAD ZIN PA NI 'DI LTA BU'I DBANG DU BYAS LA, LHA KLU LA SOGS PAS SKYE BA'I STOBS LAS SKYES PA'I SPRUL SEMS LA NI DGE MI DGE LUNG MA BSTAN RNAM PA GSUM YOD PA'I PHYIR, BZHI PA RDZU 'PHRUL GYI DBYE BA NI, RDZU 'PHRUL GSANG SNGAGS SMAN DAG DANG, ,LAS LAS SKYES DANG RNAM PA LNGA, ,ZHES BYUNG, RDZU 'PHRUL CHOS CAN, KHYOD LA RNAM PA LNGA YOD DE, BSGOMS BYUNG DANG SKYES THOB DANG, GSANG SNGAGS LAS SKYES PA DANG, SMAN 'GA' ZHIG RKANG LAG LA BSKUS PA LAS SKYES PA DAG DANG, LAS LAS SKYES PA BAR SRID PA'I RDZU 'PHRUL LTA BU DANG LNGA YOD PA'I PHYIR, GNYIS PA NI, LHA YI MIG DANG RNA BA YIN, ,BSAM GTAN SA PA'I GZUGS DVANG BA, ,RTAG TU RTEN BCAS MA TSANG MED, ,THAG RING PHRA SOGS SPYOD YUL CAN, ,DGRA BCOM BSE RU STON RNAMS KYIS, ,STONG GNYIS GSUM DANG GRANGS MED MTHONG, ZHES BYUNG, LHA'I MIG DANG RNA BA CHOS CAN, BZHAG TU YOD DE, BSAM GTAN GYI SAS BSDUS PA'I NANG GI GZUGS DANG BA ZHIG YIN PA'I PHYIR, BSGOMS BYUNG GI LHA'I MIG RNA GNYIS CHOS CAN, NGO BO'I KHYAD YOD DE, RTAG TU RNAM SHES KYI RTEN BCAS DANG, LONG BA LTA BU'I DBANG PO MA TSANG BA MED PA DANG, THAG RING BA'I GZUGS SGRA PHRA BA SOGS MTHONG BA'I SPYOD YUL CAN YIN PA'I PHYIR, NYAN THOS DGRA BCOM PA DANG BSE RU LTA BU'I RANG RGYAL DGRA BCOM DANG STON PA RNAMS KYI LHA'I MIG GIS CI TZAM MTHONG BA'I TSAD YOD DE, NYAN THOS KYI LHA'I @196B MIG GIS STONG GNYIS DANG, RANG SANGS RGYAS KYI DES STONG GSUM DANG, SANGS RGYAS KYI DES STONG GSUM GRANGS MED PA DAG MTHONG BA'I PHYIR, GSUM PA NI, GZHAN YANG SKYE BAS THOB DES NI, ,SRID PA BAR MA MI MTHONG NGO, ,SEMS SHES DE NI RNAM GSUM GANG, ,RTOG DANG RIG SNGAGS KYIS BYAS PA'ANG, ,DMYAL BA BAS NI DANG PO SHES, ,MI LA SKYE BAS THOB PA MED, ,CES BYUNG, GZHAN YANG SKYE BAS THOB PA'I LHA'I MIG DE CHOS CAN, KHYOD KYIS SRID PA BAR MA MI MTHONG STE, DE NI SKYES THOB KYI MIG GI YUL DU MI 'GYUR BA'I PHYIR, GZHAN SEMS SHES PA DE CHOS CAN, KHYOD LA RNAM PA GSUM YOD DE, GANG NA DGE SOGS GSUM YOD CING, SKYE BAS THOB PA DANG, RTOG GAS BYAS PA DANG, RIG SNGAGS KYIS BYAS PA'ANG YOD PA'I PHYIR, GZHAN YANG YOD DE, DMYAL BA BAS NI DANG PO GZHAN GYI SEMS SHES PA YOD KYANG, PHYI MA MI SHES LA, MI LA NI SKYE BAS THOB PA'I MNGON SHES MED PA'I PHYIR, 'ON KYANG MI RANG BZHIN PA LA SKYE BA DRAN PA NI YOD DO, ,GNAS BDUN PA'I TSIG DON BSHAD ZIN TO,, ` ,,CHOS MNGON PA MDZOD KYI GNAS BRGYAD PA'I TSIG 'GREL BZHUGS SO, , GNYIS PA SNYOMS 'JUG GI YON TAN GTAN LA DBAB PA LA, SNYOMS 'JUG GI RANG BZHIN, DE'I KHYAD CHOS, TING NGE 'DZIN GSUM GYI DBYE BA, DE LA BRTEN PA'I YON TAN BSHAD PA DANG BZHI, DANG PO LA, SNYOMS 'JUG GNYIS SO SOR BSHAD PA, THUN MONG DU BSHAD PA, BSAM GTAN GYI YAN LAG BYE BRAG TU BSHAD PA DANG GSUM, DANG PO LA, BSAM GTAN DANG GZUGS MED KYI SNYOMS 'JUG BSHAD PA GNYIS, DANG PO LA, DBYE BA SPYIR BSTAN PA DANG, SNYOMS 'JUG BYE BRAG TU BSHAD PA GNYIS, DANG PO NI, BSAM GTAN DAG NI RNAM GNYIS BZHI, ,DER SKYE BA DAG RAB TU BSHAD, ,CES BYUNG, 'DI LA, TSIG DON, SPYI DON, MTHA' DPYAD PA DANG GSUM, DANG PO NI, BSAM GTAN DAG NI CHOS CAN, RNAM PA GNYIS YOD DE, RGYU SNYOMS 'JUG GI BSAM GTAN DANG, 'BRAS BU SKYE BA'I BSAM GTAN @197A *, ,GNYIS YOD PA'I PHYIR, DE GNYIS RE RE LA'ANG BZHI BZHI YOD DE, RANG RANG GI BSAM GTAN DANG PO NAS BZHI PA'I BAR YOD PA'I PHYIR, DER SKYE BA'I BSAM GTAN DAG NI 'DIR RGYAS PAR MI 'CHAD DE, RGYU SNYOMS 'JUG GI BSAM GTAN CHUNG 'BRING CHE GSUM GYIS 'BRAS BU SKYE BA'I BSAM GTAN BZHI LA GNAS GSUM GSUM DANG, GNAG GTZANG DU SKYE BA'I RGYU SPEL SGOM DANG GNAS LNGA PO NI SNGAR RAB TU BSHAD ZIN PA'I PHYIR, GNYIS PA LA, MTSAN NYID, DBYE BA, SGRA DON, SA MTSAMS DANG BZHI, DANG PO YOD DE, BSAM GTAN GYI SAS BSDUS PA'I SGO NAS ZHI GNAS SU RTZE GCIG PA DE, BSAM GTAN GYI SNYOMS 'JUG GI MTSAN NYID YIN PA'I PHYIR, GNYIS PA DE LA DBYE NA GNYIS YOD DE, DER GYUR PA'I NYER BSDOGS DANG DNGOS GZHI GNYIS YOD PA'I PHYIR, DANG PO LA BZHI YOD DE, DANG PO'I NYER BSDOGS SOGS BZHI YOD PA'I PHYIR, DANG PO'I NYER BSDOGS LA GNYIS YOD DE, ZHI GNAS SKABS KYI NYER BSDOGS DANG LHAG MTHONG SKABS KYI NYER BSDOGS GNYIS YOD PA'I PHYIR, PHYI MA LA DRUG YOD DE, MTSAN NYID SO SO RIG PA DANG, MOS PA YID BYED DANG, RAB TU DBEN PA YID BYED, DGA' BA SDUD PA'I YID BYED, DPYOD PA YID BYED, SBYOR BA MTHA'I YID BYED DANG DRUG YOD PA'I PHYIR, YID BYED BDUN PA SBYOR MTHA'I 'BRAS BU YID BYED NI NYER BSDOGS MIN TE, BSAM GTAN GYI DNGOS GZHI YIN PA'I PHYIR, YANG NGO BO'I SGO NAS GNYIS YOD DE, DAG PA DANG NYAMS PA CHA MTHUN GNYIS YOD CING, YANG GNAS PA CHA MTHUN, KHYAD PAR CHA MTHUN, NGES 'BYED CHA MTHUN SOGS KYANG YOD PA'I PHYIR, GSUM PA SGRA DON YOD DE, 'DIS SEMS PAR BYED PAS NA BSAM GTAN ZHES BYA BA'I PHYIR, BZHI PA SA MTSAMS YOD DE, BSAM GTAN DANG PO'I NYER BSDOGS THOB PA NAS YOD PA'I PHYIR, GSUM PA MTHA' DPYAD PA LA, KHA CIG ,RGYU SNYOMS 'JUG GI BSAM GTAN DANG 'BRAS BU SKYE BA'I BSAM GTAN GANG RUNG YIN NA, BSAM GTAN YIN PAS KHYAB @197B ZER NA, BSAM GTAN DANG PO BA'I GZUGS PHUNG CHOS CAN, DER THAL, DE'I PHYIR, DER THAL, RGYU SNYOMS 'JUG GI BSAM GTAN GYI DBANG GIS DER SKYES PA'I GANG ZAG GI PHUNG PO LNGA PO DE YIN PA'I PHYIR, 'DOD MI NUS TE, GZUGS YIN PA'I PHYIR, KHA CIG ,DE GANG RUNG YIN NA, SNYOMS 'JUG MA YIN PAS KHYAB ZER NA, BSAM GTAN BZHI KA'I SO SKYE'I RGYUD KYI SKYES STOBS KYIS THOB PA'I SNYOMS 'JUG DAG PA BA CHOS CAN, DER THAL, DE'I PHYIR, DER THAL, 'BRAS BU SKYE BA'I DE YIN PA'I PHYIR, KHA CIG ,RGYU SNYOMS 'JUG YIN NA; SHES PA YIN PAS KHYAB ZER NA, DE MI 'THAD PAR THAL, RGYU SNYOMS 'JUG DE NGO BO RJES 'BRANG DANG BCAS NA PHUNG PO LNGA PA CAN YIN PA'I PHYIR, KHA CIG ,SNYOMS 'JUG NYON MONGS CAN DE SNYOMS 'JUG YIN ZER NA, DE MI 'THAD PAR THAL, DE DGE BA MA YIN PA'I PHYIR, DER THAL, DE NI NYON MONGS CAN LA SNYOMS 'JUG GI SGRAS BRJOD PA TZAM YIN PA'I PHYIR, KHA CIG ,'DOD PA'I SAS BSDUS PA'I BSAM GZUGS MED PA LTAR 'DOD KHAMS PA'I RGYUD LA'ANG DE DAG MED ZER NA, DE MI 'THAD PAR THAL, 'DOD PA'I MI'I RGYUD LA BSAM GZUGS BRGYAD YOD PA'I PHYIR, DER THAL, DE YOD KYANG DE 'DOD PA'I SAS BSDUS PA MA YIN PA'I KHYAD PAR 'THAD PA'I PHYIR, GNYIS PA NI, SNYOMS 'JUG DGE BA RTZE GCIG PA, ,RJES 'BRANG BCAS NA PHUNG PO LNGA, ,DPYOD DANG DGA' DANG BDE DANG LDAN, ,YAN LAG SNGA MA SPANGS PA YI, ,ZHES BYUNG, BSAM GTAN GYI DNGOS GZHI'I SNYOMS 'JUG CHOS CAN, KHYOD KYI NGO BO BZHAG TU YOD DE, YAN LAG GI SGO NAS 'OG SA LA CHAGS BRAL BYAS PA'I DGE SEMS RTZE GCIG PA DE DE YIN PA'I PHYIR, PHUNG PO LNGA DANG BCAS TE, RJES 'BRANG DANG BCAS NA PHUNG PO LNGA PA CAN YIN PA'I PHYIR, BSAM GTAN DANG PO'I DNGOS GZHI'I SNYOMS 'JUG CHOS CAN, KHYOD KYI NGO BO YOD DE, RTOG DPYOD DANG DGA' BA DANG BDE BA DANG DGE SEMS RTZE GCIG PA DANG LDAN PA'I BSAM GTAN GYI DNGOS GZHI'I SNYOMS 'JUG DE DE @198A *, ,YIN PA'I PHYIR, BSAM GTAN GNYIS PA NAS BZHI PA'I BAR GYI SNYOMS 'JUG CHOS CAN, NGO BO'I KHYAD PAR YOD DE, YAN LAG SNGA MA SNGA MA SPANGS PA'I SGO NAS 'JOG PA'I PHYIR TE, RIM PA BZHIN DU DPYOD PA DANG BRAL BA'I SGO NAS DANG, DPYOD PA DANG DGA' BA GNYIS DANG BRAL BA DANG, DPYOD DGA' BDE BA GSUM DANG BRAL BA'I SGO NAS BZHAG PA'I SNYOMS 'JUG GSUM NI BSAM GTAN GNYIS PA DANG GSUM PA DANG BZHI PA'I NGO BOR 'JOG PA'I PHYIR, GNYIS PA LA, DBYE BA; THOB TSUL, DMIGS PA'I KHYAD PAR, SO SO'I NGO BO DANG BZHI, DANG PO NI, DE BZHIN GZUGS MED PHUNG PO BZHI, ,ZHES BYUNG, GZUGS MED KYI SNYOMS 'JUG CHOS CAN, KHYOD LA GNYIS YOD DE, BSAM GTAN DE BZHIN DU RGYU SNYOMS 'JUG GI GZUGS MED DANG 'BRAS BU SKYE BA'I GZUGS MED GNYIS YOD PA'I PHYIR, DE RE RE LA'ANG BZHI BZHI YOD DE, NAM MKHA' MTHA' YAS, RNAM SHES MTHA' YAS, CI YANG MED, 'DU SHES MED MIN GYI BAR BZHI BZHI YOD PA'I PHYIR, RJES 'BRANG DANG BCAS NA PHUNG PO BZHI PA CAN YIN TE, GZUGS PHUNG MA GTOGS PA BZHI DANG BCAS PA'I PHYIR, NGO BO YOD DE, DMIGS PA'I SGO NAS 'OG SA LAS 'DA' BA'I RIGS GNAS KYI SNYOMS 'JUG DE DE YIN PA'I PHYIR, GNYIS PA NI, 'OG MA'I SA LAS DBEN LAS SKYES, ,ZHES BYUNG, GZUGS MED KYI SNYOMS 'JUG GI DNGOS GZHI CHOS CAN, 'THOB TSUL YOD DE, RANG RANG GI 'OG MA'I SA LAS DBEN PA LAS TE CHAGS BRAL GYI NGO BOR SKYES PA'I TSUL GYIS THOB PA'I PHYIR, GSUM PA NI, NYER BSDOGS GSUM DANG BCAS PAR NI, ,GZUGS KYI 'DU SHES BSHIG CES BYA, ,GZUGS MED PA NA GZUGS MED DO, ,GZUGS NI SEMS LAS SKYES PAR 'GYUR, ,ZHES BYUNG, GZUGS MED KYI DNGOS GZHI BZHI DANG GZUGS MED PHYI MA GSUM GYI NYER BSDOGS DANG BCAS PA CHOS CAN, @198B GZUGS KYI 'DU SHES RNAM PAR BSHIG PA'AM BRAL CES BYA STE, DE'I 'DU SHES RAGS PA MI RGYU BA'I PHYIR, PHAL CHEN SDE PA SOGS 'GA' ZHIG GZUGS MED KHAMS NA GZUGS YOD PAR 'DOD KYANG, GZHI THAMS CAD YOD PAR SMRA BA'I BYE SMRA'I LUGS LA GZUGS MED KHAMS NA GZUGS MED DE, DE MED KYANG GANG ZAG MI RUNG BA NI MIN PA'I PHYIR, DER THAL, DE'I GANG ZAG NI MING BZHI'I PHUNG PO TZAM GYIS PHYE BA YIN PA'I PHYIR, 'O NA, GZUGS MED NAS KHAMS 'OG MA GNYIS SU SKYES PA'I TSE GZUGS RGYUN CHAD PAR 'GYUR SNYAM NA; DE LA BYE SMRA NA RE, SKYON MED DE, DER SKYES PA'I GZUGS DANG PO NI GZUGS MED PA'I 'CHI BA'I SEMS KYIS LHAN CIG BYED RKYEN BYAS PA LAS SKYE BA'I PHYIR, DER THAL, DE'I TSE GZUGS CAN DANG MTHUN PA'I SEMS KYI RGYUN DAG GIS LHAN CIG BYED RKYEN DANG RNAM SMIN GYI RGYU SNGAR 'GAGS PA LAS GZUGS DE SKYE BAR 'GYUR BA'I PHYIR ZER, MDO SDE PA NA RE, SKYON MED DE, GZUGS DANG PO DE NI GZUGS KYI RNAM SMIN GYI RGYUS BSGOM PAS SEMS KYI 'JUG PA RANG RGYUD LA RNYED PA DE LAS SKYE BA'I PHYIR ZER, SLOB DPON SOGS SHING RTA CHEN PO GZHAN DAG NA RE, SKYON MED DE, GZUGS DANG PO DE RANG NYID BSKYED PA'I BAG CHAGS LAS BYUNG BAS, BAG CHAGS DE GZUGS DE'I NYER LEN DU 'DOD PA'I PHYIR, DE GZUGS MED NA'ANG YOD DE, DE LDAN MIN 'DU BYED YIN PA'I PHYIR TE, DE LTAR THAR LAM GSAL BYED DANG SDE BDUN DKA' 'GREL LAS KYANG BSHAD PA'I PHYIR, BZHI PA DMIGS RNAM NI, RNAM SHES MTHA' YAS MKHA' MTHA' YAS, ,CI YANG MED CES BYA DE LTAR, ,SBYOR PHYIR DMAN PHYIR 'DU SHES MED, ,'DU SHES MED PA'ANG MA YIN PA'O, ,ZHES BYUNG, NAM MKHA' MTHA' YAS SOGS BZHIR BRJOD PA'I RGYU MTSAN CI ZHE NA, YOD DE, SBYOR BA'I DUS SU RNAM SHES MTHA' YAS SO SNYAM PA DANG, NAM MKHA' MTHA' YAS SO SNYAM PA DANG, CI YANG MED DO ZHES BYA BAR DE LTAR YID LA BYED CING DE DAG LA RAB TU SBYOR BA'I PHYIR NA RNAM SHES MTHA' @199A *, ,YAS SOGS SU RIM PA BZHIN DU BRJOD PA'I PHYIR, 'DU SHES MED 'DU SHES MED PA'ANG MIN PA'I SNYOMS 'JUG CHOS CAN, KHYOD KYI SGRA DON YOD DE, SBYOR BA'I DUS SU 'DU SHES NI NAD DO 'BRAS SO ZUG RDU'O SNYAM DU 'DU SHES DMAN PA'I PHYIR DANG DNGOS GZHI'I TSE 'DU SHES RAGS PA YOD PA YANG MIN LA PHRA BA MED PA MIN NO SNYAM PA'I SNYOMS 'JUG YIN PAS DE LTAR 'JOG PA'I PHYIR, GNYIS PA THUN MONG DU BSHAD PA NI, DE LTAR SNYOMS 'JUG DNGOS GZHI'I RDZAS, ,RNAM PA BRGYAD BDUN RNAM PA GSUM, ,RO MYANG LDAN DANG DAG PA BA, ,ZAG MED BRGYAD PA RNAM PA GNYIS, ,RO MYANG MTSUNGS LDAN SRED BCAS SO, ,'JIG RTEN PA YI DGE BA NI, ,DAG PA DE NI DES MYANG BYA, ,ZAG MED 'JIG RTEN 'DAS PA'O, ,ZHES BYUNG, DE LTAR SNYOMS 'JUG DNGOS GZHI'I RDZAS CHOS CAN, RNAM PA BRGYAD DU 'DOD DE, BSAM GTAN DANG GZUGS MED KYI DNGOS GZHI BZHI YOD PA'I PHYIR, SRID RTZE MA GTOGS BDUN PO CHOS CAN, RNAM PA GSUM GSUM YOD DE, RO MYANG LDAN DANG DAG PA BA DANG ZAG MED GSUM RE YOD PA'I PHYIR, BRGYAD PA SRID RTZE CHOS CAN, RNAM PA GNYIS YOD DE, RO MYANG DANG MTSUNGS LDAN DANG DAG PA BA GNYIS YOD PA'I PHYIR, BSAM GTAN GYI SNYOMS 'JUG NYON MONGS CAN CHOS CAN, NGO BO'I KHYAD PAR YOD DE, SNYOMS 'JUG DAG PA BA'I RDZAS RO MYANG GI SRED PA SOGS GANG RUNG DANG BCAS PA ZHIG DE YIN PA'I PHYIR, DAG PA BA DE CHOS CAN, NGO BO YOD DE, 'JIG RTEN PA'I DGE BAS BSDUS PA'I SNYOMS 'JUG ZHIG LA 'JOG PA'I PHYIR, DAG PA BA DE NI CHOS CAN, KHYOD SNYOMS 'JUG NYON MONGS CAN DES MYANG BAR BYA BA YIN TE, DE KHYOD LA ZHEN NAS NYON MONGS CAN DU SKYES PA'I PHYIR, BSAM GTAN GYI DNGOS GZHI ZAG MED CHOS CAN, KHYOD KYI NGO BO 'JOG TSUL YOD DE, 'JIG RTEN LAS 'DAS PA'I SNYOMS 'JUG ZAG MED ZHIG LA 'JOG PA'I @199B PHYIR, GSUM PA YAN LAG BYE BRAG TU BSHAD PA LA, DBYE BA DANG BSDU BA DANG NYON MONGS CAN YAN LAG LDAN TSUL DANG ZHAR BYUNG BSHAD PA DANG BZHI, DANG PO NI, DANG PO LA LNGA RTOG DPYOD DANG, ,DGA' DANG BDE BA TING 'DZIN RNAMS, ,GNYIS PA LA NI YAN LAG BZHI, ,RAB DANG DANG NI DGA' LA SOGS, ,GSUM PA LA LNGA BTANG SNYOMS DANG, ,DRAN DANG SHES BZHIN BDE DANG GNAS, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,ZHES BYUNG, BSAM GTAN DANG PO CHOS CAN, KHYOD LA LNGA YOD DE; RTOG DPYOD GNYEN PO'I YAN LAG DANG, DGA' BA DANG BDE BA PHAN YON GYI YAN LAG ,TING NGE 'DZIN GNAS KYI YAN LAG RNAMS SU YOD PA'I PHYIR, BSAM GTAN GNYIS PA CHOS CAN, KHYOD LA YAN LAG BZHI YOD DE, NANG RAB TU DANG BA GNYEN PO'I DANG, DGA' BA DANG SOGS KYIS BDE BA PHAN YON GYI DANG, RTZE GCIG PA GNAS KYI YAN LAG RNAMS YOD PA'I PHYIR, BSAM GTAN GSUM PA CHOS CAN, KHYOD LA YAN LAG LNGA YOD DE, BTANG SNYOMS DANG DRAN PA DANG SHES BZHIN GNYEN PO'I DANG, BDE BA PHAN YON GYI DANG, TING NGE 'DZIN GNAS KYI YAN LAG RNAMS YOD PA'I PHYIR, BSAM GTAN GYI MTHA' BZHI PA CHOS CAN, KHYOD NA YAN LAG BZHI YOD DE, DRAN PA DANG BTANG SNYOMS GNYEN PO'I DANG, BDE MIN SDUG BSNGAL YANG MIN PA'I TSOR BA PHAN YON GYI DANG, TING NGE 'DZIN GNAS KYI YAN LAG RNAMS DANG LDAN PA'I PHYIR, DE DAG GI BYED LAS YOD DE, BSAM GTAN DANG PO'I YAN LAG RTOG DPYOD GNYIS KYIS 'DOD PA'I SKYON DANG BSAM GTAN GYI YON TAN 'TSOL, PHAN YON LA DGA' BA DE 'BYUNG, DE DAG GI RTEN TING NGE 'DZIN GYIS BYED PA, GNYIS PA'I YAN LAG NAD RAB TU DANG BAS RTOG DPYOD LA SKYON DU LTA ZHING, GZHAN SNGAR LTAR DANG, GSUM PA'I YAN LAG 'DU BYED BTANG SNYOMS KYIS DGA' BA LA YID MI GTONG, DRAN PAS RGYU MTSAN MI BRJOD, SHES BZHIN GYIS SRUNG BAR BYED PAS DGA' BA SPONG, @200A *, ,GZHAN SNGAR LTAR DANG, BZHI PA'I YAN LAG DRAN PA DANG BTANG SNYOMS KYIS BSAM GTAN GYI BDE BA SPONG ZHING, GZHAN SNGAR LTAR 'DRA BA'I PHYIR, YAN LAG BCO BRGYAD PO DE DAG CHOS CAN, KHYOD LA YAN LAG CES BRJOD PA'I RGYU MTSAN YOD DE, MTSON PAR BYED PA DANG RJES SU MTHUN PA DANG TSOGS PAS NA DE SKAD CES BRJOD PA'I PHYIR, GNYIS PA LA, DNGOS DANG, DOGS GCOD GNYIS, DANG PO NI, RDZAS SU BCU GCIG ,CES BYUNG, BSAM GTAN GYI YAN LAG CHOS CAN, KHYOD LA MING GI SGO NAS BCO BRGYAD YOD KYANG RDZAS SU BCU GCIG YIN TE, DANG PO'I LNGA DANG GNYIS PA'I NANG RAB TU DANG BA DANG GSUM PA'I BTANG SNYOMS DRAN PA SHES BZHIN BZHI DANG BZHI PA'I BTANG SNYOMS RNAMS SU 'DU BA'I PHYIR, GNYIS PA DOGS GCOD NI; DANG PO NI, ,SHIN TU SBYANGS PA BDE BA YIN, ,RAB TU DANG BA DAD PA YIN, ,LUNG RNAM GNYIS PHYIR YID DGA' BDE, ,ZHES BYUNG, DE LA KHO NA RE, BSAM GTAN GSUM PA'I BDE BA DE DANG PO GNYIS KYI BDE BA LAS RDZAS GZHAN JI LTAR YIN ZHE NA, BYE SMRA NA RE, DE LAS RDZAS GZHAN YIN TE, BSAM GTAN DANG PO GNYIS NA SHIN TU SBYANGS PA'I BDE BA YIN GYI TSOR BDE MA YIN PA'I PHYIR, GNYIS PA'I NANG RAB TU DANG BA YOD DE, BSAM GTAN LA YID CHES PA'I DAD PA ZHIG LA 'JOG PA'I PHYIR, BSAM GTAN GSUM PA'I BDE BA NI YID BDE YIN LA, DGA' BA NI YID BDE LAS GZHAN PA'I TSOR BAR 'DOD PA NI MI 'THAD DE, BSAM GTAN GYI YAN LAG STON PA'I BCOM LDAN 'DAS KYI LUNG RNAM PA GNYIS DANG 'GAL BAR 'GYUR BA'I PHYIR, GSUM PA NI, NYON MONGS CAN LA DGA' BDE DANG, ,RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, ,KHA CIG SHIN TU SBYANGS BTANG SNYOMS, ,ZHES BYUNG, NYON MONGS CAN GYI BSAM GTAN BZHI CHOS CAN, KHYOD LA YAN LAG GANG MED PA'I TSUL YOD DE, KHYOD @200B KYI DANG PO LA DGA' BDE MED, GNYIS PA LA NANG RAB TU DANG BA MED, GSUM PA LA SHES BZHIN DANG DRAN PA MED, BZHI PA LA BTANG SNYOMS DANG DRAN PA DAG PA BA MED PA'I PHYIR, KHA CIG ,DE'I DANG PO GNYIS NA SHIN TU SBYANGS PA MED CING GZHAN GNYIS NA BTANG SNYOMS MED DE, DE GNYIS DGE BA'I SA MANG PO BA YIN PA'I PHYIR ZER, BZHI PA LA, BSAM GTAN BZHI PA MI G-YO BA'I RGYU MTSAN DANG, 'BRAS BU SKYE BAS THOB PA'I BSAM GTAN LA TSOR BA'I LDAN TSUL, BSAM GTAN GNYIS PAR 'OG MA'I SEMS MNGON DU BYED TSUL GSUM, DANG PO NI, SKYON BRGYAD LAS NI GROL BA'I PHYIR, ,BZHI PA G-YO BA MED PA YIN, ,RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,ZHES BYUNG, BSAM GTAN BZHI PA'I DNGOS GZHI CHOS CAN, KHYOD LA G-YO BA MED PA YIN TE, BSAM GTAN G-YO BYED KYI SKYON BRGYAD LAS NI GROL BA'I PHYIR, G-YO BYED KYI SKYON BRGYAD YOD DE, DER GYUR PA'I RTOG PA DANG DPYOD PA DANG, DBUGS 'BYUNG RDUB DAG DANG, BDE BA LA SOGS TE SDUG BSNGAL DANG YID BDE MI BDE BZHI DANG BCAS PA YIN PA'I PHYIR, G-YO TSUL YOD DE, DANG POR RTOG DPYOD KYIS SEMS G-YO, GNYIS PAR DGA' BDES SAMS YA YO POR BYED, GSUM PAR BDE BAS CHA MTHUN TZAM ZHIG MA ZHI BAR BYED PA SOGS YOD PAS G-YO LA, BZHI PA LA NI DE DAG MED PAS MI G-YO BA'I PHYIR RO; ;GNYIS PA NI, SKYE BA'I BSAM GTAN DAG NA NI, ,YID BDE BDE DANG BTANG SNYOMS DANG, ,BTANG SNYOMS YID BDE BDE BA DANG, ,BTANG SNYOMS BTANG SNYOMS TSOR BA YOD, ,CES BYUNG, 'BRAS BU SKYE BA'I BSAM GTAN CHOS CAN, KHYOD DANG PO NA TSOR BA GSUM DANG, GNYIS PA DAG NA GNYIS YOD DE, DANG PO NA YID BDE DANG TSOR BDE BTANG SNYOMS DANG GSUM YOD, GNYIS PA NA BTANG SNYOMS DANG YID BDE LA GNYIS YOD PA'I PHYIR, DE'I GSUM PA NA'ANG GNYIS YOD DE, SEMS TSOR BDE BA DANG BTANG SNYOMS @201A *, ,GNYIS YOD PA'I PHYIR, BZHI PA NA GCIG KHO NA YOD DE, BTANG SNYOMS KYI TSOR BA KHO NA YOD PA'I PHYIR, DER THAL, DE'I SAS BSDUS KYI TSOR BA GZHAN MED PA'I PHYIR, GSUM PA NI, ,GNYIS PA SOGS NA LUS MIG DANG, , RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,DE LUNG MA BSTAN NYON MONGS MIN, ,ZHES BYUNG, 'O NA 'BRAS BU SKYE BA'I BSAM GTAN GNYIS PA SOGS KYI GANG ZAG LA MIG RNA LUS KYI RNAM SHES GSUM MED DAM ZHE NA, DE'I GANG ZAG LA NI MIG SOGS GSUM YOD CING DE DAG GI RNAM SHES KYANG YOD PA YIN LA, DE'I BSAM GTAN GNYIS PA SOGS NA YOD PA'I LUS DANG MIG DANG RNA BA'I RNAM PAR SHES PA RNAMS DANG, DE DAG GI RNAM RIG GI BLO KUN SLONG RTOG DPYOD YOD PA GANG YIN PA DE NI RANG SAS MA BSDUS KYI, BSAM GTAN DANG POR GTOGS TE DE'I SAS BSDUS PA'I PHYIR, GNYIS PA SOGS KYI RNAM SHES DE RNAMS DANG KUN SLONG NI, LUNG MA BSTAN YIN TE, DGOS DBANG GIS SKYE BA TZAM YIN PAS DGE BA MIN LA, SA 'OG MAR CHAGS BRAL BYAS PAS NYON MONGS CAN MIN PA'I PHYIR RO, GNYIS PA DE DAG GI KHYAD CHOS LA, THOB TSUL, THOB ZIN MNGON DU BYED TSUL, DMIGS PA'I KHYAD PAR, SPANG BYA SPONG TSUL NYER BSDOGS DANG BCAS PA BZHI, DANG PO LA, DNGOS DANG, SNYOMS 'JUG GANG GI MJUG TU SNYOMS 'JUG DU 'BYUNG LA DPYAD PA, DAG PA BA'I DBYE BA, ZHAR BYUNG THOD RGAL GYI RNAM GZHAG DANG BZHI, DANG PO NI, DE DANG MI LDAN 'DOD CHAGS BRAL, ,SKYE BA LAS NI DAG PA 'THOB, ,ZAG MED 'DOD CHAGS BRAL BA YI, ,NYON MONGS CAN NYAMS SKYE BA YIS, ,ZHES BYUNG, SNYOMS 'JUG DAG PA BA DANG ZAG MED DANG NYON MONGS CAN GSUM CHOS CAN, 'THOB TSUL YOD DE, KHYOD LAS DAG PA BA NI SNGAR DAG PA BA DE DANG MI LDAN NA 'DOD CHAGS DANG BRAL BA'I LAM GYIS THOB LA, LDAN @201B PA NI SRID RTZE MA GTOGS GONG SA NAS 'OG MAR SKYE BA LAS NI THOB CING, ZAG MED KYANG DE DANG MI LDAN PA NI 'DOD CHAGS DANG BRAL BA YI LAM GYIS THOB LA, DE DANG LDAN PA NI SAD SHES SKYES PA DANG DBANG PO 'PHO BAS KYANG THOB, SNYOMS 'JUG NYON MONGS CAN NI YONGS SU NYAMS PA DANG 'OG SAR SKYE BA YIS THOB PAR 'GYUR BA'I PHYIR, GNYIS PA NI, ZAG PA MED PA'I MJUG THOGS SU, ,LTAG 'OG GSUM PA'I BAR DGE BA, ,SKYE'O DAG PA LAS DE BZHIN, ,RANG GI SA PA'I NYON MONGS KYANG, ,NYON MONGS CAN LAS RANG DAG DANG, ,NYON MONGS 'OG MA'I DAG GCIG KYANG, ,'CHI 'PHO DAG LAS NYON MONGS KUN, ,NYON MONGS CAN LAS GONG MA YIN, ,ZHES BYUNG, SNYOMS 'JUG CHOS CAN, KHYOD GANG GI RJES SU BU ZHIG 'BYUNG PA'I TSUL YOD DE, ZAG PA MED PA'I BSAM GTAN DANG PO'I MJUG THOGS SU MTSON NA BSAM GTAN GSUM PA LAS RANG GI LTAG GONG MA DANG, DE'I 'OG MA GSUM PA NAS DANG BO'I BAR GYI DAG PA BA DANG ZAG MED SKYE LA, BSAM GTAN DAG PA BA LAS SNGA MA DE BZHIN DU RANG SA SOGS KYI DAG PA BA DANG, RANG GI SA PA'I NYON MONGS KYANG SKYE, NYON MONGS CAN GYI BSAM GTAN LAS RANG SA'I DAG PA BA DANG NYON MONGS CAN DANG 'OG MA'I DAG PA BA GCIG KYANG SKYE, 'CHI 'PHO BA'I DUS KYI SKYES THOB KYI BSAM GTAN DAG PA BA LAS RANG SA GONG SA 'OG SA GSUM GYI NYON MONGS CAN KUN 'BYUNG, SNYOMS 'JUG NYON MONGS CAN GYIS 'CHI SEMS BYAS NA RANG SA DANG 'OG SAR SKYE'I, DE LAS GONG MA'I SAR SKYE BA MA YIN PA'I PHYIR, GSUM PA NI, DGE BA NYAMS PA CHA MTHUN SOGS, , RNAM BZHI DE NI GO RIM BZHIN, ,NYON MONGS SKYE DANG RANG SA DANG, ,GANG DANG ZAG MED RJES MTHUN PA, ,NYAMS CHA MTHUN SOGS MJUG THOGS SU, ,GNYIS DANG GSUM DANG GSUM DANG GCIG ,CES BYUNG, SNYOMS 'JUG DAG PA BA CHOS CAN, KHYOD @202A *, ,LA DBYE NA RNAM PA BZHI YOD DE, NYAMS PA CHA MTHUN SOGS KYIS GNAS PA CHA MTHUN DANG KHYAD PAR CHA MTHUN DANG NGES 'BYED CHA MTHUN RNAMS SU YOD PA'I PHYIR, BZHI BO DE NI CHOS CAN, SO SO'I NGO BO YOD DE, GO RIM BZHIN DU RANG GI MJUG DE MA THAG RANG SA'I NYON MONGS SKYE BA DANG, RANG GI DE MA THAG RANG SA'I DAG PA SKYE BA DANG, RANG GI DE MA THAG GONG SA'I DAG PA BA SKYE BA DANG, RANG GI DE MA THAG ZAG MED SKYE BA DANG RJES SU MTHUN PA'I SNYOMS 'JUG RNAMS DE DAG TU 'JOG PA'I PHYIR, NYAMS PA CHA MTHUN SOGS CHOS CAN, KHYOD KYI MJUG THOGS SU DE BZHIN DU 'BYUNG BA YOD DE, DANG PO'I DER NYAMS PA GNAS PA GNYIS DANG, GNYIS PA'I DER NGES 'BYED CHA MTHUN MA GTOGS GSUM DANG, GSUM PA'I DER NYAMS PA CHA MTHUN MA GTOGS GSUM DANG, BZHI PA'I DER NGES 'BYED CHA MTHUN GCIG PO SKYE BA'I PHYIR, BZHI PA THOD RGAL NI, SA BRGYAD RNAM GNYIS 'BREL BA DANG, ,GCIG BRGAL SONG ZHING 'ONGS NAS NI, ,RIGS MI MTHUN PAR GSUM PAR 'GRO ,THOD RGAL GYI NI SNYOMS 'JUG YIN, ,ZHES BYUNG, 'DI LA THOD RGAL GYI SBYOR BA, DNGOS GZHI, SGRA BSHAD, RTEN DANG BZHI, DANG PO LA, RING SBYOR DANG NYE SBYOR GNYIS LAS, DANG PO RING SBYOR YOD DE, BSAM GTAN BZHI DANG GZUGS MED BZHI'I SA BRGYAD LA ZAG BCAS DANG ZAG MED RNAM PA GNYIS KYI SGO NAS 'BREL BA STE GO RIM LUGS MTHUN DU ZAG BCAS BRGYAD LA YAR SONG ZHING, LUGS MI MTHUN DU MAR 'ONGS PA'I ZAG BCAS RING SBYOR DANG, SRID RTZE MA GTOGS PA'I ZAG MED BDUN LA YAR SONG ZHING MAR 'ONG BA NI ZAG MED RING SBYOR YIN PA'I PHYIR, NYE SBYOR YOD DE, DE'I RJES SU ZAG BCAS KYI BSAM GTAN DANG PO LA SNYOMS PAR ZHUGS NAS BSAM GTAN GNYIS PA GCIG PU BRGAL PA STE NGOR NAS @202B ZAG BCAS KYI BSAM GTAN GSUM PA LA 'JUG ,DE NAS BZHI PA BOR NAS NAM MKHA' MTHA' YAS DANG, DE NAS RNAM SHES MTHA' YAS BOR NAS CI YANG MED LA 'JUG CING, DE BZHIN DU LUGS MI MTHUN DU 'JUG PA ZAG BCAS NYE SBYOR DANG, ZAG MED KYI BSAM GTAN GYI BSAM GTAN DANG PO NAS GNYIS PA GCIG PU BRGAL NAS GSUM PA DANG, DE NAS BZHI PA BRGAL NAS NAM MKHA' MTHA' YAS DANG, DE NAS RNAM SHES MTHA' YAS BRGAL NAS CI YANG MED LA 'JUG CING, DE BZHIN DU LUGS MI MTHUN DU 'GRO BA NI ZAG MED NYE SBYOR YIN PA'I PHYIR TE, 'DIR SONG BA NI LUGS MTHUN DANG 'ONG BA NI DE'I LUGS MI MTHUN GYI DBANG DU MDZAD PA YIN PA'I PHYIR, THOD RGAL GYI DNGOS GZHI'I SNYOMS 'JUG CHOS CAN, 'JOG TSUL YOD DE, SBYOR BA GNYIS KYI RJES SU ZAG BCAS KYI BSAM GTAN DANG PO NAS ZAG BCAS DANG RIS MI MTHUN PA'I ZAG MED KYI BSAM GTAN GSUM PAR 'GRO BA STE 'JUG ,DE NAS YANG ZAG MED DANG RIS MI MTHUN PA'I ZAG BCAS NAM MKHA' MTHA' YAS DANG, DE NAS DO DANG RIS MI MTHUN PA'I ZAG MED CI YANG MED PA'I SKYE MCHED LA SNYOMS PAR 'JUG CING, DE BZHIN DU LUGS MI MTHUN DU'ANG ZAG BCAS ZAG MED SPEL NAS SNYOMS PAR 'JUG PA NI THOD RGAL GYI SNYOMS 'JUG YIN PA'I PHYIR, SGRA DON YOD DE, SNYOMS 'JUG GIS BRGYAD LA MTHAR CHAGS SU MIN PAR RE RE BOR BA'AM BRGAL NAS SNYOMS PAR 'JUG PA'I RGYU MTSAN GYIS DE LTAR DU BRJOD PA'I PHYIR, DANG POR MNGON DU BYED PA'I RTEN YOD DE, GLING GSUM GANG RUNG DAG NA DGRA BCOM MI G-YO BA'I CHOS CAN GYIS MNGON DU BYED PA'I PHYIR TE, DES TING NGE 'DZIN LA DBANG THOB CING, DGRA BCOM GZHAN GYIS DBANG MA THOB PA'I PHYIR, GNYIS PA THOB ZIN MNGON DU BYED TSUL NI, BSAM GTAN GZUGS MED RANG DANG NI, ,'OG SA'I RTEN CAN 'OG DGOS MED, ,SRID RTZE'I 'PHAGS PA CI YANG MED, ,MNGON DU @203A *, ,BYAS NAS ZAG PA ZAD, ,CES BYUNG, BSAM GTAN DANG GZUGS MED KYI SNYOMS 'JUG CHOS CAN, RTEN YOD DE, RANG SA DANG 'OG SA'I RTEN CAN YIN PA'I PHYIR, SPYIR GONG SA'I RTEN LA 'OG SA'I SNYOMS 'JUG SKYE BA'I DGOS PA MED DE, 'OG SA DMAN CING GONGS KHYAD PAR DU 'PHAGS PA'I PHYIR, DMIGS BSAL YOD DE, SRID RTZER SKYES PA'I 'PHAGS PA SRID PA THA MA PAS NI CI YANG MED KYI SNYOMS 'JUG MNGON DU BYAS NAS ZAG PA ZAD PA'I DGRA BCOM THOB PAR BYED PA'I PHYIR, GSUM PA DMIGS PA'I KHYAD PAR NI, SRED BCAS RANG GI SRID LA DMIGS, ,BSAM GTAN DGE YUL YOD DGU YIN, ,GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES BYUNG, SRED PA DANG BCAS PA'I BSAM GTAN CHOS CAN, DMIGS PA YOD DE, RANG GI SA PA'I SRID PA LA DMIGS PA'I PHYIR, BSAM GTAN DGE BA DAG PA BA DANG ZAG MED CHOS CAN, YUL YOD DGU LA DMIGS PA YIN TE, CHOS THAMS CAD LA DMIGS PA'I PHYIR, GZUGS MED KYI DNGOS GZHI DGE BA RNAMS CHOS CAN, KHYOD KYI SPYOD YUL YOD DE, RANG SA DANG GONG MA'I ZAG BCAS LA DMIGS KYI, 'OG MA LA DMIGS PA MA YIN PA'I PHYIR, BZHI BA SPANG BYA SPONG TSUL NYER BSDOGS DANG BCAS PA LA, SPANG BYA SPONG TSUL, NYER BSDOGS KYI DBYE BA, BSAM GTAN GYI SNYOMS 'JUG KHYAD PAR CAN BSHAD PA DANG GSUM, DANG PO NI, ZAG PA MED PAS NYON MONGS RNAMS, ,SPONG NGO NYER BSDOGS DAG PAS KYANG, ,ZHES BYUNG, SPYIR SLOB PA'I BSAM GTAN DANG GZUGS MED KUN GYIS NYON MONGS SPONG MI NUS TE, DE LAS BSAM GZUGS ZAG PA MED PAS NI NYON MONGS RNAMS SPONG BAR BYED PA'I PHYIR, NYER BSDOGS DAG PA BAS KYANG NYON MONGS SPONG BA YOD DE, DE'I GNYEN PO KHYAD PAR CAN DU 'GYUR BA YOD @203B PA'I PHYIR, GNYIS PA NI, DE DAG LAS NI NYER BSDOGS BRGYAD, ,DAG PA BDE MIN SDUG BSNGAL MIN, ,DANG PO 'PHAGS PA KHA CIG GSUM, ,ZHES BYUNG, BSAM GZUGS DE DAG GI NYER BSDOGS CHOS CAN, KHYOD LA BRGYAD YOD DE, BSAM GZUGS BRGYAD KYI DNGOS GZHI LA 'JUG PA'I SBYOR BA'AM STA GON RE RE YIN PA'I PHYIR, DE CHOS CAN, NGO BO YOD DE, RANG GI DNGOS GZHI DANG MI 'DRA BAR DAG PA BA NYID YIN PA'I PHYIR, DE CHOS CAN, TSOR BA GANG DANG LDAN PA YOD DE, BDE MIN SDUG BSNGAL MIN PA'I BTANG SNYOMS DANG BCAS PA'I PHYIR, BSAM GTAN DANG PO'I NYER BSDOGS CHOS CAN, KHYOD LA DAG PA BA KHO NAR MA ZAD DE, DAG PA BA DANG 'PHAGS PA STE ZAG MED GNYIS YOD PA'I PHYIR, KHA CIG DE LA GSUM YOD CES 'DOD DE, MI LCOGS MED DANG BCAS PA GSUM YOD PA'I PHYIR ZER LA, RO MYANG DANG BCAS PA GSUM LA 'DOD PA'ANG YOD PA'I PHYIR, GSUM PA NI, RTOG MED BSAM GTAN KHYAD PAR CAN, ,RNAM GSUM BDE MIN SDUG BSNGAL MIN, ,DE NI TSANGS CHEN 'BRAS BU CAN, ,ZHES BYUNG, BSAM GTAN DANG PO'I DNGOS GZHI KHYAD PAR CAN CHOS CAN, NGO BO 'JOG TSUL YOD DE, RTOG PA MED CING DPYOD PA DANG BCAS PA'I BSAM GTAN GYI DNGOS GZHI ZHIG DE YIN PA'I PHYIR, DE CHOS CAN, RDZAS KYI SGO NAS RNAM PA GSUM YOD DE, RO MYANG DAG PA ZAG MED GSUM YOD PA'I PHYIR, DE CHOS CAN, TSOR BA GANG DANG BCAS PA YOD DE, BDE MIN SDUG BSNGAL MIN PA'I TSOR BA BTANG SNYOMS DANG MTSUNGS LDAN YIN PA'I PHYIR, DE'I DAG PA BA DE NI CHOS CAN, KHYOD KYI 'BRAS BU YOD DE, TSANGS PA CHEN POR SKYE BA'I 'BRAS BU CAN YIN PA'I PHYIR, GSUM PA TING NGE 'DZIN GYI DBYE BA LAS, KHAMS GSUM GYI SGO NAS RTOG BCAS SOGS GSUM, LAM GYI SGO NAS RNAM THAR SGO GSUM, (LAM SUN PA'I SGO NAS GSUM, BYED PA'I SGO NAS BZHIR BSHAD PA DANG BZHI,) DANG PO NI, @204A *, ,MAN CHAD RTOG DPYOD BCAS PA YI, ,TING 'DZIN YAN CHAD GNYIS KA MED, ,CES BYUNG, RTOG PA DANG BCAS SOGS GSUM GYI KHYAD PAR YOD DE, BSAM GTAN KHYAD PAR CAN MAN CHAD KYI BSAM GTAN DANG PO'I DNGOS GZHI NYER BSDOGS DANG BCAS PA DE RTOG DPYOD GNYIS DANG BCAS PA YIN, BSAM GTAN KHYAD PAR CAN NI RTOG PA MED LA DPYOD PA DANG BCAS PA YIN, KHYAD PA CAN YAN CHAD GNYIS PA'I NYER BSDOGS DNGOS GZHI GNYIS NAS SRID RTZE'I BAR GYI SNYOMS 'JUG RNAMS RTOG PA DANG DPYOD PA GNYIS SU MED PA'I TING NGE 'DZIN YIN PA'I PHYIR, GNYIS PA NI, MTSAN MED ZHI BA'I RNAM PA DANG, ,STONG NYID BDAG MED STONG NYID DU, ,'JUG PA'O SMON PA MED PA NI, ,DE LAS GZHAN BDEN RNAM PA CAN, , DAG DANG DRI MA MED DE DAG ,DRI MED RNAM THAR SGO GSUM MO, ,ZHES BYUNG, RNAM THAR SGO GSUM PO CHOS CAN, KHYOD KYI NGO BO BZHAG TU YOD DE, MTSAN MED KYI TING NGE 'DZIN NI 'GOG BDEN GYI 'GOG PA ZHI BA GYA NOM PA NGES 'BYUNG LA DMIGS PA'I RNAM PA CAN YIN LA, STONG PA NYID KYI TING NGE 'DZIN NI SDUG BDEN GYI BDAG MED PA DANG STONG PA NYID DU 'JUG PA'I RNAM PA CAN YIN, SMON PA MED PA NI SNGAR BSHAD PA'I RNAM PA DRUG PO DE LAS GZHAN SDUG BDEN GYI MI RTAG SDUG BSNGAL GNYIS DANG, KUN 'BYUNG DANG LAM BDEN GYI BZHI RE STE RNAM PA CAN GYI SHES RAB DANG MTSUNGS LDAN GYI TING NGE 'DZIN LA 'JOG PA'I PHYIR, DE GSUM CHOS CAN, SGRA DON YOD DE, DRI MA DAG PA DANG, DRI MA MED PA'I RNAM PAR THAR PA THOB PA'I SGO DANG 'DRA BA'I PHYIR, DE DAG CHOS CAN DRI MA MED PA'I RNAM THAR SGO GSUM ZHES BYA STE, RGYU MTSAN DE NYID KYI PHYIR RO, ,GSUM PA NI, STONG NYID STONG NYID CES LA SOGS, ,GZHAN YANG TING NGE 'DZIN GSUM MO, ,GNYIS NI STONG DANG MI RTAG PAR, ,MI SLOB PA'I LA DMIGS PA YIN, ,MTSAN @204B MA MED PA MTSAN MED NI, ,ZHI BAR MA BRTAGS ZAD PA LA, ,ZAG BCAS MI NANG MI G-YO LA, ,NYER BSDOGS BDUN NI MA GTOGS SO, ,ZHES BYUNG, TING NGE 'DZIN GZHAN GSUM YANG YOD DE, STONG PA NYID STONG PA NYID CES BYA BA'I TING NGE 'DZIN LA SOGS PAS SMON PA MED PA SMON PA MED PA DANG, MTSAN MA MED PA MTSAN MED PA'I TING NGE 'DZIN GSUM YOD PA'I PHYIR, DE DAG GI NGO BO YOD DE, DANG PO GNYIS NI RIM BZHIN MI SLOB PA'I RGYUD KYI STONG PA DES MI RTAG PA LA DMIGS PAR 'DZIN PA, MTSAN MA MED PA MTSAN MA MED PA'I TING NGE 'DZIN NI MA BRTAGS ZAD PA STE SO SOR BRTAGS MIN GYI 'GOG PA LA DMIGS NAS 'JUG PA'I ZHI BA'I RNAM PA CAN YIN PA DANG, ZAG BCAS YIN PA'I PHYIR, DE DAG CHOS CAN, RTEN GANG LA MNGON DU BYED PA YOD DE; MI'I NANG DU BYED PAR 'GYUR BA'I PHYIR, GANG ZAG GANG GIS MNGON DU BYED PA YOD DE, MI G-YO BA'I CHOS CAN GYIS MNGON DU BYED PA'I PHYIR, GONG GI DE DAG CHOS CAN, SA BCU GCIG GIS BSDUS PA YOD DE, NYER BSDOGS THA MA BDUN MA GTOGS 'DOD PA DANG BSAM GTAN KHYAD PAR CAN DANG BSAM GZUGS KYI DNGOS GZHI BRGYAD NYER BSDOGS MI LCOGS MED CI RIGS NA YOD PA'I PHYIR, BZHI PA NI, DGE BA'I BSAM GTAN DANG PO NI, ,BDE 'GYUR TING 'DZIN SGOM PA YIN, ,MIG GI MNGON SHES MTHONG 'GYUR 'DOD, ,SBYOR BA LAS BYUNG BLO DBYER 'GYUR, ,RDO RJE LTA BU'I BSAM GTAN MTHA'I, ,GANG YIN DE ZAG ZAD 'GYUR BSGOM, ,ZHES BYUNG, GZHAN YANG MTHONG CHOS LA BDER GNAS KYI TING NGE 'DZIN SOGS BZHI GSUNGS PA DE DAG CHOS CAN, 'JOG TSUL YOD DE, DGE BA'I BSAM GTAN DANG PO SGOM PA NI MTHONG CHOS LA BDE 'GYUR GYI TING NGE 'DZIN SGOM PA YIN LA, LHA'I MIG GI MNGON SHES DANG MTSUNGS LDAN GYI SHES RAB SGOM PA NI MTHONG 'GYUR GYI TING NGE 'DZIN @205A *, ,SGOM PA DANG, DE'I RJES KYI YID SHES DANG MTSUNGS LDAN GYI SHES RAB SGOM PA NI SHES PAR 'GYUR BA'I TING NGE 'DZIN SGOM PA YIN PAS DE GNYIS GCIG TU BYAS PA LA'ANG DER 'DOD LA, 'BAD PA'I SBYOR BA LAS BYUNG BA'I ZAG BCAS ZAG MED KYI YON TAN KUN BLO GROS DBYE BA STE RGYAS PAR 'GYUR BA'I TING NGE 'DZIN SGOM PA NI BLO RAB TU DBYE BAR 'GYUR BA DANG, RDO RJE LTA BU'I TING NGE 'DZIN GYI MTHA' BZHI PA LA BRTEN PA GANG YIN PA DE NI ZAG PA ZAD BAR 'GYUR BA'I TING NGE 'DZIN YIN PA'I PHYIR, BZHI PA DE LA BRTEN PA'I YON TAN LA, TSAD MED DANG, RNAM THAR DANG ZIL GNON DANG ZAD PAR DANG DE DAG GI THOB TSUL RTEN DANG BCAS PA LNGA, DANG PO NI, TSAD MED PA NI BZHI YIN NO, ,GNOD SEMS LA SOGS GNYEN PO'I PHYIR, ,ZHE SDANG MED BYAMS SNYING RJE YANG, ,YID BDE BA NI DGA' BA YIN, ,BTANG SNYOMS MA CHAGS RNAM PA NI, ,KYE MA BDER GYUR SDUG BSNGAL DANG, ,DGAR 'GYUR SEMS CAN RNAMS SNYOM PA, ,SPYOD YUL 'DOD PA'I SEMS CAN RNAMS, ,DGA' BA BSAM GTAN GNYIS NA YOD, ,GZHAN NI DRUG NA KHA CIG LNGA, ,DE YIS MI SPONG MI DAG GI ,NANG DU SKYED DO NGES GSUM LDAN, ,ZHES BYUNG, TSAD MED PA NI CHOS CAN, DMIGS PA'I SGO NAS BZHI YIN TE, BYAMS PA DANG SNYING RJE DANG DGA' BA DANG BTANG SNYOMS TSAD MED BZHI YOD PA'I PHYIR, SGRA DON KYANG YOD DE, DMIGS YUL SEMS CAN TSAD MED PA LA DMIGS SHING, 'BRAS BU PHAN YON YANG TSAD MED PA DANG LDAN PA'I PHYIR, DE CHOS CAN, BZHIR GRANGS NGES PA YIN TE, GNOD SEMS LA SOBS TE RNAM PAR 'TSE BA DANG GZHAN GYI PHUN TSOGS LA MI DGA' BA DANG 'DOD CHAGS DANG GNOD SEMS MANG BA'I GNYEN PO DE BZHIR NGE SPA'I PHYIR, NGO BO YOD DE, BYAMS PA DANG SNYING RJE YANG NGO BO ZHE @205B SDANG MED PA'I DGE BA YIN LA, DGA' BA NI YID BDE BA YIN ZHING, BTANG SNYOMS NI MA CHAGS PA'I RANG BZHIN CAN YIN PA'I PHYIR, DE BZHI CHOS CAN, KHYOD KYI RNAM PA YOD DE, KYE MA SEMS CAN RNAMS BDE BAR GYUR CIG SNYAM DU YID LA BYED PA NI BYAMS PA DANG, KYE MA SEMS CAN RNAMS SDUG BSNGAL DANG BRAL NA SNYAM PA DE SNYING RJE DANG, KYE MA SEMS CAN RNAMS DGA' BAR GYUR CIG SNYAM DU SEMS PA NI DGA' BA DANG, KYE MA SEMS CAN RNAMS KHYAD PAR 'DRA BA'AM BSNYAMS SO SNYAM DU YID PA BYED PA NI BTANG SNYOMS YIN PA'I PHYIR, DE BZHI CHOS CAN, SPYOD YUL YOD DE, 'DOD PA'I SEMS CAN RNAMS LA DMIGS PA CAN YIN PA'I PHYIR, DE CHOS CAN, SA GANG NA YOD MED KYI KHYAD PAR YOD DE, DGA' BA TSAD MED BSAM GTAN DANG PO GNYIS NA YOD, TSAD MED GZHAN GSUM NI BSAM GTAN SA DRUG NA YOD PA'I PHYIR, KHA CIG LNGA NA YOD PAR 'DOD DE, BSAM GTAN GYI DNGOS BZHI BZHI DANG KHYAD PAR CAN DANG LNGA NA YOD CES 'DOD PA'I PHYIR, TSAD MED DE BZHI YIS GNOD SEMS SOGS RTZA BA NAS SPONG MI NUS KYANG DE DAG GI GNYEN POR BSHAD PA LA CHOS CAN, DGOS PA YOD DE, DE DAG GI 'GAL ZLA'I GNYEN PO YIN PA DANG, DE DAG LA GNOD PA DANG ZIL GYIS GNON NUS PAS DE'I GNYEN POR BZHAG PA YIN PA'I PHYIR, DE CHOS CAN, RTEN GANG GIS SKYED PA YOD DE, MI DAG GI NANG DU SKYED PA'I PHYIR, DE CHOS CAN, LDAN TSUL YOD DE, DGA' BA MA GTOGS PA'I KHYOD GCIG DANG LDAN NA NGES PAR GSUM KA DANG LDAN DGOS PA'I PHYIR, DGA' BA NI DE LTAR MIN TE, BSAM GTAN GSUM PA DANG BZHI BA LA MI LDAN PA'I PHYIR, GNYIS PA RNAM THAR NI, RNAM PAR THAR BRGYAD DANG PO GNYIS, ,MI SDUG BSAM GTAN GNYIS NA YOD, ,GSUM PA MTHA' NA DE MA CHAGS, ,GZUGS MED MNYAM GZHAG DGE @206A *, ,RNAMS SO, ,'GOG PA'I SNYOMS PAR 'JUG PA'O, ,PHRA BA PHRA BA'I MJUG THOGS SU, ,RANG GI DAG DANG 'OG MA YI, ,'PHAGS PA'I SEMS KYIS DE LAS LDANG, ,DANG PO 'DOD GTOGS SNANG YUL CAN, ,GANG DAG GZUGS CAN MIN DE DAG ,SPYOD YUL GONG DANG RANG GI SA'I, ,SDUG BSNGAL SOGS DANG RJES SHES PHYOGS, ,ZHES BYUNG, RNAM PAR THAR PA CHOS CAN, KHYOD LA BRGYAD YOD DE, GZUGS CAN GZUGS LA LTA BA'I RNAM THAR, GZUGS MED GZUGS LA LTA BA'I RNAM THAR, SDUG PA'I RNAM THAR, GZUGS MED KYI RNAM THAR BZHI DANG, 'GOG PA'I RNAM THAR GCIG STE BRGYAD YOD PA'I PHYIR, RNAM THAR DANG PO GNYIS CHOS CAN, KHYAD CHOS GSUM DANG LDAN TE, NGO BO NI RNAM PAR BSNGOS PA SOGS KYI MI SDUG PA'I RNAM PA CAN DANG, KHA DOG LA CHAGS PA'I GNYEN PO MA CHAGS PA DANG, SA BSAM GTAN DANG PO GNYIS NA YOD PA'I KHYAD PAR DANG LDAN PA'I PHYIR, RNAM THAR GSUM PA DE CHOS CAN, KHYAD PAR GSUM DANG LDAN TE, SA'I KHYAD PAR BSAM GTAN MTHA' BZHI PA NA YOD, NGO BO MA CHAGS PA, RNAM PA SDUG PA'I RNAM PA CAN YIN PA'I PHYIR, GZUGS MED BZHI'I RNAM THAR CHOS CAN, BZHAG TU YOD DE, GZUGS MED KYI MNYAM GZHAG SAS BSDUS PA'I DNGOS GZHI'I SNYOMS 'JUG DGE BA DAG PA BA DANG, ZAG MED DANG NYER BSDOGS RNAM GROL LAM RNAMS DE YIN PA'I PHYIR, 'GOG PA'I SNYOMS PAR 'JUG PA CHOS CAN, BZHAG TU YOD DE, GNAS GNYIS PAR BSHAD PA'I 'GOG PA'I SNYOMS 'JUG DE DE YIN PA'I PHYIR, DE CHOS CAN, KHYOD LA 'JUG LDANG GI SEMS KYI KHYAD PAR YOD DE, KHAMS GSUM GYI SEMS PHRA BA NI SRID RTZE'I SEMS YIN LA, DE LAS KYANG PHRA BAR BYAS PA'I SEMS KYIS SNYOMS PAR 'JUG CING, DE'I MJUG THOGS SU SRID RTZE RANG GI SA PA'I DAG PA BA DANG, @206B 'OG MA'I CI YANG MED KYI SA PA'I 'PHAGS PA'I ZAG MED KYI SEMS KYIS KHYOD LAS LDANG BAR BYED PA'I PHYIR, RNAM THAR DANG PO GSUM CHOS CAN, KHYOD KYI SPYOD YUL GYI KHYAD PAR YOD DE, 'DOD PAR GTOGS PA'I GZUGS KYI SNANG YUL CAN YIN PA'I PHYIR, GANG DAG GZUGS CAN MIN PA GZUGS MED KYI RNAM THAR DE DAG CHOS CAN, SPYOD YUL YOD DE, GONG SA DANG RANG GI SA PA'I SDUG BSNGAL SOGS KYIS KUN 'BYUNG DANG 'GOG PA DANG RJES SHES KYI PHYOGS DANG MTHUN PA'I LAM THAMS CAD LA DMIGS PA'I PHYIR, GSUM PA NI, ZIL GYIS GNON PA'I SKYE MCHED BRGYAD, ,GNYIS NI RNAM THAR DANG PO BZHIN, ,GNYIS NI GNYIS PA BZHIN DE GZHAN, ,SDUG PA'I RNAM PAR THAR PA BZHIN, ,ZHES BYUNG, ZIL GYIS GNON PA'I SKYE MCHED CHOS CAN, BRGYAD YOD DE, NANG GZUGS SU 'DU SHES PAS PHYI ROL GYI GZUGS CHE CHUNG LA LTA BA GNYIS DANG, NANG GZUGS MED PAR 'DU SHES PAS PHYI ROL GYI GZUGS CHE CHUNG BZANG NGAN SOGS LA LTA BA GNYIS TE DBYIBS ZIL GNON BZHI DANG, NANG GZUGS MED PAR 'DU SHES PAS PHYI ROL GYI GZUGS KHA DOG SNGON PO SER PO DMAR PO DKAR PO LA LTA BA STE KHA DOG ZIL GNON BZHI YOD PA'I PHYIR, ZIL GNON DANG PO GNYIS NI CHOS CAN, RNAM THAR BZHI'I DANG PO BZHIN YIN TE, NGO BO MA CHAGS PA'I DGE BA DANG, SA BSAM GTAN DANG PO GNYIS NA YOD PA DANG, 'DOD PA'I GZUGS DANG KHA DOG LA CHAGS PA'I GNYEN PO BYED PA DANG, DMIGS PA 'DOD PA'I GZUGS YID 'ONG LA DMIGS PA'I PHYIR, ZIL GNON GSUM PA DANG BZHI PA GNYIS NI CHOS CAN, RNAM THAR GNYIS PA BZHIN YIN TE, NGO BO MA CHAGS PA'I DGE BA, SA BSAM GTAN DANG PO GNYIS KHO NA NA YOD PA, BSAM GTAN DANG PO'I KHA DOG LA CHAGS PA'I GNYEN PO, 'DOD PA'I @207A *, ,GZUGS YID DU 'ONG MI 'ONG RNAMS YUL DU BYED PA'I PHYIR, GZHAN KHA DOG ZIL GNON BZHI CHOS CAN, SDUG PA'I RNAM PAR THAR PA BZHIN TE, NGO BO MA CHAGS PA, SA BSAM GTAN BZHI PA NA YOD PA; CHAGS PA'I GNYEN PO BYED PA, 'DOD PA'I GZUGS SDUG MI SDUG GNYIS KA LA DMIGS NAS 'JUG PA'I PHYIR, BZHI PA NI, ZAD PAR BCU'O BRGYAD MA CHAGS, ,BSAM GTAN MTHA' NA SPYOD YUL NI, ,'DOD PA GNYIS NI GZUGS MED DAG ,SPYOD YUL RANG GI PHUNG PO BZHI, ,ZHES BYUNG, ZAD PAR GYI TING NGE 'DZIN CHOS CAN, KHYOD LA BCU YOD DE, ZAD PAR SA DANG CHU DANG ME DANG RLUNG DANG SNGO SER DMAR DKAR BA DANG NAM MKHA' DANG RNAM PAR SHES PA'I SKYE MA CHED KYI TING NGE 'DZIN DANG BCU YOD PA'I PHYIR, ZAD PAR DANG PO BRGYAD CHOS CAN, KHYAD PAR BZHI DANG LDAN TE, NGO BO MA CHAGS PA'I DGE BA, CHAGS PA'I GNYEN PO YIN PA, SA BSAM GTAN MTHA' BZHI PA NA YOD PA, 'DOD PA'I GZUGS KYI SKYE MCHED KYI SPYOD YUL CAN YIN PA'I PHYIR, ZAD PAR PHYI MA GNYIS NI CHOS CAN, KHYAD PAR GSUM DANG LDAN TE, NGO BO NI RIM PA BZHIN GZUGS MED KYI SNYOMS 'JUG DAG PA BA DANG, SPYOD YUL NI RANG GI SA PA'I PHUNG PO BZHI LA DMIGS PA'I PHYIR, SGRA DON YOD DE, RNAM THAR NI DMIGS PA LA RGYAB KYIS PHYOGS PA'I DON DANG, ZIL GNON GYIS DMIGS PA ZIL GYIS GNON NUS PA DANG, ZAD PAR GYIS DMIGS PA DE ZAD ZAD KYI BAR DU SPRO BAR 'JUG PA'I RGYU MTSAN GYIS DE LTAR BRJOD PA'I PHYIR, RNAM THAR ZIL GNON ZAD PAR GSUM GYI GO RIM YANG BSHAD PA'I RIM PA LTAR YIN TE, SNGA MA LAS PHYI MA 'BYUNG BA'I RIM PA CAN YIN PA'I PHYIR, LNGA PA NI, 'GOG PA BSHAD ZIN LHAG MA NI, ,'DOD CHAGS @207B DANG BRAL SBYOR BAS THOB, ,GZUGS MED CES BYA KHAMS GSUM GYI, ,RTEN BCAS LHAG MA MI LAS SKYES, ,KHAMS GNYIS DAG TU GZUGS MED LA, ,RGYU DANG LAS KYI STOBS KYIS BSKYED, ,GZUGS KYI KHAMS SU BSAM GTAN RNAMS, , DE DAG DANG CHOS NYID KYI PHYIR, ,ZHES BYUNG, YON TAN DE DAG CHOS CAN, THOB TSUL GYI KHYAD PAR YOD DE, 'GOG PA'I RNAM THAR THOB TSUL NI GNAS GNYIS PAR BSHAD ZIN LA, LHAG MA NYER LNGA NI SNGAR 'DRIS PAS 'DOD CHAGS DANG BRAL BA'I SGO NAS THOB PA DANG, MA 'DRIS NA SBYOR BAS THOB PAR BYED PA'I PHYIR, RTEN GYI KHYAD PAR YOD DE, GZUGS MED CES BYA BA'I RNAM THAR BZHI DANG ZAD PAR GNYIS DANG DRUG NI KHAMS GSUM GYI RTEN CAN LA YOD, LHAG MA BCU DGU NI LUNG LA RAG LAS PAS MI LAS SKYE BA'I PHYIR, GAL TE KHAMS GONG NA LUNG MED PAS MI SKYEN BSAM GZUGS KYANG DER MI SKYE BAR THAL TE, LUNG MED PAS SO ZHE NA, DER 'CHAD NYAN BYED PA'I LUNG MED KYANG, BSAM GZUGS GNYIS MI SKYE BA'I SKYON MED DE, DE KHAMS GONG MA GNYIS DAG TU SKYE BA MI 'GAL BA'I PHYIR TE, GZUGS MED PA LA SNGON GOMS PA'I SKAL MNYAM GYI RGYU DANG LAN GRANGS GZHAN LA MYONG BA'I LAS KYI STOBS KYIS SKYED LA, GZUGS KHAMS SU NI BSAM GTAN RNAMS SKYE BA'I PHYIR TE, DE DAG DANG CHOS NYID KYIS KYANG SKYE BA'I PHYIR RO, ,GNAS BRGYAD PA'I TSIG DON BSHAD ZIN TO, ,GSUM PA RTZOM PA MTHAR PHYIN PA'I BYA BA LA, BSTAN PA'I GNAS TSAD DANG, NONGS PA BZOD PAR GSOL BA DANG, THAR PA 'DOD PAS BAG YOD BRTEN RIGS PA GSUM, DANG PO NI, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED DANG, ,SGRUB PAR BYED PA KHO NA YIN, ,ZHES @208A *, ,BYUNG, 'DI LA TSIG DON DANG, SPYI DON GNYIS, DANG PO NI, STON PA'I DAM CHOS CHOS CAN, KHYOD LA RNAM PA GNYIS YOD DE, LUNG GI DAM CHOS DANG, RTOGS PA'I BDAG NYID CAN GYI DAM CHOS GNYIS YOD PA'I PHYIR, RTAG SNGA MA GRUB STE, SNGA MA NI SDE SNOD GSUM SDER GTOGS DANG BCAS PA DANG, GNYIS PA NI BSLAB PA GSUM SDER GTOGS DANG BCAS PA LA 'JOG PA'I PHYIR, DAM PA'I CHOS DE GNYIS CHOS CAN, KHYOD 'DZIN PAR BYED PA'I TSUL YOD DE, SDE SNOD GSUM GZHAN LA PHYIN CI MA LOG PAR SMRA BA'I SGO NAS STON PAR BYED PA DANG, BSLAB GSUM LTA BU SGRUB PA LAG LEN DU BYAS PA'I TSUL GYIS SGRUB PAR BYED PA KHO NA YIN PA'I PHYIR, GNYIS PA SPYI DON LA; BSTAN PA'I GNAS TSAD STON PAS GSUNGS TSUL, MKHAS PAS BSHAD TSUL, 'THAD PA'I PHYOGS BZHAG PA DANG GSUM, DANG PO NI, GSUNGS TSUL BSDU NA 'DI LTAR YIN TE, MDO SDE BSKAL BZANG NAS BSTAN PA YANG DAG LO LNGA BRGYA DANG, GZUGS BRNYAN LO STONG DANG LNGA BRGYA GNAS PAR GSUNGS LA, SOR 'PHRENG CAN GYI RTOGS BRJOD LAS LO STONG GNAS PAR GSUNGS SHING, ZLA BA'I SNYING PO'I MDO LAS NYIS STONG, SNYING RJE PAD DKAR DU STONG DANG LNGA BRGYA, LHA MO DRI MA MED PAS ZHUS PA LAS, LO NYIS STONG LNGA BRGYA NA GDONG DMAR CAN GYI YUL DU DAM PA'I CHOS DAR BAR BSHAD PA SOGS YOD PA'I PHYIR, GNYIS PA YOD DE, MDZOD RANG 'GREL LAS LUNG PHRAN TSIGS ? LTAR BSTAN PA LO STONG DU GNAS PAR GSUNGS SHING, RDOR GCOD KYI 'GREL PAR K'A MA LA SH'I LAS LO PHYED DANG SUM STONG GNAS PAR BSHAD LA, THUB DGONGS SU DE LTAR DANG, 'BUM tVIKA TU LNGA STONG DANG, SLOB DPON 'JAM DPAL GRAGS PA SOGS KYIS KYANG DE LTAR @208B BSHAD PA'I PHYIR, GSUM PA NI, RANG LUGS LA LNGA STONG DU GNAS PAR BSHAD PA LTAR YIN TE, DE NI LUNG RIGS GNYIS KYIS 'GRUB CING, GZHAN NI DRANG DON DGONGS GZHI CAN DU SHES PA'I PHYIR, DANG PO GRUB STE, DE LA LUNG NI SPANG LTENG DANG, LNGA BRGYA PA PHRAG BCUR GSUNGS PA'I DANG PO LA DGRA BCOM, GNYIS PA LA PHYIR MI 'ONG, GSUM PA LA RGYUN ZHUGS KYI 'BRAS BU THOB PA MANG DU 'BYUNG BAS 'BRAS BU'I LE'U GSUM DANG, DE NAS GSUM LA RIM PAR SHES RAB KYI BSLAB PA DANG, TING NGE 'DZIN GYI BSLAB PA DANG, TSUL KHRIMS KYI BSLAB PA 'DZIN PA MANG DU 'BYUNG BAS SGRUB PA'I LE'U GSUM DANG, DE NAS GSUM LA RIM PAR MNGON PA DANG MDO SDE DANG 'DUL BA 'DZIN PA MANG DU 'BYUNG BAS LUNG GI LE'U GSUM DANG, DE NAS BCU PA LA LTA SPYOD RNAM DRAG MED PAS RTAGS TZAM 'DZIN PA 'BYUNG BAR GSUNGS PA'I LUNG DANG RIGS PAS KYANG 'GRUB PA'I PHYIR, RIGS PA GZHAN GYIS KYANG GRUB STE, DA LTA YANG BSTAN 'DZIN GYI SKYES BU DU MA BYON NAS BSTAN PA YANG DAG GNAS PAR MDZAD PA MNGON SUM GYIS MTHONG BA'I PHYIR, DE LTAR YIN KYANG MDO DANG DGONGS 'GREL GYI BSTAN BCOS DAG LAS MI 'DRA BAR BSHAD PA DE RNAMS DANG MI 'GAL TE, DE NI DGONGS GZHI DGOS PA DNGOS LA GNOD BYED GSUM YOD PA'I SGO NAS DRANG DON DU 'GREL BA'I PHYIR, DGONGS GZHI YOD DE, SGRUB PA KHYAD PAR CAN SNGON LTAR MED PA LA DGONGS PA'I PHYIR, DGOS PA YOD DE, GDUL BYA LA SKYO BA BSKYED PA'I CHED YIN PA'I PHYIR, GNOD BYED YOD DE, SHER PHYIN GYI MDO LAS BYANG PHYOGS NAS BYANG PHYOGS KYI RGYUD DU BSTAN PA RIM GYIS DAR BAR GSUNGS PA LTA BU DANG, LHA MO DRI MA MED PA'I MDO LAS DMYA NGAN LAS 'DAS NAS LO NYIS STONG LNGA BRGYA NA GDONG DMAR CAN GYI YUL DU DAM CHOS DAR BAR GSUNGS PA DANG, SNGAR BSHAD PA'I RIGS PAS KYANG 'GRUB PA'I PHYIR, DE @209A *, ,DAG KYANG GLING 'DI LTA BU'I DBANG DU BYAS KYI RNAM PA THAMS CAD DU NGES PA NI MIN TE, DUS KYI 'KHOR LO LAS BSTAN PA'I GNAS TSAD MI 'DRA BA ZHIG GSUNGS PAR MA ZAD, SANGS RGYAS GZHAN GYI BSTAN PA DANG, STON PA NYID KYIS KYANG ZHING GZHAN DAG TU CHOS BSTAN PA SOGS KYI SGO NAS BSTAN PA GNAS SHING SPEL BA SOGS YOD PA'I PHYIR, 'O NA, DA LTA'I BAR BSTAN PA'I GNAS TSAD LAS CI TZAM 'DAS ZHE NA, SPYIR RTOGS PA'I BSTAN PA NI 'DI TZAM NAS BYUNG BA DANG 'DI NAS MED PA'I TSAD SHIN TU DKA' YANG, RANG RE'I STON PA'I BSTAN PA NI RAGS RTZIS GANG NAS BYUNG BA'I TSAD YOD DE, SANGS RGYAS PA'I TSUL BSTAN PA NAS 'JOG PA'I PHYIR, CI TZAM 'DAS PA'I TSAD KYANG YOD DE, MYA NGAN LAS 'DAS PA'I TSUL BSTAN PA NAS BZUNG STE RANG RANG GI BSTAN RTZIS MDZAD PA'I BAR GYI 'DAS LO LA MI MTHUN PA DU MA ZHIG BSHAD PA LTAR YOD PA'I PHYIR, DE LTAR YOD DE, MNGON PA'I RJES SU 'BRANG BA'I YIG CHA DU MA DANG, DUS KYI 'KHOR LO LUGS KYI BSTAN RTZIS MDZAD PA DANG, DE LAS GZHAN GYI SKABS SU MDZAD PA'I BSTAN RTZIS RNAMS LA NI MTHUN MI MTHUN MANG PO ZHIG MTHONG BA'I PHYIR, 'DIR GANG GI RJES SU 'BRANG ZHE NA, SNGAR BSHAD PA DE DAG LAS RANG STOBS KYIS 'DI 'THAD MI 'THAD KYI KHYAD PAR DBYE DKA' YANG RE ZHIG PHUG PA YAB SRAS KYI RJES SU 'BRANG BAR BYA STE, STON PA DE NYID LCAGS SPREL LA SKU BLTAMS PA'I LUGS KYI ZHI BAR GSHEGS NAS DA LTA'I SHING YOS 'DI'I BAR LA LNGA BRGYA PA PHRAG LNGA RDZOGS NAS, DRUG PA TSUL KHRIMS KYI LE'U'I STENG NAS LO BRGYA DANG BCU DRUG 'DAS SHING DA LTA ME 'BRUG GI STENG NA GNAS PA'I PHYIR RO, ,GNYIS PA NI, BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA BA'I TSUL GRUB BSHAD, ,NYES PAR BSHAD GANG DE 'DIR @209B BDAG GIS NYES, ,DAM CHOS TSUL LA THUB RNAMS TSAD MA YIN, ,ZHES BYUNG, SLOB DPON DBYIG GNYEN CHOS CAN, KHYOD KYIS MNGON PA MDZOD KYI BSTAN BCOS 'DI LUGS GANG DANG MTHUN PAR BSHAD TSUL YOD DE, BDAG STE SLOB DPON KHYOD KYIS MNGON PA'I CHOS 'DI PHAL CHER NI KHA CHE BYE BRAG SMRA BA'I TSUL GRUB STE GRUB MTHA'I TSUL BSHAD LA, MDO SDE PA DANG NYI 'OG PA'I 'DOD PA LTAR YANG CUNG ZAD RE BSHAD PA'I PHYIR, BSTAN BCOS 'DI LAS NYES BAR BSHAD PA'I CHA MCHIS PA GANG YIN PA DE CHOS CAN, 'DIR RTZOM PA PO BDAG GIS NYES PAR BSHAD PA YIN GYI, 'DI'I BSHAD GZHI MDO DANG BSTAN BCOS KYI TSIG DON GYI CHA LA SKYON YOD NAS MIN TE, LUNG RTOGS KYI DAM PA'I CHOS KYI TSUL LA NI THUB PA SANGS RGYAS BCOM LDAN 'DAS DANG, DGRA BCOM MKHAS PA RNAMS TSAD MA YIN GYI, SO SKYE LA NI 'KHRUL PA SRID PA'I PHYIR RO, ,GSUM PA NI, STON PA 'JIG RTEN MIG NI ZUM GYUR CING, ,DBANG ? GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, ,NGAN RTOG RNAMS KYIS BSTAN PA 'DI DKRUGS SO, ,RANG BYUNG RANG BYUNG BSTAN PA GCES 'DZIN RNAMS, ,MCHOG TU ZHIR GSHEGS 'GRO MGON MED PA NI, ,'DOMS MED YON TAN 'JOMS PAR BYED PA YI, ,DRI MAS DGA' DGUR DENG SANG 'DI NA SPYOD, ,DE LTAR THUB PA DAG GI BSTAN PA NI, ,LKOG MAR SROG PHYIN 'DRA DANG DRI MA RNAMS, ,STOBS DANG LDAN PA'I DUS SU RIG NAS NI, ,THAR PA 'DOD PA DAG GIS BAG YOD BYOS, ,ZHES BYUNG, STON PA 'JIG RTEN GYI MIG LTA BU NI ZUM PA STE MYA NGAN LAS 'DAS PAR GYUR CING, CHOS KYI TSUL LA DBANG DU GYUR PA'I SKYE BO SKYE 'PHAGS PHAL CHER ZAD PAS MANG PO MED PA'I DUS NA, CHOS KYI DE NYID DE YIN TSUL MA MTHONG ZHING RANG DGAR 'JUG PAR GYUR PA YI NGAN RTOG CAN RNAMS CHOS CAN, KHYOD KYIS THUB PA'I LUNG @210A *, ,RTOGS KYI BSTAN PA 'DI DKRUGS PAR BYAS TE, KHYED CAG GIS LUNG GI BSTAN PA 'DI'I TSIG DON GYI CHA RNAMS LOG PAR BZUNG NAS RANG DGAR 'JUG PA DANG, DER MA ZAD RANG BYUNG SANGS RGYAS DANG RANG BYUNG DE'I BSTAN PA LA GCES PAR 'DZIN PA'I 'PHAGS PA RNAMS MCHOG TU ZHI BAR GSHEGS SHING, 'GRO BA'I MGON MED PA NA DE DAG LA GDAMS NGAG LEGS PAR 'DOMS PA MED CING, BSLAB GSUM GYI YON TAN 'JOMS PAR BYED PA YI DUG GSUM GYI DRI MAS KYANG DENG SANG 'DI NA DGA' DGUR SPYOD PA DE'I PHYIR, DE LTAR THUB PA DAG GI BSTAN PA 'DI NI LKOG MAR PHYIN PA'I SROG STE DBUGS DANG 'DRA BAR YUN THUNG ZHING, SNYIGS MA'I DRI MA STE SKYON RNAMS STOBS DANG LDAN PA'I DUS SU RIG NAS NI THAR PA 'DOD PA NGAG GIS BAG YOD PAR BYOS SHIG CES BSKUL ZHING GDAMS PA LA CHOS CAN, DGOS PA YOD DE, BAG YOD NI YON TAN KUN GYI RTZA BA YIN PA'I PHYIR RO, ,GSUM PA MJUG GI DON LA, MDZAD PA PO GANG YIN PA DANG, LO PAn GANG GIS BSGYUR BA'O, ,DANG PO NI, CHOS MNGON PA MDZOD KYI TSIG LE'UR BYAS PA SLOB DPON SH'AKYA'I DGE SLONG DBYIG GNYEN GYIS MDZAD PA RDZOGS SO, ,ZHES BYUNG STE GO SLA'O, ,SLOB DPON 'DI'I RNAM THAR NI RGYA GAR CHOS 'BYUNG LAS RGYAS PAR BSHAD PA LTAR BSAM GYIS MI KHYAB PA ZHIG STE, KHO BO'I BSAM TSOD LTAR NA SLOB DPON 'DI DAM CHOS 'DZIN PA LA SHING RTA CHEN PO THOGS MED NYID DANG KUN NAS MTSUNGS PA'I PHYIR NA 'PHAGS PA'I GANG ZAG CHEN PO ZHIG YIN PAR NGES PAS SO SKYE'I MKHAS PA TZAM DU 'DZIN MI RUNG BAR SEMS SO, ,DES NA MDO SDE PA'AM SEMS TZAM PA YIN PAS SO SKYE'O SNYAM DU MA 'DZIN CIG ,GAL TE SLOB DPON 'DIS SKU TSE'I STOD DU THEG CHEN GYI GZHUNG LA SKUR PA BTAB PA'I LO RGYUS 'DUG PAS 'PHAGS PAR JI LTAR 'GYUR ZHE NA, 'GAL BA CUNG ZAD KYANG MED DE, 'PHAGS PA YIN YANG DGOS PA'I @210B DBANG GIS MDZAD TSUL SNA TSOGS STON PA DU MA ZHIG MTHONG BA'I PHYIR RO, ,SLOB DPON 'DI'I THUGS LA NI 'BUM SDE GO DGU'I GZHUNG MNGA' BAS 'PHAGS PA'I YUL DU PHYIS BYUNG BA'I MKHAS PA RNAMS SU MA ZAD, SNGON GYI PAn CHEN MKHAS PA DAG LAS KYANG MKHAS PA CHEN POR GYUR PAS NA SANGS RGYAS GNYIS PA ZHES GRAGS PA LTAR DON DANG MTHUN PA YIN NO, ,GNYIS PA LO PAn GANG GIS BSGYUR BA NI, RGYA GAR GYI MKHAN PO DZI NA MI TRA STE RGYAL BA'I BSHES GNYEN DANG, ZHU CHEN GYI LO TZTSA BA BANDE STE BTZUN PA DPAL BRTZEGS KYIS RGYA SKAD LAS BOD SKAD DU BSGYUR CING ZHUS TE 'CHAD NYAN GYIS LEGS PAR GTAN LA PHAB PA'O,, ,,(SMRAS PA, THUB DBANG GSUNG GI RGYA MTSO LAS 'ONGS LEGS BSHAD YAN LAG BRGYAD LDAN CHAB, ,RNAM DPYOD YANGS PA'I HUB GCIG GIS BZHES SKAL LDAN GDUNG BSEL PHYIR DU, ,SKYUGS MKHAS SNGON MED DRANG SRONG CHEN PO DBYIG GNYEN ZHAL SGO LAS 'ONGS PA'I, ,CHOS MNGON SNYING PO 'CHI MED BDUD RTZI LHAR BCAS 'GRO 'DI'I GSOS SU GYUR, ,BRGYAD KHRI BZHI STONG CHOS KYI PHUNG PO YIS, ,THUN MONG NANG DON RIG PA STON PA'I GZHUNG, ,MANG YANG DON GYI SNYING PO KUN BSDUS PA, ,CHOS MNGON GZHUNG GZHAN DAG LAS 'DI NYID 'PHAGS, ,GANG 'DI'I DGONGS PA 'GREL BA'I BSTAN BCOS NI, ,'PHAGS PA'I YUL DANG PHYOGS 'DIR 'GA' MCHIS KYANG, ,LA LA TSIG DON GNYIS KA HA CANG BSDUS, ,'GA' ZHIG SPROS CHE BLO CHUNG 'JUG PAR DGA', ,DE PHYIR TSIG DON GNYIS KA 'TSAM PA ZHIG ,SNGON GYI MKHAS PA'I GZHUNG MANG DAG LAS NI, ,MA NOR BSHAD PA'I CHA RNAMS LEGS BSDUS TE, ,RANG GZHAN 'GA' LA PHAN SRID SNYAM NAS BRIS, ,RTZA BA GAR SONG 'DIR SONG MED GYUR NA, ,DE YI DON LA PHAN KHYAD CHUNG MTHONG NAS, ,NGES PA RNYED PHYIR SANGS RGYAS GNYIS PA YI, ,RTZA BA'I GZHUNG RNAMS RDZOGS PAR DRANGS TE BKOD, ,KVA YE GROGS DAG 'JIG RTEN KHYIM PA DANG, ,RNAM DBYE MED PA'I LTO GOS TZAM ZHIG LA, ,'BAD NAS MI TSE STONG ZAD MI BYED PAR, ,PHAN 'DE'I 'BYUNG GNAS LEGS BSHAD DAG LA GZIGS, CHOS MNGON RGYA MTSO'I DGONGS DON DPAG BAR DKA', ,BDAG NI BLO CHUNG SBYANGS PA'I STOBS KYANG DMAN, ,DE PHYIR 'DI LA MA BSHAD LOG BSHAD PA, ,GANG ZHIG MCHIS PA DE NI BDAG GIS NONGS, ,LEGS PAR BSHAD LAS THOB PA'I DGE DES BDAG ,TSE RABS KUN TU DAM CHOS 'DZIN PA DANG, ,GZHUNG BSHAD 'DIS KYANG MNGON PA'I CHOS TSUL @211A *, ,KUN, ,DAR ZHING RGYAS LA YUN RING GNAS GYUR CIG ,CES MNGON PA MDZOD KYI t'IKKA RGYAL SRAS 'PHAGS TSOGS THAMS CAD KYI DGONGS DON GSAL BYED CES BYA BA 'DI NI, CO NE'I BSTAN PA'I MNGA' BDAG KOO'U SHRI NANG SO YES KYIS GNANG SBYIN DANG BCAS PAS BSKUL ZHING, RANG NYID KYANG DAD PAS KUN NAS BSLANGS TE CO NE'I SLOB DPON BA BGRAGS PA BSHAD SGRUB CES BYA BAS RANG DGON DU LEGS PAR SBYAR BA'O,, ,,`RJE GRAGS PA BSHAD SGRUB KYI DBU PHAR YIG CHA SOGS SU MKHAS GRUB CHEN PO BSTAN PA DAR RGYAS KYI YIG CHA GZHIR BZUNG STE YIG CHA'I DKA' GNAD MDOR BSDUS RNAMS SPROS BSHAD DANG, KHA SKONG, MTHA' DPYOD, THUN MONG MIN PA'I KHAS LEN MI GSAL BA RNAMS DER GSAL YOD PAR BRTEN SNGA DUS BLO GSAL BA RNAMS NAS YIG CHA DANG ZUNG SPREL GSAN SBYONG MDZAD MUS DANG, MKHO GNAD KYANG SHIN TU CHE RUNG, GSUNG PAR CO NE DGON CHEN DU BZHUGS PA DUS 'GYUR DBANG GIS SNGAR NAS ME BZHES ZIN 'DUG PAS DA PHAN SLOB GNYER BA'I KHROD DU YIG CHA DKON GSHIS GRVA TSANG MKHAN PO RGYAL RONG BLO BZANG BSTAN 'DZIN DANG, DGE BSHES, SLOB GNYER BA RNAMS NAS YIG CHA CHA TSANG GSUNG PAR ZHIG 'GRUB THABS THUGS GNYER CHE BA DANG BCAS MKHA' MNYAM 'GRO KUN PHAN BDE'I RTZA BA `RGYAL BA'I LUNG RTOGS KYI BSTAN PA RIN PO CHE BSHAD SGRUB DAR RGYAS GONG 'PHEL YUN RING DU GNAS CHED SER SMAD GZHUNG PA GRVA SKU BCAR MKHAN DRUNG T'A BLA MA RONG RNAM SRAS PA THUB BSTAN NOR BZANG SHAG TSANG NAS LHAG BSAM RNAM PAR DAG PAS RGYU SBYOR 'DU 'GOD KYIS MRDZOD tIKA 'DI'ANG CO NE'I BAR RNYING KHUNGS DAG RANG LA MA PHYI BYAS TE RAB BYUNG BCU DRUG PA'I LCAGS PHO STAG LOR GSUNG PAR DU LEGS BSKRUN THOG GRVA TSANG 'DI NYID KYI CHOS MDZOD DU BZHUGS SU GSOL BA'O,,) ,,'DIR 'BAD DGE BA'I SA BON LEGS SMIN THUB PA'I RING LUGS YONGS 'DU'I LJON, ,BSTAN 'DZIN RKANG DRUG BYE BA RNAM RTZEN KUN DGA'I ME TOG PHYOGS MTHAR RGYAS, ,MA NOR LAM BZANG 'BRAS BU'I KHUR CHEN BSTAN SRID 'GRO PHAN ZUNGS SU DUD, ,BLA MED ZHI BA'I GRIB BSIL SNUM POR 'GRO BA MA LUS DBUGS 'BYIN SHOG , ,,SARBA MANGGA LAm,, ,,