` (LAM GTZO'I ZIN BRIS GSANG BA'I LDE MIG NI,) MCHOD BRJOD KYIS RTZA BA
BSHES GNYEN BSTEN TSUL DANG

SBYOR BA'I CHOS DRUG BSTAN, RGYAL BA'I GSUNG RAB KUN GYI SNYING PO'I
DON, ,ZHES SOGS LAM GYI GTZO BO GSUM LA SO SOR SBYOR TSUL DANG THUN
MONG DU SBYOR TSUL GNYIS, BSHAD TSE GO RIM YOD KYANG BSGOM TSE
GCIG GIS GCIG ZIN DGOS PA RJES MA GNYI

GA'I MTSAMS SBYAR GYIS SHES TE, DE MA BYAS NA DANG PO'I NGES 'BYUNG DE
THEG CHEN GYI LAM DU MI 'GRO, CHOS SGRUB 'DOD TZAM RE KUN LA YOD
KYANG PHYI BSHOL GYIS BSLUS PAS DAL 'BYOR DANG MI RTAG PA SBREL NAS
GSUNGS, 'KHOR BA'I SDUG BSNGAL THAMS CAD LAS MI DGE BA LAS

BYUNG BAS 'KHOR BA'I NYES DMIGS DANG LAS 'BRAS SBREL NAS GSUNGS, JO
BO'I LUGS DANG ZHI LHA'I LUGS BSRES PA'I SEMS SGOM TSUL GSUNGS TE, MA
RNAMS ZHES PA'I RNAMS KYI SGRAS SEMS SNYOMS PA DANG, MA ZHES PAS
MAR SHES TSIG SNGA MA'I SNYING RJE DANG,

@41A *, ,NGANG TSUL SNGAR PHAN BTAGS PA'I NGANG TSUL MAR SHES KYI
DRIN BSAM LUGS DANG, SLAR PHAN 'DOGS PA MNYAM PA RJE DRIN DRAN
LUGS GNYIS KYI PHYI MA 'PHRUL CHE STE, ZHING BZANG PO LA NAS BTAB MA
THUB KYI SEMS KHRAL

MA GTOGS 'DI LA MANG PO BTAB CES DRIN DU BRTZE BA MED PA LTAR SEMS
CAN GYI DON BSGRUB KYANG YUS MI 'BYUNG BA YIN, ,RGYU LAS BYUNG BA'I
RTEN 'BREL LAS KYANG, LUGS 'DIR MDUNG KHYIM GYI TSUL DU RGYU MANG
'BRAS BU LA BRTEN PAS LTOS NAS BTAGS

PA'I RTEN 'BREL GTZO BOR MDZAD DE BTAGS PA'I TSUL YANG, SNGAR BKRA
SHIS MI ZER BA'I MI GCIG LA RANG GIS BKRA SHIS ZHES BTAGS NAS ZHAG SHAS
SONG BA NA DE LA PHAR BTAGS PA'I BLO MED PAR DE'I NGOS NAS BKRA SHIS
GRUB PA 'DRA ZHIG SKYE BA'I NGANG TSUL PHRA MO

'DI RTOGS DKA' STE, GLEGS BAM LAS NGES NGES 'DRA BA NA GRUB MTHA' 'OG
MA TSO'I BDAG MED BSHAD PA'I DON BLO NGOR AE 'DUG MAS NAS BLTAS TE
MI 'DUG NA LTA BA'I PHYOGS NA MED DO, ,DON DAM RTOGS PA'I SHES RAB
MED NA GZHAN GNYIS KYIS MI THAR BA BSHAD

NAS DNGOS LA RTEN 'BREL GSUNGS PA 'DI GO NA GO LA, MIN NA GNAS LUGS
RTOGS PA'I SKABS MED PA LA DGONGS SHING SNANG BAS YOD MTHA' SEL BAS
KYANG YIN TE, DES MED MTHA' SEL BA MTHONG BA LA MI SKUR BA'I RGYANG
PHAN YANG 'DOD NA 'DI NI THUN MONG MA YIN NO, ,

TSIG NYUNG YANG YONGS 'DZIN RIN PO CHE'I GSUNG GI NYING KHU BSDUS
PA YIN PAS GCES PAR ZUNGS SHIG  , (,,'DI GUNG THANG GSUNG LAS BRIS PA'O,,)
` DAD DAM MTSUNGS MED GZIM LHA KLU DGA' TSAL BAS SPAR BSKRUN MDZAD
PA 'GRO DON 'PHEL,, ,,