*, ,CHOS MNGON PI MDZOD KYI DGONGS DON GSAL BAR BYED PA'I LEGS BSHAD NYIN BYED DBANG PO'I SNANG BA LAS LAS BSTAN PA ZHES BYA BA GNAS BZHI PA'I RNAM PAR BSHAD PA BZHUGS SO, , @01A *, ,BZHI PA LAS BSTAN PA'I GNAS BSHAD PA LA, LAS LAS 'JIG RTEN SNA TSOGS SKYES, ,ZHES SOGS GSUNGS TE, DE LA SNOD BCUD KYI 'JIG RTEN SNA TSOGS BSHAD PA DE DAG DBANG PHYUG SOGS KYIS BYAS PA MA YIN TE, SEMS CAN RNAMS KYIS LAS SNA TSOGS PA BSAGS PA LAS BYUNG BA YIN LA, DE LTA BU'I LAS DE LA YANG SEMS PA'I LAS DANG, BSAM PA'I LAS GNYIS LAS, SNGA MA NI YID KYI LAS DANG, PHYI MA NI DES BSKYED PA'I LUS NGAG GI LAS SO, ,PHYI MA LA YANG RIG BYED DANG RIG BYED MA YIN PA GNYIS LAS, DANG PO LA, LUS KYI RNAM PAR RIG BYED DANG, NGAG GI RNAM PAR RIG BYED GNYIS, DANG PO NI, BYE BRAG SMRA BAS, LUS KYIS 'GRO 'ONG DANG, PHYAG 'TSAL BA DANG, SROG GCOD PA LA SOGS PA'I TSE RNAM SMIN DANG RGYAS BYUNG GI LUS LAS THA DAD PA'I LUS DBYIBS RDZAS SU GRUB PA ZHIG SPYI GTZUG NAS RKANG PA'I BAR DU RNAM SMIN GYI LUS KYI GSEB TU TSUD NAS YOD KYANG, RIG BYED KYI GZUGS DE 'OD LTAR DANG BA'I PHYIR CHE BAR YANG MI 'GYUR, CHUNG BAR YANG MI 'GYUR TE NAGS LA ME ZHUGS PA BZHIN NO ZHES 'DOD DO, ,BYE BRAG SMRA BAS LUS KYI RIG BYED NI KHA DOG LAS RDZAS THA DAD PA'I DBYIBS SU 'DOD PA NI GTZO BOR RIG BYED KYI LAS LA BSAM PA LAS, SPYIR RIG BYED TZAM GYI NGO BOR GYUR PA'I KHA DOG KYANG 'DOD DAM SNYAM STE, RIG BYED KYI GZUGS ZHES PA NANG GI KUN SLONG GZHAN GYIS RIG PAR BYED PA'I GZUGS LA BYED PA YIN NA, DE LA NI KHA DOG KYANG 'BYUNG BA'I PHYIR TE, LUNG LAS, BSAM PA NANG NA GNAS PA NI, ,PHYI ROL NA NI MNGON PAR 'BYUNG, ,SKAD MDOG DBANG PO'I KHYAD PAR DAG ,RNAM PAR SBA BAR MI NUS SO, ,ZHES 'BYUNG BA'I PHYIR RO, ,MDO SDE PAS NI, DBYIBS ZHES PA NI KHA DOG DANG REG BYA GANG RUNG GI KHYAD PAR LA BTAGS PA LAS, DE GNYIS LAS RDZAS GZHAN PA NI MED DE, KHA DOG GI RDUL GYI BKOD PA LA KHA DOG GI DBYIBS DANG, REG BYA'I RDUL GYI BKOD PA LA REG @02A *, ,BYA'I DBYIBS SU BTAGS PA'I PHYIR ZHES ZER TE GRUB MTHA' SO SO'I 'DOD TSUL LO,, 7NGAG GI RNAM PAR RIG BYED NI, NGAG SGRA'I RANG BZHIN TE, DE YANG KUN SLONG GI BSAM PA RIG PAR BYED PA'I NGAG GO , ` RNAM GSUM DRI MED GZUGS GSUNG DANG, ,ZHES SOGS KYI SKABS SU, RNAM PAR RIG BYED MA YIN PA'I GZUGS KYI NGO BO NI GNAS DANG POR BSHAD ZIN LA, DE YOD PAR LUNG GANG GIS SHES ZHE NA, MDO LAS, GZUGS LA BSTAN YOD THOGS BCAS SOGS GSUM GSUNGS PAS NA, BSTAN MED THOGS MED KYI GZUGS NI RIG BYED MA YIN PA LAS GZHAN DU MED PA'I PHYIR DANG, KUN DGA' RA BA GTZUG LAG KHANG, ,MAL STAN 'TSO BA NAR MA DANG, ,BLO BUR NAD PA'I NAD G-YOG DANG, ,YUL NGAN TSE NA SBYIN PA NI, ,RDZAS LAS BYUNG BA'I BSOD NAMS 'DUN, ,ZHES DGE 'DUN LA KUN DGA' RA BA PHUL BA SOGS RDZAS LAS BYUNG BA'I BSOD NAMS BDUN DANG, BZHUGS DANG GSHEGS RTZOM LAM ZHUGS DANG, ,PHYIN PA THOS DANG MTHONG BA DANG, ,CHOS THOS BSLAB PA'I GZHI 'DZIN LAS, ,DGA' DANG DAD PA BSKYED PA NI, ,RDZAS LA MA LTOS BSOD NAMS BDUN, ,ZHES DE BZHIN GSHEGS PA DANG, DE'I NYAN THOS SOGS GRONG KHYER SOGS SU BZHUGS PA DANG, TSUR GSHEGS PAR RTZOM PA SOGS THOS PA DANG MTHONG BA LAS DAD PA DANG RAB TU DGA' BA RGYA CHER SKYES PA LAS THOB PA'I DGE BA LA RDZAS LAS MA BYUNG BA'I BSOD NAMS BDUN DU GSUNGS PA RNAMS KYANG BAR MA DGE BA'I RIG BYED MA YIN PA YIN GYI, RIG BYED DANG SEMS PA SOGS YIN NA NYAL BA SOGS KYI GNAS SKABS SU MI 'BYUNG BAR THAL BA LAS DE DAG GI TSE YANG 'BYUNG BAR GSUNGS PA'I PHYIR DANG, GZHAN YANG RIG BYED MA YIN PA'I GZUGS MED NA ZAG MED KYI GZUGS KYANG MED PAR 'GYUR LA, DE LTA NA 'PHAGS LAM YAN LAG BRGYAD MED PAR 'GYUR TE, MNYAM PAR BZHAG PA'I TSE LUS NGAG GI RIG BYED NI MED LA, RIG BYED MA YIN PA @02B YANG MED NA YANG DAG PA'I NGAG DANG, LAS KYI MTHA' DANG, 'TSO BA RNAMS MED PAR 'GYUR BA LAS DE DAG YOD PAR BSHAD PA'I PHYIR, ZHES LUNG GI SKRUB BYED RNAMS 'GOD PAR BYED DO, ,DES NA LUGS 'DIR YANG DAG PA'I NGAG LA SOGS PA NI SPONG BA BDUN GYI BDAG NYID ZAG MED KYI GZUGS SU BZHED DE ZAG MED KYI SDOM PA YANG DE'O, ,MDO SDE PA LA SOGS PAS NI DE LTAR MI 'DOD DE, MDO LAS BSTAN MED THOGS MED KYI GZUGS SOGS GSUNGS PA NI BSAM GTAN PA RNAMS KYI TING NGE 'DZIN LA ZAD PAR ZIL MNON DANG, MI SDUG PA LA SOGS PAR SNANG BA CHOS KYI SKYE MCHED PA'I GZUGS KYI DBANG DU MDZAD NAS GZUGS SU BTAGS PA YIN LA, DE NYID LA ZAG PA MED PA'I GZUGS SU GSUNGS PA SOGS SU 'DOD DE ZHIB PA GZHAN LAS SHES SO,, ` 'DOD GTOGS RNAM RIG MIN SKAD CIG ,ZHES SOGS KYI SKABS SU, 'O NA, RIG BYED MA YIN PA'I GZUGS DE 'BYUNG BZHI RGYUR BYAS PAR 'DOD NA, RNAM PAR RIG BYED SKYED BYED KYI 'BYUNG BA LAS SKYE'AM, DE LAS GZHAN PA'I 'BYUNG BA LAS SKYE ZHE NA, RIG BYED MA YIN PA'I GZUGS NI PHRA BA YIN LA, RIG BYED KYI GZUGS NI DE LAS BZLOG PA'I RAGS PA YIN PAS NA 'BYUNG BZHI'I TSOGS PA GCIG GIS 'BRAS BU PHRA RAGS GNYIS BSKYED PA 'GAL BAS NA RIG BYED SKYED BYED LAS GZHAN PA'I 'BYUNG BA LAS SKYE'O, ,'O NA RIG BYED MA YIN PA DE RANG DANG DUS MNYAM PA'I 'BYUNG BA LAS SKYE 'AM DUS MNYAM MA YIN PA LAS SKYE ZHE NA, 'DOD PA'I SAS BSDUS KYI RNAM PAR RIG BYED MA YIN PA SDOM PA DANG, SDOM MIN DANG, BAR MAS BSDUS PA RNAMS SKAD CIG DANG PO NI RANG DANG DUS MNYAM PA DA LTAR BA'I 'BYUNG BA LAS SKYE ZHING, SKAD CIG DANG PO PHYIN CHAD NI 'DAS PA'I 'BYUNG BA DANG, LUS KYI TSOGS PA NA YOD PA'I 'BYUNG BA DA LTAR BA GNYIS KA STE BZHI TSAN GNYIS GNYIS LAS SKYE ZHING, DE LAS GZHAN PA'I 'DOD PA'I RNAM PAR RIG BYED DANG, BSAM GTAN DANG ZAG MED KYI SDOM PA DANG, PHYI NANG GI GZUGS CAN GZHAN RNAMS NI RANG RANG DANG DUS MNYAM PA'I 'BYUNG BA KHO NA LAS SKYE ZHING, DE'I NANG NAS KYANG BSAM GTAN DANG, ZAG MED KYI SDOM PA'I SPONG BA BDUN CHAR YANG RANG DANG DUS MNYAM DA LTAR @03A *, ,BA'I 'BYUNG BA BZHI TSAN GCIG KHO NA LAS SKYE'O,, ` ZAG BCAS LUS DANG NGAG GI LAS, ,ZHES SOGS KYI SKABS SU, RGYU'I 'BYUNG BA DE DAG KYANG SA GANG GIS BSDUS ZHE NA, ZAG BCAS KYI NGO BO GYUR PA'I LUS NGAG GI LAS RIG BYED DANG RIG BYED MA YIN PA THAMS CAD NI RANG SA'I 'BYUNG BA KHO NA RGYUR BYAS PA YIN TE, 'DOD PA'I SAS BSDUS PA'I LUS NGAG GI LAS RNAMS 'DOD PA'I 'BYUNG BA RGYUR BYAS PA NAS, BSAM GTAN BZHI PA'I SAS BSDUS KYI LUS NGAG GI LAS RNAMS BZHI PA'I 'BYUNG BA RGYUR BYAS PA'I BAR DU'O, ,ZAG MED KYI LUS NGAG GI LAS NI RTEN DBANG BTZAN PAS SDOM PA DE GANG DU SKYES PA'I SA DE'I 'BYUNG BA RGYUR BYAS PA YIN TE, 'DOD KHAMS PA'I RGYUD LA ZAG MED KYI SDOM PA SKYES NA DE 'DOD PA'I 'BYUNG BA RGYUR BYAS PA SOGS YIN PA'I PHYIR RO, ,RNAM PAR RIG BYED MA YIN PA DE'I NGO BO NI, MA ZIN PA DANG, RGYU MTHUN LAS BYUNG BA DANG, DGE MI DGE GANG RUNG DU NGES PA DANG, SEMS CAN DU STON PA RGYUD KYIS BSDUS PA YIN LA, DE'I NANG NAS 'DOD PA'I RIG BYED MA YIN PA NI, KUN SLONG GI SEMS LA LTOS PA DANG, MNYAM BZHAG GIS PA MA YIN PA DANG, RGYUD KYIS ZIN PA'I 'BYUNG BA LAS SKYE BA DANG, SEMS KYI RJES 'BRANG MA YIN PA'I PHYIR SO THAR GYI SPONG BA BDUN LTA BU YANG 'BYUNG BA BZHI TSAN THA DAD PA LAS SKYE BA YIN LA, BSAM GTAN DANG ZAG MED KYI RNAM PAR RIG BYED MA YIN PA NI MA ZIN PA'I 'BYUNG BA DANG, TING NGE 'DZIN GYIS BSKYED PA'I RGYAS PA'I 'BYUNG BA LAS SKYE LA, SEMS KYI RJES 'BRANG YIN PA'I PHYIR SPONG BA BDUN KA 'BYUNG BA BZHI TSAN GCIG LAS SKYE BA GONG DU BSHAD PA LTAR YIN PA'I PHYIR, YANG, RIG BYED MA YIN PA LA DGE MI DGE GANG RUNG GIS KHYAB PA LAS LUNG MA BSTAN MED LA, RIG BYED KYI GZUGS DANG SEMS PA SOGS LA DGE MI DGE LUNG MA BSTAN GSUM GA YOD CING, DE'I NANG NAS MI DGE BA'I RIG BYED DANG RIG BYED MA YIN PA DANG, SEMS PA RNAMS NI 'DOD PA KHO NA NA YOD, GZUGS NA'ANG BSAM GTAN DANG ZAG MED KYI SDOM PA'I NGO BOR GYUR PA'I RIG BYED MA YIN PA YOD LA, DE GNYIS RGYUD LDAN GYI GANG ZAG NI 'DOD PA NA YANG YOD DO, ,GZUGS MED NA NI RIG BYED DANG RIG BYED MA YIN PA GANG @03B YANG MED DE GZUGS CAN THAMS CAD MED PA'I PHYIR, BSAM GTAN GNYIS LA YAN CHAD NA LUS NGAG GI RNAM PAR RIG BYED MED DE, DE KUN NAS SLONG BYED KYI RTOG DPYOD MED PA'I PHYIR, DES NA 'DOD PA DANG BSAM GTAN DANG PO KHO NA NA YOD DO, BSGRIBS GZUGS LUNG MA BSTAN GYI RIG BYED NI 'DOD PA NA MED DE, DE KUN NAS SLONG BYED KYI BSGRIBS SEMS MED PA'I PHYIR TE, 'DOD PA NA LTA BA DANG PO GNYIS DANG MTSUNGS LDAN GYI BSGRIBS SEMS YOD KYANG MTHONG SPANG YIN PAS KHA NANG DU LTAS PA'I PHYIR RIG BYED KYI DUS KYI KUN SLONG MI BYED DO, DES NA BSGRIBS GZUGS LUNG MA BSTAN GYI LUS NGAG GI RIG BYED NI BSAM GTAN DANG PO KHO NA NA YOD CING, DE YANG TSANGS PA CHEN POS BSGRIBS SEMS KYIS KUN NAS BSLANGS NAS NGAG SMRA BA SOGS BYED PA'I PHYIR ZHES ZER RO,, ` DAM PA'I DON DU DGE RTZA BA, ,ZHES SOGS KYI SKABS SU, 'DIR DNGOS SU BSTAN PA'I DGE BA LA DBYE NA BZHI YOD DE, DON DAM PA'I DGE BA DANG, NGO BO NYID KYIS DGE BA DANG, MTSUNGS LDAN GYI DGE BA DANG, KUN SLONG GI DGE BA BZHI YOD PA'I PHYIR, DANG PO YOD DE, THAR PA MYA NGAN LAS 'DAS PA DE DE YIN PA'I PHYIR TE, MI DGE BA DANG SDUG BSNGAL THAMS CAD NYE BAR ZHI BA'I PHYIR, GNYIS PA YOD DE, 'DOD CHAGS MED PA LA SOGS PA DGE BA'I RTZA BA GSUM DANG, NGO TSA SHES PA DANG, KHREL YOD RNAMS TE MTSUNGS LDAN DANG KUN SLONG LA MI LTOS PAR BDAG NYID KYIS DGE BA YIN PA'I PHYIR, DGE BA'I SA MANG BCU PO THAMS CAD KYANG NGO BO NYID KYIS DGE BA YIN MOD KYANG, 'DIR LNGA GTZO BOR SMOS PA NI LNGA PO DE LAS BZLOG PA MI DGE BAR BSTAN PA'I CHED DU YIN PA'I PHYIR, GSUM PA YOD DE, NGO BO NYID KYIS DGE BA DE DAG DANG MTSUNGS PAR LDAN PA'I SEMS DANG SEMS BYUNG RNAMS YIN PA'I PHYIR TE, NGO BO NYID KYIS DGE BA LAS GZHAN PA'I SEMS DANG SEMS BYUNG GZHAN SEMS KYIS MANG LTA BU RNAMS NI DGE BAR 'GYUR MI 'GYUR NGO BO NYID KYIS DGE BA DE DAG DANG MTSUNGS LDAN DU SONG MA SONG LA LTOS PA'I PHYIR RO, ,NGO BO NYID DANG MTSUNGS LDAN GYI DGE BA DE DAG GIS KUN NAS BSLANGS PA'I LUS NGAG GI LAS RNAMS DANG, DE DAG GI THOB PA DANG, MTSAN NYID SKYE SOGS DANG, SEMS MED PA'I SNYOMS @04A *, ,'JUG GNYIS RNAMS NI KUN SLONG GIS DGE BA YIN TE, DE DAG 'BYUNG BA DGE BA'I KUN SLONG LA LTOS PA'I PHYIR, DE BZHIN DU DGE BA DE DAG LAS BZLOG PA MI DGE BA LA YANG SGRAS BRJOD RIS KYIS PHYE NA BZHI STE, 'KHOR BA NI MI DGE BA DANG SDUG BSNGAL THAMS CAD 'JUG PA'I GZHI YIN PA'I PHYIR DON DAM PA'I MI DGE BA DANG, MI DGE BA'I RTZA BA GSUM DANG NGO TSA MED PA DANG KHREL MED PA RNAMS NGO BO NYID KYIS MI DGE BA DANG, DE DAG DANG MTSUNGS LDAN GYI SEMS DANG SEMS BYUNG RNAMS MTSUNGS LDAN GYIS MI DGE BA DANG, DE DAG GIS KUN NAS BSLANGS PA'I LUS NGAG GI LAS DANG, MTSAN NYID DANG THOB PA RNAMS NI KUN SLONG GIS MI DGE BA'O, ,'O NA, NYID MTSAMS SBYOR BA'I GNAS SKABS KYI DGE BA'I THOB PA LTA BU RNAMS DGE BA BZHI PO GANG DU GTOGS ZHE NA, 'DI DAG NI THOB BYA'I CHOS LA LTOS NAS DGE BAR 'JOG PA LAS MTSUNGS LDAN DANG, KUN SLONG SOGS LA MI BLTOS SHING, DE NI DGE MI DGE'I THOB PA SNGAR SKYES PHAL MO CHE LA MTSUNGS PAS NA, DGE MI DGE GANG RUNG YIN NA SKABS 'DI'I DNGOS BSTAN GYI BZHI PO DE DAG GANG RUNG YIN PAS MA KHYAB BO, ,'O NA GONG DU DGE MI DGE'I LUS NGAG GI LAS KYI THOB PA DANG, MTSAN NYID SKYE SOGS RNAMS KUN SLONG GIS DGE MI DGE GANG RUNG DU 'JOG PA MA YIN NAM, ZHE NA, DE NI THOB BYA'I CHOS DE DAG DANG DUS MNYAM PA'I THOB PA SOGS LA BSAM PA YIN PAS MI MTSUNGS SHING, 'DIR KUN SLONG GIS DGE MI DGE ZHES PA'I KUN SLONG LA NI RGYU'I KUN SLONG DANG, DUS KYI KUN SLONG GNYIS KA YOD DO, ,YANG SKABS 'DIR MI DGE BA'I DBYE TSUL LA SGRAS BRJOD RIS ZHES SMOS PA'I DGOS PA YOD DE, DON DAM PA'I MI DGE BA YIN NA MI DGE BA YIN PAS MA KHYAB PA SHES PA'I CHED DU YIN PA'I PHYIR, GAL TE DON DAM PA'I MI DGE BA LA MI DGE BAS KHYAB ZER NA, 'KHOR BA CHOS CAN, MI DGE BA YIN PAR THAL, DON DAM PA'I MI DGE BA YIN PA'I PHYIR, 'DOD NA, 'KHOR BA CHOS CAN, KHAMS GONG MA GNYIS NA MED PAR THAL, MI DGE BA YIN PA'I PHYIR, GZHAN YANG ZAG BCAS THAMS CAD MI DGE BA YIN PAR THAL, DON DAM PA'I MI DGE BA YIN PA'I PHYIR, DER THAL, 'GREL PA MNGON PA'I RGYUN DU, ZAG BCAS THAMS CAD DON DAM PAR MI DGE @04B BA DANG, ZHES GSUNGS PA'I PHYIR, 'DOD NA, DGE BA ZAG BCAS THAMS CAD MI DGE BAR 'DOD DGOS PA SOGS HA CANG THAL LO, ,'O NA, DON DAM PA'I DGE BA YIN NA YANG DGE BA YIN PAS MA KHYAB PAR 'GYUR BAS, DGE BA LA SGRAS BRJOD RIS PHYE DGOS SO ZHE NA, GRUB MTHA' GZHAN GYI LUGS LA MA KHYAB PAR 'DOD PA YIN KYANG, LUGS 'DIR KHYAB PAR KHAS BLANGS PA LA 'GAL BA MED DE, LAM BDEN GYI CHA 'GA' ZHIG DON DAM PA'I DGE BAR GTOGS PAR GSUNGS PA RNAMS NI DGE BA DNGOS YIN CING, THAR PA MYANG 'DAS SO SOR BRTAGS 'GOG LTA BU YANG 'DUS MA BYAS KYI DGE BAR 'DOD LA, DE DAG LAS GZHAN PA'I DON DAM PA'I DGE BA NI MED PA'I PHYIR, 'DIR RTZA 'GREL PHAL CHE BA RNAMS SU DON DAM PA'I DGE BA'I MTSAN GZHI LA THAR PA MYANG 'DAS LAS DNGOS SU MA SMOS KYANG, LAM BDEN GYI CHA 'GA' ZHIG YOD PA 'GREL PA MNGON PA'I RGYAN DU GSUNGS LA, 'DUS MA BYAS GSUM LAS NAM MKHA' DANG, SO SOR BRTAGS MIN GYI 'GOG PA GNYIS DON DAM PA'I LUNG MA BSTAN DU GSUNGS PA'I RIGS PAS DPAGS NA THAR PA MYANG 'DAS SU MA ZAD SO SOR BRTAGS 'GOG MTHA' DAG DON DAM PA'I DGE BAR GTOGS PAR MNGON LA, DE LTA NA LUGS 'DIR RDZAS SPYI NYIS 'GO SPANG NA GZHI GRUB NA DGE MI DGE LUNG MA BSTAN GSUM PO GANG RUNG YIN PAS KHYAB PAR KHAS BLANGS CHOG GO , 'O NA, LAM BDEN LA DON DAM PA'I DGE BAR GTOGS PA YOD NA DE GANG YIN ZHE NA, SO SOR BRTAGS 'GOG DON DAM PA'I DGE BAR BSHAD PA'I ZLAS DRANGS TE, ZAG MED KYI RNAM GROL LAM RNAMS KYANG DON DAM PA'I DGE BAR 'JOG PAR MNGON LA, 'ON KYANG DE DAG NI NGO BO NYID DANG MTSUNGS LDAN DANG, KUN SLONG GIS DGE BA RNAMS SU YANG CI RIGS PAR 'DU BAS NA DON DAM PA'I DGE BA DANG NGO BO NYID KYIS DGE BA SOGS MI 'GAL BAR YANG 'DOD DGOS SHING, LUGS 'DIR DON DAM PA'I DGE BA YIN NA ZAG MED KYI DGE BA YIN PAS KHYAB PA YANG YIN NO, ,DE LTAR YIN KYANG DON DAM PA'I MI DGE BA LA TSUL DE MI MTSUNGS PA NI GRUB MTHA'I 'DOD TSUL LO,, 7DE BZHIN DU LUNG MA BSTAN LA YANG BZHI YOD DE, NAM MKHA' DANG BRTAGS MIN GYI 'GOG PA GNYIS DON DAM PA'I LUNG MA BSTAN DANG, BZO DANG SPYOD LAM PA DANG, SPRUL SEMS @05A *, ,RNAM SMIN SKYES KYI SEMS BZHI DANG, SDOM PA DANG SDOM MIN BAR MAS BSDUS PA'I LUS NGAG GI RNAM PAR RIG BYED KYANG NANG GI BEMS POR 'JOG DGOS PAS DE DAG LAS GZHAN PA'I PHYI NANG GI BEMS PO RNAMS NGO BO NYID KYIS LUNG MA BSTAN DANG, BZO SEMS SOGS DANG, MTSUNGS LDAN GYI SEMS BYUNG DANG, 'DOD PA'I 'JIG LTA MTHAR LTA MTSUNGS LDAN DANG BCAS PA DANG, GONG MA GNYIS KYI SEMS SEMS BYUNG NYON MONGS CAN THAMS CAD DANG BCAS PA NI MTSUNGS LDAN GYI LUNG MA BSTAN DANG, BZO DANG, SPYOD LAM PA DANG, SPRUL SEMS KYIS KUN NAS BSLANGS PA'I LUS NGAG GI RIG BYED MTSAN NYID THOB PA DANG BCAS PA RNAMS NI KUN SLONG GIS LUNG MA BSTAN YIN LA, BSAM GTAN DANG PO'I BSGRIBS SEMS KYIS KUN NAS BSLANGS PA'I RIG BYED KYANG KUN SLONG GIS LUNG MA BSTAN DU GTOGS SO, ,LUNG MA BSTAN PHYI MA GSUM PO 'DI YANG DON DAM PA'I MI DGE BAR NI 'DUS TE, ZAG BCAS YIN PA'I PHYIR RO,, ` KUN SLONG RNAM GNYIS RGYU DANG NI, ,ZHES SOGS KYI SKABS SU, 'O NA, KUN SLONG GIS DGE BA DANG MI DGE BA ZHES BSHAD NA, KUN SLONG DE NI JI LTA BU ZHE NA, DE LA NI RGYU'I KUN SLONG DANG, DUS KYI KUN SLONG GNYIS YOD PAS SNGA MA LA RAB TU 'JUG BYED DANG, PHYI MA LA RJES SU 'JUG BYED CES BYA'O, ,DE LA MTHONG SPANG DU GYUR PA'I YID KYI RNAM SHES NI KHA NANG DU BLTAS PA'I PHYIR DE LA NI LUS NGAG GI RIG BYED KYI RGYU'I KUN SLONG NGAM RAB TU 'JUG BYED NI YOD KYI DUS KYI KUN SLONG BYED PA NI MED LA, SGOM SPANG DU GYUR PA'I YID KYI RNAM SHES LA NI RIG BYED KYI RGYU'I KUN SLONG DANG, DUS KYI KUN SLONG GNYIS KA YOD DO, ,DBANG PO'I RNAM SHES LNGA MTSUNGS LDAN DANG BCAS PA LA NI NGES PAR RTOG PA MED PAS DUS KYI KUN SLONG MA GTOGS RGYU'I KUN SLONG MED DO, ,'DI'I THAD KYI 'GREL PA MNGON PA'I RGYUN DU, MDO LAS, LOG PAR LTA BA MTHONG SPANG GIS RIG BYED KUN NAS SLONG BAR BSHAD PA NI RGYU'I KUN SLONG GI DBANG DU MDZAD PA YIN LA, 'DOD KHAMS NA BSGRIBS PA'I RIG BYED KYI KUN SLONG MED PAR BSHAD PA NI DUS KYI KUN SLONG GI DBANG DU MDZAD PA YIN TE, ZHES GSUNGS PA 'DI LA GO BA LEN TSUL 'KHRUL NA, 'DOD KHAMS NA @05B BSGRIGS PA'I RIG BYED KYI DUS KYI KUN SLONG MED PAR BSTAN PA'I SHUGS LA, RGYU'I KUN SLONG YOD PAR BSTAN PAS DES NA 'DOD PA'I SAS BSDUS KYI BSGRIBS GZUGS LUNG MA BSTAN KYANG YOD PAR BSTAN TO SNYAM DU DOGS PA'ANG SRID NA, DE NI MA YIN TE, 'GREL PA DER, 'DOD KHAMS NA BSGRIBS PA'I RIG BYED KYI KUN SLONG ZHES BSHAD PA'I RIG BYED NI, 'DOD PA'I MI DGE BA'I RIG BYED YIN PA LAS BSGRIBS PA'I RIG BYED MA YIN ZHING, BSGRIBS PA'I KUN SLONG ZHES BSHAD PA NI, 'DOD PA'I 'JIG LTA MTHAR LTA GNYIS MTSUNGS LDAN DANG BCAS PA'I BSGRIBS LUNG MA BSTAN MTHONG SPANG GIS MI DGE BA'I RIG BYED KYI RGYU'I KUN SLONG BYED PA YOD KYANG DUS KYI KUN SLONG BYED PA MED DO ZHES BSTAN PA LAS, 'DOD PA NA BSGRIBS LUNG MA BSTAN GYI RIG BYED YOD PAR BSTAN PA NI MA YIN LA, DE'I DUS KYI KUN SLONG NI NGES PAR 'DOD PA'I SGOM SPANG NYON MONGS CAN KHO NAR LTOS DGOS NA, DE LA NI MI DGE BA MA GTOGS MED PA'I DBANG GIS DA DUNG 'DOD PA NA BSGRIBS LUNG MA BSTAN GYI RIG BYED MI 'BYUNG BA'I RGYU MTSAN DU SONG BA YIN TE, DE 'JUG DE MA THAG TU 'GREL PA DE NYID LAS, DES NA 'DOD PA'I 'JIG TSOGS LA LTA BA DANG MTHAR 'DZIN PA'I LTA BA BSGRIBS LA LUNG MA BSTAN MTHONG SPANG GIS RIG BYED KYI RGYU'I KUN SLONG BYED KYANG DUS KYI KUN SLONG NI SGOM SPANG GI RNAM SHES KHO NA LA LTOS LA, SGOM SPANG GI RNAM SHES BSGRIBS PA'ANG 'DOD PA NA MED PA'I PHYIR 'DOD PA NA BSGRIBS PA'I RIG BYED MED DO, ,ZHES BYA BA YIN NO, ,ZHES GSUNGS PAS NA MKHAS PA'I GSUNG RLINGS PA LA GZHAN DU GO BAR MI BYA'O,, ` RAB TU 'JUG BYED DGE SOGS LAS, ,ZHES SOGS KYI SKABS SU, 'O NA, KUN SLONG GNYIS LAS DUS KYI KUN SLONG KHO NA GTZO CHE BA YIN NAM, DE LTAR NA, RGYU'I KUN SLONG DGE BAS BYAS KYANG DUS KYI KUN SLONG MI DGE BA DANG LUNG MA BSTAN GANG RUNG GIS BYAS PA'I SDOM PA SOGS DGE BAR MI 'GYUR RO,, ZHE NA, RGYU DUS KYI KUN SLONG GI BSAM PA GNYIS PO MTHONG SPANG DANG SGOM SPANG RIS MI GCIG NA DUS KYI KUN SLONG GTZO CHE BA YIN LA, RIS GCIG NA NI RGYU'I KUN SLONG KHO NA GTZO CHE BAS NA DE LTAR THAL BA'I SKYON MED DO ZHES LAN 'DEBS PA STE, DES NA MTHONG SGOM SPANG BYA RIS GCIG MI GCIG @06A *, ,RTZI BA LAS MTHA' GCIG TU RGYU'I KUN SLONG DANG, DUS KYI KUN SLONG 'DI GTZO CHE BA YIN NO ZHES KHA TSON GCOD PAR MI BYA'O, ,RAB TU 'JUG BYED RGYU'I KUN SLONG DGE BA LAS, RJES SU 'JUG BYED DUS KYI KUN SLONG DGE MI DGE LUNG MA BSTAN GSUM CI RIGS SU 'GYUR BA YOD LA, DE BZHIN DU RGYU'I KUN SLONG MI DGE BA DANG LUNG MA BSTAN LAS KYANG DUS KYI KUN SLONG RNAM PA GSUM CI RIGS SU 'BYUNG BA YOD DO, ,'DIR 'GREL PA RNAMS SU RAB TU 'JUG BYED DANG RJES SU 'JUG BYED LA MU BZHI GSUNGS PA'I MTSAN GZHI RNAMS NI, MU DE DAG YOD MED LA BYED PA LAS YIN MIN LA BYED PA MA YIN TE, RGYU'I KUN SLONG DANG DUS KYI KUN SLONG GNYIS KA YIN PA MI SRID PA'I PHYIR TE, DE GNYIS DUS MNYAM DU 'BYUNG MI SHES PA'I PHYIR, DES NA, YOD MED LA RTZI BA'I MU BZHI NI YOD DE, MTHONG SPANG GI SEMS LA NI RAB TU 'JUG BYED YOD LA RJES SU 'JUG BYED MED PA DANG, SGO LNGA'I RNAM SHES LA RJES SU 'JUG BYED LAS RAB TU 'JUG BYED LAS RAB TU 'JUG BYED MED PA DANG, YID SHES SGOM SPANG LA NI GNYIS KA YOD PA DANG, ZAG MED NI GNYIS KA MED PA'I MU'O,, ` THUB PA'I 'DRA BA'AM DE DGE BA, ,ZHES SOGS KYI SKABS SU, THUB PAS SANGS RGYAS BCOM LDAN 'DAS LA NI DMId KYIS BSAL BA STE, RAB TU 'JUG BYED DGE BA DANG LUNG MA BSTAN LAS RJES SU 'JUG BYED KYANG DGE BA DANG LUNG MA BSTAN DU 'DRA BA'AM, YANG NA, SANGS RGYAS KYI THUGS NI DMAN PAR MI 'GYUR BAS DGE BA LAS LUNG MA BSTAN DU MI 'GYUR GYI DGE BA LAS DGE BA 'BYUNG BA MA ZAD, LUNG MA BSTAN LAS KYANG DGE BA KHO NA 'BYUNG BAS NA, THUB PA'I RJES SU 'JUG BYED NI DGE BA KHO NA YIN ZHES BYE BRAG SMRA BA 'DOD LA, SDE PA GZHAN DAG NI, MDO LAS, GLANG CHEN GSHEGS NA'ANG MNYAM PAR BZHAG ,CES SOGS GSUNGS PA LTAR SANGS RGYAS RNAMS KYI THUGS RGYUD NI RTAG TU MNYAM PAR BZHAG PA'I PHYIR SPYOD LAM BZHI CHAR YANG DGE BA KHO NAR RGYUD GCIG PAS LUNG MA BSTAN GYI SEMS MI MNGA' BAR 'DOD LA, BYE BRAG SMRA BAS, MDO LAS GSUNGS PA NI, SANGS RGYAS KYI THUGS NI SPYOD LAM BZHI PO GANG GI SKABS SU YANG DE DANG DE MDZAD DO SNYAM PA'I DGONGS PA NYE BAR GNAS PA STE, @06B DRAN BZHIN SHES BZHIN DU MDZAD PA LAS MI BZHED BZHIN DU MI 'JUG PA LA DGONGS KYI, LUNG MA BSTAN RNAM SMIN SKYES DANG, SPYOD LAM PA DANG, SPRUL SEMS RNAMS GTAN NAS MI MNGA' BA NI MA YIN NO ZHES 'DOD DO,, 7YID DANG SGO LNGA'I SHES PA LA KUN SLONG YOD PAR BSHAD PA YANG, RNAM SMIN LAS GZHAN PA'I SHES PA LA BYED PA YIN GYI, RNAM SMIN SKYES SAM RNAM SMIN GYI SHES PA LA NI KUN SLONG RNAM PA GNYIS KA MED DE, KUN SLONG NI MNGON PAR 'DU BYED PA DANG BCAS PA YIN LA, RNAM SMIN SKYES KYI SHES PA NI MNGON PAR 'DU BYED PA LA MI LTOS PAR RANG GIS NGANG GIS 'JUG PA'I PHYIR RO, ,DE BZHIN DU ZAG MED KYI SEMS KYANG RNAM PAR MI RTOG CING NANG DU MNYAM PAR BZHAG PA'I PHYIR KUN SLONG DU MI RUNG NGO,, 7'DI'I SKABS SU DOGS PA DPYAD PAR BYA BA 'DI YOD DE, LUGS 'DIR BSAM GTAN GNYIS PA YAN CHAD NA RTOG DPYOD MED PAS KUN SLONG GI SEMS NI 'DOD PA DANG, BSAM GTAN DANG PO KHO NA NA YOD PAR BSHAD PA DANG, YANG 'GREL PA RNAMS SU, SGO LNGA'I RNAM SHES RTOG MED DU YANG BSHAD CING DE LA KUN SLONG GI SEMS YOD PAR YANG BSHAD PA DANG, KHA NANG DU BLTAS PA'I SHES PAS LUS NGAG GI RIG BYED SOGS KUN NAS SLONG BA MED PAR BSHAD PA DANG, SKABS 'GAR LOG LTA SOGS MTHONG SPANG GIS RIG BYED KUN NAS SLONG BAR BSHAD PA DANG, ZAG MED KYI SEMS SOGS NANG DU MNYAM PAR BZHAG PA'I SEMS LA KUN SLONG BZHAG TU MED PAR BSHAD PA DANG, YANG, LAM BDEN LA KUN SLONG GI DGE BA YOD PAR BSHAD PA DANG, SKAL BA MI MNYAM PA'I SEMS KYIS SKAL BA MI MNYAM PA'I KUN SLONG MI BYED PA LTA BU ZHIG KYANG GSUNG NA DE DAG 'GAL BA 'DU BAR 'GYUR TE, KUN SLONG GI SEMS DE RTOG DPYOD DANG BCAS PA KHO NA LA MA GTOGS MED NA, SKABS 'DIR SGO LNGA'I RNAM SHES RTOG MED DU BSHAD SNANG BAS DE LA KUN SLONG GI SEMS 'JOG MI RIGS PAR 'GYUR BA LAS, SGO LNGA'I RNAM SHES LA DUS KYI KUN SLONG 'JOG PA 'GAL BA'I PHYIR, DE BZHIN DU, KHA NANG DU BLTAS PA'I SHES PAS RIG BYED KUN NAS SLONG BA MI SRID NA, MTHONG SPANG GIS RIG BYED KYI RGYU'I KUN SLONG BYED PAR BSHAD PA YANG 'GAL BA'I PHYIR, YANG, ZAG MED KYI SEMS SOGS MNYAM BZHAG GI SEMS LA KUN SLONG MED NA @07A *, ,ZAG MED KYI SDOM PA LTA BU LA YANG KUN SLONG LA BRTEN PA MI SRID PAR 'GYUR LA, DE LTA NA LAM BDEN LA KUN SLONG GIS DGE BA BZHAG TU MED PAR THAL, DE KUN NAS SLONG BYED KYI SEMS MED PA'I PHYIR, 'DOD NA, MI 'THAD DE, 'GREL PA MNGON PA'I RGYAN LAS, LAM BDEN NI NGO BO NYID DANG MTSUNGS LDAN DANG, KUN NAS SLONG BA DANG, DON DAM PA'I DGE BAR YANG 'DU BA'I PHYIR, ZHES LAM BDEN LA KUN SLONG GIS DGE BAR GTOGS PA YOD PAR BSHAD PA'I PHYIR, YANG DE KUN NAS SLONG BYED YOD DE, MNYAM PAR BZHAG PA'I GNAS SKABS SU 'JUG PA'I DUS KYI KUN SLONG MED KYANG, MNYAM PAR MA BZHAG GONG DU 'DOD SEMS LTA BUS RGYU'I KUN SLONG BYED PA YOD DO, ,ZHE NA, DE MI 'THAD PAR THAL, DE GNYIS SKAL BA MI MNYAM PA GANG ZHIG ,SKAL BA MI MNYAM PA'I SEMS KYIS SKAL BA MI MNYAM PA'I KUN SLONG BYED PA MI 'THAD PA'I PHYIR, DER THAL, 'GREL PA MNGON PA'I RGYAN GYI MCHAN BUR, MNYAM PAR 'JOG PA'I SNGON DU BSAMS SO ZHE NA, DE NI SKAL BA MI MNYAM PAS DE KUN NAS SLONG BYED MA YIN NO, ,ZHES GSUNGS PA'I PHYIR ZER NA, SPYIR NA RIG BYED MA YIN PA'I GZUGS KUN SLONG GIS DGE MI DGER 'JOG PA SOGS BYE BRAG SMRA BA'I GRUB MTHAS BRTAGS PA KHO NA YIN PA LAS DON LA GNAS PA MA YIN PA 'GREL PA RNAMS SU GSUNGS PA LTAR YIN MOD KYANG, GONG DU BKOD PA DE DAG BYE SMRA'I RANG LUGS LA MI 'GAL BA'I TSUL NI YOD DE, JI LTAR ZHE NA, BSAM GTAN GNYIS PA YAN CHAD NA RTOG DPYOD MED PAS KUN SLONG MED PA NI NGES PAR YIN TE, GNYIS PA YAN CHAD RANG SA NA SGO LNGA'I DBANG SHES NI MED PAS NA DBANG SHES KYIS DUS KYI KUN SLONG BYED PA YANG MED LA, YID SHES NI SA DE DAG TU SEMS PA TZAM GYIS MNYAM BZHAG RTOG MED TU 'GYUR BAS KUN SLONG GI SEMS SU MI RUNG BA'I PHYIR, DBANG SHES LNGA RTOG MED YIN PAS DE LA DUS KYI KUN SLONG MA GTOGS RGYU'I KUN SLONG MI 'JOG PAR GSUNGS PA NI SNGAR GONG DU'ANG LAN DU MAR BSHAD PA LTAR NGES RTOG DANG RJES DRAN GYI RTOG MED LA DGONGS PA LAS, SPYIR DBANG PO'I RNAM SHES LNGA RTOG MED DU BSHAD PA NI MA YIN TE, DE DAG MTHA' GCIG TU RTOG BCAS SU BSHAD PA'I PHYIR TE, RTOG DANG DPYOD DANG BCAS PA NI, ,RNAM PAR SHES PA'I @07B KHAMS LNGA YIN, ,ZHES GSUNGS PA'I PHYIR, DES NA DBANG SHES RTOG BCAS YIN PAS DE LA DUS KYI KUN SLONG 'JOG PA YANG MI 'GAL LO, ,DE BZHIN DU KHA NANG DU BLTAS PA'I SHES PAS RIG BYED KYI KUN SLONG MI BYED PAR GSUNGS PA NI DUS GYI KUN SLONG LA DGONGS PA YIN LA, MTHONG SPANG LOG LTAS KUN SLONG BYED PAR GSUNGS PA NI RGYU'I KUN SLONG LA DGONGS PA GONG DU BSHAD ZIN LTAR YIN PA'I PHYIR, ZAG MED KYI SEMS KYI NGO BOR GYUR PA'I KUN SLONG MED CING, ZAG MED KYI SDOM PA DA LTAR BA DANG DUS MNYAM DU 'JUG PA'I DUS GYI KUN SLONG MED KYANG 'DOD PA'I GANG ZAG GIS ZAG MED LA MNYAM PAR MA BZHAG GONG DU 'DOD SEMS KYI MA ZAG MED KYI SDOM PA'I RGYU'I KUN SLONG BYED PA NI YOD PA'I PHYIR, DE LA 'GREL PA MNGON PA'I RGYAN DU, DE SKAL BA MI MNYAM PAS KUN NAS SLONG BYED MA YIN PAR GSUNGS PA NI, BYE SMRA'I 'DOD TSUL LA SKAL BA MI MNYAM PA'I GNOD BYED BSTAN PA YIN PA LAS, BYE SMRA'I RANG LUGS SU BSTAN PA MA YIN PA NI, 'GREL PA DE'I GONG 'OG GI TSIG RIS KUN LA BRTAGS NA SHES SO, ,DE'I PHYIR LAM BDEN LA KUN SLONG GI DGE BA YANG NGES PAR BZHAG CHOG PA YIN NO, ,'ON KYANG KUN SLONG LA BRTEN PA'I BSAM GTAN DANG ZAG MED KYI SDOM PA NI 'DOD PA DANG BSAM GTAN DANG PO'I RTEN CAN GYI RGYUD LA MA GTOGS GNYIS PA YAN CHAD KYI RTEN LA NI 'JOG MI SHES PA 'DRA'O, ,DES NA RTOG MED KYI SHES PA LA KUN SLONG 'JOG MI RIGS PAR THAL, BSAM GTAN GNYIS PA YAN CHAD DU KUN SLONG MED PA'I RGYU MTSAN RTOG BCAS KYI SEMS MED PA LA BYED PA'I PHYIR, 'DOD NA, DBANG SHES LA KUN SLONG MI 'JOG PAR THAL, DBANG SHES RTOG MED YIN PA'I PHYIR, DER THAL, 'GREL PA MNGON PA'I RGYAN LAS, MIG SOGS KYI RNAM SHES LNGA NI RTOG MED YIN PA'I PHYIR, RJES SU 'JUG PAR BYED PA DUS KYI KUN SLONG KHO NA YIN NO ZHES GSUNGS PA'I PHYIR NA MA KHYAB STE, NGES RTOG DANG RJES DRAN GYI RTOG MED LA DGONGS PA'I PHYIR ZHES LAN 'DEBS LA, DE BZHIN DU MTHONG SPANG GIS RIG BYED KYI KUN SLONG BYED PA MED PAR THAL, KHA NANG DU BLTAS PA'I SHES PA YIN PA'I PHYIR, ZER NA, MA KHYAB BYAS PA LA, KHO NA RE, DE KHYAB PAR THAL, 'GREL PA MNGON PA'I RGYAN DU, DE DAG NI MTHONG SPANG YIN PAS KHA NANG DU BLTAS PA'I @08A *, ,PHYIR RIG BYED KUN NAS SLONG BA MA YIN NO, ,ZHES GSUNGS PA'I PHYIR ZER NA MA KHYAB TE, DUS KYI KUN SLONG LA DGONGS PA'I PHYIR, ZHES LAN 'DEBS SHING, 'O NA KHO RANG LA, MTHONG SPANG GIS RIG BYED KYI KUN SLONG BYED PA YOD PAR THAL, RIG BYED KYI RGYU'I KUN SLONG BYED PA YOD PA'I PHYIR, DER THAL, 'GREL PA MNGON PA'I RGYAN LAS, MTHONG BAS SPANG BAR BYA BA'I YID KYI RNAM SHES NI KHA NANG DU BLTAS PAS RIG BYED KYI RAB TU 'JUG PAR BYED PA RGYU'I KUN SLONG YIN GYI DUS KYI KUN SLONG NI MA YIN NO, ,ZHES GSUNGS PA'I PHYIR, ZHES BRJOD DO, ,ZAG MED LA KUN SLONG GIS DGE BA 'JOG PA BZHIN DU BSAM GTAN GYI SDOM PA LA YANG KUN SLONG GIS DGE BA 'JOG RIGS LA, DES NA 'DOD PA DANG BSAM GTAN DANG PO'I RTEN CAN GYI BSAM GTAN GYI SDOM PA'I RGYU'I KUN SLONG LA 'DOD PA'I YID KYI SEMS DANG, BSAM GTAN DANG PO'I YID SHES KYI SEMS GNYIS KA BZHAG CHOG GAM SNYAM YANG DPYAD DO, ,BYE BRAG SMRA BAS, RIG BYED MA YIN PA'I GZUGS KUN SLONG GIS DGE MI DGER 'JOG PAR BSHAD PA YANG, PHAL CHE BA'AM, GTZO CHE BA DANG, DANG POR SKYES PA DA LTAR BA RNAMS KYI DBANG DU BYAS PA LAS THAMS CAD DU KHYAB MTHA' NGES PA NI MA YIN TE, GONG DU BSHAD PA LTAR BSAM GTAN GNYIS PA YAN CHAD KYI RTEN CAN GYI RGYUD KYI BSAM GTAN DANG ZAG MED KYI SDOM PA RNAMS KUN SLONG LA MA BRTEN PA'I PHYIR DANG, DER MA ZAD, 'DOD PA'I RTEN CAN GYI RGYUD KYI RIG BYED MA YIN PA'I GZUGS LA YANG MA NGES PA'I PHYIR TE, 'OG NAS 'CHAD 'GYUR GYIS SHES SO, ,BSAM GTAN ZAG MED KYI SDOM PA GNYIS CHAR LA DUS KYI KUN SLONG NI MED DE, DE GNYIS MNYAM BZHAG GI SEMS KYI RJES 'BRANG YIN LA, DUS KYI KUN SLONG NI DBANG SHES YID SHES GANG GI DBANG DU BYAS KYANG MNYAM PAR MA BZHAG PA KHA PHYIR BLTA'I SHES PA MA GTOGS MED PAR BSHAD PAS NA MNYAM PAR BZHAG PA'I SEMS DANG LHAN CIG TU 'JUG PA NI MI SRID PA'I PHYIR RO,, ` RNAM RIG MIN RNAM GSUM SHES BYA, ,ZHES SOGS KYI SKABS SU, RNAM PAR RIG BYED MA YIN PA CHOS CAN, KHYOD LA DBYE NA RNAM PA GSUM YOD DE, SDOM PA DANG, SDOM MIN DANG, BAR MA GSUM YOD @08B PA'I PHYIR TE, RIM PA BZHIN GZHAN GNOD GZHI DANG BCAS PA SDONG ZHING 'CHAL TSUL GYI RGYUN SDOM PA DANG, GNOD PA GZHI DANG BCAS PA LA RGYUN DU ZHUGS PA DANG, GNOD PA DANG GZHI PHYOGS RE BA SPONG ZHING PHYOGS RE BA LA 'JUG PA STE GSUM GYI SGO NAS 'JOG PA'I PHYIR, DE GSUM PO RE RE LA YANG RIG BYED DANG RIG BYED MA YIN PA GNYIS KA YOD PA LAS RIG BYED MA YIN PAS KHYAB PA NI MED DO, ,GNOD PA GZHI DANG BCAS PA ZHES PA'I GNOD PA NI LUS NGAG GI MI DGE BA BDUN DANG, GZHI NI YID KYI MI DGE BA GSUM LA BYED PA'AM, YANG NA GNOD PA NI RANG BZHIN GYI KHA NA MA THO BA DANG, GZHI NI BCAS PA'I KHA NA MA THO BA LA BYED PA GDAM NGA CAN DU GSUNGS LA, PHYI MA 'DI LA DOGS PA GCOD RGYU CUNG ZAD MCHIS PA 'OG TU 'CHAD DO,, ` SDOM PA SO SO THAR CES BYA, ,ZHES SOGS KYI SKABS SU, SDOM PA CHOS CAN, KHYOD LA YANG DBYE NA GSUM YOD DE, SO THAR DANG, BSAM GTAN DANG, ZAG MED KYI SDOM PA GSUM YOD PA'I PHYIR, SO THAR GYI SDOM PA LA RTEN NAM MING GI SGO NAS PHYE NA BRGYAD DANG, RDZAS KYI SGO NAS BZHIR 'DU STE, DGE SLONG PHA MA'I SDOM PA RDZAS RIGS GCIG ,DGE TSUL PHA MA DANG, DGE SLOB MA'I SDOM PA GSUM RDZAS RIGS GCIG ,DGE BSNYEN PHA MA'I SDOM PA RDZAS RIGS GCIG ,BSNYEN GNAS KYI SDOM PA RNAMS RDZAS RIGS GCIG YIN PA'I PHYIR, DGE SLONG PHA MA SOGS PHAN TSUN MTSAN 'GYUR NA MING 'PHO BA TZAM LAS SDOM PA SNGAR YOD GTONG RGYU LNGA PO GANG GIS KYANG MI GTONG BAR DON MTHUN DU KHAS BLANGS PA LA, KHO NA RE, 'O NA, DGE SLONG PHA DGE SLONG MAR MTSAN 'GYUR BA'I TSE DGE SLONG PHA'I SDOM PA MI GTONG BAR THAL, DGE SLONG PHA'I SDOM PA'I GTONG RGYU LNGA PO GANG YANG MA BYUNG BA'I PHYIR, 'DOD NA, DE LTAR MTSAN GYUR PA'I DGE SLONG MA DE DGE SLONG PHA'I SDOM PA DANG LDAN PAR THAL, DE MTSAN GYUR PA'I TSE DGE SLONG PHA'I SDOM PA MA BTANG BA'I PHYIR, ZER NA MA KHYAB ZHES BRJOD PA LAS 'OS MED PA 'DRA ZHING, DE BZHIN DU, DGE SLONG PHA MTSAN GYUR MA THAG PA'I DGE SLONG MA DE CHOS CAN, KHYOD KYIS DGE SLONG MA'I SDOM PA DE MTSAN GYUR PA DANG DUS MNYAM DU GSAR DU THOB PAR THAL, DES DGE SLONG MA'I SDOM PA THOB PA NI GANG ZHIG , MTSAN MA GYUR GONG DU MA THOB PA'I PHYIR ZER NA YANG MA KHYAB @09A *, ,ZHES DANG, YANG DA LTAR GYI CHO GAS BSNYEN PAR RDZOGS PA'I DGE SLONG PHA MTSAN GYUR PA'I DGE SLONG MA'I SDOM PA DE CHOS CAN, KHYOD DA LTAR GYI CHO GA LA BRTEN NAS THOB PA'I DGE SLONG MA'I SDOM PA YIN PAR THAL, 'DOD NA, DE PHA CHOG LA BRTEN NAS THOB PA'I DGE SLONG MA'I SDOM PA YIN PAR THAL, 'DOD NA, DE 'DRA'I DGE SLONG MA'I SDOM PA DE CHOS CAN, KHYOD DGE SLONG PHA'I SDOM PA DANG DUS MNYAM DU THOB PAR THAL, DE PHA CHOG LA BRTEN NAS THOB PA'I DUS MTSAMS ZHIG YOD PA'I PHYIR, ZHES DANG, GZHAN YANG DE 'DRA'I DGE SLONG MA DE DGE SLONG PHA DANG DUS MNYAM DU CHO GA GCIG GIS BSNYEN PAR RDZOGS PA YIN PAR THAL SOGS DANG, BUD MED DA CHOG GIS BSNYEN PAR RDZOGS PA LA YUL DBUS SU DGE SLONG MA BCU GNYIS DANG, MTHA' KHOB TU MA DRUG GI GRANGS TSANG DGOS MIN SOGS KYI SGO NAS RIG PA 'PHEN NA LAN SKABS SU GANG BABS LAS MTHA' GCIG TU 'DZIN MTSAMS DKA' BAR SNANG BAS RId PA'I SGO TZAM ZHIG SMOS SO,, ` THA DAD DE DAG 'GAL BA MED, ,CES PA NAS, SO SO THAR DANG LDAN PA BRGYAD, ,CES PA'I BAR TSIG 'GREL GYIS SHES SO,, ` BSAM GTAN SKYES DANG DE LDAN PA, ,ZHES SOGS KYI SKABS SU, BSAM GTAN LAS SKYES PA'I SDOM PA NI, BSAM GTAN GYI NYER BSDOGS DANG DNGOS GZHI THOB PA RNAMS LA LDAN ZHING, ZAG MED KYI SDOM PA NI 'PHAGS PA SLOB MI SLOB RNAMS LA LDAN NO, ,BSAM GTAN DANG ZAG MED KYI SDOM PA GNYIS NI MNYAM BZHAG GI SEMS KYI RJES 'BRANG YIN PAS MNYAM PAR BZHAG NA DA LTAR BA MNGON GYUR DU YOD LA, MA BZHAG NA MED PA'I PHYIR RO, ,'ON KYANG DA LTAR BA MA GTOGS 'DAS PA DANG MA 'ONGS PA LA MA NGES TE, GZUGS MED KYI 'PHAGS PA MNYAM BZHAG PA DAG KYANG ZAG MED KYI SDOM PA 'DAS PA KHO NA DANG LDAN PA'I PHYIR, YANG SPONG BA'I SDOM PA ZHES BSHAD NA DE GANG ZHE NA, BSAM GTAN DANG PO'I NYER BSDOGS MI LCOGS MED KYI NGO BOR GYUR BA'I BAR CHAD MED LAM DGU PO RNAMS SU SKYES PA'I BSAM GTAN DANG, ZAG MED KYI SDOM PA GNYIS LA BYED DO, ,DE NI NYER BSDOGS MI LCOGS MED KYI NGO BOR GYUR PA @09B MA GTOGS BAR CHAD MED LAM THAMS CAD LA MI BYED DO, ,DES NA BSAM GTAN GYI SDOM PA YIN LA SPONG BA'I SDOM PA MA YIN PA NI NYER BSDOGS MI LCOGS MED LAS GZHAN PA'I BSAM GTAN GYI SDOM PA RNAMS SO, ,SPONG SDOM YIN LA BSAM GTAN GYI SDOM PA MA YIN PA NI, NYER BSDOGS MI LCOGS MED KYI NGO BOR GYUR PA'I BAR CHAD MED LAM ZAG MED KYI SDOM PA'O, ,GNYIS KA YIN PA NI, NYER BSDOGS MI LCOGS MED KYI NGO BOR GYUR PA'I BAR CHAD MED LAM BSAM GTAN GYI SDOM PA'O, ,GNYIS KA MA YIN PA NI, NYER BSDOGS MI LCOGS MED KYI LAM MA YIN PA'I ZAG MED KYI SDOM PA RNAMS SO, ,DE BZHIN DU, ZAG MED KYI SDOM PA DANG SPONG BA'I SDOM PA LA YANG MU BZHI 'JOG TSUL SHES PAR BYA'O, ,YANG, LTUNG BA DANG DE'I GNYEN PO SHES BZHIN DANG, SPONG SEMS MA BRJED PA'I DRAN PA GNYIS KA LA NI YID KYI SDOM PA DANG DBANG PO'I SDOM PA ZHES BYA'O,, 7SO SO THAR GNAS JI SRID DU, ,ZHES SOGS KYI SKABS SU, SO THAR GYI SDOM PA DANG LDAN PA'I GANG ZAG NI JI SRID SDOM PA MA BTANG GI BAR DE SRID DU DA LTAR GYI RNAM PAR RIG BYED MA YIN PA DANG RTAG TU LDAN LA, SKAD CIG DANG PO PHYIN CHAD NI DA LTAR BA MA ZAD 'DAS PA DANG YANG LDAN NO, ,SO THAR GYI SDOM PA'I LDAN TSUL JI LTA BA DE BZHIN DU SDOM MIN LA GNAS PA'ANG DE DANG 'DRA'O, ,BSAM GTAN SDOM DANG LDAN PA NI, ,RTAG TU 'DAS DANG MA 'ONGS DANG, ZHES PA'I DON NI GONG DU GNAS GNYIS PAR BSHAD ZIN LA, ` 'PHAGS NI DANG PO 'DAS DANG MIN, ,ZHES SOGS KYI SKABS SU, 'PHAGS PA ZAG MED KYI SDOM PA NI, SKAD CIG DANG PO SDUG BSNGAL CHOS BZOD KYI TSE NI DA LTAR BA DANG MA 'ONGS PA MA GTOGS 'DAS PA DANG MI LDAN TE, SNGAR ZAG MED KYI LAM MA BSKYED PAS DE'I 'DAS PA MI SRID PA'I PHYIR, GZHAN NI BSAM GTAN GYI SDOM PA DANG LDAN TSUL MTSUNGS PAR BSHAD PAS SKAD CIG GNYIS PA PHAN CHAD 'DAS PA DANG, DA LTAR BA DANG, MA 'ONGS PA GSUM CHAR DANG LDAN NO, ,'ON KYANG DE NI SPYIR BTANG TZAM GYI DBANG DU BYAS PA YIN GYI, BYE BRAG NANG BSRES KYI SA PHYE NA MTHONG LAM SKAD CIG GNYIS PA PHAN CHAD RTAG TU 'DAS PA DANG LDAN PAS MA KHYAB STE, 'BRAS BU @010A *, ,THOB SBYANGS NYAMS PA LAS, ,ZHES 'BRAS BU GSAR DU THOB PA DANG, DBANG PO SBYANGS TE 'PHO BA DANG, YONGS SU NYAMS PA SOGS KYI TSE ZAG MED KYI LAM SNGA MA BTANG NAS PHYI MA GSAR DU THOB PAR BSHAD PA GANG ZHIG ,DES NA SKAD CIG BCU DRUG PA'I TSE 'BRAS BU DANG PO GSUm PO GANG RUNG GSAR DU THOB PA NA YANG ZAG MED KYI LAM 'DAS PA DANG MI LDAN TE, DE'I TSE SGOM LAM GYI NGO BOR GYUR PA'I ZAG MED NI SNGAR MA BSKYED PA'I PHYIR 'DAS PA MI 'BYUNG LA, MTHONG LAM GYI NGO BOR GYUR PA'I ZAG MED DUS GSUM PO THAMS CAD NI BTANG ZIN PA'I PHYIR DANG, MTHONG SGOM MI SLOB LAM GSUM PO GANG YANG MA YIN PA'I ZAG MED KYI LAM PHUNG GSUM PA NI MI SRID PA'I PHYIR, DES NA DE DAG GI TSE NA YANG RANG RANG GI SKAD CIG DANG PO'I TSE NI DA LTAR BA DANG, MA 'DAS PA GNYIS DANG LDAN LA, GNYIS PA PHAN CHAD NAS 'DAS PA DANG LDAN PAR 'JOG DGOS TE, tIKA BYED 'GA' ZHIG GIS KYANG DE LTAR GSUNG PA'I PHYIR RO, ,BSAM GTAN DANG ZAG MED KYI SDOM PA GNYIS DA LTAR BA DANG LDAN PA YANG MNYAM PAR BZHAG PA'I GNAS SKABS SU YIN GYI MNYAM BZHAG LAS LANGS PA LA NI MA YIN TE, DE GNYIS MNYAM BZHAG GI SEMS KYI RJES 'BRANG YIN PA GONG DU BSHAD ZIN PA'I PHYIR, DE GNYIS 'DAS PA DANG MA 'ONGS PA'I THOB PA NI MNYAM PAR MA BZHAG PA'I TSE NA'ANG GTONG RGYU MA BYUNG GI BAR DU LDAN NO,, SDOM PA SDOM MIN GYI BAR MA'I RIG BYED MA YIN PA LA GNAS PA YANG SKAD CIG DANG PO LA DA LTAR GYI RIG BYED MA YIN PA DANG LDAN LA, SKAD CIG GNYIS PA PHAN CHAD 'DAS PA DANG DA LTAR BA GNYIS DANG LDAN NO,, ` SDOM MIN GNAS PA DGE BA DANG, ,ZHES SOGS KYI SKABS SU, 'O NA SDOM MIN DANG LDAN PA DAG BAR MA'I DGE BA'I RIG BYED MA YIN PA DANG LDAN PA DANG, SDOM PA DANG LDAN PA BAR MA'I MI DGE BA'I RIG BYED MA YIN PA DANG LDAN PA YOD DE, SDOM MIN LA GNAS PA GSHAN PA LA SOGS PA'ANG DGE BA'I RNAM PAR RIG BYED MIN PA DANG LDAN PA'I PHYIR TE, DES JI SRID RAB TU DANG BA'I SHUGS DANG LDAN PAS MCHOD RTEN LA PHYAG 'TSAL BA SOGS BYED PA'I BAR DE SRID DU BAR MA DGE BA'I RIG BYED @010B MA YIN PA 'BYUNG BA'I PHYIR, SO THAR GYI SDOM PA LA GNAS PA'ANG MI DGE BA'I RIG BYED MIN PA DANG LDAN PA YOD DE, JI SRID NYON MONGS PA'I SHUGS DANG LDAN PAS SROG CHAGS GSOD PA DANG, RDEG PA DANG, 'CHING BA SOGS BYED PA'I BAR DE SRID DU BAR MA MI DGE BA'I RIG BYED MIN PA DANG LDAN PA'I PHYIR, ` RNAM RIG BYED NI THAMS CAD LA, ,ZHES SOGS KYI SKABS SU, LUS NGAG GI RNAM PAR RIG BYED NI SDOM PA DANG, SDOM MIN DANG, BAR MA LA GNAS PA THAMS CAD LA'ANG RIG BYED DNGOS SU BYED PA DAG LA DA LTAR BA DANG LDAN LA, SKAD CIG DANG PO PHYIN CHAD NAS 'DAS PA DANG YANG GTONG RGYU MA BYUNG GI BAR DU LDAN NO, ,RIG BYED MA 'ONGS PA DANG LDAN PA NI MED DE, RIG BYED NI SEMS KYI RJES 'BRANG MA YIN PA'I BEMS PO YIN PA'I PHYIR DE LTA BU'I NUS PA MED DO ZHES SO, ,DE'I NANG TSAN BSGRIBS PA'I RIG BYED DANG MA BSGRIBS LUNG MA BSTAN GYI RIG BYED NI MA 'ONGS PAR MA ZAD 'DAS PA DANG LDAN PA YANG MED DE, LUNG MA BSTAN NI STOBS CHUNG BAS THOB PA SNGA PHYIR 'DREN MI NUS PA'I PHYIR, ZHES PA'O,, ` BAR MA DOR GNAS SEMS ZHAN PAS, ,ZHES SOGS KYI SKABS SU, SDOM PA SDOM MIN GNYIS KA MA YIN PA'I BAR MA'I DGE MI DGE GANG RUNG LA GNAS PA ZHIG GIS KUN SLONG DGE MI DGE GANG RUNG GI SEMS ZHAN PAS LUS NGAG GI RIG BYED KUN NAS SLONG BA LA NI RIG BYED KHO NA MA GTOGS DE'I RIG BYED MIN PA DANG MI LDAN TE, SEMS ZHAN PAS RIG BYED MA YIN PA BSKYED MI NUS PA'I PHYIR, YANG DES SEMS DRAG POS KUN NAS BSLANGS NA NI RIG BYED DANG RIG BYED MA YIN PA GNYIS KA DANG LDAN NO, ,YANG DMIGS BSAL RDZAS LAS BYUNG BA'I BSOD NAMS BDUN DANG, SROG GCOD LA SOGS PA'I LAS LAM RNAMS NI SEMS ZHAN PA DANG, LUNG MA BSTAN GYIS KUN NAS BSLANGS KYANG RIG BYED MIN PA DANG LDAN PAR BSHAD DO,, ` RNAM RIG BTANG DANG MA SKYES PA'I, ,'PHAGS PA'I GANG ZAG RNAM RIG MIN, ,ZHES PA NI, TSE 'DI'I RNAM PAR RIG BYED BTANG ZHING, PHYI MA'I RNAM PAR RIG BYED MA SKYES PA'I 'PHAGS PA'I GANG ZAG NI, ZAG MED KYI RNAM PAR RIG BYED MIN PA KHO NA DANG LDAN GYI RIG BYED DANG NI MI LDAN TE, RIG BYED SNGA MA NI BTANG ZIN LA, @11A *, ,PHYI MA NI MA SKYES PA'I PHYIR DANG, ZAG MED KYI SDOM PA'I THOB PA DANG NI NGES PAR LDAN PA'I PHYIR RO, ,'DI LA 'PHAGS PA ZHES SMOS PA NI SA 'PHOS PA'I DBANG DU MDZAD PA YIN LA, SA MA 'PHOS PA'I DBANG DU BYAS NA NI, SO SO SKYE BO BSAM GTAN GYI SDOM PA THOB PA SHI 'PHOS PA LA YANG MTSUNGS TE, RIG BYED MA YIN PA'I BSAM GTAN GYI SDOM PA 'DAS MA 'ONGS DANG NI LDAN LA, RIG BYED NI 'GAGS SHING MA SKYES PA GONG DANG MTSUNGS PA'I PHYIR, DES NA RIG BYED DANG LDAN LA RIG BYED MA YIN PA DANG MI LDAN PA SOGS KYI MU BZHI BSHAD PA'I MU DANG PO GSUm NI GONG DU SMOS PA DE DAG GIS SHES PAR NUS LA, GNYIS KA DANG MI LDAN PA NI GZUGS MED KYI SO SKYE SOGS SO,, ` BSAM GTAN LAS SKYES BSAM GTAN GYI, ,ZHES SOGS KYI SKABS SU, SDOM PA GSUM PO DE GSAR DU THOB TSUL LA, BSAM GTAN GYI SDOM PA NI ZAG BCAS BSAM GTAN GYI DNGOS GZHI DANG, NYER BSDOGS KYI SEMS GANG RUNG GI STOBS KYIS GSAR DU THOB PA STE, DE DAG DANG DUS MNYAM DU 'BYUNG BA'I PHYIR, DE YANG NYER BSDOGS KYI STOBS KYIS GSAR DU THOB PA NI, 'OG SA 'DOD PA LTA BU'I RTEN LA SBYOR BA'I STOBS KYIS THOB LA, GZUGS MED NAS GZUGS SU SKYES PA LTA BU'I TSE SKYES STOBS KYIS GSAR DU THOB BO, ,DNGOS GZHIS BSDUS PA'I BSAM GTAN GYI SDOM PA NI, 'OG SA'I RTEN LA SBYOR BA 'DOD CHAGS DANG BRAL BA'I STOBS KYIS THOB LA, GONG SA LA SKYE BAS THOB PA GONG DANG MTSUNGS SO, , 7ZAG MED KYI SDOM PA NI, ZAG MED KYI BSAm GTAN SA DRUG PO GANG RUNG GI SEMS KYIS GSAR DU THOB LA, DE YANG ZAG MED MI LCOGS MED LA BRTEN PA NI SBYOR BA'I STOBS KYIS THOB CING, 'BRAS BU RIM BRGYUD PA 'GA' ZHIG GIS RNAM GROL DGU PA'I TSE DNGOS GZHIS BSDUS PA'I ZAG MED KYI SDOM PA NI 'DOD CHAGS DANG BRAL BA'I STOBS KYIS THOB PA YIN LA, DE YANG 'JIG RTEN PA'I LAM GYIS 'DOD CHAGS DANG BRAL BA YIN NA DANG POR MA 'ONGS PA KHO NA DANG, 'JIG RTEN LAS 'DAS PA'I LAM GYIS 'DOD CHAGS DANG BRAL NA DA LTAR BA YANG THOB BO, ,CHAGS BRAL SNGON SONG PHYIR MI 'ONG GIS NI NGES PAR SBYOR BA'I STOBS KYIS THOB STE, 'DOD CHAGS DANG @11B BRAL BA SNGON DU SONG ZIN PA'I PHYIR, DE LA KHO NA RE, 'O NA 'PHAGS PA 'JIG RTEN PA'I LAM GYIS 'DOD CHAGS DANG BRAL BA'I TSE DANG POR DNGOS GZHIS BSDUS PA'I ZAG MED KYI SDOM PA DA LTAR BA MA THOB PAR THAL, DANG POR MA 'ONGS PA KHO NA THOB PA'I PHYIR, 'DOD NA, MI 'THAD PAR THAL, GONG DU, 'PHAGS NI DANG PO 'DAS DANG MIN, ,ZHES ZAG MED SKAD CIG DANG PO LA DA LTAR BA MA GTOGS 'DAS PA DANG MI LDAN LA, GNYIS PA PHAN CHAD 'DAS PA DANG LDAN PAR BSHAD PA DANG, TSUL DE 'BRAS BU THOB SBYANGS NYAMS PA'I TSE YANG MTSUNGS PAR KHYOD KYIS GONG DU BSHAD PA GANG ZHIG ,'PHAGS PA DES RNAM GREL DGU PA'I TSE PHYIR MI 'ONG BA'I 'BRAS BU MNGON DU BYED PA'I PHYIR, ZER NA, GTZO CHE BA 'JIG RTEN LAS 'DAS PA'I LAM GYIS THOB PA'I DBANG DU BYAS NAS DE LTAR GSUNGS KYI, 'JIG RTEN PA'I LAM GYIS THOB PA LA MA NGES SO ZHES SMRA DGOS PA DE GNYIS KA GRUB MTHA'I RANG LUGS YIN PAS SO, ,SO THAR GYI SDOM PA NI GSOL PA DANG BRJOD PA SOGS GZHAN GYI RNAM PAR RIG BYED DANG, RANG GI RIG BYED DANG SEMS PA'I STOBS KYIS THOB BO,, ` JI SRID 'TSO DANG NYIN ZHAG TU, ,SDOM PA YANG DAG BLANG BAR BYA, ,ZHES PA NI GO SLA ZHING, ` NYIN ZHAG PA YI SDOM MIN MED, ,DE DE LTAR NOD MED CES GRAGS, ,CES PA NI, BYE BRAG SMRA BAS SDOM MIN LA JI SRID 'TSO'I SDOM MIN NI YOD KYI, NYIN ZHAG PA'I SDOM MIN NI MED DE ,BDAG NYIN ZHAG GCIG TU SDOM MIN DANG LDAN PAR GYUR CIG CES NOD PA MED PA'I PHYIR ZHES ZER RO, ,GRA-dA CES PA NI 'DOD TSUL DE LA MA RANGS PA'I TSIG TU GSUNGS PA STE, DE LTAR KHAS LEN PA MED PAS MED PAR 'GYUR NA, JI SRID 'TSO'I SDOM MIN YANG MED PAR 'GYUR TE, LAS SMAD PA YIN PAS DE LTAR LEN PA MED PA'I PHYIR, GAL TE JI SRID 'TSO'I BAR DU SROG GCOD PAS 'TSO BAR BYA'O SNYAM PA'I SEMS PA NYID LEN PA'I DON DU 'DOD NA NI, NYIN ZHAG PA YANG YOD PAR 'GYUR RO, ,ZHES SKYON DU BRJOD PAR MDZAD PA YIN LA, DES NA SLOB DPON RANG NYID KYI BZHED PA NI GRO BZHIN SKYES KYI RTOGS BRJOD LAS NYIN ZHAG PA'I SDOM PA DANG SDOM MIN GNYIS KA YOD PAR GSUNGS PA LTAR, SEMS PA GTZO CHE BA'I DBANG DU BYAS @12A *, ,NAS NYIN ZHAG PA'I SDOM MIN YANG YOD PAR BZHED PA 'DRA'O,, ` DMA' BAR 'DUG SMRAS BZLAS PA YIS, ,ZHES PA NAS, BCAS PA'I KHA NA MA THO BA, ,MYOS 'GYUR LAS GZHAN BSRUNG PHYIR RO, ,ZHES PA'I BAR BSNYEN GNAS SOGS KYI SDOM PA NOD TSUL DANG, BSRUNG TSUL SOGS RTZA BA NYID LA TSIG 'GREL GYIS SHES PA MA ZAD, SO THAR GYI SKOR 'DI DAG CHOS 'DUL BA LA SBYANGS PA MDZAD PA RNAM KYIS NI DE DAG LAS RGYAS PAR KHONG DU CHUD PAR 'GYUR ZHING, GZHAN DAG LA NI 'DIR SMOS PA DE TZAM GYIS MTHA' DAG SHES PAR YANG MI NUS LA, RTZA BA'I DNGOS BSTAN GYI DON NI YIG CHA PHAL MO CHER GSAL BA LTAR LAS, ZHIB TU DOGS PA DPYOD DGOS PA YANG CHER MI SNANG BAS MA SPROS SO,, ` 'DOD GTOGS THAMS CAD GNYIS KA DANG, ,ZHES SOGS KYI SKABS SU SDOM PA DE DAG THOB PA'I GZHI LA SOGS PA BSTAN PA STE, 'DOD PAR GTOGS PA SO THAR GYI SDOM PA NI DGE BA'I LAS LAM SBYOR DNGOS 'JUG GSUM THAMS CAD LAS THOB PA DANG, GZHI SEMS CAN DU STON PA DANG SEMS CAN DU STON PA MA YIN PA GNYIS KA LAS DANG, SPANG BYA RANG BZHIN DANG BCAS PA'I KHA NA MA THO BA GNYIS KA SPONG BA LAS DANG, DUS DA LTAR BA'I PHUNG KHAMS SKYE MCHED KHO NA LAS THOB KYI, 'DAS PA DANG MA 'ONGS PA LAS NI MA YIN NO, , 7BSAM GTAN DANG ZAG MED KYI SDOM PA GNYIS NI LAS LAM DNGOS GZHI KHO NA DANG, SEMS KYI RJES 'BRANG GI PHUNG KHAMS DUS GSUM PO THAMS CAD LAS THOB CING, LAS LAM GYI SBYOR 'JUG DANG, BCAS PA'I KHA NA MA THO BA DANG, SEMS CAN MA YIN PA LAS MA THOB BO, ,YANG; SDOM PA RNAMS GZHI SEMS CAN THAMS CAD LAS THOB PA NI MTSUNGS LA, YAN LAG DANG RGYU LA NI KHYAD PAR YOD DE, YAN LAG THAMS CAD LAS THOB PA NI DGE SLONG DANG, YAN LAG BCU LAS THOB PA DGE TSUL, LNGA LAS THOB PA NI DGE BSNYEN, BRGYAD LAS THOB PA NI BSNYEN GNAS SO, ,RGYU NI MA CHAGS PA LA SOGS PA'I DGE RTZA GSUM NI THAMS CAD LAS DANG, SEMS CHUNG 'BRING CHE GSUM NI DUS GCIG LA GSUM CHAR MI 'BYUNG BAS GANG RUNG RE RE LAS THOB BO, , @12B ` SDOM PA MIN PA THAMS CAD DANG, ZHES SOGS KYI SKABS SU, BYE BRAG SMRA BAS SDOM MIN YANG GZHI SEMS CAN THAMS CAD LAS THOB PA DANG, LAS LAM KYANG SROG GCOD LA SOGS PA'I LAS LAM KUN LAS THOB PAR 'DOD LA, RGYU NI CHAGS SDANG GNYIS DUS GCIG MTSUNGS LDAN DU MI 'BYUNG BAS 'DOD CHAGS KYIS RGYU BYAS NA ZHE SDANG GIS MI BYED PA SOGS SO, ,SDOM MIN DANG LDAN PA'I GANG ZAG NI, SHAN PA DANG, BYA PA DANG, NYA PA DANG, RI DVAGS GSHOR BA DANG, CHOM RKUN PA DANG, GSHED MA DANG, BTZON RDZI DANG, SBRUL GYI 'TSO BA SOGS RNAM GRANGS MANG DU BSHAD KYANG, DON NI MI DGE BA 'DI DANG 'DI 'DRA BA LA SPYOD DO ZHES KHAS LEN PA'AM SEMS PA'I SGO NAS DE DAG LA YUN DU ZHUGS PA RNAMS LA LDAN PA'O, ,MDO SDE PAS NI, SDOM MIN SEMS CAN THAMS CAD DANG, YAN LAG THAMS CAD LAS THOB PA NI MA YIN TE, BDAG GIS SEMS CAN THAMS CAD GSOD DO SNYAM PA DANG, GSOD PA'ANG MI SRID PA'I PHYIR DANG, SROG GCOD PA DAG GIS MA BYIN PAR MI LEN PA'ANG YOD PA'I PHYIR, DES NA BDAG GIS SROG GCOD PA TZAM DANG, MA BYIN PAR BLANGS PA TZAM GYIS 'TSO BAR BYA'O, ,GZHAN GYI BUD MED LA RGYUN DU SPYAD DO SNYAM DU BSAM TE DE DAG GI LAS RDZOGS PAR SPYAD PA TZAM GYIS SDOM MIN DU 'GYUR LA, DE BZHIN DU RDZUN SOGS LA'ANG MTSUNGS PAR 'DOD PA NYID LEGS PA YIN PAR GSUNGS LA, BYE BRAG SMRA BA'I BSAM TSOD NI, SDOM PA LA SEMS CAN 'DI DANG 'DI 'DRA BA LA SPONG, THAMS CAD LA MI SPONG SNYAM PA DANG, YAN LAG 'GA' ZHIG SRUNG LA 'GA' ZHIG MI SRUNG SNYAM PA SOGS KYI NGES PA LNGA DANG BRAL BA ZHIG DGOS PA LTAR, SDOM MIN YANG SROG GCOD LTA BU LA MTSON NA SEMS CAN 'DI GSOD 'DI MI GSOD SNYAM PA DANG, MA BYIN PAR LEN PA YANG GZHI 'GA' ZHIG LAS LEN, 'GA' ZHIG LAS MI LEN SNYAM PA DANG, LAS LAM MI DGE BA BCU LAS 'DI LA SPYAD 'DI LA MI SPYAD SNYAM PA LTA BU'I NGES PA MED PA ZHIG DGOS PAR SEMS LA, DE LTA NA SDOM MIN CAN GYI GANG ZAG SHIN TU NYUNG BAR 'GYUR TE, MI DANG DUD 'GRO SOGS SEMS CAN JI 'DRA ZHIG YIN KYANG GSOD SNYAM PA DANG, THAMS CAD LAS MA BYIN PAR LEN SNYAM PA DANG, @13A *, ,MI DGE BA BCU CHAR LA SPYOD SNYAM PA NI PHAL MO CHE LA MI 'BYUNG BA MA ZAD, RANG LUGS SDOM MIN THOB TSUL BSHAD PA NA, SDOM PA MIN PA BYA BA'AM, ,KHAS LEN PA LAS THOB PAR 'GYUR, ,ZHES GSHAN PA LA SOGS PA'I RIGS SU SKYES PA RNAMS NI SROG GCOD LA SOGS PA'I BYA BA BYAS PA TZAM GYIS THOB PA DANG GZHAN GYI RIGS SU SKYES PA RNAMS NI RGYAL PO LA SOGS PA'I DRUNG DU BDAG 'TSO BA 'DIS 'TSO BAR BYA'O ZHES KHAS LEN PA LAS THOB PAR BSHAD NA, DE TZAM LA YAN LAG THAMS CAD TSANG BA SOGS MA NGES PA'I PHYIR RO, , 7SDOM PA LA NI NGES PA LNGA DANG BRAL BA'I BSAM PA NGES PAR DGOS KYI, DE MED PAR SDOM PA BLANGS KYANG LEGS SPYAD TZAM LAS SDOM PAR MI 'GYUR RO,, ` LHAG MA'I RNAM RIG MIN ZHING DANG, ,LEN DANG GUS PAR BYED PAS THOB, ,CES PA NI, SDOM PA SDOM MIN GNYIS LAS GZHAN PA BAR MA'I RNAM PAR RIG BYED MA YIN PA NI, DGE BA LA MTSON NA, RDZAS LAS BYUNG BA'I BSOD NAMS LTA BU ZHING LA BRTEN NAS THOB PA DANG, DKON MCHOG LA DUS SU PHYAG 'TSAL BAR DAM BCAS NAS DE LTAR BYED PA LTA BU KHAS LEN DANG DAM BCA' LAS THOB PA DANG, RAB TU DANG BA SHUGS DRAG POS PHYAG SKOR BYED PA LTA BU BSAM SBYOR GUS PA LAS THOB PA STE, DE DAG LAS BZLOG PA MI DGE BA'I BAR MA LA YANG MTSUNGS SO,, ` BSLAB PA PHUL DANG SHI 'PHOS DANG, ,ZHES SOGS KYI SKABS SU, SDOM PA GTONG BA'I RGYU LA, SO THAR GYI SDOM PA RNAMS NI BSLAB PA PHUL BA DANG, SHI 'PHOS PA DANG, PHO MO'I MTSAN GNYIS CIG CHAR DU BYUNG BA DANG, DGE RTZA CHAD PA DANG BZHIS GTONG LA, BSNYEN GNAS NI DE DAG DANG MTSAN MO 'DAS PAS KYANG GTONG STE 'PHEN PA'I DUS ZAD PA'I PHYIR, MDO SDE PA DANG, NYI 'OG BYE BRAG SMRA BA SOGS NI MI'AM MIR CHAGS PA BSAD PA SOGS KYI RTZA LTUNG BZHI LAS GANG YANG RUNG BA BYUNG NA SDOM PA THAMS CAD GTONG PAR 'DOD CING, SDE PA GZHAN GOS DMAR BA DAG NI DAM PA'I CHOS NUB PA LAS SDOM PA GTONG BAR 'DOD, KHA CHE BYE BRAG SMRA BA RNAMS NI RTZA LTUNG BZHI PO GANG RUNG ZHIG BYUNG NA GANG BTANG BA'I CHA NAS TSUL 'CHAL DANG, SDOM PA YOD PA'I CHA NAS TSUL KHRIMS DANG LDAN PA STE BU LON DANG NOR @13B GNYIS KA YOD PA'I SKYES BU BZHIN DANG, DES LTUNG BA BSHAGS NA NI TSUL KHRIMS DANG LDAN PA KHO NA YIN TE BU LON BTZAL NA NOR LDAN KHO NAR 'GYUR BA BZHIN ZHES 'DOD KYANG, DE NI 'THAD PAR MA GSUNGS TE, LUNG RAB TU BYUNG BA'I GZHI LAS, DGE SLONG GIS DE BYAS NA BYAS MA THAG TU DGE SLONG DU MI RUNG BAR 'GYUR, DGE SBYONG DU MI RUNG, ZHES PA NAS, DE'I DGE SBYONG GI TSUL ZHIG PAR 'GYUR ZHING NYAMS PA, BCOM PA, LTUNG BA PHAM PAR 'GYUR BA STE, DE'I DGE SBYONG GI TSUL PHYIR BLANG DU MED PAR 'GYUR RO, ,ZHES GSUNGS PAS, DGE SLONG LA MTSON NA RTZA LTUNG PHAM PA CHAB BCAS BZHI LAS GANG YANG RUNG BA ZHIG BYUNG NA DE'I SDOM PA THAMS CAD GTONG BA LAS PHYOGS GCIG GTONG BA DANG GZHAN MI GTONG BA NI MA YIN TE, DE LTAR YIN NA SDOM PA DE YAN LAG THAMS CAD BSDAMS PA MA YIN PAR 'GYUR BA'I PHYIR, DES NA 'GREL PA MNGON PA'I RGYAN DU, DE'I PHYIR RTZA LTUNG BYUNG BAS SDOM PA MI GTONG BAR 'DOD PA 'DI NI DGE SBYONG GI TSUL KHRIMS BSLU BA'I PHYIR BDUD KYIS BYAS PA YIN PAR SHES SO, ,ZHES GSUNGS PA LTAR DON LA GNAS SO, ,'ON KYANG 'GREL PA 'DI'I DBANG DU BYAS NA MI TSANGS SPYOD LTA BU BYAS KYANG CHAB SEMS SKAD CIG TZAM MA SKYES NA PHAM PAR MI 'GYUR LA CHAB SEMS SKYES NA PHAM PA DANG RTZA LTUNG DU 'GYUR BAS DGE SLONG GI RTZA LTUNG DANG PHAM PA DON GCIG TU BZHED PAR SNANG LA, 'DUL GZHUNG GZHAN NAS PHAM PA LA CHAB BCAS DANG CHAB MED GNYIS SU BYAS NAS, CHAB MED BYUNG YANG SDOM PA MI GTONG STE SLAR GSO RUNG BA'I PHYIR, DES NA PHAM PA BYUNG BA TZAM GYIS SDOM PA MI GTONG YANG CHAB BCAS BYUNG NA NGES PAR GTONG BAR BSHAD PA DANG, YANG 'GA' ZHIG NAS PHAM PA CHAB BCAS BYUNG BAS DGOS PA SGRUB NUS KYI SDOM PA GTONG YANG, DGOS PA SGRUB MI NUS PA'I SDOM RO LTA BU YOD PAS PHAM PA CHAB BCAS KYANG SDOM PA'I GTONG RGYU DNGOS RANG MA YIN PAR BSHAD PA YANG MCHIS PA DE DAG NI 'DUL BA 'DZIN PA RNAMS KYI BZHED TSUL GYI KHYAD PAR BCAS MTHA' GCIG TU 'DI 'THAD DANG 'DI MI 'THAD KYI KHA TSON GCOD PA'I 'OS MIN @14A *, ,YANG; DON DU PHAM PA CHAB BCAS DGOS PA SGRUB NUS KYI SDOM PA'I GTONG RGYU YIN PA DANG, PHAM PA CHAB BCAS GCIG BYUNG NA DGOS PA SGRUB NUS KYI SDOM PA'I YAN LAG THAMS CAD GTONG BAR BZHED PA NI MTSUNGS SHING, DGOS PA SGRUB NUS KYI SDOM PA BTANG NA, DGOS PA SGRUB MI NUS PA'I SDOM PA NI YOD KYANG MED PA DANG KHYAD PAR MA MCHIS PA NAS, DON GYIS PHAM PA CHAB BCAS SDOM PA'I GTONG RGYUR SONG BA MA ZAD, DE LTAR KHAS BLANGS NA KHAS LEN 'DZIN MTSAMS YANG BDE ZHING, RIG PAS KYANG MI GNOD PA YIN GYI, DGOS PA SGRUB MI NUS PA'I DGE SLONG GI SDOM PA ZHIG YOD PAR 'DOD NA NI, PHAM PA CHAB BCAS BYUNG BA'I DGE SLONG ZHIG KYANG YOD PA DANG, DE DGE SLONG GI DNGOS PO LAS KYANG MA NYAMS PAR 'DOD DGOS PA DANG, PHAM PA CHAB BCAS BYUNG BA'I KHYIM PA MED PAR 'DOD PA'AM, YANG NA KHYIM PA DE YANG DGE SLONG DU 'DOD DGOS PA SOGS KYI GNOD PA 'BAB PA TZAM LAS GO DON LHAG PO ZHIG YOD PAR MA MNGON YANG, GNAS SKABS SO SO'I YIG CHA'I DGONGS PA YIN PHYIR KHAS LEN 'DZIN GANG THUB BYED PA LA 'GAL BA NI MED DO,, ` BSAM GTAN GTOGS PA'I DGE BA NI, ,ZHES SOGS KYI SKABS SU, BSAM GTAN GYI SAS BSDUS PA'I DGE BA GZUGS CAN YIN MIN THAMS CAD NI SA 'PHOS PA STE 'OG SA NAS GONG SAR SKYES PA DANG, GONG SA NAS 'OG SAR SKYES PA NA RIM PA BZHIN 'OG SA DANG, GONG SAS BSDUS PA'I BSAM GTAN GYI SDOM PA SOGS GTONG LA, SA MA 'PHOS KYANG 'OG SA'I NYON MONGS MNGON DU GYUR PAS NYAMS PA NA YANG GTONG BA'I PHYIR DANG, YANG DNGOS GZHI MA THOB PA'I NYER BSDOGS TZAM DANG, DE LA BRTEN PA'I SBYOR LAM SOGS NI SHI 'PHOS PAS KYANG GTONG BAR BSHAD DE, 'OG NAS KYANG, 'PHAGS MIN 'CHI BAS SO, ,ZHES 'CHAD PAR 'GYUR BA'I PHYIR, JI LTAR GZUGS KYI SAS BSDUS PA'I DGE BA SA 'PHOS PA DANG, NYAMS PAS GTONG BA DE BZHIN DU GZUGS MED KYI SAS BSDUS PA'I DGE BA YANG GTONG BA YIN NO, , 7'PHAGS PA'I DGE BA ZAG MED NI, 'BRAS BU BZHI PO GANG RUNG GSAR DU THOB PA'I TSE ZHUGS PA SOGS KYI ZAG MED KYI LAM SNGON MA GTONG BA @14B DANG, DBANG PO BRTUL PO SBYANGS TE RNON PO THOB PA NA BRTUL POS BSDUS PA'I ZAG MED GTONG ZHING, 'BRAS BU PHYI MA GSUM NI YONGS SU NYAMS PAS KYANG GTONG NGO, ,'BRAS BU BZHI PO GANG RUNG DU MA ZAD, SPYIR YANG NYAN RANG BYANG SEMS GSUM CHAR GYIS RANG RANG GI SGOM LAM THOB PA NA MTHONG LAM GTONG LA, MI SLOB LAM THOB PA NA SGOM LAM GTONG NGO,, ` SDOM MIN SDOM PA THOB PA DANG, ,ZHES SOGS KYI SKABS SU, SDOM MIN NI, SO THAR DANG BSAM GTAN GYI SDOM PA GNYIS GANG RUNG THOB PA DANG, SHI 'PHOS PA DANG, MTSAN GNYIS BYUNG BA RNAMS KYIS GTONG NGO, , 'O NA; SDOM MIN DANG LDAN PAS BSNYEN GNAS BLANGS TE SRUNG BA'I TSE SDOM MIN GTONG YANG, MTSAN MO 'DAS NAS BSNYEN GNAS KYI SDOM PA BTANG BA NA, SLAR SDOM MIN DANG LDAN NAM JI LTAR ZHE NA, KHA CIG NI RTAG TU GTONG BA'I BSAM PA DANG MI LDAN PA'I PHYIR, SLAR YANG SDOM MIN DANG LDAN PAR 'GYUR ZHES ZER LA, KHA CIG NI, GSOD PA LA SOGS PA'I SBYOR BA MI BYED PA DE SRID DU SDOM PA SDOM MIN GANG DANG YANG MI LDAN LA, SLAR MI DGE BA'I SBYOR BA BYED PA NAS SDOM MIN DANG LDAN TE, SDOM MIN THOB PA RIG BYED LA RAG LAS PA'I PHYIR ZHES ZER TE 'DAM NGA CAN NO,, ` BAR MA SHUGS BLANG BYA BA DANG, ,DON TSE RTZA BA CHAD PA LAS, ,ZHES PA NI, BAR MA'I DGE MI DGE GTONG BA'I TSUL TE, RAB TU DANG BA'AM, NYON MONGS PA SHUGS DRAG POS DGE MI DGE GANG RUNG GI RIG BYED MA YIN PA 'PHANGS PA LAS SHUGS DE CHAD PA NA GTONG BA YOD DE, RDZAS LAS BYUNG BA MA YIN PA'I GZHI BDUN LTA BU RAB TU DANG BA LOG NA GTONG BA DANG, ZHE SDANG GI SHUGS CHAD NAS PHAN TSUN MTHUN PAR GYUR PA NA BAR MA'I MI DGE BA GTONG BA LTA BU SHUGS CHAD PAS GTONG BA DANG, LO GSUM DU SROG GCOD PA SPONG NGO ZHES KHAS BLANGS PA DANG, YANG; LO GSUM DU LO RE LA SROG GCOD PAS MCHOD SBYIN BYA'O ZHES KHAS BLANGS PA LO GSUM 'DAS PA NA DE DAG GTONG BA LTA BU BLANGS PA CHAD PAS GTONG BA DANG, LO RE LA DGE 'DUN LA BSNYEN BKUR BYA BAR KHAS BLANGS NAS BYED PA DE NAM ZHIG MA GRUB NA GTONG BA LTA BU BYA BA CHAD PAS @15A *, ,GTONG BA DANG, RDZAS LAS BYUNG BA'I GZHI KUN DGA' RA BA SOGS ZHIG PA DANG, NYA PA DANG BYA BA SOGS RDOS DANG RGYA LA SOGS PA ZHIG PA LAS BAR MA'I DGE MI DGE'I RIG BYED MA YIN PA GTONG BA LTA BU DON CHAD PAS KYANG GTONG BA YOD LA, TSE CHAD PA STE SHI 'PHOS PAS NI BAR MA'I DGE MI DGE'I RIG BYED MA YIN PA GTONG ZHING, LOG LTAS DGE RTZA GCOD PAR RTZOM PA NA BAR MA DGE BA'I RIG BYED MA YIN PA GTONG BAR GSUNGS SO, ,'O NA; PHYI MA 'DI LA LOG LTAS DGE RTZA GCOD PA NA ZHES BRJOD RIGS KYI GCOD PAR RTZOM PA NA ZHES SMOS PA CI ZHE NA, LOG LTAS DNGOS SU GCOD BYED KYI DGE BA NI, 'DOD GTOGS SKYES NAS THOB PA RNAMS, ,ZHES GSUNGS PAS SKYES THOB KYI DGE BA YIN PAS, BAR MA'I DGE BA NI DE'I GONG DU GTONG BA LA DGONGS SO,, ` 'DOD GTOGS DAG PA GZUGS MIN NI, ,RTZA CHAD GONG DU SKYES PA LAS, ,ZHES 'DOD PAR GTOGS PA'I DGE BA GZUGS CAN MA YIN PA, SEMS DANG SEMS BYUNG DGE BA DANG, DE DAG GI THOB PA DANG, MTSAN NYID DANG BCAS PA RNAMS NI DGE RTZA CHAD PA DANG, GONG MA GZUGS DANG GZUGS MED DU SKYES PAS GTONG LA, DGE BA'I NGO BOR GYUR PA'I YID MI BDE LTA BU 'DOD CHAGS DANG BRAL BAS GTONG BA YANG RE RE TZAM NI YOD DO,, ` NYON MONGS PA CAN GZUGS MIN NI, ,GNYEN PO SKYES PAS RNAM NYAMS 'GYUR, ,ZHES GSUNGS TE, KHAMS GSUM CHAR GYI NYON MONGS CAN GZUGS CAN MA YIN PA SEMS SEMS BYUNG MI DGE BA DANG, BSGRIBS LUNG MA BSTAN MTSAN NYID THOB PA DANG BCAS PA NI RANG RANG GI GNYEN PO 'JIG RTEN PA DANG 'JIG RTEN LAS 'DAS PA'I LAM GANG RUNG SKYES PAS RNAM PAR NYAMS PAR 'GYUR GYIS GZHAN NI MA YIN NO, ,DES NA SRID RTZE'I NYON MONGS SPANGS PA'I SO SO'I SKYE BO NI MED DE, SRID RTZE'I GONG DU GYUR PA'I 'JIG RTEN PA'I LAM GYI GNYEN PO NI MED LA, 'JIG RTEN LAS 'DAS PA'I LAM THOB PA'I SO SKYE NI MED PA'I PHYIR, SA 'OG MA GZHAN GYI NYON MONGS SPANGS PA'I SO SKYE NI YOD DE, DE DAG GI GNYEN POR GYUR PA'I GONG MA GONG MA'I 'JIG RTEN PA'I LAM YOD PA'I PHYIR RO,, ` ZA MA MA NING SGRA MI SNYAN, ,ZHES SOGS KYI SKABS SU, SDOM PA DANG SDOM MIN GYI RTEN BSHAD PA STE, @15B DE LA SDOM PA SKYE BA'I RTEN NI ZA MA DANG, MA NING DANG, MTSAN GNYIS CIG CAR DU BYUNG BA DANG, BYANG GI SGRA MI SNYAN PA RNAMS MA YIN PA'I MI RNAMS KYI RTEN LA SO THAR GYI SDOM PA SKYE LA, DE LAS GZHAN LHA DANG NGAN SONG BA SOGS MI MA YIN PA'I 'GRO BA'I RTEN LA SO THAR GYI SDOM PA MI SKYE ZHING, BSAM GTAN DANG ZAG MED KYI SDOM PA GNYIS NI MI DANG, 'DOD GZUGS KYI LHA'I RTEN LA YANG SKYE BA YOD DO, ,'O NA; BSAM GTAN DANG ZAG MED KYI SDOM PA GNYIS SDOM PA DNGOS GNAS PA YIN NAM MIN, ZHE NA; 'DUL BA'I GZHUNG RNAMS SU SDOM PA LA SGRAS BRJOD RIS KYIS PHYE NA, SO THAR GYI SDOM PA DANG BSAM GTAN DANG, ZAG MED KYI SDOM PA GSUM 'JOG PA LAS, SPYIR MI 'JOG PAS SDOM PA LA SO THAR GYI SDOM PAS KHYAB PAR BSHAD LA, DE'I RGYU MTSAN YANG MI MA YIN PA'I 'GRO BA PA DANG, BYANG GI SGRA MI SNYAN PA SDOM PA'I ZHING NYID MA YIN NO, ,ZHES GSUNGS PA DANG, GANG LA SDOM PA YOD PA DE LA SDOM MIN YANG YOD PAR BSHAD NA, LHA DANG DUD 'GRO SOGS LA SDOM MIN MED PA'I PHYIR SDOM PA PHYI MA GNYIS BTAGS PA BA YIN PAR BSHAD KYANG, MDZOD KYI GZHUNGS 'GREL YIG CHA PHAL MO CHER SDOM PA'I DBYE BSDU, GRANGS NGES, RTEN GYI KHYAD PAR SOGS GANG GI TSE NA YANG SDOM PA GSUM CHAR SDOM PA DNGOS GNAS PA YIN DBANG KHO NA LAS DNGOS BTAGS KYI KHYAD PAR PHYE BA MI SNANG BAS NA MDZOD RANG LUGS LA SDOM PA GSUM CHAR SDOM PA DNGOS GNAS PAR KHAS MA BLANGS NA LUNG GI CHAR MANG DU 'BAB PAR SNANG LA, DE LTAR KHAS BLANGS TSE GONG GI LUNG DE DAG DANG, MDZED RTZA BA RANG LAS KYANG, SDOM MIN SDOM PA'ANG DE BZHIN TE, ,ZHES SOGS GSUNGS PA'I DNGOS BSTAN GYI SDOM PA RNAMS NI SO THAR GYI DBANG DU BYAS PA YIN ZHES SMRA DGOS SO, ,SDOM MIN GYI RTEN YANG SO THAR GYI SDOM PA BZHIN DU ZA MA, MA NING, MTSAN GNYIS PA DANG, SGRA MI SNYAN PA MA GTOGS PA'I MI RNAMS KYI RTEN LA MA GTOGS MI MA YIN PA'I 'GRO BA'I RTEN LA MI 'JOG GO , DES NA MI'I RTEN GLA SO THAR DANG, BSAM GTAN DANG, ZAG MED KYI SDOM PA GSUM CHAR YOD, 'DOD PA DANG, GZUGS KYI LHA RNAMS KYI RTEN LA BSAM GTAN GYI SDOM PA YOD, GZUGS MED NA MED DE, RANG SA NA GZUGS MED CING, 'OG MA'I RTEN LA THOB @16A *, ,PA'I BSAM GTAN GYI SDOM PA YANG SA 'PHOS PAS GTONG BA'I PHYIR RO, ,ZAG MED KYI SDOM PA NI TSANGS PA CHEN PO DANG, 'DU SHES MED PAR SKYES PA'I SEMS CAN GNYIS MA GTOGS PA'I 'DOD GZUGS KYI LHA RNAMS KYI RTEN LA CI RIGS PAR YOD CING, DE'I NANG NAS GNAS GTZANG MA BA RNAMS NI 'PHAGS PA YIN PAS ZAG MED KYI SDOM PA NGES PAR YOD DE, ,GZUGS MED KYI 'PHAGS PA RNAMS ZAG MED KYI SDOM PA DANG LDAN PA YOD KYANG, DE DAG GI RGYUD LA ZAG MED KYI SDOM PA YOD PAR NI 'DOD MI RIGS TE, DES NA GZUGS MED PA'I PHYIR ZHES SNGAR GONG DU BSHAD PA LTAR RO, ,THEG PA GONG MA BA DAG ,TSANGS PA CHEN POR LAS NYON GYIS SKYE BA BLANGS PA'I RGYUD LA ZAG MED KYI LAM MED KYANG, BYANG SEMS SMON LAM GYI DBANG GIS DER SKYES PA RNAMS KYI RGYUD LA ZAG MED KYI LAM YOD PAR BZHED MOD KYANG, BYE BRAG SMRA BA NI, DER SKYES PA'I BYANG SEMS 'PHAGS PA YOD PAR MI 'DOD DO,, ` LAS BDE MI BDE DANG GZHAN NI, ,ZHES SOGS KYI SKABS SU, MDO LAS, LAS KYI DBYE TSUL RNAM GRANGS BCO LNGA GSUNGS PA LAS, DANG PO DGE MI DGE LUNG MA BSTAN GSUM DU DBYE BA NI, LAS GANG ZHIG ,RNAM SMIN YID DU 'ONG BA BDE BA MYONG 'GYUR DANG; GTAN DU SDUG BSNGAL LAS SKYOB PA MYANG 'DAS THOB BYED GNYIS NI DGE BA DANG, DE GANG ZHIG RNAM SMIN YID DU MI 'ONG BA MI BDE BA MYONG 'GYUR NI MI DGE BA DANG, DE GANG ZHIG ,RNAM SMIN YID DU 'ONG MI 'ONG GNYIS KA MI BSKYED PA NI LUNG MA BSTAN NO, ,'O NA, BSAM GTAN BZHI PA DANG GZUGS MED KYI DGE BA YANG LUNG MA BSTAN DU 'GYUR TE, BDE MI BDE GNYIS KA MI MYONG BA'I LAS YIN PA'I PHYIR, ZER NA, 'DI LA 'GREL PA MNGON PA'I RGYAN DU, SA DE DAG GI DGE BA NI NYE BAR ZHI BA'I BDE BA MYONG BA'I LAS YIN PA'I PHYIR RAM, YANG NA, BDE BA MYONG 'GYUR DGE BA YIN NO, ,ZHES BYA BA NI PHAL CHE BA'I DBANG DU BYAS SO, ,ZHES 'DAM KHA CAN DU GSUNGS PA'I DANG PO LTAR KHAS BLANGS NA DON LA 'GAL BA MED NA'ANG, RTZOD PA'I TSA BDE BA ZHES PA'I TSIG TZAM LA 'KHRIS NA, BSAM GTAN BZHI PA YAN CHAD BDE BA LA 'DOD CHAGS DANG BRAL BAS RANG SA NA BDE BA MED PA GONG 'OG KUN TU @16B BSHAD PA BZHIN DU, 'DIR BDE BA YOD PAR 'DOD NA KHAS BLANGS NANG 'GAL BA DANG, TSOR BA BDE BA DANG BTANG SNYOMS YANG MI 'GAL BAR 'DOD DGOS PA SOGS KHAS LEN MI BDE BA DU MA ZHIG 'BYUNG BAS, DES NA BZHI PA YAN CHAD KYI DGE BA RNAMS RNAM SMIN YID DU 'ONG BA MYONG 'GYUR YIN KYANG, BDE BA MYONG 'GYUR MA YIN PA DANG, RNAM SMIN YID DU 'ONG BA LA BDE BAS MA KHYAB PA DANG, DGE BA LA BDE BA MYONG 'GYUR DU BSHAD PA NI PHAL CHE BA'I DBANG DU BYAS PA YIN ZHES SMRA NA, DON LA MI GNOD CING KHAS LEN 'DZIN BDE'O, ,BYAS PA LA KHO NA RE, RGYU DGE BA BYAS PA LAS 'BRAS BU BDE BA 'BYUNG BA BSAM GTAN BZHI PA YAN CHAD NA MED PAR THAL, DE YAN CHAD KYI SAS BSDUS PA'I BDE BA MED PA'I PHYIR ZER NA MA KHYAB STE, RGYU DGE BA BYAS PA LAS 'BRAS BU BDE BA 'BYUNG BA RGYU 'BRAS MI 'KHRUL BA YIN PA'I PHYIR, DE NI KHAMS GSUM CHAR NA YOD CES SMRA'O, ,'O NA RGYU DGE BA BYAS PA LAS 'BRAS BU BDE BA 'BYUNG ZHES PA'I BDE BA DE BDE BA MTSAN NYID PA MA YIN PAR THAL LO, ,ZER NA, 'DOD PA YIN LA, DE NI RGYU DGE BA SNGON SONG GI 'BRAS BU YID DU 'ONG BA LA BDE BA'I MING GIS BTAGS PA TZAM YIN PA'I PHYIR, DE LA NI ZAG BCAS DGE BA'I LAS KYI RNAM SMIN GYI 'BRAS BU DANG, RGYU MTHUN GYI 'BRAS BU DANG, BDAG PO'I 'BRAS BU GSUM CHAR 'JOG PAS NA, DE GSUM GANG RUNG LA BDE BAS MA KHYAB PA'I PHYIR, DE BZHIN DU RGYU MI DGE BA BYAS PA LAS 'BRAS BU SDUG BSNGAL 'BYUNG ZHES PA'I SDUG BSNGAL LA YANG BSDUG BSNGAL MTSAN NYID PAS MA KHYAB STE, DE LA YANG RGYU MI DGE BA SNGON SONG GI 'BRAS BUR RGYUR PA'I RNAM SMIN RGYU MTHUN BDAG 'BRAS GSUM CHAR 'JOG CHOG PA'I PHYIR RO,, ` BSOD NAMS BSOD NAMS MIN MI G-YO, ,ZHES PA NAS, SDUG BSNGAL MYONG 'GYUR 'DI'I MI DGE ,ZHES PA'I BAR GYIS BSOD NAMS KYI LAS LA SOGS PA GSUM DANG, BDE BA MYONG 'GYUR SOGS GSUM BSHAD PA STE, 'DOD PA'I SAS BSDUS KYI DGE BA'I LAS NI BSOD NAMS KYI LAS DANG, GZUGS GZUGS MED KYI DGE BA'I LAS NI MI G-YO BA'I LAS DANG, 'DOD PA'I MI DGE BA'I LAS NI BSOD NAMS MA YIN PA'I LAS SO, ,KHAMS GONG MA'I DGE BA LA MI G-YO BA ZHES BRJOD @17A *, ,PA'I RGYU MTSAN NI, DE DAG GI RNAM SMIN NI SA GANG DANG GANG DU GTOGS PA DE DANG DER SMIN PA LAS SA GZHAN DU G-YO BA MED PA'I PHYIR BYAS PA LA, KHO NA RE, 'O NA, 'DOD PA'I DGE BA'I LAS CHOS CAN, MI G-YO BA'I LAS YIN PAR THAL, RNAM SMIN SA GZHAN DU G-YO BA MED PA'I PHYIR, ZER NA, SKYON MED DE, SA GZHAN DU SMIN PA MED KYANG LAS DANG NYON MONGS DANG, SMON LAM SOGS KYI MTHUS LHA'I NANG DU SMIN PAR 'GYUR BA 'GA' ZHIG MI DANG DUD 'GRO SOGS SU SMIN PA YOD PAS NA MI G-YO BAR MA BZHAG GO ,YANG, BSAM GTAN GSUM PA MAN CHAD KYI DGE BA'I LAS NI BDE BA MYONG 'GYUR DANG, BZHI PA YAN CHAD KYI DGE BA NI BTANG SNYOMS MYONG 'GYUR DANG, MI DGE BA NI SDUG BSNGAL MYONG 'GYUR YON NO,, ` 'OG NA'ANG BAR MA YOD DO ZHES, ,ZHES SOGS KYIS 'OG MA BSAM GTAN GSUM PA MAN CHAD NA'ANG BTANG SNYOMS MYONG 'GYUR GYI LAS NI YOD DE, BSAM GTAN DANG PO'I DNGOS GZHI KHYAD PAR CAN GYI LAS DE BTANG SNYOMS MYONG 'GYUR YIN PA'I PHYIR DANG, 'DOD PA NA YANG BTANG SNYOMS MYONG 'GYUR GYI LAS YOD PAR BSHAD PA'I PHYIR RO,, ` NGO BO NYID DANG MTSUNGS LDAN DANG, ,ZHES SOd KYIS MYONG 'GYUR RNAM PA LNGA BSHAD DE, TSOR BA LTA BU NGO BO NYID KYIS MYONG 'GYUR DANG, REG PA LTA BU MTSUNGS LDAN GYIS MYONG 'GYUR DANG, YUL GZUGS LTA BU DMIGS PAS MYONG 'GYUR DANG, MTHONG CHOS MYONG 'GYUR GYI LAS LTA BU RNAM SMIN MYONG 'GYUR DANG, TSOR BA BDE BA MNGON DU GYUR PA'I TSE TSOR BA GZHAN GNYIS MNGON 'GYUR BA 'GAGS PA LTA BU MNGON SUM DU GYUR PA MYONG 'GYUR TE LNGA YOD PA LAS, SKABS 'DIR BSHAD BYA'I GTZO BO NI RNAM SMIN MYONG 'GYUR LA BYED PA YIN NO, ,GZUGS LTA BU DMId PAS MYONG 'GYUR DU BSHAD PA NI, DE LA DMIGS PA'I SHES PAS GZUGS NYAMS SU MYONG PAR 'GYUR BA LA BSAM PA'O,, ` DE YANG NGES DANG MA NGES DANG, ,ZHES SOGS KYI SKABS SU, MYONG 'GYUR GYI LAS DE DAG LA'ANG RNAM SMIN MYONG BAR NGES PA DANG MA NGES PA GNYIS, NGES PA LA YANG RNAM SMIN TSE DE NYID LA MYONG BAR 'GYUR BA MTHONG CHOS MYONG 'GYUR DANG, DE'I SKYE BA PHYI MA @17B LA MYONG BA SKYES NAS MYONG 'GYUR, PHYI MA'I PHYI MA PHAN CHAD LA MYONG BA LAN GRANGS GZHAN LA MYONG 'GYUR TE, NGES PA'I LAS GSUM DANG, MA NGES PA STE BZHI 'AM, YANG, 'GA' ZHIG MA NGES PA LA'ANG RNAM SMIN MA NGES PA DANG GNAS SKABS MA NGES PA GNYIS SU PHYE NAS LAS RNAM PA LNGAR 'DOD LA, SDE PA GZHAN DAG NI MU GZHIR YANG 'DOD DE, GNAS SKABS NGES LA RNAM SMIN MYONG BAR MA NGES PA NI, GAL TE MYONG NA MTHONG CHOS SOGS GSUM PO GANG RUNG LA MYONG BAR NGES NA YANG RNAM SMIN MYONG MI MYONG MA NGES PA DANG, RNAM SMIN NGES LA GNAS SKABS MA NGES PA NI, RNAM SMIN NGES PAR MYONG NA YANG GNAS SKABS MTHONG CHOS SOGS GSUM PO GANG DU MYONG BA MA NGES PA DANG, GNYIS KA NGES PA NI, MTHONG CHOS SOGS GSUM PO GANG RUNG LA RNAM SMIN MYONG BAR NGES PA DANG, GNYIS KA MA NGES PA NI GNAS SKABS DANG RNAM SMIN GNYIS KA MA NGES PA'O, ,DE LTAR NA, NGES PA LA'ANG MTHONG CHOS LA SOGS PAR NGES MA NGES GNYIS GNYIS TE DRUG DANG, MA NGES PA LA RNAM SMIN MA NGES PA DANG, GNAS SKABS MA NGES PA GNYIS TE BRGYAD DU 'GYUR RO, ,'ON KYANG 'DOD TSUL PHYI MA'I MU BZHI 'JOG TSUL LA 'THAD MIN DPYAD PAR BYA BA 'DI YOD DE, JI LTAR ZHE NA, GNAS SKABS NGES LA RNAM SMIN MYONG BAR MA NGES PA'I LAS DE CHOS CAN, KHYOD RNAM SMIN MYONG BAR MA NGES PA'I LAS YIN PAR THAL, 'DOD NA, DE CHOS CAN, MTHONG CHOS SOGS KYI GNAS SKABS GSUM PO GANG DU YANG RNAM SMIN MYONG BAR MA NGES PA YIN PAR THAL, RNAM SMIN MYONG BAR MA NGES PA'I LAS YIN PA'I PHYIR, 'DOD NA, GNAS SKABS KYANG MA NGES PA'I LAS YIN PAR THAL, GNAS SKABS MTHONG CHOS SOGS GSUM PO GANG DU YANG RNAM SMIN MYONG BAR MA NGES PA YIN PA'I PHYIR, 'KHOR GSUM, BYAS PA LA, KHO NA RE, SKYON MED DE, DE 'DRA'I LAS DE, GAL TE RNAM SMIN MYONG NA GNAS SKABS GSUm PO GANG RUNG LA MYONG BAR NGES PA LA BSAM NAS GNAS SKABS NGES PAR 'JOG PA LAS, SPYIR GNAS SKABS NGES PA MA YIN NO ZER NA, 'O NA, SPYIR GNAS SKABS NGES LA RNAM SMIN MYONG BAR MA NGES PA'I LAS MED PAR THAL, 'DOD NA, MU DANG PO 'JOG TU MED PAR THAL, GZHAN YANG, GAL TE @18A *, ,RNAM SMIN MYONG NA GNAS SKABS GSUM PO GANG RUNG LA MYONG NGES SU BSAMS NAS GNAS SKABS NGES PAR 'JOG PA YANG MI 'THAD PAR THAL, DE LTA NA, DE 'DRA'I LAS DE RNAM SMIN NGES PA'I LAS SU 'JOG RIGS PAR 'GYUR TE, GAL TE RNAM SMIN GNAS SKABS GSUM PO GANG RUNG LA MYONG BAR NGES NA, RNAM SMIN MYONG BAR NGES PAS KHYAB PA'I PHYIR, DE BZHIN DU, RNAM SMIN NGES LA GNAS SKABS MA NGES PA'I LAS DE YANG CHOS CAN, RNAM SMIN MYONG BAR NGES PA'I LAS MA YIN PAR THAL, RNAM SMIN MYONG BAR MA NGES PA'I LAS YIN PA'I PHYIR, DER THAL, DE 'DRA'I RNAM SMIN DE MTHONG CHOS SOGS GNAS SKABS GSUM PO GANG RUNG DU MYONG BAR MA NGES PA'I PHYIR, KHYAB STE, RNAM SMIN MTHONG CHOS SOGS GSUM PO GANG RUNG DU MA MYONG NA GZHAN DU RNAM SMIN MYONG BA'I SKABS MED PA'I PHYIR, GZHAN YANG, DE 'DRA'I LAS DE CHOS CAN KHYOD KYI RNAM SMIN DE MTHONG CHOS SOGS GSUM PO GANG RUNG LA MYONG BAR SANGS RGYAS KYI MKHYEN PAS KYANG MA NGES PAR THAL, 'DOD NA, DE 'DRA'I RNAM SMIN DE TSE 'DI DANG PHYI MA GANG LA YANG MI SMIN PAR THAL, 'DOD NA, DE 'DRA'I LAS DE RNAM SMIN MYONG NGES KYI LAS MA YIN PAR THAL LO, , 'O NA, JI LTAR ZHE NA, RTZA BA LAS KHA CIG LAS RNAM LNGA ZHES ZER, ,GZHAN DAG MU NI BZHI ZHES ZER, ,ZHES GSUNGS PA 'DI GZHAN LUGS KYI 'DOD TSUL BSHAD PA LAS RANG LUGS-SU BSHAD PA MA YIN ZHING, RANG LUGS LA, LAS NGES PA DANG MA NGES PA'I KHYAD PAR RNAM SMIN MYONGS PAR NGES MA NGES KYI SGO NAS 'JOG PA MA ZAD, RDZAS SPYI NYIS 'GO SPANGS PA'I RNAM SMIN MYONG NGES KYI LAS YIN NA, GNAS SKABS KYANG NGES PA DANG, GNAS SKABS MA NGES NA RNAM SMIN YANG MA NGES PA LAS MU BZHI 'JOG MI SHES SO SNYAM ZHING, SDE PA GZHAN GYI LUGS-SU BYAS NA YANG MU BZHI'I RNAM GRANGS TZAM DU 'JOG PA YIN ZHES SMRA NA LAS, DNGOS GNAS SU KHAS BLANGS NA DON MTHUN GYI LAS ZHIG THEBS DKA' BA 'DRA'O,, 7MTHONG CHOS MYONG 'GYUR GYI LAS LA SDE PA 'GA' ZHIG GI 'DOD TSUL, RNAM SMIN TSE 'DIR MYONG BA'I 'GO BRTZAMS PAS MING MTHONG CHOS MYONG 'GYUR DU @18B BZHAG PA LAS, SKYE BA PHYI MA GZHAN DU YANG DE'I RNAM SMIN 'BYIN PA YOD DE, LAS STOBS LDAN YIN PA'I PHYIR ZHES 'DOD LA, BYE BRAG SMRA BAS NI LAS KYI RANG BZHIN THA DAD PA'I PHYIR, MTHONG CHOS MYONG 'GYUR GYI LAS KYI RNAM SMIN NI TSE DE NYID LA SMIN CING RDZOGS PA LAS SKYE BA PHYI MA SOGS LA MI SMIN TE, SKYES NAS MYONG 'GYUR SOGS SU THAL BA'I SKYON YOD PA'I PHYIR, ZHES 'DOD KYANG, KHAS BLANGS NANG 'GAL DU 'GRO NYEN CHE BA'I DOGS DPYOD NI 'OG TU 'CHAD DO,, ` GSUM GYIS RIS NI 'PHEN PAR BYED, ,CES PA NI, SKYES NAS MYONG 'GYUR DANG, LAN GRANGS GZHAN LA MYONG 'GYUR DANG, MA NGES PA'I LAS GSUM GYIS NI SKYE BA GZHAN GYI RIS MTHUN PA'I SROG GI DBANG PO 'PHEN CING RDZOGS PAR BYED PA SRID LA, MTHONG CHOS MYONG 'GYUR GYIS NI SKYE BA GZHAN GYI SROG DBANG MI 'PHEN TE, TSE DE'I SROG DBANG NI SNGAR THOB ZIN PA'I PHYIR DANG, SKYE BA GZHAN GYI SROG DBANG 'PHEN NA MTHONG CHOS MYONG 'GYUR MA YIN PAR THAL BA'I PHYIR DANG, TSE LA 'DOD DGUR DBANG BSGYUR BA'I DGRA BCOM PA DAG GIS RING DU BSRINGS PA'I TSE'AM SROG NI DGE BA'I LAS MTHU CHE BA DE'I MTHONG CHOS KYI RNAM SMIN DANG, 'GA' ZHIG GIS BSOD NAMS BSAGS PAS TSE BSRING BA LA SOGS PA'ANG BAR CHAD SEL BA TZAM LAS GSAR DU 'PHEN PA MA YIN PA'I PHYIR ZHES 'DOD PA'O,, ` THAMS CAD NA NI 'PHEN PA BZHI, ,ZHES PA NI, 'O NA, NGES PA'I LAS GSUM DANG, MA NGES PA'I LAS TE BZHI PO DES RNAM SMIN 'PHEN PA KHAMS DANG SA THAMS CAD DU YOD DAM ZHE NA, YOD DO ZHES SPYIR BTANG NAS, DMIGS GSAL, DMYAL BA NA NI DGE BA'I GSUM, ,ZHES GSUNGS TE, DMYAL BA NA DGE BA'I SKYES NAS MYONG 'GYUR SOGS GSUM YOD PA LAS, DGE BA'I MTHONG CHOS MYONG 'GYUR NI MED DE, DE NA RNAM SMIN YID DU 'ONG BA MYONG BA MED PA'I PHYIR DANG, DE NA MI DGE BA'I 'PHEN PA NI BZHI CHAR YOD DO, ,ZHES PA'O, ,'DI'I THAD KYI 'GREL PA MNGON PA'I RGYAN DU, KHAMS GSUM DANG, SA DGU DANG, 'GRO BA LNGA PO THAMS CAD NA NI DGE MI DGE'I LAS KYI 'PHEN PA BZHI CHAR YOD DO, ,ZHES BYA BA NI SPYIR BTANG BA'O, ,ZHES GSUNGS PA'I DON NI, KHAMS DANG SA THAMS CAD DU DGE BA'I LAS KYI 'PHEN PA BZHI CHAR YOD PA DANG, 'DOD PA NA MI DGE BA'I 'PHEN PA BZHI YANG YOD PA'I @19A *, ,DON SDOMS TE GSUNGS PA LAS, KHAMS DANG SA THAMS CAD NA MI DGE BA'I 'PHEN PA YOD PA'I DON MIN PAS DE LTAR DU GO NA NOR PA CHEN POR 'GYUR TE, KHAMS GONG MA RNAMS SU MI DGE BA'I 'PHEN PA MED PA'I PHYIR RO,, ` GANG LAS 'DOD CHAGS BRAL BRTAN PA'I, ,BYIS PA DER SKYES MYONG MI BYED, ,CES PA NI, 'DOD PA DANG BSAM GTAN DANG PO SOGS SA GANG LA 'DOD CHAGS DANG BRAL BA'I BYIS PA SO SO SKYE BO BRTAN PA STE RE ZHIG YONGS SU MI NYAMS PA'I CHOS CAN RNAMS NI, TSE DE LA 'DOD CHAGS DANG BRAL BA'I SA DER SKYES NAS MYONG 'GYUR GYI LAS MI GSOGS TE, DE NI TSE DE'I PHYI MA LA NGES PAR SA GONG MA KHO NAR SKYE BA'I PHYIR, DES NA 'DI LA YANG TSE DE LA ZHES PA'I KHYAD PAR NGES PAR SBYOR DGOS KYI, TSE GZHAN DU NI MA NGES PA'I PHYIR RO, ,YANG BSHAD MA THAG PA'I SO SO SKYE BO DES 'DOD CHAGS DANG BRAL BA'I SA DER MTHONG CHOS MYONG 'GYUR DANG, LAN GRANGS GZHAN LA MYONG 'GYUR GYI LAS GSOGS PA NI YOD DO,, ` 'PHAGS PA GZHAN DU'ANG MYONG MI BYED, ,CES PA NI, 'DOD PA SOGS GANG LA 'DOD CHAGS DANG BRAL BA'I 'PHAGS PA YONGS SU MI NYAMS PA'I CHOS CAN DAG GIS NI SA DER SLAR SKYES NAS MYONG 'GYUR DU MA ZAD LAN GRANGS GZHAN LA MYONG 'GYUR GYI LAS KYANG MI GSOGS TE, DE NI SA DE DAG TU NAM YANG PHYIR MI 'ONG BA'I PHYIR, YANG, DES SA DER MTHONG CHOS MYONG 'GYUR DANG MA NGES PA'I LAS GSOGS PA NI YOD DO, ,YANG, BYIS PA'AM 'PHAGS PA SU YANG RUNG STE, SA GANG LA 'DOD CHAGS DANG BRAL YANG YONGS SU NYAMS PA'I CHOS CAN ZHIG YIN NA NI SA DER SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS GSOGS PA YANG YOD DO, ,ZHES SPYIR BTANG NAS, DMIGS GSAL DU ? 'DOD RTZE'I MI BRTAN PA YANG MIN, ,ZHES 'DOD PA LA 'DOD CHAGS DANG BRAL BA'I 'PHAGS PA PHYIR MI 'ONG NYAMS PA'I CHOS CAN DANG, SRID RTZE LAS 'DOD CHAGS DANG BRAL BA'I DGRA BCOM PA NYAMS PA'I CHOS CAN GNYIS NI, NYAMS NA YANG SA DER SKYES NAS MYONG 'GYUR DANG LAN GRANGS GZHAN LA MYONG 'GYUR GYI LAS GSOGS PA MED DE, DE GNYIS NYAMS PA NI 'BRAS BU LAS NYAMS PA YIN LA, DES NA, 'BRAS LAS NYAMS PA 'CHI BA MED, ,CES 'BRAS BU LAS @19B NYAMS PA NI TSE DE RANG LA SOR CHUD PAR BYED PA LAS 'BRAS BU LAS NYAMS BZHIN DU 'CHI BA'I DUS BYED PA MED PA'I PHYIR RO, ,'ON KYANG MTHONG CHOS MYONG 'GYUR DANG, MA NGES PA'I LAS GSOGS PA NI SRID DO, ,'O NA, GONG DU SA GANG LA 'DOD CHAGS DANG BRAL BA'I 'PHAGS PA NYAMS NA SA DER SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS GSOGS PA YOD PAR BSHAD PA DANG 'GAL LO, ,ZHE NA, MI 'GAL TE, DE NI 'DOD PA DANG SRID RTZE LAS GZHAN PA'I DBANG DU BYAS PA YIN PA'I PHYIR TE, DE GNYIS LAS GZHAN PA'I SA GZHAN GYI NYON MONGS KYIS 'PHAGS PA NYAMS NA YANG GONGS LAS NYAMS PA TZAM LAS 'BRAS BU LAS NYAMS PA MA YIN PA'I PHYIR RO,, ` SRID PA BAR MA 'DOD KHAMS SU, ,'PHEN PA RNAM PA NYI SHU GNYIS, ,ZHES PA NI, 'O NA, SRID PA BAR MA NA YANG LAS KYI 'PHEN PA YOD DAM, ZHE NA YOD DE, 'DOD PA'I SRID PA BAR MAR NI, 'DOD PA'I KHAMS SU 'PHEN PA RNAM PA NYI SHU RTZA GNYIS 'PHEN PAR BYED PA YOD DE, NUR NUR PO DANG, MER MER PO, NAR NAR PO, GOR GOR PO, RKANG LAG 'GYUS BA STE MNGAL GYI GNAS SKABS LNGA DANG, BYIS PA DANG, GZHON NU DANG, DAR MA DANG, DAR YOL BA DANG, RGAN PO STE SKYES PA'I GNAS SKABS LNGA BCAS BCU DANG, BCU PO RE RER MYONG BAR NGES MA NGES GNYIS SU PHYE BAS NYI SHU, DE'I STENG DU SRID PA BAR MA RANG NYID DU MYONG BAR NGES MA NGES GNYIS BSNAN PAS NYI SHU RTZA GNYIS SO, ,SRID PA BAR MAR 'PHEN PA NYI SHU RTZA GNYIS 'PHEN PA YOD PA'I DON NI, BAR SRID KYI RTEN LA GNAS SKABS NYI SHU RTZA GNYIS 'PHEN BYED KYI LAS GSAR DU GSOGS PA'I DON MA YIN PA MA ZAD, SKYE SRID LEN NGES KYI 'GRO BA GANG GI BAR SRID KYANG BAR SRID DE DANG, DE DANG TSAR GCIG PA'I SKYE SRID GNYIS 'PHEN BYED KYI LAS GCIG GIS NGES PAR 'PHEN PA YIN MOD KYANG BAR SRID KYI GNAS SKABS SU MNGAL GYI GNAS SKABS DANG, SKYES PA'I GNAS SKABS RNAMS GRUB MA ZIN PAS NA, SRID PA BAR MA BA DE'I RGYUD LA 'BRAS BU'I GNAS SKABS DE DAG 'PHEN NUS KYI LAS SAM LAS KYI NUS PA MTHU CAN DU YOD PA DANG, BAR SRID RANG DU YANG MYONG BAR NGES MA NGES KYI LAS KYI SHUGS KYANG DE'I RGYUD LA YOD PAS NA, DE 'DRA BA'I LAS DES GNAS SKABS DE DAG 'PHEN PA'I DON YIN NO,, ` DE NI MTHONG CHOS @20A *, ,'BRAS BU YIN, ,ZHES SOGS NI, GNAS SKABS NYI SHU RTZA GNYIS PO DE DAG LAS MYONG BAR NGES PA BCU GCIG 'PHEN NUS KYI BAR SRID PA'I RGYUD KYI LAS DE DAG NI MTHONG CHOS 'BRAS BU CAN GYI LAS ZHES BYA BA STE, DE'I RGYU MTSAN YANG BAR SRID PA DE DANG 'BRAS BU'I GNAS SKABS BCU-GCIG PO DE DAG LAS GCU GCIG GIS 'PHANGS PA'I RIS MTHUN GCIG KHO NA LAS DE GNYIS KYI BAR DU SKYE BA GZHAN GYIS CHOD PA SOGS MIN PA'I RGYU MTSAN GYIS YIN LA, 'ON KYANG DE DAG MTHONG CHOS MYONG 'GYUR GYI LAS DNGOS NI MA YIN TE, 'BRAS BU'I GNAS SKABS DE DAG TSE RABS SNGON MAR BSAGS PA'I SKYES GNAS MYONG 'GYUR DANG, LAN GRANGS GZHAN LA MYONG 'GYUR GANG RUNG GI LAS KYI 'PHANGS 'BRAS YIN PA LAS, MTHONG CHOS MYONG 'GYUR GYI LAS KYIS SKYE BA MI 'PHEN PA GONG DU BSHAD ZIN PA'I PHYIR, DES NA MTHONG CHOS MYONG 'GYUR GYI 'BRAS BU CAN GYI LAS YIN NA MTHONG CHOS MYONG 'GYUR GYI LAS YIN PAS MA KHYAB ZHES DENG SANG KHAS LEN 'DZIN SROL LTAR DGOS PA GRUB MTHA'I 'DOD LUGS TE ZHIB PA 'CHAD 'GYUR GYIS SHES SO, ,'PHEN PA NYI SHU RTZA GNYIS PO DE LA YANG 'DOD KHAMS SU ZHES PA'I KHYAD PAR SBYAR BA NI, GZUGS KHAMS NA NUR NUR PO LA SOGS PA'I GNAS SKABS BCU PO DE DAG MED PA'I PHYIR DANG, GZUGS MED NA NI BAR SRID KYANG MED PA'I PHYIR, DES NA 'DOD KHAMS PA KHO NA DANG, DE'I NANG NAS KYANG MNGAL SKYES KHO NA'I DBANG DU BYAS PA YIN NO, ,'DI'I SKABS SU 'GREL PA MNGON PA'I RGYAN DU, SRID PA BAR MA DANG, 'BRAS BU'I GNAS SKABS BCU GCIG PO DE DAG SKYES NAS MYONG 'GYUR GYI LAS GCIG KHO NAS 'PHANGS PA'I PHYIR RO, ,ZHES DANG, DE'I MCHAN BUR YANG SKYES NAS MYONG 'GYUR KHO NAS 'PHANGS PAS SO, ,ZHES 'DUG PA NI MTSAN GZHI GCIG KHO NA NGOS 'DZIN DU MDZAD PA LAS 'BRAS BU'I GNAS SKABS DE DAG LA SKYES NAS MYONG 'GYUR GYI LAS KYI 'PHANGS 'BRAS KYIS NI MA KHYAB STE, LAN GRANGS GZHAN LA MYONG 'GYUR GYI LAS KYI 'PHANGS 'BRAS LA YANG GNAS SKABS BCU GCIG PO DE DAG SRID PA'I PHYIR, YANG, DE NI MA YIN TE, 'DOD @20B PA'I BAR SRID PA'I RGYUD KYI 'BRAS BU'I GNAS SKABS DE DAG 'PHAN NUS KYI LAS DE SKYES GNAS MYONG 'GYUR GYI LAS YIN PA'I DON NO ZER NA, DE BAS KYANG MI 'THAD DE, DE LTAR NA, BAR SRID PA'I RGYUD KYI LAS DE DAG MTHONG CHOS 'BRAS BU CAN GYI LAS SU 'JOG MI SHES PA MA ZAD, 'BRAS BU'I GNAS SKABS GCU GCIG PO GANG RUNG YIN NA SKYES GNAS MYONG 'GYUR GYI LAS KYI 'BRAS BU YIN PAS KHYAB PAR 'DOD DGOS PA SOGS KYI SKYON MANG DU 'JUG PAS, 'GREL PA DANG MTSAN BU DE GNYIS KYI DGONGS GZHI 'JOG LUGS GONG LTAR YIN NAM SNYAM YANG DA DUNG DPYAD PAR MDZOD CIG , ` ,,NYON MONGS RAB DANG DRAG PO YI, ,ZHES SOGS KYI SKABS SU, 'O NA, MYONG BAR NGES PA'I LAS DANG MA NGES PA'I LAS ZHES BSHAD NA, DE GNYIS KYI 'JOG TSUL JI LTA BU ZHE NA, KUN SLONG NYON MONGS PA DRAG POS BYAS PA'I MI DGE BA DANG, RAB TU DANG BA DRAG POS BYAS PA'I DGE BA DANG, YANG, NYON MONGS DANG RAB TU DANG BA DRAG PO MED KYANG DGE MI DGE RGYUN CHAGS SU BYED PA DANG, DE DAG MED KYANG YON TAN GYI ZHING DKON MCHOG GSUM DANG, 'BRAS BU KHYAD PAR CAN RGYUN ZHUGS DANG DGRA BCOM PA'I 'BRAS BU LA GNAS PA DANG, SNYOMS 'JUG KHYAD PAR CAN 'GOG PA DANG, BYAMS PA DANG, NYON MONGS MED PA'I TING NGE 'DZIN LA GNAS PA SOGS ZHING KHYAD PAR CAN LA PHAN GNOD BYED PA DANG, DE BZHIN DU KUN SLONG DRAG PO DANG RGYUN DU BYED PA SOGS MED PA MA ZAD, NGAR SIG PA RNAMS LTAR BSOD NAMS SU RLOMS PA'I BLOS KYANG PHA MA GSOD PA SOGS NI MTSAMS MED DU 'GYUR BA STE, DE LTA BU'I LAS DGE MI DGE RNAMS NI RNAM SMIN NGES PAR MYONG BAR 'GYUR BAS NA MYONG NGES KYI LAS ZHES BYA LA, DE 'DRA BA LAS GZHAN PA'I LAS NI MA NGES PA'I LAS YIN NO, ,GONG DU BSHAD PA DE DAG GANG RUNG YIN NA YANG NGES PA'I LAS YIN PA'I KHYAB MTHA' NI MI BZUNG STE, DGE BA'I LAS DE DAG LA KHONG KHRO LOG LTA SOGS KYIS RNAM SMIN BCOMS PA DANG, MI DGE BA'I LAS DE DAG LA GNYEN PO STOBS BZHIS DAG BYED SOGS BYUNG NA RNAM SMIN MYONG NGES SU MI 'GYUR RO,, ` MTHONG CHOS 'BRAS BU CAN GYI LAS, ,ZHING DANG BSAM PA'I KHYAD PAR LAS, ,ZHES PA NI, MTHONG BA'I CHOS LA MYONG BAR 'GYUR BA'I MTHONG CHOS 'BRAS BU CAN GYI LAS DE LA YANG, ZHING GI @21A *, ,KHYAD PAR LAS GYUR PA DANG, BSAM PA'I KHYAD PAR LAS GYUR PA GNYIS LAS, DANG PO NI, BDAG CAG GI STON PA 'DI NYID SNGON DGE SLONG SDE SNOD GSUM PAR GYUR PA'I TSE, DGE 'DUN RTZOD PA BYUNG BA NA DGE 'DUN RNAMS LA BUD MED CES PA'I TSIG RTZUB BRJOD PA'I NGAG GI NYES PAS DE MA THAG TU BUD MED DU GYUR CING, SLAR YANG SKYE BA LNGA BRGYAR BUD MED DU SKYES PAR GSUNGS PA LTA BU DANG, GNYIS PA NI, SNYUG RUM PA ZHIG GIS GLANG LNGA BRGYA 'BRAS BU 'BYIN PA LAS THAR BAR BYAS PAS TSE DE RANG LA SKYES PA'I DBANG PO DANG LDAN PAR GYUR PA LTA BU'O,, ` SA DE'I 'DOD CHAGS GTAN BRAL PHYIR, ,RNAM SMIN NGES PA GANG YIN PA'O, ,ZHES PA NI, GZHAN YANG, 'DOD PA LA SOGS PA'I KHAMS DANG SA DE DANG DE'I 'DOD CHAGS DANG GTAN DU BRAL BA'I GANG ZAG DAG LA, SA DE'I RNAM SMIN MYONG NGES KYI LAS ZHIG MCHIS NA YANG NGES PAR TSE DE LA MTHONG CHOS SU MYONG BAR 'GYUR TE, DE NI SA DE LA GTAN DU 'DOD CHAGS DANG BRAL BA'I PHYIR PHYIN CHAD DER MI SKYE BAS NA YUL 'PHO BA NA BU LON PA LDANG BA DANG MTSUNGS PA'I PHYIR, DE YANG SNGON BYAS PA'I 'BRAS BU TSE 'DIR MYONG NA MTHONG CHOS BTAGS PA BA DANG, TSE 'DIR BYAS PA MYONG NA MTSAN NYID PA'O, ,'DI'I SKABS SU DOGS PA DPYAD PA LA, 'O NA, DGE SLONG GI DGE 'DUN LA BUD MED CES BRJOD PA'I NGAG GI LAS DE MTHONG CHOS MYONG 'GYUR GYI LAS SU 'JOG GAM MI 'JOG ,MI 'JOG NA DE 'DRA BA LAS GZHAN DU MTHONG CHOS MYONG 'GYUR GYI LAS STOBS CAN 'JOG DKA' BAR 'GYUR BA MA ZAD 'GREL PA RNAMS SU LAS DE 'DRA BA MTHONG CHOS MYONG 'GYUR GYI LAS KYI MTSAN GZHIR 'JOG PA'I PHYIR TE, 'GREL PA MNGON PA'I RGYAN DU, MTHONG CHOS LA MYONG BAR 'GYUR BA'I LAS CI 'DRA BA YIN ZHE NA, ZHING GI KHYAD PAR LAS 'GYUR BA DANG, BSAM PA'I KHYAD PAR LAS 'GYUR BA GNYIS, ZHING GI KHYAD PAR LAS 'GYUR BA NI SNGON 'DAS PA'I DUS NA STON PA 'DI NYID, ZHES SOGS GONG DU BSHAD PA LTAR GSUNGS PA'I PHYIR DANG, 'GREL PA GZHAN RNAMS SU YANG DE DANG MTHUN PAR GSUNGS PA'I PHYIR, YANG DE MTHONG CHOS MYONG 'GYUR GYI LAS SU 'JOG NA NI, DE 'DRA BA'I LAS DE CHOS CAN, MTHONG CHOS MYONG @21B 'GYUR GYI LAS MA YIN PAR THAL, KHYOD KYI RNAM SMIN SKYE BA LNGA BRGYA'I BAR DU 'BYIN PA GANG ZHIG ,MTHONG CHOS MYONG 'GYUR GYI LAS KYI RNAM SMIN NI TSE DE RANG DU RDZOGS PA LAS SKYE BA PHYI MAR MI SMIN PA DANG, MTHONG CHOS MYONG 'GYUR GYI LAS KYIS SKYE BA MI 'PHEN PA SOGS GONG DU LAN DU MAR BSHAD PA'I PHYIR KHAS BLANGS NANG 'GAL DU 'GYUR RO, ,ZHE NA 'DI DANG 'OG NAS, GCIG GIS SKYE BA GCIG 'PHEN TO, ,ZHES PA RNAMS BYE BRAG SMRA BA'I GRUB MTHA'I 'DOD TSUL YIN PA LAS DON LA KHAS BLANGS NANG 'GAL DU NGES PAR SONG BA YIN LA, DE LA DENG SANG GONG DU BZHAG PA'I MTSAN GZHI DE, MTHONG CHOS MYONG 'GYUR GYI 'BRAS BU CAN GYI LAS YIN KYANG, MTHONG CHOS MYONG 'GYUR GYI LAS MA YIN ZHES KHAS LEN 'DZIN MTSAMS BYED MOD, SPYIR NA, MTHONG CHOS 'BRAS BU CAN GYI LAS SU BSHAD PA TZAM GYI MTHONG CHOS MYONG 'GYUR GYI LAS SU MI 'GYUR BA NI GONG DU SRID PA BAR MAR 'PHEN PA RNAM PA BCU GCIG BSHAD PA'I SKABS SU BKOD PA LTAR YIN LA, SKABS 'DIR YANG GNAS SKABS KHAS LEN 'DZIN MTSAMS DE LTAR MI BYED KA MED YIN 'DUG KYANG DON LA NI MI GNAS TE, 'GREL PA RNAMS SU MTHONG CHOS MYONG 'GYUR GYI LAS KYI MTSAN GZHIR BZHAG PA DANG TSIG ZIN LA 'GAL BA'I PHYIR, DER MA ZAD, NGAG GI NYES PA GCIG GIS BUD MED KYI SKYE BA LNGA BRGYA 'PHEN NA LAS GCIG GIS SKYE BA GCIG LAS MI 'PHEN PAR 'DOD PA DANG YANG NANG 'GAL BA YIN NO, ,DES NA DON GYI GNAS TSOD NI MDO SDE PA LA SOGS PA GONG MA BA DAG GIS LAS GCIG GIS SKYE BA DU MA 'PHEN PA DANG, GCIG GIS GCIG 'PHEN PA'ANG YOD PAR 'DOD PA DANG, MTHONG CHOS MYONG 'GYUR GYI LAS ZHES PA'ANG RNAM SMIN TSE DE'I MTHONG CHOS LA MYONG BA'I MGO BRTZAMS PAS DE LTAR BSHAD PA LAS, LAS STOBS CHEN YIN PAS SKYE BA PHYI MA RNAMS SU YANG DE'I RNAM SMIN MYONG BA YOD PAR 'DOD PA LTAR DON LA GNAS SHING RI-dA PA'I GNOD PA YANG MI 'JUG LA, 'DI LTAR NA LAS GSUM PO MI 'GAL BAR YANG 'DOD DGOS TE, GONG DU SMOS PA'I NGAG GI NYES PA DE LTA BU MTHONG CHOS MYONG 'GYUR DANG, SKYES NAS MYONG 'GYUR DANG, LAN GRANGS GZHAN LA MYONG @22A *, ,'GYUR GSUM CHAR DU 'JOG RIGS PA'I PHYIR, 'ON KYANG, DE DAG GI LUGS LA YANG MTHONG CHOS MYONG 'GYUR GYI LAS YIN NA RNAM SMIN TSE GCIG LA MI RDZOGS PAS KHYAB PAR 'DOD PA NI MA YIN NO, ,'O NA BYE SMRA'I RANG LUGS LA 'GAL MED TZAM GYI LAN JI LTAR 'DEBS ZHE NA, YOD DE, DGE 'DUN LA BUD MED CES BRJOD PA'I TSIG RTZUB KYI NYES PA DES MTHONG CHOS MYONG 'GYUR DANG, SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS THA DAD PA GSUM DUS GCIG TU GSOGS PA YIN ZHES SMRA'O, ,DE LA KHO NA RE, DE LTAR 'DOD PA MI 'THAD DE, DE'I TSE NGAG GI NYES PA'AM TSIG RTZUB GCIG LAS MA BRJOD NA, LAS THA DAD PA GSUM GSOGS MI SHES SO, ,ZER NA, SKYON MED DE, TSIG GCIG LAS MA BRJOD KYANG YUL KHYAD PAR CAN LA BRTEN PA'I DBANG GIS LAS THA DAD PA GSUM GSOGS PA MI 'GAL TE, LAS KYI RANG BZHIN BSAM GYIS MI KHYAB PA'I PHYIR TE, TSIG RTZUB GCIG BRJOD PA DES LAS GSUM DU MA ZAD BUD MED KYI SKYE BA LNGA BRGYA 'PHEN BYED KYI LAS THA DAD PA LNGA BRGYA YANG DUS GCIG TU BSAGS PA'I PHYIR TE, DE'I TSE BUD MED KYI SKYE BA LNGA BRGYA 'PHEN BYED KYI LAS GSAGS PA NI GANG ZHIG ,SKYE BA DE DAG LAS THA DAD PA RE RES 'PHEN PA LAS LAS GCIG GIS 'PHEN PA NI MA YIN TE, GCIG GIS SKYE BA GCIG 'PHEN TO, ,ZHES GSUNGS PA'I PHYIR, DE LTAR 'DOD NA, LAS DE GSUM GYI NANG NAS MTHONG CHOS MYONG 'GYUR GYI LAS KYI RNAM SMIN TSE DE KHO NA LA RDZOGS PA DANG, SKYES NAS MYONG 'GYUR GYI LAS KYI RNAM SMIN SKYE BA DE'I PHYI MA KHO NA LA SMIN PA DANG, LAN GRANGS GZHAN LA MYONG 'GYUR GYI LAS RNAMS KYI RNAM SMIN NI DE PHAN CHAD DU RIM PA BZHIN SMIN PA YIN ZHES KHAS BLANGS NA NANG 'GAL DU MI 'GYUR LA, 'ON KYANG DGE 'DUN LA BUD MED CES BRJOD PA'I NGAG GI LAS SAM NYES PA SPYI TZAM PA DE NI MTHONG CHOS MYONG 'GYUR GYI LAS MIN KYANG, MTHONG CHOS 'BRAS BU CAN GYI LAS YIN ZHES DENG SANG GI 'DZIN MTSAMS LTAR ZER DGOS TE, DE MIN NA, MTHONG CHOS 'BRAS BU CAN GYI LAS, ,ZHING DANG BSAM PA'I KHYAD PAR LAS, ,ZHES PA'I RTZA 'GREL RNAMS KYI TSIG ZIN DANG 'GAL BAR 'GYUR BA'I PHYIR, BYAS PA LA, KHO NA RE, @22B DE LTAR NA DE 'DRA'I LAS SPYI TZAM PA DE SKYES NAS MYONG 'GYUR GYI 'BRAS BU CAN DANG, LAN GRANGS GZHAN LA MYONG 'GYUR GYI 'BRAS BU CAN YANG YIN KYANG, SKYES NAS MYONG 'GYUR GYI LAS DANG, LAN GRANGS GZHAN LA MYONG 'GYUR GYI LAS MIN ZHES SMRA DGOS TE RI-dA PA MTSUNGS PA'I PHYIR ZHE NA, DE LTAR DU YANG 'DOD DGOS PA YIN MOD, DES NA DON GYIS GRUB MTHA' GONG MA'I 'DOD PA LTAR LA SONG BA YIN RUNG, GNAS SKABS RANG LUGS KYI KHAS LEN MI 'GAL BAR DGOS PA'I PHYIR 'DZIN MTSAMS DE LTAR BYA BA LAS 'OS MED DO, ,YANG, GONG DU SMOS PA'I NGAG GI LAS SAM NYES PA SPYI TZAM PA DE MTHONG CHOS MYONG 'GYUR GYI LAS MIN NA, 'GREL PA RNAMS SU DE'I MTSAN GZHIR 'JOG PA DANG 'GAL LO, ,ZER NA, SKYON MED DE, 'GREL PA RNAMS SU GSUNGS PA NI, DE 'DRA'I LAS DE LA MTHONG CHOS MYONG 'GYUR GYI LAS YOD PAR BSTAN PA LAS, YIN PA'I MTSAN GZHIR BSTAN PA MIN ZHES SMRA'O,, ` GANG DAG 'GOG BYAMS NYON MONGS MED, ,ZHES SOGS KYI SKABS SU, 'O NA, MTHONG CHOS LA MYONG BAR 'GYUR BA'I ZHING KHYAD PAR CAN MCHOG TU GYUR PA JI LTA BU ZHE NA, SANGS RGYAS SOGS DGE SLONG GI DGE 'DUN DANG, 'PHAGS PA GANG DAG 'GOG PA DANG, BYAMS PA DANG, NYON MONGS MED PA'I TING NGE 'DZIN DANG, MTHONG BA'I LAM DANG, DGRA BCOM PA'I 'BRAS BU LA SNYOMS PAR ZHUGS PA LAS LANGS MA THAG PA STE LNGA PO DE DAG LA PHAN GNOD BYAS PA'I RNAM SMIN GYI 'BRAS BU NI MTHONG CHOS KHO NA LA MYONG PAR 'GYUR LA, DE LAS GZHAN SGOM LAM LAS LANGS PA'I 'PHAGS PA SOGS KYANG BSOD NAMS KYI ZHING KHYAD PAR CAN YIN MOD KYANG GNAS GYUR GSAR PA THOB PA SOGS MA YIN PAS GONG MA RNAMS LTA BU'I CHES MCHOG TU GYUR PA NI MA YIN NO,, ` RNAM PAR RTOG PA MED PA YI, ,ZHES SOGS KYI SKABS SU, 'O NA, RNAM SMIN GYI NGO BOR GYUR PA'I TSOR BA LA, LUS TSOR SEMS TSOR GNYIS KA 'BYUNG NGAM, ZHE NA, RNAM PAR RTOG MED KYIS BSAM GTAN KHYAD PAR CAN NAS BZUNG SRID RTZE'I BAR GYI DGE BA'I RNAM SMIN GYI NGO BOR GYUR PA'I TSOR BA LA NI SEMS TSOR YID BDE DANG, BDE DBANG, BTANG SNYOMS GANG RUNG LAS GZHAN MED DE, GNYIS PA YAN CHAD KYIS SA BSDUS PA'I LUS TSOR MED PA'I PHYIR @23A *, ,DANG, DANG PO NA LUS TSOR YOD KYANG RTOG DPYOD DANG BCAS PA'I PHYIR BSAM GTAN KHYAD PAR CAN GYIS BSDUS PA YANG MED DO, ,YANG, MI DGE BA'I LAS KYI RNAM SMIN GYI NGO BOR GYUR PA'I TSOR BA SDUG BSNGAL NI LUS KYI TSOR BA KHO NA YIN TE, CI'I PHYIR NA, SEMS TSOR SDUG BSNGAL NI YID MI BDE YIN LA, YID MI BDE LA DGE MI DGE GANG RUNG DU NGES PA LAS RNAM SMIN MA BZHAG PA'I PHYIR, DE DAG LAS GZHAN BSAM GTAN DANG PO DANG, 'DOD PA'I DGE BA'I LAS KYI RNAM SMIN LA NI LUS SEMS GNYIS KA'I TSOR BA YOD PAR SHUGS LA RTOGS SO,, ` G-YENGS PA'I SEMS NI YID SEMS LA, ,ZHES PA'I SKABS KYI DNGOS BSTAN GYI G-YENGS PA'I SEMS NI SMYO BA'I SEMS LA BYED PA YIN LA, DE NI YID KYI RNAM SHES MA GTOGS DBANG PO'I RNAM SHES LA MI 'BYUNG STE, G-YENGS SEMS DE NI NGES PAR RTOG PA DANG BCAS PA YIN LA, DBANG SHES RNAMS NI NGES RTOG DANG RJES DRAN GYI RTOG MED YIN PA'I PHYIR, ` DE NI LAS KYI RNAM SMIN SKYES, ,ZHES SOGS KYI SKABS SU, SMYO BA'I SEMS DE NI SPYIR LAS KYI RNAM SMIN LAS SKYES SHING, DE LA YANG, TSE RABS SNGON MA SOGS SU RDZAS SNGAGS SOGS KYIS GZHAN SMYO BAR BYAS PA DANG, DUG DANG CHANG LA SOGS PA'I MYOS BYED LDUD PA DANG, NAGS LA MES GTONG BA SOGS KYIS SEMS CAN GZHAN SKRAG PAR BYAS PA DANG, SROG CHAGS G-YANG DU SKYUR BA LA SOGS PA GZHAN LA GNOD PA TSAB CHE BAR BYAS PA'I RNAM SMIN LAS SKYES PA DANG, DE TZAM MIN KYANG GZHAN GNOD PHRA MO SOGS LAS GANG RUNG SNGON DU SONG ZHING PHRAL GYI RGYU'AM RKYEN MI MA YIN GYIS GZUGS MI SDUG PA STON PA SOGS KYIS SKRAG PA DANG, GDON GYIS GNOD PA BYAS PA DANG, 'BYUNG BA CHA MA SNYOMS PA DANG, MYA NGAN GYI RKYEN GYIS BSKYED PA RNAMS SO, ,DE DAG LAS, LAS KYI RNAM SMIN SHUGS CHE BA LAS SKYES PA NI RNAM SMIN SBYONG BA LA LTOS PA LAS SMAN DANG SNGAGS TZAM GYIS BCOS SU MED LA, LHAG MA RNAMS LA NI MAN NGAG DANG, SMAN DANG, SNGAGS SOGS KYIS ZHI BAR BYED NUS PA YOD DO, ,'DIR 'GREL PA RNAMS SU, SMYO BA'I RGYU BZHI ZHES GSUNGS PA LA, RNAM SMIN SKYES LOGS SU BGRANG NA @23B LNGAR 'GYUR BAS JI LTAR ZHE NA, RNAM SMIN SKYES DBYE BZHIR 'JOG PA LAS BZHI'I GRANGS SU 'DREN PA MA YIN LA, RGYU BZHI ZHES PA NI RTZA BAR, SKRAG GNOD MA MNYAM MYA NGAN GYIS, ,ZHES GSUNGS PAS MI MA YIN GYIS SKRAG PAR BYED PA SOGS PHRAL GYI RGYU'AM RKYEN BZHI LA BYED PA YIN CING, DE'I RGYU MTSAN YANG SNGAR GNAS GNYIS PA'I SKABS SU BSHAD PA LTAR PHRAL RKYEN GYIS BSKYED PAR BSHAD PA'I NAD DANG SEMS SMYO BA LA SOGS PA SMAN DANG SNGAGS SOGS KYI ZHI BAR BYED NUS PA DE DAG KYANG LAS GANG YANG RUNG BA ZHIG BSA-dA PA'I RNAM SMIN LAS SKYES PA YIN PA LAS, LAS SNGON DU MA SONG BAR PHRAL RKYEN 'BA' ZHIG GIS BSKYED PA MIN PAS NA RNAM SMIN SKYES DBYE GZHIR BYAS NAS, DE SLONG BYED PHRAL GYI RGYU BZHI YOD DO ZHES STON PA STE, DE LTAR YIN PA YANG, CHOS MNGON RIN CHEN 'DREN PA'I SHING RTA LAS, G-YENGS PA'I SEMS CHOS CAN, RGYU YOD DE, LAS KYI RNAM SMIN LAS SKYES PA'I PHYIR, DE CHOS CAN, RGYU BZHI YOD DE, MI MA YIN GYIS SKRAG PAR BYAS PA DANG, GNOD PA BYAS PA DANG, RLUNG MKHRIS BAD KAN MA MNYAM PAR 'KHRUG PA DANG, MYA NGAN GYIS GZIR BA LAS SKYES PA'I PHYIR, ZHES RNAM SMIN SKYES DBYE GZHIR BYAS NAS, DE LA YANG RGYU BZHI YOD PAR GSUNGS PA'I PHYIR, YANG, GZHUNG 'DI'I GONG 'OG PHAL MO CHER RNAM SMIN SKYES DANG RNAM SMIN DON GCIG TU GSUNGS MOD KYANG, SKABS 'DIR G-YENG BA'I SEMS SAM SMYO BA'I SEMS LA RNAM SMIN SKYES SU GSUNGS PA NI, LAS KYI RNAM SMIN DE RGYU DANG, SMYO BA'I SEMS NI DE LAS SKYES PA LA DGONGS PA LAS RNAM SMIN DNGOS YIN PAR BSTAN PA MA YIN TE, 'GREL PA MNGON PA'I RGYAN LAS, GAL TE YID KYI RNAM SHES LA SEMS G-YENGS PA YOD LA, DE YANG LAS KYI RNAM SMIN LAS SKYES PA YIN NA, DE LTA NA, SEMS KYI TSOR BA MI DGE BA'I LAS KYI RNAM SMIN DU 'GYUR RO, ,ZHE NA, MI 'GYUR TE, MI DGE BA'I LAS KYIS NI LAS LAS SKYES PA'I 'BYUNG BA RNAMS 'KHRUG LA, 'BYUNG BA 'KHRUGS PAS SEMS 'KHRUGS SHING G-YENGS PAR GYUR BA'I PHYIR RO, ,DES NA 'BYUNG BA RNAMS NI LAS MI DGE BA LAS SKYES PA'I RNAM SMIN YIN LA, SEMS G-YENGS PA NI 'BYUNG BA RNAM SMIN DE DAG LAS @24A *, ,SKYES PAS LAS KYI BDAG 'BRAS YIN GYI MI DGE BA'I LAS LAS DNGOS SU SKYES PA MA YIN PAS RNAM SMIN MA YIN NO, ,ZHES GSUNGS PA'I PHYIR, DE LTA MA YIN PAR SMYO BA'I SEMS RNAM SMIN DU BZHAG NA MI DGE BA'I RNAM SMIN GYI NGO BOR GYUR PA'I SEMS TSOR YID MI BDE YOD PAR THAL BA'I SKYON DU 'GYUR RO, ,YANG 'GREL PA RNAMS SU SEMS G-YENGS PA DANG, RNAM PAR G-YENGS PA ZHES GNYIS BSHAD PA'I NANG TSAN GYI SEMS G-YENGS PA NI GONG DU SMOS PA LTAR 'BYUNG BA 'KHRUGS PA LA SOGS PA'I RKYEN GYIS RANG BZHIN MI GNAS PA'I SEMS LA BYED PA YIN LA, RNAM PAR G-YENGS PA'I SEMS LA YANG 'BYUNG BA 'KHRUGS PA SOGS LAS BYUNG BA NI YOD MOD KYANG, SMYO BA'I SEMS LAS GZHAN PA'I SDUG BSNGAL DANG KHONG KHRO SOGS KYIS BSKYED PA'I SEMS NYON MONGS CAN ZHIG LA BYED PAR SNANG LA, DE GNYIS KA LA YANG RNAM SMIN YIN PA NI MED DO, ,'O NA SPYIR RNAM G-YENGS SU BSHAD PA'I SEMS DANG, 'DIR BSTAN RNAM PAR G-YENGS PA'I SEMS DON MI GCIG GAM, ZHE NA, MI GCIG STE, SPYIR RNAM G-YENGS SU BSHAD PA'I SEMS LA NI 'DOD PA'I YON TAN LA G-YENGS PA'I SEMS KYANG YOD LA, 'DIR BSTAN RNAM G-YENGS KYI SEMS NI 'BYUNG BA 'KHRUGS PA DANG, SDUG BSNGAL SOGS KYIS BSKYED PA'I SEMS MI BDE BA'I CHA ZHIG LA BYED PAR SNANG STE, DE RGYUD LDAN GYI RTEN GYI GANG ZAG KYANG, SGRA MI SNYAN MIN 'DOD LDAN RNAMS, ,ZHES SGRA MI SNYAN PA MA GTOGS PA'I 'DOD PA'I LHA MI DANG, NGAN 'GRO BA CI RIGS PA YOD PAR GSUNGS PA GANG ZHIG ,SPYIR BTANG GI RNAM G-YENGS KYI SEMS NI SGRA MI SNYAN PA LA YANG YOD PA'I PHYIR TE, SGRA MI SNYAN PA RNAMS KYANG 'DOD YON LA SEMS G-YENGS PA'I PHYIR RO, ,SANGS RGYAS MA YIN PA'I 'PHAGS PA RNAMS LA'ANG 'BYUNG BA MA SNYOMS PA'I SEMS RNAM PAR G-YENGS PA TZAM NI YOD MOD KYANG, LAS KYI RNAM SMIN GYIS BSKYED PA'I SMYO BA'I SEMS NI MED DO, ,'DI'I THAD KYI 'GREL PA RNAMS KYI TSIG RIS LA BRTAGS NA, SKABS 'DI'I DNGOS BSTAN GYI G-YENGS PA'I SEMS SAM SMYO BA'I SEMS YIN NA, RNAM PAR G-YENGS PA'I SEMS YIN PAS KHYAB DGOS PA LTA BU ZHIG 'DUG @24B KYANG, 'GRIL PA 'GA' ZHIG TU SEMS G-YENGS PA DANG, RNAM PAR G-YENGS PA LA MU BZHI 'JOG LUGS ZHIG KYANG BSHAD TSUL 'GREL PA MNGON PA'I RGYAN DU GSUNG SNANG BAS JI LTAR YIN DPYAD PAR MDZOD CIG GU, ` YON SKYON SNYIGS MAR GSUNGS PA NI, ,G-YO DANG ZHE SDANG 'DOD CHAGS SKYES, , ZHES PA'I SKABS SU, MDO LAS, LUS NGAG YID KYI LAS YON PO GSUM DANG, SKYON NAM NYES PA GSUM DANG, SNYIGS MA GSUM ZHES BYA BA GSUNGS PA NI, RIM PA BZHIN DU, G-YO LAS SKYES PA'I SGO GSUM GYI LAS GSUM DANG, ZHE SDANG LAS SKYES PA'I LAS GSUM DANG, 'DOD CHAGS LAS SKYES PA'I LAS GSUM RNAMS LA BYED PA YIN NO,, ` DKAR NAG LA SOGS BYE BRAG GIS, ,ZHES SOGS KYI SKABS SU, MDO LAS, LAS PA RNAG LA RNAM SMIN GNAG BA'I LAS DANG, LAS DKAR LA RNAM SMIN DKAR BA DANG, LAS DKAR NAG 'DRES MA LA RNAM SMIN YANG DKAR NAG 'DRES MA DANG, LAS MI DKAR MI GNAG CING RNAM SMIN MED PA'I LAS DANG BZHI GSUNGS PA LA, BYE BRAG SMRA BAS MTSAN GZHI 'JOG TSUL LTAR NA, MI DGE BA'I LAS NI DANG PO DANG, GZUGS SU GTOGS PA'I DGE BA'I LAS NI GNYIS PA DANG, 'DOD PA'I DGE BA'I LAS NI GSUM PA DANG, ZAG MED KYI LAS BZHI BAR 'DOD LA, DE'I NANG NAS, 'DOD PA'I DGE BA DKAR NAG 'DRES MAR BSHAD PA NI LAS KYI NGO BO GCIG LA DKAR NAG 'DRES PA MI SRID KYANG RGYUD KYI SGO NAS 'DRES PAR 'DOD PA STE, DE'I DON YANG 'DOD PA'I RANG SA NA MI DGE BA'I GNYEN PO TING NGE 'DZIN MED PAS 'DOD PA'I DGE BAS RANG RGYUD LA MI DGE BA GTAN MED DU BYA BAR MI NUS LA, MI DGE BA NI STOBS DANG LDAN PAS LOG LTAS DGE RTZA GCOD PAR YANG NUS PAS NA STOBS SHUGS CHE CHUNG GI DBANG GIS 'DOD PA'I DGE BA'I LAS BSAGS PA'I SBYOR DNGOS 'JUG GSUM CI RIGS PA'I TSE MI DGE BA'I CHA ZHIG KYANG DUS MNYAM DU 'JUG BAR 'GYUR PA LA BSAM NAS 'DRES MA'I LAS SU 'DOD PA YIN LA, 'ON KYANG DE NI PHAL CHE BA'I DBANG DU BYAS PA YIN GYI KHYAB MTHA' NI BZUNG MI RIGS TE, 'DOD NYON SPANGS PA'I 'DOD PA BA'I RGYUD LA 'DOD PA'I DGE BA'I LAS YOD PA'I PHYIR DANG, DER MA ZAD, 'DOD NYON MA SPANGS PA'I GANG ZAG GI RGYUD @25A *, ,LA YANG MI DGE BA DANG MA 'DRES PA'I DGE BA NI SRID DAM SNYAM MO, ,DE BZHIN DU RNAM SMIN DKAR NAG 'DRES MAR 'BYUNG BA'I DON YANG, 'PHEN BYED DGE BAS 'PHANGS KYANG RDZOGS BYED MI DGE BAS RDZOGS PA LTA BU RTEN GCIG LA BDE SDUG 'DRES MA'AM, SPEL MAR SPYOD PA'I DON YIN PA LAS BDE SDUG NGO BO GCIG TU 'DRES PA'I DON NI MA YIN NO, ,'O NA, MI DGE BA'I LAS LA YANG DKAR NAG 'DRES MA YOD PAR 'GYUR TE, MI DGE BA DANG LDAN PA'I RGYUD LA DGE BA'ANG 'BYUNG BA'I PHYIR, ZER NA, DE'I SKYON MED PA'I RGYU MTSAN DU, GONG DU SMOS PA LTAR 'DOD PA'I DGE MI DGE GNYIS LA STOBS SHUGS CHE CHUNG YOD PA'I DBANG GIS MI DGE BA LA DE LTAR 'DRES PA'I SKYON MED DO ZHES 'CHAD MOD KYANG RI-dA PA'I GNOD BYED NI 'JUG STE 'CHAD 'GYUR GYIS SHES SO, ,'O NA, GZUGS MED KYI DGE BA'I LAS DE DKAR BA'I LAS YIN NAM ZHE NA, BYE BRAG SMRA BAS, SKABS 'DIR DNGOS BSTAN GYI DKAR BA'I LAS SU MI 'DOD DE, SKABS 'DIR DKAR BA'I LAS SOGS GSUM DU PHYE BA NI, RNAM SMIN SKYE SRID DANG BAR SRID GNYIS KA YOD PA DANG, LUS NGAG YID GSUM GYI LAS GSUM KA YOD PA'I DBANG DU BYAS PA YIN NA, GZUGS MED NA BAR SRID DANG, LUS NGAG GI LAS MED PA'I PHYIR ZHES 'DOD DO, ,'DI'I SKABS SU DOGS PA DPYAD PA LA, 'O NA, 'DOD PA'I DGE BA'I LAS CHOS CAN, RNAM SMIN YID DU 'ONG MI 'ONG 'DRES MAR 'BYIN PAR THAL, DKAR NAG 'DRES MA'I LAS YIN PA'I PHYIR, 'DOD NA, DE CHOS CAN, RNAM SMIN YID DU 'ONG MI 'ONG GNYIS KA 'BYIN PAR THAL, DE GNYIS 'DRES MAR 'BYIN PA'I PHYIR ZER NA MA KHYAB, 'O NA, 'DOD PA'I DGE BA'I LAS DES RNAM SMIN YID DU 'ONG BA KHO NA 'BYIN PAR THAL, DES RNAM SMIN YID DU MI 'ONG BA MI 'BYIN PA'I PHYIR, 'DOD NA, MI 'THAD PAR THAL, RNAM SMIN YID DU 'ONG MI 'ONG 'DRES MAR 'BYIN PA'I PHYIR NA YANG MA KHYAB STE, RNAM SMIN YID DU 'ONG MI 'ONG 'DRES MAR 'BYIN ZHES PA'I YID MI 'ONG DE, DGE BA'I LAS DANG 'DRES PA'I MI DGE BA'I CHA DES 'BYIN PA LAS DGE BA'I LAS DES 'BYIN PA MA YIN PA'I PHYIR, GZHAN YANG 'DOD PA'I DGE BA'I @25B LAS CHOS CAN, MI DGE BA DANG 'DRES PA'I LAS MA YIN PAR THAL, MI DGE BA DANG MA 'DRES PA'I LAS YIN PA'I PHYIR, DER THAL, NGO BO GCIG TU DKAR BA'I LAS YIN PA'I PHYIR, ZER NA MA KHYAB STE, 'DRES PA'I DON GONG DU BSHAD PA LTAR, RGYUD GCIG LA DGE MI DGE'I LAS 'DRES MAR 'BYUNG BA'I DON YIN PA LAS, NGO BO GCIG TU 'DRES PA'I DON MA YIN PA'I PHYIN TE, NGO BO SO SO NAS MA 'DRES PAR YOD PA'I PHYIR TE, DPER NA, NAS KYI PHUNG PO LA SA RDO 'DRES KYANG NGO BO GCIG TU 'DRES PA MA YIN PA DANG MTSUNGS PA'I PHYIR, BYE BRAG SMRA BAS 'DRES MA'I LAS LA MI DGE BA'I LAS MI 'JOG PA LA RIG PA'I GNOD BYED 'DI 'JUG STE, 'O NA, DGE BA'I LAS DANG 'DRES MAR 'JUG PA'I MI DGE BA'I LAS DE CHOS CAN, KHYOD DGE BA'I LAS DANG MA 'DRES PA YIN PAR THAL, MI DGE BA YIN PA'I PHYIR, MA KHYAB NA 'GAL, 'DOD NA, DE CHOS CAN, KHYOD DGE BA'I LAS DANG MA 'DRES PAR 'BYUNG BA YIN PAR THAL, 'DOD PA'I PHYIR, 'DOD NA 'GAL, YANG, GAL TE MI DGE BA DANG 'DRES PA'I DGE BA YOD KYANG, DGE BA DANG 'DRES PA'I MI DGE BA'I LAS MED DO ZER NA, RIG PA DNGOS SU NANG 'GAL BA YIN TE, MI DGE BA DANG 'DRES PA'I DGE BA YOD NA, DE 'DRA'I MI DGE BA DE YANG DGE BA DE DANG 'DRES PA GDON MI ZA BA'I PHYIR, 'O NA, LAN JI LTAR 'DEBS ZHE NA, BYE BRAG SMRA BAS 'DOD PA'I DGE MI DGE'I LAS LA STOBS SHUGS CHE CHUNG YOD PA'I DBANG GIS 'DOD PA'I DGE BA'I LAS SPYI TZAM PA DE 'DRES MA'I LAS SU 'JOG KYANG, MI DGE BA'I LAS SPYI TZAM PA DE 'DRES MA'I LAS SU MI 'JOG PA LAS, MI DGE BA'I LAS YIN NA DGE BA'I LAS DANG MA 'DRES PA'I KHYAB MTHA' BZUNG BA MA YIN PAS MI DGE BA LA YANG 'DRES MA'I LAS 'GA' ZHIG NI YOD DO, ,ZHES SMRA NA SKABS THOB KYI KHAS LEN 'DZIN BDE'O, ,GRUB MTHA' GONG MA RNAMS KYIS NI 'DRES MA'I LAS ZHES PA, BSAM PAS GNAG LA SBYOR BAS DKAR BA'AM, SPYOD BAS GNAG LA BSAM PAS DKAR BA'I LAS LTA BU 'DOD PA'I BSAM SBYOR DKAR NAG 'DRES MA'I LAS LA 'DOD CING, DE LTA BU LAS GZHAN PA'I 'DOD GZUGS GZUGS MED KYI DGE BA THAMS CAD LAS DKAR @26A *, ,LA RNAM SMIN DKAR BA'I LAS SU BSHAD PA NYID DON LA GNAS SO, ,'O NA; SPYI DKAR NAG 'DRES MA'I LAS DE DGE MI DGE LUNG MA BSTAN GSUM PO GANG RUNG YIN NAM ZHE NA, DE NI GRUB MTHA' GONG 'OG GANG GI DBANG DU BYAS KYANG, DGE MI DGE'I LAS CHOS CAN, ZHES PA DANG MTSUNGS PAR RTZOD GZHI NYIS MGO MA YIN PAS DPYOD LDAN GYIS RTZOD PA'I GNAS MIN MOD, 'ON KYANG NAN GYIS 'DRI NA NYIS MGO MA DE DGE MI DGE LUNG MA BSTAN GSUM PO GANG YANG MIN ZHES BRJOD NA LEGS TE, DAG MI DGE GANG RUNG MA YIN PA GANG ZHIG ,LUNG MA BSTAN YANG MA YIN PA'I PHYIR, GAL TE LUNG MA BSTAN YIN NO ZHE NA, 'O NA; DKAR NAG 'DRES MA'I LAS CHOS CAN, KHYOD KYI RNAM SMIN GYI 'BRAS BU MED PAR THAL, KHYOD LUNG MA BSTAN YIN PA'I PHYIR, 'KHOR GSUM, 'DOD ZER NA, DE CHOS CAN, KHYOD KYI RNAM SMIN GYI 'BRAS BU YOD PAR THAL, RNAM SMIN GYI 'BRAS BU BDE SDUG 'DRES MAR 'BYIN PA'I PHYIR, RTAGS KHAS, 'O NA GONG DU KHYOD KYIS BYE BRAG SMRA BA'I LUGS LA, GZHI GRUB NA DGE MI DGE LUNG MA BSTAN GSUM PO GANG RUNG YIN PAS KHYAB PA KHAS BLANGS PA MA YIN NAM, ZHE NA; YIN TE, RDZAS SPYI NYIS MGO SPANGS PA'I DBANG DU BYAS PA'I PHYIR, YANG KHO NA RE, DKAR NAG 'DRES MA'I LAS CHOS CAN, RNAM SMIN YID DU 'ONG MI 'ONG GNYIS KA 'BYIN PAR THAL, RNAM SMIN YID DU 'ONG MI 'ONG 'DRES MAR 'BYIN PA'I PHYIR, ZER NA; GONG BZHIN MA KHYAB ZER DGOS KYI, RNAM SMIN YID DU 'ONG MI 'ONG GNYIS KA 'BYIN PAR KHAS BLANGS NA DGE MI DGE'I LAS KYI GZHI MTHUN KHAS LEN DGOS PAR 'GYUR RO, ,KHAS LEN 'DZIN MTSAMS 'DI DAG NI, BSAM PAS GNAG LA SBYOR BAS DKAR BA'I LAS CHOS CAN, ZHES PA LTA BU RNAMS LA MTSUNGS SHING, GZHUNG CHEN MO RNAMS SU DE 'DRA BA LA DKAR NAG GNYIS KA'I LAS SU GSUNGS PA YANG, DE LA DKAR NAG GNYIS KA'I LAS YOD PA'AM TSANG BA'I DON YIN PA LAS, DKAR NAG GNYIS KA'I LAS KYI GZHI MTHUN DU NI NAM DU YANG GSUNGS PA MA YIN NO, ,'O NA; ZAG MED KYI LAS DE DKAR BA'I LAS MA YIN NAM, @26B ZHE NA; SKABS 'DIR LAS LA BZHIR DBYE BA'I NANG TSAN GYI DKAR BA'I LAS MA YIN KYANG, SPYIR DKAR BA'I LAS NI YIN TE, DKAR BA'I LAS LA RNAM PAR SMIN PAS DKAR BA DANG RANG BZHIN GYIS DKAR BA GNYIS YOD PA LAS, RANG BZHIN GYIS DKAR BA'I LAS YIN PA'I PHYIR RO,, ` DE ZAD BYED PA ZAG MED YIN, ,ZHES PA NI, ZAG MED KYI LAS DE NI GNAG PA DANG, 'DRES MA'I LAS RNAMS ZAD PAR BYED PA'I LAS YIN NO, ,ZHES STON PA'O, ,'O NA; ZAG MED KYI LAS THAMS CAD DE GSUM ZAD BYED YIN NAM, ZHE NA; MA YIN ZHES STON PA LA, ` CHOS BZOD 'DOD CHAGS BRAL BA YI; ;ZHES SOGS GSUNGS TE, MTHONG LAM CHOS BZOD BZHI DANG, 'DOD PA'I GNYEN POR GYUR PA'I 'JIG RTEN LAS 'DAS PA'I SGOM LAM BAR CHAD MED LAM BRGYAD PA MAN CHAD DANG BCAS PA'I SEMS PA RNAM PA BCU GNYIS PO RNAMS NI MI DGE BA'AM NAG PO'I LAS ZAD BYED KYI ZAG MED KYI LAS YIN LA, CHOS SHES BZHI DANG, 'DOD NYON DANG PO NAS BRGYAD PA'I BAR SPANGS PA'I RNAM GROL LAM BRGYAD DE BCU GNYIS NI NAG PO ZAD BYED MA YIN TE, BAR CHAD MED LAM GYIS ZAD PAR BYAS ZIN PA'I PHYIR, DE BZHIN DU MTHONG LAM RJES BZOD BZHI YANG NAG PO'I LAS KYI GNYEN PO MA YIN TE, KHAMS GONG MA'I NYON MONGS KYI GNYEN PO YIN PA'I PHYIR, RJES SHES BZHI YANG MA YIN TE, 'DOD PA'I GNYEN PO MA YIN PA'I PHYIR DANG, RNAM GROL LAM YIN PA'I PHYIR, 'DOD PA LAS 'DOD CHAGS DANG BRAL BAR BYED PA'I 'JIG RTEN LAS 'DAS PA'I SGOM LAM BAR CHAD MED LAM DGU PA'I SEMS PA NI 'DOD PA'I DGE BA DKAR NAG 'DRES MA'I LAS ZAD BYED YIN TE, 'DOD NYON DGU PA MA SPANGS BAR GYI 'DOD PA'I DGE BA DANG MA BSGRIBS LUNG MA BSTAN THAMS CAD 'DUN PA LA 'DOD CHAGS DANG BCAS PA'I PHYIR 'DOD PA'I DGE BA YANG 'DRES MA'I LAS SU 'JOG PA YIN LA, BAR CHAD MED LAM DGU PA DES 'DOD NYON CHUNG NGU'I CHUNG NGU YANG SPONG BAR BYED PAS NA 'DRES MA'I LAS ZAD BYED DU 'JOG PA YIN NO, ,'DIR LAS DE DANG DE ZAD BYED DU 'JOG PA'I DON LA GNYIS YOD DE, NAG PO ZAD BYED KYI LAS RNAMS KYIS NI RANG GI SPANG BYAR GYUR PA'I NAG PO'I LAS RNAMS THOB PA CHAD @27A *, ,PA'I TSUL GYIS SPONG BAR BYED PAS NA LAS KYI NGO BO 'AM LAS DNGOS ZAD PAR BYED PA YIN LA, 'DOD PA'I DGE BA DANG, DKAR PO'I LAS SU BSHAD PA'I GZUGS KYI DGE BA ZAD PAR BYED PA'I DON NI, LAS DE DANG DE LA DMIGS PA'I SA DE'I NYON MONGS ZAD PAR BYAS PA NA, LAS DE YANG 'DUN PA LA 'DOD CHAGS DANG BRAL BA'I TSUL GYIS SPANGS PA LA ZAD PA'I THA SNYAD BYED PA MA GTOGS LAS KYI NGO BO DNGOS ZAD PA'AM SPANGS PA NI MA YIN TE, 'DI'I 'DZIN MTSAMS 'OG TU 'CHAD DO,, ` DKAR PO BSAM GTAN CHAGS BRAL BA'I, ,ZHES SOGS KYI SKABS SU, DKAR PO'I LAS SU BSHAD PA GZUGS KHAMS KYI DGE BA'I LAS LA DMIGS PA'I NYON MONGS ZAD BYED NI SA'I SGO NAS DBYE NA BZHI STE, BSAM GTAN BZHI PO RE RE'I NYON MONGS KYI GNYEN POR GYUR PA'I SGOM LAM BAR CHAD MED LAM DGU DGU YOD PA'I MTHA' MA BZHI PO RNAMS YIN LA, GANG DAG GZUGS MED KYI DGE BA'I LAS KYANG DKAR BA'I LAS SU 'DOD PA LTAR NA DE LA DMIGS PA'I NYON MONGS ZAD BYED KYI BAR CHAD MED LAM KYANG BZHI YOD DE GONG GI RIG PAS SHES SO, ,DE LA KHO NA RE, 'DOD NYON DGU PA'I DNGOS GNYEN SGOM LAM BAR CHAD MED LAM KYI SEMS PA CHOS CAN, 'DOD PA'I DGE BA ZAD BYED KYI LAS YIN PAR THAL, DKAR NAG 'DRES MA'I LAS ZAD BYED YIN PA'I PHYIR ZER NA MA KHYAB, DE LA KHYAB PAR THAL, 'DOD PA'I DGE BA'I LAS DE DKAR NAG 'DRES MA'I LAS SU BSHAD PA'I PHYIR ZER NA YANG MA KHYAB TE, 'DOD NYON DGU PA'I DNGOS GNYEN BAR CHAD MED LAM DES, 'DOD PA'I NYON MONGS MTHA' DAG SPONG BAR BYED PAS DE PHYIN CHAD KYI 'DOD PA'I DGE BA THAMS CAD KYANG DKAR BA'I LAS 'BA' ZHIG TU 'GYUR BA LAS, 'DRES MA'I LAS SU MI 'GYUR BAS NA 'DRES MA'I LAS ZAD BYED DU 'JOG RIGS LA, 'DOD PA'I DGE BA ZAD BYED NI MA YIN TE, 'DOD NYON SPANGS PA'I GANG ZAG GI RGYUD LA 'DOD PA'I DGE BA YOD PA SNGAR BSHAD PA LTAR YIN PA'I PHYIR, YANG KHO NA RE, BSAM GTAN BZHI PA'I NYON MONGS KYI GNYEN POR GYUR PA'I SGOM LAM BAR CHAD MED @27B LAM DGU PA CHOS CAN, DKAR PO'I LAS ZAD BYED YIN PAR THAL, DKAR PO BSAM GTAN CHAGS BRAL BA'I, ,BAR MED MED LAM SKYES MTHA' MAS, ,ZHES GSUNGS PA'I PHYIR NA MA KHYAB STE, DKAR PO'I LAS LA DMIGS PA'I SA DE'I NYON MONGS ZAD PAR BYED PA LA DGONGS PA SNGAR BSHAD PA LTAR YIN PA'I PHYIR TE, 'GREL PA MNGON PA'I RGYAN LAS, DKAR PO ZAD PAR BYED PA'AM DE'I YUL CAN SPANGS PAS YIN GYI NGO BO SPONG BA NI MA YIN NO, ,ZHES SHES PAR BYA'O, ,ZHES DANG, DE DAG GIS GZUGS KYI DGE BA'I NGO BO MI SPONG YANG, DE LA DMIGS PA'I NYON MONGS PA SPONG BA'I PHYIR RO, ,ZHES GSUNGS PA'I PHYIR, YANG DOGS PA DPYAD PA LA, NAG PO'I LAS ZAD BYED LA SEMS PA RNAM PA BCU GNYIS 'JOG KYANG, 'DRES MA'I LAS ZAD BYED DANG, DKAR PO'I LAS LA DMIGS PA'I NYON MONGS ZAD BYED LA BAR CHAD MED LAM DGU PA RNAMS MA GTOGS BRGYAD PA MAN CHAD RNAMS MI 'JOG PA'I RGYU MTSAN DU, DANG PO'I RNAM PA SPANGS KYANG DE'I, ,YUL CAN DRI MA LHAG RNAMS KYIS, ,ZHES DANG PO RNAMS KYI RANG RANG GI NGOS SKAL GYI NYON MONGS SPANGS KYANG YUL CAN GYI DRI MA LHAG MA NYON MONGS CHUNG NGU'I CHUNG NGU SOGS YOD PA'I PHYIR DE DAG GI ZAD BYED DU MA BZHAG LA, SEMS PA RNAM PA BCU GNYIS KYIS SO SO'I SPANG BYA THOB PA CHAD PA'I TSUL GYIS SPANGS PA'I PHYIR NAG PO ZAD BYED DU 'JOG PAR 'DOD MOD KYANG, DE NI PHAN TSUN MTSUNGS PAR 'GYUR TE, BAR CHAD MED LAM BRGYAD PO RNAMS KYIS SO SO'I SPANG BYA SPONG KYANG SA DE DANG DE'I NYON MONGS TSANG MA SPONG MI NUS PA'I RGYU MTSAN GYIS DE DAG GI ZAD BYED DU MI 'GYUR NA SEMS PA RNAM PA BCU GNYIS PO DE YANG NAG PO ZAD BYED DU MI 'GYUR TE, DE DAG GIS KYANG RANG RANG GI NGOS SKAL GYI MI DGE BA SPONG BA LAS MI DGE BA MTHA' DAG SPONG MI NUS PA'I PHYIR, DER THAL, SGOM LAM BAR CHAD MED LAM DGU PA'I NGOS SKAL GYI 'DOD NYON CHUNG NGU'I CHUNG NGU SPONG MI NUS PA'I PHYIR, DE BZHIN DU, SEMS PA RNAM PA BCU GNYIS KYIS SO SO'I NGOS SKAL GYI NAG PO'I LAS THOB PA CHAD PA'I TSUL GYIS SPANGS PAS NAG PO ZAD BYED DU 'GYUR NA, GONG MA'I GNYEN POR GYUR PA'I BAR CHAD MED LAM @28A *, ,BRGYAD PA MAN CHAD KYANG DKAR PO'I LAS LA DMIGS PA'I NYON MONGS ZAD BYED DU 'JOG RIGS TE, DE DAG GIS KYANG RANG RANG GI NGOS SKAL GYI NYON MONGS NI THOB PA CHAD PA'I TSUL GYIS SPONG BAR BYED PA'I PHYIR ZHES ZER NA, KHAS LEN 'DZIN THUB TZAM MA YIN PA'I DON MTHUN GYI LAN ZHIG 'DEBS LUGS AE YOD SOMS PAR MDZOD CIG , ` GZHAN NI DMYAL BA MYONG 'GYUR DANG, ,ZHES SOGS SLOB DPON GZHAN GYI 'DOD PA BRJOD PA NI GO SLA STE RTZA BA NYID LA TSIG 'GREL THEBS NA SHES SO,, ` MI SLOB LUS NGAG LAS YID NYID, ,ZHES SOGS KYI SKABS SU, MDO LAS, THUB PA'I LUS NGAG YID GSUM ZHES GSUNGS PA'I THUB PA NI, NYON MONGS PA THAMS CAD SPANGS PA'I DGRA BCOM PA LA BYED PA YIN GYI, SLOB PA DANG SO SO SKYE BO NI THUB PA MA YIN LA, DES NA MI SLOB PA'I LUS NGAG GI LAS SPONG BA'I RANG BZHIN ZAG MED KYI RIG BYED MA YIN PA GNYIS DANG, MI SLOB PA'I YID DANG BCAS PA GO RIM BZHIN SKABS 'DI'I DNGOS BSTAN GYI THUB PA'I LUS NGAG YID GSUM DU 'JOG GO, ` LEGS SPYAD GSUM PO THAMS CAD NI, ,ZHES PA NAS, LAS KYI LAM NI BCUR GSUNGS SO, ,ZHES PA'I BAR GYIS, MDO LAS GTZANG BYED RNAM PA GSUM GSUNGS PA DANG, LUS NGAG YID GSUM GYI NYES SPYAD GSUM GSUM GSUNGS PA DANG, DE DAG LAS BZLOG PA LEGS SPYAD DU GSUNGS PA RNAMS KYI DON NI GO SLA LA, YANG; DGE MI DGE'I LAS LA LEGS SPYAD DANG NYES SPYAD GANG RUNG GIS KHYAB KYANG, LEGS SPYAD DANG NYES SPYAD GANG RUNG YIN NA LAS YIN PAS MA KHYAB PA NI SHES DGOS TE, BRNAB SEMS LA SOGS LAS MIN YANG, ,YID KYI NYES SPYAD RNAM GSUM MO, ,ZHES GSUNGS PA'I PHYIR, ` MI DGE DRUG NI RNAM RIG MIN, ,ZHES SOGS KYI SKABS SU, MI DGE BA'I LAS LAM BCU'I NANG NAS SROG GCOD DANG, MA BYIN LEN DANG, NGAG GI LAS BZHI STE DRUG PO 'DI GZHAN LA BYED DU 'JUG NA NI RANG NYID LA DRUG PO DE'I RNAM PAR RIG BYED MA YIN PA'I LAS LAM 'BYUNG GI, RIG BYED NI MI 'BYUNG STE RANG GI DNGOS SU MA BYAS PA'I PHYIR, 'DOD LOG GCIG PU NI RANG NYID KYIS @28B BYAS NA RIG BYED DANG RIG BYED MA YIN PA GNYIS KA 'BYUNG BA LAS GZHAN GYIS BYAS PAS RANG NYID LA DE'I RIG BYED DANG RIG BYED MA YIN PA GANG YANG MI 'BYUNG STE, GZHAN GYIS BYAS PAS RANG GI LAS LAM MI RDZOGS PA'I PHYIR, GONG GI SROG GCOD SOGS KYI LAS LAM DRUG PO DE DAG KYANG RANG NYID KYIS BYAS NA NI RIG BYED DANG RIG BYED MA YIN PA GNYIS KA 'BYUNG STE, DE YANG SROG GCOD LTA BU LA BSAD BYA DE SROG GCOD PA'I GNAS SKABS DE RANG DU SHI BAR GYUR NA NI RIG BYED DANG RIG BYED MA YIN PA GNYIS KA 'BYUNG LA, DUS PHYIS SHI BAR GYUR NA NI RIG BYED MA YIN PA KHO NA LAS, RIG BYED KYI LAS LAM DNGOS MI 'BYUNG STE, SBYOR BA'I TSE SROG GCOD KYI DNGOS GZHI MA BYUNG BA'I PHYIR DANG, DNGOS GZHI GRUB PA'I TSE RIG BYED 'GAGS ZIN PA'I PHYIR, TSUL DE LHAG MA GZHAN LNGA LA YANG SBYOR DU YOD DE RIGS 'DRES DPAGS NA SHES SO, ,YID KYI LAS GSUM LA NI RIG BYED DANG RIG BYED MA YIN PA GNYIS KA MED DO, ,SROG GCOD SPONG BA LA SOGS PA DGE BA'I LUS NGAG GI LAS LAM GZUGS CAN BDUN NI SO THAR GYI DBANG DU BYAS NA DE NI GZHAN LAS NOD PAS RNAM PAR RIG BYED DANG RIG BYED MA YIN PA GNYIS KA 'BYUNG LA, BSAM GTAN DANG ZAG MED KYI SPONG BA BDUN NI MNYAM BZHAG GI SEMS TZAM LA RAG LAS PAS RIG BYED MIN PA KHO NA'O, ,DGE MI DGE'I LUS NGAG GI LAS LAM BDUN PO DE DAG GI NYER BSDOGS TE SBYOR BA RNAMS LA RNAM PAR RIG BYED NI NGES PAR 'BYUNG ZHING, KUN SLONG NYON MONGS DRAG PO'AM, RAB TU DANG BA DRAG POS BYAS NA NI RIG BYED MA YIN PA YANG 'BYUNG LA, KUN SLONG ZHAN PAS RTZOM NA NI RIG BYED KHO NA'O, ,LAS LAM DE DAG GI MJUG GI SKABS SU RIG BYED MA YIN PA NI NGES PAR 'BYUNG LA, RIG BYED NI MA NGES TE, LAS LAM DNGOS KYI RJES SU YANG DE DANG MTHUN PA'I BYA BA SPYOD NA NI RIG BYED DU YANG 'GYUR LA, MI SPYOD NA NI MI 'GYUR RO, ,'O NA; SBYOR DNGOS MJUG GSUM GYI KHYAD PAR JI LTA BU ZHE NA, SROG GCOD LTA BU LA MTSON NA, SROG CHAGS GANG YANG RUNG BA GSOD 'DOD KYI BSAM PAS GNAS NAS LANGS TE DE'I DRUNG DU 'GRO BA SOGS NAS MTSON LA SOGS PA LAN GCIG GAM GNYIS SOGS BSNUN PAR BYED CING DNGOS @29A *, ,SU SROG GCOD PAR MI BYED PA'I BAR NI SBYONG BA DANG, MTSON BSNUN PA SOGS KYIS DNGOS SU SROG GCOD PAR BYED PA DE'I SKABS KYI RIG BYED DANG RIG BYED MA YIN PA'I SKAD CIG MA NI LAS KYI LAM DNGOS DANG, DE PHYIN CHAD KYI RIG BYED MA YIN PA DANG, LPAGS PA BSHU BA DANG, SHA 'TSONG BA DANG, ZA BA SOGS DE'I RJES SU MTHUN PA'I RIG BYED NI MJUG YIN LA, DE BZHIN DU MA BYIN LEN SOGS GZHAN DRUG LA YANG RIGS 'GRES SHES SO, ,BRNAB SEMS SOGS YID KYI GSUM NI MNGON DU GYUR PA TZAM GYIS DNGOS GZHIR 'GYUR BAS SBYOR BA DANG MJUG MED DO, ,DE LA KHO NA RE, 'O NA; SROG GCOD KYI LAS LAM DNGOS DE, BSAD BYA DE 'CHI SRID LA GNAS PA'I SKABS KYI GSOD PA PO'I RIG BYED DANG RIG BYED MA YIN PA LA BYED DAM, 'ON TE SHI ZIN PA'I SKABS KYI DE LA BYED, DANG PO LTAR NA, GSOD PA PO DANG BSAD BYA LHAN CIG TU SHI BA NA YANG LAS LAM DNGOS 'BYUNG BAR 'GYUR NA, SNGA DANG MNYAM DU SHI BA LA, ,DNGOS MED LUS GZHAN SKYES PHYIR RO, ,ZHES PA DANG 'GAL, GNYIS PA LTAR NA DNGOS SU SROG GCOD PAR BYED PA'I SKABS KYI RIG BYED DANG RIG BYED MA YIN PA DE LAS LAM DNGOS MA YIN PAR 'GYUR TE, DE'I TSE SHI MA ZIN PA'I PHYIR RO, , ZHE NA; DE LA BYE BRAG SMRA BAS SKYON MED DE, SROG CHAGS SHI BA'I GNAS SKABS KYI RIG BYED DANG RIG BYED MA YIN PA'I SKAD CIG MA DE NYID LAS LAM DNGOS YIN NO, ,ZHES LAN 'DEBS PAR SNANG YANG, SHI BA'I GNAS SKABS ZHES PA SROG CHAD BZHIN PA'AM, CHAD MA THAG PA'AM, DE GNYIS KA'I GNAS SKABS GANG RUNG ZHIG LA NI 'DOD DGOS NA, LAN DES SKYON DNGOS SU SPONG MI NUS PAR MA MCHIS RUNG, SKABS THOB KHYAB MED KYI LAN 'GA' ZHIG 'DEBS PA LAS 'OS MED DO,, ` SBYOR BA RTZA BA GSUM LAS SKYES, ,ZHES SOGS KYI SKABS SU, MI DGE BA DE DAG GI LAS LAM DNGOS NI SBYOR BA LAS SKYE LA; SBYOR BA YANG KUN SLONG 'DOD CHAGS SOGS MI DGE BA'I RTZA BA GSUM PO GANG RUNG LAS SKYES PA STE, SROG GCOD LA MTSON NA, KUN SLONG 'DOD CHAGS LAS SKYES PA NI SHA SOGS LA SRED NAS GSOD PA DANG, ZHE SDANG LAS SKYES PA NI 'KHON GYIS GSOD PA DANG, GTI MUG LAS SKYES PA NI, @29B MCHOD SBYIN BYED PA RNAMS BSOD NAMS SU 'KHRUL NAS GSOD PA LTA BU STE, DES GZHAN LA YANG RIGS 'GRE BA MA ZAD RGYAS PAR 'DOD NA 'GREL PA RNAMS SU BLTA BAR BYA LA, 'DI NI LUS NGAG GI LAS LAM BDUN DU MA ZAD BRNAB SEMS SOGS YID KYI MI DGE BA GSUM LA MTSUNGS TE, DE DAG KYANG KUN SLONG MI DGE BA'I RTZA BA GSUM PO GANG RUNG LAS SKYES PA'I PHYIR RO,, ` DGE BA SBYOR DANG MJUG BCAS RNAMS, ,CHAGS SDANG GTI MUG MED LAS SKYES, ,ZHES PA'I SKABS SU, DGE BA'I LAS KYI LAM DNGOS DANG, SBYOR BA DANG MJUG DANG BCAS PA RNAMS NI 'DOD CHAGS MED PA DANG, ZHE SDANG MED PA DANG, GTI MUG MED PA STE DGE BA'I RTZA BA GSUM LAS SKYES SHING, DGE BA'I SBYOR DNGOS MJUG GSUM YANG BSNYEN PAR RDZOGS PA'I GNAS SKABS KYI SBYOR DNGOS MJUG GSUM LTA BU STE MTHA' DAG MANG BAR 'GYUR BAS MA SPROS SO,, ` GSOD DANG GNOD SEMS TSIG RTZUB PO, ,ZHES SOGS KYI SKABS SU, 'O NA; MI DGE BA'I LAS LAM DE DAG RDZOGS SHING MTHAR PHYIN PA GANG GIS BYED CE NA, DE YANG 'DOD CHAGS LA SOGS PA GSUM PO DE DAG GIS BYED DE, JI LTAR ZHE NA, SROG GCOD DANG, GNOD SEMS DANG, TSIG RTZUB GSUM NI PHAL CHER ZHE SDANG GIS MTHAR PHYIN PAR BYED, LOG G-YEMS BRNAB SEMS MA BYIN LEN GSUM NI 'DOD CHAGS DANG, LOG PAR LTA BA NI GTI MUG GIS RDZOGS PAR BYED LA, LHAG MA RDZUN PHRA MA NGAG KYAL RNAMS NI GSUM PO CI RIGS PAS RDZOGS PAR BYED DO,, ` GZHI NI SEMS CAN LONGS SPYOD DANG, ,ZHES SOGS KYI DON NI, MI DGE BA'I LAS LAM DE DAG GI GZHI'AM RTEN LA NI, SEMS CAN DANG, LONGS SPYOD DANG, NGAG GI RANG BZHIN MING GZUGS LA SOGS PA CI RIGS PA 'BYUNG PA'I DON NO,, ` SNGA DANG MNYAM DU SHI BA LA, ,ZHES SOGS KYIS, GSOD PA PO 'GA' ZHIG GIS PHA ROL BSAD BYA LA 'CHING PA'I MTSON SOGS BSNUN NAS, BSAD BYA'I SNGA ROL LAM DUS MNYAM GANG RIGS SU GSOD PA PO RANG NYID SHI BA LA NI, RANG NYID MA SHI GONG DER SROG GCOD KYI SBYOR BA'I LAS 'BYUNG BA LAS, LAS LAM DNGOS NI MI 'BYUNG STE, BSAD BYA MA SHI BAR SROG GCOD KYI LAS LAM MI 'BYUNG ZHING, SHI BA'I TSE GSOD PA PO'ANG SHI BAS SROG GCOD KYI SBYOR BA @30A *, ,BYAS PA'I LUS DE DOR NAS DE LAS GZHAN PA'I LUS SU SKYES PAS NA DNGOS GZHI MI 'GRUB BO,, ` DMAG LA SOGS PAR DON GCIG PHYIR, ,THAMS CAD BYED PA PO BZHIN LDAN, ,ZHES PA'I SKABS SU, 'O NA; MANG PO CHOGS TE GROS BYAS NAS DMAG DANG, RI DVAGS KYI LINGS LA SOGS PA BYED PA NA, DNGOS SU GCIG GIS SEMS CAN SROG DANG BRAL BAR BYAS PA'I TSE, GZHAN DE DAG LA SROG GCOD KYI LAS LAM DNGOS 'BYUNG NGAM MI 'BYUNG ZHE NA, DE DAG NI DON GCIG LA ZHUGS PA'I SBYOR BA CAN YIN PA'I PHYIR DNGOS SU GSOD PA PO DANG MTSUNGS PA'I SROG GCOD DNGOS KYI LAS LAM DANG LDAN LA, YANG GZHAN GYIS DBANG MED DU DMAG SOGS LA 'KHROD KYANG DON DU RANG GI SROG LA THUG KYANG GZHAN MI GSOD SNYAM PA'I BSAM PA NGES PAR BYAS TE PHYIN PA LA NI SNGA MA LTA BU'I SROG GCOD KYI NYES PAS REG PAR MI 'GYUR RO,, ` SROG GCOD PA NI BSAM BZHIN DU, ,ZHES PA NAS, LOG PAR LTA BA YIN 'DI LA, ,ZHES PA'I BAR GYIS, SROG GCOD KYI LAS LAM LTA BU LA BSAM BZHIN DU GSOD PA, MA NOR BAR GSOD PA, GZHAN GSOD PA'I YAN LAG STE GSUM DANG LDAN PA DGOS PAS MTSON MI DGE BA BCU PO RE RE'I NGO BOR, YAN LAG DANG BCAS PA ZHIB TU GSUNGS PA RNAMS GO MI BDE BA'I DOGS PA SOGS CHER MI SNANG BAS RTZA BA NYID LA TSIG 'GREL DANG, 'GREL PA RNAMS SU BRTAGS NA SHES NUS PAS MA SPROS LA, SKABS 'DIR RDZUN TSIG LAS 'PHROS NAS BYIS PA'I THA SNYAD BRGYAD DANG 'PHAGS PA'I THA SNYAD BRGYAD DE BCU DRUG GSUNGS PA DANG, MTHONG BA DANG, THOS PA DANG, RTOGS PA DANG, RNAM PAR SHES PA ZHES GSUNGS PA RNAMS KYI KHYAD PAR DANG MTSAN GZHI, GZHAN YAS SROG GCOD PA TZAM DANG, MA BYIN PAR LEN PA TZAM GYIS DE DANG DE'I LAS LAM DNGOS SU MI 'GYUR BA LA SOGS PA'I KHYAD PAR RNAMS ZHIB TU 'GREL PA MNGON PA'I RGYAN SOGS LAS SHES PAR BYOS SHIG , ` GSUM LAM BDUN NI LAS KYANG YIN, ,ZHES PA'I SKABS SU, MI DGE BA BCU PO DE LAS BRNAB SEMS LA SOGS YID KYI GSUM NI LAS KYI LAM YIN KYANG, LAS NI MA YIN LA, DE DAG DANG MTSUNGS PAR @30B LDAN PA'I SEMS PA NI YID KYI LAS SU 'JOG CING, LUS NGAG GI LAS BDUN NI LAS KYANG YIN LA LAS KYI LAM YANG YIN PA STE, DE NI BRNAB SEMS MED PA SOGS DGE BA BCU LA YANG MTSUNGS SO, ,LUS NGAG GI BDUN PO KUN NAS SLONG BYED KYI SEMS PA RNAMS KYANG YID KYI LAS YIN PA LAS LUS NGAG GI LAS NI MA YIN TE, GZUGS CAN MA YIN PA'I PHYIR RO, ,MI DGE BA DE DAG GI SBYOR BA DANG MJUG RNAMS MI DGE BA YIN KYANG LAS KYI LAM NI MA YIN TE DGE BA LA YANG MTSUNGS SO,, ` MED PAR LTA BAS RTZA BA GCOD, ,CES SOGS KYI SKABS SU, MI DGE BA BCU'I NANG NAS LOG LTAS DGE RTZA GCOD PAR BYED PA STE, DGE BA DANG MI DGE BA'I LAS KYI RNAM PAR SMIN PA MED DO ZHES RGYU 'BRAS LA SKUR BA 'DEBS SHING 'GYOD PA CUNG ZAD KYANG MI BSKYED PA DE 'DRA BA'I LOG LTAS DGE RTZA YONGS SU GCOD PAR BYED DO, ,'O NA, BCAD BYA'I DGE RTZA DE LA KHAMS GSUM GA'I DGE RTZA YOD DAM ZHE NA, BYE BRAG SMRA BAS DE LTAR YOD PAR MI 'DOD DE, DGE RTZA GCOD BYED KYI LOG LTA CAN GYI RGYUD LA KHAMS GONG MA'I DGE BA MI LDAN ZHING, 'DOD PA'I DGE BA SBYOR BYUNG YANG LOG LTA CHUGN NGU SKYES PA'I DUS SU NYAMS ZIN PAS, DES NA, 'DOD GTOGS SKYES NAS THOB PA RNAMS, ,ZHES 'DOD PA'I DGE BA SKYES THOB MA GTOGS MI 'BYUNG BAR 'DOD DO, , GCOD TSUL YANG 'DOD PA'I DGE BA SKYES THOB DE LA CHE 'BRING CHUNG NGU DGUR PHYE NAS, DE DAG LOG LTA CHUNG 'BRING CHEN PO DGUS RIM PA BZHIN GCOD DO, ,'DI'I SKABS SU DOGS PA BCAD PA LA, 'O NA; DGE RTZA CHAD NGES KYI GANG ZAG GI RGYUD KYI 'DOD PA'I DGE BA SBYAR BYUNG CHOS CAN, KHYOD LOG LTAS GCOD MI NUS PAR THAL, KHYOD LOG LTA'I BCAD BYA MA YIN PA'I PHYIR, 'DOD NA, KHYOD DNGOS SU GCOD BYED MED PAR THAL, LOG LTAS DNGOS SU MI GCOD PA GANG ZHIG ,DE LAS GZHAN PA'I GCOD BYED MED PA'I PHYIR, GZHAN YANG, DE 'DRA'I DGE BA SBYOR BYUNG CHOS CAN, KHYOD KYI GTONG RGYU MED PAR THAL, DGE RTZA CHAD PAS MI GTONG BA GANG ZHIG ,KHAMS GONG DU SKYES PAS MI GTONG BA'I PHYIR, KHYAB STE, 'DOD GTOGS DGE BA GZUGS MIN NI, ,RTZA CHAD GONG DU SKYES PA LAS, ,ZHES 'DOD PA'I DGE BA GZUGS CAN MIN PA'I GTONG RGYUL DE GNYIS LAS MA BSHAD PA'I PHYIR, GAL TE KHAMS @31A *, ,GONG DU SKYES PAS GTONG NGO ZHE NA MI 'THAD DE, DE 'DOD PA'I RTEN DE NYID LA GTONG BA'I PHYIR, YANG DGE RTZA CHAD PAS GTONG NGO ZER NA, MI 'THAD PAR THAL, DGE RTZA BCOD BYED KYI LOG LTAS MI GTONG NA, DE LAS GZHAN PA'I GTONG TSUL MED PA'I PHYIR, GZHAN YANG DE 'DRA'I 'DOD PA'I DGE BA SBYOR BYUNG CHOS CAN, KHYOD LOG LTA'I BCAD BYA YIN PAR THAL, LOG LTA CHUNG NGU'I BCAD BYA YIN PA'I PHYIR, DER THAL, KHYOD LOG LTA CHUNG NGU SKYES PA'I DUS SU NYAMS PAR 'GYUR BA RANG GI KHAS LEN YIN PA'I PHYIR, ZHES SOGS 'PHEN NA KHYAB MED KYI LAN 'GA' ZHIG 'DEBS DGOS MED KYANG DON MTHUN GYI LAN ZHIG THEBS DKA' BA 'DRA'O, ,YANG, KHO NA RE, LOG LTA CHUNG NGUS DGE RTZA CHEN PO DANG, LOG LTA CHEN POS DGE RTZA CHUNG NGU GCOD PAR BYED PAR THAL, KHYOD KYIS RIM GYIS GCOD TSUL DE 'THAD PA'I PHYIR, 'DOD NA, LOG LTA CHEN PO SKYES PA LAS CHUNG NGU SKYES PA NYES PA CHE BAR THAL, LOG LTA CHUNG NGUS DGE RTZA CHEN PO GCOD PA GANG ZHIG ,CHEN POS DGE RTZA CHUNG NGU LAS MI GCOD PA'I PHYIR, ZER NA MA KHYAB STE, RIM GYIS GCOD PA'I DON SGOM LAM GYIS SGOM SPANG NYON MONGS SPONG BA LTAR, LOG LTA CHUNG RIM GYIS SKYES PA NA, DGE BA CHE RIM GYIS NYAMS PA'I MTHAR DGE RTZA CHUNG NGU'I CHUNG NGU YANG BCAD NAS GTAN MED DU BYED PA LA LOG LTA CHEN PO'I CHEN PO SKYE DGOS PA'I DON YIN PA LAS, LOG LTA CHEN POS DGE BA NYUNG ZAD TZAM LAS CHEN PO NYAMS PAR BYED MI NUS PA'I DON MA YIN MOD, 'ON KYANG TSIG LA 'KHRIS NA KHAS LEN MI MDZES TZAM NI 'ONG RIS SU SNANG NGO,, ` KUN GYIS RIM GYIS MI'I NANG DU, ,ZHES SOGS KYI SKABS SU, RTEN GANG LA GCOD NA, GLING GSUM GYI MI'I NANG DU GCOD KYI, NGAN SONG BA DANG, LHA DANG, SGRA MI SNYAN PA'I RTEN LA MI GCOD CING, DE YANG SKYES PA DANG BUD MED GANG RUNG GI RTEN LA GCOD KYI ZA MA DANG MA NING GI RTEN LA MA YIN TE, BSAM PA MI BRTAN PA'I PHYIR RO, ,DGE RTZA CHAD PA DE GANG GIS MTSAMS SBYOR ZHE NA, LAS 'BRAS YOD DAM MED SNYAM PA'I THE TSOM NYON MONGS CAN DANG, LAS 'BRAS YOD DAM SNYAM PA'I DON 'GYUR GYI THE TSOM DANG, LAS 'BRAS YOD PAR LTA @31B BA'I YANG DAG PA'I LTA BAS MTSAMS SBYOR RO, ,DGE RTZA CHAD PA DE TSE DE RANG LA MTSAMS SBYOR BA YOD DAM ZHE NA, BSAM SBYOR GNYIS KA NYAMS PA ZHES PA MTSAMS MED BYAS SHING DGE RTZA YANG CHAD PA DE NI TSE 'DI LA MTSAMS MI SBYOR TE, DMYAL BA'I BAR DO'AM, YANG NA, DMYAL BA NAS 'CHI 'PHOS PA GANG RUNG DU MTSAMS SBYOR LA, MTSAMS MED MA BYAS PA'I GANG ZAG DGE RTZA CHAD PA NI TSE DE RANG LA MTSAMS SBYOR BA'ANG YOD LA, PHYI MA'I GNAS SKABS SU SBYOR BA 'ANG YOD DO, ,SKABS 'DIR 'GREL PA RNAMS SU, DGE RTZA CHAD PA DANG LOG PA NYID DU NGES PA NI MTSAMS MED BYAS PA'I GANG ZAG YIN LA, DE GNYIS KYI MU BZHI 'JOG TSUL, DGE RTZA CHAD LA LOG PA NYID DU NGES PA MA YIN PA NI, MU STEGS STON PA DRUG LTA BU DANG, LOG PA NYID DU NGES PA YIN LA DGE RTZA MA CHAD PA NI MA SKYES DGRA LTA BU, GNYIS KA YIN PA NI LHA SBYIN LTA BU, BZHI PA NI DE DAG LAS GZHAN PA LTA BU'O, ,ZHES PA'I MU GNYIS PA DANG, GSUM PA LA DOGS PA DPYOD RGYU 'GA' ZHIG MCHIS PA 'OG TU MTSAMS MED KYI SKABS SU 'CHAD DO,, ` MI DGE BRGYAD KYI BAR DAG DANG, ,ZHES SOGS KYI SKABS SU, LAS LAM DU TZAM DANG SEMS PA CIG CHAR LHAN CIG TU 'BYUNG ZHE NA, MI DGE BA BCU LAS GCIG NAS BRGYAD TZAM GYI BAR DANG, SEMS PA LHAN CIG TU 'BYUNG BA YOD KYI, DGU DANG BCU DANG CIG CHAR LHAN CIG TU 'BYUNG BA NI MED DE, BRNAB SEMS LA SOGS PA YID KYI GSUM CIG CAR MI 'BYUNG BA'I PHYIR ZHES SO, ,DE'I DON GO BDE BAR BRJOD NA, MI DGE BA BRGYAD KYI LAS LAM DUS GCIG TU 'BYUNG BA SRID PA NAS, GCIG KHO NA 'BYUNG BA'I BAR SRID PAS NA DE DAG DANG DUS MNYAM DU SEMS PA'ANG 'JUG PA'I DON YIN PA'I PHYIR, 'O NA, BRGYAD DUS GCIG TU JI LTAR 'BYUNG ZHE NA, LUS NGAG GI MI DGE BA BDUN GYI NANG NAS 'DOD LOG MA GTOGS PA'I LHAG MA DRUG GZHAN LA BCOL BA'I SGO NAS RDZOGS PAR BYED CING, RANG NYID KYIS BRNAB SEMS LTA BU MNGON DU GYUR PA'I SGO NAS 'DOD LOG SPYOD NA LUS NGAG GI BDUN DANG, YID KYI GCIG TE BRGYAD PO DUS MNYAM DU RDZOGS PA'AM MTHAR PHYIN PA SRID PA'I @32A *, ,PHYIR RO, ,DE BZHIN DU BDUN NAS GNYIS KYIS BAR YANG RIG PAS DPAGS NA SHES PAR SLA ZHING, GCIG TZAM KHO NA 'BYUNG BA NI BRNAB SEMS SOGS YID KYI GSUM PO GANG RUNG TZAM MNGON DU GYUR PA'AM, YANG NA, SEMS PA DGE BA DANG MA BSGRIBS LUNG MA BSTAN GANG RUNG LA GNAS PA'I SGO NAS 'DOD LOG LAS GZHAN PA'I SROG GCOD SOGS DRUG PO GANG RUNG TZAM ZHIG BYED NA'O, ,'DOD LOG LA NI MA YIN TE DE LA NI BRNAB SEMS SAM CHAGS SEMS NGES PAR 'BYUNG BA'I PHYIR RO,, ` DGE BA BCU YI BAR DAG DANG, ,ZHES SOGS KYI SKABS SU, DGE BA'I LAS LAM NI SPYIR BTANG TZAM DU GCIG NAS, BCU'I BAR DANG SEMS PA CIG CHAR LHAN CIG TU 'BYUNG BA YOD LA, DMIGS BSAL SDOM PA LTA BU'I DBANG DU BYAS NA NI, LAS LAM GCIG TZAM DANG, BRGYAD TZAM DANG, LNGA TZAM DANG SEMS PA LHAN CIG TU 'BYUNG BA NI MED DE, JI LTAR ZHE NA, GCIG TZAM DANG LHAN CIG 'BYUNG BA MED DE, SEMS PA DGE BA LA NI, BRNAB SEMS MED PA DANG GNOD SEMS MED PA GNYIS NGES PAR MI 'BRAL BAR 'BYUNG BA'I PHYIR, LNGA TZAM DANG LHAN CIG 'BYUNG BA'ANG MED DE, SEMS MI DGE BA DANG, LUNG MA BSTAN GYIS DGE TSUL DGE BSNYEN GYI SDOM PA LEN NA NI LUS KYI DGE BA GSUM DANG, NGAG GI RDZUN SPONG BA STE LAS LAM BZHI LAS MI 'BYUNG LA, DGE SEMS KYIS LEN NA NI BRNAB SEMS MED PA DANG GNOD SEMS MED PA GNYIS BSNAN PAS DRUG GAM DE'I STENG DU YANG DAG PA'I LTA BA BSNAN NA BDUN 'BYUNG BA'I PHYIR, BRGYAD TZAM DANG LHAN CIG 'BYUNG BA'ANG MED DE, SEMS MI DGE BA DANG, LUNG MA BSTAN GYIS DGE SLONG GI SDOM PA LEN NA NI, LUS NGAG GI SPONG BA BDUN LAS MI 'BYUNG LA, DGE SEMS KYIS LEN NA NI DGU'AM BCU 'BYUNG BA'I PHYIR, DE DAG LAS GZHAN GNYIS TZAM DANG LHAN CIG TU 'BYUNG BA NAS, BCU DANG LHAN CIG TU 'BYUNG BA'I BAR YOD PA'I GZHAN RNAMS RIG PAS SHES SLA ZHING, BCU DANG CIG CAR LHAN CIG TU 'BYUNG BA NI, ZAD PA DANG MI SKYE BA SHES PA LAS GZHAN PA'I YID SHES DGE BAS DGE SLONG GI SDOM PA LEN PA'AM, YANG, ZAD PA DANG MI SKYE BA SHES @32B PA MA GTOGS PA'I BSAM GTAN DANG ZAG MED KYI SDOM PA GNYIS DANG LHAN CIG 'JUG PA'I SEMS PA THAMS CAD DE, DE DAG GI TSE SDOM PA GSUM SO SO'I LUS NGAG GI SPONG BA BDUN GYI STENG DU, BRNAB SEMS MED PA DANG, GNOD SEMS MED PA DANG, YANG DAG PA'I LTA BA STE YID KYI DGE BA'I LAS LAM GSUM 'BYUNG BA'I PHYIR, ZAD PA DANG MI SKYE BA'I SHES PA LA BCU MI 'BYUNG BA CI ZHE NA, DE LA YANG DAG PA'I LTA BA MI 'BYUNG BA'I PHYIR, ZAD DANG MI SKYE'I BLO LTA MIN, ,ZHES GSUNGS PA'I PHYIR DE LA NI DGU LHAG MI 'BYUNG NGO, ,GONG DU BSHAD PA DE DAG NI SDOM PA'I DBANG DU BYAS PA YIN GYI, SDOM PA LAS GZHAN BAR MA'I DGE BA'I DBANG DU NA GCIG DANG LNGA DANG BRGYAD TZAM DANG YANG CIG CAR DU 'BYUNG BA YOD LA, DGE MI DGE BAR MA DANG BCAS PA 'DI DAG LHAN CIG TU 'BYUNG TSUL GYI MTSAN GZHI RE RE NAS ZHIB PAR SHES 'DOD NA 'GREL PA MNGON PA'I RGYAN DU BLTA BAR BYOS SHIG , ` DMYAL BA NA NI KYAL PA DANG, ,ZHES SOGS KYI SKABS SU, MI DGE BA BCU PO DE LAS DMYAL BA NA NGAG KYAL DANG, TSIG RTZUB, GNOD SEMS GSUM LDAN PA DANG MNGON GYUR GNYIS KA'I SGO NAS YOD CING, BRNAB SEMS DANG LOG LTA NI LDAN PA'I SGO NAS YOD KYI MNGON GYUR GYI SGO NAS MED LA, SROG GCOD, MA BYIN LEN, 'DOD LOG ,RDZUN, PHRA MA RNAMS NI LDAN PA'I SGO NAS KYANG MED DO,, ` SGRA MI SNYAN NA BRNAB SEMS, GNOD SEMS, LOG LTA GSUM MNGON GYUR DU MED KYANG LDAN PA'I SGO NAS YOD CING, BDUN PA NGAG KYAL NI DNGOS SU'ANG YOD LA, SROG GCOD SOGS LHAG MA DRUG NI LDAN PA'I SGO NAS KYANG MED DO, ,DMYAL BA DANG SGRA MI SNYAN MA GTOGS PA'I KHAMS GZHAN NA NI MI DGE BCU KA LDAN PA DANG MNGON GYUR CI RIGS PA'I SGO NAS YOD DE, DE DAG GI RGYU MTSAN DANG BCAS PA'I ZHIB PA NI GZHAN LAS SHES SO,, ` DGE BA GSUM NI THAMS CAD NA, ,ZHES SOGS KYI SKABS SU, BRNAB SEMS MED PA DANG, GNOD SEMS MED PA DANG, YANG DAG PA'I LTA BA STE YID KYI DGE BA GSUM NI KHAMS DANG, SA DANG, 'GRO BA THAMS CAD NA RNYED PA DANG MNGON DU GYUR PA CI RIGS PA'I SGO NAS YOD LA, LUS NGAG GI DGE BA BDUN PO YANG GZUGS MED DANG, 'DU SHES MED PA'I SEMS @33A *, ,CAN LA RNYED PA'I SGO NAS LDAN PA YOD DE, GZUGS MED KYI 'PHAGS PA DE ZAG MED KYI SDOM PA DANG LDAN LA, 'DU SHES MED PA'I SEMS CAN NI BSAM GTAN GYI SDOM PA DANG LDAN PA'I PHYIR, 'ON KYANG MNGON GYUR DU NI MED DE, GZUGS MED KHAMS NA GZUGS MED PA'I PHYIR DANG, 'DU SHES MED PA NA SEMS MED LA, BSAM GTAN GYI SDOM PA NI SEMS KYI RJES 'BRANG YIN PA'I PHYIR, DE GNYIS LAS GZHAN PA'I KHAMS DANG 'GRO BA GZHAN DAG NA NI SROG GCOD SPONG BA SOGS BDUN PO THOB PA DANG MNGON GYUR GNYIS KA'I SGO NAS YOD LA, 'ON KYANG DMYAL BA DANG, SGRA MI SNYAN PA GNYIS NI MA GTOGS TE, DMYAL BA PA NI SDUG BSNGAL GYIS SEMS G-YENG BAS SROG GCOD SPONG BA SOGS SEMS PA'I SKABS MED PA'I PHYIR DANG, SGRA MI SNYAN PA NI SHIN TU BLUN PAS DE DAG SPONG BA'I SEMS MED PA'I PHYIR, DE LTA NA DUD 'GRO LA YANG MED PAR 'GYUR TE SHIN TU BLUN PA'I PHYIR, ZHE NA, DUD 'GRO KHA CIG BLO GSAL BA'I PHYIR RO,, ` THAMS CAD BDAG PO RGYU MTHUN DANG, ,ZHES SOGS KYI SKABS SU 'BRAS BU BSHAD PA LA, MI DGE BA BCU PO DE THAMS CAD KYIS KYANG RNAM SMIN DANG, RGYU MTHUN DANG, BDAG PO'I 'BRAS BU GSUM GSUM 'BYIN TE, MI DGE BA DE DAG CHEN PO SPYAD PAS RNAM SMIN DMYAL BA DANG, 'BRING GIS DUD 'GRO, CHUNG NGUS YI DVAGS SU RNAM PAR SMIN PAR 'GYUR LA, CHUNG 'BRING CHEN PO'I KHYAD PAR YANG, MDO LAS, MI DGE BA KUN TU BSTEN PA DANG, GOMS PAR BYAS PA, LAN MANG DU BYAS PA ZHES GSUNGS PA'I KUN TU BSTEN PA NI SBYOR BA DANG, GOMS PAR BYAS PA NI DNGOS DANG, LAN MANG DU BYAS PA NI MJUG STE DE DAG GSUM KA TSANG BA NI CHEN PO DANG, GNYIS TSANG BA 'BRING DANG, GCIG TSANG BA CHUNG NGU YIN PAR GSUNGS LA, DE YANG MTSAN GZHI NGOS 'DZIN PA TZAM YIN PA LAS CHUNG 'BRING CHEN PO GSUM LA, RIM PA BZHIN, SBYOR DNGOS MJUG GSUM GCIG DANG GNYIS SOGS TSANG DGOS PA'I KHYAB PA NI MED PA 'DRA'O, ,RGYU MTHUN LA BYED PA RGYU MTHUN DANG, MYONG BA RGYU MTHUN GNYIS LAS, DANG PO NI, BDE 'GROR SKYES KYANG MI DGE BA DE DANG DE BYED PA LA DGA' ZHING GOMS PA DANG, @33B MYONG BA RGYU MTHUN NI, SROG GCOD KYIS BDE 'GROR SKYES KYANG TSE THUNG BA SOGS DANG, MA BYIN LEN GYIS LONGS SPYOD DBUL BA SOGS SU 'GYUR RO, ,BDAG 'BRAS NI YUL LA SMIN PA STE, SROG BCAD PAS YUL GZI BRJID CHUNG BAR SKYE BA DANG, MA BYIN LEN GYIS LO TOG MA RUNG BAR 'GYUR BA'I YUL DU SKYE BA SOGS, ,MI DGE BA LAS BZLOG PA DGE BA ZAG BCAS RNAMS KYI RNAM SMIN GYI 'BRAS BU NI, BDE 'GROR SKYES NAS BDE BA MYONG BA DANG, BYED PA RGYU MTHUN DGE BA BYED PA LA GOMS PA DANG, MYONG BA RGYU MTHUN SROG GCOD SPANGS PAS TSE RING BA SOGS DANG, BDAG 'BRAS GZI BRJID DANG MTHU CHE BA'I YUL DU SKYE BA SOGS TE 'DI DAG NI GRUB MTHA' PHAL MO CHE LA GRAGS CHE BAS MA SPROS SO,, ` LUS DANG NGAG LAS CHAGS LAS SKYES, ,ZHES SOGS KYI SKABS SU, MDO LAS, LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA ZHES GSUM GSUNGS PA LAS ZHE SDANG DANG GTI MUG LAS SKYES PA'I NGAG NI LOG PA'I NGAG DANG, DE GNYIS LAS SKYES PA'I LUS KYIS LAS NI LOG PA'I LAS KYI MTHA' DANG, CHAGS PA LAS SKYES PA'I LUS NGAG GI LAS NI LOG PA'I 'TSO BA'O, ,PHYI MA 'DI LOGS SU BSHAD PA'I RGYU MTSAN, CHAGS PA LAS SKYES PA'I LUS NGAG GI LAS LOG 'TSO DE NI GNYEN POS SBYANGS DKA' BA'I PHYIR ZHE SDANG DANG GTI MUG LAS SKYES PA LAS LOGS SU LOG 'TSOR BSTAN TO, ,SNGON GYIS SLOB DPON 'GA' ZHIG GIS ZAS GOS SOGS 'TSO BA'I YO BYED LA CHAGS PAS BSLANG BA'I LUNG NGAG GI LAS KHO NA LOG 'TSOR 'CHAD PA DANG, DENG SANG PHAL MO CHES LOG 'TSO ZHES PA KHA BSAGS, ZHOGS SLONG SOGS G-YO SGYUS BSLANGS PA'I ZANG ZING GI RNYED PA SOGS LA 'DOD MOD, DE DAG KYANG SPYIR LOG 'TSO'I KHONGS SU GTOGS PA NI YIN MOD KYANG, SKABS 'DI'I DNGOS BSTAN LA NI DE TZAM ZHIG TU MA NGES TE, TSUL KHRIMS KYI PHUNG PO'I MDO LAS, DMAG LA SOGS PA'I LTAD MO SNA TSOGS LA CHAGS PAS BLTA BA SOGS KYANG LOG 'TSOR GSUNGS PAS NA, GZUGS SGRA SOGS YANG DAG PA MA YIN PA'I LOG PA'I YUL LA CHAGS PAS BLTA BA DANG, NYAN PA DANG, GLU GAR SOGS RANG GIS BYED PA DANG, GZHAN GYIS BYAS PA @34A *, ,LA CHAGS PA SOGS KYI LUS NGAG GI LAS MTHA' DAG LOG 'TSOR GSUNGS SO,, ` DRI BCAS SPONG BA'I LAM DAG GI, ZHES SOGS KYI SKABS SU, 'O NA, LAS RNAMS 'BRAS BU DU DANG BCAS ZHE NA, DRI BCAS SPONG LAM TE ZAG BCAS 'JIG RTEN PA'I SGOM LAM BAR CHAD MED LAM NI RNAM SMIN, BDAG PO, RGYU MTHUN, SKYES BU BYED 'BRAS, BRAL 'BRAS TE 'BRAS BU LNGA DANG BCAS PA YIN LA, DRI MED SPONG LAM BAR CHAD MED LAM NI RNAM SMIN MA GTOGS PA'I 'BRAS BU BZHI DANG BCAS SHING, SPONG LAM LAS GZHAN PA'I ZAG BCAS DGE BA DANG, MI DGE BA RNAMS KYANG 'BRAS BU BZHI DANG BCAS TE, DE DAG LA BRAL 'BRAS MI SRID PA'I PHYIR, ZAG MED SPONG LAM GYI LHAG MA RNAM GROL DANG KHYAD PAR GYI LAM SOGS DANG, BSGRIBS LUNG MA BSTAN DANG, MA BSGRIBS LUNG MA BSTAN RNAMS NI RNAM SMIN DANG BRAL 'BRAS MA GTOGS PA'I 'BRAS BU GSUM DANG BCAS SO,, ` DGE BA'I DGE LA SOGS PA NI, ,ZHES PA NAS, GNYIS DANG BZHI STE GO RIM BZHIN, ,ZHES PA'I BAR RNAMS RTZA BA NYID LA TSIG 'GREL GYIS SHES SLA MOD, 'ON KYANG ZUR TZAM RE SMOS NA, DGE BA'I 'BRAS BU DGE BA YIN PA LA RNAM SMIN MA GTOGS PA'I BZHI 'BYUNG STE, BRAL 'BRAS KYANG DON DAM PAR DGE BA YIN PA'I PHYIR, DGE BA'I 'BRAS BU MI DGE BA YIN PA LA NI SKYES BU BYED 'BRAS DANG, BDAG 'BRAS GNYIS LAS MI 'BYUNG ZHING, DGE BA'I 'BRAS BU LUNG MA BSTAN LA YANG GSUM LAS MI 'BYUNG STE, BRAL 'BRAS DANG, RGYU MTHUN GNYIS MI 'BYUNG BA'I PHYIR, DE BZHIN DU MI DGE BA'I 'BRAS BU DGE BA YIN PA LA YANG SKYES BU BYED 'BRAS DANG, BDAG 'BRAS GNYIS, MI DGE BA'I 'BRAS BU MI DGE BA LA SKYES BU BYED 'BRAS DANG, BDAG 'BRAS, RGYU MTHUN GSUM, MI DGE BA'I 'BRAS BU LUNG MA BSTAN LA BRAL 'BRAS MA GTOGS PA'I BZHI 'BYUNG BA'I PHYIR, MI DGE BA'I 'BRAS BU LUNG MA BSTAN LA RGYU MTHUN JI LTAR 'BYUNG ZHE NA, KUN 'GRO MI DGE BA SDUG BSNGAL MTHONG SPANG GIS, BSGRIBS LUNG MA BSTAN 'JIG LTA MTHAR LTA GNYIS KYI SKAL MNYAM GYI RGYU BYED PA'I PHYIR RO, , @34B LUNG MA BSTAN GYI 'BRAS BU DGE BA YIN PA LA YANG SKYES BU BYED 'BRAS DANG, BDAG 'BRAS GNYIS LAS MI 'BYUNG ZHING, DE'I 'BRAS BU MI DGE BA LA RNAM SMIN DANG BRAL 'BRAS MA GTOGS PA'I GSUM, DE'I 'BRAS BU LUNG MA BSTAN LA YANG RNAM SMIN DANG BRAL 'BRAS MA GTOGS PA'I GSUM MO, ,'DI'I RGYU MTHUN 'BYUNG TSUL YANG, BSGRIBS LUNG MA BSTAN 'JIG LTA MTHAR LTA GNYIS KYIS SDUG BSNGAL MTHONG SPANG SOGS MI DGE BA'I SKAL MNYAM GYI RGYU BYED PA LA BSAM PA'O, ,'DAS PA'I CHOS ZAG BCAS KYIS 'DAS MA 'ONGS DA LTAR BA GSUM CHAR BSKYED PA'I TSE BRAL 'BRAS MA GTOGS PA'I 'BRAS BU BZHI BZHI 'BYUNG LA, BRAL 'BRAS NI DUS KYIS MA BSDUS PA'I PHYIR, DE BZHIN DU DA LTAR BA'I 'BRAS BU MA 'ONGS PA YIN PA LA YANG BZHI STE, SNGA MA LTAR RO, ,DA LTAR BAS DA LTAR BA BSKYED NA RNAM SMIN, RGYU MTHUN, BRAL 'BRAS GSUM MI 'BYUNG BAS SKYES BU BYED PA DANG BDAG 'BRAS GNYIS SO, ,MA 'ONGS PA'I 'BRAS BU MA 'ONGS PA YIN PA LA NI RGYU MTHUN DANG BRAL 'BRAS MA GTOGS PA GSUM 'BYUNG NGO, ,DA LTAR BAS 'DAS PA BSKYED PA DANG, MA 'ONGS PAS 'DAS PA DANG DA LTAR BA BSKYED PA NI MI SRID PAS DPYAD PA MA MDZAD CES GSUNGS SO, ,DE LA DOGS PA 'DI YOD DE, DA LTAR BAS 'DAS PA BSKYED PA DANG, MA 'ONGS PAS 'DAS PA DANG DA LTAR BA BSKYED PA MI SRID NA, MA 'ONGS PA DA LTAR BA DANG, DA LTAR BA 'DAS PA'I NGO BOR 'PHOS PAR BSHAD PA DANG 'GAL BAR MA ZAD RIG PAS KYANG GNOD DO ZHE NA, ZHIB TU MA BRTAGS NA 'GAL BA LTAR SNANG YANG DE'I SKYON MED DE, SKABS 'DIR GSUNGS PA'I DON NI, CHOS DE DA LTAR BA'I NGO BOR GNAS BZHIN DU RANG GI 'BRAS BU 'DAS PA BSKYED PA DANG, CHOS DE MA 'ONGS PA'I NGO BOR GNAS BZHIN DU RANG 'BRAS DA LTAR BA SOGS BSKYED PA MI SRID PA'I DON YIN PA LAS, SPYIR DA LTAR BAS 'DAS PA DANG, MA 'ONGS PAS DA LTAR BA MI BSKYED PA'I DON MA YIN TE, DA LTAR BA 'DAS PAR 'PHOS PA'I 'DAS PA DE RANG RGYU DA LTAR BA SNGON DU SONG BAS BSKYED PA DANG, MA 'ONGS PA DA LTAR BAR 'PHOS PA'I DA LTAR BA DE YANG RANG RGYU MA 'ONGS PA SNGON DU SONG BAS BSKYED PA'I PHYIR, CHOS DE DA LTAR BA LA GNAS BZHIN DU DE'I 'BRAS BU @35A *, ,'DAS PA GRUB PA NI MI SRID DE, DE YOD NA CHOS DE MA 'DAS GONG DU DE'I 'BRAS BU 'DAS PA ZHIG GRUB DGOS LA, DE LTAR NA RGYU LAS SNGA BA'I 'BRAS BU YOD PAR THAL BA'I SKYON 'BYUNG NGO, ,GZHAN YANG SKABS 'DIR DPYAD PA MDZAD RGYU'I GTZO BO NI RGYU 'BRAS SPYIR BTANG TZAM MA YIN PAR, LAS DGE MI DGE LUNG MA BSTAN GSUM GYIS RANG RANG GI THUN MONG MA YIN PA'I 'BRAS BU JI TZAM BSKYED LA DPYAD PA MDZAD PA YIN LA, DE'I NANG TSAN DGE BA'I LAS LTA BU GCIG LA MTSON NA, DE LA DUS GSUM YOD PA DE DAG RE RE'I 'BRAS BU LA YANG DUS GSUM RE YOD MED DANG, DE RE RE LA 'BRAS BU LNGA'I NANG NAS JI TZAM 'BYUNG DPYAD PA NA, DGE BA'I LAS DA LTAR BA'I 'BRAS BU LA RANG GI SNGAR 'DAS ZIN PA DANG, MA 'ONGS PA'I 'BRAS BU LA RANG GI SNGAR DA LTA BAR GRUB ZIN PA MI SRID CING, LUGS 'DIR SPYIR RGYU 'BRAS DUS MNYAM KHAS LEN MOD KYANG, LAS DGE SDIG LTA BU'I THUN MONG MA YIN PA'I 'BRAS BU LNGA PO GANG RUNG LA NI NGAS PAR LAS DE'I RJES SU 'BYUNG BAS KHYAB PA LAS DUS MNYAM DU 'BYUNG BA YANG MED DE, BDAG 'BRAS KYANG YUL LA SMIN PAR BSHAD PA'I PHYIR, YANG KHO NA RE, SPYIR YANG MA 'ONGS PAS DA LTAR BA DANG, DA LTAR BAS 'DAS PA BSKYED PA MED PAR THAL, 'DAS PAS DA LTAR BA DANG, DA LTAR BAS MA 'ONGS PA BSKYED PA YIN PA'I PHYIR, ZER NA, 'DI LTA BU'I RIGS LA RANG GI RGYUR GYUR PA ZHES PA DANG, RANG GI 'BRAS BUR GYUR PA ZHES PA LTA BU'I KHYAD PAR MA SBYAR ZHING, GZHI LA YANG MA SBYAR BA'I RDZAS SPYI LA RTZOD NA, RTAGS MA GRUB KYI LAN 'DEBS NA LEGS KYI, KHYAB MED KYI LAN BTAB NA KHAS LEN MI BDE TZAM 'ONG LA, RANG GI RGYUR GYUR PA ZHES PA LTA BU'I KHYAD PAR SBYAR NA NI RGYU 'BRAS 'KHOR LO MA YIN PAS 'GAL BA MED DE, CHOS 'DAS PA LTA BU GCIG KYANG RANG GI 'BRAS BUR GYUR PA'I DA LTAR BA'I RGYU BYED CING, RANG GI RGYUR GYUR PA'I DA LTAR BA'I 'BRAS BU BYED PA MI 'GAL BA'I PHYIR, DE LA BSAMS NAS 'DAS PAS DA LTAR BA BSKYED PA YANG YOD LA, DA LTAR BAS 'DAS PA BSKYED PA YANG YOD CES SMRA CHOG KYANG, YIN ZHES SMRA NA SKYON @35B 'BYUNG NGO, ,YANG KHO NA RE, CHOS MA 'ONGS PA DA LTAR BA'I NGO BOR 'PHOS PA YOD NA, 'O NA DE 'DRA'I DA LTAR BA DE RANG GI RGYUR GYUR PA'I MA 'ONGS PA LAS SKYES PAR THAL, 'DOD NA, DE 'DRA'I DA LTAR BA DE RANG GI RIGS 'DRA SNGA MAR GYUR PA'I MA 'ONGS PA LAS SKYES PAR THAL, 'DOD NA, MA 'ONGS PA LA SKAL MNYAM GYI RGYU YOD PAR THAL LO, ,ZHE NA, 'DI NI SNGAR GNAS GNYIS PAR BSHAD PA LTAR, KHYAD PAR MED PA LA KHYAD PAR DU PHYE BA'I RTOG BRTAGS TZAM YIN MOD KYANG, GRUB MTHA'I KHAS LEN YIN PA'I PHYIR MA 'ONGS PA LA SKAL MNYAM GYI RGYU MI 'JOG CING, DE 'DRA'I DA LTAR BA DE RANG GI RGYUR GYUR PA'I MA 'ONGS PA LAS SKYES PA YIN KYANG RIS 'DRA SNGA MAR GYUR PA'I MA 'ONGS PA LAS SKYES PA MIN ZHES SMRA DGOS PA 'DRA'O, ,'O NA DE'I RIGS 'DRA SNGA MA LA GANG 'JOG CE NA, 'DAS PA'AM DA LTAR BA'I CHOS GZHAN ZHIG YOD CES SMRA BA LAS 'OS MED DO, ,DE LTAR DOGS PA DPYAD NAS DKYUS LA 'JUG PA NI, ZAG BCAS RANG GI SA PA'I LAS KYIS RANG GI SA PA'I CHOS BSKYED NA BRAL 'BRAS MA GTOGS PA'I 'BRAS BU BZHI 'BYUNG LA, BRAL 'BRAS NI SAS MA BSDUS PA'I PHYIR RO, ,GZHAN GYI SA PA'I LAS KYIS GZHAN GYI SA PA'I CHOS BSKYED NA RNAM SMIN DANG BRAL 'BRAS MA GTOGS PA'I 'BRAS BU GSUM 'BYUNG BA NI ZAG MED KYI DBANG DU BYAS PA STE, SA DGU'I LAM NI PHAN TSUN DU, ,ZHES PA'I DON NO, ,YANG DE ZAG BCAS KYI DBANG DU BYAS NA SKYES BU BYED PA DANG, BDAG 'BRAS GNYIS MA GTOGS GZHAN GSUM MI 'BYUNG NGO, ,SLOB PA'I LAS KYIS SLOB PA'I CHOS BSKYED NA RNAM SMIN DANG BRAL 'BRAS MA GTOGS PA'I GSUM 'BYUNG LA, SLOB PAS MI SLOB PA BSKYED NA YANG DE DANG MTSUNGS SO, SLOB PAS SLOB MI SLOB GANG RUNG MA YIN PA'I CHOS BSKYED NA YANG GSUM 'BYUNG STE, RNAM SMIN DANG RGYU MTHUN MI SRID PA'I PHYIR, MI SLOB PA'I LAS KYIS SLOB PA'I CHOS BSKYED NA BDAG 'BRAS KHO NA TE, MI SLOB PA LAS NYAMS PA'I TSE NA YANG NYON MONGS PAS BAR DU CHOD PA LAS MI SLOB PA'I MJUG THOGS DE MA THAG TU SLOB PA MI 'BYUNG BAS SKYES BU BYED 'BRAS KYANG MI 'BYUNG LA, 'GA' ZHIG SKYES BU BYED 'BRAS BAR CHOD PA LAS @36A *, ,KYANG SKYE BAR 'DOD PA LTAR NA NI 'BRAS BU GNYIS YIN NO, ,MI SLOB PAS MI SLOB PA'I CHOS BSKYED NA RNAM SMIN DANG BRAL 'BRAS MA GTOGS PA'I 'BRAS BU GSUM MO, ,MI SLOB PAS SLOB MI SLOB GANG YANG MA YIN PA'I CHOS BSKYED NA SKYES BU BYED PA DANG BDAG 'BRAS GNYIS KHO NA'O, ,SLOB MI SLOB GANG YANG MA YIN PA'I LAS KYIS SLOB PA'AM MI SLOB PA GANG RUNG BSKYED NA YANG SKYES BDAG GNYIS KHO NA'O, ,SLOB MI SLOB GANG YANG MA YIN PA'I LAS KYIS 'BRAS BU YANG SLOB MI SLOB GANG YANG MA YIN PA'I CHOS BSKYED PA LA NI 'BRAS BU LNGA PO THAMS CAD SRID DO, ,MTHONG SPANG DU GYUR PA'I LAS KYIS 'BRAS BU MTHONG SPANG BSKYED NA RNAM SMIN DANG BRAL 'BRAS MA GTOGS PA'I GSUM DANG, SGOM SPANG BSKYED NA BRAL 'BRAS MA GTOGS PA'I BZHI DANG, SPANG BYA MA YIN PA BSKYED NA BDAG 'BRAS KHO NA'O, ,SGOM SPANG DU GYUR PA'I LAS KYIS 'BRAS BU MTHONG SPANG BSKYED NA SKYES BDAG GNYIS DANG, SGOM SPANG BSKYED NA BRAL 'BRAS MA GTOGS PA'I BZHI DANG, SPANG BYA MA YIN PA BSKYED NA RNAM SMIN DANG RGYU MTHUN MA GTOGS PA'I GSUM MO, ,SPANG BYA MA YIN PA'I LAS KYIS 'BRAS BU MTHONG SPANG BSKYED NA NI BDAG 'BRAS KHO NA DANG, SGOM SPANG BSKYED NA SKYES BDAG GNYIS KHO NA DANG, SPANG BYA MA YIN PA BSKYED NA RNAM SMIN MA GTOGS PA'I BZHI SRID DO, ,GONG DU SMOS PA DE DAG RE RE BZHIN GYI MTSAN GZHI 'GOD DU YOD MOD KYANG MANG BAS 'JIGS PAS MA BKOD LA, BLO GROS CAN RNAMS KYIS ZHIB TU BSAM NA SHES SO,, ` RIGS MIN BSKYED PA NYON MONGS CAN, ,ZHES SOGS KYI SKABS SU, RIGS PA MA YIN PAS BSKYED PA'I LAS DANG, RIGS PAS BSKYED PA'I LAS DANG, GNYIS KAS BSKYED PA MA YIN PA'I LAS GSUM GSUNGS PA'I, DANG PO NI, MI DGE BA DANG, BSGRIBS LA LUNG MA BSTAN GYI LAS RNAMS DANG, GNYIS PA NI, DGE BA'I LAS RNAMS DANG, GSUM PA NI, DE DAG LAS GZHAN PA'I LAS RNAMS SO,, ` GCIG GIS SKYE BA GCIG 'PHEN TO, ,ZHES PA'I 'JOG TSUL NI SNGAR YANG BSHAD ZIN LA, GZHAN YANG MDO LAS, RANG SANGS RGYAS LA BSOD SNYOMS GCIG PHUL BA'I RNAM SMIN LAN BDUN GYI BAR DU SUM @36B CU RTZA GSUM PA'I LHA DANG, LAN BDUN GYI BAR DU 'KHOR LOS BSGYUR RGYAL DU SKYES PAR GSUNGS PA LA, BYE BRAG SMRA BAS DE'I DON, BSOD SNYOMS GCIG PHUL BA'I BSOD NAMS DES BDE 'GRO'I 'BYOR BA RNYED NAS SKYE BA DRAN TE YANG BSOD NAMS BYAS PAS DE DANG DE DAG TU SKYES PA LA BSOD SNYOMS GCIG PO DES BSKYED DO ZHES BSHAD DE GCIG PO DE LA BRTEN NAS ZHES BYA BA'I DON NAM, YANG NA, BSOD SNYOMS GCIG PHUL BA LA BRTEN NAS DGA' BA DANG YID RANG BA LA SOGS PA SEMS PA'I LAS DU MA YOD PAS DE DANG DE DAG GI 'BRAS BU YIN NO, ,ZHES KYANG 'DOD DE,, ` YONGS RDZOGS BYED PA DU MA YIN, ,ZHES PA NI, 'PHEN BYED KYI LAS GCIG GIS 'PHANGS PA'I SKYE BA DE'I KHYAD PAR GYI CHOS YONGS SU RDZOGS PAR BYED PA'I LAS LA NI DGE MI DGE DU MA YOD DE, BDE 'GROR SKYES SHING GZUGS BZANG BA DANG, DBANG PO TSANG BA DANG, LONGS SPYOD CHE BA SOGS NI DGE BAS RDZOGS PA YIN LA, GZUGS NGAN PA DANG, DBANG PO MA TSANG BA DANG, LONGS SPYOD DBUL BA SOGS NI MI DGE BAS RDZOGS PA STE, DE NI NGAN 'GRO BA LA YANG MTSUNGS SO, ,DES NI 'PHEN BYED DGE BAS BYAS LA RDZOGS BYED MI DGE BAS BYAS PA DANG, 'PHEN BYED MI DGE BAS BYAS LA RDZOGS BYED DGE BAS BYAS PA DANG, GNYIS KA DGE BAS BYAS PA DANG, GNYIS KA MI DGE BAS BYAS PA'I MU BZHI STE, DE DAG GI MTSAN GZHI NI GRAGS CHE ZHING SHES SLA BAS MA BRIS SO, ,SEMS MED PA'I SNYOMS 'JUG GNYIS KYIS KYANG SKYE BA MI 'PHEN TE SEMS MED PAS LAS STOBS CHUNG BA'I PHYIR, DES NA 'DU SHES MED PA'I SNYOMS 'JUG GI RNAM SMIN LHA TSE RING PO DANG, 'GOG SNYOMS KYI RNAM SMIN SRID RTZE BA YIN NO ZHES BYA BA'ANG RDZOGS BYED KYI DBANG DU BYAS KYI, 'PHEN BYED NI BSAM GTAN BZHI PA DANG SRID RTZE'I SNYOMS 'JUG YIN NO, ,DGE MI DGE'I THOB BA YANG LAS DANG LHAN CIG TU 'BYUNG BA NI 'PHEN BYED MA YIN TE, STOBS CHUNG BA'I PHYIR, 'ON KYANG RDZOGS BYED NI YIN NO, ,ZHES BYE BRAG SMRA BA 'DOD DO,, ` MTSAMS MED PA YI LAS RNAMS DANG, ,ZHES SOGS KYI SKABS SU, MDO LAS, LAS KYI SGRIB PA DANG, NYON MONGS PA'I SGRIBS PA DANG, RNAM SMIN GYI SGRIB PA ZHES PA GSUM GSUNGS @37A *, ,PA'I DNGOS BSTAN GYI LAS KYI SGRIB PA NI MTSAMS MED LNGA PO GANG RUNG DANG, NYON MONGS PA SHAS CHEN PO NI GNYEN POS SPONG DKA' BA'I PHYIR DNGOS BSTAN GYI NYON MONGS PA'I SGRIB PA DANG, NGAN SONG GSUM DANG, 'DU SHES MED PA'I SEMS CAN DANG, SGRA MI SNYAN PA RNAMS NI DNGOS BSTAN GYI RNAM SMIN GYI SGRIB PA SHAS CHEN PO DANG LDAN PA'O, ,DE DAG KYANG SKABS 'DI'I DNGOS BSTAN NAM GTZO CHE BA'I DBANG DU BYAS PA YIN GYI, GZHAN DU NA LAS KYI SGRIB PA LA MTSAMS MED KYI LAS KYIS MA KHYAB CING, LHAG MA GNYIS LA YANG MTSUNGS TE SHES SLA'O, , MTSAMS MED KYI LAS DE YANG GLING GSUM GANG RUNG GI MI'I RTEN LA GSAR DU GSOGS PA YIN GYI BYANG GI SGRA MI SNYAN PA DANG 'GRO BA GZHAN GYI RTEN LA GSOGS PA MED DE, NGAN 'GRO BA DAG LA PHA GSOD PA SOGS YOD KYANG MTSAMS MED DU MI 'GYUR TE SDIG PA'I BSAM PA MI BRTAN PA'I PHYIR, GLING GSUM GYI NANG DU YANG SKYES PA DANG BUD MED KYI RTEN LA MA GTOGS ZA MA DANG, MA NING SOGS KYI RTEN LA MI 'BYUNG STE, DE DAG KYANG SDIG BA'I BSAM PA MI BRTAN PA MA ZAD SDOM PA SDOM MIN GANG GI YANG RTEN DU MI RUNG BA'I PHYIR DANG, DE DAG GI PHA MA RNAMS KYIS BYIS PA DBANG PO MTSANG BAR BSKYED PAS PHAN PA CHUNG BA DANG, DE DAG KYANG PHA MA LA NGO TSA KHREL YOD SHAS CHUNG BA'I PHYIR RO, ,SKABS 'DIR DBANG PO MA TSANG BAR BSKYED PA ZHES PA NI, MIG SOGS DBANG PO MA TSANG BA LA BYED PA MIN TE SDOM PA SOGS SKYE BA'I SKAL BA CAN GYI DBANG PO MA TSANG BA LA BYED PA YIN NO,, ` LHAG MA 'GRO BA LNGA DAG NA, ,ZHES PA NI SGRIB PA GSUM LAS, LAS KYI SGRIB PA'I LHAG MA NYON MONGS PA'I SGRIB PA DANG, RNAM SMIN GYI SGRIB PA GNYIS NI 'GRO BA LNGA CHAR NA CI RIGS PAR YOD PA'I DON NO, ,YANG MTSAMS MED LNGA PO DE LAS, PHA MA DANG DGRA BCOM PA BSAD PA'I MTSAMS MED GSUM GYI GZHI NI SROG GCOD DANG, DE BZHIN GSHEGS PA'I SKU LA NGAN SEMS KYI KHRAG 'BYIN PA'I GZHI NI SROG GCOD KYI SBYOR BA STE BZHI PO DE NI LUS KYI LAS YIN LA, BZHI PA DGE 'DUN DBYEN GYI MTSAMS MED KYI GZHI NI RDZUN YIN PAS NGAG GI LAS SO,, ` DGE 'DUN DBYEN NI @37B MI 'PHROD PA'I, ,ZHES SOGS KYI SKABS SU, DGE 'DUN GYI DBYEN BYE BRAG TU BSHAD PA STE, DE LA 'KHOR LO'I DBYEN DANG, LAS KYI DBYEN GNYIS LAS, DE YANG SBYOR DGE 'DUN GYI DBYEN ZHES PA NI, DGE 'DUN SDE GNYIS THUGS MI MTHUN PA'I RANG BZHIN DU GYUR PA'I LDAN MIN 'DU BYED KYI DNGOS PO RDZAS SU GRUB PA MA BSGRIBS LUNG MA BSTAN ZHIG TU BYE BRAG SMRA BAS 'DOD LA, DE LTA BU'I DBYEN GYI DNGOS PO DE NI PHYOGS GNYIS KA'I DGE 'DUN RNAMS LA LDAN YANG, DBYEN GYI MTSAMS MED KYI LAS NI 'BYED PA PO LHAS BYIN LTA BU LA MA GTOGS THAMS CAD LA MI LDAN ZHING, LAS DE YANG JI LTA BU ZHE NA, DE NI DGE 'DUN DBYEN GYI RGYU KHA NA MA THO BA'I LAS DGE 'DUN 'BYED PA'I RDZUN TE NGAG GI LAS YIN LA, DE'I RNAM SMIN NI 'BYED PA PO DE BAR GYI BSKAL PA'I BAR MNAR MED DU SDUG BSNGAL RNAM PAR MYONG BAR 'GYUR BA'O, ,'O NA, MTSAMS MED LHAG MA RNAMS BYAS PAS JI LTAR ZHE NA, MTSAMS MED GZHAN DAG GIS NI SPYIR DMYAL BAR SKYE BAR NGES KYANG MNAR MED KHO NAR SKYE BAR NI MA NGES SO, ,GAL TE TSE GCIG LA MTSAMS MED GNYIS LA SOGS PA BYAS PAS DMYAL BAR LAN GCIG KHO NA LAS MI SKYE NA LAS CHE CHUNG LA RNAM SMIN KHYAD PAR MED PAR 'GYUR LA, LAN GNYIS LA SOGS PAR SKYES NA NI MTSAMS MED DANG SKYES NAS MYONG 'GYUR KHO NA MA YIN PAR 'GYUR RO, ,ZHE NA, BYE BRAG SMRA BAS DE'I SKYON MED DE, MTSAMS MED GNYIS GSUM LA SOGS PA LHAG PAR BYAS PAS NI MNAR MED SOGS GANG DU SKYES BA DER LUS NYIS 'GYUR LA SOGS PAS CHE BA DANG, GZHON SHA CAN DU 'GYUR ZHING, SDUG BSNGAL YANG NYIS 'GYUR SOGS LHAG PAR MYONG BAS SKYON GNYIS KA LAS GROL LA, DE DAG KYANG SNGA MA NI 'PHEN BYED DANG PHYI MA RNAMS RDZOGS BYED YIN ZHES ZER RO, ,MDO SDE PA LA SOGS PAS NI MTSAMS MED MANG PO BYAS PAS DMYAL BAR YANG DANG YANG DU SKYE YANG LAS BYED PA'I LUS DE DANG DMYAL BA'I BAR DU SKYE BA GZHAN GYIS MA CHOD PAS MTSAMS MED MA YIN PA'I SKYON MED CING, MTSAMS MED LA SKYES GNAS MYONG 'GYUR YIN DGOS PA'I NGES PA YANG MED DO, ,ZHES 'DOD DO,, ` DGE SLONG LTA SPYAD TSUL LDAN PAS, ,ZHES SOGS KYI SKABS SU, @38A *, ,DGE 'DUN 'KHOR LO'I DBYEN GYI KHYAD PAR BYE BRAG TU BSHAD PA STE, DE LA DBYEN 'BYED PA PO'I GANG ZAG JI LTA BU ZHIG DGOS ZHE NA, DGE SLONG YIN PA DANG, LTA BA SPYAD PA DANG, TSUL KHRIMS DANG LDAN PA ZHIG DGOS KYI, KHYIM PA DANG, SRED PA SPYAD PA DANG, TSUL KHRIMS 'CHAL PAS NI MA YIN TE, DE DAG LA DGE 'DUN RNAMS YID MI CHES PAS TSIG BTZUN PAR MI 'DZIN PA'I PHYIR DANG, SANGS RGYAS LA 'GRAN PA YIN PA'I PHYIR RO, ,GNAS GANG DU ZHE NA, SANGS RGYAS BZHUGS PA'I GNAS DE LAS GZHAN DU YIN GYI STON BA'I MNGON SUM DU NI MA YIN TE, SANGS RGYAS KYI GZI BRJID MI BZOD PA'I PHYIR RO, ,GANG 'BYED CE NA, BYIS PA SO SO SKYO BO'I DGE 'DUN RNAMS CHOS MIN PHYOGS SU 'BYED PA YIN GYI 'PHAGS PA RNAMS CHOS MIN PHYOGS SU 'BYED MI NUS TE, CHOS MNGON SUM DU GYUR CING, SANGS RGYAS LA SHES NAS DAD PA THOB PA'I PHYIR RO, ,BYE BA'I TSAD NI, SANGS RGYAS LAS STON PA GZHAN DANG, SANGS RGYAS KYIS BCAS PA'I LAM LAS GZHAN PA'I LHA SBYIN GYIS BSLAB TSIGS LNGA BCAS PA SOGS LA BZOD CING DANG DU LEN PA DE'I TSE DGE 'DUN BYE BA'O, ,DUS JI SRID DU GNAS ZHE NA, BYE BA DE NI ZHAG GCIG LAS RING DU MI GNAS PA CHOS NYID YIN TE, MYUR DU MCHOG ZUNG GCIG GIS 'DUMS PAR MDZAD PA'I PHYIR RO, ,DE 'DRA BA'I DGE 'DUN GYI DBYEN DE LA NI CHOS KYI 'KHOR LO'I DBYEN ZHES BYA STE, DGE 'DUN BYE NAS MA 'DUMS PA DE SRID DU SU'I RGYUD LA YANG MTHONG LAM GSAR DU MI SKYE BA'I PHYIR, 'KHOR LO'I DBYEN DE YANG SANGS RGYAS BZHUGS PA'I DZAM BU'I GLING NA YOD KYI, GZHAN NA MED DE, GLING GZHAN NA 'GRAN ZLA'I STON PA MED PA'I PHYIR, GANG ZAG NI DGE SLONG DGU YAN CHAD KYIS 'GRUB KYI DE LAS NYUNG BAS NI MA YIN TE, SANGS RGYAS DANG 'BYED PA PO'I PHYOGS SU DGE SLONG BZHI BZHI STE DGE 'DUN SDE GNYIS DANG, DE'I STENG DU 'BYED PA PO GCIG NGES PAR DGOS PA'I PHYIR, ` LAS KYI DBYEN NI GLING GSUM NA, ,ZHES SOGS KYIS LAS KYI DBYEN ZHES PA NI SGRA MI SNYAN MA GTOGS PA'I GLING GSUM NA YOD DE, DE DAG TU BSTAN PA YOD PA'I PHYIR DANG, DE NI MTSAMS NANG GCIG TU DGE SLONG BRGYAD YAN CHAD KYIS GSO SBYONG LA SOGS PA'I LAS BLO MI MTHUN @38B PAR BYED PAS 'GRUB KYI, 'BYED PA PO LOGS SU MI DGOS PA'I PHYIR DANG, SANGS RGYAS BZHUGS PA YANG MI DGOS PA'I PHYIR,, ` DANG PO MTHA' SKYON ZUNG GCIG GIS, ,ZHES SOGS KYI SKABS SU, GZHAN YANG 'KHOR LO'I DBYEN NI, STON PA DANG PO SANGS RGYAS NAS RING POR MA LON PA'I TSE NA YANG MI 'BYUNG STE, THAMS CAD RAB TU DGA' BAR BLO MTHUN PA'I PHYIR DANG, SKU TSE'I MTHA' MA YONGS SU MYA NGAN LAS 'DA' BA'I TSE NA YANG MI 'BYUNG STE, THAMS CAD SEMS SKYO SHAS CHE BAR BLO MTHUN PA'I PHYIR, BAR DU YANG BSTAN PA LA LTA BA DANG TSUL KHRIMS KYI SKYON MA BYUNG GI BAR DU YANG MI 'BYUNG STE, BSTAN PA SKYON MED YIN PA'I PHYIR, MCHOG ZUNG GCIG MA BYUNG BA'I SNGA ROL TU YANG MI 'BYUNG STE, BYE BA YUN RING DU MI GNAS PAR MCHOG ZUNG GCIG GIS 'DUMS PAR MDZAD DGOS PA'I PHYIR, THUB PA NONGS PA STE MYA NGAN LAS 'DAS RJES SU YANG MI 'BYUNG STE, GANG LA 'GRAN PA'I SANGS RGYAS MI BZHUGS PA'I PHYIR, MTSAMS CHE CHUNG GANG RUNG MA BCAD PAR YANG MI 'BYUNG STE, MTSAMS GCIG TU DGE 'DUN BYE BA NI DBYEN DU 'JOG DGOS KYI DE LAS GZHAN DU MA YIN PA'I PHYIR, DES NA 'KHOR LO'I DBYEN NI DUS DRUG PO DE DAG TU MI 'BYUNG NGO, ,DBYEN 'DI YANG NYAN THOS SDE PA DAG SANGS RGYAS THAMS CAD LA MI 'BYUNG STE, SANGS RGYAS SH'A-KYA THUB PA NI SNGON BYANG CHUB SEMS DPAR GYUR PA NA DRANG SRONG MNGON SHES LNGA LDAN ZHIG GI 'KHOR PHYE BAS DE'I RNAM SMIN PHYI MA YIN PAR 'CHAD LA, THEG PA GONG MA PA RNAMS NI TSUL DE DGONGS PA CAN DU 'DOD DO, ,DE NI GONG DU BSHAD PA DE DAG LA RIM PA BZHIN DOGS PA DPYAD PAR BYA BA 'DI DAG YOD DE, RTZA BAR, MTSAMS MED GLING GSUM DAG NA YOD, ,CES GSUNGS PA'I 'GREL PA RNAMS SU, MTSAMS MED LNGA NI GLING GSUM DAG NA YOD DO, ,ZHES GSUNGS PA'I GZHUNG CHEN PO'I SPAM BSHAD LA 'KHRUL NAS, SGRA MI SNYAN MA GTOGS PA'I GLING GSUM CHAR DU MTSAMS MED LNGA KA 'BYUNG BA YOD PA'O SNYAM NA, DE NI MA YIN TE, DZAM BU GLING DU LNGA CHAR 'BYUNG YANG, GLING GZHAN GNYIS SU LNGA CHAR MI 'BYUNG BA'I PHYIR TE, DE GNYIS SU DE BZHIN GSHEGS PA'I SKU LA NGAN SEMS KYI KHRAG 'BYIN PA'I MTSAMS MED MI @39A *, ,'BYUNG BA'I PHYIR, DER THAL, LUGS 'DIR GLING GZHAN RNAMS SU SANGS RGYAS MI BZHUGS PAR 'DOD PA GANG ZHIG ,DE MA BZHUGS NA SANGS RGYAS KYI SKU LA NGAN SEMS KYI KHRAG 'BYIN PA YANG MI SRID PA'I PHYIR, GZHAN YANG, 'KHOR LO'I DBYEN GYI MTSAMS MED DANG, DGE 'DUN DBYEN GYI MTSAMS MED GNYIS DON GCIG MI GCIG GI DOGS DPYOD NI DA LTA 'OG TU 'CHAD PAR BYA BAS, DE GNYIS DON GCIG TU 'DOD NA NI GLING GZHAN GNYIS SU DGE 'DUN DBYEN GYI MTSAMS MED MI 'BYUNG BA YANG BRJOD MA DGOS LA, GAL TE DON MI GCIG PAR 'DOD NA YANG, RTZA BAR, LAS KYI DBYEN NI GLING GSUM NA, ,ZHES LAS KYI DBYEN GLING GSUM DU 'BYUNG BAR DMIGS KYIS BKAR NAS GSUNGS PAS NA, DBYEN GYI MTSAMS MED GLING GZHAN GNYIS SU MI 'BYUNG BA SHUGS LA BSTAN PAR NGES SO, ,MTSAMS MED PHYI MA GNYIS LAS GZHAN PHA MA DANG, DGRA BCOM PA BSAD PA'I MTSAMS MED GSUM NI GLING GZHAN GNYIS SU YANG 'BYUNG LA, DES NA 'GREL PA RNAMS SU MTSAMS MED LNGA GLING GSUM DU YOD PAR GSUNGS PA YANG LNGA PO CI RIGS SU YOD PAR GSUNGS PA'I DON DU SHES PAR BYA'O,, ` YANG, 'KHOR LO'I DBYEN GYI MTSAMS MED DANG, ,DGE 'DUN DBYEN GYI MTSAMS MED GNYIS DON GCIG GAM MI GCIG ,NYAN THOS SDE PA RNAMS KYIS 'KHOR LO'I DBYEN SH'A-KYA THUB PA'I BSTAN PA LA MA GTOGS GZHAN LA MI 'BYUNG BAR 'DOD PA DON LA GNAS SAM MI GNAS, GAL TE DE GNYIS DON GCIG PA DANG, DE YANG SH'A-KYA THUB PA'I BSTAN PA LA MA GTOGS MI 'BYUNG BAR 'DOD NA NI, DGE 'DUN DBYEN GYI MTSAMS MED DE LHAS BYIN GCIG PUS BSAGS PA LAS GZHAN GYIS BSAGS PA MED PAR THAL, 'DOD NA, RTZA BAR, RDZAM BU'I GLING NA'O DGU SOGS KYIS, ,ZHES DANG, 'GREL PA MNGON PA'I RGYAN SOGS KYI 'KHOR LO'I DBYEN 'CHAD PA'I SKABS SU, GANG ZAG NI DGE SLONG DGU LA SOGS PA YAN CHAD KYIS DBYEN 'GRUB STE, ZHES DANG, 'DI NYUNG MTHA' BZUNG BA YIN GYI MANG BA LA NGES PA MED DO, ,ZHES GSUNGS PA GANG ZHIG ,DE LHAS BYIN GCIG PU LAS GZHAN LA MI 'BYUNG NA, GANG ZAG GIS GRANGS KYANG LHAS BYIN GYIS DBYEN BYAS PA'I SKABS KYI DGE SLONG GRANGS MANG NYUNG JI TZAM YOD PA DE GA NGES @39B BZUNG DU BYAS CHOG PA LAS DGU YAN CHAD NGES MED DU BSHAD PA LA DON MED PA'I PHYIR, DER THAL, GRANGS MANG NYUNG NGES MED DU 'BYUNG NA LAN GCIG LAS MI 'BYUNG BAR 'DOD PA MI 'THAD PA'I PHYIR, GZHAN YANG, DE GNYIS DON GCIG TU 'DOD NA, 'DUL BA'I GZHUNG RNAMS SU STON PA MYA NGAN LAS 'DAS NAS 'KHOR LO'I DBYEN MI 'BYUNG YANG, DBYEN GYI MTSAMS MED 'BYUNG MI 'BYUNG DPYAD PA'I GZHIR GSUNGS PA SOGS DANG YANG 'GAL BA'I PHYIR DANG, DBYEN GYI MTSAMS MED RGYUD LNGAN GYI DGE SLONG PHA MTSAN GYUR PA'I DGE SLONG MA YOD PAR GSUNGS PA YANG MI 'THAD PAR 'GYUR TE, 'KHOR LO'I DBYEN 'BYED PA PO'I DGE SLONG LHAS BYEN MTSAN GYUR PA'I LO RGYUS MED PA'I PHYIR, ` YANG, GAL TE DE GNYIS DON MI GCIG CING, 'KHOR LO'I DBYEN BSTAN PA GZHAN LA MI 'BYUNG YANG, DBYEN GYI MTSAMS MED NI BSTAN PA GZHAN DANG DUS GZHAN DU YANG 'BYUNG NGO, ,ZER NA, 'O NA, RTZA 'GREL 'DI DAG TU 'KHOR LO'I DBYEN KYI MTSAMS MED DANG, DE LAS GZHAN PA'I DGE 'DUN DBYEN GYI MTSAMS MED DANG, LAS KYI DBYEN DANG, ZHES BA'I RNAM GRANGS MI 'DRA BA GSUM 'BYUNG RIGS BA LA, 'KHOR LO'I DBYEN DANG, LAS KYI DBYEN GNYIS LAS MA GSUNGS PA MA ZAD, 'GREL PA MNGON BA'I RGYAN DU, CHOS KYI 'KHOR LO'I DBYEN BSHAD PA'I MTSAMS SU, DE NI MTSAMS MED YIN NO, ,DBYEN GZHAN NI MTSAMS MED MA YIN NO, ,ZHES 'KHOR LO'I DBYEN LAS GZHAN PA'I DBYEN GZHAN LA MTSAMS MED MI 'BYUNG BAR GSUNGS PA DANG, MKHAS PA'I DBANG PO GZHAN GYI YIG CHAR YANG, DGE 'DUN 'KHOR LO'I DBYEN DANG, DE BZHIN GSHEGS PA'I SKU LA NGAN SEMS KYIS KHRAG PHYUNG BA GNYIS MTSAMS MED DU 'GYUR TSUL YOD DE, ZHES 'KHOR LO'I DBYEN MA GTOGS PA'I DBYEN GZHAN MTSAMS MED DU 'GYUR TSUL MA GSUNGS PA'I PHYIR DANG, BSTAN PA 'DI'I DBANG DU BYAS NA YANG, LHAS BYIN GYIS 'KHOR LO'I DBYEN BYAS PA DE LAS GZHAN DU DBYEN GYI MTSAMS MED 'BYUNG TSUL ZHIG KYANG MA BYUNG BA'I PHYIR, DE DAG LA 'GAL MED KYI LAN JI LTAR 'DEBS ZHE NA, 'DI SKOR LA MDZOD KYI YIG CHA RNAMS SU DOGS DPYOD MDZAD PA CHER MI SNANG ZHING, 'DUL GZHUNG RNAMS SU DOGS GCOD KHA SHAS MDZAD 'DUG KYANG MTHA' GCIG TU KHA MTSAMS CHOD PA RANG MA MDZAD 'DUG BA, DE DAG GI @40A *, ,DGONGS DON LA RIGS PAS LEGS PAR BRTAGS NAS SMRA NA, 'KHOR LO'I DBYEN SH'A-KYA THUB PA'I BSTAN PA LA MA GTOGS MI 'BYUNG BAR 'DOD BA NI NYAN THOS SDE PA GZHAN DAG 'GA' ZHIG GI 'DOD TSUL LAS, KHA CHE BYE BRAG SMRA BA'I RANG LUGS NI MA YIN PAR MNGON TO, ,DE'I LUGS LA, MDZOD RTZA BAR, DZAM BU'I GLING NA'O DGU SOGS KYIS, ,ZHES 'KHOR LO'I DBYEN 'BYUNG BA LA GANG ZAG DGE SLONG DGU YAN CHAD NGES PA MED PAR GSUNGS PA NYID KYIS BSTAN PA GZHAN DANG, DUS BSKAL PA GZHAN DAG LA 'BYUNG BA SHES NUS PA'I PHYIR, DE'I DBANG DU BYAS NA 'KHOR LO'I DBYEN GYI MTSAMS MED DANG, DGE 'DUN DBYEN GYI MTSAMS MED GNYIS DON GCIG TU 'DOD CHOG PA 'DRA STE, 'KHOR LO'I DBYEN 'BYUNG TSUL DE LAS GZHAN PA'I DGE 'DUN DBYEN GYI MTSAMS MED 'BYUNG TSUL ZHIG MA BSHAD PA'I PHYIR, BYAS PA LA KHO NA RE, 'O NA, DGE 'DUN DBYEN GYI MTSAMS MED BYAS PA'I GANG ZAG LHAS BYIN GCIG PUR NGES PAR THAL, BSTAN PA 'DI LA 'KHOR LO'I DBYEN BYED PA'I GANG ZAG LHAS BYIN KHO NAR NGES PA GANG ZHIG ,'KHOR LO'I DBYEN GYI MTSAMS MED DANG DGE 'DUN DBYEN GYI MTSAMS MED GNYIS DON GCIG YIN PA'I PHYIR, ZER NA, MA KHYAB STE, BSTAN PA 'DI LA DE LAS MA BYUNG YANG BSTAN PA GZHAN DANG DUS GZHAN LA 'BYUNG BA GONG DU GRUB ZIN PA'I PHYIR, 'O NA, KHO RANG LA, DE BZHIN GSHEGS BA'I SKU LA NGAN SEMS KYIS KHRAG 'BYIN PA'I MTSAMS MED BYED PA'I GANG ZAG LA YANG LHAS BYIN SDER GTOGS DANG BCAS PAS KHYAB PAR THAL, BSTAN PA 'DI LA DE LTAR KHYAB PA'I PHYIR, 'KHOR GSUM, 'DOD MI NUS TE, THOG MA MED PA NAS MI DGE BCU DANG MTSAMS MED LNGA BYAS SHING BSAGS BA'I GANG ZAG BSAM GYIS MI KHYAB PA'I PHYIR, MA GRUB NA SLA'O, ,YANG KHO NA RE, 'O NA, DGE 'DUN DBYEN GYI MTSAMS MED RGYUD LDAN GYI DGE SLONG PHA MTSAN GYUR PA'I DGE SLONG MA YOD PAR GSUNGS PA MI 'THAD PAR THAL, 'KHOR LO'I DBYEN GYI MTSAMS MED BYED PA'I DGE SLONG PHA MTSAN GYUR BA MED PA'I PHYIR, ZER NA, RTAGS MA GRUB STE, DE YANG BSTAN PA 'DI LA MED KYANG GZHAN DU DE LTAR BYUNG BA'I SRID MTHA' SU ZHIG GIS 'GOG PAR NUS TE, SEMS CAN GYI LAS BSAM GYIS MI KHYAB PA'I PHYIR, @40B YANG, KHO NA RI, 'O NA 'DUL GZHUNG RNAMS SU 'KHOR LO'I DBYEN STON PA MYA NGAN LAS 'DAS RDZES SU MI 'BYUNG YANG, DBYEN GYI MTSAMS MED 'BYUNG MI 'BYUNG DPYAD DGOS PAR GSUNGS PA MI 'THAD PAR THAL, DE GNYIS DON GCIG NA DPYAD MI DGOS PA'I PHYIR, ZER NA, DE NI NYAN THOS SDE PA 'GA' ZHIG GIS 'KHOR LO'I DBYEN SH'A-KYA THUB PA'I BSTAN PA LA MA GTOGS MI 'BYUNG BAR 'DOD PA LTAR NA, DE GNYIS DON GCIG TU 'DOD MI RIGS LA, DE LTAR NA 'KHOR LO'I DBYEN GYI MTSAMS MED LAS LOGS SU DGE 'DUN DBYEN GYI MTSAMS MED ZHIG KYANG 'JOG DGOS SHING, DE 'JOG NA STON PA MYA NGAN LAS 'DAS RJES SU 'BYUNG MI 'BYUNG YANG DPYAD DGOS PAR DGONGS NAS DE LTAR GSUNGS PA'O, ,DES NA TSUL 'DI LTAR DU KHAS BLANGS NA MDZOD RTZA 'GREL DANG, 'DUL GZHUNG RNAMS KYI DGONGS PA DANG MTHUN PAR DON LA GNAS SAM SNYAM STE, DA DUNG RNAM DPYOD CAN MCHIS NA DPYAD PAR MDZOD CIG ,DES NA GRUB MTHA' 'DI DAG TU DGE 'DUN DBYEN GYI MTSAMS MED ZHES PA'I 'JOG TSUL DNGOS DE LTAR YIN MOD, 'ON KYANG DGE 'DUN ZHES PA NI SO SO SKYE BO YIN KYANG YUL SHIN TU GNYAN PA DANG, DE YANG JI TZAM MANG BA BZHIN PHAN GNOD BYAS PA'I 'BRAS BU YANG DE TZAM DU CHE BAR 'GYUR PA ZHIG YIN NA, DENG SANG GI DUS SU YANG BSAM PA MA RUNG PAS KUN NAS BSLANGS TE DGE 'DUN NANG PHAN TSUN THUGS MI MTHUN PAR BYED PA DANG, CHOS DANG CHOS MIN GYI RNAM DBYE GANG YANG MI SHES RUNG RANG PHYOGS DANG GZHAN PHYOGS ZHES PA'I 'DOD 'KHYER TZAM GYIS DBYEN DANG RTZOD PA JE 'PHEL DU GTONG BA RNAMS LA NI 'KHOR LO'I DBYEN GYI MTSAN NYID THAMS CAD MA TSANG RUNG, SDIG PA'I PHUNG PO DE DANG CHA 'DRA BAR BSAGS PAS RNAM SMIN MNAR MED KYI SDUG BSNGAL MYONG DGOS PA GDON MI ZA BAR SNANG BAS SHIN TU BAG YOD PAR BYA BAR RIGS SHING, LHAG BAR GRUB MTHA' GONG MA'I 'DOD TSUL LA DPAGS NA, DENG SANG GI DUS SU MTSAMS MED PHYI MA GNYIS DNGOS GNAS LA BYUNG PA DANG, 'BYUNG BAR NYE BA DU MA ZHIG YOD PA LUNG RIGS KYIS SGRUB TU YOD KYANG 'DIR SKABS SU MA BABS SHING MANG BAR 'GYUR BAS MA SPROS SO, ,YANG, KHO NA RE, 'O NA LUGS 'DIR 'KHOR LO'I DBYEN GYI RDZUN MTSAMS MED DU GSUNGS PA @41A *, ,MA ZAD, DGE 'DUN DBYE PHYIR RDZUN SMRA BA, ,KHA NA MA THO RAB CHER 'DOD, ,CES SDIG PA KUN GYI NANG NAS CI SHOS SU GSUNGS MOD KYANG, SANGS RGYAS KYIS BCAS PA MDZAD PA'I TSE DGE 'DUN GYI DBYEN BYED PA PHAM PA LAS YANG BA'I LHAG MA'I SDE TSAN DU BCAS PAR MDZAD PA DE GANG ZHIG YIN ZHE NA, BSTAN PA 'DI LA LHAS BYIN GYIS 'KHOR LO'I DBYEN BYAS PA LA BRTEN NAS DGE 'DUN DBYEN GYI LHAG MA'I BCAS PA MDZAD MOD, 'ON KYANG LHAS BYIN NI BCAS PA MDZAD YUL GYI LAS DANG PO PA YIN PAS DE LA DBYEN GYI MTSAMS MED BYUNG RUNG DBYEN GYI LHAG MA'I LTUNG BA NI MA BYUNG LA, DE TSUN CHAD DU NI BSTAN PA 'DI LA DGE 'DUN LAS KYI DBYEN GZHAN GYI LHAG MA MA GTOGS, DBYEN GYI MTSAMS MED DNGOS KYI LHAG MA NI LUGS 'DIR MA BYUNG BAR 'DOD DGOS MOD, 'ON KYANG BCAS PA MDZAD PA'I TSE DBYEN GYI MTSAMS MED DE YANG DGOS BSGRUB NUS KYI SDOM PA'I GTONG RGYU MA YIN PA'I PHYIR LHAG MA'I SDE TSAN DU BCAS PAR MDZAD NA YANG, RNAM SMIN PHAM PA LAS LCI BAR 'BYUNG BA MI 'GAL TE, DPER NA, BCAS LDAN DGE SLONG ZHIG GIS DE BZHIN GSHEGS PA'I SKU LA NGAN SEMS KYIS KHRAG PHYUNG NA SROG GCOD KYI SBYOR BA MA GTOGS DNGOS GZHI MA BYUNG BAS PHAM PA'I SBYOR SBOM LAS MI BSKYED KYANG, MTSAMS MED DU GYUR BAS NA RNAM SMIN PHAM PA DNGOS LAS KYANG LCI BAR 'GYUR BA BZHIN DANG, GZHAN YANG DE 'DRA BA MANG STE 'DUL GZHUNG RNAMS SU DPYAD NA SHES SO,, YANG; KHO NA RE, DGE 'DUN 'KHOR LO'I DBYEN 'BYED PA PO'I LHAS BYIN DE DGE SLONG YIN PAR THAL, DGE SLONG LTA SPYAD TSUL LDAN PAS, ,ZHES GSUNGS PA'I PHYIR, 'DOD NA, DE CHOS CAN, NANG PA SANGS RGYAS PA YIN PAR THAL, 'DOD NA, DE SANGS RGYAS LA STON PAR 'DZIN PA'I GANG ZAG YIN PAR THAL, SANGS RGYAS LA SKYABS SU SONG BA'I GANG ZAG YIN PA'I PHYIR TE, NANG PA SANGS RGYAS PA YIN PA'I PHYIR, 'DOD NA, MA YIN PAR THAL, SANGS RGYAS LA STON PAR MI 'DZIN PA'I PHYIR, DER THAL, RANG NYID STON PAR KHAS BLANGS SHING RANG GI RJES SU 'JUG PA RNAMS KYANG SANGS RGYAS LA STON PAR 'DZIN PA LAS PHYIR PHYOGS PAR BYED PA'I PHYIR DANG, SANGS RGYAS LA 'GRAN BDO BA YIN PA'I PHYIR, GZHAN YANG, DE 'DRA'I LHAS BYIN CHOS CAN, DGE SLONG GI SDOM PA RGYUD @41B LDAN YIN PAR THAL, DGE SLONG YIN PA'I PHYIR, 'DOD NA, MA YIN PAR THAL, DGE SLONG GI SDOM PA BTANG BA'I GANG ZAG YIN PA'I PHYIR, DER THAL, DGE RTZA CHAD PA'I GANG ZAG YIN PA'I PHYIR, DER THAL, LUGS 'DIR DGE RTZA CHAD PA'I GANG ZAG DANG, LOG PA NYID DU NGES PA LA MU BZHI GSUNGS PA'I NANG NAS LHAS BYIN DE, DE GNYIS KA YIN PA'I MTSAN GZHIR GSUNGS PA'I PHYIR ZER NA, 'DI DAG LA GRUB MTHA'I RANG LUGS DANG, GO DON GYI 'JOG TSUL, RTZOD PA'I SKABS KYI THA SNYAD SOGS MI 'GAL BA'I LAN DON MTHUN ZHIG THEBS DKA' TZAM MCHIS MOD, 'ON KYANG, 'DI LTAR SMRA STE, SPYIR LHAS BYIN ZHES PA DE LA DANG POR DGE SLONG GI SDOM PA RGYUD LA SKYES MA ZIN PA GCIG DANG, BAR DU DGE SLONG GI SDOM PA RGYUD LDAN GCIG ,MTHAR SDOM PA BTANG ZHING DGE RTZA CHAD PA GCIG STE GSUM YOD PAS NA, LHAS BYIN ZHES PA SPYI TZAM PA DE DE GSUM GANG YANG MA YIN ZHING, DE'I NANG TSAN 'KHOR LO'I DBYE NA 'BYED PA PO'I LHAS BYIN DE NI DGE SLONG YIN LA; DES SNGAR SANGS RGYAS LA STON PAR 'DZIN CING SKYABS SU SONG BA MA ZAD, 'KHOR LO'I DBYEN 'BYED PA'I GNAS SKABS DE'I TSE NA YANG SANGS RGYAS LA 'GRAN BDO BA YIN KYANG, STON PAR 'DZIN PA DANG, SKYABS SU 'GRO BA MA BTANG ZHES SMRA BA LAS MA 'DAS TE, SKYABS SU 'GRO BA BTANG NA NANG PAR MI RUNG BA NANG PA SANGS RGYAS PA SPYI'I CHOS SKAD YIN PA GANG ZHIG ,NANG PA SANGS RGYAS PA MA YIN PA'I DGE SLONG ZHIG NI DE BAS KYANG 'JOG MI RIGS PA'I PHYIR, 'KHOR LO'I DBYEN BYAS ZIN PA'I RJES SU NI SANGS RGYAS DANG CHOS LA LOG PAR LTA ZHING SKYABS SU 'GRO BA YANG BTANG LA, DE LA BRTEN NAS DGE RTZA CHAD PAS DGE SLONG GI SDOM PA BTANG BA YANG BRJOD MA DGOS PA'I PHYIR, DES NA 'KHOR LO'I DBYEN 'BYED PA PO'I LHAS BYIN NI DGE SLONG LHAS BYIN YIN LA, DGE RTZA CHAD PA DANG LOG PA NYID DU NGES PA'I LHAS BYIN NI 'KHOR LO'I DBYEN GYI MTSAMS MED BYAS ZIN CING LOG LTAS DGE RTZA CHAD PA'I LHAS BYIN LA BYED PA YIN PAS RTZOD PA'I TSE LHAS BYIN SPYI TZAM PA DE, DE GNYIS GANG DU YANG KHAS LEN MI RIGS PAS TSIG SKYON MA BCAD PAR GZHUNG CHEN PO'I SPAM BSHAD LTAR KHAS BLANGS NA 'GAL BA 'DU BAR 'GYUR RO, ,BYAS PA LA, KHO NA RE, DGE 'DUN DBYEN GYI MTSAMS MED BYAS SHING DGE RTZA CHAD PA'I LHAS BYIN CHOS CAN, KHYOD @42A *, ,'KHOR LO'I DBYEN 'BYED PA'I GANG ZAG MA YIN PAR THAL, DGE SLONG MA YIN PA'I PHYIR, 'DOD NA, KHYOD KYIS DGE 'DUN 'KHOR LO'I DBYEN GYI MTSAMS MED MA BYAS PAR THAL, DGE 'DUN 'KHOR LO'I DBYEN MA 'BYED PA'I PHYIR NA MA KHYAB, BYAS PA LA, 'O NA, DE 'DRA'I LHAS BYIN CHOS CAN; KHYOD KYIS DGE 'DUN 'KHOR LO'I DBYEN MA 'BYED PAR DE'I MTSAMS MED KYI LAS BYUNG BAR THAL, DES 'KHOR LO'I DBYEN MA 'BYED PA GANG ZHIG ,DE LA MTSAMS MED KYI LAS BYUNG BA'I PHYIR NA YANG MA KHYAB TE, 'BYED PA DANG BYAS PA LA DUS KYI KHYAD PAR YOD PA'I PHYIR, 'O NA; KHO RANG LA, DGE RTZA CHAD PA'I LHAS SBYIN CHOS CAN, KHYOD KYIS 'KHOR LO'I DBYEN 'BYED PAR THAL, 'KHOR LO'I DBYEN 'BYED PA'I MTSAMS MED KYI LAS BSAGS PA'I PHYIR, 'DOD NA, DE CHOS CAN, KHYOD KYIS 'KHOR LO'I DBYEN 'BYED NUS PAR THAL, 'DOD NA, MI 'THAD PAR THAL, DGE SLONG GI TSUL KHRIMS DANG MI LDAN PA'I GANG ZAG YIN PA'I PHYIR, 'KHOR GSUM, DE LTAR DOGS PA BCAD NAS SLAR YANG DKYUS LA 'JUG PA NI, ` PHAN 'DOGS PA DANG YON TAN ZHING, ,ZHES SOGS KYI SKABS SU, PHA MA GSOD PA SOGS KHO NA MTSAMS MED DU 'GYUR BA'I RGYU MTSAN YOD DE, PHA MA NI RANG GI LUS BSKYED PA'I PHAN 'DOGS PA'I ZHING KHYAD PAR CAN YIN PA DANG, DGRA BCOM PA DANG, DGE 'DUN DANG, SANGS RGYAS NI YON TAN GYI ZHING KHYAD PAR CAN YIN LA, DE DAG BSAM PAS SPANGS SHING SBYOR BAS SROG GNAS PA DANG MTHUN PA MED PAR BYAS PA'I PHYIR RO, ,DER MA ZAD PHA MTSAN GYUR PA'I BUD MED DANG, MA MTSAN GYUR PA'I SKYES PA BSAD NA YANG MTSAMS MED DU 'GYUR LA, YANG BUD MED GZHAN GYI ZLA MTSAN LAS BYUNG BA'I NUR NUR PO GZHAN GYI MNGAL DU BLUGS NAS GZHAN DE'I MNGAL DU BSKYED NA BUD MED DA GNYIS LAS GANG BSAD NA MTSAMS MED DU 'GYUR ZHE NA, GANG GI ZLA MTSAN LAS BYUNG BA DE NYID DE'I MA YIN PAS BUD MED DANG PO DE BSAD NA 'GYUR LA, MNGAL DU 'DZIN PA DE NI MA MA YIN PAS DE TZAM GYI GTZO BO MA YIN KYANG, MA DANG 'DRA BA'I GUS PAR NI BYAR RIGS SO, ,PHA MA LA SBYOR BA BYAS NAS GZHAN BSAD PA DANG, GZHAN LA SBYOR BA BYAS NAS PHA MA BSAD PA YANG MTSAMS MED DU MI 'GYUR TE, MTSAMS @42B MED NI SBYOR BA GANG LA BYAS PA DE NYID LA DNGOS GZHI RDZOGS PA DGOS PA'I PHYIR, YANG, DGRA BCOM PA MA YIN PA'I 'DU SHES KYIS DGRA BCOM PA BSAD NA NI MTSAMS MED DU 'GYUR TE, 'DI BSAD DO SNYAM DU RTEN NGES PAR BZUNG BA'I PHYIR RO, ,GAL TE PHA YANG YIN DGRA BCOM PA YANG YIN PA ZHIG BSAD NA NI DGRA BCOM PA BSAD PA'I MTSAMS MED KYI LAS GCIG MA GTOGS PHA BSAD PA'I MTSAMS MED DANG GNYIS NI MI 'BYUNG STE, RTEN GCIG LAS MED PA'I PHYIR RO, ,DE LA LUNG RNAM 'BYED LAS, KHYOD KYIS MTSAMS MED PA GNYIS BYAS TE, ZHES 'BYUNG BA NI, RGYU GNYIS KYIS MTSAMS MED PA BYAS TE ZHES SGO GNYIS NAS SPYOS PA YIN PA LAS MTSAMS MED NI GCIG LAS MED DO, ,ZHES GSUNGS LA, YIG CHA 'GA' ZHIG LAS NI MTSAMS MED GNYIS 'BYUNG BAR YANG BSHAD DO, ,DE BZHIN GSHEGS PA'I SKU LA NGAN SEMS KYIS KHRAG 'BYIN PA'ANG SANGS RGYAS 'GRONGS PAR 'DOD NAS MTSON BSNUN NA LAS MTSON BRDEG PAR BSAMS PAS BSNUN PA LA NI MTSAMS MED DU MI 'GYUR TE, SROG GCOD PA'I BSAM PA MED PA'I PHYIR RO, ,DE BZHIN DU DGRA BCOM PA MA THOB PA LA MTSON BSNUN PA'I 'OG TU DGRA BCOM THOB PAR GYUR LA, BSNUN PA DE'I RKYEN GYIS DGRA BCOM PA GRONGS PA LA YANG MTSAMS MED DU MI 'GYUR TE, DES DGRA BCOM PA'I RTEN LA SBYOR BA MA BYAS PA'I PHYIR RO, ,GZHAN YANG 'DI DAG LA MTSAMS MED DU 'GYUR MI 'GYUR GYI ZHIB CHA BYED RGYU MANG BAR MCHIS KYANG YI GES 'JIGS PAS MA SPROS TE 'GREL PA RNAMS LA BLTAS SHING ZHIB TU BSAMS NA SHES SO;; ~ GANG ZHIG MTSAMS MED KYI SBYOR PA BYAS NAS DE MA SPANGS PAR 'DOD CHAGS DANG BRAL BA'I 'BRAS BU PHYIR MI 'ONG DANG DGRA BCOM PA THOB PA NI MI SRID NA MTSAMS MED DNGOS BYAS NA LTA SMOS CI DGOS PA'I PHYIR RO, ,MTSAMS MED MA GTOGS PA'I LAS LAM GZHAN GYI SBYOR BA BYAS PA LA NI 'PHAGS LAM SKYE ZHING, 'PHAGS LAM SKYES PA DE LA NI SBYOR BA BYAS PA DE'I LAS LAM DNGOS MI SKYE STE, 'PHAGS LAM SKYES PA'I RTEN DE DANG LAS KYI LAM DE DAG SHIN TU 'GAL BA'I PHYIR RO,, ~ THEG CHEN PA LTAR NA MTSAMS MED BYAS PAS KYANG TSE DE LA 'BRAS BU THOB PAR GSUNGS LA, @43A *, ,LUGS 'DIR NI MED PAR GSUNGS PA LTAR SNANG MOD, DE LTA NA RGYAL PO MA SKYES DGRA DE MTSAMS MED BYAS LA DGE RTZA MA CHAD PA'I GANG ZAG TU 'DOD CING, YANG TSE DE LA DGRA BCOM PA THOB TSUL ZHIG KYANG BSHAD NA, PHYI MA 'DI LUGS 'DIR KHAS LEN MI RIGS PAR 'GYUR BA MA ZAD MA SKYES DGRA TSE PHYI MA LA DMYAL BAR SKYES PAR 'DOD DGOS NA DE LTAR DU KHAS LEN RIGS SAM, GZHAN YANG LUGS 'DIR MTSAMS MED BYAS PHYIN CHAD GNYEN PO STOBS BZHIS JI TZAM BSHAGS KYANG RNAM SMIN DMYAL BAR SKYE BA BZLOG TU MED PAR NGES PAR 'DOD DGOS SAM DPYAD PAR BYA BA'I GZHIR SNANG NGO,, ` DGE 'DUN DBYE PHYIR RDZUN SMRA BA, ,ZHES SOGS KYI DON NI GONG DU BSHAD PA LTAR MTSAMS MED LNGA'I NANG NAS DGE 'DUN DBYEN GYI MTSAMS MED NI KHA NA MA THO BA RAB TU LCI BA YIN TE, DGE 'DUN BYE NAS SLAR MA 'DUMS KYI BAR DU GANG ZAG SU'I RGYUD LA YANG LAM GSAR DU MI SKYE BAS MTHO RIS DANG BYANG GROL GYI BAR DU GCOD PA'I PHYIR DANG, LHA DANG BCAS PA'I 'JIG RTEN 'KHRUGS SHING YID MI BDE BA DANG RANG DBANG MED PA DANG, DRAN PA NYAMS PAR BYAS PA'I PHYIR DANG, RNAM SMIN PAR BSKAL GCIG TU MNAR MED DU SKYE BA'I PHYIR RO, ,DE LAS DE BZHIN GSHEGS PA'I SKU LA NGAN SEMS KYIS KHRAG 'BYIN PA RNAM SMIN YANG BA DANG, DE LAS DGRA BCOM PA BSAD PA DANG, DE LAS MA BSAD PA DANG, DE LAS PHA BSAD PA RNAMS RIM PA BZHIN YANG BA YIN NO, ,'O NA; MDO LAS, NYES PA GSUM GYI NANG NAS YID KYI LAS GSUM LCI BA DANG, DE'I NANG NAS KYANG LOG LTA LCI BAR GSUNGS PA DANG 'GAL LO, ,ZHE NA MI 'GAL TE, YID KYI LAS GSUM NGES PAR LCI BA YIN TE, MTSAMS MED KYI LAS SU 'GYUR BA YANG YUL KHYAD PAR CAN LA KUN SLONG SROG GCOD 'DOD KYI SEMS PA LA NGES PAR LTOS DGOS PA'I PHYIR DANG, LOG LTA LCI BAR GSUNGS PA NI MI DGE BA GZHAN GYIS DGE RTZA GCOD MI NUS LA LOG LTAS GCOD NUS PAS NA NUS PA'I SGO NAS LCI BAR GSUNGS PA DANG, SKABS 'DIR DGE 'DUN DBYEN GYI MTSAMS MED LCI BAR GSUNGS PA NI RNAM SMIN LCI BA'I DBANG DU MDZAD PA YIN PAS SKABS SO SO'I BYE BRAG PHYED PAR BYAS LA, DES NA RNAM SMIN GYI DBANG DU BYAS NA MI DGE BA'I NANG @43B NAS DGE 'DUN DBYEN GYI MTSAMS MED LCI SHOS YIN NO,, ` 'JIG RTEN PA YI DGE BA LA, ,ZHES SOGS KYI SKABS SU, 'O NA, LAS DGE BA RNAMS LAS 'BRAS BU GANG CHE ZHE NA, ZAG BCAS 'JIG RTEN PA'I DGE BA'I DBANG DU BYAS NA SRID RTZE'I SEMS PA 'BRAS BU RAB TU CHE STE, DE'I RNAM SMIN BSKAL PA CHEN PO BRGYAD KHRIR SDUG BSNGAL NYE BAR ZHI BA THOB PA'I PHYIR, BRAL 'BRAS KYI DBANG DU BYAS NA, 'JIG RTEN LAS 'DAS PA RDO RJE LTA BU'I TING NGE 'DZIN BRAL 'BRAS CHE STE, KHAMS GSUM GYI NYON MONGS THAMS CAD SPANGS PA'I SPANG PA THOB PA'I PHYIR RO,, ` MA DGRA BCOM MA SUN 'BYIN DANG, ,ZHES SOGS KYI SKABS SU MTSAMS MED DANG NYE BA LNGA BSHAD PA STE, DE DAG KYANG GANG ZHE NA, MA YANG YIN DGRA BCOM MA YANG YIN PA ZHIG 'DOD LOG GIS SUN PHYUNG BA DANG, BYANG CHUB SEMS DPA' NGES PA LA GNAS PA GSOD PA DANG, 'PHAGS PA SLOB PA'I GANG ZAG BDUN PO GANG YANG RUNG BA GSOD PA DANG, DGE 'DUN GYI ZHAL GYI 'DU BA'I SGO 'PHROG PA DANG, ZHE SDANG LA SOGS PAS KUN NAS BSLANGS TE MCHOD RTEN SOGS SKU GSUNG THUGS KYI RTEN 'JIG PAR BYED PA RNAMS NI RIM PA BZHIN MA DANG, PHA DANG, DGRA BCOM PA GSOD PA DANG, DGE 'DUN GYI DBYEN BYED PA DANG, DE BZHIN GSHEGS PA LA NGAN SEMS KYIS KHRAG 'BYIN PA'I MTSAMS MED RNAMS DANG NYES PA CHA 'DRA ZHING MTSUNGS PAS NA DE RNAMS DANG NYE BA ZHES BYA STE, 'DI RNAMS KYIS KYANG DMYAL BA KHO NAR SKYE BAR BYED LA, 'ON KYANG MTSAMS MED DANG CHA THAMS CAD NI MI MTSUNGS TE, DUS DANG RNAM SMIN CHE CHUNG SOGS KHYAD PAR YOD PA'I PHYIR RO, ,'DIR DGE 'DUN GYI 'DU BA'I SGO 'PHROG PA ZHES PA NI DGE 'DUN 'TSO BAR BYED PA'I ZHAL DU GSOL BAR BYA BA GANG YIN PA DE 'PHROG PA LA BYED PA STE; DES NI RNAM SMIN DMYAL BA CHEN POR LTUNG LA, ZHAL DU 'DU BA MA YIN PA'I YO BYAD GZHAN 'PHROG NA NI MNAR MED PA'I 'KHOR MUN NAG CHEN PO LA SOGS PAR SKYE BAR BSHAD DO, ,DE YANG SPYIR DKON MCHOG GI YO BYAD NI CHUNG NGU ZHIG BLANGS NA YANG RNAM SMIN CHEN POR 'GYUR LA, DE'I NANG NAS SANGS RGYAS DANG CHOS KYI YO BYAD NI RIS MTHUN PA SLAR PHUL NA DAG PAR 'GYUR LA, DGE 'DUN GYI YO BYAD BLANGS PA NI RNAM SMIN GYI TSOR BA MA MYONG BAR DAG PAR MI 'GYUR TE ZHING LCI BA'I PHYIR @44A *, ,ZHES GSUNGS PAS NA SHIN TU BAG YOD PAR BYA'O,, ` BZOD DANG PHYIR MI 'ONG DGRA BCOM, ,ZHES SOGS KYI SKABS SU, GZHAN YANG GEGS BYED PA'I RNAM SMIN DANG BCAS PA'I LAS GSUM YOD DE, NGAN SONG DU NGES PAR SKYE 'GYUR GYI LAS DANG, 'DOD PAR NGES PAR SKYE 'GYUR DANG, KHAMS GONG DU NGES PAR SKYE 'GYUR GYI LAS GSUM GYIS RIM PA GZHIN SBYOR LAM BZOD PA THOB PA DANG; PHYIR MI 'ONG THOB PA DANG, DGRA BCOM PA THOB PA GSUM LA GEGS BYED PA YIN TE, DE RNAMS THOB PA LA LAS DE DAG NGES PAR SPANGS DGOS PA'I PHYIR RO,, ` GANG NAS BYANG CHUB SEMS DPA' YIN, ,ZHES SOGS KYI SKABS SU, 'O NA; BYANG CHUB SEMS DPA' NGES PA LA GNAS PA ZHES BSHAD NA, DE SA MTSAMS GANG NAS YIN ZHE NA, MTSAN SUM CU RTZA GNYIS RNAM PAR SMIN PA CAN GYI LAS GSOGS PA'I MGO PA RTZAMS PA DE NAS BZUNG STE BYANG CHUB SEMS DPA' NGES GNAS SU 'JOG PA STE, BSKAL PA BRGYA NA SANGS RGYAS THOB PAR NGES PA ZHES BYA BA'I DON TO, ,BYANG SEMS DE NI DE PHAN CHAD BDE 'GROR SKYE BA DANG, DE'I NANG NAS KYANG RGYAL RIGS SHING S'A LA CHEN PO LTA BU LA SOGS PA'I RIGS MTHO BAR SKYE BA DANG, MIG SOGS DBANG PO TSANG BAR 'GYUR BA DANG, PHOR 'GYUR BA DANG, SKYE BA THAMS CAD DU TSE RABS DRAN PA DANG, BSKAL PA BRGYA LAS PHYIR MI LDOG PAR SANGS RGYAS THOB PAR 'GYUR BA ZHES BYA BA'I KHYAD CHOS DRUG DANG LDAN NO, ,MTSAN RNAM PAR SMIN PA CAN GYI LAS DE YANG RTEN GYI KHYAD PAR DZAMBU GLING GI SKYES PA PHO'I DBANG PO DANG LDAN PA'I RTEN LA GSOG PAR BYED KYI, 'GRO BA GZHAN DANG, GLING GZHAN DANG, GANG ZAG GZHAN GYI RTEN LA NI MA YIN NO, ,YUL GYI KHYAD PAR, STON PA MNGON SUM DU BZHUGS PA LA GSOG PAR BYED PA DANG, DMIGS PA'I KHYAD PAR SANGS RGYAS LA DMIGS PA'I SEMS PA DGE BA YIN GYI MTHO RIS DANG THAR PA GZHAN LA DMIGS PA MA YIN PA DANG, NGO BO'I KHYAD PAR BSAM BYUNG GI DGE BA YIN GYI, THOS BYUNG NI DMAN PA'I PHYIR MA YIN LA, SGOM BYUNG YANG MA YIN TE, SGOM BYUNG ZAG MED NI MA THOB CING, @44B ZAG BCAS KHAMS GONG MAR SKYE BA'I RGYU NI MTSAN GYI RGYUR MI RUNG LA, THAR PA LA BRTEN PA NI, BSAM GTAN MTHA' RTEN GCIG LA KUN, ,ZHES SBYOR LAM NAS BZUNG STAN GCIG KHO NA LA BSKYED PA'I PHYIR DE'I GONG DU MI 'BYUNG NGO, ,DUS KYI KHYAD PAR NI 'TSANG RGYA BA LA BSKAL PA CHEN PO BRGYA LUS PA NA LAS DE 'PHEN CING GSOG PAR BYED DO, ,'DI BSKAL PA BRGYA BAS MANG DU LUS PA NA 'PHEN PA MI SRID LA NYUNG DU LUS PA NA 'PHEN PA SRID DE, BDAG CAG GI STON PAS BSKAL PA DGU BCU RTZA GCIG LUS PA NA LAS DE 'PHANGS PAR BSHAD LA, GZHAN YANG BYANG SEMS NGES GNAS YIN NA 'TSANG RGYA BA LA BSKAL PA BRGYAR LUS PAS MA KHYAB STE, MTSAN RNAM PAR SMIN PA CAN GYI LAS GSOG PA'I MGO BRTZAMS PA NAS BZUNG STE SANGS RGYAS KYI BAR BYANG SEMS NGES GNAS SU 'JOG RIGS PA'I PHYIR,, ` RE RE'ANG BSOD NAMS BRGYA LAS SKYE, ,ZHES PA'I SKABS SU, MTSAN SO GNYIS PO DE DAG RE RE'ANG BSOD NAMS BRGYA BRGYA LAS SKYES PA STE, BRGYA'I TSAD KYANG 'GA' ZHIG NI, SEMS CAN SPYI'I LAS KYIS STONG GSUM CHAGS PA JI SNYED PA DE TZAM DANG MNYAM PA'I BSOD NAMS BRGYAS SKYES BU CHEN PO'I MTSAN GCIG 'GRUB PA NAS SUM CU RTZA GNYIS KYI BAR DU DE DANG 'DRA BAR 'DOD PA DANG, BRGYA'I GRANGS NGES KYANG, KHA CIG ,SANGS RGYAS KYI SKYE BA'I SKU MTSAN SUM CU RTZA GNYIS DANG, CHOS KYI SKU MA 'DRES PA BCO BRGYAD DE LNGA BCU LA DMIGS PA'I SEMS PA LNGA BCU DANG, BDAG KYANG 'DI 'DRA BA THOB PAR GYUR CIG SNYAM PA'I SEMS PA GZHAN LNGA BCU STE BRGYA YIN NO, ,ZHES 'DOD PA SOGS 'DOD TSUL MANG LA, GZHAN YANG SANGS RGYAS KYI BA SPU'I KHUNGS BU DANG, DPE BYAD DANG, MDZOD SPU DANG, GTZUG TOR DANG, GSUNG CHOS KYI DUNG 'GRUB TSUL SOGS MDO SDE RNAMS LAS KHYAD PAR MI 'DRA BA MANG DU GSUNGS PA RNAMS MTHA' DAG 'GOD PAR MA LANGS PAS RGYAS 'GREL RNAMS SU BLTA BAR BYA'O,, ` RNAM GZIGS MAR ME RIN CHEN GTZUG ,ZHES PA NAS, DE MA THAG LA TING 'DZIN BLO, ,ZHES PA'I BAR GYIS STON PA MNYAM MED SH'AKYA'I RGYAL POS GRANGS MED GSUM DU SANGS RGYAS JI TZAM BSNYEN BKUR BA DANG, PHAR @45A *, ,PHYIN DANG PO BZHI RIM PA BZHIN RDZOGS PAR MDZAD PA'I MTHAR BYANG CHUB KYI SNGA ROL DE MA THAG TU TING NGE 'DZIN BSAM GTAN DANG, BLO STE SHES RAB KYI PHAR PHYIN YONGS SU RDZOGS PAR MDZAD PA'I BAR RNAMS STON PA STE, DE DAG KYANG RTZA BA NYID LA TSIG 'GREL ZHIB TU THEBS NA SHES SLA BAS MA SPROS SO,, ` GSUM PO BSOD NAMS BYA BA DANG, ,ZHES SOGS KYI SKABS SU, MDO LAS, SBYIN PA LAS BYUNG BA DANG, TSUL KHRIMS LAS BYUNG BA DANG, SGOM PA LAS BYUNG BA GSUM LA BSOD NAMS BYA BA'I GZHI GSUM ZHES GSUNGS TE, DE DAG GIS 'BRAS BU YID DU 'ONG BA 'BYIN PAS NA BSOD NAMS DANG, LAS KYI NGO BO YIN PAS BYA BA DANG, KUN SLONG GI SEMS PA 'JUG PA'I GZHI YIN PA'I PHYIR GZHI ZHES BYA STE, DPER NA LUS NGAG GI BDUN LAS DANG LAS KYI LAM GNYIS KA YIN LA, YID KYI GSUM LAS KYI LAM KHO NA YIN PAS THAMS CAD LA LAS KYI LAM ZHES BRJOD PA BZHIN NO, ,DE YANG SBYIN PA LAS BYUNG BA'I LUS NGAG GI LAS NI BSOD NAMS DANG, BYA BA DANG, GZHI GSUM GA YIN LA, KUN SLONG GI SEMS PA NI BSOD NAMS DANG BYA BA YIN GYI GZHI MA YIN LA, DE DANG MTSUNGS LDAN GYI CHOS TSOR BA LA SOGS PA GZHAN NI BSOD NAMS KHO NA YIN NO, ,TSUL KHRIMS LAS BYUNG PA NI LUS NGAG GI LAS KHO NA YIN PAS GSUM GA YIN LA, SGOM PA LAS BYUNG BA LA BYAMS PA NI BSOD NAMS DANG BSOD NAMS BYA BA'I GZHI GNYIS KA YIN, DE DANG MTSUNGS LDAN GYI SEMS PA DANG BSAM GTAN DANG ZAG MED KYI SDOM PA NI BSOD NAMS DANG BYA BA GNYIS KA YIN, BYAMS PA DANG LHAN CIG 'BYUNG BA'I TSOR BA LA SOGS PA NI BSOD NAMS KHO NA YIN NO, ,'DIR SBYIN PA DANG TSUL KHRIMS LAS BYUNG BA ZHES SOGS GSUNGS PA YANG SBYIN PA'I 'BRAS BU SOGS LA BYED PA MA YIN TE, SBYIN SOGS KYI RANG BZHIN NYID LA SBYIN PA LAS BYUNG BA ZHES SOGS GSUNGS PA YIN NO, ,'O NA, SBYIN PA NYID GANG ZHE NA, SKYES BU GANG GIS BSAM PA DGE BAS BDOG PA'I DNGOS PO GZHAN LA SBYIN PAR BYED PA DE NI SBYIN PA YIN LA, DE YANG YUL BZANG PO LA MCHOD PAR 'DOD PA DANG, DMAN PA LA PHAN GDAGS PAR 'DOD PAS GTONG BA NI SBYIN PA KHYAD PAR @45B CAN YIN LA, 'JIGS PA DANG LAN LA RE BA SOGS NI RNAM PAR MA DAG PA'I SBYIN PA'AM DMAN PA'I SBYIN PA YIN NO, ,DES NA SBYIN PA'I LAS DE YANG LUS NGAG GI LAS KUN NAS SLONG BA'I SEMS PA MTSUNGS LDAN DANG BCAS PA STE, 'KHOR DANG BCAS NA PHUNG PO LNGA PA CAN YIN LA, SBYIN PA DE'I 'BRAS BU NI LONGS SPYOD CHEN PO CAN NO,, ` BDAG GZHAN DON PHYIR GNYIS DON PHYIR, ,ZHES SOGS KYI SKABS SU, SBYIN PA'I DBYE BA LA BZHI STE, SBYIN PA'I YUL GYI DON DANG BDAG GI DON GNYIS LAS, BDAG GI DON KHO NA'I PHYIR DU SBYIN PA NI, 'PHAGS PA 'DOD PA'I 'DOD CHAGS DANG MA BRAL BA ZHIG GAM, SO SKYE 'JIG RTEN PA'I LAM GYIS 'DOD CHAGS DANG BRAL BA LTA BUS MCHOD RTEN LA SBYIN PA'AM PHUL BA STE, DES BDAG NYID LA PHAN PA LAS MCHOD RTEN LA PHAN PA MED PA'I PHYIR RO, ,GZHAN GYI DON NAM SBYIN YUL KHO NA'I PHYIR SBYIN PA NI, 'PHAGS PA DE 'DOD PA LA 'DOD CHAGS DANG BRAL BAS SEMS CAN GZHAN LA SBYIN PA STE, DE'I MTHONG CHOS MYONG 'GYUR GYI 'BRAS BU NI TSE DE LA 'BYIN PAS DE TZAM MA GTOGS PHYI MA PHAN CHAD DU RANG NYID LA RNAM SMIN GYI 'BRAS BU SMIN PA MED DE, SBYIN PA'I RNAM SMIN GYI 'BRAS BU NI 'DOD PA'I SAS BSDUS YIN LA, 'DOD PA LA 'DOD CHAGS DANG BRAL BA'I 'PHAGS PA SLAR 'DOD PAR SKYE BA MI SRID PA'I PHYIR, RGYU MTSAN DES GZHAN KHO NA'I PHYIR DU SBYIN PAR BZHAG GO ,GNYIS KA'I DON DU SBYIN PA NI, 'PHAGS PA 'DOD PA LA 'DOD CHAGS DANG MA BRAL BA'AM, SO SKYE 'JIG RTEN PA'I LAM GYIS 'DOD PA LA CHAGS PA DANG BRAL BA GANG RUNG GI SEMS CAN GZHAN LA SBYIN PA STE, DES NI GZHAN LA YANG PHAN LA, BDAG NYID LA YANG PHYI MAR PHAN TE, PHYI MA 'DOD PAR SKYE BA LEN PA'I TSE RNAM SMIN 'BYIN PAS SO, ,SBYIN PA DANG PO DANG GSUM PA 'DI GNYIS KYI MTSAN GZHIR NI, SO SKYE 'DOD PA LA 'DOD CHAGS DANG MA BRAL BA'I SBYIN PA YANG BZHAG CHOG STE, DES MCHOD RTEN LA PHUL NA BDAG NYID KHO NAR PHAN LA, SEMS CAN GZHAN LA SBYIN NA BDAG GZHAN GNYIS KA LA PHAN PA GONG DANG MTSUNGS PA'I PHYIR, GNYIS KA'I DON DU MA YIN PA'I PHYIR SBYIN PA NI, 'PHAGS PA 'DOD PA LA 'DOD CHAGS DANG BRAL BAS @46A *, ,MCHOD RTEN LA SBYIN PA STE, 'DI YANG MTHONG CHOS MYONG 'GYUR MA GTOGS PHYI MA PHAN CHAD BDAG NYID LA RNAM SMIN MI 'BYIN LA, MCHOD RTEN LA YANG PHAN PA MED PA'I PHYIR RO, ,DE LA KHO NA RE, SBYIN PA DANG PO DANG, BZHI PA GNYIS CHOS CAN, BDAG GI DON DU SBYIN PA YIN PAR THAL, BDAG LA PHAN PA'I PHYIR DU SBYIN PA'I PHYIR, DER THAL, DE'I RNAM SMIN BDAG LA PHAN PA'I PHYIR, DER THAL, BDAG GI TSE DE LA PHAN PA YOD PA'I PHYIR NA, MA KHYAB STE, 'DI'I DNGOS BSTAN GYI BDAG LA PHAN MI PHAN NI BDAG NYID LA PHYI MA PHAN CHAD DU RNAM SMIN 'BYIN MI 'BYIN LA BYED PAR SNANG BA'I PHYIR RO,, ` DE YI KHYAD PAR SBYIN BDAG DANG, ,ZHES SOGS KYI SKABS SU, SBYIN PA DE YANG KHYAD PAR 'PHAGS PA'AM RNAM PAR DAG PA'I SBYIN PAR 'GYUR BA LA SBYIN BDAG DANG, DNGOS PO DANG, ZHING GSUM KHYAD PAR DU 'PHAGS PA DGOS PA STE, DANG PO SBYIN BDAG KHYAD PAR DU 'PHAGS PA BSTAN PA LA, SBYIN BDAG KHYAD 'PHAGS DAD SOGS KYIS, ,ZHES SOGS GSUNGS TE, DAD PA DANG, TSUL KHRIMS DANG, GTONG BA DANG, THOS PA DANG, NGO TSA SHES PA DANG, KHREL YOD PA DANG, SHES RAB PHUN SUM TSOGS PA STE 'PHAGS NOR BDUN DANG LDAN PA DANG, 'DOD PA CHEN PO DANG MI LDAN PA'I GANG ZAG GIS SBYIN PA'O, ,TSUL JI LTAR DU ZHE NA, DAD PA DANG GUS PAR BYAS TE SBYIN PA DANG, RANG GI LAG GIS SBYIN PA DANG, NYE BAR MKHO BA'I DUS SU SBYIN PA DANG, GZHAN LA MI GNOD PAR SBYIN PA STE, TSUL DE DAG GI 'BRAS BU RIM PA BZHIN, PHYI MA LA RANG GI 'KHOR GYIS BKUR STI BYED PA DANG, LONGS SPYOD RGYA CHEN PO LA RANG DBANG 'BYOR BAR 'GYUR BA DANG, RANG LA DGOS PA'I DUS SU RNYED PA DANG, LONGS SPYOD LA DGRA DANG ME LA SOGS PAS BAR CHAD MED PAR RNYED PAR 'GYUR BA'O, ,'DIR GZHAN LA GNOD PA ZHES PA NI, GZHAN LAS MA BYIN PAR BLANGS TE SBYIN PAR BYED PA'O,, ` KHA DOG LA SOGS PHUN SUM DNGOS, ,ZHES SOGS KYIS DNGOS PO KHYAD PAR DU 'PHAGS PA BSTAN PA STE, KHA DOG SGRA DRI RO REG BYA RNAMS PHUN SUM TSOGS PA DGOS PAR BSTAN PA'O, ,KHA DOG PHUN TSOGS LA SOGS PA @46B SBYIN PA DE DAG GI 'BRAS BU LA RIM PA BZHIN, PHYI MAR GZUGS BZANG BA DANG, SNYAN GRAGS DANG LDAN PA DANG, YID DGA' BA DANG, LUS SHIN TU GZHON SHA CAN DANG, GRANG BA'I TSE DRO BA, DRO BA'I TSE GRANG BA SOGS DUS SU REG NA BDE BA'I LUS DANG LDAN PAR 'GYUR PA'O,, ` 'GRO DANG SDUG BSNGAL PHAN 'DOGS DANG, ,ZHES SOGS KYIS ZHING KHYAD PAR 'PHAGS PA BSTAN PA STE, DE YANG 'GRO BA'I RTEN GYI SGO NAS KHYAD PAR DU 'PHAGS PA NI, DUD 'GRO LA BYIN NA RNAM SMIN BRGYA 'GYUR DANG, TSUL KHRIMS 'CHAL BA'I MI LA BYIN NA STONG 'GYUR DU GSUNGS PA LTA BU RTEN GONG MA 'OG MA 'OG MA LAS KHYA PAR DU 'PHAGS PA DANG, SDUG BSNGAL GYIS ZHING KHYAD PAR DU 'PHAGS PA NAD PA DANG, MGON MED PA LA SOGS PA SHIN TU NYAM THAG PA'I GANG ZAG DANG, PHAN 'DOGS PAS ZHING KHYAD PAR DU 'PHAGS PA NI, PHA MA SOGS RANG LA PHAN CHER BTAGS PA'I GANG ZAG DANG, YON TAN GYIS ZHING KHYAD PAR DU 'PHAGS PA NI, TSUL KHRIMS DANG LDAN PA DANG, RGYUN DU ZHUGS PA SOGS 'BRAS BU BZHI LA RIM BZHIN GNAS PA DANG, SKYE MTHA'I BYANG CHUB SEMS DPA' DANG, SANGS RGYAS BCOM LDAN 'DAS RNAMS GONG NAS GONG DU YON TAN GYIS KHYAD PAR DU 'PHAGS PA'O,, ` MCHOG NI GROL BAS GROL BA'AM,, BYANG CHUB SEMS DPA' YIS BRGYAD PA, ,ZHES PA'I SKABS SU SBYIN PA DE DAG THAMS CAD LAS MCHOG TU GYUR PA NI, GROL BAS GROL BA LA BYIN PA STE DE'I DON, KHAMS GSUM LA 'DOD CHAGS DANG BRAL BAS 'DOD CHAGS DANG BRAL BA LA SBYIN PA'I DON NO, ,DE BZHIN DU SBYIN BDAG BYANG CHUB SEMS DPAS SEMS CAN THAMS CAD KYI DON DU SANGS RGYAS THOB PHYIR DU SBYIN PA NI MA GROL BAS MA GROL BA LA BYIN NA YANG MCHOG TU GYUR PA YIN TE, SEMS CAN THAMS CAD KYI MGON DU 'GYUR BA'I SBYIN PA YIN PA'I PHYIR RO, ,YANG MDO LAS, NYE BA LA SBYIN PA DANG, 'JIGS PAS SBYIN PA SOGS SBYIN PA RNAM PA BRGYAD BSHAD PA'I BRGYAD PA SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG RNAMS THOB PAR BYA BA'I PHYIR DU BYIN PA'I SBYIN PA YANG MCHOG TU GYUR PAR GSUNGS SHING, DE LA SEMS KYI RGYAN NI RDZU 'PHRUL DANG, SEMS KYI YO BYAD NI 'PHAGS LAM YAN LAG BRGYAD DANG, RNAL 'BYOR @47A *, ,GYI TSOGS NI ZHI LHAG DANG, DON GYI MCHOG NI DGRA BCOM PA STE DE DAG THOB PHYIR DU SBYIN PA'O, ,SKABS 'DIR SBYIN PA RNAM PA BRGYAD KYI 'DREN TSUL DANG, DE DAG GI DON 'JOG TSUL, SEMS KYI RGYAN LA SOGS PA'I DON LA YANG MI 'DRA BA'I BSHAD TSUL, DE DAG LAS 'PHROS TE RNAM PAR MA DAG PA'I SBYIN PA SUM CU RTZA GNYIS LA SOGS PA GSUNGS PA RNAMS MTHA' DAG 'GOD PAR MA LANGS PAS 'GREL PA RNAMS SU BLTA BAR BYA LA, TSUL 'DI DAG RANG CAG LAS DANG PO PA RNAMS KYIS NGES PAR SHES DGOS PA YANG SNANG STE, DENG SANG DKON MCHOG LA MCHOD PA DANG, NGAN SLONG SBYIN GTONG SOGS BYED PAR RLOMS PA MANG YANG RNAM PAR DAG PA'I MCHOD SBYIN DU 'GYUR BA NI SHIN TU DKON BAR SNANG BA'I PHYIR RO, ,DE LA KHO NA RE, 'O NA, SKABS 'DIR KHAMS GSUM LA 'DOD CHAGS DANG BRAL BAS 'DOD CHAGS DANG BRAL BA LA BYIN PA SBYIN PA'I MCHOG TU BSHAD PA DANG, GONG DU 'PHAGS PA 'DOD CHAGS DANG BRAL BAS SEMS CAN GZHAN DANG; MCHOD RTEN LA SBYIN PAS DE BDAG NYID LA MI PHAN PAR BSHAD PA GNYIS 'GAL BAR 'GYUR TE, SBYIN PA'I MCHOG TU GYUR PA YIN NA 'BRAS BU YANG RLABS CHEN TSAD MED PA ZHIG 'BYUNG DGOS PA LA, BDAG NYID LA PHAN PA'I 'BRAS BU MI 'BYUNG BA'I PHYIR, ZHE NA, DE NI MA YIN TE, GONG DU BDAG NYID LA MI PHAN PA SOGS BSHAD PA'I DON NI SNGAR BSHAD ZIN PA LTAR, BDAG NYID LA PHYI MAR SBYIN PA'I RNAM SMIN GYI 'BRAS BU MI 'BYIN PA TZAM GYI DBANG DU BYA BA YIN LA, 'DIR SBYIN PA'I MCHOG TU GYUR PAR GSUNGS PA NI, RNAM SMIN TZAM GYI DBANG DU BYAS NA YANG MTHONG CHOS KYI 'BRAS BU TSAD MED PA 'BYIN PA DANG, GTZO BO NI RNAM SMIN LAS GZHAN PA'I 'BRAS BU ZAG MED KYI SPANGS RTOGS KYI YON TAN MTHA' YAS PA RANG RGYUD LA BSKYED PA DANG, SEMS CAN GZHAN TSAD MED GRANGS MED PA LA PHAN PA DANG BDE BA'I 'BRAS BU RLABS CHEN TSAD MED PA 'BYUNG BA SOGS KYI DBANG DU BYAS PA LAS, RNAM SMIN TZAM LA BSAM PA MA YIN PAS MI 'GAL BA MA ZAD, SBYIN PA RNAM PAR DAG PA NI RNAM SMIN DANG LAN LA MI BLTA BA ZHIG KYANG NGES PAR DGOS PA'I PHYIR RO,, ` 'PHAGS PA MIN YANG PHA MA DANG, ,ZHES SOGS @47B KYIS GZHAN RNAMS NI GONG DU BSHAD ZIN LA, CHOS SMRA BA NI CHOS KYI SBYIN PAS SEMS CAN RNAMS LA PHAN 'DOGS PA'I PHYIR DANG, SANGS RGYAS KYI MDZED PA THAMS CAD BYED PAS, DGE BA'I BSHES GNYEN YIN PAS ZHING GI MCHOG TU GYUR PA'O, ,SKYE MTHA'I BYANG SEMS NI SRID PA MTHA' MA PA'I BYANG SEMS TE TSE DE LA 'TSANG RGYA BAR NGES PA'O,, ` MJUG DANG ZHING DANG GZHI DANG NI, ,ZHES SOGS KYI SKABS SU, LAS LCI YANG NGAM CHE CHUNG GI KHYAD PAR BSHAD PA LAS, MJUG TU BYED PAS CHE BA NI, LAS LAM DNGOS KYI RJES SU RGYUN DU BYED PA DANG, ZHING GIS CHE BA NI PHAN 'DOGS PA DANG, YON TAN GYI ZHING SOGS LA PHAN GNOD BYED PA DANG, GZHIS CHE BA NI, LUS LAS LA SROG GCOD DANG, NGAG LAS LA RDZUN, YID LAS LA LOG LTA CHE BA SOGS DANG, SROG GCOD LA'ANG CHEN PO NI DGRA BCOM GSOD PA LA SOGS PA'O, ,SBYOR BAS CHE BA NI, LUS NGAG GIS DNGOS SU SBYOR BA STE, DE LA'ANG SROG GCOD LA MTSON NA, BSDIGS NAS BYA BA MA YIN PA BYED DU BCUG NAS GSOD PA DANG, SMRE NGAG 'DON BZHIN DU GSOD PA LTA BU SBYOR BAS LCI BA'O, ,SEMS PAS CHE BA NI RDZOGS PA'AM MTHAR PHYIN PAR BYED PA'I SEMS PA DANG BCAS PA'O, ,BSAM PAS CHE BA NI, KUN SLONG GI BSAM PA DRAG PO DANG RGYUN CHAGS SU 'BYUNG BA'O, ,DRUG PO DE DAG CHE BA DANG CHUNG BA LAS NI, LAS KYANG CHE BA DANG CHUNG BAR 'GYUR LA, GAL TE DRUG KA TSANG NA SHIN TU LCI BA'I LAS SU SHES PAR BYA'O,, ` BSAM BZHIN PA DANG RDZOGS PA DANG, ,ZHES SOGS KYI SKABS SU, MDO LAS, LAS BYAS LA BSAGS PA DANG, BYAS LA MA BSAGS PA SOGS GSUNGS PA LAS, LAS GANG ZHIG BSAM BZHIN DU BYAS PA DANG, YAN LAG RDZOGS PAR BYAS PA DANG, PHYIS MI 'GYOD PA DANG, LAS DE LA GNOD BYED KYI GNYEN PO MED PA DANG, RJES SU YID RANG BA SOGS 'KHOR DANG BCAS PA DANG, RNAM SMIN MYONG BAR NGES PA STE DRUG TSANG BA'I LAS NI BYAS LA BSAGS PA'I LAS YIN LA, LAS GZHAN NI BYAS LA MA BSAGS PA'O, ,DE BZHIN DU BSAGS LA MA BYAS PA DANG, GNYIS KA MA YIN PA'ANG SHES PAR BYA LA 'DI DAG GI 'JOG TSUL ZHIB PA DANG, GZHAN YANG SNGAR BDE LA PHYIS SDUG BSNGAL BAR 'GYUR BA'I LAS DANG, @48A *, ,SNGAR SDUG BSNGAL LA PHYIS BDE BAR 'GYUR BA'I LAS SOGS DANG, PHYUG LA SER SNA CAN DU 'GYUR BA DANG, DBUL LA GTONG BA DANG LDAN PA'I LAS SOGS MANG DU GSUNGS PA RNAMS KYANG GZHAN DU SHES PAR BYA'O,, ` MCHOD RTEN LA BTANG RGYUS BYUNG BA'I, ,ZHES SOGS KYI SKABS SU, PHAL CHEN SDE PA'I BYE BRAG 'GA' ZHIG GIS, 'DOD CHAGS DANG MA BRAL BAS MCHOD RTEN LA PHUL BA DE, BDAG GI DON GYI PHYIR SBYIN PA YIN NO ZHES PA MI 'THAD DE, MCHOD RTEN LA PHUL BA LA BSOD NAMS MI 'BYUNG STE, GZHAN GYIS LEN PA DANG LONGS SPYOD PA MED PA'I PHYIR, ZER BA MI 'THAD DE, DE LA GZHAN GYIS LEN PA DANG LONGS SPYOD PA LAS BYUNG BA'I BSOD NAMS MED KYANG, SEMS KYI MTHUS MCHOD RTEN LA BTANG BA'I RGYU LAS BYUNG BA'I BSOD NAMS 'BYUNG STE, DPER NA SEMS CAN THAMS CAD BDE BAR GYUR CIG SNYAM PA'I BYAMS PA TSAD MED SOGS SGOM PA LA, LEN PA DANG, GZHAN LA DNGOS SU PHAN PA MA BYUNG RUNG RANG GI SEMS KYI MTHUS BSOD NAMS TSAD MED PA 'BYUNG BA BZHIN NO, ,DES NA SBYIN PA'I BSOD NAMS LA, GZHAN GYIS LONGS SPYAD PA LAS BYUNG BA DANG, RANG GIS BTANG BA'I RGYU DE KHO NA LAS 'BYUNG BA GNYIS YOD PAS, MCHOD RTEN LA PHUL BA NI GNYIS PA YIN LA, GZHAN DAG LA NI GNYIS KA'ANG YOD DO,, ` NGAN PA'I ZHING LA'ANG 'BRAS YID 'ONG, ,ZHES PAS, ZHING BZANG PO LA SBYIN PAS RNAM SMIN YID DU 'ONG BA 'BYIN PA MA ZAD, ZHING NGAN PA DUD 'GRO SOGS LA SBYIN PAS KYANG 'BRAS BU YID DU 'ONG BA 'BYIN PAR 'GYUR TE, RGYU DGE BA BYAS PA LAS 'BRAS BU YID 'ONG 'BYUNG BA MI 'KHRUL BA'I PHYIR, 'ON KYANG ZHING NGAN PA'I STOBS KYIS RNAM SMIN CHUNG BA'AM, MED PAR 'GYUR BA NI SRID DO, ,SBYIN PA LAS BYUNG BA'I BSOD NAMS BYA BA'I GZHI BSHAD ZIN TO,, ` 'CHAL BA'I TSUL KHRIMS MI DGE'I GZUGS, ,ZHES SOGS KYI SKABS SU, TSUL KHRIMS LAS BYUNG BA'I BSOD NAMS BYA BA'I GZHI BSHAD PA LA, TSUL KHRIMS RNAM DAG GI MI MTHUN PHYOGS 'CHAL BA'I TSUL KHRIMS NI MI DGE BA'I RIG BYED DANG RIG BYED MA YIN PA'I GZUGS TE SDOM MIN YIN LA, 'CHAL @48B KHRIMS DE SPONG BYED KYI TSUL KHRIMS NI TSUL KHRIMS LAS BYUNG BA'I DGE BA STE, DE LA YANG RIG BYED DANG RIG BYED MA YIN PA GNYIS SO, ,RANG BZHIN GYI SDIG PA MIN YANG SANGS RGYAS KYI BCAS PAS BKAG PA DUS MA YIN PA'I KHA ZAS SPONG BA SOGS KYI SPONG BA'I RIG BYED DANG RIG BYED MA YIN PA YANG TSUL KHRIMS YIN NO, ,TSUL KHRIMS DE YANG RNAM PAR DAG PA NI YON TAN BZHI DANG LDAN PA STE, 'CHAL KHRIMS KYIS SKYON MA BYUNG BA DANG, 'CHAL KHRIMS KYI RGYU 'DOD CHAGS SOGS NYON MONGS PA DANG NYE BA'I NYON MONGS PA'I SKYON MA BYUNG BA DANG, 'CHAL KHRIMS KYI GNYEN PO DRAN PA NYER BZHAG LA BRTEN PA DANG, THAR PAR BSNGOS PAS ZHI BA LA BRTEN PA'O, ,GZHAN DAG NI RGYU LNGA LA SOGS PA YANG BSHAD DO,, ` MNYAM PAR BZHAG PA'I DGE BA NI, ,ZHES SOGS KYI SKABS SU, SEMS DMIGS PA LA MNYAM PAR BZHAG PA LAS BYUNG BA'I DGE BA TING NGE 'DZIN MTSUNGS LDAN DANG BCAS PA NI SGOMS PA LAS BYUNG BA'I DGE BA STE, SEMS LA DGE BA'I BAG CHAGS BSGO ZHING GOMS PA DANG DBANG DU BYED PA'I PHYIR RO, ,'O NA, TSUL KHRIMS DANG SGOM PA LAS BYUNG BA GANG GTZO CHE ZHE NA, SPYIR MTHO RIS THOB PA'I DON DU TSUL KHRIMS GTZO CHE ZHING, NYON MONGS PA DANG 'BRAL BA'I DON DU SGOM PA GTZO CHE BA YIN KYANG THAR PA THOB PA LA NI GNYIS KA MED DU MI RUNG BA YIN NO,, ` BSKAL PAR MTHO RIS DGA' GNAS PHYIR, ,ZHES SOGS KYI SKABS SU, MDO LAS, TSANGS PA'I BSOD NAMS BZHI ZHES GSUNGS PA NI, SNGON MA BYAS PA'I SA PHYOGS SU DE BZHIN GSHEGS PA'I SKU GDUNG GI MCHOD RTEN BYED PA DANG, PHYOGS BZHI'I DGE 'DUN LA KUN DGA' RA BA 'BUL ZHING GTZUG LAG KHANG BRTZIGS PA DANG, SANGS RGYAS KYI NYAN THOS BYE BA 'DUMS PA DANG, BYAMS PA TSAD MED SGOMS PA RNAMS LA GSUNGS PA STE, DE DAG GI BSOD NAMS NI TSANGS PA'I MDUN NA 'DON GYI TSE DANG MNYAM PAR BSKAL PAR MTHO RIS SU DGA' BAR GNAS PA'I PHYIR DE LTAR BSHAD LA, BYE BRAG SMRA BA NI, TSANGS PA'I BSOD NAMS ZHES PA MTSAN RNAM PAR SMIN PA CAN GYI LAS LA'ANG 'DOD LA, DON NI TSANGS PAR SKYE BA'I BSOD NAMS DANG 'DRA BA'I PHYIR TSANGS PA'I BSOD NAMS ZHES SU BSHAD PA STE, 'DOD TSUL @49A *, ,GZHAN YANG MANG LA, DPYAD PAR BYA BA 'GA' ZHIG MCHIS MOD KYANG MA SPROS SO,, ` CHOS SBYIN NYON MONGS CAN MIN PAS, ,ZHES SOGS KYIS CHOS KYI SBYIN PA BSTAN PA STE, DE NI KUN SLONG RNYAD BKUR LA SOGS PA 'DOD PA'I NYON MONGS CAN MA YIN PAS BSTAN BYA GSUNG RAB YAN LAG BCU GNYIS SAM, SDE SNOD GSUM GYI TSIG DON RNAMS SBYOR BA YANG DAG PA JI LTA BA BZHIN MA NOR BAR STON PA ZHIG LA BYED PA STE, DE LTA BU'I CHOS KYI SBYIN PA NI SBYIN PA THAMS CAD KYI NANG NAS MCHOG TU GYUR BA YIN NO, ,SDE SNOD GSUM DANG, GSUNG RAB YAN LAG BCU GNYIS KYI RNAM BZHAG SOGS NI GZHAN DU SHES SO,, ` BSOD NAMS MYA NGAN 'DAS PA DANG, ,ZHES SOGS KYIS CHA MTHUN GYI DGE BA GSUM BSHAD PA STE, 'KHOR BAR RNAM SMIN YID DU 'ONG BA MYONG 'GYUR GYI DGE BA NI BSOD NAMS CHA MTHUN DANG, TSOGS LAM DU MYA NGAN LAS 'DAS PAR BSNGOS PA'I DGE BA NI THAR PA'I CHA MTHUN DANG, SBYOR LAM DROD SOGS BZHI NI NGES 'BYAD CHA MTHUN GYI DGE BA'O,, ` RIG PAS RAB TU BCUG PA'I LAS, ,ZHES SOGS KYI SKABS SU RIG PAS RAB TU BCUG PA ZHES PA'I LAS GSUM GSUNGS TE, DE'I DON NI, BSLAB SHES KYI RIG PA'I GNAS RNAMS THABS KYIS RAB TU BCUG PA STE, THABS KYI YONGS SU SLOB PA'I DON YIN LA, DE LA YANG LUS NGAG YID GSUM GYI LAS KUN SLONG MTSUNGS LDAN DANG BCAS PA GSUM YOD DE, YIG 'BRU'I GZUGS 'DRI BA DANG, LHA LA SOGS PA'I 'BUR GYI RGYA BRKO BA SOGS LUS KYI LAS DANG, DNGOS PO GCIG LA SOGS PA BGRANG BA DANG BCAS PA'I NGAG NI NGAG GI LAS DANG, BCU PHRAG BCU LA BRGYA DANG, BRGYA PHRAG BCU LA STONG ZHES SOGS GRANGS BSDOMS TE 'DZIN PA LTA BU YID KYI LAS TE, DANG PO GNYIS NI PHUNG PO LNGA PA CAN YIN LA, PHYI MA NI PHUNG PO BZHI PA CAN NO,, ` SGRIB NGAN KHA NA MA THO BCAS, ,NYON MONGS CAN CHOS, ZHES PA'I DNGOS BSTAN GYI SGRIB PA DANG, NGAN PA DANG, KHA NA MA THO BA DANG BCAS PA, ZHES PA RNAMS NI NYON MONGS CAN GYI MING GI RNAM GRANGS YIN LA, DE BZHIN DU, GYA NOM 'DUS BYAS @49B DGE BSTEN BYA, ZHES PA'I DNGOS BSTAN GYI GYA NOM PA NI DGE BA ZAG MED DANG, RGYUD LA BSKYED PA'I SGO NAS GUS PAS BSTEN PAR BYA BA NI, 'DUS BYAS KYI CHOS DGE BA ZAG BCAS ZAG MED THAMS CAD DO, , ` THAR PA BLA NA MED PA YIN, ,ZHES PA NI, MI DGE BA DANG, BSGRIBS LUNG MA BSTAN DANG, 'DUS BYAS MA BSGRIBS LUNG MA BSTAN DANG, DGE BA ZAG BCAS DANG, 'DUS BYAS ZAG MED DANG, 'DUS MA BYAS MA BSGRIBS LUNG MA BSTAN DANG, 'DUS MA BYAS DGE BA THAR PA SO SOR BRTAGS 'GOG RNAMS NI SNGA MA SNGA MA LAS PHYI MA PHYI MA GONG MA'AM BLA MAR GYUR PA YIN LA, THAR PA MYANG 'DAS SO SOR BRTAGS 'GOG NI DE'I GONG NA KHYAD PAR DU 'PHAGS PA GZHAN MED PAS NA BLA NA MED PA YIN NO, ,ZHES PA'O, ,LAS DANG LAS KYI 'BRAS BU'I RNAM GZHAG SOGS, ,MA NOR GSAL BAR BYED PA'I GTAM BZANG 'DI, ,THAR PA 'DOD PA DAG GIS BLANG DOR GNAS, ,JI BZHIN KHONG DU CHUD PAR BYA PHYIR SPEL, ,CHOS MNGON PA'I MDZOD KYI DGONGS DON GSAL BAR BYED PA'I LEGS BSHAD NYIN BYED DBANG PO'I SNANG BA LAS, LAS BSTAN PA ZHES BYA BA GNAS BZHI PA'I RNAM PAR BSHAD PA'O,, ,,SARBA MANGGA LAm,, ,,