*, ,CHOS MNGON PA'I MDZOD KYI DGONGS DON GSAL BAR BYED PA'I LEGS BSHAD NYIN BYED DBANG PO'I SNANG BA LAS SNYOMS 'JUG BSTAN PA ZHES BYA BA GNAS BRGYAD PA'I RNAM PAR BSHAD PA BZHUGS SO, , @01A #, ,BSAM GTAN DAG NI RNAM GNYIS BZHI, ,ZHES SOGS KYI SKABS SU, BSAM GTAN DANG, GZUGS MED DANG, DE DAG GI YON TAN BSHAD PA SOGS LAS, DANG PO BSAM GTAN LA 'BRAS BU SKYE BA'I BSAM GTAN DANG, RGYU SNYOMS 'JUG GI BSAM GTAN GNYIS, DE GNYIS RE RE LA'ANG BSAM GTAN DANG PO NAS BZHI PA'I BAR RNAM PA BZHI BZHI YOD LA, DE GNYIS KYI NANG NAS 'BRAS BU SKYE BA'I BSAM GTAN NI SNGAR GNAS GSUM PAR, BSAM GTAN SA NI GSUM PA YIN, BZHI PA SA NI BRGYAD PA YIN, ,ZHES SOGS KYIS RGYAS PAR BSHAD PA LTAR DANG, GZHAN YANG DE GNYIS KYI KHYAD PAR LA, RGYU SNYOMS 'JUG NI 'OG SA DANG RANG SA GNYIS KAR MNGON DU BYED PA DANG, MNYAM GZHAG KHO NA DANG, DGE BA DANG SGOM BYUNG KHO NA DANG, TSE JI SRID BAR RGYUN CHAGS PA MA YIN PAR RES 'GA' BA DANG, NYER BSDOGS DANG BCAS PA YIN LA, 'BRAS BU SKYE BA NI, RANG SA KHO NAR MNGON DU BYED PA DANG, MNYAM PAR BZHAG MA BZHAG GNYIS KA DANG, DGE BA DANG LUNG MA BSTAN GNYIS KA YOD PA DANG, THOS BYUNG DANG, SKYES THOB DANG, SGOM BYUNG GSUM KA YOD PA DANG, TSE JI SRID BAR RGYUN CHAGS PA DANG, SBYOR BAS SGRUB PA'AM NYER BSDOGS DANG BCAS PA MA YIN PA'O, ,DE LAS SKABS 'DIR RGYU SNYOMS 'JUG GI BSAM GTAN GTZO BOR BSHAD PA LA, BSAM GTAN GYI SNYOMS 'JUG DE THAMS CAD KYANG GTZO BO NI SEMS BYUNG DGE BA RTZE GCIG PA'I TING NGE 'DZIN YIN LA, RJES 'BRANG DANG BCAS NA NI BSAM GTAN GYI SDOM PA'ANG YOD PAS PHUNG PO LNGA'O, ,DE LA KHO NA RE, TING NGE 'DZIN NI SEMS KYI SA MANG PO PA YIN PAS SEMS THAMS CAD RTZE GCIG PAR 'GYUR RO ZHE NA, MI 'GYUR TE, TING NGE 'DZIN STOBS CHE BA DANG MTSUNGS PAR LDAN PA'I SEMS NI RTZE GCIG PA YIN GYI, STOBS CHUNG BA DANG MTSUNGS PAR LDAN PA NI RTZE GCIG PA MA YIN NO ZHES BYE BRAG SMRA BAS 'DOD LA, MDO SDE PA SOGS NI, SEMS RTZE GCIG PA KHO NA TING NGE 'DZIN @02A *, ,YIN GYI, SEMS LAS DON GZHAN DU GYUR PA'I TING NGE 'DZIN NI MED DO, ,ZHES 'DOD DO,, ` DPYOD DANG DGA' DANG BDE DANG LDAN, ,YAN LAG SNGA SNGA SPANGS PA YI, ,ZHES PA'I SKABS SU BSAM GTAN DE DAG KYANG YAN LAG RTOG DPYOD DANG DGA' BDE RNAMS SNGA MA SNGA MA SPANGS PA LAS PHYI MA PHYI MA 'JOG PA STE, BSAM GTAN DANG PO'I DNGOS GZHI TZAM PO BA NI RTOG DPYOD DGA' BDE DANG BCAS PA LDAN PA DANG, DE'I SHUGS LA DANG PO'I DNGOS GZHI KHYAD PAR CAN DPYOD PA TZAM DANG LDAN PA LAS RTOG PA DANG DGA' BDE DANG MI LDAN PAR BSTAN PA DANG, BSAM GTAN GNYIS PA NI RTOG DPYOD SPANGS SHING DGA' BDE DANG LDAN PA DANG, GSUM PA NI RTOG DPYOD DANG DGA' BA SPANGS SHING BDE BA DANG LDAN PA DANG, BZHI PA NI RTOG DPYOD DANG DGA' BDE THAMS CAD SPANGS PA STE DE THAMS CAD KYANG GZUGS KYI DGE BRTZE GCIG PA'O, ,SKABS 'DIR DPE 'GA' ZHIG TU, YAN LAG LNGA LNGA SPANGS PA YI, ,ZHES GRANGS KYI LNGA 'BRI BA NI YIG NOR TE, DE LA GO DON GANG YANG MI 'JUG PA'I PHYIR, DES NA 'DI'I DON NI BSHAD MA THAG PA LTAR YAN LAG SNGA MA SNGA MA SPANGS PA'I DON NO, ,BSAM GTAN BZHIN DU GZUGS MED LA YANG 'BRAS BU SKYE BA DANG, RGYU SNYOMS 'JUG GNYIS DANG, DE GNYIS RE RE LA YANG NAM MKHA' MTHA' YAS SOGS BZHI BZHI YOD LA, DE LAS 'BRAS BU SKYE BA NI, GZUGS MED NA NI GZUGS MED DO, ,SKYE BA LAS SKYES RNAMS PA BZHI, ,ZHES SNGAR BSHAD ZIN LA, RGYU SNYOMS 'JUG GI GZUGS MED KYI DNGOS GZHI NI GZUGS LAS 'DOD CHAGS DANG BRAL BA'I SNYOMS 'JUG DGE BA RTZE GCIG PA STE 'KHOR DANG BCAS NA PHUNG PO BZHI'O, ,BZHI PO DE DAG KYANG RANG RANG GI 'OG SA LAS DBEN PA STE 'DOD CHAGS DANG BRAL BAR BYED PA'I BAR CHAD MED LAM LAS SKYES SO, ,GZUGS MED KYI DNGOS GZHI BZHI DANG NYER BSDOGS PHYI MA GSUM DANG BCAS PA NI GZUGS LA MI DMIGS PAS GZUGS KYI 'DU SHES BSHIG PA ZHES BYA LA, NAM MKHA'I NYER BSDOGS KYIS NI BSAM GTAN BZHI PA'I GZUGS LA DMIGS SO, ,SDE PA GZHAN @02B 'JIG RTEN 'DAS PAR SMRA BA RNAMS KYIS GZUGS MED NA GZUGS CUNG ZAD YOD PAR 'DOD PA DANG, DE LA KHA CHE BYE BRAG SMRA BAS MI 'THAD PA'I RIGS PA 'PHEN TSUL SOGS ZHIB PA 'GREL PA MNGON PA'I RGYAN SOGS SU BLTA BAR BYA STE 'DIR MANG BAR 'GYUR BAS MA SPROS SO, ,'O NA GZUGS MED KHAMS NA GZUGS MED NA, GZUGS MED NAS 'DOD GZUGS SU SKYES PA DAG LA GZUGS JI LTAR 'BYUNG STE, GZUGS KYI NYER LEN NI GZUGS KHO NA YIN PA'I PHYIR RO, ,ZHE NA, BYE BRAG SMRA BA KHA CIG GIS NI, GZUGS MED PA DAG GI RGYUD LA GZUGS KYI SEMS MNGON DU GYUR NA, DE NI GZUGS MED NAS GZUGS SU 'PHO BA'I 'CHI LTAS KYANG YIN PAS 'CHI LTAS DES GZUGS KYI LHAN CIG BYED RKYEN BYED PA YIN LA, RNAM SMIN DANG SKAL MNYAM GYI RGYU NI 'DAS PA'I GZUGS RDZAS SU GRUB PAS BYED PAR 'DOD LA, MDO SDE PAS NI, SEMS LA GZUGS KYI SA BON YOD PAS DE LAS SKYE BAR 'DOD CING, SKABS 'DI'I RANG LUGS LA NI, 'DOD TSUL DE DAG MI 'THAD PAR SGRUB NAS, DE'I TSE GZUGS NI LHAN CIG BYED RKYEN LAS KYIS 'PHANGS PA'I SEMS KYIS BSKYED PAR BYED CING, NYE BAR LEN PA'I RGYU NI 'DOD GZUGS NA YOD PA'I 'BYUNG BZHI NYID YIN NO, ,'DAS PA'I GZUGS RDZAS SU GRUB PAS RNAM SMIN DANG SKAL MNYAM GYI RGYU BYED TSUL NI, SNGAR GNAS GNYIS PAR 'DOD PA NAS GZUGS MED DU SKYES MA THAG PA'I GANG ZAG GI YID DANG RNAM SHES KYI RIGS 'DRA SNGA MA 'JOG TSUL BSHAD PA LTAR, 'DIR YANG GZUGS MED PA DE SNGAR 'DOD GZUGS GANG RUNG NAS GZUGS MED DU SKYE BA BLANG KHA MA'I GANG ZAG GI RGYUD KYI GZUGS 'DAS PA DES SLAR GZUGS MED NAS 'DOD GZUGS GANG RUNG DU SKYE BA BLANG MA THAG PA'I GZUGS KYI SKAL MNYAM GYI RGYU BYED PAR 'DOD PA YIN LA, RNAM SMIN GYI RGYU YANG SNGAR BSAGS 'DAS PA DE DAG GIS BYED PA'O,, ` RNAM SHES MTHA' YAS MKHA' MTHA' YAS, ,ZHES SOGS KYI SKABS SU, GZUGS MED SNYOMS 'JUG BZHI'I SGRA DON NI DANG PO GSUM NI SBYOR BA'I MING GIS BTAGS PA STE, SBYOR BA'I GNAS SKABS SU RIM PA LTAR, NAM MKHA' MTHA' YAS SO ZHES BYA BA DANG, RNAM SHES MTHA' YAS SO, ,ZHES PA DANG, CI YANG MED DO ZHES BYA BAR YID LA BYED PA'I SGO NAS BTAGS PA DANG, BZHI PA NI, 'DU SHES CHUNG ZHING DMAN PAS 'DU SHES MED PA ZHES KYANG BYA LA, YANG 'DU SHES CUNG ZAD YOD PA'I PHYIR 'DU SHES MED PA'ANG MA YIN PAS NA 'DU SHES MED 'DU SHES @03A *, ,MED MIN ZHES BYA BA'AM, YANG NA SNGA MA RNAMS DANG MTSUNGS PAR SBYOR BA'I TSE 'DU SHES RAGS PA LA SKYON DU BLTA ZHING, 'DU SHES GTAN NAS MED PA'ANG KUN TU RMONGS PA'I SKYON DU BLTAS TE 'DU SHES MED 'DU SHES MED MIN SKYE MCHED 'DI NI ZHI BA DANG GYA NOM PA'O ZHES YID LA BYED PAS DE LTAR DU BTAGS PA YIN LA, ,SRID PA GSUM NA DE BAS LHAG PA MED PAS SRID RTZE ZHES KYANG BYA'O, ,DE LTAR NA YAN LAG MA GTOGS PA BSAM GTAN BZHI DANG GZUGS MED BZHI STE SNYOMS 'JUG DNGOS GZHI'I RDZAS NI RNAM PA BRGYAD DO,, ` RNAM PA BRGYAD BDUN RNAM PA GSUM, ,ZHES SOGS KYI SKABS SU, BRGYAD PO DE LAS SRID RTZE MA GTOGS PA'I BDUN LA NI, SGRAS BRJOD RIGS SAM, DNGOS BTAGS MA PHYE BAR DBYE NA, RO MYANG DANG MTSUNGS PAR LDAN PA DANG, DAG PA BA DANG, ZAG MED DE RNAM PA GSUM YOD LA, RO MYANG DANG MTSUNGS LDAN ZHES PA NI, GTZO BOR RANG SA'I SRID PA DANG MTSUNGS LDAN DU SONG BAS MTSAN PA'I SNYOMS 'JUG NYON MONGS CAN LA BYED PA YIN LA, 'DI LA 'GREL PA RNAMS SU DNGOS BTAGS DNGOS SU MA PHYE YANG, SNYOMS 'JUG NYON MONGS CAN NI SNYOMS 'JUG RJES MTHUN PA'AM BTAGS PA BAR 'DOD DGOS KYI, DE SNYOMS 'JUG DNGOS SU 'DOD NA NI, SNYOMS 'JUG DGE BA RTZE GCIG PA, ,ZHES SOGS MANG PO ZHIG DANG 'GAL BAR 'GYUR TE, SNYOMS 'JUG NYON MONGS CAN NI BSGRIBS LA LUNG MA BSTAN YIN PA'I PHYIR RO, ,SRID RTZE LA YANG RO MYANG LDAN DANG DAG PA BA GNYIS YOD LA, ZAG MED NI ME DE, 'DU SHES MI GSAL BA'I PHYIR, ZAG BCAS 'JIG RTEN PA'I SNYOMS 'JUG DGE BA NI DAG PA BA YIN LA, DAG PA BA DE LA 'DI NI BZANG NGO ZHES ZHEN CING SRED PA SKYES NA SNYOMS 'JUG RO MYANG LDAN DU SONG BA YIN TE, SNYOMS 'JUG GI RO MYANG BA LAS SKYES BA'I PHYIR, SNYOMS 'JUG NYON MONGS CAN LA BLTA BA DANG, NGA RGYAL SOGS DANG BCAS PA'ANG YOD PAS SRED PA KHO NA DANG LDAN BAR MA NGES KYANG, 'DIR DE NYID GTZO BOR GSUNGS PA NI GONG SA'I SNYOMS 'JUG THOB PA LA GEGS BYED KYI GTZO BO NI RANG SA'I SRED PA NYID YIN PA LA DGONGS TE DE NYID DMIGS KYIS BKAR NAS GSUNGS PA'O, ,SNYOMS 'JUG ZAG MED NI BDEN PA'I RNAM PA CAN 'JIG RTEN LAS 'DAS PA'O,, ` DANG PO LA LNGA RTOG DPYOD DANG, ,ZHES SOGS KYI SKABS SU, DE LA GZUGS MED KYI SNYOMS 'JUG @03B RNAMS NI ZHI GNAS SHAS CHE BAR RO GCIG PAS YAN LAG GI RNAM PAR BZHAG PA MA GSUNGS LA, BSAM GTAN GYI YAN LAG RNAMS 'JOG PA'I RGYU MTSAN LA BSHAD TSUL MI 'DRA BA MANG YANG RANG LUGS NI, GNYEN PO'I YAN LAG DANG, PHAN YON GYI YAN LAG DANG, GNAS KYI YAN LAG GSUM GYI SGO NAS 'JOG PA STE 'OG NYID DU 'CHAD PAR 'GYUR RO, ,YAN LAG DANG YAN LAG CAN NGOS BZUNG BA'I TSUL LA, BYE BRAG SMRA BAS TING NGE 'DZIN NI BSAM GTAN DANG BSAM GTAN GYI YAN LAG GNYIS KA YIN LA, GZHAN RNAMS NI YAN LAG KHO NA YIN NO ZHES 'DOD LA, SLOB DPON GYI BZHED PA NI, BSAM GTAN RNAMS YAN LAG DE DAG LAS DON GZHAN DU GYUR PA MA YIN YANG YAN LAG BZHI PA'I DMAG CES BRJOD PA LTAR TSOGS PA'I SPYI DANG BYE BRAG GI SGO NAS YAN LAG DANG YAN LAG CAN DU 'JOG PAR BZHED DO, ,'O NA, BSAM GTAN SO SO LA YAN LAG JI TZAM ZHE NA, BSAM GTAN DANG PO LA YAN LAG LNGA STE, MI MTHUN PHYOGS 'DOD PA'I 'DOD CHAGS DANG, GNOD SEMS SOGS KYI GNYEN PO'I YAN LAG RTOG DPYOD GNYIS, RTOG DPYOD KYI MI MTHUN PHYOGS DE DAG SPANGS NAS DES DBEN PA LAS SKYES PA'I PHAN YON GYI YAN LAG DGA' BDE GNYIS, SEMS RTZE GCIG PA'I TING NGE 'DZIN GYI STOBS KYIS SNGA MA DE DAG 'GRUB PAS DE GNYIS KA'I GNAS SAM RTEN GYI YAN LAG TING NGE 'DZIN RNAMS SO, ,BSAM GTAN GNYIS PA LA YAN LAG BZHI STE, BSAM GTAN DANG PO'I RTOG DPYOD KYI GNYEN PO'I YAN LAG NANG RAB TU DANG BA DANG, PHAN YON GYI YAN LAG DGA' BDE GNYIS, GNAS KYI YAN LAG TING NGE 'DZIN DANG BZHI'O, ,BSAM GTAN GSUM PA LA YAN LAG LNGA STE, BSAM GTAN GNYIS PA'I DGA' BA'I GNYEN PO'I YAN LAG 'DU BYED BTANG SNYOMS DANG, BTANG SNYOMS KYI RGYU MTSAN MI BRJED PA'I DRAN PA DANG, DRAN PA MI BRJED PA'I SHES BZHIN GSUM DANG, PHAN YON GYI YAN LAG BDE BA DANG, GNAS KYI YAN LAG TING NGE 'DZIN RNAMS SO, ,BSAM GTAN BZHI PA NA YAN LAG BZHI STE, GSUM PA'I BDE BA'I GNYEN PO'I YAN LAG DRAN PA YONGS SU DAG PA DANG, 'DU BYED BTANG SNYOMS YONGS SU DAG PA GNYIS, PHAN YON GYI YAN LAG TSOR BA BTANG SNYOMS YONGS SU DAG PA DANG, GNAS KYI YAN LAG TING NGE 'DZIN YONGS SU DAG PA STE, 'DI DAG LA 'OG MA'I SKYON BRGYAD LAS GROL BAS YONGS SU DAG PA ZHES BRJOD DO, ,DE LTAR NA BSAM GTAN RNAMS KYI YAN LAG NI MING GI SGO NAS BCO BRGYAD YIN @04A *, ,GYI, RDZAS RIGS KYI SGO NAS BCU GCIG TU 'DU STE, BSAM GTAN DANG PO'I YAN LAG LNGA DANG, GNYIS PA'I NANG RAB TU DANG BA DANG, GSUM PA'I TING NGE 'DZIN MA GTOGS PA BZHI DANG, BZHI PA'I TSOR BA BTANG SNYOMS TE BCU GCIG NI RDZAS THA DAD PA YIN LA, GZHAN BDUN NI DGA' BDE DANG, TING NGE 'DZIN DANG, DRAN PA DANG, 'DU BYED BTANG SNYOMS RNAMS DANG RDZAS RIGS GCIG PA'I PHYIR RO, ,SKABS 'DI'I GNYEN PO'I YAN LAG ZHES PA NI, 'GREL PA MNGON PA'I RGYAN DU, THAG BSRING PA'I GNYEN POR 'DOD PA NYID LEGS SO, ,ZHES GSUNGS PA NGES PAR DON LA GNAS TE, YAN LAG 'DI DAG DNGOS GZHI'I ZAG BCAS ZAG MED GNYIS LA THUN MONG DU YOD PA'I YAN LAG GI DBANG DU BYAS PA GANG ZHIG ,DES NA GNYEN PO'I YAN LAG KYANG THAG BSRING BA'I GNYEN PO MA GTOGS SPONG BA'I GNYEN PO LA MI BYED DE, DNGOS GZHI ZAG BCAS LA SPONG GNYEN MI 'JOG PA'I PHYIR TE, 'JIG RTEN PA'I LAM GYI NGO BOR GYUR PA'I SPONG GNYEN PHAL CHE BA NI NYER BSDOGS BAR CHAD MED LAM GYI STENG NAS 'JOG PA'I PHYIR, 'O NA 'GREL PA MNGON PA'I RGYAN NYID DU, YAN LAG DE DAG 'CHAD PA'I TSE 'DOD PA'I 'DOD CHAGS SOGS SPONG BAS GNYEN PO'I YAN LAG ZHES DANG, RTOG DPYOD SPONG BAS GNYEN PO'I YAN LAG ZHES SOGS SKABS 'GAR BYED SGRA DANG BCAS TE SPONG GNYEN DU GSUNGS PA DANG, YANG SKABS 'GAR MI MTHUN PHYOGS RNAM PA LNGA SPONG BA'I GNYEN PO ZHES 'BREL SGRA DANG BCAS TE SPONG GNYEN DU GSUNGS PA JI LTAR ZHE NA, DE DAG THAMS CAD KYANG SPANG BYA DE DANG DE SPONG BA'I THAG BSRINGS PA'I GNYEN PO NYID LA DGONGS PA YIN KYANG MKHAS PA'I TSIG BRLING BAS BAR GYI TSIG MI MNGON PAR BSDUS PA YIN NO, ,GTAN LA DBAB PA BSDU BA SOGS LAS YAN LAG 'JOG TSUL 'DI DANG MI MTHUN PAR GSUNGS TE GZHAN DU SHES SO,, ` SHIN TU SBYANGS PA BDE BA YIN, ,ZHES SOGS KYI SKABS SU, 'O NA BSAM GTAN DANG PO GNYIS KYI YAN LAG TU DGA' BA LAS THA DAD PA'I BDE BA 'DREN PA MI 'THAD DE, SA DE GNYIS NA DGA' BA LA 'DOD CHAGS DANG MA BRAL BAS TSOR BA SEMS BDE NI MED LA, LUS BDE NI DBANG SHES YIN PAS MNYAM BZHAG GI SA PA'I BSAM GTAN GYI 'KHOR DU MI RUNG BA MA ZAD, BSAM GTAN GNYIS PA'I SAS BSDUS KYI LUS BDE'ANG MED PA'I PHYIR RO, ,ZHE NA, @04B DE LA BYE BRAG SMRA BAS NI, DNGOS GZHI KHYAD PAR CAN LAS GZHAN PA'I BSAM GTAN DANG PO GNYIS KYI PHAN YON GYI YAN LAG TU GYUR PA'I BDE BA NI DNGOS GZHI DE GNYIS KYI NGO BOR GYUR PA'I DGE BA'I SA MANG GI SHIN SBYANGS LA BTAGS PA LAS TSOR BA BDE BA MA YIN PAS LUS TSOR DANG SEMS TSOR GANG RUNG DU THAL BA'I SKYON MED PAR 'DOD LA, MDO SDE PAS NI, BSAM GTAN DANG PO GSUM CHAR GYI SAS BSDUS PA'I LUS BDE YOD PAS, BSAM GTAN DANG PO'I YAN LAG TU GYUR PA'I LUS TSOR BDE BA YOD PAR MA ZAD, BSAM GTAN BAR PA GNYIS KYI YAN LAG TU GYUR PA'I LUS TSOR BDE BA'ANG YOD PAR BZHED PAR MNGON TE, DES BYE SMRA'I 'DOD PA 'GOG PA NA, BSAM GTAN SNGA MA GNYIS SU SHIN SBYANGS LA BDE BAR BRJOD NA, 'O NA, BSAM GTAN SNGA MA GNYIS LAS SHIN SBYANGS KHYAD PAR DU 'PHAGS PA BSAM GTAN BZHI PA NA YOD PAS, BZHI PA'I YAN LAG TU'ANG BDE BA SMOS RIGS PA LAS MA SMOS PA'I PHYIR RO ZHES SOGS KYI SKYON BRJOD TSUL RNAMS KYIS SHES SO, , DE LA BYE BRAG SMRA BAS, BSAM GTAN DANG PO GNYIS KYI YAN LAG TU GYUR PA'I BDE BA DE DGE BA'I SA MANG GI SHIN SBYANGS LA BTAGS PAR 'DOD PA LTAR NA, BSAM GTAN GONG MA GNYIS SOGS SNYOMS 'JUG GZHAN GYI YAN LAG TU YANG BDE BA YOD PAR THAL BA'I SKYON 'JUG MOD KYANG, SKABS THOB KHAS LEN 'DI LTAR SMRA STE, DNGOS GZHI KHYAD PAR CAN LAS GZHAN PA'I BSAM GTAN DANG PO GNYIS KYI YAN LAG TU GYUR PA'I SHIN SBYANGS DE RANG GROGS TSOR BA YID BDE DANG MTSUNGS LDAN DU SONG BAS, DE DANG DE'I YAN LAG TU GYUR PA'I BDE BAR BTAGS PA YIN LA, GSUM PA YAN CHAD DGA' BA LA 'DOD CHAGS DANG BRAL BAS GSUM PA YAN CHAD DANG NYER BSDOGS KYIS BSDUS PA'I DGE BA'I SA MANG GI SHIN SBYANGS RNAMS RANG GROGS TSOR BA YID BDE DANG MTSUNGS LDAN DU MA SONG BAS BDE BAR MA BSHAD PA YIN NO ZHES BYA'O, ,'O NA, LUGS 'DIR DGE BA'I SA MANG GI SHIN SBYANGS DE SHIN SBYANGS MTSAN NYID PA YIN NAM ZHE NA, DE LA SHIN SBYANGS MTSAN NYID PA YIN MIN GNYIS, GONG DU TING NGE 'DZIN STOBS CHE BA DANG MTSUNGS PAR LDAN PA'I DGE SEMS RTZE GCIG PA SNYOMS 'JUG TU BSHAD PA LTAR, 'DIR YANG TING NGE 'DZIN STOBS CHE BA DANG MTSUNGS PAR LDAN PA'I DGE BA'I SA MANG GI SHIN SBYANGS DE SEMS SHIN SBYANGS MTSAN NYID PAR 'JOG DGOS TE, 'GREL PA MNGON PA'I @05A *, ,RGYAN DU, BSAM GTAN DANG PO DANG GNYIS PA DAG NA NI DGE BA'I SA MANG PO PA'I SEMS SHIN TU SBYANGS PA LA BDE BA ZHES BRJOD PA YIN NO, ,ZHES GSUNGS PA'I DNGOS SHUGS KYIS RIG PAS 'GRUB PA'I PHYIR RO, ,'O NA SEMS SHIN SBYANGS LA SNYOMS 'JUG GI SEMS KYI 'KHOR DU SONG BAS KHYAB BAM ZHE NA MA KHYAB STE, ZHI GNAS 'GRUB PA LA MNGON DU PHYOGS PA'I GANG ZAG GI RGYUD KYI 'DOD SEMS RTZE GCIG PA'I TING NGE 'DZIN DANG MTSUNGS LDAN GYI DGE BA'I SA MANG GI SHIN SBYANGS DE SEMS SHIN SBYANGS YIN PA'I PHYIR, DE LTAR YIN KYANG GONG MA'I DGE BA MNYAM BZHAG MA YIN PA DANG, KHA PHYIR BLTAS KYI 'DOD PA'I YID SHES DGE BA DANG, DBANG SHES DGE BA'I 'KHOR GYI SHIN SBYANGS NI LUS SEMS KYI SHIN SBYANGS GANG DU YANG MA GTOGS SO, ,'O NA, LUS SEMS KYI SHIN SBYANGS GNYIS DANG DE GNYIS KYIS DRANGS PA'I BDE BA JI LTA BU ZHE NA, LUS YANG ZHING ZO MDOG BDE BA DGE BA'I BYA BA LA JI LTAR 'DOD 'DOD DU BKOL DU RUNG BA'I LUS KYI REG BYA KHYAD PAR CAN DE LUS SHIN SBYANGS DANG, SEMS TING NGE 'DZIN GYI DMIGS PA LA JI LTAR 'DOD 'DOD DU BKOL DU RUNG BA'I SEMS LAS RUNG KHYAD PAR CAN DE SEMS SHIN SBYANGS SU 'JOG LA, LUS SHIN SBYANGS 'DOD GZUGS KYI SA LNGA DANG DES DRANGS PA'I LUS SHIN SBYANGS KYI BDE BA NI 'DOD PA DANG BSAM GTAN DANG POR GTOGS SHING, SEMS SHIN SBYANGS SA BCU GCIG NA YOD LA, DES DRANGS PA'I SEMS SHIN SBYANGS KYI BDE BA NI 'DOD PA DANG BSAM GTAN DANG PO GSUM NA YOD PAR MNGON NO, ,BSAM GTAN BZHI'I KHYAD PAR NI, DANG PO DANG GNYIS PA LA TING NGE 'DZIN YONGS SU RDZOGS MA RDZOGS KYI KHYAD PAR DANG, GNYIS PA DANG GSUM PA LA PHAN 'DOGS PA YONGS SU RDZOGS MA RDZOGS DANG, GSUM PA DANG BZHI PA LA YONGS SU DAG PA YONGS SU RDZOGS MA RDZOGS KYI KHYAD PAR YOD DO ZHES KYANG BSHAD DO,, ` RAB TU DANG BA DAD PA YIN, ,ZHES PA, BSAM GTAN GNYIS PA'I YAN LAG TU GYUR BA'I NANG RAB TU DANG BA NI, BSAM GTAN DANG POS 'DOD PA LAS NGES PAR 'BYUNG BA MA ZAD, 'DIS NI BSAM GTAN DANG PO LAS KYANG NGES PAR 'BYUNG BAS DE LA YID CHES PA'I DAD PA YIN NO, ,ZHES PA'O,, ` LUNG RNAM GNYIS PHYIR DGA' YID BDE, ,ZHES PA NI, BYE BRAG SMRA BAS, BSAM GTAN DANG PO GNYIS KYI DGA' BA NI TSOR BA YID BDE KHO NA DANG, GSUM @05B PA'I BDE BA NI SEMS TSOR BDE BA NYID YIN TE, DE LTAR DU RNAM PAR BSGYUR BA'I MDO DANG, BSAM GTAN GYI YAN LAG STON PA'I MDO GNYIS LAS GSUNGS PA'I PHYIR ZHES 'DOD PA STE, MDO GNYIS KYI LUNG NI GZHAN DU SHES SO,, ` NYON MONGS CAN LA DGA' BDE DANG, ,ZHES SOGS KYI SKABS SU, 'O NA SNGAR BSHAD PA'I YAN LAG DE DAG NYON MONGS CAN GYI BSAM GTAN DANG PO LA NYON MONGS PAS DBEN PA LAS SKYES PA'I PHAN YON GYI YAN LAG DGA' BDE MED LA, NYON MONGS CAN GYI BSAM GTAN GNYIS PA LA GNYEN PO'I YAN LAG NANG RAB TU DANG BA MED PA DANG, NYON MONGS CAN GYI BSAM GTAN GSUM PA LA GNYEN PO'I YAN LAG TU GYUR PA'I SHES BZHIN DANG DRAN PA MED, NYON MONGS CAN GYI BSAM GTAN BZHI PA LA GNYEN PO'I YAN LAG BTANG SNYOMS DANG DRAN PA YONGS SU DAG PA MED DO, ,DE BZHIN DU NYON MONGS CAN DE DAG LA BYE SMRA'I RANG LUGS LTAR NA SHIN SBYANGS DANG, 'DU BYED BTANG SNYOMS TZAM YANG MED PAR 'DOD DGOS TE, DE GNYIS NI DGE BA'I SA MANG PO PA YIN PA'I PHYIR, PHYI MA 'DI LA RTZA BAR KHA CIG CES GZHAN LUGS SU MDZAD PA NI GRUB MTHA' GONG MA SOGS DANG MTHUN PAR MDZAD PA'O, ,NYON MONGS CAN LA DGA' BDE DANG DRAN PA MED PAR BSHAD PA YANG GONG DU BSHAD PA'I PHAN YON DANG, GNYEN PO'I YAN LAG TU GYUR PA'I DGA' BDE SOGS MED PAR BSHAD PA YIN GYI, SPYIR NA NYON MONGS CAN GYI BSAM GTAN DANG PO GNYIS LA DGA' BDE MED PA MA YIN TE, DGA' BA NYON MONGS CAN YOD PA'I PHYIR TE, YID BDE NYON MONGS CAN YOD PA'I PHYIR DANG, YID BDE DE NYID SPYIR DGA' BA'ANG YIN PA'I PHYIR, DE BZHIN DU DRAN PA NI SEMS KYI SA MANG PO PA YIN PAS SEMS THAMS CAD KYI 'KHOR DU 'BYUNG BA'I PHYIR RO,, ` SKYON BRGYAD LAS NI GROL BA'I PHYIR, ,ZHES SOGS KYI SKABS SU, BSAM GTAN BZHI PA NI RANG SA'I SNYOMS 'JUG LA LTOS PA'I SKYON BRGYAD LAS GROL BAS G-YO BA MED PA ZHES BYA LA, DE LA LTOS PA'I SKYON BRGYAD NI, RTOG DPYOD GNYIS, DBUGS 'BYUNG RNGUB GNYIS, TSOR BA BDE BA DANG, SDUG BSNGAL, YID BDE, YID MI BDE BZHI STE BRGYAD DO, ,'ON KYANG BSAM GTAN BZHI PA LA LTOS PA'I TING NGE 'DZIN GYI SKYON YIN NA, TING NGE 'DZIN GYI SKYON YIN PAS MA KHYAB STE, DGA' BDE GNYIS LTA BU TING NGE 'DZIN GYI SKYON MA YIN PA'I PHYIR TE, DE GNYIS TING NGE 'DZIN SKYON MED KYI YAN LAG @06A *, ,TU YANG RUNG BA'I PHYIR RO, ,YANG DE LA LTOS PA'I TING NGE 'DZIN GYI SKYON YIN NA, TING NGE 'DZIN GYI SKYON MA YIN PAS KYANG MA KHYAB STE, YID MI BDE DANG SDUG BSNGAL GYI DBANG PO GNYIS MTHA' GCIG TU TING NGE 'DZIN GYI SKYON YIN PA'I PHYIR RO,, ` SKYE BA'I BSAM GTAN DAG NA NI, ,ZHES SOGS KYI SKABS SU, 'O NA; GONG DU RGYU SNYOMS 'JUG GI BSAM GTAN LA YOD PAR BSHAD PA'I TSOR BA YID BDE DANG, BDE BA SOGS DE DAG 'BRAS BU SKYE BA'I BSAM GTAN LA YANG YOD TSUL MTSUNGS SAM ZHE NA, 'BRAS BU SKYE BA'I BSAM GTAN NA NI DE DAG DANG GZHAN YANG YOD DE, 'BRAS BU SKYE BA'I BSAM GTAN DANG PO NA YID SHES 'KHOR GYI TSOR BA YID BDE DANG, MIG RNA LUS KYI RNAM SHES GSUM DANG MTSUNGS LDAN GYI TSOR BA BDE BA'I DBANG PO DANG, RNAM SHES BZHI CHAR GYI 'KHOR DU GYUR PA'I TSOR BA BTANG SNYOMS RNAMS YOD LA, GNYIS PA NA DE'I SAS BSDUS KYI DBANG SHES MED PAS YID SHES 'KHOR GYI TSOR BA YID BDE DANG BTANG SNYOMS GNYIS, GSUM PA NA YID KYIS PA'I TSOR BA SEMS BDE DANG BTANG SNYOMS GNYIS, BZHI PA NA YID KYI SA PA'I TSOR BA BTANG SNYOMS KHO NA YOD DO, ,RGYU SNYOMS 'JUG DANG 'BRAS BU SKYE BA'I BSAM GTAN GNYIS LA KHYAD PAR CHE STE, RGYU SNYOMS 'JUG GI BSAM GTAN LA NI SNYOMS 'JUG RJES 'BRANG DANG BCAS PA KHO NAR NGES LA, 'BRAS BU SKYE BA'I BSAM GTAN LA NI SA DER SKYES PA'I GANG ZAG DANG, DE'I RNAM SMIN GYI PHUNG PO DANG, DE LAS GZHAN PA'I DBANG SHES, YID SHES, BDAG 'BRAS SOGS SA DER GTOGS PA'I CHOS PHAL MO CHE 'BYUNG NGO,, ` GNYIS PA SOGS NA LUS MIG DANG, ,ZHES SOGS KYI DON NI SNGAR GNAS DANG PO SOGS SU BSHAD ZIN PA LTAR, BSAM GTAN GNYIS PA YAN CHAD RANG SA NA DBANG SHES DANG, LUS NGAG GI RIG BYED KUN NAS SLONG BA'I RTOG DPYOD MED PAS DE DAG MNGON DU BYED PA NA BSAM GTAN DANG PO'I SA PA LA BRTEN PA YIN LA, DE YANG MA BSGRIBS LUNG MA BSTAN 'BA' ZHIG MNGON DU BYED PA YIN GYI DGE BA DANG NYON MONGS CAN NI MA YIN NO, ,SDE PA GZHAN 'GA' ZHIG NI BSAM GTAN PHYI MA GSUM GYI SAS BSDUS PA'I MIG RNA LUS KYI RNAM SHES GSUM YOD PAR 'DOD KYANG LUGS 'DIR KHAS MI LEN NO,, ` DE DANG MI LDAN 'DOD CHAGS BRAL, ,ZHES SOGS KYI SKABS SU, SNYOMS @06B 'JUG DE DAG THOB TSUL LA, DNGOS GZHI DAG PA BA'I THOB TSUL NI, 'OG SA LAS 'DOD CHAGS DANG BRAL BA DANG, GONG NAS 'OG TU SKYE BA DANG, SBYOR BA DANG, CHAGS BRAL LAS NYAMS PA BZHIS THOB PA YOD DE, DANG PO NI, DNGOS GZHI DAG PA BA DE DANG SNGAR GTAN NAS MI LDAN PA ZHIG GIS GSAR DU THOB NA 'OG SA LAS 'DOD CHAGS DANG BRAL BAS THOB PA'AM, YANG NA SRID RTZE MA GTOGS PA'I SA LHAG MA RNAMS KYI DNGOS GZHI DAG PA BA NGES 'BYED CHA MTHUN MA GTOGS PA RNAMS GONG SA NAS 'OG SAR SKYES PAS KYANG GSAR DU THOB LA, SRID RTZE'I DNGOS GZHI NI 'OG SA LAS 'DOD CHAGS DANG BRAL BA KHO NAS GSAR DU THOB KYI, SRID RTZE'I GONG NA SA GZHAN MED PAS GONG SA NAS 'OG SAR SKYE BAS THOB PA MED LA, 'OG SA NAS SRID RTZER SKYES NA YANG RGYU SNYOMS 'JUG SNGAR NAS THOB ZIN PAS SKYE BAS GSAR DU THOB PA MA YIN NO, ,'DI LA 'GREL PA RNAMS SU SRID RTZE LA SKYE BAS THOB PA MED PAR GSUNGS PA NI, BSHAD MA THAG PA LTAR, 'OG SA NAS SRID RTZER SKYES PA NA SRID RTZE'I SNYOMS 'JUG SKYES STOBS KYIS GSAR DU THOB PA MA YIN PA'I DON LAS, SPYIR SRID RTZE'I SNYOMS 'JUG LA SKYES THOB MED PA'I DON NI MA YIN NO, ,SBYOR LAM NGES 'BYED CHA MTHUN GYI NGO BOR GYUR PA'I BSAM GTAN GYI SNYOMS 'JUG NI SBYOR BA'I STOBS KHO NAS GSAR DU THOB KYI 'OG SA LAS 'DOD CHAGS LAS BRAL BA TZAM DANG, SKYE BA'I STOBS KYIS THOB MI NUS SO, ,NYAMS PA CHA MTHUN GYI DNGOS GZHI DAG PA BA NI, CHAGS BRAL LAS NYAMS PA DANG 'DOD CHAGS DANG BRAL BA GNYIS KAS THOB STE DANG PO NI, DPER NA BSAM GTAN DANG PO LAS 'DOD CHAGS DANG BRAL BA ZHIG SLAR BSAM GTAN DANG PO'I NYON MONGS KYIS NYAMS NA, DE'I TSE DANG PO'I DNGOS GZHI NYAMS PA CHA MTHUN GSAR DU THOB PA YOD PA LTA BU STE, DES GZHAN LA YANG MTSON NO, ,GNYIS PA NI, NYAMS PA CHA MTHUN DANG POR THOB PA'I TSE 'OG SA LAS 'DOD CHAGS DANG BRAL BAS THOB PA'O, ,DES NA BSTAN BCOS RNAMS SU, BSAM GTAN DAG PA BA GANG ZHIG 'DOD CHAGS DANG BRAL BAS THOB LA, 'DOD CHAGS DANG BRAL BAS 'DOR BA DANG, YANG 'DOD CHAGS DANG BRAL BA LAS NYAMS PAS THOB LA, 'DOD CHAGS DANG BRAL BA LAS NYAMS PAS BTANG @07A *, ,PAR GSUNGS PA YANG NYAMS PA CHA MTHUN GYI SNYOMS 'JUG LA DGONGS PA STE, DPER NA, BSAM GTAN DANG PO'I DNGOS GZHI NYAMS PA CHA MTHUN DE DANG POR 'DOD PA LA 'DOD CHAGS DANG BRAL BA'I STOBS KYIS THOB LA, DE NAS BSAM GTAN DANG PO LA YANG 'DOD CHAGS DANG BRAL NA DE'I TSE DANG PO'I NYAMS PA CHA MTHUN DE BTANG BA YIN CING, YANG DES SLAR BSAM GTAN DANG PO LA 'DOD CHAGS DANG BRAL BA LAS NYAMS NA YANG DANG PO'I NYAMS PA CHA MTHUN YANG SNGAR BZHIN THOB PAR 'GYUR BA DANG, DA DUNG GAL TE 'DOD PA LA 'DOD CHAGS DANG BRAL BA LAS KYANG NYAMS NA NI, DANG PO'I NYAMS PA CHA MTHUN YANG GTONG BAR 'GYUR BA'I DON TE, DES GZHAN LA YANG RIGS 'GRE'O, ,'O NA; BSAM GTAN DANG PO'I DNGOS GZHI DAG PA BA THOB NA, DANG PO'I NYAMS PA CHA MTHUN THOB PAS KHYAB BAM, ZHE NA; DE NI MA NGES TE, NYAMS PA CHA MTHUN ZHES PA NYON MONGS DANG RJES SU MTHUN PA STE, RANG NYAMS BYED KYI NYON MONGS SKYE BA LA PHYOGS PA LTA BU ZHIG LA BYED PA YIN NA, DAG PA BA THOB PA THAMS CAD KYIS DE LTAR DU THOB PAR MA NGES PA'I PHYIR TE, ZHIB PA 'OG TU 'CHAD DO,, ` ZAG MED 'DOD CHAGS BRAL BA YIS, ,ZHES PA'I SKABS SU, DNGOS GZHI ZAG MED THOB TSUL NI, SNGAR DNGOS GZHI'I SNYOMS 'JUG TZAM YANG GTAN NAS MA THOB PA ZHIG GIS GSAR DU DNGOS GZHI ZAG MED THOB PA NA, 'DOD CHAGS DANG BRAL BA'I STOBS KYIS THOB CING, DE YANG MTHAR GYIS PA'I PHYIR MI 'ONG GI 'BRAS BU LTA BU LA BYED KYI, RGYUN ZHUGS DANG PHYIR 'ONG GI 'BRAS BU LA NI DNGOS GZHIS BSDUS PA MED CING, DGRA BCOM PA NI PHAL CHE BA SNGAR NAS DNGOS GZHI ZAG MED THOB ZIN SHA DAG YIN LA, 'ON KYANG SPANG BYA CIG CAR BA'I DGRA BCOM GYIS NI 'DOD CHAGS DANG BRAL BAS THOB PA 'DRA'O, ,CHAGS BRAL SNGON SONG GI PHYIR MI 'ONG ZHUGS PAS NI MTHONG LAM DANG DUS MNYAM DU DNGOS GZHI ZAG MED GSAR DU THOB PAS DE NI NGES PA LA 'JUG PA'I STOBS KYIS GSAR DU THOB PA YIN LA, 'ON KYANG MTHAR GYIS PA RNAMS NYER BSDOGS MI LCOGS MED KHO NA LA BRTEN NAS MTHONG LAM THOB PAS NA, NGES PA LA 'JUG NA DNGOS GZHI ZAG MED THOB PAR MA NGES PA LA DGONGS NAS RTZA BAR NGES PA LA 'JUG PAS THOB TSUL DNGOS SU MA GSUNGS LA, DE @07B LTA NA YANG YOD PAR NI 'DOD DGOS TE GONG DU BSHAD PA'I CHAGS BRAL SNGON SONG DANG, BSE RU LTA BU'I RANG RGYAL DANG, BYANG SEMS RNAMS KYIS DNGOS GZHI ZAG MED THOB PA NA, NGES PA LA 'JUG PAS GSAR DU THOB PA YIN PA'I PHYIR RO, ,YANG DNGOS GZHI ZAG MED KYI BYE BRAG 'GA' ZHIG SBYOR BA'I STOBS KYIS GSAR DU THOB PA DANG, NYAMS PAS THOB PA'ANG YOD MOD KYANG, DE DAG DNGOS GZHI ZAG MED SPYI TZAM SNGAR NAS LDAN BZHIN PA LAS GSAR DU THOB PA MA YIN PA'I PHYIR SBYOR BAS THOB PA DANG, NYAMS PAS THOB PA'I RNAM BZHAG KYANG MA GSUNGS SO, ,'O NA ZAG MED KYI KHYAD PAR 'GA' ZHIG SBYOR BA SOGS KYIS THOB TSUL JI LTAR ZHE NA, SLOB PA DBANG RTUL DBANG RNON DU 'PHO BA'AM, MI SLOB PA DBANG RTUL DBANG RNON DU 'PHO BA'I TSE DBANG PO RNON POS BSDUS PA'I DNGOS GZHI ZAG MED GSAR DU THOB PA LTA BU SBYOR BAS THOB PA YIN LA, MI SLOB PA NYAMS PA'I TSE SLOB PAS BSDUS PA'I DNGOS GZHI ZAG MED GSAR DU THOB PA LTA BU NYAMS PAS THOB PA YIN CING, DE DAG DNGOS GZHI ZAG MED SPYI TZAM NI SNGAR NAS LDAN BZHIN PA YIN NO,, ` NYON MONGS CAN NYAMS SKYE BA YIS, ,ZHES PA'I SKABS SU, DNGOS GZHI'I SNYOMS 'JUG NYON MONGS CAN LA NI YONGS SU NYAMS PAS GSAR DU THOB PA DANG, SKYE BAS GSAR DU THOB PA GNYIS YOD DE, BSAM GTAN DANG PO LA 'DOD CHAGS DANG BRAL BA ZHIG BSAM GTAN DANG PO'I NYON MONGS KYIS NYAMS PA'I TSE DANG PO'I DNGOS GZHI NYON MONGS CAN GSAR DU THOB PA LTA BU NYAMS PAS THOB PA YIN LA, BSAM GTAN GNYIS PA NAS DANG POR SKYES PA'I TSE DANG PO'I NYON MONGS CAN THOB PA LTA BU NI SKYE BAS THOB PA'O,, SKYE BAS THOB PA DE YANG GONG SA NAS 'OG SAR SKYES NA YIN GYI, 'OG SA NAS GONG SAR SKYES PA LA MA YIN TE DE LA NI SNYOMS 'JUG NYON MONGS CAN SNGAR NAS LDAN LA, DE BZHIN DU 'DOD CHAGS DANG BRAL BA DANG SBYOR BA'I STOBS KYIS KYANG NYON MONGS CAN THOB PA MED DO,, ` ZAG PA MED PA'I MJUG THOGS SU, ,ZHES SOGS KYI SKABS SU, 'O NA; SNYOMS 'JUG DE DAG GANG GI MJUG THOGS DE MA THAG TU GANG DANG GANG SKYE ZHE NA, ZAG MED KYI BSAM GTAN DANG GZUGS MED KYI MJUG THOGS DE MA THAG TU RANG SA DANG, LTAG GI SA GNYIS TE SA GSUM GYI BAR GYI SNYOMS 'JUG DGE BA ZAG BCAS ZAG MED DANG, @08A *, ,YANG RANG SA DANG 'OG GI SA GNYIS TE SA GSUM GYI SNYOMS 'JUG ZAG BCAS ZAG MED RNAMS SKYE BA YOD LA, DE YANG SPYIR BTANG TZAM GYI DBANG DU BYAS KYI ZAG MED KYI SA THAMS CAD LA DE LTAR SKYE BA NI MA NGES TE, BSAM GTAN DANG PO'I DNGOS GZHI ZAG MED KYI MJUG THOGS SU 'OG SA'I SNYOMS 'JUG ZAG BCAS ZAG MED GNYIS KA SKYE BA MED LA, CI YANG MED KYI DNGOS GZHI ZAG MED KYI MJUG THOGS SU GONG SA'I SNYOMS 'JUG ZAG MED SKYE BA YANG MED PA'I PHYIR RO, ,DES NA BSAM GTAN DANG PO'I DNGOS GZHI ZAG MED KYI MJUG THOGS SU DNGOS GZHI DRUG 'BYUNG STE, RGYUN GYI TSE RANG SA'I ZAG MED DANG, SNYOMS 'JUG LAS LANGS PA'I TSE RANG SA'I ZAG BCAS DAG PA BA, LUGS MTHUN DU SNYOMS PAR 'JUG PA'I TSE ZAG BCAS DANG SPEL NA BSAM GTAN GNYIS PA'I DAG PA BA DANG, MA SPEL NA THOD RGAL GYI SBYOR BA'I GNYIS PA'I DNGOS GZHI ZAG MED YANG SPEL NAS RIS MI MTHUN PA GSUM PAR 'GRO BA'I TSE THOD RGAL DNGOS BSAM GTAN GSUM PA'I DAG PA BA, MA SPEL BAR GSUM PAR 'GRO NA NYE BA'I SBYOR BA GSUM PA'I DNGOS GZHI ZAG MED RNAMS SKYE BA'I PHYIR RO, ,GONG 'OG GI BZHI PA PHAN CHAD MJUG THOGS DE MA THAG TU SKYE MI SRID DE, SHIN TU RING BA'I PHYIR DANG, 'DOD PA'I SAS BSDUS LA NI ZAG MED DU MA ZAD SNYOMS 'JUG TZAM YANG MI SRID PA'I PHYIR RO, ,'DI DAG LA YANG TSIG SKYON BCAD NA DE MA THAG TU ZHES PA'I KHYAD PAR SBYOR ZHING, RTZA 'GREL RNAMS LAS MJUG THOGS SU ZHES GSUNGS PA'I DGONGS PA YANG DE LTAR YIN PAR 'CHAD NA DON LA GNAS SHING, 'ON KYANG SPAM BSHAD DANG 'GAL BA'I LUNG 'DREN PAR DOGS NA NI TSIG ZIN LTAR KHAS BLANGS NAS MJUG THOGS SU BYUNG BA DANG, RJES SU BYUNG BA LA KHYAD PAR PHYE NAS LAN 'DEBS PA LAS MA 'DAS SO, ,YANG BSAM GTAN GNYIS PA'I DNGOS GZHI ZAG MED KYI MJUG THOGS SU NI BRGYAD SKYE STE, RGYUN GYI TSE RANG SA'I ZAG MED DANG, DE LAS LANGS PA'I TSE RANG SA'I DAG PA BA, LUGS MTHUN DU SNYOMS PAR 'JUG PA'I TSE MA SPEL NA BSAM GTAN GSUM PA'I ZAG MED, SPEL NA GSUM PA'I DAG PA BA, MA SPEL BAR RANG SA NAS RTZIS PA'I GSUM PAR 'GRO NA NYE SBYOR @08B BSAM GTAN BZHI PA'I ZAG MED, RIS MI MTHUN GSUM PAR SPEL NAS 'GRO NA THOD RGAL GYI DNGOS GZHI BZHI PA'I DAG PA BA, LUGS BZLOG TU SNYOMS PAR 'JUG PA'I TSE MA SPEL NA BSAM GTAN DANG PO'I ZAG MED DANG, SPEL NA DANG PO'I DAG PA BA RNAMS 'BYUNG BAS SO, ,DE BZHIN DU BSAM GTAN GSUM PA'I ZAG MED KYI MJUG THOGS SU BCU BYUNG STE, RANG SA'I GNYIS, BZHI PA'I GNYIS, NAM MKHA' MTHA' YAS SKYE MCHED KYI GNYIS, BSAM GTAN GNYIS PA'I GNYIS, LUGS MI MTHUN DU GSUM PAR 'GRO NA DANG PO'I GNYIS RNAMS 'BYUNG BAS SO, ,DES MTSON TE BSAM GTAN BZHI PA DANG, NAM MKHA' MTHA' YAS ZAG MED KYI MJUG TU BCU BCU 'BYUNG BA'ANG SHES PAR NUS LA, RNAM SHES MTHA' YAS ZAG MED KYI MJUG TU NI DGU LAS MI 'BYUNG STE, DES LUGS MTHUN DU RIS MI MTHUN GSUM PAR 'GRO NA SRID RTZE'I DAG PA BA KHO NA LAS ZAG MED MI 'BYUNG BA'I PHYIR TE, SRID RTZE'I SNYOMS 'JUG LA ZAG MED MI SRID PA'I PHYIR, CI YANG MED KYI SNYOMS 'JUG ZAG MED KYI MJUG THOGS SU NI BDUN LAS MI 'BYUNG STE, DES GONG SAR 'GRO NA SRID RTZE'I DAG PA BA KHO NA LAS MI 'BYUNG ZHING, RANG GI GONG DU RIS MI MTHUN GSUM PAR 'GRO BA YANG MED PA'I PHYIR RO, ,GZUGS MED LA SNYOMS PAR 'JUG PA DE DAG GI TSE YANG RJES SHES KYI MJUG THOGS SU 'JUG PA YIN GYI, CHOS SHES KYI MJUG THOGS DE MA THAG TU GZUGS MED LA 'JUG PA MED DE CHOS SHES PHAL CHER 'DOD PA LA DMIGS SHING, GZUGS MED 'DOD PA LA MI DMIGS PAS DMIGS PA RING BA'I PHYIR ZHES SO,, ` SKYE'O DAG PA LAS DE BZHIN, ,ZHES SOGS KYI SKABS SU, JI LTAR SNYOMS 'JUG ZAG MED LA BSHAD PA DE BZHIN DU, DNGOS GZHI DAG PA BA'I MJUG THOGS SU YANG DAG PA BA DANG, ZAG MED 'BYUNG TSUL RIGS PA DE KHO NAS MTSUNGS PAR SHES LA, 'ON KYANG MI 'DRA BA'I KHYAD PAR NI, DNGOS GZHI DAG PA BA LA SNGAR BSHAD PA DE DAG GI STENG DU SNYOMS 'JUG NYON MONGS CAN GYIS GZIR PA NA DAG PA BA'I MJUG THOGS DE MA THAG TU RANG SA'I NYON MONGS CAN GYI SNYOMS 'JUG 'BYUNG BA NI LHAG PO'I KHYAD PAR TE, ZAG MED KYI MJUG THOGS DE MA THAG TU NYON MONGS CAN 'BYUNG BA MI SRID PAS SO,, ` NYON MONGS CAN LAS RANG DAG DANG, ,ZHES PA'I SKABS SU, NYON MONGS CAN GYI SNYOMS 'JUG LAS NI RGYUN GYI TSE RANG SA'I NYON MONGS CAN DANG, GAL TE DRAN SHES BZHIN GYIS ZIN NA DE LAS @09A *, ,LANGS PA'I TSE RANG SA'I DAG PA BA DANG, YANG GAL TE KHA CIG RANG SA'I NYON MONGS CAN LAS 'OG SA'I SNYOMS 'JUG DAG PA BA LA DGA' BAR 'GYUR NA NI, DE LAS LANGS PA'I TSE 'OG SA'I DAG PA BA YANG 'BYUNG LA, PHYI MA 'DI'I 'BYUNG TSUL NI, DANG PO SNYOMS PAR 'JUG PA'I TSE GONG MA'I NYON MONGS CAN LAS NI 'OG SA'I DAG PA BA BZANG BAS, GONG MA'I NYON MONGS CAN MNGON DU GYUR NA DE MA THAG TU 'OG MA'I DAG PA BA LA GNAS PAR GYUR CIG SNYAM DU 'PHEN PA BTANG NA GONG MA'I NYON MONGS CAN GYI MJUG DE MA THAG TU 'OG SA'I DAG PA BA 'BYUNG BA YIN NO, ,NYON MONGS CAN GYI MJUG THOGS DE MA THAG TU SNYOMS 'JUG ZAG MED NI RANG SA 'OG SA GANG YANG RNAM PA THAMS CAD DU MI SKYE'O,, ` 'CHI 'PHO'I DAG LAS NYON MONGS KUN, ,ZHES PA NI, GONG DU, SKYE'O DAG PA LAS DE BZHIN, ,ZHES PA'I MJUG TU, RANG GI SA PA'I NYON MONGS KYANG ZHES BSAM GTAN DANG, GZUGS MED KYI DAG PA BA'I MJUG THOGS SU NYON MONGS CAN MNGON DU GYUR NA, RANG SA'I NYON MONGS CAN MA GTOGS GZHAN SA'I NYON MONGS CAN MI 'BYUNG BAR BSHAD PA NI, SNYOMS PAR 'JUG PA'I DUS KYI DBANG DU BYAS NAS SNYOMS 'JUG DAG PA BA'I MJUG THOGS SU NYON MONGS CAN MNGON DU GYUR NA RANG SA'I NYON MONGS CAN KHO NA LAS GZHAN SA'I NYON MONGS MI 'BYUNG BA'I DON YIN GYI, SPYIR BSAM GZUGS KYI DGE BA SKYES THOB MNYAM BZHAG MA YIN PA DE DAG LA SNYOMS 'JUG DAG PA BA'I MED TZAM NI THOB PAR GSUNGS PAS SKYES THOB KYI SNYOMS 'JUG DAG PA BA DE DAG GI 'JUG THOGS SU SA GZHAN GYI NYON MONGS CAN YANG 'BYUNG STE, SKYES THOB KYI DGE BA DAG PA BA MNYAM GZHAG MA YIN PA DE DAG GIS 'CHI SEMS BYAS PA LAS RANG SA DANG GONG 'OG THAMS CAD DU SKYE BA YOD PA GANG ZHIG ,DE DAG GI SKYE BA'I SRID PA THAMS CAD NI SA DE DANG DE'I NYON MONGS CAN SHA DAG YIN PA'I PHYIR RO, ,GZHAN YANG, SNYOMS 'JUG NYON MONGS CAN GYIS GZIR PA'AM DE LA SNYOMS 'JUG LAS LANGS MA THAG TU NYON MONGS MNGON DU GYUR NA, RANG SA'I NYON MONGS LAS SA GZHAN GYI NYON MONGS MI 'BYUNG BA YIN GYI, SPYIR SNYOMS 'JUG NYON @09B MONGS CAN GYI 'JUG THOGS SU RANG SA DANG 'OG SA'I NYON MONGS CI RIGS PA 'BYUNG STE, DES 'CHI SEMS BYAS NAS RANG SA DANG 'OG SA GNYIS CHAR SKYE BA YOD PA GANG ZHIG ,DE DANG DER SKYE BA'I SKYE SEMS NI NYON MONGS CAN YIN PA GANG DANG MTSUNGS PA'I PHYIR RO,, ` NYON MONGS CAN LAS GONG MA MIN, ,ZHES PAS, NYON MONGS CAN GYIS 'CHI SEMS BYAS NAS GONG SAR SKYE BA MED DE, NYON MONGS CAN GYIS 'CHI SEMS BYAS PA'I TSE RANG SA'I NYON MONGS LAS SA GZHAN GONG MA'I NYON MONGS KYIS 'CHI SEMS BYAS PA MED PA GANG ZHIG ,'OG SA'I NYON MONGS MA SPANGS PAR GONG MAR SKYE BA MI SRID PA'I PHYIR RO, , 'O NA; SKYES THOB DGE BA MNYAM BZHAG MA YIN PA DE DAG SNYOMS 'JUG DNGOS YIN NAM MIN ZHE NA, DE NI RGYU MING 'BRAS LA BTAGS PAS SNYOMS 'JUG GI MING THOB PA TZAM LAS SNYOMS 'JUG DNGOS SU NI 'DOD MI RIGS TE, DE 'DRA'I DGE BA DE DAG SNYOMS PAR 'JUG PA'I DGE BA MA YIN PA'I PHYIR TE, MNYAM PAR MA BZHAG PA'I DGE BA YIN PA'I PHYIR DANG, SNYOMS 'JUG DAG PA BA DNGOS LA NI MNYAM BZHAG GIS SAS BSDUS PA ZHIG DGOS PA'I PHYIR, BYAS PA LA KHO NA RE, SKYES THOB KYI DGE BA MNYAM BZHAG MA YIN PA DE DAG SNYOMS 'JUG DNGOS MIN NA, 'O NA; SNYOMS 'JUG DAG PA BA'I MJUG THOGS DE MA THAG TU NYON MONGS MNGON DU GYUR NA RANG SA'I NYON MONGS MA GTOGS GZHAN SA'I NYON MONGS MI 'BYUNG BA KHO NAR NGES PAR 'GYUR LA, DE LTA NA DE LTAR DU NGES SAM SNYAM PA'I DOGS PA SEL PHYIR DU, 'CHI 'PHO'I DAG LAS NYON MONGS KUN, ,ZHES BKOD PA DON MED PAR 'GYUR RO, , ZHE NA; DE NI DAG PA BA ZHES PA'I MING TZAM LA 'KHRUL NAS MNYAM PAR MA BZHAG PA'I DGE BA DAG PA BA THAMS CAD KYI MJUG TU GZHAN SA'I NYON MONGS CAN MI 'BYUNG NGAM SNYAM PA'I DOGS PA SEL PHYIR DU BKOD PA LAS, SNYOMS 'JUG DAG PA BA DNGOS KYI MJUG THOGS DE MA THAG TU GZHAN SA'I NYON MONGS 'BYUNG BA YOD PA'I DON DU BKOD PA MA YIN PA'I PHYIR, DES NA BSAM GTAN DANG GZUGS MED KYI DGE BA DAG PA BA DANG, SNYOMS MJUG DAG PA BA DANG, SKYES THOB KYI SNYOMS 'JUG DAG PA BA RNAMS LA KHYAB CHE CHUNG GI KHYAD PAR SHES DGOS TE, RDZAS SPYI NYIS MGO SPANGS PA'I PHYI MA GNYIS @10A *, ,GANG RUNG MIN NA, BSAM GTAN DANG GZUGS MED GANG RUNG GI DGE BA DAG PA BA YIN PAS KHYAB PA MA THAD, ? BSAM GTAN DANG GZUGS MED GANG RUNG GI DGE BA DAG PA BA YIN NA YANG PHYI MA GNYIS PO GANG RUNG YIN PAS KHYAB MOD KYANG, BSAM GZUGS GANG RUNG GI DGE BA DAG PA BA YIN NA SNYOMS 'JUG DAG PA BA YIN PAS MA KHYAB LA, SKYES THOB KYI SNYOMS 'JUG DAG PA BA YIN PAS KYANG MA KHYAB PA'I PHYIR DANG, SKYES THOB KYI SNYOMS 'JUG DAG PA BA LA SNYOMS 'JUG DAG PA BA DNGOS YIN PA YANG YOD MOD KYANG, DE YIN NA SNYOMS 'JUG DAG PA BA YIN PAS MA KHYAB STE, DE LA MNYAM PAR MA BZHAG PA'I DGE BA YOD PA'I PHYIR, DES NA GONG MA'I SKYES THOB KYI DGE BA MNYAM BZHAG MA YIN PA DE DAG GONG MA'I DGE BA DAG PA BA DANG, SKYES THOB KYI DGE BA DAG PA BA DANG, SKYES THOB KYI SNYOMS 'JUG DAG PA BA RNAMS RE RE NAS YIN KYANG SNYOMS 'JUG DAG PA BA MA YIN PA'I KHYAD PAR PHYE DGOS KYI, GZHAN DU NA GONG 'OG GI KHAS LEN MANG PO ZHIG 'TSOL BAR 'GYUR TE DPYAD NA SHES SO, ,'O NA; GONG MA'I SKYES THOB KYI DGE BA MNYAM BZHAG MA YIN PA DE DGE LA DAG PA DAG PA ZHES BRJOD NA CHOG MOD, SNYOMS 'JUG DAG PA BA'I MING GIS BTAGS PA DON MED DO, ,ZHE NA; RGYU SNYOMS 'JUG SGOM PA'I STOBS KYIS THOB PAS NA DE LA YANG SKYES THOB KYI SNYOMS 'JUG GI MING THOB PAR 'DOD PA GRUB MTHA'I 'DOD TSUL TE, 'BRAS BU SKYE BA'I BSAM GTAN GYI PHUNG PO LNGA PO THAMS CAD LA BSAM GTAN GYI MING THOB PA BZHIN NO,, ` DAG PA NYAMS PA'I CHA MTHUN SOGS, ,ZHES SOGS KYI SKABS SU, 'O NA; SA THAMS CAD KYI SNYOMS 'JUG DAG PA BA DNGOS DANG RJES MTHUN PA THAMS CAD KYI 'JUG TU RANG SA DANG GONG 'OG GI NYON MONGS CAN DANG, DAG PA BA DANG, ZAG MED RNAMS 'BYUNG NGAM ZHE NA, MA YIN TE, SRID RTZE MA GTOGS PA'I BSAM GTAN DANG GZUGS MED KYI SA LHAG MA'I SNYOMS 'JUG DAG PA BA LA SNYOMS 'JUG NYAMS PA'I CHA MTHUN, GNAS PA'I CHA MTHUN, KHYAD PAR GYI CHA MTHUN, NGES PAR 'BYED PA'I CHA MTHUN TE RNAM PA BZHI BZHI YOD PA'I PHYIR DANG, SRID RTZE'I GONG NAS GZHAN MED PAS SRID RTZE'I SNYOMS 'JUG KHYAD PAR CHA MTHUN MED KYANG GZHAN GSUM YOD PA'I PHYIR, CHA MTHUN BZHI'I 'JOG TSUL YANG, SNYOMS 'JUG @10B DAG PA BA GANG ZHIG ,RANG GI 'JUG THOGS DE MA THAG TU RANG SA'I NYON MONGS SKYE BA DANG RJES SU MTHUN PA'I RIGS CAN DANG, DE BZHIN DU, RANG SA'I SNYOMS 'JUG DAG PA BA DANG, GONG SA'I SNYOMS 'JUG DANG, SNYOMS 'JUG ZAG MED SKYE BA DANG RJES SU MTHUN PA'I RIGS CAN RNAMS RIM PA BZHIN DU SNYOMS 'JUG NYAMS PA'I CHA MTHUN DANG, GNAS PA'I CHA MTHUN, KHYAD PAR GYI CHA MTHUN, NGES PAR 'BYED PA'I CHA MTHUN RNAMS SU 'JOG PA YIN NO, ,CHA MTHUN ZHES PA'I DON YANG, RANG RANG GI 'JUG THOGS DE MA THAG TU CHOS DE SKYE BA DANG RJES SU MTHUN PA LA BSAM NAS DE DANG DE'I CHA MTHUN ZHES BRJOD PA YIN GYI, RANG DUS SU CHOS DE DAG SKYES ZIN PA LA BYED PA MA YIN TE, RANG RANG GI DUS SU NI SNYOMS 'JUG DAG PA BA KHO NA YIN PA'I PHYIR RO, ,'O NA NGES 'BYED CHA MTHUN ZHES PA SBYOR LAM LA BYED PA MA YIN NAM ZHE NA, YIN TE, SPYIR NGES PAR 'BYAD PA MTHONG LAM DANG, DE'I CHA NI MTHONG LAM GYI PHYOGS GCIG SDUG BSNGAL CHOS BZOD LA BYAS NAS, SBYOR LAM DROD SOGS BZHI PO DES NGES PAR 'BYED PA'I CHA DE NYID DNGOS DANG BRGYUD PA CI RIGS PA'I SGO NAS 'DREN PAR BYED PAS NA DE DAG LA NGES 'BYED CHA MTHUN ZHES GONG DU, NGES 'BYED CHA MTHUN RNAM PA BZHI, ,ZHES SOGS KYI SKABS SU BSHAD ZIN PA LTAR DANG, 'DIR DNGOS BSTAN GYI NGES PAR 'BYED PA ZHES PA MTHONG SGOM MI SLOB LAM GSUM CI RIGS PA'I NGO BOR GYUR PA'I ZAG MED KYI SHES RAB RJAS 'BRANG DANG BCAS PA LA BYAS NAS, RANG GI 'JUG THOGS DE MA THAG TU ZAG MED KYI LAM GSUM PO CI RIGS PA SKYE BA DANG RJES SU MTHUN PA'I RIGS CAN GYI SNYOMS 'JUG DAG PA BA RNAMS LA SNYOMS 'JUG NGES 'BYED CHA MTHUN ZHES BSHAD PAS, SPYIR NGES 'BYED CHA MTHUN DANG, SNYOMS 'JUG NGES 'BYED CHA MTHUN GNYIS LA KHYAD PAR CHE'O, ,DES NA NGES 'BYED CHA MTHUN DANG SNYOMS 'JUG NGES 'BYED CHA MTHUN GNYIS LA MU BZHI SRID DE, SBYOR LAM DROD SOGS DANG PO GSUM DE NGES 'BYED CHA MTHUN YIN LA CIG SHOS MA YIN PA'I MU DANG PO DANG, RANG GI 'JUG THOGS DE MA THAG TU MTHONG LAM LAS GZHAN PA'I ZAG MED KYI LAM SKYE BA DANG RJES SU MTHUN PA'I BSAM GZUGS KYI SNYOMS 'JUG DAG PA BA RNAMS SNYOMS 'JUG NGES 'BYED CHA MTHUN YIN LA CIG SHOS MA YIN PA'I MU @11A *, ,GNYIS PA DANG, THEG PA GSUM GYI SBYOR LAM CHOS MCHOG GI YE SHES SKAD CIG MA RNAMS GNYIS KA YIN PA'I MU GSUM PA DANG, ZAG MED KYI SNYOMS 'JUG RNAMS GNYIS KA MA YIN PA'I MU BZHI PAR 'JOG GO, DES NA SNGAR GONG DU DOGS PA BKOD PA LTAR, BSAM GTAN DANG PO'I DNGOS GZHI NYAMS PA CHA MTHUN LTA BU DANG POR 'DOD PA LA 'DOD CHAGS DANG BRAL BA'I STOBS KYIS THOB KYANG, DANG PO'I DNGOS GZHI DAG PA BA THOB NA DE DANG DUS MNYAM DU DE'I NYAMS PA CHA MTHUN THOB PAS MA KHYAB STE, DE LA RANG SA'I NYON MONGS KYIS YONGS SU MI NYAMS PA'I RIGS CAN YANG YOD PA GANG ZHIG ,DES NYAMS PA CHA MTHUN MI THOB PA'I PHYIR, DES NA RANG SA'I NYON MONGS KYIS YONGS SU NYAMS PAR 'GYUR BA'I RIGS CAN ZHIG YIN NA NI, DES DANG PO'I DNGOS GZHI DAG PA BA THOB PA DANG DUS MNYAM DU DE'I NYAMS PA CHA MTHUN YANG DA LTAR BA DANG MA 'ONGS PA GANG RUNG THOB PAR 'JOG DGOS PA 'DRA'O, ,CHA MTHUN BZHI PO 'DI'I 'JOG TSUL GYIS SNGAR BSHAD PA'I GONG MA'I DGE BA SKYES THOB MNYAM BZHAG MA YIN PA RNAMS SNYOMS 'JUG DNGOS MA YIN PAR 'GRUB PA YIN TE, DE DAG SNYOMS 'JUG DAG PA BA YIN NA, DES 'CHI SEMS BYAS PA'I MJUG THOGS DE MA THAG TU SA GONG 'OG GI NYON MONGS THAMS CAD 'BYUNG BA SRID PAS NA, 'CHI SEMS DES RANG SAR SKYE BA LEN NA NYAMS PA CHA MTHUN DANG, GONG SAR SKYE BA LEN NA KHYAD PAR CHA MTHUN DU 'JOG PA'AM, YANG NA, GONG 'OG GANG DU SKYE BA BLANGS NA YANG NYAMS PA CHA MTHUN DU 'JOG DGOS PA SOGS RANG LUGS KYI KHAS LEN MANG PO ZHIG DANG 'GAL BAR 'GYUR LA, 'DI DANG 'DRA BA'I DA DUNG 'GAL BA'I PHUNG PO DU MA ZHIG 'BYUNG BAR SNANG NGO,, ` NYAMS CHA MTHUN SOGS MJUG THOGS SU, ,ZHES SOGS KYI SKABS SU, DE LTAR NA NYAMS PA CHA MTHUN SOGS BZHI PO DE DAG GANG GI MJUG THOGS SU GANG 'BYUNG ZHE NA, NYAMS PA CHA MTHUN RNAMS KYI MJUG THOGS DE MA THAG TU RGYUN GYI TSE NYAMS PA CHA MTHUN RANG NYID DANG, KHYAD PAR DU 'GRO BA'I TSE GNAS PA CHA MTHUN TE GNYIS GNYIS LAS KHYAD PAR CHA MTHUN DANG NGES 'BYED CHA MTHUN GNYIS MI 'BYUNG LA, DE BZHIN DU GNAS PA CHA MTHUN GYI MJUG THOGS SU NGES 'BYED CHA MTHUN MA GTOGS GSUM DANG, @11B KHYAD PAR CHA MTHUN GYI MJUG THOGS SU NYAMS PA CHA MTHUN MA GTOGS PA GSUM 'BYUNG LA, NGES 'BYED CHA MTHUN GYI MJUG THOGS SU NI RGYUN GYI SGO NAS SNYOMS 'JUG NGES 'BYED CHA MTHUN GCIG PU LAS MI 'BYUNG STE, DE'I MJUG THOGS SU ZAG MED 'BYUNG YANG DE NI SNYOMS 'JUG DAG PA BA MA YIN PAS CHA MTHUN BZHI PO GANG DU YANG MA GTOGS PA'I PHYIR DANG, 'DIR NI CHA MTHUN BZHI PO GANG GI MJUG THOGS SU GANG 'BYUNG DPYOD PA'I SKABS YIN PA'I PHYIR RO, ,DE LA KHO NA RE, SNYOMS 'JUG GNAS PA CHA MTHUN YIN NA RANG GI MJUG THOGS DE MA THAG TU SNYOMS 'JUG NGES 'BYED CHA MTHUN MI 'BYUNG BAS KHYAB PAR THAL, SNYOMS 'JUG GNAS PA CHA MTHUN GYI MJUG THOGS SU SNYOMS 'JUG NGES 'BYED CHA MTHUN MI 'BYUNG BA'I PHYIR ZER NA MA KHYAB, MA GRUB NA DER THAL, 'GREL PA MNGON PA'I RGYAN LAS, GNAS PA CHA MTHUN GYI MJUG THOGS SU NGES 'BYED CHA MTHUN MA GTOGS PA GSUM DANG, ZHES GSUNGS PA'I PHYIR, RTZA BAR 'DOD MI NUS TE, SBYOR LAM BZOD PA CHEN PO SKAD CIG MTHA' MA'I YE SHES DE SNYOMS 'JUG GNAS PA CHA MTHUN GANG ZHIG ,DE'I 'JUG THOGS DE MA THAG TU SNYOMS 'JUG NGES 'BYED CHA MTHUN 'BYUNG BA'I PHYIR, DANG PO DER THAL, LUGS 'DIR THEG PA GSUM GYI SBYOR LAM DROD KYI YE SHES SKAD CIG MA DANG PO NAS SBYOR LAM BZOD PA CHEN PO SKAD CIG MTHA' MA'I BAR GYI YE SHES SKAD CIG MA RNAMS RE RE NAS SNYOMS 'JUG GNAS PA CHA MTHUN YIN PA'I PHYIR, DER THAL, DE 'DRA BA'I YE SHES SKAD CIG MA RE RE NAS SNYOMS 'JUG DAG PA BA GANG ZHIG ,RANG GI 'JUG THOGS DE MA THAG TU SNYOMS 'JUG DAG PA BA SKYE BA DANG RJES SU MTHUN PA'I RIGS CAN YIN PA'I PHYIR RO, , RTAGS RE RE NAS SLA'O, ,RTZA BA'I RTAGS PHYI MA DER THAL, SBYOR LAM BZOD PA CHEN PO SKAD CIG MTHA' MA'I YE SHES DE SBYOR LAM CHOS MCHOG SKAD CIG MA GCIG PO DE DNGOS SU 'DRES BYED GANG ZHIG ,SBYOR LAM CHOS MCHOG SKAD CIG MA GCIG PO DE SNYOMS 'JUG NGES 'BYED CHA MTHUN YIN PA'I PHYIR, PHYI MA DER THAL, DE RANG GI MJUG THOGS DE MA THAG TU MTHONG LAM SKYE BA DANG RJES SU MTHUN PA'I SNYOMS 'JUG NGES 'BYED CHA MTHUN YIN PA'I PHYIR RO, ,'O NA; CHA MTHUN BZHI PO NANG PHAN TSUN 'GAL LAM ZHE NA, DANG PO GNYIS NI 'GAL TE, DE GNYIS PO GCIG LA GCIG MIN GYI KHYAB PA'I PHYIR RO, ,DER MA ZAD DE GNYIS GANG RUNG YIN NA @12A *, ,PHYI MA GNYIS PO GANG RUNG DANG 'GAL BAS KHYAB LA, CHA MTHUN PHYI MA GNYIS NI MI 'GAL TE, DE GNYIS LA MU BZHI SRID CING MU SO SO'I MTSAN GZHI YANG 'JOG SLA BA'I PHYIR, YANG SNYOMS 'JUG NGES 'BYED CHA MTHUN NI BDEN PA'I RNAM PA CAN DANG, KHYAD PAR CHA MTHUN DANG GNAS PA CHA MTHUN GNYIS LA BDEN PA'I RNAM PA CAN YIN MIN GNYIS KA DANG, NYAMS PA CHA MTHUN LA BDEN PA'I RNAM PA CAN MIN DGOS PA SOGS SO SO'I 'JOG BYAD DANG BYED LAS KYI SGO NAS SHES PA'I PHYIR, DE LA KHO NA RE, SBYOR LAM PA'I RGYUD KYI CHA MTHUN BZHI PO GANG RUNG LA BDEN PA'I RNAM PA CAN GYIS KHYAB PAR THAL, SBYOR LAM GYI NGO BOR GYUR PA'I CHA MTHUN BZHI PO GANG RUNG LA BDEN PA'I RNAM PA CAN GYIS KHYAB PA'I PHYIR ZER NA MA KHYAB, MA GRUB NA DER THAL, DE LAS DRO BAR 'GYUR BA 'BYUNG, ,DE NI BDEN BZHI'I SPYOD YUL CAN, ,ZHES SOGS GSUNGS PA'I PHYIR, 'DOD MI NUS TE, NYAM THOS SBYOR LAM PA'I RGYUD KYI CHA MTHUN BZHI PO GANG RUNG LA BDEN PA'I RNAM CAN GYIS MA KHYAB PA'I PHYIR TE, DE'I RGYUD KYI SNYOMS 'JUG NYAMS PA CHA MTHUN LA BDEN PA'I RNAM CAN MA YIN PAS KHYAB PA'I PHYIR, DES NA TSOGS LAM PA MAN CHAD KYI RGYUD LA NGES 'BYED CHA MTHUN MA GTOGS GSUM DANG, SBYOR LAM PA'I RGYUD LA KHYAD PAR CHA MTHUN MA GTOGS PA'I GSUM DANG, SGOM LAM PA DANG DGRA BCOM PA'I RGYUD LA CHA MTHUN BZHI CHAR YOD PAR MNGON NO, ,DE LA KHO NA RE, CHA MTHUN BAR PA GNYIS KYI MJUG THOGS SU RANG SA'I NYON MONGS SKYE BA MED PAR THAL, DE GNYIS KYI MJUG THOGS DE MA THAG TU RANG SA'I NYON MONGS SKYE BA MED PA'I PHYIR ZER NA MA KHYAB STE, KHYAD PAR CHA MTHUN GYI RJES SU RANG SA'I NYON MONGS SKYE BA LA KHYAD PAR CHA MTHUN DE NYID GNAS PA CHA MTHUN DANG, GNAS PA CHA MTHUN DE NYID NYAMS PA CHA MTHUN GYI NGO BOR 'PHOS NAS DE'I MJUG THOGS DE MA THAG RANG SA'I NYON MONGS MNGON DU 'GYUR BA 'DRA ZHING; DE BZHIN DU GNAS PA CHA MTHUN GYI RJES SU NYON MONGS SKYE BA NA YANG GNAS PA CHA MTHUN DE NYID NYAMS PA CHA MTHUN GYI NGO BOR 'PHOS NAS DE'I MJUG THOGS DE MA THAG RANG SA'I NYON MONGS MNGON DU 'GYUR BAR SHES PAR BYA'O, ,DES NA NYAMS PA CHA MTHUN GYI MJUG THOGS DE MA THAG MNGON DU @12B GYUR PA'I NYON MONGS LA RANG SA'I NYON MONGS SU NGES SAM SNYAM STE, NYAMS PA CHA MTHUN GYI SNYOMS 'JUG DE MNYAM BZHAG GIS PA GANG ZHIG ,RANG SA'I MNYAM BZHAG GI MJUG THOGS DE MA THAG SA GZHAN GONG 'OG GI NYON MONGS MNGON DU GYUR MI NUS SAM SNYAM YANG DPYAD DO, ,DE BZHIN DU SNYOMS 'JUG NYON MONGS CAN GYIS GZIR BA'AM DE LA SNYOMS PAR 'JUG PA LA YANG, DE'I SNGON DU SNYOMS 'JUG NYAMS PA CHA MTHUN LA SNYOMS PAR 'JUG DGOS SAM SNYAM MO, ,ZAG MED LAS LDANG BA'I RJES SU NI NYAMS PA CHA MTHUN MA GTOGS PA'I GSUM PO CI RIGS 'BYUNG BAR BSHAD DO,, ` SA BRGYAD RNAM GNYIS 'BREL BA DANG, ,ZHES SOGS KYI SKABS SU THOD RGAL GYI SNYOMS 'JUG GI SBYOR BA BSTAN PA STE, DE LA SNYOMS PAR 'JUG PA'I GZHI NI, ZAG BCAS BSAM GTAN BZHI DANG GZUGS MED BZHI STE SA BRGYAD DANG, ZAG MED LA SRID RTZE MA GTOGS PA'I SA BDUN TE, BSDU NA ZAG BCAS ZAG MED RNAM PA GNYIS SO, ,DE DAG LA SNYOMS PAR 'JUG TSUL LA, SBYOR BA DANG DNGOS GZHI GNYIS, SBYOR BA LA YANG RING SBYOR DANG NYE SBYOR GNYIS LAS, DANG PO LA, ZAG BCAS ZAG MED MI SPEL BA MA ZAD RIS MTHUN GYI SA YANG MA BOR BAR ZAG BCAS BSAM GTAN DANG PO NAS SRID RTZE'I BAR LUGS MTHUN DU SA BRGYAD PO RE RE NAS GO RIM BZHIN SONG STE SNYOMS PAR 'JUG CING, SLAR YANG SRID RTZE NAS BSAM GTAN DANG PO'I BAR LUGS MI MTHUN DU YANG GO RIM BZHIN 'ONGS NAS SNYOMS PAR 'JUG PA DANG, DE BZHIN DU ZAG MED SA BDUN PO LA YANG LUGS 'BYUNG DANG LUGS LDOG TU RE RE BZHIN SNYOMS PAR 'JUG PA YIN LA, DE'I RJES SU NYE BA'I SBYOR BA LA RIS MTHUN GYI SA RE RE BOR BA STE, ZAG BCAS BSAM GTAN DANG PO NAS GSUM PA DANG, DE NAS NAM MKHA' MTHA' YAS, DE NAS CI YANG MED PA'I SKYE MCHED LA SNYOMS PAR 'JUG PA'I BAR SA RE RE BRGAL NAS LUGS MTHUN DU YAR SONG BA DANG, DE BZHIN DU CI YANG MED PA'I SKYE MCHED NAS BSAM GTAN DANG PO'I BAR LUGS MI MTHUN DU YANG SA RE RE RGAL NAS MAR 'ONGS PA DANG, DE BZHIN DU ZAG MED KYI BSAM GTAN DANG PO NAS GSUM PA SOGS LUGS 'BYUNG LUGS LDOG GNYIS KAR SA RE RE BOR STE SNYOMS PAR 'JUG @13A *, ,PA'I SGO NAS BYANG BAR BYED PA'O,, ` RIS MI MTHUN PA GSUM PAR 'GRO, ZHES SOGS KYIS THOD RGAL GYI DNGOS GZHI BSTAN PA STE, DE LTAR SBYOR BA RNAMS LA GOMS PAR BYAS PA LAS, GANG GI TSE ZAG BCAS KYI BSAM GTAN DANG PO NAS, ZAG MED KYI BSAM GTAN GSUM PA DANG, DE NAS ZAG BCAS KYI NAM MKHA' MTHA' YAS, DE NAS ZAG MED KYI CI YANG MED PA'I SKYE MCHED KYI BAR LUGS MTHUN DUS RE RE RGAL ZHING RIS MI MTHUN PA GSUM PA LA SNYOMS PAR 'JUG PA DANG, YANG ZAG BCAS KYI CI YANG MED PA'I SKYE MCHED NAS ZAG MED KYI BSAM GTAN DANG PO'I BAR LUGS MI MTHUN DU SA RE RE RGAL NAS RIS MI MTHUN PA GSUM PAR 'GRO BA DANG, DE BZHIN DU ZAG MED KYI BSAM GTAN DANG PO NAS, ZAG BCAS KYI CI YANG MED PA'I SKYE MCHED KYI BAR DANG, YANG ZAG MED KYI CI YANG MED PA'I SKYE MCHED NAS, ZAG BCAS KYI BSAM GTAN DANG PO'I BAR STE LUGS 'BYUNG LUGS LDOG GNYIS KAR SA RE RE RGAL ZHING RIS MI MTHUN GSUM PAR 'GRO BA STE, DE LTAR ZAG BCAS ZAG MED RIS MI MTHUN PA GSUM PAR 'GRO BA'I SGO NAS SPEL MAR SNYOMS PAR 'JUG NUS PA DE'I TSE THOD RGAL GYI SNYOMS 'JUG DNGOS GZHI GRUB PA YIN NO, ,DES MTSON TE ZAG BCAS KYI BSAM GTAN GNYIS PA NAS ZAG BCAS RNAM SHES KYI BAR LUGS MTHUN DANG, YANG ZAG MED KYI RNAM SHES NAS ZAG MED KYI BSAM GTAN GNYIS PA'I BAR LUGS MI MTHUN DU SA RE RE RGAL NAS RIS MI MTHUN PA GSUM PAR 'GRO BA DANG, DE BZHIN DU ZAG MED KYI BSAM GTAN GNYIS PA NAS ZAG BCAS SRID RTZE'I BAR LUGS MTHUN DANG, YANG ZAG BCAS SRID RTZE NAS ZAG MED KYI BSAM GTAN GNYIS PA'I BAR LUGS MI MTHUN DU SA RE RE RGAL NAS RIS MI MTHUN PA GSUM PAR 'GRO BA'I THOD RGAL GYI DNGOS GZHI SOGS KYANG SHES PAR BYA LA, DES NA ZAG BCAS KYI BSAM GTAN GNYIS PA NAS LUGS MTHUN DU 'GRO BA'I TSE ZAG BCAS KYI RNAM SHES LAN ? RIS MI MTHUN PA GSUM PAR 'GRO BA MED PA DANG, ZAG MED KYI BSAM GTAN GNYIS PA NAS SRID RTZE'I BAR SONG NAS LUGS LDOG GI TSE SLAR YANG ZAG BCAS SRID RTZE LA SNYOMS PAR 'JUG DGOS PA YANG, SRID RTZE'I SA PA'I ZAG MED @13B MED PA'I GNAD KYI YIN LA, 'DI THAD 'GREL PA MNGON PA'I RGYAN DU, ZAG BCAS ZAG MED KYI BSAM GTAN GNYIS PA NAS SRID RTZE'I BAR DANG, SRID RTZE NAS GNYIS PA'I BAR LUGS MTHUN DANG LUGS MI MTHUN PA SA RE RE RGAL NAS RIS MI MTHUN PA GSUM PAR 'GRO BA'I THOD RGAL LA SOGS PA'ANG SBYAR TE SHES PAR BYA'O, ,ZHES GSUNGS PA'I DON NANG BSRES KYI SNYOMS PAR 'JUG TSUL DANG YAR 'ONGS MAR 'ONGS KYI MTSAMS 'DZIN LUGS SOGS GONG DU BSHAD MA THAG PA LTAR LAS, ZAG BCAS KYI RNAM SHES NAS CI YANG MED RGAL TE SRID RTZER 'GRO BA THOD RGAL GYI DNGOS GZHIR BSTAN PA MA YIN TE, ZAG BCAS KYI RNAM SHES NAS SRID RTZER 'GRO BAR SA MI MTHUN GYI GSUM PAR 'GRO BA MA YIN PA'I PHYIR RO, ,'O NA; ZAG BCAS BSAM GTAN DANG PO NAS ZAG MED GSUM PAR 'GRO BA SOGS KYI TSE DANG PO ZAG BCAS NAS CI YANG MED ZAG MED KYI BAR GYI DNGOS GZHI RNAMS RE RE NAS THOD RGAL GYI DNGOS GZHI YIN NAM ZHE NA MA YIN TE, DE'I TSE GSUM PA ZAG MED, NAM MKHA' ZAG BCAS, CI YANG MED ZAG MED RNAMS RE RE NAS THOD RGAL GYI DNGOS GZHI YIN GYI, THOG MA'I ZAG BCAS KYI BSAM GTAN DANG PO DE GANG LAS THOD MA RGAL BAS THOD RGAL KYI DNGOS GZHI MA YIN PA'I PHYIR RO, ,DES YAR 'ONGS MAR 'ONGS KYI THOG MA'I DNGOS GZHI ZAG BCAS ZAG MED MTHA' DAG LA 'DRA BA YIN NO, ,DE LA KHO NA RE, THOD RGAL GYI DNGOS GZHI LA BSAM GZUGS BRGYAD KA'I DNGOS GZHI MED PAR THAL, DE LA BSAM GTAN DANG PO'I DNGOS GZHI MED PA'I PHYIR ZER NA RTAGS MA GRUB STE, DE'I TSE MAR 'ONGS MTHA'I DANG PO'I DNGOS GZHI ZAG BCAS ZAG MED GNYIS KA RIS MI MTHUN PA GSUM PAR 'GRO BA'I THOD RGAL GYI DNGOS GZHI DNGOS YIN PA'I PHYIR TE, 'GREL PA MNGON PA'I RGYAN LAS, DE LTAR ZAG BCAS SAM ZAG MED RIS MI MTHUN PA GSUM PAR 'GRO BA STE SPEL MAR SNYOMS PAR 'JUG NUS PA DE'I TSE THOD RGAL GYI SNYOMS 'JUG DNGOS GZHI GRUB PA YIN NO, ,ZHES GSUNGS PA'I PHYIR, 'O NA ZAG BCAS BSAM GTAN DANG PO NAS RIS MI MTHUN PA GSUM PAR 'GRO BA'I THOD RGAL GYI DNGOS GZHI DE GANG LAS THOD RGAL BA YIN ZHE NA, DE 'DRA BA'I THOD RGAL GYI DNGOS GZHI LA GNAS PA'I GANG ZAG DE'I RGYUD KYI ZAG BCAS ZAG MED KYI @14A *, ,GNYIS PA'I DNGOS GZHI MA 'ONGS PA SKYE BA'I CHOS CAN DE LAS THOD RGAL BA YIN GYI, DE 'DAS PA DANG DA LTAR BA GNYIS LAS NI THOD RGAL BA MA YIN TE, 'DAS PA NI 'GAG ZIN CING SLAR SKYE BA'I NUS PA DANG MI LDAN PAS THOD RGAL GYI DGOS PA MI 'GRUB LA, DA LTAR BA MNGON DU GYUR NA DE MNGON DU MA BYAS PAR RIS MI MTHUN PA GSUM PAR 'GRO BA'I DON MA TSANG BA'I PHYIR RO, ,DES GZHAN LA'ANG SBYAR NAS SHES PAR BYA DGOS SO, ,THOD RGAL GYI SNYOMS 'JUG DE'I LUS RTEN NI GLING GSUM GANG RUNG GI SKYES PA BUD MED KYI RTEN DANG, GANG ZAG NI NYON MONGS MED CING DBANG PO RNO BAS GNYIS KA'I CHA LAS RNAM GROL GYI DGRA BCOM KHO NAS BSKYED BAR BYED PA YIN GYI, DE LAS GZHAN SLOB PA DBANG RNON RNAMS TING NGE 'DZIN LA DBANG 'BYOR YANG NYON MONGS MED PA MA YIN LA, DUS KYI RNAM GROL GYI DGRA BCOM RNAMS NYON MONGS MED PA YIN YANG DBANG PO RTUL BAS TING NGE 'DZIN LA DBANG MA 'BYOR BA'I PHYIR, SANGS RGYAS RNAMS KYI THOD RGAL GYI TSUL YANG 'DI NYID LTAR YIN PA LUGS 'DIR 'DOD LA, GRUB MTHA' GONG MA'I THOD RGAL GYI SNYOMS 'JUG 'DOD TSUL NI DE LAS GZHAN DU SHES SO,, ` BSAM GTAN GZUGS MED RANG DANG NI, ,ZHES SOGS KYI SKABS SU, 'O NA; GONG DU BSHAD PA'I BSAM GTAN DANG GZUGS MED KYI SNYOMS 'JUG DE DAG GI LUS RTEN JI LTA BU ZHE NA, ZAG BCAS KYI BSAM GTAN DANG GZUGS MED KYI SNYOMS 'JUG DE DAG THAMS CAD NI RANG SA DANG 'OG SA'I RTEN GANG RUNG KHO NA LA MNGON DU BYED KYI, GONG SA'I RTEN LA 'OG SA'I SNYOMS 'JUG MNGON DU MI BYED DE, RANG SA NA SNYOMS 'JUG MCHOG YOD BZHIN DU 'OG MA'I DMAN PAS DGOS PA MED PA'I PHYIR, DES NA SRID RTZE'I SNYOMS 'JUG NI RANG SA NAS, 'OG MA 'DOD PA'I RTEN GYI BAR MNGON DU BYED PA YOD PAS SA DGU PA CAN YIN PA NAS, BSAM GTAN DANG PO'I SNYOMS 'JUG RANG SA DANG 'DOD PA'I RTEN KHO NA LA MNGON DU BYED PAS SA GNYIS PA CAN YIN PA'I BAR SHES PAR BYA'O, ,DE BZHIN DU ZAG MED KYI BSAM GTAN GZUGS MED KYI DNGOS GZHI RNAMS KYANG PHAL CHE BA RANG SA DANG 'OG SA GANG RUNG GI RTEN LA MA GTOGS GONG SA'I RTEN LA MNGON DU MI BYED PA ZAG BCAS DANG MTSUNGS LA, DMIGS GSAL SRID RTZE'I RTEN CAN GYI 'PHAGS PA PHYIR MI 'ONG @14B GIS NI CI YANG MED KYI SNYOMS 'JUG ZAG MED MNGON DU BYAS NAS SRID RTZE'I ZAG PA ZAD PAR BYED PA YIN TE, SRID RTZE'I RANG SA NA ZAG MED KYI LAM MED PA'I PHYIR DANG, CI YANG MED KYI SNYOMS 'JUG ZAG MED DE SRID RTZE LA THAG NYE BA'I PHYIR RO, ,DES NA GONG SA'I RTEN LA 'OG SA'I SNYOMS 'JUG MNGON DU BYED PA YOD PAR THAL, SRID RTZE'I RTEN LA CI YANG MED KYI SNYOMS 'JUG MNGON DU BYED PA YOD PA'I PHYIR, DER THAL, SRID RTZE'I 'PHAGS PAS CI YANG MED KYI SNYOMS 'JUG ZAG MED MNGON DU BYED PA'I PHYIR, ZER NA, DE NI DMIGS GSAL YIN PAS MA KHYAB ZHES BRJOD NA RTZA BA'I TSIG ZIN THAMS CAD DANG MI 'GAL BAR 'GYUR RO, ,YANG SRID RTZE LAS GZHAN BSAM GTAN GNYIS PA YAN CHAD KYI RTEN CAN GYI 'PHAGS PA RNAMS KYIS RANG SA'I RTEN LA 'OG SA'I SNYOMS 'JUG ZAG MED MNGON DU MI BYED KYANG DE DAG DANG LDAN PAR NI 'DOD DGOS TE, 'PHAGS PA DE DAG GIS SNGAR 'OG SA'I SNYOMS 'JUG ZAG MED THOB PA NI GANG ZHIG ,DES NA ZAG MED KYI GTONG RGYU LA, 'BRAS BU THOB SBYANGS NYAMS PA LAS, ,ZHES PA MA GTOGS SA 'PHOS PAS GTONG BA MA BSHAD PA'I PHYIR RO,, ` SRED BCAS RANG GI SRID LA DMIGS, ,ZHES SOGS KYI SKABS SU, 'O NA SNYOMS 'JUG DE DAG GI DMIGS PA GANG ZHE NA, SRED PA DANG BCAS PA'I SNYOMS 'JUG NYON MONGS CAN RNAMS NI RANG RANG GI SA PA'I SRID PA ZAG BCAS KYI PHUNG PO KHO NA LA DMIGS PA YIN GYI 'OG SA DANG GONG SA LA MI DMIGS TE, SA GONG 'OG RANG RANG GI SRED PAS YONGS SU BCAD PA'I PHYIR, DES NA SA GANG GI SRED PA YIN PA DON ? SA DE KHO NA LA RGYAS PAR 'GYUR BA LAS SA GZHAN LA MA YIN PAR SHES DGOS LA, YANG; BSAM GTAN DANG PO GSUM LA GNAS GSUM GSUM DANG, BZHI PA LA GNAS BRGYAD YOD PA RNAMS NI GNAS LTAG 'OG TU 'DUG PA'I KHYAD PAR LAS GZHAN DANG PO'I GNAS GSUM DANG POR SA GCIG PA NAS, BZHI PA'I GNAS BRGYAD BZHI PAR SA MTSUNGS PA'I BAR DU YIN LA, DES NAS GCIG PA'I GNAS GONG 'OG RNAMS KYI SRED PA NI NANG PHAN TSUN DU YANG RGYAS PA YOD PAR 'DOD DGOS TE, DE LTA MIN NA DE DAG KYANG SA THAD DU 'GYUR BA'I PHYIR RO,, ` BSAM GTAN DGE YUL YOD DGU YIN, ,ZHES DANG, GZUGS @15A *, ,MED DNGOS GZHI DGE RNAMS KYI, ,ZHES SOGS KYI DON NI SNGAR GONG DU YANG 'GA' ZHIG TZAM BSHAD PA LTAR TE, BSAM GTAN GYI DNGOS GZHI DAG PA BA'I YUL DU NI ZAG BCAS ZAG MED KYI CHOS YOD DO COG THAMS CAD CI RIGS PA'I TSUL DU 'GYUR BA YIN LA, BSAM GTAN GYI DNGOS GZHI ZAG MED KYI YUL DU NI ZAG BCAS SDUG KUN GNYIS DANG, ZAG MED 'GOG LAM GNYIS TE BDEN BZHI SA BSDUS PA'I TSE SA YOD RGU COG THAMS CAD CI RIGS PA'I TSUL DU 'GYUR RO, ,GZUGS MED KYI NYER BSDOGS RNAMS KYIS 'OG SA'I ZAG BCAS LA DMIGS KYANG, DNGOS GZHI'I DAG PA ZAG BCAS ZAG MED THAMS CAD KYIS 'OG SA'I ZAG BCAS SPYOD YUL DU MI BYED DO, GZUGS MED KYI DNGOS GZHI RNAMS DMIGS PA LAS DAS PAR 'BYUNG BA YIN PA'I PHYIR RO, ,GONG SA'I ZAG BCAS LA DMIGS PA NI NGES PAR YOD DE, GZUGS MED DANG PO GSUM PO GANG RUNG GI DNGOS GZHI'I NGO BOR GYUR PA'I SGOM LAM RDO RJE LTA BU'I TING NGE 'DZIN GYI YUL DU GYUR PA'I ZAG BCAS LA SRID RTZE'I ZAG BCAS KYIS KHYAB PA GONG DU ZAG MED SA DGU LA BRTEN PA'I SGOM LAM RDO RJE LTA BU'I TING NGE 'DZIN SUM BRGYA BRGYAD CU RTZA BZHIR 'BYUNG BAS SHES PA GANG ZHIG ,DE LA BRTEN NAS SRID NYON DANG PO BRGYAD KYI DNGOS GNYEN DU GYUR PA'I GZUGS MED DANG PO GSUM PO GANG RUNG GI DNGOS GZHI ZAG MED KYI YUL ZAG BCAS KYANG SRID RTZE'I ZAG BCAS SU 'GRUB PA'I PHYIR DANG, BSHAD MA THAG PA'I ZAG MED KYI LAM DE DAG 'DREN BYED KYI GZUGS MED DANG PO GSUM GYI SNYOMS 'JUG NGES 'BYED CHA MTHUN GYIS KYANG ZAG BCAS LA DMIGS NA SRID RTZE'I ZAG BCAS LA DMIGS DGOS PA 'DRA BAS GZUGS MED DNGOS GZHI ZAG BCAS KYI YUL LA'ANG GONG SA'I ZAG BCAS YOD PAR MNGON NO, ,GZUGS MED KYI DNGOS GZHI ZAG MED RNAMS KYIS 'OG SA'I LAM ZAG MED LA DMIGS PA NI YOD DE, SA DGU'I LAM NI PHAN TSUN DU, ,ZHES PA'I TSUL GYIS SO, ,GZUGS MED KYI DNGOS GZHI NYON MONGS CAN YANG YOD KYI DE'I TSUL NI BSAM GTAN GYI NYON MONGS CAN DANG MTSUNGS SO,, ` ZAG PA MED PAS NYON MONGS RNAMS, ,ZHES SOGS KYI SKABS SU, BSAM GTAN DANG GZUGS MED KYI DNGOS GZHI ZAG MED RNAMS KYIS NI @15B RANG SA DANG GONG SA'I NYON MONGS SPONG BAR BYED LA, NYER BSDOGS DAG PA BA RNAMS KYIS KYANG RANG RANG GI 'OG SA'I NYON MONGS SPONG BAR BYED KYI, DNGOS GZHI DAG PA BA RNAMS KYIS NI NYON MONGS KYI SPONG GNYEN MI BYED DE, 'OG SA'I NYON MONGS NI NYER BSDOGS KYIS SPONG BAR BYED LA, RANG SA DANG GONG SA'I NYON MONGS NI SPONG MI NUS PA'I PHYIR RO,, ` DE DAG LA NI NYER BSDOGS BRGYAD, ,ZHES SOGS KYI SKABS SU, 'O NA; NYER BSDOGS JI LTA BU ZHE NA, DNGOS GZHI'I SNYOMS 'JUG BRGYAD YOD PA LTAR, DE DAG LA 'JUG PAR BYED PA'I NYER BSDOGS KYANG BRGYAD YOD LA, DE LA YANG DNGOS BTAGS MA PHYE NA MNYAM PAR BZHAG GNYIS DANG, NYON MONGS CAN YANG YOD PAR 'DOD KYANG, DNGOS BTAGS PHYE NA NYER BSDOGS DNGOS LA NI NYON MONGS CAN SOGS MED DE, DE DAG NI 'OG SA LA 'DOD CHAGS DANG BRAL BYED KYI GNYEN PO YIN NA, NYON MONGS CAN NI GNYEN POR MI RUNG BA'I PHYIR, DES NA MI LCOGS MED ZAG MED MA GTOGS PA'I NYER BSDOGS RNAMS KYI NGO BO NI DAG PA KHO NA YIN LA, DE YANG 'OG SA LA YID 'BYUNG BA DANG MA BRAL ZHING 'BAD PAS DRANG BAR BYA BA YIN PA'I PHYIR NA, TSOR BA YANG BTANG SNYOMS KHO NA DANG BCAS PA LAS GZHAN MED DO, ,NYER BSDOGS NYON MONGS CAN MNYAM BZHAG MA YIN PAS NI NYID MTSAMS SBYOR SEMS KYANG BYED PA YOD PAR 'DOD LA, SLOB DPON KHA CIG BSAM GTAN DANG PO'I NYER BSDOGS MI LCOG MED LA'ANG RO MYANG LDAN YOD PAR 'DOD KYANG SKABS 'DIR RANG LUGS SU KHAS MI LEN TE, 'DI KHA'I MJUG TU RTZA BAR, DANG PO 'PHAGS PA'ANG KHA CIG GSUM, ,ZHES DANG PO'I NYER BSDOGS MI LCOG MED LA DAG PA BA YOD PAR MA ZAD 'PHAGS PA ZAG MED KYI LAM YANG YOD PA RANG LUGS SU BSTAN NAS, KHA CIG GIS RO MYANG LDAN DANG GSUM YANG YOD PAR 'DOD DO ZHES GZHAN LUGS SU BSTAN PA'I PHYIR, MNYAM PAR MA BZHAG PA'I NYER BSDOGS NYON MONGS CAN DE SA BRGYAD PO THAMS CAD NA YOD PAR 'DOD DGOS KYANG, DE THAMS CAD NYER BSDOGS BTAGS PA BA LAS DNGOS SU 'DOD MI RIGS TE GNOD BYED MANG DU 'JUG PAS SO, ,BSAM GTAN DANG PO'I NYER BSDOGS LAS GZHAN PA'I SA LHAG MA BDUN GYI NYER BSDOGS NI DAG PA BA KHO NA LAS ZAG MED YIN PA MED DO, ,GRUB MTHA' GONG MA PA RNAMS KYIS SNYOMS 'JUG DNGOS GZHI BRGYAD PO DE DAG LA 'JUG PA'I YID BYED BDUN BDUN SOGS BSHAD KYANG 'DIR @16A *, ,SKABS SU MA BAB PAS MA SPROS SO,, ` RTOG MED BSAM GTAN KHYAD PAR CAN, ,ZHES SOGS KYI SKABS SU, 'O NA, BSAM GTAN KHYAD PAR CAN ZHES BSHAD PA DE JI LTAR ZHE NA, BSAM GTAN DANG PO'I DNGOS GZHI'I BYE BRAG RTOG PA SPANGS SHING DPYOD PA TZAM DANG BCAS PA NI BSAM GTAN KHYAD PAR CAN ZHES BYA BA YIN CING, DE LA YANG DNGOS BTAGS MA PHYE NA DAG PA BA DANG, ZAG MED DANG, RO MYANG LDAN DANG GSUM YOD LA, 'BAD NAS BSKYED PAR BYA DGOS PAS TSOR BA YANG BTANG SNYOMS KHO NA'O, ,DES NA BSAM GTAN DANG PO'I DNGOS GZHI LA RTOG DPYOD GNYIS KA DANG BCAS PA'I DNGOS GZHI TZAM PO BA DANG, RTOG MED DPYOD TZAM DANG LDAN PA'I DNGOS GZHI KHYAD PAR CAN GNYIS KYI DBYE BA YOD LA, GNYIS PA YAN CHAD LA NI DE LTA BU'I DBYE BA MED DO, ,ZAG BCAS KYI BSAM GTAN KHYAD PAR CAN SGOM PA LAS NI TSANGS PA CHEN POR SKYE'O, ,DES NA MDO LAS, RTOG BCAS DPYOD BCAS DANG, RTOG MED DPYOD TZAM DANG, RTOG MED DPYOD MED KYI TING NGE 'DZIN GSUM GSUNGS PA YANG GONG DU BSHAD PA DE DAG GIS SHES TE, BSAM GTAN DANG PO'I NYER BSDOGS DANG, DNGOS GZHI TZAM PO BA GNYIS NI RTOG BCAS DPYOD BCAS KYI TING NGE 'DZIN DANG, BSAM GTAN KHYAD PAR CAN NI RTOG MED DPYOD TZAM DANG, GNYIS PA'I NYER BSDOGS NAS SRID RTZE'I BAR GYI SNYOMS 'JUG THAMS CAD NI RTOG MED DPYOD MED KYI TING NGE 'DZIN NO,, ` MTSAN MED ZHI BA'I RNAM PA DANG, ,ZHES SOGS KYI SKABS SU, YANG, MDO LAS, MTSAN MA MED PA LA SOGS PA'I TING NGE 'DZIN GSUM GSUNGS PA JI LTAR ZHE NA, MTSAN MA MED PA ZHES PA NI MYANG 'DAS SO SOR BRTAGS 'GOG LTA BU LA BYED PA STE, DE NI GZUGS SOGS YUL LNGA DANG, PHO MO DANG, 'DUS BYAS KYI MTSAN NYID GSUM STE BCU DANG BRAL BAS NA MTSAN MED ZHES BYA BA YIN LA, DE LA DMIGS PA'I TING NGE 'DZIN NI MTSAN MA MED PA'I TING NGE 'DZIN TE, 'GOG PA ZHI BA SOGS KYI RNAM PA CAN NO, ,STONG PA NYID KYI TING NGE 'DZIN NI SDUG BSNGAL BDEN PA'I STONG PA DANG BDAG MED PA GANG RUNG LA DMIGS SHING, DE GNYIS GANG RUNG GI RNAM PA CAN GYI TING NGE 'DZIN NO, ,SMON PA MED PA NI GONG GI RNAM PA DE DAG LAS GZHAN PA'I YUL SMON BYA MA YIN PA'I 'DUS @16B BYAS SDUG BDEN GYI MI RTAG SDUG BSNGAL GNYIS DANG, KUN 'BYUNG GI RNAM PA BZHI DANG, LAM BDEN YANG SPYIR SMON BYA YIN KYANG LHAG MED MYANG 'DAS KYI TSE GZINGS LTAR SPANGS DGOS PAS NA LAM BDEN GYI RNAM PA BZHI DANG BCAS PA'I BCU PO GANG RUNG LA DMIGS SHING, DE DAG GANG RUNG GI RNAM PA CAN GYI TING NGE 'DZIN NI SMON PA MED PA'I TING NGE 'DZIN NO, ,GRUB MTHA' GONG MA BA RNAMS NI 'GOG LAM GYI RNAM PA BRGYAD LA DMIGS PA'I TING NGE 'DZIN THAMS CAD MTSAN MA MED PA'I TING NGE 'DZIN DU 'DREN PAR MDZAD PA LTAR 'THAD PA'I PHYOGS NI DE YIN LA, LUGS 'DIR DE LTAR 'DOD DGOS PA NI LHAG MED MYANG 'DAS KYI TSE 'DUS BYAS KYI RGYUN CHAD PAR 'DOD PA LA THUG PA'O, ,'DI'I THAD KYI 'GREL PA MNGON PA'I RGYAN SOGS SU, MTSAN MA MED PA'I TING NGE 'DZIN DE 'GOG PA'I RNAM PA BZHI DANG MTSUNGS PAR LDAN PA DANG, STONG PA NYID KYI TING NGE 'DZIN DE STONG BDAG MED GNYIS KYI RNAM PA DANG MTSUNGS LDAN SOGS GSUNGS PA NI, TING NGE 'DZIN DE DAG 'GOG PA ZHI BA SOGS KYI RNAM PA CAN GYI SHES RAB SOGS DANG MTSUNGS LDAN DU SONG BA'I DON YIN PA LAS, RNAM PA DE DAG NYID DANG MTSUNGS LDAN DU SONG BA'I DON NI MA YIN TE MTSUNGS LDAN LA SHES PAS KHYAB PA GANG ZHIG 'GOG PA ZHI BA SOGS SHES PA MA YIN PA'I PHYIR RO, ,TING NGE 'DZIN GSUM PO DE DAG LA ZAG BCAS 'JIG RTEN PA'I LAM DAG PA BA DANG, ZAG MED 'JIG RTEN LAS 'DAS PA'I LAM GNYIS YOD PA LAS, ZAG BCAS RNAMS NI BSAM GTAN SA DRUG DANG, GZUGS MED BZHI STE SA BCU NA YOD LA, ZAG MED RNAMS NI ZAG MED KYI SA DGU NA YOD DO, ,DE LA KHO NA RE, ZAG BCAS KYI TING NGE 'DZIN GSUM PO DE 'DOD PA MA GTOGS PA'I SA BCU NA YOD PA MI 'THAD PAR THAL, DE GSUM PO 'DOD PA SOGS KYIS BCU GCIG NA YOD PA'I PHYIR TE, 'GREL PA MNGON PA'I RGYAN LAS, DE DAG SA NI DANG PO 'DOD PA DANG BSAM GTAN SA DRUG DANG GZUGS MED BZHI STE BCU GCIG NA YOD LA ZHES GSUNGS PA'I PHYIR ZER NA MA KHYAB STE, ZAG BCAS KYI TING NGE 'DZIN GSUM PO DE LA DNGOS DANG RJES MTHUN CI RIGS KYI DBANG DU BYAS NA 'DOD PA'I SAS BSDUS KYANG YOD PAS RJES MTHUN DANG BCAS NAS BCU GCIG NA YOD CES PA'I DON YIN PA'I PHYIR RO, ,DE LTA MA YIN NA, 'O NA KHO RANG LA, ZAG BCAS KYI TING NGE 'DZIN GSUM PO DE LA 'DOD PA'I SAS @17A *, ,BSDUS MED PAR THAL, DE GSUM PO DE SNYOMS 'JUG DAG PA BA YIN PA'I PHYIR TE, 'GREL PA DE NYID LAS, TING NGE 'DZIN GSUM PO DE DAG ZAG BCAS 'JIG RTEN PA DAG PA BA DANG, ZHES DANG, DE'I MCHAN BUR, DE YANG NGES 'BYED CHA MTHUN DANG 'PHAGS LAM GYI SBYOR RJES KHA CIG GIS BSDUS LA, ZHES GSUNGS PA'I PHYIR, GZHAN YANG, TING NGE 'DZIN GSUM PO DE LA 'DOD PA'I SAS BSDUS MED PAR THAL, DE GSUM PO GANG RUNG LA BDEN PA'I RNAM PA CAN YIN PAS KHYAB PA RTZA BA'I LUNG GIS 'GRUB PA GANG ZHIG ,'DOD PA'I SAS BSDUS LA BDEN PA'I RNAM PA CAN MI 'JOG PA'I PHYIR RO, ,YANG ZAG MED KYI NGO BOR GYUR PA'I TING NGE 'DZIN GSUM PO DE DAG LA, MDO LAS RNAM PAR THAR PA'I SGO STONG PA NYID LA SOGS PA'I RNAM PAR THAR PA'I SGO GSUM DU YANG GSUNGS SO,, ` STONG NYID STONG NYID CES LA SOGS, ,ZHES SOGS KYI SKABS SU, YANG MDO LAS, STONG PA NYID STONG PA NYID KYI TING NGE 'DZIN DANG SMON PA MED PA SMON PA MED PA'I TING NGE 'DZIN DANG, MTSAN MA MED PA MTSAN MA MED PA'I TING NGE 'DZIN ZHES PA GSUM GSUNGS PA NI SNGAR BSHAD MA THAG PA'I TING NGE 'DZIN GSUM PO SUN 'BYIN BYED KYI TING NGE 'DZIN LA BYED PA STE, DANG PO NI, MI SLOB PA'I RGYUD KYI STONG PA NYID KYI TING NGE 'DZIN LA DMIGS NAS TING NGE 'DZIN 'DI NI BDAG GI BA MA YIN NO ZHES STONG PA'I RNAM PAR YID LA BYED PA DANG, GNYIS PA NI, MI SLOB PA'I SMON PA MED PA'I TING NGE 'DZIN LA DMIGS NAS TING NGE 'DZIN 'DI NI MI RTAG PA'O, ,ZHES MI RTAG PA'I RNAM PAR YID LA BYED PA'I TING NGE 'DZIN NO, ,DES NA TING NGE 'DZIN 'DI GNYIS NI RIM PA BZHIN MI SLOB PA'I STONG PA NYID DANG SMON PA MED PA'I TING NGE 'DZIN GNYIS LA DMIGS NAS RNAM PA YANG STONG PA DANG, MI RTAG PA'I RNAM PA GNYIS KHO NA YID LA BYED PA LAS SDUG BDEN GYI RNAM PA GZHAN GNYIS DANG KUN 'BYUNG DANG 'GOG LAM GYI RNAM PA BCU GNYIS PO GANG DU'ANG YID LA BYED PA MA YIN NO, ,DE LA KHO NA RE, 'O NA, TING NGE 'DZIN 'DI GNYIS KYIS MI SLOB PA'I LAM BDEN LA DMIGS PA YIN PAR THAL, 'DOD NA, LAM BDEN GYI RNAM PA BZHI YUL DU BYED PAR 'GYUR RO, ,ZHE NA, DE GNYIS KYIS MI SLOB PA'I LAM BDEN LA DMIGS PA YIN KYANG, DE LA DMIGS NAS GONG DU BSHAD PA LTAR STONG PA DANG MI RTAG PA'I RNAM PA YUL DU @17B BYED PA LAS, LAM SGRUB PA SOGS KYI RNAM PA YUL DU MI BYED DE, LAM BDEN YANG MTHAR THUG LHAG MED THOB PA LA SPANGS DGOS PAS NA TING NGE 'DZIN DE GNYIS KYIS LAM BDEN YANG STONG BA DANG MI RTAG PAR BLTAS NAS BSUN 'BYIN PA'I NGES PAR 'BYUNG BAR BYED PA LAS SGRUB PAR MI BYED PA'I PHYIR ZHES 'DOD DO, ,TING NGE 'DZIN GSUM PA NI, MI SLOB PA GANG ZHIG MTSAN MED KYI TING NGE 'DZIN LAS LANGS PA'I RJES SU ZAG BCAS SAM ZAG MED KYI SHES PA GZHAN MA SKYES NA MTSAN MED KYI TING NGE 'DZIN DE KHO'I RGYUN 'BYUNG YANG, DE'I RJES LA ZAG BCAS ZAG MED KYI SHES PA GZHAN SKYES NA MTSAN MED KYI TING NGE 'DZIN DE SLAR SKYE BA'I RKYEN GTAN NAS 'GAG PAS DE MI SKYE BA'I CHOS CAN DU BYAS PA'I MA BRTAGS PA'I 'GOG PA THOB LA, DE 'DRA'I 'GOG PA DE NI MTSAN MED KYI TING NGE 'DZIN SLAR MI SKYE BA'I CHOS CAN DU BYAS PA'I SO SOR BRTAGS MIN GYI 'GOG PA YIN GYI, SO SOR BRTAGS 'GOG NI MA YIN TE, BDEN PA LA SO SOR MI BRTAGS SHING GNYEN POS BRAL BA'ANG MA YIN PA'I PHYIR RO, ,DE'I PHYIR TING NGE 'DZIN DES KYANG MI SLOB PA'I MTSAN MED KYI TING NGE 'DZIN SKYE BA LA GTAN DU GEGS BYED PA'I MI BRTAGS PA'I ZAD PA SO SOR BRTAGS MIN GYI 'GOG PA LA DMIGS NAS ZHI BA'I RNAM PA KHO NAR YID LA BYED PA LAS, 'GOG PA DANG GYA NOM PA SOGS SU YID LA MI BYED DE, DMIGS YUL LA RNAM PA DE DAG MA TSANG BA'I PHYIR RO, ,TING NGE 'DZIN PHYI MA GSUM GYI 'DOD TSUL 'DI DAG KYANG BYE SMRA'I GRUB MTHA'I RANG LUGS YIN PA LAS, GRUB MTHA' GONG MA RNAMS KYIS NI 'DI LAS GZHAN DU BZHED LA, 'DI YANG GONG DU BSHAD PA LTAR LHAG MED KYI TSE 'DUS BYAS KYI RGYU BA GTAN LOG TU 'DOD PA NYID LA THUG PAS, RNAM PAR THAR PA SUN 'BYIN BYED KYI TING NGE 'DZIN GSUM PO 'DI MNGON DU BYED PA'I DUS MTSAMS KYANG DGRA BCOM PA DE DAG LHAG MED DU GSHEGS PA LA NYE BAR PHYOGS PA'I TSE MNGON DU BYAS PA LAS, DE'I GONG DU NI MIN PAR SEMS TE, CI'I PHYIR NA, DE DAG MNGON DU BYAS NAS SLAR YANG RNAM THAR SGO GSUM GYI TING NGE 'DZIN MNGON DU BYED PA MI SRID DE DE LTAR TING NGE 'DZIN PHYI MA 'DI GSUM GYIS SUN 'BYIN PAR BYAS ZIN PA'I PHYIR SNYAM YANG DPYAD DO, ,TING NGE 'DZIN GSUM PO DE YANG MI SLOB PA'I RGYUD KYIS BSDUS SHING, DE YANG DBANG PO RNO BAS DE BSKYED PA'I MTHU DANG LDAN PA DGRA BCOM PA MI G-YO BA'I CHOS CAN KHO NA DANG, @18A *, ,DE'I RTEN YANG GLING GSUM GANG RUNG GI MI KHO NA'I RTEN CAN YIN NO, ,NGES NA MI'I RTEN CAN GYI DGRA BCOM PA MI G-YO BA'I CHOS CAN 'GA' ZHIG MTHONG CHOS LA BDE BAR GNAS PA DANG, KUN TU DGA' BA'I GNAS SU GYUR BA MI SLOB PA'I STONG NYID KYI TING NGE 'DZIN SOGS DE DAG LA RGYAB KYIS PHYOGS PA'I PHYIR TING NGE 'DZIN GZHAN DANG GZHAN DAG LA SNYOMS PAR 'JUG PA YIN ZHES 'DOD DO, ,STONG NYID STONG NYID KYI TING NGE 'DZIN SOGS PHYI MA GSUM PA 'DI LA RNAM PAR THAR PA SUN 'BYIN PA'I TING NGE 'DZIN ZHES SU'ANG SMRA STE, DE DAG GI DMIGS YUL STONG NYID KYI TING NGE 'DZIN SOGS GSUM PO D DAG RNAM PAR THAR PA'I SGO YIN PA'I PHYIR RO, ,DES NA PHYI MA GSUM PO 'DI NI MTHA' GCIG TU ZAG BCAS YIN TE, ZAG MED 'PHAGS LAM GYIS NI 'PHAGS LAM LA YON TAN DU BLTA BA LAS SDANG BAR MI BYED LA, 'DI GSUM GYIS NI 'PHAGS LAM LA RGYAB KYIS PHYOGS TE MTHAR THUG DOR BYOR BLTA BA'I PHYIR ZHES SO, ,SA NI NYER BSDOGS PHYI MA BDUN MA GTOGS 'DOD PA DANG, BSAM GTAN SA DRUG DANG, GZUGS MED KYI DNGOS GZHI BZHI STE BCU GCIG NA YOD LA, 'DI LA 'GREL PA MNGON PA'I RGYAN GYI MCHAN BUR, SA NI BSAM GTAN BZHI GZUGS MED GSUM 'DOD PA DANG BCAS PA NA YOD DO ZHES SRID RTZE'I SAS BSDUS MED PA LTA BU ZHIG 'KHOD 'DUG KYANG, RTZA BA NYID LAS, NYER BSDOGS BDUN NI MA GTOGS SO, ,ZHES GSUNGS PA MA ZAD 'GREL PA MNGON PA'I RGYAN RANG GI YIG CHEN DU YANG SA BCU GCIG NA YOD PAR GSUNGS 'DUG PAS MCHAN BU LA YIG NOR BYUNG BA 'DRA STE, GZUGS MED BZHI ZHES 'GOD DGOS RGYUR SNANG NGO,, ` DGE BA'I BSAM GTAN DANG PO NI, ,ZHES SOGS KYI SKABS SU, YANG MDO LAS, MTHONG CHOS LA BDE BAR GNAS PAR 'GYUR PA'I TING NGE 'DZIN SGOM PA DANG, SHES PA MTHONG BAR 'GYUR BA'I TING NGE 'DZIN DANG, SHES RAB RNAM PAR DBYE BAR 'GYUR BA'I TING NGE 'DZIN DANG, ZAG PA ZAD PAR 'GYUR BA'I TING NGE 'DZIN SGOM PA ZHES BZHI GSUNGS PA RNAMS JI LTAR ZHE NA, BSAM GTAN DANG PO'I DNGOS GZHI ZAG BCAS SAM, ZAG MED GANG RUNG LA MNYAM PAR 'JOG PA NI SKABS 'DI'I DNGOS BSTAN GYI MTHONG CHOS LA BDE BAR GNAS PAR 'GYUR BA'I TING NGE 'DZIN BSGOM PA DANG, 'CHI 'PHO BA DANG SKYE BA SHES @18B PA'I MNGON SHES DANG RJES SU MTHUN PA'I LHA'I MIG GI MNGON SHES DANG, DE'I RJES SU BYUNG BA'I YID SHES DANG MTSUNGS LDAN GYI SHES RAB GNYIS NI 'DI'I DNGOS BSTAN GYI SHES PA MTHONG BAR 'GYUR BA'I TING NGE 'DZIN TE, DE LA YANG NANG BSRES ZHIB TU PHYE NA SKYE BA SHES PAR 'GYUR BA DANG, SKYE BA MTHONG BAR 'GYUR BA GNYIS LAS, DANG PO NI, LHA'I MIG GI MNGON SHES KYI RJES SU BYUNG BA'I YID SHES DANG MTSUNGS LDAN GYI SHES RAB RTOG BCAS LA BYED PA YIN, GNYIS PA NI, MIG GI RNAM SHES DANG MTSUNGS LDAN GYI SHES RAB RTOG MED LA PHYED PA YIN LA, 'ON KYANG MDO LAS NI LHA'I MIG GI MNGON SHES NYID SHES PA MTHONG 'GYUR GYI TING NGE 'DZIN DU BSHAD PAS NA, GONG GI DE GNYIS CHAR DNGOS BSTAN GYI SHES PA MTHONG 'GYUR KYI TING NGE 'DZIN DU 'DOD NA 'GAL BA MED DO, ,KHAMS GSUM GANG RUNG GIS BSDUS PA'I SBYOR BYUNG GI YON TAN MI SDUG PA DANG, DBUGS 'BYUNG RNGUB DRAN PA DANG, NYON MONGS MED PA DANG, SMON GNAS SHES PA SOGS NAS, THOD RGAL GYI SNYOMS 'JUG DANG, ZAG ZAD KYI MNGON SHES LA SOGS PA RNAMS NI SKABS 'DI'I DNGOS BSTAN GYI SHES RAB RAB TU RNAM PAR DBYE BAR 'GYUR BA'I TING NGE 'DZIN CES BYA STE, TING NGE 'DZIN GYI STOBS KYIS CHOS RAB TU RNAM 'BYED KYI SHES RAB GONG NAS GONG DU KHYAD PAR DU 'GYUR BA'I PHYIR, BSAM GTAN GYI YA MTHA' BZHI PA'I NGO BOR GYUR PA'I RDO RJE LTA BU'I TING NGE 'DZIN NI, SKABS 'DI'I DNGOS BSTAN GYI ZAG PA ZAD PAR 'GYUR BA'I TING NGE 'DZIN YIN LA, DES NA 'DI DAG LA SKABS 'DI'I DNGOS BSTAN ZHES PA'I KHYAD PAR SBYAR DGOS TE, SKABS 'DI'I MDO LAS BSAM GTAN DANG PO'I DNGOS GZHI KHO NA MTHONG CHOS LA BDER GNAS SU GSUNGS NAS GZHAN DNGOS SU MA GSUNGS PA NI, DANG PO'I DNGOS GZHI DE 'DOD PA LAS 'DAS PA'I DANG PO YIN PA MA ZAD 'DOD KHAMS NYES PA MANG BA LAS 'DAS PAS DE'I BDE BAS BLO LHAG PAR TSIM PAR 'GYUR BAS DE DAG GI DBANG DU MDZAD PA LAS, SPYIR BSAM GTAN LHAG MA RNAMS LA YANG MTHONG CHOS LA BDER GNAS KYI TING NGE 'DZIN YOD PAS DE KHO NAR MA NGES PA'I PHYIR RO, ,DE LA KHO NA RE, 'DIR DNGOS BSTAN GYI MTHONG CHOS BDER GNAS KYI TING NGE 'DZIN LA BSAM GTAN PHYI MA GSUM GYI DNGOS GZHI YANG 'JOG RIGS PAR THAL, 'GREL PA MNGON PA'I RGYAN LAS, 'DI NI 'DOD PA LAS 'DAS PA'I DANG PO YIN PAS DE SKAD DU GSHAD @19A *, ,KYI BSAM GTAN GZHAN DAG KYANG MTHONG CHOS LA BDER GNAS YIN NO, ,ZHES GSUNGS PA'I PHYIR ZER NA MA KHYAB STE, BSAM GTAN DANG PO LAS GZHAN PA'I GNYIS PA DANG GSUM PA'I DNGOS GZHI GNYIS RANG RANG GI 'OG MA LAS 'DAS PA'I RANG SA'I BDE BAS BLO LHAG PAR TSIM PAS MTHONG CHOS BDER GNAS KYI TING NGE 'DZIN YIN ZHES PA'I DON LAS, BZHI PA'I DNGOS GZHI DER 'JOG PA'I DON MA YIN TE, BZHI PA'I DNGOS GZHI MNGON DU GYUR PA'I TSE RANG SA'I BDE BAS BLO LHAG PAR TSIM PA MED PA'I PHYIR, KHYAB STE, SLOB DPON GANG SPEL GYIS MDZAD PA'I 'GREL BSHAD MTSAN NYID KYI RJES SU 'BRANG BA LAS, DE'I BDE BAS BLO LHAG PAR YONGS SU TSIM PAS YIN TE DPER NA 'BROG TU NGAL ZHING SKOM PA CHU RNYOG PA CAN GYIS TSIM PA BZHIN NO, ,ZHES GSUNGS PA'I PHYIR DANG, 'GREL PA MNGON PA'I RGYAN LAS KYANG, PHYI MA LA BDE BA MYONG BAR NGES PA NI MED DE, NYAMS PA DANG, PHYI MA LA GNYIS PA LA SOGS PAR SKYES PA DANG, MTHONG CHOS LA MYA NGAN LAS 'DAS PA RNAMS LA TSE PHYI MA LA BDE BAR GNAS PA MED PA'I PHYIR DANG, ZAG MED LA RNAM SMIN KYANG MED PA'I PHYIR RO, ,ZHES GSUNGS PA'I PHYIR RO, ,'DI'I DNGOS BSTAN GYI TING NGE 'DZIN GNYIS PA DANG GSUM PA'I 'JOG TSUL RNAMS KYANG RGYU TING NGE 'DZIN BSGOMS STOBS KYIS THOB PAS RGYU MING 'BRAS LA BTAGS PA DANG, RANG RANG GI GROGS SU GYUR PA'I TING NGE 'DZIN YANG YOD PAS GROGS KYI MING GROGS CAN LA BTAGS PA YANG YIN PA LAS DE DAG TING NGE 'DZIN DU DNGOS SU MA NGES PA'I PHYIR TE, LHA'I MIG GI MNGON SHES SOGS NI SHES RAB YIN LA, MI SDUG PA SGOM PA SOGS KYI YON TAN RNAMS LA YANG TING 'DZIN LAS GZHAN PA'I SEMS SEMS BYUNG DU MA YOD PA'I PHYIR DANG, DE BZHIN DURAB MTHA'I BSAM GTAN BZHI PA'I DNGOS GZHI DE LAM SKYE SLA BAS PHAL CHER GYIS DE LA BRTEN NAS RDO RJE LTA BU'I TING NGE 'DZIN BSKYED PAR BYED PAS PHAL CHE BA'AM GTZO CHE BA'I DBANG DU BYAS NAS DE KHO NA ZAG PA ZAD PAR 'GYUR BA'I TING NGE 'DZIN DU GSUNGS PA LAS, SPYIR SA GZHAN LA BRTEN PA'I RDO RJE LTA BU'I TING NGE 'DZIN RNAMS KYANG ZAG PA ZAD PAR 'GYUR BA'I TING NGE 'DZIN YIN PA'I PHYIR RO,, ` TSAD MED PA NI BZHI YIN NO, ,ZHES SOGS KYI SKABS SU TSAD MED PA SOGS @19B SNYOMS 'JUG GI YON TAN RNAMS BSTAN PA STE, DE LA YUL SEMS CAN TSAD MED PA LA DMIGS SHING 'BRAS BU BSOD NAMS TSAD MED 'BYUNG BA'I TSAD MED PA DE NI RNAM PA BZHI STE, BYAMS PA TSAD MED PA DANG, SNYING RJE DANG, DGA' BA DANG, BTANG SNYOMS TSAD MED RNAMS SO, ,DE DAG NI RIM PA LTAR GNOD SEMS DANG, RNAM PAR 'TSE BA DANG, GZHAN GYI PHUN TSOGS LA MI DGA' BA DANG, 'DOD PA'I 'DOD CHAGS DANG GNOD SEMS MANG BA RNAMS KYI GNYEN PO YIN NO, ,'O NA, BTANG SNYOMS KYIS 'DOD PA'I 'DOD CHAGS KYI GNYEN PO BYED PA LTAR MI SDUG PAS KYANG BYED NA, DE GNYIS LA KHYAD PAR CI YOD CE NA, BYE BRAG SMRA BA RNAMS NI KHA DOG GI 'DOD CHAGS KYI GNYEN POR MI SDUG PA DANG, 'KHRIG PA'I 'DOD CHAGS KYI GNYEN POR BTANG SNYOMS 'JOG PAR 'DOD LA, SLOB DPON NYID KYI BZHED PA NI, 'KHRIG PA'I 'DOD CHAGS KYI GNYEN POR MI SDUG PA DANG, PHA MA SOGS NYE DU'I 'DOD CHAGS KYI GNYEN POR BTANG SNYOMS 'JOG PAR BZHED DE DON LA GNAS PA NI DE'O, ,TSAD MED PA DAG GI NGO BO YANG BYAMS PA DANG, SNYING RJE TSAD MED GNYIS NI ZHE SDANG MED PA'I DGE BA YIN LA, DGA' BA TSAD MED NI GZHAN BDE BA DANG LDAN PAR SHES NA YID BDE BA'I DGE BA DANG, BTANG SNYOMS LA GZHUNG GI DNGOS SU BSTAN PA MA CHAGS PA'I RANG BZHIN GYI DGE BA DANG, SHUGS LA BSTAN PA ZHE SDANG MED PA'I DGE BA GNYIS KA YOD DE, 'DOD CHAGS DANG GNOD SEMS GNYIS KA'I GNYEN PO YOD PA'I PHYIR RO, ,DE DAG GI RNAM PA'AM YID LA BYED TSUL NI, GO RIM BZHIN DU KYE MA SEMS CAN RNAMS BDE BA DANG LDAN PAR GYUR CIG SNYAM PA DANG, DE BZHIN DU SDUG BSNGAL DANG BRAL BAR GYUR CIG ,YID DGA' BA DANG LDAN PAR GYUR CIG ,NYE RING CHAGS SDANG MED PAR MNYAM PA LA GNAS PAR GYUR CIG SNYAM DU YID LA BYED CING, DE DAG LA SNYOMS PAR 'JUG PA'O, ,DE LA KHO NA RE, YID LA BYED TSUL DE DAG NI MOS PA'AM 'DUN PA'I RANG BZHIN YIN LA, BYAMS PA LA SOGS PA NI ZHE SDANG MED PA SOGS 'DUN PA LAS GZHAN PA'I SEMS BYUNG LA 'DOD NA JI LTAR 'THAD PAR 'GYUR ZHE NA, SKYON MED DE, 'DUN PA DE DAG DANG MTSUNGS PAR LDAN PA'I SEMS BYUNG ZHE SDANG MED PA SOGS LA DE DANG DE DAG TU 'JOG PA'I PHYIR RO,, ` SPYOD YUL 'DOD PA'I SEMS CAN RNAMS, ,ZHES SOGS KYIS TSAD MED PA DE DAG DANG POR @20A *, ,BSGOMS PA'I SPYOD YUL LAM DMIGS PA NI 'DOD PA'I SEMS CAN RNAMS KHO NA YIN TE, 'DOD PA'I SEMS CAN LA DMIGS PA'I GNOD SEMS SOGS KYI GNYEN PO YIN PA'I PHYIR RO, ,SA GANG DU YOD NA, DGA' BA TSAD MED NI YID BDE YIN PAS BSAM GTAN DANG PO GNYIS LAS GZHAN NA MED CING, GZHAN GSUM NI BSAM GTAN GYI DNGOS GZHI'I SA LNGA NA YOD PAR 'DOD LA, KHA CIG GIS DGA' BA TSAD MED YID BDE YIN PAS BSAM GTAN DANG PO GNYIS DANG, GZHAN GSUM NI BSAM GTAN SA DRUG NA YOD PAR 'DOD PA DANG, YANG KHA CIG GIS MNYAM PAR MA BZHAG PA DANG TSAD MED KYI SBYOR BA RNAMS KYANG SMOS TE, 'DOD PA DANG BSAM GTAN GYI NYER BSDOGS BZHI DANG DNGOS GZHI LNGA STE SA BCU NA YOD PAR 'DOD LA, SPYIR 'DOD TSUL PHYI MA GNYIS 'THAD MIN KHA TSON GCOD DKA' YANG, SKABS 'DIR RANG LUGS LA, 'DOD PA'I SAS BSDUS 'JOG MI RIGS TE, 'DI DAG MNYAM BZHAG GI SA PA KHO NAR 'DOD PA'I PHYIR DANG, 'DOD PA'I SAS BSDUS 'JOG NA DGA' BA TSAD MED LA YANG DE 'JOG DGOS PAS, DES NA, DGA' BA BSAM GTAN GNYIS NA YOD, ,CES GSUNGS PA DANG 'GAL BAR 'GYUR BA'I PHYIR RO, ,DE BZHIN DU NYER BSDOGS KYANG 'JOG MI RIGS TE, DGA' BA TSAD MED YID BDE YIN PAS NYER BSDOGS LA MI RUNG BAR MA ZAD, THAMS CAD KYANG GNOD SEMS SOGS KYI THAG BSRING GI GNYEN POR GYUR PA'I DNGOS GZHI DAG PA BA KHO NA YIN PA'I PHYIR TE, 'GREL PA MNGON PA'I RGYAN LAS, TSAD MED BZHI PO DES GNOD SEMS LA SOGS PA DNGOS SU MI SPONG STE, BSAM GTAN DAG PA BA DNGOS GZHI'I SA PA YIN LA, ZHES DANG, DNGOS GZHIS SPANGS PA THAG BSRING BAR BYED PA'I PHYIR GNOD SEMS LA SOGS PA'I GNYEN POR BSHAD DO, ,ZHES GSUNGS PA'I PHYIR, 'ON KYANG DE DAG GI SBYOR BA LA NYER BSDOGS 'BYUNG MIN JI LTAR YANG 'DOD SEMS NI NGES PAR YOD LA, SBYOR BA'I DMIGS RNAM YID LA BYED TSUL SOGS DNGOS GZHI'I TSAD MED DANG 'DRA BA YIN NO, ,TSAD MED 'DI DAG DANG POR BSGOMS PA'I TSE NYON MONGS SHES CHE CHUNG DANG BSTUN NAS DMIGS YUL NYUNG DU DANG MANG PO LA DMIGS NAS SGOM TSUL SOGS GZHAN DU SHES LA, DANG POR BSGOMS PA'I TSE DMIGS YUL 'DOD PA'I @20B SEMS CAN KHO NA LA DMIGS NAS BSGOMS NA SKYE SLA BA LA DGONGS NAS, SPYOD YUL 'DOD PA'I SEMS CAN RNAMS, ,ZHES GSUNGS PA YIN GYI, TSAD MED BZHI PO GANG RUNG GI DMIGS YUL LA 'DOD PA'I SEMS CAN GYIS KHYAB PA'I DON NI MA YIN TE, BSGOMS PA RAB KYIS MTHAR PHYIN PA'I BYANG SEMS SOGS KYIS KHAMS GSUM GYI SEMS CAN THAMS CAD LA DMIGS PA'I TSAD MED BSGOM PA'I PHYIR TE, 'GREL PA MNGON PA'I RGYAN LAS, SANGS RGYAS DANG BYANG SEMS 'PHAGS PA DGRA BCOM LA SOGS PA'I RGYUD LA BDE BA MNGA' BAR THOS PA DE BZHIN DU, SEMS CAN THAMS CAD KYANG DE LTA BU'I BDE BA DANG LDAN PAR GYUR CIG CES CIG CAR MOS PAR BYED DO, ,ZHES DANG, DE NAS RIM GYIS PHYOGS GCIG NAS 'JIG RTEN THAMS CAD KYI BAR DU BYAMS PAS RGYAS SHING KHYAB PAR BYED DO, ,ZHES GSUNGS PA'I PHYIR, RTEN NI 'DI DAG SKYE BA'I THABS SU LUNG ZAB MO'I GDAMS NGAG 'DOMS PA SOGS LA LTOS DGOS PAS DANG POR BLO GSAL BA'I MI KHO NA'I NANG DU BSKYED PAR BYED LA, PHYIS NI RTEN GZHAN LA YANG SKYE BA YOD DAM SNYAM MO, ,THOB TSUL YANG GANG ZAG GI RIGS 'GA' ZHIG GIS DANG PO'I DNGOS GZHI LA BRTEN NAS SGRUB NA DE'I NGO BOR GYUR PA'I TSAD MED BZHI CIG CAR DU THOB LA, 'GA' ZHIG GNYIS PA SOGS BSAM GTAN GONG MA'I DNGOS GZHI LA BRTEN NAS SGRUB NA DE DANG DE'I DNGOS GZHI'I NGO BOR GYUR PA'I TSAD MED DU YOD CIG CAR DU THOB MOD, 'ON KYANG BSAM GTAN SNGA MA SNGA MA'I NGO BOR GYUR PA'I TSAD MED BZHI PO GANG RUNG THOB NA PHYI MA PHYI MA'I NGO BOR GYUR PA'I TSAD MED BZHI PO GANG RUNG THOB PAS MA KHYAB PAR MA ZAD, PHYI MA PHYI MA'I NGO BOR GYUR PA'I TSAD MED BZHI PO GANG RUNG THOB NA SNGA MA SNGA MA'I NGO BOR GYUR PA'I TSAD MED BZHI PO GANG RUNG THOB PAS KYANG MA KHYAB STE, 'DI DAG SNGAR 'DRIS PA RNAMS KYIS NI 'DOD CHAGS DANG BRAL BA'I STOBS KYIS THOB KYANG SNGAR MA 'DRIS PA RNAMS KYIS NI DNGOS GZHI THOB NAS DNGOS GZHI DE DANG DE'I NGO BOR GYUR PA'I TSAD MED RNAMS SBYOR BAS GSAR DU SGRUB DGOS PA'I PHYIR RO, ,DGA' BA TSAD MED MA GTOGS PA'I GZHAN GSUM PHAN TSUN NGES LDAN DU GSUNGS PA YANG GANG RUNG GCIG MNGON DU GYUR NA GZHAN GNYIS THOB PA'I SGO NAS LDAN PA'I DON LAS GSUM CHAR MNGON GYUR DU LDAN DGOS PA'I DON NI MA YIN TE, DE DAG GI DMIGS RNAM SO SO NAS MI MTSUNGS PA'I PHYIR DANG, @21A *, ,DGA' BA TSAD MED NI YID BDE YIN PAS BSAM GTAN PHYI MA GNYIS KYIS PA'I TSAD MED LA DE MED PA'I PHYIR TE, 'GREL PA MNGON PA'I RGYAN LAS, DGA' BA NI YID BDE YIN PAS BSAM GTAN GSUM PA DANG BZHI PA'I SA PA LA MI LDAN PA'I PHYIR RO, ,ZHES GSUNGS PA'I PHYIR, 'DI DAG DANG PO GSAR DU THOB PA'I TSE 'DOD PA'I RTEN LA THOB PA YIN KYANG, 'DI DAG DANG LDAN PA'I GONG MA BA NI YOD PAR 'DOD DGOS TE, 'DI DAG GI THOB PA GTONG TSUL RANG NYID SA GANG LA BRTEN PA'I BSAM GTAN DE DANG DE'I DNGOS GZHI DAG PA DANG THOB PA GTONG TSUL MTSUNGS PA'I PHYIR RO, ,YANG 'DI DAG GONG MA'I RTEN LA MNGON DU GYUR PA NI MED PA 'DRA STE, GONG MA'I RTEN LA MNGON DU GYUR PA'I DNGOS GZHI DAG PA BAS 'OG SA'I ZAG BCAS LA MA DMIGS PA'I PHYIR SNYAM YANG DPYOD DGOS LA, 'DOD PA BA YANG GZHAN SDE'I RGYUD LA NI MED DE, 'DI DAG SKYE BA'I THABS SU LUNG ZAB MO'I MAN NGAG THOS PA LA LTOS PAS GZHAN SDE LA DE MED PA'I PHYIR TE, 'GREL PA MNGON PA'I RGYAN LAS, GZHAN GYIS 'DOMS PA LA LTOS PA'I PHYIR RO, ,ZHES GSUNGS PA'I PHYIR, ` RNAM PAR THAR BRGYAD DANG PO GNYIS, ,ZHES SOGS KYI SKABS SU, MDO LAS, GZUGS CAN GZUGS LA BLTA BA'I RNAM THAR, GZUGS CAN MA YIN PA GZUGS LA BLTA BA'I RNAM THAR, SDUG PA'I RNAM THAR, GZUGS MED KYI RNAM THAR BZHI, 'GOG PA'I RNAM THAR DANG BRGYAD GSUNGS PA'I RNAM THAR DANG PO GNYIS NI RNAM PAR SNGOS@ PA LA SOGS PA'I RNAM PA CAN DU BLTA BA'I PHYIR MI SDUG PA'I RANG BZHIN YIN LA, NGO BO NI MA CHAGS PA DANG, DMIGS PA NI GTZO CHE BA 'DOD PAR GTOGS PA'I GZUGS KYI SKYE MCHED DE SNGAR MI SDUG PA BSGOM PA'I SKABS SU BSHAD PA DANG PHAL CHE BA MTSUNGS LA, MI 'DRA BA'I KHYAD PAR NI MI SDUG PA NI SNGAR BSHAD PA LTAR SA BCU NA YOD LA, RNAM THAR DANG PO GNYIS LA NI BSAM GTAN DANG PO GNYIS KYI SAS BSDUS MA GTOGS MED DE, RNAM THAR 'DI NYID NI GTZO BOR DBANG SHES 'KHOR GYI 'DOD CHAGS KYI GNYEN PO YIN LA, GNYIS PA YAN CHAD NA DBANG SHES MED PAS DE YAN CHAD KHA DOG LA CHAGS PA'I DBANG SHES 'KHOR GYI 'DOD CHAGS KYANG MED PA'I PHYIR RO, ,'DI THAD @21B 'GREL PA RNAMS SU, GNYIS PA YAN CHAD DBANG SHES MED PAS KHA DOG GI 'DOD CHAGS MED PAR GSUNGS PA'I DON YANG GONG DU BSHAD MA THAG PA LTAR LAS, GNYIS PA YAN CHAD KYI SAS BSDUS PA'I KHA DOG DANG DE LA CHAGS PA'I YID SHES 'KHOR GYI 'DOD CHAGS MED PA'I DON NI MA YIN TE, DE YAN CHAD KYIS PA'I DBYIBS DANG KHA DOG YOD PA NI GANG ZHIG ,RANG SA'I 'DOD CHAGS KYI YUL DU MA GYUR PA'I RANG SA'I ZAG BCAS MED PA'I PHYIR RO, ,DES NA 'DOD PA'I KHA DOG LA CHAGS PA'I DBANG SHES 'DOD CHAGS KYI GNYEN POR BSAM GTAN DANG PO'I SAS BSDUS KYI MI SDUG PA'I RNAM THAR GNYIS DANG, DANG PO'I KHA DOG LA CHAGS PA'I GNYEN POR GNYIS PA'I SAS BSDUS KYI MI SDUG PA'I RNAM THAR GNYIS MA GTOGS GSUM PA YAN CHAD KYI SAS BSDUS PA'I MI SDUG PA'I RNAM THAR MI 'JOG PA YIN NO, ,DE LA KHO NA RE, GNYIS PA YAN CHAD NA KHA DOG LA CHAGS PA'I 'DOD CHAGS MED PAR THAL, DE YAN CHAD NA DBANG SHES LA 'DOD CHAGS DANG BRAL BA GANG ZHIG ,YUL DE LA 'DOD CHAGS DANG BRAL NA YUL CAN DE LA 'DOD CHAGS DANG BRAL DGOS PA'I PHYIR TE, 'GREL PA MNGON PA'I RGYAN LAS, GANG YUL LA 'DOD CHAGS DANG BRAL BA DE NI YUL CAN SHES PA LAS KYANG 'DOD CHAGS DANG BRAL TE SNA LCE'I RNAM SHES BZHIN NO, ,ZHES GSUNGS PA'I PHYIR ZER NA MA KHYAB STE, DE NI DBANG SHES KYI YUL LA 'DOD CHAGS DANG BRAL NA YUL CAN DBANG SHES LA 'DOD CHAGS DANG BRAL DGOS PA'I DON YIN PA LAS, SPYIR YUL DE LA 'DOD CHAGS DANG BRAL NA YUL CAN DE LA 'DOD CHAGS DANG BRAL BAS KHYAB PA MED PAR MA ZAD, YUL CAN DE LA 'DOD CHAGS DANG BRAL NA YUL DE LA 'DOD CHAGS DANG BRAL BAS KHYAB PA YANG MED PA'I PHYIR RO, ,ZUR DANG PO MA GRUB NA SDUG KUN SHES PA GNYIS DANG ZUR PHYI MA MA GRUB NA DANG PO'I SAS BSDUS KYI DBANG SHES DANG, KHAMS SKAL BA MI MNYAM PA'I KUN 'GRO RNAMS RE RE NAS CHOS CAN DU BZUNG STE SGRUB NA SHES SLA 'O, ,'O NA, MI SDUG PA SGOM PA'I SNYOMS 'JUG RNAMS KYI DMIGS YUL LA 'DOD PA'I SAS BSDUS KYIS MA KHYAB PAR 'GYUR TE MTSUNGS PA'I PHYIR, ZER NA, MI MTSUNGS TE, MI SDUG PA SGOM PA'I SNYOMS 'JUG NI SA BCU PO GANG GI DBANG DU BYAS NA YANG, DMIGS PA 'DOD SNANG MIS BSKYED DO, , @22A *, ,ZHES DMIGS YUL 'DOD PA'I GZUGS LA DMIGS PA SHA STAG@ STE, DES NI MI SDUG PA ZHES PA'I MING TZAM LA 'KHRUL NAS DMIGS YUL KHYAD MED DU BZUNG BAR MI BYA'O, ,RNAM THAR 'DI GNYIS KYI NGO BO NA BSAM GTAN GYI DNGOS GZHI DAG PA BA DANG, MOS PA YED@ LA BYED PA YIN LA, GNYEN POR BSHAD PA YANG SPANG BYA LAS THAG SRING BA'I GNYEN PO YAN GYI DNGOS SU SPONG BYED NI MA YIN TE, DNGOS GZHI DAG PA BA YIN PA'I PHYIR RO, ,GZUGS CAN GZUGS LA LTA BA DANG, GZUGS CAN MA YIN PAR GZUGS LA BLTA BA ZHES PA'I KHYAD PAR NI, MDO LAS, NANG GZUGS SU 'DU SHES PAS PHYI ROL GYI GZUGS RNAMS LA BLTA BA DANG, NANG GZUGS MED PAR 'DU SHES PAS PHYI ROL GYI GZUGS LA BLTA BA ZHES GSUNGS PA DANG DON GCIG CING, DE'I DON YANG LTA BA PO RNAL 'BYOR PA RANG NYID LA GZUGS CAN GYI 'DU SHES MA BSHIG PAR DE'I 'DU SHES MNGON DU BYED PA'I SGO NAS PHYI ROL GYI GZUGS LA BLTA BA DANG, YANG RANG NYID LA GZUGS CAN GYI 'DU SHES PA SHIG STE GZUGS MED PA'I 'DU SHES MNGON DU BYED PA'I SGO NAS PHYI ROL GYI GZUGS LA BLTA BA STE KHYAD PAR DE GNYIS KYI SGO NAS BZHAG PA'O, ,GSUM PA SDUG PA'I RNAM THAR GYI SA NI, BSAM GTAN GYI YA MTHA' BZHI PA KHO NA NA YOD CING, DE YANG CHAGS PA'I GNYEN PO YIN PAS NGO BO NI MA CHAGS PA NYID DANG, RNAM PA NI SDUG PA'I RNAM PA CAN YIN TE, DE YANG GZUGS YID DU 'ONG BA SPRUL NA MA SDUG PAR BLTA ZHING DE NYID TING NGE 'DZIN GYI LUS KYIS MNGON SUM DU BYED PAS NA SDUG PA'I RNAM THAR ZHES BYA LA, DE BSGOMS PA'I DGOS PA NI MI SDUG PA BSGOMS PAS SEMS ZHUM PA GZENGS@ BSTOD PA DANG, GZUGS SDUG PA SPRUL PA LA CHAGS PA SKYE NA RNAM THAR DANG PO GNYIS MA 'GRUB PA YIN LA, MI SKYE NA 'GRUB PA YIN PAS, 'GRUB MA 'GRUB BRTAGS PA'I PHYIR DU YANG YIN NO, ,DE LTAR 'GRUB MA 'GRUB BRTAGS PA'I TSE GZUGS SDUG PA SPRUL PA LA CHAGS PA SKYE NA DMIGS YUL GZUGS KYI SKYE MCHED GANG DU GTOGS PA'I SA DE NYID KYI CHAGS PA SKYE BA YIN PAS RNAM THAR MI 'GRUB PAR MA ZAD, RANG RANG GI GONG SA'I BAR DU CHAGS BRAL LAS KYANG NYAMS PA YIN NO, ,DES NA BSAM GTAN PA @22B RNAMS CHAGS BRAL LAS NYAMS TSUL YANG 'DI DANG 'DI LTA BU'I RKYEN LA BRTEN NAS YIN GYI, BSAM BZHIN DU GONG SA'I CHAGS BRAL LAS NYAMS PAR BYA'O SNYAM NAS 'OG SA'I NYON MONGS MNGON DU BYED PA NI SU YANG MI SRID DO, ,RNAM THAR SOGS KYI YON TAN 'DI DAG KYANG LUNG ZAB MO'I MAN NGAG LA BRTEN NAS SKYE DGOS PAS SANGS RGYAS KYI BSTAN PAS BSDUS PAR SHES PAR BYA STE, JI SKAD DU, RNAM THAR ZAD PAR ZIL GNON RNAMS, ,SANGS RGYAS BSTAN PA KHO NA'I KHYAD CHOS YIN, ,BSTAN LA MA ZHUGS PA LA DE DAG MED, ,CES GSUNGS PA 'DIR YANG MTSUNGS PA'I PHYIR RO, ,DES NA BSAM GTAN SNGA MA GSUM DU SDUG PA'I RNAM THAR MI STON PA YANG DANG PO GNYIS NA DGA' BA DANG GSUM PA NA BDE BA YOD PAS SDUG PAR YID LA BYAS NA DGA' BA DANG BDE BAS CHAGS PA SKYE BAS MA CHAGS PA MI 'GRUB PAS SKYON DU 'GYUR BA'I PHYIR ZHES SO, ,RNAM THAR DANG PO GSUM PO 'DI 'KHOR DANG BCAS NA NI PHUNG PO LNGA PA CAN YIN TE RJES 'BRANG GI GZUGS KYANG YOD PA'I PHYIR RO,, ` GZUGS MED MNYAM BZHAG DGE RNAMS SO, ,ZHES PA'I SKABS SU, GZUGS MED KYI RNAM THAR ZHES PA NI, BSTAN PAS BSDUS PA'I GZUGS MED KYI MNYAM BZHAG DGE BA DAG PA BA RNAMS DANG, GZUGS MED DANG PO GSUM GYIS BSDUS PA'I DNGOS GZHI ZAG MED RNAMS KHO NA LA BYED KYI, NYON MONGS CAN DANG MNYAM PAR MA BZHAG PA'I SEMS RNAMS MA YIN LA, 'GA' ZHIG 'CHI SEMS SOGS YOD PAR 'DOD KYANG RANG LUGS SU MI 'DOD DO, ,DES NA GZUGS MED DANG PO GSUM GYIS BSDUS PA'I RNAM THAR LA NA ZAG BCAS ZAG MED GNYIS KA YOD LA, SRID RTZE'I SAS BSDUS LA NI ZAG BCAS MA GTOGS ZAG MED MED DO, ,BSTAN PAS BSDUS PA'I GZUGS MED KYI DNGOS GZHIR MA ZAD NYER BSDOGS@ KYI NGO BOR GYUR PA'I RNAM GROL LAM RNAMS LA YANG RNAM THAR GYI MING THOB KYANG, BAR CHAD MED LAM RNAMS LA NI RNAM THAR GYI MING MI THOB STE, GZUGS MED KYI RNAM THAR NI 'OG SA'I ZAG BCAS LA RGYAB KYIS PHYOGS PA YIN LA, NYER BSDOGS@ BAR CHAD MED LAM DAG GIS 'OG SA'I ZAG BCAS LA DMIGS PA'I PHYIR, ZHES GSUNGS SO,, ` 'GOG PA'I SNYOMS PAR 'JUG PA'O, ,ZHES SOGS KYI SKABS SU, 'GOG PA'I RNAM THAR ZHES PA NI GNAS GNYIS PAR @23A *, ,BSHAD PA'I 'GOG PA'I SNYOMS 'JUG NYID YIN LA, 'GOG PA DE LA SNYOMS PAR 'JUG PA'I 'JUG SEMS NI, KHAMS GSUM GYI SEMS KYI NANG NAS SHIN TU PHRA BA NI SRID RTZE'I SEMS YIN LA, DE YANG 'GOG PA LA DMIGS NAS CHES PHRA BAR BYAS PA'I MJUG THOGS SU SEMS KYI RGYUN BCAD NAS SNYOMS PAR 'JUG PA YIN LA, LDANG BA'I TSE NA NI SNGAR GYI LDANG SEMS KYI 'PHEN PA JI LTAR YIN KYANG DE DANG MTSUNGS PA'I SRID RTZE RANG SA'I DAG PA BA DANG, 'OG MA CI YANG MED KYI 'PHAGS PA ZAG MED KYI SEMS GANG RUNG GIS LDANG BAR 'GYUR BAS, DES NA 'GOG PA'I SNYOMS 'JUG DNGOS DANG, DE LA SNYOMS PAR 'JUG PA'I SEMS GNYIS NI SRID RTZE'I SAS BSDUS KYI DGE BA ZAG BCAS KHO NA YIN LA, LDANG SEMS LA NI ZAG BCAS ZAG MED GNYIS KA YOD PA'O, ,'O NA 'DI DAG LA RNAM THAR ZHES BRJOD PA'I RGYU MTSAN CI ZHE NA, RNAM THAR DANG PO GNYIS KYIS KHA DOG LA CHAGS PA'I GNYEN PO DANG, GSUM PAS ZHUM ZHING CHAGS PA'I GNYEN PO DANG, GZUGS MED GYI RNAM THAR RNAMS KYIS GZUGS KYI 'DU SHES KYI GNYEN PO DANG, 'GOG PA'I RNAM THAR GYIS TSOR 'DU 'DU BYED THAMS CAD LA RGYAB KYIS PHYOGS PA STE, DE DANG DE DAG LAS RNAM PAR THAR PAR BYED PA'I PHYIR DE SKAD BRJOD DO,, ` DANG PO 'DOD GTOGS SNANG YUL CAN, ,ZHES PA'I DON, RNAM THAR DANG PO GNYIS NI GTZO BOR 'DOD PAR GTOGS PA'I GZUGS KYI SKYE MCHED YID DU MI 'ONG BA'I RNAM PA CAN DANG, RNAM THAR GSUM PA NI GTZO BOR 'DOD PAR GTOGS PA'I GZUGS KYI SKYE MCHED YID DU 'ONG BA'I RNAM PA CAN YIN CING, DE LA DMIGS YUL 'DI DAG TING NGE 'DZIN LA BRTEN NAS SPRUL PA MA YIN NAM, DE LTA NA 'DOD PAR GTOGS PA JI LTAR 'GYUR, ZHE NA, SKYON MED DO, ,TING NGE 'DZIN LA BRTEN KYANG SPRUL GZHI 'DOD PA'I SAS BSDUS LA DMIGS NAS SPRUL PA'I PHYIR, ZHES SO, ,DE LA KHO NA RE, RNAM THAR DANG PO GSUM PO GANG RUNG GI YUL LA 'DOD PA'I SAS BSDUS KYIS KHYAB PAR THAL, KHYOD KYIS DANG PO 'DOD GTOGS SNANG YUL CAN, ,ZHES PA'I DON 'GREL TSUL 'THAD PA'I PHYIR ZER NA MA KHYAB STE, RNAM THAR GSUM PO DE THOG MAR GSAR DU SGRUB PA'I TSE DMIGS YUL 'DOD PA'I GZUGS KYI SKYE MCHED KHO NA LA DMIGS NAS BSGRUB DGOS PAS DE GSUM GTZO BOR 'DOD PAR GTOGS PA'I @23B GZUGS KYI SKYE MCHED KYI SPYOD YUL CAN YIN PA'I DON YIN KYI, PHYIS NAS BSAM GTAN DANG PO'I KHA DOG LA CHAGS PA'I DBANG SHES 'DOD CHAGS KYI GNYEN POR DANG PO'I GZUGS KYI SKYE MCHED LA DMIGS PA'I GNYIS PA'I SAS BSDUS KYI MI SDUG PA'I RNAM THAR GNYIS DANG, DE GNYIS 'GRUB MI 'GRUB BRTAGS PHYIR DU DANG PO'I SAS BSDUS KYI GZUGS YID DU 'ONG BA SPRUL NAS SDUG PAR BLTA BA'I BZHI PA'I SAS BSDUS KYI SDUG PA'I RNAM THAR BSGOM PA YOD PA'I PHYIR RO, ,DE LTAR MA YIN NA 'O NA KHO RANG LA, DANG PO'I KHA DOG LA CHAGS PA'I DBANG SHES 'DOD CHAGS THAG BSRING@ BA'I GNYEN POR DANG PO'I GZUGS LA DMIGS PA'I SDUG MI SDUG GI RNAM THAR GSUM PO DE BSGOM MI RIGS PAR THAL, DE THAG BSRING@ BA'I GNYEN POR RNAM THAR BSGOMS NA 'DOD PA'I GZUGS KHO NA LA DMIGS PA'I RNAM THAR GSUM PO DE BSGOM DGOS PA'I PHYIR, 'DOD NA MI 'THAD PAR THAL, GONG SA'I KHA DOG LA CHAGS PA'I GNYEN POR 'OG SA'I GZUGS LA DMIGS PA'I RNAM THAR BSGOM PA 'BREL MED PA'I PHYIR TE, SPYIR GNYEN PO GANG GIS GONG SA'I NYON MONGS THAG BSRING@ BAR NUS NA 'OG SA'I NYON MONGS THAG BSRING@ BAR NUS GYI, 'OG SA'I NYON MONGS THAG BSRING@ BAR NUS NA GONG SA'I NYON MONGS THAG BSRING@ BAR NUS PAS MA KHYAB PA'I PHYIR RO, ,'O NA GONG GI RNAM THAR GYI DMIGS YUL RNAMS TING NGE 'DZIN KHO NAS SPRUL PA YIN NAM ZHE NA DE NI MA YIN TE, DNGOS SU NI TING NGE 'DZIN GYI 'BRAS BU SPRUL SEMS KYIS SPRUL PAR BYED PA'I PHYIR RO, ,'ON KYANG TING NGE 'DZIN LA BRTEN PA'I SPRUL PAR NI 'JOG CHOG GO , ` GANG DAG GZUGS CAN MIN DE DAG , ZHES SOGS KYI SKABS SU, GZUGS CAN MA YIN PA STE GZUGS MED KYI RNAM THAR BZHI PO DE DAG GI SPYOD YUL LAM DMIGS PA LA NI, GONG SA DANG RANG SA'I SDUG KUN 'GOG PA GSUM, LAM BDEN LA DMIGS NA NI RJES SHES PHYOGS MTHUN GYI LAM BDEN GONG SA DANG RANG SA DANG 'OG SAS BSDUS PA THAMS CAD LA CI RIGS PA'I TSUL GYIS DMIGS PAR BYED DO, ,'DI'I THAD KYI 'GREL PA MNGON PA'I RGYAN GYI MTSAN BUR, 'DI NI NYER BSDOGS@ GONG MA BDUN MA GTOGS PA SA BCU PAR BSHAD DO, ,ZHES PA ZHIG GSUNG 'DUG PA YANG GZUGS MED KYI RNAM THAR RNAMS KYI DMIGS PA'AM YUL LA GSUNG RGYU YIN 'DUG PA LAS RNAM THAR GYI NGO BO LA NI GSUNGS PA MA YIN TE, GZUGS MED KYI RNAM THAR MTHA' DAG NGO BO GZUGS @24A *, ,MED KYI SAS BSDUS SHA DAG YIN NA SA BCU 'BYUNG DON MED PA'I PHYIR, DMIGS YUL LA SA BCU 'BYUNG TSUL YANG 'DOD PA NA MI 'BYUNG STE, GZUGS MED KYIS 'DOD PA LA MI DMIGS PA'I PHYIR, DES NA ZAG MED GYI NGO BOR GYUR PA'I BSAM GTAN SA DRUG DANG, GZUGS MED DANG PO GSUM GYI DNGOS GZHI ZAG BCAS ZAG MED CI RIGS TE SA DGU DANG, SRID RTZE'I ZAG BCAS KHO NA DANG BCAS PA'I SA BCU PO CI RIGS LA DMIGS PA'I DON NO, ,DE LA KHO NA RE, GZUGS MED RNAM THAR GYI YUL DU GYUR PA'I NYER BSDOGS@ LA NYER BSDOGS@ ZAG MED KYIS KHYAB PAR THAL, 'DI NI NYER BSDOGS@ GONG MA BDUN MA GTOGS PA SA BCU PAR BSHAD DO, ,ZHES PA'I LUNG DRANGS MA THAG PA DE'I PHYIR ZER NA MA KHYAB STE, DE NI GZUGS MED RNAM THAR GYI YUL DU GYUR PA'I ZAG MED LA NYER BSDOGS@ GONG MA BDUN MED PA'I DON YIN GYI, DE'I YUL ZAG BCAS LA RANG SA'I NYER BSDOGS@ MED PA'I DON MA YIN TE, 'GREL PA DE GNYIS LAS, DE DAG GI SPYOD YUL TE DMIGS PA NI SA GONG MA DANG RANG GI SA PA'I SDUG BSNGAL DANG, SOGS PAS BSDUS PA KUN 'BYUNG DANG, ZHES GSUNGS PA'I PHYIR RO, ,YANG, GZUGS MED KYI RNAM THAR DE DAG LA MTSAN MA MED PA MTSAN MA MED PA'I TING NGE 'DZIN YANG SRID PAS DES NI SO SOR BRTAGS MIN GYI 'GOG PA LA YANG DMIGS SHING, NAM MKHA' MTHA' YAS SKYE MCHED KYI DMIGS PA LA NI 'DUS MA BYAS KYI NAM MKHA' YANG 'BYUNG NGO, ,'O NA, GONG DU GZUGS MED KYI DNGOS GZHI SA 'OG SA LA MI DMIGS PAR BSHAD PA DANG, 'DIR GZUGS MED KYI RNAM THAR LA 'OG SA GONG SA THAMS CAD LA DMIGS PA YOD PAR BSHAD PA GNYIS 'GAL LO ZHE NA, MI 'GAL TE, GONG DU BSHAD PA NI 'OG SA'I ZAG BCAS LA DMIGS PA MED PA'I DBANG DU BYAS PA YIN LA, 'DIR NI 'OG SA'I ZAG MED RJES SHES LA DMIGS PA YOD PA'I DBANG DU MDZAD PA YIN PAS DBYE BA 'BYED SHES NA SKYON MED PA NYID DO, ,BSAM GTAN GSUM PA'I SAS BSDUS KYI RNAM THAR MI 'JOG PA'I RGYU MTSAN YOD DE, BSAM GTAN GNYIS PA'I SAS BSDUS GYIS RLOBS@ PA DANG, SKU TSE GTONG 'JOG DANG, RI RAB RDUL PHRAN BSKYED LA, SDUG PA'I RNAM THAR NI BSKYED MI RUNG BA GONG DU BSHAD ZIN PA LTAR RO, ,'O NA, RNAM THAR DANG @24B ZIL GNON 'DI DAG LA SNYOMS PAR 'JUG PA'I DGOS PA GANG ZHE NA, NYON MONGS PA THAG BSRING@ BA DANG SNYOMS 'JUG LA DBANG THOB PAR BYA BA'I CHED DU YIN TE, NYON MONGS PA THAG MA SRINGS@ SHING SNYOMS 'JUG LA DBANG MA THOB NA NYON MONGS MED PA LA SOGS PA'I YON TAN RNAMS MI THOB CING, SA SOGS GSAR LA SOGS PAR BSGYUR BA DANG, DUS RING POR GNAS PAR BYIN GYIS RLOBS@ PA DANG, SKU TSE GTONG 'JOG DANG, RI RAB RDUL PHRAN DU 'JUG PA SOGS 'PHAGS PA'I RDZU 'PHRUL RNAMS KYANG MI 'GRUB PAS DE DAG SGRUB PAR BYA BA'I CHED DU'O, ,YANG MDO LAS, RNAM THAR GSUM PA DANG BRGYAD PA GNYIS KHO NA LA LUS KYIS MNGON SUM DU BYAS TE RDZOGS PAR BYAS NAS GNAS ZHES GSUNGS LA GZHAN RNAMS LA MA GSUNGS PA CI ZHE NA, RNAM THAR GSUM PAS GZUGS KYI SA PA'I RNAM THAR RDZOGS PAR MNGON DU BYAS LA, BRGYAD PAS GZUGS MED KYI SA PA'I RNAM THAR RDZOGS PAR MNGON DU BYAS PAS DE GNYIS LA DMIGS KYIS BKAR NAS GSUNGS ZHING, BSHAD TSUL GZHAN YANG YOD DO,, ` ZIL GYIS GNON PA'I SKYE MCHED BRGYAD, ,CES SOGS KYI SKABS SU, MDO LAS, ZIL GYIS GNON PA'I SKYE MCHED BRGYAD ZHES GSUNGS PA NI, DBYIBS ZIL GNON BZHI DANG, KHA DOG ZIL GNON BZHI STE BRGYAD LA BYED PA YIN CING, DE LA DBYIBS ZIL GNON BZHI NI, NANG GZUGS SU 'DU SHES PA'I SGO NAS PHYI ROL GYI GZUGS CHUNG NGU KHA DOG BZANG PA DANG, NGAN PA RNAMS LA BLTA ZHING GZUGS DE DAG ZIL GYIS MNAN@ NAS SHES PA DANG, ZIL GYIS MNAN@ NAS MTHONG STE DE LTA BUR 'DU SHES PAR GYUR PA NI ZIL GNON DANG PO DANG, NANG GZUGS SU 'DU SHES PA'I SGO NAS PHYI ROL GYI GZUGS CHEN PO KHA DOG BZANG NGAN RNAM LA BLTA ZHING ZIL GYIS MNAN@ PA SOGS GNYIS PA DANG, DE BZHIN DU NANG GZUGS MED PAR 'DU SHES PA'I SGO NAS PHYI ROL GYI GZUGS CHUNG NGU LA BLTA ZHING ZIL GYIS MNAN@ PA NI GSUM PA DANG, GZUGS MED PAR 'DU SHES PA'I SGO NAS PHYI ROL GYI GZUGS CHEN PO LA BLTA BA SOGS NI BZHI PA STE, DE DAG LA DBYIBS ZIL GNON ZHES BYA BA'O, ,KHA DOG ZIL GNON BZHI NI, NANG GZUGS MED PAR 'DU SHES PA KHO NA'I RIM PA BZHIN PHYI ROL GYI KHA DOG SNGON PO DANG, SER PO DANG, DMAR PO, DKAR PO RNAMS LA BLTA ZHING ZIL GYIS MNAN@ NAS SHES PA DANG MTHONG STE @25A *, ,DE DANG DE LTA BUR 'DU SHES PA BZHI LA BYED PA'O, ,DE LA KHO NA RE, DBYIBS ZIL GNON DANG KHA DOG ZIL GNON GNYIS MI 'GAL BAR THAL, ZIL GNON GYI SKYE MCHED DANG POS DBYIBS DANG KHA DOG GNYIS CHAR LA DMIGS PA'I PHYIR ZER NA, 'DOD PA YIN TE, SPYIR ZIL GNON GYI SKYE MCHED LA DBYIBS DANG KHA DOG GNYIS CHAR LA DMIGS PA, DBYIBS RKYANG PA LA DMIGS PA, KHA DOG RKYANG PA LA DMIGS PA SOGS YOD PAS DE DAG DANG GI DMIGS YUL GYI GTZO BO GANG LA DMIGS PA DE DANG DE'I ZIL GNON DU 'JOG DGOS PA'I PHYIR RO, ,'O NA ZIL GNON DANG PO'I DMIGS YUL DU GYUR PA'I PHYI ROL GYI GZUGS CHUNG NGU KHA DOG BZANG BA LTA BU DE DBYIBS DANG KHA DOG GNYIS CHAR YIN NAM ZHE NA, SPYIR DBYIBS DANG MI LDAN PA'I KHA DOG DANG, KHA DOG DANG MI LDAN PA'I DBYIBS MED PAR MA ZAD, LUGS 'DIR NI DBYIBS DANG KHA DOG LA MU BZHIR 'DOD PAS, DE YANG GNAS DANG POR BSHAD PA LTAR, RTZOD GZHI 'DI 'DRA'I RIGS LA BDAG PO'I SGRA SBYAR MA SBYAR GYI DBANG GIS KHYAD CHOS LA GTZO CHE CHUNG GI KHYAD PAR 'BYED DGOS TE, DPER NA, PHYI ROL GYI GZUGS CHUNG NGU KHA DOG BZANG BA LTA BUR KHYAD GZHI GZUGS CHUNG NGU GTZO BOR 'DZIN DGOS PAS DBYIBS YIN LA KHA DOG MA YIN PA DANG, YANG KHA DOG SNGON PO GZUGS CHUNG BA LTA BUR KHYAD GZHI KHA DOG SNGON PO GTZO BOR 'DZIN DGOS PAS KHA DOG YIN LA DBYIBS MA YIN ZHES ZER DGOS PA YIN NO, ,DE LA GZUGS SU 'DU SHAS PA DANG GZUGS MED PAR 'DU SHES PA'I DON NI RNAM THAR GYI SKABS SU BSHAD PA LTAR YIN LA, GZUGS CHUNG NGU DANG CHEN PO NI RIMS BZHIN SEMS CAN GYI GZUGS DANG SNOD KYI GZUGS GNYIS LA BYED PA'AM, YANG NA PHRA BA DANG RAGS PA'I GZUGS LA BYED PA'O, ,KHA DOG BZANG NGAN NI KHA DOG YID DU 'ONG MI 'ONG NGAM, YANG NA, LHA DANG MI'I GZUGS KYI KHA DOG LA BYED PA DANG, ZIL GYIS MNAN@ PA NA DBANG BSGYUR PA'I DON DANG, SHES PA NI ZHI GNAS KYI SHES PA DANG, MTHONG BA NI LHAG MTHONG GIS MTHONG BA'O, ,DE YANG GZUGS BZANG BA LA DMIGS NAS DE LAS BZANG BA'I GZUGS DANG, NGAN PA LA DMIGS NAS DE LAS NGAN PA'I GZUGS PHYI MA SPRUL PA LA RIM PA BZHIN 'DOD RGYUR DBANG BSGYUR BA LA PHYI MAS SNGA MA ZIL GYIS GNON PA'I @25B DON DU GSUNGS KYI GZUGS BZANG BA'I MTHAR THUG SANGS RGYAS KYI SKU DANG, NGAN PA'I MTHAR THUG MNAR MED PA'I LUS LTA BU LA DMIGS NAS RIM PA BZHIN DE LAM BZANG BA DANG NGAN PAR SPRUL NAS PHYI MAS SNGA MA ZIL GYIS GNON PA'I DON NI MA YIN TE, SNGA MA LAS BZANG BA DANG, PHYI MA LAS NGAN PAR SPRUL TU MED PA'I PHYIR TE, DA LTAR SPRUL NUS NA SNGA MA BZANG BA'I MTHAR THUG DANG, PHYI MA NGAN PA'I MTHAR THUG MA YIN PAR THAL BA'I PHYIR RO, ,DE BZHIN DU GZUGS CHE BA'I MTHAR THUG GZHAL DU MED PA'I SNOD KYI 'JIG RTEN GYI GZUGS DANG, CHUNG BA'I MTHAR THUG RDUL PHRAN CHA MED LTA BUR RIM PA BZHIN SNGA MA LAS CHE BA DANG PHYI MA LAS CHUNG BAR YANG SPRUL DU MED PA'I PHYIR DANG, DER MA ZAD GZUGS CHUNG BA NYI ZER GYI RDUL PHRA MO LAS CHUNG BA'ANG SPRUL MI NUS PA 'DRA STE, DE MAN CHAD SO SKYES MIG SHES LA MI MNGON PA'I PHYIR SNYAM YANG DPYAD DO, ,DES DBYIBS DANG KHA DOG ZIL GNON GYI DMIGS PA LA'ANG RIGS 'GRO'O, ,SLOB DPON GANG SPEL GYIS SHES PA NI BAR CHAD MED LAM DANG, MTHONG BA RNAM GROL LAM DU GSUNGS PA NI SKABS 'DIR RANG LUGS SU KHAS MI LEN TE, CI'I PHYIR NA, ZIL GNON 'DI DAG GIS DANG NGO BO SOGS RNAM THAR DANG PO GSUM PO CI RIGS DANG MTSUNGS PAR GSUNGS PA GANG ZHIG ,RNAM THAR DE DAG LA BAR CHAD MED LAM GYIS BSDUS PA MED PA'I PHYIR RO, ,MDO LAS, KHA DOG GI DPE DON GNYIS KA'I SKABS SU DANG PO LA MTSON NA SNGON PO, KHA DOG SNGON PO, SNGON PO LTA BUR STON PA, 'DI SNGON PO 'BYUNG BA ZHES DANG, DE BZHIN DU SER PO SOGS GSUM LA YANG DE DANG 'DRA BAR GSUNGS PA'I DON, SNGON PO LA MTSON NA, SNGON PO ZHES PAS MDOR BSTAN NAM KHA DOG SNGON PO'I SPYI TZAM DANG, KHA DOG SNGON PO ZHES PAS LHAN SKYES KYI KHA DOG DANG, SNGON PO LTA BUR STON BZHES PAS BCOS MA'I KHA DOG DANG, 'OD SNGON PO 'BYUNG BA ZHES PAS LHAN SKYES DANG BCOS MA GNYIS KA LA THUN MONG DU 'BYUNG BA'I KHA DOG BSTAN PA'O, ,DE'I NANG TSAN LHAN SKYES KYI KHA DOG ZHES PA NI GZUGS DE GRUB PA DANG LHAN CIG TU DE'I KHA DOG KYANG RANG GRUB KYI TSUL DU BYUNG BA LA BYED PA DANG, BCOS MA'I KHA DOG NI TSON LA SOGS PAS KHA BSGYUR PA'I KHA DOG LTA BU LA BYED PAR SNANG NGO, ,DBYIBS ZIL GNON BZHI NI KHA DOG DANG DBYIBS GNYIS KA LA CHAGS SDANG SKYE BA'I GNYEN PO DANG, KHA DOG ZIL GNON BZHIN GZHAN GYI KHA DOG LA CHAGS PA DANG YID RNAM PAR ZHUM PA'I GNYEN PO @26A *, ,YIN NO, ,BRGYAD PO DE LAS ZIL GNON DANG PO GNYIS KYI NGO BO DANG, SA GANG DANG GANG GI GNYEN PO BYED TSUL DANG, DMIGS PA SOGS NI RNAM THAR DANG PO GZUGS CAN GZUGS LA BLTA BA'I RNAM THAR DANG MTSUNGS LA, DE BZHIN DU ZIL GNON GSUM PA DANG BZHI PA GNYIS NI GNYIS PA GZUGS MED GZUGS LA BLTA BA'I RNAM THAR DANG MTSUNGS PA DANG, KHA DOG ZIL GNON BZHI NI GSUM PA SDUG PA'I RNAM THAR DANG MTSUNGS SO, ,RNAM THAR DANG ZIL GNON GYI KHYAD PAR GANG ZHE NA, RNAM THAR GYIS DMIGS PA LA RGYAB KYIS PHYOGS PA TZAM LAS ZIL GYIS MI NON LA, ZIL GNON GYIS JI LTAR 'DOD PA BZHIN DU SKAD CIG LA SDUG PA DANG MI SDUG PA GANG DU DMIGS SHING YID LA BYED KYANG NYON MONGS MI SKYE BAR DMIGS PA ZIL GYIS GNON PA'I PHYIR RO,, ` ZAD PAR BCU'O BRGYAD MA CHAGS, ,ZHES SOGS KYI SKABS SU, YANG MDO LAS, ZAD PAR GYI SA CHU ME RLUNG SNGO SER DKAR DMAR BZHI STE BRGYAD DANG, ZAD PAR NAM MKHA' DANG RNAM SHES KYI SKYE MCHED ? DE BCU GSUNGS PA'I DANG PO BRGYAD NI CHAGS PA'I GNYEN PO STE NGO BO MA CHAGS PA'I RANG BZHIN YIN LA, SA YANG BSAM GTAN GYI YA MTHA' BZHI PA KHO NA'I SAS BSDUS PA YIN TE, 'DI DAG ZIL GNON RNAMS KYI SBYOR BA LAS BYUNG BA'I PHYIR TE, DE YANG SNGO SOGS BZHI NI RIM PA BZHIN ZIL GNON PHYI MA BZHI'I 'BRAS BUR BSHAD LA, DANG PO BZHI YANG ZIL GNON SNGA PHYI RNAMS CI RIGS PA'I 'BRAS BUR NGES SO, ,BRGYAD PO 'DI'I DMIGS PA YANG GTZO BOR 'DOD PA'I GZUGS KYI SKYE MCHED KHA DOG DANG DBYIBS GANG RUNG KHO NA YIN TE, DE YANG SNGO SOGS BZHI NI KHA DOG KHO NA LA DMIGS SHING, SA SOGS BZHI YANG, 'JIG RTEN GYI NI THA SNYAD DU, ,KHA DOG DBYIBS LA SA ZHES BRJOD, ,CES PA LTAR SA CHU ME RLUNG GI DBYIBS DANG KHA DOG GANG RUNG DU DMIGS PA LAS DANG CHU SOGS SU DMIGS PAR BZHAG PA'O, ,DES NA ZAD PAR GYI SA CHU ME RLUNG BZHI DANG SNGO SOGS BZHI PO DE MDO SDE PA SOGS GONG MA DAG GIS CHOS KYI SKYE MCHED PA'I GZUGS SU 'DOD PA LTAR DON LA GNAS MOD, LUGS 'DIR NI DE DAG CHOS KYI SKYE MCHED PA'I GZUGS MA YIN TE, ZAD PAR GYI SA CHU ME RLUNG BZHI PO DE NI REG BYA'I SKYE MCHED YIN PAS BSTAN MED THOGS BCAS KYI GZUGS DANG @26B SNGO SOGS BZHI PO DE GZUGS KYI SKYE MCHED YIN PAS BSTAN YOD THOGS BCAS KYI GZUGS YIN PA'I PHYIR RO, ,DE LA KHO NA RE, DE DAG THOGS BCAS KYI GZUGS MA YIN PAR THAL, TING NGE 'DZIN LA BRTEN NAS SPRUL PA'I GZUGS YIN PA'I PHYIR ZER NA MA KHYAB BYAS PA LA, 'O NA, ZAD PAR GYI TING NGE 'DZIN GYIS SA CHU DANG CHU MER SPRUL MI NUS PAR THAL, DE DAG PHAN TSUN GO SA 'GOG NUS KYI THOGS BCAS KYI GZUGS YIN PA'I PHYIR ZER NA YANG MA KHYAB STE, DE DAG GO SA 'GOG NUS YIN KYANG TING NGE 'DZIN LA 'DOD RGUR DBANG BSGYUR BA'I GANG ZAG RNAMS KYIS SA CHUR SPRUL PA DANG CHU MER SPRUL PA SOGS LA PHAN TSUN GO SA 'GOG NUS KYI RIG PAS MI GNOD PA'I PHYIR RO, ,DE LTAR MA YIN NA, RDZU 'PHRUL LA DBANG 'BYOR PA'I 'PHAGS PA DAG GIS SA SOGS GSER LA SOGS BAR BSGYUR BA DANG, RI RAB RDUL PHRAN DU 'JUG PA, DUS YUN RING THUNG DU BSGYUR BA SOGS TING NGE 'DZIN GYI BKOD PA BSAM GYIS MI KHYAB PAR BSTAN PA SOGS MED PAR 'DOD DGOS PAS, DE NI MI RIGS PA'I PHYIR TE, 'GREL PA MNGON PA'I RGYAN GYI MCHAN BUR, DE LA DBANG NAS SA LA SOGS PA GSER LA SOGS PAR BSGYUR BA DANG, DNGOS PO BRTAN PA DUS 'DI SRID DU GNAS PAR GYUR CIG CES MOS PA LTAR 'GRUB PAS BYIN GYIS RLOB PA DANG, TSE GTONG 'JOG DANG, RDUL PHRAN DU RI RAB 'JUG PA LA SOGS PA BYED LA, ZHES GSUNGS PA'I PHYIR RO, ,ZAD PAR NAM MKHA' DANG RNAM SHES GNYIS NI RIM PA BZHIN GZUGS MED NAM MKHA' MTHA' YAS DANG, RNAM SHES MTHA' YAS GNYIS KYI DNGOS GZHI DAG PA BA KHO NA YIN LA, DE GNYIS KYI DMIGS PA LA NI RANG RANG GIS PA'I PHUNG PO BZHI STE, DE YANG RANG SA'I ZAG BCAS ZAG MED GNYIS CHAR LA DMIGS PA YOD DO, ,RNAM THAR SOGS GSUM PO 'DI DAG GI GO RIM NI DANG PO'I RNAM THAR GYIS DMIGS PA LA RGYAB KYIS PHYOGS, BAR DU ZIL GNON GYIS DMIGS PA ZIL GYIS MNAN, MTHAR ZAD PAR GYIS GZUGS KYI SKYE MCHED KUN LA RGYAS PAR KHYAB PAR BYED PAS NA SNGA MA SNGA MA RDZOGS SHING DAG PA LAS PHYI MA PHYI MA 'BYUNG BAS YON TAN GONG NAS GONG DU KHYAD PAR DU 'PHAGS PAR 'GRO BA'I RGYU 'BRAS KYI GO RIM BZHIN NO, ,'GOG PA'I RNAM THAR LAS GZHAN PA'I YON TAN LHAG MA RNAMS NI SKYE 'PHAGS GNYIS KA'I THUN MONG BA YIN LA, 'GOG PA'I RNAM THAR NI 'PHAGS PA KHO NA'I 'O, , @27A *, , ` 'GOG PA BSHAD ZIN LHAG MA NI, ,ZHES SOGS KYI SKABS SU, 'O NA YON TAN 'DI DAG THOB TSUL JI LTAR ZHE NA, DE LA RNAM THAR BRGYAD, ZIL GNON BRGYAD, ZAD PAR BCU DANG BCAS PAS NYI SHU RTZA DRUG YOD PA LAS 'GOG PA'I RNAM THAR THOB TSUL DANG RTEN SOGS NI GNAS GNYIS PAR BSHAD ZIN LA, LHAG MA NYI SHU RTZA LNGA NI SNGAR 'DRIS PA YIN NA 'OG SA LA 'DOD CHAGS DANG BRAL BA TZAM GYIS THOB LA, MA 'DRIS PAS NI SBYOR PA 'BAD RTZOL GYIS THOB BO, ,'DRIS PA DANG MA 'DRIS PA'I KHYAD PAR GANG ZHE NA, SNGAR THOB PA BAR DU BTANG BA SLAR SOR CHUD PA LA 'DRIS PA'I THA SNYAD DANG, SNGAR GTAN NAS MA THOB PA LA MA 'DRIS PA'I THA SNYAD BYED PAR SNANG LA, DE YANG ZHIB TU PHYE NA, TSE GCIG LA DANG POR THOB PA BAR DU NYAMS NAS SLAR SOR CHUD PA LTA BU LA 'DRIS PA'I THA SNYAD BYED PA LAS, SKYE BA SNGA MA RNAMS SU THOB MYONG BA TZAM LA NI 'DRIS PA'I THA SNYAD MI THOB STE, 'DRIS PA DANG MA 'DRIS PA'I THA SNYAD 'DI BSAM GTAN DANG GZUGS MED KYI SNYOMS 'JUG GZHAN DAG LA YANG SBYAR DGOS PAS NA, SNGAR THOB MYONG MA MYONG KHO NA LA BYED NA, SKYE BA SNGON MA SNGON MA RNAMS SU BSAM GTAN GYI DNGOS GZHI SOGS GTAN NAS THOB MA MYONG BA'I SEMS CAN ZHIG NI LUGS 'DIR YANG MI 'JOG PAS, DES NA BSAM GTAN GYI DNGOS GZHI THOB PA'I GANG ZAG YIN NA SNGAR 'DRIS PAS THOB PA SHA DAG TU THAL BA'I SKYON 'BYUNG NGAM SNYAM MO,, ` GZUGS MED CES BYA KHAMS GSUM GYI, ,ZHES SOGS KYI SKABS SU, 'O NA 'DI DAG GANG GI RTEN LA SKYE ZHE NA, GZUGS MED KYI RNAM THAR BZHI DANG ZAD PAR GNYIS TE DRUG NI KHAMS GSUM GA'I RTEN LA SKYE BA YOD LA, LHAG MA BCU DGU PO NI MI KHO NA'I RTEN CAN YIN TE, 'DI DAG DANG POR LUNG GI STOBS KYIS BSKYED PAR BYED PA YIN NA, LHA SOGS 'GRO BA GZHAN LA LUNG GI STOBS KYIS BSKYED PA MED PA'I PHYIR RO, ,ZHES SO, ,LUNG GIS BSKYED PA ZHES PA'I DON NI, 'DI DAG DANG POR SGRUB PA'I THABS STON PA'I LUNG RNAMS KYIS DON THOS PA DANG BSAM PAS KHONG DU CHUD PAR BYAS NAS, DE'I RJES SU SGOM STOBS KYIS BSKYED DGOS PA'I DON NO, ,DE LA KHO NA RE, GZUGS MED KYI RNAM THAR BZHI DANG ZAD PAR GNYIS TE DRUG PO DE BSTAN PAS BSDUS PAR BSHAD PA MI 'THAD @27B PAR THAL, 'DI DAG KHAMS GSUM GA'I RTEN LA SKYE BA YOD PA RTZA BA'I LUNG GIS 'GRUB PA GANG ZHIG ,'DI DAG RGYUD LDAN SOGS GONG MA'I SO SKYE LA BSTAN PAR ZHUGS PA'I THA SNYAD MI BYED PA'I PHYIR ZER NA, RTAGS PHYI MA MA GRUB STE, GONG MA'I RTEN CAN LA BSTAN PAR ZHUGS PAS MA KHYAB KYANG, 'DOD PA'I RTEN LA GZUGS MED KYI RNAM THAR SOGS THOB NAS GZUGS MED DU SKYES PA'I SO SKYES RNAMS NI 'DOD PAR THOB PA'I RNAM THAR DE'I RGYUN MA BTANG BAR GZUGS MED DU SKYE BA YIN LA, 'DOD PA'I RTEN LA GZUGS MED KYI RNAM THAR THOB PA BAR DU NYAMS NAS GZUGS SU SKYE BA'I RTEN LA DE MNGON DU BYED PA NI SNGON GOMS PA'I SKAL MNYAM GYI RGYU'I STOBS KYIS SNGAR THONG BA'I RNAM THAR DE KHA'I RGYUN SOR CHUD PA YIN PAS, DE GNYIS GANG GI DBANG DU BYAS KYANG RNAM THAR SOGS BSTAN PAS BSDUS PA DANG, RTEN GYI GANG ZAG DE GNYIS BSTAN PAR ZHUGS PA'I GANG ZAG TU 'JOG CHOG PAR MNGON NO,, ` KHAMS GNYIS DAG TU GZUGS MED PA, ,ZHES SOGS KYI SKABS SU, 'O NA; DE LTAR LUNG LA BRTEN DGOS NA KHAMS GONG MA GNYIS SU LUNG LA BRTEN PA MED PAS RANG RANG GI GONG MA'I SNYOMS 'JUG JI LTAR SKYE ZHE NA, DE LA SPYIR GONG MA'I SNYOMS 'JUG LA, LUNG DANG RGYU DANG LAS DANG CHOS NYID KYI STOBS KYIS SKYE BA BZHI YOD PA LAS, KHAMS GONG MA GNYIS SU LUNG MED KYANG GZUGS MED KYI SNYOMS 'JUG RGYU DANG LAS KYI STOBS GNYIS KYIS SKYE STE, DE YANG GZUGS KHAMS SU GZUGS MED KYI SNYOMS 'JUG RGYU'I STOBS KYIS SKYE BA NI, SNGAR MI'I RTEN LA GZUGS MED KYI SNYOMS 'JUG GOMS PAR BYAS PA LAS NYAMS PA ZHIG GZUGS KHAMS SU SKYES TE, DER SNGON GOMS PA'I SKAL MNYAM GYI RGYU'I STOBS DANG LDAN PAS GZUGS MED KYI TING NGE 'DZIN SKYE BA LTA BU DANG, LAS KYI STOBS KYIS SKYE BA NI SNGAR MI'I RTEN LA GZUGS MED KYI SNYOMS 'JUG THOB STE LAN GRANGS GZHAN LA MYONG 'GYUR GYI LAS BSAGS SHING, BAR DU GZUGS MED KYI SNYOMS 'JUG LAS NYAMS TE GZUGS KHAMS SU SKYES BA NA SNGAR BSAGS PA'I LAS DE'I STOBS KYIS GZUGS MED KYI TING NGE 'DZIN SKYE BA LTA BU'O, ,DES NA 'DI GNYIS KYANG RGYU DANG LAS GTZO CHE CHUNG NGAM RNAM GRANGS KYI SGO NAS KHYAD PAR PHYE BA TZAM LAS 'GAL BA NI MA YIN TE, PHYI MA 'DI NYID RGYU DANG LAS GNYIS KA'I STOBS KYIS SKYE BA YIN PA'I PHYIR, DER THAL, LAS KYI STOBS KYIS SKYE BA NI GANG ZHIG ,RGYU'I STOBS KYIS SKYE BA YANG YIN @28A *, ,PA'I PHYIR, PHYI MA DER THAL, SKAL MNYAM GYI RGYU'I STOBS KYIS SKYE BA YIN PA'I PHYIR, DES NA LAS KYI STOBS KYIS SKYE BA YIN NA, RGYU'I STOBS KYIS SKYE BA YIN PAS KHYAB PA MA ZAD RGYU'I STOBS KYIS SKYE BA YIN NA YANG LAS KYI STOBS KYIS SKYE BA YIN PAS KHYAB PAR KHAS BLANGS CHOG STE 'OG TU 'CHAD DO, ,'DI'I SKABS SU DOGS PA DPYAD PAR BYA BA 'DI YOD DE, MI'I RTEN LA GZUGS MED KYI SNYOMS 'JUG THOB STE LAN GRANGS GZHAN LA MYONG 'GYUR GYI LAS BSAGS PA BAR DU GZUGS MED KYI SNYOMS 'JUG LAS NYAMS NAS GZUGS KHAMS SU SKYES NAS GZUGS MED KYI TING NGE 'DZIN THOB STE, GZUGS KHAMS NAS 'CHI 'PHOS NAS GZUGS MED DU SKYE BA ZHIG YOD PAR BSHAD MOD, 'O NA, GZUGS MED DU SKYE BA'I LAN GRANGS GZHAN LA MYONG 'GYUR GYI LAS BSAGS PA GZUGS MED KYI SNYOMS 'JUG LAS NYAMS PA'I MI DE CHOS CAN, KHYOD GZUGS MED KYI SNYOMS 'JUG LAS NYAMS PAR THAL, 'DOD NA, DE CHOS CAN, KHYOD GZUGS MED DU SKYE BA'I LAN GRANGS GZHAN LA MYONG 'GYUR GYI LAS BSAGS PA LAS NYAMS PAR THAL, DE GZUGS MED KYI DGE BA LAS NYAMS PA'I PHYIR, 'DOD NA, DE CHOS CAN, KHYOD GZUGS MED DU SKYE BA MI LEN PAR THAL, KHYOD KYIS GZUGS MED DU SKYE BA'I LAS MA BSAGS BA'I PHYIR, DER THAL, GZUGS MED DU SKYE BA'I LAS BSAGS PA LAS NYAMS PA YIN PA'I PHYIR, ZER NA MA KHYAB STE, DE GNAS SKABS DER GZUGS MED DU SKYE BA'I LAS BSAGS PA DE LAS NYAMS NA YANG, TSOGS SHING DUS LA BABS NA, ,'BRAS BU NYID DU SMIN BAR 'GYUR, ,ZHES GSUNGS PA LTAR, SLAR RNAM SMIN 'BYIN PA'I DUS LA BAB PA NA SNGAR BSAGS PA'I LAS DE'I SHUGS KYIS GZUGS MED KYI TING NGE 'DZIN THOB NAS GZUGS MED DU SKYE BA LEN PA MI 'GAL BA'I PHYIR TE, LAS KYI RNAM SMIN CHUD MI 'DZA' BA'I PHYIR, YANG KHO NA RE, 'O NA, DE 'DRA'I LAS KYI DBANG GIS GZUGS MED DU SKYE BA BLANGS PA'I GANG ZAG DE CHOS CAN, KHYOD SNGAR GZUGS KYI RTAN LA GZUGS MED DU SKYE 'GYUR GYI LAS BSAGS PA DE'I DBANG GIS GZUGS MED DU SKYE BA BLANGS PA YIN PAR THAL, DES GZUGS @28B KYI RTEN LA GZUGS MED KYI SNYOMS 'JUG BSKYED PA DE'I STOBS KYIS GZUGS MED DU SKYE BA BLANGS PA YIN PA'I PHYIR, 'DOD NA, DE 'DRA'I GZUGS MED PA'I RNAM SMIN GYI PHUNG PO DE CHOS CAN, KHYOD SKYES NAS MYONG 'GYUR GYI LAS KYI RNAM SMIN YIN PAR THAL, RTAGS DE'I PHYIR ZER NA, MA KHYAB STE, DE TZAM GYIS SKYES NAS MYONG 'GYUR GYI LAS KYI RNAM SMIN DU MI 'GYUR TE, SKYES NAS MYONG 'GYUR DANG, LAN GRANGS GZHAN LA MYONG 'GYUR ZHES PA NI 'PHEN BYED LAS KYI DBANG DU BYAS PA YIN LA, DE 'DRA'I GANG ZAG DES GZUGS KYI RTEN LA GZUGS MED KYI SNYOMS 'JUG MNGON DU BYAS PA DE NI GZUGS MED KYI SKYE BA 'GRUB BYED YIN PA LAS 'PHEN BYED MA YIN PA'I PHYIR TE, 'PHEN BYED KYI LAS NI SNGAR MI'I RTEN LA BSAGS PA DE NYID YIN PA'I PHYIR, DES NA DE 'DRA'I GZUGS MED PA'I RNAM SMIN GYI PHUNG PO DE 'PHEN BYED KYI LAS DANG, 'GRUB BYED KYI LAS DE GNYIS KA'I RNAM SMIN YIN KYANG SKYES NAS MYONG 'GYUR GYI LAS KYI RNAM SMIN MA YIN TE, 'GRUB BYED KYI LAS DE SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS GANG YANG MA YIN PA'I PHYIR DE LTAR DU MI 'GYUR RO, ,DE LTAR DOGS PA BCAD NAS DKYUS LA 'JUG PA NI, JI LTAR GZUGS KYI RTEN LA GZUGS MED KYI SNYOMS 'JUG RGYU DANG LAS KYI STOBS KYIS SKYE BA DE BZHIN DU, GZUGS MED KYI RTEN LA GZUGS MED KYI SNYOMS 'JUG SKYE PA'ANG RGYU DANG LAS KYI STOBS GNYIS KYIS SKYE STE, DE YANG RGYUS BSKYED PA NI 'OG SA'I RTEN LA GONG MA'I NYER BSDOGS BSGOM PA LAS SKYE BA LA BYED PA YIN LA, LAS KYI STOBS KYIS SKYE BA RI SKYE BAS THOB PA'I GZUGS MED KYI SNYOMS 'JUG SOGS LA BYED DO,, ` GZUGS KYI KHAMS SU BSAM GTAN RNAMS, ,DE DAG DANG CHOS NYID KYIS KYANG, ,ZHES PAS, GZUGS KHAMS SU BSAM GTAN GYI SNYOMS 'JUG SKYE BA NI RGYU DANG LAS GNYIS DANG, CHOS NYID KYI STOBS KYIS KYANG SKYE'O, , CHOS NYID KYIS SKYE BA ZHES PA NI 'JIG RTEN 'JIG PA'I TSE BSAM GTAN 'OG MA BA'I RGYUD LA GONG MA'I SEMS RANG GI NGANG GIS SKYE BA LA BYED PA YIN LA, DE YANG SNGON BSAM GTAN GOMS PA'I BAG CHAGS KYIS SKYE BA YIN KYANG, BYE BRAG SMRA BAS BAG CHAGS KYI RNAM BZHAG MI 'DOD PAS SNGON BSAM @29A *, ,GTAN GOMS PA'I SKAL MNYAM GYI RGYUS BSKYED PAR 'DOD DO, ,'O NA; 'DOD KHAMS SU BSAM GTAN DANG GZUGS MED KYI SNYOMS 'JUG DE DAG JI LTAR SKYE ZHE NA, 'DOD PA'I LHA'I RTEN LA GZUGS MED KYI SNYOMS 'JUG RGYU DANG LAS KYI STOBS KYIS SKYE ZHING BSAM GTAN GYI SNYOMS 'JUG DE GNYIS KYI STENG DU CHOS NYID KYIS SKYE BA YANG YOD DE, 'JIG RTEN 'JIG PA'I TSE 'DOD PA'I LHA MI'I RTEN LA BSAM GTAN GYI SEMS NGANG GIS SKYE BA'I PHYIR, MI'I RTEN LA YANG GONG GI SKYE TSUL GSUM PO 'DOD PA'I LHA DANG MTSUNGS PA'I STENG DU YID BYED BDUN DANG SEMS GNAS DGU SOGS LUNG GI STOBS KYIS SKYE BA YANG YOD DO, ,DE'I PHYIR LAS KYI STOBS KYIS SKYE BA ZHES PA DE LAS KYI RNAM SMIN DANG RGYU MTHUN GYI 'BRAS BU GNYIS KA'I CHA NAS 'JOG DGOS PAR SNANG GI, RNAM SMIN KHO NAR 'JOG NA 'DOD KHAMS SU GONG MA'I SNYOMS 'JUG LAS KYI STOBS KYIS SKYE BA MI SRID PAR 'GYUR TE SNYOMS 'JUG GI RNAM SMIN NI GONG MA GNYIS GANG RUNG KHO NA'I RTEN LA SMIN DGOS PA'I PHYIR, DES NA RNAM SMIN DANG RGYU MTHUN GNYIS KA'I CHA NAS 'JOG PA NA RGYU'I STOBS KYIS SKYE BA DANG LAS KYI STOBS KYIS SKYE BA GNYIS YIN KHYAB MNYAM DU 'GYUR BA RIGS PA 'DIS 'GRUB PA YIN NO,, DER MA ZAD CHOS NYID DANG LUNG GI STOBS KYIS SKYE BA GNYIS GANG RUNG YIN NA YANG RGYU DANG LAS KYIS SKYE BAS KHYAB LA, RGYU DANG LAS KYIS SKYE BA YIN NA DANG PO GNYIS GANG RUNG YIN PAS KHYAB PA NI MED DO, ,DES NA SKYE TSUL BZHIR PHYE BA NI RNAM GRANGS KYI SGO NAS YIN GYI 'GAL BA'I SGO NAS MA YIN NO ZHES SLAR YANG SMRA'O; ;SKABS 'DI'I CHOS NYID KYIS SKYE BA ZHES PA NI NAM 'JIG RTEN 'JIG PA'I DUS LA BAB BA NA LUNG LA MA BRTEN PAR 'OG SA'I RTEN LA GONG SA'I TING NGE 'DZIN NGANG GIS SKYE BA KHO NA LA BYED PA YIN LA, DES NA BSAM GTAN BZHI PA YAN CHAD ME CHU RLUNG GSUM GYIS 'JIGS PA MED PAS BZHI PA'I GNAS YAN CHAD DU CHOS NYID KYI STOBS KYIS TING NGE 'DZIN SKYE BA MED PAS NA GZUGS MED KYI SNYOMS 'JUG LA CHOS NYID KYI STOBS KYIS SKYE BA MA BZHAG GO, SPYIR NA LUGS 'DIR CHOS NYID CES PA DE BZHIN NYID SOGS SU MI 'DOD KYANG 'DI TZAM ZHIG TU NGES PA NI MA YIN TE, 'DUS BYAS DANG 'DUS MA BYAS KYI CHOS KYIS GNAS TSUL @29B PHAL MA TSE LA 'JUG PA RIGS PAS DPYAD NA SHES PAS MANG DU SPROS MA DGOS SO,, ` STON PA'I DAM CHOS RNAM GNYIS TE, ,ZHES SOGS KYIS BSHAD PA YONGS SU RDZOGS PA'I SGO NAS MJUG BSDU BA STE, DE YANG SANGS RGYAS KYI BSTAN PA ZHES PA NI, LUNG GI BSTAN PA SDE SNOD GSUM DANG, RTOGS PA'I BSTAN PA LHAG PA'I BSLAB PA GSUM DU 'DU LA, DE GNYIS 'DZIN PAR BYED PA'I TSUL YANG LUNG GIS JI LTAR BSTAN PA'I DON RNAMS RANG GIS TSUL BZHIN DU SHES PAR BYAS NAS, BSAM PA NYON MONGS CAN MA YIN PAS GZHAN LA SMRA BAR BYED PA NI SDE SNOD 'DZIN PA DANG, LUNG GI BSTAN PA 'DZIN PA ZHES BYA BA YIN LA, LUNG GIS BSTAN PA'I DON BYANG CHUB KYI PHYOGS DANG MTHUN PA'I CHOS RNAMS RANG GI RGYUD LA SGRUB CING NYAMS SU LEN PA'I SGO NAS BSLAB PA GSUM LA SLOB PA NI RTOGS PA'I BSTAN PA 'DZIN PA STE, DE LTA BU NI DAM PA'I CHOS 'DZIN PA YIN GYI DE GNYIS LAS GZHAN NI DAM PA'I CHOS 'DZIN PA MA YIN NO ZHES STON PA'I PHYIR KHO NA ZHES PA'I SGRA SMOS PA'O, ,DES NA TSUL DE LTAR DU BSTAN PA 'DZIN PA DE DAG JI SRID GNAS PA DE SRID DU THUB PA'I BSTAN PA YANG GNAS SHING RGYAS PAR 'GYUR BA'O, ,'DI LAS 'PHROS TA 'GREL t'IKA RNAMS SU BSTAN PA'I GNAS TSAD SOGS GSUNGS PA LA, BSTAN PA LO STONG KHO NAR GNAS PA SOGS BSHAD PA DANG, LO STONG GI 'OG TU'ANG YUN RING DU GNAS PAR BSHAD PA GNYIS, DANG PO NI LUNG PHRAN TSEGS LAS SKYE RGU'I BDAG MO SOGS SH'AKYA'I BUD MED LNGA BRGYA RAB TU BYUNG BA'I SKABS DANG, 'PHAGS PA KUN DGA' BOS SHA NA'I GOS CAN LA BSTAN PA GTAD PA'I SKABS DANG, DGRA BCOM PA NYI MA GUNG PAS RI SPOS KYI DAD ? LDANG GI KLU BTUL BA'I SKABS DANG, MDO SDE BSKAL BZANG DANG, GZHAN YANG MDO PHRAN 'GA' LAS GSUNGS LA, ZLA BA'I SNYING PO'I MDO LAS LO NYIS STONG DANG, MDO 'GA' ZHIG LAS STON PA MYA NGAN LAS 'DAS NAS LO BRGYA NA DAM PA'I CHOS NUB PAR BSHAD PA YANG YOD PAS, DE DAG NI DRANGS DON DGONGS GZHI CAN DANG, MDZOD KYI t'IKA BYED PA DAG DANG 'BUM t'IKA LAS NI LO STONG GI 'OG TU YANG YUN RING GNAS PAR GSUNGS LA, DE DAG GI KHUNGS NI, 'PHAGS PA BYAMS PA'I MDO DANG, MA 'ONGS SANGS RGYAS BYAMS PA JI TZAM @30A *, ,NAS 'BYON PAR LUNG BSTAN PA'I MDO GNYIS LA GTUGS PAR SNANG ZHING, 'DI NYID RANG LUGS SU BZUNG DGOS TE, DE LTA MA YIN NA, SANGS RGYAS GNYIS PA BYON TSUN CHOD KYI 'PHAGS BOD KYI YUL GRU KUN TU DAR BA'I LUNG RTOGS KYI BSTAN PA 'DI DAG SH'AKYA'I RGYAL PO'I BSTAN PA MA YIN PAR THAL BA'I RIGS PA DANG, THOGS MED SKU MCHED GNYIS BYON TSUN CHOD KYI RGYA BOD KYI BSTAN 'DZIN 'BYON 'GYUR LUNG BSTAN PA'I 'JAM DPAL RTZA RGYUD SOGS KYI MDO RGYUD DU MA'I LUNG DANG 'GAL BA'I PHYIR, YANG 'PHAGS PA DGA' BA'I BSHES GNYEN GYI RTOG PA BRJOD PA'I MDO LAS NI YAR 'PHEL DRUG BRGYA'I BAR DU THUB PA'I BSTAN PA GNAS PAR BSHAD KYANG, DE NI DGONGS GZHI CAN DU 'OG TU 'CHAD PAR 'GYUR RO, ,DES NA BYAMS PA'I MDO GNYIS KYI DGONGS PA DANG MTHUN PAR, 'BUM t'IKA SOGS LAS THUB DBANG MYA NGAN LAS 'DAS NAS BSTAN PA LO LNGA STONG GNAS PAR GSUNGS PA NYID RANG LUGS SU BZUNG NAS, DE LA LO LNGA BRGYA PHRAG BCUR PHYE BA'I LNGA BRGYA PHRAG DANG PO GSUM LA 'BRAS BU'I LE'U STE RIM PA BZHIN DGRA BCOM, PHYIR MI 'ONG, RGYUN ZHUGS RNAMS MANG DU 'BYUNG BAS DE DANG DE'I DUS KYI LE'U GSUM DANG, DE NAS LNGA BRGYA PHRAG GSUM LA SGRUB PA'I LE'U STE RIM PA BZHIN LHAG PA'I SHES RAB, TING NGE 'DZIN, TSUL KHRIMS KYI BSLAB PA LA GNAS PA MANG DU 'BYUNG BAS DE DANG DE'I DUS KYI LE'U GSUM DANG, DE NAS LNGA BRGYA PA PHRAG GSUM LA LUNG GI LE'U STE RIM PA BZHIN MNGON PA, MDO SDE, 'DUL BA'I SDE SNOD 'DZIN PA MANG DU 'BYUNG BAS DE DANG DE'I DUS KYI LE'U GSUM DANG, DE NAS LNGA BRGYA PHRAG BCU PA LA NI RTAGS TZAM 'DZIN PA'I DUS KYI LE'U STE, GSUNG RAB RNAMS LAS LNGA BRGYA THA MA PA'I DUS ZHES PA'ANG DE NYID YIN LA, DE'I TSE 'DZAM BU GLING PA'I MI RNAMS TSE LO LNGA BCU PAR 'GYUR ZHING, DE NAS RIM GYIS STON PA 'DI NYID KYI DAM PA'I CHOS NUB PAR 'GYUR BA YIN NO, ,NUB PA'I TSUL JI LTAR ZHE NA, RTOGS PA'I BSTAN PA NI, KHA SKONG GI CHOS DANG LDAN PA'I MKHAN SLOB DGE 'DUN MTSAN NYID TSANG BAS GSOL BZHI'I LAS KYI CHO GA RDZOGS PAR BYAS KYANG, YAN LAG GZHAN TSANG GI BSGRUB BYA MTSAN NYID DANG LDAN PA LA, DUS KYI CHOS NYID KYIS BSNYEN RDZOGS KYI SDOM PA GSAR DU SKYE BA'I 'PHRO CHAD PA @30B NA, 'JIG RTEN DU RTOGS PA'I BSTAN PA NUB PAR 'JOG DGOS PAR 'DUL BA LUNG LAS GSUNGS SHING, DES MTSON NAS DGE SLOB DGE TSUL RAB BYUNG DGE BSNYEN SOGS KYANG 'DRA'O, ,LUNG GI BSTAN PA NI, DUS KYI CHOS NYID KYIS SDE SNOD GSUM GYI CHOS LA NYAN SEMS SGOM 'DOD KYI KUN SLONG RNAM DAG DANG BRAL TE 'CHAD NYAN GYI TSUL 'JIG PA NA, 'JIG RTEN DU LUNG GI BSTAN PA NUB PAR 'JOG DGOS PAR MNGON NO, ,DE LA KHO NA RE, LNGA BRGYA THA MA'I DUS LA BAB PA NA 'JIG RTEN DU LUNG RTOGS KYI BSTAN PA NUB PAR BSHAD PA MI 'THAD PAR THAL, TSE LO BCU PA NAS RIM GYIS BRGYAD CUR 'PHEL BA NA 'DZAM BU'I GLING DU 'PHAGS PA'I GNAS BRTAN BCU DRUG GIS BSTAN PA 'PHEL BAR MDZAD NAS, TSE LO BDUN BRGYA'I MTHA' MAR LHAG MED DU 'DA' BAR MNGON DU PHYOGS PA'I TSE RDZU 'PHRUL GYI SA'I STENG GI BSTAN PA'I TSOGS THAMS CAD RIN PO CHE SNA BDUN GYI MCHOD RTEN GYI NANG DU BSDUS TE MYA NGAN LAS 'DAS PA'I MOD LA BSTAN PA NUB PAR BSHAD PA'I PHYIR TE, 'PHAGS PA DGA' BA'I BSHES GNYEN GYI RTOG PA BRJOD PA'I MDO LAS, BCOM LDAN 'DAS YONGS SU MYA NGAN LAS 'DAS PA'I DUS KYI TSE GNAS BRTAN CHEN PO BCU DRUG GI LAG TU DAM PA'I CHOS GTAD PAR GYUR TE, ZHES DANG, MTSON GYI BSKAL PA 'DAS RJES DGE BA BCU'I MTHUS TSE LO BCU NAS BRGYAD CUR 'PHEL BA NA, NYAN THOS RNAMS 'DZAM BU'I GLING DU BYON NAS DAM PA'I CHOS 'PHEL BAR MDZAD, SKYE RGU RNAMS KYI TSE LO BDUN BRGYA PA'I DUS, NYAN THOS DE DAG GIS GANG SA'I STENG 'DI NA BCOM LDAN 'DAS SH'AKYA THUB PA'I BSTAN PA'I TSOGS JI SNYED PA DE DAG GCIG TU BSDUS NAS RIN PO CHE SNA BDUN GYI MCHOD RTEN ZHIG BYAS PAR, BSKOR ZHING SKYIL MO KRUNG GIS 'DUG STE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA DE LA 'DUD PAS PHYAG 'TSAL LO, ,ZHES GSUNGS NAS LHAG MED DU MYA NGAN LAS 'DAS, MCHOD RTEN DE YANG 'OG GI GSER GYI SA GZHI LA GNAS SHING, RANG RGYAL BYE BA PHRAG BDUN BYUNG BA'I MTHAR TSE LO BRGYAD KHRI BA'I DUS BYAMS PA'I BSTAN PA 'BYUNG BAR 'GYUR RO, ,ZHES GSUNGS PA'I PHYIR ZER NA MA KHYAB STE, DE'I DON NI THUB DBANG GNAS BRTAN DANG BCAS PA'I THUGS SMON DANG BYIN RLABS KYI MTHU LA BRTEN NAS @31A *, ,YAR 'PHEL TSE LO BDUN BRGYA'I BAR DU STAN PA 'DI'I DBANG DU BYAS PA'I SKU GZUGS DANG, GLEGS BAM, SKU GDUNG GI MCHOD RTEN SOGS 'DZAM GLING SKYE RGU'I BSOD NAMS KYI ZHING DU BZHUGS PA DANG, DE DAG LA PHYAG MCHOD SKOR BA SOGS DGE BA BCU'I LAS LAM RDZOGS PAR PA SOG PA YOD PA SOGS LA DGONGS PA'I PHYIR, 'O NA, SO THAR GYI BSLAB PA SOGS RTOGS PA'I BSTAN PA DANG, SDE SNOD GSUM GYI 'CHAD NYAN SOGS LUNG GI BSTAN PA DNGOS DANG RJES MTHUN GYI GNAS TSUL DE LTAR YIN NA, LUNG RTOGS KYI BSTAN PA GNYIS PO DE'I GRUB RIM DANG 'BYUNG RIM JI LTAR ZHE NA, SPYIR SANGS RGYAS KYI BSTAN PA DBYE GZHIR BZUNG NAS, DE LA STON PA 'DI'I DBANG DU BYAS PA'I LUNG RTOGS KYI BSTAN PA DANG, SANGS RGYAS GZHAN GYI BSTAN PA'I DBANG DU BYAS PA'I LUNG RTOGS KYI BSTAN PA GNYIS SU DBYE DGOS SHING, DE LA'ANG GRUB MTHA' GONG MA RNAMS KYIS BZHED TSUL SO SO'I SA LAM BGROD TSUL GYI RIM PA LA BRTEN NAS SHES DGOS LA, LUGS 'DI'I BZHED TSUL DNGOS SU ZHAL GSAL 'KHOD PA MA MTHONG YANG BSAM TSOD RIGS PAS DPAG NA 'DI LTAR SMRA DGOS PA 'DRA STE, STON PA 'DI'I DBANG DU BYAS PA'I LUNG RTOGS KYI BSTAN PA GNYIS CIG CAR DU GRUB STE, STON PA MNGON PAR RDZOGS PAR SANGS RGYAS MA THAG PA'I THUGS RGYUD LA DE GNYIS MNGON PAR BYANG CHUB PA'I TSUL GYIS CIG CAR DU GRUB PA'I PHYIR, GDUL BYA'I RGYUD LA 'BYUNG RIM RIM BYON DU NGES TE, DANG POR STON PA 'DI'I DBANG DU BYAS PA'I LUNG GI BSTAN PA DANG, DE RJES LUNG LA THOS BSAM GYI ZHUGS PA LAS RTOGS PA'I BSTAN PA 'BYUNG BA'I PHYIR TE, GDUL BYA DBANG PO RNO RTUL GYI DBANG GIS 'JUG PA MYUR BUL SNA TSOGS ZHIG YOD KYANG, DE GNYIS 'BYUNG TSUL RIM CAN KHO NAR NGES PA'I PHYIR RO, ,DE LA BRTEN NAS BSTAN PA 'DI'I DBANG DU BYAS PA'I LUNG RTOGS KYI CHOS 'KHOR GNYIS KYI 'BYUNG RIM KYANG SHES DGOS SHING, LUNG RTOGS KYI BSTAN PA GNYIS DANG CHOS 'KHOR GNYIS LA KHYAB CHE CHUNG GI KHYAD PAR YANG SHES PAR BYA'O, ,DE LA KHO NA RE, STON PA SANGS RGYAS KYI THUGS RGYUD KYI RTOGS PA'I BSTAN PA DE, STON PA 'DI'I DBANG DU BYAS PA'I LUNG GI BSTAN PA LA THOS BSAM GYIS ZHUGS PA LA BRTEN NAS BYUNG BA YIN PAR THAL, DE LUNG GI BSTAN @31B PA LA THOS BSAM GYIS ZHUGS PA LA BRTEN NAS 'BYUNG BA'I PHYIR ZER NA MA KHYAB, MA GRUB NA DER THAL, DE 'DRA BA'I RTOGS PA'I BSTAN PA DE SANGS RGYAS 'OD SRUNG SOGS SNGAR 'DAS PA'I SANGS RGYAS GZHAN GYI LUNG GI BSTAN PA LA THOS BSAM GYIS ZHUGS PA'I LAG RJES YIN PA'I PHYIR, 'DOD NA MI 'THAD PAR THAL, SANGS RGYAS RANG NYID KYI THUGS RGYUD KYI RTOGS PA'I BSTAN PA DE, RANG NYID KYI LUNG GI BSTAN PA LA THOS BSAM GYIS ZHUGS PA LAS BYUNG BA YIN NA, RANG NYID LA RANG GI BSTAN PA'I DBANG DU BYAS PA'I LUNG GI CHOS STON PA PO ZHIG KYANG YOD DGOS, DE YOD NA RANG NYID RANG GI BSTAN PA'I BDAG PO MA YIN PAR THAL BA'I SKYON YOD PA'I PHYIR RO, ,YANG KHO NA RE, SANGS RGYAS GZHAN GYI RTOGS PA'I BSTAN PA DANG STON PA 'DI NYID KYI RTOGS PA'I BSTAN PA 'GAL BAR THAL, DE GNYIS KYI LUNG GI BSTAN PA 'GAL BA'I PHYIR ZER NA MA KHYAB, 'DOD NA MI 'THAD PAR THAL, STON PA RANG NYID KYI THUGS RGYUD KYI RTOGS PA'I BSTAN PA SPYI TZAM PA DE, DANG POR GANG GI DRUNG DU BYANG CHUB TU SEMS BSKYED PA'I YUL SANGS RGYAS SH'AKYA THUB PA CHEN PO NAS SANGS RGYAS 'OD SRUNGS KYI BAR SNGAR 'DAS PA'I SANGS RGYAS DE DANG DE'I BSTAN PAR 'JOG DGOS PA'I PHYIR, DER THAL, SANGS RGYAS DE DAG GI LUNG GI BSTAN PA LA THOS BSAM GYIS ZHUGS PA LAS BYUNG BA'I RTOGS PA'I BSTAN PA YIN PA'I PHYIR RO, ,'O NA, SANGS RGYAS 'OD SRUNGS DANG STON PA 'DI NYID KYI RTOGS PA'I BSTAN PA DON GCIG TU THAL LO ZER NA, MA YIN TE, DE GNYIS LA MU BZHIR PHYE DGOS PA'I PHYIR TE, SANGS RGYAS 'OD SRUNGS KYI RTOGS PA'I BSTAN PA YIN LA, CIG SHOS MA YIN PA NI 'OD SRUNGS SANGS RGYAS NAS STON PA 'DI NYID SANGS MA RGYAS PA'I BAR GYI 'OD SRUNGS KYI RTOGS PA'I BSTAN PA LTA BU, STON PA 'DI NYID KYI RTOGS PA'I BSTAN PA YIN LA, CIG SHOS MA YIN PA NI STON PA 'DI NYID KYI LUNG GI BSTAN PA LA GSAR DU THOS BSAM GYIS ZHUGS PA LA BRTEN NAS BYUNG BA'I RTOGS PA'I BSTAN PA LTA BU, GNYIS KA YIN PA NI STON PA 'DI NYID KYI THUGS RGYUD KYI RTOGS PA'I BSTAN PA LTA BU, GNYIS MIN GYI MU NI SHES SLA'O, ,DES MTSON NAS SANGS RGYAS SHA'KYA THUB PA CHEN PO SOGS 'DAS PA'I SANGS RGYAS GZHAN GYI RTOGS PA'I BSTAN PA LA'ANG SHES DGOS SO, ,DE LA KHO NA RE, DA LTAR GYI DUS SU SANGS RGYAS 'OD SRUNGS KYI BSTAN PA GNAS PAR @32A *, ,THAL, DE'I RTOGS PA'I BSTAN PA GNAS PA'I PHYIR TE, DA LTAR GYI DUS SU SANGS RGYAS 'OD SRUNGS KYI RTOGS PA'I BSTAN PA YOD PA'I PHYIR TE, STON PA 'DI NYID KYI THUGS RGYUD KYI RTOGS PA'I BSTAN PA DE SANGS RGYAS 'OD SRUNGS KYI RTOGS PA'I BSTAN PA YIN PA'I PHYIR ZER NA MA KHYAB, 'DOD NA MI 'THAD PAR THAL, SANGS RGYAS DE DANG DE'I BSTAN PA NI SANGS RGYAS RANG RANG GI BSTAN PA'I GNAS TSOD JI LTAR GSUNGS PA LTAR LAS DE PHAN CHOD MI GNAS PA'I PHYIR DANG, SANGS RGYAS 'OD SRUNGS KYI LUNG GI BSTAN PA DANG STON PA 'DI NYID KYI LUNG GI BSTAN PA 'GAL BA'I RGYU MTSAN KYANG DE LA THUG PA'I PHYIR, YANG KHO NA RE, DA LTAR GYI DUS SU 'OD SRUNGS KYI RTOGS PA'I BSTAN PA YOD PAR THAL, DA LTAR GYI DUS SU DE RGYUD LDAN GYI GANG ZAG YOD PA'I PHYIR TE, STON PA 'DI NYID DE LTAR YIN PA'I PHYIR TE, STON PA 'DI NYID KYI THUGS RGYUD KYI RTOGS PA'I BSTAN PA DE SANGS RGYAS 'OD SRUNGS KYI RTOGS PA'I BSTAN PA YIN PA GANG ZHIG ,'DI NYID DE RGYUD LDAN GYI GANG ZAG YIN PA'I PHYIR ZER NA MA KHYAB, 'O NA KHO RANG LA, STON PA 'DI NYID KYI BSTAN PA NUB RJES SU STON PA 'DI NYID KYI BSTAN PA YOD PAR THAL, DE'I DUS SU STON PA 'DI NYID KYI BSTAN PA RGYUD LDAN GYI GANG ZAG YOD PA'I PHYIR TE, TSE LO YAR 'PHEL BRGYAD CU PHAN CHOD DU 'BYUNG BA'I 'PHAGS PA'I GNAS BRTAN RNAMS KYI THUGS RGYUD KYI BSTAN PA DE STON PA 'DI'I BSTAN PA YIN PA GANG ZHIG ,GNAS BRTAN 'DI DAG DE RGYUD LDAN GYI GANG ZAG YIN PA'I PHYIR, KHYAB PA 'GRIG ,'DOD NA MI 'THAD PAR THAL, STON PA'I BSTAN PA NUB RJES SU STON PA'I BSTAN PA YOD NA STON PA'I BSTAN PA NUB PA'I DON MA TSANG BA'I PHYIR RO, ,KHO NA RE, DA LTAR GYI DUS SU SANGS RGYAS 'OD SRUNGS SOGS 'DAS PA'I SANGS RGYAS RNAMS KYI LUNG GI BSTAN PA YOD PAR THAL, BDEN BZHI CHOS 'KHOR GYI MDO LTA BU SANGS RGYAS 'OD SRUNGS KYI LUNG GI BSTAN PA YIN PA'I PHYIR TE, MDO SDE DAG LAS, SA PHYOGS 'DI NYID DU 'DAS PA'I SANGS RGYAS RNAMS KYI MDO SDE 'DI NYID GSUNGS LA, MA BYON PA'I SANGS RGYAS RNAMS KYIS KYANG GSUNG BAR 'GYUR RO, ,ZHES DANG, SNGAR BSKAL BA GRANGS MED DPAG TU MED PA'I SNGA ROL TU SANGS RGYAS CHE GE MO ZHIG GI DRUNG NAS MDO SDA 'DI NYID THOS SO, ,ZHES SOGS DANG, @32B MTSAN BRJOD LAS KYANG, 'DAS PA'I SANGS RGYAS RNAMS KYIS GSUNGS, ,MA 'ONGS RNAMS KYANG GSUNG 'GYUR LA, ,DA LTAR BYUNG BA'I RDZOGS SANGS RGYAS, ,YANG DANG YANG DU GSUNG BA GANG, ,ZHES PA RNAMS 'DIR YANG 'DRA ZHING, DE BZHIN DU SHER PHYIN GYI MDO SDE RNAMS SU LAN DU MAR GSUNGS PA'I PHYIR ZER NA MA KHYAB STE, DE DAG GI DON MDO DE DAG GI MING DANG TSIG DON 'DRA BAR DUS GSUM GYI SANGS RGYAS RNAMS KYIS GSUNGS PA DANG GSUNG BA DANG GSUNG BAR 'GYUR BA'I DON YIN PA LAS, DE DANG DE'I DUS KYI MDO SDE DE NYID DA LTAR YOD PA'I DON MA YIN PA'I PHYIR RO, ,DES NA BSTAN PA 'DI LA LNGA SDE DANG, NYE BA'I LNGA SDE, MCHOG ZUNG SOGS KYIS 'BRAS BU BZHI PO GANG RUNG GSAR DU THOB TSUL DANG, DE DAG DANG LAM BGROD TSUL MTSUNGS PA'I TSOGS SPYOD KYI RANG RGYAL DAG NI, MYUR BA SRID PA GSUM GYI MTHAR, ,ZHES GSUNGS PA LTAR, THEG PA RANG LAM GYI BYANG CHUB TU SEMS BSKYED PA'AM THAR PA CHA MTHUN GYI DGE RTZA BSKYED PA NAS, JI LTAR MYUR YANG THAR BA'I CHA DANG PO MTHONG LAM 'THOB PA LA SRID PA GSUM DANG, BSE RU BSKAL PA BRGYA YI RGYUS, ,ZHES PAS BSE RU LTA BU NI RANG RGYAL GYI BYANG CHUB TU SEMS BSKYED PA NAS SBYOR LAM DROD 'THOB PA LA BSKAL PA BRGYA DANG, DE GRANGS MED GSUM LA SANGS RGYAS, ,ZHES PA'I BYANG CHUB SEMS DPA' RNAMS NI BLA NA MED PA'I BYANG CHUB TU SEMS BSKYED PA NAS BYANG SEMS KYI SBYOR LAM DROD THOB PA LA BSKAL CHEN GRANGS MED GSUM DANG, BSKAL PA BRGYA'I BAR MTSAN RNAM PAR SMIN PA CAN GYI LAS BSOG DGOS PAR GSUNGS PAS, DE DAG RANG LAM GYI BYANG CHUB TU SEMS BSKYED PA NAS STON PA 'DI NYID 'JIG RTEN DU MA BYON PAR GYA LHAG PA'I BSLAB PA GSUM SOGS TSOGS LAM DANG, SBYOR LAM BZOD PA 'BRING MAN CHAD KYIS BSDUS PA'I DGE TSOGS RNAMS, SANGS RGYAS 'OD SRUNGS SOGS SANGS RGYAS SNGON MA'I RTOGS PA'I BSTAN PAR GTOGS TSUL RIGS PAS DPYOD SHES PAR BYA'O, ,'O NA, 'PHAGS PA DGA' BA'I BSHES GNYEN GYI RTOG BRJOD GONG DU DRANGS PA LAS, YAR 'PHEL BRGYAD BRGYA NAS SANGS RGYAS BYAMS PA MA BYON PAR DER RANG SANGS RGYAS BYE BA PHRAG BDUN 'BYUNG BAR LUNG BSTAN PAS, DE DAG GI LAM DANG SO THAR GYI SDOM PA SOGS SANGS RGYAS GANG GI BSTAN PAR GTOGS ZHE NA, 'DI DAG MA 'ONGS PA NA RANG BYANG CHUB TU 'GYUR RO ZHES RANG RGYAL GYI TSOGS LAM MA THOB GONG NAS LUNG @33A *, ,BSTAN PA YIN NA, BAR DER BSKAL PA MANG POR BYANG CHUB KYI RGYU TSOGS BSOG PA'I SKABS MED PAS, DE DAG RANG RGYAL TSOGS SPYOD PA YIN DGOS LA, LAM BGROD TSUL YANG NYAN THOS DANG MTHUN DGOS PA SNGAR LTAR DANG, BSKAL PA MANG PO'I SNGON NAS RANG BYANG CHUB TU SEMS BSKYED ZIN PA'I RANG RGYAL TSOGS LAM PA LTA BU ZHIG RANG BYANG CHUB TU LUNG BSTAN PA YIN NA, PHAL CHER BSE RU LTA BU YIN DGOS PAS, BSE RU BSKAL PA BRGYA YI RGYUS, ,ZHES PA 'DIR YANG MTSUNGS SHING, GANG LTAR YANG DE DAG GI BSNYEN RDZOGS KYI SDOM PA NI RANG RGYAL DGRA BCOM PA'I GO 'PHANG DANG LHAN CIG TU 'THAB DGOS PAS, STON PA 'DI NYID KYI BSTAN PAS BSDUS PA LAS SNGAR 'DAS PA'I SANGS RGYAS GZHAN GYI BSTAN PAR 'JOG MI SHES PA SOGS GZHAN LA'ANG SHES PAR BYA'O,, ` BDAG GIS MNGON PA'I CHOS 'DI PHAL CHER NI, ,ZHES SOGS KYIS BDAG NYID KYIS BSHAD PA MDZAD TSUL DANG DE LA SKYON SPONG BAR MDZAD PA STE, DE YANG SANGS RGYAS GNYIS PA MKHAS MCHOG DBYIG GNYEN ~ZHABS KYIS CHOS MNGON PA'I GZHUNG 'DI'I BSHAD TSUL PHAL MO CHE NI KHA CHE BYE BRAG SMRA BA'I GRUB MTHA'I 'DOD TSUL DANG MTHUN PAR GSUNGS LA, CUNG ZAD NI MDO SDE BA DANG NYI 'OG BYE BRAG SMRA BA'I 'DOD TSUL YANG GSUNGS PAS NA PHAL CHER ZHES GSUNGS PA'O, ,KHA CHE BYE BRAG SMRA PA'I 'DOD TSUL 'DI DAG LAS 'GA' ZHIG TZAM GRUB MTHAS BRTAGS PAS 'THAD MIN GYI PHYOGS MCHIS PA RNAMS LA, LO DANG GRAG DANG ZER ZHES PA LTA BU'I TSIG ZUR GYIS SKYON BRJOD MDZAD PA LAS, GZHUNG GI 'DOD TSUL DNGOS GZHI NI CHOS MNGON PA'I DGONGS PA DANG SHIN TU MTHUN SHES CHE BA'I DBANG GIS SLOB DPON NYID KYIS KYANG DE'I LUGS GZHIR BZHAG NAS GSUNGS PA MA ZAD PHAL CHE BA MNGON PA GONG MA'I DGONGS DON DANG YANG GCIG TU 'BAB PAS NA BYE BRAG SMRA BA'I 'DOD TSUL LO ZHES SDANG SHUGS KYIS DOR BAR MI BYA BAR 'BAD PA DANG BCAS PA'I THOS BSAM SGOM GSUM GYIS DANG DU BLANG BAR BYA'O, , ` NYES PAR ZIN GANG DE 'DIR BDAG GIS NYES, ,ZHES SOGS GSUNGS PA NI SKYES BU DAM PA'I DANG TSUL RMA MED PAS KHENGS PA SKYUNG PA'I SGO NAS SKYON DOR BAR MDZAD PA YIN GYI, SANGS RGYAS GNYIS PA'I GSUNG LA NYES PA'I CHA NI ZHAR YANG MI MNGA'O, , ` STON PA 'JIG RTEN MIG ZHES SOGS NAS, @33B THAR PA 'DOD PA DAG GIS BAG YOD KYIS, ,ZHES PA'I BAR GYIS NI GZHAN BSTAN PA 'DZIN PA RNAMS LA BAG YOD PAR GDAMS PA STE TSIG DON NI SHES SLA'O, ,BSAM GTAN GZUGS MED SNYOMS 'JUG TSUL RNAMS DANG, ,TSAD MED RNAM THAR ZIL GNON LA SOGS PA'I, ,YON TAN RGYA CHE'I RAB DBYE RNYED THOB SOGS,, GSAL BAR BSTAN 'DIR MKHAS RNAMS 'JUG PAR 'OS, ,CHOS MNGON PA'I MDZED KYI DGONGS DON GSAL BAR BYAD PA LEGS BSHAD NYIN BYED DBANG PO'I SNANG BA LAS SNYOMS PAR 'JUG PA BSTAN PA ZHES BYA BA GNAS BRGYAD PA'I RNAM PAR BSHAD PA'O,, ,, ` DA NI BDAG NYID KYIS KYANG BSHAD PA MTHAR PHYIN PA'I LHUG PA DANG TSIGS SU BCAD PA GNYIS KYI SGO NAS MJUG BSDU SHING SMON LAM DANG BCAS PA BYA BA NI, DE YANG SANGS RGYAS GNYIS PA MKHAS MCHOG DBYIG GI GNYEN PO ZHES NYI ZLA LTAR GRAGS PA'I BDAG NYID CHEN PO DES MDZAD PA'I CHOS MNGON PA'I MDZOD CES BYA BA'I BSTAN BCOS 'DI NI RJOD BYED KYI TSIG NYUNG YANG BRJOD BYA'O DON SHIN TU RGYA CHE BAS DNGOS BSTAN GYI TSIG 'GREL RAGS RIM TZAM YANG KHONG DU CHUD PA DKA' NA DNGOS SHUGS KYI DON MTHA' DAG NI PHAL DANG PHAL GYIS RTOGS PA DANG BRJOD PAR MI NUS SHING, RTZA BA NYID DU MA ZAD 'GREL PA DANG MTHA' DPYOD SOGS 'PHAGS BOD KYI MKHAS PAS MDZAD PA RGYAS BSDUS CI RIGS SU MCHIS PA RNAMS KYANG MKHAS PA'I TSIG ZABS CING BRLING BA'I DBANG GIS LAN 'GANG ZUNG BLTAS PA DANG RTZOD PA TZAM GYIS KHONG DU CHUD DKA' BAR SNANG LA, DES NA DENG SANG GI DUS SU RNAM DPYOD DANG LDAN PA LA LA DAG GIS NI DON GNYER CHEN POS MKHAS PA DAG LA RTZAD CING 'DRI BA DANG NYIN DANG MCHEN DU TSIG DON LA BSAMS SHING GOMS PAR BYAS PA LAS RTZA 'GREL RNAMS KYI DNGOS SHUGS KYI DON PHAL MO CHE JI BZHIN RTOGS SHING KHONG DU CHUD DE GZHUNG DON GYI GO BA LEN TSUL DANG, GONG 'OG 'GAL MED DU 'CHAD TSUL, RTZOD PA'I TSE RIGS PA'I 'BAB TSUL DANG, LAN GYI TSE 'DZIN MTSAMS, NYAMS LAN GYI TSE RGYUD LA SBYOR TSUL SOGS TSUL BZHIN DU RANG GIS RTOGS SHING, GZHAN LA YANG 'DOMS PAR NUS PA DAG MCHIS PA RNAMS LA NI GUS PA DANG RJES SU YI RANGS PA'I THAL MO SBYOR ZHING, DE LAS GZHAN PA'I TSUL 'DIR THOS BSAM GYIS 'JUG PA PHAL CHE BAS KYANG MDZOD KYI 'GRO @34A *, ,LUGS ZHES RTZA BA CHE CHE MOR BYED SROL 'DUG KYANG, DUS KYI DBANG GIS BLO GROS DANG BRTZON 'GRUS GNYIS KA JI ZHAN DU GYUR PAS GZHUNG GI KHOG PHIGS PA'I DON RTOGS PA CHES NYUNG ZHING, DE LA BRTEN NAS GO SLA BA'I TSIG ZIN GYI DON 'GA' ZHIG TZAM SHES PA RNAMS RTZOD PA DANG LAN GYI YUL DU BYAS, MA SHES PA RNAMS BTANG SNYOMS SU BZHAG ,SKABS 'GAR GRANGS 'DREN GYI RIM PA RNAMS GONG 'OG DKRUGS SDEBS KYI TSUL DU BKOD NAS GNAS SKABS MGO BO RMONGS PAR BYED PA'I RTZOD PA LHUR LEN PA MANG BAR MTHONG LA, DE TZAM GYIS NI CHOS MNGON PA LA BAG CHAGS 'JOG PA TZAM LAS DGONGS DON JI BZHIN PHYOGS TZAM YANG KHONG DU CHUD PA DKA' BAR SNANG ZHING, DES NA DE 'DRA BA DAG LA NI GZHUNG GI RGYAS BSHAD RNAMS NYUNG NGUR BSDUS TE DON GYI SNYING PO 'DI DANG 'DI ZHES MDZUB KHRID KYI TSUL DU STON PA ZHIG DANG, YANG DNGOS SHUGS KYI RIGS PA'I 'BAB LUGS DANG, KHAS LEN GYI 'DZIN MTSAMS, GONG 'OG 'GAL MED DU 'CHAD TSUL, TSIG SKYON BCAD LUGS SOGS NI RE RE BZHIN GSAL GSAL RNGEN RJEN GYI TSUL DU STON PA ZHIG BYUNG NA MA GTOGS GZHUNG CHEN PO'I BSHAD TSUL ZABS BRLING GI DON SHES PAR MI SNANG BAS DE DAG LA PHAN PAR 'GYUR BA YANG SRID DAM SNYAM NAS 'DI NYID 'GOD PA'I MGRIN PA CUNG ZAD BTEGS PAR GYUR CING, DE LA 'GA' ZHIG GIS 'DI SKAD DU, KHYOD KYIS MDZOD KYI BSTAN BCOS GSAR DU BSGRIGS PA LA DON MED DE, SNGON BYON MKHAS PA RNAMS KYIS MDZAD PA LAS LHAG PA'I DON ZHIG NI KHYOD LA 'GONG RGYU MED LA, DE MED NA SNGAR MDZAD ZIN SKYAR BSHUS KYI TSUL DU BKOD KYANG RANG NYID NGAL BA TZAM DU ZAD DO, ,ZHE NA, SNGON GYI MKHAS PA RNAMS KYIS MKHYEN PA LAS LHAG PA ZHIG KHO BO CAG LA SMRA BAR BYAR MED NA'ANG, MKHAS PA RNAMS KYIS TSUL BZHIN DU MKHYEN NAS 'DOMS PAR MDZAD PA'I DON RNAMS JI BZHIN MA RTOGS PA DAG LA 'DI NI 'DI'O ZHES GSAL BAR 'CHAD RGYU 'GA' ZHIG TZAM NI KHO BO CAG TU MA ZAD, BLO GROS DANG LDAN PA GZHAN DAG LA YANG YOD PA GOR MA CHAG CING, DES NA MKHAS PA RNAMS BSGRUBS ZIN SGRUB PA LTA BUR 'GYUR SHES CHE YANG DE LAS GZHAN PA DAG LA NI DE LTAR MI 'GYUR TE, GZHUNG DON MA RTOGS PA RNAMS KYIS DON RNAMS TSUL BZHIN DU RTOGS PA LAS LAM @34B DANG LAM MIN 'BYED PA'I BLO GROS KYI MTHU RGYAS PAR 'GYUR LA, DE DAG GIS KYANG TSUL DE GZHAN LA 'DOMS PA LAS MANG PO ZHIG GI RGYUD LA THAMS CAD MKHYEN PA'I SA BON THEBS PAR 'GYUR BA'I DGOS PA LHAG PO DU MA YOD PA'I PHYIR, DER MA ZAD MKHAS PA RNAMS KYIS KYANG, LEGS BSHAD LAS, RGYA MTSO CHU YIS MI NGOMS TE, ,RGYAL PO'I BANG MDZOD NOR GYIS MIN, ,'DOD YON SBYAD PAS MI NGOMS TE, ,MKHAS PA LEGS BSHAD KYIS MI NGOMS, ,ZHES GSUNGS PA LTAR SPYIR MKHAS PAR BYA BA'I GNAS MTHA' DAG LA NGOMS PA MED PA'I TSUL GYIS LONGS SPYOD DGOS SHING, LHAG PAR GZHUNG CHEN MO 'DI LTA BU RNAMS LA NI 'OL SPYI TZAM GYI GA BA DANG, LAN RE LAN GNYIS RTZOD PA TZAM GYIS JI BZHIN KHONG DU CHUD DKA' BAS, TSIG DON MGO 'JUG CHED MAR YANG DANG YANG DU BSAMS SHING DPYAD PAR BYA DGOS LA, DE LTAR DPYOD PA'I TSE, LEGS BSHAD BYIS PA DAG LAS KYANG, ,MKHAS PA RNAMS NI YONGS SU LEN, ,CES PA LTAR KHO BO CAG LTA BU'I NGAG LA BRTEN NAS MKHAS PA RNAMS LA YANG BLO BSKYED DU 'GYUR BA SRID MOD, 'ON KYANG, DENG SANG GI DUS SU NI, MKHAS MCHOG DBYIG GI GNYEN PO NYID KYI GSUNG LAS, STON PA 'JIG RTEN MIG NI ZUM GYUR CING, ,DBANG GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, NGAN RTOGS RNAMS KYIS BSTAN PA 'DI DKRUGS SO, ,RANG BYUNG RANG BYUNG BSTAN PAR GCES 'DZIN RNAMS, ,MCHOG TU ZHIR GSHEGS 'GRO MGON MED PA NA, ,'DOMS MED YON TAN 'JOMS PAR BYED PA YI, ,DRI MAS DGA' MGUR DENG SANG 'DI NA SPYOD, ,CES GSUNGS PA DANG, DE LA KUN GZIGS YE SHES KYI NYI MA LNGA PA CHEN POS, DBYIG GNYEN ZHABS KYIS BSTAN BCOS 'DI MDZAD TSE, ,DPANG GYUR SKYE BO ZAD CES THUGS 'BYUNG NA, ,DENG DUS BA LANG RDZI 'DRA MANG PO YIS, ,'GRO BA 'DREN PAR BYED LA CI ZHIG GSUNGS, ,DENG SANG BSHAD DANG SGRUB PA'I BSTAN PA DAG ,CHES CHER NYAMS SHING PHYOGS 'DIR GZHOL BA'I BLO, ,'DZIN PA NYUNG PHYIR GZHAN LA PHAN DKA' YANG, ,RANG GI YID LA GOMS PHYIR CUNG ZAD BKOD, ,CES GSUNGS PA LTAR SNGAR BSTAN PA DAR RGYAS CHES CHA ZHING RIS SU MA CHAD PA'I MKHAS PA DANG GRUB PA'I SKYES BUS SA STENG KHYAB PA LTA BUR GYUR PA'I GNAS SKABS DE DAG TU YANG BDAG NYID CHEN PO RNAMS THUGS YID 'BYUNG @35A *, ,PA'I GSUNG DE LTAR STZAL NA, DENG SANG GI DUS SU NI DE BAS KYANG BSTAN PA NYAMS JI DMAR GYUR CING, MKHAS BLUN GYI BYE BRAG DANG, DAM PA DANG DAM PA MA YIN PA'I KHYAD PAR YANG BDAG LTA BUS PHYED DKA' BA'I GNAS SU GYUR SNANG STE, CI'I PHYIR NA, DAM PA RNAMS LA LEGS BSHAD SKYES KYI MCHOG ,BLUN PO RNAMS NI ZANG ZING NOR GYIS MGU ,ZHES MKHAS BLUN GYI KHYAD PAR DE LTAR DU GSUNGS NA, DENG SANG RANG GZHAN GYI GRUB MTHA' 'DZIN PA'I DAM PAR KHAS 'CHE BA PHAL MO CHE NI ZANG ZING GI NOR DANG, BSTOD BSNGAGS SOGS KYIS MNYES PAR 'GYUR BA LAS, LEGS BSHAD KYI SKYES LA MNYES PA CHER MI SNANG BA MA ZAD 'GA' ZHIG NI MI MNYES PAR 'GYUR BA YANG MTHONG BAS, DES NA CHOS KYI RIGS PAS GZHAL NA DAM PA YIN MIN 'CHAD DKA' BA'I GNAS SU GYUR NA'ANG, BDAG DANG BDAG 'DRA BA RNAMS SNANG BA MA DAG PAS LAN PA NI GDON MI ZA ZHING, DE LAS GZHAN PA'I SKYE BO PHAL CHE BA NI RANG NYID LA TSE 'DI'I RNYED BKUR SNYAN GRAGS DANG, BSTOD BSNGAGS, GO SA, ZANG ZING GI NOR SBYOR BA SOGS BYUNG NA DE DAG LA DGA' MGU RANGS PA DANG BCAS DRIN CHE SHOS SU 'DZIN PA LAS, BSTAN PA DANG DE 'DZIN PA'I SKYES BU RNAMS LA JI SNYAM DU MI SEMS PA MA ZAD, RANG LA CHOS KYI BKA' DRIN STZAL BA'I GANG ZAG RNAMS LA'ANG DRIN CAN DU 'DZIN PA NI BRGYA LAM NA RES 'GA' LTA BU BCAS, DES NA, BLUN PO'I MDUN DU MKHAS PA BAS, ,SPRE'U 'DZIN PA KHYAD PAR 'PHAGS, ,ZHES PA'I LUNG BSTAN DUS BAB KYI GNAS SKABS 'DI DAG TU GZHUNG CHEN PO RNAMS LA 'CHAD PA DANG RTZOM PA'I NGAL BA BSTAN KYANG MCHOG DMAN BYINGS LA NI GCAN GZAN GYI MDUN DU RTZVA SNGON SPUNGS PA LTA BUR 'GYUR BA'I KHAR, RANG NYID KYANG BYA ROG LUS DKAR SGRUB PA'I NGAL BA TZAM LAS PHAN PAR 'GYUR BA'I GNAS MA MCHIS MOD, 'ON KYANG, 'JAM MGON BLA MA CHOS KYI RGYAL PO TZONG KHA PA CHEN PO YAB SRAS KYI THUGS BSKYED DANG BKA' DRIN CHED MED PA'I MTHU LAS GDAN SA CHEN PO SE 'BRAS DGE GSUM DU NI DENG SANG GI DUS SU'ANG GZHUNG CHEN 'DI LTA BUS MTSON PA'I SDE SNOD GSUM GYI 'CHAD NYAN DANG, BSLAB PA GSUM GYI NYAMS LEN RNAM DAG MA NYAMS PAR GNAS SHING, DA LTA @35B LJONGS 'DIR SANGS RGYAS KYI BSTAN PA RNAM PAR DAG PA'I RGYUN GNAS PA'ANG GDAN SA 'DI DAG NYID KYI THUGS RJE KHO NAR MTHONG LA, 'DI DAG TU THOS BSAM SGOM GSUM BYAS PA'I SKYES BU DAG GIS MTHA' DBUS KYI YUL GRU GZHAN DAG TU'ANG RJE BLA MA'I BSTAN PA 'DZIN SKYONG SPEL BAR BYED PA YANG MANG DU MTHONG ZHING THOS PAS, DES NA GDAN SA CHEN PO 'DI DAG RJES 'BRANG DANG BCAS PA'I THOS BSAM SLOB GNYER BA GZHUNG LUGS 'DI DAG LA TSUL BZHIN DU 'JUG PAR 'DOD PA'I BLO CAN LA NI NGES PAR PHAN PA YANG SRID DAM SNYAM PA'I LHAG BSAM DANG, RANG NYID KYANG SNGAR GDAN SA CHEN PO RNAMS KYI DRIN LAS GZHUNG 'DI DAG LA SHES NAS DAD PA THOB PAS BAG CHAGS 'JOG PA'I SBYANGS PA RAGS RIM BGYIS PA RNAMS BRJOD PA GSO BA DANG, DKA' BA'I GNAS RNAMS LA ZHIB TU DPYAD CING BSAMS PA LAS SNGAR MA SHES PA'I DON 'GA' ZHIG GSAR DU RTOGS RGYU YANG MCHIS PA RNAMS RANG NYID KYIS MI BRJED PA'I GZUNGS DANG GZHAN DAG GIS SHES PAR BYA BA SOGS KYI SLAD DU SPEL BA YIN LA, DE YANG TSUL JI LTAR DU ZHE NA, MKHAS MCHOG DBYIG GNYEN NYID KYIS, BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA BA'I TSUL GRUB BSHAD, ,NYES PAR ZIN GANG DE 'DIR BDAG GIS NYES, , DAM CHOS TSUL LA TSAD MA THUB RNAMS YIN, ,ZHES GSUNGS PA LTAR BDAG GIS KYANG CHOS MNGON PA'I MDZOD KYI DGONGS DON GSAL BAR BYED PA'I GZHUNG CHUNG NGU 'DI NYID RANG BZHIN 'OL TSOD LTA BU MA YIN PAR 'PHAGS BOD KYI MKHAS PA RNAMS KYIS MDZAD PA'I 'GREL PA SOGS KYI YIG CHA RANG GI MIG LAM DU GYUR PA RNAMS KYI DGONGS DON LA ZHIB TU DPYAD CING, DE'I NANG TSAN MCHI MAS 'JAM DPAL DBYANGS KYIS MDZAD PA'I 'GREL PA MNGON PA'I RGYAN DANG, DE'I DON BSDU LTA BU THAMS CAD MKHYEN PA DGE 'DUN GRUB KYIS MDZAD PA'I 'GREL PA THAR LAM GSAL BYED GNYIS DENG SANG SE 'BRAS DGE GSUM GYI THUN MONG BA'I YIG CHAR 'DZIN PA MA ZAD, BDAG DANG BDAG LTA BU RNAMS LA NI GO BDE ZHING GNAD TSANG LA DON 'DUS PA SOGS 'GREL PA 'DI GNYIS LAS LHAG PA ZHIG KYANG MI SNANG BAS DE DAG LA YANG YANG DU LEGS PAR BSAM ZHING DPYAD PA'I SGO NAS DGONGS DON NYAMS PA MED @36A *, ,PA NYID GZHIR BZUNG BA'I THOG ,RGYAS BSHAD RNAMS DON BSDUS TE NYUNG NGU'I TSUL DU BKOD, MKHAS PA'I GSUNG GO DKA' BA RNAMS CUNG ZAD GSAL DU BTANG, GRUB MTHA'I 'DOD TSUL LA DNGOS SHUGS KYI RIGS PA'I 'GRO LUGS DANG, RTZOD PA'I TSE KHAS LEN 'DZIN TSUL DANG; TSIG SKYON GCOD LUGS, GZHUNG GONG 'OG 'GAL MED DU 'CHAD TSUL SOGS BLO GSAR BA RNAMS LA SMAN PHYIR SKABS DE DANG DER GANG 'TSAMS GSAL BAR PHYE STE BKOD, RTZA BA'I TSIG 'GREL KYANG YIG CHA RGYAS BSDUS PHAL CHER LA GSAL BA LTAR NA 'DIR 'GOD MI 'GOS PA LTA BUR SNANG YANG, DENG SANG SLOB GNYER BA RNAMS GZHUNG MANG PO BLTA BAR MA LCOGS PAS GCIG BLTAS PAS THAMS CAD SHES PA GCIG SHES KUN GROL ZER BA LTA BU ZHIG DGOS KYI YOD TSOD 'DUG KYANG, GCIG BLTAS PAS THAMS CAD SHES PA NI 'BYUNG MI SHES RUNG, 'ON KYANG TSIG 'GREL NI GZHUNG GI GO DON GYI GTZO BO YIN PAS DE MA SHES NA GZHUNG DON DNGOS GZHI STOR BAR 'GYUR BAS NA BLO GSAR BA DPE MANG PO NAN GYIS BLTA BAR MI LCOGS PA RNAMS LA PHAN PHYIR TSIG 'GREL PHAL CHE BA YANG RAGS RIM GYI TSUL DU BKOD, PHAL CHER GYIS SHES SLA BA RNAMS DANG, RGYAS BSHAD KYI RIGS GZHAN LAS SHES DGOS PA RNAMS KYANG GZHUNG DON TSANG MA KHONG DU CHUD PAR BYA PHYER DE DANG DE'I THAD KYI 'GREL PA RNAMS LA BLTA BAR BYOS SHIG CES DRAN BSOS KHA BYANG GI TSUL DU BTAB, DOGS PA DBYAD PAR 'OS PA'I RIGS RNAMS RANG GZHAN LA BLO BSKYED 'BYUNG PHYIR NGAL BA LA MA RTZEGS PAR SO SO'I MTSAMS SU JI LTAR 'OS PA BKOD PA BCAS, DES NA SNGON GYI MKHAS PA RNAMS KYI DGONGS PA DANG MI MTHUN PA'I RANG BZO'I BSHAD YAMS 'PHRENG BAR BSGRIGS PA YANG MA YIN LA, YANG YIG CHA RNYING PA RNAMS KYI TSIG SNA BSDUS TE SKYAR DU BSHUS PA LA SBYAR BYANG GSAR DU BKOD PA TZAM YANG MA YIN TE, SNGON BYON MKHAS PA RNAMS KYIS RIGS PA'I SHUGS KYIS RTOGS PAR 'GYUR BA LA DGONGS NAS GSAL BAR DNGOS SU MA GSUNGS PA RNAMS CUNG ZHIG RTZAL DU BTON NAS 'CHAD YOD PA YANG MGO 'JUG KUN TU ZHIB MOR @36B DPYOD NA SHES SHING, DE LAS GZHAN PA'I DGAG SGRUB KYI RNAM BZHAG MANG PO NI GZHUNG DON BSGRIBS PAR 'GYUR BA MA ZAD YI GES KYANG 'JIGS SHING, LHAG PAR SNGON BYON DAM PA RNAMS KYI GSUNG LA NI BZHED TSUL MI 'DRA BA 'GA' ZHIG TZAM MCHIS NA LAS TSIG DON LA 'KHRUL BA'I CHA NI 'BYUNG MI SRID NA, BDAG NYID 'CHING BA KUN LDAN ZHIG GIS DE DAG LA 'THAD MI 'THAD KYI RNAM BZHAG SMRA BA NI, YUL DAM PA LA BRTEN NAS NGAG GI NYES PA GSOGS PA LAS MA 'DAS SO SNYAM NAS DE 'DRA BA'I SPOBS PA THUNG NGUR BGYID CING, DE LA KHO NA RE, 'O NA, KHYOD KYIS GZHUNG 'DI'I GONG 'OG RNAMS SU BYA BRAG SMRA BA'I 'DOD CHUL LA 'THAD MI 'THAD KYI SKYON BRJOD MANG TZAM BKOD 'DUG PA DE DAG KYANG NGAG GI NYES PAR MI 'GYUR RAM ZHE NA, MI MTSUNGS TE, TSUL DE NI SPYOD 'JUG LAS, 'JIG RTEN RNAL 'BYOR GYIS GNOD CING, ,RNAL 'BYOR PA YANG BLO KHYAD KYIS, ,GONG MA GONG MA RNAMS KYIS GNOD, ,CES GRUB MTHA' LA MA ZHUGS PA'I 'JIG RTEN RANG GA BA RNAMS KYI 'DOD TSUL LA GRUB MTHA' LA ZHUGS PA'I RIGS PAS GNOD PA DANG, GRUB MTHA' SMRA BA YANG 'OG MA 'OG MA'I 'DOD PA LA GONG MA GONG MA'I RIGS PAS GNOD PAR GSUNGS PAS, DES NA BYE BRAG SMRA BA'I 'DOD TSUL YANG PHAL CHE BA 'THAD LDAN DU NGES KYANG 'GA' ZHIG GRUB MTHAS KUN BRTAGS PA'I CHA RNAMS LA GRUB MTHA' GONG MA RNAMS KYI RIGS PAS GZHAL NA MI 'THAD PA'I GNOD BYED 'JUG PA NI GONG MA'I GZHUNG PHAL MO CHER GSAL BA LTAR YIN LA, DE'I PHYIR SKABS 'DIR YANG GONG MA'I RIGS PAS DPYOD PA'I TSE MI 'THAD PA'I PHYOGS RNAMS DNGOS SU BKOD PA NI DE DAG LA GNAS SKABS BYE SMRA'I RANG LUGS KYI TSE LAN 'DEBS CHUL DANG, KHAS LEN 'DZIN MTSAMS SOGS KYANG SHES PAR BYA BA'I PHYIR DANG, DON GYI GNAS TSOD DNGOS GRUB MTHA' GONG MA'I 'DOD TSUL LTAR 'THAD PA LA NGES PA 'DREN PA SOGS KYI SLAD DU BKOD PA LAS, BYE BRAG SMRA BA LA SDANG SHUGS DANG, BRNYAS PA DANG, MGUS PA'I BSAM PAS BKOD PA MA YIN PA MA ZAD, DA DUNG KHO BO CAG NI 'DI SNYAM DU SEMS TE, DENG SANG RANG NYID THEG PA CHEN PO PAR KHAS 'CHE ZHING, DE'I NANG NAS KYANG THEG PA THAMS CAD KYI YANG RTZE, GSANG CHEN BLA NA MED @37A *, ,PA'I GRUB MTHA' 'DZIN PAR RLOMS PA'I NGA RGYAL 'CHANG YANG, DON DU GZHAN LUGS LTA BZHOG RANG LUGS KYI LTA SGOM SPYOD 'BRAS GANG GI CHA LA YANG 'DI ZHES MDZUB MO 'DZUGS RGYU MED PAR SEMS LA BSAM RGYU NYON MONGS DANG, KHA NAS 'DON RGYU LCEM GTOGS MED BZHIN DU ZOB DANG SPYI BRTOL GYIS GZHAN MGO BSKOR BAR BYED PA LA RIGS MTHUN GYI BLUN PO DAG GIS DAD CING GUS PA LHUR BYED PA YANG MANG ZHIG MCHIS MOD, DE DAG NI GONG DU DRANGS PA'I ~KUN GZIGS LNGA PA CHEN PO'I GSUNG, DENG DUS BA GLANG RDZI 'DRA MANG PO YIS, ,'GRO BA 'DREN PAR BYED LA CI ZHIG GSUNGS, ,ZHES PA'I LUNG GIS DNGOS SU ZIN PA YIN LA, DES NA DE 'DRA BA'I THEG CHEN PAR RLOMS PA DAG LA SKYABS SU 'DZIN PA BAS BYE BRAG SMRA BA'I MKHAS PA 'DI DAG LA DAD GUS BRGYA 'GYUR STONG 'GYUR DU BYA BAR RIGS SHING, GZHAN YANG DENG SANG GI THEG CHEN PAR RLOMS PA MANG PO ZHIG LAS BYE BRAG SMRA BA'I SKYES BU 'DI DAG LUNG DANG MNGON PAR RTOGS PA'I YON TAN GANG GI SGO NAS KYANG CHES CHER KHYAD PAR DU 'PHAGS PAS NA, BDAG NI TSE RABS KYI 'PHRENG BA GZHAN DANG GZHAN DAG TU'ANG MKHAS PA DE DANG DE 'DRA BAR GYUR NAS RGYAL BA'I DAM CHOS 'DZIN PAR GYUR CIG CES SNYING NAS SMON LAM 'DEBS PA LAS BRNYAS PA DANG MA GUS PA'I BSAM PA RMI LAM DU YANG MED NA, GRUB MTHA' GONG 'OG GI 'DOD TSUL DON LA GANG GNAS DPYAD PA TZAM LA NGAG GI NYES PAR 'GYUR BA'I GNAS MA MCHIS SO SNYAM MOD, 'ON KYANG MI SHES PA LTUNG BA 'BYUNG BA'I SGO ZHES PA LTAR LAS 'BRAS KYI 'BREL PA NI CHAS CHER ZAB CING PHRA BAS NA, GAL TE MI SHES PA'I DBANG LAS NYES PAR 'GYUR BA DAG MCHIS SU ZIN NA YANG, DE DAG YUL DAM PA RNAMS KYI SPYAN SNGAR BSHAGS PAR BGYID NA DAG PA DANG TSANGS PAR YANG CI'I PHYIR MI 'GYUR, DE DAG TU MA ZAD DA DUNG BDAG GIS BKOD PA'I GZHUNG 'DI LA 'GAL 'KHRUL GYI RIGS GZHAN DAG KYANG YOD SRID PAS RNAM DPYOD DANG LDAN PA'I MKHAS PA RNAMS KYIS PHYOGS LHUNG SPANGS PA'I GZU PO'I BLOS DPYOD DE GZHUNG DON DANG 'GAL BA'I RIGS MCHIS NA TSIG DON GYI CHA 'DI DANG 'DI LA MI @37B 'THAD PA 'DI LTAR MCHIS SO ZHES GAD BDAR GYI TSUL DU GSAL POR GLENG BAR MDZOD CIG DANG, DE LA BDAG GIS KYANG LUNG DANG RIG PAS GZHAL TE NOR 'KHRUL DU NGES PA RNYED NA RJES SU YI RANG BA DANG DE DE BZHIN NO ZHES SBYI BOR NOD PAR BGYI BA LAS, BDAG GI SMRA BA DE KHO NA YIN GYI GZHAN NI MA YIN NO ZHES GLEN PA'I BRTUL ZHUGS 'DZIN PAR MI BYED LA, YANG, LA LA DAG PHYOGS LHUNG DANG SDANG SHUGS KYI BSAM BAS RGYU MTSAN MED PAR CI RIGS SU SMRA BA DAG KYANG 'BYUNG SRID NA, DE DAG LA NI BRNYON PA DANG LHAN CIG TU RTZOD PAR MI BYA'O ZHES PA LTAR BZOD PA DANG BTANG SNYOMS KYI NGANG DU BZHAG PAR BYA BA LAS DON MTHUN GYI LAN BYA BA'I GNAS MIN PAS CI DGA' BAR YANG SMROS SHIG CES 'PHROS BSHAD KYI TSUL DU GLENG NAS SLAR YANG TSIGS SU BCAD DE SMRA BA NI, ` DZAMBUS MTSAN PA'I 'DZIN MA'I KHYON 'DI CHOS KYIS 'GENGS MDZAD RGYAN GYI MCHOG ,'PHAGS YUL MKHAS GRUB GRANGS MED DBUS NA SANGS RGYAS GNYIS PAR YONGS GRANGS PA, ,DBYIG GNYEN ZHABS ZHES SNYAN PA'I SGRA DBYANGS SRID PA GSUM NA LHANG NGE BA, ,GANG GI ~ ZHABS SEN NOR BU'I CHU SKYES BYANG CHUB BAR DU SPYI BOR 'GOD, ,MGON DE'I GSUNG GSANG BDE 'BYUNG RAL KLONG NAS, ,CHOS MNGON MDZOD KYI GZHUNG LUGS GANGGA MO, ,DON BZANG DNGUL GYI BYE MA 'DRAN PA'I RGYUN, ,THUB BSTAN RGYA MTSO PHYUR BA'I DPAL DU 'BAB, ,DE YI DGONGS DON GSAL BYED 'PHAGS BOD KYI, ,MKHAS DBANG DU MAS LEGS PAR BSHAD PA'I GSUNG, ,DENG SANG DUS NA'ANG DBYAR SKYES RDA SANGS BZHIN, ,NYAMS PA MED PAR 'KHOR YUG KHYON 'DIR SNYAN,, SNGON RABS DRAN DBANG DE DANG DE DAG GIS, ,DGONGS SHING GZIGS PA'I YUL DU MA GYUR PA'I, ,TSIG DON 'GA' TZAM BDAG LTA'I BLO GROS KYIS, ,NYIN MTSAN BSAM KYANG DMIGS SU MA MCHIS NA, ,SLAR YANG GSAL LA YANG GSAL JI BZHIN DU, ,DGONGS DON 'CHAD PA'I NGAL BA'I KHUR 'DZIN KYANG, ,MKHAS SHING RNAM DPYOD LDAN PA'I TSOGS LA NI, BSGRUBS ZIN SGRUB PA'I TSUL DU 'GYUR SRID MOD, ,'ON KYANG DENG DUS BDAG 'DRA'I BLO DMAN PHAL, ,RGYAS PA'I BSTAN BCOS MTHONG TSE MGO BO RMONGS, ,MDOR BSDUS SNYING PO BSTAN PAS SA MI CHOD, ,BAR MA DO RU SMYON PA'I GAR STABS BSKYUR, ,LA LA BKLAGS PA TZAM @38A *, ,GYIS CHOG PAR 'DZIN, ,'GA' ZHIG TSIG DON 'GA' TZAM KHUR DU 'DZIN, ,PHAL CHER GRANGS KYI GNAD RNAMS DKRUGS SHING SDEBS, ,GZHUNG DON NOR BU'I DO SHAL DUM BUR THOR, ,LHAG PAR SNGON BYON DAM PA RNAMS KYI GSUNG, ,CHES CHER ZAB CING BRLING BA'I GZHAN DBANG LAS, ,DKA' BA'I GNAD DON 'GA' ZHIG SA 'OG GI ,GTER BZHIN LKOG TU GYUR PA DAG KYANG MTHONG, ,DES NA GZHUNG CHEN 'DI DANG 'DI 'DRA BA'I, ,DGONGS DON JI BZHIN KHONG DU CHUD 'DOD NA, ,RTZA BA'I TSIG 'GREL MA BRJED LAM MER GSAL, ,RIG PA'I GSHOG RLABS NA MKHA'I RGYA BZHIN DPYOD, ,GO DON MA NOR GNAD KYI DON POR BZUNG, ,RTZOD BA'I TSE NA RIGS PA'I 'PHRUL CHEN GSHOMS, ,LAN GYI TSE NA DAM BCA'I RTZA BA BRTAN, ,'CHAD PA'I TSE NA 'GAL MED 'BREL PAR SMRA, ,NYAMS SU LEN TSE SPANGS GNYEN MA NOR BAR, ,RANG GZHAN RGYUD LA SBYOR THEBS SHES GYUR NA, ,THOS BSAM NGAL BA BSTEN PA'I DGOS DON GYI, ,SNYING PO LAG RTZER LON PA NYID YIN GYI, ,GZHAN DU TSIG 'KHRIR 'CHEL BA'I RTZOD PA DANG, ,RTZA 'GREL MIG BSHAR TZAM GYIS CHOG 'DZIN DANG, ,MGO BO RMONGS PA'I THABS TZAM LHUR LEN BAS, ,PHRAL DANG YUN GYI DGOS PA 'GRUB MI 'GYUR, ,DE 'DRA DAG LA PHAN PAR BYA PHYIR DANG, ,RANG GI YID LA'ANG GOM PAR BGYID SLAD DU, ,GZHUNG LUGS 'DI NYID SMRA BA'I MGRIN PA NI, ,CUNG ZHIG GZENGS SU BSTOD PA LTAR BGYIS MOD, ,DE LTA NA YANG DENG DUS THUB BSTAN NI, ,LTAG CHU CHAD PA'I RDZING BZHIN JE DMAR GYUR, ,CHOS DANG CHOS SMRA LAM KHA'I BONG BA BZHIN, ,RGYAGS DANG DREGS PA'I SKYE BO GTZUG RGYAN BZHIN, ,CHOS PAR RLOMS PA'I GANG ZAG PHAL CHER YANG, ,ZANG ZING NOR DANG SNYAN GRAGS LA SOGS PA, ,TSE 'DI'I 'DUN THABS RTZIS SU 'DZIN PA LAS, ,CHOS LA MCHOG TU 'DZIN PA SRID MTHAR GYUR,, 'DI LTA'I DUS SU GZHUNG LUGS 'DI 'DRA BA, ,'CHAD DANG RTZOM PA'I NGAL BA BSTEN NA YANG, ,YA SO CAN GYI BA GLANG MANG BA'I PHYIR, ,SNYING DANG RNA BA'I ZUG RNGUR GYUR GYI DOGS, ,'ON KYANG 'JAM MGON MI YI ZLOS GAR CAN, ,CHOS KYI RGYAL PO KUN MKHYEN TZONG KHA BA'I, ,THUGS BSKYED PHRIN @38B LAS DUS RING BSKAL BAR YANG, ,'DZAD PA MED PA'I BYIN RLABS LA BRTEN NAS, ,BSTAN PA'I RTZA LAG GDAN SA CHEN PO GSUM, ,RJES 'BRANG BCAS PA'I CHOS KYI SDE RNAMS SU, ,DA LTA'I DUS NA'ANG SDE SNOD 'CHAD NYAN DANG, ,BSLAB GSUM NYAMS LEN STON KA'I ZLA LTAR GSAL, ,DE DAG RNAMS SU BLO GSAL RNAM DPYOD CAN, ,GZHUNG BRGYA RTOGS PAR 'DOD PA'I SKAL BZANG GI ,RIGS CAN DU MA'ANG MCHIS PA DE DAG GI ,CHED DU YAN LAG YONGS SU RDZOGS PAR BKOD, ,'DI NI RTZA BA'I DGONGS DON GZHI RU BZUNG, ,MANG PO'I RGYAS BSHAD DON GYI SNYING POR BSGRIL, ,GSAL MIN DKA' BA'I GNAS RNAMS LHAG PAR BKROL, ,RIGS PA'I BYE BRAG RNAMS KYANG ZHAR LA SMRAS, ,DE PHYIR SNGON YOD 'GREL PA SKYAR TZAM MIN, ,RANG BZO'I BSHAD YAMS BSGRIGS PA'I 'PHRENG BA'ANG MIN, ,'DRA LA ME 'DRA'I KHYAD PAR 'GA' ZHIG TZAM, ,MCHAS MIN ZHIB MO'I BLO YIS BRTAGS NA SHES, ,'ON KYANG RANG NYID 'CHING BA KUN LDAN PHYIR, ,TSIG DANG DON GYI CHA LA 'KHRUL PA'ANG, ,SRID NA CHOS SPYAN LDAN PA'I TSOGS RNAMS KYIS, ,RIGS DANG RIGS MIN DBYE BA 'BYED PAR 'OS, ,'DI NI MKHAS 'DOD MA YIN GRAGS PHYIR MIN, ,ZANG ZING RNYED DANG BKUR STI'I PHYIR MIN TE, ,BSTAN PA'I RTZA BA MNGON PA'I RANG LUGS 'DI, ,MI NYAMS YUN DU GNAS PA'I CHED KHO NA, ,'DIR 'BAD DGE BA DUNG DANG KUN DA LTAR, ,DKAR BA'I PHUNG PO GANG ZHIG BSAGS PA DES, ,RGYAL BSTAN SPYI DANG 'JAM MGON BLA MA'I BSTAN, ,BSHAD SGRUB GNYIS KYIS DAR ZHING RGYAS GYUR CIG ,RGYAL BSTAN GNAS PA'I CHOS KYI SDE RNAMS KYI, ,'DUS PA MTHA' DAG THUGS MTHUN KHRIMS GTZANG ZHING, ,BSHAD DANG SGRUB PA'I BYA BA DBYAR MTSO LTAR, ,'PHAL BAS SKYE RGU'I BSOD NAMS ZHING GYUR CIG ,BSTAN 'DZIN DAM PA'I SKYES MCHOG MTHA' DAG KYANG, ,SKU TSE BRTAN CING MDZAD 'PHRIN YAR ZLAR 'GRAN, ,'CHAD RTZED RTZOM PAS RGYAL BSTAN 'DZIN PA LA, ,'JAM MGON BLA MA NYID DANG MTSUNGS GYUR CIG ,MNGON PA'I SDE SNOD 'DIS MTSON LUNG RTOGS KYI, ,BSTAN PA RNAM DAG SA STENG KHYAB GYUR CING, ,MCHOG DMAN KUN GYIS BSTAN LA SRI ZHU DANG, ,RI MOR BYED PAS NYIN MTSAN 'DA' BAR SHOG ,DE YI DGE MTHUS YANGS PA'I 'JIG RTEN KUN, ,BDE SKYID NYIN MO'I SNANG BAS YONGS @39A *, ,KHYAB STE, BSKAL BZANG RDZOGS LDAN GSAR PA'I LANG TSO'I BZHIN, ,CI YANG NGOMS PA'I DGA' STON MNGON GYUR SHOG ,THOS BSAM LA GZHOL BLO GROS CAN RNAMS KYANG, ,CHOS BZHIN SPYOD LA BAR CHAD MED PA DANG, ,GZHUNG DON RTOGS PA'I BLO GROS RGYAS GYUR TE,, 'JAM DBYANGS GNYIS PA LTA BUS YONGS GANG SHOG ,JI SRID RGYAL BSTAN GNAS PA DE SRID DU, ,BDAG GI BSTAN BCOS 'DIS KYANG THAR 'DOD LA, ,BLANG DOR GSAL BA'I GNYEN DU SMIN GYUR TE, ,NGAL BA'I 'BRAS BU DON DANG LDAN BAR SHOG ,BDAG KYANG DENG NAS CHE RABS THAMS CAD DU, ,'KHOR LO BZHI LDAN RTEN DANG MI 'BRAL ZHING, ,RGYAL BA'I DAM CHOS MA LUS 'DZIN PA DANG, ,'CHAD DANG SGRUB PA SNYING POR BYED PAR SHOG ,KHAMS GSUM 'KHOR BA'I GNAS LAS YID RAB 'BYUNG, ,BSLAB GSUM RNAM PAR DAG PA'I TSUL LA GNAS, ,LHAG BAR DE NYID RTOGS PA'I BLO GROS KYIS, ,BDAG LTA'I SA BON DRUNG NAS 'BYIN PAR SHOG ,PHUNG PO KHAMS DANG SKYE MCHED GNAS LA MKHAS, ,BDEN BZHI'I 'JUG LDOG BLANG DOR MA NOR SPYOD, ,DE MTHUS SHES BYA'I GNAS LA RMONGS PA'I MUN, ,GTAN NAS BCOM PA'I GROL BA MCHOG THOB SHOG ,SPYAN DANG MNGON PAR SHES PA'I DPAL MNGA' ZHING, ,TSAD MED RNAM THAR ZAD PAR ZIL GNON SOGS, ,YON TAN ZAD MI SHES LA DBANG 'BYOR TE, ,RLABS CHEN 'GRO BA'I DON LA SPYOD PAR SHOG ,MTHAR THUG STOBS BCU'I KHO LAG YONGS SU RDZOGS, ,SHES BYA MA 'DRES 'BYED PA'I MKHYEN PA RGYAS, ,KHAMS DANG BSAM PAR 'TSAMS PA'I CHOS STON PA'I, ,KUN MKHYEN MCHOG GI GO 'PHANG THOB PAR SHOG ,MDOR NA MKHA' MNYAM SEMS CAN MA LUS PA, ,SDUG BSNGAL RGYU DANG BCAS PA LAS SGROL TE, ,GTAN BDE BLA NA MED PA'I GO 'PHANG LA, ,'GOD PA'I DED DPON MCHOG TU GYUR CIG GU ,ZHES CHOS MNGON PA'I MDZOD KYI DGONGS DON GSAL BAR BYED PA'I LEGS BSHAD NYIN BYED DBANG PO'I SNANG BA ZHES BYA BA 'DI NI, SNGAR BDAG NYID SER SMAD THOS BSAM NOR BU'I GLING DU SLOB GNYER BGYIS SKABS DKA' GNAD 'GA' ZHIG LA RANG GI GO RTOGS 'CHAR TSUL DANG RTZOD PA'I RIGS PA 'BAB TSUL BRJED BYANG LTA BUR BKOD PA'I YI GA RIM @39B 'KHYAR LA BRTEN, DON GNYER CAN 'GA' ZHIG NAS 'DI DAG PHYOGS SDEBS KYI GZHUNG TSAN GONG 'OG 'GRIL BA ZHIG BGYIS DGOS ZHES BSKUL BAR BYED MOD KYANG, BAR SKABS SU RNAM PAR G-YENG BA'I GZHAN DBANG 'BA' ZHIG TU 'PHYAN PAS RIM LUS KHAR, ZHIB TU BSAM TSE DENG SANG MA BAS BTZUN BZANG GSUM 'DZOMS PA'I BDAG NYID CHEN PO RNAMS KYANG BTANG SNYOMS KYI NGAL BSO MDZAD PA LAS 'DI RIGS KYI SPROS PA CHER MI MDZAD NA, BDAG LTA BUS SMRA BA'I KHUR 'DZIN KYANG ~SKYES SENGGE'I BRTUL ZHUGS 'CHANG BA LTAR BAB SU MI 'BREL ZHING, MI MKHAS MKHAS 'DOGS GIS BDAG NYID SGROG PA LTA BU'I YAG 'BYUNG BA'I RGYUR 'BYUR RO SNYAM NAS 'DRI BA'I SPOBS PA SKYUNGS KYANG, DUS PHYIS GONGS LHA MI'I 'DREN MCHOG ~RGYAL DBANG BCU PA CHEN POS MDZOD KYI GSAN GZHES BSKYANGS SKABS, ~RGYAL TSAB KHRI CHEN NO MIN HAN NAS KHO BOS BTAB PA'I SNGAR GYI DKA' GNAD BRJED BYANG 'GA' ZHIG ~SKU MDUN DU PHUL BAL BRTEN, ~GONGS RIN PO CHE NAS KYANG 'DI NYID MJUG GRUB PAR GYIS SHIG PA'I BKA'I SNANG BA STZAL CING, ~RGYAL DBANG DE NYID KYI MTSAN NYID ZHABS ZHU'I BLA MA GZHUNG LUGS RAB 'BYAMS LA MKHYEN PA'I SPYAN RAS YANGS PA 'BRAS BLO GLING TRE'O DGE BSHES TSE DBANG BSAM 'GRUB, SER SMAD TSA RDOR DGE BSHES DGE 'DUN TSUL KHRIMS, DGA' LDAN SHAR RTZE THE PO SPRUL SKU YE SHES THUB BSTAN RGYAL MTSAN RNAM GSUM NAS KYANG NAN GYIS BSKUL BA DANG, NYE CHAR SER SMAD RANG GI SLOB GNYER BA SMON LAM MING BTAGS THON NYER GTUGS BA SBOM 'BOR DGE LEGS RNAM RGYAL, SBOM 'BOR RGYAL MTSAN CHOS RJE, 'DUL RNYING 'DZIN GRA NAS KONG PO NGAG DBANG TSUL KHRIMS, RGYAL RONG BLO BZANG BRTZON 'GRUS, SPOM 'BOR 'JAM DBYANGS 'OD ZER, RONG PO DON GRUB TSUL KHRIMS SOGS 'DZIN GRA GONG 'OG GI SLOB GNYER BA RNAMS NAS LHA RDZAS RTEN GSUM GYIS SNE DRANGS TU MYUR DU RTZOM SHIG PA'I BSKUL MA'I NYER LEN LA BRTEN, DES NA GZHAN LA PHAN PA'I RGYUR 'GYUR NA 'GA' ZHIG NAS NGAN SMRAS KYIS 'PHYAS GDAGS SU ZIN KYANG 'GAL BAR MA MNGON NO SNYAM NAS SLAR YANG 'GOD PA'I KHUR 'KHYER BA PO NI, ~GONG SA RGYAL BA'I DBANG PO'I ~SKU BCAR ZHABS ZHUB DAR HAN MKHAN PO SER STONG MKHAN ZUR SPRUL MING BLO BZANG 'PHRIN LAS RNAM RGYAL DU 'BOD PAS RAB BYUNG @40A *, ,BCU BZHI PA'I ME MO BYA LO'I DGUN THOG ~RJE THAMS CAD MKHYEN PA TZONG KHA PA CHEN PO'I BZHUGS GNAS KHYAD PAR CAN SE RA CHOS DI BSU MTSAMS BCAD ZHIG BGYID SKABS NAS MGO BRTZAMS, DE'I PHYI LO SA KHYI LO NANG G-YENG BA DANG KHA 'DON GYI SENG DBAR NAM BYUNG LA CI LCOGS SU BRIS TE LO DE KHA'I NANG ~RGYAL DBANG 'JIG RTEN GSUM MGON SKU 'PHRENG RIM BYON GYI DGYES ZHING, RANG BYUNG 'PHAGS PA'I BSTE GNAS GRU 'DZIN GNYIS PA'I GZHAL MED KHANG PHO BRANG CHEN PO PO TA LA'I RANG SHAG TU MJUG YONGS SU GRUB PAR BGYIS PA'I DGE BAS 'GRO KUN THAMS CAD MKHYEN PA'I SA LA REG PA NYID DU GYUR CIG , ,,` AOm SVA STI SIDDHYAm, 'DZAM BU N'A DA'I SGRAS DRANGS GLING BZHI'I DBUS, ,THUB BSTAN RIN CHEN RDUL BRTZEGS SA 'DZIN DBANG, ,RNAM BZHI GRUB MTHA'I BANG RIM MNGON MDZES PAS, ,'DZAM GLING YANGS PA'I KHYON LA DGE LEGS SBYIN, ,MA SMAD SNYING STEBS KU MBHI RA YI GRONG, ,BSRUBS SKYES LUNG RIGS 'OD SNANG STONG 'BAR BA'I, ,SKU MCHED SRID PA'I 'DRAN BYED ZUNG DAG GIS, ,GONG 'OG MNGON PA'I SKYED TSAL MDZES PAR BYAS, ,DE LAS BRJOD BYA SHES BYA'I GZHI LNGA PO, ,RJOD BYAD DPYOD GSUM DAG PA'I GNAS BRGYAD GZHUNG, ,LEGS BSHAD CHOS MNGON MDZOD CES GRAGS PA'I GTAM, ,'PHAGS DANG BSIL RI'I KHOR YUG KHYON 'DIR SNYAN, ,'JAM MGON YAB SRAS RJES 'BRANG SLOB TSOGS KYI, ,THUGS SMON NYID LAS DENG GI BAR DU YANG, ,GDAN SA GSUM GYI KUN RA'I BYA LAM NGOGS, ,BKA' PO TA MDA' YI BSHAD SGRA'I CHU 'DZIN DKRIGS, ,DE'I PHYIR BLO GSAL KE KE'I SGRA CAN MNGAL, ,BRDAR BTAGS DON DAM CHAS MNGON SBUM PA'I CHED, ,LEGS BSHAD GSAR PA'I DBYAR RDA DAL SGROGS PAS, ,LUNG RIGS ZLOS GAR SDE 'DIR SLAR YANG SGYUR, ,DE'I SLAD RGYUD STOD MKHAN ZUR MING 'DZIN NAS, ,CHOS SBYIN 'DZAD MED PAR GYI RGYU SBYAR ZHING, ,MKHAS BSDUS BZO RIGS RO MO'I GAR STABS LAS, ,BYUNG BA'I DGE DANG LHAG BSAM ZLA BA'I ZER, ,TSOGS GNYIS KUNDA'I TSAL DU NYER 'PHOS PA'I, ,DKAR BA'I 'OD DANG 'GROGS PA'I RNAM DKAR MTHUS, ,RGYAL BSTAN SPYI DANG ZHVA SER RING LUGS CHE, ,DUS MTHAR @40B 'PHEL RGYAS YUN DU GNAS GYUR CIG ,DE 'DZIN 'PHRIN LAS MTSAN CAN SKYABS MCHOG GIS, ,MTSON PA'I BSTAN 'DZIN GANG NA SU BZHUGS RNAMS, ,SKU TSE RTAG BRTAN RLABS CHEN MDZAD 'PHRIN KYI, ,'OD SNANG SRID ZHI'I KHONGS LAS BRGAL GYUR CIG ,MA SMAD THOS BSAM NOR BUS GTAMS PA'I GLING, ,'DIS MTSON RIS BRAL CHOGS KYI MCHOG RAB DAG ,THUGS MTHUN KHRIMS GTZANG BSHAD DANG SGRUB PA YI, ,MDZAD PAS DBYAR MTSO'I DGE MCHAN 'PHROG GYUR CIG ,BSIL RI'I 'KHYUD MOS BSKOR BA'I SMAN LJONGS 'DI'I, ,DPON 'BANGS SDE BZHI'I NOR LA PHRAG DOG PA'I, ,MI DANG MI MIN BSAM SPYOR RTZUB MO'I LAS, ,GANG BRTZAMS MING GI LHAG MAR ZHI GYUR CIG ,'JIG RTEN KUN TU NAD MUG 'KHRUG RTZOD SOGS, ,SNYIGS MA'I RANG MDANGS PHYI RU 'PHOS PA'I LHONGS, ,CI MCHIS ZHI ZHING BDE SKYID RDZOGS LDAN LA, ,SPYOD PA'I SKAL BZANG DGA' STON MNGON GYUR CIG, ,PHA MA NYE DU 'BREL THAB LTOS BYED KYIS, ,THOG DRANGS MTHA' KLAS MA GYUR YOD CAN 'GROS, ,BYAS BSAGS NYES TSOGS KHYAB 'JUG RKANG SAN DRI, ,DGE TSOGS MTHO RIS CHAB KYIS BKRUS GYUR CIG ,DE LTAR SKRUB LA THOGS MED MTHU LDAN PA'I,, MYUR MJAD MGON DANG LAS KYI GSHIN RJA'I RGYAL, ,'DOD KHAMS BDAG MO NGAL BSOS BO LA SOGS, ,RNAM BZHI'I 'BRIN LAS G-YAL MED SKYONG GYUR CIG ,KHYAD PAR SDE 'DI SKYONG BA'I G-YAR DAM CAN, ,DREGS PA LCAM SRID LI BYIN HA RA YIS, ,THUGS DAM MA G-YEL YE SHES SBYAN MA RTUL, ,DUS LA BAB BO MTHU DBUR SKYED GYUR CIG ,MDOR NA MA GYUR 'GRO RNAMS SKYES THOB DANG, ,THOS BSAM SGOM DANG ZAG MED SHES RAB KYIS, ,SRID RTZA'I PHRA RGYAS CHU SBYOR DPUNG BCOM STE, ,THAR PA MCHOG GI RGYAL SA ZIN GYUR CIG ,CES LUNG RIGS SMRA BA'I DBANG PHYUG MKHAN CHEN BKA' DRIN GSUM LDAN SNYIGS DUS KYI PAndI TA CHEN PO BLO BZANG 'PHRIN LAS RNAM RGYAL DPAL BZANG PO'I GSUNG GI NYING KHU CHOS MNGON PA'I MDZOD KYI DGONGS DON GSAL BAR BYED PA'I LEGS BSHAD NYIN BYED DBANG PO'I SNANG BA ZHES BYA BA 'DI NYID SNGA MO ZHIG NAS LJAGS RTZA MA ZIN @41A *, ,'DUG RUNG, BAR DU MA 'KHOD CING CHOS 'GRIMS RNAMS NAS 'DRI BA'I CHA RKYEN 'DZOMS PA'ANG DKA' BA BCAS, YOD YOD KYI MING TZAM ZHIG LAS DPE RGYUN MA 'PHEL BAS, GRA RKYANG RNAMS LA MI PHAN PA 'DUG NA, DE DAG LA SMAN PA'I SLAD DANG, KHYAD PAR MKHAN CHEN DE NYID KYI THUGS KYI DGONGS ZAB YONGS SU RDZOGS BYED GSUNG GI 'PHRIN LAS SPEL BA'I BGYI BA 'DI RIGS GEGS MED MTHAR PHYIN PA ZHIG BYUNG NA CIM RUNG SNYAM PA'I BLHAG BSAM GYIS KUN NAS BLANGS TE, ~ GANG DE'I BKA' DRIN GYIS 'TSO BA'I SLOB BU'I THA SHAL DGE SBYONG GYI NA PA RGYUD STOD MKHAN ZUR MING 'DZIN SER SMAD KONG PO'I RAB 'BYAMS PA NGAG DBANG TSUL KHRIMS NAS, 'BREL THOB 'DAS GSON GYI RGYU DNGOS BYUNG RIGS CHUNG MI MDZA' BAR GZHIR LEN GYIS PAR GYI RGYU'I THOG TU SMIN PAR BGYIS SHING, BRIS RKOS KYI YI GE LA'ANG ZHIB LTAS KYIS ZHUS DAG PAR BGYIS PA'I DGE BAS, BDAG DANG PHA MAS MTSON PA'I 'GRO KUN SKYE DANG SKYE BAR 'JAM MGON BKA' BRGYUD KYI BSTAN PA'I SGOR ZHUGS TE BRDAR BTAGS PA'I CHOS MNGON PA'I GZHUNG LUGS RGYA MTSO LTA BUR THOS BSAM SGOM PA'I BAG CHAGS BRTAN POR THEBS TE DON DAM PA'I CHOS MNGON PA ZAG MED KYI SHES RAB RJES 'BRANG DANG BCAS PA RGYUD LA BDE BLAG TU MNGON DU GYUR NAS MYUR DU SRID PA'I 'KHRUL 'KHOR HRUL POR BYED NUS PA'I RGYUR GYUR CIG CES SMON 'DUN GYI MTSAMS SPYOR DANG BCAS PA'I PAR BYANG SMON TSIG 'DI YANG RANG NYID KYIS SUG BRIS SU BTAB PA'O,, ,,SARBA DZA GA TAm,