*, ,BSTAN BCOS LEGS PAR BSHAD PA'I SNYING PO LAS SEMS TZAM SKOR GYI MCHAN 'GREL RTZOM 'PHRO RNAM RIG GZHUNG BRGYA'I SNANG BA ZHES BYA BA BZHUGS SO, , @01A #, /KA/ ,MKHYEN GTER RGYAL DBANG MKHYEN PA'I SNANG BRNYAN MCHOG ,RAL GRI'I GDENGS KA RAB RMONGS MUN PA'I DGRA ,PHYAG SOR RTZE NA RTZEN PA'I ZLOS GAR GYIS, ,BDAG YID 'CHING BRGYA'I 'CHING BA DA DGROL CIG ,SDE SNOD GSUM BSGYUR BA'I TSE MNGON PA'I BRJOD BYA LHAG PA'I SHES RAB KYI YUL RANG DANG SPYI'I MTSAN NYID JI LTA BA BZHIN 'BYED PA'I SHES RAB NI 'JAM PA'I DBYANGS LA RAG LAS PAS DE LA 'GYUR PHYAG BYA BA DANG, 'DUL BA'I BCAS RKYANG PHRA MO ZHIG KYANG STON PA NYAG GCIG MA GTOGS BYAMS 'JAM DBYANGS SOGS KYANG MI DBANG BA'I PHYIR RAM, BLANG DOR GYI GNAS PHRA MO RNAMS SANGS RGYAS KHO NA'I MNGON SUM GYI SPYOD YUL YIN PA'I PHYIR THAMS CAD MKHYEN PA DANG, MDO SDE LAS SANGS RGYAS BYANG SEMS KYI MDZAD PA DANG, NYAMS LEN RNAL @02A #, ,'BYOR GYI RIM PA GTZO BOR STON PAS SANGS RGYAS DANG BYANG CHUB SEMS DPA' LA PHYAG BYA BAR BKAS BCAD CING PHAL CHER DE DANG MTHUN PAR 'BYUNG NGO, ,'DIR YANG BRJOD BYA'I CHA NAS DE DANG MTHUN ZHING CHOS KHUNG BTZUN PAR BSTAN PA'I PHYIR DANG, GTZO BO RANG GIS GANG LAS LAM 'DI RNYED PA'I RTZA BA'I BLA MA LA BKA' DRIN CHE BA'I SGO NAS SGER GYI PHYAG 'TSAL BA'O, , DER MA ZAD LTA BA TSOL BA LA BLA MA 'JAM PA'I DBYANGS NGES PAR BSTEN DGOS PAR GO BA'I CHED KYANG YIN TE, GZHUNG 'DIR YANG, GRUB MTHA' GONG 'OG GI LTA BA'I GNAD YONGS SU RDZOGS PAR STON PA'I MDO SNGAGS GANG NYAMS SU LEN KYANG LTA BA'I GNAD 'DIR BSHAD PA LAS LOG NA GANG YANG MED CING, SUS LTA BA RNYED NA GANG ZAG DE NYID THAR PA'I SGOR TSUD PA YIN PAS, DE LA SANGS RGYAS @02B BYON PA'I DGOS PA YANG GRUB PA YIN GYI DE'I BAR DU NI MA YIN TE, BSTAN PA GZHAN THAMS CAD NI 'DI LA BRTZAMS TE 'JUG PA'I SMIN BYED SBYOR BA TZAM YIN LA, DNGOS GZHI'I SNYING PO'I DON NI YANG DAG PA'I LTA BA YIN PAS, 'DI YANG MDO DANG SNGAGS KYI LEGS PAR BSHAD PA THAMS CAD KYI SNYING POR BSHAD PA MING DON MTHUN PA YIN ZHING, PHYAG 'DI YANG MNGON PA GZHAN LAS KYANG LHAG PAR BRJOD BYA DANG MTHUN PA'I PHYAG YIN NO, ,DE LTAR BSTAN PA YONGS KYI SNYING POR GYUR PA LA DGONGS NAS 'DI'I MJUG TU RGYAL BA'I DGONGS ZAB ZAB MO'I MDO YIS RAB BSTAN BSTAN PA'I SNYING PO 'DZIN, ,ZHES GSUNGS SHING, LEGS BSHAD SNYING PO CHUNG BAR, BSTAN PA'I SNYING PO STONG PA NYID, CES 'DOMS PAR MDZAD DO, /KHA/ ,'DI DAG GI DON BSDU NA RJE NYID KYIS, GANG ZHIG GZIGS SHING GSUNGS PA YI, ,MKHYEN DANG STON PA BLA NA MED, , CES GSUNGS PA LTAR, 'JIG RTEN THAMS CAD KYI GTZUG RGYAN BLA NA MED PA'I STON PAR GYUR PA NI, 'OG TU 'CHAD PAR 'GYUR BAS GZHUNG GI DON RTEN 'BYUNG STONG PA DANG, STONG PA RTEN 'BYUNG GI DON DU 'GRO BA 'DI NYID RANG GI THUGS SU CHUD CING, GZHAN LA 'DOMS PA'I SGO NAS YIN PAR GO BA'I CHED DE, DE LTAR BYAS NA LEGS BSHAD SNYING PO CHE CHUNG GI MING BTAGS PA YANG SHES SO, ,TSIG RIS GZHAN GRAGS CHE @03A *, ,LA; LUS MED BDAG PO ZHES PA MNGON BRJOD KYI GZHUNG LAS, 'DOD KHAMS PA RNAMS GONG MA LA LTOS NA LUS CHUNG BAS MED PA DANG 'DRA LA, 'DI DE'I BDAG PO YIN PA'I PHYIR RAM, YANG NA DBANG PHYUG CHEN PO DKA' THUB LA GNAS PA'I TSE, 'DIS, RMONGS BYED BRGYAL BYED SMYO BYED DANG, ,GSOD BYED BRJED BYED MDA' LNGA'O, ,ZHES PA LTAR RAM, TSIG GTER 'GREL PAR BSHAD PA LTAR, MYOS BYED, 'DAR BYED, DREGS BYED, RMONGS BYED, 'CHING BYED KYI MDA' LNGA 'PHANGS PA'I TSE, DKA' THUB NYAMS PAS KHROS TE NYI MA ZLA BA ME'I MIG GSUM GYI DBUS MA ME'I MIG GIS BSREGS TE LUS MED PAR BYAS PAR BSHAD DE, 'DI DAG DE'I BYED PA YID LA ZHUGS PAR MDA' ZHES BTAGS SO, /GA/ ,RGYA MTSO DANG CHOS MTHUN GSUM GYIS SBYAR BAS, GNYIS PA 'DI NI SPYIR SPYOD PA PHYIN DRUG SOGS DU MA DANG, KHYAD PAR MDO SDE RGYAN LAS, SANGS RGYAS 'KHOR GYI DKYIL 'KHOR STON PA'I RNAM PA SHES, ,ZHES GSUNGS PA LTAR, MDZAD PA BCU GNYIS LA SOGS PA'I TSUL GYIS RGYAL BA'I MDZAD PA THAMS CAD RANG GI KHUR DU BLANGS PA'I BLON PO CHEN PO LTA BU STE, DGE 'DUN NYI SHU'I MDOR BYANG CHUB @03B SEMS DPA' SEMS DPA' CHEN PO GANG DAG BDAG NYID KYI LUS DE BZHIN GSHEGS PA'I SKU LTA BU SPRUL NAS, ZHES SOGS DANG, BYANG CHEN GANG DAG SEMS DANG PO BSKYED PA NYID KYIS BYANG CHUB TU 'TSANG RGYA ZHING CHOS KYI 'KHOR LO BSKOR TE, ZHES SOGS LTA BU'O, ,'DI YANG DE GNYIS BYANG SEMS YIN PAS DBANG DU BYAS PA'O, /NGA/ ,GZHUNG LUGS MANG THOS ZHEN PA MAN CHAD DGOS SOGS BZHI LA SBYAR RUNG DU SNANG ZHING, TSIG DON NI, JO NANG PA SOGS SPYIR GZHUNG LUGS MANG DU THOS SHING, KHYAD PAR LTA BA'I GNAD DON TSOL BAR 'DOD NAS, RIG PA'I LAM LA SKYO NGAL GYI 'DU SHES MED PAR 'BAD PA BSTEN PA, SPYOD PA'I PHYOGS KYI YON TAN DU MA YANG MNGA' BA DE DAG GIS KYANG MA RTOGS PA'I LAM SROL BZANG PO 'DI NYID, 'OL KHA SOGS SU DKA' BA DU MA'I SGO NAS BTZAL ZHING 'JAM PA'I DBYANGS KYIS RJES SU BZUNGS PA'I BKA' DRIN LAS RNYED TSUL DANG SNOD LDAN LA NYAN PAR BSKUL BA SOGS SO; ;'DIS MTSON SKABS DU MAR SNGA MA MANG PO'I LUGS BKAG KYANG, MING BZUNG MA MDZAD PA DE DAG GI LTA BA LA NOR BA BYUNG YANG SPYOD PHYOGS MI NUB PAR BSKYANGS PA'I BKA' DRIN CHE BA'I GNAD KYIS YIN LA, RKANG PA GNYIS PAR NGAL BA MANG BSTEN ZHES KYANG DPE KHA CIG TU 'BYUNG STE DON LA KHYAD PAR CHER MED DE, ,DE NAS GZHUNG DNGOS KYI DON LA GNYIS LAS, DANG PO DRANGS NGES 'BYED DGOS PA'I RGYU MTSAN NI, STONG PA STE RNAM PAR THAR PA'I SGO STONG PA NYID DANG, ZHI BA STE MTSAN @04A *, ,MA MED PA DANG, SKYE BA MED PA STE SMON MED GSUM MA RTOGS PAR 'KHOR BA LAS MI GROL TSUL STON PA LA YUL 'KHOR SKYONG GIS ZHUS PA'I MDO LUNG NI, BOD DU 'GYUR BA'I MDO 'DIR MED KYANG, DBU MA SNANG BA SOGS SU YUL 'KHOR SKYONG GIS ZHUS PA DRANGS PA LAS 'BYUNG BA 'DIR BKOD PA'O, ,ZHES 'GA' ZHIG GSUNGS KYANG DKON BRTZEGS KYI YUL 'KHOR SKYONG ZHUS NA 'GYUR TZAM MA GTOGS JI BZHIN PAR SNANG, DE LA RNAM THAR SGO GSUM NI, MDZOD LAS, MTSAN MED ZHI BA'I RNAM PA DANG, ,STONG NYID BDAG MED STONG NYID DU, ,'JUG PA'O SMON PA MED PA NI, ,DE LAS GZHAN BDEN RNAM PA CAN ZHES STONG BDAG MED GNYIS RNAM PAR THAR PA'I SGO STONG PA NYID, SDUG BDEN GYI LHAG MA GNYIS DANG, KUN 'BYUNG GI KHYAD CHOS BZHI, LAM GYI BZHI RNAMS SMON MED DANG, 'GOG PA'I BZHI MTSAN MED DE, GZUGS SOGS YUL LNGA, SKYE RGA MI RTAG PA STE 'DUS BYAS KYI MTSAN NYID GSUM, PHO MO'I MTSAN MA GNYIS TE MTSAN MA BCU DANG BRAL BA'I PHYIR RO, ,LAM GYI BZHI LA DE MA TSANG ZHING MYA NGAN LAS 'DA' BA'I TSE, LAM SUN 'BYIN PA'I LAM GSUM GYI SGO NAS RGYUN BCAD DE, NGES PAR 'BYUNG BA'I GNAS YIN PA'I PHYIR SMON MED DU BSHAD DO, ,THEG CHEN THUN MONG BA'I LUGS NI, MDO SDE RGYAN LAS, TING 'DZIN GSUM GYI SPYOD YUL NI, ,BDAG MED RNAM PA GNYIS PO DANG, ,BDAG TU 'DZIN PA'I RTEN DANG NI, ,DE RTAG NYER ZHI YIN ZHES BYA, ,ZHES DANG, 'GREL PA DON GSAL SKABS @04B BZHI PAR BDEN BZHI'I KHYAD CHOS BCU DRUG LA SBYAR BA GCIG DANG GNYIS YOD PA CUNG MI 'DRA STE, RGYAN GYI BDAG MED GNYIS ZHES PA, DBYIG 'GREL LAS, STONG PA NYID KYI TING NGE 'DZIN NI GANG ZAG DANG CHOS LA BDAG MED PA'O, ,ZHES BDAG MED GNYIS GSUNGS SHING, 'GREL PA DON GSAL LAS, CHOS KYI BDAG MED MA BSHAD LA DES MTSAN MED LA LAM GYI BZHI YANG SBYAR KYANG, RGYAN LAS, LAM GYI BZHI GANG LA YANG MA SBYAR TE, BDAG 'DZIN GNYIS SHES PA DANG, SPONG BA DANG, SPANGS PA MNGON DU BYED TSUL TZAM LAS KHYAD CHOS BCU DRUG SOGS LA MA SBYAR BA'I PHYIR, BSDU BA LAS, KUN BTAGS KYI NGO BO NYID LA BRTEN NAS NI RNAM PAR THAR PA'I SGO DANG PO BZHAG GO ,GZHAN GYI DBANG GI NGO BO NYID LA BRTEN NAS RNAM PAR THAR PA'I SGO GNYIS PA BZHAG GO ,ZHES SOGS KYIS NGO BO NYID GSUM LA SBYAR BA YANG 'DI DANG DON GCIG STE, BDAG GNYIS SU KUN BTAGS PA 'GOG PA DANG, BDAG TU 'DZIN PA'I RTEN MA DAG PA'I GZHAN DBANG LA RGYAB KYIS PHYOGS PA DANG, DE RTAG TU ZHI BA'I CHOS KYI DBYINGS KYI 'GOG PA MNGON DU BYAS PA'I ZAG MED KYI DGA' BDE 'GRUB PA STE, RGYAN LAS, RNAM PAR MI RTOG RGYAB KYIS PHYOGS, ,RTAG TU DGA' DANG LDAN PA'O, ,ZHES SOGS GSUNGS PA'I PHYIR, 'DIR RGYU CHOS KYI SDOM BZHI LA SBYOR TSUL SOGS MANG STE, RGYAN GYI tIKKA RNAMS LA LTOS, MCHIMS MDZOD LAS, RNAM PAR GTAN LA DBAB PA BSDU BAS, 'DI GSUM NGO BO NYID GSUM GYI YUL CAN DU GSUNGS ZHES PA DANG, THOS BSAM LAS @05A *, ,BYUNG BA DANG, 'JIG RTEN PA'I SGOM BYUNG DANG, 'JIG RTEN LAS 'DAS PA'I SGOM BYUNG GSUM RIM BZHIN STONG PA NYID SOGS DANG, STONG PA NYID KYI TING NGE 'DZIN SOGS DANG, RNAM PAR THAR PA'I STONG PA NYID SOGS SU GSUNGS ZHES BSHAD KYANG, KUN BTAGS DANG PO'I YUL DU GSUNGS PA YIN MIN DPYAD DGOS LA, STONG PA NYID SOGS KYI SGRAS GSUNGS PA DER SGOM BYUNG DANG, TING NGE 'DZIN GYI SGRAS GSUNGS PA DER 'JIG RTEN LAS 'DAS PA'I SGOM BYUNG DOR NAS BSHAD PA 'THAD DKA' STE, SNGA MA SNGA MA SPYI DANG PHYI MA BYE BRAG GI TSUL YIN GYI NANG PHAN TSUN 'GAL BA MA YIN PA'I PHYIR, THEG CHEN THUN MONG MA YIN PA'I RNAM THAR SGO GSUM LA RGYU 'BRAS NGO BO GSUM LA SBYAR BA DANG, BYA BYED LAS GSUM LA SBYAR BA SOGS LAS, DANG PO NI, RNAM SNANG MNGON BYANG LAS, SEMS NI RANG DNGOS MED PHYIR DANG, ,RGYU DANG 'BRAS BU SPANGS PA'I PHYIR, ,ZHES DANG, SH'U NA-YA TA'I SNGAGS DON BSHAD PA'I THAD KYI SGRUB THABS KUN BZANG LAS, NGO BO NYID DANG BRAL PHYIR STONG PA STE, ,DE BZHIN RGYU DANG BRAL PHYIR MTSAN MA MED, ,RTOG PA RNAMS DANG BRAL PHYIR DNGOS PO NI, ,MA LUS SMON PA LAS NI NGES PAR GROL, ,ZHES GSUNGS TE, LAM DON DAM PAR RGYU LAS MA SKYES PA DANG, DON DAM PAR MA GRUB PA DANG, DON DAM PAR 'BRAS BU MI 'BYIN PA ZHES SBYAR NA, LAS KYI DE GSUM LAM RANG NYID KYI STENG DU BZHAG NUS LA, DE RGYU DON DAM PAR MA GRUB PA ZHES SOGS SU SBYAR NA MI NUS SO, ,'ON KYANG RANG NYID KYI STENG GI STONG @05B NYID DGOS MI DGOS DPYAD PAR BYA'O, ,'O NA DBU MA'I MTHA' DPYOD LAS MYU GU GZHAN SKYE MED PA STONG NYID MA YIN PAR THAL, MYU GU'I STONG NYID MA YIN PA'I PHYIR NA MA KHYAB, MYU GU SKYE BA'I STONG NYID YIN KYANG MYU GU'I STONG NYID MA YIN PA'I PHYIR TE; ZHES GSUNGS PA CI ZHE NA, GZHAN SKYE 'JOG TSUL NI, SKYE BA 'JOG 'TSAMS BTAGS YOD TZAM GYIS MA TSIM PAR DPYAD NAS RGYU RANG MTSAN GYIS GRUB PA ZHIG LAS 'BRAS BU RANG MTSAN GYIS GRUB PA ZHIG SKYE BA GZHAN SKYE'I DON DU 'DOD LA; DE LTAR SKYE BA DPYAD BZOD DU MA GRUB PA SKYE BA'I STONG NYID YIN PA LA DGONGS SO, ,BYA BYED LAS GSUM LA SBYAR BA DE GANG GIS BSHAD CE NA, SPYIR 'KHOR GSUM MI DMIGS PAR BSHAD PA THAMS CAD KYANG 'DI YIN LA, KHYAD PAR GSANG 'DUS RTZA RGYUD LE'U GNYIS PAR, DNGOS PO MED PAS BSGOM PA MED, ,BSGOM PAR BYA BA BSGOM PA MIN, ,DE LTAR DNGOS PO DNGOS MED PAS, ,BSGOM PA DMIGS SU MED PAR RO, ,ZHES PA 'DI LA TSUL BZHI'I BSHAD PA 'BYUNG BA LAS, SPYI DON GYI SKABS SU RGYU 'BRAS NGO BO GSUM LA SBYAR BA DE NYID BSHAD KYANG, YIG DON SKABS SU 'DI NYID BSHAD DO, ,DE YANG LAS SAM BSGOM BYA'I YUL GYI DNGOS PO DANG, BYED PA STE SGOM BYED LAM GNYIS DON DAM PAR MA GRUB PAS, DES DE BSGOM PA YANG DON DAM PAR MA GRUB PAR 'GYUR TE, RTZA SHES LAS, LAM LA RANG BZHIN YOD NA NI, ,BSGOM PA 'THAD PAR MI 'GYUR RO, ,ZHES DON DAM PAR GRUB NA BSGYUR DU MED PA LA, BSGOM PA DON MED PA'I PHYIR, DE LTAR GSUM BSHAD KYANG, RNAM PAR @06A *, ,THAR PA'I SGO STONG PA NYID DU 'DUS TE, KLU SGRUB KYIS MDZAD PA'I BYANG CHUB KYI TSOGS LAS, RANG BZHIN MED PA'I STONG LA STONG PA NI, ,YIN DANG MTSAN MA'I CI ZHIG BYED PAR 'GYUR, ,MTSAN MA THAMS CAD LOG PAR GYUR PA'I PHYIR, ,MA LUS SMON PA LAS NI NGES PAR GROL, ,ZHES GSUNGS PA'I PHYIR, KHYAB STE, YIN DANG ZHES PA RGYU MTSAN STON PA'I TSIG YIN PA'I PHYIR, SNGAGS RIM LAS, STONG PA KHO NAR DNGOS PO NYID GZHAN GNYIS 'DUS PAR GSUNGS PA NI, BYANG CHUB KYI TSOGS LAS ZHES SOGS GSUNGS PA'I PHYIR, 'DI YANG ZHI SGO GNYIS PAR THAL BA'I SKYON SPONG DU BZHED PA YIN NO, ,'DI DAG LAS 'PHROS TE, RANG RGYUD PAS ZHI SGO GNYIS PA DANG, 'KHOR RTZA GSUM PA SOGS 'DOD MI 'DOD DANG, BYE SMRAS STONG NYID KYI THA SNYAD 'DOD MI 'DOD SOGS KYANG DPYAD PAR BYA'O, ` ,RE ZHIG RAGS PA'I BDAG MED TZAM STON PAR MDZAD PA SOGS, ` RTEN 'BYUNG SOGS, /CA/ RGYUD BLA MA LAS, GANG PHYIR RGYAL LAS CHES MKHAS 'GA' YANG 'JIG RTEN 'DI NA YOD MIN TE, ,MA LUS DE NYID MCHOG NI TSUL BZHIN KUN MKHYEN GYIS MKHYEN GZHAN MIN PAS, ,DE PHYIR DRANG SRONG RANG NYID KYIS BZHAG MDO SDE GANG YIN DE MI DKRUGS, ,ZHES GSUNGS PA LTAR, RGYAL BA NYID TSAD MAR BYED DGOS SO, ,'ON KYANG RGYAL BA'I GSUNG LA RIGS PAS DPYAD PA BYED PA LA, DE TSAD MAR MA BZUNG BA 'DRA BA ZHIG TU GO NAS, GANG GSUNGS SGRA JI BZHIN DU 'DZIN PA NI, RTON PA DANG PO GNYIS MA GO BA'I BLUN TSUG YIN @06B TE, MTHA' DPYOD MYU GU LAS, GZHUNG LUGS RNAMS SU RIGS PAS SGRUB PA LTAR, RIGS PAS GRUB PA DGOS KYI, DE DAG TSUR MTHONG LA SHIN TU LKOG GYUR YIN PAS, SGRUB BYED LUNG TZAM DU ZAD DO, ZHES SMRAS PA NI, BDAG NI STON PA GZHAN SPANGS NAS BCOM LDAN KHYOD LA SKYABS SU SONG BA 'DI NI BDAG RANG GI 'DOD PA TZAM DU ZAD KYI SGRUB BYED CI YANG MED CES RANG GI SKYABS 'GRO'I MTSANG SGROG PA STE ZHES DANG, DE'I TSE LUNG GNYIS NI BDEN PA'I DON CAN YIN MIN DPYOD PA'I GZHI YIN PAS RTZOD GZHI SGRUB BYED DU MI RUNG BA'I PHYIR, RIGS PA NYID KYIS BDEN PA'I DON CAN YIN MIN DBYE BAR BYA'O, ,ZHES GSUNGS PA'I PHYIR, DES NA TSAD MAR BYED KYANG BYED TSUL SHES DGOS PAS, DANG PO NI MOS MNO TZAM MA YIN PAR, RGYAL BA'I BKA' NYID LAS 'BYUNG BA'I DRI MA MED PA'I RIGS PA'I LAM NAS DON DNGOS PO'I SDOD LUGS LA DPYOD PA'I RIGS PA DRI MA MED PA ZHIG GI SGO NAS, /CHA/ DE LTAR TSAD MAR GYUR PA RGYAL BA'I BKA' YIN YANG DE'I DGONGS PA 'GREL BA LA, TSAD MAR GYUR PA'I SHING RTA CHEN PO ZHIG GI RJES SU MA 'BRANG BAR MDOR DRANG NGES KYI TSUL DU MA GSUNGS PA RANG STOBS KYIS DBYE MI NUS PAS, /JA/ DON BSDU NA BKA' LA BRTEN DGOS ZHES PA DANG, SHING RTA CHEN PO'I RJES SU 'BRANG DGOS ZHES PA THAMS CAD KYANG PHUGS KYI GTAD SO RIGS PAS DBYE DGOS ZHES PA 'DI LA THUG STE GANG GI RJES SU 'BRANG BA'I YUL DE YANG CHES MCHOG TU GRAGS PA ZHIG YIN YANG, DE'I BSHAD PA DON GYI SDOD LUGS DANG MI MTHUN NA, BSHAD PA DE NYID BRJOD DON LA BSLU BA YIN PAS 'DOR BA'I SPRUS DE @07A *, ,LA 'OS KYI DNGOS PO'I RANG BZHIN LOG PAR 'DZIN MI 'OS TE, SNGA MA LA RGYAB RTEN TSAD MA MED LA, PHYI MA LKOG GYUR RNAMS KYANG 'THAD SGRUB KYI RGYAB RTEN DANG BCAS PA'I PHYIR ZHES STON PAR, /NYA/ BSREG BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,MKHAS PA DAG GIS BLANG BYA YI, ,DGE SLONG DAG GIS GUS PHYIR MIN, ,ZHES KYANG 'GREL CHEN DRI MED 'OD DU 'BYUNG BA NI 'GYUR KHYAD TZAM MO, ,'DIS NI LUNG DPYAD PA GSUM GYIS DAG PA'I TSUL YANG BSTAN TE, KA MA LA SH'I LAS, DE LA BSREG PA NI MNGON SUM DANG CHOS MTHUN PAR BSTAN PA'I PHYIR RO, ,BCAD PA NI RJES SU DPAG PA DANG CHOS MTHUN PAR BSTAN PA'I PHYIR RO, ,BRDAR BA NI YID CHES PA DANG CHOS MTHUN PAR BSTAN PA'I PHYIR RO, ,ZHES RIGS THIG GI PHYOGS SNGA MA MDOR BSDUS SU GSUNGS, RTON BZHI'I RNAM BZHAG 'DI LAS 'PHROS PA GRAGS CHE YANG GONG GI RTZA TSIG RNAMS KYIS RTON BZHI BSHAD SNYAM PA SU LA MI 'DUG PAS ZUR TZAM GONG DU BRIS ZIN CING RTON BZHI RGYAS PAR NI, BEEd'URA DKAR PO'I GAN MDZOD SKAL BZANG RE SKONG LAS SHES DGOS LA, DE'I NANG NAS BRDA KHYAD CUNG RTOGS DKA' BA NAG PO BSTAN PA DANG, CHEN PO BSTAN PA ZHES PA NI, 'KHOR BA DANG NGAN SONG GI RGYU TZAM ZHIG LA BLANG BYAR STON PA PHYI PA'I BSTAN PA DANG, 'KHOR BA SPONG BYED KYI GNYEN PO DANG DMIGS PA YID LA BYAS NAS SGOM TSUL STON PAS CHEN PO BSTAN PA NANG PA'I BSTAN CHOS RNAMS YIN TE, MDO SDE RGYAN GYI CHA tIKA LAS, ZHI BA'I PHAN YON STON PAR MDZAD PA GANG, , @07B DE NI DRANG SRONG GSUNGS YIN BZLOG PA GZHAN, ,ZHES PA LTAR, NAG PO BSTAN PA LA GNYEN PO'I DMIGS PA STON PA MED PAS, GNYEN PO'I DMIGS PA STON PA LA CHEN PO STON PAS KHYAB BO, ,ZHES GSUNGS PA'I PHYIR, SA SDE'I MTSAN LAS KYANG 'BYUNG, RNAM PAR SHES PA GNAS PA BZHI NI, MDO NYID LAS, RNAM PAR SHES PA GNAS PA BZHI STE, BZHI GANG ZHE NA, RNAM PAR SHES PA GNAS PA NA GZUGS LA NYE BAR 'GRO ZHING GNAS SO, ,RNAM PAR SHES PA GNAS PA NA TSOR BA LA NYE BAR 'GRO BA DANG, RNAM PAR SHES PA GNAS PA NA 'DU SHES LA NYE BAR 'GRO BA DANG, 'DU BYED LA NYE BAR 'GRO ZHING GNAS PA STE, 'DI NI RNAM PAR SHES PA GNAS PA ZHES BYA'O, ,DE LA YE SHES GANG ZHE NA, PHUNG PO BZHI LA GNAS PA'I RNAM PAR SHES PA'I PHUNG PO KUN SHES PA STE, 'DI NI YE SHES ZHES BYA'O, ,ZHES GSUNGS PA'I PHYIR, 'DIS MTSON TE MDO DANG BRJOD BYA SO SO LA LTOS PA'I RTON BZHI'I RNAM BZHAG BYA DGOS PAS, MI RTAG PA GTZO BOR STON PA'I MDO LA DRANG NGES PHYE NA 'JUG PA'I TSE MI RTAG PA NGES DON DANG, DE RTOGS KYI MNGON SUM YE SHES YIN PA SOGS SHES DGOS TE, GRUB MTHA' CHEN MOR 'KHOR BAS BSDUS PA'I SGOM BYUNG YANG RNAM SHES DANG, BDEN BZHI SHES PA YE SHES SU SA'I DNGOS GZHI'I LUNG GIS BSGRUBS PA'I PHYIR, /TA/ RTOG GE 'BAR BA'I YOD PA SMRA'I NANG TSAN 'GA' ZHIG GI DAM TSIG BRJOD PA'I SKABS LAS, MDO SDE THAMS CAD NI NGES PA'I DON YIN NO, ,ZHES GSUNGS PAS DRANG NGES KYI DBYE BA MI 'BYED PA YANG YOD LA, DRANG NGES 'DOD KYANG THEG CHEN BKAR MI 'DOD PA YANG STONG THUN LAS @08A *, ,GSUNGS SO, ,THEG CHEN PA RNAMS SHING RTA CHEN PO GNYIS KYIS BYAMS 'JAM DBYANGS GNYIS LA BRTEN NAS MDO 'DI GNYIS KYI DON BZHIN DU DRANG NGES 'BYED TSUL GSUNGS PA GNYIS CI RIGS LA NGES PAR BRTEN TE MDO'I DON LA 'JUG GO ,DE YANG TSIG GI DRANG NGES PHYE BA NI SGRA SPYI'I GO BA LEGS PAR CHAGS TE MDO GNYIS SO SOR PHYE BA NAS YIN LA, BRJOD BYA DON GYI DRANG NGES PHYE BA NI LTA BA'I DPYAD PA RDZOGS PA NAS YIN NO, ,DE KHO NA NYID RTOGS PA LA SNGON DU 'GRO DGOS RGYU NI TSIG GI DRANG NGES DBYE BA YIN LA DE TZAM GYIS GSUNG RAB LA DRANG NGES PHYE BAR MI 'GYUR TE, GANG LA DRANG NGES 'BYED PA'I GZHI NI GSUNG RAB YIN PAS, DE LA DRANG NGES PHYE NA DON GYI DRANG NGES MA PHYE BAR 'GAL BA'I PHYIR, KHA CIG SEMS TZAM DANG MTHUN PA'I DRANG NGES PHYE BA YANG DRANG NGES PHYE BA MA YIN NA, SA SDE SOGS SU DRANG NGES MA PHYE BAR 'GYUR ZHING, 'PHAGS PA THOGS MED DRANG NGES 'BYED PA POR LUNG BSTAN PA DON MED PAR 'GYUR RO ZHE NA, GZHUNG DES PHYE MA PHYE NI 'DI DRANG DON NO, 'DI NGES DON NO ZHES BSHAD MA BSHAD TZAM YIN LA BSHAD PAR NI 'DOD DGOS TE, GZHAN DU NA MTSAN NYID GSUM YANG MA BSHAD PAR 'GYUR LA, BRGYAD STONG DON BSDUS LAS KYANG STONG NYID BCU DRUG BSHAD PAR GRAGS PA'I PHYIR, /THA/ 'DI DAG LAS CUNG RTOGS DKA' BA 'DI YOD DE, PHUNG PO LNGA LA RANG GI NGO BO DANG, SKYE 'JIG GNYIS DANG, SPANGS PA DANG, YONGS SU SHES PA GNYIS SBYAR BA'I PHYI MA SBYOR TSUL JI LTAR ZHE NA, RGYA NAG 'GREL CHEN LAS, KUN NAS NYON @08B MONGS PA'I GZUGS KYI PHUNG PO GANG YIN PA DE GTAN TU SPANG BAR BYA'O, KUN NAS NYON MONGS PA MA YIN PA'I GZUGS KYI PHUNG PO GANG YIN PA DE NI YONGS SU SHES PAR BYA'O, YANG NA KUN 'BYUNG BA'I DON GYI MTHA' GANG YIN PA DE NI GTAN DU SPANG BAR BYA'O, SDUG BSNGAL GYI BDEN PA'I DON GYI MTHA' GANG YIN PA DE NI YONGS SU SHES PAR BYA'O, ,ZHES ZAG BCAS NYER LEN GYI PHUNG PO LNGA SPONG BA DANG, ZAG MED KYI PHUNG PO LNGA YONGS SU SHES PA LA SBYOR TSUL GCIG DANG, ZAG BCAS KYI PHUNG PO LNGA'I RGYU LAS DANG NYON MONGS SPONG BA DANG, PHUNG PO DE LNGA RANG GI NGO BO NAD DANG 'DRA BAR YONGS SU SHES PAR BYA BA LA SBYOR TSUL GCIG STE GNYIS GSUNGS SO, ,BYANG PHYOGS SO BDUN LA KHYAD PAR BRGYAD SBYAR BA'I PHYI MA GNYIS LA PHYIR ZHING 'BYUNG BA DANG, 'PHEL ZHING RGYAS PA ZHES KYANG WEN TSEG GIS BSHAD PA'I DON NI GNYEN PO SKYES PA DE NYID MI BSKYUD PA STE MA BRJED PA TZAM MA YIN PAR YANG DANG YANG DU MNGON DU BYAS TE GOMS PAR BYED PA DANG, DE LTAR GOMS PA'I STOBS KYIS GONG NAS GONG DU 'PHEL ZHING, 'PHEL BA DE YANG MCHOD DANG CHU'I DROD BZHIN MTHA'I TSAD BZUNG DU YOD PA DE LTAR MA YIN PAR MTHA' MED DU RGYAS PA'I DON NO, ,'DIR BSHAD PA'I PHUNG PO LNGA LA BRTZAMS PA'I MDO NI, RGYAL PO GZUGS CAN SNYING PO LA GDAMS PA'I MDO SOGS YIN LA, DE YANG BZO SBYANGS GZUGS CAN SNYING PO LA GDAMS PA ZHES KYANG 'BYUNG STE, RGYAL PO GZUGS CAN SNYING PO DANG, DMAG LDAN GZUGS CAN SNYING PO DANG, BZO SBYANGS GZUGS CAN SNYING PO GSUM GNAS SKABS SO SO'I @09A *, ,MING 'DOGS TSUL TZAM LAS, DON RNAM GRANGS PA YIN PAR 'DUL BA LUNG DANG GLENG 'BUM LAS 'BYUNG NGO, ,BDEN BZHI LA BRTZAMS PA NI BDEN BZHI'I CHOS 'KHOR LTA BU YIN LA, DER SDUG BSNGAL SHES PAR BYA'O, ,ZHES PA TZAM GSUNGS PA YANG RANG 'DZIN RTOG PA'I ZHEN GZHIR RANG MTSAN GYIS GRUB PA BSTAN PA LA 'GRO BA NI GDUL BYA'I GO TSOD DANG, STON PAS KYANG DE MA THAG GANG ZAG GI BDAG MED STON BZHED CING, BLO ZHAN PA'I STOBS KYIS CHAD MTHAR LTUNG BA'I NYEN YOD PA BKAG STE, BDAG MED DE LA LTOS PA'I DBU MA BSGRUB PA'I GZHI BLO NGOR BSTAN PAR BYA BA'I DON DU RANG 'DZIN RTOG PA'I ZHEN GZHIR RANG MTSAN GYIS GRUB PA STON BZHED PA'I THUGS DGONGS GNYIS TSOGS KYI DBANG GIS YIN PAS, SHAM THABS ZLUM POR BGO BA LA BSLAB PAR BYA'O, ,ZHES PA LTA BU YANG DE LTAR BSTAN PAR THAL BAR MI 'GYUR RO, /DA/ ,'DIR BAR PA'I DGONGS GZHI DNGOS SU DRIS PA'I SHUGS LA DANG PO'I DGONGS GZHI YANG DRIS PAR 'GRO BA NI, BAR PA'I SKABS SU CHA MA PHYE BAR NGO BO NYID MED MNYAM DU GSUNGS PA SGRA JI BZHIN DU MI RUNG BAS CI LA DGONGS ZHES PA'I TSIG GI NUS PAS, DANG POR CHA MA PHYE BAR RANG MTSAN GYIS GRUB GRUB CES PA'I MDO TSIG BKA' STZAL PA YANG DRANG DON DU GO NUS LA, SNGA LOG DE MA THAG BSHAD PA'I GZHIR YANG DRANGS YOD PAS, DE YANG DRIS PAR 'GRO'O, ,KHA CIG NGO BO NYID MED TSUL DRIS PA YIN NA, LAN DU YANG NGO BO NYID MED TSUL GSUNGS DGOS SHING, DE LTA NA NGO BO @09B NYID MED PAR GSUNGS PAR THAL BA'I PHYIR, BAR PA BZHIN DRANG DON DU 'GRO BA'I LUGS SO ZHE NA, NGO BO NYID MED PA'I DBANG DU BYAS NAS MED TSUL STON PA MIN GYI, NGO BO NYID MED CES PA DE GTAN MED PA MIN GYI MED TSUL GZHAN ZHIG YIN NO ZHES STON PA YIN PAS SKYON MED DO, ,'O NA CHOS THAMS CAD DON DAM PAR MA GRUB TSUL YANG STON PAR KHAS LEN NAM ZHE NA THA SNYAD SHUGS CHE BAS MI MTSUNGS SO, /NA/ ,DE NYID LAS RANG GI MTSAN NYID CES BYA BA NI BYE BRAG GI MTSAN NYID YIN TE, JI SKAD DU, GZUGS NI THOGS PA DANG BCAS PA'O, ,ZHES BYA BA NAS, RNAM PAR SHES PA NI RNAM PAR RIGS PA'O, ,ZHES BYA BA'I BAR DU BSHAD PA LTA BU'O, ,ZHES 'BYUNG BA, /PA/ RGYA NAG 'GREL CHEN LAS, KHAMS BCO BRGYAD PO DAG GCIG LA GCIG THA DAD PA'I MTSAN NYID GANG YIN PA DE NI KHAMS SNA TSOGS PA ZHES BYA'O, ,KHAMS BCO BRGYAD PO DE DAG NYID SEMS CAN TSAD MED PA RNAMS KYI BYE BRAG TU GYUR PA NI KHAMS DU MA NYID CES BYA'O, , ZHES KHAMS BCO BRGYAD PO DE DAG LA NANG TSAN MI 'DRA BA'I KHYAD PAR YOD PA DANG, GDAG GZHI'I TSUL GYIS SEMS CAN THAMS CAD LA KHYAB PA'I LDOG CHA NAS MING GNYIS BTAGS PA TZAM YIN PAR BSHAD PA SOGS, /PHA/ LAS ZAS RE RE LA YANG DE BZHIN LAGS SO, KHAMS DRUG DANG, BCO BRGYAD DAG GI KHAMS RE RE LA YANG DE BZHIN LAGS SO ZHES PA, /BA/ 'ON KYANG RAB 'BYOR GYI LE'U LAS KHAMS SNA TSOGS DANG, KHAMS DU MA ZHES PA DE @10A *, ,GZHI GCIG LA YANG KHYAD CHOS MANG PO SBYAR NAS BSHAD PA'I DKYUS LA 'BYUNG BAS 'GREL CHEN GYI DE LTAR BSHAD DGOS SAM SNYAM, /MA/ 'DIR CHOS RNAMS ZHES 'BYUNG BA YANG MTSAN NYID GSUM PO DE RANG RANG GI STENG GI GZHAN DBANG DANG DE LA BTAGS PA'I KUN BTAGS ZHES SOGS SU SBYAR NA CHA MA PHYE BAR CHOS THAMS CAD MTSAN GZHIR BZUNG BA'I DON DU 'GRO YANG CHA 'BYED DGOS PAR LEGS PHYE'I MING GIS KYANG SHES PA'I PHYIR DANG, CHOS RNAMS KYI SKYE BA NGO BO NYID MED PA ZHES 'BYUNG YANG, DE'I DON GZHAN LAS SKYE YANG, BDAG SKYE MED PA LA GSUNGS SHING BSDU BAS KYANG, DE RTEN 'BYUNG KHO NA LA SBYAR BA'I PHYIR, 'O NA CHOS RNAMS ZHES PA CI ZHE NA, DE LA NYAN THOS RNAMS KYI LAM NI RNAM PA LNGA STE, ZHES 'BYUNG YANG NYAN THOS KYI LAM LNGA GA NYAN THOS THAMS CAD LA YOD MI DGOS PA BZHIN 'DIR YANG CHOS RNAMS CHA GSUM DU PHYE NAS SBYOR DGOS PA'I DON NO 'DI'I DNGOS BSTAN GYI MTSAN NYID NGO BO NYID MED PA DON DAM PA YIN PAR 'DOD NA, GANG ZAG GI BDAG MED KYANG DON DAM YIN PAS 'DIR BSTAN PA'I MTSAN NYID DNGOS PO NYID MED PA DON DAM DU 'DOD DGOS LA, DE LTA NA CHES GO LOG PAR 'GYUR TE, 'DIR BSTAN PA'I DON DAM PA NGO BO NYID MED PA DON DAM MA YIN LA, MTSAN NYID NGO BO NYID MED PA DON DAM YIN PA'I PHYIR, DANG PO GRUB STE, RGYAS BSHAD KYI DON DAM PA NGO BO NYID MED PA LA DON DAM YIN MIN GNYIS YOD PA GANG ZHIG RGYAS BSHAD KYI RGYAS PAR BSHAD RGYU LA MDOR BSTAN @10B GYIS MDOR BSTAN PAS KHYAB PA'I PHYIR, BYAS PA LA 'JOG TSUL DANG PO'I DON DAM PA NGO BO NYID MED PA YANG STONG NYID YIN PAR THAL, GZHAN DBANG BAR CHAD MED LAM GYI GZIGS NGOR MA GRUB PA STONG PA NYID YIN PA'I PHYIR NA MA KHYAB, DMIGS PA MTHAR THUG TU MA GRUB PA DE'I DON YIN PA'I PHYIR NA YANG MA KHYAB, 'O NA GZHAN DBANG DON DAM BDEN PAR MA GRUB PA STONG NYID YIN PAR THAL, YE SHES DAM PA'I DON ZHES PA DE YIN PA'I PHYIR, KHYAB PA 'GRIGS, 'DOD MI NUS TE, GZHAN DBANG DON DAM BDEN PA DANG, STONG NYID DU 'DZIN PA'I BDAG 'DZIN MI SRID CING, DE MA YIN PAR RTOGS PA LA STONG NYID RTOGS MI DGOS LA, GZHAN DBANG PHYI ROL DON DU GRUB MA GRUB DPYOD PA'I DPYAD BZOD DU MDO SDE PAS KYANG 'DZIN CING, DES STONG PA RTOGS PA LA YANG STONG NYID RTOGS DGOS PAS MI MTSUNGS SO, ,GZHAN DBANG MTSAN NYID NGO BO NYID MED PA STONG NYID YIN NA, MDOR BSTAN DNGOS BSTAN GYI DON DAM PA NGO BO NYID MED PA DANG, GNYIS KA'I DGAG BYA DANG NGO BO DANG GSAL BAR BSTAN MA BSTAN SOGS KHYAD PAR GANG YANG MED PAS ZLOS PAR 'GYUR RO, ,GAL TE 'DI DGAG BYA NGOS BZUNG PA'I LDOG CHA NAS YIN LA, PHYI MA DE BKAG PA'I LDOG CHA NAS YIN NO ZHE NA, 'DI'I MTSAN NYID NGO BO NYID MED PA ZHES PA'I MTSAN NYID DANG, PHYI MA'I TSIG ZUR GYI DON DAM PA NGO BO NYID GNYIS KA YANG 'DRA BAS TSIG TZAM SNYING POR ZAD DO, ,'O NA YIG CHAR, 'DIR DNGOS SU BSTAN PA'I DE CHOS KYI BDAG MED PHRA MO LA 'JOG CES DANG, SNGA MA'I MED RGYU DE SHES BYA LA MI SRID CES DANG, @11A *, ,DNGOS BSTAN GYI MTSAN NYID NGO BO NYID YIN NA RANG 'DZIN RTOG PA'I ZHEN GZHIR RANG MTSAN GYIS GRUB PA DANG, DER RANG NGOS NAS GRUB PA RNAMS YIN PAS KHYAB PA'I PHYIR, ZHES GSUNGS PA CI YIN ZHE NA, SNGA MA'I GONG 'OG GNYIS KAR MTSAN NYID NGO BO NYID MED PA TZAM MA GSUNGS PAR DE'I DON ZHES GSUNGS SHING DON STONG NYID DU 'GRO TSUL 'DI'I NGO BO NYID LA BDAG TU SGRO BTAGS PA YANG YOD PAS TSIG LA DE BKAG PA LTAR BRJOD KYANG, DON 'CHAD PA'I TSE DES SGRO BTAGS PA LTAR DU MED PA ZHES BSHAD DGOS SHING, DE LTAR BYAS NA STONG NYID DU 'GRO BA'I DON NO, ,LUNG PHYI MA GNYIS KYIS MI GNOD DE, DE YANG KUN MKHYEN CHOS 'BYUNG GI GSUNGS ZIN GZHIR BZHAG PAR SNANG LA, DER RANG 'DZIN RTOG PA'I ZHEN GZHIR RANG MTSAN GYIS MA GRUB PA'I PHYIR DANG, ZHEN GZHIR RANG MTSAN GYIS GRUB PAR SGRO BTAGS PA LTAR MA GRUB PAS KHYAB PA'I PHYIR, ZHES GNYIS KA SMOS PAS MTSAN NYID NGO BO NYID LA SGRO BTAGS PA YANG BZHAG NAS DE LTAR GRUB PA SHES BYA LA MI SRID PA DANG, DE LTAR GRUB PA LA CHOS BDAG GIS KHYAB PA'I DON YIN PA SOGS SNGAR DANG 'DRA BA'I PHYIR DNGOS SHUGS KYI MTSAN NYID NGO BO NYID MED PA GNYIS 'GAL YANG, CHOS SO SO'I STENG GI DNGOS SHUGS KYI SKYE BA NGO BO NYID MED PA 'GAL MI RUNG STE, BUM PA LTA BU'I STENG GI BDAG MED GNYIS KYI DBANG DU BYAS PA'I GZHAN DBANG DON GCIG PA'I PHYIR TE, DE GANG RUNG LA BUM PA DANG GCIG GIS KHYAB PA'I PHYIR, DE LTA MA YIN @11B NA BUM PA'I STENG GI CHOS KYI BDAG MED KYI DBANG DU BYAS PA'I GZHAN DBANG LA BUM PA'I STENG GI CHOS KYI BDAG MED KYI STONG GZHI MA YIN DGOS PAS CHES 'BREL MED PAR 'GYUR RO, /TZA/ ,ZHES SNGA MA'I NGO BO NYID GSUM PHYI MA'I NGO BO NYID MED PA GSUM GYI MTSAN GZHIR BSTAN PAR YIG CHAR GSUNGS PA LEGS TE, BLO BRTAN GYI PHUNG PO LNGA'I 'GREL BSHAD LAS GSUNGS PA DANG, GANG SPEL LAS KYANG GZUGS NYID PHUNG PO YIN PAS, GZUGS KYI PHUNG PO YIN NA ZHES PA LTAR 'DIR YANG GYI SGRA GZHI MTHUN STON PA'I DRUG SGRA YIN PA'I PHYIR TE, SGRUB PHYOGS NAS RKYEN GZHAN LAS SKYES PA SOGS RANG RANG GI KHYAD CHOS DANG LDAN PAS GZHAN GYI DBANG GI NGO BO NYID LA SOGS PAR BZHAG PA DE NYID KYI BDAG NYID LA DGAG PHYOGS NAS SKYE BA NGO BO NYID MED PA LA SOGS PAR BZHAG PA DE GSUM 'DI'I DGONGS GZHIR BSTAN TE, NGO BO NYID GSUM LAS DON GZHAN PA'I NGO BO NYID MED PA GSUM MA YIN PAR GO BA'I CHED DANG NGO BO NYID MED PA GSUM GYI SO SO'I MED TSUL LA MA SBYAR BAR BAR PA'I SGRAS ZIN LTAR 'DOD MI RUNG BA GO BA'I CHED YIN TE, 'DI'I 'GREL PA BLO BRTAN GYIS MDZAD PA LAS, RANG RANG GI MTSAN NYID KYIS YOD PA LTAR GYUR PA'I NGO BO NYID DO, ,NGO BO NYID MED PA RNAM PA GSUM STE, ZHES GSUNGS PA'I PHYIR, KHYAB STE, BYI NI tA DE PA'I 'GREL BSHAD LAS, GZHAN GYI DBANG LA SOGS PA'I NGO BO NYID RNAM PA GSUM GYI NGO BO NYID MED PA RNAM PA GSUM LA DGONGS NAS ZHES GSUNGS PA GANG ZHIG ,SNGA MA'I DGAG BYA'I NGO BO NYID @12A *, ,GSUM BSTAN NAS DE'I NGO BOR MED CES BSHAD PA 'GREL PA 'GREL BSHAD GNYIS DANG MI MTHUN PA'I PHYIR, 7KUN MKHYEN JO NANG PA SOGS, 7RANG BZHIN MED PA, 7RANG BZHIN MED PA, /TSA/ 'DI SMRA BA PO JO NANG PA YIN LA DE'I 'DOD PA NI, RANG NYID KYIS NGES DON RGYA MTSOR, DAG PA YE SHES KYI KUN GZHI NI 'KHOR BA'I CHOS THAMS CAD KYIS STONG BAS GZHAN STONG RTAG BRTAN G-YUNG DRUNG THER ZUG DANG ZHES DANG, YANG DES BRTZAMS PA'I BKA' BSDU BZHI PAR, CHOS 'KHOR GSUM PAR GSUNGS PA'I ZAB MO KUN, ,KUN RDZOB MA YIN DON DAM BDEN PA YIN, ,MI RTAG MA YIN RTAG BRTAN THER ZUG YIN, ,KUN BRTAGS MA YIN YONGS GRUB YE SHES YIN, ,DNGOS MED MA YIN DBU MA CHEN PO YIN, ,ZHES DANG, RTAG PA 'DUS MA BYAS KYI YE SHES DANG, ,RTAG PA 'DUS MA BYAS KYI RGYAL BA LNGA, ,RTAG BRTAN THER ZUG G-YUNG DRUNG RIG MA LNGA, ,ZHES DANG, YANG NGES DON RGYA MTSOR, GANG GIS DAG PA NI KUN BTAGS DANG GZHAN DBANG GANG YIN PA KUN RDZOB KYI CHOS GZUGS LA SOGS PAS DAG PA STE, ZHES SNYING PO'I MDO BCUR GRAGS PA RNAMS KYI TSIG RIS LA 'KHRUL NAS BDE GSHEGS SNYING PO DE NYID ZAG MED YE SHES DANG, YONGS GRUB RTAG BRTAN THER ZUG PA MTSAN DPE SOGS SANGS RGYAS KYI CHOS RNAMS DANG YANG RANG CHAS SU LDAN PAR 'DOD DE, RGYUD BLA MAR, LUS CAN LA YOD ZAG PA MED PA'I SHES PA SBRANG MA'I RTZI DANG 'DRA, ,ZHES PA ZAG MED YE SHES DNGOS SU 'KHRUL PA YIN ZHING, DE NYID @12B GZUGS SKU RGYAL BA LNGA SOGS KYI BDAG NYID DU SMRA BA NI, 'DIS DAG PA'I BDAG ZHES BTAGS PA SNGAR GYI YE SHES DE'I STENG DU KUN RDZOB RNAMS BKAG PA NI MED DGAG TZAM MA YIN PAR YE SHES DE NYID YIN PA LA MTSAN DPES BKRA BA'I STONG GZUGS KYI SKU ZHIG 'DZIN STANGS SU 'DOD PAS, DUS 'KHOR GYI CHOS SKAD CUNG ZHIG BSRES PA YIN TE, 'DI LA BSAM NAS, RIN CHEN TOG GI DBANG PO'I RDO RJER, MTSAN NYID THEG PAR THUN MONG MA YIN PA'I SNGAGS SBYAR NAS BSHAD PA DE 'DRA DOL PO PA MA YIN PA SNGON CHAD MA BYUNG ZHES BSHAD DO, ,'DIS KHO RANG GI LUGS KYI GZHAN STONG CHEN MO DE 'KHOR LO THA MAR GSUNGS KYANG, BAR PAR CHAD STONG MED DGAG TZAM GYI RANG STONG ZHIG LAS MA GSUNGS LA, RANG STONG DE STONG NYID DNGOS MA YIN PAR 'DOD PA'I PHYIR, ZUR GNYIS PA GRUB STE, NGES DON RGYA MTSOR SHER MDO DRANG DON DU BSGRUB PAR THOG TOG LAS BSHAD CING, KAR LAN KLU SGRUB DGONGS RGYAN GYI DGAG PA THAMS CAD KYANG 'DI DANG KARMA PA GNYIS LA THUN MONG YIN PAS DE NYID LAS YUM RGYAS 'BRING BSDUS GSUM LAS CHAD STONG MED DGAG TZAM ZHIG BSTAN GYI SNGAR BSHAD PA'I GZHAN STONG CHEN MO BDEN GRUB DE MA BSTAN PAR BZHED PA DANG, ZHES GSUNGS PA'I PHYIR, GSUM PA GRUB STE, KAR LAN LAS, STONG NYID YIN NA GZHAN STONG CHEN MO YIN PAS KHYAB, GZHAN STONG CHEN MO'I STONG GZHI CHOS CAN YIN NA DON DAM BDEN PA YIN DGOS PA'I PHYIR, RTAGS THAMS CAD SONG ZHES DANG, NANG STONG PA NYID KYI STONG GZHI @13A *, ,GANG YIN ZHES SOGS DRIS PA'I MTHAR, KUN MKHYEN JO NANG PA LAN CI GSUNGS, ZHES GSUNGS PA'I PHYIR DANG, 'DU BYED KYI STENG DU CHOS BDAG BKAG PA'I STONG NYID ZHIG MED PA DGONGS 'GREL DANG 'GAL BAR GSUNGS PAS KYANG SHES SHING, DE'I LUGS LA RANG STONG NI CHAD STONG MED DGAG YIN LA, CHOS NYID LA SGRUB PA RANG DBANG BA DGOS PAR BSHAD PA'I PHYIR, DE LTAR BYAS NAS 'KHOR LO BAR PA'I SKABS NAS KHO RANG 'DOD PA'I STONG NYID DE DNGOS SU MA BSTAN LA, CHOS KYI DBYINGS LA SOGS PA'I RNAM GRANGS KYIS SMOS PA NI, RANG STONG TZAM ZHIG GZHIR BZUNG BA YIN TE, RGYUD BLA MAR, SPRIN DANG RMI LAM RGYU BZHIN DE DANG DER, ,ZHES SOGS KYIS BAR BAR BSHAD PA'I STONG NYID DRANG DON DU BKRAL BA'I PHYIR RO, ,DER DON DAM MA BZUNG NA KUN RDZOB RNAMS NGO BO NYID MED PA SGRA SOR BZHAG RUNG BAS DGONGS GZHI 'JOG MI DGOS SO, ,ZHE NA MA YIN TE, DER CHOS RNAMS KHYAD MED DU CHA MA PHYE BAR GSUNGS PA'I CHA NAS KYANG DRANG DON DU 'GYUR LA, GZUGS SOGS BDEN GRUB BKAG TZAM DON DAM PA'I BDEN PAR BSHAD PA'I CHA NAS KYANG DRANG DON DU 'GYUR MOD, 'DIR KUN RDZOB RNAMS LA DGONGS PAR BSHAD PA SNGA MA'I DBANG DU BYAS SO, ,DE LTAR BYAS NA STONG THUN LAS, DON DAM MA CHUD PAR KUN RDZOB 'BA' ZHIG RANG BZHIN MED PAR BSTAN PA'O, ,ZHES SMRA BA NI ZHES GSUNGS PA LTAR, PHYOGS SNGA MA'I DNGOS SU KHAS BLANGS PAS RIGS PA'I PHUL TZAM YANG @13B MA YIN NO, /DZA/ ,'DI'I DON SBYOR LA, KUN BTAGS CHOS CAN, KHYOD LA MTSAN NYID NGO BO NYID MED PA ZHES BRJOD PA'I RGYU MTSAN YOD DE, SGRUB PHYOGS NAS MING BRDAS BZHAG TZAM YIN KYANG DGAG PHYOGS NAS RANG GI MTSAN NYID KYIS MA GRUB PA'I PHYIR, ZHES PA BKAG KYANG RANG 'DZIN RTOG PA'I ZHEN GZHIR RANG MTSAN GYIS GRUB PAR SGRO BTAGS PA GZHIR BZUNG NAS RTAGS CHOS SNGAR LTAR BKOD PA MI 'GAL TE, KUN BTAGS SPYI TZAM MTSAN NYID NGO BO NYID MED PA'I MTSAN GZHIR 'BREL MED CING, 'DIR YANG MA GSUNGS BAS DE 'GOD PA PO'I BSAM PA SKABS 'DI'I MTSAN NYID NGO BO NYID MED PA'I DON RANG LDOG SGRUB BYED DU SBYOR BA DE BKOD PA YIN NO DE'I DON DON SMRAS RTOGS PA MI RUNG BAS BKAG PA YIN LA, PHYI MA NI DE MTSAN NYID NGO BO NYID MED PA'I GZHI LDOG SGRUB 'DOD PA YIN PAS, RTAGS CHOS DON SMRAS RTOGS KYANG MI 'GAL LO, ,DES NA 'DI LTAR DE NI MING DANG BRDAS ZHES SOGS MTSAN NYID NGO BO NYID MED PA'I GZHI LDOG SGRUB PA'I GZHUNG YIN LA, DE'I DON GYI RANG LDOG SGRUB BYED BSHAD PA YIN NA STONG PA NYID KYI DON BSGRUBS PAS DON DAM PA NGO BO NYID MED PA RGYAS PAR BSHAD PA'I GZHUNG DU 'GYUR RO KUN BTAGS SPYI LDOG RTZOD GZHIR BZUNG BA BKAG PA NI, CHOS 'BYUNG GI GSUNG GZHIR BZHIG YIN LA, DKA' 'GREL LAS, KUN BTAGS CHOS CAN, KHYOD LA MTSAN NYID NGO BO NYID MED PA ZHES BYA STE, KHYOD MING DANG BRDAS BZHAG TZAM YIN GYI RANG MTSAN GYIS MA GRUB PA'I PHYIR, ZHES GSUNGS SO, ,/WA/ 'DI LA KHA CIG @14A *, ,LHAG MTHONG CHEN MO LAS, DE LA MTSAN NYID NGO BO NYID MED PA'I MTSAN NYID NI RANG GI MTSAN NYID DAM RANG BZHIN YIN LA, SEMS TZAM PAS DE MED PA KUN BTAGS LA 'DOD KYANG, GZHAN DBANG LA MTSAN NYID DE YOD PAS RANG BZHIN YOD LA, ZHES GSUNGS PAS, 'DI PA DANG THAL 'GYUR BA GNYIS KA'I LUGS KYI KUN BTAGS RANG MTSAN GYIS MA GRUB PAR 'DZIN PA GNYIS 'DZIN STANGS MTSUNGS TE, GNYIS KAS KYANG RANG BZHIN GYIS MA GRUB PAR BZUNG BA'I PHYIR TE, LUGS 'DIR YANG KUN BTAGS RANG BZHIN GYIS GRUB PA'I NGO BO MED PA LUNG 'DIS GRUB PA'I PHYIR ZHE NA MA GRUB STE, DE NI RANG MTSAN GYIS GRUB PA DANG, RANG BZHIN GYIS GRUB PA LA KHYAD MI 'BYED PA'I THAL 'GYUR BA'I LUGS BSHAD SKABS YIN PA DE'I DBANG DU BYAS PA'I PHYIR, DE LTA MA YIN PAR RANG BZHIN GYIS MED NA MED DGOS SHING KUN BTAGS YE MED NA SHES BYA THAMS CAD RDZAS YOD DU THAL BA STONG THUN NAS 'PHANGS PA'I 'BREL NI YIG CHAR BDEN GRUB KYI RDZAS YOD CES BKRAL BA YONGS GRUB MED DGAG TU 'DOD DGOS PA'I MAN NGAG YIN LA, 'OG TU tI-KA CHEN GYI BSHAD PA MCHAN DU 'GOD PAR 'GYUR BA LTAR YONGS GRUB YE SHES DANG, RDZAS YOD KYANG DON BYED PA'I RDZAS YOD DNGOS LA BYAS NA'ANG BSHAD PA'I RNAM GRANGS SU RUNG STE, PHYOGS SNGA MA'I YONGS GRUB YE SHES SU 'DOD CING KUN BTAGS RANG MTSAN GYIS MA GRUB TSUL MA SHES PA'I DBANG YIN PA'I PHYIR RO, ,'ON KYANG RANG 'DZIN RTOG PA'I ZHEN GZHIR @14B SBYAR NA 'DI PAS KYANG RANG MTSAN GYIS GRUB PA DANG, RANG BZHIN GYIS GRUB PA LA KHYAD 'BYED KYANG, DON SMRAS MI 'BYED LA DE'I PHYIR DON SMRAS CHOS GANG YANG RANG 'DZIN RTOG PA'I ZHEN GZHIR RANG MTSAN GYIS GRUB PA'I DON KHEG NA YOD PAR 'JOG MI SHES KYANG, RIGS PA'I RJES 'BRANG GI MDO SDE PA SOGS RANG RANG GI LUGS KYI RANG MTSAN KHEG PAS CHOS DE YOD PAR 'JOG MI SHES PA MA YIN NO, ,TSIG TZAM LA 'CHEL BA KHA CIG ,KUN BTAGS THAL 'GYUR BA'I 'DOD PA LTAR GYI RANG MTSAN DER MA GRUB PAR 'DZIN PA LOG SHES YIN KYANG, THAL 'GYUR BA'I 'DOD PA LTAR GYI KUN BTAGS RANG MTSAN GYIS MA GRUB PAR 'DZIN PA LOG SHES MA YIN TE, DE RANG MTSAN GYIS MA GRUB PA'I PHYIR ZHE NA SEMS TZAM PA'I 'DOD PA LTAR GYI KUN BTAGS RANG MTSAN GYIS MA GRUB PA DANG, GNYIS KA'I MA GRUB TSAD MTSUNGS SHING, GNYIS KAS KYANG DMIGS PA LA KUN BTAGS SPYI TZAM MI YONG BAR THAL LO, ,'DOD NA, SEMS TZAM PA LTAR GYI BUM PA'I STONG NYID KYANG, BUM PA'I STONG NYID DU MI SONG BAR THAL LO, /ZHA/ ,CHOS RANG RANG GI STENG GI GZHAN DBANG YANG YIN LA, SKYE BA NGO BO NYID MED PA YANG YIN PAS DE DAG GI SGRA 'DUS MA BYAS RNAMS LA JI LTAR BSHAD CE NA, SPYIR GZHAN DBANG GI SGRA DON NI THEG BSDUS LAS, CI'I PHYIR GZHAN GYIS DBANG ZHES BYA ZHE NA, RANG GI BAG CHAGS KYI SA BON LAS SKYES PA YIN PAS, DE LTA BAS NA RKYEN GYI GZHAN DBANG YIN NO, ,SKYES NAS KYANG SKAD CIG LAS LHAG PAR BDAG NYID GNAS PAR MI NUS PAS NA GZHAN GYI DBANG ZHES BYA'O ZHES SOGS @15A *, ,GSUNGS TE 'DUS MA BYAS RNAMS KYANG NANG GI BAG CHAGS SMIN PA'I DBANG GIS SHAR BA'I SNANG CHA TZAM DU 'DOD DGOS LA, SPRIN DANG NAM MKHA' BZHIN RANG GI CHOS NYID DE LA BRTEN NAS GNAS DGOS SHING, , CHOS NYID KYANG DE'I RTEN DU 'GYUR BA MED PA'I YONGS GRUB DANG, CHOS RANG NYID RANG GI GZHAN DBANG DU BZHAG PA YIN TE, SGRA'I STENG GI MI RTAG PA LA SGRA DANG GCIG MI DGOS KYANG, DE'I STENG GI GZHAN DBANG LA DE DANG GCIG YIN DGOS PA'ANG DE YIN NO, ,DE LTAR SGRUB PHYOGS NAS GZHAN DBANG GI SGRA DON SHES NA DE'I 'GAL ZLA'I NGO BOR MED PA CHOS DE'I SKYE BA NGO BO NYID MED PA'I DON YIN PAS, 'DUS MA BYAS RNAMS KYANG BAG CHAGS SMIN PA LA MA LTOS PAR GRUB PA DANG, GNAS LUGS LA MA LTOS PAR RANG DBANG DU SDOD PA'I MTHU MED PA SOGS LA BYA STE DON CHOS KYI BDAG MED PA LA THUG GO ,BDAG SKYE YANG BUM PA BUM PA LAS SKYES PA LA MI ZER GYI RANG DANG BDAG NYID GCIG PA'I RGYU LAS SKYES PA LA ZER RO 'ON KYANG BYE SMRAS RANG DANG BDAG NYID GCIG PA'I RGYU LAS SKYES PA KHAS LEN PA NI DUS MNYAM LA BSAM GYI SA BON GYI DUS NA MYU GU YANG MNGON PAR MI GSAL BA'I TSUL GYIS YOD PA DE 'DRA MI 'DOD PAS BDAG SKYES DON MED DO, ,RGYU 'BRAS GCIG GCIG GI DUS NA DE DANG DE'I NGO BOR MED NA SEMS CAN SU YANG SANGS RGYAS KYI NGO BOR GRUB DUS MED DGOS PAS, DE LTAR YOD KYANG GRANGS CAN DANG MI MTSUNGS TE, 'DIR DE'I TSE DE YIN PA TZAM LA BSAM SHING GRANGS CAN GYIS MYU GU'I DUS NA YOD PA'I MYU @15B GU'I RANG BZHIN DE GA MYU GU'I RGYU DUS NA YANG YOD DGOS KYI GZHAN DU NA 'BREL MED PA LAS 'BYUNG BAS, BYE MA LAS KYANG SNUM 'BYUNG BAR THAL BA 'PHEN PA SOGS, RNAM 'GREL LE'U DANG POR, GAL TE LDOG PA SPANGS PA YI, ,ZHES SOGS LTAR YIN PAS, 'DI DANG CHES MI MTSUNGS SO, 'DIR CHOS RNAMS KYI SKYE BA NGO BO NYID MED PA ZHES 'BYUNG BAS 'DUS MA BYAS RNAMS KYANG CHOS RNAMS ZHES PA'I DNGOS BSTAN TZAM YIN LA SKYE BA NGO BO NYID MED PA'I DON TSANG MI DGOS ZHES YIG CHA'I SGRAS ZIN LA GSUNGS KYANG, DGONGS PA YIN MIN BRTAGS PAR BYA, /ZA/ 'DIR GZHAN DBANG LA RNAM DAG LAM GYI DMIGS PA MTHAR THUG TU 'GYUR SNYAM PA'I DOGS PA CHE ZHES PA'I DON, KHA CIG DBUS MTHAR YANG DAG MA YIN KUN RTOG YOD, , CES PA LTA BU SEMS TZAM GYI GZHUNG RNAMS SU GZHAN DBANG 'CHAD PA'I TSE SEMS GTZO BOR BSHAD PAS 'DIR YANG SEMS DE DON DAM DU 'GYUR SNYAM PA YIN TE, PHYI ROL YUL SNANG RGYANG CHAD TSUGS THUB 'DRA BA 'DI BKAG STE DPER NA CHU NANG DU NYI 'OD PHOG PA'I TSE, DE'I MDANGS ZHIG RTZIGS NGOS LA THOL GYIS BYUNG BA NA NGOS DER GDOD NAS GRUB PA LTAR SNANG YANG, DON LA CHU'I MDANGS DE NAS TSUR SHAR BA TZAM YIN PA LTAR, PHYI ROL LTAR SNANG BA 'DI YANG, SEMS KYI RANG MDANGS TZAM DU GOMS PAS RIM GYIS SNANG BAR GAS PA LOG PA'I MTHAR PHYI'I SNANG BA BKAG NAS SEMS KYI NGO BO GSAL RIG TZAM ZHIG SHAR BA LA SEMS TZAM GYI LTA BA RNYED BAR RLOMS NAS, POD SNGA MA MANG POS KYANG DE TZAM LA LNGA BA'I NGO SPROD MTHAR THUG TU BYAS @16A *, ,'DUG PA SOGS DGAG CHED YIN ZER, SPYIR DE 'DRA BA'I DOGS PA SKYE BA BDEN YANG PHYOGS SNGA'I KHAS BLANGS YOD MED MI SHES PA'I DOGS PA GCIG MDO LAS BKOD KYANG PHAL CHER MI YONGS LA 'OG TU RJES SKYON SPONG MDZAD PA RNAMS DANG YANG MI 'BREL LO, ,SEMS TZAM LA KHAS BLANGS DE MED PA 'OG TU DGONGS 'GREL LAS, CHOS NYID DGAG BYA BCAD TZAM LA 'JOG PAR GSUNGS PA SOGS KYIS 'GRUB CING RJES BZOD BZHI DANG RJES SHES BZHI 'DZIN PA'I YUL CAN DU BSHAD PA LTAR NA'ANG MNYAM GZHAG GIS DRANGS PA'I RJES THOB YUL GYI THA SNYAD PHRA MO LA RUNG YANG LTA BA DNGOS KYI 'DZIN STANGS SU MI 'GYUR LA, LCANG SKYA RIN PO CHE'I GRUB MTHAR DE DON DAM SGRUB BYED KYI SBYOR BA'I BSGRUB BYA DANG, DON DAM DPYOD PA'I RIG PA'I RNYED DON DU GSUNGS PA YANG, SNGA MA MANG PO'I PHYOGS MTHUN TZAM MDZAD PA YIN NAM BRTAGS PAR BYA DGOS TE, NYAN SA LAS, DE'I TSE NA SEMS DGAG PA LTA BUR SNANG MOD KYI ZHES SBYOR LAM LA BSHAD NA MTHONG LAM LTA CI SMOS PA'I PHYIR DANG SHES BYA'I GNAS DANG MTSAN NYID DER 'JUG DANG, ZHES PA'I DER 'JUG TSUL LA DROD RTZE GNYIS, BZOD MCHOG GNYIS MTHONG LAM DANG GSUM DU 'JUG TSUL BSHAD PA'I PHYIR DANG THEG BSDUS LAS, MI ZHIG MIG NA BTZUM PA LTAR, ,RNAM RTOG MED PA'I SHES DE 'DRA, ,ZHES 'PHAGS PA'I MNYAM GZHAG YE SHES LA DGAG BYA'I STONG PA TZAM LAS MI 'CHAR BA'I SNANG MED DU BSHAD PA'I PHYIR, KUN @16B MKHYEN CHOS 'BYUNG GI GSUNG LTAR NA 'DI'I DOGS PA THAL RANG GNYIS LA 'BYUNG BA STE, DE YANG SEMS TZAM PAR GZHAN DBANG RNAM DAG LAM GYI DMIGS PAR KHAS BLANG BA'I STENG NAS BDEN GRUB KYI KHAS LEN YOD PAS, DE'I DMIGS PAR BDEN PAR GRUB NA DE'I DMIGS PAR GRUB ZIN GRUB LUGS DE DON GYI SDOD LUGS MTHAR THUG TU 'GRO DGOS PAS, DMIGS PA MTHAR THUG LAS 'OS MED CING, KUN BTAGS DMIGS PA TZAM YIN KYANG RDZUN PAR GRUB PAS SKYON MED SNYAM PA YIN LA, LAN DU DE GNYIS BDEN GRUB TU MTSUNGS KYANG, BSGOM NA BDAG 'DZIN DANG 'DZIN STANGS 'GAL BA'I SGO NAS SPONG MI SPONG GI KHYAD YOD DE SGRA DANG SGRA MI RTAG PA SGRA 'DZIN MNGON SUM GYI SNANG YUL DU MTSUNGS KYANG RANG LA DMIGS NA RTAG 'DZIN ZLOG MI ZLOG GI KHYAD YOD PA DANG 'DRA BAR GSUNGS TE LEGS PAR BSHAD PA'O, ,SNANG YUL LA ZHIB CHA DGOS, SHAR PA NAM MKHA' RGYAL MTSAN GYI DRANG NGES RNAM 'BYED SOGS 'GA' ZHIG LAS, DGONGS 'GREL DU 'DUS BYAS DANG 'DUS MA BYAS RNAMS KYI CHOS NYID GTAN LA 'BEB PA'I TSE, DE DAG GI GZHAN DBANG STONG GZHIR DNGOS SU BZUNG YANG 'DUS MA BYAS RNAMS STONG GZHIR DNGOS SU MA BZUNG BA'I RGYU MTSAN GYIS YIN ZER, DGONGS 'GREL LAS KHAMS BCO BRGYAD PO DAG GI KHAMS RE RE LA YANG DE BZHIN LAGS SO, ,ZHES PA 'DIS, DE'I STENG GI NGO BO NYID GSUM 'JOG TSUL SNGA MA DANG 'DRA BAR DNGOS SU MA BSTAN NA CI ZHIG DNGOS SU BSTAN, GAL TE DE'I STENG GI GZHAN DBANG DANG KUN BTAGS DNGOS SU MA BSTAN LA @17A *, ,YONGS GRUB DNGOS SU BSTAN PA DE'I GZHAN DBANG GI STENG GI YIN ZER NA, MTSAN NYID GSUM STON PA THAMS CAD LAS DE DANG DE'I GZHAN DBANG STONG GZHI'I DBANG DU BYAS TE 'CHAD PA SHA STAG YIN PAS, RANG GI STENG GI STONG NYID DNGOS SU BSTAN PA MI SRID PAR 'GYUR TE ZHIB PAR 'OG TU 'CHAD DO, ,RIN CHEN DON 'GRUB KYI DRANG NGES RNAM 'BYED LAS, CHOS THAMS CAD KYI STENG GI GZHAN DBANG CHOS CAN, KHYOD LA DON DAM PA NGO BO NYID MED PA ZHES BRJOD PA'I RGYU MTSAN YOD DE, CHOS RNAMS KYI STENG GI SGRIB PA ZAD PAR BYED PA'I DMIGS PA MTHAR THUG PA DE RNAMS DON DAM YIN LA, KHYOD DMIGS PA DER MA GRUB PA'I RGYU MTSAN GYIS DE LTAR BRJOD PA'I PHYIR ZHES BSHAD PA YIG CHA DANG YANG MI MTHUN PA MED PAS DE LTAR NA 'DI'I DOGS PA CHE CHUNG ZHES PA DE KUN BTAGS SPYI TZAM LA MA BYAS PAR GZHI DE DANG DE'I STENG GI STONG NYID GTAN LA 'BEB PA'I TSE GZHI DE'I STENG GI NGO BO DANG KHYAD PAR LA KUN BTAGS PA'I KUN BTAGS LA DOGS PA CHUNG ZHING STONG GZHI DE DANG DER DOGS PA CHE BA'I DON DE, DE LTAR NA CHOS THAMS CAD 'DI'I DON DAM LA YONG NGO, ,KHO NA RE, GZHAN DBANG YOD KYANG STONG NYID YONG DON MED DE, YE SHES KYI DMIGS PA MTHAR THUG YIN PA'I PHYIR ZHE NA SKYON MED DE, RANG GI CHOS NYID BTZAL BA'I TSE DE YANG DMIGS PA MTHAR THUG TU MI RUNG BA'I PHYIR TE, BUM PA PHYI DON DU GRUB MA GRUB DPYAD PA'I MTHAR BUM PA'I STENG GI DON STONG RNYED KYANG DON DAM DPYOD PA'I DPYAD @17B BZOD DU MI 'GRO LA, DON STONG RANG NYID PHYI ROL DON DU GRUB MA GRUB DPYAD PA'I MTHAR RANG NYID RNYED NA DON DAM DPYOD PA'I DPYAD BZOD DU 'GYUR BA'I PHYIR, KHO NA RE, DON STONG DON STONG DU RTOGS PA'I YE SHES CHOS CAN, DON STONG KHYOD KYI RNYED DON YIN PAR THAL, KHYOD DON STONG RTOGS PA'I YE SHES YIN PA'I PHYIR NA 'DIR MA KHYAB, 'DOD NA, DON STONG CHOS CAN, RANG GI STENG GI RNAM DAG LAM GYI DMIGS PA MTHAR THUG YIN PAR THAL, KHYOD KYI STENG GI DON STONG RTOGS PA'I BLO DES KHYOD 'DZIN STANGS SU BYAS PA'I PHYIR TE, RTOG MED DBANG SHES LA LTOS PA'I LTA BA YIN NA KHYOD RNYED PAS KHYAB PA'I PHYIR, RTAGS DON GYIS SONG, 'DOD NA, DE CHOS CAN, RANG STENG GI YONGS GRUB MA YIN PAR THAL, RANG STENG GI GZHAN DBANG YIN PA'I PHYIR, /'A/ KHA CIG 'DI'I DON DU BSAM NAS 'JOG TSUL GNYIS PA'I DON DAM PA NGO BO NYID MED PA LA CHOS KYI BDAG MED PHRA MOS KHYAB PAR 'DOD PA MI 'THAD PAR THAL, RGYAS BSHAD KYI SHUGS BSTAN LA GANG ZAG GI BDAG MED PHRA MO YONG ZHING, DE YANG DON DAM YIN PA'I PHYIR, DBUS MTHA' LAS, RNAM DAG SPYOD YUL RNAM GNYIS TE, ,GCIG PU KHO NAR BRJOD PA YIN, ,ZHES GSUNGS PA'I PHYIR, BYAS PA LA KHA CIG ,'PHAGS PA'I MNYAM GZHAG YE SHES KYI 'DZIN STANGS KYI BDAG MED DE LA GNYIS YOD KYANG, YONGS GRUB NI DE'I NANG NAS CHOS KYI BDAG MED GCIG PU YIN ZHES PA'I DON ZER BA MI 'THAD DE, BLO BRTAN GYI 'GREL BSHAD LAS, RNAM PAR DAG PA'I SPYOD YUL 'DI RNAM PA GNYIS NI YONGS SU GRUB PA'I NGO BO @18A *, ,NYID GCIG PUS BRJOD DE, ZHES GSUNGS PA'I PHYIR, GONG GI DBUS MTHA' RTZA BAR YANG, ,GANG ZAG DANG NI CHOS RNAMS KYI, ,DNGOS PO MED 'DIR STONG PA NYID, ,CES GSUNGS SHING, 'GREL BSHAD LAS, YE SHES RNAM PA GNYIS KYI YUL NI CHOS NYID YIN PAS ZHES GSUNGS PA'I PHYIR, NYAN RANG GI MTHONG LAM BAR CHAD MED LAM CHOS BZOD DU SONG BA'I YUL YANG MED PAR 'GYUR TE, DE GANG LA CHOS BZOD DU SONG BA'I YUL DE'I NGO BOR MTHONG SPANG ZAD PA 'GOG BDEN DU 'DOD DGOS LA, 'GOG BDEN DON DAM PAR MA GRUB NA THAR PA DON DAM PAR MA GRUB DGOS LA, 'KHOR 'DAS DON DAM PAR YOD MNYAM YIN DGOS PAR GSUNGS PA'I PHYIR, KHYAB STE, NYAN RANG CHOS KYI BDAG MED MI SGOM PAS DE'I NGO BOR SGRIB PA ZAD DON MED CING, DE'I PHYIR NYAN RANG GI 'GOG BDEN LA GANG ZAG GI BDAG MED PHRA MOS KHYAB PA'I PHYIR, 'DI LA SGOM SDE NAM MKHA' RGYAL MTSAN SOGS KYIS STONG THUN LTAR NA BDAG MED YONGS GRUB YIN TE, DE NYID LAS, YONGS GRUB NI GZHAN DBANG GI STENG DU BDAG 'DZIN GNYIS KYIS KUN BTAGS PA LTAR GRUB PA'I STONG PA'I DE BZHIN NYID DE ZHES GSUNGS PA'I PHYIR, 'ON KYANG DON DAM BDEN PA MIN TE, DE NYID LAS, SEMS TZAM PA DANG DBU MA RANG RGYUD PA DAG GANG ZAG GI BDAG MED DON DAM BDEN PAR MI 'DOD CING ZHES GSUNGS PA'I PHYIR, DON DAM BDEN PA MIN KYANG LUNG SNGA MA DANG MI 'GAL TE, GANG ZAG GI BDAG MED KYI DBANG DU BYAS PA'I DE BZHIN @18B NYID YIN PA LA DGONGS PA'I PHYIR ZER, YIG CHAR GANG ZAG GI BDAG MED DON DAM BDEN PA YANG YIN MOD STONG THUN LAS DE DON DAM MA YIN LA, GANG ZAG GI BDAG 'GOG PA'I RIGS PA KUN RDZOB DPYOD BYED DU GSUNGS PA GANG ZAG GI BDAG MED SPYI LDOG LA DGONGS GSUNGS PA'I DON GANG ZHE NA, GANG ZAG GI BDAG MED RANG LDOG LA DGONGS ZER BA MI RIGS TE, RANG LDOG KUN RDZOB YIN NA DGONGS PA 'GREL MI DGOS PA'I PHYIR, KHA CIG BDAG MED PHRA RAGS GNYIS SU MA PHYE BA'I GANG ZAG GI BDAG MED SPYI TZAM PA YIN ZER, DE LA BDAG MED GNYIS SU DBYER YOD PAR THAL, SKABS DON 'THAD PA'I PHYIR, 'DOD NA, BDAG MED PHRA RAGS GANG RUNG YIN NA KHYOD YIN DGOS PAR THAL LO, ,DES NA STAG TSANG BA KHYOD KYIS, MA BRTAGS MA DPYAD PA'I SHES BYA CHOS CAN ZER BZHIN DU 'DI 'DRA SMRAS NA MI MDZES SO, ,GZHAN YANG PHRA RAGS GNYIS SU MA PHYE BA'I SDUG BDEN DE SDUG BDEN MA YIN PAR THAL, PHRA RAGS GNYIS SU MA PHYE BAR BDAG BKAG TZAM GYI STONG PA DE BDAG BKAG TZAM GYI STONG PA MA YIN PA'I PHYIR, 'DOD NA, LHAG MED DGRA BCOM PA CHOS CAN, KHYOD KYI RGYUD LA SDUG BDEN SPYI TZAM PA YOD PAR THAL, PHRA RAG GNYIS SU PHYE BA'I DE MED KYANG MA PHYE BA'I DE YOD PA'I PHYIR, KHYAB STE, SPYI TZAM GYI DON KHYOD LA 'THAD PA'I PHYIR, RANG LUGS LA STONG THUN GYI LUNG DON YOD DE, GRUB MTHA' BZHI PO GANG RUNG GIS BDAG BKAG PA'I STONG PAR 'DOD RGYU'I BDAG MED PHYAG RGYA BZHI'I YA GYAL GYI BDAG MED TZAM LA BYA BA'I PHYIR, RTAGS YIG CHA DANG STONG THUN GNYIS KA'I 'BREL GYIS @19A *, ,GRUB, SKABS 'DIR DRANGS PA'I STONG THUN NAS RANG SDE KHA CIG RTAG GCIG RANG DBANG CAN GYI GANG ZAG TU 'DZIN PA GANG ZAG GI BDAG LTA LHAN SKYES SU 'DOD GSUNGS PA LTAR NA, GNAS MA BU PAS RANG RKYA THUB PA'I RDZAS YOD KYI STONG PA KHAS MA BLANGS PA 'DRA STE, DE 'DOD NA 'DI BDAG MED RAGS PAR 'GRO DGOS PAS SO, ,'ON KYANG RANG RKYA THUB PA'I RDZAS YOD DU MI 'DOD DE, BDAG RANG RKYA PA'I RDZAS SU YOD NA PHUNG PO LAS NGO BO THA DAD PAR BRJOD DU MED ZER DON MED PA'I PHYIR DE DANG, THA DAD DU BRJOD PA'I PHYIR, 'ON KYANG CHEN PO RNAMS KYI DOGS PA'I GNAS YIN PAS KHA TSON BCAD DKA'O, ,DE DAG GI DON LA KHA CIG NA RE, GANG ZAG GI BDAG MED RTOGS PA'I LTA BA DE DBU MA'I LTA BA YIN PAR THAL, GANG ZAG GI BDAG MED DE DBU MA YIN PA'I PHYIR NA 'DIR MA KHYAB, YANG DE CHOS CAN, DON DAM DPYOD PA'I RIGS SHES KYI RNYED DON YIN PAR THAL, 'DOD PA'I PHYIR, 'DOD NA, KHYOD RTOGS PA'I RIGS SHES DE DON DAM DPYOD PA'I RIGS SHES YIN PAR THAL, 'DOD NA, NYAN THOS SDE PA'I RGYUD KYI GANG ZAG GI BDAG MED RTOGS PA'I RIGS SHES CHOS CAN, DON DAM DPYAD NAS RNYED PA'I RIGS SHES YIN PAR THAL, DON DAM DPYOD PA'I RIGS SHES GANG ZHIG , KHYOD GANG LA RIGS SHES SU SONG BA'I YUL DE KHYOD KYI RNYED PA YANG YIN PA'I PHYIR NA, RNAM PA GCIG TU MA KHYAB, 'DOD MI NUS TE, NYAN THOS SDE PAS GNAS LUGS KYI DON MA RNYED PA'I PHYIR TE, GNAS LUGS RTOGS PA'I LTA BA MA RNYED PA'I PHYIR, @19B 'DI DAG HA CANG BLOR BDE BA ZHIG MI 'DUG KYANG, STONG THUN LAS, 'GOG BDEN YIN NA DE BZHIN NYID YIN PAS KHYAB PAR 'DOD PA LA DBU SEMS KYI MKHAS PA SU YANG MI MTHUN PA MED DO, ,DE LTAR NA NYAN THOS 'PHAGS PA CHOS CAN, KHYOD KYIS CHOS NYID MNGON SUM DU RTOGS PAR THAL, KHYOD KYIS 'GOG BDEN MNGON SUM DU RTOGS PA'I PHYIR, RTAGS GSAL DNGOS SU KHAS BLANGS SHING, KHYAB PA YANG DON GYIS KHAS BLANGS PAS, ZHES PA NAS, GRUB MTHA'I NANG 'GAL CHEN PO'O, ,ZHES GSUNGS PAS, DE TZAM LAS BSHAD MI BDE BAS DES 'GRIG PAR BYA DGOS SO, ,DBU MA'I MTHA' DPYOD LAS, 'DI PA'I LHAN SKYES RDZAS YOD DANG, RANG SDE GZHAN GYI LHAN SKYES RDZAS YOD DANG, RANG SDE KUN GYI KUN BTAGS SU 'DOD PA'I KHYAD PAR GSUM YOD DE ZHES PA NAS, MI 'JIGS PA'I RTAG PA DANG CHA MED PA'I GCIG PUR 'DZIN PA DE GSUM PA YIN PA'I PHYIR GSUNGS PA YANG PHAL CHE BA LA DGONGS TE, MANG BKUR SDE LNGA'I BDAG RANG RKYA BA'I RDZAS SU MED PAR 'DOD NA, BRJOD MED ZER DON MED DE, PHUNG PO LAS NGO BO THA DAD DU GNAS PA'I NUS PAS STONG PAR KHAS BLANGS YOD PA'I PHYIR, /YA/ 'DIS SGRUB PA RANG DBANG BA NI SNGAR BSHAD PA'I NGES DON RGYA MTSO LTAR SEMS CAN THAMS CAD LA YOD PA'I ZAG MED YE SHES YIN TE, KARMA PA'I PHAR PHYIN LAS, GZUNG 'DZIN GNYIS MED KYI YE SHES DE NYID LA GNAS LUGS MTHAR THUG TU 'JOG PA'I DBU MA CHEN PO KLU SGRUB KYI BSTOD TSOGS DANG, SLOB DPON 'PHAGS PA LHA'I @20A *, ,BZHI BRGYA PA SOGS SU BSTAN PA YIN NO, ,ZHES BSHAD PA'I PHYIR, KHA CIG 'DI'I PHYOGS SNGA CHOS NYID KYI NGO BO YE SHES SU 'DOD MKHAN ZHIG MIN TE, YIG CHAR DES SGRUB PA RANG DBANG BA'I RTAG PAR 'DOD, CES GSUNGS PA'I PHYIR NA MA KHYAB, SGRA TSAD PA RIN CHEN RNAM RGYAL GYI BDE GSHEGS SNYING PO'I MDZES RGYAN LAS, YE SHES KYI NGO BO RTAG PA YIN KYANG RKYEN LA LTOS NAS DON BYED NA, 'DI NI GRANGS CAN PA DANG DPYOD PA GNYIS KYI GZHUNG BTZUG PA YIN PAS, RIGS PA'I DBANG PHYUG RNAM GNYIS KYIS RGYAS PAR BKAG ZIN TO ZHES DANG, SDOM GSUM RAB DBYER, KHA CIG GRANGS CAN LUGS BZHIN DU, ,YOD PA'I DGE BA ZHES BYA BA, ,RANG BYUNG DU NI GRUB PAR 'DOD, , DE LA BDE GSHEGS SNYING PO ZER, ,ZHES DANG, KAR LAN KLU SGRUB DGONGS RGYAN LAS, RNAM 'GREL LAS BSHAD PA'I LTA BA DE THOGS MED SKU MCHED BZHED PA'I DBU MA CHEN PO'I LTA BA YIN NA, RNAM 'GREL DBU MA CHEN PO'I BSTAN BCOS SU BZHED DGOS SHING, DE LTAR BZHED PAR YANG 'DUG PAS, GZUNGS 'DZIN GNYIS MED KYI YE SHES RTAG DNGOS SU BZHED PA DANG 'GAL TE, ZHES SOGS DANG, RANG RIG PA'I YE SHES KYI DNGOS YUL LA SHES PA GCIG LAS 'OS MED SNYAM DU DGONGS PAR 'DUG NA'ANG, ZHES PA NAS, RANG RIG 'DZIN RNAMS KHYAD PAR GSUM LDAN LTA BU GTAN MA YIN PAS 'BREL MED LA, ZHES SOGS LTAR YONGS GRUB RTAG DNGOS KYI YE SHES GCIG LA 'DOD PA'I PHYIR, SEMS TZAM @20B GYI GZHUNG LA DPYOD PA RNAMS LA YONGS GRUB YE SHES SU 'GYUR SNYAM PA 'BYUNG NYE BAS, DRANGS MA THAG PA LTAR 'OG TU YE SHES RANG RIG GI DOGS GCOD KYANG MDZAD DGOS BYUNG BA YIN LA, tIK CHEN LE'U GSUM PA'I SHOG GRANGS DON GSUM PAR YANG SEMS KYI RANG BZHIN 'OD GSAL BA DE NYID GNYIS MED KYI NGO BO LAS G-YO BA MED PA'I CHA NAS 'GYUR MED YONGS GRUB YIN KYANG, YE SHES MIN NA RDZAS SU MED PAS BTAGS YOD DU 'GYUR BA'I PHYIR, BDEN GRUB TU 'DOD PA DANG 'GAL BAR GSUNGS PA DANG, SPYAN RAS GZIGS BRTUL ZHUGS KYIS SEMS TZAM PA 'GOG BDEN RDZAS SU 'DOD PAR GSUNGS PA YANG DOGS PA DES BYAS SO, ,YANG KHA CIG ,DE'I YONGS GRUB DNGOS POR MI 'DOD DE, STONG THUN LAS, STONG GZHI BDE GSHEGS SNYING PO DNGOS MED DE NYID GZHAN DBANG DNGOS PO 'DUS BYAS KYI TSOGS KYIS STONG PA'I GZHAN STONG GZHUNG DE DAG GIS BSTAN NA SNYAM DU BZUNG NAS ZHES GSUNGS PA'I PHYIR NA MA KHYAB STE, DES DNGOS POR 'DOD KYANG 'DU MA BYAS SU SMRAS PAS DNGOS PO'I DON MED PA LA DGONGS PA'AM YANG NA BDE GSHEGS SNYING PO DON DU DNGOS MED YIN PA LA DGONGS SO, /RA/ ,NGO BO NYID MED PA GSUM GA'I MTHAR DBU MA PA'I 'JOG LUGS DANG MI MTSUNGS TSUL RE RE GSUNGS PAS, KUN BTAGS RANG MTSAN GYIS MED PAS MTSAN NYID NGO BO NYID MED PAR 'DOD PA 'DRA YANG MED RGYU'I RANG MTSAN MI 'DRA BA DANG, GNYIS PAR SEMS TZAM PA BDAG SKYES LA SBYAR ZHING, DBU MA PAS RANG LUGS KYI CHOS BDAG DE'I SKYE BA MED PA LA @021A *, ,SBYAR TE, MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,ZHES SOGS DANG, RTZA SHES LAS, RANG BZHIN RGYU DANG RKYEN LAS NI, ,'BYUNG BAR RIGS PA MA YIN NO, ,ZHES SOGS KYI DON DU 'CHAD DO, ,GSUM PA SEMS TZAM PAS 'DIS DNGOS BSTAN GZUNG 'DZIN RDZAS GZHAN MED PA'I RAB TU PHYE BA TZAM YIN PAS, DON DAM PA NGO BO NYID MED PA ZHES TSIG ZUR GYI DON DAM DE MED RGYU'I DGAG BYA LA SBYAR ZHING, DBU MA PAS CHOS NYID MED DGAG RANG GI NGO BO LA STE RANG GI STENG DU RANG MTSAN MA GRUB PAS DON DAM PA NGO BO NYID MED PA ZHES TSIG ZUR GYI DON DAM DE DON DAM DNGOS LA BYAS NAS GSUNGS LA, YANG DON DAM DE DON DAM DNGOS LA BYAS KYANG NGO BO NYID MED CES PA DE DON DAM RANG NYID DON DAM PAR MA GRUB PA LA MA SBYAR BAR DON DAM DE CHOS GZHAN DON DAM PA GRUB PA BKAG PAS RAB TU PHYE BA TZAM YIN PAS, NGO BO NYID MED PAR BSHAD LUGS GCIG KYANG YOD DE, DANG PO NI, 'DIR BKOD PA 'DI NYID YIN TE, KUN MKHYEN CHOS 'BYUNG GIS, DGAG BYA BCAD TZAM YIN PAS DON DAM PA NGO BO NYID MED PA 'CHAD PA'I LUGS DANG, DGAG BYA BCAD TZAM GYI MED DGAG DE NYID DON DAM PAR RANG MTSAN GYIS GRUB PA MED PAS, DON DAM PAR NGO BO NYID MED PAR 'CHAD PA'I LUGS GNYIS YOD PAS, DANG PO NI SEMS TZAM PAS BZHED, GNYIS PA NGO BO NYID MED PAR SMRA BAS BZHED, CES GSUNGS, LUGS GNYIS PA NI, DBU MA SNANG BA LAS, DE YANG TSAD MAS YANG DAG @021B PAR GRUB PA'I BDAG NYID KYI DON DAM PA ZHES KYANG BYA LA, NGO BO NYID MED PA'I RAB TU PHYE BA'I PHYIR NGO BO NYID MED PA NYID KYANG YIN NO, ,DE'I PHYIR 'DI NI DON DAM PA NGO BO NYID MED PA YIN NO ZHES GSUNGS, /LA/ ,DE YANG DPER NA THAG KHRA SBRUL DU GRUB PA MED KYANG THAG KHRA SBRUL SNANG MED MI DGOS LA, RTZA BA'I THAG KHRA MED NA THAG KHRA SBRUL SNANG YANG GTAN MED DGOS PA BZHIN TE, SNGA MA NI BLO 'KHRUL BA'I SNANG CHA TZAM YIN PAS, 'JOG BYED GZHAN MED KYI, BLO LA SNANG TZAM MAM RTOG PA'I BTAGS TZAM GYIS 'JOG NUS PA LTAR KUN BTAGS RTOG PA'I BTAGS TZAM GYIS 'JOG NUS LA, THAG KHRA NI DON RANG GI NGOS NAS THAG KHRAR GRUB PA BLO'I SNANG BA TZAM GYI DBANG GIS BZHAG PA MIN PA ZHIG DGOS PAR LTAR, GZHAN DBANG NGES PAR RANG MTSAN GYIS GRUB PA ZHIG DGOS TE, DE MIN NA THAG KHRA SBRUL DU RLOM PA DANG 'DRA BAR BLO'I RLOM PA TZAM YIN PAS, THAG PAS SBRUL DER GZHAN LA 'TSO BA SOGS KYI NUS PA MED PA LTAR, GZHAN DBANG LA YANG 'BRAS BU SKYED PA SOGS KYI NUS PA MED DGOS TE, RNAM 'GREL LAS, GAL TE KUN LA NUS MED NA, ,SA BON SOGS NI MYUG SOGS LA, ,NUS MTHONG GAL TE DE KUN THOB, ,'DOD NA CI STE DE LTAR 'GYUR, ,ZHES DANG, RNAM 'GREL tIK CHEN DU RTZA BA'I 'GYUR BCOS NAS DRANGS PA LAS, DON BYED NUS PA GANG YIN PA, ,DE 'DIR DON DAM YOD PA STE, ,ZHES PA LTAR, NGO BO NYID MED PAR SMRA BAS 'DUS BYAS THAMS CAD DON DAM PAR MED PAR SMRA BA NI DON GYIS 'BRAS BU SKYED PA'I NUS PA YANG MED PAR KHAS BLANGS SONG @022A *, ,BAS, SA BON GYI MYU GU SKYED PA LTA BU 'JIG RTEN GYI MTHONG BA DANG 'GAL LA, DE BSKYED KYANG SKYED PA KUN RDZOB TU YIN NO ZHE NA, DE SKYED NA DON DAM PAR SKYED PA LAS MA 'DAS PAS, DE SKYED PAR 'DOD BZHIN DU DE SKYED PA KUN RDZOB TU YIN NO ZHES SMRA MI RIGS PAR GSUNGS TE, NGAS MI DE MTHONG YANG MTHONG BA RDZUN YIN ZER BA LTA BU ZHIG TU SONG BAR DGONGS SO, ,DE LTAR RANG BZHIN GYIS SKYE BA MED NA SKYE BA SNGON DU 'GRO BA'I 'GAG PA YANG MED DGOS LA, DER MA ZAD RANG BZHIN GYIS MED NA DE LAS LHAG PA'I 'GAG LUGS MED PAR BZHED CING, DBU MA PA DAG NI, 'GREL PA DON GSAL LAS, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED PA LA KUN RDZOB TU YANG 'GAG GO ZHES BYA BA 'GAG PA DANG, ZHES 'GAG PA ZAB PA YIN PAS DNGOS SMRA BA'I BLOR MA SHONG BAR 'CHAD DO, ,GZHAN DBANG BDEN GRUB TU SGRUB PA'I RIGS PA'I GNAD BSDUS PA NI, STONG THUN LAS, GZHAN DBANG GI NGO BO BDEN PAR MED NA 'BRAS BU SKYED NUS KYI RDZAS SU MED DGOS PAS GTAN NAS MED DGOS LA, ZHES GSUNGS TE, 'DIR RDZAS NI RANG GI NGOS NAS 'BRAS BU SKYED PA'I MTHU DANG LDAN PA ZHIG LA 'DOD PAS RGYU 'BRAS 'JOG PA LA DE NGES PAR DGOS PAR 'DOD PAS, 'JUG PAR YANG, GZHAN GYI LTAR NA RDZAS LA CHAGS PA YI, ,'JIG RTEN GRAGS PA'I RNAM BZHAG KUN KYANG BRLAG ,CES GSUNG STE, THAL 'GYUR BAS RDZAS YOD BKAG PA YANG 'DI YIN GYI, RDZAS @022B GCIG THA DAD KYI RDZAS NYER LEN SOGS LA BYED PAS MI 'GOG GO ,DE'I PHYIR RDZAS GCIG YOD KYANG RDZAS GRUB YOD MI DGOS TE, BDEN PA'I GCIG YOD KYANG BDEN GRUB YOD MI DGOS PA BZHIN NO, ,DE LTAR MA PHYE NA, RNAM BSHAD DGONGS PA RAB GSAL LAS, BUM PA NI RDZAS MIN TE GZHAL BYA YIN PA'I PHYIR, DPER NA RMI LAM GYI BUM PA BZHIN NO, ,ZHES SUN 'BYIN PA DE LTA BU LA SOGS PA'I YUL LA 'JIG RTEN GYIS GNOD KYI, ZHES 'JIG RTEN GYI DNGOS PO 'JIG RTEN NA GRAGS PA'I SEL BA YIN PAS MI RUNG BAR GSUNG BA'I PHYIR DANG, RDZAS RIN THANG TSANG BA MED NA PHAM PA GNYIS PA YANG MED PAR 'GYUR BA'I PHYIR, ZHES SMRA'O, ,GZHAN DBANG DE LTAR YIN DU CHUG KYANG KUN BTAGS DANG YONGS GRUB 'DUS MA BYAS SU 'DRA BA LA BDEN PAR YOD MED GANG GIS DBYE ZHE NA, SNGAR GYI DPE DES 'GRUB STE, THAG KHRA'I SBRUL SNANG DE 'KHRUL PA TZAM GYIS BZHAG PA YIN KYANG, SBRUL GYIS STONG PA DE RLOM PA TZAM GYIS MI 'GRUB PAR DON STENG DU GNAS PA ZHIG DGOS TE, RLOM PA TZAM GYIS 'GRUB NA THAG KHRAS KYANG STONG PAR RLOM PAS, DE STONG PAR 'GYUR DGOS PA LA MI 'GYUR BA NI, SNGA MA DNGOS PO GSHIS SU GRUB PA'I RTAGS YIN PAS, 'DIR YANG YONGS GRUB DE NYID DNGOS PO'I GSHIS SU 'GYUR BA LA RLOM TZAM MA YIN PA ZHIG DGOS PAR GSUNGS SO, ,GZHAN DAG NA RE, DE LTA NA THAG KHRA SBRUL GYIS STONG PA DANG, SHES BYA DANG, NAM MKHA' SOGS DON DAM DU 'GYUR RO ZHE NA, RLOM PA TZAM GYIS 'JOG MI NUS KYANG RLOM PAS BZHAG TZAM YIN PA MI @023A *, ,'GAL TSUL 'CHAD PAR 'GYUR RO, ,CHOS NYID LA MI MTSUNGS TE, DE 'JOG BYED GTZO BO 'PHAGS PA'I MNYAM GZHAG SO SO RIGS PA'I YE SHES YIN LA, THAG KHRA SBRUL GYIS STONG PA SOGS 'JOG BYED GTZO BO TSUR MTHONG GI GNYIS SNANG 'KHRUL PA'I RTOG PA YIN PA NGO BO NYID MED PAR SMRA BA KHYOD KYANG 'DOD PA'I PHYIR, KHYAB STE, SNGA MA GANG GI NGOR 'JOG PA DE'I NGOR GZHI DE KHEG DGOS LA, PHYI MA'I SBRUL GYIS STONG PA'I THAG KHRA NGES PA'I SHUGS KYIS STONG PA DE YANG NGES DGOS SHING, DE'I SNANG CHA TZAM LAS ZUR NA STONG PA GTAN LA DBAB RGYU MED PA'I PHYIR TE, STONG NYID LA SPROS BRAL ZHES BSHAD KYANG MED DGAG THAMS CAD LA MA BSHAD PA'I PHYIR, /SHA/ DE YANG MDO SDE RGYAN LAS, JI SKAD BSHAD BZHIN DON MIN BCOM LDAN DGONGS PA SHIN TU ZAB, ,MKHAS PA RNAMS KYIS TSUL BZHIN BRTAGS NA CHOS 'DIS SKRAG MI 'GYUR, ,ZHES PA LTAR, SHER MDOR RANG BZHIN MED PAR GSUNGS PA SGRA JI BZHIN DU ZHEN MI RUNG BA'I LUGS YIN PAS LUGS 'DIR DE LTAR ZHEN NA MED PAR LTA BA DANG MTSAN NYID MED PAR LTA BA CAN DU 'GYUR BAR GSUNGS LA, DE GNYIS KYI DON GANG ZHE NA, RGYA NAG 'GREL CHEN LAS, MED PAR LTA BA DANG MTSAN NYID MED PAR LTA BA'O,, LTA BA GNYIS PO 'DI LA YANG BSHAD PA RNAM PA GNYIS YOD DE, KHA CIG NA RE MED PAR LTA BA ZHES BYA BA NI GZHAN GYI DBANG DANG YONGS SU GRUB PA MED PAR SKUR BA'O, ,MTSAN NYID MED PAR LTA BA ZHES BYA BA NI KUN BTAGS MED PAR SKUR @023B BA'O; ;ZHE'O, ,ZHES SOGS KYIS MTSAN NYID GSUM LA CHA PHYE NAS SBYOR TSUL GSUNGS PA YANG, 'DI LTAR GZHAN GYI DBANG GI MTSAN NYID DANG, ZHES SOGS LA 'GRIG PA LTAR SNANG YANG, KUN BTUS LE'U GSUM PAR, BCOM LDAN 'DAS KYI CHOS ME LONG CHEN PO'I CHOS KYI RNAM GRANGS LAS GSUNGS PA, BYANG CHUB SEMS DPA' SGRA JI BZHIN DU TSUL BZHIN MA YIN PAR CHOS RNAMS 'BYED PA LA LTA BA NGAN PA NYI SHU RTZA BRGYAD 'BYUNG STE, LTA BA NGAN PA NYI SHU RTZA BRGYAD PO DAG GANG ZHE NA, MTSAN MAR LTA BA DANG, BTAGS PA LA SKUR BA 'DEBS PA'I LTA BA DANG, KUN RTOG LA SKUR BA 'DEBS PA'I LTA BA DANG, DE KHO NA LA SKUR BA 'DEBS PA'I LTA BA DANG, ZHES SOGS DRANGS PA 'DI GNYIS LA DNGOS SU MA SBYAR KYANG DON GYIS SBYOR DGOS PA GONG 'OG GI 'BREL GYIS SHES TE, KUN BTUS DAR tIKA LAS, MED LTA RANG GI NGO BO'I SGO NAS BSTAN PA GCIG ,DE LA YUL GYI SGO NAS PHYE BA GSUM ZHES GSUNGS PA'I PHYIR, KHYAB STE, 'DIS BTAGS PA KUN BTAGS DANG, KUN RTOG GZHAN DBANG DANG, DE KHO NA YONGS GRUB YIN PAS, 'DI GSUM BYE BRAG LA SBYAR NAS MED LTA ZHES PA SPYI LA SBYAR BA GONG DU CHOS THAMS CAD LA MTSAN NYID THAMS CAD KYIS ZHES SOGS DANG CHES 'GRIGS SHING, LTA BA GNYIS KYI RGYAS BSHAD 'DI YIN GYI 'DI LTAR ZHES SOGS, DE'I SGRUB BYED STON PA TZAM YIN PA'I PHYIR, KHA CIG NA RE, GZHAN DBANG DE LTAR YIN KYANG KUN BTAGS LUGS 'DIR YANG 'KHOR LO BAR PAS RANG MTSAN GYIS MED PAR GSUNGS PA LTAR BZUNG DU RUNG STE, @024A *, ,DE RANG MTSAN GYIS MA GRUB PA'I PHYIR ZHE NA MA KHYAB STE, 'KHOR LO BAR PAR GSUNGS PA LTAR GYI RANG MTSAN GYIS GRUB PA DANG, THAL 'GYUR BA'I 'DOD PA LTAR GYI RANG MTSAN GYIS MA GRUB PA GNYIS KHYAD PAR MED PAS KUN BTAGS DE GNYIS GANG DU YANG 'DZIN MI RUNG BA'I PHYIR TE, YOD NA RANG NGOS NAS YOD DGOS PA GANG ZHIG ,DE GNYIS KAS RANG NGOS NAS MED PAR BZUNG BA'I PHYIR, YANG KHO NA RE, SHER MDOS KUN BTAGS RANG MTSAN GYIS MA GRUB PAR MA BSTAN PAR THAL, DES BSTAN PA LTAR GYI KUN BTAGS RANG MTSAN GYIS MA GRUB PAR 'DZIN PA DE KUN BTAGS RANG MTSAN GYIS MA GRUB PAR 'DZIN PA MA YIN PA'I PHYIR NA MA KHYAB STE, RANG NGOS NAS MA GRUB PAR BSTAN NA RTOG PAS PHAR BTAGS TZAM DU STON DGOS LA, DE BSTAN NA RTOG BTAGS TZAM MA YIN PAR GRUB PA KHEGS DGOS PA'I RGYU MTSAN GYIS 'DI'I ZHAR LA BSTAN PAR BSHAD PA YIN PA'I PHYIR, KHO NA RE, DE DE'I SGRAS ZIN SGRA JI BZHIN PA MA YIN PAR THAL, 'DOD PA'I PHYIR ZHE NA, 'DOD PA KHO NA STE, DE'I SGRAS ZIN TSAD MAS BSAL BA GANG ZHIG ,'DI TSAD MAS GRUB PA'I PHYIR, KHO NA RE, GZUGS NAS RNAM MKHYEN GYI BAR CHOS THAMS CAD RANG MTSAN GYIS MED PA 'DI'I SGRAS ZIN SGRA JI BZHIN PA MA YIN PAR THAL, DE'I PHYIR NA MA KHYAB STE, CHOS THAMS CAD LA CHA MA PHYE BAR GSUNGS PA'I GNAD KYIS DE SGRA JI BZHIN PAR MI 'GYUR BA'I PHYIR, KHA CIG GONG DU 'DOD RIGS TE, CHOS THAMS CAD RANG MTSAN GYIS MA GRUB PA'I PHYIR TE @024B CHOS THAMS CAD KUN BTAGS YIN PA'I PHYIR ZER NA, GZUGS NAS RNAM MKHYEN GYI BAR GYI CHOS THAMS CAD BDEN MED DU BSHAD PA'I BSHAD SROL CHEN PO DE NGO BO NYID MED PAR SMRA BA'I SHING RTA'I SROL MA YIN PAR THAL BA DANG, CHOS THAMS CAD NGO BO NYID MED PAR GSUNGS PA SGRA JI BZHIN DU BZUNG RUNG BAR THAL BA DANG, SEMS TZAM PA YANG NGO BO NYID MED PAR SMRA BA YIN PAR THAL BA SOGS SPRO SLA'O, /SA/ ,DGONGS 'GREL LAS, NGO BO NYID MED PA RNAM PA GSUM PO DE DAG LA DGONGS NAS, DRANG BA'I DON GYI MDO BRJOD PA'I RNAM PA 'DI LTA STE, CHOS THAMS CAD NGO BO MED PA, MA SKYES PA, MA 'GAG PA, BZONG MA NAS ZHI BA, RANG BZHIN GYIS YONGS SU MYA NGAN LAS 'DAS PA'O, ,ZHES CHOS STON TO, ,ZHES NGO BO NYID MED PA GSUM GA LA DGONGS PAR DNGOS SU GSUNGS KYANG, 'DIR GNYIS SMOS PA MTSAN GZHI'I DBANG DU BYAS TE, KUN BTAGS DANG YONGS GRUB DGONGS GZHIR DNGOS SU GSUNGS KYANG, GZHAN DBANG DNGOS SU MA GSUNG BA'I DON NO, /HA/ ,KHA CIG DGONGS 'GREL GYI LUNG 'DIS KYANG MDOR BSTAN DNGOS BSTAN GYI MTSAN NYID NGO BO NYID MED PA KUN BTAGS YIN PAR 'GRUB STE, DE DANG 'DIR MA SKYES PA SOGS SU GSUNGS PA'I DGONGS GZHI'I MTSAN NYID NGO BO NYID MED PA 'DRA BA GANG ZHIG ,'DI KUN BTAGS YIN PA'I PHYIR, DER THAL, 'DI SKYE 'GAG DANG BRAL BAS DE'I DGONGS GZHIR GSUNGS LA, SKYE 'GAG MED PA'I RGYU MTSAN DU RANG MTSAN GYIS GRUB PA BKOD PAS MTSAN NYID GZHAN GNYIS SU MI RUNG BA'I PHYIR ZER NA, 'DIR MTSAN @025A *, ,NYID NGO BO NYID MED PA DES DNGOS SU MA BSTAN PAR SMRA MI NUS LA, DE LTA NA DE SKYE 'GAG MED PAR GSUNGS PA'I RGYU MTSAN YANG DNGOS SU STON DGOS PAS, DE'I SHES BYED LA 'OL SPYI TZAM DU RUNG YANG GTZO BO'I DON MIN TE, 'DIR MTSAN NYID NGO BO NYID MED PA ZHES PA GZHI LDOG GI KUN BTAGS GTZO CHE YI, RANG LDOG GTZO MI CHE BA'I PHYIR TE, RANG LDOG GI DBANG DU BYAS PA YIN NA SKYE BA NGO BO NYID MED PA DNGOS SU MI GSUNGS PA'I RGYU MTSAN MED PA'I PHYIR, 'DI LA YANG RIGS SMRA RLOM PA KHA CIG NA RE, 'DIR BSTAN 'KHOR LO BAR PAS GZUGS NAS RNAM MKHYEN GYI BAR GYI CHOS THAMS CAD MA SKYES PAR GSUNG BAR THAL, MA SKYES PA SOGS SU GSUNGS PA'I DGONGS BZHI 'CHAD RIGS PA'I PHYIR NA MA KHYAB STE, RANG GI MTSAN NYID KYIS MA SKYES PAR GSUNGS PA'I DGONGS GZHI YIN PA'I PHYIR, 'DOD MI NUS TE, DES GZUGS SOGS MA SKYES PAR MA GSUNGS PA'I PHYIR TE, THAL 'GYUR BA LA GZUGS SKYE BA MED PAR STON MI DGOS PA'I PHYIR, MA GRUB NA, DES THAL 'GYUR BA LA LAS 'BRAS DANG THAR PA SOGS MED PAR BSTAN PAR THAL, LAS DGE BA'I 'BRAS BU BDE BA SOGS SKYE BA MED PAR BSTAN PA GANG ZHIG ,LAS DANG NYON MONGS SOGS 'GAG PA MED PAR BSTAN PA'I PHYIR, /AA/ ,KHA CIG 'DIR MYA NGAN KUN NYON DU GSUNGS PA SEMS TZAM PA'I LUGS BYAS NAS NGO BO NYID MED PAR SMRA BA'I LUGS LA DGAG BYA BDEN GRUB TU 'DOD CES KHYAD 'BYED PA MI RIGS TE, GNYIS KA'I LUGS LA KUN NYON YIN PA'I @025B PHYIR; KHO NA RE, DE'I LUGS LA MYA NGAN LA KUN NYON MI YONG BAR THAL, RANG BZHIN GYI MYANG 'DAS DE STONG NYID YIN PA'I PHYIR NA MA KHYAB RTAGS GRUB STE, BZHI BRGYA PAR, MDOR NA CHOS NI MI 'TSE BAR, ,DE BZHIN GSHEGS PA RNAMS KYIS GSUNGS, ,STONG NYID MYA NGAN 'DAS PA STE, ,'DIR NI DE GNYIS 'BA' ZHIG GO ,ZHES DANG, DE'I DAR tIK LAS, DES NA MTHO RIS THOB BYED KYI CHOS NI MDOR NA MI 'TSE BAR DE BZHIN GSHEGS PAS GSUNGS SO, ,THAR PA THOB PAR BYED PA'I CHOS NI, CHOS RNAMS RANG BZHIN GYIS GRUB PA'I STONG PA NYID RANG BZHIN GYI MYANG 'DAS DANG ZHES GSUNGS PA'I PHYIR, DE LA KHO NA RE, MYA NGAN LA KUN NYON BZHAG NAS MYANG 'DAS STONG NYID DU BSHAD TSUL JI LTAR YIN ZHE NA, 'DI NI CHES 'GRIG PA ZHIG YIN TE, RTZA SHES LAS, LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES DANG, ZLA BA'I 'GREL PA TSIG GSAL LAS, LAS DANG NYON MONGS PA LOG PA'I SKYE BA LDOG PA DE'I PHYIR STONG PA NYID KHO NA SPROS PA THAMS CAD LOG PA'I MTSAN NYID CAN YIN PAS MYA NGAN LAS 'DAS PA ZHES BYA'O, ,ZHES PA LTAR YIN TE, DPER NA NAM MKHA' GZUGS CAN GZHAN GYIS SGRIB PA'I TSE DE'I BDAG NYID DU SONG NA NAM MKHA' YANG GDOS BCAS SU 'GRO BA LA, DER MA SONG BAR THOGS REG BCAD TZAM DU GNAS PA DE GA NAM MKHA' YIN PA LTAR, SEMS KYI NGO BO DRI MAS SGRIB KYANG RANG BZHIN LA MA ZHUGS PAR RANG BZHIN LAS NYON GYI SPROS PA DE DAG GIS DBEN ZHING RNAM PAR DAG PA'I CHA @26A *, ,DE RANG BZHIN GYI MYANG 'DAS YIN TE, SLOB PA'I TSE MYA NGAN DE RANG BZHIN LA MA ZHUGS PA'I CHA NAS RANG BZHIN GYI MYANG 'DAS ZHES GSUNGS LA, MI SLOB PA'I TSE MYA NGAN DES RANG GI NGO BO TZAM YANG SGRIB MI NUS PAS MYANG 'DAS DNGOS KYI SGRA THOB BO, ,DES NA RANG BZHIN GYI MYA NGAN DANG DE'I TSIG ZUR GYI MYA NGAN DON MI GCIG STE, RANG BZHIN SMOS PA'I DGOS PA YOD PA'I PHYIR DANG, DPER NA GSER ? GYI RANG BZHIN LA ZHUGS PA'I BTZA' MED CES PAS DE'I RANG BZHIN LA ZHUGS PA'I BTZA' YOD PA BKAG KYANG, SPYIR BTZA' YOD PA MI 'GOG PA LTAR YIN PA'I PHYIR, SEMS TZAM PA YANG RANG BZHIN DRI MAS MA BSLAD PA'I 'OD GSAL BA TZAM 'DOD KYANG, RTOG BTAGS TZAM MA YIN PAR DRI MA KHO RANG GI NGOS NAS SEMS KYI NGO BO SGRIB PA DE DBU MA PAS RANG BZHIN BSLAD PA'I DON DU 'DOD DE, DE LTAR SGRIB PA YIN NA 'BRAL MI RUNG DU 'DOD PA'I PHYIR, SEMS TZAM PAS DE NGO BO SGRIB PA TZAM DU 'DOD DE, DE 'DRA ZHIG MA BYUNG NA SGRIB PAR RLOM TZAM YIN PAS SGRIB PA DNGOS SU MI 'GYUR LA, DE'I PHYIR GANG ZAG THAMS CAD SANGS RGYAS SU 'GYUR ZHING KUN NYON GYI CHOS RNAMS YE MED DU 'GRO BAR 'DOD DO, ,GNAD 'DI MA GO BAR RANG BZHIN ZHES PA'I TSIG TZAM LA RE BAS GRUB MTHA'I GTING DPOG GA LA NUS TE, MTHAR THUG THEG PA GCIG DANG THEG GSUM 'DOD PA'I RTZA BA YANG 'DIS BYAS SO, ,RAL GRI'I RTZE NA RNO BA'I RDUL CHAGS PA, ,BRDAR BA TZAM GYIS ZAD PA'I LCAGS NAG MIN, ,SKYES SBYANGS BLO GROS RDO RJE'I GAR BU NI, ,BCAD CING BRDAR @26B ZHING RNON PO'I RANG 'OD 'CHAR, /KI/ ,'DI LA KHA CIG SEMS KYI RANG BZHIN DRI MAS BSLAD PA DANG BRAL BA DE SKABS 'DIS MYANG 'DAS KYI DON YIN PAR THAL, GONG 'OG GI 'CHAD TSUL 'THAD PA'I PHYIR, 'DOD NA DE STONG NYID YIN PAR THAL, 'DOD PA'I PHYIR, 'DOD MI NUS TE, CHOS NYID GZHAN DBANG GIS STONG PA STONG NYID DU 'CHAD PA DOL PO PA SOGS KYI LUGS YIN PA'I PHYIR ZER NA, BLOS SHED MA BYE BA RNAMS LA DOGS PA 'DI SKYE BA SHIN TU BDEN PAS BSHAD PAR BYA STE, PHA ROL POS YONGS GRUB GZHAN DBANG GIS STONG PAR BSHAD PA NI, LANG GSHEGS LAS STONG TSUL BDUN GSUNGS PA'I THA MA SA PHYOGS BUM PAS STONG PA LTA BU DON GZHAN GYI RTEN BRTEN PA'I TSUL DU GRUB PA'I STONG PA YIN LA, STONG GZHI YANG YONGS GRUB KYI STENG GI YIN NO, ,'DIR BSHAD PA NI DRI MA SEMS KYI RANG BZHIN LA ZHUGS NA SEMS KYI RANG BZHIN DANG DE GNYIS YUL DUS GNAS SKABS GANG LA LTOS TE DBYE MI RUNG YIN DGOS PAS SEMS KYI RANG BZHIN MTHONG BA'I YE SHES RNAM PAR MI RTOG PA'I NGO BOR YANG DRI MA LAS NYON BAG CHAGS DANG BCAS PA DE DAG GI SPROS PA KHEGS MI NUS LA, RIGS SHES KYI NGOR KUN RDZOB KYI CHOS YOD PA RIGS NGO'I DGAG BYAR DOL PO PA MIN PA DAG GIS KYANG 'DOD DGOS SO, ,DES NA DE'I STONG GZHIR YANG SEMS DE NYID MI 'ONG STE, SEMS STENG DU CHOS BDAG BTZAL MTHAR SGRUB PHYOGS NAS RNYED RGYU ZHIG BYUNG NA SEMS STONG GI CHOS BDAG YIN DGOS KYI MA BTZAL BA ZHIG RNYED DON MED PA'I PHYIR, 'O NA DE'I MTHAR CHOS NYID KYANG MI RNYED PAR 'GYUR RO SNYAM NA MA YIN TE, MI @27A *, ,ZHIG LA NOR BSLANG BA'I TSE NOR MED CES SMRA BA NA MED TZAM BLO NGOR 'PHEN GYI NOR MED PA DE YOD PAR 'PHEN DON YANG MED LA, DE LAS GZHAN PA'I YOD PA BLOR 'PHEN RGYU YANG MED PA LTAR RAM, GZUGS CAN GZHAN MA MTHONG BA LA NAM MKHA' MTHONG ZHES BTAGS TZAM LTA BU YIN PA'I PHYIR, SDUD PA LAS, NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG YIN DON 'DI RTOGS PAR GYIS, ,ZHES GSUNGS PA'I PHYIR DANG, LCANG SKYA RIN PO CHE'I LTA MGUR DU, PHA RGAN BTZAL BA'I NI MA RNYED PA DE, ,MA RGAN RNYED PA KHO YIN PAR 'DUG PAS, ,ZHES GSUNGS PA'I PHYIR, DE LTA MA YIN NA GNAS LUGS KYI NGO BO SGRIB PA'I DRI MA LAM GYI STOBS KYIS ZAD CHA'I 'GOG BDEN DE STONG NYID MA YIN PAR THAL, GNAS LUGS KHO RANG GI BDAG NYID SLAD BYED KYI DRI MA GDOD NAS ZAD PA DE CHOS NYID MA YIN PA'I PHYIR, RTAGS KHAS KHYAB STE, DE GNYIS LAS PHYI MA CHOS NYID DU 'JOG PA LA DOGS PA YANG CHER MED LA, SNGA MA NI LAM GYI STOBS KYI YIN ZHING, CHOS NYID NI BCOS MA MA YIN PA ZHIG DGOS SNYAM NAS RANG RGYUD PA SOGS 'GOG BDEN CHOS NYID MA YIN PAR BZHED LA, SEMS TZAM PAS DRI MA ZAD PA LAM GYI STOBS KYIS YIN KYANG GANG GI NGOR ZAD PA'I CHOS DBYINGS NI NAM YANG 'GYUR LDOG MED PAS SEMS KYI RANG BZHIN GDOD NAS GNAS PA DE YIN PA'I SKYON MED PAR SMRA STE, 'DIR YANG RTAG PA RTAG PA'I DUS DANG THER ZUG THER ZUG GI DUS SU RNAM PAR GNAS PA'I RGYU MTSAN GYIS SKYE 'GAG @27B MED CING KUN NYON THAMS CAD DANG BRAL BA'I RANG BZHIN GYI MYANG 'DAS SU GSUNGS PA YANG, RGYUD BLA MAR, RNAM BZHAG RNAM PA BCU'I NANG NAS GNAS SKABS KYI DON NGO BO SGRIB BYED YOD MED KYI MING 'DOGS SO SO BAR BYAS KYANG RANG BZHIN NAM YANG DRI MAS BSLAD PA MED PAS SNGA PHYIS DUS KUN DU MI 'GYUR BAR GNAS PA 'GYUR BA MED PA'I DON DU BSHAD PA DANG, RGYAN LAS, PHYI MA PHYI MA'I RTEN YIN PAS, ,ZHES PA LTAR DKYUS GCIG TU SONG BA DGOS KYI SKYE 'GAG MED PA TZAM GYI RGYU MTSAN DU SNGA PHYIS DUS KUN DU RNAM PAR GNAS PA'I PHYIR ZHES BKOD PAS MDO'I DON MI RDZOGS SO, ,GZHAN YANG SEMS KYI RANG BZHIN DRI MAS BSLAD PA MA ZHUGS PA CHOS NYID YIN PAR THAL, SEMS KYI RANG BZHIN 'OD GSAL BA CHOS NYID YIN PA'I PHYIR, RNAM 'GREL LAS, SEMS KYI RANG BZHIN 'OD GSAL DE, DRI MA RNAMS NI GLO BUR BA, ,ZHES GSUNGS PA'I PHYIR, KHYAB STE, 'DI'I RANG BZHIN 'OD GSAL BA DE CHOS NYID LA BYAS NAS NAM MKHA' DANG DPE SBYAR, DRI MA GLO BUR BA SPRIN DANG DPE SBYAR NAS, DE NAM MKHA'I NGO BOR ZAD PA LTAR DRI MA CHOS DBYINGS SU THAD PAR 'DOD PA'I PHYIR, PHAR PHYIN MTHA' DPYOD DU RANG BZHIN DRI MAS MA BSLAD PA'I SHES BYED LA, THEG BSDUS KYI CHU KHAMS GSER DANG NAM MKHA' ZHES SOGS DRANGS PA LE'U DANG PO'I CHOS NYID RGYAS BSHAD KYI SKANGS YIN PA GANG ZHIG ,LE'U BZHI PAR YANG, CHOS KYI DBYINGS NI RANG BZHIN GYIS, ,RNAM PAR DAG PHYIR NAM MKHA' BZHIN, ,GNYIS NI GLO BUR BYUNG BA STE, ,ZHES GSUNG BA'I PHYIR, 'DIS GNYIS ZHES PA DAG MA DAG @28A *, ,GNYIS YIN LA, ZHIB CHA 'GREL BSHAD DU GSAL, DRI MA SEMS KYI RANG BZHIN LA MA ZHUGS PA DE CHOS NYID 'CHAD TSUL GZHAN YANG YOD DE, RNAM 'GREL THAR LAM GSAL BYED LAS, SEMS LA BDAG 'DZIN GYI MUN PA BAB PA DE'I RANG BZHIN LA MA ZHUGS PA'I DON TE, ZHUGS NA BDAG 'DZIN GYI 'DZIN STANGS SEMS KYI GNAS LUGS LA JI LTAR YOD PA DE DANG MTHUN PAR 'GYUR LA, DE LTAR NA BDAG MED MED CING BDAG YOD PAR 'GYUR RO ZHES BDAG 'DZIN DE'I ZHEN TSUL DON GYI SDOD LUGS SU SONG MA SONG LA GSUNGS PAS, DES BZUNG BA LTAR MA GRUB PA DRI MA RANG BZHIN LA ZHUGS PA'I DON DU GSAL BAR BSTAN PA'I PHYIR, DE LTAR MA GO BAR CHOS NYID DRI MAS BSLAD MA BSLAD KYI DOGS PA 'BREL MED SNYAM NAS RANG BZHIN DE BDEN MIN ZHIG TU SMRA BA SOGS MTHONG RGYA CHUNG BAS BLO GU DOGS PAR ZAD DO, /KHI/ ,'DI LA YIG CHAR SKYE BA NGO BO NYID MED PA MA SKYES PA SOGS SU GSUNGS PA'I DGONGS GZHIR DNGOS SU MA BSTAN NA JO NANG PA LA SKYON BSTAN PA DAG GIS KYANG GNOD PAR GSUNGS PA'I TSUL NI, DON DAM PA NGO BO NYID MED PA BAR PA'I DGONGS GZHIR DNGOS SU MA BSTAN NA BAR PA'I YONGS GRUB RANG MTSAN GYIS MED PAR GSUNGS PA'I DGONGS GZHI DNGOS SU MA BSTAN PAR 'GYUR BAS, 'DIR DRANG DON DU DNGOS SU BKRAL BA'I 'KHOR LO BAR PA DER YONGS GRUB RANG MTSAN GYIS MED PAR MA BSTAN PAR 'GYUR ZHES BKAG PA YIN LA, RANG LUGS LA YANG SKYE BA NGO BO NYID MED PA GZHAN DBANG MA SKYES PA SOGS SU GSUNGS @28B PA'I DGONGS GZHIR DNGOS SU MA BSTAN NA, GZHAN DBANG MA SKYES PA SOGS SU GSUNGS PA'I DGONGS GZHI DNGOS SU MA BSTAN PAR 'GYUR TE, KUN BTAGS RANG MTSAN GYIS MED PA LA DGONGS NAS GZHAN DBANG MA SKYES PA SOGS SU GSUNGS ZER DON MED CING, GZHAN DBANG RANG STENG NA DE'I DGONGS GZHIR DNGOS SU BSTAN PA'I SKYE MED CIG MED PA'I PHYIR, 'DOD NA, 'DIR DNGOS SU DRANGS DON DU BKRAL BA'I 'KHOR LO BAR PA DER MA SKYES PA SOGS SU GSUNGS PA'I CHOS KYI NANG NA GZHAN DBANG MED CES SMRA DGOS PAR 'GYUR BA'I DON NO, ,'DI DAG LA DPAG NA YANG SKYE BA NGO BO NYID MED PA GZHAN DBANG KHO NA RANG NGOS NAS MA GRUB PAR GSUNGS PA'I DGONGS GZHI DANG, DON DAM PA NGO BO NYID MED PA YONGS GRUB KHO NA RANG NGOS NAS MA GRUB PAR GSUNGS PA'I DGONGS GZHI YIN TSOD DU SNANG STE, DE MIN NA SKYE BA NGO BO NYID MED PA GZHAN DBANG MA SKYES PAR GSUNGS PA'I DGONGS GZHIR DNGOS SU MA BSTAN KYANG DON DAM PA NGO BO NYID MED PA DER DNGOS SU BSTAN BYAS CHOG PAS, JO NANG PAR BRJOD PA'I SKYON 'JUG DON MED PA'I PHYIR, GONG DU YIG CHA'I GSUNGS ZIN DGONGS PA YIN MIN BRTAGS DGOS ZHES PA'I RGYU MTSAN GCIG 'DI YIN NO, ,DE LA KHO NA RE, DON DAM PA NGO BO NYID MED PA DE MA SKYES PA SOGS SU GSUNGS PA'I DGONGS GZHI MA YIN PAR THAL, DE GZHAN DBANG MA SKYES PAR GSUNGS PA'I DGONGS GZHI MA YIN PA GANG ZHIG ,YONGS GRUB DON LA YANG SKYE BA MED PA'I PHYIR, RTAGS DANG PO KHAS ZER NA MA KHYAB STE, MDO LAS CHOS THAMS CAD SKYE BA MED MNYAM DU GSUNGS @29A *, ,PA DER MTSAN NYID GSUM GA'I STENG NA GO RGYU THUN MONG MA YIN PA RE YOD PAS, DE DGONGS GZHIR BKRAL BA YIN PA'I PHYIR, KHYOD LTAR NA BUM PA RANG MTSAN GYIS SKYE BA MED PAR GSUNGS PA DE CHOS SKU'I NGO BO GONG 'PHEL DU 'GRO RGYU MED PA LA DGONGS PAR THAL, SKYE MED BRGYAD KA THAMS CAD KYI DGONGS GZHIR SBYOR 'DOD 'DUG PA'I PHYIR, YANG KHA CIG NA RE, DGONGS 'GREL GYIS GZHAN DBANG MA SKYES PAR GSUNGS PA'I DGONGS GZHIR DNGOS SU BSTAN PAR THAL; GZHAN DBANG RANG MTSAN GYIS MED PAR GSUNGS PA'I DGONGS GZHIR DNGOS SU BSTAN PA'I PHYIR NA MA KHYAB, RTAGS GRUB STE, NGO BO NYID MED PAR GSUNGS PA'I DGONGS GZHIR DNGOS SU BSTAN PA'I PHYIR BYAS PA LA, 'O NA 'DUS BYAS YIN NA KHYOD KYI GZHAN DBANG KHYOD RANG MTSAN GYIS MED PAR GSUNGS PA'I DGONGS GZHIR DNGOS SU BSTAN PA'I KHYAB PAR THAL, 'DOD PA'I PHYIR, 'DOD NA, GZHAN DBANG SKYE BA CHOS CAN, DER THAL, DE'I PHYIR, 'DOD NA, GZHAN DBANG SKYE MED 'GAG MED SOGS SU GSUNGS PA'I DGONGS GZHIR DNGOS SU BSTAN PAR THAL, SKYE SOGS RANG MTSAN GYIS MED PAR GSUNGS PA'I DGONGS GZHIR DNGOS SU BSTAN PA GANG ZHIG ,SKYE MED KYI DON DE YIN PA'I PHYIR NA MA KHYAB STE, GZHAN DBANG DON DAM PAR SKYE BA MED PAR GSUNGS PA'I DGONGS GZHIR DNGOS SU MA BSTAN KYANG, GZHAN DBANG SKYE BA DON DAM PAR MED PAR GSUNGS PA'I DGONGS GZHIR DNGOS SU BSTAN PA MI 'GAL BA'I PHYIR TE, GZHAN DBANG DON DAM PAR MI SKYE BA GZHAN DBANG GI STENG @29B GI KUN BTAGS YIN LA, PHYI MA GZHAN DBANG SKYE BA'I STENG GI KUN BTAGS YIN PA'I PHYIR, /GI/ DE LA SPYOD YUL NI, RNAM PA RNAM PA SPYOD YUL DANG, ,ZHES DMIGS YUL GYI MING LA SPYOD YUL DU BTAGS PA SKABS DU MAR 'BYUNG ZHING, 'DIR YANG RGYA NAG 'GREL CHEN LAS, GZUGS KYI PHUNG PO LA SOGS PA NI RNAM PAR RTOG PA DE'I DMIGS PA'I RKYEN YIN PA'I PHYIR, DE'I SPYOD YUL ZHES BYA'O, ,ZHES GSUNGS TE, 'DI'I DMIGS RKYEN ZHES PA SNANG BA'I DMIGS RKYEN NAM, DMIGS RKYEN BTAGS PA LA 'CHAD DGOS PAS RNAM PAR RTOG PA YANG GTZO BOR RANG RANG 'DZIN PA'I RTOG PA LA BYA STE, DE BYAS NA DMIGS PA DANG ZHEN GZHI DANG ZHEN YUL SO SOR DBYE MI DGOS PAS SPYOD YUL DNGOS SU YANG RUNG LA, DE DAG GI STENG GI BDAG 'DZIN LTA BU ZHEN GZHI DANG ZHEN YUL THA DAD PA RNAMS KYI DMIGS PA RKYANG BA NI SPYOD YUL DU MI RUNG STE, RNAM MKHYEN YANG BAR CHAD MED LAM GYI SPYOD YUL DU 'DOD NA, SEMS CAN GYI MNGON SUM GYI SPYOD YUL DU MI 'GYUR BAR SANGS RGYAS KHO NA'I MNGON SUM GYI SPYOD YUL DU 'GYUR BA ZHIG MED PAR 'GYUR RO, ,KUN BTAGS PA'I MTSAN NYID KYI GNAS ZHES PA DE 'DOGS PA'I GZHI YIN TE GO SLA LA, GDAGS GZHI BTAGS CHOS SU THAL BA SOGS TSIG SKYON MA BKAG NA GDAGS GZHI PHUNG PO LA BTAGS PA'I CHOS BDAG SOGS SMRA DGOS PAR 'GYUR RO, ,'DU BYED KYI MTSAN MA NI, RGYA NAG 'GREL CHEN LAS, 'DU BYED NI LTA BA'I RNAM PA STE, 'DU BYED LA BYE BRAG TU DMIGS PA'I SHES PA'O, ,MTSAN MA NI RGYU MTSAN GYI RNAM PA STE, DMIGS PAR BYA BA'I MTSAN @30A *, ,MA'O ZHES DANG, 'DU BYED KYI MTSAN MA ZHES BYA BA NI 'DUS BYAS KYI RNAM PA STE, THAMS CAD KYANG GZHAN GYI DBANG GI RNAM PA'I MTSAN NYID DO ZHE'O, ,ZHES THUN MONG MA YIN PA'I KHYAD PAR GYI SGO NAS NGES DGOS PA LA 'CHAD TSUL GCIG DANG, MTSAN MA ZHES PA MTSAN NYID LA BYAS NAS 'DUS BYAS KYI MTSAN NYID DAM 'DUS BYAS KYI NGO BOR GRUB PA TZAM LA BYA TSUL GCIG STE GNYIS BKOD NAS PHYI MA BZANG BAR BSHAD KYANG SNGA MA GNAD CHE STE, 'DUS BYAS KYI CHOS RNAMS BLO YUL DU BYED PA'I TSE RANG RANG GI THUN MONG MA YIN PA'I MTSAN MA STE, MI 'DRA BA'I KHYAD PAR GYI RGYU MTSAN RE RE SHAR BA'I SGO NAS NGES DGOS LA, 'DUS MA BYAS RNAMS SPYI'I RNAM PA YID LA BYA DGOS PA NI MYONG BAS 'GRUB PAS LUGS 'DIR YANG DE RANG SPYI'I DON DU MI 'DOD KYANG SNANG TSUL DE LTAR 'DOD DGOS PA'I PHYIR, 'DRA DANG MI 'DRA NYID PHYIR DANG, ,ZHES PA'I THAD KYI RNAM 'GREL tIKA CHEN LAS, 'DRA BA STE RANG SNANG YUL DU BYED PA'I SHES PA LA THUN MONG BAR SNANG BA DANG, MI 'DRA BA STE RANG SNANG YUL DU BYED PA'I SHES PA LA THUN MONG MA YIN PAR SNANG BA GNYIS SU NGES PA'I PHYIR, ZHES SOGS DANG, RGYU MTSAN GZHAN NI YOD PA NA, ,BLO NI YOD DANG MED PHYIR RO, ,ZHES SOGS RTZA 'GREL RNAMS KYIS KYANG 'GRUB PA'I PHYIR RO, /NGI/ ,SKABS 'DIR tIKA BYED PHAL MO CHES 'DIS DNGOS BSTAN GYI GZHAN DBANG LA CHOS THAMS CAD KYI STENG GI GZHAN DBANG YOD PAR 'DOD DE, NAM MKHA'I GZHAN DBANG LA NAM MKHA' 'DZIN PA'I TSAD MA BZHAG PA'I PHYIR, @30B DE'I RGYU MTSAN YANG CHOS NYID GTAN LA 'BEB PA LA DPYOD PA'I GZHI RANG MTSAN GYIS GRUB PA ZHIG DGOS PA'I PHYIR DANG, STONG GZHI BDEN GRUB CIG MED NA YONGS GRUB KYANG BDEN MED DU 'GRO BAR SEMS TZAM PA YANG KHAS LEN PA'I PHYIR, DANG PO GRUB STE, RNAM 'GREL LAS, RANG GI MTSAN NYID GCIG GZHAL BYA, ,YOD MED NYID DU DPYOD RNAMS KYIS, ,DON BYA DE LAS 'GRUB PHYIR RO, ,ZHES GSUNGS PA'I PHYIR, GNYIS PA GRUB STE, DBU MA PA'I THAD DU'ANG 'DI NYID LAS, CHOS RNAMS RANG GI MTSAN NYID KYI GNAS TSUL JI LTAR YOD DPYOD PA'I DON DAM DU YOD PA LA CHOS CAN MED NA CHOS NYID YAN GAR BAR GNAS PA'I MTHU MED PAS, GZHAN DBANG GI RTEN 'BREL RNAMS RANG BZHIN GYIS GRUB PAS STONG NA YONGS GRUB KYANG RANG BZHIN GYIS MA GRUB PAR 'GYUR ZHES LUGS SNGA MAS KYANG SMRA LA ZHES DANG, RTZA SHES tIKA CHEN LAS, BDEN PAR GRUB PA'I RTEN RDZUN PAS BYED PA 'GAL BA'I PHYIR, TSUL 'DI LA DBU SEMS GNYIS KA MTHUN NO, ,ZHES GSUNGS PA'I PHYIR, DES NA GZUGS DANG GZUGS 'DZIN TSAD MA DANG, DE MYONG BA'I RANG RIG RNAMS KYI CHOS NYID YIN KHYAB MNYAM YIN PAS, 'DUS BYAS STONG PA NYID DANG, 'DUS MA BYAS STONG PA NYID KYANG MI 'GAL LA, LHAS SBYIN 'DZIN PA'I RNAM MKHYEN GYI STONG NYID LHAS SBYIN GYI STONG NYID YIN PAS, LUGS 'DIR RANG BZHIN RNAM DAG GI CHAR GYUR PA'I NGO BO NYID SKU YANG BZHAG DKA' ZHES BSOD GRAGS KYI DRANG NGES RNAM 'BYED DU BSHAD LA, SHAR PA NAM MKHA' RGYAL MTSAN GYIS DE 'DZIN PA'I RNAM MKHYEN GYI CHOS NYID LHAS SBYIN GYI @31A *, ,CHOS NYID MIN YANG, DE'I GZHI MTHUN YOD PAR 'DOD DE LHAS SBYIN DANG DE 'DZIN RNAM MKHYEN RDZAS GZHAN GYIS STONG PA GNYIS KA'I CHOS NYID YIN PA'I PHYIR ZER TE, GNYIS KA'I DE'I RGYU MTSAN DU, RNAM 'GREL LAS, DE PHYIR GNYIS STONG GANG YIN PA, ,DE NI DE YI'ANG DE NYID YIN, ,ZHES DANG, 'ANG SGRA'I DON YOD PA'I PHYIR ZER, LAN RIM BZHIN BSHAD NA, RNAM 'GREL GYI LUNG DON KHYOD LTAR MIN TE, DE'I DON NI SPYIR GZHAL BYA TZAM LA RANG MTSAN GYIS GRUB MI DGOS KYANG, RTOG BTAGS TZAM MA YIN PA'I GZHAL BYA LA RANG MTSAN GYIS GRUB PA DGOS ZHES PA YIN PAS, DE'I RIGS PA CHOS NYID GTAN LA 'BEB PA'I DMIGS PA LA SBYOR NA'ANG, CHOS NYID GTAN LA 'BEBS PA LA DMIGS PA RANG MTSAN GYIS GRUB PA MI DGOS KYANG, RTOG BTAGS TZAM MA YIN PAR RANG NGOS NAS DE'I DMIGS PAR 'GRO BA LA RANG MTSAN GYIS GRUB PA ZHIG DGOS ZHES PA YIN LA, KHYOD KYIS GZHAL BYA LA RANG MTSAN ZHIG DGOS PA LTAR DMIGS PA LA RANG MTSAN ZHIG DGOS ZHES SBYAR BA RGYAB 'GAL YIN PA'I PHYIR, tIKA CHEN LAS, BLOS BTAGS MA YIN PA'I GZHAL BYA NI RANG MTSAN GCIG PU'O, ,ZHES STON PA NI, SHES BYA CHOS CAN, RANG SPYI GNYIS KYI NANG NAS DON RANG NGOS NAS GRUB PA'I GZHAL BYA RANG GI MTSAN NYID GCIG PU YIN TE, MNGON PAR 'DOD PA'I DON BYED PA'I NUS PA YOD MED NYID DU DPYOD PA RNAMS KYIS MNGON PAR 'DOD PA'I DON BYA BA'I NUS PA RANG SPYI GNYIS KYI NANG NAS RANG MTSAN DE KHO @31B NA LA GRUB PA'I PHYIR, ZHES DANG, THAR LAM GSAL BYED LAS, DON DU GNYER BAR BYA BA'I 'BRAS BU YOD MED RNAM PAR DPYOD PA'I RTOGS LDAN RNAMS KYI DON BYA BA NI RANG MTSAN GCIG PU DE LAS GRUB PAS ZHES DANG, GZHAL BYA YIN NA RANG MTSAN YIN PAS KHYAB PA GZHUNG 'DIS BSTAN PAR 'DOD PA NI ZHIB TU MA BTAGS PA STE, ZHES GSUNGS PA'I PHYIR, RTZA 'GREL GUNG MA BSGRIG PAR DRANGS NA 'DI 'DRA YONG NGO, ,'DI NYID KYI LUNG DRANGS PA YANG RIGS SHES KYI DPYAD BZOD KYI DON DAM DER CHOS CAN DANG CHOS NYID YOD MED MTSUNGS DGOS PA'I DON DU GNAS TSUL JI LTAR YOD DPYOD PA'I DON DAM DU ZHES GSAL BAR GSUNGS PAS, KHYOD LTAR DON DAM PAR YOD MED TZAM MIN ZHING, LUNG GSUM PA'I DON YANG, CHOS NYID RANG NGOS NAS GRUB NA DE'I RTEN YANG RANG NGOS NAS GRUB PA ZHIG DGOS KYI, RANG NGOS NAS GRUB GRUB LTAR SNANG YANG BTAGS DON BTZAL NA RNYED RGYU MED PA ZHIG GIS MI CHOG PA'I DON YIN PA'I PHYIR, YIG CHAR LUNG 'DIS DON DAM YANG LUGS RANG RANG GI DGAG BYA'I DON DAM LA SBYAR BA MKHAS PA SNGA MA'I BSHAD PA BKOD TZAM YIN TE, LUNG DE'I 'PHROR, RNAL 'BYOR SPYOD PA'I MKHAS PA RNAMS KYANG YONGS GRUB BDEN PAR GRUB PA LA DE'I RTEN GZHAN DBANG BDEN PAR GRUB DGOS PAR MTHONG NAS, GZHAN DBANG BDEN PAR GRUB STE ZHES GSUNGS PA GANG ZHIG ,SEMS TZAM PA YANG RANG LUGS KYI DGAG BYA'I DON DAM DER GRUB PA MI 'DOD PA'I PHYIR, ,RNAM 'GREL GYI LUNG PHYI MA 'DI DPYAD GZHI CHE STE, tIKA CHEN LAS, GZUNG 'DZIN GNYIS KYIS STONG PA'I @32A *, ,MYONG BA GANG YIN PA DE NI SHES PA DE'I DE KHO NA NYID YIN NO, ZHES PA 'DI KHYOD KYANG SGRA JI BZHIN PAR MI 'DOD LAS CHE YANG, THAR LAM GSAL BYED LAS, GZUNG 'DZIN RDZAS THA DAD GNYIS KYIS STONG PA'I STONG NYID GANG YIN PA DE NI CHOS CAN, GNYIS MED KYI SHES PAR MA ZAD, GNYIS SNANG DE YI YANG DE KHO NA NYID YIN TE, MTHAR THUG DPYAD PA'I RIGS SHES KYI DPYAD BZOD YIN PA DE'I PHYIR ZHES PA'I GNYIS SNANG ZHES PA GZUNG BYA LA BYED SNYAM PA SNANG MOD, DE NI GZUNG BYA LA BYA DGOS KYANG, GNYIS KA'I CHOS NYID KYI GZHI MTHUN BZHAG PAR MI 'GRO BA 'DIS 'CHAD TSUL ZHIG SHES DGOS PA YIN TE, DPER NA RTZA SHES RAB BYED NYER LNGA PAR, MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN TE, ,ZHES PA'I DON 'CHAD PA'I TSE, RIGS PA'I RGYA MTSO LAS, MYA NGAN LAS 'DAS PA'I YANG DAG PA'I MTHA' STONG NYID KYI STONG TSUL GANG YIN PA DE NI, 'KHOR BA'I YANG DAG PA'I MTHA' STONG NYID KYI STONG TSUL YIN TE, ZHES DE'I STONG NYID YIN PA 'DRA BA ZHIG TSIG LA YOD KYANG STONG TSUL GCIG PA'I DON DU GSUNGS PA LTAR 'DIR YANG PHYI'I YUL DANG NANG GI SHES PA GNYIS KA GZUNG 'DZIN RDZAS GZHAN GYIS STONG MNYAM YIN PAS, GNYIS STONG GI DE KHO NA NYID DE GNYIS KA'I STENG DU GNAS TSUL DBYER MED PA'I DON YIN TE, GONG DU, DE PHYIR DON DANG SHES PA LA, ,ZHES SOGS KYIS BZUNG BYA DANG, YONGS GCOD NANG YIN PHYI ROL LTAR, ,ZHES SOGS KYIS 'DZIN PA RDZAS GZHAN BKAG NAS, DE'I DON BSDUR, @32B DE LA GCIG NI MED PAS KYANG, ,GNYIS KA'ANG NYAMS PAR 'GYUR BA YIN, ,DE PHYIR GNYIS STONG GANG YIN PA, ,DE NI DE YI'ANG DE NYID YIN, ,ZHES 'BYUNG BA'I PHYIR, GZHAN YANG LHAS SBYIN DANG DE 'DZIN PA'I RNAM MKHYEN RDZAS GZHAN GYIS STONG PA GNYIS KA'I STONG NYID DU SGRUB PA NI RTZOD PA GZHI MED YIN TE, DE 'DRA'I STONG PA GZHI MA GRUB PA'I PHYIR, SEMS TZAM PA LTAR NA YANG RGYUN THA DAD PA'I GANG ZAG GI SEMS DANG RDZAS GCIG TU MI 'GRO BAR SGRUB PA LA RGYUD GZHAN SGRUB PA ZUR DU GSUNGS PA'I PHYIR, RGYAS PAR 'OG TU 'CHAD DO, /CI/ ,'DI LA KHA CIG YIG CHAR KUN BTAGS KHO NA'I MED RGYU'I NGO BO NYID LA BYA LA, NGO BO NYID MED PA GZHAN GNYIS KYI MED RGYU'I NGO BO NYID LA MI BYED CES STON PA LA NGO BO NYID DE KHO NA'I ZHES GSUNGS PA'I PHYIR, ZHES PA'I DON DU BSAM NAS 'DIR MED RGYU'I NGO BO NYID DE MTSAN NYID NGO BO NYID MED CES PA'I MED RGYU'I MTSAN NYID DANG, DON DAM PA NGO BO NYID MED CES PA'I DON DAM PA NGO BO NYID DANG, SKYE BA NGO BO NYID MED CES PA'I MED RGYU'I SKYE BA NGO BO NYID GSUM GYI DANG PO KHO NA LA BYED ZER, YIG CHA'I MDOR BSTAN RGYAS BSHAD DU YANG, SKABS 'DIR DNGOS BSTAN GYI NGO BO NYID MED PA GSUM PO GANG GI YANG NGO BO NYID MED PA GCIG YONGS GRUB TU 'JOG MI RIGS PAR THAL, MTSAN NYID NGO BO MED PA DE MA YIN PA GANG ZHIG ,GZHAN GNYIS MA YIN PA'I PHYIR NA RTAGS DANG PO MA GRUB CES DE YIN RGYU 'DRA BA ZHIG GSUNGS 'DUG KYANG DGONGS PA BTZAL NA 'DI'I MED RGYU LA DON DAM PA NGO BO NYID MED PA'I MED RGYU DE YANG YOD KYANG DE NI YONGS @33A *, ,GRUB NGOS BZUNG BA'I ZHAR BYUNG TZAM YIN LA, DGAG BYA NGOS BZUNG BA'I CHED DU GSUNGS PA NI MTSAN NYID NGO BO NYID MED PA YIN PAS, STON PA PO'I BRJOD 'DOD KYI CHA NAS 'DI GTZO CHE BA LA DGONGS TE, DE LTA MIN NA DON DAM PA NGO BO NYID MED CES PA'I MED RGYU LA CHOS BDAG MI YONG BAR THAL, KHO NA'I SGRAS DE BKAG PA'I PHYIR, RTAGS KHAS, 'DOD NA, DON DAM PA NGO BO NYID MED PA LA CHOS KYI BDAG MED PHRA MO MI YONG BAR THAL LO, ,KHYOD LTAR NA JO NANG PA LA SKYON STON MTSAMS KYANG MI 'GRIGS PAS GSUNG 'DI DAG DKRUGS MI RUNG NGO, ,JO NANG PA LA SKYON STON MTSAMS KYI GNAD KYANG 'DI NA YOD DE, SNGAR BSHAD PA LTAR CHOS NYID SGRUB PA RANG DBANG BA ZHIG BZHAG PA DE SHER MDOR SKABS SU STONG GZHIR BZUNG NAS BDEN MED DU GSUNGS ZER MI RUNG BAS, DE LA SHER MDO'I STONG NYID BDEN MED DU BSTAN PA SGRUB PA'I TSE, 'DI LTAR SHER MDO CHOS CAN, KHYOD KYIS STONG NYID BDEN MED DU BSHAD PAR THAL, KHYOD KYIS DGAG BYA'I BDAG BCAD TZAM GYI MED DGAG DE BDEN MED DU BSHAD PA'I PHYIR, DE LA KHYAB PA YOD PAR THAL, STONG NYID LA DGAG BYA DE BCAD TZAM GYI MED DGAG CIG DGOS PA'I PHYIR TE, DE LTAR DGOS PA JO NANG PA KHYOD KYIS NGES DON MTHAR THUG TU 'DOD RGYU'I MDO SDE DGONGS 'GREL GYI SKABS SU NGO BO NYID DE KHO NA'I NGO BO NYID MA MCHIS PA NYID CHOS LA BDAG MA MCHIS PA ZHES SOGS KYIS GSAL BAR GSUNGS PA'I PHYIR, ZHES 'GOG DGOS SO, ,GZHAN YANG DON DAM PA NGO BO NYID MED @33B CES PA'I DON DAM DE GTZO BO CHOS BDAG LA BYED PAR THAL, DE DON DAM DNGOS LA BSHAD PA MI 'DOD PA'I LUGS YIN PAR GONG DU BSTAN PA'I PHYIR DANG, 'JOG TSUL GCIG SHOS KYANG 'DI'I DOGS GCOD TZAM YIN PA'I PHYIR, /CHI/ ,'DIR MTSAN NYID GSUM GSUM SBYAR BAR GSUNGS SO ZHES 'BYUNG BAS, GSUNGS SO ZER BA DE MDO RANG NYID MIN NAM, DE YIN NA DE LTAR SBYAR BA YANG MDO YIN PAS TSIG MA 'BREL ZHE NA, DE GNYIS KA YANG DON DAM YANG DAG 'PHAGS ZHUS KYI LE'U'I TSIG YIN MOD, 'ON KYANG MDO MI GCIG STE, SBYAR ZHES PA DRI ZHUS KYI LAN DU NGO BO NYID MED PA GSUM GSUNGS PA'I TSE, DON GYIS CHOS THAMS CAD LA RANG STENG GI MTSAN NYID GSUM GYI 'JOG TSUL RE SBYAR YOD PAS LAN GYI TSIG DE LA BYED CING GSUNGS SO ZHES PA DON DAM YANG DAG 'PHAGS KYIS STON PAS DE LTAR SBYAR BA BDAG GIS GO LAGS ZHES ZHUS PA'I TSIG 'DIS GSUNGS PA LA BYED PA'I PHYIR, PHUNG PO LHAG MA BZHI NAS, KHAMS BCO BRGYAD KYI BAR LA RANG RANG SMOS TE MJUG TU DE BZHIN LAGS SO ZHES PA TZAM LAS MA BYUNG LA, SDUG BDEN LA GZUGS PHUNG GI SKABS SU GSUNGS PA BZHIN MTSAN NYID GSUM SBYOR BYED KYI TSIG MDO LAS RGYAS PAR BKOD YOD PAS 'DIR YANG ZUR DU SMOS PA YIN GYI, DE LA SBYOR TSUL MI 'DRA BA ZHIG YOD NAS MA YIN NO, 'DI DANG GONG DU YONGS GRUB STON PA'I MDO GNYIS LA TSIG ZUR TZAM YANG MI 'DRA BA MED PAS YONGS GRUB KYANG SNGAR DANG 'DRA ZHES PA'I CHOG PA LA NGO BO NYID DE KHO NA'I NGO BO NYID MA MCHIS PA ZHES GSUNGS SHING ZHES SMOS @34A *, ,PA'I DGOS PA CI YOD CE NA, 'DI LA LOG RTOG 'GOG PA'I DGOS PA CHEN PO ZHIG YOD DE, JO NANG PA SOGS KYIS CHOS LA CHA PHYE NAS KUN RDZOB PA RNAMS RANG GI NGO BO BDEN GRUB KYIS STONG PA DANG, CHOS NYID KUN RDZOB PA'I CHOS GZHAN GYIS STONG PA ZHES BSHAD KYANG, MDO LAS GONG 'OG GANG DU YANG KHYAD MA PHYE BAR GZUGS PHUNG NAS 'DI'I BAR THAMS CAD LA RANG GI NGO BO KUN BTAGS KYIS STONG PA YONGS GRUB TU 'JOG PA DANG, KHYAD PAR 'DI'I MJUG DE MA THAG 'GOG LAM GNYIS KYANG SMOS PAR 'GYUR BAS KUN BYANG GANG LA YANG CHOS NYID KYI 'JOG TSUL KHYAD MED PAR GO BA'I CHED DU MI 'CHUG PA'I GZER BTAB PA YIN PAR DGONGS NAS RJE BLA MAS RDO RJE'I TSIG 'DI GSUNGS PA YIN PA'I PHYIR, /JI/ ,'DI'I TSIG GI NUS PA 'DON TSUL YANG KUN MKHYEN CHOS 'BYUNG GIS, GZHAN YANG MTSAN NYID GSUM GSUM GYI 'JOG LUGS BYAS NAS ZHES SMOS PA LA DGOS PA MED PAR THAL, 'DUS MA BYAS KYI CHOS RNAMS KYI GZHAN DBANG LA SKYE BA NGO BO NYID MED TSUL BSHAD DU MED KYANG DE RNAMS KYI GZHAN DBANG GI 'JOG LUGS SHIG YOD PA'I KHYAD PAR MED PA'I PHYIR, ZHES BKAG PAS RANG LUGS TSUL DANG LUGS ZHES PA DE DNGOS MIN KYANG PHYOGS TZAM 'DRA BAS CHA NAS DER BTAGS PA ZHIG LA 'JUG PAS, 'DIR YANG GZHAN DBANG DNGOS MIN KYANG RANG GI STENG GI STONG NYID DE'I STONG GZHI YIN PA'I CHA NAS DER BTAGS TE BZHAG PA'I DON YIN PAS, NAM MKHA' NAM MKHA'I GZHAN DBANG YIN PAR 'GRUB CING DER MA ZAD, GONG DU DE LTAR GZUGS PHUNG LA JI LTAR SBYAR BA BZHIN DU ZHES PA @34B RANG NYID GZHAN DBANG DANG, BDAG TU SGRO BTAGS PA KUN BTAGS SU 'JOG LUGS SOGS KHAMS BCO BRGYAD SOGS KYANG GZUGS PHUNG DANG 'DRA BAR GSUNGS PA DANG, 'OG TU GNOD 'JOMS MKHAN PO 'GOG PA'I SKABS SU YANG GZUGS NAS RNAM MKHYEN GYI BAR RE RE LA MTSAN NYID GSUM GSUM GYI RNAM BZHAG BYAS NAS, STONG GZHI RNAM BRTAGS DGAG BYA KUN BTAGS KYIS STONG PA CHOS NYID YONGS GRUB TU BSHAD PAS, ZHES SOGS KYIS CHOS NYID KYI GZUGS KYI STONG GZHI LA RNAM BRTAGS KYI GZUGS DGOS PA CHOS THAMS CAD LA 'DRA BAR BSTAN PAS KYANG NAM MKHA' RNAM BRTAGS KYI NAM MKHA' YIN PAR GRUB CING, DE GRUB NA NAM MKHA' NAM MKHA'I GZHAN DBANG YIN PAR GRUB STE, DBYIG GNYEN GYI DBUS MTHA'I 'GREL PA LAS, RNAM PAR RTOGS PA'I GZUGS NI, GANG GZUGS KYI GZHAN DBANG GI NGO BO NYID DE, DE LA GZUGS SU RNAM PAR RTOGS PAR BYED DO ZHES PA NAS, GZUGS LA JI LTA BA BZHIN DU TSOR BA LA SOGS PA'I PHUNG PO DANG, KHAMS DANG SKYE MCHED LA SOGS PA YANG SBYAR BAR BYA'O, ,ZHES GSUNGS PA'I PHYIR, DE LTAR GZUGS SU RNAM PAR RTOGS PAR BYED DO, ,ZHES PA 'DIS RNAM BRTAGS KYI GZUGS KYI SGRA DON BSTAN PAR BLO BRTAN GYIS BSHAD PAS, YI GE YANG BA'I SNGON 'JUG DANG RA MGO YOD PA 'DI BYED DGOS LA, NAM MKHA' YANG RNAM BRTAGS KYI NAM MKHA' YIN PAR 'DIS GSAL BAR BSTAN TE, GANG LA 'DIR NI NAM MKHA'O SNYAM DU 'DZIN PA'I GZHI YIN PA DE RNAM BRTAGS KYI DON DU GSUNGS PA'I PHYIR RO, ,DE LA KHA CIG NA RE, NAM MKHA'I STENG GI GZHAN DBANG LA SKYE BA @35A *, ,NGO BO NYID MED TSUL BSHAD DU MED KYANG, DE'I STENG GI GZHAN DBANG 'JOG TSUL YOD PA'I KHYAD PAR 'THAD PAR THAL, KHYOD KYIS CHOS 'BYUNG GI LUNG DRANGS PA DE'I PHYIR, 'DOD NA NAM MKHA' LA SKYE BA NGO BO NYID MED TSUL GCIG BSHAD DU MED PAR THAL, NAM MKHA'I STENG GI GZHAN DBANG LA DE MED PA'I PHYIR, RTAGS KHYAB KHAS, 'DOD NA, NAM MKHA' GZHAN DBANG DU BYAS NAS DE'I YONGS GRUB GTAN LA 'BEB TSUL GCIG MED PAR THAL, NAM MKHA' LA GZHAN DBANG DU 'JOG TSUL MED PA'I PHYIR TE, DE LA SKYE BA NGO BO NYID MED PAR BSHAD TSUL GCIG MED PA'I PHYIR TE, DE SKYE BA NGO BO NYID MED TSUL GCIG BSHAD DU MED PA'I PHYIR NA MA KHYAB, BRAM ZE BU SNA NYAG CHOS CAN, KHYOD SENG GE YIN TSUL BSHAD DU YOD PAR THAL, KHYOD LA SENG GER BSHAD TSUL ZHIG YOD PA'I PHYIR, KHYAB PA 'GRIG ,GONG DU 'DOD MI NUS TE, DER BSHAD TSUL ZHIG YOD NA DE YIN MI DGOS PA'I PHYIR TE, DON DAM PA NGO BO NYID MED PAR BSHAD TSUL YOD KYANG DE MA YIN PA GZHAN DBANG LTA BU YOD PA'I PHYIR, /NYI/ ,'DIR SHUGS LA GNAS PA'I DON ZHES PA DGONGS 'GREL GYI SHUGS BSTAN DU MI RUNG STE, GRUB DON GYI DNGOS BSTAN YIN PA'I PHYIR, DRANG NGES KYI KHYAD PAR 'DI YAN CHAD KYI SHUGS BSTAN YIN PA'ANG MI RUNG STE, DRANGS PA'I DON GYI MDO SGRA JI BZHIN PAR ZHEN NA RTAG CHAD KYI LTA BA THOB PAR GSUNGS SHING, DGONGS GZHI'I NGO BO NYID MED PA GSAL BAR BSHAD PA LAS LHAG PA'I DRANG DON DU SGRUB TSUL GRUB DON LA MED PA'I PHYIR, @35B 'DIR DRANGS PA'I DON ZHES PA'I TSIG TZAM BYUNG YANG DRANG DON YIN MIN SGRUB PA'I SKABS MA YIN PA'I PHYIR, DES NA 'KHOR LO GSUM ZHES PA'I THA SNYAD GRUB DON YAN LA MA BYUNG BAS, 'DIR SHUGS LA GNAS PA'I DON YIN TE, 'DI DANG 'DI LTAR BKA' STZAL ZHES MDO SDE SO SOR NGOS BZUNG NAS DRANGS NGES PHYE STE BSHAD PA'I SHUGS KYIS 'KHOR LO GSUM GYI MING SBYAR TE DRANG NGES SU 'JOG TSUL YANG SHES MOD, 'ON KYANG TSIG LA MI GSAL BAS GRUB DON 'DIR 'KHOR LO SO SO'I THA SNYAD DANG, DRANG NGES SU 'JOG TSUL SBYAR NAS GSUNGS PA YIN LA, 'KHOR LO GSUM GYI THA SNYAD GANG GI SGO NAS SBYAR BA YIN NA, DUS KYI RIM PA'I SGO NAS SBYAR ZHES PA'I DON YIN PA'I PHYIR TE, KHA CIG TSIG GCOD MTSAMS 'DI LAS BZLOG STE GNYIS DRANG DON DANG, GCIG NGES DON YIN PA DE SNGAR BSHAD PA'I SHUGS KYIS SHES ZER, DE MI 'THAD PAR THAL, GNYIS DRANG DON DANG GCIG NGES DON YIN PAR SNGAR BSHAD PA'I SHUGS KYIS GZHAN ZHIG SHES RGYU YOD PA'I PHYIR, MA GRUB NA, 'KHOR LO DANG PO GNYIS DRANG DON DANG THA MA NGES DON DU SNGAR BSHAD PA'I SHUGS KYIS SHES MA GSUNGS PAR MDO SDE GNYIS ZHES SMOS PA LA DGOS PA MED PAR THAL, MDO DE GNYIS KYI NGO BO BRJOD BYA DRANG NGES SOGS DNGOS SU GSUNGS KYANG 'KHOR LO SO SO'I THA SNYAD SNGAR DNGOS SU BSHAD PA MED PA'I RGYU MTSAN GYIS MA YIN PA'I PHYIR, LUNG TZAM SKYABS SU MA BYAS PAR RIG PAS LEGS PAR DPYAD PA YIN KYANG DA DUNG GZUR GNAS RNAMS KYIS DPYAD PAR BYA'O, ,CHOS 'KHOR DNGOS LA GSUNGS PA PO DANG, DUS DANG, YUL DANG, @36A *, ,GDUL BYA DANG, BRJOD BYA GANG LA BRTZAMS PA DANG, CHOS 'KHOR GYI CHE BA DANG DRANG NGES KYI KHYAD PAR RNAMS RIM BZHIN DKYUS NA GSAL, /TI/ ,GNYIS PA DANG GSUM PAR NGO MTSAR RMAD DU BYUNG BA SMOS PA DANG, SNGON LHAR GYUR ZHES PA NAS BSKOR TE ZHES PA GSUNGS PA'I RGYU MTSAN GYIS, GNYAL STON DPAL 'BYOR LHUN GRUB KYI DKA' 'GREL LAS, MA BSKOR BA ZHIG BSKOR ZHES PA'I 'KHOR LO DANG PO BSTAN ZHES BSHAD KYANG 'THAD PAR MA MTHONG STE; 'DIR SNGON ZHES PA STON PA 'JIG RTEN DU MA BYON GONG LA BYED KYI, MDO DE GSUNGS PA'I SNGON TZAM LA MI BYED KYANG, MA BSKOR BA YANG TSANGS PA SOGS GZHAN GYIS MA BSKOR BA LA BYA YI STON PAS SNGAR MA BSKOR BA LA MI BYED PA'I PHYIR NA, 'KHOR LO PHYI MA GNYIS LA YANG SBYOR DGOS PA DON GYIS BSDUS PA'I PHYIR, NYI KHRI LAS, TSANGS PA'I 'KHOR LO 'JIG RTEN NA DGE SBYONG NGAM BRAM ZE'AM ZHES PA NAS, GZHAN SU YANG RUNG BAS CHOS DANG LDAN PAR 'JIG RTEN NA BSKOR BAR MI NUS LA; ZHES GSUNGS PA'I PHYIR, KHYOD LTAR NA 'KHOR LO BAR PA YANG 'KHOR LO DANG POR THAL, STON PAS BYA RGOD PHUNG POR GSUNGS PA'I SNGON LA MA BSKOR BA'I PHYIR TE, 'DI THUN MONG GI BSHAD PA'I SKABS YIN PA'I PHYIR, 'DIR GANG LA BRTZAMS PA'I NGO BO NYID MED PA DANG, GONG DU NGO BO NYID MED PAR GSUNGS PA'I DGONGS PA DRI BA'I SKABS KYI NGO BO NYID MED PA GNYIS MI GCIG STE, PHYI MA NI CHOS THAMS CAD LA RANG BZHIN GYIS GRUB PA'I NGO BO NYID MED PA LA SNGAR BSHAD ZIN CING, SNGA MA NI @36B 'KHOR LO THA MA'I DGONGS PA MTHAR THUG GI NGO BO NYID MED PA LNGA LA BYED DGOS PA'I PHYIR, 'ON KYANG DE'I NGO BO NYID MED PA LNGA YANG YONGS GRUB MA YIN TE, 'DIR MED RGYU'I NGO BO NYID DANG SKYE BA SOGS MTSAN NYID GSUM LA RANG RANG GI SKABS KYI MED RGYU RE SO SOR SBYOR BA MA GTOGS DGAG BYA'I BDAG GCIG PU THAMS CAD LA THUN MONG DU SBYOR BA'I LUGS MA YIN PAR BSHAD ZIN PA'I PHYIR, DE LA KHA CIG NA RE, NGO BO NYID MED PA SOGS LNGA 'KHOR LO THA MA'I SGRAS ZIN SGRA JI BZHIN PA YIN PAR THAL, DE'I MED TSUL LA DBU SEMS KYI LUGS GNYIS YOD KYANG 'DIR SEMS TZAM GYI RANG LUGS GTZO CHE BA'I PHYIR, 'DOD MI NUS TE, BAR PA'I SGRAS ZIN SGRA JI BZHIN PA YIN PA'I PHYIR, DER THAL, BAR PA'I SGRAS ZIN LA NGO BO NYID MED PAR GSUNGS PA'I PHYIR NA MA KHYAB, /THI/ , 'DIR THEG PA THAMS CAD LA YANG DAG PAR ZHUGS PA'I DON NI, KHA CIG ,CHED DU BYA BA'I GDUL BYA RIGS CAN GSUM GA YOD PA LA 'CHAD PA DANG, RTOG GE SNANG BAR 'DI'I GDUL BYA THEG CHEN RIGS CAN YIN KYANG DBANG PO RTUL BAS THEG PA GZHAN DU YANG DKRI NUS LA, BAR PA'I GDUL BYA DBANG PO RNO BAS DKRI MI NUS PA LA BSHAD PA SOGS YOD LA, DANG PO NI YANG DAG BDEN PA DANG YANG PHYOGS MTHUN TE 'OG TU 'CHAD PAR 'GYUR RO, ,RANG GI LUGS NI 'DI'I SGO NAS 'KHOR LO GSUM GA'I DRANG NGES KYI KHYAD PAR THAMS CAD GO BAR NUS PAS RJOD BYED TSIG GI THEG PA THAMS CAD LA ZHUGS PA STE, DE YANG RANG GI MTSAN NYID KYIS RNAM PAR GNAS PA NI MA YIN PAS ZHES 'KHOR LO DANG PO DRANG DON DU BSTAN, RKYEN GZHAN GYIS STOBS KYIS BYUNG ZHES PA DANG, RNAM PAR @37A *, ,DAG PA'I DMIGS PA GANG YIN PA DE NI DON DAM PA ZHES PAS 'KHOR LO BAR PA DRANG DON DU BSTAN, DE LTAR CHAM PHYE BA RNAMS DRANG DON DU BSTAN PAS THA MA RANG NYID NGES DON DU GO BA'I PHYIR, 'DI NI ZHES PA'I NYE TSIG 'JUG TSUL LA YIG CHAR BRJOD BYA RJOD BYED LA SBYAR BA GNYIS GSUNGS PA LEGS TE, RJOD BYED KYI CHA NAS NYE TSIG SMOS PA'I TSE BSKOR BZHIN PA 'DI NI ZER DGOS PAS, LANG GSHEGS SOGS YONG DON MED KYANG, BRJOD BYA'I CHA NAS NYE TSIG SMOS PA'I TSE MTSAN NYID GSUM LA BDEN PAR GRUB MA GRUB KYI KHYAD PAR PHYE BA'I 'KHOR LO THA MA 'DI NI ZER DGOS PAS RANG DANG STON TSUL MTSUNGS PA'I MDO LANG GSHEGS SOGS THAMS CAD YOD STE, GRUB DON 'DI 'KHOR LO THA MA LEGS PHYE'I CHOS 'KHOR THAMS CAD KYI GRUB DON YIN PAR YIG CHA LAS SO, /DI/ ,WEN TSEG GIS SKABS MCHIS PA'I DON BSHAD PA 'DI NI 'OG TU SKABS MA MCHIS PA LA BSHAD PA GNYIS BYAS PA'I SNGA MA'I ZLOG PHYOGS SU SNANG BAS RANG LUGS SU MI RUNG STE, BLA NA MCHIS PA'I DON DANG ZLOS PA'I PHYIR, LHAG MA GSUM NI BLA NA MA MCHIS PA SOGS KYI LDOG PHYOGS SU SNANG LA, BLA NA MA MCHIS PA SOGS GSUM GYI DON DANG, SKABS MA MCHIS PA'I BSHAD PA PHYI MA RJES KYANG RANG LUGS SU MDZAD PAS 'DI GSUM YANG BLA NA MCHIS PA SOGS KYI DON DU RUNG STE, RJES BSHAD PA ZUR DU MDZAD PA YANG 'DI NYID GO BDE BAR BYAS PA'O, 'DI LA KHA CIG NA RE, WEN TSEG GIS RTZOD PA'I GZHI'I GNAS SU GYUR PA'I DON BSHAD PA YANG MI 'THAD PAR THAL, 'KHOR @37B LO DANG PO'I SGRAS ZIN GYI DON LA RTZOD PA SMRA BA POR NYAN THOS SDE PA MI YONG PA'I PHYIR, DER THAL, 'DI SGRAS ZIN SGRA JI BZHIN PAR MI RUNG ZHES RTZOD PA 'GOD PA POR NYAN THOS SDE PA MI YONG PA'I PHYIR NA MA KHYAB STE, 'DIR NYAN THOS SDE PA RNAMS KYIS RTZOD CES PA DE MI 'THAD CES RTZOD PA MIN GYI, DE RANG LUGS SU 'THAD PA GZHIR BZHAG GI STENG NAS DE'I DGONGS PA 'GREL TSUL LA SDE PA BCO BRGYAD DANG, MDO SDE PA SNGA PHYI GNYIS SOGS NANG PHAN TSUN RTZOD PA 'BYUNG BA'I DON YIN PA'I PHYIR, RGYA NAG 'GREL CHEN LAS, SDE PA NYI SHU PO RTZOD PAR SMRA BA DAG GI GNAS SU 'GYUR BA YIN NO ZHES BYA BA'I THA TSIG GO ZHES GSUNGS PA'I PHYIR, YANG KHA CIG 'DIS STONG PA NYID MI STON ZHING YOD PA BSTAN PAS DRANG DON DU BSHAD PA'ANG MI RUNG BAR THAL, YOD PA BSTAN PAS DRANG DON DU 'GRO DON MED LA, STONG NYID MA BSTAN PAS DRANG DON DU BSHAD NA SKABS 'CHOL BA'I PHYIR ZER NA MA YIN TE, 'KHOR LO DANG POR STONG PA NYID MKHYUD CING YOD PA STON PA DANG, BAR PA LA YOD PA MKHYUD CING STONG PA NYID STON PA ZHES BYUNG BAS, SNGA MA'I DON YANG KUN BTAGS RANG MTSAN GYIS MA GRUB PA MKHYUD PA STE SBAS NAS CHOS THAMS CAD LA RANG MTSAN GYIS GRUB GRUB CES PA'I TSIG MNYAM PAR BKA' STZAL PA'I DON YIN PA'I PHYIR, STONG NYID KYANG 'OG TU CHOS KYI BDAG MED PHRA MOR BSHAD PA'I LUGS LAS LOGS SU BYAS PAS RANG MTSAN GYIS GRUB PA'I STONG PA TZAM LA BYA'AM DPYAD, /NI/ SLOB DPON YANG DAG BDEN PA'I BRJED BYANG LAS, BAR PA 'DI NI THEG PA CHEN PO THEG PA CHUNG DU LAS THA DAD PAR STON PA'I PHYIR NGES PA'I DON MA @38A *, ,YIN PA'O, ,DA DUNG THEG PA GCIG YOD PA'I PHYIR GONG MA DANG BCAS PA'O, ,THEG PA CHUNG NGU BA DAG DANG THA DAD PA'I PHYIR THEG PA CHUNG DU DAG DANG 'THAB CING RTZOD PAR GYUR PA'O, ,THEG PA GCIG GIS RNAM PAR 'JIG PA'I PHYIR RGOL BA DANG BCAS PA'O, ,ZHES DANG, 'KHOR LO THA MA'I THAD DU DE NYID LAS, 'DIS NI THEG PA CHUNG DU BA DAG THEG PA CHEN PO BA DAG RGYU RKYEN MTSUNGS SHING 'BRAS BU MTSUNGS PAR STON PA'I PHYIR RNAM PAR MI RTOG PA DON DAM PA BSTAN PA ZHES BYA'O, ,CHOS KYI 'KHOR LO DE MCHOG TU RMAD DU BYUNG BA DON DE LAS LHAG PA GZHAN MED PA'I PHYIR BLA NA MED PA ZHES BYA'O, ,GZHAN YANG THEG PA CHUNG NGU BA KUN GYIS BGROD PAR BYA BA YIN PA'I PHYIR RTZOD PA MED PA'O, RTZOD PA MED PA'I PHYIR GZHIG TU MED PA'O, ,GZHIG TU MED PA'I PHYIR RGOL BA MED PA'O, ,ZHES BYUNG STE, DON NI BAR PAS MTHAR THUG THEG CHEN GYI THEG PA GCIG PU LAS MA BSHAD PAS DRANG DON SOGS SU SGRUB PA STE, THEG PA GSUM PO RANG LAM GYI SDUG KUN MA LUS PAR ZAD PA'I RNAM GROL MI MTSUNGS PAR THEG DMAN GYI ZHI BA NYI TSE BAR BSHAD PA'I DRANG BA'I DON DANG, MTHAR THUG THEG PA GSUM CHAR STON PA'I MDO DGONGS 'GREL SOGS BRJOD BYA RDZOGS PA'I MDO GZHAN RANG GI GONG NA'AM BLA NA YOD PA DANG, THEG DMAN GYI SDE SNOD SOGS LAS NYAN RANG DGRA BCOM THOB NAS THEG CHEN DU MI 'JUG PAR BSHAD PA DANG PHYOGS TZAM YANG MI MTHUN PAS RTZOD PA'I GNAS DANG, MTHAR THUG THEG GSUM STON PA'I @38B DGONGS 'GREL SOGS LUNG RIGS KYIS 'JIG PA'I SKABS MCHIS PA DANG, THA MA'I BSHAD PA PHAL CHER SNGA MA LAS BZLOG PAR SNANG LA THEG PA CHUNG NGU BA KUN GYIS BGROD PAR BYA BA ZHES PA 'DIS RIGS CAN GSUM GAS 'DI LA CHED DU BRTEN NAS RANG GI THAR PA THOB PA DANG, THEG PA THAMS CAD LA YANG DAG PAR ZHUGS PA'I DON KYANG DE LTAR 'GREL PA'I TSOD DU SNANG NGO, /PI/ ,SKABS MED PA'I SNGA MA NI SKABS MED CES PA LA BSHAD TSUL GNYIS BYAS PA'I SNGA MA PHYIS MCHOG TU 'GYUR BA'I SKABS MED CES PA DE YIN ZHING, DE'I DON MDO 'DI LAS MCHOG TU GYUR PA GZHAN LA 'JUG TU MED PA LA BYED NA BLA NA MA MCHIS PA DANG ZLOS PAS RANG LUGS MA MDZAD DO, ,YOD MED RDZOGS PAR BSTAN ZHES PA'I YOD MED NI RANG MTSAN GYIS GRUB MA GRUB YIN LA; 'KHOR LO DANG PO GNYIS KYIS DE LAS RE RE SBAS NAS RE RE TZAM BSTAN KYANG, 'DIR MTSAN NYID GSUM GYI STENG DU CHA PHYE NAS PHYOGS GNYIS KA RDZOGS PAR BSTAN PA'O, ,DE LTAR RDZOGS PAR STON PA'I TSIG KYANG BYE BRAG TU PHYE NA DGONGS 'GREL GYI TSIG RANG GI MTSAN NYID KYIS RNAM PAR GNAS PA NI MA YIN ZHES SOGS SNGAR DRANGS PA RNAMS YIN LA, LANG GSHEGS LAS, BRTAGS PA'I DNGOS PO MED PA NYID, ,GZHAN GYI DBANG NI YOD PA YIN, ,SGRO 'DOGS PA DANG SKUR 'DEBS PA'I, ,MTHA' LA RTOG PA RNAM PAR BRLAG ,CES PA LTA BU YIN ZHING, DBU MA PAS 'DIS KUN BTAGS DGAG BYA'I DON DAM LA BYAS NAS DON DAM PAR MED KYANG STONG GZHI GZHAN DBANG DE NYID THA SNYAD TZAM DU YOD PA BYED DE, DE'I PHYIR YANG CHA PHYE NAS MDO'I DON @39A *, ,DU 'JOG CES PA DON LA CHA 'BYED PAR MNGON NO, ,'DI LA KHA CIG LEGS PHYE'I CHOS 'KHOR LA RANG LAS MCHOG TU GYUR PA'I NGES DON GYI MDO MED MI DGOS PAR THAL, SLOB PA'I LUNG GI CHOS RNAMS NGO BO GONG 'PHEL DU 'GRO BA'I PHYIR SOGS SMRA STE BYIS PA'I ROL RTZED YIN PAS MA SPROS SO, /PHI/ ,'DI LA DOGS PA 'DI YOD DE, MDO DE'I SGRA JI BZHIN PA LA GNOD BYED MTHONG BA NA, DE LAS GZHAN DU 'DREN DGOS PAR MTHONG NAS DGONGS GZHI TSOL BA LA 'JUG PA YIN GYI, DGONGS GZHI GZHAN DU 'DREN DGOS PAR MTHONG NAS DE'I RTAGS KYIS SGRA JI BZHIN PAR MI RUNG BA SGRUB MI RIGS PAS, 'DIR DE'I RGYU MTSAN DU BKOD PA MI 'THAD DE, DPER NA DON SMRA'I GRUB MTHA' LA GNOD BYED MTHONG NAS SEMS TZAM DU 'JUG PA YIN GYI SEMS TZAM PA'I GRUB MTHA' 'THAD LDAN DU GO NAS DE'I RJES DON SMRA'I GRUB MTHA' LA GNOD BYED MTHONG BA MIN PA DANG, THAR PA DON GNYER BCOS MIN SKYES NAS, GZOD 'KHOR BA LA ZHEN LOG SKYES PA MA YIN PA BZHIN NO ZHE NA 'DIR BSHAD PA'I RIM PA NI, DOGS PA SKYE TSUL GYI KHYAD CIG YIN TE, PHA ROL PO KHA CIG 'DI SNYAM DU CHOS THAMS CAD RANG BZHIN MED PAR GSUNGS PA PO DANG, CHA PHYE NAS GSUNGS PA PO GCIG YIN PAS, GCIG GI SGRAS ZIN KHAS LEN LA, GCIG KHAS MI LEN PA NANG 'GAL TE, PHYI MA SHES BYED DU RUNG NA SNGA MA YANG SHES BYED DU RUNG DGOS SO ZHE NA, GSUNGS PA PO LA PHYOGS GCIG NAS 'KHRUL PA BYUNG BA YIN NA, KHYOD BDEN @39B YANG STON PAS NI MKHYEN BZHIN DU GSUNGS PA YIN PAS, DE LA RANG LUGS GCIG DANG GDUL BYA'I DBANG GIS YIN PA GCIG STE GNYIS 'BYED DGOS LA, DE LTAR 'BYED PA YANG RIGS PAS 'BYED DGOS PAS MKHAS PAS MTHA' CHOD PAR DPYAD NA RTZOD PA MI 'JUG PA NI 'KHOR LO THA MA YIN PAS, MDO DE DE GNYIS KYI SGRAS ZIN LA YANG 'THAD MI 'THAD KYI DBYE BA BYED RUNG NGO, ,'DI LA KHA CIG GIS, THAL 'GYUR BA LA MKHAS PA MED PAR THAL, MDO DGONGS 'GREL NGES DON DU MI RUNG ZHES RTZOD PA'I PHYIR NA MA KHYAB STE, MKHAS PA YOD KYANG BRTAGS PA MTHA' CHOD PAR BYAS PA MED PAR NYI TSE BA TZAM DU SONG BA YIN PA'I PHYIR, 'DIR MKHAS PAS BRTAGS NA ZHES SMOS PA LA DGOS PA YOD PA'I PHYIR, GRUB MTHA' CHEN MOR YANG DE LTAR BSHAD MA BSHAD KHA MI GSAL BA'I DBANG GIS RTZOD PA MED PAS RTZOD PA'I GZHI'I GNAS MIN PA LAGS KYI, DE LTAR BSHAD KYANG DBU MA PA LTA BUS MI 'THAD CES RTZOD PA MED PA NI MA YIN NO ZHES ZHIB CHA LEGS PAR PHYE NAS GSUNGS SO, /BI/ , 'DI DAG GI DON DU BSAM NAS DUS DANG POR GSUNGS PA'I MDO 'KHOR LO DANG PO'I DON DU 'JOG PA CHES LEGS PA YIN TE, 'DI'I GONG DU 'KHOR LO DANG PO GNYIS DRANG DON DANG THA MA NGES DON ZHES PA'I TSIG YANG YANG BYUNG BA LA, 'O NA 'KHOR LO DANG PO THAMS CAD DRANG DON YIN NAM ZHE NA, DE'I NANG NAS RANG GI MTSAN NYID YOD PA SOGS SU GSUNGS PA DRANG DON YIN GYI 'KHOR LO DANG PO THAMS CAD MIN TE, LNGA SDE LA SHA MA THABS ZLUM POR BGO BA LA BSLAB PAR GSUNGS PA LTA BU DUS DANG @40A *, ,POR YANG GDUL BYA'I DBANG GIS SNA TSOGS SHIG GSUNGS PAS, DE THAMS CAD LA DOGS PA GCOD DON MED PA'I PHYIR ZHES PA'I DON YIN PAS SO, ,DE LTAR DUS DANG POR GSUNGS PA'I MDO 'KHOR LO DANG PO'I DON MIN NA 'KHOR LO DANG PO THAMS CAD DRANG DON MA YIN TE, DUS DANG POR GSUNGS PA'I MDO LA BSLAB BYA TZAM STON PA YANG YOD PA'I PHYIR ZHES PA'I RTAGS CHOS LA 'BREL CI 'DUG ,LCANG SKYA RIN PO CHE'I GRUB MTHAR RJE BLA MAS DUS DANG POR GSUNGS PA'I MDO YIN NA 'KHOR LO DANG PO YIN PAS KHYAB PAR BZUNG GIS DOGS NAS GSUNGS ZHES LUNG 'DIS DUS DANG POR GSUNGS PA'I MDO LA 'KHOR LO DANG POS MA KHYAB PAR BSTAN GSUNGS PA YANG MKHAS PA'I BSHAD PA'I RNAM GRANGS TZAM YIN TE, THAMS CAD LA MIN GSUNGS PA 'KHOR LO DANG PO TZAM YANG MIN PA LA BYED NA 'KHOR LO DANG PO TZAM LA YANG RANG GI MTSAN NYID YOD PA SOGS SU GSUNGS PA ZHIG DGOS PAR 'GYUR BA LA 'DIR DE LTAR GSUNGS PA'I 'KHOR LO DANG PO ZHES SMOS PAS DE LTAR MA GSUNGS PA ZHIG KYANG BSTAN CING, RJE BTZUN DAM PA DE YANG 'KHOR LO DANG PO LA 'DIR BSTAN GYI DES KHYAB PAR MI BZHED PA'I PHYIR, /MI/ ,ZHES PAR MTHA' GNYIS LAS KYANG NGO BO NYID MED PA SOGS LAS BRTZAMS PA RNAMS DRANG NGES DPYOD PA'I GZHI YIN GYI GRUB MTHA'I 'DOD PA THUN MONG MA YIN PA RE STON TSAD LA SKABS 'DIR DRANG NGES DNGOS SU 'BYED PA MIN PA'I RGYU MTSAN GYIS SLOB DPON YANG DAG BDEN PAS THEG PA GSUM DANG GCIG BSTAN PA'I CHA NAS PHYE BA YANG MI @40B 'THAD LA, KHA CIG GIS TSIG LA CHA 'BYED DO ZER NAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,CES SOGS KUN GZHI STON PA'I LUNG RNAMS SEMS TZAM PA'I LUGS KYI LEGS PHYE'I CHOS 'KHOR DU SMRA BA YANG KHEGS SO, ,DER MA ZAD LUNG 'DI BLO GROS YANGS PA'I LE'U LAS 'BYUNG ZHING, LE'U DE LEGS PHYE'I CHOS 'KHOR DU BSHAD PA YANG MED DO, ,LUNG 'DI LE'U'I NANG NAS ZUR DU BKOD PA YANG MI RIGS TE, LE'U RIL PO BRJOD BYA KUN GZHI STON PAR MTSUNGS PAS SO, ,DES NA CHA 'BYED PAR 'DOD PA'I RANG RGYUD PA STE 'PHAGS SENG DANG LEGS LDAN MA GTOGS PA ZHI BA 'TSO LA SOGS PA RNAMS 'KHOR LO THA MA LA CHA 'BYED PAR GSUNGS PA DON LA YIN TE, GRUB MTHA'I RNAM BZHAG 'KHRUL SPONG GDONG LNGA'I SGRA DBYANGS LAS, LANG GSHEGS DGONGS 'GREL RGYAN STUG MDO SOGS DON, ,GTZO PHAL CHA GNYIS RIM BZHIN DBU SEMS LUGS, ,ZHES GSUNGS PA'I PHYIR, /TZI/ ,DE LA GZHAN LUGS GNYIS BKOD PA'I SNGA MA NI DOL PO SHES RAB RGYAL MTSAN DANG, NYA PHRUG KUN DGA' DPAL BA SOGS SNYING PO RTAG BRTAN STON PA'I MDO YANG SGRA JI BZHIN PAR 'DOD MKHAN RNAMS YIN LA, GNYIS PA LTAR 'DOD MKHAN YANG BOD SNGA MA MANG PO BYUNG ZHING, YAR 'BROG PA RIN CHEN TOG GIS KYANG, CHOS KYI 'KHOR LO GSUM PA NI, ,SHER PHYIN PHAL CHEN CHOS PAD DKAR, ,DE SOGS KHYAB BYED DBU MA CHE, ,ZAB YANG RTZOD DANG BRAL BA'O, ,ZHES DANG, YUM LAS, CHOS 'KHOR LAN GNYIS ZHES DANG, 'BYUNG PHYIR 'KHOR LO @41A *, ,BAR PAR 'DOD CE NA BDEN MOD, GZHUNG 'DI'I DON, THEG CHUNG GCIG SHOS GNYIS SU 'DOD, ,DPER NA SDE SNOD GSUM GNYIS BZHIN, ,ZHES 'KHOR LO GSUM SKAS KYI GDANG BU LTAR PHYI MA PHYI MA MTHO STE; DE'I PHYIR SHER MDO 'KHOR LO THA MA YIN LA, DGONGS 'GREL SOGS SNYING PO RTAG BRTAN STON PA'I MDO RNAMS 'KHOR LO THA MA MIN TE, RTAG BRTAN BSHAD PA DRANG DON YIN ZHING, 'KHOR LO THA MA NGES DON DU GSUNGS PA'I PHYIR, SHER MDO RANG NYID LAS, CHOS KYI 'KHOR LO GNYIS PA BSKOR BAR MTHONG NGO, ,ZHES GSUNGS PAS KYANG, DE 'KHOR LO BAR PA YIN PAR MI 'GRUB STE, 'DI'I GNYIS PA ZHES PA 'KHOR LO GSUM GYI GNYIS PA MIN GYI, THEG PA DMAN PA'I CHOS 'KHOR DANG THEG CHEN PA'I CHOS 'KHOR GNYIS SU PHYE BA'I GNYIS PA YIN TE, DPER NA MDO SDE RGYAN LAS, SDE SNOD DAG NI GSUM MAM GNYIS KYANG RUNG, ,ZHES PA'I SDE SNOD GNYIS PA LA SDE SNOD GSUM DU PHYE BA'I GNYIS PA MI DGOS PA BZHIN YIN PAR 'DOD CING, DOL PO BA TSIG NGAN GYIS TSAR BCAD MOD, DGONGS 'GREL SNYING PO RTAG BRTAN STON PA'I MDOR RANG GIS KYANG KHAS BLANGS NAS THOG TOG DANG DBANG PO RDO RJE SOGS BRIS PA'I NGAL BA BYAS PA NI RAL GRI DGRA LA SHOR TE SHUBS KYI STENG NAS DPA' SKAD 'DON PA DANG 'DRA BAS SNYING PO CI YANG MED DO, ,'DI'I 'KHRUL GZHI YANG SNYING PO RTAG BRTAN DANG BDE GSHEGS SNYING PO MA PHYE BAS NONG LA, DE BZHIN GSHEGS PA'I SNYING PO'I MDO DANG, SNYING PO RTAG BRTAN STON PA'I MDO YANG SNGA MA @41B PHAL CHER GYIS GCIG TU BYAS MOD, SNYING PO RTAG BRTAN STON PA'I TSIG RNAMS DE NA MI 'DUG CING, LANG GSHEGS SU MDO DE'I GSUNGS TSUL BKOD PA DRANGS PA MA GTOGS MDO RANG NYID BOD DU 'GYUR BA MI SNANG NGO, ,SHER MDO 'KHOR LO THA MA YIN PA'I BSHAD TSUL GCIG SLOB DPON YANG DAG BDEN PAS KYANG BYAS TE, DE'I BRJED BYANG RNAM PA GNYIS YOD PA LAS, GCIG SNGAR DRANGS PA DE NYID YIN PAS MDO'I NGOS 'DZIN DKYUS DANG MTHUN LA, SDE PA RNAMS KYI LTA BA BSTAN PA'I BRJED BYANG LAS, MYA NGAN LAS 'DAS PA CHEN PO'I MDO NI, CHOS KYI 'KHOR LO GNYIS PA ZHES BYA STE THEG PA CHE CHUNG GNYIS KA'I CHED DU GSUNGS PA'O, ,'PHAGS PA SANGS RGYAS PHAL PO CHE DANG, SHES RAB KYI PHA ROL TU PHYIN PA'I MDO RNAMS NI, CHOS KYI 'KHOR LO GSUM PA ZHES BYA STE, CHEN PO KHO NA'I CHED DU YIN GYI, CHUNG NGU NI MIN NO, ,ZHES SNGA MA LAS BZLOG STE BSHAD LA, SHER MDOR CHOS KYI 'KHOR LO GNYIS PA BSKOR BA MTHONG ZHES PA'I DON DUS GNYIS PAR GSUNGS PA'I CHOS 'KHOR YIN PA LA BYA YI, 'KHOR LO GNYIS PA YIN PA'I DON MIN NO ZHES 'DOD PAR WEN TSIG GIS BSHAD DO, ,SLOB DPON 'DIS SHER MDO 'KHOR LO GSUM PAR BSHAD KYANG, DGONGS 'GREL LAS GSUM PA 'DI NI SMOS PA'I GSUM PA DUS GSUM PAR GSUNGS PA LA BYED CES DGONGS PA LEN GYI, 'DI NI ZHES NYE TSIG SMOS PA'I GSUM PA DER SNGON GSUNGS PA'I MDO ZHIG 'JOG CES BSNYON MI 'DING NGO, ,DE DAG GI DON BSDUS NA MDO 'DI'I DGONGS PA NI RANG MTSAN GYIS GRUB MA @42A *, ,GRUB CHA PHYE MA PHYE'I SGO NAS DRANG NGES SU 'JOG PA YIN GYI, DUS 'DI DANG 'DI'I TSE GSUNGS PA DRANG DON DANG NGES DON NO ZHES 'BYED PA MA YIN PA DE'I PHYIR, DOL PO BA DANG YAR 'BROG PA SOGS KYI BSHAD TSUL DE NI DRI ZHUS SOGS SU CHOS RNAMS RANG MTSAN GYIS YOD MNYAM DU GSUNGS PA DANG MED MNYAM DU GSUNGS PA CI LA DGONGS ZHES DRI BA DANG, LAN YANG DE LTAR GSUNGS PA'I TSUL LA ZHIB TU MA BRTAGS PA'I SKYON YIN TE, KHYED CAG GIS DUS 'DI'I SKABS SU GSUNGS PA DRANG DON DANG, 'DI'I SKABS SU GSUNGS PA NGES DON YIN ZHES PA 'DI'I DON DU BSAM NAS THA MA'I SKABS SU GSUNGS TSAD NGES DON YIN MIN RTZOD PA'I PHYIR, KHYAB STE, KHYED CAG LTAR NA DUS DANG POR GSUNGS PA PA DANG BAR DU GSUNGS PA RNAMS CI LA DGONGS ZER DGOS PA LA, MDO LAS, DE'I NANG NAS BRJOD BYA STON TSUL GYI SGO NAS BYE BRAG PA RE DMIGS KYIS BSAL NAS DRIS PA'I PHYIR RO, ,GONG DU DE'I PHYIR ZHES PA YANG DE LTAR 'GREL DGOS SO, /TSI/, 'DIR DON DAM PA MTSAN NYID LNGA LDAN NI, BSDU BA LAS, DON DAM PA NI MTSAN NYID LNGA DANG LDAN PA YIN TE, BRJOD DU MED PA'I MTSAN NYID DANG, GNYIS SU MED PA'I MTSAN NYID DANG, RTOG GE'I SPYOD YUL LAS YANG DAG PAR 'DAS PA'I MTSAN NYID DANG, THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID DANG, THAMS CAD DU RO GCIG PA'I MTSAN NYID DO, ,DE LA BRJOD DU MED PA'I MTSAN NYID DANG, GNYIS SU MED PA'I MTSAN NYID NI DGONGS PA @42B NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, BYANG CHUB SEMS DPA' TSUL BZHIN KUN TU 'DRI BAS ZHES PA NAS, ZAB MO BYIS PA'I SPYOD YUL MA YIN PA, ,BRJOD MED GNYIS MIN RGYAL BAS BSTAN MDZAD KYANG, ,BYIS PA 'DI DAG GLEN PA RNAM PAR RMONGS, ,SMRA BA'I SPROS LA DGA' ZHING RNAM PAR RMONGS, ,ZHES SOGS KYI BAR DGONGS PA NGES 'GREL GYI LE'U'I TSIG YONGS RDZOGS DRANGS SHING, DE BZHIN DU RTOG GE'I SPYOD YUL LAS 'DAS PA'I MTSAN NYID 'CHAD BYED LA; BCOM LDAN 'DAS LA BYANG CHUB SEMS DPA' CHOS 'PHAGS KYIS 'DI SKAD CES GSOL TO, ,ZHES PA NAS, RTZOD DANG BRAL BA DON DAM CHOS YIN TE, ,DE NI RTOG GE KUN LAS 'DAS MTSAN NYID, ,CES PA'I BAR CHOS 'PHAGS KYI LE'U MTHAR CHAGS SU DRANGS SHING, THA DAD PA DANG THA DAD PA MA YIN PA NYID LAS 'DAS PA'I MTSAN NYID 'CHAD BYED LA, DE NAS BCOM LDAN 'DAS LA BYANG CHUB SEMS DPA' BLO GROS SHIN TU RNAM DAG GIS 'DI SKAD CES GSOL TO ZHES PA NAS, 'DU BYED KHAMS DANG DON DAM MTSAN NYID NI, ,GCIG DANG THA DAD BRAL BA'I MTSAN NYID DE, ,ZHES SOGS KYI BAR LE'U YONGS RDZOGS DANG, THAMS CAD DU RO GCIG PA'I MTSAN NYID STON PA LA, BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA ZHES PA NAS, DON DAM DE NI THA DAD MA YIN TE, ,KUN TU RO GCIG MTSAN NYID SANGS RGYAS GSUNGS, ,ZHES SOGS KYI BAR RAB 'BYOR GYI LE'U RDZOGS PAR DRANGS SO, ,GZHUNG LAS MTSAN NYID @43A *, ,DANG PO GNYIS MA GTOGS PA SO SO NAS SMOS TE DGONGS 'GREL LAS 'BYUNG BA BZHIN BLTA BAR BYA GSUNGS KYANG, 'DIR DON DAM PA MTSAN NYID LNGA DANG LDAN PA YANG DGONGS 'GREL LAS ZHES SOGS GSUNGS PA DE'I DON BSDUS PA YIN GYI, BSDU BA'I TSIG DNGOS LA DE LTAR MI 'BYUNG NGO, ,DON DAM PA'I LE'U RNAMS ZHES MANG TSIG GIS SMOS PA YANG LE'U 'DI BZHI YONGS RDZOGS KYIS DON DAM PA'I MTSAN NYID LNGA BSHAD PAS, BZHI GAR DON DAM PA'I LE'U ZHES GSUNGS PA YIN TE, LE'U SO SO'I MJUG TU TSIGS BCAD RKANG PA BZHI'AM BRGYAD RE 'BYUNG BA LE'U DE DANG DE'I DON BSDU YIN PAS, 'DIR YANG BKOD YOD DO, ,CHOS RNAMS KYI MTSAN NYID NI, DGONGS 'GREL LAS ZHES 'DIR BSDUS NAS GSUNGS KYANG BSDU BA RANG LAS SEMS KYI MTSAN NYID DANG CHOS KYI MTSAN NYID GNYIS SU PHYE NAS DANG PO STON PA LA, BCOM LDAN 'DAS LA BLO GROS YANGS PAS ZHU BA ZHUS PA ZHES PA NAS, LEN PA'I RNAM PAR SHES PA ZAB CING PHRA, , ZHES SOGS KYI BAR BLO GROS YANGS PA'I LE'U DANG, GNYIS PA STON PA LA, BCOM LDAN 'DAS LA YON TAN 'BYUNG GNAS KYIS ZHU BA ZHUS PA ZHES PA NAS, MTSAN NYID MED PA'I CHOS NI RAB SHES NA, ,KUN NAS NYON MONGS CHOS NI RAB SPONG 'GYUR, , KUN NAS NYON MONGS CHOS NI RAB SPANGS NA, ,SHIN TU RNAM DAG MTSAN NYID RAB THOB 'GYUR, ,ZHES PA'I BAR YON TAN 'BYUNG GNAS KYI LE'U YONGS RDZOGS DRANGS PA GNYIS KA BKOD PA YIN TE, MTSAN NYID KYI LE'U RNAMS ZHES GSUNGS @43B PA'I PHYIR DANG, DGONGS 'GREL GYI 'GO NAS MTHAR TSIGS SU DRANGS PA LA BLO GROS YANGS PA'I LE'U 'DOR DON MED PA'I PHYIR, THA MA 'DIS MTSAN NYID MED CES PA DANG, KUN NAS NYON MONGS ZHES PA DANG, SHIN TU RNAM DAG CES PAS MTSAN NYID GSUM BSTAN PA YIN NO, ,NGO BO NYID MED PA'I MTSAN NYID STON PAR DON DAM YANG DAG 'PHAGS ZHUS YONGS RDZOGS DRANGS LA BYAMS ZHUS DRANGS PA'I MTSAMS SBYOR DU CHOS RNAM PAR 'GOD PA LAS BRTZAMS NAS RNAL 'BYOR GYIS YONGS SU BSDUS PA'I ZHI GNAS DANG LHAG MTHONG GI RAB TU DBYE BA NI DGONGS PA NGES PAR 'GREL BA LAS JI SKAD 'BYUNG BA BZHIN RIGS PAR BYA STE ZHES GSUNGS KYANG, LE'U 'DI'I PHYI DON GSUNGS PA DRANG DON DU 'GREL PA'I GNAD KYI NGO BO NYID MED PA'I LE'UR SDUD PA RNAMS KYI SGRA'I DON YIN NAM DPYAD, MTHAR THUG RIGS NGES PA DANG, RNAM SHES TSOGS BRGYAD SOGS NI SPYAN RAS GZIGS KYI LE'U SOGS LAS THOR BUR GSUNGS PA MA GTOGS SNGA MA RNAMS DANG 'DRA BAR LE'U RIL POS STON PA MED PAS LE'U RNAMS ZHES MA SMOS PAR DGONGS 'GREL LAS GSUNGS PA RNAMS ZHES SMOS LA BYANG SA SOGS LAS GZHAN DBANG KUN BTAGS KYIS STONG PA YONGS GRUB TU SGRUB TSUL 'OG TU 'CHAD PAR 'GYUR BAS, 'DIR ZUR TZAM LAS MA SMOS SO, ,SKABS 'DIR GNYAL STON DPAL 'BYOR LHUN GRUB KYIS DON DAM PA MTSAN NYID LNGA LDAN ZHES PA DANG MDO SDE RGYAN DRANGS NAS DE LTAR DU BSHAD PA NI 'OL TSOD KYIS NYA DANG NYUNG MA BSRES PA'O, ,YANG DES 'PHAGS PA THOGS MED KYIS GTZO BOR DGONGS 'GREL LA BRTEN NAS ZHES GTZO @44A *, ,BOR SMOS PA, RGYUD BLA MA'I 'GREL PAR SEMS BDEN STONG GTAN LA 'BEB PA'I TSE, GZUNGS KYI DBANG PHYUG RGYAL PO SOGS LA BRTEN KYANG DE GTZO BO YIN PA 'GOG CHED DU BSHAD PA YANG MA 'BREL TE, 'PHAGS PA THOGS MED KYIS GSUNGS TSAD MDO GANG LA BRTEN 'CHAD PA MIN GYI, SEMS TZAM DANG MTHUN PA'I DRANG NGES KYI TSUL 'DI GANG LA BRTEN 'CHAD PA 'OG TU KLU SGRUB KYIS GANG LA BRTEN 'CHAD PA'I SKABS KYIS SHES LA, DE YANG LEGS PHYE'I NANG NAS LANG GSHEGS SOGS LAS 'DI GTZO BO'I DON YIN GYI, SKABS 'DIR GZUNGS KYI DBANG PHYUG RGYAL POR BRTEN PA TZAM YANG MA YIN PAS GTZO BO SMOS DON MED LA, DE'I TSE DE GTZO BA'I PHYIR, /DZI/ DE LA DANG PO JI LTAR YOD CE NA ZHES PA'I DON LA BRA STIS SGRO SKUR BYED TSUL JI LTAR YOD CE NA ZHES BSHAD KYANG, 'OG TU SGRO SKUR SPANG BA'I TSUL GYIS YOD DE ZHES GSUNGS KYI ZHES PA DANG MA 'BREL BAS, RANG LUGS DKA' 'GREL LAS, GNAS LUGS KYI DON JI LTAR YOD CE NA, ZHES PA LTAR GNAS LUGS SAM MTHA' GNYIS SPANG BA'I DBU MA'I LAM DE JI LTAR YOD CES DRIS PA YIN NO, ,'DI LA BSAM NAS GZHI GRUB NA SGRO SKUR SPANG BA'I TSUL GYIS YOD PAS KHYAB PAR SMRA BA YIG CHA GSAR RNYING GNYIS KAS BKAG PA, GZHUNG GI DON YANG MA YIN TE, GZHUNG 'DI'I DON BLO DMAN PA RNAMS KYIS GNAS LUGS JI LTAR YOD BTZAL BA'I TSE KHA CIG MED BZHIN DU LHAG PAR SGRO BTAGS TE SGRUB TSOD MA ZIN PAR DBUS NAS THAL SONG BAS RTAG MTHA' DANG, KHA CIG YOD PA DE LA @44B YANG MED DO ZHES DGAG TSOD MA ZIN PAR DBUS NAS THAL SONG BAS CHAD MTHA' STE MTHA' GNYIS SPANG BA'I TSUL GYIS YOD CES PA MA ZIN PA SMOS PA'I DON YIN PA'I PHYIR, GZHAN DU NA SGRO 'DOGS SPANGS PA DANG ZHES SMOS PA'I CHOG PA'I PHYIR, SGRO 'DOGS SGRO 'DOGS KYI MTHA' MIN LA, SGRO 'DOGS KYI MTHA' DANG, RTAG MTHA' YOD MTHA' SOGS BRTAGS PA MTHA' BZUNG GI DON GCIG KYANG SPYIR MED PA DANG, 'ON KYANG DER GNAS PA DANG LHUNG BA YOD PA MI 'GAL BA SOGS DANG, CHOS THAMS CAD GZHI DBU MA YIN KYANG RANG STON PA'I GZHUNG DANG RTOGS PA'I BLO DE GZHUNG DANG LAM GYI DBU MA YIN MI DGOS PA SOGS ZHIB CHA PHRAN TSEGS RNAMS MTHA' DPYOD LAS SHES PAR BYA'O, ,KHA CIG GZUGS LA SOGS PA'I CHOS RNAMS DANG, GZUGS LA SOGS PA'I NGO BO ZHES SMOS PA KHYAD PAR DANG NGO BO'I DBANG DU BYAS ZER YANG, SNGA MAS CHOS RNAMS SPYIR BSTAN PA, PHYI MAS SGRO 'DOGS KYI GZHI'I GTZO BO GZHAN DBANG YIN PAS DE NYID DMIGS KYIS BSAL BA'O, ,KHA CIG 'O NA 'DIR DNGOS SU BSTAN PA'I SGRO 'DOGS KYI GZHI KUN BTAGS MIN NAM ZHE NA 'OG TU 'CHAD DO, ,DE NAS SKUR 'DEBS KYI GZHI GZHAN DBANG KHYAD CHOS GSUM LDAN DU BSHAD PA'I GNYIS PA BRJOD DU MED PA'I DNGOS PO'I DON, DKA' 'GREL LAS BRDA SBYOR DGOS KYI DNGOS PO ZHIG PA GSUNGS PA'I DGONGS PA YIG CHAR BRDA SBYOR DGOS KYI GANG ZAG GI NGO LA SBYAR TE, SPYIR RANG GRUB TZAM NAS THA SNYAD DANG LDAN DGOS PAR DGONGS SO, ,RIN CHEN BYANG CHUB KYIS KYANG BUM BRDA MA SBYAR BA DES LTO LDIR BA MTHONG BA'I TSE @45A *, ,RANG GI NGO BO TZAM BRJOD DU YOD KYANG BUM PA'I THA SNYAD BRJOD DU MED PAS, MTSON BYAS BSDUS PA'I 'DUS BYAS RNAMS BRJOD DU MED PA'I DNGOS PO MIN LA, MTSAN NYID KYIS BSDUS PA RNAMS DE YIN NO ZHES BSHAD DE, MTSON BYA LA RANG GI NGO BO NGES PA LAS LOGS SU THA SNYAD TSOL RGYU MED PA LA BSAM PA'O, ,'ON KYANG KUN MKHYEN 'JAM DBYANGS BZHAD PA RANG NYID KYI DGONGS PA NI BRJOD DU MED PA'I DNGOS PO'I DON, DON DAM PAR SGRA RTOG GI YUL MA YIN PA LA BYED PAR MNGON TE, BYANG SAR, BTAGS PA'I TSIG GI MTSAN MA'I GZHI ZHES SOGS KYIS BSHAD PA'I KHYAD CHOS GSUM DANG, 'JUG PAR SEMS TZAM PA'I 'DOD PA BRJOD PA'I SKABS SU, YOD DANG SPROS KUN YUL MIN RANG BZHIN YOD, ,CES KHYAD CHOS GSUM GSUNGS PA SBYAR TE, GNYIS KA'I THAD DU, DON DAM PAR SGRA RTOG GI SPROS PA'I YUL MA YIN PA'AM, BRJOD DU MED PA DANG, ZHES GSUNGS PA'I PHYIR, DON DAM PAR DE'I YUL MIN TSUL YANG, GNAS KYI BKOD PA LTA BU ZHIG GZHAN GYIS BRJOD PA'I TSE BLOR LAM GYIS 'CHAR RGYU ZHIG YOD PA DE SGRA SPYI YIN GYI DON DNGOS MA YIN TE, DE YIN NA MIG GIS MTHONG BA LTAR RTZI SHING SOGS KYANG 'CHAR DGOS PA LA, DE DAG 'CHAR BA SO SO NAS BRJOD DGOS KYI, BRDA GCIG GIS KHYAD PAR KUN BLOR 'PHEN MI NUS PA'I PHYIR, SEL BA'I RNAM PA'I 'JUG TSUL YANG DE YIN TE, RNAM 'GREL LAS, KHYAD PAR RNAMS LA BRDA DAG NI, ,'JUG PA SRID PA YOD MA YIN, ,ZHES DANG, DGONGS PA RAB GSAL LAS, @45B DNGOS SU NA BTAGS PA'I RNAM PA 'DZIN PA'I ZHES GSUNGS PA'I PHYIR, DER MA ZAD ZHIB TU PHYE NA BRJOD PA PO'I RTOGS DUS KYI DE KHO NA'I DON SPYI YIN GYI, SKABS DER YOD PA DE'I SGRA SPYI YIN PAR MA NGES TE, SKABS DER YUL JI LTAR YOD KYANG, BLO LA DE'I BSHAD PA LTAR GYI RNAM PA ZHIG 'CHAR BA'I PHYIR, 'ON KYANG SANGS RGYAS KYI GSUNG GI KHYAD PAR YANG BRJOD PA'I, SEL 'JUG MA YIN PAR BLA MA DAG 'CHAD KYANG, GCIG GIS BLOR MNYAM DU MI 'PHEN PAS DPYAD DGOS, DE LA 'O NA YOD DANG ZHES PAS KUN BTAGS KYI GZHI YIN PAR JI LTAR BSTAN ZHE NA, GZHUNG DE'I PHYOGS SNGAR DBUS MTHA'I 'GREL PA SOGS YOD CING, DER LHAG MA YOD PAR GSUNGS PA KUN BTAGS BKAG SHUL NA DES STONG RGYU'I GZHI DANG STONG PA DON DAM PAR YOD PA LA 'OG TU 'CHAD PAR 'GYUR BAS 'DIR SMOS PA YANG DER MA GRUB BZHIN DU DER KUN BTAGS PA'I GZHI DON DAM PAR YOD PA LA BYA YI, SPYIR YOD TZAM LA MI BYA STE, DBU MA SNYING POR YANG, BTAGS PA RGYU MTSAN BCAS PHYIR DANG, ZHES SMOS SO, ,BRA STI'I DRANG NGES RNAM 'BYED RGYAS PAR GZHAN DBANG GI GTZO BO KUN RTOG DANG YONGS GRUB GNYIS RANG RIG DANG MI RTOG YE SHES KYI NGOR GNYIS SNANG NUB PA'I PHYIR SPROS PA'I RNAM PAR BRJOD DU MED PA LA BSHAD PA YANG BAB LEGS KYANG SNGA MA GZHUNG SPYI DANG MTHUN NO, ,'DIR 'DUL BA LAS NYAMS PAR GSUNGS PA'I 'DUL BA NI, SGRIB PA ZAD BYED KYI DMIGS PA CHOS NYID STON PA'I MDO DGONGS 'GREL SOGS LA BYA YI, DE'I BYED PA LUS NGAG GI LTUNG BA 'GOG PA'I SO THAR GYI @46A *, ,'DUL BA SOGS LA MI BYA'O, ,DE LTAR 'DUL BA GNYIS SU DBYE BA YANG, THEG PA CHEN PO'I MAN NGAG GI MDO LAS, 'DUL BA NI DE BZHIN GSHEGS PAS GNYIS 'THAD GSUNGS TE, GNYIS GANG ZHE NA, LTUNG BA 'DUL BA DANG, NYON MONGS PA 'DUL BA'O, ,ZHES GSUNGS PA'I PHYIR, /WI/ 'DIR THAMS CAD KYIS THAMS CAD CES SMOS PA'I DON LA KHA CIG DBU MA PA THAMS CAD KYIS CHOS THAMS CAD BDEN PAR MED DO ZHES SKUR BA 'DEBS PA LA 'DOD KYANG, 'DI LTAR BSHAD NA LEGS SAM SNYAM STE, RTZA SHES LAS, DNGOS PO GANG DANG GANG NA YANG, ,SKYE BA NAM YANG YOD MA YIN, ,ZHES GUR KUM DANG LO TOG LTA BU YUL DUS 'GA' ZHIG TU MI SKYE BA LTA BU MA YIN PAR, YUL DUS GRUB PA'I MTHA' GANG GI DBANG GIS YANG RANG MTSAN GYIS SKYE BA MED PAR GSUNGS PA LTA BU RANG MTSAN CHA THAMS CAD NAS MED PAR SGRUB PA LA LUGS 'DIS SKUR 'DEBS SU BSHAD PA'O, ,BSHAD TSUL 'DI LTAR 'THAD PA NI, 'OG TU DON DAM PAR YOD PA'I DNGOS PO YE MED DAM, THAMS CAD KYIS THAMS CAD DU MED CES PA 'GOG PA YIN GYI ZHES PAS KYANG SHES SO, ,'DI LA PAR GSAR RNYING GNYIS KAS THAMS CAD DU MED CES 'GOG PA ZHES 'DUG KYANG, GONG DU YE MED MIN GSUNGS PA NI ZHES PA DANG SBYAR NA CHAD PA YIN TSOD DU 'DUG PAS BRTAGS DGOS, 'DI LA KHA CIG BRJOD DU MED PA'I DON DAM PAR SGRA RTOG GI YUL MA YIN PA LA BSHAD PA MI RIGS PAR THAL, 'DUS MA BYAS RNAMS KYANG DON DAM PAR SGRA RTOG GI YUL MA @46B YIN PA GANG ZHIG ,'DI 'DUS BYAS LA SBYAR BA'I PHYIR NA MA KHYAB STE, 'DUS BYAS RNAMS DON DAM PAR SGRA RTOG GI YUL YANG YIN PAS DE'I YUL DU DON DAM PAR GRUB SNYAM PA'I DOGS PA CHE BA 'GOG CHED YIN PA'I PHYIR, GZHAN DU NA KUN BTAGS 'DOGS PA'I GZHI YIN PA'ANG 'DIR SBYAR MI RIGS PAR THAL, 'DUS MA BYAS RNAMS KYANG DE YIN PA'I PHYIR, YANG KHA CIG GZHAN DBANG RANG MTSAN GYIS MED PA DE SGRO 'DOGS KYI MTHA' YIN PAR THAL, DE LTAR 'DZIN PA'I BLO DE SGRO 'DOGS YIN PA'I PHYIR TE, GZHAN DBANG RANG MTSAN GYIS GRUB PAR RTOGS PA'I YID DPYOD KYIS GCOD RGYU'I MTHA' GCIG 'DZIN GYI SGRO 'DOGS YOD PA'I PHYIR NA MA KHYAB STE, DE YIN KYANG SGRO 'DOGS YIN MI DGOS PA'I PHYIR, KHYOD RANG LA DE CHOS CAN, BYANG SA'I DNGOS BSTAN GYI SGRO 'DOGS YIN PAR THAL, BTAGS PA'I TSIG GI MTSAN MA'I GZHI ZHES SOGS KYI DNGOS BSTAN GYI SGRO 'DOGS YIN PA'I PHYIR TE, GZHUNG 'DIS DNGOS SU 'GOG RGYU LA SGRO 'DOGS GCIG YOD PA'I PHYIR, BYAS PA LA KHO NA RE, SGRO SKUR MI 'GAL BAR THAL, GZHAN DBANG RTOGS PA'I BTAGS TZAM DU GRUB PAR 'DZIN PA DE DANG PO GANG ZHIG ,PHYI MA YIN PA'I PHYIR TE, DE RTOG BTAGS TZAM DU BZUNG NA MTSAN NYID GSUM GA LA SKUR 'DEBS SU BSHAD PA'I PHYIR ZER NA, DANG PO MA GRUB BYAS PA LA KHO NA RE, DER THAL, RTOG BTAGS TZAM DU MA GRUB BZHIN DU GRUB PAR BZUNG BA'I PHYIR NA MA KHYAB STE, BDAG DANG 'JIG RTEN MTHA' DANG LDAN PAR LTA BA DES MI LDAN BZHIN DU LDAN PAR BLTAS KYANG, RNAM BSHAD LAS, MTHA' DANG LDAN PA SKYE BA @47A *, ,PHYI MAR MI 'JUG PAR LTA BA ZHES GSUNGS LA, GSER PHRENG LAS KYANG, MTHA'I DON DE LTAR 'CHAD PA'I DBANG DU BYAS NA 'DU BA'I LTA BAR GSUNGS KYI G-YO BA'I LTA BAR MA GSUNGS PA'I PHYIR RO, /ZHI/ ,'DI LA DPYOD LDAN KHA CIG NA RE, MTHA' GNYIS SPONG TSUL SPYIR BSTAN PA'I SKABS KYI SGRO 'DOGS KYI MTHA' DANG, SGRO 'DOGS KYI MTHA' BYE BRAG TU 'GOG PA'I SKABS KYI SGRO 'DOGS KYI MTHA' GCIG GAM MI GCIG ,MI GCIG NA DE GNYIS 'GOG BYED SO SO BA DGOS PA LA, 'OG TU NGO BO DANG, KHYAD PAR DU BTAGS PA DES DON DAM PAR STONG PAR BSTAN PAS 'GOG STE, ZHIB TU 'CHAD PAR 'GYUR RO, ,ZHES THUN MONG DU GSUNGS PA DANG 'GAL LO, ,GCIG NA NI, 'OG MAR CHOS BDAG DGOS PAS, 'DIR YANG DE DGOS SAM, DGOS NA KUN BTAGS RANG MTSAN GYIS GRUB PA YANG DER 'GYUR TE, KUN BTAGS RANG MTSAN GYIS GRUB PAR 'DZIN PA SGRO 'DOGS SU DNGOS SU BSTAN NAS, DON DAM PAR YOD PAR 'DZIN PA SGRO 'DOGS SU SHUGS LA BSTAN PA'I PHYIR ZER NA, SNGON GYI MKHAS PA MANG PO ZHIG KUN BTAGS RANG MTSAN GYIS GRUB PA CHOS BDAG TU 'DOD DE, 'DIR BYANG SA'I DON 'CHAD PA'I TSE GONG DU TSIG GIS BTAGS PA'I NGO BO NYID GZUGS LA SOGS PA TSIG GIS BTAGS PA'I GZHI DE NYID RANG MTSAN GYIS YOD PAR ZHEN PA LA BYAS NAS, DON BSDUS TSE, SPYIR KUN BTAGS DON DAM DU YOD PAR ZHEN PA LA GSUNGS KYI, DE GNYIS KHYAD MA PHYE BA'I PHYIR ZER, @47B MTHA' GNYIS SPYIR BSTAN PA'I DE LA KUN BTAGS RANG MTSAN GYIS GRUB PA YONG ZHING, SGRO 'DOGS KYI MTHA' BYE BRAG TU DGAG PA'I SKABS KYI SGRO 'DOGS KYI MTHA' LA YANG YOD CHOG MOD 'ON KYANG CHOS BDAG DNGOS YIN MI DGOS TE, 'DIR BSHAD PA'I KUN BTAGS NI THAG KHRA SBRUL DU SNANG BA'I SNANG CHA DANG DPE DON SBYOR BA GONG DU BSHAD ZIN PAS DE'I STENG NAS BSHAD NA DE 'DRA'I SNANG CHA DE BLOS BTAGS TZAM MA YIN PAR GRUB NA RANG NGOS NAS SBRUL GYI RNAM PAR SKYE DGOS LA, DE SKYES NA DE 'DRA'I SNANG CHA DE GZHI THAG KHRA DE DANG 'BREL ZHING, SBRUL GYI RNAM PAR SKYES PA DE YANG DON BDEN PA YIN PAS THAG KHRA'I GSHIS SU SONG STE, THAG KHRA DE NYID SBRUL DU GRUB DGOS KYI LOG NA SBRUL DU GRUB RGYU GZHAN MED DO, ,'ON KYANG SNANG CHA SBRUL GYIS STONG PA DE THAG KHRA SBRUL DU GRUB PA BKAG TZAM YANG MIN LA, SNANG CHA SBRUL DU MA GRUB PAR BZUNG BAS THAG KHRA SBRUL 'JIGS KYANG DNGOS SU MI SEL LO, ,DE BZHIN DU NGO BO DANG KHYAD PAR LA KUN BTAGS PA'I KUN BTAGS DON DAM PAR GRUB NA YONGS GRUB LTAR GZHI GZHAN DBANG DE'I SDOD LUGS SU MI BSLU DGOS PAS, CHOS BDAG TU KUN BTAGS PA DON LA GNAS DGOS KYANG KUN BTAGS DON DAM PAR MA GRUB PA CHOS KYI BDAG MED PHRA MO YIN MI DGOS SO, ,'DIR THUN MONG DU BKAG PA NI SNGAR BSHAD PA LTAR KUN BTAGS RANG MTSAN GYIS GRUB PA DANG CHOS BDAG YOD NA YOD MNYAM DANG, MED NA MED MNYAM YIN DGOS PA'I RIGS PA'I 'PHUL YIN PAS RIGS PA'I 'PHUL DANG DNGOS KYI KHAS BLANGS GNYIS KHYAD PHYED PA GAL CHE'O, /ZI/ ,BYANG SA'I LUNG 'DIS DE GNYIS KA @48A *, ,YANG MI RIGS SO ZHES PA YONGS GRUB KUN BTAGS GNYIS LA BYED KYANG GONG DU GNYIS KA LA BSHAD PA LA SKYON MED CES PA, GZHAN DBANG YONGS GRUB GNYIS LA BYED DE, DGONGS 'GREL LAS, BTAGS PA'I TSIG GIS MTSAN MA'I GZHI GZHAN DBANG LA SBYAR BA'I DON BZHIN, BYANG SA'I YANG DNGOS SU GZHAN DBANG GCIG PU DON DAM PAR MA GRUB PAR LTA BA SKUR 'DEBS SU BSHAD MOD KYANG, BSHAD TSUL DE GZHAN DBANG YONGS GRUB GNYIS KA LA SBYAR TE DON DAM PAR MA GRUB PAR LTA BA SKUR 'DEBS SU BSHAD CHOG PA'I PHYIR, ZHES PA'I DON YIN PAS SO, ,'DI LA KHA CIG GZHAN DBANG DON DAM PAR MA GRUB PAR LTA BA SKUR 'DEBS SU DNGOS SU MA BSHAD PAR THAL, GZHAN DBANG RANG MTSAN GYIS MA GRUB PAR LTA BA SKUR 'DEBS SU DNGOS SU BSHAD NAS DON DAM PAR MA GRUB PAR LTA BA SKUR 'DEBS SU SHUGS LA BSHAD PA'I PHYIR, DER THAL, KUN BTAGS RANG MTSAN GYIS GRUB PAR LTA BA SGRO 'DOGS SU DNGOS SU BSHAD NAS DON DAM PAR GRUB PAR LTA BA SGRO 'DOGS SU SHUGS LA BSHAD PA'I PHYIR NA MA KHYAB STE, BYANG SA'I GZHUNG RANG NYID LAS SNGA MA LA RANG GI MTSAN NYID KYIS YOD PA MA YIN PA LA ZHES GSUNGS SHING, PHYI MA LA DON DAM PAR YOD PA YANG DAG PA'I DNGOS PO LA ZHES GSUNGS PAS, KHYAD YOD PA MNGON SUM GYIS GRUB PA'I PHYIR, SPYIR DON DAM PAR GRUB PA DANG RANG MTSAN GYIS GRUB PA LA KHYAD MED KYANG, 'DIR DE LTAR GSUNGS PA'I RGYU MTSAN YOD DE, KUN BTAGS BDEN PAR MA GRUB KYANG DE LA BDEN @48B GRUB KYI NGO BO NYID MED PA ZHES MA GRAGS PAR MTSAN NYID NGO BO NYID MED PA ZHES GRAGS PA'I ZLAS DRANGS NAS RANG GI MTSAN NYID KYIS GRUB PAR 'DZIN PA SGRO 'DOGS SU BSHAD CING, DBU MA PA RNAMS DON DAM DU YOD PA'I YOD MTHA' DANG, THA SNYAD DU MED PA'I MED MTHA' ZHES ZER GYI RANG MTSAN GYIS GRUB PA'I YOD MTHA' ZHES CHER MA GRAGS PAS, SNGA MA DES ZLAS DRANGS NAS DON DAM DU MED PAR 'DZIN PA SKUR 'DEBS SU DNGOS SU BSHAD PA YIN PA'I PHYIR, GZHAN DBANG RANG MTSAN GYIS MA GRUB PAR 'DZIN PA DE GZHAN DBANG DON DAM PAR MA GRUB PAR 'DZIN PA YIN PAS, BYANG SA'I DNGOS BSTAN GYI SKUR 'DEBS YIN KYANG, BYANG SA'I DE DNGOS SU SKUR 'DEBS SU BSHAD MI DGOS SAM SNYAM STE BRTAGS PAR BYA'O, /'I/ ,'DI NI PHYOGS SNGA MAS KHO BO CAG CHOS RNAMS MED DO ZHES MI SMRA YI, DON DAM PAR MED CES SMRA BA YIN PAS, GANG ZAG LTA BU YANG RANG GI GDAGS GZHI'I PHUNG PO LNGA LA BTAGS TZAM DU YOD DO ZHES PA'I LAN KHONG NAS BSUS TE 'GOG PA YIN LA, 'GOG TSUL NI GANG ZAG RTOGS BTAGS TZAM DU YANG MED PAR THAL, DE GANG LA 'DOGS PA'I GZHI KHO RANG MED PA'I PHYIR, DE THAL, THO YOR LA MIR 'KHRUL PA'I TSE DE'I CHA SHAS SOGS LA MGO DANG LUS SOGS SU RLOM PA SKYE YANG, DE TZAM GYIS THO YOR GYI MI'I GDAGS GZHIR GYUR PA'I LUS SOGS DON DU YOD MI DGOS PA DANG 'DRA BAR 'DIR GANG ZAG DNGOS KYI GDAGS GZHI DE YANG RLOM TZAM LAS DON DU MED PA'I PHYIR ZHES PA STE, DON BSDUS NA, GDAGS GZHI MED PA'I GDAGS CHOS MI RUNG NGO ZHES PA YIN LA, @49A *, ,DBU MA PAS DE LA LAN 'DEBS TSUL NI, THO YOR GYI MI DANG MI DNGOS GNYIS SEMS KYI SNANG CHA TZAM DU MTSUNGS MOD KYANG, MIR GRUB MA GRUB KYI KHYAD PAR 'BYED TSUL YOD DE, SNGA MA NI RANG GIS KYANG MI MA YIN PAR SLAR NGES PA'I TSE THA SNYAD PA'I TSAD MAS KHEGS PAR 'GYUR LA, GZHAN GYIS KYANG DE MI MA YIN NO ZHES GRAGS PAS 'GOG PAR 'GYUR ZHING, MI DNGOS LA NI DE LTAR THA SNYAD PA'I TSAD MAS GNOD PA MI 'JUG PA'I PHYIR ZHES SMRA STE, LHAG MTHONG CHEN MOR THA SNYAD PA'I TSAD MAS MI GNOD PA DGOS TE, DE LTA MA YIN NA DBANG PHYUG LA SOGS PA THA SNYAD DU KHAS MI LEN LA, GZUGS SGRA SOGS THA SNYAD DU KHAS LEN PA'I KHYAD PAR GTAN MI RUNG BAS, ZHES GSUNGS PA'I PHYIR, KHA CIG 'DI LA YANG RTON PA PHYI MA GNYIS GO ZLOG PAR THAL BA'I SKYON BRJOD MOD KYANG 'GOG TSUL STONG THUN LAS SHES PAR BYA YI, SKABS MIN PAS 'DIR MA SPROS SO, ,THAL 'GYUR BA PHYI DON KHAS LEN PA'I RGYU MTSAN YANG, DE LA BLO LA SNANG RGYU TZAM ZHIG YOD LA, SNANG TZAM PO DER THA SNYAD PA'I TSAD MAS GNOD PA 'DI PAS KYANG MA BRJOD CING DON DU YANG MI 'JUG PA DE'I GNAD KYIS YIN TE, GRUB MTHA' RTZA BAR, THA SNYAD DPYOD BLOS MI KHEGS MI 'GRUB PHYIR, ,PHYI DON YOD DANG ZHES GSUNGS PA'I PHYIR, /YI/ ,'DI DAG LA DBU MA PAS LAN 'DEBS TSUL NI, RTZA SHES RAB BYED NYER BZHI PAR, KHYOD KYIS RANG GI SKYON RNAMS NI, ,NGA LA SKYON DU SGYUR BYED PA, ,RTA LA MNGON PAR ZHON BZHIN DU, ,RTA NYID BRJED PAR GYUR PA BZHIN, ,ZHES PA NAS, GAL TE 'DI KUN MI @49B STONG NA, ,'BYUNG BA MED CING 'JIG PA MED, ,CES SOGS TE, KHO BO CAG RANG NGOS NAS MED PAR SMRA BA LA RGYU RKYEN GZHAN GYIS BCOS PA LHAG PAR 'THAD PA YIN GYI, RANG BZHIN DANG BCOS MA RGYAB 'GAL YIN PAS SEMS TZAM PA KHYED CAG LA RGYUS MED PAR THAL BA 'BYUNG BA LA DA DUNG NGED 'GOG PA MI RIGS TE, DE NI RTA LA ZHON BZHIN DU BRJED NAS GZHAN LA RKUN KHAG 'GEL BA DANG 'DRA BA'I PHYIR TE, RTEN 'BYUNG KHAS LEN LA GNAS BZHIN DU RTEN PA'I DON BRJED DE, PHAR BTAGS TZAM GYIS YOD PA DE MA SHES PAR KHO BO CAG GIS RTEN 'BYUNG GI CHOS LA SKUR BA BTABS SO ZHES SMRA BA'I PHYIR ZHES PA'I DON NO, ,'DI LTAR DBU MA PAS LAN 'DEBS TSUL DANG SGRAGS PA 'DI YANG BSHAD PA RGYA BSKYED BYED TZAM MA YIN GYI, RJE BLA MAS LUGS 'DIS BSAMS SO GSUNGS PAS, RANG LUGS KYI LAN 'DEBS TSUL DE SHUGS NA 'DON RGYU YOD PA YIN KYANG, DGONGS PA KHONG NA YOD PA LTA CI, TSIG RIS DKA' BA RNAMS LA SLOB PA'I TSE NA YANG LEGS BSHAD SNYING PO 'DI LA 'GREL PA MANG YANG BKRAL BA NYUNG BAR SNANG BAS ZUR TZAM BRIS PA'O, /RI/ ,'DIR GZHAN DBANG KHO RANG ZHES SMOS PA'I TSIG GI NUS PA 'DON TSUL NI, SEMS TZAM PA RNAMS GZHAN DBANG RANG NGOS NAS SAM, RANG BZHIN GYIS MED CES PA LA GZHAN DBANG KHO RANG MED ZER BA ZHIG TU GO BA'I DON TE, RANG RGYUD PA MAN CHAD GZHAN DBANG RANG NGOS NAS GRUB PA DANG, GZHAN DBANG SO SOR 'BYED MI NUS PAS CHOS CAN MTHUN SNANG BA DANG, RANG RGYUD PA'I LUGS KYI BLO GNOD MED KYANG MED PAR 'GYUR TE, 'DIR MA SPROS SO, /1/ ,THAL @50A *, ,'GYUR BA KHYED CAG /2/ BTAGS TZAM MA YIN PAR GRUB PA'I STONG PA /3/ THA SNYAD BTAGS YOD TZAM DU YOD CES PA DE YANG TSIG TZAM DU SONG STE DON LA CI YANG MED PAS, /LI/ 'DIR GANG ZAG TU LTA BA NI SLA YI ZHES SOGS DRANGS PA NI, DKON BRTZEGS LAS, 'OD SRUNG GANG ZAG TU LTA BA RI RAB TZAM NI SLA YI, MNGON PA'I NGA RGYAL CAN STONG PA NYID DU LTA BA NI DE LTAR MA YIN NO ZHES PA 'DI NYID YIN PAS, SEMS TZAM PA RNAMS GANG ZAG TU LTA BA 'JIGS LTAS NI BSOD NAMS KYI LAS KYANG SLONG BAS, DNGOS SU NGAN 'GROR BSKYUR BYED YIN PAR MA NGES LA, CHAD PAR LTA BAS BSLAB PA SOGS LAS G-YEL BAR BYAS PAS MTHA' GCIG TU NGAN 'GROR BSKYUR BAR 'DOD DE, MED PAR LTA BA TSE RABS PHYI MA LA, ,GNAS PA DE NA MUN NAG RLUNG GRANG LDANG, ,DE NA RUS PA'ANG 'JIG PA'I NAD SLONG NA, ,BDAG LA PHAN 'DOD SU ZHIG DE RGYU 'JUG ,CES PA LTAR RO, ,'DI LA DBU MA PA RNAMS KYIS LAN 'DEBS TSUL NI, MDO DE'I DON DE LTAR MIN GYI; RTZA SHES LAS, GANG ZHIG RANG BZHIN GYIS YOD PA, ,DE NI MED PA MIN PAS RTAG ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,ZHES PA LTAR, ,DUS SNGA MAR CHAGS SOGS RANG BZHIN GYIS SKYES PA PHYIS 'GAG PAR KHAS BLANGS NA RANG BZHIN GYIS SKYES PA'I RTAG LTAR 'GYUR LA, DE 'GAG PAS CHAD LTAR 'GYUR BA STE, SPYIR SKYES PA 'GAG PAS CHAD LTAR MI 'GYUR KYANG RANG BZHIN GYIS YOD NA GTAN DU YOD DGOS PA LA DE 'GAG PAS CHAD LTAR 'GRO BA'I DON YIN TE, @50B LANG GSHEGS LAS, BCOM LDAN 'DAS GANG GIS SNGAR 'DOD CHAGS DANG, ZHE SDANG DANG, GTI MUG DAG G-YAR GYI KHAS BLANGS NAS, PHYIS 'DOD CHAGS DANG ZHE SDANG DANG GTI MUG GI DNGOS PO YOD PA MA YIN NO, ,ZHES SMRA BA DE NI MED PAR GYUR PA LAGS SO, ,ZHES PA NAS, BLO GROS CHEN PO NGAS 'DI LA DGONGS TE GANG ZAG TU LTA BA RI RAB TZAM NI SLA YI, YOD PA DANG MED PA NYID TU MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,ZHES BSHAD DO, ,ZHES GSUNGS PA'I PHYIR, 'DI'I MED PA DE LA STAG LO SOGS DPYAD PA RIM PA GSUM BYAS NAS DANG POR CHOS RNAMS YOD PA DANG PHYIS MED PAR 'DOD MKHAN DE 'DRA ZHIG DGOS SAM SNYAM NA 'DIR PHYIS MED PAR SMRA ZHES PA SNGAR CHOS THAMS CAD DON DAM PAR YOD PAR KHAS BLANGS LA, PHYIS KHAS BLANGS DE DOR NAS CHOS THAMS CAD MED PAR SMRA BA DE 'DRA MA YIN GYI, 'DUS BYAS RANG BZHIN GYIS SKYES NAS RANG BZHIN GYIS 'JIG PAR 'DOD MKHAN THAMS CAD YONG STE, DBU MA SNANG BA LAS, DE'I PHYIR BCOM LDAN 'DAS KYIS DNGOS POR SMRA BA RNAMS KHO NA MNGON PA'I NGA RGYAL CAN NYID DU BSTAN PA YIN NO, ,ZHES DANG, ZLA BA'I TSIG GSAL LAS, SNGAR DNGOS PO'I RANG BZHIN KHAS BLANGS NAS PHYIS DE LDOG PA LA BRTEN PAR BYED PA DE NI DNGOS PO'I RANG BZHIN SNGAR DMIGS PA LA SKUR BA BTAB PAS MED PAR LTA BAR 'GYUR GYI ZHES PA NAS KUN BTAGS PA'I NGO BO NYID MED PAS YOD PAR LTA BA NYID SPONG ZHING, GZHAN GYI DBANG GI NGO BO NYID KUN NAS NYON MONGS PA DANG RNAM PAR BYANG BA'I RGYUR GYUR PA TZAM ZHIG YOD PAS MED PAR LTA BA NYID SPONG BAR @51A *, ,BYED PA DE LTAR NA KUN TU BTAGS PA YOD PA MA YIN PA'I PHYIR DANG, GZHAN GYI DBANG YOD PA'I PHYIR YOD PA DANG MED PA NYID DU LTA BA GNYIS KAR YANG 'GYUR BA'I PHYIR, ZHES GSUNGS PA'I PHYIR, YANG DBU MA PA RNAMS 'DI LTAR 'CHAD DE, DE LTAR RANG BZHIN MED PAR MTHONG NA BSLAB PA'I GZHI LAS MI G-YEL BAR MA ZAD CHES BRTZON PAR 'GYUR BA YIN TE, 'JUG PA LAS, DE LA DE YI RJES SU 'GRO BA'I YON TAN 'BYUNG, ,RTAG TU TSUL KHRIMS YANG DAG BLANGS NAS GNAS PAR 'GYUR, ,SPYIN PA GTONG BAR 'GYUR ZHING SNYING RJE RTEN PAR BYED, ,CES SOGS LTAR LTA BA DE NYAMS SU LEN PA'I RTEN GYI RGYU LA TSUL KHRIMS DANG, MTHUN RKYEN GYI PHYIR SBYIN SOGS LA SHIN TU GUS PAR BYED PA YIN NO; ;BOD SNGA MA KHA CIG LTA BA RNYED KHUL GYIS LAS RGYU 'BRAS KYI RNAM BZHAG THAMS CAD MTSAN 'DZIN GYI SPYOD PA'O, ,ZHES 'DOD PA NI, SEMS TZAM PAS BRJOD PA'I SKYON 'DI DAG THAMS CAD SPYI BO NAS NOD PA YIN TE, DON 'DI LA DGONGS NAS GANGS LJONGS GRUB THOB YONGS KYI 'KHOR LO'I BSGYUR BA RJE BTZUN MI LA RAS PAS, STONG NYID LA YID CHES STENG STONG NYID KHO RANG RGYU 'BRAS SU SHAR BA GO NAS RGYU 'BRAS KYI 'DOR LEN SDIG SPONG DGE SGRUB LA BRTZON DU RANG 'GRO BA YIN GSUNGS PA DANG YANG KHONG LA GZHAN GYIS CHAD LTA BA YIN ZHES SKUR BA ZHUS TSE, CHAD MA CHAD NGA'I SPYOD PA LA LTOS GSUNGS SO, /SHI/ ,DE LTAR SLOB DPON THOGS MED KYIS BYANG SA'I SKABS 'DIR GZHAN DBANG KUN BTAGS KYIS STONG ZHING, DE'I SHUL DU GZHAN DBANG @51B RANG GI NGO BO BDEN GRUB TZAM ZHIG LHAG MAR LUS RGYU YOD PAS SGRO SKUR GNYIS KA BSAL BAR GSUNGS KYANG RGYUD BLA MAR, 'DI LA BSAL BYA CI YANG MED, ,BZHAG PAR BYA BA'ANG CUNG ZAD MED, ,YANG DAG NYID LA'ANG YANG DAG LTA, ,YANG DAG MTHONG NAS RNAM PAR GROL, ,RNAM DBYER BCAS PA'I MTSAN NYID CAN, ,GLO BUR DAG GIS KHAMS STONG GI ,RNAM DBYE MED PA'I MTSAN NYID CAN, ,BLA MED CHOS KYIS STONG MA YIN, ,ZHES PA'I DON 'GREL PA'I TSE, THOGS 'GREL LAS, DE LTAR NA GANG ZHIG GANG NA MED PA DE NI DES STONG NGO ZHES YANG DAG PAR RJES SU MTHONG LA, GANG ZHIG DER LHAG MAR GYUR PA DE NI DE LA RTAG PAR YOD DO, ,ZHES YANG DAG PA JI LTA BA BZHIN SHES SO, ,ZHES KHAMS BDE BAR GSHEGS PA'I SNYING PO DE NYID SGRIB BYED GLO BUR GYI DRI MA RNAM PAR DBYE RUNG YIN PAS RANG BZHIN LA MA ZHUGS PA DE'I PHYIR RANG BZHIN GYI MYA NGAN GYIS STONG ZHING, DE'I SHUL NA BLA MED BYANG CHUB 'GRUB RUNG GI YON TAN RANG BZHIN RNAM PAR DAG PA'I CHA DE NI RTAG PAR YOD PA LA GSUNGS SO, ,GONG DU BSHAD PA LTAR SEMS TZAM PAS SEMS KYI RANG BZHIN SGRIB PA TZAM GYI DON DU 'DOD RGYU DE YANG DBU MA PA'I LUGS KYI RANG BZHIN LA BSLAD PA ZHUGS PA'I DON DU 'GRO ZHING DE NI RANG BZHIN GYI MYA NGAN YIN PAS, RANG BZHIN LA DRI MAS BSLAD PA MA ZHUGS PA DE RANG BZHIN GYIS MYANG 'DAS DANG, CHOS NYID DU BSHAD PA DE LTAR MA YIN NA LUNG 'DI'I GONG GI RGYAS BSHAD DU, DES NA DE BZHIN GSHEGS PA'I SNYING PO NI RNAM PAR DBYE BA YOD PA DANG BRAL BA'I SHES PA NYON MONGS PA'I SBUBS THAMS CAD KYIS NI STONG PA YIN @52A *, ,LA ZHES RANG BZHIN DRI MAS STONG PA TZAM LA GSUNGS PA DANG, DAR tIK LAS, DE LTAR NA RANG BZHIN GYIS GRUB PA'I CHOS GANG ZHIG GZHI GANG NA MED PA DE NI DES STONG NGO, ,ZHES BDAG MED MNGON SUM DU RTOGS PA'I SHES RAB KYIS YANG DAG PAR RJES SU MTHONG LA, GANG ZHIG DE LA LHAG MAR GYUR PA RANG BZHIN GYIS STONG PA DE NI DE LA RTAG PAR YOD DO ZHES RJES KYI SKABS SU YANG DAG PA JI LTA BA BZHIN DU SHES SO, ,ZHES DGAG BYA'I BDAG GI STONG PA LA GSUNGS PA GNYIS GNAD GCIG TU MI 'GRO BAS GCIG RTZA BA'I DGONGS PA MA YIN PAR 'GYUR LA, DER MA ZAD 'DIR STONG ZHES PA STONG RGYU'I DGAG BYA'I KHYAD TZAM LAS STONG TSUL SOGS LA KHYAD MED NA, RNAM BSHAD DGONGS PA RAB GSAL LAS, BYANG SA DANG DBUS MTHA'I 'GREL PA LAS, GANG LA GANG MED PA ZHES SOGS KYI DON SNGAR BSHAD PA DE YIN LA, RGYUD BLA MA'I 'GREL PAR, GANG ZHIG GANG NA MED PA DE NI ZHES SOGS KYI DON BKRAL BA NI, SNGA MA GNYIS DANG GTAN MI 'DRA BAR DBU MA'I 'GREL TSUL DU YOD DE MANG BAS 'JIGS NAS MA BRIS ZHES GTAN MI 'DRA GSUNGS MI DGOS PAR DBU MA'I 'GREL TSUL DU YOD GSUNGS PAS CHOG PA'I PHYIR, /SI/ GNAS TSUL DE LAS BZLOG STE BDEN PAR YOD YOD LTAR 'DZIN DU 'JUG PAS, /HI/ DE LA BDEN PAR GRUB BO ZHES DANG POR BRDA 'DOGS SHING BRDA DE YANG YANG YID KYI MNGON PAR BRJOD PAS GOMS PAR BYAS PA LAS THA SNYAD 'JOG PA NA PHAR BRDA BYAS PA'I NYAMS MED PAR YUL STENG NAS GRUB PA 'DRA BA ZHIG 'CHAR BAS RIM BZHIN /AI/ 'DIR BYANG SA'I @52B MJUG THOGS SU BSDU BA'I BSHAD PA BKOD PA NI BYANG SAR BDAG BKAG SHUL DU STONG GZHI DON DAM PAR GRUB PA SGRUB TU YOD PA MTHA' GNYIS BSAL TE DBU MA'I LAM DU BZHAG PA DE NYID GZHAN DU DRANG MI RUNG BAR SGRUB PA'I RGYAB BRTEN YIN TE, DE YANG DBU MA PA RNAMS BLO 'KHRUL PA'I SNANG CHA TZAM LAS LOGS SU RANG NGOS NAS GRUB PA YOD PA BKAG STE, DE'I SHUL NA RANG BZHIN GYIS GRUB PAS STONG PA'I STONG NYID TZAM ZHIG LHAG MAR YOD PAR BSHAD PA NI TSUL 'DI LAS GZHAN DU 'DREN PA'I GOL SA CHE SHOS YIN PAR 'DI PA 'DOD PAS DE DAG DGAG PAR 'DOD NAS BLO 'KHRUL PA'I SNANG CHA TZAM ZHES PAS 'KHRUL PA DANG LHAG MA LUS RGYU'I DON DAM GNYIS PO DRIS PA YIN LA, 'OG TU DON DAM BDEN PA MTSAN NYID LNGA LDAN DU BSHAD PA DANG, BSDU BA 'GAL BAR RTZOD PA PO DE DAG NI DON DAM PAR YOD PA DANG DON DAM YIN PA MA PHYED PAS, 'DIR YANG DON DAM PAR YOD PA'I YOD SA DRIS PA LA 'DOD MOD KYANG, DE 'DRA'I DON DAM DER NI CHOS NYID KYANG YOD PAR DBU MA PAS 'DOD PA'I PHYIR, DBU SEMS GNYIS KAS YOD MED RTZOD PA'I DON DAM DE MA YIN PAR SGRUB TSUL GZHUNG 'DI NYID NA GSAL, /KU/ DER GRUB BO ZER DON MED KYI DE'I ZHEN YUL DU GRUB BO ZHES SMRA DGOS NA, DE YANG 'THAD PA MA YIN TE, BDEN 'DZIN /KHU/ 'DIR MNGON PAR BRJOD PA NI NGO BO NYID MED PA LA NGO BO NYID DU 'KHRUL BA'I BLO KUN RDZOB PA DE YIN LA, DKA' 'GREL LAS, 'ON TE MNGON PAR BRJOD PA'I RTOG PAS BTAGS TZAM DANG, MING GIS BZHAG TZAM GYI KUN RDZOB TZAM ZHIG YIN ZHES 'BRU BSNAN ZHING, RTZA BA'I DPER GSAR RNYING GNYIS KAR @53A *, ,KUN RDZOB DANG MNGON PAR BRJOD PA'I RNAM RTOG GIS ZHES GSUNGS PA LTAR NA DRI BA 'DI'I BDEN 'DZIN DE RTOG BTAGS TZAM YANG YIN LA RGYU LAS KYANG 'BYUNG BA ZHIG YIN NAM, RTOG PAS BTAGS TZAM DANG MING GIS BTAGS TZAM KHO NA ZHIG YIN ZHES PAR SNANG LA, RIN CHEN DON GRUB KYIS, BLO KUN RDZOB PA DANG RTOG PA'I RGYU LAS BYUNG BA YIN NAM, BLO KUN RDZOB PA DANG RTOG PAS BTAGS PA TZAM ZHIG YIN ZHES BSHAD PA DANG, 'OG GI RTZA BAR, MNGON PAR BRJOD PA RTOG PAS BTAGS TZAM YIN NA GZHAN RNAMS KYANG DE TZAM DU 'GYUR ZHES PA LTAR NA DRI BA YANG BDEN 'DZIN DE RGYU LAS 'BYUNG BA'I MNGON PAR BRJOD PA ZHIG YIN NAM, RTOG BTAGS TZAM GYI MNGON PAR BRJOD PA ZHIG YIN ZHES MNGON PAR BRJOD PA DE'I BTAGS DON BTZAL BAR 'GRO LA, DKA' 'GREL RANG LAS KYANG, MNGON PAR BRJOD PA'I RNAM RTOG DANG BLO KUN RDZOB PA YIN LA ZHES SNGA MA'I 'BRU SNON SKABS SU MNGON PAR BRJOD PA RNAM RTOG TZAM LA GSUNGS PA DANG, RTZA BA SNGAR DRANGS PA LAS, GZHAN RNAMS KYANG ZHES PA LTAR NA'ANG MNGON PAR BRJOD PA ZHES DE NYID DNGOS SU RTZOD GZHIR BZUNG BA 'BREL CHE BAS, GONG DU MNGON PAR BRJOD PA'I ZHES 'BREL SGRA SMOS PA YI GE DAG MA DAG DPYAD PAR BYA'O, ` ,RANG MTSAN GYIS GRUB PAR ` DES BZUNG BA'I DON ` DBU MA PA ` RANG MTSAN GYIS GRUB PAR DMIGS PA'I BLO DE NI DON DANG MI MTHUN PAS, /GU/ 'DI NI RTZA SHES LAS, GAL TE DNGOS PO THAMS CAD KYI, ,RANG BZHIN KUN LA YOD MIN NA, ,KHYOD KYI TSIG KYANG RANG BZHIN MED, ,RANG BZHIN BZLOG PAR MI NUS SO, ,ZHES PA LTAR, BYA BA CI RIGS PA @53B ZHIG BYED PAR KHAS BLANGS PHYIN RANG BZHIN GYIS GRUB PAR KHAS BLANGS SONG BAS, 'DIR YANG PHYIN CI LOG TU SGRO 'DOGS PA YOD NA RANG BZHIN GYIS GRUB DGOS PAS, CHOS THAMS CAD KYANG RANG BZHIN GYIS MA GRUB BAR KHAS BLANGS PA DANG 'GAL BAR BRJOD PA STE, DPER NA NGAG BCAD KYI TSE CANG MA SMRA ZHES BRJOD NA YANG NGAG BTANG BAR 'GRO BA DANG 'DRA SNYAM DU BSAM PAR SNANG NGO, ,DBU MA PA RNAMS NI DE GNYIS KA RDZUN PA YIN KYANG GCIG GIS GCIG SHOS BZLOG PA MI 'GAL BA SPRUL PA'I DMAG GIS SPRUL PA'I DMAG GZHAN BZLOG PA DANG 'DRA BAR RTZOD ZLOG LAS, LOG 'DZIN 'BYUNG STE SPRUL PA YI, ,'GOG BYED 'DI NI DE LTA YIN, ,ZHES GSUNGS SO, ` ,BLO RANG NYID ` BLO DE NI 'DZIN STANGS LA, ; DE DON LA ; YONGS GRUB /DU/ KUN BTAGS DON DAM PAR MA GRUB PA LA SKYON BSTAN DU MED KYANG, RANG NGOS NAS MA GRUB PA LA SKYON BSTAN DU YOD PAS, DE'I DBANG DU BYAS TE KUN BTAGS DANG YONGS GRUB GNYIS ZHES SOGS GSUNGS LA, 'DIR DON DAM GYI DNGOS 'DZIN 'GOG PA'I TSE YANG YONGS GRUB DON DAM PAR MED PA DNGOS SU MA BKAG PAR, BLO 'KHRUL PA DON DAM PAR MED PA BKAG PA'I RGYU MTSAN DE NYID DON DAM PAR YOD MED RTZOD PA'I GZHI'I GTZO BO YIN PAR GSUNGS SHING, DER MA ZAD DBU MA PA'I MKHAS PA CHEN PO RNAMS NI, BOD KYI DBU MAR RLOM PA KHA CIG LTAR MTHA' BZHI GANG DU YANG MED PAS MED DGOS MI ZER GYI, DE LTAR MED KYANG RANG GI TSOGS PA LA RTOG PAS PHAR BTAGS TZAM DU YOD PAS GTAN MED DU MI 'GRO ZHES MTHA' BZHI SKYE 'GOG SOGS KYANG BLOS BTAGS TZAM GYI RTEN @54A *, ,'BREL LA GTUGS PAS RTOG BTAGS TZAM DU SMRA BA NI DE'I GRUB MTHA'I RDZONG LTA BU YIN LA, DE BSHIG STE MED PA DANG RANG BZHIN MED PA KHYAD MED DU SONG NA RANG BZHIN GYIS GRUB PA DANG GTAN MED GANG RUNG LAS 'GRO SA MED CING, GTAN MED PAR MI 'DOD PAS RANG BZHIN YOD PA'I PHYOGS SU 'KHRID NUS SO SNYAM NAS KHYOD KYIS RTOG BTAGS TZAM PO DE YANG MED PAR THAL, 'DOGS BYED RTOG PA MED PA'I PHYIR ZHES SOGS SGO DU MA NAS SGRUB PAR SNANG NGO; ; /CU/ ,DE LA MNGON PAR RTOG PA NI RNAM RTOG STE GZHAN DBANG YIN LA, DE NYID SGRA RTOG GI YUL DU GRUB BAM MA GRUB CES DRIS PAR DE'I YUL DU GRUB KYANG THA SNYAD BTAGS TZAM LAS DON DAM PAR MA GRUB BO, ,ZHES LAN BTAB PA YIN NO, , 'DIS KUN BTAGS DON DAM PAR MA GRUB LA THA SNYAD TZAM DU YOD PA YANG BSTAN PA YIN TE, SNGON 'DZIN MIG SHES KYIS SNGON PO LA BLTAS PA'I TSE PHA ROL NAS TSUR SNGON PO'I SNANG BA SHAR PA DE SNGON PO DNGOS MA YIN GYI, THOG MED NAS BAG CHAGS GOMS PA'I DBANG GIS SHAR BA'I SNANG CHA KUN BTAGS TZAM ZHIG YIN TE, DE NYID DON DAM PAR GRUB NA 'KHRUL PA'I SNANG CHA GZHAN MED PAS, SEMS LAS DON GZHAN DU RGYANGS CHAD LA 'GRO STE, KUN BTAGS DON DAM PAR GRUB PA DANG, CHOS BDAG GNYIS RTZA BA GCIG TU YOD TSUL BSHAD ZIN TO, ,'ON KYANG DE NYID SNANG BA LAS SNGON PO SNANG BAR 'JOG PA DRAN PA'I NGO BOR 'DAS PA'I MI SOGS GRONG DE YOD PA MI DE NYID MIN KYANG, DE LAS MI DE NGES PAR 'JOG PA DANG 'DRA BAS, SNGON PO DNGOS @54B NI; PHA ROL NAS TSUR 'CHAR RGYU YANG MED LA, TSUR NGOS KYI SEMS KYANG MIN, YE MED KYANG MA YIN PA RMI LAM GYI GLANG PO DANG 'DRA BA'I PHYIR BRJOD DU MED PA'I DNGOS PO YIN NO, ,DE LTAR PHA ROL NAS TSUR HRING NGE SHAR BA'I SNGON PO DE NI 'DZIN STANGS KYI SNGON PO DNGOS MA YIN BZHIN DU DER SNANG BA'I RDZUN PA KUN BTAGS YIN LA, DE DON DAM PAR MA GRUB PA 'DI'I DON TE 'OG TU SNGON PO ZHES BRJOD PA'I DON DE'I NGO BO NYID GANG YIN ZHES SOGS KYI DRI LAN YANG 'DIR 'DRA STE 'CHAD PAR 'GYUR RO, /CHU/ ,LUNG PHYI MA 'DIS KYANG SNGAR BSHAD PA'I DON DE NYID CHES GSAL BAR MDZAD PA YIN TE, 'DI'I RNAM PAR SHES PA'I DMIGS PA ZHES PA 'JIG RTEN RANG DGA' BA LA SNANG TSOD LTAR GYI SNGON PO DE YIN PAS, DE NI SKABS 'DI'I KUN BTAGS PA'I NGO BO NYID YIN PAR GSUNGS TE; RANG DGA' BA LA SNANG BA'I TSE SNGAR BSHAD PA LTAR PHA ROL NAS TSUR HRING NGE SHAR BA'I NYAMS ZHIG LAS MED PA RJES KYI RTOG PAS DRANGS PA'I THA SNYAD LA PHA GI NA SNGON PO ZHIG 'DUG PA MTHONG, PHA GI NA DMAR PO ZHIG 'DUG PA MTHONG ZHES PA TZAM LAS KUN BTAGS PA'I SNANG CHA TZAM PO DE SHAR BA'I SGO NAS BRJOD MED KYI SNGON PO MTHONG ZHES SMRA RGYU MED PAS SHES SO, ,DE LTAR PHAL PA RNAMS 'DI MTHONG DE MTHONG ZHES BRJOD RGYU THAMS CAD NI SNANG CHA RANG LA SHAR TSOD TZAM DE YIN PAS, DE NI SHES PA'I DMIGS PA DNGOS LA MA SONG YANG, MA BRTAGS MA DPYAD PA'I SKABS KYI 'CHAR TSOD GTZO BOR BYAS TE RNAM PAR SHES PA'I DMIGS PA ZHES GSUNGS LA, BRJOD MED KYI SNGON PO DNGOS MA YIN PA GO BA'I CHED DU KUN BTAGS PA'I NGO BO NYID GANG YIN PA ZHES GZHI MTHUN DU @55A *, ,BSDUS NAS GSUNGS SO, ,DE DMIGS PA DNGOS MA YIN BZHIN DU DE JI LTA BAR SNANG BA CI YIN SNYAM DU DOGS PA'I PHYIR, MNGON PAR BRJOD PA LA YONGS SU GOMS PA'I ZHES BAG CHAGS KYI DBANG YIN PAR GSUNGS SO, ,SNANG CHA'I KUN BTAGS DE DON SPYI YIN NAM SNYAM NA 'DIR GOL SA CHE ZHING, DE LAS CHES PHRA BA'I TSUL 'GANGS CHE STE 'CHAD PAR 'GYUR RO, /JU/ ,'DI DANG MTHUN PAR STONG THUN LAS KYANG GSUNGS LA, DGONGS 'GREL LE'U BCU ZHES YONGS SU GRAGS SHING, DKA' 'GREL LAS RAB 'BYOR GYI LE'U DOR TE GLENG GZHI BSNAN NAS BCUR MDZAD MOD KYANG RGYU MTSAN CHE BA MA MTHONG LA, BSDU BA LAS, RAB 'BYOR GYI LE'U LOGS SU BYED PA'I DBANG DU BYAS NAS GSUNGS PA DANG YANG MI MTHUN NO; ;RNAM BSHAD LAS BYANG CHUB SEMS DPA' BCUS DRI LAN GYI TSUL DU GSUNGS PAR BSHAD LA, RAB 'BYOR BYANG SEMS MA YIN PAS GNOD DO SNYAM NA, DE YANG DON MA YIN TE, TSUL BZHIN KUN DU DRI BA DANG, BYANG CHUB SEMS DPA' DGONGS PA NGES 'GREL GNYIS LA DRI LAN GYI LE'U THUN MONG DU GCIG YIN GYI, LE'U RE DANG BYANG SEMS RE SBYOR NA GLENG GZHI LA YANG SBYAR DU MED PAS SKYON MTSUNGS SO, ,'ON KYANG LE'U DE DANG GLENG GZHI GNYIS KA BGRANG NA LE'U BCU GCIG TU 'GYUR LA RTAG BRTAN GYI PAR MA SOGS SU GLENG GZHI LA ZUR DU LE'U MA BYAS PAR SNANG BAS 'DIR GZHUNG GI DGONGS PA GZHUNG GZHAN KHA CIG LA GLENG GZHI'I LE'U ZUR DU BYAS SNANG BA LTAR 'DIR YANG GLENG GZHI LAS LE'U 'OG MA DAG DANG MI 'DRA BA'I BRJOD BYA TSAN GCIG STON PAS ZUR DU @55B LE'UR BYED PA DON GYIS 'THOB PAS DE LTAR GSUNGS KYI GRANGS PHAN GYI DBANG DU BYAS PA MA YIN NO, ,YANG 'DIR 'PHAGS PA THOGS MED KYIS DGONGS 'GREL GYI 'GREL PA ZUR DU MDZAD DGOS PA MI SNANG ZHES DES MDZAD PA'I 'GREL PA DE 'DRA MED PAR BZHED 'DUG KYANG, BSTAN 'GYUR GYI GRANGS SU 'PHAGS PA THOGS MED KYIS MDZAD CES BCUG 'DUG PA BLA MA BYAMS PA'I DKAR CHAG TU YANG DE SOR BZHAG BYAS SNANG BAS, BLA MA RANG GIS YONGS RDZOGS BSGRIGS PA MIN NAM BRTAG STE, YUM GSUM GNOD 'JOMS DBYIG GNYEN GYI MA YIN PAR 'DI DANG GSER 'PHRENG GNYIS KAR BSGRUBS PA YANG BZLOG STE BSHAD CING, RIGS PA DRUG CU PA'I RANG 'GREL RNYED NA BRI ZHES RTZA SHES tIKA CHEN DANG 'GAL BA SOGS NOR BA MANG DU SNANG NGO, /NYU/ ,'DIR YANG MING MA SMOS LA, BSHAD TSUL DE NI BU STON THAMS CAD MKHYEN PAS KYANG MDZAD DE, DE NYID KYI CHOS 'BYUNG LAS, 'DI'I KUN BTAGS MED, GZHAN DBANG KUN RDZOB TU YOD, YONGS GRUB GNYIS DON DAM DU YOD PAR BSTAN PAS MTHA' GNYIS SU 'DZIN PA LOG PAS NGES DON RTZOD MED YIN ZHES LEGS PHYE'I DON DU BSHAD PAS, DE'I PHYOGS SNGA DE NYID YIN PA 'DRA'O, ,DBU MA PA NI THA SNYAD DU YOD PA'I ZLOG ZLA'I YOD PA DON DAM DU GRUB TSAD LA 'DOD KYANG, LUGS 'DIR SGRA RTOG GI YUL DU YOD PA TZAM LA THA SNYAD DU YOD PAR 'DOD PAS, DE LA RDZUN PAR GRUB PA MI DGOS TE, DKA' 'GREL DU YANG CHOS THAMS CAD THA SNYAD DU YOD MNYAM YIN PAR GSUNGS SO, ,DER MA ZAD LUNG 'DIS KYANG 'GRUB STE, PHYOGS SNGA MAS THA SNYAD DU YOD KYANG DON DAM PAR MED PAR @56A *, ,BSHAD PA LA KHYOD LTAR NA THA SNYAD DU YOD PA'I DON SGRA RTOG GI YUL DU YOD PA TZAM LA MI BYED PAR NGO BO NYID MED PAR SMRA BA BZHIN DON DAM PAR YOD PA'I ZLOG PHYOGS SHIG LA BYED DGOS LA, DE LTAR NA LUGS 'DI'I SKUR 'DEBS MTHAR THUG TU 'GRO ZHES THA SNYAD DU YOD LUGS LA DRI BA MDZAD NAS, LAN DU BSHAD PA DE NYID BKAG GI, SPYIR THA SNYAD DU YOD PA MA BKAG PA'I PHYIR RO, ,RANG RGYUD PA PHAL CHER DE LTAR 'DOD LA, DGONGS 'GREL NGES DON DU YANG 'DOD MOD KYI LUGS 'DIR DE YANG 'GAL BA YIN NO, ,BU STON GYI THUGS RTZE GTAD SO NI, DBUS MTHA' LAS, NGO BO NYID GSUM RTAG MED DANG, ,YOD KYANG KHO NA MA YIN DANG, ,YOD DANG MED DE KHO NA STE, ,ZHES DANG, DE'I 'GREL PAR, KUN BTAGS PA'I MTSAN NYID NI RTAG TU MED PA'O, ,GZHAN GYI DBANG GI MTSAN NYID NI YOD KYANG YANG DAG PAR NI MIN TE, 'KHRUL PA'I PHYIR RO, ,ZHES PA 'DI NYID YIN NAM SNYAM YANG DE'I GSUNG DU DE LTAR DRANGS PA DANG TSAD LDAN RNAMS KYIS BSHAD PA MA MTHONG BAS DPYAD DGOS LA, DE LTAR YIN NA 'OG TU DON DAM PAR GRUB KYANG DON DAM YIN MI DGOS PAR GSUNGS PA'I ZHAR LA KHEGS PAR 'GYUR RO, ` ,DON DAM PAR YOD PA DANG DON DAM YIN PA GNYIS SO SOR MA PHYED PA'I RGOL BA KHA CIG DON DAM PAR YOD GSUNGS PA DANG, DON DAM PA MIN GSUNGS PA GNYIS 'GAL SNYAM NAS 'DI SKAD CES, ; RAB 'BYOR GYI LE'U /TU/ DGONGS 'GREL GYI LUNG DON NI, 'PHAGS LAM YAN LAG BRGYAD NANG PHAN TSUN NGO BO DANG BYED LAS SOGS MI 'DRA BA SO SOR @56B YOD KYANG, DE DAG THAMS CAD KYI CHOS NYID NI DGAG BYA BCAD TZAM DU GCIG PA'I DON TE, DPER NA GZUGS CHE CHUNG MI 'DRA BA KHA DOG KYANG MI 'DRA BA SNA TSOGS PA LA GRIB MA KHA DOG GCIG TU 'BYUNG BA SOGS 'GREL PA RNAMS LAS BSHAD PA DU MA 'BYUNG YANG NYE BAR MI MKHO BAS MA BRIS SO, /THU/ ,DE LA MDO SDE RGYAN LAS GSUNGS PA'I DON DAM PA'I MTSAN NYID LNGA NI YIG CHA GSAR RNYING GNYIS KA LAS, YOD MED KYI MTHA' DANG, GCIG THA DAD KYI MTHA' DANG, SKYE 'JIG MI BYED CING SLOB PA'I DUS NA DRI MAS MA DAG ,SANGS RGYAS PA'I TSE DRI MAS DAG PA'I KHYAD PAR LNGA ZHES 'DREN TSUL YANG DE 'DRA ZHIG BYAS TE, BRI BAR MI 'GYUR TE, 'PHEL BA MED CING ZHES PA'I THAD GNYIS KAR YANG CHAD SNANG NGO, ,DBYIG 'GREL LAS, YOD MIN MED MIN ZHES PA YOD MED KYI MTHA' GNYIS LA MA SBYAR BAR MNGON TE, 'DIR DRANG BA'I DBYIG 'GREL GYI DON 'CHAD PAR BLO BRTAN GYI 'GREL BSHAD LAS KUN BTAGS PA DANG GZHAN GYI DBANG GI MTSAN NYID LTA BUR YOD PA MA YIN PAS NA YOD MIN ZHES BYA'O, ,ZHES GNYIS CHOS KYI RNAM PAR MED CING DGAG BYA BCAD TZAM DU YOD PA LA GSAL BAR GSUNGS SO, ,GCIG THA DAD NI LDOG PA GCIG DANG NGO BO THA DAD YIN LA, MTSAN NYID THA MA GNYIS NI DBYIG GNYEN GYI 'GREL PA LAS KUN NAS NYON MONGS PA DANG, RNAM PAR BYANG BA 'GAG PA DANG, SKYE BA NA DE BZHIN NYID GNAS PA'I PHYIR BRI BAR YANG MI 'GYUR 'PHEL BAR YANG MI 'GYUR RO, ,RANG BZHIN GYIS KUN NAS NYON MONGS PA CAN MA YIN PA'I PHYIR RNAM PAR DAG PAR 'GYUR BA MED DO, ,GLO BUR GYI NYON MONGS PA DANG BRAL BAS RNAM @57A *, ,PAR MI 'DAG PA YANG MA YIN TE ZHES KUN NYON ZAD PAS ZAD CING RNAM BYANG 'PHEL BAS 'PHEL BA MED PA DANG, RANG BZHIN GYIS DRI MA GZOD NAS DAG PAS SLAR 'DAG RGYU YANG MED LA, GLO BUR GYI DRI MA DAG PAR MI 'GYUR BA YANG MA YIN PA STE, 'GREL BSHAD GNYIS KYANG DE KHO NAR BSHAD DO, ,BSDU BA'I MTSAN NYID LNGA CHOS THAMS CAD LA RUNG YANG 'DI RGYUD KYIS MA BSDUS PA'I CHOS KYI STENG DU 'JOG DKA' BAS DON DAM BDEN PA MTSAN NYID LNGA LDAN DU MA BSHAD PAR THAL BA SOGS LA ZHIB CHA CUNG ZAD DGOS, RGYU MTSAN NI DBUS MTHA'I 'GREL PAR GZHAN DBANG LA GSUNGS SHING, BSDU BA LAS, RGYU MTSAN GANG ZHE NA MNGON PAR BRJOD PA'I TSIG GI GNAS SU GYUR PA'I DNGOS PO GANG YIN PA'O ZHES 'BYUNG STE, 'DIS 'DUS MA BYAS KYANG BSHAD PAR RANG RGYUD PA'I THAD DU 'DI NYID LAS GSUNGS SO, ,RNAM PAR RTOG PA NI BSDU BA LAS, RNAM PAR RTOG PA GANG ZHE NA, KHAMS GSUM NA SPYOD PA'I SEMS DANG SEMS LAS BYUNG BA'I CHOS RNAMS SO ZHES GSUNGS PA'I PHYIR TE MI MTHUN PA MED DO, ,DE'I DBANG DU BYAS PA'I /DU/ LUNG 'DI'I DON GO NA SEMS TZAM GYI GRUB MTHA'I GTING TSUGS PAR SNANG BAS CUNG ZAD BSHAD NA LUNG TSAN PA SNGA PHYIS RNAM SHES MI 'DRA BA GNYIS BSHAD PA'I SNGA MA NI TSUR MTHONG GI SHES PA RANG DGA' BA THOGS MED NAS GOMS PA'I BAG CHAGS KHO NA'I DBANG GIS 'KHRUL SNANG SNA TSOGS SU 'CHAR BA 'DI YIN LA, DE'I DMIGS PA GZUGS LA SOGS PA'I MING CAN GYI DNGOS PO ZHES PA DE'I SNANG TSOD LTAR GYI GZUGS RANG LAS RGYANGS @57B CHAD DU YOD YOD 'DRA BA DE YIN ZHING, DE NI GZUGS 'DZIN RTOG PA'I SNANG CHA TZAM GYI KUN BTAGS ZHIG YIN PAS GZUGS LA SOGS PA'I BDAG NYID GANG GI YOD PA ZHES KHO RANG GI NGOS NAS RANG MTSAN GYIS MA GRUB PAR GZUGS GZUGS 'DZIN RTOG PA'I YUL DU SONG BA'I CHA TZAM LA BTAGS NAS BZHAG PA YIN NO, ,DE LA GZUGS LA SOGS PA'I MING CAN ZER BA'I RGYU MTSAN CI YIN ZHE NA, MING GIS BTAGS TZAM DU STON 'DOD PA MA YIN GYI, SO SKYES GZUGS LA BLTAS PA'I TSE KHO RANG GI SNANG TSOD TZAM PO NI SNANG CHA DE KHO NA YIN ZHING, NGAS GZUGS MTHONG ZHES DNGOS SU BRDA SBYOR BA'ANG DE NYID YIN PAS, DE LA GZUGS KYI MING CAN ZHES BTAGS SO, ,DE LA 'O NA RANG RE'I SHAR TSOD 'DI KUN BTAGS YIN NA 'DI LA THOGS REG SOGS 'BYUNG BA MI RIGS SHING, BRDA YANG 'DI LA SBYAR BA YIN PAS BRDA THAMS CAD KYANG DON MI MTHUN DU 'GYUR RO SNYAM NA BSHAD PAR BYA STE, MKHRIS NAD CAN LA DUNG DANG ZHO 'O MA SOGS KYANG SER POR SNANG LA, DE NAD KYI DBANG YIN PAR MA SHES NA DE LTAR 'DZIN PAR BYED DO, ,DE 'DRA BA DES BDAG GIS DUNG LA REG GO ,ZHO LA LONGS SPYAD DO, ,ZHES BRJOD PA THAMS CAD KYANG KHO RANG GI SNANG NGO'I DUNG SER PO DE NYID GZHIR BZUNG NAS DE LA DUNG GI BRDA SBYAR BA TZAM YIN PAR SLAR DRIS PAS SHES SO, ,'ON KYANG KHO RANG LA DUNG SER POR SNANG BA DE'I SGO NAS DUNG DKAR PO DE LA REG PA SOGS KYI BYA BA BSNYON MED DU BYED NUS LA, DE LTAR BYAS ZHES PA'I BRDA YANG DON MI MTHUN DU MI 'GYUR MOD, GZHAN ZHIG GIS KHYOD KYIS REG PA'I DUNG NI DUNG DKAR PO YIN GYI DUNG SER PO MI SRID DO ZHES SMRAS NA YANG DE @58A *, ,YOD PA MNGON SUM DU YIN TE, DE LTA BDAG GIS REG CING THOGS RGYU YOD PA 'DI YIN NO ZHES LAN 'DEBS TE, DE'I TSE DE LA DUNG DKAR PO DPYIS PHYIN PAR MA SNANG BZHIN DU LONGS SPYOD DU YOD PAS NA DUNG DKAR PO DE DE LA BRJOD DU MED PA'I DNGOS POR SONG BA YIN NO, ,GAL TE DE'I SNANG NGO'I DUNG SER PO DE SNANG CHA TZAM MA YIN PAR DON DU BDEN PA YIN NA RTZA BA'I DUNG DE'I GSHIS SU 'GYUR BAS, RTZA BA'I DE YANG SER POR 'GYUR LA, DE BZHIN DU RANG RE'I SNANG CHA GZUGS SOGS KYI MING 'DOGS PA 'DI RANG MTSAN GYIS GRUB NA RGYANGS CHAD DU HRENG YOD YOD 'DRA BA 'DI DNGOS PO'I SDOD LUGS SU 'GRO DGOS TE, RANG 'DZIN RTOG PA'I ZHEN GZHIR RANG MTSAN GYIS MA GRUB PA DANG, DE'I RNAM RIG TZAM LA 'JUG PA'I GO DON YIN NO, DE'I PHYIR DE NI RDZAS DANG DON DAM GNYIS KAR MED DE, DE PHYIR DON GYI SNANG BA TZAM YIN PA'I PHYIR, THAL 'GYUR BA DE 'DRA'I SNANG TZAM PO DE NYID GZUGS SU 'DOD CING, DE TZAM GYIS PHYI DON YOD PA'I GO CHOD KYI, DE LAS LHAG PA'I SDOD LUGS ZHIG BTZAL NA BTAGS DON BTZAL BAR 'GRO ZHES 'DOD DE, DE'I PHYIR PHYI DON YOD PAR 'DOD PA'I RTZA BA YANG RANG NGOS NAS MA GRUB PA LA THUG GO ,LUNG PHYI MA'I DON NI DON SNANG GI BAG CHAGS GIS MA BSLAD PA'I SHES PA'I DMIGS PA BRJOD MED KYI GZUGS DNGOS NI RDZAS SU YANG YOD LA DON DAM PAR YOD PA STE SNGA MA'I BZLOG DON DU SNANG BAS DE'I SHUGS KYIS SHES SO, ,DE LTA BU'I 'KHRUL SNANG DANG MA 'DRES PA'I SHES PA RANG RIG LTA BU'I RANG MTSAN BRJOD MED DE NYID JI LTA BA @58B BZHIN YUL DU BYED PAS, DE'I YUL DU RANG MTSAN GYIS GRUB KYANG SKYON MED DE, DE'I BAR NA YUL DE JI 'DRA BA'I PHYI DON GYI SNANG BA DE 'DRA BA SRED PAS, DE'I SNANG TSOD TZAM PO DE BRJOD MED KYI RANG MTSAN DNGOS GNAS PA DE YIN PA'I PHYIR, DES NA KUN MKHYEN BLA MA'I LEGS BSHAD BEE d'URYA DKAR PO'I GAN MDZOD LAS RTOG PA'I YUL DU DON DAM PAR GRUB PA'I PHYIR TE, TSAD MA'I YUL DU DON DAM PAR GRUB PA'I PHYIR NA MA KHYAB, DER THAL, GZHAL BYAR DON DAM PAR GRUB PA'I PHYIR ZHES GSUNGS PA YANG LEGS BSHAD DRI MA MED PA YIN PAS, MI SHES PA KHA CIG RTZOD PA'I TSE KHA SGO GCOD BYED TZAM MO ZHES KHA BDUD KYIS PHYE BA'I 'CHOL GTAM SMRA BA RNAMS BAG YOD PAR BYOS SHIG ,DE DAG GI DON LA KHA CIG YUL SHES GNYIS KYI BAR NA DE 'DRA'I RNAM PA ZHIG YOD NA DON SPYIR 'GRO BAS, DE RANG MTSAN GYIS MED PA MDO SDE PAS KYANG SHES LA, DE'I PHYIR DE'I RNAM RIG TZAM LA 'JUG PAR YANG MI NUS SO ZHE NA, DON SPYI BYA BA YUL DE DE NA MED BZHIN DU YANG YID NGOR LAM LAM 'CHAR RGYU DE YIN LA, 'DI NI MIG GIS PHAR BLTAS NA YANG MDUN DU YOD YOD PA 'DI KA YIN PAS 'DRA BA GTAN NAS MED DO, ,'DI DAG LA LEGS PAR DPYAD NA BRJOD DU MED PA'I DNGOS PO DE YANG RTZOD DUS KYI YAM YAM DE MA YIN PAR NGES PA DON DU RANG BRJOD DU MED PA ZHIG TU 'DUG STE, MDOR BSDUS SHIG GO SLA BA'I NGAG GIS BSHAD ZIN TO, ,SMRAS PA, 'JAM MGON THUGS KYI SRAS GCIG MKHAS GRUB RJES, ,YAB RJE'I GZHUNG 'DI KHO BOS 'GREL DGOS KYANG, ,SA NGAN 'DUD KYIS GANG PHYIR 'KHRUG PA SKYE, ,DE SLAD KHYOD KYIS DGROL ZHES DBANG BSKUR BA ? @59A *, ,BZHIN, ,ZHES KYANG GTAM DU BYAS SO, /NU/ ,NAM MKHA' SOGS DGAG BYA THOG REG GI SPYI BLOR 'CHAR BA DANG, GANG ZAG SOGS PHUNG SOGS BLOR 'CHAR BA LA LTOS SHING, SGRA DON GYI SPYI SOGS LA MA BSTEN PAR MNGON SUM DU RTOG BYAS MED PA RNAMS BTAGS YOD YIN LA, DBANG PO'I GZUNG BYA'I GZUGS DANG RNAM SHES GNYIS DBANG SHES DANG RANG RIG LA LTOS TE RGYU MTSAN SNGA MA LAS BZLOG PAS RDZAS YOD YIN NO, ,YIG CHAR GNYIS STONG GI GZUGS SNANG BA DGAG BYA'I SPYI 'CHAR BA LA MI LTOS PAR GSUNGS PA SGRA SOR BZHAG RUNG YANG, 'OG TU RDUL PHRA RAB DE RDZAS YOD DANG DBYIBS ZLUM PO CAN YIN PA'I PHYIR GSUNGS PA CHA DU MA 'DUS PA LA BTAGS PA RNAMS BCOM PA'I BLO 'DOR RUNG BA LA BTAGS YOD DANG BZLOG PA RDZAS YOD DU 'CHAD PA'I LUGS SU DGONGS PA 'GREL DGOS SO, ,BRA STI'I DRANG NGES RNAM 'BYED RGYAS PAR, 'DI PA'I RDZAS YOD KYANG GANG ZAG GI STENG DU BZHAG NA RANG RKYA THUB PA'I RDZAS YOD KYI BDAG GI GRUB TSAD LAS MA 'DAS PAS MI 'JOG CING, SHES PA DANG GZUGS KYI STENG DU 'JOG TSUL YANG SNGAR LTAR RO, ,ZHES BSHAD DO, ,DE LA 'O NA, SEMS TZAM PA 'DI PAS KYANG GANG ZAG GI BDAG MED STONG GZHI'I SGO NAS 'JOG PAR THAL, 'DOD PA'I PHYIR, 'DOD NA, NYAN THOS RIGS NGES DES SDUG BDEN GYI KHYAD CHOS BZHI MA RTOGS PAR THAL, DE'I STENG GI BDAG MED PHRA MO LA CHOS KYI BDAG MED PHRA MO DGOS PA'I PHYIR, GZHAN YANG SGRA PA SHES RAB RIN CHEN GYIS, RDZAS YOD BDAG SMRA GNAS MA BUR NGES DANG, ,RNAM SHES BDAG SMRAS @59B DBU SEMS YOD PA 'GAL, ,ZHES RJE BLA MA BKAG PA DE DON DU SONG BAR THAL, GANG ZAG SPYI LDOG BTAGS YOD YIN KYANG, GZHI LDOG KUN GZHI'AM DE MED PA'I LUGS LA'ANG MTSAN GZHI'I RNAM SHES RDZAS YOD DU 'DOD PAR RNAM BSHAD DGONGS PA RAB GSAL LAS GSUNGS PA GANG ZHIG ,NYON YID 'KHOR GYI 'JIG LTA GANG ZAG GI BDAG 'DZIN YIN PAR SEMS TZAM PAS 'DOD DGOS PA'I PHYIR RO, ,DES NA RING LUGS 'DIR BSHAD PA'I RDZAS YOD NI RIGS PA'I GRUB PA'I RDZAS YOD, BRTAN PA MI 'GYUR BA'I RDZAS YOD, DON BYED NUS PA'I RDZAS YOD GSUM MA YIN PAS RANG RKYA 'DZIN THUB PA'I RDZAS YOD YIN LA, RANG RKYA 'DZIN THUB TSUL SNGAR LTAR YIN ZHING, RANG RKYA THUB PA'I RDZAS YOD NI PHUNG SOGS LA LTOS MED NGO BO THA DAD DU DE LA DBANG BSGYUR BA PO'I TSUL GYIS YOD PA LA BYA BAS SNGA MA DANG MI 'DRA'O, ,LCANG SKYA RIN PO CHE'I GRUB MTHAR KHA CIG RANG RKYA 'DZIN THUB PA'I RDZAS YOD DANG, RANG RKYA THUB PA'I RDZAS YOD GNYIS KYI ZHIB CHA 'BYED PA YANG, RGYA GZHUNG TSAD THUB RNAMS DANG, RJE YAB SRAS KYI GSUNG GANG LAS KYANG MI 'BYUNG BAS 'THAD RGYU ZHIG MI 'DUG CES SOGS MANG DU GSUNGS PA YANG MKHAS PA SNGA MA'I KHAS LEN GYI RGYUN BSKYANGS BA TZAM LAS DGONGS PA DNGOS MIN 'GRO ,KHA CIG GANG ZAG DANG SKYES BUR RDZAS BTAGS 'BYED PA NI 'GREL PA DON GSAL SOGS LAS GANG ZAG RDZAS SU YOD PA DANG SKYES BU BTAGS PAR YOD PA'I RTEN CAN ZHES PA'I TSIG LA 'KHRUL BAR SNANG YANG DE NI RGYA SKAD LA TSIG GI NUS PA 'DON LUGS KYI KHYAD TZAM ZHIG YIN TE, NYI SNANG LAS, BU NI LUS LA BYA BAR @60A *, ,BSHAD LA, DE LA BSTEN PAS NA PU RU shA STE SKYES BU'O, ,ZHES GSUNGS PA LTAR, GDAGS GZHI PHUNG POR BSTEN PA TSIG ZUR DU THON PA'I DBANG GIS YIN NO, ,LHAS SBYIN SNANG BA GDAGS GZHI SNANG BAR LTOS KYANG, RTOGS PA LA DE RTOGS DGOS NA THAMS CAD KYANG GDAGS GZHI'I PHUNG POR LTOS MED KYI NGA MED PAR RTOGS PAR 'GYUR LA, 'ON KYANG LHAS BYIN MNGON SUM DU RTOGS PA'I BLO GANG YIN DPYAD /PU/ DE LA BTAGS YOD DU 'JOG TSUL YANG DU MA YOD DE, TSAD MA RIG RGYAN LAS, BTAGS YOD LA YANG CHA LA BTAGS PA DANG, GNAS SKABS LA BTAGS PA DANG, MED BZHIN DU BTAGS PA DANG, DE LAS GZHAN PA'I BTAGS YOD BZHI ZHES GSUNGS PA DANG, GZHUNG GZHAN KHA CIG LAS, BRTEN NAS BTAGS PA'I BTAGS YOD, CHA LA BTAGS PA'I BTAGS YOD, RTOG PAS BTAGS PA'I BTAGS YOD CES KYANG 'BYUNG BAS BTAGS YOD BYAS TSAD GCIG TU 'KHRUL MI RUNG STE, KUN GZHI'I BAG CHAGS LTA BU BRTEN NAS BTAGS PA DANG, 'JIGS LTA LTA BU CHA LA BTAGS PA DANG, NAM MKHA' LTA BU RTOG PAS BTAGS PA SOGS YOD KYANG 'DIR GTZO BO GNAS SKABS LA BTAGS PA DER BYA'O, ,DE YANG DGE SOGS 'PHEL 'GRIBS KYI GNAS SKABS LA RNYED THOB DANG, DE'I RGYUN GYI LDAN THOB RNAMS BTAGS, SEMS MED PA'I GNAS SKABS LA 'GOG SNYOMS, 'DU SHES MED PA'I SNYOMS 'JUG ,'DU SHES MED PA GSUM BTAGS LA, DANG PO NI, SRID RTZE LAS @60B GYEN DU BSKYOD PAR GSUNGS PAS, 'PHAGS PA KHO NAR YOD CING LUGS 'DI'I YUL TSOR 'DU RAGS PA 'GAG PA'I CHA KHO NA DANG, RANG RGYUD PA'I YUL SHES GNYIS KA DANG, THAL 'GYUR BAS SHES PA KHO NAR 'DOD PA SKABS BZHI PA'I MTHA' DPYOD DU GSUNGS LA, KHA CIG ,DBU MA'I MTHA' DPYOD DU DRANGS PA'I SDUD PA'I LUNG LA BRTEN NAS STONG NYID RTOGS PA KHO NAR 'DOD KYANG, DE'I DKYUS LA RNAM THAR BRGYAD KA GSUNGS PAS THUN MONG MA YIN PA'I DE YIN PAR MNGON NO, ,'GOG SNYOMS THOB PA LA SNYOMS 'JUG GI SGRIB PA SPONG DGOS SHING, MTHONG LAM DU DE THOB PA YOD PAS SNYOMS 'JUG GI SGRIB PA GANG ZHIG DNGOS SKAL GYI GZHOM BYA YIN NA MTHONG SPANG YIN DGOS SO ZHES KHA CIG 'DOD KYANG, DE SPANG DGOS PAR GSUNGS PA SA BON SPONG BA YIN MIN DPYAD PAR BYA'O, ,'DU SHES MED PA'I SNYOMS 'JUG BSAM GTAN BZHI PAR BRTEN PAS DE YAN CHAD KYI TSOR 'DU RAGS PA SOGS DGAG BYAR 'ONG DON MED CING SO SKYES KHO NAR YOD PAS 'GOG SNYOMS DANG GTAN MI MTHUN NO, , 'DU SHES MED PA BA NI 'BRAS BU CHE BA'I PHYOGS GCIG NA GRONG LAS DGON PA'I TSUL DU YOD DO,, ,GNAS PA'I GNAS SKABS LA SROG CES BTAGS SHING DROD DANG RNAM SHES BRTEN PA'I CHA LA TSE'AM SROG TU 'JOG PA DANG, SDE PA KHA CIG SNGA MA'I LAS KYI MTHUS RIS MTHUN GNAS PA TSE DANG, DA LTA'I MTHUN RKYEN SOGS KYI MTHUS 'TSO BA SROG TU 'DOD PA YANG YOD DO, ,'DRA BA'I GNAS SKABS LA RIS MTHUN NAM SKAL MNYAM BTAGS SHING, MTSAN NYID KYI GNAS SKABS LA SKYE RGA GNAS PA MI RTAG @61A *, ,PA BZHI BTAGS SO, ,THA SNYAD KYI GNAS SKABS LA MING TSIG YI GE'I TSOGS GSUM BTAGS TE, BSTAN BCOS SOGS MING TSIG DU MA TSOGS PA YIN KYANG TSOGS PA'I RANG LDOG BTAGS YOD DU BSHAD PA LAS KHYAB PA BSTAN PA MIN NO, ,'PHAGS CHOS MA RNYED PA LA SO SKYES ZHES BTAGS SHING, DE DAG LAS SO SKYES TSAB TU MA THOB PA BGRANGS NAS BYE SMRA RNAMS BCU BZHIR BSHAD CING LHAG MA DGU MA BSHAD DO,, ,LHAG MA DGU LAS SO SOR NGES LA RANG SPYI DANG, DGE SDIG ,BDE SDUG STE MTSAN NYID DANG RGYU 'BRAS SO SOR NGES PA GSUM DANG, 'BYOR 'BREL LA BZO BO'I LAG CHA TSOGS PA DANG, RGYU TSOGS DANG, DNGOS PO RANG RANG GI BYA BA DANG LDAN PA STE, THABS DANG 'DUS PA DANG RIGS PA'I TSUL GYIS BYA BA BYED PA'I 'BYOR 'BREL GSUM DANG, MGYOGS PA LA RGYU 'GAG MA THAG 'BRAS BU 'BYUNG BA DANG, 'PHYONG BA DANG, 'PHUR BA STE 'DU BYED KYI DANG, SKYES BU BYED PA'I DANG, RDZU 'PHRUL GYI MGYOGS PA DANG GSUM DANG, DMAN MCHOG SNGA PHYI SOGS KYI GO RIM DANG, DUS GSUM DANG, GNAS DANG GANG ZAG TSOGS STENG NAS RGYA GAR LTA BU'I YUL DANG, TSONG GZHAL BAR BYED PA'I GRANGS DANG, RGYU TSOGS TSANG BA'I TSOGS PA'O,, ,'BYOR 'BREL DU RGYU TSOGS BSHAD PA NI, DE DAG PHAN TSUN GCIG LA GCIG BSTEN PA'I LDOG CHA NAS YIN LA, 'DIR GRANGS TSANG BAR YOD PA'I LDOG CHA NAS YIN PAS MI MTSUNGS SO, ,BTAGS YOD 'JOG TSUL DU MAR GSUNGS PA'I DGOS PA YANG CHOS THAMS CAD BTAGS YOD @61B TZAM DU GSUNGS PA'I DGONGS PA 'GREL TSAD YIN LA, KUN BTUS LAS THAMS CAD KYANG BTAGS PAR YOD PA'O ZHES GSUNGS PAS CHOS THAMS CAD RNAM GRANGS PA'I BTAGS YOD KYANG YIN LA, RNAM GRANGS PA'I RDZAS YOD KYANG YIN TE, BHA BA RDZAS DANG YOD PA GNYIS KA LA 'JUG PAS DE LTAR BSHAD DO, ,MTHA' DPYOD LAS, SHER MDOR RDZAS GRUB TU GSUNGS ZHES PA DPYAD, /PHU/ 'DI DAG GI DON MTHA' DPYOD LAS, YE SHES RANG NYID MI RIGS NA SO SOR RANG RIG CES PA 'BREL MED CES RTZOD PA DANG, SO SO RANG RIG CES PA CHOS NYID GZIGS TSUL GYI BTAGS PA YIN TE, SGRA SPYI SOGS DANG MA 'DRES PAS SO SO DANG, 'PHAGS PA NANG PHAN TSUN KHO NAS MNGON SUM GYI SPYOD YUL YIN PA'AM, RANG STOBS KYIS RIGS PAS RANG RIG PAR BZHAG GI ,RANG NYID RIGS PAS NI MA YIN NO ZHES PA LAN DU MDZAD LA, KAR LAN KLU SGRUB DGONGS RGYAN DU YANG RANG YUL GNYIS MED KYI SHES PA RIG PA MIN NA SO SO RANG RIG CES PA 'BREL MED CES PHYOGS SNGA'I RTZOD PA BKOD NAS, DBU MA SNANG BA SOGS GRUB MTHA' BZHI KA'I GZUNG THAMS CAD LAS SO SOR RANG RIG CES 'BYUNG BAS THAMS CAD KYANG GNYIS MED KYI SHES PA DON DAM BDEN PAR KHAS LEN PAR THAL LO ZHES 'GO MTSUNGS MDZAD PAR GSUNGS TE, YIG CHAR, DBU MA SNANG BAR ZHES PA NAS, GSUNGS PA LTAR MDO BSTAN BCOS NAS 'BYUNG BA 'DIR YANG 'DOD DGOS LA ZHES PA DANG DGONGS PA GCIG CING, 'DI LTAR NA LUGS 'DI'I ZHES PA DMIGS KYI BSAL BA MA YIN PAR LUGS 'DIS KYANG ZHES BSHAD DGOS SO, , @62A *, ,LCANG SKYA RIN PO CHE'I GRUB MTHAR SO SOR RANG RIG PA'I DON RANG NYID KYIS RANG NYID 'JAL BA LA 'DOD PA'I GRUB MTHA' SMRA BA DANG MKHAS PA SU YANG MED PAS, DE 'DRA'I RTZOD PA'I LAN DU SBYAR BA RJE'I DGONGS PAR MA SON GSUNGS KYANG, DE 'DRA JO NANG PAS 'DOD YOD PA 'DRA, LCANG SKYA RIN PO CHE'I GRUB MTHAR, RANG LUGS NI ZAG MED KYI YE SHES DAM PA'I DON LA DON DAM DU 'CHAD DGOS NA MNYAM GZHAG YE SHES MYONG BA'I RANG RIG KYANG ZAG MED MA 'KHRUL PA'I SHES PA YIN ZHING, YE SHES DE DE'I RNYED DON YIN PA'I PHYIR DON DAM BDEN PAR 'GYUR RO, ,ZHES RTZOD PA DANG, LAN DU ZAG MED KYI SHES PA GCIG GI YUL YIN TZAM GYIS DON DAM BDEN PAR 'JOG NA BDEN YANG, DON DAM BDEN PAR 'JOG PA LA YUL GYI GNAS LUGS DPYOD PA'I DPYAD MTHAR RNYED CING, YUL CAN SHES PA DE YANG YUL DE LA DON DAM DPYOD BYED DU SONG BA ZHIG DGOS ZHES LAN MDZAD CING, DE LTAR MIN NA LUGS 'DI'I ZHES DMIGS KYIS BKAR BA DON MED DU 'GYUR BAR GSUNGS SO, ,RE ZHIG AA PA'I KHA PHOR GTZO CHE BAS, DE'I PHYOGS BZUNG NAS 'DI SKAD BYA STE, SEMS TZAM PAS NI MNYAM GZHAG YE SHES SU MA ZAD, SKYE 'PHAGS KYI SHES PA THAMS CAD LA RANG MYONG RANG RIG RE 'DOD CING, SO SKYES RANG RIG LA YANG NYON MONGS LTA ZHOG GNYIS SNANG 'KHRUL PA'I ZAG PA YANG MED PA NI NYID KYI GRUB MTHAR GSUNGS PA BZHIN YIN PAS, RANG RIG GIS DNGOS YUL YIN TZAM GYI DON DAM BDEN PAR 'GYUR NA GANGS RI @62B SNGON POR SNANG BA'I DBANG SHES KYANG DER 'GYUR DGOS PA LA, DE GNAS LUGS MTHAR THUG GI DON DAM BDEN PAR 'GYUR SNYAM PA'I DOGS PA GRUB MTHA' SMRA BA DANG MKHAS PA SU LA YANG SKYE MI SRID DO, ,GAL TE PHA ROL PO DES RANG RIG MI 'DOD PA'I RGYU MTSAN GYIS RANG RIG YOD NA DE LTAR 'GYUR RO ZHES RIGS PA'I 'PHUL YIN GYI YE SHES DE DON DAM PAR 'GYUR SNYAM PA'I DOGS PA SKYES PA MA YIN NO ZHE NA, DE LTAR NA SHES PA THAMS CAD DON DAM BDEN PAR 'GYUR ZHES RTZOD RIGS KYI MNYAM GZHAG YE SHES DMIGS KYIS BKAR BA DON MED DU 'GYUR RO, ,DES NA SNGA MA RJE'I DGONGS PAR SON NGES SO, ,DE DAG RIGS PA'I RNAM 'GYUR YIN PAS DA NI DAM PA GNYIS KYI DGONGS PA GCIG TU DRIL NA 'DI SKAD BYA STE, SEMS TZAM PA'I LUGS 'DIR SHES PA GZHAN LA YANG RANG MYONG RANG RIG RE YOD MOD KYANG SO SOR RANG RIG GI DON DU 'GRO MI DGOS LA, MNYAM GZHAG ZAG MED YE SHES DE'I STENG DU DE GNYIS DON GCIG DGOS SO, ,DE'I RGYU MTSAN NI RANG RIG GI SNANG TSOD DE NI BRJOD MED KYI DNGOS PO SEMS KYI RANG BZHIN 'KHRUL MED DE YIN LA, SO SKYES GZHAN RIG GI SHES PA'I SNANG CHA NI KUN BTAGS PA TZAM YIN ZHING, DE 'DRA'I SNANG CHA KUN BTAGS PA DE NI PHYI ROL DON SNANG YANG YIN PAS GNAS LUGS DPYAD STOBS KYIS RIM PAS PHRA RU SONG STE, MTHAR GZUNG RNAM DE YANG SNANG TSUL SOGS 'DZIN RNAM JI LTA BAR PHYI DON GYI SNANG BA LOG NAS YE SHES RANG GI NGO BO RIG PAR 'GYUR LA, DE'I PHYIR SO SOR RANG RIG PAR YANG BSHAD DO, ,DE'I TSE MAR ME BZHIN BZUNG RNAM DES RANG @63A *, ,GIS RANG RIG KYANG DE RIG PA 'DZIN RNAM YIN LA, SPYIR 'DZIN RNAM GYIS SEMS KYI NGO BO DPYIS PHYIN PAR MTHONG BA DPYAD PA LA MA LTOS KYANG 'DI NI DPYAD STOBS KYIS DE LTAR MTHONG BA'I SEMS KYI GSAL CHA YIN PAS, 'DIS SEMS NYID RANG GI NGO BO RNYED PA YANG DON DAM DPYAD PA'I DPYAD MTHAR RNYED PA LA 'GRO BAS YUL YE SHES DE YANG DON DAM BDEN PAR 'GYUR RO ZHES RTZOD PA YIN LA, LAN NI SO SOR RANG RIG CES PA CHOS NYID GZIGS TSUL GYI SGO NAS YIN GYI YE SHES RANG NYID RIGS PA'I CHA NAS BSHAD PA MA YIN LA, GZUNG RNAM MNYAM GZHAG YE SHES DES YE SHES RANG GI NGO BO MA MTHONG NA 'DZIN RNAM RKYANG PA LA DE SHAR YANG DPYAD STOBS KYIS SHAR BAR 'GRO DON MED CING, DE'I PHYIR 'DZIN RNAM RANG RIG DE NYID KYIS YE SHES DE RNYED CING, DE ZAG MED MA 'KHRUL PA'I SHES PA YANG YIN MOD KYANG YUL DE GNAS LUGS DPYOD PA'I DPYAD MTHAR RNYED PA MA YIN PAS DE'I SGO NAS DON DAM BDEN PAR 'JOG MI NUS SO ZHES LAN MDZAD DO, ,PHYOGS SNGA DES GNAS LUGS RTOGS PA'I NGOR GNYIS MED KYI SEMS YOD PA YE SHES SNYING PO'I KUN LAS BTUS KYI LUNG 'DIS BSGRUBS KYANG RANG LUGS 'JOG TSUL DANG PO'I DON DAM DU YOD PA'I DON DU GSUNGS PA SKABS KYIS SHES SO, ,GRUB MTHA' CHEN MOR LUGS 'DI'I YE SHES DE RANG RIG TU BZHED CES SOGS KYI LUNG 'DI DANG, 'DI GANG LAS 'PHROS PA'I GZHUNG DBU MA SNANG BA LAS, GANG 'PHAGS PA RNAMS KYIS ZHES SOGS DANG, SO SOR @63B RANG GIS RIG PAR BYA BA DNGOS PO'I NGO BO NYID ZHES SOGS KYANG MDO SDE PA'I RIGS PAR BRTEN NAS RNAL 'BYOR MNGON SUM GYI SNANG YUL DNGOS PO KHO NAR 'DOD PA'I SEMS TZAM PA KHA CIG GI LUGS YIN PAR GSUNGS LA, LCANG SKYA RIN PO CHE'I GRUB MTHAR DBU MA SNANG BA'I LUNG DE DAG ZAG MED KYI SHES PA'I DNGOS YUL TZAM LA SBYAR SNANG STE BLO LDAN RNAMS KYIS DPYAD PAR BYA'O, ,GONG DU BSHAD PA DE LTAR BYAS NA LUGS 'DI'I YE SHES DE ZHES PA SGRIB GNYIS DAG BYED KYI SO SO RANG RIG PA'I YE SHES GNYIS BSHAD PA LAS GZUNG 'DZIN GNYIS STONG RTOGS PA'I SO SO RANG RIG DE LA SGER DU DOGS PA BCAD PAR BYAS KYANG RUNG NGAM SNYAM, /BU/ KUN BTUS LAS, CI'I PHYIR KUN RDZOB TU YOD PAR BRTAGS ZHE NA KUN NAS NYON MONGS PAR GYUR BA'I DMIGS PA NI KUN RDZOB TU YOD PA'O, ,THAMS CAD KYANG KUN RDZOB TU YOD PA'O, ,CI'I PHYIR DON DAM PAR YOD PA BRTAGS ZHE NA RNAM PAR DAG PAR 'GYUR BA'I DMIGS PA NI DON DAM PAR YOD PA'O, ,THAMS CAD KYANG DON DAM PAR YOD PA'O ZHES PA 'DI NYID YIN LA, 'DIS KYANG DON DNGOS GNAS PA RE RE DANG SGRA YANGS PA'I DBANG DU BYAS TE CHOS THAMS CAD RNAM GRANGS PA'I KUN RDZOB DANG DON DAM GNYIS KAR BSHAD TSUL RE BYAS PAS SNGA MA SNGA MA DANG MTHUN PA YIN LA, PHYI MA NI SHER MDO'I DGONGS PA 'GREL PHYIR DU KUN RDZOB DANG DON DAM DU BSHAD LUGS TZAM RE BYAS PA YIN LA, CHOS THAMS CAD DON DAM DU 'CHAD TSUL RGYAL SRAS MA LAS THAMS CAD KYANG DON DAM PAR YOD PA'O ZHES BYA BA NI CHOS THAMS CAD DE BZHIN @64A *, ,NYID LAS GZHAN MA YIN PA'I PHYIR ZHES GSUNGS LA, KUN RDZOB TU 'CHAD TSUL DER DNGOS SU MED CING DAR tIKA LAS, 'KHRUL PA'I SHES PA YUL YANG BCAS PA THAMS CAD KYANG RNAM GRANGS KYI KUN RDZOB TU YOD PA'O ZHES GSUNGS LA, GRUB MTHA' CHEN MOR CHOS THAMS CAD RNAM GRANGS PA'I RDZAS BTAGS GNYIS KAR GSUNGS PAS, CHOS THAMS CAD RNAM GRANGS PA'I KUN RDZOB TU YANG BYA DGOS TE, RTZA BAR KHYAD MA PHYE BAR THAMS CAD CES GSUNGS PA'I PHYIR RO, ,DES NA DAR tIKA LAS 'KHRUL SHES DMIGS KYIS BSAL BA YANG, DE BZHIN NYID LTA BU RNAM GRANGS PA'I KUN RDZOB TU BSHAD PA RJES THOB 'KHRUL SNANG DANG BCAS PA'I SKABS KYI SHES PA'I NGO LA SBYAR NAS 'JOG DGOS PA LA DGONGS SO, ,DE LTAR KUN BTUS KYI BSHAD PA SNGA MA DE DANG, DGONGS 'GREL GYI BSHAD TSUL DE GNYIS KA YANG 'JOG TSUL GNYIS PA'I KUN RDZOB TU YOD TSUL GCIG YIN TE, BSDU BAR KUN NAS NYON MONGS PA KUN NAS SLONG BA'I PHYIR DANG ZHES DANG, GRUB MTHAR, GNYIS PA KUN NYON SLONG RUNG ZHES SO, ,BSDU BA LAS, GDAGS PA'I GZHI YIN PA'I PHYIR ZHES DANG, GRUB MTHAR THA SNYAD GZHI ZHES PA'I SKABS NAS BSTAN PA'I 'JOG TSUL GNYIS PA'I KUN RDZOB TU BSHAD TSUL GZHAN YANG YOD DE, KUN RDZOB BDEN PA YIN NA 'JOG TSUL GNYIS PA'I KUN RDZOB TU YOD PAS KHYAB PA GANG ZHIG ,SNGA MA DE NI ZAG MED 'DUS BYAS SOGS LA SBYAR MI RUNG BA'I PHYIR, DES NA 'JOG TSUL GNYIS PA'I KUN RDZOB TU YOD PA'I DON GTZO @64B BO NI PHYI MA 'DI YIN LA, DE'I TSUL YANG RKANG PAS BRGAL BAR BYA BA'I 'BAB STEGS LA RKANG PA'I 'BAB STEGS ZER BA BZHIN GNYIS SNANG CAN GYI BLO KUN RDZOB PA RTOG PA SOGS KYIS BZHAG PAR BYA BA'I CHOS LA KUN RDZOB PA'I BDEN PA ZHES BZHAG PA STE, DON BSDU NA, KUN RDZOB DPYOD PA'I RIGS SHES KYI RNYED DON DU YOD PAS KUN RDZOB TU 'JOG TSUL 'CHAD PAR, /MU/ ZHAR BYUNG BSHAD PA'I RNAM GRANGS GZHAN YANG /TZU/ BSDU BA'I BSHAD TSUL PHYI MA 'DI NI SNGA MA DAG DANG MI MTSUNGS TE, 'DIR RANG NYID BLO CI 'DRA ZHIG GIS BZHAG PA'I DBANG DU MA BYAS PAR RANG GI YUL KUN RDZOB DANG DON DAM GANG 'JOG PA'I DBANG DU BYAS SO, ,DE LA RGYU MTSAN SNGA MA GNYIS MED PAR GSUNGS PA, GNYAL STON GYIS THA SNYAD KYI DBANG GIS BZHAG PA'I YOD PA YANG MA YIN, KUN NAS NYON MONGS KYI DMIGS PA YANG MA YIN PAR RANG GI MTSAN NYID KYIS YOD PA'I PHYIR KUN RDZOB TU YOD PA'I RGYU MTSAN SNGA MA GNYIS MED CES PA'I DON NO, ,ZHES BSHAD PA'I DON THA SNYAD KYI DBANG GIS BZHAG PA STE, THA SNYAD RTOG BTAGS TZAM DU YOD PA DANG, KUN NYON SLONG BA'I DMIGS PA GNYIS LA BYAS PA YIN NA LEGS KYANG, THA SNYAD PA'I SHES PA'I RNYED DON LA BYAS TE 'JOG TSUL GNYIS PA'I KUN RDZOB TU 'JOG BYED GNYIS MED PA LA BYAS PA YIN NA MI LEGS TE, 'JOG TSUL GNYIS PA'I KUN RDZOB YIN NA DER 'JOG BYED YOD DGOS PA'I PHYIR DANG, KUN RDZOB BDEN PA YIN NA DE'I MTSAN NYID TSANG DGOS PA'I PHYIR RO, ,RJES THOB YE SHES DON DAM DU BSHAD PA'I NGES NGOR STONG NYID SHAR BA LA BRA STIS BSHAD CING, RANG MTSAN GYIS GRUB @65A *, ,PA LA GNYAL STON GYIS BSHAD DO, ,DE'I 'DZIN STANGS SU KUN RDZOB BDEN PA GTZO CHE BA'I PHYIR DANG, RANG MTSAN GYIS GRUB PA DON DAM DU BYAS PA'I BSHAD TSUL 'CHAD PA'I SKABS MIN PAS GNYIS KA YANG 'THAD PAR MI SEMS KYI, BDEN PA GNYIS PA RTOGS PAS GNYIS KAR BSHAD PA TZAM YIN NO, ,ZHAR BYUNG RDZOGS NAS 'JOG TSUL GNYIS PA'I KUN RDZOB TU YOD PA LA GZHAN GYI RTZOD PA SPONG TSUL STON PAR ` STE DBU MA SNANG BAR STONG PA NYID CHEN PO'I MDO LAS ZHES DRANGS SO, /TSU/ ,DE DAG GI DON BSDUS NA 'DIR RNAM BSHAD RIGS PA DRANGS PA NI THA SNYAD DU YOD, DON DAM PAR YOD CES PA LA YANG YOD LUGS SNA TSOGS YOD PAS, NYAN THOS SDE PA KHYOD KYIS DON DAM DANG KUN RDZOB KYI 'JOG LUGS GANG YIN MA PHYE BAR SHER PHYIN GYI MDO LAS, LAS DANG RNAM SMIN YOD PAR GSUNGS PA DON DAM PAR YIN NA, CHOS THAMS CAD BDEN PAR MED PA MI 'THAD LA KUN RDZOB TU YIN NA DER BYED PA PO YOD PAS MI 'THAD CES NGO BO NYID MED PAR SMRA BA'I GTZO BYAS PA'I THEG CHEN PA LA SKYON BRJOD PA DE BRJOD TSUL MI LEGS PAR THAL, 'JOG TSUL GNYIS PA'I KUN RDZOB KYI DON KUN RDZOB PA'I MING DANG THA SNYAD KYI GZHIR YOD PA DANG, 'JOG TSUL DANG PO'I DON DAM GYI DON RANG MTSAN GYIS GRUB PA LA BYED PAS DE GNYIS KAR YOD PA MI 'GAL BA'I PHYIR ZHES PA STE, 'JOG TSUL GNYIS SU BSDU BAR MA ZAD 'DIS KYANG GSAL BAR GSUNGS PA'I DPER BKOD PA YIN NO, /DZU/ SEMS TZAM PA'I NYAN THOS SDE PA LA LAN 'DEBS PA'I TSE RDZAS BTAGS @65B KYI KHYAD PAR PHYE NAS LAS KYI GTZO BO SEMS PA DANG RNAM SMIN GYI GTZO BO LUS DANG TSOR BA SOGS RDZAS SU YOD LA GANG ZAG RANG LDOG 'JOG TSUL GNYIS PA'I KUN RDZOB TU YOD KYANG RDZAS SU MED PA'I DON YIN PAR BSHAD DO, ,DBU MA PA RNAMS NI LAN 'DEBS TSUL ZLA BA'I 'JUG 'GREL LAS BYED PA PO BDEN GRUB TU BKAG PA LA GSUNGS SHING, DBU MA SNANG BA LAS, 'DI LTAR LAS DANG 'BRAS BU NI KUN RDZOB KHO NAR YOD PA NYID LA, MU STEGS CAN GYI KUN BTAGS PA'I BYED PA PO NI KUN RDZOB TU YANG MED PA NYID DO, , ZHES BSTAN PA'I PHYIR, 'GAL BA'I GO SKABS SU GA LA 'GYUR ZHES GSUNGS SO, ,'JUG 'GREL LAS BYED PA PO RANG BZHIN DU GYUR PA BKAG PAR SHES PAR BYA YI, BRTEN NAS GDAGS PAR BYA BA THA SNYAD KYI YUL DU GYUR BA YANG BKAG GO ,ZHES BYA BAR NI SHES PAR MI BYA'O, ,ZHES KYANG 'GREL TSUL GCIG GSUNGS PA'I TSUL DE DAG MA DGONGS PA'I SEMS TZAM PA RNAMS NGO BO NYID MED PAR SMRA BA'I NI KUN RDZOB DANG DON DAM PA'I KHYAD PAR 'PHYED MI RUNG LA, CHOS THAMS CAD RANG MTSAN GYIS MA GRUB PA'I PHYIR RDZAS BTAGS KYI DBYE BA YANG MI RUNG BAS SKYON 'DI 'JUG GO SNYAM NAS NYAN THOS SDE PA'I PHYOGS BZUNG STE DBU MA PA 'GOG PA YIN TE, 'DI SKAD DU ` PHRA BA'I DE KHO NA NYID DON DAM PA'I BDEN PA YIN PAS DE'I ZLAS DRANGS TE, /WU/ DE YANG DBUS MTHA'I DON BLO BRTAN GYIS KUN BTAGS MED BZHIN DU RTOG PAS BTAGS PAS BTAGS PA'I KUN RDZOB DANG, GZHAN DBANG GI GTZO BO YANG DAG MA YIN PA'I KUN RTOG NI SHES PA'I KUN RDZOB DANG, YONGS GRUB DON DAM PAR SGRA RTOG GI YUL @66A *, ,DU BYAR MED KYANG, DE BZHIN NYID LA SOGS PA'I RNAM GRANGS DU MAS BRJOD DU RUNG BAS BRJOD PA'I KUN RDZOB YIN PAR BSHAD LA, PHYI MA'I DON DE BZHIN NYID DANG CHOS DBYINGS SOGS THA SNYAD SNA TSOGS 'JUG PA'I GZHIR YOD PAS THA SNYAD DAM KUN RDZOB TU YOD PAR BTAGS PA STE, GONG DU RKANG PA'I 'BAB STEGS KYI DPES BSHAD PA DANG SBYAR YANG BLO BRTAN GI GSUNGS PA DANG 'GAL BAR MI SNANG NGO, ,YONGS GRUB NI 'JOG TSUL DANG PO'I DON DAM DU YOD PAR MA ZAD, GNYIS PA'I DON DAM DU YANG YOD PAS DE KUN RDZOB TU YOD PAR GSUNGS PA DE SGO GANG DU BKRAL KYANG MI 'GRIG GO SNYAM PA LA BRJOD PA'I KUN RDZOB TU YOD TSUL 'DI SHES NA THA SNYAD KYI GZHIR YOD PA TZAM GYIS KUN RDZOB TU YOD PAR GSUNGS SO, ,ZHES BDE BLAG TU 'GREL NUS PAS GAL CHE'O, ,GRUB MTHA' GCIG GI DBANG DU BYAS NA YANG, KUN RDZOB DANG DON DAM YOD TSUL DANG DE GNYIS KAR MI 'GAL BA'I DBU MA'I LAM DU 'JOG TSUL DU MA YOD PA NI, RGYAS PAR GRUB MTHA' CHEN MOR, 'OD SRUNG LE'U LAS DBU MA'I LAM BCU GSUM GSUNGS PA BKOD PA DANG, LE'U DE'I 'GREL PA BLO BRTAN GYIS MDZAD PA SOGS LAS SHES PAR BYA LA, DBUS MTHA'I LE'U LNGA PAR, THA DAD PA DANG GCIG MTHA' DANG, ,ZHES SOGS MANG DU GSUNGS, ;PHYOGS GLANG CHOS GRAGS KYI GZHUNG NAS BSHAD PA'I TSUL ZHES SA BCAD PHYI MA 'DI 'GREL BA DAG GIS BSNAN, /ZHU/ MDO SDE RGYAN GYI DON NI, MA 'ONGS PA RANG RGYAL SKYE BA MED PA DANG, 'DAS PA BSKYAR NAS DE'I BDAG NYID DU GRUB PA MED PA DANG, DE LTA BA RANG DUS GNYIS PAR MI GNAS PA DANG, BYIS PAS ZHEN PA LTAR GTZANG BDE RTAG BDAG TU MED PA BZHI LA DGONGS NAS SHER MDOR CHOS THAMS CAD NGO BO NYID MED PAR GSUNGS @66B ZHES PA'O, ,DUS GSUM LA SBYOR TSUL 'DI 'GREL BSHAD DU GSAL BA LTAR, tIKA BYED RNAMS KYANG MTHUN NO, ,'ON KYANG GNYAL STON DANG, DE'I RJES SU 'BRANG BA'I tIKA BYED PA BRA STI RAB 'BYAMS PA BLO BZANG DGE LEGS SOGS, GZUGS GZUGS ZHES PA'I SGRAS 'JUG GZHIR RANG MTSAN GYIS MED PA DANG, GZUGS RANG DBANG DU SKYE BA MED PA DANG, GZUGS KYI CHOS NYID CHOS BDAG GI NGO BOR MED PA DANG, SNGAR BSHAD PA LTAR DUS GSUM DANG BYIS PAS ZHEN PA LTAR MED PA BZHI DANG, PHYI ROL DON DU MED PA STE NGO BO NYID MED PA BCU GCIG TU BSHAD KYANG, DANG PO GSUM DGONGS 'GREL DNGOS BSTAN DANG, LHAG MA BRGYAD SHUGS BSTAN YIN PAR BSHAD CING, DANG PO DANG, GSUM PA DANG, BCU GCIG PA GSUM CHOS KYI BDAG MED PHRA MO YIN ZHING, LHAG MA NYAN RANG GIS KYANG RTOGS PAR BSHAD DO, ,GNYIS PA DANG BZHI PA BDAG SKYE MED PAR MTSUNGS PAS GCIG DNGOS DANG GCIG SHUGS BSTAN DU MI RUNG LA, PHYI DON MED PA DNGOS SU MA BSTAN ZER NA SKABS 'BYED DGOS SO, ,MDO SDE RGYAN GYI LUNG 'DI DANG, THOG MA DANG NI ZHES SOGS DANG, ,CHOS DANG BDAG MED RNAM GROL ZHES SOGS LUNG GSUM MTHAR CHAGS SU 'BYUNG LA, DE'I DON STAG LO'I GRUB MTHAR, GZHI LA NGO BO NYID MED LA SOGS DANG, ,LAM LA SKYE MED CHOS LA BZOD PA DANG, ,'BRAS BU MTHAR THUG THEG PA GCIG GRUB SOGS, ,ZHES GZHI LAM 'BRAS GSUM LA SBYAR BA SHIN TU 'BREL ZHING, GRUB MTHA'I 'DOD PA BYINGS LA GO BA STER NUS SU SNANG YANG, tIK BYED PHAL MO CHES MA THON 'DUG GO ,/ZU/ @67A *, ,DE LTAR 'GREL DGOS PA YANG NGO BO NYID MED PA'I 'GREL BSHAD DU GZUGS LA SOGS PA'I CHOS RNAMS LA GNYIS SU MNGON PAR ZHEN PAR 'DZIN PA DE LTAR MED PA'I PHYIR NGO BO NYID MED DE ZHES SOGS GSUNGS PA DANG, DE NAS MDO LAS, CHOS KUN GAL TE PHYIS PA YI, ,JI LTAR RNAM BRTAGS MTHONG BA BZHIN, ,DE DAG YOD PAR GYUR NA NI, ,THAMS CAD DE NYID MTHONG BAR 'GYUR, ,ZHES PA DANG MTHUN PAS, 'DIR TSAD MAR MDZAD PA YIN LA, BLO BRTAN GYIS KUN BTAGS PA'I MTSAN NYID GZHAN DU 'DZIN PA DE LTAR NGO BO NYID MED PA ZHES PA'I THAD DU BDAG CE'AM, GZHAN ZHE'AM, GZUGS ZHE'AM, SGRA ZHES KUN TU BTAGS TE, ZHES RANG GZHAN SOGS THA DAD PA'I CHA CI RIGS LA SBYAR RO, ,DUS GSUM LA SBYAR BA YANG SKYE 'GAG BYED PA PO 'DUS BYAS RNAMS DON DAM PAR YOD KYANG, SKYE SOGS BYA BYED KYI CHA BDEN MED DU STON PA YIN PAS 'OG TU, MED CES BYA LA SOGS TSIG GIS, ,BTAGS PA THAMS CAD 'GOG PA YIN, ,ZHES PA DANG GNAD GCIG KYANG, DGOS PA YANG RANG DANG GZHAN ZHES THA DAD DU PHYOGS GNYIS BZUNG BA 'DI YANG LOG PAR GOMS PA'I BLO 'KHRUL PAS BYAS PA TZAM YIN GYI, PHYOGS PHAN TSUN THA DAD PA DON DAM PAR GRUB PA ZHIG MED DO ZHES CHAGS SDANG MGO GNON PA STE, DE LTAR GO NA SEMS TZAM PAS KUN BTAGS RANG MTSAN GYIS MED CES PA 'DI YANG BYANG CHUB LAM GYI RIM PA'I NYAMS LEN DU 'KHYER SHES PA ZHIG 'ONG NGO,, /'U/ 'DIR SKYE MED BRGYAD PO 'DI TZAM SMOS PA NI, DON SMRA BA RNAMS KYANG @67B SHER MDO BKA' MA YIN PAR BSGRUB PA'I TSE 'JUG LDOG BYA BA'I YUL GYI GTZO BO 'KHOR 'DAS KYI RNAM GZHAG 'DI DAG LA SKUR BA BTAB PAR BSHAD PA'I 'GAL SPONG DANG, DBU MA PA RNAMS DE SGRA JI BZHIN PAR 'DOD PA 'GOG BYED DANG, DBU MA PAS SEMS TZAM PA LA RTZOD PA'I TSE MI SKYE BA'I CHOS LA BZOD PA THOB CES GSUNGS PA MI 'THAD PAR THAL, GANG LA BZOD PA THOB PA'I YUL GYI SKYE MED DE KHYOD KYIS SKUR 'DEBS KYI MTHAR KHAS BLANGS PA'I PHYIR ZHES RTZOD PA'I LAN GSUM GA YIN LA, 'DIR DPYAD GZHI 'DI YOD DE, LUGS 'DIR MI SKYE BA'I CHOS LA BZOD PA THOB PA'I TSE 'DI BRGYAD LA BZOD PA THOB PA YIN NAM ZHE NA KUN MKHYEN CHOS 'BYUNG GIS, DON DAM PAR SKYE BA MED PA DE MI SKYE BA'I CHOS LA BZOD PA THOB PA'I MI SKYE BA MA YIN PA'I PHYIR, DER THAL, SKYE MED BRGYAD PO DE DE YIN PA'I PHYIR ZHES GSUNGS LA, BRA STI'I DRANG NGES RNAM 'BYED LAS KYANG MI SKYE BA'I CHOS LA BZOD PA THOB CES PA'I SKABS KYI BZOD PA BRGYAD PO ZHES DANG, THOG MA'I MTHA' MI MNGON PA'I DE LA BZOD PA SKYE BAR BYED DGOS SHING ZHES 'DI BRGYAD LA BZOD PA THOB PA YIN PAR BSHAD DO, ,RIN CHEN DON GRUB KYIS, SKYE BA MED TSUL BRGYAD PO DE RGYU MTSAN DU BYAS NAS MI SKYE BA'I CHOS LA BZOD PA THOB CES GSUNGS PAS CHOS RNAMS LA SKYE BA MED CES BSHAD DO, ,ZHES SKYE MED BRGYAD PO DE BZOD PA THOB PA'I YUL GYI CHOS RNAMS LA SKYE BA MED CES GSUNGS PA'I RGYU MTSAN TZAM DU BSHAD LA, YIG CHAR YANG CHOS 'BYUNG GI GSUNGS DE SOR BZHAG TU MA BKOD PA DANG, BDAG SKYE MED PA LTA BU LA BZOD PA CHUNG 'BRING CHE GSUM THOB PA @68A *, ,LA; SBYOR MTHONG DAG SA GSUM THOB DGOS PA SOGS HA CANG THAL BAS BZOD PA THOB PA NI LUGS 'DIR YANG BDAG MED KYI DON LA YIN ZHING, DE'I GZHIR GYUR PA'I CHOS RNAMS LA SKYE BA MED CES PA'I MED TSUL NI 'DI DAG YIN NO ZHES KYANG BYA RUNG NGO, ,LUGS DANG PO NI, BLO BRTAN GYIS 'KHOR BA'I THOG MA SKYE BA MED DO ZHES BZOD NA MI SKYE BA'I CHOS LA BZOD PA THOB PA ZHES BYA'O, ,ZHES SOGS DANG, BTZUN PA NGO BO NYID MED PAS SNGON MED PA SKYE BA MED PAR BZOD PA'I PHYIR BZOD PA THOB CES BYA'O, ,GZHAN GYI DBANG LA NI RANG SKYE BA MED PAR BZOD PA'I PHYIR RO, ,ZHES PA DANG MTHUN NO, ,LUNG PHYI MA YANG SKYE MED BRGYAD BSHAD PA'I MTSAMS SBYOR DU DBU MA SNANG BA LAS CHOS THAMS CAD MA SKYES PA'O, ,ZHES BSHAD PA 'DI LA YANG MA SKYES PA'I DON 'DI GANG YIN PAR 'DOD CES PA DANG MTHUN ZHING, DBYIG 'GREL NI GNYIS KAR 'GREL RUNG DU SNANG LA, RTZA BAR 'GREL BSHAD MA BKOD PAR DBU MA SNANG BA BKOD PA DANG, CHOS RNAMS KYI SKYE BA MED TSUL BSHAD DO, ,ZHES GSUNGS PA, GUNG BSGRIG NA PHYI MA RTZA BA'I DGONGS PA YIN NAM DPYAD, /YU/ STONG THUN LAS, GZHAN NYID CES PA RGYU LAS MI MTHUN PA'I 'BRAS BU MI SKYE BA DANG, ZHES GSUNGS PA YANG 'DI DANG GNAD GCIG STE; RGYANG PHAN LTA BU SKYE BA SNGA MA MED PAR GZUGS CAN GYI 'BYUNG BA LAS SEMS 'GRUB PAS SKYE BA LEN PA ZHIG KHAS BLANGS NA 'KHOR BA'I THOG MA'I SKYE BAR YANG 'GYUR LA RGYU MI MTHUN PA LAS 'BYUNG BAR YANG 'GRO STE, RNAM 'GREL LAS, RNAM SHES @68B MIN PA'I RNAM SHES KYI, ,NYER LEN MIN PA'I PHYIR YANG 'GRUB, ,CES DANG, SKYE BA YONGS SU LEN PA NA, ,'BYUNG RNGUB DBANG PO BLO DAG NI, ,RANG GI RIGS LA LTOS MED CAN, ,LUS NYID 'BA' ZHIG LAS SKYE MIN, ,ZHES GSUNGS PA LTAR RO, ,'DIR 'KHOR BA NI MTSAN GZHI TZAM BZUNG BA YIN LA, DNGOS PO THAMS CAD KYANG THOG MA'I MTHA' MED PAR MTSUNGS PA NI, RTZA SHES LAS, 'KHOR BA 'BA' ZHIG SNGON GYI MTHA', ,YOD MA YIN PAR MA ZAD KYI, ,DNGOS PO THAMS CAD NYID LA YANG, ,SNGON GYI MTHA' NI YOD MA YIN, ,ZHES GSUNGS SHING, DBU MA SNANG BA YANG, DNGOS PO SPYI LDOG GZHIR BZUNG NGO, ,DE LA SA DANG PO BAS SPRUL MA THAG PA DES SNGAR 'KHOR BA SKYE BA LEN MYONG NGAM MA MYONG, MYONG NA DE'I TSE DE'I RGYUD LA SKYE BA YOD MED, GANG ZAG YIN MIN, YAN LAG BCU GNYIS SOGS DANG LAM GYI THOG MA YOD MED SOGS KYANG SHES BYA YIN MOD KYANG DGOS PA CHUNG BAS 'DIR MA SPROS SO,, /RU/ DE LA YANG NANG GSES KYI GNAS MA BU PA SOGS 'DUS BYAS LA SKAD CIG MAS MA KHYAB PAR 'DOD LA, MANG STON PA SOGS DE LTAR MI 'DOD PA YANG YOD DE, SNGA MA'I DAM TSIG BRJOD PA'I RTOG GE 'BAR BA LAS, 'DUS BYAS NI SKAD CIG PA DANG SKAD CIG PA MA YIN PA YANG YOD DO ZHES DANG, MDZOD LAS, SKAD CIG MA YIN 'JIG PHYIR RO, ,ZHES PA'I SKABS SU DE LA 'JIG PA'I NGANG CAN YIN PA'I RTAGS KYIS SKAD CIG DE MA THAG 'JIG PAR BSGRUB PA STE, DON NI, DANG POR SKYES, GNYIS PAR GNAS NA GNYIS PA DE YANG DE LAS DUS GNYIS PAR GNAS DGOS SHING, DE'I GNAS PA DE YANG DE'I GNYIS PAR GNAS @69A *, ,DGOS ZHES RTAG PAR THAL BA 'PHANGS PA YIN LA, LAN DU, DE CHOS BRGYAD DANG GCIG LA 'JUG ,CES GNAS PAS GNAS PA SKYE BA'I GNAS PA LAS LOGS SU MED PA SOGS KYI RGYU MTSAN GYIS SKYON MED PAR BSHAD DO, , MANG STON PA'I DAM TSIG NI, RTOG GE 'BAR BA LAS, 'DUS BYAS THAMS CAD NI SKAD CIG MA'O, ,ZHES GSUNGS PA'I PHYIR, DE DAG GI DON LA KHA CIG NA RE, GNAS MA BU PAS 'DUS BYAS THAMS CAD SKAD CIG MAR 'DOD PAR THAL, DES SKAD CIG MA YIN KYANG SKAD CIG GIS 'JIG MI DGOS PAR 'DOD PA'I PHYIR, MDZOD KYI MTHA' DPYOD LAS, SKAD CIG GI DON 'JIG PA KHO NAR BSHAD MI DGOS PAR THAL, SNOD SKAD CIG MA ZHES PA LTA BU SNOD STONG PAR 'JUG ,LHAS SBYIN SKAD CIG MA ZHES PA LTA BU BYA BA MED PAR 'JUG ,DUS SKAD CIG MA ZHES PA LTA BU DUS MTHA' LA 'JUG PA'I PHYIR, ZHES GSUNGS PA'I PHYIR NA MA KHYAB STE, DE DAG LA SKAD CIG MA'I SGRA BSHAD DU YOD PAR 'DOD KYANG SKAD CIG MA YIN PAR 'DOD MI DGOS PA'I PHYIR TE, DES BUM PA SOGS 'JIG PA PHYIS 'BYUNG GI RGYU LA LTOS PAR 'DOD CING, SGRA BLO SOGS SKAD CIG MAR 'DOD PA MDZOD 'GREL LAS BSHAD PA'I PHYIR, YANG KHA CIG GIS GRUB MTHA' GONG MA LTAR NA BYA BA DE GSUM CIG CAR GRUB PAR THAL, 'DOD PA'I PHYIR, 'DOD NA, SKYE BA GRUB PA DANG GNAS PA GRUB PA DANG 'JIG PA GRUB PA DUS MNYAM PAR THAL, 'DOD PA'I PHYIR, 'DOD NA SKYE GNAS 'JIG GSUM DUS MNYAM PAR THAL, 'DOD PA'I PHYIR NA MA KHYAB, YANG KHA CIG, ,TSES GCIG GI DUS DE RANG GRUB DUS LAS SKAD CIG @69B GNYIS PAR MI GNAS PAR THAL, DE SKAD CIG MA YIN PA'I PHYIR, 'DOD NA DE GRUB MA THAG PA'I SKAD CIG GNYIS PA'I TSE ZHIG ZIN PAR THAL, 'JIG KHA MA YIN PA'I PHYIR NA MA KHYAB STE, SDE BDUN YID KYI MUN SEL LAS, TSES GCIG GI SNGA DRO NAS TSES GCIG GI 'GO ZUG PA'I PHYIR, TSES GCIG YOD KYANG TSES GCIG RDZOGS PAR GRUB PA MA YIN LA, TSES GNYIS KYI SNGA DRO'I SNGA LOG TZAM DU TSES GCIG RDZOGS PAR GRUB KYANG DE'I SKAD CIG GNYIS PAR TSES GCIG ZHIG PA'I PHYIR DANG, RANG GRUB DUS LAS SKAD CIG GNYIS PAR MI SDOD PA NYID SKAD CIG MA'I DON YIN PA'I PHYIR, ZHES SO, ,DE BZHIN DU SKYE BA 'DI PHYI MA'I DNGOS RGYU YIN KYANG DER 'GYUR KHA MA YIN PA SOGS TSIG LA YANG GZAB BO, , /LU/ DE LTAR PHYI DON MED CING SEMS KYI SNANG CHA TZAM YOD PA SGYU MA'I DPES MTSON PAR MA ZAD GANG ZAG GI BDAG MED LA SBYAR TE SGYU MA'I DPE 'CHAD TSUL YANG YOD PAS DE STON PAR, /SHU/ DE YANG MDO SDE RGYAN LAS, SANGS RGYAS RNAMS SANGS RGYAS MCHOG RNAMS KYIS DE DANG DE LAS 'DUS BYAS DAG ,GSUNGS PA SGYU MA RMI LAM SMIG RGYU GZUGS BRNYAN DANG 'DRA MIG YOR DANG, ,BRAG CHA LTA BU DANG NI CHU ZLA'I GZUGS 'DRA SPRUL DANG 'DRAR SHES BYA, ,DRUG DANG DRUG DANG GNYIS DANG DRUG TSAN GNYIS DANG GSUM PO RE RE 'DOD, ,CES DRUG TSAN SOGS DPE RE RE DANG SBYAR TE RIM BZHIN NANG GI SKYE MCHED DRUG GDAGS GZHIR BYAS TE BDAG GO SNYAM DU RLOM PA SKYE BAS SGYU MA DANG, PHYI'I SKYE MCHED DRUG PHYI DON GYI NGOS NAS MYONG RGYU MED KYANG, SEMS RANG NYID KYI SNANG CHA TZAM PO DE LA RANG GIS LONGS SPYOD DU YOD PAS RMI LAM LTA BU @70A *, ,DANG, SMIG RGYUS CHUR 'KHRUL PA BSKYED PA LTAR SEMS SEMS BYUNG GNYIS KYIS RANG GI RDZAS LA DON DU 'KHRUL PA BSKYED PA SMIG RGYU LTA BU DANG, YANG NANG GI SKYE MCHED DRUG NI LAS KYI GZUGS BRNYAN LTA BU DANG, NANG GI SKYE MCHED DRUG GI GDUGS PHUB PAS DE'I SNANG CHA PHYIR SKYE MCHED DRUG GRIB MA LTA BU 'BYUNG BAS PHYI'I SKYE MCHED DRUG NI GRIB MA'AM MIG YOR LTA BU DANG, THA MA GSUM NI DPE RE RE DANG DON YANG RE RE SBYAR BA STE BSHAD PA'I CHOS NI BRAG CHA LTA BU DANG, DE'I DON GOMS PA'I TING NGE 'DZIN GYI RNAM PA GSAL BAR 'CHAR BA NI CHU ZLA LTA BU DANG, DE NAS GZHAN DON DU BSAM BZHIN SRID PA 'DZIN PA NI SPRUL PA LTA BU'O, ,DPE GNYIS PAR 'DI NYID LAS GANG ZAG GI BDAG GIS NYE BAR SPYAD BYAR MED PA ZHES GSUNGS LA; DBYIG 'GREL LAS RMI LAM LTA BU NI, PHYI'I SKYE MCHED DRUG STE NYE BAR SPYAD PA'I NGOR MED PA'I PHYIR, ZHES PA TZAM LAS GSAL KHA MA BYAS SHING, BTZUN PAS THAD 'DIR BSHAD PA MA BYAS LA BLO BRTAN GYIS GZUGS DANG SGRA LA SOGS PA RNAM PAR SHES PA'I YUL DU YOD PA MA YIN PA'I PHYIR RMI LAM LTA BU'O, ,ZHES PHYI DON MED PA'I DPE LA SBYAR BA LTAR BOD KYI tIKA BYED DAG GIS KYANG BRIS SO, ,'DI NYID KYI DGONGS PA NI PHYI NANG GI SKYE MCHED DRUG TSAN GNYIS LA DPE LAN GNYIS GNYIS 'BYUNG ZHING, DANG PO GANG ZAG GI BDAG MED PA'I DPER GSAL BAS, GNYIS PA BDAG GI BA MED PA LA SBYAR NA DPE PHYI MA GNYIS DANG MI ZLOS SHING BDAG MED GNYIS KA RDZOGS PAR STON NUS PAR 'DUG DGONGS PAR SNANG BAS SNGON MED LEGS BSHAD DU SHES PAR GYIS, @70B /SU/ THIG BSDUS KYI SGYU MA YANG PHYI DON MED PA'I DPER MDZAD LA, LHAG MA PHAL CHER MDO SDE RGYAN GYI BSHAD PA PHYI MA DANG GCIG GO ,DON MED NA JI LTAR RNAM PAR SHES PA SNA TSOGS 'BYUNG SNYAM PA ZLOG PA'I PHYIR MIG YOR LTA BU NYID DO ZHES GSUNGS PA YANG RNAM SHES TSOGS DRUG MI 'DRA BA SO SO'I SNANG CHA LAS PHYI'I SKYE MCHED DRUG MI 'DRA BA SO SOR 'BYUNG BA GRIB MA DBYIBS SNA TSOGS SU 'BYUNG BA LTA BU YIN PAS SNGA MA DANG MI MTHUN PA MED DO, ,MDO LAS /HU/ 'JUG PA PHYIN CI MA LOG PAR GSUNGS LA ZHES PA'I THAD DU STONG THUN LAS, PHYIN CI MA LOG PAR 'GREL PAR GSUNGS LA, ZHES GSUNGS PA NI 'GREL PAR DRANGS PA'I MDOR GANG NA GANG MED PA ZHES SOGS LAS GSUNGS PA'AM, YANG NA MDO 'DI'I DON DU 'GREL PAR GSUNGS PA LA BYA YI; 'GREL PA RANG NYID KYIS GSUNGS PA TZAM LA BYAS NA MI 'BREL TE, 'DIS KYANG DE STON ZHES PA'I 'DI SGRA DBUS MTHA'I RTZA BA LA 'JUG DGOS PAS 'GREL PAR GSUNGS PA'I DON BZHIN DU RTZA BAS KYANG DE LTAR DU GSUNGS ZHES BSHAD NA GO LOG PA YIN PA'I PHYIR, RANG LUGS MDO LAS GSUNGS LA, DBUS MTHAS KYANG MDO'I DON BZHIN BSTAN TO, ,ZHES BZUNG NGO, ,'DIR KYANG SGRA SMOS PA NI, MDO SDE RGYAN LAS, MDO'I DON BZHIN DE LTAR GSUNGS PAR MA ZAD CES PA GCIG KYANG 'THOB STE, MDO SDE RGYAN LAS, DE BZHIN GNYIS SNANG DE LA YOD, ,DE YI NGO BO YOD MA YIN, ,ZHES DANG, DE'I 'GREL PAR, GNYIS SU SNANG BA NI YOD DO, ,GNYIS KYI NGO BO NI MED DO, ,ZHES SOGS 'DI DANG SHIN TU 'DRA BAR 'BYUNG NGO, ,'ON KYANG MDO SDE RGYAN GYI @71A *, ,BSHAD PA LAS 'DI ZUR DU BKOD PA NI STONG NYID DON DAM PAR YOD PA SHUL DU SGRUB TSUL RGYAN GYI LUNG DER MI GSAL ZHING, 'DI'I 'KHOR LO GSUM LA DRANG NGES 'BYED TSUL SOGS 'GREL BSHAD LAS GSUNGS PA ZHAR LA 'CHAD BZHED NAS BKOD PA YIN NO, ,STONG THUN GYI LUNG DON, DE LTAR 'GREL DGOS PAR STONG THUN RANG LAS KYANG SHES TE, SKABS GZHAN DU KUN BTUS LAS GANG NA GANG MED PA ZHES SOGS DRANG ZHING, DE YANG KHYAD CHOS BCU DRUG GIS STONG PA BSHAD PA'I SKABS SU MDO TSIG 'DI NYID SOR BZHAG TU BKOD PA RNAMS DRANG BA'I PHYIR, 'DI LA GNYAL STON GYI BSHAD PA DON DU SONG SNANG NGO, ,/AU/ 'DI LA KHA CIG GZHAN DBANG GI STENG DU KUN BTAGS BKAG SHUL DU LHAG MAR LUS PA'I YOD PA ZHIG BSGRUB RGYU YOD PAR THAL, 'DOD PA'I PHYIR, 'DOD NA, DGAG BYA'I KUN BTAGS BKAG SHUL DU GZHAN DBANG YONGS GRUB GNYIS BDEN PAR GRUB PA BSGRUB RGYU YIN PAR THAL, 'DOD PA'I PHYIR, 'DOD NA, DE'I SHUL DU MA YIN DGAG DANG SGRUB PA GANG RUNG ZHIG BSGRUB RGYU YOD PAR THAL, 'DOD PA'I PHYIR, 'DOD MI NUS TE, DE LTAR NA CHOS NYID MA YIN DGAG TU 'GYUR BA'I PHYIR, DER THAL, CHOS NYID BRJOD PA'I SGRA DES DGAG BYA BKAG SHUL DU SGRUB PA'AM MA YIN DGAG SOGS BSGRUB NA DE SGRUB PAR 'GRO BA'I PHYIR NA MA KHYAB BYAS PA LAS, 'O NA YANG STONG NYID MA YIN DGAG TU THAL, GZHAN DBANG LA KUN BTAGS MED PAR GSUNGS PA'I LUNG 'DIS DGAG BYA BKAG SHUL DU STONG GZHI BDEN GRUB BSGRUB PA'I @71B PHYIR NA MA GRUB STE, 'DIR DE'I SHUL DU SGRUB CES PA RKANG PA PHYI MAS BSGRUB PA DANG, SPYIR BSGRUB RGYU YOD PA LA BYA YI, GZHUNG TSIG GCIG PO DES BSGRUB PA LA MI BYA BA'I PHYIR, DES NA BSGRUB BYA MA YIN DGAG TU THAL BA'I SKYON MI YONG LA, LCANG SKYA RIN PO CHE'I GRUB MTHAR LUGS 'DI'I DGAG BYA MA YIN DGAG TU SONG YANG SKYON MED PAR GSUNGS SO, ,/KE/ DE LTAR RKANG PA GNYIS PAS 'KHOR LO BAR PA'I DGONGS GZHI'I NGO BO NYID MED PA DNGOS SU BSTAN CING, DANG PO'I SGRAS ZIN YANG DNGOS SU BKAG GO ,DE BZHIN DU RKANG PA DANG POS BAR PA'I SGRAS ZIN BKAG CING, DANG PO'I DGONGS GZHI BSTAN PA YIN TE, GZHAN DBANG RANG MTSAN GYIS GRUB PAR DNGOS SU BSTAN PA'I PHYIR DANG, YANG DAG MA YIN ZHES DON DU MA GRUB BZHIN DU DON DU 'KHRUL PA'I SNANG CHA GSUNGS PA DE NYID 'KHOR LO DANG PO'I DGONGS GZHI YIN PA, RNAM 'GREL LAS, MA RIG GIS BSLAD BDAG NYID NI, ,JI LTA'I RANG RKYEN LA LTOS NAS, ,RNAM RIG DE BZHIN MIN RNAM PA, ,SKYE 'GYUR RAB RIB LA SOGS BZHIN, ,ZHES DANG, 'OG GI NYI SHU PA SOGS KYIS 'GRUB PA'I PHYIR DANG, RKANG PA DANG POS YUM GYI SGRAS ZIN LA ZHEN NAS SKUR 'DEBS KYI MTHA' LA LTUNG BA'I THAL 'GYUR BA 'GOG PA DANG, RKANG PA GNYIS PAS 'KHOR LO DANG PO'I SGRAS ZIN LA ZHEN PA RNAMS KYI SGRO 'DOGS KYI MTHA' 'GOG PAR 'GREL BSHAD LAS BSHAD PAS KYANG SHES PA'I PHYIR, DE LA RKANG PA DANG PO'I YOD CES PA YANG 'GREL BSHAD LAS, RANG BZHIN GYI ZHES BYA BA NI TSIG GI LHAG MA'O, ,ZHES RANG BZHIN GYIS YOD PA LA GSAL BAR GSUNGS PAS, BU STON SOGS KYIS @72A *, ,GZHAN DBANG THA SNYAD TZAM DU YOD PA DANG, YONGS GRUB DON DAM PAR YOD PAR GSUNGS PA KHEGS SHING, RKANG PA GNYIS PAS GZHI GZHAN DBANG DE'I STENG DU DGAG BYA CHOS BDAG 'GOG PAR GSUNGS PAR JO NANG PA SOGS GZHI YONGS GRUB KYI STENG DU DGAG BYA GZHAN DBANG 'GOG PAR BSHAD PA YANG GSAL BAR BKAG GO, /KHE/ 'DI'I DOGS PA SKYE TSUL NI, 'OG TU YOD PA SNGA MA DANG MED PA PHYI MA YIN PAR BSTAN PAS STONG NYID MED SNYAM PA'I DOGS PA 'BYUNG BAR GSAL ZHES, CHA PHYE NAS STON PA'I SKABS SU, BDEN PAR YOD PA GANG YIN PA DE SNGAR BSTAN ZIN NAS, DE RJES BDEN PAR MED PA DE NYID 'CHAD DGOS PAS YONGS GRUB KYANG BDEN PAR YOD NA KUN BTAGS BDEN MED DU BSHAD PA 'DI'I GONG DU BSHAD DGOS PA LA DER MA BSHAD CING GZHAN DU BSHAD NA SKABS 'CHOL BA'I SKYON 'BYUNG BAS PHYI MAR BDEN MED BSHAD PA 'DI'I KHUNGS SU BSDU DGOS TE, 'DUS MA BYAS SU YANG MTSUNGS PA'I PHYIR SNYAM DU DOGS PA'O, ,DOGS PA SKYE TSUL 'DI LA BLO GROS RGYA MTSO'I DBUS MTHA'I 'GREL PA RIN CHEN PHRENG BAR, GAL TE MI STONG CUNG ZAD YOD, ,STONG PA YOD PAR GA LA 'GYUR, ,ZHES PA'I TSUL GYIS STONG NYID BDEN PAR MED DO SNYAM NA MA YIN TE, STONG PA NYID NI GZHAN DBANG 'DI LA DPYAD BZOD DU YOD PA'I PHYIR, ZHES RTZA SHES KYI LUNG 'DRA PO ZHIG DRANGS NAS GZHAN DBANG BDEN PAR GRUB NA STONG NYID MED PAR 'GYUR TE, 'GAL BA LA MI 'KHRUL PA'I TSAD MA MED PA'I PHYIR, ZHES DOGS PA BSLANG BAR BSAM MO, ,RANG LUGS KYI LAN NI, GZHAN DBANG GI @72B STENG DU GZUNG 'DZIN THA DAD DU GRUB PA DON DAM DPYOD PA'I RIGS PAS KHEGS PAR BSTAN PA NA, STONG PA DE NYID DON DAM DPYOD PA'I RIGS PA'I RNYED DON MTHAR THUG TU GO ZHING, DE NI LUGS 'DI'I STONG NYID DON DAM PAR BSGRUB PA'I RGYU MTSAN MTHAR THUG YIN PAS SNGAR SMOS NAS BSGRUB BYA RJES SU BSTAN PA YIN NO, ,/GE/ 'DIS NI KUN RTOG STE 'DZIN PA RANG BZHIN GYIS YOD NA GZUNG BA RANG BZHIN GYIS YOD DGOS PAS GZUNG 'DZIN GNYIS KA RANG BZHIN GYIS YOD NA GZUNG 'DZIN GNYIS STONG MED PAR 'GYUR ZHES RTZOD PA GCIG DANG, LAN DU GZUNG 'DZIN GNYIS LA CHA PHYE NAS GSUNGS SHING STONG NYID KYANG MED PAR MI 'GYUR TSUL GCIG BLO BRTAN GYIS SUM CU PA'I 'GREL PAR GSUNGS PA 'DI NYID DBUS MTHA'I LUNG DE'I DON DU YANG SBYAR RUNG BAR GO BA'I CHED YIN LA, 'DIR MTHA' GCIG TU SMRA BA 'DI RNAM PA GNYIS ZHES PA NI DON SMRA BA DANG NGO BO NYID MED PAR SMRA BA LA BYIN tA DE BAS BSHAD DO, ,DE NYID DBUS MTHA'I DGONGS PAR 'GREL TSUL NI, ,RKANG PA DANG POS 'DZIN PA RDZAS GRUB DANG, GNYIS PAS DE LAS DON GZHAN PA'I GZUNG BA MED PAR BSHAD PA STE, SNGAR BSHAD PA DANG PHAL CHER 'DRA LA, DE LTAR GZUNG BA PHYI DON BKAG PA'I LAN DU, 'O NA THAR PA MED PAR THAL, THAR PA'I LAM MI RTOG YE SHES KYI BSGOM BYA'I YUL MED PA'I PHYIR TE, PHYI DON MED PA'I PHYIR ZHES PHYI DON BKAG PA LA GZUNG BYA TZAM BKAG PAR 'KHRUL BA'I RTZOD PA DANG, GNYIS STONG DE NYID RNAM DAG LAM GYI 'DZIN STANGS YIN PAS THAR LAM MED PAR MI 'GYUR ZHES LAN MDZAD PAR YANG 'GREL BSHAD LAS GSUNGS SO, ,KHA CIG YANG DAG CES PA'I STONG NYID DANG, MA @73A *, ,YIN KUN RTOG CES PA'I GZHAN DBANG STE RKANG PA DANG POS GNYIS KA BDEN GRUB TU BSTAN ZER BA NI YIG DON LA YANG MA ZHUGS SHING, RKANG PA GSUM PA'I THAD KYI 'GREL BSHAD LAS, YANG DAG MA YIN PA'I KUN TU RTOG PA NI ZHES SOGS SNGAR DRANGS PA DANG 'GAL BAS MI 'THAD DE, DANG POR RANG BZHIN YOD PAR GSUNGS PA'I LOG RTOG MI SEL NA 'DIS KYANG MI SEL BAR MTSUNGS PA'I PHYIR RO, ,/NGE/ ZHES RKANG PA GSUM PAS GNYIS STONG DE NYID GZHAN DBANG GI GNAS LUGS SU GTAN DU GNAS PAR BSHAD PA LA GZHI GZUGS SOGS MTHONG BA'I TSE GNAS LUGS KYANG MTHONG BAR 'GYUR RO SNYAM DU RTZOD PA'I LAN DU, YONGS GRUB DE MED NAS MA MTHONG BA MA YIN GYI SGRIB BYED GNYIS SNANG 'KHRUL BA'I KUN RTOG YOD PAS MA MTHONG BA YIN ZHES STON PAR RKANG PA BZHI PA BYUNG BAR GSUNGS SO, ,KHA CIG STONG NYID DE GTAN DU YOD NA SO SKYES THAMS CAD KYIS KYANG CI'I PHYIR MA MTHONG SNYAM PA'I LAN DU SO SKYES DE LAS GNYIS SNANG 'KHRUL PA DE YOD CES DE SGRA SO SKYE LA BSHAD PA GONG DU 'DI DANG 'DIR DE ZHES PA'I TSIG GI NUS PAS STONG NYID KHO NA LA SBYOR DGOS PA MA SHES PAS NONGS PA'O, ,RONG STON GYI DBUS MTHA'I 'GREL PA MI PHAM DGONGS RGYAN LAS, STONG PA NYID NI KUN TU RTOG PA 'DI LA CHOS NYID DU YOD CES BYA'O, ,STONG PA NYID DE LA YANG NI KUN TU RTOG PA 'DI CHOS CAN GYI TSUL DU YOD CES CHOS DANG CHOS CAN YA MA BRAL BA BDEN GNYIS ZUNG 'JUG GI TSUL DU BSHAD PA YANG SKABS 'DI'I 'GREL BSHAD KYI BSHAD TSUL GONG 'OG GANG DANG YANG MI MTHUN @73B NO; ;'GREL BSHAD LAS SNGAR BSHAD PA DE DAG TU MA ZAD BSHAD PA'I RNAM GRANGS GZHAN YANG MDZAD DE, 'DI LTAR RKANG PA DANG POS KUN NYON GYI NGO BO 'KHRUL PA'I MTSAN NYID CAN GYI KUN RTOG DANG, GNYIS PAS DE 'KHRUL PAR 'JOG BYED BSTAN TE, DE LTAR GZUNG 'DZIN GNYIS SU MA GRUB BZHIN DU GRUB PAR 'KHRUL PA'I BLO DES RTZA BA BYAS NAS CHAGS SOGS BSKYED CING, DE'I DBANG GIS LAS BSAGS TE THOG MED NAS DA LTA'I BAR DU 'KHOR BAR 'KHOR TSUL BSHAD PA NA, 'O NA DA DUNG YANG 'KHOR BA'I RTZA BA DE NYID RGYUD LA YOD PAS THAR MI NUS SAM SNYAM NA, DE LTA MA YIN GYI THAR PA NGES PAR 'THOB NUS TE, RNAM BYANG GI NGO BO 'GOG LAM SOGS YON TAN THAMS CAD 'BYUNG RUNG GI SEMS KYI CHOS NYID NI GANG GIS KYANG MA BSLAD PAS 'OD GSAL BAR YOD DO ZHES 'GOG PA THOB NUS SU BSTAN PA LA, DE LTA BU'I CHOS NYID DE THOG MED NAS YOD BZHIN DU SEMS CAN RNAMS CI'I PHYIR MA GROL SNYAM NA, RANG BZHIN DRI MAS DAG MOD KYANG GLO BUR GYI DRI MA MA ZAD PA'I DBANG GIS MA GROL BA YIN LA, DE ZAD PA LAM GYI RTZOL BA LA LTOS PAS LAM BSLAB PA GSUM LA SLOBS SHIG CES 'DOMS PA STE, RTZA 'GREL GYI DGONGS PA RDZOGS PAR PHYE STE BSHAD YOD DO, ,/CE/ 'DI'I DON YANG RIN CHEN BYANG CHUB KYI DRANG NGES RNAM 'BYED LAS, DBU MA PA GZHAN NGO BO NYID MED PAR SMRA BA LTAR NA GZUGS SOGS CHOS RNAMS RANG 'DZIN RTOG PA'I ZHEN GZHIR RANG MTSAN GYIS GRUB PAS STONG PA'I STONG NYID LAS PHYI MA GZUNG 'DZIN RDZAS GZHAN GYIS STONG PA'I STONG NYID MCHOG TU BZHED KYANG, RNAM RIG PA SEMS TZAM PA'I LUGS @74A *, ,'DIS, DE 'DRA'I STONG NYID GNYIS KA DBU MA'I DON DU 'GREL TSUL GCIG TU 'GREL BAS, DE 'DRA'I STONG NYID GNYIS PO DE STONG NYID RNAM DAG TU DON GCIG TU MDZAD PA'I PHYIR ZHES GSUNGS PA NI, YA MTSAN PA ZHIG STE, STONG NYID PHYI MA DE THAL 'GYUR BA DANG MDO SDE SPYOD PAS GTAN DU RANG MA BZHED CING, RNAL 'BYOR SPYOD PA'I DBU MA PA NI GNYIS KA YANG CHOS KYI BDAG MED RAGS PA DANG, RANG RGYAL BAR CHAD MED LAM GYI 'DZIN STANGS SU MTSUNGS PAR 'DOD PAS MCHOG DMAN 'BYED MKHAN GYI DBU MA PA DE NGOS BZUNG MED PAR 'GYUR RO, ,DES NA GZHUNG GI DON NI, SEMS TZAM PA'I SKABS 'DIR RNAM RIG TZAM GYI TSUL 'DI DBU MA'I DON DU 'GREL DGOS PA'I RGYU MTSAN GYIS, DBUS MTHA' LAS, YOD PA'I MED PA'I ZHES SOGS DANG, 'OD SRUNG LE'U GNYIS KYI DON 'GREL TSUL YANG NGO BO NYID MED PAR SMRA BA DANG MI 'DRA BA ZHIG BYA DGOS TE, NGO BO NYID MED PAR SMRA BA'I DBU MA PA RNAMS KYI SNGA MA DBUS MTHAS BSHAD PA'I DBU MA'I LAM DE LAS 'OD SRUNG LE'UR BSHAD PA'I DBU MA'I LAM DE MCHOG TU BZHED DE, SNGA MA SEMS TZAM DANG PHYI MA NGO BO NYID MED PA RANG GI LUGS SU 'DOD PA'I PHYIR DANG, SEMS TZAM PAS NI SNGAR BSHAD PA'I TSUL 'DIS DE GNYIS KA SEMS TZAM RANG GI LUGS SU BKRAL TE DON GCIG TU MDZAD PA'I PHYIR ZHES PA'I DON NO, ,BRA STI'I DRANG NGES RNAM 'BYED LAS, THAL RANG GNYIS DANG MI 'DRA BAR RNAM PAR RIG PA TZAM GYI TSUL 'DI NYID DBU MA'I DON DU 'GREL PAS NA YUL STONG PA DANG YUL CAN YE SHES @74B GNYIS KA DBU MA'I DON DU 'JOG PAR 'DRA ZHES GSUNGS SO ZHES BSHAD PA YANG LEGS PAR MA MTHONG STE, RNAM PAR RIG PA TZAM ZHES PAS YUL CAN DANG, DBU MA ZHES PAS YUL BSHAD PAR BZUNG STE, DE GNYIS LA MCHOG DMAN 'BYED MI 'BYED LA 'DOD PAR SNANG YANG, DES NA ZHES RGYU MTSAN BSTAN PA DANG MI 'BREL ZHING, MI RTOG YE SHES LAM DBU MAR NI THAL RANG GNYIS KYANG 'DOD LA, LUGS 'DIS KYANG GNYIS MED KYI YE SHES DBU MA DNGOS SU 'DOD PA MA YIN PA DANG, SEMS TZAM GYI GZHUNG RNAMS LAS RNAM PAR RIG PA TZAM GYI TSUL ZHES 'BYUNG BA PHAL CHER YUL GZUNG 'DZIN GNYIS STONG LA BYA DGOS KYI, YUL CAN RNAM PAR RIG PA TZAM LA MA BSHAD CING, DE GNYIS DON GCIG TU MDZAD CES PA DANG MI 'GRIG PA'I PHYIR, /CHE/ DE YANG BRGYAD STONG DON BSDUS LAS, SHES RAB PHA ROL PHYIN PA NI, ,MTSAN NYID GSUM LA YANG DAG BRTEN, ,BTAGS PA DANG NI GZHAN DBANG DANG, ,YONGS SU GRUB PA NYID KYANG NGO, ,MED CES BYA LA SOGS TSIG GIS, ,BTAGS PA THAMS CAD 'GOG PA YIN, , SGYU MA LA SOGS DPE RNAMS KYIS, ,GZHAN GYIS DBANG NI BSTAN PA YIN, ,RNAM PAR BYANG BA BZHI YIS NI, ,YONGS SU GRUB PA RAB TU BSGRAGS, ,ZHES GSUNGS TE, 'DIR RNAM BYANG BZHI ZHES PA YIG CHAR MA SKYES PA SOGS BZHI LA BYAS PA 'DRA BA ZHIG SNANG BA NI GONG MA'I GSUNG RGYUN SOR BZHAG TZAM DU SNANG LA, RANG LUGS 'DI LTAR BZUNG STE, THEG BSDUS LAS, 'BYUNG RTEN SGYU MA LA SOGS BSTAN, ,BTAGS LA BRTEN NAS MED PA BSTAN, ,RNAM PAR BYANG BA BZHI BRTEN NAS, ,YONGS SU GRUB PA @75A *, ,BSTAN PA YIN, ,DAG PA DE NI RANG BZHIN DANG, ,DRI MA MED DANG LAM DANG DMIGS, ,RNAM PAR DAG PA'I CHOS KYI RNAMS, ,RNAM PA BZHI PO BSDUS PA YIN, ,ZHES RANG BZHIN GYI RNAM BYANG STONG NYID DANG DRI MA MED PA'I RNAM BYANG 'GOG BDEN DANG, LAM RNAM PAR BYANG BA LAM BDEN DANG, DMIGS PA RNAM PAR BYANG BA THEG CHEN GYI SDE SNOD DE BZHI LA ZUR DU GSUNGS SHING, MED CES BYA LA SOGS ZHES PAS KYANG SOGS SGRAS MA SKYES PA SOGS BSDUS ZIN PA'I PHYIR RO, ,TSIGS BCAD 'DI GNYIS DBUS MTHA'I 'GREL BSHAD DU DRANGS PA LAS, CHOS MNGON PA'I MDO'I NANG NAS TSIGS SU BCAD PA GNYIS LAS, ZHES GSUNGS PA LUNG DE MNGON PA LAS BSDUS PA'I DON NAM YI GE MA DAG PA YIN DPYAD PAS BYA'O, ,/JE/ SKYE SOGS 'BYED PA'I YUL CAN DE 'KHRUL PAR BSGRUB PAS YUL DE DE LA SNANG BA LTAR RGYANGS CHAD DU MED PA SHO LO KA DANG PO'I DON YIN LA, GNYIS PA'I DON NI MTSAN NYID 'DZIN PA'I PHYOGS SU CHAD PA LTAR SNANG BA DE NYID KYI MTSON BYA GZUNG BA'I PHYOGS SU CHAD PA LTAR SNANG BA DE NYID PHAR MTSON PAS, MTSAN MTSON GYI TSUL YANG BLO'I SNANG CHA TZAM LAS LOGS NA DON GYI NGOS NAS DBYE RGYU MED LA, SNANG CHA TZAM ZHES GANG GI NGOR 'JOG PA'I BLO DE LA GZUNG 'DZIN PHYOGS GNYIS SU YOD YOD LTAR SNANG BA'I SNANG TSUL DE YANG GONG DU SKYE 'GAG SO SOR @75B 'BYED PA'I BLO LA GSUNGS PA BZHIN 'KHRUL CHA TZAM YIN PAS, DON DU RANG MTSAN GYIS GRUB PA MED CES YID SHES RTOG PA LA LTOS PA'I RNAM RIG PA'I LTA BA GSUNGS SHING, THEG BSDUS SU GZUNG 'DZIN RDZAS THA DAD DU GRUB PA MED KYANG YUL DU BYAR RUNG BA DANG, BDE SDUG MYONG RUNG BA SOGS RTOG MED DBANG SHES LA LTOS PA'I RNAM RIG PA'I LTA BA DPE DANG LUNG RIGS DU MAS SGRUB PA'I PHYIR, BOD SNGA MA MANG POS GZUNG 'DZIN GNYIS STONG, PHYOGS GLANG CHOS GRAGS KYI LUGS DANG, RANG 'DZIN RTOG PA'I ZHEN GZHIR RANG MTSAN GYIS MA GRUB PA THOGS MED SKU MCHED KYI LUGS SO ZHES SMRA BA MI 'THAD PAR MNGON ZHING, STAG LO'I GRUB MTHA' RTZA BAR, RNAM RIG SMRA BA'I GTZUG RGYAN SKU MCHED GNYIS, ,ZHES PA NAS, CHOS BDAG 'DI GNYIS 'GOG LA SO SOR BRTZON, ,ZHES DANG, DE'I 'GREL PAR, GCEN GYIS RTOG PA LA DANG, GCUNG GIS RTOG MED LA SNANG BA'I CHOS BDAG 'GOG TSUL LO, ,ZHES LUGS THA DAD DU BYAS PA YANG SNYING PO MED PAR GSAL LO, ,/NYE/ 'DI'I DON tIKA CHEN DANG SDE BDUN YID KYI MUN SEL GNYIS KA LAS, KHA CIG SHO LO KA PHYI MA 'DI MDO SDE PA'I LUGS LA SBYOR BA NI MI 'THAD DE, MDO SDE PA SOGS NYAN THOS SDE PA PHAL CHER THEG CHEN BKAR MI 'DOD PAS, DE DAG GIS BKA' BAR PA'I DGONGS PA 'CHAD DGOS PA'I NGES PA MED PA'I PHYIR DANG, DES KYANG ZHES KYANG SGRAS SNGA MA SDUD PA'I PHYIR RO, ,DES NA SNGA PHYI GNYIS KA RNAM RIG PA RANG GIS BSHAD PA'I RNAM GRANGS YIN NO ZHES GSUNGS PA, 'DI'I SGO NAS DPYAD NA RGYUD SDE SPYI RNAM LAS, @76A *, ,CHOS 'KHOR DE LAS GZHAN BSKOR BAR MI 'DOD CING THEG PA CHEN PO BKAR MI 'DOD DO, ,ZHES PA'I GONG DU YANG NYAN THOS SDE GNYIS KYI LUGS ZHES PA TZAM LAS THAMS CAD ZHES MI 'BYUNG BAS, GSUM GA'I DGONGS PA NYAN THOS SDE PA SPYI TZAM GYI LUGS BYAS NA LUNG GI RJES 'BRANG GTZO CHE BAS, DE LTAR NA SHER MDO YANG BKA' MA YIN PAS DGONGS PA 'GREL DON MED LA, 'ON KYANG NYAN THOS SDE PA KHA CIG GI LUGS LA DE DRANG DON DU 'GREL RUNG BA YIN NAM DPYAD DGOS TE, GONG DU PHAL CHER ZHES SMOS PA'I DGOS PA YOD PA'I PHYIR, STONG THUN GYI GSUNG ZIN DE'I NANG TSAN LA YANG THEG CHEN BKAR 'DOD MKHAN MED PA 'DRA ZHIG SNANG YANG, DGONGS PA SNGA MA'I LUNG GSUM LTAR BYAS TE YAB SRAS GSUM KAS RNAM 'GREL GYI LUNG DE DON SMRA BA KHA CIG GI MDO DON 'GREL TSUL DU BZHED PA NI, MTHA' DPYOD LAS, RJE YAB SRAS DGONGS PA GCIG MI GCIG SOGS DPYAD DGOS MANG PO 'DUG CES DKA' 'GREL LAS THA DAD DU MDZAD KYANG DPYAD DGOS PAR GSUNGS PA'I DPYAD TSUL DE YIN NO, ,LUNG DE NYAN THOS SDE PA KHA CIG LA SBYOR DGOS PA NI, LHA DBANG BLO'I 'GREL PAR YANG, PHYI ROL GYI DON KHAS BLANG NA YANG CHOS THAMS CAD MTSAN NYID MED PA CAN YIN TE, PHUNG PO LA SOGS BYE BRAG GI, ZHES SOGS DANG, DZA MA RIS ZHAR LA THEG PA THA SHAL GYI RNAM GZHAG STON PA'I PHYIR BSHAD PA ZHES GSUNGS SO, ,'O NA RANG LUGS KYANG SGRA'I DON JI LTAR 'CHAD CE NA, GRUB MTHA' CHEN MOR KYANG SGRAS DGONGS GZHI SNGA MAR MA ZAD 'DI YANG RUNG BA @76B DANG, SEMS TZAM PAR MA ZAD NYAN THOS SDE PA'ANG 'DOD PA BSDU'O, ,ZHES GSUNGS PA LTAR RO, ,'DIR YANG KHA CIG 'DOD PA BSDU'O, ,ZHES ZHIB CHA 'BYED DGOS SO, ,TSIG DON NI MTSAN MTSON BYA BYED KYI CHA BDEN PAR GRUB NA SNANG BA LTAR GNAS DGOS LA, DE 'DOD NA MTSAN NYID SNGAR YOD LA THA SNYAD PHYIS SU GRUB DGOS PAS MTSAN MTSON RGYU 'BRAS SU THAL BAR 'GYUR BA'I PHYIR, DE 'DRA'I CHA BDEN PAR MED PA LA DGONGS PAR THAR LAM GSAL BYED DU GSUNGS PAS TSIGS BCAD SNGA MAS MTSAN MTSON GYI CHA LA SBYOR TSUL DANG GTAN MI 'DRA'O,, SARBA MANGGA LAm, ,,