*, ,KHYAB BDAG RDO RJE 'CHANG PHA BONG KHA PA DPAL BZANG POS, BYANG CHUB LAM GYI RIM PA'I NYING PO BSDUS PA YON TAN GZHIR GYUR MA'I ZAB KHRID GNANG SKABS KYI BRJED BYANG MDOR BSDUS SU BKOD PA BLANG DOR LTA BA'I MIG RNAM PAR 'BYED PA ZHES BYA BA BZHUGS SO,, ,RJE BTZUN BLA MA DAM PA BLO BZANG THUB DBANG RDO RJE 'CHANG CHEN PO BDE CHEN SNYING PO'I ZHABS KYI PADMOR SGO GSUM GUS PAS PHYAG 'TSAL LO, ,DE LA 'DIR KHYAB BDAG 'KHOR LO'I MGON PO RDO RJE 'CHANG PHA BONG KHA PA BKA' DRIN MNYAM MED DE NYID KYI ZHAL SNGA NAS, DUS GSUM GYI RGYAL BA THAMS CAD GANG NAS GSHEGS PA'I GZHUNG LAM GCIG PU, BYANG CHUB LAM GYI RIM PA'I SNYING PO BSDUS PA, YAB RJE RGYAL BA GNYIS PA'I GDAMS PA'I NYING KHU GSUNG RAB KUN GYI BCUD PHYUNG BA LTA BU YON TAN GZHIR GYUR MA'AM BYIN RLABS SPUNGS ZHUS SU GRAGS PA'I ZAB KHRID LEGS PAR NOS SKABS KYI ZIN THO MDO TZAM BRI BA LA, THOG MAR RJE NYID NAS DBU BSKUL GYIS SHER SNYING DANG SENG GDONG BZLOG PA NAS, BDE LEGS SHOG CES PA'I BAR SPYI LTAR DANG, YANG RE RE BZHIN DBU BSKUL TE, PHUN TSOGS DGE LEGS, BYAMS PA THOGS MED, 'JAM DBYANGS YOD MED, THUGS RJE CHEN PO, BSHAD SGRUB GDAMS PA'I, GANGS CAN SHING RTA'I, SKYABS GSUM KUN 'DUS, RAB 'BYAMS GSUNG RAB, SKYE BA KUN TU RNAMS SHLOO KA RE LHAN DU GSUNGS, DBU MDZAD KYIS BSKUL NAS MAndALA SA GZHI SPOS BYUGS, MDUN GYI NAM MKHAR SENG KHRI, PHUL BYUNG MKHYEN BRTZE'I CHU 'DZIN, AI DAm GU RU BCAS DANG, YANG RDO RJE 'CHANG MCHOG NAS DBU BSKUL GNANG STE, SANGS RGYAS CHOS TSOGS LAN GSUM SDEB GSUNGS DANG, DE NAS, LHA DANG LHA MIN SOGS DANG, LHA YI SKAD DANG SOGS SHLOO KA RE RE RJE NYID NAS GNANG BA'I MTHAR, 'O LAGS SO, ,DE YANG NI JI SKAD DU KHAMS GSUM CHOS KYI RGYAL PO TZONG KHA PA CHEN PO'I GSUNGS LAS, DAL BA'I RTEN 'DI YID BZHIN NOR LAS LHAG ,CES SOGS 'DREN PAR MDZAD DE, THAR 'DOD KHYED KYANG DE BZHIN BSKYANG 'TSAL LO, ,ZHES GSUNGS PA LTAR, RANG CAG RNAMS 'KHOR BA THOG MED NAS DA LTA PHAN CHAD LA 'GRO BA RIGS DRUG TU SKYE BA 'DI MA BLANGS BYA BA GCIG KYANG MED PAR, 'PHRAL GYI BDE BA DANG SDUG BSNGAL SNA TSOGS PA MYONG STE SRID RTZE NAS MNAR MED KYI BAR 'KHYAMS 'KHYAMS NAS BSDAD KYANG SNYING PO GANG YANG MA LON PAR DON MED STONG ZAD DU SHOR NAS DA DUNG YANG KHAMS GSUM GYI 'KHOR BA'I NANG DU 'KHOR DANG 'KHOR NGES PA 'DI GA YIN, SNGON CHAD NGA RANG TSO STABS LEGS KYI DBANG GIS THANG 'GA' TZAM LA BLA MA DKON MCHOG GI THUGS RJES BZUNGS TE LAS BZANG PO STOBS LDAN 'GA' BSAGS PA'I MTHU LAS DA LTA MI KHOM PA'I SKYON DANG BRAL BA'I DAL 'BYOR GYI RTEN BZANG PO 'DI LAN CIG TZAM RNYED PA RED MOD DE, DA RES LUS RTEN DANG, BLA MA DANG, CHOS SOGS MTHUN RKYEN THAMS CAD 'DZOMS TE, CHOS BYED PA'I NUS PA RANG LAG NA YOD PA'I DUS 'DIR SKYE BA GTAN GYI 'DUN MA SGRUB THUB PA ZHIG MA BYUNG NA, SLAR YANG MI KHOM PA'I GNAS SU LTUNG BAR 'GYUR BA LA THE TSOM MED, DE LTAR LHUNG NA MI KHOM PA'I GNAS NGAN GA 'DRA ZHIG TU SKYES KYANG SDUG BSNGAL KHO NA LAS MA 'DAS SHING, PHYIN CHAD MI KHOM PA'I SKYE BA BZLOG PA'I THABS NI DA RES CHOS RNAM DAG CIG BSGRUB PA LAS LHAG PA BYAR MED LA, CHOS DE YANG DA LTA NYID NAS MA BSGRUBS NA, RANG NYID 'CHI BAR NGES SHING NAM 'CHI CHA MED PA DANG, 'CHI BA'I 'OG TU JI LTAR 'GYUR SNYAM NA, DA LTA RANG RES LAS DGE SDIG GANG DANG GANG SPYAD PA DES PHYI MAR BDE 'GRO DANG NGAN 'GRO SO SOR 'PHEN PAS, CHOS MA 'GRUB PAR DA LTA'I BYED STANGS NGAN PA 'DI GA'I MUS NAS SHI NA PHYI MAR NGAN SONG RANG DU 'GRO BA LAS 'OS MED PAS, RE ZHIG NGAN 'GRO'I SKYE BA BZLOG PA'I SLAD DU DKON MCHOG GSUM LA SKYABS SU 'GRO ZHING, SNGON BYAS KYI SDIG PA LA GNYEN PO STOBS BZHI'I SGO NAS BSHAGS BSDAMS SHUGS DRAG DANG, DGE MI DGE'I BLANG DOR PHRA ZHING PHRA BA LA 'BAD, DE'I STENG DU LAM LHAG PA'I BSLAB PA GSUM NYAMS SU BLANGS NA, RANG NYID 'KHOR BA'I 'JIGS PA MTHA' DAG LAS GROL BAR 'GYUR LA, DE LTAR RANG GCIG PU 'KHOR BA LAS THAR BA TZAM GYIS KYANG MI CHOG PAR, SLOB DPON TZANDRA GO MIS, SHIN TU RNYED SLA'I RTZVA KHAM 'GA' LTA PHYUGS KYANG RANG NYID ZA, ,SHIN TU SKOM PAS GDUNGS PA'ANG CHU ZHIG RNYED NA DGA' MGUR 'THUNG, ,'DI NA SKYES BU GZHAN DON BYED PAR BRTZON PA GANG YIN PA, ,DE 'DI'I BRJID BAG YIN TE DE BDE SKYES PU'I RTZAL DE 'PHAGS, ,NYI MA RLABS CHEN RTA ZHON RGYU BA SNANG BYED GANG YIN DANG, ,KHUR LA MI RTZEG SA YIS 'JIG RTEN 'DEGS PA GANG YIN DE, ,RANG DON 'GA' MED CHEN PO RNAMS KYI RANG BZHIN DE 'DRA STE, ,DE DAG 'JIG RTEN PHAN DANG BDE BA'I RO LA GCIG TU GZHOL, ,ZHES GSUNGS PA LTAR SNYING STOBS CHEN PO'I SGO NAS SEMS CAN GZHAN GYI DON BSGRUB STE DUD 'GRO DANG KHYAD THON PA ZHIG BYA DGOS, DE DGOS PA'I RGYU MTSAN YANG, SEMS CAN THAMS CAD RANG GI PHA MA LAN GRANGS BGRANG LAS 'DAS PAR BYED MYONG BA SHA STAG YIN CING, DE BYAS PA'I DUS SU DRIN CHEN PO'I SGO NAS YANG YANG MA BSKYANGS PA MED, DE'I PHYIR DE DAG LA DRIN GZO'I BSAM PA MED NA, KLU'I RGYAL PO RNGA SGRA'I TSIGS SU BCAD PA LAS, RGYA MTSO DANG NI RI RAB DANG, ,SA RNAMS BDAG GI KHUR MIN GYI, ,BYAS PA MI GZO GANG YIN PA, ,DE NI BDAG GI KHUR CHEN YIN, ,ZHES DANG, GZHAN YANG, DRIN LA LAN YOD BZANG PO STE, ,DRIN GZO MED PA NGAN PA YIN, ,ZHES PA LTAR MA RABS KHREL MED KYI LUGS NGAN PA YIN PAS, RANG RES SEMS CAN GYI DRIN LAS DA LTA LUS RTEN BZANG PO TSUN CHAD RNYED SKABS 'DIR DRIN GZO BA DGOS, DRIN LAN BSAB PA'I DUS KYANG DA RES RANG GIS CHOS LDAN GYI LUS RTEN PHUN SUM TSOGS PA RNYED PA'I DUS 'DIR MGO 'DZUGS THUB PA ZHIG DGOS KYI, DE MIN 'DI NAS DON CHEN PO BSGRUB RGYU MA BYUNG BAR STONG LOG TU SHOR NA, SEMS CAN GYI DON BYED PA LTA BZHAG ,RANG GIS BDE 'GRO'I RTEN RNYED PA TZAM YANG DKA' BA YOD, 'O NA DRIN JI LTAR GZE SNYAM NA, DRIN GZO'I MCHOG TU GYUR PA NI BDE BA THAMS CAD DANG LDAN PA DANG, SDUG BSNGAL THAMS CAD DANG BRAL BAR BYED PA YIN PAS DE LTAR BYA'O SNYAM DU BYAMS PA DANG SNYING RJE SHUGS DRAG TU BSKYED CING, SEMS CAN THAMS CAD BDE BA THAMS CAD DANG LDAN PA DANG SDUG BSNGAL THAMS CAD DANG BRAL BA DE YANG GZHAN LA RAG MA LAS PAR RANG NYID GCIG PUS BYED SNYAM PA'I KHUR DU 'KHYER BA DGOS, DE LTAR BYED PA'I NUS PA YOD PA SANGS RGYAS NYAG GCIG LAS GZHAN SU YANG MI 'DUG ,SEMS CAN KHO NA'I DON DU SANGS RGYAS KYI GO 'PHANG ZHIG THOB NA DON GNYIS PHUN SUM TSOGS PA BRNYES TE RANG DON YANG MA TSANG BA MED PA ZHAR LA 'BYUNG, GZHAN DU NA NYAN RANG DGRA BCOM PA YIN YANG RANG DON YONGS SU MA RDZOGS LA, GZHAN DON YANG NYI TSE BA TZAM LAS MED, DES NA DON GNYIS MTHAR PHYIN PA'I SANGS RGYAS KYI GO 'PHANG DE SGRUB DGOS, DE LA BSGRUB TSUL SHES DGOS, DE LA CHOS THOS DGOS PAR 'DUG PAS DE'I PHYIR BDAG GIS CHOS 'DI LTA BU THOS NAS NYAMS SU BLANGS TE SANGS RGYAS KYI GO 'PHANG SGRUB SNYAM DU THEG CHEN SEMS BSKYED GSAL 'DEBS PA DANG, DMA' MTHA'ANG SEMS BSKYED BCOS MA TSUN CHAD KYI RTZIS ZIN PA'I SGO NAS GSAN DGOS PA YIN, GSAN PAR BYA BA'I CHOS NI, 'JAM MGON BLA MA TZONG KHA PA CHEN POS BYANG RVA SGRENG RGYAL BA'I DPEN GNAS KYI YANG DGON BRAG SENG GE 'DRA BA'I ZHOL DU BSTAN 'GRO 'BA' ZHIG LA DGONGS NAS RJES 'JUG GI GDUL BYA RNAMS LA GDAMS PA DON DANG LDAN PA YON TAN GZHIR GYUR MA'AM, BYIN RLABS SPUNGS ZHUS SU GRANGS PA'I GZHUNG, BYANG CHUB LAM GYI RIM PA MGO BSHES GNYEN BSTEN TSUL NAS, MJUG MI SLOB PA'I ZUNG 'JUG GI BAR MDO SNGAGS KUN GYI GNAD TSANG LA MA NOR BA, RGYAL BA'I GSUNG RAB THAMS CAD KYI SNYING PO GCIG TU BSDUS PA'I THEG PA CHEN PO'I CHOS KYI YANG RTZE BLA NA MED PA 'DOMS PAR MDZAD PA 'DI NYID YIN ZHING, RJE BLA MA'I NYAMS MGUR LAS, LAM MCHOG GNYIS KAR DGOS PA'I THUN MONG LAM, ,JI BZHIN BSKYED NAS, ZHES PA LTAR SPYIR MDO SNGAGS GANG YIN YANG CHOS BYANG CHUB LAM GYI RIM PA 'DI MED THABS MED LA, LHAG PAR DU RGYAL MCHOG LNGA PA CHEN POS, SKYES PU CHEN PO'I CHOS LUNGS SNYING PO'I DON, ,GANG DER RGYU DANG 'BRAS BU'I THEG PA LAS, ,CHES ZAB GSANG BA SNGAGS ZHES RAB GRAGS KYANG, ,THUN MONG LAM GYIS RGYUD SBYANGS MA SONG BA, ,MA DUL GLANG PO ZHON LTAR RANG NYID PHUNG, ,ZHES GSUNGS PA LTAR GSANG SNGAGS KYI SGOR 'JUG BAR 'DOD PA RNAMS KYIS SNGON DU LAM THUN MONG BAS RGYUD SBYANG BA 'DI HA CANG GAL CHE BA YOD, GZHUNG 'DI LA BYIN RLABS SPUNGS ZHU ZHES GSUNGS PA'I DON YANG BSHES GNYEN BSTEN TSUL NAS ZUNG 'JUG GI BAR GYI RTOGS PA THAMS CAD GCIG TU SPUNGS TE BYIN RLABS KYI TSUL DU ZHU BAS NA DE LTAR BRJOD LA, DGE BSHES STON PA'I ZHAL NAS, BSTAN PA THAMS CAD GRUB BZHI LAM GYIS 'KHYER SHES PA NGA'I BLA MA'I KHYAD CHOS MIN PA LA MED, CES GSUNGS PA DANG, NGO MTSAR BKA' NI SDE SNOD GSUM YIN TE, ,GDAMS PA SKYES BU GSUM GYIS MDZES PA YIN, ,BKA' GDAMS RIN CHEN GSER GYI 'PHRENG BA 'DI, ,'GRO BA GANG GIS GRANGS KYANG DON YOD 'GYUR, ,CES PA LTAR, BYANG CHUB LAM GYIS RIM PA 'DI NI, RJE BLA MAS LAM RIM CHE CHUNG NAS GSUNGS PA LTAR KHYAD CHOS GSUM DANG CHE BA BZHI'I SGO NAS CHOS GZHAN DANG GZHAN LAS KHYAD PAR DU 'PHAGS LA, RGYAL BA'I BKA' SDE SNOD GSUM GYI GNAD BSDUS PA, CHOS PHUNG BRGYAD KHRI BZHI STONG GI 'GAG MDO LTA BU, DUS GSUM GYI RGYAL BA THAMS CAD GANG NAS GSHEG PA'I GZHUNG LAM GCIG PU YIN TE, YON TAN RIN PO CHE SDUD PA LAS, RGYAL BA 'DAS DANG MA BYON DA LTAR GANG BZHUGS PA, ,KUN LAM PHA ROL PHYIN PA 'DI YIN GZHAN MA YIN, ,ZHES GSUNGS PAS SO, ,DES NA RANG CAG BLA MA'I DRUNG NAS DBANG LUNG KHRID SOGS ZHU BA DANG, GZHUNG BKA' BOD LNGA LA THOS PA MTHIL PHYIN BYAS ZER BSOGS JI 'DRA ZHIG YIN YANG MTHAR MAL RIM RANG LA GCIG TU DRIL TE NYAMS SU LEN THUB PA MA BYUNG NA, LNGA PA CHEN POS, MI SHES BLUN PO TSE 'DI'I DON GYI CHED, ,MI DGE'I LAS LA 'JUG PA BDEN MOD KYI, ,KHO BO GSUNG RAB MANG PO THOS BZHIN DU, ,GTAN 'DUN RLUNG LA BSKUR BA NGO RE GNONG, ,ZHES GSUNGS PA LTAR 'GRO NYEN YOD PAS, THOS PA BYAS PA KHA NANG DU BSKOR TE CHOS BYANG CHUB LAM GYI RIM PA'I CHE BA BZHI PO RANG RGYUD LA 'BYOR BA ZHIG BYA DGOS, DER MA ZAD STAG TSANG LO TZ'A BAS, GSUNG RAB MTHA' DAG KHYAD PAR RDO RJE'I THEG ,RGYUD SDE MTHA' DAG KHYAD PAR BLA MED DON, ,RIM GNYIS MTHA' DAG KHYAD PAR SGYU LUS LA, ,SNGON MED LEGS BSHAD GTER CHEN KHYOD LA BSTOD, ,CES SOGS DANG, KARMA PA MI BSKYED RDO RJE, BYANG GI PHYOGS 'DIR RGYAL BA'I BSTAN PA LA, ,PHAL CHER LOG PA 'BA' ZHIG SPYOD PA'I SKABS, ,'KHRUL MED BYI DOR MDZAD PA'I TZONG KHA PA, ,RI BO DGA' LDAN PA LA BSTOD PAR BGYI, ,ZHES SOGS LTAR SKU TSE'I SMAD DU RJE BLA MA LA DBANG RNON CHOS RJES 'BRANGS PA'I DAD PA RMAD DU BYUNG BA SKYES NAS BSTOD PA PHUL BA DANG, RGYAL MCHOG BSKAL BZANG RGYA MTSOS KYANG, RNAM THAR GTZANG MA DGA' LDAN BKA' BRGYUD, ,PHYOGS RE 'DZIN PA'I GRUB MTHA' MIN NO, ,MDO SNGAGS THAMS CAD GDAMS PAR SHAR BA'I, ,BSHAD SGRUB BSTAN PA'I NYING KHU LAGS SO, ,ZHES GSUNGS PA LTAR RANG RE RI PO DGA' LDAN PA'I BKA' SROL 'DI LA MDO SNGAGS GANG GI THAD NAS KYANG GZHAN LA MED PA'I BSTAN PA CHA TSANG LA DRI MA DANG BRAL BA, ZAB CING MYUR BA SOGS KHYAD CHOS 'GRAN ZLA MED PA MANG PO YOD PAS, 'JAM MGON TZONG KHA PA CHEN POS SROL PHYE BAR MDZAD PA'I BYANG CHUB LAM RIM 'DI LA'ANG GRUB MTHA' GZHAN PHYOGS PA DANG, BKA' GDAMS GONG MA RNAMS LA MED PA'I MAN NGAG MTHA' YAS PA LTA BU YOD LA, CHOS BYANG CHUB LAM GYI RIM PA 'DI LAS ZAB CING RGYA CHE BA NI, GZHAN DAG GI CHOS ZAB ZAB MO DANG, RTOGS PA MTHO MTHO MO YIN ZER BA TSO LA'ANG MED PAS, GCOD DANG BSKYED RDZOGS, RTZA RLUNG THIG LE, PHYAG CHEN RDZOGS CHEN SOGS GSANG CHEN SNGAGS KYI YANG RTZE SGROGS PA ZHIG MNGON DU BYED PA SKAD ZER KYANG, BYANG CHUB LAM RIM 'DI LA MA BRTEN NA, LAM YONGS RDZOGS RGYUD LA SKYE BA LTA CI, BAG CHAGS TZAM YANG 'JOG PAR MI NUS, DE'I PHYIR 'DI LA THOS BSAM SGOM GSUM BYED PA GAL CHE BAS, 'DIR BYANG CHUB LAM GYI RIM PA'I SNYING PO BSDUS PA YON TAN GZHIR GYUR MAR GRAGS PA'I BSHAD LUNG MDOR BSDUS TZAM ZHIG 'BUL BAR BYED PA YIN GSUNGS, 'DI LA SA BCAD DU PHYE NA, LAM GYI RTZA BA BSHES GNYEN BSTEN PA'I TSUL, BSTEN NAS BLO JI LTAR SBYANG BA'I TSUL, LAM SGRUB PA'I MTHUN RKYEN 'GRUB PA DANG 'GAL RKYEN ZHI BAR GSOL BA 'DEBS PA, SKYE BA THAMS CAD DU BLA MAS RJES SU GZUNG STE SA LAM GYI 'BRAS BU MNGON DU BYED NUS PAR SMON PA DANG BCAS TE BZHI YOD PA LAS, DANG PO NI, YON TAN KUN GZHIR GYUR DRIN CAN RJE, ,TSUL BZHIN BSTEN PA LAM GYI RTZA BA RU, ,LEGS PAR MTHONG NAS 'BAD PA DU MA YIS, ,GUS PA CHEN POS BSTEN PAR BYIN GYIS RLOBS, ,ZHES PA'I SHLOO KA GCIG GIS BSTAN, DE LA RTZA BA DAD PA SBYANG BA DANG, BKA' DRIN RJES SU DRAN TE GUS PA BSKYED PA GNYIS, DANG PO LA'ANG BSAM PAS BSTEN TSUL DANG, SBYOR BAS BSTEN TSUL GNYIS YOD, DE YANG SAm BHU tA'I RGYUD LAS, SKYA BA 'DZIN PA MED PAR NI, ,GRU YIS PHA ROL PHYIN MI NUS, ,YON TAN THAMS CAD RAB RDZOGS KYANG, ,BLA MA MED NA SRID THAR MIN, ,ZHES DANG, SHER PHYIN MDO SDUD PA LAS, SANGS RGYAS CHOS RNAMS DGE BA'I BSHES LA BRTEN TO ZHES, ,YON TAN KUN GYI MCHOG MNGA' RGYAL BA DE SKAD GSUNGS, ,ZHES PA DANG, DE LTA BAS NA BYANG CHUB DAM PA 'TSOL BA YI, ,BSAM PA DRAG LDAN MKHAS PAS NGA RGYAL NGES BCOM NAS, ,NAD PA'I TSOGS KYIS GSO PHYIR SMAN PA BSTEN PA LTAR, ,G-YEL BA MED PAR DGE BA'I BSHES GNYEN BSTEN PAR BYA, ,ZHES DANG, 'JAM MGON TZONG KHA PA CHEN POS KYANG, 'PHRAL DANG YUN GYI BDE BA YID BZHIN DU, ,LEGS PAR 'GRIGS PA'I RTEN 'BREL RTZA BA NI, ,GSUNG RAB KUN LAS BLA MAR GSUNGS PAS NA, ,SKYABS GSUM NGO BOR BSGOMS LA GSOL BA THOB, ,CES GSUNGS PA LTAR RANG GIS SA LAM GYI YON TAN ZHIG 'THOB PAR 'DOD NA, THOG MAR DE BSGRUB TSUL STON PA'I BLA MA ZHIG NGES PAR BSTEN DGOS, DE 'DRA'I BLA MA'ANG GANG BYUNG BYUNG GI MING DU BTAGS PAS MI CHOG PAR, MDO SDE RGYAN LAS GSUNGS PA LTAR SGO GSUM DUL BA, ZHI BA, NYE BAR ZHI BA STE BSLAB GSUM DANG LDAN PA, SLOB MA LAS YON TAN LHAG PA, BRTZON 'GRUS CHEN PO DANG LDAN PA, LUNG GI YON TAN PHUN SUM TSOGS PA MNGA' BA, DE KHO NA NYID RTOGS PA, CHOS SMRA BA LA MKHAS PA, SLOB MA LA BRTZE BA CHEN PO YOD PA, CHOS JI TZAM 'CHAD KYANG SKYO NGAL MED PA BCAS YON TAN BCU DANG LDAN PA ZHIG DANG, DA LTA SNYIGS MA'I DUS SU DE THAMS CAD TSANG BA RNYED DKA' NA, RJE BLA MAS, YIN LUGS KHONG DU CHUD CING DBANG PO DUL, ,MTHONG BA TZAM GYIS GZHAN YID 'PHROG PAR BYED, ,BSTEN PA TZAM GYIS DGE 'PHEL SKYON 'GRIB PA'I, ,BSHES GNYEN DAM PA STEN DANG RGYAL KHAMS PA, ,ZHES SOGS LTAR BSLAB PA GSUM GYIS THUGS RGYUD DUL BA, DE NYID RTOGS PA, BRTZE BA DANG LDAN PA STE LNGA TSANG BA DGOS SHING, DMA' MTHA' DMA' MTHA'ANG CHOS DANG 'JIG RTEN GNYIS LAS CHOS GTZO BOR BYED PA, TSE 'DI DANG PHYI MA GNYIS LAS PHYI MA GTZO BOR BYED PA, RANG DANG GZHAN GNYIS LAS GZHAN GTZO BOR BYED PA, SGO GSUM BAG MED DU MI GTONG BA, SLOB MA LAM LOG LAM GOL LTA SPYOD PHYIN CI LOG TU MI 'KHRID PA STE YON TAN DE DAG DANG LDAN PA ZHIG NGES PAR DGOS, DE LTA'I BLA MA MTSAN LDAN RNYED NAS TSUL GZHIN BSTEN PA'I PHAN YON 'DI PHYI'I LEGS TSOGS THAMS CAD 'BYUNG BA DANG, MA BSTEN PA DANG BSTEN TSUL LOG PA'I NYES DMIGS 'PHRAL DANG YUN GYI SDUG BSNGAL MI BZAD PA DU MA 'BYUNG TSUL RNAMS LEGS PAR SHES PAR BYAS TE, RANG RGYUD KYI SKYON SNA GCIG 'GRIB PA DANG, YON TAN SNA GCIG SKYE BA TSUN NAM, ZUNG 'JUG GI GO 'PHANG NAS DGE BA'I BLO SKAD CIG TZAM SKYES PA YAN GYI MDO SNGAGS GNYI GA'I SA LAM GYI YON TAN THAMS CAD 'BYUNG BA'I GZHI'AM RTZA BA LTA BUR GYUR BA NI BLA MA YIN ZHING, RGYAL BA'I SKU GSUNG THUGS YON TAN 'PHRIN LAS KUN GYI NGO BO'AM BDAG NYID KYI GZHIR GYUR PA'ANG BLA MA NYID YIN PAR BSAM PA NI RTZA BA DAD PA SBYANG BA STE, RANG GI DAD PA'I NGOS NAS BLA MA LA SANGS RGYAS DNGOS KYI 'DU SHES BYUNG NA SANGS RGYAS DNGOS KYI BYIN RLABS 'JUG PA 'ONG BAS, LAM RIM LAS GSUNGS PA LTAR BLA MA SANGS RGYAS SU BLTA DGOS PA'I RGYU MTSAN, BLTA NUS PA'I RGYU MTSAN, TSUL JI LTAR BLTA TSUL SOGS LA BLO SBYANG BA GAL CHE, DRIN CAN ZHES PAS BKA' DRIN RJES DRAN GYIS GUS PA BSKYED PA BSTAN, RJE NI, SKAD DOD SV'A MI ZHES PA'I STENG NAS 'GRO BA LHA DANG BCAS PA'I BTZUG GI NOR BU LTAR GYUR PA LA 'JUG CING, DE TSUL BZHIN BSTEN PA RANG NYID BLA MA'I DBANG DU GTONG BAR YANG GO DGOS PA SDONG BKOD LAS BYUNG BA'I BU MDZANGS PA LTA BU'I SEMS SOGS SEMS DGUS BSTEN TSUL GSUNS PA LTAR DANG, MDOR NA, BSHES GNYEN BSTEN TSUL GYI CHOS SKOR RNAMS NAS JI SKAD BSHAD PA'I BLANG DOR MTHA' DAG MA NOR BAR BYED PA ZHIG DGOS SHING, DE LTAR TSUL BZHIN DU BSTEN PAS NI DPER NA, KHANG PA'I 'GRAM RTZA'AM RTZIG RMANG BRTAN NA KHANG PA BRTAN PO 'ONG BA DANG, SHING GI RTZA BA BRTAN NA YAL GA LO 'BRAS SOGS 'BYUNG BA BZHIN DU DAL 'BYUR NAS ZUNG 'JUG BAR GYI LAM YONGS RDZOGS 'BYUNG BA LA DKA' TSEGS MED PAR LEGS PAR MTHONG BA'I NGES SHES BRTAN PO RNYED PAR BYAS NAS BSHES GNYEN BSAM PAS BSTEN TSUL GYI SKOR RNAMS 'DIR, LEGS PAR MTHONG NAS ZHES PA 'DIS BSTAN PAS, DGE BA'I BSHES GNYEN LA SANGS RGYAS DNGOS SU BLTAS TE, SBYOR BA'I BSTEN TSUL, BLA MA MNYES PA'I CHA RNAMS LAM THUN MONG BAR BSHES GNYEN BSTEN TSUL SPYIR BTANG SKABS GSUNGS PA BZHIN DANG, GSANG SNGAGS LTAR NA BLA MA LNGA BCU PA NAS BSTAN PA BZHIN DU SGO GSUM CI NUS KYI DKA' SPYAD LHUR BLANGS NAS, 'BAD PA DU MA ZHES PAS RNYED PA ZANG ZING DBUL BA, BKUR STI RIM GRO BYED PA, THOS DON SGRUB PA LA GZHOL BA BCAS SNGA MA SNGA MA LAS PHYI MA PHYI MA RNAMS BLA MA'I ZHABS TOG MCHOG YIN PAS, BLA MAS CHOS BSTAN PA RNAM LA SGRUB PA SNYING POR BYED PA SOGS SO SO'I BLO NUS DANG BSTUN TE THABS SNA TSOGS KYIS BSTEN DGOS TSUL GSUNGS PA YIN LA, BSTEN PA'I TSE YANG, ZHING SA LA SA BON 'DEB PA NA, SO NAM GYI DKA' LAS JI LTAR BYUNG YANG RANG GI DON KHO NA LAS ZHING LA PHAR DRIN GYIS BSKYANGS PA'I YUS MI BYED PA LTAR, BDAG NYID THAR PA DANG THAMS CAD MKHYEN PA THOB THABS SU BLANG DOR BYA DGOS KYANG DA LTA RANG NYID BLANG DOR LA RMONGS PA LONG BA LTA BUR GYUR PA'I SKABS 'DIR LONG 'KHRID DANG 'DRA BA'I DGE BA'I BSHES GNYEN BSTEN SKABS KYANG SDIG DANG MA 'DRES PA'I NGAL DUB KYI NGAN LAS JI 'DRA ZHIG BYED DGOS PA BYUNG YANG GZHAN LA DKA' SPYAD BYAS RABS KYI YUS MI BDO BAR MA ZAD, DA DUNG KHUR DU MA SONG BAR RGYAN DU BZUNG STE BDAG SKAL BA RE BZANG SNYAM DU DAD CING GUS PA CHEN PO'I SGO NAS BSAM SBYOR GNYIS KYIS TSUL BZHIN BSTEN TE BSGRUB PA DGOS, DE LTAR BSHES GNYEN BSTEN TSUL 'DI BZANG PO BYUNG NA, TSE RABS THAMS CAD DU BLA MAS RJES SU 'DZIN PA DANG, DA RES KYI LUS RTEN 'DI AANG KI DANG POR BRTZIS TE, 'DI NAS BZUNG DAL BRGYAD 'BYOR BCU TSANG BA'I MI'I RTEN BZANG BAR MA CHAD PAR THOB NAS DAL 'BYOR GYI AANG KI MA 'KHRUGS PAR CHOS NYAMS SU BLANGS TE SANGS RGYAS KYI GO 'PHANG SGRUB THUB PA 'ONG, BYIN GYIS RLOBS ZHES PA GZI BYIN SGYUR CES PA STE, RANG RGYUD SKAD CIG SNGA MA NYON MONGS DANG MTSUNGS LDAN DU SONG BA'I BLO PHYIN CI LOG TU YOD PA DE SKAD CIG PHYI MAR BLA MA LA DAD GUS CHEN PO'I SLO NAS TSUL BZHIN DU BRTEN NUS PA DANG, LAM YONGS RDZOGS PHYIN CI MA LOG PA RGYUD LA LDAN PA'I SKAL BA CAN DU SGYUR BAR MDZOD CIG CES GSOL BA BTAB PA STE, 'DI 'OG MA RNAMS LA'ANG 'GRE GSUNGS, GNYIS PA BSTEN NAS BLO JI LTAR SBYANG BA'I TSUL LA GNYIS, DAL 'BYOR LA SNYING PO BLANG BA'I PHYIR BSKUL BA DANG, SNYING PO JI LTAR LEN PA'I TSUL LO, ,DANG PO NI, LAN CIG RNYED PA'I DAL BA'I RTEN BZANG 'DI, ,SHIN TU RNYED DKA' DON CHEN SHES GYUR NAS, ,NYIN MTSAN KUN TU SNYING PO LEN PA'I BLO, ,RGYUN CHAD MED PAR SKYE BAR BYIN GYIS RLOBS, ,ZHES PA'I SHLOO KA GCIG STE, LAN CIG RNYED CES PA PHYIN CHAD YANG YANG MI RNYED PA'I DON DANG, 'DIR DAL 'BYOR NGOS BZUNG BA'I SKABS, DAL 'BYOR RTEN ZHES MA GSUNGS BAR DAL BA'I RTEN ZHES GSUNGS PA'I RGYU MTSAN, NGAN SONG GSUM DANG LHA TSE RING PO, KLA KLO, LOG LTA CAN, LKUG PA, RGYAL BA 'JIG RTEN DU MA BYON PA'I DUS SU SKYES PA STE MI KHOM PA BRGYAD DANG BRAL BA'I DAL BA BRGYAD DNGOS SU TSANG LA, MI NYID DBUS SKYES DBANG PO TSANG, ,LAS MTHA' MA LOG GNAS LA DAD, ,CES PA LTAR DGE SLONG PHA MA, DGE BSNYEN PHA MA BCAS STON PA'I 'KHOR RNAM BZHI'AM, GTZO BO DGE SLONG PHA YOD PA'I CHOS TSIGS KYI YUL DBUS SU SKYES SHING, ,LAS MTHA' MA LOG PA STE TSE 'DIR MTSAMS MED KYI LAS BSAGS LA MA SBYANGS PA MIN PA DANG, DKAR PO'I CHOS KUN SKYE BA'I GNAS 'DUL BA STE, RANG RGYUD 'DUL PHYIR 'DUL BA'I SGRAS BTAGS PA SDE SNOD GSUM LA DAD PA SOGS RANG 'BYOR LNGA KA TSANG BA YOD KYANG, SANG RGYAS BYON DANG DAM CHOS STON, ,BSTAN PA GNAS DANG DE RJES 'JUG ,GZHAN PHYIR SNYING NI BRTZE BA'O, ,ZHES PA'I GZHAN 'BYOR LNGA NAS, SANGS RGYAS BYON TE BZHUGS BZHIN PA DANG, SANGS RGYAS SAM DE'I NYAN THOS KYIS CHOS GSUNGS PA, SANGS RGYAS MYA NGAN LAS MA 'DAS PAR 'BRAS BU'I BSTAN PA GNAS PA, CHOS BSTAN PA DES 'BRAS BU BZHI DNGOS SU THOB PAR MTHONG NAS GDUL BYA GZHAN MA'ANG DE'I RJES SU 'JUG PA BZHI DGE SLONG 'CHAR KA LTA BU LA TSANG BA LAS, MGON PO KLU SGRUB LA'ANG DNGOS GNAS PA MTSANG LA, RANG RES KYANG SANGS RGYAS DANG KHYAD MED PA'I BLA MA MJAL TE CHOS GSUNGS PA SOGS KYIS DE DAG DOD THUB SBYOR DU YOD PA LAS DNGOS GNAS MA TSANG YANG, DAL BA BRGYAD DNGOS SU TSANG BA LA GTZO BOR DGONGS TE GSUNGS PA RED, GZHAN PHYIR SNYING BRTZE ZHES PA, SBYIN BDAG DANG BLA MA SOGS KYIS GANG ZAG GZHAN RANG NYID KYI PHYIR DU SNYING BRTZE BAS CHOS KYI MTHUN RKYEN ZAS GOS SOGS STER BA'AM, CHOS STON PA SOGS TE, RANG GIS CHOS SGRUB PA'I MTHUN RKYEN SBYIN MKHAN YOD PA LA BYA DGOS, RANG CAG MI KHOM PA BRGYAD DANG BRAL NAS CHOS SGRUB TU YOD PA'I DUS 'DIR MI SGUB PAR, TSE 'DI PA'I 'CHING THAG GIS BCINGS TE, RNYED BKUR SNYAN GRAGS DANG, 'JIG RTEN MTHUN 'JUG SGRUB PA SOGS DON MIN GYI LAS MANG PO BRTZAM STE BREL BA BYED PA 'DI, MI KHOM PA DGU PA ZHIG CHED DU BTZAL BA YIN ZHING, SNGAR GYI DAM PA TSOS SANGS RGYAS SGRUB PAR MDZAD PA'I RTEN BZANG 'DI LTA BU RANG RES SDIG PA BSAGS PA'I SNOD DU BKOL NA, DAL 'BYOR 'DI SDUG 'BYOR DU SONG BA YIN PAS, SLAN CHAD DE LTAR MA SHOR BAR DA RES MTHUN RKYEN MA TSANG BA MED PA 'DZOMS PA'I RTEN BZANG LAN CIG TZAM RNYED PA 'DI LA SNYING PO KHYAD PAR CAN LON PA ZHIG MA BYUNG NA, PHYIS NAS DAL 'BYOR GYI LUS RTEN RNYED PAR SHIN TU DKA', DE RNYED MI RNYED DA LTA RANG LA DAL 'BYOR GYI RGYU TSANG MA TSANG BLTA BA LAS, MI MANG NYUNG LA BLTAS PAS MI PHAN TE, 'GRO BA RIGS DRUG NAS GCIG MI YIN PAS 'KHOR BA'I SEMS CAN RIGS DRUG PO MA ZAD BAR DU MI YANG RDZOGS MTHA' MED PAR MANG PO DE GA RANG 'ONG LA, DAL 'BYOR MA TSANG NA MI MANG YANG SDIG PA MI DGE BA BSAG STOBS CHE BAS 'KHOR BA'I ZONG RTEN MANG BA LA DGA' RGYU MED GSUNGS, 'O NA DAL 'BYOR GYI RGYU JI 'DRA DGOS SHE NA, DAL RTEN RNAM DAG THOB PA'I RGYU LA TSUL KHRIMS RNAM PAR DAG PAS GZHI BZUNG, SPYIN SOGS DRUG GIS GROGS BYAS, SMON LAM DRI MA MED PAS MTSAMS SPYAR BA BCAS DGOS PAS RGYU'I SGO NAS RNYED DKA' BA DANG, RANG CAG GIS SDIG PA MI DGE BA LA DUS RTAG TU SPYAD PA 'DI YANG DAL 'BYOR 'THOB PA'I GEGS THU SHOS SHIG YIN PAR MA ZAD, 'DUL BA LUNG GZHI SOGS NAS GSUNGS PA BZHIN NGAN 'GRO GZHAN LAS DUD 'GRO NYUNG, DE LAS MI'I 'GRO BA NYUNG, MI YANG SANGS RGYAS KYI STAN PA DAR BA'I YUL DU SKYE BA NYUNG, DE SKYES KYANG CHOS DANG MJAL BA'I RTEN BZANG KHYAD PAR CAN NI RNYED MI SRID PA LTA BU YIN PAS NA, NGO BO'I SGO NAS RNYED DKA', BSHES SPRING LAS, RGYA MTSO CHER G-YENGS GNYA' SHING BU GA DANG, ,RUS SBAL PHRAD PA BAS KYANG DUD 'GRO LAS, ,MI NYID CHES THOB DKA' BAS MI DBANG GIS, ,DAM CHOS SPYAD PAS DE 'BRAS MCHIS PAR MDZOD, ,CES SOGS LTAR DPE'I SGO NAS KYANG RNYED DKA' BAS, DA RES CHOS SGRUB PAR KHOM ZHING, PHYI'I RKYEN BLA MA DGE BA'I BSHES GNYEN SANGS RGYAS DNGOS LTA BU DANG PHRAD, NANG GI RKYEN SHES PA LA SKYON MA ZHUGS SHING THOS BSAM SGOM GSUM BYAR RUNG BA'I SHES RAB DANG LDAN, RANG GIS SGRUB PAR BYED NA GNAS SKABS MNGON MTHO LHA MI'I RTEN BZANG NAS MTHAR THUG RDO RJE 'CHANG GI GO 'PHANG MAN CHAD NGES PAR SGRUB NUS PA'I RTEN BZANG KHYAD PAR CAN RNYED PA 'DI NYID DON CHEN PO DANG LDAN PAR SHES SHING NGO 'PHROD PAR GYUR NAS, DPER NA SEMS LA DGA' BA DANG, SDUG BSNGAL CHEN PO YOD PA'I MI DES MTSAN MOR GNYID SAD RES KYANG DGA' SDUG DE DANG DE LHANG LHANG DU 'BYUNG BA BZHIN DAL 'BYOR NGOS ZIN PA'I LAG RJES SU, RNYED PAR DKA' ZHING RNYED NA DON CHE BA'I DAL 'BYOR TSANG BA'I RDO RJE'I LUS RTEN 'DI LTA BUD RES THENGS GCIG TZAM RNYED PA'I SKABS 'DIR 'KHOR BA MTHA' MED KYI NGANG TSUL DANG, SANGS RGYAS KYI GO 'PHANG BSKAL PA MANG POR SGRUB DGOS LUGS SOGS BSAMS NAS, NYIN MTSAN BAR MA CHAD PAR GNAS SKABS KUN TU DON MED STONG LOG TU MA SHOR BAR SNYING PO LEN 'DOD KYI BLO RGYUN CHAD MED PAR SKYE BAR BYIN GYIS RLOBS SHIG CES GSOL BA BTAB PA YIN, GNYIS PA SNYING PO JI LTAR LEN PA'I TSUL LA GSUM LAS, DANG PO SKYES BU CHUNG DU DANG THUN MONG BA'I LAM GYI RIM PAR BLO SBYANG BA NI, LUS SROG G-YO BA CHU YIN CHU BUR BZHIN, ,MYUR DU 'JIG PA'I 'CHI BA DRAN PA DANG, ,SHI BA'I RJES SU LUS DANG GRIB MA BZHIN, ,DKAR NAG LAS 'BRAS PHYI BZHIN 'BRANG BA LA, ,NGES PA BRTAN PO RNYED NAS NYES PA'I TSOGS, ,PHRA ZHING PHRA BA RNAMS KYANG SPONG BA DANG, ,DGE TSOGS MTHA' DAG SGRUB PAR BYED PA LA, ,RTAG TU BAG DANG LDAN PAR BYIN GYIS RLOBS, ,ZHES PA'I SHLOO KA GNYIS KYIS BSTAN TE, DE LTAR DAL 'BYOR GYIS RTEN BZANG KHYAD PAR CAN THOB KYANG LUS SROG YUN RING DU MI GNAS PAR G-YO ZHING 'GYUR NAS SKAD CIG MA RE RES KYANG 'CHI BA LA JE NYER 'GRO BAR MA ZAD, 'CHI RKYEN GLO BUR BA NAD GDON BGEGS RIGS 'BYUNG BZHI'I GNOD PA SOGS KYIS TSE SROG 'PHROG PA LA KHYIS GLUD LA BRNGAMS ? PA LTAR BSKOR NAS BSDAD YOD CING, RANG GI LUS 'DI CHU'I CHU BUR BZHIN DU RKYEN PHRA MO TZAM YANG MI THEG PAR TSER MA ZUG PA TZAM GYIS KYANG 'CHI BA'I RKYEN DU BYED NUS PA MTHONG CHOS SU 'ONG BA SOGS LTAR SHIN TU NYAM CHUNG BAS NA, MYUR DU 'JIG PA'I 'CHI BA 'ONG TSUL RJE'I LAM RIM CHE CHUNG SOGS LAS GSUNGS PA LTAR RTZA BA GSUM DANG, RGYU MTSAN DGU, THAG BCAD PA RNAM PA GSUM GYI SGO NAS 'CHI BAR NGES SHING, NAM 'CHI LA NGES PA MED LUGS, 'CHI BA'I TSE GNYEN NOR LONGS SPYOD SOGS DANG, THA NA LUS KYIS KYANG MI PHAN PA RNAM YANG DANG YANG DU BSAMS SHING DRAN PA DANG, DE YANG RANG DGAR 'CHI BA LA SKRAG STE BSDAD PAS MI 'ONG ZHING, BU STON THAMS CAD MKHYEN PA'I ZHAL NAS, TSE 'DI LONG MED MYUR DU 'CHI 'GYUR ZHING, ,GSOD SAR KHRID PA'I DUD 'GRO JI BZHIN DU, , SKAD CIG RE RE BZHIN YANG 'CHI LA NYE, ,DENG BYA SANG BYA'I BSAM PA MA RDZOGS PAR, ,BSAM PA BRGYA PHRAG MA BSAMS GCIG 'OG TSUD, ,GSHIN RJE 'JIGS RUNG NYAM PA'I MDUN BSUS NAS, MAL GYI THA MAR DBUGS SDUD SROG CHAD TSE, ,CHOS LAS GZHAN GYIS MI PHAN RIN CHEN GRUB, ,CES PA DANG, PHA DAM PA SANGS GYAS KYIS, LAS KYI RNAM SMIN RGYU 'BRAS BDEN NGES PAS, , MI DGE SDIG LA 'DZEMS SHIG DING RI BA, ,ZHES DANG, PHYI MA'I YUL NA GNYEN BSHES NYUNG BA YIN, ,BLO GTAD CHOS LA GYIS SHIG DING RI BA, ,ZHES SOGS DANG, BO DONG PAn CHEN 'JIGS BRAL PHYOGS LAS RNAM RGYAL GIS KYANG, SKYE BA SNGA PHYI YOD PAR RIGS PAS KYANG SHES TE, MI LUS RGYU MED LAS YONG NA SHES BYA THAMS CAD MI LUS KYIS GANG BA'I TSOD YIN, MI LUS SEMS SNGA MA SNGON DU MA SOGS BAR BEM PO TZAM LA 'ONG NA, SA RDO RI LUNG THAMS CAD MI LUS KYIS GANG BA'I TSOD YIN GSUNG STE CHAD LTA BA RNAMS LA THOG BABS PA DANG 'DRA BA YIN, GZHAN YANG MKHAS GRUB MNGON SHES CAN MANG POS GZIGS PAS KYANG RANG GZHAN YI BAR DO DANG SKE BA SNGA PHYI DRAN PA'I RNAM THAR SHIN TU MANG ZHING, PHYI ROL BA'I DRANG SRONG MNGON SHES CAN RNAMS KYIS KYANG SKYE BA BRGYAD CU DRAN PA LA SOGS PA BYUNG BA YIN, ZHES GSUNGS PA LTAR 'CHI BA'I SKABS DANG PHYI MA'I SKYE BA LEN PA'I TSE CHOS MA GTOGS GZHAN GANG GIS KYANG MI PHAN PAS NA, TSE BLOS BTANG GIS PHYI MAR PHAN THABS KYI 'CHI CHOS GSHA' MA ZHIG NGES PAR 'SGRUB PA GAL CHE STE, RANG RE RNAMS SHI BA'I RJES SU RIG PA RGYUN CHAD NAS MED DE MI 'GRO BAR SKYE BA RE MA BLANGS THABS MED LA, DE LEN SA BDE 'GRO NGAN 'GRO GNYIS LAS MA 'DAS, DE GNYIS GANG DU SKYE RANG LA RANG DBANG MED PAR 'GRO BA GNYIS KYI RGYU'AM, LAS DKAR NAG GI RJES SU 'GRO DGOS SHING, RANG RGYUD LA BDE 'GRO'I RGYU SHIN TU NYUNG LA, NGAN 'GRO'I RGYU NI HA CANG MANG BA YOD, DA LTAR DGE SDIG GI BYA BA DKAR NAG JI 'DRA ZHIG BYAS KYANG 'CHI KHAR DE DANG MTHUN PA'I LAS SHIG LA GSOS BTAB NAS NYING MTSAMS SBYOR DGOS LA, DE NAS KYANG PHYI MAR DGE MI DGE'I LAS KYI 'BRAS BU BZANG NGAN CUNG ZAD KYANG MI 'CHOL BAR RNAM SHES GANG DU 'GRO BA'I PHYI RJES SU LUS DANG GRIB MA JI BZHIN 'BRANG STE BDE SDUG SO SO NAS MYONG DGOS TSUL RGYAL BA'I BKA' DRI MA MED PA MDO SDE DANG 'DUL BA SOGS NAS LAS NGES PA DANG, 'PHEL CHE BA, LAS MA BYAS PA DANG MI 'PHRAD PA, LAS BYAS PA CHUD MI ZA BA SOGS DANG,. LUS CAN DAG GI LAS RNAMS NI, ,BSAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU SMIN PA NYID DU 'GYUR, ,CES GSUNGS, MKHAS PA PO DONG PAS KYANG MDO LUNG 'DI DRANGS NAS, KHO BO NI CHU BUR GYI MIG PAS STON PA'I BKA' LA TSA DMAR BYED DE, SHI SKYE BA CHAD, RGAS MA LE BOG KYANG STON PA KHO NA LA YID CHES BYED PA YIN, ZHES GSUNS YOD, DE LTAR GSUNGS PA'I RGYU MTSAN YANG, ZHI BA LHAS, LAS TSUL BSAM GYIS MI KHYAB STE, ,THAMS CAD MKHYEN PA KHO NAS MKHYEN, ,ZHES GSUNGS PA LTAR YIN PAS, STON PAS LAS 'BRAS KYI RNAM GZHAG MTHA' YAS PAR GSUNG BA LA NGES PA BRTAN PO RNYED THABS BYED CING, DE RNYED NAS SNGON CHAD SDIG PA BSAS PA'I 'BRAS BUR TSE RJES MAR NGAN 'GROR 'GRO BAR SHES TE NGAN SONG GSUM GYI GTZO SREG TSA GRANG, BKRES SKOM NGAL 'JIGS, GLEN ZHING GTI MUG PA DANG, GCIG LA GCIG ZA LA SOGS PA'I SDIG BSNGAL SHUGS DRAG TU BSAMS PAS YID 'JIGS NAS DE LAS SKYOB PA'I SKYABS DKON MCHOG GSUM LA SNYING THAG PA NAS SKYABS SU 'GRO SHING, PHYIN CHAD NGAN SONG DU SKYE BA'I RGYU NYES PAR SPYAD PA SDIG PA MI DGE BA'I TSOGS SHES SLA BA'I RAGS PA RNAMS MI BYED PA SMOS CI, HA CANG RIG DKA' BA'I SDIG PA PHRA ZHING PHRA BA RNAMS KYANG NGOS ZIN PAR BYAS NA SPANG BA DANG, LHAG PAR DU 'BROM CHOS KYI RGYAL POS, TSE LA LONG MED YUN RING MI SDOD NGES, ,'JIG RTEN LTO RGYAB SPRANGS KYANG PHYID DE MCHIS, ,CHOS DANG MTHUN NA LTOGS GRIR SHI DOGS MED, 'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA THON, ,ZHES DANG, TSE 'DI'I LTO RGYAB JI LTAR BYAS KYANG PHYID, ,TSE RABS PHYI MA CHOS DANG 'PHRAD PAR DKA', ,DE BAS TSE 'DIR CHOS LA 'BAD PAR GYIS, ,DA LTA DGE BA'I LAS LA MA 'BAD NA, ,PHYI MAR SDUG BSNGAL MYONG BAR 'GYUR TA RE, ,ZHES GSUNGS PA LTAR PHYI MAR BDE 'GROR 'GRO BA'I RGYUR DGE SDIG GI BLANG DOR RNAM PAR DAG PA ZHIG MA BYAS THABS MED, DE BYA TSUL LA SPYIR MTHA' YAS PA LTA BU YOD KYANG, STON PA THUGS RJE CAN GYIS RANG CAG GI BLANG DOR BYA SA'I GNAS CHE LONG TZAM DU BSDUS NAS DGE MI DGE'I LAS LAM BCUR GSUNGS, DES NA, MI DGE BCU SPONG GI TSUL KHRIMS BSRUNG BSAM TSON TE SKYABS 'GRO'I BSLAB BYA PHRA RAGS KYIS BSDUS PA'I DGE BA'I TSOGS MTHA' DAG TSUL BZHIN DU SGRUB PAR BYED PA LA DUS RTAG TU DRAN SHES BAG YOD DANG LAN PA'I SGO NAS 'JUG PA ZHIG DANG, DER MA ZAD, SKYES BU CHUNG 'BRING DANG THUN MONG GI BSAM PA SBYANG BA GANG GI SKABS KYANG BLO PHUGS SU SKYES BU CHEN PO'I LAM LA BLO SBYONG BA GZHIR BCAS BYAS TE BYANG CHUB KYI SEMS SKYE BA'I THABS SU 'KHYEN SHES PA DGOS PAS, DE LTAR NUS PAR GSOL BA BTAB PA YIN GSUNGS, GNYIS PA SKYES BU 'BRING DANG THUN MONG BA'I LAM GYI RIM PAR BLO SBYANG BA LA GNYIS LA, DANG PO THAR PA DON DU GNYER BA'I BLO BSKYED PA NI, SPYAD PAS MI NGOMS SDUG BSNGAL KUN GYI SGO, ,YID BRTAN MI RUNG SRID PA'I PHUN TSOGS KYI, ,NYES DMIGS RI GNAS THAR PA'I BDE BA LA, ,DON GNYER CHEN PO SKYE BAR BYIN GYIS RLOBS, ,ZHES PA'I SHLOO KA GCIG GSUNGS, DE LTAR 'CHI BA'I NGANG TSUL DANG, NGAN SONG GI SDUG BSNGAL BSAM ZHING, SKYABS 'GRO DANG LAS 'BRAS KYI BLANG DOR LA TSUL BZHIN 'BAD PAS, GNAS SKABS MNGON MTHO LHA MI'I RTEN BZANG DANG DPAL 'BYOR PHUN SUM TSOGS PA LAN RE LAN GNYIS TZAM 'THOB PA SRID MOD, 'KHOR BA'I BDE BA NI JI TZAM BYUNG YANG LONGS SPYAD PAS MI NGOMS PAR DA DUNG CHAGS PA LHAG PAR 'PHEL TE SDUG BSNGAL MI BZAD PA DU MA 'DREN PAR BYED PAS SDUG BSNGAL KUN GYI SGOR GYUR PA YIN CING, DE YANG RGYAL MCHOG LNGA PA CHEN POS, SNGON THOG MED DUS NAS RANG SEMS DANG, ,DUS SKAD CIG 'BRAL BA MED PA YI, ,GROGS NYON MONGS 'DI KO BSTEN BSTEN PAS, ,MTHA' MI MNGON 'KHOR BA'I RGYA MTSOR BSKYUR, ,LAS MI 'DOD RLUNG GIS RAB BSKYED NAS, ,YONGS SDUG BSNGAL GSUM GYI RBA KLONG DU, ,DUS GTAN DU MGAL MI LTAR 'KHOR BA, ,'DI BSAMS KYIN NYON MONGS DVANGS MA'I DGRA, ,TSE 'DI SNANG DGRA ZHIG BSAD PA LA, ,RANG GO CHOD DPAG BOR RLOM BYED NA, ,DUS GTAN GYI DGRA PO NYON MONGS 'DI, ,DA GDUL PA'I DUS LA NGES PAR BAB, ,CES GSUNGS PA LTAR 'KHOR BA 'DIR SDUG BSNGAL THAMS CAD 'BYUNG BA'I RTZA BA NI, RANG GIS GCES PAR BYAS TE SNYING DBUS SU BCUG PA'I NYON MONGS PA'I DGRA PO 'DI NYID YIN LA, 'DIS RANG CAG RNAMS SNGON CHAD THOB MED NAS DA BAR SDUG BSNGAL MI BZAD PA LA SBYAR ZHING, DA DUNG NYON MONGS 'DI GTAN BRLAG TU GTONG THUB PA ZHIG MA BYUNG NA, DE'I DBANG GIS LAS BSAGS, LAS KYI DBANG GIS 'KHOR BA'I GNAS SU NYING MA TSAMS SBYAR, DER SLAR YANG NYON MONGS PAS LAS BSAGS TE DE'I DBANG GIS NYER LEN GYI PHUNG POR NYING MTSAMS SBYAR NAS 'GRO BA RIGS DRUG TU YANG DANG YANG DU SKYE BA LEN PA THAG CHOD, DE BLANGS NA 'KHOR BA 'DIR MTHO DMA' GANG 'DRA ZHIG TU SKYE BA BLANGS KYANG SDUG BSNGAL GSUM GYIS GO MTSAMS MED PAR MNGAR BA LAS, BDE BA'I SKABS CUNG ZAD KYANG MI 'BYUNG BAS GNAS GANG DU PHYIN KYANG SDUG BSNGAL GYI GNAS, GROGS SU DANG 'GROGS KYANG SDUG BSNGAL GYI GROGS, LONGS SPYOD GANG LA LONGS SPYAD KYANG SDUG BSNGAL GYI LONGS SPYOD KHO NA LAS MA 'DAS, 'O NA DE LTA'I SDUG BSNGAL DANG 'BRAL BA'I THABS JI LTAR BYA DGOS SNYAM NA, LAS DANG NYON MONGS PA'I RANG BZHIN CAN GYI 'KHOR BA'I SKYE RGYUN GCOD THUB PA ZHIG MA BYUNG BAR DU SDUG BSNGAL DANG BRAL BA'I GNAS MED LA, 'KHOR BA'I SKYE RGYUN GCOD PA LA RJE BLA MA'I LAM GTZO'I RTZA TSIG LAS, LAS 'BRAS MI SLU 'KHOR BA'I SDUG BSNGAL RNAMS, ,YANG YANG BSAMS PAS PHYI MA'I SNANG SHAS LDOG , CES PA LTAR THOG MAR 'KHOR BA'I PHUN TSOGS KYI MTHAR THUG TSANGS PA BRGYA BYIN 'KHOR BSGYUR SOGS KYI LUS RTEN DANG DPAL 'BYOR LTA BU RNYED KYANG YIN BRTAN MED PAR SNGAR MI DGE BA BSAGS PA'I LAS KYI 'BRAS BUR MTHAR NGAN SONG GSUM LA SOGS PAR SKYES TE 'KHOR BA'I SDUG BSNGAL MTHA' MED DU MYONG DGOS TSUL DANG, KUN 'BYUNG LAS DANG NYON MONGS PA'I NYES DMIGS YANG YANG BSAMS NAS PHYI MA'I SNANG SHAS LDOG PA DGOS SHING, DE LA DANG POR, SNGAR SKYES BU CHUNG NGU'I SKABS BSHAD PA BZHIN DU, ,DAL 'BYOR RNYED DKA' TSE LA LONG MED PA, ,YID LA GOMS PAS TSE 'DI'I SNANG SHAS LDOG ,CES PA LTAR RNYED PAR DKA' BA'I DAL 'BYOR RTEN BZANG PO DA RES LAN CIG TZAM RNYED KYANG TSE LA SNON PA BRGYAG TU MED CING 'BRID BYED PAR MA CHAD PA YOD PAS DUS YUN RING POR MI GNAS PAR 'CHI DGOS PA'I TSUL BSAMS NAS TSE 'DI'I SNAG SHAS LDOG PA DGOS LTE ?, RANG RES NGAN 'GRO'I SKYE BA ZLOG PA DANG, THAR PA DANG THAMS CAD MKHYEN PA'I GO 'PANG BSGRUB PA GANG LA'ANG TSE 'DI SNANG GI ZHEN PA ZLOG PA 'DI THOG MTHA' BAR GSUM DU GAL CHE ZHING, 'DI'I SKOR RNAMS BKA' GDAMS GSAR RNYING DANG BKA' BRGYUD GONG MA TSO'I GSUNG LA BRTEN NAS BLO SBYANGS NA NUS PA CHE BA YOD, DE YANG RGYAL BA YANG DGON PAS, TSE NGES MED LA NAM 'CHI'I DUS BTAB MED, ,BDUD 'CHI BDAG KHO BREL KHOM GYI BYUS MI RTZI, ,DUS DE RING 'BYUNG BZHI DANG RNAM SHES 'GYES GYUR NA, , GDENG DANG BLO BDE TSAGS SU TSUD DAM SOMS, ,ZHES DANG, GZHAN YANG, BDE SDUG GTAM NGAN KHYAD BSAD NAS, ,PHANGS SRIS BYAS PA'I NOR GYIS KYANG, ,KHAM CIG 'KHYER DBANG MED PAS NA, ,DGOS DUS MED PA'I NOR GYIS CI, ,MTHUN 'JUG NGO SRUNG BYED BYED NAS, ,SDUG ROGS BYAS PA'I GNYEN GYIS KYANG, ,GOM GANG SKYEL MKHAN MED PAS NA, ,DGOS DUS MED PA'I GNYEN GYIS CI, ,SGO GSUM RDUL DU RAB BRLAGS TE, ,'BAD PAS BRTZIGS PA'I MKHAR GYIS KYANG, , 'CHI BDAG NANGS GCIG MI THUN NA, ,DGOS DUS MED PA'I KHANG PAS CI, ,ZHES BYA BA BLA SOGS PA DANG, DBYAR SPRIN CHEN 'KHRIGS PA'I NAM MKHA' LA, ,GLOG DA LTA BYUNG BA DA LTA YAL, ,TSE MI RTAG PA'I SDUG BSNGAL THUR GYIS DRAN, ,RTAG 'DZIN GRABS SHOMS KYI KHO THAG DE NAS CHOD, ,RGYU NYI CHAR GYI RTEN 'BREL TSOGS PA LAS, ,'JA' DA LTA BYUNG BA DA LTA YAL, ,BDE SKYID MI RTAG PA'I SDUG BSNGAL THUR GYIS DRAN, ,MDZES CHOS MCHOR SGEG GI KHO THAG DE NAS CHOD, ,RGYU LHANGS KYIS KU CO BTAB PA NA, ,BRAG CA DA LTA BYUNG BA DA LTA YAL, ,SNYAN GRAGS MI RTAG PA'I SDUG BSNGAL THUR GYIS DRAN, ,CHE 'DOD GRAGS 'DOD KYI KHO THAG DE NAS CHOD, ,YUL DBUS KYI TSONG DUS MGRON KHANG DU, ,MGRON PO SNGA DRO SLEB PA PHYI DRO THEGS, , GROGS MI RTAG PA'I SDUG BSNGAL THUR GYIS DRAN, ,GNYEN MTHUN 'JUG GI KHO THAG DE NAS CHOD, ,DBYAR DUS SBRANG MAS YANG YANG BSAGS PA YI, ,SBRANG TSANG GLO BUR ZHIG PA MTHONG TZA NA, ,ZAS NOR MI RTAG PA'I SDUG BSNGAL THUR GYIS DRAN, , ZAS NOR GSOG 'JOG GI KHO THAG DE NAS CHOD, ,CES DANG, 'BROM RGYAL BA'I 'BYUNG GNAS KYI RANG RGYUD BSKUL 'DEBS LAS GSUNGS PA SOGS LTAR YANG NAS YANG DU BSAMS TE TSE 'DI'I SNANG SHAS LDOG THABS LA 'BAD CING, DES KYANG MI CHOG PA RGYAL MCHOG BSKAL BZANG RGYA MTSOS, KHAMS GSUM 'KHOR BA ZHES GRAGS LCAGS SREG GI KHANG PA, ,PHYOGS BCU GANG DU PHYIN KYANG SDUG BSNGAL GYIS BSREG PA'I, ,SNYING LA GZAN KYANG RANG GI SNANG TSUL DU 'DUG PA, ,GNAS NGAN 'DI 'DRAR 'KHYAMS PA'I SNANG TSUL 'DI SKYO BA, ,ZHES GSUNGS PA LTAR KHAMS GSUM GYI 'KHOR BA 'DIR MTHO DMAN GANG 'DRA ZHIG TU SKYES KYANG SDUG BSNGAL GYI RANG BZHIN KHO NA LAS MED TSUL BSAMS NAS 'KHOR BA LAS THAR THABS DANG, DGRA NYON MONGS PA 'JOMS THABS LA 'BAD DGOS, DES NA RANG RES 'DZAM GLING 'DIR LUS LONGS SPYOD STOBS 'BYOR SNYAN GRAGS JI TZAM 'DZOMS PAR BRLOMS KYANG, SO SO'I 'KHOS KA LA DPAGS NA, DUD 'GRO 'BU SRIN DANG BYA BYE'U SOGS LAS KHYAD PAR MA THON PA'I RIG RTZAL STOBS 'BYOR RGYA CHUNG CHUNG ZHIG LAS MED PA 'DI LA SHI SBAR 'THAM STE CHAGS SEMS DANG YID BRTAN BYAR MI RUNG BA LTA CI, 'KHOR BA'I BDE 'BYOR GYI MTHAR THUG TSANGS PA BRGYA BYIN DANG 'KHOR SGYUR GYI RGYAL SRID LA LONGS SPYOD PA MANG PO YANG MTHAR NGAN 'GRO'I GNAS NGAN MI BZAD PAR 'KHYAM DGOS PAR BSHES SPRING SOGS NAS GSUNGS PA LTAR SRID PA'I PHUN TSOGS JI 'DRA ZHIG THOB KYANG MTHAR BSLU BA'I CHOS CAN LAS MA 'DAS PA'I RANG MTSANGS SAM NYES DMIGS LEGS PAR BSAMS PAS, 'KHOR BA MTHA' DAG SDUG BSNGAL GYI RANG BZHIN CAN DU MTHONG ZHING RIG NAS, GNAS SKABS NGAN SONG DANG, MTHAR THUG 'KHOR BA'I SDUG BSNGAL MTHA' DAG LAS GROL BA'I THAR PA MI GNAS PA'I MYANG 'DAS KYI BDE BA THOB PAR 'DOD PA'I NGES 'BYUNG GI BSAM PA KHYAD PAR CAN GZHAN GYI ZER RJES 'BRANG BA DANG KHA TZAM TSIG TZAM GYI YAM ME BA LTA BU MA YIN PAR, THAR PA'I BDE BA LA DON GNYER CHEN PO BCOS MA MA YIN PA'I BLO SHUGS DRAG TU SKYE BAR GSOL 'DEBS BYED PA YIN GSUNGS, GNYIS PA THAR PAR BGROD PA'I LAM GYI RANG BZHIN GTAN LA DBAB PA NI, RNAM DAG BSAM PA DE YIS DRANGS PA YI, ,DRAN DANG SHES BZHIN BAG YOD CHEN PO YIS, ,BSTAN PA'I RTZA BA SO SO THAR PA LA, ,SGRUB PA SNYING POR BYED PAR BYIN GYIS RLOBS, ,ZHES PA'I SHLOO KA GCIG STE, SNGAR BSHAD PA LTAR 'KHOR BA'I PHUN TSOGS LA'ANG SNYING PO MED PAR MTHONG NAS 'KHOR BA MTHA' DAG LA YID GTING NAS LOG STE, THAR PA DON GNYER GYI BLO RNAM PAR DAG BA NGES 'BYUNG GI BSAM PA SHUGS DRAG PO DES DRANGS NAS, RJE THAMS CAD MKHYEN PA NYID KYIS, RGYAL BA'I GSUNG RAB MA LUS SDE SNOD GSUM, ,DE PHYIR BSTAN PA'I SNYING PO BSLAB PA GSUM, ,DE DAG THOG MA TSUL KHRIMS BSLAB PA STE, ,DE YI GNAS NI 'DUL BA YIN PAR GSUNGS, ,DE PHYIR LEGS PAR GSUNGS PA'I DAM PA'I CHOS, ,'DUL BA'I TSUL LA MANG PO BKOD PA LA, ,BSTAN PA'I GO RIM SHES PA'I MKHAS PA RNAMS, ,CI YI PHYIR NA DGA' BA SKYE MI 'GYUR, ,LHAG MTHONG SHES RAB BSLAB PA SKYE BA LA, ,ZHI GNAS TING 'DZIN DGOS PA'I MING TZAM SNANG, ,'DI NA RNAM DAG GTING 'DZIN SKYE BA LA, ,TSUL KHRIMS BSLAB PA DGOS PA'I GTAM YAG NUB, ,KHAS LEN TAM LA RAB TU DPA' BA YIS, ,DAM BCAS RAB TU 'DOR BA PHAL BA'I PHAL, ,RANG GIS CI TZAM KHAS LEN BYAS PA YI, ,TSUL KHRIMS BSRUNG LA BRTZON PA DAM PA'I TSUL, ,DE LTAR MTHONG NAS NYES PA'I SGO GSUM LA, ,YANG DANG YANG DU RTOG PA'I SHES BZHIN DANG, ,DRAN DANG BAG YOD NGO TSA KHREL YOD KYIS, ,LOG PA'I LAM DU ZHUGS PA'I DBANG PO'I RTA, ,'BAD PAS 'DU BAR BYED PA DE YI YID, ,DGE BA'I DMIGS PA GANG GANG 'DOD DE LA, ,DE LTA DE LTAR RAB TU GNAS PAR 'GYUR, ,DE PHYIR TSUL KHRIMS TING 'DZIN RGYU RU BSNGAGS, ,ZHES GSUNGS PA LTAR DRAN PAS DANG POR BLANG DOR GYI GNAS MA BRJED PAR 'DZIN, SHE BZHIN GYIS BAR BAR DU SGO GSUM GYI SPYO PA LEGS NYES GANG DANG GANG DU 'GRO MI 'GRO LTA RTOG BYED, BAG YOD KYIS SKABS THAMS CAD DU MI RUNG BA'I BSAM SBYOR MTHA' DAG 'GOG CING, RUNG B'I KUN SPYOD RNAMS BSTEN PA LAS MI 'DA' BAR BYAS TE, RGYAL BA'I BSTAN PA'I GNAD LUNG SDE SNOD GSUM GYI BRJOD BYA'I DON RNAMS TSUL KHRIMS DANG, TING NGE 'DZIN DANG, SHES RAB KYI BSLAB PA STE LHAG PA'I SLAB PA RIN PO CHE RNAM PA GSUM DU 'DU ZHING, PHYI MA 'DI GNYIS 'BYUNG MI 'BYUNG GI GNAS DANG, RTEN DANG, RTZA BA'AM SA GZHI LTA BU NI, GTZO BOR SO SOR THAR PA'I TSUL KHRIMS NYID YIN LA, DE YANG PAn CHEN BLO BZANG CHOS KYI RGYAL MTSAN GYI ZHAL NAS, SNGON CHAD BCAS RKYANG PHRO MO DU MA LA, ,'DI TZAM 'DAS KYANG NYS PA CHUNG SNYAM DU, ,BSAM ZHING DE DANG 'GAL BA DU MA BYAS, ,LEGS PAR BRTAGS NA DE LTAR SEMS PA DE, , BDE 'GRO'I SROG RTZA GCOD PA'I GSHED MAR 'DUG ,CES GSUNGS PA LTAR BCAS RGYANG PHR MO ZHIG GIS KYANG DE LTAR 'GYUR NA, DE LAS CHE BA'I NYES PA BSAGS PAS NI SDUG BSNGAL BZOD GLSGS MED PA'I NGAN 'GRO KHO NAR BRGYUD DE 'GRO BA LAS 'OS MED PHYIR BCAS RKYANG TSUN CHOD LA MNANGS CHUNG MI BYED PAR TSUL BZHIN DU SRUNG DGOS PAS NA, DGE BSNYEN NAS DGE SLONG GI BAR GYI SO THAR RIS BRGYAD PO'I BSLAB SDOM GANG KHAS BLANGS PA RNAMS LA MKHAS PAR BSLAB CING SGRUB PA SNYING POR BYAS TE RANG RGYUD KYI SDOM PA 'DI NI STON PA'I SKU TSAB YIN SNYAM DU BSAMS NAS BSLAB BYA RNAMS GCES SPRAS CHEN PO'I SGO NAS BSRUNG BA SOGS LAM LHAG PA'I BSLAB PA GSUM TSUL BZHIN NYAMS SU LEN NUS PAR BYIN GYIS RLOBS SHIG CES PA YIN GSUNGS, GSUM PA SKYE BU CHEN PO'I LAM GYI RIM PAR BLO SBYANG BA LA GNYIS LAS, DANG PO BYANG CHUB TU SEMS BSKYED PA'I TSUL NI, RANG NYID SRID MTSOR LHUNG BA JI BZHIN DU, ,MAR GYUR 'GRO BA KUN KYANG DE 'DRA BAR, ,MTHONG NAS 'GRO BA SGROL BA'I KHUR 'KHYER BA'I, ,BYANG CHUB SEMS MCHOG 'BYONGS PAR BYIN GYIS RLOBS, ,ZHES PA'I SHLOO ? KA GCIG GSUNGS, DE YANG DPA' BYIN GYIS ZHUS PA'I MDO LAS, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN BKANG STE, ,DE NI DE BAS LHAG PAR 'GYUR, ,ZHES DANG, SPYOD 'JUG LAS, DGE BA GZHAN KUN CHU SHING BZHIN DU NI, ,'BRAS BU BSKYED NAS ZAD PAR 'GYUR BA NYID, ,BYANG CHUB SEMS KYI LJON SHING RTAG PAR YANG, ,'BRAS BU 'BYIN PAS MI ZAD 'PHEL BAR 'GYUR, ,ZHES SOGS DANG, JO BO CHEN POS, THABS GOMS DBANG GIS BDAG NYID KYIS, ,GANG GIS SHES RAB RNAMS BSGOMS PA, ,DES NI BYANG CHUB MYUR DU 'THOB, ,BDAG MED GCIG PU BSGOMS PAS MIN, ,ZHES PA DANG, RJE BLA MA RANG NYID KYIS KYANG, SEMS BSKYED THEG MCHOG LAM GYI GZHUNG SHING STE, ,ZHES SOGS PHAN YON MTHA' KLAS PA GSUNGS PA LTAR RANG RES SANGS RGYAS KYI GO 'PHANG ZHIG 'DOD PHYIN CHAD BYANG CHUB KYI SEMS BSKYED PA 'DI MED THABS MED, 'DI YOD NA YON TAN GZHAN GANG YANG MED KYANG RGYAL BA'I SRAS ZHES BYA BA'I MING THOB CING, THEG CHEN PA'I GRAL DU TSUD, SEMS 'DI MED PAR BDAG MED PA'I LTA BA BSGOM PA SOGS YON TAN GZHAN JI 'DRA YOD KYANG 'TSANG RGYA RGYU LTA CI, THEG PA CHEN PO'I GRAL DU'ANG MI CHUD PAS NA, BYANG CHUB TU SEMS BSKYED PA GAL CHE, DE LA SKYES BU CHUNG 'BRING SKABS NGAN SONG DANG 'KHOR BA'I SDUG BSNGAL RANG STENG DU BSGOMS PAS NGES 'BYUNG SKYES YOD TSE, 'DIR GZHAN STENG DU KHA SPOS TE BSAMS NA SNYING RJE SOGS SKYE BA 'ONG BAS, BYANG CHUB LAM RIM LAS GSUNGS PA LTAR GYI MAN NGAG RGYU 'BRAS BDUN MA DANG, BDAG GZHAN MNYAM BRJE'I SGO NAS BLO RIM GYIS SBYANGS TE, SEMS BSKYED KYI MYONG BA SNE ZIN TZAM SKYES PA SOGS NAS SMON 'JUG GI SEMS CHO GAS BZUNG BA SOGS LA SLOB PA DGOS, DES NA GZHUNG 'DIS BSTAN PA'I DON YANG, RANG NYID SRID PA STE 'KHOR BA SDUG BSNGAL GYI RGYA MTSO GTING DANG MTHA' MI MNGON LA, LAS NYON DANG SKYE RGA NA 'CHI'I RBA KLONG DRAG TU 'KHRUGS PA'I NANG DU LHUNG NAS, SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA 'DU BYED KYI SDUG BSNGAL GSUM GYI CHU SRIN GDUG PA CAN DU MAS DUS RTAG TU GTZES TE SDUG BSNGAL BZOD DKA' BAS BAR MTSAMS MED PAR MNAR BA JI LTA BA DE BZHIN DU, TSE RABS THOG MA MED PA'I DUS NAS DRIN CHEN PO'I SGO NAS YANG DANG YANG DU BSKYANGS PA'I MAR GYUR PA'I 'GRO BA KUN TE SEMS CAN THAMS CAD KYANG DE DANG 'DRA BAR SDUG BSNGAL DU MAS NYAM THAG PA'I TSUL MTHONG NAS, DE LTA BU'I 'GRO BA RNAMS GZHAN LA RAG MA LAS PAR RANG NYID GCIG PUS SDUG BSNGAL RGYU DANG BCAS PA LAS SGROL, BDE BA THAMS CAD DANG LDAN PAR BYED PA'I KHUR 'KHYER ZHING, LHAG PAR SANGS RGYAS KYI GO 'PHANG LA'ANG BDAG RANG GIS DGOD SNYAM DU, MA RGAN SEMS CAN RNAMS BDE BAS PHONGS SHING SDUG BSNGAL GYIS MNAR BA LA CHES MI BZOD PA'I BYAMS PA DANG SNYING RJE SHUGS DRAG POS KUN NAS BSLANGS PA'I BYANG CHUB SEMS MCHOG BCOS MA MA YIN PAR GOMS PA YONGS SU RDZOGS PA'I BLO STAN THOG 'DI GA RANG DU 'BYONGS PA'AM SKYE NUS PAR GSOL BA BTAB PA YIN GSUNGS, GNYIS PA SEMS BSKYED NAS SPYOD PA LA SLOB PA'I TSUL LA GNYIS, MDO PHYOGS LA SLOB TSUL DANG, SNGAGS PHYOGS LA SLOB TSUL LO, ,DANG PO MDO PHYOGS KYI SPYOD PA LA SLOB PA'I TSUL LA'ANG GNYIS LAS, DANG PO SPYOD PA SPYI LA SLOB TSUL NI, SEMS TZAM BSKYED KYANG TSUL KHRIMS RNAM GSUM LA, ,GOMS PA MED NA BYANG CHUB MI 'GRUB PAR, ,LEGS PAR MTHONG NAS RGYAL SRAS SDOM PA LA, ,BRTZON PA DRAG POS SLOB PAR BYIN GYIS RLOBS, ,ZHES PA'I SHLOO KA GCIG STE, DE LTAR SNGAR BSHAD PA BZHIN SEMS CAN GYI DON DU SANGS RGYAS KYI GO 'PHANG THOB PAR BYED SNYAM PA'I SEMS TZAM ZHIG BSKYED PAR BYAS KYANG, SEMS BSKYED NAS RGYAL SRAS KYI SDOM PA BZUNG STE SPYIN SOGS PHAR PHYIN DRUG LA MA BSLAB PAR 'TSANG RGYA BAR MI 'GYUR LA, DES NA 'DIR PHAR PHYIN DRUG TSUL KHRIMS RNAM PA GSUM DU BSDUS TE GSUNGS PA HA CANG GNAD CHE STE, SPYIR SER SKYA GANG YIN YANG NGES PAR BSRUNG DGOS PA'I BSRUNG BYA THUN MONG BA MI DGE BCU SPONG GI TSUL KHRIMS LEGS PAR BSRUNG BA'I THOG ,BYE BRAG TU RANG RANG GIS SO THAR, BYANG SEMS, GSANG SNGAGS TE SDOM PA GSUM GANG KHAS BLANGS PA DE DANG DE'I BCAS MTSAMS DANG 'GAL BA'I NYES PAS NAM YANG MA GOS PA'I THABS LA NAN TAN CHEN PO'I SGO NAS 'BAD PAR BYED PA NYES SPYOD SDOM PA'I TSUL KHRIMS, BSOD NAMS DANG YE SHES TE TSOGS GNYIS KYIS BSDUS PA'I DGE RTZA RLABS PO CHE RNAMS THABS SNA TSOGS KYI SGO NAS RANG RGYUD LA SDUD PAR BYED PA DGE BA'I CHOS SDUD PA'I TSUL KHRIMS, SNGAR BSHAD PA'I SDOM PA'I TSUL KHRIMS DE RNAMS RANG DON YID BYED KYIS MA BSLAD PAR SEMS CAN THAMS CAD KYI PHYIR RDZOGS BYANG DON DU GNYER BA KHO NA'I CHED DU BSRUNG BA SEMS CAN DON BYED KYI TSUL KHRIMS YIN PAS, DE LTA BU'I TSUL KHRIMS RNAM PA GSUM LA GOMS SHING 'DRIS PAR BYAS PA'I MYONG BA CHEN PO ZHIG MED NA, BLA NA MED PA YANG DAG PAR RDZOGS PA'I BYANG CHUB KYI GO 'PHANG MI 'GRUB PAR LEGS PAR MTHONG BA'I NGES PA BRTAN PO RNYED NAS, RGYAL BA'I SRAS TE BYANG CHUB SEMS DPA'I SDOM PA BZUNG NAS TSUL KHRIMS RNAM PA GSUM LA BRTZON PA SHUGS DRAG POS SLOB NUS PAR BYIN GYIS RLOBS ZHES PA YIN GSUNGS, GNYIS PA PHAR PHYIN THA MA GNYIS LA SLOB TSUL NI, LOG PA'I YUL LA G-YENG BA ZHI BYED CING, ,YANG DAG DON LA TSUL BZHIN DPYOD PA YI, ,ZHI GNAS LHAG MTHONG ZUNG DU 'BREL BA'I LAM, ,MYUR DU RGYUD LA SKYE BAR BYIN GYIS RLOBS, ,ZHES PA'I SHLOO KA GCIG GIS BSTAN, DE YANG LOG PA'I YUL ZHES PA PHYIN CI LOG GI YUL LA BYA DGOS PA DPER NA, PHYI ROL PAS RDEL SHING SOGS LA SEMS BZUNGS NAS TING NGE 'DZIN BSGOM PA LTA BU STE, DE 'DRA'I SEMS PHYI ROL GYI LOG PA'I YUL LA RNAM PAR G-YENG BA ZHI BA'AM MED PAR BYED CING, BOD KHA CIG LTAR YID BYED THAMS CAD BKAG STE NAG THOM ME BAR GNAS PA LA ZHI GNAS DANG, DE THOG NAS, SEMS ZHES PA DE DBYIBS DANG KHA DOG GANG DU GRUB 'DUG BRTAGS NAS MA RNYED PA'I SEMS KYI KUN RDZOB PA'I NGO BO STONG SANG TZAM LA LHAG MTHONG DU BSHAD PA LTA BU MIN PAR, RGYAL TSAB BYAMS PA'I DBUS MTHA' RNAM 'BYED KYI MAN NGAG RJE'I LAM RIM CHE CHUNG SOGS LAS GSUNGS PA LTAR NYES PA LNGA SPONG ZHING, GNYEN PO 'DU BYED BRGYAD BSTEN PA DANG, YID BYED BZHI DANG LDAN PA'I SEMS GNAS PA DGU RIM BZHIN BSGRUBS TE, DGE BA'I DMIGS RNAM GANG RUNG ZHIG LA RTZE GCIG TU BZHAG PAS LUS SEMS SHIN SBYANGS KYI DGA' BA DES DRANGS PA'I ZHI GNAS DANG, YANG DAG STE, BDAG MED PA'I DON LA SO SOR RTOG PA'I SHES RAB KYIS TSUL BZHIN DU DPYOD CING, DPYAD MTHAR RNYED PA'I NGES SHES KYI DON LA MNYAM PAR 'JOG PA'I DPYAD 'JOG ZUNG DU 'BREL BA LA BRTEN NAS BYUNG BA'I LUS SEMS SHIN SBYANGS KYI BDE BAS ZIN PA'I LHAG MTHONG BSGOM PA BCAS DE LTA BU'I ZHI GNAS DANG LHAG MTHONG YA MA BRAL BAR NYAMS SU BLANGS PA LA BRTEN NAS ZHI LHAG ZUNG 'BREL GYI RTOGS PA KHYAD PAR CAN MYUR BA NYID DU RGYUD LA SKYE BAR BYIN GYIS RLOBS SHIG CES GSOL BA BTAB PA'O, ,GNYIS PA SNGAGS PHYOGS KYI SPYOD PA LA SLOB PA'I TSUL LA GSUM, RGYUD SNOD RUNG DU BYAS NAS DBANG BZHI RNAM PAR DAG PA NOS TE RDO RJE'I THEG PA LA 'JUG PA, DBANG DUS KYI KHAS BLANGS PA'I DAM TSIG DANG SDOM PA DAG PAR BYA TSUL, DAM SDOM LA GNAS NAS LAM RIM PA GNYIS BSGOM PA'I TSUL LO, ,DANG PO NI, THUN MONG LAM SBYANGS SNOD DU GYUR PA NA, ,THEG PA KUN GYI MCHOG GYUR RDO RJE'I THEG ,SKAL BZANG SKYE BO'I 'JUG NGOGS DAM PA DER, ,BDE BLAG NYID DU 'JUG PAR BYIN GYIS RLOBS, ,ZHES PA'I SHLOO KA GCIG GSUNGS TE, DE LTAR MDO SNGAGS GNYIS KA LA MED DU MI RUNG BA'I THUN MONG BA'I LAM GYI RIM PA SPYI DANG, KHYAD PAR DU NGES 'BYUNG BYANG SEMS YANG DAG PA'I LTA BA STE LAM GYI GTZO BO RNAM GSUM GYI RGYUD LEGS PAR SBYANGS TE BYANG CHUB KYI SEMS SHUGS DRAG TU SKYES PA SNGON DU SONG NAS GSANG SNGAGS LA 'JUG RUNG GI SNOD DU GYUR PA DE'I TSE NA, 'BRAS BU LAM DU BYED PA SOGS YOD PA'I CHA NAS NYAN THOS DANG RANG RGYAL DANG BYANG CHUB SEMS DPA'I THEG PA KUN GYI MCHOG TU GYUR PA GSANG SNGAGS RDO RJE'I THEG PA LA 'JUG DGOS SHING, RDO RJE'I SKAD DOD BDZRA ZHES PA DBYER MI PHYED PA LA 'JUG PAS NA, RDO RJE NI NGES DON GYI THUGS RDO RJE LTA BU'I TING NGE 'DZIN NAM, THABS BDE BA CHEN PO DANG SHES RAB STONG PA NYID GNYIS DBYER MI PHYED PA'I YE SHES DE NYID YIN LA, THEG PA ZHES PA BZHON PA'I MING STE, RDO RJE'I THEG PA ZHES PA'ANG RDO RJE'I BZHON PA ZHES PA LTA BUR YOD PAS, PHAR PHYIN THEG PAR SANGS RGYAS KYI GO 'PHANG GRANGS MED GSUM GYI YUN LA SGRUB DGOS PHYIR BZHON PA MED PAR RKANG THANG GIS BGROD PA'I TSOD TZAM DU 'GOR BA YIN ZHING, GSANG SNGAGS RDO RJE'I THEG PA LA BRTEN NA DE LTAR MI DGOS PAR ZUNG 'JUG GI GO 'PHANG SNYIGS DUS KYI TSE THUNG GCIG GAM, LO GSUM PHYOGS GSUM TZAM GYI RING LA 'THOB PAR BYED NUS PAS RTA BZANG PO BANG RTZAL CAN ZHON PA LTAR 'TSANG RGYA BA'I THABS HA CANG ZAB CING MYUR LA, NYAN THOS DANG RANG SANGS RGYAS RNAMS KYIS RANG NYID GCIG PU'I ZHI BDE DON DU GNYER BAS GZHAN DON KHUR DU 'KHYER BA'I SKAL BA DMAN PA DANG, BYANG CHUB SEMS DPA' RNAMS KYIS NI RANG BDE YAL BAR DOR NAS, GZHAN DON 'BA' ZHIG LA ZHUGS TE DON GNYIS MTHAR PHYIN PA'I SANGS RGYAS KYI GO 'PHANG SGRUB PA'I SKAL BA BZANG PO DANG LDAN PA YIN PAS, DE LTA'I SKAL BZANG SKYE BO BYANG CHUB SEMS DPA' RNAMS KYI 'JUG NGOGS TE LAM LA 'JUG PA'I SGO DAM PA'AM MCHOG TU GYUR PA GSANG SNGAGS RDO RJE THEG PA'I DBANG BZHI LEGS PAR NOS PAS SKU BZHI'I SA BON THEBS NGES SU BYAS TE GSANG SNGAGS BLA MED RDO RJE THEG PA'I LAM ZAB MO DE LTA BUR BDE BLAG NYID DU 'JUG NUS PAR BYIN GYIS RLOBS SHIG CES PA YIN GSUNGS, GNYIS PA DBANG DUS KYI KHAS BLANGS PA'I DAM TSIG DANG SDOM PA DAG PAR BYA BA'I TSUL NI, DE TSE DNGOS GRUB RNAM GNYIS 'GRUB PA'I GZHI, ,RNAM DA DAM TSIG SDOM PAR GSUNGS PA LA, ,BCOS MA MIN PA'I NGES PA RNYED GYUR NAS, ,SROG DANG BSDOS TE BSRUNG BAR BYIN GYIS RLOBS, ,ZHES PA'I SHLOO KA GCIG GIS BSTAN CING, DE YANG GSANG SNGAGS RDO RJE THEG PA'I SNOD RUNG DU GYUR NAS DBANG BZHI LEGS PAR THOB PA DE'I TSE, MCHOG GI DNGOS GRUB MI SLOB PA'I ZUNG 'JUG RGYAL BA RDO RJE 'CHANG GI GO 'PHANG DANG, RAL GRI, MIG SMAN, RKANG MGYOGS, RI LU, SA 'OG ,MI SNANG BA, BCUD LEN, MKHA' SPYOD KYI DNGOS GRUB BCAS GRUB PA CHEN PO BRGYAD LA SOGS PA'I THUN MONGS GI DNGOS GRUB STE DNGOS GRUB RNAM PA GNYIS GANG LAS SGRUB PA'I GZHI'AM, BRTEN SA LTA BU NI DBANG GI DUS SU GANG KHAS BLANGS PA'I RTZA BA DANG YAN LAG GI DAM TSIG DANG SDOM PA MTHA' DAG RNAM PAR DAG PAR BSRUNG BA NYID YIN PAS, BYANG SEMS KYI RTZA LTUNG BCO BRGYAD DANG, NYES BYAS ZHE DRUG ,GSANG SNGAGS KYI RTZA LTUNG BCU BZHI DANG, SBOM PO BRGYAD, GZHAN YANG RIGS LNGA SPYI BYE BRAG GI DAM TSIG RNAMS TSUL BZHIN BSRUNG DGOS SHING, DE YANG, MI SHES PA, MA GUS PA, BAG MED PA, NYON MONGS MANG BA STE LTUNG BA 'BYUNG BA'I SGO BZHI PO MA BKAG PAR BSRUNG MI NUS, DE DGAG PA'I TSUL NI, LTUNG BA 'BYUNG TSUL RNAMS SHES PA, LAS 'BRAS BSAMS NAS BSLAB PA LA GUS PA, RGYUN DU DRAN PA DANG SHES BZHIN LA GNAS PA, NYON MONGS GANG SHAS CHE BA'I GNYEN PO BSTEN PA RNAMS YIN CING, BYANG SEMS DANG SNGAGS KYI BSLAB BYA'I SKOR RNAMS RJE TZONG KHA PA CHEN PO'I GSUNG BYANG SEMS BSLAB BYA BYANG CHUB GZHUNG LAM DANG, GSANG SNGAGS KYI RTZA LTUNG RNAM BSHAD DNOS GRUB SNYEM SOGS DANG, NYUNG MTHAR SDOM GSUM BSLAB BYA NOR BU'I 'OD 'PHRENG DANG, SNGAGS BYANG SEMS KYI BSLAB BYA'I SDOMS TSIG LTA BU BSLAB BYA RGYAS BSDUS CI LCOGS LAS NGES PAR BYAS TE BSRUNG DGOS, DE LTAR BSRUNGS TE DAM SDOM LA TSUL BZHIN DU GNAS PA ZHIG BYUNG PHYIN CHAD LAM BSKYED RDZOGS BSGOM PA SOGS LA 'BAD PA CHEN PO MA THUB PAR TSE 'DIR SA LAM MTHAR PHYIN PA MA BYUNG YANG, DAM TSIG DANG SDOM PA DAG PAR GYUR PA'I STOBS KYIS SKYE BA BRGYUD MAR SNGAGS SPYOD PA'I RTEN KHYAD PAR CAN 'THOB CING, RDO RJE SLOB DPON MTSAN LDAN DANG MJAL, GSANG SNGAGS KYI LAM NYAMS SU LEN NUS PA SHA STAG TU GYUR TE SKYE BA BDUN NAM, DMA' MTHA'ANG SKYE BA BCU DRUG TSUN CHAD DU NGES PAR 'TSANG RGYA BAR STON PA RDO RJE 'CHANG GIS GSANG BA'I MDZOD KYI RGYUD LAS, DBANG BSKUR YANG DAG SBYIN LDAN NA, ,SKYE DANG SKYE BAR DBANG BSKUR 'GYUR, ,DE YIS SKYE BA BDUN LA NI, ,MA BSGOMS PAR YANG DNGOS GRUB THOB, ,GANG LA BSGOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA 'GRUB, ,SKYE BA GZHAN DU DNGOS GRUB THOB, ,CES DANG, RNAM GROL ZLA BAS, MA BSGOM SGYUR KYANG LTUNG MED NA, ,SKYE BA BCU DRUG DAG NA 'GRUB, ,CES PA DANG, DAM TSIG LNGA PA LAS KYANG, GAL TE LTUNG BA MED GYUR NA, ,SKYE BA BCU DRUG DAG NA 'GRUB, ,CES SOGS GYUD DANG GRUB CHEN DU MAS LAN CIG MA YIN PAR GSUNGS PAS, DE 'DRA'I BKA' BSLU BA MED PA LA BCOS MA MIN PA'I NGES PA'AM YID CHES BRTAN PO GZHAN YIS BSGYUR DU MI BTUB PA'I GTING PHYIN PA RNYED PAR GUR NAS SROG DANG BSDOS ZHES PA DPER NA, MU STEGS PA DANG KLA KLO LTA BU MI BSRUN PA'I SKYE BO SDIG PO CHE ZHIG GIS, KHYOD SDOM PA DAM THIG 'DI TSO MI BSRUNG RGYU KHAS MA BLANGS NA DA LTA RANG GSOD NGES YIN ZHES ZER TE TSUL KHRIMS BLOS MA BTANG NA GSOD PAR THAG CHOD PA ZHIG TU GYUR KYANG, NGAS TSUL KHRIMS 'DI YAL BAR BOR NA KHOS MA BSOD KYANG SKYE BA GTAN GYI 'DUN MA SHI TSAR BA YIN PAS GSON KYANG SHI BA DANG KHYAD PAR MED LA, TSUL KHRIMS BSRUNG NA TSE RABS GTAN DU BDE BAR 'GYUR BAS DE BSRUNG BA'I DON DU DA LTA KHOS GSAD KYANG RUNG STE TSUL KHRIMS BLOS MI GTONG SNYAM DU SROG 'DOR BA DANG TSUL KHRIMS NYAMS PA GNYIS SNGA MA RANG LA 'DAM STE, RANG GIS TSE 'DIR GCES SHOS SU BYED PA'I SROG LAS KYANG DAM TSIG DANG SDOM PA LA GCES SPRAS LHAG PAR DU TSE BAR BYAS TE DAM SDOM TSUL BZHIN DU BSRUNG NUS PAR BYIN GYIS RLOBS ZHES PA'O, ,GSUM PA DAM TSIG DANG SDOM PA LA GNAS NAS LAM RIM PA GNYIS BSGOM PA'I TSUL NI, DE NASGYUD SDE'I SNYING PO RIM GNYIS KYI, ,GNAD RNAMS JI BZHIN RTOGS NAS BRTZON PA YIS, ,THUN BZHI'I RNAL 'BYOR MCHOG LAS MI G-YEL BAR, ,DAM PA'I GSUNG BZHIN SGRUB PAR BYIN GYIS RLOBS, ,ZHES PA'I SHLOO KA GCIG STE, DE LTAR DAM SDOM LA GNAS PA'I 'OG TU JI LTAR BYA DGOS SNYAM NA, RGYAL BA'I DBANG PO BSKAL BZANG RGYA MTSOS, LAR SKYE 'CHI BAR DO GANG LA YANG, ,DUS DA LTA'I BAG CHAGS GTZO CHE BAS, ,DE SPYOD BYED BSKYED RDZOGS RNAL 'BYOR GYIS, ,SKYABS SKU GSUM RANG NGO SHES BAR MDZOD, ,CES GUNGS PA BZHIN SNGAR BSHAD PA DE LTA BU'I GSANG SNGAGS KYI DAM TSIG DANG SDOM PA MTHA' DAG TSUL BZHIN DU BSRUNG BA'I THOG NAS, RGYUD SDE RGYA MTSO'I SNYING PO, THA MAL GYI GNAS LUS LONGS SPYOD PHUNG KHAMS SKYE MCHED SOGS LA RANG GA BAR 'DZIN PA'I THA MAL GYI SNANG ZHEN DANG, SKYE SHI BAR DO THA MAL PA RNAMS KYANG RGYAL BA'I SKU GSUM DU 'KHYER BAS MTSON TE, GANG SHAR SNANG GRAG RIG GSUM GZHAL YAS KHANG DANG LHA DANG BLA MA'I SGYU 'PHRUL DAG PA RAB 'BYAMS 'BA' ZHIG TU 'CHAR BAR BYED PA'I LAM BSKYED PA'I RIM PA DANG, RTZA RLUNG BSGOM PA TZAM LA CHED CHER BYAS TE GTUM MO PHAL PA 'BAR BA TZAM DANG, SEMS GSAL RIG GI NGO BO MTHONG BA TZAM LA LAM MTHON BOR 'KHRUL BA LTA BU MA YIN PAR, KUN RTOG LAS RLUNG GI RGYU BA MTHA' DAG DBU MA'I NANG DU ZHUGS GNAS THIM GSUM BYAS PA LAS BYUNG BA'I GNYUG SEMS 'OD GSAL LHAN CIG SKYES PA'I YE SHES KYI MTHUS GANG SNANG BDE STONG GI ROL BAR 'CHAR BA'I RNAL 'BYOR SOGS YANG DANG YANG DU GOMS PA'I MTHAR, SKU THUGS ZUNG 'JUG KHYAB BDAG RDO RJE 'CHANG GI GO 'PHANG MNGON DU BYED PA'I LAM RDZOGS PA'I RIM PA STE RIM PA GNYIS KYI LAM LA LEGS PAR SLOB PA ZHIG DGOS PAS, DE DAG JI LTAR NYAMS SU LEN TSUL GYI GNAD DON RNAMS PHYIN CI MA LOG PAR RGYUD DANG GRUB CHEN GYIS BKRAL BA'I DGONGS PA JI LTA BA BZHIN DU LEGS PAR RTOGS NAS, BRTZON PA STE BRTZON 'GRUS THANG LHOD RAN PAR RGYUN MI 'CHAD DU BSTEN PA YIS, THO RANGS DANG, SNGA DRO, PHYI DRO, SROD KYI THUN TE THUN BZHI'I RNAL 'BYOR GYI NYAMS LEN LA MCHOG TU SPYOD PA NYID LAS DUS RTAG TU MI G-YEL BA'AM MI 'DA' BAR 'BAD CING, DE YANG RMONGS ZHEN GYIS BCOS PA'I RANG BZO'I RDZUN CHOS DANG, LAM LOG LAM GOL, BON DANG MU STEGS SOGS KYI BSLAD PA MA ZHUGS PAR, DAM PA ZHES PA, NAM YANG MI SLU BA'I SKYES BU TSAD MA, THUN PA SANGS RGYAS BCOM LDAN 'DAS LA BYED PAS, DE'I GSUNG RAB LAS BYUNG BA'I MAN NGAG JI LTA BA BZHIN DU SGRUB NUS PAR GSOL BA BTAB PA YIN GSUNGS, RTZA BA'I GSUM PA LAM SGRUB PA'I MTHUN RKYEN 'GRUB PA DANG 'GAL RKYEN ZHI BAR GSOL BA 'DEBS PA NI, DE LTAR LAM BZANG STON PA'I BSHES GNYEN DANG, ,TSUL BZHIN SGRUB PA'I GROGS RNAMS ZHABS BRTAN CING, ,PHYI DANG NANG GI BAR DU GCOD PA'I TSOGS, ,NYE BAR ZHI BAR BYIN GYIS BRLAB TU GSOL, ,ZHES PA'I SHLOO KA GCIG GSUNGS, DE YANG LAM LA PHYIN CI MA LOG PA DANG, LAM GOL BA DANG, LAM NOR BAR SHOR BA SOGS BZANG NGAN SNA TSOGS YOD CING, RANG CAG GIS NYAMS SU BLANG BYA'I LAM DE LAM BZANG PO MA NOR MA 'KHRUL BA ZHIG LA MA ZHUGS NA, 'KHRUL BA'I LAM PHYIN CI LOG CIG LA LO STONG DU SGRUB PA BYAS KYANG 'BRAS BU BZANG PO MA 'KHRUL BA 'BYUNG BA GTAN NAS MI SRID LA, DE DAG KYANG RGYAL MCHOG LNGA PA CHEN POS, GUR KUM TSOS KYIS BTZOS PA'I LVA BA'I ZHVAS, ,RANG RIGS BSTAN PA ZIN NA CHES LEGS KYI, ,PHA MAS LUNG DANG RTOGS PA'I KHYAD NOR TSOGS, ,RNAM G-YENG RKUN POR SHOR BA'I LAG STONG MANG, ,ZHES GSUNGS PA LTAR BKA' RNYING SOGS DANG DGE LUGS KYI KHYAD PAR ZHVA DMAR SER TZAM GYIS 'BYED NA MA GTOGS, GZHAN MA'I LUNG RTOGS KYI BSTAN PA'I ZAB KHYAD 'DON RGYU MED NA, DGE LDAN PA'I ZHABS DRANGS PA YIN PAS, DE LTAR MA SONG BAR 'JAM MGON TZONG KHA PA CHEN POS DKA' BA BRGYA PHRAG DU MAS THUB BSTAN YONGS SU RDZOGS PA LA BSREGS BCAD BRDAR BA'I GSER BZHIN DU DAG THER LEGS PAR MDZAD PA'I RING LUGS GSER ZHUN MA LTA BU 'DI 'DRA DANG DA RES LAN CIG TZAM MJAL BA 'DIR MJAL GO CHOD PA BYED DGOS PAS NA, LTA SPYOD RNAM PAR DAG PA'I RANG LUGS KYI BSHES GNYEN TSAD LDAN BSTEN CING, GZHUNG CHEN BKA' POD LNGA LA THOS BSAM MTHIL PHYIN PA BYAS TE BDEN GNYIS KYI RNAM GZHAG PHYIN CI MA LOG PAR GTAN LA 'BEB, LAM THABS SHES YA MA BRAL BAR NYAMS SU LEN TSUL LA SGRO 'DOGS GCOD TSUL SHING RTA CHEN PO'I BZHED SROL DRI MA MED PAR RJE BLA MA YAB SRAS RJES 'BRANG BCAS KYIS LEGS PAR BKRAL BA'I GZHUNG LUGS SNYAN BRGYUD KYI MAN NGAG DANG BCAS PA LEGS PAR NOS TE THOS BSAM SGOM GSUM YA MA BRAL BA ZHIG BYUNG NA, 'BRAS BU BZANG PO SANGS RGYAS KYI SAR 'GRO BA LAS GZHAN DU 'KHYOGS MED PAS LAM BZANG PO ZHES PA DE LTA BU LA BYA DGOS, DES NA GONG DU ZHUS ZIN PA LTAR GYI MDO SNGAGS ZUNG 'BREL GYI LAM BZANG PO NYAMS SU LEN PA'I MTHUN RKYEN BLO LAS SU RUNG BA SOGS DANG, KHYAD PAR LAM DE STON PAR MDZAD PA'I BLA MA DGE BA'I BSHES GNYEN DANG, DES JI LTAR BSTAN PA'I DON MTHA' DAG TSUL BZHIN SGRUB PA'I CHOS MTHUN GYI GROGS TSAD LDAN RNAMS ZHABS ZUNG RDO RJE'I RANG BZHIN DU BRTAN CING, 'GAL RKYEN GYI GTZO BO PHYI'I BAR GCOD RGYAL PO CHOS BZHIN DU MI SPYOD CING, GZHAN YANG CHOS BYED LA DGRA LDANG BA SOGS CHOS LAM DU MI GTONG BA DANG, NANG GI BAR CHAD LUS LA NAD DANG GDON SOGS KYIS GTZES SHING, RANG GI RGYUD DGE BA LA BKOL DU MI RUNG BAS MTSON TE PHYI NANG GI BAR DU GCOD PA'I TSOGS MTHA' DAG NYE BAR ZHI BAR BYIN GYIS BRLAB TU GSOL, ZHES GSOL BA BTAB PA YIN, 'DI DANG GONG DU BSHAD PA RNAMS KYI DMIGS RIM DANG, BDUD RTZI 'BEB SBYANG BYA TSUL SOGS MAN NGAG GI GNAD MANG DU YOD PA RNAMS LAM RIM GYI DMAR KHRID RGYAS PA'I SKABS LTAR SHES DGOS PA YOD GSUNGS, BZHI PA SKYE BA THAMS CAD DU BLA MAS RJES SU GZUNG STE SA LAM GYI 'BRAS BU MNGON DU BYED NUS PAR SMON PA NI, SKYE BA KUN TU YANG DAG BLA MA DANG, ,'BRAL MED CHOS KYI DPAL LA LONGS SPYOD CING, ,SA DANG LAM GYI YON TAN RAB RDZOGS NAS, ,RDO RJE 'CHANG GI GO 'PHANG MYUR THOB SHOG ,CES PA'I SHLOO KA GCIG GIS BSTAN, DE YANG SKYE BA 'DI DANG SKYE BA GZHAN KUN TU, YANG DAG PA STE DGE BA'I BSHES GNYEN MTSAN NYID DANG LDAN PA BLA MA BLO BZANG THUB DBANG RDO RJE 'CHANG CHEN PO DANG DUS SKAD CIG KYANG 'BRAL BA MED PAR, MDO SNGAGS SAM, LTA SPYOD KYI GDAMS PA ZAB CING RGYA CHE BA'I CHOS KYI DPAL 'BYOR LA NGOMS PA MED PAR LONGS SPYOD CING, BLA MAS JI LTAR BSTAN PA LTAR GYI LAM GYI RIM PA RNAMS NYAMS SU BLANGS PA LA BRTEN NAS SA BCU DANG LAM LNGA'I YON TAN MA LUS PA RAB BAM MCHOG TU GYUR PA STE LEGS PAR RDZOGS NAS, BLA MA BLO BZANG THUB DBANG RDO RJE 'CHANG GI GO 'PHANG TSE 'DI NYID DAM, DMA' MTHA' SKYE BA BDUN NAM, BCU DRUG NAS MA 'GYANGS PAR MYUR DU THOB PA'I SKAL BA CAN DU 'GYUR BAR SHOG CIG , CES SMON LAM BTAB PA STE, SKYE BA KUN TU SOGS KYI TSIGS BCAD 'DI YON TAN GZHIR GYUR MA'I MJUG GI BKA' RTZOM MIN YANG, RANG RES BSNGO SMON BYA SA'I YUL LA, DGE BA 'DI YIS SKYE BO KUN, ,ZHES SOGS LTA BU SANGS RGYAS 'THOB PA'I RGYUR BSNGO BA, RGYAL SRAS SMON LAM GANGG'A'I KLUNG RNAMS NI, ,ZHES SOGS LTA BU BSTAN PA RGYAS PA'I RGYUR BSNGO BA, STON PA BLA NA MED PA'I BSTAN PA DANG, ,ZHES SOGS LTA BU BLA MAS RJES SU 'DZIN PA'I RGYUR BSNGO BA STE GSUM LAS, BLA MAS RJES SU BZUNG NA SNGA MA GNYIS RANG SHUGS KYIS 'ONG BAS NA, 'DIR PHYI MA LTAR BYED PA BSNGO SMON GYI SDOMS CHEN PO YIN PAS, RANG PHYOGS KYI MKHAS GRUB GONG MA MANG PO'I GSUNG RGYUN PHYAG BZHES LTAR MJUG THOGS 'DIR SBYAR NAS BSHAD PA YIN GSUNGS, DE LTAR 'JAM MGON TZONG KHA PA CHEN PO'I THUGS BCUD, CHOS PHUNG BRGYAD KHRI BZHI STONG GI YANG SNYING RJEN PAR PHYUNG BA LTA BU TSIG NYUNG LA DON 'DUS PA'I GDAMS PA KHYAD PAR DU 'PHAGS PA BYIN RLABS SPUNGS ZHUS SU GRAGS PA'I BSHAD PA SA BCAD MA STONGS TZAM LEGS PAR PHUL ZIN PA YIN PAS, BLO GROS MCHOG DMAN TSANG MAS, SNGAR GONG DU ZHUS PA LTAR RJE BLA MAS BYANG RVA SGRENG RGYAL BA'I DBEN GNAS KYI DGON PA GONG DU LAM MCHOG SGO 'BYED DANG YON TAN GZHIR GYUR MA 'DI BKA' RTZOM DANG GSOL 'DEBS MDZAD PAS LAM RIM BLA MA BRGYUD PA YONGS RDZOGS KYI ZHAL GZIGS, BYANG CHUB LAM RIM GYI BSTAN PA NYIN MO LTAR GSAL BAR MDZAD PA SOGS BSTAN 'GRO'I DON RLABS PO CHE GNANG RGYU'I RTEN 'BREL GYI SGO MANG PO BYE STE 'PHRIN LAS NAM MKHA' DANG MNYAM PAR BYUNG BA'I RNAM THAR GYI RJES SU 'BRANGS NAS BYANG CHUB LAM GYI RIM PA'I BSTAN PA RANG GZHAN GYI RGYUD LA RGYAS PAR MDZAD PA'I PHYIR DU SBYOR CHOS DANG DGA' LHA SOGS KYI SGO NAS BSAGS SBYANG GSOL 'DEBS NAN TAN BYED PA SNGON DU BTANG, NYUNG MTHA' YANG GZHUNG 'DI TZAM GYI TSIG DON LA 'DRIS PAR BYAS TE, BSHAR SGOM GYIS BAG CHAGS 'JOG PA TSUN LA NAN TAN DU 'BAD PA DANG, THU'U BKVAN CHOS KYI NYI MA'I GSUNG LAS, THOS RGYU'I CHOS DE GANG, DE THOS PA'I TSUL JI LTAR ZHE NA, CHOS NI BLANG DOR GYI GNAD LA TSAD MAR GYUR PA SANGS RGYAS NYAG GCIG YIN PAS DES GSUNGS PA'I MDO RGYUD NAS BSHAD PA'I NYAMS LEN GYI GNAD MA TSANG BA MED PAR STON PA JO BO'I LAM SGRON DANG, DE'I DGONGS 'GREL LAM RIM CHE CHUNG LTA BU SOGS LA THOS PA BYA YI, GZHAN DU NA SA LAS THON PA SKAD DANG, GNAM LAS BABS PA SKAD DANG, PHA MES KYI SNYAN BRGYUD NAS BYUNG BA SKAD PA'I SHOG DRIL CHANG CHUNG TZAM 'PHRAL DU THOS NAS SHES KYANG PHUGS SU BSLU BA'I CHOS CAN LAS MA 'DAS PAS DE'I RGYU MTSAN GYIS MID LA DANG, KHYUNG PO SOGS TSAD LDAN GYI SKYES BU DAM PA GONG MA 'GA' ZHIG GIS KYANG DANG POR DE LTA BU'I CHOS LTAR SNANG RE GSAN KYANG RJES SU KHYI LUD LTAR DOR NAS 'TSANG RGYA BA'I CHOS LOGS SU 'TSOL DGOS BYUNG BA YIN NO, ,ZHES DANG, LCANG SKYA ROL PA'I RDO RJE'I ZHAL NAS, SNGON BYON PA'I SANGS RGYAS BGRANG YAS KYIS, ,CHOS ZAB DGU MANG DU GSUNGS LAGS KYANG, ,RJE THUB PA'I DBANG PO'I GSUNG RAB KUN, ,DON MA TSANG MED PAR GCIG BSDUS PA, ,BLO MCHOG DMAN KUN LA PHAN PA'I CHOS, ,LTA SGOM DANG SPYOD PA MA 'KHRUL BA, ,KHONG BLO BZANG GRAGS PA'I LEGS PAR BSHAD, ,GZHUNG BYANG CHUB LAM RIM LAS GZHAN GANG, ,DE NYAMS LEN MDZOD CIG SKAL LDAN DAG ,CES PA DANG, GUNG THANG BSTAN PA'I SGRON MES KYANG, SEMS DE LTAR CHOS LA 'KHRUL BA NA, ,CHOS ZAB MO'I SGRA CAN MANG NA YANG, ,MGON DUS GSUM RGYAL BA'I THUGS KYI BCUD, ,RJE BLO BZANG RGYAL BA'I RING LUGS MCHOG ,CHOS MDO SNGAGS BSHAD SGRUB ZUNG 'BREL GYI, ,LAM NGO BO GRANGS DANG GO RIM SOGS, ,GNAD TSANG LA MA NOR YONGS RDZOGS LA, ,DUS NYIN BZHIN BAG CHAGS CI THEBS KYIS, ,BSHAR SGOM LA NYAMS LEN DNGOS GZHIR BYAS, ,DE'I SBYOR DANG MJUG GI RIM PA YANG, ,RJE BLA MA'I BKA' BZHIN LEGS BSGRUB STE, ,DAL 'BYOR LA SNYING PO LEN PAR 'TSAL, ,ZHES SOGS GSUNGS PA LTAR RJE YAB SRAS RJES 'BRANG DANG BCAS PA'I GSUNG DU MDO SNGAGS LAM GYI RIM PA RGYAS 'BRING BSDUS GSUM JI 'DRA ZHIG DGOS KYANG RIN PO CHE'I ZA MA TOG KHA PHYE BA LTAR LAG MA THOGS PA YOD PAS, GZHAN GYIS CHOS SKAD ZAB ZAB MOR SGROGS PA'I SNYING PO MED PA'I STONG 'UR LA 'GRAM CHU MI LDANG BAR, RANG LUGS KYI MKHAS GRUB DU MA'I GZHUNG MAN NGAG DANG BCAS PAR THOS BSAM SGOM GSUM GYI SGO NAS LAM RIM LA RTZOL BCAS RTZOL MED KYI MYONG BA LEGS PAR BTON, NGES 'BYUNG BYANG SEMS YANG DAG PA'I LTA BA, LAM RIM PA GNYIS DANG BCAS PA'I NYAMS MYONG KHYAD PAR CAN RANG RANG GI RGYUD LA RIM BZHIN BSKYED NAS, DA RES DAL 'BYOR GYI RTEN BZANG LAN CIG RNYED PA'I SKABS 'DIR DON MED DON CHUNG STONG LOG TU MA SHOR BAR MKHA' KHYAB KYI 'GRO BA DRIN SHIN TU CHE BA'I MA RGAN NYAM THAG PA'I SEMS CAN RNAMS KYI DON DU ZUNG 'JUG RDO RJE 'CHANG GI GO 'PHANG RIN PO CHE DUS RING POR MI THOGS PAR 'THOB PA'I THABS LA 'BAD DE DAL BA'I RTEN LA SNYING PO MCHOG TU LON PA ZHIG NGES PAR MDZAD DGOS PA YIN GSUNGS, RGYAL KUN BGROD PA GCIG GYUR DRI MED LAM, ,BU RAM SHING PA'I GSUNG RAB GCES RGU'I MDZOD, ,RGYAL TSAB MI PHAM MGON DANG 'JAM PA'I DBYANGS, ,LAS 'ONGS ZAB MO'I LTA DANG RGYA CHE'I GZHUNG, ,KLU SGRUB YAB SRAS THOGS MED MCHED LA SOGS, ,SNGON MED SHING RTA CHE LAS LEGS BRGYUD PA, ,LHA GCIG PHUL BYUNG ZHABS DANG 'BROM STON RJE'I, ,DRIN LAS GANGS CAN 'GRO BA'I DPAL DU THOB, ,LO PAn MKHAS GRUB DU MA'I DKA' BA BRGYAS, ,'PHAGS YUL BKA' BSTAN BYE SNYED GANGS LJONGS 'DIR, ,DAR BA'I SROL BZANG SPEL BA RING ZHIG NAS, ,MI MKHAS BSLAD PAS 'GRIB LA MNGON DU PHYOGS, ,DE TSE 'JAM DPAL DBYANGS DNGOS TZONG KHA PAS, ,THUB BSTAN YONGS RDZOGS MDO SNGAGS LAM RIM GYI, ,SHING RTA'I SROL CHEN GSAR DU PHYE BA'I TSE, ,THAR 'DOD SKYE RGU YONGS LA SKAL BZANG BYIN, ,KHYAD PAR GSUNG RAB KUN GYI SNYING PO ZHES, ,BSNGAGS PA DON LDAN MCHOG 'BRING DMAN PA'I BLOR, ,'TSAMS PA DE KO YANG DAG LAM STON BSHES, ,BLANG DOR MA NOR LTA BA'I MIG KYANG YIN, ,ZAB RGYAS LAM GYI RIM PA'I GNAD BSDUS 'DI, ,MDO RGYUD ZLA MED SMRA BA'I DRANG SRONG CHE, ,KHYAB BDAG BDE CHEN SNYING PO PHA BONG KHA'I, ,DRUG CU'I DBYANGS LDAN DPAL GYI MGUR LAS THON, ,DE PHYIR LEGS BSHAD ZLA BA'I MA MA 'DIS, ,THUB BSTAN DBANG GI RGYAL PO'I MDZOD BZUNG STE, ,DGA' LDAN LUGS 'DZIN KLU DBANG BYE BA'I SHUGS, ,MKHA' MNYAM PHAN BDE'I DPYID DU DAR GYUR CIG ,CES YON TAN GZHIR GYUR MA'I GSUNG BSHAD KYI BRJED BYANG MDOR BSDUS SU BKOD PA 'DI YANG, KHYAB BDAG 'KHOR LO'I MGON PO BKA' DRIN MNYAM MED RJE PHA BONG KHA PA RDO RJE 'CHANG CHEN PO'I ZHAL SNGA NAS KYIS, CHU SPREL HOR ZLA BZHI PA'I TSES NYER GNYIS NYIN DBEN GNAS BKRA SHIS CHOS GLING DU, 'GO LOG BLA MA 'JAM DPAL ROL PA'I BLO GROS DPAL BZANG PO DANG, ZHOL KHANG SRAS GANGS GI'U SPRUL SKU RIN PO CHE SOGS SKAL LDAN GYI TSOGS PA SUM CU SKOR LA, BDE MCHOG DRIL BU LUGS PHYI DKYIL LHA LNGA SOGS KYI DBANG BKA' 'GA' SHAS SHIG GNANG BA'I SNGON DU 'DI'I BSHAD LUNG ZHUS STZAL DANG, SKABS GZHAN DU RDO RJE 'CHANG NYID KYI DRUNG NAS ZAB KHRID MDOR BSDUS 'GA' TZAM NOS PA'I RANG NYID KYI DRAN GSO'I BRJED THO NYUNG NGU RE BTAB YOD PA RNAMS SLAD PHYOGS SGRIGS BGYID 'DUN THOG ,BLO BZANG RGYAL BA'I DBANG PO'I BSTAN PA BSTAN 'DZIN BLA MA SLOB BRGYUD DANG BCAS PA LA MI PHYED DAD DAM ZLA MED RDO RJE'I LHUN PO LTAR BRTAN PA'I YON GYI BDAG MO CHEN MO LHA LCAM SKU NGO G-YANG 'DZOMS TSE RING MCHOG NAS, ZIN BRIS 'DI NYID SPAR BRKO ZHU RGYUR MA DPE 'PHRAL THON DGOS TSUL GYI BSKUL MA NAN CHER GNANG BAR, GZHAN LA ZHU DAG GZIGS 'BEB SOGS NYI 'PHRUL ZLA 'PHUL GYI YUN BGYANGS MA SPOBS PAR, RANG MNYAM BLO DMAN DAG LA'ANG PHAN 'DOD KYI BSAM PAS ZIN THO KHAG DANG, RANG BLOR RE ZUNG NGES PA RNAMS LAS SNYING PO'I CHA MTHA' DAG BREL RTAB KYIS LEGS PAR BTUS TE, 'DAN GRVA DGE MING PA BLO BZANG RDO RJES MA SPREL DBO ZLA'I MAR GYI MKHA' 'GRO 'DU BA'I DUS BZANG POR YAB GZHIS LHA KLU DGA' TSAL BA'I PHO BRANG DU MJUG GRUB PAR BYAS PA, RGYAL BA GNYIS PA TZONG KHA PA CHEN PO'I MDO SNGAGS KYI BSTAN PA'I SNYING PO DRI MA MED PA RANG GZHAN YONGS KYI RGYUD LA RGYAS PAR BYED NUS PA'I RGYUR GYUR CIG , ,,` DAD GTONG RAB YANGS SBYIN PA'I BDAG MO CHE, ,G-YANG 'DZOMS TSE RING GIS BSKRUN RNAM DKAR MTHUS, ,SA LAM BGROD PA RAB MYUR SHING RTA'I SHUGS, ,ZUNG 'JUG GDOD MA'I RGYAL SAR MYUR 'GOD SHOG , ,,DGE LEGS 'PHEL,, ,,