,DPAL GSANG BA 'DUS PA'I SGO NAS RAB TU GNAS PAR BYED PA'I CHOG MDOR BSDUS PA BZHUGS SO,, @001 #, ,RAB GSAL LI KHRI'I MDOG CAN RIN CHEN RGYAN, ,RAB MDZES LHA BRGYA'I COD PAN 'JAM DBYANGS LA, ,RAB TU GUS PA'I YID KYIS PHYAG 'TSAL NAS, ,RAB GNAS MDOR BSDUS MKHAS PA'I GSUNG BZHIN BRI, ,DPAL LDAN GSANG BA 'DUS PA'I SGO NAS RAB TU GNAS PAR BYED PA'I CHO GA RGYAS 'BRING BSDUS GSUM LAS, 'DIR NI, MDOR BSDUS PA TZAM ZHIG BSHAD PAR BYA STE, DE YANG SBYIR NI, RAB GNAS MA BYAS KYANG SKU GSUNG THUGS KYI RTEN GRUB TZAM NAS PHYAG DANG MCHOD PA'I YUL DU 'OS TE, BSHES SPRINGS LAS, JI LTAR BDE GSHEGS SKU GZUGS SHING LAS KYANG, ,BGYIS PA CI 'DRA'ANG RUNG STE MKHAS PAS MCHOD, CES DANG, YUM GYI GLEGS BAM LA SOGS PA GRUB TZAM NAS MCHOD PA'I GNAS @002A *, ,SU BSHAD PA'I PHYIR DANG, PHAR PHYIN THEG PA NAS DE BZHIN GSHEGS PA'I SKU GZUGS BZHENG BA DANG MCHOD PA SOGS BYAS PAS, PHAN YON THOB PAR GSUNGS KYANG RAB GNAS MA BSHAD PA'I PHYIR RO, ,'ON KYANG SBYIN BDAG LA SOGS PA'I BSOD NAMS SPEL BA'I PHYIR DU RAB GNAS GSUNGS TE, RAB GNAS KYI RGYUD LAS, SKYE BO RAB TU DAD PA YIS, , BYED PA'I DGE BA SPEL BA'I PHYIR, ,RAB GNAS BSTAN BCOS LAS GSUNGS PA, ,THA SNYAD TZAM DU BYAS PA YIN, ZHES SO, ,'O NA GNAS GANG DU RAB TU GNAS PAR BYA ZHE NA, BKRA SHIS SHING YID DANG MTHUN BA'I GNAS SU BYA'O, ,DUS TSOD TSES GRANGS GZA'I SKAR BYED PA SBYOR BA SOGS JI LTA BU LA BYA ZHE NA, DPYID ZLA RA BA DPYID ZLA 'BRING, ,DGUN DANG DPYID KYI THA CHUNG NGAM, ,DBYAR RA DE BZHIN DBYAR 'BRING PO, ,NYI MA BYANG DU GNAS PA YI, ,DKAR PO'I PHYOGS KYI GNYIS PA'AM, ,DE BZHIN DE LTAR GSUM PA'AM, ,GANG TSE GZA' DANG CHOS MTHUN NA, ,NAG PO'I PHYOGS @002B LA'ANG BRTZAM PAR BYA, ,GANG CHE THAMS CAD MTHUN GYUR NA, ,MI RNAMS YUN DU 'PHEL BAR BYED, ,BCO LNGA DE BZHIN BRGYAD PA DANG, ,BCU GSUM PA YANG DE BZHIN NO, ,GNAM STONG DANG NI DE BZHIN DU, ,BCU PA LA YANG BYA BA YIN, ,THAMS CAD DU NI CHU STOD DANG, ,SNAR MA DE BZHIN GRO BZHIN DBO, ,LAG DANG SNUBS DANG SNRON DANG NI, ,RGYAL DANG CHU SMAD DE BZHIN NO, ,KHRUMS SMAD DAG KYANG DE BZHIN NO, ,RGYU SKAR 'DI RNAMS THAMS CAD DU, ,SKYE DGU 'PHEL ZHING DE YIS NI, ,RAB TU GNAS PA MCHOG TU BYED, ,SKAR MA DBO LA RAB GNAS BYA, ,DES NI SHES RAB CHEN POR 'GYUR, ,YID LA 'DOD PA CI YANG RUNG, ,DNGOS GRUB ME BZHIS STER BAR 'GYUR, ,LUNG LAS BSHAD PA'I YANG DAG PA, ,SNUBS SAM YANG NA GRO BZHIN GYIS, ,LAG GIS SKAL BZANG SNAR MAS NI, ,GZHAN DAG LAS NI RGYAL BAR BYED, ,MGO YIS NYE BAR ZHI BA STE, ,CHU STOD CHU SMAD BU 'PHEL 'GYUR, ,RTAG PAR DNGOS GRUB KHRUMS SMAD KYIS, ,RGYAL GYIS RTAG PAR TSE RING 'GYUR, ,SNRON GYIS MCHOG TU BDE BAR BYED, ,LHA MTSAMS KYIS NI MCHOG STER 'GYUR, ,PHUR BU LHAG PA PA WA SANGS ZLA BA'I GZA' SOGS SHES BYAS TE, ,'DI RNAMS BZANG LDAN LA BYAS NA, ,RAB TU GNAS PA MCHOG TU DGE ,GSUM PA DRUG PA BDUN PA DANG, ,BCU DANG BCU GCIG LA ZLA BA, ,GNYIS PA BZHI PA DE BZHIN BNAB? @003A *, ,BCU DANG BCU GCIG RNAMS LA LHAG ,GNYIS DANG BDUN DANG DE BZHIN DGU, ,DE BZHIN PHUR BU BCU BZHI PA, ,DUS SBYOR BZHI PA LA BRTEN NAS, ,DE LA LHAG PAR GNAS PAR BYA, ,DRUG BDUN BCU PA DOR BA YI; PA WA SANGS NYID DGE BA YIN, ,DE LTAR GZA' RNAMS THAMS CAD KYI, ,STOBS LDAN MI LDAN SHES PAR BYA, ,GANG TSE ZHI BA'I GZA' RNAMS DANG, ,ZHI RNAMS DGE BZHI BA YIN, ,DANG PO GSUM PA BDUN PA NI, ,NOR RNAMS 'JOMS PAS SPAR BAR BYA, ,RJES SU MTHUN PAR BYED PA PO, ,SKAD CIG GCIG LA YONGS GRUB CING, ,JI LTAR GSUNGS BZHIN KUN BYAS NA, ,RAB TU GNAS PA MCHOG 'GYUR ZHING, ,'KHOR LOS SGYUR RGYAL DBANG PHYUG NI, ,THOB 'GYUR 'DIL THE TSOM MED, CES GSUNGS SO,, RTEN GANG LA RAB GNAS BYA ZHE NA, SKU GSUNG THUGS KYI RTEN DANG GTZUG LAG KHANG DANG, RDOR DRIL DANG SKYED MOS TSAL LA SOGS PA'O, ,'DI LA SDOMS NI, BDAG BSKYED GSOL GDAB SEMS BSKYED DE, ,RTEN BSKYED KHRO BO SPYAN DRANGS NAS, ,MCHOD BSTOD SPYANG PA'I RIM PA DANG, ,KHAS RIM GNAS GSUM BYIN GYIS BRLAB, ,YE SHES SPYAN DRANGS MCHOD NAS NI, ,GSOL GDAB DAM TSIG PA LA GZHUG ,DBANG LHA SPYAN DRANGS MCHOD NAS NI, ,DBANG BSKUR RIGS BDAG GIS RGYAS GDAB, ,MCHOD BSTOD SPYAN DBYE GZUGS BSGYUR BYA, ,CHU BZHI NYER SPYOD 'DOD YON SOGS, ,SHIS BRJOD BRTAN BZHUGS @003B BZOD PAR GSOL, ,CHOS SKYONG YON BDAG BSGO BA'O, ,DANG PO BDAG BSKYED NI, YID KYI ROL PA DRIL MED ZLA 'DRAS BSGRUBS, ZHES PA NAS, SEMS NI BYANG CHUB DAM PAR BSKYED PAR BGYI, ,AOm SH'U N+YA T'A SA STONG PA NYID DU GYUR, STONG PA'I DANG LAS SNA TSOGS PADMA DANG NYI MA'I STENG DU H'Um LAS RDO RJE, DE YONGS SU GYUR PA LAS, RANG NYID ZHE SDANG RDO RJE SKU MDOG MTHING NAG NAG DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN, MTSAN BZANG PO SO GNYIS DANG, DPE BYANG BZANG PO BRGYAD CUS BRGYAN PA, YUM REG BYA RDO RJE MA SNGON MO SDE DKAR DMAR BA'I ZHES PA NAS, RAL GRI 'DZIN PA DBU SKRA RAL PA PHYED BCINGS SU BYAS PA, ZHES PA NAS, PHAN TSUN DU 'KHYUD PA, GNYIS KA'ANG RIN PO CHE'I DBU RGYAN GSOL BA, ZHES PA NAS, SHAM THABS 'PHYAR BA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, ` DE NAS LAG TU ME TOG THOGS, YON TAN DRAN PA'I SGO NAS, GANG 'DI BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA @004A *, ,NA MED PA, LHA DANG MI RNAMS KYI STON PA SANGS RGYAS BCOM LDAN 'DAS TE, RGYU DANG 'BRAS BU'I DGOS PA PHUN SUM TSOGS PA DANG LDAN PA, CHOS THAMS CAD THUGS SU CHUD PA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,GANG 'DI BCOM LDAN 'DAS KYI BYANG CHUB KYI PHYOGS KYI CHOS SUM CU RTZA BDUN DANG YANG DAG PAR LDAN PA, STOBS BCU DANG, MI 'JIGS PA BZHI DANG, MA 'DRES PA'I DRAN PA NYE BAR GZHAG PA GSUM DANG, THUGS RJE CHEN PO LA SOGS PA MDOR NA SLOB PA DANG MI SLOB PA'I SANGS RGYAS SU BYED PA'I CHOS RNAMS DANG LDAN PA, DE'I SKYON GYI NYES PA THAMS CAD DANG BRAL ZHING BDE BAR GSHEGS PA'I YON TAN GYI CHOS TSAD MED PA DANG LDAN PA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,GANG 'DI BCOM LDAN 'DAS KYI BLA NA MED PA'I TSUL KHRIMS LA SOGS PA'I PHUNG PO LNGA DANG YANG DAG PAR LDAN PA, CHO 'PHRUL GSUM DANG TING NGE 'DZIN GSUM DANG TSANGS PA'I GNAS PA BZHI DANG BSAM GTAN BZHI DANG 'PHAGS PA'I BDEN PA BZHI DANG YANG DAG PAR LDAN PA, DE'I YANG DAG PA PHYIN CI MA LOG PA'I YE SHES DANG, SHES BYA'I YUL THAMS CAD BRNYES PAS NYON MONGS PA LA SOGS PA RNAMS MA LUS PAR SPANGS PA DANG, BDUD BZHI LAS RAB TU RGYAL BA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,GANG 'DI BCOM LDAN 'DAS KYIS PHA ROL TU PHYIN PA DRUG YONGS SU RDZOGS @004B PA DANG, BSOD NAMS DANG YE SHES KYI TSOGS YANG DAG PAR BSAGS PA DANG, SKYES BU CHEN PO'I MTSAN SUM CU RTZA GNYIS KYIS YANG DAG PAR BRGYAN PA DANG, DPE BYANG BZANG PO BRGYAD CUS RNAM PAR MDZES PA DANG, SKYES BU CHEN PO'I SKU BLTA BAS CHOG MI SHES PA DANG, MTHONG NA MI MTHUN PA MED PA STE, DE'I GZUGS KYI SKU'I 'BYOR PA MTHAR THUG PA 'GRO BA MA LUS PA'I RTZA LAG TU GYUR PA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, , ZHES BRJOD LA RTEN LA ME TOG PHAB, AOm NA MO BHA GA WA TE SH'AKYA MU NA YE, TA TH'A GA T'A YA, AARGHA TE SAm MYA KSAm BUD DH'A YA, TADYA TH'A AOm MU NE MU NE MA H'A MU NA YE SV'A H'A, ZHES DANG, RAB TU GNAS BYA'I LHA GANG YIN DE'I SNGAGS DANG, AOm BADZRA SATVA H'Um, ZHES BRJOD, ` DE NAS BYAMS SNYING RJE BYANG CHUB KYI SEMS BSKYED NAS, 'DI SKAD BRJOD DE, NGO MTSAR CHEN PO GRANGS MED CING BSAM GYIS MI KHYAB PA DANG LDAN PA'I SANGS RGYAS BCOM LDAN 'DAS DE DAG THAMS CAD LA BDAG PHYAG 'TSAL ZHING SKYABS SU MCHI'O, ,DE DAG THAMS CAD BDAG LA DGONGS SU GSOL, BDAG GIS SEMS CAN THAMS CAD KYI DON DU DKON MCHOG GSUM GYI RTEN RAB TU GNAS PAR BGYI BAS, DE'I MTHUS BDAG GIS SEMS CAN THAMS CAD KYI DBUGS DBYUNG NGO, ,'KHOR BA'I GCONG RONG CHEN PO LAS BSGRAL BAR BGYI'O, ,PHAS KYI RGOL BA DANG BDUD DANG LOG 'DREN THAMS CAD PHAM PAR BGYI'O, ,SEMS CAN THAMS CAD KYI BDAG CHAGS KYI MTSAMS SBYOR BA'I @005A *, ,NYON MONGS PA'I RTOG PA THAMS CAD BSAL BAR BGYI'O, ,SEMS CAN THAMS CAD KYI NGA RGYAL GYI RI BO BSNYIL BAR BGYI'O, ,SEMS CAN THAMS CAD KYI SKYE BA'I LJON SHING RTZAD NAS GCAD DO , ,'CHI BDAG GI NYI MA PHYE MAR 'THAG GO ,MA RIG PA'I MUN PA BSAL BAR BGYI'O, ,MA DAD PA DANG PHYI ROL PA DAG DANG LTA BA PHYIN CI LOG PA DAG YANG DAG PA'I LTA BA LA GZUD CING DAD PAR BSGYUR RO, ,LAS KYI CHU BO BZLOG PAR BGYI'O, ,SRID PA'I RGYA MTSO BSKAM PAR BGYI'O, ,CHOS KYI SGRON ME SBAR BAR BGYI'O, ,BYANG CHUB KYI LAM BSTAN PAR BGYI'O, ,BZOD PA DANG DES PA LA GZUD DO, ,BSAM GTAN GYI BDE BA CHER STZAL TO, ,'DOD CHAGS KYI ME DPUNG ZHI BAR BGYI'O, ,ZHE SDANG GI MTSON RNON PO GZHOM PAR BGYI'O, ,BDEN PA LA GZUD DO, ,PHRAG DOG GI 'TSUB MA ZHI BAR BGYI'O, ,SER SNA'I MDUD PA DGROL BAR BGYI'O, ,SDUG BSNGAL THAMS CAD ZHI BAR BGYI'O, ,'JIGS PA MA MCHIS PA DANG BDE BA CHEN PO'I GRONG KHYER DU 'JUG CING GNAS PAR BGYI'O, ,DE BAS NA BDAG LA LAS KYI DNGOS GRUB KYI MCHOG STZOL ZHING GNANG BAR MDZAD DU GSOL, ZHES BRJOD LA ME TOG DOR TO, ` ,DE NAS RTEN BSKYED PA NI, AOm A'A: BI GHN'AN TA KRi TA H'Um, AOm SH'U N+YA T'AS STONG PA NYID DU GYUR, STONG PA'I DANG LAS, PO TI RNAMS PADMA DANG NYI MA'I STENG DU HR'I: DMAR PO LAS BYUNG BA'I PADMA DMAR PO HRA'I: SA MTSAN PA YONGS SU GYUR PA LAS, 'OD DPAG MED LA GOS @005B DKAR MOS 'KHYUD PA, DE YONGS SU GYUR PA LAS 'OD DPAG MED YAB YUM GZUGS BRNYAN DU SHAR BA'I YIG 'BRUR GYUR, MCHOD RTEN DANG GTZUG LAG KHANG LA SOGS PA RNAMS PADMA DANG ZLA BA'I STENG DU BHR'U DKAR PO LAS SKYES PA'I 'KHOR LO RTZIBS BRGYAD PA BHR'Um GYIS MTSAN PA LAS BYUNG BA'I RNAM SNANG LA SPYAN MAS 'KHYUD PA, DE YONGS SU GYUR PA LAS, RNAM SNANG YAB YUM GZUGS BRNYAN DU SHAR BA'I MCHOD RTEN DANG GTZUG LAG KHANG LA SOGS PAR GYUR ,DE LAS GZHAN PA'I RTEN RNAMS RANG RANG GI SKUR BSKYED PA'AM, YANG NA GSANG BA 'DUS PAR BSKYED DO, ` ,DE NAS KHRO BO SPYAN DRANG BA NI, AOm BADZRA MA H'A KRO DHA R'A DZ'A SA PA RI W'A RA BADZRA SA M'A DZA: H'Um YE SHES BSKAL PA ME LTAR 'BAR BA'I 'OD; ;MA RIG 'DOD PA'I MUN KHAMS THAMS CAD SREG ,ZHE SDANG GSHIN RJE'I 'JIGS PA THAMS CAD 'JOMS, ,DPA' BO CHEN PO DPA' MTSAN STAG LBAGS CAN, ,LOG 'DREN SRIN PO'I MTHA' GNON DGRA 'DUL BA, ,RIG PA'I RGYAL PO KHRO BO BZHUGS SO 'TSAL, ,LOG 'DREN 'DUL BA'I SLAD DU SPYAN 'DREN NA, ,'GRO BA'I DON DU MCHOD KYIS GSHEGS SU GSOL, ,AOm BADZRA MA H'A KRO DHA R'A DZ'A SA PA RI W'A RA PRA WA RA SAD KA RAm AARGHAm PRA T'ITZTSA H'Um SV'A H'A, DE BZHIN DU, P'ADYAm PRA H'ITZTSA H'Um SV'A H'A, ZHES CHU GNYIS DANG, PUshPE, DH'U PE, A'A LO KE, GANDHE, NEE WE DYA, SHAPTA PRA T'ITZTSA H'Um SV'A H'A, ZHES NYER SPYOD ROL MO DANG BCAS PAS MCHOD, H'Um CHOS NYID STONG PA GNYIS MED DANG@006A *, ,NYID LAS, ,'JIG RTEN SPYOD PA'I TSUL YANG MI SPONG ZHING, ,THABS LA MKHAS PAS 'JIGS BYED SKUR STON PA, ,KHRO CHEN 'BAR BA'I TSOGS LA PHYAG 'TSAL LO, ,YE SHES ZHI BA'I NGANG LAS MA GA-YOS KYANG, ,SKU YI CHA LUGS ZA BYED RNGAM STABS CAN, ,GSUNG GI NGA RO 'BRUG STONG LDIR BA'I SGRAS, ,MA LUS DBANG DU SDUD LA PHYAG 'TSAL LO, ,LHAG PA'I YE SHES ROL PA STON MDZAD CING, ,BSDIGS PA'I MTSON CHA SNA TSOGS PHYAG NA BSNAMS, ,NYON MONGS DUG CHEN RTZAD NAS 'JOMS MDZAD PA, ,SBRUL GDUG RGYAN GYIS BRGYAN LA PHYAG 'TSAL LO, ,BSKAL BA'I ME LTAR 'BAR BA'I KLONG DKYIL NA, ,DPA' BO'I STANG STABS BRKYANGS BSKUMS TSUL DU BZHUGS, ,NYI ZLA 'BAR BA'I SPYAN GYI SDANG MIG GIS, ,BGEGS DPUNG SREG PAR MDZAD LA PHYAG 'TSAL LO, ,GTUM CHEN DUS MTHA'I ME LTAR GZI BRJID 'BAR, ,GLOG STONG 'GYU 'DRA'I KHRO GNYER MCHE BA GTZIGS, ,RNGAM PA'I NGA RO 'BRUG SGRA STONG BZHIN SGROG ,KHRO RGYAL BGEGS TSOGS 'DUL LA PHYAG 'TSAL LO, ,H'Um 'JIGS PA'I H'Um SGRA NGES SGROG CING, ,BGEGS RNAMS MA LUS 'JOMS MDZAD PA, ,DNGOS GRUB MA LUS STZOL BA'I LHA, , BGEGS KYI DGRA LA PHYAG 'TSAL BSTOD, ,CES PAS BSTOD DO, ,GTOR MA BYIN GYIS BRLABS TE, RANG GI THUGS KA'I H'Um LAS 'OD ZER 'PHROS PAS, RAB TU GNAS PA LA BAR DU GCOD PAR RTZOM PA'I BGEGS KYI @006B TSOGS RNAMS BKUG PAR GYUR, AOm SARBA BI GHN'A NA, NA MA: SARBA TA TH'A GA TA BHYO: BI SHVA MU KHE BHYA: SARBA TANG KHAm AUNGGA TE, SPHA RA nA AI MAmGA GAN KHAm GRi HnE DAm BA LIm TA YE SV'A H'A, GSUM GYIS BSDOS LA, SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, RJE BTZUN RTZA BA DANG BRGYUD PAR BCAS PA'I BLA MA DAM PA RNAMS KYI BDEN PA DANG, DE BZHIN GSHEGS PA DANG, RDO RJE DANG, RIN PO CHE DANG, PADMA DANG, LAS KYI RIGS SU GYUR PA THAMS CAD DANG, SNYING PO DANG, PHYAG RGYA DANG, GSANG SNGAGS DANG, RIG SNGAGS KYI LHA'I KHYAD PAR THAMS CAD KYI BDEN PA DANG, DPAL MGON DAM PA CHOS SKYONG BA'I SRUNG MA THAMS CAD KYI BDEN PA DANG, BDEN PA'I BYIN GYIS RLABS KYIS BDE BAR GSHEGS PA'I SKU GSUNG THUGS KYI RTEN RAB TU GNAS PAR BYED PA LA BAR DU GCOD PAR RTZOM PA'I BGEGS KYI TSOGS GANG YIN PA DE DAG THAMS CAD MCHOD SBYIN GYI GTOR MA RGYA CHEN PO 'DIS TSIM PAR GYIS LA, ZHI BA'I SEMS DANG LDAN PAS RANG RANG GNAS SU SONGS SHIG ,GAL TE MI 'GRO NA KHRO BO'I RDO RJE ME RAB TU 'BAR BAS MGO BO RNAM PA BRGYAR 'GAS PAR 'GYUR RO, ,AOm SUMBHA NI SUMBHA H'Um, GRiHni GRi HnA H'Um, GRi HnA P'A YA GRi HnA P'A YA H'Um, A'A NA YA HO BHA GA WA NA, BIDY'A R'A DZ'A H'Um PHAt, CES BRJOD CING, GTOR MA RTEN LA PHYIR BSKOR TE PHYI ROL DU DOR TO, ,GU GUL GYIS BDUG ,YUNGS KAR GYIS BRAB, TSAM RNGAM DANG ROL MO'I SGRA DRAG TU BYA'O, ,DE NAS YUNGS KAR DANG, CHU DANG KHAM PHOR DKAR @007A *, ,PO DANG, RTZVA DUR BA'I MYU GU DANG BCAS PA'I BA LCI'I CHANGS BU DANG, ZAN CHANGS DANG, SENG RAS RNAMS LA AOm A'A: BIGHn'AN TA KRi TA H'Um PHAt, H'Um LAN BDUN BZLAS LA, YUNGS KAR LAG PA GA-YAS GA-YON GYIS BZUNGS NAS LAN GNYIS GA-YON DU BSKOR ZHING, AOm SARBA P'A BAm DA HA NA BADZRA YA BDZRA SA TVA SYA SARBA P'A PAm DA HA SV'A H'A, ZHES BRJOD CING YUNGS KAR MER DOR, DE BZHIN DU GA-YAS SU BSKOR NAS DOR TO, ,CHU DANG SENG RAS KYI BAR RNAMS KYIS KYANG GA-YON DANG GA-YAS SU BSKOR NAS BYABS TE DOR, 'ON KYANG KHAM PHOR MAN CHAD MER MI DOR RO, ,DE NAS LAG PA GA-YON PAR CHU GTZANG MA BZUNGS, LAG PA GA-YAS PA'I GUNG MO DANG SRIN LAG GIS CHU BLANGS TE, RTEN RNAMS KYI KHA RNA BA MIG SNA KHA LAG PA LTE BA MGO RNAMS SU REG CING NYE REG BYA, DE NAS GTZO BO'I SNGAGS BRJOD CING, RTEN RNAMS KYI THUGS KAR DRI, DBU LA ME TOG, MDUN DU MCHOD YON PHUL, MAR MES BSKOR BZHIN PAS, AOm BADZRA AA MRi TA KUndA LI HA NA HA NA H'Um PHAt DANG, H'Um LAN BDUN BZLAS PA'I SPOS MAR BSREGS PAS BDUG PAR BYA STE, DE RNAMS SBYANG BA'I RIM PA'O, ` ,KHRUS KYI RIM PA NI, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA @007B TA SA MA YA SHR'I H'Um, SNGAGS 'DI TSIGS BCAD 'OG MA DAG GI MJUG TU'ANG BRJOD PAR BYA'O, ,'DI NI SBYIN PA'I RANG BZHIN CHU, ,SER SNA'I DRI MA SBYONG MDZAD CING, ,SBYIN PA DRI YIS LEGS BSGOS CHU, ,KHRUS LEGS MDZAD LA PHYAG 'TSAL 'DUD, ,'DI NI TSUL KHRIMS RANG BZHIN CHU, ,KHRIMS 'CHAL DRI MA SBYONG MDZAD CING, ,TSUL KHRIMS DRI YIS LEGS BSGOS CHU, ,KHRUS LEGS MDZAD LA PHYAG 'TSAL 'DUD, ,'DI NI BZOD PA'I RANG BZHIN CHU, , KHONG KHRO'I DRI MA SBYONG MDZAD CING, ,BYAMS PA DRI YIS LEGS BSGOS CHU, ,KHRUS LEGS MDZAD LA PHYAG 'TSAL 'DUD, ,'DI NI BRTZON 'GRUS RANG BZHIN CHU, ,LE LO'I DRI MA SBYONG MDZAD CING, ,BRTZON 'GRUS DRI YIS LEGS BSGOS CHU; ;KHRUS LEGS MDZAD LA PHYAG 'TSAL 'DUD, ,'DI NI BSAM GTAN RANG BZHIN CHU, ,RNAM GA-YENG DRI MA SBYONG MDZAD CING, ,TING 'DZIN DRI YIS LEGS BSGOS CHU, KHRUS LEGS MDZOD LA PHYAG 'TSAL 'DUD, ,'DI NI SHES RAB RANG BZHAN CHU, ,SHER 'CHAL DRI MA SBYONG MDZAD CING, ,YE SHES DRI YIS LEGS BSGOS CHU, ,KHRUS LEGS MDZAD LA PHYAG 'TSAL 'DUD, ,CHU BO DRUG GIS KHRUS MDZOD CING, ,DRI MA RNAM DRUG SBYONG MDZAD PA, ,RGYA CHEN YON TAN DRUG LDAN PA'I, ,KHRUS LEGS MDZAD LA PHYAG 'TSAL LO, ZHES BRJOD CING, SKU DNGOS SAM ME LONG LA GZUGS BRNYAN SHAR BA LA KHRUS BYA, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS @008A *, ,SKU PHYI'O, ,AOm H'Um TRAm HR'I: AA: AOm SARBA TA TH'A GA TA K'A YA BI SHO DHA NE SV'A H'A, ZHES BRJOD CING SKU PHYI'O, ,STONG GSUM KUN TU DRI NGAD LDANG BA YI, ,SPOS MCHOG RNAMS KYIS THUB DBANG RNAMS KYI SKU, , GSER SBYANGS BTZOM BYI DOR BYAS PA LTAR, ,'OD CHAGS 'BAR BA DE DAG BYUG PAR BGYI, ,AOm BADZRA GANDHE A'A: H'Um SV'A H'A, DRI BZANG TIL MAR DANG BCAS PAS BYUG ,SNA TSOGS DBANG PO'I GZHU LTAR RAB BKRA YANG, ,GANG LA RE GA NA BDE PA'I RGYUR 'GYUR BA'I, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WASTA YE A'A: H'Um SV'A H'A, ZHES NA BZA' DBUL, RGYAL BA MTSAN DPE'I RANG BZHIN RGYAN LDAN PHYIR; SOGS, AOm BADZRA AA LAm KAR WA PU shA NE A'A: H'Um SV'A H'A, ZHES RGYAN DBUL TE, DE DAG NI KHRUS KYI RIM PA'O, ` ,DE NAS GNAS GSUM BYIN GYIS BRLAB PA NI, LHA RNAMS KYI SPYI BOR AOm LAS BYUNG BA'I ZLA BA'I DKYIL 'KHOR GYI DBUS SU AOm DKAR PO, MGRIN PAR A'A: LAS BYUNG BA'I PADMA DMAR PO 'DAB MA BRGYAD PA'I DBUS SU A'A: DMAR PO, THUGS KAR H'Um LAS BYUNG BA'I RDO RJE SNGON PO RTZE LNGA PA'I LTE BAR H'Um SNGON POS MTSAN PAR GYUR, ` DE NAS YE SHES PA SPYAN DRANG BA SOGS NI, MA LUS SEMS CAN KUN GYI MGON GYUR CING, ZHES PA NAS, GNAS 'DIR GSHEGS SU GSOL, ,BCOM LDAN BSKAL PA GRANGS MED DU MA RU, ZHES PA NAS, TSUR SPYON @008B TSUR SBYON ZHI BDAG LHA, ,THUB PA'I SKYES MCHOG THAMS CAD MKHYEN, ,SHIN TU LEGS BYAS GZUGS BRNYAN NI, ,MCHOD PAS 'DI RU GSHEGS SU GSOL, ,'DIR NI GZUGS DANG LHAN CIG TU, ,'GRO BA'I DON DU BZHUGS NAS KYANG; ;NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,BCOM LDAN 'DIR NI BYON PA LEGS, ,BDAG CAG BSOD NAMS SKAL BAR LDAN, ,BDAG LA MCHOD YON BZHES NAS KYANG, ,THUGS LA DGONGS BZHIN GNAD BAR MDZOD, ,BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG LA MCHOD YON BZHES NAS KYANG, ,'DI NYID DU NI BZHUGS SU GSOL, ,JI LTAR BLTAMS PA; ZHES SOGS KYIS KHRUS GSOL, ,BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, ,AOm KA MA LA YE STVAm, DE NAS THAL MO SBYAR NAS, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG LA MCHOD YON BZHES NAS KYANG, ,BDAG KYANG BLO DANG LDAN PAR MDZOD, ,AOm SARBA TA TH'A GA TA AARGHAm P'U DZA ME BHA SOGS KYIS MCHOD YON NAS ROL MO'I BAR GYIS MCHOD, ` THUGS RJE YI NI BDAG CAN BDAG ,SLOB MA RNAMS LA RJES BRTZE DANG, ,KHYED RNAMS LA YANG MCHOD SLAD DU, ,DA LTA RAB GNAS BGYID PAR 'TSAL, ,BCOM @009A *, ,LDAN GUS PAS BDAG LA NI, ,DE'I PHYIR BKA' DRIN MDZAD PAR 'OS, ,RDO RJE CAN BDAG CHE GE MO, ,SKU GSUNG THUGS RTEN RAB GNAS NI, ,YON BDAG CI NUS YO BYAD KYIS, ,DA LTA YANG DAG BGYID PAR 'GYUR DE PHYIR SLOB MAR BCAS BDAG LA, ,RJES SU BRTZE BAR NYER BZUNGS NAS, ,'KHOR BCAS KUN GYIS RAB GNAS LA, BYIN GYIS BRLABS PAR MDZAD PAR 'OS, ,ZHES LAN GSUM GSOL BA BTAB PAS, LHA RNAMS KYIS DGES BZHIN DU GNANG BA BYIN PAR GYUR, DZA: H'Um BAm HO: YE SHES PA RNAMS DAM TSIG PA RNAMS DANG GNYIS SU MED PAR GYUR, RANG GI THUd KA'I H'Um LAS 'OD ZER 'PHROD PAS, GSHEGS PA, GSHEGS MA, SEMS DPA' SEMS MA; KHRO BO KHRO MO'I TSOGS RNAMS KYI NAMS KHAR SPYAN DRANGS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOd PA RNAMS RAB TU GNAS BYA'I LHA RNAMS KYI STENG PHYOGS SU 'DZIN, GLU GAR MDZAD CING ROL MO RDUNG, ME TOG DANG GUR KUM LA SOGS PA'I CHAR 'BEBS, PHYAG GI CUNG ZAD YO BAR BZUNGS BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOd PA RNAMS KYIS BKRA SHIS KYI GLU DBYANGS KYI SHIS PA BRJOD, KHRO BO RNAMS PHYOd MTSAMS SU 'KHOD NAS @009B BGEGS BSKRAD PAR GYUR, AOm SARBA TA TH'A GA TA AARGHAm PRA T'I TZTSA SV'A H'A, ZHES SOGS KYIS MCHOD, 'DI RNAMS LA MNGON PAR DBANG SKUR DU GSOL ZHES GSOL BA BTAB PAS, JI LTAR BLTAMS PA, SOGS, AOm SARBA TA TH'A GA TA AA BHI shE KE TA SA MA YA SHR'I H'Um, ZHES GSUNGS ZHING DBANG BSKUR BAS LUS THAMS CAD GANG, DRI MA THAMS CAD DAG, CHU LHAG PA SPYI GTZUG TU GNAS PA YONGS SU GYUR PA LAS, MI BSKYOD PAS DBU BRGYAN PAR GYUR, ` DE NAS CHU BZHI NYER SBYOD ROL MO DANG BCAS PA BYIN GYIS BRLABS LA, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS NA, ,CI BDE BAR NI BZHES SU GSOL, ,AOm A'A: HR'I: PRA WA RA SAD KA RAm AARGHAm PRA T'I TZTSA H'Um SV'A H'A, ZHES PAS MCHOD YON DANG, DE BZHIN DU ZHABS BSIL ZHES PA DANG, P'A DYAm DANG, ZHAL BSIL ZHES DANG, AANYTZA M'A n'Am DANG, BSANG GTOR ZHES PA DANG, PROKsh'A n'Am ZHES BCUG NAS CHU BZHI DBUL, LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYAR DGONGS TE, ,MGON PO MCHOD PA 'DI BZHES SHIG ,AOm SARBA TA TH'A GA TA PUshPE PRA T'I TZTSA H'Um, DE BZHIN DU ME TOG GI GNAS SU BDUG SPOS NAS ROL MO'I BAR DANG, PUshPE'I GNAS SU DH'U PE NAS SHAPTA'I BAR BCUG LA MCHOD, MI BSKYOD RDO RJE YE SHES CHE ZHES SOGS KYIS BSTOD, ` JI LTAR MIG MKHAN RGYAL PO YIS, ,'JIG RTEN @010A *, ,RAB RIB BSAL BA LTAR, ,RGYAL BA RNAMS KYIS KHYOD KYI NI, ,MI SHES PA YI RAB RIB BSAL, ,AOm TZAKshU TZAKshU SA MANTA CAKshU: BI SHO DHA NA YE SV'A H'A, KUN MKHYEN YE SHES SPYAN LDAN SKYON BRAL KYANG, ,GUS PAS 'PHAGS PA'I SPYAN NI DBYE BGYIS PAS, ,NAM MKHA'I MTHAS GTUGS GYUR PA'I SEMS CAN RNAMS, ,SANGS RGYAS YE SHES SPYAN Ni THOB PAR SHOG ,ZHI BA LA SOGS PA'I 'PHRIN LAS BSGRUB PA'I DON DU, YON BDAG LA SOGS PA LA GZIGS PA LHUR MDZAD PAR GYUR, ` DE NAS LHA RANG RANG GI SNGAGS BRJOD CING, RDO RJE DANG BCAS PA'I LAG PA GA-YAS PAS GNAS GSUM DU REG PAS, LHA'I GZUGS DE YONGS SU GYUR PA LAS, LUGS MA DANG BRIS SKU LA SOGS PA GANG YIN PA DE'I RNAM PAR GYUR PAR BSAMS NAS, GTZUG LAG KHANG LA SOGS PA RNAMS RNAM SNANG SNANG YAB YUM ZHU NAS THIM PA'I GTZUG LAG KHANG LA SOGS PA DANG, MCHOD RTEN RNAM SNANG YAB YUM ZHU NAS THIM PA'I MCHOD RTEN GYI GZUGS 'KHOR BA JI SRID BAR 'GRO BA'I DON DU RDO RJE SEMS DPA' LA SOGS PAS BYIN GYIS BRLABS PAR GYUR, PO TI NI, 'OD DPAG MED YAB YUM 'OD DU ZHU NAS THIM PA'I YI GE'I GZUGS SU GYUR, CES BRJOD, ` MNGA' DBUL NI, RAB 'BYAMS RGYA MTSO ZHES SOGS KYIS CHU BZHI NYER SPYOD ROL MO DANG BCAS PA DANG, KHA DOG DBYIBS LEGS SOGS 'DOD YON LNGA DANG, SA GZHI @010B SPOS KYIS ZHES SOGS KYIS MAndAL DANG, DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR BKANG BA GLU DANG NI, ,ROL MOR BCAS PA DU MAS SKU KHRUS GSOL, ,AOm SARBA TA TH'A GA TA AA BHI shE KA TA SA MA YA SHR'I H'Um, ZHES KHRUS DANG SRAB 'JAM YANG BA ZHES SOGS KYIS NA BZA' DANG, RGYAL BA MTSAN DPE'I RANG BZHIN ZHES SOGS KYIS RGYAN DBUL, ` SHIS PA BRJOD PA NI, YEDHA RM'A BRGYA RTZA SOGS BZLAS, PHUN SUM TSOGS PA MNGA' BA GSER GYI RI BO 'DRA, ZHES SOGS SHIS BRJOD RGYAS PAR BYA, ` BRTAN BZHUGS NI, AOm SU PRA TIshthA BADZRA YE SV'AH'A, ZHES BRJOD NAS ME TOG THOGS NAS THAL MO SBYAR LA, JI LTAR SANGS RGYAS THAMS CAD NI, ,DGA' LDAN DU NI GNAS PA LAS, ,LHA MO SGYU 'PHRUL LHUMS ZHUGS LTAR, ,DE BZHIN GZUGS DANG LHAN CIG TU, ,'DI RU MGON PO RTAG BZHUGS NAS, ,BYANG CHUB SEMS NI BSKYED PA DANG, YON GYI BDAG PO'I DON SLAD DU, ,BDAG GI MCHOD PA NYID KYIS NI, ,CI 'BYOR BA YIS MCHOD PA DANG, ,ME TOG LA SOGS 'DI BZHES SHIG ,BDAG DANG SLOB MAR BCAS RNAMS LA, ,RJES SU BRTZE BAR NYER DGONGS NAS, , KUN GYIS 'DI LA BYIN RLOB CING, ,'DI NYID DU NI BZHUGS PAR RIGS, ,PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, JI SRID NAM MKHA'I MTHA' DANG MNYAM PA'I @011A *, ,SEMS CAN GYI KHAMS RNAMS MI GNAS PA'I MYA NGAN LAS 'DAS PA'I SA LA MA BZHAG GI BAR DE SRID DU MYA NGAN LAS MI 'DA' BAR BRTAN PAR BZHUGS SU GSOL, BYE BRAG TU YANG SKU GSUNG THUGS KYI RTEN 'DI RNAMS LA SA DANG CHU DANG ME DANG RLUNG GI GNOD PAS MA ZHIG GI BAR DA SRID DU SEMS CAN GYI DON DPAG TU MED PA MDZAD CING BRTAN PAR BZHUGS SU GSOL, ZHES LAN GSUM BRJOD DO, ,MGON PO SKAL BA JI BZHIN DU; ;SNA TSOGS GZUGS NI BZUNGS NAS KYANG, ,PHYOGS BCU'I 'JIG RTEN KHAMS RNAMS SU, ,DES NI 'GRO BA'I DON KUN MDZOD, ,DE NAS, YI GE BRGYA PA LAN BDUN BZLAS LA, GANG YANG BDAG BLO RMONGS PA YIS, , NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, , DE KUN KHYED KYIS BZOD MDZAD RIGS, ,ZHES BZOD PAR GSOL NAS, ` DE NAS CHOS SKYONG DANG BZHI BDAG LA GTOR MA PHUL NAS, RAB TU GNAS PAR BYAS PA'I RTEN 'DI RNAMS LA, KHYED KYIS BSRUNG BA DANG, BSKYAB PA DANG MCHOD PA RGYUN MI 'CHAD PAR GYIS SHIG ,BDAG DANG YON BDAG 'KHOR DANG BCAS PA LA YANG MI MTHUN PA'I PHYOGS THAMS CAD LAS BSRUNG BA DANG, CHOS DANG MTHUN PA'I BSAM PA THAMS CAD YID BZHIN DU 'GRUB PAR @011B MDZOD CIG, CES BSGO'O, ,` DE NAS YON BDAG BSGO BA NI, KHYOD KYIS NGA LA GANG GSOL BA BTAB PA BZHIN DU RAB GNAS LEGS PAR BYAS ZIN KYIS, RTEN 'DI RNAMS LA MCHOD PA ZHAG BDUN DU GYIS SHIG ,DE NAS KYANG CI 'BYOR PA YI MCHOD PA RGYUN MA CHAD PAR GYIS SHIG, CES BYA'O, DE NAS SPROS PA LA DGA' NA, BKRA SHIS KYI RDZAS GTAD PA SOGS BYA'O, ,DPAL GSANG BA 'DUS PA'I SGO NAS RAB TU GNAS PAR BYED PA'I CHO GA MDOR BSDUS PA 'DI NI, SH'AKYA'I DGE SLONG DGE 'DUN GRUB PA DPAL BZANG POS, DPAL SNAR THANG GI GTZUG LAG KHANG DU LEGS PAR SBYAR BA'O, ,'DIS KYANG BSTAN PA YUN RING DU GNAS PAR BYED NUS PAR 'GYUR CIG, BKRA SHIS PAR GYUR CIG, ,,