@001A *, ,SNYAN NGAG ME LONG GI LE'U GNYIS PA'I MTSUNGS PA GSAL
BYED KYI SGRA'I SGO NAS RANG GI BLA MA LA BSTOD PA BYIN RLABS
'BOD PA'I DBYANGS SNYAN ROL MO ZHES BYA BA BZHUGS SO,

@001B #, ,AOm SVA STI, NGAGo DBANGo BSGYUR RJE BTZUN TZONG KHA
PA'I, ,BSTAN PA'I SNYING PO BLOo GROS BZANG POS RNYED, ,DE NYID
'DOMS PAS BSTAN PA GSAL MDZAD MGON, ,RJE BTZUN

BLA MAS RTAG TU DGE LEGS STZOL, ,MAN NGAGo BDUD RTZIS YID DBANGo
TSIM MDZAD PAS, ,MI BRJED DRAN PA'I BLOo BZANG MCHOG STZOL BA'I,
,RGYAL BA KUN LAS LHAG PA'I BKA' DRIN CAN, ,

DPAL LDAN BLA MA'I ZHABS LA PHYAG 'TSAL LO, ,LEGS BSHAD NGAGo GI
MDZOD LA DBANGo BSGYUR CING, ,BLOo CHEN CHOS RGYAL BZANGo PO'I
SNYAN SHAL LA, ,'KHYUD PAR 'SO PA'I BSTOD

BSNGAGS ME TOG PHRENG, ,DAD PA'I SOR MOS BTEGS TE BSKON PAR
BGYI, ,SNGON CHAD PHUL BYUNG ZHING LA SNYAN NGAG GIS, ,BSTOD
BSNGAGS MA BYAS PA YIS BLUN POR GYUR, ,DA NI

@002A *, ,'CHAD RTZOD RTZOM LA MKHAS 'GYUR CHED, ,SNYAN TSIG LAM
NAS BSTI STANG 'DI LTAR BYA, ,DE YANG BSNGAGS 'OS BSNGAGS BSTOD
LAS, MI YI RNYED PA RNYED

DKA' DANG, ,LCE 'DI RNYED PAR GYUR NAS NI, ,MGON PO'I YON TAN
SGROG BYED PA'I, ,RANG LA PHAN PA SU MI BYED, ,CES GSUNGS PA
LTAR RO, ,DBANG PO TSANG BA'I LUS RTEN THOB NAS

BLA MA SOGS LA BSNGAGS PA BRJOD PA NI RANG LA PHAN PA BSGRUB
PA'I THABS MCHOG TU GSUNGS PA DANG, GZHUNG 'DIR LCE 'DI RNYED
CES PA'ANG LCE'I DBANG PO TZAM MA YIN PAR, SNYAN NGAG SMRA BA'I

LCE LA BYED PA YIN PAS, DES NA BLA MA SOGS PHAN 'DOGS KYI ZHING
LA PHAL BA'I SKAD KYIS BSTOD PA LAS SNYAN NGAG GIS BSTOD PA PHAN
YON CHE BA YID LA BRNAG STE, SKABS 'DIR SLOB DPON

@002B DAndI'I SNYAN NGAG ME LONG GI LE'U GNYIS PA'I DPE RGYAN LA
MTSUNGS PA GSAL BYED KYI SGRA GZHUNG GIS DNGOS SU ZIN PA DRUG CU
RTZA GSUM DANG, NGAG DBANG GRAGS PA'I 'GREL PA NAS KHA BSKANGS
PA BCU GCIG LAS BRTZAMS TE, BKA' DRIN MTSUNGS ZLA MA

MCHIS PA KLONG RDOL BLA MAR GRAGS PA RJE GRUB PA'I DBANG PHYUG
NGAG DBANG BLO BZANG DPAL BZANG PO'I GSANG BA GSUM GYI YON TAN
RGYA MTSO LTA BU LAS SKRA RTZES BZUNG BA'I CHU THIGS MTSON TE
BSTOD PAR BYA BA LA, THOG MAR SDE TSAN DANG PO BZHIN GYI SGRA
NI,

MGON KHYOD RTOGS PA BRNYES PA'I RTEN 'BREL DU, ,THOG MAR LAM GYI
RTZA BA DGE BA'I BSHES, ,BSAM DANG SBYOR BAS TSUL BZHIN BSTEN PA
NI, ,RTAG TU DU YIS CHOS 'PHAGS BSTEN PA BZHIN, LTAR NI, MTSAN
LDAN BSHES GNYEN DU MA'I

THUGS KYI BCUD, ,BUM PA GANG BYO'I TSUL DU LUS MED GSOL, ,MANG
THOS YON TAN KHYUR DU MNABS PA'I TSUL, ,THOGS MED SKU MCHED
PHYOGS GLANG YAB SRAS LTAR, ,LTA BU NI, THOS PA'I DON LA BSAM
GZHIG BTANG BA NA, ,MA RTOGS LOG

RTOG THE TSOM KUN BSAL NAS, ,GNAS LUGS MTHAR THUG TSAD MAS RNYED
PA NI, ,SLOB DPON ZLA BA GRAGS BA LTA BU'O, ,JI LTA BA NI,
BSGRUB PA SNYUGS SU BSRINGS NAS BSGOMS PA YIS, ,GRUB PA'I 'PHANG
MTHON POR GSHEGS PA YANG, ,SNYING STOBS

PHUL BYUNG MI LA BZHAD PA'I RJE, ,JI LTA BA YI RNAM PA 'DZIN DE
RMAD, ,MTHUN PA NI, DE LTAR THOS BSAM BSGOM PA MTHAR PHYIN PAS,
,MDO RGYUD KUN LA NANG BYAN CHUD PA DANG, ,RTEN 'BYUNG STONG
PA'I DON LA MKHAS PA'I TSUL, ,KLU SGRUB BZHAD@003A *, ,KYI DGONGS PA DE DANG MTHUN, ,MTSUNGS PA NI, ,MI SHES
MA GUS LTUNG BA 'BYUNG BA'I SGO, ,DRAN DANG SHES BZHIN BAG YOD
KYIS BKAG STE, ,ZHI ZHING DES LA BTZUN PA'I SPYOD PA MCHOG ,KA
TYA NA'I SPYOD LAM MDZES

DANG MTSUNGS, ,YANG DAG MTSUNGS PA NI, 'GRO KUN SDUG BSNGAL MI
'DOD BDE 'DOD TSUL, ,RANG LA BKAB NAS BDAG GZHAN MNYAM BRJE'I
SEMS, ,THUGS DAM MTHIL DU 'CHAD 'DI 'GRO BA RNAMS, ,RANG NYID
GCES PAR 'DZIN

DANG YANG DAG MTSUNGS, ,MNYAM PA NI, GSUNG RAB DGONGS DON ZAB
GSANG NYID KHU MCHOG ,SDEB LEGS TSIG GIS LHUG PAR 'DOMS PA 'DI,
,'JAM MGON BLA MAS MKHAS MANG TSOGS DBUS SU, ,DAM CHOS 'CHAD
PA'I TSUL

DANG KUN NAS MNYAM, ,YANG DAG GSAL NI, LOG PAR SMRA BA'I GRUB
MTHA' 'CHA' BA DAG ,DMA' 'BEBS SUN 'BYIN BRAL BA'I RIGS PA YIS,
,TSAR GCOD RJES 'DZIN PHAN YON 'DI MTHONG BAS, ,CHOS GRAGS RIGS
PAD GZOD

YANG DAG GSAL, ,NGES PAR GSAL NI, SMRA LA CHAGS THOGS MI MNGA'I
GDENG THOB PAS, ,TSIGS SBYOR SDEB LEGS RGYAN GYIS RNAM BKRA
ZHING, ,MNYAN PAR 'OS PA'I GSUNG RTZOM LEGS PA 'DI, ,LHA YI BLA
MA'I NGAG TU NGES PAR

GSAL, ,RAB GSAL NI, 'GRO BA'I SDUG BSNGAL SEL BA'I THABS KUN
MKHYEN, ,THABS DE GZHAN LA 'DOMS PA'I THUGS RJE MNGA', ,DE PHYIR
RNAM 'DREN KHYOD DANG RGYAL BA GNYIS, ,GTAN GYI SKYABS SU 'OS PA
RAB TU

@003B GSAL, ,GZUGS KYI ZLA NI, JI SNYED DRANGS PA'I MTSO NANG
ZLA BA'I BRNYAN, ,MI RTOG BZHIN DU DUS GCIG 'CHAR BDE, ,MGON
KHYOD 'GRO BA'I MOS NGOR SNA TSOGS SKU, ,CIG CAR STON PA'I GZUGS
KYI ZLA LA 'OS, ,GNYEN PO NI,

KHYOD LA MTHONG THOS DRAN REG 'BREL TSAD KUN, ,MI MTHUN RGUD
TSOGS KUN LAS RNAM RGYAL ZHING, ,YID LA RE BA SKONG BA'I DPAL
THOB 'DI, ,RIN CHEN DBANG GI RGYAL BO'I GNYEN POR SONG, ,DGRA
ZLA NI, GANG ZHIG KHYOD LA SKYABS

SU 'GRO BA RNAMS, ,'KHOR BA'I DBUL BA MTHA' DAG PHYIR BSAL NAS,
,SDE BZHI'I DPAL DANG 'BYOR PAS PHYUG PA LA, ,DPAG BSAM YONGS
'DU'I DBANG PO DGRA ZLA BYED, ,SO SOR RTOG NI, SKU GSUNG THUGS
DANG YON TAN 'PHRIN

LAS RNAMS, ,DUS GSUM RGYAL BA KUN DANG DBYER MED KYANG, ,MOS PA
'DRA MIN GDUL BYA RANG RANG GI ,RNAM RTOG SNANG DOR SO SOR RTOG
PA TZAM, ,'GRAN PA NI, MTHONG NA MI MTHUN MED PA'I SKU MCHOG
NYID, ,GRANGS MED 'KHOR

TSOGS DBUS SU BRJID CHAGS 'DI, ,RGYU SKAR PHRENG BA'I TSOGS KYIS
YONGS BSKOR PA'I, ,MTSAR SDUG DRI MED ZLA BA'I DPAL LA 'GRAN,
,'DRA BA NI, MA DAG ZHING DU GNAS TSUL BSTAN MOD KYANG, ,'JIG
RTEN CHOS

KYIS RNAM PAR DAG PA NI, ,CHU SKYES GZHON NU 'DAM LAS SKYES GYUR
KYANG, ,NAM YANG 'DAM GYIS GOS PA MED DANG 'DRA, ,BLTA BA NI,
MGON PO KHYOD NYID SNANG BA'I RGYU MTSAN GYIS, ,RANG BZHIN GYIS
NI YOD PA KUN KHEGS

@004A *, ,SHING; ;STONG PAS RTEN 'BYUNG JI BZHIN 'JOG PA 'DI,
,GDUNG KHYIM PHAN TSUN GCIG LTOS TSUL LA BLTA, ,BCAS PA NI, RTEN
'BYUNG STONG PA'I DON DU GZIGS PA KHYOD, ,CHOS KUN STONG PAR
YANG YANG GOMS

PA'I MTHUS, ,RTOG MED NGON GNYIS SNANG NUB TSUL NI, ,'PHAGS PA'I
MNYAM BZHAG SNANG NGO'I TSUL DANG BCAS, ,BSLU BA NI, CHOS KUN
GLO BUR BYUNG BA'I RGYU MTSAN GYIS, ,GDOD PA NYID NAS NAM YANG
MA SKYES SHING, ,MA SKYES NYID

KYIS SKYE BAR 'CHAR BA 'DIS, ,MKHAS PA PHAL GYIS MKHYEN PA'I
DPAL BZANG BSLU, ,RIGS MTHUN NI, CHE BA BZHI DANG LDAN PA'I LAM
RIM MA ZUNG, ,STONG NYID SNYING RJE'I SNYING PO CAN NO ZHES,
,SKAL LDAN TSOGS LA SGER DU STZAL PA 'DI

'JAM MGON BLA MA'I GSUNG DANG RIGS SU MTHUN, ,RJES SU SMRA BA
NI, SNYIGS DUS SKYE BOS BRDEG CING 'TSOG PA'AM, ,SNA TSOGS MI
SNYAN BRJOD PAS MI SUN PAR, ,'KHOR BAR RANG GI GNAS BZHIN BZHUGS
PA NI, ,KUN BZOD MA YI

RJES SU SMRA RIGS SO, ` ,SDE TSAN GNYIS PA LA GZUGS BRNYAN NI,
MGON KHYOD MKHAS MANG GSER RI'I 'KHOR DBUS SU, ,ZAB GSANG LEGS
BSHAD MDZUB KHRID STZAL PA NI, ,CHO 'PHRUL DUS BSTUN RGYAL BA
TZONG KHA PAS, ,

SKYES RABS SO BZHI 'CHAD PA'I GZUGS BRNYAN NO, ,SO SOR SDEB PA
NI, SNGON DUS 'JAM MGON BLA MAS LAM RIM GNYIS, ,JI LTAR GSUNGS
PAD LTA BLA MA KHYOD, ,YANG SKYAR LDAB PAS GCIG MOD MING 'DOGS
TZAM, ,SGRA RTOG YUL

@004B DU SO SOR SDEB PA NYID, ,GZUGS MTSUNGS NI, RNAM GSUM CHOS
KYI GOS BZANG GIS KLUBS SHING, ,GSER MDOG PAn ZHVA MDZES PA'I
KHYAD CHOS 'DIS, ,DUS MTHAR BSTAN PA'I YANG SNYING SPEL MKHAS
KHYOD, ,'JAM MGON BLA MA'I GZUGS

MTSUNGS KHO NA'O, ,GZUGS MNYAM NI, DUS GSUM RGYAL BAS GRANGS MED
'GRO BA RNAMS, ,THAR PA'I LAM DU JI SNYED DRANGS PA DANG, ,KHYOD
GSUNG BDUD RTZI MYANG BA'I SKAL LDAN TSOGS, ,MNGON MTHOR 'GRO
BA'I GRANGS KYI GZUGS MNYAM NYID, ,

YANG DAG GZHAL BA NI, THOGS DANG BCAS PA'I GZUGS CAN MTHA' DAG
GI ,GO 'BYED LHA LAM YANGS PA'I RGYA KHYON TSAD, ,DPAG PAR DKA'
YANG KHYOD THUGS MKHYEN PA'I PHUL, ,ZAB GSAL YANGS PA 'DI YIS
YANG DAG 'JAL, ,MTSAN

NYID MTHUN PA NI, DUG CAN BU YI LAS SGRIB BKRU CHED DU, ,SKAL
LDAN SHING RTAGS PHAB PA'I GANG+G'A DANG, ,THUB PA'I ZHAL SKYIN
BLA MA'I LEGS BSHAD 'DI, ,DRI MA 'DAG BYED NYID DU MTSAN NYID
MTHUN, ,MTSAN NYID 'DRA BA NI, BSKAL BA DU MAR

GZHAN DAG SLU BYED PA'I, ,DON GYIS DBEN PA'I BRDZUN TSIG SPANGS
PA'I MTHUS, ,YID CHES TSIG LA NAM YANG BSLU MED PA, ,DRANG SRONG
BDEN PAR SMRA DANG MTSAN NYID 'DRA, ,MTSAN NYID MTSUNGS PA NI,
SNANG BA 'DI KUN BRDZUN PA'I CHOS CAN DU, ,

BRDA 'DON 'PHROD NGES NGO SPROD LEGS BSHAD RNAMS, ,MA RIG MTHAR
'DZIN LTA BA GCOD PA LA, ,MGRIN SNGON CAN GYI NYAG PHRAN MTSAN
NYID MTSUNGS, ,MTHUN PHYOGS NI, SA STENG 'GRO BA'I BLA NA 'PHAGS
PA DANG, ,DUS LAS YOL MED 'JUG PA'I

@005A *, ,'PHRIN LAS KYIS, ,MA RIG THIB PA'I 'GRO LA MIG STOB
'DI, ,NAM MKHA'I NOR BU'I 'OD DANG MTHUN PHYOGS NYID, ,DPER BYAS
NI, JI LTAR BSHAD KYANG NOR 'PHRUL MI MDA' ZHING, ,CI TZAM GSUNG
YANG LEGS PAR RAN PA DANG, ,

GONG 'OG 'GAL 'DU ZLOS BU MI GSUNG BA, ,'JAM MGON BLA MA'I GSUNG
GI DPE RU BYAS, ,DPE NI, RANG BZHIN RNAM PAR DAG PA'I THUGS KYI
NGOR, ,JI LTA JI SNYED CHOS KUN DOG MED PAR, ,CIG CAR CHUD PA'I
KHYOD THUGS YANGS PA'I DPE, ,

DVANGS GSAL RAB TU YANGS PA'I NAM MKHA' 'O, ,RTOG NI, LUS CAN
MTHA' DAG BRTZE BAS MA BOR BAR, ,DUS RNAM KUN TU DAM POR 'KHYUD
PA 'DI, ,PHYOGS BCU RGYAL BA SRAS DANG BCAS PA YI, ,BRTZE CHEN
THUGS RJE'I PHUL DANG MNYAM

ZHES RTOG ,DMAN PA NI, RNAM DAG KHUNGS BTZUN ZHVA SER RING LUGS
LA, ,MI PHYED DANG PA BRTAN PO BRNYES GYUR KYANG, ,GZHAN RGYUD
SREG PA'I TSIG MNGA' MI 'PHEN PAS, ,RANG RE'I BSTAN 'DZIN PHAL
CHER KHYOD PAS DMAN, ,CUNG

ZAD DMAN PA NI, 'JAM MGON BLA MA DNGOS STOBS RIGS PA YIS, ,TSAD
MA'I SKYES BUR BSGRUBS PA'I MGON KHYOD LAS, ,DGE LDAN RING LUGS
'DZIN PA'I GRVAR BSDAD BZHIN, ,RIS MED BSTAN PA 'DZIN RLOM CUNG
ZAD DMAN, ,

RAB TU SMRA BA NI, RIGS PAR SMRA BA RNAMS KYIS RTOGS DKA' BA'I,
,ZAB MO STONG BA BRTEN NAS 'BYUNG BA'I TSUL, ,PHAN TSUN 'GAL MED
GROGS SU 'CHAR BA 'DIS, ,ZLA GRAGS RJES SU RAB TU SMRA BA'I
GNAS, ,SO SOR ZLOG NI,

@005B DKA' BA SPYAD NAS GRUB THOB BRNYES PA NI, ,'GRAN PA'I ZLA
DANG BRAL BA'I BSHES KHYOD DANG, ,'JIG RTEN MIG GYUR MAR PA LO
TZ'A GNYIS, ,'KHRUNGS YUL THA DAD TZAM GYIS SO SOR ZLOG ,RIGS
MTHUN MNYAM BYAS NI, SER SNA'I NYES DMIGS

MNGON SUM GZIGS PA YIS, ,RANG SHA STER LA'ANG GUS PAR BYED PA
KHYOD, ,'DZIN MED SBYIN PA'I PHYOGS LA GDUNG MED 'DI, ,DPAG BSAM
SHING DANG RIGS MTHUN MNYAM ZHES 'KHUMS, ,CHOS MTHUN PA NI, GTAN
PA MED PA'I MCHOD

SBYIN BYED PO DANG, ,DBUL PHONGS 'GRO BA'I SKYABS DANG DPUNG
GNYEN KHYOD, ,LAG PA SBYIN PA'I PHYOGS LA YANGS PA 'DI, ,DNGOS
KUN GTONG BAR PHOD PA'I KHYAD CHOS MTHUN, ,CHOS THUN MONG NI,
THUGS RJE RING MED PAR 'JUG PA YIS, ,

'GRO BA KUN LA SMAN BAR MDZAD PA NA, ,JI SNYED PAD MA'I TSAL LA
PHAN STER BA'I, ,NYI 'OD PHOG PA'I CHOS DANG THUN MONG NYID,
,GRIB MA 'DRA BA NI, MA 'DRIS PA YI MDZA' BA BSHES DAM PA'I
PHUL, ,GTAN GYI SKYABS YUL KHYOD KYI BYIN RLABS DANG,

SEMS DPA' CHEN POS SPRUL PA'I CHAR SPRIN DAG ,TSA BAS GDUNGS LA
GRIB MA SNYOMS PAR BSIL, ` ,SDE TSAN GSUM PA LA 'BRU MANG PO'I
TSIG SDUD NI, THUN MTSAMS GSAR BA'I MDANGS LDAN BLA GOS CAN, ,KA
LA PID KA'I

DBYANGS SNYAN MNYAN 'OS GSUNG, ,PHA MTHA' YONGS BRAL NAM MKHA'I
MKHYEN PA CAN, ,LUS NGAG YID KYI DPYID GYUR 'DI NA BDO, ,'GRAN
PA NI, BSHES GNYEN BSTEN NAS LEGS BSHAD BDUD RTZI'I RGYUN, ,CI
TZAM SPYAD KYANG KHYOD THUGS MA

@006A *, ,BKANG BA, ,'DI NI BRGYA PHRAG DU MA'I CHU KLUNG DAG
,SDUD BYED CHU GTER PHUNG PO'I TSUL LA 'GRAN, ,RGYAL BA NI, SKU
GSUNG THUGS KYI MDZAD PA MTHA' DAG LA, ,CI TZAM BRTAG KYANG
SKYON MTHONG DKA' BAS NA, ,DENG

DUS BLA GZUGS TSUL 'CHOS MKHAN PO LAS, ,CI'I PHYIR MI RGYAL YON
TAN KUN LDAN KHYOD, ,SDANG BA NI, DE LTAR BSTAN PA 'DZIN RLOM DE
DAG GI ,RNAM PAR THAR BA'I DPAL BZANG LA SDANG BA'I, ,DON LDAN
SNYAN PA'I GRAGS PAS KHYAB

PA 'DI, ,BDAG YID GSOS SU GYUR PA 'DI KO RMAD, ,'KHU BA NI,
THUGS RJE NUS PA SPYAN RAS GZIGS DBANG DANG, ,PHYAG NA RDO RJE'I
DPAL BZANG LA 'KHU BA'I, ,BYIN RLABS NUS MTHU BSAM GYIS MI KHYAB
PAS, ,SRID ZHI'I 'JIGS PA

KUN LAS SKYOB 'DI MTSAR, ,MI MTHUN SGROGS NI, 'KHRUL BRAL MNGON
SHES MNGA' BA'I MGON KHYOD DANG, ,STON PA'I 'KHOR GYI NYAN THOS
CHEN PO DAG ,LUNG BSTAN TSUL LA SU MKHAS ZHES DRIN, ,'JIG RTEN
PA RNAMS MI MTHUN SNA TSOGS

SGROGS, ,'THAB PA NI, 'GRO BA MA LUS SNGON LA BSGRAL ZIN NAS,
,DE RJES ZHI BDE THOB PA LA DPA' BA'I TSUL, ,SNYING RJE'I LTA
MCHOG SPYAN RAS GZIGS DBANG GI ,SNYING STOBS RMAD DU BYUNG BA'I
TSUL LA 'THAB, ,'PHYA BA NI,

BYAD PHYOGS SHAMBHA LA RU CHOS DANG NOR, ,'DOD DANG THAR PA'I
DGA' STON SPEL BA NI, ,SNGON GYI BSKAL PA RDZOGS LDAN DUS KYI
TSE, ,SDE BZHI'I DPAL LA SPYOD PA'I TSUL LA 'PHYA, ,DMA' 'BEBS
NI, GNAS DER RJE YI BSTAN NI, GNAS DER RJE YI BSTAN

@006B PA SPEL BA'I TSUL, ,SNGON DUS MKHAN SLOB CHOS GSUM GDAN
'DZOM NAS, ,GANGS CAN LJONGS SU BSTAN PA RIN PO CHE, ,DAR BAR
BYED TSUL DE YANG DMA' 'BEBS NUS, ,SMOD PA NI, CHOS RGYAL DRAG
PO 'KHOR LO CAN GYI DUS, ,

PHA ROL GNAD LA BSNUN BA'I DPA' RTZAL GYIS, ,PHO RTZAL SNA DGUR
SBYANGS PHUL MTHAR PHYIN PA'I, ,SRID SGRUB 'PHONG SKYEN TSUL DE
SMOD PAR BYED, ,CO 'DRI BA NI, SA YI RDUL PHRAN GRANGS LA CO
'DRI BA'I, ,GRANGS MED KLA KLO'I TSOGS RNAMS

RMEG MED DU, ,NYON MONGS DANG BCAS RAB TU BCOM PA'I TSE, ,BDAG
KYANG DES PAR RJES SU ZUNGS SHIG KYE, ,'GOG PA NI, DE LTA'I
KHYAD 'PHAGS PHUL BYUNG MDZAD PA 'DIS, ,BLO RAB GSAL BA'I HA NU
MANTHA YIS, ,LA DA MGRIN BCU'I

YAN LAG MCHOG BCAD PA'I, ,GRAGS PA PHYOGS KUN KHYAB PA'I SNYAN
PA 'GOG ,RGOD PA NI, KLA KLO'I TSOGS RNAMS BCOM NAS ZHING MCHOG
DER, ,CHOS NOR 'DOD DANG THAR PA'I BDE BA SOGS, ,RDZOGS LDAN
BZHIN DU SPEL BAR MDZAD

PA YIS, ,SNGON BYON RGYAL BA'I MDZAD LA RGOD DU BRO, ,PHRAG DOG
NI, K'A LA TZAKRA'I PHO BRANG DBUS MA'I TOG ,NYIN MTSAN KHYAD
MED GSAL BAR BYED PA 'DI, ,NYI ZLA ZUNG GIS GLING BZHI KHOR YUG
KUN, ,SNANG BAR BYED PA'I DPAL LA

PHRAG DOG BYED, ,MI BZOD PA NI, GLING BZHI'I PHUN SUM TSOGS PA
YOD DO COG ,GCIG TU SPUNGS KYANG CHA TZAM MI PHOD PA'I, ,ZHING
DE'I LONGS SPYOD MNGA' THANG RGYAS PA LA, ,RGYAL CHEN RNAM MANG
THOS SRAS MI BZOD BYED, ` ,@007A *, ,TSAN BZHI PA LA SKAL BZANG 'PHROG BYED NI, MA 'BOD PAR
YANG 'KHOR MANG DANG GIS 'DU, ,SLONG BA MED PAR 'JIG RTEN NOR
GYIS PHYUG ,KUN LAS RNAM PAR RGYAL BA'I 'PHRIN LAS 'DIS, ,GZHAN
SDE'I TSOGS KYI SKAL BZANG

'PHROG BAR BYED, ,MDZES PA ZUM BYED NI, GSUNG MNYEN 'JAM ZHING
YID 'ONG YID 'THAD SOGS, ,BZHI LHAG DRUG CU'I YAN LAG DANG LDAN
PA'I, ,'GRAN ZLA MED PA'I LEGS BSHAD GSUNG SNYAN 'DIS, ,MU STEGS
GTAM GYI MDZES PA ZUM

PAR BYED, ,'GRAN LAS TSAR GCOD PA NI, CHOS KUN GZIGS LA CHAGS
THOGS MI MNGA' BA'I, ,MKHYEN PA PHUL DU BYUNG BA'I KHYAD PAR
GYIS, ,ZAD MTHA' MI MNGON NAM MKHA'I KHA ZHENG LA, ,'GRAN PAR MA
ZAD CIG SHOS TSAR YANG GCOD, ,

MTSUNGS PA LAS LHAG PAR MDZES PA NI, ,TSE 'DIR ZHEN PA'I 'KHRI
BA RBAD BCAD PA'I, ,BYA BTANG CHOS PA RAB KYI MDZAD PA DANG,
,MTSUNGS PA LAS KYANG 'JIG RTEN CHOS BRGYAD KYI, ,MGO BO SNYOMS
PAR MDZAD PAS LHAG PAR MDZES, ,

RJES SU RKANG PA 'JOG PA NI, ,DBU MA'I SROL CHEN 'BYED PO KLU
SGRUB ZHABS, ,'PHAGS PA LHA NI DE YI SROL 'DZIN LA, ,RNAM 'DREN
KHYOD KYANG DBU MA'I SROL 'DZIN TSUL, ,A'ARYA DE BA'I RJES SU
RKANG PA 'JOG ,NUS PA DE LA 'JUG PA NI,

LHA YI CHU BO SKAL LDAN SHING RTA LA, ,DRI MA 'KHRUD BYED NUS PA
BSAM MI KHYAB, ,LUS CAN KUN GYI LAS SGRIB 'DAG BYED MCHOG ,KHYOD
GSUNG DE LA'ANG DE YI NUS PA 'JUG ,DE YI RJES 'GRO RJES SU
'CHING BA NI, ,'GRO KUN BU LTAR BRTZE BA'I

@007B SNYING RJE NI, ,SDOM BYED 'BRENG THAG RJES SU 'GRO BA'I
PHYIR, ,SNYING RJE DE YIS GRANGS MED 'GRO BA RNAMS, ,GCIG KYANG
'CHOR MED RJES SU 'CHING BAR BYED, ,DE YI DANG TSUL DE 'GOG PA
NI, GCOD PAR DKA' BA'I MTHAR 'JIN GTAD SO DE, ,MGON

KHYOD RDO RJE GZEGS MA'I GTAN CHIGS KYIS, ,GCOD PAR BYED LA DPA'
BA'I NGAG TSUL GYIS, ,R'A MA N'A YI 'PHONG SKYE SNYEMS PA 'GOG
,RJES SU BYED NI, ,JI LTAR NOD PA'I LUS NGAG SNGOM PA RNAMS,
,SROG LAS GCES PAR 'DZIN PA'I DAM PA

KHYOD; ;BCAS PA'I RGYA LAS NAM YANG MI 'GONGS PAS, ,'PHAGS PA
NYE BAR 'KHOR GYI RJES SU BYED, ` ,NGAG DBANG GRAGS PA'I 'GREL
PA NAS BSHAD PA LA DO SNYOMS KYI CHA NI, ,KLU SGRUB DGONGS PA JI
BZHIN MKHYEN PA LA, ,MKHAS PA

KHYOD DANG DO ZLA 'OS PA ZHIG ,DKON KYANG STONG PA RTEN 'BYUNG
GCIG GROGS TSUL, ,JI BZHIN MKHYEN PA'I ZLA GRAGS KHYOD KYI CHA,
,GROGS NI, CHOS RNAMS DON DAM NYID DU RO GCIG KYANG, ,RTOG PAS
SGRO BTAGS KUN RDZOB BDEN PA'I CHOS, ,

SMRA BSAM YUL LAS 'DAS PA'I GRANGS MANG BA, ,KHYOD KYI MKHYEN PA
YANGS PA'I GROGS SU GYUR, ,SPUN ZLA NI, ,TSE YI SNYIGS MA SHIN
TU BDO BA'I DUS, ,BSTAN DANG 'GRO BA'I DON DU DGUNG LO YANG,
,BCU PHRAG BRGYAD DU NYE BAR BZHUGS PA

NI; ;PAn CHEN BLO BZANG CHOS RGYAN SPUN ZLA THOB, ,MTHONG BA NI,
CHOS KUN LAG MTHIL SKYU RU RA LAS KYANG, ,CHES CHER GSAL BAR
GZIGS PA'I KHYOD KYI THUGS, ,DPAG PAR DKA' BA'I CHU SRIN GRONG
KHYER GYI, ,'OG GZHI MI MNGON

@008A *, ,GTING ZAB TSUL LA MTHONG, ,THOS PA NI, GSANGS CAN
MKHAS PA'I GTZUG RGYAN TZONG KHA PAS, ,ZAB CHOS MAN NGAG JI LTAR
STZAL PA'I TSIG ,KHYOD KYIS JI LTA JI BZHIN 'DOMS BA NYID,
,RGYAL BA GNYIS PA'I GSUNG GI RNAM

PAR THOS, ,DRAN PA NI, KHYOD LA RE NAS GSOL BA CI BTAB PA,
,THAMS CAD DNGOS GRUB TSUL DU BYUNG BA 'DIS, ,YID BZHIN DBANG GI
RGYAL PO DE YIS KYANG, ,RE BA SKONG BA'I TSUL DE LEGS PAR DRAN,
,REG PA NI, KHYOD KYI GSANG GSUM

BSAM GYIS MI KHYAB PA'I, ,YON TAN SRID PA GSUM DU SHONG DKA' BA,
,BDAG GI YID LA DOG MED CHUD PA'I 'DI, ,NOR 'DZIN YANGS PA'I
TSUL LA REG SNYAM BYED, ,PHAM PA NI, GANG SKU MTHONG DANG GSUNG
TSIG THOS PA DANG, ,DRAN PAS

'JIGS SKYOB REG PAS 'BREL TSAD KUN, ,DON LDAN MDZAD PA'I PHUL
BYUNG 'PHRIN LAS 'DIS, ,SKYABS GNAS PHAL BA MTHA' DAG PHAM PAR
BYAS, ,SNYEGS PA NI, ,GANG+GA'I KLUNG GI RDUL SNYED CI TZAM PA,
,KHAMS GSUM SKYE DGU'I GRANGS KYANG

DE TZAM ZHIG ,'DREN BA KHYOD KYI SNYING RJE CHEN PO YANG, ,'GRO
BA DE SNYED RE RE'I RJES SU SNYEG ,'DZIG PA NI, SKYABS MGON
KHYOD KYIS KHAMS GSUM DBANG BSDU BA'I, ,RNAM PAR DKAR BA'I
'PHRIN LAS RLABS CHEN DANG, ,MDA' THANG SNYAN PA'I BA DAN

DKAR PO NI, ,SA 'DI BRGAL NAS SRID PA'I MOR 'DZEG ,SEMS PA NI,
DE LTAR SNYING KHONG RUS PAS BLO BKAL TE, ,SKYABS SU 'GRON CI
'DOD DNGOS GRUB KUN, ,BDE BLAG SBYIN PAS SKYABS GCIG DAM PA
KHYOD, ,RIN CHEN DBANG GI RGYAL PO NYID DU

@008B SEMS, ,DE LTAR BSTOD PA'I SA BON 'DZAM BU'I 'BRAS, ,LEGS
BYAS ZLA BA'I MA MAS BSKYED SRINGS SHING, ,'JAM MGON BSTAN PA
GSER DU SMIN BA LA, ,BCOL BA'I NOR BZHIN DGYES DGUR SBYOD GYUR
CIG ,STONG BRTEN 'BYUNG RIGS PAS LEGS BSGRUBS

MTHUS, ,DE NYID STON PA PO LA YID CHES TE, ,DE YI BSTAN PA THAR
'DONG 'JUG DOGS SU, ,DES SHES RNYED PAS RTAG TU 'DZIN GYUR CIG,
,TSE 'DI'I RNAM SHES GNAS PA'I LUS KYI RTEN, ,DOR MA THAG TU
BYANG PHYOGS SHAMBHA LAR, ,LEGS SKYES RIGS LDAN RGYAL PO'I

GSUNG GI TSOGS, ,MYANGS LAS BDE BA'I DPAL LA REG PAR SHOG ,DE
DUS KHYOD GSUNG BDUD RTZI'I RO MYANGS PAS, ,BDAG BLO'I NYON
MONGS MUN TSOGS KUN SANGS TE, ,MI 'GYUR BDE BA CHE LAS MA GA-YOS
BZHIN, ,STONG GZUGS PHYAG RGYA CHEN PO'I SKU THOB

SHOG ;RDO RJE'I RIGS LDAN MTHU STOBS MTHA' YAS PA, ,BKRA SHIS
GLU LEN LHA MO'I TSOGS DANG BCAS, ,DGE LEGS ME TOG CHAR CHEN RAB
PHAB NAS, ,PHUN TSOGS DPAL GYIS ROL PA'I BKRA SHIS SHOG ,'DIR
SNYAN NGAG ME LONG GI LE'U GNYIS PA'I DPE RGYAN MTSUNGS

PA GSAL BYED KYI SGRA LA GRAD SA RE DRUG TU BYAS SHING, ,DE YANG
SDE TSAN BZHIR PHYE BA'I SDE TSAN GNYIS PA'I CHOS MTHUN PA DANG,
CHOS THUN MO DANG, GRIB MA 'DRA BA GSUM SO SOR BGRANG NA RE DRUG
DANG, DE GSUM GCIG TU BGRANG NA RE BZHI DANG, YANG DE GSUM SO
SOR BGRANGS

PA'I STENG DU SDE TSAN DANG PO'I 'DRA BA MA BGRANG NA RE LNGA
DANG, DE GSUM GCIG TU BGRANGS NAS 'DRA BA BOR NA RE GSUM DU YANG
'GYUR ZHING, ,SDE TSOMS SU BCAD PA'I DGOS PA NI, SDE TSAN DANG
PO'I DPE DON GYI NGO BO GSAL BYED DANG, GNYIS PA DPE DON 'DRA BA
GSAL

@009A *, ,BYED DANG, ,GSUM PA DPE DON CUNG ZAD RTOGS DKA' BA
GSAL BYED DANG, BZHI PA GSAL BYED KHYAD PAR 'PHAGS PA YIN ZHES
BYUNG YANG GO RGYU DES 'DRONGS SHIG DKA' BAR 'DUG ,DPER BRJOD
MANG POR TSIG RKANG GNYIS RE TZAM BYAS PA TSIG TSOGS SKYUR BA'I

DGOS PA YOD NA'ANG TSIG NYUNG DUS NYAMS RDZOGS PAR THON DKA' BA
DANG, BLUN PO 'GAS TSIG BCAD DU BSGRIG MI RUNG SNYAM PA'ANG
'BYUNG SRID PAS, ,DES NA 'DIR SHLOO KA LONGS PAR BYAS TE GRANGS
RTZA BA'I DNGOS BSTAN DRUG CU RO DRUG DANG, DAG DBANG GRAGS PA'I
'GREL PA NAS KHA BSKANGS

PA'I BCU GCIG BCAS BSDOMS PAS TSIGS BCAD DON BDUN GYI SGO NAS,
GRUB PA'I DBANG PHYUG CHEN PO 'GRAN GYI DO ZLA MED PA'I DGE BA'I
BSHES GNYEN RJE KLOD RDOL BLA MA NGAG DBANG BLO BZANG DPAL BZANG
PO LA BSTOD PA BYIN RLABS 'BOD PA'I DBYANGS SNYAN ROL MO ZHES
BYA BA 'DI NI, GANG

GI ZHABS PAD BSTEN PA'I MTHU LAS SNYAN NGAG SMRA BA'I SPOBS PA
MI ZHAN PA'I RAB 'BYAMS MING CAN AA LAG SHA NGAG DBANG BSTAN DAR
ZHES BGYI BAS RANG LO DON GNYIS PA LCAGS STAG LO'I HOR ZLA BCU
PA'I MAR NGO'I BCUG SUM LA RDZOGS PAR BGYIS PA'I YI GE PA NI BU
SHRI DGE SLONG GRAGS

PA SHES RAB BO, ,'DIS KYANG TSE RABS THAMS CAD DU DE LTA BU'I
BSHES GNYEN GYIS RJES SU 'DZIN PA'I RGYUR GYUR CIG, ,CES PA 'DI
NI SKU 'BUM BYAMS PA GLING DU DPAR DU BSGRUBS PA'O,, BKRA SHIS
DGE'O 'PHEL,,