@073A *, ? ,(DUS CHEN GYI BSHAD PA NGO MTSAR DGA' SKYED CES BYA BA BZHUGS SO),, ? ,, *, ,STON PA BCOM LDAN 'DAS MNYAM MED SH'AKYA'I RGYAL PO LA PHYAG 'TSAL LO, ,'DIR BDAG CAG GI STON PA SH'AKYA THUB PAS BYIN GYIS BRLAB PA'I DUS CHEN GYI RNAM GZHAG 'CHAD PA LA, CHO 'PHRUL GYI DUS CHEN BSHAD PA, DUS CHEN GZHAN BSHAD PA, DUS CHEN DE DAG LA DGE BA BYAS PA'I PHAN YON BSHAD PA, ZHAR BYUNG GZHAN BSHAD PA DANG BZHI, DANG PO LA, CHO 'PHRUL GYI DUS CHEN DUS NAM GYI TSE BYUNG BA, RKYEN JI LTA BUS BYUNG BA, TSUL JI LTAR BYUNG BA BSHAD PA DANG GSUM, DANG PO DUS NAM GYI TSE BYUNG BA NI, BDAG CAG GI STON PA SH'AKYA THUB PA DGONG LO NGA BDUN PA ME PHO 'BRUG GI LO BYUNG, RKYEN JI LTA BUS BYUNG BA NI, DE'I SNGAR LO SHING YOS LA BCOM LDAN 'DAS 'KHOR DGE SLONG STONG NYIS BRGYA LNGA BCU'I DGE 'DUN DANG BCAS PA RGYAL PO'I KHAB KYI 'OD MA'I TSAL NA BZHUGS PA'I TSE, MU STEGS KYI STON PA RDZOGS BYED, KUN DU RGYU GNAG LHAS KYI BU, SMRA 'DOD KYI BU YANG DAG RGYAL BA CAN, MI PHAM SKRA'I BU LA BA CAN, KA TA'I BU NOG PO CAN, GCER BU PA GNYEN GYI BU DANG DRUG KYANG DER GNAS PA LAS RGYAL PO DANG BLON PO DANG, KHYIM BDAG DANG YUL MI RNAMS RIM GYIS SANGS RGYAS LA DAD DE ZHABS TOG BSNYEN BKUR ZHU BA, JI MANG DANG, MU STEGS KYI STON PA DRUG LA ZHABS TOG BSNYEN BKUR BYED PA JE NYUNG DU SONG BAS BCOM LDAN 'DAS LA PHRAG DOG GIS YID SKYOD DE YUL DE'I RGYAL PO GZUGS CAN SNYING PO'I DRUNG DU SONG STE, BDAG CAG SANGS RGYAS DANG CHO 'PHRUL 'GRAN DU CHU GCIG ,CES ZHUS PAR RGYAL POS BZLOG KYANG MNYAN PAS SANGS RGYAS LA ZHUS PAR, SANGS RGYAS KYIS NGA NYID DUS MKHYEN NO ZHES ZHAL GYIS BZHES TE, SANGS RGYAS 'KHOR BCAS YUL YANGS PA CAN, KO'U SHAMBI, WAR GYI, THIG CHA SHI RI, WA RA nA SI, SER SKYA RNAMS SU RIM PA @073B BZHIN BYON PA'I MTHAR MNYAN YOD DU PHEB, MU STEGS KYI STON PA DRUG 'KHOR BCAS DANG, RGYAL PO GZUGS CAN SNYING PO 'KHOR KHRI PHRAG DRUG CU, LI TZA BYI 'KHOR KHRI PHRAG BDUN, RGYAL PO AU TRA YA NA 'KHOR STONG PHRAG BRGYAD KHRI, RGYAL PO SHUN TZID LA 'KHOR KHRI PHRAG LNGA, RGYAL PO AINTRA WA RMI 'KHOR KHRI PHRAG DRUG ,RGYAL PO TSANGS SBYIN 'KHOR KHRI PHRAG BRGYAD CU, SH'AKYA'I 'KHOR KHRI KHRAG DGU DANG BCAS PA RNAMS KYANG SANGS RGYAS KYI RJES SU 'BRANGS TE SHING YOS DGUN ZLA THA CHUNG LA MNYAN YOD DU 'TSOGS, MU STEGS KYI STON PA DRUG MNYAN YOD KYI RGYAL PO GSAL RGYAL GYI DRUNG DU SONG STE, DGE SBYONG KO'U TA MA DANG BDAG CAG CHO 'PHRUL 'GRAN PAR DUS BYAS PA LAS DUS LA BAB PA DANG BYOL ZHING BROS TE, DA NI 'KHOR MANG PO YANG RGYAL PO'I YUL DU 'TSOGS KYI RGYAL PO CHEN POS BDAG CAG 'GRAN DU CHU GCIG ,CES ZHUS PAN RGYAL POS BZLOG KYANG MNYAN PAS RGYAL PO GSAL RGYAL GYIS BCOM LDAN 'DAS LA, MU STEGS STON PA DRUG GIS CHO 'PHRUL 'GRAN PAR YANG NAS YANG TU BSKUL BAR 'DUG PAS, BCOM LDAN 'DAS KYIS 'DI DAG CHO 'PHRUL GYIS TSAR BCAD DU GSOL ZHES GSOL BAS NGA NYID DUS MKHYEN NO, ,ZHES BKA' STZAL PA DANG, GSAL RGYAL GYIS SA PHYOGS BYI BDAR BYAS SHING BRGYAN TE 'KHOR MANG PO BSDUS PA LA BRTEN NAS BYUNG, GSUM PA TSUL JI LTAR BYUNG BA NI, ME 'BRUG GI HOR ZLA DANG PO'I TSES GCIG LA THAMS CAD 'TSOGS PA'I SAR RGYAL PO GSAL RGYAL GYIS SANGS RGYAS LA CHOS STON DRANG BA'I TSE TSEMS SHING SA LA BTZUG MA THAG TU, RTZA BA DANG SDONG PO DANG YAL GA RNAMS RIN PO CHE SNA BDUN GYI RANG BZHIN CAN, DPAG TSAD LNGA BRGYA'I DBANG SA DANG RGYA KHYON DANG LDAN PA LO 'DAB DANG ME TOG SHIN DU YID DU 'ONG ZHING, 'BRAS BU BRE LNGA SHONG BA'I BUM PA'I TSAD DANG LDAN PA, KHA DOG DANG 'OD ZER GYIS NYI ZLA ZIL GYIS GNON @74A *, ,CING; RLUNG GIS BSKYOD PA'I DRI BSUNG DANG SGRA LAS CHOS KYI SGRA 'BYUNG BA SBRUL, TSES GNYIS LA RGYAL PO AU TRA YA NAS MCHOD PA'I TSE SKU'I G-YAS G-YON DU RIN PO CHE'I RI MTHO ZHING BRJID CHAGS PA, LJON SHING YAL GA LO 'DAB DANG ME TOG DANG 'BRAS BU MDZES SHING YID DU 'ONG BA CAN GNYIS LAS, G-YAS KYI RIL MI RNAMS 'BRAS BU PHUN SUM TSOGS PA LA LONGS SPYOD PA DANG, G-YON GYI RIL DUD 'GRO RNAMS RTZA SNGO LJANG BCUD DANG LDAN PA LA BDE BAR LONGS SPYOD PA SBRUL, TSES GSUM LA SHUN TZI RGYAL POS MCHOD PA'I TSE ZHAL BSHAL BA'I CHUS LA DOR BA LAS, CHU YAN LAG BRGYAD LDAN GYIS GANG BA'I RDZID BU DPAG TSAD NYIS BRGYA'I RGYA KHYON CAN, RIN CHEN SNA BDUN GYIS BRGYAN CING, SHING RTA'I 'PHANG LO TZAM GYI PADMA KHA DOG SNA TSOGS PA 'OD ZER GYIS PHYOGS THAMS CAD SNANG BAR BYED PA MANG POS MDZES PAR BYAS BA SBRUL, TSES BZHI LA RGYAL PO AINDRA WA RMIS MCHOD PA'I TSE SNGAR NYIN SPRUL PA'I RDZID BU'I NGOS BZHIN CHU KLUNG YUR BA BRGYAD YOD LA 'BAB PA 'KHOR ZHING RDZING BU'I NANG DU 'BAB PA'I SGRA LAS BYANG CHUB YAN LAG BDUN, 'PHAGS LAM YAN LAG BRGYAD, RNAM THAR GSUM, PHAR PHYIN DRUG ,TSAD MED BZHI SOGS CHOS KYI SGRA SGROGS PA SPRUL, CHOS LNGA LA RGYAL PO TSANGS SBYIN GYIS MCHOD PA'I TSE BCOM LDAN 'DAS KYI ZHAL GYI 'DZUM LAS 'OD ZER STONG GSUM KHYAB PA 'PHROS PA'I 'OD ZER DES LUS LA REG PA'I SKYE DGU RNAMS DUG GSUM DANG SGRIB PA LNGA DANG BRAL TE, LUS SEMS RAB TU BDE BA LA BKOD PA SPRUL, TSES DRUG LA LI TZA BYI RNAMS KYIS MCHOD PA'I TSE 'KHOR 'DUS PA THAMS CAD KYIS GCIG GCIG GIS BSAM PA SHES SHING SO SO'I DGE BA DANG MI DGE BA'I LAS 'BRAS MNGON DU GYUR NAS LAS 'BRAS LA YID CHES KYI DAD PAS STON PA'I YON TAN BRJOD CING DGE TSOGS RGYA CHEN PO BSKRUN PA SPRUL, TSES BDUN LA SH'AKYA'I @074B RIGS RNAMS KYIS MCHOD PA'I TSE, STON PA'I 'KHOR RNAMS SO SO NAS 'KHOR LOS BSGYUR BA'I RGYAL PO RGYAL SRID SNA BDUN BU STONG, RGYAL PHRAN DANG BLON PO'I TSOGS MANG POS BSKOR BA KUN LA MNGON DU GYUR NAS NGO MTSAR DANG DAD PA RMAD DU BYUNG BA SKYES TE CHOS LA SBYAR BA SPRUL, 'DI DAG GI TSE MU STEGS KYI STON PA DRUG CHO 'PHRUL STON PAR 'DOD KYANG YAN LAG RENGS KHA 'THAMS, SEMS KHUNG DU CHUD CUNG ZAD KYANG STON PA'I MTHU MED PAR GYUR, CHOS BRGYAD LA LHA'I DBANG PO BRGYA BYIN GYIS SENG GE'I KHRI BSHAMS PA LA SPYAN DRANGS NAS BZHUGS SU GSOL TE, LHA TSANGS PAS G-YAS NAS MCHOD, BRGYA BYIN GYIS G-YON NAS MCHOD PA'I TSE BCOM LDAN 'DAS KYI PHYAG G-YAS PA'I SOR RTZES KHRI LA REG PAS SGRA SKAD SHIN TU CHE BA ZHIG BYUNG BA DANG MNYAM DU SRIN PO LNGA BYUNG STON PA DRUG GI KHRI BSHIG ,PHYAG NA RDO RJES ME RAB TU 'BAR BA'I RDO RJES BSKRAD, KHA CIG SKYENGS TE CHU LA MCHOD, MU STEGS KYI 'KHOR DGU KHRI CHIG STONG BCOM LDAN 'DAS LA SKYABS SU SONG TE RAB TU BYUNG ZHING BSNYEN PAR RDZOGS, TSES BSTAN PAS DGRA BCOM PAR GYUR PA SPRUL, TSES DGU LA LHA TSANGS PAS MCHOD PA'I TSE, BCOM LDAN 'DAS KYI SKU MNYAN YOD KYI KHRI LA BZHUGS BZHIN PA'I DBU TSANGS PA'I YUL SAR BSNYEGS PA GNAM SA'I KHYON KUN SGRIB PA MED PAR KUN GYIS MNGON SUM DU GSAL BAR MTHONG PAR BZHUGS NAS CHOS STON PA SPRUL, TSES BCU LA RGYAL CHEN BZHIS MCHOD PA'I TSE, SKU LUS KYIS SRID RTZE'I BAR KHYAB PA ? KUN GYIS MTHONG ZHING GSUNG GIS CHOS STON PA KUN GYIS THOS PA SPRUL, TSES BCU GCIG LA KHYIM BDAG MGON MED ZAS SBYIN GYIS MCHOD PA'I TSE BCOM LDAN 'DAS SENG GE'I KHRI LA BZHUGS BZHIN DU SKU MI SNANG ZHING 'OD ZER GYIS STONG GSUM KHYAB PA DANG GSUNG GIS CHOS STON PA THOS PA SPRUL, TSES BCU GNYIS LA KHYIM BDAG TZID SA MCHOD PA'I TSE @075A *, ,TING NGE 'DZIN GYI MTHUS SKU LAS GSER GYI KHA DOG LTA BU'I 'OD ZER BKYES PA STONG GSUM GYI 'JIG RTEN GYI KHAMS KUN SNANG BAR BYAS NAS 'OD KYIS REG PA'I SEMS CAN THAMS CAD DUG GSUM GYI SEMS ZHI NAS SEMS CAN THAMS CAD GCIG LA GCIG PHA MA 'AM PHU NU LTA BUR MDZA' ZHING SDUG PA'I SEMS DANG LDAN PAR GYUR PA LA CHOS STON PA SPRUL, TSES BCU GSUM LA SHUN CI RGYAL POS MCHOD PA'I TSE, SKU'I LTE BA'I DKYIL 'KHOR LAS 'OD ZER GNYIS 'PHROS PA 'DOM BDUN 'PHAGS, DE'I STENG DU PADMA LA SPRUL SKU MTSAN DPE'I BRGYAN PA RE RE, DE GNYIS KYI LTE BA NAS 'OD ZER GNYIS GNYIS 'PHROS PA 'DOM BDUN DU 'PHAGS PA'I STENG DU PADMA LA SPRUL SKU MTSAN DPES BRGYAN PAR RE RE, DE LAS KYANG 'OD ZER DANG PADMA DANG SPRUL SKU SNGAR LTAR GCIG LAS GNYIS, GNYIS LAS BZHI, BZHI LAS BRGYAD, BRGYAD LAS BCU DRUG SOGS GNYIS GNYIS 'PHROS PAS STONG GSUM KHYAB PA KUN LA MNGON DU GYUR PA SPRUL, TSES BCU BZHI LA RGYAL PO AU TRA YA NAS MCHOD PA'I TSE, AU TRA YA NAS SANGS RGYAS KYI SKU LA ME TOG GTOR BA RIN PO CHE'I SHING RTA NOR BUS SPRAS PA MTHO KHYAD TSANGS PA'I 'JIG RTEN GYI BAR DU 'PHAGS PA BRGYA PHRAG PHYED DANG BCU GSUM GYI GRANGS DANG LDAN PAR GYUR PA'I SHING RTA RE RE'I STENG DU SPRUL PA'I SANGS RGYAS RE RE BZHUGS PA'I 'OD KYIS STONG GSUM KHYAB PA SPRUL, TSES BCO LNGA LA RGYAL PO GZUGS CAN SNYING POS MCHOD PA'I TSE, ZOS NA LUS SEMS LA BDE BA KHYAD PAR CAN SKYED PA'I RO BRGYA PA'I ZAS KYIS SNOD THAMS CAD GANG BAR MDZAD CING, PHYAG G-YAS SA LA BSNUM MA THAG DMYAL KHAMS BCO BRGYAD KYI SEMS CAN RNAMS SMRE SNGAGS SNA TSOGS 'DON PA KUN GYIS MNGON PAR GYUR PA LA BRTEN NAS DANG NGAS SKRAG DANG SKYO BA TSAD MED PA SKYES PA LA CHOS BSTAN PAS LA LA SHI 'PHOS TE LHAR SKYES, LA LA BYANG CHUB TU SEMS BSKYED, @075B LA LAS RGYUN ZHUGS NAS DGRA BCOM PA'I BAR GYI 'BRAS BU MNGON DU BYAS PA'I SPRUL PA STON PAR MDZAD, DE LTAR NYIN BCO LNGA LA CHO 'PHRUL RE RE BSTAN PAS NYIN RE BZHIN 'KHOR GYI SEMS CAN LHAR SKYE, SEMS SKYED PA; 'BRAS BU THOB PA DPAG TU MED PA BYUNG ZHING DE PHYIN CHAD DPYID RA BA'I YAR DO'I TSES BCO LNGA PO DUS CHEN DU BYIN GYIS BRLABS PA YIN, GNYIS PA CHO 'PHRUL MCHOD PA JI LTAR BYUNG BA NI, BCOM LDAN 'DAS KYIS CHO 'PHRUL CHEN PO BSTAN ZIN PA PA DANG MNYAN YOD DU TSE 'PHRUL MCHOD RTEN NAM MU STEGS PHAM BYED KYI MCHOD RTEN BRTZIGS SHING, DE'I PHYI LO NAS CHO 'PHRUL MCHOD PA YANG TSUGS TE RGYA GAR GYI PAn GRUB DANG RGYAL PO DANG BLON PO DANG, KHYIM BDAG DAD PA CAN LA SOGS PAS YUL SO SOR CHO 'PHRUL CHEN PO'I DUS CHEN LA MCHOD PA DANG DUS STON BYED PA DAR BAR GYUR, DE'I RGYUN GYIS BOD DU YANG CHOS RGYAL GONG MA NAS BZUNG STE BLA MA DANG SBYIN BDAG DANG STOBS DANG LDAN PA RNAMS KYIS RIM PA LTAR CHO 'PHRUL GYI DUS CHEN LA MCHOD PA MDZAD PA MANG DU BYUNG ZHING, LHAG PAR 'JAM DBYANGS BLA MA TZONG KHA PA CHEN POS LHA LDAN SPRUL PA'I GTZUG LAG KHANG DU JO BO SH'AKYA MU NES GTZO MDZAD PA'I RTEN SUM KHYAD PAR CAN GYI DRUNG DU, MCHOD PA RGYA CHEN PO BSHAMS TE DGE 'DUN KHRI PHRAG LHAG DANG BCAS PAS SHING BYI ZLA BA BCU GNYIS PA'I GNAM GANG LA SNYAN GSAN STA GON DANG, SHING GLANG ZLA BA DANG PO'I TSES GCIG NAS NYA'I BAR MCHOD PA DNGOS GZHI LHA SA SMON LAM CHEN MOR GRAGS PA'I CHO 'PHRUL MCHOD PA MDZAD CING, DE'I RGYUN DENG SANG GI BAR DU MCHAD PAR YOD, RJE BTZUN BLA MA TZONG KHA PA CHEN PO'I MDZAD CHEN DE'I RJES SU 'BRANGS TE CHO 'PHRUL SMON LAM DU GRAGS PA DBUS GTZAD, MNGA' RIS, BAR KHAMS, MDO SMAD, SOGS YUL RNAMS SU MDZAD MKHAN MANG DU BYUNG ZHING, MA HA TZI NA'I YUL KHAMS @076A *, ,SU 'JAM DBYANGS GONG MA CHEN PO SHIN TZU RGYAL PAS LHA KHANG SER POR GRAGS PA'I GTZUG LAG KHANG GSAR DU BZHENGS, DER DGE 'DUN GYI SDE BSDUS TE, SA BYA ZLA BA DANG PO'I TSE BRGYAD NAS, CHO 'PHRUL SMON LAM 'DZUG PAR MDZAD PA DENG SANG GI BAR DU JE 'PHEL DU GYUR, DE YANG SNGA SOR ZLA BA DANG PO'I TSES BRGYAD NAS BCO LNGA'I BAR CHO 'PHRUL SMON LAM MDZAD BZHIN PA'I STENG DU 'JAM DBYANGS GONG MA CHEN PO BDE SKYID RGYAL POS TZAN DAN JO BO BZHUGS PA'I GTZUG LAG KHANG GSAR BZHENGS DER DGE 'DUN GYI SDE BSDUS TE, SA 'BRUG ZLA BA DANG PO'I TSES GSUM NAS TSES BRGYAD KYI BAR CHO 'PHRUL MCHOD PA ZHAG PO 'PHAR ? MA SNON PAR MDZAD, SPYIR ZLA BA DANG PO'I TSES GCIG NAS BCO LNGA'I BAR CHO 'PHRUL CHEN PO'I DUS CHEN YIN CING, RJE BTZUN TZONG KHA PA CHEN POS THOG MAR CHO 'PHRUL SMON LAM ZLA BA DANG PO'I TSES GCIG NAS BCO LNGA'I BAR MDZAD KYANG BREL BA SOGS RKYEN DBANG GIS PHYIS SU LHA SA SMON LAM YANG ZLA BA DANG PO'I TSES BRGYAD NAS MGO 'DZUG PAR GYUR CING, PHYOGS GZHAN DU'ANG TSES GSUM NAS MGO 'DZUG PA DANG BRGYAD NAS MGO 'DZUG PA SOGS CI RIGS PA BYUNG, DE YANG ZLA BA DANG PO'I YAR NGO'I ZHAG BCO LNGA PO CHO 'PHRUL GYI DUS CHEN YIN KYANG TSES BDUN YAN GYI CHO 'PHRUL LA 'GRAN ZLA DANG BCAS PA'I CHO 'PHRUL DANG, TSES BRGYAD KYI NYIN MU STEGS KYI STON PA DRUG BCOM ZHING, DE DAG GI 'KHOR DGU KHRI CHIG STONG BCOM LDAN 'DAS LA SKYABS SU SONG STE RAB TU BYUNG ZHING BSNYEN PAR RDZOGS RI DGRA BCOM PAR GYUR PAS DE PHYIN GYI CHO 'PHRUL LA 'GRAN ZLA MED PA'I CHO 'PHRUL DU GRAGS PA DANG, RJE BTZUN TZONG KHA PA CHEN POS KYANG ZLA BA DANG PO'I TSES BRGYAD KYI NYIN JO SH'AKYA SOGS SKU'I RTEN THAMS CAD LA GSER CHAB SGRON PAR MDZAD PA DUS CHEN KHYAD PAR BA LA DGONGS PA YIN PAS PHYIS @076B SU TSES BRGYAD LA MGO 'DZUG PA DANG, LO GSAR GYI CHOS ? GCIG SRID GSUM BDAG MO MCHOD PA'I DUS KHYAD PAR PA YIN PAS SRID GSUM BDAG MO MCHOD PA DANG, PHAL MO CHES LO GSAR GYI DGA' STON BYED PA SOGS BREL BA CHE BAS TSES GNYIS LA SBYOR BA BYAS NAS, TSES GSUM LA DNGOS GZHI'I MGO 'DZUG PA BYUNG, GNYIS PA DUS CHEN GZHAN BSHAD PA NI, BDAG CAG GI STON PA DANG RGYUD GCIG PA'I LHA'I BU DAM PA DOG DKAR POS DGA' LDAN GYI LHA RNAMS LA CHOS STON CING BZHUGS PA LAS 'DZAM BU GLING DU MDZAD PA BCU GNYIS STON PA'I DUS LA BAB PA NA MI PHAM PA RANG GI TSAB TU BSKOS TE DGA' LDAN NAS 'PHO TSUL BSTAN CING, SA LUG HOR ZLA DRUG PA'I TSES BCO LNGA LA YUM SGYU MA LHA MDZES KYI LHUMS SU ZHUGS, DE NAS ZLA BA BCU RDZOGS PA'I LCAGS SPREL SA GA ZLA BA BZHI PA'I TSES BDUN LA LUMB'I'I TSAL DU YUM BZHENGS NAS PA LAKshA'I ? YAL GA LA PHYAG G-YAS PAS BRTEN NAS BZHUGS PA'I GLO G-YAS PA NAS SKU BLTAMS, SA BYI HOR ZLA BZHI PA'I TSES BRGYAD LA MCHOD RTEN RNAM DAG GI DRUNG DU NYID KYI DBU SKRA NYID KYIS BSIL, BRGYA BYIN GYIS GOS NGUR SMRIG PHUL BA BZHES TE RAB TU BYUNG, SHING RTZA ZLA BA BZHI BA'I TSES BCO LNGA LA MA GA TA RDO RJE GDAN GYI BYANG CHUB KYI SHING AA SHOD THA'I DRUNG DU RTZVA ZOR BA'I GDAN LA RDO RJE SKYIL KRUNG GIS BZHUGS TE MNGON PAR RDZOGS PAR SANGS RGYAS, LO DE KA'I ZLA BA DRUG PA'I TSES BZHI LA TSANGS PA DANG BRGYA BYIN GNYIS KYIS CHOS 'KHOR BSKOR BAR GSOL BA BTAB PA LA BRTEN NAS WA RA nA SER 'KHOR LNGA SDE BZANG PO SOGS LA BKA' DANG PO BDEN PA BZHI'I CHOS 'KHOR BSKOR, LCAGS PHYI ZLA BA DGU PA'I NYER GNYIS LA YUM SGYU MA LHA MDZES KYI SKU'I SKYE BA SOGS LHA MANG PO BDEN PA MTHONG BA LA BKOD DE SUM BCU RTZA GSUM NAS 'DZAM @077A *, ,BU GLING DU BYON PAS LHA LAS BAB, LCAGS 'BRUGS GA ZLA BA'I TSES BCO LNGA LA YUL RTZA CAN DU SHING S'A LA ZUNG GI BAR DU SKU DNGOS KYI GDUL BYA RNAMS KYI DON RDZOGS PAR MDZAD DE RTAG 'DZIN CAN CHOS LA BSKUL BA DANG MI RTAG PA'I NGANG TSUL STON PA'I PHYIR MYA NGAN LAS 'DAS PA'I MDZAD PA BSTAN PAS TSE GRANGS DE RNAMS DUS CHEN DU BYIN GYIS BRLABS PA YIN, GSUM PA DUS CHEN DE RNAMS LA DGE BA BYAS PA'I PHAN YON NI, SPYIR DUS CHEN DE THAMS CAD LA DGE BA GANG BYAS PHAN YON CHE ZHING KHYAD PAR DU, CHO 'PHRUL CHEN PO BYANG CHUB BRNYES PA CHOS 'KHOR BSKOR BA, LHA LAS BAB PA'I DUS CHEN BZHI LA KHA DON DGE SBYOR RTEN LA PHYAG MCHOD, ,DGE 'DUN LA BSNYEN BKUR SOGS DGE BA GANG BYAS BYE BA PHRAG BRGYAR 'GYUR BAR MDO LAS BSHAD, DE YANG DPER MTSON NA LHAG BSAM RNAM PAR DAG PAS 'BRAL PHUL GANG SBYIN PAR BTANG BA'I 'BRAS BUS 'BRAS KHAL BRGYAD 'BUM SUM KHRI SUM STONG SUM BRGYA SUM CU RTZA GSUM DANG BRE DRUG PHUL BZHI 'BYANG BAR BSHAD PA SOGS KYIS MTSON TE SHES PAR BYA, BZHI PA ZHAR BYUNG GZHAN BSHAD PA NI, CHO 'PHRUL SMON LAM GYI SKABS SU SKOR LAM LA RJE BTZUN BYAMS PA'I SKU BRNYAN SPYAN 'DREN BYED PA NI, 'DZAM BU GLING PA'I MI'I TSE TSAD TSE LO BCU BA'I BAR DU MAR 'GRIB TE, DE NAS SLAR RIM GYIS YAR 'PHEL NAS TSE LO BRGYAD KHRI BAR GYUR BA NA RGYAL BA BYAMS PA MGON PO 'JIG RTEN DU 'BYON PAR 'GYUR BA YIN LA DE'I TSE 'KHOR GYI THOG MAR SKYE BA'I RTEN 'BREL BSGRIGS PA'I CHED DU DA LTA SKU BRNYAN SPYAN 'DREN BA DANG DE LA PHYAG MCHOD SMON LAM 'DEBS BA SOGS TSUL BZHIN DU BYAS NA DON DE 'GRUB PA'I @077B DGOS PA YOD PAS RJE BDAG NYID CHEN POS CHO 'PHRUL MCHOD PA'I DUS SU BYAMS PA SPYAN 'DREN SOGS MDZAD PA, DE'I SROL RGYUN DA LTA'I BAR DU MDZAD PA YIN, 'CHAM MDZAD PA NI, RGYAL BA'I BSTAN SRUNG MTHU RTZAL CAN RNAMS DANG SNGAGS 'CHANG RNAL 'BYOR RNAMS KYIS DGRA BGEGS GDUG PA CAN RNAMS TSAR GCOD PA'I GAR 'CHAMS JI LTAR MDZAD PA DE'I GAR CHAS SU ZHUGS NAS DE'I NGA RGYAL DANG LDAN PAS 'CHAM STABS RNAMS BYAS NA RANG NYID KYIS LAS BYED PA LA NUS MTHU CHE BA DANG CHOS SKYONG SNGAGS 'CHANG RNAMS KYI THUGS RGYUD BSKUL TE DE RNAMS KYANG 'CHAM STABS DANG BCAS TE DGRA BGEGS SGROL BA SOGS KYI LAS LA 'JUG PAR 'GYUR BA'I DGOS PA CHEN PO YOD, DE LTAR NA CHO 'PHRUL MCHOD PA DANG BYAMS PA'I SKU BRNYAN SPYAN 'DREN PA DANG, GAR 'CHAMS BYED PA SOGS KYANG DGOS PA CHEN PO DANG BCAS PA YIN PAS BYED PA PO DANG LTAD MO BA RNAMS KYIS RJES SU YI RANG BA BYA BAR RIGS SO, ,CES DUS CHEN GYI BSHAD PA NGO MTSAR DGA' SKYED CES BYA BA 'DI NI 'JAM DBYANGS GONG MA'I RGYAL KHAB CHEN PO PE'I CING GI BLA MA SER MO BA THAMS CAD LA LUGS GNYIS KYI BSLAB BYA LEGS PAR SLOB PA'I JA SAG GI GTZO BO 'JAM DBYANGS GONG MA'I LUNG GIS KVAN TING PHU HU'I HOR SHAN TA KOO SHR'I MTSAN GZHAN MER GEN CHOS RJES 'DI LTA BU ZHIG GYIS ZHES, BKA' STZAL PA LTAR BAN RGAN GYIN PA NGAG DBANG BLO BZANG CHOS LDAN GYIS MDO SDE 'DZANGS BLUN DANG LUNG RIG GTER MDZOD SOGS LAS BSHAD PA LTAR BOD CHOS LHA KHANG DU SBYAR BA'I YI GE BA NI RNAM DPYOD DANG LDAN PA'I DGE SLONG DPAL BZANG NGO,, ,,BKRA SHIS PAR GYUR CIG, ,,