*, ,(RTEN LA GZUNGS 'JUG ? 'BUL TSUL SHEL DKAR ME KHONG ZHES BYA BA BZHUGS SO,) *, ,SKAL BZANG RNAM 'DREN GZHAN LAS SMON LAM DANG, ,THUGS RJE BRTZON STOBS PHUL DU BYUNG BA YIS, ,MI MJED ZHING GI 'GRO RNAMS PHAN BDE LA, ,'GROD MDZAD SH'AKYA'I TOG LA GUS PHYAG 'TSAL, ,BDE LDAN ZHING GI MGON PO 'OD DPAG MED, ,CHER SNYIGS LNGA BRGYA'I 'GRO LA BRTZER DGONGS TE, ,GSUM LDAN RDO RJE 'DZIN PA'I SKUR BSTAN PA, ,PAn CHEN CHOS KYI RGYAL POR GUS PHYAG 'TSAL, ,GRU 'DZIN BDAG POS SH'AKYA'I RGYAL PO YI, ,BSTAN 'GRO'I DON GYI RLABS CHEN MDZAD PA'I KHUR, ,LHAG BSAM KHYOGS LA BLANGS TE 'DEGS PA'I SLAD, ,GANGS CAN MGON POR SPRUL LA GUS PHYAG 'TSAL, ,DE LA 'DIR LHA DANG BCAS PA'I SKYE DGU THAMS CAD KYIS PHYAG MCHOD SOGS KYI BSOD NAMS SOGS PA'I ZHING DAM PA SANGS RGYAS BYANG SEMS KYI SKU @89B BRNYAN DANG MCHOG RTEN LA GZUNGS GZHUG 'BUL TSUL MDOR BSDUS TE LAG TU BLANGS BDE BAR DGOD PAR BYA'O, ,DE LA GNYIS, YO BYANG STA GON BYA BA DANG, 'BUL TSUL DNGOS SO, ,DANG PO LA GSUM, SROG SHING DANG, GZUNGS SNGAGS DANG, DE LAS GZHAN PA'I YO BYAD DO, ,DANG PO NI, SKU GZUGS LA SROG SHING NGES CAN DU MI DGOS KYANG SKU TSAD CHE BA'I RIGS LA SROG SHING PHUL BA PHUN SUM TSOGS PA'I YAN LAG TU 'GYUR BAS PHUL BA LEGS LA, MCHOD RTEN LA NI CHE CHUNG GANG YIN KYANG 'BUL THUB PHYIN 'BUL DGOS SO, ,DE LTAR NA SROG SHING GI RGYU NI RAB TZANDAN DKAR DMAR, DE MA 'BYOR NA DUG RIGS DANG CHU SHING DANG SNYUG MA DANG KHONG RUL DANG GAS CHAG CAN DANG 'BUS ZOS PA SOGS SHING NGAN PA MA YIN PA'I SHUG PA'AM 'BRAS BU CAN GYI SHING DANG SHING MYA NGAN MED PA LTA BU SHING BZANG PO SKYON MED, DE YANG GSAR DU GCOD DGOS TSE MA BCAD PA'I SNGA ROL DU MI GZHAN GYI BDAG PO YOD NA DE LA RIN BCAL TE GNANG BA ZHU BA DANG, SHING GI BDAG PO MI MA YIN LTA BU MI MNGON PA LA MCHOD GTOR SOGS PHUL TE GNANG BA ZHU ZHING MI BKAG PA'I MTSAN MA BYUNG BA NA GZA' SKAR TSES GRANGS SHIS PA'I NYIN SHAR GYI PHYOGS MI NOR BA'I MTSAN MA BTAB STE BCAD, DBYIBS NI SKU GZUGS LA GRU BZHI PA RTZA RTZE'I RNAM PA'I PHRA SBOM YOD PA DANG, MCHOD RTEN LA BRE'I STENG GI GDUGS 'DEBS YAN CHAD ZLUM PO DE MAN CHAD GRU BZHI, TSAD NI RING THUNG SKU GZUGS LA GSANG GNAS NAS GTZUG TOR RAM DBU'I NANG GI PAR DANG, MCHOD RTEN LA RMANG DGE NAS TOG GAM THUGS RJE MDO GZUNG GI BAR, PHRA SBOM RTEN CHE CHUNG LA DPAGS TE RIGS PAS DPYAD, RTZE MOR RNAM RGYAL MCHOD RTEN DANG RTZA BAR RDO RJE PHYED PA BRKO PA'AM MA GRUB @90A *, ,NA 'BRI BAR GZHUNG LAS BSHAD CING PHYAG LEN LA ZHABS KYI MTHIL DU LTE BA DANG PHYOGS BZHIR PAD 'DAB RVA DANG BCAS PA'I RDO RJE'I MGO STE SNA TSOGS RDO RJES SROG SHING GI ZHABS GTUM PA LTA BU MDZAD PA MTHONG ZHING DOGS GCOD ZHUS PAR PHYAG LEN DE GNYIS KA MDZAD GIN YOD PAR GSUNG BAS DE GNYIS KA GANG BYAS KYANG RUNG, MDOG NI TZAN DAN DMAR PO LTA BU YIN NA TSON BYUG MI DGOS SHING GZHAN YIN NA MTSAL LTA BUS DMAR POR BSGYUR TE YI GE GSER LTA BUS BRIS NA SHIN TU LEGS, DE LTA BU MA 'BYOR NA YI GE GANG GIS 'BRI BA'I MDOG DANG MI ZLOS PA'I TSON GYIS BYUG ,DE LA SKU GZUGS KYI SROG SHING GI SPYI BO, ,MGRIN PA, SNYING KA ,LTE BA, GSANG GNAS TE GNAS LNGA'I THAD DU RIM PA BZHIN, AOm A'A: H'Um TRAm HRI: ZHES PA DGOD CING, MCHOD RTEN LA BRE; BRE STAN, BUM STONG, BUM RKED, BUM SMAD RNAMS KYI THAD DU YI GE LNGA DGOD, SKU'I DBU'I DBYINGS DANG MCHOD RTEN GYI BRE'I THAD LA, AOm SARBA BIDY'A SV'AH'A, ZHES DANG, MGRIN PA DANG BRE RTEN GYI THAD LA DBYANGS GSAL, THUGS KA'I STONG DANG BUM STONG KYI THAD LA, AOm BADZRA AA YU shE SV'AH'A, ZHES DANG, THUGS KA'I THAD DU LHA RANG RANG GI SNYING PO DANG GZUNGS RING DANG MTSAN BRGYA RTZA LTA BU LHA RANG GI SNGAGS, LTE 'OG DANG BUM SMAD LA SHAR NGOS LA GTZUG TOR RNAM RGYAL, LHOR DRI MED, NUB TU GSANG BA RING BSREL, BYANG DU BYANG CHUB RGYAN 'BUM, DE BZHI KA'I GSHAM DU, CHOS RNAMS THAMS CAD RGYU LAS BYUNG, ZHES SOGS DANG, SANGS RGYAS RAB BDUN GYI GSO SBYONG RNAMS SHONG NA THAMS CAD 'BRI ZHING MI SHONG NA RNAM RGYAL SOGS KYI GZUNGS @90B THUNG SOGS GANG SHONG SKABS DANG SBYAR, RTZA BA'I PHYOGS SU, AOm SU PRA TIshthA BADZRA YE SV'AH'A, 'DI GZHUNG DU THUGS KAR 'BRI BAR BSHAD KYANG PHYAG LEN LA 'DIR 'BRI, SROG SHING GI PHYOGS ? BZHIR 'BRI DGOS KYI SNGAGS RNAMS RANG RANG GI THAD DU GANG SHONG GANG BAR 'BRI ZHING CHAD LHAG NOR BA'I SKYON DANG BRAL BA LEGS PAR 'BRI, GNYIS PA GZUNGS NI, SBYIR RING BSREL LA SKU BAL, SKU GDUNG, YUNGS 'BRU LTA BU, CHOS SKU'I RING BSREL TE BZHI GSUNG BA'I PHYI MA NI RTEN GYI NANG GZHUGS 'BUL RGYU'I GTZO BO YIN LA DE NI MDO RGYUD KYI GZUNGS SNGAGS ZAB MO RNAMS LA ZER BA YIN PAS, RGYA CHEN SPYOD RGYUD, ZAB MO LTA RGYUD, NYAMS LEN BYIN RLABS RGYUD, BYIN RLABS NYE RGYUD, GSANG BDE 'JIGS GSUM GYI DBANG RGYUD, BSHAD RGYUD, MAN NGAG GI RGYUD PA LA SOGS PA MDO SNGAGS KYI BLA MA BRGYUD PA'I MTSAN SNGAGS, SANGS RGYAS BYANG SEMS KYI MTSAN SNGAGS, GNAS BRTAN BCU DRUG SOGS NYAN RANG GI MTSAN SNGAGS, NOR BU RGYAS PA'I GZHAL MED KHANG GI SNGAGS; GTZUG TOR GDUGS DKAR DANG GTZUG TOR 'KHOR BSGYUR GYI SNGAGS SOGS DBU GZUNGS, DBYANGS GSAL GNYIS MGRIN GZUNGS, GSANG BDE 'JIGS GSUM SOGS BLA MED KYI SNGAGS STONG GZUNGS, RDOR DBYINGS KUN RIG GTZUG DGU SOGS RNAL 'BYOR RGYUD, RNAM SNANG MNGON BYANG SOGS SPYOD RGYUD, DAM TSIG GSUM BKOD SMAN BLA TSE DPAG MED MI 'KHRUG BA SOGS BYA RGYUD KYI SNGAGS RKENG GZUNGS, GZUGS CHEN SDE LNGA, YANGS PA'I GRONG KHYER DU 'JUG PA'I GZUNGS, GZHAN YANG STONG PHRAG BRGYA PA BZUNG BAR 'GYUR BA'I GZUNGS SOGS MDO LAS 'BYUNG BA'I SNGAGS @91A *, ,KYI RIGS SMAD GZUNGS, BKRA SHIS CHOS SKYONG NOR LHA SOGS KYI SNGAGS PAD GZUNGS TI, GZUNGS SNGAGS DE RNAMS SKABS THOB KYI SBEL TSIG DANG BCAS PA 'BYOR NA GSER DNGUL GYI GLEGS BUL 'BUR MA'AM GZUNGS BRKOS BYAS PA, DE MA BYUNG NA MTHING SHOG BZANG PO LA GSER DNGUL GYIS 'BRI BA, DE MA BYUNG NA DPE SHOG BZANG PO LA MTSAL DANG SNAG TSAS 'BRI BA DANG SPAR LA 'DEBS PA LTA BU GANG 'BYOR BYA, RGYU RKYEN 'DZOM ZHING LONG BYUNG NAS LCOGS NA SNGA MA RNAMS LEGS MOD KYI DE 'DRA BA MIN PA'I LHAG CHAD NOR PA'I SKYON DANG BCAS PA'I 'BRI BA LAS SPAR BTAB NA LEGS, DE YANG DPER NA RNAM RGYAL GZUNGS SHOG LNGE BA LNGA DRUG TZAM GYI YIG 'PHRENG DANG POR DKYUS GCIG LA SHONG BA LTA BU GZHAN LA'ANG RIGS 'DRA BA DGOS, DE LTAR BRIS PA'AM SPAR BTAB PA GANG YIN KYANG DE LA KHA CHE GUR GUM TZAN DAN DKAR DMAR AA GA RU DZA TIG BUR SOGS DRI BZANG RNAMS CHUNG DANG SBYAR BA LEGS PAR BYUG ,SGRA DANG MCHOD RTEN CHUNG DU LA GZUNGS KYI YIG 'PHRENG SO SOR MA GRAS PAR MI SHONG NA GRA ZHING SHONG NA MA GRAS PAR MTHUD DGOS RNAMS MTHUD, MTHUD LUGS SHOG DBU DANG PO'I MJUG GI SHOG LHA MJUG GI YI GE'I TSIGS KYI 'TSAMS NAS GRAS TE SHOG BU GNYIS PA'I GRANGS YIG MNAN TE, GZUNGS KYI YI GE MA NON TZAM BYAS LA BAG CHUS SBYAR TE MTHUD, MTHA' THIG YOD PA'I SBAR YIN NA STONG GZUNGS DKYUS GCIG LA SPAR SHOG CI TZAM YOD PA'I DBU SHOG GI DBU KHYUD NGOS KYI MTHA' THIG MA GTOGS GONG MA GONG MA'I GSHAM GYI MTHA' THIG GRA ZHING 'OG MA 'OG MA'I GONG GI MTHA' THIG NON PAR BYAS TE BAR GYI MTHA' THIG THAMS CAD MI MNGON PAR BYA, SHOG BU RE'I STENG 'OG NA SHOG LHAG GANG YOD THAMS CAD LEGS PAR GRA, @91B DE LTAR GRA DGOS DANG MTHUD DGOS RNAMS RUNG BAR BYAS TE MTHUD TSAR NAS LONG SKABS BYUNG NA 'GEGS PA SGRAD RAB GNAS BSDUS PA ZUR DU 'BYUNG BA LTAR BYED TE DBU NAS NANG DU DAM POR DRI LA ZHING MTHA'I SHOG SNE BAG CHUS SBYAR TE MI 'JIGS PAR BYAS LA YIG MGO MI NOR BA'I MTSAN MA DANG DBU GZUNGS SOGS SDE TSAN GANG YIN GYI KA THO 'AM KHA BYANG BTAGS TE MI NOR BAR BYA, DE NAS NA BZA' GOS DAR SER POS DRIL, DE STENG DAR SKUD SER POS DKRIS TE MI 'JIGS PAR BYA ZHING, DE LA YANG YIG MGO DANG SDE TSAN MI NOR BA'I MTSAN MA KA THO DANG KHA BYANG GI YI GE SOGS KYIS MI NOR BAR BYA, GSUM BDE LAS GZHAN PA'I YO BYAD NI, DE BZHIN GSHEGS PA'I 'PHEL GDUNG SOGS YUNGS 'BRU LTA BU'I RING BSREL, SANGS RGYAS BYANG SEMS KYI SKU GDUNG SOGS SKU GDUNG GI RING BSREL, SANGS RGYAS BYANG SEMS KYI DBU SKRA SEN MO NA BZA' SOGS SKU BAL GYI RING BSIL TE MDON NA STON PA SANGS RGYAS NAS BZUNG RGYA BOD KYI PAn GRUB MKHAS SHING GRUB PA BRNYES PA RNAMS KYI BYIN RLABS RTEN GANG 'DZOM, DE YANG RANG PHYOGS KYI LTA GRUB DANG SEL ZHUGS PA'I BLA MA'I SKU GDUNG SOGS DANG, DE MIN KYANG NGAN BZA' SKYI CHAGS PA'I RIGS DANG ZHABS CHAGS DANG BZHUGS GDAN, 'BU 'JUG NYEN CHE BA'I SNAM BU'I RIGS GTOS CHE BA RNAMS MI 'JUG ,BLA MA 'GANGS CHEN GYI NA BZA' DAR RAS KYI SNAM SBYAR LTA BU TSANG MA 'JUG TSE GZUNGS KYI PHYI ROL NAS NA BZA'I TSUL DU DKRIS NAS 'JUG CING, DE 'DRA MIN PA'I DUM BU'AM TSAL BU RNAMS RIN PO CHE DANG SMAN DANG, DRI BZANG GI PHYE MA DANG LHAN DU NA BZA' SER POS DRIL, BLA MA YI DAM CHOS SKYONG SOGS KYI SKU BRNYAN RAB GNAS CAN NA BZA' SER PO GSOL BA, GZHAN @92A *, ,YANG RIN PO CHE'I 'PHRENG BA, GZUNGS KYI BAR STONG DU 'JUG RGYU'I RIN PO CHE'I PHYE MA, BZANG SMAN GYI PHYE MA DRI BZANG GI PHYE MA RNAMS DAR RAS KYI KHUG MAR BLUG PA DANG THUM BUR BYAS BA GANG MANG, SRUB RNAMS SU 'DEBS RGYU'I RIN PO CHE'I PHYE MA, 'TSAMS DAR GYI RGYU'I GOS DAR SER PO, ,GANG ZAG DMAN PA'I RUS PA RTEN GYI NANG DU BCUG NAS GZHAN GYI PHYAG MCHOD SOGS BYAS NA GANG ZAG DE NYID LA GNOD PAR GSUNGS PAS 'JUG MI RUNG ZHING, 'ON KYANG RUS CHOG LEGS PAR BYAS TE BRDUNGS PA'I PHYE MA SNAG TSA DANG BSRES TE GZUNGS SNGAGS SOGS 'BRI BA DANG, SA DANG BSRES TE SA TSTSA DANG LHA SKU'I SPAR 'DEBS PA SOGS BYAS NA GANG ZAG DE LA PHAN PAR GSUNGS PAS, DE LTAR BRIS PA'AM SPAR DU BTAB PA SOGS BYAS PA'I GZUNGS SNGAGS DANG SA TSTSA SOGS RAB GNAS BYAS TE 'JUG TU RUNG, GNOD SBYIN 'KHOR LO GNYIS NI, GZHI GSER DNGUL LAM ZANGS KYI BYANG LEB LA GZUNGS BRKOS SAM MTHING SHOG LA GSER DNGUL LAM, RAS GZHI'AM SHOG BU LA RIN PO CHE DANG SMAN DANG DRI BZANG GI PHYE MA BSRES PA'I MTSAL SNAG GIS 'BRI BA'AM SPAR BTAB PA'ANG RUNG STE BRI GZHI GCIG LA PAD MA DAM 'DAB BRGYAD KYI LTE BAR NOR RGYUN MA, 'DAB MA BRGYAD LA 'KHOR BRGYAD DBU PHYIR BSTAN, DGU KA ZHAL GCIG PHYAG GNYIS G-YAS MCHOG SBYIN GYI MTHIL NA BEDZA BUR DANG, G-YON 'BRAS KYI SNYE MA 'DZIN PA, DAR DANG RIN PO CHE'I RGYAN GYIS BRGYAN PA, ZHABS SKYIL KRUNG PHYED PAS BZHUGS PA'I ZHABS 'OG NA PADMA'I GDUNG GI GTER MNAN PA, SGYU MA'I NGA RGYAL GYIS 'GYID PA, GTZO MO'I THUGS KHAR, AOm BHA SU DHA RE NI SV'A H'A, SHAR GYI ZLA 'OD MA'I THUGS @92B KHAR, AOm TZANTRA KANDYEE SV'A H'A, LHOR NOR SBYIN MA'I THUGS KHAR, AOm TAN T'A YEE SV'A H'A, NUB TU RAB SBYIN MA'I THUGS KHAR, AOm SU DAN T'A YEE SV'A H'A, BYANG DU 'PHAGS MA'I THUGS KHAR, AOm A'A RYA YEE SV'A H'A, SHAR LHOR RAB BZANG MA'I THUGS KHAR, AOm SU BHA TYA YEE SV'A H'A, LHO NUB TU SPAS MA'I THUGS KHAR, AOm GU BA TA YEE SV'A H'A, NUB BYANG DU MDZES MA'I THUGS KHAR, AOm DE BYEE YEE SV'A H'A, BYANG SHAR DU DBYANGS CAN MA'I THUGS KHAR, AOm SV'A RA SVA TYI SV'A H'A, ZHES PHYOGS MA NOR BAR BRI'O, ,BRI GZHI GCIG LA PAD MA 'DAB BRGYAD KYI LTE BAR 'DZAM BHA LA, 'DAB MA BRGYAD LA 'KHOR BRGYAD DBU PHYIR BSTAN, DGU KA ZHAL GCIG PHYAG GNYIS, G-YAS MCHOG SBYIN GYI MTHIL NA BI DZA BUR DANG, G-YON NE'U LE RIN PO CHE SKYUG PA 'DZIN PA, DAR DANG RIN PO CHE'I RGYAN GYIS BRGYAN PA, ZHABS SKYIL KRUNG PHYED PAS GTER GYI STENG NA BZHUGS PA, SKU SHAR BA TU RGYAS PA, GTZO BO'I THUGS KAR AOm DZAm BHA LA DZA LEN DRA YA SV'A H'A, GTZO BO'I MDUN SHAR PHYOGS SU NOR BU BZANG PO'I THUGS KHAR, AOm NA nI BHA TRA YA SV'A H'A, BYANG DU GANG BA BZANG PO'I THUGS KHAR, AOm PU RnA BHA TRA YA SV'A H'A, NUB TU NOR SBYIN GYI THUGS KHAR, AOm DHA NAm DA YA SV'A H'A; LHOR RNAM THOS SRAS KYI THUGS KHAR, AOm BEE SHRAM nA YA SV'A H'A, BYANG SHAR DU ROL BA'I PHRENG BA'I THUGS KHAR, AOm KI LI M'A LI NE SV'A H'A, NUB BYANG DU 'DZAM BU 'KHYIL BA'I THUGS KAR; AOm TZI BI KUn tA LI NI SV'A H'A, LHO NUB DU GDONG GI DBANG PO'I THUGS KAR, AOm MU KHEN DRA YA SV'A H'A, SHAR LHOR SPYOD PA'I DBANG PO'I THUGS KAR, AOm TZA REN DRA YA SV'A H'A, @93A *, ,ZHES PA RNAMS 'BRI'O, ,GNYIS KA'I PAD 'DAB KYI PHYI ROL TU RE KHA GSUM BSKOR BA'I MU KHYUD DANG PO LA RDOR RVA, GNYIS PA LA BA tA, SNGA MA G-YAS BSKOR DANG; PHYI MA G-YON BSKOR DU 'BRI, PADMA GNYIS KA'I LTE BA, 'DAB MA, MU KHYUD, LHA, SNGAGS SOGS 'KHOR LO GNYIS KHA SBYAR BA'I TSE THAD KA THAD KAR 'GRIG PA BYA DGOS, 'DI RGYAS PA 'BRI TSUL YIN LA, 'BRING PO LA PADMA'I LTE BA DANG, 'DAB MAR LHA MI 'BRI BAR GONG GI SNGAGS RNAMS, AOm STENG DANG SV'A H'A 'OG GI G-YAS G-YON GYI DKYIL THAD DU 'ONG BA 'BRI, RGYAS 'BRING GNYIS KAL SPEL TSIG ,MA MA DHA NAm DI HI DI HI ZHES PA'AM, RTEN LA MCHOD PA DANG SBYIN BDAG LA NOR 'BRU LONGS SPYOD DPAL 'BYOR PHUN SUM TSOGS PA THAMS CAD 'PHEL BAR MDZAD DU GSOL, ZHES PA SKABS SBYAR SV'A H'A'I GONG DU BCUG ,BSDUS PA LA PAD MA GCIG GI LTE BA DANG 'DAB MAR BAm RE DANG GCIG LA DZAm RE 'BRI ZHING, GZHAN RNAMS SNGA MA DANG 'DRA, DE LTAR LEGS PAR BRIS PA DE LONG YOD NA SKAR MA RGYAL GYI NYIN PAR NAS MGO BRTZAMS TE SGRUB PA ZHAG BDUN LA SOGS PA BYA BAR GSUNGS PA LTAR BYA LA, DE YANG STEGS BZANG PO GOS DAR SER POS G-YOGS PA'I STENG DU RIN PO CHE'I SNOD 'BRU DKAR GYIS BKANG PA'I STENG DU RIN PO CHE SNA TSOGS BKRAM, DE'I STENG DU PHO 'KHOR G-YAS MO 'KHOR G-YON DU BSHAMS, STENG DU BLA RE, MTHA' SKOR DU YOL BA SOGS GOS DAR SER PO BZANG POS BRGYAN PA, MTHA' CHU GNYIS NYER SPYOD SOGS MCHOD PA MANG POS BSKOR, DKAR GTOR GTZANG MA BSHAM, 'KHOR @93B LO'I STENG DU GZUNGS THAG BTAGS PA'I RDO RJE BZHAG ,SGRUB PA PO RNAMS KHA ZAS MA RUNGS BA SPANGS TE DKAR GSUM LA BRTEN, BSGRUB PA PO RNAMS NOR RGYUN MA'I DBANG THOB PA YIN NA NOR RGYUN MA DANG, DE MIN NA YI DAM GANG YANG RUNG BA'I BDAG BSKYED BSGOM, 'KHOR LO LA SBYANG GSUM BYAS LA BSANG SBYANG NAS BSKYED DE MCHOD BSTOD BZLAS PA'I PAR DANG 'JUG CHOG RNAMS NYIN RIR THUN GSUM BYA; GSUNG MI 'CHAG TU BYED NA PHYI MAS MNGON RTOGS BSKYED NAS BZLAS PA LA SLEB PA DANG SNGA MAS 'JUG CHOG BYAS TE SPYOD LAM LA 'JUG ,DE LTA BU'I TSUL GYIS ZHAG BDUN SOGS SGRUB NA NYI MA DANG PO LA SO SOR BSGRUBS NAS, GNYIS PA MAN CHAD 'KHOD LO KHA SBYAR TE GNYIS SU MED PAR SGRUB PA 'BA' ZHIG BYA, 'KHOR LO GNYIS KHA SBYAR BA'I TSE, MAR, KA RA, SBRANG RTZI; RIN PO CHE SMAN, DRI BZANG DANG SBYAR BA RI MO LA MI GNOD PAR BYUGS TE KHA SBYAR ZHING DAR SKUD SER POS RGYA GRAM DU SRUB MED PAR DKRIS TE PHO 'KHOR STENG DANG GTZO BO'I DBU RGYAB TU BSTAN TE SNGAR GYI GNAS SU BDAG ,GNYIS SU MED PAR SGRUB PA NA GDAN RE RE'I STENG DU YAB YUM ZUNG RE BZHUGS SHING YUM GYI BRLA G-YON PA'I STENG DU YAB RNAMS BZHUGS PAR BSAMS, BZLAS PA'I TSE GZUNGS THAG NAS BZUNG SHING DMIGS PA NI, RANG GI THUGS KA NAS 'OD ZER 'PHROS PA 'KHOR LO'I LHA RNAMS LA PHOG PAS RGYUD BSKUL, DE'I THUGS KA NAS 'OD ZER 'PHROS, SANGS RGYAS BYANG SEMS THAMS CAD KYI THUGS GNYIS SU MED PA'I YE SHES 'OD ZER SER PO'I RNAM PAR SPYAN DRANGS, 'KHOR LO'I LHA RNAMS LA THIM, DE DAG GI THUGS KHA NAS 'OD ZER 'PHROS, 'JIG RTEN @94A *, ,DANG 'JIG RTEN LAS 'DAS PA'I SNOD BCUD KYI YON TAN THAMS CAD BKUG NAS RANG GZHAN THAMS CAD LA THIM PAS TSE BSOD NAMS DPAL 'BYOR THAMS CAD RGYAS PAR BSAM, MTHAR 'DOD GSOL, 'OD ZHU BRTAN BZHUGS SOGS BYA, DE LTA BU'I LONG SKABS MED NA, 'DI DPA' BO GCIG GRUB KYI RGYUD NAS BSHAD PA'I YAB YUM GNYIS SU MED PA'I 'KHOR LO LA BRTEN NAS DNGOS GRUB SGRUB PA'I TSUL LA BRTEN PA YIN PAS 'KHOR LO GNYIS LEGS PAR KHA SBYAR TE SGRUB CHOG LOGS SU BKOD PA LTAR SGRUBS PAS KYANG RUNG PAR GSUNGS, TSOGS BDAG 'KHOR LO RTZIBS BRGYAD PA'I LTE BA'I MTHAR MU KHYUD GNYIS DANG, RTZIB KYI MTHAR MU KHYUD GNYIS KYIS BSKOR BA'I LTE BAR H'Um HRI BHRUm, LTE BA'I MU KHYUD DANG PO LA GUG NA PA TA YE T'A NA PA TI SA PA RI WA RA BUshtIm KU RU AOm GYI MJUG TU RGYAS PA'I SPEL TSIG 'DOD BCOL BYA, MU KHYUD GNYIS PA LA BADZRA AA DU SHA MA DZA TA GA TA PE TA A'A KshA YA DAN BA SU A'A YU: PU ntEE BU shtIm KU RU SV'A H'A, GA GA GA GA GA RNAMS MTHAR SPEL TSIG ,RTZIBS BRGYAD LA GA RE, RTZIBS KYI MU KHYUD DANG PO LTA RTEN 'BREL SNYING PO, ,GNYIS PA LA BKRA SHIS RTAGS BRGYAD RNAMS 'BRI, GDAN GYI 'KHOR LO NI, BRI GZHI GCIG LA SNA TSOGS RDO RJE DANG, GCIG LA DBUS SU NOR BU DGA' 'KHYIL DANG, MTHAR BKRA SHIS RTAGS BRGYAD 'BRI BA'AM, SNA TSOGS RDO RJE'I MTHAR BKRA SHIS RTAGS BRGYAD KYIS BSKOR BA 'BRI, GNOD SBYIN GYI GTER RDZAS NI, GSER, DNGUL, ZANGS, RAG ,DKAR YOL, RDZA SOGS KYI BUM PA RAB DGU, 'BRING LNGA, THA MA @94B GCIG GI NANG DU, SA SNA, CHU SNA, RDO SNA, SHING SNA, JA SNA, BRA'O DANG BAD KHA SOGS MA YIN PA'I 'BRAS GRO NAS SOGS 'BRU SNA BZANG PO, ,KHA SUR PA NI SOGS RUL PA DANG RLAN CAN MA YIN PA'I SHING THOG BZANG PO'I RIGS, SHA CHANG SGOG TZONG SOGS DRING NA ZHING MI GTZANG PA'I RIGS MA YIN PA'I KA RA BU RAM SOGS KHA ZAS BZANG PO'I ZAS SNA, SBYONG SKYUG BYED PA DANG DUG RIGS SOGS MA YIN PA'I 'BRAS BU GSUM DANG BZANG DRUG SOGS BZANG SMAN GYI RIGS, TZAN DAN DKAR DMAR AA KA RU GA BUR DZA TI KHA CHE GUR GUM SOGS DRI BZANG GI RIGS, BEE d'URA YA, PADAM RA GA ,AI NA DRA NI LA, MAR GAD, ZHI MIG ,GSER, DNGUL, BYI RU, MU TIG ,GYU, MU MIN SOGS RIN PO CHI'I RIG , GOS DAR BZANG PO'I RIGS RNYED TSAD THAMS CAD 'OG NAS RIM BZHIN BLUG CING, GTZO BOR, GSER, DNGUL, MU TIG ,MU MIN, BYI RU'AM DUNG STE RIN PO CHE LNGA, NAS, 'BRAS; GRO, SRAN MA, TIL TE 'BRU LNGA, SPRANG RTZI, KA RA, ZHO, 'O MA, MAR TE BDUD RTZI LNGA, SLE TES, GANdA KA RI, DBANG LAG ,RGYA MTSO'I SBU BA, SHU DAG STE SMAN LNGA, TZAN DAN DKAR DMAR, DZA TI, GA BUR, KHA CHE GUR GUM STE DRI LNGA, BCAS RGYUD SDE 'OG MA'I BUM RDZAS NYER LNGA RNAMS BLUG TE LEGS PAR BGANG LA KHA DAM PAR BCAD DE GOS DAR SER POS KHA BTUMS NAS RGYA YIS BSDAM, BANG MDZOD LA MKHO BA'I RIN PO CHE'I SNOD SPYAD KYI RIGS ZAS DANG 'BRU BZANG POS BKANG BA, KHRAB RMOG GRI @95A *, ,SOGS GO MTSON GYI RIGS, GOS DAR ZAM RAS SOGS KYI GOS DANG GOS KYI RGYU'I RIGS SOGS MDOR NA GDON CAN DANG GRIB CAN SOGS MA YIN PA'O NOR RDZAS PHUN SUM TSOGS PA'I RIGS GANG 'DZOM STA GON BYA, GNYIS PA 'BUL TSUL DNGOS NI, DE LTAR YO BYAD THAMS CAD 'DZOM NAS SMAN 'DAM LTA BUS RTEN CHEN PO'I RIGS BZHENGS NA RUS SHING LA SROG SHING BSDAMS TE, DE LA GZUNGS GZHUGS BSDAMS NAS 'BUL DGOS PA'ANG YOD CING, LUG MA DANG BRDUNG MA DANG RAS BSE SOGS LAS BZOS PA LA RTEN GYI PHYI DBYIBS GRUB NAS GZUNGS GZHUGS 'BUL DGOS PAS RTEN PHYI MA'I RIGS LA RTEN GYI NANG GANG BRDAR LEGS PAR BYAS TE SRUBS DANG BU GA PHRA MO YOD NA LEGS PAR BKAG ,DRI BZANG ZHIB TU BDAR BA'I PHYE MA GAR SLA ZHO TZAM BYAS PA RTEN GYI NANG DU SRAB 'THUG PA'I KO BA TZAM KHYAB PAR BYUGS TE DRI DANG MI YAL BA'I PHYIR GRIB SKAM BYA, GZA' SKAR TSES GRANGS BZANG PO'I NYIN RTEN DANG, SROG SHING, GZUNGS DRIL BA; DE LAS GZHAN PA'I YO BYAD THAMS CAD LA SBYANG GSUM SNGON DU 'GRO BA'I RAB GNAS BSDUS PA ZUR 'DEBS LOGS SU BKOD PA LTAR BYA, LAS BYED RNAMS SHAR CHANG SGOG BTZONG THA MA KHI SOGS MA RUNG BA THAMS CAD SPANGS, DKAR GSUM MNGAR GSUM SOGS KHA ZAS BZANG POS TSIM PAR BYAS NA SBYIN BDAG LA LONGS SPYOD 'PHEL BA'I RTEN 'BREL DU CHE BAR GSUNGS, GOS GSAR PA GYON TE, AOm MANDRA DHA TU GA RBH'A YA SV'A H'A, ZHES PA'I SNGAGS DANG BKRA SHIS PA'I TSIGS BCAD 'DON BZHIN PA'I NGANG NAS LAS BYED, GSER SKU SKU TSAD CHE BA LA SKYE MCHED BYIN RLABS @95B KYI SNGAGS RGYAS PA LOGS SU YOD PA LTAR DANG, BSDU NA, MIG GNYIS SU KshIm KshIm, RNA BA GNYIS SU DZIm DZIm, SNAR KHAm, LCER RAm, DPRAL BAR KAm ,LTE BAR SAm, SPYI BOR AOm, MGRIN PAR A'A: THUGS KAR H'Um RNAMS RGYAS BSDUS CI RIGS PA GNAS SO SOR NANG NAS SBYOR THUB PA RNAMS LA LEGS PAR SBYOR, YANG NA DE DAG GI SHOG DRIL RANG RANG GI THAD DU GZHUG ,SMAN SKU 'AM RAS BSE LTA BU LA TSON 'OG TU 'BRI, RTZA DBU MA RO RKYANG GSUM GYI MTSON BYED DU SROG SHING GI G-YAS SU DUR ? BA DANG, G-YON DU KU SHA NYAG MA RE BA CING, , SANGS RGYAS KYI 'PHEL GDUNG SROG SHING GI RTZE'I RNAM RGYAL MCHOD RTEN CHEN TOG GI NANG DANG CHUNG NAS DER 'JUG MI BDE BA LA BUM PA'I NANG NGAM THAD DU GZHUG ,DE'I 'OG TU RJE BTZUN TZONG KHA PA LTA BU BLA MA'I SKU BRNYAN DANG LTA GRUB MI MTHUN PA MA YIN PA'I MKHAS GRUB YONGS GRAGS KYI SKYES CHEN DAM PA'I SKU GDUNG GI RING BSREL DANG SKU BAL GYI RING BSREL, MGRIN PA'I THAD DU BLA MA DAM PA'I THUGS DAM PHYAG 'PHRENG GI RIGS, THUGS KA'I THAD DU GSANG BDE 'JIGS GSUM SOGS BLA MED KYI YI DAM GYI SKU BRNYAN DANG, DE'I 'OG TU STON PA SMAN BLA TSE DPAG MED SOGS SANGS RGYAS KYI SKU BRNYAN, DE'I 'OG TU BYAMS 'JAM DBYANGS SGROL MA DKAR LJANG SOGS SEMS DPA' DANG SEMS MA'I SKU BRNYAN, DE'I 'OG MGON PO PHYAG DRUG PA SOGS CHOS SKYONG GI SKU BRNYAN RNAMS NA BZA' KHA DOG GANG 'DZOM GYI PHYI DRIL GOS DANG SER POS DRIL TE RIN PO CHE'I PHRENG BA DANG, RIN PO CHE'I PHYE MA SMAN DRI BZANG RNAMS KYI PHYE MA DANG LHAN DU RIM PA BZHIN SROG SHING LA BCING, DE DAG GI BAR STONG GI SRUBS @96A *, ,BAR DU RIN PO CHE DANG SMAN DANG DRI BZANG GI PHYE MA'I THUM BU BCUG TE KHANG MNYAMS PAR BYAS TE BSDAMS NAS DAR SER POS LEGS PAR DKRIS TE SKU'I RGYAB NGOS LA GTAD CING G-YAS G-YON GYI DBUS DRANGS POR BCUG ,DE NAS GTZUG TOR DANG BRE STONG NAS MAR RIM PA BZHIN DBU GZUNGS NOR BU RGYAS PA'I GZHAL MED KHANG GI GZUNGS, GSUNG BDE 'JIGS GSUM GYI DBANG BSKUR BRGYUD BSHAD PA MAN NGAG GNANG BA GSUM GYI RGYUD PA, LAM RIM GYI RGYA CHEN SPYOD RGYUD, ZAB MO LTA RGYUD, NYAMS LEN BYIN RLABS RGYUD, BYIN RLABS NYE RGYUD RNAMS KYI RGYUD PA, SO THAR BYANG SEMS KYI SDOM PA'I RGYUD PA SOGS BLA MA RGYUD PA RNAMS KYI MTSAN SNGAGS DANG SANGS RGYAS BYANG SEMS NYAN RANG RNAMS KYI MTSAN SNGAGS, GTZUG TOR GDUGS DKAR, GTZUG GTOR 'KHOR BSGYUR RNAMS KYI SNGAGS, SKU'I MGUL DANG BRE RTEN GYI NANG DU MGRIN GZUNGS DBYANGS GSAL, SKU'I STOD DANG MCHOD RTEN GYI BUM STOD LA STOD GZUNGS, GSANG 'DUS, BDE MCHOG ,'JIGS BYED, KYEE RDOR, 'KHOR CHEN, DUS 'KHOR, MA HA MA YA, SANGS RGYAS THOD PA, RDO RJE GDAN BZHI, DGRA NAG ,GSHED DMAR SOGS BLA MED KYI GZUNGS SNGAGS, SKU RKED DANG BUM RKED LA RKED GZUNGS, RDOR DBYINGS, GTZUG DGU, KUN RIG SOGS RNAL 'BYOR RGYUD, RNAM SNANG MNGON BYANG SOGS SPYOD RGYUD, DAM TSIGS GSUM BKOD, SMAN BLA, TSE DPAG MED, MI 'KHRUGS PA SOGS BYA RGYUD RNAMS KYI SNGAGS, LTE 'OG DANG BUM SMAD @96B LA SMAD GZUNGS GZUNGS CHEN SDE LNGA DANG, YANGS BA'I GRONG KHYER DU 'JUG PA'I GZUNGS DANG, STONG PHRAG BRGYA BA GZUNG BAR 'GYUR BA'I GZUNGS SOGS MDO GZUNGS DANG, SANGS RGYAS RAB BDUN GYI GSO SBYONG RNAMS KA THO KHA BYANG GI RIM PA LTAR GZUNG, PHYAG LA GZUNGS 'JUG NA BLA MED KYI GZUNGS DPUNG MGO NAS MTHE BONG GI BAR LA YIG MGO DPUNG PA DANG, LAG NGAR GYI STENG NGOS LA BSTAN DE SOR MOG SHIB PA LTAR BSGRIGS NAS 'JOG ,SKU'I DKYIL KRUNGS DANG, MCHOD RTEN GYI BAR RIM LA GLEGS BAM 'JUG NA, BLA MED SOGS RGYUD SDE BZHI, SHER PHYOGS MDO MANG, 'DUL BA LUNG SGOS SNGAGS PHYOGS DANG MDO PHYOGS KYI BKA' RNAMS KYI DBU SHOG YAR LOG ,SHOG KU'I BAR BAR DU DRI BZANG GI PHYE MA BTAB TE NA BZA' PHYI DRIL SER POS G-YOGS TE GONG 'OG GO RIM MA LOG PAR GZHUG ,DE 'OG RGYUD 'GREL SGRUB THABS MDO 'GREL SOGS RGYUD SDE DANG SDE SNOD KYI GO RIM LTAR GZHUG ,DE DAG GI BAR STONG RNAMS SU RIN PO CHE DANG SMAN DANG DRI BZANG GI THUM BU RNAMS KYIS KHENGS PAR BKANG ZHING TSAGS SHIN TU DAM PAR BYA, ,STOD GZUNGS, RKED GZUNGS, ,'DE ? GZUNGS RNAMS SO SOR RIM PA CI TZAM 'JUG DGOS PA BCUG PA'I BAR BAR DU 'TSAMS DAR LEGS PAR BTANG, RTEN DNGOS GZHI'I NANG DU GZUBS GZHUG KHENGS PA NA ZHABS DAR BTANG ZHING ZHABS BKAGS KYIS LEGS PAR BKAG ,PAD MA'I NANG DU DBUS SU BKRA SHIS, DE'I MTHAR CHOS SKYONG, NOR LHA, DPAL MGON RGYAL CHEN SOGS KYI SNGAGS RNAMS GZHUG ,GZUBS 'KHRUGS SEL BAR GRAGS PA'I RIG PA @97A *, ,PHU RON NAM NYES PA KUN SEL GYI GZUNGS RNAMS STOD SMAD THAMS CAD DU GZHUG RUNG BAR BSHAD CING SKABS THOB KYI SPEL TSIG GZUNGS SO SO'I MJUG TU SBYAR, BAR STONG RNAMS SNGAR BZHIN 'GENG, SENG KHRI'I NANG DU 'OG TU BANG MDZOD KYI RDZAS GO MTSON GOS DANG JA BZA' BCA' SNOD SPYAD RIN PO CHE SOGS LEGS PAR BSGRIGS TE SRU BAS STONG MED PAR TSIGS ? DAM PAR BYAS PA'I STENG DU GNOD SBYIN 'KHOR LO BUM GTER DANG BCAS PA 'JOG PA YIN ZHING, DE YANG 'OG TU GDAN GYI 'KHOR LO BKRA SHIS RTAGS BRGYAD DANG, SNA TSOGS RDO RJE'I 'KHOR LO, , DE STED TSOGS BDAG 'KHOR LO RNAMS KHA YAR BSTAN, DE STENG GNOD SBYIN 'KHOR LO PHO 'KHOR STENG DANG, MO 'KHOR 'OG TU BYAS TE KHA SBYAR BA RNAMS KYI DBUS KYI LHA DANG, YIG MGO RTEN GYI RGYAB NGOS SU 'ONG BA BYAS NAS DAR SER BOS DRIL TE BZHAG ,DE STENG BUM PA DGU YOD NA DBUS DANG PHYOGS 'TSAMS SU LEGS PAR BZHAG ,BAR STONG RNAMS RIN PO CHE DANG SMAN DANG DRI BZANG SOGS KYI THUM BU DAM DU GCER TE LEGS PAR BKANG LA KHA LEGS PAR BKAB, DE LTAR GZUNGS PHUL GRUB NAS 'PHRAL DU RAB GNAS BSDUS PA'AM MA GRUB NA SHIS BRJOD RGYAS PAR BYA , 'DI YAN CHAD RGYAL DBANG MCHOG GIS MDZAD PA'I GZUNGS 'BUL 'KHRUL SPONG NYIN BYED DANG DE'I PHYAG LEN MTHONG BRGYUD LTAR BKOD PA YIN,, * ? ,,PAn CHEN CHOS KYI RGYAL POS MDZAD PA'I GZUNGS 'BUL NOR BU'I ME LONG LTAR NA SROG SHING RGYU TZAN DAN DKAR DMAR SHUG PA SOGS, DBYIBS GRU BZHI 'AM ZLUM PO, ,RING THUNG RTEN DANG 'TSAMS PA RTZA RTZE MA LOG PA LA SROG SHING @97B BRTEN PA'I SDAGS CI MANG 'BRI BA'AM DKRI, NANG GZHUG GI GTZO BO NI RING BSREL DU GRAGS PA BZHI'I NANG NAS CHOS SKU'I RING BSREL GZUNGS CHEN SDE LNGAS MTSON PA'I MDO RGYUD KHUNGS MA NAS 'BYUNG BA'I GZUNGS BYIN RLABS CAN MTHA' DAG YIN, GZUNGS RNAMS DRI BZANG GIS BYUGS TE 'JUG NAS DAM PAR DRIL, 'JUG LUGS RTZA BRGYUD KYI BLA MA RNAMS KYI MTSAN 'BRU GSUM DANG SPEL BA GANG MANG DANG RING BSREL RNAMS DRI BZANG DANG NA BZA' BZANG POS BTUMS NAS DBU'I NANG SOGS MTHOS, RIG PA CHEN MO'I GZUNGS KYANG DBU DANG BRE'I NANG, RTEN 'BREL SNYING PO DANG NYES PA KUN SEL STOD SMAD THAMS CAD DU, GZUNGS CHEN GZHAN BZHI GTZO BOR THUGS KA ,GZUNGS GZHAN DANG GSUNG RAB RNAMS RGYUD SDE DANG THEG PA'I RIM PA DANG MTHUN PAR MA 'KHRUGS PAR GZHUG ,PADMA'I NANG DU CHOS SKYONG NOR LHA'I GZUNGS RNAMS GZHUG ,BLA MA SANGS RGYAS BYANG SEMS CHOS SKYONG RNAMS KYI SKU BRNYAN YANG RTEN DANG ZHAL LTA PHYOGS MTHUN PAR SNGAR GYI RIM PA JI LTA BAR GZHUG ,SNAM BU'I NA BZA' SROG CHAGS 'JUG NYEN CHE BAS CHER MI 'JUG CING CUNG ZAD 'JUG NA GZUNGS DANG SKU 'DRA'I TSAS SU PHAN TSUN MI 'KHROL BA'I PHYIR STENG 'OG THAMS CAD DU GZHUG ,ZHABS CHAGS KYI RIGS GAL TE 'JUG TSE DMA' BAR GZHUG ,MCHOD PA'I PHYIR RIN PO CHE'I RIGS HA CANG CHE BA MIN PA DU MA DANG DRI BZANG SIL MA SNA TSOGS KYANG DBU ZHABS THAMS CAD DU GZHUG ,THA MAL PA'I SKRA SEN BCUG NA GANG ZAG DE LA GNOD PAR 'DUL BA LUNG LAS GSUNGS PAS MI GZHUG ,GNOD SBYIN 'KHOR LO 'BRI TSUL NI, RTEN DANG 'TSAMS PA'I @98A *, ,BRI GZHI GSER DNGUL ZANGS GOS DAR SHOG GU SOGS BZANG PO LA PADMA 'DAB BRGYAD LTE BA DANG BCAS PA LA ZLA GDAN RE, DE'I STENG DU GCIG LA DBUS SU DZAM BHA LA'I THUGS KAR DZAM, DE'I MTHAR MDUN NAS G-YAS SKOR DU, AOm DZAM BHA LA DZA LENDRA YA SV'A H'A, SHAR GYI 'DAB MAR NOR BU BZANG PO'I THUGS KAR MAm, LHOR GANG BA BZANG PO'I THUGS KAR S'Um, NUB TU NOR SBYIN MA'I THUGS KAR DHAm, BYANG DU RNAM SRAS KYI THUGS KAR PO, MER GI LI MA LI'I THAGS KAR KO ,BDEN BRAL DU PI TZI KUNDRA LI'I THUGS GAR BIm, RLUNG DU SGO'I DBANG PO'I THUGS KAR MUm, DBANG LDAN DU SPYOD PA'I DBANG PO'I THUGS KAR TZAm, GCIG LA DBUS SU NOR RGYUN MA'I THUGS KAR BAm, SHAR DU ZLA MDZOS MA'I THUGS KAR TZAm, BYANG DU SBYIN MA'I THUGS KAR DAm, NUB TU RAB SBYIN MA'I THUGS KAR SUm, LHOR 'PHAGS MA'I THUGS KAR Am, DBANG LDAN DU RAB BZANG MA'I THUGS KAR SUm, RLUNG DU SBAS MA'I THUGS KAR GUm, BDEN BRAL DU LHA MO'I THUGS KAR DE, MER DBYANGS CAN MA'I THUGS KAR SVAm, PHYI MA RNAMS LA'ANG RANG RANG GI SA BON GYI MTHAR MDUN NAS G-YAS SKOR DU RANG RANG GI SNGAGS SHONG NA SV'A H'A 'I GONG DU SPEL TSIG SBYAR NAS MNOR BAR DAG PAR 'BRI, LHA THAMS CAD PHO MO'I DBYE BA CUNG ZAD MA GTOGS GSER MDOG ,YAB RNAMS SKU SHA DANG LTO PA RGYAS BA, G-YAS MCHOG SBYIN GYIS BI DZA P'U RA DANG, G-YON NE'U LE 'DZIN PA, YUM RNAMS NU 'BUR RGYAS SHING GAMS MCHOG SBYIN DANG, G-YON 'BRAS KYI SNYE MA 'DZIN PA, YAB YUM THAMS CAD LHA RDZAS KYI NA BZA' DANG RIN PO @98B CHE'I RGYAN CAN, GTER BUM LA SEMS DPA'I DKYIL KRUNG GIS BZHUGS PA, 'KHOR RNAMS DANG SNGAGS KYI DBU PHYIR BSTAN PA, PAD 'DAB KYI PHYI LA MU KHYUD BYED PAR MA BSHAD PAS MED KYANG RUNG LA DAM PA SNGA MA 'GA' ZHIG GIS MDZAD PA LTAR NA BYAS KYANG 'GAL BA MED PAS BYED TSE MU KHYUD GSUM GYI DANG POR RTEN 'BREL SNYING PO, ,GNYIS PAR DBYANGS GSAL SPEL TSIGS DANG BCAS PA MDUN NAS G-YAS SKOR DU 'BRI, GSUM BAR RDO RJE'I RA BA PA TRAS BSKOR BA BYA, 'GREL BAR SKAR MA RGYAL LA BRIS NAS DE NYID KYI NYIN PAR RAB GNAS BYA BAR GSUNGS PA LTAR BYA ZHING DE'I TSUL NI , BDAG NYID GSANG BDE SOGS LHA'I RNAL 'BYOR DANG LDAN PAS 'KHOR LO GNYIS GSANG SBYAR, STONG PA'I NGANG LAS PAD ZLA'I STENG DU RANG RANG GAS BON LAS YAB RNAMS BRIS PA'I SKABS JI LTA BA BZHIN BSKYED PA'I BRLA G-YON PA'I STENG DU YUM RNAMS BZHUGS PA'I PHYAG G-YAS PAS YAB LA 'KHYUD PA, YUM RNAMS KYI GDAN PAD ZLA'I STENG DU GNAM RGYAN SEGS MCHOD SPRIN DU BSKYED, GNAS GSUM BYIN GYIS RLABS, YE SHES PA GZHUG ,DBU LA RIN 'BYUNG GI RGYAS GDAB, MCHOD PA BYA SPYOD BZHIN BYIN GYIS BRLAB, MCHOD BSTOD BZLAS PA BYA, BZLAS PA'I TSE RDO RJE GZUNGS THAG BZUNG LA, GNOD SBYIN YAB YUM RNAMS KYI SKU LAS 'OD 'PHROS, 'JIG RTEN DANG 'JIG RTEN LAS 'DAS PA'I YON TAN THAMS CAD CI 'DOD PA'I RNAM PAR BKUG STE SBYIN BDAG GAM BDAG NYID GANG DU GNAS PA'I PHYI NANG GI YUL PHYOGS GZHI THAMS CAD GANG BAR BSAMS NAS GTZO BO YAB YUM GYI SNGAGS BRGYA RTZA RE DANG 'KHOR GYI SNGAGS NYER GCIG RE NYUNG MTHAR BYAS PA BZLA, MJUG @99A *, ,TU MCHOD BSTOD, BZOD GSOL, DGYES BZHIN DU BRIS PA'I 'KHOR LO'I RNAM PAR GYUR PA'I 'OD BZHU BSTAN BZHUGS, BKRA SHIS RNAMS BYAS TE PHO 'KHOR 'OG MO 'KHOR STENG DU BYAS LA BAR DU 'BRU DANG RIN PO CHE'I PHYI MA CUNG ZAD BCAS PA'I KAR DANG SBRANG RTZIS BYUGS TE SBYAR NAS DAR DMAR SER CI RIGS PA'I NA BZAS KLUBS, GTZO BO'I DBU RTEN GYI RGYAB TU BSTAN TE RIN PO CHE DANG 'BRU SNA DANG DAR TSON DANG DRI BZANG MANG PO'I DBUS SU BZHAG ,'TSAMS DAR DMAR SER GANG RUNG GIS BYAS LA ZHABS BSDAMS PAR BYA, DE LTAR 'KHOR LO SNGA MA NONG RGYUN MA GTZO BOR BYAS PA DANG PHYI MA 'DZAM BHA LA GTZO BOR BYAS PA YIN LA LUGS SNGA MA LAS NA BZA' DANG 'TSAMS DAR SER PO BSHAD PA RGYAS PA'I LAS GTZO CHE BA DANG, PHYI MA LAS DMAR SER GNYIS KA BSHAD PA TSE BSOD DPAL 'BYOR SOGS RGYAS PA'I LAS DANG DE DAG 'GUG PA'I DBANG GI LAS GNYIS KA SGRUB PA LA DGONGS PA YIN PAS GNYIS PO GANG BYAS KYANG MI RUNG BA MED LA, LUGS GNYIS GANG BYED KYANG LUGS DER DMIGS GSAL YOD PA RNAMS DE BZHIN DU BYA BA DANG, DMIGS GSAL MED PA LUGS GCIG SHOS NAS KHA 'GEGS DGOS PA RNAMS KHA BSKANG STE DAM PA'I PHYAG SROL DANG MTHUN PAR BYA YI, BSHAD KHUNGS DANG MTHONG BRGYUD GANG YANG MED PA'I RTOGS BZOS RANG GZHAN GYI MGO BSKOR BAR MI BYA'O, ,RGYAL BAS SKYES DGU'I BSOD NAMS ZHING MCHOG TU, , LAN CIG MIN PAR BSNGAGS PA'I SKU BRNYAN DANG, ,MCHOD RTEN RNAMS LA GZUNGS GZHUG 'BUL BA'I TSUL, ,BOD KYI DAM PA MANG POS SNA TSOGS MDZAD, ,KHYAD PAR YAB SRAS GNYIS KYI @99B LEGS BSHAD ZUNG, ,RAB GSAL NYI ZLA LTA BU YOD BZHIN DU, ,BRJOD BYA'I 'OD KYIS STONG PA'I BRJOD BYAD NI, ,ME KHYER LTA BU'I RTZOM PAS CI ZHIG BYA, ,'ON KYANG HA CANG RGYAS DANG BSDUS PA YIS, ,BYIS BLOS DON GYI SNYING PO MTHONG DKA' BA, ,'DI NA YOD CES PHYOGS TZAM MTSON PA YI, ,SOR MO'I BRDA' STON LTA BU 'DI BYAS SO,, ,,CES RTEN LA GZUNGS GZHUG 'BUL TSUL SHEL DKAR ME LONG ZHES BYA BA 'DI NI, BCOM LDAN 'DAS KYI MDO RGYUD DANG 'PHAGS YUL GYI PAn GRUB KYI GZHUNG LAS RTEN LA DE BZHIN GSHEGS PA'I RING BSREL DANG GZUNGS SNGAGS 'GA' ZHIG GZHUG PAR BSHAD PA LAS GZUNGS GZHUG 'BUL TSUL RGYAS PAR BSHAD PA MA MTHONG KYANG BOD KYI BLA MA MANG POS MDZAD PA'I YIG CHA SNA TSOGS 'DUG CING, KHYAD PAR PAn CHEN CHOS KYI RGYAL POS MDZAD PA'I GZUNGS 'BUL NOR BU'I 'PHRENG BA DANG, RGYAL DBANG MCHOG GIS MDZAD PA'I GZUNGS 'BUL 'KHRUL SPONG NYIN BYED GNYIS LEGS PAR BSHAD PA'I MCHOG TU SNANG NA'ANG, SNGA MA HA CANG BSDUS GRAGS PA DANG, PHYI MA RGYAS DRAGS PAS BLO DMAN DAG GIS GO DKA' BAR 'DUG PAS, GO BDE LA RGYAS BSDUS 'TSAN PA ZHIG GYIS ZHES DON GNYER CAN 'GA' ZHIG GIS BSKUL BA LTAR, MKHAS DANG GRUB PA'I DBANG PHYUG RJE PHA BONG KHA PA 'JAM DBYANGS GRAGS PA'I LEGS BSHAD DANG, GZHAN YANG YIG CHA DU MA DANG, RANG GI PHYAG LEN MTHONG RGYUD RNAMS KYIS BRGYAN TE YAB SRAS KYI LEGS BSHAD GNYIS GYI ZUR BRGYAN DANG ZHABS TOGS SU DMIGS TE, YUL BYANG PHYOGS KYI MTHAR SKYES PA'I BCOL CHUNG GYI NA BA NGAG DBANG BLO BZANG CHOS LDAN GYIS, @100A *, ,'JAM DBYANGS GONG MA'I RGYAL KHAB KYI BOD CHOS LHA KHANG DU GRAGS PAR SBYAR BA'I YI GE PA NI SMON LAM RIN CHEN NO, ,'DIS KYANG SEMS CAN THAMS CAD LA PHAN THOGS PAR GYUR CIG, * ? ,,