@001A *, ,RJE BDAG NYID CHEN POS SRAS KYI THU PO MKHAS GRUB SMRA BA'I NYI MA LA CHIG BRGYUD DU STZAL PA'I BLA MA'I RNAL 'BYOR GYI BRJED BYANG GRUB GNYIS DGA' STON ZHES BYA BA BZHUGS, , @001B *, ,NA MO GU RU MANYDZU N'A THA YE, MKHAS GRUB CHIG BRGYUD KYI BLA MA'I RNAL 'BYOR GYI KHRID KYI BRJED BYANG NI, GZHUNG LA DPYAD PA DANG RTZOD PA GNYIS LAS DPYAD PA MCHOG YIN, DPYAD PA BYED PA LA BDAG RKYEN LHAG PA'I LHA ZHIG LA BSTEN DGOS, DE YANG RJE BTZUN 'JAM PA'I DBYANGS LA BRTEN NA MCHOG YIN PAS DUS GSUM GYI SANGS RGYAS THAMS CAD RJE BTZUN LA BRTEN NAS SANGS RGYAS BA DANG, RGYA BAR 'GYUR BAS RGYAL BA THAMS CAD KYI YAB DANG YUM DANG SRAS SU BSHAD, KHYAD PAR RJE'I RING LUGS 'DIR BLA MA YI DAM CHOS SRUNG THAMS CAD 'JAM DBYANGS LA BRTEN DGOS PA DANG, 'JAM DBYANGS LA SKU'I RNAM 'GYUR MANG YANG AA RA PA TZA NA THAMS CAD KYI SPRUL GZHI YIN PAS 'DI BRTEN NA SPRUL BA THAMS @002A *, ,CAD KYI BYIN RLABS SDUD CING, LTA BA TSOL BA LA LHAG PAR GAL CHE, RJES MKHAS GRUB SKU MCHED LA GNANG PA'I BLA MA'I RNAL 'BYOR CHIG BRGYUD GNYIS DON 'DRA YANG CHIG BRGYUD BYAS PAS BYIN RLABS KYI RTEN 'BREL CHE, SRE RGYUD GONG MA DAG GIS BLA MA LAS MA THOS PAR GZHUNG BRGYA GSHAR KYANG TSIG SKAM YIN GSUNGS PAS THOS BSAM SGOM SGRUB KYI CHOS GANG YANG BLA MA LAS THOS PA GAL CHE, MAN NGAG GI RIGS BLA MAS MTHA' CHOD PAR MA GSUNG KYANG GZHUNG 'DI DANG 'DI NA YOD CES ZHAL 'PHANGS MDZAD PAS, DES GDAMS PA THOB PA'I GO CHOD CES GSUNG RGYUN LAS 'BYUNG, PHYIS SU SGO MANG BLA MA MDZAD PA TZUN GAR BLO BZANG PHUN TSOGS KYIS KUN MKHYEN GONG MAR ZHUS NAS 'DI'I RNAL 'BYOR TZINTA MA nI'I @002B PHRENG MDZES ZHES PA BKA' RTZOM MDZAD DE ZHAL SHES KYI KHRID RGYAS PAR BSTZAL PA ZIN BRIS SU BYAS PA'I YI GE RGYAS BSDUS GNYIS YOD PA DER BLTAS NA DMIGS RIM RNAMS SHIN TU GSAL, TZINTA MA nI ZHES PA NOR BU BSAM 'PHEL GYI MING STE, MKHA' LDING LA KLU RGYAN DANG BCAS ZA BA DANG MI ZA BA GNYIS YOD PAS SNGA MA DE RGAS NAS RGYA MTSOR LAN MANG PO ZHUGS KYANG KLU MA ZIN PAS KHONG BA NAS KHRO BA DANG LTOG PA'I ME 'BAR TE LUS TSIG PA'I SNYING RGYA MTSOR LO MANG DU GNAS NA RIN PO CHE'I MCHOG TZINTA MA nIR 'GYUR ZHES KO SHRI NGAG DBANG SKAL BZANG LAS THOS PA BDEN BAR SNANG STE, KUN MKHYEN GONG MA'I CHAB SHOG TU'ANG, RMONGS PA'I BRANG 'GRO ZOS BA'I MKHA' LDING DBANG, ,LTOG PA'I MES SBYANGS TZINTA MA nIR SEMS, ,ZHES GSUNGS PAS SO, ,DE YANG BYAMS SNYING RJE BYANG CHUB KYI SEMS DANG TSUL KHRIMS RNAM DAG SOGS SPYOD PA GTZO POR BYED NA 'JAM DBYANGS DKAR PO, BDAG MED RTOGS PA'I ZAB MO'I LTA BA GTZO POR BYED NA 'JAM DBYANGS AA RA PA TZA NA, LAM RIM GNYIS KYI RTOGS PA GTZO POR BYED NA 'JAM DBYANGS GSANG SGRUB BRTEN NA LEGS PA SOGS ZHIB PAR ZHI KHRO SBRAGS SGRUB KYI RNAM BSHAD DU GSAL, SEMS DPA' SUM BRTZEGS CAN NI RJE BLA MA'I THUGS KAR THUB DBANG, DE'I THUGS KAR RDO RJE 'CHANG BKOD PA BLA MA MCHOD PA DANG, DGA' LDAN LHA BRGYA MA'I SKABS SU'ANG 'BYUNG BA LTAR DANG, YANG RJE'I THUGS KAR 'JAM DBYANGS BKOD PA PHYI SGRUB, SPYAN RAS GZIGS BKOD PA NANG SGRUB, GSANG BDAG BKOD PA GSANG SGRUB DANG, RIGS GSUM RJE'I GNAS GSUM DU BKOD PA DANG, YANG 'JAM @003A *, ,DBYANGS PHYI NANG GSANG GSUM GCIG GI THUGS KAR GCIG BKOD PA SKU NOR BU MDZOD 'DZIN, 'JAM DBYANGS GSUM DE LTAR BKOD PA GSUNG NYI MA SNANG BYED, PHYAG RDOR PHYI NANG GSANG GSUM DE LTAR BKOD PA THUGS GSANG BA MDZOD 'DZIN TE NOR BU DGU SKOR ZHES GRUB CHEN CHOS KYI RDO RJE DANG, RGYAL BA DBEN SA PA CHEN PO'I SNYAN BRGYUD SOGS GDAMS PA MANG DU BZHUGS PAS, 'DI LA GNAS KHANG BYI DOR, SKU GSUNG THUGS RTEN BKRAM NAS MCHOD PA BSHAMS, BDE PA'I STAN LA LUS GNAD DANG LDAN PAS 'KHOD LA KUN SLONG BRTAG STE RLUNG CHAMS LA 'BAB PA SOGS LAM KHRID LTAR DANG, SKYABS SEMS TSAD MED BZHI BDE LAM DANG BLA MCHOD LTAR BYA, DE YANG DRIS LAN BLO BZANG BZHAD PA'I SGRA DBYANGS LAS, BLA MA GANG DU BSGOM PA'I GNAS, ,MDUN DANG SPYI GTZUG SNYING GI DKYIL, ,RANG RANG MOS PA BZHIN RUNG STE, ,AA BHI DHA NA'I RGYUD LAS KYANG, ,DRIN DANG LDAN PA'I BLA MA DE, ,LAG PA'I MTHIL LAM SNYING GI DKYIL, ,LUS KYI CHA SHAS GANG BSGOM KYANG, ,SANGS RGYAS STONG GI BYIN RLABS NI, ,GANG ZAG DE YIS SDUD PAR BYED, ,CES GSUNGS, ZHES BLA MA BSGOM PA'I GNAS MANG DU GSUNGS PAS RANG GI SPYI BO'I MDUN GYI NAM MKHAR DGOS 'DOD 'BYUNG BA'I RIN PO CHE'I KHRI, STOBS DANG MI 'JIGS PA MTSON PA'I SENGGE BRGYAD MJUG MA NANG DANG KHA PHYIR PHYOGS NAS KHRI BTABS PA, DE'I STENG PADMA 'DAM LAS SKYES KYANG 'DAM GYIS MA GOS PA LTAR 'KHOR BA'I SKYON GYIS MGOS PA MTSON PA'I SNA TSOGS PADMAS SENG KHRI KHEBS PA, DE'I LTE BAR THABS SHES KYI YON @003B TAN YONGS SU RDZOGS PA MTSON PA'I ZLA NYI'I GDAN LA NGO BO RANG GI DRIN CAN RTZA BA'I BLA MA DE NYID CHOS KYI RGYAL PO TZONG KHA PA DANG DBYER MED DU MOS DGOS, DE LTAR YIN YANG YIN PA BKA' GDAMS GLEGS PA MA LAS, BDAG GI SPRUL BA DAM PA ZHIG ,NAS, BSTAN GNAS PAR DU YANG YANG 'ONG, ,ZHES MNYAM MED JO PO CHEN POS ZHAL GYIS BZHES PA LTAR RJE YAB SRAS, KUN MKHYEN BLA MA SKU PHRENG YAB SRAS RIM PAR BYON TE BSTAN PA'I SROG BZUNG BAS DE KUN KYANG JO PO DANG RJE'I RNAM 'PHRUL DU RANG RANG GI RNAM THAR DANG MDZAD PA LAS DPOG PA DANG, KHYAD PAR KUN MKHYEN 'JAM DBYANGS BZHAD PA RJE RIN PO CHE DNGOS YIN TSUL THOG MAR GRVA SAR ZHUGS SKABS RJE RIN PO CHE CHOS GRAR PHEBS GI YOD PA RED CES GRAGS PA CHEN PO BYUNG BAS KHRI RGYA NAG PA BLO GROS RGYA MTSOS DE LUGS KYI GSUNG SGROS PHEBS TSUL RNAM THAR DU GSAL BA DANG, RJE BDAG NYID CHEN PO ZHAL BZHUGS RING DAM CAN CHOS RGYAL 'KHOR GYI DGE BSHES CI RIGS PA'I RNAM PAR SPRUL NAS PHYAG G-YOG MDZAD TSUL GRAGS CHE, DE PHYIN RJE'I BSTAN PAR GEGS CHAGS CHE SKABS GRUB THOB SOGS CI RIGS PA'I RNAM PAR 'BYON PAS DE DUS MKHA' SPYOD GRUB THOB SANGS RGYAS CHOS 'PHEL ZHES PAn CHEN BLO BZANG YE SHES DANG KUN MKHYEN GONG MA SOGS KYI DRUNG DU YANG YANG PHEBS PA DE'ANG DAM CAN CHOS RGYAL GYI SPRUL BA YIN PAS RGYUN PAR MKHA' SPYOD DU BZHUGS NAS SKABS RE PHEBS SRID, KUN MKHYEN BLA MA SKU SMYUNG BA'I SKABS ZHIG GRUB CHEN GYIS SGO MANG LA, RJE 'DI MA BZHUGS NA RJE'I BSTAN PAR SHIN TU GNOD, ZHING KHAMS GZHAN DU 'PHEN PA GNANG 'DUG PAS BRTAN BZHUGS NA @004A *, ,TAN PHUL ZHES GSUNGS PAS SGO MANG SDE PA GRUB DBANG BLO BZANG DON GRUB SOGS KYIS RGYAL BA TSANGS DBYANGS RGYA MTSOR ZHUS BAS RNAM THAR DU GSAL BA'I ZHABS BRTAN SHO LO KA GCIG DANG, DE LAS RGYAS PA, SHES RAB STONG NYID CHOS RNAMS KUN GYI YUM, ,ZHES SOGS KYI GSOL 'DEBS MDZAD, GRUB CHEN GYIS KYANG RJE BTZUN CHOS RGYAL MAR GRAGS PA 'DI BRTZAMS TE, DER; 'JAM DBYANGS SNYEMS PA'I RDO RJER GSOL BA 'DEBS, ,ZHES YOD PAR GRVA RGAN RNAMS GLENG, GRUB CHEN GYIS, NGA'I RMI LAM DU DAR MO CHE ZHIG MKHA' SPYOD DU 'KHYER ZHES MKHA' 'GRO MA MANG POS BSKUL BA DA DUNG 'KHYER MAR NA CES BRTAN POR 'JOG PA RMIS PAS DA BLA MA BRTAN PAR BZHUGS RGYU RED, KHYED TSOS GSOL 'DEBS LA REM, BLA MA 'DI'I YON TAN LAS LHAG PA RGYAL BA TZONG KHA PA LA'ANG MED, DE LAS LHAG PA KLU SGRUB ZLA GRAGS LA'ANG MED CES GSUNGS PA NI DON LA RJE 'DI ZLA GRAGS DANG RJE'I SPRUL BAR GSUNGS PA RED, GRUB CHEN 'DIS SDE SRID KYI DRUNG DU SPYOD PA SNA TSOGS MDZAD PAS ZHABS ZHU 'GAS KHRIMS LA SBYAR BAR LUS DER BZHAG NAS SNGAR LTAR THOGS MED DU PHEBS PAS GLAG MA RNYED, DE DUS KYI ZHABS KYI RJE NGAR GCIG KUN MKHYEN BLA MAS BZHES PA 'DI KA'I MGON KHANG CHOS RGYAL GYI GZUNGS SU GZHUGS GSUNGS; GANG LTAR JO PO DANG RJE RIN BO CHE ZHES TSUGS THUB TU GRUB PA ZHIG MED, CHOS SKU NAM MKHA' BZHIN DU DBYER MED KYANG, ,GZUGS SKU 'JA' TSON BZHIN DU SO SOR GSAL, ,ZHES SANGS RGYAS THAMS CAD KYI CHOS SKU DBYER MED KYI KLONG @004B NAS GANG 'DUL GYI BKOD PA SNA TSOGS 'CHAR BAS RJE BDAG NYID CHEN PO DANG RANG GI BLA MA DBYER MED TSUL CHOS SKU DBYER MED KYI KLONG NAS GZUGS SKU GANG GIS 'DUL BDE LA DER BSTON TSUL LA GO BA RNYED DGOS, DE LTAR SKU'I RNAM PA CIR YANG STON PAS 'DIR RNAM PA 'JAM DPAL GZHON NUR GYUR PA SKU MDOG DMAR SER ZHAL GCIG PHYAG GNYIS G-YAS THUGS RGYUD KYI BDAG MED RTOGS PA'I YE SHES RAL GRI'I RNAM PAR SHAR BA STONG PA'I DBYINGS SU GDENGS BA'I RTZE MOR YE SHES KYI ME 'OD 'PHRO ZHING, G-YON MNYAM BZHAG GI STENG GLEGS PAM THUGS KAR 'DZIN PA 'DI LA RTEN 'BREL GYI GNAD CHE, YANG NA 'JAM DBYANGS AA RA PA TZA NA'AM DE BOD SKAD DU BSGYUR BA 'GRO BA SMIN BYED SKU MDOG DMAR SER ZHAL GCIG PHYAG GNYIS, G-YAS SHES RAB KYI RAL GRI NAM MKHA' LA 'PHYAR ZHING, G-YON AUTPA LA'I YU BA THUGS KAR BZUNG BA'I 'DAB MA SNYAN GYI THAD KAR KHA PHYE BA'I STENG NA GANG LA THOS BSAM DANG SGOM SGRUB BYED PA'I GLEGS PAM RANG SGRA SGROGS BZHIN PA BSNAMS PA BYAS NA LTA BA 'TSOL BA DANG, RTZOD PA'I SHES RAB SGRUB PA LA BSNGAGS, GANG LTAR YANG DANG GYI STOD G-YOGS DANG SMAD G-YOGS GSOL BA, RIN PO CHE'I RGYAN BRGYAD DANG, MTSAN DPES SPRAS PA, RMI LAM GYI GZUGS SAMS KYI SNANG CHA LAS LOGS SU MED PA LTAR RANG GI SEMS KYI SNANG CHA LHA SKUR SHAR BA LA SRAS BCAS RGYAL KUN ZHUGS PAS SKYABS GNAS MA LUS PA 'DUS PA'I BDAG NYID CAN, DE'I SKRA MTSAMS NAS YAR SOR BRGYAD GZHAL BA'I SPYI PO'I TSANGS BUG GI THAD NAS NANG DU SONG BA THA MAL BA'I KLAD PA'I STENG KLAD RGYA'I 'OG TZAM DU SANGS RGYAS @005A *, ,THAMS CAD KYI SKU RDO RJE'I NGO BO AOm DKAR PO GYEN 'GRENG, MGRIN PA'I AOL MDUD KYI THAD KYI NANG GI DBUS DRANG BOR DUS GSUM GYI SANGS RGYAS THAMS CAD KYI GSUNG RDO RJE'I NGO BO A'A: DMAR PO MTSAL GYIS BRIS PA LTA BU RING CHA TSEG DRAG DANG BCAS PA, NU MA GNYIS KYI DBUS BRANG GI RUS PA SUM PHRAG GI THAD KYI SNYING DBUS SU RGYAL BA RNAMS KYI THUGS RDO RJE'I NGO BO H'Um SNGON PO GSAL 'DEBS PA 'DI CHO GA THAMS CAD LA 'DRA, SANGS RGYAS KYI SKU DNGOS NI THUN MONG SNANG TSOD LA'ANG 'DUL BA LUNG DU ME LCE MAR GYIS BRAN PA LTA BU, ME LUS KYI DBYIBS SU 'DUG PA LTA BU, GSER GYI MCHOD SDONG PHYIS PA LTA BU GSUNGS PA LTAR 'OD DANG 'OD ZER GYI RANG BZHIN CAN DANG, GSANG BA BSAM GYIS MI KHYAB PA'I MDOR, SKU LA PHO BA DANG LONG KA RNAG KHRAG SOGS MED PA'I DZAM BU CHU BO'I GSER GYI GAR BU LTA BUR GSUNGS PAS SHA KHRAG GDOS BCAS KYI RNAM PA GSAL 'DEBS MI RUNG YANG 'CHAR BDE KHYAD THA MAL BA'I LUS LA CHAG BZHAG PA 'DI DAG BSOD GRAGS RDO RJE 'CHANG NAS GSUNGS GSUNG; THUGS KA'I H'Um LAS 'OD ZER SPYAN 'DREN PA'I BRDAR SNE MO LCAGS KYU LTA BU SHAR RI'I RTZER NYI MA SHAR NA GLING KUN SKAD CIG DE NYID LA GSAL BA LTAR 'PHROS, LAM RIM GSOL 'DEBS LTAR ZAB MO LTA BRGYUD KYI BLA MA RNAMS SPYAN DRANGS NAS THOG MAR BSTIM PA LTA BA RTZAL DU 'DON CHED YIN, DE BZHIN DU RGYA CHEN SPYOD BRGYUD DANG, NYAMS LEN BYIN RLABS BRGYUD, THUGS RJE CHEN PO BDE GSHEGS RDO RJE 'CHANG, ZHES SOGS SAM, YANG NA MKHYEN SRID MA'I MTHAR DBEN SA SNYAN RGYUD DANG @005B SRAD RGYUD CI RIGS SBYOR RAM MI SBYOR GANG LTAR KUN MKHYEN BLA MA SKU PHRENG BSNAN NA RANG RE'I BYIN RLABS NYE RGYUD DE, DE THAMS CAD BSTIM PAS BLA MA KUN 'DUS, RGYUD SDE BZHI'I LHA TSOGS BSTIM PAS YI DAM KUN 'DUS, PHYOGS BCU DUS GSUM GYI SANGS RGYAS THAMS CAD BSTIM PAS SANGS RGYAS KUN 'DUS, NYE SRAS BRGYAD SOGS BSTIM PAS BYANG SEMS KUN 'DUS, DPA' BO MKHA' 'GRO BSTIM PAS MKHA' 'GRO KUN 'DUS, BSTAN SRUNG RNAMS BSTIM PAS CHOS SRUNG KUN 'DUS SU BSAM PA KUN 'DUS NOR BU LUGS SU BYAS PAS LHA GCIG LA MCHOD BSTOD BZLAS PAS LHA THAMS CAD LA MCHOD SOGS KYI PHAN YON THOB PAS 'PHRUL CHE, MCHOD PA DNGOS SU BSHAMS YOD NA MDO LTAR DKON MCHOG GI BDEN STOBS BRJOD PA'AM, RANG LHAR GSAL PAS SNGAGS LTAR BRLABS LA SNYING GA NAS MCHOD LHA SPROS TE BDE GSANG 'JIGS GSUM SOGS KYI CHO GA LTAR CHU BZHI, PHYI NANG GI NYER SPYOD DANG 'DOD YON, RGYAL SRID SNA BDUN SOGS PHUL, BSDU NA SNGAGS TZAM GYIS 'BUL, LHA KUN 'DUS YIN PAS SA PA RI W'A RA SBYAR CHOG, SPRO NA YAN LAG BDUN PA PHUL, LAM RIM GSOL 'DEBS LAM MCHOG SGO 'BYED, MKHYEN SRID MA, RTEN 'BREL BSTOD PA, BSTOD SPRIN RGYA MTSO, BYAMS BSTOD TSANGS COD MA, DPAL LDAN SA GSUM MA SOGS GANG MOS SKYABS GNAS KUN 'DUS DE NYID LA DMIGS NAS DON DRAN BZHIN BRJOD NA LHA DE DANG DER MA ZAD, SKYABS GNAS THAMS CAD LA BSTOD PAR 'GYUR BA GZHAN LA 'DRA, DE NAS DMIGS BRTZE MAS GSOL BA BTAB PAS @006A *, ,'JAM DBYANGS KYI PHYAG G-YAS PA'I RAL GRI'I YU BA THUGS KAR BRTEN, RTZE MO RANG GI TSANGS BUG TU GTAD DE, THUGS KA NAS BDUD RTZI'I RGYUN RAL GRI BRGYUD DE BABS PA SPYI GTZUG NAS ZHUGS PAS LUS THAMS CAD MER GYIS GANG, THOG MED NAS BSAGS PA'I SGO GSUM GYI SDIG SGRIB DANG RMONGS MUN THAMS CAD DUD KHU DANG SOL KHU LA SOGS PA YID DU MI 'ONG BA'I RNAM PAR PHYI ROL DU THON, LUS SHEL GONG G-YA' DAG PA LTAR 'OD DANG 'OD ZER GYI RANG BZHIN DU GYUR PA'I 'OD KYIS 'JIG RTEN THAMS CAD GSAL BAR BYAS, SEMS LA SHES BYA'I GNAS PHRA RAGS THAMS CAD MA 'DRES PAR LAM LAM SHAR BAR MOS NAS DMIGS BRTZE MA DANG AA RA PA TZA BGRANG, 'JAM DBYANGS CHOS SKOR LTAR CHE GSAL MYUR ZAB BZHI DANG 'CHAD RTZOD RTZOM PA'I DMIGS SKOR RNAMS KYANG SBYAR NA DE LAS LHAG PA'I SHES RAB SGRUB LUGS ZAB PA MED, SNGAR BLA MA SPYI BOR BSGOM YOD NA'ANG SGOM GYI SNANG BA RMI LAM LTA BU YIN PAS DMIGS PA DE LTAR BYAS PAS CHOG MOD, BLO LA 'CHAR MI BDE NA MDUN GYI NAM MKHAR ZHAL TSUR GZIGS NAS BZHUGS PAR MOS KYANG RUNG, SANGS RGYAS THAMS CAD CHOS SKU DE BZHIN NYID KYI DBYINGS SU RO GCIG PA'I KLONG NAS MKHYEN RAB 'JAM DBYANGS, BRTZE BA SPYAN RAS GZIGS, MTHU NUS GSANG BDAG TU SHAR BA SOGS PHYI NANG GSANG BA'I YON TAN DRAN NAS RIGS GSUM DANG NGO BO DBYER MED DU BYAS NA RIGS GSUM DANG RDO RJE GSUM GYI SKU'I RNAM PAR NGA RGYAL GSAL SNANG SOGS RGYUD SDE GONG 'OG GI ZAB RGYAS KYI NYAMS LEN RDZOGS PA DANG, MDO @006B SDE RGYAN LAS, GLING BZHI'I CHU SNA TSOGS SO SOR 'BAB DUS KHA DOG RO NUS THA DAD KYANG RGYA MTSOR 'DRES NA THAMS CAD GCIG PA LTAR SEMS CAN GYI DUS NA LUNG RTOGS KYI YON TAN CHE CHUNG MI 'DRA YANG SANGS RGYAS NAS CHOS SKU DBYER MED KYI KLONG DU 'DRES PA DE'I DBYINGS NAS GANG 'DUL BSTAN KYANG RTOGS PA MCHOG DMAN GYI DBYE BA MED PA DANG, LHA GCIG KYANG KUN 'DUS YIN PA CHU CHAR THAMS CAD 'DRES PA'I RGYA MTSO LAS CHU THIG GCIG BLANGS KYANG KUN GYI RGYUN YOD PA LTA BU DANG, SANGS RGYAS STONG SOGS RGYUD THA DAD DANG RDZAS RGYUN THA DAD PAR KHAS LEN DGOS KYANG CHOS SKU DBYER MED KYI KLONG NAS BZHENGS PAR 'DRA BAS RE RE DANG RGYUD GCIG PA'I RIGS GSUM MGON PO SOGS 'JOG DGOS, DE LHA MIN NA LHA DE DANG DE'I GO 'PHANG 'GRUB PAR SMON LAM 'DEBS PA'ANG DON MED DU 'GYUR, MDOR NA MDO SDE RNAMS SU NOR BU DANG DPAG BSAM GYI LJON PA SOGS LA RTOG PA MED KYANG GANG 'DOD 'BYUNG BA LTAR SANGS RGYAS LA'ANG RTOG MED LHUN GYIS GRUB PA'I 'PHRIN LAS 'CHAR NUB DANG BRAL BA 'DUL BA'I DUS LAS YOL BA MED PAR MNGA' BA'I TSUL LA GO BA CHAGS PA GAL CHE, BLA MA'I RNAL 'BYOR GONG LTAR SKYONG MA NUS NA DGA' LDAN LHA BRGYA MA'I YAN LAG BDUN PA RDZOGS RJES RJE YAB SRAS GSUM GYI THUGS KAR 'JAM DBYANGS GSAL 'DEBS PA'AM, YAB SRAS GSUM 'JAM DBYANGS SU BSGYUR BA SKYABS GNAS KUN 'DUS SU MOS PA'I PHYAG G-YAS KYI RAL GRI RANG GI TSANGS BUG TU GTAD PA LAS BDUD RTZI'I RGYUN BABS PA'I DMIGS SKOR RNAMS SKYONG BZHIN DMIGS BRTZE MA DANG AA RA PA TZA BZLA, TING NGE 'DZIN GYI DBANG BZHI LA, @007A *, ,DPRAL PA LUS KYI GNAD CHI SA YIN PAS BLA MA'I DPRAL PA'I AOm LAS 'OD DANG BDUD RTZI DKAR PO BYUNG BA RANG GI DPRAL BAR THIM, LUS GANG, THOG MED NAS BSAGS PA'I SDIG SGRIB SPYI DANG SROG GCOD SOGS LUS KYI SDIG SGRIB, KUN SLONG NYON MONGS PA SA BON DANG BCAS PA, BAG CHAGS SHES SGRIB PHRA MO TSUN CHAD SBYANGS, BUM DBANG THOB, SKU'I BYIN RLABS ZHUGS, SKU RDO RJE 'GRUB PA'I NUS PA BZHAG PAR BSAM LA DMIGS BRTZE MA DANG AA RA PA TZA BZLA, GSUNG DANG THUGS LA DE'I RIGS 'GRE SBYOR, YI GE GSUM LAS 'OD ZER DKAR DMAR MTHING GSUM GCIG CHAR BYUNG BA GNAS GSUM DU GCIG CHAR THIM, GANG SNANG KUN STONG PA'I RNAM ROL DU 'CHAR BA LA SGRIB PA'I DRI MA BAG CHAGS DANG BCAS PA DAG; DBANG BZHI PA THOB, SKU GSUNG THUGS YON TAN 'PHRIN LAS KYI BYIN RLABS ZHUGS, SKU GSUNG THUGS DBYER MED NGO BO NYID SKU 'GRUB PA'I NUS PA BZHAG PAR BSAM LA DMIGS BRTZE MA BZLA, BLA MA MDUN DU GSAL BTAB NAS PHYAG MCHOD DANG; SPYI BOR SPYAN DRANGS NAS GSOL 'DEBS, MTHAR SNYING GAR SPYAN DRANGS TE 'BRAL MED RJES 'DZIN GYI SMON LAM 'DEBS PA STE, TSOGS BSAGS DUS SU MDUN GYI MKHA', ,GSOL BA 'DEBS DUS SPYI BO'I GTZUG ,DUS RNAMS KUN TU SNYING GI DKYIL; ;ZHES PA'I NYAMS LEN TSANG BAR BYAS NA LEGS ZHES KHRI CHEN BSOD NAMS DBANG RGYAL BA GSUNGS, SPYIR DBU MA GSAL 'DEBS LUGS SNA TSOGS YOD KYANG, 'DIR SPYI BO NAS SNYING GA'I BAR GYI SGAL TSIG LA NYE BAR RTZA DBU MA GTUM MO @007B BSGOM DUS DE'I 'OD KYIS KHA DOG DMAR POR BSHAD KYANG, 'DIR DKAR LA DMAR MDANGS CHAGS PA'AM PHYI DKAR LA NANG DMAR PA RAG DUNG BSLANG BA LTA BU YAR SNA PHRA ZHING MAR SNA SBOM PA, DE'I MAR SNE'I NANG TZAM DU RANG GI SNYING GZHI LA MGO G-YON DU BSTAN NAS GNAS KYANG DMIGS PAS GYEN DU BSLANG BA PADMA DMAR PO 'DAB BRGYAD KYI RNAM PA'I DBUS SU ZLA GDAN LA RANG GI SHIN TU PHRA BA'I RLUNG SEMS KYI NGO BO H'Um GSAL BTAB YOD NA DE NYID DH'I: RA BSGYUR BA'AM, YANG NA H'Um GI THIG LER DH'I: BSAM; BLA MA MDUN DU GSAL BTAB TSE, DPAL LDAN RTZA BA'I BLA MA RIN PO CHE, ,BDAG GI SPYI BOR PAD ZLA'I STENG BZHUGS LA, ,ZHES SOGS KYIS SPYI BOR SPYAN DRANGS, DE LA DMIGS NAS BLA MA RIN PO CHE BDAG GI BLO CHOS SU 'GRO BAR BYIN GYIS RLOBS, SOGS GSOL 'DEBS BYA STE, BLO CHOS SU 'GRO BA CHUNG DU DANG THUN MONG BA'I LAM RIM DAL 'BYOR RNYED DKA' ZHING RING DU MI GNAS PA'I 'CHI BA DANG NGAN 'GRO'I SDUG BSNGAL RJAS SU DRAN NAS SKYABS 'GRO LAS 'BRAS LA SLOB PA DANG, CHOS LAM DU 'GRO BA 'DIR MI 'DUG PA CHAD DAM GANG LTAR CHOS LAM DU 'GRO BA'I MA MTHA' 'BRING DANG THUN MONG BA'I LAM RIM STE, SNGA MA CHOS YIN KYANG 'KHOR BA'I MNGON MTHO 'GRUB BYED 'KHOR BAR 'KHOR BYED LAS GROL BYED KYI RGYUR MA SONG, NGES 'BYUNG GIS 'KHOR BA MTHA' DAG SRIN MO'I GLING LTAR MTHONG BA'I SKYO SHAS KYIS DE LAS THAR 'DOD SHUGS DRAG SKYES NA GANG BYAS 'KHOR BA LAS LDOG PA'I THABS SU 'GRO, BYANG CHUB KYI SEMS DE LAS MTHO BAS CHOS LAM DU SONG BA'I MA MTHA' SKYES BU 'BRING NAS BZHAG, @008A *, ,DE DAG GIS THEG PA CHE CHUNG GI LAM SDUD PAS SKYES BU GSUM GYI LAM RIM LA GSHAR SBYANGS 'GRO, SGRUB PA'I BAR CHAD NA TSA DANG RKYEN PHRA MO'I RIGS GRAGS CHE YANG DNGOS NI RANG RGYUD LA RTAG PAR GNAS PA'I NGAR 'DZIN DANG GCES 'DZIN, DES BSKYED PA'I DUG GSUM NI DGE BA'I BSAM PA RGYUN CHAGS SU 'JUG PA'I BAR CHAD DRAG SHOS DANG, DE LAS KYANG NGOS ZIN DKA' BA, BU STON LA LCAGS SMYUG GTAD BA DANG, KHA RAG SGOM CHUNG LA GLAG MA RNYED PA'I LO RGYUS BDEN PA'I NGES PA CI YOD, GANG LTAR BKA' BOD KYI GZHUNG LA THOS BSAM DANG 'CHAD NYAN SOGS BSTAN PA'I BYA BRGYA CHEN POR SNANG BA DAG KYANG SGRUB PA SNYING POR BYAS NAS TSE GCIG LA SANGS RGYA BA'I BAR CHAD DU 'GRO LUGS ZHIG KYANG PHAL BA LA YOD PAS DES MTSON NAS CHOS KYI BAR CHAD NGOS ZIN PAR BYAS LA 'GOG DGOS, RTAG 'DZIN NAS RGYUN MTHA'I NGO SKAL GYI SPANG BYA PHRA MO'I BAR GYI PHYIN CI LOG GI BLO 'GAG PA, SNANG SHAS KHA BRI BA NAS STOBS BCU'I BAR GYI PHYIN CI MA LOG PA'I BLO SKYE BA, DE RNAMS DUS GCIG LA MI YONG BAS THOG MAR GAL CHE BA BYAMS SNYING RJE BYANG CHUB KYI SEMS 'BYONG ZHING, ZAB MO'I LTA BA MA NOR BA SKYE BA STE LAM THUN MONG BA DANG, THUN MONG MA YIN PA SKU GNYIS KYI LAG RJES 'JOG BYED MTSAN BCAS MTSAN MED DANG, LAM RIM PA GNYIS KYI RTOGS PA KHYAD PAR CAN TSE 'DI NYID LA SKYE PAR GSOL BA 'DEBS PA STE, THUN GCIG LA CHOS KYI PHUNG PO BRGYAD KHRI BZHI STONG GI GNAD 'DUS PA MDO SNGAGS KYI LAM GYI RIM @008B PAS SNYIGS DUS KYI TSE THUNG GCIG LA SANGS RGYAS KYI SAR BGROD PA'I LAM CHA TSANG LAM NOR BA KHRIGS CHAGS SU NYAMS SU BLANG DU YOD PA 'DI 'DRA RJE BLA MA'I BKA' SROL 'DI'I THUN MONG MA YIN PA'I KHYAD CHOS YIN PAS CHIG BRGYUD BYAS PA'I GNAD NGOS ZIN DGOS; RANG RES TSIG RGYUN DU KHA NAS 'DON BZHIN BA YIN KYANG DON BLO LA SHAR NAS MYONG BA THON PA GAL CHE, DAM PA GONG MA RNAMS TSIG TZAM NE TZO'I MA nI DANG, SEN MO GZAD CES THUGS MI DGYES, RI KHROD DBANG PO MKHAS GRUB BSTAN 'DZIN PAS; BTON NAS CI BYED, BSAM BLO THONGS GSUNGS, RI KHROD PA ZHIG GIS NGA TSOS BZLAS BRJOD PHRAN BU BYAS PA 'DI LA PHAN YON CI YOD ZHUS PAR, NGAG 'KHYAL GYI NYES PA 'GOG MOD GSUNGS, BLO KHA NANG DU PHYOGS NAS ZHIB TU BSAM PAS RTAG 'DZIN DANG BDEN 'DZIN GYI 'DZIN TSUL LA GNOD BYED SGO SNA TSOGS NAS 'BAB PAR MTHONG STE BLO'I 'GYUR BA THON NA LOG 'DZIN 'PHRAL LA LDOG PAS NYAMS LEN GNAD DU 'GRO BA DES GZHAN LA RIGS 'GREL, DE NAS, DPAL LDAN RTZA BA'I BLA MA RIN PO CHE, ,BDAG GI SNYING GAR PAD ZLA'I STENG BZHUGS LA, ,ZHES SOGS BRJOD PAS BLA MA'I SKU MTHEB SOR GANG TZAM DU GYUR PA DBU MA NAS MAR BYON NAS RANG SEMS DH'I: RA GSAL BA LA THIM, DE MA THAG DBU MA'I NANG BDUD RTZIS KHRIGS MER TE GTAMS; RANG SEMS DH'I: YIG DANG, BLA MA DANG RJE RIN PO CHE YI DAM 'JAM DBYANGS RNAMS NGO BO DBYER MED DU MOS NAS DH'I: LA MNYAM PAR BZHAG, DH'I: LAS RANG SEMS 'JAM DBYANGS KYI SKUR BZHENGS KYANG CHOG, PADMA KHA 'UB KYIS @009A *, ,'DUS BA RAL BA'I RTZE DANG MNYAM PAR SNYING GZUGS DOD PA'I NANG 'OD KYIS KHYAB PAS SEMS BDE CHAM CHAM SONG, RANG 'JAM DBYANGS SU GSAL BA'I THUGS KA'I DH'I: LAS 'OD 'PHROS PAS SNYING GI RTZE MOR RDO RJE RTZE LNGA PA RI RAB LTAR LCI BA'I REG BYA DANG LDAN PAS MNAN, YANG DH'I: LAS 'OD 'PHROS PAS RDO RJE'I DPUS RA'I NANG H'Um YIG BSAM, DE LAS 'OD ZER PHRENG THAG DANG SNGAGS PHRENG RDOG GI RNAM PAR SNYING GI MGO NAS MJUG GI BAR DMIGS BRTZEM DANG AA RA PA TZAS G-YAS SKOR DU GU GU LTAR DKRIS PAS SNYING RLUNG SEL BA'I GDAMS PAR 'GYUR, RANG SEMS RJE BLA MAR GSAL BA DE NYID GSANG BA 'DUS PAR BZHENGS NAS CHOS SKU DBYER MED KYI RNAL 'BYOR SKYONG BA DANG, DUS RGYUN DU'ANG RANG SEMS RJE BLA MAR GSAL BA DE BYAMS 'JAM DBYANGS SPYAN RAS GZIGS SOGS GANG 'DUL GYI SKU'I RNAM PAR MOS CHOG, BZA' BTUNG BDUD RTZIR BYIN GYIS BRLABS NAS SNYING GA'I RJE BLA MA MCHOD PA DANG, GOS LHA RDZAS KYI GOS SU BSAM NAS SNYING GA'I LHA LA NA BZA' PHUL, SPYOD LAM THAMS CAD DU SKANG CIG KYANG MA BRJED PAR RJE BTZUN 'JAM DBYANGS DANG DBYER MED PA'I BLA MA SNYING GAR 'BRAL MED DU BSTEN PA'I RNAL 'BYOR NYAMS LEN GYI MTHIL DU BYAS NA, DGE BSHES RMOG LCOG PA RIN CHEN BRTZON 'GRUS KYIS, SPYAN RAS GZIGS DKAR NA DKAR, RJE BTZUN MA RANG DMAR NA'ANG DMAR, KYE RDO RJE RANG SNGO NA'ANG SNGO, NGA NI BLA MA'I SNANG BA DANG SKAD CIG KYANG MA BRAL BAS TSE GCIG GI SANGS RGYAS DE DA YONG YONG @009B 'DRA; GSUNGS PA LTAR SPYOD LAM THAMS CAD DON LDAN DU 'GRO ZHING RING BO MI THOGS PAR SANGS RGYAS 'THOB PA RTEN 'BREL GYI CHOS NYID YIN ZHES KHRI BSOD NAMS DBANG RGYAL PAS YANG YANG GSUNGS GSUNG, THOS BSAM SGOM SGRUB GNAD DU 'GRO PA BLA MA'I SNANG BA DANG MA BRAL BA LA RAG LAS PAS CHOS GRVA'I SKU RIM GYI 'GRO BLA MA SNYING GAR SPYAN 'DREN PA'I TSIGS BCAD TZAM BRJOD PA BLA MA 'JAM PA'I DBYANGS KYI RNAL 'BYOR DANG RGYUN DU MA PRAL BA DGOS PA SHES CHED DANG, TSOGS NAS 'JIGS BYED GSUNGS PAS YI DAM 'JAM DBYANGS, DRUG CU PA DANG GTOR BSNGOS BYAS PAS CHOS SKYONG 'JAM DBYANGS DANG, SKYES BU GSUM GYI LAM GYI 'GROS DANG BSTUN PA'I CHOS SRUNG BSTEN PA'I GNAD TSANG BAR MDZAD PA GO DGOS, RTZOD PA'I LUS KYI RNAM 'GYUR GYI STENG NAS KYANG BLA MA YI DAM DRAN PA SOGS NYAMS LEN DU 'KHYER BA'I GNAD MANG BAS BLA MA LA GSOL BA BTAB STE 'BAD NA THOS BSAM GONG DU 'PHEL NAS DAL 'BYOR LA SNYING PO LON, CHOS KYIS BSTAN PA DANG RANG GZHAN LA PHAN THOGS PA YONG, DE LTAR SNYING DBUS KYI BLA MA RANG 'CHI KHA'I BAR DU MI BSDU ZHING, SLAR BLA MA'I RNAL 'BYOR BSKYANGS RES KYIS SNGAGS KYI DKRIS LHOD DE SNYING GA'I BLA MA LA BSTIM PA DANG, CHO GA GZHAN LA 'JUG TSE RANG SEMS DANG DBYER MED PA'I BLA MA LHA DE DANG DE'I SKUR BZHENGS PAR MOS, BLA MA'I RNAL 'BYOR 'DIS MTSON NAS KUN MKHYEN BLA MAS PHA BONG KHAR BKA' RTZOM GNANG BA RNAMS MDO SMAD 'DI KA'I GDUL BYA'I NYAMS LEN LA GTZO POR DGONGS PA'I DGOS PA CAN SHA STAG YIN, DE LTAR BDAG @010A GIS 'DI LTAR BSHAD PA TSIG SBYOR DMAN YANG DON BLA MAS GSUNGS PA GZHIR BZHAG NAS ZHUS PA YIN PAS THAMS CAD KYIS BSTAN 'GRO'I PHAN BDE THUGS LA BCANGS TE THOS BSAM BSHAD SGRUB ZUNG DU 'BREL BA'I SGO NAS DON GNYIS LHUN GYIS GRUB PA MDZOD CES GDAMS SO, ,ZHES MKHAS GRUB CHIG BRGYUD KYI BLA MA'I RNAL 'BYOR GYI BRJED BYANG 'DI YANG DMIGS PA MED PA'I THUGS RJE CHEN PO DANG LDAN PA BKA' DRIN ZLA MED ^ 'JAM DBYANGS BLA MA DKON MCHOG RGYAL MTSAN DPAL BZANG PO DANG, SMRA BA'I DBANG PHYUG 'JAM DBYANGS BLA MA DKON MCHOG DGYES PA'I BLO GROS RNAM GNYIS LAS 'DI'I NYAMS KHRID LEGS PAR THOB PA'I TSE DGE SLONG SHES RAB RGYA MTSOS DRAN GSO TZAM DU BRIS PA'O,, ,,AOm SVASTI, CHOS SRID 'BYOR BA'I MDZOD DANG DGE BCU LDAN,, ,,DGA' LDAN RAB RGYAS ZHES BYA'I RGYUD GRVA CHER,, ,,KUN MKHYEN 'JAM DBYANGS BZHAD PA YAB SRAS KYI; ;THUGS RJES CHOS SBYIN 'DZAD MED RGYUN 'DI SPEL,, ,,MANGGA LAm,, @010B [BLANK PAGE]