*, ,(GZUNGS 'BUL GYI LAG LEN 'KHYER BDE BZHUGS SO,,) *,, SKYE RGU'I BSOD NAMS GSOG PA'I ZHING DAM PA SKU DANG THUGS KYI RTEN LA GZUNG GZHUG 'BUL TSUL LAG TU BLANG BA'I RIM PA LA, SROG SHING TZAN DAN NAM, SHUG PA'AM, 'BRAS BU CAN GYI SHING GANG YANG RUNG BA MA BCAD PA'I SNGA ROL NAS PHYOGS MI NOR BA'I MTSAN MA BTAB PA, MCHOD RTEN GYI CHOS 'KHOR YAN DMIGS KYIS BSAL BA'I ZLUM PO DANG, GZHAN THAMS CAD GRU BZHI PA RTZA RTZE'I RNAM PA'I PHRA SBOM YOD BA BYAS LA, RTZE MOR RNAM RGYAL MCHOD RTEN DANG, RTZA BAR RDO RJE PHYED PA BRGO BA'AM BRI, RING THUNG GI TSAD SKU GZUGS LA DKYIL DKRUNG NGAM LTE BA YAN CHAD DANG, MCHOD RTEN LA GDUNG CHEN YAN GYI CHAD DU BYA, DE LA YI GE GANG GIS 'BRI BA'I MDOG DANG MI ZLOS PA'I TSON DANG DRI BZANG GIS BYUG ,GNAS LNGA'I THAD DU, AOm A'A: H'Um TRAm HRI ZHES PA DANG, SKU'I DBU'I DBYINGS DANG MCHOD RTEN GYI BRE'I THAD TZAM LA, AOm SARBA BI DYA SV'A H'A, ZHES PA DANG, MGRIN PA'I THAD DU, AA A'A, NAS; TA KshA, ZHES PA'I BAR GYI DBYANGS GSAL DANG, THUGS KA'I THAD DU, AOm BADZRA AA YU shE SV'A H'A, ZHES PA DANG, LHA GANG YIN GYI SNGAGS LA 'DOD BCOL SPEL TSIG SBYAR BA DANG, LTA 'OG TU SHAR NGOS LA GTZUG TOR RNAM RGYAL, LHOR DRI MED, NUB TU GSANG BA RING BSREL, BYANG DU BYANG CHUB RGYAN 'BUM GYI GZUNGS RING THUNG GNYIS KA'AM @100B GANG RUNG, BZHI KA'I GSHAM DU RTEN 'BREL SNYING PO, ,BZOD PA DKA' THUB DAM PA ZHES SOGS RTEN 'BREL SNYING PO BOD SKAD DU BSGYUR BA, GSANG GNAS KYI THAD DU, AOm SU PRA TIshthA BADZRA YE SV'A H'A, ZHES PA RNAMS BRI, GZUNGS SHOG 'THUD DGOS PA RNAMS MA NOR BAR LEGS PAR SBYAR, DRI BZANG POS PHYUG ,BGEGS BSKRAD RAB GNAS BSDUS PA BYA, DBU NAS NANG DU DAM POR DRIL, DBU ZHABS MI LOG PA DANG, DBU GZUNGS SOGS GANG YIN GYI MTSAN MA GDAB, SBYANG BA DANG RAB GNAS BYA, GNOD SBYIN SOGS KYI 'KHOR LO BRI SGRUB DANG BUM SGRUB SOGS GZHUNG BZHIN LEGS PAR BYA, 'BUL BA'I LAS BYED PA PO KHRUS BYAS, GOS GSAR PA GYON, SHA CHANG SGOG TZONG SOGS KHA ZAS MI RUNG BA SPANG, YI DAM GYI NGA RGYAL LA GNAS PAS, GZUNGS 'BUL BA'I GNAS KHANG DU, SKU GZUGS, SROG SHING, GZUNGS DANG, BYIN RLABS RTEN DRI BZANG, SMAN SNA, 'BRU SNA, RIN PO CHE'I RIGS, THUM ? RDZAS SOGS MDOR NA DER DGOS PA'I YO BYAD THAMS CAD TSOGS PA LA, BGEGS BSKRAD DRAG TU BYA, BSRUNG 'KHOR BSGOM, SO SOR RAB GNAS BYAS LA, AOm MANT'A DH'A TU GARBHA YA SV'A H'A, ZHE PA DANG, GZHAN YANG BKRA SHIS KYI TSIG BCAD LHUG CI RIGS 'DON CING, LAS BYED SBYIN BDAG THAMS CAD YID DGA' SPRO DANG LDAN PAS, BKRA GANG SHIS DANG RTEN 'BREL GANG LEGS BYA, RTEN GZHUG PA'I RIM PA, SANGS RGYAS KYI 'PHEL GDUNG GIS THOG DRANGS, SKU GDUNG, SKU BAL, @101A *, ,SKU YUNG 'BRU LTA BU'I RING SREL, BLA MA DAM PA'I NA BZA'I TSAL PA SKYI MA CHAGS PA RNAMS, SKU GZUGS KYI DBU GTZUG ,MCHOD RTEN GYI TOG DANG GDUGS KYI NANG, NOR BU RGYAS PA'I GZHAL MED KHANG LA RGYAS PA'I SPEL TSIG SBYAR BA, MDZOD SPU'I THAD, BLA MA BRGYUD PA'I MTSAN GZUNGS, GDUGS DKAR, GTZUG TOR 'KHOR BSGYUR GYI GZUNGS LA BAR CHAD ZHI BA'I SPEL TSIG SBYAR BA RNAMS, NOR BU RGYAS PA'I GZHAL MED KHANG GI 'OG DANG, MCHOD RTEN GYI BRE YAN, DBYANGS GSAL GYI GZUNGS, GSUNG RDO RJE MTSON PA'I 'PHRENG BA RNAMS; SKU'I MGUL DANG, MCHOD RTEN GYI BRE ZHABS, BLA MED KYI GZUNGS, THUGS RDO RJE MTSON PA'I RDO RJE RNAMS SKU'I KHOG STOD DANG, MCHOD RTEN GYI BUM STONG, RNAL 'BYOR RGYUD; SBYONG RGYUD, BYA RGYUD KYI GZUNGS DKYUS MA RNAMS GO RIM MA LOG PAR BLA MED KYI GZUNGS KYI 'OG ,GZUNGS CHEN SDE LNGA, YANGS PA'I GRONG KHYER DU 'JUG PA, MDO GZUNGS RNAMS; SKU'I LTE 'OG DANG, MCHOD RTEN GYI BUM SMAD LA GZHUG CING, SROG SHING YOD NA DE LA BCING, NA BZA' DAR RAS SER POS DKRIS, STOD GZUNGS, BAR GZUNGS, SMAD GZUNGS RNAMS LA 'TSAMS DANG LEGS BAR BTANG, GLEGS BAM 'JUG TSE RGYUD SDE BZHI DANG THEG PA CHEN PO'I MDO RNAMS BZHUGS BDEN RANG RANG GI GZUNGS KYI THAD DANG, DER BZHUGS MI BDE NA RGYUD SDI GONG 'OG DANG THEG PA CHE CHUNG GI MDO, ,DE'I DGONGS 'GREL GYI BSTAN BCOS, CHOS SKYONG GI MNGON RTOGS SGRUB SKOR LAS TSOGS SOGS GO RIM MA LOG PAR SKU'I DKYIL DKRUNG DANG @101B MCHOD RTEN GYI BANG RIM GYI NANG DU GZHUG CING, DE YANG SHOG BU'I BAR BAR LA DRI BZANG GI PHYE MA BTAB, DBU SHOG YAR LOG PA'I YI GE'I DBU RTEN GYI RGYAB PHYOGS SU 'ONG BA BYAS TE, NANG DRIL GOS DAR GANG 'BYOR DANG, PHYI DRIL DAR RAS SER POS DRIL TE BZHUGS SU GSOL, ,'BUR SKU'I RIGS 'JUG NA RGYUD DE'I LHA SKU RNAMS RGYUD SDE RANG RANG GI GZUGS KYI THAD DU GZHUG , BLA MA'I SKU DANG CHOS SKYONG GI SKU, BLA GZUNGS KYI THAD DANG, LTE 'OG TU GZHUG ,BRIS THANG 'JOG NA GLO NAS DRIL TE NA BZAS BTUM LA DBU ZHABS MA LOG PAR GZHUG CING, THAD GANG DU 'JUG PA 'BUR SKU DANG MTSUNGS, DE DAG GIS MKHENGS PA'I SRUB STONGS RNAMS BUM RDZAS NYER LNGA, DRI BZANG CI 'BYOR GYI PHYE MA, SHUG PHYE, SPANG SPOS SOGS DAR RAS SER POR THUM BU BYAS TE 'GENGS, SKU'I PAD GDAN GYI STOD DANG, MCHOD RTEN GYI SENG KHRI'I STOD KYI NANG DU, DBUS SU BKRA SHIS, G-YAS SU CHOS SKYONG, G-YON DU DPAL MGON, RGYAB TU NOR LHA PHYOGS SKYONG RGYAL CHEN SOGS KYI SNGAGS, DE DAG GI BAR BAR DU BRA'O DANG PAD KHA MA YIN PA'I 'BRU SNA'I RIGS DAR RAS SER POS BTUMS NAS BCUG LA DAR SER POS 'TSAMS BCAD DE MI LUG PAR BYA, SENG KHRI'I NANG GI 'OG TU ZHABS BKAG 'KHOR LO, ,DE'I STENG DU BUM GTER, DE'I STENG DU TSOGS BDAG DANG, GNOD SBYIN 'KHOR LO LEGS PAR BZHAG TE SPYI 'GRO'O, ,DMIGS RNAMS BSAL LA, BLA MA DAM PA ZHING GZHAN DU GSHEGS PA'I DGONGS RDZOGS DANG, TSE 'DAS GZHAN GYI DON DU BZHENGS PA'I NANG RTEN @102A *, ,LTA BU LA; GSHEGS PA DE NYID RANG GI RTZA BA'I BLA MA'I SKU BRIS 'BUR GANG RUNG, DAR GYIS DRIL BA'I RIN PO CHE, SMAN DRI BZANG DANG LHAN CIG NA BZAS GTUMS PA'I PHYI ROL DU, DPAL LDAN BLA MA DAM PA RDO RJE SLOB DPON CHE GE MO ZHES BGYI BAS, BLA MA DAM PA RDO RJE SLOB DPON ZHING KHAMS GZHAN DAG TU SEMS CAN GYI DON RLABS PO CHE 'GRUB PA SOGS JI LTAR BZHED PA'I DGONGS PA RNAMS RDZOGS PAR BYIN GYIS RLABS TU GSOL, ZHES PA'AM TSE 'DAS CHE GE MO SDIG SGRIB NYES LTUNG GI TSOGS DAG CING 'KHOR BA'I SDUG BSNGAL LAS THAR TE MYUR DU RDO RJE 'DZIN PA'I SA THOB PAR BYIN GYIS RLAB TU GSOL, ZHES PA LTA BU RGYAS BSDUS SKABS SBYAR GYI 'DOD GSOL BRIS PA'I SHOL DRIL GYIS DKRIS TE, BLA GZUNGS DANG LHAN CIG GZHUG , DE DAG GI YI DAM LHAG PA'I LHA'I SKU, BCOM LDAN 'DAS YI DAM CHE GE MOS ZHES BSGYUR BA'I SBEL ? TSIG THUGS KAR GZHUG ,SDIG SBYONG LTA BU GTZO BOR YIN NA, KUN RIG ,THUGS RJE CHEN PO, ,MI 'KHRUG PA SOGS NGAN SONG SBYONG BA'I LHA SKU GANG YANG RUNG BA'I MTHA' SKOR DU SNGAGS 'PHRENG SPEL TSIG DANG BCAS PA BRIS PA'I SHOG DRIL GANG MANG GZHAG PA GZHUG ,ZHAL BZHUGS KYI DON DU YIN NA, BLA MA DAM PA CHE GE MO ZHING 'DIR BSTAN 'GRO'I DON DU MYA NGAN LAS MI 'DA' ZHING SKU TSE MDZAD PA 'PHRIN LAS RNAMS 'PHEL NAS GDUL BYA'I TSOGS SMIN GROL LA 'GOD PAR BYIN GYIS RLAB TU GSOL, ZHES PA'AM, CHE GE MO GNAS SKABS SU NAD GDON PAR CHAD MI MTHUN PHYOGS RNAMS NYE BAR ZHI ZHING TSE DANG BSOD NAMS DPAL 'BYOR LONGS SPYOD SNYAN GRAGS MTHU STOBS SOGS , @102B LEGS TSOGS THAMS CAD 'PHEL BA DANG, MTHUR THAG GI DON ZUNG 'JUG RDO RJE 'CHANG GI GO 'PHANG TSE 'DI NYID LA THOB PAR BYIN GYIS RLAB TU GSOL, ZHES SPEL TSIG BSGYUR, MCHOD RTEN DANG LONGS SPRUL GYI CHA BYAD CAN GYI SKU GSUM KA 'JOG TSE YAS RIM GYIS SKABS GANG BABS SU GZHUGS SU GSOL, BKRA SHIS, GNOD SBYIN 'KHOR LO PAD 'DAB KYI RTZE'I DBUS SU AOm, ,DE'I THAD KYI 'OG TU SV'A H'A, DE'I BAR DU 'PHRENG SGRIG ,TSEG CAN, PAD 'JAB SNA TSOGS PADMA, RDO RA SER, ME RING DMAR, GZHAN MDZES MTSON, TSOGS BDAG 'KHOR LO,, DBUS DKAR, RTZIB SER, GZHAN MDZES TSON LAGS, CES PA 'DI NI RGYAL DBANG MCHOG GI GZUNGS GZHUG HA CANG RGYAS PAS 'THOR BA LTA BUS BLO DMAN GYIS GO DKA' BAR 'DRUG PAS SHIN TU BSDUS PA GO SLA BA CIG GYIS ZHES 'GA' ZHIG GIS BSKUL NGOR GYI NA BA NGAG DBANG BLO BZANG CHOS LDAN GYIS BRIS PA'O, ,'DIS KYANG BSTAN 'GRO LA PHAN PAR GYUR CIG, ,,