@001A *, ,RDOR SEMS BSGOM BZLAS KYI KHRID DMIGS YI GER BKOD BA
YID KYI GDUNG SEL ZHES BYA BA BZHUGS,

@001B #, ,NA MO GU RU BADZRA SATV'A YA, SNYIGS MA'I SKYON
BRGYAS SBAGS PA'I NYAMS THAG 'GRO'I, ,SDIG SGRIB SBYONG LA
RMAD BYUNG THUGS BSKYED MTHU, ,CHES CHER RAB 'BAR BCOM

LDAN RDO RJE SEMS, ,NYES LTUNG BYANG ZHING DAG PAR BYIN GYIS
RLOBS, ,RDO RJE SEMS DPA'I BSGOM BZLAS NYAMS SU LEN PA LA, LAM
THUN MONG BA'I RIM PAS RGYUD SBYANGS SHING, BLA MED KYI LHA

GANG YANG RUNG BA'I DBANG DANG, BLA MED LUGS KYI RNGOR SEMS
YAB YUM GYI RJES GNANG SRAD DBEN NAS BRGYUD PA'I CHINGS LCANG
SKYA ROL PA'I RDO RJE DANG, RJE BLO BZANG CHOS KYI NYI MAS
MDZAD PA'AM,

DBEN SA NAS BRGYUD BA'I RDOR SEMS YAB RKYANG GI CHINGS SKYID
SHOD SER ZHABS DRUNG NGAG DBANG BSTAN 'DZIN 'PHRIN LAS KYIS
MDZAD PA DANG, SNGA MA GNYIS DANG CUNG ZAD MI 'DRA BA RGYAL
SRAS SKAL

@002A #, ,BZANG THUB BSTAN 'JIGS MED RGYA MO TSAS MDZAD PA
SOGS KYI STENG NAS LEGS PAR THOB PA'I GANG ZAG GIS 'DI PHYI'I
LEGS TSOGS GANG SGRUB KYANG SDIG SGRIB DANG NYES LTUNG

SBYOD BA'I THABS LA 'BAD PA GAL CHE STE, DARP'AN AA TZARYA'I
'TSO BA'I DE KHO NA NYID LAS, DNGOS GRUB CHEN PO 'DOD RNAMS
KYI, ,SROG NI DAM TSIG SNGOM PA YIN, ,ZHES DANG, RJE MI LAS,
SNGON CHANG

'KHOR BA THOG MED KYI, ,KHA NA MA THO LCI BA RNAMS, ,MTHOL
ZHING BSHAGS PA MA BYAS NA, ,ZAB MO BSHAD PA'I SNOD MI RUNG,
,ZHES GSUNGS, NYES LTUNG SBYONG BA'I SGO MANG YANG 'DI NYID
MCHOG STE, RJE'I

RTZA LTUNG RNAM BSHAD LAS, SNGAGS KYI PHYIR BCOS GSUNGS NAS,
DE RJES, GZHAN YANG RIM PA GNYIS BSGOM PA DANG, BZLAS PA DANG,
GTOR MA DANG, MAndAL, RTEN GYI MDUN DU BSHAGS PA DANG,

@002B SEMS CAN KYI SROG BSKYAB PA DANG, BKA' KLAGS PA DANG,
TSA TSA GDAB PA DANG, SDIG PA'I GZUGS DMIGS TE TIL MER BSREG
PA DANG, NGAN 'GRO DGUG DRAL DANG, BUNG PO GSUM PA 'DON PA LA
SOGS PA'I SGO NAS SDIG LTUNG SBYANGS PAR SNYING PO RGYAN

LAS GSUNGS SHING, RTAG TU BAG MED PAR GNAS NA, ,NYES PA CHUNG DU
PHRA MO YANG, ,SBRUL GYI MCHE BAS BTAB BZHIN DU, ,LUS NGAG SEMS
NI NYAMS BAR BYED, ,CES GAL TE BAG MED PAR BYAS NA NYES PA PHRA
MO'ANG RMA LA GOS PA'I DUG BZHIN

DU 'PHEL BAR GSUNGS LA, LTUNG BA BYUNG BA MI 'PHEL BAR BYED
PA'I THABS KYANG GSUNGS TE, DE NYID LAS, SANGS RGYAS KUN GYI
SKU GCIG BU, ,PAD DKAR ZLA BA'I DBUS GNAS PAR, ,RDO RJE DRIL
BUS BRGYAN SPRAS PA'I, ,RDO RJE SEMS DPA'

LEGS DMIGS TE, ,YI GE BRGYA BA CHO GA BZHIN, ,NYI SHU RTZA NI
RE RE BZLAS, ,LTUNG SOGS BYIN GYIS BRLAB 'GYUR BAS, ,'PHEL BA
RU NI MI 'GYUR ZHES, ,GRUB PA MCHOG RNAMS KYIS BSHAD PAS,
,THUN MTSAMS SU NI SPYAD PAR BYA, ,'BUM

PHRAG GCIG NI BZLAS GYUR NA, ,RNAM PAR DAG PA'I BDAG NYID
'GYUR, ,ZHES SO, ,ZHES GSUNGS, DE YANG 'DUL BAR PHYIR BCOS
DANG, THEG CHEN GYI MDOR STOBS BZHI SOGS GSUNGS LA, DE GNYIS
KAR BSLAB BYIN DGE SLONG MA GTOGS PAR

RANG GCIG BUR GNAS NAS BSHAGS BSNGAMS LA 'BAD NA SDIG PA 'DAG
KYANG SO THAR GYI PHAM PA 'CHAB BCAS 'DAG BA'I THABS MED PAR
GSUNGS, SNGAGS LA BYA RGYUD THUGS RJE CHEN PO'AM, DAM TSIG
GSUM BKOD LTA BU'I SMYUNG GNAS RNAM

@003A *, ,DAG SBYOR DNGOS MJUG GSUM TSANG BA BYAS NA SO THAR
GYI PHAM BZHI 'DAG, DE BZHIN DU SPYOD RGYUD LA'ANG SDIG BSHAGS
YOD, RNAL 'BYOR RGYUD LAS KUN RIG GI RTZA SNGAGS 'BUM BZLAS
PAS SDIG PA THAMS CAD

'DAG PAR GSUNGS, 'ON KYANG DE DAG GIS RNAL 'BYOR RGYUD MAN
CHAD NAS BSHAD PA'I SDIG LTUNG 'DAG KYANG SNGAGS BLA MED KYI
THUN MONG MA YIN PA'I LTUNG BA 'DAG MI NUS, RDOR SEMS YUM BCAS
KYI RNAL 'BYOR LA GNAS NAS YIG BRGYA 'BUM

BSRANG NA SNGAGS BLA MED KYI LTUNG BA 'DAG PAS SGRIB SBYONG
THAMS CAD LAS ZAB CING PHAN YON CHE, SNGON BLO GSAL GLING LA
DOM 'BRUG GNYIS ZHES DGE BSHES GRAGS CAN GNYIS BYUNG BA'I NANG
TSAN 'BRUG STAG NGAG DBANG DPAL BZANG PAS SNGAGS

KYI RTZA LTUNG 'BYUNG NYE, BYUNG NA NGES PAR MNAR MED DU 'PHEN
PAS DE'I TSE TSAD RDZOGS PA'I BAR LA PHAR PHYIN THEG PA'I
DBANG RNON 'TSANG RGYA, GSUNGS PA LA, KUN MKHYEN 'JAM DBYANGS
BZHAD PAS, DE G-YAG ZHAR GYI RTZVA ZOS PA DANG 'DRA, RDOR SEMS

YUM BCAS KYI SGOS YIG BRGYA 'BUM GYIS RTZA LTUNG 'DAG PA LTA
BU'I THABS MKHAS CHE BA MA SHES PAS LAN GSUNGS, MNYAM MED JO
BO CHEN POS, SNGAGS LA LTUNG BA 'BYUNG BA'I SGO BSAM GYIS MI
KHYAB STE, BUM PA LTA BU ZHIG LA'ANG DNGOS PO THA MAL PAR

BLTAS NA LTUNG BAR 'GYUR PAS PHYOGS RDUL CHE BA ZHIG TU MAndAL
ZHIG PHYIS TE BZHAG NA DE MA THAG RDUL CHAGS NAS 'ONG BA DANG
'DRA GSUNGS, 'O NA DE LA BRTEN NAS SANGS RGYAS MYUR DU 'GRUB
DKA' 'AM ZHUS PAS, LTUNG BA SBYANGS PA'I THABS BYA BRGYA 'UR

@003B RDO GCIG GIS 'DED PA LTA BU'I GDAMS BZAB MO RDO RJE SEMS
DPA'I BSGOM BZLAS BYA BA GSANG SNGAGS PA LA YOD CES GSUNGS,
RGYUD SDE GONG MA GNYIS KYI SNGAGS SNGOM GSO BA'I THABS DNGOS
DBANG LEN PA YIN LA, SO THAR GYI NYES SPYOD SNGOM

PA'I TSUL KHRIMS BYANG SEMS DANG SNGAGS KYI SNGOM PA BLANGS NA
GNAS GYUR NAS GNYIS TSOGS SU 'GYUR BAS DE'I CHA SHAS LA 'JOG
DGOS, DES NA SDOM PA GONG MA GNYIS SOR CHUD PA NA DE'I CHA
SHAS SO THAR KYANG SOR CHUD PA'I MOS PA DANG NYAMS

LEN BSKYANGS CHOG GSUNGS, GDAMS PA DNGOS LA SNGON 'GRO DNGOS
GZHI RJES DANG GSUM, DANG PO NI, RANG GI SMIN MTSAMS KYI THAD
DRANG GI NAM MKHAR BLA MA SBYI BOR BZHUGS PA'I RDOR SEMS YAB
YUM LA SANGS RGYAS BYANG SEMS SOGS

SKYABS YUL MA TSANG BA MED PAS BSKOR BA'AM, BDE LAM LTAR GSAL
BTAB KYANG RUNG LA, 'JIGS BYED KYI CHO GA LTA BU DANG 'BREL
BA'I SKABS DE'I RTEN GZHAL YAS KHANG BRTEN PA LHA BCU GSUM
DANG BCAS PA BSKYED PA'I GTZO PO 'JIGS BYED

YAB YUM DANG, GTI MUG GSHIN RJE GSHED SOGS RIGS LNGA SANGS
RGYAS DKON MCHOG KUN 'DUS, SGO BA BZHI DANG YUM BZHI DON LA
GTZO 'KHOR THA MI DANG KYANG BYANG SEMS KYI TSUL BZUNG BAS DGE
'DUN DKON MCHOG KUN 'DUS, DE

RNAMS KYI THUGS RGYUD KYI 'GOG LAM RTOGS PA'I CHOS DANG, GZHAL
YAS KHANG GI RDO RJE NOR BU'I TOG GI KHANG BU CHUNG NA BZHUGS
PA'I RTZA RGYUD KYI GLEGS PA MA LUNG GI CHOS DKON MCHOG KUN
'DUS TE MCHOG GSUM DNGOS KYI 'DU SHES BZHAG, RANG

@004A *, ,GI MTHA' SKOR DU PHA MAS THOG DRANGS DGRA GNYEN BAR
MA'I 'GRO BA RANG RANG GI RNAM PA'AM MI'I RNAM PAR GSAL BTAB,
RANG DANG MTHA' SKOR GYI SEMS CAN RNAMS BYANG SA LAS 'BYUNG BA
LTAR GYI SDUG BSNGAL BRGYA

RTZAL SOGS KYIS MNAR BA LA GSHED MA RAL GRIG DENGS PA'I DRUNG
DU GNAS PA LTA BU'I 'JIGS SKRAG DANG, DE LAS SKYOBS PA'I NUS
BA MDUN GYI SKYABS GNAS RNAMS MA GTOGS SU LA YANG MED PA'I YID
CHES KYIS SKYID SDUG LEGS NYES CI BYUNG

YANG KHYED SHES KYI BLO BKAL TE BDAG DANG MA SEMS CAN THAMS
CAD BYANG CHUB MA THOB PAR DU 'JIGS PA RGYU DANG BCAS PA LAS
BSKYAB TU GSOL SNYAM PA'I 'DUN MOS DANG, DANG GUS SHUGS DRAG
KHA TZAM MA YIN PAR YID DUNG NGE BAS, DKON MCHOG

GSUM LA SKYABS SU 'GRO, ,ZHES SKYABS 'GRO TSIG RKANG GCIG LAS
MED KYANG LAM RIM LTAR GANG LA SKYABS SU 'GRO BA'I YUL SOGS
BCAD YONGS SU RDZOGS PAR DRAN NAS NYAMS SU LEN ZHING BDUD RTZI
'BEBS SBYANGS BYED, RANG GI MTHA' SKOR

GYI RIGS DRUG GIS BSDUS PA'I SEMS CAN THAMS CAD LA DMIGS NAS
DE RNAMS KYIS TSE RABS GRANGS MED BAR BDAG GI MA BYAS, DE'I
DUS TSE 'DI'I MA LTAR PHAN BDE TSAD MED PA BSGRUBS, DE'I DRIN
LAN CHOS KYIS 'JAL DGOS, DE RNAMS

BDE BA 'BA' ZHIG 'DOD KYANG SDUG BSNGAL GYI RGYU KHO NAR GZHOL
BAS BDE BAS PHONGS, SDUG BSNGAL GYIS RTAG PAR MNAR BA'I TSUL
BSAMS TE BDE BA DANG LDAN 'DOD KYI YID 'ONG GI BYAMS PA DANG,
SDUG BSNGAL MTHA'? DAG DANG GRAL? 'DOD KYI

@004B SNYING RJE BSKYED, DE YANG BDAG GIS NGES PAR BYA'O ZHES
LHAG BSAM YID 'KHUL BA BSGOMS, DES NA BDAG GIS PHA ROL TU
PHYIN PA'I LAM GYIS GRANGS MED GSUM LA SOGS PA'I BAR DU TSOGS
GNYIS RGYA CHEN PO GSOG PA LA RANG NGOS NAS NGANG PA BAD

MTSOR 'JUG BA LTA BU'I SBRO BA BSKYED DGOS KYANG DE'I BAR LA
SEMS CAN RNAMS SDUG BSNGAL GYIS MNAR BA LA MI BZOD PAS DE'I
PHYIR MYUR BA MYUR BAR ZUNG 'JUG RDO RJE 'CHANG GI GO 'PHANG
MNGON DU BYA, DE'I CHED LAM 'DI NYAMS SU BLANGS PAR BYA SNYAM

BAS; SEMS CAN THAMS CAD BDAG GIS SGROL, ,ZHES SMON SEMS DANG,
RKANG BA THA MA GNYIS KYIS BYANG CHUB KYI GNAS TE RGYU PHA ROL
TU PHYIN PA DRUG GIS BSDUS PA'I LAM RIM PA GNYIS KYI NYAMS LEN
LA RANG GIS SPYAD NAS GZHAN GO 'PHANG DER 'GOD

'DOD KYI 'JUG SEMS BSKYED PA GNYIS LAM RIM LAS 'BYUNG BA LTAR
LAM GYI GNAD YONGS RDZOGS BYAS NAS NYAMS SU LEN, NGA RANG CHOS
BLA MA'I THUGS RJE LA BRTEN NAS RNA BAS MANG BO THOS KYANG
TSIG TU BRJOD PA TZAM LAS 'CHAR DKA', TSIG

MANG NYUNG LA LTOS PA MED PAR KUN TSANG BA NYAMS 'OG TU TSUD
PA LA RAG LAS PAS RGYUN PAR BSAM BSGOM GYIS 'DRIS PAR BYA BA
GAL CHE, DE LTAR SKYABS 'GRO SEMS BSKYED LAN GSUM MAM BDUN
SOGS BYA BA NI RTEN GYI STOBS TE, RDOR SEMS

BSGOM PA DANG, SKYABS YUL RTEN GYI STOBS SU BYAS PA'ANG YOD
DO, ,MTHAR SKYABS YUL RNAMS 'OD DU ZHU NAS SMIN MTSAMS NAS
THIM PAS RGYUD BYIN GYIS BRLABS PAR BSAM, GNYIS PA DNGOS GZHI
NI, RANG NYID RDOR SEMS YAB 
@005A *, ,YUM DU BSKYED KYANG CHOG LA, YANG NA RANG LHAR GSAL
BA'AM, THA MAL DU GNAS PA'I SMIN MTSAMS NAS SOR BRGYAD KYIS
GZHAL BA'I MTSAMS SPYI GTZUG STE, DER PADMA'I MING YIG DANG PO
PA LA THIG

LES BRGYAN PA PAm DKAR PO GYEN 'GRENG, DE 'OD DU ZHU BA LAS
NGES 'BYUNG GI BSAM PA DANG 'KHOR BA'I SKYON GYIS MA GOS PA
MTSON PA'I PADMA DKAR PO 'DAB BRGYAD, THANG SAG PAS DMAR PO
GSUNGS, 'OD KYI SBU GU'I YU BA CAN, RTZA BA DMAR

MDANGS CHAGS PA, LTE BA LJANG SER, GE SAR DMAR SER DU YOD BA'I
DBUS SU DBYANGS DANG PO AA YIG DKAR PO CHU LAS CHU BUR RDOL BA
LTAR THON BA DE DANG, RGYAL BA RNAMS KYI BYANG CHUB KYI SEMS
KYI BDAG RKYEN LAS ZLA BA'I DKYIL

'KHOR DKAR BSIL NYA GANG BA, RI BONG GI MTSAN MA SOGS RA RI
DANG BRAL BA, SHEL DKAR GYI MAndAL KHA SBUBS PA LTA BU PADMA'I
LTE BA DANG TSAD MNYAM PA ZHIG TU GYUR, DE'I STENG DU PHYOGS
BCU'I SANGS RGYAS THAMS CAD KYI THUGS GNYIS SU

MED PA'I YE SHES SA BON H'Um YIG DKAR PO'I RNAM PAR THOL GYIS
BYUNG, DE 'OD DU ZHU PA LAS PHYAG MTSAN RDO RJE DKAR PO RTZE
LNGA PA GYEN 'GRENG GI LTE BAR SHEL PHRENG LA THAG PA BRGYUS
PA'AM SHEL BUM NANG DU MAR ME BZHAG PA LTAR H'Um DKAR POS
MTSAN

PA; STENG GI RVA DBUS MAR H'Um YIG BKOD PA'ANG YOD, DE LAS 'OD
ZER 'PHROS PAS DAG MA DAG GI 'JIG RTEN KHYAB, DER MCHOD YUL
DANG SNYING RJE'I YUL GNYIS LAS GANG ZAG GZHAN MED PAS NAM
MKHA'I MTHA' KHYAB KYI 'GRO BA'I GRANGS MNYAM

@005B GYI 'OD ZER GYI SNE LAS RDOR SEMS YAB YUM ZUNG RE SPROS
PA SEMS CAN RANG RANG GI SPYI BOR 'KHOD PA SNYOMS PAR ZHUGS
PA'I SBYOR MTSAMS NAS BYANG CHUB KYI SEMS KYI BDUD RTZI'I
RGYUN GYIS DBANG BSKUR BA LUS SEMS LA ZHUGS PAS THOG MED NAS

BSAGS PA'I SDIG SGRIB BAG CHAGS DANG BCAS PA DAG, LUS BDUD
RTZIS GANG, SPYI BO'I RDOR SEMS DE DAG LA SIB KYIS THIM PAS
SGO GSUM DANG RDO RJE SEMS DPA'I SKU GSUNG THUGS DBYER MED DU
BYAS TE SNOD THAMS CAD GZHAL YAS KHANG DANG BCUD KYI

SEMS CAN THAMS CAD RDOR SEMS SU GYUR, 'OD ZER MCHOD PA'I YUL
PHYOGS BCU'I SANGS RGYAS KYI ZHING KHAMS KHYAB BAR 'PHROS PA'I
SNE LAS MCHOD PA'I LHA MO MCHOD RDZAS MA TSANG BA MED PA THOGS
PAS PHYI NANG GSANG BA DE KHO NA NYID KYI MCHOD PA TSAD

MED PA PHUL BAS THUGS RGYUD LA DES BSKYED PA'I ZAG MED KYI BDE
BA GSAR DU 'KHRUNGS TE SRAS BCAS RGYAL BA'I BYIN RLABS THAMS
CAD KHAB LEN GYI RDOS LCAGS PHYE 'DREN PA LTAR 'OD ZER GYI
RNAM PAR SPYAN DRANGS PA DANG LHAN CIG RDOR SEMS DANG MCHOD

LHA RNAMS KYANG TSUR BSDUS NAS THIM PA STE DON GNYIS BYA BA NI
GRANGS MED GSUM GYI TSOGS KYI DOD THUB LTA BU STE RGYU'I MDZAD
PA'O, ,DE LAS RDO RJE H'Um DANG BCAS PA 'OD DANG 'OD ZER GYI
GONG BU GCIG TU GYUR PA LAS BLA MA DANG GNYIS SU MED PA'I RDOR
SEMS

YAB YUM GYI SKUR DKRONG GIS BZHENGS PA YID NGOR RDZOGS PAR
'CHAR THUB NA DE'I GO CHOD PAS TSIG RIS THAR CHAGS SU 'DON
DGOS PA'I NGES PA MI 'DUG KYANG, LAS DANG PO PA'I BLO NGOR
'CHAR BDE KHYAD RIM GYIS GSAL 'DEBS PA NI,

@006A *, ,SKU MDOG SDIG SGRIB SBYONG BA'I RTEN 'BREL DU GANGS
RI LA NYI MA 'BUM GYIS 'KHYUD PA LTAR DKAR PO, ZHAL GCIG,
PHYAG GNYIS, THABS SHES MTSON BA'I RDO RJE RTZE LNGA PA DANG,
DES YU BA BYAS PA'I DRIL BU

THUGS KAR BSNOL NAS 'DZIN PA, YUM RDO RJE SNYEMS MA DKAR MO
GRI THOD 'DZIN PAS YAB KYI MGUL BA NAS 'KHYUD PA, MTHON MTHING
RAL BA'I THOR TSUGS KYI LHAG MA SIL BUR BABS PAS SKU STOD
KHEBS PA, RIN PO CHE'I RGYAN BRGYAD DANG, SKU STOD

LHA RDZAS KYI GOS KYI GA SHAL, SKU SMAD LHA RDZAS KYI DAR GYI
SHAM THABS GSOL BA, YAB RDO RJE'I SKYIL KRUNG GIS BZHUGS PA,
ZHES PAS SHUGS LA YUM PADMA'I SKYIL KRUNG GIS 'KHYUD PAR BSTAN
TO, ,SANGS RGYAS THAMS CAD KYI THUGS RGYUD KYI THABS

SHES GNYIS SU MED PA'I YE SHES LHA YAB YUM GYI RNAM PAR SHAR
BAS GNYIS KA THUGS RGYUD GCIG PAR GO DGOS, 'DUS PAR YUM RDO
RJE DBYINGS KYI DBANG PHYUG MA DKAR MO RDOR DRIL 'DZIN PA
GSUNGS PA RANG RANG GI RGYA GZHUNG GI TSIG RIS DANG BSTUN 

PHAS PHYAG MTSAN TZAM LAS 'DI DANG BDE MCHOG GI RDO RJE SNYEMS
MA DANG DON 'DRA ZHING, BDE MCHOG GI SKOR 'GA' RE NA YAB LA
PHYAG RGYA DRUG DANG, YUM LA THAL BA MA GTOGS LNGAS BRGYAN PAR
GSUNGS, GONG DU DRANGS PA'I 'JAM DPAL

GRAGS PA'I SNYING BO RGYAN DU YUM TSIG RIS LA MI GSAL KYANG GO
SLE BA LA DGONGS ZHES KHYA DGE BLO GROS RGYA MTSOS GSUNGS, BDE
MCHOG GI CHO GAR 'BYUNG BA LTAR GNAS GSUM DU 'BRU GSUM GSAL
BTAB CHOG KYANG GSANG 'JIGS KYI CHO GAR

@006B SHIN TU DGOS PA CHE BAS RTZAL DU BTON NAS TSIG RIS LA
H'Um TZAM LAS MED, YAB TZAM MAM, YUM LA'ANG 'BRU GSUM BKOD
CHOG, GANG LTAR THUGS KAR KUN RDZOB BYANG CHUB KYI SEMS KYI
NGO BO ZLA BA DKAR PO KHAMS THUG GE PA, DE'I STENG DON

DAM BYANG CHUB KYI SEMS KYI NGO BO RDO RJE DKAR PO RTZE LNGA
PA, LTE BAR ZLA BA'I STENG DU THUGS BDE STONG GNYIS SU MED
PA'I YE SHES KYI NGO BO H'Um DKAR PO, DE LAS SHAR RI'I RTZER
NYI MA SHAR BA NA 'DZAM GLING THAMS CAD 'OD KYIS SKAD CIG LA
KHYAB PA

LTAR 'OD ZER 'PHROS MA THAG PHYOGS BCU'I ZHING KHAMS RAB
'BYAMS KHYAB SONG BA'I MOS PA SHIN TU GAL CHE ZHES SKYABS MGON
RDO RJE 'CHANG DANG KHONG 'DZAM PA'I DBYANGS RNAM GNYIS NAS
YANG YANG GSUNGS, 'OD DES RGYAL BA SRAS BCAS KYI THUGS

RGYUD RANG DBANG MED PAR BSKUL TE, RANG BZHIN CHOS SKU'I GNAS
DANG, LONGS SPRUL GYI ZHING 'OG MIN DANG BDE BA CAN NAS LONGS
SKU DANG 'OD DPAG MED KYIS RANG NYID RJES SU 'DZIN PA'I PHYIR
RDOR SEMS YAB YUM GYI RNAM PAR BYON PA SOGS

THUB DBANG, BYAMS 'JAM DBYANGS, GSANG BDE 'JIGS GSUM, SGROL
DKAR LJANG, MGON CHOS RNAM SRAS SOGS SANGS RGYAS THAMS CAD
RDOR SEMS YAB YUM GYI RNAM PAR KHA BA BU YUG 'TSUBS BA BZHIN
BYON NAS THIM PAS SKYABS GNAS

KUN 'DUS SU MOS PA 'DI SGRUB THABS THAMS CAD LA 'DRA, 'DIR MED
KYANG 'DUS PAR AOm SARBA TA TH'A GA TA AARGHAm SOGS KYIS YE
SHES PA LA MCHOD PA YOD, DZA: ZHES YE SHES PA DE THAMS CAD
RDOR SEMS YAB YUM GCIG TU GYUR PA DAM TSIG PA'I

@007A *, ,SPYI BOR BYON, H'Um GIS DE LA ZHUGS, PAm GYIS DAM YE
DBYER MED 'DRES, HO: SA DBANG DU BYAS TE DGYES BZHIN BZHUGS
PAR MOS PA 'DI'I GSUNG BSHAD SGROL DKAR TSE KHRID DU BKOD ZIN
PAS

MA BRIS SO, ,SLAR YANG THUGS KA'I H'Um GI 'OD ZER GYIS 'OD
DPAG MED KYI THUGS KA NAS 'OD DPAG MED RIGS LNGA'I RNAM PAR
SPYAN 'DREN PA SOGS PHYOGS BCU'I RGYAL BA SRAS BCAS MI BSKYOD
PA GTZO BOR BYAS PA'I RIGS LNGA

ZHAL GCIG PHYAG GNYIS BUM PA BDUD RTZIS GANG BA THOGS PA'I
RNAM PAR SPYAN DRANGS, 'DUS PA'I CHO GAR PANYTZA K'U LA SA PA
RI W'A RA AARGHAm SOGS KYIS DBANG LHA RIGS LNGA 'KHOR BCAS LA
MCHOD PA YOD, RANG DANG SPYI BO'I RDOR SEMS GNYIS

KAS DBANG BSKUR BAR GSOL BA 'DEBS DGOS PAS BDAG DANG 'DI ZHES
KHYAD PAR GYI TSIG MA SBYAR BA YIN, DBANG LHA RNAMS KYI ZHAL
NAS AOm SARBA TA TH'A GA TA SOGS SNGAGS DANG BKRA SHIS KYI
TSIGS BCAD DBANG GI SKABS LTAR BRJOD DE

YAB YUM GYI SPYI BO NAS BYANG CHUB KYI SEMS KYI BDUD RTZIS CHU
RUB KYI TSUL DU DBANG BSKUR BAS SKU GANG, DRI MA DAG, CES PA
LA SNGON BLA MA ZHIG LA RDOR SEMS LA DRI MA DAG RGYU YOD NA DE
LA BRTEN NAS SGRIB SBYONG GA 'DRA BYED ZHUS PAR, DAM

NYAMS SKAL MED KHYOD PHAR SONG, GSUNGS PA'I LO RGYUS KYANG YOD
DE, DE YANG, RGYAL BA'I SKU GSUNG THUGS LA NYON MONGS MI MNGA'
YANG, ,ZHES SOGS DANG, KHYED SKU RANG BZHIN YONGS DAG PA'I,
,ZHES SOGS LTAR RANG GI MOS NGO

@007B TZAM LAS DON LA RDOR SEMS MED SNYAM PA DANG, YOD KYANG
SEMS CAN ZHIG YIN PA SOGS SGRO BTAGS TZAM DU 'DZIN PA'I RNAM
RTOG GI SNANG CHA LA 'CHAR LUGS SNA TSOGS YONG BA DE LTAR NA
SKYON THAMS CAD MA SPANG BAR BLO NGOR THAG CHOD PA

RED; MA DAG PA'I SNANG BA DE 'GAG NAS SNOD BCUD DAG PA'I RNAM
ROL DU 'CHAR BA RLAN GSHER PHOR GANG LA CHU RNAG BDUD RTZI
DANG, GANG ZAG GCIG LA DGRA GNYEN BAR MA DANG SKYON YON GYI
RNAM PA 'CHAR BA LTA BU YIN, DA LTA'I BLA MA RNAMS

RANG 'DRA'I MIR SNANG BA LA, SPYAN SNGA BLO GROS RGYAL MTSAN
GYIS, BLA MA MI RU MTHONG BA DGA' RAB YIN, ,KHYI DANG PHAG TU
MA MTHONG NGO MTSAR CHE, ,GSUNGS PA BZHIN DON YOD MED LA MA
LTOS PAR SNANG CHA CI YANG SRID, MA DAG PA'I SNANG BA  

'GAG NA SANGS RGYAS DNGOS SU MTHONG YONG GSUNGS, CHU'I LHAG MA
SPYI BOR LUD PA YONGS SU GYUR PA LAS MI BSKYOD PA SNGON PO YAB
YUM MAM YAB RKYANG ZHAL GCIG PHYAG GNYIS G-YAS SA GNON DANG
G-YON MNYAM BZHAG GI STENG RDO RJE 'DZIN

PAS DBU BRGYAN PA RGYU LA 'BRAS BU'I RGYAS GDAB PA YIN, MCHOD
BSTOD RGYAS BSDUS CI RIGS BYED 'DOD NA BYAS CHOG, MA BYAS
KYANG CHAD PA'I SKYON MED GSUNGS, SKABS GZHAN DU DBANG LHA
RIGS LNGA'I RNAM PAR SPYAN 'DREN PA LA

GSHIN RJE GSHED RIGS LNGA SOGS MI 'DRA BA'I KHYAD PAR YOD,
THUGS KAR H'Um DKAR PO NAS HRIL MOR BTANG BA'I TSAD TZAM GYEN
'GRENG GI MTHAR YI GE BRGYA BA'I SNGAGS PHRENG DKAR PO MGO
PHYIR BSTAN NAS NYAL STABS SU GNAS PA'AM GYEN

@008A *, ,'BRENG 'PHRENG GCIG TU BKOD PA BDE MCHOG GI CHO GA'I
TSIG LA THON PA 'DI LA'ANG 'DRA, RANG GI MTHA' SKOR DU RIGS
DRUG GI SEMS CAN THAMS CAD 'GOD PA'AM, RANG GI SNYING GAR ZLA
BA'I STENG DU RANG THA MAL

BA'I RNAM PA CAN, DE'I MDUN DU PHA MA, G-YAS SU SPUN ZLA,
G-YON DU GROGS MCHED, RGYAB TU GNYEN BSHES, MTHA' SKOR DU SEMS
CAN 'KHOD BAR MOS PA 'DUS PA'I RTZA RGYUD LAS, 'DOD PA SNYING
GAR BZHAG BYA STE, ,ZHES PA'I MAN NGAG GO, ,

DE NAS LAS NGES PA, 'PHEL CHE BA, MA BYAS PA DANG MI PHRAD PA,
BYAS PA CHUD MI ZA BA SOGS BSAM NAS SNGAR BYAS KYI SDIG SGRIB
DANG DAM TSIG NYAMS CHAGS RNAMS LAS 'BRAS BU YID DU MI 'ONG BA
'BYUNG TSUL LA NGES PA DRANGS NAS DUG KHONG DU SONG BA LTA

BU'I 'GYOD SEMS SHUGS DRAG PO BSKYED PA NI RNAM PAR SUN 'BYIN
PA'I STOBS DANG, PHYIS SROG LA BABS KYANG SDIG PA'I LAS LUS
NGAG TU THON PA LTA CI, KUN SLONG TZAM YANG MI RGYU BAR BKAG
NAS 'PHRO CHOD PA CIS KYANG BYED SNYAM PA NYES PA LAS SLAR

LDOG PA'I STOBS GNYIS TSANG BA'I SGO NAS RANG GIS DBU MDZAD DE
SEMS CAN THAMS CAD KYIS MGRIN GCIG TU, BCOM LDAN 'DAS RDO RJE
SEMS DPA' BDAG BZHAN SEMS CAN GYI SDIG SGRIB DANG DAM TSIG
NYAMS CHAGS THAMS CAD BYANG ZHING

DAG PAR MDZAD DU GSOL, ZHES SNGON GYI THUGS DAM BSKUL TE GSOL
BA BTAB PAS THUGS SNYING RJE CHEN PO'I GZHAN DBANG DU SONG
BA'I STOBS KYIS THUGS KA'I SNGAGS PHRENG SA BON DANG BCAS PA
LAS 'OD ZER DKAR PO DPAG TU MED PA 'PHROS PA

@008B SEMS CAN THAMS CAD KYI LUS LA PHOG PA TZAM GYIS SDIG
SGRIB SBYANG BA'AM, 'OD ZER LAS BDUD RTZI'I RGYUN BABS PAS
SDIG SGRIB SBYANG BA'AM, SNGAR LTAR SEMS CAN GYI SDIG SGRIB
SBYANGS, SANGS RGYAS SRAS BCAS LA MNYES PA'I MCHOD PA PHUL, 

SPROS PA'I 'OD ZER DANG SRAS BCAS RGYAL BA'I MKHYEN BRTZE NUS
GSUM SOGS 'GRO BA SKYOBS PA'I 'PHRIN LAS RGYU DANG BCAS BA
BDUD RTZI 'OD ZER DKAR DMAR MTHENG GSUM MAM, 'OD ZER SNA
LNGA'AM, SDIG SGRIB SBYONG BA'I RTEN 'BRAL DU DKAR PO 'BA'

ZHIG GI RNAM PAR BSDUS NAS SNGAGS PHRENG SA BON DANG BCAS PA
LA THIM PAS RDOR SEMS YAB YUM DANG, DE'I SKU'I 'OD ZER DAR
BDUD RTZI SOGS THAMS CAD SDIG SGRIB SBYONG BA LA SNGAR LAS
KYANG GZI BRJID DANG MTHU STOBS NUS PA PHUN SUM TSOGS

PAR BSAM PA 'DI DMIGS PA'I MDOR BSTAN LTA BU YIN PAS, SPYI
BO'I RDOR SEMS LA NGA RGYAL 'DZIN DGOS PA MIN YANG THUGS KA'I
H'Um LA SEMS ZHUGS PA BZHIN BYAS NAS SA BON SNGAGS PHRENG GI
YI GE RE RE LAS KYANG 'OD ZER 'PHROS PA PHAN TSUN 'THAB PAS

SKU'I NANG THAMS CAD DVANGS SHING GSAL BAR BYAS PA LA DMIGS PA
GTAD NAS YIG BRGYA TSAR GCIG GAM, NYER GCIG BZLAS NA DMIGS PA
LA GSAL SNANG THON PA DANG, LHA SNGAGS LA NUS PA 'BYUNG BA'I
DGOS PA YOD, RGYAL BA SRAS BCAS LA GZHAN DON

LAS DGONGS RGYU MED PAS SEMS CAN GYI DON DU PHYAG MCHOD SOGS
DGE RTZA CUNG ZAD RES THUGS DGYES PA'I MCHOD PAR 'GYUR BAS,
DNGOS SU BSHAMS PA JA MCHOD DAM, SPOS RKANG GCIG YIN KYANG,
LAG PA'I MTHIL NAS MCHOD PA DPAG MED KYIS,,

@009A *, ,ZHES SOGS DANG, JI LTAR 'JAM DBYANGS LA SOGS PAS,
,ZHES SOGS LTAR 'OD ZER LAS MCHOD PA'I LHA DANG LHA MO GRANGS
MED PA SPROS NAS LAM KHRID LTAR KUN TU BZANG BO'I MCHOD SPRIN
DANG, MCHOD PA RE

RE DANG, DE'I KHA DOG DANG, DBYIBS SOGS GZUGS SGRA DRI RO REG
BYA'I KHYAD BAR DANG, DE RE RE LAS 'OD 'PHROS PAS MCHOD SPRIN
NAM MKHA' GANG BA, SKRA TZAM KHYON LA DUS GSUM TSAD SNYED
KYIS, ,ZHES SOGS LTAR 'DAS MA 'ONG GI MCHOD PA

RNAMS KYANG DA LTA'I DUS SKAD CIG MA RER RDZOGS PA, DUS GSUM
GYI ZHING GI BKOD PA DANG MCHOD PA THAMS CAD KYANG RDUL GCIG
LA RDZOGS PA DES ZHING KUN BKAD STE SKYABS YUL RNAMS KYI BA
SPU'I BUG RE RER SKYABS YUL MTSANG BA MED PA

BZHUGS PA LA MCHOD PA SGYU MA'I RNAM THAR GYI TING NGE 'DZIN
ZHES SA BRGYAD PA YAN CHAD LA DNGOS SU YOD PA'I TSUL DE SHES
NAS MOS PAS MCHOD NA TSOGS RLABS PO CHE RDZOGS PA'I THABS
MKHAS KYI 'PHRUL 'DEGS CHE, RDUL DE SNYED KYI SRAS BCAS

RGYAL BA'I BYIN RLABS NUS MTHU BSDUS NAS RANG GI SPYI BO'I
RDOR SEMS LA THIM PAS THUGS KA'I SNGAGS PHRENG SA BON DANG
BCAS PA LAS 'OD DANG BDUD RTZI'I RGYUN DKAR PO BABS PA SKU'I
DBYIBS BRGYUD, YAB YUM GYI SBYOR MTSAMS NAS THON TE

RANG GI SPYI GTZUG NAS ZHUGS PAS LUS KYI NANG THAMS CAD BDUD
RTZI 'OD ZER DANG BCAS PAS GANG BAS, SDIG SGRIB RE RE TZAM MA
YIN BAR, GANG ZHIG THOG MED SRID PA'I CHU KLUNG DU, ,MA LUS
KUN RTOG GIS BSAGS RNYOG PA RNAMS, ,ZHES SOGS

@009B LTAR 'KHOR BA THOG MED NAS BSAGS PA'I SDIG SGRIB NYES
LTUNG DAM TSIG NYAMS CHAGS SEMS STENG NA LAS NYON SA BON BAG
CHAGS KYI NGO POR GNAS PA GANG YOD THAMS CAD DUD KHU DANG SOL
KHU, DES BSKYED PA'I NAD RIMS SOGS RNAG KHRAG, GDON

BGEGS SOGS SDOM SDIG LBAL LCONG LA SOGS PA'I SROG CHAGS MI
SDUG PA DANG YID DU MI 'ONG PA'I RNAM PAR PHU CHU'AM SHVA 'OD
DRAG POS LUNG MDO'I NYAL NYIL DBANG MED DU BSDUS NAS 'KHYER BA
LTAR GSHANG GCI'I LAM DANG, RKANG BA'I SOR MO

BCU SOGS 'OG GI BA SPU'I SGO RNAMS NAS THON TE SANGS KYIS
DANG, LUS SHEL BUM DU MAR MA SBAR BA LTAR DVANGS GSAL 'OD KYI
RANG BZHIN CAN DU GYUR PA'I MOS PA BYED PA GONG NAS MAR DED
PAS YAS DED CES GSUNGS, YANG SNGAR LTAR BDUD RTZI

RKANG MTHIL NAS SPYI GTZUG PAR DU GANG BAS SNOD CHUS KHENGS PA
NA RTZA SBUR SOGS KHAR G-YENGS NAS LUD DE PHYIR 'PHO BA LTAR
MIG GNYIS KYI SGO, KHA SNA'I BU GA SOGS STENG GI BA SPU'I SGO
RNAMS NAS NAG NUR GYIS THON TE LHAG MED DU BYANG NAS LUS PHRU
MA

PHUS BTAB PA LTAR SONG PAR BSAM PA MAS NAS YAR DED PAS MAS DED
CES BSHAD, YANG SNGAR LTAR SDIG SGRIB THAMS CAD THANG? CHEN
PO'I DKYIL DU THAL BA'I PHUNG PO SPUNGS PA LTAR SNYING GAR NAG
PHUNG NGE YOD PA LA, YAB YUM GYI SPYOR MTSAMS NAS YE SHES

KYI BDUD RTZI'I RGYUN DRAG TU BABS PAS 'BAB CHU'I STENG DU GAD
PA CHAD PA'AM, LAG MTHIL DU DNGUL CHU'I THIG PA BRDAB PA LTAR
STENG 'OG BAR GSUM GYI BA SPU'I BUG THAMS CAD NAS THON TE SHEL
GONG G-YA' DAG PA LTAR SANGS KYIS DAG, LUS 
@010A *, ,BDUD RTZI DKAR PO'I RGYUN GYIS BAR MTSAMS MED PAR
GTAMS PAR BSAM PA STENG 'OG BAR GSUM KHYAD MED DU BDAS PAS PHUNG
DED KYI DMIGS PA STE, DE GSUM KA'I MJUG TU LUS SHEL LTAR DAG BA
DANG, SDIG PA'I

'KHOR GSUM MI DMIGS PAS RGYAS BTAB STE STONG PA NYID LA NGES PA
CI YOD GSAL BTAB NA SDIG PA 'DAG TSABS SHIN TU CHE, SDIG SGRIB
NAG PHUNG NGE YOD PA DANG, SHEL LTAR DAG PAR BSAM PA GNYIS KYANG
STOBS PHYI MA GNYIS GSAL 'DEBS CHED YIN, RDZOGS

RIM RLUNG ZHUGS GNAS THIM GSUM SOGS LA RTZAL DU 'DON NA SDIG
SGRIB LUS LAS PHYI ROL TU THON PA'I DMIGS PA YANG YANG BSKYANGS
NA RLUNG 'DU BA LA GNOD PAS BDUD RTZI'I RGYUN GYIS LUS GANG, 'OD
ZER GYIS GSAL BAR BYAS PAS SDIG SGRIB THAMS CAD DUNG

GI RDUL PHYIS PA'AM, MUN KHANG DU NYI ZER ZHUGS PA LTAR CHOS KYI
DBYINGS SU ZAD DE GAR SONG CHA MED DU YAL BAR MOS NAS BDEN MED
KYI LTA BAS RGYAS 'DEBS BYED PA SDIG PA 'DAG PA'I THABS MKHAS
BLA NA MED PA YIN, MTHA' BSKOR GYI SEMS CAN RNAMS KYI

SPYI BOR YANG 'OD ZER GYI SNE LA RDOR SEMS YAB YUM ZUNG RE SPROS
PA'I SPYOR MTSAMS NAS BDUD RTZI'I RGYUN BABS PAS SDIG SGRIB DAG
PA'I DMIGS SKOR GSUM KA SNGAR LTAR BSKYANGS NAS LUS MTSAN DPES
BRGYAN PA'I RDOR SEMS YAB YUM GYI SKU DANG,

SEMS SGRIB BRAL GYI CHOS SKUR GYUR PA SOGS LAM YONGS RDZOGS KYI
DMIGS BA DANG, BYAMS SNYING RJE BYANG CHUB KYI SEMS BSGOM PA LA
RTZAL DU 'DON PA SDIG PA SPYANGS PA LA RLABS CHE BA'I GDAMS PA
STE, SPYOD 'JUG LAS, DE LTA'I DGE PA NYAMS RLUNG

@010B NYID LA RTAG ,SDIG BA STOBS CHEN SHIN TU MI BZAD PA, ,DE
NI RDZOGS PA'I BYANG CHUB SEMS MIN PA, ,DGE GZHAN GANG GIS ZIL
GYIS NON PAR 'GYUR, ,ZHES SO, ,YANG RDZOGS RIM GYI SKABS, RDOR
SEMS KYI SPYI BO'I AOm LA YIG BRGYA DKAR POS BSKOR BA LAS

BDUD RTZI DKAR PO'I RGYUN BYUNG BA TSANGS BUG NAS ZHUGS, SPYI BO
BDE CHEN GYI 'KHOR LO KHRIG MER GYIS GANG BAS TSER BAS 'KHOR BA
THOG MED NAS BSAGS PA'I NYON MONGS BA DUG GSUM DANG, DES BSKYED
PA'I NAD GDON DANG, KHYAD PAR DU YANG SROG GCOD PA, MA BYIN

PAR LEN PA, LOG G-YEM LA SOGS PA LUS KYI SGO NAS BSAGS PA'I SDIG
SGRIB BAG CHAGS DANG BCAS PA DANG, DPAL LDAN BLA MA DAM PA'I SKU
LA BSDOS PA LA SOGS PA LUS KYI DAM TSIG NYAMS CHAGS THAMS CAD
BYANG ZHING DAG, RDO RJE SEMS DPA'I SKU'I BYIN

RLABS THOB PAR MOS NAS YIG BRGYA BZLA, YANG MGRIN PA'I A'A: LA
YIG BRGYA DMAR POS BSKOR BA LAS BDUD RTZI DMAR PO'I RGYUN BYUNG
BA RANG GI TSANGS BUG NAS ZHUGS, MGRIN PA LONGS SPYOD KYI 'KHOR
LO GANG BAS TSE RABS 'KHOR BA THOG MED NAS BSAGS PA'I

NYON MONGS PA DUG GSUM DANG, DES BSKYED PA'I NAD GDON DANG,
KHYAD PAR DU RDZUN PHRA MA TSIG RTZUB NGAG 'KHYAL LA SOGS PA
NGAG GI SGO NAS BSAGS PA'I SDIG SGRIB BAG CHAGS DANG BCAS PA
DANG, DPAL LDAN BLA MA DAM PA'I GSUNG BCAG PA SOGS NGAG GI DAM

TSIG NYAMS CHAGS THAMS CAD BYANG ZHING DAG, RDO RJE SEMS DPA'I
GSUNG GI BYIN RLABS THOB PAR BSAM NAS YIG BRGYA BZLA, YANG THUGS
KA'I H'Um LA YIG BRGYA SNGON POS BSKOR BA LAS BDUD RTZI SNGON
PO'I RGYUN BYUNG BA RANG GI TSANGS BUG NAS ZHUGS, SNYING GA CHOS
KYI

@011A *, ,'KHOR LO YAN CHAD GANG BAS TSE RABS 'KHOR BA THEG MED
NAS BSAGS PA'I NYON MONGS PA DUG GSUM DANG, DES BSKYED PA'I NAD
GDON DANG, KHYAD PAR BRNAB SEMS GNOD SEMS LOG LTA LA SOGS PA YID
KYI SGO NAS

BSAGS PA'I SDIG SGRIB BAG CHAGS DANG BCAS PA DANG, DPAL LDAN BLA
MA DAM PA'I THUGS DKRUGS PA LA SOGS PA YID KYI DAM TSIG NYAMS
CHAGS THAMS CAD BYANG ZHING DAG, RDO RJE SEMS DPA'I THUGS KYI
BYIN RLABS THOB PAR BSAM NAS YIG BRGYA BZLA, YANG

THUGS KA'I SNGAGS PHRENG SA BON DANG BCAS PA LAS BDUD RTZI'I
RGYUN DKAR NAR RA? BABS PA SKU'I DBYIBS BRGYUD, YAB YUM GYI
SBYOR MTSAMS NAS BYUNG STE RANG GI TSANGS BUG NAS ZHUGS, SPYI BO
BDE CHEN GYI 'KHOR LO RTZA 'DAB DANG BCAS PA GANG, DE NAS DHU
T'I'I

NANG NAS MAR BABS, MGRIN PA LONGS SPYOD KYI 'KHOR LO RTZA 'DAB
DANG BCAS PA GANG, DE BZHIN DU SNYING GA CHOS KYI 'KHOR LO, LTE
BA SPRUL BA'I 'KHOR LO, GSANG GNAS BDE SKYONG GI 'KHOR LO, NOR
BU'I DBUS KYI RTZA 'DAB BRGYAD PA, BRLA G-YAS G-YON RNAMS

SU ZHUGS, RKANG SOR GYI BAR MER GYIS GANG, THOG MED NAS BSAGS
PA'I SDIG SGRIB THAMS CAD DUNG KHU DANG SOL KHU'I RNAM PAR 'OG
SGO GNYIS DANG BA SPU SOGS NAS NAG NUR GYIS THON PAS LUS SHEL
GONG G-YA' DAG PA LTAR GYUR PAR MOS, YANG BDUD RTZI'I

RGYUN GYIS RIM PAS SGRIB BZHI DAG CING DBANG BZHI THOB, LAM GYI
NUS PA 'JOG PA DANG, SKU BZHI THOB PAR MOS PA DANG, BDUD RTZIS
THUN MONG DANG THUN MONG MA YIN PA'I SNYING RJE MTSON ZHING DE
'GRUB PA DANG, 'OD ZER GYIS 'OD GSAL 'GRUB LA, GZHI LAM

@011B 'BRAS BU'I SKABS KUN TU 'BYUNG BA LNGA'I KHAMS DANG, DUG
LNGA SPYONGS, LDOG PAS PHYE BA'I YE SHES LNGA DANG RIGS LNGA
'GRUB PA SOGS KYI DON DU 'OD DANG BDUD RTZI THAMS CAD KHA DOG
SNA LNGA BAR BYED, YANG BDUD RTZI'I RGYUN GYIS BSHES GNYEN LA MA
GUS PA NAS BDAG

GNYIS SU MTSAN MAR 'DZIN PA'I BAR GYI LAM DNGOS GZHI'I RTOGS PA
SKYE BA'I GEGS BYED SBYANGS NAS LAM TSANG LA MA NOR BA'I RTOGS
PA KHYAD PAR CAN SKYE BA'I SNOD RUNG DU SGRUB PAR BSAM PA'I LAM
YONGS RDZOGS KYI DMIGS PA 'DI KHO NA LAM RIM DANG BSKYED

RDZOGS KYI 'GROS LTAR GAL CHE, 'OD DANG BDUD RTZI DKAR SER GYIS
ZHI SOGS LAS BZHI DANG, MAR KHU'I MDOG DANG, DKAR SNGON BSIL
DROD SOGS KYI MOS BAS RLUNG DANG PAD KAN SAL BA DANG, TSE DANG
SHES RAB SPEL BA SOGS DMIGS PA DU MA ZHAR BYUNG

DU BSGRUB NUS SO, ,YANG SNGAGS PHRENG LAS BDUD RTZI'I RGYUN
BABS, SBYI BO NAS RKANG MTHIL GYI BAR KHRIG MER GYIS GANG, TSE
RABS THOG MED NAS BSAGS PA'I SDIG SGRIB THAMS CAD DANG, KHYAD
PAR DU YANG SNGAGS MA DAG PAR BZLAS PA LA SOGS PA NGAG GI DAM
TSIG

NYAMS CHAGS THAMS CAD BYANG ZHING DAG, RDO RJE SEMS DPA'I GSUNG
GI BYIN RLABS NGAG LA ZHUGS, NGAG SNGAGS BGRANG BA LA DBANG BA'I
NUS PA CAN DU BYIN GYIS BRLABS BAR BSAM, YANG BDUD RTZI'I RGYUN
GYIS SDIG SGRIB THAMS CAD DAG, RANG GI BA SPU'I BU GA RE RE'I

NANG DU ZLA BA'I DKYIL 'KHOR NYA GANG BA'I STENG DU H'Um YIG GI
MTHAR A'A LI K'A LI'I SNGAGS PHRENG GIS BSKOR BA LAS 'OD ZER
'PHROS PAS SGRON ME KHRI 'BUM SBAR BA LTAR RTZA SBUBS THAMS CAD
'OD KYIS GANG, DE LAS 'OD ZER DPAG MED 'PHRES PAS ZHING KHAMS
RAB

@012A *, ,'BYAMS KHYAB STE RGYAL BA SRAS BCAS MCHOD PAS MNYES
BAR BYAS, DE RNAMS KYI SKU GSUNG THUGS KYI BYIN RLABS DANG
MKHYEN PA'I YON TAN THAMS CAD H'Um YIG DBYANGS GSAL GYIS BSKOR
BA'I RNAM PAR SPYAN DRANGS TE

BA SPU'I SNGAGS PHRENG SA BON DANG BCAS PA LA THIM PAS SGRON ME
BYE BA DUNG PHYUR DUS GCIG LA SBAR BA LTAR 'OD ZER SNGAR LAS
CHES CHER 'BAR BAS RMONGS PA'I MUN PA THAMS CAD SANGS KYIS DAG
STE SHES BYA THAMS CAD LA BLO GROS KYI SNANG BA RGYAS PAR BSAM

PA NI 'DI'I SGO NAS SHES RAB 'PHEL BA'I DMIGS PA THUN MONG MA
YIN PAR BSHAD DO, ,YANG SDIG SGRIB THAMS CAD DUD KHU DANG SOL
KHU'I RNAM PAR THON PA DBANG CHEN GSER GYIS GZHI'I 'OG TU SONG,
DER SKYE 'GRO'I SROG LA RNGAMS PA'I 'CHI BDAG LAS

KYI GSHIN RJE KHA GDANGS NAS YOD PA'I NANG DU DPAL LDAN BLA MA
DAM PA'I SKU GLUD DANG, RANG DANG SKYE 'GRO SEMS CAN THAMS CAD
KYI TSE DANG SROG GI GLUD DU BTANG BAS 'GRANG STE NGOMS SHING
TSIM NAS LAN CHAGS BU LON SHA 'KHON THAMS CAD BYANG ZHING DAG,

GNOD 'TSE'I BSAM SBYOR NGAN PA ZHI NAS BYAMS SNYING RJE BYANG
CHUB KYI SEMS DANG LDAN PAR BSAM PAS TSE SGRUB DANG 'CHI BLU
SOGS SU 'GYUR GSUNGS, SNGAGS DON AOm SKU RDO RJE MTSON BYED,
BADZRA SATVA RDO RJE SEMS DPA' ZHES MTSAN NAS BOS TE, SA MA YA
DAM

TSIG STE, SNGON THUGS BSKYED PA'I DUS SANGS RGYAS NAS SEMS CAN
THAMS CAD GO 'PHANG DER 'GOD PAR DAM BCAS SHING, DA LTA SANGS
RGYAS NAS MDZAD PA LHUN GRUB LA MNGA' BRNYES PAS SNGON GYI DAM
BCA' DE DRAN PAR MDZOD CES BSKUL BA'O, ,MA NU P'A LA

@012B YA RJES SU ZUNG NGAM, RJES SU SKYONG BA'I CHED DU ZHES
PA'O, ,BADZRA SA TVA SNGAR LTAR, TVE NO BA TIshthA NI NYE BAR
MNOS SHIG GAM GNAS PA'O, ,dI dHO ME BHA WA BDAG GI CHED DU'AM
BDAG LA BRTEN PA'I DNGOS PO 'AM RANG BZHIN DU MDZOD, SU TO shYO
ME BHA WA BDAG LA LEGS PAR

DGYES PA'I RANG BZHIN DU MDZOD, SU PO shYO ME BHA WA BDAG LA
SHIN TU RGYAS PA'I RANG BZHIN DU MDZOD, AA NU RAKTO ME BHA WA
BDAG LA RJES SU CHAGS PA'I RANG BZHIN DU MDZOD, CES PA STE RIM
PA BZHIN DU, BDAG GI DGE BA'I RTZA BA RNAMS BRTAN PAR MDZOD,
BDAG

NYON MONGS BA'I DBANG DU SONG BA LA MI DGYES PA MED PAR RJES SU
MDZOD, BYANG CHUB MA THOB PAR BDAG RJES SU CHAGS PA'AM BRTZ
MDZOD, BYANG CHUB MA THOB PAR BDAG RJES SU CHAGS PA'AM BRTZE
BSAM 'DOR ZHIG, CES PA'O, ,SARBA SIDDHI MME PRA YA TZTSA BDAG LA
DNGOS GRUB

THAMS CAD RAB TU STZOL, SARBA KARMA SU TZA ME BDAG GI LAS THAMS
CAD LA YANG, TZA TTIm SHR'I YA KU RU SEMS LA PHAN PA'I DPAL DU
MDZOD, DNGOS GRUB DANG DPAL GANG ZHE NA, HA BZHI DANG HO STE YE?
SHES LNGA DANG, DE THAMS CAD GCIG TU 'DUS PA THUGS RDO RJE BDE
STONG DBYER

MED KYI SA BON H'Um MO, ,BHA GA WA NA BCOM LDAN 'DAS, SARBA TA
TH'A GA TA DE BZHIN GSHEGS PA THAMS CAD, BADZRA MA ME MUNYTZA
RDO RJES BDAG MA BTANG ZHIG GAM GROL BA'O, ,BADZRA BHI? WA RDO
RJE CAN GYI RANG BZHIN, MA H'A SA MA YA DAM TSIG CHEN PO, SATVA
SEMS DPA' STE,

BSDUS NA BCOM LDAN 'DAS DE BZHIN GSHEGS PA THAMS CAD KYI RDO RJE
CAN GYI RANG BZHIN GYI SEMS DPA' CHEN POS BDAG DAM TSIG BZHIN DU
MA BTANG BAR GROL BAR MDZOD CES PA'O, ,A'A GSUNG RDO RJE DANG
STONG NYID RTOGS PA'I YE SHES, H'Um BDE CHEN GYI YE SHES, PHAt

@013A *, ,KYIS DE GNYIS DBYER MED PA MTSON PAR GSUNGS TE SNGAGS
DON BSKYED RIM RNAMS SU MANG YANG DON THOB GO BA GAL CHE GSUNGS,
DE LTAR RDOR SEMS BSGOM NAS DMIGS PA RNAMS RES MOS KYI TSUL DU
SEMS SKAD CIG

KYANG MA YENGS PAR BZLAS PA'I SKYON BRGYAD DANG BRAL BA'I SGO
NAS SNGAGS DON DRAN BZHIN YIG BRGYA THUN RE LA BRGYA STONG SOGS
SDIG PA DAG PA'I MTSAN MA BRTAN PO MA BYUNG GI BAR DU BZLA BA NI
GNYEN PO KUN TU SPYOD PA'I STOBS TE STOBS BZHI TSANG NA BYAS
BSAGS TSANG BA'I

MYONG NGES KYI LAS KYANG ZIL GYIS GNON PAR CHOS BZHI BSTAN PA'I
MDO LAS GSUNGS SO, ,RANG RES MCHOG GSUM GYI THUGS RJE LA BRTEN
NAS NYES LTUNG CUNG ZAD RE DAG KYANG GLANG BO CHE'I KHRUS LTAR
SONG NAS SEMS RGYUD JE BZANG DU 'GRO RGYU MED PA NYES LTUNG LA
'GYOD

SNGOM MA YONG BAS LAN PA RED, SDIG SGRIB ZER DUS CHE BA MI BSAD
PA DANG, CHUNG BA 'BU SRIN BSAD PA LTA BU LAS MI 'CHAR KYANG,
SDIG PA NI 'BRAS BU SDUG BSNGAL, RGYU MI DGE PA'I LAS, DE'I RGYU
NYON MONGS PA PHRA RAGS, RTZA BA MA RIG PA SA BON DANG BCAS PA
DANG,

SGRIB PA NYON SGRIB DANG SHES SGRIB GNYIS STE GZHUNG CHEN MO'I
BRDA 'DI GAL CHE, THOG MED NAS SDIG PA RGYAL PO CHEN PO'I GAN
MDZOD LTAR BSAGS YOD, RGYAL PO CHEN PO'I MDZOD DU GSER DNGUL
SOGS RIN PO CHE, NAS 'BRAS SOGS 'BRU, GOS DAR, RTA NOR SOGS

CHA GANG NAS BLTAS KYANG 'DI'I MI RABS THAMS CAD DU 'DI KHO NA
BSAGS SNYAM PA'I TSOD DU YOD PA LTAR RANG RE'I RGYUD KYI SROG
GCOD KYI LAS LTA BU SDIG PA SNA RE RE LA BSAM KYANG THOG MED NAS
DA LTA'I BAR SROG GCOD KHO NA BYAS PA LTA BUR YOD, 'BU SRIN SHIN
TU PHRA

@013B MO TSUN CHAD KYI RGYUD NA NYON MONGS PA BRGYAD KHRI BZHI
STONG DANG, DES MTSON PA'I NYON MONGS PA'I SPYOD PA SEMS CAN GYI
KHAMS BZHIN DU MTHA' MED PAR MDO DANG YIG CHA LAS GSUNGS PA
DANG, DES BSKYED PA'I LAS BAG LA ZHA BA'I TSUL DU YOD PAS DE DAG
GI BYED

LAS GZUGS SU GRUB NA MTHA' MED, DA LTA RANG CAG BZA' BTUNG SKABS
MI DGE BA MI BYED PA LA RTZI MOD, DER YANG DRAN SHES MA BSTEN
PA'I NYES DMIGS, BRNAB SEMS DANG SRED PA SOGS NYON MONGS PA
DANG, DE DANG MTSUNGS LDAN MDZOD DANG KUN BTUS SOGS

LAS GSUNGS BA DANG, DA LTA CHOS NYAN PA'I SKABS KYANG SEMS MI
BRTAN ZHING RNAM 'GYUR BSAM GYIS MI KHYAB PA DE SNYED MTSUNGS
LDAN DANG BCAS PA, SO THAR LUS NGAG GI BCAS PA YIN PAS BYA BA
GANG LA'ANG MA ZHUGS NA BCOL BA DANG SHAN LTUNG MA GTOGS NYIS

BRGYA LNGA BCU NGA GSUM GANG YANG GNAS SKABS DER MI SKYED PA
LTAR YOD KYANG, SNGAGS BYANG SEMS LA LUS JI LTAR BSDAMS YANG YID
KYI RGYU BA'I STENG NAS NYES LTUNG BAR MA CHAD DU 'BYUNG TSUL LA
DPYAD NA SDIG PA MI BSAGS PA'I SKABS SKAD CIG MA

GCIG KYANG 'JOG DKA', GRVA SA'I TSOGS GTAM LA, DBU LO LEGS KYI
SNYE MA LTA BU, GRAL MU TIG STAR LA BRGYUS PA LTA BU, KHA YENG
MIG YENG DU MA SONG BA SOGS JI SNYED YOD PA THAMS CAD BCAS PA'I
KHRIMS BSRUNG BA DANG, DGE 'DUN GYI CHOS SPYOD 'PHEL BA'I

THABS SHA STAG YIN PA GO DGOS, CHOS DANG MJAL NAS DGE SDIG GI
BLANG DOR STON MKHAN YOD LA, RANG GIS SHES BZHIN SDIG PA 'DI
LTAR GSOG NA CHOS DANG MA MJAL BA'I SKABS CI 'DRA YOD RGYU RED,
'DUL BA LUNG DU, KHYOD SPRE'U DANG 'DRA ZHES RTZED MO

@014A *, ,BYAS PAS TSE RABS LNGA BRGYAR SPRE'U RA SKYES PA SOGS
KYI GLENG GZHI MANG BO YOD PA DE 'DRA RANG RES RTAG PAR SMRA
BZHIN PA DANG, DES MTSON NAS SROG GCOD LTA BU RE RE LA YANG
MDZOD LAS, SDUG BSNGAL PHYIR DANG BSAD PHYIR DANG, ,

GZI BYIN MED PHYIR 'BRAS RNAM GSUM, ,ZHES SBYOR DNGOS MJUG GSUM
GYIS RNAM SMIN RGYU MTHUN BDAG 'BRAS CI LTAR 'GRUB LUGS SOGS LA
DPYAD NA MI LUS ZHIG THOB LUGS MED PA LA DA RES STES DBANG TZAM
DU LAN GCIG THOB PA 'DI NGES PAR DKON MCHOG GI

BKA' DRIN DU 'DUG SNYAM DU DKON MCHOG DANG LAS 'BRAS LA DAD PA
SHUGS DAG PO DANG, THOG MED NAS BSAGS PA'I SDIG PA THAMS CAD RMA
SMIN PA BCAD RUNG DANG, RNAG SMIN PA GZAG RUNG LTAR DA LTA NYID
DU SMIN RUNG DU YOD PAR BSAM NAS DE'I 'BRAS BU NGAN SONG GSUM

SOGS KYI SDUG BSNGAL YID DU MI 'ONG BA LTA SNYING 'GAS PA LTA
BU'I 'JIGS SKRAG DANG, RGYU SDIG PA MI DGE BA'I LAS LA 'GYONG
SEMS DANG, PHYIS SDIG PA'I 'PHRO BCAD DE MI BGYID PA'I SDOM SEMS
KYIS YIG BRGYA TSAR GCIG BZLAS TE, MTHAR THOG MED NAS BSAGS PA'I

SDIG PA DE THAMS CAD LHAG MED DU DAG SONG SNYAM DU DGA' BA LHANG
LHANG BA BSKYAD NA 'DAG TSABS CHE BAS SNGAGS KYI GRANGS MANG
NYUNG DANG BDUD RTZI 'BEBS SBYANGS TZAM LA LTOS PA CHER MED,
THOG MED NAS SDIG PA BSAGS PA PHAR ZHOG, TSE 'DIR BSAGS TSAD BLO
LA GCIG

CHAR 'CHAR DKA' YANG SANGS RGYAS KYI SPYAN GYIS GZIGS BA'I SDIG
BA'I LAS RGYUD LA GANG YOD SBYANGS BAR MOS NA STOBS CHE, SDIG BA
BSHAGS PA'I TSE NYES LTUNG LA SKYO BAS RUB PA LTA BU DANG, GNYEN
PO DANG BSHAGS YUL GYI THUGS RJE 'PHRIN LAS LA DGA' BA NAM

@014B LANGS PA LTA BU, YANG SKYO BA KHA BU BA TU BRGYAL BA LTA
BU DANG, DGA' BA GAN RKYAL TU 'GYEL BA LTA BU DGOS PAR LHO BRAG
MAR BA YAB SRAS GSUNGS, KHYAD PAR 'BYUNG NYE ZHING 'GOG DKA'
BA'I RIGS LA DMIGS KYIS BKAR NAS RGYUN BAR DRAN SHES BSTEN, SDIG
PA'I

LAS DE SPYIR BYANG CHUB MA THOB PAR DANG, SGOS TSE 'DI DANG LO
'DI DANG ZLA BA 'DI LA MI BYED SNYAM PA DANG CIS KYANG 'PHRO MA
CHOD NA DE RING GTAN NAS MI BYED SNYAM DU SDOM SEMS SHUGS DRAG
PO DANG BSHAGS BSDAMS BYAS, DE LTAR BYUNG NA DGA' BA DANG, MA
BYUNG NA CI MI

SNYAM PAR MI 'JOG PAR 'GYOD BSHAGS BYAS TE RIM PAS NYIN KHA SHAS
'GOG PA LA BSLAB, DE NAS NYI MA GSUM TSUN CHAD DANG, BDUN DANG,
DGU DANG, NYI SHU ? ZLA BA GCIG DANG GNYIS GSUM SOGS JE MANG LA
BTANG STE BSLAB NA MTHAR TSEGS MED PAR 'GOG NUS PA

YONGS ZHES DPON SLOB BYAMS PA RIN PO CHES GSUNG GSUNGS, YANG
PHYIR BCOS SOGS KYI TSE PHYIN CHAD SDOM PAR KHAS BLANGS NAS
PHYIS DE BZHIN MA BYUNG NA NYES PA MI 'DAG PA TZAM DU MA ZAD,
RDZUN GYI NYES PAR YANG 'GYUR ZHES GSUNGS PA LA, YONGS 'DZIN RIN

PO CHES LTUNG THUN BYIN RLABS KYIS LAS LA MI SGRIB PA LTAR DE
LTAR BYAS PAS 'PHRO MCHOD KYANG SDIG PA 'DAG PA SANGS RGYAS KYI
BCAS DBANG YIN GSUNGS PA GZHAN LA CI LTAR YIN RUNG, NGED LA NI
SDIG PA BSHAGS PA'I THABS SU BLO SKYED CHE ZHES SKYABS MGON RDO
RJE 'CHANG

GIS GSUNGS, YANG SDIG SGRIB SPYI DANG, BSHES GNYEN LA MA GUS
PA'I SDIG LTUNG THAMS CAD DAG NAS DGE BA'I BSHES GNYEN TSUL
BZHIN DU BSTEN NUS PA'I RTOGS PA KHYAD PAR CAN SKYE BAR BYIN
GYIS BRLAB TU GSOL, ZHES SOGS BSHES GNYEN BSTEN TSUL, DAL 'BYOR
@015A *, ,RNYED DKA', 'CHI BA ME RTAG BA, LAS RGYU 'BRAS NAS MI
SLOB PA'I ZUNG 'JUG GI BAR GYI LAM YONGS RDZOGS DANG, SKABS SU
BABS PA'I DMIGS SKOR RE RE BZHIN SPYI MA SHOR BA'I DANG NAS
DMIGS PHUGS PA BYED, DE LTAR BYANG

CHUB KYI SEMS GNYIS DANG LHA'I GSAL SNANG BRTAN PO'I SGO NAS RES
STOBS BZHI, RES BDUD RTZI 'BEBS SBYANGS, RES 'OD ZER GYI SPRO
BSDU, RES SNGAGS DON DRAN PA, RES LAM YONGS RDZOGS KYI GEGS BYED
SBYANGS NAS RTOGS PA SKYE BA'I DMIGS PA GANG 'OS DANG

KHYAD PAR NYAL KHAR NYAMS CHAGS DAG PA'I DMIGS PA RTZAL DU BTON
NAS YIG BRGYA NYER GCIG BZLAS BAS LTUNG BA'I 'PHEL KHA CHAD
CING, 'BUM BZLAS PAS SNGOM PA GSUM GYI RTZA BA'I LTUNG BA 'DAG
PAR GSUNGS, DE THAMS CAD GCIG CHAR MI 'ONG BA, MDO LAS, SEMS

CAN RNAMS NI RNAM PAR SHES PA'I RGYUN RE RE BA'O, ,ZHES GSUNGS
PAS SHES LA, SDIG LTUNG 'DAG TSUL LA YANG PHRA RAGS MANG PA GOS
KYI DRI MA BKRU BA'I DPE DANG, THA NA KHANG BA'I RDUL PHYAG LUGS
TZAM GYIS KYANG SHES PAS SA'I DNGOS GZHI DANG BSDU BA LTAR 'GYOD

BAS BSAL BA DANG, GNYEN POS BSAL BAS BYAS BSAGS MA TSANG BAR
BSGYUR TE LAS KYI 'BRAS BU SKYED PA'I NUS PA BCOM PA DANG, MTHU
CHUNG DUR BYAS PA DANG, YUN RING BOR DMYAL BA LA SOGS PA MYONG
BA YUN THUNG DUR BYAS PA DANG, TSE 'DIR MGO BO NA BA LA SOGS

PAS 'BYANG BA DANG, RTZA BA NAS DAG PA YANG YOD PA MA SKYES DGRA
SOGS KYI BYUNG BA LAS DPOG STE, BSHES SBRINGS LAS, GANG ZHIG
SNGON CHAD BAG MED GYUR BA LAS, ,PHYIS NI BAG DANG LDAN PAR GYUR
DE YANG, ,ZLA BA SPRIN BRAL LTA BUR RNAM MDZES TE, ,DGA' BO SOR

@015B PHRENG MTHONG LDAN BDE BYED BZHIN, ,ZHES SO, ,GSUM PA NI,
BDAG THOG MED NAS DA LTA'I BAR LAS 'BRAS KYI BLANG DOR MI SHES
BA'I RMONGS BA MA RIG PA'I DBANG DU SONG STE SBYIR SDIG LTUNG
MTHA' YAS PA DANG, KHYAD PAR SDOM GSUM GYI BCAS PA DANG, RTZA BA
DANG YAN

LAG GI DAM TSIG KHAS BLANGS PA LAS 'GAL ZHING, LTUNG BAS SDOM
GSUM LAS NYAMS PA'I 'BRAS BU YID DU MI 'ONG BA MTHONG NAS 'GYOD
SEMS BSKYED DE RNAM PAR SUN 'BYIN PA'I STOBS GSAL BTAB, BLA MA
MGON BOS SKYABS MDZOD CIG CES PA TSIG GONG MA DANG 'OG

MA LA SBYAR BA GNYIS YOD KYANG GNAD 'DRA, DA PHYIN CHAD NGA RANG
GIS 'DI PHYI'I DON GANG LA YANG RE LTOS 'CHA' BA'I YUL, GTZO BO
RDO RJE 'DZIN PA KHYOD GCIG BU LAS MED PAS, SNGAR PHAN BDAG RANG
GIS RANG PHUNG BAR BYAS PA LA THUGS MKHREL BAR RANG NYES PA
MTHA' DAG

LAS GROL ZHING, GZHAN SGROL BAR 'DOD PA'I THUGS RJE CHEN PO'I
BDAG NYID THABS SHES KYI YON TAN YONGS SU RDZOGS PA KHYOD LA
PHYIS SDIG PA MI BGYID PA'I SDOM SEMS DANG BCAS BYANG CHUB MA
THOB KYI BAR SKYABS SU SONG BA YIN PAS SLAN CHAD NYES LTUNG GI
DBANG DU NAM

YANG MI 'GRO BAR BYIN GYIS BRLAB TU GSOL SNYAM DU NYES PA LAS
SLAR LDOG PA'I STOBS GSAL BTAB LA, BDAG NI MI SHES RMONGS PA
YIS, ,ZHES SOGS DAL BUS BRJOD DE GSOL BA BTAB PAS BLA MA DANG
DBYER MED PA'I SPYI BO'I RDOR SEMS YAB YUM SHIN TU DGYES

TE GSUNG TSANGS PA'I DBYANGS KYIS, RIGS KYI BU KHYOD KYI SDIG
SGRIB DANG DAM TSIG NYAMS CHAGS THAMS CAD BYANG ZHING DAG GO,
,ZHES GSUNG 'BYON BZHIN PA RANG GIS THOS BAS SDIG BA THAMS CAD
DAG SONG SNYAM DU DGA' BA BSKYED, DE LTAR RANG LA THIM PAS RANG
GI LUS

@016A *, ,DANG RDOR SEMS KYI SKU, RANG GI NGAG DANG RDOR SEMS
KYI GSUNG, RANG GI YID DANG RDOR SEMS YAB YUM GYI THUGS DBYER
MED DU GYUR PAS PHYIN CHAD SDIG LTUNG GIS NAM YANG MI GOS BAR
BYIN GYIS BRLABS PAR BSAM, YANG NA

RDOR SEMS YAB YUM SKU JE CHUNG DU SONG BA DBU MA'I LAM BRGYUD DE
SNYING PADMA 'DAB BRGYAD KYI LTE BAR SHIN TU PHRA BA'I THIG LE
DKAR DMAR GYI DBUS SU RANG GI SHIN TU PHRA BA'I RLUNG SEMS DANG
DBYER MED DU SROG 'DZIN GYI KHA DOG DANG MTHUN PAR SKYA KRONG
NGE BZHUGS

PAR BSAM ZHES KUN MKHYEN 'JAM DBYANGS BZHAD PAS GSUNGS, PADMA'I
'DAB MA KHA ZUM PA'I RTZER RDOR SEMS KYI DBU SKRA'I TOG MTHONG
TZAM BYED PA, PHYI ROL TU YIG BRGYA'I SNGAGS PHRENG GIS G-YAS
SKOR DU DKRIS, PHYI NANG THAMS CAD SHEL DKAR GYI ZHAL BA BYAS PA
BZHIN

MUN PA MI 'BYUNG BAR 'OD KYI SNANG BAS GANG 'DUG PA LA DMIGS BA
BZHAG NA DGOS PA CHE ZHES DAM PA GONG MA'I GSUNG RGYUN LAS
'BYUNG NGO, ,DE LTAR DPAL LDAN RDO RJE SEMS DPA' DANG, ,DBYER
MED BLA MA MCHOG GIS RJES BZUNG STE, ,THOG MED NAS BSAGS SDIG
SGRIB NYES

LTUNG DANG, ,DAM TSIG NYAMS CHAGS THAMS CAD DAG PAR SHOG, ,,CES
RDOR SEMS BSGOM BZLAS KYI DMIGS RIM YID KYI GDUNG SEL ZHES BYA
BA 'DI YANG KHYAB BDAG RDO RJE SEMS DPA' MI'I GZUGS CAN BKA'
BRIN MNYAM MED, ` RJE BTZUN DKON MCHOG RGYAL MTSAN DPAL BZANG
PO'I ZHAL SNGA NAS

LAS SNGA PHYIR KHRID LAN MANG DU MNOS PA'I GSUNG BSHAD RAGS RIM
PHYOGS BSDEBS KYI TSUL DU DGE SRONG SHES RAB RGYA MTSO SA RANG
LO SO BDUN BAS PHAG? ZLA BA BCU BA'I MAR NGO'I TSES BCU RJE
RGYAL BA GNYIS PAS ZUNG 'JUG MNGON DU MDZAD PA'I DUS MCHOD KYI
NYIN SKYID PA'I NAGS KHROD DBEN GNAS DKAR PO BKRA SHIS CHOS
RDZONG DU BRIS BA'O, ,

@016B AOm SVA STI, CHOS SRID 'BYOR BA'I MDZOD DANG DGE BCU LDAN,
,DGA' LDAN RANG RGYAS ZHES BYA'I RGYUD GRVA CHER, ,KUN MKHYEN
'JAM 'BYANGS BZHAD PA YAB SRAS KYI, ,THUGS RJES CHOS SBYIN 'DZAD
MED RGYUN 'DI SPEL,, ,,SARBA MANGGA LAm,, ,,