@001A *, ,MI TRA'I DBANG BSHAD ZIN THO RNAM GROL BDUD RTZI'I
SNYE MA ZHES BYA BA BZHUGS SO,,

@001B #, ,NA MO GU RU MANYDZU GHOshA HA SA BADZRA YE, PHYAG NA
PADMO'I THUGS RJE'I 'GRAM CHANG GIS, ,DBYE DKA' 'KHOR LO BZHI YI
'DAB MA'I RGYA, ,GROL BAS ZUNG 'JUG SBRANG RTZI'I

DPAL 'DZIN PA, ,GRUB MCHOG MI TRA DZO KI'I ZHABS LA 'DUD, ,'DIR
DUS GSUM RGYAL BA YONGS KYI MKHYEN BRTZE NUS PA MA LUS PA GCIG
TU 'DUS PA'I BDAG NYID SNYIGS DUS BSTAN PA'I SROG SHING

GANGS CAN MKHAS GRUB YONGS KYI GTZUG RGYAN YONGS RDZOGS BSTAN
PA'I MNGA' BDAG KUN MKHYEN 'JAM DBYANGS BZHAD PA'I RDO RJE RJE
BTZUN BLO BZANG THUB BSTAN 'JIGS MED RGYA MTSO DPAL BZANG PO'I

ZHAL SNGA NAS DGUNG LO ZHE GNYIS BZHES PA, RAB BYUNG BCU BZHI
PA'I CHU SPRUL HOR ZLA DGU PA'I TSES BCO LNGA NAS BRTZAMS TE,
YAB RJE GONG MA'I GDAN SA MDO SNGAGS CHOS KYI SKYED TSAL DGA'
LDAN@002A *, ,CHOS 'KHOR GLING DU GRUB MCHOG MI TRA DZI KI'I THUGS
DAM BRGYA RTZAR GRAGS PA'I DKYIL 'KHOR BRGYA RTZA BRGYAD KYI
NANG NAS, RDOR PHRENG DU YOD PA RNAMS DAM PA GONG MA'I PHYAG LEN

LTAR DES 'THUS PA BYAS NAS, MI TRA RKYANG PA'I DKYIL 'KHOR RE
DRUG GI DBANG RDZOGS PAR GNANG PA'I SKABS KYI DNGOS GZHI'I GSUNG
BSHAD THO TZAM ZHIG BRI NA, KHYED RNAMS LA RMI LAM BRTAG PAR

GDAMS PA LTAR, RMI LAM DU SKU GZUGS DANG MCHOD RTEN MTHONG BA,
DGE 'DUN GYI NANG DU ZHUGS PA, RANG GI BLA MA LAS CHOS NYAN PA,
NYI ZLA SHAR BA, BANG MDZOD DANG GTER RNYED PA, KHA ZAS BZANG

PO LA LONGS SPYOD PA SOGS LEGS PA RMIS NA SNGAGS KYI DNGOS GRUB
CI RIGS PA 'GRUB PA'I LTAS SU SHES NAS ZHEN CHAGS MI BYA ZHING,
BYE MA DANG THAL SPUNG GI RI LA 'DZEG PA, G-YANG DU LHUNG BA,

@002B SKRA BREGS PA, CHUS KHYER BA, LUS LA TIL MAR GYIS BYUG PA
SOGS RMIS NA NGAN PA'I LHAS YIN KYANG DE LA RNAM RTOG MI BYA BAR
CHOS THAMS CAD BDEN PAR MED CING RANG NGOS NAS MA GRUB PA'I LTA
BAS RGYAS 'DEBS PA DANG, SLOB DPON GYI THUGS KA NAS KHRO BO BDUD
RTZI

'KHYIL BA'I TSOGS BSAM GYIS MI KHYAB PA SPROS NAS RMI LAM NGAN
PA SOGS BGEGS RNAMS BSAL BA'I MOS PA MDZAD DGOS GSUNGS, SPYI
BSHAD LA, 'O DE YANG RANG CAG RNAMS GTING DANG MTHA' MI MNGON
PA'I 'KHOR BA'I GNAS SU SHING BAL RLUNG GIS BSKYOD

BA BZHIN GAR 'GRO'I GTOL MED PAR 'KHYAMS PA LAS, DA LAN BLA MA'I
THUGS RJE LA BRTEN NAS NGAN SONG GI BTZON RA LAS THAR TE DAL
'BYOR GYI CHOS BCO BRGYAD DANG, MTHO RIS KYI YON TAN BDUN, RNAM
SMIN GYI YON TAN BRGYAD LA SOGS BA CHOS SGRUB PA'I MTHUN

RKYEN MTHA' DAG TSANG BA'I RTEN BZANG PO 'DI LTA BU THOB, MJAL
BAR DKA' BA BSKAL BZANG RNAM 'DREN STONG GI NANG NAS PADMA DKAR
PO LTA BUR BSNGAGS PA STON PA SH'AKYA THUB PA'I MDO SNGAGS ZUNG
'BREL GYI BSTAN PA SPYI DANG, DE'I YANG SNYING KHAMS GSUM BLA MA
TZONG KHA PA CHEN

PO'I RING LUGS GSER SBYANGS BTZO MA LTA BU MDO SNGAGS BSHAD
SGRUB THOS BSAM SGOM GSUM MTHA' DAG GDAN THOG GCIG TU 'GRUB PA
'DI LTA BU DANG MJAL, MTSAN NYID DANG LDAN PA'I DGE BA'I BSHES
GNYEN DU MAS RJES SU BZUNG STE MDO SNGAGS YONGS RDZOGS MA

TSANG BA MED PA LA NYIN MTSAN DU THOS BSAM BYAR YOD PA'I DUS 'DI
LTA BUR DAL BA STONG LOG TU MA BTANG BAR GTAN GYI 'DUN MA'I RTZA
BA TSUGS PA CIG AE YONGS LTA DGOS, DE LTAR BYED PA LA THABS
GZHAN GANG GIS KYANG MI PHAN PAS CHOS RNAM DAG RANG GI SHES
RGYUD

@003A *, ,DANG 'DRES NGES ZHIG BYED DGOS PAS, RJE BDAG NYID CHEN
POS BYANG CHUB LAM RIM DU, CHOS NYAMS SU LEN PA LA SHES DGOS,
SHES PA LA THOS DGOS, ZHES GSUNGS PAS DANG POR GAL CHE BA THOS
PA YIN,

DE'ANG THOS LO TZAM GYIS MI CHOG PAR RTEN 'BREL MGO NAS MA 'CHUG
PA ZHIG DGOS PAS, SNOD KYI SKYON GSUM SPANGS, 'DU SHES DRUG
BSTEN PA SOGS CHOS NYAN PA DON LDAN DU 'GYUR BA'I KUN SLONG
RGYAL PA'I GSUNG RAB LAS JI LTAR 'BYUNG PA BZHIN

GSAL BTAB STE SGO GSUM BAG MED DU MA BTANG BAR TSUL DANG MTHUN
PA'I SGO NAS NYAN DGOS, GSAN BYA'I CHOS NI STON PA THUB PA'I
DBANG PO DE NYID KYIS GDUL BYA RNAMS KYI DBANG PO'I RIM PA DANG
'TSAMS PAR CHOS KYI PHUNG PO JI SNYED CIG BKA' STZAL PA

THAMS CAD SDE SNOD GSUM MAM THEG PA CHE CHUNG GI SDE SNOD GNYIS
SU 'DU, THEG PA CHEN PO LA YANG RGYU LAM DU BYED PA PHA ROL TU
PHYIN PA'I THEG PA DANG, 'BRAS BU LAM DU BYED PA GSANG SNGAGS
KYI THEG PA GNYIS SU YOD PA'I NANG NAS MCHOG TU GYUR PA GSANG
CHEN

THEG BA YIN, DE LA DGONGS NAS RJE BDAG NYID CHEN POS, 'DI NA
RDZOGS SANGS RGYAS SU BGROD PA LA, ,ZAB MO RDO RJE THEG DANG
PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS,
,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR
KUN

TU GRAGS, ,ZHES GSUNGS PA YIN, DE LTA BU'I CHES MCHOG TU GYUR PA
GSANG CHEN THEG PA DE LA YANG RGYUD SDE'I DBYE BA BZHIR YOD PA,
KHA SBYOR LAS, RGOD DANG BLTA DANG LAG BCANGS DANG, ,GNYIS GNYIS
'KHYUD DANG RNAM PA BZHI, ,SRIN BU'I TSUL GYIS RGYUD

@003B BZHIR GNAS, ,ZHES 'DOD CHAGS RIGS BZHI LAM DU BYED TSUL
GYIS BZHAG PA DANG, GUR LAS, DMAN BA RNAMS LA BYA BA'I RGYUD,
,BYA MED RNAL 'BYOR DE LTAG LA'O, ,SEMS CAN MCHOG LA RNAL 'BYOR
SPYOD, ,RNAL 'BYOR BLA MED DE LTAG LA'O, ,ZHES PHYI'I BYA BA

KHRUS DANG GTZANG SPRA SOGS GTZO POR GYUR PAS BYA RGYUD, PHYI
NANG GI RNAL 'BYOR CHA MNYAM DU SPYOD PAS SPYOD RGYUD, RNAL
'BYOR KHO NA GTZO BOR GYUR PAS RNAL 'BYOR RGYUD, RNAL 'BYOR DE
LAS GONG NA MED PAS RNAL 'BYOR BLA NA MED PA'I RGYUD DE RGYUD
SDE'I DBYE BA BZHIR BZHAG

PA'I MCHOG NI BLA MED DANG, DE LA THABS SGYU MA'I SKU RTZAL DU
BTON NAS GTZO POR 'CHAD PA'I PHA RGYUD, SHES RAB DON DAM 'OD
GSAL RTZAL DU BTON NAS 'CHAD PA'I MA RGYUD GNYIS YOD, DE DAG GI
RGYUD KYI GRANGS SDOM 'BYUNG LAS, RNAL 'BYOR RGYUD RNAMS KYI NI

TSAD; ;BYE BA PHRAG NI DRUG TU NGES, ,DE BZHIN RNAL 'BYOR MA
RGYUD GRANGS, ,BYE BA PHRAG NI BCU DRUG GRAGS, ,ZHES GSUNGS PA
LTAR GYI RGYUD SDE RAB 'BYAMS NAS DKYIL 'KHOR GYI 'KHOR LO BYE
BA PHRAG JI SNYED CIG GSUNGS PA'I NANG NAS, 'DIR RGYAL BA KUN
GYI THUGS

RJE'I BDAG NYID 'PHAGS MCHOG PHYAG NA PADMAS RJES SU BZUNG STE
PHYAG RGYA CHEN PO MCHOG GI DNGOS GRUB BRNYES PA, ZUNG 'JUG NOR
BU'I ZA MA TOG, NGO MTSAR BA'I RNAM THAR BCO BRGYAD DANG LDAN
PA'I GRUB BA'I 'KHOR LOS BSGYUR BA, RNAL 'BYOR GYI DBANG PHYUG
MI TRA DZO

KA'I MA MTSAN GZHAN DPAL LDAN CHOS KYI BSHES GNYEN GYIS 'PHAGS
PA'I BKAS GNANG PA STZAL PA LA BRTEN NAS, PHYI RABS KYI GDUL BYA
RNAMS LA PHAN PA'I PHYIR THUGS BCUD ZAB MO PHYOGS GCIG TU
BSGRIGS PA, GSANG CHEN BSTAN PA'I NYING KHU MI TRA BRGYA

@004A *, ,RTZAR GRAGS PA'I DBANG GI RIM PA RNAMS 'BUL BAR BYED
BA LA, THOG MAR GSHIN RJE GSHED DMAR PO'I DBANG SKUR BA LA RTEN
'BREL DANG DGOS PA KHYAD PAR CAN YOD PAS, DAM PA GONG MA RNAMS
KYI PHYAG LEN LA'ANG DE

LTAR MDZAD GI YOD GSUNGS, RGYAL BRGYA MTSO'I DBANG GI NYIN SPYI
BSHAD LA, DUS GSUM RGYAL PA THAMS CAD KYI DMIGS PA MED PA'I
SNYING RJE'I RING GZUGS THUGS RJE'I GTER CHEN MGON PO SPYAN RAS
GZIGS ZHES RGYAL SRAS DPA' BO KUN GYI NANG NAS SNYING

RJE'I GTER DU BSNGAGS SHING, KHYAD PAR BYANG PHYOGS KHA BA CAN
GYI LJONGS 'DI STON PA SH'AKYA'I RGYAL PO NYID KYIS DNGOS KYI
'DUL ZHING DU MA GYUR PA, MGON PO 'DI LA CHED DU GTAD PA BZHIN
PHYAG MTSAN DU BZHES TE SGO MTHA' DAG NAS SKYONG PAR MDZAD PAS
RANG CAG

RNAMS KYI LHA SKAL DANG, PHYOGS BCU'I RGYAL PA SRAS DANG BCAS PA
BSNYEN BKUR PA LAS 'DI NYID KYI SMYUNG GNAS BYAS PAS BSKAL BA DU
MA'I 'KHOR BA PHYIR BSNYIL BA DANG, BSAM PA RNAM PAR DAG PAS
GZUNGS SNGAGS BZLAS PAS PHAN YON MTHA' YAS PA

'BYUNG TSUL TSAD MAR GYUR PA'I MDO RGYUD DU MA NAS YANG YANG
GSUNGS PA LTAR YIN ZHING, GSANG BA GSUM GYI ZLOS GAR MTHA' YAS
PAS GDUL BYA SO SO'I SKAL BA DANG 'TSAMS PAR SKU'I BKOD PA MI
'DRA BA MTHA' YAS PA YOD PAS, DAM PA GONG MA

RNAMS LA BRGYUD PA'I LUGS SROL YANG DE SNYED YOD PA DGE SLONG MA
DPAL MO NAS BRGYUD PA DPAL MO'I LUGS, CHOS RGYAL SRONG BTZAN
SGAM PO NAS BRGYUD PA RGYAL PO'I LUGS, BYANG SEMS ZLA BA RGYAL
MTSAN LAS BRGYUD PA ZLA RGYAL LUGS, LA STOD

@004B DMAR PO NAS BRGYUD PA LA STOD LUGS, GNYAN TSEM BUNG LAS
BRGYUD PA TSEM DU DMAR KHRID, GRUB THOB SKYER SGANG PA LAS
BRGYUD PA SKYER SGANG LUGS SOGS MANG DU YOD PA LAS, SKABS SU
BABS PA GRUB CHEN MI TRA DZO KI NAS BRGYUD PA'I BLA MED LUGS

KYI 'PHAGS MCHOG SPYAN RAS GZIGS SKU MDOG DKAR PO ZHAL GCIG
PHYAG GNYIS YUM BCAS, 'KHOR MKHA' 'GRO MA BZHI DANG, KHRO BO
BZHIS BSKOR BA LHA DGU MA 'DI'I SNGAGS LA YANG DAG MI DAG SNA
TSOGS ZHIG YOD PA RGYAL DBANG SKAL BZANG RGYA

MTSOS DAG THER MDZAD DE, AOm MA nI PADME H'Um, ZHES PA GTZO BO'I
SNGAGS, DHU MA GHA YE YUM GYI SNGAGS, HA RI NI SA MKHA' 'GRO
BZHI DANG, RA TZA HR'I: YA KHRO BO BZHI'I SA BON GYI SNGAGS YIN
PAS, DE YONGS RDZOGS LA BSNYEN PA BYAS PAS GTZO 'KHOR YONGS

RDZOGS KYI BSNYEN PA'I GO CHOD LA, MA nI RKYANG PAS KYANG CHOG
PAS MA nI MTHA' GCIG TU BYA RGYUD KYI LUGS SU BYAS NAS BGRANG
DGOS PA'I NGES PA MED PAR CHO GA PHYAG LEN THAMS CAD BLA MED
LTAR BYAS TE LHA 'DI LTA BU DANG 'BREL BAR BZLAS NA MCHOG TU
GYUR PA YIN

GSUNGS, DE'ANG GNAS KHANG 'DI'ANG THA MAL GYI RNAM PA 'DI LTA BU
MA YIN PAR LHA'I YE SHES RANG SNANG LAS GRUB PA'I THAR BA CHEN
PO'I GZHAL MED KHANG DNGOS YIN SNYAM PA DANG, BLA MA YANG THA
MAL GYI RNAM PA CAN MA YIN PAR DKYIL 'KHOR GYI GTZO PO DNGOS
DANG THA MI

DAD PAR BLTAS LA, CHO GA'I TSIG RNAMS KYANG DKYIL 'KHOR GYI GTZO
PO'I GSUNG TSANGS PA'I DBYANGS KYIS BSGRAGS BYUNG SNYAM PA BYAS
NA 'BRAS BU LAM BYED KYI DGOS PA KHYAD PAR CAN YOD PAS, BLA MA
DKYIL 'KHOR GYI GTZO BO DANG DBYER MI PHYED PA'I

@005A *, ,MOS GUS SHUGS DRAG POS SNYIM PA ME TOG DANG BCAS DBANG
BSKUR BA'I DON DU GSOL PA LAN GSUM DU 'DEBS DGOS, DKYIL 'KHOR DU
'JUG PA LA DKYIL 'KHOR PA'I LHA TSOGS RNAMS DANG RNAM PA

MTHUN PA BYED DGOS PAS, DE'I CHED DU LAS SNGAGS KYIS BYIN GYIS
BRLABS PA'I CHAS SMAD G-YOGS, STOD G-YOGS, GTZUG TOR GSUM DANG,
MIG DAR 'CHING BA'I SNGAGS TZAKshU MIG, BANDHA 'CHING BA, BA RA
MCHOG, MA nA

YA YID DE YID MCHOG TU BYA BA'I BYIR MIG 'CHING ZHES PA YIN PAS
DKYIL 'KHOR GYI GSANG BA RE ZHIG STON PAR MI RUNG BAS DE GSANG
BAR BYA BA'I PHYIR MIG DAR DANG, ME TOG SBYIN PA'I SNGAGS A'A
KHAm B'I RA H'Um ZHES PA'I A'A SNANG MTHA'I SA BON,

KHAm DON GRUB KYI SA BON, B'I RNAM SNANG GI MING YIG DANG PO, RA
RIN 'BYUNG GI MING YIG DANG PO, H'Um MI BSKYOD PA'I SA BON TE
NGO BO DE BZHIN GSHEGS PA LNGA'I YE SHES KYI RANG BZHIN LA RNAM
PA KHA DOG SNA LNGA BA'I ME TOG GI PHRENG BA RE DKYIL 'KHOR

DU 'JUG PA'I PHYAG RTEN DU GTAD, SDOM PA 'DZIN PA LA MDO SNGAGS
GNYIS, SNGAGS KYI RGYUD SDE BZHI, BLA MED KYI DBANG BZHI KA LA
'DZIN DGOS PAS, THUN MONG PA BYANG SEMS KYI SDOM PA 'DZIN PA LA,
BLA MA DANG DKYIL 'KHOR PA'I STENG

GI NAM MKHA' LA RTZA BRGYUD KYI BLA MA YI DAM SANGS RGYAS BYANG
SEMS NYAN RANG DPA' BO MKHA' 'GRO CHOS SKYONG BSRUNG MA'I TSOGS
BSAM GYIS MI KHYAB PA SPRIN GYI PHUNG BO 'KHRIGS PA BZHIN KHRA
LAM MER BZHUGS PA'I DRUNG DU, BYANG CHUB

@005B SEMS DPA'I SDOM PA BLANGS LA JI SRID BYANG CHUB SNYING PO
LA MCHIS KYI BAR DU RTZA BA'I LTUNG BA BCO BRGYAD DANG NYES BYAS
ZHE DRUG GIS MA GOS PAR TSUL BZHIN DU BSRUNG PAR BYA'O SNYAM DU
RJES ZLOS LAN GSUM BYAS PA'I THA MA'I MJUG GI CHA LA SNGAR

BYANG SDOM MA THOB PA YIN NA GSAR DU THOB PA DANG, THOB ZIN YIN
NA NYAMS PA SOR CHUNG CING GNAS PA GONG 'PHEL DU GYUR PA'I MOS
PA DANG, YANG SKYABS YUL SNGAR LTAR GYI SPYAN SNGAR SEMS CAN
THAMS CAD KYI DON DU RDZOGS PA'I SANGS RGYAS

KYI GO 'PHANG DUS MYUR BA NYID DU THOB PAR BYA, DE'I CHED DU
RIGS LNGA SPYI'I DAM TSIG RTZA LTUNG BCU BZHI DANG, SBOM PO
BRGYAD DAM BCU, SO SO'I DAM TSIG, RNAM SNANG RIGS KYI DAM TSIG
DRUG ,MI BSKYOD RIN 'BYUNG BA ZHI BZHI DANG, ,'OD

DPAG MED GSUM DON GRUB KYI, ,GNYIS TE SO SO'I BCU DGU DANG,
,ZHES PA LTAR NYES SPYOD SDOM PA'I TSUL KHRIMS, DGE PA CHOS SDUD
KYI TSUL KHRIMS, SEMS CAN DON BYED KYI TSUL KHRIMS GSUM DANG,
MCHOG GSUM LA

NYIN MTSAN DUS DRUG TU SKYABS SU 'GRO BA STE RNAM SNANG GI RIGS
KYI DAM TSIG DRUG, RDOR DRIL PHYAG RGYA'I DAM TSIG GSUM, SLOB
DPON BSTEN PA LA DUS DRUG TU SLOB PA STE MI BSKYOD PA'I RIGS KYI
DAM TSIG BZHI, ZANG ZING GI

SBYIN PA, MI 'JIGS PA'I SBYIN PA, CHOS KYI SBYIN PA, BYAMS PA'I
SBYIN PA STE SBYIN PA RNAM PA BZHI LA DUS DRUG TU SLOB PA RIN
'BYUNG GI RIGS KYI DAM TSIG BZHI, RGYUD SDE GONG 'OG GNYIS DANG,
THEG PA GSUM GYI DAM CHOS MTHA'

@006A *, ,DAG 'DZIN PA LA DUS DRUG TU SLOB PA STE 'OD DPAG MED
KYI RIGS KYI DAM TSIG GSUM, DAM TSIG DANG SDOM PA DE DAG GONG
'PHEL DU BSRUNG BA DANG, PHYI NANG GSANG PA DE KHO NA NYID KYI
MCHOD PA LA

DUS DRUG TU BRTZON PA STE DON GRUB KYI RIGS KYI DAM TSIG GNYIS
TE RIGS LNGA SO SO'I DAM TSIG BCU DGU SOGS RTZA BA DANG YAN LAG
GI DAM TSIG MTHA' DAG DUS DENG NAS BZUNG STE ZUNG 'JUG GI GO
'PHANG MA THOB KYI BAR DU TSUL BZHIN DU

BSRUNG BAR BYA'O SNYAM DU RJES ZLOS BYED, BDAG MING 'DI ZHES
PA'I SKABS SU SNGAR DBANG THOB PAS GSANG MTSAN DANG, DE MIN PAS
RANG MING NAS SMOS DGOS LA, BDAG GIS SDOM PA MA LUS BZUNG, ,ZHES
PA'I SKABS SU

SNGAR SNGAGS SDOM MA THOB PAS GSAR DU THOB PA DANG, NYAMS PA SOR
CHUD, GNAS PA GONG 'PHEL DU GYUR BAR MOS, BYANG SEMS DANG SNGAGS
KYI SDOM PA GNYIS BYANG CHUB MTHA' CAN YIN PAS, SKYID SHOD ZHABS
DRUNG LA

SOGS PAS DBANG DANG POR SDOM BZUNG BYAS PAS CHOG PA SOGS PHYAG
BZHES MI 'DRA BA YOD KYANG DAM PA GONG MA'I PHYAG LEN LA MI TRA
DANG RDOR PHRENG GI SKABS, DBANG DANG PO LA SDOM BZUNG RJES ZLOS
BYAS NAS DBANG PHYI MA RNAMS LA

DPON SLOB THAMS CAD KYIS MNYAM 'DON BYAS CHOG PA'I PHYAG LEN YOD
LA, YANG DANG PO RJES ZLOS DANG PHYI MA RNAMS LA MNYAM 'DON BYED
BA'ANG YOD, DE LTAR PHYOGS BCU'I RGYAL PA SRAS DANG BCAS PA
DBANG DU BZHAG NAS

@006B KHAS BLANGS PA'I RIGS LNGA SPYI BYE BRAG DANG, BSRUNG
BSTEN BZA' BA'I DAM TSIG MTHA' DAG SROG DANG BSNGOS TE LEGS PAR
BSRUNG DGOS, THAMS CAD RNAL 'BYOR GYI SEMS BSKYED PA LA, SARBA
THAMS CAD, YO GA RNAL 'BYOR, TZITTA

SEMS, AUTP'A TA YA MI NI BSKYED PAR BGYI'O ZHES PA YIN PAS, BLA
MAS RDO RJE ME TOG DANG BCAS SNYING GAR BZHAG STE SNGAGS BRJOD
PAS BLA MA'I THUGS KA'I SEMS GNYIS KYI NGO BO ZLA BA DANG RDO
RJE LAS RANG 'DRA GNYIS PA RE CHAD NAS SLOB

MA'I SNYING GA'I ZLA BA DANG RDO RJE LA THIM PAS THAMS CAD RNAL
'BYOR GYI SEMS BSKYED PA DE BYANG CHUB MA THOB KYI BAR DU BRTAN
PAR BYAS PA'I MOS PA BYED, DBANG BSKUR BA LA DKYIL 'KHOR DU 'JUG
PA DANG, ZHUGS PA LA DBANG BSKUR BA

GNYIS, DANG PO LA GDONG G-YOGS DANG BCAS TE 'JUG PA DANG, DKYIL
'KHOR MTHONG PA'I BDAG NYID CAN DU 'JUG PA GNYIS, DANG PO LA YOL
BA'I PHYI 'JUG DANG, NANG 'JUG GNYIS LAS DANG PO SONG NAS, GNYIS
PAR

PHYAG LEN LA YOL BA BSAL BA DANG, SGOM DON LA DKYIL 'KHOR GYI
SHAR SGO HAR GYIS PHYE BA'I NANG DU ZHUGS PAR MOS, BLA MA'I
PHYAG GI RDO RJE LA 'JUS TE DKYIL 'KHOR GYI NANG LHA RNAMS KYI
PHYI RTZIG 'GRAM NAS BSKOR BA LAN GSUM DANG

SGO PHYAG GI SNGAGS SARBA TA TH'A GA TA NI DE BZHIN GSHEGS PA
THAMS CAD, P'U DZA AU PA STH'A NA YA MCHOD PA DANG BSNYEN BKUR
BA'I PHYIR, AATMA NAm BDAG GAM BDAG NYID, NIRY'A TA YA MI BDAG
'BUL BAS, SARBA TA TH'A GA TA DE BZHIN GSHEGS

@007A *, ,PA THAMS CAD, BADZRA SATVA RDO RJE SEMS DPAS, AA DHI
TIshthA MAm BDAG LA BYIN GYIS BRLAB TU GSOL, DE BZHIN DU
BADZRA BEE RO TZA NA RDO RJE RNAM PAR SNANG MDZAD, P'U DZA AA
BHIshA K'A YA MCHOD PA DANG,

DBANG BSKUR BA'I PHYIR, BADZRA RATNA AA BHI shIshTZA MAm NI
BDAG LA RDO RJE RIN CHEN GYIS DBANG BSKUR DU GSOL, B'U DZA PRA
WARTA NA YA MCHOD PA RAB TU BSKOR BA'I PHYIR, BADZRA DHARMA
PRA WARTA YA MAm BDAG LA RDO RJE CHOS RAB TU BSKOR DU GSOL,

P'U DZA KARMA nE MCHOD PA'I LAS KYI PHYIR, BADZRA KARMA KU RU
MAm NI BDAG LA RDO RJE LAS MDZAD DU GSOL, ZHES PA YIN ZHING
SNGAGS DON GZHAN RNAMS 'DRA BAR 'DUG, SGO PHYAG BYAS PAS LHA
DE DANG DE LAS RANG 'DRA GNYIS PA RE CHAD

NAS THIM PAS DE LTAR BYIN GYIS BRLABS PA DANG, BSDUS PA LA
THAL MO SPYI MGRIN SNYING GA GSUM DU SBYAR TE SHAR SGO NAS SGO
GSUM GYI PHYAG BYAS PAS GTZO BO LAS RANG 'DRA CHAD NAS THIM
PAR MOS, DNGOS GRUB THAMS CAD

KYI RTZA BA DAM TSIG BSRUNG BAR GDAMS PA'I PHYIR DAM BZHAG
BYED PA LA PHAN YON GYI SGO NAS DAM LA BZHAG PA, NYES DMIGS
KYI SGO NAS DAM LA BZHAG PA, PHAN YON DANG NYES DMIGS GNYIS
KA'I SGO NAS DAM LA BZHAG PA, BLA

MA'I BKA' GNYAN PA'I SGO NAS DAM LA BZHAG PA DANG BZHI, DANG
PO NI, DENG KHYOD SOGS SO, ,GNYIS PA NYES DMIGS KYI SGO NAS
DAM BZHAG LA, GTZO BOR LUS LA 'BYUNG PA'I NYES DMIGS KYI SGO
NAS DAM LA BZHAG BA, SPYI BOR RDO

@007B RJE BZHAG STE 'DI NI KHYOD KYI SOGS DANG, GTZO BOR SEMS
LA 'BYUNG BA'I NYES DMIGS KYI SGO NAS DAM LA BZHAG BA, SNYING
GAR RDO RJE BZHAG STE DE RING RDO RJE SEMS DPA' SOGS TE, SNOD
MIN LA GSANG BA BSGRAGS PA NYES DMIGS

CHE BAS DAM BZHAG DE GSUM NI, YONGS SU MA SMIN SEMS CAN LA,
,GSANG BA NYID NI BSTAN PA DANG, ,ZHES PA'I RTZA LTUNG BDUN PA
LA KHYAD PAR DU DAM BZHAG MDZAD PA YIN, PHAN YON DANG NYES
DMIGS GNYIS KA'I SGO NAS DAM LA BZHAG

PA MNA' CHU NI RTZA LTUNG SPYI'I DAM BZHAG DANG, BLA MA LA
BRNYAS SHANG BKA' LAS 'DAS PA NYES DMIGS SHIN TU CHE BAS BLA
MA'I BKA' GNYAN PA'I DAM BZHAG NI, SLOB DPON SMAD PAR MAm BYA
STE, ,ZHES PA'I RTZA LTUNG DANG PO LA KHYAD PAR DU DAM

BZHAG BYAS PA YIN, YE SHES PA PHAB NAS MIG SNANG BRTAGS PA LA,
MIG DAR CUNG ZAD PHYE STE DKYIL 'KHOR GYI STENG GI BAR SNANG
LA HAR GYIS BLTAS PAS DKAR PO MTHONG NA ZHI BA, SER PO RGYAS
PA, DMAR BO DBANG, SNGON PO DANG NAG

PO DRAG PO, LJANG KHU DANG KHRA BO MTHONG NA LAS SNA TSOGS
PA'I DNGOS GRUB 'GRUB PA'I LTAS YIN, ME TOG 'DOR BA LA, YANG
DAG PA'I YE SHES KYI DKYIL 'KHOR 'DIR BDAG GIS SLOB MA BCUG BA
'DI LHA GANG GI RIGS SU 'TSANG RGYA BA

DANG; RIGS GANG GI SNOD DU 'GYUR BA DANG, MCHOG THUN GYI DNGOS
GRUB GANG 'GRUB PA SOGS BSOD NAMS KYI MTHU JI LTA BA BZHIN DU
ME TOG GI LTAS LA 'BAB PAR SHOG CES BLA MAS LHA LA GSOL 'DEBS
DANG, DE'ANG BRTAG PA SNGA

@008A *, ,PHYI RIM PA DU MA ZHIG 'BYUNG BAS SO SHING DOR BA
SNOD DU RUNG MI RUNG BRTAG PA DANG, RMI LAM BRTAG PA DNGOS
GRUB 'GRUB PA LA BGEGS YOD MED DANG, SNANG BA'I KHA DOG BRTAG
PA NI DNGOS GRUB

GANG 'GRUB DANG, ME TOG DOR BA LHA GANG GI RIGS SU 'TSANG RGYA
ZHING LAS 'BREL GANG LA YOD PA BRTAG PA YIN PAS DGOS PA MI
'DRA, DE'ANG ME TOG LHA GANG LA PHOG PA DE'I RIGS CAN DU 'GYUR
ZHING, SKU DANG NYE NA DNGOS GRUB

MYUR LA, RING NA YUN RING POS 'GRUB PA DANG, SKU'I STOD DANG,
BAR DANG, SMAD LA BABS NA DNGOS GRUB MCHOG 'BRING DMAN PA GSUM
'GRUB PA DANG, LHA'I MDZOD SPU 'AM GTZUG TOR DANG DBU LA BABS
NA PHYAG RGYA CHEN PO

DANG MCHOG GI DNGOS GRUB, ZHAL DANG SPYAN LA BABS NA SNGAGS
KYI DNGOS GRUB, LHA GNYIS KYI BAR DU BABS NA GANG LA NYE BA'I
RIGS DANG, NYE RING MNYAM NA GNYIS KA 'GRUB CING, GANG LA DAD
PA DE'I RIGS SU 'GYUR BA

DANG; RDO RVA'I NANG DU LHUNG NA YUN RING PO DANG CHOGS CHEN
POS 'GRUB PA DANG, RTZIG PA'I PHYI ROL TU LHUNG NA LAN GSUM
BSKYAR ZHING, DE'I THA MA LA PHYI ROL TU LHUNG NA DNGOS GRUB
PHRA MO 'GRUB PA DANG, LVA BA PAS MI GZUNG BAR

BSHAD, PHYI'I RE KHA ZLUM PO DANG RDO RVA'I PHYIR LHUNG NA
DNGOS GRUB MED PAS DKYIL 'KHOR MI STON PAR SNGAGS BZLA BA LA
SOGS PAS SKAL BA DANG LDAN PAR BSGRUBS NAS PHYIS SKAL BA DANG
LDAN NA 'JUG PAR GSUNGS PAS, SNGAR

@008B PHUL BA'I ME TOG GI PHRENG BA'I NANG NAS YANG ZHING MA
RNYING PA'I ME TOG GCIG BTON LA TRAm GIS BSNGAGS PA PHYAG
GNYIS THAL MO SBYAR BA'I BAR DU BZUNG NAS GTZO PO 'KHOR BCAS
KYI MDUN DU 'DUG BAR MOS LA, PRA T'ITZTSA BADZRA HO: ZHES
BRJOD

DE LHA GANG SGRUB NA 'GRUB SLA ZHING LAS 'BREL YOD PA DER 'BAB
PAR SHOG CIG SNYAM DU LTOS PA MED BAR 'DOR DGOS, SNGAGS DON
PRA T'ITZTSA SO SOR BZHES, BADZRA NI ME TOG 'DOR YUL GYI LHA
LA BYED, SLAR YANG ME TOG SPYI BOR

BCINGS TE SLOB MA GANG LA ME TOG PHOG PA'I LHA LA GTAD PAS
BYANG CHUB MA THOB KYI BAR DU LHA DES RJES SU 'DZIN PA'I THABS
ZAB MO YIN ZHING, DE LA BRTEN NAS DNGOS GRUB SGRUB NA 'GRUB
SLA BA YIN PAS DE LTAR ME TOG GI PHRENG BA SPYI

BOR BCINGS PA LA BRTEN NAS ME TOG PHRENG BA'I DBANG GI NGO BO
BDE BA PHUN SUM TSOGS PA DANG, BDE BA NGES STONG PA NGES PA'I
BDE STONG DBYER MED KYI YE SHES KHYAD PAR CAN RGYUD LA
'KHRUNGS PAR MOS PA DE ME TOG PHRENG PA'I DBANG GI NGO BO YIN,

MA RIG BA'I SGRIB G-YOGS DANG MIG DAR LHAN CIG TU BSAL NAS,
RDO RJE'I MIG GIS RTEN DANG BRTEN PA'I DKYIL 'KHOR MNGON SUM
DU MTHONG BA LA DGA' SPRO TSAD MED BA DANG BCAS CHED DU BRJOD
PA NI, AOm RDO RJE'I DKYIL 'KHOR SOGS SO,,

DKYIL 'KHOR DU ZHUGS PA LA DBANG BSKUR BA LA THUN MONG PA RIGS
LNGA'I DBANG DANG, THUN MONG MA YIN PA RDO RJE SLOB DPON GYI
DBANG GNYIS LAS, DANG PO DBANG GI GSOL 'DEBS KYI DON NI, BYANG
CHUB RDO RJE RGYAL PA RDO RJE 'CHANG GIS

@009A *, ,'KHOR RIGS LNGA'I SANGS RGYAS RNAMS LA MCHOD PA CHEN
PO DBANG BSKUR JI LTAR MDZAD PA BZHIN BDAG 'KHOR BA SDUG
BSNGAL GYI RGYA MTSO LAS BSGRAL BA'I PHYIR DU RDO RJE 'CHANG
DANG 'DRA BA'I SLOB DPON

KHYOD KYIS SMIN BYED RGYU'I DBANG BSKUR BA STZAL TU GSOL, ZHES
PA YIN, SBYANGS PA BYA BA'I SNGAGS SARBA P'A PAm NI SDIG PA
THAMS CAD, DA HA NA SREG BAR BYED PA, BADZRA YA RDO RJE'I CHED
DU, BADZRA SATVA SYA RDO RJE SEMS DPA'I, SARBA

P'A PAm DA HA SDIG PA THAMS CAD SREG PA, SV'A H'A GZHI TSUGS
ZHES PA BSDUS NA SDIG PA THAMS CAD SREG PAR BYED PA'I RDO
RJE'I CHED DU RDO RJE SEMS DPA'I SDIG PA THAMS CAD SREG PAR
BYED BA LA GZHI TSUGS SHIG CES PA YIN PAS

SNGAGS DON LTAR NA SDIG PA BSAL BA'I CHED DANG, LVA PA PAS MI
GTZANG BA BSAL CHED DANG, BI BHU TIS BYUNG BSAL BA'I CHED
SBYANGS PA BYA BAR GSUNGS PA GANG BYAS KYANG 'GAL BA MED PAS
SBYANGS PA BYAS PA NA SDIG SGRIB DANG

BKRA MI SHIS PA SOGS BAR DU GCOD PA THAMS CAD BLA MAS BYA BAS
TE SBYANGS PAR BSAM, ME LONG DU SLOB MA'I GZUGS BRNYAN SHAR BA
LA NYE REG DANG, AA MRi TAS LUS LA DRI'I BYUGS PA, DBU LA ME
TOG GI PHRENG BA,

MDUN DU MCHOD YON, SPYAN LA SNANG GSAL PHUL, AA MRiTA DANG
H'Um LAN BDUN BRJOD PAS SBOS DKAR GYI DUD PA BTANG, SBYANGS
PA'I SKOR 'DI RGYAL PA RGYA MTSO KHO NA LA MDZAD, BOD SNGA MA
'GA' ZHIG DBANG GI TSE

@009B BUM PA SOGS DBANG RDZAS LA SHIS PA BRJOD DE ME TOG 'THOR
BAR BZHED KYANG, DAM PA GONG MA'I PHYAG LAN LA DE LTAR MA YIN
PAR BLA MA DANG DBANG LHA RNAMS KYIS SLOB MA LA SHIS BRJOD
DANG ME TOG 'THOR TE CHU DBANG SOGS BSKUR

BAR BZHAD PAS DE LTAR MOS PA MDZAD DGOS, DBANG BSKUR BA'I TSE
BLA MA'I THUGS KA NAS SPROS PA'I 'OD ZER GYIS REG PA TZAM GYIS
THUGS RGYUD BSKUL TE SNGON GYI THUGS BSKYED DAM BCA' BZHIN
SMON LAM GYI DBANG GIS 'BYON PAS

DE'ANG GSHEGS PA DANG GSHEGS MA, SEMS DPA' DANG SEMS MA, KHRO
BO DANG KHRO MO LA SOGS PA'I RNAM PAR SPYAN 'DREN PA DANG, MI
BSKYOD PA LA SOGS PA RIGS LNGA SO SO'I RNAM PAR SPYAN 'DREN PA
DANG, SKABS 'DIR DKYIL

'KHOR RANG RANG GI RIGS LNGA'I RNAM PAR SPYAN 'DREN PA DANG,
GZHAN DU SKABS GANG YIN GYI GTZO BO LA SANGS RGYAS BYANG SEMS
KHRO BO KHRO MOS BSKOR BA SPYAN 'DREN PAR GSUNGS BA GANG BYAS
KYANG 'GAL BA MED LA, DBANG BSKUR BA

BYA BYED LAS GSUM LA SBYAR NA DBANG BSKUR PA PO'I BLA MA DANG,
SGRUB ZIN PA'I DKYIL 'KHOR PA DANG, SPYAN DRANGS BA'I DBANG
LHA RNAMS BYED PA PO, DBANG RDZAS RNAMS BYED PA, SLOB MA'I
SHES RGYUD LAS, DBANG RDZAS DE DANG DE'I

DBANG BSKUR BA BYED PA'I LAS, SKABS SO SO'I SGRIB PA SPYANGS
SHING YON TAN RDZOGS PA BYA BA LA 'JOG, DE'ANG CHU DBANG BSKUR
BAS PHYOGS BCU'I RGYAL BA SRAS DANG BCAS PA'I BYIN RLABS DANG
RANG GI DANG MOS CHOGS PA'I RTEN

@010A *, ,'BREL LAS ZHE SDANG DANG NGES BSKYED PA'I LAS NGAN
'BRAS BU DANG BCAS PA SBYANGS TE MI BSKYOD PA DANG M'A MA
K'I'I RIGS KYI DNGOS GRUB SGRUB BA LA DBANG BAR BYED PAS SLOB
DPON GYIS DBANG LHA BSKYED

BSTIMS BYAS TE, RDO RJE SNYING PO RGYAN GYI RGYUD LAS, TIL GYI
GANG BU LTAR GANG BA'I, ,RGYAL PAS BUM PA BZUNG NAS NI, ,ZHES
GSUNGS PA LTAR, BLA MA DANG NAM MKHAR BZHUGS PA'I DBANG LHA
PHYAG NA BUM PA THOGS PA RNAMS

KYIS CHU RUB KYI TSUL DU DBANG BSKUR BAS LUS KYI NANG THAMS
CAD YE SHES KYI BDUD RTZI'I CHU RGYUN GYIS GANG, THOG MED NAS
BSAGS PA'I SDIG SGRIB THAMS CAD SBYANGS TE CHU DBANG GI NGO BO
BDE STONG GI YE SHES KHYAD PAR CAN SKYES

PAR BSAM, RIN 'BYUNG YAB YUM SNYOMS PAR ZHUGS PA ZHU BA LAS
BYUNG BA'I RIGS LNGA'I RANG BZHIN GYI COD PAN RNAMS GCIG LA
GCIG THIM GYIS BLA MA'I PHYAG GI COD PAN LA THIM PA SPYI BOR
BCINGS PAS SANGS RGYAS KYI RIGS

BDAG 'GRUB PA'I NUS PA 'JOG, DE BZHIN DU 'OD DPAG MED YAB YUM
SNYOMS PAR ZHUGS PA ZHU BA LAS BYUNG PA'I RDO RJE LAG TU GTAD
PA SNYING GAR GSOR BAS RGYAL PA'I THUGS GNYIS SU MED PA'I YE
SHES 'GRUB PA'I NUS PA

'JOG; NAM MKHAR BZHUGS PA'I DBANG LHA RNAMS KYI PHYAG GI DRIL
BU RNAMS DON GRUB YAB YUM SNYOMS PAR ZHUGS PA ZHU BA LAS BYUNG
BA'I DRIL BU LA THIM PA LAG TU GTAD PA SNYING GAR 'KHYUD PA'I
PHYAG RGYA BYAS PAS SANGS

@010B RGYAS KYI GSUNG DBYANGS RNAM PA THAMS CAD PA 'GRUB PA'I
NUS PA 'JOG, BLA MAS GSANG MTSAN BTAGS PA DANG MNYAM DU NAM
MKHAR BZHUGS PA'I RGYAL BA SRAS DANG BCAS PAS MGRIN GCIG TU
RANG RANG GI RIGS DANG MTHUN PA'I

MING BTAGS PA LA BRTEN NAS MA 'ONGS PA NA SANGS RGYAS PA'I TSE
SANGS RGYAS KYI MTSAN GYI NUS PA 'JOG CING, DE LTAR RIGS
LNGA'I DBANG GIS NYON MONGS PA LNGA'I DRI MA 'KHRUD CING, YE
SHES LNGA BSKYED PA DANG, DE DAG GI DBANG

GI NGO BO BDE STONG GI YE SHES KHYAD PAR CAN SKYES PAR MOS,
MTHAR DBANG LHA RNAMS RANG GI LUS NGAG YID GSUM DANG BSDU'I BU
GA NAS THIM PAS RANG MI BSKYOD PA SOGS SU GYUR PAR BSAM, DE
DAG GI SPYAN SOGS RIG PA LNGAS

BSKUR BA'I DBANG DANG, RIG PA YE SHES LNGA'I NUS PA 'JOG PAS
NA RIG PA'I DBANG LNGA'O, ,RDO RJE SKU'I DAM TSIG, DRIL BU
GSUNG GI DAM TSIG, RANG LHA SKU PHYAG RGYA CHEN POR GSAL BA
PHYAG RGYA'I DAM TSIG STE DE GSUM BYIN PA LA

BRTEN NAS SLOB DPON GYI DBANG GI NGO BO BDE STONG GI YE SHES
KHYAD PAR CAN RGYUD LA SKYES PA DANG, RNAL 'BYOR RGYUD KYI
SKABS, KHYED RANG RNAMS KYIS G-YAS KYI SOR MO GSUM BSGRENGS TE
SNYING GAR RDO RJE GTOD PA'I TSUL DU 'DZIN PA

RDOR SEMS KYI PHYAG CHEN BCINGS, G-YON DRIL BU DKUR BSTEN TE
RDOR SEMS SU GSAL BAR DMIGS PA LA BRTEN NAS THABS SHES DBYER
MI PHYED PA'I ZAB GSAL GNYIS SU MED PA'I YE SHES SLOB DPON GYI
DBANG GI NGO BOR GYUR

@011A *, ,BA RGYUD LA SKYES PAR MOS GSUNGS, SLOB DPON GYI
DBANG GI MTHA' RTAN LA RTEN DANG BRTEN PAR BCAS PA'I DKYIL
'KHOR GYI DE KHO NA NYID DANG SLOB DPON GYI LAS KYI RIM PA,
SNGAGS GTAD

CING MIG SMAN ME LONG MDA' GZHU RNAMS SBYIN PA, THUN MONG PA
RDO RJE'I BRTUL ZHUGS, SPYI DANG BYE BRAG GI CHOS BSHAD PA'I
RJES GNANG, LUNG BSTAN DBUGS DBYUNG RNAMS SU YONG, MIG SMAN
GYIS MA RIG PA'I LING

THOG BSAL NAS LHA'I MIG GI MNGON SHES BSKYED PA DANG, STONG
NYID DON SPYI'I TSUL GYIS RTOGS BA'I NUS PA KHYAD PAR CAN
'JOG, ME LONG GIS CHOS THAMS CAD SNANG LA RANG BZHIN MED PA
SGYU MA LTA BU DANG, KHYAD PAR RANG GI

SNYING LA ZHUGS PA'I RDO RJE SEMS DPA' ME LONG NANG GI GZUGS
BRNYAN LTAR BDEN STONG SGYU MA LTA BUR RTOGS PA'I NUS PA 'JOG,
MDA' 'PHEN PA'I SNGAGS DON, SARBA TA TH'A GA TA DE BZHIN
GSHEGS PA THAMS CAD, AA NU RA GA

YA MI NI MNYES PAR BGYI'O, ,ZHES PA STE, DE LTAR BRJOD CING
PHYOGS BZHI DANG STENG 'OG GNYIS TE DRUG TU MDA' 'PHEN PA'I
STANGS KA BYAS PAS CHOS DBYINGS SHIN TU PHRA BA'I 'BEN GTING
THUG PAR 'BIGS SHING, DRANG DON PHYI'I

BGEGS DANG, NGES DON GYI BGEGS 'JIG LTA LHAN SKYES DANG BDEN
'DZIN DRUNGS NAS 'BYIN PA'I STONG NYID MNGON SUM DU RTOGS PA'I
NUS PA KHYAD PAR CAN 'JOG, DRIL BU DKROL BA'I SGRA LAS NGES
DON GYI DBYANGS ZAB MO BSGRAGS

@011B BYUNG SNYAM DU, SRID PA NGO BO NYID KYIS DAG ,SOGS
BRJOD, LUNG BSTAN LA BLA MA RGYAL PA SH'AKYA THUB PA'I RNAM PA
CAN DANG, SLOB MA GANG LA ME TOG PHOG PA'I LHA'I SKUR GSAL BA
LA BLA MA DANG NAM MKHAR BZHUGS PA'I RGYAL PA SRAS DANG BCAS

PAS MA 'ONGS PA NA JI LTAR 'TSANG RGYA BA'I TSUL MGRIN GCIG TU
LUNG BSTAN PAR BSAM, DBANG GI PHAN YON BSTAN PA'I SGO NAS
DBUGS DBYUNG BA NI, DA NI KHYOD NYID DKYIL 'KHOR GYI, ,SOGS
SO, ,GSANG DBANG DANG SHER DBANG GI

DON DU PHYAG RGYA MTSAN NYID DANG LDAN PA PHUL BAR MOS LA
MAndAL PHUL, YUM MED PA MGON PO LTA BU LA YUM MGON PO DANG SKU
MDOG PHYAG MTSAN SOGS 'DRA BA LA YUM GYI RNAM PA CAN DANG, YUM
RNAMS LA RANG 'DRA YAB KYI RNAM CAN DU

GYUR; ZHES GSUNGS, AA HO NI KYE MA ZHES NGO MTSAR BA'I TSIG
DANG, MA H'A SU KHA NI BDE BA CHEN PO ZHES PA STE, SLOB DPON
RDO RJE DRIL BU BAS, KYE MA BDE BA CHEN PO ZHES, ,BLA MA LA NI
ZHU BAR BYA, ,ZHES GSUNGS PAS, GSANG

DBANG GI NGO BO BDE STONG GI YE SHES SKYES BA NA BDAG GI RGYUD
LA 'DI LTA BU SKYES SO ZHES BLA MA LA RTOGS PA 'BUL BA YIN,
SHER DBANG LA YAB YUM GNYIS 'DOD LHA YAB YUM DU GSAL BA LHA'I
'DU SHES, GNYIS KA'I MKHA'

GSANG BYIN GYIS BRLABS TE SNGAGS BKOD BA SNGAGS KYI 'DU SHES,
BAS 'DI LA BRTEN NAS ZAG MED KYI BDE BA MNGON DU BYA'O SNYAM
PA CHOS KYI 'DU SHES TE 'DU SHES GSUM DANG LDAN PA'I SGO NAS
SNYOMS PAR ZHUGS TE 'KHYUD PA'I 
@012A *, ,PHYAG RGYA DANG BCAS, AOm SARBA TA TH'A GA TA SOGS
KYIS RJES CHAGS KYI NGA RGYAL BYAS TE DGA' BZHI DRANGS PA LAS
BDE STONG DBYER MED KYI YE SHES SHER DBANG GI NGO BO RGYUD LA
SKYES PAR MOS,

DBANG BZHI BA CHIG GIS NGO SPRAD PA'I DON LA GO BA RNYED PA
LAS SKYES PAR MOS, MTHA' RTEN PHA RGYUD RNAMS LA THUN MONG BA
RDO RJE'I BRTUL ZHUGS KHO NA DANG, MA RGYUD BDE MCHOG NAS ME
TRI MKHA' SPYOD KYI BAR LA DE'I STENG DU SPYOD

PA'I BRTUL ZHUGS DANG PO SLOB MA LHAR BSKYED PA LA, HR'I: HA
HA SOGS KYIS CANG TE'U TSAD SA SKUD THOD PA KHA tV'Am KA,
BRTUL ZHUGS GNYIS PA RIGS LNGAR BYIN GYIS BRLABS PA'I 'KHOR
LO, RNA RGYAN, MGUL PHRENG, GDU BU,

SKA RAGS RNAMS DANG, GSUM PA LHA BSKYED SNGA MAS 'THUS PA
MDZAD NAS, HR'I: HA SOGS DANG, BADZRA BEE RO DANG, d'A KI N'Am
SOGS KYIS BRLAB PA'I CANG TE'U THOD PA KHA tV'Am, KA RA KA RA
SOGS KYIS BRLAB PA'I PHYAG RGYA DRUG DANG NYE

BA'I PHYAG RGYA, SARBA BUDDHA SA MGUL RGYAN, SHR'I BADZRA GYIS
THOD PA'I DO SHAL, HR'I: HA SOGS KYIS RNA RGYAN, SARBA BUDDHA
SA GLANG LAGS, HAm YOm SOGS KYIS SKA RAGS, t'A KI N'I SOGS
KYIS THOD PA, BADZRA BEE RO SA THOD SKAM RNAMS DANG, RGYAL

BA RGYA MTSOR THUN MONG MA YIN PA'I BRTUL ZHUGS DANG PO GNYIS
DANG, PHAG MO SO BDUN MA NAS MGON PO'I BAR LA THUN MONG MA YIN
PA'I BRTUL ZHUGS DANG PO TZAM LAS PHYI MA GNYIS MA MDZAD,
RGYAL BA RGYA MTSOR CHU DBANG

@012B GI GONG DER SLOB MA KHRUS DKYIL DU BKOD, SLOB DPON GYI
DBANG GI DUS DBUS SU GDUGS, G-YAS SU RGYAL MTSAN, G-YON DU BA
DAN RNAMS BSHAMS, DBANG BZHI PA RDZOGS PA NAS DAM TSIG BSGRAGS
PA'I GONG DER,

SPYAN RAS GZIGS SNYING RJE'I LHA YIN PA DANG POD GANGS CAN GYI
LHA SKAL YIN PAS SGRUB THAG SHIN TU NYE ZHING, DE'ANG 'DI LA
ZUR BKA' MED PAS GRUB CHEN MI TRA DZO KI SA 'DI'I SROL GSAR DU
BTOD PAS DBANG GI SKABS PHYAG LEN RGYAS

PA DANG SKABS 'DIR BSKOR BA DNGOS SU BYED PA'I PHYAG SROL YOD
PA LTAR, DA LAN 'DU KHANG NANG KU DOGS PAS PHYI ROL DU MA H'A
RA TA SOGS GSUNG BZHIN PAR SEMS MA G-YENGS PA'I SGO NAS DKYIL
'KHOR LA BSKOR BA BYED PA'I

MOS PA BRTAN PO DGOS GSUNGS, BSKOR BA RDZOGS NAS DKYIL 'KHOR
GYI DRUNG DU, RGYUD RNAMS 'DZIN PAR 'GYUR BA YI, ,SLOB MA 'DI
NI 'BUL BA LAGS, ,ZHES SLOB MA LHA LA PHUL NAS DAM TSIG
BSGRAGS PA MAN DKYUS

LTAR MDZAD, DE'ANG SPRUL SKU 'GRUB BYED BUM DBANG, LONGS SKU
'GRUB BYED GSANG DBANG, CHOS SKU 'GRUB BYED SHER DBANG, ZUNG
'JUG 'GRUB BYED DBANG BZHI BA DANG, YANG SKU RDO RJE 'GRUB
BYED BUM DBANG, GSUNG

RDO RJE 'GRUB BYAD GSANG DBANG, THUGS RDO RJE 'GRUB BYED SHER
DBANG, SKU GSUNG THUGS RDO RJE GSUM DBYER MED 'GRUB BYED DBANG
BZHI PA DANG, YANG BSKYED RIM SMIN BYED BUM DBANG, KUN RDZOB
SGYU MA'I RDZOGS RIM SMIN

@013A *, ,BYED GSANG DBANG, DON DAM 'OD GSAL GYI RDZOGS RIM
SMIN BYED SHER DBANG, BDEN GNYIS DBYER MED ZUNG 'JUG GI RDZOGS
RIM SMIN BYED DBANG BZHI PA YIN, DE NAS, SLOB

DPON SMAD PAR MI BYA STE, ,ZHES SOGS DNGOS GRUB THAMS CAD KYI
RTZA BA DAM TSIG BSGRAGS PA DANG, DENG KHYOD SKYE BA 'BRAS BUR
BCAS, ,ZHES SOGS SPRO BA BSKYED PA STE, DE LTAR TSIG ZIN LA
THON PA RTZA LTUNG BCU BZHI DANG, MA

THON PA SBOM PO BRGYAD LAS, DANG PO NI, SLOB DPON SMAD PAR MA
BYA STE, ,ZHES DBANG BSKUR RGYUD BSHAD MAN NGAG STON PA'I BLA
MA LA ZHE NAS SMOD PA RTZA LTUNG DANG PO, BDE GSHEGS BKA' LAS
'DA' MI BYA, ,ZHES SDOM GSUM

GANG RUNG GI BCAS MTSAMS LA BSAM BZHIN KHYAD GSOD KYIS ZHUGS
PA GNYIS PA, DE BZHIN KHROS NAS SPUN RNAMS LA, ,NYES PA BRJOD
PAR MI BYA'O, ,ZHES BLA MA GCIG LAS DBANG BSKUR DUS GCIG GAM
SNGA PHYIR THOB PA'I

RDO RJE'I SPUN LA KHROS NAS SKYON BRJOD PA PHA ROL POS SHES
PA, THOS PA, DE'I DON GO BA'I YAN LAG GSUM TSANG BA GSUM PA,
SEMS CAN RNAMS LA BYAMS PA'I SEMS, ,NAM YANG NGES PAR SPANGS
MI BYA, ,ZHES SEMS

CAN GANG YANG RUNG BA GCIG LA DMIGS NAS BDE BA DANG BRAL NA
SNYAM DU BYAMS PA BTANG BA BZHI PA, BYANG CHUB SEMS NI DOR MI
BYA, ,ZHES SEMS CAN GZHAN GYI DON SGRUB MI NUS SNYAM DU SMON
SEMS BTANG BLTA PA, RANG

@013B GZHAN CHOS LA MI SMOD DO, ,ZHES NYAN RANG GI THEG PA
STON PA'I LUNG LA BKA' MIN ZHES SNYING THAG PA NAS SKUR BA
'DEBS PA DRUG PA, YONGS SU MA SMIN SEMS CAN LA, ,GSANG BA NYID
NI BSTAN MI BYA, ,ZHES DBANG GIS MA SMAN PA

LA SNGAGS KYI GSANG BA BSTAN PA BDUN PA, BDAG NYID PHUNG PO
SMAD MI BYA, ,ZHES LUS DKA' THUB KYIS GDUNGS PA DANG, RANG GI
PHUNG PO MI GTZANG BA LHAR BSGOM MI RUNG ZHES BRNYAS PA BRGYAD
PA, CHOS RNAMS NGO BO SUN MI DBYUNG, ,

ZHES STONG NYID ZAB MO LA YID MI CHES PAS SMOD PA DGU PA, GDUG
PA'I BYAMS PA RTAG TU SPANGS, ,ZHES RANG GI BLA MA DANG DKON
MCHOG LA SMOD CING 'TSE BA LA LUS NGAG GIS BYAMS PAR BYED PA
BCU PA, CHOS LA TSAD GZUNG MI

BYA'O; ;ZHES MING TSIG SOGS KYI SPROS PA DANG BRAL BA'I DON
GANG RIGS RNYED NAS SPROS BRAL DE ZHAG GCIG MA BSKYANGS PA BCU
GCIG PA, DAD LDAN SEMS CAN BSLU MI BYA, ,ZHES THEG CHEN GYI
CHOS KYI DON 'DRI BA LA DE LAS 'DUN

PA BZLOG 'DOD KYIS DON GZHAN BSTAN TE LOG PA BCU GNYIS PA,
RTAG TU DAM TSIG BSTEN PAR BYA, ,ZHES NANG MCHOD DANG TSOGS
RDZAS LA MI GTZANG SNYAM DU THE TSOM GYIS DANG DU MI LEN PA
DANG, RDOR DRIL SOGS DAM TSIG

RDZAS LA DGOS PA MED SNYAM DU 'DOR BA BCU GSUM PA, SHES RAB
RANG BZHIN BUD MED LA, ,SKYON GYI NYES PA MI BRJOD DO, ,ZHES
BUD MED GCIG LA SKYON 'OD GSAL 'DOD KYIS SPYI LA SMOD TSIG
BRJOD PA BCU BZHI PA DANG, TSIG ZIN LA

@014A *, ,DNGOS SU MTHON PA SBOM PO BRGYAD NI, SHES RAB STOBS
KYIS LEN PA DANG, ,DE YI BDUD RTZI STOBS KYIS LEN, ,ZHES
PHYI'I PHYAG RGYA LA BRTEN PA GNYIS DANG, SNOD MIN LA NI MI
GSANG DANG,

ZHES DBANG MA THOB PA'AM THOB KYANG MI DAD PA LA GSANG BA'I
RDZAS BSTAN PA GSUM PA, TSOGS KYI NANG DU RTZOD PA DANG, ,ZHES
TSIGS 'KHOR GYI SKABS THA MAL GYI SNANG ZHEN DANG BRAL NAS DAG
PA'I RTEN BRTEN PA'I SNANG ZHEN BRTAN PO'I

SGO NAS TSOGS 'KHOR GYI BYA BAR 'JUG DGOS, DE MIN KYANG RANG
LHA DE DNGOS YIN SNYAM PA'I MOS PA YID BYED TZAM MA MTHAR BYAS
NAS TSOGS 'KHOR MDZAD NA DAM TSIG NYAMS CHAGS SKONG BA DANG,
DPA' BO DANG MKHA'

'GRO RNAMS DGYES PA'I THABS RMAD DU BYUNG BA YIN, GZHAN DU
RTZOD PA DANG THAL MO RDEB PA SOGS BYED NA SGOM PO BZHI BA'I
NYES PAR 'GYUR BA DANG, DAD LDAN LA GZHAN CHOS STON DANG,
,ZHES DON DAM PA'I GTAM 'DRI BA LA KUN

RDZOB KYI GTAM STON PA LTA BU LNGA PA, NYAN THOS NANG DU ZHAG
BDUN GNAS, ,ZHES GSANG SNGAGS SUN 'BYIN PA'I NYAN THOS KYI
NANG DU SROG SKYOB PA DANG RGYAL PO'I BKA' SGRUB PHYIR MA YIN
PAR ZHAG BDUN GNAS PA DRUG PA, RDZUN

GYI RNAL 'BYOR NGA RGYAL BYED, ,CES LHA'I SGRUB THABS TZAM
SHES PAS DE NYID SHES PAR RLOM PA'I MNGON PA'I NGA RGYAL GYIS
GZHAN LA STON PA BDUN PA, DAD PA MED LA CHOS STON PA, ,ZHES
DBANG THOB KYANG SNGAGS LA MI DAD PA LAS

@014B SNGAGS KYI GSANG BA BSTAN PA BRGYAD PA STE DES MTSON
PA'I RTZA BA DANG YAN LAG GI DAM TSIG MTHA' DAG BSRUNG BA LA
'BAD DGOS, BKRA SHIS RTAGS RDZAS BKRAMS PA'I TSE MI SHIS PA'I
RGUD PA MTHA' DAG BSAL TE BSTAN 'GRO YONGS

LA SMAN PA'I LEGS BYAS KYI SGO 'PHAR YANGS POR PHYE NAS DGE
MTSAN PHUN SUM TSOGS PA'I MOS PA MDZAD DGOS, DE'ANG BSTAN PA
SPYI'I 'JUG SGO SKYABS 'GRO, THEG CHEN GYI 'JUG SGO SEMS
BSKYED, GSANG CHEN

RDO RJE THEG PA'I 'JUG SGO NI DBANG RNAM PAR DAG PA THOB PA
YIN PAS DE SNGON DU 'GRO DGOS PA NI, BSHAD RGYUD RDO RJE
PHRENG BA LAS, DBANG BSKUR BA NI GTZO BO STE, ,DNGOS GRUB
THAMS CAD RTAG TU GNAS, ,NGA YIS JI BZHIN DON

BSHAD KYIS, ,DE PHYIR THOG MAR YANG DAG NYON, ,THOG MAR SLOB
MA GANG GI TSE, ,BLO LDAN YANG DAG DBANG BSKUR NA, ,RDZOGS
PA'I RIM PA'I RNAL 'BYOR LA, ,DE YI TSE NA SNOD DU 'GYUR,
,ZHES DANG, PHYAG CHEN THIG LE LAS,

DANG POR RE ZHIG GANG TSE SLOB, ,LAN GCIG DBANG RNAMS KYI NI
BSKUR, ,DE TSE GSANG CHEN BSHAD PA YIS, ,NGES PAR SNOD DU GYUR
PA'O, ,ZHES SOGS GSUNGS PA LTAR YIN PAS GSANG SNGAGS KYI LAM
ZAB MO'I SGO NAS

MCHOG THUN MONG GI DNGOS GRUB SGRUB PA'I GZHI RTEN DU DBANG GI
RTOGS PA RNAL MA RGYUD LA SKYE NGES SHIG DGOS, DBANG GI RNAM
BZHAG LA LEGS PAR DPYAD SHES NA DBANG LA BRTEN NAS SNGAGS LAM
GYI GNAD MTHA' DAG

@015A *, ,LA NGES PA RNYED PAS DBANG LA BSNGAGS BRJOD CHER
MDZAD PA YIN TE, DE LA DGONGS NAS RJE BDAG NYID CHEN PO'I
SNGAGS RIM LAS, BUM DBANG GANGG'A'I CHU RGYUN BSKUR BA YIS, ,

THA MAL SNANG ZHEN LUS KYI DRI MA BKRUS, ,GSANG DBANG YE SHES
BDUD RTZI MYANG BA YIS, ,NGAG GNAS RLUNG GI RGYU BA SNGAGS SU
'CHAR, ,GSUM PA LHAN SKYES DGA' BA'I LCAGS KYU YIS, ,YID KYI
SKYES BU DON DAM DBYINGS

SU DRANGS, ,BZHI PA ZUNG 'JUG DON LA NGO SPRAD PAS, ,MTHAR
THUG SKYEL SO'I GNAD LA THE TSOM BCAD, ,DBANG BZHI'I GNAD DON
TSUL BZHIN NGES PA LAS, ,MCHOG TU GYUR PA'I GDAMS PA YOD MIN
ZHES, ,RANG GI RTOGS

PA GLU RU BLANGS PA 'DI, ,BLA MA RNAMS DANG 'JAM PA'I DBYANGS
LA 'BUL, ,DE SKAD SMRAS PA'ANG DBANG GI RIM PA RNAMS, ,LAM GYI
SNGON 'GRO TZAM DU ZAD DO ZHES, ,RTZA BA BOR NAS YAL GA TSOL
RNAMS KYI, ,YID MUN STUG

PO ZHI BA'I DON DU'O, ,ZHES GSUNGS PA LTAR YIN, DBANG RNAM PAR
DAG PA THOB NAS DAM TSIG DANG SDOM PA BSRUNG BA LA BRTZON PAR
BYAS NA TSE 'DIR SNGAGS LAM BSGOM BAM BYUNG YANG SKYE BA BDUN
NAM BCU DRUG TSUN LA MCHOG

GI DNGOS GRUB THOB, DE'I STENG DU RIM GNYIS KYI LAM BSGOM PA
LA BRTZON PAR BYAS NA TSE 'DI'AM BAR DOR MCHOG GI DNGOS GRUB
'GRUB PA LA THE TSOM MED CING, DAM TSIG DANG SDOM PA YAL BAR
DOR NAS RIM GNYIS

@015B BSGOM PA'I NGAL BA BYAS KYANG DNGOS GRUB THOB PA PHAR
ZHOG, BDE 'GRO TZAM YANG THOB DKA' BA GSANG BA'I MDZOD KYI
RGYUD LAS, DBANG BSKUR YANG DAG SBYIN LDAN NA, ,SKYE ZHING
SKYE BAR DBANG BSKUR 'GYUR, ,DE YI SKYE BA

BDUN LA NI, ,MA BSGOM PAR YANG DNGOS GRUB THOB, ,GANG LA BSGOM
PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR
LAS DBANG GIS MA GRUB, ,SKYE BA GZHAN DU DNGOS GRUB THOB, ,RE
ZHIG DAM TSIG

NYAMS PA NA, ,DNGOS GRUB THOB PA LTA ZHOG GI ,MI YI SKYE
BA'ANG RNYED PAR DKA', ,ZHES GSUNGS PA LTAR YIN, DES NA DNGOS
GRUB THAMS CAD KYI RTZA BA DAM TSIG DANG SDOM PA BSRUNG BA NI
RGYAL BA KUN GYIS MGRIN GCIG

DBYANGS GCIG TU LAN GCIG MA YIN PAR GSUNGS PA YAL BAR MDOR BAR
DAM TSIG DANG SDOM PA BSRUNG BA LA RANG RANG GI BLO'I NUS PA
CI YOD KYIS 'BAD DE NYAMS LEN GYI MTHIL DU BYED DGOS PAS,
SNGAGS RIM CHEN

MO LAS, DON 'DI LA RJE BTZUN GRAGS PA RGYAL MTSAN GYI ZHAL
NAS, RDO RJE THEG LA DAD CING MA SMIN PAS, ,ZAB MO BSGOM KYANG
'BRAS PU NGAN 'GRO LAS, ,MCHOG GZHAN MI 'GRUB SANGS RGYAS

GSUNGS PAS NA, ,BLA MA MCHOG LA DBANG BSKUR NOD PAR MDZOD,
,DBANG THOB MAN NGAG ZAB MO TSOL BA YIS, ,SA STENG RGYAS PAR
KUN TU BTZAL BYAS KYANG, ,PHAN PA'I DON PO GDAMS NGAG DAM

@016A *, ,TSIG STE, ,'DI MED 'GRAM RTZA ZAD PA'I KHANG RUL
'DRA, ,LEGS PAR SMIN LAS DAM TSIG BSRUNG BYAS NA, ,RIM GNYIS
ZAB MO'I MAN NGAG MA BSTEN KYANG, ,SKYE BA

BCU DRUG DAG NA 'GRUB PO ZHES, ,'GRO BA'I RTZA LAG PHAN PAR
MDZAD PAS GSUNGS, ,BDAG NI THOS NYUNG SHES RAB MIG BRAL YANG,
,DRI MED RGYUD LAS LEGS GSUNGS MTHONG BAS NA, ,DBANG BLANGS

DAM TSIG BSRUNG BAR MDZOD CIG CES, ,KUN LA THAL MO SBYAR NAS
GSOL BA 'DEBS, ,ZHES GSUNGS PA NI RGYUD SDE'I GNANG MKHYEN
PA'I GTAM YIN TE BDAG KYANG DE LTAR DU GSOL PA 'DEBS SO, ,ZHES

GSUNGS PA LTAR YIN LA, ,GAL TE MI SHES PA DANG, MA GUS PA
DANG, BAG MED PA DANG, NYON MONGS MANG BA STE LTUNG BA 'BYUNG
BA'I SGO BZHI CI RIGS KYI DBANG GIS NYES BA BYUNG NA, RTZA
LTUNG MA

YIN PA'I NYES PA RNAMS SNGAGS KYI SDOM LDAN GYI DRUNG DU PHYIR
BCOS KYIS BSHAGS PA DANG, RTZA LTUNG BYUNG NA BLA MA LAS DBANG
NYAN NAS GSO ZHING, DE LTA BU'I SKABS MED NA BDAG 'JUG BLANGS
NAS GSO

DGOS PAR RGYUD RDOR PHRENG SOGS LAS GSUNGS SHING, MDOR NA NGED
RANG RNAMS SNGAGS BYANG SEMS SO THAR THAMS CAD KYI BSRUNG BYA
MTHA' YAS PA BSRUNG BAR DAM BCAS PA SHA STAG YIN PAS, RAB
BYUNG NA

@016B NYES LTUNG GIS MA GOS PA ZHIG DANG, GAL SRID NYES PA
BYUNG NA'ANG BSHAGS BSDAMS LA 'BAD PAR BYAS NA RANG LA NYAMS
LEN BYUNG, SANGS RGYAS KYI BSTAN PA 'DZIN PA'ANG BYUNG, CHOS
KYI KHRIMS BRTZIS PA'ANG

BYUNG, RANG GZHAN THAMS CAD KYI DON DE'I NANG NA GRUB NAS YOD
PAS, SDOM GSUM GYI BCAS MTSAMS DANG DGE 'DUN GYI BCA' KHRIMS
MTHA' DAG DGOS DON GAL CHE SHOS SU BZUNG NAS, 'GRIG LAM GANG

YOD NYAMS CHAGS SU MA SONG BA'I NGOS YAR RGYAS SU 'GRO BA'I
THABS LA KUN GYIS 'BAD DGOS GSUNGS, DE LTAR NGO MTSAR BA'I
RNAM THAR BCO BRGYAD DAM NYI SHU DANG LDAN PA GRUB MCHOG MI
TRA DZO GI'I RGYUD DON MAN NGAG DANG 'BREL

BA'I LEGS BSHAD MTHA' YAS PA'I SNYING BOR GYUR PA MI TRA BRGYA
RTZAR GRAGS PA'I DBANG BSKUR GYI RIM PA RNAMS PHUL GRUB PA YIN
GSUNGS, 'DI DUS STA GON DANG THOG MA'I DBANG KHA SHAS LA BSHAD
PA RGYAS PAR

MDZAD CING, BAR SKABS SU CHOS NYAN PA'I KHROD DU CHAMS PA ZHIG
BYUNG PA'I RKYEN GYIS ZHAG BDUN BRGYAD TZAM LA CHOS MTSAMS
BYAS, DE NAS GNANG BAR NYI MA RE LA DBANG MANG PO 'GRO DGOS PA
DANG, STON MJUG

@017A *, ,NYI MA THUNG ZHING LNGA MCHOD DANG YANG NYE BAS BREL
DBANG GIS GSUNG BSHAD CHER MA MDZAD KYANG GANG GNANG LA GCES
SPRAS KYIS 'PHRAL DU ZIN THOR THEBS PAR BYAS TE BKOD PA LAGS
SO, ,

MI TRA'I DBANG BSHAD ZIN BRIS THO, ,RNAM GROL BDUD RTZI'I SNYE
MA 'DI, ,DGE SLONG SHES RAB RGYA MTSO YIS, ,DGA' LDAN CHOS
'KHOR GLING DU BRIS,, ,,AOm SVA STI, MDO SMAD LHO BRGYUD MDZOD
DGE SMAD KYI

YUL; ;KUN MKHYEN YAB SRAS THUGS RJE LA BRTEN PA'I, ,RGYUD GRVA
CHEN PO DGA' LDAN RAB RGYAS GLING, ,MI 'DZAD CHOS SBYIN SPEL
PHYIR PAR DU BSGRUB,, ,,SARBA MANGGA LAm,, ,,

@017B [BLANK PAGE]