[#THE FOLLOWING TEXT HAS INCOMPLETE SECTIONS, WHICH ARE ON ORDER] *, ,(LAM RIM GYI KHRID KYI ZIN BRIS BZHUGS SO, ,) DPAL LDAN BLA MA DAM PA MNYAM MED THUB PA'I DBANG PO DANG DBYER MA MCHIS PA'I ZHABS KYI PAD MO LA GUS PAS PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU BZUNG DU GSOL, 'DIR RGYAL BA'I GSUNG RAB THAMS CAD KYI GNAD BSDUS PA SHING RTA CHEN PO GNYIS KYI LAM SROL SKYE BO MCHOG GI TSES LUGS CHE BA GNYIS DANG LDAN PA'I BYANG CHUB LAM GYI RIM PA @45A *, ,BSHAD NYAN TSUL BZHIN DU BYAS PA SNGON DU BTANG BA'I SGO NAS NYAMS SU BLANG BA'I TSUL RGYUD LDAN BLA MA DAM PA'I ZHAL GYI PAD MO LAS 'ONG BA'I GSUNG GI BDUD RTZI'I NYID KHU MDO TZAM BRJED BYANG DU DGOD PAR BYA'O, ,'DI LA GSUM, SBYOR BA DANG, DNGOS GZHI DANG, MJUG GO ,DANG PO LA, SNGON 'GRO SKYABS SEMS DANG, DNGOS GZHI LAM GYI RTZA BA BSHES GNYEN BSTEN TSUL GNYIS, DANG PO NI, GNAS KHANG BYI DOR LEGS PAR BYAS, SKU GSUNG THUGS KYI RTEN BKRAM, MCHOD PA G-YO MED CING BKOD PA MDZES PAR BSHAMS LA, STAN BDE BAR TSUL DANG MTHUN PA'I SPYOD LAM GYIS 'KHOD DE, THOG MAR SKYABS 'GRO BYA BA LA, SKYABS SU 'GRO BA'I RGYU RANG NYID THOG MA MED PA NAS 'KHOR BA SPYI DANG KHYAD PAR NGAN SONG GSUM GYI SDUG BSNGAL BZOD PAR DKA' BAS YANG YANG MNAR BA LA YID SKYO ZHING 'JIGS PA'I BLO SHUGS DRAG PO DANG, RANG NYAMS LA DPAGS TE SEMS CAN GZHAN 'KHOR BA SPYI DANG BYE BRAG GI SDUG BSNGAL GYIS DNGOS SU MNAR BA DANG, DE'I RGYU LA GNAS PA RNAMS KYANG SDUG BSNGAL DANG 'THAL 'DOD KYI SNYING RJES KUN NAS BLANGS TE, RANG GZHAN THAMS CAD SDUG BSNGAL LAS SKYOB PA'I SKYABS SU LA ZHU NA YANG DAG PAR RDZOGS PA'I SANGS RGYAS BCOM LDAN 'DAS DE SKYON KUN ZAD CING YON TAN KUN RDZOGS PA DANG, KHYAD PAR DU RANG 'JIGS PA MTHA' DAG LAS GROL, GZHAN DE LAS SGROL BA'I THABS LA MKHAS, KUN LA THUGS RJE CHEN PO SNYOMS PAR 'JUG ,PHAN BTAGS MA BTAGS THAMS CAD KYI DON MDZAD PAS SKYABS STON PA POR 'OS, CHOS @45B DKON MCHOG MYA NGAN LAS 'DES PA NI, RANG RGYUD LDAN GYI GANG ZAG 'KHOR BA'I SDUG BSNGAL MTHA' DAG LAS SKYOB PA'I SKYABS DNGOS DANG DE LAS GZHAN PA'I 'GOG LAM GYI BDEN PA RNAMS KYANG SDUG BSNGAL CI RIGS LAS SKYOB PA'I SKYABS DNGOS YIN, DGE 'DUN DKON MCHOG THEG PA GSUM GYI 'PHAGS PA SLOB PA RNAMS SKYABS DE TSUL BZHIN DU BSGRUB PA'I ZLA GROGS MDZAD PA PO YIN PAS, DE GSUM LA SKYABS SU 'OS PA'I YON TAN YOD PAR YID CHES PA'I DAD PA DANG, YON TAN KHYAD PAR CAN DE DAG MNGON DU BYA 'DOD KYI 'DUN PA SHUGS DRAG POS DKON MCHOG GSUM LA DPUNG GNYEN ZHU'O SNYAM PA'I BSAM PA LHANG LHANG BA BSKYED DE, SKYABS SU 'GRO BA'I YUL 'GOG PA DANG LAM GYI BDEN PA RGYUD LA LDAN PA'I SANGS RGYAS BCOM LDAN 'DAS DGE 'DUN GYI 'KHOR DANG BCAS PA BYA NAM MKHA' LA 'PHUR BA LTAR MDUN GYI NAM MKHAR MNGON SUM DU BYON NAS BDAG GI MGON SKYABS SU BZHUGS YOD SNYAM DU GSAL BTAB LA, SKYABS SU 'GRO BA'I TSUL BDAG SOGS 'GRO BA THAMS CAD LA SKYID SDUG LEGS NYES CI BYUNG YANG KHYED SHES SNYAM PA'I YID CHES KYI BLO LINGS SGYUR GYI SGO NAS DAG TU, BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, , SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, , @46A *, ,ZHES PA BRGYA STONG SOGS BRJOD PA'I MJUG TU, BDAG DANG ZHES PA NAS, BAR DU BLA MA DANG DKON MCHOG RIN PO CHE GSUM LA SKYABS SU MCHI'O, ,KHYED RNAMS KYIS BDAG GI RGYUD BYIN GYIS BRLAB TU GSOL, ,KHYAD PAR DU SKYES BU GSUM GYI LAM GYI RIM PA BDAG GI RGYUD LA MYUR DU SKYE BAR BYIN GYIS BRLAB TU GSOL, ,ZHES PA NYER GCIG GAM BDUN SOGS GDUNG SHUGS DRAG POS BRJOD DE GSOL BA GDAB, DE NAS SEMS BSKYED PA NI, BDAG GIS SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I CHED DU SKYES BU GSUM GYI LAM GYI RIM PA RNAMS NYAMS SU BLANG BAR BGYI'O, ,ZHES PA DON YID LA DRAN BZHIN PAS LAN BDUN NAM GSUM BRJOD DE SPYI DANG KHYAD PAR GYI SEMS BSKYED PAR BYA'O, ,GNYIS PA LA BSAM PAS BSTON TSUL DANG, SBYOR BAS BSTEN TSUL GNYIS, DANG PO LA RTZA BA DAD PA SBYANG BA DANG, BKA' DRIN DRAN PA'I SGO NAS GUS PA BSKYED PA GNYIS, DANG PO NI, THOG MAR BLA MA LA SKYON RTOG GI BLO 'GOG DGOS TE, DE MA BKAG NA DAD PA RNAL MA DANG TSUL BZHIN DU BSTEN PA RNAMS MI 'BYUNG LA, DE MA BYUNG NA TSE 'DIR DGRA GDON SOGS KYI 'TSE BA MANG ZHING PHYI MAR DUS YUN RING POR DGE BA'I BSHES GNYEN LAS CHOS THOS PA'I SKAL PA DANG BRAL NAS NGAN SONG DU SDUG BSNGAL BAR 'GYUR BAS SO, , DES NA RANG LA CHOS 'BREL YOD PA'I BLA MA THAMS CAD RE RE NAS GSAL LEGS PAR BTAB, KHYAD PAR RANG NGOR SKYON LDAN LTA BUR SNANG BA'I BLA MA'I SKU'I DBYIBS, GSUNG GI GDANGS, @46B THUGS DKYIL CHE CHUNG, MDOR NA 'BYON BZHUD NA BZA' BA ZHES TSUL SOGS KYIS MTHA' BRTEN PA'I MDZAD SPYOD THAMS CAD DANG KHYAD PAR DU RANG LA SKYON DU SNANG BA GANG YOD RNAMS BLO YUL DU 'CHAR BCUG LA, BDAG GI DPAL LDAN BLA MA 'DI LA SKYON 'DI YOD NAS SNANG BA YIN NAM, MED KYANG RANG NYID SNANG BA MA DAG PA'I DBANG GIS SNANG BA GANG YIN SNYAM NA, BLA MA LA SKYON DE YOD NAS SNANG BA MIN GYI RANG NYID TSE RABS THOG MA MED PA NAS LAS NYON GYI SGRIB PAS HA CANG SPAGS CHES PA'I MTHUS SNANG BA YIN TE, DPER NA MIG SER CAN LA DUNG SER POR SNANG BA DANG, SKYON KUN ZAD YON TAN KUN RDZOGS KYI STON PA SANGS RGYAS KYANG, LHAS BYIN LEGS SKAR MU STEGS BYED SOGS KYIS SKYON GYI GONG BUR MTHONG BA DANG, 'PHAGS PA THOGS MED KYIS RJE BTZUN BYAMS PA KHYI MOR MTHONG BA DANG, N'A RO BAS TE LO BA NYA GSON SREG BYED PAR MTHONG BA DANG, DGE TSUL TSOM BU BAS RDO RJE RNAL 'BYOR MA MDZE MOR MTHONG BA LTA BU YIN PAS SO SNYAM DU BSAM NAS SKYON RTOG GI BLO 'GOG CI THUB BYA'O, ,DE NAS BLA MA LA SKYON RTOG GI BLO DGAG DGOS PAR MA ZAD YON TAN GYI NGOS NAS BLTAS TE DAD PA SBYANG DGOS TE, DAD PA RNAL MA SKYES NA DES DRANGS PA'I TSUL BZHIN DU BSTEN PA 'BYUNG LA, DE BYUNG NA DNGOS GRUB KYI RTZA BA BLA MA YIN PAS GNAS SKABS DANG MTHUR THUG GI LEGS TSOGS THAMS CAD YID BZHIN DU 'GRUB PAS SO,, DES NA BLA MA RNAMS LEGS PAR GSAL BTAB TE, DE DAG GI MKHAS BTZUN BZANG GSUM GYI YON TAN, TSUL KHRIMS GTZANG BA DNGOS ZHEN CHUNG BA SOGS, THA NA KLOG BZANG BA @47A *, ,LTA BU YAN CHAD YON TAN GYI RIGS GANG YOD RNAMS BLO YUL DU 'CHAR BCUG STE 'DI DANG 'DI LTA BU YOD DO SNYAM DU YANG YANG BSAM LA DE'I NGOS NAS DAD PA JE 'PHEL DU BTANG BA LA 'BAD CING, MDOR NA BDAG THE TSOM DANG LOG LTAS BSLAD MA RIG PA DANG LAS NGAN GYIS BSGRIB PA'I DBANG GIS SKYON SNANG ZHING YON TAN MA MTHONG BA MA GTOGS BDAG GI BLA MA DAM PA 'DI RNAMS SKYON KUN ZAD CING YON TAN KUN RDZOGS PA DUS GSUM GYI SANGS RGYAS THAMS CAD DANG KHYAD PAR MA MCHIS PA KHO NA YIN NO SNYAM PA'I DANG PA SHUGS DRAG PO BSKYED PAR BYA'O, ,GNYIS PA NI, SPYIR SANGS RGYAS RNAMS CHOS SKU BDE BA CHEN PO'I NGANG NAS LONGS SKU'I RNAM PAS BYANG 'PHAGS SHA STAG GI DON, MCHOG GI SPRUL SKU'I RNAM PAS 'JIG RTEN GYI KHAMS SU NYAN RANG BYANG SEMS DANG SO SKYES LAS NGAG YAN CHAD KYI DON MDZAD DE RANG RANG GI SKAL LDAN GYI GDUL BYA MTHA' YAS PA SMIN GROL GYI SAL 'GOD PAR MDZAD KYANG, BDAG LAS DANG SKAL PA DMAN PA'I DBANG GIS SANGS RGYAS DE RNAMS KYI SKU'I BKOD PA MTHONG BA DANG, GSUNG GI BDUD RTZI MYANG BA'I GO SKABS DANG BRAL NAS 'KHOR BA 'DIR SDUG BSNGAL MTHA' YAS PA MYANG 'DUG ,DA RE YANG DGE BA'I BSHES GNYEN 'DI RNAMS DANG MA 'JAL NA SDUG BSNGAL GYI RGYA MTSO 'DIR GTAN 'KHYAMS BYA DGOS PA LA, DGE BA'I BSHES GNYEN 'DI RNAMS KYIS BDAG GI SKAL BA DANG 'TSAM PAR THA MAL BA'I RNAM PAS KLOG SLOB PA, , BSLAB PA NOD PA, TSIG BCAD RE GNYIS YAN CHAD KYI THOS BSAM LA SBYOR BA, ZAB PA DANG RGYA CHE BA'I LAM GYIS YONGS RDZOGS STON PA CI RIGS KYI SGO NAS BDAG GIS BSGRUB NUS NA THAR BA DANG @47B THAMS CAD MKHYEN PA'I GO 'PHANG BDE BLAG TU STZOL BAR MDZAD, DES NA RANG NGOR SANGS RGYAS THAMS CAD LAS BLA MA DAM PA 'DI RNAMS BKA' DRIN CHE BAR SNANG, DE'I RGYU MTSAN SANGS RGYAS THAMS CAD MNGON SUM BYON YANG, DE DAG GI SKU MTSAN DPES BRGYAN PA DANG, GSUNG YAN LAG LNGA LDAN BDAG GI BSOD NAMS DMAN BAS MTHONG THOS KYI SPYOD YUL DU 'GYUR BAR MI SNANG LA, GAL TE GYUR SRID NA'ANG, DE RNAMS KYIS BDAG GI DON 'DI BAS LHAG MDZAD RGYU MI 'DUG PAS SO, ,'JIG RTEN NA PHYI NANG GI NYER 'TSE 'PHRAN BU CI RIGS LAS SKYOB PA DANG, ZAS GOS 'BYOR BA YO BYAD 'PHRAN TSEGS RE SBYIN PA LA YANG BKA' DRIN CHE BAR BYED NA 'KHOR BA'I SDUG BSNGAL SEL ZHING, GTAN GYI BDE BA STER BAR MDZAD PA'I BKA' DRIN 'DI NI STONG GSUM GSER GYIS BKANG BA DANG, LUS SROG LONGS SPYOD THAMS CAD KYIS BSKAL BAR MCHOD KYANG GZHAL BAR GA LA NUS SNYAM DU BSAM ZHING, CHOS BCU BA'I MDO LAS 'BYUNG BA'I, BDAG YUN RING DU 'KHOR BAR 'KHYAMS PA 'TSOL BAR BYED PA DANG, ZHES SOGS DANG, SDONG PO BKOD PA LAS 'BYUNG BA'I, 'DI NI BDAG GI DGE BSHES CHOS SMRA BA, ZHES SOGS DON DRAN BZHIN PAS NGAG TU BRJOD PA'I SGO NAS KYANG SNYING KHONG RUS PA'I GTING NAS GUS PA CHEN PO MA SKYES KYI BAR DU BKA' DRIN RJES SU DRAN PAR BYA'O, ,GNYIS PA NI MDOR BSDU NA, BDAG GI BLA MA DAM PA 'DI RNAMS MNYES PA'I SGO MTHA' DAG BSGRUB CING, MI MNYES BA'I CHA CUNG ZAD KYANG MI BSGRUB PA LA 'BAD PAR BYA LA, DE YANG BDAG CAG GI STON PAS SLOB PA LAM GYI GNAS SKABS SU , @48A *, ,CHOS TSIG BCAD RE RE'I PHYIR DU YANG SKUL MAR ME STONG BTZUG PA, LCAGS GZENG STONG BTAB BA, SRAS DANG BTZUN MO DANG MNGA' 'BANGS LONGS SPYOD THAMS CAD BLTOS MED DU BTANG BA, RTAG DU DUS CHOS 'PHAGS BSTEN PA, N'A RO BAS TE LO BA BSTEN PA, JO BO CHEN POS GSER GLING PA LAS BYANG CHUB KYI SEMS ZHU BA'I DON DU RGYA MTSOR DKA' BA SPYAD PA, , 'BROM ? GYIS DZA BO, ,BSES 'BROG MI, MI LAS MAR PA BSTEN PA SOGS DAM PA GONG MA RNAMS KYI RNAM THAR BZANG PO'I RJES SU ZHUGS TE BLA MA RNAMS ZANG ZING GI DNGOS PO SOGS LA GZIGS PA MIN KYANG GZIGS PA LTAR MDZAD PA NI, GDUL BYA TSOGS RDZOGS PA LA DGONGS PA YIN PAS, BDAG GIS TSOGS RLABS PO CHE RDZOGS PA'I SLAD DU GCES NOR YOD DGU MTHA' DAG DBUL ZHING, KHRUS, SKU MNYE, DRI ? LA ? PHYIS BYED PA SOGS LUS NGAG GIS BSNYEN BKUR BA DANG, CI GSUNGS BKA' BZHIN DU SGRUB PA'I MCHOD PA RNAMS KYIS MNYES PAR BYA'O, , SNYAM DU BLO SBYANG BAR BYA ZHING DNGOS SU GANG 'GRUB LA 'BAD PAR BYA'O, ,BSNYEN BKUR DANG ZANG ZING 'BUL BA DNGOS SU MA GRUB NA 'OG NAS 'BYUNG BA LTAR GYI KHRUS GSOL DANG MCHOD PA SOGS DMIGS PAS BYA LA ?, CI GSUNGS SGRUB PA LA GTAN NAS MI NUS PA DANG, MI RUNG BA ZHIG YIN NA'ANG CI MI SNYAM PAR MI 'JOG PAR SHAD SBYANG LEGS PAR BYA ZHING GDAMS PA'I DON TSUL BZHIN DU NYAMS SU LEN PA NI MCHOD PA'I MCHOG YIN PAS DE LA 'BAD PAR BYA'O, ,KHRUS SOGS DNGOS SU MA GRUB PA'I DOD DU DMIGS PAS BYA BA LA, THOG MAR, DKON MCHOG GSUM GYI BDEN PA DANG, , @48B SANGS RGYAS DANG BYANG SEMS GONG MA RNAMS KYI BYIN RLABS DANG, TSOGS GNYIS YONGS SU RDZOGS SHING CHOS KYI DBYINGS RNAM PAR DAG PA DANG, BDAG GI DAD MOS KYI MTHUS SA GZHI RIN PO CHE'I RANG BZHIN LAS GRUB CING LAG MTHIL LTAR KHOD SNYOM PA BDE BA CAN LTA BUR GYUR CIG ,THAMS CAD DU NI SA GZHI DAG ZHES SOGS BRJOD DE SA GZHI BYIN GYIS BRLAB, DE'I DBUS SU SENG GES BTEGS PA'I RIN PO CHE'I KHRI RTZA BRGYUD KYI BLA MA'I GRANGS DANG MNYAM PA BANG RIM GYI RNAM PAS BGOD PA MDZES PA 'KHOD PAR GYUR CES GDAN KHRI GSAL BTAB, RNAM DAG CHOS KYI DBYINGS LAS MA G-YOS KYANG, ,ZHES SOGS DANG, MA LUS SEMS CAN KUN GYI MGON GYUR CING, ,ZHES SOGS SHO LO KA GSUM GYIS RTZA BA'I BLA MA DANG DBYER MED PA'I STON PA MNYAM MED SH'AKYA'I RGYAL BO LA, , RGYA CHEN SPYOD BRGYUD DANG ZAB MO LTA BRGYUD KYI BLA MA RNAMS DANG, CHOS 'BREL MNOS PA'I BLA MA GZHAN RNAMS DANG, SANGS RGYAS BYANG SEMS NYAN RANG BKA' SDOD SRUNGS MA'I TSOGS DANG BCAS PAS BSKOR BA MA GA DHA BZANG MO'I GTAM BRGYUD LTAR SPYAN DRANGS, KHRUS KYI KHANG PA SHIN TU DRI ZHIM PA, ,ZHES SOGS KYIS KHRUS KHANG BSKYED, JI LTAR BLTAMS PA TZAM GYIS NI, , ZHES SOGS KYIS KHRUS GSOL, STONG GSUM KUN TU DRI DAD LDANG BA YI, ZHES SOGS KYIS DRI BZANG BYUG ,SRAB 'JAM YANG BA LHA YI GOS, ,ZHES SOGS KYIS GOS PHUL , BDAG DANG 'GRO LA THUGS BRTZE'I PHYIR, ,ZHES SOGS KYIS TSOGS ZHING DU BZHUGS SU GSOL, ,DE NAS BSAGS SBYANG GI GNAD BSDUS PA'I YAN LAG BDUN PA DBUL PA NI, 'DREN @49A *, ,PA MNYAM MED STON PA BCOM LDAN 'DAS, ,ZHES PA NAS, RTZA BA'I BLA MA'I GSOL 'DEBS KYI BAR, GSOL BA 'DEBS CES PA, PHYAG 'TSAL LO ZHES 'DON PA BSGYUR BA DANG, ,JI SNYED SU DAG PHYOGS BCU'I 'JIG RTEN NA, ,ZHES SOGS KYIS LUS DANG YID GSUM GYIS PHYAG 'TSAL, ,MAndAL TSOM BU SO BDUN MA GANG LCOGS DANG TSOM BU BDUN MA GANG MANG GI RJES SU, ,MCHOD YIN PHAL CHER MCHOD YON BLA BRE DANG, ,ZHES SOGS KYIS CHU GNYIS NYER SPYOD ROL MO, ,'DOD YON, RGYAL SRID SNA BDUN RNAMS DANG, ME TOG DAM PA 'PHRENG BA DAM PA DANG, ,ZHES SOGS KYIS BLA NA YOD MED KYI MCHOD PA DBUL, 'DOD CHAGS ZHE SDANG GTI MUG DBANG GIS NA, ,ZHES SOGS KYIS STOBS BZHI'I GSHAGS PA SNGA MA BYA, PHYOGS BCU'I RGYAL BA KUN DANG SANGS RGYAS SRAS, ,ZHES SOGS KYIS RANG GZHAN GYI DGE BA LA DGA' BA BSGOM, GANG RNAMS PHYOGS BCU'I 'JIG RTEN SGRON MA RNAMS, ,ZHES SOGS KYIS PHYOGS BCU'I SANGS RGYAS RNAMS LA CHOS STON PAR BSKUL BAS DE DAG GIS ZHAL GYIS BZHES PAR BSAM, MYA NGAN 'DAS STON GANG BZHED DE DAG LA, ,ZHES SOGS KYIS MYA NGAN LAS 'DA' TSUL STON PA RNAMS LA MI 'DA' BAR GSOL BAS ZHAL GYIS BZHES BAR BSAM, YON TAN KUN GYI GZHIR GYUR DRIN CAN RJE, ,ZHES SOGS KYIS 'DOD DON LA GSOL BA GDAB, PHYAG 'TSAL BA DANG MCHOD CING BSHAGS PA DANG, ,ZHES SOGS KYIS DGE BA RNAMS RDZOGS BYANG DU BSNGO, ,THUN MTSAMS SU DNGOS GZHI'I SKABS KYI DMIGS PA RNAMS YANG YANG DRAN PA @49B TSOGS PA SOGS SGRIB SBYONG LA 'BAD PA, TSUL KHRIMS LA BAG YOD BSTEN PA, DBANG PO'I SGO SDOM PA, ZAS KYI TSOD RIGS PA, MI NYAL BAR RNAL 'BYOR LA BRTZON ZHING, NYAL BA'I TSE DRAN PA BSTEN PA RNAMS LA TSUL BZHIN DU BSLAB PO, ,GNYIS PA LA, DAL BA'I RTEN LA SNYING PO BLANG BA'I PHYIR DU BSKUL BA DANG, SNYING PO JI LTAR LEN PA'I TSUL GNYIS, DANG PO LA, DAL 'BYOR NGOS BZUNG BA, DON CHE BAR BSAM PA, RNYED DGA' BAR BSAM PA GSUM, DANG PO NI, NGAN 'GRO BA GSUM LHA TSE RING PO DANG BZHI PO MI MA YIN PA'I MI KHOM PA, MING SKYES KYANG GLEN ZHING LCAG PA, LOG LTA DANG LDAN PA, MTHA' 'KHOB TU SKYES PA, RGYAL BA'I BKA' MED PA'I MUN BSKAL LTA BUR SKYES PA BZHI NI MIR GYUR PA'I MI KHOM PA YIN LA, DE DAG DANG BRAL BA NI DAL BA BRGYAD DANG, SPYIR MI YIN PA, SA TSIG GAM CHOS TSIG GIS PHYE BA'I YUL DBUS SU SKYES PA, DBANG PO TSANG BA, LAS MTHA' MA LOG PA, GNAS LA DAD PA LNGA RANG 'BYOR DANG, SANGS RGYAS BYON NAS MYA NGAN LAS MA 'DAS PA, DE 'AM DE'I NYAN THOS KYIS CHOS STON BZHIN PA, SANGS RGYAS BZHUGS DUS KYI SGRUB PA'I BSTAN PA MA NYAMS PA, CHOS BSTAN PA LA BRTEN NAS GANG ZAG DMAN PAS 'BRAS BU THOB PA MANG PO'I RKYEN GYIS GZHAN RJES SU 'JIG PA, GZHAN GYIS SNYING BRTZE BAR BYED PA LNGA GZHAN 'BYOR YIN PAS, DE LTA BU'I DAL BRGYAD 'BYOR BCU RANG LA TSANG NGAM MA TSANG DPYAD PA'I TSE, RANG NYID MIR SKYES PAS DAL BA DANG PO BZHI DANG RANG 'BYOR DANG PO TSANG, GSUNG RAB KYI TSIG DON CUNG ZAD GO ZHING DKON MCHOG DANG LAS 'BRAS LA NGES @50A *, ,SHES YOD PAS DAL BA LNGA BA DANG DRUG PA TSANG, SDE SNOD GSUM LA THOS BSAM SGOM PA TSUL BZHIN DU BYED PA YOD PAS DAL BA LHAG MA GNYIS DANG, RANG 'BYOR GNYIS PA RNAMS DON GYIS TSANG, DBANG PO SGO LNGA DANG LDAN, 'TSAMS MED MA BYAS, SDE SNOD GSUM LA DAD PAS RANG 'BYOR LHAG MA GSUM TSANG, SANGS RGYAS 'JIG RTEN DU BYON, DES DAM PA'I CHOS GSUNGS, GSUNGS PA'I BSTAN PA GNAS, BSTAN PA DE LA RANG NYID ZHUGS PAS DON GYIS GZHAN 'BYOR DANG PO BZHI TSANG, GZHAN ZAS GOS SOGS KYI MTHUN RKYEN SBYOR BA YOD PAS GZHAN 'BYOR LNGA PA YANG TSANG 'DUG SNYAM PA BYUNG BA NA DE LA DGA' BA BSGOM PAR BYA'O, ,GNYIS PA NI, LHA DANG KLU LA SOGS PA'I 'GRO BA GZHAN RNAMS RTEN DE LA LAS BSOG PA'I NUS PA MTHU CHUNG , DE DAG LAS MI RNAMS LAS BSOG PA'I NUS PA STOBS CHE, DE'I NANG NAS 'DZAM BU GLING BA LAS KYIS PA YIN PAS LAS GANG BSGRUB KYANG SA CHOD CHE ZHING MYUR, KHYAD PAR DU DAL 'BYOR TSANG BA'I RTEN 'DI LA MNGON MTHO LHA MI'I LUS RTEN, NYAN RANG GI MYANG 'DAS, 'GRO BA RNAMS BDE BAR GSHEGS PA'I SAR 'KHRID PA'I SEMS SKYED, RDZOGS PA'I SANGS RGYAS KYI GO 'PHANG SOGS GNAS SKABS DANG MTHAR THUG GI PHUN SUM TSOGS PA THAMS CAD KYI RGYU JI 'DRA BA ZHIG KYANG BSGRUB PHYIN CHAD BDE BLAG TU 'GRUB PAS RTEN 'DI LTA BU BDAG GIS THOB PA 'DI YID BZHIN GYI NOR BU RNYED PA LAS KYANG CHES LHAG GO SNYAM DU DBUL POS GTER RNYED PA LTA BU'I DGA' BA BSGOM ZHING, DE YANG SER SNA CAN GYIS NOR RNYED PA RANG GIS SPYOD PA DANG, GZHAN LA STER BA GANG YANG MI NUS PA LTA @50B BU MA YIN PAR DON CHEN PO DANG LDAN PA'I RTEN 'DI DON MED DU MI BTANG BAR SNYING PO BLANG BA'I SGO NAS DON LDAN DU BYA'O SNYAM DU BSAM MO, ,GSUM PA LA, DPE, RGYU, NGO BO'I SGO NAS RNYED DKA' TSUL GSUM, DANG PO NI, DE LTA BU'I DON CHEN PO CAN GYI RTEN 'DI DA RE STES DBANG GIS RNYED PA MA GTOGS SHIN DU RNYED PAR DKA', DE'I TSUL YANG DPER NA GYANG LOGS LA SRAN MA GTOR BA'I TSE RE RE TZAM CHAGS PA SRID MTHAR SNANG BA DANG 'DRA LA, RGYA MTSO CHEN POR G-YENG PA'I GNYA' SHING GI BU GAR RUS SBAL GYI MGRIN PA CHUD DKA' BA BZHIN DU MI LUS RNYED DKA' BAR GSUNGS SHING, NGAN 'GRO DANG BDE 'GRO NAS NGAN 'GROR 'GRO BAS CHEN PO'I RDUL DANG, DE NAS BDE 'GROR SKYE BA DE BZHIN GSHEGS PA'I PHYAG SEN GYI RTZE MOS BZHES PA'I RDUL DANG 'DRA BAR GSUNGS PAS SO SNYAM DU BSAM, GNYIS PA NI, SPYIR BDE 'GRO TZAM THOB PA LA YANG TSUL KHRIMS RNAM DAG SNA GCIG BSRUNG BA YAN CHAD BSGRUB DGOS, KHYAD PAR DU DAL 'BYOR TSANG BA'I RTEN THOB PA LA, TSUL KHRIMS RNAM PAR DAG PAS GZHI BZUNG, SBYIN SOGS KYIS GROGS BYAS, SMON LAM DRI MA MED PAS 'TSAMS SBYOR BA SOGS DGOS NA RGYU DE LTA BU BSGRUB PA SHIN TU NYUNG BAR SNANG LA KHYAD PAR DU BDAG GIS BSGRUB PA MED PAS SLAR DAL 'BYOR LTA ZHOG BDE 'GRO TZAM YANG GNAS RNYED SNYAM DU BSAM, GSUM PA NI, DMYAL BA YI DVAGS DUD 'GRO GSUM SNGA MA SNGA MA LAS PHYI MA PHYI MA NYUNG, DUD 'GRO YANG BYING NA GNAS PA DANG GLING BAR GYI MUN PA NA YOD PA LAS KHA 'THOR BA NYUNG, DE LAS KYANG MI NYUNG BA NI SRIN BU SHIN TU MANG BA'I SA PHYIR BA TZAM GYI STENG NA SROG CHAGS PHRA MO BGRANGS KYIS MI LANG BA @51A *, ,YOD NA'ANG MI BCU BSKOR LAS MI SHONG BA LTA BUS MTSON TE MNGON SUM GYIS 'GRUB, ,MI LA YANG DAL 'BYOR MA TSANG BA NAS PHUNG LTA BU'I TSOD NA, TSANG BA NAS RDOG LTA BU'I TSOD DU 'DUG PAS DAL 'BYOR TSANG BA SHIN TU DKON NO SNYAM DU BSAM, DES NA BDAG BDE BA 'DOD CING SDUG BSNGAL MI 'DOD PAS CHOS BSGRUB DGOS, PHYI NANG GI MTHUN RKYEN DAL 'BYOR TSANG BAS CHOS BSGRUB NAS, PHYI MAR DAL 'BYOR RNYED DKA' ZHING NAM 'CHI LA NGES PA MI 'DUG PAS CHOS RNAM DAG CIG DA LTA NYID NAS MI BSGRUB PA'I THABS MI 'DUG SNYAM PA'I NGES SHES SHUGS DRAG DRANG BAR BYA'O, ,GNYIS PA LA, SKYES BU CHUNG NGU DANG THUN MONG BA'I LAM GYI RIM PA LA BLO SBYANG BA, 'BRING DANG THUN MONG BA'I LAM GYI RIM PA LA BLO SBYANG BA, CHEN PO'I LAM GYI RIM PA LA BLO SBYANG BA GSUM, DANG PO LA, 'JIG RTEN PHYI MA DON GNYER GYI BLO BSKYED PA, 'JIG RTEN PHYI MAR BDE BA'I THABS BSTEN PA GNYIS, DANG PO LA, 'CHI BA MI RTAG PA BSAM PA, NGAN 'GRO'I SDUG BSNGAL BSAM PA GNYIS, DANG PO NI, NAM ZHIG 'CHI BA ZHIG 'ONG SNYAM PA YOD KYANG LA ZLA ? ZHAG GRANGS RE RE BZHIN NAS 'DI LA MI 'CHI SNYAM DU BLOS MI 'CHI BA'I PHYOGS BZUNG NA TSE 'DI'I 'DUN MA 'BA' ZHIG GI DBANG DU SONG NAS NYON MONGS PA DANG NYES SPYOD RNAMS RGYAS SHING CHOS LAS RGYAB KYIS PHYOGS TE NGAN SONG DU 'KHRID LA, DE RING TZAM YANG MI 'CHI BA'I NGES PA MED SNYAM DU BLOS 'CHI BA'I PHYOGS BZUNG NA 'DI SNANG GI BYA BA LA MI BRTZON PAR TSE PHYI MAR PHAN PA'I THABS LA NGAR DAM SHUGS KYIS 'JUG PA 'BYUNG BAS CHOS RNAM DAG BSGRUB PA LA SHIN TU GAL CHE @051B BA 'CHI BA MI RTAG BA BSAM PA LA, NGES PAR 'CHI BA BSAM PA, NAM 'CHI NGES MED BSAM PA, 'CHI BA'I TSA TSE TSES MA GTOGS GANG GIS KYANG ? MI PHAN PAR BSAM PA GSUM , DANG PO LA, 'CHI BDAG NGES PAR 'ONG LA DE YANG RKYEN GANG GIS KYANG BZLOG TU MED PAR BSAM PA NI, ? BYON PA'I RDZOGS PA'I SANGS RGYAS SKYE 'CHI LA RANG DBANG THOB PA RNAMS KYIS KYANG GDUL BYA RTAG 'DZIN CAN RNAMS BSKUL BA'I DON DU MYA NGAN LAS 'DA' TSUL BSTAN CING, RGYA BOD KYI PAn GRUB, RGYAL BLON BYANG CHUB SEMS DPA' SOGS MCHOG DMAN GRANGS MED PA CHOS 'BYUNG DE BA GTAR GTAM BRGYUD SOGS LAS BSHAD PA RNAMS MA BRTAGS PA'I TSED LTA YOD YOD 'DRA NA'ANG, LEGS PAR DPYAD NA BYUNG BA'I GTAM TZAM MA GTOGS DNGOS SU BZHUGS PA SU YANG MED, MDOR NA SNGAR BYUNG BA'I MI 'DI MA SHI BAR TSE THAR BYA BA GCIG KYANG MED NA BDAG GCIG PU 'CHI MI DGOS BA GA LA 'ONG, 'CHI BA 'ONG YANG RKYEN GYIS BZLOG TU YOD NA MI 'CHI BA SRID KYANG RDZAS SNGAGS TING NGE 'DZIN SMRA MKHAS STOBS 'BYUNG SOGS GANG GIS KYANG BZLOG TU MED PAS NGES PAR 'CHI, TSE LA SNON PA MED CING 'BRING BYED PA RNAM ? CHAD DANG BCAS PA NI, THOG MAR MNGAL DU NYING 'TSAMS SBYAR BA NAS BZUNG STE SKAD CIG MA RE RE ZHING 'CHI BDAG GI DRUNG DU RI GZAR GYI 'BAB CHU LTAR BZLOG PA MED PAR MYUR DU 'GRO BAS 'BRING BYED PAR MA CHAD DANG BCAS LA, TSE ZAD PA LA GSAR DU SNON PA NI CUNG ZAD KYANG MED PAS NGES PAR 'CHI, GSON PA'I TSE YANG CHOS BYA LONG MED PAR DON MED DU 'BA' BA NI, BYIS PA'I DUS SU CHOS BSGRUB 'DOD GYI BLO MI SKYE , @052A *, ,RGAS PA'I TSE CHOS BSGRUB MI NUS, BAR SKABS SU YANG GNYID DANG BZA' BTUNG DANG BRE MO'I GTAM DANG RNAM G-YENG SOGS KYIS CHOS BYA BA'I GO SKABS BCOM NAS , CHOS BSGRUB PA'I LONG MED PAR NGES PAR 'CHI DGOS PAR 'DUG SNYAM DU BSAM NAS CHOS NGES PAR BYA BAR THAG BCAD DO, ,GNYIS PA LA, 'DZAM BU GLING PA'I TSE LA NGES PA MED PAS NAM 'CHI CHA MED PAR BSAM PA NI, SPYIR SGRA MI SNYAN PA MA GTOGS KHAMS GSUM GYI SEMS CAN RNAMS LA TSE TSAD RE BSHAD KYANG BSHAD PA LTAR THUB PA'I NGES PA MED LA, KHYAD PAR DU 'DZAM BU GLING BA RNAMS DANG PO TSE LO DPAG TU MED PA THUB PA RIM GYIS 'GRIB NAS MTHAR TSE LO BCU LA RING MTHA' BYED PA 'BYUNG BAR BSHAD PAS SHIN TU MA NGES, RANG GIS DNGOS SU MTHONG BA SNGON CHAD RANG LAS GZHON PA MANG PO SHI SONG ZHING DA LTA RANG LAS RGAN PA MANG PO BZHUGS 'DUG PAS RGAN GZHON BAR MA'I GO RIMS NI MI 'DUG ,DES NA BDAG RANG LAS RGAN PA 'DI DAG GI SNGON DU MA 'CHI BA'I NGES PA MED PAS NAM 'CHI LA CHA MED, 'CHI RKYEN MANG ZHING GSON RKYEN NYUNG BAS NAM 'CHI NGES PA MED PA NI, PHYI'I GNOD PA DGRA GDON GCAN ZAN SOGS SEMS YOD DANG, CHUS 'KHYER BA MES TSIG PA SOGS SEMS MED DANG, NANG GI GNOD PA LUS KYI 'BYUNG BA 'KHRUGS PA SOGS PHYI NANG GI 'CHI RKYEN SHIN TU MANG ZHING GSON RKYEN NYUNG LA, GSON RKYEN YANG ZAS MI 'PHROD PA, SMAN LOG PA; GNAS KHANG RDIB PA, MDZA' BOS SLU PA, LONGS SPYOD LA BRTEN PA'I 'THAB RTZOD 'BYUNG BA LTA BU 'CHI RKYEN DU 'GYUR BA SHIN TU MANG, DES NA BLO BUR GYI 'CHI RKYEN GANG YANG RUNG BA @052B ZHIG GIS BDAG 'CHI BA LA TSEGS MI 'DUG PAS NAM 'CHI LA NGES PA MED, LUS SHIN TU NYAMS CHUNG BAS NAM 'CHI NGES PA MED PA NI, SA CHEN PO DANG RI BO MCHOG RAB DANG RGYA MTSO CHEN PO SOGS KYANG 'JIG RKYEN DANG 'PHRAD PA NA THAL PA TZAM YANG MI LUS BAR 'JIG NA, BDAG GI LUS CHU'I DBU BA LTAR SHIN TU NYAMS CHUNG BA TSER MA ZUG PA LTA BU RKYEN 'PHRAN BU RES KYANG 'JIG SLA BA 'DI PHYI NANG GI NYER 'TSE SHIN TU MANG PO DANG BCAS 'DUG PAS DE RING RANG MI 'CHI BA'I GDENG CI YOD SNYAM DU BSAM NAS CHOS DA LTA NYID NAS BYA BAR THAG BCAD DO, ,GSUM PA NI, DE LTAR NA 'JIG RTEN PHA ROL TU 'GRO DGOS LA 'GRO BA'I TSE, GNYEN BSHES BRTZE GDUNG JI LTAR CHE BAS MTHA' BSKOR YANG GCIG KYANG 'KHRID SA MED, NOR GYI PHUNG PO JI SNYED YOD KYANG RDUL PHRAN TZAM YANG 'KHYER DU MED, LHAN GCIG SKYES PA'I SHA RUS RNAMS KYANG 'DOR NA GZHAN LTA CI SMOS, MDOR NA TSE 'DI'I PHUN TSOGS THAMS CAD KYIS KYANG BDAG 'DOR LA, BDAG GIS KYANG 'DI DAG DOR NAS RANG GCIG BU MAR NANG NAS SPU BTON PA LTAR 'GRO BA NA PHAN PAR NGES PA DAM PA'I CHOS LAS MI 'DUG SNYAM DU BSAM STE CHOS 'BA' ZHIG BYA BAR THAG BCAD DO, ,GNYIS PA NI, NGAN 'GRO'I SDUG BSNGAL MA BSAM NA DE LA SKRAG PA MI SKYE LA, DE MA SKYES NA DE'I RGYU LAS MI LDOG PAS SDUG BSNGAL DE MYONG BA LAS 'OS MED, SDUG BSNGAL BSAM NA DE LA SKRAG PA 'BYUNG ZHING DE BYUNG NA DE'I RGYU LA 'DZEM PA DANG DE BZLOG PA'I THABS SKYABS 'GRO SOGS LA 'BAD PAR 'GYUR BA SOGS DGOS PA MANG BAS BSAM DGOS LA, BSAM PA'I TSUL NI, DE LTAR 'CHI BZHIG NGES PAR 'ONG LA SHI @053A *, ,PA'I 'OG TU RTZVA PHUNG MES BSREG PA LTAR MED DE MI 'GRO BAR 'GRO BA GNYIS GANG RUNG DU SKYE BA ZHIG LEN DGOS SHING, DE YANG LAS DGE BA'I DBANG GIS BDE 'GRO DANG MI DGE BA'I DBANG GIS NGAN 'GROR SKYE BAR NGES LA, BDAG GIS NGAN 'GRO'I RGYU MI DGE BA NI RGYAL PO'I BANG MDZOD BZHIN DU GANG LA BLTAS BLTAS NAS BSAGS 'DUG ,BDE 'GRO'I RGYU DGE BA NI TSE 'DIR GDENG KHEL BA CIG BSAGS PA MI 'DUG CING TSE RABS SNGON MA RNAMS SU YANG MA BSAGS PA SHAS CHE BAR SNANG, NGES ? NA NGAN SONG DU SKYE BA LAS 'OS MI 'DUG PAS, DER SKYES PA'I TSE SDUG BSNGAL CI 'DRA ZHIG MYONG SNYAM NA, KHA PHYIR BLTAS KYI SHES PAS GZHAN GYI SDUG BSNGAL LA BLTA BA LTA BU RGYUD THOG TU MI KHEL ZHING RANG NYID KYIS SDUG BSNGAL DE MYONG BAR BSAM NA SDUG BSNGAL DE LA SKRAG PA'I 'JIGS PA SKYE SLA BAS DE LA DMYAL BA'I SDUG BSNGAL MYONG TSUL, DUD 'GRO'I SDUG BSNGAL MYONG TSUL, YI DVAGS KYI SDUG BSNGAL MYONG TSUL GSUM, DANG PO LA TSA DMYAL GYI SDUG BSNGAL MYONG TSUL, GRANG DMYAL GYI SDUG BSNGAL MYONG TSUL GNYIS, DANG PO NI, SPYIR TSA DMYAL BRGYAD KA'I SDUG BSNGAL RIM PA BZHIN MYONG DGOS PA MIN KYANG 'DIR BSGOM PA'I RIM PA LA SO SO'I SDUG BSNGAL RIM PA LTAR MYONG BAR MOS DGOS SHING, DE YANG TSA DMYAL BRGYAD KA'I GNAS RNAMS 'OG LCAGS BSREGS KYI SA GZHI, LOGS LCAGS BSREGS KYI RA BA , STENG 'OG PHYOGS 'TSAMS THAMS CAD ME LCE 'BAR BAS KHYAB PAR MTSUNGS PAS, DE 'DRA BA ZHIG GI NANG DU RANG NYID SKYES PAR MOS TE, YANG SOS NI RANG NYID DANG RANG DANG SKAL MNYAM GYI SEMS @053B CAN MANG PO DER 'TSOGS TE PHAN TSUN GCIG GIS GCIG LA ZHE SDANG DRAG POS MTSON CHA SNA TSOGS BRDEG PA LA BRTEN NAS, RANG GI LUS TSAL BA BRGYA STONG DU SONG ZHING BRGYAL THABS SU 'GYEL NAS SDUG BSNGAL DRAG PO MYONG BA NA NAM MKHA' NAS KHYED RNAMS YANG SOS PAR GYUR CIG ,CES PA'I SGRA BYUNG BA DANG SOS TE SNGAR LTAR MTSON BSNUN PA SOGS KYI SDUG BSNGAL 'KHOR YUG TU MYONG, THIG NAG NI, DE NAS BROS PAS DMYAL BSRUNG RNAMS KYIS GAN RGYAL DU BSGYEL TE LUS LA THIG BRGYAD LA SOGS PA BTAB NAS MTSON CHA RNON POS GSHEGS PA'I SDUG BSNGAL CHEN PO MYONG, BSDUS 'JOMS NI, YANG BROS PAS DMYAL BSRUNG RNAMS KYIS RI RA LUG DANG GLANG SENG GI GDONG PA CAN LTA BU'I BAR DU BCUG PA NA RI GNYIS THUG STE, BTZIR BAS SGO THAMS CAD NAS KHRAG GI RGYUN CHEN PO 'BAB PA'I SDUG BSNGAL DRAG PO MYONG, DU 'BOD NI, YANG BROS PAS LCAGS KYI KHANG PA CIG TU SLEBS PA NA SGO DBYER MED DU 'GRIG STE PHYOGS KUN NAS ME LCE 'BAR BAS BSREG CING 'BROS SA YANG MI 'DUG SNYAM NAS DU 'BOD LHANG LHANG BA BYED PA'I SDUG BSNGAL CHEN PO MYONG, DU 'BOD CHEN PO NI, DE NAS THON TE BROS PA NA LCAGS KHANG GNYIS RIM DU CHUD DE SNGA MA LTAR BSREG CING, LCAGS KHANG NANG MA NAS THON SRID KYANG PHYI MA NAS MI THON PAR 'DUG SNYAM PA'I SGO NAS SDUG BSNGAL DRAG PO MYONG, TSA BA NI, YANG BROS PA NA DMYAL BSRUNG RNAMS KYIS LCAGS KYI GSAL SHING ME 'BAR BAS 'PHONG NAS SPYI BO'I BAR TAL MAR PHUG PAS SGO THAMS CAD NAS ME 'BAR BA DANG KHRO CHU KHOL MA'I NANG DU 'TSOD PA'I SDUG BSNGAL CHEN PO MYONG, RAB TSA NI, YANG BROS PAS DMYAL BSRUNG RNAMS @054A *, ,KYIS RAB TU 'BAR BA'I GSAL SHI BRTZE GSUM PA 'PHONGS NAS BTAB STE RTZE DBUS MA SPYI BO DANG G-YAS G-YON GNYIS 'PHRAG PA NAS 'THON PA DANG, LCAGS BSREGS LEB MOS LUS LA SNAM BU LTAR DKRI BA DANG, KHRO ? CHU'I NANG DU SHA KHRAG RNAMS ZHIG STE ZHENG RUS LTAR 'GRO BA LA THUG PAR 'TSOD PA'I SDUG BSNGAL DRAG PO MYONG, MNAR MED NI, YANG KHROS PAS PHYOGS THAMS CAD NAS ME 'BAR BA'I NANG DU CHUD DE SMRE SNGAGS 'DON PA'I SGRA GZHAN GYIS THOS PA LAS SEMS CAN DU SHES PA TZAM MA GTOGS, LUS DANG ME DBYER MED DU GYUR PA LTA BU'I TSUL GYIS SDUG BSNGAL DPAG MED MYONG BA RNAMS YAD DANG YANG DU BSGOM, DE LTAR TSA DMYAL BRGYAD KYI SDUG BSNGAL RNAMS RE RE NAS DA LTA MYONG BZHIN PA LTA BUR MOS TE SHUGS DRAG PAS BZOD DKA' TSUL BSAM LA, DE LTA BU'I SDUG BSNGAL BZOD DKA' BA DE DAG YUN THUNG DU ZHIG LA MYONG BAS MI CHOG BAR, MI'I LO LNGA BCU LA RGYAL CHEN RIGS BZHI PA'I NYIN ZHAG GCIG ,DE SUM BCU LA ZLA BA; DE BCU GNYIS LA LOR BYAS PA'I, LO LNGA BRGYA NI RGYAL CHEN RIGS BZHI PA'I TSE TSAD DANG, DE THAMS CAD LA ZHAG GCIG ,DE SUM BCU LA ZLA BA, DE BCU GNYIS LA LOR BYAS PA'I LO LNGA BRGYA NI YANG SOS PA'I TSE TSAD YIN ZHING, DE BZHIN DU MI LO BRGYA DANG, NYIS BRGYA DANG, BZHI BRGYA DANG, BRGYAD BRGYA DANG, STONG DRUG BRGYA LA ZHAG GCIG TU BYAS PA NAS RIM PA LTAR BGRANGS PA'I LO STONG, NYIS STONG, BZHI STONG, BRGYAD STONG, KHRI DRUG STONG NI RIM PA LTAR SUM BCU RTZA GSUM PA NAS GZHAN 'PHRUL DBANG BYED PA'I BAR GYI TSE TSAD YIN LA , @054B THIG NA GNAS TSA BA'I BAR GYI DMYAL BA BAS, LHA'I TSE DE DAG RIM PA LTAR ZHAG GCIG TU BYAS PA NAS BRTZAMS PA'I LO STONG NAS KHRI DRUG STONG GI BAR DANG, RAB TU TSA BA BAS PAR BSKAL PHYED DANG; MNAR MED PAS PAR BSKAL GCIG THUB PAS YUN SHIN TU RING POR MYONG BAS BZOD DKA' TSUL YANG BSAM PAR BYA'O, ,DE NAS DMYAL BA BRGYAD PO DE DAG RE RE LA YANG RTZIG NGOS BZHI BZHI DANG SGO BZHI BZHI YOD LA, DE DAG GI PHYI ROL TU LCAGS KYI RA BAS BSKOR ZHING DE LA YANG SGO BZHI BZHI YOD PA'I SGO RE RE NA ME MA MUR GYI 'OBS SOGS DMYAL BA LHAG MA BZHI BZHI YOD PA LAS; SGO'I THAD SOR ME MA MUR GYI 'OBS PUS NUB TZAM LA RKANG PA BZHAG PA'I TSE SHA KHRAG KUN 'JIG CING BTEG PA'I TSE SLANG SKYE BA'I SDUG BSNGAL DE DANG 'DAB CHAGS PA NA PHYI SA'I 'DAM RO LTAR MA NAM PA LA BRGAL BA NA MGO BO MAN CHAD BYING STE 'DUG PA'I TSE LCAGS KYI 'BUM ? CHU RNON ZHES BYA BAS RKANG LA THUG PAR 'BIGS SHING ZA BA'I SDUG BSNGAL, DE DANG 'DAB CHAGS PA NA SPU GRI'I SOS GTAMS PA'I LAM LA RKANG PA BZHAG PA NA LPAGS PA SOGS GCOD CING BTEG PA'I TSE SLAR SKYE BA'I SDUG BSNGAL, DE DANG BDE BA CHAGS PA NA NAGS TSAL RAL GRI'I LO MA CAN GYI BSIL GRIB LA 'KHOD PA NA SHING LAS RAL GRI LHAG STE YAN LAG DANG NYING LAG GSHEG CING BCAD PAS 'KHYIL ? BA NA GYI SRE ? BO DAG GIS RGYAB NAS 'THOG CINGS BA'I SDUG BSNGAL, DE DANG 'DAB CHAGS PA NA LCAGS KYI SHING SHAL MA LI'I TSAL LA DMYAL BSRUNG RNAMS KYIS 'DZEG TU BCUG PAS, 'DZEGS PA'I TSE TSER MA'I RTZE RNAMS THUR DANG, ? 'BAB PA'I TSE GYEN DU BLTA BAS YAN LAG SOGS @055A *, ,GSHEG PA DANG, KHVA LCAGS KYI MCHU CAN GYIS PHRAG PA 'AM MGO LA BSDAD NAS MIG 'BRAS 'THOG CING ZA BA'I SDUG BSNGAL, DE DANG 'DAB CHAGS PA NA CHU KLUNG RAB MED CES BYA BA 'GYUR BYED KYI CHU SKOL BAS GANG BA LA SEMS CAN GNAS TSOL BA LHUNG NAS DPER NA 'OG TU ME CHEN PO SBAR BA'I ZANGS CHUS BKANG BA'I NANG DU SRAN MA SOGS 'BRU NYUNG ZAD BLUG PA LTAR STENG 'OG TU RE MOS SU 'GRO ZHING 'TSED PA'I SDUG BSNGAL YOD PA RNAMS RIM PA LTAR MYONG BAR BSAM, GNYIS PA NI, GRANG DMYAL BRGYAD KA'I GNAS THAMS CAD 'OG KHA BA'I THANG DANG 'KHYAG ROM GYI GCONG ? RONG ZAB MO, ,MTHA' GANGS RI'I PHRENG BAS BSKOR BA, NANG MUN PAS GTIBS SHING KHA BA BU YUG 'TSUB PA'I GNAS SU MTSUNGS PAS DE 'DRA ZHIG TU SKYES PAR MOS LA, CHU BUR CAN NI; LUS LA KHA BA'I BU YUG CHEN PO RLUNG GIS PHYOGS BZHI NAS BTAB PAS CHU BUR 'BYUNG ZHING 'KHUMS PA'I SDUG BSNGAL CHEN PO MYONG, CHU BUR RDOL BA NI, DE LAS GRANG REG CHE BA'I RKYEN GYIS CHU BUR RDOL TE RNAG KHRAG SOGS 'DZAG PA'I SDUG BSNGAL DRAG PO MYONG, AA CHU ZER BA NI, DE LAS GRANG NYEN CHER SONG BAS SKAD KYI GDANGS DRAG POR 'DON CING SDUG BSNGAL CHEN PO MYONG, KYI HUD ZER BA NI, DE BAS KYANG LHAG PAR GRANG BAS SKAD KYI GDANGS ? CHAGS TE RKAN GYI PHUG NAS SHUB BUS 'DON CING SDUG BSNGAL DRAG PO MYONG, SO THAM THAM PA NI, SNGAR LAS KYANG GRANG PA'I RKYEN GYIS SKAD 'DON MI NUS PAR SO THAM THAM BYED CING SDUG BSNGAL CHEN PO MYONG, AUTPAL LTAR GAS PA NI, DE BAS KYANG GRANG PA'I RLUNG CHEN POS BTAB PAS LUS KYI MDOG SNGON POR GYUR CING , @055B SER CHUNG KHA LNGU ? 'AM DRUG TU GAS PA'I SDUG BSNGAL DRAG PO MYONG, PADMA LTAR GAS PA NI, DE LAS KYANG SHIN TU GRANG PA'I RLUNG PHOG PAS LPAGS PA SNGON PO RNAMS SHUS TE SHA'U DMAR HU RE BAR GYUR PA TSAL BA BCU SOGS SU GAS PA'I SDUG BSNGAL CHEN PO MYONG, PADMA LTAR CHER GAS PA NI, DE DAG LAS RAB TU GRANG BA'I LHAG PA CHEN PO BTAB PAS LUS KYI MDOG SHIN TU DMAR BAR GYUR NAS, KHA BRGYA 'AM DE BAS KYANG MANG BAR GAS PA'I SDUG BSNGAL DPAG MED MYONG BA RNAMS YANG DANG YANG DU BSGOM, DE LTAR GRANG DMYAL BRGYAD KYI SDUG BSNGAL SHUGS DRAG PA'I TSUL BSAM NAS, TIL GYI SBYANG MA GA TA'I BRE BO CHE'I KHAL BRGYAD CU PA ZHIG TIL GYIS BYUR BUR BKANG STE LO BRGYA BRGYAN TIL RE RE PHYUNG BAS TIL DE MA LUS PAR ZAD PA'I YUN LAS CHU BUR CAN GYI TSE CHES RING BA DANG, 'OG MA RNAMS KYI TSE SNGA MA SNGA MA LAS NYI SHU NYI SHUS RING BAR GSUNGS PAS YUN DE TZAM GYI BAR DU BZOD DKA' TSUL YANG BSAM PAR BYA'O, ,DE NAS TSA DMYAL DANG GRANG DMYAL DE DAG GI NYE 'KHOR DANG MI'I YUL DANG MTSO CHEN PO'I 'GRAM SOGS NA YOD PA'I NYI TSE BA'I DMYAL BAR THAG PA DANG GTUN DANG PHYAG MA DANG KA BA DANG RTZIG PA DANG PHRU CHEN LA SOGS PA'I DBYIBS CAN GYI LUS BLANG NAS SDUG BSNGAL SNA TSOGS ZHIG MYONG BAR LUNG GZHI SOGS LAS 'BYUNG BA RNAMS MYONG BAR BSAM, GNYIS PA NI, DUD 'GRO BYINGS NA GNAS PA CHU MTSAMS MAN CHAD KYI KHONGS SU MUN PA SHIN TU NAG PAR LCAS BONG CHE CHUNG DANG MDOG DBYIBS SNA TSOGS PA 'BRU'I PHUNG PO LTAR SPUNGS NAS YOD PA DAG GI NANG DU SKYES PAR MOS TE, CHE BAS CHUNG BA KHYUR @056A *, ,MID DANG CHUNG BAS CHE BA'I LUS LA ZA ZHING THAL BYUNG DU 'BUG ? PA DANG, MUN PA SHIN TU NAG PAS RANG GI YAN LA BRKYANG BSKUMS TZAM YANG MI MTHONG BA DANG , GCIG GIS GCIG MNAN PAS DBUGS 'BYUNG RDUB TZAM YANG MI NUS PA SOGS KYI SDUG BSNGAL DPAG TU MED PA DANG, GZHAN YANG KLU'I RIGS SU SKYES NAS MKHA' LDING DANG BYE TSAN GYI 'JIGS PAS NYEN PA'I SDUG BSNGAL, KHA 'THOR BA'I BYA DANG RI DAGS SOGS SU SKYES NAS RNGON PA DANG KHYI DANG GCAN ZAN SOGS KYIS GTZES PA'I SDUG BSNGAL, BDAG TU BZUNG BA'I RTA; GLANG, BONG BU, PHAG PA SOGS SU SKYES NAS BKOL SPYOD BTHEG GSOD SOGS KYI SDUG BSNGAL SNA TSOGS MYONG BAR BSAM, DUD 'GRO DE DAG TSE THUNG BA DANG RING BA SNA TSOGS YOD LA, TSE SHIN TU RING BA RNAMS KYIS BSKAL BA TZAM THUB PAS YUN RING POR BZOD DKA' BAR YANG BSAM MO, ,GSUM PA NI, YI DVAGS KYI GNAS ZANGS GZHONG KHA GYEN TU BSTAN PA LTA BU 'DOD PA'I DNGOS PO MTHA' DAG GIS DBEN ZHING SHIN TU NYAM NGA BA'I NANG DU YI DVAGS MI SDUG MA'I GZUGS CAN BKRES SKOMS KYIS NYAM THAG PA ZHIG TU SKYES PAR MOS LA , PHYI'I SGRIB PA CAN GYIS BZA' BTUNG GI RIGS MI RNYED CING GAL TE CHU KLUNG DANG LJON SHING 'BRAS BU CAN SOGS MA THONG STE LONGS SPYOD PAR PHYIN PA NA SRUNGS MA MTSON CHA SNA TSOGS THOGS PAS BSRUNG BA'AM, RNAG KHRAG SOGS SU MTHONG BA'AM, MI SNANG BAR GYUR TE LONGS SPYOD MI NUS PA'I SDUG BSNGAL, NANG GI SGRIB PA CAN NI, KHA KHAB MIG TZAM MGRIN PA RTA RNGA TZAM LTO BA @056B YUL LJONG TZAM YAN LAG 'JAG MA TZAM DANG LDAN ZHING, ZAS SKOM MI RNYED PA DANG, RNYED KYANG KHAR MI SHONG PA DANG, NYUNG ZAD SONG BA MGRIN PA NAS MI THAR PA DANG, THAR KYANG LTO BA MI KHENGS PA'I SDUG BSNGAL, ZAS SKOM GYI SGRIB PA CAN NI, ZOS SHING 'THUNGS PA RNAMS MER 'BAR NAS KHONG BA'I NANG THAMS CAD TSIG PA DANG, GSHAD GCI SOGS MI GTZANG ZHING DRI NGAL GNOD CING SMAD PAR BYA BA DANG, RANG GI SHA LA BCAD CING ZA LA ? BZA'ANG ? TUNG BZANG PO SPYOD MI NUS PA'I SDUG BSNGAL DANG, GZHAN YANG DBYAR ZLA ZER YANG TSAL DGUN NYI ZER YANG GRANG BA SOGS KYI SDUG BSNGAL DPAG TU MED PA MYONG BAR BSAM, DE LTA BU'I YI DVAGS RNAMS KYI SDUG BSNGAL DE MI RNAMS KYI ZLA BA GCIG LA ZHAG GCIG TU BYAS PA'I LO LNGA BRGYA LA SOGS PAR MYONG BAS YUN RING BA'I TSUL YANG BSAM MO, ,DES NA BDAG DA LTA, JA PHOR GANG 'THUNG YUN TZAM LA LAG PA ME DONG DU 'JUG PA, DGUN LHAG SGANG LA ZHAG GCIG TZAM GCER BUR 'DUG PA, LUS LA SBRANG BU SOGS KYIS SO BTAB PA 'AM SA RDO MANG PO SPUNG BA'I 'OG TU CHUD PA, ZHAG GSUM BZHI TZAM BZA' BTUNG YE MED PAR SDONG DGOS PA LTA BU YANG BA THOD DKA' NANG NA SONG GSUM GYI SDUG BSNGAL SHUGS DAG LA RGYUN RING BA DE JI LTAR BZOD SNYAM DU, DA LTAR GYI NYAMS LA DPAGS TE SHIN TU 'JIGS SHING SKRAG PA'I YID KYI 'GYUR BA THON PAR BYAS TE SDUG BSNGAL DE DAG BZLOG PA'I THABS LA DA RES 'BAD DGOS PAR 'DUG GO SNYAMS PA'I LCAG GIS YANG YANG BRAB PAR BYA'O, ,GNYIS PA LA, BSTAN PA LA 'JUG PA'I SGO DAM PA SKYABS 'GRO SBYANG BA, BDE @57A *, ,LEGS THAMS CAD KYI RTZA BA LAS 'BRAS LA YID CHES KYI DAD PA BSKYED PA GNYIS, DANG PO LA DNGOS DANG BSLAB BYA GNYIS, DANG PO NI, DE LTAR RANG NYID MYUR DU 'CHI ZHING SHI NAS THOG MA MED PA NAS BSAGS PA'I LAS NGAN STOBS CHEN GYI DBANG GIS NGAN 'GROR SKYES TE SDUG BSNGAL BZOD DKA' BA MYONG BAR SNANG LA BDAG GCIG PUR MA ZAD SEMS CAN GZHAN YANG NGAN SONG GI SDUG BSNGAL GYIS DNGOS SU MNAR BA DANG BRGYUD NAS MYONG DGOS PA DPAG TU MED PA YOD PAS RANG GZHAN THAMS CAD SDUG BSNGAL DE DAG LAS SKYOB PA'I SKYABS YANG DAG CIG MI 'TSOL BA'I THABS MI 'DUG DES NA SANGS RGYAS BCOM LDAN 'DAS DE SKU'I YON TAN MTSAN DPE GSAL RDZOGS KYIS SPRAS SHING MTHONG NA MI MTHUN PA MED PA, GSUNG GI YON TAN YAN LAG DRUG CU RTZA BZHI'I DBYANGS DANG LDAN ZHING SEMS CAN KUN GYIS DUS GCIG TU DRI BA MI 'DRA BA RE RE ZHUS KYANG GSUNG DBYANGS GCIG GIS SO SOR DRI LAN THAMS CAD 'DEBS NUS PA, THUGS KYI YON TAN JI LTA JI SNYED KYI CHOS THAMS CAD CHAGS THOGS MED PAR MKHYEN CING SEMS CAN THAMS CAD LAM BU GCIG BU LA BRTZE BA LTA BU'I THUGS RJE CHEN PO'I GZHAN DBANG DU GYUR PA, 'PHRIN LAS KYI YON TAN 'GRO BA SGROL BA'I NUS MTHU YONGS SU RDZOGS PAS LHUN GYIS GRUB PA DANG RGYUN MI 'CHAD PA GNYIS KYIS SEMS CAN THAMS CAD LA PHAN 'DOGS PA DANG, KHYAD PAR DU RANG 'JIGS PA MTHA' DAG LAS GROL PA SOGS KHYAD PAR GYI CHOS BZHI DANG LDAN PAS SKYABS STON PA POR 'OS, YON TAN MTHA' YAS PA DANG LDAN PA'I SANGS RGYAS DE JI LTAR @57B BYUNG NA 'GOG LAM GYI BDEN PA BRJOD BYA'I GTZO BOR BYAS NAS STON PA'I LUNG GI CHOS DKON MCHOG LA THOS BSAM BSGOM GSUM BYES PAS RTOGS PA'I CHOS DKON MCHOG SPANGS RTOGS KYI YON TAN SNGA MA SNGA MA RNAMS MNGON DU MJAD PA LAS BYUNG BAS SANGS RGYAS THOB PHA RANG NYID LA RAG LAS SHING RANG RGYUD LDAN GYI GANG ZAG SDUG BSNGAL CI RIGS PA LA DNGOS SU SKYOB BYED YIN PAS SLOB MI SLOB KYI CHOS DKON MCHOG RNAMS SKYABS DNGOS SU 'OS, CHOS DKON MCHOG DE YANG THEG PA GSUM GYI SLOB PA 'PHAGS PA BRNAMS KYIS TSUL BZHIN DU BSGRUB PAR MDZAD BA LA RAG LAS PA'I PHYIR, 'PHAGS PA DE RNAMS SKYABS BSGRUB PA'I ZLA GROGS SU 'OS PA'I TSUL RNAMS LEGS PAR BSAM PA'I SGO NAS DE LTAR YID CHES PA'I DAD PA DANG, DE DAG GI YON TAN RNAMS MNGON DU BYED RGYU BYUNG NA CI MA RUNG SNYAM PA'I GDUNG BA DANG, DKON MCHOG RJES SU DRAN PA 'DI LTA BU BSOD NAMS RE CHE'O SNYAM PA'I SPRO PA SHUGS DRAG POS DKON MCHOG GSUM LA DPUNG GNYEN ZHU 'DOD KYI BLO DUNG DUNG BA BSKYED DE, DE'I MTHUS RANG GZHAN THAMS CAD KYI DON DU SKYABS YUL RNAMS THUGS RJE CHEN PO'I GZHAN DBANG GIS BYA 'PHUR BA LTAR MDUN GYI NAM MKHAR BYON PAR BSAM LA, RKANG GNYIS RNAMS KYI MCHOG SANGS RGYAS LA SKYABS SU MCHI'O, ,BDAG 'KHOR BA DANG NA SONG GI 'JIGS PA LAS SGROL BA'I STON PA MDZAD DU GSOL 'DOD CHAGS DANG BRAL BA RNAMS KYI MCHOG CHOS LA SKYABS SU MCHI'O, ,BDAG 'KHOR BA DANG NGAN SONG GI 'JIGS PA LAS SGROL BA'I SKYABS DNGOS MDZAD DU GSOL, ,TSOGS @58A *, ,RNAMS KYI MCHOG DGE 'DUN LA SKYABS SU MCHI'O, ,BDAG 'KHOR BA DANG NGAN SONG GI 'JIGS PA LAS SGROL BA'I BLA GROGS MDZAD DU GSOL, ,ZHES PA NYER GCIG SOGS BRJOD, GNYIS PA NI, SO SO'I DGAG SGRUB KYI BSLAB BYA, SANGS RGYAS DKON MCHOG LA SKYABS SU SONG BAS 'JIG RTEN GYI LHA MTHU BO CHE YANG GTAN GYI SKYABS SU MI 'DZIN CING, SANGS RGYAS KYI SKU GZUGS RGYU DANG BZO NGAN PA LA YANG SANGS RGYAS DKON MCHOG DNGOS SU MOS, CHOS DKON MCHOG LA SKYABS SU SONG BAS SEMS CAN LA GNOD 'TSE SPONG ZHING GSUNG RAB KYI YI GE CHAG BZHI BA GCIG YAN CHAD LA'ANG CHOS DKON MCHOG DNGOS SU MOS, DGE 'DUN DKON MCHOG LA SKYABS SU SONG BAS GROGS MU STEGS CAN NAM SDIG PA'I GROGS PO DANG 'DRIS CHEN MI BYA ZHING, RAB BYUNG GI RTAGS TZAM 'DZIN PA LA'ANG DGE 'DUN DKON MCHOG DNGOS SU MOS PA DANG, THUN MONG GI BSLAB BYA DKON MCHOG GSUM GYI KHYAD PAR DANG YON TAN RJES SU DRAN PAS YANG YANG SKYABS SU 'GRO BA, BKA' DRIN RJES SU DRAN PAS RTAG TU MCHOD PA LA BRTZON ZHING BZA' BTUNG GI PHUD KYIS MCHOD PA, SNYING RJE CHEN POS 'GRO BA GZHAN YANG TSUL 'DI LTA BU LA 'GOD PA, BYA BA GANG BYED KYANG DKON MCHOG GSUM LA BLO BKAL NAS BYED KYI 'JIG RTEN PA'I THABS GZHAN SPONG BA, NANG BA SANGS RGYAS PAR TSUD PA, SDOM PA THAMS CAD KYI RTEN DU 'GYUR PA, SNGON BSAGS KYI LAS SGRIB RNAMS SRIB CING ZAD PAR 'GYUR BA, BSOD NAMS RGYA CHEN PO GSOGS PA, @58B NGAN SONG DU MI LTUNG BA, MI DANG MI MA YIN GYI BAR CHAD KYIS MI TSUGS PA, CI BSAM THAMS CAD 'GRUB PA, MYUR DU 'TSANG RGYAB STE PHAN YON BRGYAD BSAM NAS DU MA DRUG DU SKYABS SU 'GRO BA, DKON MCHOG GSUM SROG GAM BZHAD GAD KYI BYING YANG MI GTONG BA RNAMS LA TSUL BZHIN DU BSLAB PAR BYA'O, ,GNYIS PA NI, DKON MCHOG GSUM LA SKYABS SU SONG YANG RANG NYID KYIS LAS DKAR NAG LA BLANG DOR PHYIN CI LOG TU BSGRUB NA DKON MCHOG GSUM GYIS KYANG SKYOBS MI NUS PAR NGAN SONG DU SDUG BSNGAL MYONG BA LAS 'OS MED LAS, LAS DKAR NAG GI 'BRAS BU BDE SDUG SO SOR 'BYIN PAS LAS NGES PA, LAS DGE SDIG CHUNG DU LAS KYANG 'BRAS BU BDE SDUG CHEN PO 'BYUNG BAS 'PHEL CHE BA, LAS RANG GIS MA BYAS NA DE'I 'BRAS BU RANG GIS MYONG BA MED PAS MA BYAS PA DANG MI 'PHRAD PA, LAS RANG GIS BYAS NA DE'I 'BRAS BU RE ZHIG MA MYONG KYANG NAM ZHIG RKYEN DANG 'PHRAD PA NA MYONG BAS BYAS PA CHUD MI ZA BA RNAMS LA NGES PA DRANGS NAS, LAS DKAR NAG LA 'DOR LEN TSUL BZHIN DU BYA DGOS LA, 'DOR LEN GANG LA BYA NA SGO GSUM GYI DGE MI DGE'I LAS THAMS CAD LAS LAM BCUR MA 'DUS KYANG TSE LONG NGAM RAGS PA KHA NA MTHO BA'I GZHI CHE BA RNAMS BSDUS NA NAG PO'I LAS LAM BCU DANG, DE DAG SPANGS NA NGON SHIN TU CHE BA'I GNAD RNAMS KYANG BSDUS NA DKAR PO'I LAS LAM BCUR 'DU BAS LAS LAM BCU LA BYA DGOS, DE LA LAS LAM DANG DE'I 'BRAS BU RNAMS NGOS ZIN NAS 'JUG LDOG BYA DGOS PAS 'DI LA, NAG PO'I LAS 'BRAS BSAM PA, DKAR PO'I LAS @59A *, ,'BRAS BSAM PA, 'JUG LDOG JI LTAR BYA TSUL GSUM, DANG PO LA, GZHI RANG LAS GZHAN PA'I SEMS CAN, BSAM PA'I KHYAD PAR DER 'DU SHES SHING, NYON MONGS DUG GSUM GANG RUNG GI SGO NAS, KUN SLONG GSOD PAR 'DOD DE SBYOR BA RANG DAM GZHAN BCOL BAS DUG SBYONG MTSON BSNUN SNGAGS SGRUB SOGS CI RIGS BYAS PA'I RKYEN GYIS MTHAR THUG PHA ROL PO RANG GI SNGA ROL DU SHI BA NA SROG GCOD KYI DNGOS GZHI RDZOGS, GZHI RANG MI DBANG ZHING GZHAN GYIS BDAG TU 'BYUNG BA'I DNGOS PO LA DER 'DU SHES SHING NYON MONGS GSUM GANG RUNG GI SGO NAS KUN SLONG BRAL BAR 'DOD DE SBYOR BA RANG NGAM BSKOS PAS BRKU 'PHROG SOGS CI RIGS KYIS, BLANGS TE MTHAR THUG THOB BLO SKYES PA NA, MA BYIN LEN GYI DNGOS GZHI RDZOGS, GZHI GZHAN GYIS BDAG TU 'THUNG BA'AM RANG GI NYID DU YIN PA'I BUD MED DANG SKYES PA THAMS CAD DANG MA NING DANG RAB BYUNG MA LTA BU BGROD BYA MIN PA, BGROD BYA YIN KYANG KHA DANG GSHANG LAM SOGS YAN LAG MA YIN PA, BLA MA DANG MCHOD RTEN GYI DRUNG SOGS GNAS MA YIN PA SBRUM MA DANG BSNYEN GNAS LA GNAS PA SOGS DUS MIN PA GANG RUNG LA DER 'DU SHES SHING, NYON MONGS DUG GSUM GANG RUNG GI SGO NAS KUN SLONG BGROD PAR 'DOD DE, SBYOR BA DE'I DON LA RTZOL BSAM THAR THUG GNYIS KYI GNYIS SPRAD PA NA LOG G-YEM GYI DNGOS GZHI RDZOGS, GZHI MTHONG BA DANG, THOS PA DANG; BYE BRAG PHYED PA DANG, RNAM PAR SHES PA BZHI DANG, DE LAS BZLOG PA BZHI GANG RUNG, YUL DON GO BA LA 'DU SHES MTHONG BA LA MA MTHOR BA SOGS SU BSGYUR CING @59B NYON MONGS GSUM GANG RUNG GI SGO NAS KUN SLONG 'DU SHES BSGYUR NAS SMRA BAR 'DOD DE, ,SBYOR BA SMRA BA'AM MI SMRA BAS DANG DU LEN PA'AM LUS BSGYUR BA'I MTSAN MAS STON PA CI RIGS BYAS BAS MTHAR THUG PHA ROL POS DON GO BA NA RDZUN SMRA BA'I DNGOS GZHI RDZOGS, ,GZHI SEMS CAN MTHUN PA'AM MI MTHUN PA GNYIS LA DER 'DU SHES SHING NYAN MONGS GSUM GANG RUNG GI SGO NAS KUN SLOR DBYE BA'AM MI 'DUM PAR 'DOD DE SBYOR BA BDEN RDZUN GANG RUNG GIS BRJOD BYA SNYAN MI SNYAN CI RIGS DGOS PA RANG GZHAN GANG RUNG GI PHYIR SMRAS PA MTHAR THUG PHA ROL POS DON GO BA NA PHRA MA'I DNGOS GZHI RDZOGS, GZHI KUN NAS MNAR SEMS SKYE PA'I GZHIR GYUR BA'I SEMS CAN LA DER 'DU SHES SHING NYON MONGS GSUM GANG RUNG GI SGO NAS KUN SLONG RTA BA POS SMRA BAR 'DOD DE, SBYOR BA BDEN RDZUN GANG RUNG GIS RIGS LUS TSUL KHRIMS KUN SPYOD SOGS KYI SKYON GANG RUNG BRJOD PA MTHAR THUG SMRA YUL GYIS DON GO BA NA, TSIG RTZUB KYI DNGOS GZHI RDZOGS, GZHI DON MED PA DANG LDAN PA'I DON LA DER 'DU SHES NYON MONGS GSUM GANG RUNG GI SGO NAS KUN SLONG BYUNG RGYAL SMRA BAR 'DOD DE SBYOR BA NGAG KYAL SMRA BAR RTZOM PAS MTHAR THUG ZIN PA NA NGAG KYAL GYI DNGOS GZHI RDZOGS, GZHI GZHAN GYI NOR DANG LONGS SPYOD LA DER 'DU SHES SHING RANG NOR LA CHAGS SEMS DANG BSOG SEMS, GZHAN NOR LA RO MYANG SEMS DANG 'KHU SEMS, NGO TSA DANG NYES DMIGS ZIL GYIS NON PA'I CHOS LNGA LDAN GYI NYON MONGS GSUM GANG RUNG GI SGO NAS KUN SLONG BDAG GIR BYA BAR 'DOD SBYOR BA RANG LA 'BYUNG BA'I CHED DU RTZOL BAS MTHAR THUG BDAG GIR @60A *, ,GYUR CIG SNYAM DU YID KYIS THAG BCAD PA NA BRNAB SEMS KYI DNGOS GZHI RDZOGS, GZHI YID DU MI 'ONG BA'I SEMS CAN LA DER 'DU SHIS SHING GNOD BYED KYI RGYU LA MTSAN MAR 'DZIN PA'I ZHE SDANG GI SEMS, GNOD BYED LA MI BZOD PA'I SEMS, TSUL MIN YOD KHYED YANG YANG DRAN PAS 'KHON 'DZIN GYI SEMS, BRDEG PA DANG BSAD NA CI MA RUNG SNYAM PA'I 'KHU SEMS, NGO TSA DANG NYES DMIGS ZIL GYIS NON PA'I CHOS LNGA LDAN GYI NYON MONGS GSUM GANG RUNG GI SGO NAS KUN SLONG BRDEG GSOD SOGS BYA BAR 'DOD DE SBYOR BDE BYED PAR SEMS KYIS RTZOL ZHING MTHAR THUG DNGOS SU NU SAN BYA BAR THAG BCAD PA NA GNOD SEMS KYI DNGOS GZHI RDZOGS, GZHI DKON MCHOG DANG LAS 'BRAS SOGS YOD PA'I 'DOD LA MED PAR 'DU SHES SHING SHES BYA JI LTA BZHIN MI SHES PAS RMONGS PA'I SEMS, SDIG PA LA DGA' BAS DRAG SHUL GYI SEMS, TSUL BZHIN YIN PA'I CHO SAL NGES PAR RTOGS PAS LOG PAR RGYUN TU ZHUGS PA'I SEMS, LEGS BSHAD SOGS MED DO ZHES BSKUR BA 'DEBS PAS RAB TU NYAM PA'I SEMS, LOG LTA DES NGO TSA BA MED CING NYES DMIGS LAS NGES PAR 'BYUNG MI SHES PHAS BLIL GYIS NON PA'I SEMS TO CHOS LNGA LDAN GYI NYON MONGS GSUM GANG RUNG GI SGO NAS KUN SLONG SKUR BA 'DEBS 'DOD KYIS SBYOR BA MED PAR BSAM PA LAS BRTZAM STE MTHAR THUG MED PAR THAG BCAD PA NA LOG LTA'I DNGOS GZHI RDZOGS PAR 'GYUR TSUL BSAM NAS LAS LAM NGOS BZUNG LA, DE DAG NANG GA ? SES ? KYI LCI YANG GI KHYAD PAR, LUS @60B NGAG GI BDUN SNGA MA SNGA MA LCI ZHING YID KYI GSUM PHYI MA PHYI MA LCI BA DANG, SPYIR DKON MCHOG DAG BLA MA DANG PHA MA SOGS LA PHAN GNOD GANG BYAS KYANG ZHING GI SGO NAS STOBS CHE BA, BSAM PA SHUGS DRAG CING RGYUN RING POS BYAS PA DANG, TSANGS PHA MTSUNGS PAR SPYOD PA DANG RGYAL SRAS LA KHONG KHRO BA LTA BU'I NYES SPYOD DANG, SEMS CAN THAMS CAD KYI DON DU SANGS RGYAS KYI MCHOD RTEN LA ME TOG GCIG TZAM 'BUL BA LTA BU'I LEGS SPYAD RNAMS BSAM PA'I SGO NAS STOBS CHE BA, CHOS SBYIN RNAMS PAR DAG P DANG BSGRUB PA'I MCHOD PA LTA BU DNGOS PO'I SGO NAS STOBS CHE BA; SPYIR SDOM ? LDAN DANG DE LAS GNYIS LDAN DANG DE LAS KYANG GSUM LDAN GYIS BYAS PA'I DGE BA DANG KHYAD GSOL KYI SGO NAS SHES BZHIN DU 'JUG PA'I MKHAS RLOB SOGS GYI BYAS PA'I NYES PA NI RTEN GYI SGO NAS STOBS CHE BA SOGS KYANG LEGS PAR BSAM PAR BYA, DE NAS LAS DE DAG GI 'BRAS BU JI LTA BU BSKYED PA NI RNAM SMIN GYI 'BRAS BU MI DGE BA'I LAS LAM CHEN PO BCU RE RES DMYAL BA, 'BRID BCU RE RES YI DVAGS, CHUD DU BCU DE RES DUD 'GROR SKYE, RGYU MTHUN GYI 'BRAS BU, NGAN 'GRO NAS MIR SKYES KYANG RIM PA LTAR TSE THUNG BA DANG, LONGS SPYOD KYIS 'PHONGS PA DANG, CHUD MA BSRUNG DU MI BTUB PA DANG, MI KHA SDANG BA DANG, MDZA' BSHES NYUNG PA DANG, MI SNYAN PA MANG DU THOS PA DANG, TSIG MI BTZAN PA DANG, CHAGS SNGA RMONGS GSUM SHES CHE BA RNAMS 'BYUNG, BDAG PO'I 'BRAS BU MING SKYES GYUR RANG NYID GANG DU SKYES PA'I YUL DU BZA' BTUNG DAN SMAN GYI NUS PA NYAMS, LO 'BRAS NYUNG @61A *, ,DUR 'GYUR ZHING SMIN MI NUS 'DAM RDZAB DANG LJAN LJIN MANG BA DANG YANG BA LAS KYI MTHA' RGYAS PAR MI 'GYUR, SA PHYOGS I SNYOMS SHING BGROD DKA', SDONG DUM DANG TSE RAM DANG RDO GEG SOGS MANG, LJON SHING LA 'BRAS BU DUS SU MI CHAGS, PHUN SUM TSOGS PA THAMS CAD RIM GYIS 'GRIB, 'GO NANG DANG 'KHRUG PA DANG DGRA GDON GYI 'TSE BA MANG; 'BYUNG KHUNGS MCHOG NUB PA DANG BZANG NGAN GO BZLOG PAR 'GYUR BA RNAMS BSAM LA MI DGE BA LAS LDOG 'DOD DRAG PO BSKYED, GNYIS PA NI, GZHI RANG LAS GZHAN PA'I SEMS CAN SOGS LA, BSAM PA SROG GCOD SOGS BYAS PA'I NYES DMIGS MTHONG NAS SPONG BAR 'DOD PAS SBYOR BA GSOD PA SOG YANG DAG PAR BSDAM PA'I 'DU BYED KYIS MTHAR THUG YANG DAG PAR BSDAMS PA RDZEGS PA'I LAS NI DGE BA'I LAS YIN LA, DE'I RNAM SMIN GYI 'BRAS BU, DGE BA'I LAS CHUNG 'BRING CHEN PO GSUM GYIS RIM PA BZHIN MI DANG 'DOD LHA DANG KHAMS GONG MA'I LTAR SKYE, RGYU MTHUN GYI 'BRAS BU TSE RING BA SOGS DANG, BDAG PO'I 'BRAS BU SMAN MTHU CHE BA SOG MI DGE BA'I RGYU MTHUN DANG BDAG 'BRAS LAS BZLOG PA RNAMS 'BYUNG TSUL LEGS PAR BSAM NAS DGE BA LA 'JUG 'DOD DRAG PO BSKYED PAR BYA, DE NAS GZHIN SA MTHAR THUG GI BAR DGE SEMS KHO NAS ZIN PA'I SBYIN GTONG LTA BU GCIG TU DKAR PA'I LAS, GZHI NAS MTHAR THUG GI BAR SDIG SEMS KHO NAS ZIN PA'I SROG GCOD LTA BU GCIG TU NAG PA'I LAS, MANG PO'I SROG SKYOB BA'I DON DU GANG ZAG GCIG GSOD PA LTA BU SBYOR BA'I KHYAD PAR GYI @61B RGYU MTHUN GYI 'BRAS BU SDUG BSNGAL BPYED KYANG BSAM PA'I KHYAD PAR GYIS RNAM SMIN DANG BDAG 'BRAS BDE BA 'BYIN PAS LAS NAG RNAM SMIN DKAR PA'I LAS, MANG PO ZHIG GSOD PA'I BSAM PAS MA CHAGS PA'I SBYIN PA GTONG BA LTA BU SBYOR BA'I KHYAD PAR GYIS RGYU MTHUN GYI 'BRAS BU TSE THUNG BA DANG LONGS SPYOD CHE BA GNYIS KA 'BYIN CING BSAM PA'I KHYAD PAR GYI RNAM SMIN DANG BDAG 'BRAS SDUG BSNGAL 'KHO NA 'BYIN PA LTA BU LAS DKAR RNAM SMIN NAG PA 'DRES MI'I LAS RNAMS DANG, 'PHEN BYED DGE BAS 'PHAGS LA RDZOGS BYED MI DGE BAS RDZOGS PA DANG, DE LAS BZLOGS PA SOGS 'PHEN RDZOGS KYI DBYE BA DANG, MYONG BAR NGES PAR BYAS LA BSAGS PA DANG, MYONG BAR MA NGES PA BYAS LAM BSAGS PA SOGS KYI DBYE BA DANG, LAS DE'I 'BRAS BU TSE DE LA MYONG BA MTHONG CHOS MYONG 'GYUR SOGS KYI DBYE BA RNAMS KYANG LEGS PAR BSAM LA BLAG DOR BYED 'DOD BSKYED PAR BYA ZHING, KHYAD PAR DU RNAM MKHYEN BSGRUB PA'I RTEN MA TSAN NYID TSANG BA CIG GRUB NA LAM GYIS CHOD SHIN TU CHE BAS, TSO, KHA DOG RIGS, DBANG PHYUG PHUN SUM TSOGS PA, TSIG BTZAN PA, DBANG CHE BAR GRAGS PA, SKYES PA YIN PA, STOBS DANG LDAN PA STE, RNAM SMIN GYI YON TAN BRGYAD DANG LDAN PA'I LUS RTEN THOB PA'I THABS SU, GZHAN GYI SROG SKYOB PA, RTEN LA MAR ME 'BUL BA, GZHAN LA BRAN LTAR GUS PA, SBYIN PA LA BRTZON PA, NGAG BAG DANG LDAN PA, RANG LA YON TAN SNA TSOGS 'BYUNG BAR SMON LAM 'DEBS PA, 'BRAS BU MI DBYUNG ZHING BUD MED LA @62A *, ,NYES DMIGS SU LTA BA, GZHAN GYIS MI NUS PA RANG GIS BSGRUB PA LA BRTZON PA STE, RGYU BRGYAD BSGRUB PA LA MOS PA DANG SPRO BA SHUGS DRAG LA RGYUN RING BA BSKYED PA LA 'BAD PAR BYA'O, ,GSUM PA NI, DE LTAR LAS 'BRAS KYI RNAM BZHAG RNAMS LEGS PAR SHES PAR BYAS NAS YANG DANG YANG DU BSAM ZHING DE BZHIN GSHEGS PA'I BKA' BDEN PAS GSUNGS PA LA YID CHES PA'I SGO NAS DGE BA PHRA MO NAS KYANG BSGRUB LA, MI DGE BA'I KUN SLONG TZAM YANG MI RGYU BAR SDOM SEMS MANG DU BSTEN PA GOMS PAR BYA, DE LTAR BYAS KYANG BAG MED PA DANG NYON MONGS MANG BA LA SOGS PA'I DBANG GIS NYES PA BYUNG BA DANG SNGAN CHAD TSE 'DI DANG TSE RABS SNGA MA RNAMS SU RANG GZHAN CI RIGS KYI PHYIR DU SDIG PA RNGAM BO CHE GRANGS MED BSAGS PA RNAMS DAG PAR MA BYAS NA SLAR YANG NGAN SONG DU SDUG BSNGAL SHA STAG MYONG BAR 'GYUR TSUL BSAM NAS SEMS BLONG BLONG POR GYUR PA NA, STON PA THABS MKHAS THUGS RJE CAN DES GNYEN PO STOBS BZHI LA 'BAD NA SDIG PA SHIN TU STOBS CHE BA RNAMS KYANG 'DAG PAR GSUNGS PAS DE BSTEN PA LA, SKU GSUNG THUGS KYI RTEN BKRAM LA DE DAG DKON MCHOG DNGOS SU MOS STE SKYABS 'GRO DANG BYANG CHUB KYI SEMS BSGOM, SNGAR BYAS KYI SDIG PA LA DUG KHONG DU SONG BA LTA BU'I SUN 'BYIN PA'I 'GYOD SEMS DANG, PHYIN CHAD SROG LA BABS KYANG MI BYED SNYAM PA'I NYES PA LAS SLAR LDOG PA'I SDOM SEMS DRAG POS PHYAG 'TSAL ZHING PHUNG PO GSUM PA 'DON PA SOGS GNYEN PO KUN TU SPYOD PA LA 'BAD PAR BYA'O, , @62B GNYIS PA NI, DE LTAR 'CHI BA RJES SU DRAN PA DANG SHI NAS NGAN 'GROR LTUNG TSUL BSAM PAS 'JIG RTEN 'DI LAS BLO LOG NAS PHYI MA'I BDE 'GRO'I DON GNYER SKYES TE SKYABS 'GRO THUN MONG BA DANG DKAR NAG GI LAS 'BRAS NGES PA'I SGO NAS SDIG SPONG DGE BSGRUB LA 'BAD PAS BDE 'GRO'I GO 'PHANG ZHIG THOB KYANG 'DU BYED KYI SDUG BSNGAL LAS MA 'DAS PAS YANG DAG PAR NA BDE BA MED CING, SLAR YANG NGAN SONG DU LTUNG BAS MTHA' NGAN PA'I PHYI NGAN LAS NYON GNYIS KYI DBANG GIS SKYES GNAS RNAM BZHIR NYING 'TSAMS SBYOR BA'I BCING BA LAS GROL BA'I THAR PA THOB PAR BYA DGOS PAS, DE LA THAR PA DON GNYER GYI BLO BSKYED PA'I THABS BSAM PA, THAR PAR BGROD PA'I LAM GYI RANG BZHIN NYAMS SU LEN PA GNYIS, DANG PO LA, SDUG BSNGAL 'KHOR BA'I NYES DMIGS BSAM PA, KUN BYUNG 'KHOR BA'I 'JUG RIM BSAM PA GNYIS, DANG PO LA, NGAN SONG GSUM GYI SDUG BSNGAL BSAM PA GONG DU SONG BAS, MI'I SDUG BSNGAL, BDE 'GRO GZHAN GNYIS KYI SDUG BSNGAL, RIGS DRUG THUN MOD BA'I SDUG BSNGAL BSAM PA GSUM, DANG PO NI, MI'I RTEN LA SKYE BA'I SDUG BSNGAL, LAS NYON GYI DBANG GIS SKYE BA BLANGS PA NA NYON MONGS KYI SA BON RJES SU 'BREL BAS GNAS NGAN LEN DANG LDAN ZHING, NA RGA 'CHI BA SOGS SDUG BSNGAL SNA TSOGS KYI GNAS SU GYUR LA, SEMS RAB TU MA ZHI BAR BYED PA DUG GSUM LA SOGS PA'I NYON MONGS PA RNAMS KYIS LUS SEMS NGAL BA'I NGANG NAS, MTHAR MI 'DOD BZHIN DU 'CHI DGOS PA'I SDUG BSNGAL RNAMS 'BYUNG ZHING @63A *, ,KHYAD PAR DU SKYE BA'I TSE SDUG BSNGAL GYI TSOR BA DRAG PO DANG BCAS TE SKYE BA NI MNGAL SKYES LTA BU LA MTSON NA, MA'I PHO BA'I 'OG LONG KA'I STENG NA SGAL TSIGS LA NYE BAR DRING ZHING MI GTZANG BA'I LJAN LJIN GYI KHROD DU KHU KHRAG GI DBUS SU NYID ? 'TSAMS SBYAR TE RIM GYIS MER MER PO SOGS 'PHEL NAS BTZA' BA LA THUG GI BAR, MAS BZA' BTUNG HA CANG TSA BA DANG GRANG BA; BSTEN PA'I TSE ME DONG DANG KHYAGS SBUBS SU CHUD PA LTA BU, HA CANG 'GRANG BA DANG LTOGS PA'I TSE THIB 'OG TU NON PA DANG, NAM MKHA' LA BTIGS PA LTA BU, MCHOD PA DANG RGYUG PA NA G-YANG LA LHUNG BA LTA BU'I SDUG BSNGAL SNA TSOGS MYONG BZHIN PA'I NGANG NAS ZHAG PHYED DANG SUM BRGYA LHAG TZAM SONG BA NA LAS KYI RLUNG GIS MGO BO THUR DU BSTAN TE, MNGAL SGO'I RUS PA SHIN TU DOG PO NAS BTZAL BA'I TSE 'JUR MI GNAS DRANG BA'AM LPAGS PA DMAR BSHUS BYAS PA LTA BU DANG, BTZAS NAS KYANG RE SHIG GI BAR STAN 'JAM PO LA BZHAG KYANG TSER DONG DU BCUG PA LTA BU DANG, GZHAN GYIS LAG TU BLANGS PA NA BYI'U KHRAS KHYER BA LTA BU'I SDUG BSNGAL GYI TSOR BA DRAG PO DANG, GZHAN YANG TSA GRANG GI SDUG BSNGAL CUNG ZAD TZAM YANG BZOD DKA' BA'I TSUL RNAMS RANG GIS DA LTA MYONG BA'I TSUL GYIS BSAM, DE BZHIN DU RGA BA'I SDUG BSNGAL, NA TSOD DAR BABS KYI SKABS SU LUS DRANG ZHING SKRA NAG LA GNYER MA MED PA'I GZHON SHA CAN DE RIM GYIS NYAMS NAS RGAS PAN LUS SGUR SKRA DKAR GNYER MAS KHEB PA SOGS KYIS LA TSO NYAMS SHING, MTHU STOBS NYAMS PAS LDANG 'DUG 'GRO BA SOGS DKA' BA DANG @63B DBANG PO DANG DRAN PA NYAMS PAS MIG LA SOGS PAS YUL GSAL BAR 'DZIN MI NUS PA DANG BRJED NGES CHE ZHING, YUL LA LONGS SPYOD NYAMS PAS BZA' BTUNG 'JU DKA' BA DANG TSE NYAMS PAS 'CHI BA LA NYE BAR PHYOGS PA'I SDUG BSNGAL RNAMS 'BYUNG, NA BA'I SDUG BSNGAL, TSA GRANG SOGS KYI NAD KYIS THEBS PA'I TSE LUS KYI SHA ZHU LPAGS PA SKAMS SHING 'BYUNG BA 'KHRUGS PAS LUS SEMS LA MI BDE BA BSKYED PA DANG, YID DU 'ONG BA'I ZAS SKOM SBYAD DU MI BTUB CING, MI 'ONG BA'I BZA' BTUNG SMAN DPYAD NAN GYIS SPYAD DGOS PA DANG, NAD DE MI 'TSE BAR MTHONG NAS SDUG BSNGAL BA RNAMS 'BYUNG, 'CHI BA'I SDUG BSNGAL, 'CHI BA'I TSE 'TSO THABS SNA TSOGS BYAS KYANG NAD JE CHER SONG STE SMAN PAS BOR MO BON GYIS BSLUS, GNYEN BSHES RNAMS KYIS MTHA' BSKOR NAS SMRE SNGAGS 'DON ZHING SHI DGE DANG DUR 'DEBS KYI SHOMS RA 'DING, RANG NYID KYANG BKRAG MDANGS NYAMS, KHA SKAMS MCHU BRJES, SNA ZHOMS, MIG GONG MOR SONG, DBUGS BRTZEGS, SDANG BYAS KYI SDIG PA LA 'GROD CING LONGS SPYOD DANG, RTZA 'DZING DANG, 'KHOR G-YOG PHUN SUM TSOGS PA DANG, GCES PAR BSKYANGS PA'I LUS KYANG MAL DU BZHIG STE 'GRO BA MTHONG NAS CHAGS ZHEN DRAG PO'I DBANG GIS SDUG BSNGAL BA DANG, NAD KYI LUS SEMS GDUNGS PA'I SDUG BSNGAL DRAG PO MYONG BZHIN DU 'JIG RTEN PHA ROL TU 'GRO DGOS PA'I SDUG BSNGAL RNAMS 'BYUNG, MI SDUG PA DANG 'PHRAD PA'I SDUG BSNGAL, DGRA LTA BU DANG 'PHRAD PA TZAM GYIS YID MI BDE BA SKYE ZHING, @64A *, ,CHAD PAS GCOD PA'I 'JIGS GNAS SU GYUR PA DANG, GTAM NGAN GYIS 'JIGS SHING, NYAM NGA BZHIN DU 'CHI BA'I 'JIGS PA DANG, CHOS DANG 'GAL BAS SHI BA'I 'OG TU NGAN 'GROR SONG GIS DOGS NAS 'JIGS PA'I SDUG BSNGAL BA RNAMS 'BYUNG, SDUG PA DANG BRAL BA'I SDUG BSNGAL, CHES 'PHANGS PA'I GNYEN BSHES SOGS DANG BRAL BA NA DES SEMS LA MYA NGAN SKYE ZHING, NGAG TU SMRE SNGAGS 'DON PA DANG, LUS LA GNOD PA BSKYED CING, DE'I YON TAN DRAN PAS 'DOD PAS YID GDUNG BA DANG, DE'I LONGS SPYOD MA TSANG BAS SDUG BSNGAL BA RNAMS 'BYUNG, 'DOD PA BTZAL TE MA RNYED PA'I SDUG BSNGAL SO NAM BYAS KYANG STON THOG MA GRUB PA DANG TSONG BYAS KYANG KHE SPOGS MTHON PA SOGS KYIS MTSON NAS GANG LA RE BA DE MA GRUB NA SEMS LA MYA NGAN SKYE ZHING, NGAG TU SMRE SNGAGS 'DON PA DANG, LUS LA GNOD PA BSKYED CING, DE'I YON TAN DRAN NAS 'DOD PAS YID GDUNG BA DANG, 'BAD PAS BTZAL KYANG MA RNYED PAS YI CHAD PA'I SDUG BSNGAL RNAMS 'BYUNG, GZHAN YANG BKRES SKOM TSA GRANG NGAL DUB SOGS SGO SNA TSOGS NAS MI'I LUS RTEN 'DI NYID KYANG SDUG BSNGAL GYI RANG BZHIN CAN YIN PAS DE LTA BU LA MYONG BA SNYING THAG PA NAS MA SKYES KYI BAR DU BSGOM MO, GNYIS PA NI, LHA MIN RNAMS LHA'I DPAL 'BYOR LA MI BZOD PA'I PHRAG DOG GIS YID GDUNGS PA DANG DE LA BRTEN NAS LHA DANG 'THAB PA NA LUS BCAD PA DANG DRAL BA SOGS KYI SDUG BSNGAL DANG BCAS, LHA LA 'DOD LHA RNAMS 'CHI BAR NYE BA'I TSE LUS KYI BKRAG MDANGS NYAMS SHING, STAN LA @64B MI DGA' BA DANG, ME TOG GI PHRENG BA RNYINGS SHING, GOS LA DRI MA CHAGS PA DANG, LUS LA SNGON MED PA'I RDUL 'BYUNG BA STE 'CHI LTAS LNGA, LUS KYI 'OD CHUNG ZHING, KHRUS CHU LUS LA CHAGS PA DANG, GOS RGYAN LAS SGRA MI SNYAN PA 'BYUNG ZHING, MIG GI RDZI MA 'KHRAB PA DANG, YUL GCIG LA CHAGS PA STE NYE BA'I 'CH LTAS LNGA RNAMS BYUNG BA NA DE DAG 'CHI LTAS SU RIG NAS SDUG BSNGAL BA SOGS DANG BCAS, KHAMS GONG MA GNYIS KYI LHA RNAMS LA SDUG BSNGAL GYI SDUG BSNGAL MED KYANG, GNAS PA DANG 'CHI 'PHO BA LA RANG DBANG MED PAS GNAS NGAN LEN GYI SDUG BSNGAL DANG BCAS SHING DE DAG THAMS CAD KYANG SNGON LAS KYI 'PHEN PA ZAD PA NA NGAN SONG SOGS SU LTUNG BAR 'GYUR BA'I SDUG BSNGAL DANG BCAS TSUL RNAMS LEGS PAR BSAM, GSUM PA NI, 'KHOR BA LAS MGROL BYIN 'KHOR BSGYUR DANG TSANGS PAR GYUR KYANG SLAR BRAN DU 'GYUR BA LTA BU 'GRUB PA'I SDUG BSNGAL, TSE 'DI'I SKYE RGA NA 'CHI'I SDUG BSNGAL NI GRUB PA'I SDUG BSNGAL, 'BRAS TSAB 'GYUR BYED KYI REG PA DANG 'PHRAD PA NA SDUG BSNGAL TSAR SONG BLTA BU SDUG BSNGAL GYI SDUG BSNGAL, PHYIN NAS NGAL BA NA BSDANG PAS BDE BAR SNANG BA LA BSDAD YUN RING DRAG NA NAM ZHIG YAN LAG DANG RKED PA NA BA LTA BU 'GYUR BA'I SDUG BSNGAL, 'KHYAGS PA'I SBUBS SU CHUD PA ZHIG DE LAS MTHAR GYI BAR DU DRO BA'I SKABS MED PA LTA BU KHYAB PA 'DU BYED KYI SDUG BSNGAL YIN, DON HRIL GYIS DRIL NA NYER LEN GYI PHUNG PO 'DI BLANGS PHYIN CHAD DA LTA'I PHUNG PO LA BRTEN PA'I SDUG BSNGAL MYONG ZHING PHYI MA'I SDUG BSNGAL 'DREN @65A *, ,PA LAS 'OS MED, NYER LEN GYI PHUNG PO ZHES 'DOGS PA'I RGYU MTSAN YANG NYER LEN NI 'DUN PA DANG 'DOD CHAGS BYED PA YIN LA PHYI MA'I PHUNG PO LA THOB 'DOD KYI 'DUN PA DANG DA LTA'I PHUNG PO LA CHAGS PA'I 'DOD CHAGS LA BRTEN NAS PHUNG PO 'GRUB PAS RGYU'I SGO NAS DANG, PHUNG PO LA BRTEN NAS KYANG PHUNG PO THOB 'DOD KYI 'DUN PA DANG PHUNG PO LA CHAGS PA'I 'DOD CHAGS 'BYUNG BAS 'BRAS BU'I SGO NAS KYANG BTAGS PA STE, DE LTAR GCIG LAS GCIG 'BYUNG GI TSUL DU 'KHOR BAR 'KHOR TSUL BSAM LA SKYO BA BSKYED PAR BYA, GZHAN YANG 'KHOR BA NA PHA BUR 'GYUR ZHING BU PHAR 'GYUR PA, DGRA GNYEN DU 'GYUR ZHING GNYEN DGRAR 'GYUR BA LTA BU NGES PA MED PA DANG, LHA'I BDUD RTZI DANG DMYAL BA'I KHRO CHU KHOL MA BTUNG BA'ANG BSKYIL NA RGYA MTSO CHEN POS MTSON MI NUS PA SPYAD KYANG CHOG MI SHES PA'I DOMS PA MED PA, MGO BCAD NAS SHI BA GCIG PU'I MGO SPU NGAS NA TSANGS PA'I 'JIG RTEN LAS KYANG THAL BAR 'GYUR BAS MTSAN PA'I LUS YANG YANG 'DOR BA, MA'I THUG MTHA' CHEN PO 'DI RIL BU CHUNG NGUR DRIL NAS BGRANGS KYANG 'DREN MI THUB PAS MTSON PA'I MNGAL SGO YANG YANG 'GRIM PA, 'JIG RTEN NA CHE BA TSANGS PA DANG BRGYA BYIN SOGS KYI GO 'PHANG THOB KYANG SLAR YANG BRAN GYI THA MAR 'GYUR BAS MTSON PA'I YANG YANG MTHO DMAN DU 'GYUR BA, SKYE BA'I TSE YANG GCIG PUR SKYE ZHING 'CHI BA'I TSE YANG GCIG PUR 'CHI BAS GROGS MED PA'I TSUL RNAMS YID 'JIGS ZHUM ZHUM PA MA BYUNG GI BAR DU BSGOM, GNYIS PA NI, DE LTAR 'KHOR BA'I SDUG BSNGAL GYI @65B GNAS TSUL SHES PAR BYAS NAS, DE MI 'DOD NA DE'I RGYU SPONG DGOS, DE LA RGYU NGOS ZIN DGOS, RGYU GANG YIN NA KUN 'BYUNG YIN ZHING DE LA LAS NYON GNYIS YOD KYANG LAS NI NYON MONGS PA LAS BYUNG BAS NYON MONGS GTZO BO YIN LA, NYON MONGS NI GANG SKYES PA NA SEMS BLONG BLONG POR SONG BA LTA BU SEMS RGYUD RAB TU MA ZHI BAR BYED PA'I SHES PA GCIG GI STENG NAS NGOS 'DZIN DGOS SHING 'DI LA SPYIR GRANGS MANG YANG GTZO BO NI, LTA MIN LNGA DANG LTA BA LNGAR 'DU BAS DE DAG NGOS BZUNG BA LA RANG RGYUD KYI NYON MONGS BAG LA NYAL DE MNGON GYUR DU BSLANGS NAS NGOS 'DZIN DGOS PAS, DE'I TSUL NI RANG NYID GANG LA CHAGS PA DRAG PO SKYE BA'I YUL ZHIG DNGOS SU BLTA BA'AM YANG YANG YID YUL DU BYAS PA NA SNGAR GYI SHES PA SO NA GNAS PA DE 'GYUR NAS KUN RTOGS RAGS PA GZHAN RNAMS 'GAGS TE BSRAN MI BZOD PAR CHAGS YUL DE LA RJES SU CHAGS PAS BLTA BA DANG REG PA SOGS LONGS SPYOD 'DOD KYI BLO DUD DUD YOD PA'I NYON MONGS DE 'DOD CHAGS, SNGAR YUL LA DMIGS NAS KUN NAS MNAR SEMS PA RTZUB MOS 'DI LA THABS GANG 'DRA ZHIG GI SGO NAS GNOD PA BYA NA SNYAM PA'I NYON MONGS DE KHONG KHRO, ,'JIG LTA'I DBANG GIS RIGS NOR YON TAN SGYU RTZAL SOGS LA BRTEN NAS GANG ZAG CHE GE MO 'DIS BDAG GI BA SPU'I KHUNG BU TZAM YANG MI BDO SNYAM TU RANG NYID LA MCHOG TU 'DZIN PA'I KHENGS PA'I RNAM PA CAN GYI NYON MONGS DE NGA RGYAL, LAS 'BRAS DANG DE KHO NA NYID SOGS JI LTA JI SNYED KYI CHOS KYI GNAS LUGS BSGRIB CING MI GSAL BAR BYED PA'I NYON MONGS DE MA RIG PA, DKON @66A *, ,MCHOG DANG LAS 'BRAS SOGS YOD DAM MED BDEN NAM MI BDEN SNYAM PA'I YUL LA NGES SHES BSKYED PA LA GEGS BYED PA'I NYON MONGS DE THE TSOM, NYER LIN GYI PHUNG PO'I STENG NAS NGA DANG NGA'I ZHES BDAG TU 'DZIN PA'I SHES RAB NYON MONGS CAN DE 'JIG LTA, 'JIG LTAS BZUNG BA'I BDAG DE RTAG PA THER THUG TU LTA BA'AM 'DI NAS PHYI MAR NYING ? 'TSAMS SBYOR BA MED PAR LTA BA'I SHES RAB NYON MONGS CAN DE MTHAR LTA, 'JIG LTA MTHAR LTA LOG LTA GSUM GANG RUNG DANG DE DAG GANG LAS BYUNG BA'I PHUNG PO LA DMIGS NAS MCHOG TU 'DZIN PA'I SHES RAB NYON MONGS CAN DE LTA BA MCHOG 'DZIN, RANG NGON ? 'CHAL TSUL SPANGS PA'I TSUL KHRIMS DANG TSUL DANG CHA BYAD DANG LUS NGAG GI 'JUG PA NGES PA'I BRTUL SHUGS DANG, DE DAG GANG LAS BYUNG BA'I PHUNG PO LA DMIGS NAS GROL BA THOB PAR 'DOD PA'I SHES RAB NYON MONGS CAN DE TSUL KHRIMS BRTUL SHUGS MCHOG 'DZIN GYI LTA BA, LAS 'BRAS DANG DKON MCHOG SOGS MED PAR LTA BA'AM SNOD BCUD RNAM DBANG PHUG SOGS KYI BYAS PAR 'DOD PA'I SHES RAB NYON MONGS CAN DE LOG LTA YIN PAS DE DAG RE RE NAS RANG RGYUD LA MNGON GYUR DU SKYER BA CUG STE NGO SHES PAR BYAS LA PHYIS NAM BYUNG TZAN NGOS ZIN PA LA DKA' BA MED PAR BYA, NYON MONGS DE DAG LAS MA RIG PA DANG 'JIG LTA GNYIS GCIG TU BYAS KYANG MI 'GAL MDO ? SPU RIS SO SOR 'BYED TSE MUN PAS THEG PA'I GNAS LUGS BSGRIB PA LA BRTEN NAS THEG PA LA SPUL 'DZIN GYI BLO SKYE BA LTAR, MA RIG PAS @66B PHUNG PO'I GNAS LUGS BSGRIB PA LA BRTEN NAS PHUNG PO LA BDAG TU 'KHRUL BA SKYE ZHING DE LAS CHAGS SDANG SOGS NYON MONGS GZHAN RNAMS SKYE LA, DE'I RKYEN GYIS LAS BSAGS TE 'KHOR BAR 'KHOR ZHING SKYE RGA NA 'CHI SOGS NYES PA THAMS CAD 'BYUNG NGO, ,NYON MONGS DE DAG GIS RANG RGYUD LDAN GYI GANG ZAG LA GNOD PA BYED TSUL NI, BDAG 'JOMS PA SEMS CAN 'JOMS PA, TSUL KHRIMS 'JOMS PA, NYAMS PA DANG BCAS PA, RNYED PAS DMAN PA, SRUNG MA DANG STON PAS SMOD PA, RTZOD PA DANG BCAS PA MI SNYAN PA DANG BCAS PA, MI KHOM PA'I GNAS SU SKYE BA, YON TAN THOB ZIN 'GAG CING MA THOB PA MI THOB PAR BYED PA STE, GZHAN YANG SEMS CAN THAMS CAD DGRAR LANGS KYANG MNAR MED DU 'KHRID MI NUS LA NYON MONGS PA'I DGRAS MNAR MED KYI ME NANG DU 'KHRID PA DANG, DGRA BO GZHAN GYI HA CANG YUN RING POR DGRA BYED MI NUS LA NYON MONGS PAS THOG MA MED PA NAS DA LTA'I BAR DGRA BYAS PA DANG, DGRA GZHAN LA MTHUN BTAGS NA PHAN PAR BYED KYANG NYON MONGS LA MTHUN BTAGS NA PHYIR ZHING GNOD PA BYED PA SOGS KYI NYES DMIGS SGO SNA TSOGS NAS BSAM STE, NYON MONGS 'PHEL BAR BYED PA'I RGYU NYON MONGS PA'I RTEN BAG LA NYAL DANG, NYON MONGS SKYE BA'I YUL DMIGS PA DANG; NYON MONGS SHIN TU CHE BA'I GROGS NGAN PA'I GTAM SOGS 'DU 'DZI DANG, NYON MONGS MA SPANGS BZHIN DU THAR PA THOB PA SKAD KYI BSHAD PA DANG, NYON MONGS @67A *, ,HA CANG 'DRIS PAR BYAS PA'I GOMS PA DANG, 'DIS PHAN GNOD 'DI LTAR BYAS SNYAM PA'I CHAGS SDANG GI SGRO 'DOGS DANG SDIG PA 'DI BYAS KYANG 'BRAS BU 'DI 'BYIN PA'I NGES PA MED SNYAM PA LTA BU'I TSUL MIN YID BYED DE DRUG PO NGOS ZIN PAR BYAS LA DGAG CING NYON MONGS NAM SKYES PA NA GNYEN POS 'BUR 'JOMS BYA BA LA 'BAD PAR BYA'O, ,NYON MONGS PAS BSKYED PA'I LAS LA SEMS PA'I LAS DANG, BSAM PA'I LAS GNYIS LAS, DANG PO NI, RANG DANG MTSUNGS LDAN GYI SEMS YUL RNAMS LA G-YO ZHING BSKUL BAR BYED PA'I SEMS BYUNG DANG, GNYIS PA NI, SEMS PA DES KUN NAS SLANGS BA'I LUS NGAG GI RIG BYED DANG MNYAM DU 'JUG PA'I SEMS PA YIN ZHING 'PHEN BYED KYI LAS LA, BSOD NAMS DANG, BSOD NAMS MA YIN PA DANG, MI G-YO BA'I LAS GSUM YOD, 'PHEN BYED KYI LAS GSAR DU BSOG PA PO NI , THEG CHEN GYI SBYOR LAM CHOS MCHOG MAN CHAD KYI SO SKYE RNAMS YIN LA, LAS GSAR DU SOG TSUL NI SROG GCOD SOGS MI DGE BA 'DU BYED NA BSOD NAMS MA YIN PA DANG, 'DOD KHAMS KYI DGE BA SBYIN GTONG SOGS 'DU BYED NA BSOD NAMS DANG, BSAM GTAN DANG GZUGS MED GYI SAS BSDUS PA'I ZHI GNAS SOGS BSGOM NA MI G-YO PA'I LAS BSOG GO , LAS DE DAG GI DBANG GIS 'CHI 'PHO BA DANG NYINGS 'TSAMS SBYOR TSUL NI, TSE ZAD PA, BSOD NAMS ZAD PA, YANG BA MA SPANG BAR 'CHI BA STE, 'CHI RKYEN GSUM GANG RUNG @67B GIS 'CHI BA NA PHYI DBUGS 'CHAD KA'I GNAS SKABS SU 'CHI SEMS RAGS PA 'BYUNG ZHING DE'I TSE RANG GIS DRAN PA'AM GZHAN GYIS GSOS BTAB PA'I RKYEN GYIS DGE MI DGE'I SEMS GNYIS DANG LUNG MA BSTAN GYI SEMS GSUM CI RIGS 'BYUNG LA, SEMS DANG PO'I DBANG GIS BDE 'GRO DANG GNYIS PA'I DBANG GIS NGAN 'GROR SKYE ZHING, PHYI DBUGS CHAD NAS NANG DBUGS MA CHAD PA'I BAR DER 'CHI SEMS PHRA MOR 'GYUR BAS LUNG MA BSTAN GYI SEMS KHO NA 'BYUNG, SPYIR BTANG LA DGE BA BYED PA RNAMS GNAD GCOD CHUNG, GZUGS YID DU 'ONG BA RMI LAM LTA BUR MTHONG, MUN KHROD NAS SNANG BAR 'GRO BA DANG 'DRA, MI DGE BA BYED PA RNAMS DE LAS GO BZLOG PAR 'GYUR, DGE BA BYED PA RNAMS DANG POR RE SMAD NAS DANG, MI DGE BA BYED PA NI DANG POR RO STOD NAS DROD BSDUS NAS SNYING KHA'I PAR DU 'DONG, DGE SDIG CAN PHAL CHE BA LA 'CHI KA'I TSED NI 'CHI BAR 'DUG SNYAM PA'I LUS LA CHAGS PA DRAG PO ZHIG SKYES PAS RGYU BYAS NAS SNYING KHA NAS RNAM SHES 'PHOS PA DANG MNYAM DU SRANG MDA'I MTHO DMAN LTAR BAR DO 'GRO BA GANG DU SKYE 'GYUR GYI BYAD DBYIBS CAN 'GRUB STE, DE YANG DBANG PO KUN TSANG ZHING THOGS PA MED PAR RIGS MTHUN DANG LHA MIG DAG PAS MTHONG BAR 'DRA BA LA, DMYAL BA'I BAR SRID SDONG DUM MES TSIG PA, DUD 'GRO'I BAR DO DU BA, YI DVAGS KYI BAR DO CHU, 'DOD LHA DANG MI'I BAR DO GSER, GZUGS KHAMS KYI BAR DO DKAR PO'I RNAM PA CAN DANG, LHA'I BAR DO GYEN, MI'I BAR DO THAD KA ,NGAN SONG GI BAR DO THUR DU 'GRO ZHING, @68A *, ,ZHAG ZHE DGU TSUN DU RANG NGOR YID DU 'ONG BA'I YUL SNANG SHAR TE DER DONG BA NA SKYE GNAS LA KHROS TE BAR SRID 'GAG CING SKYE SRID DU NYINGS 'TSAMS SBYOR TSUL RNAMS LEGS PAR BSAM, DE LTAR SDUG KUN GNYIS KYI SGO NAS 'KHOR BA'I MTSAN NYID SHES PAR BYAS NAS SKYO SHES DRAG PO BSKYED LA DE DAG 'DOR 'DOD KYI BLO DPER NA ME 'BAR BA'I KHYIM DU CHUD PA DANG BTZON RAR CHUD PA'I TSE GNAS DE LA MI 'DOD PA CI TZAM SKYE BA DE'I TSANG TZAM BSKYED PAR BYA ZHING, DE NAS KYANG JE 'PHEL DU BTANG NGO, ,GNYIS PA NI, SRID PA'I NYES DMIGS BSGOM PAS 'KHOR BA LAS NGES PAR 'BYUNG 'DOD DRAG PO SKYES PA DES 'KHOR BA BZLOG PA LA THABS GANG GIS BZLOG NA BSLAB PA GSUM BSGOM PAS BZLOG DGOS LA, BSLAB PA GZHAN GNYIS LA BSLAB TSUL 'OG TU 'BYUNG BAS 'DIR TSUL KHRIMS LA BSLAB TSUL NI, SPYIR TSUL KHRIMS NI YON TAN THAMS CAD KYI GZHI RTEN LTA BU DANG, KHYAD PAR RAB BYUNG GI SO THAR NI THAR PA DANG THAMS CAD MKHYEN PA BSGRUB PA'I RTEN MCHOG TU BSNGAGS SHING BSTAN PA'I THA MA LA SLEB PA'I DUS 'DIR TSUL KHRIMS ZHAG GCIG BSRUNG BA LA'ANG PHAN YON DPAG TU MED PA GSUNGS PA RNAMS BSAM NAS LTUNG BA 'BYUNG BA'I SGO MI SHES PA'I GNYEN POR BSLAB BYA PHRA RAGS RNAMS NGES PAR BYA, BAG MED PA'I GNYEN POR BLANG DOR GANG YIN DRAN PAS GSAL 'DEBS SHING LEGS NYES DPYOD PA'I SHES BZHIN GYIS BYAR BYAS LA NGO TSA SHES SHING KHREL YOD PAS NYES SPYOD KYI RNAM SMIN LA 'JIGS NAS BAG 'KHUM @68B PA LA BSLAB, MA GUS PA'I GNYEN POR STON PA DANG DE'I BCAS PA DANG DE LA GNAS PA'I GROGS RNAMS LA GUS PAR BYA, NYON MONGS MANG BA'I GNYEN POR GANG SHAS CHE BA DE'I GNYEN PO 'BAD PAS BSTEN, DE LTAR 'BAD KYANG NYES LTUNG GIS GOS NA PHYIR BCOS DANG STOBS BZHI SOGS KYIS BSHAGS BSDAMS TSUL BZHIN DU BYA'O, ,GSUM PA NI , DE LTAR 'KHOR BA'I NYES DMIGS SGO SNA TSOGS NAS BSGOM PAS SRID PA THAMS CAD ME 'BAR BA'I RLUBS LTAR MTHONG STE NYON MONGS DANG SDUG BSNGAL NYE BAR ZHI BA'I THAR PA LA THOB 'DOD KYIS YID GDUD BA DES RANG DON DU LAM BSLAB PA GSUM LA BSLAB NA 'KHOR BA LAS GROL BA'I THAR PA 'THOB CING, DE YANG MTHO RIS KYI DPAL LTAR PHYIR LDOG PA NI MA YIN MOD 'ON KYANG SKYON ZAD PA DANG YON TAN THOB PA PHYOGS RE BA YIN PAS RANG DON MA RDZOGS LA, DE NYID KYIS NA GZHAN DON YANG NYI TSE BAR ZAD CING MTHAR SANGS RGYAS KYIS BSKUL NAS THEG CHEN DU 'JUG DGOS, DES NA BLO DANG LDAN PA RNAMS KYIS NI THOG MA NAS THEG CHEN DU 'JUG RIGS LA, DE YANG RANG GZHAN GYI LEGS PA THAMS CAD KYI 'BYUNG GNAS RGUD PA THAMS CAD SEL BA'I SMAN MKHAS PA'I SKYE BO KUN GYIS BGROD PA'I LAM MTHONG THOS DRAN REG GIS 'GRO BA KUN GYI GSOS SU 'GYUR PA, GZHAN DON DU ZHUGS PAS RANG DON MA TSANG BA MED PAR ZHAR LA 'GRUB PA'I THABS MKHAS CHEN PO DANG LDAN PA'I THEG CHEN LA 'JUG TU YOD PA NI KYE MA'O BDAG GIS RNYED PA LEGS PAR RNYED DO SNYAM DU BSAM NAS SKYES BU'I RTZAL CI YOD KYIS 'JUG @69A *, ,DGOS PAS DER 'JUG PA DANG ZHUGS NAS BGROD GYA LAM GYI RIM PA LA BLO SBYONG BA'I TSUL LA, SPYOD PA'I RTEN SEMS BSKYED PA DANG, SEMS BSKYED NAS SPYOD PA LA SLOB TSUL GNYIS, DANG PO NI, THEG CHEN LA 'JUG PA LA 'JUG SGO GANG NAS YIN SNYAM NA, GANG RANG RGYUD LA SKYES TZAM NAS THEG CHEN PAR TSUD CING MA SKYES PA'AM SKYES KYANG NYAMS NA YON TAN GZHAN JI LTA BU YOD KYANG THEG CHEN PAR MI TSUD LA RDZOGS PA'I SANGS RGYAS KYI RGYU THUN MONG MA YIN PA'I SA BON LTA BUR GYUR PA'I CHOS NI BYANG CHUB KYI SEMS RIN PO CHE YIN PAS DE BSKYED PA LA JO BO CHEN PO NAS BRGYUD PA'I MAN NGAG DANG, RGYAL SRAS ZHIB LHA NAS BRGYUD PA'I MAN NGAG GNYIS, DANG PO LA, GZHAN DON DON GNYER BA BSKYED TSUL BYANG CHUB DON GNYER BSKYED TSUL GNYIS, DANG PO LA, GZHAN DON DON GNYER GYI GZHI BSGRUB PA DANG, GZHAN DON DON GNYER GYI BLO DNGOS BSKYED TSUL GNYIS, DANG PO LA, SEMS CAN LA SEMS SNYOMS PAR BSGRUB PA DANG, THAMS CAD YID 'ONG GI RNAM PA CAN DU BSGRUB PA GNYIS, DANG PO NI, SNGAR CHUNG 'BRING GI SKABS SU BSHAD PA LTAR SNGON 'GRO LA SOGS PA'I RIM PA RNAMS BSGOM PA'I MJUG TU SA KHOD MI SNYOM PA LA MAL BYA MI BDE BA LTAR SEMS CAN THAMS CAD LA CHAGS SNGANG GI BLO MA BKAG NA MAR SHES SOGS BSKYED MI NUS PAS SEMS SNYOM PA BSGRUB PA LA, DANG POR SKYE SLA BAS RANG GI DGRA GNYEN GANG YANG MIN PA'I BAR MA'I SEMS CAN GCIG MDUN DU GSAL BTAB STE, DE LA CHAGS SDANG GI RTOG PA @69B SKYER BCUG PA NA CHAGS PA SHAS CHE PAR 'DUG NA 'DIS TSE RABS MANG POR BDAG GI DGRA BYAS NAS GNOD PA DPAG MID BYAS PAS CHAGS DON MED, SDANG BA SHES CHEN 'DIS TSE RABS MANG POR BDAG GI GNYEN BYAS NAS PHAN CHEN PO BTAGS PAS SNGANG DON MED SNYAM DU BSAM LA CHAGS SDANG GI RTOG PA BKAG NAS SEMS SNYOM PAR BYA, DE NAS GNYEN GCIG GSAL BTAB STE CHAGS PA SKYER BCUG LA 'DIS DA LTA BDAG LA PHAN 'DOGS PA LTAR SNANG YANG TSE SNGA MAR BDAG GI DGRAR GYUR NAS GNOD PA BSKYAL BAS MING THOS PA TZAM GYIS BZOD PAR DGA' BA'I 'JIGS PA BSKYED NUS PA LAN GRANGS TU MAR BYAS SHING, PHYIN CHANG KYANG DE LTAR MI 'GYUR BA'I NGES PA MED PAS CHAGS DON MED SNYAM DU CHAGS SEMS DGAG DE NAS DGRA GCIG GSAL BTAB STE, 'DIS DA LTA BDAG LA GNOD PA LTAR SNANG YANG TSE RABS SNGA MAR BDAG GI GNYEN NAM MDZA' BSHES SU GYUR NAS PHAN BTAGS PAS 'DI MED NA BDAG CUNG ZAD KYANG SDOD MI NUS PA DANG, BDAG MED NA 'DI YANG BZOD DKA' BA'I YID GCUG PA GRANGS MED BYAS SHING SLAR YANG DE LTAR MI 'GYUR BA'I NGES PA MED PAS SDANG DON MED SNYAM DU SDANG SEMS DGAG ,DE NAS DGRA GNYEN GNYIS GSAL BTAB STE DE GNYIS LA SO SOR GONG BZHIN BSAM NAS CHAGS SDANG DGAG ,DE NAS SEMS CAN THAMS CAD LA GONG BZHIN BSAM NAS CHAGS SDANG GI RTOG PA BKAG NAS SEMS SNYOM PA BSGRUB PAR BYA'O, ,GNYIS PA LA GSUM LAS, DANG PO NI, RANG GI MA GSAL @70A *, ,BTAB STE, SNGON DE BZHIN GSHEGS PAS RANG GI YUM GYIS SKU TSE MANG POR YUM MDZAD TSUL DANG GANG ZAG GZHAN GYI SNGON DANG PHYI MA'I MTHA' GSUNGS PA DE RNAMS TSAD MA'I SKYES BU'I BKA' BSLU PA MED PA YIN PAS, DES MTSON TE 'DIS KYANG BDAG GI MA TSE 'DI GCIG BUR MA ZAD TSE RABS SNGA MA MANG POR BYAS SHING SLAR YANG LAN GRANGS DU MAR BYED PAR 'GYUR RO SNYAM DU BSAM, DE NAS PHAGS LA BTAB STE 'KHOR BA LA THOG MA MED PAS RANG GI SKYE BA LA YANG THOG MA MED, DES NA 'KHOR BA NA LUS 'DI MA BLANGS BYA BA'AM, SA PHYOGS 'DIR MA SKYES BYA BA'AM, MA LA SOGS PA'I GNYEN DU 'DI MA GYUR BYA BA GCIG KYANG MED PAR BCOM LDAN 'DAS KYI BKA' BDEN PAS GSUNGS PAS BDAG GI PHA 'DIS KYANG TSE RABS MANG POR BDAG GI MA BYAS SHING BYED PAR YANG 'GYUR RO SNYAM DU BSAM, DE NAS GNYEN GZHAN DANG, BSHES DANG, BAR MA DANG, DGRA DANG, SEMS CAN THAMS CAD LA RIM BZHIN KHA SPOS TE BSGOM, GNYIS PA NI, RANG GI MA GSAL BTAB STE, MA 'DIS ZLA BA BCU'I BAR DU MNGAL DU BZUNG ZHING RANG NYID BDE BA DANG LTOG SKOM SOGS KHYAD DU BSAD NAS PHAN GNOD KYI SPYOD LAM THAMS CAD BU'I TSAD DU BYAS TE DAL 'BYOR GYI LUS SROG 'DI BYIN PAS DANG POR DRIN CHE, DE NAS BTZAS PA'I TSE 'JAM PA'I STAN LA BZHAG ,BRTZE BA'I SEMS KYIS BSKYANGS, BYAMS PA'I MIG GIS BLTAS, DGA' BA'I 'DZUM GYIS BSUS, SNYAN PA'I MING NAS BOS, SHA'I @70B DROD LA BCAR, MNGAR BA'I NU ZHO BSNUN, ZAS LCES SNYOD, SNAB KHAS PHYIS, MI GTZANG BA LAG PAS PHYIS, ME CHU GA YANG SOGS KYI 'JIGS PA LAS BSKYABS, BU NA BA LAS RANG NA BA DANG BU SHI BA LAS RANG SHI BA 'DAM PA SOGS KYI SGO NAS BSKYANGS PAS BAR DU DRIN CHE, CUNG ZAD NAR SON NAS ZA LUGS 'GRO LUGS SOGS KYIS MTHA' BSTEN PA'I YON TAN MA RANG GIS GANG SHES BSLAB CING, SDIG SDUG GTAM NGAN KHYAD DU BSAD DE SHA THANG THANG 'BAD BAS BSGRUB PA'I ZAS GOS NOR RDZAS ZAR RANG GIS SPYAD MI BRA BA RNAMS LAS BKRES SKOM GYI DUS SU BZA' BTUNG, 'KHYAGS PA'I DUS SU GOS, PHONGS PA'I DUS SU NOR RDZAS RNAMS 'PHANGS MED DU BYIN PAS THA MAR DRIN TSE, MDOR NA MA RANG GIS SHES TSAD DANG NUS TSAD KYIS PHAN PA DANG BDE BA BSGRUB GNOD PA DANG SDUG BSNGAL BSAL BA'I TSUL RNAMS BSAM LA 'DI LTA BU TSE 'DIR MA ZAD MA NAM BYAS RES KYIS BYAS PAS SHIN TU DRIN CHE BAR BSGOM, DE NAS PHA SOGS LA KHA SPOS NAS DE DAG GIS MA NAM BYAS RES KYIS DE LTAR DRIN GYIS BSKYANG BAR BSGOM, ,GSUM PA NI, RANG GI MA MDUN DU GSAL BTAB STE, SHIN TU DRIN CHE BA'I MA RGAN NYON MONGS PA'I GDON GYIS SEMS DKRUGS PAS SMYO, MNGON MTHO DANG NGES LEGS KYI LAM BLTA BA'I MIG DANG NI BRAL, MTHO RIS DANG THAR PAR 'KHRID PA'I DGE BA'I BSHES GNYEN GYI LONG KHRID NI MED, SKAD CIG RE RE ZHING NYES SPYOD KYIS DBYEN BCOS PAS NI BRDEG 'CHA', SPYIR 'KHOR BA DANG KHYAD PAR NGAN 'GRO'I G-YANGS @71A *, ,'GRIM SHING SDUG BSNGAL GSUM GYI BTZON RAR 'KHYAMS PA 'DI BU BDAG LA MI RE NA SU LA RE, 'DI'I DON BYED PA'I KHUNG BU BDAG LA MI 'BAB NA SU LA 'BABS, DES NA CI NAS KYANG BDAG GIS 'DI'I DON BYA DGOS LA DE YANG ZAS SKOM NOR RDZAS SOGS KYIS PHAN 'DOGS PA RANG TSOGS BSOG PA'I YAN LAG TU 'GYUR NA'ANG , MA 'DIS KYANG SNGAR TSANGS PA DANG 'KHOR SGYUR SOGS KYI GO 'PHANG THOB NAS ZAG BCAS KYI DPAL 'BYOR PHUN SUM TSOGS PA LA CI TZAM SPYAD KYANG BRTAN PA MA THOB PAR GNAS SKABS 'DI 'DRAR GYUR, ZAG BCAS KYI BDE BA LA CI TZAM SPYAD PA TZAM GYIS BDE BA DE SDUG BSNGAL GYI RGYUR 'GRO TSA BA CHE BA RMA 'BRAS LA TSA BTAB PA DANG 'DRA BAR 'DUG PAS 'KHOR BA'I BDE BA LA SBYAR BA NI DON CHEN POR MI 'GYUR BAS THAR PA DANG THAMS CAD MKHYEN PA'I GO 'PHANG LA 'GOD PAR BYA'O SNYAM DU YID 'KHUL DES SU BSAM, DE NAS PHA SOGS LA RIM GYIS DE LTAR BSAM, GNYIS PA LA GSUM LAS, DANG PO NI, ZHING DPAG TU MED PA NA YOD PA'I MTSOD PA DPAG TU MED PA SANGS RGYAS DPAG TU MED PA LA DUS RTAG TU MTSOD PA BAS BYAMS PA YUD TZAM GCIG BSGOM PA BSOD NAMS TSA BA DANG, SANGS RGYAS DBANG PHYUG CHEN PO'I RGYAL PO'I 'JIG RTEN GYI KHAMS NA LO BRGYA STONG DU TSANGS SPYOD SPYAD PA BAS ZHING 'DIR THA NA SE GOL GTOG PA'I YUN TZAM DU BYAMS PA BSGOM PA BSOD NAMS CHE BA DANG, SEMS CAN THAMS CAD LA DUS GSUM DU KHA ZAS BSOD @71B PA'I SBYIN PA BTANG BA BAS BYAMS PA YUD TZAM GCIG BSGOM PA BSOD NAMS TSE BA DANG, LHA DANG MIS BYAMS PAR 'GYUR PA SOGS KYI PHAN YON RNAMS BSAM LA, RANG GI MA MDUN DU GSAL BTAB STE, DBUL 'PHONGS SOGS KYI SDUG BSNGAL MNGON GYUR YOD NA DE'ANG BSAM ZHING DE LTA BU MED NA BDAG GI MA RGAN 'DI 'GYUR BA'I SDUG BSNGAL DANG KHYAB PA 'DU BYED KYI SDUG BSNGAL GYI RANG BZHIN CAN YIN LA SDUG BSNGAL GYI SDUG BSNGAL GYIS GNAS SKABS CI RIGS PAR MNAR, ZAG MED KYI BDE BA LTA CI SMOS ZAG BCAS KYI BDE BA YANG MI 'DUG ,DA LTA BDE BAR BRLOM PA BAG RE YOD NA'ANG PHOL MIG LA CHU GRANG BTAB PA NA CUNG ZAD BDE BA LTAR SNANG YANG SLAR SDUG BSNGAL BSKYED PA LTAR 'GYUR BA'I SDUG BSNGAL LAS MA 'DAS PAS BDE BA RNAM DAG GCIG GTAN NAS MI 'DUG SNYAM DU BDE BAS 'PHONGS TSUL BSAM LA, BDE BAS 'PHONGS PA'I MA RGAN 'DI BDE BA DANG 'PHRAD NA CI MA RUNG; BDE BA DANG 'PHRAD PAR GYUR CIG ,CI NAS KYANG BDE BA DANG 'PHRAD PAR BYA'O, ,SNYAM DU BSAM ZHING NGAG TU YANG LAN MANG PO BRJOD DE, BDE PA SNA TSOGS PA RNAMS YID KYIS BSTAB PAR YANG BYA, DE NAS PHA SOGS LA RIM GYIS DE LTAR BSGOM, GNYIS PA NI, SNYING RJE CHEN PO RGYAL BA'I LO TOG PHUN SUM TSOGS PA BSKRUN ? PA LA THOG MTHA' BAR GSUM DU GAL CHE TSUL DPER NA ZHING GI LO TOG LA YUN RING POR LONGS SPYOD PA LA THOG MAR GAL CHE BAS BON, BAR DU GAL CHE BA CHU, THA MAR GAL CHE BA 'BRAS @72A *, ,BU SMIN PA DANG 'DRA BAR GSUNGS PAS THEG PA CHEN PO'I LAM 'BRAS GANG GI SKABS SU YANG MED THABS MED PA 'DI RGYUD LA CI SKYE BYA'O SNYAM DU BSAM NAS; RANG GI MA MDUN DU GSAL BTAB STE, MA RGAN 'DI LA SDUG BSNGAL GYIS DNGOS SU GNOD CING KUN 'BYUNG GIS RGYUD NAS GNOD PAS SDUG BSNGAL RGYU DANG BCAS PAS MNAR 'DUG SNYAM DU SDUG BSNGAL GYIS MNAR TSUL BSAM LA, SDUG BSNGAL GYIS MNAR BA'I MA RGAN 'DI SDUG BSNGAL DANG BRAL NA CI MA RUNG, SDUG BSNGAL DANG 'BRAL BAR GYUR CIG, CI NAS KYANG SDUG BSNGAL DANG BRAL BAR BYA'O, ,SNYAM DU BSAMS SHING NGAG TU YANG LAN MANG PO BRJOD DE SDUG BSNGAL YID KYIS BLANGS, DE NAS PHA SOGS LA RIM GYIS SPOS NAS BSGOM, GSUM PA NI, RANG GI MA MDUN DU GSAL BTAB STE, BDE BAS 'PHONGS SHING SDUG BSNGAL GYIS MNAR TSUL BSAM LA, BDE BAS 'PHONGS SHING SDUG BSNGAL GYIS MNAR PA'I MA RGAN 'DI 'DE BA DANG LDAN ZHING SDUG BSNGAL DANG BRAL BA ZHIG NGES PAR BDAG GIS BYA'O, ,SNYAM DU DAM BCA' ZHING NGAG TU YANG LAN MANG PO BRJOD, DE NAS PHA SOGS LA RIM GYIS BSGOM, GNYIS PA NI, DE LTA BU'I DAM BCA' DE DA LTA'I GNAS SKABS 'DI LTA BUS BSGRUB MI NUS SHING JI LTA BUS NUS NA RDZOGS PA'I SANGS RGYAS KYI GO 'PHANG THOB PA NA NUS PAS GO 'PHANG DE THOB DGOS PAR 'DUG SNYAM DU BSAM LA, SKYABS 'GRO'I SKABS SU GSUNGS PA LTAR GYI SANGS RGYAS KYI SKU GSUNG THUGS 'PHRIN LAS KYI @72B YON TAN RNAMS DRAN PA'I SGO NAS DE LA DANG BA'I DAD PA DANG MNGON 'DOD KYI 'DUN PA DRAG POS, SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB NA CI MA RUNG, THOB BAR GYUR CIG, ,CI NAS KYANG THOB PAR BYA'O, ,SNYAM DU BSAM ZHING NGAG TU YANG BRJOD DO, ,GNYIS PA NI, BYIS PA THA MAL PA BDAG DANG BDAG 'DRA BA RNAMS KYIS RANG KHO NA GCES PAR BZUNG NAS RANG DON 'BA' ZHIG BSGRUB PAS RANG DON MA GRUB PAR MA ZAD 'KHOR BA'I SDUG BSNGAL THAMS CAD KYIS MNAR, THUB PA SANGS RGYAS BCOM LDAN 'DAS KYIS SLOB PA LAM GYI GNAS SKABS NAS GZHAN KHO NA GCES PAR BZUNG NAS GZHAN DON 'BA' ZHIG BSGRUB PAS DON GNYIS KYI PHUN TSOGS THAMS CAD 'BAD MED LHUN GRUB TU BYUNG 'DUG PAS RANG GCES 'DZIN NI RGUD PA KUN GYI SGO DANG, GZHAN GCES 'DZIN NI PHUN TSOGS THAMS CAD KYI 'BYUNG GNAS SU GDON MI ZA BAR 'DUG DES NA 'BAD PA DU MAS RANG GCES 'DZIN MI SKYES PA MI BSKYED PA DANG SKYES PA RGYUN 'THUNG DU MI GZHUG CING GZHAN GCES 'DZIN MA SKYES PA CI SKYE DANG SKYES PA JE 'PHEL DU BTANG BAR BYA'O SNYAM PAS; RANG GI MA MDUN DU GSAL BTAB STE, DE LA BYAMS SNYING RJE DRAG PO DANG BCAS PA'I SGO NAS RANG GI SNA BUG NAS RLUNG SANGS KYIS BUS PA DANG MNYAM DU RANG RGYUD KYI BDE BA DANG DGE BA THAMS CAD 'OD ZER DKAR PO'I RNAM PAS RLUNG GI RTAL ZHON TE RANG GI SNA BUG G-YAS NAS THON, MDUN GYI MA DE'I SNA BUG GYON PA NAS ZHUGS SPYI GTZUG NAS RKANG MTHIL GYI BAR GANG @73A *, ,BAS LUS SEMS BDE DGES KHYAB SOD SNYAM PA DANG, YANG RANG GI SNA BUG NAS RLUNG NANG DU RDUB PA DANG MNYAM DU MA DE'I SDIG SGRIB DANG SDUG BSNGAL THAMS CAD 'OD ZER NAG PO'I RNAM PAS RLUNG GIS DRANGS TE MA'I SNA BUG G-YAS NAS THON, RANG GI SNA BUG GYON NAS ZHUGS TE SNYING GI DKYIL DU NAG PHUNG STE BYUNG BAS MA DE SDUG BSNGAL THAMS CAD DANG BRAL SONG SNYAM PA SPEL MA'I TSUL DU YANG YANG SBYAR, DE NAS PHA SOGS LA RIM GYIS SBYAR BAR BYA'O, ,GNYIS PA LA PHYIN DRUG LA SLOB TSUL DANG, BSDU BZHI LA SLOB TSUL GNYIS, DANG PO NI, DE LTAR SMON SEMS BSKYED NAS RGYAL SRAS KYI SPYOD PA MA NOR ZHING CHA TSANG BA LA MA BSLAB NA 'TSANG RGYA BA MI SRID PAS DE LTA BU LA BSLAB DGOS LA DE YANG RGYAL SRAS KYI SPYOD PA MTHA' YAS PA YOD KYANG BSDU NA PHYIN DRUG TU 'DU ZHING DER GRANGS NGES TSUL LA, MNGON MTHO LA LTOS PA'I GRANGS NGES NI, SPYOD PA RLABS PO CHE RDZOGS PA LA TSE RABS MANG PO BRGYUD DGOS SHING DE YANG LAM GYIS CHOD CHEN PO 'ONG BA'I MNGON MTHO LA BRTEN DGOS PAS LONGS SPYOD, LUS, 'KHOR, LAS MTHA' PHUN SUM TSOGS PA BZHI DANG LDAN ZHING NYON MONGS KYI DBANG DU MI 'GRO BA DANG, BLANG DOR LA 'JUG LDOG GI DMIGS LEGS PAR PHYED PA CIG DGOS PA LA, DE DAG GI RJES MTHUN GYI RGYU YANG PHYIN DRUG DU NGES, DON GNYIS BSGRUB PA LA LTOS PA NI, RTEN DE LA GZHAN DON BSGRUB PA LA THOG MAR ZANG ZING GIS PHAN 'DOGS DGOS, DE LA GZHAN GNOD GZHI BCAS LAS LDOG PA DGOS @73B SHING; DE LA'ANG TSUR GNOD LA JI MI SNYAM PA DGOS PAS DANG PO GSUM DANG, RANG DON GRUB PA LA RNAM GROL GYI BDE BA BSGRUB DGOS SHING, DE LA SEMS DMIGS PA LA JI LTAR 'DOD 'DOD DU GNAS PA'I LAS RUNG DGOS, DE YANG LE LO CAN LA MI SKYO BAS PHYI MA GSUM DU GRANGS NGES, GZHAN DON RDZOGS PAR BSGRUB PA LA LTOS PA'I, ZANG ZING BTANG BAS 'PHONGS PA SEL BA, GZHAN GNOD SPANGS BAS 'TSE BA MED PA, TSUR GNAD KYANG PAR GNOD LAN MI 'JAL BA, GZHAN DON BSGRUB PA'I DKA' SPYAD LA MI SKYO BA, RDZU 'PHRUL SOGS KYIS GZHAN YID 'DUN PA, LEGS PAR BSHAD PAS THE TSOM GROL BA RNAMS DGOS PA LA DE YANG PHYIN DRUG TU NGES, THEG CHEN THAMS CAD BSDUD PA LA LTOS PA NI LONGS SPYOD LA MA CHAGS PAS BSLAB PA LA GUS PA, GZHAN SKYON LA BRTEN PA'I SDUG BSNGAL LA MI SKYO BAS, DGE BA LA SPRO BA, LUS SEMS LAS SU RUNG BAS, LHAG MTHONG 'PHEL BA RNAMS DGOS PA LA DE YANG PHYIN DRUG TU NGES, THABS KYI RNAM PA THAMS CAD PA'I DBANG DU MDZAD PA LA LTOS PA NI THOB ZIN GYI LONGS SPYOD LA MA CHAGS PA'I THABS, MA THOB PA THOB 'DOD KYI G-YENG BA SDOMS PA'I THABS, SDUG BSNGAL LA YID MI 'BYUNG BAS SEMS CAN MI GTONG BA'I THABS, LE LO DANG SKYO NGAL MED PAS DGE BA 'PHEL BA'I THABS, NYON MONGS PA DANG SHES SGRIB SBYONG BA'I THABS RNAMS DGOS LA DE YANG PHYIN DRUG TU NGES, BSLAB PA GSUM LA LTOS PA NI, LONGS SPYOD LA MI LTA BA'I SBYIN PA YOD NA TSUL KHRIMS LEN PAS SBYIN PA NI TSEGS SAM RGYU DANG @74A *, ,TSUL KHRIMS NI NGO BO DANG, GNOD BYED LA JI MI SNYAM PA'I BZOD PA YOD NA GSHE YANG SLAR MI GSHE BA SOGS 'BYUNG BAS BZOD PA NI 'KHOR DU 'DU BAS DE GSUM TSUL KHRIMS KYI BSLAB PA DANG, PHAR PHYIN THA MA GNYIS NI BSLAB PA GZHAN GNYIS KYI NGO BO DANG, BRTZON 'GRUS NI GSUM TSAR LA DGOS PAS PHAR PHYIN DRUG TU NGES SO, ,GO RIM NI LONGS SPYOD LA MI BLTA ZHING MA CHAGS PA'I SBYIN PA LAS TSUL KHRIMS DANG, NYES SPYOD SDOM PA'I TSUL KHRIMS LAS BZOD PA DANG, DKA' SPYAD LA MI SKYO BA'I BZOD PA LAS BRTZON 'GRUS DANG, NYIN MTSAN DU 'BAD PA'I BRTZON 'GRUS LAS BSAM GTAN DANG, LUS SEMS LAS RUNG GI SEMS MNYAM PAR BZHAG PA'I BSAM GTAN LAS YANG DAG PA JI LTA BA BZHIN RTOGS PA'I SHES RAB SKYE BAS SKYE RIM DANG, SNGA MA SNGA MA DMAN ZHING PHYI MA PHYI MA MCHOG YIN PAS DMAN MCHOG DANG, SNGA MA SNGA MA RNAMS PHYI MA PHYI MA LA 'JUG PA DANG BYA BAR SLABS RAGS PHRA'I RIM PAS SBYIN PA NAS SHES RAB KYI BAR GO RIM YANG NGES SO, ,DES NA DE LTA BU'I SPYOD PA LA BSLAB PA LA DRUG LAS, DANG PO NI, GTONG BA'I SEMS PA DGE BA DANG DES KUN NAS SLANGS BA'I LUS NGAG SBYIN PA LA 'JUG BZHIN PA'I DUS KYI SEMS PA NI SBYIN PA'I NGO BO YIN LA, RANG GIS LONGS SPYOD SOGS SER SNA MED PAR SNYING THAG PA NAS BTANG BA'I 'BRAS BU DANG BCAS PA GZHAN LA GTONG BA'I BLO GOMS PA YONGS SU RDZOGS PA SBYIN PA'I PHAR PHYIN YIN NO, ,SBYIN PA LA DBYE NA CHOS, MI 'JIGS, ZANG ZING GTONG BA'I SBYIN PA [#DATA INCOMPLETE HERE] @77A *, ,'GOG PA'I SEMS KYI GOMS PA YONGS SU RDZOGS PA NI BZOD PA'I PHAR PHYIN GYI NGO BO YIN NO, ,BZOD PA LA DBYE NA GNOD BYED LA CI MI SNYAM PA DANG, SDUG BSNGAL DANG LEN DANG; CHOS LA NGES SEMS KYI BZOD PA GSUM YOD LA, DANG PO BSTEN TSUL NI, SPYIR BYANG SEMS MIN PAS GROGS TSANGS PA MTSUNGS PAR SPYOD PA LA KHROS NA'ANG DGE BA DPAG MED 'JOMS SHING; BYANG SEMS LA KHONG KHRO BYAS PAS BSKAL PA STONG DU BSAGS PA'I DGE RTZA 'JOMS PA DANG, DMIGS BSAL DU BYANG SEMS STOBS CHUNG BAS CHE BA LA KHROS NA BSKAL BA BRGYAR BSAGS PA'I DGE BA 'JOMS PA DANG, BYANG SEMS LA NGAN SEMS BSKYED NA NGAN SEMS KYI SKAD BCIG ? MA'I GRANGS JI SNYED PA DE SNYED KYI BSKAL BAR DMYAL BAR SKYE BAS BYANG SEMS LA KHROS NA NYES DMIGS SHIN TU CHE LA, YUL BYANG SEMS YANG ME DONG THAL BAS G-YOG BA LTAR GANG NA YOD CHA MED PAS KHONG KHRO DGAG DGOS, DE YANG DA LTAR DNGOS SU GNOD PA BYED BZHIN PA'AM SNGAR GNOD PA BYAS ZIN ZHIG GSAL BTAB NAS DE LA ZHE SDANG SKYER BCUG LA DE'I TSE DE'I NGO BO LA BLTAS TE, MI 'GA' ZHIG GZHAN LA MI DGA' BA'I NYON MONGS DRAG POS RANG SROG RANG GIS GCOD PAR BYED LA; DE NI RANG LA RANG GIS GNOD PA BYED MI NUS BZHIN DU NYON MONGS PA'I GZHAN DBANG GIS DE LTAR BYAS PA YIN PAS DE LA KHRO MI RIGS NA NYON MONGS PA SHUGS DRAG POS RANG DBANG MA BYUNG BAR GZHAN LA GNOD PA BYED PA LA CI'I PHYIR KHRO, ,GZHAN YANG 'GRO BA KHO RANG GI RANG BZHIN LA GNOD PA DE GRUB NA ME'I RANG BZHIN TSA BA YIN PA LA KHRO MI RIGS PA DANG 'DRA LA, GAL TE GLO BUR DU @77B BYUNG BA ZHIG YIN NA NYI MA SPRIN GYIS SGRIB PAR NAM MKHA' LA KHRO MI RIGS PA DANG 'DRA'O, ,GZHAN YANG GNOD BYED DBYUG PA BSNUN PAR BYED PA LTA BU LA MTSON NA, DNGOS SU NAD PA SKYED PA NI DBYUG PAS BYAS SHING RGYUD NAS GANG ZAG KHO RANG YANG ZHE SDANG GIS SPAD PAS GANG BRAG DE LA DNGOS BRGYUD GANG GI DBANG DU BYAS KYANG KHRO MI RIGS LA GNOD PA BYAD PA'I RTZA BA'I RGYU LA KHRO NA, RANG GIS SNGON GZHAN LA GNOD PA 'DI LTA BU BYAS PA'I 'BRAS BU YIN PAS RANG GI SNGON LAS LA KHRO BAR RIGS KYI 'GRO BA DE LA KHRO BAR MI RIGS SO, ,GZHAN GYIS NGAN SMRAS BYAS PA LA MI BZOD NA , BSTOD PA DANG SNYAN GRAGS KYIS PHYI MAR MA THAD 'DIR YANG PHAN PA CUNG ZAD KYANG MED PA'I KHAR RANG NYID DON MED KYI G-YENG BAR 'JUG PA DANG GZHAN GYIS PHRAG DOG BYED PA'I NYES PA DU MA BSKYED LA, NGAN SMRAS BYAS PAS SNYAN GRAGS NYAMS PA'I RGYUR SONG NAS GNAS SKABS G-YENG BA DANG GZHAN GYIS PHRAG DOG GIS 'TSE BA MI 'BYUNG ZHING TSOGS GNYIS LA BRTZON DU YOD PA DANG MTHAR THUG GTAN GYI BDE BA 'GRUB PAR 'GYUR BAS CI'I PHYIR KHRO, ,DER MA ZAD DA LTA BDAG LA 'DIS NGAN SMRAS BYAS PA LTA BU YANG MI BZOD NA 'DI LA KHROS PA'I RKYEN GYIS NGAN SONG DU SKYES NA DE'I SDUG BSNGAL JI LTAR BZOD, RANG DON GTZO BOR BSGRUB PA'I NYAN RANG GIS KYANG GZHAN LA KHRO BAR MI BYED NA BDAG SEMS CAN THAMS CAD MAR SHES TE GZHAN PHAN BSGRUB PAR SEMS BSKYED NAS KHROG ? LA RIGS SNYAM DU BSAM LA GNOD BYED LA JI MI SNYAM PAR BYA, SDUG BSNGAL DANG LEN NI, SDUG BSNGAL BYUNG BA MI BZOD PA'I TSE, SDUG BSNGAL DE BCOS SU YOD NA MI DGA' BA BYED MI DGOS LA BCOS SU @78A *, ,MED NA MI DGA' BA BYAS KYANG MI PHAN PAS MI DGA' BA BYAS PA LA DGOS NUS GANG YANG MED CING, SDUG BSNGAL YOD NA 'KHOR BA LAS NGES PAR 'BYUNG 'DOD SKYE PAS THAR PA LA YID BSKUL PA'I YON TAN, RLOM PAS MTHO PAR 'DZIN PA 'JIG PAS DREG PA SEL BA'I YON TAN, SDUG BSNGAL GYI TSOR BA DRAG PO MYONG BA DE MI DGE BA LAS BYUNG BAS 'BRAS BU DE MI 'DOD NA DE'I RGYU LAS LDOG DGOS PAR MTHONG NAS SDIG PA LA 'JOM PA'I YON TAN, SDUG BSNGAL GYIS GDUNG PA NA BDE BA 'DOD LA BDE BA THOB PA LA DGE BA BSGRUB DGOS PAR MTHONG NAS DGE BA BSGRUB PA LA DGA' PA'I YON TAN, RANG NYAMS LA DPAG NAS 'GRO BA GZHAN YANG SDUG BSNGAL LO SNYAMS NAS 'KHOR BA PA LA SNYING RJE SKYE BA'I YON TAN RNAMS 'BYUNG BAS SDUG BSNGAL 'DI NI 'DOD PA'I GNAS SO SNYAM DU YANG YANG BSAM NAS GOS PHYAG DAR KHROD SOGS TSANGS SPYOD 'PHEL BA'I GNAS LA BRTEN PA'I DANG, STOD SMAD SOGS 'JIG RTEN GYI CHOS LA BTEN PA'I DANG, STAN LA GLOS MI 'BEB PA SOGS SPYOD LAM LA BRTEN PA'I DANG, DKON MCHOG MCHOD PA SOGS YONGS SU 'DZIN PA LA BRTEN PA'I DANG, GZUGS MI SDUG PA DANG GOS ? NGAN PA SOGS NYAMS SU BLANG ZHING GLU GAR SOGS 'DOD YON LAS LDOG PA'I SLOD MOS 'TSO BA LA BRTEN PA'I DANG, DGE PHYOGS LA BRTZON PAS DUB PA LA BRTEN PA'I DANG, GZHAN GYI SROG SKYOB PA SOGS SEMS CAN DON BYED LA BRTEN PA'I DANG, TSOD SPONG PA SOGS 'PHRAL GYI BYA BA LA BRTEN PA'I SDUG BSNGAL CHUNG RIM NAS DANG DU BLANGS LA SDUG BSNGAL DANG LEN STOBS JE @78B RGYAS SU 'GYUR BAR BYA, CHOS LA NGES SEMS NI, DAD PA'I YUL DKON MCHOG GSUM, MNGON DU BYA YUL BDAG MED GNYIS, 'DOD PA'I YUL SANGS RGYAS BYANG SEMS KYI MTHU CHEN BO; ;BLANG DOR GYI YUL LAS 'BRAS, BSGOM PA'I YUL THOB BYA BYANG CHUB DANG DE THOB BYED KYI LAM, THOS BSAM GYI YUL GSUNG RAB YAN LAG BCU GNYIS SOGS KYI DAM CHOS TE DE RNAMS LA PHYOGS RIS MED PAR MOS PA SBYONG BA'O, ,BZHI PA NI, DGE BA BSDU BA DANG SEMS CAN GYI DON BYA BA'I PHYIR DU SEMS MNGON PAR SPRO BA PHYIN CI MA LOG PA NI BRTZON 'GRUS KYI NGO BO YIN LA; DE GOMS PA YONGS SU RDZOGS PA MTHAR PHYIN PA NI BRTZON 'GRUS KYI PHAR PHYIN YIN NO, ,DE LA DBYE NA GO CHA DANG, DGE BA CHOS BSDUD DANG, SEMS CAN DON BYED KYI BRTZON 'GRUS GSUM, DANG PO NI, BSKAL CHEN STONG PHRAG NGE LA ZHAG GCIG ,ZHAG SUM CU LA ZLA BA, DE BCU GNYIS LA LOR BYAS PA'I BSKAL CHE GRANGS MED PA GSUM BYE BA PHRAG 'BUM 'GYUR GYI BAR DU SEMS CAN GCIG GI SDUG BSNGAL BSAL BA'I CHED DU DMYAL BA KHO NAR GNAS NAS SANGS RGYAS BSGRUB DGOS PA BYUNG YANG BRTZON 'GRUS MI GTONG NA DE LAS THUNG BA DANG SLA BA LTA CI SMOS SNYAM PA GO CHA'I BRTZON 'GRUS DANG, 'KHOR BA THOG MA MED PA NAS DA LTA YAN CHAD LA ZHAG GCIG DU BYAS PA'I RIM PA BZHIN ZLA BA DANG LOR BRTZIS NAS LO 'BUM SONG BA NA BYANG CHUB KYI SEMS GCIG SKYE ZHING SANGS RGYAS GCIG MTHONG BA LTA BU GANG GA'I GLUNG GI BYE MA SNYED KYI GRANGS DANG MNYAM PA NA SEMS CAN GCIG GI SEMS DANG SPYOD PA SHES SHING DE 'DRA BA'I TSUL GYIS SEMS CAN RE RE BZHIN @79A *, ,NAS BYED DGOS PA BYUNG YANG DE DAG LA YUN RING BAR MI SEMS PAR SPRO BAR BYED PA GONG NA MED PA'I BRTZON 'GRUS SU BSHAD PAS DE DAG LA BSLAB PAR BYA DGOS SHING; DE YANG DA LTA NAS SNGA DRO LTA BU GCIG GI YUN LA DGE SBYOR GANG BYED KYANG THOG MAR DE'I BAR LA YUN RING PA DANG DKA' BA'I SNANG BA MI SEMS PAR SPRO BA CHEN POS DGE SBYOR DE GZHAN GYIS BAR MA BCAD PAR BYA SNYAM PA'I 'PHEN PA BTANG LA SNYOMS LAS DANG DMAN PA'I BDE BA LA, SRID PA BKAG NAS BRTZON 'GRUS CHEN POS BYA ZHING, DE LTA BU LA YANG YANG GOMS PAR BYAS NAS RIM GYIS ZHAG ZLA BA LO JI SRID 'TSO'I PAR LTA BU LA YANG DE LTAR BSLAB CING SPRO BA JE 'PHEL DU BTANG, DE LTA BU'I BRTZON 'GRUS BSKYED PA LA MI MTHUN PHYOGS 'GOG DGOS PAS, RGAN GZHON MED PAR SHI BA MIG GI MTHONG BA BZHIN BDAG KYANG MYUR DU 'CHIL SHI BA'I 'OG TU NGAN 'GROR SKYE ZHING RTEN BZANG PO 'DI 'DRA RNYED PA DKA' SNYAM PAS LONG YOD SNYAM NAS PHYI BSHOL BYED PA'I LE LO, ,GNAS SKABS KYI BDE BA PHRA MO 'DI DAG LA G-YENG BAS DAM PA'I CHOS BSGRUB PA'I SGO 'GAG STE NGAN SONG DU SKYE BAR 'DUG SNYAM PAS BRE MO'I GTAM SOGS DMAN PA'I BDE BA LA CHAGS PAS G-YENG BA'I LE LO; ;BCOM LDAN 'DAS GYIS SBRANG BU SOGS SROG CHAGS PHRA MOS MTSON PA'I SEMS CAN THAMS CAD KYIS BLA MED BYANG CHUB 'THOB PAR GSUNGS NA BDAG GIS CI'I PHYIR MI 'THOB SNYAM PAS THOB BYA SANGS RGYAS KYI YON TAN THOB DKA' BA LA ZHUM ZHING SGYID LUG PA'I LE LO, ,DA LTA TSOD MA SBYIN PA SOGS CHUD RIM NAS GOM PAR BYAS PAS MTHAR RANG GI LUS GTONG BA YANG @79B TSOD MA GTONG BA LTA BUR DKA' BA MED PAR 'GYUR RO SNYAM PAS THOB BYED KYI THABS BYA DKA' BA LA ZHUM PA'I LE LO, ,DMYAL BA SRUNGS DMYAL BA NA GNAS KYANG DE'I SDUG BSNGAL MI MYONG BA BZHIN BYANG SEMS 'KHOR BA NA GNAS KYANG 'KHOR BA'I SDUG BSNGAL MYONG MI DGOS PAS 'KHOR BAR YUN RING GNAS DGOS PA LA 'JIGS MI DGOS SNYAM PAS 'KHOR BAR GNAS DGOS PA LA ZHUM PA'I LE LO RNAMS DGAG PAR BYA'O, ,MTHUN RGYEN BSTEN PA NI, RGYAL SRAS KYI SPYOD PA LA BSLAB PA DANG MA BSLAB PA'I PHAN YON DANG NYES DMIGS DRAN PA'I SGO NAS 'JUG PA MOS PA'I STOBS, PHAN YON MTHONG STE ZHUGS PA MTHAR PHYIN PAR BYA BA'I PHYIR BRTZON 'GRUS RTZOM PA BRTAN PA'I STOBS, SPRO BA CHEN PO'I SGO NAS NGOMS PA MED PAR RTZOM PA DGA' BA'I STOBS, DUB NA NGAL GSO BA'I GNAD SHES PA DOR BA'I STOBS RNAMS BSTEN NAS BRTZON 'GRUS BRTZAM PAR BYA'O, ,DGE BA CHOS SDUD NI, PHYIN DRUG RDZOGS PAR BYA BA'I PHYIR DE DAG LA BSLOB CING, DKON MCHOG MCHOD PA SOGS LA BRTZON PA DANG, SEMS CAN DON BYED NI, GZHAN GYI NOR BRKUN POS MI 'KHYER BA'I THABS STON PA SOGS TSUL KHRIMS KYI PHAR PHYIN GYI SKABS NAS 'BYUNG BA'I DON BYA BA BCU GCIG GI SGO NAS SEMS CAN GYI DON BYED PA LA BRTZON PAS SLOB PA'O, ,LNGA PA NI, DGE BA'I DMIGS PA LAS MI G-YENG BAR GNAS PA'I SEMS RTZE GCIG PA BSAM GTAN GYI NGO BO YIN LA DE GOMS PA MTHAR PHYIN PA NI BSAM GTAN GYI PHAR PHYIN YIN NO, ,BSAM GTAN LA DBYE NA LUS SEMS BDER GNAS, YON TAN MNGON GRUB, SEMS CAN DON BYED KYI BSAM GTAN @80A *, ,GSUM YOD, DANG PO NI, LUS SEMS SHIN SBYANGS BSKYED PA'I BSAM GTAN, GNYIS PA NI, MNGON SHES RNAM THAR ZAD PAR SOGS KYI YON TAN SGRUB PA'I BSAM GTAN, GSUM PA NI, BSAM GTAN GYI SGO NAS DON BYA BA BCU GCIG GIS SEMS CAN GYI DON SGRUB PA'I BSAM GTAN YIN NO, ,DE LA BDAG MED RTOGS PA'I LHAG MTHONG GIS GNAS LUGS KYI DON JI LTA BA BZHIN DU RTOGS PA LA RNAM G-YENG GIS G-YO BA MED PA'I ZHI GNAS LA BRTEN DGOS SHING, ZHI GNAS LA BRTEN NAS GZHAN DU MI G-YENG BA MA BYUNG NA GNAS LUGS KYI DON DU MA ZAD LAS 'BRAS DANG BYAMS SNYING RJE BSGOM PA BZLAS BRJOD BYED PA SOGS DGE BA GZHAN RNAMS KYANG 'BRAS BU CHUNG BAR GSUNGS PAS ZHI GNAS CI NAS KYANG BSGOM DGOS, DES NA DE BSGOM PA LA GANG GANG ? DU BSGRUB PA'I YUL ZAS GOS SOGS MTHUN RKYEN RNYED SLABS LEGS PAR RNYED PA, GCAN ZAN DANG DGRA GDON SOGS KYIS 'TSE BA MED PAS GNAS BZANG BA, NAD MI BSKYED BAS SA BZANG BA CHOS LDAN GYI GROGS DANG LDAN PAS GROGS BZANG BA, DON MED KYI G-YENG BA'I 'DU 'DZES ? DBEN PAS RNAL 'BYOR BDE BA'I YO BYAD DANG LDAN PA'I GNAS SU, RTEN GYI GANG ZAG ZAS GOS SOGS BZANG PO DANG MANG PO LA 'DOD PA CHUNG BA, NYUNG ZAD DANG NGAN NGON GYIS CHOG SHES PA, TSONG KHE SPOGS SOGS KYI BYA BA NYUNG BA KHAS BLANGS PA'I TSUL KHRIMS DAG PA, 'DOD PA'I NYES DMIGS DANG MI RTAG PA'I NGANG TSUL SEMS PA'I CHOS DRUG LA GNAS PAS DMIGS PA GTAD PA'I YUL, SPYIR DE BZHIN GSHEGS PAS DPYAD PA RNAM SBYOR GI DMIGS PA, MKHAS PA'I DMIGS PA, NYON @80B MONGS RNAM SBYONG GI DMIGS PA, KHYAB PA'I DMIGS PA BZHI DANG, SLOB DPON BYANG CHUB BZANG POS LUS KHA DRVAm ? GAR BSGOM PA SOGS DU MA ZHIG GSUNGS KYANG 'DIR TING NGE 'DZIN GYI RGYAL PO LAS 'BYUNG BA LTAR SANGS RGYAS KYI SKU LA SEMS 'DZIN PA NI SANGS RGYAS RJES SU DRAN PA YIN PAS BSOD NAMS CHE BA DANG, SKU DE RNAM PA GSAL ZHING BRTAN NA PHYAG MCHOD SMON LAM SOGS TSOGS SOG PA DANG, BSHAGS SDOMS SOGS SGRIB PA SBYANG BA'I ZHING DMIGS PAR BYED PA LA KHYAD CHE BA DANG, 'CHI BA'I TSE SANGS RGYAS RJES SU DRAN PA LAS MI NYAMS PA DANG, SNGAGS KYI LAM BSGOM NA LHA'I RNAL 'BYOR LA KHYAD CHE BA SOGS KYI DGOS PA MANG BAS SANGS RGYAS KYI SKU DMIGS RTEN DU BYA LA, DE YANG DAD PA SKYE BA LA KHYAD CHE ZHING THEG PA THUN MONG PA'I SKABS DANG MTHUN PAR RANG BZHIN GYIS BZHUGS PA GSAL BTAB STE DMIGS PAR BYA, DE LA SNGON DU STON PA'I SKU BRNYAN BRIS 'BUR CI RIGS PA BZO LEGS PA GCIG LA YANG YANG BLTA ZHING DE'I MTSAN MA BZUNG NAS YID YUL DU 'CHAR BA GOMS SU GZHUG ,DE NAS DBU DANG PHYAG GNYIS DANG SKU'I KHOG GZHAN DANG ZHABS GNYIS RIM PA BZHIN LAN 'GA' ZUNG GSAL BTAB; DE'I MTHAR SKU'I SPYI YID LA BYAS PA NA YID NGOR YAN LAG RAGS PA RNAMS CHA PHYED TZAM 'CHAR THUB PA BYUNG NA DMIGS RTEN RNYOD PA YIN PAS DE TZAM GYI CHAG SHES BYAS LA DMIGS RTEN LA SEMS GTONG PA NI, STAN 'JAM ZHING BDE BA LA RKANG PA SKYIL KRUNG NGAM PHYED PA GANG RUNG BYA, MIG 'BYED 'DZUM RAN PAR SNA RTZER PHAB, LUS DRANG POR BSRANG, @81A *, ,LAG PA MNYAM BZHAG BYA, MGO DANG SNA RTZE DANG LTE BA GSUM DRANG POR BYA, SO DANG MCHU RANG BABS SU BZHAG ,LCE RTZE RKAN LA REG ,DBUGS DAL BUS RGYU BA STE LUS KYI SPYOD LAM BRGYAD DANG LDAN PA'I SGO NAS RLUNG 'GRO 'ONG NYER GCIG BGRANG BA SOGS BYAS LA, DE NAS TING NGE 'DZIN RNAM DAG CIG BSGRUB PA LA MI SPRO BA'I LE LO DANG, DMIGS PA BRJED PA DANG, BYING RGOD BYUNG BA NGOS MA ZIN PA DANG, NGOS ZIN KYANG GNYEN PO 'DU MI BYED PA DANG, BYID RGOD DANG BRAL BA'I TSE GNYEN PO HA CANG 'DU BYED PA STE NYES PA LNGA'I GNYEN POR LE LO'I GNYEN PO DNGOS BRTZON 'GRUS DANG, DE'I RGYU TING NGE 'DZIN LA DON GNYER GYI 'DUN PA DANG, DE'I RGYU TING NGE 'DZIN GYI YON TAN MTHONG BAS YID 'PHROG PA'I DAD PA DANG, BRTZON 'GRUS KYI 'BRAS BU SHIN SBYANGS TE LE LO'I GNYEN PO BZHI DANG, DMIGS PA BRJED PA'I GNYEN POR DRAN PA DANG, BYING ? RGOD BYUNG BA NGOS MA ZIN PA'I GNYEN POR SHES BZHIN DANG, BYING RGOD BYUNG BA'I TSE SPONG BA'I GNYEN PO 'DU MI BYED PA'I GNYEN POR 'DU BYED PA'I SEMS PA DANG, BYING RGOD KYI DBANG DU MI 'GRO BAR SEMS MNYAM DU GNAS PA'I TSE BYING RGOD KYI ZON CHEN PO 'DU BYED PA'I GNYEN POR RTZOL BA GLOD SHES PA'I 'DU BYED BTANG SNYOMS TE DMIGS PA BRJED PA SOGS KYI GNYEN PO BZHI STE 'DU BYED BRGYAD BSTEN PA'I SGO NAS BSGRUB DGOS PAS, LE LO'I GNYEN PO TING NGE 'DZIN GYI YON TAN MTHONG BA'I YID 'PHROG PA'I DAD PAS DRANGS PA'I TING NGE 'DZIN DON DU GNYER BA'I 'DUN @81B PA SHUGS DRAG PO'I SGO NAS TING NGE 'DZIN DE BSGRUB PA LA SPRO SENG DE BA'I BRTZON 'GRUS DANG BCAS TE SDANG YID LA GOMS 'DRIS SU BYAS PA'I SANGS RGYAS KYI SKU GZUGS DE MTSON BYED DU BYAS PA'I SANGS RGYAS KYI SKU GSER BTZO MA LTA BU MTSAN DPES SBRAS SHING DBU GTZUG TOR DANG LDAN PA CHOS GOS RNAM GSUM GYIS KLUBS SHING 'OD ZER 'BAR BA, TSA CHUNG BLO DAD 'TSAMS PA ZHIG SANGS RGYAS DNGOS KYI RNAM PAR RANG GI SMIN 'TSAMS KYI THAD KYI NAM MKHAR GSAL LEGS PAR BTAB, DE NAS DMIGS PA BRJED PA'I GNYEN POR DMIGS YUL DE NYID NGES PA'I 'DZIN STANGS DAM PO NGES SHES KYI NGAR THON PA'I GSAL CHA DANG, DMIGS PA DE MA BRJED PAR THU RE DRAN PAS CUNG ZAD KYANG MI G-YENG BA'I GNAS TSA BRTAN PO GNYIS DANG LDAN PA'I DRAN PA STOBS CAN GYIS SEMS DMIGS PA LA BTAGS LA STOD DU HRVAGS PA SOGS KYI SKYON MI 'BYUNG TZAM GYI NGOS BSGRIMS TE BSGOM, DE LA CUNG ZAD GNAS PA SNYAM BYED PA NA DRAN PAS MA BRJED PA'I MU NAS BYING RGOD BYUNG BA NGOS MA ZIN PA'I GNYED POR BYING RGOD DNGOS SU MA SKYES KYANG SKYE BA'I THAB ? BYED PA NAS RIG PA'I SHES BZHIN GYIS BYAR BYA, NGOS ZIN KYANG GNYEN PO 'DU MI BYED PA'I GNYEN POR DMIGS PA'I DANGS CHA YOD KYANG GSAL CHA DANG 'DZIN STANGS KYI NGAR CHA'I SHUGS DAM SBRING SBRING BA DE CUNG ZAD ZHAN DU SONG BA MTHOD TSE BYID BA PHRA MO BYUNG BA YIN PAS DE'I GNYEN POR DE SPONG BA LA SEMS MNGON PAR 'DU BYED PA'I SEMS BAS BSKUL LA SEMS KYI 'DZIN STANGS BSGRIMS PAR BYAS TE BSGOM, GSAL CHA'I NGAR CHA HAD KYI SHOR NAS DVANGS CHA TZAM @082A *, ,LAS MI 'DUG NA BYING BA RAGS PA BYUNG BA YIN PAS NGO SHES PAR BYAS LA BSGRIMS TE BSGOM, DES MA SEL NA BSGOM 'BRO BSHOL TE DKON MCHOG GSUM DANG BYANG CHUB SEMS KYI PHAN YON DANG DAL BA THOB PA DON CHE BA SOGS KYI YON TAN BSAM NAS SEMS GZING BSTOD LA BYING BA SANGS PA DANG SNGAR LTAR DMIGS PA'I 'DZIN STANGS BSGRIMS TE BSGOM, 'DOD PA'I YUL YID DU 'ONG BA'I RNAM PA 'CHAR LA KHANG BYUNG NA RGOD PA PHRA MO MIN PAS DE'I GNYEN POR SEMS 'PHRO GRAB BYED PA BKAG NAS DMIGS PA LA GDAGS, 'DOD CHAGS KYI RNAM PA HAD KYI SKYES PA NA RGOD PA RAGS PA BYUNG BA YIN PAS NGO SHES PAR BYAS LA SEMS 'PHRO BA DE BKUG NAS DMIGS RTEN LA GDAGS, DES MA SEL NA SGOM 'BRO BSHOL TE 'CHI BA MI RTAG PA DANG NGAN 'GRO'I SDUG BSNGAL SEMS PA SOGS KYIS SEMS NANG DU BSDUS TE RGOD PA SANGS PA NA YANG SNGAR LTAR BSGOM, GZHAN YANG BYING BA'I RGYU SEMS YUL GZHAN LA MI 'BRO BAR GNAS KYANG GSAL DVANGS MED LA LUS SEMS LCI ZHING LAS SU MI RUNG BA'I RNAM PA CAN GYI RMUGS PA DANG GNYID DANG DE 'DREN PA'I CHOS SEMS MUN PA'I RNAM PA CAN RNAMS BYUNG NA RJES DRAN DRUG GANG RUNG DAM DE LAS GZHAN PA'I SEMS DVANGS BAR 'GYUR BA'I DMIGS PA RNAMS KYIS SEMS GZING BSTOD PA DANG NYI 'OD SOGS SNANG BA'I MTSAN MA YID LA BYED PA DANG GDONG CHUS 'KHRU BA DANG SPYOD LAM 'CHAGS PA SOGS KYIS BZLOG ,ZHE SDANG SOGS RTOGS PA GZHAN BYUNG NA YANG DE'I GNYEN POR DE'I NYES DMIGS SEMS PA SOGS BYAS LA DGAG ,DE LTAR BYING RGOD SOGS @082B BKAG NAS GREM LHED RAN PA'I 'TSAMS RANG NYAMS LA DPAGS TE RIG PA 'PHANGS 'DI TZAM ZHIG BSTOD NA RGOD PA SKYE BAR 'DUG SNYAM PA'I TSAD DE LAS NI LHOD LA, 'DI TZAM ZHIG LA BZHAG NA BYING BSKYE BAR 'DUG SNYAM PA'I TSAD DE LAS 'PHANGS MTHO BA'I 'JOG 'TSAMS ZIN PAR BYAS LA RTZA BA'I DMIGS PA'I STENG DU SAL LE HRIG GER THUN TSAD CHU TSOD GCIG LA SOGS PA'I BAR 'JOG GANG THUB BYA, DE LTAR BYAS KYANG LAS DANG PO BAL DANG PO NAS TING NGE 'DZIN SKYON MED MI SKYE NA'ANG STOBS DRUG GI SGO NAS SEMS GNAS DGU DANG YID BYED BZHI'I RIM PAS TING NGE 'DZIN SKYON MED SKYO BAS DE'I TSUL NI, SNGAR BSHAD PA LTAR SEMS DMIGS PA LA GTAD PA NA DANG POR STOBS DANG PO SEMS DMIGS PA LA 'JOG PA'I GDAMS NGAG THOS PA TZAM GYI RJES SU 'BRANGS NAS SEMS GNAS DANG PO PHYI ROL GYI DMIGS PA THAMS CAD LAS SEMS BSDUS NAS NANG DU DMIGS PA LA GTOD PA SEMS 'JOG PA ZHES BYA BA 'BYUNG ZHING, DE'I TSE DMIGS PA LA SEMS KYI GNAS CHA MI SDOD PAR RNAM RTOG RI GZAR GYI 'BAB CHU LTA BU 'ONG BAS DA NYAMS LEN BYAS PAS RNAM RTOG MANG DU SONG SNYAM PA RNAM RTOG NGOS ZIN GYI NYAMS SHIG 'ONG, DE NAS RIM GYIS BSGOM PA NA STOBS GNYIS PA BSAM PA'I STOBS KYIS SEMS GNAS GNYIS PA DANG POR DMIGS PA LA BTAGS PA DE'I RGYUN YANG YANG BSAM NAS BSKYANGS BAS RGYUN CUNG ZAD 'THUD NUS PA RGYUN DU 'JOG PA ZHES BYA BA 'BYUNG ZHING, DE'I TSE GCONG RONG DOG MO'I 'BAB CHU LTAR RES RNAM RTOG ZHI ZHING RES RNAM RTOG THO LER SKYE BA'I RNAM RTOG PA LA GSO BA'I NYAMS SHIG 'ONG, SEMS GNAS @083A *, ,'DI GNYIS BYING RGOD CHES MANG ZHING TING NGE 'DZIN NYUNG DU LAS MI 'ONG LA DMIGS PA LA GTOD PA LA 'BAD PAS BSGRIMS DGOS PAS YID BYED BZHI'I NANG GI DANG PO BSGRIMS TE 'JUG PA'I SKABS SO, ,DE NAS GOM PA NA STOBS GSUM PA DRAN PA'I STOBS KYIS RIM PA BZHIN SEMS GNAS GSUM PA DMIGS PA LAS G-YENGS PA NA SNGAR GYI DMIGS PA MYUR DU DRAN NAS SLAR DMIGS PA LA GLON PA BLAN TE 'JOG PA ZHES BYA BA DANG, SEMS GNAS BZHI PA DANG PO NAS DRAN PA'I SHUGS BSKYED DE DMIGS PA LAS G-YENG BAR MI BYED CING SEMS RANG BZHIN GYI RGYA CHE BA LAS YANG YANG BSDUS TE PHRA PAR BYAS NAS GONG NAS GONG DU 'JOG PA NYE BAR 'JOM PA ZHES BYA BA GNYIS 'BYUNG ZHING, DANG PO'I TSE LUNG BA PHU GSUM GYI RDZING CHU LTA BU, 'GAL RKYEN GYIS MA DKRUGS PA'I TSE SEMS GNAS PA SNYAM BYED LA RKYEN BYUNG BA'I TSE MI GNAS PA'I RNAM RTOG THANG CHAD PA'I NYAMS SHIG 'ONG, DE NAS STOBS BZHI PA SHES BZHIN GYI STOBS KYIS RIM PA BZHIN SEMS GNAS LNGA PA RNAM RTOG GI MTSAN MA LA 'PHRO PA'I NYES DMIGS SHES BZHIN GYIS RIG NAS DE LA 'PHROR MI STER ZHING TING NGE 'DZIN GYI YON TAN BSAM NAS TING NGE 'DZIN LA DGA' BA DUL BAR BYED PA ZHES BYA BA DANG, SEMS GNAS DRUG PA RNAM G-YENG GI NYES DMIGS SHES BZHIN GYIS RIG NAS TING NGE 'DZIN LA MI DGA' BA 'GOG PA ZHI BAR BYED PA ZHES BYA BA GNYIS 'BYUNG, DE NAS STOBS LNGA PA BRTZON 'GRUS KYI STOBS KYIS SEMS GNAS BDUN PA CHAGS SEMS DANG YID MI BDE DANG RMUG PA DANG GNYID LA SOGS PA RNAMS SKYES TZAM @083B NAS DANG DU MI LEN PAR RTZOL BAS SPONG BA RNAM PAR ZHI BAR BYED PA ZHES BYA BA 'BYUNG ZHING, SEMS GNAS GSUM PA NAS BDUN PA'I BAR GYI LNGA PO DE TING NGE 'DZIN LA GNAS PA SHAS CHE YANG BYING RGOD KYIS BAR DU YANG YANG GCOD PAS SKABS SU CHAD CING 'JUG PA'I YID BYED KYI SKABS SO, ,DE NAS YANG BRTZON 'GRUS KYI STOBS KYIS SEMS GNAS BRGYAD PA BYING RGOD LA SOGS PAS TING NGE 'DZIN LA BAR BCAD MI NUS PAR RGYUN CHAGS SU SKYE BA RTZE GCIG TU BYED PA ZHES BYA BA 'BYUNG ZHING 'DI'I TSE RGYA MTSO RLABS DANG BCAS PA LTA BU RNAM RTOG CI BYUNG YANG GNYEN PO DRAN 'DZIN CUNG ZAD BSTEN PAS RANG MAL DU ZHI 'GRO PA RNAM RTOG 'DU BYED PA ZHES BYA BA'I NYAMS 'ONG, 'DI'I SKABS SU RTZOL BA NA RE BSTEN DGOS KYANG BYING RGOD KYI BAR BCAD MI NUS PAR THUN RING PO SKYONG THUB PAS SKABS SU CHAD PA MED PAR 'JUG PA'I YID BYED KYI SKABS SO, ,DE NAS RIM GYIS BSGOM PAS STOBS DRUG PA YONGS SU 'DRIS PA'I STOBS KYIS SEMS GNAS DGU PA DRAN SHES RGYUN LDAN NA RE BSTEN PA'I RTZOL BA MI DGOS PAR DMIGS PA LA RANG GI DANG GIS 'JUG PA MNYAM PAR 'JOG PA ZHES BYA BA 'BYUNG ZHING, 'DI'I SKABS SU BYING RGOD KYIS BAR BCAD YANG MI NUS SHING RTZOL BA YANG RGYUN PAR BSNYEN MI DGOS PAS RTZOL PA MED PAR 'JUG PA'I YID BYED KYI SKABS SO, ,'DI'I TSE BYING RGOD 'GOG PA'I RTZOL BA 'DU BYED PA NYES PA YIN PAS GNYEN POR 'DZIN STANGS KYI DAR CHA MA SHOR BA'I NGANG NAS RTZOL BA GLOD PAR BYA'O, ,DE YANG MDOR BSDU NA DANG POR GDAMS NGAG THOS PA'I RJES SU @084A *, ,'BRANGS LA SEMS MNYAM PAR 'JOG TSUL LEGS PAR BYA, DE NAS DE LTAR BZHAG PA DE YANG YANG BSAM LA RGYUN CUNG ZAD MTHUD THUB PA'I SGO NAS RGYUN BSKYAD, DE NAS DRAN PA NYAMS NAS YENGS NA MYUR DU BSDUL DMIGS PA BRJED PA MYUR DU DRAN PA DANG, DE NAS KYANG DRAN PA SHUGS CAN BSKYED LA DANG PO NAS DMIGS PA LAS MI G-YENGS PA'I DRAN PA'I STOBS BSKYED, DE NAS DRAN PA STOBS CAN GRUB PA DANG DMIGS PA LAS GZHAN DU G-YENG BA'I BYING RGOD SOGS KYI SKYON MTHONG BA'I BYAR BYED PA'I SHES BZHIN DRAG PO BSKYED, DE NAS BRJED DES PHRA MOS G-YENGS NA YANG DE MA THAG RIG NAS RGYUN GCOD PA DANG, DE NAS MI MTHUN PHYOGS KYIS BAR MA BCAD PA'I RGYUN JE RING DU GTONG BA'I RTZOL BA'I STOBS BSKYED, DE NAS DE SKYES PA NA 'BAD NAS BSGOM PAS GOM PA GLONG DU GYUR NAS 'BAD RTZOL MED PAR TING NGE 'DZIN GYI NGANG LA CHAM GYIS 'GRO BA'I SEMS GNAS DGU PA 'GRUB PO, ,DE LTA BU'I SEMS GNAS DGU PA DE ZHI GNAS RJES MTHUN PA YIN ZHING DE'I TSE SHIN SBYANGS GYI CHA PHRA MO YOD PA DE RIM GYIS GONG 'PHEL DU SONG BA LAS DGE BA LA GANG 'DOD DU BGOL DU MI RUNG BA'I GNAS NGAN LEN ZHI NAS SEMS KYI SHIN SBYANGS SKYE, DE'I MTHUS LAS RUNG GI RLUNG LUS LA RGYUS PAS LUS KYI GNAS NGAN LEN DANG BRAL NAS BAL LTAR YANG PA'I SHIN SBYANGS SKYE, DE'I MTHUS LAS LA BDE BA'I NYAMS CHEN PO SKYE, DE'I MTHUS YID BDE NYAMS KYI SEMS SHIN SBYANGS KYI BDE BA SKYE, DE YANG LUS SHIN SBYANGS SKYES MA @084B THAG TU SEMS DGA' YAL YAL BA 'BYUNG LA DE'I TSE ZHI GNAS CUNG MA THOB, DGA' YAL YAL BA DE CHUNG DU SONG NAS SEMS DMIGS PA LA LHAN NE SDOD PA'I TING NGE 'DZIN DANG RJES SU MTHUN PA'I SHIN SBYANGS MI G-YO BA THOB PA DANG DUS MNYAM DU BSAM GTAN DANG PO'I NYER BSDOGS KYIS BSDUS PA'I ZHI GNAS 'GRUB, DE 'DRA'I ZHI GNAS DE PHYI NANG GNYIS KA'I TING NGE 'DZIN THUN MONG BA YIN ZHING, BDAG MED RTOGS PA'I LTA BA DANG THAR PA DON GNYER GYI NGES 'BYUNG GI BSAM PAS ZIN NA THAR LAM DANG BYANG CHUB KYI SEMS KYIS ZIN NA THEG CHEN GYI LAM DU YANG 'GYUR LA, DE LA BRTEN NAS BDAG MED RTOGS PA'I LHAG MTHONG BSGOM PAS SGRIB PA GNYIS KYIS 'CHING BA MTHA' DAG LAS GROL BAR 'GYUR RO, DRUG PA NI; BRTAGS PA'I DNGOS PO CHOS RAB TU RNAM PAR 'BYED BYED SHES RAB KYI NGO BO YIN LA, DE LA DBYE NA DE KHO NA NYID KYI DON MJAL BA DON DAM RTOGS PA'I SHES RAB, RIG PA'I GNAS LNGA LA MKHAS PA KUN RDZOB RTOGS PA'I SHES RAB, SEMS CAN GYI 'DI PHYI'I DON KHA NA MA THOB MED PA BSGRUB TSUL SHES PA'I SHES RAB GSUM YOD PA RNAMS KYI SEMS KYI GOMS PA MTHAR PHYIN PA NI SHES RAB KYI PHAR PHYIN YIN, DE LA CHOS RNAMS KYI GNAS LUGS MTHAR THUG PA DE KHO NA NYID RTOGS PA'I SHES RAB DANG MI LDAN NA NGES 'BYUNG DANG BYANG CHUB KYI SEMS SOGS LA CI TZAM GOMS PAR BYAS KYANG SRID PA'I RTZA BA BDAG 'DZIN GCOD PAR MI NUS SHING, GNAS LUGS MTHAR THUG LA DON 'GYUR GYI THE TSOM ZOS PA TZAM @085A *, ,GYIS KYANG SRID PA HRUL POR BYED PAR NUS LA, KHYAD PAR DU DPAL MGON KLU SGRUB YAB SRAS KYIS GTAN LA PHAB PA'I GZHI'I CHOS KUN RDZOB BDEN PA SNANG BA'I TSA CHOS THAMS CAD THA SNYAD DU GRUB CING RGYU 'BRAS MA 'CHOL BAR 'BYUNG BA'I RTEN CING 'BREL BAR 'BYUNG BA DANG, DON DAM BDEN PA STONG PA'I CHA CHOS THAMS CAD RANG GI NGO BOS GRUB PA CUNG ZAD TZAM YANG MED PA GNYIS PHYIN CI MA LOG PAR SHES NAS LAM GYI GNAS SKABS SU SBYIN SOGS BSOD NAMS KYI TSOGS DANG DE KHO NA NYID RTOGS PA'I YE SHES KYI TSOGS GNYIS ZUNG 'BREL DU NYAMS SU BLANGS BA LA BRTEN NAS 'BRAS BU'I DUS SU DON GNYIS MTHAR PHYIN PA CHOS GZUGS KYI SKU GNYIS THOB PAR 'GYUR BAS, BSOD NAMS KYI TSOGS BSOG TSUL GONG DU SONG BA LTAR YIN LA YE SHES KYI TSOGS DON DAM RTOGS PA'I SHES RAB LHAG MTHONG NYAMS SU LEN PA'I RIM PA LA GANG ZAG GI BDAG MED LA BRTEN PA'I LHAG MTHONG BSGRUB TSUL DANG, DES CHOS KYI BDAG MED LA RIGS 'DRE TSUL GNYIS, DANG PO LA, GANG ZAG GI BDAG MED GTAN LA 'BEBS TSUL DANG, DE LA BRTEN NAS LHAG MTHONG BSGRUB TSUL GNYIS, DANG PO NI, DPER NA RANG LA MI ZHIG GIS RKUN KHAG LTA BU BTZUGS PA NA NGAS RKUN MA BRKU SNYAM PA YID KYI DGU LA'ANG MED NA BRKUS PA'I KHAG 'DI LTA BU 'DZUGS PA SNYAM DU PHA ROL GYI MI DE LA ZHE SDANG DRAG PO DANG BCAS TE BRKUS KHAG 'DZUGS YUL GYI NGA ZHIG SNYING GI DKYIL NAS DAM SBRING SBRING BA MIG GIS MTHONG RGYU DANG LAG PAS 'DZIN RGYU YOD PA LTA BU 'CHAD LA, DE BZHIN @085B DU RANG 'DOD PA'I DON CHEN PO ZHIG 'GRUB PAR BYAS PA LTA BU LA PHAN 'DI LTA BU BTAGS BYUNG SNYAM PA'I PHAN 'DOGS YUL GYI NGA ZHIG SNYING GI DKYIL NAS LHANG LHANG 'CHAR PAS DE LTA BU'I PHAN GNOD BYAS PA GANG YANG RUNG BA ZHIG LA BRTEN PA'I BDE SDUG GI RTOG PA CIG BLOS YANG YANG GSAL BTAB NAS BAG LA ZHA BA'I NGAR 'DZIN LHAN SKYES JE 'PHEL LA 'GROR BCUG STE MNGON DU GYUR BA'I 'TSAMS NAS, DPER NA MI GNYIS LAM LA GSHIBS NAS 'GRO BA'I TSE MIG DNGOS GZHIS LAM LA BLTA ZHING MI GZUR GYIS GROGS LA BLTA PA LTAR SEMS BYINGS DE NGA'O SNYAM PA'I BLO MNGON GYUR DE LA GSAL BA'I NGAR CHA DANG BCAS PA'I SGO NAS GNAS BZHIN DU BLO'I ZUNG ZHIG GIS NGAR 'DZIN GYIS GANG DU BZUNG BA DANG TSUL JI LTAR BZUNG BA LTA BA YANG YANG BYA, DE LTAR LEGS PAR BRTAGS PAS RES LUS KYI STENG DU YOD PA 'DRA BA RES SEMS KYI STENG DU YOD PA 'DRA BA, RES PHUNG PO GZHAN RNAMS SO SO'I STENG DU YOD PA 'DRA BA SOGS 'CHAR TSUL SNA TSOGS ZHIG BYUNG BA'I MTHAR LUS SEMS GNYIS PO 'DI CHU DANG 'O MA 'DRES PA LTAR DBYER MI BYED PA 'DRA PA ZHIG GI STENG NAS, NGA GANG LA YANG BLTOS PA MED PAR NGA'I NGOS NAS YOD PA'I RANG BZHIN GYIS GRUB PA'I TSUGS THUB TU GDOD MA NAS GRUB GRUB PA ZHIG TSUR SHAR 'ONG BA DE NGOS ZIN PA NI GNAD DANG PO DGAG BYA NGES PA YIN PAS 'DI LA MYONG BA GTING MA PHYIN GYI BAR DU DPYAD DO, ,DE NAS NGA DE LUS SEMS SO SOR MI PHYED BA'I STENG DE NAS DBYER MED PA'I STENG DE NAS DBYER MED PA'I TSUL GYIS GRUB PA 'DRA BA ZHIG BYUNG YANG, DPER NA BUM PA LTA BU GZHI GCIG LA SO SO BA DANG DBYER MED PA ZHES PA'I THA SNYAD BYAR MED LA, @086A *, ,'DIR NGA DANG NGA'I LUS SEMS ZHES GDAGS GZHI DANG BTAGS CHOS KYI RNAM PA ZHIG BYUNG BAS, LUS SEMS GNYIS KYI STENG DU NGA RANG BZHIN GYIS TSUGS THUB TU GRUB PA 'DI DANG LUS SEMS GNYIS PO DE GCIG DANG THA DAD GANG RUNG DU MED PA'I PHUNG SUM PA ZHIG YIN NAM SNYAM DU RTZAD BCAD PA NA, GZHI GRUB PHYIN CHAD GCIG DANG THA DAD GANG RUNG YIN DGOS PAS MTSON TE MTHAR PHUNG GSUM PA MED PAR RTOGS NAS GCIG DANG THA DAD GANG RUNG LAS 'OS MED PAR THAG CHOD PA NI GNAD GNYIS PA KHYAB PA NGES PA'I GNAD YIN ZHING, 'DI'I NYAMS LEN BYAS PAS GDAGS GZHI LUS SEMS GNYIS KYI STENG DU BTAGS CHOS DA DE TSUGS THUB TU DBYE BA MED PAR YOD YOD 'DRA BA DE GCIG DANG THA DAD GANG RUNG DU THE TSOM MED PA BYUNG NA MYONG BA CUNG ZAD THON PA YIN NO, ,DE NAS DE 'DRA BA'I NGA DE LUS SEMS GNYIS DANG GCIG TU GRUB BAM SNYAM DU BRTAGS PA NA, GCIG TU GRUB NA RANG BZHIN GYIS GRUB PA'I GCIG TU GRUB DGOS LA DE LTAR NA DBYE BA GTAN NAS MED PA'I CHA THAMS CAD NAS GCIG PAR 'GYUR BAS CHA MED PA LAS 'OS MED, DE LTAR NA CHA MED GCIG GI STENG NAS NGA ZHES LUS SEMS GNYIS KYI NYE PAR LEN PA PO GCIG DANG, NGA'I LUS SEMS ZHES DE'I BLANG BYAR GYUR PA THA DAD PA GNYIS SU 'JOG RGYU MED PAS BDAG DANG BDAG GI LUS SEMS ZHES KHAS BLANGS PA DON MED DU 'GYUR RO SNYAM DU BSAM, GZHAN YANG LUS SEMS GNYIS DANG GCIG YIN NA LUS DANG YANG GCIG YIN DGOS, DE LTAR NA SHI BA'I 'OG TU LUS RTEN MER BSREG PA'I TSED YANG @086B MER BSREGS DGOS PA DANG, NGA YANG SRID PHYI MAR NYING 'TSAMS SBYOR BA BZHIN LUS RTEN YANG NYING 'TSAMS SBYOR DGOS PA'AM, GZUGS PHUNG NYID 'TSAMS SBYOR RGYU MED PA BZHIN NGA YANG NYING 'TSAMS SBYOR RGYU MED PAR 'GYUR, GAL TE LUS RTEN DANG GCIG MIN KYANG, SEMS DANG GCIG YIN NAM SNYAM NA DA LTA GOS MED NA NGA'I ? 'KHYAGS PA DANG ZAS SGOM MED NA NGA LTOGS SGOMS GYI SDUG BSNGAL MYONG BAS SHI BA'I 'OG TU GZUGS MED DU SKYES NA YANG NGA DANG RNAM SHES KYI PHUNG PO SOGS GCIG PA'I PHYIR, ZAS GOS SOGS GZUGS RAGS PA LA LONGS SPYOD DGOS PAR 'GYUR, GZHAN YANG LUS SEMS GNYIS YOD PA LTAR NGA YANG GNYIS YOD PA'AM NGA GCIG YIN PA BZHIN LUS SEMS GNYIS YANG GCIG TU 'GYUR SNYAM DU BSAM PAS GCIG TU MA GRUB PAR NGES PA NI GNAD GSUM PA GCIG BRAL NGES PA'I GNAD YIN, DE NAS DE LA NGES PA RNYED NAS NGA DANG LUS SEMS GNYIS THA DAD LAS 'OS MI 'DUG SNYAM PA NA, DE LTA BU'I NGA DANG LUS SEMS THA DAD DU GRUB NA RANG BZHIN GYIS GRUB PA'I THA DAD DU GRUB DGOS LA DE LTAR NA 'BREL BA GTAN NAS MED PA'I THA DAD DU GRUB DGOS PAS LUS SEMS GNYIS NANG PHAN TSUN DU 'DI NI LUS SO, ,'DI NI SEMS SO, ,ZHES SO SOR NGOS 'DZIN RGYU YOD PA LTAR LUS SEMS GNYIS RE RE NAS BSAL BA'I 'OG TU 'DI NI NGA'O ZHES 'DZIN RGYU YOD DGOS PA LA PHRA ZHIB GANG NAS DPYAD KYANG YE NAS MI RNYED PAS THA DAD DU JI LTAR GRUB SNYAM DU @87A *, ,BSAM, DE YANG BA LANG LTA BU ZHIG BOR BA'I TSE LUNG BA CHE GE MO'I NANG DU MED DO ZHES PA'I TSIG TZAM LA BDEN PAR BZUNG BA MA YIN PA'I RANG GIS LUNG PA DE'I PHU MDA' BAR GSUM LA BTZAL BSAM RNYED PA'I KHO THEG CHOD PA LTA BU'I MTHA' MA CHOD KYI BAR DU BSGOM PAS NGES PA RNYED PA NI GNAD BZHI BA DU BRAL NGES PA'I GNAD YIN NO, ,'DI DAG GI SKABS SU YANG NA LUS SEMS GNYIS ZHES PA'I TSAB TU PHUNG PO LNGA ZHES SBYOR, ,DE LTAR GNAD BZHI'I DPYAD PA BYAS PAS SNGAR RANG BZHIN GYIS TSUGS THUB TU GRUB PA'I DMIG GIS MTHONG RGYU'AM LAG PAS 'DZIN RGYU YOD PA 'DRA BA DE MA RNYED PAR STONG CHAM GYI SONG PAN DBU MA'I LTA BA DANG POR RNYED PA YIN ZHING, DE'I TSE SNGON STONG NYID LA BAG CHAGS MA BZHAG PA ZHIG YIN NA LAG TU YOD PA'I DNGOS PO BLO BUR DU STONG BA LTA BU'I SNANG BA DANG, BAG CHAGS BZHAG PA ZHIG YIN NA LAG TU YOD PA'I NOR STOR BA BLO BUR TU RNYED PA LTA BU'I NYAMS 'CHAR RO, ,GNYIS PA NI, SNGAR ZHI GNAS KYI SKABS KYI SBYOR BA'I CHOS BSTEN PA DANG LUS KYI SPYOD LAM DANG DRAN SHES BSTEN TSUL RNAMS SNGON DU BTANG BA'I SGO NAS GNAD BZHI'I DPYAD PA MTHAR PHYIN PAR BYAS PAS, DA'O SNYAM DU SNYING GI DKYIL NAS DAM SBRING SBRING 'DZIN PA'I BLO NGES BZUNG BA LTAR GYID DE LUS SEMS GNYIS SAM PHUNG PO LNGA'I STENG DU MED PAR LHANG GIS NGES BYUNG BA NA DE NYID DMIGS PA DNGOS YIN PAS DRAN BSAM BRJED BAR BYAS LA SHES BZHIN GYIS NGAR 'DZIN PA'I RTOG PAS BCAD MA BCAD KYI BYA RA BYED CING NGA RANG BZHIN GYIS MA GRUB PA'I TSUL GSAL 'DEBS DGOS PA BYUNG NA GNAD BZHI'I DPYAD PAS @87B CUNG ZAD DPYAD PA'I SGO NAS TSUL DE LTAR GRUB PA MED SNYAM DU MNYAM PAR BZHAG STE BSKYANG BAS YID LA BYED PA BZHI RIM GYIS 'GRUB LA DE YANG DANG POR BSGRIMS TE BSGOM KYANG SNGAR NAS BDEN 'DZIN GYI RTOG BAL GOMS CHES PA'I SHUGS KYIS NGAR 'DZIN PA'I BLO SHUGS CHE ZHING MANG LA, NGA BDEN PAR MED SNYAM PA CUNG ZAD RE LAS MI 'ONG, DE NAS RIM GYIS GOMS PA NANG BDEN MED DU LTA BA'I BLO BDEN 'DZIN GYIS YANG YANG GCOD PAS CHANG BA'I TSUL DU 'ONG, DE NAS RIM GYIS GOMS PA NA BDEN 'DZIN GYI BLO SKYES MA THAG NAS DRAN 'DZIN CUNG ZAD TZAM GYIS BZLOG NUS PAS CHAD PA MED PA'I TSUL DU 'ONG LA, DE NAS SEMS GNAS DGU PA LTAR MNGON PAR 'DU BYED PA'I RTZOL BA LA MI BLTOS PAR DPER NA NAM MKHA' THOGS REG DANG BRAL TZAM LA BZHAG PA LTAR DGAG BYA BDEN GRUB BKAG TZAM GYI MED DGAG MED DGAG STONG SANG LA CHOS GZHAN GYIS BAR MA CHOD PAR RTZE GCIG TU MNYAM PAR 'JOG PA 'ONG ZHING, DE NI MNYAM BZHAG NAM MKHA' LTA BU'I SKYONG TSUL RNAL MA YIN NO, ,DE LTA BU'I MNGON PAR 'DU BYED PA LA MI BLTOS PA'I 'TSAMS DE NAS LHAG MTHONG RJES MTHUN PA THOB PA YIN ZHING, DE'I RGYUN BSKYANGS NAS BSGOM PAS LUS SEMS SHIN SBYANGS KYI BDE BA SNGAR ZHI GNAS KYI DUS SUM NYAM PAR BZHAG STOBS GYIS DRANGS PA DE LAS CHES LHAG PA'I DPYAD STOBS KYIS DRANGS PA'I LUS SEMS LAS RUNG GI SHIN SBYANGS KHYAD PAR DU 'PHAGS PA ZHIG 'THOB LA, DE THOB PA NA LHAG MTHONG DNGOS THOB CING 'DI NAS BZUNG STE ZHI LHAG ZUNG 'BREL DNGOS KYI LAM THOB PA YIN NO, ,DE LTAR MNYAM BZHAG NAM MKHA' LTA BU'I NYAMS LEN BYAS PAS RJES THOB TU, SNANG RO RANG BSNYON MI NUS PAR GRUB PA DANG, @88A *, ,NGES NGOR BTAGS YOD MING RKYANG TZAM MA GTOGS KHO RANG GI NGOS NAS MA GRUB PAR YID NGOR 'CHAR BA GNYIS DUS GCIG TU TSOGS PA ZHIG 'ONG BA NA RJES THOB SGYU MA'I 'CHAR TSUL YIN LA; LAS DANG PO PAS RANG BZHIN GYIS GRUB PA LTA BUR LAM LAM SHAR BYUNG BA NA, SNGAR GYI MNYAM BZHAG GI LTA BA DRAN PAR BYAS NAS SNANG TSUL 'DI LTAR GRUB PA MED SNYAM DU BLOS THAG BCAD PA'I DRAN PA MA NYAMS PAR SKYONG BA NI SGYU MA LTA BU'I BSGOM TSUL GYI GNAD YIN PAS DE DANG RANG BZHIN GYIS MA GRUB PA'I RGYU MTSAN GYIS LAS SOG PA PO DANG 'BRAS BU MYONG BA PO'I BYA BYED THAMS CAD 'THAD PA'I TSUL LA NGES SHES 'DREN BZUNG 'BREL GYI SGO NAS STONG PA RTEN 'BYUNG GI DON DANG RTEN 'BYUNG STONG PA'I DON DU 'CHAR BA LA BSLAB PAR BYA'O, ,GNYIS PA NI, RANG GI LUS LTA BUL MTSON NA GDAGS GZHI YAN LAG LNGA TSOGS TZAM GYI STENG DU BTAGS CHOS LUS 'DI PHAR BTAGS PA TZAM MA YIN PAR KHO RANG GI NGOS NAS TSUGS THUB TU GRUB PAR 'DZIN PA'I BLO'I SNANG TSUL NGES PA NI DGAG BYA NGES PA'I GNAD, BLO DE LA SNANG BA LTAR GRUB PA'I LUS DE GRUB NA GDAGS GZHI YAN LAG LNGA DANG GCIG THA DAD GANG RUNG DU GRUB DGOS PAR THAG CHOD PA NI KHYAB PA NGES PA'I GNAD, GCIG TU GRUB NA LUS KYI MGO BO DANG RKANG LAG ZHES GDAGS GZHI DANG BTAGS CHOS KYI THA SNYAD MI 'THAD PAR 'GYUR BA LA THA SNYAD DE 'THAD PAS GCIG TU MA GRUB PAR NGES PA NI GCIG BRAL NGES PA'I GNAD, THA DAD DU GRUB NA YAN LAG LNGA RE RE NAS BSAL BA'I RJES SU LUS ZHES NGOS 'DZIN RGYU YOD DGOS PA LA DE MED PAS THA DAD DU MA GRUB PAR NGES PA NI DU BRAL NGES @88B BA'I GNAD YIN PAS, DE LTA BU'I GNAD BZHI'I SGO NAS YAN LAG LNGA TSOGS TZAM GYI STENG DU BTAGS PA TZAM MA YIN PAR KHO RANG GI NGOS NAS TSUGS THUB TU GRUB PA'I LUS MED PAR NGES PA LHANG GI SHAR PA NA CHOS KYI BDAG MED GYI LTA BA DANG POR RNYED PA YIN NO, ,GZHAN YANG DE RANG GI DUS KYI RNAM SHES LTA BU DE RING GI SNGA DRO'I RNAM SHES DANG DE RING GI BYI DRO'I RNAM SHES GNYIS TSOGS ' TZAM GYI STENG NAS BTAGS PA DANG, DA LO'I LO LTA BU, DA LO'I ZHAG DANG ZLA BA RNAMS TSOGS PA'I STENG NAS BTAGS PA DANG, ,BUG PA STONG PHRAG GCIG LA KHYAB PA'I NAM MKHA' LTA BU BUG PA REL NAM MKHA'I CHA SHAS RE YOD PA'I CHA SHAS DE RNAMS TSOGS PA'I STENG NAS BTAGS PA SOGS CHOS THAMS CAD RANG RANG GI CHA SHAS LA BRTEN NAS BTAGS PA SHA STAG YIN PAS, CHOS GANG DANG GAR YANG RANG BZHIN GYIS GRUB NA RANG RANG GI CHA SHAS DANG GCIG THA DAD GANG RUNG DU GRUB DGOS PAS KHYAB PA SOGS GNAD BZHI'I DPYAD PA BYAS PAS RANG BZHIN MED PAR GTAN LA 'BEBS NUS PA YIN LA, 'ON KYANG BDAG RANG BZHIN MED PAR RTOGS PA NA DE'I GDAGS GZHI PHUNG PO LNGA YANG RANG BZHIN GYIS YOD PAR 'DZIN PA LDOG PAR 'GYUR BA'I SHUGS KYIS CHOS KYI BDAG MED KYANG STOGS 'GRO BAS, GANG ZAG GI BDAG MED PAR LEGS PAR GTAN LA PHAB TE NYAMS SU BLANGS PA'I NUS PAS CHOS KYI BDAG MED GTAN LA 'BEBS PA MI DKA' ZHING CHOS KYI BDAG MED KYANG DNGOS PO GCIG GI STONG NYID RTOGS NA DNGOS PO GZHAN GYI STONG NYID KYANG RTOGS NUS PAS THOG MAR GANG ZAG GI BDAG MED LEGS PAR GTAN LA PHAB TE NYAMS SU BLANGS PA LA @89A *, ,'BAD PAR BYA'O, ,GNYIS PA NI, DE LTAR RANG RGYUD SMIN PAR BYED PA PHA ROL TU PHYIN PA DRUG LA LEGS PAR BSLAB PA'I STENG NAS GZHAN RGYUD SMIN PAR BYED PA BSDU BA'I DNGOS PO BZHI LA YANG BSLAB DGOS PAS, DE'I TSUL NI GDUL BYA SO SO'I KHAMS DANG 'TSAMS PAR ZANG ZING MI 'JIGS CHOS KYI SBYIN PAS 'KHOR RNAMS BSDU BA, 'DUS PA DE DAG LA BZHIN GYI MDANGS GSAL ZHING 'DZUM PA'I SGO NAS KHAMS DRI BA SOGS 'JIG RTEN GYI TSUL DANG MTHUN PA DANG DE GANG LA MOS PA'I CHOS KYI PHAN YON BRJOD PA DANG DBANG PO RTUL PO DANG SDIG PA SNA TSOGS BYED PA DANG TSE 'DI 'BA' ZHIG DON DU GNYER BA DANG RAB TU BYUNG BA BAG MED CAN SOGS LA'ANG YANG DAG PA'I LAM LA BKRI BA'I CHED DU CHOS KYI 'BEL GTAM SNYAN PAR SMRA BA, DE LTAR BLO DGE BA'I PHYOGS SU SPRO BAR BYAS PA RNAMS LA RIGS MANG BAS GTAN GYI BDE BA BLOR MI TSUD PA'I RIGS LA TSE RING BA DANG NAD MED PA LA DGE BA 'DI LTA BU BSGRUB DGOS ZHES PAS MTSON PA'I DGE BA PHRA MO NAS RIM GYIS BYAD BAR BYAS TE MTHAR MYA NGAN LAS 'DAS PA'I PHYOGS SU BKRI PA LTA BU DON SPYOD PA, DE GZHAN GYIS SPYOD DU 'JUG PA LA YANG RANG NYID KYIS DON DE LA 'JUG PAR MA BYAS NA DE DAG GIS NGED KYI RGYUD 'DUL BA LA THOG MAR KHYED RANG 'DUL DGOS SO ZER PA LTA BU 'ONG BAS GZHAN GYIS JI LTAR SPYOD PA DE LAS LHAG PA'AM MA MTHA' MTSUNGS PA TZAM ZHIG NYAMS SU LEN PA'I DON MTHUN PA RNAMS LA TSUL BZHIN DU BSLAB PO, ,GSUM PA NI, SNGAR BSHAD PA LTAR GYI NYAMS LEN GYI RDO RUS THUG PAR BYAS PA'I RJES SU RGYUN LDAN DU SNYING POR DRIL NAS NYAMS SU LEN TSUL JI LTAR BYA @89B SNYAM NA, DAL 'BYOR, 'CHI BA MI RTAG PA, LAS 'BRAS, RIGS DRUG SO SO DANG THUN MONG PA'I SDUG BSNGAL RGYU DANG BCAS PA'I SKOR RNAMS BSAM NAS SKYABS 'GRO SEMS BSKYED BYAS RJES BLA MA'I RNAL 'BYOR TSOGS ZHING DANG 'BREL BA'I SDIG BSHAGS TSOGS BSAGS LA NAN TAN BYAS TE, DNGOS GZHI GTONG LEN SPEL BA'I BYANG CHUB KYI SEMS DANG, STONG NYID LA DMIGS PA'I ZHI LHAG ZUNG 'BREL GYI DMIGS PA GTZO BOR SKYONG BA YIN NO, ,THUN MTHAR DGE BA RNAMS RDZOGS BYANG DU BSNGO BA DANG, THUN 'TSAMS SU DNGOS GZHI'I SKABS KYI DMIGS RNAMS YANG YANG DRAN PAR BYED PA SOGS THUN DANG THUN 'TSAMS THAMS CAD LA BYA DGOS PA SHES PAR BYA'O, ,LAM SPYI'I DON BSDU NA, THOG MAR LAM GYI RTZA BA BSHES GNYEN BSTEN TSUL LA THUG PAS DE LA 'BAD, DE NAS DAL 'BYOR LA SNYING PO LEN 'DOD BCOS MIN SKYES NA DES BSGRUB PA LA NANG NAS BSKUL BAS DAL 'BYOR GYI SKOR RNAMS BSGOM, DE NAS TSE 'DI DON GNYER GYI BLO MA LOG NA PHYI MA'I DON GNYER SHUGS DRAG PO MI 'BYUNG BAS 'CHI BA MI RTAG PA DANG SHI NAS NGAN 'GROR 'KHYAMS TSUL BSGOM PA LA 'BAD, DE'I TSE 'JIGS PA DRAN PA'I BLO RNAL MA SKYE BAS SKYABS 'GRO'I SKOR LA 'BAD, DE NAS DKAR CHOS THAMS CAD KYI GZHI LAS 'BRAS LA YID CHES BSKYED LA LAS DKAR NAG LA 'JUG LDOG DANG STOBS BZHI'I BSHAGS BSNGAMS LA RGYUN DU 'BAD, DE LTAR SKYES BU CHUNG NGU'I CHOS SKOR RNAMS TSAGS SU TSUD PA NA 'KHOR BA SPYI DANG BYE BRAG GI NYES DMIGS SGO DU MA NAS BSAM STE 'KHOR BA SPYI LAS BLO CI LDOG BYA, DE NAS 'KHOR BA GANG LAS BYUNG BA'I RGYU LAS NYON NGOS BZUNG @90A *, ,NAS DE SPONG 'DOD BSKYED, DE NAS 'KHOR BA LAS GROL BA'I LAM BSLAB PA GSUM SPYI DANG KHYAD PAR KHAS BLANGS BA'I SO THAR LA 'BAD, ,DE LTAR SKYES BU 'BRING GI CHOS SKOR RNAMS TSAGS SU TSUD PA NA RANG NYID SRID MTSOR LHUNG BA BZHIN DU MA RNAMS KYANG DE 'DRA BAR YID LA BYAS TE BYAMS SNYING RJE'I RTZA BA CAN GYI BYANG CHUB KYI SEMS SBYANGS LA CI SKYEL 'BAD CING DE TSOGS BZUNG NAS DE'I BSLAB BYA LA 'BAD, DE NAS SPYOD PA RLABS CHE BA RNAMS MNYAN LA 'JUG LDOG GI MTSAMS SHES PAR BYAS NAS DE LA SLOB 'DOD PA SKYED LA 'JUG SDOM TSOGS BZUNG STE PHYIN DRUG DANG BSDU BZHI LA BSLAB, 'DI YANG LAM 'OG MA BSGOM GYI NA GONG MA LA THOB 'DOD CHER 'GRO BA DANG, GONG MA MNYAN PA NA 'OG MA LA SGRUB 'DOD JE CHER 'GRO BA CIG DANG RTOG PA SBYANG PAR BYAS NAS BLO CHA MA NYAM DGOS PAS, BSHES GNYEN LA DAD GUS CHUNG NA LEGS TSOGS KYI RTZA BA 'CHAD PAS BSHES GNYEN BSTEN TSUL LA 'BAD, DE BZHIN DU SGRUB PA LA SPRO SHUGS CHUNG NA NGAL 'BYOR GYI SKOR, TSE 'DI LA MNGON ZHEN CHE NA MI RTAG PA DANG NGAN 'GRO'I NYES DMIGS, KHAS BLANGS PA'I BCAS 'TSAMS LAS G-YEL NA LAS 'BRAS, 'KHOR BA LA SKYO SHAS CHUNG NA 'KHOR BA'I NYES DMIGS, SEMS CAN DON BYED KYI BLO SHUGS CHUNG NA SMON SEMS RGYU BCAS, SPYOD PA LA SLOB PA'I TSE MTSAN 'DZIN SHUGS DRAG NA NAM MKHA' LTA BU'I STONG NYID DANG SGYU MA LTA BU'I STONG NYID LA SBYANG BA SEMS DMIGS PA LA MI SDOD PAR RNAM G-YENG GI ZAN DU GYUR NA RTZE GCIG PA'I GNAS CHA LA GTZO BOR SBYONG DGOS PAS MTSON NAS MDOR NA PHYOGS RE BAR MA SONG BAR RGYUD DGE BA'I PHYOGS @90B THAMS CAD LA BKOL RUNG BA CIG BYA DGOS SO, ,DE LTAR BSLAB PAS RGYUD SNOD RUNG DU SONG BA NA CHOS GZHAN LAS SHIN TU DKON PA DANG MYUR DU TSOGS GNYIS RDZOGS PAR BYED PA'I THABS MCHOG TU GYUR PA RDO RJE THEG PA LA BSLAB TSUL NI THOG MAR BLA MA MTSAN NYID DANG LDAN PA CIG MA NYES PAR BYA BA SNGAR BSHAD PA LAS KYANG LHAG PA CIG BYAS TE DBANG RNAM PAR DAG PAS RGYUD SMIN PAR BYA, DE NAS DBANG DUS SU BZUNG BA'I DAM TSIG DANG SDOM PA RNAMS TSUL BZHIN DU BSRUNG BA GZHIR BZHAG PA'I STENG NAS RGYUD SDE 'OG MA LTAR NA MTSAN BCAS MTSAN MED KYI RNAL 'BYOR DANG, GONG MA LTAR NA SKYED RIM DANG RDZOGS RIM GYI RNAL 'BYOR GNYIS LA RIM PA BZHIN BSLAB STE RDO RJE 'CHANG GI GO 'PHANG MNGON DU BYED PA'O, ,DE LTA BU'I TSUL GYIS BSLAB NA MDO SNGAGS THAMS CAD KYI GNAD BSDUS PA'I LAM GYI LUS YONGS RDZOGS LA BSLAB PAR 'GYUR BAS DAL BA THOB PA DON LDAN DU BYED CING RGYAL BA'I BSTAN PA RIN PO CHE RANG GZHAN GYI RGYUD LA RGYAS PAR BYED NUS PA YIN NO, ,ZHES PA 'DI NI KHYAB BDAG RDO RJE 'TSANG DANG DBYER MA MCHIS PA'I RJE BTZUN DAM PA NGAG DBANG 'PHRIN LAS LHUN GRUB PA'I ZHAL SNGA NAS KYIS BLO LDAN DON GNYER CAN GYI SLOB BU'I TSOGS MANG PO LA BYANG CHUB LAM GYI RIM PA'I NYAMS KHRID ZAB MO 'PHAGS PA 'JIG RTEN DBANG PHYUG NGUR SMRIG 'DZIN PA'I GAR GYI RNAM PAR ROL BA GANGS CAN 'GRO BA'I MGON PO NGAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDE PHYOGS THAMS CAD LAS RNAM PAR RGYAL BA'I GSUNG GI NYID KHU 'JAM DPAL ZHAL LUNG RJE BDAG NYID CHEN PO'I BYANG CHUB LAM RIM CHUNG BAS BRGYAN TE LAM RIM LAS, BLO'I MTHU CHUNG NA LUNG 'DREN DOR NAS SKABS SU GANG @91A *, ,BABS PA'I DON GYI NGO BO TZAM BSKYANG BAR BYA'O ZHES GSUNGS PA LTAR ZHUB PO RNAMS KYI BLO DANG 'TSAMS PAR LUNG 'DREN SOGS KYI SPROS PA DOR NAS DON GYI NGO BO'I DMIGS RIM RGYAS PAR BSTZAL BA'I TSE ZIN BRIS SU 'BEBS PAR GSUNG GI GNANG BA THOB PA LA BRTEN NAS GYIN PA NGAG DBANG BLO BZANG CHOS LDAN GYIS BRIS PA 'DIS BDAG SOGS SEMS CAN THAMS CAD LAM 'DI LA BRTEN NAS MYUR DU RDZOGS PA'I SANGS RGYAS KYI GO 'PHANG THOB PAR GYUR CIG,,