[#THE FOLLOWING TEXT HAS INCOMPLETE SECTIONS, WHICH ARE ON ORDER]

*, ,(BLO SBYONG SNYAN BRGYUD CHEN MO'I 'KHRID YIG GZHAN PHAN NYI
MA ZHES BYA BA BZHUGS SO), ,MNYAM MED STOBS BCU MNGA' BA SH'KYA'I

TOG ,RGYAL BA GNYIS PA BLO BZANG GRAGS PA'I DPAL, ,YONGS 'DZIN DAM PA
BLO BZANG MTSAN CAN SOGS, ,DNGOS BRGYUD BLA MA RNAMS LA GUS PAS
'DUD, ,RGYAL BA SRAS BCAS

RNAMS KYI BGROD GCIG LAM, ,BYANG CHUB SEMS MCHOG SBYONG BA'I
GDAMS PA'I PHUL, ,BLO SBYONG SNYAN BRGYUD CHEN MOR GRAGS PA GANG,
,GO SLA'I NGAG GIS MDO TZAM BRJOD PAR BYA, ,DE LA RTOG

LDAN 'JUG PA'I YAN LAG TU, ,BRGYUD PA'I LO RGYUS GDAMS PA'I CHE BA
DANG, ,GDAMS PA RIN CHEN DBANG GI RGYAL PO YIS, ,DNGOS KYI DON
RNAMS BSTAN PA'O DANG PO LA, ,GNYIS LAS

DANG PO BRGYUD PA'I LO RGYUS NI, ,RTZA BAR MAN NGAG BDUD RTZI'I
SNYING PO NI, ,GSER GLING PA NAS BRGYUD PA YIN ZHES GSUNGS, ,DE YANG
RGYAL BAS MDO BRGYUD DU MA RU, ,LEGS GSUNGS 'CHI

MED GO 'PHANG STER BA YI, ,BDUD RTZI'I SNYING PO MCHOG GYUR BYANG
CHUB SEMS, ,NYAMS SU LEN TSUL SHING RTA CHEN PO'I SROL, ,YONGS RDZOGS
BRGYUD PA CHU BO GSUM 'DRES TSUL, ,GSER GLING

@91B SA SKYONG BLA MAR MNGA' BA LAS, ,PHUL BYUNG ZHABS SOGS SKYES
CHEN DU MA LA, ,RIM PAR BRGYUD PAS KHUNGS NI BTZUN PA'O, ,GNYIS PA
GDAMS PA'I CHE BA 'CHAD PA LA, ,RDO RJE NYI MA

LJON SHING BZHIN, ,GZHUNG DON LA SOGS SHES PAR BYA, ,('GROM NAS 'CHAD
KHA BA'I BAR), SNYIGS MA LNGA PO BDO PA 'DI, ,BYANG CHUB LAM DU BSGYUR
BA YIN, ,ZHES SO RDO RJE RIN PO CHE'I, ,DUM BU CUNG ZAD

TZAM GYIS KYANG, ,DBUL BA SEL ZHING GSER SOGS KYI, ,RGYAN GZHAN DAG
NI ZIL GYIS GNON, ,DE BZHIN GDAMS PA 'DI YI DON, ,CHA SHAS GCIG TZAM
SKYES PAS KYANG, ,'KHOR BA'I RGYUD

PA RNAMS SEL ZHING, ,NYAN RANG LA SOGS ZIL GYIS GNON, ,NYI MA'I 'OD ZER
SHAR BA'I TSE, ,GLING DE'I MUN PA SEL BA LTAR, ,'DIS KYANG RANG NYID GCES
'DZIN SOGS, ,NYON MONGS MUN PA

RNAM PAR SEL, ,SMAN GYI LJON PA'I CHA TZAM GYIS, ,'GRO BA'I NAD RNAMS
'JOMS PA LTAR, ,'DI YI CHA TZAM NYAMS BLANGS PAS, ,NYON MONGS NAD
RNAMS 'JOMS PAR BYED, ,KHYAD PAR

SNYIGS MA'I DUS MTHA' 'DIR, ,GDAMS PA 'DI LA RAB 'BAD NA, ,RKYEN DAN
BYANG CHUB BSGRUB PA YI, ,GROGS SU 'GYUR BAS KHYAD PAR 'PHAGS, ,GNYIS
PA GDAMS PA DNGOS KYI DON LA NI, ,

THUN MONG SPYI YI SKYONG TSUL BSHAD PA DANG, ,BYE BRAG SO SO'I
SKYONG TSUL BSHAD PA'O, ,DANG PO LA YANG THUN DANG THUN MTSAMS
SU, ,NYAMS SU LEN TSUL GNYIS LAS DANG PO LA, ,SBYOR DNGOS MJUG

GSUM YOD PA'I DANG PO NI, ,GTZANG MA'I GNAS SU RTEN DANG MCHOD PA
BSHAMS, ,BDE BA'I STAN LA TSUL MTHUN SPYOD LAM GYIS, ,SKYABS SEMS
SNGON BTANG TSOGS ZHING GSAL BTAB NAS, ,BSAGS

@092A *, ,SBYANG BYA ZHING MAntAL LEGS PHUL TE, ,DON CHEN GSUM GYI
SGO NAS GSOL BA DGAB, ,GNYIS PA DNGOS GZHI'I SKABS SU BYING RGOD
SOGS, ,BKAG NAS SKABS KYI BSKYANG RGYU'I

DMIGS PA YI, ,NGO BO GO RIMS GRANGS NGES JI BZHIN BSKYANG, ,MJUG TU
BZANG SPYOD SOGS KYIS DGE BA BSNGO, ,TSUL 'DIS THUN BZHI'AM DRUG DU
BSKYAD PAR BYA, ,GNYIS PA THUN MTSAMS JI LTAR

BYA BA NI, ,DBANG PO'I SGO SDOM 'JUG LDOG SHES BZHIN SPYOD, ,ZAS KYI
TSOD RIG MI NYAL RNAL 'BYOR BRTZON, ,NYAL TSE BAG YOD SPYOD LAM
BSTEN PA SOGS, ,KUN TU DAG SBYOR 'PHEL BA'I THABS LA

BSLAB, ,GNYIS PA SO SO'I SKYONG TSUL LA, ,SNGON 'GRO RTEN GYI TSES SEMS
PA, ,DNGOS GZHI BYANG SEMS RIN PO CHE, ,SBYONG BA'I RIM BA'O DANG PO
NI, ,DANG POR SNGON 'GRO DAG LA BSLAB, ,ZHES

GSUNGS 'DI LA RNAM PA BZHI, ,DAL 'BYOR DON CHE RNYED DKA' DANG, ,'CHI
BA MI RTAG LAS 'BRAS DANG, ,'KHOR BA'I NYES DMIGS BSAM PA'O, ,DANG PO
DAL 'BYOR DON CHE STE, ,SLOB DPON

DPA' BOS 'DI SKAD DU, ,GANG ZHIG THOB NA 'KHOR BA'I MTSO'I, ,PHA ROL
PHYIN PA'I SA BON SKRUN, ,BYANG CHUB DPAL GYI SA BON MCHOG ,YID BZHIN
NOR BU LAS LHAG PA'I, ,YON TAN RGYUN

GYI MI RNAMS NI, (,BSKYES ? BAR BSHAD PA RIN PO CHE'I ME TOG STE BU'I
GNYAMS, ? ,SU ZHIG 'DIR DE 'BRAS MED BYED, ,ZHES SO RNYED KYANG DKA' BA
STE, ,MGON PO DE YIS JI SKAD DU, ,'DI 'DRA'I KHOM PA THOB NAS NI, ,BSOD

NAMS TSOGS NI MI BSOG PA, ,SKAD CIG GCIG LA SDIG SPYAD NAS, ,MNAR MED
PAR NI BSKAL PAR GNAS, ,SKYE BA DU MAR SDIG SPYOD PA, ,BDE 'GRO DKA' LTA
CI ZHIG SMOS, (,YANG SUNG DE NYID LAS,?) RGYA MTSO CHER G-YENG

@092B NYA SHING GI ,BU GAR RU SBAL MGRIN CHUD LTAR, ,MI NYID SHIN TU
THOB DKA' BA, ,DE SKAD BCOM LDAN 'DAS KYIS GSUNGS, ,ZHES SO DE LTAR
DON CHE ZHING, ,RNYED PAR DKA' BA'I RTEN BZANG 'DI, ,

DON DANG LDAN PAR BYA DGOS TE, ,LHA GCIG DHI BAM KAR YIS, ,DAL 'BYOR
PHUN SUM TSOGS PA'I LUS, ,SHIN TU RNYED DKA' RNYED GYUR CING, ,PHYIS
KYANG SHIN TU RNYED DKA' BAS, ,SGRUB LA 'BAD PAS DON

YOD BYA, ,ZHES GSUNGS 'CHI BA MI RTAG PA, (,THEG PA CHEN PO'I LAM KYI
SGRUB THABS YI GER BSDUS PA LAS,?) ,SGOM PA'I TSUL LA RNAM PA GSUM,
,NGES BAR 'CHI BA BSAM PA DANG, ,NAM 'CHI NGES MED BSAM PA DANG, ,

'CHI TSE CHOS LAS GZHAN GYIS NI, ,PHAN PA MED TSUL BSAM PA'O, ,DANG PO
'CHI BDAG 'ONG NGES TE, ,MI RTAG PA YI TSOM LAS NI, ,GANG YANG SANGS
RGYAS RANG SANGS RGYAS, ,SANGS RGYAS RNAMS KYI NYAN

THOS KYANG, ,SKU LUS 'DI NI SPONG MDZAD NA, ,SKYE BO PHAL PA SMOS CI
DGOS, ,ZHES SO NAM 'CHI MA NGES TE, ,ZHI BA LHA YI SPYOD 'JUG LAS, ,YID
BRTAN MI RUNG 'CHI BDAG 'DI, ,BYAS DANG MA BYAS

MI SDOD PAS, ,NA DANG MI NA KUN GYIS KYANG, ,BLO BUR TSE LA YID MI
BRTAN, ,DE RING KHO NA MI 'CHI ZHES, ,BDE BAR 'JUG PA RIGS MA YIN, ,BDAG
NI MED PAR GYUR PA'I DUS, ,GDON MI ZA BAR

'BYUNG BAR 'GYUR, ,ZHES PA LTAR RO 'CHI BA'I TSE, ,CHOS LAS GZHAN GYIS MI
PHAN TE, ,BYANG CHUB SEMS DPA'I SPYOD 'JUG LAS, ,GSHIN RJE'I PHO NYAS
ZIN PA LA, ,GNYEN GYIS CI PHAN BSHES CI PHAN, ,

DE TSE BSOD NAMS GCIG SKYABS NA, ,DE YANG BDAG GIS MA BSTEN TO, ,ZHES
SO DE LTAR MANG BSAM NAS, ,DGE BA'I LAS LA 'BAD 'TSAL TE, ,KA NI KA YI
SBRING YIG LAS, ,'CHI BDAG BRTZE BA

@093A *, ,MED PA CAN, ,SKYES RTZAL NGON MED GSOD 'GYUR BA, ,GSOD BA
SNGON DU 'OD BZHIN DU, ,MKHAS PA SU ZHIG BAG RGYONG SPYOD, ,DE SLAD
DPA' CHEN BZOD MED DES, ,MDA' NI MI BZAD

'TSOR MED PA, ,DE NI JI SRID MA 'PHANGS PA, ,DE SRID RANG GI DON LA 'BOD,
,ZHES SO LAS 'BRAS SEMS TSUL NI, ,LAS NI DGE DANG MI DGE BA'I, ,'BRAS BU SO
SOR 'BYIN NGES TE, ,RIN PO CHE YI

'PHRENG BA LAS, ,MI DGE BA LAS SDUG BSNGAL KUN, ,DE BZHIN NGAN 'GRO
THAMS CAD DO, ,DGE LAS BDE 'GRO THAMS CAD DANG, ,SKYE BA KUN TU BDE
BA DAG ,ZHES SO LAS RNAMS 'PHEL CHE STE, ,CHED DU BRJOD

PA'I TSOMS LAS NI, ,SDIG PA CHUNG BYAS BDAG NYID KYI, ,PHYI BZHIN MI
'ONG MA SEMS ZHIG ,CHU YI THIG PA LTUNG BA YIS, ,SNOD CHEN GANG BA DE
BZHIN DU, ,CUNG ZAD BSAGS PA'I SDIG PAS KYANG, ,BYIS

PA RAB TU GANG BAR 'GYUR, ,DGE BA CHUNG BYAS BDAG NYID KYI, ,PHYI
BZHIN MI 'ONG MA SEMS SHIG ,CHU YI THIG PA LTUNG BA YIS, ,BUM CHEN
GANG BA JI BZHIN DU, ,CUNG ZAD BSAGS PA'I DGE BA YIS,,

BRTAN PA RAB TU GANG BAR 'GYUR, ,ZHES SO MA BYAS PA DANG NI, ,MI
'PHRAD CHUD KYANG MI ZA STE, ,DPA' BOS KHYAD PAR 'PHAGS BSTOD LAM,
,BRAM ZE RNAMS NI DGE SDIG DAG ,BYIN PA LEN BZHIN 'PHO BAR SMRA,

KHYOD KYIS BYAS CHUD MI ZA DANG, ,MA BYAS PA DANG 'PHRAD MED
GSUNGS, ,ZHES SO DE LTAR LEGS BSAM NAS, ,PHYI MAR KUN TU BDE BA'I RGYU,
,BZANG PO'I LAM LA 'BAD RIGS TE, ,DE SKAD DU YANG

TSOMS LAS NI, ,MKHA' LA BYA DAG LDING BA YI, ,GRIB MA LHAN GCIG 'GRO BA
BZHIN, ,LEGS PAR BYAS DANG NYES PAR BYAS, ,DE DAG 'GRO BA'I RJES SU
'BRANG, ,JI LTAR LAM RGYAGS NYUNG BA DAG ,

@093B LAM ZHUGS SDUG BSNGAL 'GRO BA LTAR, ,DE BZHIN LAS BZANG MA
BYAS BA'I, ,SEMS CAN DAG NI NGAN 'GROR 'GRO, ,JI LTAR LAM RGYAGS MANG
BDOG PA, ,LAM ZHUGS BDE BAR 'GRO BA LTAR, ,DE BZHIN

LAS BZANG BYAS PA YI, ,SEMS CAN DAG NI BDE 'GROR 'GRO, ,ZHES PA LTAR RO
'KHOR BA YI, ,NYES DMIGS SEMS TSUL 'DI LTA STE, ,NGAN SONG GSUM DANG
LTA MI DAG ,GANG DU SKYES KYANG SDUG

BSNGAL TE, ,DBYIGS KYI GNYEN POS 'DI SKAD GSUNGS, ,DE LAS KYANG NI
DMYAL BA DAG ,SDUG BSNGAL MI BZAD MANG PO DANG, ,DUS RING RGYUN
MI 'CHAD PA YI, ,BCAD GSHAG ME YIS GDUNGS PA DANG, ,

'TSED CING BTAGS PA LAS BYUNG BA'I, (,TSOGS KYI GTAM LAS,?) ,SHIN TU NYAM
THAG RAB TU 'PHEL, ,SNAL MA LTA BUR RAB 'TSED PAS, ,BSREG CING TSA RIMS
'DRA NYAMS THAG ,DUD 'GRO PHAN TSUN SDANG DANG SROG ,

RANG DBANG MED PAR BSAD SOGS KYIS, ,RTAG TU SDUG BSNGAL GYIS GDUNGS
PAS, ,PHAL CHER DMYAL BA DAG DANG MTSUNGS, ,YI DAGS ME LCE'I 'PHRENG
BA YIS, ,BSKOR CING SKAD GSANG MTHON POR SGROGS,

LA LA KHA NAS ME 'BAR GZHAN, ,MGRIN PA KHAB MIG LTO RI TZAM, ,RTAG TU
BKRES BSKOM LA SOGS PAS, ,LTOGS CING LUS NI SKAM PA DANG, ,KHA CIG
SKYUGS PA ZA BA STE, ,GZHAN DAG DE YANG RAB RNYED

DKA'; ;NGAN 'GRO'I SDUG BSNGAL MA LUS PA, ,MI RNAMS LA YANG YOD PAR
SNANG, ,SDUG BSNGAL GZIR BAS DMYAL BA MTSUNGS, ,DBUL BAS GSHIN RJE'I
'JIG RTEN PA, ,'DI YI DUD 'GRO'I 'JIG

RTEN YANG, ,MTHU LDAN STOBS KYIS MTHU MED PA, ,RNAM PAR GNON CING
'TSE BA DAG ,CHU BO LTA BU NYID YIN NO, ,KHA CIG DBUL BA LAS GYUR
DANG, ,GZHAN DAG CHO GA MI SHES LAS 'BYUNG, ,

@094A *, ,YONGS TSOL SDUG BSNGAL MI BZAD DANG, ,THAMS CAD 'KHU ZHING
GSOD PA YIN, ,'DOD SPYOD LHA NI GANG YIN PA, ,DE LA'ANG BDE BA'I SEMS
MED DE, ,'DOD PA'I 'DOD CHAGS

RIMS BTABS PA'I, ,NANG GI ME YIS BSREG GYUR PAS, ,GANG GI SEMS G-YENG
GYUR BA DAG ,DE LA BDE BA GA LA YOD, ZHES DANG, GANG ZHIG GZUGS
DANG GZUGS MED PA, ,SDUG BSNGAL

SDUG BSNGAL LAS 'DAS SHING, ,TING 'DZIN BDE BA'I BDAG NYID CAN, ,BSKAL
BRGYAR G-YO BA MED PAR GNAS, ,DE YANG SHIN TU NGES GROL MIN, ,DE LAS
SLAR YANG LHUNG BAR 'GYUR, ,ZHES SO GZHAN

YANG 'KHOR BA NA, ,SKYE RGA NA 'CHI 'PHRAD BRAL DANG, ,MA RNYAD NYER
LEN PHUNG PO YI, ,SDUG BSNGAL RNAM PA BRGYAD DAG DANG, ,GZHAN
YANG NGES MED NGOMS MI SHES, ,YANG YANG LUS 'DOR NYID 'TSAMS SBYOR,
,

MTHO DMAN DU 'GYUR GROGS MED PA'I, (,DGRA MI SDUS PA DANG GNYEN
SDUG PA DANG, ,DOD PA BTZAS STE, ,RANG GRUB CAN SA LAS NYON GYI
GZHAN DBANG CAN DU GRUB PA SOGS, ,'KHOR BA NA DGRA GNYEN, ,'DOD PA'I
BDE BAS, ,YID BRTAN MED PA, ,YANG YANG,

YANG SKYE BA'I 'JIG RTEN PHA ROL TU 'GRO TSE,) ? SDUG BSNGAL DRUG DANG
GSUM YANG BSAM, ,MDOR NA 'KHOR BA'I GNAS NA NI, ,BDE BA NAM YANG
YOD MIN TE, ,KA NI KA YI SPRING YIG LAS, ,GANG NA MI MTHUN

YOD MA YIN, ,GANG DU 'DU BYED 'JIG MI 'GYUR, (,SDUG BSNGAL GYI SDUG
BSNGAL SOGS,) GANG NA GCIG TU BDE BAR GNAS, ,GANG DU SONG NA 'CHI MI
'GYUR, ,SRID NA KUN NAS NYON MONGS DANG, ,SDUG BSNGAL 'BYUNG

BA CIR MI MKHO, ,ZHES DANG DRAN PA NYER BZHAG LAS, ,'KHOR BA KHAB KYI
RTZE MO NA, ,BDE BA NAM YANG YOD MA YIN, ,ZHES SO DE LTAR MANG BSAM
NAS, ,SRID LAS CI THAR BYA DGOS TE, ,

@094B JO BO CHEN POS 'DI SKAD GSUNGS, ,JI LTAR BTZON NI BTZON RA LAS,
,'BROS PA'I GLAGS NI BYUNG BA'I TSE, ,CHED KA GZHAN DANG MI SNYOMS PAR,
,DE YI GNAS NAS 'BROS PA LTAR, ,'KHOR

BA'I RGYA MTSO CHE 'DI LAS, (,THEG CHEN LAM GYI SGRUB YIG LAS,) RGAL BA'I
KLAGS DAG BYUNG GYUR NA, ,CHED KA GZHAN DANG MI SNYOMS PAR, ,SRID
PA'I KHYIM NAS 'BYUNG BAR BYA, ,ZHES SO DNGOS GZHI BYANG SEMS

SBYONG TSUL LA, ,KUN RDZOB BYANG CHUB SEMS DANG DON DAM GYI,
,BYANG CHUB SEMS SBYOR RIM PA'O DANG PO LA, ,SEMS BSKYED THEG CHEN
'JUG SGOR BSTAN PA DANG, ,SEMS SBYONG RIM PA DNGOS SO DANG

PO NI, ,DE LTAR YIN ZHES RGYAL SRAS ZHI BA LHAS, ,BYANG CHUB SEMS SKYES
GYUR NA SKAD CIG GIS, ,'KHOR BA'I BTZON RAR BSNGAM PA'I NYAM THAG
RNAMS, ,BDE GSHEGS RNAMS KYI SRAS ZHES BRJOD BYA ZHING, ,

'JIG RTEN LHA MIR BCAS PA'I PHYAG BYAR 'GYUR, ,GSER 'GYUR RTZI YI RNAM
PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN
CHEN RIN THANG MED PAR BSGYUR BAS NA, ,BYANG CHUB SEMS ZHES BYA

BA RAB BRTAN BZUNG, (,RJO BO CHEN POS KYANG, THEG CHEN CHOS SGOR
'JUG 'DOD PAS, ,MUN SEL GDUNG BA ZHI BYED PA, ,NYI ZLA LTA BU'I BYANG
CHUB SEMS, BSKAL PAR YOD PAS SKYE YANG GRANG, ,ZHES GSUNGS,) ? ZHES
SO GNYIS PA SEMS SBYONG RIM PA LA, ,SEMS SBYONG DNGOS DANG DE YI YAN
LAG

GNYIS, ,DANG PO LA YANG GZHAN DON DON GNYER DANG, ,BYANG CHUB
DON GNYER RIM PA'O DANG PO LA, ,BDAG GZHAN BRDZE DANG SEMS SBYONG
DNGOS GNYIS LAS, ,BDAG GZHAN BRJE LA RANG NYID GCES 'DZIN GYI, ,

NYES DMIGS BSAM DANG GZHAN GCES 'DZIN PA YI, ,PHAN YON BSAM PA'O
DANG PO RTZA TSIG LAS, ,LE LAN THAMS CAD GCIG LA BDA' ZHES GSUNGS, ,DE
YANG GTI MUG MA RIG GIS DRANGS PA'I, ,RANG

@095A *, ,NYID GCES PAR 'DZIN PA'I BLO NGAN 'DI, ,LOG PAR LTA BA'I MTSON
GYIS DGE SDIG DAG, ,KHYAD DU BSAD NAS MNGON MTHO NGES LEGS KYI,
,SROG RTZA GCOD PA'I SDIG CAN BSHAN PA MKHAN,,

LAS KYI ZHING LA RNAM SHES SA BON BTAB, ,SRED LEN CHUS BRLAN 'KHOR
BAR MING GZUGS KYI, ,SDUG BSNGAL MYU GU BSKYED BYED SO NAM MKHAN,
,THOGS MED DUS NAS DA BAR 'JIG RTEN 'DIR, ,SANGS

RGYAS DPAG MED BYON PA'I YON TAN LAS, ,GANG YANG MA LON BKREN MO
LAG STONG DU, ,GTONG BAR BYED PA'I SNYOMS LAS LE LO MKHAN, ,'KHOR
BAR GNAS DANG GROGS DANG LONGS SPYOD RNAMS, ,SDUG

BSNGAL RANG BZHIN LAS NI MA 'DAS ZHES, ,THOS KYANG DA RUD 'KHOR BA'I
PHUN TSOGS DER, ,DMIGS NAS DUNG NGE SDOD PA'I BRGAM CHAGS CAN,
,RANG LA KHE CIG 'THOB TU RE BA'I TSE, ,RAL KHA'I KHROD DU'ANG

LTOS PA MED PAR 'TSENG, ,KYONG CIG KHEL PAR DOGS CHE MKHAN SLOB
DANG, ,PHA MA SOGS LA'ANG 'GEL BA'I RANG DON CAN, ,MTHO LA PHRAG
DOG MNYAM LA 'GRAN SEMS DANG, ,DMA' LA NGA RGYAL BRNYAS

BCOS LA SOGS PAS, ,KUN LA 'TSE ZHING 'KHU PA'I RGYUD RENGS PO, ,MDOR NA
'KHOR BA'I SDUG BSNGAL RGYU 'BRAS KUN, ,BSKYED NAS 'PHUNG BAR BYED
PA'I DGRA BO NI, ,BDAG TU BZUNG NAS GCES PAR

'DZIN PA YI, ,SLONG NA 'DI NYIN YIN TE SPYOD 'JUG LAS, ,'JIG RTEN DAG NA
'TSE BA GANG YOD DANG, ,'JIGS DANG SDUG BSNGAL JI SNYED YOD GYUR PA,
,DE KUN BDAG TU 'DZIN PA LAS BYUNG NA, ,'DRE CHEN

DES GO BDAG LA CI ZHIG BYA, ,ZHES GSUNGS DE LTA'I DGRA PO BLO NGAN 'DI,
,BCOM PAR MA BYAS DA DUNG 'KHOR BA 'DIR, ,BZOD PAR DKA' BA'I SDUG
BSNGAL RGYUN CHAGS SU, ,NGES PAR MYONG BAR 'GYUR TE DE

@095B NYID LAS, ,DE LTAR YUN RING RGYUN CHAGS DGAR GYUR PA, ,GNOD
PA'I TSOGS RAB 'PHEL BA'I RGYU GCIG PU, ,BDAG GI SNYING LA NGES BDAG NAS
'CHA' NA, ,'KHOR BAR 'JIGS MED DGA' BAR GA LA

'GYUR, ,ZHES SO DES NA BLO NGAN 'DI, ,DGRA BOR BZUNG NAS GZHOM BYA
STE, ,ZHI BA LHA YIS JI SKAD DU, ,KHYOD KYIS KHO BO GAR BRLAGS BA'I,
,SNGON GYI DUS DE GZHAN YIN TE, ,NGAS MTHONG DA KHYOD

GANG DU 'GRO, ,KHYOD KYI DREGS PA KUN GZHOM BYA, ,BDAG GIS GZHAN LA
KHYOD BCO NGES KYI, ,SKYO BAR MA SEMS ZHO SHA PUL, ,GAL TE BAG MED
GYUR NAS KHYOD, ,SEMS CAN RNAMS LA MA BYIN NA, ,

KHYOD KYIS KHO BO DMYAL BA YI, ,SRUNGS MA RNAMS LA SBYIN DU NGES,
,GAL TE DE LTAR RE LTA ZHIG ,KHO BO BYIN PAS YUN RING SDUG ,DA NI
'KHON RNAMS DRAN BYAS TE, ,KHYOD KYIS RANG DON SEMS PA GZHOM, ,

ZHES SO GNYIS PA SEMS CAN GZHAN, ,GCES PAR 'DZIN PA'I PHAN YON NI, ,KUN
LA BKA' DRIN CHE BAR BSGOM, ,ZHES GSUNGS DE YANG SEMS CAN RNAMS,
,RDZOGS SANGS GO 'PHANG 'GRUB PA'I RGYU, ,

SBYIN DANG BZOD PA BSDU BZHI SOGS, ,GANG LAS SKYE BA'I ZHING YIN PAS,
,RGYAL DANG 'DRA BAR GUS BYA STE, ,DE SKAD DU YANG ZHI BA LHAS, (,SPYIR
THOG MA MED PA NAS RANG GI MA BYAS PA'I DRIN CHE LA KHYAD PAR,) YON
TAN RGYA MTSO MTHA' YAS

PA'I, (,GNOD BYED LA MI SNYAM PA'I, ,GZHAN GNOD GZHI BCAS SPONG BA'I
TSUL 'KHRIMS TSAD MED PA'I RGYU 'BRAS MAN NGAG BDUN LA,) ,SANGS RGYAS
RNAMS DANG 'GA' MI MNYAM, ,YON TAN MCHOG TSOGS GCIG BU YI, ,YON TAN
SHAS TZAM

'GA' ZHIG LA, ,SNANG NA'ANG DE LA MCHOD DON DU, ,KHAMS GSUM PHUL
YANG CHUD BAR 'GYUR, ,SANGS RGYAS CHOS MCHOG SKYE BA'I SHAS, ,SEMS
CAN RNAMS LA YOD PAS NA, ,'DI TZAM DAG

@096A *, ,GI CHA BSTUN NAS, ,SEMS CAN MCHOD BYAR RIGS PAR 'GYUR, ,SEMS
CAN RNAMS DANG RGYAL BA LAS, ,SANGS RGYAS CHOS 'GRUB 'DRA BA LA,
,RGYAL LA GUS BYA DE BZHIN DU, ,

SEMS CAN LA MIN CI YI TSUL, ,BSAMS PA'I YON TAN RANG GIS MIN, ,'BRAS BU
LAS YIN DES MTSUNGS PAR, ,SEMS CAN RNAMS LA'ANG YON TAN YON, ,DE
PHYIR DE DAG MNYAM PA YIN, ,

BYAMS SEMS LDAN LA MCHOD PA GANG, ,DE NI SEMS CAN CHE BA NYID,
,SANGS RGYAS DANG PA'I BSOD NAMS GANG, ,DE YANG SANGS RGYAS CHE BA
YIN, ,SANGS RGYAS CHOS 'GRUB CHA YOD PA, ,DES NA

DE DAG MNYAM PAR 'DOD, ,ZHES SO GAL TE BDAG LA NI, ,GNOD BYED MI
DANG MI MIN RNAMS, ,GUS BYA MIN NAM SNYAM GYUR NA, ,DE LA'ANG LHAG
PAR GUS BYA STE, ,MGON PO DE YIS 'DI SKAD GSUNGS, ,

DE BAS NGAL BAS MA BSGRUB PA'I, ,KHYIM DU GTER NI BYUNG BA LTAR,
,BYANG CHUB SPYOD PA'I GROGS GYUR PA, ,BDAG GIS DGRA LA DGA' BAR BYA,
,ZHES SO MDOR NA RANG GZHAN GNYIS, ,GCES PAR 'DZIN

PA'I BLO GNYIS KYI, ,PHAN YON NYES DMIGS 'DI LTA STE, ,RGYAL BA'I SRAS PO
ZHI BA LHAS, ,MANG DU BSHAD LTA CI ZHIG DGOS, ,BYIS PA RANG GI BON
BYED DANG, ,THUB PA GZHAN GYI DON MDZAD PA, ,'DI

GNYIS KYI NI KHYAD PAR BLTOS, ,BDAG BDE GZHAN GYI SDUG BSNGAL DAG
,YANG DAG BRJE BAR MA BYAS NA, ,SANGS RGYAS NYID DU MI GRUB CING,
,'KHOR BA NA YANG BDE BA MED, ,ZHES SO DES NA DA LTA YI, ,GCES

'DZIN YAL BAR 'DOR BA'I BLO, ,GNYIS KYI DMIGS PA GO BRJES TE, ,RANG NYID
YAL BAR BOR BYA ZHING, ,GZHAN RNAMS GCES PAR GZUNG BYA STE, ,DE SKAD
DU YANG SPYOD 'JUG LAS, ,BDAG NI BDE DANG BRAL

@096B GYIS TE, ,GZHAN GYI SDUG BSNGAL BDAG LA SBYOR, ,ZHES SO GNYIS PA
GZHAN DON DON GNYER GYIS, ,SEMS SBYONG DNGOS LA DNGOS GZHI'I GNAS
SKABS DANG, ,RJES DANG THUN MTSAMS SKABS KYI NYAMS

LEN GNYIS, ,DANG PO LA YANG GNYIS TE GTONG BA YI, ,SGO NAS BYAMS PA
BSGOM DANG LEN PA YI, ,SGO NAS SNYING RJE BSGOM PA'O DANG PO NI,
,GTONG LEN GNYIS PO SBEL MAR SBYANG ZHES GSUNGS, ,

'DI LA BYAMS PA BSGOM PA'I PHAN YON NI, ,RIN PO CHE YI 'PHRENG BAR 'DI
SKAD GSUNGS, ,RJE'U TSES SUM BRGYA'I KHA ZAS DAG ,NYEN RENG DUS GSUM
SBYIN PAS KYANG, ,BYAMS PA YUD TZAM

THANG GCIG GI ,BSOD NAMS DAG GI CHAR MI PHOD, ,LHA MI BYAMS PAR
'GYUR BA DANG, ,DE DAG KYANG NI SRUNG BA DANG, ,YID BDE BA DANG BDE
MANG DANG, ,DUG DANG MTSON GYIS GNOD MED DANG, ,'BANG

PHA ? MED PAR DON 'THONG DANG, ,TSANGS PA'I 'JIG RTEN SKYE 'GYUR TE,
,GAL TE GROL BAR MA GYUR KYANG, ,BYAMS CHOS YON TAN BRGYAD 'THOB
PO, ,ZHES GSUNGS NGES NA RANG NYID KYI, ,LUS DANG

LONGS SPYOD DGE RTZA RNAMS, ,SEMS CAN KUN LA LEGS BTANG PAS, ,DE DAG
PHAN BDE MA LUS DANG, ,LDAN PAR GYUR CIG SNYAM PA YI, ,BYAMS PA CHEN
PO BSGOM PAR BYA, ,DE YANG BTANG BYA'I

DNGOS PO NI, ,LUS DANG LONGS SPYOD DGE BA RNAMS, ,YIN TE RGYAL SRAS
CHEN PO YIS, ,BDAG GI LUS DANG LONGS SPYOD DANG, ,DGE BA DUS GSUM
SKYES PA RNAMS, ,SEMS CAN KUN GYI

DON BSGRUB PHYIR, ,'PHANGS PA MED PAR BTANG BAR BYA, ,ZHES GSUNGS
GANG LA GTONG BA'I YUL, ,SNOD BCUD GNYIS SO GTONG TSUL NI, ,SEMS CAN
RNAMS DON BSGRUB PA'I PHYIR, ,

@097A *, ,YID BZHIN GYI NI LUS SU BSGYUR, ,ZHES PA LTAR DU GO BAR BYA,
,DE YANG RGYAS PAR BSHAD NA 'DI LTA STE, ,LUS DANG LONGS SPYOD DGE
RTZA GTONG TSUL GSUM, ,YOD PA'I DANG PO LUS

'DI BTANG TSUL LA, ,BCUD LA BTANG TSUL SNOD LA BTANG TSUL GNYIS, ,DANG
PO LA YANG LAM DU MA ZHUGS DANG, ,ZHUGS LA YONG TSUL GNYIS LAS
DANG PO NI, ,DANG LUS YID BZHIN NOR BU LTAR MOS

NAS, ,DE LAS GNAS LUS LONGS SPYOD GROGS LA SOGS, ,THEG CHEN DAM
CHOS SGRUB PA'I PHYI NANG GI ,MTHUN RKYEN YO BYAD MA LUS BYUNG
GYUR PA, ,MA SOGS RIGS DRUG KUN LA BTANG BA YIS, ,DE DAG

THAMS CAD MTHUN RKYEN KUN 'DZOMS TE, ,TSOGS GNYIS BSAGS PAS MNGON
PAR SANGS RGYAS NAS, ,SEMS RGYUD CHOS SKU'I BDE DANG LDAN PAR BSAM,
,KHYAD PAR GNOD BYED RNAMS LA GTONG BA'I

TSUL, ,BYANG CHUB SEMS KYIS DE DAG BKUG BYAS NAS, ,'DI LTAR BDEN PA
BDAR LA SBYIN PAR BYA, ,KHYED CAG THOG MED DUS NAS YANG DANG YANG,
,BDAG GI MAR GYUR DRIN CAN SHA STAG YIN, ,KHYAD PAR

BDAG GIS LAN GRANGS DU MA RU, ,KHYED CAG RNAMS KYI SHA BROS RUS PA
MUR, ,KHRAG 'THUNG LPAGS PA GYON ZHING BKOL BA DANG, ,BSAD DANG
BRDUNG DANG 'PHROG PA LA SOGS PA'I, ,LAN CHAGS BU

LON SHA 'KHON DPAG MED YOD, ,DA NI BDAG GIS DRIN DANG LAN CHAGS
RNAMS, ,'JAL BAR BYA YI KHYED CAG ZAS GOS DANG, ,GNAS MAL 'KHOR
G-YOG LA SOGS GANG 'DOD KHYER, ,KHYAD PAR ZAS

KYANG DKAR GSUM MNGAR GSUM DANG, ,BDAG GI SHA KHRAG LA SOGS GANG
'DOD PA, ,DE DAG 'DOD PA JI BZHIN LONGS SPYOD CIG ,DE LTAR GANG LA
GANG 'DOD BTANG BA YIS, ,DE DAG RNAMS KYANG GNAS

@097B SKABS RAB TU TSIM, ,BKES SKOM DBU LA 'PHONGS SDUG BSNGAL RNAMS
DANG BRAL, ,BRNAB SEMS GDUG PA'I SEMS SOGS NYE BAR ZHI, ,GZHAN PHAN
BYANG SEMS RGYUD LA LEGS 'KHRUNGS TE, ,

TSOGS GNYIS SPYOD PA MTHAR PHYIN SANGS RGYAS NAS, ,SEMS RGYUD CHOS
SKU'I BDE DANG LDAN PAR BSAM, ,GNYIS PA LAM ZHUGS LA NI GTONG BA'I
TSUL, ,THEG PA DMAN DAD BYANG SEMS RNAMS

LA NI, ,RANG LUS YID BZHIN LUS SU MOS BYAS TE, ,DE DAG RNAMS LA PHUL
BAS YUL DE RNAMS, ,DE MA THAG TU MNGON PAR 'TSANG RGYA BA'I, ,RGYUD
RKYEN TSOGS PA TSANGS NAS TSOGS RDZOGS TE, ,

THUGS RGYUD CHOS SKU'I BDE DANG LDAN PAR BSAM, ,DNGOS DANG BRGYUD
PA'I BLA MA DAM PA DANG, ,PHYOGS BCU'I ZHING GI RDZOGS SANGS RGYAS
RNAMS LA, ,RANG LUS SNGAR BZHIN MOS PA LAS BYUNG BA'I,,

DPAG MED LUS KYIS PHYAG 'TSAL NGAG GIS NI, ,MTHA' YAS YON TAN BRJOD
DE BSTOD PA DANG, ,KUN BZANG MCHOD PA'I SPRIN GYIS LEGS MCHOD PAS,
,THUGS RGYUD ZAG MED BDE BAS TSIM PAR

BSAM, ,GNYIS PA SNOD LA GTONG TSUL 'DI LTA STE, ,RANG LUS SNGAR BZHIN
MOS TE PHYOGS BCU YI, ,'JIG RTEN KHAMS KYI SNOD LA RAB BTANG BAS, ,DE
DAG RNAMS GYI SDONG DU MA TSER MA SOGS,

MA DAG DRI MA MTHA' DAG RAB SBYANGS NAS, ,LAG MTHIL LTAR MNYAM DRI
MED 'OD GSAL ZHING, ,LHA YI ME TOG SNA TSOGS GCAL DU BKRAM, ,REG NA
'JAM ZHING BDE BA LA SOGS PA'I, ,PHUN

TSOGS DAG PA'I ZHING DU GYUR BAR BSAM, ,GNYIS PA LONGS SPYOD YONGS
SU GTONG BA'I TSUL, ,RANG GI ZAS GOS LA SOGS LONGS SPYOD KUN, ,CI 'DOD
'BYUNG PA'I YID BZHIN LONGS SPYOD DU, ,

[#DATA INCOMPLETE HERE]

@099A *, ,[#LINE APPARENTLY MISSING THIS PAGE] MOS LA SNGAR BZHIN KUN
LA BTANG BAR BYA, ,GSUM PA DGE BA YONGS SU GTONG BA'I TSUL, ,BYUNG
DANG 'BYUNG 'GYUR DA LTA'I DGE BA RNAMS, ,SEMS CAN KUN LA BTANG BAS

DE DAG RNAMS, ,TSE DER RDZOGS SANGS MNGON DU BYED PA YI, ,RGYU
RKYEN TSAD DANG TSOGS GNYIS MTHAR PHYIN TE, ,SEMS RGYUD CHOS SKU'I
BDE DANG LDAN PAR BSAM, ,DE LTA'I BSAM PA SBYANGS TZAM

GYIS, ,GZHAN LA PHAN PAR MI NUS PAS, ,DE LA DGOS PA CI ZHE NA, ,'PHAGS
PA KLU YIS 'DI SKAD GSUNGS, ,GZHAN PHAN LAS PA MTHU MED KYANG, ,DE YI
BSAM PA RTAG TU BYA, ,

GANGS DE NI YOD GYUR PA, ,DE LA DE NI DON GYIS ZHUGS, ,ZHES SO LEN PAS
SNYING RJE SGOM TSUL NI, ,LEN PA'I GO RIMS RANG NAS BRTZAM ZHES
GSUNGS, ,DE LA SNYING RJE'I PHAN YON 'JUG PA LAS

GANG PHYIR BRTZE NYID RGYAL BA'I LO TOG PUN TSOGS 'DI'I, ,SA BON DANG
NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR
'DOD GYUR PA, ,DE PHYIR BDAG GIS THOG MAR SDUG BSNGAL RGYU BCAS
DANG BRAL BAR, ,GYUR CIG DE LTAR BDAG GIS

BYA SNYAM PA'I, ,SNYING RJE CHEN PO SHUGS DRAG BSGOM PAR BYA, ,DE
YANG SDUG BSNGAL LEN PA'I GO RIMS NI, ,THOG MANG RANG LA NYIN ZHAG
PYI MA RU, ,'BYUNG 'GYUR SDUG KUN JI SNYED YOD PA KUN, ,DA LTA'I

NYER LEN PHUNG PO'I STENG DU BLANGS, ,DE YIS NYIN ZHAG PHYI MAR
'BYUNG BA YI, ,SDUG BSNGAL RGYU DANG BCAS PA DAG PAR BSAM, ,DE BZHIN
ZLA BA LO DANG TSE PHYI MAR, ,'BYUNG 'GYUR LEN PA'I TSUL YANG

[#DATA INCOMPLETE HERE]

@0100B SHES PAR BYA, ,DE NAS MA SOGS RANG LA NYI RIM NAS, ,BRTZAMS STE
DMYAL BA'I TSA GRANGS YI DVAGS KYI, ,BKRES SKOM DUD 'GRO'I GLEN LKUGS
MI RNAMS KYI, ,DBUL 'PHONGS TSOL KROD LA DUB LA SOGS

DANG, ,LHA DANG LHA MIN NYAN RANG BYANG SEMS KYI, ,SDUG BSNGAL
RGYU BCAS GANG DANG GANG YOD PA, ,THAMS CAD RANG GI SNYING GI
DKYIL DU BLANGS, ,DE YANG RUG STE SMIN NAS THUL TE ZAD, ,SEMS CAN

DE DAG SDUG KUN MA LUS DANG, ,BRAL BAR BSAM MO RDZOGS PA'I SANGS
RGYAS LA, ,BLANG RGYU MED CING BLA MA'ANG DE DANG MTSUNGS, ,DE LTAR
'GRO BA'I SDUG BSNGAL LEN PA'I TSUL, ,BYAMS PA MCHOG SBYIN GYI

NI SMON LAM LAS, ,SRID RTZE MAN CHAD MNAR MED YAN CHAD DANG, ,'JIG
RTEN BGRANG DU MED PA THAMS CAD KYI, ,LHA DANG LHA MIN LTO 'PHYE
CHEN PO'I TSOGS, ,BDE BAR GYUR CIG SDUG BSNGAL BDAG GIS

BLANGS, ,ZHIS DANG MCHOG GI SPYOD PA'I SMON LAM LAS, ,SEMS DMYAL DUD
'GRO GSHIN RJE'I 'JIG RTEN DANG, ,MI YI GNAS RNAMS LHA DANG LHA MIN
TSOGS, ,'GRO BA'I SDUG BSNGAL PHUNG PO MTHA'

YAS PA, ,BDAG LA BBAS GYUR 'GRO BA BDE BAR SHOG ,ZHES DANG SMON LAM
BDUN BCU BA LAS KYANG, ,SKYE BO NYON MONGS DUG GIS DKRUGS PA YIS, ,MI
DGE CUNG ZAD MCHIS PA GANG LAGS PA;

DE YIS BDAG NI SEMS CAN DMYAL BA NI, ,GANG YANG RUNG BA GCIG TU
LTUNG YANG SLA, ,'GRO BA RNAMS KYI SDUG BSNGAL GANG YANG RUNG, ,DE
KUN BDAG GIS NGANG DU BLANG BAR BGYI, ,'JIG RTEN SEMS NI

MCHOG TU BDE BA YI, ,TSIM NAS RTAG TU DGE BA BYED GYUR CIG ,ZHES
GSUNGS DE LTAR YANG DANG YANG GOMS PAS, ,BYANG TSE GTONG LEN
MDOR BSDUS BSDUS BSKOM TSUL NI, ,DE GNYIS RLUNG LA BSKYON PAR

@0101A *, ,BYA ZHES GSUNGS, ,DE YANG RANG GI SNA BUG GNYIS NAS RLUNG,
,PHYIR LA 'GRO TSE LUS DANG LONGS SPYOD DANG, ,DGE BA SEMS CAN KUN
LA BTANG BA YIS, ,DE DAG ZAG MED BDE BA

MTHAR THUG DANG, ,LDAN PAR BSAM ZHING NANG DU RDUB PA'I TSE, ,SEMS
CAN KUN GYI SDUG BSNGAL RGYU BCAS RNAMS, ,RANG GI SNYING GI DKYIL DU
BLANGS PA YIS, ,DE DAG SDUG BSNGAL KUN DANG BRAL BAR

BSAM, ,DE LTAR GOM NA RLUNG SEMS GNYIS PO NI, ,'JUG PA GCIG PAS GZHAN
DU MI YENGS SHING, ,DRAN SHES LDAN PAS STOBS NI CHE BAR GSUNGS, ,GNYIS
PA RJES DANG THUN 'TSAMS

KYI, ,SKABS SU NYAMS SU LEN TSUL NI, ,YUL GSUM DUG GSUM DGE RTZA GSUM,
,RJES KYI MAN DAG MDOR BSDUS PA, ,SPYOD LAM KUN TU TSIG GIS SBYANGS,
,ZHES GSUNGS DE YANG

'DI LTA STO, ,DBANG PO DRUG GIS BZUNG BA'I YUL, ,YID 'ONG MI 'ONG GZHAN
GSUM LAS, ,DUG GSUM SKYES TSE 'JIG RTEN GYI, ,KHAMS NA 'DI LTA'I NYON
MONGS PA'I, ,DBANG DU SONG BA

MANG YOD PA, ,DE DAG KUN GYI NYON MONGS GO , ,'DI YIS CHOD NAS DE
DAG RNAMS, ,'DOD CHAGS MED PA'I DGE BA SOGS, ,DGE RTZA GSUM DANG
LDAN GYUR CIG ,SNYAM DU BSAM PA THAG

PAS SBYANGS, ,DE LTAR 'GRO 'CHAG NYAS 'DUG GI , ,SPYOD LAM KUN TU
SBYANG BYA ZHING, ,BSAM PA DE DANG LDAN PA YIS, ,BDAG LA DE DAG SDIG
SMIN CING, ,BDAG DGE MA LUS DER SMIN

SHOG , ,'GRO BA'I SDUG BSNGAL GANG CI'ANG RUNG, ,DE KUN BDAG LA SMIN
GYUR CIG ,BYANG CHUB SEMS DPA'I DGE 'DUN GYI, ,'GRO BA BDE DANG LDAN
PAR SHOG ? (,RIN CEN PHRENG BA LAS,) SBYOR BA

[#DATA INCOMPLETE HERE]

@104B GZHAN SKYON BRJOD DU MI RUNG BAS, ,YAN LAG NYAMS PA BRJOD
MI BYA, ,ZHES GSUNGS KUN SLONG SKYON BCAS KYIS, ,GZHAN GYI DBANG PO
NYAMS PA SOGS, ,SKYON NI BRJOD PAR MI BYA'O, ,GZHAN SKYON

BRTAG TU MI RUNG BAS, ,GZHAN PHYOGS GANG YANG MI BSAM MO, ,ZHES
GSUNGS GZHAN KYI SKYON MTHONG TSE, ,TOR RTON PAS GROGS KYI SKYON
MI BSAM PA LA BSHAD THOGS MED DNGAR SGRED BAS SPYIR SEMS CAN THAMS
CAD DANG KHYAD PAR CHOS SKOR ZHUGS PA, ,

BDAG NYID SNANG BA MA DAG PAS, ,DE LTAR SNANG BA TZAM YIN GYI, ,LHAG
BSAM BSKUL BAS, ,YON TAN 'DOD PA NAGS NA GNAS PA YI, PHA ROL NGAG GI
SKYON LA RTAGS MI BYA, ,BDAG NI KHYAD PAR 'PHAGS SHING BDAG MCHOG
RNYES, ,DE SNYAM DU NI SEMS BSKYED MI BYA'O RGYAG ? 'DI BAG ZER ?

ZHUN ? GYI RTZA BA STE, DGE SLONG DMAN LA BRNYAS PAR MOD MI BYA,
BSKAL PA GCIG GI MTHAR PA THOB MI 'GYUR, 'DI NI BSTAN PA 'DI LA GO RIM
YIN, ZHES GSUNGS BA DRAN PAR BYAS LA, DON LA MED DO SNYAM DU BSAM,
,RANG 'DOD 'KHRI BA SPONG DGOS PAS, ,'BRAS

BU RE BA THAMS CAD SPANG, ,ZHES GSUNGS GDAMS PA 'DI BSGOM PA'I, ,'BRAS
BU MNGON MTHO LHA MI SOGS, ,'KHOR BA'I PHUN TSOGS THAMS CAD DANG,
,MYA NGAN 'DAS BA'ANG RANG NGON DU, ,RE BAR

MI BYA GZHAN DU NA, ,SEMS CAN KUN GYI DON GYI PHYIR, ,RDZOGS PA'I
BYANG CHUB DON GNYER BYA, ,DE SKAD DU YAR BYAMS MGON GYIS, ,SEMS
BSKYED PA NI GZHAN DON PHYIR, ,YANG DAG RDZOGS PA'I BYANG CHUB

'DOD; ;ZHES GSUNGS PA LTAR BSLAB BAR BYA, ,RANG NYID GCES 'DZIN LA SOGS
MI DGE BA'I, ,RNAM RTOG 'DRES PA'I LUS NGAG YID GSUM GYI, ,DGE SBYOR
THAMS CAD DUG CAN ZAS BZHIN SPAR, ,

GZHAN GYIS RANG LA GNOD PA BYAS PA RNAMS, ,KHE 'DONG GRAGS 'DOD
'DRAN 'DOD RANG BDE 'BA' ZHIG 'DOD PA DANG NYON MONGS, MKHAN ? DU
'DZIN PA'I GZHUNG BZANG PO MI BSTEN, ,MKHON 'DZIN SPONG PA'O, ,PHA
ROL PO YIS TSIG NGAN SMRAS NA YANG, ,

@105A *, ,LAN DU ZHE LA PHOG PAR 'GYUR BA YI, ,TSIG NGAN SMRA BA'I SHAG
NGAN MI RGONG DO, ,GANG GIS BDAG LA GNOD PA BYAS PA DE, ,ZHE LA
BZHAG NAS NAM ZHIG DE YI LAN, ,'JAL BAR

NUS TSE 'JAL BA'I 'PHRANG MI SGUG ,PHA ROL MI YI 'TSANG NGAN 'BRU BA
DANG, ,MI MA YIN GYI SROG SNGAGS ZLO BA SOGS, ,SEMS LA GNOD PA'I GNAD
LA MI DBAB PO, ,RANG GZHAN GNYIS KA SPYI LA 'BAB PA

YI; ;MI 'DOD DNGOS PO THABS KYIS GZHAN DAG LA, ,'GEL BA'I MDZO KHAL
GLANG LA MI BYA'O, ,'DOD PA'I DNGOS PO RANG GZHAN THUN MONG PAR,
,'ONG DGOS THABS KYIS RANG NYID GCIG PU LA, ,BSGYUR

PAR BYED PA'I MGYOGS KYI RTZE MI GTONG, ,GDAMS PA 'DI YIS RANG RGYUD
NYON MONGS KUN, ,'DUL DGOS PA LA PHYIR ZHING 'PHEL BA YI, ,SKYOB PA'I
LHA NI BDUD DU MI DBAB PO, ,RANG NYID SKYID DU RE NAS

GZHAN NGAG LA, ,MI 'DOD THOG TU BABS TSE DGA' BA YI, ,SKYID KYI YAN LAG
TU NI SDUG MI 'TSOL, ,SA BCAD LNGA PA BLO SBYONG GI ,NGA RGYAL DANG
RLOM SEMS SOGS, 'JIG RTEN PAS SRUNG SKYOB BYED PAR BRTEN PA'I LHAM
MGU NAS RANG LA GNOD PA BYED PA LA LHA

BDUD DUB BZER BA DANG 'DRA BAS, RANG GI GROGS MCHED SOGS SHIN DE
DAG GI ZAS NOR DPE CHA SOGS NGA LA 'ONG, ,RANG LAS MTHO BA'AM RANG
DANG MNYAM PA'I SGOM CHEN SHIN NGA LA RNYED BGUR YOD, SBYIN BDAG
LA MA SHIS PA BYUNG NANG LA RIM 'GRO DANG DGE RTZA'I PHYIR TSOGS
SOGS YONG DGRA SHIN GNOD BYED MED PAS,

'TSER ? SNYAM BLTA BU, BSLAB BYA RNAMS NI 'DI LTA STE, ,RNAL 'BYOR THAMS
CAD GCIG GIS BYA, ,ZHES GSUNGS ZAS GOS RNAL 'BYOR SOGS, ,THAMS CAD
GZHAN PHAN BSAM PAS BYA, ,THOG MTHA' GNYIS

LA BYA BA GNYIS, ,ZHES GSUNGS JI SRID 'TSO YI BAR, ,THOG MA MAL NAS
LDANG BA'I TSE, ,DE RING NYON MONGS DBANG MI GTONG, ,ZAS LONGS
SPYOD PA GOS GNAS KHANG LA SPYOD PA, BYANG CHUB SEMS DANG 'BRAL MI
BYA, ,

@105B SNYAM PA'I 'PHEN PA DRAG PO BTANG, ,THA MA NYAL TSE 'PHEN PA
BZHIN, ,BYUNG NGAM MA BYUNG LEGS RTAGS NAS, ,BYUNG NA DGA' BA
BSGOM PA DANG, ,MA BYUNG NA NI 'GYONG BYA ZHING, ,SLAN CHAD MI BYA
SNYAM DU

BSAM; ;NYAMS SU BLANG BA SLA BAR BSLAB, ,ZHES GSUNGS GTONG LEN NYAM
LEN NI, ,DA LTA BSAM PAS LEGS SBYANG BAS, ,GOM PA RAB TU GYUR BA NA,
,SPYOD 'JUG LAS, DES PA BYUNG BA DE RE ZHING, BDAG LA SMAD NAS CI NAS
KYANG, ,

BDAG LA GYIS 'DI MI 'BYUNG BA, DE LTAR BYA ZHES YUN RING BSAM, GSUNG
BA LTAR, ,SPYOD 'JUG LAS GOMS NA SLA BAR MI 'GYUR BA'I, ,DNGOS DE GANG
YANG YOD MA YIN, ,DE BAS GNOD PA CHUD GOMS PAS, GNOD PA CHEN
PO'ANG BZOD PAR BYA ZHES PAR, TSAD MA SOGS SBYIN PA LA'ANG,

'DREN PAS THOG MAR SBYONG BAR MDZAD, DE LA GOMS NA GYI NAS NI, RIM
GYIS RANG GI SHA YANG GTONG, GANG TSE RANG GI LUS LA NI, TSOD SOGS
LTA BU'I BLO SKYE BA, DE TSE SHA LA SOGS GTONG BA, DE LA DGA' BA CI ZHIG
YOD, GSUM PA LTAR, DNGOS SU BYED PA SLA BAR

BSAM; ;GNYIS PO GANG BYUNG BZOD PAR BYA, ,ZHES GSUNGS 'BYOR RGUD
GANG BYUNG KYANG, ,DREG DANG ZHUM PA MED PAR BYA, ,GNYIS PO SROG
DANG BSNGOS LA BSRUNG, ,ZHES GSUNGS JI LTAR KHAS

BLANGS PA'I, ,SDOM PA GSUM GYI DAM TSIG DANG, ,BLO SBYONG DAM TSIG
SROG LTAR BSRUNG, ,DKA' BA GSUM LA BSLAB PAR BYA, ,ZHES GSUNGS NYON
MONGS SKYES BA NA, ,RIN CHEN 'PHRENG BA LAS, ,LHA YI PHUN SUM

TSOGS PAS KYANG, KHENGS PA NYID DU MI BYA ZHING, ,YI DVAGS BZHIN DU
DBUL BA YI, ,RGUD PAS KYANG NI SUM CI BGYI, ZHES GSUNGS PA LTAR, ,DANG
PO GNYEN PA SKYE DKA' ZHING, ,BAR DU GNYEN POS BZLOG DKA' LA, ,THA MA

RGYUN NI GCOD DKA' BAS, ,NYON MONGS SKYES PA'I MOD NYID LA, ,BZLOG
STE SLAD NAS 'BYUNG MI BYA, ,THAMS CAD THEG CHEN LAM DU BSGYUR,
,ZHES GSUNGS KUN SPYOD THAMS CAD DANG, ,

@106A *, ,MTHONG THOS DRAN DEG THAMS CAD KYANG, ,GZHAN LA PHAN PA'I
THABS SU BSKYUR, ,KHYAB DANG GTING 'BYONGS KUN LA GCES, ,ZHES GSUNGS
GTONG LEN BYANG SEMS RNAMS, ,

SEMS CAN PHYOGS RIS MED PA LA, ,GTING NAS 'BYONGS PAR BYED PA'O, ,SKYES
RIGS LAS ? , MTHONG DANG THOS SAM RJES SU DRAN YANG RUNG, ,REG
G-YAN ? TAM DU BRJOD PA TZAM GYIS KYANG, RNAM PA KUN TU 'GRO LA
DAG ? PA NI, ,BDE DANG LDAN PA RTAG TU BGYI DGYID ? CIG CES

DANG RIN PO CHE 'CHAD KHA BAS, BDAG MTHOD BA THAMS CAD KYANG
SANGS RGYAS PAR GYUR CIG ,REG PA DANG GTAM TU BRJOD PA THAMS CAD
KYANG DES ? SKYEN ? BYAS NAS SANGS RGYAS KYIS SAR CHAGS THOGS MED
PAR 'GRO BAR GYUR CIG ,GSUNGS PA LTAR, RGYU'I GTZO BO RNAMS GSUM
BLANG, ,

ZHES GSUNGS SANGS RGYAS 'GRUB PA'I RGYU, ,DAL 'BYOR DAD BRTZON SHES
RAB DANG, ,MTSAN NYID LDAN PA'I DGE BSHES DANG, ,MTHA' GNYIS SPANGS
PA'I MTHUN RKYEN GSUM, ,BYANG CHUB PAR DU 'JOM

PA'I PHYIR, ,TSOGS BSAGS SMON LAM 'DEBS PAR BYA, ,RAG PA GANG YIN
SNGON LA SBYANG, ,ZHES GSUNGS ZHIB PA'I BLOS BRTAGS NAS, ,DE GNYIS KA
LA THUN MONG DU MKHO BA'I 'DOD PA BSOD NYAMS DANG BZHIN DUB PA'I,
NYON

MONGS DRAG LA RGYUN RING BA, ,GANG DE'I GNYEN PO 'BAD DE BSTEN, ,DON
CHEN GANG YIN BLANG BAR BYA, ,ZHES GSUNGS RNAM DAG TSUL KHRIMS
DANG, ,BYANG SEMS KUN TU MI GTONG BA'I, ,BAG CHAGS

BRTAN BYED DON CHEN BSGRUB, ,NYAMS PA MED PA RNAMS GSUM BSGOM,
,ZHES GSUNGS BLA MAR DAD GUS DANG, ,BSLAB PAR BAG YOD BLO SBYONG LA,
,SPRO BA NYAMS PAR MI BYA'O, ,'BRAL MED

GSUM DANG LDAN PAR BYA, ,ZHES GSUNGS LUS NI PHYAG 'TSAL ZHING, ,SKOR
BA BYED SOGS DGE SBYOR DANG, ,NGAG NI BZLAS BRJOD DGE SBYOR DANG,
,YID NI GZHAN PHAN DGE SBYOR TE, ,GSUM

@106B PO DE DANG 'BRAL MI BYA, ,LOG NA DE NYID GNYEN POR SGOM, ,ZHES
GSUNGS BLO SBYONG BSGOM PA YIS, ,NYON MONGS JE CHER SONG BA'AM,
,MTHUN RKYEN RNAMS KYIS 'PHONGS PA DANG, ,RKYEN NGAN MANG DU
BYUNG SNYAM

NAS; ;SBYONG SNYING MI 'DOD BYUNG BA'I TSE, ,TSES 'DIS BSLU BA MA YIN TE,
,BDAG NI BDUD KYIS BYIN BRLABS PAS, ,RTOG PA 'DI 'DRA SKYES PAR ZAD,
,SNYAM DU BSAMS LA 'JIG RTEN GYI, ,KHAMS

NA BDAG 'DRA MANG DU YOD, ,DE DAG KUN GYI BLO NGAN RNAMS, ,BDAG GI
RGYUD LA 'BYUNG BA DANG, ,DE DAG CHOS LA PHYOGS GYUR CIG ,SNYAM DU
GTONG LEN BSGOM PAR BYA, ,DA RES GTZO BO NYAMS SU BLANG, ,

ZHES GSUNGS 'DI DANG PHYI MA'I DON, ,GNYIS LAS PHYI MA GTZO CHE ZHING,
,DE LA'ANG BSHAD SGRUB RNAM GNYIS LAS, ,SGRUB PA GTZO BO DE YANG NI,
,BYANG SEMS YAN LAG DANG BCAS PA, ,SGOM PA GTZO

PAS DE LA 'BAD, ,MA 'ONGS PA LA RTAG TU GO CHA BGO ,ZHES GSUNGS TSE
RABS KUN TU BYANG SEMS DANG, ,'BRAL BAR MI BYA SNYAM DU GO CHA BGO
,DE'I RGYU DA DGE BA THAMS CAD BSDO BAR BYA,

SDIG PA BYED LA SNYING RJE MI BSGOM PAR, ,CHOS PHYIR DKA' BA SBYONG LA
BSGOM PA DANG, ,GZHAN PHYIR RDZOGS BYANG DON DU MI GNYER BAR,
,RNYED BKUR GRAGS SOGS DON DU GNYER BA DANG, ,GZHAN DAG NGES

LEGS BSGRUB LA MI SBYOR BAR, ,TSE 'DI'I CHE THABS BSGRUB LA SBYOR BA
DANG, ,RNAM DAG DGE LA YI RANGS MI BYED PAR, ,SNYING ? DE RJES SKAD
BYED PA'I SNYING RJE GO LOG ,DGRA LA MA LEGS BYUNG NA RANGS PA DANG,
,THOS BSAM SGOM PA'I DKA' SPYAD

MI BZOD PAR, ,DGRA 'DUL GNYEN SKYONG SOGS KYI SDUG BSNGAL BZOD,
,DAM CHOS BDUD RTZI'I RO NI MI MYANG PAR, ,DKON MCHOG SBYOR BA'I
DKOR ? DANG DGE 'DUN GYI 'DU SGO'I GNYER LA 'DZUD BSOGS GNYER SEMS
GO LOG , ,'JIG RTEN BDE BA'I RO NI MYANG BA STE, ,

@107A *, ,DE LTA BU YI GO LOG MI BYA'O, ,RES 'GA' BLO SBYONG BAG RE
BSGOMS PA DANG, ,GTZO BOR TSE 'DI'I BDE THABS SNA TSOGS SHIG ,BSGRUB
PAR BYED PA'I RES 'JOG MI BYA'O, ,DE LTAR

RES 'JOG BYED DANG TSAM TSOM SOGS, ,MED PAR 'DUN MA GCIG LA DRIL BA
DANG, ,BSAM PA THAG PAS DOL CHOD DU SBYANG NGO, ,RTZING DANG ZHIB
DU DPYOD PAR BYED PA YI, ,SGO GSUM SPYOD PA KUN SLONG BCAS

PA LA; ;YANG YANG BRTAGS NAS 'DOR LEN TSUL BZHIN DU, ,BYED PA'I RTOG
DPYOD GNYIS KYIS NAN THAR BYA, ,GZHAN LA BDAG GIS PHAN PAR BYAS 'AM,
,(SNGAR BSHAD PA LTAR RANG BRGYUD KYI NYON MONGS GANG CHE BRTAGS
LA ? 'BAD ?

PAS SPROD SHING, ? DE YANG NYON MONGS DE SKYE BA'I YUL RTEN PA LA
SOGS PA'I SGOS SKYE MI SKYE BA RTAGS LA SKYON SPONG ZHING MI SKYE BA'I
PHYIR 'BAD PAR BYA'O, ,ZHES THOGS MED DANG GZHON NU RGYAL MCHOG
PAR SGRENG BA SOGS KYIS GSUNGS SHING 'GA' ZHIG NAM THAR BYA ZHES PA
CI RIGS 'DUG KYANG 'DIR GZHON NU RGYAL

MCHOG GI ? BLO SBYONG NANG LTAR BRIS), RANG NYID MKHAS BTZUN BZANG
PA LA SOGS PA'I, ,RGYU MTSAN GANG GIS KYANG NI YUS MI BSGOM, ,BSNYEN
BKUR DMAN PA'ANG DMA' BABS BYAS SOGS LA, ,MI 'DOD PA YI

SGO LONG MI BSNGAM MO, ,CUNG ZAD RE LA'ANG DGA' DANG MI DGA' BA'I,
,RNAM 'GYUR STON PA'I YUD TZAM PA MI BYA, ,GZHAN LA PHAN PA CUNG ZAD
BYAS PA LA, ,TSIG GI GTANG RAG 'OR CHE MI 'DOD DO, ,

DE LTAR GDAMS NGAG 'DI DAG RNAMS, ,RGYAL SRAS CHEN PO 'CHAD KHABS,
,NYAMS SU BZHES PAS THUGS RGYUD LA, ,('DI LA NYI MA'I 'OD ZER LAS, BLO
SBYONG BSGOM PA'I BRTZON 'GRUS ? THAD LHOD MED PAR CHU BO'I RGYUN
LTAR BAR MA CHAD CING,

CHU BO'I RGYUN LTAR MA KHRAD ? ZER BA DGOS PAR GSUNGS THOGS MED
DANG), RA SGRENG BA SOGS KYIS 'DI LTAR GSUNGS, ,LEGS PAR 'KHUNGS PAS 'DI
GSUNGS SO, ,RANG GI MOS PA MANG PO'I RGYUS, ,SDUG BSNGAL GTAM

@107B NGAN KHYAD BSANG NAS, ,BDAG 'DZIN 'DUL BA'I GDAMS NGAG ZHUS,
,DA NI SHI YANG MI 'GYONG NGO, ,GNYIS PA DON DAM BYANG CHUB SEMS,
,SPYOD PA'I DUS NI JI SKAD DU, ,BRTAN PA THOB NAS

GSANG BA BSTAN, ,ZHES GSUNGS SNGON 'GRO NAS BZUNG STE, ,BYANG SEMS
YAN LAG DANG BCAS PAR, ,GOMS PA BRTAN PO THOB PA NA, ,DON DAM
BYANG SEMS STON PA'O, ,DON DAM BYANG

CHUB SEMS SBYONG GI ,DNGOS GZHI'I SKYONG TSUL JI SKAD DU, ,CHOS RNAMS
RMI LAM LTA BUR BSAM, ,MA SKYES RIG PA'I GSHIS LA DPYAD, ,GNYEN PO NYID
KYANG RANG SAR GROL, ,LAM GYI NGO

BO KUN GZHI'I DANG LA BZHAG ,ZHES GSUNGS TSIG RKANG DANG PO YIS,
,GZUNG BA'I CHOS RNAMS BDEN MED DANG, ,GNYIS PAS 'DZIN PAS BSDUS PA
RNAMS, ,RANG BZHIN MED PAR BSGOM TSUL DANG,

GSUM PAS DPYOD MKHAN RANG NYID KYANG, ,RANG BZHIN MED PA'I TSUL
BSTAN TE, ,DE DAG DPYAD SGOM BYA TSUL LO, ,RKANG PA THA MAS DPYAD PA
YIS, ,RNYED PA'I DON LA BYING RGOD DANG, ,

BRAL BAR 'JOG SGOM BYED TSUL BSTAN, ,RJES KYI SKABS SU SKYONG TSUL NI,
,THUN MTSAMS SGYU MA'I SKYES BUR BYA, ,CES PAS BSTAN NO DE DAG NI,
,RGYAS PAR GZHAN LAS 'BYUNG BA LTAR, ,

NYAMS SU LEN LA 'BAD 'TSAL LO, ,DE LTAR THEG PA CHEN POR BLO SBYONG
BA'I, ,GDAMS PA 'DI NI LEGS BSHAD MANG PO DANG, ,KHYAD PAR RGYAL BA'I
DBANG PO TZONG KHA PA'I, ,GSUNG

RGYUN JI BZHIN HOR STON NAM DPAL BAS, ,YI GER BKOD PA NYI MA'I 'OD ZER
BZHIN, ,RANG GIS BSHAR SBYANG BYA PHYIR TSIGS SU BCAD, ,BDAG NI BLO
GROS SHIN TU DMAN PA'I PHYIR, ,

@108A *, ,NONGS PAR GANG GYUR DAM PA RNAMS LA BSHAGS, ,'DIR 'BAD DGE
BA JI SNYED MCHIS PA KUN, ,BDAG SOGS 'GRO KUN TSE RABS THAMS CAD DU,
,LAM BZANG 'DI DANG NAM

YANG MI 'BRAL ZHING, ,BLA MED BYANG CHUB MYUR DU 'THOB PHYIR BSNGO,
,(CES BLO SBYONG SNYAN BRGYUD CHEN MO'I RNAM BSHAD GZHAN PHAN NYI
MA ZHES BYA BA 'DI NI YUL BYANG PHYOGS KYI MTHAR SKYES PA'I GYEN PA
? NGAG DBANG BLO BZANG CHOS LDAN GYIS BSHAR SBYANG BYA BA'I PHYIR
DU BKOD PA'O, ,

'DIS KYANG RGYAL BA'I DBANG PO TZONG KHA PA CHEN PO'I BSTAN PA
PHYOGS THAMS CAD DU DAR ZHING RGYAS LA YUN RING DU GNAS PAR GYUR
CIG , ,,