*, ,( LTA BA'I DOGS GCOD THOR BU PA BZHUGS SO,,) ,,BLA MA DAM PA RNAMS LA PHYAG 'TSAL LO, ,'DIR MKHAS GRUB DAM PA RNAMS KYIS GSUNGS PA'I LTA BA'I DOGS GCOD THOR BU DGOD PA NI SNGON 'GRO LAM RIM LTA BU SKYONG MUS YIN NA LOGS SU MI DGOS SHING GZHAN DU NA SKYABS 'GRO SEMS BSKYED BLA MA'I RNAL 'BYOR BSAGS SBYANG GSOL 'DEBS RNAMS SNGON DU BTANG, , LUS GNAD DANG LDAN PAS RANG RGYUD KYI NGA'O SNYAM PA'I BLO LHAN SKYES KYI SNANG TSUL BRTAGS PAR BYA'O SNYAM PA'I 'PHEN PA DRAG PO GCIG BTANG LA SHES PA LCAGS SKUD BAL GYIS DKRIS PA LTAR GRIM LHOD RAN PA'I NGANG LA CUNG ZHIG BZHAG STE RIGS PA DANGS SNYIGS PHYE NAS GSAL HRIG GE GNAS PA DE'I NGANG NAS NGA'O SNYAM PA'I BLO DANG GIS 'BYUNG BA'AM, RTZOL BAS LHANG BA CIG BSKYED DE, DE DANG DUS MNYAM PA'I BLO'I CHA SHAS PHRA MO CIG GIS DE'I SNANG TSUL BRTAG GO ,DE'I TSE PHYI ROL NAS NAG YO RE 'CHAR BA DANG, NANG NAS 'KHRANG THENG SNANG BA DANG, KHONG NAS DBYUG PA BRDZANGS PA LTA BU DANG, PHUNG PO LAS GZHAN MI 'CHAR BA DANG, CI YANG MI 'CHAR BA YAL 'GRO BA LTA BU'I SNANG TSUL CI RIG 'ONG BA'I, DANG PO NI, SHES PA BSGRIMS SHING @156A *, ,MIG KYANG BSGRIMS TE, BRTZOM BAS NAG THIBS TE SONG BA YIN CING, 'GA' ZHIG DE LA SKRAGS PA SKYE BA'ANG 'BYUNG GNYIS PA DANG MNYAM DU LTAS KYANG HRIMS TE BSGRIMS PAS YIN, GSUM PA NI LUS SHES GNYIS CHAR BSGRIMS DAG BAS RLUNG STONG DU 'TSANGS PAS YIN, BZHI PA NI NGA'O SNYAM PA'I BLO MNGON GYUR MA SKYES PA'AM BRTAG MA SHES PA YIN; LNGA PA NI NGA'O SNYAM PA'I BLO MNGON GYUR BYUNG KYANG DE DANG DUS MNYAM DU MA BRTAG PAR BLO SNGA MA 'GAG PHYI MA MA SKYES PA'I BAR STONG LA BLTAS PAS YIN CING 'DI LA KHA CIG GIS LTA BAR NGO SPROD, DE DAG LA SOGS PA GZHAN YANG CI RIGS 'CHAR BAS GANG YIN CIG LA MA NOR BA RANG KHO RANG GI NGOS NAS 'KHRANG THING GRUB GRUB PA CIG DRAN PA LTAR SRENG TZAM 'CHAR BA BYUNG NA DE NYID LEGS PAR NGOS ZIN PAR BYA'O, ,DE YANG YANG YANG GSAL BTAB KYI NA BRTAG DGOS SO, ,DE LEGS PAR DES PA NA DE NYID MA BRJED PAR BYAS TE GNAD PHYI MA GSUM BTZAL BAR BYA, DE YANG SNGA MA SNGA MA LA NGES PA RNAM DAG 'DRONGS TE MA BRJED PA'I DANG NAS PHYI MA PHYI MAS DPYAD PA'I MTHAR GONG DU NGOS BZUNG BA'I NGA DE MA RNYED PAS MI 'DUG SNYAM DU LHANG GIS NGES PA NA LTA BA RNYED PA YIN; 'DI'I TSE STONG NYID LA BAG CHAGS SNGON DU SONG BA ZHIG YIN NA NOR STOR BA BLO BUR DU RNYED PA LTA BU'I DGA' BA 'BYUNG LA DE MIN NA 'TSOL MKHAN RANG NYID MI 'DUG SNYAM DU BLO LA MI SHONG BAR 'JIGS YER YER BA'I SKRAG SNANG SKYE BA 'ONG ZHING DE STONG NYID LA SKRAG PA SKYE TSUL RNAL MA YIN PAS SKYON MED DE GNYIS GANG YANG MI 'BYUNG BAR DNGOS PO GZHAN ZHIG BTZAL BAS RNYED PA LTA BU'I @156B NYAMS LAS MA BYUNG NA DPYAD PA SNGA MA RNAMS GNAD DU MA SONG BA YIN, SNGAR BSHAD PA LTAR LTA BA RNYED NAS DE SKYONG TSUL LA, NGES PA LHANG GIS SKYES PA NA SLAR SNANG TSUL DE LTAR GRUB PA MED SNYAM DU SGOM PAR RJE SHER SENG GI RGYUD 'DZIN RNAMS BZHED KYANG, DE'I TSE SLAR YANG DE LTAR BSGOM BA SNGA MA'I 'DZIN STANGS KYI SHUGS LA GNOD PA LAS DGOS PA LHAG PO MED, NGES PA SNGA MA DE KA LTA BA YIN PAS BLO GZHAN GANG GIS KYANG BAR MCHAD PAR BYAS TE DE GA'I RGYUN 'DZIN STANGS SHUGS MA YAL BAR DU SKYOD DGOS TE, MKHAS GRUB RIN PO CHES, DE PHYIR RDZOGS RIM SGOM PA NA LUS KYI GNAD CHE BAR THIG LE SOGS DMIGS RTEN SNGON PO GSAL BTAB NAS DE NAS RANG GI SEMS DMIGS RTEN DE LA ZHUGS PA BZHIN BYAS NAS 'DZIN PA'I RIGS PA 'DI LA SBYAR NAS STONG NYID NGES PA NA STONG NYID DE LA RANG GI SEMS ZHUGS PA BZHIN BYAS NAS 'DZIN PAR GO NA NI LTA BA SKYONG BA'I GOL BA SHIN TU CHE STE, DE LA BSHAD MA THAG PA'I SKYON YANG YOD LA DER MA ZAD STONG NYID SNGON DU BTZAL NAS DE NAS SEMS DANG BSRE BAR GO 'DUG PAS SKYOD TSUL GYI NYAMS MI SHAR BA STE, SNGON DU SEMS LTA BU 'TSOL PA'I GZHIR BYAS NAS DE NYID LA RANG BZHIN SEMS PA'I RIGS PAS JI LTAR GRUB BTZAL BA NA CUNG ZAD KYANG MA RNYED PA'I NGES PA LHANG SKYES PA'I 'DZIN STANGS KYI SHUGS MNYAMS PAR SKYONG BA'I NGES DON DANG PO 'TSOL BA'I GZHIR BYAS PA'I NGA DANG SEMS LA SOGS PA'I SNANG BA GTAN NAS LDOG DGOS SHING GANG LA SEMS GZHUG RGYU'I STONG NYID ZUR DU MI 'CHAR DGOS PA'I PHYIR, 'ON KYANG NGES NGO DE NAS MI SNANG BA YIN GYI NGA MED PAR SNANG BA MIN NO, ,ZHES DANG, DE YANG GANG ZAG DANG @157A *, ,CHOS GANG YIN YANG YUL STENG NA GRUB TSUL JI LTAR 'DUG DON DAM DPYOD PA'I RIGS PA YANG DAG GIS BTZAL BA NA MTHAR GANG DU'ANG MA GRUB PA'AM, YUL STENG NA RNYED RGYU CUNG ZAD KYANG MED PA'I NGES PA LHANG GIS SKYES PA DE KA'I RGYUN SKYONG BA YIN GYI, DE LTAR BTZAL BAS CUNG ZAD KYANG RNYED RGYU MED PAR NGES PA TZAM GYIS MI CHOG PAR DA DUD DE'I STENG DU BDEN PAR GRUB PA MED SNYAM DU LAN RE RE ZHING SLAR YANG DGAG BYA'I KHYAB PAR NGES PAR SBYAR NAS SBYONG DGOS, SNYAM PA NI DON DAM DPYOD BYED KYI RIGS PAS BTZAL BAS MA RNYED PA DE BDEN PAR MED PA'I DON DU MA GO BAR DON DAM DPYOD PA'I RIGS PAS BTZAL BA NA MA RNYED PA'I TSE DE LTAR BTZAL BAS YE MI 'DUG GO SNYAM DU 'DZIN PA CHAD LTAR SONG GIS DOGS NA NI, DON DAM DPYOD PA'I RIGS PAS BTZAL BA NA MED PA'I GTAN MED KYI DON DU 'DZIN PA, ZHE PHUGS SU 'TSANGS 'DUG PAS LTA BA'I GO LA PA SHIN TU CHE BA LA GNAS PA YIN NO, ,ZHES GSUNGS, DE YANG NGA RANG BZHIN GYIS GRUB PA DANG RANG NGOS NAS GRUB PA'I DAG NYIS KA SKABS 'DI'I DGAG BYA'I PAD G-YIN PA LA KHYAD PAR MED PAS, BDAG RANG BZHIN GYIS PHUNG PO DANG GCIG THA DAD GANG DU'ANG MA RNYED PA DE BDAG RANG BZHIN GYIS GRUB PA MA RNYED PA DANG, DE LTAR MA RNYED PA'I RANG BZHIN GYIS MA GRUB PA RNYED PAR 'JOG PA BZHIN, SNGAR BSHAD PA LTAR RANG RGYUD GYI NGAR 'DZIN LHAN SKYES LA KHO RANG GI NGOS NAS TSUG THUB TU GRUB PAR SNAD BLTAR GYI PHUNG PO DANG GCIG THA DAD GANG DU'ANG MA RNYED PA DE DA RANG BZHIN GYIS GRUB PA MA RNYED PA 'AM RANG BZHIN GYIS MA GRUB PA RNYED PAR 'JOG GO ,DES NA GZHUNG RNAMS NAS NGA TZAM 'TSOL @157B BA'I GZHIR BYAS NAS DE PHUNG PO DANG RANG BZHIN GYIS GRUB PA'I GCIG THA DAD GANG DU'ANG MA RNYED PA'AM MED PAR RNYED PA BDAG MED RNYED PAR GSUNGS PA DANG, 'DIR DAR 'DZIN NGA LHAN SKYES LA SNANG BA LTAR GYI NGA 'TSOL BA'I GZHI BYAS NAS DE PHUNG PO DANG GCIG DANG THA DAD GANG DU'ANG MA RNYED PA BDAG MED RNYED PAR BZHAG PA GNYIS DON 'DRA ZHING, PHYI MA 'TSOL BA'I GZHIR BYAS NAS DPYOD PA GNANG DU 'GRO BA SLAB YIN RGYUN SKYONG BA LA, KHA CIG DES SHES SNGA MA'I SHUGS MA YAL TZAM GYI DAD NAS GNAD BZHI MI BSAM PAR RANG NGOS NAS MED SNYAM DU SAD YANG YID LA DRAN PAR BYAS TE SKYOD PAR 'DOD PA DANG, KHA CIG SNGAR GYI DGAG BYA'I BDAG ZHE PHUGS SU BZHAG NAS MED DO SNYAM DU SGOM PA DANG, KHA CIG GCIG TU BRAL GYI RIGS PAS GANG ZAG RANG BZHIN MED PAR GTAN LA PHAB NAS DE KA'I RGYUN LA RTZE GCIG TU MNYAM PAR 'JOG PA KHO NA MDZAD PA SOGS RANG RE'I BLA MA RNAMS BZHED TSUL CI RIGS BYUNG KYANG, LAS DAD PO BAS DE LTA BU'I TSUL GYIS YUN RING BSKYAD SA NA STONG NYID 'DZIN STANGS KYI YUL NAS SHOR TE STONG NYID BDEN GRUB TU 'DZIN PA SOGS SU 'GRO NYEN CHEBS, GNAD BZHI'I DPYAD PA LA BRTEN NAS LTA BA'I NGES SHES RNYED KYANG GNAS CHA CI YANG MA RNYED GONG DU MNYAM BZHAG GI TSED PYAD NA NGES SHES KYI 'DZIN STANGS SHUGS DRAG TU MI 'GRO BAR 'DZIN STANGS 'CHOR NYEN CHE BAS 'DZIN STANGS KYI NGAR MA YAL BAR DU MNYAM PAR 'JOG ,YAL BAR RTZOM PA NA MNYAM BZHAG LAS LANGS TE GNAD BZHI'I DPYAD PA RIM BZHIN BYAS @158A *, ,TE NGES SHES RNYED PA NA DE LA MNYAM PAR 'JOG ,GNAS CHA 'PHRAN DU RNYED NAS MNYAM BZHAG GI TSE GNAD BZHI'I DPYAD PA DRAN TZAM BYAS TE SKYONG DGOS TE, MKHAS GRUB RIN PO CHES, LTA BA SKYONG TSUL YANG DAG LA NI DNGOS GZHI'I SKYONG TSUL ZHI GNAS RKYANG BA'I SKYONG TSUL DU MA SONG BA CIG DGOS SO, ,DE YANG ZHIG GNAS LA NI DMIGS RTEN 'TSOL BA'I CHED DU RIGS PAS DBYAD NAS STONG NYID DES PAR BYED KYANG, STONG NYID DES PA NI DMIGS RTAN RNYED PA YIN PAS DE NYID KYI RGYUN LA RTZE GCIG DU 'JOG PA'I 'JOG SGOM KHO NA BYED LA, ,LTA BA SKYONG BA'I TSE SNGON DU DPYOD PAR MA ZAD KYI DNGOS GZHI'I SKABS SU'ANG YANG NAS YANG DU DPYOD PA'I DPYAD SGOM DGOS PA YIN TE, ZHES DANG, LTA BA'I DPYAD SGOM LA NI MNYAM BZHAG GI SNGON DU DPYAD PA TZAM GYIS MI CHOG GI MNYAM BZHAG RANG DUS NAS DPYAD PA YANG YANG BYED DGOS LA, NGES SHES SKYONG BA LA YANG NGES SHES KYI 'DZIN STANGS SHUGS DRAG LA SGRIM PA MA BRJED CING MA SHOR BA'I DRAN PA BSTEN TSUL DANG, DE LAS CUNG ZAD TZAM ZHIG GZHAN DU 'GRO BA DANG DPYAD NAS GSAL 'DEBS PA'I 'TSAMS SOGS RIGS PA'I SHES BZHIN BSTEN TSUL, DMIGS LEGS PAR PHYED PA'I SKYONG TSUL SHES DGOS KYI, DES SHES SKYES PA'I DANG LA MA YENGS PAR DRAN PAS BZUD NAS 'JOG BRER BTZAM GYIS MI CHOG GO ,ZHES GSUNGS, DES SHES KYI SNANG DOR GNYIS SNANG YOD PA LAS DANG PO PAS MI KHEGS KYANG, DES DOR 'DZIN STANGS KYI YUL DUD RANG BZHIN GYIS GRUB @158B PA BKAG TZAM GYI MED DGAG LAS GZHAN KUN RDZOB KYI SNANG TSA CI YANG MI 'CHAR BAR BYAS TE SKYONG BA NI MNYAM BZHAG NAM MKHA' LTA BU'I SKYOR TSUL, SNGAGS KYI SKABS SU THOG MAR LTA BA SHUGS CAN BSKYED DE, DE'I GZUNG RNAMS RTEN RTEN PAR 'CHAR BCUG STE NGES DOR RANG BZHIN MED PA DANG, SNANG NGOR RTEN RTEN PAR SNANG BAR SGOM PA NI ZAB GSAL GNYIS MED KYI RNAL 'BYOR RO 'DI DANG LAS DANG PO PAS RJES THOB SGYU MA'I SKYONG TSUL DANG 'DRA'O, ,SPYAN SNGA BLO GROS RGYAL MTSAN PAS RANG CAG LA SNANG BA LTAR GYI KA BUM SOGS THAMS CAD DGAG BYA'I BDAG TU MDZAD DE, 'PHRAL BLO LA MI SHONG YANG DON DU DE KA YIN PAR 'DUG GSUNG NGO, ,YONGS 'DZIN DAM PA'I ZHAL SHES KHUNGS DANG SBYAR TE, GYIN PA DAG DBANG BLO BZANG CHOS LDAN GYIS BRJED THOR BRIS PA DGE LEGS SU GYUR CIG ,,