*, ,(RTEN 'BREL SNYING PO'I RNAM BSHAD BDER GSHEGS DGONGS BRGYA ZHES
BYA BA ZHUGS SO), ,BLA MA DANG STON PA BCOM LDAN 'DAS DBYER MA
MCHIS PA'I ZHABS LA DUS THAMS CAD DU PHYAG 'TSAL ZHING SKYABS SU

MCHI'O; ;BRTZE BA CHEN POS RJES SU BZUNG DU GSOL, ,SPANGS RTOGS YON
TAN KUN GYI MTHAR SON TE, ,MTHA' YAS 'GRO BA MA LUS SGROL SLAD DU,
,ZAB RGYAS LEGS BSHAD CHOS KYI CHAR CHEN

PO; ;'BEBS MDZAD SH'AKYA'I TOG LA GUS PHYAG 'TSAL, ,RGYAL BA SRAS DANG
SLOB MAR BCAS PA YIS, ,NYAMS SU BSTAR BAS GO 'PHANG MTHOR GSHEGS PA,
,ZAB MO RTEN CING 'BREL

BAR 'BYUNG BA LA, ,RAB TU DANG BA'I YID KYIS PHYAG 'TSAL LO, ,RTEN CING
'BREL 'BYUNG BRJOD BYA'I SNYING PO RU, ,BSDUS TE STON PAS RTEN 'BREL
SNYING PO ZHES, ,YONGS SU GRAGS PA'I

GSUNG MCHOG BLA MED PA'I, ,RNAM BSHAD DAM PAS BSKUL PHYIR 'DIN SBRO,
,DE LA 'DIR BDAG CAG GI STON PA YANG DAG PAR RDZOGS PA'I SANGS RGYAS
MNYAM MED SH'AKYA'I RGYAL PO DE NYID KYI

GSUNG GI GCES NOR ZAB MO RTEN 'BREL SNYING PO ZHES YONGS SU GRAGS
PA, YE DHARMA DANG, DE'I DON BOD SKAD DU BSGYUR BA'I DON 'CHAD PA
LA, THOG MAR JI LTAR GSUNG TSUL BSHAD PA, GZHUNG GI DON

DNGOS BSHAD PA, BSHAD PA DE LA DOGS PA SPONG BA, 'DI LA BRTEN PA'I LAS
SBYOR BSHAD PA, ZHAR LA SNGAGS KYI YI GE'I GRANGS DANG 'THOB TSUL
BSHAD PA DANG LNGA, DANG PO GNAS GAR DU

@175B 'KHOR JI LTA BU LA GSUNG BA, ZHUB PO GANG GIS TSUL JI LTAR DU
ZHUS PA, RTEN GYI GANG ZAG GANG GIS GSUNGS PA, CHOS 'DI'I PHAN YON
BSHAD PA, 'KHOR RNAMS DGA' ZHING MGU BA'I TSUL

BSHAD PA DANG LNGA, DANG PO, ,GNAS GANG RU 'KHOR JI LTA BU LA GSUNGS
PA BZHAG TU YOD DE, SUM CU RTZA GSUM GYI LHA'I GNAS SU LNGA SDE
BZANG PO'I NANG TSAN SPYOD LAM ZHI BA'I MCHOG TU

LUNG BSTAN PA 'PHAGS PA RTA THUL LA SOGS PA NYAN THOS CHEN PO
RNAMS DANG, 'PHAGS PA BYAMS PA DANG, SBYAN RAS GZIGS DANG, LAG NA
RDO RJE LA SOGS PA BYANG CHUB SEMS DPA'

RNAMS DANG, TSANGS PA DANG, SRID MED KYI BU DANG, DBANG PHYUG
CHEN PO DANG, BRGYA BYIN LA SOGS PA LHA'I 'KHOR MANG PO 'DUS BA LA
GSUNG BA'I PHYIR, ZHES 'CHAD PAR BYED PA LA, 'PHAGS

PA RTEN CING 'BREL BAR 'BYUNG BA ZHES BYA BA THEG PA CHEN PO'I MDO
LAS, 'DI SKAD BDAG GIS THOS PA'I DUS GCIG NA, BCOM LDAN 'DAS SUM CU
RTZA GSUM GYI LHA'I NANG NA, AA RA MO NIG LTA

BU'I RDO LEB LA, RTA THUL LA SOGS PA'I NYAN THOS CHEN PO RNAMS DANG,
'PHAGS PA BYAMS PA DANG, 'PHAGS PA SBYAN RAS GZIGS DBANG PHYUG
DANG, LAG NA RDO RJE LA SOGS PA BYANG CHUB

SEMS DPA' SEMS DPA' CHEN PO YON TAN RIN PO CHE DPAG TU MED PAS
BRGYAN PA RNAMS DANG, MI MJED KYI BDAG PO TSANGS PA CHEN PO DANG,
SRED MED KYI BU DANG, DBANG PHYUG CHEN PO LA

SOGS PA LHA RNAMS DANG, LHA'I DBANG PO BRGYA BYIN DANG, DRI ZA'I
RGYAL PO GTZUG PHUD LDA PA DANG THABS GCIG TU BZHUGS TE, ZHES
GSUNGS, GNYIS PA, ZHU BA PO GANG GIS TSUL JI LTAR

@176A *, ,DU ZHUS BA YOD DE, 'PHAGS PA SBYAN RAS GZIGS DBANG PHYUG GIS
GUS PAS BTUD NAS 'KHOR DER 'DUS PA'I LHA RNAMS KYIS MCHOD RTEN BGYID
PAR SPRO ZHING, ,

MCHOD RTEN BGYIS PA'I BSOD NAMS KYIS 'BRAS BU SHIN TU RGYA CHE BA
'THOB PAR 'DOD PA RNAMS KYI 'DOD PA BSKANG BA'I CHED DU DE DAG LA
CHOS STON PAR GSOL BA BTAB PA YIN PA'I PHYIR,

ZHES 'CHAD PA LA, MDO DE NYID LAS, DE NAS BYANG CHUB SEMS DPA' SEMS
DPA' CHEN PO SBYAN RAS GZIGS DBANG PHYUG STAN LAS LANGS TE, BLA GOS
PHRAG PA GCIG TU GZAR NAS,

PUS MO GA-YAS PA'I LHA NGA RI RAB KYI RTZE MO LA BTZUGS TE, BCOM LDAN
'DAS GAL BA DE LOGS SU THAL MO SBYAR BA BTUNG NAS, BCOM LDAN 'DAS
LA 'DI SKAD CES GSOL TO, ,BCOM LDAN 'DAS LHA

'DI DAG NI MCHOD RTEN BGYID PAR 'TSAL BA SHA STAG STE, 'KHOR GYI DKYIL
'KHOR 'DIR MCHIS NA, CI NAS TSANGS PA'I BSOD NAMS 'PHEL BA DANG, LHA
DANG BCAS PA, BDUD DANG BCAS

PA; TSANGS PA DANG BCAS PA'I 'JIG RTEN NA, DGE SLONG DANG, BRAM ZER
BCAS PA'I SKYE DGU LAS DGE SLONG DANG, DGE SLONG MA DANG, DGE
BSNYEN DANG, DGE BSNYEN MA DAG ,BSOD NAMS SHIN TU MANG DU

'PHEL BAR 'GYUR BA, DE LTA DE LTAR BCOM LDAN 'DAS KYIS DE DAG LA CHOS
BSTAN DU GSOL, ,ZHES GSUNGS, GSUM PA, RTEN GYI GANG ZAG GIS GSUNG BA
YOD DE, BDAG CAG GI STON PA

BCOM LDAN 'DAS DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS SH'AKYA THUB PAS GSUNGS PA YIN PA'I PHYIR,
ZHES 'CHAD PA LA, MDO DE NYID LAS, DE NAS BCOM

@176B LDAN 'DAS KYIS RTEN CING 'BREL BAR 'BYUNG BA'I TSIGS SU BCAD PA
BKA' STZAL PA, YE DHA RMA HE DU BRA BHA B'A, HE DUN TE sh'AN TA TH'A GA
TO HYA BA TAD, TEsh'NYTZA YO NI RO DHA, AE BAM B'A D'I, MAH'A SHRA MnE,

CHOS GANG RGYUS BYUNG DE DAG GI ,RGYU DANG DE 'GOG GANG YIN
PA'ANG, ,DE BZHIN GSHEGS PAS BKA' STZAL TE, ,DGE SBYONG CHEN POS DE
SKAD GSUNGS, ,ZHES GSUNGS BZHI PA, CHOS

'DI'I PHAN YON BZHAG TU YOD DE, SNGAGS TSIG 'DI NI SANGS RGYAS KYI
CHOS SKU'I RING SREL DU GRAGS PA YIN CING, 'DI'I DON JI LTA BA BZHIN
MTHONG STE RTOGS NAS TSUL BZHIN DU NYAMS SU BLANGS NA,

MTHAR THUG DE BZHIN GSHEGS PA MTHONG BA STE, DE'I GO 'PHANG 'THOB
PAR 'GYUR BA DANG, GNAS SKABS SU 'DI'I SNGAGS TSIG YI GER BRIS STE
MCHOD RTEN CHUNG MTHA' SKYU RU RA'I 'BRU TZAM GYI TSAD

DU BYAS PA'I NANG DU BCUG NA, DE LTAR BYED PA PO DE SKYE BA PHYI MAR
TSANGS PA'I 'JIG RTEN DU SKYE BA DANG, DE'I SKYE BA PHYI MAR GNAS
GTZANG MA'I LHA RNAMS DANG SKAL PA MNYAM PAR SKYE BA'I BSOD

NAMS 'THOB PA SOGS PHAN YON DPAG TU MED PA YON PA'I PHYIR, ZHES
'CHAD PA LA, MDO DE NYID LAS, SPYAN RAS GZIGS DBANG PHYUG 'DI LTA STE,
RTEN CING 'BREL BAR 'BYUNG BA

'DI NI DE BZHIN GSHEGS PA RNAMS KYI CHOS KYI SKU YIN TE, SUS RTEN CING
'BREL BAR 'BYUNG BA MTHONG BA DES DE BZHIN GSHEGS PA MTHONG DO,
,SPYAN RAS GZIGS DBANG PHYUG  ,RIGS

KYI BU'AM, RIGS KYI BU MO DAD PA CAN GANG LA LA ZHIG GIS, MI GNAS PA'I
PHYOGS SU MCHOD RTEN NI SKYU RU RA'I 'BRU TZAM, SROG SHING NI KHAB
TZAM, GDUGS NI BA KU LA'I ME TOG TZAM ZHIG

@177A *, ,BYAS LA, RTEN CING 'BREL BAR 'BYUNG BA CHOS KYI DBYINGS KYI
TSIGS SU BCAD PA NANG DU BCUG NA, DE TSANGS PA'I BSOD NAMS BSKYED
PAR 'GYUR TE, 'DI NAS SHI 'PHOS SHING

'CHI BA'I DUS BYAS NAS TSANGS PA'I 'JIG RTEN DAG TU SKYE BAR 'GYUR RO, ,DE
NAS SHI 'PHOS TE 'CHI BA'I DUS BYAS NAS, GNAS GTZANG MA'I RIS KYI LHA
RNAMS DANG SKAL PA MNYAM PAR SKYE

BAR 'GYUR RO, ,ZHES GSUNGS, LNGA PA, 'KHOR RNAMS DGA' ZHING MGU BA'I
TSUL YOD DE, BCOM LDAN 'DAS KYI GONG DU BSHAD PA DE SKAD BKA' STZAL
PA LA, 'PHAGS PA RTA THUL LA SOGS PA'I NYAN

THOS DANG, BYANG CHUB SEMS DPA' DANG, LHA LA SOGS PA THAMS CAD
DGA' MGU YI RANGS STE, BCOM LDAN 'DAS KYIS GSUNGS PA LA BSTOD
BSNGAGS CHEN PO MDZAD PA'I PHYIR, ZHES 'CHAD PA LA,

MDO DE NYID LAS, BCOM LDAN 'DAS KYIS DE SKAD CES BKA' STZAL NAS, NYAN
THOS DE DAG DANG, BYANG CHUB SEMS DPA' DE DAG DANG, THAMS CAD
DANG LDAN PA'I 'KHOR DE DAG DANG, LHA DANG

MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM
LDAN 'DAS KYIS GSUNGS PA LA MNGON PAR BSTOD DO, ,ZHES GSUNGS, GNYIS
PA GZHUNG GI DON DNGOS BSHAD PA

LA, GZHUNG DGOD PA DANG, DE'I DON BSHAD PA GNYIS LAS, DANG PO LA, YE
DHA RMA BOD SKAD DU BSGYUR BA LA, CHOS GANG RGYUS BYUNG DE DAG
GI ,RGYU DANG DE 'GOG GANG YIN PA'ANG, ,DE BZHIN GSHEGS

PAS BKA' STZAL TE, ,DGE SLONG CHEN POS DE SKAD GSUNGS, ,ZHES PA DANG,
CHOS GANG RGYUS BYUNG DE DAG NI, ,RGYU LAS 'GOG PA GANG YIN PA, ,DE
BZHIN GSHEGS PAS BKA' STZAL TE, ,

@177B DE SKAD GSUNGS PA DGE SBYONG CHE, ,ZHES DANG, CHOS GANG
RGYUS BYUNG DE DAG GI ,RGYU DANG DE 'GOG GANG YIN PA, ,DE BZHIN
GSHEGS PAS BKA' STZAL TE, ,DGE SBYONG CHEN POS 'DI SKAD

GSUNGS; ,ZHES DANG, CHOS RNAMS THAMS CAD RGYU LAS BYUNG, ,RGYU DE
DE BZHIN GSHEGS PAS GSUNG, ,RGYU LA 'GOG PA GANG YIN PA, ,DGE SBYONG
CHEN POS 'DI SKAD GSUNG, ,ZHES DANG,

CHOS RNAMS THAMS CAD RGYU LAS BYUNG, ,DE RGYU DE BZHIN GSHEGS PAS
GSUNG, ,RGYU LAS 'GOG PA GANG YIN PA, ,DGE SBYONG CHEN POS DE SKAD
GSUNG, ,ZHES BYA BA LA SOGS PA 'GYUR MI 'DRA BA

MANG DU BYUNG, GNYIS PA, DE'I DON BSHAD PA LA, GONG GI 'GYUR MI 'DRA
BA LNGA LAS PHYI MA LTAR 'CHAD PA'I DBANG DU BYAS NA, GZHUNG 'DI
DANG, MNGON 'BYUNG GI MDO LAS, CHOS RNAMS GANG DAG

RGYU LAS BYUNG BA DANG, ,DE YI RGYU DANG DE 'GOG GANG YIN PA'ANG,
,DE BZHIN GSHEGS PA NYID KYIS BKA' STZAL TE, ,DE SKAD GSUNG BA'I TSUL
CAN DGE SKYONG CHE, ,ZHES DANG, 'DUS PA RIN PO CHE'I TOG

LAS; JI LTAR 'JIG RTEN LAS DANG NYON MONGS RGYUR BCAS BYED RGYU LDAN
'BYUNG DANG, ,LAS DANG NYON MONGS PA DAG LDOG RGYU DE YANG 'DREN
PAS RAB TU GSUNG, ,GANG NA SKYE DANG RGA DANG RGUD PA'I SDUG
BSNGAL

NGES PAR MI GNAS PA, ,THAR PA MCHOG DE SMRA BA'I KHYU MCHOG DE YIS
RANG GIS MKHYEN TE GSUNGS, ,ZHES PA 'DI RNAMS BRJOD BYA STON TSUL
PHYOGS MTHUN CING, ,GZHUNG PHYI MA DE SNGA MA GNYIS KYI 'GREL

BA LTA BUR 'DUG PAS, GZHUNG 'DI GSUM GYI DON PHYOGS MTHUN DU 'CHAD
PA LA, 'PHAGS PA'I BDEN GZHI DANG SBYAR NAS BSHAD PA, RTEN 'BREL BCU
GNYIS DANG SBYAR NAS BSHAD PA, ZAB MO RTEN BYUNG

@178A *, ,GI DE KHO NA NYID DANG SBYAR NAS BSHAD PA DANG GSUM, DANG
PO LA, THEG PA THUN MONG BA'I DBANG DU BYAS PA DANG, THEG CHEN
THUN MONG MA YIN PA'I DBANG DU BYAS PA GNYIS

LAS, DANG PO NI, GROL BA DON GNYER GYI SKYES BU RTOG PA DANG LDAN
PA LA LA DAG 'KHOR BA SDUG BSNGAL GYI BDEN PA 'DI 'GAG PA'AM SPONG
BA'I THABS YOD DAM MED, YOD NA DE JI LTAR YIN

SNYAM NA, SHES BYA CHOS CAN, 'JIG RTEN TE 'KHOR BAS BSDUS PA'I SDUG
BSNGAL GYI BDEN PA'I CHOS 'DI RNAMS RGYU RKYEN SOGS GZHAN LA MA
LTOS PA'I TSUG THUB TU GRUB PA DGAG DU'AM SPANGS

DU MED PA ZHIG MA YIN TE, 'KHOR BA SDUG BSNGAL GYI BDEN PAS BSDUS PA'I
CHOS RNAMS PHYOGS RE MA YIN PAR THAMS CAD RANG GI RGYU LAS DANG
NYON MONGS PAS BSDUS PA'I KUN 'BYUNG BDEN PA LAS

'BYUNG BA YIN CING, DE YANG NYE BAR LEN PA DANG LHAN CIG BYED PA'I
RGYU DANG LDAN PA STE TSOGS PA LAS BYUNG BA YIN PAS, 'DI'I RGYU LAS
DANG NYON MONGS PA'I KUN 'BYUNG BDEN PA 'GAG NA RANG GI NGO BO

YANG 'GAG PAR 'GYUR BA'I PHYIR, ZHES 'CHAD PAR BYED PA LA, CHOS RNAMS
THAMS CAD RGYU LAS BYUNG, ,ZHES DANG, CHOS RNAMS GANG DAG RGYU
LAS BYUNG BA DANG, ZHES DANG, JI LTAR 'JIG RTEN LAS

DANG NYON MONGS RGYUR BCAS BYED RGYU LDAN 'BYUNG DANG, ZHES
GSUNGS, 'O NA 'KHOR BA SDUG BSNGAL GYI BDEN PA'I RGYU LAS DANG NYON
MONGS PA'I KUN 'BYUNG BDEN PA DE 'GAG PA'AM LDOG PA'I RGYU YOD DAM

MED CE NA, SHES BYA CHOS CAN, LAS DANG NYON MONGS PA'I KUN 'BYUNG
BDEN PA DE SPONG BA'I RGYU YOD DE, GANG ZAG GI BDAG MED PA DANG, MI
RTAG SOGS BCU DRUG RTOGS PA'I LAM GYI BDEN PA

@178B BSGOM PA LA BRTEN NAS LAS DANG NYON MONGS PA'I KUN 'BYUNG
BDEN PA DE LDOG PA'AM 'GAG PAR 'GYUR RO ZHES 'GRO BA KUN GYI 'DREN
PA DE BZHIN GSHEGS PAS RAB TU STE LEGS PAR GSUNG BA'I PHYIR,

ZHES 'CHAD PAR BYED PA LA, DE RGYU DE BZHIN GSHEGS PAS GSUNGS, ,ZHES
DANG, DE YI RGYU DANG DE BZHIN GSHEGS PA NYID KYIS BKA' STZAL TE, ZHES
DANG, LAS DANG NYON MONGS PA DAG LDOG

RGYU DE YANG 'DREN PAS RAB TU GSUNG, ZHES PA RNAMS GSUNGS PA'I PHYIR,
'O NA KUN 'BYUNG BDEN PA 'GOG PA'I RGYU LAM GYI BDEN PA BSGOM PA LA
BRTEN NAS 'GOG PA'I BDEN PA THAR PA MYANG

'DAS 'THOB PAR 'GYUR RAM ZHE NA, SHES BYA CHOS CAN, LAS DANG NYON
MONGS PA'I KUN 'BYUNG BDEN PA LDOG PA'AM SPONG BA'I RGYU GANG ZAG
GI BDAG MED PA SOGS RTOGS PA'I LAM GYI BDEN PA

BSGOM PA LA BRTEN NAS GANG ZHIG THOB NA SKYE BA DANG RGA BA DANG,
RGUD PA LA SOGS PA'I SDUG BSNGAL BAR 'GYUR BA'I SDUG BSNGAL GYI BDEN
PAS BSDUS PA MTHA' DAG NGES PAR MI GNAS PA STE GTAN NAS

'GAG PA'I 'GOG PA'I BDEN PA THAR PA MCHOG MYA NGAN LAS 'DAS PA DE
'THOB PAR 'GYUR PA YIN TE, DE LTAR 'THOB PAR 'GYUR BA'I TSUL GANG YIN
PA DE SMRA BA'I KHYU MCHOG DGE SBYONG CHEN PO DE YIS

RANG GIS MKHYEN CING GZIGS TE MNGON DU MDZAD PAS BSHAD MA THAG
PA DE SKAD GSUNGS PA'I PHYIR, ZHES 'CHAD PA LA, RGYU LA 'GOG PA GANG
YIN PA, DGE SBYONG CHEN POS DE SKAD GSUNG, ,

ZHES DANG, DE 'GOG GANG YIN PA'ANG, DE SKAD GSUNG PA'I TSUL CAN DGE
SBYONG CHE, ZHES DANG, GANG LA SKYE DANG RGA DANG RGUD PA'I SDUG
BSNGAL NGES PAR MI GNAS PA, THAR PA MCHOG TE SMRA BA'I

@179A *, ,KHYU MCHOG DE YIS RANG GIS MKHYEN TE GSUNGS, ZHES PA RNAMS
GSUNG BA'I PHYIR MNGON 'BYUNG GI MDO'I TSIGS BCAD DANG, RIN PO CHE
TOG GI TSIGS BCAD SNGAR

DRANGS PA GNYIS KYI DON GZHAN RNAMS SNGAR BSHAD PA DES GO NUS LA,
MNGON 'BYUNG GI TSIGS BCAD LAS, DE SKAD GSUNG BA'I TSUL CAN DGE
SBYONG CHE, ZHES PA'I DON JI LTAR YIN SNYAM NA, ,

DE BZHAG TU YOD DE, GONG DU BSHAD PA'I BDEN BZHI'I BLANG DOR DE
SKAD GSUNG BA'I TSUL DE RANG NYID KYIS MKHYEN CING GZIGS TE NYAMS
SU BLANGS PAS THAR PA MYA NGAN LAS 'DAS PA MCHOG GI GO

'PHANG MNGON DU MDZAD PA'I YON TAN MTHAR PHYIN PA CAN, DGE
SBYONG CHEN PO STON PA BCOM LDAN 'DAS KYIS GSUNGS PAS NA, DE LTAR
BSHAD PA DE BSLU BA MED PA'I TSAD MAR BZUNG BAR BYA

BA'I 'OS YIN NO ZHES PA'I DON YIN PA'I PHYIR, 'O NA DE'I RGYU DANG DE
'GOG GANG YIN PA'ANG, ZHES PA'I 'ANG GI DON DANG, LAS DANG NYON
MONGS LDOG RGYU DE YANG 'DREN PAS RAB TU

GSUNGS; ZHES PA'I YANG GI DON JI LTAR YIN ZHE NA, DANG PO BZHAG TU
YOD DE, 'KHOR BA SDUG BSNGAL GYI BDEN PAS BSDUS PA'I CHOS THAMS CAD
RANG RGYU LAS DANG NYON MONGS PA'I KUN 'BYUNG

BDEN PA LAS BYUNG BA DANG, KUN 'BYUNG BDEN PA DE SPONG BA'I RGYU
GANG ZAG GI BDAG MED PA DANG, BDEN BZHI MI RTAG SOGS RTOGS PA'I LAM
GYI BDEN PA RNAMS DE BZHIN GSHEGS PAS GSUNG

BAR MA ZAD, KUN 'BYUNG BDEN PA DE 'GAG PA'I 'GOG PA'I BDEN PA GANG YIN
PA'ANG DE BZHIN GSHEGS PAS GSUNGS SO ZHES GO BAR BYA BA'I CHED YIN
PA'I PHYIR, GNYIS PA'I DON YANG

@179B BZHAG TU YOD DE, 'KHOR BA SDUG BSNGAL GYI BDEN PA, RANG RGYU
LAS DANG NYON MONGS PA'I KUN 'BYUNG BDEN PA LAS BYUNG BAR 'GRO BA'I
'DREN PA DE BZHIN GSHEGS PAS GSUNGS PAR MA ZAD, LAS

DANG NYON MONGS PA'I KUN 'BYUNG BDEN PA DE DAG LDOG PA'I RGYU
GANG ZAG GI BDAG MED PA SOGS RTOGS PA'I LAM GYI BDEN PA DE YANG
'DREN PA DE BZHIN GSHEGS PAS RAB TU STE LEGS PAR

GSUNGS SO, ,ZHES GO BAR BYA BA'I CHED YIN PA'I PHYIR, GNYIS PA, THEG
CHEN THUN MONGS MA YIN PA'I DBANG DU BYAS NA, SHES BYA CHOS CAN,
NYAN RANG DGRA BCOM PA DANG, DAGS LA

GNAS PA'I SEMS DPA'I RGYUD KYI SDUG BDEN PHRA MOR GYUR BA'I YID KYI
RANG BZHIN GYI LUS KYIS BSDUS PA'I CHOS RNAMS THAMS CAD RANG GI RGYU
LAS BYUNG BA YIN TE, RANG RGYU KUN 'BYUNG BDEN PA

PHRA MOR GYUR BA'I MA RIG BAG CHAGS KYI SA DANG ZAG MED KYI LAS LA
BRTEN NAS BYUNG BA'I PHYIR, ZHES 'CHAD PA LA, CHOS RNAMS THAMS CAD
RGYU LAS BYUNG, ZHES GSUNGS, SHES BYA CHOS CAN,

KUN 'BYUNG BDEN PA PHRA MOR GYUR PA'I MA RIG BAG CHAGS KYI SA DANG
ZAG MED KYI LAS DE DAG 'GOG PA'AM LDOG PA'I RGYU YOD DE, GZHI RE RE'I
STENG DU'ANG GANG ZAG DANG CHOS KYI BDAG MED PA RIG PA'I

RNAM GRANGS MTHA' YAS PA'I SGO NAS RTOGS PA'I LAM GYI BDEN PA PHRA
MO DE DE YIN PAR DE BZHIN GSHEGS PAS GSUNGS PA'I PHYIR, ZHES 'CHAD PA
LA, DE RGYU DE BZHIN GSHEGS PAS GSUNG ,

ZHES GSUNGS, SHES BYA CHOS CAN, RGYU LAM BDEN PHRA MO DE BSGOM PA
LA BRTEN NAS KUN 'BYUNG PHRA MO DANG SDUG BDEN PHRA MO GNYIS 'GAG
PA'I 'GOG PA'I BDEN PA PHRA MO NGO BO NYID KYI SKU 'THOB

@180A *, ,PAR 'GYUR BA YIN TE, JI LTAR 'THOB PAR 'GYUR BA'I TSUL GANG YIN
PA TE, DGE SBYONG CHEN PO YANG DAG PAR RDZOGS PA'I SANGS RGYAS KYIS
MKHYEN CING MNGON DU MDZAD PAS DE SKAD

GSUNG BA'I PHYIR, ZHES 'CHAD PA LA, RGYU LA 'GOG PA GANG YIN PA, DGE
SBYONG CHEN POS DE SKAD GSUNGS, ZHES GSUNGS, GNYIS PA, RTEN 'BREL
BCU GNYIS DANG SBYAR NAS

BSHAD PA LA, SHES BYA CHOS CAN, SKYE PA DANG, RGA BA DANG, NA BA
DANG, 'CHI BA LA SOGS PA'I SDUG BSNGAL BDEN PAS BSDUS PA'I CHOS RNAMS
THAMS CAD RANG GI RGYU LAS BYUNG BA YIN

TE RANG RGYU MA RIG PA LA BRTEN NAS 'DU BYED 'BYUNG BA NAS SKYE BA
LA BRTEN NAS RGA SHI 'BYUNG BA'I BAR KUN NAS NYON MONGS PHYOGS KYI
RTEN 'BREL BCU GNYIS SNGA MA SNGA MA LA BRTEN NAS PHYI MA PHYI MA
RNAMS

'BYUNG BA YIN PA'I PHYIR, ZHES 'CHAD PA LA, CHOS RNAMS THAMS CAD RGYU
LAS BYUNG, ZHES GSUNGS, SHES BYA CHOS CAN, MA RIG PA LA SOGS PA'I
NYON MONGS PHYOGS KYI RTEN 'BREL

BCU GNYIS PO DE DAG 'GAG PA'I RGYU YOD DE, GANG ZAG GI BDAG MED PA
DANG CHOS KYI BDAG MED PA SOGS RTOGS PA'I LAM BSGOM PAS DE RNAMS
'GAG PAR 'GYUR BAR DE BZHIN GSHEGS PAS

GSUNGS PA'I PHYIR, ZHES 'CHAD PA LA, DE RGYU DE BZHIN GSHEGS PAS
GSUNG, ZHES GSUNGS, SHES BYA CHOS CAN, NYON MONGS PHYOGS KYI RTEN
'BREL DE RNAMS 'GOG PA'I RGYU

GANG ZAG GI BDAG MED DANG CHOS KYI BDAG MED RTOGS PA'I LAM BSGOM
PA LA BRTEN NAS KUN NAS NYON MONGS PHYOGS KYI RTEN 'BREL YAN LAG
BCU GNYIS 'GAG PA'I 'GOG PA 'THOB PAR

@180B 'GYUR BA YIN TE, DE LTAR 'THOB PAR 'GYUR TSUL GANG YIN PA DE, DGE
SBYONG CHEN PO DE BZHIN GSHEGS PAS MKHYEN CING MNGON DU MDZAD
PAS DE SKAD GSUNGS PA'I PHYIR, ZHES 'CHAD PA LA

RGYU LA 'GOG PA GANG YIN PA, DGE SBYONG CHEN POS DE SKAD GSUNG,
ZHES GSUNGS, GSUM PA, ZAB MO RTEN 'BYUNG GI DE KHO NA NYID DANG
SBYAR NAS BSHAD PA LA, SHES BYA CHOS CAN, SPANGS

BYA SDUG KUN GYIS BSDUS PA'I CHOS RNAMS THAMS CAD DANG GI RGYU LAS
BYUNG BA YIN TE, RANG RGYU ZAB MO RTEN 'BYUNG GI DE KHO NA NYID LA
RMONGS PA'I GANG ZAG DANG CHOS KYI BDAG TU 'DZIN PA'I MA RIG PA

LA BRTEN NAS BYUNG BA'I PHYIR, ZHES 'CHAD PAR, CHOS RNAMS THAMS CAD
RGYU LAS BYUNG, ZHES GSUNGS, SHES BYA CHOS CAN, SPANGS BYA SDUG KUN
GYI CHOS RNAMS KYI RGYU BDAG

'DZIN MA RIG PA DE LDOG PA'AM 'GOG PA'I RGYU YOD DE, GANG ZAG DANG
CHOS THAMS CAD BDEN PAS STONG BA'I ZAB MO RTEN 'BYUNG GI DE KHO NA
NYID RTOGS PA'I SLOB LAM RNAMS DE YIN PAR DE BZHIN GSHEGS

PAS GSUNGS PA'I PHYIR, ZHES 'CHAD PA LA, DE RGYU DE BZHIN GSHEGS PAS
GSUNGS, ZHES GSUNGS, SHES BYA CHOS CAN, RGYU BDAG MED RTOGS PA'I
SHES RAB DE BSGOM PA LA BRTEN NAS

BRAL BA'I 'BRAS BU, SPANGS BYA SDUG KUN GYI BDEN PA 'GAG PA'I 'GOG PA
MTHAR THUG PA DRI BRAL CHOS KYI SKU 'THOB PAR 'GYUR BA YIN TE, DE LTAR
'GYUR BA'I TSUL GANG YIN PA DE, DGE SBYONG CHEN

PO SANGS RGYAS BCOM LDAN 'DAS KYIS MNGON DU MDZAD NAS DE SKAD
GSUNGS PA'I PHYIR, ZHES 'CHAD PA LA, RGYU LA 'GOG PA GANG YIN PA, DGE
SBYONG CHEN POS DE SKAD GSUNG, ZHES GSUNGS, ,

@181A *, ,'CHAD TSUL 'DI 'THAD PA YIN TE, 'PHAGS PA RTEN CING 'BREL PAR
'BYUNG BA ZHES BYA BA THEG PA CHEN PO'I MDO LAS, RTEN CING 'BREL PAR
'BYUNG BA CHOS KYI DBYINGS

KYI TSIGS SU BCAD PA NANG DU BCUG NA, ZHES CHOS KYI DBYINGS TE RTEN
'BYUNG GI DE KHO NA NYID BRJOD BYA'I GTZOR BYAS NAS STAN PA'I RGYU
MTSAN GYIS 'DI LA RTEN CING 'BREL BAR 'BYUNG BA

CHOS KYI DBYINGS KYI TSIGS SU BCAD PA ZHES GSUNGS PA'I PHYIR, GSUM PA,
BSHAD PA DE LA DOGS PA SPONG BA NI, RTOG PA CHUNG BA 'GA' ZHIG GIS, DE
RGYU DE BZHIN GSHEGS PAS

GSUNG, ZHES STON PA RANG NYID KYIS RANG NYID LA DE BZHIN GSHEGS PA
ZHES DANG, RANG NYID KYIS GSUNG ZHES BSTOD TSIG LTA BU BRJOD PA
DANG, DGE SBYONG CHEN POS DE SKAD GSUNG, ZHES

RANG NYID LA DGE SBYONG CHEN PO ZHES DANG, GSUNG ZHES BSTOD TSIG
BRJOD PA MI 'OS PAS STON PA RANG GI GSUNG JI LTAR YIN SNYAM NA
MTHONG RGYA CHUNG BA'I SKYON TE, MNGON 'BYUNG GI MDO LAS, DE'I TSE

TSIGS SU BCAD DE BKA' STZAL PA, NGA DANG 'DRA BA YOD MIN PAS, NGA LA
SLOB DPON 'GA' MED DE, ,'JIG RTEN SANGS RGYAS NGA GCIG PU, ,YANG DAG
BYANG CHUB DAM PA THOB, ,THAMS

CAD ZIL MNAN 'JIG RTEN KUN MKHYEN LA, ,'DI NA CHOS KUN GYIS NI NGA MA
GOS, ,THAMS CAD SPANGS SHING SRID BRAL RNAM GROL TE, ,RANG GIS
MNGON PAR SHES NAS SU LA RTEN, ,DE BZHIN

GSHEGS PA LHA MI'I STON PA PO, ,THAMS CAD MKHYEN PA'I STOBS NI KUN
LDAN PAS, ,NYID KYI BYANG CHUB RTOGS NAS RAB GSUNG BA, ,MI MNYAM
MTSUNGS PA MED NA SU LA BRTEN, NGA NI 'JIG

@181B RTEN DGRA BCOM STE, ,'JIG RTEN BLA MED NGA YIN PAS, ,LHA DANG
BCAS PA'I 'JIG RTEN NA, ,NGA NI RGYAL BA BDUD ZIL GNON, ,ZHES BCOM LDAN
'DAS RANG NYID KYIS RANG NYID LA CHE

BRJOD DPAG TU MED PA MDZAD PA YOD PA'I PHYIR, GZHAN YANG DE 'DRA'I
SKYON MED DE, SANGS RGYAS BCOM LDAN 'DAS NI MI 'JIGS PA BZHI LA MNGA'
BRNYES PA YIN LA, TSIGS SU

BCAD PA 'DI YANG MI 'JIGS PA BZHI'I SGO NAS GSUNG PA YIN PAS, RANG NYID
KYIS RANG NYID LA TSE BRJOD MDZAD PA MI RUNG NGAM SNYAM PA'I DOGS
PA SKYE MI 'JIGS PA'I PHYIR, TSIGS SU

BCAD PA 'DI MI 'JIGS PA BZHI'I SGO NAS GSUNGS PA YIN TE, CHOS RNAMS
THAMS CAD RGYU LAS BYUNG, ZHES PAS, 'KHOR BA'I SDUG BSNGAL THAMS
CAD RANG RGYU LAS DANG NYON

MONGS PA LA BRTEN NAS BYUNG BA YIN PAS, 'KHOR BA'I RGYUR GYUR BA'I LAS
DANG NYON MONGS PA RNAMS BRTEN PAR MI BYA ZHES, MI 'JIGS PA BZHI'I
NANG NAS BAR DU GCOD PA'I CHOS

BSTAN PA LA MI 'JIGS PA'I SGO NAS GSUNG, DE RGYU ZHES PAS, 'KHOR BA'I
RGYU LAS DANG NYON MONGS PA 'GOG PA LA BDAG MED PA SOGS RTOGS PA'I
LAM RNAMS BSGOM DGOS ZHES

PAS; MI 'JIGS PA BZHI'I NANG NAS NGES PAR 'BYUNG BA'I LAM BSTAN PA LA MI
'JIGS PA'I SGO NAS GSUNGS, RGYU LA 'GOG PA GANG YIN PA, ZHES PAS, 'KHOR
BA'I RGYU LAS NYON

GYI GNYEN POR GYUR BA'I LAM BSGOM PA LA BRTEN NAS 'KHOR BA MTHA'
DAG SPONG BAR 'GYUR ZHING, BDAG GIS KYANG SPANGS SO ZHES MI 'JIGS PA
BZHI'I NANG NAS RANG DON SPANGS PA PHUN TSOGS

@182A *, ,BDAG BDE BA DANG, BAG TSA BA MED PA'I MI 'JIGS PA'I SGO NAS
GSUNGS, DE BZHIN GSHEGS PAS GSUNG, ZHES PA DANG, DGE SBYONG CHEN POS
'DI SKAD GSUNG, ZHES PAS

MI 'JIGS PA BZHI'I NANG NAS RANG DON RTOGS PA PHUN TSOGS LA MI 'JIGS
PA'I SGO NAS GSUNGS PA YIN PA'I PHYIR, 'O NA, SANGS RGYAS KYI THUGS
RGYUD KYI MI 'JIGS PA BZHI PO DE JI LTA BU YIN ZHE NA,

RJE BDAG NYID CHEN PO'I BZHED PA LTAR, RGYAL TSAB THAMS CAD MKHYEN
PAS MDZAD PA'I MNGON RTOGS RGYAN GYI RNAM BSHAD SNYING PO RGYAN
LAS, MI 'JIGS PA BZHI YOD DE, RANG DON GYI DBANG

DU BYAS PA'I 'KHOR GYI DBUS SU, NGA NI CHOS THAMS CAD RNAM PA THAMS
CAD DU MNGON PAR RDZOGS PAR SANGS RGYAS SO ZHES BDAG NYID ZHAL
GYIS 'CHES PA LA CHOS 'DI THUGS SU CHUD DO ZHES

CHOS 'THUN GYI RGOL BA MED PAS RTOGS PA PHUN TSOGS LA MI 'JIGS PA
DANG, GZHAN DON GYI DBANG DU BYAS NA 'DOD CHAGS LA SOGS NYON
MONGS PA'I SGRIB PA DANG, SHES BYA'I SGRIB PA

THAR PA DANG THAMS CAD MKHYEN PA'I BAR CHAD BYED PA NYID DU BRJOD
PA LA SPANG BYA 'DI BRTEN KYANG BAR CHAD DU MI 'GYUR ZHES CHOS
'THUN GYI RGOL BA MED PAS BAR DU GCOD PA'I CHOS BSTAN PA LA MI

'JIGS PA DANG, THAMS CAD SHES PA NYID DANG, LAM SHES PA NYID LA SOGS
PA'I LAM THAR PA DANG, THAMS CAD MKHYEN PAR NGES PAR 'BYUNG BA NYID
DU RAB TU BSTAN PA LA, LAM 'DI BSTEN KYANG NGES PAR

'BYUNG BAR BYED MI NUS SO, ,ZHES CHOS 'THUN GYI RGOL BA MED PA NGES
PAR 'BYUNG BA'I LAM BSTAN PA LA MI 'JIGS PA DANG, RANG DON SPANGS PA
PHUN TSOGS LA MI

@182B 'JIGS PA BDAG NYID KYI ZAG PA MA LUS PA ZAD PA NYID DU ZHAL GYIS
BZHES PA LA CHOS 'THUN GYI RGOL BA MED PAS BDAG BDE BA THOB PA
DANG, BAG TSA BA MED PA DANG, MI 'JIGS PA

THOB PA'I GNAS TE KHYU MCHOG RLABS PO CHE'I GNAS SU DAM 'CHA'O,
,'KHOR GYI NANG DU SENG GE'I SGRA SGROG PA DE LTAR YANG, MDO LAS, KYE
MA BDAG GI CHOS 'DI DAG MNGON PAR RDZOGS PAR

SANGS RGYAS SO ZHES SOGS GSUNG BA LTAR YIN PA'I PHYIR, YANG KHA CIG 
CHOS RNAMS GANG DAG RGYU LAS BYUNG BA DANG, ZHES SOGS DANG, JI
LTAR 'JIG RTEN LAS DANG NYON MONGS BYED RGYU

LDAN 'BYUNG DANG, ZHES SOGS KYI TSIGS BCAD GNYIS PO DE, 'PHAGS PA RTA
THUL GYIS KUN DU RGYU NYE RGYAL LAM, SHA RI'I BU LA GSUNG PA YIN PAS,
RTEN 'BREL SNYING PO DANG BRJOD BYA

PHYOGS MTHUN PA DANG, LUNG PHYI MA DE 'PHAGS PA RTA THUL GYIS KUN
DU RGYU NYE RGYAL LA CHOS BSTAN PA'I TSIG YIN GYI, RTEN 'BREL SNYING
PO'I DGONGS 'GREL DU GSUNG PA MA YIN PAS, DGONGS

'GREL LTA BUR JI LTAR 'THAD SNYAM NA, SKYON MED DE, 'PHAGS PA RTA THUL
NI BCOM LDAN 'DAS KYI CHOS 'KHOR BSKOR BA'I THOG MA BDEN BZHI'I CHOS
'KHOR LA BRTEN NAS DGRA BCOM THOB PA'I

'PHAGS PA CHEN PO YIN PAS, RTEN 'BREL SNYING PO'I DGONGS PA 'GREL NUS
PA'I GANG ZAG YIN LA, DER MA ZAD, 'PHAGS PA RTA THUL GYIS NYE RGYAL LA
TSIGS BCAD DE GSUNG BA'I TSE BCOM

LDAN 'DAS KYIS RTA THUL GYI RGYUD BYIN GYIS BRLABS NAS GSUNGS PA YIN
CING, RTEN 'BREL SNYING PO NI, BDEN BZHI'I RNAM BZHAG STON PA'I CHOS
ZAB CING BRJOD BYA RGYA CHE BA YIN PAS DE

@183A *, ,DANG MTHUN PAR DON 'DUS LA TSIG CUNG ZAD PHYE NAS BSTAN
NA NYE RGYAL GYI DON DU 'GYUR BAR DGONGS NAS DE LTAR GSUNG PA YIN
PA'I PHYIR, RTA THUL GYIS NYE RGYAL LA

TSIGS BCAD DE GNYIS GSUNG BA'I TSE BCOM LDAN 'DAS KYIS RTA THUL GYI
RGYUD BYIN GYIS BRLABS NAS GSUNGS PA YIN TE, TSIGS BCAD DE GNYIS BYIN
GYIS BRLABS NAS GSUNG

BA'I RGYU MTSAN GYIS, DE BYIN GYIS BRLABS PA'I MDOR 'JOG DGOS PA'I PHYIR,
DER THAL, DE MDO TSIG BYE BRAG PA GANG ZHIG ,DE ZHAL NAS GSUNGS PA'I
MDO DANG, RJES SU

GNANG BA'I MDO GNYIS PO GANG YANG MA YIN PA'I PHYIR, TSIGS BCAD DE
GNYIS MDO TSIG TU 'JOG DGOS STE, SNGA MA MNGON 'BYUNG GI MDO DANG,
PHYI MA RIN PO CHE TOG GI MDO TSIG YIN PA'I

PHYIR; TSIGS BCAD DE GNYIS RTEN 'BREL SNYING PO'I DON 'DUS SHING TSIG
CUNG ZAD RGYAS PAR PHYE NAS BSTAN NA, NYE RGYAL GYI DON DU 'GYUR
BAR DGONGS NAS GSUNGS PA YIN TE, TSIGS

BCAD DE GNYIS BSTAN PA LA BRTEN NAS DE MA THAG NYE RGYAL GYIS DGRA
BCOM PA'I GO 'PHANG THOB PA YIN PA'I PHYIR, 'O NA, 'PHAGS PA RTA THUL
GYIS NYE RGYAL LA TSIGS BCAD DE GNYIS

BSTAN PAR GSUNG NA, TSIGS BCAD DE GNYIS DUS GCIG LA NYE RGYAL LA
BSTAN PA YIN NAM, DUS SO SO PA GNYIS LA BSTAN PA YIN, DANG PO LTAR NA,
DUS GCIG LA TSIGS

BCAD DE GNYIS KA BSTAN PA'I KHUNG MED CING, PHYI MA LTAR NA, 'PHAGS
PA RTA THUL GYIS CHOS LAN GNYIS SU BSTAN PAS, NYE RGYAL GYIS DGRA
BCOM LAN GNYIS SU THOB PAR 'DOD DGOS

@183B NA, DE YANG MI 'THAD DO ZHE NA, SKYON MED DE, 'PHAGS PA RTA
THUL GYIS NYE RGYAL LA THOG MAR CHOS LAN GCIG BSTAN PAS DGRA BCOM
THOB PA YIN KYANG, CHOS BSTAN PA'I TSIG

CUNG ZAD MI 'DRA BA MDO SO SO NAS 'BYUNG BA NI, 'PHAGS PA RTA THUL
GYIS NYE RGYAL LA LEGS SBYAR GYI SKAD DU CHOS TSIGS SU BCAD PA GCIG
GSUNGS PA DE, LO TZ'A BA'I 'GYUR GYI

DBANG GIS BOD SKAD DU TSIGS BCAD MI 'DRA BA GNYIS BYUNG BA'AM, YANG
NA, SANGS RGYAS KYI MTHU DANG GDUL BYA'I MOS PA BSAM GYIS MI KHYAB
PA'I DBANG GIS DE LTAR BYUNG BA

YIN PA'I PHYIR, BZHI PA 'DI'I LAS SBYOR BSHAD PA NI, RANG NYID SANGS
RGYAS BCOM LDAN 'DAS SU BSAM STE, RANG GI LAG MTHIL DU SANGS RGYAS
KYI SKU MTSAN DPES BRGYAN PA, MI'I

KHAMS LA SNYOMS PAR BZHUGS PAR BSGOM NAS NAD KYI RIGS GSO BA DANG,
ZHING DANG SHING TOG SRIN BU SOGS KYIS ZA BA KHA BCING BA, TSAR GCOD
PA, SER BZLOG PA, GDON GYIS

ZIN PA GSO BA, SBRUM MA LEGS PAR BTZA' BA, RIGS RGYUD 'PHEL BA, DON
GNYER LAM ZHUGS KYI DON 'GRUB PA, YID GZHUNG BA, GROGS PO DANG
MDZA' BA, MI NAD PHYUG NAD

GCOD PA, RANG GI BSAM DON YID BZHIN DU 'GRUB PA RNAMS KYI CHED DU
RTEN 'BREL SNYING PO'I SNGAGS 'DI'I MGOR, NA MO RADNA DRA Y'A YA, AOm
DANG MTHAR SV'A H'A SBYAR BA'I BZLAS BRJOD

DANG RDZAS LA BRTEN PA'I LAS SBYOR BYAS NA THAMS CAD LEGS PAR 'GRUB
PAR 'PHAGS PA RTEN CING 'BREL BAR 'BYUNG BA'I SNYING PO'I CHO GA ZHES
BYA BA'I GZUNGS LAS BSHAD PA'I PHYIR, ,

@184A *, ,DE SKAD DU YANG, GZUNGS DE NYID LAS, CHOS GANG RGYUS BYUNG
DE DAG NI, RGYU LAS 'GOG PA GANG YIN PA, DE BZHIN GSHEGS PAS BKA'
STZAL TE,

DE SKAD GSUNG BA DGE SBYONG CHE, TSIG 'DI BSGRUB PA'I CHO GA NI, ,SEMS
CAN RNAMS LA PHAN BYED PA, ,LAS KUN GRUB PAR BYED PA'I PHYIR, ,DE
BZHIN GSHEGS PAS RAB TU

GSUNGS, ,RIGS KYI BU DAG GANG GIS NI, ,DANG POR BCOM LDAN SANGS RGYAS
LA, ,GUS SHING DANG PA'I SEMS BSKYED NAS, ,BCOM LDAN 'DAS KYIS BKA'
STZAL PA, ,RTEN

'BREL ZAB MA'I CHO GA BSHAD, ,THAMS CAD LAS DANG MTHUN PAR GSUNG,
,DANG POR 'JUG PA'I TSIG GSUNGS PA, ,'DI LTAR LAS DANG NYON MONGS YOD
GYUR NA, ,SEMS CAN RNAMS

NI 'KHOR BAR 'GRO 'GYUR LA, ,LAS DANG NYON MONGS MED NA 'KHOR BA LAS
KYANG LDOG ,BDEN PA 'DI YIS BDAG GI BSAM PA GRUB GYUR CIG ,SANGS
RGYAS LA PHYAG 'TSAL LO, ,CHOS

LA PHYAG 'TSAL LO, ,DGE 'DUN LA PHYAG 'TSAL LO, ,YANG DAG PAR RDZOGS
PA'I SANGS RGYAS GANG G''I KLUNG GI BYE MA SNYED BZHUGS PA RNAMS LA
PHYAG 'TSAL LO, ,RANG SANGS RGYAS

RNAMS LA PHYAG 'TSAL LO, ,DGRA BCOM PA RNAMS LA PHYAG 'TSAL LO,
,PHYIR MI 'ONG BA RNAMS LA PHYAG 'TSAL LO, ,LAN CIG PHYIR 'ONG BA
RNAMS LA PHYAG 'TSAL LO, ,RGYUN DU ZHUGS

PA RNAMS LA PHYAG 'TSAL LO, ,'PHAGS PA BYAMS PA LA SOGS PA'I BYANG
CHUB SEMS DPA' RNAMS LA PHYAG 'TSAL LO, ,BRTUL ZHUGS GRUB PA RNAMS
LA PHYAG 'TSAL LO, ,SEMS CAN

@184B GYI SMAN PA RNAMS LA PHYAG 'TSAL LO, ,NOR BU GRUB PA RNAMS LA
PHYAG 'TSAL LO, ,'DI LTA STE, NA MO RADNA DR'A Y'A YA, AOm YE DHARM'A
HE TU PRA BHA B'A HE TUN TE sh'AN TA TH'A GA TO HYA BATAD, TE sh'A
NYTZA

YO NI RO DHA AE BAm B'A D'I MA H'A SHRA MA nA: YE SV'A H'A, LAS RNAMS
KUN GYI CHO GA LA, ,TSIGS SU BCAD PA 'DI DAG BRJOD, ,BSAM RGYU RANG GI
LAG MTHIL LA, ,SANGS RGYAS BCOM

LDAN 'DAS KYI SKU, ,SKYES BU CHEN PO'I MTSAN GYIS BRGYAN, ,DPE BYAD
BZANG PO BRGYAD CUS SPRAS, ,ME YI KHAMS LA ZHUGS PAR BSGOM, ,DE NI
LHA DAG RJES SU DRAN, ,DA NI SBYOR BA'I

LAS BSHAD DE, ,RIM PA BZHIN DU SO SOR BRTAN, ,RIMS KYIS BTAB NAS NA BA
DANG, ,KLAD PA NA DANG MIG NAD DANG, ,KHONG NAD LA SOGS NAD RNAMS
LA, ,TSIGS BCAD 'DI DANG SNYING PO 'DI, ,MANG POR BZLAS SHING LANGS NAS
NI, ,LAG PA GA-YAS PA'I KHU TSUR GYIS, ,BYUG PA'I THABS SU BYAB PAR BYA'O,
,NAD RNAMS THAMS CAD SOS PAR 'GYUR, ,NYIN

GCIG NYIN GNYIS NYIN GSUM DANG, ,NYIN BZHI RTAGS PA'I RIMS RNAMS LA,
,BU MO GZHON NUS BKAL BA YI, ,SKUD PA DKAR PO SUM SGRIL LA, ,BZLAS
BRJOD NYI SHU BRGYAD BZLAS NAS,

MGUL DU BTAGS NA BDE BAR 'TSO, ,NAD LA PHAN PA'I SMAN RNAMS LA,
,GZUNGS SNGAGS 'DI DAG BZLAS SHING BTANG, ,SNYING NAD RTZIB LOGS NA
BA DANG, ,KHONG NA NAD RNAMS GANG YOD LA, ,

CHU LA SNGAGS 'DI MANG BZLAS NAS, ,BLUD NA PHAN ZHING BDE BAR 'GYUR,
,NAD LA PHAN PA'I SMAN RNAMS LA, ,BZLAS SHING BTANG NA 'TSO BAR 'GYUR,
,GA-YAN PA DANG NI 'BRUM BU DANG, ,BOL

@185A *, ,MIG DANG NI RMA RED LA, ,GROG TSANG SA LA SNYING PO 'DI,
,MANG DU BZLAS SHING BTAB NA 'TSO, ,GZHANG 'BRUM GZHAD NAD ZA KHU
DANG, ,PHO MTSAN SKRANGS SHING NA BA

LA; ;SKYER BA'I KHAN DA'I RIL BU'AM, ,BYANG CHUB SEMS DPA'I RIL BU LA, ,NYI
SHU BZLAS SHING BSKUS NA PHAN, ,NAD KYI RNAM PA GANG LA YANG, ,NAD
TSAB CHE CHUNG TSOD BRTAGS NAS,

TSIGS SU BCAD PA'I BZLAS BRJOD LA, ,MANG NYUNG NAD DANG SBYAR NAS
KYANG, ,LUS LA BYA BA CING BZLAS NA PHAN, ,'KHRU BA'I NAD KYIS BTAB PA
LA, ,SMAN NAM RIL BU KHA ZAS LA, ,

BDUN NAM NYI SHU BZLAS NAS KYANG, ,KHONG DU BTANG NA PHAN PAR
'GYUR, ,DE YI BZLAS BRJOD SNGA MA STE, ,'DI DAG RAB TU BZLAS PAR BYA, ,NA
MO RAR NA DRA Y'A YA, AOm YE DHA RM'A HE TU PRA

BHA B'A, HE TUN TE sh'Am TA TH'A GA TO HYE BATAD, TE sh'A NYTZA YO NI RO
DHA AE BAm B'A D'I MA H'A SHRA MA NA: YE SV'A H'A, DE DAG BZLAS NA NAD
RNAMS 'TSO, ,DE NI NAD RNAMS 'TSO BA'O, ,DE NAS YANG NI

BKA' STZAL PA, ,NAS DANG GRO DANG SRAN MA DANG, ,'BRAS DANG SRAN
CHUNG MON SRAN DANG, ,SHING TOG RGUN 'BRUm AA RU RA, ,DE DAG KUN
LA ZA BA YI, ,SRIN BU SBUR BU PHYI MA LEB, ,BYE'U DANG

BYI BA NE TZO DANG, ,LO TOG BRA ? BA MA BCING NA, ,ZHING GI KHYON
DANG SBYAR NAS KYANG, ,BYE MA SA DANG BRAL BA LA, ,BZLAS BRJOD BRGYA
NI RTZA BRGYAD BZLAS, ,ZHING DANG SHING TOG GTOR BYAS NA,

DE DAG KUN KYANG KHA BCINGS 'GYUR, ,HA CANG CHAR PA CHE BA NA,
,BCOM LDAN 'DAS LA PHUL BA YI, ,ME TOG SMAN MA RE RE LA, ,BZLAS BRJOD
NYI SHU RTZA GCIG BYA, ,GTZANG ZHING BDE BA'I

@185B GNAS DAG TU, ,DKYIL 'KHOR CHEN PO'I DBUS DAG TU, ,BUM PA GANG
BA'I STENG DAG TU, ,KHAM PHOR GTZANG MA'I NANG DU YANG, ,ME TOG
GTZANG MA BZLAS PA DE, ,BSREGS NA CHAR

PA 'CHAD PAR 'GYUR, ,SER BA DRAG PO 'ONG BA NA, ,SE BA NYA MI LCUG MA
LA, ,BZLAS BRJOD BRGYA NI RTZA BRGYAD BZLAS, ,SER BA GANG NAS YONGS
NGOS SU, ,KLAD LA BSKOR ZHING BYABS NA

'CHAD; ;YANG NA THAL CHEN YUNGS DKAR LA, ,BZLAS BRJOD BRGYA NI RTZA
BRGYAD BYA, ,THUM PO BYAS TE LCUG MA LA, ,BTAGS TE BTZUGS NA SER BA
'CHAD, ,'BYUNG PO SHA ZA YI

DVAGS DANG, ,BRJED BYED GDON GYIS ZIN PA LA, ,DKYIL 'KHOR 'DOM GANG
GRU BZHI LA, ,BUM PA GTZANG MA LNGA BZHAG STE, ,GU GUL DUD MAS ?
BDUGS NAS KYANG, ,YUNGS DKAR GA BUR

TZAN DAN DANG, ,GLA RTZI LA SOGS SMAN SBYAR TE, ,BZLAS BRJOD BRGYA NI
RTZA BRGYAD BZLAS, ,GOS DANG ZAS NI DKAR POR SBYAR, ,DKYIL 'KHOR DE
YI NANG DU GZHUG ,BUM PA'I CHU YIS BKRU

BAR BYA, ,SANGS RGYAS SKU BSIL BYAS PA'I CHUS, ,BKRUS SHING BLUD NA RAB
TU PHAN, ,NAD DANG GNOD PA KUN LAS THAR, ,'BYUNG PO BRJOD BYED SHA
ZA YIS, ,GLAGS KYANG RNYED PAR MI

'GYUR RO, ,BYIS PA GDON GYIS 'JIGS PA LA, ,GHI WAm ? LA NI SNGAGS BZLAS
NAS, ,SNYING PO STOBS CHEN 'DI BRIS GDAGS, ,AOm BDZRA KRO DHA MA H'A
B'A LA HA NA TA HA BA TZA BI DHVAN SA YA DZA tI LA Li

BHO DDAR AU TZTSUshMA KRO DHA H'Um PHAt SV'A H'A, GTZANG SBRA BYAS
TE MGUL BAR GDAGS, ,DE BZHIN YUNGS DKAR DAG LA YANG, ,BZLAS BRJOD
BYAS TE BTUM LA GDAGS, ,MKHA' 'GRO'I GDON GYIS

@186A *, ,ZIN PA NA, ,YUNGS DKAR DANG NI GU GUL LA, ,SNGAGS 'DI LAN NI
BDUN BDUN BZLAS, ,DUD PAS BDUGS NA 'TSO BAR 'GYUR, ,DE LA THE TSOM MI
ZA'O, ,

BYIS PA GDON DANG NAD LAS THAR, ,BUD MED BU NI THOGS GYUR NA, ,CHU
LA BZLAS BRJOD LNGA BDUN BYAS, ,BLUD NA LEGS PAR BTZA' BAR 'GYUR, ,BUD
MED MO SHAM BU MED LA, ,

SANGS RGYAS SKU BSIL BYAS PA'I CHU, ,DE LA BZLAS BRJOD NYI SHU BYA,
,KHRUS BYAS LUS NI GTZANG MA LA, ,CHU DE BLUD NA BU TSA 'PHEL, ,RIGS
RGYUD DAG NI 'PHEL BAR 'GYUR, ,LAM DU

ZHUGS TE 'GRO BA NA, ,SKUD PA DANG NI GOS KYI GRVANG, ,BZLAS BRJOD
BDUN BZLAS MDUD PA BDUN, ,MDUD CING BZLAS TE SONG BA NA, ,BDE BAR
'GRO ZHING DON YANG 'GRUB, ,DGRA DANG NYE ZHO

MED PAR 'GRO, ,YID NI GZHUNG BAR 'DOD PA NA, ,SHU DAG TSON GANG TZAM
PA DANG, ,MAR SRANG SUM BRGYA DRUG CU LA, ,BZLAS BRJOD BYAS TE BSRES
NAS KYANG, ,BUM PA GCIG TU BLUG

LA DKRUG ,NYI MA RE RE LO GCIG TU, ,SHU DAG DAG NI DU MA RE DANG,
,MAR SRANG DAG NI RE RE LA, ,BZLAS BRJOD RE RE BYA ZHING BZA', ,DE NI YID
GZHUNG BLO LDAN 'GYUR, ,DE BZHIN PA NI SER

SKYA MA'I, ,MAR DANG 'O MA DAG LA YANG, ,BZLAS BRJOD BRGYA NI RTZA
BRGYAD DU, ,BZLAS TE 'O THUG DKRUG CING BZA', ? ,YID GZHUNG BA YI
MCHOG TU 'GYUR, ,MI DANG 'GROGS SHING MDZA'

'DOD NA, ,GANG DAG YID DANG 'THAD PA LA, ,ME TOG DANG NI RTZA SHING
LA, ,'BRAS BU'AM NI 'JIM PA DAG ,LAG PA GA-YAS PA'I CHAR BAR BCUG ,BZLAS
BRJOD BRGYA NI RTZA GCIG GDAB,

@186B GANG GI LAG TU BYIN PA NA, ,DE DANG RTAG TU MDZA' BAR 'GYUR,
,RTA LA SOGS PA'I PHYUG RNAMS KUN, ,'CHI BAR NYE BAR GNAS PA NA, ,CHU
DANG YUNGS DKAR BCAS PA LA, ,BZLAS

BRJOD BRGYA NI RTZA BRGYAD BYA, ,DE LA GTOR NA SOS PAR 'GYUR, ,YANG
NA YUNGS DKAR BRGYA BRGYAD LA, ,BZLAS PA'I ZLUM PO MGUL DU GDAGS,
,DE NI NAD MED BDE BAR 'GYUR, ,

MI RNAMS 'CHI BAS 'JIGS GYUR NA, ,YUNGS DKAR LA NI BZLAS BRJOD BYA,
,THUM PO BYAS TE SGO LA GDAGS, ,BZLAS BRJOD BRGYA STONG 'BUM YANG
BZLAS, ,MI NAD DANG NI PHYUG NAD

KUN, ,MING YANG MED CING BDE BAR 'GYUR, ,DE DAG KUN GYI BZLAS BRJOD
NI, ,DE DAG KUN DU RGYA CHER GSUNG, ,NA MO RADNA DRA Y'A YA, AOm YE
DHARM'A HE TU PRA BHA B'A HE TUN TE sh'AN TA TH'A

GA TO HYA BADATA, TE shA NYTZA YO NI RO DHA AE BAm B'A D'I MA H'A SHRA
MA nA YE SV'A H'A, RTAG TU BZLAS BRJOD BYAS NA NI, ,BSAM PA YONGS SU
RDZOGS PAR 'GYUR, ,GNOD PAS CIS KYANG TSUGS MI

'GYUR, ,DAM CHOS YONGS SU BZUNG BAR 'GYUR, ,TSIGS SU BCAD PA 'DI DAG
NI, ,MTHU DANG RDZU 'PHRUL BSAM MI KHYAB, ,CHO GA DE DAG THAMS CAD
NI, ,GANG LA DAD PAS YID CHES

NA; ;'GRUB PAR THE TSOM MED PAR 'GYUR, ,BZLAS BRJOD 'BUM NI BYAS GYUR
NA, ,DGOS PA THAMS CAD 'GRUB PAR 'GYUR, ,STON PA SH'AKYA'I THUGS RJE NI,
,DGE SLONG NER BAN RAKshI

TRAS; ;THO GAR YUL NAS RNYED PA STE, ,'GRO BA KUN GYI DPAL DU SHAR,
,ZHES GSUNGS, LNGA PA, ZHAR LA RTEN 'BREL SNYING PO'I SNGAGS KYI YI GE'I
GRANGS DANG, YI GE GANG DANG GANG 'THOB PA'I

@187A *, ,TSUL NI, RTEN 'BREL SNYING PO'I SNGAGS THEMS ZHIB MOR BKOD BA
LAS, 'JAM DPAL DBYANGS LA PHYAG 'TSAL LO, ,'A BRGYAD SHAD GCIG TSEG
DRAG

GCIG ,YA BTAGS GCIG DANG HA BDUN NI, ,RTEN 'BREL SNYING PO'I SNGAGS
THEMS YIN, ,YIG 'BRU SUM CU SO LNGA LA, ,'THUG PO GSUM DANG LOG PA
GSUM, ,'KHRUL

MED SGRA ? YI SRANG NAS GDON, ,GDANGS NI BLA MA'I ZHAL LAG DRIS, ,DE
DAG DON NI LEGS BKROL NA, ,GSUM ? PA BRGYAD PA BTZU GNYIS DANG, ,BCU
BZHI NYER GCIG NYER DGU DANG, ,

SUM CU THAMS PA SO GNYIS PA, ,RING PO YIN TE 'A BRGYAD DO, ,SHAD NI DAR
RTZAR ? TSEG DRAG MTHA', ,YA TA GCIG NI HA LA 'DOGS, ,'THUG GSUM GRAL
BZHI HA BDUN YOD, ,

GNYIS BDUN NYER DRUG 'THUG PO YIN, ,LHAG MA RNAMS NI GRAL DU STE,
,BZHI DGU BCU BDUN SO GNYIS SO, ,BCU GNYIS NYER GCIG SO LNGA LOG ,RES
'GA' SNGAGS LUGS

THOG MTHA' SBYAR, ,'DI NI 'GYUR MED RDO RJE'I TSIGS, ,AA TI SHA LAS NAG
TSOS BSGYUR, ,DE LAS 'GAL NA BRIS NYES YIN, ,MKHAS RNAMS 'DI YI RJES SU
ZHUGS, ,RMONGS

RNAMS MIG KYANG LTA MI 'GYUR, ,NOR 'KHRUL BYUNG SRID BZOD PAR GSOL,
,DGE BAS KUN MKHYEN MYUR THOB SHOG ,RTEN 'BREL SNYING PO'I SNGAGS
THEMS ZHIB MOR BKOD PA ZHES

BYA BA; LO TZTSA BA TSUL KHRIMS RGYAL BAS BSGYUR CING ZHUS TE GTAN
LA PHAB PA'O, ,YE DHARM'A HE TU PRA BHA B'A HE TUN TE sh'AN TA TH'A GA
TO SYA BA DA TA, ,TE sh'ANYTZA YO NI RO DHA AE BAm B'A D'I MAH'A SHRA
MA nA:

@187B ZHES PA LTAR GO BAR BYA'O, ,'DIR SMRAS PA, RGYAL GSUNG BLANG
DOR ZAB BSDUS SNYING PO 'DI, ,GZHAN GYIS BKRAL BA'I LEGS BSHAD MA
MTHONG KYANG, ,DAM PAS BSKUL ZHING SNGON BYON

MKHAS RNAMS KYIS, ,BDAG GI SKAL BAR BZHAG SNYAM SPRO BAS BSHAD,
,DPAG DGA' DRANG SRONG CHEN PO'I RDO RJE'I TSIG ,SKYE THOB SBYANGS PA
DMAN PA'I BYIS BLO YIS, ,DPYAD PAS

KHROL BA'I NONGS PA CI MCHIS PA, ,THUB DBANG NYID DANG GZUR GNAS
MKHAS LA 'CHAG ,LHAG BSAM DAG PAS 'DIR 'BAD DGE BA GANG, ,BSTAN 'DZIN
SKYES BU'I SKU TSE 'PHRIN LAS

'PHEL, ,RGYAL BSTAN PHYOGS DUS KUN DU DAR ZHING RGYAS, ,'GRO KUN
PHAN BDE'I DPAL LA SPYOD PHYIR BSNGO,, ,,CES RTEN 'BREL SNYING PO'I
RNAM BSHAD BDER GSHEGS DGONGS RGYAN

ZHES BYA BA 'DI NI, ,YAB RJE RGYAL BA GNYIS PA GANG DU SKU BLTAMS PA'I
GNAS MCHOG ,CHOS SDE CHEN PO SKU 'BUM BYAMS PA GLING SOGS CHOS SDE
CHEN PO GSUM GYI MKHAN RIN PO CHE SKU TSE

MANG RABS NAS LUNG RTOGS KYI YON TAN LA SBYANGS SHING GOMS PA'I
MTHUS, BSTAN 'GRO'I DPAL MGON DAM PAR GYUR PA CHU BZANG SPRUL PA'I
SKU NGAG DBANG BLO BZANG BSTAN PA'I RGYAL

MTSAN GYIS RTEN 'BREL SNYING PO'I tIKKA LUNG RIG GIS BRGYAN PA ZHIG
GYIS ZHES BSKUL BA'I BKA' STZAL LTAR, NGAG DBANG BLO BZANG CHOS LDAN
DPAL BZANG POS CHOS SDE CHEN PO DGON GLUNG

BYAMS PA GLING DU SBYAR BA'I YI GE BA NI RAB 'BYAMS SMRA BA BLO BZANG
NYI MA'O,, ,,