*, ,SRAD RGYUD LUGS KYI BLA MA'I RNAL 'BYOR DGA' LDAN LHA BRGYA MA'I ZAB KHRID GNANG SKABS KYI GSUNG BSHAD ZIN BRIS DGA' LDAN ZHING DU BGROD PA'I MYUR LAM ZHES BYA BA BZHUGS SO, , @001A #, ,RJE BTZUN BLA MA DAM PA THUGS RJE CHEN PO DANG LDAN PA RGYAL TSAB MA PHAM PA DANG DBYER MA MCHIS PA'I ZHABS KYI PADMO LA DUS THAMS CAD DU PHYAG 'TSAL ZHING SKYABS SU MCHI'O, ,BRTZE BA CHEN POS TSE RABS KUN TU RJES SU GZUNG DU GSOL, ,'DIR NGES PA DON GYI 'DREN MCHOG MTSUNGS ZLA MA MCHIS PA, BKA' DRIN MNYAM MED KHYAB BDAG 'KHOR LO'I MGON PO RDO RJE 'CHANG PHA BONG KHA PA BDE CHEN SNYING PO DPAL BZANG PO'I ZHAL SNGA NAS SRAD RGYUD LUGS KYI ZAB LAM BLA MA'I RNAL 'BYOR DGA' LDAN LHA BRGYA MA'I ZAB KHRID GNANG SKABS KYI ZIN BRIS MDOR BSDUS TZAM BRI BA LA, THOG MAR SHER SNYING BDUD ZLOG ,DGA' LHA, DMIGS BRTZE; DPAL LDAN RTZA BA'I LAN GSUM, MAndAL, RJE NYID NAS DBU BSKUL GYIS SANGS RGYAS CHOS TSOGS LAN GSUM, DE NAS 'DI SKAD CES STZAL BA THOS TE, 'O MAR GYUR NAM MKHA'I MTHA' DANG MNYAM PA'I SOGS @002A *, ,KUN SLONG KUN SPYOD SPYI LTAR GSUNGS NAS, GANG GSAN PAR BYA BA'I CHOS NI, 'DIR DGA' LDAN SNYAN BRGYUD KYI MAN NGAG LAS BYUNG BA'I SRAD RGYUD LUGS KYI ZAB LAM BLA MA'I RNAL 'BYOR DGA' LDAN LHA BRGYA MA ZHES YONGS SU GRAGS PA 'DI NYID YIN PAS, DE LA 'JAM MGON TZONG KHA PA CHEN PO'I GSUNG LAS, DE NAS 'DI PHYI'I LEGS TSOGS JI SNYED PA'I, ,RTEN 'BREL LEGS PAR 'GRIGS PA'I RTZA BA NI, ,LAM STON BSHES GNYEN DAM PA 'BAD PA YIS, ,BSAM DANG SBYOR BAS TSUL BZHIN BSTEN PA RU, ,MTHONG NAS SROG GI PHYIR YANG MI GTONG BAR, ,BKA' BZHIN SGRUB PA'I MCHOD PAS MNYES PAR BYED, ,CES DANG, YON TAN KUN GYI GZHIR GYUR DRIN CAN RJE, ,TSUL BZHIN BSTEN PA LAM GYI RTZA BA RU, ,LEGS PAR MTHONG NAS 'BAD PA DU MA YIS, ,GUS PA CHEN POS BSTEN PAR BYIN GYIS RLOBS, ,ZHES GSUNGS PA LTAR RANG CAG RNAMS KYI LUNG @002B RTOGS YON TAN KUN GYI 'BYUNG GNAS NI RTZA BA'I BLA MA NYID YIN CING, 'DI PHYI'I LEGS TSOGS KUN GYI RTZA BA YANG BLA MA BSTEN TSUL KHO NA LA RAG LAS PA DANG, THAR PA DANG THAMS CAD MKHYEN PA GANG 'DOD KYANG DANG PO BSHES GNYEN BSTEN TSUL GYI 'GO 'DZUGS 'DI NAS MA 'PHYUGS PA ZHIG BYA DGOS TE, JO BO CHEN PO DANG 'BRO MA RIN PO CHE SOGS KYANG 'GRO DON RGYA CHEN PO BYUNG BA DE DGE BA'I BSHES GNYEN TSUL BZHIN DU BSTEN PA LAS BYUNG BA RED, RGYAL SRAS GZHON NU 'OD DANG, RJE MID LA RNAMS KYANG RNAM THAR DU GSAL BA LTAR BSHES GNYEN TSUL BZHIN DU BSTEN NAS SA LAM MTHON POR GSHEGS PA YIN, PHAR PHYIN THEG PAR 'TSANG RGYA BA LA GRANGS MED GSUM GYI TSOGS BSAGS DGOS KYANG, BYANG CHUB SEMS DPA' RTAG TU DUS SEMS DPA' CHEN PO CHOS 'PHAGS LA DKA' SPYAD TSAD MED PAS BSHES GNYEN BSTEN TSUL TSUL BZHIN BYAS NAS BSTEN PAS TSOGS LAM NAS SA BRGYAD PA'I BAR DU LO KHA SHAS TZAM LAS MA 'GOR BAR PHEBS PA LTAR, DGE SBYOR THAMS CAD KYI SROG GCIG PU NI BLA MA'I RNAL 'BYOR 'DI RANG YIN PAS 'DI NYID NYAMS SU LEN DGOS, SA LAM GYI RTOGS PA DANG, MCHOG DANG THUN MONG GI DNGOS GRUB THAMS CAD KYI 'BYUNG GNAS, GEGS SEL BOGS 'DON SOGS GANG LA'ANG BLA MA'I RNAL 'BYOR 'DI NYID NI LAM GYI GZHUNG SHING NGAM SROG SHING LTA BU YIN, RJE TZONG KHA PA CHEN POS KYANG, MNYAN NA TSIG MI ZIN, BSAMS NA DON @003A *, ,MI GO ,BSGOMS NA RGYUD LA MI SKYE BA'I BLO'I MTHU SHIN TU CHUNG BA'I DUS SU ZHING GI MTHU LA BRTEN PA MAN NGAG YIN, ZHES GSUNGS PA LTAR THOS BSAM SGOM PA SOGS BYED PA'I TSE TSIG BLO LA MI ZIN PA DANG, DON MI GO BA DANG, RGYUD LA MI SKYE BA SOGS LAM DU MI 'GRO BA GANG BYUNG YANG, DE DAG GNAD DU 'GRO BA'I MAN NGAG GI RGYAL PO NI BLA MAR BRTEN PA KHO NA YIN PAS, DES NA BLA MA'I RNAL 'BYOR NYAMS SU LEN CING, BLA MAR GSOL BA 'DEBS PA SOGS LA RTZE GCIG TU 'BUNGS DGOS TE, PAn CHEN CHOS RGYAN GYIS, ZHING MCHOG DAM PA RJE BTZUN BLA MA LA, ,SOGS DANG, MGON PO KLU SGRUB KYIS KYANG, 'DI NI RANG BYUNG BCOM LDAN 'DAS, , LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES GSUNGS, DE YANG DPER NA, NYI MA'I 'OD ZER DANG SPRA BA GNYIS KA 'DZOMS KYANG, ME SHEL GYI LHAN CIG BYED RKYEN MED NA SPRA BA LA MES ZIN MI NUS PA LTAR SANGS RGYAS THAMS CAD KYI 'PHRIN LAS RGYA CHE YANG BLA MA MED NA RANG CAG THA MAL PA'I RGYUD LA BYIN RLABS 'JUG PA'I THABS MED, DE'I PHYIR SANGS RGYAS DANG RANG GNYIS KYI BAR NA DGE BA'I BSHES GNYEN GYI RNAM PAR BSTAN NAS SANGS RGYAS KYI SAR 'KHRID PAR MDZAD PAS BLA MA YI DAM SANGS RGYAS THAMS CAD KYI BYIN RLABS 'JUG PA'I SGO NYI SHOS NI BLA MA KHO NA YIN, SPYIR SANGS RGYAS THAMS CAD CHOS KYI DBYINGS SU RO GCIG KYANG GDUL BYA GANG LA GANG @003B 'DUL GYI THABS SU THA MAL PA SOGS KYI RNAM PAR BSTAN PA STE, YAB SRAS MJAL BA'I MDO LAS, BRGYA BYIN TSANGS PA'I CHA BYAD DANG, ,LA LAR BDUD KYI CHA BYAD KYIS, ,SEMS CAN RNAMS KYI DON MDZAD DE, ,'JIG RTEN RNAMS KYIS RTOGS MI NUS, ,BUD MED CHA BYAD SPYOD PA MDZAD, ,DUD 'GRO'I SKYE GNAS RNAMS NA'ANG GDA', ,ZHES DANG, 'DOD CHAGS MI MNGA' CHAGS PA'I TSUL, ,'JIGS PA MA LAGS 'JIGS PA LTAR, ,ZHES SOGS NAS, RNAM PAR 'PHRUL PA SNA TSOGS KYIS, ,SEMS CAN RNAMS NI 'DUL BAR MDZAD; ;CES GSUNGS PA LTAR GDUL BYA RANG RANG GI BLO NGO DANG 'TSAMS PA'I SPRUL PA SNA TSOGS PAR BSTAN PA YIN, 'O NA BLA MA SANGS RGYAS KYI SPRUL PA YIN NA SANGS RGYAS KYI MDZAD PA GANG MDZAD SNYAM NA, JI SKAD DU TSOMS LAS, THUB RNAMS SDIG PA CHU YIS MI 'KHRU ZHING, ,'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA SPO MIN TE, ,CHOS NYID BDEN PA BSTAN PAS GROL BAR MDZAD, ,CES DANG, RJE THAMS CAD MKHYEN PAS, MDZAD PA KUN LAS GSUNG GI NI, ,MDZAD PA MCHOG YIN ZHES SANGS RGYAS KYI MDZAD PA THAMS CAD KYI MCHOG NI GSUNG GI MDZAD PA YIN PAR GSUNGS PA LTAR, SANGS RGYAS KYIS SDIG PA CHUS 'KHRU BA SOGS MDZAD DU MED PAR DAM PA'I CHOS KYI BDEN PA ZAB MO BSTAN NAS 'GRO BA RNAMS SANGS RGYAS KYI SAR 'KHRID PAR MDZAD PAS, DE NI MDO SNGAGS YONGS RDZOGS KYI LAM TSANG LA MA NOR BA BSTAN NAS GDUL BYA SMIN GROL LA 'GOD PAR MDZAD PA 'DI NYID YIN, 'O NA DE LTAR YIN NA BLA MA SANGS RGYAS DNGOS SU MTHONG DGOS PA LA DE LTAR MI MTHONG BAS SANGS RGYAS KYI SPRUL PA @004A *, ,MIN ZHE NA, RANG RE RNAMS NYON MONGS PA'I BAG CHAGS NGAN PA DBANG BTZAN PAS SANGS RGYAS DNGOS SU MTHONG BA LTA ZHOG ,BLA MA'I MDZAD SPYOD LA YON TAN DU MTHONG BA YANG CHES DKON PAR SNANG LA, DE YANG SPYAN SNGA BLO GROS RGYAL MTSAN GYIS, RANG RE'I LAS KYI SGRIB PA'I CHE TSOD LA, ,BLA MA MI RU MTHONG BA DGA' TSAD YIN, ,KHYI DANG BONG BUR MA MTHONG BSOD NAMS CHE, ,GANG LA MOS GUS BGYIS SHIG SH'AKYA'I SRAS, ,ZHES GSUNGS PA LTAR RANG RE'I BLO NGO DANG 'TSAMS PA'I BLA MA'I RNAM PAR BSTAN PA 'DI LTAR MTHONG THUB PA 'DI YANG SHIN TU SKAL BA BZANG BAS, DA LTA DAL 'BYOR GYI MI LUS THOB, SANGS RGYAS KYI BSTAN PA DANG MJAL, THEG PA CHEN PO'I DGE BA'I BSHES GNYEN DANG PHRAD, DE'I NANG NAS KYANG 'JAM MGON BLA MA TZONG KHA PA CHEN PO'I MDO SNGAGS ZUNG DU 'BREL BA'I BSTAN PA'I SNYING PO DRI MA MED PA DANG LAN GCIG TZAM MJAL BA'I SKABS 'DIR DAL PA'I RTEN LA SNYING PO KHYAD PAR CAN LON PA ZHIG CI NAS KYANG BYA DGOS, SNYING PO DE YANG DA LTA NYID NAS MA BLANG NA TSE 'DI YUN RING DU MI GNAS PA DANG, PHYIS SU SPYIR DAL 'BYOR GYI MI LUS THOB PA DANG SANGS RGYAS KYI BSTAN PA DANG MJAL BA YANG SHIN TU DKA', KHYAD PAR RJE TZONG KHA PA CHEN PO'I MDO SNGAGS KYI BSTAN PA DANG NI MJAL MI SRID PA LTA BU YIN PAS DA RES STABS LEGS KYIS CHOS SGRUB PA'I CHA RKYEN PHUN SUM TSOGS PA 'DI LTAR 'DZOMS PA'I TSE THEG PA CHEN PO'I DGE BA'I BSHES GNYEN TSUL BZHIN DU BSTEN NAS CHOS GSHA' MA ZHIG MYUR DU SGRUB RAN PA YIN, DES NA SANGS RGYAS THAMS CAD CHOS KYI DBYINGS SU RO GCIG CING, DE GANG LA @004B GANG 'DUL GYI RNAM PAR BSTAN PA LAS, DA LAM RANG 'DUL BA'I PHYIR BLA MA'I RNAM PAR BSTAN PA RED, BLA MA'I RNAM PAR BSTAN PA'I DGOS PA YANG, RANG LAS MTHO BA'I RNAM PAR BSTAN NA NI RANG GIS MI MJAL LA, RANG LAS DMA' BAR BSTAN NA NI RANG YID MI CHES PAS DA RES RANG LA BLA MA THA MAL PA'I RNAM PAR BSTAN PA 'DI THABS MKHAS RMAD DU BYUNG BA YIN PAS NA, BLA MA DANG SANGS RGYAS DBYER MED DU BLTAS, BLA MA SANGS RGYAS THAMS CAD KYI YE SHES KYI RANG GZUGS YIN PA LA NGES SHES RNYED NAS, DE NAS LHAG PA'I LHA DANG DBYER MED DU BYAS NAS BLA MA'I RNAL 'BYOR NYAMS SU LEN DGOS, LHAG PA'I LHA DANG YI DAM GANG BSGOMS KYANG BLA MA'I RNAM 'PHRUL DU BLTA BA MA GTOGS BLA MA LAS LOGS SU GYUR PA'I LHAG PA'I LHA'AM, YI DAM GYI LHA JI 'DRA ZHIG BSGOM LO BYAS KYANG DNGOS GRUB GANG YANG MI 'BYUNG BAR GSUNGS PA LHA GZHAN GANG LA SBYAR KYANG 'DRA BA YIN TE, LAM RIM CHEN MO LAS KYANG, DE LTAR NA BLA MA'I RNAL 'BYOR ZHES YONGS SU GRAGS PA'I GDAMS PA DANG SNGAR BSHAD PA LTAR GO DGOS KYI, DMIGS PA THUN RE TZAM LA SBYANGS PAS NI GAR YANG MI PHYIN LA, ZHES GSUNGS PA LTAR DANG, DER MA ZAD RJE TZONG KHA PA CHEN PO 'DI NYID NI SPYIR SANGS RGYAS THAMS CAD KYI YE SHES KYI RANG GZUGS, RIGS GSUM KUN 'DUS KYI BDAG NYID CHEN PO YIN ZHING, LHAG PAR RJE BTZUN 'JAM DPAL DBYANGS DNGOS YIN TE, STON PA RANG NYID KYIS 'JAM DPAL RTZA RGYUD LAS, NGA NI MYA NGAN 'DAS 'OG TU, ,SA YI STENG 'DI STONGS PA NA, ,KHYOD NYID BYIS PA'I GZUGS CAN GYIS, ,SANGS RGYAS MDZAD PA BYED PAR 'GYUR, ,CES STON PA @005A *, ,MYANG NGAN LAS 'DAS PA'I 'OG TU SA STENG 'DIR SANGS RGYAS KYI BSTAN PAS STONGS PAR GYUR PA NA, RJE BTZUN 'JAM DBYANGS KHYOD NYID BYIS PA THA MAL PA'I TSUL GYIS SANGS RGYAS KYI MDZAD PA MDZAD DE MDO SNGAGS KYI BSTAN PA RGYAS PAR 'GYUR BAR LUNG BSTAN PA YIN, DE LA KHA CIG GIS, 'JAM DBYANGS LA LUNG BSTAN PA RJE TZONG KHA PA GCIG PU YIN MI DGOS TE, SA PAndI TA SOGS KYANG 'JAM DBYANGS KYI SPRUL PA YIN PAS LUNG BSTAN DE RJE'I LUNG BSTAN DU MI 'GYUR SNYAM NA, RJE'I LUNG BSTAN RTZOD MED DU GRUB STE, GONG GI 'JAM DPAL RTZA RGYUD KYI LUNG DE'I 'PHRO NAS, DE TSE DGON CHEN RAB DGA' BA, ,ZHES SOGS KYIS DGON GNAS DANG, CHOS LUGS JI LTAR 'BYUNG TSUL GYI MTSAN, RJE'I THUGS SRAS SLOB MA'I THU BO PHAL CHE BA DANG BCAS GSAL BAR LUNG BSTAN PAS NA RJE TZONG KHA PA CHEN PO'I LUNG BSTAN YIN PAR SUS KYANG BSNYON MED DU GRUB ZIN PA YIN, DER MA ZAD BKA' GDAMS GLEGS BAM PHA CHOS LAS, BDAG GI SPRUL PA DAM PA GCIG ,RES 'GA' DGE SLONG NYID DU SPRUL, ,ZHES SOGS KYI RJE BTZUN 'JAM DBYANGS DGE SLONG GI GZUGS SU SPRUL PA RJE BLA MA DANG, YIG 'BRU'I GZUGS SU SPRUL BA SKU 'BUM TZAN DAN GYI LO MAR AA RA PA TZA SOGS RANG BYON YOD PA DE YIN, GZHAN YANG SLOB DPON PADMA DANG, MA GCIG LAB SGRON, DPAL LDAN ZLA BA'I DBU MA 'JUG PA, BYAMS PA'I MDO SDE RGYAN SOGS MDO RGYUD BKA' GTER DU MA NAS LUNG BSTAN TSUL DGE LDAN GYI RNAM THAR CHOS 'BYUNG RNAMS SU MKHAS GRUB TSAD LDAN MANG POS GSAL BAR @005B GSUNGS YOD, MKHAS PA LA LAS, MDO RGYAN GYI DE LTAR BLO BZANG SOGS DANG, 'JUG PA'I BLO BZANG NYI MA'I SOGS RJE'I LUNG BSTAN DU MI 'THAD DE, DE GNYIS KYI 'GREL PA GANG NAS KYANG MA BSHAD GSUNGS MKHAN YOD KYANG, 'DI 'DRA'I TSIG RE RE LA'ANG 'GREL MANG DU 'GRO ZHING, MTSAN SGRA GSAL BA DANG, STONG NYID KHONG DU CHUD CING GROL LUGS, SKYE BO'I DBUS NA NYI MA BZHIN DU LHAM TSUL CHA THAMS CAD NAS SNGON CHAD BOD 'DIR RJE TZONG KHA PA DANG MTSUNGS PA DE 'DRA SU YANG MA BYUNG 'DUG PAS NA RJE BLA MA'I LUNG BSTAN NYID LAS GZHAN DU 'OS MED DO, ,RJE'I RNAM THAR CHEN MO SOGS LAS GSUNGS PA LTAR GTER YIG KHA SHAS SU RJE RIN PO CHE LEGS SKAR GYI SKYE BA YIN TSUL BSHAD PA YOD KYANG, SLOB DPON PADMAS MA GSUNGS PA SLOB DPON CHEN PO RANG NYID KYIS, 'JAM DBYANGS SPRUL PA GDUL BYA BSTAN PA'I BDAG ,MDO SNGAGS BSTAN 'DZIN BLO BZANG GRAGS PA 'BYUNG, ,ZHES SOGS LUNG BSTAN PA LAS SHES, GTZO BO NI SANGS RGYAS KYI MDZAD PA MDZAD PA NYID KYIS DPAG NUS TE, RJE TZONG KHA PA MA BYON GONG BOD 'DIR SANGS RGYAS KYI BSTAN PA HA CANG NYAMS DMAS TE, MTHANG GOS SOGS KYI KA RING KA THUNG DANG, GDING BA GYON RGYU DANG BTING RGYU GANG YIN TZAM YANG MI SHES PA LTA CI, SPANG BYA DANG BLANG BYA ZER BA YANG GANG YIN NGO MA SHES PAR GYUR PA NA; RJE RIN PO CHES 'DUL BA KLA RI KLA NAS BZUNG, GSANG SNGAGS KYI SGYU 'OD ZUNG DU 'JUG PA'I BAR GYI THUB BSTAN YONGS RDZOGS LA MA RTOGS LOG RTOG GI DRI MA MTHA' DAG BSAL BAR MDZAD, LHAG PAR 'DUL BA'I BSTAN PA RNAM PAR DAG PA GZHI @06A *, ,NAS GSO BAR MDZAD TSUL, GSANG SNGAGS LA'ANG SGYU LUS SOGS NAS SHING RTA'I SROL GSAR DU PHYES TSUL, LTA BA YANG 'PHAGS YUL GYI SHING RTA CHEN PO KLU SGRUB KYI DGONGS DON JI LTA BA BZHIN BKRAL BAR MDZAD PA SOGS MDOR NA LTA SGOM SPYOD GSUM GANG GI SGO NAS KYANG 'GRAN ZLA DANG BRAL BA YIN, MKHAS PA GZHAN RNAMS PHYOGS RE BAR GYUR NAS KHA CIG 'DUL BA LA MKHAS KYANG SNGAGS LA CHER MI MKHAS PA'I TSUL DANG, KHA CIG SNGAGS LA MKHAS KYANG LTA BA LA CHER MI MKHAS PA'I TSUL BSTAN PA LTA BU SNA TSOGS YOD KYANG, RJE TZONG KHA PA NI MDO SNGAGS MTHA' DAG LA 'KHRUL PA'I DRI MA CUNG ZAD TZAM YANG MED PAR MDO SNGAGS KYI LAM TSANG LA MA NOR BA'I BSTAN PA'I SNYING PO'I SROL LEGS PAR PHYES TE RGYAL BSTAN DAR RGYAS SU MDZAD PAS, RJE'I BSTAN PA 'DI LA BKA' GDAMS GONG MA RNAMS DANG, SA SKYA, BKA' BRGYUD, RNYING MA SOGS GZHAN LA MED PA'I KHYAD CHOS ZAB RGYAS MANG DU YOD, DE LA DGONGS NAS GRUB MTHA' GZHAN PHYOGS KYI MKHAS PA CHEN PO STAG TSANG LO TZ'A BAS RJE THAMS CAD MKHYEN PA LA BSTOD PA PHUL BA LAS KYANG, KHA CIG 'DUL BA GTZOR BYAS GSANG SNGAGS SPANGS, ,GZHAN DAG SNGAGS LA MOS BLOS 'DUL BA 'GOG ,RGYAL BA'I BSTAN PA MTHA' DAG 'GAL MED DU, ,RDZOGS PAR NYAMS SU LEN MKHAS KHYOD LA 'DUD, ,CES DANG, LA LA SPYOD PA ZHIB MOS LTA BA 'GOG ,KHA CIG LTA BA MTHON POS SPYOD PA 'DOR, ,LTA SPYOD PHAN TSUN GROGS SU SHAR NAS NI, ,DON 'DI LHAG PAR 'DOMS PA KHYOD LA 'DUD, ,CES DANG, MDO SNGAGS MTHA' @06B DAG KHYAD PAR RDO RJE THEG ,RGYUD SDE MTHA' DAG KHYAD PAR BLA MED DON, ,RIM GNYIS MTHA' DAG KHYAD PAR SGYU LUS LA, ,SNGON MED LEGS BSHAD GTER CHEN KHYOD LA 'DUD, ,CES SOGS DANG, GZHAN YANG KARMA PA MI BSKYOD RDO RJE DANG, PO DONG PAn CHEN PHYOGS LAS RNAM RGYAL SOGS KYANG RJE TZONG KHA PA'I MDZAD PA RNAM THAR DANG LEGS BSHAD KYIS THUGS YID PHROGS TE BSTOD BSNGAGS RGYA CHER MDZAD TSUL, 'DI LTA BU'I BSTAN PA DANG MJAL BA'I TSE MJAL GO CHOD PA ZHIG CIS KYANG BYED DGOS, DE'I TSUL YANG TSE 'DI'I LTO GOS GTAM GSUM GYI ZHEN PA BLOS BTANG, 'DOD CHUNG CHOG SHES 'PHAGS PA'I RIGS BZHI LA GNAS NAS GRVA SA'I CHOS RA SOGS LA ZHUGS TE YAB RJE RGYAL BA GNYIS PA'I BSTAN PA'I SNYING PO DRI MA MED PA LA THOS BSAM SGOM GSUM BYAS NAS SANGS RGYAS KYI GO 'PHANG BSGRUB DGOS, GANG LTAR YANG RJE RIN PO CHE NI RJE BTZUN 'JAM DPAL DBYANGS NYID BSAM BZHIN DU MI'I RNAM PAR BYON PA YIN, DER MA ZAD, SANGS RGYAS GCIG GI SPRUL PA YIN NA SANGS RGYAS THAMS CAD KYI SPRUL PA YIN DGOS PAR SANGS RGYAS THAMS CAD CHOS KYI DBYINGS SU RO GCIG PA'I RGYU MTSAN GYIS YIN LA, DE'I PHYIR 'JAM DPAL DBYANGS KYI SPRUL PA YIN NA SPYAN RAS GZIGS DANG GSANG BDAG GI SPRUL PA YIN DGOS TE, MKHYEN BRTZE NUS GSUM GANG ZAG GCIG GI RGYUD LA BZHAG PA LAS KHA BRAL BA MI SRID PA'I PHYIR, DES NA RJE TZONG KHA PA CHEN PO NI RNAM THAR DANG SGRUB THABS GSOL 'DEBS THAMS CAD GZHAN GYI 'DRA CHOS SBYAR BA LTA BU MA YIN PAR PHYI NANG GSANG GSUM GYI RNAM PAR @07A *, ,THAR PA RGYA MTSO LTA BU DAG LAS GSAL BA LTAR NGO BO YANG RIGS GSUM MGON PO NYID YIN, SGRUB PA'I DUS SU YANG 'PHAGS PA RIGS GSUM MGON PO GCIG TU 'DUS PA'I BDAG NYID DU SGRUB CING, GSOL 'DEBS KYANG DE BZHIN DU NGES PA'I DON LA GSOL BA 'DEBS PA YIN, SPYIR STON PA SH'AKYA THUB PA DANG, RJE TZONG KHA PA, RANG GI RTZA BA'I BLA MA RNAMS NGO BO GCIG RANG YIN TE, RANG GI BLA MA 'DI NYID SNGA DUS GDUL BYA RNAMS RGYUD SMIN NAS GROL CHOG CHOG TU YOD PA'I SKABS SANGS RGYAS MCHOG GI SPRUL SKU MTSAN BZANG DPE BYAD KYIS BRGYAN PA'I SKUR SPRUL NAS STON PA SH'AKYA THUB PA'I RNAM PAR BYON, DE NAS DUS RING ZHIG LON PA NA 'GRO BA RNAMS RIM BZHIN RGYUD JE SNYIGS SU SONG BA'I SKABS PAn GRUB, LO TZ'A, RGYAL BLON SOGS DANG, RJE TZONG KHA PA CHEN PO'I RNAM PAR BSTAN, SNGAR DUS KYI RJE TZONG KHA PA DE NYID DENG SANG SNYIGS MA LNGA LHAG PAR BDO BA'I DUS 'DIR RANG GI RTZA BA'I BLA MA'I RNAM PAR BSTAN PAS DE GNYIS NGO BO DBYER MED DU BSGOMS NAS GSOL BA 'DEBS PA NI LEGS PA'I YON TAN THAMS CAD KYI GZHI RTZA, MCHOG THUN DNGOS GRUB KUN GYI 'BYUNG GNAS, BLA MA'I RNAL 'BYOR THAMS CAD KYI RAB DANG MCHOG TU GYUR PA YIN, RJE'I SNYAN BRGYUD KYI BLA MA'I RNAL 'BYOR DE LA RGYAS 'BRING BSDUS GSUM YOD PA, GSANG SNGAGS KYI NYAMS LEN DANG SBYAR BA DBEN SA SNYAN BRGYUD KYI BLA MA'I RNAL 'BYOR BLA MA MCHOD PA DANG, SRAD RGYUD LUGS KYI BLA MA'I RNAL 'BYOR DGA' LDAN LHA BRGYA MA, ZAB MO'I LTA BA DANG 'BREL BA'I BLA MA'I RNAL 'BYOR @07B MKHAS GRUB TSIG ? BRGYUD DU GRAGS PA STE GSUM LAS, BLA MCHOD DGA' LHA GNYIS KA RJE'I SNYAN BRGYUD YIN YANG, DBEN SA SNYAN BRGYUD DU MA GSUNGS PA'I MAN NGAG SRAD RGYUD LUGS LA MANG DU GSUNGS PA YOD, PHYI MA 'DI RJE RIN PO CHES SLOB MA GZHAN 'GA' RE LA GNANG YANG, GTZO BO NI SRAD KYI BLA MA RJE SHES RAB SENG GE LA SNYAN BRGYUD DU GNANG BA NAS BZUNG RGYUD CHEN SANGS RGYAS RGYA MTSO'I BAR SRAD RGYUD KYI BLA MA RNAMS LA SNYAN BRGYUD BAR MA CHAD PAR RIM BZHIN BYUNG BAS SRAD RGYUD LUGS SU GRAGS, 'DUL NAG PA DPAL LDAN BZANG PO SOGS LA GDAMS PA 'DI'I BKA' BABS KYANG SHIN TU SBAS CHOS SU MDZAD CING, RGYUD CHEN SANGS RGYAS RGYA MTSOS DGA' LHA 'DI TSIGS BCAD DU BSGRIGS TE KHYAB GDAL DU DAR BAR MDZAD, BLA MA'I RNAL 'BYOR 'DI GSUM KA'I GDAMS PA'I 'GO RJE TZONG KHA PA CHEN PO NYID LA THUG ,BLA MA MCHOD PA SNGAGS DANG 'BREL BAS SNGAGS KYI DBANG KHRID MA THOB PAS NYAMS SU LEN MI CHOG CING, MKHAS GRUB CHIG BRGYUD KYANG LTA KHRID MA THOB PAS NYAMS SU LEN PA MED LA, DGA' LHA 'DI NI MCHOS DMAN SER SKYA KUN GYIS NYAMS SU LEN CHOG PA DANG, 'PHRIN LAS KHYAB GDAL CHE ZHING, BYIN RLABS KYI TSAN KA CHE BA, 'KHYER BDE BA, SA PHYOD DANG, ZAB GNAD KYANG SHIN TU CHE BA BCAS DA LAM 'DIR 'BRING PO'I DBANG DU BYAS TE DGA' LDAN LHA BRGYA MA'I ZAB KHRID 'BUL BA YIN, 'DI'I LUNG KHRID KYI BRGYUD PA YANG DGA' LHA'I KHRID YIG DNGOS GRUB KUN 'BYUNG 'DI NYID DANG, MKHAN CHEN RDO RJE 'CHANG NYID KYI GSUNG LAM GTZO'I GZHUNG BSRANGS PA'I KHRID YIG LEGS BSHAD SGRON ME, DGA' @08A *, ,LHA RTZA TSIG BCAS KYI STENG NAS BDAG GI RTZA BA'I BLA MA SGO MANG MKHAN CHEN RDO RJE 'CHANG SOGS MKHAS GRUB DU MA'I ZHAL SNGA NAS MAN NGAG ZAB GNAD YONGS SU RDZOGS PA LEGS PAR THOB, DGA' LHA 'DI YANG SNYAN BRGYUD THUN MONG MA YIN PA YIN PAS MKHAN CHEN RDO RJE 'CHANG GIS DGA' LHA RTZA TSIG GI LJAGS LUNG GNANG SKABS KYANG, DGA' LDAN SNYAN BRGYUD KYI MAN NGAG LAS BYUNG BA'I BLA MA'I RNAL 'BYOR DGA' LDAN LHA BRGYA MA ZHES SNON PA MDZAD DE GSUNG GIN YOD, DGA' LHA DANG 'BREL BAR GSOL 'DEBS DMIGS BRTZE MA 'DI NYAMS SU BLANGS NA CHOS SGRUB PA'I BAR CHAD SPYI DANG, STENG GDON DANG 'OG GDON GYI GNOD PA THAMS CAD ZLOG PA DANG, LHAG PAR BYAMS SNYING RJE BYANG CHUB KYI SEMS DANG ZAB MO DBU MA'I LTA BA SOGS MCHOG THUN MONG GI DNGOS GRUB SGRUB PA'I GSOL 'DEBS KYI MCHOG DANG, GEGS SEL BOGS 'DON THAMS CAD KYI RGYAL PO LTA BU NI DMIGS BRTZE MA 'DI YIN, THA NA BAR GDON RGYAL PO SOGS KYI GNOD PA PHRA MO TSUN CHAD KYANG ZHI BAR NUS PA 'DUL NAG PAS PE HAR LA DGA' LHA DANG 'BREL BA'I DMIGS BRTZE MA'I GSOL 'DEBS NYAMS SU LEN MKHAN LA GNOD PA BYED MI CHOG PAR BKA' BSGOS PA DANG, DES MTSON NAS NYER 'TSE KUN BSRUNG BAR NUS PA DANG, PHYI MAR DGA' LDAN DU SKYE BA TSE RABS KUN TU RJE BLA MAS RJES SU 'DZIN PA SOGS KYI DGOS PA KHYAD PAR CAN MANG DU YOD GSUNGS, 'DI NYAMS SU LEN PA LA SNGON 'GRO ,DNGOS GZHI, RJES KYI RIM PA GSUM LAS, DANG PO NI SKYABS 'GRO SEMS BSKYED BYA BA YIN, DE LA THOG MAR GNAS KHANG BYI DOR BYAS LA RJE YAB SRAS GSUM DANG, @08B RANG GI BLA MA, THUB PA'I DBANG PO SOGS GTZO BOR GYUR PA'I SKU GSUNG THUGS KYI RTEN DGRAM, MCHOD PA G-YO MED PAR BTZAL LA BKOD PA MDZES PAR BSHAM, MA MTHA' CHU YAN CHAD NAS, SPOS, MCHOD ME, ZHAL ZAS SOGS GANG RNYED BRNYAS BCOS MA YIN PAR CI 'BYOR PHUL NA TSE MJUG 'DI LA'ANG BSOD NAMS RGYA CHEN PO 'BYUNG BAS DE DANG, DE LTAR MA BYUNG YANG SGRUB PA'I MCHOD PA NGES PAR PHUL NA 'GYUR KHYAD KYANG DE CHE BA YIN, LUS 'DUG LUGS BRGYAD DAM SPYOD LAM GANG BDER 'KHOD PA 'DI RNAMS SBYOR CHOS KYI KHRID LAS BYUNG BA LTAR DANG, DE NAS DGE SEMS KHYAD PAR CAN GSAL 'DEBS PA LA, SPYIR CHOS GANG BYED KYANG LAM DU 'GRO MI 'GRO THOG MA'I KUN SLONG 'DI LA RAG LAS, NYAN RANG DANG BYANG SEMS RNAMS THEG CHEN THEG DMAN GYI KHYAD PAR YANG THABS KYI CHA NAS KUN SLONG BYANG CHUB SEMS KYI RTZIS ZIN MA ZIN GYIS BYUNG BAS, KUN SLONG LEGS PAR BCOS TE RAB MI DGE BA YANG DGE BAR BSGYUR THUB PA DANG, 'BRING GIS LUNG MA BSTAN RNAMS DGE BAR BSGYUR THUB PA, THA MAR YANG DGE BA'I LAS PHRAN BU BYAS PA RNAMS DGE BAR 'GRO BA ZHIG DGOS, TSOGS CHOS RA 'GRIM PA SOGS 'GRO 'CHAG NYAL 'DUG GANG GI SKABS SU YANG KUN SLONG 'DI GTZO CHE BA YIN, TSE 'DI'I RNYED BKUR SNYAN GRAGS SOGS CHOS BRGYAD KYI DBANG DU MA SONG BAR BLO KHA NANG DU PHYOGS TE DGE BA RNAM PAR DAG PA ZHIG SGRUB DGOS, DA LTA MI KHOM PA'I SKYON DANG BRAL NAS RGYAL BA TZONG KHA PA CHEN PO'I BSTAN SA LAM YONGS RDZOGS TSANG LA MA NOR BA DANG MJAL BA'I SKABS 'DIR CHOS GSHA' MA ZHIG BYED NA LAG TU LEN CHOG CHOG YOD PAS DA RES DAL 'BYOR DON LDAN YONG BA @09A *, ,ZHIG CIS KYANG BYED, DPER NA LUNG PA 'DI'I MI MTHO DMAN DRAG ZHAN RNAMS LA BRTAG DPYAD ZHIB TU BYAS NA RANG LA DA RES DAL 'BYOR TSANG BA 'DI NGOS ZIN YONG, DE'I DON YANG GZHAN GYIS TSE 'DI'I DON BYED PA MTHONG NAS DA LTA STABS LEGS KYIS BDAG DE LTA BU MA BYUNG BA 'DI SKAL BA BZANG SNYAM DU TSE 'DI'I DBANG DU MA SONG BAR CHOS SGRUB 'DOD KYI BLO BSKYED DGOS, TSE 'DI'I CHAGS ZHEN DANG DGRA 'DUL GNYEN SKYONG LA MKHAS PA NI DUD 'GRO LA YANG YOD DE, SNGAR BYA ROG DANG 'UG PA, RMIGS PA DANG SBRUL, SKYA GA DANG PHO ROG ,G-YAG YU BO DANG RA CAN RNAMS 'THAB PA'I LO RGYUS BKA' GDAMS PA'I GSUNG SGROS THOG MA'I BLO SBYONG SOGS LAS BYUNG BA LTAR DANG, GZHAN YANG DUD 'GRO GZHAN GYIS BU SKYONG LUGS DANG, BYI BAS 'BRU DANG GRO MA SOGS DANG, SBRANG MAS SBRANG RTZI GSOG PA TSUN CHAD DUD 'GRO SHIN TU MKHAS PA YOD, DES NA DGRA 'DUL GNYEN SKYONG LA DGA' BAR MI BYA BAR DUD 'GRO LAS KHYAD ZHUGS PA ZHIG BYA DGOS, TSE 'DI LA CHOS GSHA' MA ZHIG BSGRUB PAR MA BYAS NA PHYIS NAS DAL 'BYOR SHIN TU RNYED DKA' BA DANG, MI KHOM PA'I GNAS SU SKYES NA CHOS BYED MI SHES SHING, MI NUS PAR 'DUG PAS DA RES TSE 'DIR CHOS GSHA' MA ZHIG BYAS NA DAL 'BYOR LA SNYING PO LON PA RED, DE YANG KHA NAS BSHAD MKHAS PA TZAM MA YIN PAR BYANG CHUB LAM GYI RIM PA'I SGO NAS SKYES BU GSUM GYI LAM GYI RIM PA'I NYAMS MYONG RGYUD THAG TU 'GEL BA LA LAG LEN THEBS PA ZHIG DGOS, DA LTA MI GZHAN SHI BAR MTHONG BA NA SNYING RJE BA LTAR BYED KYANG, NYIN GCIG 'CHI RES RANG @09B LA BABS PA'I DUS SHIG NGES PAR 'ONG BAS DE DUS 'GYOD MI DGOS TZAM ZHIG DA LTA RANG BYED RAN, 'CHI BA MI RTAG PA DE YANG NAM YONG NGES PA MED PA, YANG NA DA LTA, YANG NA DO NUB RTZAM LA'ANG 'CHI AE YONG MI SHES, BSAM BLO ZHIB TU BTANG NA MI GZHAN MANG PO LAS KA LAS 'PHRO DANG SKAD CHA SHOD 'PHRO TSANG MA BTZAN CHOD DU BZHAG STE GLO BUR GLO BUR DU THOG BABS PA LTAR 'CHI BA MI RTAG PA'I DBANG DU 'GRO BA MANG DU 'DUG NA, RANG LA'ANG DE 'DRA MI YONG BA'I NGES PA MED, NGA RANG TSO LA DE 'DRA'I 'CHI SNYAM PA MED PA 'DI 'CHI BA MI RTAG PA MA DRAN PAS LAN, THA NA RANG GI SHAG TU RTZAM PA RKYAL PA GANG YOD NA DE DANG RANG GNYIS KYANG SNGON DU GANG 'GRO CHA GTAN NAS MED, STON PA THUGS RJE CAN GYIS KYANG SKU MYA NGAN LAS 'DA' KHAR, 'DUS BYAS THAMS CAD NI MI RTAG STE, 'DI NI DE BZHIN GSHEGS PA'I GSUNG GI THA MA'O, ,ZHES GSUNGS PA RED; DE BZHIN DU RANG CAG KYANG ZHOGS PA LDANG PA NAS 'CHI BA MI RTAG PAS RGYUD BSKUL TE DA LTA NYID DU CHOS KHO NA BYA SNYAM DU 'PHEN PA BTANG BA LAS 'JIG RTEN KHYIM PA'I KUN SLONG LTAR ZHOGS PA YAR LANGS MA THAG NAS RNYED BKUR SNYAN GRAGS, DGRA 'DUL GNYEN SKYONG SOGS TSE 'DI DON GNYER GYI DBANG DU SONG BA DE 'DRA MIN PA ZHIG DGOS, RJE GUNG THANG PAS, CHOS KYI SGO 'BYED RNAM DAG THOS PA YIN, ,CHOS KYI SNYING PO BYANG CHUB LAM RIM YIN, ,CHOS SU SONG TSAD 'DI SNANG ZHEN LOG YIN, ,CHOS LA CHOS BZHIN SPYOD PAR GYIS SHIG ANG, ,ZHES GSUNGS PA LTAR RANG CAG GIS CHOS THOS BSAM SGOM GSUM DANG, THA NA KLOG BKLAG PA TSUN CHAD CHOS SU SONG BA'I TSAD DMA' MTHA'ANG, 'CHI BA MI RTAG PA DRAN NAS TSE 'DI SNANG GI KUN SLONG NGAN PA DES MA BSLAD PA ZHIG LA BYED, LHA CHOS LUS DANG YAN LAG 'DRA, ,NAM DGOS RANG GI DRUNG NA YOD, ,GSUNGS PA @010A *, ,LTAR RANG GIS BYUNG NA CHOS LAG LEN ZHES PA RANG GI NYE 'GRAM NA YOD, CHOS TSIGS BCAD GCIG DANG, RTAGS GSAL KHYAB MTHA' GCIG TSUN LA YANG KHA PHYIR BLTAS SU MA SONG BAR BYED NA GZHUNG DE NYID LA DPYAD SGOM BYAS PAR 'GRO, KHYAB SKOR GCIG GI NGES PA RNYED KYANG DE'I RTOGS PA SKYES PA YIN, DPYAD PA RE RE RDZOGS PA NA'ANG RTOGS PA RE RE RGYUD LA SKYES PA YIN, RTZOD PA RTZOD SKABS KYANG NGAN SEMS G-YO SGYU NGAN SMRAS SOGS MA YIN PAR RGYAL BA'I GSUNG RAB KYI DGONGS PA'I GNAD RNAMS RANG RGYUD LA SLEB PAR BYED DGOS, THA NA 'GRO 'CHAG NYAL 'DUG GI KUN SPYOD BZANG NGAN GANG GI SGO NAS KYANG SGRUB PA NYAMS LEN GYI GNAD TSOL RGYU YOD, GUNG THANG 'JAM DPAL DBYANGS KYIS, CHOS BYED KYI SANG NYIN 'CHAR GYI BAR, ,'CHI DUS KYI DE RING SLEB NYEN CHE, ,DA RANG MGO RANG GIS MA BSKOR BAR, ,CHOS BYED NA DE RING NYID NAS GYIS, ,ZHES GSUNGS PA LTAR, DE RING GI KHA TON TSUN CHAD KYANG KHRAL 'GEL BA LTA BU MA YIN PAR RAB KYIS MA DRIN CAN 'DI RNAMS 'KHOR BA DANG NGAN SONG GI 'JIGS PA LAS SGROL, THAR PA DANG THAMS CAD MKHYEN PA'I GO 'PHANG LA MYUR DU DGOD SNYAM PA DANG, DE LTAR MA BYUNG YANG BYANG SEMS BCOS MA TSUN CHAD GSAL THEBS PA NGES PAR DGOS, DE LTA BU'I SNYING PO LON PA'I PHYIR DU DGA' LDAN SNYAN BRGYUD KYI BLA MA'I RNAL 'BYOR DGA' LDAN LHA BRGYA MA 'DI NYID NYAMS SU LEN SNYAM PA BYED, DE NAS LAM LOG PA MU STEGS PA LAS KHYAD PAR DU BYED PA SKYABS 'GRO BYA BA LA, ` RANG GI MDUN GYI THAD DRANG GI SOGS LTAR DBUS SU STON @010B PA; G-YAS G-YON DU BYAMS 'JAM DBYANGS SOGS LAM RIM TSOGS ZHING LTAR GYI SKYABS YUL DANG SKYABS 'GRO'I RGYU GNYIS GSAL 'DEBS PA KHO BOS MYUR LAM NAS KHA BSKANGS TE GSAR DU BSGRIGS PA'I DGA' LHA'I RNAL 'BYOR RGYAS PA SNYAN BRGYUD LUGS 'DI NANG BZHIN BYED PA MAN NGAG CHA TSANG BA YIN, LAM DMAN PA NYAN RANG LAS KHYAD PAR DU BYED PA'I SEMS BSKYED LA, SEMS CAN GYI DON DU SANGS RGYAS SGRUB 'DOD KYI BLOS, SANGS RGYAS CHOS TSOGS MA DANG, SEMS BSKYED 'BRAS BU LAM BYED SOGS BYA, SKYABS SEMS GNYIS SEMS SEMS BYUNG GI KHYAD PAR TZAM LAS DMIGS RNAM 'DRA, SNGAR GONG DU SEMS BSKYED ZIN KYANG 'DIR TSAD MED BZHI BSGOM PA SEMS BSKYED KYI GEGS SEL BOGS ? 'DON YIN, TSAD MED BZHI LDAN SBYOR CHOS LTAR RGYAS PAR BYED, KHYAD PAR GYI SEMS BSKYED BSGOM PA PHYAG LEN LA YOD CING, DE YANG DGA' LDAN SNYAN BRGYUD KYI MAN NGAG DANG SBYAR TE BSAMS PA 'DI GNAD YIN, 'DI'I MYUR BA GNYIS NI, MDO LUGS LTAR BSKAL CHEN GRANGS MED GSUM GYI TSOGS BSAGS PA LAM BLTOS PAR GSANG SNGAGS KYI RGYUD SDE 'OG MA LA BRTEN NAS TSE GCIG LUS GCIG LA 'TSANG RGYA BA MYUR BA DANG PO DANG, DE LAS KYANG MYUR BA SNGAGS BLA MED KYI LAM LA BRTEN NAS TSE THUNG GCIG LA 'TSANG RGYA BA MYUR BA GNYIS PA'I DON, YANG NA, SPYIR GSANG SNGAGS BLA MED LA BRTEN NAS SNYIGS DUS KYI TSE THUNG GCIG LA 'TSANG RGYA BA MYUR BA DANG PO DANG, DE LAS KYANG CHES MYUR BA DGA' LDAN SNYAN BRGYUD KYI MAN NGAG LA BRTEN NAS, BLA MA'I RNAL 'BYOR LAM GYI SROG SHING DU @11A *, ,BYAS; YI DAM GSANG BDE 'JIGS GSUM YAM ? BRAL BAR NYAMS SU BLANGS NA LO GSUM PHYOGS GSUM TZAM LA 'TSANG RGYA BA MYUR BA GNYIS PA'I DON YIN, SKYABS YUL RNAMS 'OD SER PO'I RNAM PAR SMIN MTSAMS NAS THIM PAR MOS DGOS GSUNGS, GNYIS PA DNGOS GZHI LA GSUM, TSOGS ZHING SPYAN 'DREN PA, DE LA YAN LAG BDUN PA MAndAL DANG BCAS PA 'BUL BA, GSOL BA BTAB NAS DNGOS GRUB ZHU BA'O, ,DANG PO BLA MA TSOGS KYI ZHING DU SPYAN 'DREN PA NI, DGA' LDAN LHA BRGYA'I ZHES SOGS TE, DA LAM 'DIR DGA' LDAN LHA BRGYA MA'I RNAL 'BYOR LA RJE BLA MA DGA' LDAN NAS SPYAN 'DREN DGOS PA SPYIR NGES PA'I DON DU SANGS RGYAS THAMS CAD THUGS RGYUD GCIG PAS RJE BLA MA GANG DU MA BZHUGS PA'I SANGS RGYAS KYI ZHING KHAMS MED PAS RJE BTZUN BYAMS PA'I RNAM 'PHRUL YANG YIN PAR 'THAD LA, LHAG PAR LHO BRAG GRUB CHEN LA GSANG BDAG GIS SANG NYIN MGON PO BYAMS PA LA BSLAB BTUS ZHUS ZHES LUNG BSTAN PA DE'I SANG NYIN RJE RIN PO CHE PHEBS PA DANG, MJAL BA'I TSE YANG LHO BRAG PAS RJE RIN PO CHE RGYAL BA BYAMS PA DNGOS SU GZIGS PA SOGS GSANG BA'I RNAM THAR LAS GSUNGS PA LTAR RJE TZONG KHA PA CHEN PO RJE BTZUN BYAMS PA DANG YANG THUGS RGYUD GCIG CING, MKHAS GRUB THAMS CAD MKHYEN PAS KYANG, RGYAL BA'I SPYAN SNGAR BYANG CHUB SPYOD PA BLANGS, ,DGA' LDAN GNAS SU 'JAM DPAL SNYING POR GRAGS, ,KHA BA CAN 'DIR BLO BZANG GRAGS PA'I DPAL, ,RGYAL SRAS THU BO KHYOD LA GSOL BA 'DEBS, ,ZHES GSUNGS PA @11B LTAR THUN MONG GDUL BYA'I SNANG NGOR YANG RJE BLA MA DGA' LDAN DU BZHUGS TSUL BSTAN, DER MA ZAD BSKAL BZANG SANGS RGYAS STONG THAMS CAD DGA' LDAN NAS 'DZAM GLING DU 'BYON ZHING, RJE BLA MA NI RNAM 'DREN BCU GCIG PA DE BZHIN GSHEGS PA SPYAN LEGS YIN, DE DGA' LDAN DU BZHUGS PAS RGYU MTSAN DES KYANG RJE BLA MA DGA' LDAN NAS SPYAN 'DREN PA DANG, YANG ZAB MO DBU MA'I LTA BA DANG 'BREL BA'I GSANG SNGAGS NYAMS SU LEN PA RNAMS RMAD BYUNG BKOD PA'I ZHING DU SKYE SLA ZHING, RJE'I BSTAN PA LA THOS BSAM SGOM GSUM BYED, LAM RIM NYAMS SU LEN PA DANG, DGA' LHA DANG 'BREL BA'I DMIGS BRTZE MA NYAMS SU LEN MKHAN RNAMS DGA' LDAN YID DGA' CHOS 'DZIN DU SKYE SLA BAS DE'I PHYIR YANG DGA' LDAN NAS SPYAN 'DREN PA YIN, 'DIR SNGAGS DANG 'BREL BAS THOG MAR RANG LHAR BSKYED DANG SNOD BCUD SBYANG BSGYUR SOGS BYED, MCHOD RDZAS BYIN RLABS SKABS KUN BZANG MCHOD PA'I SPRIN GYI PHUNG POR GYUR, ,CES PA'I KUN BZANG MDO SNGAGS GNYIS MI 'DRA, MDO LUGS KYI KUN BZANG NI BYANG SEMS KUN TU BZANG PO STE, DE'I THUGS KA'I THAL MO SBYAR BA'I BAR GYI NOR BU LAS 'OD ZER DANG, KUN BZANG, MCHOD SPRIN SOGS MU MED DU SPRO BA DANG, SNGAGS LUGS KYI KUN BZANG NI BDE STONG GNYIS MED KYI YE SHES LA BYED PAS, BDE STONG GI YE SHES DE NYID MCHOD SPRIN GYI RNAM PAR SHAR BAR MOS PA YIN, DE NAS TSOGS ZHING DAM TSIG PA GSAL 'DEBS PA LA, MDUN DU KUN BZANG MCHOD SPRIN ZHES SOGS SNYAN BRGYUD ZHAL SHES GSAR BSGRIGS LTAR LAS, RJE BLA MA SKU MDOG DKAR LA @12A *, ,DMAR MDANGS CHAGS PA NI THABS SHES ZUNG 'JUG GAM, BDE STONG ZUNG 'JUG MTSON TE, SKU MDOG DKAR PO NI SHIN TU PHRA BA'I RLUNG SEMS LAS BZHENGS PA'I LONGS SKU DANG PO'I MGON PO SGYU LUS MTSON PAS THABS BDE BA CHEN PO DANG SHES RAB STONG PA NYID ZUNG DU 'JUG PA LA MNYAM PAR SBYOR BA MTSON, PHYAG GNYIS CHOS 'KHOR GYI PHYAG RGYAS MDO SNGAGS ZUNG 'BREL GYI CHOS STON PA'AM, RTAG CHAD KYI MTHA' DANG BRAL BA'I ZAB MO DBU MA'I LTA BA STONG PA DANG RTEN 'BYUNG GCIG GROGS SU GCIG 'GRO BA'I CHOS STON PAR MTSON, G-YAS G-YON DU AUTPAL RGYAS PAS THUGS RGYUD BYAMS SNYING RJES RTAG TU BRLAN PA, G-YAS RAL GRIS GDUL BYA'I RGYUD KYI MA RIG PA'I 'CHING BA GCOD PA'I BRDA' DANG, 'JAM DBYANGS KYI RNAM ROL YIN PA YANG BSTAN, G-YON GLEGS BAM GYIS LAM YONGS RDZOGS GDUL BYA'I RGYUD LA SKYED PAR MTSON, 'DI'I GLEGS BAM LA SHER PHYIN BRGYAD STONG PA GSAL DGOS PAR GSUNGS KYANG, SPYIR RANG GIS DBU PHAR, 'DUL MDZOD, LAM RIM SOGS GANG LA SHES 'DOD ZHUGS PA DE GLEGS BAM DU GSAL 'DEBS CHOG PA'ANG GSUNG RGYUN YIN, DBU LA PAn ZHVA GSER GYI MDOG CAN GSOL BAS BSREGS BCAD BRDAR BA'I GSER SBYANGS BTZO MA LTAR BSRE LHAD MA ZHUGS SHING, 'KHRUL PA'I CHA PHRA MO TZAM YANG MED PA'I RJE'I BSTAN PA DRI MA MED PA 'DI MTSON, DBU ZHVA'I RTZE MO RNO BAS PHRA ZHING MDZANGS PA'I BLO GROS KYIS GSUNG RAB KYI DGONGS DON 'BYED PA DANG, RTZE MO MTHO BAS LTA BA LA YA @12B MTHA' MED PAR MTSON, CHOS GOS RNAM GSUM GYIS 'DUL BA'I BSTAN PA DRI MA MED PA DAR RGYAS SU MDZAD PA, ZHABS RDO RJE'I SKYIL KRUNG MDZAD PAS SKYIL KRUNG BZHI LDAN GYI SGO NAS ZUNG 'JUG MNGON DU MDZAD PA MTSON, RJE RIN PO CHE NI GTZO BOR 'JAM DBYANGS KYI SPRUL PAR BSTAN PAS DE'I THUGS KAR RJE BTZUN 'JAM DBYANGS 'JAM DPAL YE SHES SEMS DPA' SOGS GANG MOS DANG, RJE'I G-YAS SU SPYAN RAS GZIGS KYI RNAM SPRUL RGYAL TSAB RJE SKU CUNG ZAD BGRES PA'I NYAMS CAN, BYAMS SNYING RJE BYANG CHUB KYI SEMS KYIS THUGS RGYUD BRLAN PAS SPYAN DKYUS 'DZUM ZHING RJE LA DBU CUNG ZAD 'DUD PA'I RNAM PA CAN, RGYAL TSAB RJE'I PHYAG NA LAM RIM CHUNG BA'I GLEGS BAM BSNAMS PA GSAL DGOS TSUL GSUNG RGYUN LA YOD, DE'I THUGS KAR SPYAN RAS GZIGS, RJE'I G-YON DU GSANG BDAG GI RNAM ROL MKHAS GRUB THAMS CAD MKHYEN PA SKU GZHON NU'I RNAM PA LA CUNG ZAD KHROS PA'I NYAMS CAN SPYAN HU RE BA GZIGS PA SMIN MTSAMS SU KHRO GNYER GSUM YOD PA, RJE'I BSTAN PA LA MA RTOGS PA DANG, LOG RTOG ,LOG SMRA, RGOL NGAN GYI RIGS MTHA' DAG 'JOMS PA'I TSUL DU RTZOD PA'I 'GYING NYAMS DANG LDAN PA, DE'I THUGS KAR PHYAG RDOR, RJE YAB SRAS GSUM GA'I RIGS GSUM MGON PO'I THUGS KAR RDO RJE 'CHANG RE, RDO RJE 'CHANG GSUM GA'I THUGS KAR TING NGE 'DZIN SEMS DPA' H'Um SNGON PO STE SEMS DPA' SUM BRTZEGS CAN, YAB SRAS GSUM GA BCAR LEB DANG LDER BZO'I RNAM PA CAN MA YIN PA'I SKU DNGOS GNAS PA LA THUGS KYI YON TAN ZAG MED YE SHES KYI SDE TSAN NYER @13A *, ,GCIG SOGS DANG, GSUNG GIS GDUL BYA LA CHOS STON PA'I GSUNG DBYANGS SGROG BZHIN PA, SKU LAS SEMS CAN GYI DON DU SPRUL PA GRANGS MED PA GSAR DU PHAR SPRO BA DANG, DON MDZAD ZIN GYI SPRUL PA GRANGS MED PA TSUR SDUD PA'I SPRUL BSGYUR SNA TSOGS RGYUN MI CHAD DU MDZAD BZHIN PA, ZHING KHAMS THAMS CAD SKU LA SNANG ZHING, SKUS ZHING KHAMS THAMS CAD LA KHYAB PA SOGS GSANG BA BSAM GYIS MI KHYAB PA'I RNAM THAR GANG NUS DRAN TE DAM TSIG PA GSAL GDAB, DE NAS YE SHES PA SPYAN 'DREN PA LA, RANG KHA BYANG LA PHYOGS PA'AM PHYOGS PAR MOS TE SNYAN BRGYUD TSIG LHUG GSAR BSGRIGS LTAR DGA' LDAN GYI ZHING GSAL 'DEBS PA NI, 'DI NAS BYANG PHYOGS SU RI RAB KYI RTZE MOR SUM CU RTZA GSUM, DE'I STENG BAR SNANG LA SPRIN GYIS BRTEN PA'I GZHI LA 'THAB BRAL GYI BDAG PO MU SU LUN DHA'I LHA'I GNAS, DE'I STENG LHA'I BU RAB DGA' LDAN GYI LHA GNAS DANG, DE LAS LOGS SHIG TU DGA' LDAN YID DGA' CHOS 'DZIN GYI ZHING GRONG LAS DGON PA'I TSUL DU YOD CING, DE CHAGS TSUL YANG SE RA DANG 'BRAS SPUNGS LTAR THAD KAR CHAGS PA MA YIN PAR, DGA' LDAN GYI LHA GNAS BYINGS LAS RGYANG GRAGS GCIG TZAM GYI NAM MKHA' LA 'PHAGS PAR RJE BTZUN BYAMS PA MGON PO'I THUGS BSKYED DANG SMON LAM GYI MTHU LAS GRUB PA'I DAG PA'I ZHING MCHOG DGA' LDAN YID DGA' CHOS 'DZIN, SA GZHI THAMS CAD RIN PO CHE LAS GRUB CING, RIN PO CHE'I LJON SHING SNA TSOGS PAS GANG BA, YAN LAG BRGYAD LDAN GYI MTSO DANG RDZING BU SOGS DU MA YOD PA LA CHU BYA SNA TSOGS KYIS SKAD SNYAN PAR SGROG PA, @13B RI BO DANG LJON SHING SOGS LAS KYANG GANG 'DOD YID BZHIN 'BYUNG BA SOGS YON TAN DU MAS BRGYAN PA'I DBUS SU RJE BTZUN BYAMS PA MGON PO BZHUGS PA'I PHO BRANG RGYAL MTSAN MTHON PO ZHES BYE BA RGYA KHYON MTHA' DANG MU MED PA, PHO BRANG DE'I MDUN DU RJE BTZUN GYIS CHOS GSUNG SA'I KUN DGA' RVA BA YID DGA' CHOS 'DZIN ZHES PA'ANG RGYA KHYON DPAG TSAD DU MA YOD CING, GSER GYI SA GZHI LA BEEd'URYA'I MIG MANG RIS SU BRIS PA, MNAN NA NEM ZHING BTEG NA SPAR BYED PA, DRI BZANG PO'I DANG LDANG BA'I RIN PO CHE'I ME TOG SNA TSOGS DANG, MTSO DANG RDZING BU SOGS LA SPRUL PA'I BYA SNA TSOGS PAS BDEN BZHI LA SOGS PA'I CHOS KYI GSUNG DBYANGS ZAB MO'I MGRIN GLU DAR DIR DU SGROG BZHIN PA SOGS DE LTA BU'I SANGS RGYAS KYI ZHING GI YON TAN PHUN SUM TSOGS PA DANG LDAN PA'I DKYIL DU SENGGE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG DU RJE BTZUN BYAMS PA MGON PO SKU MDOG NYI MA 'BUM GYI GZI BRJID DANG LDAN PA, ZHABS GNYIS BZANG PO'I BZHUGS STANGS KYIS ZHAL 'DZAM GLING DU PHYOGS NAS BZHUGS PA; DBU LA BLA MA'I NGO BO BYANG CHUB MCHOD RTEN YOD PA, PHYAG GNYIS THUGS KAR CHOS 'KHOR GYI PHYAG RGYAS KLU SHING GI SDONG BU BSNAMS PA'I G-YAS KYI 'DAB STENG DU GSER GYI 'KHOR LO DANG, G-YON GYI 'DAB STENG DU RIL BA SPYI BLUGS KYIS MTSAN PA, SKU STOD LA LHA RDZAS KYI GOS KYI STOD G-YOGS DANG, SKU SMAD LA LHA'I PANYTZA LI KA'I SHAM THABS, DBU LA RIN PO CHE'I PROG ZHU MDZES PAR GSOL BA, BSKAL BZANG SANGS RGYAS STONG LAS RNAM 'DREN DRUG PA PHAN CHAD LA 'DZAM GLING 'DIR 'BYON 'GYUR JO BO RJE DANG, @14A *, ,BU STON RIN CHEN GRUB, LHO BRAG GRUB CHEN, RJE TZONG KHA PA CHEN PO SOGS RNAM 'DREN LNGA PA'I 'KHOR GYI TSUL DU BZHUGS PA'I SKYE BA GCIG THOGS KYI BYANG CHUB SEMS DPA' LHA'I BU'I RNAM PAR ROL BA'I DAG PA'I 'KHOR TSOGS GRANGS MED PAS BSKOR BA LA SHER PHYIN GYI MDO'I GSUNG DBYANGS LHANG LHANG SGROG BZHIN PA ZHIG GSAL GDAB, BYAMS MGON GYI BZHUGS STANGS SOGS LA'ANG RTEN 'BREL GYI GNAD CHEN PO YOD, DE YANG BYAMS MGON NYID BSKAL BZANG RNAM 'DREN 'DI'I RJES MA RNAM 'DREN LNGA PA LA 'DZAM GLING 'DIR 'BYON PA'I RTEN 'BREL DU ZHAL RANG RE 'DZAM BU'I GLING PA LA PHYOGS NAS BZHUGS PA, 'DZAM GLING DU BYON PA DE YANG NAM ZHIG PHAR TSAD TZAM NAS 'BYON PA LTA BU MA YIN PAR DUS RING POR MI THOGS PAR MYUR BA NYID DU 'BYON PA'I BRDAR YAR BZHENGS CHOG CHOG LTAR BZANG PO'I BZHUGS STANGS MDZAD PA YIN, PHYAG GNYIS THUGS KAR CHOS 'KHOR GYI PHYAG RGYA MDZAD PAS 'DZAM GLING 'DIR 'BYON PA TZAM DU MA ZAD, CHOS KYI 'KHOR LO BSKOR BA'I BRDA' MTSON DANG, KLU SHING GI SDONG BU BSNAMS PA NI, SPYIR SANGS RGYAS RNAMS MNGON PAR RDZOGS PAR SANGS RGYAS PA'I TSE BYANG CHUB KYI SHING RE LA SKU RGYAB BRTEN NAS 'TSANG RGYA BA'I TSUL BSTAN CING, BDAG CAG GI STON PA THUGS RJE CAN NI, BYANG CHUB KYI SHING AA SHVA TTHA ZHES PA'I DRUNG DU MNGON PAR SANGS RGYAS PA'I TSUL BSTAN LA, DE BZHIN DU RJE BTZUN BYAMS PA MGON PO NYID MA 'ONGS PA NA RGYA GAR RDO RJE GDAN DU SANGS RGYAS PA'I TSE BYANG CHUB KYI SHING KLU SHING LA SKU RGYAB BRTEN NAS 'TSANG RGYA'O, ,ZHES PA'I BRDAR MDZAD, SDONG BU @14B G-YAS KYI STENG DU GSER GYI 'KHOR LOS MTSAN PA NI, 'DZAM GLING DU MNGON PAR SANGS RGYAS NAS NAM ZHIG CHOS 'KHOR BSKOR BA LTA BU MIN PAR, CHOS KYI 'KHOR LO DE YANG DUS MYUR BA NYID DU BSKOR BA YIN GSUNG BA'I BRDA' MTSON DANG, SDONG BU G-YON RIL BAS MTSAN BA NI; SPYIR 'PHAGS YUL NA RGYAL RIGS, BRAM ZE'I RIGS, RJE'U RIGS, DMANGS RIGS TE RIGS BZHI YOD KYANG RJE'U RIGS DANG DMANGS RIGS GNYIS SU SANGS RGYAS SKU MI BLTAMS PAR RGYAL RIGS DANG BRAM ZE'I RIGS GANG BTZUN PA ZHIG LA BLTAMS PAS, STON PA SH'AKYA THUB PA RGYAL PO ZAS GTZANG MA'I SRAS TE RGYAL RIGS SU SKU 'KHRUNGS LA, RGYAL BA BYAMS PA NI BRAM ZE'I RIGS BTZUN PA'I DUS SU 'BYON TE BRAM ZE'I RIGS KYI RGYAL PO'I MDUN NA 'DON GYI SRAS SU SKU BLTAMS PAR GSUNGS PAS NA, SPYI BLUGS NI BRAM ZE RNAMS KYI PHYAG MTSAN LTA BU YIN PAS MA 'ONGS PA NA 'TSANG RGYA BA'I TSE YANG RIL BA SPYI BLUGS PHYAG MTSAN DU THOGS PA'I BRAM ZE'I RIGS SU SKU 'KHRUNGS PA'I MTSON BYED DU SDONG BU G-YON NA RIL BA SPYI BLUGS BSNAMS PA YIN GSUNGS, DBU LA RIN PO CHE'I PROG ZHU GSOL BA NI, STON PA BCOM LDAN 'DAS KYIS GDUL BYA'I DON DU 'DZAM GLING NA GSHEGS PA'I TSE DGA' LDAN DU RJE BTZUN BYAMS MGON LA RIN PO CHE'I PROG ZHU SPYI BOR BCINGS TE RGYAL TSAB TU MNGA' GSOL BA NA LHA RNAMS DGA' BA'I SEMS KYIS DAM PA TOG DKAR PO MA BZHUGS KYANG NGED CAG RNAMS PHAM MA SONG ZHES BGRO GLENG BYED BZHIG BYUNG STE, MTSAN LA YANG MA PHAM PA ZHES GSOL BA RED, DGA' LDAN GYI ZHING BKOD YID LA BYAS PAS ZHING DER SKYE BA'I RGYUR YANG 'GRO, SNGAR ZHUS PA LTAR RJE BTZUN GYI GSUNG RANG GIS LHANG LHANG THOS PA'I NYAMS @15A *, ,DANG; RGYAL BA BYAMS PA YANG PHYOGS BCUR SPRUL PA SNA TSOGS 'GYED BZHIN PAR BSAM DGOS, DE'I THUGS KAR MNGON RGYAN LAS, DPAL GYI BE'U DANG BKRA SHIS NI, ,SANGS RGYAS DPE BYAD BZANG POR BZHED, ,CES GSUNGS PA'I DPE BYAD BRGYAD CU'I NANG TSAN THUGS KA DPAL GYI BE'U DRVA MIG GI RI MO GRA SENG NGE BA, DE YANG BUG PA DANG 'BUR GONG SOGS MED PAR ME LONG LA GZUGS BRNYAN SHAR BA BZHIN YOD PA'I NANG DU RJE YAB SRAS GSUM BZHUGS PAR MOS, GSER GYI GTAN PA PHYIS PA ZHES SHA GTUB SA'I SPANG LEB PHYIS TE NGOS SHIN TU 'JAM POR BYAS PA LA DPER MDZAD, DE NAS RJE YAB SRAS RNAMS BDAG GI MGON SKYABS DANG DPUNG GNYEN DU BYON NA CI MA RUNG SNYAM DU DGA' LDAN LHA BRGYA MA 'DON, LHA BRGYA ZHES PA LHA BRGYA THAM PA LA NGES GZUNG MI BYED PAR SEMS CAN YOD DGU ZER BA LTAR HA CANG MANG BA'I TSIG YIN, MGON ZHES PA LHA BRGYA PHRAG MANG PO'I MGON DU BZHUGS PA LA GSUNGS, DE'I THUGS KA NAS RAB TU DKAR BA'I MDOG CAN ZHO GSAR SPUNGS PA 'DRA BA'I CHU 'DZIN TE SPRIN DKAR PO SNAM BU BRKYANGS PA LTA BU ZHIG THOL GYIS BYUNG STE SPRIN PHUNG 'BUR PO GSUM DU DOD PA'I DBUS SU RJE, G-YAS SU RGYAL TSAB, G-YON DU MKHAS GRUB BCAS RANG GI BLA MA DANG GNYIS SU MED PA'I KHAMS GSUM CHOS KYI RGYAL PO KUN MKHYEN TZONG KHA PA BLO BZANG GRAGS PA'I DPAL SRAS KYI THU BO GNYIS KYI 'KHOR DANG BCAS PA BDAG GIS SPYAN 'DREN PA'I GNAS 'DIR GSHEGS SU GSOL, ZHES PA'O, ,SPYAN 'DREN GYI TSIG BRJOD PA'I TSE SKYES BUS LAG PA BRKYANGS BSKUMS TZAM GYI YUN LA RANG GI MDUN GYI NAM MKHAR BYON PAR MOS, 'DI'I SKABS @15B PHYOGS BCU'I ZHING RAB 'BYAMS NAS KYANG SANGS RGYAS THAMS CAD RJE YAB SRAS GSUM GYI RNAM PAR SPYAN DRANGS TE DAM TSIG PA LA THIM PAR BSAM DGOS, SPYAN 'DREN PA'I DGOS PA YANG, GDUL BYA BLO RAB KYIS CHOS KYI DBYINGS LAS SPRUL SKUR BZHENGS CHOG CHOG YOD KYANG BLO DMAN RNAMS LA SPYAN MA 'DREN NA SANGS RGYAS YOD MED KYI THE TSOM CHE BAS, DES NA SPYAN 'DREN PA YIN GSUNGS, GNYIS PA YAN LAG BDUN PA MAndAL DANG BCAS PA 'BUL BA LA, THOG MAR YAN LAG BDUN GYI SGO NAS TSOGS BSAGS SGRIB SBYANG BYED PA YIN, DE YANG RTOGS PA'I YON TAN RGYUD LA SKYE BA LA RGYUD SMIN DGOS, DE LA TSOGS BSAGS SGRIB SBYANG BYA DGOS, BSAGS SBYANG GI GNAD BSDUS PA NI YAN LAG BDUN PA 'DI YIN, SA CHEN PO LA GNAS PA'I BYANG SEMS RNAMS KYIS SPRUL PA BRGYA STONG MANG POS YAN LAG BDUN PA LA SOGS PA'I SGO NAS BSAGS SBYANG TSAD MED PA DE LTAR MDZAD NA RANG CAG RNAMS LTA CI SMOS TE TSOGS BSAGS SGRIB SBYANG LA 'BAD DGOS, DE LA YAN LAG BDUN LAS, CHO GA GZHAN LA BZHUGS GSOL GYI YAN LAG RJES LA YOD KYANG 'DIR SNGON DU LEN PA'I GNAD 'GAG ,DPER NA, NAD PA TSABS CHEN GYIS SMAN PA GDAN 'DREN TSE, THOG MAR NAD GSO BA'I SMAN PA DE GDAN LA BZHUGS PAR GSOL BA LTAR RANG GIS THOS BSAM SGOM GSUM DANG BSAGS SBYANG SOGS GANG BYED KYANG BSHES GNYEN BSTEN TSUL LTAR RANG GI DON DU BLA MA YUN RING DU BZHUGS PA ZHIG DGOS PAS DE LTAR GSOL BA BTAB PA YIN, DE YANG, MDUN GYI NAM MKHAR SENG KHRI PAD ZLA'I STENG, ,ZHES SOGS TE, RANG GI MDUN GYI NAM MKHAR SNGAR ZHUS PA LTAR RJE @016A *, ,BLA MA YAB SRAS GSUM RANG LA THUGS SHIN TU MNYES PA'I TSUL GYIS MNGON SUM DU BZHUGS PA GSOL 'DEBS, TSIGS BCAD KYI DON LTAR GSOL BA BTAB PAS ZHAL GYIS BZHES PAR BSAM GSUNGS, GNYIS PA PHYAG 'TSAL BA'I YAN LAG NI, SHES BYA'I KHYON KUN ZHES SOGS TE, DE LA LUS KYIS PHYAG 'TSAL BA, NGAG GIS BSTOD DBYANGS BRJOD PA, YID KYIS DE'I DON DRAN PA STE LUS NGAG YID KYI PHYAG YIN, PHYAG GI SKAD DOD NA MA: ZHES PA RAB TU 'DUD PA DANG, GUS PA DANG, NYE BAR BSNYEN PA SOGS LA 'JUG PAS LUS KYIS GUS PA BYAS TSAD LUS KYI PHYAG TU 'GRO ZHING, GTZO BO NI PAn CHEN N'A RO'I PHYAG BZHES LUS THAMS CAD SA LA PHAB PA'I BRKYANG PHYAG DANG, YAN LAG LNGA SA LA REG PA'I BSKUM PHYAG GAM 'DUL BA'I LAS PHYAG GNYIS YIN, GSO SBYONG SKABS 'DUL BA'I LAS PHYAG RANG 'TSAL DGOS, SKABS 'DIR BREL BA CHE TSI THAL MO SBYAR TZAM BYA, 'DI'I TSIGS BCAD RE RES THUGS GSUNG SKU LA RIM BZHIN BSTOD, SHES BYA'I KHYON KUN 'JAL ZHES PA THUGS DANG SHES BYA MNYAM PA'I DON YIN TE, DPER NA SNAM BU 'DOM GANG 'DOM GYIS 'JAL BA NA SNAM BU YANG MI LHAG LA, 'DOM YANG MI LHAG PA BZHIN BYANG SEMS 'PHAGS PAS KYANG SHES BYA JI LTA BA LA MNYAM PAR BZHAG SKABS JI SNYED PA'I CHOS MI GZIGS LA, SNGAGS 'OS BSNGAGS BSTOD LAS, KHYOD 'BA' ZHIG GI YE SHES KYIS, ,SHES BYA MTHA' DAG KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ,ZHES GSUNGS PA LTAR SANGS RGYAS 'PHAGS PA MA GTOGS GZHAN THAMS CAD @016B SHES BYA RGYA CHE LA SHES PA RGYA CHUNG BA YIN YANG, SANGS RGYAS KHO NA'I YON TAN LA SHES BYA'I KHYON THAMS CAD RES 'JOG MED PAR BDEN GNYIS CIG CAR DU GZIGS SHING, MKHYEN PAS 'JAL BA'I TSE SHES BYA GCIG KYANG LHAG PA MED PAR THAMS CAD LA KHYAB CING, KHRID YIG DNGOS GRUB KUN 'BYUNG DU, SHES BYA'I KHYON KUN YANGS PA'I BLO GROS THUGS, ,ZHES GSUNGS PA SHES BYA JI LTA BA DANG JI SNYED PA'I CHOS THAMS CAD MKHYEN PA'I GRA ZUR GCIG TU GU DOG MED PAR CHUD PA LA SBYAR BAS SNGA MA LAS KYANG 'DI BSTOD PA RGYA CHE RU SONG BAS NA, DE LTA BU'I BLO GROS YANGS PA'I THUGS DANG LDAN PA LA BSNGAGS PA BRJOD PA NI THUGS LA BSTOD PA YIN, SHES BYA JI LTA BA NI DON DAM DANG, JI SNYED PA NI KUN RDZOB PA, DE YANG GZHI GCIG LA SBYAR NA, KA BA LTA BU'I STENG GI STONG NYID NI JI LTA BA DANG; JI SNYED PA NI DE'I STENG GI KUN RDZOB DE YIN, DES CHOS THAMS CAD LA RIGS 'GRE, SKAL BZANG ZHES PA BYANG SEMS DANG, DE'I RNA BA'I RGYAN DU GYUR PA THEG CHEN GYI CHOS LA BYED, 'DIR TSIG RIS LTAR NA, SKAL BA BZANG PO DANG LDAN PA'I GDUL BYA RNAMS KYI RNA BA'I RGYAN TE GDUL BYA RANG RANG GI BLO DANG KHAMS DANG BSAM PA DANG MTHUN PAR BSTAN PAS RNA BA'I BDUD RTZI LTA BU'I LEGS PAR BSHAD PA'I GSUNG LA RNA BA'I RGYAN GYUR CES GSUNGS PA YIN, 'DI YANG SANGS RGYAS KHO NA'I KHYAD CHOS TE, SANGS RGYAS KYI GSUNG GI BRJOD PA GCIG GIS LHA, MI, KLU, DRI ZA SOGS SEMS CAN RANG RANG GI SKAD DU GO NUS, SHER PHYIN SKOR DGU YANG GSUNG THEBS GCIG LA RANG RANG GI GO LUGS KYIS RGYAS 'BRING BSDUS PA DGU BYUNG BA YIN, DPE CHA ZHIG LA RJE TZONG KHA @017A *, ,PA'I LEGS BSHAD 'DI LTA BU RGYA BOD GANG DU YANG MA BYUNG BAS, STAG TSANG LO TZ'A BAS KYANG SKU TSE'I STOD DU RJE LA 'GAL BA'I KHUR CHEN BCO BRGYAD KYI DGAG PA BTANG YANG, SKU TSE'I SMAD LA GSER PHRENG SOGS RJE'I LEGS BSHAD RNAMS GZIGS PAS THUGS PHROGS TE BSTOD PA PHUL TSUL SNGAR GONG DU ZHUS PA LTAR YIN, RJE'I LEGS BSHAD RE RE YANG BOD KYI MKHAS PA STONG PHRAG MANG PO 'DZOMS NAS BRTZOM YANG LEGS CHA DE DANG MNYAM PA MI 'BYUNG, BO DONG PHYOGS LAS RNAM RGYAL ZHES PA MCHOD RTEN LA SKOR BA MDZAD ZHOR PHYOGS BZHIR DRUNG YIG BZHI BZHAG ,BSTAN BCOS CHEN PO BZHI RE DUS GCIG TU BRTZOM STE GSUNG 'BUM LA'ANG BSTAN 'GYUR GYI TSOD TZAM YOD PA'I MKHAS PA CHEN PO YIN YANG, ` PHYIS RJE RIN PO CHES MDZAD PA'I RTEN 'BREL BSTOD PA SLONG MO BA ZHIG GIS BZHUGS SGO'I PHYI LOGS NAS BTON PA GSAN SKABS 'DI KLU SGRUB KYI GSUNG RANG YIN 'DUG SNYAM PA NA, 'OG TU, KLU SGRUB GZHUNG LUGS KUN DA'I TSAL, ,ZHES PA THON PAS, KLU SGRUB MIN PAR 'DUG ,DPAL LDAN ZLA BA YIN NAM SNYAM PA NA, YANG, DPAL LDAN ZLA BA'I LEGS BSHAD KYI, ,ZHES SOGS YOD PA GSAN PAS DE YANG MIN PAR THAG CHOD, DE NAS MAR PHEBS NAS SLONG MO BA KHO RANG LA DRIS PAR, CHOS RJE BLO BZANG GRAGS PA'I GSUNG YIN BYAS PAS DAD PA LDOG TU MED PA 'KHRUNGS TE BOD DU RJE RIN PO CHE MJAL BAR PHEBS PA NA BSOD NAMS KYIS MJAL MA THUB KYANG, GSER DNGUL MANG PO DGA' LDAN GSER SDONG RIN PO CHE'I RGYUR PHUL NAS SMON LAM SHUGS DRAG @017B MDZAD PA SOGS KYI RNAM THAR NGO MTSAR CAN YOD, 'DI DAG KYANG SKAL BZANG RNA BA'I RGYAN DU GYUR TSUL YIN, GRAGS PA'I DPAL NI MTSAN BZANG DPE BYAD KYI GZI BRJID 'BAR BA STE SUS MJAL KYANG MDZES SHING PHUN SUM TSOGS PA'I SKU RGYAL BA KUN GYI YAB GCIG 'JAM DPAL DBYANGS SU MOS, : 'DI YANG THUN MONG BA LTAR NA DAM CHOS 'DUL BA'I TSUL KHRIMS RNAM PAR DAG PAS GZHAN KHRIMS 'CHAL SOGS ZIL GYIS GNON PA'I SNYAN GRAGS KYIS LHAM MER MDZES PA LA BYED PA 'GOS LO YE BZANG RTZE PA SOGS KYIS DON DANG LDAN PA'I BSNGAGS BRJOD MDZAD PA LTAR YIN, THUN MONG MA YIN PA NI ZHING KHAMS THAMS CAD SKU LA SNANG ZHING SKUS ZHING KHAMS THAMS CAD LA KHYAB PA STE, DE YANG, YE SHES JI SNYED KHYAB GYUR PA, ,SKU YIS KYANG NI DE SNYED KHYAB; ;CES GSUNGS PA LTAR SHES BYAS GAR KHYAB LA MKHYEN PAS KHYAB CING, MKHYEN PAS GAR KHYAB LA SKUS KHYAB, 'DI SKU THUGS GNYIS ZUNG DU 'JUG PA'I ZUNG 'JUG PA'I YON TAN YIN, ZHING KHAMS THAMS CAD SKU LA SNANG BA YANG SKU'I BA SPU'I BU GA RE RE'I NANG DU SANGS RGYAS KYI ZHING KHAMS RE RE YOD PA, DE DAG KYANG LA LAR SKU BLTAMS PA, LA LAR SANGS RGYAS PA, LA LAR BDUD BTUL BA, LA LAR CHOS 'KHOR BSKOR BA SOGS MDZAD PA BCU GNYIS KYI RNAM PAR ROL BZHIN PA, DE LTA BU'I RJE BLA MA'I GSANG GSUM GYI YON TAN MTHONG THOS DRAN PA'I TSE YANG RDO RJE GSUM THOB PA SOGS KYI BAG CHAGS KHYAD PAR CAN RE 'JOG PA'I DON DANG LDAN PA DE LA PHYAG 'TSAL LO, ,ZHES PA YIN, PHYAG CES PA CHOS THAMS CAD RANG BZHIN MED @018A *, ,PA'I PHYAG RGYA GCIG TU 'DU BA DANG, SNGAGS LA SBYAR NA PHYAG NI BDE STONG GNYIS SU MED PA'I YE SHES LA BYA STE, DPER NA RGYAL PO'I THAM GA LTA BU GZHAN SUS KYANG BSGYUR DU MED PA BZHIN DU CHOS THAMS CAD KYI GNAS LUGS STONG PA NYID LA YUL PHYAG RGYA CHEN PO DANG, DE RTOGS PA'I BLO LHAN SKYES KYI BDE BA CHEN PO'I YE SHES NI YUL CAN PHYAG RGYA CHEN PO YIN, 'TSAL ZHES PA NI DE LTA BU'I PHYAG RGYA'I DON DE BDAG GIS RTOGS PAR 'TSAL LA MA RTOGS PAR 'DOD CES PA DANG, GZHAN YANG SKABS THOB TU SBYAR CHOG ,'DIR THUGS LA BSTOD PA SNGON DU BYUNG BA 'JAM DBYANGS KYI DBANG DU BYAS, DE'I RGYU MTSAN DANG POR THUGS KYI BYIN RLABS ZHUGS TE CHOS RAB TU RNAM 'BYED KYI SHES RAB SOGS SKYED PHYIR YIN, 'JIGS BYED LA DRI CHAB SNGON DU 'ONG BA YANG DON DE DANG 'DRA GSUNGS, GSUM PA MCHOD PA'I YAN LAG NI, YID 'ONG MCHOD YON ZHES SOGS GSUNGS TE, BSOD NAMS KYI TSOGS GSOG PA LA MCHOD PA RGYA CHEN PO BYED DGOS, DE YANG DPER NA, 'JIG RTEN NA LO TOG BTAB SA'I ZHING SA BZANG PO ZHIG LO GCIG STONG PAR BZHAG NA PHANGS SEMS CHEN PO BYED NA, DUS BZHI THAMS CAD DU RGYUN CHAD MED PAR BSOD NAMS KYI SA BON GDAB CHOG PA'I ZHING SA BLA NA MED PA STONG PAR BZHAG NA LTA CI SMOS PAS MCHOD PA 'BUL BA LA RTAG TU BRTZON DGOS, ZHING KHYAD PAR CAN LA MCHOD PA CHUNG NGU RE PHUL BAS KYANG 'BRAS BU RGYA CHEN PO 'BYUNG BA 'KHOR SGYUR NGA LAS NU DANG, KO SA LA'I RGYAL PO'I SNGON BYUNG BCAS STZAL, BSOD NAMS KYI ZHING MCHOG NI BLA MA YIN, GRVA RKYANG @018B 'KHOS DMAN LTA BU YIN YANG MCHOD PA 'BUL BA LA RANG GI DAD PAS THOGS PA MA GTOGS MCHOD RDZAS KYIS LAG THOGS PA MED, RANG LA DAD PA YOD NA SPYOD 'JUG LAS GSUNGS PA LTAR BDAG POS BZUNG DANG MA BZUNG BA'I 'JIG RTEN KHAMS KYI MCHOD RDZAS YID DU NAMS NYAMS PA'I RGYUR 'GRO, RANG GI MCHOD PA'I RGYU GANG CHEN PO TSOS RANG LA 'BYOR PA YOD BZHIN DU MI 'BUL BA'AM DMAN SA NAS PHUL NA BSOD NAMS KYI TSOGS GSOG MI THUB CING, BSOD NAMS NYAMS PA'I RGYUR 'GRO, RANG GI MCHOD PA'I RGYU GANG BZANG BZANG NAS 'BUL DGOS, MAR ME LA SNANG GSAL ZHES 'OD PHUL BA YIN PAS MAR KHA TSA LTA BU YOD KYANG SKYON CHUNG, ZHAL ZAS SOGS LA KHA TSA RUL SUNGS SOGS MED PA NGES PAR DGOS, 'BYOR BA GZHAN MED NA, BSIL ZHIM YANG 'JAM DVANGS LA DRI MA MED, ,LTO BAS GRIN PAR MI GNOD BRGYAD LDAN CHU, ,ZHES PA LTAR BOD KYI CHU YAN LAG BRGYAD LDAN YIN PAS YON CHAB TZAM PHUL NA'ANG PHAN YON BRGYAD YOD, RJE SGRUB KHANG PA DGE LEGS RGYA MTSO SKU'I TSE'I STONG BYA BA BTANG MDZAD NAS BZHUGS SKABS SKU LA NA BZA' BA ZHES RGYU TZAM YANG MED KYANG YON CHAB NYIN STAR DUS GSUM DU TING MED PAR RANG GI GSOL ZHAL CHUR BKRUS TE 'BUL MDZAD, SNGAR RGYA GAR GYI RGYAL PO CHEN PO TSOS SBYIN PA GTONG BA NA SBYIN PA'I KHANG PA BRTZIGS, DER RGYAL PO RANG NYID BYON NAS LAG BSTAR TE SBYIN PA BTANG BA LTAR YON CHAB 'BUL SKABS KYANG SBYIN PA LAG LEN GYI KHYAD PAR ZHES PHUL BA'I PHAN YON 'BUL MKHAN RANG NYID LA 'BYUNG BAS RANG GIS LAG BSTAR NAS 'BUL DGOS, JO BO CHEN PO SKU BA GRES PA'I SKABS KYANG YON CHAB JO BO RANG @019A *, ,GIS PHYAG BSTAR NAS PHUL MDZAD PAS, SLOB MA TSOS AA TI SHA 'O BRGYAL BA 'DUG ,NGED TSOS 'BUL BYAS PAS, JO BO'I ZHAL NAS, 'O NA PA'I LTO ZA RGYU DE'ANG JO BO 'O BRGYAL BAR 'DUG PAS NGED TSOS ZA ZER BA YIN NAM GSUNGS, DE LTAR SANGS MA RGYAS BAR DU TSOGS BSAGS SGRIB SBYANG BYED DGOS, GONG DU ZHUS PA LTAR SAR GNAS KYI BYANG SEMS RNAMS KYANG LUS STONG PHRAG DU MAR SPRUL TE SANGS RGYAS KYI ZHING MANG POR BYON NAS BSAGS SBYANG MDZAD, SANG THO RANGS 'TSANG RGYA RGYU'I BYANG SEMS DES KYANG DO NUB BLA MA TSOGS KYI ZHING DU SPYAN DRANGS NAS TSOGS BSAGS MDZAD PA YIN, BSOD NAMS CHUNG CHUNG NAS MNANG SA CHUNG MI BYED PAR SPOS RKANG GCIG YAN CHAD 'BUL GANG THUB BYED, DGE BSHES PHU CHUNG BAS DANG POR SPANG SPOS PHUL BA NAS BSOD NAMS 'PHEL TE MTHAR AA GA RU LA SOGS PA GSER SRANG MANG POS NYOS NAS PHUL RGYU BYUNG BAR GSUNGS TSUL, MCHOD PA DNGOS SU RGYA CHE CHUNG GANG YOD KYANG YID KYIS, MDO PHAL PO CHE LAS GSUNGS PA'I, MCHOD YON PHAL CHER MCHOD YON BLA BRE DANG, ,ZHES SOGS LTAR SA DANG BAR SNANG NAM MKHA'I KHYON THAMS CAD GANG BAR MOS TE PHUL NA DE'I TSOD KYIS BSOD NAMS KYI TSOGS RDZOGS TSABS CHE, MCHOD YON GYI BLA BRE SOGS MA GA DHA BZANG MO'I GTAM RGYUD LAS BYUNG BA LTAR MOS, YID 'ONG KUN LA SBYAR BA YIN, DE LTA BU'I MCHOD PA DNGOS SU BSHAMS PA DANG YID KYIS SPRUL PA'I MCHOD PA'I SPRIN GYI PHUNG PO 'DI, RJE CHOS RGYAN GYIS, ZHING MCHOG DAM PA RJE BTZUN BLA MA LA, ,SOGS GSUNGS PA LTAR GDUL BYA'I BSOD NAMS KYI @019B ZHING MCHOG TU GYUR PA'I SKYABS GNAS KUN 'DUS KYI BLA MA KHYED LA THUGS DGYES PA'I SLAD DU MCHOD PAR 'BUL LO, ,ZHES PA YIN, SKABS 'DIR MAndAL RGYAS PAR PHUL KYANG CHOG ,CHU GNYIS NYER SPYOD SOGS 'BUL BA BLA NA YOD PA'I MCHOD PA, RANG GI SNYING GA NAS RDO RJE MCHOD LHA SPROS TE KUN BZANG MCHOD SPRIN PHUL BA BLA NA MED PA'I MCHOD PA STE DE GNYIS KA PHYI'I MCHOD PA, SHA LNGA DANG BDUD RTZI LNGA SOGS SBYANGS RTOGS SBAR GSUM BYAS TE PHUL BA NANG MCHOD, PADMA CAN SOGS SPROS TE THUGS KA'I RDO RJE 'CHANG GI YUM LA THIM ZHING, DE GNYIS YAB YUM SNYOMS 'JUG GI DGA' BAS ROL BAR MOS PA GSANG MCHOD, DE LA BRTEN NAS TSOGS ZHING GI THUGS RGYUD LA BDE STONG GI YE SHES KHYAD PAR CAN 'KHRUNGS PAR MOS PA DE KHO NA NYID KYI MCHOD PA YIN, DE DAG DBANG BZHI'I LAM DANG 'BREL BAS DGOS PA CHE GSUNGS, BZHI PA BSHAGS PA'I YAN LAG NI, GANG ZHIG THOG MED CES SOGS GSUNGS, BSHAGS PA 'DI SHIN TU GNAD CHE STE, TSE 'DI PHYI KUN TU MI BDE BA BYUNG TSAD SNGAR SDIG PA BYAS PA'I 'BRAS BU YIN, RANG RE SDOM PA LEN RGYU GANG YOD BLANGS KYANG BSRUNG RGYU SNE GCIG KYANG DKA', DGE SLONG LTA BU YIN NA NYIN RE LA SO THAR GYI LTUNG BA STONG PHRAG TZAM 'BYUNG, BYANG SEMS DANG SNGAGS KYI LTUNG BA NI CHAR 'BABS PA BZHIN 'BYUNG ZHING NYES DMIGS KYANG SHIN TU CHE, DE DAG BSHAGS PA MA BYAS NA DMYAL BAR 'PHEN NGES PAS BSHAGS PA NAN TAN BYED PA GAL CHE, SPYIR DMYAL BA'I RGYU LA SKAD GRAGS YOD PA'I SDIG PA MI DGOS, DGE SDIG GANG BYAS KYANG RGYU CHUNG NGU LAS 'BRAS BU CHEN PO 'BYUNG STE, DPER NA PHYI'I RGYU 'BRAS @020A *, ,'PHEL CHE BA KHAM SDONG LTA BU LA MTSON NA, RGYU SA BON KHAM TSIG CHUNG NGU ZHIG LAS MED KYANG, 'BRAS BU KHAM BU'I SDONG PO DANG YAL GA LO MA ME TOG 'BRAS BU RNAMS LO RE BZHIN ZAD PA MED PAR 'PHEL BA DNGOS SU MTHONG RGYU YOD PA LO TOG SOGS GZHAN LA'ANG 'DRA, PHYI'I RGYU 'BRAS 'PHEL CHE BA DE BZHIN DU NANG GI RGYU 'BRAS KYANG 'PHEL CHE BA, GZHAN LA SPRE'U DANG SBAL PA 'DRA ZER BA DANG, KHYI RGAN ZER BA TZAM GYIS KYANG DE DANG DE'I SKYE BA LNGA BRGYA LEN DGOS PAR MDO SDE SOGS NAS 'BYUNG BA LTAR MCHU 'GUL TZAM BYAS PAS KYANG NGAN SONG DU THIB KYIS NON PA YOD, DGE BA YANG DE BZHIN 'PHEL CHE BA DGE SLONG MA DKAR MO SOGS KYI SNGON BYUNG BCAS STZAL, DA LTA NGED TSOS NYIN RE BZHIN NGAN SONG GI RGYU MANG PO BSGRUB BZHIN PA 'DI LA BSAMS NA DE RING GCIG PU'I SDIG PAS KYANG NGAN SONG GSUM DU BSKAL PA MANG POR SKYE BA'I RGYU BSGRUBS PA YIN, RANG CAG LA SDIG PA'I NGOS NAS BLTAS NA RGYAL PO'I BANG MDZOD DANG 'DRA BAS DE DAG BSHAGS PA MA BYAS NA PHYI MAR NGAN SONG RANG DU 'GRO BAR THAG CHOD; SDIG PA LA SKYON MA GTOGS YON TAN GZHAN MED KYANG BSHAGS NAS 'DAG RGYU YOD PA DE SDIG PA'I YON TAN YIN PAS BSHAGS PA RGYUN RING SHUGS DRAG GNAD SMIN ZHIG BYUNG NA SDIG PA STOBS CHEN YANG 'DAG NUS PA SOR PHRENG CAN DANG, MA SKYES DGRA; BRAM ZE'I KHYE'U MTHONG LDAN RNAMS KYI LO RGYUS BCAS GSUNGS, DENG SANG DGE BA BYED MKHAN LA GRA MI 'GRIGS PA MANG PO BYUNG NA, KHA CIG GIS KHOS RNAM DKAR CHOS PHYOGS DE TZAM BYED PA LA DE 'DRA YONG MDOG KHA PO MED PAS DGE SDIG GI LAS @020B 'BRAS CANG MED PA 'DRA ZER YANG, DE LAS 'BRAS NGES PAR YOD PA'I RTAGS YIN TE, CHOS BYED LA BKRA MI SHIS PA MANG PO BYUNG BA DE TSE RABS SNGON MA'I SDIG PA'I 'BRAS BU DA LTA SMIN NAS DGE 'BRAS RNAMS PHYI MAR SMIN PA'I RTAGS YIN PAS DGA' SPRO BYA SDIG PA BYED MKHAN LA LAM 'GRO CHEN PO YONG BA NI DE LAS LDOG PA YIN PAS 'JIGS SKRAG DANG BSHAGS SDOM SOGS BYA DGOS, BSHAGS PA STOBS CHE CHUNG GIS SDIG PA 'DAG TSABS CHE CHUNG DE BZHIN 'BYUNG, SPYIR TSE 'DI LA BSHAGS PA SHUGS DRAG SHIN TU STOBS CHEN GCIG BYA DGOS, DE YANG DPER NA, MI TSANG BU LON CHEN PO YOD PA ZHIG GIS BU LON GSAR PA MA BLANGS PAR BU LON RNYING PA TSANG MA PHAR SPROD THABS BYAS NA BU LON SOD PA'I DUS YONG BA LTAR THOG MED NAS BSAGS PA'I SDIG PA RNAMS RMI LAM NA SDIG PA DAG PA'I RTAGS YANG YANG MA BYUNG BAR DU BSHAGS PA BYED, 'DI RANG CAG GI LAG LEN LA LHO BRAG GRUB CHEN DANG, RJE THAMS CAD MKHYEN PA'I RNAM THAR LTAR GTZO BOR LTUNG BSHAGS DANG 'BREL BA'I BRKYANGS PHYAG BYED PA DE RANG BZANG, SDIG PA DAG PA'I RTAGS BSKUL BYED KYI GZUNGS LAS BYUNG BA LAM RIM CHEN MO SOGS LAS GSUNGS, DE NAS NYIN RE BZHIN DGONG MO NYAL KHAR RDOR SEMS BSGOM BZLAS DANG 'BREL BA'I YIG BRGYA NYER GCIG RE DANG, LTUNG BSHAGS LTA BU'I SGO NAS BSHAGS PA GNAD SMIN RE BYAS NA DE'I NYIN MO'I SDIG HPA'I 'PHEL KHA CHAD 'GRO ,DE LTAR SDIG PA NYIN BYUNG BA NUB BSHAGS, NUB BYUNG BA NANGS PAR BSHAGS TE SDIG LTUNG DANG ZHAG TU MI 'GROGS PA BYED, BSHAGS PA STOBS CHEN YONG BA LA @21A *, ,GNYEN PO STOBS BZHI TSANG DGOS, DE LA RTEN GYI STOBS NI SKYABS SEMS BYED PA LA BYA STE, GANG LA BRTEN NAS SDIG PA LAS LDANG PA'I RTEN ZHIG LA 'JOG CING, SDIG PA PHAL CHER SANGS RGYAS DANG SEMS CAN GNYIS LA BRTEN NAS BYUNG BAS SANGS RGYAS LA BRTEN PA'I SDIG PA SKYABS 'GRO'I SGO NAS SBYANG, SEMS CAN LA BRTEN PA'I SDIG PA SEMS BSKYED KYI SGO NAS SBYANG DGOS PAS RANG LUGS LA RTEN GYI STOBS SKYABS SEMS BYED PA NYID YIN, RNAM PAR SUN 'BYIN PA'I STOBS NI 'GYOD SEMS BYED PA STE, DPER NA, MI BZHIS DUG DANG 'DRES PA'I ZAS MNYAM DU ZOS NAS, GCIG SHI, GCIG SHI LA KHAD DU GYUR, GCIG NA NAS YOD NA, CIG SHOS MA NA PA DE LA 'GYOD PA GTAN MI BZOD PA 'ONG BA LTAR SNGAR SDIG PA BYAS PA'I SEMS CAN GRANGS MED PA ZHIG NAS 'GA' ZHIG DA LTAR MYAL BA SOGS SU SKYES TE SDUG BSNGAL MYONG BZHIN PA DANG, 'GA' ZHIG SKYE CHOG CHOG TU YOD PA LA, BDAG KYANG SNGAR BSAGS PA'I SDIG PA LA BSHAGS PA GNAD SMIN ZHIG MA BYUNG NA DE 'DRA'I NGAN SONG DU SKYE NGES SU THAG CHOD PAR BSAMS NAS SNGAR SDIG PA BYAS PA LA 'GYOD GDUNG SHUGS DRAG TU SKYED PA YIN, GNYEN PO KUN SPYOD KYI STOBS NI, SPYIR SDIG PA 'DAG PHYIR DGE BA BYAS TSAD GNYEN PO KUN SPYOD KYI STOBS SU 'GRO YANG, GTZO BOR 'DI LA DRUG GSUNGS PA LAM KHRID LAS BYUNG BA LTAR 'DIR YANG YIG BRGYA DANG LTUNG BSHAGS 'DON PA SOGS LA BYED, NYES PA LAS SLAR LDOG PA'I STOBS NI, PHYIN CHAD SROG LA BAB KYANG NGAN SONG DU SKYE BA'I RGYU SDIG PA MI DGE BA DE 'DRA @21B GTAN NAS MI BYED SNYAM DU SDOM SEMS BYED PA YIN, STOBS BZHI NAS GAL CHE SHOS RNAM PAR SUN 'BYIN PA'I STOBS YIN, DE'I 'GYOD SEMS BYED PA DE YOD NA STOBS GZHAN RNAMS RANG SHUGS KYIS 'BYUNG, DGA' LHA GSAR BSGRIGS LTAR KYE MA BDAG NI 'KHOR BA THOG MED NAS, ,ZHES SOGS KYIS 'GYOD GDUNG BSKYED CING THUGS RJE BSKUL BA SNGON DU GTANG, DE NAS BSHAGS PA DNGOS GZHI BYA BA GNAD YIN, DE'I PHYIR BDAG GIS THOG MED NAS BSAGS PA'I SGO GSUM GYI SDIG PA CI BGYIS THAMS CAD YID YUL DU BYAS TE, SDIG PA 'BYUNG PA'I SGO LUS NGAG YID GSUM GYIS MI DGE BA SNGAR CI BGYIS PA SPYI DANG, KHYAD PAR RANG CAG RAB TU BYUNG BA SOGS LA CHED DU BSNGAGS PA'I SDOM GSUM GYI BCAS PA DANG 'GAL BA'I PHAM LHAG LTUNG BYED SOR BSHAGS NYES BYAS RTZA LTUNG SBOM PO PHYOGS MTHUN DANG BCAS PA STE BSHAGS RGYU'I SDIG PA NGOS BZUNG NAS, DE DAG SNYING THAG PA NAS 'GYOD PA DRAG POS SDOM SEMS DANG LDAN PA'I SGO NAS BSHAGS PA YIN, SO SOR BSHAGS ZHES PA SPYIR SO THAR LA BRTEN PA'I NYES PA DUS 'BREL GSO SBYONG GI SGO NAS MKHAN SLOB DGE 'DUN DANG BCAS PA'I SPYAN SNGAR BSHAGS, BYANG SDOM GYI DE BLA MA RGYAL BA SRAS BCAS KYI SPYAN SNGAR BSHAGS, SNGAGS KYI DE BLA MA DKYIL 'KHOR PA'I LHA TSOGS DANG BCAS PA'I DRUNG DU DBANG BLANG BA SOGS KYIS BSHAGS DGOS PAR GSUNGS YOD, KHA CIG GIS BSHAGS PA BYAS KYANG SDIG PA MI 'DAG SNYAM NA DE GNYEN PO LA YID MI CHES PA'I LOG LTA YIN, SDIG PA YOD GSUNGS PA DANG, BSHAGS PAS 'DAG YONG GSUNGS PA GNYIS KA SANGS RGYAS KYIS @22A *, ,GSUNGS PAS BDEN MNYAM YIN, 'DI'I SKABS KYANG SDOM GSUM GYI BCAS 'GAL RNAMS DRAN YUL DU BYAS NAS BSHAGS SDOM SHUGS DRAG TU BYAS PAS SDIG LTUNG RNAMS LHAG MED DU DAG PA'I MOS PA BYED, MJUG TU SDIG PA'I 'KHOR GSUM MI DMIGS PA'I RGYAS BTAB NA SDIG PA 'DAG PA LA SHIN TU STOBS CHE, MTSAMS 'DIR RDOR SEMS BSGOM BZLAS BYAS KYANG CHOG ,DE BYED NA ZHAL SHES LTAR RJE BLA MA SEMS DPA' SUM BRTZEGS SU GSAL BA'I THUGS KA'I RDO RJE 'CHANG DE NYID RDOR SEMS SU GYUR, DE LAS RDOR SEMS DPAG MED CHAD DE RANG DANG SEMS CAN THAMS CAD KYI SPYI BOR RDOR SEMS RE BZHUGS PA RNAMS LAS BDUD RTZI 'BEB SBYANG BYED PA SOGS RDOR SEMS BSGOM BZLAS KYI DMIGS PA GANG YOD SBYAR, YIG BRGYA NYER GCIG SOGS BZLA, RDOR SEMS BSGOM BZLAS 'DI GNAD SMIN BYUNG NA DBANG BZHI BYIN RLABS KYI GO YANG CHOD, 'DI DAG GI SKABS RNAMS SU TSOGS ZHING GI BLA MA RANG LA THUGS SHIN TU DGYES PAR BSAMS PA GNAD YIN GSUNGS, LNGA PA RJES SU YI RANG PA'I YAN LAG NI, SNYIGS MA'I DUS 'DIR ZHES SOGS TE, RJES SU YI RANG 'DI BYANG CHUB SEMS DPA'I NYAMS LEN YIN, GZHAN GYIS DGE BA BYAS PA LA PHRAG DOG DANG 'GRAN SEMS MI BYED PAR RJES SU YI RANG BYA DGOS, BYANG SEMS SA DANG PO BA LTA BU'I DGE RTZA LA YI RANG BYAS NA, RANG RES LO STONG PHRAG MANG POR PHYAG MCHOD BYAS PA BAS PHAN YON CHE, RGYUD TSOD DMA' BAS MTHO BA LA YI RANG BYAS NA DGE RTZA PHYED TZAM DANG, MNYAM PAS MNYAM PA LA YI RANG @22B BYAS NA DGE RTZA MNYAM PA, MTHO BAS DMA' BA LA YI RANG BYAS PAS DGE RTZA LHAG PAR THOB, SPYIR GANG ZAG LNGA'I DGE RTZAL YI RANG BYA CHOG KYANG, SKABS 'DIR RJE TZONG KHA PA CHEN PO'I GSANG BA GSUM GYI YON TAN LA RJES SU YI RANG BYED PA YIN, BLA MA'I RNAM THAR BKLAG PA'I TSE YANG RJES SU YI RANG GIS BDAG GIS KYANG 'DI LTA BU'I RJES SU SLOB NUS PAR SHOG SNYAM PA DANG, DE BZHIN GSHEGS PAS SNGAR SKU LUS SBYIN PAR BTANG BA LTA BU RANG GIS DE LTA MI NUS PA YANG MTHAR DE LTAR NUS PAR SHOG SNYAM DU GSOL BA 'DEBS SHING, SMON LAM TSUN CHAD BRGYAG DGOS, SNYIGS MA'I DUS 'DIR PHAL CHER MDO SNGAGS KYI GZHUNG LA PHYOGS RE BAR SONG, THOS BSAM SGOM GSUM YA BRAL DU SONG NAS SEMS MI RTOG PA RKYANG RKYANG BSGOM PA LAS THOS BSAM MI DGOS ZER BA SOGS MANG DU BYUNG YANG, THOS PA NI MIG DANG 'DRA BAS DE MED NA SGRUB PA NYAMS SU LEN PA MI SHES SHING, THOS PA BYAS KYANG SGRUB PA MA BYAS NA MI YONG STE, LHAS BYIN DANG LEGS SKAR SOGS DANG 'DRA, RJE TZONG KHA PA CHEN PO NI DE LTA BU MIN PAR MKHAS GRUB TSAD MA'I GZHUNG LA DPANG POR MDZAD DE MDO SNGAGS GANG THAD NAS PHRA RAGS THAMS CAD LA, RJE NYID KYIS, NGOMS PA MED PA'I THOS PA BYED PAR SHOG, ,CES GSUNGS PA LTAR THOS BSAM RGYA CHER MDZAD PAS PHAR PHYIN, DBU TSAD, 'DUL MNGON, RGYUD SDE BZHI SOGS KYI GSUNG RAB DGONGS 'GREL DANG BCAS PA THUGS SU MA CHUD PA MED, 'DI DAG GI KHUNGS KYANG RTOGS BRJOD 'DUN LEGS MA'I SKABS DANG PO'I NANG DU GSUNGS PA LTAR THOS PA'I YON TAN DO ZLA MED PAR MDZAD, @23A *, ,DER MA ZAD THOS DON LA DPYAD PA ZHIB MOR GNANG BA'ANG RJE BLA MA 'DI LTA BU SNGON CHAD MA BYUNG LA, RJES SU YANG 'BYUNG MI THUB PA YIN TE, BAR DU GZHUNG LUGS THAMS CAD GDAMS PAR 'CHAR BA SNGAR THOS BSAM MDZAD PA'I GZHUNG THAMS CAD DPYAD PA ZHIB TU MDZAD PA LA BRTEN NAS GSUNG RAB MA LUS GDAMS NGAG TU SHAR TE THOS BSAM YA MA BRAL BAR NYAMS SU BZHES PA'I TSUL RTOGS BRJOD KYI SKABS GNYIS PAR BLTAS PAS SHES, DE LTAR THOS PA'I DON GSUNG RAB GDAMS NGAG TU SHAR YANG THUGS TSIM ZHING NGOMS PA MED PAR RJE BTZUN 'JAM DPAL DBYANGS KYI BKA' BZHIN 'OS DGA' CHOS LUNG SOGS SU DGUNG LO SUM CU SO DRUG NAS BZUNG THOS BSAM SGOM GSUM YA MA BRAL BAR BSTAN PA DANG GZHAN DON KHO NA THUGS NYAMS SU BZHES TE DPON SLOB DGU PO BYA BRAL LA BYON, DKA' SPYAD TSAD MED PA GNANG NAS ZHAL SLOB RNAMS KYIS BCUD LEN YANG MDZAD, RTOGS LDAN 'JAM DPAL RGYA MTSOS SHUG 'BRU'I BCUD LEN GNANG BAS BLA MA SHUG 'BRU PA ZHES GRAGS PA'ANG BYUNG, SGRUB PA SNYING PO'I NYAMS LEN LA RTZE GCIG TU GZHOL BAR MDZAD PAS SANGS RGYAS BYANG SEMS MANG PO'I ZHAL GZIGS, KHYAD PAR RJE BTZUN 'JAM PA'I DBYANGS KYIS RJE BLA MA'I DNGOS KYI DGE BA'I BSHES GNYEN MDZAD DE MDO SNGAGS KYI GNAD MTHA' DAG RGYUN DU GSUNGS SHING, DGA' LDAN SNYAN BRGYUD SPRUL PA'I GLEGS BAM DANG BCAS PA GNANG, SPRUL PA'I GLEGS BAM DU MDO SNGAGS KYI ZAB GNAD THAMS CAD DANG, LUNG BSTAN YANG MANG PO YOD KYANG @23B RANG CAG THA MAL PAS MI MTHONG, GSUNG RAB KYI DON MKHAS PA SNGA MAS THAG MA CHOD PA RNAMS KYANG RJE 'DIS THAG BCAD, SNGAR KHA CIG GIS MTHONG MA MTHONG BU LA DRIS, THAG CHOD MA CHOD RJE LA DRIS ZHES ZER BA BYUNG TSUL, BU ZHES PA BU STON RIN CHEN GRUB YIN GSUNGS, RJE'I GSUNG RAB RNAMS LA BOD 'DIR LTA ZHOG ,RGYA GAR GYI MKHAS PA THOGS MED SKU MCHED SOGS KYI GZHUNG GIS KYANG NGO SA MED DE, DE DAG GIS GZHUNG PHYOGS RE TZAM LAS, MDO SNGAGS YONGS RDZOGS KYI SROL BTOD PA MED PA'I PHYIR, RJE BLA MA 'DI NGES PA'I DON DU 'JAM DPAL DBYANGS DNGOS YIN KYANG GDUL BYA THUN MONG BA'I SNANG NGOR YANG SA LAM GYI BGROD PA SANGS RGYA KHA MA'I SA MTSAMS, ZUNG 'JUG BRNYES PA'I SNGAGS KYI SPYOD PA MDZAD CHOG CHOG GI BAR DU PHEBS KYANG RJES 'JUG BU SLOB DANG BSTAN PA LA SKYON 'BYUNG BAR DGONGS NAS SKU TSE DE LA SNGAGS KYI SPYOD PA SOGS MA MDZAD PAR 'CHI BA 'OD GSAL GYI SKABS SU BAR DO LONGS SPYOD RDZOGS PA SGYU MA'I SKUR BZHENGS TE ZUNG 'JUG GI GO 'PHANG BRNYES PA'I TSUL BSTAN PA YIN, RTOGS BRJOD KYI SKABS GSUM BAR SGRUB PA NYAMS SU BLANGS TSUL MDO TZAM LAS MA GSUNGS KYANG, NYAMS LEN GYI RIM PA RNAMS RJE'I NYAMS MGUR DU BSTAN PA YONGS RDZOGS NYAMS SU BLANGS NAS SGRUB PA SNYING POR GZHOL TSUL ZAB RGYAS GSUNGS SHING, RTOGS BRJOD 'DUN LEGS MA RJE BLA MA'I THOS BSAM MDZAD PA'I RNAM THAR DANG, LAM RIM BSDUS DON NAM LAM RIM NYAMS MGUR SGRUB PA NYAMS SU BZHES PA'I RNAM THAR YIN PAS DE GNYIS SBRAGS DGOS, DES NA BSTAN PA THAMS CAD 'GAL MED DU RTOGS @24A *, ,PA DANG, GSUNG RAB MA LUS GDAMS NGAG TU 'CHAR BA'ANG RJE RIN PO CHE LA BYUNG, ZAB MO DBU MA'I LTA BA, GSANG SNGAGS KYI SGYU LUS SOGS SNGON CHAD MKHAS PA SUS KYANG GSAL MA THUB PA MANG PO RJE BLA MA 'DIS GSAL BAR MDZAD, RJE'I RNAM THAR THUN MONG MA YIN PA 'DI RNAMS YIN, MDO SNGAGS KYI BSTAN PA YONGS SU RDZOGS PA LA THOS BSAM SGOM GSUM DANG, GZHAN DAG DE LA BKRI BA, GSUNG 'BUM TSUN CHAD LA'ANG BSTAN 'GRO'I DON KHO NA MDZAD PAS RLABS CHEN GYI MDZAD PA YANG DE LA BYED, DE LTA BU'I THOS PA SOGS LAM BRTEN PAR RI KHROD LTA BUR BSDAD KYANG SNGAGS 'DRA BGRANG NA MA GTOGS DMIGS BRTZE MA TZAM GYI DON YANG GO MI NUS, THOS PA DE YANG LAG LEN GYIS SGRUB PA SNYING POR GZHOL BA ZHIG MA BYUNG NA SPRANG POS GTER GYI KHA BYANG SKEL BTAGS NAS BKLAGS PA DANG MTSUNGS GSUNGS, DPER NA RIGS LAM PA TSOS, MYU GU CHOS CAN, BDEN PAR MED DE, RTEN 'BREL YIN PA'I PHYIR, ZHES BRJOD PA LTA BU YANG TSIG TZAM MA YIN PAR RIGS PA YANG DAG GI LAM NAS DRANGS TE DON GYIS BRJOD PA ZHIG DGOS, BDAG GI BLA MA CO NE RIN PO CHES, RNAM MKHYEN ZER BA'I SKABS SU NA NAG SGUR ZHIG SEMS LA SHAR NA BZO LTA MED GSUNGS, THOS DON DE GOMS PA ZHIG BYUNG NA RTOGS PA YANG DES SKE 'ONG, 'TSANG RGYA BA LA THOS BSAM SGOM GSUM YA MA BRAL BA DGOS PA 'DI BKA' GDAMS GSAR RNYING GI KHYAD CHOS YIN, RANG CAG RNAMS KYIS KYANG CI NUS KYIS THOS BSAM SGOM GSUM YAM BRAL BA BYED, DE YANG DANG POR THOS PA'I GNAS SKABS NAS SGRUB PA NYAMS SU LEN RGYU'I DON DE LA @24B THOS BSAM BYED, GANG THOS BSAM BYAS PA'I DON DE SGRUB PA NYAMS LEN BYED DGOS PA YIN, 'DIR MANG THOS SGRUB LA BRTZON ZHES PA RJE RIN PO CHE'I RNAM THAR GYI SDOM LTA BU YIN PAS 'DI'I KHONGS NAS RJE'I RNAM THAR YONGS RDZOGS KYI DON STON, TSIG 'DI GNAD 'GAG HA CANG CHE, SGRUB LA BRTZON LUGS KYANG RJES PAN GYIS, BSGOM NA THOS PA MI DGOS ZHES, ,BLUN PO BLO RGYA CHUNG NGU SMRA, ,THOS PA MED PA'I SGOM PA NI, ,'BAD KYANG DUD 'GRO'I SGRUB THABS YIN, ZHES DANG, THOS PA MED PA'I SGOM PA DE, ,LAG RDUM BRAG LA 'DZEGS PA 'DRA, ,ZHES PA LTA BUR MA SONG BAR MDO RGYUD DGONGS 'GREL DANG BCAS PA LA THOS BSAM RGYA CHEN PO GNANG BA'I DON RTZE GCIG TU SGRUB PA SNYING POR MDZAD DE CHOS SPYOD BCU PO RNAMS KYANG ZUNG 'BREL DU NYAMS SU BZHES PA YIN, MDOR BSDU NA, RJE'I MDZAD PA RNAM THAR GANG LA'ANG TSE 'DI SNANG LA ZHEN PA'I CHOS BRGYAD NAG PO DANG, RANG GCES 'DZIN GYIS BSLAD PA'I CHOS BRGYAD KHRA BO DANG, STONG NYID MA RTOGS PA'I BYANG CHUB SEMS DPA' RNAMS LA'ANG 'BYUNG BA'I BDEN PA'I DNGOS POR 'DZIN PA'I DNGOS ZHEN GYIS BSLAD PA CHOS BRGYAD DKAR PO STE CHOS BRGYAD DKAR NAG KHRA GSUM GANG GIS KYANG MA BSLAD PAR MDZAD CHEN BZHI DANG, BSTAN BCOS 'GRAN ZLA DANG BRAL BA MANG PO BRTZAMS PA DANG, THUB BSTAN YONGS RDZOGS TSANG LA DRI MA MED PA'I SROL GSAR DU BTZUGS PA SOGS DAL 'BYOR DON YOD BYED PA'I MDZAD PA RLABS CHEN SPYI DANG, KHYAD PAR RJE RIN PO CHE MA BYON GONG BOD KYI MKHAS PA SNGA MA SUS KYANG JI BZHIN MA PHYED PA'I ZAB MO YANG DAG PA'I LTA BA'I BSTAN PA NYI MA SHAR BA LTAR GSAL BAR MDZAD PA SOGS KYI @25A *, ,BKA' DRIN DRAN NAS RJES SU YI RANG BYED CING, BDAG KYANG DE LTA BU'I RNAM THAR 'KHYONGS PAR BYIN GYIS BRLAB TU GSOL SNYAM PA BYA, DA DUNG RGYAS PAR BYED NA RJE'I RNAM THAR DANG SBYAR NAS 'CHAD NA YI RANG CHEN PO SKYE TSABS CHE YANG HA CANG RGYAS PAS DE TZAM GYIS CHOG PAR ZHUS GSUNGS, DRUG PA CHOS 'KHOR BSKOR BAR BSKUL BA'I YAN LAG NI, RJE BTZUN BLA MA DAM PA SOGS TE, SPYIR RANG GI SHES RGYUD YONGS SU DAG NA DE BZHIN GSHEGS PA'I GSANG GSUM GYI SNANG BA 'BAD MED LHUN GRUB TU 'BYUNG YANG, CHOS 'KHOR BSKOR BAR BSKUL BA GNAD SHIN TU CHE STE, CHOS 'KHOR LA LUNG RTOGS GNYIS LAS, RTOGS PA'I CHOS 'KHOR NI RTOGS PA'I YON TAN GANG ZAG GCIG NAS GCIG GI RGYUD DU 'PHO BA LA BYED CING, DE LUNG GI CHOS 'KHOR BSKOR BA LA RAG LAS, DE YANG GSOL BA 'DEBS PA LA RAG LAS PA YIN, 'DIR RJE'I THUGS CHOS SKU'I NAM MKHA' LA DPER BYAS NAS, MKHYEN PA DANG BRTZE BA'I CHU 'DZIN TE SPRIN 'KHRIGS PA LAS GDUL BYA RNAMS KYI BLO YI 'DZIN MA STES GZHIR GANG LA GANG 'DUL GYI ZAB PA DANG RGYA CHE BA'I CHOS KYI CHAR PA 'BAD MED LHUN GRUB TU DBAB TU GSOL ZHES PA THUN MONG BA DANG, THUN MONG MA YIN PA LTAR NA MKHYEN PA STONG NYID RTOGS PA'I SHES RAB DANG, BRTZE BA BDE BA CHEN PO'I YE SHES TE, SNYING RJE'I SKAD DOD KA RU nA ZHES PA BDE 'GOG LA 'JUG CING, DE BDE BA CHEN PO'I YE SHES LA'ANG BSGYUR DU RUNG BA GRUB CHEN SA RA HAS, SNYING RJE DANG BRAL STONG PA NYID ZHUGS PAS, ,ZHES GSUNGS PA'I DGONGS PA YIN @25B DE LTAR BDE STONG GI YE SHES DE NYID RTEN BRTEN PA'I DKYIL 'KHOR GYI 'KHOR LO MTHA' YAS PA'I RNAM PAR SPROS PA SPRIN GYI GZUGS SU BKOD NAS, GDUL BYA'I 'DZIN MA STE GDUL BYA SA GZHI YIN RGYU LTA BU BYAS TE DBANG BZHI SOGS KYIS GDUL BYA'I RGYUD SMIN PAR BYAS PA'I ZHING SAR, MDO LTAR NA, THABS KYI CHA GSUNGS PA RNAMS RGYA CHE BA DANG, SHES RAB KYI CHA RNAMS ZAB PA, SNGAGS LA, RGYUD SDE 'OG MAR RGYA CHE BA MTSAN BCAS ZAB PA MTSAN MED, RGYUD SDE GONG MA BLA MED LTAR NA RGYA CHE BA BSKYED RIM, ZAB PA RDZOGS RIM STE DO LTA BU'I ZAB RGYAS KYI CHOS CHAR DBAB TU GSOL, ZHES PA YIN, 'DIR CHOS SKU NAM MKHA'I GZUGS SU BKOD PA SOGS GZUGS CAN GYI RGYUN DU MDZAD, 'DI'I SKABS BLOS LCOGS NA GSER 'KHOR RTZE BAS STONG DANG LDAN PA ZHIG PHUL BAR MOS TE MDO SNAGS SPYI BYE BRAG GI CHOS 'KHOR BSKOR BA'I GSOL BA SNGAR LTAR GDAB, DE LTAR CHOS KYI 'KHOR LO BSKOR BA NI CHAR PA DANG 'DRA BA STE, SA GZHI DANG 'DRA BA'I GDUL BYA'I RGYUD LA ZAB PA DANG RGYA CHE BA'I CHOS CHAR DBAB PAS SKU GSUM GYI LO TOG SKYE BAR 'GYUR BAS; DE'I PHYIR CHOS 'KHOR BSKOR BAR BSKUL BA YIN GSUNGS, DGA' LHA 'DI NYID KYI GZHUNG NAS GSUNGS PA'I BZHUGS GSOL GYI YAN LAG GONG DU SONG ZIN KYANG, PHUR LCOG NGAG DBANG BYAMS PAS GSAR BSNAN MDZAD PA'I RNAM DAG 'OD GSAL MA MTSAMS 'DIR BTON KYANG CHOG GSUNGS, BDUN PA BSNGO BA'I YAN LAG NI, BDAG GIS JI SNYED CES SOGS GSUNGS, 'DI YANG SHIN TU GAL CHE STE, BSNGO BA MA BYAS NA KHONG KHRO RE RES KYANG BSKAL PA BRGYA STONG DU BSAGS PA'I DGE RTZA 'JOMS PAR @26A *, ,SPYOD 'JUG DANG 'JUG PA SOGS LAS GSUNGS PA LTAR DANG, BSNGO BA BYAS NA BLA MED BYANG CHUB MA THOB BAR DU MI 'DZAD DE, BLO GROS RGYA MTSOS ZHUS MDOR, JI LTAR RGYA MTSO CHE NANG CHU THIGS LHUNG, ,ZHES SOGS LTAR, DPER NA; CHU ZANGS GANG LA 'O MA THUR MA GANG BLUGS NAS RO GCIG TU 'DRES PA LTAR YIN, BKA' GDAMS BLO SBYONG LAS, THOG MTHA' GNYIS LA BYA BA GNYIS, ,ZHES GSUNGS PA LTAR DGE RTZA GANG BYAS KYANG THOG MAR KUN SLONG BCOS PA DANG, MJUG TU BSNGO SMON BYED PA 'DI GNYIS GAL CHE, BSNGO BYA'I RDZAS SHIG NGOS BZUNG NAS SMON LAM 'DEBS PA NI BSNGO SMON GNYIS KA YIN, BSNGO BYA'I RDZAS MED NA SMON LAM LAS BSNGO BA MIN, BSNGO BA LAS GANG DU BSNGO BA, TSUL JI LTAR BSNGO BA, BSNGO BA'I NGO BO, BSNGO BA'I DPANG PO SOGS DANG, DE DAG LA BDEN ZHEN BKAG TSUL RNAMS LAM KHRID LAS SHES DGOS PAR GSUNGS, DGE RTZA NI GSER RDOG RDOG LTA BU DANG, BSNGO SMON NI BZO BYED PA DANG 'DRA BAS, RANG GI DGE RTZA DE BSNGO BYA'I RDZAS SU BZUNGS NAS MTHAR THUG GI SMON GNAS RNAMS SU 'DUN PA DRAG POS BSNGO, SPYIR BSNGO BA'I YUL LA, PHYAG 'TSAL BA DANG MCHOD CING BSHEGS PA DANG, ,SOGS LTAR RDZOGS BYANG DU BSNGO BA DANG, RGYAL SRAS SMON LAM GANGGA'I KLUNG RNAMS NI, ,SOGS LTAR DAM CHOS 'DZIN PA'I RGYUR BSNGO BA, STON PA BLA NA MED PA'I BSTAN PA DANG, ,SOGS LTAR TSE RABS THAMS CAD DU BLA MAS RJES SU 'DZIN PA'I RGYUR BSNGO BA STE GSUM LAS, 'DIR NI BSNGO SMON GYI MCHOG TU GYUR PA DAM CHOS 'DZIN PA'I RGYUR BSNGO BA YIN, DE YANG @26B BDAG GIS RJE BLA MA TSOGS ZHING DU SPYAN DRANGS PA DANG, YAN LAG BDUN PA PHUL BA, GSOL BA 'DEBS PA SOGS DUS GSUM DU BSAGS PA'I DGE BA'I RTZA BA JI SNYED CIG MCHIS PA THAMS CAD RNYED BKUR SNYAN GRAGS SOGS KYI DBANG DU MA YIN PAR SEMS CAN RNAMS LA GANG LA GANG PHAN PAR SPYOD 'JUG SMON LAM LAS GSUNGS PA BZHIN 'GYUR BA, SPYIR SANGS RGYAS KYI BSTAN PA DANG, KHYAD PAR DU YANG RJE TZONG KHA PA BLO BZANG GRAGS PA'I DPAL GYI BSTAN PA LTA SGOM SPYOD GSUM, MKHAS BTZUN BZANG GSUM SOGS BSTAN PA'I SNYING PO DRI MA MED PA 'DI NYID YUN RING DU GSAL BYED SHOG ,CES PA'O, SPYIR SA DGE RNYING MA KAR 'BRUG SOGS SANGS RGYAS KYI BSTAN PA YIN PA TZAM MTSUNGS KYANG, RTOGS BRJOD 'DUN LEGS MA LAS GSUNGS PA LTAR DANG PO RGYA CHEN THOS PA MANG DU BTZAL BA NAS BZUNG STE CHANG BTUNG THO CO SOGS SPYOD NGAN GYI DRI TZAM YANG MI MNGA' BAR BSLAB PA GSUM GYIS RGYUD DUL BA'I SGO NAS ZUNG 'JUG GI GO 'PHANG BRNYES PA'I BAR KHYAD CHOS MTSUNGS ZLA MED PA YOD PAS 'DIR YANG BSTAN PA'I SNYING PO ZHES GSUNGS PA RED, BSTAN PA'I SNYING PO DE LA'ANG ZAB RGYAS DANG, SNYING PO'I SNYING PO, SNYING PO'I YANG SNYING, DE'I YANG YANG SNYING RNAMS SU YOD PA LAS, RGYA CHE BA'I BSTAN PA'I SNYING PO BYANG SEMS DANG, RGYUD SDE 'OG MA'I MTSAN BCAS, ZAB MO'I BSTAN PA'I SNYING PO STONG NYID DANG, RGYUD SDE 'OG MA'I MTSAN MED, SNYING PO'I SNYING PO LA RGYA CHE BA'I SNYING PO'I SNYING PO BLA MED KYI BSKYED RIM DANG, ZAB MO'I DE RDZOGS RIM, RGYA CHE BA'I SNYING PO'I YANG SNYING SGYU LUS DANG, @27A *, ,ZAB MO'I DE 'OD GSAL, DE'I YANG YANG SNYING SGYU 'OD ZUNG DU 'JUG PA MI SLOB ZUNG 'JUG GI LAM GYI RIM PA RNAMS SPYIR SEMS CAN THAMS CAD DANG, KHYAD PAR RANG RGYUD LA GSAL BAR BYED NUS PAR SHOG SNYAM PA DANG, NAM GZHAG RGYUN DU'ANG RJE RIN PO CHE'I GSUNG LAM RIM CHE CHUNG, DRANG NGES LEGS BSHAD SNYING PO SOGS DANG, SNGAGS RIM CHEN MO, GSANG 'DUS BDE MCHOG SOGS KYI RGYUD 'GREL DANG RIM GNYIS SKOR RNAMS LHOD LHOD BYAS TE TSAR NYI SHU SUM CU TZAM BKLAGS NAS, GSUNG GI GSANG BA SHIN TU ZAB CING PHRA BA RTOGS DKA' BA YOD PA DE DAG KYANG PHYIN CI MA LOG PAR MYUR DU RTOGS NUS PA'I GSOL 'DEBS SHUGS DRAG BYA DGOS GSUNGS, YAN LAG BDUN PO RNAMS NYON MONGS DUG LNGA'I GNYEN POR 'GRO LUGS, SO SO'I LAG RJES 'JOG TSUL RGYAS PAR STZAL, DE NAS SBYOR CHOS KYI MAN NGAG 'DIR SPYAR NAS MAndAL PHUL LA DON CHEN PO GSUM GYI GSOL 'DEBS BYA, MAndAL GRANGS GSOG BYED NA SANGS RGYAS CHOS TSOGS MA DANG SA GZHI SPOS BYUGS SBRAGS TE TSOM BU BDUN MA NYID GRANGS GSOG ,DE RNAMS KYIS SBYOR CHOS KYANG TSANG, RGYAS PAR NA, DON CHEN PO GSUM GYI GSOL 'DEBS MJUG TU DPAL LDAN SA GSUM MA, MCHOG GI DNGOS GRUB BRNYES LA GSOL BA 'DEBS, ,ZHES PA'I BAR 'DON, DENG BRTZAMS MA MAN CHAD MJUG SMON LAM GYI SKABS SU SBYAR BA'I PHYAG BZHES KYANG YOD GSUNGS, GSUM PA GSOL BA GAD PA CING BYIN RLABS ZHU BA LA GSUM LAS, DANG PO DBANG BZHI BYIN RLABS KYI TSUL DU ZHU BA NI DMIGS BRTZE MA'I SGO NAS GSOL @27B BA 'DEBS PA YIN, DE YANG BKA' GDAMS GLEGS BAM LAS, RES 'GA' GSOL 'DEBS DBYANGS KYI GZUGS, ,ZHES RJE BTZUN 'JAM DBYANGS GSOL 'DEBS KYI GZUGS SU SPRUL BAR GSUNGS PA NI DMIGS BRTZE MA 'DI NYID YIN PAS 'DI BYIN RLABS KYI TSAN KA SHIN TU CHE, DE LA'ANG SRAD RGYUD LUGS DANG, DBEN SA SNYAN BRGYUD LUGS SO SOR DMIGS BRTZE MA BZHI SKOR, LNGA SKOR SOGS MAN NGAG GI 'DON TSUL MI 'DRA BA MTHA' YAS PAR BZHUGS PA LAS, DMIGS BRTZE MA RANG RANG GI 'DON LUGS LA RANG RANG GI MAN NGAG NYAMS SU LEN TSUL RE DANG LAS TSOGS RE YOD, BLA MA CHOD SKABS DMIGS BRTZE MA DGU SKOR DANG, DGA' LHA'I SKABS 'DIR LNGA SKOR BYED, 'DI'I SNYAN BRGYUD THUN MONG MA YIN PAR SKU NOR BU MDZOD 'DZIN, GSUNG NYI MA SNANG BYED; THUGS GSANG BA MDZOD 'DZIN GYI SEMS DPA' SUM BRTZEGS DGU SKOR GSAL GDAB CING DBANG BZHI DANG SBRAGS NAS BYED DGOS PAS, DE LA RJE RIN PO CHE'I SPYI BOR 'JAM DBYANGS PHYI NANG GSANG GSUM BKOD PA SKU NOR BU MDZOD 'DZIN LA BRTEN NAS RJE BLA MA'I PHYI SGRUB, MGRIN PAR SPYAN RAS GZIGS PHYI NANG GSANG GSUM BKOD PA GSUNG NYI MA SNANG BYED LA BRTEN NAS RJE BLA MA'I NANG SGRUB, THUGS KAR PHYAG RDOR PHYI NANG GSANG GSUM BKOD PA THUGS GSANG BA MDZOD 'DZIN NAM RJE BLA MA'I GSANG SGRUB YIN; 'JAM DBYANGS PHYI NANG GSANG GSUM 'JAM DBYANGS CHOS SKOR LAS BYUNG BA LTAR DANG, SPYAN RAS GZIGS PHYI NANG GNYIS KYANG 'JAM DBYANGS CHOS SKOR LTAR LA, GSANG SGRUB NI SPYAN RAS GZIGS RGYAL BA RGYA MTSO YIN, PHYAG RDOR PHYI SGRUB GOS SNGON CAN @28A *, ,DANG; NANG SGRUB PHYAG G-YAS GSER GYI RDO RJE 'PHYAR ZHING, G-YON DRIL BU DKUR BRTEN PA LA SPYI MGRIN SNYING KHA LTE BA GSANG GNAS RNAMS SU KHYUNG DKAR 1 SER 2 DMAR 3 LJANG 4 SNGON 5 PO RNAMS GSAL BA LAS KHYUNG RIGS LNGA DPAG MED 'PHRO PA'I PHYAG RDOR GTUM PO KHYUNG LNGA, GSANG SGRUB PHYAG RDOR 'KHOR LO CHEN PO YIN, DE LTAR GSAL BTAB NAS DMIGS BRTZE MA'I SGO NAS GSOL BA GDAB DGOS PAS, 'DI LA GSUM, PHYI MTSUNGS PA GSAL BYED, NANG YON TAN DE LDAN, GSANG BA LHAG PA'I LHA DANG NGO BO DBYER MED DU GSOL BA GDAB PA'O, ,DANG PO NI, SPYIR 'DI MAN GYI DMIGS SKOR RNAMS DANG, DBANG BZHI BYIN RLABS SOGS KYANG BDAG GIS DGA' LHA'I MAN NGAG GSAL RJEN LHUG PAR BKOD PA'I CHO GA'I TSIG TU GSAL BA LTAR LA, DMIGS MED CES PA SNYING RJE RNAM PA GSUM LAS, DMIGS PA MED PA'I SNYING RJE NYAN RANG RNAMS KYIS CHOS NYID JI LTA BA RTOGS PAS DE LTAR MA RTOGS PA'I SEMS CAN LA SNYING BRTZE BA'I DMIGS MED LA BYED GSUNGS, PHYOGS BCU'I RGYAL SRAS THAMS CAD KYI KHROD NA SNYING RJE DANG, MKHYEN RAB DANG, MTHU STOBS NUS PA PHUN SUM TSOGS PA 'PHAGS PA RIGS GSUM MGON PO DANG MTSUNGS BA SU YANG MED PA BZHIN DU GANGS CAN MKHAS PA THAMS CAD KYI KHROD NA SHES BYA RIG PA'I GNAS MTHA' DAG LA MKHAS PA RJE TZONG KHA PA DANG MTSUNGS PA SU YANG MED PAS, BDAG KYANG MKHAS PA LUNG GI YON TAN THAMS CAD DANG LDAN PA BLA MA KHYED RANG LTA BUR BYIN GYIS BRLAB TU GSOL SNYAM DU MANG THOS LUNG GI YON TAN DRAN PA'I SGO NAS GSOL BA 'DEBS PA RJE BLA MA'I PHYI SGRUB @28B YIN; KHA CIG GIS, RJE'I MTSAN TZONG KHA ZHES PAR DRI NGAN PA'I SGOG BTZONG GI RIGS DPER BYAS NAS NGAN SMRAS SKUR 'DEBS BRJOD PA YOD KYANG, DE LTA MIN PAR DON DU RJE 'DI NYID SKU 'KHRUNGS YUL GYI LUNG PA'I MING TZONG KHA LUNG DANG, CHU LA TZONG CHU, RI LA'ANG TZONG KHA'I SKYE RI MTHON PO ZHES BTAGS PA SOGS YOD PA LTAR 'KHRUNGS YUL GYI LUNG PA'I MING 'BREL MTSAN GYI ZUR DU THOGS NAS RJE TZONG KHA PA ZHES GSOL BA YIN GSUNGS, GNYIS PA NI, PHYOGS BCU'I RGYAL BA THAMS CAD LA SNYING RJE, MKHYEN RAB, MTHU STOBS JI TZAM MNGA' BA DE TZAM ZHIG 'PHAGS PA RIGS GSUM MGON PO LA MNGA', DE GSUM LA MKHYEN BRTZE NUS PA JI TZAM MNGA' BA DE TZAM ZHIG RGYAL BA TZONG KHA PA LA MNGA' BAS NA, GANGS CAN MKHAS PA THAMS CAD KYI DBUS NA TSUL BZHIN BSGRUB PA RTOGS PA'I YON TAN 'GRAN ZLA MED PA NI RJE BLA MA KHYOD NYID YIN PAS, BDAG KYANG GRUB PA RTOGS PA'I YON TAN KUN DANG LDAN PA BLA MA KHYED RANG LTA BUR BYIN GYIS RLOBS SNYAM DU GSOL BA 'DEBS PA RJE BLA MA'I NANG SGRUB YIN GSUNGS, GSUM PA NI, PHYOGS BCU'I SANGS RGYAS THAMS CAD KYI SNYING RJE DANG, MKHYEN RAB, MTHU STOBS GCIG TU BSDUS PA NI RIGS GSUM MGON PO YIN LA, DE GSUM MI'I RNAM PAR SHAR BA RJE TZONG KHA PA CHEN PO YIN PAS RJE BLA MA KHYOD NYID LA GSOL BA 'DEBS SO, ,BDAG KYANG KHYED RANG LTA BUR BYIN GYIS RLOBS SNYAM PAS GSOL BA 'DEBS PA RJE BLA MA'I GSUNG SGRUB YIN GSUNGS, DE LTAR PHYI 1 NANG 2 GSANG 3 GSUM LAS DANG PO NI RIGS GSUM MGON PO LA YON TAN JI TZAM MNGA' BA BZHIN BOD GANGS CAN GYI LJONGS 'DIR RJE BLA MA LA'ANG LUNG GI @29A *, ,YON TAN DE TZAM MNGA' BAS RJE 'DI RIGS GSUM MGON PO DANG 'DRA BA DANG, GNYIS PA NI PHYI LUNG GI YON TAN MTSUNGS PA TZAM MA ZAD NANG RTOGS PA'I YON TAN YANG RIGS GSUM MGON PO DANG MNYAM PA'I DON TE, DE GSUM GYI RTOGS PA'I YON TAN MTHA' DAG RJE 'DI NYID LA LDAN PA DANG, GSUM PA NI RJE BLA MA RIGS GSUM MGON PO DANG DBYER MED DU BLTA BA YIN PAS BSTOD PA RIM BZHIN CHE RU SONG BA YIN, SANGS RGYAS THAMS CAD YON TAN GYI GTZO BO MKHYEN BRTZE NUS GSUM YA BRAL GYIS SEMS CAN GYI DON MDZAD THABS MED PAS, DE GSUM GYI NGO BO RIGS GSUM GYI RNAM PAR SHAR BA DE NYID BLA MA GCIG GI NGO BOR 'DUS PA'I BDAG NYID NI RJE 'DI YIN PAS DE YIN PA LA YIN PAR BLTAS NAS GSOL BA BTAB NA RIGS GSUM GYI BYIN RLABS MYUR DU 'JUG PA'I GNAD YOD, CHOS RJE DON RIN PAR 'JIGS MDZAD RDO RJES LUNG BSTAN TSUL, YAB YUM LA MNAL LTAS BYUNG TSUL, GSANG BA LHAG PA'I LHA DANG NGO BO DBYER MED YIN TSUL SOGS GSANG BA'I RNAM THAR LTAR RGYAS PAR STZAL TE RJE 'DI 'JAM DPAL ZHI KHRO SOGS RIGS GSUM GYI BDAG NYID YIN PA YANG DE DAG GIS SHES, BLA MA'I RNAL 'BYOR GZHAN DANG MI 'DRA BAR RJE 'DI LA RIGS GSUM SPYI SGRUB KYI BLA MA'I RNAL 'BYOR BYUNG BA YANG DES YIN, DE DAG GIS RJE TZONG KHA PA CHEN PO RIGS GSUM GYI BDAG NYID DU MOS NAS GSOL BA 'DEBS PA DE SONG NAS, GNYIS PA BKA' BABS KYI 'PHRIN LAS SHES RAB KHYAD PAR CAN GYI BYIN RLABS ZHU BA NI, RJE RIN PO CHE ZHAL BZHUGS DUS DMIGS BRTZE MA LA @29B LAS TSOGS BRGYA RTZA SOGS YOD KYANG PHYIS NUB NAS MA BZHUGS, RJES SU RJE SMAN KHANG PA LA DAG SNANG BYUNG BA'I LAS TSOGS BCU GCIG SOGS LAS TSOGS GANG YOD TSUR BSDUS NAS DMIGS BRTZE'I BE'U BUM NANG DU YOD, DMIGS BRTZE MA 'DI LA BRTEN NAS ZHI RGYAS DBANG DRAG GI 'PHRIN LAS BSGRUB TSUL CHES MANG ZHING, 'DIR SKABS SU BABS PA SANGS RGYAS KYI GO 'PHANG SGRUB PA LA GAL CHE SHOS SU GYUR PA SHES RAB KYI LAS TSOGS SGRUB PA YIN, THOS BSAM SGOM GSUM SOGS DANG, THAR PA DANG THAMS CAD MKHYEN PA'I GO 'PHANG SGRUB PA SOGS GANG LA'ANG DAD PA DANG SHES RAB 'DI GNYIS GTZO CHE, SPYIR SHES RAB NI SKYES THOB KYI YON TAN YIN YANG LHA DANG BLA MA LA BRTEN NAS KYANG BSGRUB TU YOD PAS 'CHAD RTZOD RTZOM PA SOGS GANG GI SKABS KYANG BLA MA DANG LHAG PA'I LHA LA GSOL BA 'DEBS PA GNAD YIN, RJE'I THUGS KA'I 'JAM DBYANGS NI, RANG GIS LTA BA BSGOM PA DANG 'CHAD PA GTZO BOR BYED NA 'JAM DPAL GZHON NUR GYUR PA, RTZOD PA DANG RTZOM PA GTZO BOR BYED NA 'JAM DBYANGS AR RA PA TZA NA GSAL 'DEBS, DE'I THUGS KAR H'Um MAm GYIS MTSAN PA'I MAm YIG NI 'JAM DPAL RTZA RGYUD DU, BLO LDAN DANG POR YI GE MA, ,ZHES SAm SKRi TA'I SKAD KYI RJE RIN PO CHE'I MTSAN GYI THOG MA'I MING YIG DANG PO GSAL BAR LUNG BSTAN PA'I THUN MONG MA YIN PA'I SA BON YIN; SHES RAB BSGRUB TSUL DNGOS LA 'JAM DBYANGS CHOS SKOR LAS, MA DAG 'KHRUD DANG MI SHES BSAL, ,ZHES SOGS LTAR DMIGS SKOR GNYIS LAS, DANG PO MA DAG PA 'KHRUD PA'I DMIGS PA NI, RJE YAB SRAS GSUM GYI THUGS KA NAS @30A *, ,'OD DKAR PO'I SPU GU GRO SOG TZAM PHU DUNG BRKYANGS PA LTA BU BYUNG BA MTHO GANG TZAM GYI MTSAMS NAS GCIG TU 'BREL BA'I NANG BRGYUD BDUD RTZI 'OD ZER DANG BCAS PA'I RGYUN BABS PAS THOG MED NAS BSAGS PA'I NAD GDON SDIG SGRIB SPYI DANG, KHYAD PAR SHES RAB RLABS CHE BA SGRUB PA LA BAR DU GCOD PA'I MI MTHUN PHYOGS THAMS CAD RNAG KHRAG DANG CHU SER, SBAL LCONG SDIG SBRUL SOGS KYI RNAM PAR PHYIR THON NAS LHAG MED DU DAG ,PHYIR THON PA DE YANG GTOR MA DANG GLUD SOGS KYI RNAM PAR BSGYUR TE, SA 'O RIM PA BDUN GYI 'OG NA 'CHE BDAG GSHIN RJE GLANG DMAR PO'I RNAM PAR GNAS PA KHA GDANG DER YOD PA'I KHAR BYIN PAS KHO NGOMS SHING TSIMS NAS KHA PHAR BSKOR NAS BSDAD SONG SNYAM DU BSAMS NA 'CHI BLU DANG TSE SGRUB KYI MCHOG TU 'GYUR GSUNGS, SA GZHI YANG GAS PA SOGS MED PAR SRA ZHING BRTAN PAR GYUR PAR MOS NA RTEN 'BREL GYI GNAD YOD, MA DAG PA 'KHRUD PA LA BDUD RTZI DKAR PO DANG, MI SHES PA BSAL BA'I SKABS BDUD RTZI DMAR SER BYED, MA DAG 'KHRUD PA'I DMIGS PA 'DI RTZAL DU BTON NA YIG BRGYA BZLA BA SOGS KYI BSHAGS PA'I GO YANG CHOD GSUNGS, GNYIS PA MI SHES PA BSAL BA LA DMIGS SKOR BDUN LAS, DANG PO SKU'I SGO NAS SHES RAB RLABS CHE BA SGRUB PA NI, RJE YAB SRAS GSUM GYI THUGS KA NAS THUGS RGYUD KYI CHE BA'I MKHYEN RAB THAMS CAD BDUD RTZI DMAR SER GYI RNAM PAR BYUNG BAS LUS GANG, BDUD RTZI'I RDUL PHRA RAB RNAMS KYANG 'JAM DBYANGS KYI SKU'I RNAM PA ZIL PA PHRO MA MER YOD PA LAS 'OD ZER 'PHROS, @30B PHYOGS BCU'I SANGS RGYAS RNAMS KYI MKHYEN RAB THAMS CAD RJE BTZUN 'JAM DBYANGS KYI SKU'I RNAM PAR SPYAN DRANGS NAS RANG GI LUS LA THIM PAS, RJE RIN PO CHES ZHING MCHOG SGO 'BYED LAS GSUNGS PA LTAR BLANG DOR GYI GNAS RNAMS RANG STOBS KYIS 'BYED NUS PA'I SHES RAB RLABS CHE BA THOB PAR MOS, GNYIS PA GSUNG GI SGO NAS SHES RAB GSAL BA SGRUB PA LA, SPYIR 'DI DAG GI SKABS SHES RAB RANG RANG GI MI MTHUN PHYOGS SBYANG CHOG PA MAN NGAG YIN PAS, 'DI DANG 'OG MA LA'ANG THOG MAR MA DAG PA 'KHRUD PA'I DMIGS PA RE SNGON DU BYA DGOS, 'DIR DMIGS PA GZHAN SNGAR LTAR LA, SHES RAB GSAL BA SGRUB PA LA GEGS BYED KYI DRI MA SBYANG, RJE YAB SRAS KYI GSAL BA'I MKHYEN RAB THAMS CAD BDUD RTZI 'OD ZER GYI RNAM PAR BYUNG BAS DANG, {LUS DGAR} ? BDUD RTZI'I RDUL RNAMS AA RA PA TZA'I YIG 'BRU'I RNAM PAR GSAL BA SOGS NAS; KUN BYANG GI CHOS RNAMS KU SHA'I RTZE LTAR MA 'DRES PAR 'BYED NUS PA'I SHES RAB GSAL BA THOB PAR MOS, GSUM PA THUGS SA BON GYI SGO NAS MYUR BA'I SHES RAB SGRUB PA LA, DE'I GEGS BYED SBYANG, RJE YAB SRAS KYI THUGS KA NAS MYUR BA'I MKHYEN RAB THAMS CAD BDUD TZI 'OD ZER GYI RNAM PAR BYUNG BAS LUS GANG, BDUD RTZI'I RDUL RNAMS DH'I: H'Um GIS MTSAN PA DANG, MAm H'Um GIS MTSAN PA'I RNAM PAR GNAS PA, DE YANG MAm H'Um GI KLAD KOR DU 'GOD PA MAN NGAG YIN GSUNGS, MA RTOGS PA DANG LOG PAR RTOG PA DANG THE TSOM GYI BSAM PA SKYES MA THAG TU MA LUS PAR 'GOG NUS PA'I SHES RAB MYUR BA THOB PAR MOS, BZHI PA PHYAG MTSAN GYI SGO NAS ZAB PA'I SHES RAB SGRUB PA LA, DE'I MI MTHUN PHYOGS SBYANG, RJE YAB SRAS KYI ZAB PA'I MKHYEN RAB THAMS CAD BDUD RTZI 'OD ZER DANG BCAS PA'I RNAM PAR BYUNG BAS LUS GANG, BDUD @31A *, ,RTZI'I RDUL RNAMS GLEGS RAL GYI RNAM PA SOGS SNGAR LTAR LA, GSUNG RAB KYI TSIG DON LA GTUGS PA MED PAR 'JUG PA'I SHES RAB ZAB PA THOB PAR MOS, LNGA PA GLEGS BAM GYI SGO NAS 'CHAD PA'I SHES RAB SGRUB PA NI, GZHAN SNGAR BZHIN LA, 'CHAD PA'I SHES RAB LA BAR DU GCOD PA'I DRI MA SBYANG, GANG 'CHAD RGYU'I GZHUNG DE DANG DE'I GLEGS BAM GYI RNAM PAS LUS GANG BA DANG, SANGS RGYAS THAMS CAD KYI 'CHAD PA'I MKHYEN RAB THAMS CAD GLEGS BAM GYI RNAM PAR SPYAN DRANGS NAS THIMS PAS 'CHAD PA LA THOGS PA MED PA SLOB DPON KLU SGRUB DANG THOGS MED LTA BUR GYUR PAR MOS, 'DI'I SKABS GLEGS BAM DANG MNYAM DU LAS KYI RIGS KYI PHYAG MTSAN SNA TSOGS RDO RJE GSAL BTAB NA GDUL BYA'I RGYUD LA PHAN THOGS SHIN TU CHE BA MYONG GRUB YIN GSUNGS, DRUG PA RAL GRI'I 'KHOR LO'I SGO NAS RTZOD PA'I SHES RAB SGRUB PA LA, DE'I MI MTHUN PHYOGS SBYANG BA SNGAR LTAR, BDUD RTZI'I RDUL RNAMS RAL GRI'I 'KHOR LO'I RNAM PAR YOD PA LAS 'OD 'PHROS, RAL GRI'I 'KHOR LO NI RAL GRI GCIG DBUS SU GYEN 'GRENG GI YU BA'I MTSAMS SU ZLA GDAN LA DH'I: YIG DANG, LTE BA'I SGO NGA'I BYE'U PHRUG KHA LTA BUR AA LONG GI 'KHYUD MOS BSKOR BA NAS PHYIR THON TE 'PHRUL NAS 'KHOR CHOG PA'I RAL GRI LEB NYAL DRUG LA MA REG TZAM DU ZLA GDAN LA AOm AA RA PA TZA NA STE YI GE 'BRU DRUG GIS MTSAN PA, SANGS RGYAS THAMS CAD KYI RTZOD PA'I MKHYEN RAB RNAMS RAL GRI'I 'KHOR LO'I RNAM PAR SPYAN DRANGS NAS THIMS PAS RTZOD PA LA THOGS PA MED PA PHYOGS GLANG CHOS GRAGS LTA BUR GYUR PA'I MOS PA BYED, RTZOD PA'I TSE RAL GRI'I 'KHOR LO G-YAS SKOR DU MYUR BAR 'KHOR BAS PHYIR RGOL GYI RMONGS PA'I DRVA BA GCOD @31B PAR BAS MTSUL, YANG RTZOD PA BYED SKABS 'KHOR LO G-YON SKOR DU DRAG TU 'KHOR BAS PHA ROL PO'I LCE DU MA BUR GCOD PA SOGS ZHI DRAG GI DMIGS PA'I KHYAD PAR BYAR YOD KYANG, 'KHOR LO G-YON DU 'KHOR BA'I DRAG PO'I DMIGS PA 'DI PHYI ROL PA LTA BU LAS NANG BAS NANG PAR RTZOD SKABS MI RUNG BA YIN GSUNGS, BDUN PA RTZOM PA'I SHES RAB SGRUB PA LA, RTZOM PA LA BAR DU GCOD PA'I GEGS BYED SBYANGS, BDUD RTZI'I RDUL RNAMS MI SHES PA HRIB HRIB GCOD PA'I RAL GRI'I 'KHOR LO DANG, TSIG SBYOR PHUN SUM TSOGS PA STON PA'I GLEGS BAM STE GLEGS RAL GNYIS KA'I RNAM PAR GNAS PA LAS 'OD ZER 'PHROS, PHYOGS BCU'I SANGS RGYAS KYI RTZOM PA'I MKHYEN RAB THAMS CAD GLEGS BAM DANG RAL GRI'I 'KHOR LO'I RNAM PAR SPYAN DRANGS NAS THIMS PAS RTZOM PA LA THOGS PA MED PA SLOB DPON DPA' BO DANG, CHOS RGYAL DGE BA'I DBANG PO LTA BUR GYUR BAR MOS, YANG, SNYING KHAR 'JAM DBYANGS DANG, LCE LA DBYANGS CAN MA BKOD TSUL SOGS KYANG GSUNGS, DE LTAR SHES RAB SGRUB SKOR BDUN KA DKYUS GCIG TU SGRUB PA MA LCOGS NA 'DI TSANG MA MNYAM DU SGRUB PA NGES CAN DU MI DGOS PAS RTZOD PA'I SHES RAB LTA BU SKABS SU BABS PA'I DMIGS SKOR GANG 'DOD PA GCIG SGRUB KYANG CHOG ,DGA' LHA 'DI'I SGO NAS SHES RAB SGRUB NA KHYAD SHIN TU CHE STE, BLA MA RDO RJE 'CHANG NYID NAS DGUNG LO BCU GRANGS SKABS SHIG 'DI'I STENG NAS ZLA GCIG TZAM BSGRUBS PAS SHES RAB GANG 'DOD DU 'PHEL BAR BYUNG BA MYONG GRUB YIN GSUNGS, 'JIGS BYED KYI ZHI KHRO SBRAGS SGRUB SOGS CHES SHIN TU ZAB CING MYUR YANG BAR GCOD KYANG HA CANG CHE LA, 'DI NI BLA MA'I RNAL 'BYOR DANG 'BREL BAS BAR CHAD CHUNG ZHING, ZAB MYUR GYI @32A *, ,KHYAD CHOS TSANG BA BCAS 'DI'I SGO NAS SHES RAB SGRUB PA GNAD CHE, BDUD RTZI 'BEB SBYANG SKABS KYI BDUD RTZI DANG 'OD ZER GNYIS BDE STONG GNYIS MTSON, BDUD RTZI SNA LNGA 'OD ZER DANG BCAS PAS NYON MONGS LNGA SBYONG BA DANG, YE SHES LNGA THOB TSUL SOGS 'DI DAG GI MTSON DON YANG RGYA CHE, GONG GI RIGS GSUM MGON PO PHYI NANG GSANG GSUM RJE YAB SRAS GSUM KA'I GNAS GSUM DU BSGOM PA DANG, YANG LUGS GCIG LA RJE LA 'JAM DBYANGS PHYI NANG GSANG GSUM DANG, DE BZHIN RGYAL TSAB LA SPYAN RAS GZIGS, MKHAS GRUB RJE LA PHYAG RDOR PHYI NANG GSANG GSUM GSAL BA DANG, YANG, GSANG BDE 'JIGS GSUM BKOD NAS DE DAG GI SNGAGS BZLA BA DANG, RIGS GSUM ZHI KHRO'I LAS TSOGS SOGS LAS TSOGS RNAMS KYANG SGRUB CHOG ,GZHAN YANG NAD RIGS ZHI BA SOGS KYI DMIGS PA KHA BSGYUR TSUL PAn CHEN DPAL LDAN YE SHES KYI GSUNG LAS TSOGS KHA TSAR CAN SOGS SU'ANG YOD, RANG LA 'JIGS PA BYUNG BA LTA BU'I TSE RJE BLA MA'I SKYABS SBYIN GYI PHYAG RGYA'I 'OG TU RANG CHUD PA'I MOS PA BYA BA SOGS DMIGS BRTZE MA 'DI LA DMIGS SKOR DANG MAN NGAG MI 'DRA BA MTHA' YAS PA BZHUGS PAS DMIGS BRTZE MA'I BE'U BUM NANG DU 'KHOD PA'I DGA' LHA'I KHRID KYI SKOR SOGS ZHIB PAR BLA MA MNYES PA'I ZHAL LAS SHES DGOS PA YOD GSUNGS, DE NAS THUN MONG MA YIN PA'I DMIGS SKOR LNGA'I SKABS TSIG RE DANG DMIGS PA RE SPRAGS NAS BYED PA SOGS KYANG DAM PA GONG MA'I MAN NGAG BZHIN KHO BO'I CHOG SGRIGS KYI YIG CHUNG LTAR BYA, DMIGS SKOR THA MA'I DMIGS PA DANG SBRAGS TE 'BUM PHRAG GCIG @32B BZLAS NA RJE BLA MAS ZHAL GZIGS PA 'JAM DBYANGS BZHAD PA'I RDO RJE'I GSUNG RGYUN YIN, BLO BZANG GRAGS PA'I ZHABS LA ZHES PA'I BAR DER MTSAMS BZHAG NAS, RJE RIN PO CHE, 'JAM DBYANGS DMAR SER, RTZA BA'I BLA MA'I RNAM PA RNAMS RES MOS KYIS GANG GSAL BA DE LA SEMS GZUNG, GSOL BA 'DEBS ZHES 'DOD PA GSOL BA YIN, DMIGS RIM DANG PO NAS LNGA PA'I BAR GYI MI 'DRA BA'I KHYAD PAR RNAMS BLO LA NGES PAR BYAS TE DMIGS PA BYED, DMIGS SKOR LNGA PA'I DMIGS PA DANG SBRAGS TE DMIGS BRTZEM 'BUM BZLA BA'I DBANG DU GTANG NA, THUN DANG PO LA GONG GI DMIGS PA LNGA LAS SNGA MA BZHI PO LAN RE BYAS TE, DE NAS DMIGS PA LNGA PA 'DI SHA STAG BYED BZHIN GRANGS GSOG ,MA MTHA' DMIGS PA 'DI DANG SBRAGS NAS DMIGS BRTZE MA LAN BDUN RE NGES PAR 'DON DGOS GSUNGS, GSUM PA LAM YONGS RDZOGS LA BYIN RLABS SPUNGS ZHUS KYI TSUL DU ZHU BA NI, LAM YONGS RDZOGS KYI SHAR SGOM BYED PAR GSUNGS PAS YON TAN GZHI GYUR MA LTA BU'AM, YANG NA, KHO BO'I DGA' LHA RGYAS PHAR SHAR SGOM BYA TSUL TSIGS BCAD GSAR RTZOM YOD PA 'DI'I STENG NAS BYA, RAB LAM RIM SOGS LA MYONG BA BTON, MA MTHA' 'DI LTA BU'I SGO NAS SHAR SGOM MDOR BSDUS RE BYAS NA LAM YONGS RDZOGS LA BAG CHAGS 'JOG THUB PA'I KHYAD YOD, DE LTAR MA LCOGS NA, THOS BSAM SGOM PA'I SHES RAB 'PHEL DU GSOL, ,ZHES SOGS TSIGS BCAD GNYIS BRJOD DE CUNG BSDUS PA'I TSUL DU BYAS CHOG GSUNGS, GSUM PA TSOGS ZHING BSDU BA NI, TSOGS ZHING GZHAN GSAL BTAB YOD NA DE RNAMS DANG SRAS GNYIS BCAS RJE RIN PO CHE LA THIM, 'KHOR GZHAN GSAL MED NA SRAS GNYIS RJE LA THIM, @33A *, ,SENG KHRI PAD ZLA SOGS KYANG RJE'I SENG KHRI PAD ZLA LA THIM, RANG GI LUS KYI DBUS SU RTZA DBU MA DANG, SNYING PADMA 'DAB BRGYAD DU GSAL BA LA, DPAL LDAN RTZA BA'I GSOL 'DEBS DANG PO'I TSE RJE BLA MA JE CHUNG JE CHUNG GIS MTHAR RGYA SRAN TZAM DU GYUR PA SNYING PADMA 'DAB BRGYAD KYI DBUS SU BYON TE PADMA BUM SKU KHA BSDU BA SOGS BYED PA NI THUN MONG BA DANG, 'DI'I STENG THUN MONG MA YIN PA NI, SRAS KYI THU BO GNYIS RJE BLA MA'I SKU DPUNG G-YAS G-YON GYI THAD NAS THIMS PA RJE'I PHYAG GI PAD SDONG G-YAS G-YON GYI STENG DU SPYAN RAS GZIGS DANG PHYAG RDOR DU GYUR PA'I RJE RIGS GSUM MAR GSAL BA DPAL LDAN RTZA BA'I SOGS KYI GSOL 'DEBS LAN DANG PO'I TSE RANG GI SPYI BOR BYON TE RANG DANG KHA BLTA PHYOGS MTHUN PAR BZHUGS, RANG GI SNYING RTZA 'DAB BRGYAD KYI TSUL DU GSAL BA RLUNG NANG DU 'DU BA LA PHAN PHYIR RTZA DBU MA'I NANG DU YOD PAR BSAM, 'DIR DPAL LDAN ZHES PA SNGAGS KYI CHOS SKAD THUN MONG MA YIN PA STE SGYU 'OD ZUNG 'JUG GI DPAL DANG LDAN PA LA BYED, DPAL LDAN RTZA BA'I LAN GNYIS PA'I SKABS RJE BLA MA'I KHRI PAD TSANGS BUG NAS SNYING KHA'I RTZA 'DAB LA DBYER MED DU THIMS PA PADMA 'DAB BRGYAD DU GYUR, ZLA NYI'I GDAN KYANG SNYING KHA'I MI SHIGS PA'I THIG LE STENG DKAR 'OG DMAR KHA SBYOR GYI RNAM PA CAN LA THIMS PAS NYI ZLA'I GDAN DU GYUR, RJE BLA MA YANG DBU MA'I NANG NAS MAR BYON TE THIG LE'I DBUS SU RANG GI RLUNG SEMS H'Um YIG DKAR LA DMAR BA'I MDANGS CAN DU GSAL BA DE LA THIM, DE 'OD DU ZHU NAS SHIN TU PHRA BA'I GNYUG MA'I RLUNG DES NYER LEN DANG, BLA MA'I SKU DES LHAN CIG BYED RKYEN BYAS PA LA BRTEN NAS @33B SHIN TU PHRA BA'I RLUNG DE SKU DAG PA SGYU MA'I SKU RJE BLA MA SKU MDOG DKAR LA DMAR BA'I MDANGS CHAGS PA'AM, SKU MDOG DKAR POR BZHENGS KYANG CHOG ,'DI DKAR POR BYED PA SGRUB GZHI SROG 'DZIN GYI RLUNG KHA DOG DKAR BAS YIN, SHIN TU PHRA BA'I SEMS DES NYER LEN DANG, BLA MA'I THUGS DES LHAN CIG BYED RKYEN BYAS PA LA BRTEN NAS SHIN TU PHRA BA'I SEMS DE THUGS NGAG PA BDE CHEN 'OD GSAL CHOS KYI SKUR GYUR, RLUNG DE'I GDANGS SHIN TU PHRA BA'I NGAG DES NYER LEN DANG, BLA MA'I GSUNG DES LHAN CIG BYED RKYEN BYAS PA LA BRTEN NAS SHIN TU PHRA BA'I NGAG GSUNG RDO RJER GYUR, DE LTAR BLA MA YI DAM RANG SEMS GSUM NGO BO DBYER MI PHYED PA'I SKU THUGS ZUNG 'JUG NGES PA LNGA LDAN 'BRAS DUS KYI LONGS SKU DNGOS DE NGA'O SNYAM DU NGA RGYAL BYA BA SGYU LUS NANG LDANG GI DMIGS PA SKYONG TSUL YIN, SKABS 'DI'I SGYU LUS PA'I SKU GSANG BDE 'JIGS GSUM GANG LA MOS PA DER BZHENGS KYANG CHOG ,BLA MA CHOD SKABS RDO RJE 'CHANG DU BZHENGS PA YIN, BDE MCHOG TU BZHENGS NA YUM SKU MDOG DMAR PO BYED DGOS PA BDE MCHOG GI SGOS CHOS YIN, DA DUNG 'DI LA BRTEN NAS 'OD GSAL DANG SGYU LUS BSGRUB TSUL, RDO RJE'I BZLAS PA, BSRE BA SKOR DGU SOGS KYANG SBYAR DU RUNG, 'ON KYANG SBYAR CHES NA, TZ'U TA'I YUL DU PHYIN PA NA, ,RKANG GNYIS PA LA MIR MI RTZI, ,ZHES PA LTAR 'GYUR DU DOGS PAS RE ZHIG DE TZAM GYIS CHOG PAR ZHUS GSUNGS, DGA' LDAN GYI ZHING NAS BYAMS MGON GYI THUGS KA'I RJE BLA MA DANG RANG GI SNYING KHA'I RJE BLA MA'I BAR SPRIN DKAR PO'I THAG PA PHRA MO MA CHAD PAR RGYUN DU GSAL 'DEBS PA 'PHO BA'I MAN NGAG ZAB GNAD CAN YIN, DE NAS @34A *, ,DPAL LDAN RTZA BA'I LAN GSUM PA BRJOD DE SNYING PADMA 'DAB BA RGYAD KHA ZUM PA'I PHYI NAS DMIGS BRTZE MA DANG SNGAGS PHRENG GI THAG PAS DKRI PA SOGS CHOG SGRIGS LTAR BYA, SNYING GI RTZE MOR RDO RJE RTZE LNGA PA PHYED PA SHIN TU LCI BA RI RAB LTA BUS LCI YOR GYIS MNAN PAR BSAMS NA SNYING RLUNG MI 'JUG PA'I KHYAD YOD, BAR CHAD SRUNG PA'I PHYIR SNYING PADMA BUM SKU DANG RTZA DBU MA'I NANG GI BAR STONG SPYI GTZUG MAN THAMS CAD KYANG DMIGS BRTZE MA DANG, AA RA PA TZA DANG ADHI shshrI ? TE'I SNGAGS KYIS KHENGS TE BUG STONG PHRA MO TZAM YANG MED PAR BSAM, DE NAS RGYAL MCHOG BSKAL BZANG GI DGA' LHA'I KHRID YIG TU GSUNGS PA'I DGA' LDAN LHA BRGYA MA'I SMON LAM, DE LTAR DNGOS GRUB MA LUS ZHES SOGS YOD PA 'DI BTON, GZHAN YANG, DPAL LDAN SA GSUM MA'I SMON LAM DENG BRTZAMS MA DANG, TSE RABS KUN TU SOGS, LAM RIM SMON LAM, DGE LDAN BSTAN PA RGYAS PA'I SMON LAM SOGS BSNGO SMON GYI RGYAS 'DEBS NAN TAN BYA GSUNGS, DE NAS THUN MTSAMS SU'ANG BZA' BTUNG GI TSE KHA ZAS RNAMS BDUD RTZIR BYIN BRLABS TE SNYING KHA'I RJE BLA MA LA PHUL BAR MOS, CHOS GOS RNAM GSUM SOGS GYON PA YANG SNYING KHA'I BLA MA LA PHUL BAR BSAM, SGO GSUM GYI BYA BA GANG BYAS THAMS CAD SNYING KHA'I RJE BLA MA DE NYID DPANG PO'I TSUL DU BYED PA LAS BAG MED PA'I RIGS MI BYED PA DANG, MI GZHAN GYIS RANG LA PHYAG 'TSAL BA LTA BU'I TSE'ANG SNYING KHA'I RJE BLA MA LA 'TSAL BAR MOS PA, GZHAN LA PHAR PHYAG DBANG GNANG BA DANG, BKA' BSGO BYED PA, SRUNG MDUD SBYIN PA TSUN CHAD SNYING KHA'I RJE BLA MA'I YIN @34B SNYAM PA BYAS NA RANG GZHAN GYI TSOGS RLABS PO CHE RDZOGS SHING, MA MTHA' BSOD NAMS ZAD YONG SNYAM PA'I SNYING CHUNG CHUNG YANG BYED MI DGOS, DGE SBYOR THAMS CAD KYI SROG GCIG PU BLA MA'I RNAL 'BYOR 'DI LTA BU NYAMS SU BLANGS NA GTAN GYI 'DUN MA RLABS PO CHE MYUR DU 'GRUB CING, LHAG PAR DGA' LDAN LHA BRGYA MA'I BLA MA'I RNAL 'BYOR 'DI NI SHIN TU LAG TU BLANG BDE LA, BLA MA'I MAN NGAG DANG SBYAR BA'I ZAB GNAD KYANG KHYAD PAR CAN YOD PAS RANG CAG RNAMS KYIS CIS KYANG 'DI LA BRTZON PA DRAG PO'I SGO NAS NYAMS SU BLANGS TE DAL 'BYOR GYI RTEN LA SNYING PO MCHOG TU LON PA ZHIG NGES PAR BYED DGOS PA YIN, DE LTA BU'I GDAMS PA YANG KHRID YIG DNGOS GRUB KUN 'BYUNG 'DI GA'I STENG NAS BDAG GI DRIN CAN RTZA BA'I BLA MA DON GYI SLAD DU MTSAN NAS SMOS TE MTSAN BRJOD PAR DKA' BA SGO MANG MKHAN CHEN RDO RJE 'CHANG MKHYEN RAB BSTAN PA CHOS 'PHEL DPAL BZANG PO'I ZHAL SNGA NAS KHRID RGYUN DANG MAN NGAG ZHAL SHES YONGS SU RDZOGS PA LEGS PAR THOB, GZHAN DU DGA' LHA RANG GI RTZA TSIG GI STENG NAS KYANG BKRA SHIS LHUN PO'I THOS BSAM GLING MKHAN PO RIN PO CHE, LUNG RTOGS KYI YON TAN SPYI DANG, KHYAD PAR DU ZAB MO'I LTA BA'I SGO NAS GRUB PA'I GO 'PHANG MTHON POR GSHEGS PA'I BDAG NYID CHEN POR GYUR PA RTZA BA'I BLA MA 'JAM DPAL DKON MCHOG CHOS 'PHEL GYI ZHAL SNGA NAS ZAB KHRID MAN NGAG RNAMS LEGS PAR THOB PA YIN GSUNGS, GANG ZHUS PA DE DAG TSANG MAS PHYAG LEN LA THEBS PA ZHIG CIS KYANG NAS BKA' DRIN SKYONG BAR ZHU, BDAG GIS JI SNYED BSAGS PA'I DGE BA 'DIS, ,ZHES SOGS DGYES BZHIN DU 'DOMS PAR MDZAD DO, ,DE NAS SLOB MA RNAMS KYIS PHYAG BZHES @35A *, ,LTAR MAndAL TSIGS BCAD DANG BCAS PA DANG, BLA SLOB LHAN CIG PAS RING 'BAD MA, MDOR NA DPAL LDAN BLA MA'I, CHOS KYI RGYAL PO, BDAG DANG GZHAN GYI SOGS GSUNGS NAS BSTAN PA DANG 'GRO BA'I DON DU THUGS SMON RGYA CHEN PO'I BKA' DRIN STZAL TO, ,DE LTAR DGA' LDAN LHA BRGYA MA'I GSUNG BSHAD BRJED BYANG 'DI NI, PHA BLA MA BKA' DRIN 'KHOR MED CHEN PO DE NYID KYI DRUNG NAS ZAB RGYAS GDAMS PA'I BDUD RTZI MOD MI DMA' BA'I SKAL BZANG THOB KYANG, RMONGS RTUL, SNYOM LAS, DON MIN RNAM G-YENG DU MA'I KHUR GYIS DUB PA 'DAN GRVA SU DHI'I MING CAN GYIS, RNAM 'DREN DAM PA NYID LAS 'DI'I ZAB KHRID LAN KHA YAR NOS PA'I ZIN THO LAS RANG BZO MED PAR, RAB BYUNG BCU DRUG PA'I ME PHAG LOR LHA KLU DGA' TSAL DU BRIS PA, DRIN CAN BLA MA RDO RJE 'CHANG GIS TSE RABS KUN TU DGYES BZHIN 'RJES SU 'DZIN CING, BKA' BZHIN SGRUB PA'I MNYES MCHOD KHO NAR GZHOL NUS PA'I RGYUR GYUR CIG, 'GRO DON 'PHEL,, DGE'O,, ,,