*, ,MKHAS PA DGYES PA'I MCHOD SPRIN LAS SKABS GNYIS PA'I TSIG DON MTHA' DPYOD ZUNG 'BREL DU SMRAS PA BZHUGS SO, , @001A #, ,RJE BTZUN MA LAM MGON PO LA GUS PAS PHYAG 'TSAL ZHING SKYABS SU MCHI'O, ,GNYIS PA LAM SHES TSIG DON YAN LAG GI SGO NAS RGYAS PAR BSHAD PA LA GSUM, SKABS 'DIR LAM SHES 'CHAD PA'I RGYU MTSAN BSHAD PA, GZHUNG DON DNGOS BSHAD PA, SKABS BSDU BA'O, ,DANG PO NI, SHES BYA CHOS CAN, SKABS DANG POR RNAM MKHYEN BSHAD ZIN PA'I 'OG TU 'DIR LAM SHES 'CHAD PA'I RGYU MTSAN YOD DE, RNAM MKHYEN THOB PA LA LAM SHES BSGOM PA SNGON DU 'GRO DGOS SHING, DE MA SONG NA RNAM MKHYEN THOB PAR MI NUS PA'I RGYU MTSAN GYIS BSHAD PA'I PHYIR, DE LTAR YANG, 'GREL PA'I MTSAMS SBYAR DU, RNAM PA THAMS CAD MKHYEN PA NYID RTOGS PA NI LAM SHES PA NYID YONGS SU SHES PA MED NA MED PAS LAM SHES PA NYID, CES GSUNGS PA'I PHYIR, 'DI'I SKABS SU MTHA' DPYAD PA LA GSUM LAS, DANG PO LA KHA CIG NA RE, RNAM MKHYEN THOB PA'I GANG ZAG YIN NA, LAM SHES SNGON DU SONG BAS KHYAB ZER NA, LAM SHES YIN NA, RNAM MKHYEN THOB PA'I GANG ZAG GI RGYU YIN DGOS PAR THAL, RNAM MKHYEN THOB PA'I GANG ZAG YIN NA, LAM SHES KYI 'BRAS BU YIN DGOS PA'I PHYIR, DER THAL, DE YIN NA, LAM SHES SNGON DU SONG BAS KHYAB PA'I PHYIR, RTAGS KHAS, 'DOD NA, RNAM MKHYEN CHOS CAN, RNAM MKHYEN THOB PA'I GANG ZAG GI RGYU YIN PAR THAL, LAM SHES YIN PA'I PHYIR, DER THAL, 'BRAS BU LAM SHES YIN PA'I PHYIR, 'DOD MI NUS TE, DE DANG DUS MNYAM YIN PA'I PHYIR, GZHAN YANG, RNAM MKHYEN THOB PA'I @002A #, ,GANG ZAG YIN NA, LAM SHES KYI 'BRAS BU YIN DGOS PAR THAL, DAM BCA' 'THAD PA'I PHYIR, 'DOD NA, LAM SHES KYI RGYUR GYUR PA'I SANGS RGYAS 'PHAGS PA CHOS CAN, DER THAL, DE'I PHYIR, RTAGS GSAL SLA'O, ,KHA CIG, RANG RGYUD LA LDAN PA'I GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN GYI MNGON RTOGS LAM SHES KYI MTSAN NYID ZER NA, BYANG SEMS TSOGS LAM PA'I RGYUD KYI STONG NYID MNGON SUM DU RTOGS PA'I YE SHES CHOS CAN, MTSON BYA DER THAL, MTSAN NYID DE'I PHYIR, 'DOD NA, THEG CHEN 'PHAGS PA'I MKHYEN PA YIN PAR THAL, 'DOD PA'I PHYIR, 'DOD MI NUS TE, THEG CHEN SO SKYE'I YE SHES YIN PA'I PHYIR, KHA CIG, LAM GSUM BDEN MED DU MNGON SUM DU RTOGS PA'I THEG CHEN 'PHAGS PA'I MNGON RTOGS, LAM SHES KYI MTSAN NYID ZER NA, GZUGS MI RTAG PAR MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN 'PHAGS PA'I MKHYEN PA YIN PA'I PHYIR, 'DOD NA, BDEN MED MNGON SUM DU RTOGS PA'I MKHYEN PA YIN PAR THAL, 'DOD PA'I PHYIR, 'DOD NA, STONG NYID MNGON SUM DU RTOGS PA'I YE SHES YIN PAR THAL, 'DOD PA'I PHYIR, 'DOD NA, DE CHOS CAN, BDEN GNYIS DUS CIG CAR DU MNGON SUM DU RTOGS PA'I YE SHES YIN PAR THAL, STONG NYID MNGON SUM DU RTOGS PA'I YE SHES GANG ZHIG, RANG GI GZHAL BYAR GYUR PA'I KUN RDZOB BDEN PA MNGON SUM DU RTOGS PA'I YE SHES YIN PA'I PHYIR, DANG PO SONG, PHYI MA DER THAL, GZUGS MI RTAG PAR MNGON SUM DU RTOGS PA'I YE SHES YIN @002B PA'I PHYIR, 'DOD NA, RNAM MKHYEN YIN PAR THAL, BDEN GNYIS DUS CIG CAR DU MNGON SUM DU RTOGS PA'I YE SHES YIN PA'I PHYIR, RTAGS KHAS, KHYAB STE, BDEN GNYIS NGO BO THA DAD DU 'DZIN PA'I DRI MA ZAD PAR SPANGS PA'I SLOB PA MED PA'I PHYIR, GZHAN YANG, LAM SHES YIN NA, LAM GSUM BDEN MED DU MNGON SUM DU RTOGS PAS MA KHYAB PAR THAL, BDEN 'DZIN RGYUD LA LDAN PA'I BYANG SEMS 'PHAGS PA'I RGYUD LA LAM SHES YOD PA'I PHYIR, DER THAL, DE'I RGYUD LA BYANG CHUB KYI SEMS DANG TSAD MED BZHI SOGS YOD PA'I PHYIR, KHYAB STE, BYANG 'PHAGS KYI RGYUD KYI THEG CHEN SEMS BSKYED DANG BYAMS SOGS TSAD MED BZHI PO GANG RUNG YIN NA, LAM SHES YIN DGOS KYANG, STONG NYID RTOGS PA'I YE SHES MA YIN DGOS PA'I PHYIR, KHA CIG NA RE, STONG NYID MNGON SUM DU RTOGS PA'I SHES RAB DANG SNYING RJE CHEN POS ZIN PA'I BYANG SEMS 'PHAGS PA'I MKHYEN PA, LAM SHES KYI MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, DER THAL, 'BRAS BU LAM SHES YIN PA'I PHYIR, 'DOD NA, BYANG SEMS 'PHAGS PA'I MKHYEN PA YIN PAR THAL, 'DOD PA'I PHYIR, 'DOD MI NUS SO, ,KHA CIG, SKABS GNYIS PA'I BSTAN BYA'I GTZO BOR GYUR PA'I LAM SHES YIN NA, RGYU LAM SHES YIN PAS KHYAB ZER NA, LAM SHES CHOS CAN, DER THAL, DE'I PHYIR, DER THAL, RNAM MKHYEN DE SKABS DANG PO'I BSTAN BYA'I GTZO BOR GYUR PA'I RNAM MKHYEN YIN PA'I PHYIR, 'DOD NA, MI 'THAD PAR THAL, 'BRAS BU LAM SHES KHYOD YIN PA'I PHYIR, ,` ,,GNYIS PA RANG GI LUGS LA, THABS SHES KHYAD PAR CAN GNYIS KYIS ZIN PA'I THEG CHEN 'PHAGS PA'I MKHYEN PA, LAM SHES KYI MTSAN NYID, NGO BO'I SGO NAS DBYE NA, RGYU LAM SHES DANG, 'BRAS BU LAM SHES GNYIS, DANG PO DANG, BYANG 'PHAGS KYI MKHYEN PA DON GCIG, PHYI MA DANG RNAM MKHYEN DON GCIG, BYED LAS KYI @003A *, ,SGO NAS DBYE NA, NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, BYANG SEMS KYI LAM SHES PA'I LAM SHES DANG GSUM MO,, ` GSUM PA RTZOD PA SPONG BA LA, KHA CIG, RNAM MKHYEN THOB PA'I GANG ZAG YIN NA, LAM SHES SNGON DU SONG BA'I GANG ZAG YIN PAS KHYAB PAR THAL, DE YIN NA, LAM SHES THOB PA SNGON DU SONG BAS KHYAB PA'I PHYIR, ZER NA MA KHYAB, RTAGS DER THAL, DE YIN NA, RGYU LAM SHES THOB PA SNGON DU SONG BAS KHYAB PA'I PHYIR, 'DOD NA, BKAG ZIN, KHA CIG, LAM SHES YIN NA, STONG NYID MNGON SUM DU RTOGS PA'I YE SHES YIN DGOS PAR THAL, DE YIN NA, STONG NYID MNGON SUM DU RTOGS PA'I SHES RAB KYIS ZIN PA'I YE SHES YIN DGOS PA'I PHYIR NA, MA KHYAB, RTAGS DER THAL, DE YIN NA, STONG NYID MNGON SUM DU RTOGS PA'I SHES RAB DANG SNYING RJE CHEN PO GNYIS KYIS ZIN PA'I THEG CHEN 'PHAGS PA'I MKHYEN PA YIN DGOS PA'I PHYIR, 'DOD NA, BDEN 'DZIN MNGON 'GYUR DU RGYUD LA LDAN PA'I BYANG SEMS MTHONG LAM PA'I RGYUD KYI SNYING RJE CHEN PO CHOS CAN, DER THAL, DE'I PHYIR, DER THAL, THEG CHEN 'PHAGS PA'I MKHYEN PA YIN PA'I PHYIR, DER THAL, BYANG SEMS 'PHAGS PA'I SNYING RJE YIN PA'I PHYIR, 'DOD NA, DE'I RGYUD LA STONG NYID MNGON SUM DU RTOGS PA'I YE SHES YOD PAR THAL, DE'I RGYUD KYI SNYING RJE CHEN PO DE DE LTAR YIN PA'I PHYIR, RTAGS KHAS, 'DOD MI NUS TE, BDEN 'DZIN MNGON 'GYUR DU RGYUD LA LDAN PA'I GANG ZAG YIN PA'I PHYIR, GZHAN YANG, DE CHOS CAN, STONG NYID MNGON SUM DU RTOGS PA'I YE SHES MA YIN PAR THAL, SLOB PA'I RGYUD KYI SNYING RJE YIN PA'I PHYIR, KHYAB STE, SLOB PA'I RGYUD KYI SNYING RJE YIN NA, RANG GI DMIGS YUL DU GYUR PA'I SEMS CAN SDUG BSNGAL DANG BRAL 'DOD KYI RNAM PA CAN YIN DGOS PA GANG ZHIG, SLOB LAM NA BDEN GNYIS DUS CIG CAR DU MNGON SUM DU RTOGS PA'I YE SHES MED PA'I PHYIR, KHA CIG, SKABS GNYIS PA'I DNGOS BSTAN BSTAN BYA'I GTZO BOR GYUR PA'I LAM SHES YIN NA, @003B RGYU LAM SHES YIN DGOS PAR THAL, 'BRAS BU LAM SHES DNGOS BSTAN BSTAN BYA'I GTZO BOR GYUR PA'I SKABS GNYIS PA'I GZHUNG TSIG MED PA'I PHYIR, ZER NA, MA KHYAB, 'DOD NA, LAM SHES CHOS CAN, DER THAL, DE'I PHYIR, DER THAL, SKABS GNYIS PA'I DNGOS BSTAN BSTAN BYA'I GTZO BO GANG ZHIG, LAM SHES YIN PA'I PHYIR, KHA CIG MA KHYAB ZER, 'DOD NA SLA, KHA CIG, LAM SHES DE SKABS GNYIS PA'I DNGOS BSTAN BSTAN BYA'I GTZO BOR GYUR PA'I LAM SHES MA YIN PAR THAL, DE'I DNGOS BSTAN BSTAN BYA'I GTZO BOR GYUR PA'I LAM SHES YIN NA, DMAN LAM SNGON DU MA SONG BA'I LAM SHES YIN DGOS PA'I PHYIR, DER THAL, MNGON RTOGS RGYAN GYI DNGOS BSTAN BSTAN BYA'I GTZO BOR GYUR PA'I LAM SHES LA DE LTAR DGOS PA'I PHYIR, DER THAL, MNGON RTOGS RGYAN GYIS DMAN LAM SNGON DU SONG MA SONG GNYIS LAS MA SONG BA'I LAM GYI RNAM GZHAG GTZO BOR BSTAN PA'I PHYIR, ZER NA, MA KHYAB, LAM SHES KYI YAN LAG, ` GNYIS PA GZHUNG DON DNGOS LA, GZHUNG NI, LHA RNAMS RUNG BAR BYA BA'I PHYIR, ,ZHES PA NAS, GNYIS PO NYID DU 'DOD PA YIN, ,ZHES PA'I BAR GSUNGS, 'DI LA GNYIS, LAM SHES KYI YAN LAG DANG, DE'I RANG BZHIN BSHAD PA'O, ,DANG PO NI, LHA RNAMS RUNG BAR BYA BA'I PHYIR, ,ZHES SOGS RKANG PA BZHI GSUNGS TE, DE'I DON 'GREL BAR 'CHAD PA LA, LAM SHES PA NYID SKYANG RUNG BA NYID DU BSGRUB PA'I PHYIR, ZHES PA NAS, SEMS CAN YONGS SU MA BSDUS PA YONGS SU BSDUS PA LA SOGS PA YIN PAS BYED PA YIN NO, ,ZHES PA'I BAR GSUNGS, DE DAG GANG LAS 'PHROS PA NI, GZHUNG SNGA PHYI GO RIM 'BREL BA'I DANG DU BYAS NA 'GREL BA RTZA DANG, RTZA BA MDO LAS 'PHROS PA YIN MOD, GNYIS KA THUN MONG BA'I 'PHROS GZHI YOD DE, DE BZHIN GSHEGS PA'I RANG BZHIN GYI 'OD KYI DRUNG NA LHA RNAMS KYI LAS KYI RNAM PAR SMIN PA LAS BYUNG BA'I 'OD DE NI LHAM MER MA YIN, LHAN NER MA YIN, LHANG NGER MA YIN GYI DE BZHIN @004A *, ,GSHEGS PA'I 'OD 'BA' ZHIG RAB CES BYA'O, ,ZHES SOGS KYI MDO LAS 'PHROS PA'I PHYIR, 'DI'I SKABS SU TSIG DON DANG, MTHA' DPYAD PA GNYIS LAS, DANG PO NI, SHES BYA CHOS CAN, DE BZHIN GSHEGS PA'I 'OD KYIS 'DOD GZUGS KYI LHA'I 'OD MOG MOG POR MDZAD PA LA DGOS PA YOD DE, 'DOD GZUGS KYI LHA RNAMS KYI NGA RGYAL BCOM NAS RGYUD LA SEMS BSKYED DANG, LAM SHES SKYE RUNG BAR BYA BA'I PHYIR DU YIN PA'I PHYIR, LAM SHES SKYE BA'I RTEN GYI YUL NGES PA YIN TE, LAM GSUM RDZOGS PAR BSGOM PA'I LAM LA MKHAS PA LA NI DE'I SNGON DU RIGS CAN GSUM KA'I DON DU SANGS RGYAS THOB 'DOD KYI RTEN NGES PAR DGOS PA'I PHYIR, BYANG CHUB SEMS DPAR MA ZAD SEMS CAN THAMS CAD KYI RGYUD LA LAM SHES SKYE RUNG BA YIN TE, DE THAMS CAD KYI RGYUD LA SANGS RGYAS KYI RIGS KYIS KHYAB PA'I PHYIR, LAM SHES CHOS CAN, NYAN RANG GI LAM LAS RANG BZHIN GYI SGO NAS KHYAD PAR DU 'PHAGS TE, NYON MONGS GTZO BOR MI SPONG BAR DE GZHAN DON SGRUB PA'I YAN LAG TU BSGYUR BAR BYED NUS PA'I RANG BZHIN CAN YIN PA'I PHYIR, SHES BYA CHOS CAN, NYAN RANG GI LAM LAS LAM SHES DE YI BYED LAS KYANG KHYAD PAR DU 'PHAGS TE, DE DUS MA YIN PAR YANG DAG MTHA' MNGON DU MI BYED CING, SEMS CAN MTHA' YAS PA SMIN CING GROL BAR BYED NUS PA'I BYED LAS CAN YIN PA'I PHYIR, MTHA' DPYAD PA LA GSUM LAS, DANG PO LA, KHA CIG, LAM SHES KYI YAN LAG YIN NA LAM SHES YIN PAS KHYAB ZER NA, SEMS CAN THAMS CAD KYI RGYUD LA RANG BZHIN GNAS RIGS KYIS KHYAB PA CHOS CAN, DER THAL, DE'I PHYIR, DER THAL, KHYAB PA DANG ZHES PA'I RTZA 'GREL GYIS DE LAM SHES GYI YAN LAG TU BSTAN PA'I PHYIR, 'DOD MI NUS TE, 'DUS MA BYAS YIN PA'I PHYIR, KHA CIG NA RE, DE SKABS 'DIR DNGOS SU BSTAN PA'I LAM SHES KYI YAN LAG YIN ZER NA, DE CHOS CAN, SEMS DPA'I YON TAN YIN PAR THAL, SKABS 'DIR DNGOS SU BSTAN PA'I LAM @004B SHES KYI YAN LAG YIN PA'I PHYIR, 'DOD MI NUS SO, ,KHA CIG, GEGS MNGON PA'I NGA RGYAL MNGON 'GYUR BA DANG BRAL BA DE, SKABS 'DIR DNGOS SU BSTAN PA'I LAM SHES KYI YAN LAG YIN ZER NA, DE CHOS CAN, KHYOD SKABS 'DIR DNGOS SU BSTAN PA'I LAM SHES KYI YAN LAG MIN PAR THAL, KHYOD RGYUD LA LDAN PA'I THEG DMAN PA YOD PA'I PHYIR, DER THAL, NGA RGYAL SPANGS PA'I THEG DMAN DGRA BCOM PA YOD PA'I PHYIR, MA GRUB NA, NGA RGYAL CHOS CAN, KHYOD SPANGS PA'I THEG DMAN DGRA BCOM YOD PAR THAL, KHYOD NYON SGRIB YIN PA'I PHYIR, DE LA KHO NA RE, BYANG 'PHAGS KYI RGYUD KYI NYON MONGS CHOS CAN, KHYOD SPANGS PA'I THEG DMAN DGRA BCOM YOD PAR THAL, KHYOD NYON MONGS YIN PA'I PHYIR, ZER NA, RTZOD GZHI LA BRTAG GO, 'DOD MI NUS TE, BYANG 'PHAGS KYI RGYUD KYI NYON MONGS SPANGS PA'I DMAN PA'I YE SHES MED PA'I PHYIR, DER THAL, DE'I RGYUD KYI NYON MONGS SPANG PA'I YE SHES YIN NA, BYANG SEMS KYI YE SHES YIN DGOS PA'I PHYIR, ZER NA, SEMS CAN GYI RGYUD KYI SGRIB PA CHOS CAN, KHYOD SPANGS PA'I SANGS RGYAS YOD PAR THAL, KHYOD SGRIB PA YIN PA'I PHYIR, 'KHOR GSUM, SKYON CAN NO ZHE NA, CIG SHES LA YANG MTSUNGS SO, ,'DOD MI NUS TE, SEMS CAN GYI RGYUD KYI MI GNAS PA'I MYANG 'DAS MED PA'I PHYIR DANG, DE'I RGYUD KYI STONG NYID RTOGS PA'I RNAM MKHYEN MED PA'I PHYIR, 'ON KYANG DPYAD PAR BYA'O, ,KHA CIG, LAM SHES KYI YAN LAG YIN NA, LAM SHES KYI RGYU YIN PAS KHYAB ZER NA, THEG CHEN SEMS BSKYED CHOS CAN, DER THAL, DE'I PHYIR, DER THAL, LAM SHES RDZOGS BYED DU GYUR PA'I THEG CHEN GYI YON TAN YIN PA'I PHYIR, 'DOD MI NUS SO, ,KHA CIG, LAM SHES RDZOGS BYED KYI THAGS SU GYUR PA'I THEG CHEN GYI YON TAN YIN NA, SKABS 'DIR DNGOS SU BSTAN PA'I LAM SHES KYI YAN LAG YIN PAS KHYAB ZER NA, SANGS RGYAS 'PHAGS PA'I RGYUD KYI THEG CHEN SEMS BSKYED CHOS CAN, DER THAL, DE'I PHYIR, DER THAL, SANGS RGYAS 'PHAGS PA'I RGYUD KYI LAM SHES KYI YAN LAG YIN PA'I PHYIR, KHA @005A *, ,CIG, LAM SHES KYI YAN LAG YIN NA, LAM SHES DANG THA DAD YIN PAS KHYAB ZER NA, LAM SHES CHOS CAN, DER THAL, DE'I PHYIR, DER THAL, 'PHAGS LAM 'PHAGS LAM GYI YAN LAG YIN PA'I PHYIR,, ` GNYIS PA RANG LUGS LA, LAM SHES RDZOGS BYED KYI KHYAD PAR DU GYUR PA'I SEMS DPA'I YON TAN, SKABS 'DIR DNGOS SU BSTAN PA'I LAM SHES KYI YAN LAG GI MTSAN NYID, DE LA DER GYUR PA'I GEGS MNGON PA'I NGA RGYAL MNGON 'GYUR PA DANG BRAL BA, BYANG CHUB TU SEMS BSKYED PA, LAM SHES BSGOM PA'I RTEN RANG BZHIN GNAS RIGS KYIS KHYAB PA, NYON MONGS GTZO BOR MI SPONG BA'I RANG BZHIN, SEMS CAN SMIN CING GROL BAR BYED PA'I BYED LAS DANG LNGA YOD,, ` GSUM PA RTZOD PA SLONG BA LA, KHA CIG, LAM SHES KYI YAN LAG YIN NA, LAM SHES YIN DGOS PAR THAL, 'PHAGS LAM GYI YAN LAG YIN NA, 'PHAGS LAM YIN DGOS PA'I PHYIR, ZER NA, MA KHYAB, KHA CIG, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI THEG CHEN SEMS BSKYED CHOS CAN, SKABS 'DIR DNGOS SU BSTAN PA'I LAM SHES KYI YAN LAG YIN PAR THAL, LAM SHES RDZOGS BYED KYI KHYAD PAR DU GYUR PA'I SEMS DPA'I YON TAN YIN PA'I PHYIR, 'DOD NA, SKABS 'DIR DNGOS BSTAN BSTAN BYA'I GTZO BO YIN PAR THAL, 'DOD PA'I PHYIR, ZER NA, MA KHYAB, 'DOD MI NUS TE, DMAN LAM SNGON DU SONG BA'I SEMS DPA'I YON TAN YIN PA'I PHYIR, KHA CIG, LAM SHES CHOS CAN, LAM SHES KYI YAN LAG MA YIN PAR THAL, LAM SHES DANG THA MI DAD YIN PA'I PHYIR, KHYAB STE, SKYES BU'I YAN LAG YIN NA, SKYES BU DANG THA DAD YIN DGOS PA'I PHYIR, ZER NA, MA KHYAB SNYAM, KHA CIG, GEGS MNGON PA'I NGA RGYAL MNGON 'GYUR BA DANG BRAL BA DE, SKABS 'DIR DNGOS @005B SU BSTAN PA'I LAM SHES KYI YAN LAG YIN PAR THAL, SKABS 'DIR DNGOS SU BSTAN PA'I LAM SHES KYI YAN LAG DE LA DER GYUR PA'I GEGS MNGON PA'I NGA RGYAL MNGON 'GYUR BA DANG BRAL BA SOGS LNGA YOD PA'I PHYIR, ZER NA, MA KHYAB BO, ,THEG GSUM RNAM GZHAG ,'DIR THEG PA GSUM GYI RNAM GZHAG BSHAD PA NI, 'GREL BA LAS, THEG PA GSUM RNAM PAR GZHAG PA NI DGONGS PA CAN YIN GYI, MTSAN NYID PA NI MA YIN NO ZHES LUNG LAS 'BYUNG BAS SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA CAN YIN TE; ZHES PA NAS, LAM SHES PA NYID BSGOM PAR BYA BAS KHYAB PA YIN NO, ,ZHES GSUNGS, 'DI'I SKABS SU MTHA' DPYAD PA LA GSUM LAS, DANG PO LA, KHA CIG, NYAN THOS SDE PA YIN NA, MTHAR THUG THEG PA GSUM DU GRUB PAR 'DOD PAS KHYAB ZER NA, NYAN THOS PAR 'DA' BA CHOS CAN, DER THAL, DE'I PHYIR, 'DOD NA, DES MTHAR THUG THEG CHEN GYI THEG PA 'DOD PAR THAL, 'DOD PA'I DE'I PHYIR, 'DOD MI NUS TE, DES THEG CHEN GYI BKA' MI 'DOD PA'I PHYIR, KHA CIG, THEG CHEN PA YIN NA, MTHAR THUG THEG PA GCIG TU GRUB PAR 'DOD PAS KHYAB ZER NA, SLOB DPON DBYIG GNYEN CHOS CAN, DER THAL, DE'I PHYIR, 'DOD MI NUS TE, MTHAR THUG THEG PA GSUM DU GRUB PAR 'DOD PA'I PHYIR, KHA CIG, SEMS TZAM PA YIN NA, MTHAR THUG THEG PA GSUM DU GRUB PAR 'DOD PAS KHYAB ZER NA, RIGS PA'I RJES 'BRANG GI SEMS TZAM PA CHOS CAN, DER THAL, DE'I PHYIR, 'DOD NA, MI 'THAD PAR THAL, MTHAR THUG THEG PA GCIG TU GRUB PAR 'DOD PA'I PHYIR, DER THAL, SEMS CAN THAMS CAD 'TSANG RGYA BAR 'DOD PA'I PHYIR, DER THAL, DES GNYEN POS SPANG DU MI RUNG BA'I SGRIB PA MED PAR 'DOD PA'I PHYIR, DER THAL, RNAM 'GREL LAS, RGYU YOD PHYIR NA RGYU YI NI, ,GNYEN PO BSGOM PAS ZAD PHYIR RO, ,ZHES GSUNGS PA'I PHYIR, KHA CIG, LUNG GI RJES 'BRANG GI SEMS TZAM PAS THEG DMAN DGRA BCOM PA THEG CHEN @006A *, ,LAM DU 'JUG PA MI SRID PAR 'DOD ZER NA, DE MI 'THAD PAR THAL, DES LHAG MED MYANG 'DAS LA GNAS PA'I NYAN THOS DGRA BCOM PA THEG CHEN LAM DU 'JUG PAR MI 'DOD KYANG, YONGS SU 'GYUR BA PO'I LHAG BCAS MYANG 'DAS LA GNAS PA'I NYAN THOS DGRA BCOM PA THEG CHEN LAM DU 'JUG PAR 'DOD PA'I PHYIR, DANG PO DER THAL, DES THEG DMAN GYI LHAG MED MYANG 'DAS KYI TSE RIGS PA RGYUN CHAD DU 'DOD PA'I PHYIR, DER THAL, BSDU BA LAS, MTSAN MA DANG GNAS NGAN LEN THAMS CAD NAS THAMS CAD DU RGYUN CHAD CING 'GAG PA'I PHYIR RO, ,ZHES GSUNGS PA'I PHYIR, PHYI MA DER THAL, DGONGS 'GREL LAS, NYAN THOS BYANG CHUB TU YONGS SU 'GYUR BA GANG YIN PA DE NI NGAS RNAM GRANGS KYI BYANG CHUB SEMS DPA' YIN PAR BSTAN TE 'DI LTAR DE NI NYON MONGS PA'I SGRIB PA LAS RNAM PAR GROL NAS, DE BZHIN GSHEGS PA RNAMS KYIS BSKUL NA SHES BYA'I SGRIB PA LAS SEMS RNAM PAR GROL BAR BYED PA'I PHYIR RO, ,ZHES GSUNGS PA'I PHYIR, KHA CIG ,MTHAR THUG PA'I THEG PA GSUM GRUB PAR 'DOD NA, MTHAR THUG THEG PA GSUM DU GRUB PAR 'DOD PAS KHYAB ZER NA, SLOB DPON SENGGE BZANG PO CHOS CAN, DER THAL, DE'I PHYIR, DER THAL, MTHAR THUG PA'I THEG PA GSUM YOD PAR 'DOD PA'I GANG ZAG YIN PA'I PHYIR, DER THAL, MTHAR THUG PA'I THEG PA DU MA YOD PAR 'DOD PA'I GANG ZAG YIN PA'I PHYIR, DER THAL, MTHAR THUG PA'I RNAM MKHYEN DU MA YOD PAR 'DOD PA'I GANG ZAG YIN PA'I PHYIR, 'DOD MI NUS SO, ,KHA CIG, MTHAR THUG SANGS RGYAS KYI THEG PA GRUB PAR 'DOD NA, MTHAR THUG THEG CHEN GYI THEG PA GRUB PAR 'DOD PAS KHYAB ZER NA, NYAN THOS BYE BRAG SMRA BA CHOS CAN, DER THAL, DE'I PHYIR, 'DOD MI NUS TE, DES THEG CHEN GYI THEG PA KHAS MI LEN PA'I PHYIR, DER THAL, THEG CHEN KHAS MI LEN PA'I PHYIR, KHA CIG, SEMS CAN THAMS CAD 'TSANG RGYA BAR LTA ZHOG, 'TSANG RGYA RUNG TZAM DU YANG SGRUB PAR MI NUS TE, @006B SEMS CAN THAMS CAD 'TSANG RGYA BA'I RGYU TSOGS GRANGS TSANG BA'I PHYIR, KHYAB STE, NAS MYUG 'BYUNG RUNG DU SGRUB PA LA DE'I RGYU TSOGS GRANGS TSANG BA RTAGS SU 'GOD DGOS PA'I PHYIR, DER THAL, RNAM 'GREL LAS, RGYU TSOGS PA LAS 'BRAS SKYE BA, RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES GSUNGS PA'I PHYIR, ZER NA, 'ON DGUN DUS KYI ZHING CHOS CAN, NAS MYUG 'BYUNG BA'I RGYU TSOGS GRANGS TSANG BAR THAL, NAS MYUG 'BYUNG RUNG YIN PA'I PHYIR, KHYAB PA KHAS, DER THAL, DPYID DUS SU BAB BA NA DE LA NAS KYI MYU GU 'BYUNG BA'I PHYIR, 'DOD MI NUS TE, DE LA DROD SOGS KYI RKYEN KHYAD PAR CAN MA TSANG BA'I PHYIR, 'DIR ZHING DE LA DROD SOGS KYI RKYEN MA TSANG GSUNG BA NI DON DU MI 'GAL YANG, RE ZHIG DE MI 'THAD PAR THAL, DE LA DROD SOGS TSANG BA'I PHYIR, DER THAL, DGUN DUS SU ZHING LA CHU LUNG DROD SOGS SRID PA'I PHYIR, DER THAL, DE LA NYI MA'I 'OD KYIS DRO BAR BYAS PA SOGS SRID PA'I PHYIR, ZHES SGRUB RGYU ZHIG KYANG MCHIS LA, YANG NA, RGYU TSOGS GRANGS MA TSANG YANG TSANG BA SRID CES BYA'O, ,KHA CIG, 'TSANG RGYA BA'I DON NI, 'TSANG RGYA BA'I RGYU TSOGS TSANG BA LA 'JOG ZER NA, NYAN THOS DGRA BCOM PA CHOS CAN, 'TSANG RGYA BA'I RGYU TSOGS TSANG BAR THAL, 'TSANG RGYA BA'I PHYIR, DER THAL, SEMS CAN MIN PA'I PHYIR, 'DOD NA, BYANG CHUB TU SEMS BSKYED PAR THAL, 'DOD PA DE'I PHYIR, KHA CIG, SEMS CAN THAMS CAD 'TSANG RGYA YANG 'TSANG RGYA NGES MA YIN TE, DE 'TSANG RGYA BA LA GEGS SRID PA'I PHYIR, DER THAL, RNAM 'GREL LAS, MA NGES PA NI NYID YIN TE, ,GEGS BYED PA NI SRID PHYIR RO, ,ZHES GSUNGS PA'I PHYIR, ZER NA, SEMS CAN THAMS CAD 'TSANG RGYA NGES YIN PAR THAL, SEMS CAN THAMS CAD 'TSANG RGYA BAR NGES PA'I PHYIR, DER THAL, SEMS CAN THAMS CAD 'TSANG RGYA BAR TSAD MAS NGES PA'I PHYIR, DER THAL, SEMS CAN THAMS CAD 'TSANG RGYA BA'I PHYIR, MA KHYAB NA, KHYOD KYIS @007A *, ,SEMS CAN THAMS CAD 'TSANG RGYA BAR DAM BCAS PA'I DAM BCA' DE TSAD MA'I STOBS LAS 'ONGS PA MA YIN PAR THAL, KHYOD KYIS SEMS CAN THAMS CAD 'TSANG RGYA BAR DAM BCAS PA GANG ZHIG, SEMS CAN THAMS CAD 'TSANG RGYA BAR MA NGES PA'I PHYIR, RTAGS KHAS, GZHAN YANG, MDUN GYI SKYES BU YOD NGES MA YIN PAR THAL, DE YOD PA LA GEGS SRID PA'I PHYIR, DER THAL, DE 'JOMS BYED KYI 'CHI BA SOGS YOD PA'I PHYIR, GZHAN YANG, BYANG SEMS 'PHAGS PA 'TSANG RGYA NGES MA YIN PAR THAL, DE 'TSANG RGYA BA LA GEGS SRID PA'I PHYIR, DER THAL, DE LA SHES SGRIB KYI GEGS DANG BCAS PA'I PHYIR, 'DOD MI NUS SO, ,KHA CIG, SEMS CAN SEMS CAN SANGS RGYAS PA'I DUS SU SANGS RGYAS KYANG, SEMS CAN SANGS RGYAS PA'I DUS SU SEMS CAN SANGS MA RGYAS TE, SEMS CAN SANGS RGYAS PA'I DUS SU SEMS CAN MED PA'I PHYIR, ZER NA, 'O NA, SEMS CAN SEMS CAN SANGS RGYAS PA'I DUS SU YOD PAR THAL, SEMS CAN SEMS CAN SANGS RGYAS PA'I DUS SU SANGS RGYAS PA GANG ZHIG, KHYOD KYI DAM BCA' 'THAD PA'I PHYIR, 'DOD NA, SEMS CAN CHOS CAN, KHYOD RANG NYID SANGS RGYAS PA'I DUS SU MED PAR THAL, KHYOD SEMS CAN YIN PA'I PHYIR, KHYAB STE, TSE 'DI'I SKYES BU SKYE BA PHYI MAR MED PA'I PHYIR, MA GRUB NA, TSE 'DI'I SKYES BU MA SHI BAR PHYI MAR SKYE BAR THAL LO, ,GZHAN YANG, SEMS CAN SANGS RGYAS PA'I DUS SU SEMS CAN SANGS RGYAS PAR THAL, SEMS CAN MED PA'I DUS SU SEMS CAN MED PA'I PHYIR, DER THAL, SEMS CAN ZHIG PA'I DUS SU SEMS CAN ZHIG PA'I PHYIR, DER THAL, DNGOS PO ZHIG PA'I DUS SU DNGOS PO ZHIG PA'I PHYIR, MA GRUB NA, DNGOS PO ZHIG PA'I TSE DE MA ZHIG PAR 'DOD RIGS PAR THAL, DNGOS PO ZHIG PA'I DUS SRID PA GANG ZHIG, DNGOS PO ZHIG PA'I TSE DNGOS PO ZHIG PA MA YIN PA'I PHYIR, PHYI MA KHAS, DANG PO MA GRUB NA, DNGOS PO CHOS CAN, KHYOD ZHIG PA'I DUS SRID PAR THAL, @007B KHYOD 'DUS BYAS YIN PA'I PHYIR, 'DOD NA, DNGOS PO MED PA'I DUS SU DE YOD PAR THAL LO, ,KHA CIG, SEMS CAN SANGS RGYAS PA'I TSE SEMS CAN SANGS RGYAS KYANG, DE'I TSE DE SANGS RGYAS 'PHAGS PA MA YIN TE, DE'I DUS SU SANGS RGYAS 'PHAGS PA YIN NA, DE'I TSE GANG ZAG YIN DGOS, DE YIN NA, DE'I TSE YOD DGOS PA'I PHYIR, ZER NA, DE MI 'THAD PAR THAL, SEMS CAN SANGS RGYAS PA'I DUS SU DE SANGS RGYAS 'PHAGS PAR GYUR ZIN PA'I PHYIR, DER THAL, SEMS CAN SANGS RGYAS 'PHAGS PAR GYUR PA'I DUS SRID PA'I PHYIR, DER THAL, SANGS RGYAS 'PHAGS PA DE SEMS CAN DU GYUR MYONG BA'I PHYIR, MA GRUB NA, SANGS RGYAS 'PHAGS PA CHOS CAN, SEMS CAN DU GYUR MYONG BAR THAL, SANGS RGYAS 'PHAGS PA YIN PA'I PHYIR, GZHAN YANG, KHYOD KYI DE MI 'THAD PAR THAL, SPYIR SANGS RGYAS 'PHAGS PA YIN NA, YOD DGOS KYANG, DUS DER SANGS RGYAS 'PHAGS PA YIN NA DUS DER YOD MI DGOS PA'I PHYIR, DER THAL, SPYIR SKYE BZHIN PA YIN NA, YOD DGOS KYANG, DUS 'GA' ZHIG GI TSE SKYE BZHIN PA YIN NA, DUS DER YOD MI DGOS PA'I PHYIR, MA GRUB NA, MYU GU CHOS CAN, RANG GI SA BON GYI DUS SU YOD PAR THAL, DE'I DUS SU SKYE BZHIN PA YIN PA'I PHYIR, 'KHOR GSUM, GZHAN YANG, BYANG SEMS TSOGS LAM PA SANGS RGYAS 'PHAGS PAR 'GYUR BA MI SRID PAR THAL, DE DER 'GYUR BA'I DUS MI SRID PA'I PHYIR, DER THAL, DE DER GYUR BA'I DUS MI SRID PA'I PHYIR, DER THAL, BYANG SEMS TSOGS LAM PA SANGS RGYAS PA'I DUS SU DE SANGS RGYAS 'PHAGS PAR MA GYUR PA'I PHYIR, DER THAL, DE SANGS RGYAS PA'I DUS SU DE SANGS RGYAS 'PHAGS PA MA YIN PA'I PHYIR, RTAGS KHAS, 'DOD NA, DE CHOS CAN, KHYOD SANGS RGYAS 'PHAGS PAR 'GYUR PA'I DUS SRID PAR THAL, KHYOD SEMS CAN YIN PA'I PHYIR, GZHAN YANG, BYANG SEMS TSOGS LAM PA SANGS RGYAS PA'I DUS SU YOD PAR THAL, DE SANGS RGYAS PA'I DUS SU DE SANGS RGYAS PA'I PHYIR, KHYAB STE, SANGS RGYAS YIN NA, YOD DGOS PA'I PHYIR, ZER NA, MA KHYAB, 'O NA, @008A *, ,SEMS CAN SANGS RGYAS PA'I TSE SANGS RGYAS 'PHAGS PA YIN KYANG DE DE'I TSE YOD MI DGOS PAR THAL, DAM BCA' 'THAD PA'I PHYIR, 'DOD NA, 'GAL LO, ,KHA CIG ,'KHOR BA LA THOG MA'I MTHA' YOD ZER NA, DE MED PAR THAL, RIG PA LA THOG MA'I MTHA' MED PA'I PHYIR, DER THAL, RIG PA YIN NA, RANG GI NYER LEN DU GYUR BA'I RIG PA SNGA MA LAS BYUNG BAS KHYAB PA'I PHYIR, DER THAL, RNAM 'GREL LAS, RNAM SHES MIN PAS RNAM SHES KYI, ,NYER LEN MI BYED PHYIR YANG 'GRUB, ,CES GSUNGS PA'I PHYIR, GZHAN YANG, 'KHOR BA LA THOG MA'I MTHA' MED PAR THAL, SA BON LA THOG THOG MA'I MTHA' MED PA'I PHYIR, DER THAL, BZHI BRGYA PA LAS, JI LTAR SA BON MTHA' MTHONG ZHING, ,DE LA THOG MA YOD MIN TE, ,ZHES GSUNGS PA'I PHYIR, KHA CIG, 'KHOR BA LA PHYI MTHA' MED ZER NA, DE YOD PAR THAL, 'KHOR BA'I RTZA BA LA PHYI MTHA' YOD PA'I PHYIR, DER THAL, 'KHOR BA'I RTZA BAR GYUR PA'I BDAG 'DZIN LA PHYI MTHA' YOD PA'I PHYIR, DER THAL, DE 'JOMS BYED KYI GNYEN PO STOBS LDAN YOD PA'I PHYIR, KHA CIG, 'KHOR BA'I PHYI MTHA' YOD KYANG, 'KHOR BA'I MTHA' MED ZER NA, DE MI 'THAD PAR THAL, 'KHOR BA LA PHYI MTHA' YOD PAS 'KHOR BA'I MTHA' YOD PA'I GO CHOD PA'I PHYIR, DER THAL, 'KHOR BA'I PHYI MTHA' SPANGS PAS, 'KHOR BA SPANG BAR 'JOG RIGS PA'I PHYIR, KHA CIG, 'KHOR BA'I SEMS CAN GYI GRANGS LA MTHA' YOD ZER NA, DE MED PAR THAL, NAM MKHAS GAR KHYAB SEMS GYIS KHYAB PA'I PHYIR, DER THAL, MDO LAS NAM MKHA'I MTHAR THUG GYUR PA JI TZAM PA, ,SEMS CAN MA LUS MTHA' YANG DE BZHIN TE, ,ZHES PA'I PHYIR, KHA CIG, 'KHOR BA'I SEMS CAN RGYUN CHAD PA SRID ZER NA, DE MI SRID PAR THAL, SEMS CAN RGYUN CHAD PA'I DUS MI SRID PA'I PHYIR, DER THAL, SEMS CAN SANGS RGYAS PA'I SANGS RGYAS 'PHAGS PA DE SEMS CAN GYI RGYUN YIN PA'I PHYIR, @008B DER THAL, DE DE'I PHYI RGYUN YIN PA'I PHYIR, KHA CIG, THEG DMAN DGRA BCOM PA THEG CHEN LAM DU 'JUG PA'I TSES BRGYAD PA NAS 'JUG ZER NA, DE MI 'THAD PAR THAL, DE THEG CHEN LAM DU 'JUG PA DE'I TSE THEG CHEN TSOGS LAM NAS 'JUG DGOS PA'I PHYIR, DER THAL, THEG CHEN SEMS BSKYED RGYAD LA SKYES PA DANG THEG CHEN LAM DU GEGS PA DUS MNYAM PA'I PHYIR, DER THAL, THEG CHEN SEMS BSKYED DE THEG CHEN LAM GYI 'JUG GYI 'JUG SGO YIN PA'I PHYIR, KHA CIG, RNAM BSHAD LAS, NYAN RANG DGRA BCOM PA THEG CHEN LAM DU 'JUG PA'I TSES BDUN PA MAN CHAD NAS 'JUG PAR 'DOD PA'I PHYOGS SLA SMRA BA PO YOD PAR GSUNGS PA'I DON, SA BDUN PA KHO NA NAS 'JUG PAR 'DOD PA LA BYED ZER NA, DE MI 'THAD PAR THAL, DE'I DO NAS BRGYAD PA NAS KYANG 'JUG PAR 'DOD PA'I DEN DU BYED DGOS PA'I PHYIR, DER THAL, DE LTAR DGONGS 'GREL GYI 'GREL CHEN RGYA NAG MA LAS BSHAD PAR GSER PHRENG LAS GSUNGS PA'I PHYIR, DER THAL, GSER PHRENG LAS, SA BRGYAD PA NAS 'JUG PAR BSHAD KYANG TSOGS LAM NAS 'JUG PA 'THAD, CES GSUNGS PA'I PHYIR, DE LA KHO NA RE, NYAN RANG DGRA BCOM PA THEG CHEN LAM DU 'JUG PA'I TSES BDUN PA NAS 'JUG GO ZER NA, DE YANG MI 'THAD PAR THAL, DE LTAR NA, DMAN LAM SNGON DU MA SONG BA'I BYANG CHUB SEMS DPA' DANG BRNON LAS, DMAN LAM SNGON SONG GI BYANG SEMS RNAMS 'TSANG RGYA BAR MYUR BAR 'DOD DGOS PA'I SKYON YOD PA'I PHYIR, DER THAL, NYAN THOS KYI BYANG CHUB MYUNG NA TSE GSUM LA THOB NUS, THEG CHEN GYI RIGS CAN DBANG PO RNON PO 'TSANG RGYA BA LA YANG GRANGS MED GSUM DU TSOGS GSOG PAR BYED DGOS PA GANG ZHIG, KHYOD LTAR NA, NYAN RANG DGRA BCOM GYI RTOGS PA SNGON DU SONG BA'I BYANG SEMS DES GRANGS MED GSUM DU TSOGS MA BSAGS PAR 'TSANG RGYA BAR 'GYUR BA'I PHYIR, PHYI MA DER THAL, THEG DMAN DGRA BCOM GYI RTOGS PA SNGON DU SONG BA'I BYANG SEMS DAS GRANGS @009A *, ,MED DANG BAR GNYIS KYI TSOGS MA BSAGS PAR SANGS RGYAS PA'I PHYIR, DER THAL, GRANGS MED GSUM GYI TSOGS GSOG TSUL NI, TSOGS SBYOR GYI SKABS SU GRANGS MED DANG PO DANG, MA DAG SA BDUN GYI SKABS SU GRANGS MED GNYIS PA DANG, DAG PAS GSUM DU GRANGS MED GSUM PA'I TSOGS GSOG DGOS PA GANG ZHIG, THEG DMAN DGRA BCOM GYIS GRANGS MED DANG PO DANG PAR PA'I NGOS SKAL GYI TSOGS MA BSAGS PAR SA BDUN PA DANG BRGYAD PA GANG RUNG NAS THEG CHEN LAM DU 'JUG PA'I PHYIR, PHYI MA DER THAL, DE SA BDUN PA NAS THEG CHEN LAM DU GSAR DU 'JUG PA GANG ZHIG, DE'I SNGON DU THEG DMAN LAM GYI GNAS SKABS SU GRANGS MED DANG BAR GNYIS KYI STOGS MA BSAGS PA'I PHYIR, DANG PO KHAS, PHYI MA DER THAL, GRANGS MED DANG PO'I TSOGS KYI 'GO THEG CHEN TSOGS LAM NAS RTZOM PAR 'JOG PA'I PHYIR, KHO NA RE, THEG DMAN DGRA BCOM GYI RTOGS PA SNGON DU SONG BA'I BYANG SEMS DE, 'TSANG RGYA BA NI DMAN LAM SNGON DU MA SONG BA'I BYANG SEMS LAS MYUR BAS KYON MED CE NA, DE MI 'THAD PAR THAL, DE DANG DMAN LAM SNGON DU SONG MA SONG GI BYANG SEMS GNYIS RDZOGS BYANG MNGON DU BYED PA LA DMAN LAM SNGON DU MA SONG BA DE MYUR LA CIG SHOS BUL BA'I PHYIR, DER THAL, MDO SDE RGYAN LAS, MYA NGAN LA MNGON DGA'I PHYIR, ,RTOGS PA BUL BA NYID DU 'DOD, ,CES GSUNGS PA'I PHYIR, KHA CIG, THEG DMAN DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA DE, THEG CHEN SO SKYE MA YIN ZER NA, DE YIN PAR THAL, THEG CHEN TSOGS LAM PA DANG THEG CHEN SBYOR LAM PA GANG RUNG YIN PA'I PHYIR, KHYAB STE, THEG CHEN GYI 'PHAGS LAM THOB PA DANG THEG CHEN GYI MTHONG LAM THOB PA DUS MNYAM PA'I PHYIR, KHA CIG, DE SO SKYE YIN ZER NA, DE MI 'THAD PAR THAL, DE 'PHAGS PA YIN PA'I PHYIR, DER THAL, 'PHAGS LAM THOB PA'I GANG ZAG YIN PA'I PHYIR, DER THAL, THEG DMAN GYI @009B 'PHAGS LAM THOB PA'I GANG ZAG YIN PA'I PHYIR, KHA CIG, DE TSOGS LAM PA MA YIN ZER NA, RE ZHIG DE MI 'THAD PAR THAL, DE TSOGS LAM PA YIN PA'I PHYIR, DER THAL, DE THEG CHEN TSOGS LAM PA YIN PA'I PHYIR, KHA CIG MA KHYAB ZER NA, KHYAD PAR THAL, THEG CHEN MTHONG LAM PA YI NA, MTHONG LAM PA YIN DGOS, THEG CHEN SGOM LAM PA YIN NA, SGOM LAM PA YIN DGOS PA'I PHYIR, KHA CIG NA RE, DE THEG CHEN 'PHAGS PA YIN ZER NA, DE MI 'THAD PAR THAL, DES THEG CHEN GYI MTHONG LAM MA THOB PA'I PHYIR, KHA CIG, DE THEG CHEN DGRA BCOM PA YIN ZER NA, DE YANG MI 'THAD PAR THAL, THEG CHEN DGRA BCOM PA YIN NA SANGS RGYAS YIN DGOS PA'I PHYIR, KHA CIG, DE THEG CHEN PAR GYUR PA'I DGRA BCOM PA MA YIN ZER NA, DE YIN PAR THAL, DE THEG CHEN PA YANG YIN DGRA BCOM PA YANG YIN PA'I GZHI MTHUN PA YIN PA'I PHYIR, DER THAL, THEG CHEN BA GANG ZHIG, DGRA BCOM PA YIN PA'I PHYIR, DANG PO DER THAL, BYANG SEMS YIN PA'I PHYIR, PHYI MA MA GRUB NA, DE DGRA BCOM PA'I RTOGS PA LAS NYAMS PAR THAL, MA GRUB PA DE'I PHYIR, 'DOD MI NUS TE, BDAG 'DZIN SA BON DANG BCAS PA SPANGS PA'I GANG ZAG YIN PA'I PHYIR, KHYAB STE, RNAM 'GREL LAS, BDAG LTA'I SA BON SPANGS PA'I PHYIR, ,SLAR MI GSHEGS PA NYID YIN NO, ,ZHES GSUNGS PA'I PHYIR, KHA CIG, THEG DMAN DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA DE, 'PHAGS PA PHUNG GSUM PA MA YIN ZER NA, DE YIN PAR THAL, DE 'PHAGS PA GANG ZHIG, THEG CHEN 'PHAGS PA YANG MIN, THEG DMAN 'PHAGS PA YANG MA YIN PA'I PHYIR, MA KHYAB NA, KHYAB PAR THAL, RTAG MI RTAG GANG RUNG MA YIN PA'I CHOS ZHIG YOD NA, DE GNYIS GANG RUNG MA YIN PA'I PHUNG GSUM PA YOD DGOS PA'I PHYIR, DER THAL, KA BUM GANG RUNG MA YIN PA'I CHOS YOD NA, DE GANG RUNG MA YIN PA'I LUNG GSUM PA YOD DGOS PA'I PHYIR, GZHAN YANG, DE 'PHAGS PA PHUNG GSUM PA YIN PAR @010A *, ,THAL, DE'I RGYUD KYI 'GOG BDEN DE 'GOG BDEN PHUNG GSUM PA YIN PA'I PHYIR DANG, DE'I RGYUD KYI LAM BDEN DE LAM BDEN PHUNG GSUM PA YIN PA'I PHYIR, DANG PO DER THAL, DE THEG CHEN GYI 'GOG BDEN YANG MA YIN, THEG DMAN GYI DE YANG MA YIN PA'I PHYIR, DANG PO DER THAL, RANG THOB BYED KYI THEG CHEN GYI LAM BDEN SNGON DU MA SONG BA'I PHYIR, DER THAL, RANG THOB BYED KYI THEG CHEN GYI 'PHAGS LAM SNGON DU MA SONG BA'I PHYIR, DER THAL, DE RGYUD LA LDAN PA'I BYANG SEMS DES THEG CHEN GYI 'PHAGS LAM MA THOB PA'I PHYIR, GNYIS PA, DE THEG DMAN GYI 'GOG BDEN MA YIN PAR THAL, THEG DMAN PA'I RGYUD KYI YON TAN MA YIN PA'I PHYIR, DER THAL, THEG CHEN PA'I RGYUD KYI YON TAN YIN PA'I PHYIR, GONG GI PHYI MA DER THAL, DE THEG CHEN GYI LAM BDEN YANG MA YIN, THEG DMAN GYI LAM BDEN YANG MA YIN, DANG PO DER THAL, DES THEG CHEN GYI 'PHAGS LAM MA THOB PA'I PHYIR, PHYI MA DER THAL, SEMS DPA'I YE SHES YIN PA'I PHYIR, KHA CIG, NYAN THOS DGRA BCOM PA'I RTOGS PA SNGON DU SONG BA'I RANG RGYAL 'PHAGS PA YOD ZER NA, DE MED PAR THAL, NYAN RANG GNYIS KYIS RANG DON DU SDUG KUN NYE BAR ZHI BA'I MYANG 'DAS GTZO BOR DON DU GNYER BAR MTSUNGS PA GANG ZHIG, NYAN RANG DGRA BCOM GNYIS KYIS KYANG NYON MONGS SPANGS PA'I SPANGS PA THOB PAR MTSUNGS PA'I PHYIR, KHA CIG, NYAN THOS RANG RGYAL LAM DU 'JUG PA MED ZER NA, DE YOD PAR THAL, NYAN THOS SO SKYE TZAM DU MA ZAD NYAN THOS 'PHAGS PA YANG RANG RGYAL LAM DU 'JUG PA YOD PA'I PHYIR, DER THAL, SPANGS CIG CHAR BA'I RGYUN ZHUGS RANG RGYAL LAM DU 'JUG PA YOD PA'I PHYIR, KHA CIG, NYAN THOS 'PHAGS PA'I RTOGS PA SNGON DU SONG BA'I RANG RGYAL TSOGS LAM PA DE THEG DMAN SO SKYE YIN ZER NA, DE MI 'THAD PAR THAL, DE THEG DMAN 'PHAGS PA YIN PA'I PHYIR, DER THAL, DE THEG @010B DMAN 'PHAGS PA'I GO 'PHANG THOB PA'I GANG ZAG YIN PA'I PHYIR, KHO NA RE, DE THEG DMAN SO SKYE YIN TE, THEG DMAN DGRA BCOM GYI RTOGS PA SNGON DU SONG BA'I BYANG SEMS TSOGS LAM PA THEG CHEN SO SKYE YIN PA'I PHYIR, ZER NA, DE GNYIS MI MTSUNGS SO, , GNYIS PA RANG LUGS LA GSUM, THEG PA GSUM GYI RNAM GZHAG BSHAD PA, 'KHOR BA LA MTHA' YOD MED BSGRUB PA, THEG DMAN DGRA BCOM THEG CHEN DU 'JUG PA'I DUS BSTAN PA'O, ,DANG PO LA GNYIS, MTHUR THUG THEG PA GSUM DU GRUB PAR 'DOD PA'I LUGS BSHAD PA DANG, GCIG TU GRUB PAR 'DOD PA'I TSUL RNAM PAR GZHAG PA'O, ,DANG PO NI, LUNG GI RJES SU 'BRANG BA'I SEMS TZAM PAS, YUM GYI MDO LAS, GANG YANG DAG PAR SKYON MED PA LA ZHUGS PAR GYUR PA DE DAG LA NI BLA NA MED PA YANG DAG PAR RDZOGS PA'I BYANG CHUB SEMS BSKYED PA'I MTHU MED DO, ,DE CI'I PHYIR ZHE NA, DE DAG GIS 'KHOR BA'I RGYUN GYI MTSAMS BCAD PA'I PHYIR RO, ,ZHES PA DANG, DGONGS 'GREL LAS, NYAN THOS KYI RIGS KYI GANG ZAG ZHI BA BGROD PA GCIG PU PA NI SANGS RGYAS THAMS CAD BRTZON PA DANG LDAN PAR GYUR KYANG BYANG CHUB KYI SNYING PO LA BZHAG STE, BLA NA MED PAR YANG DAG PAR RDZOGS PA'I BYANG CHUB TU SEMS BSKYED PA'I MTHU MED DE, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, 'KHOR BA'I SDUG BSNGAL GYIS SHIN TU 'JIGS PA'I PHYIR DANG, RANG BZHIN GYI RIGS DMAN PA KHO NA'O, ,ZHES DANG, BLO GROS MI ZAD PAS BSTAN PA'I MDO LAS KYANG, GSUM PO 'DI DAG NI NGES PAR 'BYIN PAR BYED PA'I PHYIR THEG PA YIN NO, ,'DI LTA STE, NYAN THOS KYI THEG PA DANG RANGS SANGS RGYAS KYI THEG PA DANG THEG PA CHEN PO'O, ,ZHES PA DANG, LANG GSHEGS LAS, LHA'I THEG DANG TSANGS PA'I THEG ,DE BZHIN DU NI NYAN THOS DANG, ,DE BZHIN GSHEGS DANG RANG RGYAL GYI, ,THEG PA 'DI DAG NGAS BSHAD DO, ,ZHES PA'I MDO RNAMS LA BRTEN NAS MTHAR THUG THEG PA GSUM DU GRUB @011A *, ,PAR 'DOD DE, DE LTAR 'DOD PA'I RGYU MTSAN YANG, LUNG GI GTZO BO MDO SDE DGONGS 'GREL LA BRTEN NAS GZHAN DBANG DANG YONGS GRUB GNYIS SO SO NAS DON DAM PAR GRUB PAS, SEMS CAN GYI RGYUD LA KHAMS MI 'DRA BA BDEN GRUB GSUM DANG, DE LAS GNAS SKABS MOS PA MI 'DRA BA BDEN GRUB GSUM DANG, DE LAS 'BRAS BU BYANG CHUB MI 'DRA BA BDEN GRUB GSUM SO SOR THOB PAR 'DOD PA'I RGYU MTSAN GYIS YIN LA, LUGS 'DI LA SANGS RGYA MI SRID PA'I SEMS CAN YOD PAR BZHED DO, ,'ON KYANG MTHAR THUG THEG PA GCIG TU GRUB PAR MDO LAS GSUNGS PA DANG MI 'GAL TE, DGONGS GZHI DGONGS PA DNGOS LA GNOD BYED GSUM GYI SGO NAS DRANG DON DU 'GREL BA'I PHYIR, DE'I DGONGS GZHI YOD DE, BGROD BYA'I THEG PA GSUM GYI CHOS DBYINGS NAM MKHA' LTAR RIGS THA DAD PA MED PA DANG, BGROD PA PO'I THEG PA GSUM GYI GANG ZAG GIS BDAG MED RTOGS PA YOD PAR MTSUNGS PA DANG, SDUG KUN SPANGS PA'I RNAM GROL LAM YOD PAR MTSUNGS PA DANG, NYAN THOS KHA CIG 'TSANG RGYA BAS RIGS THA DAD PA GNYIS KYANG LAM GCIG TU 'JUG PA YOD PAR MTSUNGS PA DANG, DE BZHIN GSHEGS PAS SNGON BDAG GIS BYANG SEMS KYI SPYOD PA SPYAD PAS SANGS RGYAS SO SNYAM DU DGONGS PA BZHIN DU, NYAN RANG 'GA' ZHIG THEG CHEN DU ZHUGS NAS PHYIR LHUNG STE DMAN PA'I BYANG CHUB MNGON DU BYAS PA'I TSE SANGS RGYAS KYI MTHUS BDAG GIS SNGON BYANG SEMS KYI SPYOD PA SPYAD PAS 'TSANG RGYA'O SNYAM PA'I BSAM PA MTSUNGS PA THANG CIG TZAM RNYED PA SRID PA DANG, SPRUL PA'I NYAN THOS GDUL BYA'I DON DU LAN DU MAR NYAN THOS KYI THEG PAS MYA NGAN LAS 'DA' TSUL BSTAN PA DANG, MTHAR THUG PA'I THEG PA NI SANGS RGYAS KYI THEG PA LAS GZHAN MED PA STE DGONGS GZHI DE BDUN LA DGONGS PA'I PHYIR TE, MDO SDE RGYAN LAS, CHOS DANG BDAG MED RNAM GROL RNAMS, ,MTSUNGS PHYIR RIGS NI THA DAD PHYIR, , @011B BSAM GNYIS THOB PHYIR SPRUL PA'I PHYIR, ,MTHAR THUG PHYIR NA THEG GCIG NYID, ,CES GSUNGS PA'I PHYIR, DGOS PA YOD DE, THEG DMAN DU RIGS MA NGES PA KHA CIG THEG CHEN DU DRANG BAR BYA BA DANG, THEG CHEN DU RIGS MA NGES PA KHA CIG THEG DMAN LAM DU MI LTUNG BAR BYA BA'I CHED YIN PA'I PHYIR TE, DE NYID LAS, KHA CIG DAG NI DRANG PHYIR DANG, ,GZHAN DAG RJES SU BZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,ZHES GSUNGS PA'I PHYIR, DNGOS LA GNOD BYED YOD DE MDO SDE DGONGS 'GREL LA SOGS PA'I LUNG DANG, GZHAN DBANG DANG YONGS GRUB GNYIS SO SOR BDEN GRUB TU SGRUB PA'I RIGS PAS GNOD PA'I PHYIR, ZHES 'DOD DO,, ` GNYIS PA LA MTHAR THUG THEG PA GCIG TU GRUB PAR 'DOD PA'I TSUL RNAM PAR GZHAG PA NI, LANG KAR GSHEGS PA LAS, BLO GROS CHEN PO NYAN THOS KYI THEG PA RNAMS NI NYAN THOS KYI THEG PAS RNAM PAR GROL BA MA YIN GYI 'ON KYANG DE DAG NI THEG PA CHEN PO'I MTHAR THUG PA'O, ,ZHES PA DANG, DAM CHOS PAD DKAR LAS, SH'A RI'I BU DE BZHIN GSHEGS PA LA RDZUN GSUNG PA MI 'DA' 'O; ;SH'A RI'I BU THEG PA NI GCIG KHO NAR ZAD DE, 'DI LTA STE SANGS RGYAS KYI THEG PA'O, ,ZHES PA DANG, DRANG SRONG CHEN POS THEG PA GSUM BSTAN PA, ,RNAM 'DREN RNAMS KYI THABS LA MKHAS PA STE, ,THEG PA GCIG STE GNYIS SU YOD MA YIN, ,BSTI BA'I DON DU THEG PA GSUM BSTAN TO, ,ZHES PA DANG, DPAL PHRENG GI MDO LAS, YONGS SU MYA NGAN LAS 'DAS PA ZHES BYA BA 'DI NI DE BZHIN GSHEGS PA RNAMS KYI THABS MKHAS PA'O, ,ZHES SOGS LUNG DU MA LA BRTEN NAS, DBU MA PAS MTHAR THUG THEG PA GCIG TU GRUB PAR BZHED LA, DE LTAR NA'ANG MTHAR THUG THEG PA GSUM DU GRUB PAR STON PA'I MDO DANG MI 'GAL TE, DGONGS GZHI DGOS PA DNGOS LA GNOD BYED GSUM GYIS DRANG DON DU 'GREL BA'I PHYIR, DGONGS GZHI YOD DE, GNAS SKABS THEG PA SO SOR RIGS NGES PA GSUM YOD PA LA DGONGS @012A *, ,PA'I PHYIR, DGOS PA YOD DE, DED DPON THABS MKHAS PAS LAM RING POS DUB PA'I 'GRON PO DBUGS DBYUNG BA'I CHED DU RGYA MTSO'I GLING DU GRONG KHYER SPRUL NAS RIN PO CHE'I GLING DU PHYIN PA'I THABS BYED PA LTAR, 'KHOR BA'I LAM GYIS DU BSTE DANG POR THEG CHEN LAM DU 'JUG MI 'DOD PA 'GA' ZHIG DMAN PA'I MYANG 'DAS SU 'KHRID PA DANG, KHYAD PAR SEMS TZAM PA'I RIGS CAN RJES SU BZUNG BA'I CHED YIN PA'I PHYIR, DNGOS LA GNOD BYED YOD DE, SNGAR BSHAD PA'I LUNG DE RNAMS DANG, GZHAN YANG LUNG DU MA DANG, RIGS PA DU MAS KYANG GNOD PA'I PHYIR, RIGS PAS GNOD PA'I TSUL YOD DE, SEMS CAN THAMS CAD KYI SEMS DON DAM PAR RANG BZHIN GYIS MED CING, DRI MA GLO BUR BA 'BRAL RUNG DU GNAS PA DANG, CHAGS SOGS NYON MONGS KYI RTZA BA PHUNG SOGS BDEN PAR 'DZIN PA'I BDEN 'DZIN DE NYID, THAG KHRA LA SBRUL DU 'DZIN PA'I BLO LTAR RTZA BA MI BRTAN PA'I PHYIR, DE LTAR YANG RGYUD BLA'I 'GREL PAR, RANG BZHIN GYIS RNAM PAR DAG PA'I RIGS YOD PA'I PHYIR 'GA' YANG GTAN RNAM PAR DAG PAR MI 'GYUR BA NI 'OS PA MA YIN TE, THOG MED GYUR KYANG THA MA DANG LDAN PA, ,RANG BZHIN GYIS DAG RTAG PA'I CHOS CAN PHYIR, ,THOG MED SBUBS KYI PHYI SGRIB MI MTHONG STE, ,JI LTAR GSER GYI GZUGS NI SGRIB PA BZHIN, ,ZHES GSUNGS PA'I PHYIR, 'KHOR MTHA' LA DPYAD PA, GNYIS PA 'KHOR BA LA MTHA' YOD MED LA GNYIS, YOD PAR 'DOD PA'I LUGS DANG, MED PAR 'DOD PA'I LUGS SO, ,DANG PO LA GNYIS, LUNG DANG RIGS PA'O, ,DANG PO NI 'KHOR BA LA MTHA' YOD DE, MTHAR THUG THEG PA GCIG DANG SEMS CAN THAMS CAD 'TSANG RGYA BAR BSHAD PA'I LUNG RNAMS DANG, GZHAN YANG RIGS PA DANG 'BREL BA'I LUNG NI, JI SKAD DU, JI LTAR SA BON MTHA' MTHONG ZHING, ,ZHES SOGS DANG, YANG, SA BON THOG MTHA' YOD MIN KYANG, ,MES @012B BSREG PA NA PHYI MTHA' MTHONG, ,DE BZHIN 'KHOR BA THOG MED KYANG, ,BDAG MED MTHONG BAS PHYI MTHA' MTHONG, ,ZHES SOGS KYIS GRUB PA'I PHYIR, RIGS PAS GRUB STE, SEMS CAN THAMS CAD 'TSANG RGYA NGES YIN PA'I PHYIR TE, DE THAMS CAD KYI RGYUD LA SANGS RGYAS KYI RIGS KYIS KHYAB PA'I PHYIR DANG, DRI MA GLO BUR BA YIN PA'I PHYIR, GZHAN YANG, 'KHOR BA LA MTHA' YOD DE, 'KHOR BA LA PHYI MTHA' YOD PA'I PHYIR, DER THAL, 'KHOR BA'I RTZA BAR GYUR BA'I BDAG 'DZIN 'JOMS PA'I GNYEN PO BDAG MED MNGON SUM DU RTOGS PA'I SHES RAB YOD PA'I PHYIR, DER THAL, RGYAN SNANG LAS, 'KHOR BA YANG BDAG MED PA LA SOGS PA'I GNYEN PO'I PHYOGS MNGON DU GYUR PA NA 'GRIB PA'I CHOS CAN YIN NO, ,ZHES BYA BA'I RANG BZHIN GYI GTAN TSIGS KYI STOBS KYIS 'KHOR BA RGYUN CHAD PA YIN NO, ,ZHES GSUNGS PA'I PHYIR DANG, GZHAN YANG, RNAM 'GREL LAS, 'GRIB DANG PHUL BYUNG BSTEN PA KUN, ,MI MTHUN PHYOGS DANG BCAS NYID PHYIR, ,DE GOMS PA LAS BDAG 'GYUR BAS, ,LA LAR ZAG PA ZAD PAR 'GYUR, ,ZHES GSUNGS PA'I PHYIR, TSUL 'DI NI, AA BHY'E KA RA SOGS MKHAS GRUB DU MA DANG, KHYAD PAR RGYAL TSAB THAMS CAD MKHYEN PAS BZHED LA, DE YANG SEMS CAN THAMS CAD 'TSANG RGYA BAS 'KHOR BA STONG PA'I DUS BRTAG PA MTHA' BZUNG TZAM DU YOD PA LA DGONGS BAR GSAL LO, ,DES NA SEMS CAN THAMS CAD 'TSANG RGYA BAR SGRUB PA'I RIGS PA YANG 'DIR 'DUS PA YIN TE, SEMS CAN THAMS CAD 'TSANG RGYAN 'KHOR BA MTHA' YOD DGOS PAR GRUB PA'I PHYIR TE, RNAM BSHAD LAS, KHA CIG 'KHOR BA LA PHYI MTHA' MED LA, SEMS CAN THAMS CAD SANGS RGYA'O ZHES ZER BA NI 'GAL BA'I KHUR 'BA' ZHIG GO, ZHES GSUNGS PA'I PHYIR,, ` GNYIS PA MTHA' MED PAR SGRUB PA LA GNYIS, LUNG DANG RIGS PA'O, ,DANG PO NI, SDUD PA LAS, MA RIG 'KHRUL 'KHOR 'DI LA ZAD MED @013A *, ,'PHEL BA MED, ,CES PA DANG, MDO LAS, NAM MKHA'I MTHAR THUG GYUR PA JI TZAM PAR, ,SEMS CAN MA LUS MTHA' YANG DE BZHIN TE, ,ZHES PA DANG, 'KHOR BA THOG MA THA MA MED, ,CES SOGS KYIS 'GRUB LA, RIGS PA NI, 'KHOR BA LA MTHA' MED DE, SEMS CAN THAMS CAD 'TSANG RGYA BA SRID DU CHUG KYANG, DUS 'DI TZAM NA SEMS CAN GCIG KYANG MI SRID CES PA'I MTSAMS 'DZIN PAR MI NUS PA'I PHYIR, GAL TE NUS NA, SEMS CAN THAMS CAD DUS MNYAM DU SANGS RGYAS PA MI SRID LA, RIM GYIS RGYA BAS DE'I TSE SANGS RGYAS PHYI MA RNAMS KYIS SEMS CAN THAMS CAD KYI DON MA BYAS PAR SANGS RGYAS PAR THAL BAR 'GYUR PA'I PHYIR, GZHAN YANG, 'KHOR BA LA MTHA' MED DE, DE LA THOG MA'I MTHA' YOD NA RGYU MED DU 'GYUR LA, PHYI MA'I MTHA' YANG MED PA'I PHYIR, DER THAL, SANGS RGYAS GRANGS MED PA BYON NAS SEMS CAN GRANGS MED PA ZHIG MYANG 'DAS LA BKOD KYANG, SEMS CAN NYUNG DU MA SONG ZHING MTHA' YAS PA'I PHYIR, DPER NA, NAM MKHA' LA MTHA' MED PA BZHIN NO, ,DE LTAR YANG, 'GREL CHEN LAS, SANGS RGYAS RE RE BYUNG BA SEMS CAN GRANGS MED PA YONGS SU MYA NGAN LAS 'DA' MOD KYI, DE LTAR NA'ANG 'KHOR BA LA ZAD PA MED PAS MTHA' YAS PA'I PHYIR, NAM MKHA' DANG 'DRA STE, ZHES GSUNGS PA'I PHYIR, 'O NA MTHA' YOD MED GNYIS KA CIG CAR DU RANG LUGS SU MI RUNG BAS GANG 'DOD CE NA, 'DI LA GSER 'PHRENG LTAR NA GANG KHAS BLANGS KYANG DON 'DRA BAR MNGON LA, RNAM BSHAD LAS, PHYI MTHA' YOD PAS MTHA' YOD DU SGRUB PA LTAR KHAS LEN PA GONG DU BSGRUBS ZIN PA LTAR RO, ,'DI NI RJE'I DGONGS PA YANG YIN PAR MNGON TE, RTZA SHE'I RAB BYED BCU GCIG PA'I RNAM BSHAD LAS, BZHI BRGYA PA'I LUNG SNGAR BSHAD PA DE DRANGS SHING SGRUB PAR MDZAD PA'I PHYIR, 'ON KYANG DE GNYIS GANG KHAS BLANGS KYANG DGONGS GZHI MTHAR THUG MI 'GAL BAR SEMS TE, SEMS CAN THAMS CAD SANGS RGYA BAR 'DOD KYANG, DUS @013B NAM GYI TSE 'TSANG RGYA BA'I MTHA' BZUNG BAR MI NUS PA'I PHYIR, NYAN RANG DGRA BCOM THEG CHEN LAM DU 'JUG TSUL, GSUM PA THEG DMAN DGRA BCOM PA LAM GANG NAS THEG CHEN DU 'JUG PA NI, THEG CHEN TSOGS LAM DU NGES TE, THEG CHEN GYI RIGS CAN RNAMS KYIS 'TSANG RGYA BA LA BSKAL PA GRANGS MED GSUM DU TSOGS GSOG PAR BYED PAS, DE LTAR NA, DES KYANG GRANGS MED GSUM GYI TSOGS GSOG DGOS SHING, DE'I THOG MA YANG THEG CHEN TSOGS LAM NAS RTZOM DGOS PA'I PHYIR DANG, THEG CHEN SEMS BSKYED THEG CHEN LAM GYI 'JUG SGO YIN PA SOGS BSGRUBS ZIN PA'I PHYIR,, ` GSUM PA RTZOD PA SPONG BA LA KHA CIG ,NYAN THOS BYE BRAG SMRA BAS MTHAR THUG THEG PA GSUM DU GRUB PAR 'DOD PAR THAL, DES MTHAR THUG NYAN THOS RANG RGYAL SANGS RGYAS KYI THEG PA GSUM GRUB PAR 'DOD PA'I PHYIR, ZER NA, MA KHYAB SNYAM STE, MTHAR THUG THEG PA GSUM DU GRUB PAR 'DOD CES PA NI, MTHAR THUG THEG CHEN GYI THEG PA GRUB PAR 'DOD PA ZHIG YAN LAG TU DGOS PA'I DBANG DU BYAS PA'I PHYIR, DPYAD DO, ,KHA CIG, LUNG GI RJES 'BRANG GI SEMS TZAM PAS MTHAR THUG THEG PA GCIG TU GRUB PAR 'DOD PAR THAL, DES MTHAR THUG THEG PA GCIG LAS MED PAR 'DOD PA'I PHYIR, DER THAL, DES MTHAR THUG PA'I THEG PA GCIG LAS MED PAR 'DOD PA'I PHYIR, KHA CIG MA KHYAB STE, DES MTHAR THUG PA'I THEG PA GCIG LAS MED PA DE MTHAR THUG THEG PA GCIG TU GRUB PAR STON PA'I MDO'I DGONGS GZHIR 'DOD PA'I PHYIR GSUNGS NA, RE ZHIG DE MI 'THAD PAR THAL, DES MTHAR THUG PA'I THEG PA GCIG LAS MED PAR MI 'DOD PA'I PHYIR, DER THAL, DES MTHAR THUG PA'I SANGS RGYAS KYI THEG PA GCIG LAS MED PAR MI 'DOD PA'I PHYIR, DER THAL, MTHAR THUG PA'I RNAM MKHYEN DU MA YOD PAR 'DOD PA'I PHYIR, KHYAB STE, RNAM MKHYEN YIN NA, THEG PA YIN DGOS PA'I PHYIR, DER THAL, DE YIN NA, THEG PA CHEN PO YIN DGOS PA'I PHYIR, KHA CIG ,SLOB DPON @014A *, ,SENGGE BZANG POS MTHAR THUG PA'I THEG PA GSUM GRUB PAR MI 'DOD PAR THAL, DES MTHAR THUG PA'I THEG PA GSUM DU GRUB PAR MI 'DOD PA'I PHYIR, ZER NA, MA KHYAB, RTAGS DER THAL, MTHAR THUG PA'I THEG PA GSUM DU MA GRUB PA'I PHYIR, DER THAL, MTHAR THUG PA'I THEG PA GCIG YIN PA'I PHYIR, DER THAL, RNAM MKHYEN GCIG YIN PA'I PHYIR, RE ZHIG GO, KHA CIG ,SEMS CAN THAMS CAD SANGS RGYA YANG 'TSANG RGYA NGES MA YIN PAR THAL, DE SANGS RGYAN RGYA NGES YIN MI DGOS PA'I PHYIR, DER THAL, SPYIR SANGS RGYA NA 'TSANG RGYA NGES YIN MI DGOS PA'I PHYIR, MA GRUB NA, SEMS CAN GYI RGYUD KYI KHONG KHROS 'JOMS NGES KYI DGE BA CHOS CAN, DER THAL, DE'I PHYIR, DER THAL, SANGS RGYAS SU 'GYUR RUNG YIN PA'I PHYIR, DER THAL, SANGS RGYAS KYI RIGS YIN PA'I PHYIR, DER THAL, SEMS CAN GYI RGYUD KYI DGE BA YIN PA'I PHYIR, 'DOD MI NUS TE, SANGS RGYAS SU 'GYUR BA MI SRID PA'I PHYIR, DER THAL, KHONG KHROS GTAN NAS 'JOMS NGES YIN PA'I PHYIR, ZER NA, DPYAD PAR BYA'O, ,KHA CIG ,SEMS CAN THAMS CAD SANGS RGYA BAR SPYIR THAG CHOD KYANG, DUS NAM GYI TSE SANGS RGYA BA THAG CHOD PA MI SRID PAR THAL, DE 'TSANG RGYA YANG DUS 'DI TZAM NAS SANGS RGYA BA NGES CAN DU MI 'GRUB PA'I PHYIR, ZER NA, TSIG LA BRTEN NA, MA GRUB STE, SEMS CAN THAMS CAD SANGS RGYAS PA'I DUS SU DE SANGS RGYAS SO ZHES 'OL SPYI TZAM DU KHAS LEN RIGS PA'I PHYIR, 'ON KYANG DON LA DE LTAR YIN PA'I PHYIR MI SEMS SO, KHA CIG ,SEMS CAN THAMS CAD SANGS RGYAS PA'I DUS SU SEMS CAN THAMS CAD SANGS MA RGYAS PAR THAL, DE SANGS RGYAS PA'I DUS SU SANGS MA RGYAS PA'I SEMS CAN YOD PA'I PHYIR, ZER NA, RE ZHIG MA KHYAB, KHO NA RE, KHYAB STE, DE'I DUS SU YOD PA'I SEMS CAN YOD NA, DE YANG SEMS CAN THAMS CAD KYI KHONGS SU GTOGS @014B DGOS PA'I PHYIR, ZER NA, DNGOS PO THAMS CAD KYI RGYU'I DUS SU DNGOS PO THAMS CAD YOD PAR THAL, DE'I DUS SU YOD PA'I DNGOS PO SRID PA'I PHYIR, DER THAL, DE'I DUS SU DE'I RGYU DNGOS PO YIN PA'I PHYIR, MA KHYAB NA, DE DNGOS PO THAMS CAD KYI NANG TSAN MA YIN PAR THAL LO; ;GONG DU 'DOD MI NUS SO, ,KHA CIG ,SEMS CAN THAMS CAD KYI NANG TSAN YOD PAR THAL, KHYOD KYI DAM BCA' 'THAD PA'I PHYIR, 'DOD NA, BDE 'GRO BA DANG NGAN 'GRO BA GNYIS KYI NANG TSAN YOD PAR THAL, 'DOD PA'I PHYIR, 'DOD NA, BDE 'GRO BA'I NANG TSAN DANG NGAN 'GRO BA'I NANG TSAN GYI GZHI MTHUN YOD PAR THAL LO, ,ZER NA, MA KHYAB, KHA CIG ,'KHOR BA LA THOG MA'I MTHA' MED PAR THAL, KHYOD KYI DAM BCA' 'THAD PA'I PHYIR, 'DOD NA, DE YOD PAR THAL, 'KHOR BA'I THOG MA YOD PA'I PHYIR, KHA CIG MA KHYAB ZER NA, RTAGS DER THAL; SKYE BA'I THOG MA YOD PA'I PHYIR, DER THAL, TSE 'DI'I SKYE BA'I THOG MA YOD PA'I PHYIR, GZHAN YANG, SKYE BA'I THOG MA YOD PAR THAL, SKYE BA'I SKAD CIG SNGON MA YOD PA'I PHYIR, DER THAL, SKYE BA DE RANG GI RIGS 'DRA SNGA MA LAS BYUNG BA'I PHYIR, GZHAN YANG, SKYE BA'I THOG MA YOD PAR THAL, YAN LAG BCU GNYIS KYI THOG MA YOD PA'I PHYIR, DER THAL, DE BCU GNYIS KYI THOG MAR GYUR PA'I MA RIG PA YOD PA'I PHYIR, ZER RO, ,KHA CIG ,'KHOR BA STONG PA'I DUS SRID PAR THAL, SEMS CAN THAMS CAD SANGS RGYA ZHING 'KHOR BA'I PHYI MTHA' YOD PA'I PHYIR, 'DOD NA, SANGS RGYAS KYI 'PHRIN LAS RGYUN CHAD SRID PAR THAL, 'DOD PA'I PHYIR, ZER NA, MA KHYAB STE, RGYAN LAS, DE BZHIN 'KHOR BA JI SRID 'DI'I, ,LAS NI RGYUN MI CHAD PAR 'DOD, ,CES GSUNGS PA'I PHYIR, KHO NA RE, DE MI 'THAD PAR THAL, 'KHOR BA'I SEMS CAN MTHA' DAG SANGS RGYAS PA'I TSE SANGS RGYAS KYI 'PHRIN LAS 'JUG YUL MED PA'I PHYIR, DER THAL, DE'I TSE SEMS CAN MED PA'I PHYIR, ZER NA, SKYON MED DE, SEMS CAN THAMS CAD 'TSANG RGYA YANG, DUS 'DI TZAM NAS SEMS CAN GCIG KYANG @015A *, ,YOD MI SRID CES PA'I MTSAMS 'DZIN MI RIGS PAR BSGRUBS ZIN PA'I PHYIR, KHA CIG ,'KHOR BA'I SEMS CAN 'DI PHAN CHAD DU MED, 'DI TSUN CHAD DU YOD CES MTSAMS 'DZIN MI RIGS PAR THAL, DAM BCA' 'THAD PA'I PHYIR, RE ZHIG 'DOD BYAS PAR, DE 'DZIN RIGS PAR THAL, DE SANGS RGYAS PA PHAN CHAD DU MED, DE TSUN CHAD DU YOD PA'I PHYIR, ZER NA, DON DU MA KHYAB, KHA CIG ,'KHOR BA LA MTHA' MED PAR THAL, 'KHOR BA LA MTHA' MED PA'I RGYU MTSAN GYIS 'KHOR BA BDEN PAS STONG PA DE THOG MA DANG THA MED PA STONG PA NYID DU 'JOG PA'I PHYIR, ZER NA, MA GRUB STE, DE NI 'KHOR BA'I MTHA' SO SKYE RANG 'GA' BAS JI BZHIN NGES MI NUS PAR DGONGS PA YIN PA'I PHYIR, KHA CIG NA RE, SEMS CAN GTAN NAS MED PA SRID PAR THAL, SEMS CAN THAMS CAD 'TSANG RGYA BA SRID PA'I PHYIR; 'DOD NA, SEMS CAN NAM YANG MED PA SRID PAR THAL, 'DOD PA'I PHYIR, ZER NA, RNAM BSHAD LTAR NA MI 'DOD LA, RE ZHIG 'DOD KYANG MI 'GAL SNYAM STE, DE LA NAM YANG YOD MA MYONG BAR THAL BA 'PHEN NA MA KHYAB CES BYA'O, ,DE LA KHO NA RE, KHYOD KYIS DE SKAD SMRA BAR MI RIGS PAR THAL, RNAM BSHAD LAS DNGOS SU GSUNGS PA LAS 'GAL NA HA CANG THAL BA'I PHYIR, ZER NA, BDEN MOD, 'ON KYANG DGONGS PA BTZAL DGOS PA'I PHYIR, DE LTA MA YIN NA, SEMS CAN SANGS RGYAS PA'I TSE DE YOD PAR THAL, RNAM BSHAD LAS, KHYOD SANGS RGYAS PA YOD NA KHYOD MED PAR 'GAL LO, ,ZHES GSUNGS PA'I PHYIR, 'DOD NA BKAG ZIN CING, SEMS CAN DANG SEMS CAN YOD PA GNYIS YUL DUS GANG LA LTOS TE RANG BZHIN GCIG YIN PA'I PHYIR, DER THAL, SEMS CAN DANG SEMS CAN MI RTAG PA GNYIS YUL DUS RANG BZHIN GANG LA LTOS TE GRUB SDE RDZAS GCIG YIN PA'I PHYIR, KHA CIG ,'KHOR BA LA MTHA' YOD MED 'DOD PA'I LUGS GNYIS KA 'GOD MI RIGS PAR THAL, 'KHOR BA LA MTHA' MED PAR 'DOD PA'I PHYIR, ZER NA, SKYON MED DE, 'KHOR BA LA @015B MTHA' YOD MED GNYIS KA'I LUGS YOD PAR MDO LAS BSHAD PA'I DGONGS BSGRUB PAR 'DOD PA'I PHYIR, DER THAL, GSER 'PHRENG LAS, 'KHOR BA LA MTHA' YOD MED GNYIS KA BCOM LDAN 'DAS KYIS GSUNGS SHING, DE LA BRTEN NAS GRUB MTHA' 'DZIN PA RNAMS KYIS MTHAR YOD MED GNYIS KA BSTAN BCOS SU BSHAD LA, PHYOGS GNYIS KA LA SGRUB BYED YOD, ZHES GSUNGS PA'I PHYIR, KHA CIG ,THEG DMAN DGRA BCOM PA THEG CHEN LAM DU 'JUG PA'I TSES BDUN PA NAS 'JUG PAR THAL, STONG NYID MNGON SUM DU RTOGS MYONG BA'I THEG DMAN DGRA BCOM PA THEG CHEN LAM DU 'JUG PA'I TSE DE NAS 'JUG PA'I PHYIR, DER THAL, DGRA BCOM PA DES THEG CHEN GYI MTHONG LAM MNGON DU BYED MI DGOS PA'I PHYIR, DER THAL, THEG CHEN GYI MTHONG LAM DU BDEN PA MNGON SUM DU RTOGS PA LTAR DES KYANG BDEN PA MNGON SUM DU RTOGS MYONG BA'I PHYIR, ZER NA, DE MI 'THAD PAR THAL, THEG CHEN GYI MTHONG LAM DE BDEN PA MNGON SUM DU RTOGS PA TZAM GYI SGO NAS BZHAG PA MA YIN PA'I PHYIR, DER THAL, DE YON TAN BRGYA PHRAG BCU GNYIS SOGS THEG CHEN GYI KHYAD CHOS DU MAS BZHAG PA YIN PA'I PHYIR, KHA CIG ,THEG CHEN LAM DU 'JUG KHA MA'I NYAN THOS YOD PAR THAL, NYAN THOS THEG CHEN LAM DU 'JUG KHA MA YOD PA'I PHYIR, ZER NA, MA KHYAB, RTAGS DER THAL, NYAN THOS THEG CHEN LAM DU ZHUGS PA YOD PA'I PHYIR, DER THAL, DE SANGS RGYAS PA YOD PA'I PHYIR, 'DOD MI NUS TE, LHAG BSAM RNAM DAG RGYUD LA SKYES PA'I NYAN THOS MED PA'I PHYIR, KHA CIG NA RE, 'PHAGS PA PHUNG GSUM PA YOD PAR THAL, GONG GI DAM BCA' 'THAD PA'I PHYIR, 'DOD NA, SDE SNOD PHUNG GSUM PA YOD PAR THAL, 'DOD PA'I PHYIR NA, MA KHYAB GSUNG, 'DOD MI NUS TE, SDE SNOD BZHI PA MED CING, GRUB MTHA' SMRA BA LPA PA MED PA'I PHYIR, ZER NA, YANG NA 'DIR MA KHYAB, RTAGS DER THAL, JO BO'I GSUNG LAS, SANGS RGYAS PA LA BZHI PA DANG, ,LNGA PA THUB PA'I DGONGS PA MIN, ,ZHES GSUNGS PA'I PHYIR, KHO NA RE, SDE SNOD BZHI PA YOD PAR THAL, SDE @016A *, ,SNOD BZHI YOD PA'I PHYIR, ZER NA, MA KHYAB, RTAGS DER THAL, SDE SNOD BCU GNYIS YOD PA'I PHYIR, DER THAL, GSUNG RAB YAN LAG BCU GNYIS YOD PA'I PHYIR, KHA CIG ,THEG DMAN DGRA BCOM GYI RTOGS PA SNGON DU SONG BA'I BYANG SEMS TSOGS LAM PA DE THEG CHEN DGRA BCOM PA YIN PAR THAL, DE THEG CHEN GYI DGRA BCOM PA YIN PA'I PHYIR, ZER NA, RE ZHIG MA KHYAB, RTAGS DER THAL, THEG CHEN PA'I DGRA BCOM PA YIN PA'I PHYIR NA, MA KHYAB, KHA CIG NA RE, DE THEG CHEN DGRA BCOM PA YIN PAR THAL, DE MI SLOB PA YIN PA'I PHYIR, DER THAL, MI SLOB PA'I RTOGS PA SNGON SONG YIN PA'I PHYIR, DER THAL, NYAN THOS DGRA BCOM PA DE MI SLOB PA YIN PA'I PHYIR, DER THAL, MDZOD LAS, DE TSE DE MI SLOB DGRA BCOM, , ZHES GSUNGS PA'I PHYIR NA, MA KHYAB STE, DE NI THEG PA RANG LAM GYI MI SLOB PA YIN PA LA DGONGS PA'I PHYIR, 'KHOR LO'I SGYUR RGYAL, ` BYANG CHUB TU SEMS BSKYED PA NI 'KHOR BA JI SRID PAR SEMS CAN GYI DON BYED PAR ZHUGS PA NYID KYIS NYON MONGS PA RNAM PA THAMS CAD DU SPANGS PA MA YIN PA ZHES BYA BA NI RANG BZHIN YIN NO, ,ZHES PA'I SKABS SU MTHA' DPYAD PA LA GSUM LAS, DANG PO LA KHA CIG ,MA RIG PA'I BAG CHAGS DE, 'DIR NYON MONGS PA RNAM PA THAMS CAD DU SPANGS PA MIN ZHES PA'I DNGOS BSTAN GYI NYON MONGS YIN ZER NA, DE MI 'THAD PAR THAL, DE BYANG CHUB SEMS DPAS SPANG BYA'I GTZO BOR BYAS NAS SPONG DGOS PA'I PHYIR, DER THAL, NGES SHES SGRIB SPANG BYA'I GTZO BOR BYAS NAS SPONG DGOS PA'I PHYIR, GZHAN YANG, DE MI 'THAD PAR THAL, MA RIG PA'I BAG CHAGS DE 'DIR BSTAN NYON MONGS YIN NA, DE NYAN RANG SLOB PA RNAMS KYIS GTZO BOR SPONG DGOS PA LAS, NYAN RANG SLOB PAS DE GTZO BOR MI SPONG BA'I PHYIR, DANG PO DER THAL, BYANG SEMS KYI LAM SHES DES 'DIR BSTAN NYON MONGS GTZO BOR MI SPONG BA'I SGO NAS @016B NYAN RANG GI LAM LAS RANG BZHIN GYI KHYAD PAR DU 'PHAGS PA LA RGYU MTSAN YANG DAG YOD PA'I PHYIR, PHYI MA DER THAL, NYAN RANG DGRA BCOM PAS MA RIG PA'I BAG CHAGS MA SPANGS PA'I PHYIR, DER THAL, BAG CHAGS DE SHES SGRIB PHRA ZHING PHRA BA YIN PA'I PHYIR, KHA CIG MA RIG PA DE 'DIR BSTAN NYON MONGS YIN ZER NA, 'O NA, BYANG CHUB SEMS DPAS MA RIG PA DE GZHAN DON SGRUB PA'I YAN LAG TU SGYUR BAR BYED PAR THAL, DE 'DIR BSTAN NYON MONGS YIN PA'I PHYIR, 'DOD MI NUS TE, MA RIG PA'I DBANG GIS GZHAN DON BYED MI NUS PA'I PHYIR, KHA CIG ,'DIR BSHAD PA'I NYON MONGS DE NYON MONGS MTSAN NYID PA YIN CING, DE BYANG CHUB SEMS DPA' SKYE BA LEN PA'I RGYUR YANG DGOS SO ZHE NA, DE MI 'THAD PAR THAL, BYANG SEMS 'PHAGS PA BSAM BZHIN DU SNYING RJE DANG SMON LAM GYI DBANG GIS SKYE BA LEN GYI, DE NYON MONGS PA'I DBANG GIS SKYE BA LEN PA MA YIN PA'I PHYIR, DER THAL, DE NYON MONGS PA'I DBANG GIS SKYE BA LEN NA DE'I DBANG GIS RGA BA DANG NA BA SOGS KYANG YOD DGOS PA LAS BYANG SEMS 'PHAGS PA LA DE MED PA'I PHYIR, DER THAL, RGYUD BLA MAR, 'PHAGS PAS NA DANG RGA BA DANG, ,'CHI BA'I SDUG BSNGAL RTZAD NAS SPANGS, ,LAS DANG NYON MONGS DBANG GIS SKYE, ,DE LA DE MED PHYIR DE MED, ,CES GSUNGS PA'I PHYIR, DE LA KHO NA RE, BYANG SEMS 'PHAGS PA YIN NA, LAS NYON GYI DBANG GIS SKYE 'CHI MI BYED PAS KHYAB PA BDEN YANG, DE'I DBANG GIS BYUNG BA'I SKYE 'CHI SPANGS PAS MA KHYAB STE, DE LTAR KHYAB NA, BYANG SEMS 'PHAGS PA YIN NA, LAS NYON GYI DBANG GIS NYID MTSAMS SBYOR BA SPANGS DGOS PAS 'KHOR BA YANG SPANGS PAR 'GYUR LA, DE LTAR NA, BYANG 'PHAGS LA DGRA BCOM GYIS KHYAB PAR 'GYUR BA'I PHYIR, GSUNG NGO, ,KHA CIG ,BSOD NAMS KYI TSOGS YONGS SU TSOL BAS MI NGOMS PA SOGS RGYU BRGYAD PO DE, NYON MONGS DANG BYED LAS 'DRA BAS SKABS 'DIR BSTAN GYI NYON MONGS YIN ZER NA, DE MI 'THAD PAR @017A *, ,THAL, DE RNAMS BYANG CHUB SEMS DPAS SPANG BYA'I GTZO BOR BYED DAM MI BYED SNYAM PA'I DOGS PA RTOGS LDAN LA MI SKYE BA'I PHYIR, DER THAL, DE RGYAL SRAS KYI SPYOD PA KHYAD PAR CAN YIN PA'I PHYIR,, ` GNYIS PA RANG LUGS LA, SKABS 'DIR BSTAN GYI NYON MONGS DE NYON MONGS MTSAN NYID PA YIN KYANG, DE BYANG CHUB SEMS DPAS GTZO BOR MI SPONG BA'I RGYU MTSAN YOD DE, BYANG SEMS 'PHAGS PA 'DOD KHAMS SU SNYING RJE DANG SMON LAM GYI DBANG GIS SKYE BA BLANGS NAS 'KHOR LO BSGYUR RGYAL LA SOGS PAR GYUR TE SRAS STONG SOGS BSKRUN PA LA 'DOD PA'I 'DOD CHAGS GZHAN DON SGRUB PA'I YAN LAG TU SGYUR BAR BYED, GZUGS KHAMS SU SKYES NAS GZUGS KYI 'DOD CHAGS GZHAN DON SGRUB PA'I YAN LAG TU SGYUR BAR BYED PA'I PHYIR, DES NA 'DOD PA'I 'DOD CHAGS DANG, GZUGS KYI SAS BSDUS PA'I 'DOD CHAGS GNYIS SKABS 'DIR BSTAN PA'I NYON MONGS DANG, DE DMAN LAM SNGON DU MA SONG BA'I BYANG SEMS KYIS GTZO BOR MI SPONG STE, 'GREL CHEN LAS, 'DOD PA DANG SRID PA'I ZAG PA NI MA YIN TE, BSAM BZHIN DU SRID PAR SKYE BA LEN PA'I PHYIR RO, ,ZHES GSUNGS PA'I PHYIR,, ` GSUM PA RTZOD PA SPONG BA LA, KHA CIG ,BYANG SEMS 'PHAGS PA SNYING RJE DANG SMON LAM GYI DBANG GIS SKYE BA LEN PA'I RGYUR NYON MONGS DGOS PAR THAL, DES GZHAN DON SGRUB PA'I YAN LAG 'GA' ZHIG TU DE DGOS PA'I PHYIR NA MA KHYAB, KHA CIG ,BYANG SEMS 'PHAGS PA YIN NA, LAS NYON GYIS BLANGS PA'I LUS SPANGS PAS KHYAB PAR THAL, DAM BCA' 'THAD PA'I PHYIR, ZER NA, MA KHYAB, 'DOD NA, MI 'THAD PAR THAL, LAS NYON GYIS SKYE BA BLANGS PA'I BYANG SEMS SBYOR LAM PA DANG LUS RTEN GCIG PA'I BYANG 'PHAGS KYI LUS YOD PA'I PHYIR, DER THAL, BYANG SEMS SBYOR LAM PA'I RTEN LA THEG CHEN MTHONG LAM DU 'JUG DGOS PA'I PHYIR, KHA CIG ,DMAN LAM SNGON DU SONG BA'I BYANG SEMS 'PHAGS PA 'KHOR LO BSGYUR RGYAL DU SKYE BA LEN PA @017B MED PAR THAL, THEG DMAN DGRA BCOM PA'I RTOGS PA SNGON DU SONG BA'I BYANG SEMS 'PHAGS PA 'KHOR LO BSGYUR RGYAL DU SKYE BA LEN PA MED PA'I PHYIR NA, RE ZHIG MA KHYAB SNYAM, RTAGS DER THAL, DES 'KHOR LO BSGYUR RGYAL DU SKYES NAS 'DOD PA'I 'DOD CHAGS GZHAN DON SGRUB PA'I YAN LAG TU SGYUR BAR MI BYED PA'I PHYIR, DER THAL, DES 'DOD CHAGS SPANGS ZIN PA'I PHYIR, GONG DU 'DOD MI NUS TE, THEG DMAN GYI TSOGS LAM TZAM THOB NAS THEG CHEN LAM DU ZHUGS PA'I BYANG 'PHAGS 'KHOR LO BSGYUR RGYAL DU SKYE BA LEN PA SRID PA'I PHYIR, KHO NA RE, 'KHOR LO BSGYUR RGYAL DU SKYE BA BLANGS NAS SRAS STONG SOGS BSKYED PA LA NYON MONGS GROGS SU MI DGOS PAR THAL, DBANG THOB PA'I BYANG SEMS KYIS NYON MONGS PA SPANGS ZIN KYANG SAS BSKRUN NAS GZHAN DON BYED NUS PA'I PHYIR, DER THAL, DPER NA, RGYAL BU GZHON NU DON GRUB KYIS NYON MONGS SPANGS SU ZIN KYANG SRAS SGRA GCAN 'DZIN BSKRUN PA BZHIN YIN PA'I PHYIR, GSUNG NA, 'DI LA NI JI LTAR YIN GSAL BAR BSHAD PA GZHAN MA MTHONG YANG, RJE'I RIM LNGA GSAL SGRON LTAR NA SNGA MA NYON MONGS DGOS PA NI SPYIR ? PA DANG, 'DIR DMIGS BSAL LTA BUR KHAS LEN DGOS PA 'DRA STE, DE LTAR MA YIN NA, THAL 'GYUR BA'I LUGS LA SA BRGYAD PA SOGS NAS NYON MONGS SPANGS ZIN PAS, DAG SA LA GNAS PA'I BYANG SEMS DANG SANGS RGYAS BCOM LDAN 'DAS KYIS MDZAD PA BCU GNYIS KYI TSUL STON PA YOD PAR GSUNGS PA DANG 'GAL BAR 'GYUR BA'I PHYIR, 'DIR DON GYI RJES SU 'BRANG BA'I MKHAS PAS DPYAD PAR 'TSAL LO, KHA CIG ,BYANG SEMS 'PHAGS PAS 'DOD PA'I NYON MONGS GTZO BOR MI SPONG ZHING NYON MONGS GTZO BOR SPONG BA'I KHYAD PAR 'THAD PAR THAL, 'GREL CHEN LAS, MA RIG PA DANG LTA BAS BSDUS PA'I BAG LA NYAL NI SPONG GI, 'DOD PA DANG SRID PA'I ZAG PA NI MA YIN TE, ZHES GSUNGS PA'I PHYIR NA, MA KHYAB BO, ` ,GNYIS PA LAM SHES BZHIN BSHAD PA LA GSUM, NYAN @018A *, ,THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, BYANG SEMS KYI LAM SHES PA'I LAM SHES BSHAD PA'O, ,DANG PO LA GNYIS, NGO BO DANG, RANG BZHIN BSHAD PA'O, ,DANG PO NI, LAM SHES NYID KYI TSUL LA NI, ,ZHES SOGS RKANG PA BZHI GSUNGS TE, DE'I DON 'CHAD PA NA 'GREL PAR, DE LA SDUG BSNGAL GYI BDEN PA'I GO RIM BZHIN DU MI RTAG PA DANG ZHES PA NAS, DE LTAR YONGS SU SHES PAR BYA'O, ,ZHES PA'I BAR GSUNGS LA, GANG LAS 'PHROS PA YOD DE, 'DI LA BYANG CHUB SEMS DPA' SEMS DPA' CHEN PO NI, RNAM PA THAMS CAD MKHYEN PA NYID DANG LDAN PA'I SEMS BSKYED PAS MI DMIGS PA'I TSUL GYIS GZUGS MI RTAG PAR YID LA BYA'O, ,ZHES SOGS KYI MDO LAS 'PHROS PA'I PHYIR, 'DI LA GNYIS, RTZA BA'I DON DANG, MTHA' DPYAD PA'O, ,DANG PO NI, LAM SHES RDZOGS PAR BSGOM PA NYID KYI TSUL LA NI, NYAN THOS LAM 'DI CHOS CAN, KHYOD JI LTAR BSGOM PA'I TSUL SHES PAR BYA STE, 'PHAGS PA'I BDEN PA BZHI PO DAG GI RNAM PA MI RTAG SOGS BCU DRUG PO BDEN PAR MI DMIGS PAR RTOGS PA'I SHES RAB DANG, SEMS BSKYED, BSNGO BA GSUM GYIS ZIN PA'I SGO NAS SGOM PAR BYED DGOS PA'I PHYIR,, ` GNYIS PA MTHA' DPYAD PA LA GSUM LAS, DANG PO LA, KHA CIG NA RE, NYAN THOS KYI LAM RANG BZHIN MED PAR MNGON SUM DU RTOGS PA'I THEG CHEN 'PHAGS PA'I MKHYEN PA, NYAN THOS KYI LAM SHES PA'I LAM SHES KYI MTSAN NYID ZER NA, DE MI 'THAD PAR THAL, DE 'DRA'I THEG CHEN 'PHAGS PA'I MKHYEN PA MED PA'I PHYIR, DER THAL, NYAN THOS KYI LAM RANG BZHIN GYIS GRUB PA'I PHYIR, KHA CIG ,NYAN THOS KYI LAM DON DAM PAR RANG BZHIN MED PAR MNGON SUM DU RTOGS PA'I THEG CHEN 'PHAGS PA'I MKHYEN PA, NYAN THOS KYI @018B LAM SHES PA'I LAM SHES KYI MTSAN NYID ZER NA, THEG CHEN MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, CHOS THAMS CAD BDEN MED DU MNGON SUM DU RTOGS PA'I THEG CHEN 'PHAGS PA'I YE SHES YIN PA'I PHYIR, 'DOD NA, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, STONG NYID MNGON SUM DU RTOGS PA'I SLOB PA'I YE SHES YIN PA'I PHYIR, KHA CIG ,NYAN THOS KYI LAM DON DAM PAR MED PAR MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MKHYEN PA, DE'I MTSAN NYID ZER NA, BYANG SEMS MTHONG LAM PA'I RGYUD KYI THEG CHEN SEMS BSKYED CHOS CAN, MTSON BYA DER THAL, MTSAN NYID DE'I PHYIR, DER THAL, BYANG 'PHAGS KYI MKHYEN PA YIN PA'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, KHA CIG ,SEMS BSKYED BSNGO BA SHES RAB GSUM GYIS ZIN PA'I THEG CHEN GYI MNGON RTOGS, DE'I MTSAN NYID ZER NA, BYANG SEMS SBYOR LAM PA'I RGYUD KYI NGES 'BYUNG CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN SEMS BSKYED KYIS ZIN PA GANG ZHIG ,GZHAN GNYIS KYIS KYANG ZIN PA'I YE SHES YIN PA'I PHYIR, DANG PO DER THAL, THEG CHEN PA'I RGYUD KYI LAM YIN PA'I PHYIR, PHYI MA DER THAL, BSNGO BAS ZIN PA GANG ZHIG ,STONG NYID RTOGS PA'I SHES RAB KYIS ZIN PA'I PHYIR, RE RE NAS, DER THAL, THEG CHEN SBYOR LAM THOB PA'I MKHYEN PA YIN PA'I PHYIR, KHA CIG ,DE GSUM GYIS ZIN PA'I THEG CHEN 'PHAGS PA'I MNGON RTOGS, SKABS 'DIR DNGOS SU BSTAN PA'I NYAN THOS KYI LAM SHES PA'I LAM SHES KYI MTSAN NYID ZER NA, MI RTAG LA SOGS BCU DRUG MNGON SUM DU RTOGS PA'I THEG CHEN GYI SGOM LAM CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN 'PHAGS PA'I MKHYEN PA YIN PA'I PHYIR, 'DOD NA, THEG CHEN GYI MTHOB LAM YIN PAR THAL, @019A *, ,'DOD PA'I PHYIR, KHA CIG ,NYAN THOS KYI RTOGS RIGS SU GNAS PA'I THEG CHEN GYI BDEN PA MNGON RTOGS, SKABS 'DIR DNGOS SU BSTAN PA'I DE'I MTSAN NYID ZER NA, BYANG SEMS MTHONG LAM PA'I RGYUD KYI THAR PA DON GNYER GYI BLO CHOS CAN, MTSON BYA DER THAL, MTSAN NYID DE'I PHYIR, 'DOD NA, THABS SHES GNYIS SU PHYE BA'I SHES RAB KYI CHAR GTOGS PAR THAL, 'DOD PA'I PHYIR, 'DOD MI NUS SO, ,KHA CIG ,NYAN RANG GI LAM SHES PA'I LAM SHES GNYIS 'GAL ZER NA, DE MI 'THAD PAR THAL, DE GNYIS KYI GZHI MTHUN YOD PA'I PHYIR, DER THAL, GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM DE DE LTAR YIN PA'I PHYIR, DER THAL, NYAN RANG GNYIS KYIS GANG ZAG GI BDAG MED GTZO BOR SGOM ZHING BDAG 'DZIN SPANG BYA'I GTZO BOR BYED PAR MTSUNGS PA'I PHYIR, KHA CIG ,LAM SHES GSUM PO 'GAL LO ZER NA, DE MI 'THAD PAR THAL, DE GSUM GYI GZHI MTHUN YOD PA'I PHYIR, DER THAL, RTOGS RIGS GSUM KA'I GZHI MTHUN PA YOD PA'I PHYIR, DER THAL, BYANG SEMS MTHONG LAM PA'I RGYUD KYI RNAM THAR SGO GSUM PO DE DE LTAR YIN PA'I PHYIR, DER THAL, NYAN RANG GNYIS KYIS RNAM THAR SGO GSUM GTZO BOR SGOM DGOS PA GANG ZHIG ,BYANG SEMS KYIS KYANG DE LTAR SGOM DGOS PA'I PHYIR, DANG PO DER THAL, DES THAR PA THOB PA LA MI RTAG SOGS BCU DRUG GTZO BOR SGOM DGOS PA'I PHYIR, PHYI MA DER THAL, SANGS RGYAS 'PHAGS PA'I RGYUD KYI RNAM THAR SGO GSUM PO DE BYANG CHUB SEMS DPA'I RGYUD LA YOD PA DANG RJES SU MTHUN PA'I RNAM MKHYEN GYI RNAM PA YIN PA'I PHYIR, GZHAN YANG, DE GSUM MI 'GAL BAR THAL, BYANG SEMS 'PHAGS PA'I RGYUD KYI TSUL KHRIMS KYI BSLAB PAR GYUR BA'I MKHYEN PA DE RTOGS RIGS GSUM GAR GNAS PA'I PHYIR, DER THAL, THEG CHEN PAS BSLAB GSUM LA GTZO BOR 'BAD DGOS PA'I PHYIR,, ` ,,GNYIS PA RANG GI @019B LUGS LA, NYAN THOS KYI RTOGS RIGS SU GNAS PA'I THEG CHEN 'PHAGS PA'I MKHYEN PA, NYAN THOS KYI LAM SHES PA'I LAM SHES KYI MTSAN NYID, DE LA DER GYUR PA'I RGYU LAM SHES DANG, 'BRAS BU LAM SHES GNYIS YOD, SEMS BSKYED BSNGO BA SHES RAB GSUM GYIS ZIN PA'I SGO NAS NYAN THOS KYI RTOGS RIGS SU GNAS PA'I THABS SHES GNYIS SU PHYE BA'I SHES RAB KYI CHAR GTOGS PA'I MNYAM GZHAG GI SAS BSDUS PA'I THEG CHEN MTHONG LAM PA'I RGYUD KYI MKHYEN PA, SKABS 'DIR DNGOS SU BSTAN PA'I NYAN THOS KYI LAM SHES PA'I LAM SHES KYI MTSAN NYID, MTSAN GZHI NI, MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM LTA BU, BYANG SEMS 'PHAGS PAS NYAN THOS KYI LAM SHES PA'I LAM SHES SGOM PA LA DGOS PA YOD DE, NYAN THOS KYI RIGS CAN RJES SU BZUNG BA DANG, RANG RGYUD KYI NYON MONGS GZHOM PA'I CHED YIN PA'I PHYIR,, ` ,,GSUM PA RTZOD PA SPONG BA LA, KHA CIG ,NYAN THOS KYI LAM SHES YOD PAR THAL, NYAN THOS KYI LAM SHES PA'I LAM SHES YOD PA'I PHYIR NA, MA KHYAB, KHA CIG ,RNAM MKHYEN YIN NA, NYAN THOS KYI LAM SHES PA'I LAM SHES YIN DGOS PAR THAL, DE YIN NA, NYAN THOS KYI LAM SHES DGOS PA GANG ZHIG ,LAM SHES YIN DGOS PA'I PHYIR, ZER NA MA KHYAB, DANG PO DER THAL, DE YIN NA, CHOS THAMS CAD SHES DGOS PA'I PHYIR, PHYI MA DER THAL, DE YIN NA, 'BRAS BU LAM SHES YIN DGOS PA'I PHYIR, KHA CIG ,GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM CHOS CAN, NYAN THOS KYI LAM SHES PA'I LAM SHES YIN PAR THAL, SKABS 'DIR BSTAN PA'I DE YIN PA'I PHYIR, 'DOD NA, DE CHOS CAN, NYAN THOS KYI LAM SHES PAR THAL, 'DOD PA'I PHYIR NA, MA KHYAB, 'DOD NA, MI 'THAD PAR THAL, DE'I DNGOS KYI GZHAL BYA YIN @020A *, ,NA, GANG ZAG GI BDAG MED PHRA MO YIN DGOS PA'I PHYIR, KHA CIG ,BYANG SEMS MTHONG LAM PA'I RGYUD LA MI RTAG SOGS BCU DRUG YOD PAR THAL, DE MNGON SUM DU RTOGS PA'I YE SHES YOD PA'I PHYIR NA, MA KHYAB, 'DOD MI NUS TE; DE'I RGYUD LA SDUG BSNGAL BDEN PA MED PA'I PHYIR, KHO NA RE, DE'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE, MI RTAG SOGS BCU DRUG MNGON SUM DU RTOGS PA'I YE SHES YIN PAR THAL, DE'I RGYUD LA DE YOD PA'I PHYIR NA, MA KHYAB; 'DOD NA, MI 'THAD PAR THAL, DE'I RGYUD KYI BDAG MED MNGON SUM DU RTOGS PA'I YE SHES YIN NA, NYER LEN GYI PHUNG PO'I STENG GI MI RTAG PA MNGON SUM DU RTOGS PA'I YE SHES MA YIN DGOS PA'I PHYIR, KHA CIG NA RE, SANGS RGYAS 'PHAGS PA'I RGYUD KYI MI RTAG SOGS BCU DRUG RTOGS PA'I YE SHES DE, NYAN THOS KYI LAM SHES PA'I LAM SHES YIN PAR THAL, BYANG SEMS 'PHAGS PA'I RGYUD KYI DE DE LTAR YIN PA'I PHYIR, 'DOD NA, SANGS RGYAS 'PHAGS PA'I RGYUD KYI MI RTAG SOGS BCU DRUG CHOS CAN, KHYOD YOD PAR THAL, KHYOD MNGON SUM DU RTOGS PA'I YE SHES YOD PA'I PHYIR, DER THAL, DE NYAN THOS KYI LAM SHES PA'I LAM SHES YIN PA'I PHYIR NA, SNGA MAR RTZOD GZHI SKYON CAN NO,, ` ,,GNYIS PA NGES 'BYED CHA MTHUN NI, 'PHAGS PA NYAN THOS LAM LA NI, ,ZHES PA NAS, MKHYEN NAS CHOS RNAMS MA GZIGS PHYIR, ,ZHES PA'I BAR GSUNGS TE, DE'I DON 'GREL PAR 'CHAD PA LA, GZUGS LA SOGS PA'I PHUNG PO RANG RANG GI NGO BO NYID KYIS STONG PA'I PHYIR, ZHES PA NAS, GO RIM BZHIN DU BDEN PA BZHI LA DMIGS PA LA NGES PAR 'BYED PA'I CHA DANG MTHUN PA SKYE BA YIN NO, ,ZHES PA'I BAR GSUNGS, DE GANG LAS 'PHROS PA YOD DE, KOO SHI KA GZUGS NI GZUGS KYIS STONG NGO, ,KOO SHI KA TSOR BA DANG, 'DU SHES DANG, 'DU BYED RNAMS DANG RNAM PAR SHES PA NI RNAM PAR SHES PAS STONG NGO, ,ZHES PA NAS, KOO SHI KA GZHAN @020B PAS BYANG CHUB SEMS DPA' SEMS DPA' CHEN POS SA DANG PO LA DMIGS PA'I TSUL GYIS GNAS PAR MI BYA'O, ,ZHES SOGS KYI BAR GYI MDO LAS 'PHROS PA'I PHYIR, 'DI'I SKABS SU RTZA BA'I TSIG DON DANG, MTHA' DPYAD PA LA GNYIS LAS, DANG PO NI, SHES BYA CHOS CAN, 'PHAGS PA NYAN THOS KYI LAM MNGON SUM DU SHES PA'I LAM SHES KYI RGYU LA NI DROD SOGS BZHI YOD DE, DANG PO NI, MDO LAS, GZUGS LA SOGS PA DON DAM PAR RANG GI NGO BOS STONG PA'I PHYIR NA DE DAG GI STONG PA NYID RNAMS NGO BO DBYER MED PAR BSTAN PAS BSHAD PA'I THEG CHEN GYI SBYOR LAM DROD DANG, GZUGS SOGS DE DAG DON DAM PAR MI DMIGS PA STE DE LTAR MI GNAS PAR BSTAN PAS BSHAD PA'I THEG CHEN GYI SBYOR LAM RTZE MOR GYUR PA DAG TU 'DOD PA DANG, GZUGS SOGS DE DAG LA DON DAM PAR RTAG PA DANG MI RTAG PA LA SOGS PA'I TSUL GYIS GNAS PA BKAG PA STE MI GNAS PAR BSTAN PAS BSHAD PA'I THEG CHEN GYI SBYOR LAM BZOD PA RNAMS DANG, SA DANG PO SOGS LA DMIGS PA'I TSUL GYIS GNAS PAR MI BYA'O, ,ZHES SOGS KYI MDO LAS, SA BCU DAG LAS BRTZAMS NAS NI DON DAM PAR MI GNAS PA'I TSUL RGYAS PAR BSTAN PA YIS BSHAD PA'I THEG CHEN GYI SBYOR LAM CHOS KYI MCHOG TU 'GYUR BA STE CHOS MCHOG DANG BZHI BSHAD PA'I PHYIR, CHOS DE DAG LA CI'I PHYIR DON DAM PAR MI GNAS ZHE NA, RGYU MTSAN YOD DE, SANGS RGYAS KYIS CHOS NYID MNGON SUM DU MKHYEN NAS CHOS RNAMS DON DAM PAR GNAS PA MA GZIGS PA'I PHYIR RO,, ` ,,GNYIS PA MTHA' DPYAD PA LA GSUM LAS, DANG PO LA, KHA CIG ,NYAN THOS KYI LAM SHES PA'I LAM SHES KYI RGYUR GYUR PA'I NGES 'BYED CHA MTHUN, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID ZER NA, NYAN THOS KYI LAM SHES PA'I LAM SHES KYI RGYUR GYUR PA'I THEG DMAN GYI SBYOR LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, THEG CHEN GYI @021A *, ,NGES 'BYED CHA MTHUN YIN PAR THAL, 'DOD PA'I PHYIR, 'DOD MI NUS SO, ,KHA CIG ,DE'I RGYUR GYUR PA'I THEG CHEN GYI NGES 'BYED CHA MTHUN, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID ZER NA, DE MI 'THAD PAR THAL, DE DANG DUS MNYAM PA'I THEG CHEN GYI NGES 'BYED CHA MTHUN YOD PA'I PHYIR, DER THAL, LAM SHES DANG DUS MNYAM PA'I THEG CHEN GYI SBYOR LAM YOD PA'I PHYIR, DER THAL, BYANG SEMS 'PHAGS PA DANG DUS MNYAM DU GRUB PA'I BYANG SEMS SBYOR LAM PA YOD PA'I PHYIR, GZHAN YANG, NYAN THOS KYI LAM SHES PA'I LAM SHES KYI RGYUR GYUR PA'I STONG NYID RTOGS PA'I THEG CHEN GYI SBYOR LAM CHOS CAN, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN YIN PAR THAL, MTSAN NYID DE'I PHYIR, 'DOD NA, NYAN THOS KYI RTOGS RIGS SU GNAS PAR THAL, 'DOD PA'I PHYIR, 'DOD MI NUS SO, KHA CIG, NYAN THOS KYI RTOGS RIGS SU GNAS PA'I THEG CHEN GYI NGES 'BYED CHA MTHUN, SKABS 'DIR NGOS SU BSTAN PA'I NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID ZER NA, DE MI 'THAD PAR THAL, GZHUNG 'DIS NYAN THOS KYI LAM SHES PA'I LAM SHES KYI RGYU NGES 'BYED CHA MTHUN DNGOS SU MA BSTAN PA'I PHYIR, 'DIS STONG NYID RTOGS PA'I THEG CHEN GYI SBYOR LAM DNGOS SU BSTAN NAS GANG ZAG GI BDAG MED RTOGS PA'I THEG CHEN GYI SBYOR LAM DE NYAN THOS KYI LAM SHES PA'I LAM SHES KYI RGYU NGES 'BYED CHA MTHUN DU SHUGS LA BSTAN PA'I PHYIR, DER THAL, 'DI'I THAD KYI RNAM SHAD LAS, 'DIR DNGOS SU BSTAN PA NI, STONG NYID RTOGS PA'I SBYOR LAM YIN LA, NYAN THOS KYI LAM SHES PA'I RGYU NGES 'BYED NI GZHUNG 'DIR DON GYIS 'PHANGS PA ZHES GSUNGS PA'I PHYIR, KHA CIG, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN YIN NA, SKABS 'DIR BSTAN GYI DE YIN PAS @021B KHYAB ZER NA, THEG CHEN SBYOR LAM PA'I RGYUD KYI BSAM BYUNG DU GYUR PA'I THAR PA DON GNYER GYI BLO CHOS CAN, DER THAL, DE'I PHYIR, 'DOD NA, SGOM BYUNG YIN PAR THAL, 'DOD PA'I PHYIR, KHYAB STE, RNAM BSHAD LAS, 'JIG RTEN PA'I SGOM PA LAS BYUNG BA YIN NO, ,ZHES GSUNGS PA'I PHYIR, KHA CIG NA RE, 'DIR BSTAN PA'I NYAN THOS KYI LAM SHES PA'I LAM SHES KYI RGYU NGES 'BYED CHA MTHUN YIN NA, 'JIG RTEN PA'I SGOM BYUNG YIN PAS KHYAB ZER NA, THEG DMAN DGRA BCOM GYI RTOGS BA SNGON DU SONG BA'I THEG CHEN SBYOR LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, MI RTAG SOGS BCU DRUG DON SPYI'I TSUL GYIS RTOGS PA'I THEG CHEN GYI SBYOR LAM DE DE LTAR YIN PA'I PHYIR, DER THAL, RNAM BSHAD LAS, 'DI NI RNAM PA BCU DRUG STONG NYID RTOGS PA'I SHES RAB KYIS ZIN PAS SGOM PAR SHES PA'I CHED YIN NO, ,ZHES GSUNGS PA'I PHYIR,, ` ,GNYIS PA RANG LUGS LA, NYAN THOS KYI RTOGS RIGS SU GNAS PA'I THEG CHEN GYI DON MNGON RTOGS, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID, NYAN THOS KYI RTOGS RIGS SU GNAS SHING SHES RAB KYI CHAR GTOGS PA'I SGOM BYUNG GIS BSDUS PA'I THEG CHEN GYI DON MNGON RTOGS, SKABS 'DIR BSTAN PA'I NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID,, ` ,,GSUM PA RTZOD PA SPONG BA LA, KHA CIG, NYAN THOS KYI LAM SHES PA'I LAM SHES KYI RGYUR GYUR BA'I NYAN THOS KYI SBYOR LAM CHOS CAN, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN YIN PAR THAL, DE'I RGYU GANG ZHIG, NGES 'BYED CHA MTHUN YIN PA'I PHYIR, ZER NA, MA KHYAB, 'DOD MI NUS SO, ,RNAM MKHYEN CHOS CAN, RGYU LAM SHES YIN PAR THAL, RGYU GANG ZHIG, LAM SHES YIN PA'I PHYIR, 'KHOR GSUM, GZHAN YANG, DE CHOS CAN, LAM SHER PHYIN YIN PAR THAL, LAM GANG ZHI, SHER PHYIN YIN PA'I PHYIR, KHYAB @022A *, ,PA KHAS, KHA CIG, BYANG SEMS SBYOR LAM PA'I RGYUD KYI THAR PA DON GNYER GYI BLO CHOS CAN, RANG LUGS KYI MTSON BYA DANG PO DER THAL, MTSAN NYID DE'I PHYIR, 'DOD NA, DE CHOS CAN, SKABS 'DIR BSTAN PA'I NYAN THOS KYI LAM SHES PA'I LAM SHES KYI RGYU NGES 'BYED CHA MTHUN YIN PAR THAL, 'DOD PA'I PHYIR NA, MA KHYAB, 'DOD NA, THABS SHES GNYIS LAS SHES RAB KYI CHAR GTOGS PAR THAL, 'DOD PA'I PHYIR, 'DOD MI NUS TE, DE GNYIS LAS THABS KYI CHAR GTOGS YIN PA'I PHYIR, KHA CIG, SKABS 'DIR NYAN THOS KYI LAM SHES PA'I LAM SHES KYI RGYU NGES 'BYED CHA MTHUN DNGOS SU MA BSTAN PA DE MI 'THAD PAR THAL, DE DNGOS SU STON PA SKABS SU BAB PA'I PHYIR, DER THAL, LAM SHES NYID KYI TSUL LA NI, ,ZHES SOGS KYI NYAN THOS KYI LAM SHES PA'I LAM SHES DNGOS SU BSTAN NAS, DE'I RGYU NGES 'BYED CHA MTHUN GANG YIN DNGOS SU BSTAN PA LA, 'PHAGS PA NYAN THOS LAM LA NI, ,ZHES GSUNGS PA'I PHYIR NA, SKYON MED DE, DE SKABS 'DIR ZIN BYED STONG NYID RTOGS PA'I THEG CHEN GYI SBYOR LAM DE DNGOS SU BSTAN PA'I SHUGS LA CIG SHOS BSTAN PA'I PHYIR, YANG NA DE GNYIS KYI NANG NAS NYAN THOS KYI LAM SHES PA'I LAM SHES DE SHUGS LA BSTAN KYANG SPYIR DNGOS SU BSTAN ZHES BYA'O, ,RANG RGYAL GYI KHYAD CHOS, GNYIS PA RANG RGYAL GYI LAM SHES PA'I LAM SHES 'CHAD PA LA BZHI, LAM BGROD PA'I KHYAD PAR, CHOS STON TSUL, LAM SHES JI LTAR SHES TSUL, DE'I RGYU NGES 'BYED CHA MTHUN BSHAD PA'O, ,DANG PO NI, RANG BYUNG BDAG NYID RTOGS PA'I PHYIR, ,ZHES PA NAS, ZAB PA GNYID DU MNGON PAR BRJOD, ,CES PA'I BAR GSUNGS TE, DE'I DON 'GREL PAR 'CHAD PA LA, RANG SANG RGYAS RNAMS NI SNGON THOS PA LA SOGS PA MNGON PAR 'DU BYAS PAS GZHAN GYIS BSTAN PA LA MI LTOS PAR BDAG NYID KYIS RANG GI BYANG CHUB RTOGS PAR 'GYUR TE, ZHES PA NAS, DE'I PHYIR DE DAG GI YE SHES MI RTOGS PA NYID NI @022B KHYAD ZHUGS PA GNYIS PA YIN NO, ,ZHES PA'I BAR GSUNGS, DE DAG GANG LAS 'PHROS PA YANG YOD DE, YANG 'KHOR DER LHA'I BU KHA CIG 'DI SNYAM DU SEMS PAR GYUR TE, GANG GNOD SBYIN RNAMS KYI SKAD LA SOGS PA DE DAG NI SMRAS NA SHES PAR 'GYUR GYI, GANG 'PHAGS PA RAB 'BYOR GYIS SHES RAB KYI PHA ROL TU PHYIN PA 'CHANG BA DE DAG NI SHES PAR MI 'GYUR RO, ,ZHES PA NAS, KYE MA GNAS BRTAN RAB 'BYOR NI SHES RAB KYI PHA ROL TU PHYIN PA GSAL BAR BYED PA STE, ZAB PA BAS KYANG SHIN TU ZAB PA STON PAR BYED LA, PHRA BA PAS KYANG SHIN TU PHRA MO STON PA 'BYED PA'O, ,ZHES PA'I BAR GYI MDO LAS 'PHROS PA'I PHYIR, 'DIR DRANGS PA'I LUNG LA MDO DANG GSER 'PHRENG RNAM BSHAD DU'ANG TSIG ZUR CUNG ZAD MI 'DRA BA YOD KYANG MI 'GAL TE, DE NI TSIG TSOGS NYUNG BAR BYA BA'I CHED DU TSIG SNA CUNG ZAD RE BSDUS PA YIN LA DE BZHIN DU GZHAN YANG DU MA YOD PA'I PHYIR, 'DI'I SKABS SU GNYIS, RTZA BA'I DON DANG, MTHA' DPYAD PA'O, ,DANG PO NI, RANG BYUNG STE RANG RGYAL DGRA BCOM PA CHOS CAN, KHYOD KYIS SRID PA THA MA'I TSA BYANG CHUB MNGON DU BYED PAR SLOB DPON GZHAN GYIS GDAMS NGAG BSTAN PA LA LTOS MI DGOS TE, DE'I TSE DE LA MI LTOS PAR BDAG NYID KYIS BYANG CHUB RTOGS PA STE MNGON DU BYED NUS PA'I PHYIR, YANG SGRA SMOS PA LA CHOS CAN, DGOS PA YOD DE, DE'I TSE RANG GIS GZHAN LA NGAG GI SGO NAS CHOS MI STON PAR SHES PA'I CHED YIN PA'I PHYIR, BSE RU LTA BU'I YE SHES NI CHOS CAN, NYAN THOS LAS RTOGS PA ZAB PA NYID DU MNGON PAR BRJOD PA YIN TE, NYAN THOS LTAR CHOS STON PA'I NGAG GI 'BRAS RTAGS LAS RTOGS MI NUS SHING SGRA MED LUS KYI RNAM 'GYUR GYI SGO NAS STON PA'I RTOGS PA ZAB MO DANG LDAN PA'I PHYIR,, ` ,,GNYIS PA MTHA' DPYAD PA GSUM LAS, DANG PO LA, KHA CIG, RANG RGYAL YIN NA, RANG RGYAL DGRA BCOM GYI GO 'PHANG MNGON DU BYED NGES YIN PAS KHYAB ZER NA, RANG RGYAL DU RIGS MA NGES @023A *, ,PA'I TSOGS SPYOD CHE CHUNG GI RANG RGYAL CHOS CAN, DER THAL, DE'I PHYIR, 'DOD MI NUS TE, TSOGS SPYOD CHE CHUNG GANG RUNG GI RANG RGYAL GYIS SANGS RGYAS DANG 'PHRAD NA THEG CHEN LAM DU 'JUG PA YOD PA'I PHYIR, KHA CIG, RANG RGYAL YIN NA, BSE RU LTA BUR GCIG PUR GNAS PAS KHYAB ZER NA, TSOGS KYI NANG DU GNAS PA'I RANG RGYAL CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, GROGS DANG BCAS PA'I RANG RGYAL YOD PA'I PHYIR, DER THAL, GSER 'PHRENG LAS, GROGS DANG LHAN CIG TU SPYOD PAS SO, ,ZHES GSUNGS PA'I PHYIR, GZHAN YANG, DE YOD PAR THAL, TSOGS SPYOD CHE CHUNG GI RANG RGYAL YOD PA'I PHYIR, KHYAB STE, DE'I SGRA BSHAD YOD PA'I PHYIR, KHA CIG, RANG RGYAL YIN NA, RANG BYUNG GI BSNYEN PAR RDZOGS PA'I DGE SLONG YIN PAS KHYAB ZER NA, BAR DO'I RTEN CAN GYI RANG RGYAL CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, RANG RGYAL GYI BYANG CHUB MNGON DU BYED PA LA BSKAL PA BRGYAR TSOGS GSOGS PA GANG ZHIG ,DE'I BAR DU RANG RGYA SO SKYE 'CHI BA YOD PA'I PHYIR, DANG PO DER THAL, MDZOD 'GREL LAS, BSKAL BA CHEN PO BRGYAR BYANG CHUB KYI TSOGS DAG LA SBYANG PAS BSE RU LTA BUR 'GYUR RO, ,ZHES GSUNGS PA'I PHYIR, 'DOD NA, MI'I RTEN CAN YIN PAR THAL LO, ,KHA CIG, RANG RGYAL LA NANG TSAN GYI SGO NAS DBANG PO RNO RTUL GYI KHYAD PAR MED ZER NA, DE YOD PAR THAL, BSE RU LTA BU'I RANG RGYAL SLOB PA DE RANG RGYAL GYI RIGS CAN GSUM GYI NANG NAS DBANG PO RNO LA TSOGS SPYOD CHE CHUNG GI RANG RGYAL GNYIS DE LAS DBANG PO RTUL BA'I PHYIR, KHA CIG, SRID PA THA MA'I TSE SLOB DPON GZHAN GYI GDAMS NGAG LA MI LTOS PAR RANG GI BYANG CHUB MNGON DU BYED NUS PA'I GANG ZAG YIN NA, NYAN @023B THOS LAS KHYAD PAR 'PHAGS PAS KHYAB ZER NA, THEG CHEN DU RIGS NGES PA'I DMAN LAM SNGON DU MA SONG BA'I LAM MA ZHUGS KYI SO SKYE RANG GA BA CHOS CAN, DER THAL, DE'I PHYIR, DER THAL, DES SRID PA THA MA BA'I TSE GDAMS NGAG GZHAN LA RAG MA LAS PAR SANGS RGYAS THOB NUS PA'I PHYIR, 'DOD MI NUS TE, SO SKYE RANG BA YIN PA'I PHYIR, KHA CIG ,DE 'DRA'I THEG DMAN PA YIN NA, NYAN THOS LAS KHYAD DPAR DU 'PHAGS PAS KHYAB ZER NA, GZUGS MED KYI RTEN LA MYANG 'DAS MNGON DU BYED PA'I PHYIR MI 'ONG CHOS CAN, DER THAL DE'I PHYIR, DE DER THAL, DE'I RTEN LA MYANG 'DAS MNGON DU BYED PA'I GZUGS MED NYE BAR 'GRO BA'I PHYIR MI 'ONG YOD PA GANG ZHIG ,GZUGS MED KHAMS NA GDAMS NGAG MED PA'I PHYIR, PHYI MA DER THAL, DER SGRA MED PA'I PHYIR, 'DOD MI NUS TE, NYAN THOS YIN PA'I PHYIR, GZHAN YANG, RANG RGYAL GYI BYANG CHUB MNGON DU BYED PAR NGES PA'I NYAN THOS CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, MDZOB 'GREL LAS, DE LA CHOG SHING SPYOD PA RNAMS NI NYAN THOS KYI RIGS SU GYUR PA SNGON DU SONG BA'I RANG RGYAL BA RNAMS SO, ,ZHES GSUNGS PA'I PHYIR, 'DOD NA SLA'O, ,KHA CIG, SGRA MED LUS KYI RNAM 'GYUR GYI SGO NAS CHOS STON NUS PA'I GANG ZAG YIN NA, RANG RGYAL YIN PAS KHYAB ZER NA, DE LTAR NUS PA'I SANGS RGYAS 'PHAGS PA CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, SANGS RGYAS 'PHAGS PAS SPRUL PA SNA TSOGS BSTAN NAS GDUL BYA LA CHOS STON NUS PA'I PHYIR, GZHAN YANG DE YOD PAR THAL, SANGS RGYAS 'PHAGS PAS SNGON BDAG GIS SGRA MED KYANG CHOS STON NUS PAR GYUR CIG CES SMON LAM BTAB PA'I PHYIR, DER THAL, BYANG CHUB SEMS DPAS 'DI LTAR SANGS RGYAS SU GYUR NAS BRJOD PA MED PAR YANG CHOS STON PAR GYUR CIG CES SMON LAM BTAB BO, ,ZHES GSUNGS PA'I @024A *, ,PHYIR, KHA CIG, DE 'DRA'I THEG DMAN PA YIN NA, RANG RGYAL YIN PAS KHYAB ZER NA, DE LTAR NUS PA'I NYAN THOS CHOS CAN, DER THAL, DE'I PHYIR, RTAGS GSAL SLA'O, KHA CIG, RANG RGYAL YIN NA, NGAG GI CHOS MI STON PAS KHYAB ZER NA, DE MI 'THAD PAR THAL, NGAG GI SGO NAS CHOS STON PA'I RANG RGYAL YOD PA'I PHYIR, DER THAL, RNAM BSHAD LAS, RANG SANGS RGYAS NGAG TU CHOS STON PA MI SRID PA MIN TE, NGAG GI CHOS STON PA 'DUL BA LUNG LAS GSUNGS PA'I PHYIR DANG, ZHES GSUNGS PA'I PHYIR,, ` ,,GNYIS PA RANG LUGS LA BDUN, RIGS DANG, LAM DANG, YANG DAG PAR 'GRUB PA DANG, TSOGS GSOG PA DANG, GNAS PA DANG, RGYU BA DANG, SGRA BSHAD PA'O, ,DANG PO YOD DE, RANG RGYAL DE RANG BZHIN GYIS NYON MONGS CHUNG BA DANG, SNYING RJE DMAN PA DANG, DBANG PO 'BRING DU GNAS PA'I RIGS CAN YIN PA'I PHYIR, GNYIS PA YOD DE, PHUNG PO, SKYE MCHED, KHAMS, RTEN 'BREL, GNAS DANG GNAS MA YIN PA, BDEN PA RNAMS TE MKHAS PAR BYA BA'I DNGOS PO DRUG LA MKHAS PAR BYED PA DANG, 'CHI KHAR PHYI MAR SANGS RGYAS MED PA'I ZHING DU SKYE BA DANG, SRID PA THA MA'I TSE SLOB DPON GYIS GDAMS NGAG BSTAN PA LA MA BLTOS PAR BYANG CHUB MNGON DU BYED PA DANG, SGRA MED LUS KYI RNAM 'GYUR GYI SGO NAS CHOS STON PAR GYUR CIG CES SMON LAM CHEN PO GSUM 'DEBS SHING, RTEN 'BREL YAN LAG BCU GNYIS LUGS 'BYUNG LUGS ZLOG BSGOMS NAS LAM BGROD PAR BYED PA'I PHYIR, GSUM PA YOD DE, DE LTAR BSLABS NAS BSKAL PA CHEN PO BRGYAR TSOGS BSAGS TE, SANGS RGYAS 'JIG RTEN DU MI 'BYUNG BA'I TSE MYANG 'DAS MNGON DU BYED PA'I PHYIR, BZHI PA YOD DE, RANG RGYAL DU RIGS NGES PA'I RANG RGYAL SLOB PA DES DUS NGES PA MED PAR SANGS RGYAS SOGS MNYES PAR BYAS NAS BSOD NAMS DANG, RTEN 'BREL BCU GNYIS KYI DON TSUL BZHIN DU YID @024B LA BYED PA SOGS YE SHES KYI TSOGS GSOG PAR BYED PA'I PHYIR, TSOGS GSOG PA'I YUN NI, GSUM PO BSKAL BA BRGYAR MTSUNGS TE, 'ON KYANG DBANG PO RNO RTUL YOD PAS YUN LA KHYAD PAR CUNG ZAD 'BYUNG SRID PA'I PHYIR, DE LA BSE RU LTA BU'I RANG RGYAL SLAB BA NI RANG RGYAL DU RIGS NGES PA DANG CIG SHOS GNYIS LA NGES PA MANG STE, GSER 'PHRENG LAS, DE YANG DANG PO RIGS NGES PA DANG, PHYI MA GNYIS MA NGES PAR KUN LAS BTUS LAS, RANG SANGS RGYAS KYI THEG PA BA GANG ZHE NA, RANG SANGS RGYAS KYI CHOS NYID NGES PA'AM MA NGES PA DANG, ZHES GSUNGS PA'I PHYIR, LNGA PA YOD DE, THUGS NI RTEN 'BREL BCU GNYIS BSGOM PA DANG BYANG PHYOGS SO BDUN DANG RNAM THAR SGO GSUM CI RIGS PAR GNAS SHING, SKU'I GNAS PA NI BSE RU LTA BU NI GCIG BU DANG, CIG SHOS GNYIS GROGS KYI NANG DU GNAS PAR MDZAD PA'I PHYIR, DRUG PA YOD DE, GRONG DU BSOD SNYOMS LA RGYU BA SOGS KYI TSE, LUS SHIN TU BSRUNG BA DANG, DBANG PO RNAMS BSDAMS PA DANG, DRAN PA SHIN TU GNAS PA SPYOD LAM ZHI BAS RGYU BA'I PHYIR, BDUN PA YOD DE, SRID PA THA MA'I TSE SLOB DPON GZHAN GYI GDAMS NGAG LA MA BLTOS PAR RANG GI BYANG CHUB MNGON DU BYED NUS PA'I RGYU MTSAN GYIS RANG RGYAL ZHES BRJOD PA'I PHYIR, KHYAD PAR DE DAG GIS RTEN GANG LA LAM JI LTAR BGROD PA'I TSUL YOD DE, KHA CIG SO SKYE'I DUS SU BSKAL PA BRGYAR TSOGS BSAGS NAS PHYI MA MTHONG LAM THOB PA'I TSA DE LA DGRA BCOM PA'I 'BRAS BU MNGON DU BYED, KHA CIG NI SBYOR LAM MAN CHAD RTEN THOG GCIG TU BSKYED NAS, SKYE BA DE'I RTING MA LA MTHONG LAM DANG, DE'I YANG RTING MA LA DGRA BCOM PA'I 'BRAS BU MNGON DU BYED PA SOGS LAM BGROD TSUL MI 'DRA BA YOD PA'I PHYIR,, ` ,,GSUM PA RTZOD PA SPONG BA LA, KHA CIG, RANG RGYAL SLOB PA YIN NA, RANG RGYAL DU RIGS NGES PAS KHYAB PAR THAL, 'JUG PA LAS, RANG BYANG CHUB LA BDAG NYID NGES RNAMS DANG, ,ZHES @025A *, ,GSUNGS PA'I PHYIR NA, MA KHYAB STE, DE NI GTZO CHE BA LA DGONGS PA'I PHYIR, KHO NA RE, DE YIN NA, RANG RGYAL DU RIGS NGES PAS MA KHYAB KYANG NYAN THOS KYI LAM DU 'JUG MI SRID DO ZHE NA, DE MI 'THAD PAR THAL, RANG RGYAL SLOB PA NYAN THOS LAM DU 'JUG PA YOD PA'I PHYIR, DER THAL, RNAM BSHAD LAS, DGRA BCOM THOB PA'I TSE DE LA SLOB DPON LA MI LTOS PAR BYANG CHUB THOB PAR NGES PA YIN GYI, GZHAN DU NA NYAN THOS SU 'GYUR PAS SO, ,ZHES GSUNGS PA'I PHYIR, KHA CIG, BSE RU LTA BU'I RANG RGYAL YIN NA, GCIG PU KHO NAR GNAS PAS KHYAB PAR THAL, BSE RU LTA BU'I RANG RGYAL DE GROGS MANG PO DANG LHAN CIG TU MI GNAS PAR RI DVAGS BSE RU LTAR GNAS PA DANG CHA 'DRA BA'I RGYU MTSAN GYIS DE LTAR BTAGS PA'I PHYIR NA MA KHYAB, RTAGS DER THAL, MDZOD KYI 'GREL BSHAD LAS, BSE RU LTA BU YIN ZHES BYA BA NI JI LTAR BSE RU DAG GNYIS PA MED PA DE BZHIN DU, ZHES PA NAS, BSE RU LTA BU ZHES BYA'O, ,ZHES GSUNGS PA'I PHYIR, 'DOD NA, BSOD SNYOMS LA RGYU ZHING BYON NAS GRONG DU TSOGS DU MA LA LUS KYI RDZU 'PHRUL STON PA'I BSE RU LTA BU'I RANG RGYAL CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, BSE RU LTA BU'I RANG RGYAL SLOB PAS GZHAN RJES SU 'DZIN PA DANG RANG GI LUS GNAS PA'I CHED DU BSOD SNYOMS LA RGYU BA YOD PA'I PHYIR, 'DOD NA, SLA'O, ,KHO NA RE, BSE RU LTA BU'I RANG RGYAL ZHES BTAGS PA DON MED PAR THAL, DE GROGS DANG BCAS PAR GNAS SRID PA'I PHYIR NA, MA KHYAB STE, DE YANG GTZO CHE BA LA DGONGS PA'I PHYIR, KHA CIG, TSOGS SPYOD CHE CHUNG GI RANG RGYAL GCIG PUR GNAS PA MED PAR THAL, DE GNYIS TSOGS DANG LHAN CIG TU SPYOD PAS TSOGS SPYOD PA ZHES BRJOD PA'I PHYIR NA MA KHYAB, @025B 'DOD NA, GCIG PU DBEN PAR BSAM GTAN LA GNAS PA'I TSOGS SPYOD KYI RANG RGYAL MED PAR THAL, 'DOD PA'I PHYIR, 'DOD MI NUS TE, NANG DU YANG DAG 'JOG LA GNAS PA'I TSOGS SPYOD CHE CHUNG GANG RUNG GI RANG RGYAL YOD PA'I PHYIR RO, ,'O NA, NYAN THOS YIN NA, NYAN THOS KYI SGRA BSHAD TSANG DGOS PAR THAL, SGRUB BYED 'THAD PA'I PHYIR, 'DOD NA, GZUGS MED KHAMS PA'I NYAN THOS CHOS CAN, DER THAL, DE'I PHYIR, 'DOD NA, DES GSUNG RAB NYAN CING THOS PAR BYED PAR THAL, 'DOD PA'I PHYIR, 'DOD MI NUS SO, ,KHA CIG ,RANG RGYAL SRID PA THA MA PA DE SRID PA THA MA YIN PAR THAL, GONG GI DAM BCA' 'THAD PA'I PYIR, KHA CIG MA KHYAB ZER, 'DOD BYAS PA LA, DE MI 'THAD PAR THAL, DE SKYE BA LEN PA SRID PA'I PHYIR, DER THAL, DE MA RIG BAG CHAGS KYIS DANG ZAG MED KYI LAS LA BRTEN NAS SKYE BA LEN PA SRID PA'I PHYIR, DER THAL, NYAN RANG DGRA BCOM PAS DE LA BRTEN NAS YID KYI LUS LEN PA'I PHYIR, DER THAL, RNAM BSHAD LAS, SA BDUN PA MAN CHAD PAS KYANG 'BAD PAS BSGRUBS NA MA RIG BAG CHAGS KYIS DANG ZAG PA MED PA'I LAS LA BRTEN NAS YID KYI RANG BZHIN GYI LUS LEN NUS MOD KYI, NGAM NGAM SHUGS KYI 'GRUB PA NI NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS LA YIN PAR SHES PAR BYA'O, , ZHES GSUNGS PA'I PHYIR, ZER NA, SKYON MED DE, SRID PA THA MA PA NI TSE DE LA DGRA BCOM MNGON DU BYED PAR NGES PA'I RTEN CAN ZHIG LA 'JOG RIGS KYI, SLAN CHAD SKYE BA MED PA TZAM LA MI 'JOG PA'I PHYIR, DANG PO DE LTAR YIN TE, 'KHOR BA TSE DE LA SPONG BAR NGES PA'I RTEN CAN ZHIG LA 'JOG PA'I PHYIR, DPYAD DO,, ` ,,GNYIS PA CHOS STON TSUL NI, GANG GANG DON NI GANG GANG LA, ,ZHES SOGS RKANG PA BZHI GSUNGS TE, DE'I DON 'GREL PA LAS, RNAM PAR MA BRTAGS RNAM PAR MA DPYAD PA'I TSIG TU MI SMRA BAS, ZHES PA @026A *, ,NAS, BSKYED PA ZHES BYA BA 'DI YIN NO, ,ZHES PA'I BAR GSUNGS, MDO'I 'PHROS DANG MTHA' DPYOD NI SNGAR BSHAD PA DER 'DUS LA, RTZA BA'I DON NI, SHES BYA CHOS CAN, RANG RGYAL GYI SGA MED KYANG CHOS STON PA MI 'GAL TE, DES LUS KYI RNAM 'GYUR GYI SGO NAS GDUL BYA GANG DANG GANG YIN PA DES RTOGS BYA'I DON NI GANG DANG GANG LA RNAM PA JI LTAR JI LTAR NYAN PAR 'DOD PA DE DANG DE LA DON DE DANG DE BSHAD PA DE LTAR SNANG BAR BYED NUS PA'I PHYIR, RANG RGYAL GYI LAM SHES PA'I LAM SHES, ,GSUM PA LAM JI LTAR SHES PA'I TSUL NI, GZUNG DON RTOGS PA SPONG PHYIR DANG, ,ZHES SOGS RKANG PA BZHI GSUNGS TE, DON NI 'GREL PA LAS, RANG SANGS RGYAS KYI LAM JI SKAD BSHAD PA'I BDEN PA SGOM PA KHO NA DANG, ZHES PA NAS, THAMS CAD SHES PA NI MA YIN NO ZHES BYA BA NI RANG SANGS RGYAS KYI LAM MO, ,ZHES PA'I BAR GSUNGS, DE GANG LAS 'PHROS PA YANG YOD DE, GZUGS NI ZAB PA MA YIN, PHRA BA MA YIN NO, ,DE CI'I PHYIR ZHE NA, GZUGS KYI RANG BZHIN NI ZAB PA MA YIN, PHRA BA MA YIN NO, ,ZHES PA NAS, LHA'I BU DAG CHOS NYAN PA NI SGYU MA LTA DANG SPRUL BA LTA BUR BTZAL BAR BYA STE, ZHES SOGS KYI MDO LAS 'PHROS PA'I PHYIR, 'DI LA GNYIS, RTZA BA'I DON DANG, MTHA' DPYAD PA'O, ,DANG PO NI, BSE RU LTA BU'I LAM DE NI CHOS CAN, KHYAD CHOS GSUM DANG LDAN PAS YANG DAG PAR BSDUS PAR SHES PAR BYA STE, GZUNG BA GZUGS SOGS PHYI ROL GYI DON DU 'DZIN PA'I RTOG PA GTZO BOR SPONG BA'I PHYIR DANG, GZUGS 'DZIN SHES PA SOGS NANG 'DZIN PA LA BDEN PAR ZHEN PA GTZO BOR MI SPONG BA'I PHYIR DANG NI, RANG RGYAL GYI RIGS LA BRTEN PA'I RTEN GYIS KHYAD PAR GYI SGO NAS SHES PAR BYA BA'I PHYIR,, ` ,,GNYIS PA MTHA' DPYAD PA LA GSUM LAS, DANG PO LA, KHA CIG ,GZHUNG 'DIS, RANG RGYAL GYI LAM SHES PA'I LAM SHES SNGAR BSHAD PA LTAR GYI KHYAD CHOS GSUM DANG LDAN PAR BSTAN ZER NA, @026B 'O NA LAM SHES DES NANG SHES PA BDEN PAR 'DZIN PA'I BDEN 'DZIN GTZO BOR MI SPONG BAR THAL, DAM BCA' 'THAD PA'I PHYIR, 'DOD MI NUS TE, DES BDEN 'DZIN GTZO BOR SPONG BA'I PHYIR, KHA CIG ,RANG RGYAL DANG SEMS TZAM PA GNYIS LTA BA MI MTSUNGS ZER NA, DE MTSUNGS PAR THAL, GZUGS PHYI ROL DON GYI STONG PAR RTOGS PA'I LTA BA DE DE GNYIS KA'I LTA BA YIN PA'I PHYIR, DER THAL, DE DE GNYIS KA'I THUN MONG BA'I LTA BA YIN PA'I PHYIR, KHO NA RE, RANG RGYAL GYIS GZUNG BA BDEN PAR 'DZIN PA'I BDEN 'DZIN GTZO BOR SPONG ZHING SHES PA BDEN PAR 'DZIN PA'I BDAG 'DZIN GTZO BOR MI SPONG YANG SPANG BYAR BYED, SEMS TZAM PAS NANG GNYIS STONG GI SHES PA BDEN GRUB TU 'DOD PAS MI MTSUNGS SO ZHE NA, DE MI 'THAD PAR THAL, RANG RGYAL SLOB PAS GZUNG BA BDEN PAR 'DZIN PA'I BDEN 'DZIN GTZO BOR MI SPONG BA'I PHYIR, DER THAL, DES BDEN 'DZIN GTZO BOR MI SPONG BA'I PHYIR, DER THAL, RANG RGYAL DGRA BCOM PAS BDEN 'DZIN MA SPANGS PA'I PHYIR, DER THAL, DES SHES SGRIB MA SPANGS PA'I PHYIR, KHA CIG ,RANG RGYAL SLOB PAS GZUNG BA PHYI ROL DON DU 'DZIN PA'I RTOG PA SPONG BA DANG, GZUNG BA PHYI ROL DON DU MED PA CHOS KYI BDAG MED RAGS PA YIN ZER NA, DE MI 'THAD PAR THAL, GZUNG BA PHYI ROL DON DU 'DZIN PA'I RTOG PA CHOS KYI BDAG 'DZIN RAGS PA MA YIN PA'I PHYIR, DER THAL, GZUNG BA RJES SU GRUB PAR 'DZIN PA'I RTOG PA DE CHOS KYI BDAG 'DZIN RAGS PA MA YIN PA'I PHYIR, DER THAL, DE GANG ZAG GI BDAG 'DZIN RAGS PA YIN PA'I PHYIR, KHA CIG ,GZUNG 'DIS RANG RGYAL GYI LAM SHES PA'I LAM SHES MTHA' DAG DNGOS SU BSTAN PA YIN NO, ,ZER NA, DE YANG MI 'THAD PAR THAL, DES GANG ZAG GI BDAG MED MNGON SUM DU RTOGS PA'I RANG RGYAL GYI LAM SHES PA'I LAM SHES DE DNGOS SU MA BSTAN PA'I PHYIR, KHA CIG ,RANG RGYAL GYI LAM SHES PA'I LAM SHES YIN NA, THABS SHES @027A *, ,GNYIS SU PHYE BA'I SHES RAB KYI CHAR GTOGS PAS KHYAB ZER NA, BYANG SEMS 'PHAGS PA'I RGYUD KYI RTEN 'BREL BCU GNYIS KYI NANG TSAN SKYE RGA LA YID 'BYUNG SGOM PA'I SNYING RJE'I NGO BOR GYUR PA'I YE SHES CHOS CAN, DER THAL, DE'I PHYIR, 'DOD MI NUS TE, DE GNYIS SU PHYE BA'I THABS KYI CHAR GTOGS YIN PA'I PHYIR,, ` ,,GNYIS PA RANG LUGS LA, RANG RGYAL GYI RTOGS RIGS SU GNAS PA'I THEG CHEN 'PHAGS PA'I MKHYEN PA, RANG RGYAL GYI LAM SHES PA'I LAM SHES KYI MTSAN NYID, MTSAN GZHI NI, GZUGS PHYI ROL DON GYIS STONG PAR MNGON SUM DU RTOGS PA'I THEG CHEN GYI MTHONG LAM LTA BU, BYANG SEMS 'PHAGS PAS RANG RGYAL GYI LAM SHES PA'I LAM SHES BSGOM PA LA DGOS PA YOD DE, RANG RGYAL GYI RIGS CAN RJES SU 'DZIN PA'I CHED DANG, RANG RGYUD KYI PHYI ROL DON 'DZIN GYI RTOG PA GZHOM PAR BYA BA'I CHED YIN PA'I PHYIR,, ` ,,GSUM PA RTZOD PA SPONG BA LA, KHA CIG, GZUGS PHYI ROL DON GYIS STOR PAR RTOGS PA'I YE SHES RANG RGYAL DANG SEMS TZAM PA GNYIS KA'I LTA BA YIN PAR THAL, DE 'DRA'I LTA BA DE DE GNYIS KA'I LTA BA YIN PA'I PHYIR, RTAGS KHAS, 'DOD NA, DE DE GNYIS KA'I YE SHES YIN PAR THAL, YE SHES GANG ZHIG ,DE GNYIS KA'I LTA BA YIN PA'I PHYIR, ZER NA, MA KHYAB SNYAM, 'DOD MI NUS TE, DE GNYIS KA'I LAM MA YIN PA'I PHYIR, DER THAL, RANG RGYAL GYI LAM MA YIN PA'I PHYIR, DER THAL, KHYOD DU GYUR PA'I NYAN THOS KYI LAM DANG THEG CHEN GYI LAM YOD PA'I PHYIR, KHA CIG ,'DIR MA KHYAB ZER, YANG KHO NA RE, BDAG MED RTOGS PA'I LTA BA DE THEG PA GNYIS KA'I LTA BA YIN PAR THAL, DE DE GSUM THUN MONG BA'I LTA BA YIN PA'I PHYIR, DER THAL, DE GSUM THUN MONG GI LTA BA GCIG YOD PA'I PHYIR, DER THAL, DE GSUM THUN MONG BA'I LUGS GCIG YOD @027B PA GANG ZHIG, KHYOD KYI DAM BCA' 'THAD PA'I PHYIR, 'DOD NA, DE DE GSUM PO RANG RGYUD KYI LTA BA YIN PAR THAL, 'DOD PA'I PHYIR NA, MA KHYAB STE, 'ON KYANG DA DUNG DPYOD PA'I GNAS SU SNANG NGO, ,KHA CIG ,SHES SGRIB YIN NA, RANG RGYAL GYIS GTZO BOR MA SPANG BAS KHYAB PAR THAL, RANG RGYAL GYIS SHES SGRIB GTZO BOR MI SPONG BA'I PHYIR NA, MA KHYAB, 'DOD MI NUS TE, DES GZUGS PHYI ROL GYI DON DU 'DZIN PA'I RTOG PA GTZO BOR SPONG BA'I PHYIR, KHYAB STE, DE SHES SGRIB YIN PA'I PHYIR, DER THAL, DE SHES SGRIB RAGS PA YIN PA'I PHYIR, KHA CIG ,GZUGS DANG GZUGS 'DZIN PA'I TSAD MA RDZAS GZHAN GYIS STONG PAR THAL, GZUGS PHYI ROL DON GYIS STONG PA'I PHYIR, 'DOD NA, DE MI 'THAD PAR THAL, GZUGS DANG GZUGS 'DZIN PA'I TSAD MA GNYIS RDZAS GZHAN DU GRUB PA'I PHYIR, DER THAL, DE GNYIS RDZAS GZHAN YIN PA'I PHYIR, DER THAL, DE GNYIS RGYU 'BRAS YIN PA'I PHYIR ZER NA MA GRUB STE, PHYI DON KHAS LEN NA, DE GNYIS RGYU 'BRAS SU 'THAD KYANG 'DIR PHYI DON KHAS MI LEN PA'I PHYIR, KHA CIG ,THEG CHEN 'PHAGS PA'I RGYUD KYI GANG ZAG GI BDAG MED RTOGS PA'I THEG CHEN SEMS BSKYED CHOS CAN, RANG RGYAL GYI LAM SHES PA'I LAM SHES YIN PAR THAL, RANG LUGS KYI MTSAN NYID DE'I PHYIR, DER THAL, CHOS CAN DE'I PHYIR, DER THAL, THEG CHEN 'PHAGS PA'I RGYUD KYI GANG ZAG GI BDAG MED RTOGS PA'I SNYING RJE DE THEG DMAN GYI RTOGS RIGS SU GNAS PA'I PHYIR, DER THAL, DE'I RGYUD KYI GANG ZAG GI BDAG MED RTOGS PA'I RNAMS MKHYEN DE THEG DMAN GYI RTOGS RIGS SU GNAS PA'I PHYIR NA, MA KHYAB, MA GRUB NA DER THAL, SANGS RGYAS 'PHAGS PA'I RGYUD KYI GANG ZAG GI BDAG MED RTOGS PA'I YE SHES THEG DMAN GYI RIGS SU GNAS PA'I PHYIR, DER THAL, SANGS @028A *, ,RGYAS 'PHAGS PA'I RGYUD LA 'PHAGS PA 'OG MA PA'I RGYUD LA YOD PA DANG RJES SU MTHUN PA'I RNAM MKHYEN GYI RNAM PA YOD PA'I PHYIR, 'DOD MI NUS TE, THEG CHEN SEMS BSKYED YIN PA'I PHYIR, KHYAB STE, THEG CHEN SEMS BSKYED GTZO BOR BSGOM PA'I RANG RGYAL MED PA'I PHYIR, BYAS PA LA KHO NA RE, GANG ZAG GI BDAG MED RTOGS PA'I SANGS 'PHAGS KYI YE SHES DE THEG DMAN GYI RTOGS RIGS SU MI GNAS PAR THAL, SANGS RGYAS 'PHAGS PA'I YE SHES GTZO BOR SGOM PA'I THEG DMAN PA MED PA'I PHYIR, ZER NA, MI MTSUNGS SNYAM STE, SNGA MA NI YUL CAN GYI DBANG DU BYAS PA DANG, PHYI MA NI YUL RTOGS TSUL GYI DBANG DU BYAS PA YIN PA'I PHYIR, 'ON KYANG KHA CIG GIS SANGS RGYAS 'PHAGS PA'I RGYUD KYI GANG ZAG GI BDAG MED RTOGS PA'I YE SHES, THEG DMAN GYI RTOGS RIGS SU MI GNAS KYANG, SPYIR GANG ZAG GI BDAG MED RTOGS PA'I YE SHES THEG DMAN GYI RTOGS RIGS SU GNAS ZHES ZER RO, ,KHA CIG ,BYANG SEMS 'PHAGS PA'I RGYUD LA 'KHOR BA LA YID 'BYUNG BA'I YID 'BYUNG YOD PAR THAL, DE'I RGYUD LA YAN LAG BCU GNYIS KYI NANG TSAN SKYE RGA LA YID 'BYUNG BA'I YID 'BYUNG YOD PA'I PHYIR, 'DOD NA, DE'I RGYUD LA 'KHOR BA YOD PAR THAL, 'DOD PA'I PHYIR, ZER NA MA KHYAB PO, ` RANG RGYAL GYI LAM SHES KYI RGYU NGES CHA, BZHI PA RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN NI, BTAGS PA'I CHOS NYID MI 'GAL BAR, ,ZHES PA NAS, RNAM PA CAN NI CHOS KYI MCHOG ,CES PA'I BAR GSUNGS TE, DE'I DON NI 'GREL PA LAS, GZUGS LA SOGS PA'I CHOS KYI BRDA LAS BYUNG BA'I BTAGS PA'I CHOS NYID DANG MI 'GAL BAR RAB TU STON PA DANG, ZHES PA NAS, NGES PAR 'BYED PA'I CHA DANG MTHUN PA RNAMS SKYE BA YIN NO, ,ZHES PA'I BAR GSUNGS, DE DAG GANG LAS 'PHROS PA YOD DE, GZUGS NI BTAGS PA TZAM MO, ,BTAGS PA TZAM GANG YIN PA DE @028B NI CHOS NYID DE, DE NI GNAS BRTAN RAB 'BYOR GYIS MI 'GAL BAR BSTAN TO, ,ZHES PA NAS, TSE DANG LDAN PA SH'A RI'I BU DE NI 'DI LTAR GZUGS GZUGS KYI RANG BZHIN GYIS MED DO, ,ZHES SOGS KYI MDO LAS 'PHROS PA'I PHYIR, 'DI'I SKABS SU RTZA BA'I DON DANG, MTHA' DPYAD PA GNYIS LAS, DANG PO NI, SHES BYA CHOS CAN, RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN DE LA BZHI YOD DE, PHYI DON MED PAR RTOGS KYANG BRDAR BTAGS PA'I CHOS NYID DANG MI 'GAL BAR CHOS STON PA'I RNAM PA CAN GYI THEG CHEN GYI SBYOR LAM DRO BAR GYUR PA DANG, GZUGS LA SOGS PA PHYI ROL GYI DON DU 'GRIB PA MED PAR RTOGS PA LA SOGS PAS PHYE BA'I RTZE MOR GYUR PA DANG, NANG STONG PA NYID LA SOGS PA RTOGS PA'I MTHU YIS GZUGS SOGS PHYI ROL DON DU MI 'DZIN PA'I PHYIR DU ZHUGS PA'I BZOD PA DANG, GZUGS SOGS PHYI ROL PHYI DON DU SKYE BA MED PA SOGS KYI RNAM PA CAN DU RTOGS PA'I THEG CHEN GYI SBYOR LAM CHOS KYI MCHOG CES BYA BA RNAMS SU YOD PA'I PHYIR,, ` ,,GNYIS PA MTHA' DPYAD PA LA GNYIS LAS, DANG PO LA, KHA CIG ,RANG RGYAL GYI LAM SHES PA'I LAM SHES KYI RGYUR GYUR PA'I THEG CHEN GYI NGES 'BYED CHA MTHUN, RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID ZER NA, RANG RGYAL GYI LAM SHES PA'I LAM SHES KYI 'BRAS BUR GYUR PA'I GANG ZAG GI BDAG MED RTOGS PA'I THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, RANG RGYAL GYI LAM SHES PA'I LAM SHES KYI RGYU YIN PAR THAL LO, ,KHA CIG ,RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN YIN NA, SKABS 'DIR DNGOS SU BSTAN PA'I DE YIN PAS KHYAB ZER NA, DE MI 'THAD PAR THAL, GZHUNG 'DIS GANG ZAG GI BDAG MED RTOGS PA'I THEG CHEN GYI SBYOR LAM DE RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN GYI SHUGS LA BSTAN PA'I PHYIR, KHA CIG ,PHYI DON MED @029A *, ,PAR RTOGS PA'I THEG CHEN GYI SBYOR LAM DE, GZHUNG 'DI'I SHUGS BSTAN GYI RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN YIN ZER NA, RE ZHIG DE MI 'THAD PAR THAL, DE GZHUNG 'DI'I DNGOS BSTAN YIN PA'I PHYIR TE, DE LTAR RNAM BSHAD LAS GSUNGS PA'I PHYIR, 'ON KYANG 'GREL PAR SHUGS BSTAN DU GSUNGS PA'I DON NI, STONG NYID RTOGS PA'I THEG CHEN SBYOR LAM DANG, DE GNYIS KYI NANG NAS DE SHUGS BSTAN DANG 'DRA BA'I DON NO,, ,TSUL 'DI NI GONG GI NYAN THOS KYI SKABS DANG MTSUNGS PAR SBYOR RUNG NGO,, ` ,,GNYIS PA RANG LUGS NI, RANG RGYAL GYI RTOGS RIGS SU GNAS PA'I THEG CHEN GYI DON MNGON RTOGS, RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID DO,, ` PHAN YON CAN GYI THEG CHEN GYI MTHONG LAM, ,GSUM PA BYANG SEMS KYI LAM SHES PA'I LAM SHES 'CHAD PA LA GNYIS, MTHONG LAM DANG, SGOM LAM BSHAD PA'O, ,DANG PO LA GNYIS, MDER BSTAN PA DANG, RGYAS PAR BSHAD PA'O, ,DANG PO NI, BDEN DANG BDEN LA BZOD PA DANG, ,ZHES PA NAS, PHAN YON BCAS PA 'DI BSHAD DO, ,ZHES PA'I BAR GSUNGS TE, DON NI, 'GREL PA LAS, LAM SHES PA NYID KYI SKABS SU, ZHES PA NAS, PHAN YON CHEN PO ZHES BRJOD DO, ,ZHES PA'I BAR GSUNGS, DE DAG GANG LAS 'PHROS PA YOD DE, BTZUN PA SH'A RI'I BU SHES RAB KYI PHA ROL TU PHYIN PA GANG LAS BTZAL BAR BYA, SH'A RI'I BUS SMAS PA, KOO SHI KA, SHES RAB KYI PHA ROL TU PHYIN PA NI, RAB 'BYOR GYI LE'U LAS BTZAL BAR BYA'O, ,ZHES PA'I MDO LAS 'PHROS PA'I PHYIR, 'DI'I SKABS SU RTZA BA'I DON NI, SHES BYA CHOS CAN, LAM SHES NYID KYI SKABS LA MTHONG BA'I LAM PHAN YON DANG BCAS PA 'DI BSHAD PAR BYA BA YIN TE, DE YANG SDUG KUN GYI BDEN PA DANG 'GOG LAM GYI BDEN PA LA BZOD PA DANG SHES PA'I SKAD CIG MA RNAM PA BZHI BZHI YI SGO @029B NAS BSHAD PAR BYA BA'I PHYIR,, ,,GNYIS PA RGYAS PAR BSHAD PA NI, DE BZHIN NYID DANG SANGS RGYAS DAG ,CES PA NAS, LAM SHES NYID KYI SKAD CIG MA, ,ZHES PA'I BAR GYIS RGYAS PAR BSHAD CING, DON NI 'GREL PA LAS, DON DAM PA'I TSUL GYIS DE BZHIN NYID DANG SANGS RGYAS DAG LA RTEN DANG BRTEN PA'I DNGOS PO MED PAS DE'I PHYIR, ZHES PA NAS, LAM SHES PA NYID KYI SKAD CIG MA DAG YIN NO, ,ZHES PA'I BAR GSUNGS, DE DAG GANG LAS 'PHROS PA YANG YOD DE, GZUGS KYI DE BZHIN NYID LA DE BZHIN GSHEGS PA MI DMIGS, DE BZHIN GSHEGS PA LA YANG GZUGS KYI DE BZHIN NYID MI DMIGS, ZHES PA NAS, SEMS CAN THAMS CAD DANG THUN MONG DU BYAS TE MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,ZHES PA'I BAR GYI MDO LAS 'PHROS PA'I PHYIR, 'DI'I SKABS SU RTZA BA'I DON DANG, MTHA' DPYAD PA GNYIS LAS, DANG PO NI, SHES BYA CHOS CAN, THEG CHEN GYI MTHONG LAM SHES BZOD SKAD CIG MA BCU DRUG YOD DE, DON DAM PAR SDUG BDEN GYI DE BZHIN NYID DANG SANGS RGYAS TE DE MNGON SUM DU RTOGS PA'I YUL CAN GYI YE SHES DAG PHAN TSUN RTEN PA DANG BRTEN PA MED PA'I PHYIR NA DON DAM PAR RTEN BRTEN PA'I RNAM GRANGS KHAS MI LEN PA STE KHAS LEN PA MED PAR RTOGS PA'I THEG CHEN GYI MTHONG LAM SDUG BSNGAL CHOS BZOD DANG, GZUGS SOGS KYI CHOS DBYINGS RGYA CHE BA DON DAM PAR MED PAR RTOGS PA'I SHER PHYIN CHEN PO SDUG BSNGAL CHOS SHES DANG, SDUG BSNGAL DON DAM PAR 'JAL BA'I TSAD MA MED PAR RTOGS PA'I SDUG BSNGAL RJES BZOD DANG BCAS PA DANG, SDUG BSNGAL GYI TSAD DON DAM PAR MED PAR RTOGS PA'I SDUG BSNGAL RJES SHES DANG, KUN 'BYUNG DON DAM PAR RTAG CHAD KYI MTHA' MED PAR RTOGS PA'I KUN 'BYUNG CHOS BZOD DANG, CHOS BZOD DER @030A *, ,GNAS NAS GZUGS LA SOGS PA LA SANGS RGYAS KYI RANG BZHIN BDEN STONG NYID DU NGES PAR 'DZIN PA'I KUN 'BYUNG CHOS SHES DANG, DON DAM PAR BLANG BA MED CING DOR BA MED PA SOGS SU RTOGS PA'I KUN 'BYUNG RJES BZOD DANG, BYAMS PA LA SOGS PA TSAD MED BZHI SGOM PA'I YON TAN DANG LDAN PA'I KUN 'BYUNG RJES SHES DANG, 'GOG PA'I RANG BZHIN STONG PA NYID MNGON SUM DU RTOGS PA'I 'GOG PA CHOS BZOD DANG, 'DRAS BU SANGS RGYAS NYID NI 'THOB PAR BYED PA'I 'GOG PA CHOS SHES DANG, RNAM PAR BYANG BA'I RIGS KUN YONGS SU BSDUS PA'I 'GOG PA RJES BZOD DANG, PHYI'I 'TSE BA NYAM NGA BA DANG NANG GI NAD KUN SEL BAR BYED PA'I 'GOG PA RJES SHES DANG LAM BDEN GYI THOB BYA MTHAR THUG GI MYA NGAN LAS 'DAS PA NI BDEN 'DZIN GYI SPROS PA ZHI BA'I BDEN STONG NYID DU RTOGS PA'I LAM CHOS BZOD DANG, SANGS RGYAS BCOM LDAN 'DAS RNAMS KYIS RANG NYID LA GNAS PA'I RNAL 'BYOR PA BSRUNG BA LA SOGS PAR BYED PA'I LAM CHOS SHES DANG, SROG MI GCOD PA LA SOGS PA'I DGE BA BCU PO RNAM PA KUN MKHYEN PA'I SANGS RGYAS SGRUB PAR BYED PA'I TSUL LA NI BDAG NYID KYANG GNAS TE, SEMS CAN GZHAN DAG 'GOD PAR BYED PA'I LAM RJES BZOD DANG, SBYIN PA LA SOGS PA PHYIN DRUG GI DGE RTZA RNAMS RDZOGS PA'I BYANG CHUB TU BSNGO BAR BYED PA'I LAM RJES SHES TE, MDOR NA LAM SHES NYID KYI SKABS SU MTHONG LAM SKAD CIG MA BCU DRUG YOD PA'I PHYIR,, ` ,,GNYIS PA MTHA' DPYAD PA LA GSUM LAS, DANG PO LA, KHA CIG , NGAN SONG GSUM DANG SGRA MI SNYAN PA TSE DE LA MTSAMS MED PA'I LAS STOBS CHEN BSAGS LA MA SBYANGS PA RNAMS KYI RTEN LA MTHONG LAM GSAR DU SKYE BA YOD ZER NA, DE MED PAR THAL, DE DAG GI RTEN LA MTHONG LAM GSAR DU SKYE BA LA GEGS BYED @030B KYI SGRIB PA CHEN POS BSGRIBS PA'I PHYIR, KHA CIG ,ZA MA DANG MA NING GI RTEN DANG, KHAMS GONG MA'I RTEN LA DE GSAR DU SKYE BA YOD ZER NA, DE MI 'THAD PAR THAL, SNGA MA DE GNYIS KYI RTEN LA MTHONG LAM GSAR DU SKYE PA LA GEGS BYED KYI NYON MONGS PA'I SGRIB PA SHAS CHEN POS BSGRIBS, KHAMS GONG MA'I RTEN GYI SO SO SKYE BO RNAMS SKYO SHAS CHUNG BA'I PHYIR, PHYI MA DER THAL, BSDU BA LAS, GZUGS KYI KHAMS DANG GZUGS MED PA'I KHAMS GONG MAR SKYES PAS KYANG DANG POR BDEN PA RNAMS MNGON PAR MI RTOGS TE, ZHES PA DANG, MDZOD LAS, GONG NA MTHONG LAM MED, ,MI SKYE, ,ZHES GSUNGS PA'I PHYIR, KHA CIG ,DE RNAMS KYI RGYUD LA DE GSAR DU SKYE BA MED, ZER NA, DE YOD PAR THAL, DE RNAMS KYI RGYUD LA RNAM MKHYEN GSAR DU SKYE BA YOD PA GANG ZHIG ,DE RNAMS KYI RGYUD LA MTHONG LAM DANG RNAM MKHYEN GNYIS SKYE DGOS SU MTSUNGS PA'I PHYIR, KHA CIG ,THEG CHEN MTHONG LAM GYI SEMS RTEN YIN NA, DE'I RGYU YIN PAS KHYAB ZER NA, THEG CHEN MTHONG LAM GYI NGO BOR GYUR PA'I BSAM GTAN GYI DNGOS GZHI CHOS CAN, DER THAL, DE'I PHYIR, DER THAL, THEG CHEN GYI MTHONG LAM DE RANG DANG NGO BO GCIG PA'I SEMS RTEN BSAM GTAN BZHI PA'I SEMS RTEN LA BRTEN NAS SKYES PA'I PHYIR, DER THAL, SEMS RTEN PHAL CHER SA DE DANG DE'I NGO BOR SKYES PA ZHIG LA 'JOG DGOS PA'I PHYIR, 'DOD MI NUS TE, DE THEG CHEN MTHONG LAM DANG NGO BO GCIG YIN PA'I PHYIR, DER THAL, CHOS CAN DE YIN PA'I PHYIR, KHA CIG ,THEG CHEN MTHONG LAM GYI SEMS RTEN YIN NA, DE DANG NGO BO GCIG YIN PAS KHYAB ZER NA, THEG CHEN SBYOR LAM CHOS MCHOG SKAD CIG THA MA'I YE SHES CHOS CAN, DER THAL, DE'I PHYIR, DER THAL, THEG CHEN GYI MTHONG LAM DE RANG GI SEMS RTEN CHOS MCHOG SKAD CIG THA MA'I YE SHES LA BRTEN NAS SKYES PA'I PHYIR, KHA CIG MA KHYAB ZER, 'DOD MI NUS TE, DE THEG @031A *, ,CHEN MTHONG LAM GYI RGYU YIN PA'I PHYIR, KHA CIG, THEG CHEN MTHONG LAM BAR CHAD MED LAM DE, 'DOD SEMS LA BRTEN NAS SPYI BO ZER NA, DE MI 'THAD PAR THAL, 'DOD SEMS DANG SBYOR LAM CHOS MCHOG SKAD CIG THA MA'I GZHI MTHUN YANG MED, DE DANG THEG CHEN MTHONG LAM BAR CHAD MED LAM GYI GZHI MTHUN YANG MED PA'I PHYIR, DER THAL, DE GNYIS GANG RUNG YIN NA, MNYAM GZHAG GI SAS BSDUS DGOS, 'DOD SEMS YIN NA, MNYAM PAR MA BZHAG PA'I SAS BSDUS DGOS PA'I PHYIR, KHA CIG ,BDEN BZHI MI RTAG SOGS BCU DRUG MNGON SUM DU RTOGS PA'I BDEN PA MNGON RTOGS, MTHONG LAM GYI MTSAN NYID ZER NA, STONG NYID MNGON SUM DU RTOGS PA'I MTHONG LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, BDE MA BZHI MNGON SUM DU RTOGS PA'I YE SHES YIN PAR THAL, 'DOD PA'I PHYIR, 'DOD NA, DE CHOS CAN, RANG GI GZHAL BYA KUN RDZOB MNGON SUM DU RTOGS PA'I YE SHES YIN PAR THAL, 'DOD PA'I PHYIR, 'DOD MI NUS TE, STONG NYID MNGON SUM DU RTOGS PA'I SLOB LAM YIN PA'I PHYIR, KHA CIG ,MI RTAG SOGS BCU DRUG BDEN STONG SPROS BRAL DU MNGON SUM DU RTOGS PA'I THEG CHEN GYI BDEN PA MNGON RTOGS, THEG CHEN MTHONG LAM GYI MTSAN NYID ZER NA, BYANG SEMS MTHONG LAM PA'I RGYUD KYI THEG CHEN SEMS BSKYED CHOS CAN, MTSAN NYID DER THAL, MTSON BYA DE'I PHYIR, DER THAL, BYANG SEMS MTHONG LAM PA'I RGYUD KYI MKHYEN PA YIN PA'I PHYIR, 'DOD NA, STONG NYID MNGON SUM DU RTOGS PA'I YE SHES YIN PAR THAL, 'DOD PA'I PHYIR, 'DOD MI NUS SO, ,KHA CIG ,THEG CHEN SBYOR LAM CHOS MCHOG GI RJES SU BYUNG BA'I THEG CHEN GYI BDEN PA MNGON RTOGS, THEG CHEN MTHONG LAM GYI MTSAN NYID ZER NA, THEG CHEN SBYOR LAM CHOS MCHOG GI RGYUR GYUR @031B BA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, RTAGS SLA, 'DOD NA, DE MI 'THAD PAR THAL, THEG CHEN GYI SBYOR LAM CHOS MCHOG GI SNGA ROL DU BYANG PA'I PHYIR, DE DER THAL, DE'I RGYU YIN PA'I PHYIR, KHA CIG ,THEG FCHEN MTHONG LAM SHES BZOD SKAD CIG MA BCU DRUG PO RNAMS RIM CAN DU SKYE STE, SDUG BSNGAL CHOS BZOD SKYES PA'I RJES SU SDUG BSNGAL RJES BZOD SKYE BA SOGS RIGS 'GRE BA'I PHYIR, ,DE MI 'THAD BAR THAL, THEG CHEN MTHONG LAM BZOD PA BRGYAD CIG CAR DU SKYE ZHING, SHES PAR BRGYAD KYANG CIG CAR DU SKYE BA'I PHYIR, DER THAL, THEG CHEN MTHONG LAM BAR CHAD MED LAM YIN NA, BZOD PA BRGYAD KA YIN DGOS, THEG CHEN MTHONG LAM RNAM GROL LAM YIN NA, SHES PA BRGYAD KA YIN DGOS PA'I PHYIR, KHA CIG ,THEG CHEN MTHONG LAM SHES BZOD SKAD CIG MA BCU DRUG PO CIG CAR RIM CAN GANG RUNG DU MI SKYE STE, CIG CAR SKYE NA, BAR CHAD MED LAM DANG RNAM GROL LAM GNYIS CIG CAR DU SKYE DGOS LA, RIM GYIS SKYE NA, BZOD PA BRGYAD KYANG RIM GYIS SKYE DGOS PA'I PHYIR, PHYIR ZER NA, DE MI 'THAD PAR THAL, 'DUS BYAS YIN NA, CIG CAR RIM CAN GANG RUNG DU SKYE DGOS PA'I PHYIR, DER THAL, DE YIN NA, DE GANG RUNG DU GRUB DGOS PA'I PHYIR, KHA CIG ,YUL BDEN BZHI'I CHOS NYID RTOGS PA'I CHA NAS BZOD PA BRGYAD DANG YUL CAN BZOD PA BRGYAD PO RNAMS RTOGS PA'I CHA NAS RJES SHES BRGYAD DU 'JOG ZER NA, DE MI 'THAD PAR THAL, YUL CAN BZOD PA BRGYAD MNGON SUM DU RTOGS PA'I THEG CHEN GYI MTHONG LAM RJES SHES MED PA'I PHYIR, DER THAL, KUN RDZOB MNGON SUM DU RTOGS PA'I THEG CHEN MTHONG LAM RNAM GROL LAM MED PA'I PHYIR, RTAGS BSGRUB ZIN, KHA CIG ,THEG CHEN MTHONG LAM BAR CHAD MED LAM PA'I RGYUD KYI SHES PA YIN NA, MTHONG LAM BAR CHAD MED LAM YIN PAS KHYAB ZER NA, THEG CHEN MTHONG LAM @032A *, ,BAR CHAD MED LAM NYAMS SU MYONG BA'I RANG RIG MNGON SUM CHOS CAN, DER THAL, DE'I PHYIR, 'DOD NA, RNAL 'BYOR MNGON SUM YIN PAR THAL, 'DOD PA'I PHYIR, KHA CIG ,THEG CHEN MTHONG LAM PA'I RGYUD KYI MNGON SUM DU GYUR PA'I YE SHES YIN NA, MTHONG LAM BAR CHAD MED LAM YIN PAS KHYAB ZER NA, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, RNAL 'BYOR MNGON SUM DU GYUR PA'I THEG CHEN GYI MTHONG LAM YIN PA'I PHYIR, 'DOD NA, STONG NYID MNGON SUM DU RTOGS PA'I YE SHES SU THAL LO, ,KHA CIG ,BYANG SEMS MTHONG LAM PA'I RGYUD LA RJES THOB YE SHES DANG MNGON SUM GYI GZHI MTHUN MED ZER NA, DE YOD PAR THAL, DE'I RGYUD KYI MYU GU BDEN STONG SGYU MA LTA BUR MNGON SUM DU RTOGS PA'I YE SHES DE MNGON SUM YIN PA'I PHYIR, DER THAL, LAM BSGRIGS LAS, RTEN 'BREL SGYU MA LTA BUR SNANG BA'I BLO 'DRE RUNG 'DZIN PA'I RTOG BRAL LO, ,ZHES GSUNGS PA'I PHYIR, KHA CIG ,THEG CHEN MTHONG LAM BAR CHAD MED LAM GYIS RANG NYID RTOGS ZER NA, DE MI 'THAD PAR THAL, DES RANG NYID MNGON SUM DU YANG MA RTOGS, SHUGS LA YANG MA RTOGS PA'I PHYIR, DANG PO DER THAL, THEG CHEN MTHONG LAM BAR CHAD MED LAM GYI GZHAL BYAR GYUR PA'I KUN RDZOB BDEN PA MED PA'I PHYIR, DER THAL, DE'I GZHAL BYA STONG NYID YIN PA'I PHYIR, KHO NA RE, DE'I GZHAL BYA YIN NA, STONG NYID YIN DGOS KYANG, DE'I GZHAL BYA STONG NYID MA YIN NO ZHE NA, DE MI 'THAD PAR THAL, DE NI TSIG TZAM LA BRTEN PA MA GTOGS RGYU MTSAN YANG DAG MED PA'I PHYIR, PHYI MA DER THAL, DE'I SHUGS RTOGS MED PA'I PHYIR, KHA CIG ,'DA' BYA GANG ZAG GI BDAG MED RTOGS PA'I THEG CHEN GYI MTHONG LAM DANG 'GA' BYED STONG NYID RTOGS PA'I THEG CHEN @032B GYI MTHONG LAM GNYIS KYI NANG NAS DANG POR 'DA' BYA'I MTHONG LAM DANG, DE RJES 'DA' BYED KYI MTHONG LAM SKYE'O ZER NA, DE MI 'THAD PAR THAL, THEG CHEN DU DANG PO NYID NAS RIGS NGES PA'I BYANG SEMS KYIS STONG NYID RTOGS PA'I THEG CHEN MTHONG LAM BAR CHAD MED LAM RANG RGYUD LA MA SKYES PAR GANG ZAG GI BDAG MED RTOGS PA'I MTHONG LAM SKYE BA'I SKABS MED PA'I PHYIR, KHA CIG ,GANG ZAG GI BDAG MED RTOGS PA'I 'DA' BYA'I MTHONG LAM RANG RGYUD LA MA SKYES PAR STONG NYID RTOGS PA'I MTHONG LAM SKYE BA MED ZER NA, DE YOD PAR THAL, DANG PO GANG ZAG GI BDAG MED RTOGS PA'I THEG DMAN GYI MTHONG LAM THOB NAS DE'I RJES SU STONG NYID RTOGS PA'I THEG CHEN GYI MTHONG LAM RGYUD LA SKYES PA'I BYANG SEMS YOD PA'I PHYIR, KHA CIG ,'DA' BYA 'DA' BYED KYI MTHONG LAM GNYIS 'GAL ZER NA, DE MI 'GAL BAR THAL, LHAG PA TSUL KHRIMS KYI BSLAB PA'I NGO BOR GYUR PA'I THEG CHEN GYI MTHONG LAM DE DE GNYIS KA YIN PA'I PHYIR, DER THAL, DE 'DA' BYED GANG ZHIG ,'DA' BYA'I MTHONG LAM YIN PA'I PHYIR, DANG PO DER THAL, BYANG SEMS KYIS RNAM MKHYEN THOB PA'I PHYIR DU LHAG PA TSUL KHRIMS KYI BSLAB PA LA GTZO BOR 'BAD DGOS PA'I PHYIR, PHYI MA DER THAL, THEG DMAN GYI RTOGS RIGS SU GNAS PA'I THEG CHEN GYI MTHONG LAM YIN PA'I PHYIR, DER THAL, THEG DMAN PAS THAR PA THOB PHYIR DU TSUL KHRIMS KYI BSLAB PA GTZO BOR NYAMS SU LEN DGOS PA'I PHYIR, KHA CIG ,MTHONG SPANG DNGOS SU SPONG BYED KYI BDEN PA MNGON RTOGS, MTHONG LAM BAR CHAD MED LAM GYI MTSAN NYID, DE DNGOS SU SPANGS PA'I BDEN PA MNGON RTOGS, MTHONG LAM RNAM GROL LAM GYI MTSAN NYID ZER NA, DANG PO LA NYAN THOS KYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, MTHONG SPANG SHES SGRIB DNGOS SU SPONG BYED YIN PAR THAL, 'DOD @033A *, ,PA'I PHYIR, 'DOD NA, NYAN THOS MTHONG LAM RNAM GROL LAM PA BAS MTHONG SPANG SHES SGRIB DNGOS SU SPANGS PAR THAL, 'DOD PA'I PHYIR, 'DOD MI NUS SO, ,PHYI MA LA NYAN THOS MTHONG LAM RNAM GROL LAM GYIS MA NGES SO, ,KHA CIG ,MTHONG SPANG SHES SGRIB SPONG BYED KYI THEG CHEN GYI BDEN PA MNGON RTOGS, THEG CHEN MTHONG LAM BAR CHAD MED LAM GYI MTSAN NYID, DE SPANGS PA'I THEG CHEN GYI BDEN PA MNGON RTOGS, THEG CHEN MTHONG LAM RNAM GROL LAM GYI MTSAN NYID ZER NA, PHYI MA MI 'THAD PAR THAL, BYANG SEMS MTHONG LAM RJES THOB PAS MTHONG SPANGS SHES SGRIB SPANGS PA'I PHYIR, DER THAL, DES MTHONG SPANG SHES SGRIB SPANGS PA'I RNAM GROL LAM THOB PA'I PHYIR, DER THAL, DES THEG CHEN MTHONG LAM RNAM GROL LAM THOB PA'I PHYIR, KHYAB STE, THEG CHEN MTHONG LAM RNAM GROL LAM GYIS MTHONG SPANG SHES SGRIB SPANGS PA'I PHYIR, KHA CIG ,THEG CHEN MTHONG LAM BAR CHAD MED LAM PA'I RGYUD LA THEG CHEN SEMS BSKYED SNGAR SKYES SHING PHYIS KYANG SKYE BA'I NUS PA MNYAM PAR YOD KYANG, DE'I RGYUD LA THEG CHEN SEMS BSKYED MED DO, ,GSUNG NA, RNAM BSHAD LTAR BYED NA, DE MI 'THAD PAR THAL, DE'I RGYUD LA THEG CHEN SEMS BSKYED YOD PA'I PHYIR, DER THAL, DE'I RGYUD LA THEG CHEN SEMS BSKYED YOD NA, SEMS CAN THAMS CAD KYI DON DU RDZOGS PA'I SANGS RGYAS THOB PAR BYA'O SNYAM PA'I THUGS BSKYED MNGON 'GYUR BA YOD MI DGOS PA'I PHYIR, DER THAL, DE LTAR MI DGOS PAR GSUNGS PA'I RNAM BSHAD KYI LUS SNGAR DRANGS ZIN PA'I PHYIR, 'DI LTAR BYED NA, DE'I RGYUD LA THEG CHEN SEMS BSKYED YOD KYANG DE THEG CHEN MTHONG LAM BAR CHAD MED LAM MA YIN NO, ,'ON KYANG, RJE BLA MAS DE LTAR YOD MED BZHED PA NI DNGOS SU MI GSAL YANG, RNAM BSHAD RIGS PA'I RGYA MTSO LAS, THEG CHEN MTHONG LAM BAR CHAD MED LAM PA'I RGYUD LA SHES SGRIB @033B KYI BAG CHAGS BSGO BA'I GZHIR GYUR PA'I YID SHES MED PA LTA BUR GSUNGS 'DUG PAS, DE LTAR NA, DE'I RGYUD LA THEG CHEN SEMS BSKYED KYANG MED DGOS SO, ,DE LTAR NA'ANG, STONG NYID RTOGS PA'I BYANG SEMS KYI RGYUD LA THEG CHEN SEMS BSKYED YOD DGOS TE, DE MED NA GNYID 'THUG PO SOGS KYI TSE YANG DE'I RGYUD LA THEG CHEN SEMS BSKYED MED PAR THAL BA'I PHYIR RO, ,KHA CIG ,THEG CHEN MTHONG LAM RNAM GROL LAM LAS LANGS PA'I RJES SU THEG CHEN SGOM LAM MA THOB KYI BAR DER STONG NYID MNGON SUM DU RTOGS PA'I THEG CHEN GYI MTHONG LAM SKYE BA MED ZER, KHA CIG ,DE YOD DO ZER NA, RE ZHIG LA, DANG PO DE MI 'THAD PAR THAL, DE LTAR YIN NA, SA DANG PO'I GNAS SKABS SU STONG NYID RIGS PA'I RNAM GRANGS DU MAS SGOM MI DGOS PA'I SKYON DU 'GYUR BA'I PHYIR, DER THAL, THEG CHEN MTHONG LAM RNAM GROL LAM LAS LANGS RJES SU SA GNYIS PA MA THOB GONG DER STONG NYID GTZO BOR SGOM PA'I MTHONG LAM MED PA'I PHYIR, DER THAL, DER STONG NYID MNGON SUM DU RTOGS PA'I MTHONG LAM MED PA'I PHYIR, MA KHYAB NA, THEG CHEN SGOM LAM SO SO'I RNAM GROL LAM LAS LANGS RJES SU RANG RANG GI SKAD CIG THA MA'I BAR CHAD MED LAM MA THOB KYI BAR DU STONG NYID MNGON SUM DU RTOGS PA MED PAR THAL, MA KHYAB PA DE'I PHYIR, 'DOD NA, BYANG SEMS 'PHAGS PAS THEG CHEN MTHONG LAM NAS SANGS RGYAS KYI BAR DU STONG NYID LAN 'DI TZAM ZHIG RTOGS ZHES GRANGS KYI MTHA' 'DZIN RIGS PAR THAL, DES THEG CHEN MTHONG LAM THOB PA NAS SANGS MA RGYAS KYI BAR DU STONG NYID MNGON SUM DU RTOGS PA LAN SUM CU TZAM LAS LHAG 'BYUNG BA MI SRID CES DAM BCA' RIGS PA'I PHYIR, DER THAL, DES SA BCU SO SO LA THOG MTHA'I BAR CHAD MED LAM GNYIS RE DANG SA SO SO'I RNAM GROL LAM RE RE DANG BCAS GSUM GSUM 'BYUNG ZHING DE LAS GZHAN DU SA DE RNAMS SU STONG NYID MNGON SUM DU RTOGS PA'I YE SHES ZUR MA 'BYUNG BA MED PA'I PHYIR, DER THAL, @034A *, ,KHYOD KYI DAM BCA' 'THAD PA'I PHYIR, 'DOD NA, MI 'THAD PAR THAL, 'TSANG RGYA BA LA MYUR NA BSKAL PA CHEN PO GRANGS MED GSUM DU TSOGS GSOG DGOS PA GANG ZHIG ,DE'I BAR DU STONG NYID RTOGS PA'I GRANGS KYI MTHA' 'DI TZAM ZHIG LAS MED CES 'DOD NA, BYANG SEMS KYIS 'TSANG RGYA BA LA YE SHES KYI TSOGS DPAG MED GSOG MI DGOS PAR KHAS BLANGS PAR 'GYUR BA'I PHYIR,, ` ,,GNYIS PA RANG GI LUGS LA, LUS RTEN SOGS GO BAR ZAD LA, BDEN PA MNGON RTOGS, MTHONG LAM GYI MTSAN NYID, DE LA DBYE NA, NYAN THOS KYI MTHONG LAM, RANG RGYAL GYI MTHONG LAM, THEG CHEN GYI MTHONG LAM DANG GSUM YOD, THEG CHEN GYI BDEN PA MNGON RTOGS, THEG CHEN GYI MTHONG LAM GYI MTSAN NYID, THEG DMAN GYI BDEN PA MNGON RTOGS, THEG DMAN GYI MTHONG LAM GYI MTSAN NYID, NYAN RANG SO SO'I MTHONG LAM LA'ANG RIGS PA SBYOR, STONG NYID MNGON SUM DU RTOGS PA'I THEG CHEN GYI BDEN PA MNGON RTOGS, STONG NYID LA RTZE GCIG TU MNYAM PAR BZHAG PA'I THEG CHEN GYI MTHONG LAM GYI MTSAN NYID DAM, YANG NA STONG NYID MNGON SUM DU RTOGS PA'I THEG CHEN MTHONG LAM GYI MTSAN NYID, DE LA, DER GYUR PA'I BAR CHAD MED LAM DANG RNAM GROL LAM GNYIS, BDEN 'DZIN KUN BTAGS KYI DNGOS GNYEN DU GYUR PA'I THEG CHEN GYI BDEN PA MNGON RTOGS, THEG CHEN MTHONG LAM BAR CHAD MED LAM GYI MTSAN NYID, BDEN 'DZIN KUN BTAGS LAS DNGOS SU GROL BA'I THEG CHEN GYI BDEN PA MNGON RTOGS, THEG CHEN MTHONG LAM RNAM GROL LAM GYI MTSAN NYID, DANG PO LA, DER GYUR PA'I BZOD PA BRGYAD DANG, PHYI MA LA DER GYUR PA'I SHES PA BRGYAD YOD, DANG PO BRGYAD 'JOG TSUL YOD DE, SDUG BSNGAL CHOS BZOD DANG, SDUG BSNGAL RJES BZOD GNYIS, DE BZHIN DU, KUN 'BYUNG, 'GOG PA, LAM LA'ANG SBYAR BAS @034B BRGYAD YOD PA'I PHYIR, PHYI MA BRGYAD YOD DE, SDUG BSNGAL CHOS SHES DANG, SDUG BSNGAL RJES SHES GNYIS, DE BZHIN DU LHAG MA GSUM LA'ANG SBYAR BAS BRGYAD YOD PA'I PHYIR, THEG CHEN MTHONG LAM BAR CHAD MED LAM DANG, THEG CHEN MTHONG LAM BZOD PA BRGYAD NGO BO GCIG LA LDOG PA THA DAD, THEG CHEN MTHONG LAM RNAM GROL LAM DANG, THEG CHEN MTHONG LAM SHES PA BRGYAD NGO BO GCIG LA LDOG PA THA DAD TZAM MO, ,YUL BDEN BZHI'I CHOS NYID MNGON SUM DU RTOGS PA LA SKRAG RIGS PA LA MI SKAG PA'I RGYU MTSAN GYIS CHOS BZOD DANG, YUL CAN CHOS BZOD KYI CHOS NYID MNGON SUM DU RTOGS PA LA SKRAG RIGS PA LA MI SKRAG PAS RJES BZOD CES BRJOD LA, BDEN 'DZIN KUN BTAGS SPANGS PA'I SGO NAS BDEN BZHI'I CHOS NYID MNGON SUM DU RTOGS PAS CHOS SHES DANG, DE'I SGO NAS CHOS SHES BZHI'I CHOS NYID MNGON SUM DU RTOGS PA'I RGYU MTSAN GYIS RJES SHES ZHES BRJOD DO, ,'DA' BYED 'DA' BYED KYI MTHONG LAM GNYIS KYI NANG NAS DANG POR 'DA' BYED STONG NYID MNGON SUM DU RTOGS PA'I THEG CHEN GYI MTHONG LAM SKYES PA'I RJES SU GANG ZAG GI BDAG MED MNGON SUM DU RTOGS PA'I 'DA' BYA'I THEG CHEN GYI MTHONG LAM SKYE BA YIN TE, BYANG SEMS KYIS STONG NYID MNGON SUM DU RTOGS PA'I THEG CHEN GYI MTHONG LAM MA THOB PAR GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM THOB PA MI SRID PA'I PHYIR, THEG CHEN MTHONG LAM PA DE THEG CHEN SGOM LAM DU 'PHOS PA'I DUS MTSAMS YOD DE, SA DANG PO'I NGOS SKAL GYI BSOD NAMS KYI TSOGS RDZOGS PA LA NYE BAR MNGON DU PHYOGS PA'I TSE SGOM SPANG BDEN 'DZIN GTZO BOR SPONG BA'I PHYIR DU STONG NYID LA MNGON SUM DU MNYAM PAR MI 'JOG TSUN CHAD MTHONG LAM DANG, DE LTAR MNYAM PAR BZHAG PA NA SGOM LAM DU 'PHOS PA YIN PA'I PHYIR,, ` ,,GSUM PA RTZOD PA SPONG BA LA, KHA CIG ,KHAMS GONG MA'I RTEN LA THEG @035A *, ,CHEN MTHONG LAM GSAR DU SKYE BA YOD PAR THAL, DE'I RTEN LA GSAR DU SKYES PA'I THEG CHEN GYI MTHONG LAM YOD PA'I PHYIR ZER NA, MA KHYAB, MA GRUB NA DER THAL, DE'I RTEN CAN GYI BYANG 'PHAGS YOD PA'I PHYIR, MA KHYAB NA, KHYAB PAR THAL, DE YOD NA DE'I RGYUD LA TSE DER GSAR DU SKYES PA'I MTHONG LAM YOD DGOS PA'I PHYIR, DER THAL, DE'I RGYUD LA MTHONG LAM GONG 'PHEL DU SONG BA YOD DGOS PA'I PHYIR, KHA CIG ,'DOD SEMS KYI SEMS RTEN LA BRTEN NAS SKYES PA'I THEG CHEN MTHONG LAM BAR CHAD MED LAM YOD PAR THAL, DE LA BRTEN NAS SKYES PA'I THEG CHEN GYI MTHONG LAM YOD PA'I PHYIR NA, MA KHYAB, MA GRUB NA, DER THAL, DE LA BRTEN NAS GSAR DU SKYES PA'I THEG CHEN GYI SGOM LAM YOD PA'I PHYIR, DER THAL, KHAMS GSUM DGU'I SEMS RTEN LA BRTEN NAS SKYES PA'I THEG CHEN GYI SGOM LAM YOD PA'I PHYIR, DER THAL, SA DGU LA NI CHEN PO YI, ,ZHES GSUNGS PA'I PHYIR, KHA CIG MA KHYAB ZER NA, DE YOD PAR THAL, DE LTAR YOD PAR 'GREL CHEN LAS BSHAD PA'I PHYIR, KHA CIG ,THEG CHEN GYI MTHONG LAM DE 'DOD SEMS LA BRTEN NAS GSAR DU SKYE BAR THAL, DE LA BRTEN NAS GSAR DU SKYE BA'I DE YOD PA'I PHYIR NA YANG MA KHYAB, KHA CIG ,THEG DMAN GYI MTHONG LAM YIN NA, MI RTAG SOGS BCU DRUG BDEN STONG SPROS BRAL DU MNGON SUM DU RTOGS PA'I YE SHES YIN DGOS PAR THAL, SKABS 'DIR DNGOS SU BSTAN PA'I THEG CHEN GYI MTHONG LAM LA DE LTAR DGOS PA'I PHYIR NA, MA KHYAB, MA GRUB NA DER THAL, GZHUNG 'DI'I DNGOS BSTAN GYI MTHONG LAM LA, STONG NYID MNGON SUM DU RTOGS PA'I THEG CHEN GYI MTHONG LAM GYIS KHYAB PA'I PHYIR, KHA CIG ,THEG CHEN GYI MTHONG LAM SHES BZOD SKAD CIG MA BCU DRUG PO DE, BYA RDZOGS KYI THUNG MTHA'I SKAD CIG MA YIN PAR THAL, DE BYA RDZOGS KYI SKAD CIG MA YIN PA'I PHYIR NA, MA KHYAB, MA GRUB NA DER THAL, DE BCU DRUG PO BYA RDZOGS KYI MNYAM GZHAG THUN @035B GCIG YIN PA'I PHYIR, DER THAL, THEG CHEN MTHONG LAM BAR CHAD MED LAM PAS MNYAM GZHAG DE LAS MA LANGS PAR THEG CHEN GYI MTHONG LAM RNAM GROL LAM MNGON DU BYED PA'I PHYIR, 'DOD MI NUS SO, ,KHA CIG ,THEG CHEN GYI MTHONG LAM SHES BZOD SKAD CIG MA BCU DRUG PO RNAMS CIG CAR RIM CAN GANG RUNG DU MI SKYE BAR THAL, DE RNAMS CIG CAR DU MI SKYE BA GANG ZHIG ,RIM CAN DU YANG MI SKYE BA'I PHYIR NA, MA KHYAB, DANG PO DER THAL, THEG CHEN GYI MTHONG LAM BAR CHAD MED LAM DANG, THEG CHEN GYI MTHONG LAM RNAM GROL LAM GNYIS CIG CAR DU MI SKYE BA'I PHYIR, PHYI MA GRUB NA DER THAL, THEG CHEN GYI MTHONG LAM BZOD PA BRGYAD PO'I MA CAN DU MI SKYE ZHING, SHES PA BRGYAD KYANG RIM CAN DU MI SKYE BA'I PHYIR, MA KHYAB NA, RNAMS ZHES PA'I MANG TSIG SMOS PA LA DON MED PAR THAL LO, ,'DOD MI NUS SO, ,ZER NA DE RNAMS CHOS CAN, DE RNAMS KYI LDOG PA MA YIN PAR THAL, THEG CHEN MTHONG LAM BZOD PA BRGYAD KYI LDOG PA MA YIN PA GANG ZHIG ,CIG SHOS KYI LDOG PA MA YIN PA'I PHYIR, KHYAB PA KHAS, RTAGS GSAL SLA'O, ,KHA CIG ,THEG CHEN MTHONG LAM BAR CHAD MED LAM GYIS RANG NYID RTOGS PAR THAL, DES RANG NYID GRUB PA'I PHYIR, DER THAL, DES RANG NYID 'GRUB PA'I PHYIR NA, MA KHYAB, RTAGS DER THAL, DES TSAD MA GZHAN LAM BLTOS PAR RANG NYID NGES PA'I NGES SHES 'DREN NUS PA'I PHYIR, KHO NA RE, NGES RANG NYID RTOGS PAR THAL, DES BYANG SEMS KYI LAM RTOGS PA'I PHYIR, DER THAL, DES BYANG SEMS KYI LAM SHES PA'I PHYIR, DER THAL, DE BYANG SEMS KYI LAM SHES PA'I LAM SHES YIN PA'I PHYIR NA, MA KHYAB, 'DOD MI NUS SO, , ZER NA, 'O NA BYANG SEMS KYI LAM SHES PA GANG ZHIG ,LAM SHES YIN NA, BYANG SEMS KYI LAM SHES PA'I LAM SHES YIN DGOS PAR THAL, DAM BCA' 'THAD PA'I PHYIR, 'DOD NA, GANG ZAG GI BDAG MED MNGON SUM DU RTOGS PA'I RNAM MKHYEN CHOS CAN, @036A *, ,DER THAL, DE'I PHYIR, 'DOD NA, THEG CHEN GYI RTOGS RIGS SU GNAS PAR THAL, 'DOD PA'I PHYIR, KHYAB STE, NYAN THOS KYI LAM SHES PA'I LAM SHES YIN NA, NYAN THOS KYI RTOGS RIGS SU GNAS PAS KHYAB PA GANG ZHIG ,RANG RGYAL GYI DE YIN NA, RANG RGYAL GYI RTOGS RIGS SU GNAS PAS KHYAB PA'I PHYIR, KHA CIG ,BYANG 'PHAGS KYI RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, THEG CHEN GYI RTOGS RIGS SU GNAS PAR THAL, THEG CHEN GYI LAM SHES PA'I LAM SHES YIN PA'I PHYIR, DER THAL, BYANG SEMS KYI LAM SHES PA'I LAM SHES YIN PA'I PHYIR, DER THAL, BYANG SEMS KYI LAM SHES YIN PA'I PHYIR NA, MA KHYAB BO, ,KHA CIG ,STONG NYID LA RTZE GCIG TU MNYAM PAR BZHAG PA'I YE SHES YIN NA, STONG NYID MNGON SUM DU RTOGS PA'I YE SHES YIN DGOS PAR THAL, DE LTAR BZHED PA'I TSUL ZHIG YOD PA'I PHYIR, 'DOD NA, MI 'THAD PAR THAL, STONG NYID RTOGS PA'I YE SHES YIN NA, STONG NYID LA RTZE GCIG TU MNYAM PAR BZHAG PA'I YE SHES YIN DGOS PA'I PHYIR, DER THAL, DE YIN NA, STONG NYID LA BLO RTZE GCIG PA YIN DGOS PA'I PHYIR NA, RE ZHIG MA KHYAB, MA GRUB NA, DER THAL, PHYI ROL TU SEMS RNAM PAR G-YENG BA'I STONG NYID RTOGS PA'I YE SHES MED PA'I PHYIR NA, MA KHYAB, KHA CIG ,'DA' BYA 'DA' BYED KYI THEG CHEN GYI MTHONG LAM GNYIS 'GAL BAR THAL, GANG ZAG GI BDAG MED RTOGS PA'I 'DA' BYA'I MTHONG LAM DANG, STONG NYID RTOGS PA'I 'DA' BYED KYI MTHONG LAM GNYIS 'GAL BA'I PHYIR NA, MA KHYAB, 'DOD NA, DE MI 'THAD PAR THAL, BKAG ZIN CING, DMAN PAS BRGYAD DANG BYANG SEMS KYI SA DGU PA MAN CHAD BYANG SEMS KYI 'DA' BYA'I SA YIN PA'I PHYIR, DER THAL, BYANG SEMS SA BCU PA BA DES 'DA' BYAS @036B DGU 'DAS NAS SA BCU PA THOB PA'I PHYIR, DER THAL, SA DGU 'DAS NAS YE SHES NI, ,ZHES SOGS GSUNGS PA'I PHYIR, GZHAN YANG, DE GNYIS MI 'GAL BAR THAL, THEG CHEN GYI MTHONG LAM DE GNAS NAS 'DA' BYED DANG 'DA' BYA GNYIS KA YIN PA'I PHYIR, DER THAL, DE BSGOM BYA DANG SGOM BYED GNYIS KA YIN PA GANG ZHIG ,BYANG SEMS MTHONG LAM PAS MTHONG LAM LA GNAS TE 'DAS NAS SGOM LAM MNGON DU BYED PAR 'GYUR BA'I PHYIR,, ` THEG CHEN SGOM LAM GYI BYED PA, GNYIS PA SGOM LAM BSHAD PA LA GNYIS, SGOM LAM GYI BYED PA DANG, BYED PA CAN GYI SGOM LAM MO, ,DANG PO NI, KUN NAS ZHI DANG THAMS CAD LA, ,ZHES PA NAS, RTEN MCHOD NYID, CES PA'I BAR GSUNGS TE, DON NI 'GREL PA LAS, RNAM PA THAMS CAD DU SEMS LA RANG DBANG NYID DU BYED PA DANG, ZHES PA NAS, BYED PA RNAM PA DRUG YIN NO, ,ZHES PA'I BAR GSUNGS, DE YANG GANG LAS 'PHROS PA YOD DE, DE LTAR BYANG CHUB SEMS DPA' SEMS DPA' CHEN PO RNAMS YONGS SU DUL BA DANG NGA RGYAL MA MCHIS PA'I DON DU NYE BAR GNAS PA NI NGO MTSAR CHE'O, ,ZHES PA NAS, SA PHYOGS DE SEMS CAN THAMS CAD KYI MCHOD RTEN DU 'GYUR BAR BYAS, ZHES SOGS KYI MDO LAS 'PHROS PA'I PHYIR, 'DI LA GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, THEG CHEN SGOM LAM BYED PA DE LA DRUG YOD DE, BYANG SEMS SGOM LAM PA'I SEMS KHENGS PA'I NGA RGYAL SOGS KUN NAS ZHI BA DANG, DE'I MTHUS DGE BA'I BSHES GNYEN THAMS CAD LA 'DUD PA DANG, DE'I MTHUS CHAGS SOGS KYI NYON MONGS CI RIGS PA'I G-YUL LAS RGYAL BA DANG, PHA ROL GYI GNOD PA BYAS PAS BRDZI BA MED PA NYID DANG BCAS PA'I SKYES BU BYED 'BRAS BZHI DANG, RDZOGS PA'I BYANG CHUB MNGON DU BYAS NAS CHOS NYID MNGON SUM DU MTHONG BA'I RGYU MTHUN GYI 'BRAS BU GCIG DANG, RTEN BYANG SEMS @037A *, ,SGOM LAM PA RANG NYID GNAS PA'I SA PHYOGS GZHAN GYIS MCHOD PA'I GNAS NYID DU GYUR PA'I BDAG PO'I 'BRAS BU GCIG DANG DRUG YOD PA'I PHYIR, ` GNYIS PA MTHA' DPYAD PA LA GSUM LAS, DANG PO LA KHA CIG , SGOM LAM BSGOMS STOBS KYIS THOB PA'I PHAN YON, THEG CHEN SGOM LAM GYI BYED PA'I MTSAN NYID ZER NA, NYAN THOS DGRA BCOM PA'I GO 'PHANG CHOS CAN, MTSON BYA DER THAL, MTSAN NYID DE'I PHYIR, MA GRUB NA DER THAL, NYAN THOS SGOM LAM BSGOMS STOBS KYIS THOB PA'I PHAN YON YIN PA'I PHYIR, 'DOD NA, THEG CHEN SGOM LAM BSGOM STOBS KYIS THOB PA'I PHAN YON YIN PAR THAL, 'DOD PA'I PHYIR, 'DOD MI NUS SO, ,KHA CIG, THEG CHEN SGOM LAM BSGOMS STOBS KYIS THOB PA'I YON TAN, 'DIR DNGOS SU BSTAN PA'I THEG CHEN SGOM LAM GYI BYED PA'I MTSAN NYID ZER NA, 'O NA, LAM MA ZHUGS NA RNAM MKHYEN SGOM PA MED PAR THAL, DE NA SGOM LAM SGOM PA MED PA'I PHYIR, DER THAL, DE NA SGOM LAM BSGOMS NAS PHAN YON THOB PA MED PA'I PHYIR, MA GRUB NA, DE CHOS CAN, 'DIR DNGOS SU BSTAN PA'I THEG CHEN SGOM LAM GYI BYED PA YIN PAR THAL, THEG CHEN SGOM LAM BSGOMS STOBS KYIS THOB PA'I YON TAN YIN PA'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, RTAGS KHAS, 'DOD MI NUS TE, LAM MA ZHUGS KYI CHOS YIN PA'I PHYIR, GONG DU 'DOD NA, DE YOD PAR THAL, DE NA MKHYEN GSUM GYI RNAM PA SGOM PA YOD PA'I PHYIR, DER THAL, MNGON RTOGS RGYAN GYI CHED DU BYA BA'I GDUL BYAS DANG POR GZHI SHES KYI RNAM PA NYAMS SU BLANGS TE BYANG CHUB TU SEMS BSKYED PA YOD PA'I PHYIR, GZHAN YANG, DE YOD PAR THAL, DE NA SANGS RGYAS SGOM PA YOD PA'I PHYIR, DER THAL, DE NA SANGS RGYAS KYI SKU SGOM PA YOD PA'I PHYIR, @037B DER THAL, DE BZHI GNAS KYI DMIGS RTEN DU DE SGOM PA YOD PA'I PHYIR, DER THAL, MDO LAS, GSER GYI KHA DOG LTA BU'I SKU LUS NI, ,ZHES SOGS GSUNGS PA'I PHYIR, KHA CIG ,RGYU MTHUN GYI 'BRAS BU DANG BDAG 'BRAS GANG RUNG YIN NA, THEG CHEN SGOM LAM GYI BYED PA YIN PAS KHYAB ZER NA, SROG GCOD PA'I RGYU MTHUN GYI 'BRAS BU SROG GCOD LA DGA' BA CHOS CAN, DER THAL, DE'I PHYIR, GZHAN YANG, MA DAG PA'I SNOD KYI 'JIG RTEN RNAMS CHOS CAN, DER THAL, DE'I PHYIR, DER THAL, BDAG 'BRAS YIN PA'I PHYIR, 'DOD MI NUS SO, ,KHA CIG ,SKYES BU BYED PA'I 'BRAS BU YIN NA, DE YIN PAS KHYAB ZER NA, NYAN THOS KYI MTHONG LAM CHOS CAN, DER THAL, DE'I PHYIR, DE DER THAL, NYAN THOS KYI MTHONG LAM BAR CHAD MED LAM DE SKYES BU BYED PA'I 'BRAS BUR BSHAD PA'I PHYIR, KHA CIG, THEG CHEN SGOM LAM GYI BYED PA YIN NA, GANG ZAG GI RGYUD KYI YON TAN YIN PAS KHYAB ZER NA, BYANG SEMS SGOM LAM PA BZHUGS PA'I GNAS MCHOD PA'I RTEN DU GYUR PA CHOS CAN, DER THAL, DE'I PHYIR, DE DER THAL, RTEN MCHOD NYID, CES GSUNGS PA'I PHYIR, 'DOD MI NUS TE, BYANG SEMS SGOM LAM PA BZHUGS PA'I GNAS SKYES BU'I SHES RGYUD KYIS SDUD MI NUS PA'I PHYIR,, ` GNYIS PA RANG LUGS LA, THEG CHEN SGOM LAM PAS SGOM LAM BSGOMS STOBS KYIS THOB PA'I PHAN YON THEG CHEN SGOM LAM GYI BYED PA'I MTSAN NYID, YANG NA 'DIR BSTAN SBYAR RO, ,DBYE NA SNGAR BSHAD PA LTAR DRUG YOD DO,, ` GSUM PA RTZOD PA SPONG BA LA, KHA CIG ,LAM MA ZHUGS NA THEG CHEN SGOM LAM GYI BYED PA YOD PAR THAL, DAM BCA' 'THAD PA'I PHYIR NA, MA KHYAB, KHA CIG ,BYANG SEMS SGOM LAM PA BZHUGS PA'I GNAS YIN NA, MCHOD RTEN YIN DGOS PAR THAL, DE BZHUGS PA'I GNAS MCHOD RTEN DU 'OS PA YOD PA'I PHYIR NA MA KHYAB, 'DOD NA, DE MI 'THAD PAR THAL, BYANG SEMS @038A *, ,SGOM PA 'DRI MI BZHUGS ZHES PA'I GNAS NGES CAN 'DZIN DKA' BA'I PHYIR, KHO NA RE, DE MI BZHUGS PA'I GNAS YOD DE, GZUGS MED KHAMS GZHI GRUB PA'I PHYIR, ZER NA, KHO BOS NI DE LTA BU LA BSAM PA MA YIN LA, DE LTAR NA SANGS RGYAS DANG, SEMS CAN GYIS DAG PA'I SA PHYOGS KYANG KHAS LONGS SHIG DANG HA CANG THAL BAR 'GYUR RO,, ` MOS PA SGOM LAM, GNYIS PA BYED PA CAN GYI SGOM LAM BSHAD PA LA GNYIS, ZAG BCAS SGOM LAM DANG, ZAG MED SGOM LAM BSHAD PA'O, ,DANG PO LA GSUM, MOS PA SGOM LAM, BSNGO BA SGOM LAM, RJES SU YI RANG SGOM LAM MO, ,DANG PO LA GNYIS, DNGOS DANG, DE'I PHAN YON NO, ,DANG PO NI, MOS PA RANG GI DON DANG NI, ,ZHES PA NAS, RNAM PA NYI SHU BDUN DU 'DOD, ,CES PA'I BAR GSUNGS TE, DON NI 'GREL PA LAS, RANG DANG GNYIS KA GZHAN GYI DON LA DMIGS PA NYID, CES PA NAS, MOS PA RNAM PA NYI SHU RTZA BDUN NO, ,ZHES PA'I BAR GSUNGS, GNYIS PA PHAN YON NI, SHES RAB PHA ROL TU PHYIN PA LA, ,ZHES PA NAS, BKUR BA DANG NI BSNGAGS PAR 'DOD, ,CES PA'I BAR GSUNGS TE, DON NI 'GREL PA LAS, JI LTAR MOS PA BZHIN MTHONG BA'I CHOS KYI MTSAN NYID, CES PA NAS, GCAM BU'I NGO BO NYID MA YIN NO, ,ZHES PA'I BAR GSUNGS, DE YANG GANG LAS 'PHROS PA YOD DE, SHES RAB KYI PHA ROL TU PHYIN PA 'DI 'DRI BA DANG, ZHES PA NAS, RAB 'BYOR GYIS SMRAS PA, KOO SHI KA KHYOD KYIS BYANG CHUB SEMS DPA'I THEG PA BA RNAMS LA MOS PA BSKYED PA LEGS SO LEGS SO, ,ZHES SOGS LAS 'PHROS PA YIN PA'I PHYIR, 'DI LA GNYIS, TSIG DON DANG, MTHA' DPYAD PA'O, ,DANG PO NI, THEG CHEN GYI MOS PA SGOM LAM CHOS CAN, RNAM PA GSUM DU SHES PAR BYA STE, RANG GI DON GYI MOS PA SGOM LAM DANG, DE BZHIN DU RANG GZHAN @038B GNYIS KA'I DON DANG, GZHAN DON MOS PA SGOM LAM DANG BCAS PA RNAMS SU YOD PA'I PHYIR, GSUM PO DE YANG NI CHOS CAN, KHYOD LA DBYE NA, SO SOR RNAM PA GSUM GSUM DU 'DOD DE, KHYOD RE RE LA DER GYUR BA'I CHU DANG 'BRING DANG CHEN PO'I MOS PA SGOM LAM RNAMS SU YOD PA'I PHYIR, CHUNG 'BRING CHEN PO DE YANG CHOS CAN, RE RE LA RNAM PA GSUM GSUM DU 'DOD PA YIN TE, MOS PA SGOM LAM CHUNG NGU'I CHUNG NGU SOGS TE CHUNG NGU'I 'BRING SOGS KYI DBYE BA YIS DE LTAR YOD PA'I PHYIR, SHES BYA CHOS CAN, DON BSDUS NA MOS PA SGOM LAM DE LA RNAM PA NYI SHU RTZA BDUN DU 'DOD PA YIN TE, SNGAR BSHAD PA BZHIN DGU GSUM NYI SHU RTZA BDUN DU 'GYUR BA DE LTA NA STE DE'I PHYIR, GNYIS PA PHAN YON NI, GZHUNG LAM 'BRAS BU'I SHES RAB KYI PHA ROL TU PHYIN PA LA RANG DON SOGS DON GSUM GYI 'BYUNG GNAS SU MOS PA'I GNAS SKABS RNAMS LA NI CHOS CAN, DE LTAR MOS PA'I BYANG SEMS SGOM LAM PA LA SANGS RGYAS BYANG SEMS KYI BSTOD PA DANG BKUR BA DANG NI BSNGAGS PAR 'DOD DE, DGU TSAN GSUM GYIS BSTOD BKUR BSNGAGS PAR 'DOD PA'I PHYIR,, ` GNYIS PA MTHA' DPYAD PA LA GSUM LAS, DANG PO LA KHA CIG ,BYED PA'I 'OG TU SGOM PA'I LAM STE, DE YANG ZAG PA DANG BCAS PA DANG ZAG PA MED PA'I BYE BRAG GIS RNAM PA GNYIS SO, , ZHES PA'I DNGOS BSTAN GYI ZAG BCAS LA, ZAG BCAS KYI KHYAB ZER NA, BYANG SEMS SGOM LAM PA'I RGYUD KYI THEG CHEN SEMS BSKYED CHOS CAN, DER THAL, DE'I PHYIR, DER THAL, ZAG PA DANG BCAS PA DANG ZHES PA'I DNGOS BSTAN GYI ZAG BCAS YIN PA'I PHYIR, 'DOD MI NUS TE, ZAG MED YIN PA'I PHYIR, DER THAL, LAM BDEN YIN PA'I PHYIR, KHA CIG ,MA KHYAB ZER NA, KHYAB STE, MDZOD LAS, ZAG MED LAM GYI BDEN PA DANG, ,ZHES GSUNGS PA'I PHYIR, KHA CIG ,ZAG BCAS @039A *, ,KYI DNGOS PO YIN NA, SPANG BYA YIN PAS KHYAB ZER NA, SO SO SKYE BA'I RGYUD KYI ZAG BCAS KYI DGE BA'I LAS CHOS CAN, DER THAL, DE'I PHYIR, DER THAL, ZAG BCAS KYI LAS YIN PA'I PHYIR, 'DOD NA SLA'O, ,KHA CIG ,ZAG BCAS YIN NA, ZAG PA YIN PAS KHYAB ZER NA, NYAN THOS DGRA BCOM PA'I ZAG BCAS NYER LEN GYI GZUGS PHUNG CHOS CAN, DER THAL, DE'I PHYIR, 'DOD NA, DE'I RGYUD LA ZAG PA YOD PAR THAL, 'DOD PA'I PHYIR, 'DOD MI NUS TE, DE ZAG PA SPANGS PA'I GANG ZAG YIN PA'I PHYIR, DER THAL, DGRA BCOM PA YIN PA'I PHYIR, KHYAB STE, THAMS CAD KYANG DGRA BCOM PA ZAG PA ZAD PA, ZHES GSUNGS PA'I PHYIR, KHA CIG ,ZAG BCAS SGOM LAM YIN NA, ZAG BCAS YIN PAS KHYAB ZER NA, THEG CHEN GYI MOS PA SGOM LAM CHOS CAN, DER THAL, DE'I PHYIR, DER THAL, SGRA DON 'DRES RUNG DU 'DZIN PA'I THEG CHEN GYI RJES LA MNGON RTOGS YIN PA'I PHYIR, KHYAB STE, SKABS 'DRI DNGOS SU BSTAN PA'I ZAG BCAS KYI DON DE LTAR YIN PA'I PHYIR, KHA CIG ,THEG CHEN MTHONG LAM GYI RJES SU BYUNG BA'I THEG CHEN GYI RJES LA MNGON RTOGS, THEG CHEN SGOM LAM GYI MTSAN NYID ZER NA, THEG CHE MTHONG LAM GYI RGYUR GYUR BA'I THEG CHEN SGOM LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, MI 'THAD PAR THAL, DE THEG CHEN GYI MTHONG LAM GYI SNGON DU BYUNG BA'I PHYIR, KHA CIG ,STONG NYID MNGON SUM DU RTOGS SHING SGOM PAR BYED PA'I THEG CHEN GYI RJES LA MNGON RTOGS, THEG CHEN SGOM LAM GYI MTSAN NYID ZER NA, DE MI 'THAD PAR THAL, STONG NYID MNGON SUM DU RTOGS PA MA YIN PA'I THEG CHEN GYI SGOM LAM YOD PA'I PHYIR, DER THAL, THEG CHEN SGOM LAM RJES THOB YE SHES YOD PA'I PHYIR, KHA CIG ,THEG CHEN SGOM LAM RJES THOB YE SHES @039B YIN NA, ZAG BCAS SGOM LAM YIN PAS KHYAB ZER NA, MYU GU BDEN STONG SGYU MA LTA BUR MNGON SUM DU RTOGS PA'I THEG CHEN SGOM LAM RJES THOB YE SHES CHOS CAN, DER THAL, DE'I PHYIR, 'DOD NA, RTOG PA YIN PAR THAL, 'DOD PA DE'I PHYIR, 'DOD MI NUS TE, MNGON SUM YIN PA'I PHYIR, KHA CIG ,THEG CHEN SGOM LAM MNYAM GZHAG YE SHES YIN NA, ZAG MED SGOM LAM YIN PAS KHYAB ZER NA, STONG NYID LA DON SPYI'I TSUL GYIS MNYAM PAR BZHAG PA'I THEG CHEN GYI SGOM LAM CHOS CAN, DER THAL, DE'I PHYIR, 'DOD MI NUS TE, RTOG PA YIN PA'I PHYIR, KHA CIG ,ZAG BCAS SGOM LAM YIN NA, THEG CHEN GYI SGOM LAM YIN PAS KHYAB ZER NA, NYAN THOS SGOM LAM PA'I RGYUD KYI BDAG MED DON SPYI'I TSUL GYIS RTOGS PA'I YE SHES CHOS CAN, DER THAL, DE'I PHYIR, RTAGS GSAL SLA'O, ,KHA CIG ,ZAG PA DANG BCAS PA'I THEG CHEN GYI RJES LA MNGON RTOGS, THEG CHEN GYI ZAG BCAS SGOM LAM GYI MTSAN NYID, ZAG PA DANG BRAL BA'I THEG CHEN GYI RJES LA MNGON RTOGS, THEG CHEN GYI ZAG MED SGOM LAM GYI MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS SGOM LAM PA'I RGYUD KYI THEG CHEN SEMS BSKYED CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, SGRA DON 'DRES RUNG DU 'DZIN PA'I THEG CHEN GYI RJES LA MNGON RTOGS YIN PA'I PHYIR, DER THAL, CHOS CAN DE'I PHYIR, 'DOD MI NUS TE, DGRA BCOM PA'I RGYUD LA ZAG PA MED PA'I PHYIR, PHYI MA LA DE CHOS CAN, MTSON BYA DER THAL, MTSAN NYID DE'I PHYIR, 'DOD NA SLA'O, ,KHA CIG ,MOS PA SGOM LAM YIN NA, MOS PA YIN PAS KHYAB ZER NA, MOS PA SGOM LAM DU GYUR BA'I GTZO SEMS CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, MOS PA SGOM LAM PA'I RGYUD LA GTZO SEMS @040A *, ,YOD PA'I PHYIR, 'DOD NA, SEMS BYUNG YIN PAR THAL LO, ,KHA CIG ,SGOM LAM DU GYUR PA'I MOS PA YIN NA, MOS PA SGOM LAM YIN PAS KHYAB ZER NA, NYAN THOS SGOM LAM PA'I RGYUD KYI THAR PA LA MOS PA'I MOS PA CHOS CAN, DER THAL, DE'I PHYIR, DER THAL, SGOM LAM GANG ZHIG ,MOS PA YIN PA'I PHYIR, 'DOD NA, THEG CHEN GYI SGOM LAM YIN PAR THAL, 'DOD PA'I PHYIR, KHA CIG ,YUM DON GSUM GYI 'BYUNG GNAS SU YID CHES PA'I THEG CHEN GYI ZAG BCAS SGOM LAM, MOS PA SGOM LAM GYI MTSAN NYID ZER NA, SA GNYIS PA BA'I RGYUD KYI MOS PA SGOM LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, YUM DON GSUM GYI 'BYUNG GNAS YIN PAR THAL, 'DOD PA DE'I PHYIR, 'DOD NA, YUM LAS DON GSUM PO 'BYUNG BAR THAL, 'DOD PA'I PHYIR, 'DOD NA, YUM LAS RANG DON 'BYUNG BAR THAL, 'DOD PA'I PHYIR, 'DOD NA, YUM LAS RANG DON CHOS SKU 'BYUNG BAR THAL, 'DOD PA'I PHYIR, 'DOD NA, YUM LAS DE SKYE BAR THAL LO, ,KHA CIG, YUM RANG 'BRAS RANG DON GYI 'BYUNG GNAS SU YID CHES PA'I THEG CHEN GYI ZAG BCAS SGOM LAM, RANG DON MOS PA SGOM LAM GYI MTSAN NYID, DE BZHIN DU GZHAN GNYIS LA'ANG SBYOR ZHING, MOS PA SGOM LAM GSUM PO 'GAL LO ZER NA, DE MI 'THAD PAR THAL, MOS PA SGOM LAM GSUM PO YIN KHYAB MNYAM YIN PA'I PHYIR, DER THAL, MOS PA SGOM LAM YIN NA, YID CHES DE GSUM GA DANG LDAN DGOS PA'I PHYIR, DER THAL, DE YIN NA, RANG GZHAN GYI DON GNYIS SGRUB PAR BYED PA'I SGOM LAM YIN DGOS PA GANG ZHIG ,DAM BCA' 'THAD PA'I PHYIR, KHO NA RE, MOS PA SGOM LAM DE LA, DON GSUM GYI NANG NAS GTZO BOR RANG DON DON DU GNYER BA'I SGO NAS RANG DON MOS PA SGOM LAM DANG, GZHAN GNYIS KA'ANG RIG PA SBYAR NAS 'JOG PA'I DON NO ZHE NA, DE YANG MI 'THAD PAR THAL, DE GSUM GYI NANG NAS @040B GTZO BOR RANG DON DON DU GNYER BA'I MOS PA SGOM LAM MED PA'I PHYIR, DER THAL, MOS PA SGOM LAM YIN NA, DE GSUM GYI NANG NAS GTZO BOR GZHAN DON DON DU GNYER BA'I SGOM LAM YIN DGOS PA'I PHYIR RO, ,KHA CIG ,MOS PA SGOM LAM GYI MOS YUL YIN NA, GZHUNG LAM 'BRAS BU SHER PHYIN GSUM PO GANG RUNG YIN PAS KHYAB ZER NA, SANGS RGYAS CHOS CAN, DER THAL, DE'I PHYIR, DER THAL, DE DES DAD PAR BYA BA'I YUL YIN PA'I PHYIR, DER THAL, DE MOS PA SGOM LAM GYI DAD PA'I GNAS YIN PA'I PHYIR, 'DOD MI NUS SO,, ` GNYIS PA RANG GI LUGS LA, SPYIR ZAG BCAS ZAG MED KYI 'JOG MTSAMS MI 'DRA BA YOD KYANG, SKABS 'DIR DNGOS BSTAN GYI DBANG DU BYAS NA SGRA DON 'DRES RUNG DU 'DZIN PA'I ZHEN RIG DANG BCAS MA BCAS LA BYED LA, DES NA SGRA DON 'DRES RUNG DU 'DZIN PA'I ZHEN RIG DANG BCAS PA'I THEG CHEN GYI RJES LA MNGON RTOGS, THEG CHEN GYI ZAG BCAS SGOM LAM GYI MTSAN NYID, DE DANG BRAL BA'I THEG CHEN GYI RJES LA MNGON RTOGS, THEG CHEN GYI ZAG MED SGOM LAM GYI MTSAN NYID, YANG NA, MTSAN NYID KYI STENG DU BRAL BA'I RIGS SU GNAS PA ZHES SBYOR BAR BYA'O, ,DANG PO LA GSUM, MOS PA SGOM LAM, BSNGO BA SGOM LAM, RJES SU YI RANG SGOM LAM MO, ,GNYIS PA LA GNYIS, SGRUB PA SGOM LAM DANG, RNAM DAG SGOM LAM MO, ,ZAG BCAS SGOM LAM DANG ZAG MED SGOM LAM GNYIS KA'I SA MTSAMS NI SA DANG PO NAS YOD PAR RNAM BSHAD LAS GSAL BAR BSHAD PAS, SA DANG PO NAS THEG CHEN GYI SGOM LAM RJES THOB YE SHES YOD PAR GRUB BO, ,YUM RANG 'BRAS DON GSUM PO GANG YANG RUNG BA'I 'BYUNG GNAS SU YID CHES PA'I RIGS SU GNAS PA'I SGRA DON 'DRES RUNG DU 'DZIN PA'I ZHEN RIG DANG BCAS PA'I THEG CHEN GYI RJES LA MNGON RTOGS, MOS PA SGOM LAM GYI MTSAN NYID, DE LA DBYE NA, RANG DON MOS PA SGOM LAM SOGS GSUM YOD @041A *, ,GSUM PO RE RE LA YANG CHUNG 'BRING CHEN PO GSUM GSUM YOD, MOS PA SGOM LAM GYI MOS YUL LA DU MA YOD KYANG, 'DIR NI GTZO BO'I DBANG DU BYAS NA GZHUNG LAM 'BRAS BU SHER PHYIN GSUM PO DE DE'I MOS YUL DANG, MOS PA SGOM LAM SGOM PA'I BYANG CHUB SEMS DPA' LA SANGS RGYAS BYANG SEMS THUGS DGYES PA'I CHA DANG DNGOS GNAS KYI YON TAN BRJOD PA'I CHA, MOS PA SGOM LAM GYI PHAN YON GYI NGO BO YIN LA, DE LA DER GYUR PA'I BSTOD PA CHUNG NGU 'BRING CHEN PO DGU, DE BZHIN DU BKUR BA DGU, BSNGAGS PA DGU'O, , ` GSUM PA RTZOD PA SPONG BA LA, KHA CIG ,BDEN 'DZIN RGYUD LA LDAN PA'I BYANG SEMS SGOM LAM PA'I RGYUD KYI YE SHES YIN NA, ZAG BCAS SGOM LAM YIN DGOS PAR THAL, BDEN 'DZIN YIN NA SGRA DON 'DRES RUNG DU 'DZIN PA'I ZHEN RIG YIN DGOS PA GANG ZHIG ,KHYOD KYI DAM BCA' 'THAD PA'I PHYIR ZER NA, 'DIR ZAG BCAS ZAG MED NI RANG NYID KYI NGO BO'I SGO NAS RTOG PA YIN MIN LA BYED KYI, RTOG PA GZHAN DANG BCAS MA BCAS TZAM LA MI BYED DO,, 'DOD NA, MI 'THAD PAR THAL, BDEN 'DZIN RGYUD LA LDAN PA'I BYANG SEMS KYI RGYUD LA MYU GU BDEN STONG SGYU MA LTA BUR MNGON SUM DU RTOGS PA'I YE SHES YOD PA'I PHYIR, KHO NA RE, PHYI ROL PA CHOS CAN, RTOG BRAL YIN PAR THAL, SGRA DON 'DRES RUNG DU 'DZIN PA'I ZHEN RIG MA YIN PA'I PHYIR, 'DOD NA, DE MA YIN PAR THAL, RTOG BCAS YIN PA'I PHYIR, DER THAL, PHYIN CI LOG GI RTOG PA DANG BCAS PA'I PHYIR, ZER NA, MA KHYAB, KHA CIG ,THEG CHEN GYI ZAG BCAS SGOM LAM DANG ZAG MED SGOM LAM GNYIS KA CHOS CAN, ZAG MED SGOM LAM YIN PAR THAL, SGRA DON 'DRES RUNG DU 'DZIN PA'I ZHEN RIG DANG BRAL BA'I THEG CHEN GYI RJES LA MNGON RTOGS YIN PA'I PHYIR, DER THAL, DE DANG BRAL BA GANG ZHIG ,THEG CHEN GYI RJES LA @041B MNGON RTOGS YIN PA'I PHYIR, ZER NA, 'O NA, ZAG BCAS SGOM LAM CHOS CAN, ZAG MED SGOM LAM YIN PAR THAL, ZAG MED GANG ZHIG ,SGOM LAM YIN PA'I PHYIR, KHYAB PA MTSUNGS, KHA CIG ,THEG CHEN GYI SGOM LAM DE, RTOG PA DANG BCAS MA BCAS GANG RUNG YIN PAR THAL, DE RTOG PA DANG LDAN MI LDAN GANG RUNG YIN PA'I PHYIR, DER THAL, DE RTOG PA DANG LDAN PA'I PHYIR, DER THAL, DE ZAG BCAS SGOM LAM DANG LDAN PA'I PHYIR, 'DOD NA, THEG CHEN GYI SGOM LAM CHOS CAN, RTOG PA DANG BCAS MA BCAS GANG RUNG MA YIN PAR THAL, SGRA DON 'DRES RUNG DU 'DZIN PA'I ZHEN RIG DANG BCAS MA BCAS GANG RUNG MA YIN PA'I PHYIR, MA GRUB NA, THEG CHEN GYI SGOM LAM CHOS CAN, KHYOD DE DANG BCAS PAR THAL, DE DANG BCAS MA BCAS GANG RUNG YIN, MA BCAS PA MA YIN PA'I PHYIR, 'DOD NA DE CHOS CAN, THEG CHEN GYI ZAG BCAS SGOM LAM YIN PAR THAL, SGRA DON 'DRES RUNG DU 'DZIN PA'I ZHEN RIG DANG BCAS PA'I THEG CHEN GYI RJES LA MNGON RTOGS YIN PA'I PHYIR, DER THAL, DE DANG BCAS PA GANG ZHIG ,THEG CHEN GYI RJES LA MNGON RTOG YIN PA'I PHYIR ZER NA, MA KHYAB, 'DOD MI NUS TE, KHYOD DU GYUR PA'I ZAG MED SGOM LAM YOD PA'I PHYIR, KHA CIG ,RTOG PA DANG BCAS PA'I THEG CHEN GYI ZAG MED SGOM LAM MED PAR THAL, DAM BCA' 'THAD PA'I PHYIR, 'DOD NA, DE YOD PAR THAL, BDAG 'DZIN DANG BCAS PA'I DE YOD PA'I PHYIR, DER THAL, MYU GU BDEN STONG SKYU MA LTA BUR MNGON SUM DU RTOGS PA'I BYANG SEMS KYI RGYUD LA ZAG MED SGOM LAM YOD PA'I PHYIR, ZER NA, SNGA MAR MA KHYAB SNYAM, YANG, SGRA DON 'DRES RUNG DU 'DZIN PA'I ZHEN RIG DANG BA'I ZAG MED SGOM LAM YOD PAR THAL, RTOG PA DANG BCAS PA'I ZAG MED SGOM LAM YOD PA'I PHYIR, ZER NA, ZHI BA CHA BYED DGOS PAR SNANG STE, SNGA MA NI RANG GI NGO BO'I SGO NAS DANG, PHYI MA NI DON GZHAN GYI DBANG DU BYED DGOS PA'I PHYIR, 'ON KYANG DPYAD PAR BYA'O, ,KHA @042A *, ,CIG ,RTOG PA MA YIN NA, RTOG BRAL YIN DGOS PAR THAL, DBANG SHES RTOG BRAL YIN PA LA RGYU MTSAN YANG DAG YOD PA'I PHYIR, 'DOD NA, DE MIN NA, DE DANG BRAL BA YIN DGOS PAR THAL, 'DOD PA'I PHYIR, ZER NA, MA KHYAB, 'DOD MI NUS TE, SKABS THOB LA DPYOD DGOS PA'I PHYIR, DE LTAR MI 'THAD NA, BU YIN NA, RANG GI PHA MA DANG BRAL DGOS PA HA CANG THAL LO, ,KHA CIG NA RE, RANG DON MOS PA SGOM LAM MA DAG SA BDUN PA ?, GNYIS DON MOS PA SGOM LAM DGAS DANG PO GNYIS DANG, GZHAN DON MOS PA SGOM LAM SA BCU PA KHO NA NA YOD PAR THAL, DE LTAR TSAD LDAN GYI GZHUNG LAS BSHAD PA'I PHYIR, ZER NA, SKYON MED DE, DE NI NANG GSES KYI DBANG DU BYAS NAS GTZO CHE BA LA DGONGS PA'I PHYIR, KHA CIG NA RE, SGRIB PA CHOS CAN, THEG CHEN SGOM LAM GYI MOS YUL YIN PAR THAL, MOS YUL YIN PA'I PHYIR, KHA CIG ,MA KHYAB ZER, MA GRUB NA DER THAL, LUNG RIGS RNAM DAG GIS GTAN LA PHAB PA'I DON YIN PA'I PHYIR, KHYAB STE, RNAM BSHAD LAS, SPYIR MOS YUL NI, LUNG RIGS KYIS GTAN LA PHAB PA'I DON YIN LA, ZHES GSUNGS PA'I PHYIR, ZER NA, MA KHYAB STE, SPYIR LUNG RIGS KYIS GRUB PA NI 'JUG PA'I GNAS YIN PAR BSTAN PA TZAM YIN PA'I PHYIR,, ` BSNGO BA SGOM LAM, GNYIS PA BSNGO BA SGOM LAM NI, YONGS SU BSNGO BA KHYAD PAR CAN, , ZHES PA NAS, CHE 'BYUNG BDAG NYID DO, ,ZHES PA'I BAR GSUNG STE, DON NI 'GREL PA LAS, JI SKAD BSHAD PA'I MOS PA KHYAD PAR CAN DANG, ZHES PA NAS, BSNGO BA RNAM PA BCU GNYIS SU BYED DO, ,ZHES PA'I BAR GSUNGS PA LAS, DE YANG GANG LAS 'PHROS PA YOD DE, RJES SU YI RANG DANG LDAN PA'I BSOD NAMS BYA BA'I DNGOS PO GANG YIN PA DE SEMS CAN THAMS CAD DANG THUN MONG DU BYAS TE, MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,ZHES PA NAS, DE NI MTSAN @042B MA'I TSUL LAM DMIGS PA'I TSUL GYIS YONGS SU BSNGO BAR MI NUS SO, ,ZHES SOGS MANG DU GSUNGS PA LAS 'PHROS PA'I PHYIR, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, 'PHAGS PA SGOM LAM PA'I YONGS SU BSNGO BA KHYAD PAR CAN DE'I BYAD PA NI BSNGO BA GZHAN LAS MCHOG YIN TE, DE NI RANG GZHAN GYI DGE RTZA RDZOGS BYANG CHUB SGYUR BAR BYED PAS KHYAD PAR DU BYAS PA YIN PA'I PHYIR, BSNGO BA DE NI CHOS CAN, KHYOD LA RNAM PA BCU GNYIS YOD DE, JI SKAD BSHAD PA'I BYED PA MCHOG DANG LDAN PA'I BSNGO BA DANG, BSNGO BYA'I RDZAS LA BDEN ZHEN 'GOG PA'I DMIGS MED KYI RNAM PA CAN GYI BSNGO BA DANG, GANG GIS BSNGO BAR BYED PA'I SEMS PHYIN CI MA LOG PA'I MTSAN NYID CAN GYI BSNGO BA DANG, BSNGO BA PO DON DAM PAR DBEN PAR RTOGS PA'I SHES RAB KYIS ZIN PA'I BSNGO BA DANG, RANG DANG SANGS RGYAS KYI BSOD NAMS DANG YE SHES KYI TSOGS KYI RANG BZHIN DON DAM PAR MI DMIGS PAR DRAN PA'I SPYOD YUL CAN GYI BSNGO BA DANG, PHYIN DRUG GI DGE RTZA DON DAM PAR MI DMIGS PAR BSNGO BA'I THABS MKHAS DANG BCAS PA'I BSNGO BA DANG, GANG GIS GANG DU GANG BSNGO BA'I 'KHOR GSUM LA BDEN ZHEN 'GOG PA'I MTSAN MA MED PA'I BSNGO BA DANG, DON DAM PAR MED KYANG RTEN 'BREL SGYU MA LTA BUR SHES NAS SANGS RGYAS KYI SAR BSNGO BA'I SANGS RGYAS KYIS RJES SU YI RANG BSNGO BA'I BSNGO BA DANG, 'KHOR BA'I RGYUR MI BSNGO BAS 'DOD PA'I KHAMS LA SOGS PA'I KHAMS GSUM DU GTOGS PA MA YIN PA'I BSNGO BA DANG, STONG GSUM GYI SEMS CAN THAMS CAD DGE BA BCU LA BKOD PA'I BSOD NAMS DANG MNYAM PA'I BSNGO BA CHUNG NGU DANG RGYUN DU ZHUGS PA LA BKOD PA'I 'BRING DANG, SANGS RGYAS KYI LAM LA BKOD PA'I BSOD NAMS CHEN PO 'BYUNG BA'I BSNGO BA DANG BCAS PA RNAMS SU YOD LA, DE RNAMS LAS PHYI MA GZHAN NI RNAM PA GSUM PO DE BSOD NAMS CHEN PO 'BYUNG BA'I @043A *, ,BDAG NYID CAN YIN PA'I PHYIR,, ` GNYIS PA MTHA' DPYAD PA LA GSUM LAS, DANG PO LA, KHA CIG ,RANG GZHAN GYI DGE RTZA RDZOGS BYANG DU BSNGO BA'I ZAG PA DANG BCAS PA'I THEG CHEN GYI RJES LA MNGON RTOGS, BSNGO BA SGOM LAM GYI MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS SGOM LAM PA'I RGYUD KYI BSNGO BA SGOM LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, ZAG PA DANG BCAS PAR THAL, 'DOD PA'I PHYIR, 'DOD MI NUS TE, ZAG PA DANG BRAL BA'I PHYIR, DER THAL, NYON SGRIB DANG BRAL BA'I PHYIR, KHA CIG NA RE, BYANG SEMS SGOM LAM PA'I RGYUD LA RANG GZHAN SO SO BA KHO NA'I DGE RTZA RDZOGS BYANG DU BSNGO BA'I SGOM LAM YOD ZER NA, DE MED PAR THAL, RANG GZHAN SO SO BA KHO NA'I CHED DU DGE RTZA BSNGO BA'I BYANG SEMS SGOM LAM PA MED PA'I PHYIR, DER THAL, BYANG 'PHAGS YIN NA RANG GZHAN GNYIS KA'I CHED DU DGE BA RDZOGS BYANG DU SGYUR BAR BYED PA'I GANG ZAG YIN DGOS PA'I PHYIR, KHA CIG NA RE, SKYES BU LHAS BYIN GYI DGE RTZA KHO NA RDZOGS BYANG DU BSNGO BA'I BSNGO BA SGOM LAM YOD DO ZHE NA, DE MI 'THAD PAR THAL, DE'I DGE RTZA KHO NA RDZOGS BYANG DU BSNGO BAR MI RUNG BA'I PHYIR, MA KHYAB NA, DE KHO NA RDZOGS BYANG DU BSNGO BA'I BSNGO BA SGOM LAM CHOS CAN, YE SHES MA YIN PAR THAL, SKYES BU LHAS BYIN GYI DGE RTZA KHO NA RDZOGS BYANG DU BSNGO MI RUNG BZHIN DU DER BSNGO RUNG BAR BZUNG NAS BSNGO BA'I SHES PA YIN PA'I PHYIR, RTAGS KHAS, GZHAN YANG, DE MI 'THAD PAR THAL, BSNGO BA SGOM LAM YIN NA, RANG GZHAN GNYIS KA'I DGE RTZA RDZOGS BYANG DU BSNGO BA'I BSNGO BA SGOM LAM YIN DGOS PA'I PHYIR,, ` GNYIS PA RANG LUGS LA, RANG GZHAN GYI DGE RTZA RDZOGS BYANG DU SGRUB PA'I YAN LAG TU BSNGO BA'I SGRA DON 'DRES RUNG DU 'DZIN PA'I ZHEN RIG DANG BCAS PA'I THEG CHEN GYI RJES LA @043B MNGON RTOGS, BSNGO BA SGOM LAM GYI MTSAN NYID, SKABS 'DIR DNGOS SU BSTAN PA LA SEMS BSKYED BSNGO BA SHES RAB GSUM GYIS ZIN PAS KHYAD PAR BYAS ZHES SBYAR RO,, ` GSUM PA RTZOD PA SPONG BA LA, KHA CIG NA RE, NYAN THOS KYI DGE RTZA RDZOGS BYANG DU BSNGO BA'I BSNGO BA SGOM LAM CHOS CAN, RANG LUGS KYI MTSAN NYID DER THAL, MTSON BYA DE'I PHYIR, DER THAL, DE YOD PA'I PHYIR, DER THAL, BYANG SEMS SGOM LAM PAS GZHAN GYI DGE BA CHUNG NGU LA YANG DGA' BA BSGOM PA YOD PA'I PHYIR, 'DOD NA, DE BYANG SEMS SGOM LAM PA RANG GI DGE RTZA RDZOGS BYANG DU BSNGO BA'I BSNGO BA SGOM LAM YIN PAR THAL, 'DOD PA'I PHYIR, 'DOD NA, DE MA YIN PAR THAL, GZHAN KHO NA'I DGE RTZA RDZOGS BYANG DU BSNGO BA'I BSNGO BA SGOM LAM YIN PA'I PHYIR, DER THAL, CHOS CAN DE'I PHYIR, ZER NA, MA KHYAB, YANG KHO NA RE, NYAN THOS KYI DGE RTZA NYAN THOS KYI BYANG CHUB TU BSNGO BA'I BSNGO BA SGOM LAM MED PAR THAL, NYAN THOS KYI DGE RTZA NYAN THOS KYI BYANG CHUB KHO NAR BSNGO BA'I BSNGO BA SGOM LAM MED PA'I PHYIR, ZER NA, MA KHYAB, 'DOD MI NUS TE, NYAN THOS RIGS NGES KYI SLOB PA'I DGE RTZA GTZO BOR RDZOGS BYANG DU BSNGOS NAS RE ZHIG NYAN THOS KYI BYANG CHUB TU BSNGO BA'I BSNGO BA SGOM LAM YOD PA'I PHYIR, KHA CIG NA RE, BYANG SEMS SGOM LAM PA'I RGYUD KYI DGE RTZA NYAN THOS KYI BYANG CHUB TU BSNGO BA'I BSNGO BA SGOM LAM YOD PAR THAL, NYAN RANG GI DGE RTZA BYANG CHUB TU BSNGO BA'I BSNGO BA SGOM LAM YOD PA'I PHYIR, ZER NA, MA KHYAB, 'DOD NA, DE MI 'THAD PAR THAL, NYAN RANG GI BYANG CHUB DON DU GNYER BA'I BSNGO BA SGOM LAM MED PA'I PHYIR,, ` RJES SU YID RANG SGOM LAM, GSUM PA RJES SU YI RANG SGOM LAM NI, THABS DANG MI DMIGS PA DAG GIS, ,ZHES PA NAS, 'DIR BRJOD DO, ,ZHES PA'I BAR GSUNGS TE, DON NI 'GREL PA LAS, RAB TU DGA' BA'I SEMS KYIS KUN RDZOB TU THABS KYIS, ,ZHES PA NAS, RANG GZHAN GYI @044A *, ,BSOD NAMS BYA BA MNYAM PA NYID DU 'THOB BO ZHES BYA BA 'DI YIN NO, ,ZHES PA'I BAR GSUNGS LA, DE YANG GANG LAS 'PHROS PA YOD DE, DE LTAR MI DMIGS PA'I TSUL GYIS BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA DANG, ZHES PA NAS, DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU BSNGO BAR BYA'O, ,ZHES PA'I BAR LAS 'PHROS PA'I PHYIR, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, BYANG SEMS SGOM LAM PA'I RGYUD KYI RANG GZHAN GYI DGE RTZA LA RJES SU YI RANG BAR MDZAD PA'I ZAG BCAS SGOM LAM CHOS CAN, KHYOD RJES SU YI RANG BA YID LA BYED PA'I SGOM PA'I LAM YIN PAR SKABS 'DIR BRJOD PA YIN TE, DGE RTZA RNAMS BDEN STONG SGYU MA LTA BUR RTOGS PA'I THABS DANG, DE RNAMS DON DAM PAR MI DMIGS PAR RTOGS PA'I SHES RAB KYIS ZIN PA DAG GI RANG GZHAN GYI DGE BA'I RTZA BA LA DGA' BA SGOM PA LA YID BDE DANG BCAS PA'I THEG CHEN GYI RJES LA MNGON RTOGS YIN PA'I PHYIR,, ` GNYIS PA MTHA' DPYAD PA LA GSUM LAS, DANG PO LA KHA CIG NA RE, RANG GZHAN GYI DGE RTZA LA DGA' BA SGOM PA'I THEG CHEN GYI RJES LA MNGON RTOGS, RJES SU YI RANG SGOM LAM GYI MTSAN NYID, ZER NA, THEG CHEN SGOM LAM BAR CHAD MED LAM PA'I RGYUD KYI RANG GZHAN GYI DGE RTZA LA DGA' BA SGOM PA'I YE SHES CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN SGOM LAM BAR CHAD MED LAM PA'I RGYUD LA, TSOGS GSOG PA LA DGA' BA'I YE SHES YOD PA'I PHYIR, DER THAL, DE'I RGYUD LA YE SHES KYI TSOGS BSGRUB PA LA DGA' BA'I YE SHES YOD PA'I PHYIR, DER THAL, DE'I RGYUD LA STONG NYID SGOM PA LA DGA' BA'I YE SHES YOD PA'I PHYIR, DER THAL, DE'I RGYUD LA STONG NYID SGOM PA'I DGA' BA YANG DAG BYANG CHUB KYI YAN LAG @044B YOD PA'I PHYIR, KHA CIG ,BYANG SEMS SGOM LAM PA'I RGYUD LA RANG RGYUD KYI DGE RTZA KHO NA LA DGA' BA SGOM PA'I YE SHES YOD ZER NA, DE MED PAR THAL, RANG RGYUD KYI DGE BA KHO NA LA DGA' BA SGOM PA'I BYANG SEMS SGOM LAM PA MED PA'I PHYIR, DER THAL, RANG RGYUD KYI DGE BA KHO NA SANGS RGYAS THOB PA'I THABS SU 'DZIN PA'I BYANG SEMS SGOM LAM PA MED PA'I PHYIR, DER THAL, RANG NYID KHO NA SANGS RGYAS SGRUB PA'I SKYES BUR 'DZIN PA'I BYANG SEMS SGOM LAM PA MED PA'I PHYIR, GZHAN YANG, DE MED PAR THAL, RANG DON KHO NA BYED PA LA DGA' BA'I BYANG SEMS 'PHAGS PA MED PA'I PHYIR, DER THAL, RANG DON KHO NA DON DU GNYER BA'I BYANG SEMS 'PHAGS PA MED PA'I PHYIR,, ` ,GNYIS PA RANG LUGS LA, RANG GZHAN GYI DGE RTZA LA DGA' BA SGOM PA'I SGRA DON 'DRES RUNG DU 'DZIN PA'I ZHEN RIG DANG BCAS PA'I THEG CHEN GYI RJES LA MNGON RTOGS, RJES SU YI RANG SGOM LAM GYI MTSAN NYID, SKABS 'DIR DNGOS SU BSTAN PA LA RANG GI GROGS YID BDE DANG MTSUNGS LDAN DU GYUR PA'I ZHES SBYOR,, ` GSUM PA RTZOD PA SPONG BA LA, BYANG SEMS SGOM LAM PAS NYAN THOS KYI DGE BA LA DGA' BA SGOM PA YOD PAR THAL, DES RANG GZHAN SEMS CAN SUS KYANG DGE BA BSGRUBS NA DE'I DGE BA GANG BSAGS PA LA DGA' BA SGOM PA'I PHYIR, DER THAL, DES RANG GZHAN SKYE 'PHAGS THAMS CAD KYIS DUS GSUM DU BSAGS PA'I DGE BA LA DGA' BA SGOM PA'I PHYIR, DER THAL, DES DE LA RJES SU YI RANG BA'I PHYIR, 'DOD NA, DES NYAN THOS KYI LAM LA DGA' BA SGOM PA YOD PAR THAL, 'DOD PA'I PHYIR, 'DOD NA, DES DMAN PA'I LAM LA DGA' BA SGOM PA YOD PAR THAL, 'DOD PA'I PHYIR, 'DOD NA, DES RANG BDE GCIG PU ZHI BDE DON GNYER LA DGA' BA SGOM PA YOD PAR THAL, 'DOD PA'I PHYIR NA, RE ZHIG MA KHYAB, 'DOD MI NUS TE, RANG BDE GCIG BZHI @045A *, ,BDE DON GNYER GYI BLO LA DGA' BA'I BYANG SEMS SGOM LAM PA MED PA'I PHYIR, ZER NA, MA KHYAB SNYAM, KHA CIG NA RE, BYANG SEMS SGOM LAM PAS RANG GZHAN SKYE 'PHAGS THAMS CAD KYI DGE BA LA DGA' BA SGOM PAS BSOD NAMS DE DANG CHE CHUNG MNYAM PA THOB PAR THAL, 'GREL PA LAS, RANG GZHAN GYI BSOD NAMS BYA BA MNYAM PA NYID DU THOB BO, ,ZHES GSUNGS PA'I PHYIR, ZER NA, SKYON MED DE, DES RANG GZHAN GYI DGE BA LA DGA' BA BSGOMS PAS BSOD NAMS MNYAM POR THOB PAR 'GYUR BA LA DGONGS PA'I PHYIR, 'DOD NA, BYANG SEMS SGOM LAM PAS SANGS RGYAS 'PHAGS PA'I DGE BA LA DGA' BA BSGOMS PAS BSOD NAMS DE DANG CHE CHUNG MNYAM PA THOB PAR THAL, 'DOD PA'I PHYIR, 'DOD MI NUS TE, SANGS RGYAS 'PHAGS PA'I BSOD NAMS DANG MNYAM PA THOB PA'I SEMS CAN MED PA'I PHYIR,, ` SGRUB PA SGOM LAM, GNYIS PA ZAG MED SGOM LAM BSHAD PA LA GNYIS, SGRUB PA SGOM LAM DANG, RNAM DAG SGOM LAM MO, ,DANG PO NI, DE YI NGO BO NYID MCHOG NYID, ,CES PA NAS, DON CHEN NYID, CES PA'I BAR GSUNGS TE, DON NI 'GREL PA LAS, GZUGS LA SOGS PA PHYIN CI MA LOG PAR MTHONG BA NI NGO BO NYID DO, ,ZHES PA NAS, DON CHEN PO SANGS RGYAS NYID DU BYED PA'I PHYIR DON CHEN PO NYID DO, ,ZHES PA'I BAR GSUNGS, DE YANG GANG LAS 'PHROS PA YOD DE, SHES RAB KYI PHA ROL TU PHYIN PA NI SHIN TU RNAM PAR DAG PAS NA SNANG BAR BGYID PA'O, ,ZHES PA NAS, RNAM GRANGS GANG GIS NA SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN, SMRAS PA, SHES RAB KYI PHA ROL TU PHYIN PA NI GZUGS CHE BAR MI BGYID CHUNG BAR MI BGYID, CES SOGS LAS 'PHROS PA'I PHYIR, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SGRUB PA SGOM LAM CHOS CAN, KHYOD LA LDOG PA'I SGO NAS RNAM PA @045B LNGA YOD DE, GZUGS SOGS KYI GNAS LUGS PHYIN CI MA LOG PAR MNGON SUM DU MTHONG BA'I SGRUB PA SGOM LAM DE'I NGO BO NYID DANG, THABS MKHAS KYIS MA ZIN PA'I SBYIN SOGS KYIS SANGS RGYAS MI 'THOB CING THABS MKHAS PAS 'BRAS BU SANGS RGYAS 'THOB PAR BYED PA'I THABS KYI MCHOG NYID DANG, CHOS THAMS CAD BDEN PA'I SKYE BA MED PAR RTOGS PA'I KUN LA BDEN PAR MNGON PAR 'DU MI BYED PA DANG, RNAL 'BYOR PA LA GNAS SKABS KYI BYA BA KHYAD PAR CAN CHOS NYAMS DON DAM PAR DMIGS SU MED PAR NI GTOD PAR BYED PA DANG, MTHAR SANGS RGYAS 'THOB PAR 'GYUR BA SA DON CHEN PO NYID DU BYED PA RNAMS SU YOD PA'I PHYIR,, ` GNYIS PA MTHA' DPYAD PA LA GSUM LAS, DANG PO LA KHA CIG NA RE, BLAG PA DANG BCAS PA'I LOG TU ZAG PA MED PA'I SGOM PA'I LAM STE, DE YANG RNAM PA GNYIS SO, ,ZHES PA'I SKABS SU, STONG NYID MNGON SUM DU RTOGS PA'I THEG CHEN GYI RJES LA MNGON RTOGS, THEG CHEN GYI ZAG MED SGOM LAM GYI MTSAN NYID, ZER NA, GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM CHOS CAN, MTSAN NYID DER THAL, MTSON BYA DE'I PHYIR, DER THAL, RANG GI GZHAL BYAR GYUR PA'I BDAG MED PHRA RAGS GSUM PO GANG RUNG MNGON SUM DU RTOGS PA'I THEG CHEN GYI SGOM LAM YIN PA'I PHYIR, DER THAL, GANG ZAG GI BDAG MED PHRA MO MNGON SUM DU RTOGS PA'I THEG CHEN GYI SGOM LAM YIN PA'I PHYIR, DER THAL, CHOS CAN DE'I PHYIR, DER THAL, GANG ZAG GI BDAG MED PHRA MO YIN PA'I PHYIR, DER THAL, GANG ZAG GI BDAG 'DZIN DE BDAG 'DZIN PHRA MO YIN PA'I PHYIR, 'DOD NA, GANG ZAG GI BDAG MED STONG NYID YIN PAR THAL LO, ,KHA CIG NA RE, RANG GI GZHAL BYAR GYUR PA'I BDAG MED PHRA RAGS GSUM PO GANG RUNG MNGON SUM DU RTOGS PA'I THEG CHEN GYI RJES LA MNGON RTOGS, THEG CHEN @046A *, ,GYI ZAG MED SGOM LAM GYI MTSAN NYID, ZER NA, MYU GU BDEN STONG SGYU MA LTA BUR MNGON SUM DU RTOGS PA'I THEG CHEN GYI SGOM LAM CHOS CAN, MTSAN NYID DER THAL, MTSON BYA DE'I PHYIR, DER THAL, SGRA DON 'DRES RUNG DU 'DZIN PA'I ZHEN RIG DANG BRAL BA'I THEG CHEN GYI RJES LA MNGON RTOGS YIN PA'I PHYIR, 'DOD MI NUS SO, ,KHA CIG NA RE, SGRUB PA SGOM LAM DANG RNAM DAG SGOM LAM GNYIS 'GAL ZER NA, DE MI 'THAD PAR THAL, DE GNYIS KYI GZHI MTHUN PA YOD PA'I PHYIR, DER THAL, RTOGS PA MTHAR THUG GI LAG RJES 'JOG BYED DANG SPANGS PA MTHAR THUG GI LAG RJES 'JOG BYED GNYIS MI 'GAL BA'I PHYIR, DER THAL, DE GNYIS GTZO BOR DON DU GNYER BA'I BLO GNYIS MI 'GAL BA'I PHYIR, GZHAN YANG, DE GNYIS MI 'GAL BAR THAL, DE GNYIS LAG RJES 'JOG BYED KYI SGO NAS BZHAG KYANG KHYAB CHE CHUNG 'DRA BA'I PHYIR, DER THAL, RTOGS PA MTHAR THUG GTZO BOR DON DU GNYER BA'I BLO YIN NA, SPANGS PA MTHAR THUG GTZO BOR DON DU GNYER BA'I BLO YIN DGOS PA'I PHYIR, DER THAL, RNAM MKHYEN DON DU GNYER BA'I BLO YIN NA, NGO BO NYID SKU DON DU GNYER BA'I BLO YIN DGOS PA'I PHYIR, KHA CIG NA RE, GTZO BOR RTOGS PA MTHAR THUG GI LAG RJES 'JOG BYED KYI THEG CHEN GYI RJES LA MNGON RTOGS, SGRUB PA SGOM LAM GYI MTSAN NYID, GTZO BOR SPANGS PA MTHAR THUG GI LAG RJES 'JOG BYED KYI THEG CHEN GYI RJES LA MNGON RTOGS, RNAM DAG SGOM LAM GYI MTSAN NYID, ZER NA, STONG NYID DON SPYI'I TSUL GYIS RTOGS PA'I THEG CHEN GYI SGOM LAM CHOS CAN, MTSON BYA GNYIS PO DER THAL, MTSAN NYID GNYIS PO DE'I PHYIR, DER THAL, STONG NYID RTOGS PA'I THEG CHEN GYI SGOM LAM YIN PA'I PHYIR, 'DOD NA, ZAG MED SGOM LAM YIN PAR THAL, 'DOD PA'I PHYIR, 'DOD MI NUS TE, ZAG BCAS SGOM LAM YIN PA'I PHYIR, DER THAL, THEG CHEN SGOM LAM DU GYUR PA'I @046B RTOG PA YIN PA'I PHYIR, , `GNYIS PA RANG LUGS LA, GTZO BOR RTOGS PA MTHAR THUG GI LAG RJES 'JOG BYED KYI THEG CHEN GYI ZAG MED SGOM LAM, SGRUB PA SGOM LAM GYI MTSAN NYID, GTZO BOR SPANGS PA MTHAR THUG GI LAG RJES 'JOG BYED KYI THEG CHEN GYI ZAG MED SGOM LAM RNAM DAG SGOM LAM GYI MTSAN NYID, ,` GSUM PA RTZOD PA SPONG BA LA, KHA CIG NA RE, GANG ZAG GI BDAG MED MNGON SUM RTOGS PA'I THEG CHEN GYI SGOM LAM CHOS CAN, GTZO BOR RTOGS PA MTHAR THUG GI LAG RJES 'JOG BYED YIN PAR THAL, SGRUB PA SGOM LAM YIN PA'I PHYIR, 'DOD NA, GTZO BOR RTOGS PA MTHAR THUG GI LAG RJES 'JOG BYED KYI RIGS SU GNAS PAR THAL, 'DOD PA'I PHYIR, ZER NA, MA KHYAB, 'DOD MI NUS TE, THEG CHEN GYI RTOGS RIGS SU MI GNAS PA'I PHYIR, PHYI MA LA YANG, DE CHOS CAN, SPANGS PA MTHAR THUG GI LAG RJES 'JOG BYED KYI RIGS SU GNAS PAR THAL, 'DOD PA'I PHYIR, ZER NA, MA KHYAB, 'DOD MI NUS TE, DE SPANGS PA NYI TSE BA'I LAG RJOS 'JOG BYED KYI RIGS SU GNAS PA YIN PA'I PHYIR, 'ON KYANG LAG RJES 'JOG BYED KYI RIGS GNAS GNYIS KYANG MI 'GAL BAR SEMS SO, ` RNAM DAG SGOM LAM, GNYIS PA LA BZHI, RGYU'I KHYAD PAR, YUL GYI KHYAD PAR, 'BRAS BU'I KHYAD PAR, NGO BO'I KHYAD PAR RO, ,DANG PO NI, SANGS RGYAS BSTEN DANG SBYIN SOGS DANG, ,ZHES PA NAS, SDIG PA'I GROGS POS YONGS ZIN PA'O, ,ZHES PA'I BAR GSUNGS TE, DON NI, 'GREL PA LAS, SANGS RGYAS MNYES PAR BYED PA DANG, ZHES PA NAS, MI DGE BA'I GROGS PO DANG 'GROGS PA ZHES BYA BA NI MI SKYE BA'I RGYU DAG YIN NO, ,ZHES PA'I BAR GSUNGS, DE YANG GANG LAS 'PHROS PA YOD DE, BYANG CHUB SEMS DPA' SEMS DPA' CHEN PO DE NI, PHYOGS BCU'I 'JIG RTEN GYI KHAMS KYI DE BZHIN GSHEGS PA DGRA BCOM PA @047A *, ,YANG DAG PAR RDZOGS PA'I SANGS RGYAS TSAD MED GRANGS MED PA BSNYEN BKUR NAS 'DIR 'ONGS SHING SKYES PA STE, ZHES PA NAS, RANG 'BYOR RNAM PA BZHI PO DE DAG DANG LDAN NA, SKYES BU GLEN PA DE DAG SHES RAB KYI PHA ROL TU PHYIN PA ZAB MO 'DI SPONG BAR 'GYUR RO, ,ZHES PA'I BAR LAS 'PHROS PA'I PHYIR, 'DI'I SKABS SU TSIG DON NI, PHYI'I RKYEN SANGS RGYAS KYIS MTSON DGE BA'I BSHES GNYEN BSTEN PA DANG, NANG RKYEN SBYIN SOGS DANG, ZHI LHAG ZUNG 'BREL GYI THABS LA MKHAS PA GANG YIN PA DE CHOS CAN, KHYOD RNAM DAG SGOM LAM 'DI LA MOS PA'I RGYU DAG YIN TE, DE SKYE BA'I MTHUN RKYEN KHYAD PAR CAN YIN PA'I PHYIR, BDUD KYIS THIBS KYIS NON PA STE GNOD PA BYAS PA DANG, ZAB MO'I CHOS STONG PA NYID LA MA MOS PA DANG, PHUNG PO SOGS LA BDEN PAR MNGON PAR ZHEN PA DANG, SDIG PA'I GROGS POS YONGS SU ZIN PA RNAMS CHOS CAN, KHYOD RNAM DAG SGOM LAM SOGS KYIS PHONGS PA'I RGYU DAG YIN TE, DE'I 'GAL RKYEN GYI GEGS YIN PA'I PHYIR,, ` GNYIS PA YUL GYI KHYAD PAR NI, 'BRAS BU DAG PA GZUGS LA SOGS, ,ZHES PA NAS, DAG PAR BRJOD, ,CES PA'I BAR GSUNGS TE, DON NI 'GREL PA LAS, 'PHAGS PA'I GANG ZAG DGE SBYONG GI TSUL GYI 'BRAS BU GANG YIN PA DE, ZHES PA NAS, DE LTAR RNAM PAR DAG PAR BRJOD DO, ,ZHES PA'I BAR GSUNGS, DE YANG GANG LAS 'PHROS PA YOD DE, RAB 'BYOR GZUGS RNAM PAR DAG PA GANG YIN PA DE NI 'BRAS BU RNAM PAR DAG PA'O, ,ZHES PA NAS, DE LTAR NA RNAM PA THAMS CAD MKHYEN PA NYID RNAM PAR DAG PA DANG, 'BRAS BU RNAM PAR DAG PA DANG, SHES RAB KYI PHA ROL TU PHYIN PA RNAM PAR DAG PA GANG YIN PA 'DI LA GNYIS SU MED CING @047B GNYIS SU BYAR MED, SO SO MA YIN THA MI DAD DO, ,ZHES PA'I BAR LAS 'PHROS PA'I PHYIR, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, DGE SBYONG TSUL GYI 'BRAS BU BTAGS PA'I THEG CHEN SGOM LAM RNAM GROL LAM DE RANG 'DREN BYED BAR CHAD MED LAM GYI NGOS SKAL GYI DRI MAS RNAM PAR DAG PA NA, DE'I DMIGS YUL GZUGS LA SOGS PA YANG DE'I NGOS SKAL GYI DRI MAS RNAM PAR DAG PA NYID YIN TE, RGYU MTSAN GANG GI PHYIR NA DAG PA DE GNYIS DAG BYA GCIG GIS DBEN PA'I SGO NAS NGO BO THA DAD MA YIN ZHING LDOG PA RIGS THA DAD PAR GCAD DU MED PA'I PHYIR, DES NA DAG PA RIGS GCIG PAR BRJOD DO,, ` GNYIS PA MTHA' DPYAD PA LA GSUM LAS, DANG PO LA, KHA CIG, SA GNYIS PA'I SGOM LAM BAR CHAD MED LAM RANG GI NGOS SKAL GYI DRI MAS RNAM PAR DAG PA'I RNAM GROL LAM THOB PA'I TSE, DE'I YUL GZUGS SOGS KYANG DE'I NGOS SKAL GYI DRI MAS RNAM PAR DAG PA YIN NO, ,ZER NA, 'O NA, SA GNYIS PA'I BAR CHAD MED LAM DANG RNAM GROL LAM GYI YUL GZUGS SOGS YOD PAR THAL, DAM BCA' 'THAD PA'I PHYIR, 'DOD NA, DE'I YUL DU GYUR PA'I GZUGS YOD PAR THAL, 'DOD PA'I PHYIR, 'DOD NA, DE'I DNGOS YUL DU GYUR PA'I GZUGS YOD PAR THAL, 'DOD PA'I PHYIR, 'DOD NA, SA GNYIS PA'I SGOM LAM BAR CHAD MED LAM DANG DE'I RNAM GROL LAM GNYIS KUN RDZOB DNGOS YUL DU BYED PA'I SHES PA YIN PAR THAL, 'DOD PA'I PHYIR, 'DOD MI NUS TE, STONG NYID MNGON SUM DU RTOGS PA'I SLOB PA'I YE SHES YIN PA'I PHYIR, KHA CIG, 'BRAS BU DAG PA GZUGS LA SOGS, ,ZHES PA'I DNGOS BSTAN GYIS 'BRAS BU DE DGE SBYONG TSUL GYI 'BRAS BU LA BYED ZER NA, 'O NA, DE MTSON BYED DPA'I DGE SBYOR TSUL GYI 'BRAS BU LA BYED RIG PAR THAL, DE DGE SBYONG TSUL @048A *, ,GYI 'BRAS BU LA BYED RIGS PA'I PHYIR, KHYAB STE, BYANG SEMS LA ZHUGS GNAS BRGYAD KYI RNAM GZHAG DNGOS GNAS PA MI 'THAD PA'I PHYIR, 'DOD NA, RGYAL SRAS RNAMS KYI DAG PA STE, ,ZHES PA'I SKABS NAS DNGOS SU BSTAN PA'I DAG PA DE YANG DE LA BYED RIGS PAR THAL, 'DOD PA'I PHYIR, 'DOD MI NUS TE, DE NI MTSON BYA DON GYI DGE SBYONG TSUL GYI 'BRAS BU DNGOS LA BYED PA'I PHYIR, DER THAL, RGYAL SRAS RNAMS KYI ZHES SMOS PA LA DGOS PA YOD PA'I PHYIR, KHA CIG, SA GNYIS PA'I RNAM GROL LAM DES RANG 'DREN BYED BAR CHAD MED LAM GYI NGOS SKAL GYI SPANG BYA'I DRI MA SPANGS PA'I TSE, DE'I DMIGS YUL GZUGS SOGS KYIS KYANG DE'I NGOS SKAL GYI DRI MA SPANGS PA YIN ZER NA, GZUGS SOGS KYI CHOS THAMS CAD KYIS KYANG DRI MA SPANGS PA'I DUS SRID PAR THAL, RNAM MKHYEN GYIS RANG 'DREN BYED RGYUN MTHA'I BAR CHAD MED LAM GYI NGOS SKAL DU GYUR PA'I DRI MA SPANGS PA DE'I TSE, RNAM MKHYEN GYI DMIGS YUL GZUGS KYI RGYUN MTHA'I BAR CHAD MED LAM GYI NGOS SKAL GYI DRI MA MTHA' DAG SPANGS ZIN PA'I PHYIR, DER THAL, SA GNYIS PA'I RNAM GROL LAM DES RANG 'DREN BYED KYI BAR CHAD MED LAM GYI NGOS SKAL DU GYUR PA'I DRI MA SPANGS PA'I TSE, DE'I DMIGS YUL GZUGS SOGS KYIS RNAM GROL LAM DE 'DREN BYED PAR CHAD MED LAM GYI NGOS SKAL DU GYUR PA'I DRI MA SPANGS PA'I PHYIR, RTAGS KHAS, 'DOD NA, YAN LAG BCU GNYIS PO THAMS CAD KYIS DRI MA SPANGS PA'I SKABS GCIG SRID PAR THAL, 'DOD PA DE'I PHYIR, 'DOD NA, MA RIG PAS KYANG DRI MA SPANGS PA'I SKABS ZHIG SRID PAR THAL LO, ,'DOD MI NUS SO,, `GNYIS PA RANG LUGS LA, DON GYI SBYOR BA NI TSIG DON GYI SKABS SU SONG YANG, CUNG ZAD ZHIB PAR BYED NA, DPER MTSON TE, SA GNYIS PA'I RNAM GROL LAM @048B CHOS CAN, KHYOD RANG 'DREN BYED BAR CHAD MED LAM GYI NGOS SKAL GYI DRI MAS RNAM PAR DAG PA'I TSE, KHYOD KYI DMIGS YUL GZUGS SOGS KYANG, KHYOD 'DREN BYED KYI BAR CHAD MED LAM GYI NGOS SKAL GYI DRI MAS RNAM PAR DAG PA YIN TE, DE'I TSE KHYOD RANG 'DREN BYED KYI BAR CHAD MED LAM GYI NGOS SKAL GYI DRI MAS RNAM PAR DAG PA'I DAG PA DE DANG, KHYOD KYI DMIGS YUL GZUGS SOGS KHYOD 'DREN BYED KYI BAR CHAD MED LAM GYI NGOS SKAL DU GYUR PA'I DRI MAS RNAM PAR DAG PA'I DAG PA DE GNYIS DAG BYA GCIG GIS DBEN PA'I DAG PA RIGS GCIG YIN PA'I PHYIR, ZHES BYA'O, ,DE'I DON NI, DPER NA, THEG CHEN MTHONG LAM RNAM GROL LAM DES THEG CHEN MTHONG LAM BAR CHAD MED LAM GYI NGOS SKAL GYI DRI MA MTHONG SPANG SPANGS PA NA, DE PHYIN CHAD DES SPANGS BA'I DRI MA DE RNAMS RJES THOB KYI GNAS SKABS SU GZUGS SOGS LA DMIGS NAS MI SKYE BA BZHIN DU, SA GNYIS PA'I RNAM GROL LAM DES RJES THOB KYI GNAS SKABS SU GZUGS SOGS KYI CHOS LA CI TZAM DMIGS KYANG, RANG 'DREN BYED SA GNYIS PA'I BAR CHAD MED LAM GYI NGOS SKAL GYI BDEN 'DZIN SLAR SKYE MI RUNG DU SONG BA'I DON YIN NO,, ` GSUM PA RTZOD PA SPONG BA LA, KHA CIG, RNAM MKHYEN SKAD CIG DANG PO DE RGYUN MTHA'I BAR CHAD MED LAM GYI NGOS SKAL GYI DRI MAS RNAM PAR DAG PA'I TSE, DE'I DMIGS YUL GZUGS SOGS KYANG RGYUN MTHA'I BAR CHAD MED LAM GYI NGOS SKAL GYI DRI MAS RNAM PAR DAG PAR THAL, KHYOD KYI DAM BCA' 'THAD PA'I PHYIR, 'DOD NA, RNAM MKHYEN SKAD CIG DANG PO'I DMIGS YUL GZUGS SOR SA THAMS CAD RGYUN MTHA'I BAR CHAD MED LAM GYI NGOS SKAL GYI DRI MAS RNAM PAR DAG PAR THAL, RNAM MKHYEN SKAD CIG DANG PO DE RGYUN MTHA'I BAR CHAD MED LAM GYI NGOS SKAL GYI DRI MAS RNAM PAR DAG PA DE'I TSE, DE'I DMIGS YUL GZUGS SOGS RGYUN MTHA'I BAR CHAD MED LAM GYI NGOS SKAL @049A *, ,GYI DRI MAS RNAM PAR DAG PA'I PHYIR, ZER NA, MA KHYAB, 'DOD MI NUS SO, ,ZER NA, 'O NA, MYU GU SKYES PA'I TSE, MYU GU'I SA BON RDZOGS PAR 'GAGS NA, MYU GU'I SA BON RDZOGS PAR 'GAGS DGOS PAR THAL, KHYOD KYI SGRUB BYED 'THAD PA'I PHYIR, 'DOD NA, MYU GU'I SA BON RDZOGS PAR 'GAGS PAR THAL, MYU GU RDZOGS PAR SKYES PA'I TSE, DE'I SA BON RDZOGS PAR 'GAGS PA'I PHYIR, KHYAB PA KHAS, DER THAL, MYU GU RDZOGS PAR SKYES ZIN PA DANG, DE'I SA BON RDZOGS PAR 'GAGS ZIN PA DUS MNYAM YIN PA'I PHYIR, 'DOD MI NUS SO, ,KHA CIG, THEG CHEN SGOM LAM RNAM GROL LAM DANG BAR CHAD MED LAM GNYIS 'GAL BAR THAL, THEG CHEN MTHONG LAM RNAM GROL LAM DANG BAR CHAD MED LAM GNYIS 'GAL BA'I PHYIR, ZER NA, MA KHYAB, 'DOD NA, SA GNYIS PA THOB MA THAG PA'I YE SHES CHOS CAN, THEG CHEN SGOM LAM RNAM GROL LAM MA YIN PAR THAL, THEG CHEN SGOM LAM BAR CHAD MED LAM YIN PA'I PHYIR, DER THAL, SA GNYIS PA THOB MA THAG PA'I YE SHES YIN PA'I PHYIR, KHYAB STE, SA DANG PO THOB MA THAG PA'I YE SHES YIN NA, MTHONG LAM BAR CHAD MED LAM YIN DGOS PA'I PHYIR, 'DOD NA, DE CHOS CAN, THEG CHEN SGOM LAM RNAM GROL LAM YIN PAR THAL, SA DANG PO'I SKAD CIG THA MA'I BAR CHAD MED LAM GYIS DNGOS SU DRANGS PA'I RNAM GROL LAM YIN PA'I PHYIR, DER THAL, SA DANG PO'I SKAD CIG THA MA'I YE SHES DE BAR CHAD MED LAM YIN PA'I PHYIR, DER THAL, SA BCU PA'I SKAD CIG THA MA'I YE SHES DE BAR CHAD MED LAM YIN PA'I PHYIR, DER THAL, DE RGYUN MTHA'I BAR CHAD MED LAM YIN PA'I PHYIR,, ` GSUM PA 'BRAS BU NI, NYON MONGS SHES BYA LAM @049B GSUM GYI, ,ZHES PA NAS, SANGS RGYAS RNAMS KUN SHIN TU BA, ,ZHES PA'I BAR GSUNGS TE, DON NI 'GREL PA LAS, 'DOD CHAGS LA SOGS PA'I NYON MONGS DANG, ZHES PA NAS, BLA NA MED PA'I SANGS RGYAS KYI YIN ROL 'DOGS ZHES PA'I BAR GSUNGS SO, ,DE YANG GANG LAS 'PHROS PA YOD DE, 'DOD CHAGS DANG ZHE SDANG DANG GTI MUG RNAM PAR DAG PA DANG, ZHES PA NAS, RNAM PA THAMS CAD MKHYEN PA NYID YONGS SU DAG PA GANG YIN PA 'DI LA GNYIS SU GYUR RAM DE THA MI DAD CING MCHAD PA'O, ,ZHES PA'I BAR LAS 'PHROS PA'I PHYIR, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, NYAN THOS DGRA BCOM PA'I RGYUD KYI 'GOG BDEN CHOS CAN, SLOB MA NYAN THOS RNAM DGOS TE; NYON MONGS SPANGS PA'I NYAN THOS KYI BRAL BA YIN PA'I PHYIR, RANG RGYAL DGRA BCOM PA'I RGYUD KYI 'GOG BDEN CHOS CAN, BSE RU RANG SANGS RGYAS KYI RNAM DAG YIN TE, GZUGS PHYI ROL DON 'DZIN GYI SHES BYA'I SGRIB PA'I RTOG PA SPANGS PA'I RANG RGYAL GYI BRAL BA YIN PA'I PHYIR, BYANG 'PHAGS KYI 'GOG BDEN CHOS CAN, RGYAL SRAS RNAMS KYI RNAM PAR DAG PA YIN TE, LAM GSUM GYI SGRIB PA CI RIGS NYAMS PA STE SPANGS PA'I BYANG SEMS KYI BRAL BA YIN PA'I PHYIR, SANGS RGYAS KYI 'GOG BDEN CHOS CAN, RNAM KUN SHIN TU BA'I DAG PA YIN TE, SGRIB GNYIS SPANGS PA'I BRAL BA YIN PA'I PHYIR,, ` GNYIS PA MTHA' DPYAD PA LA GSUM LAS, DANG PO LA KHA CIG ,RNAM DAG SGOM LAM RNAM DAG YIN ZER NA, DE CHOS CAN, RNAM DAG MA YIN PAR THAL, 'GOG BDEN MA YIN PA'I PHYIR, DER THAL, LAM YIN PA'I PHYIR, KHA CIG, NYAN THOS KYI RNAM DAG YIN NA, NYAN THOS KYI MYANG 'DAS YIN PAS KHYAB ZER NA, NYAN @050A *, ,THOS MTHONG LAM RNAM GROL LAM PA'I RGYUD KYI 'GOG BDEN CHOS CAN, DER THAL, DE'I PHYIR, DER THAL, NYAN THOS KYI 'GOG BDEN YIN PA'I PHYIR, 'DOD NA, NYAN THOS DGRA BCOM PA'I RGYUD KYI 'GOG BDEN YIN PAR THAL LO, ,KHA CIG ,RANG RGYAL GYI RNAM DAG YIN NA, GZUGS PHYI ROL GYI DON 'DZIN GYI RTOG PA SPANGS PAS KHYAB ZER NA, RANG RGYAL MTHONG LAM RNAM GROL LAM PA BA'I RNAM DAG CHOS CAN, DER THAL, DE'I PHYIR, 'DOD NA, MYANG 'DAS YIN PAR THAL, NYON MONGS SPANGS PA'I 'GOG BDEN YIN PA'I PHYIR, DER THAL, GZUGS PHYI ROL DON 'DZIN GYI RTOG PA SPANGS PA'I 'GOG BDEN YIN PA'I PHYIR, DER THAL, DE SPANGS PA'I RNAM DAG YIN PA'I PHYIR, 'DOD MI NUS SO, ,KHA CIG, BYANG SEMS KYI RNAM DAG YIN NA, LAM GSUM GYI SPANG BYA'I SGRIB PA SPANGS PAS KHYAB ZER NA, THEG CHEN MTHONG LAM RNAM GROL LAM PA BA'I RGYUD KYI 'GOG BDEN CHOS CAN, DER THAL, DE'I PHYIR, DER THAL, BYANG SEMS KYI 'GOG BDEN YIN PA'I PHYIR, 'DOD NA, SGRIB PA SPANGS PAR THAL, 'DOD PA GANG ZHIG ,SGRIB PA DE LAM GSUM GYI SPANG BYA'I GTZO BO YIN PA'I PHYIR, PHYI MA DER THAL, SANGS RGYAS DE LAM GSUM GYI THOB BYA'I GTZO BO YIN PA'I PHYIR, 'DOD NA, RNAM DAG SHIN TU BA YIN PAR THAL, SGRIB PA SPANGS PA'I RNAM DAG YIN PA'I PHYIR, RTAGS KHAS, 'DOD MI NUS TE, SLOB PA'I RGYUD KYI CHOS YIN PA'I PHYIR, KHA CIG NA RE, RANG BZHIN GYI RNAM DAG YIN NA, RNAM DAG YIN PAS KHYAB ZER NA, BDEN 'DZIN GYI CHOS NYID CHOS CAN, DER THAL, DE'I PHYIR, DER THAL, DON DAM BDEN PA YIN PA'I PHYIR, 'DOD NA SLA'O, ,KHA CIG NA RE, RANG BZHIN GYI RNAM DAG YIN NA, RNAM DAG MA YIN PAS KHYAB ZER NA, THEG CHEN MTHONG LAM RNAM GROL LAM GYI CHOS NYID CHOS CAN, DER THAL, @050B DE'I PHYIR, 'DOD NA, DE RNAM DAG YIN PAR THAL, DE 'GOG BDEN YIN PA'I PHYIR, KHA CIG ,NYAN THOS KYI RGYUD KYI SPANGS PA, NYAN THOS KYI RNAM DAG GI MTSAN NYID, DE BZHIN DU GZHAN GNYIS LA YANG SBYOR ZER NA, 'O NA, RANG RGYAL GYI RGYUD KYI RNAM DAG YIN NA, RANG RGYAL GYI RNAM DAG YIN DGOS PA DANG, BYANG SEMS KYI RGYUD KYI RNAM DAG YIN NA, BYANG SEMS KYI RNAM DAG YIN DGOS PAR THAL, DAM BCA' 'THAD PA'I PHYIR, 'DOD NA, DE MI 'THAD PAR THAL, NYAN THOS MTHONG LAM RNAM GROL LAM LAS LANGS RJES SU RANG RGYAL LAS DANG THEG CHEN LAM DU 'JUG PA YOD PA'I PHYIR, DER THAL, NYAN THOS MA NGES RNAM GNYIS TE, THEG DON MTHONG DANG MA MTHONG DANG, ,ZHES GSUNGS PA'I PHYIR, GZHAN YANG, THEG CHEN MTHONG LAM BAR CHAD MED LAM PA'I RGYUD KYI 'GOG BDEN CHOS CAN, BYANG SEMS KYI 'GOG BDEN YIN PAR THAL, BYANG SEMS KYI RNAM DAG YIN PA'I PHYIR, DER THAL, BYANG SEMS KYI RGYUD KYI RNAM DAG YIN PA'I PHYIR, KHYAB PA KHAS, 'DOD NA, RANG THOB BYED KYI THABS SU GYUR PA'I THEG CHEN GYI BAR CHAD MED LAM GYI STOBS KYIS THOB PAR THAL, 'DOD PA'I PHYIR, 'DOD NA, THEG CHEN GYI MTHONG LAM RNAM GROL LAM THOB ZIN PAR THAL LO,, ` GNYIS PA RANG LUGS LA, BAR CHAD MED LAM GYI STOBS KYIS THOB PA'I SPANGS PA, RNAM DAG GI MTSAN NYID, DE LA NYAN THOS KYI RNAM DAG NAS, RNAM DAG SHIN TU BA'I BAR BZHI YOD, RANG THOB BYED KYI THABS SU GYUR PA'I NYAN THOS KYI BAR CHAD MED LAM GYI STOBS KYIS THOB PA'I NYAN THOS KYI SPANGS PA, NYAN THOS KYI RNAM DAG GI MTSAN NYID DU 'JOG PA NAS, SGRIB GNYIS BAG CHAGS DANG BCAS PA SPANGS PA'I SPANGS PA, RNAM DAG SHIN TU BA'I MTSAN NYID DU 'JOG GO,, ` GSUM PA RTZOD PA SPONG BA LA, KHA CIG , @051A *, ,BYANG SEMS KYI RGYUD KYI RNAM DAG YIN NA, BYANG SEMS KYI RNAM DAG YIN DGOS PAR THAL, RANG RGYAL GYI RGYUD KYI RNAM DAG YIN NA, RANG RGYAL GYI RNAM DAG YIN DGOS PA'I PHYIR, DER THAL, NYAN THOS KYI RGYUD KYI RNAM DAG YIN NA, NYAN THOS KYI RNAM DAG YIN DGOS PA'I PHYIR, ZER NA, MA KHYAB, KHA CIG ,RNAM MKHYEN CHOS CAN, SGRIB GNYIS SPANGS PA'I SPANGS PA YIN PAR THAL, RNAM DAG SHIN TU BA YIN PA'I PHYIR, DER THAL, SHIN TU RNAM DAG YIN PA'I PHYIR, ZER NA, RE ZHIG MA KHYAB, RTAGS DER THAL, SHIN TU RNAM PAR DAG PA YIN PA'I PHYIR NA, MA KHYAB BO,, ` RNAM DAG SHIN TU BA, BZHI PA NGO BO'I KHYAD PAR LA GNYIS, RNAM DAG SHIN TU BA YIN MIN GYI KHYAD PAR DANG, SANGS RGYAS KYI RNAM DAG SHIN TU BAR BSGRUB PA'O, ,DANG PO NI, SA DGU LA NI CHEN PO YI, ,ZHES PA NAS, DAG PA YIN, ,ZHES PA'I BAR GSUNGS TE, DON NI 'GREL PA LAS, 'DOD PA'I KHAMS DANG, BSAM GTAN DANG, GZUGS MED PA'I SNYOMS PAR 'JUG PA DAG PA STE, ZHES PA NAS, RNAM PAR DAG PA SHIN TU BA DANG CIG SHOS ZHES BYA'O, ,ZHES PA'I BAR GSUNGS LA, GNYIS PA NI, DE LA KLAN KA SPANGS PA YIS, ,ZHES PA NAS, GNYEN PO NYID DU 'DOD PA YIN, ,ZHES PA'I BAR GSUNGS TE, DON NI 'GREL PA LAS, DE LA GNYEN PO NI CHEN PO'I CHEN PO LA SOGS PA, ZHES PA NAS, SANGS RGYAS KYI RNAM PAR DAG PA SHIN TU BA YIN PA'I PHYIR RNAM PAR BZHAG GO, ,ZHES PA'I BAR GSUNGS SO, ,GZHUNG SNGA PHYI DE GNYIS RTZA BA'I GZHUNG GANG LAS 'PHROS PA YOD DE, BCOM LDAN 'DAS RNAM PAR DAG PA NI 'DOD PA DANG GZUGS DANG GZUGS MED PA'I KHAMS SU SKYE BA MA LAGS SO, ,ZHES @051B PA NAS, BCOM LDAN 'DAS RNAM PAR DAG PA NI 'TSAL BA MA MCHIS PA'O, ,ZHES SOGS KYI MDO LAS 'PHROS PA'I PHYIR, 'DI'I SKABS SU GNYIS, RTZA BA'I TSIG DON DANG, MTHA' DPYAD PA'O, ,DANG PO LA GNYIS LAS, DANG PO NI, SHES BYA CHOS CAN, SANGS RGYAS KYI RNAM DAG DANG NYAN RANG GI RNAM DAG LA RNAM DAG SHIN TU BA YIN MIN GYI KHYAD PAR 'THAD DE, SANGS RGYAS KYI RNAM DAG DE NI 'DOD PA'I KHAMS DANG BSAM GTAN BZHI DANG GZUGS MED BZHI STE SA DGU LA GTOGS BA'I SGOM SPANG BDEN 'DZIN LHAN SKYES CHEN PO YI CHEN PO NAS CHUNG NGU'I CHUNG NGU LA SOGS PA RNAMS RIM GYIS 'JOMS BYED DRI MA DE'I GNYEN PO THEG CHEN GYI SGOM LAM BAR CHAD MED LAM CHUNG NGU'I CHUNG NGU DANG CHUNG NGU'I 'BRING LA SOGS PA'I LAM RIM GYIS SKYES STOBS KYIS DRI MA DE DAG DAG PAR BYED PA'I RGYU BYAS PA'I SGO NAS THOB PAS RNAM DAG SHIN TU BA YIN LA, NYAN RANG GI RNAM DAG NI RANG GI SGOM LAM GYIS DRI MA DE DAG TSUL DE LTAR DAG BAR BYED PA'I RGYU BYAS PA'I SGO NAS THOB PA MA YIN PA'I PHYIR, GNYIS PA NI, THEG CHEN GYI SGOM LAM BAR CHAD MED LAM DE NI CHOS CAN, KHAMS GSUM GYIS DGUS BSDUS PA'I SGRIB PA'I GNYEN PO NYID DU 'DOD PA YIN TE, SPANG GNYEN SKYE 'GAGS KYI RIM PA DE LA KLAN KA SPANGS PA YI SGO NAS GNYEN PO DE DAG SPANG BYA DE RNAMS KYI GNYEN POR GRUB PA'I PHYIR, DE LTAR GRUB STE, 'JAL BYED KYI SHES PA DANG, GZHAL BYA DAG BDEN STONG MNYAM PA NYID DU MNGON SUM DU RTOGS PA NYID KYI YE SHES DES SPANG BYA DE DAG DNGOS SU 'JOMS PAR BYED PA'I PHYIR,, ` GNYIS PA MTHA' DPYAD PA LA GSUM LAS, DANG PO LA,, KHA CIG ,SA DANG PO'I NGO BOR GYUR PA'I SGOM LAM MED DO, ,ZER NA, DE YOD PAR THAL, 'GREL CHEN LAS, SA DANG PO'I SKAD CIG MA DANG PO NI MTHONG @052A *, ,BA'I LAM YIN NO, ,SKAD CIG MA GNYIS PA NAS RDO RJE LTA BUR BRJOD PA BAR CHAD MED PA'I LAM GANG LAS DE MA THAG SANGS RGYAS KYI SA KUN TU 'OD BYED PA'I BAR 'DI DAG THAMS CAD NI SGOM PA'I LAM YIN PAR SHES PAR BYA'O, ,ZHES GSUNGS PA'I PHYIR, KHA CIG ,SA DANG PO'I NGO BOR GYUR PA'I SGOM LAM BAR CHAD MED LAM MED ZER NA, DE YOD PAR THAL, SA DANG PO'I SGOM LAM THOB MA THAG PA'I YE SHES YIN NA, SGOM LAM BAR CHAD MED LAM YIN DGOS PA'I PHYIR, DER THAL, THEG CHEN GYI SGOM LAM THOB MA THAG PA'I YE SHES YIN NA, SGOM LAM BAR CHAD MED LAM YIN DGOS PA'I PHYIR, KHYAB STE, THEG CHEN GYI SGOM LAM THOB MA THAG PA'I YE SHES YIN NA, SA DANG PO'I SGOM LAM THOB MA THAG PA'I YE SHES YIN DGOS PA'I PHYIR, KHO NA RE, THEG CHEN GYI SGOM LAM THOB MA THAG PA'I YE SHES YIN NA, SGOM LAM GYI BAR CHAD MED LAM YIN MI DGOS ZER NA, DE DGOS PAR THAL, THEG CHEN GYI MTHONG LAM THOB MA THAG PA'I YE SHES YIN NA, MTHONG LAM BAR CHAD MED LAM YIN DGOS PA'I PHYIR, GZHAN YANG, SA DANG PO'I NGO BOR GYUR PA'I SGOM LAM BAR CHAD MED LAM YOD PAR THAL, SA DANG PO'I SKAD CIG THA MA'I YE SHES YIN NA, BAR CHAD MED LAM YIN DGOS PA'I PHYIR, DER THAL, SA BCU PA'I SKAD CIG THA MA'I YE SHES YIN NA, BAR CHAD MED LAM YIN DGOS PA'I PHYIR, KHA CIG ,SA DANG PO'I NGO BOR GYUR PA'I CGOM LAM BAR CHAD MED LAM YOD KYANG DE'I NGO BOR GYUR PA'I SGOM LAM RJES THOB YE SHES MED ZER NA, DE YOD PAR THAL, DE'I NGO BOR GYUR PA'I MOS PA SGOM LAM YOD PA RNAM BSHAD LAS GSUNGS PA GANG ZHIG ,DE YOD NA SGOM LAM RJES THOB YE SHES YOD PAR 'GRUB PA'I PHYIR, DANG PO DER THAL, RNAM BSHAD LAS, MOS PA SGOM LAM DE MA DAG SA BDUN NA YOD PAR GSAL, , @052B BAR BSHAD PA'I PHYIR, PHYI MA DER THAL, MOS PA SGOM LAM YIN NA, SGOM LAM BAR CHAD MED LAM MA YIN DGOS PA'I PHYIR, DER THAL, DE YIN NA, RTOG PA YIN DGOS PA'I PHYIR, DER THAL, DE YIN NA, SGRA DON 'DRES RUNG DU 'DZIN PA'I ZHEN RIG YIN DGOS PA'I PHYIR, GZHAN YANG, SA DANG PO'I NGO BOR GYUR PA'I SGOM LAM RJES THOB YE SHES YOD PAR THAL, SA DANG PO DE RDZOGS PA LA BSKAL PA LA SOGS PA YUN RING DU 'GRO DGOS PA GANG ZHIG ,DE LTAR NA DE'I NGO BOR GYUR PA'I SGOM LAM YOD DGOS LA, DE YANG ZAG MED SGOM LAM YOD CING ZAG BCAS SGOM LAM MED PA'I KHYAD PAR DBYE BAR MI NUS PA'I PHYIR, DANG PO DER THAL, THEG CHEN SGO 'BYED LAS, SA DANG PO BSKAL PA LA SOGS PA'I YUN GYIS RDZOGS DGOS PAS DE'I NGO BOR GYUR PA'I SGOM LAM YOD PAR RIGS PAR BYA'O, ,ZHES GSUNGS PA'I PHYIR, KHA CIG ,BAR CHAD MED LAM YIN NA, KHYOD KYIS DNGOS SU DRANGS PA'I RNAM GROL LAM YOD PAS KHYAB ZER NA, RGYUN MTHA'I BAR CHAD MED LAM CHOS CAN, DER THAL, DE'I PHYIR, 'DOD NA, MI 'THAD PAR THAL, DES DNGOS SU DRANGS PA'I YE SHES YIN NA, RNAM GROL LAM MA YIN DGOS PA'I PHYIR, DER THAL, DES DNGOS SU DRANGS PA'I YE SHES YIN NA, RNAM MKHYEN YIN DGOS PA'I PHYIR, KHA CIG ,RNAM GROL LAM YIN NA, SKYOD DNGOS SU 'DREN BYED KYI BAR CHAD MED LAM YOD PAS MA KHYAB ZER NA, DE KHYAB PAR THAL, THEG CHEN GYI RNAM GROL LAM LA YANG DES KHYAB, THEG DMAN LA YANG DES KHYAB PA'I PHYIR, 'ON KYANG THEG CHEN MTHONG LAM RNAM GROL LAM DANG SGOM LAM RNAM GROL LAM GNYIS DNGOS SU 'DREN BYED YIN PA 'JOG DKA'O, ,KHA CIG ,THEG CHEN SGOM LAM BAR CHAD MED LAM CHUNG RIM NAS SKYES STOBS KYIS, BDEN 'DZIN LHAN SKYES CHUNG RIM NAS SPONG BA YIN ZER NA, DE MA YIN PAR THAL, THEG CHEN @053A *, ,SGOM LAM BAR CHAD MED LAM CHUNG RIM GYIS BDEN 'DZIN LHAN SKYES CHE RIM NAS SPONG BA'I PHYIR, DER THAL, DPER NA, GOS LA CHAGS PA'I DRI MA SEL BA NA, DRI MA CHE RIM NAS SEL BA BZHIN YIN PA'I PHYIR, , DER THAL, 'BREL PA LAS, GOS LA CHAGS PA'I DRI MA BSAL BA LA BTZO BLAG MKHAN CHE THANG DU 'BAD PA'I DPES, ZHES GSUNGS PA'I PHYIR, KHA CIG ,BDEN 'DZIN LHAN SKYES LAS DNGOS SU GROL BA'I RNAM GROL LAM YOD ZER NA, DE MED PAR THAL, BDEN 'DZIN LHAN SKYES LAS DNGOS SU GROL BA'I SLOB LAM MED PA'I PHYIR, DER THAL, BDEN 'DZIN LHAN SKYES SPANGS PA'I SLOB LAM MED PA'I PHYIR, DER THAL, SGRIB PA SPANGS PA'I SLOB LAM MED PA'I PHYIR, DER THAL, DE SPANGS PA'I SLOB PA MED PA'I PHYIR, DER THAL, DE SPANGS PA'I SEMS CAN MED PA'I PHYIR, ,`GNYIS PAR RANG LUGS LA, THEG CHEN SGOM LAM BAR CHAD MED LAM CHUNG 'BRING CHEN PO DGU RIM GYIS SKYES STOBS KYIS BDEN 'DZIN LHAN SKYES CHE 'BRING CHUNG DGU RIM GYIS SPONG BAR BYED DE, SA DGU LA NI CHEN PO YI, ,ZHES SOGS KYIS DE LTAR BSTAN PA'I PHYIR, SA DGU ZHES PA NI MKHAS PA DU MAS BSAM GTAN SA DRUG GI STENG DU GZUGS MED DANG PO GSUM BSNAN NAS SEMS RTEN SA DGU LA BSHAD PA YOD KYANG, 'GREL PA'I SGRAS ZIN LTAR NA 'DOD PA DANG GZUGS DANG GZUGS MED GSUM GYI PHYI MA GNYIS LA BZHI BZHIR PHYE NAS SPANG BYA'I STENG DU BSHAD DO, ,DES NA KHAMS GSUM SA DGUS BSDUS PA'I BDEN 'DZIN LHAN SKYES LA CHUNG 'BRING CHEN PO DGUR PHYE NAS, DE SA GANG GIS JI LTAR SPONG BA'I TSUL YOD DE, DE YANG CHEN PO LA SKOR GSUM, 'BRING LA SKOR GSUM, CHUNG NGU LA SKOR GSUM DU PHYE NAS, SA DANG PO'I SGOM LAM BAR CHAD MED LAM @053B NAS SA GNYIS PA'I SGOM LAM SKAD CIG THA MA'I BAR CHAD MED LAM DANG, GSUM PA DANG, BZHI PA'I THOG MTHA'I BAR CHAD MED LAM GYIS RIM PA BZHIN DU, DANG PO GSUM GYI SPONG GNYEN DANG, LNGA PA DRUG PA BDUN PA'I THOG MTHA'I BAR CHAD MED LAM GYIS RIM PA BZHIN DU BAR PA GSUM GYI SPONG GNYEN DANG, BRGYAD PA DGU PA BCU PA'I THOG MTHA'I BAR CHAD MED LAM GYIS RIM PA BZHIN DU PHYI MA GSUM GYI SPONG GNYEN BYED PA'I PHYIR, 'ON KYANG DNGOS GNYEN NI SA GNYIS PA NAS BCU PA'I BAR GYI MTHA'I BAR CHAD MED LAM DGU PO SO SOR 'JOG GO, DE LA NANG GSES KYIS PHYE NA BCO BRGYAD DANG BCU DGU DANG NYI SHUR 'BYED DU YANG RUNG STE, DGU GNYIS BCO BRGYAD DU PHYE NAS SA PHYI MA DGU'I THOG MTHA'I BAR CHAD MED LAM DANG SPANG GNYEN SBYOR BA DANG, YANG BCO BRGYAD KYI DANG PO LA GNYIS SU PHYE BA'I DANG PO SA DANG PO'I SKAD CIG THA MA'I BAR CHAD MED LAM DANG SPANG GNYEN SBYOR BA DANG, YANG NA BDEN 'DZIN LHAN SKYES LA BCUR PHYE NAS NANG GSES GNYIS GNYIS SU BYAS TE, SA DANG PO'I SGOM LAM THOB MA THAG PA DANG, DE'I SKAD CIG THA MA'I BAR CHAD MED LAM GNYIS SO SO DANG SPANG GNYEN SBYOR ZHING, DE BZHIN DUS LHAG MA DGU LA YANG SBYOR RUNG TZAM SNANG BA'I PHYIR, DE DAG NI TSIG 'KHRI TZAM PA MA BLTOS PAR BSHAD DO, ,DE LTAR NA'ANG DNGOS BSTAN NI DGUR PHYE BA NYID GTZO CHE BA RJE BLA MA'I DGONGS PA YIN PAR RTZA SHE'I tI KKAR GSAL LO, ,GZHAN YANG, BDEN 'DZIN LHAN SKYES LA BRGYAD CU GYA GCIG TU 'BYED TSUL YOD DE, 'DOD PA'I SAS BSDUS PA'I BDEN 'DZIN LHAN SKYES CHUNG 'BRING CHEN PO DGU, DE BZHIN DU BSAM GTAN BZHI DANG, GZUGS MED BZHI'I SAS BSDUS ZHES SBYAR BAS DGU DGU BRGYAD CU GYA GCIG YOD PA'I PHYIR, 'ON KYANG RTZA BAR BDEN 'DZIN LHAN SKYES LA DGUR PHYE BA LTA BU NI GDUL BYA NYE BA'I BSAM PA LA LTOS PA'I DBANG DU BYAS PA YIN GYI, DNGOS PO'I GNAS TSED LA NI GRANGS DE TZAM DU MA @054A *, ,NGES PAR GSER PHRENG LAS BSHAD DO, ` GSUM PA RTZOD PA SPONG BA LA, KHA CIG NA RE, SA DANG PO'I NGO BOR GYUR PA'I SGOM LAM BAR CHAD MED LAM YOD KYANG DE'I NGO BOR GYUR PA'I SGOM LAM BAR CHAD MED LAM YIN NA, SA DANG PO'I SKAD CIG THA MA'I BAR CHAD MED LAM YIN DGOS PAR THAL, DE LTAR DGOS PA MKHAS PA KHA CIG GIS BZHED PA'I PHYIR, ZER NA, MA KHYAB, 'DOD NA BKAG ZIN TO, ,KHA CIG, THEG CHEN SGOM LAM BAR CHAD MED LAM CHUNG 'BRING CHEN PO DGU RIM GYIS SKYES STOBS KYIS BDEN 'DZIN LHAN SKYES CHE 'BRING CHUNG NGU DGU RIM GYIS SPONG BA DE MI 'THAD PAR THAL, BDEN 'DZIN LHAN SKYES CHEN PO'I CHEN PO DNGOS SU SPONG BA LA THEG CHEN SGOM LAM BAR CHAD MED LAM CHEN PO'I CHEN PO RGYUD LA SKYE DGOS PA'I PHYIR, DER THAL, DPER NA, DGRA STOBS LDAN 'DUL BA LA GSHED MA STOBS LDAN DGOS PA BZHIN YIN ZER NA, DE LTA BU'I KLAN KA'I SKYON MI 'JUG STE SPANG GNYEN SKYE 'GAGS KYI RIM PA NI TSUL DE DANG MI 'DRA BAR GOS LA CHAGS PA'I DRI MA RAGS RIM NAS SEL BA BZHIN YIN PA'I PHYIR, DER THAL, DE LA KLAN KA SPANG BA YIS, ,ZHES PA'I THAD KYI RNAM BSHAD LAS DE LTAR GSUNGS PA'I PHYIR, KHA CIG, NYAN THOS SGOM LAM BAR CHAD MED LAM CHUNG 'BRING CHEN PO DGU RIM GYIS SKYES STOBS KYIS GANG ZAG GI BDAG 'DZIN CHE 'BRING CHUNG NGU DGU RIM GYI SPONG BAR THAL, THEG CHEN GYI SGOM LAM BAR CHAD MED LAM LA SNGAR GYI DE'I PHYIR, 'DOD NA, MI 'THAD PAR THAL, NYAN THOS KYI SGOM LAM CHUNG 'BRING CHEN PO DGU MED PA'I PHYIR, DER THAL, NYAN THOS KYI SGOM LAM YIN NA, NYAN THOS KYI SGOM LAM RDO RJE LTA BU'I TING NGE 'DZIN YIN DGOS PA'I @054B PHYIR, DE DER THAL, NYAN THOS MTHONG LAM NAS SGOM LAM DU 'PHOS MA THAG TU NYAN THOS KYI SGOM LAM RDO RJE LTA BU'I TING NGE 'DZIN LA 'JUG PA'I PHYIR, KHA CIG ,MA KHYAB ZER YANG, RANG RES MA GRUB BO, ,KHA CIG, SA BCU PA'I BAR CHAD MED LAM DE BDEN 'DZIN LHAN SKYES CHUNG NGU'I DNGOS GNYEN BAR CHAD MED LAM YIN PAR THAL, SA BCU PA'I BAR CHAD MED LAM GYI NGOS SKAL DU GYUR PA'I BDEN 'DZIN LHAN SKYES CHUNG NGU'I CHUNG NGU YOD PA'I PHYIR, ZER NA, MA KHYAB, 'DOD NA, DE MI 'THAD PAR THAL, BDEN 'DZIN LHAN SKYES CHUNG NGU CHUNG NGU'I DNGOS GNYEN BAR CHAD MED LAM YIN NA, RGYUN MTHA'I BAR CHAD MED LAM YIN DGOS PA'I PHYIR, DER THAL, BDEN 'DZIN LHAN SKYES KYI DNGOS GNYEN BAR CHAD MED LAM YIN NA, RGYUN MTHA'I BAR CHAD MED LAM YIN DGOS PA'I PHYIR, DER THAL, BDEN 'DZIN LHAN SKYES LAS DNGOS SU GROL BA'I YE SHES YIN NA, RNAM MKHYEN SKAD CIG DANG PO YIN DGOS PA'I PHYIR,, ,,GSUM PA SKABS BSDU NI GO SLA'O,, ,,ZHES PA'I GSUNG BAR 'DI BZHIN SER SMAD GRVA TSANG GI MKHAS GRUB CHEN PO BSTAN PA DAR RGYAS KYI YIG CHA GZHIR BZUNG STE YIG CHA'I BKA' GNAD MDOR BSDUS RNAMS SPROS BSHAD DANG, KHA SKONG, MTHA' DPYOD, THUN MONG MIN PA'I KHAS LEN MI GSAL BA RNAMS 'DIR GSAL YOD PAR BRTEN SNGA DUS BLO GSAL BA RNAMS NAS YIG CHA DANG ZUNG SBREL GSAN SBYONG MDZAD MUS DANG, MKHO GNAD KYANG SHIN TU CHE RUNG, ,GSUNG PAR CO NE DGON CHEN DU BZHUGS PA DUS 'GYUR DBANG GIS SNGAR NAS ME BZHES ZIN 'DUG PAS DA PHAN SLOB GNYER BA'I KHROD DU YIG CHA DKON GSHIS GRVA TSANG MKHAN PO RGYAL RONG BLO BZANG BSTAN 'DZIN DANG, DGE SHES, SLOB GNYER BA RNAMS NAS YIG CHA CHA TSANG GSUNG PAR ZHIG 'GRUB THABS THUGS GNYER CHE BA DANG BCAS MKHA' MNYAM 'GRO KUN PHAN BDE'I RTZA BAR RGYAL BA'I LUNG RTOGS KYI BSTAN PA RIN PO CHE @055A *, ,BSHAD SGRUB DAR RGYAS GONG 'PHEL YUN RING DU GNAS CHED SER SMAD GZHUNG PA GRVA SKU BCAR MKHAN DRUNG T'A BLA MA RONG RNAM SRAS PA THUB BSTAN NOR BZANG SHAG TSANG NAS LHAG BSAM RNAM PAR DAG PAS RGYU SBYOR 'DU 'GOD KYIS GONG GSAL YIG CHA CO NE'I BAR RNYING KHUNGS DAG RANG LA MA PHYI BYAS TE RAB BYUNG BCU DRUG PA'I LCAGS PHO STAG LOR GSUNG PAR DU LEGS BSKRUN THOG GRVA TSANG 'DI NYID KYI CHOS MDZOD DU BZHUGS SU GSOL BA'O, ,'DIR 'BAD DGE BA'I SA BON LEGS SMIN THUB PA'I RING LUGS YONGS 'DU'I LJON, ,BSTAN 'DZIN RKANG DRUG BYE BA RNAM RTZEN KUN DGA'I ME TOG PHYOGS MTHAR RGYAS, ,MA NOR LAM BZANG 'BRAS BU'I KHUR CHEN BSTAN SRID 'GRO PHAN ZUNGS SU DUD, ,BLA MED ZHI BA'I GRIB BSIL SNUM POR 'GRO BA MA LUS DBUGS 'BYIN SHOG , ,,SRBA MANGGA LAm,, ,,