*, ,MNGON PAR RTOGS PA'I RGYAN GYI DGONGS PA GSAL BAR BYED PA MKHAS PA DGYES PA'I MCHOD SPRIN LAS SKABS GSUM PA'I TSIG DON MTHA' DPYOD ZUNG 'BREL DU BSHAD PA BZHUGS SO, @01A #, ,'PHAGS PA NYAN THOS DANG RANG SANGS RGYAS THAMS CAD LA PHYAG 'TSAL LO, ,GSUM PA GZHI SHES KYI YAN LAG RGYAS PAR BSHAD PA LA GNYIS, SPYIR BSTAN PA DANG, GZHUNG GYI DON BSHAD PA'O, ,DANG PO NI, SHES BYA CHOS CAN, SKABS GNYIS PAR LAM SHES BSHAD ZIN PA'I 'OG TU SKABS 'DIR GZHI SHES 'CHAD PA'I RGYU MTSAN YOD DE, LAM SHES RANG RGYUD LA SKYE BA LA GZHI MI RTAG LA SOGS BCU DRUG YONGS SU SHES PA'I GZHI SHES KYI RNAM PA NYAMS SU LEN PA SNGON DU 'GRO DGOS SHING, DE MED NA MI 'BYUNG BA'I RGYU MTSAN GYIS DE LTAR BSHAD PA'I PHYIR, DE LTAR YANG 'GREL BA LAS, GZHI THAMS CAD YONGS SU SHES PA MED PAR LAM LEGS PAR YONGS SU SHES PA MED PAS THAMS CAD SHES PA NYID, CES GSUNGS PA'I PHYIR, 'DI'I SKABS SU GSUM LAS DANG PO LA, KHA CIG ,LAM SHES RANG RGYUD LA BSKYED PA LA GZHI SHES RANG RGYUD LA SKYE BA SNGON DU 'GRO DGOS PAS NA, LAM SHES BSHAD ZIN PA'I 'OG TU GZHI SHES 'CHAD PA YIN ZER NA, 'O NA, LAM SHES RANG RGYUD LA SKYES BA'I GANG ZAG YIN NA, GZHI SHES RANG RGYUD LA SKYES PA'I GANG ZAG YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA CHOS CAN, DER THAL, DE'I PHYIR, DER THAL, THEG CHEN 'PHAGS PA YIN PA'I PHYIR, 'DOD MI NUS TE, CHOS CAN DE'I PHYIR, KHYAB STE, DANG PO NYID NAS THEG CHEN DU RIGS NGES PA'I BYANG SEMS RNAMS KYIS LAM SHES MA THOB PAR GZHI SHES THOB PA MI SRID PA'I PHYIR, KHA CIG ,LAM SHES RANG RGYUD LA SKYE BA LA, MI RTAG LA SOGS BCU @02A #, ,DRUG MNGON SUM DU RTOGS DGOS PA'I RGYU MTSAN GYIS DE LTAR BSHAD PA YIN ZER NA, DE MI 'THAD PAR THAL, DMAN LAM SNGON DU MA SONG BA'I BYANG SEMS SBYOR LAM PAS LAM SHES MA THOB PAR MI RTAG LA SOGS BCU DRUG MNGON SUM DU RTOGS PA'I YE SHES THOB PA MED PA'I PHYIR, DER THAL, DES LAM SHES MA THOB PAR GZHI SHES THOB PA MED PA'I PHYIR, KHYAB STE, MI RTAG LA SOGS BCU DRUG MNGON SUM DU RTOGS PA'I YE SHES DE GZHI SHES YIN PA'I PHYIR, KHA CIG ,LAM SHES RANG RGYUD LA SKYE BA LA, MI RTAG SOGS BCU DRUG RTOGS PA SNGON DU 'GRO DGOS KYANG, DE DAG RTOGS MI DGOS SO ZER NA, 'O NA, LAM SHES RANG RGYUD LA SKYE BA LA, SDUG BDEN GYI STENG GI MI RTAG PA RTOGS MI DGOS PAR THAL, DAM BCA' 'THAD PA'I PHYIR, 'DOD NA, DE LA NYER LEN GYI PHUNG PO MI RTAG PAR RTOGS MI DGOS PAR THAL, 'DOD PA'I PHYIR, 'DOD NA, NYER LEN GYI PHUNG PO MI RTAG PAR MA RTOGS PAR THEG CHEN GYI MTHONG LAM THOB NUS PAR THAL, 'DOD PA'I PHYIR, 'DOD NA, PHUNG PO MI RTAG PAR MA RTOGS PAR THEG CHEN GYI MTHONG LAM THOB NUS PAR THAL, 'DOD PA'I PHYIR, 'DOD NA, 'DUS BYAS MI RTAG PAR MA RTOGS PAR THEG CHEN GYI MTHONG LAM THOB NUS PAR THAL, 'DOD PA'I PHYIR, 'DOD MI NUS SO,, KHA CIG ,THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA, GZHI SHES KYI MTSAN NYID ZER NA, THEG DMAN 'PHAGS PA'I RGYUD KYI SEMS CAN SDUG BSNGAL DANG BRAL 'DOD KYI SNYING RJE CHOS CAN, MTSAN NYID DER THAL, MTSON BYA DE'I PHYIR, DER THAL, THEG DMAN 'PHAGS PA'I RGYUD KYI MKHYEN PA YIN PA'I PHYIR, 'DOD MI NUS TE, @02B DE THEG DMAN GYI RTOGS RIGS SU MI GNAS PA'I PHYIR, DER THAL, SNYING RJE DE THEG DMAN GYI RTOGS RIGS SU MI GNAS PA'I PHYIR, DER THAL, GZHAN DON BYED PAR 'DOD PA'I BLO DE THEG DMAN GYI RTOGS RIGS SU MI GNAS PA'I PHYIR, KHA CIG ,NYAN THOS KYI RTOGS RIGS SU GNAS PA'I 'PHAGS RGYUD KYI MKHYEN PA DANG, THEG DMAN 'PHAGS PA'I MKHYEN PA GANG RUNG GIS BSDUS PA'I 'PHAGS RGYUD KYI MKHYEN PA, GZHI SHES KYI MTSAN NYID ZER NA, GZUGS PHYI ROL DON GYIS STONG PA MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DER THAL, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA YIN PA'I PHYIR, DER THAL, RANG RGYAL GYI RTOGS RIGS SU GNAS PA'I THEG CHEN 'PHAGS PA'I MKHYEN PA YIN PA'I PHYIR, 'DOD NA, DE CHOS CAN, NYAN THOS KYI RTOGS RIGS SU GNAS PAR THAL, 'DOD PA GANG ZHIG ,THEG DMAN 'PHAGS PA'I MKHYEN PA MA YIN PA'I PHYIR, 'DOD NA, NYAN THOS KYI RIGS CAN GYIS, GZUGS PHYI ROL DON GYIS STONG PAR RTOGS PA'I YE SHES GTZO BOR SGOM PAR THAL, 'DOD PA'I PHYIR, 'DOD NA, DES PHYI ROL DON GYIS STONG PA'I STONG NYID GTZO BOR SGOM PAR THAL, 'DOD PA'I PHYIR, 'DOD NA, NYAN THOS DGRA BCOM PAS GZUGS PHYI ROL DON 'DZIN GYI RTOG PA SPANGS PAR THAL, 'DOD PA'I PHYIR, 'DOD MI NUS TE, RANG RGYAL DGRA BCOM PA DES PHYI ROL DON 'DZIN GYI RTOGS PA SPANGS PA'I SPANGS PA THOB PA'I CHA NAS, NYAN THOS DGRA BCOM LAS SPANGS RTOGS LHAG PAR 'JOG PA'I PHYIR, DER THAL, 'GREL BA LAS, RNAM PAR THAR PA CUNG ZAD TZAM ZHIG GIS LHAG PA, ZHES GSUNGS PA'I PHYIR, KHA CIG ,GZHI SHES YIN NA, RTOGS PA NYE TSE BA'I RIGS SU GNAS PAS KHYAB ZER NA, THEG DMAN 'PHAGS PA'I RGYUD KYI SNYING RJE CHOS CAN, DER THAL, DE'I PHYIR, 'DOD NA, @03A *, ,DE MI 'THAD PAR THAL, DE THEG DMAN GYI RTOGS RIGS SU MI GNAS PA'I PHYIR, KHA CIG ,GZHI SHES YIN NA, MI RTAG LA SOGS BCU DRUG MNGON SUM DU RTOGS PA'I YE SHES YIN PAS KHYAB ZER NA, NYAN THOS MTHONG LAM BAR CHAD MED LAM CHOS CAN, DER THAL, DE'I PHYIR, 'DOD NA, RANG GI GZHAL BYAR GYUR PA'I MI RTAG PA MNGON SUM DU RTOGS PA'I YE SHES YIN PAR THAL, 'DOD PA'I PHYIR, 'DOD MI NUS TE, GANG ZAG GI BDAG MED MNGON SUM DU RTOGS PA'I SLOB PA'I YE SHES YIN PA'I PHYIR, DER THAL, NYAN THOS KYI BDAG MED MNGON SUM DU RTOGS PA'I YE SHES YIN PA'I PHYIR, GZHAN YANG, DE MI 'THAD PAR THAL, MI RTAG LA SOGS BCU DRUG MNGON SUM DU RTOGS PA'I SLOB PA'I YE SHES YIN PA MED PA'I PHYIR, KHA CIG ,GZHI SHES DE SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES MA YIN ZER NA, DE YIN PAR THAL, LAM SHES DE SKABS GNYIS PA'I DNGOS BSTAN BSTAN BYA'I GTZO BOR GYUR BA'I LAM SHES YIN PA'I PHYIR, DER THAL, RNAM MKHYEN DE SKABS DANG PO'I DNGOS BSTAN BSTAN BYA'I GTZO BOR GYUR PA'I RNAM MKHYEN YIN PA'I PHYIR, DER THAL, DE GANG DANG YANG DAG LDAN PAS, ZHES PA'I DNGOS BSTAN BSTAN BYA'I GTZO BOR GYUR PA'I RNAM MKHYEN YIN PA'I PHYIR, KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN NA, GNYEN PO'I PHYOGS KYI GZHI SHES YIN PAS KHYAB ZER NA, GZHI SHES CHOS CAN, DER THAL, DE'I PHYIR, DER THAL, DE MNGON RTOGS RGYAN GYI DNGOS BSTAN BSTAN BYA'I GTZO BOR GYUR PA'I GZHI SHES GANG ZHIG ,MTSUNGS PA'I PHYIR, DANG PO DER THAL, MI RTAG LA SOGS BCU DRUG MNGON SUM DU RTOGS PA'I GZHI SHES DE, MNGON RTOGS RGYAN GYI DNGOS BSTAN BSTAN BYA'I GTZO BO YIN PA'I @03B PHYIR, DER THAL, MI RTAG LA SOGS BCU DRUG PO DE DE'I DNGOS BSTAN BSTAN BYA'I GTZO BO YIN PA'I PHYIR, DER THAL, STONG NYID BCU DRUG PO DE DE'I DNGOS BSTAN BSTAN BYA'I GTZO BO YIN PA'I PHYIR, DER THAL, STONG NYID BCU DRUG PO DE YUM GYI MDO'I DNGOS BSTAN BSTAN BYA'I GTZO BO YIN PA'I PHYIR, MA GRUB NA, DE DAG MDO GANG GI YANG DNGOS BSTAN BSTAN BYA'I GTZO BO MA YIN PAR THAL LO, ,KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I MI MTHUN PHYOGS KYI GZHI SHES MED ZER NA; DE YOD PAR THAL, SKABS GSUM PAS DE DNGOS BSTAN BSTAN BYA'I GTZO BOR BYAS NAS BSTAN PA'I PHYIR, DER THAL, DES 'BRAS YUM LA NYE RING GI GZHI SHES GNYIS KA DE LTAR BSTAN PA'I PHYIR, DER THAL, DES GZHI SHES MTSON BYED CHOS DGU DE LTAR BSTAN PA'I PHYIR, DER THAL, DES DE LTAR STON PA'I GZHUNG GCIG YOD PA'I PHYIR, KHA CIG ,STONG NYID RTOGS PA'I THEG DMAN GYI GZHI SHES YOD ZER NA, DE MED PAR THAL, SKABS GSUM PA'I LUGS LA STONG NYID RTOGS PA'I THEG DMAN PA MED PA'I PHYIR, DER THAL, RTEN CING 'BREL BAR 'BYUNG BA GANG, ,DE NYID KHYOD NI STONG PAR BZHED, ,CES PA'I LUNG 'DIS RTEN 'BREL LA BDEN STONG GIS KHYAB PA BSTAN YANG, SKABS 'DIR SLOB DPON GYIS NYAN RANG LA STONG NYID RTOGS PA MED PAR BZHED PA'I PHYIR, DER THAL, RNAM BSHAD LAS, LUNG DES RTEN 'BREL LA BDEN STONG GIS KHYAB PA BSTAN YANG, NYAN RANG RNAMS LA RTOGS PA DE MED PA'I SGO NAS LAN MDZAD DO, ,ZHES GSUNGS PA'I PHYIR, ,GNYIS PA RANG LUGS LA, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DANG, THEG DMAN 'PHAGS PA'I MKHYEN PA GANG RUNG GIS BSDUS PA'I 'PHAGS RGYUD KYI MKHYEN PA, GZHI SHES KYI MTSAN NYID, DE LA YANG RDZAS SPYI DANG NYIS 'GO BCAD NA LEGS PAR MNGON LA MI GCOD NA CUNG ZAD ZHIB CHA SBYAR DGOS PA'ANG YOD, GZHI SHES DE LA @04A *, ,DBYE NA, MI MTHUN PHYOGS KYI GZHI SHES DANG, GNYEN PO'I PHYOGS KYI GZHI SHES GNYIS, DANG PO DANG, THEG DMAN 'PHAGS PA'I MKHYEN PA DON GCIG ,PHYI MA DANG THEG CHEN 'PHAGS PA'I RGYUD KYI GZHI SHES DON GCIG ,MKHAS PA KHA CIG SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES LA DMAN LAM SNGON DU MA SONG BA'I THEG CHEN 'PHAGS PA'I RGYUD KYI GZHI SHES KYIS KHYAB PAR 'DOD KYANG, 'DIR MI 'DOD DE, GZHI SHES SPYI TZAM DE DANG, MI RTAG LA SOGS BCU DRUG MNGON SUM DU RTOGS PA'I YE SHES DE YANG SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN PA'I PHYIR, DANG PO BSGRUB ZIN CING, PHYI MA YANG GRUB STE, MDO LAS, GZUGS MI RTAG PA NYID DU YID LA BYA'O, ,ZHES SOGS KYIS BSTAN PA'I MI RTAG LA SOGS BCU DRUG MNGON SUM DU RTOGS PA'I YE SHES DE, LAM SHES NYID KYI TSUL LA NI, ,'PHAGS PA'I BDEN PA BZHI DAG GI ,ZHES SOGS KYIS RGYAS PAR BSTAN, DE NYID SKABS 'DIR RGYAS PAR BSTAN PA GANG ZHIG ,MI RTAG LA SOGS BCU DRUG MNGON SUM DU RTOGS PA'I YE SHES DE, GZHUNG DE DAG GI SKABS NAS DNGOS SU BSTAN PA'I GZHI SHES YIN PA'I PHYIR, BYANG CHUB SEMS DPAS GZHI SHES BSGOM PA LA DGOS PA YOD DE, MI RTAG SDUG BSNGAL SOGS KYI SGO NAS SKYES BU 'BRING DANG THUN MONG GI BSAM PA LEGS PAR SBYONG BA DANG, GDUL BYA DMAN PA'I RIGS CAN RJES SU BZUNG BA'I CHED DU YIN PA'I PHYIR,, ` ,,GSUM PA RTZOD PA SPONG BA LA KHA CIG ,MI RTAG LA SOGS BCU DRUG MA RTOGS PAR LAM SHES THOB PA YOD PAR THAL, LAM SHES THOB PA'I GANG ZAG YIN NA, MI RTAG LA SOGS BCU DRUG RTOGS PAS MA KHYAB PA'I PHYIR, ZER NA, MA KHYAB, 'DOD MI NUS SO, ZER NA, STONG NYID MA RTOGS PAR THEG CHEN GYI MTHONG LAM THOB PA SRID PAR THAL, THEG CHEN GYI MTHONG LAM THOB PA'I GANG ZAG YIN NA, @04B STONG NYID RTOGS PA'I GANG ZAG YIN PAS MA KHYAB PA'I PHYIR TE, KHYAB PA MTSUNGS, MA GRUB NA, GANG ZAG GI BDAG MED MNGON SUM DU RTOGS PA'I BYANG SEMS MTHONG LAM PA CHOS CAN, DER THAL, DE'I PHYIR, RTAGS GSAL SLA, 'DOD MI NUS TE, STONG NYID RTOGS PA'I THEG CHEN GYI SBYOR LAM MA THOB PAR THEG CHEN GYI MTHONG LAM THOB MI SRID PA'I PHYIR, KHA CIG ,SEMS CAN SDUG BSNGAL DANG BRAL 'DOD KYI SNYING RJE DE, THEG DMAN GYI RTOGS RIGS SU GNAS PAR THAL, SNYING RJE THEG DMAN GYI RTOGS RIGS SU ? GNAS PA'I PHYIR, DER THAL, SNYING RJE GTZO BOR BSGOM PA'I THEG DMAN PA YOD PA'I PHYIR, DER THAL, SNYING RJE BSGOM PA'I THEG DMAN PA YOD PA'I PHYIR, ZER NA, MA KHYAB, KHA CIG ,SANGS RGYAS 'PHAGS PA'I RGYUD KYI GZHI SHES CHOS CAN, RANG LUGS GZHI SHES KYI MTSAN NYID DER THAL, MTSON BYA DE'I PHYIR, 'DOD NA, DE THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA YIN PAR THAL, 'DOD PA GANG ZHIG ,THEG DMAN 'PHAGS PA'I MKHYEN PA MA YIN PA'I PHYIR, 'DOD NA, DE RTOGS PA NYI TSE BA'I RIGS SU GNAS PAR THAL, 'DOD PA'I PHYIR, KHA CIG ,MA KHYAB ZER NA, 'DOD MI NUS TE, SANGS RGYAS 'PHAGS PA'I RGYUD LA RTOGS PA NYI TSE BA'I RIGS SU GNAS PA MED PA'I PHYIR, DER THAL, DE'I RGYUD LA RTOGS PA NYI TSE BA MED PA'I PHYIR, ZER NA, MA KHYAB, 'O NA, DE'I RGYUD LA THEG DMAN GYI RTOGS PA YOD PAR THAL, DE'I RGYUD LA THEG DMAN GYI RTOGS RIGS SU GNAS PA YOD PA'I PHYIR, KHYAB PA KHAS, KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I DMAN LAM SNGON DU SONG BA'I GZHI SHES YOD PAR THAL, DE'I DNGOS BSTAN BSTAN BYA'I GTZO BOR GYUR PA'I GZHI SHES YIN NA, DMAN LAM SNGON MA SONG GI GZHI SHES YIN PAS MA KHYAB PA'I PHYIR, ZER NA, MA KHYAB, MA GRUB NA, GZHI SHES CHOS CAN, DER THAL, DE'I PHYIR, 'DOD NA, 'PHAGS PA DE YANG @05A *, ,DMAN LAM SNGON DU MA SONG BA'I 'PHAGS PA YIN PAR THAL, 'DOD PA'I PHYIR, 'DOD NA, DE'I RGYUD LA DMAN LAM SNGON DU SONG BA'I LAM MED PAR THAL LO, KHA CIG ,SKABS GSUM PA'I CHED DU BYA BA'I 'DUL BYA THEG DMAN PA YOD PAR THAL, DE'I BSTAN BYA'I GTZO BOR GYUR PA'I THEG DMAN GYI LAM YOD PA'I PHYIR, ZER NA, MA KHYAB, MA GRUB NA, DER THAL, DE'I DNGOS BSTAN BSTAN PA'I GTZO BOR GYUR PA'I MI MTHUN PHYOGS KYI GZHI SHES YOD PA'I PHYIR, DER THAL, RTZA BAR, MI MTHUN GNYEN PO'I PHYOGS DAG GI ,RNAM PAR DBYE BA MA LUS PA, ,JI SKAD BSHAD PA 'DIR SHES BYA, ,ZHES GSUNGS PA'I PHYIR,, ` SRID ZHI'I MTHA' DANG MTHA' GNYIS 'GOG BYED KYI LAM, ,GNYIS PA GZHUNG GI DON BSHAD PA LA GNYIS, DNGOS DANG MKHYEN GSUM MJUG BSDU PA'O, DANG PO LA GSUM NYE RING GI LAM BSHAD PA, GZHI SHES KYI SBYOR BA BSHAD PA, SBYOR BA SGOM PA'I 'BRAS BU BSHAD PA'O, ,DANG PO LA GSUM, NYE RING GI RGYU MTSAN, RGYU MTSAN DE NYID SGRUB PA, MI MTHUN PHYOGS DANG, NYEN PO'I PHYOGS KYI DBYE BA BSHAD PA'O, ,DANG PO NI, TSU ROL PHA ROL MTHA' LA MIN, ,ZHES PA NAS, SHES RAB PHA ROL PHYIN PAR 'DOD, ,CES PA'I BAR GSUNGS TE, 'DI LA GNYIS, TSIG DON DANG, MTHA' DPYAD PA'O, ,DANG PO NI, GZHI SHES PA'I SHES RAB KYI PHA ROL TU PHYIN PA CHOS CAN, ,KHYAD SANGS RGYAS DANG BYANG CHUB SEMS DPA'I RGYUD LA NYE BAR 'DOD PA YIN TE, DUS GSUM GYI CHOS RNAMS BDEN PA'I RANG BZHIN MED PAR MNYAM PA NYID DU MNGON SUM DU SHES PA'I SHES RAB KYIS ZIN PA'I YE SHES YIN PA'I PHYIR, DE CHOS CAN, TSU ROL 'KHOR BA'I MTHA' DANG PHA ROL ZHI BA'I MTHA' LA GNAS PA MIN TE, MTHA' DE GNYIS 'GOG BYED KYI LAM YIN PA'I PHYIR, DE CHOS CAN, MTHA' DE DAG GI BAR NA DON DAM PAR MI GNAS PA YIN TE, STONG NYID RTOGS PA'I SHES RAB KYIS ZIN PA'I YE SHES YIN PA'I PHYIR, DE LTAR YANG 'GREL PA LAS, DUS @05B GSUM PA'I CHOS RNAMS SKYE BA MED PA'I RNAM PAR MNYAM PA NYID DU RTOGS PAS, ZHES PA NAS, SRID PA DANG ZHI BA LA MI GNAS PA YIN NO, ,ZHES PA'I BAR GSUNGS, SHES BYA CHOS CAN, RTZA 'GREL DE DAG MDO GANG LAS 'PHROS PA YOD DE, GZHUNG SNGA PHYI'I GO RIM 'BREL CHAGS PA'I DBANG DU BYAS NA, 'GREL BA RTZA BA DANG, RTZA BA MDO LAS 'PHROS SHING, DE GNYIS KA YANG MDO LAS, BCOM LDAN 'DAS BYANG CHEN RNAMS KYI SHER PHYIN NI, PHA ROL GYI MTHA' MA LAGS TSUL ROL GYI MTHA' MA LAGS, GNYIS KA'I BAR NA YANG MI GNAS LAGS, SO; ;BCOM LDAN 'DAS KYI BKA' STZAL PA, RAB 'BYOR SHIN TU RNAM PAR DAG PA'I PHYIR RO, ,ZHES SOGS DANG, RAB 'BYOR DUS GSUM GYI CHOS THAMS CAD MNYAM PA NYID KYI PHYIR RO, ,ZHES SOGS LAS 'DAS PA'I PHYIR, 'DI BYANG CHEN DANG SHER TSIG SDUD BYAS PA DANG LUNG YANG CUNG ZAD MI 'DRA BA YOD KYANG DON 'DRA'O,, ` ,GNYIS PA MTHA' DPYAD PA LA GSUM LAS, DANG PO LA, KHA CIG ,DUS GSUM BDEN STONG DU MNGON SUM DU RTOGS PA'I YE SHES YIN NA, SANGS RGYAS DANG BYANG CHUB SEMS DPA'I RGYUD LA NYE BAS KHYAD PAR THAL, KHYOD KYI SBYOR BA 'THAD PA'I PHYIR, ZER NA, SKYON MED DE, DE NI GZHUNG DON DON THOB LA 'CHAD TSUL GYI DBANG DU BYAS PA YIN GYI, RTZOD PA'I TSED DUNG ZHIB CHA SBYAR BAR BYA DGOS PA'I PHYIR, KHA CIG ,SHES RAB PHA ROL PHYIN PAR 'DOD, ,CES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED PA YIN ZER NA, DE MI 'THAD PAR THAL, DE LAM SHER PHYIN LA BYED RIGS PA'I PHYIR, DER THAL, RNAM BSHAD LAS, LAM SHER PHYIN 'DI LA MI RTAG SOGS RTOGS SHES RAB DANG, ZHES GSUNG PA'I PHYIR, GZHAN YANG, DE LAM SHER PHYIN LA BYED PAR THAL, MDO LAS, BCOM LDAN 'DAS BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA NI, PHA ROL GYI MTHA' LAGS, ,TSUL ROL GYI MTHA' MA LAGS, GZHIS KA'I BAR NA @06A *, ,YANG MI GNAS PA LAGS SO, ,ZHES PA'I SKABS NAS DNGOS SU BSTAN PA'I SHER PHYIN DE LAM SHER PHYIN LA BYED PA'I PHYIR, DER THAL, BYANG CHUB SEMS DPA' RNAMS KYI ZHES GSUNGS PA LA DGOS PA YOD PA'I PHYIR, KHA CIG ,SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA LA, SHES PAS SRID LA MI GNAS PA'I GZHI SHES KYI THA SNYAD DANG, ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA LA, SNYING RJES ZHI LA MI GNAS PA'I GZHI SHES KYI THA SNYAD BYED DO, ,ZER NA, DE MI 'THAD PAR THAL, DE LTA BU'I THEG CHEN 'PHAGS PA'I MKHYEN PA GNYIS LA RIM PA BZHIN DU SHES PAS SRID LA MI GNAS PA'I LAM SHES DANG, SNYING RJES ZHI LA MI GNAS PA'I LAM SHES ZHES PA'I THA SNYAD BYED RIGS KYI DE LTAR BU'I GZHI SHES ZHES THA SNYAD BYED PAR MI RIGS PA'I PHYIR, PHYI MA DER THAL, RNAM BSHAD LAS, MTSON BYA'I DON GNYIS PO LAM SHES KYI KHYAD PAR YIN PAS SNYING RJES ZHI LA MI GNAS PA'I GZHI SHES ZHES ZER BA NI THA SNYAD LOG PAR SBYAR BA'O, ,ZHES GSUNGS PA'I PHYIR, KHA CIG ,MKHYEN PA DE GNYIS GANG RUNG YIN NA, GZHI SHES KYI THA SNYAD MI BYED PAS KHYAB ZER NA, DE MI 'THAD PAR THAL, SHES PAS SRID LA MI GNAS PA'I LAM SHES YIN NA, GZHI SHES YIN DGOS PA'I PHYIR, KHA CIG ,SRID MTHA' DANG ZHI MTHA'I GZHI MTHUN PA YOD ZER NA, 'O NA, 'KHOR BA YANG YIN MYANG 'DAS YANG YIN PA'I GZHI MTHUN PA YOD PAR THAL, KHYOD KYI DAM BCA' 'THAD PA'I PHYIR, KHYAB STE, SRID MTHA' YIN NA, 'KHOR BA YIN DGOS, ZHI MTHA' YIN NA DMAN PA'I MYANG 'DAS YIN DGOS PA'I PHYIR, 'DOD MI NUS TE, MYANG 'DAS YIN NA, 'KHOR BA SPANGS PA'I MYANG 'DAS YIN PAS KHYAB PA'I PHYIR, KHA CIG ,SRID MTHA' LA GNAS PA'I GANG ZAG DANG ZHI MTHA' LA GNAS PA'I GANG ZAG GI GZHI @06B MTHUN YOD ZER NA, DE MED PAR THAL, SRID MTHA' LA GNAS PA'I GANG ZAG YIN NA, 'KHOR BA LA GNAS PAS KHYAB, ZHI MTHA' LA GNAS PA'I GANG ZAG YIN NA, MYANG 'DAS THOB PAS KHYAB PA'I PHYIR, KHA CIG ,BYANG SEMS LAM LA LTOS PA'I SRID MTHA' LA GNAS PA'I GANG ZAG YIN NA, SRID MTHA' LA GNAS PA'I GANG ZAG YIN PAS KHYAB, DE LA LTOS PA'I ZHI MTHA' LA GNAS PA'I GANG ZAG YIN NA, ZHI MTHA' LA GNAS PA'I GANG ZAG YIN PAS KHYAB ZER NA, DANG PO LA NYAN THOS DGRA BCOM PA CHOS CAN, DER THAL, DE'I PHYIR, DER THAL, THEG DMAN PA YIN PA'I PHYIR, 'DOD NA, DE CHOS CAN, 'KHOR BA LA GNAS PAR THAL, 'DOD PA'I PHYIR, 'DOD MI NUS SO, ,GZHAN YANG, NYAN THOS TSOGS LAM PA CHOS CAN, PHYI MA DER THAL, DE'I PHYIR, DER THAL, THEG DMAN PA YIN PA'I PHYIR, 'DOD NA, CHAD PA'I MYANG 'DAS LA GNAS PAR THAL, 'DOD PA'I PHYIR, 'DOD NA, DGRA BCOM PA YIN PAR THAL LO, ,KHA CIG ,'DIR BSTAN SRID MTHA' LA GNAS PA'I GANG ZAG LA, SRID MTHA' LA GNAS PAS KHYAB, 'DIR BSTAN ZHI MTHA' LA GNAS PA'I GANG ZAG LA, ZHI MTHA' LA GNAS PAS KHYAB ZER NA DANG, YANG THEG CHEN LAM LA LTOS PA'I SRID ZHI'I MTHA' LA GNAS PA'I GANG ZAG SO SO LA, SRID ZHI'I MTHA' LA GNAS PA'I GANG ZAG SO SOS KHYAB ZER NA, SKYON SNGAR BZHIN 'PHEN NO, ,KHA CIG, 'DIR BSTAN SRID MTHA' LA, SRID MTHAS KHYAB, 'DIR BSTAN ZHI MTHA' LA, ZHI MTHAS KHYAB ZER NA, DANG PO LA, 'KHOR BAR SKYE BA LEN PA MTHA' GCIG TU DOR BYAR 'DZIN PA'I BLO CHOS CAN, DER THAL, DE'I PHYIR, RTAGS GSAL SLA, PHYI MA LA, LAS NYON GYIS 'KHOR BAR SKYE BA LEN PA CHAD TZAM GYI MYANG 'DAS THOB BYA'I GTZO BOR BYAS NAS DON DU GNYER BA'I BLO CHOS CAN, ZHI MTHA' YIN PAR THAL, 'DIR BSTAN ZHI MTHA' YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, MYANG 'DAS MA YIN PA'I PHYIR, DER THAL, @07A *, ,'DUS BYAS YIN PA'I PHYIR, KHA CIG ,'GREL PA LAS, RTAG PA DANG CHAD PA'I MTSAN NYID DANG, ZHES PA'I DNGOS BSTAN GYI RTAG MTHA' LA, RTAG MTHAS KHYAB, DE'I DNGOS BSTAN GYIS CHAD MTHA' LA, CHAD MTHAS KHYAB ZER NA; LAS NYON GYI DBANG GIS 'KHOR BAR NYING MTSAMS SBYOR BA'I CHA CHOS CAN, RTAG MTHA' YIN PAR THAL, DE'I DNGOS BSTAN GYI RTAG MTHA' YIN PA'I PHYIR, DER THAL, RTAG PA DANG ZHES PA'I DNGOS BSTAN GYI RTAG MTHA' YIN PA'I PHYIR, 'DOD NA, KHYOD RGYUD LDAN GYI GANG ZAG MED PAR THAL LO, ,GZHAN YANG, NYAN THOS KYI LHAG MED MYANG 'DAS CHOS CAN, CHAD MTHA' YIN PAR THAL, DE'I DNGOS BSTAN GYI CHAD MTHA' YIN PA'I PHYIR, DER THAL, CHAD PA'I MTSAN NYID DANG ZHES PA'I DNGOS BSTAN GYI CHAD MTHA' YIN PA'I PHYIR, DER THAL, NYAN THOS KYI LHAG MED MYANG 'DAS YIN PA'I PHYIR, 'DOD MI NUS TE, YOD PA'I PHYIR, KHA CIG ,'KHOR BAR SKYE BA LEN PA DE, 'DIR BSTAN SRID MTHA' DANG, MYANG 'DAS DE 'DIR BSTAN ZHI MTHA' YIN ZER NA, DANG PO DE MI 'THAD PAR THAL DER GYUR BA'I GANG ZAG YOD PA'I PHYIR, PHYI MA DE YANG MI 'THAD PAR THAL, MYANG 'DAS LA GNAS PA'I THEG CHEN PA YOD PA'I PHYIR, DER THAL, DE LA GNAS PA'I SANGS RGYAS 'PHAGS PA YOD PA'I PHYIR, KHA CIG ,SRID MTHA' YIN NA, 'KHOR BA'I MTHA' YIN PAS KHYAB ZER BA DANG, YANG MYANG 'DAS YIN NA, 'KHOR BA'I MTHA' YIN PAS KHYAB ZER NA, DANG PO LA 'KHOR BA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, DE MI 'THAD PAR THAL, 'KHOR BA'I SEMS CAN THAMS CAD GYI RGYUD LA KHYOD YOD PA'I PHYIR, PHYI MA LA, MI GNAS PA'I MYANG 'DAS CHOS CAN, DER THAL, DE'I PHYIR, 'DOD NA, DE MI 'THAD PAR THAL, 'KHOR BA'I MTHA' LAS GROL BA'I MYANG 'DAS YIN PA'I PHYIR, DER THAL, SANGS RGYAS 'PHAGS PA DE 'KHOR BA'I MTHA' @07B LAS GROL BA'I GANG ZAG YIN PA'I PHYIR, DER THAL, 'KHOR BA'I PHA ROL MTHAR SON PA, ,ZHES GSUNGS PA'I PHYIR, KHA CIG ,DON DAM LA LTOS PA'I ZHI MTHA' YOD ZER NA, DE MI 'THAD PAR THAL, SRID ZHI BDEN PAR GRUB PA MED PA'I PHYIR, DER THAL, SRID ZHI GNYIS BDEN STONG DU MTSUNGS PA'I PHYIR, DER THAL, RTZA BAR, SRID DANG ZHI BA MNYAM NYID DANG, ,ZHES GSUNGS PA'I PHYIR, KHA CIG ,LAS NYON GYI DANG GIS 'KHOR BAR SKYE BA LEN PA DOR BYAR 'DZIN PA'I BLO DE, BYANG SEMS LAM LA LTOS PA'I SRID MTHA' DANG, CHAD PA'I MYANG 'DAS BLANG BYAR 'DZIN PA'I BLO DE, BYANG SEMS LAM LA LTOS PA'I ZHI MTHA' YIN ZER NA, DANG PO DE MI 'THAD PAR THAL, DE 'DRA'I BLO RGYUD LDAN GYI BYANG 'PHAGS YOD PA'I PHYIR, DER THAL, LAS NYON GYI DBANG GIS 'KHOR BAR SKYE BA LEN PA DOR BYA YIN PA'I PHYIR, DER THAL, LAS NYON GYI DBANG GIS SKYE BA LEN PA DOR BYA YIN PA'I PHYIR, PHYI MA DE YANG MI 'THAD PAR THAL, CHAD PA'I MYANG 'DAS BLANG BYAR 'DZIN PA'I BLO RGYUD LDAN GYI BYANG 'PHAGS YOD PA'I PHYIR, DER THAL, DE BLANG BYA YIN PA'I PHYIR, DER THAL, DE THOB BYA YIN PA'I PHYIR, MA GRUB NA, DE CHOS CAN, THOB BYA YIN PAR THAL, THAR PA YIN PA'I PHYIR, DER THAL, MYANG 'DAS YIN PA'I PHYIR, KHA CIG ,DMAN PA'I MYANG 'DAS YIN NA, SKABS 'DIR DNGOS SU BSTAN PA'I ZHI MTHA' YIN PAS KHYAB ZER NA, RANG RGYAL DGRA BCOM PA'I RGYUD KYI MYANG 'DAS CHOS CAN, DER THAL, DE'I PHYIR, 'DOD NA, DE MI 'THAD PAR THAL, SKABS 'DIR NYAN THOS KYI MYANG 'DAS DE ZHI MTHAR DNGOS SU BSTAN PAS RANG RGYAL GYI MYANG 'DAS DE SHUGS LA BSTAN PA'I PHYIR, KHA CIG ,ZHI MTHA' YIN NA, LAS NYON GYI DBANG GIS SKYE BA LEN PA CHAD TZAM GYI MYANG 'DAS YIN PAS KHYAB ZER NA, RANG RGYAL DGRA BCOM PA'I RGYUD KYI MYANG 'DAS CHOS CAN, DER THAL, DE'I PHYIR, DER THAL, CHAD PA'I MYANG 'DAS YIN PA'I PHYIR, DER THAL, DMAN PA'I MYANG 'DAS YIN PA'I PHYIR, @08A *, ,'DIR MA KHYAB GSUNG BA MANG DU SNANG NGO, ,'DOD NA, DE CHOS CAN, NYON MONGS SPANGS TZAM GYIS BZHAG PA'I MYANG 'DAS YIN PAR THAL, 'DOD PA'I PHYIR, 'DOD MI NUS TE, PHYI ROL DON 'DZIN GYI RTOG PA SPANGS PA'I MYANG 'DAS YIN PA'I PHYIR,, ` RANG LUGS LA, GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SHES PAS SRID LA MI GNAS PA'I LAM SHES KYI MTSAN NYID, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SNYING RJES ZHI LA MI GNAS PA'I LAM SHES KYI MTSAN NYID, DANG PO NI, BYANG SEMS MTHONG LAM PA'I RGYUD KYI MI RTAG LA SOGS BCU DRUG MNGON SUM DU RTOGS PA'I YE SHES LTA BU, PHYI MA NI, DE'I RGYUD KYI LHAG BSAM RNAM DAG LTA BU'O, ,GZHI KUN RDZOB LA LTOS PA'I SRID MTHA' DANG, SRID MTHA', 'KHOR BA GSUM DON GCIG ,GZHI KUN RDZOB LA LTOS PA'I ZHI MTHA' DANG, ZHI MTHA', CHAD PA'I MYANG 'DAS GSUM DON GCIG ,'DIR BSTAN BYANG SEMS LAM LA LTOS PA'I SRID ZHI GNYIS KYI MTHA' KHYAD PAR YOD DE, 'KHOR BAR SKYE BA LEN PA MTHA' GCIG TU DOR BYAR 'DZIN PA'I BLO DE, DE LA LTOS PA'I SRID MTHA' DANG, 'KHOR BAR SKYE BA LEN PA CHAD TZAM GYI MYANG 'DAS THOB BYA'I GTZO BOR BYAS NAS DON DU GNYER BA'I BLO DE, DE LA LTOS PA'I ZHI MTHA' YIN PA'I PHYIR, DON DAM LA LTOS PA'I SRID ZHI'I MTHA' MED KYANG, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DE LA LTOS PA'I ZHI MTHA' YIN NO, ,LAS NYON GYI DBANG GIS 'KHOR BAR RANG DBANG MED PAR SKYE BA LEN PA'I CHA DE 'DIR BSTAN RTAG MTHA' YIN LA, DE LA RTAG MTHA' ZHES BRJOD PA'I RGYU MTSAN YOD DE, DE LTAR SKYE BA BLANGS NA 'KHOR BAR RGYUN RING DU GNAS DGOS PA'I RGYU MTSAN GYIS DE LTAR BSHAD PA'I PHYIR, @08B DMAN PA'I MYANG 'DAS DE 'DIR BSTAN CHAD MTHA' YIN LA, DE LA CHAD MTHA' ZHES MING GIS BRJOD PA'I RGYU MTSAN YOD DE, LAS NYON GYIS SKYE BA LEN PA CHAD TZAM GYI RIGS SU GNAS PA'I MYANG 'DAS YIN PA'I RGYU MTSAN GYIS DE LTAR BSHAD PA'I PHYIR, NYAN THOS MTHONG LAM PA LTA BU LA 'DIR BSTAN SRID MTHA' LA GNAS PA ZHES BRJOD PA'I RGYU MTSAN YOD DE, DES LAS NYON GYI DBANG GIS 'KHOR BAR SKYE BA LEN PA LA SKYON DU LTA BAR MA ZAD, 'KHOR BAR SKYE BA LEN PA RNAMS MTHA' GCIG TU DOR BYAR 'DZIN PA'I PHYIR, DE LA 'DIR BSTAN ZHI MTHA' LA GNAS ZHES BRJOD PA'I RGYU MTSAN YOD DE, LAS NYON GYI DBANG GIS 'KHOR BAR SKYE BA LEN PA CHAD PA TZAM GYIS MYANG 'DAS THOB BYA'I GTZO BOR BYED PA'I RGYU MTSAN GYIS DE LTAR BSHAD PA'I PHYIR, BYANG SEMS 'PHAGS PA CHOS CAN, KHYOD LA 'DIR BSTAN SRID ZHI'I MTHAR MI GNAS SO ZHES BRJOD PA'I RGYU MTSAN YOD DE, LAS NYON GYI DBANG GIS 'KHOR BAR SKYE BA MI LEN ZHING, 'KHOR BAR SKYE BA LEN PA'I RGYU BRTZE BA SNYING RJE CHEN PO DANG YANG LDAN, DER SKYE BA BLANGS NAS GZHAN DON SGRUB PA'I THABS LA MKHAS PA'I SHES RAB KHYAD PAR CAN DANG LDAN PA'I PHYIR, 'DIR RNAM BSHAD SOGS NAS BYANG 'PHAGS 'KHOR BAR SKYE BA LEN PA'I RGYU BRTZE BA SNYING RJE CHEN PO DANG LDAN LA, NYAN RANG DE LTA BU'I SNYING RJE DANG BRAL BAR BSHAD PA LTAR NA, BYANG 'PHAGS 'KHOR BAR SKYE BA LEN PA YOD PAR 'GRUB LA, 'ON KYANG KHA CIG GIS DE NI 'KHOR BA'I GNAS SU SKYE BA LEN PA LA DGONGS KYI, 'KHOR BAR SKYE BA LEN PA DNGOS NI MA YIN TE, BYANG 'PHAGS KYI RGYUD LA 'KHOR BA MED PA'I PHYIR TE, DE'I RGYUD LA SDUG BDEN MED PA'I PHYIR GSUNG,, ` GSUM PA RTZOD PA SPONG BA LA, KHA CIG, BYANG 'PHAGS KYI RGYUD KYI STONG NYID RTOGS PA'I SHES RAB CHOS CAN, SHES PAS SRID LA MI GNAS PA'I LAM SHES YIN PAR THAL, RANG LUGS KYI MTSAN NYID DE'I PHYIR, DER THAL, @09A *, ,GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PA GANG ZHIG ,THEG CHEN 'PHAGS PA'I MKHYEN PA YIN PA'I PHYIR, DANG PO DER THAL, GZHI KUN RDZOB LA LTOS PA'I SRID MTHA' 'GOG BYED YIN PA'I PHYIR, ZER NA, MA KHYAB, MA GRUB NA DER THAL, SRID MTHA' 'GOG BYED YIN PA'I PHYIR, DER THAL, 'KHOR BA 'GOG BYED YIN PA'I PHYIR, DER THAL, GANG ZAG GI BDAG 'DZIN 'GOG BYED YIN PA'I PHYIR, DER THAL, DE SPONG BYED YIN PA'I PHYIR, 'DOD MI NUS SO, ,BYAS PA LA KHO NA RE, DE CHOS CAN, SHES PAS SRID LA MI GNAS PA'I LAM SHES YIN PAR THAL, SRID MTHA' LA MI GNAS PA'I LAM SHES YIN PA'I PHYIR, ZER NA, MA KHYAB, MA GRUB NA DER THAL, LAM SHES YIN PA'I PHYIR, KHYAB STE, TSU ROL PHA ROL MTHA' LA MIN, ,ZHES GSUNGS PA'I PHYIR, ZER NA, DE CHOS CAN, GZHI SHES YIN PAR THAL, GZHI SHES PA'I SHER PHYIN YIN PA'I PHYIR, KHYAB PA KHAS, 'DOD MI NUS TE, STONG NYID RTOGS PA'I SEMS DPA'I YE SHES YIN PA'I PHYIR, KHA CIG ,RTAG CHAD KYI MTHA' RGYUD LDAN GYI GANG ZAG YOD PAR THAL, 'DIR BSTAN RTAG CHAD KYI MTHA' RGYUD LDAN GYI GANG ZAG YOD PA'I PHYIR, ZER NA, MA KHYAB, 'DOD NA, RTAG CHAD KYI MTHA' CHOS CAN, KHYOD KYI RGYUD LDAN GYI GANG ZAG MED PAR THAL, KHYOD MED PA'I PHYIR, BYAS PA LA, KHO NA RE, DE CHOS CAN, KHYOD LA GNAS PA'I GANG ZAG MED PAR THAL, KHYOD MED PA'I PHYIR ZER NA, RE ZHIG MA KHYAB, 'DOD MI NUS TE, RTAG CHAD KYI MTHA' LA GNAS PA'I RANG SDE DANG GZHAN SDE GNYIS KA YOD PA'I PHYIR, KHA CIG, SRID ZHI GNYIS KA'I MTHA' LA GNAS PA'I GANG ZAG GI GZHI MTHUN YOD PAR THAL, 'DIR BSTAN SRID ZHI GNYIS KA'I MTHA' LA GNAS PA'I GANG ZAG GI GZHI MTHUN YOD PA'I PHYIR, ZER NA, MA KHYAB, MA GRUB NA DER THAL, THEG DMAN PA YIN @09B NA DE LTAR YIN DGOS PA'I PHYIR, DER THAL, 'GREL PA LAS, DNGOS PO DANG DNGOS PO MED PAR DMIGS PA NYID KYIS 'KHOR BA DANG MYA NGAN LAS 'DAS PA LA GNAS PA YIN PAR SHES PAR BYA'O, ,ZHES GSUNGS PA'I PHYIR, KHA CIG, 'KHOR BAR SKYE BA LEN PA CHAD PA TZAM GYI MYANG 'DAS THOB BYA'I GTZO BOR BYAS NAS DON DU GNYER BA'I BLO DE, BYANG SEMS LAM LA LTOS PA'I ZHI MTHA' MA YIN PAR THAL, DE 'DRA'I BLA MED PA'I PHYIR, DER THAL, DE 'DRA'I MYANG 'DAS MED PA'I PHYIR, DER THAL, MYANG 'DAS YIN NA; 'KHOR BAR SKYE BA LEN PA CHAD TZAM DU MA ZAD, NYON SGRIB MA LUS PAR SPANGS PAS KHYAB PA'I PHYIR, ZER NA, SKYON MED DE, DE'I TZAM SGRAS SHES SGRIB PHRA RAG CI RIGS SPANGS PA GCOD KYI, NYON MONGS SPANGS PA MI GCOD PA'I PHYIR, KHA CIG, CHAD PA'I MYANG 'DAS DE SPANG BYA YIN PAR THAL, DE BYANG SEMS LAM LA LTOS TE SPANG BYA YIN PA'I PHYIR, ZER NA, MA KHYAB, MA GRUB NA, DER THAL, DE DE LA LTOS TE LDOG BYA YIN PA'I PHYIR, DER THAL, RANG NYID GCIG PU ZHI BDE DON GNYER GYI BLO DE BYANG SEMS LAM LA LTOS TE LDOG BYA YIN PA'I PHYIR, 'DOD MI NUS SO, ,KHA CIG, CHAD PA'I MYANG 'DAS DE BYANG SEMS LAM GYI SPANG BYAR RTOGS PAR THAL, DE BYANG SEMS LAM GYI SPANG BYA YIN PA'I PHYIR, 'DOD NA, DE BYANG SEMS LAM GYI SPANG BYAR RTOGS PAR THAL, 'DOD PA'I PHYIR, ZER NA, MA KHYAB STE, DRUG SGRA SMOS PA DANG, BYED SGRA SMOS PA LA KHYAD PAR YOD PA'I PHYIR, KHA CIG, 'KHOR BA YIN NA, SPANG BYA YIN DGOS PAR THAL, 'KHOR BA SPANG BYA YIN PA'I PHYIR, ZER NA, MA KHYAB, 'DOD NA, SO SO'I SKYE BO'I RGYUD KYI CHOS LDAN GYI MIR NYING MTSAMS SBYOR BA'I CHA CHOS CAN, DER THAL, DE'I PHYIR, RTAGS SLA, 'DOD MI NUS TE, CHOS LDAN GYI MIR SKYE BA LEN PA SPANG BYA MA YIN PA'I PHYIR, KHA CIG, THEG DMAN SLOB PA YIN NA, @10A *, ,SRID MTHA' LA GNAS PAS KHYAB PAR THAL, THEG DMAN DGRA BCOM PA YIN NA, ZHI MTHA' LA GNAS PAS KHYAB PA'I PHYIR, ZER NA, MA KHYAB, 'DOD NA, THEG DMAN DGRA BCOM PA'I GO 'PHANG THOB KHA MA'I NYAN THOS SLOB PA CHOS CAN, DER THAL, DE'I PHYIR, 'DOD NA, DE CHOS CAN, 'KHOR BA LA GNAS PAR THAL, 'DOD PA'I PHYIR, 'DOD NA, LAS NYON GYI DBANG GIS SKYE BA LEN PA'I CHA LA GNAS PAR THAL, 'DOD PA'I PHYIR, 'DOD NA, LAS NYON GYI DBANG GIS SKYE BA LEN PAR THAL LO, ,'DOD MI NUS TE, DE'I DBANG GIS SKYE BA LEN PA DANG BRAL BA'I PHYIR, DER THAL, NYON MONGS DANG BRAL BA'I PHYIR, DER THAL, NYON MONGS KYI DNGOS GNYEN THOB PA'I GANG ZAG YIN PA'I PHYIR,, ` 'BRAS YUM LA NYE RING GI GZHI SHES, GNYIS PA NYE RING GI RGYU MTSAN DE NYID SGRUB PA NI, DE NI MTSAN MAR DMIGS SGO NAS, ,ZHES PA NAS, YANG DAG NYE BA NYID DU BSHAD, ,CES PA'I BAR GSUNGS, DE'I DON NI 'GREL BA LAS, SGYU MA MKHAN GYIS SPRUL PA'I DNGOS PO SNANG BA LA DE'I RANG GI NGO BO MA SHES PAS, ZHES PA NAS, THABS KYIS NI MI RING BA NYID YIN NO, ,ZHES PA'I BAR GSUNGS, SHES BYA CHOS CAN, DE DAG GANG LAS 'PHROS PA YOD DE, MDO LAS, BCOM LDAN 'DAS GAL TE BYANG CHUB SEMS DPA'I THEG PA PA'I RIGS KYI BU'AM RIGS KYI BU MO THABS MI MKHAS PAS SHER PHYIN LA DMIGS PA'I TSUL GYIS SHES PAR BGYID NA, SHER PHYIN 'DI 'DOR BAR 'GYUR BAR BYED PAR 'GYUR, ZHES SOGS DANG, BCOM LDAN 'DAS SHES RAB KYI PHA ROL TU PHYIN PA 'DI LEGS PAR BSHAD PA DANG LEGS PAR MTHAR PHYIN PA'I BAR NI NGO MTSAR CHE'O,, ZHES GSUNGS PA LAS 'PHROS PA'I PHYIR, 'DI'I SKABS SU RTZA BA'I TSIG DON DANG, MTHA' DPYAD PA GNYIS LAS, DANG PO NI, NYAN RANG 'PHAGS PA CHOS CAN, GZHI SHES PA'I SHER PHYIN DE NI KHYOD LA RING BA YIN TE, KHYOD GZHI BDEN PAR MTSAN MAR DMIGS @10B PA STE BZUNG BA'I SGO NAS 'BRAS YUM BSKYED PA'I THABS MA YIN PAS ZIN PA'I PHYIR, BYANG SEMS 'PHAGS PA CHOS CAN, SHER PHYIN DE NI KHYOD LA YANG DAG NYE BA NYID DU BSHAD PA YIN TE, 'BRAS YUM BSKYED PA'I THABS LA MKHAS PA STONG NYID RTOGS PA YIS ZIN PA'I PHYIR, GNYIS PA MTHA' DPYAD PA LA GSUM LAS, DANG PO LA KHA CIG, THABS SHES GANG RUNG DANG BRAL ZHING BDEN 'DZIN GYIS BTINGS PA'I THEG DMAN 'PHAGS PA'I MKHYEN PA, 'BRAS YUM LA RING BA'I GZHI SHES KYI MTSAN NYID, THABS SHES GANG RUNG DANG ME BRAL ZHING, BDEN 'DZIN GYIS MA BCINGS PA'I THEG CHEN 'PHAGS PA'I MKHYEN PA, 'BRAS YUM LA NYE BA'I GZHI SHES KYI MTSAN NYID ZER NA, NYAN THOS KYI MTHONG LAM BAR CHAD MED LAM CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD NA, THABS SHES GANG RUNG DANG BRAL BAR THAL, 'DOD PA'I PHYIR, 'DOD MI NUS TE, BDAG MED RTOGS PA'I SHES RAB DANG LDAN PA'I PHYIR, PHYI MA LA SANGS RGYAS 'PHAGS PA'I RGYUD KYI THEG CHEN SEMS BSKYED CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN 'PHAGS PA'I MKHYEN PA YIN PA'I PHYIR, 'DOD NA DE CHOS CAN, DE MA YIN PAR THAL, THEG CHEN SEMS BSKYED YIN PA'I PHYIR, KHYAB STE, DE YIN NA, GZHI SHES MA YIN DGOS PA'I PHYIR, KHA CIG, 'BRAS YUM SGRUB PA'I THABS SHES KHYAD PAR CAN GANG RUNG GIS ZIN PA'I GZHI SHES YIN NA, 'BRAS YUM LA NYE BA'I GZHI SHES YIN PAS KHYAB ZER NA, BYANG SEMS SBYOR LAM PA'I RGYUD KYI GZHI SHES CHOS CAN, DER THAL, DE'I PHYIR, DER THAL, THEG CHEN SEMS BSKYED KYIS ZIN PA'I GZHI SHES YIN PA'I PHYIR, 'DOD NA, THEG CHEN 'PHAGS PA'I MKHYEN PA YIN PAR THAL, 'DOD PA'I PHYIR, 'DOD MI NUS SO, ,KHA CIG DE MED ZER NA, DE YOD @11A *, ,PAR THAL, NYAN THOS DGRA BCOM PA'I RTOGS PA SNGON DU SONG BA'I BYANG SEMS SBYOR LAM PA YOD PA'I PHYIR, RTAGS SLA, KHA CIG GZUGS SOGS KYI CHOS LA BDEN PAR 'DZIN PA'I GZHI SHES YOD ZER NA, DE MED PAR THAL, BDEN 'DZIN DU GYUR PA'I GZHI SHES MED PA'I PHYIR, DER THAL, BDEN 'DZIN DU GYUR PA'I MKHYEN PA MED PA'I PHYIR, DER THAL, LOG SHES SU GYUR PA'I MKHYEN PA MED PA'I PHYIR, KHA CIG ,'BRAS YUM LA NYE LAM DU GYUR PA'I GZHI SHES YIN NA, 'BRAS YUM LA NYE BA'I GZHI SHES YIN PAS KHYAB ZER NA, BYANG SEMS TSOGS LAM PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, BYANG SEMS KYI RGYUD KYI GZHI SHES YIN PA'I PHYIR, 'DOD NA SLA, KHA CIG ,'BRAS YUM LA NYE BA'I GZHI SHES YIN NA, 'BRAS YUM MA YIN PAS KHYAB ZER NA, GANG ZAG GI BDAG MED RTOGS PA'I RNAM MKHYEN CHOS CAN, DER THAL, DE'I PHYIR, DER THAL, THEG CHEN 'PHAGS PA'I RGYUD KYI GZHI SHES YIN PA'I PHYIR, 'DOD MI NUS TE, 'BRAS BU SHER PHYIN YIN PA'I PHYIR, KHA CIG ,'BRAS YUM THOB PA LA RING BA'I GZHI SHES YIN NA, 'BRAS YUM LA RING BA'I GZHI SHES YIN PAS KHYAB ZER NA, BYANG SEMS TSOGS LAM CHUNG NGU BA'I RGYUD KYI GZHI SHES CHOS CAN, DER THAL, DE'I PHYIR, DER THAL, BSKAL PA GRANGS MED GSUM GYI BAR DU 'BRAS YUM THOB PAR MI NUS SHING, DE NAS THOB DGOS PA'I GZHI SHES YIN PA'I PHYIR, KHA CIG ,MA KHYAB ZER, 'DOD NA, THEG DMAN 'PHAGS PA'I MKHYEN PA YIN PAR THAL LO, ,KHA CIG ,BDEN 'DZIN RGYUD LDAN GYI GANG ZAG GI RGYUD KYI GZHI SHES YIN NA, BDEN 'DZIN GYIS BCINGS PAS KHYAB ZER NA, BDEN 'DZIN RGYUD LDAN GYI BYANG SEMS MTHONG LAM PA'I RGYUD KYI GZHI SHES CHOS CAN, DER THAL, DE'I @11B PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, BDEN 'DZIN RGYUD LA LDAN PA'I BYANG SEMS MTHONG LAM PA YOD PA'I PHYIR, DER THAL, BDEN 'DZIN RGYUD LA LDAN PA'I THEG CHEN MTHONG LAM RJES THOB PA YOD PA'I PHYIR, 'DOD NA, MI 'THAD PAR THAL, THEG CHEN 'PHAGS PA'I MKHYEN PA YIN PA'I PHYIR, KHA CIG ,GZUGS SOGS BDEN MED DU RTOGS MA MYONG BA'I GANG ZAG YIN NA, BDEN 'DZIN GYIS BCINGS PAS KHYAB ZER NA, GZUGS BDEN MED DU RTOGS MA MYONG BA'I DE BDEN MED DU RTOGS KHA MA'I GANG ZAG CHOS CAN, DER THAL, DE'I PHYIR, 'DOD NA, DE CHOS CAN, RANG GI YUL BDEN PAR GRUB MA GRUB GANG YIN DPYAD PA NA, BDEN PAR ZHEN PA'I TSUL LAS RE ZHIG MI 'DA' BAR THAL, 'DOD PA'I PHYIR, 'DOD MI NUS TE, GZUGS BDEN MED DU RTOGS KHA MA'I GANG ZAG YIN PA'I PHYIR, KHA CIG ,BDEN 'DZIN GYIS BCINGS PA'I GANG ZAG YIN NA, BDEN 'DZIN LAS MI 'DA' BAS KHYAB ZER NA, 'O NA, DE YIN NA, SHES SGRIB LAS MI 'DA' BAS KHYAB PAR THAL, 'DOD PA'I PHYIR, 'DOD NA, DE YIN NA, SHES SGRIB LAS MI GROL BAS KHYAB PAR THAL, 'DOD PA'I PHYIR, 'DOD NA, DE YIN NA, SANGS RGYAS MI THOB PAS KHYAB PAR THAL LO, ,KHA CIG ,DE NI THABS LA MKHAS PA YIS, ,ZHES PA'I DNGOS BSTAN GYI THABS YIN NA, SHES SGRIB YIN PAS KHYAB ZER NA, BYANG SEMS MTHONG LAM PA'I RGYUD KYI STONG NYID RTOGS PA'I SHES RAB CHOS CAN, DER THAL, DE'I PHYIR, DER THAL, GZHUNG DES BYANG 'PHAGS KYI GZHI SHES DE THABS STONG NYID RTOGS PA'I SHES RAB KYIS ZIN PAS, 'BRAS YUM LA NYE BA'I GZHI SHES SU BSTAN PA'I PHYIR, 'DOD NA SLA, GZHAN YANG, DE DE'I DNGOS BSTAN GYI THABS YIN PAR THAL, GZUGS BDEN PAR 'DZIN PA'I BDEN 'DZIN DE, MTSAN MAR DMIGS SGO NAS, , @12A *, ,THABS MA YIN PAS, ZHES PA'I DNGOS BSTAN GYI THABS DANG BRAL BA DE YIN PA'I PHYIR, DER THAL, DES THEG DMAN 'PHAGS PA'I GZHI SHES DE GZUGS BDEN PAR 'DZIN PA'I BDEN 'DZIN GYIS BCINGS PAS, 'BRAS YUM LA RING BA'I GZHI SHES SU BSHAD PA'I PHYIR,, ` GNYIS PA RANG GI LUGS LA, BDEN 'DZIN GYIS BCINGS PA'I THEG DMAN 'PHAGS PA'I MKHYEN PA, 'BRAS YUM LA RING BA'I GZHI SHES KYI MTSAN NYID DO, ,BDEN 'DZIN GYIS BCINGS PA'I DON YANG YOD DE; GZUGS SOGS KYI CHOS GANG LA YANG BDEN PAR GRUB MA GRUB DPYAD PA'I TSE SKABS DER BDEN ZHEN LAS MI 'DA' ZHING, STONG NYID THOS BYUNG GI SHES RAB KYIS KYANG GTAN LA MA PHAB PA LA BYED PAR RNAM BSHAD LAS GSUNGS PA'I PHYIR, 'BRAS YUM SGRUB PA'I THABS SHES KHYAD PAR CAN GNYIS KYIS ZIN PA'I CHA NAS THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, 'BRAS YUM LA NYE BA'I GZHI SHES KYI MTSAN NYID, 'BRAS YUM LA RING BA'I GZHI SHES DANG THEG DMAN 'PHAGS PA'I MKHYEN PA DON GCIG ,DE LA NYE BA'I GZHI SHES DANG THEG CHEN 'PHAGS PA'I RGYUD KYI GZHI SHES GNYIS DON GCIG ,` ,GSUM PA RTZOD PA SPONG BA LA, KHA CIG ,THEG DMAN GYI GZHI SHES YIN NA, BDEN 'DZIN GYIS BCINGS PAS KHYAB PAR THAL, KHYOD KYI DAM BCA' 'THAD PA'I PHYIR, 'DOD NA, DE MI 'THAD PAR THAL, STONG NYID RTOGS PA'I THEG DMAN GYI GZHI SHES YOD PA'I PHYIR, DER THAL, STONG NYID RTOGS PA'I THEG DMAN 'PHAGS PA'I MKHYEN PA YOD PA'I PHYIR, DER THAL, RTEN PA'I CHOS KYI BYE BRAG GIS, ,ZHES SOGS RTZA 'GREL GYI SKABS SU THEG DMAN 'PHAGS PA LA STONG NYID RTOGS PAR YOD PAR BSHAD PA'I PHYIR, ZER NA SKYON MED DE, SPYIR MNGON RTOGS RGYAN GYI SKABS SU NYAN RANG 'PHAGS PA LA STONG NYID RTOGS PA @12B YOD MED KYI TSUL GNYIS BSHAD PA LAS, RIGS RTZA 'GREL GYI SKABS SU NYAN RANG LA STONG NYID RTOGS PA YOD PAR 'DOD RIGS KYANG, SKABS 'DIR DE LTAR KHAS LEN MI RIGS PA'I PHYIR, KHA CIG ,GANG ZAG GI BDAG MED MNGON SUM DU RTOGS PA'I RNAM MKHYEN DE 'BRAS YUM LA NYE BA'I GZHI SHES MA YIN PAR THAL, DE 'BRAS YUM DNGOS YIN PA'I PHYIR, ZER NA, MA KHYAB, RTAGS DER THAL, DE 'BRAS BU LAM SHES YIN PA'I PHYIR, DER THAL, DE 'BRAS BU SHER PHYIN YIN PA'I PHYIR, DER THAL, RNAM MKHYEN YIN PA'I PHYIR, KHA CIG ,BYANG SEMS SBYOR LAM PA'I RGYUD KYI GZHI SHES CHOS CAN, THEG CHEN 'PHAGS PA'I MKHYEN PA YIN PAR THAL, 'BRAS YUM LA NYE BA'I GZHI SHES YIN PA'I PHYIR, DER THAL, RNAM MKHYEN DANG NYE BA'I GZHI SHES YIN PA'I PHYIR, KHA CIG ,MA KHYAB ZER, MA GRUB NA DER THAL, SANGS RGYAS DANG NYE BA'I GZHI SHES YIN PA'I PHYIR, DER THAL, MYUR DU 'TSANG RGYA BA'I GZHI SHES YIN PA'I PHYIR, DER THAL, BYANG SEMS SBYOR LAM PA DE MYUR DU 'TSANG RGYA BA'I BYANG SEMS YIN PA'I PHYIR, DER THAL, DE MYUR DU 'TSANG RGYA BA GANG ZHIG ,BYANG SEMS YIN PA'I PHYIR, ZER NA, MA KHYAB, 'DOD MI NUS SO, ,KHO NA RE, DE CHOS CAN, THEG CHEN 'PHAGS PA'I MKHYEN PA YIN PAR THAL, THEG CHEN PAR GYUR PA'I 'PHAGS PA'I MKHYEN PA YIN PA'I PHYIR, KHA CIG MA KHYAB GSUNG YANG, RE ZHIG RTAGS MA GRUB STE, DE CHOS CAN, THEG CHEN PAR GYUR PA'I 'PHAGS PA'I MKHYEN PA MA YIN PAR THAL, THEG CHEN PAR GYUR PA'I MKHYEN PA MA YIN PA'I PHYIR, DER THAL, THEG CHEN PA MA YIN PA'I PHYIR, DER THAL, GANG ZAG MA YIN PA'I PHYIR, GZHAN YANG, DE CHOS CAN, THEG CHEN PA DANG 'PHAGS PA'I MKHYEN PA GNYIS KA YIN PAR THAL, 'DOD PA'I PHYIR, KHYAB STE, SHES PAR GYUR PA'I 'PHAGS PA'I MKHYEN PA YIN NA, SHES PA YIN DGOS PA'I PHYIR, DER THAL, MKHYEN @13A *, ,PAR GYUR PA'I 'PHAGS PA'I MKHYEN PA YIN NA, MKHYEN PA YIN DGOS PA'I PHYIR, DER THAL, MKHYEN PAR GYUR PA'I 'PHAGS PA'I MKHYEN PA YOD PA'I PHYIR, DER THAL, YE SHES SU GYUR PA'I 'PHAGS PA'I YE SHES YOD PA'I PHYIR, DER THAL, YE SHES DE LA 'PHAGS PA'I YE SHES DANG SO SKYE'I YE SHES GNYIS KYI DBYE BA 'THAD PA'I PHYIR, DER THAL, LAM DE LA DE LTAR 'THAD PA'I PHYIR, RTAGS 'BUD,, ` MI MTHUN PHYOGS DANG GNYEN PHYOGS KYI GZHI SHES, GSUM PA MI MTHUN PHYOGS DANG GNYEN PO'I PHYOGS KYI DBYE BA BSHAD PA LA GSUM, GZHI LAM LA MTSAN 'DZIN SPANG GNYEN DANG, 'BRAS BU LA MTSAN 'DZIN SPANG GNYEN DANG, MJUG BSDU BA'O, ,DANG PO LA SPANG GNYEN GNYIS LAS, DANG PO NI, GZUGS SOGS PHUNG PO STONG NYID DANG, ZHES PA NAS, SPYOD PA'I 'DU SHES MI MTHUN PHYOGS, ,ZHES PA'I BAR GSUNGS TE, DON NI 'GREL PA LAS, GZUGS LA SOGS PA DUS GSUM PA'I CHOS ZAG PA DANG BCAS PA DANG, ZHES PA NAS, MI MTHUN PA'I PHYOGS YIN NO, ,ZHES PA'I BAR GSUNGS, SHES BYA CHOS CAN, DE YANG GANG LA 'PHROS PA YOD DE, BYANG CHEN THABS MI MKHAS PAS GZUGS STONG ZHES BYA BA 'DU SHES NA CHAGS PA'O, ,ZHES SOGS DANG, SBYIN PA'I PHA ROL TU PHYIN PA LA SPYOD NA CHAGS PA'O, ,ZHES SOGS KYI MDO LAS 'PHROS PA'I PHYIR, GNYIS PA GNYEN PO NI, SBYIN LA SOGS PA NGAR 'DZIN MED, ,CES PA NAS, DE NI CHAGS PA'I MTHA' 'GOG PAS, ,ZHES PA'I BAR GSUNGS TE, DON NI 'GREL PA LAS, 'KHOR GSUM RNAM PAR DAG PAS SBYIN PA LA SOGS PA LA BDAG MED PAR RTOGS PAS, ZHES PA NAS, GNYEN PO YIN NO, ,ZHES PA'I BAR GSUNGS, 'PHROS NI, BYANG CHEN THABS MKHAS PAS SHER PHYIN LA SPYOD PA'I TSE 'DI SNYAM DU GZUGS LA GZUGS ZHES BYA BAR 'DU SHES PA MED DO, ,ZHES SOGS DANG, DE LTAR BYANG CHEN GYIS GZHAN LA YANG DAG PAR BSTAN PAR BYA, @013B LEN DU GZHUG PAR BYA, ZHES SOGS LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO LA GNYIS LAS, DANG PO SPANG BYA LA BDEN ZHEN 'GOG PA NI, GZHI SHES BYA JI LTA BAS BSDUS PA GZUGS LA SOGS PA'I PHUNG PO BDEN PAS STONG PA'I STONG NYID DANG, JI SNYED PAS BSDUS PA DUS GSUM DU GTOGS PA'I CHOS RNAMS DANG, LAM SBYIN PA DANG TSUL KHRIMS SOGS BYANG CHUB KYI PHYOGS RNAMS LA BDEN PAR SPYOD PA'I 'DU SHES KYIS BCINGS PA'I LAM CHOS CAN BYANG CHUB SEMS DPA' RIGS NGES PA DE'I LAM GYI GOL BA'I MI MTHUN PHYOGS YIN TE, 'BRAS BU SHER PHYIN SGRUB PA'I RING LAM YIN PA'I PHYIR, GNYIS PA GNYEN PO NI, SBYIN PA LA SOGS PA LA 'KHOR GSUM DU BDEN PAR ZHEN PA'I NGAR 'DZIN MED PA LA RANG GNAS PAS GDUL BYA GZHAN DAG DE LA SBYOR BAR BYED PA'I BYANG SEMS KYI RGYUD KYI GZHI LAM BDEN MED DU MNGON SUM DU RTOGS PA'I YE SHES DE NI CHOS CAN, GZHI LAM LA BDEN PAR CHAGS PA'I MTHA' 'GOG PA YIN TE, CHAGS PA DE'I GNYEN PO YIN PA'I PHYIR, GNYIS PA MTHA' DPYAD PA LA GSUM LAS DANG PO LA KHA CIG ,MI MTHUN PHYOGS KYI GZHI SHES YIN NA, MI MTHUN PHYOGS YIN PAS KHYAB ZER NA, NYAN THOS KYI MTHONG LAM CHOS CAN, DER THAL, DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, 'DOD NA, DE CHOS CAN, MI MTHUN PHYOGS MA YIN PAR THAL, MTHUN PHYOGS YIN PA'I PHYIR, DER THAL, LAM YIN PA'I PHYIR, KHA CIG ,MI MTHUN PHYOGS KYI GZHI SHES YIN NA, MI MTHUN PHYOGS SU GYUR PA'I GZHI SHES YIN PAS KHYAB ZER NA, DE MI 'THAD PAR THAL, DE YIN NA, CIG SHOS DE MA YIN DGOS PA'I PHYIR, KHA CIG ,MI MTHUN PHYOGS KYI GNYEN POR GYUR PA'I GZHI SHES YIN NA, MI MTHUN PHYOGS KYI GZHI SHES YIN PAS KHYAB ZER NA, BYANG SEMS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I YE SHES CHOS CAN, DER THAL, DE'I PHYIR, DER THAL, NYON MONGS @14A *, ,KYI GNYEN POR GYUR PA'I GZHI SHES YIN PA'I PHYIR, 'DOD NA SLA'O, ,KHA CIG ,DE YIN NA, GNYEN PO'I PHYOGS KYI GZHI SHES YIN PAS KHYAB ZER NA, NYAN THOS 'PHAGS PA'I RGYUD KYI DE BZHIN GSHEGS PA LA PHYAG 'TSAL BAR MOS PA'I MKHYEN PA CHOS CAN, DER THAL, DE'I PHYIR, DER THAL, MA DAD PA'I GNYEN POR GYUR PA'I GZHI SHES YIN PA'I PHYIR, DER THAL, MA DAD PA'I GNYEN POR GYUR PA'I THEG DMAN 'PHAGS PA'I MKHYEN PA YIN PA'I PHYIR, DER THAL, 'GREL PA LAS, DE BZHIN GSHEGS PA LA SOGS PA LA PHYAG 'TSAL BA LA SOGS PA NI BSOD NAMS KYI TSOGS KYI RGYU YIN PA NYID KYIS GNYEN PO YIN MOD, ZHES GSUNGS PA'I PHYIR, KHA CIG ,MI MTHUN PHYOGS KYI GZHI SHES DE MYUR DU 'TSANG RGYA BAR 'DOD PA'I BYANG SEMS LAM GYI SPANG BYA YIN KYANG, BYANG SEMS LAM GYI SPANG BYA MA YIN ZER NA, 'O NA, BYANG SEMS LAM GYI SPANG BYA YIN NA, SPANG BYA YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, THEG DMAN 'PHAGS PA'I RGYUD KYI RANG NYID GCIG PU ZHI BDE DON GNYER GYI BLO CHOS CAN, DER THAL, DE'I PHYIR, DER THAL, NYAN RANG GI BYANG CHUB DON GNYER GYI YID BYED DANG BRAL BA'I BYANG SEMS KYI GNAS PA DE, BYANG SEMS KYI DBEN PAR GNAS PA'I MCHOG YIN PA'I PHYIR, DER THAL, BYANG SEMS KYIS NYAN RANG GI BYANG CHUB DON GNYER GYI BSAM PAS DBEN PA'I DBEN PA DE, BYANG SEMS KYI DBEN PA'I MCHOG TU YUM GYI MDO GSUM LAS GSUNGS SHING, SDUD PA LAS KYANG, GANG ZHIG GRONG NGAM 'ON TE DGON PAR GNAS KYANG RUNG, ,THEG PA GNYIS KYI SEMS BRAL BYANG CHUB MCHOG NGES NA, ,'DI NI 'GRO DON ZHUGS PA RNAMS KYI DBEN PA STE, ,ZHES GSUNGS PA'I PHYIR, 'DOD MI NUS TE, LAM YIN PA'I PHYIR, KHA CIG ,SPYOD PA'I 'DU SHES MI MTHUN PHYOGS, ,ZHES PA'I DNGOS BSTAN GYI MI MTHUN PHYOGS LA, MI MTHUN PHYOGS KYIS KHYAB ZER NA, GZUGS BDEN PAR 'DZIN PA'I @14B BDEN 'DZIN GYIS BCINGS PA'I NYAN THOS KYI MTHONG LAM CHOS CAN, DER THAL, DE'I PHYIR, DER THAL, DE'I DNGOS BSTAN GYI MI MTHUN PHYOGS KYI GZHI SHES YIN PA'I PHYIR, DER THAL, GZHUNG DES, BDEN 'DZIN GYIS BCINGS PA'I THEG DMAN GYI MTHONG LAM DE BYANG SEMS LAM GYI GOL SA'I MI MTHUN PHYOGS SU BSTAN PA'I PHYIR, 'DOD MI NUS SO, ,KHA CIG ,BDEN 'DZIN GYIS MA BCINGS PA'I NYAN THOS KYI MTHONG LAM YOD ZER NA, DE MED PAR THAL, DE MED PAR BSGRUB ZIN PA'I PHYIR,, ` GNYIS PA RANG LUGS LA, THABS SHES KHYAD PAR CAN GNYIS DANG BRAL ZHING BDEN 'DZIN GYIS BCINGS PA'I THEG DMAN 'PHAGS PA'I MKHYEN PA, MI MTHUN PHYOGS KYI GZHI SHES KYI MTSAN NYID, DE DANG 'BRAS YUM LA RING BA'I GZHI SHES GNYIS DON GCIG ,THABS SHES KHYAD PAR CAN GNYIS KYIS ZIN PA'I CHA NAS THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, GNYEN PO'I PHYOGS KYI GZHI SHES KYI MTSAN NYID, DE DANG 'BRAS YUM LA NYE BA'I GZHI SHES GNYIS DON GCIG , ` GSUM PA RTZOD PA SPONG BA LA, KHA CIG ,MI MTHUN PHYOGS KYI GZHI SHES YIN NA, THABS SHES KHYAD PAR CAN GNYIS DANG BRAL BAS KHYAB PAR THAL, KHYOD KYI DAM BCA' 'THAD PA'I PHYIR, 'DOD NA, NYAN THOS MTHONG LAM PA'I RGYUD KYI SNYING RJE CHOS CAN, DER THAL, DE'I PHYIR, DER THAL, THEG DMAN 'PHAGS PA'I MKHYEN PA YIN PA'I PHYIR, DER THAL, CHOS CAN DE'I PHYIR, 'DOD NA, DE MI 'THAD PAR THAL, THABS KHYAD PAR CAN DANG MA BRAL BA'I PHYIR, DER THAL, SNYING RJE KHYAD PAR CAN DANG MA BRAL BA'I PHYIR, DER THAL, SNYING RJE DANG MA BRAL BA'I PHYIR, ZER NA, MA KHYAB, GZHAN YANG, GANG ZAG GI BDAG MED MNGON SUM DU RTOGS PA'I NYAN THOS KYI MTHONG LAM CHOS CAN, DER THAL, DE'I PHYIR, 'DOD NA, SHES RAB KHYAD PAR CAN DANG BRAL BAR THAL, 'DOD PA'I PHYIR, 'DOD MI @15A *, ,NUS TE, DE DANG LDAN PA'I PHYIR, DER THAL, BDAG MED RTOGS PA'I SHES RAB DANG LDAN PA'I PHYIR, KHYAB STE, BDAG MED RTOGS PA'I SHES RAB YIN NA, SHES RAB KHYAD PAR CAN YIN DGOS PA'I PHYIR, ZER NA, SKYON MED DE, 'DIR SHES RAB KHYAD PAR CAN NI STONG NYID RTOGS PA'I SHES RAB LA BYED RIGS PA'I PHYIR, KHA CIG ,MI MTHUN PHYOGS KYI GZHI SHES CHOS CAN, BYANG SEMS LAM GYI MI MTHUN PHYOGS MA YIN PAR THAL, BYANG CHUB SEMS DPA'I MI MTHUN PHYOGS MA YIN PA'I PHYIR, ZER NA, RE ZHIG MA GRUB BYAS PA LA, DER THAL, BYANG CHUB SEMS DPA'I SPANG BYA MA YIN PA'I PHYIR, DER THAL, BYANG CHUB SEMS DPA'I SPANG BYAR MA RTOGS PA'I PHYIR, DER THAL, BYANG CHUB SEMS DPAS SPANG BYAR MA RTOGS PA'I PHYIR, ZER NA, MA KHYAB, RTAGS DER THAL, DE SPANG BYAR RTOGS PA'I BYANG CHUB SEMS DPA' MED PA'I PHYIR, DER THAL, DE SPANG BYA MA YIN PA'I PHYIR, DER THAL, DE BLANG BYA YIN PA'I PHYIR, DER THAL, 'PHAGS LAM YIN PA'I PHYIR, RNAM PA GCIG TU NA NYAN THOS RANG RGYUD KYI RANG NYID GCIG PU ZHI BDE DON GNYER GYI BLO DE, BYANG CHUB SEMS DPA'I SPANG BYA YIN KYANG, NYAN THOS KYI LAM DE DE'I SPANG BYA MA YIN TE, NYAN THOS DE BYANG SEMS KYI SPANG BYA MA YIN PA'I PHYIR, DER THAL, BYANG SEMS KYIS NYAN THOS LA BSHES GNYEN DU BSTEN PA YOD PA'I PHYIR, DER THAL, DES DE LA CHOS NYAN PA YOD PA'I PHYIR, DER THAL, NYAN THOS 'PHAGS PAS BYANG SEMS LA CHOS BSTAN PA YOD PA'I PHYIR, DPER NA, RAB 'BYOR DANG SH'A RI'I BU SOGS BZHIN NO, ,ZHES BYAR RUNG TZAM MO, ,KHO NA RE, NYAN THOS KYI MTHONG LAM DE BYANG SEMS KYI SPANG BYA YIN PAR THAL, DE BYANG SEMS LAM GYI SPANG BYA YIN PA'I PHYIR ZER NA, MA KHYAB PA'AM, 'DOD NA, DE BYANG SEMS KYI SPANG BYAR RTOGS PAR THAL, 'DOD PA'I PHYIR, ZER NA, SNGAR BZHIN @15B BYA'O, ,YANG KHA CIG ,DE MI MTHUN PHYOGS SU BYANG SEMS LAM GYIS RTOGS PA'I PHYIR, DER THAL, BYANG SEMS LAM GYIS MI MTHUN PHYOGS SU RTOGS PA'I PHYIR, DER THAL, BYANG SEMS LAM GYI MI MTHUN PHYOGS SU RTOGS PA'I PHYIR, ZER NA, RNAM DBYE ZHIB PAR PHYED PAR BYA'O, ,YANG KHA CIG ,DMAN PA'I LAM DE BYANG SEMS KYI SPANG BYA MA YIN PAR THAL, NYAN THOS KYI LAM DE BYANG CHUB SEMS DPA'I SPANG BYA MA YIN PA'I PHYIR, DER THAL, NYAN THOS DE BYANG CHUB SEMS DPA'I SPANG BYA MA YIN PA'I PHYIR, 'DOD MI NUS SO ZER RO, ,'ON KYANG NYAN THOS KYI LAM DE BYANG SEMS KYI BLANG DOR GANG RUNG MA YIN PA'I PHYOGS SU 'PHEN TSUL YANG SNA TSOGS YOD DO, ,KHA CIG ,GZHI SHES YIN NA, SKABS GSUM PA'I DNGOS BSTAN GYI GZHI SHES YIN DGOS PAR THAL, MI MTHUN PHYOGS KYI GZHI SHES DANG, GNYEN PO'I PHYOGS KYI GZHI SHES GANG RUNG LA DE LTAR DGOS PA'I PHYIR, DER THAL, RTZA BAR, MI MTHUN GNYEN PO'I PHYOGS DAG GI, ,RNAM PAR DBYE BA MA LUS PA, ,JI SKAD BSHAD PA 'DIR SHES BYA, ,ZHES GSUNGS PA'I PHYIR, ZER NA, MA KHYAB, 'DOD NA, BYANG SEMS SGOM LAM PA'I RGYUD KYI GZHI SHES CHOS CAN, DER THAL, DE'I PHYIR, 'DOD NA, SKABS GSUM PAS SGOM LAM DNGOS SU BSTAN PAR THAL, 'DOD PA'I PHYIR, 'DOD MI NUS TE, 'GREL PA LAS, SGOM PA'I LAM NI MA BSTAN TO, ,ZHES GSUNGS PA'I PHYIR, DE LA KHO NA RE, SKYON MED DE, DE NI, GZUGS RTAG MA YIN MI RTAG MIN, ,ZHES SOGS KYI GZHUNG RDZOGS PA'I MJUG DER SGOM LAM DNGOS SU MA BSTAN ZHES PA'I DON YIN GYI, SPYIR SKABS GSUM PAR DE DNGOS SU MA BSTAN ZHES PA'I DON MA YIN PA'I PHYIR GSUNGS,, ` GNYIS PA 'BRAS BU LA MTSAN 'DZIN SPANG GNYEN BSHAD PA LA BZHI, CHAGS PA'I NGO BO, DE'I RGYU MTSAN, CHAGS PA'I GNYEN PO, 'PHROS DON NO, ,DANG PO NI, RGYAL LA SOGS LA CHAGS PA PHRA, ,ZHES GSUNGS TE, DON NI, 'GREL PA LAS, DE BZHIN GSHEGS @016A *, ,PA LA SOGS PA LA PHYAG 'TSAL BA LA SOGS PA NI, ZHES PA NAS, CHAGS PA PHRA MO'I NGO BO NYID KYI RNAM PA THAMS CAD DU MA YIN PAS MI MTHUN PA'I PHYOGS YIN NO, ,ZHES PA'I BAR GSUNGS, 'PHROS NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN MAR YID LA BYED NA, RAB 'BYOR CI TZAM MTSAN MAR GYUR PA DE TZAM DU CHAGS PA'O, ,ZHES SOGS LAS 'PHROS SO, ,TSIG DON NI, RGYAL BA LA SOGS PA LA BDEN PAR CHAGS PA PHRA MOS BCINGS BZHIN DE LA PHYAG 'TSAL BA LA SOGS PA CHOS CAN, BYANG SEMS LAM GYI MI MTHUN PHYOGS YIN TE, DE'I GO LAS YIN PA'I PHYIR, GNYIS PA RGYU MTSAN NI, CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CES GSUNGS TE, DON NI, 'GREL PAR, GANG GI PHYIR CHOS KYI RIGS RNAMS NGO BO NYID KHO NAS STONG PAS, ZHES PA NAS, MI MTHUN PA'I PHYOGS YIN NO, ,ZHES PA'I BAR GSUNGS, 'PHROS NI, SHER PHYIN NI ZAB, BCOM LDAN 'DAS KYIS BKA' STZAL PA, RAB 'BYOR CHOS THAMS CAD RANG BZHIN GYIS DBEN PA'I PHYIR, ZHES SOGS LAS 'PHROS SO, ,TSIG DON NI, CHOS RNAMS KYI LAM GNAS LUGS MTHAR THUG DE NI CHOS CAN, KHYOD ZAB PA NYID YIN TE, BDEN PAR GRUB PA'I RANG BZHIN GYIS DBEN PA'I CHOS NYID YIN PA'I PHYIR, GSUM PA GNYEN PO NI, CHOS RNAMS RANG BZHIN GCIG PAR NI, ,SHES PAS CHAGS PA SPONG BA YIN, ,ZHES GSUNGS TE, DON NI, 'GREL PAR, GZUGS LA SOGS PA'I CHOS RNAMS RANG BZHIN GCIG PA KHO NA STE, ZHES PA NAS, CHAGS PA SPONG BA YIN NO, ,ZHES PA'I BAR GSUNGS, 'PHROS NI, RAB 'BYOR CHOS RNAMS KYI RANG BZHIN NI GNYIS MA YIN TE, CHOS KYI RANG BZHIN NI GCIG TU ZAD DO, ,CHOS KYI RANG BZHIN GANG YIN PA RANG BZHIN MA YIN NO, ,ZHES SOGS LAS 'PHROS SO, ,TSIG DON NI, CHOS RNAMS KYI RANG @016B BZHIN BDEN STONG DU GCIG PAR MNGON SUM DU SHES PA'I BYANG SEMS KYI YE SHES CHOS CAN, 'BRAS BU LA BDEN PAR CHAGS PA SPONG BA YIN TE, DE 'JOMS BYED KYI GNYEN PO YIN PA'I PHYIR, BZHI PA 'PHROS DON LA GNYIS, ZAB PA'I RGYU MTSAN, RTOGS DKA' BA RGYU MTSAN, DANG PO NI, MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,CES GSUNGS TE, DON NI 'GREL PAR, GANG GI PHYIR RNAM PAR SHES PA THAMS CAD KYIS, ZHES PA NAS, ZAB PA NYID YIN NO, ,ZHES PA'I BAR GSUNGS, 'PHROS NI, SHER PHYIN NI, RTOGS PAR DKA' 'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR YUM NI SUS KYANG MA MTHONG, MA THOS, MA NGES, RNAM PAR MA SHES, MNGON PAR SANGS MA RGYAS PA YIN NO, ,ZHES SOGS LAS 'PHROS SO, ,TSIG DON NI, DON DAM PA'I BDEN PA DE NI CHOS CAN, RTOGS PAR DKA' BAR BSHAD PA'I RGYU MTSAN YOD DE, MTHAR THUG DPYOD PA'I RIGS SHES KYIS RTOGS PAR BYA BA NYID YIN GYI, GZUGS MTHONG BA LA SOGS PA THA SNYAD PA'I TSAD MAS KHYOD MTHONG BA BKAG PA YIN TE, DE'I PHYIR RO, ,GNYIS PA RTOGS DKA' NI, GZUGS LA SOGS PA MI SHES PHYIR, ,DE NI BSAM MI KHYAB PAR 'DOD, ,CES GSUNGS TE, DON NI, 'GREL PAR, GANG GI PHYIR GZUGS LA SOGS PA NAS SANGS RGYAS KYI CHOS MA 'DRES PA'I RNAM PA'I BAR GYI RANG BZHIN, ZHES PA NAS, DE NI RTOGS PAR DKA' BA NYID YIN NO, ,ZHES PA'I BAR GSUNGS, 'PHROS NI, RAB 'BYOR DE NI 'DI LTAR YUM NI SUS KYANG MA SHES TE, GZUGS DANG TSOR BA DANG 'DU SHES DANG 'DU BYED DANG RNAM PAR SHES PAS MA SHES SO, ,ZHES SOGS LAS 'PHROS SO, ,TSIG DON NI, DON DAM PA'I BDEN PA DE NI CHOS CAN, THA SNYAD PA'I BLOS RTOGS PAR DKA' BA YIN TE, BLO DES BSAM GYIS MI KHYAB PAR 'DOD RIGS PA'I PHYIR, DER THAL, KHYOD GZUGS LA SOGS PA KUN @017A *, ,RDZOB KYI BDEN PA YIN PAR MI SHES PA'I PHYIR,, ` GSUM PA MJUG BSDU BA NI, DE LTAR KUN SHES NYID LUGS LA, ,ZHES PA NAS, JI SKAD BSHAD PA 'DIR SHES BYA, ,ZHES GSUNGS TE, DON NI, 'GREL PAR, THAMS CAD SHES PA NYID KYI SKABS SU DE LTAR BSHAD PA'I TSUL GYIS, ZHES PA NAS, RAB TU DBYE BA SHES PAR BYA'O, ,ZHES PA'I BAR GSUNGS SO, ,TSIG DON NI, SHES BYA CHOS CAN, KUN SHES NYID KYI LUGS LA STE GZHI SHES KYI SKABS SU MI MTHUN PHYOGS KYI GZHI SHES DANG, GNYEN PO'I PHYOGS KYI GZHI SHES DAG GI RNAM PAR DBYE BA MA LUS PA YUM GYI MDO LAS JI SKAD BSHAD PA 'DIR YANG DNGOS SHUGS CI RIGS LA BSHAD PA SHES PAR BYA STE SNGAR BSHAD PA DE LTAR SHES PAR BYA DGOS PA'I PHYIR, 'DI DAG GYI SKABS SU MTHA' DPYOD NI SNGAR BSHAD PA DES SHES PAR BYA'O,, SEMS DPA'I GZHI SHES SBYOR BA, GZHI SHES SBYOR BA BSHAD PA LA GNYIS, DBYE BA DANG, RANG BZHIN NO, ,DANG PO NI, GZUGS SOGS DE MI RTAG SOGS DANG, ,ZHES PA NAS, SNANG BA RNAM BDUN SHES BYED DO, ,ZHES PA'I BAR GSUNGS TE, DON NI, 'GREL PAR, GZUGS LA SOGS PA'I CHOS THAMS CAD DANG, DE DAG NYID KYI MI RTAG PA DANG, STONG PA NYID LA SOGS PA DANG, ZHES PA NAS, SHUGS KYIS NA NYAN THOS LA SOGS PA YI NI JI SKAD BSHAD PA LAS BZLOG STE SBYOR BA YIN NO, ,ZHES PA'I BAR GSUNGS, 'PHROS NI, RAB 'BYOR 'DI LA BYANG CHEN SHER PHYIN LA SPYOD PA'I TSE, GAL TE GZUGS LA MI SPYOD NA SHER PHYIN LA SPYOD DO, , ZHES SOGS DANG, GAL TE GZUGS RTAG CES BYA BA 'AM MI RTAG CES BYA BAR MI SPYOD NA SHER PHYIN LA SPYOD DO, ,ZHES SOGS DANG, GZUGS RDZOGS PA 'AM MA RDZOGS PA'O ZHES BYA BAR MI SPYOD NA SHER PHYIN LA SPYOD DO, ,ZHES SOGS DANG, RMI LAM @017B RLOM SEMS SU MI BYED, RMI LAM GYIS RLOM SEMS SU MI BYED, RMI LAM LA RLOM SEMS SU MI BYED DO, ,ZHES SOGS LAS 'PHROS SO, ,'DI LA GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, SEMS DPA'I GZHI SHES SBYOR BA DE LA RNAM PA BCU YOD DE, DER GYUR PA'I YUL GYI SGO NAS BZHI, NGO BO'I SGO NAS GSUM, BYED LAS KYI SGO NAS GNYIS, SHES PHYED DPE'I SGO NAS GCIG RNAMS SU YOD PA'I PHYIR, DANG PO GRUB STE, KHYAD GZHI GZUGS LA SOGS PA BDEN PAR ZHEN PA DANG, DE'I KHYAD CHOS KYI MI RTAG SDUG BSNGAL SOGS DANG, DE YON TAN GYI RTEN DU MA RDZOGS PA DANG RAB TU RDZOGS PA DANG, DE LA BDEN PAR CHAGS PA MED PA NYID LA BDEN PAR SPYOD PA BKAG PA'I SBYOR BA DANG BZHI YOD PA'I PHYIR, DE YANG GZUGS SOGS ZHES PAS GCIG DANG, DE MI RTAG SOGS DANG, ,ZHES PAS GCIG ,DE MA RDZOGS DANG RAB RDZOGS DANG, ,ZHES PAS GCIG ,DE LA CHAGS PA MED NYID LA, ,SPYOD PA BKAG PA'I SBYOR BA DANG, ,ZHES PAS GCIG BSTAN PAR GSAL LO, ,GNYIS PA NGO BO'I SGO NAS GSUM YOD DE, LAS SU BYA BA LA BDEN ZHEN 'GOG PA MI 'GYUR BA DANG, BYED PA PO LA BDEN ZHEN 'GOG PA BYED PA PO MED PA NYID DANG, 'BRAS BU LA BDEN ZHEN 'GOG PA BYA DKA' BA RNAM PA GSUM GYI SBYOR BA DANG GSUM YOD PA'I PHYIR, BYA DKA' BA GSUM YANG YOD DE, CHED DU BYA DKA' BA, SBYOR BA BYA DKA' BA, LAS BYA DKA' BA DANG GSUM YOD PA'I PHYIR, GSUM PA BYED LAS KYI SGO NAS GNYIS YOD DE, RIGS CAN GSUM GYI SKAL BA JI LTA BA BZHIN 'BRAS BU THOB PAS 'BRAS BU YOD PAR 'DOD PA'I SBYOR BA DE DANG NI, PHAN YON DANG LDAN PA'I SGO NAS GZHAN LA RAG LAS PA MED PA GANG YIN PA'I SBYOR BA DANG GNYIS YOD PA'I PHYIR, BZHI PA SHES BYED KYI SGO NAS GCIG YOD DE, SNANG BA RNAM PA BDUN DU SHES PAR BYED PA'I BYANG SEMS KYI GZHI SHES @018A *, ,SBYOR BA GCIG YOD PA'I PHYIR, SNANG BA RNAM PA BDUN YANG YOD DE, RMI LAM DANG, SGYU MA DANG, SMIG RGYU DANG, SGRA SNYAN DANG, GZUGS BRNYAN DANG, DRI ZA'I GRONG KHYER DANG, SPRUL PA'I DPE BDUN LA BRTEN NAS, PHYI NANG GI CHOS RNAMS BDEN PAR MED KYANG, RTEN 'BREL GYI SNANG BA TZAM DU SGRUB TSUL RNAM PA BDUN YOD PA'I PHYIR, DE'I TSUL NI RNAM BSHAD LAS SHES PAR BYA'O,, ` GNYIS PA MTHA' DPYAD PA LA GSUM LAS, DANG PO LA KHA CIG ,GZHI KUN RDZOB DANG DON DAM PA'I BDEN PA GANG RUNG DU GNAS TSUL LA PHYIN CI LOG TU ZHEN PA'I GNYEN POR GYUR PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID ZER NA, THEG CHEN MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, BDEN GNYIS GANG RUNG GI GNAS TSUL LA PHYIN CI LOG TU ZHEN PA'I GNYEN POR GYUR PA'I SEMS DPA'I YE SHES YIN PA'I PHYIR, DER THAL, DE GNYIS GANG RUNG GI GNAS TSUL LA BDEN PAR ZHEN PA'I GNYEN POR GYUR PA'I SEMS DPA'I YE SHES YIN PA'I PHYIR, DER THAL, BDEN GNYIS GANG RUNG BDEN PAR 'DZIN PA'I BDEN 'DZIN GYI GNYEN POR GYUR PA'I SEMS DPA'I YE SHES YIN PA'I PHYIR, DER THAL, STONG NYID MNGON SUM DU RTOGS PA'I SEMS DPA'I YE SHES YIN PA'I PHYIR, 'DOD NA SLA'O, ,KHA CIG GZHI KUN RDZOB DANG DON DAM PA'I SDOD LUGS GANG RUNG LA PHYIN CI LOG TU ZHEN PA'I GNYEN PO SGOM PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID ZER NA, STONG NYID MNGON SUM DU RTOGS PA'I SEMS DPA'I YE SHES CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD MI NUS SO, ,GZHAN YANG, DE MI 'THAD PAR THAL, @018B STONG NYID RTOGS PA'I SEMS DPA'I YE SHES YIN NA, SEMC DPA'I GZHI SHES SBYOR BA MA YIN DGOS PA'I PHYIR, DER THAL, SEMS DPA'I GZHI SHES SBYOR BA YIN NA, THEG DMAN GYI RTOGS RIGS SU GNAS DGOS PA'I PHYIR, KHA CIG ,GZUGS SOGS DE MI RTAG SOGS DANG, ,ZHES SOGS KYI SKABS NAS BSTAN PA'I SEMS DPA'I YE SHES YIN NA, SEMS DPA'I GZHI SHES SBYOR BA YIN PAS KHYAB ZER NA, STONG NYID RTOGS PA'I THEG CHEN GYI SBYOR LAM CHOS CAN, DER THAL, DE'I PHYIR, DER THAL, GZHUNG DES MI RTAG LA SOGS BCU DRUG RTOGS PA'I THEG CHEN GYI SBYOR LAM DE STONG NYID RTOGS PA'I SHES RAB KYIS ZIN PA'I SEMS DPA'I GZHI SHES SBYOR BAR DNGOS SU BSTAN PA LA BZUNG BA'I PHYIR, KHA CIG ,DE'I SKABS NAS BSTAN PA'I GZHI SHES SBYOR BA YIN NA, SEMS DPA'I GZHI SHES SBYOR BA YIN PAS KHYAB ZER NA, NYAN THOS KYI SBYOR LAM CHOS CAN, DER THAL, DE'I PHYIR, DER THAL, DE DE'I SHUGS BSTAN GYI DMAN PA'I GZHI SHES SBYOR BA YIN PA'I PHYIR, DER THAL, GZHUNG DES BYANG SEMS KYI GZHI SHES SBYOR BA DNGOS SU BSTAN NAS NYAN THOS DANG RANG RGYAL GYI GZHI SHES SBYOR BA SHUGS LA BSTAN PA'I PHYIR, DER THAL, 'GREL BA LAS, SHUGS KYIS MNYAN THOS LA SOGS PA YI NI JI SKAD BSHAD PAR ? SBYOR BA YIN NO, ,ZHES GSUNGS PA'I PHYIR, 'DOD NA SLA, KHA CIG KUN RDZOB BDEN PAR GYUR BA'I RTAG PA KUN BTAGS KYI MTSAN NYID ZER NA, MYU GU DON DAM PAR SKYE BA CHOS CAN, MTSAN NYID DER THAL, MTSON BYA DE'I PHYIR, DER THAL, MTSAN NYID YONGS CHAD KYI KUN BTAGS YIN PA'I PHYIR, MA GRUB NA, MYU GU CHOS CAN, KHYOD DON DAM PAR SKYE BA MTSAN NYID YONGS CHAD KYI KUN BTAGS YIN PAR THAL, KHYOD BDAG MED YIN PA'I PHYIR, 'DOD NA, DE CHOS CAN, RTAG PA YIN PAR THAL, 'DOD PA'I PHYIR, 'DOD NA, YOD PAR THAL LO, , @019A *, ,KHA CIG ,RTOG PAS SGRO BTAGS SU GYUR PA, KUN BTAGS KYI MTSAN NYID ZER NA, RE ZHIG ,RI BONG RVA CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, RTOG PA'I YUL DU GYUR PAR THAL, 'DOD PA'I PHYIR, 'DOD NA, RTOG PA'I GZHAL BYAR GYUR BAR THAL, 'DOD PA'I PHYIR, 'DOD NA, GZHAL BYA YIN PAR THAL, 'DOD PA'I PHYIR, 'DOD MI NUS SO, ,GZHAN YANG, SNGON PO CHOS CAN, MTSON BYA DER THAL, MTSAN NYID DE'I PHYIR, DER THAL, RTOG PAS SGRO 'DOGS KYI YUL YIN PA'I PHYIR, DER THAL, RANG LA SGRO 'DOGS KYI RTOG PA YOD PA'I PHYIR, DER THAL, RANG LA BDEN PAR SGRO 'DOGS PA'I RTOG PA YOD PA'I PHYIR, 'DOD MI NUS TE, GZHAN DBANG YIN PA'I PHYIR, GZHAN YANG, DE MI 'THAD PAR THAL, RANG 'DZIN RTOG PAS SGRO BTAGS TZAM YIN NA, RTOG PAS SGRO BTAGS TZAM YIN PAS MA KHYAB, RTOG PAS SGRO BTAGS PA TZAM GYIS, RTOG PAS SGRO BTAGS TZAM DU MI 'GYUR BA'I PHYIR, PHYI MA DER THAL, BDEN PAR BZUNG BA TZAM GYIS, BDEN GRUB TU MI 'GYUR BA'I PHYIR, KHA CIG ,RGYU RKYEN LAS SKYES PA, GZHAN DBANG GI MTSAN NYID ZER NA, MYU GU CHOS CAN, MTSAN NYID DER THAL, MTSON BYA DE'I PHYIR, DER THAL, DNGOS PO YIN PA'I PHYIR, 'DOD NA, DE RGYU LAS KYANG SKYES PAR THAL, 'DOD PA'I PHYIR, 'DOD MI NUS TE, RGYU'I BYE BRAG YIN PA'I PHYIR, GZHAN YANG, RGYU RKYEN CHOS CAN, RGYU RKYEN LAS SKYES PAR THAL, GZHAN DBANG YIN PA'I PHYIR, 'DOD NA, DE CHOS CAN, KHYOD KHYOD LAS MA SKYES PAR THAL, KHYOD BDAG MED YIN PA'I PHYIR, KHA CIG ,RANG GI RGYU RKYEN LAS SKYES PA, GZHAN DBANG GI MTSAN NYID, ZER NA, DON THOG TU 'THAD MOD, 'ON KYANG, GZHAN DBANG YOD NA, RANG GI RGYU RKYEN LAS SKYES PA YOD DGOS PAR THAL, DAM BCA' @019B 'THAD PA'I PHYIR, 'DOD NA, RI BONG RVA CHOS CAN, DER THAL, DE'I PHYIR, DER THAL, 'DUS BYAS YOD PA'I PHYIR, 'DOD MI NUS SO, ,RE ZHIG SONG, KHA CIG ,RANG LA DMIGS NAS BSGOMS PAS SHES SGRIB DAG PAR 'GYUR BA'I RNAM DAG LAM GYI DMIGS PA, YONGS GRUB KYI MTSAN NYID ZER NA, MI RTAG PA CHOS CAN, MTSON BYA DER THAL, MTSAN NYID DE'I PHYIR, DER THAL, RANG LA DMIGS NAS BSGOMS PAS 'TSANG RGYA BAR 'GYUR BA'I PHYIR, GZHAN YANG, DE CHOS CAN, RANG LA DMIGS NAS BSGOMS PAS SHES SGRIB DAG PAR 'GYUR BA'I RNAM DAG LAM GYI DMIGS PA YIN PAR THAL, RANG LA DMIGS NAS BSGOMS PAS SHES SGRIB DAG PAR 'GYUR BA GANG ZHIG ,RNAM DAG LAM GYI DMIGS PA YIN PA'I PHYIR, DANG PO DER THAL, RANG LA DMIGS NAS MI RTAG PAR BSGOMS PAS NYON SGRIB SPONG BAR 'GYUR, BDEN STONG DU BSGOMS PAS SHES SGRIB SPONG BAR 'GYUR BA'I PHYIR, DANG PO DER THAL, MI RTAG PAR BSGOMS PAS NYON SGRIB SPONG NUS PAR KHAS BLANGS PA TZAM GYIS, MI RTAG PA TZAM BSGOMS PAS NYON SGRIB SPONG NUS PAR KHAS LEN MI DGOS PA'I PHYIR, DER THAL, STONG NYID RTOGS PAS 'TSANG RGYA BAR KHAS BLANGS PA TZAM GYIS, DE RTOGS PA TZAM GYIS 'TSANG RGYA BAR NUS PAR KHAS LEN MI DGOS PA'I PHYIR, MA GRUB NA; STONG NYID RTOGS PA TZAM GYIS 'TSANG RGYA NUS PAR THAL, STONG NYID RTOGS PAS 'TSANG RGYA NUS PA'I PHYIR, DER THAL, TSOGS BSAGS NAS 'TSANG RGYA NUS PA'I PHYIR, GONG DU 'DOD NA, 'TSANG RGYA BA LA PHAR PHYIN DRUG BSGOM MI DGOS PAR THAL LO, ,KHA CIG ,RANG LA DMIGS NAS BDEN STONG DU BSGOMS PAS SHES SGRIB DAG PAR NUS NA, RANG LA DMIGS NAS BSGOMS PAS SHES SGRIB DAG PAR NUS PAS KHYAB ZER NA, LOG LTA CHOS CAN, DER THAL, DE'I PHYIR, RTAGS SLA, 'DOD @020A *, ,NA; LOG LTA BSGOMS PAS SHES SGRIB SPONG NUS PAR THAL, LOG LTA DMIGS YUL DU BYAS NAS BSGOMS PAS SHES SGRIB SPONG NUS PA'I PHYIR, DER THAL, LOG LTA LA DMIGS NAS BSGOMS PAS SHES SGRIB DAG PAR BYED NUS PA'I PHYIR, RTAGS KHAS, 'DOD NA SLA'O, ,KHA CIG ,RANG NYID LA DMIGS NAS BDEN PAR BZUNG BAS YON TAN CI RIGS SKYE BA LA GEGS BYED NA, YON TAN GYI RTEN DU MA RDZOGS PAS KHYAB ZER NA, RNAM MKHYEN BDEN STONG CHOS CAN, DER THAL, DE'I PHYIR, DER THAL, RNAM MKHYEN BDEN STONG BDEN PAR BZUNG NAS YON TAN CI RIGS SKYE BA LA GEGS BYED PA'I PHYIR, DER THAL, BDEN STONG BDEN GRUB TU BZUNG NA YON TAN THOB PA LA GEGS BYED PA'I PHYIR, DER THAL, RTZA SHES LAS, GANG DAG STONG PA NYID LTA BA, ,DE DAG SGRUB TU MED PAR GSUNGS, ,ZHES GSUNGS PA'I PHYIR, 'DOD NA, DE CHOS CAN, YON TAN GYI RTEN DU RDZOGS PAR THAL, DON DAM BDEN PA YIN PA'I PHYIR, KHA CIG ,RANG NYID LA DMIGS NAS BDEN STONG DU BSGOMS PAS RTOGS PA GONG NAS GONG 'PHEL DU 'GYUR NA, YON TAN GYI RTEN DU RDZOGS PAS KHYAB ZER NA, BDEN 'DZIN CHOS CAN, DER THAL, DE'I PHYIR, DER THAL, CHOS THAMS CAD BDEN STONG DU DMIGS NAS BSGOMS PAS SGOM PA PO RTOGS PA GONG 'PHEL DU 'GYUR BA'I PHYIR, 'DOD MI NUS TE, YON TAN GYI RTEN DU MA RDZOGS PA'I PHYIR, DER THAL, SGRIB PA YIN PA'I PHYIR, KHA CIG ,DE MA RDZOGS DANG RAB RDZOGS DANG, ,ZHES PA'I DNGOS BSTAN GYIS MA RDZOGS PA'I CHOS YIN NA, MA RDZOGS PA'I CHOS YIN PAS KHYAB, DE'I SKABS NAS BSTAN PA'I RDZOGS PA'I CHOS YIN NA, RDZOGS PA'I CHOS YIN PAS KHYAB ZER NA, GZUGS MI RTAG PA CHOS CAN, PHYI MA DER THAL, DE'I PHYIR, DER THAL, DE'I @020B SKABS NAS BSTAN PA'I YON TAN GYI RTEN DU RDZOGS PA'I CHOS YIN PA'I PHYIR, 'DOD NA, GZUGS KYANG RDZOGS PA'I CHOS YIN PAR THAL, 'DOD PA'I PHYIR, 'DOD MI NUS SO, ,GZHAN YANG, GZUGS BDEN STONG SGYU MA LTA BU CHOS CAN, DER THAL, DE'I PHYIR, RTAGS SLA'O,, ` GNYIS PA RANG GI LUGS LA THEG DMAN GYI RTOGS RIGS SU GNAS PA'I SEMS DPA'I YE SHES, SEMS DPA'I GZHI SHES SBYOR BA'I MTSAN NYID, DE LA ZIN BYED KYI SGO NAS DBYE NA, SNGAR BSHAD LTAR BCU YOD, 'DI'I DNGOS BSTAN GYI GTZO BO'I DBANG DU BYAS PA'I SEMS DPA'I GZHI SHES SBYOR BA NI, THEG CHEN GYI SBYOR LAM LA BYED PA YIN TE, RNAM BSHAD LAS, 'DIR BSHAD PAR BYA BA'I GTZO BO GZHI SHES SBYOR BA NI, MTHONG LAM GYI SKABS SU BYANG CHUB SEMS DPA'I RGYUD KYI 'DA' BAR BYA BA'I MNGON RTOGS DE'I RGYU MI RTAG SOGS BCU DRUG GI RNAM PA CAN GYI BYANG SEMS KYI SBYOR LAM DE NYID YIN LA, ZHES GSUNGS PA'I PHYIR, RANG 'DZIN RTOG PAS SGRO BTAGS TZAM, KUN BTAGS KYI MTSAN NYID DAM RANG NYID KUN BTAGS YIN PA'I MTSAN NYID, DE LA MTSAN NYID YONGS CHAD KYI KUN BTAGS DANG, RNAM GRANGS PA'I KUN BTAGS GNYIS, DANG PO NI, MYU GU BDEN PAR GRUB PA LTA BU, PHYI MA NI, MYU GU RTAG STONG LTA BU, RANG GI RGYU RKYEN LAS SKYES PA, GZHAN DBANG GI MTSAN NYID DAM, RANG NYID GZHAN DBANG YIN PA'I MTSAN NYID, DE LA DAG MA DAG GI GZHAN DBANG GNYIS, DANG PO NI, RNAM MKHYEN LTA BU, PHYI MA NI BDEN 'DZIN LTA BU, RNAM DAG LAM GYI DMIGS PA MTHAR THUG ,YONGS GRUB KYI MTSAN NYID, DE LA SGRAS BRJOD RIGS KYIS DBYE NA, 'GYUR MED YONGS GRUB DANG, PHYIN CI MA LOG PA'I YONGS GRUB GNYIS, DANG PO DANG CHOS NYID DON GCIG ,PHYI MA NI, STONG NYID MNGON SUM DU RTOGS PA'I YE SHES LTA BU, GZUGS LTA BU'I BAR @021A *, ,NAS MTSAN NYID GSUM 'JOG TSUL YOD DE, GZUGS GZUGS KYI STENG GI GZHAN DBANG DANG, GZUGS LA BDEN PAR SGRO BTAGS PA'I BTAGS CHA DE KUN BTAGS DANG, BTAGS PA LTAR BDEN PAR MA GRUB PA DE, DE'I STENG GI YONGS GRUB YIN PA'I PHYIR,, ` ,GSUM PA RTZOD PA SPONG BA LA, KHA CIG ,GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM CHOS CAN, SEMS DPA'I GZHI SHES SBYOR BA YIN PAR THAL, THEG DMAN GYI RTOGS RIGS SU GNAS PA'I SEMS DPA'I YE SHES YIN PA'I PHYIR, 'DOD NA, DE CHOS CAN, DE MA YIN PAR THAL, SEMS DPA'I GZHI SHES DNGOS YIN PA'I PHYIR, ZER NA, MA KHYAB, KHA CIG ,GZUGS BDEN GRUB CHOS CAN, KUN BTAGS YIN PAR THAL, MTSAN NYID YONGS CHAD KYI KUN BTAGS YIN PA'I PHYIR, DER THAL, MED NGES YIN PA'I PHYIR, 'DOD NA, DE MA YIN PAR THAL, GZHAN DBANG YIN PA'I PHYIR, DER THAL, GZUGS YIN PA'I PHYIR, DER THAL, KUN BTAGS KYI GZUGS YIN PA'I PHYIR NA RE ZHIG MA KHYAB, RTAGS DER THAL, GZUGS KYI STENG GI KUN BTAGS KYI GZUGS YIN PA'I PHYIR NA, MA KHYAB, KHO NA RE, GZUGS BDEN STONG CHOS CAN, YONGS GRUB YIN PAR THAL, CHOS NYID YIN PA'I PHYIR, 'DOD NA, MA YIN PAR THAL, GZHAN DBANG YIN PA'I PHYIR, DER THAL, 'DUS BYAS YIN PA'I PHYIR, DER THAL, GZUGS YIN PA'I PHYIR, DER THAL, CHOS NYID KYI GZUGS YIN PA'I PHYIR, MA KHYAB PA'AM, MA GRUB NA, DER THAL, GZUGS KYI STENG GI CHOS NYID KYI GZUGS YIN PA'I PHYIR NA, MA KHYAB, KHA CIG ,MYU GU BDEN STONG CHOS CAN, YON TAN YIN PAR THAL, YON TAN GYI RTEN DU RDZOGS PA'I PHYIR, ZER NA, MA KHYAB, MA GRUB NA DER THAL, @021B RANG NYID LA DMIGS NAS BSGOMS PAS RTOGS PA GONG 'PHEL DU 'GYUR PA'I PHYIR, KHYAB STE, SKABS 'DIR YON TAN GYI RTEN DU RDZOGS MA RDZOGS NI KHYAD PAR DE DANG LDAN MI LDAN GYI SGO NAS 'JOG PA'I PHYIR, 'DOD NA SLA, KHA CIG ,GANG ZAG GI BDAG MED PHRA MO CHOS CAN, YON TAN GYI RTEN DU RDZOGS PAR THAL, YONGS GRUB YIN PA'I PHYIR, DER THAL, RNAM DAG LAM GYI DMIGS PA MTHAR THUG YIN PA'I PHYIR, DER THAL, NYON SGRIB DAG PAR 'GYUR PA'I RNAM DAG LAM GYI DMIGS PA MTHAR THUG YIN PA'I PHYIR, ZER NA, MA KHYAB, 'DOD NA, DE CHOS CAN, YON TAN GYI RTEN DU MA RDZOGS PAR THAL, KUN RDZOB YIN PA'I PHYIR, ZER NA, MA KHYAB, MA GRUB NA, DER THAL, KUN RDZOB BDEN PA YIN PA'I PHYIR, KHA CIG ,STONG NYID MNGON SUM DU RTOGS PA'I SLOB PA'I YE SHES CHOS CAN, YONGS GRUB YIN PAR THAL, PHYIN CI MA LOG PA'I YONGS GRUB YIN PA'I PHYIR, ZER NA, MA KHYAB, RTAGS DER THAL, CHOS CAN DE'I PHYIR, KHYAB STE, DE YIN NA, YUL CAN DON DAM BDEN PA YIN DGOS PA'I PHYIR, 'DZIN STANGS MNYAM NYID, GNYIS PA RANG BZHIN NI, GZUGS LA SOGS LA RLOM MED PA, ,RNAM BZHI DE'I MNYAM PA NYID, ,CES GSUNGS TE, DON NI, 'GREL PAR, GZUGS LA SOGS PA LA MNGON PAR ZHEN PA DANG, ZHES PA NAS, MNYAM PA NYID YIN NO, ,ZHES PA'I BAR GSUNGS, 'PHROS NI, GZUGS RLOM SEMS SU MI BYED, GZUGS KYIS RLOM SEMS SU MI BYED, GZUGS BDAG GI ZHES BYA BAR RLOM SEMS SU MI BYED, GZUGS LA RLOM SEMS SU MI BYED, CES SOGS KYI MDO LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, 'DIR BSTAN SEMS DPA'I GZHI SHES SBYOR BA DE MI MNYAM PA NYID DE LA RNAM PA BZHI YOD DE, YUL GZUGS LA @022A *, ,SOGS PA'I NGO BO DANG MTSAN MA DANG DBYE BA DANG YUL CAN LA BDEN PAR RLOM PA MED PA'I SBYOR BA RNAMS SU YOD PA'I PHYIR, GNYIS PA MTHA' DPYAD PA LA GSUM LAS, DANG PO LA, KHA CIG, YUL YUL CAN LA BDEN ZHEN 'GOG PA'I SEMS DPA'I YE SHES, SEMS DPA'I GZHI SHES SBYOR BA'I MNYAM NYID KYI MTSAN NYID ZER NA, THEG CHEN GYI BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, SEMS DPA'I GZHI SHES SBYOR BA YIN PAR THAL, 'DOD PA'I PHYIR, 'DOD NA, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS SO, ,KHA CIG ,YUL YUL CAN BDEN STONG MNYAM PA NYID DU RTOGS PA'I SEMS DPA'I YE SHES, SEMS DPA'I GZHI SHES SBYOR BA'I MNYAM NYID KYI MTSAN NYID ZER NA, GANG ZAG GYI BDAG MED MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DER THAL, THEG DMAN GYI RTOGS RIGS SU GNAS PA'I SEMS DPA'I YE SHES YIN PA'I PHYIR, 'DOD NA, STONG NYID RTOGS PA'I SEMS DPA'I YE SHES YIN PAR THAL LO, ,KHA CIG ,STONG NYID RTOGS PA'I SHES RAB KYIS ZIN CING, NYAN THOS KYI RTOGS RIGS SU GNAS PA'I SEMS DPA'I YE SHES, SEMS DPA'I GZHI SHES SBYOR BA'I MNYAM NYID KYI MTSAN NYID ZER NA, GZUGS PHYI ROL DON GYIS STONG PA MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, NYAN THOS KYI RTOGS RIGS SU GNAS PAR THAL, 'DOD PA'I PHYIR, 'DOD MI NUS SO, ,KHA CIG ,SEMS DPA'I GZHI SHES SBYOR BA YIN NA, SEMS DPA'I GZHI SHES SBYOR BA'I MNYAM NYID YIN PAS KHYAB ZER NA, BDEN 'DZIN GYIS BCINGS BZHIN DU 'DUS BYAS MI RTAG PAR RTOGS PA'I THEG CHEN GYI TSOGS LAM CHOS @022B CAN, DER THAL, DE'I PHYIR, DER THAL, THEG DMAN GYI RTOGS RIGS SU GNAS BA'I SEMS DPA'I YE SHES YIN PA'I PHYIR, 'DOD NA, ,STONG NYID RTOGS PA'I SHES RAB KYIS ZIN PAR THAL, 'DOD PA'I PHYIR, KHYAB STE, MNYAM NYID CES PAS STONG NYID RTOGS PA'I SHES RAB KYIS ZIN DGOS PAR BSTAN PA'I PHYIR, DER THAL, DE LA MNYAM NYID KYI MING SMOS PA LA DGOS PA YOD BA'I PHYIR,, ` GNYIS PA RANG LUGS LA, SEMS DPA'I GZHI SHES SBYOR BA'I YUL YUL CAN BDEN STONG DU RTOGS PA'I SHES RAB KYIS ZIN PA'I SGO NAS NYAN THOS KYI RTOGS RIGS GNAS BA'I THEG CHEN GYI DON MNGON RTOGS DE, SKABS 'DIR DNGOS SU BSTAN PA'I SEMS DPA'I GZHI SHES SBYOR BA'I MA NYID KYI MTSAN NYID, SPYIR STONG NYID RTOGS PA'I SHES RAB KYIS ZIN PA'I SGO NAS THEG DMAN GYI RTOGS RIGS SU GNAS PA'I SEMS DPA'I YE SHES, SEMS DPA'I GZHI SHES SBYOR BA'I MNYAM NYID KYI MTSAN NYID, MTSAN GZHI NI MI RTAG SOGS BCU DRUG RTOGS PA'I THEG CHEN GYI SBYOR LAM LTA BU'O,, ` GSUM PA RTZOD PA SPONG LA, KHA CIG SEMS DPA'I GZHI SHES SBYOR BA'I MNYAM NYID YIN NA, STONG NYID RTOGS PA'I YE SHES YIN DGOS PAR THAL, DE YIN NA, SEMS DPA'I GZHI SHES SBYOR BA'I YUL YUL CAN BDEN STONG MNYAM PA NYID DU RTOGS PA'I YE SHES YIN DGOS PA'I PHYIR, DER THAL, DE LTAR DGOS PA RNAM BSHAD LAS GSUNGS PA'I PHYIR ZER NA, SKYON MED DE, DE NI ZIN LA DGONGS BA'I PHYIR, KHA CIG ,THEG DMAN GYI RGYUD LA SEMS DPA'I GZHI SHES SBYOR BA'I MNYAM NYID MED PAR THAL, DE YIN NA, STONG NYID RTOGS PA'I SHES KYIS ZIN PAS KHYAB PA'I PHYIR, 'DOD NA, DE YOD BAR THAL, DE'I RGYUD LA GZHI SHES SBYOR YOD PA'I PHYIR NA, MA KHYAB,, MTHONG LAM, GSUM PA SBYOR BA BSGOM PA'I 'BRAS BU BSHAD PA LA GNYIS, SKAD @023A *, ,GCIG MA MDOR BSTAN PA, RNAM PA RGYAS PAR BSHAD PA'O, ,DANG PO NI, SDUG BSNGAL LA SOGS BDEN PA LA, ,ZHES SOGS RKANG PA BZHI GSUNGS TE, DON NI, BYANG SEMS MTHONG LAM PA'I RGYUD KYI SDUG BSNGAL LA SOGS PA'I BDEN PA BZHI PO SO SO LA DMIGS NAS CHOS SHES PA'I BZOD PA DANG, RJES SU SHES PA'I BZOD PA DANG, CHOS DANG RJES SU SHES PA'I MTHONG LAM SKAD CIG MA BCU DRUG GI BDAG NYID 'DI CHOS CAN, KUN SHES PA'I TSUL MTHONG LAM PA'I LAM YIN TE, 'DA' BYED THEG CHEN GYI BDEN PA MNGON RTOGS YIN PA'I PHYIR, ZHES 'CHAD PA LA, 'GREL PAR, BDEN PA SO SO LA CHOS SHES PA'I BZOD PA DANG, ZHES PA NAS, THAMS CAD SHES PA NYID KYI SKABS SU MTHONG BA'I LAM YIN NO, ,ZHES PA'I BAR GSUNGS PA'I PHYIR, GNYIS PA RGYAS PAR BSHAD PA LA, GZUGS RTAG MA YIN MI RTAG MIN, ,ZHES PA NAS, KUN SHES NYID KYI SKAD CIG MA, ,ZHES PA'I BAR GSUNGS TE, DON NI 'GREL PAR, NGO BO NYID MED PA'I PHYIR GZUGS LA SOGS PA RTAG PA DANG MI RTAG PA NYID DANG BRAL BAS NA, ZHES PA NAS, SHES PA SKYE BA MED PA ZHES BYA BA NI LAM GYI BDEN PA YIN TE, ZHES PA'I BAR GSUNGS, SHES BYA CHOS CAN, RTZA 'GREL DE DAG GANG LAS 'PHROS PA YOD DE, RAB 'BYOR BYANG CHUB SEMS DPA' SEMS DPA' CHEN PO BYAMS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS GZUG RTAG CES BYA BA'AM, MI RTAG CES BYA BAR CHOS STON PAR MI 'GYUR RO, , ZHES PA NAS, RAB 'BYOR GAL TE BYANG CHEN GYI SHER PHYIN LA SPYOD PA TSE, DE LTAR RNAM PAR MI RTOG ,DE LTAR MI DMIGS TE, DE LTAR 'PHRO BAR YANG MI BYED NA SHER PHYIN LA SPYOD PA'O, ,ZHES PA'I BAR GYI MDO LAS 'PHROS PA'I PHYIR, 'DI'I SKABS SU GNYIS TSIG @023B DON DANG, MTHA' DPYAD PA'O, ,DANG PO LA GNYIS, SO SOR BSHAD PA DANG, DON BSDU BA'O, ,DANG PO NI, SDUG BSNGAL GYI BDEN PAS BSDUS PA'I GZUGS SOGS CHOS CAN, DON DAM PAR RTAG PA YANG MA YIN MI RTAG PA YANG MA YIN TE, DON DAM PAR RTAG MI RTAG DANG BRAL BA'I PHYIR, DER THAL, DON DAM PAR NGO BO NYID MED PA'I PHYIR, RTAGS 'DI 'OG MA RNAMS LA YANG SBYOR, SDUG BDEN GYI RNAM PA NI, DON DAM PAR RTAG CHAD KYI MTHA' LAS 'DAS PA DANG, SDUG BSNGAL DON GZHAN GYIS STONG PA RANG BZHIN GYIS RNAM PAR DAG PA DANG, SDUG BSNGAL RANG DBANG BA'I BDAG GI NGO BOR MA GRUB PA DON DAM PAR MA SKYES PA DANG MA 'GAGS PA SOGS KYIS KUN NAS NYON MONGS PA DANG RNAM PAR BYANG BA MA YIN TE, RIM PA BZHIN DON DAM PAR SDUG BSNGAL DANG SDUG BSNGAL MA YIN PA DANG BRAL BA'I PHYIR DANG, STONG MI STONG DANG BRAL BA'I PHYIR DANG, BDAG DANG BDAG MED PA DANG BRAL BA'I PHYIR RO, ,DE DAG CHOS CAN, THEG CHEN MTHONG LAM SDUG BSNGAL SHES BZOD KYI DMIGS YUL YIN TE, DES KHYOD DE LTAR DON DAM PAR MA GRUB PAR MNGON SUM DU RTOGS PA'I PHYIR, KUN 'BYUNG NI DON DAM PAR MA GRUB PA NAM MKHA' DANG 'DRA BA DANG, CHAGS PA LA SOGS PA'I SRID PA DON DAM PAR GRUB PA SPANGS PA DANG, DE DAG DON DAM PAR YONGS SU 'DZIN PA LAS GROL BA DANG, DE DON DAM PAR NGO BO NYID KYIS BRJOD DU MED PA YIN TE, RIM PA BZHIN SDUG BSNGAL GYI RGYU DANG DE'I RGYU MA YIN PA DANG, KUN 'BYUNG DANG KUN 'BYUNG MA YIN PA DANG, RAB SKYE DANG RAB SKYE MA YIN PA DANG, RKYEN DANG RKYEN MA YIN PAR DON DAM PAR MA GRUB PA'I PHYIR, DE DAG CHOS CAN, KUN 'BYUNG SHES BZOD KYI DMIGS PA YIN TE, DES DE LTAR DON DAM PAR MA GRUB PAR MNGON SUM DU RTOGS PA'I PHYIR, 'GOG PA'I BDEN PA 'DI'I DON SDUG BSNGAL SPANG BA'I BRAL BA NI, DON DAM PAR MED PA'I RGYU MTSAN GANG GI PHYIR NA DE'I TSIG TU BRJOD PA YIS @024A *, ,GZHAN RGYUD LA DON DAM PAR SBYIN DU MED PA DANG, BRAL BA DE DMIGS PA DON DAM PAR MED PAR BYED PA DANG, RTAG CHAD LAS 'DAS SHING RANG BZHIN GYIS SHIN TU RNAM PAR DAG PA DANG, NANG THAMS CAD MI 'BYUNG PA'I PHAN YON DANG LDAN PA YIN TE, RIM PA BZHIN 'GOG PA DANG 'GOG PA MA YIN PA DANG, ZHI PA DANG ZHI BA MA YIN PA DANG, GYA NOM DANG GYA NOM MA YIN PA DANG, NGES 'BYUNG DANG NGES 'BYUNG MA YIN PAR DON DAM PAR MA GRUB PA'I PHYIR, DE DAG CHOS CAN, 'GOG PA SHES BZOD KYI DMIGS PA YIN TE, DES DE LTAR DON DAM PAR MA GRUB PAR MNGON SUM DU RTOGS PA'I PHYIR, STONG NYID MNGON SUM DU RTOGS PA'I LAM GYI BDEN PA NI, DMYAL BA LA SOGS PA'I NGAN SONG CHAD PA DANG, RGYUN ZHUGS SOGS KYI 'BRAS BU NI MNGON DU BYA BA LA DON DAM PAR RNAM PAR MI RTOG PA NYID DANG, DON DAM PAR GRUB PA'I MTSAN MA DAG DANG MA 'BREL BA DANG, BRJOD BYA'I DNGOS PO DANG RJOD BYED KYI MING SO SO DANG DO GNYIS PO LA GNYIS DANG BCAS PA'I TSUL GYIS SHES PA SKYE BA MED PA NI YIN TE, RIM PA BZHIN LAM DANG LAM MA YIN PA DANG, RIGS PA DANG RIGS PA MA YIN PA DANG, SGRUB PA DANG SGRUB PA MA YIN PA DANG, NGES 'BYIN DANG NGES 'BYIN MA YIN PAR DON DAM PAR MA GRUB PA'I PHYIR, DE DAG CHOS CAN, THEG CHEN MTHONG LAM LAM SHES BZOD KYI DMIGS PA YIN TE, DES DE LTAR DON DAM PAR MA GRUB PAR MNGON SUM DU RTOGS PA'I PHYIR,, ` GNYIS PA DON BSDU BA NI, KUN SHES KYI SKAD CIG MA, ,ZHES GSUNGS TE, DON NI, SNGAR BSHAD PA'I KUN SHES NYID KYI SHES BZOD SKAD CIG MA BCU DRUG PO CHOS CAN, BYANG SEMS KYI MTHONG BA'I LAM YIN TE, DE'I BDEN PA MNGON RTOGS YIN PA'I PHYIR, ZHES 'CHAD PA LA, 'GREL PA LAS, DE LTA BU'I RNAM PA CAN GYI KUN @024B SHES PA NYID KYI SKAD CIG MA DE DAG NI BYANG CHUB SEMS DPA' RNAMS KYI MTHONG BA'I LAM YIN NO, ,ZHES GSUNGS PA'I PHYIR,, ` GNYIS PA MTHA' DPYAD PA LA GSUM LAS, KHA CIG ,SPROS BRAL MNGON SUM DU RTOGS PA'I THEG CHEN GYI BDEN PA MNGON RTOGS, SKABS 'DIR BSTAN PA'I MTHONG LAM GYI MTSAN NYID ZER NA, MI RTAG LA SOGS BCU DRUG MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DER THAL, SKABS 'DIR SHUGS LA BSTAN PA'I MTHONG LAM YIN PA'I PHYIR, DER THAL, RNAM BSHAD LAS, 'DA' BYA'I MNGON RTOGS BYANG SEMS KYI MTHONG LAM GYIS BSDUS PA NI, DNGOS BSTAN GYIS MTHONG LAM DE'I SHUGS LA BSTAN PA YIN NO, ,ZHES GSUNGS PA'I PHYIR, GZHAN YANG, NYAN THOS KYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DE DER THAL, RNAM BSHAD LAS, 'DIS NYAN THOS RANG RGYUD KYI MTHONG LAM DANG, BYANG CHUB SEMS DPA'I RGYUD LA BSGOM PAR BYA BA SHES MTHONG GIS BLTAS NAS 'DA' BAR BYA BA'I MTHONG LAM GNYIS KA BSDUS NAS BSTAN PA YIN NO, ,ZHES GSUNGS PA'I PHYIR, GNYIS KA LA 'DOD PAR MI NUS SO, ,KHA CIG ,'DI'I BYED KYI THEG CHEN MTHONG LAM YIN NA, SKABS 'DIR DNGOS BSTAN GYI 'DA' BYED MTHONG LAM YIN PAS KHYAB NA, GANG ZAG GI BDAG MED RTOGS PA'I 'DA' BYED THEG CHEN GYI MTHONG LAM CHOS CAN, DER THAL, DE'I PHYIR, DER THAL, DMAN PA'I SA LAS 'DA' BYED KYI THEG CHEN MTHONG LAM YIN PA'I PHYIR, DER THAL, THEG CHEN GYI MTHONG LAM YIN PA'I PHYIR, 'DOD MI NUS TE, SKABS 'DIR SHUGS LA BSTAN PA'I 'DA' BYA'I MTHONG LAM YIN PA'I PHYIR, DER THAL, RNAM BSHAD LAS, 'DIR DNGOS SU BSTAN PA'I MTHONG LAM 'DA' BYED DANG, SHUGS LA BSTAN PA'I 'DA' BYA'I MNGON RTOGS SO, ,ZHES GSUNGS PA'I @025A *, ,PHYIR; KHA CIG ,BYANG CHUB SEMS DPA' GNAS NAS 'DA' BA DANG, SHES MTHONG GIS BLTAS NAS 'DA' BA'I MTHONG LAM GANG RUNG YIN NA, BYANG CHUB SEMS DPA'I RANG RGYUD KYI MTHONG LAM YIN PAS KHYAB ZER NA, NYAN RANG GI MTHONG LAM CHOS CAN, DER THAL, DE'I PHYIR, DER THAL, BYANG CHUB SEMS DPAS SHES MTHONG GIS BLTAS NAS 'DA' BA'I MTHONG LAM YIN PA'I PHYIR, DER THAL, RNAM BSHAD LAS, BYANG CHUB SEMS DPAS NYAN RANG GIS LA MTHONG LAM GYI SKABS SU SHES MTHONG GIS BLTAS NAS DE LAS 'DA' BAR BYED PA DE YIN LA, ZHES GSUNGS PA'I PHYIR, KHO NA RE, DE MI 'THAD PAR THAL, BYANG SEMS KYIS SHES MTHONG GIS BLTAS NAS 'DA' BA'I DON BYANG SEMS RANG RGYUD LA BSKYED NAS SHES ZHING MTHONG BA'I SGO NAS 'DA' BA'I DON YIN GYI, MIG GIS GZUGS LA BLTAS NAS 'DA' BLTA BU BU MA YIN PAR BSHAD PA'I PHYIR, ZER NA, SKYON MED DE, DE NI BYANG SEMS RANG RGYUD KYI 'DA' BYA'I LAM LA DGONGS PA'I PHYIR, ,GNYIS PA RANG LUGS LA RNAM BSHAD LTAR NA SPROS BRAL MNGON SUM DU RTOGS PA'I THEG CHEN GYI BDEN PA MNGON RTOGS, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID, DE LA THEG CHEN GYI MTHONG LAM SHES BZOD SKAD CIG MA BCU DRUG YOD, 'ON KYANG MKHAS PA KHA CIG MI RTAG LA SOGS BCU DRUG MNGON SUM DU RTOGS PA'I THEG CHEN GYI MTHONG LAM 'DI'I DNGOS BSTAN GYI GTZO BO YIN ZHES GSUNGS KYANG RTZA 'GREL DANG MI MTHUN SNYAM MO,, ` GSUM PA RTZOD PA SPONG BA LA, KHA CIG ,DMAN LAM SNGON DU SONG BA'I THEG CHEN GYI MTHONG LAM BAR CHAD MED LAM CHOS CAN, SKABS 'DIR DNGOS SU BSTAN PA'I THEG CHEN GYI MTHONG LAM YIN PAR THAL, SPROS BRAL MNGON SUM DU RTOGS PA'I THEG CHEN GYI BDEN PA MNGON RTOGS YIN PA'I PHYIR, @025B DER THAL, THEG CHEN MTHONG LAM BAR CHAD MED LAM YIN PA'I PHYIR, 'DOD NA, DE CHOS CAN, SKABS 'DIR DNGOS BSTAN BSTAN BYA'I GTZO BO YIN PAR THAL, 'DOD PA'I PHYIR, ZER NA, MA KHYAB, YANG KHA CIG ,THEG CHEN GYI MTHONG LAM CHOS CAN, MTSAN NYID DER THAL, SKABS 'DIR DNGOS SU BSTAN PA'I THEG CHEN GYI MTHONG LAM YIN PA'I PHYIR, DER THAL, SKABS 'DIR DNGOS SU BSTAN PA GANG ZHIG, THEG CHEN GYI MTHONG LAM YIN PA'I PHYIR, ZER NA, MA KHYAB, 'O NA THEG CHEN GYI MTHONG LAM CHOS CAN, STONG NYID MNGON SUM DU RTOGS PA'I THEG CHEN GYI MTHONG LAM YIN PAR THAL, STONG NYID MNGON SUM DU RTOGS PA GANG ZHIG ,THEG CHEN GYI MTHONG LAM YIN PA'I PHYIR, KHYAB PA KHAS, 'DOD NA, DE CHOS CAN, BYANG SEMS RJES THOB PA'I RGYUD LA KHYOD MED PAR THAL, KHYOD STONG NYID MNGON SUM DU RTOGS PA'I YE SHES YIN PA'I PHYIR, 'DOD MI NUS SO, ,KHA CIG ,THEG CHEN GYI MTHONG LAM BAR CHAD MED LAM GYI GZHAL BYAR GYUR PA'I KUN RDZOB BDEN PA YOD PAR THAL, THEG CHEN MTHONG LAM SHES BZOD SKAD CIG BCU DRUG GI GZHAL BYAR GYUR PA'I KUN RDZOB BDEN PA YOD PA'I PHYIR, DER THAL, DE BCU DRUG GI YUL DU GYUR PA'I KUN RDZOB BDEN PA YOD PA'I PHYIR, DER THAL, DE BCU DRUG GI DMIGS YUL DU GYUR PA'I KUN RDZOB BDEN PA YOD PA'I PHYIR, ZER NA, MA KHYAB, MA GRUB NA DER THAL, DE'I DMIGS YUL DU GYUR PA'I BDEN BZHI'I RNAM PA BCU DRUG YOD PA'I PHYIR, DER THAL, GZUGS RTAG MA YIN ZHES SOGS KYIS DE YOD PAR BSTAN PA'I PHYIR,, ` SGOM LAM DNGOS SU MA STON PA'I SGRUB BYED, 'DIR 'GREL PA LAS, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, MNGON DU BYA BA NI MA YIN PAS BSGOM PA'I LAM NI MA BSTAN TO, ,ZHES PA'I SKABS SU KHA CIG ,SKABS 'DIR SGOM LAM DNGOS SU MA BSTAN ZHES GSUNGS PA NI, GTZO BOR BDAG MED @026A *, ,MNGON SUM DU RTOGS PA'I THEG DMAN GYI SGOM LAM LA DGONGS PA YIN ZER NA, DE MI 'THAD PAR THAL, ,NYI SNANG LAS, THAMS CAD SHES PA NYID LA SGOM PA'I LAM MED PA'I PHYIR RO, ,ZHES GSUNGS PA GANG ZHIG, THEG DMAN PA LA BDAG MED GTZO BOR BSGOM PA'I GZHI SHES SU GYUR PA'I SGOM LAM MED PA MI 'THAD PA'I PHYIR, KHA CIG ,DE LTAR GSUNGS PA NI GTZO BOR STONG NYID RTOGS PA'I THEG CHEN GYI SGOM LAM LA BYED PA YIN ZER NA, DE YANG MI 'THAD PAR THAL, DE 'DRA'I SGOM LAM DE BYANG CHUB SEMS DPAS GTZO BOR BSGOM DGOS PA'I PHYIR, KHYAB STE, 'DIR BYANG CHUB SEMS DPAS GOMS PA LHUR LEN GYI TSUL GYIS GTZO BOR MI SGOM PA'I SGOM LAM ZHIG DNGOS SU MI STON PA'I DON DU 'CHAD PA GTZO BOR BYED DGOS PA'I PHYIR,, ` RANG LUGS LA RTZOD PA DANG LAN GNYIS, DANG PO NI, GZUGS RTAG MA YIN MI RTAG MIN, ,ZHES PA NAS, KUN SHES NYID KYI SKAD CIG MA, ,ZHES PA'I BAR GYI GZHUNG RDZOGS MA THAG ,DE LTAR 'DI DANG YANG 'DI ZHES PA'I GZHUNG MA BRTZAMS PA'I BAR DER MI RTAG LA SOGS BCU DRUG GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU STON BYED KYI GZHUNG ZHIG 'BYUNG RIGS PA LAS MI 'BYUNG BA MI 'THAD PAR THAL, DPER NA, SKABS GNYIS PAR, BDEN DANG BDEN LA BZOD PA DANG, ,ZHES SOGS KYIS MTHONG LAM BSTAN RJES DE'I RIGS RGYUN DU GYUR PA'I STONG NYID MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DNGOS SU STON BYED KYI GZHUNG 'BYUNG BA BZHIN YIN PA'I PHYIR, ZER NA,, ` GNYIS PA LAN BSHAD PA LA, SNGAR BSHAD PA'I SKABS DER DE LTA BU'I SGOM LAM DNGOS SU MI STON PA'I RGYU MTSAN YOD DE, DE BYANG CHUB SEMS DPAS SHES MTHONG GIS BLTAS NAS 'DA' BA'I LAM @026B DU STON MI DGOS SHING GNAS NAS 'DA' BA'I LAM DU STON MI RIGS PA'I PHYIR, DANG PO DER THAL, GZUGS RTAG MA YIN MI RTAG MIN, ,ZHES SOGS KYI MI RTAG LA SOGS BCU DRUG MNGON SUM DU RTOGS PA'I THEG CHEN GYI MTHONG LAM DE BYANG CHUB SEMS DPAS SHES MTHONG GIS BLTAS NAS 'DA' BA'I LAM DU BSTAN PA LA BRTEN NAS, DE'I RIGS RGYUN DU GYUR BA'I MI RTAG LA SOGS BCU DRUG MNGON SUM DU RTOGS PA'I THEG CHEN GYI SGOM LAM YANG, BYANG CHUB SEMS DPAS SHES MTHONG GIS BLTAS NAS 'DA' BA'I LAM DU GO NUS PA'I PHYIR, GONG GI PHYI MA DER THAL, BYANG SEMS KYIS MI RTAG LA SOGS BCU DRUG MNGON SUM DU RTOGS PA'I YE SHES GOMS PA LHUR LEN GYI TSUL GYIS MI BSGOM PAS DE 'DRA'I SGOM LAM PA MED PA'I PHYIR, KHA CIG ,SKABS GSUM PAR DNGOS SU MI STON RGYU'I SGOM LAM MED PAR THAL, MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM DE SKABS GSUM PAR DNGOS SU MI STON RGYU YIN PA GANG ZHIG, DE 'DRA'I SGOM LAM MED PA'I PHYIR, ZER NA, MA KHYAB, 'DOD NA, DE YOD PAR THAL, SGOM LAM YIN NA, DE YIN DGOS PA'I PHYIR, DER THAL, SKABS GSUM PAR SGOM LAM DNGOS SU MI STON PA LA RGYU MTSAN YANG DAG YOD PA'I PHYIR, KHA CIG ,MI RTAG LA SOGS BCU DRUG MNGON SUM DU RTOGS SHING GOMS PA LHUR LEN GYI TSUL GYIS BSGOM PA'I THEG CHEN GYI SGOM LAM CHOS CAN, SKABS GSUM PAR DNGOS SU MI STON RGYU'I SGOM LAM MA YIN PAR THAL, MED NGES YIN PA'I PHYIR, ZER NA, RE ZHIG MA KHYAB, KHA CIG , 'GREL BAR BSGOM PA'I LAM NI MA BSTAN TO, ,ZHES PA'I DON GTZO BOR STONG NYID MNGON SUM DU RTOGS PA'I THEG CHEN GYI SGOM LAM DE, SKABS GSUM PAR DNGOS SU MA BSTAN PA'I DON LA BYED RIGS PAR THAL, DES DE 'DRA'I THEG CHEN SGOM LAM DE, SKABS @027A *, ,GSUM PAR DNGOS SU MA BSTAN PAR BSHAD PA'I PHYIR, ZER NA, MA KHYAB, MA GRUB NA, DER THAL, DES SKABS GSUM PAR SGOM LAM DNGOS SU MA BSTAN PAR BSHAD PA'I PHYIR, DER THAL, SKABS GSUM PAR SGOM LAM DNGOS SU MA BSTAN PA'I PHYIR,, ` GNYIS PA MKHYEN GSUM GYI MJUG BSDU BA NI, DE LTAR 'DI DANG YANG 'DI DANG, ,ZHES PA NAS, RDZOGS PAR YONGS SU BSTAN PA YIN, ,ZHES PA'I BAR GSUNGS TE, DON NI, 'GREL BAR, ,BSHAD MA THAG PA'I TSUL DU RNAM PA THAMS CAD MKHYEN PA NYID 'DI DANG, ZHES PA NAS, RNAM PA GSUM PO YONGS SU RDZOGS PAR MDZAD PA YIN NO, ,ZHES PA'I BAR GSUNGS, MDO 'GREL NI, TSIG DON DU GTOGS PAS 'DI'I SKABS SU GNYIS, TSIG DON DANG, MTHA' DPYAD PA'O, DANG PO RTZA BA LTAR NA, DE LTAR MKHYEN GSUM RGYAS PAR BSTAN, YUM BAR MA LAS, RAB 'BYOR YUM 'DI NI CHOS GANG YANG THOB PAR BYED PA MA YIN, ZHES PA NAS, 'DAS PA MA YIN, MA 'ONGS PA MA YIN, DA LTAR BYUNG BA MA YIN, ZHES GSUM PO GCIG TU BSDUS PA'I BAR GYI GZHI SHES KYI MJUG SDUD STON PA'I TSIG BCU DGU BO 'DI DANG, RANG 'BYOR DE LTAR KHAMS GSUM LAS 'DA' BAR BYED PA MA YIN, MYA NGAN LAS 'DAS PA'I DBYINGS LA GNAS PAR BYED PA MA YIN, ZHES SOGS YANG LAM SHES KYI MJUG BSDU BA'I TSIG 'DI DANG, YANG RAB 'BYOR YUM 'DI NI SANGS RGYAS KYI CHOS RNAMS STER BAR BYED PA'AM 'PHROG PAR BYED PA MA YIN, ZHES SOGS KYI TSIG 'DI YIN TE MDO TSIG RNAM PA GSUM PO 'DI NI CHOS CAN, SNGAR MKHYEN GSUM BRJOD BYAR BYAS PA'I GNAS SKABS GSUM PO DAG GI MJUG RDZOGS PAR YONGS SU BSTAN PA YIN TE, SNGAR MKHYEN GSUM RDZOGS PAR BSTAN PA DE DAG GI MJUG SDUD STON PA'I TSIG YIN PA'I PHYIR,, ` ,GNYIS PA MTHA' DPYAD PA LA, KHA CIG ,DE LTAR 'DI DANG YANG @027B 'DI DANG, ,ZHES SOGS KYI DON GZHI SHES KYI MJUG SDUD STON TSUL DANG POR BYAS NAS 'CHAD MI RIG PAR THAL, DE NI RNAM MKHYEN GYI MJUG SDUD STON TSUL THOG MAR BYAS NAS 'CHAD DGOS PA'I PHYIR, DER THAL, 'GREL PA LAS, THAMS CAD MKHYEN PA NYID 'DI DANG, LAM SHES PA NYID 'DI DANG, THAMS CAD SHES PA NYID 'DI STE, ZHES GSUNGS PA'I PHYIR, ZER NA, SKYON MED DE, DE NI GANG BYAS KYANG MI 'GAL YANG, RTZA BAR YUM BAR MA'I MDO NAS MJUG SDUD STON TSUL GYI DBANG DU BYAS NAS BSHAD, 'GREL PAR BRGYAD STONG PA NAS MJUG SDUD STON PA'I TSUL DANG BSTUN NAS BSHAD PA'I PHYIR, DER THAL, KHO NA RE, RTZA 'GREL DE GNYIS KYI DON MI MTHUN PAR THAL, 'GREL PAR BRGYAD STONG PA DANG MTHUN PAR BSHAD CING, RTZA BA DANG MTHUN PAR MA BSHAD PA'I PHYIR ZER NA, RE SHIG MA GRUB STE, 'GREL PAS DE LTAR BSHAD PA DE YANG RTZA BA DANG MTHUN PA'I PHYIR, DER THAL, YUM GYI MDO GSUM GA RGYAN GYI RTZA BA'I MDO YIN PA'I PHYIR, YANG KHO NA RE, MKHYEN GSUM GYI MJUG SDUD STON PA'I YUM GYI MDO DE GNYIS KYI DON MI MTHUN PAR THAL, YUM GYI MDO DE GNYIS KYIS MKHYEN GSUM GYI MJUG STON PA'I GO RIM MI MTHUN PA'I PHYIR, ZER NA, MA KHYAB, 'O NA, YUM BAR MA DANG BRGYAD STONG PA'I DON MI MTHUN PAR THAL, DE GNYIS KYI MDO TSIG JI BZHIN MI MTHUN PA'I PHYIR, KHYAB PA KHAS, RTAGS DER THAL, DE GNYIS KYI TSIG LA RGYAS BSDUS MI 'DRA BA YOD PA'I PHYIR, DER THAL, YUM BAR MA'I MDO TSIG RGYAS SHING, CIG SHOS DE LAS BSDUS PA'I PHYIR, 'DOD MI NUS TE, BRGYAD STONG DON BSDUS LAS, DE LTAR JI SKAD BSHAD RNAMS KYIS, ,BRGYAD STONG 'DIR DON MA TSANG MED, ,'DIR GZHUNG BSDUS PA YIN 'DOD DE, ,DON NI JI SKAD GSUNGS DE NYID, ,CES GSUNGS PA'I PHYIR,, ,,ZHES PA'I GSUNG PAR 'DI BZHIN SER @028A *, ,SMAD GRVA TSANG GI MKHAS GRUB CHEN PO BSTAN PA DAR RGYAS KYI YIG CHA GZHIR BZUNG STE YIG CHA'I DKA' GNAD MDOR BSDUS RNAMS SPROS BSHAD DANG, KHA SKONG, MTHA' DPYOD, THUN MONG MIN PA'I KHAS LEN MI GSAL BA RNAMS 'DIR GSAL YOD PAR BRTEN SNGA DUS BLO GSAL BA RNAMS NAS YIG CHA DANG ZUR SBREL GSAN SBYONG MDZAD MUS DANG, MKHO GNAD KYANG SHIN TU CHE RUNG, GSUNG PAR CO NE DGON CHEN DU BZHUGS PA DUS 'GYUR DBANG GIS SNGAR NAS ME BZHES ZIN 'DUG PAS DA PHAN SLOB GNYER BA'I KHROD DU YIG CHA DKON GSHIS GRVA TSANG MKHAN PO RGYAL RONG BLO BZANG BSTAN 'DZIN DANG, DGE BSHES, SLOB GNYER BA RNAMS NAS YIG CHA CHA TSANG GSUNG BAR ZHIG 'GRUB THABS THUGS GNYER CHE BA DANG BCAS MKHA' MNYAM 'GRO KUN PHAN BDE'I RTZA BA 7RGYAL PA'I LUNG RTOGS KYI BSTAN PA RIN PO CHE BSHAD SGRUB DAR RGYAS GONG 'PHEL YUN RING DU GNAS CHED SER SMAD GZHUNG PA GRVA SKU BCAR MKHAN DRUNG T'A BLA MA RONG RNAM SRAS PA THUB BSTAN NOR BZANG SHAG TSANG NAS LHAG BSAM RNAM PAR DAG PAS RGYU SBYOR 'DU 'GOD KYIS GONG GSAL YIG CHA CO NE'I PAR RNYING KHUNGS DAG RANG LAM PHYI BYAS TE RAB BYUNG BCU DRUG PA'I LCAGS PHO STAG LOR GSUNG PAR DU LEGS BSKRUN THOG GRVA TSANG 'DI NYID KYI CHOS MDZOD DU BZHUGS SU GSOL BA'O,, ,,'DIR 'BAD DGE BA'I SA BON LEGS SMIN THUB PA'I RING LUGS YONGS 'DU'I LJON, ,BSTAN 'DZIN RKANG DRUG BYE BA RNAM RTZEN KUN DGA'I ME TOG PHYOGS MTHAR RGYAS, ,MA NOR LAM BZANG 'BRAS BU'I KHUR CHEN BSTAN SRID 'GRO PHAN ZUNGS SU DUD, ,BLA MED ZHI BA'I GRIB BSIL SNUM POR 'GRO BA MA LUS DBUGS 'BYIN SHOG, ,SRBA MANGGA LAm,, ,,