*, ,MNGON PAR RTOGS PA'I RGYAN GYI DGONGS PA GSAL BAR BYED PA MKHAS PA DGYES PA'I MCHOD SPRIN LAS SKABS LNGA PA DRUG PA BDUN PA GSUM GYI TSIG DON MTHA' DPYOD ZUNG 'BREL DU BSHAD PA BZHUGS SO,, @001A *, ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,GNYIS PA RTZE SBYOR BSHAD PA LA GNYIS, SNGON 'GRO SPYI'I RNAM GZHAG DANG, GZHUNG DON DNGOS BSHAD PA'O; ;DANG PO LA GNYIS, SBYOR BA DANG, MTHA' DPYOD PA'O, ,DANG PO NI, SHES BYA CHOS CAN, RNAM RDZOGS SBYOR BA BSHAD ZIN PA'I 'OG TU RTZE SBYOR 'CHAD PA'I RGYU MTSAN YOD DE, MKHYEN GSUM GYI RNAM PA LA GOMS PA DBANG BSGYUR MA THOB PA THOB PHYIR DU SGOM PA'I RNAM RDZOGS SBYOR BA LA BRTEN NAS, MKHYEN GSUM GYI RNAM PA LA GOMS PA DBANG BSGYUR THOB ZIN PA'I RTZE SBYOR 'BYUNG BA'I RGYU MTSAN GYIS DE LTAR BSHAD PA'I PHYIR, DE SKAD DU YANG, 'GREL PA LAS, RNAM PA THAMS CAD MNGON PAR RDZOGS PAR RTOGS PA THOB PA LA, RAB KYI MTHAR PHYIN PA'I RTOGS PA 'BYUNG BAS, ZHES PA NAS, RTZE MO'I MNGON PAR RTOGS PA ZHES PA'I BAR GSUNGS PA'I PHYIR, ` GNYIS PA MTHA' DPYAD PA LA GSUM LAS, DANG PO LA, KHA CIG ,MKHYEN GSUM GYI RNAM PA LA GOMS PA DBANG BSGYUR THOB PA'I YE SHES, RTZE SBYOR GYI MTSAN NYID ZER NA, MKHYEN GSUM GYI RNAM PA LA GOMS PA DBANG BSGYUR THOB PA'I THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, DE LTAR THOB PA'I DMAN LAM SNGON SONG GI THEG CHEN GYI TSOGS LAM CIG YOD PA'I PHYIR, 'DOD MI NUS TE, THEG CHEN GYI SBYOR LAM MA THOB PA'I PHYIR, KHA CIG ,RTZE SBYOR YIN NA, MKHYEN GSUM GYI RNAM PA SGOM PA'I YE SHES YIN PAS @002A *, ,KHYAB ZER NA, THEG CHEN MTHONG LAM BAR CHAD MED LAM CHOS CAN, DER THAL, DE'I PHYIR, DER THAL, BYANG SEMS 'PHAGS PA'I MKHYEN PA YIN PA'I PHYIR, 'DOD NA, GZHI SHES KYI RNAM PA SGOM PA'I YE SHES YIN PAR THAL, 'DOD PA'I PHYIR, 'DOD MI NUS TE, THEG CHEN GYI BAR CHAD MED LAM YIN PA'I PHYIR, KHA CIG ,SBYOR LAM YIN NA, SBYOR LAM RTZE SBYOR YIN PAS KHYAB ZER NA, THEG DMAN GYI SBYOR LAM CHOS CAN, DER THAL, DE'I PHYIR, 'DOD NA, THEG CHEN GYI SBYOR LAM YIN PAR THAL LO, ,DE BZHIN DU, MTHONG LAM YIN NA, MTHONG LAM RTZE SBYOR YIN PAS KHYAB ZER BA SOGS LA RIGS 'GRE'O,, ` GNYIS PA RANG GI LUGS LA, THEG CHEN SBYOR LAM THOB PA'I GANG ZAG GI RGYUD KYI MKHYEN GSUM GANG RUNG GI RNAM PA SGOM PA LA GOMS PA RAB TU GYUR PA'I SHES RAB KYIS ZIN PA'I SEMS DPA'I YE SHES, RTZE SBYOR GYI MTSAN NYID, DE LA DBYE NA, SBYOR LAM RTZE SBYOR, MTHONG LAM RTZE SBYOR, SGOM LAM RTZE SBYOR, BAR CHAD MED PA'I RTZE SBYOR DANG BZHI YOD, SA MTSAMS NI, THEG CHEN GYI SBYOR LAM NAS RGYUN MTHA'I BAR DU YOD, ` GSUM PA RTZOD PA SPONG BA LA, KHA CIG ,MKHYEN GSUM GYI RNAM PA SGOM PA LA GOMS PA DBANG BSGYUR THOB PA'I THEG CHEN GYI TSOGS LAM MED PAR THAL, DE LTA BU'I DMAN LAM SNGON MA SONG GI THEG CHEN GYI TSOGS LAM MED PA'I PHYIR, ZER NA, MA KHYAB, KHA CIG ,SBYOR LAM YIN NA, SBYOR LAM RTZE SBYOR YIN DGOS PAR THAL, THEG CHEN GYI SBYOR LAM YIN NA, SBYOR LAM RTZE SBYOR YIN DGOS, DE'I MTHONG LAM YIN NA, MTHONG LAM RTZE SBYOR YIN DGOS @002B PA'I PHYIR, ZER NA, MA KHYAB BO, ,GNYIS PA LA BZHI, SBYOR LAM RTZE SBYOR, MTHONG LAM RTZE SBYOR, SGOM LAM RTZE SBYOR, BAR CHAD MED PA'I RTZE SBYOR RO, ,DANG PO NI, DROD SOGS BZHI NI RIM PA BZHIN DU 'CHAD PA LA, RMI LAM NA YANG CHOS RNAMS KUN, ,ZHES SOGS RKANG PA BZHIS DROD RTZE SBYOR DANG, 'DZAM BU'I GLING GI SKYE BO SNYED, ,CES SOGS RKANG PA BZHIS RTZE MO DANG, KUN MKHYEN NYID GSUM CHOS RNAMS KYI, ,ZHES SOGS RKANG PA BZHIS BZOD PA DANG, GLING BZHI PA DANG STONG DAG DANG, ,ZHES SOGS RKANG PA BZHIS CHOS MCHOG RTZE SBYOR 'CHAD LA, DANG PO'I DON NI, 'GREL PA LAS, SHIN TU GOMS PA'I RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS PAR LTA BA DANG, ZHES PA NAS, SANGS RGYAS KYI BYANG CHUB LA NYE BAR GYUR PA ZHES PA'I BAR GSUNG, GNYIS PA NI, 'DZAM BU'I GLING LA SOGS PA, ZHES PA NAS, ME TOG LA SOGS PAS SANGS RGYAS MCHOD PA'I DGE BA LA SOGS ZHES PA'I BAR GSUNG, GSUM PA NI, DE LTAR YANG DAG PA'I THABS LA MKHAS PA'I STOBS KYIS, ZHES PA NAS, THAMS CAD MKHYEN PA NYID GSUM GYI CHOS SEMS BSKYED LA SOGS PA ZHES PA'I BAR GSUNG, BZHI PA NI, TSAD SRID PA NI SRANG TSAD KYIS GZHAL BAR NUS SO, ,ZHES PA NAS, BSOD NAMS MANG PO NYID KYIS TING NGE 'DZIN GYI MTSAN NYID BRJOD PA NI SEMS KUN TU GNAS PA YIN NO, ,ZHES PA'I BAR GSUNG, DE DAG GANG LAS 'PHROS PA YANG, DANG PO NI, RAB 'BYOR BYANG CHEN RMI LAM NA YANG CHOS THAMS CAD RMI LAM DANG 'DRA BA NYID DU LTA, ZHES SOGS DANG, GNYIS PA NI, GAL TE 'DZAM BU'I GLING GI SEMS CAN JI SNYED PA DE DAG THAMS CAD SNGA PHYI MED PAR MI LUS THOB PAR GYUR TE, SANGS RGYAS SU GYUR, CES SOGS DANG, GSUM PA NI, DGE BA'I RTZA BA 'DIS GANG ZAG BYANG CHUB SEMS DPA'I THEG PA BA GANG GIS, BLA MED RDZOGS BYANG DU DMIGS PA DE DAG GIS SANGS RGYAS KYI CHOS RNAMS YONGS @003A *, ,SU RDZOGS PAR GYUR CIG ,CES SOGS DANG, BZHI PA NI, SDUD PA LAS, MI LDOG BYANG CHUB MCHOG LA RAB TU BZHUGS PA YI, ,ZHES SOGS KYI MDO RNAMS LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, RIM PA BZHIN DU BZHI LAS, DROD RJES THOB LA GNAS PA'I SEMS DPA' DBANG RNON CHOS CAN, DROD RTZE SBYOR THOB PA YIN TE, SGOM BYUNG GI STOBS KYIS RMI LAM NA YANG CHOS RNAMS KUN RMI LAM LTA BUR LTA BA LA SOGS PA'I RTZE MOR PHYIN PA'I SBYOR BA THOB PA'I RTAGS RNAM PA BCU GNYIS DAG TU MDO LAS BZHED PA DANG LDAN PA'I SEMS DPA' YIN PA'I PHYIR, ZHES PA NI, TSIGS BCAD DANG PO'I DON DANG, RTZE MO LA GNAS PA'I SEMS DPA' DBANG RNON CHOS CAN, RTZE MO'I RTZE SBYOR THOB PA YIN TE, 'DZAM BU'I GLING GI SKYE BO LA SOGS PA STONG GSUM GYI SEMS CAN JI SNYED KYIS SANGS RGYAS MCHOD PA'I DGE BA LA SOGS PA RNAM MANG DU NI DPER MDZAD NAS BSOD NAMS RNAM PAR 'PHEL BA BCU DRUG GI BDAG NYID THOB PA'I SEMS DPA' YIN PA'I PHYIR ZHES PA NI, TSIGS BCAD GNYIS PA'I DON DANG, THEG CHEN GYI SBYOR LAM BZOD PA CHOS CAN, KHYOD LA BRTAN PA'I RTZE SBYOR ZHES NI MDO LAS MNGON PAR BRJOD PA'I RGYU MTSAN YOD DE, GZHI SHES SOGS KUN MKHYEN NYID GSUM GYI CHOS RNAMS KYI RTOGS RIGS YONGS SU RTOGS PA BLA NA MED PA THOB CING SEMS CAN GYI DON BYED PA YONGS SU MI GTONG BA THOB PA'I THEG CHEN GYI NGES 'BYED CHA MTHUN GSUM PA YIN PA'I PHYIR ZHES PA NI GSUM PA'I DON DANG, THEG CHEN SBYOR LAM CHOS MCHOG PA'I RGYUD KYI TING NGE 'DZIN KHYAD PAR CAN CHOS CAN, KHYOD LA MDO LAS TING NGE 'DZIN ZHES YONGS SU BSGRAGS PA YIN TE, GLING BZHI PA DANG STONG DANG PO DAG DANG, STONG GNYIS PA DANG STONG GSUM GYIS DAG SRANG GRANGS KYIS GZHAL BA DANG CHU SKRA RTZES GZHAL NUS PA DPER MDZAD NAS, DE BAS KYANG BYANG SEMS BZHI'I DGE BA LA RJES SU YI RANG BA'I BSOD NAMS MANG @003B PO NYID KYIS NI MTSON NAS BSTAN PA'I THEG CHEN GYI NGES CHA BZHI PA YIN PA'I PHYIR ZHES PA NI BZHI PA'I DON NO, ,RTAGS KYI GRANGS 'OG TU 'CHAD PAR 'GYUR RO, ,GNYIS PA MTHA' DPYAD PA LA GSUM LAS, DANG PO LA KHA CIG ,RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA SOGS RTAGS BCU GNYIS DANG LDAN PA'I THEG CHEN GYI NGES CHA DANG PO, DROD RTZE SBYOR GYI MTSAN NYID ZER NA, THEG CHEN GYI SBYOR LAM DROD THOB MA THAG PA'I YE SHES CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN GYI SBYOR LAM DROD YIN PA'I PHYIR, 'DOD NA, DES DE 'DRA BA'I RTAGS BCU GNYIS PO THOB PAR THAL, 'DOD PA'I PHYIR, 'DOD NA, DES RMI LAM GYI RTAGS DE THOB PAR THAL, 'DOD PA'I PHYIR, 'DOD MI NUS TE, DES THEG CHEN GYI SBYOR LAM RJES THOB YE SHES MA THOB PA'I PHYIR, KHA CIG ,RMI LAM DU CHOS THAMS CAD BDEN MED DU LTA BA'I GANG ZAG YIN NA, THEG CHEN GYI SBYOR LAM DROD THOB ZIN PAS KHYAB ZER NA, DE MI 'THAD PAR THAL, BYANG SEMS TSOGS LAM BAS RMI LAM DU CHOS THAMS CAD BDEN MED DU LTA BA YOD PA'I PHYIR, DER THAL, DES RMI LAM DU STONG NYID SGOM PA YOD PA'I PHYIR, KHA CIG ,DROD RTZE SBYOR GYI RTAGS BCU GNYIS PO DE, DROD RTZE SBYOR MA YIN ZER NA, DE YIN PAR THAL, 'GREL CHEN LAS, RTAGS LA SOGS PA DE DAG KYANG DRO BA LA SOGS PA'I RANG BZHIN YIN PAR SHES PAR BYA'O, ,ZHES GSUNGS PA'I PHYIR, KHA CIG ,BSOD NAMS RNAM PAR 'PHEL BA SOGS RTAGS BCU DRUG GIS MTSON TE BSTAN PA'I THEG CHEN GYI NGES CHA GNYIS PA, RTZE MO'I RTZE SBYOR GYI MTSAN NYID ZER NA, DE MI 'THAD PAR THAL, PHYI'I RNAM 'PHEL BRGYAD TZAM GYIS MTSON TE BSTAN PA'I RTZE MO'I RTZE SBYOR YOD PA'I PHYIR, KHA CIG ,THABS SHES KYI RTOGS PA BRTAN PO GNYIS DANG LDAN PA'I THEG CHEN GYI NGES CHA GSUM PA, BZOD PA'I RTZE SBYOR GYI MTSAN NYID ZER NA, 'O NA, THEG CHEN GYI SBYOR LAM BZOD PA LA GNAS PA'I @004A *, ,SEMS DPA' YIN NA, RANG RGYUD LA THABS SHES KYI RTOGS PA BRTAN PO GNYIS YOD PAS KHYAB PAR THAL, DAM BCA' 'THAD PA'I PHYIR, 'DOD NA, DE YIN NA, STONG NYID RTOGS PA'I SHES RAB DANG SNYING RJE CHEN PO RGYUD LDAN YIN DGOS PAR THAL, 'DOD PA'I PHYIR, 'DOD NA SLA'O, ,KHA CIG TING NGE 'DZIN LA SEMS KUN TU GNAS PA'I THEG CHEN GYI NGES CHA BZHI PA, CHOS MCHOG RTZE SBYOR GYI MTSAN NYID ZER NA, TING NGE 'DZIN LA MNYAM PAR MA BZHAG PA'I THEG CHEN GYI SBYOR LAM CHOS MCHOG CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN GYI SBYOR LAM CHOS MCHOG YIN PA'I PHYIR, 'DOD MI NUS SO, ` ,GNYIS PA RANG GI LUGS LA, RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA LA SOGS PA'I RTAGS BCU GNYIS PO GANG RUNG THOB PA'I THEG CHEN GYI NGES CHA DANG PO DROD RTZE SBYOR GYI MTSAN NYID, DE LA RTAGS BCU GNYIS YOD DE, RMI LAM NA CHOS THAMS CAD BDEN MED RMI LAM LTA BUR LTA BA DANG, RMI LAM NA DMAN PA'I LAM DON GNYER LA DGA' BA MI BSKYED PA DANG, DER DE BZHIN GSHEGS PA 'KHOR BCAS MTHONG BA DANG, DER SANGS RGYAS KYIS RDZU 'PHRUL STON PA MTHONG BA DANG, DER SANGS RGYAS KYIS CHOS STON PA MTHONG BA DANG, DER NGAN SONG MTHONG NAS DE SPONG BA'I SMON LAM BYED PA DANG, RMI LAM DANG SAD PA GANG RUNG LA GRONG KHYER SOGS MES TSIG PA MTHONG NAS BDEN PA'I BYIN RLABS KYIS DE DAG ZHI NUS PA DANG, RMI LAM SAD PA'I TSE SEMS CAN GZHAN MI MA YIN GYIS ZIN PA RANG GIS BDEN STOBS KYIS ZHI NUS PA DANG, BDUD KYI LAS SHES TE BDUD ZIL GYIS GNON PA'I DGE BA'I BSHES GNYEN BSTEN PA DANG, SHER PHYIN LA SLOB PA DANG, CHOS THAMS CAD LA BDEN PAR MI ZHEN PA DANG, SANGS RGYAS KYI BYANG CHUB LA NYE BAR GYUR BA'I YE @004B SHES THOB PA STE BCU GNYIS YOD PA'I PHYIR, BSOD NAMS RNAM PAR 'PHEL BA SOGS RTAGS BCU DRUG PO GANG RUNG THOB PA'I THEG CHEN GYI NGES CHA GNYIS PA, RTZE MO'I RTZE SBYOR GYI MTSAN NYID, DE'I RTAGS BCU DRUG YOD DE, STONG GSUM GYI SEMS CAN GYI GRANGS DANG MNYAM PA'I SANGS RGYAS MCHOD PA'I BSOD NAMS LAS LHAG PA THOB PA DANG, DE GONG DU 'PHEL BAS SHER PHYIN YID LA BYED PA DANG MI 'BRAL BA DANG, STONG NYID LA MI SKRAG PA'I BZOD PA THOB PA DANG, BYANG CHUB DANG DE THOB BYED KYI CHOS DON DAM PAR MI DMIGS PA DANG, DGE BA BCU DANG BSAM GTAN GZUGS MED LA SNYOMS PAR 'JUG PA DANG, 'DOD GZUGS KYI LHA 'ONGS NAS SRUNG BA DANG, BDUD ZIL GYIS GNON NUS PA DANG, BYANG SEMS DANG GROGS GCIG PAR BSLAB PA STE PHYI'I RTAGS GTZO BOR GYUR PA BRGYAD DANG, NYAN RANG YID BYED DANG BRAL BA'I THABS LA MKHAS PA DANG, SANGS RGYAS KYI RIGS KHYAD PAR CAN DU GYUR PA DANG, 'BRAS BU SANGS RGYAS THOB PAR 'GYUR BA'I RGYU NUS LDAN 'GRUB PA DANG, PHYIN DRUG GI MI MTHUN PHYOGS SER SNA SOGS CHER MI SKYE BA DANG, GZUGS SOGS KYI CHOS LA BDEN ZHEN CI RIGS MI SKYE BA DANG, SHER PHYIN GYIS PHYIN DRUG LA SLOB TSUL SHES PA DANG, THEG PA GSUM GYI RTOGS RIGS PHUN SUM TSOGS PA THAMS CAD THOB PA DANG, SHER PHYIN GYI MTHUS RDZOGS PA'I BYANG CHUB LA NYE BA THOB PA STE NANG GI RTAGS BRGYAD DANG BCU DRUG YOD PA'I PHYIR, THABS SHES KYI RTOGS PA BRTAN PO THOB PA'I THEG CHEN GYI NGES CHA GSUM PA, BZOD PA'I RTZE SBYOR GYI MTSAN NYID, THABS KHYAD PAR CAN NI GZHAN DON SGRUB NUS PA'I SNYING RJE CHEN PO DANG, SHES RAB NI GTZO BO'I DBANG DU BYAS NA STONG NYID RTOGS PA'I SHES RAB BO, ,BSOD NAMS MANG POS MTSON NAS BSTAN PA'I THEG CHEN GYI NGES CHA BZHI PA, CHOS MCHOG RTZE SBYOR GYI MTSAN NYID, ` GSUM PA RTZOD PA SPONG BA LA, KHA CIG ,THEG CHEN GYI SBYOR LAM DROD THOB MA THAG PA'I GANG ZAG GI RGYUD LA @005A *, ,RMI LAM GYI GNAS SKABS SU CHOS THAMS CAD BDEN MED RMI LAM LTA BUR LTA BA'I LTA BA YOD PAR THAL, DE'I RGYUD LA CHOS THAMS CAD BDEN MED RMI LAM LTA BUR LTA BA'I LTA BA YOD PA'I PHYIR, DER THAL, DE'I RGYUD LA CHOS THAMS CAD BDEN MED DU LTA BA'I LTA BA YOD PA'I PHYIR, ZER NA, MA KHYAB STE, DE'I RGYUD LA KUN RDZOB DNGOS YUL DU BYED PA'I YE SHES MED PA'I PHYIR, 'DOD MI NUS TE, THEG CHEN GYI SBYOR LAM DROD THOB MA THAG PA DE'I TSE STONG NYID RTOGS BZHIN PA GANG ZHIG ,GNYID LA GNAS BZHIN PAR THEG CHEN GYI SBYOR LAM THOB PA DANG STONG NYID RTOGS PA MI 'THAD PA'I PHYIR, KHA CIG ,THEG CHEN GYI SBYOR LAM PA'I RGYUD LA RMI LAM GYI TSE CHOS THAMS CAD BDEN MED DU LTA BA MED PAR THAL, DE'I RGYUD LA GNYID MED PA'I PHYIR, DER THAL, DE BSAM GTAN GYI DNGOS GZHI THOB LA MA NYAMS PA'I GANG ZAG YIN PA'I PHYIR, KHYAB STE, MDZOD LAS, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES GSUNGS PA'I PHYIR, ZER NA, SKYON MED DE, DE'I RGYUD LA BSAM GTAN DANG PO'I SAS BSDUS KYI GNYID SOGS MED CES PA'I DON YIN PA'I PHYIR, KHA CIG ,THEG CHEN GYI NGES CHA DANG PO YIN NA, THEG CHEN GYI SBYOR LAM DROD YIN DGOS PAR THAL, DAM BCA' 'THAD PA'I PHYIR, 'DOD NA, THEG CHEN GYI SBYOR LAM CHOS MCHOG SKAD CIG DANG PO CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, ZER NA, MA KHYAB, ` SPANG BYA RTOG PA GNYIS PA MTHONG LAM RTZE SBYOR BSHAD PA LA GNYIS, SPANG BYA RTOG PA BSHAD PA, GNYEN PO RTZE SBYOR BSHAD PA'O,, DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, 'JUG PA DANG NI LDOG PA LA, ,ZHES SOGS KYI RKANG PA BZHIS GZUNG RTOG MDOR BSTAN, SO SO SKYE BO 'PHAGS DBYE BAS, ,ZHES PA NAS, NGO BOS STONG PA'I MTSAN NYID DO, , @005B ZHES PA'I BAR GYIS 'DZIN RTOG MDOR BSTAN TO, ,DE GNYIS LAS DANG PO'I DON NI, 'GREL BAR, 'JUG PA DANG LDOG PA MI DMIGS PA DANG, DMIGS PA'I NGO BO NYID DAG LA, ZHES PA NAS, JI LTA BA MA YIN PA'I NGO BO DAG TU SHES PAR BYA'O, ,ZHES PA'I BAR DANG, GNYIS PA'I DON, SO SO SKYE BO DANG 'PHAGS PA'I GANG ZAG DAG GI GO RIM BZHIN DU, ZHES PA NAS, RANG GI NGO BO DAG TU SHES PAR BYA'O, ,ZHES PA'I BAR GSUNG, 'PHROS NI, KYE MA TSE DANG LDAN PA RAB 'BYOR BYANG CHEN GANG YUM LA SPYOD PA DE NI SNYING PO LA SPYOD PA'O, ,ZHES SOGS DANG, JI LTAR GNYIS KYI 'DU SHES SU MI 'GYUR BA DANG, GNYIS SU MA MCHIS PA'I 'DU SHES SU MI 'GYUR BA DE LTAR YONGS SU BSNGO BAR BGYI'O, ,ZHES SOGS LAS 'PHROS SO, ,'DI LA GNYIS, MDOR BSTAN DANG PO'I DON DANG, GNYIS PA'I DON BSHAD PA'O, ,DANG PO NI, THEG CHEN GYI MTHONG LAM GYI SPANG BYA 'JUG PA GZUNG RTOG DANG NI LDOG PA LA GZUNG BA'I RNAM PAR RTOG PA DE CHOS CAN, SO SO DGU DGU YI BDAG NYID DU SHES PAR BYA STE, DMIGS YUL GYI DBYE BAS DGU DGU YOD PA'I PHYIR, DE CHOS CAN, JI LTA BA BZHIN DU YUL GYI RANG BZHIN 'DZIN PA MA YIN PA'I BDAG NYID DAG TU SHES PAR BYA STE, RANG GI ZHEN YUL LA 'KHRUL BA'I LOG SHES YIN PA'I PHYIR, MDOR BSTAN GNYIS PA'I DON NI, SO SO'I SKYE BO DANG 'PHAGS PA'I RTEN CAN GYI DBYE BAS SEMS CAN RDZAS YOD DANG, SKYES BU BTAGS PAR YOD PAR BDEN PAR 'DZIN PA'I RNAM PAR RTOG PA 'DZIN PA'I RNAM PAR RTOG PA 'DZIN PA DAG TU 'DOD PA DE DAG CHOS CAN, SO SOR DGU DGU'I BDAG NYID DU YOD DE, DMIGS YUL GYI DBYE BAS DE LTAR YOD PA'I PHYIR, RTOG PA DE DAG GNAS TSOD DANG MTHUN PAR YUL GANG GI 'DZIN PAR 'DOD PA MI RIGS TE, RGYU MTSAN GAL TE'AM GANG GI PHYIR NA RTOG PA DE DAG GZUNG DON DE BZHIN DU MED PA'I LOG SHES YIN PA'I PHYIR TE, DE LTAR RTOG PA DE DAG RANG GI JI LTAR ZHEN PA LTAR 'DZIN PA'I NGO BOS STONG @006A *, ,PA'I MTSAN NYID CAN YIN PA'I PHYIR, RTOG PA'I DBYE BA NI 'OG TU 'CHAD DO, ,GNYIS PA RGYAS PAR BSHAD PA LA GNYIS, GZUNG RTOG DANG 'DZIN RTOG GO ,DANG PO LA YANG GNYIS KYI DANG PO NI, NGO BO NYID DANG RIGS DANG NI, ,ZHES PA NAS, RNAM RTOG DE NI RNAM DGUR 'DOD, ,CES PA'I BAR GYIS 'JUG PA GZUNG RTOG RGYAS PAR BSHAD, SRID DANG ZHI BAR LTUNG BA'I PHYIR, ,ZHES PA NAS, NYAN THOS LA SOGS YID LAS 'BYUNG, ,ZHES PA'I BAR GYIS LDOG PA GZUNG RTOG RGYAS PAR BSHAD LA, DANG PO'I DON NI 'GREL PAR DBEN PAS DBEN PA MA RTOGS PA'I NGO BO NYID DANG, ZHES SOGS KYIS 'CHAD, GNYIS PA NI, 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS, ZHES SOGS KYIS 'CHAD DO, ,'DI LA GNYIS LAS, RGYAS BSHAD DANG PO'I DON NI, BYANG SEMS KYI 'JUG PA'I PHYOGS KYI RTEN CAN GYI RNAM RTOG DE NI CHOS CAN, RNAM PA DGUR 'DOD PA YIN TE, BYANG SEMS KYI 'JUG BYA SPYI'I NGO BO NYID LA DMIGS NAS 'JUG BYAR BDEN PAR ZHEN PA DANG, DE BZHIN SANGS RGYAS KYI RIGS SU NGES PA DANG NI, BYANG SEMS KYI LAM NI YANG DAG PAR 'GRUB PA DANG, SHES PA'I DMIGS PA MA 'KHRUL BA DANG, MI MTHUN PHYOGS 'JOMS NUS SHING GNYEN PO SKYE BA DANG, RANG GI RTOGS PA MTHAR THUG PA DANG, GZHAN GYI DON BYED PA'I NUS PA DANG, GZHAN DON DE YI LAS SU BYA BA DANG, GZHAN DON DE'I BYA BA'I 'BRAS BU LA DMIGS NAS 'JUG BYAR BDEN PAR ZHEN PA'I RNAM PAR RTOG PA DANG DGU YOD PA'I PHYIR ZHES PAS 'JUG PA GZUNG RTOG RGYAS PAR BSHAD, GNYIS PA NI, SHES BYA CHOS CAN, LDOG PA'I PHYOGS KYI RTEN TE NYAN THOS LA SOGS PA'I YID LAS 'BYUNG BA DMAN PA'I LAM LA LDOG BYAR BDEN PAR 'DZIN PA'I RNAM RTOG 'DI CHOS CAN, RNAM PA DGU YI BDAG NYID YOD DE, SRID PA DANG ZHI BAR LTUNG BA'I PHYIR NA THEG CHEN LAS @006B RTOGS PA DMAN PA NYID LA DMIGS NAS LDOG BYAR BDEN PAR ZHEN PA DANG, DE BZHIN DU LAM KHYAD PAR CAN GYIS YONGS SU 'DZIN PA MED PA LA DMIGS PA DANG, GZHAN DON SGRUB PA'I LAM GYI RNAM PA MA TSANG BA LA DMIGS PA DANG, THAR PA GZHAN GYI RKYEN GYIS 'GRO BA LA DMIGS PA DANG, CHED DU BYA BA CHEN PO GSUM LAS LOG PA LA DMIGS PA DANG, SPANGS PA NYI TSE BA'I LAM LA DMIGS PA DANG, RTOGS PA MTHO DMAN SNA TSOGS PA NYID LA DMIGS PA DANG, ZHI MTHA' MNGON DU MA BYAS PAR THEG CHEN GYI LAM LA GNAS PA DANG, 'JUG PA LA RMONGS PA'I LAM LA DMIGS PA DANG, ZHI MTHA' MNGON DU BYAS PA'I RJES LA RNAM MKHYEN DU 'GRO BA ZHES BYA BA LA DMIGS NAS LDOG BYAR BDEN PAR 'DZIN PA'I RNAM RTOG DANG DGU YOD PA'I PHYIR, ZHES PAS SHES SGRIB LDOG PA GZUNG RTOG RGYAS PAR BSHAD DO, ,GNYIS PA 'DZIN RTOG RGYAS PAR BSHAD PA LA GNYIS, RDZAS 'DZIN RTOG PA DANG, BTAGS 'DZIN RTOG PA BSHAD PA'O, ,DANG PO NI, 'DZIN PA DANG NI 'DOR BA DANG, ,ZHES PA NAS, 'DZIN PA DANG POR SHES PAR BYA, ,ZHES PA'I BAR GSUNG, GNYIS PA NI, CHED BZHIN NGES PAR MI 'BYUNG DANG, ,ZHES PA NAS, 'DZIN PA'I RNAM RTOG GZHAN YIN NO, ,ZHES PA'I BAR GSUNGS LA, DANG PO'I DON NI, 'GREL PAR, KUN RDZOB TU SGYU MA BZHIN DU 'DZIN PA DANG GTONG BA DANG, ZHES SOGS GSUNG, GNYIS PA NI, NYAN THOS LA SOGS PA'I NGES PAR 'BYUNG BA NYID KYIS, ZHES SOGS KYIS 'CHAD DO, ,'DI LA GNYIS KYI DANG PO'I DON NI, 'DZIN PA DANG PO RDZAS 'DZIN RTOG PA CHOS CAN, KHYOD LA RNAM PA DGU YOD PAR SHES PAR BYA STE, KUN RDZOB TU YON TAN 'DZIN PA DANG DE'I SKYON 'DOGS PA'I GANG ZAG LA DMIGS NAS BDEN PAR 'DZIN PA DANG, DE BZHIN DU GANG ZAG LA SBYAR TE GNAS LUGS KYI DON PHYIN CI LOG TU YID LA BYED PA LA DMIGS PA DANG, BDEN PAR 'DZIN @007A *, ,PA'I KHAMS RNAMS NI 'DOD KHAMS SOGS GSUM PO DAG DANG NYE BAR 'BREL BA LA DMIGS PA DANG, CHOS THAMS CAD LA BDEN PAR BZUNG NAS GNAS PA LA DMIGS PA DANG, DE LA BDEN MED DU BDEN PAR MNGON PAR ZHEN PA DANG, CHOS THAMS CAD THA SNYAD DU CHOS KYI DNGOS PO TZAM DU BTAGS PA LA DMIGS PA DANG, MI MTHUN PHYOGS LA BDEN PAR CHAGS PA DANG, BDEN 'DZIN GYI GNYEN PO SGOM PA LA DMIGS PA DANG, RNAM MKHYEN DU JI LTAR 'DOD PA BZHIN MYUR DU 'GRO BA LAS NYAMS PA'I GANG ZAG LA DMIGS NAS LONGS SPYOD PA POR BDEN PAR ZHEN PA'I RNAM PAR RTOG PA DANG DGU YOD PA'I PHYIR ZHES PA'I RDZAS 'DZIN RTOG PA DGU RGYAS PAR BSHAD, GNYIS PA'I DON NI, 'DZIN PA'I RNAM RTOG GZHAN BTAGS 'DZIN RTOG BA CHOS CAN, KHYOD LA RNAM PA DGU YOD PA YIN TE, CHED DU BYA BA JI LTA BA BZHIN DU NGES PAR MI 'BYUNG BA'I SKYES BU BTAGS YOD LA DMIGS NAS BDEN PAR ZHEN PA DANG, DE BZHIN DU LAM PHYIN DRUG LA LAM MA YIN PAR NGES PAR 'DZIN PA'I SKYES BU LA DMIGS PA DANG, RGYU 'GAG PA DANG BCAS PA'I 'BRAS BU SKYE BAR ZHEN PA'I SKYES BU LA DMIGS PA DANG, BDEN 'DZIN GYIS BCINGS PA'I LAM GYI DNGOS PO LDAN PA DANG DES MA BCINGS PA'I LAM GYI DNGOS PO MI LDAN PA 'DZIN PA'I SKYES BU LA DMIGS PA DANG, GZUGS SOGS LA BDEN PAR ZHEN TE GNAS PA'I SKYES BU LA DMIGS PA DANG, THEG DMAN GYI RIGS NI 'JIG CING NYAMS PAR ZHEN PA'I SKYES BU LA DMIGS PA DANG, RDZOGS BYANG DON DU GNYER BA'I 'DOD PA MED PA'I SKYES BU LA DMIGS PA DANG, RGYU SHER PHYIN SGOM PA MED PA'I SKYES BU LA DMIGS PA DANG, BDUD SOGS PHYIR RGOL BA LA NI DMIGS PA'I SKYES BU BTAGS YOD LA LONGS SPYOD PA POR BDEN PAR ZHEN PA'I RNAM RTOG DANG DGU YOD PA'I PHYIR, ZHES PAS BTAGS @007B 'DZIN RTOG PA RGYAS PAR BSHAD DO, ,'DI'I SKABS SU MTHA' DPYAD PA LA GSUM LAS, DANG PO LA, KHA CIG ,RANG GI DMIGS YUL DU GYUR PA'I CHOS LA DMIGS NAS DE BDEN PAR 'DZIN PA'I BDEN 'DZIN, SKABS 'DIR DNGOS SU BSTAN PA'I SPANG BYA RTOG PA'I MTSAN NYID, ZER NA, GZUNG RTOG BDEN PAR 'DZIN PA'I BDEN 'DZIN LHAN SKYES CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE YIN PA'I PHYIR, 'DOD NA, RTOG PA KUN BTAGS YIN PAR THAL, 'DOD PA'I PHYIR, 'DOD MI NUS SO, ,KHA CIG ,'JUG PA DANG NI LDOG PA LA, ,ZHES SOGS KYI SKABS NAS DNGOS SU BSTAN PA'I SHES SGRIB LDOG PA GZUNG RTOG YIN NA, SHES SGRIB LDOG PA GZUNG RTOG YIN PAS KHYAB ZER NA, 'O NA, DE YIN NA, RANG GI DMIGS YUL LDOG BYA'I CHOS LA DMIGS NAS BDEN PAR 'DZIN PA'I BDEN 'DZIN YIN DGOS PAR THAL, DAM BCA' 'THAD PA'I PHYIR, 'DOD NA, MI MTHUN PHYOGS KYI GZHI SHES BDEN PAR 'DZIN PA'I BDEN 'DZIN CHOS CAN, DER THAL, DE'I PHYIR, DER THAL, CHOS CAN DE'I PHYIR, KHYAB STE, MI MTHUN PHYOGS KYI BZHI SHES DE BYANG SEMS LAM GYI LDOG BYA'I CHOS YIN PA'I PHYIR, 'DOD NA, MI MTHUN PHYOGS KYI GZHI SHES DE LDOG BYA'I CHOS YIN PAR THAL, 'DOD PA'I PHYIR, 'DOD MI NUS TE, 'JUG BYA'I LAM YIN PA'I PHYIR, DER THAL, LAM YIN PA'I PHYIR, KHA CIG ,'JUG BYA'I CHOS BDEN PAR 'DZIN PA'I BDEN 'DZIN DE, SHES SGRIB 'JUG PA GZUNG RTOG GI MTSAN NYID ZER NA, THEG CHEN GYI MTHONG LAM BDEN PAR 'DZIN PA'I BDEN 'DZIN CHOS CAN, MTSAN NYID DER THAL, MTSON BYA DE'I PHYIR, 'DOD NA, MI 'THAD PAR THAL, THEG CHEN GYI MTHONG LAM 'DZIN PA'I RTOG PA DE, 'JUG BYA'I CHOS 'DZIN PA'I RTOG PA MA YIN PA'I PHYIR, KHA CIG ,RANG GI DMIGS YUL DU GYUR PA'I 'JUG BYA'I CHOS LA DMIGS NAS 'JUG BYAR BDEN PAR 'DZIN PA'I @008A *, ,BDEN 'DZIN, SHES SGRIB 'JUG PA GZUNG RTOG GI MTSAN NYID ZER NA, NYAN THOS KYI MTHONG LAM LA DMIGS NAS SPYIR BDEN PAR 'DZIN KYANG 'JUG BYAR BDEN PAR MI 'DZIN PA'I RTOG PA CHOS CAN, MTSAN NYID DER THAL, MTSON BYA DE'I PHYIR, RTAG GSAL SLA'O, KHA CIG ,RANG GI DMIGS YUL DU GYUR PA'I BYANG SEMS LAM GYI 'JUG BYA'I CHOS LA DMIGS NAS 'JUG BYAR BDEN PAR 'DZIN PA'I BDEN 'DZIN KUN BTAGS DE, SHES SGRIB 'JUG PA GZUNG RTOG GI MTSAN NYID ZER NA, NYAN THOS KYI MTHONG LAM 'JUG BYAR BDEN PAR 'DZIN PA'I BDEN 'DZIN KUN BTAGS CHOS CAN, MTSAN NYID DER THAL, MTSON BYA DE'I PHYIR, 'DOD NA, NYAN THOS KYI MTHONG LAM DE BYANG SEMS LAM GYI 'JUG BYA YIN PAR THAL, 'DOD PA'I PHYIR, 'DOD MI NUS TE, DE'I LDOG BYA YIN PA'I PHYIR, KHA CIG ,RANG GI DMIGS YUL DU GYUR PA'I 'JUG BYA'I CHOS LA DMIGS NAS BYANG SEMS LAM GYI 'JUG BYAR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID ZER NA, NYAN THOS KYI MTHONG LAM BYANG SEMS LAM GYI 'JUG BYAR BDEN PAR 'DZIN PA'I BDAG 'DZIN KUN BTAGS CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, DE BDEN 'DZIN MA YIN PA'I PHYIR, DER THAL, NYAN THOS KYI MTHONG LAM DE THA SNYAD TZAM DU YANG BYANG SEMS LAM GYI 'JUG BYA MA YIN PA'I PHYIR, DE BZHIN DU 'OG MA LA YANG RIGS PA SBYOR, KHA CIG ,NYAN THOS KYI MTHONG LAM LDOG BYAR BDEN PAR 'DZIN PA'I BDEN 'DZIN DE, BDEN 'DZIN YIN PA'I PHYIR ZER NA, DE MI 'THAD PAR THAL, NYAN THOS KYI MTHONG LAM LDOG BYAR BDEN PAR MED PA STONG NYID MA YIN PA'I PHYIR, DER THAL, NYAN THOS KYI MTHONG LAM LDOG BYA MA YIN PA'I PHYIR, KHA CIG @008B SKABS 'DIR BSTAN PA'I GZUNG RTOG DANG, 'DZIN RTOG 'GAL LO ZER NA, DE MI 'GAL BAR THAL, THEG CHEN GYI MTHONG LAM LA DMIGS NAS LONGS SPYAD BYA DANG LONGS SPYOD BYED GNYIS KAR BDEN PAR 'DZIN PA'I BDEN 'DZIN KUN BTAGS DE, DE GNYIS KA YIN PA'I PHYIR, DER THAL, SKABS 'DIR BSTAN PA'I GZUNG RTOG GANG ZHIG ,'DZIN RTOG YIN PA'I PHYIR, KHA CIG ,SO SO'I SKYE BO 'PHAGS DBYE PAS, ,ZHES SOGS KYIS RDZAS 'DZIN SO SKYE KHO NA DANG, BTAGS 'DZIN 'PHAGS PA KHO NA'I RGYUD LA YOD PAR BSTAN PA YIN ZER NA, DE MI 'THAD PAR THAL, 'PHAGS PA'I RGYUD LA RDZAS 'DZIN DANG, SO SKYE'I RGYUD LA BTAGS 'DZIN YOD PA'I PHYIR, DER THAL, 'PHAGS RGYUD LA GANG ZAG RANG RKYA THUB PA'I RDZAS YOD DU 'DZIN PA'I RTOG PA DANG, SO SKYE'I RGYUD LA GANG ZAG RANG GI PHUNG PO LA BRTEN NAS BTAGS YOD DU 'DZIN PA'I SHES PA YOD PA'I PHYIR, ` GNYIS PA RANG LUGS LA, RANG GI DMIGS YUL DU GYUR PA'I CHOS CAN TSAD GRUB PA LA DMIGS NAS BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB RTOG PA'I MTSAN NYID, DE LA DER GYUR PA'I GZUNG RTOG DANG 'DZIN RTOG GNYIS YOD, RANG GI DMIGS YUL DU GYUR PA'I BYANG SEMS LAM LA LTOS PA'I 'JUG BYA'I CHOS LA DMIGS NAS BYANG SEMS LAM LA LTOS PA'I 'JUG BYAR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB 'JUG PA GZUNG RTOG GI MTSAN NYID, MTSAN GZHI NI, THEG CHEN GYI TSOGS LAM BYANG SEMS LAM GYI 'JUG BYAR BDEN PAR 'DZIN PA'I BDEN 'DZIN KUN BTAGS LTA BU, RANG GI DMIGS YUL DU GYUR PA'I BYANG SEMS LAM LA LTOS PA'I LDOG BYA'I CHOS LA DMIGS NAS BYANG SEMS LAM LA LTOS PA'I LDOG BYAR BDEN PAR 'DZIN PA'I BDEN 'DZIN KUN BTAGS, SKABS 'DIR @009A *, ,BSTAN PA'I SHES SGRIB LDOG PA GZUNG RTOG GI MTSAN NYID, MTSAN GZHI NI, NYAN THOS KYI TSOGS LAM LA DMIGS NAS BYANG SEMS LAM GYI LDOG BYAR BDEN PAR 'DZIN PA'I BDEN 'DZIN KUN BTAGS LTA BU, RANG GI DMIGS YUL DU GYUR PA'I RDZAS 'DZIN LA DMIGS NAS LONGS SPYOD PA POR BDEN PAR 'DZIN PA'I BDEN 'DZIN KUN BTAGS, SKABS 'DIR BSTAN PA'I SHES SGRIB RDZAS 'DZIN RTOG PA'I MTSAN NYID, MTSAN GZHI NI, GANG ZAG GI BDAG 'DZIN LONGS SPYOD PA POR BDEN PAR 'DZIN PA'I BDEN 'DZIN KUN BTAGS LTA BU, RANG GI DMIGS YUL DU GYUR PA'I BTAGS 'DZIN LA DMIGS NAS LONGS SPYOD PA POR BDEN PAR 'DZIN PA'I BDEN 'DZIN KUN BTAGS, SKABS 'DIR DNGOS SU BSTAN PA'I SHES SGRIB BTAGS 'DZIN RTOG PA'I MTSAN NYID, MTSAN GZHI NI, GANG ZAG BTAGS YOD DU LONGS SPYOD PA POR BDEN PAR 'DZIN PA'I BDEN 'DZIN KUN BTAGS LTA BU'O,, ` GSUM PA RTZOD PA SPONG BA LA, KHA CIG ,RI BONG RVA BDEN PAR 'DZIN PA'I BDEN 'DZIN KUN BTAGS CHOS CAN, RANG GI DMIGS YUL DU GYUR PA'I CHOS CAN TSAD GRUB PA LA DMIGS NAS BDEN PAR 'DZIN PA'I BDEN 'DZIN KUN BTAGS YIN PAR THAL, SKABS 'DIR DNGOS SU BSTAN PA'I SHES SGRIB RTOG PA YIN PA'I PHYIR, DER THAL, CHOS CAN DE YIN PA'I PHYIR, ZER NA, MA KHYAB, 'DOD MI NUS TE, RI BONG RVA TSAD MAS MA GRUB PA'I PHYIR DANG, DE BDEN PAR 'DZIN PA'I BDEN 'DZIN DE BDEN 'DZIN MA YIN PA'I PHYIR, SKABS 'DIR DNGOS SU BSTAN PA'I SHES SGRIB RTOG PA YIN NA, BDEN 'DZIN YIN DGOS PAR THAL, KHYOD KYI DAM BCA' 'THAD PA'I PHYIR, 'DOD NA, SHES SGRIB RTOG PA YIN NA, BDEN 'DZIN YIN DGOS PAR THAL, 'DOD PA'I PHYIR, ZER NA, MA KHYAB, 'DOD NA, GZUGS PHYI @009B ROL DON 'DZIN GYI RTOG PA CHOS CAN, DER THAL, DE'I PHYIR, DER THAL, ZHES SGRIB GANG ZHIG ,RTOG PA YIN PA'I PHYIR, 'DOD MI NUS SO, ,KHA CIG ,RDZAS 'DZIN SO SKYE'I RTEN DANG, BTAGS 'DZIN 'PHAGS PA'I RTEN KHO NAR YOD PAR THAL, SO SO'I SKYE BO'I 'PHAGS DBYE BAS GSUNGS PA'I PHYIR, ZER NA, MA KHYAB, DE NI GTZO CHE BA LA DGONGS PA'I PHYIR, KHA CIG ,SKABS 'DIR DNGOS SU BSTAN PA'I SHES SGRIB RTOG PA LA LHAN SKYES YOD PAR THAL, SHES SGRIB RTOG PA LA SHES SGRIB LHAN SKYES YOD PA'I PHYIR, ZER NA, MA KHYAB, 'DOD MI NUS TE, SKABS 'DIR DNGOS SU BSTAN PA'I SHES SGRIB RTOG PA DE THEG CHEN MTHONG LAM BAR CHAD MED LAM GYI DNGOS KYI GZHOM BYAR BSHAD PA'I PHYIR, ` GNYEN PO RTZE SBYOR , GNYIS PA GNYEN PO RTZE SBYOR BSHAD PA LA GSUM, MTHONG LAM RTZE SBYOR GYI RGYU, DE LA 'BRAS BU BYANG CHEN, MTHONG LAM RTZE SBYOR GYI NGO BO BSHAD PA'O, ,DANG PO NI, BYANG CHUB LA GZHAN STON PA DANG, ,ZHES SOGS KYI RKANG PA BZHIS STON TE, DON NI, 'GREL PAR 'CHAD PAR 'GYUR BA'I MTSAN NYID CAN GYI BYANG CHUB LA GZHAN DAG MTHONG BA'I LAM, ZHES SOGS GSUNG, 'PHROS NI, KUN DGA' BO DGE SLONG BRGYA PHRAG BCU PO 'DI DAG BSKAL PA SKAR MA LTA BU LA BLA MED RDZOGS BYANG DU 'TSANG RGYA, ZHES SOGS GSUNGS PA LAS 'PHROS SO, ,DON NI, THEG CHEN GYI RIGS CAN GZHAN BYANG CHUB LA STON PA STE BGOD PA DANG, BYANG CHUB DE YI RGYU SHER PHYIN GYI TSIG DON NI YONGS SU GTOD PA STE 'CHAD PA DANG, BYANG CHEN DE THOB BYED BSOD NAMS MANG PO'I MTSAN NYID ? GYI THEG CHEN GYI SBYOR LAM MNYAM GZHAG YE SHES CHOS CAN, MTHONG LAM RTZE SBYOR GYI BAR CHAD MOD PA'I RGYU YIN TE, DE BAR CHAD MED PAR SKYED BYED YIN PA'I PHYIR, GNYIS PA DE'I 'BRAS BU LA GSUM, BYANG CHEN NGOS BZUNG BA, DNGOS PO BDEN GRUB KHAS LEN PA MI 'THAD PA, DBU MA PAS CHOS THAMS CAD BDEN STONG DU KHAS LEN PAR BSTAN PA'O, ,DANG PO NI, DRI MA ZAD @010A *, ,DANG MI SKYE BA'I, ,ZHES SOGS KYI RKANG PA BZHIS 'CHAD LA, DON NI, 'GREL PAR, NYON MONGS PA DANG SHES BYA'I SGRIB PA'I DRI MA SKYES PA DANG MA SKYES PA NYID DU BTAGS PA RNAMS NI, ZHES SOGS GSUNGS SHING, 'PHROS NI, KUN DGA' BO, SHES RAB KYI PHA ROL TU PHYIN PA ZAD PAR 'DOD PA DE DAG GIS NAM MKHA' ZAD PAR 'DOD DO, ,ZHES SOGS GSUNGS PA LAS 'PHROS SO, ,TSIG DON NI, RNAM MKHYEN CHOS CAN, BYANG CHUB CHEN PO YIN CES BRJOD DE, DRI MA DON DAM PAR ZAD PA MED PA DANG, DRI MA DER MI SKYE BA RTOGS PA MTHAR THUG PA'I YE SHES YIN PA'I PHYIR, DER THAL, DE LTAR RTOGS PA MTHAR PHYIN PA'I YE SHES DE DAG GO RIM BZHIN DU ZAD MI SKYE SHES PA'I BYANG CHUB CHEN POR SHES PAR BYA BA YIN PA'I PHYIR, DRI MA DE YANG CHOS CAN, DON DAM PAR ZAD MED SKYE MED YIN TE, DON DAM PAR GRUB PA MED PA'I PHYIR, GNYIS PA BDEN GRUB KHAS LEN PA MI 'THAD PA'I TSUL LA GNYIS, RIGS PA DANG 'GAL BA DANG, KHAS BLANGS DANG 'GAL BA'I SGO NAS DGAG PA'O, ,DANG PO NI, 'GOG PA MED PA'I RANG BZHIN LA, ,ZHES SOGS RKANG PA BZHIS STON TE, DON NI, SKYES PA DANG MA SKYES BDAG GO RIM BZHIN DU ZAD PA DANG SKYE BA'I GEGS BYED PA'I MTSAN NYID, CES GSUNGS, TSIG DON NI, THEG CHEN GYI MTHONG LAM ZHES BYA BA'I LAM GYIS NI CHOS CAN, SHES SGRIB GZUNG 'DZIN GYI RNAM PAR RTOG PA'I RIGS BDEN GRUB SNGAR YOD CI ZHIG ZAD CING, BDEN GRUB SKYE 'PHRO CHAD PA'I SKYE MED KYI RNAM PA CI ZHIG KYANG 'THOB PA MED PAR THAL, DRI MA BDEN GRUB SNGAR YOD GSAR DU 'GAG PA'I 'GOG PA MED PA STE SPROS PA MED PA'I RANG BZHIN CAN YIN PA'I PHYIR, GNYIS PA KHAS BLANGS 'GAL BAS 'GOG PA NI, GZHAN GYI CHOS RNAMS KYANG YOD LA, ,ZHES SOGS RKANG PA BZHI GSUNGS TE, @010B DON NI, DE LA SKYE BA DANG 'JIG PAS STONG PA'I PHYIR BDAG MED DO SNYAM DU BSGOMS PAS, ZHES SOGS KYIS 'CHAD DO, ,TSIG DON NI, PHYI NANG GI CHOS RNAMS KYANG DON DAM PAR YOD LA, SHES BYA LA YANG RMONGS PA'I SGRIB PA MTHA' DAG STON PA YIS ZAD PAR BRJOD PA GANG YIN PA'I DNGOS SMRA BA GZHAN GYI LUGS DE LA MGON PO BYAMS PA KHO POS NGO MTSAR DU BRTZIS PA LA CHOS CAN, RGYU MTSAN YOD DE, SGRIB PA BDEN PAR GRUB NA GNYEN POS SPANG DU MI RUNG BAS DE LTAR 'DOD PA DE BZHAD GANG GYI GNAS YIN PAR RTOGS PA'I PHYIR, ` ,GNYIS PA MTHA' DPYAD PA LA, DGAG BZHAG SPANG GSUM LAS, DANG PO LA, KHA CIG ,DRI MA ZAD MED SKYE MED DU RTOGS PA'I YE SHES MTHAR THUG ,BYANG CHUB CHEN PO'I MTSAN NYID ZER NA, STON PA SH'AKYA THUB PA CHOS CAN, MTSAN NYID DER THAL, MTSON BYA DE'I PHYIR, DER THAL, MCHOG GI SPRUL SKU YIN PA'I PHYIR, KHYAB STE, RGYUD BLA MA LAS, BZO DANG SKYE BA BYANG CHUB CHE, ,MYA NGAN 'DAS PA'I RTAGS STON PA, SANGS RGYAS SPRUL PA'I SKU DE NI, , RNAM PAR GROL BA'I THABS CHEN PO, ,ZHES GSUNGS PA'I PHYIR, 'DOD MI NUS TE, YE SHES MA YIN PA'I PHYIR, KHA CIG ,DRI MA ZAD MED SKYE MED DU RTOGS PA'I YE SHES YOD ZER NA, DE MI 'THAD PAR THAL, DRI MA SKYE MED DU RTOGS PA'I YE SHES MED PA'I PHYIR, DER THAL, DRI MA SKYE BA'I PHYIR, KHA CIG ,DRI MA ZAD PA DANG MI SKYE BA MED PAR RTOGS PA'I YE SHES MTHAR THUG ,SKABS 'DIR BSTAN PA'I BYANG CHUB CHEN PO'I MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, DER THAL, RNAM MKHYEN YIN PA'I PHYIR, 'DOD NA, DRI MA ZAD PA DANG MI SKYE BA ME DPAR THAL, 'DOD PA'I PHYIR, 'DOD MI NUS SO, ,KHA CIG ,GNAS SKABS KYI BYANG CHUB CHEN PO MED ZER NA, DE YOD PAR THAL, THEG CHEN GYI MTHONG LAM @011A *, ,BAR CHAD MED LAM GNAS SKABS KYI BYANG CHUB CHEN PO YIN PA'I PHYIR, DER THAL, RNAM BSHAD SNYING PO'I RGYAN LAS, GNAS SKABS KYI BYANG CHUB CHEN PO MTHONG LAM RTZE SBYOR GYI RGYU STON PA LA NGES PAR SBYAR BA BYA BA KHO NA'O, ,ZHES GSUNGS PA'I PHYIR, ` ,GNYIS PA RANG LUGS LA, THOB BYA MTHAR THUG ,BYANG CHUB CHEN PO'I MTSAN NYID, RANG GI NYER LEN DU GYUR BA'I MTHONG LAM RTZE SBYOR GYI NYE 'BRAS SU GYUR PA'I YE SHES MTHAR THUG ,SKABS 'DIR DNGOS SU BSTAN PA'I BYUNG CHUB CHEN PO'I MTSAN NYID DO, ` ,GSUM PA RTZOD PA SPONG BA LA, KHA CIG ,THEG CHEN GYI MTHONG LAM DE, THEG CHEN GYI BYANG CHUB CHEN PO YIN PAR THAL, DE THEG CHEN GYI YE SHES GANG ZHIG ,GNAS SKABS KYI BYANG CHUB CHEN PO YIN PA'I PHYIR, ZER NA, MA KHYAB, KHA CIG ,DRI MA SKYE MED DU RTOGS PA'I YE SHES YOD PAR THAL, DRI MA SKYE MED RTOGS PA'I YE SHES YOD PA'I PHYIR, ZER NA, MA KHYAB, RTAGS DER THAL, DRI MA SKYE MED YOD PA'I PHYIR, DER THAL, DRI MA SPANGS PA YOD PA'I PHYIR, RNAL 'BYOR GYI SA DE LA SKYE BA DANG 'JIG PAS STONG PA'I PHYIR, ZHES SOGS KYI SKABS SU MTHA' DPYAD PA LA GSUM LAS, DANG PO LA, KHA CIG ,RNAL 'BYOR GYI SA LA, GANG ZAG GI BDAG MED RTOGS PA'I RNAL 'BYOR GYIS, GZUNG MED RTOG PA'I RNAL 'BYOR GYIS, 'DZIN MED RTOG PA'I RNAL 'BYOR GYIS, SPROS BRAL RTOGS PA'I RNAL 'BYOR GYIS DANG BZHI YOD PA'I DANG PO NYAN THOS SDE PA'I LTA BA DANG, GNYIS PA SEMS TZAM RNAM BDEN PA DANG, GSUM PA SEMS TZAM RNAM RDZUN PA DANG, BZHI PA DBU MA'I LTA BAR 'JOG PA YIN ZER NA, DE MI 'THAD PAR THAL, SEMS TZAM RNAM BDEN RNAM BRDZUN GNYIS LTA BA 'JOG TSUL MTHUN PA'I PHYIR, DER THAL, DE GNYIS KAS CHOS KYI BDAG MED PHRA MO 'JOG TSUL MTHUN PA YIN PA'I PHYIR, DER THAL, DE GNYIS @011B KAS GZUGS DANG DE 'DZIN PA'I TSAD MA RDZAS GZHAN GYIS STONG PA DE CHOS KYI BDAG MED PHRA MOR 'JOG PA MTSUNGS PA'I PHYIR, KHA CIG ,GZUNG 'DZIN RANG BZHIN MED PAR RTOGS PA'I RNAL 'BYOR GYIS YOD ZER NA DE MI 'THAD PAR THAL, GZHI GRUB NA RANG BZHIN GYIS YOD DGOS PA'I PHYIR, KHA CIG ,RNAMS 'BYOR GYIS BZHI'I NANG NAS GNYIS PA RANG RGYAL GYI LTA BA DANG, GSUM PA SEMS TZAM PA'I LTA BA YIN ZER NA, DE MI 'THAD PAR THAL, RANG RGYAL DANG SEMS TZAM PA GNYIS LTA BA MTHUN PA'I PHYIR, DER THAL, DE GNYIS KAS PHYI ROL DON GYIS STONG PA'I STONG NYID BSGOM BYA'I GTZO BOR BYAS NAS BSGOM PAR MTSUNGS PA'I PHYIR, KHA CIG ,GANG ZAG GI BDAG MED RTOGS PA'I YE SHES YIN NA, RNAL 'BYOR GYI SA DANG PO YIN PA'I KHYAB, CHOS KYI BDAG MED RAGS PA RTOGS PA'I YE SHES YIN NA, RNAL 'BYOR GYIS GNYIS PA YIN PAS KHYAB, SPROS BUL RTOGS PA'I YE SHES YIN NA, RNAL 'BYOR GYIS GSUM PA YIN PAS KHYAB ZER NA, SANGS RGYAS 'PHAGS PA'I RGYUD KYI THEG CHEN SEMS BSKYED CHOS CAN, RNAL 'BYOR GYIS DANG PO YIN PAR THAL, GANG ZAG GI BDAG MED RTOGS PA'I YE SHES YIN PA'I PHYIR, DER THAL, KHA CIG ,RNAM MKHYEN YIN PA'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS SO, ,GNYIS PA LA YANG DE 'PHEN NO, GSUM PA LA DE CHOS CAN, DER THAL, DE'I PHYIR, STONG NYID RTOGS PA'I YE SHES YIN PA'I PHYIR, 'DOD MI NUS TE, LTA SPYOD GNYIS SU PHYE BA'I LTA BA'I CHAR GTOGS MA YIN PA'I PHYIR, ` ,GNYIS PA RANG GIS LUGS LA, ZHI LHAG ZUNG 'BREL GYI RTEN BYED PA'I RIGS SU GNAS PA'I LTA SPYOD GNYIS SU PHYE BA'I LTA BA'I CHAR GTOGS PA'I MKHYEN PA, RNAL 'BYOR GYIS SA'I NGO BO DANG, DE LA GSUM DU DBYER YOD DE, GANG ZAG GI @012A *, ,BDAG MED RTOGS PA'I RNAL 'BYOR GYI SA, CHOS KYI BDAG MED RAGS PA RTOGS PA'I RNAL 'BYOR GYI SA, STONG NYID RTOGS PA'I RNAL 'BYOR GYI SA DANG GSUM YOD PA'I PHYIR, ` ,GSUM PA RTZOD PA SPONG BA LA, KHA CIG ,SANGS RGYAS 'PHAGS PA'I RGYUD KYI THEG CHEN SEMS BSKYED CHOS CAN, RNAL 'BYOR GYI SA YIN PAR THAL, RNAL 'BYOR GANG ZHIG SA YIN PA'I PHYIR, PHYI MA DER THAL, SANGS RGYAS KYI SA YIN PA'I PHYIR, KHA CIG ,MA KHYAB, ZER NA, SNGA MA LA RNAM PA GCIG TU MA KHYAB, 'DOD NA BKAG ZIN NO, ,KHA CIG ,RNAL 'BYOR GYI SA DE LA GSUM DU GRANGS MA NGES PAR THAL, RNAL 'BYOR GYI SA DE LA BZHIR GRANGS NGES PA'I PHYIR, ZER NA, SKYON MED DE, BAR PA GNYIS KA RNAL 'BYOR GYI SA GNYIS PA YIN PAR MTSUNGS PA'I PHYIR, LHAN CIG DMIGS DES, SNGON PO DANG DE'I BLO DAG LHAN CIG DMIGS PA NGES PA'I PHYIR, ZHES SOGS KYI SKABS SU, LHAN CIG DMIGS NGES YIN NA, RDZAS GCIG YIN PAS KHYAB ZER NA, RTOG PA DANG RTOG PA'I SNANG BA GNYIS CHOS CAN, DER THAL, DE'I PHYIR, MA GRUB NA, RTOG PA CHOS CAN, KHYOD DANG KHYOD KYI SNANG BA GNYIS LHAN CIG DMIGS NGES YIN PAR THAL, KHYOD RTOG PA YIN PA'I PHYIR, 'DOD MI NUS STE, RDZAS SU MA GRUB PA'I PHYIR, KHA CIG ,SNGON PO DANG DE NGES PA'I NGES SHES GNYIS, LHAN CIG DMIGS NGES YIN ZER A, DE MI 'THAD PAR THAL, DE GNYIS LA RGYU 'BRAS KYI 'BREL BA GRUB PA'I PHYIR, KHA CIG ,SNGON 'DZIN TSAD MA SNGON PO'I 'BRAS BU YIN ZER BA DANG, DE GNYIS LHAN CIG DMIGS NGES YIN ZER NA, DE MA YIN PAR THAL, DE LTA NA DE GNYIS RDZAS GCIG DANG THA DAD GNYIS KAR 'GYUR PA'I PHYIR, DER THAL, SNGON PO DANG SNGON 'DZIN TSAD MA GNYIS RGYU 'BRAS YIN NA, DE GNYIS RDZAS THA DAD YIN DGOS SO, ,DE GNYIS @012B LHAN CIG DMIGS NGES SU 'DOD NA DUS MNYAM RDZAS GCIG TU 'GYUR PA'I PHYIR, GZHAN YANG, DE LTAR 'DOD PA MI 'THAD PAR THAL, SKABS 'DIR SNGON PO DANG SNGON 'DZIN TSAD MA RGYU 'BRAS SU MI 'DOD PA'I PHYIR, DER THAL, SKABS 'DIR DE GNYIS LHAN CIG DMIGS NGES SU 'DOD PA'I PHYIR, DER THAL, SKABS 'DIR PHYI ROL GYI DON MED PAR 'DOD DGOS PA'I PHYIR, KHA CIG ,SNGON PO DMIGS BYED KYI TSAD MA YIN NA, SNGON 'DZIN TSAD MA DMIGS BYED KYI TSAD MA YIN PAS KHYAB, SNGON 'DZIN TSAD MA DMIGS BYED KYI TSAD MA YIN NA, SNGON PO DMIGS BYED KYI TSAD MA YIN PAS KHYAB ZER NA, 'O NA, TSUR MTHONG GI RGYUD KYI SNGON 'DZIN DBANG PO'I MNGON SUM GYI TSAD MA CHOS CAN, SNGON 'DZIN TSAD MA DMIGS BYED KYI TSAD MA YIN PAR THAL, SNGON PO DMIGS BYED KYI TSAD MA YIN PA'I PHYIR, DER THAL, CHOS CAN DE YIN PA'I PHYIR, 'DOD NA, DES SNGON 'DZIN TSAD MA DMIGS PAR THAL, 'DOD PA'I PHYIR, 'DOD NA, DES SNGON 'DZIN TSAD MA GZHAL BAR THAL, 'DOD PA'I PHYIR, 'DOD NA, SNGON 'DZIN TSAD MA CHOS CAN, SNGON PO YIN PAR THAL, TSUR MTHONG GI RGYUD KYI SNGON 'DZIN DBANG PO'I MNGON SUM GYI DNGOS GZHAL YIN PA'I PHYIR, 'DOD MI NUS TE, SHES PA YIN PA'I PHYIR, GZHAN YANG, TSUR MTHONG GI RGYUD KYI SNGON 'DZIN TSAD MA NYAMS SU MYONG BA'I RANG RIG CHOS CAN, SNGON PO DMIGS BYED KYI TSAD MA YIN PAR THAL, SNGON 'DZIN TSAD MA DMIGS BYED KYI TSAD MA YIN PA'I PHYIR, 'DOD NA, KHA PHYI BLTAS KYI SHES PA YIN PAR THAL, SO SKYE'I RGYUD KYI SNGON PO DMIGS BYED KYI TSAD MA YIN PA'I PHYIR, 'DOD MI NUS TE, KHA NANG KHO NA LA PHYOGS PA'I SHES PA YIN PA'I PHYIR, DER THAL, SO SKYE'I RGYUD KYI RANG RIG YIN PA'I PHYIR, KHA CIG ,'DUS MNYAM @013A *, ,PA'I DNGOS PO YIN NA, LHAN CIG DMIGS NGES YIN PAS KHYAB ZER NA, KA BUM GNYIS CHOS CAN, DER THAL, DE'I PHYIR, 'DOD NA, DE GNYIS RDZAS GCIG YIN PAR THAL, DE GNYIS LHAN CIG DMIGS NGES SU BYUNG PA'I DNGOS PO YIN PA'I PHYIR, 'DOD MI NUS TE, RDZAS THA DAD YIN PA'I PHYIR, ` ,GNYIS PA RANG LUGS LA, SNGON PO DANG SNGON 'DZIN TSAD MA GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR, DE LTAR YIN TE, DE GNYIS DUS MNYAM THA DAD GANG ZHIG ,SNGON PO DMIGS BYED KYI TSAD MA'I RDZAS SU SKYES NA, SNGON 'DZIN TSAD MA DMIGS BYED KYI TSAD MA'I RDZAS SU SKYES PAS KHYAB, ,SNGON 'DZIN TSAD MA DMIGS YED KYI TSAD MA'I RDZAS SU SKYES NA, SNGON PO DMIGS BYED KYI TSAD MA'I RDZAS SU SKYES PAS KHYAB PA'I PHYIR, ` ,GSUM PA RTZOD PA SPONG BA LA, KHA CIG ,SNGON PO DANG SNGON 'DZIN TSAD MA RDZAS GCIG MA YIN PAR THAL, SNGON PO DE SNGON 'DZIN TSAD MA'I RGYU YIN PA'I PHYIR, DER THAL, MDO SDE PAS DE LTAR 'DOD PA'I PHYIR, ZER NA, MA KHYAB, KHA CIG ,SNGON PO DANG SNGON 'DZIN TSAD MA GNYIS NGO BO GCIG PAR THAL, DE GNYIS RDZAS GCIG YIN PA'I PHYIR, DER THAL, DE GNYIS THA DAD GANG ZHIG ,RDZAS GZHAN MA YIN PA'I PHYIR, 'DOD NA, DE GNYIS BDAG NYID GCIG PAR THAL, 'DOD PA'I PHYIR, 'DOD NA, SNGON PO SNGON 'DZIN SHES PA'I BDAG NYID YIN PAR THAL, 'DOD PA'I PHYIR, 'DOD NA, SNGON PO SNGON 'DZIN SHES PA YIN PAR THAL, 'DOD PA'I PHYIR NA, MA KHYAB, KHA CIG ,SNGON PO DANG SNGON 'DZIN TSAD MA GNYIS LHAN CIG DMIGS NGES MA YIN PAR THAL, DE GNYIS RDZAS THA DAD YIN PA'I PHYIR, DER THAL, SNGON PO PHYI ROL GYI DON DU GRUB, SNGON @013B 'DZIN SHES PA DE'I NGO BOR MA GRUB PA'I PHYIR, DANG PO DER THAL, SNGON PO PHYI ROL GYI CHOS SU GRUB PA'I PHYIR, ZER NA, MA KHYAB, RTAGS DER THAL, SNGON PO PHYI'I GZUGS YIN PA'I PHYIR, ` ,GSUM PA DBU MA PAS CHOS THAMS CAD BDAG STONG DU KHAS LEN DGOS PAR BSTAN PA NI, 'DI LA BSAL BYA CI YANG MED, ,CES SOGS RKANG BA BZHIS STON TE, DON NI, 'GREL PAR, GANG ZHIG GI PHYIR DNGOS PO MNGON PAR ZHEN PA LAS, ZHES SOGS GSUNG, 'DI'I SKABS SU GNYIS LAS TSIG DON DANG, MTHA' DPYAD PA'O, ,DANG PO NI, KHAMS RANG BZHIN GYIS RNAM PAR DAG PA 'DI LA CHOS CAN, GANG ZAG DANG CHOS KYI BDAG 'DZIN GNYIS KYI YUL BDAG GNYIS SNGAR YOD GSAR DU BSAL BAR BYA BA DANG BDAG 'DZIN GNYIS DON DAM PAR GRUB PA CI YANG MED DE, BDAG 'DZIN GNYIS KYI ZHEN YUL DANG NYON MONGS DON DAM PAR GRUB MA MYONG BA'I PHYIR, YANG KHAMS RNAM DAG 'DI LA CHOS CAN, SNGAR MED PA'I BDAG MED GNYIS GSAR DU GZHAG PAR BYA BA CUNG ZAD KYANG MED DE, BDAG GNYIS GDOD MA NAS MA GRUB PA'I RANG BZHIN YIN PA'I PHYIR, RGYU MTSAN DES NA SHES BYA CHOS CAN, RTEN 'BREL BDEN PAR MED PA'I YANG DAG PA'I DON NYID LA MNYAM PAR BZHAG PA'I SHES RAB KYIS YUL DE LA YANG DAG PAR LTA BA YIN TE, SHES RAB DES YANG DAG PA'I DON JI LTA BA BZHIN DU MTHONG NAS YANG DANG YANG DU GOMS PAR BYAS PAS MTHONG BA PO SGRIB GNYIS PAS RNAM PAR GROL BAR 'GYUR BA'I PHYIR RO, ,GNYIS PA MTHA' DPYAD PA LA GNYIS LAS, DANG PO LA KHA CIG ,GANG ZAG GI BDAG MED GZHI DBU MA YIN PA'I PHYIR ZER NA, 'O NA, DE CHOS CAN, DON DAM BDEN PA YIN PAR THAL, DBU MA YIN PA'I PHYIR, DER THAL, GZHI DBU MA YIN PA'I PHYIR, RTAGS KHAS, 'DOD MI NUS TE, KUN RDZOB BDEN PA @014A *,,YIN PA'I PHYIR, KHA CIG ,BDAG MED RTOGS PA'I SHES RAB DE LAM DBU MA YIN PA'I PHYIR ZER NA, DE MI 'THAD PAR THAL, DE LAM MA YIN PA'I PHYIR, KHA CIG ,MA KHYAB ZER, MA GRUB NA DE CHOS CAN, DER THAL, KHYOD LAM MA ZHUGS NA YOD PA'I PHYIR, KHA CIG 'BRAS BU DBU MA YIN NA, DBU MA YIN PAS KHYAB ZER NA, GLO BUR RNAM DAG GI CHAR GYUR PA'I NGO BO NYID SKU CHOS CAN, DER THAL, DE'I PHYIR, DER THAL, MYANG 'DAS YIN PA'I PHYIR, 'DOD MI NUS TE, KUN RDZOB BDEN PA YIN PA'I PHYIR, KHA CIG ,DE YIN NA, DBU MA MA YIN PAS KHYAB ZER NA, RNAM MKHYEN BDEN STONG CHOS CAN, DER THAL, DE'I PHYIR, RTAGS GSAL SLA, ` ,GNYIS PA RANG LUGS LA, GZUGS SOGS BDEN STONG GZHI DBU MA, DE RTOGS PA'I YE SHES LAM DBU MA, NGO BO NYID SKU LTA BU 'BRAS BU DBU MA YIN NO, MTHONG LAM RTZE SBYOR ,GSUM PA MTHONG LAM RTZE SBYOR GYI NGO BO BSHAD PA LA GNYIS, DNGOS DANG SPANGS PA LA DBANG BYED PA'O, ,DANG PO NI, SBYIN PA LA SOGS RE RER NI, ,ZHES SOGS RKANG PA BZHI GSUNGS TE, DON NI, 'GREL PAR, SBYIN PA LA SOGS PA PHA ROL TU PHYIN PA DRUG PO DAG SO SOR, ZHES PA NAS, NYON MONGS PA BRGYA RTZA BRGYAD SPANGS PA RTEN CING 'BREL BAR 'BYUNG BA'I CHOS NYID KYIS 'THOB BO, ,ZHES PA'I BAR GSUNGS, 'PHROS NI, RAB 'BYOR 'DI LA BYANG CHEN SBYIN PA SBYIN PA NA THAMS CAD MKHYEN PA NYID DU YONGS SU BSNGO ZHING SBYIN PAR BYED DO, ,ZHES SOGS GSUNGS PA LAS 'PHROS, 'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SBYIN PA LA SOGS PA'I NGO BO RE RER NI SBYIN SOGS DE DAG DRUG GI PHAN TSUN BSDUS PA GANG YIN PA SKAD CIG GCIG PA'I SDUG BSNGAL LA CHOS SHES PA'I BZO DE PA YIS BSDUS PA'I MTHONG LAM BAR CHAD @014B MED LAM DE CHOS CAN, SKABS 'DIR MTHONG BA'I LAM GYI RTZE SBYOR YIN TE, MTHONG SPANG SHES SGRIB DNGOS SU 'JOMS PAR BYED PA'I THEG CHEN GYI BDEN PA MNGON RTOGS YIN PA'I PHYIR, GNYIS PA MTHA' DPYAD PA LA GSUM LAS, DANG PO LA, KHA CIG , PHYIN DRUG GIS ZIN PA'I SGO NAS SHES SGRIB KUN BTAGS KYI DNGOS GNYEN BYED PA'I THEG CHEN GYI BDEN PA MNGON RTOGS, MTHONG LAM RTZE SBYOR GYI MTSAN NYID ZER NA, THEG CHEN GYI MTHONG LAM RJES THOB YE SHES CHOS CAN, MTSAN NYID DER THAL, MTSON BYA DE'I PHYIR, DER THAL, THEG CHEN GYI MTHONG LAM YIN PA'I PHYIR, 'DOD MI NUS TE, SHES SGRIB KUN BTAGS SPANGS PA'I YE SHES YIN PA'I PHYIR, KHA CIG ,MTHONG LAM RTZE SBYOR YIN NA, SBYIN SOGS KUN RDZOB KYI BYA BA LA MNGON GYUR DU 'JUG PAS KHYAB ZER NA, THEG CHEN MTHONG LAM BAR CHAD MED LAM CHOS CAN, DER THAL, DE'I PHYIR, 'DOD NA, KUN RDZOB KYI SPROS PA LA MNGON GYUR DU 'JUG PAR THAL, 'DOD PA'I PHYIR, 'DOD MI NUS TE, STONG NYID MNGON SUM DU RTOGS PA'I SLOB LAM YIN PA'I PHYIR, KHA CIG NYON MONGS PA BRGYA RTZA BRGYAS SPANGS ZHES PA'I TSIG ZUR GYI SKABS SU BSTAN PA'I NYON MONGS YIN NA, NYON MONGS YIN PAS KHYAB ZER NA, SHES SGRIB GZUNG 'DZIN GYI RNAM PAR RTOG PA BZHI CHOS CAN, DER THAL, DE'I PHYIR, DER THAL, SHES SGRIB GZUNG 'DZIN GYI RNAM PAR RTOG BA BZHI PO RE RE LA CHE 'BRING CHUNG DU DGUR BYAS NAS SO DRUG PA GSUM PO SO SO LA SBYAR NAS SHES SGRUB GZUNG 'DZIN GYI RNAM PAR RTOG PA BRGYA RTZA BRGYAD DU PHYE BA DE LA 'DIR NYON MONGS KYI MING GIS BTAGS PA YIN PA'I PHYIR, ` ,GNYIS PA RANG LUGS LA, PHYIN DRUG GI NYAMS LEN GYIS ZIN PA'I SGO NAS STONG NYID LA RTZE GCIG TU MNYAM PAR BZHAG PA'I THEG CHEN GYI BDEN PA MNGON @015A *, ,RTOGS, SKABS 'DIR DNGOS SU BSTAN PA'I MTHONG LAM RTZE SBYOR GYI MTSAN NYID, ` ,GSUM PA RTZOD PA SPONG BA LA, KHA CIG ,THEG CHEN MTHONG LAM RNAM GROL LAM CHOS CAN, SKABS 'DIR DNGOS SU BSTAN PA'I MTHONG LAM RTZE SBYOR YIN PAR THAL, MTSAN NYID DE'I PHYIR, 'DOD NA, DE MA YIN PAR THAL, DE GZHUNG 'OG MA, DE NAS SENG GE RNAM BSGYINGS PA'I, ,ZHES PA'I SKABS NAS DNGOS SU BSTAN PA'I MTHONG LAM RTZE SBYOR YIN PA'I PHYIR, ZER NA, MA KHYAB STE, GZHUNG SNGA PHYI DE GNYIS KA'I SKABS NAS DNGOS SU BSTAN PA'I MTHONG LAM GNYIS MI 'GAL BA'I PHYIR, KHA CIG ,THEG CHEN MTHONG LAM RNAM GROL LAM DES, SHES SGRIB GZUNG 'DZIN GYI RNAM PAR RTOG PA BRGYA RTZA BRGYAD SPANGS ZIN PAR THAL, 'DI'I THAD KYI 'GREL BA LAS, GZUNG BA DANG 'DZIN PA'I RNAM PAR RTOG PA BRGYA RTZA BRGYAD SPANGS PAS, ZHES GSUNGS PA'I PHYIR, ZER NA, SKYON MED DE, SHES SGRIB KUN BTAGS KYIS BSDUS PA RNAMS SPANGS PA LA DGONGS PA'I PHYIR, RTEN 'BREL GNYIS PA NI, DE NAS SENG GE RNAM BSGYINGS PA'I, ,ZHES SOGS RKANG PA BZHI GSUNGS TE, DON NI, 'GREL PAR, MTHONG BA'I LAM THOB PA'I RNAL 'BYOR PA DE NYON MONGS PA DANG SHES BYA'I SGRIB PA'I 'JIG PA MED PA'I PHYIR, ZHES SOGS GSUNGS, 'PHROS NI, BYANG SEMS DE RNAM PAR THAR PA BRGYAD PO DE DAG DANG MTHAR GYIS GNAS PA'I SNYOMS PAR 'JUG PA DGU PO DE DAG RNAM PAR PHYE ZHING, SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ,ZHES SOGS GSUNGS PA LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, BSHAD ZIN PA'I DE NAS MTHONG LAM RTZE SBYOR LA GNAS PA'I SEMS DPA' CHOS CAN, RANG GI SPANGS PA LA DBANG BYED PA'I BYED LAS KHYAD PAR CAN DANG LDAN PA YIN @015B TE, MNYAM GZHAG TU SENG GE RNAM PAR BSGYINGS PA'I TING NGE 'DZIN LA SNYOMS PAR ZHUGS NAS DUS PHYIS RJES THOB TU RTEN CING 'BREL BAR 'BYUNG BA YAN LAG BCU GNYIS KYI LUGS MTHUN DANG LUGS MI MTHUN LA RTOG PAR BYED PA'I SEMS DPA' YIN PA'I PHYIR, ` ,GNYIS PA MTHA' DPYAD PA LA GSUM LAS, DANG PO LA, KHA CIG ,RTEN 'BREL YIN NA, 'BREL BA YIN PAS KHYAB ZER NA, MYU GU CHOS CAN, DER THAL, DE'I PHYIR, DER THAL, GZHI GRUB PA'I PHYIR, KHYAB STE, RTZA SHES LAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES GSUNGS PA'I PHYIR, KHA CIG ,RTEN 'BYUNG YIN NA, 'BYUNG BA YIN PAS KHYAB ZER NA, NAM MKHA' CHOS CAN, DER THAL, DE'I PHYIR, DER THAL, SNGAR GYI LUNG DE'I PHYIR DANG, RTZE SHE'I t'IKA CHEN LAS KYANG GSUNGS PA'I PHYIR, KHA CIG ,RTEN 'BYUNG YIN NA, BRTEN NAS 'BYUNG BAS KHYAB ZER NA, STONG NYID CHOS CAN, DER THAL, DE'I PHYIR, 'DOD NA, BRTEN NAS SKYE BAR THAL LO, ,KHA CIG ,MA RIG PA YIN NA, DE KHO NA NYID LA RMONGS PA'I MA RIG PA YIN PAS KHYAB ZER NA, LAS 'BRAS LA RMONGS PA'I MA RIG PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, KUN LAS BTUS PA LAS, RMONGS PA NI RNAM PA GNYIS TE, 'BRAS BU'I RNAM PAR SMIN PA LA RMONGS PA DANG, DE KHO NA'I DON LA RMONGS PA'O, ,ZHES GSUNGS PA'I PHYIR, 'DOD MI NUS SO, ,KHA CIG ,MA RIG PA YIN NA, YAN LAG BCU GNYIS KYI THOG MAR GYUR PA'I MA RIG PA YIN PAS KHYAB ZER NA, 'PHAGS PA'I RGYUD KYI MA RIG PA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, @016A *, ,DE'I RGYUD LA GANG ZAG GI BDAG 'DZIN LHAN SKYES YOD PA'I PHYIR, 'DOD MI NUS TE, 'PHAGS PA'I RGYUD LA YANG SRID PHYI MA 'PHEN BYED KYI LAS GSAR DU GSOG PA'I MA RIG PA MED PA'I PHYIR, KHA CIG ,NYON MONGS CAN MA YIN PA'I MA RIG PA DE, MA RIG PA YIN ZER NA, DE MI 'THAD PAR THAL, MA RIG PA YIN NA, NYON MONGS CAN GYI MA RIG PA YIN DGOS PA'I PHYIR, DES MTSON MTHA' DPYOD GZHAN YANG SHES PAR BYA'O, ` ,GNYIS PA RANG GI LUGS LA, YAN LAG BCU GNYIS KYI 'JOG TSUL MDOR BSDUS TE 'CHAD PAR 'DOD PAS DE LTAR BSHAD PA LA GSUM, DBYE BA BYED LAS DANG BCAS PA BSHAD PA, BSDU BA BSHAD PA, TSE DU LA RDZOGS PA BSHAD PA'O, ,DANG PO NI, MA RIG PA NAS, RGA SHI'I BAR BCU GNYIS TE, YAN LAG DANG PO LA RGYU'I KUN SLONG DANG DUS KYI KUN SLONG GI MA RIG PA GNYIS, GNYIS PA LA DGE MI DGE MI G-YO BA'I LAS GSUM, GSUM PA LA RGYU DUS DANG 'BRAS DUS KYI RNAM SHES GNYIS, BZHI PA LA TSOR 'DU SOGS MING DANG MER MER PO SOGS GZUGS TE MING GZUGS GNYIS, LNGA PAR MIG NAS YID KYI SKYE MCHED KYI BAR DRUG ,DRUG PA DE LA BRTEN PA'I REG PA DRUG ,BDUN PAR DE LAS BYUNG BA'I TSOR BA DRUG ,BRGYAD PA LA 'DOD SRED SRING SRED 'JIG SRED GSUM, DGU PA LA 'DOD PA NYE BAR LEN PA, DE BZHIN DU LTA BA TSUL ZHUGS MCHOG 'DZIN BDAG TU SMRA BA NYE BAR LEN PA STE BZHI, BCU PA NI SNGAR GYI LAS DE GSOS BTAB NAS NUS PA MTHU CAN DU GYUR PA'O, ,BCU GCIG PA NI, SKYE GNAS SU NYING MTSAMS SBYAR BA'O, ,BCU GNYIS PA NI PHUNG PO'I RIS MTHUN 'DOR BA NA TSOD GZHAN DU 'GYUR BA'O, ,DE YANG MA RIG PA, 'DU BYED KYI LAS, SRED PA, LEN PA, SRID LAS LNGA NI RGYU DANG, 'BRAS DUS KYI RNAM SHES, MING GZUGS, SKYE MCHED DRUG ,REG PA, @016B TSOR BA, SKYE BA, RGA SHI BDUN NI 'BRAS BU YIN LA, RGYU DE DAG GIS 'BRAS BU DE RNAMS JI LTAR 'PHEN PA DANG 'GRUB PA NI, YAN LAG DANG PO MA RIG PA'I DBANG GIS GNYIS PA 'DU BYED KYI LAS BSAGS, LAS DES RGYU DUS KYI RNAM SHES KYI STENG DU YANG SRID PHYI MA 'GRUB RUNG GI BAG CHAGS BZHAG ,BAG CHAGS DE LA SRED LEN GNYIS KYIS GSOS BTAB PAS LAS DE YANG SRID PHYI MA BSKYED PA'I NUS PA MTHU CAN DU GYUR PA'I SRID LAS SU GRUB, SRID LAS DES RGYU DUS KYI RNAM SHES DE MNGAL DU NYID MTSAMS SBYAR MA THAG TU 'BRAS DUS KYI RNAM SHES SU SONG BA DANG MNYAM DU SKYE BA GRUB, DE'I TSE MING GZUGS KYI 'GO BRTZAMS PA NAS TSOR BA'I BAR DANG SKYE RGA YANG RIM GYIS GRUB BO, ` ,GNYIS PA BSDU BA LA GNYIS TE, NYON MONGS KYI BSDU BA DANG, RGYU 'BRAS KYI BSDU BA'O, ,MA RIG PA SRED LEN GSUM NI NYON MONGS KYI KUN NAS NYON MONGS PAR 'DU, 'DU BYED DANG SRID LAS GNYIS LAS KYI KUN NAS NYON MONGS PAR 'DU, LHAG MA BDUN NI GZHI'I NA NAS NYON MONGS PAR 'DU'O, ,GNYIS PA RGYU 'BRAS KYI BSDU BA NI, MA RIG PA DANG 'DU BYED RGYU DUS KYI RNAM SHES GSUM NI 'PHEN BYED KYI RGYU DANG, 'BRAS DUS KYI RNAM SHES NAS TSOR BA'I BAR NI DES 'PHANGS PA'I 'BRAS BU YIN, SRED LEN SRED PA GSUM NI 'GRUB BYED KYI RGYU DANG, SKYE BA DANG RGA SHI GNYIS PO DES 'PHANGS PA'I 'BRAS BU'O, ,'PHANGS PA'I DON NI MA RIG PAS KUN NAS BSLANGS TE 'DU BYED KYIS LAS BSAGS PA'I BAG CHAGS RGYU DUS KYI RNAM SHES KYI STENG DU BSGOS PA'I TSUL GYIS MING GZUGS NAS TSOR BA'I BAR 'GRUB RUNG DU BYAS PA'I DON NO, ,GRUB PA'I DON YANG SNGAR 'PHANGS PA DE NYID JI LTA BA BZHIN DU GRUB PAR BYAS PA'O, ` ,GSUM PA TSE DU LA RDZOGS PA NI, BCU GNYIS PO DE MYUR NA TSE GNYIS LA RDZOGS NUS SHING, BUL YANG TSE GSUM LAS MI 'GYANG BAR RDZOGS @017A *, ,NUS SO, ,JI LTAR BUL YANG TSE GSUM DU MA NGES PA'I SKYON MED DE, 'PHEN BYED DANG 'PHANGS PA'I 'BRAS BU'I BAR DU TSE DU MAS CHOD PA YOD KYANG RTEN 'BREL GZHAN GYI TSE YIN GYI, RTEN 'BREL TSAR GCIG GI DBANG DU BYAS PA'I TSE MA YIN PA'I PHYIR, MYUR YANG TSE GCIG KHO NA LA RDZOGS PA NI MI SRID DE, 'DI DAG TSE SNGA MA LA BSAGS PA'I LAS LA BRTEN NAS SKYE BA PHYI MA LEN PA'I RGYU 'BRAS KYI DBANG DU BYAS PA YIN PA'I PHYIR, 'O NA, MDO LAS, GO RIM BSHAD PA DANG 'GAL LO ZHE NA, MI 'GAL TE, MDO LAS BSHAD PA NI SNGA MA LAS PHYI MA 'BYUNG BA'I RTEN 'BREL GYI RIM PA GZHAN GYI DBANG DU BYAS LA, 'DIR SRED LEN SRID PA GSUM GONG DU BLANGS PA NI GANG ZAG GCIG SRID PAR SKYE BA LEN PA'I RGYU 'BRAS TSAR GCIG GI DBANG DU BYAS PA YIN PA'I PHYIR, 'O NA, BYANG SEMS MTHONG LAM PAS RTEN 'BREL YAN LAG BCU GNYIS LA LUGS MTHUN LUGS MI MTHUN DU RTOGS TSUL GANG ZHE NA, BYANG SEMS DE CHOS CAN, KHYOD KYI RTEN 'BREL LUGS MTHUN MI MTHUN DU RTOGS TSUL YOD DE, MNYAM GZHAG SENGGE RNAM PAR BSGYINGS PA'I TING NGE 'DZIN LAS LANGS RJES SU MA RIG PA'I RKYEN GYIS 'DU BYED 'BYUNG BA NAS, SKYE BA'I RKYEN GYIS RGA SHI 'BYUNG BA'I BAR GYI NYON MONGS PHYOGS KYI RTEN 'BREL LUGS MTHUN DANG, MA RIG PA 'GAGS PAS 'DU BYED 'GAG PA NAS SKYE BA 'GAGS PAS RGA SHI 'GAG PA'I BAR RNAM BYANG PHYOGS KYI RTEN 'BREL LUGS MTHUN DANG, YANG RGA SHI SKYE BA LAS 'BYUNG BA NAS 'DU BYED MA RIG PA LAS 'BYUNG BA'I BAR NYON MONGS PHYOGS KYI RTEN 'BREL LUGS MI MTHUN DANG, RGA SHI 'GAGS PAS MA RIG PA 'GAG PA'I BAR RNAM BYANG PHYOGS KYI RTEN 'BREL LUGS MI MTHUN LA RTOGS PAR BYED PA'I PHYIR, ` ,GSUM PA RTZOD PA SPONG BA LA, KHA CIG ,GZHI GRUB NA RTEN 'BREL YIN DGOS @017B PAR THAL, DAM BCA' 'THAD PA'I PHYIR, 'DOD NA, DE YIN NA, RANG BZHIN GYIS STONG PA YIN DGOS PAR THAL, 'DOD PA'I PHYIR, KHYAB STE, DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES GSUNGS PA'I PHYIR, NA MA KHYAB STE, DE NI BDEN PAS STONG BA LA DGONGS PA'I PHYIR, 'DOD MI NUS SO, ,KHA CIG ,'PHAGS PA'I RGYUD LA YAN LAG BCU GNYIS KYI THOG MAR GYUR PA'I MA RIG PA YOD PAR THAL, DE'I RGYUD LA MA RIG PA YOD PA'I PHYIR, ZER NA, MA KHYAB, 'DOD MI NUS TE, DE'I RGYUD LA 'PHEN BYED KYI LAS GSAR DU GSOG PA'I MA RIG PA MED PA'I PHYIR, DER THAL, RTEN 'BREL MDO 'BREL LAS, BDEN PA MTHONG LA 'PHEN PA MED, ,CES GSUNGS PA'I PHYIR, KHA CIG ,YAN LAG BCU GNYIS KYI THOG MA'I MA RIG PA LA MA RIG PA KUN BTAGS YOD PAR THAL, 'KHOR BA'I RTZA BAR GYUR BA'I MA RIG PA KUN BTAGS YOD PA'I PHYIR, DER THAL, 'KHOR PAR 'PHEN BYED KYI LAS KUN NAS SLONG BA'I MA RIG PA KUN BTAGS YOD PA'I PHYIR, ZER NA, MA KHYAB, KHA CIG , 'PHAGS PA'I RGYUD LA YAN LAG GNYIS PA 'DU BYED KYI LAS YOD PAR THAL, DE'I RGYUD LA ZAG BCAS KYI LAS YOD PA'I PHYIR NA MA KHYAB, 'DOD MI NUS TE, DE'I RGYUD LA YAN LAG DANG PO'I MA RIG PA MED PA'I PHYIR, KHYAB STE, DE LA BRTEN NAS YAN LAG GNYIS PA 'DU BYED KYI LAS GSOG DGOS PA'I PHYIR, DES NA YAN LAG DANG PO GNYIS SO SKYE'I RTEN KHO NA LA GSOG PA YIN NO, ,KHA CIG ,RTEN 'BREL YAN LAG BCU GNYIS PO SGOM PA'I 'PHAGS PA YOD PAR THAL, DE LUGS MTHUN DANG LUGS MI MTHUN DU SGOM PA'I 'PHAGS PA YOD PA'I PHYIR NA MA KHYAB, RTAGS DER THAL, DE LTAR SGOM PA'I BYANG SEMS MTHONG LAM PA YOD PA'I PHYIR, 'DOD MI NUS TE, MA RIG PA SGOM PA'I 'PHAGS PA MED PA'I PHYIR, DER THAL, MA RIG @018A *, ,PA SGOM PA LA DGOS PA MED PA'I PHYIR, KHA CIG ,YAN LAG BCU GNYIS PO BUL NA TSE GSUM LA NGES PAR RDZOGS NUS PA MI 'THAD PAR THAL, DE TSE BZHI LA RDZOGS DGOS PA ZHIG YOD PA'I PHYIR, DER THAL, DPER NA, MI'I RTEN ZHIG LA MA RIG PAS KUN NAS BSLANGS TE LAS BSAGS, LAS DE LA SRED LEN GNYIS KYIS GSOS MA BTAB PAR LHAR SKYE BA BLANGS, RTEN DE LA SRID PAS GSOS BTAB KYI LEN PAS GSOS MA BTAB PAR YANG MIR SKYE BA BLANGS, RTEN DE LA LEN PAS GSOS BTAB NAS LHAR SKYE BA LEN PA ZHIG YOD PA'I PHYIR, DER THAL, DE LTAR 'DOD PA'I LUGS ZHIG YOD PA'I PHYIR, ZER NA, MA KHYAB STE, DE NYID KYIS DE MI BZHED PA'I PHYIR, RGYAS PAR NI GZHAN DU SHES DGOS SO, ` SGOM LAM RTZE SBYOR GSUM PA SGOM LAM RTZE SBYOR BSHAD PA LA GSUM, GNYEN PO SGOM LAM BSHAD PA DANG, SPANG BYA RTOG PA BSHAD PA DANG, SPANG BYA DE SPANGS PA'I PHAN YON BSHAD PA'O, ,DANG PO NI, 'GOG DANG BCAS PA'I SNYOMS 'JUG DGUR, ,ZHES PA NAS, 'GOG PA'I BAR DU MI 'DRAR 'GROR, ,ZHES PA'I BAR GSUNGS TE, DON NI, 'GREL PA LAS, BYANG CHUB SEMS DPA' RNAMS NI BSAM GTAN DANG PO NAS BZUNG STE 'GOG PA'I BAR DU SONG NAS, DE'I 'OG TU 'GOG PA NAS BZUNG STE BSAM GTAN DANG PO'I BAR DU 'ONGS TE, ZHES PA NAS, SGOM PA'I LAM YIN NO, ,ZHES PA'I BAR GSUNGS, 'PHROS NI, RAB 'BYOR BYANG CHUB SEMS DPA' SEMS DPA' CHEN PO'I TING NGE 'DZIN SENGGE RNAM PAR BSGYINGS PA GANG ZHE NA, RAB 'BYOR 'DI LA BYANG CHEN 'DOD PAS DBEN PA'I SDIG TO MI DGE BA'I CHOS KYIS DBEN PA, RTOG PA DANG BCAS DPYOD PA DANG BCAS PA, DBEN PA LAS SKYES PA'I DGA' BA DANG, ZHES SOGS LAS 'PHROS SO, ,'DI LA GNYIS, TSIG DON DANG, MTHA' DPYAD @018B PA'O, ,DANG PO NI, SA BRGYAD PA BA'I RGYUD KYI SENGGE RNAM PAR BSPYINGS PA'I SNYOMS 'JUG CHOS CAN, THOD RGAL SNYOMS 'JUG GI SBYOR BA YIN TE, THOD RGAL GYI DNGOS GZHI'I SNGON 'GRO 'GOG PA DANG BCAS PA'I SNYOMS 'JUG DGU POR BAR DU GANG YANG MA BCUG PAR LUGS MTHUN LUGS MI MTHUN RNAM PA GNYIS SU YAR SONG ZHING, MAR 'ONG NAS SNYOMS PAR 'JUG PA'I MNGON RTOGS MDOR BSHAD PA DE YIN PA'I PHYIR, SA BRGYAD PA'I RGYUD KYI MNYAM GZHAG MA YIN PA'I 'DOD PAR GTOGS PA STE, DE'I SAS BSDUS PA'I RNAM PAR SHES PAS SA MTSAMS BZUNG STE RANG LA 'DOD SEMS SPEL BA'I SNYOMS DE CHOS CAN, THOD RGAL DU NI SNYOMS PAR 'JUG PA'I DNGOS GZHI YIN TE, ,SBYOR BA SENGGE RNAM BSKYINGS SNGON DU BTAB NAS DANG POR 'GOG PA LA SNYOMS PAR 'JUG ,DE LAS LANGS PA DANG 'DOD SEMS MNGON SUM DU BYED, DE YANG 'GOG PA GCIG PU PA RGAL NAS SRID RTZE DANG, DE NAS 'DOD SEMS, DE NAS 'GOG PA DANG SRID RTZE GNYIS NYES PA RGAL NAS CI YANG MED DANG, DE NAS YANG 'DOD SEMS, DE LTAR GSUM PA RGAL NAS RNAM SHES MTHA' YAS DANG, DE NAS YANG 'DOD SEMS, DE LAR BZHI PA RGAL NAS NAM MKHA' MTHA' YAS DANG, YANG 'DOD SEMS, DE LTAR LNGA PA RGAL NAS, BSAM GTAN BZHI PA DANG 'DOD SEMS, DE LTAR DRUG PA RGAL NAS BSAM GTAN GSUM PA DANG 'DOD SEMS, DE LTAR BDUN PA RGAL NAS BSAM GTAN GNYIS PA DANG 'DOD SEMS, DE LTAR BRGYAD PA RGAL NAS BSAM GTAN DANG PO LA SNYOMS PAR 'JUG DE LAS LANGS, NAS 'DOD SEMS MNGON DU BYED PA'I THEG CHEN GYI SGOM LAM YIN PA'I PHYIR, SA BRGYAD PA BA'I RGYUD KYI THOD RGAL SNYOMS 'JUG GI TING NGE 'DZIN CHOS CAN, SGOM LAM RTZE SBYOR GYI RANG BZHIN THOD RGAL GYI SNYOMS 'JUG CES PA BYA STE, 'GOG PA DANG BCAS PA'I SNYOMS 'JUG DGU'I BAR DU 'DOD SEMS SPEL TE SPEL GZHI DANG SPEL CHOS MI @019A *, ,'DRA BA SPEL NAS 'GRO BA'I THEG CHEN GYI RJES LA MNGON RTOGS YIN PA'I PHYIR, ` ,GNYIS PA MTHA' DPYAD PA LA GSUM LAS, DANG PO LA, KHA CIG ,THOD RGAL GYI SNYOMS 'JUG YIN NA, THEG CHEN GYI MKHYEN PA YIN PAS KHYAB ZER NA, PHYIR MI 'ONG GI RGYUD KYI THOD RGAL GYI SNYOMS 'JUG CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DE'I RGYUD LA BSAM GZUGS ZAG MED LA ZAG BCAS SPEL BA'I THOD RGAL GYI SNYOMS 'JUG YOD PA'I PHYIR, DER THAL, MDZOD LAS, SA BRGYAD RNAM GNYIS 'BREL BA DANG, ,GCIG RGAL SONG ZHING 'ONG NAS NI, ,RIS MI MTHUN PA GSUM BAR 'GRO, ZHES GSUNGS PA'I PHYIR, 'DOD MI NUS SO, ,KHA CIG ,SPEL GZHI DANG SPEL CHOS MI 'DRA BAR SPEL NAS SNYOMS PAR 'JUG PA'I SNYOMS 'JUG ,THOD RGAL GYI DNGOS GZHI'I MTSAN NYID ZER NA, PHYIR MI 'ONG GI RGYUD KYI BSAM GTAN SPEL SGOM DU GYUR PA'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, BSAM GTAN SPEL SGOM YIN PA'I PHYIR, KHA CIG ,MTHAR GNAS SNYOMS 'JUG DGU LA SPEL GZHI SPEL CHOS MI 'DRA BAR SPEL NAS SNYOMS PAR 'JUG PA'I SNYOMS 'JUG ,THOD RGAL GYI DNGOS GZHI'I MTSAN NYID ZER NA, BYANG SEMS 'PHAGS PA'I RGYUD KYI BSAM GZUGS BRGYAD SPEL GZHIR BYAS NAS 'GOG PA SPEL CHOS SU BYAS PA'I THOD RGAL GYI DNGOS GZHI CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, DE'I RGYUD LA YAR 'ONG BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI GCIG YOD PA'I PHYIR, DER THAL, 'GOG PA SPEL CHOS SU BYAS PA'I THOD RGAL GYI DNGOS GZHI GCIG YOD PA'I PHYIR, @019B 'DOD MI NUS TE, MTHAR GNAS SNYOMS 'JUG DGU LA SPEL GZHIR MA BYAS PA'I PHYIR, KHA CIG ,TING NGE 'DZIN LA RIM PA 'CHOL BAR 'JUG PA'I SNYOMS 'JUG YIN NA, THOD RGAL GYI DNGOS GZHI YIN PAS KHYAB ZER NA, DE MI 'THAD PAR THAL, TING NGE 'DZIN LA RIM PA 'CHOL BAR 'JUG PA'I PHYIR ROL PA YOD PA'I PHYIR, DER THAL, BSAM GZUGS BRGYAD LA RIM PA 'CHOL BAR 'JUG PA'I PHYI ROL PA YOD PA'I PHYIR, KHA CIG ,BYANG SEMS SGOM LAM PA'I RGYUD KYI MTHAR GNAS SNYOMS 'JUG DGU LA SPEL GZHI SPEL CHOS MI 'DRA BA MA SPEL BAR LUGS MTHUN DU SNYOMS PAR 'JUG PA'I SNYOMS 'JUG DE, THOD RGAL GYI DNGOS GZHI CHUNG NGU YIN ZER NA, DE CHOS CAN, KHYOD SPEL GZHI SPEL CHOS MI 'DRA BAR SPEL BA'I SNYOMS 'JUG YIN PAR THAL, THOD RGAL GYI DNGOS GZHI YIN PA'I PHYIR, KHYAB STE, RTZA BAR, MI 'DRAR 'GRO ,ZHES GSUNGS PA'I PHYIR, 'DOD MI NUS SO, ,KHA CIG ,THOD RGAL GYI DNGOS GZHI CHUNG NGU MED ZER NA, RE ZHIG DE MI 'THAD PAR THAL, THOD RGAL GYI DNGOS GZHI 'BRING DANG CHEN PO YOD PA'I PHYIR, DER THAL, THOD RGAL GYI DNGOS GZHI GONG NAS GONG DU 'PHEL BA GCIG YOD PA'I PHYIR, GZHAN YANG, THOD RGAL GYI DNGOS GZHI CHUNG NGU YOD PAR THAL, THOD RGAL GYI DNGOS GZHI THONG MA THAG PA GCIG YOD PA'I PHYIR, KHA CIG ,RTZOM PA DANG PO'I DBANG DU BYAS PA'I THOD RGAL CHEN PO'I DNGOS GZHI YOD ZER NA, DE MI 'THAD PAR THAL, DE'I DBANG DU BYAS PA'I THOD RGAL GYI DNGOS GZHI YIN NA, THOD RGAL CHUNG NGU'I DNGOS GZHI YIN DGOS PA'I PHYIR, KHA CIG ,YAR 'ONG BSAM GZUGS BRGYAD LA 'DOD SEMS SPEL BA'I THOD RGAL GYI DNGOS GZHI MED ZER NA, DE YOD PAR THAL, TING NGE 'DZIN LA RTZAL BYANG NAS YAR 'ONG BSAM GTAN BZHI LA 'DOD SEMS SPEL BA'I THOD RGAL GYI DNGOS GZHI YOD PA'I PHYIR, DER THAL, GSER 'PHRENG LAS, DBANG THOB PA RNAMS KYI DGA' @020A *, ,MGUR ZHUGS PAS CHOG PA'I PHYIR, 'DI MI MTSON PA TZAM DU SEMS SO, ,ZHES GSUNGS PA'I PHYIR, KHA CIG ,SANGS RGYAS 'PHAGS PA'I RGYUD LA MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI YOD ZER NA, DE MED PAR THAL, SANGS RGYAS 'PHAGS PA'I RGYUD LA MNYAM PAR MA BZHAG PA'I 'DOD SEMS MED PA'I PHYIR, DER THAL, DE'I RGYUD LA MNYAM PAR MA BZHAG PA'I SEMS MED PA'I PHYIR, KHA CIG ,SANGS RGYAS 'PHAGS PA'I RGYUD LA BSAM GTAN DANG PO LAS LANGS RJES SU 'GOG PA LA SNYOMS PAR 'JUG PA'I SNYOMS 'JUG YOD ZER NA, DE MI 'THAD PAR THAL, SANGS RGYAS 'PHAGS PA'I RGYUD LA MNYAM GZHAG LAS LANGS PA'I SHES PA MED PA'I PHYIR TE, DE'I RGYUD KYI SHES PA YIN NA, STONG NYID LA MNYAM PAR BZHAG PA'I SHES PA YIN DGOS PA'I PHYIR, KHA CIG ,DMAN LAM SNGON DU MA SONG BA'I BYANG SEMS LNGA PA BA'I RGYUD LA MTHAR GNAS SNYOMS 'JUG DGU LA 'DOD SEMS SPEL BA'I THOD RGAL GYI DNGOS GZHI MED ZER NA, DE YOD PAR THAL, MTHAR GNAS SNYOMS 'JUG DGU THOB PA'I DE YOD PA'I PHYIR, DER THAL, TING NGE 'DZIN GYI SGO BRGYA PHRAG DU MA LA SNYOMS PAR 'JUG PA'I DE YOD PA'I PHYIR, DER THAL, YON TAN BRGYA PHRAG BCU GNYIS SOGS THOB PA'I DMAN LAM SNGON DU MA SONG BA'I SA DANG PO PA SOGS YOD PA'I PHYIR, KHA CIG ,YAR 'ONG MTHA'I 'GOG PA LAS LANGS RJES SU SRID RTZER NUD CHUNG BYED PA'I DON NI, 'GOG PA LA 'GOG PA SPEL BA'I CHED DU YIN ZER NA, 'O NA, 'GOG PA LA 'GOG PA SPEL BA'I THOD RGAL GYI DNGOS GZHI GCIG YOD PAR THAL, DAM BCA' 'THAD PA'I PHYIR, 'DOD NA, DE CHOS CAN, SPEL GZHI SPEL CHOS MI 'DRA BA SPEL BA'I SNYOMS 'JUG YIN PAR THAL, THOD RGAL GYI DNGOS GZHI YIN PA'I PHYIR, 'DOD @020B MI NUS SO, ` ,GNYIS PA RANG LUGS LA, THOD RGAL GYI DNGOS GZHI 'DREN BYED KYI RIGS SU GNAS SHING, TING NGE 'DZIN LA RIM PA MA 'TSOL BAR 'JUG PA'I SNYOMS 'JUG ,THOD RGAL GYI SBYOR BA'I MTSAN NYID, RANG 'DREN BYED KYI THOD RGAL GYI SBYOR BAS DRANGS PA'I SGO NAS TING NGE 'DZIN LA SPEL GZHI SPEL CHOS MI 'DRA BAR 'JUG PA'I RIGS SU GNAS PA'I SNYOMS 'JUG ,THOD RGAL GYI DNGOS GZHI'I MTSAN NYID, SKABS 'DIR BSTAN PA'I THOD RGAL GYI SNYOMS 'JUG DE LA, YAR 'ONG BSAM GZUGS BRGYAD LA 'GOG PA SPEL BA'I THOD RGAL GYI DNGOS GZHI DANG, MAR 'ONG MTHAR GNAS SNYOMS 'JUG DGU LA, 'DOD SEMS SPEL BA'I DE GNYIS YOD LA, DE YANG RTZA TSIG GI RKANG PA DANG PO GNYIS KYIS THOD RGAL GYI SBYOR BA SENGGE RNAM BSGYINGS DANG, RKANG PA LHAG MA RNAMS KYIS YAR 'ONG MTHAR GNAS SNYOMS 'JUG DE GU LA 'DOD SEMS SPEL BA'I THOD RGAL GYI DNGOS GZHI DNGOS SU BSTAN NAS, BAR DU GANG YANG MA BCUG PA'I YAR SONG GCIG DANG, YAR 'ONG BSAM GZUGS BRGYAD LA 'GOG PA SPEL BA'I THOD RGAL GNYIS DON GYIS BSTAN TE, DES NA, YAR 'ONG BSAM GZUGS BRGYAD LA 'GOG PA SPEL CHOS SU BYAS PA'I BYANG SEMS SGOM LAM PA'I RGYUD KYI SNYOMS 'JUG DE, SKABS 'DIR BSTAN PA'I YAR 'ONG THOD RGAL GYI DNGOS GZHI'I MTSAN NYID, YAR 'ONG 'GOG PA LAS LANGS RJES SU SRID RTZE LA NUD CHUNG BYED PA'I RGYU MTSAN YOD DE, RTZOM PA DANG PO'I SKABS 'DIR YAR 'ONG 'GOG PA LAS LANGS RJES SU TING NGE 'DZIN LA RTZAL DE TZAM MA BYUNG BA'I DBANG GIS DE'I DE MA THAG SEMS RAGS PA 'DOD SEMS MNGON DU BYED MI NUS PA'I PHYIR, DE LTAR YIN TE, TING NGE 'DZIN LA RTZAL MA BYANG BAS SEMS ZHI BA MTHAR THUG BA'I 'GOG PA LA MNYAM PAR GZHAG PA'I MNYAM BZHAG DE MA THAG SEMS MA ZHI LA 'DOD SEMS MNGON DU BYED PAR MI NUS PA'I PHYIR, MAR 'ONG MTHAR GNAS @021A *, ,SNYOMS 'JUG DGU LA 'DOD SEMS SPEL NAS SNYOMS PAR 'JUG PA'I BYANG SEMS SGOM LAM PA'I RGYUD KYI SNYOMS 'JUG ,SKABS 'DIR DNGOS SU BSTAN PA'I MAR 'OD THOD RGAL GYI DNGOS GZHI'I MTSAN NYID, ` ,GSUM PA RTZOD PA SPONG BA LA, KHA CIG ,THOD RGAL GYI DNGOS GZHI LA CHUNG 'BRING CHEN PO'I RNAM GZHAG MI 'THAD PAR THAL, THOD RGAL GYI DNGOS GZHI LA CHUNG NGU MED PA'I PHYIR, DER THAL, DE YOD NA BYANG SEMS SGOM LAM PA'I RGYUD KYI MTHAR GNAS SNYOMS 'JUG DGU LA SPEL GZHI SPEL CHOS MI 'DRA BA MA SPEL BAR LUGS MTHUN DU SNYOMS PAR 'JUG PA'I SNYOMS 'JUG DE, THOD RGAL GYI DNGOS GZHI CHUNG NGU YIN DGOS PA LAS DE MA YIN PA'I PHYIR, DANG PO DER THAL, DE THOD RGAL GYI SNYOMS 'JUG YIN PA'I PHYIR, DER THAL, DE LTAR GSER 'PHRENG LAS BSHAD PA'I PHYIR, ZER NA, MA KHYAB STE, RNAM BSHAD LAS, DE MI BZHED PA'I PHYIR, DER THAL, DES DE THOD RGAL GYI SNYOMS 'JUG BTAGS PA BAR BZHED PA'I PHYIR, KHA CIG ,DMAN LAM SNGON DU MA SONG BA'I SA LNGA PA MAN CHAD LA GNAS PA'I BYANG SEMS KYI RGYUD LA THOD RGAL GYI DNGOS GZHI MED PAR THAL, DE LTAR RNAM BSHAD LAS GSUNGS PA'I PHYIR, ZER NA, SKYON MED DE, DE NI 'DI'I DNGOS BSTAN GYI THOD RGAL GYI DNGOS GZHI KHYAD PAR CAN ZHIG LA DGONGS PA'I PHYIR, KHA CIG ,SANGS RGYAS 'PHAGS PA'I RGYUD LA TING NGE 'DZIN LA RIM PA 'CHOL BAR SNYOMS PAR 'JUG PA'I SNYOMS 'JUG YOD PAR THAL, DE'I RGYUD LA THOD RGAL GYI SNYOMS 'JUG YOD PA'I PHYIR, KHYAB STE, THOD RGAL GYI SKAD DOD SNREL ZHI ZHES PA NI RIM PA 'CHOL BA LA 'JUG PA'I PHYIR NA MA KHYAB SNYAM, 'DOD NA, SANGS RGYAS 'PHAGS PA'I RGYUD LA BSAM GTAN DANG PO LA SNYOMS PAR 'JUG ,DE NAS BSAM GTAN GNYIS PA BOR TE BSAM GTAN @021B GSUM PA LA SNYOMS PAR 'JUG PA'I SNYOMS 'JUG YOD PAR THAL, 'DOD PA'I PHYIR, 'DOD NA, BSAM GTAN BZHI LA MNYAM PAR MA BZHAG PA'I SANGS RGYAS 'PHAGS PA'I RGYUD KYI YE SHES YOD PAR THAL, 'DOD PA'I PHYIR, 'DOD NA, MI MTHUN PAR THAL, DE LA MNYAM PAR MA BZHAG PA'I SANGS RGYAS 'PHAGS PA MED PA'I PHYIR, DER THAL, SNYOMS 'JUG DGU LA MNYAM PAR MA BZHAG PA'I SANGS RGYAS 'PHAGS PA MED PA'I PHYIR, KHA CIG ,YAR 'ONG BSAM GZUGS BRGYAD LA 'GOG PA SPEL NAS MNYAM PAR BZHAG PA'I THOD RGAL GYI DNGOS GZHI YIN PA MED PAR THAL, DE'I TSE SNYOMS 'JUG GI CHA SHAS SU GYUR PA'I YE SHES RE RE NAS THOD RGAL GYI DNGOS GZHIR MI RUNG BA'I PHYIR NA MA KHYAB, KHA CIG ,'DOD SEMS DANG THOD RGAL GYI DNGOS GZHI'I GZHI MTHUN PA YOD PAR THAL, SKABS 'DIR BSTAN PA'I MTSAMS 'DZIN GYI 'DOD SEMS DE DE YIN PA'I PHYIR, DER THAL, DE 'DOD SEMS GANG ZHIG ,THOD RGAL GYI DNGOS GZHI YIN PA'I PHYIR, DANG PO DER THAL, 'DIR BSTAN PA'I 'DOD SEMS YIN PA'I PHYIR, NA MA KHYAB, PHYI MA DER THAL, THOD RGAL GYI DNGOS GZHI'I CHA SHAS GCIG YIN PA'I PHYIR, NA MA KHYAB BO, SGOM SPANG RTOG PA, GNYIS PA SPANG BYA RTOG PA LA GNYIS, GZUNG RTOG DANG, 'DZIN RTOG BSHAD PA'O, ,DANG PO LA 'JUG PA GZUNG RTOG DANG, LDOG PA GZUNG RTOG GNYIS KYI, DANG PO NI, MDOR BSDUS RGYAS DANG SANGS RGYAS KYIS, ,ZHES PA NAS, SBYOR BA'I RNAM PA'I SPYOD YUL CAN, ,ZHES PA'I BAR GSUNGS TE, DON NI, 'GREL PAR, MDOR BSDUS PA LA DGA' BA'I SEMS CAN RJES SU 'DZIN PAS, ZHES SOGS GSUNG, 'PHROS NI, BCOM LDAN 'DAS JI LTAR BYANG CHEN CHOS THAMS CAD KYI MDO DANG RGYAS PAR 'TSAL BAR 'GYUR, ZHES SOGS LAS 'PHROS, GZUNG RTOG GNYIS PA NI, GNYIS PA SEMS DANG SEMS BYUNG RNAMS, ,ZHES @022A *, ,PA NAS, SGOM PA'I LAM LA SHES PAR BYA, ,ZHES PA'I BAR GSUNGS TE, DON NI, 'GREL PAR, DGE BA'I BSHES GNYEN SOGS DANG BRAL NAS BYANG CHUB KYI SEMS MI SKYE BA DANG, ZHES SOGS GSUNG, 'PHROS NI, SEMS DANG PO BSKYED PA NAS NYE BAR BZUNG STE, ZHES SOGS LAS 'PHROS, 'DI LA GNYIS, TSIG DON DANG, MTHA' DPYAD PA'O, ,DANG PO LA GNYIS KYI DANG PO 'JUG PA GZUNG RTOG NI, GNYEN PO SBYOR BA'I RNAM PA'I SPYOD YUL CAN GYI SPANG BYA SHES SGRIB 'JUG PA GZUNG BA'I RNAM PAR RTOG PA 'DI GCIG CHOS CAN, KHYOD LA RNAM PA DGU YOD DE, MDOR BSDUS PA'I GSUNG RAB BRJOD BYA DANG BCAS PA LA DMIGS NAS 'JUG BYAR BDEN PAR ZHEN PA DANG, DE BZHIN DU GSUNG RAB RGYAS PA BRJOD BYA DANG BCAS PA LA DMIGS PA DANG, SANGS RGYAS SOGS KYI MGON GYI BTANG BAS TE GROGS KYIS YONGS SU MA BZUNG BA'I GNYEN PO SHER PHYIN LA DMIGS PA DANG, MTHONG LAM GYI DUS SU 'DAS PA SBYOR LAM DANG, DA LTA BA'I MTHONG LAM DANG MA 'ONGS PA'I SGOM LAM STE DUS GSUM GYI YON TAN DON DAM PAR MED KYANG THA SNYAD DU YOD PA LA DMIGS PA DUS LA LTOS PA GSUM DANG, LEGS PAR MYA NGAN LAS 'DAS PA'I LAM NI SBYOR LAM MTHONG LAM SGOM LAM RNAM PA GSUM STE LAM GYI NGO BO LA DMIGS NAS 'JUG BYAR BDEN PAR 'DZIN PA'I BDEN 'DZIN GSUM DANG BCAS PA RNAMS SU YOD PA'I PHYIR, GNYIS PA LDOG PA GZUNG RTOG NI, THEG CHEN GYI SGOM LAM PA'I LAM GYIS BSDUS PA'I SEMS DANG SEMS BYUNG, 'JUG PA'I YUL CAN BAR CHAD MED LAM RNAMS KYIS SPONG BA YIN PAR BZHED PA'I GNYIS PA SHES SGRIB LDOG PA GZUNG RTOG CHOS CAN, KHYOD LA RNAM PA DGU YOD PAR SHES PAR BYA STE, KHYOD LA RE ZHIG GI BAR BYANG CHUB KYI SEMS MI SKYE BA LA DMIGS NAS LDOG BYAR BDEN PAR @022B 'DZIN PA DANG, BYANG CHUB KYI SNYING PO CHOS SKU YID LA MI BYED PA LA DMIGS NAS DANG, THEG PA DMAN PA NYAN RANG GI THEG PA YID LA BYED PA LA DMIGS NAS DANG, RDZOGS PA'I BYANG CHUB THOB BYAR YID LA MI BYED PA LA DMIGS NAS DANG, LAM SHER PHYIN GYI GZUGS BRNYAN SGOM PA LA DMIGS NAS DANG, STONG NYID PHRA MO SGOM PA MED PA LA DMIGS NAS DANG, SGOM DANG SGOM PA MED PA DE DAG LAS NI BZLOG PA SGOM PA MA YIN PA DANG MI SGOM PA MA YIN PA NYID LA DMIGS NAS ZHEN PA GNYIS DANG, GNAS LUGS JI LTA BA BZHIN GYI DON MA YIN PA LA DMIGS NAS LDOG BYAR BDEN PAR RNAM PAR RTOG PA RNAMS SU YOD PA'I PHYIR, ` ,GNYIS PA MTHA' DPYAD PA LA GSUM LAS, DANG PO LA, KHA CIG ,SKABS 'DIR BSTAN GYI SPANG BYA RTOG PA YIN NA, SHES SGRIB YIN PAS KHYAB ZER NA, GANG ZAG GI BDAG 'DZIN CHOS CAN, DER THAL, DE'I PHYIR, RTAGS GSAL SLA'O, ,KHA CIG ,SKABS 'DIR BSTAN PA'I SHES SGRIB LHAN SKYES YIN NA, BDEN 'DZIN YIN PAS KHYAB ZER NA, GZUGS PHYIR ROL DON 'DZIN GYI RTOG PA LHAN SKYES CHOS CAN, DER THAL, DE'I PHYIR, 'DOD MI NUS SO, ,KHA CIG ,SHES SGRIB 'JUG PA GZUNG RTOG DANG, SHES SGRIB LDOG PA GZUNG RTOG GANG RUNG YIN NA, SKABS 'DIR DNGOS SU BSTAN PA'I DE YIN PAS KHYAB ZER NA, MA RIG PA LA DMIGS NAS LDOG BYAR BDEN PAR 'DZIN PA'I BDEN 'DZIN KUN BTAGS CHOS CAN, DER THAL, DE'I PHYIR, DER THAL, SHES SGRIB LDOG PA GZUNG RTOG YIN PA'I PHYIR, 'DOD NA, MA YIN PAR THAL, SPANG BYA KUN BTAGS YIN PA'I PHYIR, ` ,GNYIS PA RANG LUGS LA, RANG GI DMIGS YUL DU GYUR PA'I CHOS CAN TSAD GRUB PA LA DMIGS NAS BDEN PAR 'DZIN PA'I BDEN 'DZIN LHAN SKYES DE, SKABS 'DIR DNGOS SU BSTAN PA'I SPANG BYA RTOG PA'I MTSAN NYID, DE @023A *, ,LA DER GYUR PA'I LDOG PA GZUNG RTOG DANG, 'JUG PA GZUNG RTOG GNYIS YOD, ` ,GSUM PA RTZOD PA SPONG BA LA, KHA CIG ,SKABS 'DIR DNGOS SU BSTAN PA'I SPANG BYA RTOG PA KUN BTAGS MED PAR THAL, DAM BCA' 'THAD PA'I PHYIR, 'DOD NA, DE YOD PAR THAL, SKABS 'DIR BSTAN PA'I SPANG BYA RTOG PA KUN BTAGS YOD PA'I PHYIR, ZER NA, MA KHYAB, KHA CIG ,SKABS 'DIR BSTAN PA'I LDOG PA GZUNG RTOG YIN NA, LDOG PA GZUNG RTOG YIN DGOS PAR THAL, 'DIR BSTAN PA'I 'JUG PA GZUNG RTOG LA 'JUG PA GZUNG RTOG GIS KHYAB PA'I PHYIR, NA MA KHYAB, 'DOD NA, NYAN THOS KYI MTHONG LAM LA DMIGS NAS BYANG SEMS LAM GYI LDOG BYAR BDEN PAR 'DZIN PA'I BDEN 'DZIN LHAN SKYES CHOS CAN, ,DER THAL, DE'I PHYIR 'DOD NA, NYAN THOS KYI MTHONG LAM DE LDOG BYA YIN PAR THAL, 'DOD PA'I PHYIR, 'DOD MI NUS SO, ` ,GNYIS PA 'DZIN RTOG LA GNYIS KYI DANG PO RDZAS 'DZIN RTOG PA NI, SEMS CAN BTAGS PA'I SPYOD YUL DANG, ,ZHES PA NAS, SHES PAR BYA BA BSGRAGS PA YIN, ,ZHES PA'I BAR GSUNGS TE, DON NI, 'GREL PAR, RDZAS SU YOD PAR MI SKYE BAS SEMS CAN DU BTAGS PA, ZHES SOGS GSUNG, 'PHROS NI, BDAG GI MI SEMS CAN SROG GAM GANG ZAG MI DMIGS NA JI LTAR BDAG GI BSAM DANG SEMS CAN GYI KHAMS DANG GANG ZAG GI KHAMS GDAGS PAR BYA, ZHES SOGS LAS 'PHROS SO, ,GNYIS PA BTAGS 'DZIN RTOG PA NI, SEMS CAN BTAGS DANG DE RGYU YI, ,ZHES SOGS RKANG PA BZHIS MDOR BSTAN NAS, BDAG NYID JI BZHIN KUN MKHYEN NI, ,ZHES PA NAS, RNAM PAR RTOG PA THA MAR BZHED, ,CES PA'I BAR GYIS RGYAS PAR BSHAD DE, DON NI, 'GREL PAR, RNAM PA THAMS CAD YONGS SU MA SHES PAS RNAM PA THAMS @023B CAD MKHYEN PA NYID KYI SGRIB PA LA KUN TU RMONGS PA DANG, ZHES SOGS GSUNG, 'PHROS NI, RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,ZHES SOGS LAS 'PHROS SO, ,'DI LA GNYIS, TSIG DON DANG, MTHA' DPYAD PA'O, ,DANG PO LA GNYIS KYI DANG PO RDZAS 'DZIN RTOG PA NI, SPANG BYA RJES SU 'DZIN PAR BYED PA DANG POR GNAS PA DE LTAR SHES PAR BYA BA MDO LAS BSGRAGS PA GANG YIN PA'I SGOM SPANG RDZAS 'DZIN RTOG PA CHOS CAN, KHYOD LA RNAM PA DGU YOD DE, SEMS CAN DU BTAGS PA'I SPYOD YUL SO SKYE LA DMIGS NAS LONGS SPYOD PA PO BDEN PAR ZHEN PA DANG, DE BZHIN DU PHUNG SOGS LA CHOS SU BTAGS PA TZAM GYIS GANG ZAG TU DMIGS NAS DANG, THA SNYAD DU YOD PAS STONG PA MIN PA NYID KYI MKHYEN GSUM SGOM PA'I GANG ZAG LA DMIGS NAS DANG, DMIGS PA LA BDEN PAR CHAGS PA'I SO SKYEL DANG, GNAS LUGS KYI DON RAB TU 'BYED PA'I BDAG NYID CAN BYANG SEMS LA DANG, DMAN PA'I MYANG 'DAS KYI DNGOS PO THOB BYAR BYED PA'I NYAN RANG 'PHAGS PA LA DANG, THEG PA GSUM GYIS NGES PAR 'BYUNG BA'I BYANG SEMS LA DANG, SBYIN BDAG GI YON NI DAG PA MA YIN PA'I NYAN THOS TSOGS LAM PA LA DANG, PHYIN DRUG GI SPYOD PA RNAM PAR 'KHRUGS PA'I NYAN THOS TSOGS LAM PA LA DMIGS NAS LONGS SPYOD BYED DU BDEN PAR 'DZIN PA'I BDEN 'DZIN RNAMS SU YOD PA'I PHYIR, ` ,GNYIS PA BTAGS 'DZIN RTOG PA LA MDOR BSTAN RGYAS BSHAD GNYIS KYI DANG PO NI, SEMS CAN DU THA SNYAD BTAGS PA DANG THA SNYAD DE 'DOGS PA'I RGYU YI PHUNG PO LA BDEN PAR ZHEN PA'I YUL CAN GZHAN SGOM SPANG BTAGS 'DZIN RTOG PA CHOS CAN, THEG CHEN GYI SGOM PA'I LAM DE YIS RNAM PAR 'JOMS PAS DE DANG 'BREL PA YI MI MTHUN PA'I PHYOGS RNAM PA DGU YOD DE, DMIGS YUL GYI DBYE BAS DE LTAR YOD PA 'CHAD PAR 'GYUR PA'I PHYIR, @024A *, ,GNYIS PA NI, RTOG PA DE CHOS CAN, DBYE BA DGU YOD DE, RANG GI DMIGS PA'I BDAG NYID JI BZHIN DU GZHI SHES SOGS KUN MKHYEN NI GSUM GYI SGRIB PA RNAM PA GSUM SPONG BA'I SKYES BU LA DMIGS NAS LONGS SPYOD PA BOR BDEN PAR 'DZIN PA'I RMONGS PA GSUM DANG, DE BZHIN DU SGRIB PA THAMS CAD ZHI BA'I LAM LA RMONGS PA DANG, CHOS NYID KYI DE BZHIN NYID LA SOGS PA DANG, CHOS CAN GZUGS SOGS MTSUNGS PAR LDAN PA NGO BO GCIG PA DANG MI LDAN PA NGO BO THA DAD PA LA RMONGS PA DANG THEG PA CHE CHUNG GI LAM MI MNYAM PA LA RMONGS PA DANG, SDUG BSNGAL LA SOGS PA BDEN BZHI'I CHOS NYID LA RMONGS PA DANG, NYON MONGS PA RNAMS GLO BUR BA NYID KYI RANG BZHIN LA RMONGS PA DANG, GZUNG 'DZIN RDZAS THA DAD PA'I GNYIS SU MED PA'I DE KHO NA NYID LA KUN TU RMONGS PA'I SKYES BU LA DMIGS NAS LONGS SPYOD PA POR BDEN PAR RNAM PAR RTOG PA THA MAR BZHED PA RNAMS SU YOD PA'I PHYIR, ` ,GNYIS PA MTHA' DPYAD PA LA, KHA CIG ,SHES SGRIB 'DZIN RTOG YIN NA, SKABS 'DIR DNGOS SU BSTAN PA'I SPANG BYA RTOG PA YIN PAS KHYAB ZER NA, SHES SGRIB RDZAS 'DZIN RTOG PA KUN BTAGS CHOS CAN, DER THAL, DE'I PHYIR, 'DOD MI NUS TE, CHOS CAN DE YIN PA'I PHYIR, KHYAB STE, SKABS 'DIR SGOM SPANG LHAN SKYES 'CHAD PA'I SKABS YIN PA'I PHYIR, KHA CIG ,BYANG SEMS SGOM LAM PA'I RGYUD LA SHES SGRIB RDZAS 'DZIN RTOG PA YOD PAR THAL, DAM BCA' 'THAD PA'I PHYIR, 'DOD NA, DE MI 'THAD PAR THAL, BYANG SEMS SGOM LAM PA YIN NA, CHOS THAMS CAD BTAGS YOD DU 'DZIN PAS KHYAB PA'I PHYIR, DER THAL, DE YIN NA, RANG GI GZHAL BYA BTAGS YOD DU RTOG MYONG YIN PAS KHYAB PA'I PHYIR, NA MA KHYAB, KHA CIG ,SHES SGRIB 'JUG PA GZUNG RTOG DANG, SHES SGRIB RDZAS 'DZIN RTOG PA 'GAL ZER NA, DE MI 'THAD PAR @024B THAL, DE GNYIS KYI GZHI MTHUN YOD PA'I PHYIR, DER THAL, THEG CHEN GYI TSOGS LAM LA DMIGS NAS BYANG SEMS KYI LAM GYI 'JUG BYA DANG 'JUG BYED GNYIS KAR BDEN PAR 'DZIN PA'I BDEN 'DZIN DE DE GNYIS KA YIN PA'I PHYIR, DER THAL, THEG CHEN GYI TSOGS LAM DE BYANG SEMS KYI 'JUG BYA 'JUG BYED GNYIS KA YIN PA'I PHYIR, ` ,RANG LUGS LA, SKABS 'DIR DNGOS SU BSTAN PA'I SHES SGRIB RTOG PA NI LHAN SKYES YIN LA, 'JUG PA GZUNG RTOG DANG LDOG PA GZUNG RTOG GNYIS, RDZAS 'DZIN RTOG PA DANG BTAGS 'DZIN RTOG PA GNYIS KYI KHYAD PAR YANG SNGAR MTHONG LAM RTZE SBYOR GYI SPANG BYA LA RIGS 'GROS KYIS SHES PAR BYA'O, ` ,GSUM PA PHAN YON NI, YAMS NAD 'DI RNAMS ZAD NAS NI, ,ZHES PA NAS, RNAM PA KUN TU RTEN PAR BYED, ,CES PA'I BAR GSUNGS TE, DON NI, 'GREL PAR, SGOM PA'I LAM GOMS PAS RNAM PAR RTOG PA'I RIGS BZHI BO, ZHES PA NAS, RNAM PAS BRTEN PAR BYED DO, ,ZHES PA'I BAR GSUNG, 'PHROS NI, DPER NA SKYES BU LA LA ZHIG LJANG BU BSKYED PAR 'DOD NAS SKYES BU DES LJANG BU DE'I RTZA BA MA DMIGS YAL GA DANG SDONG BO DANG, ZHES SOGS LAS 'PHROS SO, ,TSIG DON NI, THEG PA CHEN PO'I SPANG RTOGS KYI 'BRAS BU MCHOG GIS SPA PA STE MDZES PA YI SGOM LAM CHEN PA'I CHEN PO LA GNAS PA'I SEMS DPA' CHEN PO DE CHOS CAN, KHYOD LA NI THEG PA GSUM GYI SPANGS RTOGS KYI YON TAN GYI RIGS PHUN SUM TSOGS PA KUN RNAM PA KUN TU BRTEN PAR BYED DE, NAD PA NAD LAS GROL NAS YUN RING LON NAS DGA' BAS DBUGS PHYIN PA LTAR MI BZAD PA'I YAMS NAD DANG 'DRA BA'I SGOM SPANG CHUNG NGU'I CHUNG NGU SOGS SPANG BYA 'DI RNAMS ZAD NAS NI RNAM PA KUN TU 'GRO BA YI SGRIB GNYIS KYI NAD SEL BAR BYED PA'I SPANGS PA'I YON TAN DANG, RGYA MTSO CHE LA CHU BO 'DU BA BZHIN DU THEG PA GSUM GYI RTOGS RIGS @025A *, ,RNAMS NGANG GIS 'DU BAS 'GRO BA'I BDE BA MA LUS PA SGRUB PAR BYED PA'I RTOGS PA'I YON TAN DANG LDAN PA'I SEMS DPA' YIN PA'I PHYIR, ` BAR CHAD MED PA'I RTZE SBYOR ,BZHI PA BAR CHAD MED PA'I RTZE SBYOR BSHAD PA LA GNYIS, DNGOS KYI DON DANG, LOG RTOG BSAL BA'O, ,DANG PO LA GNYIS, BSOD NAMS MANG POS MTSON TE BSTAN PA DANG, DMIGS RNAM BSHAD PA'O, ,DANG PO NI, STONG GSUM SKYE BO NYAN THOS DANG, ,ZHES PA NAS, DE NI RNAM PA KUN MKHYEN NYID, ,CES PA'I BAR GSUNGS TE, DON NI, 'GREL PAR, 'GA' ZHIG GIS STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS, ZHES SOGS GSUNG, 'PHROS NI, SEMS DANG PO BSKYED PAS CI YID LA BGYI, BKA' STZAL PA, RNAM PA THAMS CAD MKHYEN PA NYID YID LA BYA'O, ,ZHES SOGS LAS 'PHROS, GNYIS PA DMIGS RNAM NI, 'DI YI DMIGS PA DNGOS MED DE, ,ZHES SOGS RKANG PA BZHI GSUNGS TE, DON NI, BAR CHAD MED PA'I TING NGE 'DZIN 'DI'I DMIGS RKYEN NI CHOS THAMS CAD DNGOS PO MED PAR DMIGS PA YIN NO, ,ZHES SOGS GSUNG, 'PHROS NI, RAB 'BYOR RNAM PA THAMS CAD MKHYEN PA NYID KYI DMIGS PA NI DNGOS PO MED PA, BDAG PO NI DRAN PA, RNAM PA NI ZHI BA'I MTSAN NYID DE MTSAN NYID MED PA YIN TE, ZHES SOGS LAS 'PHROS SO, ,'DI LA GNYIS, TSIG DON DANG, MTHA' DPYAD PA'O, ,DANG PO LA GNYIS KYI DANG PO NI, MDO LAS, STONG GSUM GYI SKYE BO RNAMS NYAN THOS DANG BSE RU LTA BU'I RANG SANGS RGYAS KYI RTOGS PA PHUN SUM TSOGS PA DANG BYANG CHUB SEMS DPA'I SKYON MED PA'I SA DANG PO LA BKOD PA'I DGE BA RNAMS BSOD NAMS CHE BA DPER MDZAD NAS, DE BAS KYANG RANG GI BSOD NAMS CHES MANG PO NYID KYIS NI MTSON TE BSTAN PA'I RGYUN MTHA'I BAR CHAD MED PA'I TING NGE 'DZIN DE NI CHOS CAN, BAR CHAD @025B MED PA'I RTZE SBYOR YIN TE SANGS RGYAS NYID KYI YE SHES RNAM PA KUN MKHYEN PA NYID BAR CHAD MED PAR DNGOS SU BSKYED PAR BYED PA'I SEMS DPA'I RNAL 'BYOR MTHAR THUG YIN PA'I PHYIR, GNYIS PA NI BDEN PAR GRUB PA'I DNGOS MED DE CHOS CAN, BAR CHAD MED PA'I RTZE SBYOR 'DI YI DMIGS PA YIN TE, DE'I SGRO 'DOGS GCAD PAR BYA BA'I GZHI YIN PA'I PHYIR, RGYUN MTHA'I SBYOR BA'I DUS KYI DRAN PA THEG CHEN SEMS BSKYED CHOS CAN, RTZE SBYOR DE'I BDAG PO'I RKYEN YIN PAR BZHED DE, DE DNGOS SU RANG DBANG DU SKYED PAR BYED PA'I SEMS DPA'I RNAM 'BYOR YIN PA'I PHYIR, BAR CHAD MED PA'I RTZE SBYOR CHOS CAN, RNAM PA ZHI BA NYID YIN TE, STONG NYID MNGON SUM DU RTOGS PA'I SGO NAS GNYIS SNANG GI SPROS PA ZHI BA'I SEMS DPA'I RNAL 'BYOR MTHAR THUG YIN PA'I PHYIR, BAR CHAD MED RTZE'I DMIGS RNAM 'DI CHOS CAN, SHIN TU ZAB PA YIN TE, KHYOD LA NI BDEN GNYIS NGO BO 'GAL BAR 'DZIN PA'I DBANG GIS RTZOD PA RAB TU SMRA BA RNAMS KYIS RGYUD MAR RGOL YANG KLAN KA'I GNAS MA YIN PA'I PHYIR, ` ,GNYIS PA MTHA' DPYAD PA LA GNYIS, DANG PO LA, KHA CIG ,CHOS THAMS CAD RGYUN MTHA'I BAR CHAD MED PA'I RTZE SBYOR GYI DMIGS RKYEN YIN ZER NA, 'O NA, CHOS THAMS CAD DE'I RKYEN YIN PAR THAL, DAM BCA' 'THAD PA'I PHYIR, 'DOD NA, CHOS THAMS CAD CHOS CAN, KHYOD DE'I RKYEN MA YIN PAR THAL, KHYOD 'DUS MA BYAS YIN PA'I PHYIR, KHA CIG ,SKAD CIG MA'I SBYOR BA YIN NA, BAR CHAD MED PA'I RTZE SBYOR YIN PAS KHYAB ZER NA, RGYUN MTHA'I SBYOR BA'I LAM CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, KHYAB STE, THEG CHEN SGO 'BYED LAS, SKAD CIG MA'I SBYOR BA LA YANG SBYOR BA'I LAM DANG BAR CHAD MED PA'I LAM GNYIS YOD LA, ZHES GSUNGS PA'I PHYIR, 'DOD MI NUS TE, BAR CHAD MED LAM MA @026A *, ,YIN PA'I PHYIR, DER THAL, CHOS CAN DE YIN PA'I PHYIR, KHA CIG ,BAR CHAD MED LAM GANG ZHIG ,RTZE SBYOR YIN NA, BAR CHAD MED PA'I RTZE SBYOR YIN PAS KHYAB ZER NA, THEG CHEN MTHONG LAM BAR CHAD MED LAM CHOS CAN, DER THAL, DE'I PHYIR, 'DOD NA, RGYUN MTHA'I BAR CHAD MED LAM YIN PAR THAL LO, ` ,RANG LUGS LA, BSOD NAMS MANG POS MTSON TE BSTAN PA'I SGO NAS GNAS NGAN LEN GYI DRI MA PHRA MO DNGOS SU 'JOMS BYED KYI THEG CHEN GYI BAR CHAD MED LAM, BAR CHAD MED PA'I RTZE SBYOR GYI MTSAN NYID, BSAL BYA LOG RTOG GNYIS PA LOG RTOG BSAL BA NI, DMIGS PA 'THAD DANG DE YI NI, ,ZHES PA NAS, RNAM PA BCU DRUG DAG TU BZHED, ,CES PA'I BAR GSUNGS TE, DON NI, 'GREL PAR, 'DUS BYAS DANG 'DUS MA BYAS KYI KHAMS DAG DNGOS PO MED PA NYID KYIS DMIGS PA 'THAD PA DANG, ZHES PA NAS, LOG PAR RTOG PA BCU DRUG GO ,ZHES PA'I BAR GSUNG, 'PHROS NI, GSOL PA, BCOM LDAN 'DAS CI LAGS, RNAM PA THAMS CAD MKHYEN PA NYID 'BA' ZHIG DNGOS PO MA MCHIS PA LAGS, ZHES SOGS DANG, GZUGS STONG PA'O ZHES BYA BAR SPYOD DE CI NAS KYANG BLO RNAM PA GNYIS SU MI 'GYUR BA DE LTAR SPYOD DO, ,ZHES SOGS LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, RNAM PA KUN MKHYEN NYID DANG BAR CHAD MED PA'I RTZE SBYOR GYI DMIGS RNAM LA BRTEN PA CAN GYI BDEN GNYIS NGO BO GCIG TU MI RUNG BAR 'GAL BAR SMRA BA RNAMS KYI LOG PAR RTOG PA CHOS CAN, RNAM PA BCU DRUG DAG TU BZHED DE, BAR CHAD MED RTZE DE'I DMIGS PA 'THAD LA LOG PAR RTOG PA DANG, DE BZHIN DU DMIGS DE YI NI NGO BO NYID BDEN STONG DU NGES PAR BZUNG BA LA DANG, 'BRAS BU RNAM KUN MKHYEN NYID YE SHES LA DANG, DON DAM PA'I BDEN PA DANG @026B KUN RDZOB KYI BDEN PA GNYIS LA DANG, ZHI LHAG ZUNG 'BREL GYI SBYOR BA LA DANG, DKON MCHOG GSUM PO LA DANG, THABS MKHAS PA DANG BCAS PA'I THUB PA'I MNGON PAR RTOGS PA GNYIS LA DANG, SPANG BYA RTAG 'DZIN SOGS PHYIN CI LOG DANG NI DE DAG SPONG BYED KYI LAM DANG BCAS PA GNYIS LA DANG, GNYEN PO YE SHES DANG, SPANG BYA MI MTHUN PHYOGS GNYIS DAG LA DANG, RANG SPYI'I MTSAN NYID DANG NI DE SGOM PA GNYIS LA LOG PAR RTOG PA RNAMS SU YOD PA'I PHYIR, ` ,GNYIS PA MTHA' DPYAD PA LA GSUM, DANG PO LA, KHA CIG ,BSAL BYA LOG SGRUB YIN NA, BSAL BYA LOG RTOG YIN PAS KHYAB ZER NA, DBU MA PAS, CHOS THAMS CAD BDEN PAR MED PAR KHAS BLANGS PA LA, DNGOS SMRA BAS, SA BON GYIS MYU GU BSKYED PA MED PAR THAL, SA MYUG GNYIS BDEN PAR MED PA'I PHYIR ZHES DBU MA PA LA 'PHANGS PA'I SUN 'BYIN NI CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, KHYAB STE, DE LTA BU'I SUN 'BYIN DE SUN 'BYIN LOG PA YIN PA'I PHYIR, DER THAL, SA MYUG BDEN PAR MED KYANG BSKYED BYA SKYED BYED DU RUNG BA'I PHYIR, 'DOD NA, SHES PA YIN PAR THAL, 'DOD PA'I PHYIR, 'DOD MI NUS TE, NGAG YIN PA'I PHYIR, KHA CIG ,BDEN GNYIS 'GAL BAR 'DZIN PA'I RTOG PA DE, BSAL BYA LOG RTOG GI MTSAN NYID ZER NA, 'DOD NA, BDEN GNYIS 'GAL BAR 'DZIN MI RUNG BAR THAL, KHYOD KYI DAM BCA' 'THAD PA'I PHYIR, 'DOD NA, BDEN GNYIS 'GAL BA MA YIN PAR THAL, 'DOD PA'I PHYIR, 'DOD NA, BDEN GNYIS KYI GZHI MTHUN YOD PAR THAL, 'DOD PA'I PHYIR, 'DOD MI NUS SO, ,KHA CIG ,SKABS 'DIR BSTAN PA'I KLAN KA YIN NA, KUN RDZOB SGO CAN GYI KLAN KA YIN PAS KHYAB ZER NA, BAR CHAD MED PA'I RTZE SBYOR GYI DMIGS PA MI 'THAD PAR THAL, CHOS THAMS CAD DON @027A *, ,DAM PAR MA GRUB BA'I PHYIR ZHES DNGOS SMRA BAS DBU MA PA LA 'PHANGS PA'I SUN 'BYIN CHOS CAN, DER THAL, DE'I PHYIR, DER THAL, DMIGS PA 'THAD DANG ZHES PA'I SKABS NAS BSTAN PA'I KLAN KA YIN PA'I PHYIR, 'DOD MI NUS TE, DON DAM SGO CAN GYI KLAN KA YIN PA'I PHYIR, DER THAL, DBU MA'I DON DAM GYI KHAS LEN RTAGS SU BKOD NAS KUN RDZOB DNGOS SU SUN 'BYIN PA'I DNGOS SMRA BAS DBU MA PA LA 'PHANGS PA'I SUN 'BYIN YIN PA'I PHYIR, KHA CIG ,DE YIN NA, DON DAM SGO CAN GYI KLAN KA YIN PAS KHYAB ZER NA, MYU GU'I SA BON GYIS MYU GU BSKYED PAR MI NUS PAR THAL, DE KUN RDZOB TU GRUB PA'I PHYIR ZHES DNGOS SMRA BAS DBU MA PA LA 'PHANGS PA'I SUN 'BYIN CHOS CAN, DER THAL, DE'I PHYIR, 'DOD MI NUS TE, KUN RDZOB SGO CAN GYI KLAN KA YIN PA'I PHYIR, RTAGS SLA, KHA CIG ,KLAN KA GNYIS PO GANG RUNG YIN NA, DBU MA'I KHAS BLANGS DNGOS SU RTAGS SU BKOD PAS KHYAB ZER NA, DBU MA PAS DNGOS PO BDEN MED DU KHAS BLANGS PA LA BSAM NAS, DNGOS PO RANG BZHIN GYIS MA GRUB PAR THAL, DE MED PA'I PHYIR, ZHES DNGOS SMRA BAS DBU MA PA LA 'PHANGS PA'I SUN 'BYIN CHOS CAN, DER THAL, DE'I PHYIR, DER THAL, DON DAM SGO CAN GYI KLAN KA YIN PA'I PHYIR, 'DOD MI NUS TE, DBU MA PAS DNGOS PO RANG BZHIN GYIS GRUB PAR KHAS BLANGS PA'I PHYIR, ` ,GNYIS PA RANG LUGS LA, BDEN GNYIS GZHI GCIG GI STENG DU 'DU MI RUNG BAR 'DZIN PA'I LOG RTOG SKABS 'DIR BSTAN GYI GTZO BOR GYUR PA'I BSAL BYA LOG RTOG GI MTSAN NYID, LOG RTOG DES KUN NAS BSLANGS PA'I SUN 'BYIN DE LA YANG KUN RDZOB SGO CAN GYI KLAN KA DANG DON DAM SGO CAN GYI KLAN KA GNYIS YOD, DE GNYIS JI LTAR 'JOG PA'I TSUL YOD DE, DBU MA PA'I KUN RDZOB KYI KHAS LEN RTAGS SU BKOD @027B PA'I RIGS SU GNAS PA'I CHA NAS DON DAM SUN 'BYIN PA'I DNGOS SMRA BAS DBU MA PA LA 'PHANGS PA'I SUN 'BYIN DE, KUN RDZOB SGO CAN GYI KLAN KA DANG, DBU MA PA'I DON DAM GYI KHAS LEN RTAGS SU BKOD PA'I RIGS SU GNAS PA'I CHA NAS KUN RDZOB SUN 'BYIN GNYIS DNGOS SMRA BAS DBU MA PA LA 'PHANGS PA'I SUN 'BYIN DE, DON DAM SGO CAN GYI KLAN KA'I NGO BO YIN PA'I PHYIR, ` ,GSUM PA RTZOD PA SPONG PA LA, KHA CIG ,BSAL BYA LOG SGRUB LA, LOG RTOG GIS KHYAB PAR THAL, BSAL BYA LOG RTOG LA, LOG SGRUB KYIS KHYAB PA'I PHYIR, NA MA KHYAB, KHA CIG ,'DIR BSTAN BSAL BYA LA SUN 'BYIN BCU DRUG YOD PAR THAL, DE LA LOG RTOG BCU DRUG YOD PA'I PHYIR, 'DOD NA, MI 'THAD PAR THAL, DER SUN 'BYIN LTAR SNANG GNYIS SU GRANGS NGES PA'I PHYIR NA SKYON MED DE, DE LA RGYAS PAR PHYE NA BCU DRUG DANG, DE LAS BSDU NA BZHI DANG, DE LAS BSDU NA KLAN KA'I SUN 'BYIN GNYIS SU NGES PA'I PHYIR, DANG PO DER THAL, BAR CHAD MED PA'I RTZE SBYOR GYI DMIGS PA MI 'THAD PAR THAL BA'I SUN 'BYIN NAS, RANG SPYI'I MTSAN NYID SGOM PA MI 'THAD PAR THAL BA'I SUN 'BYIN GYI BAR BCU DRUG YOD PA'I PHYIR, BAR PA DER THAL, BDEN GNYIS RIGS MTHUN RTAGS SU BKOD PA'I SUN 'BYIN GNYIS DANG, RIGS MI MTHUN RTAGS SU BKOD PA'I SUN 'BYIN GNYIS TE BZHI YOD PA'I PHYIR, GSUM PA DER THAL, SNGAR BSHAD PA LTAR KUN RDZOB SGO CAN DANG DON DAM SGO CAN GYI KLAN KA GNYIS YOD PA'I PHYIR, KHA CIG ,BDEN 'DZIN YIN NA, BDEN GNYIS GZHI GCIG GI STENG DU 'DU MI RUNG BAR 'DZIN PA'I RTOG PA YIN DGOS PAR THAL, DE 'DRA BA'I RTOG PA'I MTSAN GZHI GCIG YOD PA'I PHYIR NA MA KHYAB, 'DOD MI NUS TE, BDE GNYIS GZHI GCIG GI STENG DU 'DU MI RUNG BAR 'DZIN @028A *, ,PA'I RTOG PA DE BDEN 'DZIN MA YIN PA'I PHYIR, DER THAL, BDEN GNYIS GZHI GCIG GI STENG DU 'DU RUNG STONG NYID MA YIN PA'I PHYIR, ZER NA KHA CIG MA KHYAB ZER, MA GRUB NA DER THAL, DE KUN RDZOB BDEN PA YIN PA'I PHYIR, DER THAL, BDEN GNYIS NGO BO GCIG TU 'DU BA KUN RDZOB BDEN PA YIN PA'I PHYIR, SKABS LNGA PA BSHAD ZIN TO, ` * ,SKABS DRUG PA, ,GSUM PA MTHAR GYIS SBYOR BA NI, SBYIN PA SHES RAB BAR DAG DANG, ,ZHES PA NAS, MTHAR GYIS PA YI BYA BAR BZHED, ,CES PA'I BAR GSUNGS TE, DON NI, 'GREL PA LAS, PHA ROL TU PHYIN PA BZHI NI SHES RAB KYI PHA ROL TU PHYIN PA'I NANG DU 'DUS PA'I PHYIR, ZHES PA NAS, DE NI 'DIR MTHAR GYIS PA'I BYA BAR BZHED PA YIN NO, , ZHES PA'I BAR GSUNGS LA, 'PHROS NI, BCOM LDAN 'DAS CHOS THAMS CAD DNGOS PO MA MCHIS PA'I NGO BO NYID LA BYANG CHEN GYIS MTHAR GYIS SPYOD PA DANG, MTHAR GYIS SLOB PA DANG, MTHAR GYIS NAN TAN BGYI, ZHES SOGS LAS 'PHROS SO, ,'DI'I SKABS SU GNYIS, TSIG DON DANG, MTHA' DPYAD PA'O, ,DANG PO NI, SHES BYA CHOS CAN, MTHAR GYIS PA'I BYA BAR BZHED PA DER BCU GSUM YOD DE, SBYIN PA'I MTHAR GYIS PA NAS SHES RAB KYI MTHAR GYIS PA'I BAR DRUG DANG SANGS RGYAS LA SOGS PA STE, CHOS DGE 'DUN TSUL KHRIMS GTONG PA LHA RJES SU DRAN PA DRUG DANG CHOS THAMS CAD DON DAM PAR DNGOS MED NGO BO NYID DU RTOGS PA NYID KYI DBE BAS MTHAR GYIS PA'I SBYOR BA RNAMS SU YOD PA'I PHYIR, ` ,GNYIS PA MTHAR DPYAD PA LA GSUM LAS, DANG PO LA, KHA CIG ,MKHYEN GSUM GYI RNAM PA GO RNAM PA GO RIM NGES CAN DU SGOM PA'I SEMS DPA'I YE SHES, MTHAR GYIS SBYOR BA'I MTSAN NYID ZER NA, THEG CHEN MTHONG LAM BAR CHAD MED LAM CHOS CAN, MTSAN NYID DER @028B THAL, MTSON BYA DE'I PHYIR, DER THAL, THEG CHEN GYI MTHONG LAM YIN PA'I PHYIR, 'DOD NA, GZHI SHES KYI RNAM PA SGOM PA'I SEMS DPA'I YE SHES YIN PAR THAL, 'DOD PA'I PHYIR, 'DOD MI NUS SO, ,GZHAN YANG, MKHYEN GSUM GYI RNAM PA GO RIM DES CAN DU MI SGOM PA'I THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, MKHYEN GSUM GYI RNAM PA GANG RUNG ZHIG SGOM PA DANG, DE GSUM GYI RNAM PA CIG CHAR DU SGOM PA DANG, GO RIM 'CHOL BAR SGOM PA'I SEMS DPA'I YE SHES YOD PA'I PHYIR, PHYI MA DER THAL, TING NGE 'DZIN LA RIM PA 'CHOL BAR SNYOMS PAR 'JUG PA'I SEMS DPA'I YE SHES YOD PA'I PHYIR, KHA CIG ,MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR SGOM PA'I SEMS DPA'I YE SHES, MTHAR GYIS SBYOR BA'I MTSAN NYID ZER NA, DE LTAR SGOM PA'I RGYUN MTHA'I SBYOR BA'I YE SHES CHOS CAN, MTSON BYA DER THAL, MTSAN NYID DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, JI LTAR SKYES BU'I ZO CHUN RGYUD, ,CES SOGS KYIS DE LTAR SGOM PA YOD PAR BSTAN PA'I PHYIR, 'DOD NA, MI 'THAD PAR THAL, SKAD CIG MA'I SBYOR BA YIN PA'I PHYIR, KHYAB STE, RNAM BSHAD LAS, MTHAR GYIS SBYOR BA'I SA MTSAMS 'CHAD PA'I TSE, SA MTSAMS NI TSOGS LAM NAS RGYUN MTHA'I SNGA LOGS PAR RO, ,ZHES GSUNGS PA'I PHYIR, KHA CIG ,PHYIN DRUG GANG RUNG YIN NA, MTHAR GYI BA'I SBYOR BA YIN PAS KHYAB ZER NA, SANGS RGYAS 'PHAGS PA'I RGYUD KYI SHES RAB KYI PHAR PHYIN CHOS CAN, DER THAL, DE'I PHYIR, 'DOD NA, SEMS DPA'I YE SHES YIN PAR THAL LO, ,KHA CIG , @029A *, ,DE GANG RUNG DU GYUR PA'I SEMS DPA'I YE SHES YIN NA, DE YIN PAS KHYAB ZER NA, RGYUN MTHA'I BAR CHAD MED LAM PA'I RGYUD KYI SHES RAB KYI PHAR PHYIN CHOS CAN, DER THAL, DE'I PHYIR, RTAGS GSAL SLA'O, ,KHA CIG RJES DRAN DRUG PO GANG RUNG YIN NA, MTHAR GYIS SBYOR BA YIN PAS KHYAB ZER NA, LAM MA ZHUGS GANG ZAG GI RGYUD KYI SANGS RGYAS RJES DRAN CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, LAM MA ZHUGS NA SANGS RGYAS LA SKYABS SU SONG BA YOD PA'I PHYIR, 'DOD NA, SEMS DPA'I YE SHES YIN PAR THAL, 'DOD PA'I PHYIR, 'DOD NA SLA, KHA CIG, DNGOS MED NGO BO NYID KYI MTHAR GYIS SBYOR BA YIN NA, STONG NYID MNGON SUM DU RTOGS PA'I YE SHES YIN PAS KHYAB ZER NA, STONG NYID DON SPYI'I TSUL GYIS RTOGS PA'I THEG CHEN GYIS SBYOR LAM CHOS CAN, DER THAL, DE'I PHYIR, DER THAL, STONG NYID RTOGS PA'I THEG CHEN KYI SBYOR LAM YIN PA'I PHYIR, KHA CIG ,DE YIN NA, STONG NYID RTOGS PA'I YE SHES YIN PAS KHYAB ZER NA, MYU GU BDEN STONG SGYU MA LTA BUR RTOGS PA'I THEG CHEN GYI SBYOR LAM CHOS CAN, DER THAL, DE'I PHYIR, DER THAL, MYU GU BDEN STONG SGYU MA LTA BUR RTOGS PA'I LTA BA DE DBU MA'I LTA BU YIN PHYIR, 'DOD MI NUS TE, CHOS CAN DE YIN PA'I PHYIR, ` ,RANG GI LUGS LA, CHOS BCU GSUM GYIS ZIN PA'I SGO NAS MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR BSGOM PA'I RIGS SU GNAS SHING SKAD CIG SBYOR BA MA THOB PA'I SEMS DPA'I YE SHES MTHAR GYIS SBYOR PA'I MTSAN NYID, ` ,GSUM PA RTZOD PA SPONG BA LA, KHA CIG MTHAR GYIS SBYOR BA LA MTSAN NYID THA DAD PA GNYIS YOD PAR THAL, SNGAR BSHAD PA DE DE'I MTSAN @29B NYID GANG ZHIG ,LUGS RNAM GZHAG GI MTHA' DPYOD DU DE DANG CUNG MI 'DRA BA GCIG BSHAD PA'I PHYIR, ZER NA, SKYON MED DE, DE NI 'JOG TSUL MI 'DRA BA'I KHYAD PAR BSTAN PA TZAM YIN GYI, DE GNYIS KA CIG CHAR KHAS LEN DGOS PA'I ? NGES PA MED PA'I PHYIR, KHA CIG, MKHYEN GSUM GYI RNAM PAR BRGYA BDUN CU RTZA GSUM YOD PAR THAL, DAM BCA' 'THAD PA'I PHYIR, 'DOD NA, GZHI SHES KYI RNAM PA BRGYA BDUN BCU RTZA GSUM YOD PAR THAL, 'DOD PA'I PHYIR, ZER NA, SKYON MED DE, MKHYEN GSUM GYI RNAM PA BRGYA BDUN CU RTZA GSUM NI, MKHYEN GSUM SO SO'I RNAM PA RNAMS GCIG TU BSDUS NAS BZHAG PA'I DON YIN PA'I PHYIR, RNAM PA GCIG TU NA, GZHI SHES KYI RNAM PAR BRGYA BDUN CU RTZA GSUM YOD PAR THAL, GZHI SHES KYI RNAM PA GRANGS MED PA YOD PA'I PHYIR, DER THAL, GZHI SHES GRANGS MED PA YOD PA'I PHYIR, DER THAL, 'PHAGS PA GRANGS MED YOD PA'I PHYIR, KHA CIG, RNAM RDZOGS SBYOR PA YIN NA, MTHAR GYIS SBYOR BA YIN DGOS PAR THAL, DE GNYIS KA'I MTSAMS THEG CHEN GYI TSOGS LAM NAS 'JOG PA'I PHYIR, NA MA KHYAB, 'DOD MI NUS TE, RNAM BSHAD LAS, RNAM RDZOGS SBYOR PA'I RJES SU MTHAR GYIS SBYOR BA BSTAN PA DE RGYU 'BRAS DON GYI RIM PA'I DBANG DU BYAS PAR BSHAD PA'I PHYIR, DES NA THEG CHEN GYI TSOGS LAM THOB MA THAG PA'I YE SHES RNAMS MTHAR GYIS SBYOR BAR MI BZHED PAR GSAL LO, ,KHA CIG ,MTAHR GYIS SBYOR BA YIN NA, MKHYEN GSUM GYI RNAM PA RNAMS GO RIM NGES CAN DU SGOM PAS KHYAB PAR THAL, RTZOM PA MI 'DRA BA RE RES MKHYEN GSUM GYI RNAM PA GO RIM MA 'CHOL BAR MTHAR CHAGS SU SGOM PAR BYED PA DE, MTAHR GYIS SBYOR BAS MKHYEN GSUM SGOM TSUL YIN PA'I PHYIR NA MA KHYAB BO, ,SKABS DRUG PA BSHAD ZIN TO, ` ,*,SKABS BDUN PA @30A *, ,SBYOR BA SHAD PA LA BZHI, RNAM PAR SMIN PA MA YIN PA'I SKAD CIG SBYOR BA, RNAM PAR SMIN PA'I, MTSAN NYID MED PA'I, GNYIS SU MED PA'I SKAD CIG SBYOR BA BSHAD PO'I, ,DANG PO LA GNYIS, DNGOS DANG, DPE BSHAD PA'O, ,DANG PO NI, SBYIN PA LA SOGS RE RES KYANG, ,ZHES SOGS RKANG BZHI GSUNGS TE, DON NI, 'GREL BAR, LUGS LAS CHOS KYI DBYINGS KYI NGO BOR, DNGOS GCIG DNGOS PO KUN GYI NGO BO NYID, ,CES SOGS GSUNG, 'PHROS NI, BYANG CHEN YUM LA DE LTAR SPYOD PA NI SEMS BSKYED PA GCIG GIS PHAR PHYIN DRUG YONGS SU RDZOGS PAR BYED DO, ,ZHES SOGS LAS 'PHROS, GNYIS PA NI, JI LTAR SKYES BUS ZO CHUN RGYUD, ,CES SOGS RKANG BZHIS STON TE, DON NI, 'GREL PAR, DPER NA SKYIS BUS RDOG THABS GCIG GIS BSKYOD NA, ZHES SOGS GSUNG, TSIG DON LA GNYIS KYI DANG PO NI, RGYUN MTHA'I BAR CAD MED LAM LA GNAS PA'I THUB PA'I RGYUD KYI RNAM PAR SMIN PA MA YIN PA'I ZAG MED KYI LAM GYI RIGS RNAMS MNGON DU GYUR PA'I SBYOR BA 'DI NI CHOS CAN, RNAM PAR SMIN PA MA YIN PA'I SKAD CIG MA GCIG PA YI RTOGS PA YIN PAR SHES PAR BYA STE, SBYIN PA LA SOGS PA'I PHYIN DRUG RE RES KYANG RNAM PAR SMIN PA MA YIN PA'I ZHAG MED KYI CHOS KYI RIGS KUN BSDUS NAS MNGON DU BYED PA'I SEMS DPA'I RNAL 'BYOR MTHAR THUG YIN PA'I PHYIR, ZHES PA NI DNGOS KYI DON DANG, GNYIS PA DE'I DPE NI, RGYUN MTHA'I YE SHES SKAD CIG MA GCIG GIS ZAG PA MED PA'I YE SHES THAMS CAD SHES NUS PA YIN TE, JI LTAR TE DPER NA ZO CHUN GYI RGYUD GCIG SKYES BUS RDOG THABS GCIG GIS BSKYOD PA NA, RGYUD THAMS CAD GCIG CHAR 'GUL BA LTAR NGES TSUL DE BZHIN DU SHES NUS PA YIN PA'I PHYIR, ` ,GNYIS PA RNAM PAR SMIN PA NI, GANG @30B TSE CHOS DKAR THAMS CAD KYI, ,ZHES SOGS RKANG PA BZHES STON TE, DON NI, GANG GI TSE BYANG CHUB SEMS DPAS GNYEN PO BSGOMS PAS MI MTHUN PA'I PHYOGS THAMS CAD DANG BRAL BA NA, ZHES SOGS GSUNGS LA, 'PHROS NI, DE BYANG SEMS KYI LAM RNAM PAR SMIN PA'I CHOS CAN LA GNAS PAS PHA ROL TU PHYIN PA DRUG YONGS SU RDZOGS PA DANG, ZHES SOGS LAS 'PHROS SO, ,TSIG DON NI, SGRIB GNYIS KYI DNGOS GNYEN BAR CHAD MED LAM SGOM PA GANG GI TSE DRI MA THAMS CAD DANG BRAL BA'I CHOS DKAR PO THAMS CAD KYI RANG BZHIN SHES RAB KYI PHA ROL TU PHYIN PA ZAG MED RNAM PAR SMIN PA'I CHOS KYI GNAS SKABS RGYUN MTHA'I YE SHES SKYES PA DE'I TSE RGYUN MTHA'I BAR CHAD MED LAM CHOS CAN, ZAG MED KYI CHOS THAMS CAD SKAD CIG MA GCIG LA MNGON DU BYED NUS PA YIN TE, STONG NYID MNGON SUM DU RTOGS PA'I SEMS DPA'I YE SHES MTHAR THUG YIN PA'I PHYIR, ` ,GSUM PA MTSAN NYID MED PA NI, SBYIN PA LA SOGS SPYOD PA YIS, ,ZHES SOGS RKANG PA BZHES STON TE, DON NI, SNGON CHOS THAMS CAD RMI LAM LTA BUR GOMS PAS, ,ZHES SOGS GSUNGS LA, 'PHROS NI, BYANG CHEN SHER PHYIN LA SPYOD PA'I TSE RMI LAM LTA BU'I NYE BAR LEN PA'I PHUNG PO LNGA LA GNAS SHING SBYIN PA YONGS SU GTONG, ZHES SOGS LAS 'PHROS, TSIG DON NI, RGYUN MTHA'I BAR CHAD MED LAM CHOS CAN, MTSAN NYID MED PA'I SKAD CIG SBYOR BA YIN TE, KUN BYANG GI CHOS RNAMS DON DAM PAR MTSAN NYID MED PA NYID DU DUS SKAD CIG MA NI GCIG GIS MNGON SUM DU RTOGS PA'I SEMS DPA'I RNAL 'BYOR MTAHR THUG YIN PA'I PHYIR, DER THAL, SBYIN PA LA SOGS PA'I PHAR PHYIN DRUG GI SPYOD PA YIS CHOS KUN RMI LAM DANG 'DRA BAR RTOGS PA LA GNAS NAS GOMS PA'I SBYOR BA MTHAR THAG PA'I SEMS DPA'I YE SHES YIN PA'I PHYIR, ` ,BZHI PA GNYIS S @031A *, ,MED PA'I SKAD CIG SBYOR BA NI, RMI LAM DANG NI DE MTHONG NYID, ,CES SOGS RKANG BA BZHIS BSTAN TE, DON NI, YUN RING MO ZHIG NAS BAR CHAD MED PAR GNYIS SU SNANG BA SPONG BA LA GOMS PA DANG, ZHES SOGS GSUNGS LA, 'PHROS NI, BYANG CHEN SHER PHYIN LA SPYOD PA'I TSE, RMI LAM MI MTHONG RMI LAM MTHONG BA MI MTHONG, ZHES SOGS GSUNGS PA LAS 'PHROS SO, ,TSIG DON, RGYUN MTHA'I BAR CHAD MED LAM CHOS CAN, GNYIS SU MED PA'I SKAD CIG SBYOR BA YIN TE, GZUNG 'DZIN GYI CHOS RNAMS RDZAS THA DAD KYIS STONG PA GNYIS SU MED PA YI DE KHO NA DE NYID SKAD CIG GIS MTHONG BA'I SEMS DPA'I RNAL 'BYOR MTHAR THUG YIN PA'I PHYIR, DPER NA, RMI LAM GYI RAB KHANG KHYIM SOGS DANG NI DE MTHONG BA'I SHES PA NYID RDZAS THA DAD PA GNYIS KYI TSUL DU MI MTHONG BA LTAR RO, ,'DI'I SKABS SU MTHA' DPYAD PA LA GSUM LAS, DANG PO LA, KHA CIG ,SKAD CIG SBYOR BA BZHI PO 'GAL LO ZER NA, DE MI 'GAL BAR THAL, DE BZHI PO NGO BO GCIG LA LDOG PA THA DAD KYIS PHYE BA TZAM YIN PA'I PHYIR, DER THAL, MTSAN NYID KYIS NI RNAM PA BZHI, ,ZHES GSUNGS PA'I PHYIR, KHA CIG ,SKAD CIG MA'I SBYOR BA YIN NA, RGYUN MTHA'I SKAD CIG SBYOR BA BZHI PO GANG RUNG YIN PAS KHYAB ZER NA, RGYUN MTHA'I SBYOR BA'I LAM CHOS CAN, DER THAL, DE'I PHYIR, RTAGS SGRUB ZIN, 'DOD NA, STONG NYID MNGON SUM DU RTOGS PA'I YE SHES YIN PAR THAL, 'DOD PA'I PHYIR, KHA CIG ,MA KHYAB ZER, 'DOD MI NUS TE, CHOS CAN DE YIN PA'I PHYIR, KHA CIG ,SA BDUN PA'I YE SHES DE, RNAM PAR SMIN PA MA YIN PA'I SKAD CIG SBYOR BA DANG, SA BRGYAD PA'I YE SHES DE RNAM PAR SMIN PA'I SKAD CIG SBYOR BA DANG, SA DGU PA'I YE SHES DE MTSAN NYID MED PA'I SKAD CIG SBYOR BA @031B DANG, SA BCU PA'I YE SHES DE GNYIS SU MED PA'I SKAD CIG SBYOR BA YIN ZER NA, SA BDUN PA'I YE SHES CHOS CAN, SEMS DPA'I RNAL 'BYOR MTHAR THUG GIS BSDUS PAR THAL, SKAD CIG SBYOR BA YIN PA'I PHYIR, KHYAB STE, ,RTZA BAR, BSDUS DON DRUG GI SKABS SU, DE MTHA' ZHES PA DANG, DE'I 'GREL BAR, DE NAS KHYAD PAR DU 'GROR MED PA'I PHYIR, ZHES PA NAS, MTHAR THUG PA'I GNAS SKABS SU YIN NO, ,ZHES GSUNGS PA'I PHYIR, 'DOD NA, SA BCU PA'I YE SHES YIN PAR THAL LO; ;KHA CIG ,ZAG MED RNAM PAR SMIN PA MA YIN PA'I YON TAN GYI RIGS DUS SKAD CIG MA GCIG LA MNGON SUM DU RTOGS PA'I SEMS DPA'I RNAL 'BYOR MTHAR THUG DE, RNAM PAR SMIN BA MA YIN PA'I SKAD CIG SBYOR BA'I MTSAN NYID, ZAG MED RNAM PAR SMIN PA'I YON TAN GYI RIGS RNAMS DE LTAR RTOGS PA'I SEMS DPA'I RNAL 'BYOR MTHAR THUG DE, RNAM PAR SMIN PA'I SKAD CIG SBYOR BA'I MTSAN NYID ZER NA, RGYUN MTHA'I BAR CHAD MED LAM CHOS CAN, MTSAN NYID GNYIS PO DER THAL, MTSON BYA GNYIS PO DE'I PHYIR, DER THAL, CHOS CAN DE'I PHYIR, 'DOD NA, DE CHOS CAN, KUN RDZOB DNGOS YUL DU BYED PA'I SHES PA YIN PAR THAL, 'DOD PA'I PHYIR, 'DOD MI NUS TE, THEG CHEN GYI BAR CHAD MED LAM YIN PA'I PHYIR, KHA CIG , CHOS THAMS CAD BDEN PA'I MTSAN NYID MED PAR MNGON SUM DU RTOGS PA'I SEMS PA'I RNAL 'BYOR MTHAR THUG DE, MTSAN NYID MED PA'I SKAD CIG SBYOR BA'I MTSAN NYID DANG, GZUNG 'DZIN RDZAS THA DAD PA GNYIS SU MED PAR MNGON SUM DU RTOGS PA'I SEMS DPA'I RNAL 'BYOR MTHAR THUG DE, GNYIS SU MED PA'I SKAD CIG SBYOR BA'I MTSAN NYID ZER NA, RGYUN MTHA'I BAR CHAD MED LAM CHOS CAN, MTSAN NYID GNYIS PO DER THAL, MTSON BYA GNYIS PO DE'I PHYIR, 'DOD MI NUS TE, CHOS THAMS CAD @032A *, ,BDEN PA'I MTSAN NYID MED PA DANG, GZUNG 'DZIN RDZAS THA DAD DU MED PA GNYIS RGYUN MTHA'I BAR CHAD MED LAM GYI GZHAL BYA MA YIN PA'I PHYIR, DER THAL, DE GNYIS KUN RDZOB BDEN PA YIN PA'I PHYIR, ` , RANG GI LUGS LA, RTZOL BA RE RE'I BYED PA LA BRTEN NAS MKHYEN GSUM GYI RNAM PA BRGYA BDUN CU RTZA GSUM GO RIM MA 'CHOL BAR SGOM NUS PA'I SEMS DPA'I SBYOR BA MTHAR THUG GIS BSDUS PA'I YE SHES, SKAD CIG SBYOR BA'I MTSAN NYID, DE LA SNGAR BSHAD PA LTAR BZHI, MTSAN GZHI NI, RNAM PAR SMIN PA MA YIN PA'I YON TAN GYI RIGS RNAMS BYA RDZOGS KYI SKAD CIG MA GCIG LA MNGON SUM DU BYED NUS PA'I SKAD CIG SBYOR BA DANG PO DANG, RNAM PAR SMIN PA'I YON TAN GYI RIGS RNAMS TSUL DE LTAR MNGON SUM DU BYED NUS PA'I SKAD CIG SBYOR BA GNYIS PA DANG, CHOS THAMS CAD DON DAM PAR RANG GI MTSAN NYID KYIS MA GRUB PA DE LTAR MNGON SUM DU RTOGS NUS PA'I SKAD CIG SBYOR BA GSUM PA DANG, GZUGS DANG GZUGS 'DZIN PA'I TSAD MA RDZAS GZHAN GYIS STONG PA'I STONG NYID BYA RDZOGS KYI SKAD CIG MA GCIG LA MNGON SUM DU RTOGS NUS PA'I SKAD CIG SBYOR BA BZHI PA'I MTSAN GZHI YIN ZHING, DE YANG DANG PO GNYIS YON TAN MNGON DU BYED TSUL GYI DBANG DU BYAS SHING, PHYI MA GNYIS YUL RTOGS NUS TSUL GYI DBANG DU BYAS SO, ` ,GSUM PA RTZOD PA SPONG BA LA, KHA CIG ,RGYUN MTHA'I BAR CHAD MED LAM CHOS CAN, RNAM PAR SMIN PA'I CHOS YIN PAR THAL, RNAM PAR SMIN PA'I SKAD CIG SBYOR BA YIN PA'I PHYIR, 'DOD NA, RNAM SMIN GYI CHOS YIN PAR THAL, 'DOD PA'I PHYIR NA, MA KHYAB, KHA CIG ,DE CHOS CAN, RNAM PAR SMIN PA MA YIN PA'I CHOS YIN PAR THAL, RNAM PAR SMIN PA MA YIN PA'I SKAD CIG SBYOR BA YIN @032B PA'I PHYIR, NAM KHYAB, 'DOD MI NUS TE, RNAM PAR SMIN PA'I YON TAN YIN PA'I PHYIR, KHA CIG ,RGYUN MTHA'I BAR CHAD MED LAM CHOS CAN, MTHAR THUG GI SBYOR BA YIN PAR THAL, SBYOR BA MTHAR THUG YIN PA'I PHYIR, NA MA KHYAB, 'DOD MI NUS SO, ,KHA CIG ,RGYUN MTHA'I BAR CHAD MED LAM GYIS GZUGS DANG GZUGS 'DZIN PA'I TSAD MA RDZAS GZHAN GYIS STONG PA'I STONG NYID MNGON SUM DU RTOGS PAR THAL, DES DE BYA RDZOGS KYI SKAD CIG MA GCIG LA MNGON SUM DU RTOGS PA'I PHYIR, DER THAL, DES DE DE LTAR RTOGS NUS PA'I PHYIR, ZER NA, MA KHYAB, 'DOD MI NUS TE, THEG CHEN GYI BAR CHAD MED LAM YIN PA'I PHYIR, KHYAB STE, GZUGS DANG GZUGS 'DZIN PA'I TSAD MA RDZAS GZHAN GYIS STONG PA'I STONG NYID DE KUN RDZOB BDEN PA YIN PA'I PHYIR, KHA CIG ,RGYUN MTHA'I SBYOR BA'I LAM CHOS CAN, SEMS DPA'I RNAL 'BYOR MTHAR THUG YIN PAR THAL, DES BSDUS PA'I LAM YIN PA'I PHYIR, NA MA KHYAB, 'DOD NA, KHYOD LAS KHYAD PAR DU GYUR PA'I SLOB BA'I YE SHES MED PAR THAL, 'DOD PA'I PHYIR, 'DOD MI NUS TE, RGYUN MTHA'I BAR CHAD MED LAM DE LTAR YIN PA'I PHYIR, KHA CIG ,SBYOR BA YIN NA, SEMS DPA'I RNAL 'BYOR MTHAR THUG YIN DGOS PAR THAL, RNAM BSHAD LAS, DE LTAR GSUNGS PA'I PHYIR, ZER NA, SKYON MED DE, DE NI RGYUN MTHA'I BAR CHAD MED LAM LA DGONGS PA'I PHYIR, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI DGONGS PA GSAL BAR BYED PA MKHAS PA DGYES PA'I MCHOD SPRIN LAS SKABS LNGA PA DRUG PA BDUN PA GSUM GYI TSIG DON MTHA' DPYOD ZUNG 'BREL DU BSHAD PA RDZOGS SO,, ,,ZHES PA'I GSUNG PAR 'DI BZHIN SER SMAD GRVA TSANG GI MKHAS GRUB CHEN PO BSTAN PA DAR RGYAS KYI YIG CHA GZHIR BZUNG STE YIG CHA'I DKA' @033A *, ,GNAD MDOR BSDUS RNAMS SPROS BSHAD DANG, KHA SKONG, MTHA' DPYOD, THUN MONG MIN PA'I KHAS LEN MI GSAL BA RNAMS 'DIR GSAL YOD PAR BRTEN SNGA DUS BLO GSAL BA RNAMS NAS YIG CHA DANG ZUNG SBREL GSAN SBYONG MDZAD MUS DANG, MKHO GNAD KYANG SHIN TU CHE RUNG, GSUNG BAR CO NE DGON CHEN DU BZHUGS PA DUS 'GYUR DBANG GIS SNGAR NAS ME BZHES ZIN 'DUG PAS DA PHAN SLOB GNYER BA'I KHROD DU YIG CHA DKON GSHIS GRVA TSANG MKHAN PO RGYAL RONG BLO BZANG BSTAN 'DZIN DANG, DGE BSHES, SLOB GNYER BA RNAMS NAS YIG CHA CHA TSANG GSUNG BAR ZHIG 'GRUB THABS THUGS GNYER CHE BA DANG BCAS MKHA' MNYAM 'GRO KUN PHAN BDE'I RTZA BA ^ RGYAL BA'I LUNG RTOGS KYI BSTAN PA RIN PO CHE BSHAD SGRUB DAR RGYAS GONG 'PHEL YUN RING DU GNAS CHED SER SMAD GZHUNG PA GRVA SKU BCAR MKHAN DRUNG T'A BLA MA RONG RNAM SRAS PA THUB BSTAN NOR BZANG SHAG TSANG NAS LHAG BSAM RNAM PAR DAG PAS RGYU SBYOR 'DU 'GOD KYIS GONG GSAL YIG CHA CO NE'I PAR RNYING KHUNGS DAG RANG LAM PHYI BYAS TE RAB BYUNG BCU DRUG PA'I LCAGS PO STAG LOR GSUNG PAR DU LEGS BSKRUN THOG GRVA TSANG 'DI NYID KYI CHOS MDZOD DU BZHUGS SO GSOL BA'O,, ,,'DIR 'BAD DGE BA'I SA BON LEGS SMIN THUB PA'I RING LUGS YONGS 'DU'I LJON, ,BSTAN 'DZIN RKANG DRUG BYE BA RNAM RTZEN KUN DGA'I ME TOG PHYOGS MTHAR RGYAS, ,NA MOR LAM BZANG 'BRAS BU'I KHUR CHEN BSTAN SRID 'GRO PHAN ZUNGS SU DUD, ,BLA MED ZHI BA'I GRIB BSIL SNUM POR 'GRO BA MA LUS DBUGS 'BYIN SHOG , ,,SARBA MANGGA LAm,, ,,