@001A *, ,MKHAS GRUB SBYIN PA DAR RGYAS KYIS MDZAD PA'I CHOS 'KHOR GYI SPYI DON BLO GSAL GZHON NU'I MGRIN RGYAN ZHES BYA BA BZHUGS SO, , @001A #, ,NA MO GU RU MNYDZU GHO Sh'A YA, RGYA CHEN LUNG GI THOS PAS SGRO 'DOGS BCAD, ,SKYON BRAL SDOM PA GSUM GYIS RANG RGYUD BTUL, ,LUNG RTOGS 'KHOR LO GNYIS KYIS BSTAN PA SPEL; ;MCHOG GI BLA MA BSKAL BZANG RGYA MTSOR 'DUD, ,CES MCHOD PAR BRJOD PA SNGON DU BTANG NAS 'DIR SKABS SU BABS PA NI, RNAM PA THAMS CAD SKYE BA MED PAR THUGS SU CHUD PA GANG DANG LDAN NA; SANGS RGYAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG GI GTZO BO RNAMS SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA ZHES SOGS KYI SKABS SU 'PHROS 'GOD PA DANG, GZHUNG DON BSHAD PA GNYIS LAS, DANG PO NI, GZHUNG 'DI GANG LAS 'PHROS NA, GANG DANG YANG DAG LDAN PA'I THUB RNAMS RNAM PA KUN LDAN SNA TSOGS 'DI GSUNGS PA; ZHES PA'I GZHUNG 'DI LAS 'PHROS PA YIN TE, 'DI'I SKABS SU RJE BTZUN GYIS RNAM MKHYEN LA RTEN THABS 'BRAS BU GSUM GYI SGO NAS BSTOD PA LA, 'O NA, DE'I DGONGS PA SLOB DPON GYIS 'GREL PA 'DIR 'CHAD TSUL DE JI LTA BU YIN ZHE NA, DE'I LAN DU GZHUNG 'DI RNAMS BYUNG BA YIN PA'I PHYIR, GNYIS PA GZHUNG DON BSHAD PA LA, RTZA 'GREL GYI TSIG DON BSHAD PA, BSDUS TE PHYAG 'TSAL BA, SPYI DON BSHAD PA GSUM @002A #, ,LAS DANG PO LA, THABS GANG LA BRTEN NAS BSKOR BA, RTEN GYI GANG ZAG GANG GIS BSKOR BA, DGOS PA GANG GI PHYIR DU BSKOR BA, 'BRAS BU GANG BSKOR BA DANG BZHI'I DANG PO YOD DE, NGO BO RGYU 'BRAS LA SOGS PA RNAM PA THAMS CAD DON DAM PAR SKYE BA MED PAR THUGS SU CHUD DE MNGON SUM DU RTOGS PA'I RNAM MKHYEN LA BRTEN NAS BSKOR BA'I PHYIR ZHES 'CHAD PA LA, RNAM PA ZHES PA NAS GANG DANG LDAN NA ZHES PA'I BAR GSUNGS, GANG ZHES PA SPYI'I SGRA YIN KYANG SKABS 'DI'I GANG ZHES PA NI, RNAM MKHYEN KHO NA LA 'JUG PA YIN TE, 'DI'I GANG ZHES PA'I SGRA DE SKABS THOB DANG, KHYAD PAR GYI TSIG DANG 'BREL BA GANG GI DBANG DU BYAS KYANG RNAM MKHYEN KHO NA LA 'JUG PA'I PHYIR, DER THAL, MKHYEN PA SNGA MA GNYIS LA BSTOD ZIN PAS GZHUNG 'DI RNAM MKHYEN LA BSTOD PA'I SKABS YIN PA'I PHYIR DANG, SANGS RGYAS YANG DAG PAR BSDAMS PA'I SKU CAN ZHES PA'I KHYAD PAR GYI TSIG DANG 'BREL BA'I SGO NAS KYANG RNAM MKHYEN KHO NA LA 'JUG PA'I PHYIR, 'DI NI, RTZA BA'I TSIG RKANG GSUM PA LA YANG RIGS 'DRA BA YIN TE, LEGS BSHAD GSER PHRENG LAS, GANG SPYI SGRA YIN PA'I PHYIR BYE BRAG RNAM MKHYEN LA JI LTAR GO ZHE NA, SPYI SGRA YIN YANG KHYAD PAR GYI @002B TSIG THUB RNAMS DANG 'BREL BA'I PHYIR GO'O, ,GZHAN YANG MKHYEN PA GSUM LA BSTOD PA LAS GNYIS LA BSTOD ZIN PA'I LHAG MAR GYUR BAS GO NUS LA, DON GYI SHUGS KYIS KYANG RNAM MKHYEN GO STE, 'ONGS SO, ,ZHES PAS SKYES BU ZHIG GI LA GO BA ZHES DANG, RNAM BSHAD SNYING PO RGYAN LAS, GANG ZHES PA SPYI'I SGRA YIN YANG, MKHYEN GSUM LA BSTOD PA'I SKABS DANG, GZHAN GNYIS LA BSTOD ZIN PA'I SHUGS DANG, THUB PA'I TSIG DANG 'BREL PAS RNAM MKHYEN KHO NA LA GO BAR 'GYUR RO, ,ZHES GSUNGS PA'I PHYIR, RTEN GYI GANG ZAG GANG GIS BSKOR ZHE NA, SANGS RGYAS LUS NGAG YID GSUM GYI SGO NAS SROG GCOD, MA BYIN LEN, LOG GA-YEM, RDZUN, PHRA MA, TSIG RTZUB, NGAG 'KHYAL, BRNAB SEMS, GNOD SEMS, LOG LTA STE MI DGE BCU SOGS MI MTHUN PA'I PHYOGS LAS YANG DAG PAR BSDAMS PA'I SKU CAN, ZHI LHAG ZUNG 'BREL GYI RNAL 'BYOR CAN GYI DBANG PHYUG NYAN RANG DANG, BYANG SEMS RNAMS KYI GTZO BO DES BSKOR ZHES 'CHAD PA LA, SANGS RGYAS ZHES PA NAS GTZO BO RNAMS ZHES PA'I BAR GSUNGS, NYAN RANG BYANG SEMS RNAMS LA RNAL 'BYOR CAN GYI DBANG PHYUG CES BRJOD PA'I RGYU MTSAN YOD DE, TSANGS PA DANG, BRGYA BYIN DANG, LHA DBANG PHYUG SOGS ZHI LHAG ZUNG 'BREL GYI RNAL 'BYOR CAN YIN LA, DE DAG LAS NYAN RANG SOGS ZHI LHAG ZUNG @003A *, ,'BREL GYI RNAL 'BYOR LHAG PA'I RGYU MTSAN GYIS DE LTAR BRJOD PA'I PHYIR, SANGS RGYAS BCOM LDAN 'DAS LA DBANG PHYUG GI GTZO BO ZHES BRJOD PA'I RGYU MTSAN YOD DE, NYAN RANG SOGS LAS SPANGS RTOGS LHAG PA'AM, YANG NA NYAN RANG DAG LAS LHAG PA'I CHOS KYI DBANG PHYUG PHUN SUM TSOGS PA MNGA' ZHING, DE DAG LA BKAS MNGA' BSGYUR BAS NA, DE LTAR BRJOD PA'I PHYIR, DE LTAR YANG GSER PHRENG LAS, SKU GSUNG THUGS NYES SPYOD MTHA' DAG LAS YANG DAG PAR BSDAMS PA'I SKU CAN, DBANG PHYUG LA SOGS PA LAS RNAL 'BYOR LHAG PAS RNAL 'BYOR CAN GYI DBANG PHYUG STE, NYAN RANG BYANG SEMS DE DAG LAS KYANG SPANGS RTOGS LHAG PAS DE DAG GI GTZO BO STE, GTZUG GI NOR BU LTA BU'I SANGS RGYAS RNAMS KYI GO 'PHANG ZHES DANG, RNAM BSHAD LAS, SANGS RGYAS SGO GSUM MI MTHUN PHYOGS LAS YANG DAG PAR BSDAMS PA'I SKU CAN, ZHI LHAG ZUNG 'BREL GYI RNAL 'BYOR CAN GYI DBANG PHYUG NYAN RANG DAG LAS CHOS KYI DBANG PHYUG PHUN SUM TSOGS PA MNGA' ZHING, DE DAG LA BKAS MNGA' BSGYUR BAS NA, GTZO BO RNAMS KYIS SO, ,ZHES GSUNGS PA'I PHYIR, DGOS PA GANG GI PHYIR DU BSKOR ZHE NA, GDUL BYA'I RGYUD KYI NYON MONGS BRGYAD KHRI BZHI STONG GI GNYEN PO STON PA'I PHYIR DU BSKOR ZHES @003B 'CHAD PA LA, SPYOD PA'I GNYEN POR ZHES GSUNGS, 'BRAS BU GANG BSKOR ZHE NA, RJOD BYED CHOS KYI PHUNG PO BRGYAD KHRI BZHI STONG GI RANG BZHIN CAN GYI BRJOD BYA THABS SHES KYI CHA YONGS SU RDZOGS PA'I MDO SDE RIN PO CHE 'DI BSKOR BAR MDZAD CES 'CHAD PA LA, CHOS KYI 'KHOR LO ZHES PA NAS BSKOR BAR MDZAD CES PA'I BAR GSUNGS, 'O NA, MA LUS PA DANG, THABS CAD GNYIS KA SMOS PA'I RGYU MTSAN GANG YIN ZHE NA, DE YOD DE, MA LUS PA ZHES RJOD BYED DANG, THAMS CAD CES PA BRJOD BYA LA 'JUG PA'I PHYIR, RNAM BSHAD LAS, CHOS PHUNG BRGYAD KHRI BZHI STONG GI RANG BZHIN GYI CHOS KYI 'KHOR LO MA LUS PA BRJOD BYA THAMS KYI RNAM PA YONGS SU RDZOGS PA'I RNAM PA THAMS CAD BSKOR BA'O, ,ZHES GSUNGS, KHO CIG, RNAM PA THAMS CAD DU BSKOR BAR MDZAD PA ZHES 'DON PA NI, MI 'THAD DE, 'GREL BAR RNAM PA RNAMS CAD BSKOR BAR MDZAD CES PA MA GTOGS THAMS CAD DU ZHES MA BSHAD PA'I PHYIR DANG, RNAM BSHAD GSER PHRENG KAR DE LTAR MA BSHAD PA'I PHYIR TE, RJE BTZUN CHOS KYI RGYAL MTSAN GYI SPYI DON LAS, KHA CIG, RNAM PA THAMS CAD DU BSKOR BAR MDZAD CES 'DON PA MI 'THAD DE, t'IK CHEN GNYIS DANG, GZHUNG TSAD LDAN GANG NAS KYANG DU TSIG BSHAD PA MA MDZAD CING, RNAM PA THAMS CAD BSKOR BAR MDZAD CES PA NI, RTZA BAR RNAM PA KUN LDAN SNA TSOGS 'DI @004A *, ,GSUNGS ZHES PA'I DON 'CHAD BYED YIN PA'I PHYIR ZHES GSUNGS PA'I PHYIR, GNYIS PA BSDUS TE PHYAG 'TSAL BA DE 'CHAD PA LA, SANGS RGYAS NYAN THOS LA SOGS PAS YONGS SU BSKOR BA DE SGRUB BAR BYED PA NYID KYI YUM DE LA PHYAG 'TSAL LO, ,ZHES BSHAD PA 'DI'I SKABS KYI BSKOR ZHES PA 'KHOR GYIS BSKOR BA LA BYED RIGS TE, RTZA BAR, NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA PHYAG 'TSAL LO, ,ZHES DANG, 'GREL PAR, SANGS RGYAS NYAN THOS LA SOGS PAS YONGS SU BSKOR BA DE ZHES PA'I BSKOR BA DANG, NYI KHRI RNAM 'GREL LAS, SANGS RAYGS NYAN THOS BYANG CHUB SEMS DPA'I YUM DE LA PHYAG 'TSAL LO, ,ZHES DANG, 'GREL BAR, SANGS RGYAS NYAN LA SOGS PAS YONGS SU BSKOR BA DANG, ZHES GSUNGS PA'I PHYIR, DE LA BSKOR YUL DANG, BSKOR MKHAN NI, YUM MKHYEN PA GSUM SRAS 'PHAGS PA BZHIS BSKOR BA LA BYED PA YIN TE, GSER 'PHRENG LAS, YUM DE YANG JI LTA BU YIN ZHE NA, SANGS RGYAS NYAN THOS RANG RGYAL BYANG SEMS TE, SRAS BZHIS YONGS SU BSKOR BA SNGAR BSHAD PA DE RNAMS KYI BZHED DON DE SGRUB PAR BYED PA GANG ZHIG ,SGRUB PAR BYED PA DE NYID KYIS DE DAG GI YUM DU BZHAG PA ZHIG GO ,ZHES DANG, YANG DE NYID LAS, DES NA BCAS PA DANG LDAN PA NI, 'DIR YUM LA GO DGOS SO, ,BSKOR BA'I @004B DON YANG YUM SRAS LA GTZO 'KHOR GYI THA SNYAD YOD PA DE TZAM LA BSAM MO, ,ZHES DANG, DE DAG GI DON YANG GZHI SHES DE NYAN RANG 'PHAGS PA'I BZHED DON SGRUB BYED YIN ZHING, LAM SHES DE BYANG SEMS 'PHAGS PA'I BZHED DON SGRUB BYED YIN LA, RNAM MKHYEN DE, SANGS RGYAS 'PHAGS PA'I BZHED DON SGRUB BYED YIN PA'I PHYIR DE DAG LA YUM SRAS KYI THA SNYAD BYAS PA YIN GYI, DE DAG YUM SRAS NI MA YIN TE, GZHI SHES DANG, NYAN RANG 'PHAGS PA RNAMS YUM SRAS MA YIN PA'I PHYIR, DER THAL, DE RNAMS BSKYED BYA SKYED BYED MA YIN PA'I PHYIR TE, DE RNAMS DUS MNYAM DU GRUB PA'I PHYIR, DE BZHIN DU PHYI MA GNYIS LA'ANG RIGS 'DRA ZHING, NYAN RANG 'PHAGS PA RNAMS GZHI SHES KYI DON BSGRUB BYA YIN KYANG DE'I SRAS MA YIN PA SOGS PHYI MA GNYIS LA'ANG SHES PAR BYA'O, ,GSUM PA SPYI DON BSHAD PA LA, CHOS 'KHOR GYI MTSAN NYID, DBYE BA, DRANG NGES KYI MDO'I KHYAD PAR, CHOS PHUNG GI TSAD, CHOS 'KHOR GYI SGRA BSHAD LNGA LAS, DANG PO NI, BKA' DANG LAM ZHUGS KYI MNGON RTOGS GANG RUNG GIS BSDUS PA'I DAM CHOS, CHOS 'KHOR GYI MTSAN NYID, GNYIS PA NI, DE LA DBYE NA, RTOGS PA'I CHOS 'KHOR DANG, LUNG GI CHOS 'KHOR GNYIS LAS, DANG PO NI, LAM ZHUGS KYI MNGON PAR RTOGS PAS BSDUS PA'I DAM CHOS DE, RTOGS PA'I CHOS 'KHOR GYI MTSAN NYID, DE LA DBYE NA, LAM LNGA GSUM BCO LNGA YOD, RTOGS PA'I CHOS 'KHOR YIN NA, LAM LNGA GSUM @005A *, ,BCO LNGA PO GANG RUNG YIN PAS MA KHYAB STE, THEG DMAN DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI MKHYEN PA DE, LAM LNGA GSUM BCO LNGA GANG RUNG MA YIN TE, DE NYAN THOS KYI LAM LNGA PO GANG RUNG MA YIN PA GANG ZHIG ,RANG RGYAL GYI LAM LNGA PO GANG RUNG MA YIN, THEG CHEN GYI LAM LNGA PO GANG RUNG MA YIN PA'I PHYIR, DANG PO GRUB STE, DE NYAN THOS KYI RGYUD KYI MKHYEN PA MA YIN PA'I PHYIR, PHYI MA GNYIS LA YANG RIGS 'DRA'O, ,'O NA LAM LNGA GSUM BCO LNGA PO DE'I NANG NA SO SKYE'I LAM YIN PA DU YOD, 'PHAGS LAM YIN PA DU YOD CE NA, SO SKYE'I LAM KHO NA YIN PA GNYIS DANG, 'PHAGS LAM KHO NA YIN PA DGU DANG, SO SKYE'I LAM DANG, 'PHAGS LAM GANG YANG MA YIN PA BZHI YOD DE, NYAN THOS KYI TSOGS SBYOR GNYIS SO SKYE'I LAM KHO NA DANG, NYAN THOS KYI MTHONG LAM SGOM LAM MI SLOB LAM GSUM DANG, RANG RGYAL GYI DE GSUM DANG, THEG CHEN GYI DE GSUM NI, 'PHAGS LAM KHO NA YIN ZHING, RANG RGYAL GYI TSOGS SBYOR GNYIS DANG, THEG CHEN GYI TSOGS SBYOR GNYIS NI, SO SKYE'I LAM DANG 'PHAGS LAM GANG YANG MA YIN PA'I PHYIR, DE BZHI LA SO SKYE'I LAM YIN PA YANG YOD, 'PHAGS LAM YIN PA YANG YOD PAS DE DAG RDZAS SPYI YIN PA'I PHYIR, RANG RGYAL GYI TSOGS LAM DANG SBYOR LAM GNYIS LA SO SKYE'I LAM YIN PA YOD DE, NYAN THOS KYI LAM SNGON DU MA SONG BA'I RANG RGYAL GYI @005B TSOGS SBYOR GNYIS SO SKYE KHO NA'I LAM YIN PA'I PHYIR, 'PHAGS PA'I LAM YIN PA YOD DE, SPANG BYA GCIG CAR BA'I RGYUN ZHUGS KYI RTOGS PA SNGON DU SONG BA'I RANG RGYAL GYI TSOGS SBYOR GNYIS 'PHAGS LAM YIN PA'I PHYIR, THEG CHEN GYI TSOGS SBYOR GNYIS LA SO SKYE'I LAM YIN PA YOD DE, DMAN LAM SNGON DU MA SONG BA'I THEG CHEN GYI TSOGS SBYOR GNYIS SO SKYE KHO NA'I LAM YIN PA'I PHYIR, 'PHAGS LAM YIN PA YOD DE, THEG DMAN DGRA BCOM GYI RTOGS PA SNGON DU SONG BA'I THEG CHEN GYI TSOGS SBYOR GNYIS 'PHAGS LAM YIN PA'I PHYIR, SPYIR DE LTAR YIN KYANG GANG DANG YANG DAG LDAN PAS THUB RNAMS ZHES PA'I SKABS NAS DNGOS SU BSTAN PA'I RTOGS PA'I CHOS 'KHOR YIN NA, THEG CHEN MI SLOB LAM YIN PAS KHYAB STE, DE YIN NA, RNAM MKHYEN YIN DGOS PA'I PHYIR, DE YIN NA, RNAM MKHYEN SKAD CIG GNYIS PA PHYIN CHAD KYI MKHYEN PA YIN DGOS PA'I PHYIR, DE YIN NA, MCHOG GI SPRUL SKU'I RGYUD KYI RNAM MKHYEN YIN DGOS PA'I PHYIR, BYE BRAG SMRA BA KHA CIG, MTHONG LAM KHO NA RTOGS PA'I CHOS 'KHOR DU 'DOD PA YIN TE, GSER PHRENG LAS, BYE BRAG SMRA BA RNAMS MTHONG LAM KHO NA CHOS 'KHOR DU 'DOD DE, LNGA SDE LA W'A RA n'A SIR CHOS BSTAN PAS KUN SHES KO'U D'I NA-YA LA MTHONG LAM SKYES PA NA GNOD SBYIN RNAMS KYI CHOS KYI 'KHOR LO BSKOR ZHES BSGRAGS PA DANG, 'KHOR LO RIN PO CHE DANG CHOS MTHUN PA MTHONG LAM LA YOD PA'I PHYIR, SNYAM DU BSAMS SO, , @006A *, ,ZHES GSUNGS PA'I PHYIR, BYE BRAG SMRA BA'I BTZUN PA DBYANGS SGROG NI, 'PHAGS LAM YAN LAG BRGYAD KHO NA CHOS 'KHOR DU 'DOD PA YIN TE, 'KHOR LO RIN PO CHE DANG BYED LAS MTSUNGS PA DE, BRGYAD KHO NA LA YOD PA'I PHYIR, YANG DAG PA'I LTA BA 'PHAGS LAM YAN LAG ,YANG DAG PA'I RTOG PA 'PHAGS LAM YAN LAG ,YANG DAG PA'I RTZOL BA 'PHAGS LAM YAN LAG GSUM NI, GCOD PAR BYED PA'I RTZIBS DANG CHOS MTSUNGS PA YIN TE, DE GSUM LHAG PA SHES RAB KYI BSLAB PA YIN PAS, RANG GI MI MTHUN PHYOGS 'JOMS BYED YIN PA'I PHYIR, YANG DAG PA'I NGAG 'PHAGS LAM YAN LAG ,YANG DAG PA'I LAS KYI MTHA' 'PHAGS LAM YAN LAG ,YANG DAG PA'I 'TSO BA 'PHAGS LAM YAN LAG NI, RTEN PAR BYED PA'I LTE BA DANG CHOS MTSUNGS PA YIN TE, DE GSUM LHAG PA TSUL KHRIMS KYI BSLAB PA YIN PAS BSLAB PA GZHAN GNYIS KYI RTEN BYED PA'I PHYIR, YANG DAG PA'I DRAN PA 'PHAGS LAM YAN LAG DANG, YANG DAG PA'I TING NGE 'DZIN 'PHAGS LAM YAN LAG NI, SDUD PAR BYED PA'I MU KHYUD DANG CHOS MTSUNGS PA YIN TE, DE GNYIS LHAG PA TING NGE 'DZIN GYI BSLAB PA YIN PAS SEMS DMIGS PA LA SDUD BYED YIN PA'I PHYIR, BYE BRAG SMRA BA'I NANG TSAN 'GA' ZHIG GI 'DOD PA DE LTAR YIN KYANG SPYIR BYE BRAG @006B SMRA BAS DE LTAR MI 'DOD DE, BYE BRAG SMRA BAS BKA' YIN NA, LUNG GI CHOS 'KHOR YIN PAS KHYAB PA DANG, LAM YIN NA, RTOGS PA'I CHOS 'KHOR YIN PAS KHYAB PA KHAS LEN PA'I PHYIR, MDZOD 'GREL LAS, LUNG NI; MDO SDE DANG, 'DUL BA DANG, CHOS MNGON PA RNAMS SO, ,ZHES DANG, RTOGS PA NI, BYANG CHUB KYI PHYOGS DANG MTHUN PA'I CHOS RNAMS SO, ,ZHES DANG, 'PHAGS PA'I LAM THAMS CAD KYANG GDUL BYA'I RGYUD LA 'JUG PA'I PHYIR CHOS KYI 'KHOR LO YIN TE, ZHES GSUNGS PA'I PHYIR, KHA CIG ,BYE BRAG SMRA BA'I LUGS LA LUNG GI CHOS 'KHOR LA BDEN BZHI'I CHOS 'KHOR DANG, RTOGS PA'I CHOS 'KHOR LA BDEN BZHI RTOGS PA'I MTHONG LAM GYIS KHYAB PAR 'DOD KYANG RANG LUGS NI, SNGAR BSHAD PA LTAR 'DOD DGOS TE, DRUNG CHEN DNGOS GRUB RGYA MTSO'I MDZOD GNAS BRGYAD PA LAS, SANGS RGYAS KYI BKAS BSDUS PA'I DAM CHOS, LUNG GI CHOS 'KHOR GYI MTSAN NYID, MTSAN GZHI NI, SDE SNOD GSUM LTA BU LA BYED DE, RANG 'GREL LAS, LUNG NI, ZHES SOGS DRANGS SHING, LAM ZHUGS KYI MNGON PAR RTOGS PA'I DAM CHOS, RTOGS PA'I CHOS 'KHOR GYI MTSAN NYID, MTSAN GZHI NI, BYANG PHYOGS SO BDUN LTA BU LA BYED DE, RANG 'GREL LAS, RTOGS PA NI, ZHES SOGS MDZOD RANG 'GREL GYI LUNG DRANGS @007A *, ,NAS GSUNGS PA'I PHYIR, BYAS PA LA KHO NA RE, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES PA'I MDO CHOS CAN, LUNG GI CHOS 'KHOR YIN PAR THAL, SANGS RGYAS KYI BKA' YIN PA'I PHYIR, 'DOD NA, STON PA MNGON PAR RDZOGS PAR SANGS RGYAS NAS ZHAG BZHI BCU ZHE DGU'I BAR DU CHOS KYI 'KHOR LO MA BSKOR BAR BSHAD PA MI 'THAD PAR THAL, 'DOD PA'I PHYIR ZER NA, SKYON MED DE, DE'I BAR DU CHOS 'KHOR MA BSKOR KYANG DE'I GONG DU BSKOR BA'I LUNG GI CHOS 'KHOR YOD PAR KHAS LEN PA'I PHYIR, KHO NA RE, RGYUD SDE SPYI RNAM LAS, ZHAG BZHI BCU ZHE DGU 'DAS NAS W'A RA n'A SIR CHOS KYI 'KHOR LO BSKOR RO, ,DE NI, BDEN PA BZHI'I CHOS KYI 'KHOR LO YIN LA, CHOS 'KHOR DE LAS GZHAN BSKOR BAR MI 'DOD DE, ZHES GSUNGS PA MI 'THAD PAR THAL, LUNG GI CHOS 'KHOR YIN NA, BDEN BZHI'I CHOS 'KHOR YIN PAS MA KHYAB PA'I PHYIR ZER NA, SKYON MED DE, LUNG DE NI, STON PA MNGON PAR RDZOGS PAR SANGS RGYAS PA'I LO HOR ZLA DRUG PA'I TSES BZHI'I NYIN BDEN BZHI'I CHOS 'KHOR LAS GZHAN PA'I LUNG GI CHOS 'KHOR MA BSKOR ZHES PA'I DON YIN @007B PA'I PHYIR, DES NA, BYE BRAG SMRA BA'I LUGS LA, 'KHOR LO BAR THA GSUM GYI THA SNYAD MED KYANG, 'KHOR LO DANG PO BDEN BZHI'I CHOS 'KHOR DU 'DOD CING, DE LA BCO LNGA YOD DE, BZLAS PA'I SGO NAS DBYE BA GSUM; BYED CHOS RNAM DAG GI SGO NAS DBYE BA BCU GNYIS YOD PA'I PHYIR, DANG PO GSUM YOD DE, NGO BO LA BZLAS PA, BYA BA LA BZLAS PA, BYED PA 'BRAS BU DANG BCAS PA LA BZLAS PA GSUM YOD PA'I PHYIR, DANG PO YOD DE; DGE SLONG DAG ,'DI NI, SDUG BSNGAL 'PHAGS PA'I BDEN PA'O, ,'DI NI, KUN 'BYUNG 'PHAGS PA'I BDEN PA'O, ,'DI NI, 'GOG PA 'PHAGS PA'I BDEN PA'O, ,'DI NI, LAM 'PHAGS PA'I BDEN PA'O, ,ZHES PA LTA BU DE YIN PA'I PHYIR, GNYIS PA YOD DE, SDUG BSNGAL SHES PAR BYA, KUN 'BYUNG SPANG PAR BYA, 'GOG PA MNGON DU BYA, LAM BSGOM PAR BYA, ZHES PA LTA BU DE YIN PA'I PHYIR, GSUM PA YOD DE, SDUG BSNGAL SHES PAR BYA STE, SHES PAR BYAR MED, KUN 'BYUNG SPANG BAR BYA STE, SPANG BAR BYAR MED, 'GOG PA MNGON DU BYA STE, MNGON DU BYAR MED, LAM BSGOM PAR BYA STE, BSGOM PAR BYAR MED CES PA LTA BU DE YIN PA'I PHYIR, BYED CHOS RNAM DAG GI SGO NAS DBYE BA BCU GNYIS YOD DE, BDEN PA BZHI PO SO SO'I NGO BO LA BZLAS PA, BYA BA LA BZLAS PA, BYED PA 'BRAS BU DANG BCAS PA LA BZLAS PA'I BDEN BZHI'I CHOS 'KHOR BZHI GSUM BCU GNYIS YOD PA'I PHYIR, @008A *, ,'O NA; 'DI'I GZHUNG MANG POR NGO BO LA BZLAS PA'I TSE DANG POR RIG PA SKYES, DE RJES BLO SKYES, DE RJES MIG SKYES, DE RJES SHES PA SKYES ZHES DANG, BYA BA LA BZLAS PA DANG, BYE BA 'BRAS BU DANG BCAS PA LA BZLAS PA'I TSE YANG RIG PA SOGS BZHI BZHI SKYES ZHES GSUNGS PA'I DON GANG YIN ZHE NA, DE YOD DE, DE RNAMS RIM BZHIN THEG DMAN GYI SBYOR LAM, MTHONG LAM, SGOM LAM, MI SLOB LAM BZHI LA SBYAR TE RIG PA SOGS KYI MING GIS BTAGS NAS BSHAD PA YIN PA'I PHYIR, BZLAS PA GSUM GYI SKABS SU LNGA SDE'I RGYUD LA LAM SKYES TSUL YOD DE, BU STON CHOS 'BYUNG LAS, BZLAS PA DANG PO LA KO'U D'I NYA DANG, LHA MANG PO LA MTHONG LAM SKYES, GNYIS PA LA KO'U D'I NYAS DGRA BCOM, TSE DANG LDAN PA RTA THUL, RLANGS PA, MING CHEN, BZANG LDAN TE GZHAN BZHI LA MTHONG LAM SKYES, GSUM PA LA BZHI POS DGRA BCOM STE, DNGOS KYI DGOS PA'O; ;ZHES GSUNGS PA LTAR YIN CING, DE DAG GIS MTHONG LAM THOB PA'I TSE SO SO'I DGE SLONG GI SDOM PA YANG THOB PA YIN PA'I PHYIR, 'O NA, DE'I GONG NAS DGE SLONG ZHES BOS PA MI 'THAD DAM ZHE NA, SKYON MED DE, DE MA THAG TU DGE SLONG DU 'GYUR BA LA DGONGS NAS DE LTAR GSUNGS PA'I PHYIR, GNYIS PA LA, CHOS 'KHOR GANG ZHIG ,SANGS RGYAS KYI BKAR DMIGS PA DE, LUNG GI CHOS 'KHOR GYI MTSAN NYID, DE LA BRJOD @008B BYA'I SGO NAS DBYE NA, BKA' DANG PO BDEN BZHI'I CHOS 'KHOR, BAR PA MTSAN NYID MED PA'I CHOS 'KHOR, THA MA LEGS PAR RNAM PAR PHYE BA'I CHOS 'KHOR GSUM LAS, BDEN BZHI DNGOS KYI BSTAN BYA'I GTZO BOR BYAS NAS STON PA'I THEG DMAN THUN MONG MA YIN PA'I MDO DE, BKA' DANG PO BDEN BZHI'I CHOS 'KHOR GYI MTSAN NYID, MTSAN GZHI NI, CHOS KYI 'KHOR LO'I MDO LTA BU, STONG NYID DNGOS KYI BSTAN BYA'I GTZO BOR BYAS NAS STON PA'I THEG CHEN THUN MONG MA YIN PA'I MDO DE, BKA' BAR PA MTSAN NYID MED PA'I CHOS 'KHOR GYI MTSAN NYID, MTSAN GZHI NI, YUM RGYAS 'BRING BSDUS GSUM LTA BU'O, ,MTSAN NYID GSUM LA SEMS TZAM PA'I 'DOD PA LTAR GYI BDEN PAR GRUB MA GRUB KYI KHYAD PAR GSAL BAR PHYE NAS STON PA'I THEG PA THUN MONG BA'I MDO DE, BKA' THA MA LEGS PAR RNAM PAR PHYE BA'I CHOS 'KHOR GYI MTSAN NYID; MTSAN GZHI NI, MDO SDE DGONGS 'GREL DANG, DON DAM YANG DAG 'PHAGS ZHUS KYI LE'U LTA BU YIN GYI, BYANG CHUB SEMS DPA' DON ZAB DGONGS PA NGES 'GREL, TSUL BZHIN KUN TU 'DRI BA, CHOS 'PHAGS BLO GROS RNAM DAG ,BLO GROS YANGS PA, YON TAN 'BYUNG GNAS, DON DAM YANG DAG 'PHAGS, BYAMS PA, 'JAM DBYANGS, SPYAN RAS GZIGS KYIS ZHUS PA'I LE'U STE, MDO SDE DGONGS 'GREL LA DRIS @009A *, ,LAN GYI LE'U BCU YOD PA LAS, DON DAM YANG DAG 'PHAGS ZHUS KYI LE'U MA GTOGS GZHAN RNAMS 'KHOR LO THA MA MA YIN TE, RNAM BSHAD SNYING PO'I RGYAN LAS, YANG KHA CIG , 'DI NI BLA NA MA MCHIS PA ZHES NYE TSIG SMOS PA'I MTSAN GZHIR MDO SDE DGONGS 'GREL RIL PO 'DZIN PA YANG MI 'THAD DE, DER SA BCU'I DBANG PHYUG GI BYANG CHUB SEMS DPA' BCUS STON PA LA DRI BA MI 'DRA BA RE RE MDZAD PA'I DRIS LAN GZHAN RNAMS 'DI'I MTSAN GZHIR 'BREL BA MED PA'I PHYIR RO, ,ZHES GSUNGS PA'I PHYIR, 'KHOR LO GSUM PO DE YANG BRJOD BYA'I SGO NAS 'JOG PA YIN TE, 'KHOR LO DANG POS GANG ZAG GI BDAG MED BRJOD BYA'I GTZO BOR BYAS NAS BSTAN, GNYIS PAS CHOS KYI BDAG MED PHRA MO BRJOD BYA'I GTZO BOR BYAS NAS BSTAN, GSUM PAS CHOS KYI BDAG MED RAGS PA BRJOD BYA'I GTZO BOR BYAS NAS BSTAN PA'I PHYIR, DE LAS GZHAN 'KHOR 'DI TZAM LA GSUNGS PA 'KHOR LO DANG PO DANG, 'DI TZAM LA GSUNGS PA 'KHOR LO BAR PA DANG, 'DI TZAM LA GSUNGS PA 'KHOR LO THA MA ZHES 'KHOR GYI 'DU THEBS DANG, STON PA'I SKU TSE'I STOD LA GSUNGS PA DANG PO DANG, BAR LA GSUNGS PA BAR PA DANG, SMAD LA GSUNGS PA THA MA ZHES DUS TSIGS KYI SGO NAS MI 'JOG STE, DRANG NGES RNAM 'BYED @009B LAS; DGONGS 'GREL LAS 'KHOR LO RIM PA GSUM GSUNGS PA NI, 'KHOR GYI 'DU THEBS DANG, STON PA'I SKU TSE'I TSIGS LA SOGS PA'I NGOS NAS 'JOG PA MA YIN GYI, BRJOD BYA'I NGOS NAS YIN NO, ,DE YANG BDAG MED PA'I DON GTAN LA 'BEBS PA'I DBANG DU BYAS PA STE, ZHES GSUNGS PA'I PHYIR RO, ,LUNG GI CHOS 'KHOR LA GNYEN PO'I SGO NAS DBYE NA, CHOS PHUNG BRGYAD KHRI BZHI STONG YOD DE, 'DOD CHAGS LA SPYOD PA NYI KHRI CHIG STONG, ZHE SDANG LA SPYOD PA NYI KHRI CHIG STONG, GTI MUG LA SPYOD PA NYI KHRI CHIG STONG, DUG GSUM CHA MNYAM LA SPYOD PA NYI KHRI CHIG STONG YOD PA'I PHYIR, BRGYAD KHRI BZHI STONG PO DE YANG GSUNG RAB YAN LAG BCU GNYIS SU 'DU ZHING, YAN LAG BCU GNYIS NI, BRGYAD STONG 'GREL PA SNYING PO MCHOG LAS, MDO SDE DBYANGS BSNYAD LUNG BSTAN DANG, ,TSIGS BCAD CHED BRJOD GLONG GZHI DANG, ,RTOGS BRJOD DE LTAR BYUNG BA DANG, ,SKYES RABS SHIN TU RGYAS PA DANG, ,RMAD BYUNG GTAN LA PHAB PA'I SDE, ,GSUNG RAB YAN LAG BCU GNYIS YIN, ,ZHES GSUNGS PA LTAR RO, ,BCU GNYIS PO DE YANG DGUR 'DU BA YIN TE, DANG PO LNGA DANG, THA MA GSUM RE RE BYAS NAS BRGYAD DANG, GTZO BO GLENG GZHI'I SDE DANG, 'KHOR RTOGS BRJOD KYI SDE, DE LTA BU BYUNG BA'I SDE, SKYES PA RABS KYI SDE BZHI GCIG TU BSDUS @010A *, ,NAS DGUR 'JOG PA'I PHYIR TE, DE LTAR YANG LANG KAR GSHEGS PA'I 'GREL PAR BSHAD PA'I PHYIR TE, DE SKAD DU GSER PHRENG LAS, GSUNG RAB YAN LAG DGU ZHES PA LTAR GLENG GZHI GTZO 'KHOR BZHI GCIG TU BYED PAR YANG LANG GSHEGS KYI 'GREL PAR BSHAD DO, ,ZHES DANG, RGYUD SDE SPYI RNAM LAS, GLENG GZHI, RTOGS BRJOD, DE LTA BU BYUNG, SKYES RABS DANG BZHI GCIG TU BSDUS PA NI, GSUNG RAB YAN LAG DGU'O, ,ZHES GSUNGS PA'I PHYIR, BCU GNYIS PO DE SDE SNOD GSUM DU 'DU BA YIN TE, GSER PHRENG LAS, DE YANG BSDU NA, SDE SNOD GSUM DU 'DU BAR 'GYUR TE, 'DI LTAR MDO SDE DANG, DBYANGS KYIS BSNYAD PA DANG, LUNG DU BSTAN PA DANG, TSIGS SU BCAD PA DANG, CHED DU BRJOD PA'I SDE DANG LNGA NI, NYAN THOS KYI MDO SDE'I SDE SNOD DANG, GTZO BO GLENG GZHI'I SDE DANG, 'KHOR RTOGS BRJOD, DE LTAR BYUNG, SKYES RABS KYI SDE DANG BZHI NI, 'DUL BA'I SDE SNOD DANG, RMAD DU BYUNG BA'I SDE DANG, SHIN TU RGYAS PA'I SDE GNYIS BYANG SEMS KYI MDO SDE'I SDE SNOD DANG, GTAN LA PHAB PAR BSTAN PA'I SDE NI, THEG PA CHE CHUNG GNYIS KA'I MNGON PA'I SDE SNOD DO, ,ZHES DANG, RGYUD SDE SPYI RNAM LAS, GSUNG RAB YAN LAG BCU GNYIS KYI DANG PO LNGA NI, THEG @010B DMAN GYI MDO SDE'I SDE SNOD DANG, DE NAS BZHI NI, 'DUL BA'I SDE SNOD DE, DE LA THEG PA GNYIS KA'I 'DUL BA'I SDE SNOD YOD DO, ,THA MA GSUM NI, THEG CHEN GYI MDO SDE'I SDE SNOD DANG, ZHES GSUNGS PA'I PHYIR; BCU GNYIS PO DE SDE SNOD GSUM DU BSDUS PA'I RGYU MTSAN YOD DE, MDO SDE RGYAN LAS, SDE SNOD DAG NI GSUM MAM GNYIS KYANG RUNG, ,BSDUS PA'I PHYIR TE RGYU NI DGUR 'DOD DO, ,ZHES GSUNGS PA LTAR, GNYEN PO'I SGO NAS KYANG SDE SNOD GSUM DU 'JOG ,BRJOD BYA'I SGO NAS KYANG GSUM DU 'JOG ,BRJOD BYA STON TSUL GYI SGO NAS KYANG GSUM DU 'JOG PA'I PHYIR, DANG PO GRUB STE, MNGON PA KUN BTUS LAS, CI'I PHYIR DE BZHIN GSHEGS PA RNAMS KYIS SDE SNOD GSUM DU RNAM PAR BZHAG CE NA, NYE BA'I NYON MONGS PA THE TSOM GYI GNYEN POR MDO SDE'I SDE SNOD RNAM LA BZHAG GO ,NYE BA'I NYON MONGS PA MTHA' GNYIS DANG LDAN PA'I GNYEN POR 'DUL BA'I SDE SNOD RNAM PAR BZHAG GO ,RANG DU LTA BA MCHOG TU 'DZIN PA'I GNYEN POR MNGON PA'I SDE SNOD RNAM PAR BZHAG GO ,ZHES GSUNGS PA LTAR YIN PA'I PHYIR, GNYIS PA GRUB STE; LHAG PA TING NGE 'DZIN GYI BSLAB PA BRJOD BYA'I GTZO BOR BYED PA'I CHA NAS MDO SDE'I SDE SNOD BZHAG ,LHAG PA TSUL KHRIMS KYI BSLAB PA BRJOD BYA'I GTZO BOR BYED PA'I CHA NAS 'DUL BA'I SDE SNOD BZHAG ,LHAG P @011A *, ,SHES RAB KYI BSLAB PA BRJOD BYA'I GTZO BOR BYED PA'I CHA NAS MNGON PA'I SDE SNOD BZHAG PA'I PHYIR, GSUM PA GRUB STE, CHOS DANG DON BRJOD PA'I SGO NAS MDO SDE'I SDE SNOD BZHAG ,CHOS DANG DON MNGON DU BYA BA'I GZHI'I GNAS KYI BSLAB PA STON PA'I SGO NAS 'DUL BA'I SDE SNOD BZHAG ,CHOS DANG DON GTAN LA 'BEBS PA'I SGO NAS MNGON PA'I SDE SNOD BZHAG PA'I PHYIR, BCU GNYIS PO DE CHED DU BYA BA'I GDUL BYA'I SGO NAS GNYIS SU 'DU BA YIN TE, DE'I SGO NAS THEG PA CHE CHUNG GI SDE SNOD GNYIS SU 'DU BA YIN PA'I PHYIR, THEG DMAN GYI SDE SNOD RNAMS GDUL BYA NYAN RANG GI RIGS CAN LA GSUNGS LA, THEG CHEN GYI SDE SNOD RNAMS GDUL BYA THEG CHEN GYI RIGS CAN LA GSUNGS PA'I PHYIR, RIGS CAN GSUM GYI 'JOG TSUL YOD DE, NYAN THOS KYI LAM DU 'JUG KHA MA'I LAM MA ZHUGS KYI GANG ZAG ,NYAN THOS TSOGS LAM PA, SBYOR LAM PA, MTHONG LAM PA, SGOM LAM PA RNAMS NYAN THOS KYI RIGS CAN YIN, DE BZHIN DU RANG RGYAL GYI LAM DU 'JUG KHA MA'I LAM MA ZHUGS KYI GANG ZAG ,RANG RGYAL TSOGS SBYOR BA DANG, MTHONG SGOM PA RNAMS RANG RGYAL GYI RIGS CAN YIN, THEG CHEN GYI LAM DU 'JUG KHA MA'I LAM MA ZHUGS KYI GANG ZAG DANG, BYANG SEMS THAMS CAD THEG CHEN GYI RIGS CAN YIN PA'I PHYIR, THEG PA CHE CHUNG GANG RUNG GI DGRA BCOM PA YIN NA, RIGS CAN GSUM @011B PO GANG RUNG MA YIN PAS KHYAB STE, NYAN THOS DGRA BCOM PA NYAN THOS KYI RIGS CAN MA YIN PA BZHIN, RANG RGYAL DANG, THEG CHEN LA YANG RIGS 'DRA BA'I PHYIR TE, THEG CHEN DGRA BCOM PA YIN NA, SANGS RGYAS 'PHAGS PA YIN PAS KHYAB PA'I PHYIR TE, SANGS RGYAS 'PHAGS PA DANG, DE GNYIS DON GCIG YIN PA'I PHYIR, 'O NA, RJOD BYED SDE SNOD GSUM PO DE LTAR YIN NA, BRJOD BYA BSLAB PA GSUM PO DE JI LTA BU YIN ZHE NA, BSLAB PA GSUM PO GANG RUNG YIN NA, SANGS RGYAS KYI BSTAN PA YIN PAS MA KHYAB STE, PHYI ROL PA'I RGYUD KYI BSLAB PA GSUM PO DE SANGS RGYAS KYI BSTAN PA MA YIN PA'I PHYIR, LHAG PA'I BSLAB PA GSUM PO GANG RUNG YIN NA, SANGS RGYAS KYI BSTAN PA YIN PAS KHYAB STE, LHAG PA TING NGE 'DZIN GYI BSLAB PA DANG, SANGS RGYAS KYI BSTAN PAR GYUR PA'I ZHI GNAS DON GCIG ,LHAG PA SHES RAB KYI BSLAB PA DANG, SANGS RGYAS KYI BSTAN PAR GYUR PA'I LHAG MTHONG DON GCIG ,LHAG PA TSUL KHRIMS KYI BSLAB PA DANG, SANGS RGYAS KYI BSTAN PAR GYUR PA'I TSUL KHRIMS KYI BSLAB PA DON GCIG YIN PA'I PHYIR TE, RGYUD SDE SPYI RNAM LAS, LHAG PA TING NGE 'DZIN GYI BSLAB PA DANG, SANGS RGYAS KYI BSTAN PAR GYUR BA'I ZHI GNAS DON GCIG ,LHAG PA SHES RAB KYI BSLAB PA DANG, SANGS RGYAS KYI BSTAN PAR GYUR PA'I LHAG MTHONG DON GCIG ,CES GSUNGS PA GANG ZHIG ,PHYI MA LA YANG MTSUNGS PA'I PHYIR, NANG PA SANGS RGYAS PA'I RGYUD KYI BSLAB PA GSUM PO DE @012A *, ,LA LHAG PA'I BSLAB PA ZHES BRJOD PA'I RGYU MTSAN YOD DE, DE RNAMS PHYI ROL PA'I RGYUD KYI BSLAB PA GSUM LAS LHAG PA'I RGYU MTSAN GYIS DE LTAR BRJOD PA'I PHYIR TE, NYAN SA LAS, LHAG PA'I DON JI LTA BU ZHE NA, LHAG PA TSUL KHRIMS KYI BSLAB PA LA SOGS PA'I BSLAB PA GSUM PO DE DAG NI, BSTAN PA 'DI KHO NA LA YOD KYI, DE DAG PHYI ROL PA RNAMS DANG THUN MONG MA YIN TE, DE NI, LHAG PA'I DON YIN NO, ,ZHES GSUNGS PA'I PHYIR, PHYI ROL PA'I RGYUD KYI BSLAB PA GSUM PO DE, SANGS RGYAS KYI BSTAN PA MA YIN KYANG BSTAN PA YIN TE, DE DAG PHYI ROL PA'I BSTAN PA YIN PA GANG ZHIG ,PHYI ROL PA'I BSTAN PA BSTAN PA YIN PA'I PHYIR TE, PHYI ROL PA'I BSTAN BCOS BSTAN BCOS YIN PA'I PHYIR, PHYI ROL PA'I STON PA STON PA MA YIN TE, MU STEGS PA'I STON PA STON PA MA YIN PA'I PHYIR TE, BSTOD PA LEGS BSHAD SNYING PO LAS, WA SKYES LA NI SENGGE BZHIN, ,MU STEGS CAN LA'ANG GCAM BU'I TSIG ,CES GSUNGS PA'I PHYIR, GSUM PA DRANG NGES KYI MDO'I KHYAD PAR BSHAD PA NI, PHAL CHEN SDE PAS SANGS RGYAS KYI BKA' LA NGES DON GYI MDOS KHYAB PAS DRANG DON GYI MDO MED PAR KHAS LEN ZHING, THAMS CAD YOD PAR SMRA BAS DRANG NGES KYI MDO GNYIS KA KHAS LEN PA YIN TE, RNAM BSHAD RTOGS DKA'I SNANG BA LAS, @012B PHAL CHEN SDE BA SOGS KHA CIG ,SANGS RGYAS KYI GSUNG LA DRANG DON MI SRID PAR 'DOD CING, THAMS CAD YOD PAR SMRA BA SOGS DRANG NGES GNYIS KA KHAS LEN LA ZHES GSUNGS PA'I PHYIR, DRANG NGES KYI MDO'I KHYAD PAR 'DI LA SEMS TZAM PA'I LUGS BSHAD PA, RANG RGYUD PA'I LUGS BSHAD PA, THAL 'GYUR BA'I LUGS BSHAD PA GSUM LAS, DANG PO NI, RANG GI BSTAN DON SGRA JI BZHIN DU KHAS LEN MI RUNG BA'I MDO DE, DRANG DON GYI MDO'I NGO BO YIN TE, DRANG DON GYI MDO YIN NA, DRANG DON DGONGS PA CAN GYI MDO YIN DGOS PA'I PHYIR, DRANG DON SGRA JI BZHIN PA'I MDO MED PA'I PHYIR, DE LA DBYE NA, DRANG DON DGONGS PA CAN GYI MDO DANG, LDEM DGONGS KYI MDO GNYIS LAS, DE GNYIS YIN KHYAB MNYAM YIN, DANG PO LA DBYE NA, MNYAM PA NYID GSUM LA DGONGS NAS GSUNGS PA'I MDO DANG, DON GZHAN LA DGONGS NAS GSUNGS PA'I MDO DANG, DUS GZHAN LA DGONGS NAS GSUNGS PA'I MDO DANG, GANG ZAG GI BSAM PA LA DGONGS NAS GSUNGS PA'I MDO BZHI YOD DE, MDO SDE RGYAN LAS, MNYAM PA NYID DANG DON GZHAN DANG, ,DE BZHIN DU NI DUS GZHAN DANG, ,GANG ZAG GI NI BSAM PA LA; ;DGONGS PA RNAM PA BZHI YIN NO, ,ZHES GSUNGS PA'I PHYIR, DANG PO YOD DE, DE'I TSE DE'I DUS NA NGA SANGS RGYAS RNAM GZIGS SU GYUR TO, ,ZHES PA'I MDO LTA BU DE YIN PA'I PHYIR, MNYAM PA NYID GSUM YOD DE, @013A *, ,BDAG CAG GI STON PA DANG, SANGS RGYAS RNAM GZIGS GNYIS, RGYU TSOGS GNYIS RDZOGS PAR MNYAM PA, 'BRAS BU CHOS SKU BRNYES PAR MNYAM PA, BYED LAS SEMS CAN GYI DON BYED PAR MNYAM PA GSUM LA BYED PA'I PHYIR, 'ON KYANG DE GNYIS RIGS DANG, SKU TSE DANG, SKU'I BONG TSOD RNAMS MNYAM PA MA YIN TE, MNGON PA MDZOD LAS, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSOD KYIS MIN, ,ZHES GSUNGS PA'I PHYIR, GNYIS PA YOD DE, PHA DANG MA NI GSAD BYA ZHING, ,BRAM ZE GTZANG SBRA CAN GNYIS DANG, ,RGYAL PO YUL 'KHOR BCAS BCOM NA, ,MI DE DAG PA NYID DU 'GYUR, ,ZHES PA'I MDO LTA BU DE YIN PA'I PHYIR, DON GZHAN LA DGONGS TSUL YOD DE, 'DI'I SKABS KYI PHA MA GNYIS NI, LAS NYON GNYIS DANG, 'DU BYED KYI RTEN 'BREL DANG, SRID PA GNYIS LTA BU LA BYED, ,RGYAL PO NI, RNAM SHES KYI RTEN 'BREL LA BYED, GTZANG SBRA CAN GNYIS NI, LTA BA MCHOG 'DZIN DANG, TSUL KHRIMS BRTUL ZHUGS MCHOG 'DZIN GYI LTA BA GNYIS LA BYED; YUL 'KHOR NI, 'KHOR BAS BSDUS PA'I MIG SOGS NANG GI SKYE MCHED DRUG LTA BU LA BYED, BCAS PA NI, 'KHOR BAS BSDUS PA'I GZUGS SOGS PHYI'I SKYE MCHED DRUG LTA BU LA BYED PA YIN LA, DE @013B DAG GNYEN PO'I STOBS KYIS BCOM PA NA, DE 'DRA BA'I MI DE DAG BYANG CHUB THOB PAR 'GYUR BA LA DGONGS NAS DE LTAR BSHAD PA'I PHYIR TE, LAS NYON GNYIS LA PHA MA ZHES BRJOD PA'I RGYU MTSAN YOD DE, DE GNYIS RANG RGYUD LDAN GYI GANG ZAG 'KHOR BAR SKYE BA LEN PA'I RGYU'I GTZO BO YIN PA'I RGYU MTSAN GYIS DE LTAR BRJOD PA'I PHYIR, RNAM SHES KYI RTEN 'BREL LA RGYAL PO ZHES BRJOD PA'I RGYU MTSAN YOD DE, ,DE RANG RGYUD LDAN GYI GANG ZAG MA DAG PA'I SNOD BCUD LA DBANG SGYUR BA PO YIN PA'I RGYU MTSAN GYIS DE LTAR BRJOD PA'I PHYIR, MCHOG 'DZIN GYI LTA BA GNYIS LA GTZANG SBRA CAN ZHES BRJOD PA'I RGYU MTSAN YOD DE, LTA SPYOD NGAN PA LA BRTEN NAS GROL BA THOB PAR 'DZIN PA'I RGYU MTSAN GYIS DE LTAR BRJOD PA'I PHYIR, GSUM PA YOD DE, MA 'ONGS PA NA BDE BA CAN DU SKYE BA YOD PA LA DGONGS NAS BDE BA CAN DU SKYE BA'I SMON LAM BTAB NA, DE MA THAG TU BDE BA CAN DU SKYE BAR 'GYUR RO, ,ZHES PA'I MDO LTA BU DE YIN PA'I PHYIR, BZHI PA YOD DE, SBYIN PA TZAM GYIS CHOG PAR 'DZIN PA'I GANG ZAG GI NGOR SBYIN PA LA SMAD NAS TSUL KHRIMS KYI BSNGAGS PA BRJOD PA'I MDO LTA BU DE YIN PA'I PHYIR, GNYIS PA LDEM DGONGS KYI MDO LA DBYE NA, BZHI YOD DE, MDO SDE RGYAN LAS, GZHUG PA LDEM POR DGONGS PA DANG, ,MTSAN NYID LDEM POR DGONGS PA GZHAN, ,GNYEN POR LDEM POR DGONGS PA DANG, ,BSGYUR BA LDEM @014A *, ,POR DGONGS PA STE, ,LDEM POR DGONGS PA 'DI RNAM BZHI, ,ZHES GSUNGS PA'I PHYIR, DANG PO YOD DE, PHYI ROL PA 'GA' ZHIG NANG PA'I BSTAN PA LA GZHUG PA'I DON DU, PHUNG PO LNGA NI KHUR YIN LA, ,KHUR 'KHYER BA NI GANG ZAG YIN, ,RTAG GAM MI RTAG BRJOD MI BYA, ,ZHES PA'I MDO LTA BU DE YIN PA'I PHYIR, GNYIS PA YOD DE, MTSAN NYID GSUM LA BDEN PAR GRUB MA GRUB KYI KHYAD PAR MA PHYE BAR STON PA'I SHER PHYIN GYI MDO LTA BU DE YIN PA'I PHYIR, GSUM PA LA BRGYAD YOD DE, MDO SDE RGYAN LAS, SANGS RGYAS CHOS LA BRNYAS PA DANG, ,LE LO CUNG ZAD CHOG 'DZIN DANG, ,NGA RGYAL 'DOD CHAGS SPYOD PA DANG, ,'GYOD DANG MA NGES LDOG PA NI, , SEMS CAN RNAMS KYI SGRIB PA STE, ,DE YI GNYEN POR THEG MCHOG GSUNGS, ,ZHES GSUNGS PA LTAR BRGYAD YOD PA'I PHYIR, DANG PO SANGS RGYAS LA BRNYAS PA'I GNYEN POR GSUNGS PA NI, MNYAM PA NYID KYI MDO LTA BU DANG, GNYIS PA CHOS LA BRNYAS PA'I GNYEN POR GSUNGS PA NI, GRANGS MED PA'I SANGS RGYAS LA BSNYEN BKUR BYAS NA DE TZAM GYIS GZOD THEG CHEN GYI CHOS THOB PAR 'GYUR RO, ,ZHES PA'I MDO LTA BU DANG, GSUM PA LE LO'I GNYEN POR GSUNGS PA NI, DUS GZHAN LA DGONGS NAS GSUNGS PA'I MDO LTA BU DANG, BZHI PA CUNG ZAD CHOG 'DZIN GYI GNYEN POR GSUNGS PA NI, GANG ZAG GI BSAM PA LA DGONGS NAS GSUNGS PA'I MDO LTA BU DANG, @014B LNGA PA NGA RGYAL LHAG PAR SPYOD PA'I GNYEN POR GSUNGS PA NI, SANGS RGYAS KYI ZHING GI YON TAN SGRO BTAGS NAS BRJOD PA'I MDO LTA BU DANG, DRUG PA 'DOD CHAGS LHAG PAR SPYOD PA'I GNYEN POR GSUNGS PA NI, SANGS RGYAS KYI SKU'I YON TAN SGRO BTAGS NAS BRJOD PA'I MDO LTA BU DANG, BDUN PA 'GYOD PA'I GNYEN POR GSUNGS PA NI, MA SKYES SGRA'I 'GYOD PA SEL BA'I MDO LTA BU DANG, BRGYAD PA RIGS MA NGES PA LDOG PA'I GNYEN POR GSUNGS PA NI; THEG PA GSUM DU GRUB PAR STON PA'I MDO LTA BU'O, ,BZHI PA BSGYUR BA LA LDEM POR DGONGS PA NI, SNYING PO MED LA SNYING POR SHES, ,PHYIN CI LOG LA LEGS PAR GNAS, ,NYON MONGS PAS NI RAB NYON MONGS; ;BYANG CHUB DAM PA THOB PAR 'GYUR, ,ZHES PA'I MDO LTA BU YIN LA, 'DI'I DON YANG SNYING PO NI, RNAM GA-YENG YIN LA, DE MED PA'I TING NGE 'DZIN GYI BSLAB PA LA SNYING POR SHES DGOS PA TSIG RKANG DANG PO'I DON DANG, GTZANG BDE RTAG BDAG TU 'DZIN PA LAS PHYIN CI LOG PA NI, MI RTAG SOGS RTOGS PA'I SHES RAB YIN LA, DE LA LEGS PAR GNAS DGOS PA GNYIS PA'I DON DAG DANG GZHAN DON DKA' SPYAD KYIS NGAL BA GSUM PA'I DON DANG, DE LTA BU'I BSOD NAMS KYI TSOGS LA 'BAD PAS BYANG CHUB DAM PA THOB PAR 'GYUR BA BZHI PA'I DON YIN TE, GSER PHRENG LAS, DE LA SNYING PO NI, SEMS KYI RNAM GA-YENG NGO, ,DE MED PA NI, SNYING PO @015A *, ,MED PA'O, ,PHYIN CI LOG NI, GTZANG BDE RTAG BDAG LAS LOG PA'O, ,NYON MONGS NI, YUN RING POR DKA' SPYAD KYIS NGAL BA'O, ,ZHES GSUNGS PA'I PHYIR, RNAM BSHAD RTOGS DKA'I SNANG BA LAS, DE LA SNYING PO NI, RNAM GA-YENG NGO, ,DE MED PA LA SNYING POR SHES, ,ZHES PAS ZHI GNAS KHYAD PAR CAN BSTAN TO, ,RTAG SOGS LAS PHYIN CI LOG LA LEGS PAR GNAS ZHES PAS, MI RTAG PA SOGS BDEN PA'I RNAM PA RTOGS PA'I LHAG MTHONG BSTAN LA, YUN RING POR GZHAN DON GYI DKA' SPYAD KYIS NYON MONGS PAS RAB TU NYON MONGS ZHES PAS SNYING RJE BSTAN TE, DE LTAR TING NGE 'DZIN DANG SHES RAB SGOM ZHING, SNYING RJES GZHAN DON LA 'BAD NA BYANG CHUB DAM PA THOB PAR 'GYUR RO, ,ZHES GSUNGS PA'I PHYIR, GNYIS PA NI, RANG GI BSTAN DON SGRA JI BZHIN DU KHAS BLANG DU RUNG BA'I MDO DE, NGES DON GYI MDO'I MTSAN NYID, MTSAN GZHI NI, MDO SDE DGONGS 'GREL LTA BU YIN TE, SEMS TZAM PAS 'KHOR LO DANG PO GNYIS DRANG DON GYI MDO DANG, THA MA NGES DON GYI MDOR KHAS LEN PA'I PHYIR, 'KHOR LO THA MA YIN NA; NGES DON GYI MDO YIN PAS KHYAB KYANG NGES DON GYI MDO YIN NA, 'KHOR LO THA MA YIN PAS MA KHYAB STE, MDO SDE DGONGS 'GREL LA LE'U BCU YOD PA DE THAMS CAD NGES DON GYI MDO YIN KYANG DON DAM YANG @015B DAG 'PHAGS ZHUS KYI LE'U MA GTOGS GZHAN RNAMS 'KHOR LO THA MA MA YIN PA'I PHYIR, SEMS TZAM PAS 'KHOR LO DANG PO GNYIS PO GANG RUNG LA DRANG DON GYI MDO DANG, THA MA LA NGES DON GYI MDOS KHYAB PAR KHAS LEN TE; SGOM SDE SPYI DON LAS, SEMS TZAM PAS 'KHOR LO DANG PO GNYIS DRANG DON GYI MDO DANG, THA MA NGES DON GYI MDOR BZHED PA YIN TE ZHES GSUNGS PA'I PHYIR, GNYIS PA RANG RGYUD PA'I LUGS BSHAD PA LA, 'KHOR LO THOG MTHA' GNYIS DRANG DON GYI MDO DANG, BAR PA LA DRANG NGES KYI CHA GNYIS 'BYED PA YIN TE, YUM RGYAS 'BRING BSDUS GSUM NGES DON GYI MDO DANG, SHES RAB SNYING PO LTA BU DGAG BYA LA DON DAM PA'I KHYAD PAR DNGOS SHUGS GANG LA YANG MA SBYAR BA'I DRANG DON GYI MDO YIN PA'I PHYIR, 'KHOR LO BAR PA LA DRANG NGES GNYIS YOD KYANG DE LA DRANG DON DANG NGES DON GNYIS MED DE, DE LA NGES DON ZHIG MED PA'I PHYIR, NGES DON YIN NA, STONG NYID YIN DGOS PA'I PHYIR TE, DE YIN NA, DON DAM PA YIN DGOS PA'I PHYIR, YE SHES SNANG BA RGYAN GYI MDO LAS, NGES PA'I DON GANG YIN PA DE NI, DON DAM PA'O, ,ZHES GSUNGS PA'I PHYIR, RANG RGYUD PA'I SKABS 'DIR MDO SDE DGONGS 'GREL GYIS YUM RGYAS 'BRING BSDUS GSUM DRANG DON GYI MDOR BSTAN KYANG NGES DON GYI MDOR MA BSTAN TE, DE'I CHED DU BYA BA'I GDUL BYA LA YUM RGYAS 'BRING BSDUS GSUM NGES DON GYI MDOR KHAS LEN PA ZHIG MED PA'I PHYI @016A *, ,TE, DE'I CHED DU BYA BA'I GDUL BYA YIN NA, SEMS TZAM PA YIN PAS KHYAB PA'I PHYIR, MA GRUB NA, MDO SDE DGONGS 'GREL CHOS CAN, KHYOD KYI CHED DU BYA BA'I GDUL BYA YIN NA, SEMS TZAM PA YIN PAS KHYAB PAR THAL, KHYOD SEMS TZAM PA'I THUN MONG MA YIN PA'I MDO YIN PA'I PHYIR, DE BZHIN DU MDO SDE DGONGS 'GREL GYIS MTSAN NYID GSUM LA BDEN PAR GRUB MA GRUB KYI KHYAD PAR PHYE NAS MA BSTAN TE, DES GZHAN DBANG DANG YONGS GRUB BDEN GRUB TU BSTAN KYANG KUN BTAGS BDEN MED DU MA BSTAN PA'I PHYIR, DANG PO GRUB STE, DES GZHAN DBANG DANG YONGS GRUB GNYIS BDEN GRUB DANG MTHAR THUG THEG PA GSUM DU GRUB PAR BSTAN PA'I PHYIR, RNAM BSHAD LAS, MDO SDE 'DI NYID DU GZHAN DBANG DANG YONGS GRUB BDEN PAR GRUB PA DANG, MTHAR THUG THEG PA GSUM DU BSTAN LA ZHES GSUNGS PA'I PHYIR, GNYIS PA GRUB STE, DES STONG NYID MA BSTAN PA'I PHYIR TE, DE'I CHED DU BYA BA'I GDUL BYA LA STONG NYID STON MI RUNG BA'I PHYIR TE, DE'I CHED DU BYA BA'I GDUL BYA YIN NA, SEMS TZAM PA YIN PAS KHYAB PA GANG ZHIG ,SEMS TZAM PA LA STONG NYID STON MI RUNG BA'I PHYIR, DANG PO BSGRUBS ZIN, GNYIS PA GRUB STE, DE RTAG CHAD KYI MTHA' LA GNAS PA'I PHYIR TE, DE RTAG MTHA' LA GNAS PA GANG ZHIG ,CHAD MTHA' LA GNAS PA'I PHYIR, DANG PO MA GRUB NA, SEMS TZAM PA CHOS CAN, RTAG MTHA' LA GNAS PAR THAL, GZHAN DBANG DANG YOD @016B GRUB BDEN PAR MA GRUB PA GANG ZHIG ,KHYOD KYIS DE BDEN GRUB TU KHAS LEN PA'I PHYIR, GNYIS PA GRUB STE, KUN BTAGS RANG GI MTSAN NYID KYIS GRUB PA GANG ZHIG ,KHYOD KYIS DE RANG GI MTSAN NYID KYIS MA GRUB PAR KHAS LEN PA'I PHYIR, THAL 'GYUR GNYIS KA LA KHYAB PA YOD DE, DBU MA RTZA BA SHES RAB LAS, YOD CES BYA BA RTAG PAR 'DZIN, ,MED CES BYA BA CHAD PAR LTA, ,DE PHYIR YOD MED GNYIS KA LA, ,MKHAS PAS GNAS PAR MI BYA'O,, ZHES GSUNGS PA'I PHYIR, DE BZHIN DU 'KHOR LO DANG POS GANG ZAG GI BDAG MED BSTAN BYA'I GTZO BOR BYAS NAS BSTAN KYANG DES CHOS KYI BDAG MED MA BSTAN TE, DES STONG NYID MA BSTAN PA'I PHYIR TE, DE'I CHED DU BYA BA'I GDUL BYA LA STONG NYID STON MI RUNG BA'I PHYIR TE, DE'I CHED DU BYA BA'I GDUL BYA YIN NA, NYAN THOS SDE PA YIN PAS KHYAB PA GANG ZHIG ,NYAN THOS SDE PA LA STONG NYID STON MI RUNG BA'I PHYIR, DANG PO MA GRUB NA, 'KHOR LO DANG PO CHOS CAN, KHYOD KYI CHED DU BYA BA'I GDUL BYA YIN NA, NYAN THOS SDE PA YIN PAS KHYAB PAR THAL, KHYOD NYAN THOS SDE PA'I THUN MONG MA YIN PA'I MDO YIN PA'I PHYIR, GNYIS PA MA GRUB NA, NYAN THOS SDE PA CHOS CAN, KHYOD LA STONG NYID STON MI RUNG BAR THAL, KHYOD RTAG CHAD KYI MTHA' LA GNAS PA'I PHYIR, MA GRUB NA, DER THAL, BYE BRAG SMRA BA RTAG CHAD KYI MTHA' LA GNAS PA GANG ZHIG ,MDO SDE BA DE LA GNAS PA'I PHYIR, DANG PO MA GRUB NA, BYE @017A *, ,BRAG SMRA BA CHOS CAN, RTAG CHAD KYI MTHA' LA GNAS PAR THAL, RTAG MTHA' LA GNAS PA GANG ZHIG ,CHAD MTHA' LA GNAS PA'I PHYIR, DANG PO GRUB STE, PHYI DON MED PA GANG ZHIG ,KHYOD KYIS PHYI DON YOD PAR KHAS LEN BA'I PHYIR, RTAGS PHYI MA GRUB STE, RANG RIG MI 'DOD CING PHYI DON BDEN GRUB TU KHAS LEN PA'I THEG DMAN GYI GRUB MTHA' SMRA BA'I GANG ZAG YIN PA'I PHYIR, DE 'DRA'I THEG DMAN GYI GRUB MTHA' SMRA BA'I GANG ZAG DE, BYE BRAG SMRA BA'I MTSAN NYID YIN PA'I PHYIR, DE LTAR DU GRUB MTHA'I RNAM GZHAG LAS GSUNGS PA'I PHYIR, GNYIS PA MA GRUB NA, DE CHOS CAN, CHAD MTHA' LA GNAS PAR THAL, RANG RIG YOD PA GANG ZHIG, KHYOD KYIS RANG RIG MED PAR KHAS LEN PA'I PHYIR, KHYAB PA GONG DU BSGRUBS ZIN, GONG GI RTAGS GNYIS PA MA GRUB NA, MDO SDE PA CHOS CAN, RTAG CHAD KYI MTHA' LA GNAS PAR THAL, RTAG MTHA' LA GNAS PA GANG ZHIG ,CHAD MTHA' LA GNAS PA'I PHYIR, DANG PO GRUB STE, PHYIR DON MED PA GANG ZHIG ,KHYOD KYIS DE YOD PAR KHAS LEN PA'I PHYIR, GNYIS PA GRUB STE, KHYOD RANG RIG DANG PHYI DON GNYIS KA BDEN GRUB TU KHAS LEN BA'I THEG DMAN GYI GRUB MTHA' SMRA BA'I GANG ZAG YIN PA'I PHYIR TE, DE 'DRA PA'I THEG DMAN GYI GRUB MTHA' SMRA BA'I GANG ZAG DE MDO SDE PA'I MTSAN NYID YIN PA'I PHYIR, DE LTAR GRUB MTHA'I RNAM GZHAG LAS GSUNGS @017B PA'I PHYIR, GNYIS PA MA GRUB NA, DE CHOS CAN, CHAD MTHA' LA GNAS PAR THAL, DON DAM BDEN PAR GYUR PA'I STONG PA NYID YOD PA GANG ZHIG ,KHYOD KYIS DE MED PAR KHAS LEN PA'I PHYIR, KHYAB PA BSGRUBS ZIN, GONG DU RTAGS DANG PO MA GRUB NA, PHYI DON MED PAR THAL, SKABS 'DIR PHYI DON KHAS MI LEN PA'I PHYIR, SKABS 'DIR PHYI DON MI 'DOD CING RANG RIG YOD PAR KHAS LEN PA'I PHYIR TE, SKABS 'DIR RNAL 'BYOR SPYOD PA'I DBU MA RANG RGYUD PA'I LUGS YIN PA'I PHYIR, DE YANG YIN TE, RANG RGYUD BA LA MDO SDE SPYOD PA'I DBU MA RANG RGYUD PA DANG, RNAL 'BYOR SPYOD PA'I DBU MA RANG RGYUD PA GNYIS SU YOD PA LAS, SLOB DPON LEGS LDAN 'BYED DANG, YE SHES SNYING PO LA SOGS PA'I MDO SDE SPYOD PA'I DBU MA RANG RGYUD PA RNAMS KYIS RANG RIG MI 'DOD CING, PHYI DON YOD PAR KHAS LEN LA, SLOB DPON ZHI BA 'TSO, KA MA LA SHA'I LA, 'PHAGS SENG GNYIS LA SOGS PA'I RNAL 'BYOR SPYOD PA'I DBU MA RANG RGYUD PA RNAMS KYIS PHYI DON MI 'DOD CING, RANG RIG YOD PAR KHAS LEN PA'I PHYIR, GRUB MTHA' KUN SHES LAS, 'DI NI RANG RIG MI 'DOD PHYI DON 'DOD, ,DE LAS LDOG PAR SMRA BA GNYIS SU 'DOD, ,DANG PO LEGS LDAN YE SHES SNYING PO STE, ,GNYIS PA ZHI 'TSO YAB SRAS RJES 'BRANG BCAS, ,ZHES GSUNGS PA'I PHYIR, DES NA RTAG CHAD KYI MTHA' LA LHUNG BA'I GANG ZAG DANG, DE LA GNAS PA'I GANG ZAG GNYIS KA YOD KYANG RTAG MTHA' DANG, CHAD MTHA' GNYIS MED DE, SGRO @018A *, ,'DOGS KYI MTHA' DANG, SKU 'DEBS KYI MTHA' GNYIS MED PA'I PHYIR, KHYAB STE, RTAG MTHA', YOD MTHA', SGRO 'DOGS KYI MTHA' RNAMS DON GCIG ,CHAD MTHA', MED MTHA', SKUR 'DENGS SA KYI MTHA' RNAMS DON GCIG YIN PA'I PHYIR TE, RTAG PA'I MTHAR 'DZIN, YOD PA'I MTHAR 'DZIN, SGRO 'DOGS RNAMS DON GCIG ,CHAD PA'I MTHAR 'DZIN, MED PA'I MTHAR 'DZIN, SKUR 'DEBS RNAMS DON GCIG YIN PA'I PHYIR, BYAS PA LA KHO NA RE, YOD MTHA' YIN NA YOD PAS KHYAB PAR THAL, MED MTHA' YIN NA MED PAS KHYAB PA'I PHYIR ZER NA MA KHYAB, KHO NA RE, LAS 'BRAS MED PA CHOS CAN, MED PAR THAL, MED MTHA' YIN PA'I PHYIR ZER NA, RANG LUGS LA SKYON CAN GYI LAN 'DEBS SHING, KHO RANG GIS 'DOD NA, LAS 'BRAS CHOS CAN, KHYOD MED PA YOD PAR THAL, KHYOD MED PA SRID PA'I PHYIR TE, KHYOD 'DUS BYAS YIN PA'I PHYIR, KHYAB STE, SGOM SDE NAM MKHA' RGYAL MTSAN GYI BYANG CHUB SEMS 'GREL GYI RNAM BSHAD NOR BU'I PHRENG BA LAS, KHYOD 'DUS BYAS YIN NA, KHYOD MED PA SRID PAS KHYAB PA NI, 'DUS BYAS SKAD CIG GIS 'DZIG PA'I NGANG TSUL CAN YIN PA LAS GRUB BO, ,ZHES GSUNGS PA'I PHYIR, GZHAN YANG, LAS 'BRAS MED PA MED MTHA' YIN PAR THAL, LAS 'BRAS MED PAR 'DZIN PA'I BLO DE, MED PA'I MTHAR 'DZIN YIN PA'I PHYIR TE, DE SKUR 'DEBS YIN PA'I PHYIR, DER THAL, LAS 'BRAS YOD PA MA @018B YIN PAR 'DZIN PA'I BLO DE, SKUR 'DEBS YIN PA'I PHYIR, DER THAL, PHYI DON YOD PAR 'DZIN PA'I BLO DE, SGRO 'DOGS YIN PA'I PHYIR, PHYI DON MED PA MA YIN PAR 'DZIN PA'I BLO DE, SGRO 'DOGS YIN PA'I PHYIR, MA GRUB NA, PHYI DON CHOS CAN, KHYOD MED PA MA YIN PAR 'DZIN PA'I BLO DE, SGRO 'DOGS YIN PAR THAL, KHYOD MED PA YIN PA'I PHYIR, GSER PHRENG LAS, DE NYID NI, RIGS TE, MED PA DANG, MA YIN PA DE LAS LDOG PA SGRO 'DOGS DANG, YOD PA DANG, YIN PA DE LAS LDOG PA SKUR 'DEBS YIN PA'O, ,ZHES GSUNGS PA'I PHYIR, 'PHAGS SENG GNYIS KYI LUGS LA MDO SDE DGONGS 'GREL GYIS STONG NYID MA BSTAN ZHING, YUM RGYAS 'BRING BSDUS GSUM NGES DON GYI MDOR MA BSTAN KYANG, SLOB DPON ZHI BA 'TSO DANG, KA MA LA SHA'I LA YAB SRAS GNYIS KYI LUGS LA YUM RGYAS 'BRING BSDUS GSUM NGES DON GYI MDOR BSTAN PA YIN TE, DE'I CHED DU BYA BA'I GDUL BYA DBU MA PA LA DE LTAR BSTAN PA'I PHYIR TE, DE'I CHED DU BYA BA'I GDUL BYA DBU MA PA YOD PA'I PHYIR, DER THAL, DE'I LUGS LA DE DBU MA PA'I BKA' YIN PA'I PHYIR, SPYI DON ROL MTSO LAS, ZHI 'TSO YAB SRAS KYI LUGS LA MDO SDE DGONGS 'GREL DBU MA PA'I BKA' YIN TE, DE YUM RGYAS 'BRING FBSDUS GSUM NGES DON GYI MDOR GZHUNG BTZUGS NAS SGRUB BA'I DBU MA PA'I BKA' YIN PA'I PHYIR ZHES GSUNGS PA'I PHYIR, SLOB DPON LEGS LDAN 'BYED DANG, YE SHES SNYING PO SOGS ZHI 'TSO YAB SRAS GNYIS DANG 'DRA'O,, @019A *, ,'PHAGS SENG GNYIS KYI LUGS LA MDO SDE DGONGS 'GREL DBU MA'I BKA' MA YIN TE, DE'I CHED DU BYA BA'I GDUL BYA YIN NA, SEMS TZAM PA YIN DGOS PA'I PHYIR TE, DE SEMS TZAM PA'I THUN MONG MA YIN PA'I BKA' YIN PA'I PHYIR TE, DE LTAR YANG SPYI DON ROL MTSO LAS, 'PHAGS SENG GNYIS KYI LUGS LA MDO SDE DGONGS 'GREL DBU MA PA'I BKA' MA YIN TE, DE SEMS TZAM PA'I THUN MONG MA YIN PA'I BKA' YIN PA'I PHYIR ZHES GSUNGS PA'I PHYIR, DES NA, 'PHAGS SENG GNYIS SLOB DPON ZHI BA 'TSO'I SLOB MA YIN KYANG RNAM PA THAMS CAD DU DGONGS PA GCIG TU NGES PA MED DE, RANG RGYUD PA'I SKABS 'DIR 'PHAGS SENG GNYIS KYI RJES SU 'BRANG DGOS PA YIN ZHING, SKABS 'DIR 'KHOR LO BAR PA'I CHED DU BYA BA'I GDUL BYA LA SEMS TZAM PA MED DE, DE'I CHED DU BYA BA'I GDUL BYA YIN NA, DBU MA PA YIN DGOS PA'I PHYIR, FSEMS TZAM PA'I LUGS LA DE'I CHED DU BYA BA'I GDUL BYA LA DBU MA THAL RANG GNYIS DANG, SEMS TZAM PA GSUM GA YOD DE, DE'I LUGS LA 'KHOR LO BAR PAS NGO BO NYID MED PAR SMRA BA'I 'DOD PA LTAR GYI MTSAN NYID GSUM GYI RNAM GZHAG SGRAS ZIN DANG, SEMS TZAM PA'I 'DOD PA LTAR GYI MTSAN NYID GSUM GYI RNAM GZHAG SHUGS BSTAN BSTAN BYA'I GTZO BOR BYAS NAS BSTAN PA'I PHYIR, DPER NA, ZHI 'TSO YAB SRAS KYI LUGS LA 'KHOR @019B LO THA MAS SEMS TZAM PA'I 'DOD PA LTAR GYI MTSAN NYID GSUM GYI RNAM GZHAG SGRAS ZIN DANG, NGO BO NYID MED PAR SMRA BA'I 'DOD PA LTAR GYI MTSAN NYID GSUM GYI RNAM GZHAG SHUGS BSTAN BSTAN BYA'I GTZO BOR BYAS NAS BSTAN PA BZHIN YIN PA'I PHYIR, DE YANG YIN TE, ZHI 'TSO YAB SRAS KYI LUGS LA 'KHOR LO THA MA'I BSTAN DON LA SGRAS ZIN GYI DON DANG, BSTAN BYA'I GTZO BO'I DON GNYIS SU PHYE NAS 'JOG PA'I PHYIR TE, DRANG NGES RNAM 'BYOD LAS, CHA PHYE NAS MDO'I DON DU 'JOG GO ,ZHES GSUNGS PA'I PHYIR, SKABS 'DIR DRANG NGES KYI MDO'I KHYAD PAR NI, DRANG DON GYI MDO DANG, NGES DON GYI MDO GNYIS LAS, DANG PO LA MTSAN NYID DANG, DBYE BA GNYIS LAS; DANG PO NI, DRANG DON GYI MDO DANG, NGES DON GYI MDO GANG RUNG GANG ZHIG ,RANG GI BSTAN DON SGRA JI BZHIN DU KHAS BLANG DU MI RUNG BA DANG, ,DRANG DON DNGOS KYI BSTAN BYA'I GTZO BOR BYAS NAS STON PA'I MDO GANG RUNG PO'I DMIGS PA DE, DRANG DON GYI MDO'I MTSAN NYID, DE LA DBYE NA, DRANG DON DGONGS PA CAN GYI MDO DANG, SGRA JI BZHIN PA'I MDO GNYIS LAS, DANG PO NI, MTHAR THUG THEG PA GSUM DU GRUB PAR STON PA'I MDO LTA BU LA BYED, GNYIS PA NI, 'DUS BYAS MI RTAG PAR STON PA'I MDO LTA BU LA BYED DO, GNYIS PA LA MTSAN NYID DANG, MTSAN GZHI GNYIS, DANG PO NI, DRANG DON GYI MDO DANG, NGES DON GYI MDO GANG RUNG ZHIG @020A *, ,RANG GI BSTAN DON SGRA JI BZHIN DU KHAS BLANG DU RUNG BA YANG YIN, DON DAM BDEN PA DNGOS KYI BSTAN BYA'I GTZO BOR BYAS NAS STON PA'I MDO YANG YIN PA'I GZHI MTHUN PAR DMIGS PA DE, NGES DON GYI MDO'I MTSAN NYID, GNYIS PA NI, YUM RGYAS 'BRING BSDUS GSUM LTA BU LA BYED DE, GSUM PA THAL 'GYUR BA'I LUGS NI, KUN RDZOB BDEN PA DNGOS KYI BSTAN BYA'I GTZO BOR BYAS NAS STON PA'I MDO DE, DRANG DON GYI MDO'I MTSAN NYID DANG, DON DAM BDEN PA DNGOS KYI BSTAN BYA'I GTZO BOR BYAS NAS BSTAN PA'I MDO DE, NGES DON GYI MDO'I MTSAN NYID YIN TE, BLO GROS MI ZAD PA'I MDO LAS, MDO SDE GANG DAG KUN RDZOB SGRUB PA BSTAN PA DE DAG NI, DRANG BA'I DON ZHES BYA'O, ,MDO SDE GANG DAG DON DAM SGRUB PA BSTAN PA DE DAG NI, NGES PA'I DON ZHES BYA'O, ,ZHES GSUNGS PA'I PHYIR, DE LA THAL 'GYUR BAS 'KHOR LO DANG PO LA DRANG NGES KYI CHA GNYIS 'BYED CING, 'KHOR LO BAR PA YIN NA, NGES DON GYI MDO YIN PAS KHYAB PA DANG, 'KHOR LO THA MA YIN NA, DRANG DON GYI MDO YIN PAS KHYAB PAR KHAS LEN TE, DES 'KHOR LO BAR PA YIN NA, DON DAM BDEN PA DNGOS KYI BSTAN BYA'I GTZO BOR BYAS NAS STON BA'I MDO YIN PAS KHYAB PA DANG, 'KHOR LO THA MA YIN NA, KUN RDZOB BDEN PA DNGOS KYI BSTAN BYA'I GTZO BOR BYAS NAS STON PA'I MDO YIN PAS KHYAB PAR KHAS LEN PA'I PHYIR, DES 'KHOR LO DANG PO LA DRANG NGES KYI CHA GNYIS 'BYED PA YIN @020B TE, MI RTAG SOGS BCU DRUG STON PA'I 'KHOR LO DANG PO DRANG DON GYI MDO DANG, GANG ZAG GI BDAG MED PHRA MO DANG, CHOS KYI BDAG MED PHRA MO STON PA'I 'KHOR LO DANG PO NGES DON GYI MDO YIN PA'I PHYIR, RNAM BSHAD LAS, 'KHOR LO DANG PO LA YANG MI RTAG SOGS BSTAN PA DRANG BA'I DON YIN LA, GANG ZAG DANG CHOS LA BDAG MED PA'I STONG NYID PHRA MO BSTAN PA RNAMS NI, NGES PA'I DON DANG ZHES GSUNGS PA'I PHYIR, 'KHOR LO DANG PO'I CHED DU BYA BA'I GDUL BYA YIN NA, THEG DMAN GYI RIGS CAN YIN PAS KHYAB KYANG DE YIN NA, THEG DMAN GYI GRUB MTHA' SMRA BA'I GANG ZAG YIN PAS MA KHYAB STE, DE'I CHED DU BYA BA'I GDUL BYAR GYUR PA'I THEG CHEN GYI GRUB MTHA' SMRA BA'I GANG ZAG YOD PA'I PHYIR TE, DER GYUR PA'I THAL 'GYUR BA YOD PA'I PHYIR, 'KHOR LO DANG POS CHOS THAMS CAD RANG GI MTSAN NYID KYIS GRUB PAR BSTAN PA YIN TE, DES RANG GI CHED DU BYA BA'I GDUL BYA BYE MDO GNYIS LA DE LTAR BSTAN PA'I PHYIR, DES CHOS THAMS CAD RANG GI MTSAN NYID KYIS MA GRUB PAR BSTAN PA YIN TE, DES RANG GI CHED DU BYA BA'I GDUL BYA THAL 'GYUR BA LA DE LTAR BSTAN PA'I PHYIR, KHA CIG ,GZUNGS RGYAL GYI MDO LAS GSUNGS PA'I GDUL BYA DKRI BA'I RIM PA GSUM PO DE LA 'KHOR LO GSUM GYI THA SNYAD MI BYED ZER BA MI 'THAD DE, DE BZHIN GSHEGS PA'I SNYING PO'I MDO DE DE LAS GSUNGS BA'I 'KHOR LO THA MA YIN PA'I PHYIR, RNAM BSHAD LAS, DE BZHIN GSHEG @021A *, ,PA'I SNYING PO'I MDO YANG RIM PA GSUM PA 'DI'I MTSAN GZHIR GZUNG BAR BYA STE ZHES GSUNGS PA'I PHYIR, BYAS PA LA KHO NA RE, GZUNGS RGYAL GYI MDO LAS GSUNGS PA'I 'KHOR LO GSUM PO GANG RUNG YIN NA, 'KHOR LO GSUM PO GANG RUNG YIN DGOS PAR THAL, DE LAS GSUNGS PA'I CHOS 'KHOR LA 'KHOR LO GSUM GYI THA SNYAD BYED PA'I PHYIR ZER NA MA KHYAB, KHA CIG ,GZUNGS RGYAL GYI MDO LAS GSUNGS PA'I 'KHOR LO GSUM PO GANG RUNG YIN NA, DGONGS 'GREL LAS GSUNGS BA'I 'KHOR LO GSUM PO GANG RUNG MA YIN PAS KHYAB ZER BA MI 'THAD DE, GZUNGS RGYAL GYI MDO LAS GSUNGS PA'I 'KHOR LO DANG PO GNYIS PO GANG RUNG YIN NA, DGONGS 'GREL LAS GSUNGS PA'I 'KHOR LO DANG PO GNYIS PO GANG RUNG MA YIN PAS KHYAB KYANG GZUNGS RGYAL GYI MDO LAS GSUNGS PA'I 'KHOR LO THA MA YIN NA, DGONGS 'GREL LAS GSUNGS PA'I 'KHOR LO THA MA YIN PAS MA KHYAB PA'I PHYIR, DE BZHIN GSHEGS PA'I SNYING PA'I MDO DE GZUNGS RGYAL GYI MDO LAS GSUNGS PA'I 'KHOR LO THA MA YIN PA'I PHYIR, RGYUD BLA MA LAS, SNGAR NI DE LTAR RNAM BZHAG NAS, SLAR YANG BLA MA'I RGYUD 'DIR NI, NYES PA LNGA DAG SPANG PA'I PHYIR, KHAMS YOD NYID CES BSTAN PA YIN, ZHES PA'I THAD KYI DAR t'IKA LAS, SLAR YANG BLA MA'I RGYUD DE, RGYUD PHYI MA'AM, 'KHOR LO THA MA DE BZHIN GSHEGS PA'I SNYING PO'I MDO 'DIR NI ZHES GSUNGS PA'I PHYIR, SLAR YANG BLA MA'I RGYUD 'DIR NI, NYES PA LNGA DAG SPANG BA'I PHYIR, ZHES PA'I NYES PA LNGA YANG YOD DE, YON TAN GONG MA @021B MI THOB SNYAM PA'I SEMS ZHUM PA DANG, SEMS CAN DMAN PA LA BRNYAS PA DANG, YANG DAG PA'I CHOS LA YANG DAG PA MA YIN PAR 'DZIN PA DANG, YANG DAG PA'I CHOS MA YIN PA LA YANG DAG PAR 'DZIN PA DANG, BDAG LA LHAG PAR CHAGS PA DANG LNGA YOD PA'I PHYIR, RGYUD BLA MA LAS, SEMS ZHUM SEMS CAN DMAN LA BRNYAS PA DANG, YANG DAG MIN 'DZIN YANG DAG CHOS LA SKUR, BDAG CHAGS LHAG PA'I SKYON LNGA GANG DAG LA, YOD PA DE DAG DE SPANG DON DU GSUNGS,, ZHES GSUNGS PA'I PHYIR, KHAMS YOD NYID CES PA'I DON YOD DO, SEMS CAN THAMS CAD KYI RGYUD LA KHAMS BDE GSHEGS SNYING PO YOD DE, ZHES PA'I DON YIN PA'I PHYIR, DE YANG BDE BAR GSHEGS PA'I SNYING PO, BDE BAR GSHEGS PA'I KHAMS, RANG BZHIN GNAS RIGS RNAMS DON GCIG CING, DE DAG GI MTSAN GZHI YANG YOD DE, SEMS CAN GYI SEMS KYI CHOS NYID DE DE YIN PA'I PHYIR, DE LTAR YIN KYANG SEMS CAN GYI SEMS KYI CHOS NYID YIN NA, RANG BZHIN GNAS RIGS YIN PAS MA KHYAB STE, SEMS CAN GYI SEMS BDEN PAR MA GRUB PA DE SEMS KYI CHOS NYID YIN PA GANG ZHIG, RANG BZHIN GNAS RIGS MA YIN PA'I PHYIR, DANG PO MA GRUB NA, SEMS CAN GYI RGYUD KYI SEMS CHOS CAN, KHYOD BDEN PAR MA GRUB PA DE KHYOD KYI CHOS NYID YIN PAR THAL, KHYOD GZHI GRUB PA'I PHYIR, GNYIS PA MA GRUB NA, SEMS CAN GYI SEMS BDEN PAR MED PA CHOS CAN, RANG BZHIN GNAS RIGS MA YIN PAR @022A *, ,THAL, RNAM MKHYEN KHYOD YIN PA'I PHYIR, MA GRUB NA, RNAM MKHYEN CHOS CAN, KHYOD SEMS CAN GYI SEMS BDEN PAR MED PA YIN PAR THAL, KHYOD GANG ZAG GI BDAG MED YIN PA'I PHYIR, YANG KHO NA RE, CHOS KYI 'KHOR LO'I MDO CHOS CAN, 'KHOR LO GSUM PO GANG RUNG MA YIN PAR THAL, GZUNGS RGYAL NAS GSUNGS PA'I 'KHOR LO DANG PO YIN PA'I PHYIR, DER THAL, GDUL BYA RNAMS 'KHOR BA LA SKYO BA SKYE BA'I PHYIR DU CHOS KYI SDOM BZHI STON PA'I MDO YIN PA'I PHYIR ZER NA MA KHYAB STE, GDUL BYA RNAMS 'KHOR BA LA SKYO BA SKYE BA'I PHYIR DU CHOS KYI SDOM BZHI STON PA'I MDO DE, DE LAS GSUNGS BA'I 'KHOR LO DANG PO YIN KYANG DE YIN NA, DE LAS GSUNGS PA'I 'KHOR LO DANG PO YIN PAS MA KHYAB PA'I PHYIR, DE BZHIN DU GDUL BYA RNAMS THEG CHEN LAM DU KHA DRANG BA'I PHYIR DU RNAM THAR SGO GSUM STON PA'I MDO DE, GZUNGS RGYAL NAS GSUNGS PA'I 'KHOR LO BAR BA YIN KYANG DE YIN NA, DE LAS GSUNGS PA'I 'KHOR LO BAR PA YIN PAS MA KHYAB STE, YUM RGYAS 'BRING BSDUS GSUM PO DE, DE'I PHYIR DU DE GSUM STON PA'I MDO YIN KYANG DE LAS GSUNGS PA'I 'KHOR LO BAR PA MA YIN PA'I PHYIR, KHO NA RE, DE BZHIN GSHEGS PA'I SNYING PO'I MDO CHOS CAN, 'KHOR LO THA MA YIN PAR THAL, GZUNGS RGYAL NAS GSUNGS PA'I 'KHOR LO THA MA YIN PA'I PHYIR ZER NA MA KHYAB, DE LAS GSUNGS PA'I 'KHOR LO THA MA YIN NA, 'KHOR LO THA MA MA YIN DGOS @022B PA'I PHYIR TE, 'KHOR LO THA MA YIN NA, DGONGS 'GREL LAS BSHAD PA'I 'KHOR LO THA MA YIN DGOS PA'I PHYIR, RTZA BAR 'DOD NA, DE CHOS CAN, 'KHOR LO THA MA MA YIN PAR THAL, 'KHOR LO BAR BA YIN PA'I PHYIR TE, DGONGS 'GREL LAS GSUNGS PA'I 'KHOR LO BAR BA YIN PA'I PHYIR, 'O NA, GZUNGS RGYAL NAS GSUNGS PA'I 'KHOR LO RIM PA GSUM PO 'DIS BRJOD BYA GANG BSTAN PA YIN ZHE NA, DE YOD DE, DE GSUM GYI NOR BU SBYONG BA'I DPE GSUM DANG MTSUNGS PAR GDUL BYA RNAMS THEG CHEN LAM DU KHRID PAR MDZAD PA'I TSUL STON PA'I PHYIR, NOR BU MKHAN MKHAS PAS NOR BU SKYONG BA'I TSUL DE LA GSUM YOD DE, DANG PO NOR BU RIN PO CHE'I RIGS RGYA MTSO CHEN PO'I 'JIM PA LA SOGS PAS YONGS SU MA DAG PA'I NOR BU BLANGS TE LAN TSVA'I KHU BA STE RGYA MTSO'I CHU LA SPANGS TE BKRUS NAS RE BAS YONGS SU SBYONG BAR BYED, DE TZAM GYIS KYANG RTZOM PA MI 'DOR BAR DE'I 'OG TU ZAS RNON PO STE, NYA KHU LA SPANGS NAS BAL GYI LVA BA STE, SNAM BU SRAB MOS YONGS SU SBYONG BAR BYED, DE TZAM GYIS KYANG RTZOM PA MI 'DOR BAR DE'I 'OG TU SMAN CHEN PO'I KHU BA DANG, DNGUL CHU LA SPANGS TE RAS SRAB MOS YONGS SU SBYONG BAR BYED, YONGS SU SBYANGS TE DRI MA DANG BRAL BA NA BEE d'U RYA'I RIGS CHEN PO ZHES BRJOD PA YIN PA'I PHYIR, 'O NA, DPE DE LTAR YIN NA, DON JI LTA BU YIN ZHE NA, DE BZHIN GSHEGS PA'I GDUL BYA DKRI BA'I RIM PA DE LA GSUM YOD DE, THOG MAR SKYES BU CHUNG @023A *, ,NGU DANG THUN MONG BA'I BSAM PA 'JIG RTEN PHYI MA PHAN CHAD KYI BLO RGYUD LA SKYES PA'I GANG ZAG LA NYER LEN GYI PHUNG PO MI RTAG PA DANG, SDUG BSNGAL BA DANG, RANG RKYA THUB PA'I BDEN PAR MED PA DANG, 'KHOR BA MI GTZANG BA'I DONG DU LHUNG BA LA YID 'BYUNG BA'I GTAM GYIS 'KHOR BA LA DGA' BA'I SEMS CAN RNAMS 'KHOR BA LA SKYO BA BSKYED NAS 'PHAGS PA'I CHOS 'DUL BA STE, BSLAB PA RIN PO CHE GSUM PO NYAMS SU LEN PA LA 'JUG PAR MDZAD, DE TZAM GYIS KYANG RTZOM PAR MI 'DOR BAR DE'I 'OG TU CHOS RNAMS KYI NGO BO RGYU 'BRAS GSUM BDEN GRUB KYIS STONG PA'I STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL DE GSUM GYI GNAS LUGS RTOGS PA LA 'JUG PAR MDZAD, DE TZAM GYIS KYANG RTZOM PA MI 'DOR BAR DE'I 'OG TU PHYIR MI LDOG PA'I 'KHOR LO'I GTAM STE, LAS BYA BYED KYI 'KHOR GSUM YONGS SU DAG PA'I GTAM GYIS KHAMS DANG, RANG BZHIN SNA TSOGS PA'I RGYU CAN GYI SEMS CAN RNAMS DE BZHIN GSHEGS PA'I YUL TE, THABS KYI TSUL RGYA CHEN POS ZIN PA'I STONG NYID RTOGS PA LA 'JUG PAR MDZAD, ZHUGS PAR GYUR NAS DE BZHIN GSHEGS PA'I TSUL NYID RTOGS PA NA BLA NA MED PA'I YON TAN CHEN PO ZHES BRJOD PA YIN PA'I PHYIR, 'PHAGS PA GZUNGS KYI DBANG PHYUG RGYAL POS ZHUS PA'I MDO LAS, RIGS KYI BU, 'DI LTA STE, DPER NA, NOR BU MKHAN @023B MKHAS PA NOR BU SBYONG BA'I TSUL LEGS PAR SHES PA DES NOR BU RIN PO CHE'I RIGS LAS YONGS SU MA DAG PA'I NOR BU RIN PO CHE BLANGS TE, LAN TSVA'I KHU BA RNON POS SBANGS TE BKRUS TE RE BAS YONGS SU SBYONG BAR BYED, DE TZAM GYIS RTZOM PAR MI 'DOR BAR DE'I 'OG TU ZAS KYI KHU BA RNON POS SPANGS NAS BAL GYI LVA BAS YONGS SU SBYONG BAS YONGS SU SBYONG BAR BYED, DE TZAM GYIS RTZOM PA 'DOR BA YANG MA YIN TE, DE'I 'OG TU SMAN CHEN PO'I KHU BAS SPANGS NAS RAS SRAB MOS YONGS SU SBYONG BAS YONGS SU SBYONG BAR BYED, YONGS SU SBYANGS TE DRI MA DANG BRAL BA NA BEEd'URYA'I RIGS CHEN PO ZHES BRJOD DO, RIGS KYI BU, DE BZHIN DU DE BZHIN GSHEGS PAS KYANG YONGS SU MA DAG PA'I SEMS CAN KYI KHAMS MKHYEN NAS MI RTAG PA DANG, SDUG BSNGAL BA DANG, BDAG MED PA DANG, MI GTZANG BA YID 'BYUNG BA'I GTAM GYIS 'KHOR BA LA DGA' BA'I SEMS CAN RNAMS 'KHOR BA LA SKYO BA BSKYED PAR MDZAD NAS 'PHAGS PA'I CHOS 'DUL BA LA 'JUG PAR MDZAD DO, DE TZAM GYIS DE BZHIN GSHEGS PA RTZOM PA 'DOR BA YANG MA YIN TE, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL RTOGS PAR MDZAD DO, DE TZAM GYIS DE BZHIN GSHEGS PA RTZOM PA 'DOR BA YANG MA YIN TE, DE'I 'OG TU PHYIR MI LDOG PA'I 'KHOR LO'I GTAM 'KHOR GSUM YONGS SU DAG PA'I GTAM GYIS RANG BZHIN SNA TSOGS @024A *, ,PA'I RGYU CAN GYI SEMS CAN RNAMS DE BZHIN GSHEGS PA'I YUL DU 'JUG PAR MDZAD DO, ,ZHUGS PAR GYUR NAS DE BZHIN GSHEGS PA'I CHOS NYID RTOGS PA NA BLA NA MED PA'I SBYIN GNAS CHEN PO ZHES BRJOD DO; ;ZHES GSUNGS PA'I PHYIR, DE YANG RIM PA DANG POS RGYUD SMIN, GNYIS PAS 'KHOR BA LAS GROL, GSUM PAS THEG CHEN LAM DU KHRID PAR BYED DO, RIM PA DANG PO DANG, GNYIS PAS BSTAN PA'I BDAG MED LA PHRA RAGS KYI KHYAD PAR YOD DE, DANG PO GANG ZAG GI BDAG MED PHRA MO DANG, GNYIS PA CHOS KYI BDAG MED PHRA MO LA BYED PA'I PHYIR, RNAM BSHAD LAS, RIM PA DANG PO'I BDAG MED NI, RAGS PA'I BDAG MED YIN LA, RIM PA GNYIS PAS BSTAN PA NI, PHRA MO'O, ZHES GSUNGS PA'I PHYIR, BZHI BA NI, SLOB DPON DBYIG GNYEN GYI BZHED PA LTAR, NYON MONGS GCIG GI GNYEN PO TSANG BAR STON PA'I GSUNG RAB GCIG, CHOS PHUNG GCIG GI TSAD DU 'JOG PA YIN TE; NYON MONGS PA BRGYAD KHRI BZHI STONG GI GNYEN POR CHOS PHUNG BRGYAD KHRI BZHI STONG GSUNGS PA'I PHYIR TE, MDZOD LAS, SPYOD PA RNAMS KYI GNYEN POR NI, CHOS KYI PHUNG PO MTHUN PAR GSUNGS, ,ZHES DANG, RGYUD SDE SPYI RNAM LAS, RANG LUGS NI, SLOB DPON DBYIG GNYEN GYIS NYON MONGS PA BRGYAD KHRI BZHI STONG LAS NYON MONGS PA RE RE'I GNYEN POR RDZOGS PAR STON PA'I GSUNG RAB CHA TSANG BA RE LA CHOS KYI PHUNG PO RE RER GSUNGS PA LTAR 'DOD DO, ZHES @024B GSUNGS PA'I PHYIR, DE LA YANG THEG PA THUN MONG PA DANG, THUN MONG MA YIN PA'I LUGS GNYIS YOD DE, GSER PHRENG LAS, THEG PA THUN MONG BA DANG, THUN MONG MA YIN PA'I LUGS GNYIS LAS, 'DI NI, MDZOD LAS, KHA CIG, BSTAN BCOS TSAD CES ZER, ZHES PA DANG, MDZOD 'GREL DU SHLOO KA DRUG STONG RER CHOS PHUNG DU GSUNGS PA'I LUGS 'GOD 'DUN YIN PA 'DRA STE, SKABS DANG 'GAL BAS DOR DGOS, DANG PO'I DBANG DU BYAS NA, CHOS PHUNG RER SHLOO KA STONG PHRAG RE DANG, SPYIR BSDOMS NA TSIGS BCAD BYE BA PHRAG BRGYAD DANG, 'BUM PHRAG BZHI BCUR 'GYUR LA, DE NI, KUN BTUS 'GREL BA'I LUGS SO, GNYIS PA'I DBANG DU BYAS NA, GLANG PO CHE SA LA RAB BRTAN GYIS BKUR BAR 'OS PA'I SNAG TSAS CHOS KYI PHUNG PO GCIG 'BRI BAR NUS SO, ZHES PA LTAR, TSIGS BCAD LA MI MTHUN PA MED KYANG RANG LUGS NI, SPYI DON ROL MTSO LAS, TSEG DBAR RGYA YIG GI DBANG DU BYAS NAS SO GNYIS DANG, BOD YIG GI DBANG DU BYAS NAS NYER BRGYAD RE LA TSIGS BCAD RE RE BYAS PA YIN NO, ZHES GSUNGS PA LTAR RO, LNGA PA NI, LUNG RTOGS KYI CHOS 'KHOR RNAMS CHOS CAN, KHYOD LA CHOS 'KHOR ZHES BRJOD PA'I RGYU MTSAN YOD DE, 'KHOR LO RIN PO CHE DANG CHOS MTSUNGS BA'I RGYU MTSAN GYIS DE LTAR BRJOD PA'I PHYIR, DE YANG YIN TE, 'KHOR LO RIN PO CHE DE YUL GZHAN NAS GZHAN DU RIM GYIS 'PHO ZHING, DE'I DBANG GIS MI MTHUN PHYOGS LAS RGYAL BAR BYED PA LTAR, KHYOD KYANG GDUL @025A *, ,BYA'I RGYUD LA RIM GYIS 'PHO ZHING, DE'I DBANG GIS CHAGS SOGS NYON MONGS PA LAS RGYAL BAR BYED PA'I PHYIR, BYAS PA LA KHO NA RE, RNAM MKHYEN CHOS CAN, 'KHOR LO RIN PO CHE DANG CHOS MTSUNGS PAR THAL, CHOS 'KHOR YIN PA'I PHYIR, 'DOD NA, DE CHOS CAN, GDUL BYA'I RGYUD LA 'PHO BAR THAL, 'DOD PA'I PHYIR, 'DOD NA, THUB RNAMS SDIG PA CHU YIS MI 'KHRU ZHING, 'GRO BA'I SDUG BSNGAL PHYAG GIS MI SEL LA, NYID KYI RTOGS PA GZHAN LA SPO MIN TE, CHOS NYID BDEN PA BSTAN PAS GROL BAR MDZAD, ,CES GSUNGS PA MI 'THAD PAR THAL, RNAM MKHYEN GDUL BYA'I RGYUD LA 'PHO BA'I PHYIR ZER NA MA KHYAB STE, LUNG DE'I DON NI, STON PA SH'AKYA THUB PA'I THUGS RGYUD KYI RNAM MKHYEN DE STON PA SH'AKYA THUB PA LAS GZHAN PA'I GANG ZAG GI RGYUD LA MI 'PHO ZHES PA'I DON YIN PA'I PHYIR, MTHA' DPYAD PA LA KHA CIG, LUNG GI CHOS 'KHOR BSKOR BA'I GANG ZAG YIN NA, SANGS RGYAS 'PHAGS PA YIN DGOS PAR THAL, LUNG GI CHOS 'KHOR YIN NA, SANGS RGYAS KYI BKA' YIN DGOS PA'I PHYIR, 'DOD NA, NYAN THOS SH'A RI'I BU CHOS CAN, DER THAL, DE'I PHYIR, DES BSKOR BA'I LUNG GI CHOS 'KHOR YOD PA'I PHYIR ZER NA MA KHYAB, CHOS 'KHOR BSKOR BA LA RNAM MKHYEN THOB DGOS PA'I PHYIR, MDO LAS, 'DAB GSHOG MED PA'I BYA 'PHUR MI NUS PA LTAR, RNAM MKHYEN NYID THOB PAR MA BYAS PAR CHOS KYI 'KHOR LO BSKOR BAR MI NUS SO, ,ZHES @025B GSUNGS PA'I PHYIR, BYAS PA LA KHO NA RE, RTOGS PA'I CHOS 'KHOR YIN NA, RTOG PA YIN DGOS PAR THAL, LUNG GI CHOS 'KHOR LA DE'I PHYIR ZER NA, MA KHYAB STE, 'DOD NA, RNAM MKHYEN CHOS CAN, DER THAL, DE'I PHYIR, 'DOD NA, RTOG PA MA YIN PAR THAL, RTOG MED MA 'KHRUL BA'I SHES PA YIN PA'I PHYIR TE, SANGS RGYAS 'PHAGS PA'I RGYUD KYI SHES PA YIN PA'I PHYIR, KHYAB STE, SANGS RGYAS 'PHAGS PA'I THUGS RGYUD LA RTOGS PA DANG RTOG MED 'KHRUL SHES GANG YANG MED PA'I PHYIR, RNAM BSHAD LAS, SANGS RGYAS LA RTOG PA DANG RTOG MED 'KHRUL PA GANG YANG MI MNGA' BAS ZHES GSUNGS PA'I PHYIR, KHO NA RE, RTOGS PA'I CHOS 'KHOR DANG, RTOGS PA'I CHOS DKON MCHOG DON GCIG YIN PAR THAL, LUNG GI CHOS 'KHOR DANG, LUNG GI CHOS DKON MCHOG DON GCIG YIN PA'I PHYIR ZER NA MA KHYAB, 'DOD NA, RTOGS PA'I CHOS 'KHOR YIN NA, RTOGS PA'I CHOS DKON MCHOG YIN DGOS PAR THAL, DE GNYIS DON GCIG YIN PA'I PHYIR, RTAGS KHAS, 'DOD NA, NYAN THOS KYI TSOGS LAM CHOS CAN, DER THAL, DE'I PHYIR TE, LAM YIN PA'I PHYIR, 'DOD NA, DE CHOS CAN, 'GOG LAM GANG RUNG GIS BSDUS PA'I 'PHAGS RGYUD KYI RNAM BYANG BDEN PA YIN PAR THAL, RTOGS PA'I CHOS DKON MCHOG YIN PA'I PHYIR TE, CHOS DKON MCHOG YIN PA'I PHYIR, RTAGS KHAS, KHYAB STE, CHOS DKON MCHOG, RTOGS PA'I CHOS DKON MCHOG, DON @026A *, ,DAM PA'I CHOS DKON MCHOG RNAMS DON GCIG YIN PA'I PHYIR, SGOM SDE'I SPYI DON LAS, CHOS DKON MCHOG, RTOGS PA'I CHOS DKON MCHOG, DON DAM PA'I CHOS DKON MCHOG RNAMS DON GCIG CES GSUNGS PA'I PHYIR, RTZA BAR 'DOD NA, NYAN THOS KYI TSOGS LAM CHOS CAN, 'PHAGS RGYUD KYI RNAM BYANG BDEN PA YIN PAR THAL, 'DOD PA'I PHYIR, 'DOD MI NUS TE, 'PHAGS RGYUD LA MED PA'I PHYIR, SO SO'I SKYE BO'I RGYUD KYI MKHYEN PA YIN PA'I PHYIR, GZHAN YANG RTOGS PA'I CHOS DKON MCHOG YIN NA, RTOGS PA'I CHOS 'KHOR YIN DGOS PAR THAL, DE GNYIS DON GCIG YIN PA'I PHYIR, RTAGS KHAS, 'DOD NA, 'GOG BDEN CHOS CAN, DER THAL, DE'I PHYIR, RTAGS KHAS, 'GOG LAM GANG RUNG GIS BSDUS PA'I 'PHAGS RGYUD KYI RNAM BYANG BDEN PA YIN PA'I PHYIR, KHYAB STE, DE CHOS DKON MCHOG GI MTSAN NYID YIN PA'I PHYIR, RTZA BAR 'DOD NA, 'GOG BDEN CHOS CAN, LAM YIN PAR THAL, RTOGS PA'I CHOS 'KHOR YIN PA'I PHYIR, RTAGS KHAS, 'DOD MI NUS TO, RTAG PA YIN PA'I PHYIR, ,SMRAS PA, BLO GTER SMRA BA'I SENGGE MI MI ZOL, ,BZANG PO'I 'PHRIN LAS THUB BSTAN SROG GI GSOS, GRAGS SNYAN SA GSUM MKHAS MANG RNA BA'I DPYID, ,RGYAL BA GNYIS PA SRID ZHI'I KHONGS NA BRJID, ,SBYIN TSUL BZOD BRTZON TING 'DZIN KEE LA SHAR, SHES RAB NYIN BYED 'BAR BAS 'KHYUD PA LAS, ,LEGS BSHAD CHU KLUNG KUN TU NGAR BA'I GNYEN,, @026B BAB RGYAS DBYIG GI GAN MDZOD MCHOG DER BSNGAGS, ,GZHAN DU MI GYO SPYI DON RTZA BA BRTAN, ,DGAG SGRUB MTHA' DPYOD YAL 'DAB ME TOG BKRA, ,PHRA ZHIB RIGS PA'I DRI BSUNG 'BUM 'PHRO BAS, ,GZHUNG BZANG 'DI NI DPAL GYI DUM BUR SEMS, ,DE'I PHYIR BLO GSAL BYE BA'I NYER 'TSO'I GZHIR, ,'KHOR BA JI SRID MI NYAMS GNAS PA'I SLAD, ,DAD GTONG THOS BRTZON NOR BU'I RGYAN LDAN PAS, ,NGO MTSAR DPAG YAS SLAR GYI PHYI MO BSKRUN, ,DE YI DGE BAS RGYAL RNAMS SKYED PA'I YUM, ,MKHA' KHYAB SKYE RGU PHAN BDES SKYONG BA'I MA, ,NANG GI MUN SEL DAM PA'I 'OD SNANG CAN, LUNG RTOGS BSHAD SGRUB BLA NAS BLAR 'PHEL SHOG ,KHYAD PAR GANGS RI'I MGON PO'I SKU TSE BRTAN, GSANG GSUM 'JUG PA NAM MKHA'I MTHA' LA 'KHU, ,MDO RGYUD 'O MTSOR MKHAS GRUB DANG MO'I KHYU, ,'CHAD RTZOD RTZOM PA'I MGRIN RNGA BRDUD GYUR CIG, RGYU SBYOR 'BREL THOGS LTOS PAR BCAS PA YANG, ,TSE RING NAD MED DPAL 'BYOR RGYAS PA DANG, ,PHYIN DRUG BSDU BZHI'I BDE LAM YANGS PO NAS, ,MYUR BAR ZHI BA'I KHRI 'PHAR GNON GYUR CIG, ,MDOR NA 'GRO KUN MDZA' ZHING SKYID PAS 'TSO, ,BSTAN PA'I SNYING PO BSHAD SGRUB GTZANG MAS MDZES, ,NGES DON DAM PA'I DBU 'PHANG MTHO BA SOGS, ,BKRA SHIS RGYA MTSOS NOR 'DZIN DGE GYUR CIG, ,CES PA 'DI NI, RIGS PA'I DBANG PHYUG MKHAS GRUB CHEN PO SBYIN PA DAR RGYAS KYIS MDZAD PA'I CHOS 'KHOR GYI SPYI DON BLO GSAL GZHON NU'I MGRIN RGYAN ZHES BYA BA SNGA MO NAS 'BROG RI DGA' LDAN BYANG RTZER SLOB DPON RIM PAS BRTZI GZHAG TU GNANG @027A *, ,DANG GNANG MUS YIN 'DUG NA'ANG BLUN PO'I BRIS NOR 'GYEL BA 'GYEL 'JUS KUN TU 'BYAMS PA LAS DAG PA'I DPE RGYUN GLOG MAR ME SKAD CIG THA MA'I NGANG TSUL 'DZIN PA LA NYE BAR BRTEN, RAB BYUNG BCO LNGA PA'I CHU KHYI LOR TRE HOR DPON KHAG LNGA'I NANG PE RI DGON LTAG GLING BSRES SPRUL BLO BZANG BSTAN 'DZIN GRAGS PA MTHAR YAS DANG, DGE RGAN BYAMS DON, PHYAG MDZOD DGE PHRUG BCAS NAS SPAR GZHI SGRUB BZHED KYI THUGS BSKYED BZANG POS KHOR BOR ZHUS DAG TU BSRINGS SHING, DE BZHIN MKHAN RIN PO CHE BSTAN DAR BAS KYANG NYID DANG DGE BSHES MANG GI MDUN MOS YIN TSUL GYI PHYAG BRIS DANG, DNGOS MJAL DU'ANG GSUNGS PA DANG DU BLANGS TE TSIG DON GNYIS KAR BRTAG DPYAD ZHIB MOR BGYIS KHUL LA, DOGS GNAS 'GA' ZHIG DGOS DBANG GIS RANG SOR BZHAG STE MA PHYIR SPEL BA CHU PHAG ZLA BA DANG POR BRI BRGO LEGS PAR GRUB PA'I TSE DGE RTZA CHUD MI 'DZA' ZHING GNAD DAM PAR BSNGO BA'I SMON TSIG 'DI LTA BU ZHIG DGOS ZHES BSOD NAMS SGRUB PA PO MCHOG SPRUL RIN PO CHES NYE BAR BSKUL BA'I NGOR, 'JAM MGON CHOS KYI RGYAL PO'I RJES SU DAD GUS KYIS PHYOGS PA'I BAN CHUNG RIGS SMRA'I THA SHAL SHES RAB RGYA MTSOS NOR GLING RANG SPYIL THOS BSAM NOR BU'I LDING KHANG DU SBYAR BA'I DGE LDAN LUGS BZANG @027B PHYOGS BRGYAR RGYAS PA'I RGYUR GYUR CIG