@001A *, ,MKHAS GRUB SBYIN PA DAR RGYAS KYIS MDZAD PA'I YUL YUL CAN GYI RNAM GZHAG GSAL BA'I ME LONG ZHES BYA BA BZHUGS SO,, @001A #, ,NA MO GU RU MNY+DZU GHO sh'A YA, 'DIR YUL YUL CAN GYI RNAM GZHAG BSHAD PA LA, DGAG BZHAG SPANG GSUM LAS, DANG PO LA, KHA CIG NA RE, RJES SU DPAG PA'I TSAD MAS MNGON SUM DU RTOGS PAR BYA BA, YUL GYI MTSAN NYID YIN ZER NA, GANG ZAG GI BDAG MED CHOS CAN, RJES SU DPAG PA'I TSAD MAS MNGON SUM DU RTOGS PAR BYA BA YIN PAR THAL, YUL YIN PA'I PHYIR, KHYAB PA KHAS, MA GRUB NA, DE CHOS CAN, YUL YIN PAR THAL, GZHI GRUB PA'I PHYIR, RTZA BAR 'DOD MI NUS TE, RJES SU DPAG PA'I TSAD MAS MNGON SUM DU RTOGS PAR BYA BA MED PA'I PHYIR TE, RJES DPAG GIS MNGON SUM DU RTOGS PA MED PA'I PHYIR, MA GRUB NA, RJES DPAG CHOS CAN, KHYOD KYIS MNGON SUM DU RTOGS PA MED PAR THAL, KHYOD RTOG PA YIN PA'I PHYIR, MA GRUB NA, DE CHOS CAN, RTOG PA YIN PAR THAL, ZHEN RIG YIN PA'I PHYIR, KHYAB STE, ZHEN RIG DANG, RTOG PA GNYIS DON GCIG YIN PA'I PHYIR, BYAS PA LA, KHO NA RE, GANG ZAG GI BDAG MED CHOS CAN, RJES SU DPAG PA'I TSAD MAS MNGON SUM DU RTOGS PA YIN PAR THAL, RJES SU DPAG PA'I TSAD MA'I DNGOS YUL YIN PA'I PHYIR ZER NA, MA KHYAB, MA GRUB NA, DE CHOS CAN, DER THAL, RJES SU @002A #, ,DPAG PA'I TSAD MAS DNGOS SU RTOGS PAR BYA BA YIN PA'I PHYIR, MA GRUB NA, DE CHOS CAN, DER THAL, LKOG GYUR YIN PA'I PHYIR, KHYAB STE, RJES SU DPAG PA'I TSAD MAS DNGOS SU RTOGS PAR BYA BA, LKOG GYUR GYI MTSAN NYID YIN PA'I PHYIR, YANG KHO NA RE, GANG ZAG GI BDAG MED CHOS CAN, RJES SU DPAG PA'I TSAD MAS DNGOS SU RTOGS PA MA YIN PAR THAL, DES SHUGS LA RTOGS PA YIN PA'I PHYIR, MA GRUB NA, DE CHOS CAN, DER THAL, DES LKOG TU GYUR PA'I TSUL GYIS RTOGS PA YIN PA'I PHYIR ZER NA, MA KHYAB, 'DOD NA, DE CHOS CAN, RJES SU DPAG PA'I TSAD MAS SHUGS LA MA RTOGS PAR THAL, DES SHUGS LA RTOGS PA'I CHOS MED PA'I PHYIR, BYAS PA LA, KHO NA RE, RJES SU DPAG PA'I TSAD MA YIN NA, KHYOD KYIS SHUGS LA RTOGS PA'I CHOS MED PAS KHYAB PAR THAL, RJES SU DPAG PA'I TSAD MAS SHUGS LA RTOGS PA'I CHOS MED PA'I PHYIR, ZER NA, MA KHYAB, 'DOD NA, SGRA MI RTAG RTOGS KYI RJES DPAG CHOS CAN, DER THAL, DE'I PHYIR, KHYAB PA KHAS, 'DOD NA, DE CHOS CAN, KHYOD KYIS SHUGS LA RTOGS PA'I CHOS YOD PAR THAL, KHYOD KYIS SGRA RTAG STONG SHUGS LA RTOGS PA'I PHYIR, MA GRUB NA, DER THAL, KHYOD @002B GYIS SGRA MI RTAG PA DNGOS SU RTOGS NAS SGRA RTAG STONG SHUGS LA RTOGS PA'I PHYIR, RANG RES GZHI GRUB NA, MNGON SUM GYI TSAD MAS MNGON SUM DU RTOGS PAS KHYAB, BYAS PA LA, KHO NA RE, SHES PA CHOS CAN, DER THAL, DE'I PHYIR, 'DOD NA, DE CHOS CAN, MNGON SUM GYI TSAD MA LA GSAL BAR SNANG BAR THAL, DES DE MNGON SUM DU RTOGS PA'I PHYIR, ZER NA, MA KHYAB, 'DOD NA, SHES BYA CHOS CAN, MNGON SUM GYI TSAD MA'I SNANG YUL YIN PAR THAL, DE LA GSAL BAR SNANG BA'I PHYIR, RTAGS KHAS, 'DOD NA, SHES BYA CHOS CAN, MNGON SUM GYI SNANG YUL YIN PAR THAL, 'DOD PA'I PHYIR, 'DOD MI NUS TE, SPYI MTSAN YIN PA'I PHYIR,GZHAN YANG, SHES BYA CHOS CAN, MNGON SUM GYI TSAD MAS MNGON SUM DU RTOGS PA YIN PAR THAL, DES RTOGS PA GANG ZHIG, MNGON SUM GYI TSAD MAS DON SPYI'I TSUL GYIS RTOGS PA MED PA'I PHYIR, DANG PO DER THAL, GZHI GRUB PA'I PHYIR, GNYIS PA MA GRUB NA, MNGON SUM GYI TSAD MA CHOS CAN, KHYOD KYIS DON SPYI'I TSUL GYIS RTOGS PA MED PAR THAL, KHYOD KYIS RTOGS NA, KHYOD KYIS MNGON SUM DU RTOGS PAS KHYAB PA'I PHYIR, MA GRUB NA, DE CHOS CAN, DER THAL, KHYOD MNGON SUM YIN PA'I PHYIR, KHYAB STE, TSUR MTHONG GI RGYUD KYI STONG NYID RTOGS PA'I BLO YIN NA, RTOG PA YIN PAS KHYAB CING DE'I RGYUD LA STONG NYID RTOGS @003A *, ,PA'I MNGON SUM MED PAR KHAS LEN PA'I RGYU MTSAN YOD PA'I PHYIR, DBU MA RGYAN LAS, TSUR ROL MTHONG PA THAMS CAD KYI, ,SEMS NI DE LA NOR PA'I PHYIR, YANG DAG DNGOS PO CUNG ZAD KYANG, MNGON SUM DAG GIS GRUB PA MED, ,CES GSUNGS PA'I PHYIR, DE NA, RJES SU DPAG PA'I TSAD MAS DNGOS SU RTOGS PA, DES DON SPYI'I TSUL GYIS RTOGS PA, DES LKOG TU GYUR PA'I TSUL GYIS RTOGS PA RNAMS DON GCIG YIN KYANG, MNGON SUM TSAD MAS DNGOS SU RTOGS PA, DES DON SPYI'I TSUL GYIS RTOGS PA, DES LKOG TU GYUR PA'I TSUL GYIS RTOGS PA RNAMS DON GCIG MIN TE, PHYI MA GNYIS MED PA'I PHYIR, MA GRUB NA, MNGON SUM GYI TSAD MA CHOS CAN, KHYOD KYIS DON SPYI'I TSUL GYIS RTOGS PA DANG, KHYOD KYIS LKOG TU GYUR PA'I TSUL GYIS RTOGS PA GNYIS MED PAR THAL, KHYOD RTOG MED KYI SHES PA YIN PA'I PHYIR, DE LTAR YIN KYANG MNGON SUM GYI TSAD MAS SHUGS LA RTOGS PA YOD DE, SPYI MTSAN YIN NA, DES SHUGS LA RTOGS PAS KHYAB PA'I PHYIR, MA GRUB NA, DER THAL, SPYI MTSAN YIN NA, DES RTOGS PAS KHYAB PA GANG ZHIG, DES RTOGS NA, DNGOS SHUGS GANG RUNG DU RTOGS PAS KHYAB PA'I PHYIR, DANG PO SLA, GNYIS PA MA GRUB NA, MNGON SUM GYI TSAD MA CHOS CAN, KHYOD KYIS RTOGS NA, KHYOD KYIS DNGOS SHUGS @003B GANG RUNG DU RTOGS PAS KHYAB PAR THAL, KHYOD GANG ZAG GI BDAG MED YIN PA'I PHYIR, KHA CIG NA RE, BLO DE LA SNANG BA'I SGO NAS BLO DES RIG PAR BYA BA, BLO DE'I SNANG YUL GYI MTSAN NYID, BLO DES ZHEN PA'I SGO NAS RIG PAR BYA BA, BLO DE'I ZHEN YUL GYI MTSAN NYID YIN ZER NA, DANG PO LA, SGRA RTAG PA'I DON SPYI CHOS CAN, SGRA RTAG 'DZIN RTOG PA LA SNANG BA'I SGO NAS SGRA RTAG 'DZIN RTOG PAS RIG PAR BYA BA YIN PAR THAL, DE'I SNANG YUL YIN PA'I PHYIR, MA GRUB NA, SGRA RTAG PA CHOS CAN, KHYOD KYI DON SPYI KHYOD 'DZIN RTOG PA'I SNANG YUL YIN PAR THAL, KHYOD GANG ZAG GI BDAG MED YIN PA'I PHYIR, RTZA BAR 'DOD NA, SGRA RTAG PA'I DON SPYI CHOS CAN, SGRA RTAG 'DZIN RTOG PAS RIG PAR BYA BA YIN PAR THAL, DE LA SNANG PA'I SGO NAS DES RIG PAR BYA BA YIN PA'I PHYIR, RTAGS KHAS, 'DOD NA, DE CHOS CAN, SGRA RTAG 'DZIN RTOG PAS RTOGS PAR BYA BA YIN PAR THAL, DES RIG PAR BYA BA YIN PA'I PHYIR, 'DOD MI NUS TE, SGRA RTAG 'DZIN RTOG PAS RTOGS PA'I CHOS MED PA'I PHYIR TE, DE'I GZHAL BYA MED PA'I PHYIR, MA GRUB NA, SGRA RTAG 'DZIN RTOG PA CHOS CAN, KHYOD KYI GZHAL BYA MED PAR THAL, KHYOD LOG SHES YIN PA'I PHYIR, GNYIS PA LA, RI BONG RvA CHOS CAN, RI BONG RvA 'DZIN RTOG PAS ZHEN PA'I SGO NAS RIG PAR BYA BA YIN PAR THAL, DE'I ZHEN YUL YIN PA'I PHYIR, MA @004A *, ,GRUB NA, RI BONG RvA CHOS CAN, KHYOD KHYOD 'DZIN RTOG PA'I ZHEN YUL YIN PAR THAL, KHYOD GANG ZAG GI BDAG MED YIN PA'I PHYIR, RTZA BAR 'DOD NA, RI BONG RvA CHOS CAN, RI BONG RvA 'DZIN RTOG PAS RIG PAR BYA BA YIN PAR THAL, DES ZHEN PA'I SGO NAS RIG PAR BYA BA YIN PA'I PHYIR, RTAGS KHAS, 'DOD NA, DES CHOS CAN, DES RTOGS PAR BYA BA YIN PAR THAL, 'DOD PA'I PHYIR, 'DOD MI NUS TE, KHYOD RTOGS PA'I BLO MED PA'I PHYIR TE, KHYOD MED NGES YIN PA'I PHYIR, KHA CIG GIS SHES PA YIN NA, KHYOD KYI GZUNG DON YOD PAS KHYAB ZER NA, SKRA SHAD 'DZAG SNANG GI DBANG SHES CHOS CAN, DER THAL, DE'I PHYIR, 'DOD MI NUS TE, RNAM 'GREL LAS, SKRA SHAD DON MED CAN YIN NO, ,ZHES GSUNGS PA'I PHYIR, GZHAN YANG, DE CHOS CAN, KHYOD KYI GZUNG DON MED PAR THAL, KHYOD LOG SHES YIN PA'I PHYIR, RANG LUGS NI, BLOS RIG PAR BYA BA, YUL GYI MTSAN NYID YIN TE, TSAD MA RIGS GTER LAS, YUL GYI MTSAN NYID BLOS RIG BYA, ,ZHES GSUNGS PA'I PHYIR, DBYE BA BSHAD PA LA, YUL LA DBYE NA, SNANG YUL, ZHEN YUL, 'JUG YUL, GZUNG YUL DANG BZHI YOD BYAS PA LA, KHA CIG NA RE, YUL CAN YIN NA, KHYOD KYI YUL BZHI GA YOD PAS KHYAB ZER NA, RI BONG RvA ZHES BRJOD PA'I SGRA CHOS CAN, DER THAL, DE'I PHYIR, 'DOD NA, DE CHOS CAN, KHYOD KYI SNANG @004B YUL DANG, ZHEN YUL GNYIS YOD PAR THAL, 'DOD PA'I PHYIR, 'DOD MI NUS TE, RJOD BYED KYI SGRA DON MI MTHUN YIN PA'I PHYIR, KHYAB STE, RJOD BYED KYI SGRA YIN NA, KHYOD KYI 'JUG YUL YOD PAS KHYAB KYANG DE YIN NA, KHYOD KYI SNANG YUL MED PAS KHYAB PA'I PHYIR, BYAS PA LA, KHO NA RE, RI BONG RvA ZHES BRJOD PA'I SGRA CHOS CAN, KHYOD KYI YUL YOD PAR THAL, KHYOD KYI 'JUG YUL YOD PA'I PHYIR TE, KHYOD RJOD BYED KYI SGRA YIN PA'I PHYIR, 'DOD NA, DE CHOS CAN, KHYOD KYI BRJOD BYA YOD PAR THAL, 'DOD PA'I PHYIR, 'DOD NA, RI BONG RvA YOD PAR THAL, 'DOD PA'I PHYIR ZER NA, MA KHYAB STE, RI BONG RvA'I DON SPYI DE RI BONG RvA ZHES BRJOD PA'I SGRA'I BRJOD BYA YIN PA'I PHYIR TE, DE DE'I 'JUG YUL YIN PA'I PHYIR, RI BONG RvA 'DZIN RTOG PA CHOS CAN, KHYOD KYI YUL BZHI GA YOD PAR THAL, KHYOD YUL CAN YIN PA'I PHYIR, KHYAB PA KHAS, 'DOD NA, DE CHOS CAN, KHYOD KYI ZHEN YUL YOD PAR THAL, 'DOD PA'I PHYIR, 'DOD MI NUS TE, LOG SHES YIN PA'I PHYIR, GZHAN YANG, RNAM MKHYEN CHOS CAN, DER THAL, DE'I PHYIR, KHYAB PA KHAS, 'DOD NA, DE CHOS CAN, KHYOD KYI ZHEN YUL YOD PAR THAL, 'DOD PA'I PHYIR, 'DOD MI NUS TE, KHYOD RTOG MED KYI SHES PA YIN PA'I PHYIR, SHES PA YIN NA, KHYOD KYI SNANG YUL YOD PAS KHYAB KYANG ZHEN YUL DE, RTOG PA DANG, RTOG MED KYI SHES PA GNYIS KYI NANG NAS RTOG PA KHO NA'I SGER GYI KHYAD CHOS YIN PA'I PHYIR TE, @005A *, ,TSAD MA RIGS GTER LAS, SNANG YUL SHES PA KUN LA YOD, ,ZHEN YUL RTOG PA'I SGER CHOS YIN, ,ZHES GSUNGS PA'I PHYIR, KHO NA RE, KHYOD KYI ZHEN YUL YOD NA, KHYOD KYI ZHEN PA YOD PAS KHYAB PAR THAL, RNAM MKHYEN GYI ZHEN YUL MED PA'I PHYIR ZER NA, MA KHYAB, 'DOD MI NUS TE, RJOD BYED KYI SGRA'I ZHEN PA MED KYANG DE'I ZHEN YUL YOD PA'I PHYIR, GZUGS SOGS KYI CHOS THAMS CAD RJOD BYED KYI SGRA'I ZHEN YUL YIN PA'I PHYIR, DE LTAR YANG, LEGS BSHAD SNYING PO LAS, GZUGS SOGS RJOD BYED KYI SGRA'I ZHEN YUL YIN PAR RANG MTSAN GYIS GRUB PA 'GOG PA NA ZHEN YUL GYI GZHI LDOG GZUGS RANG MTSAN GYIS GRUB PA 'GOG NA, GZHAN DBANG RANG MTSAN GYIS GRUB PA BKAG PAR 'GYUR LA ZHES GSUNGS PA'I PHYIR, GZHAN YANG, KHYOD KYI ZHEN DON YOD NA, KHYOD KYI ZHEN PA YOD PAS KHYAB PAR THAL, ZHEN YUL LA DE'I PHYIR, 'DOD NA, SGRA MI RTAG PAR DAM BCA' BA'I DAM BCA' CHOS CAN, DER THAL, DE'I PHYIR, KHYAB PA KHAS, RTAGS GRUB STE, RANG GI ZHEN DON RANG SMRA BA POS TSAD MAS GRUB PA'I DAM BCA' YIN PA'I PHYIR TE, DAM BCA' YANG DAG YIN PA'I PHYIR, MA GRUB NA, SGRA CHOS CAN, KHYOD MI RTAG PAR DAM BCA' BA'I DAM BCA' DE DAM BCA' YANG DAG YIN PAR THAL, KHYOD MI RTAG PA YIN PA'I PHYIR, RTZA BAR 'DOD MI NUS SO, ,KHO NA RE, RI BONG RVA CHOS CAN, BLOS RIG PAR @005B BYA BA YIN PAR THAL, YUL YIN PA'I PHYIR, MA GRUB NA, DE CHOS CAN, DER THAL, RTOG PA'I YUL YIN PA'I PHYIR TE, RANG 'DZIN RTOG PA'I YUL YIN PA'I PHYIR ZER NA MA KHYAB, MA GRUB NA, DE CHOS CAN, DER THAL, BDAG MED YIN PA'I PHYIR, MA KHYAB MTSAMS LA RI BONG RvA CHOS CAN, RTOG PA LA SNANG BAR THAL, RANG 'DZIN RTOG PA LA SNANG BA'I PHYIR, KHYAB PA 'GRIG, 'DOD MI NUS TE, MED NGES YIN PA'I PHYIR, YANG YUL LA DBYE BA, RANG MTSAN DANG, SPYI MTSAN GNYIS SU DBYE BA, MNGON GYUR DANG, LKOG GYUR GNYIS SU DBYE BA, BDEN PA GNYIS SU DBYE BA DANG GSUM LAS, DANG PO LA, MDO SDE PA'I LUGS KYI RANG SPYI GNYIS 'CHAD PA DANG, SEMS TZAM PA'I LUGS KYI RANG SPYI GNYIS 'CHAD PA'O,, DANG PO NI, RTOG PAS BTAGS TZAM MA YIN PAR YUL RANG GI THUN MONG MA YIN PA'I SDOD LUGS KYI NGOS NAS GRUB PA DE, RANG MTSAN GYI MTSAN NYID, RANG MTSAN DANG, DNGOS PO, ,DON DAM BDEN PA, MNGON SUM GYI SNANG YUL, MNGON GYUR RNAMS DON GCIG, RTOG PAS BTAGS TZAM DU GRUB PA'I CHOS SU DMIGS PA DE, SPYI MTSAN GYI MTSAN NYID, SPYI MTSAN, RTAG PA, KUN RDZOB BDEN PA, RTOG PA'I SNANG YUL RNAMS DON GCIG, GNYIS PA SEMS TZAM PA'I LUGS NI, RANG MTSAN DANG, SPYI MTSAN SO SO'I MTSAN NYID MDO SDE PA DANG 'DRA, GZHAN DBANG YONGS GRUB GANG RUNG YIN NA, RANG MTSAN YIN PAS KHYAB, SPYI MTSAN DANG, RNAM GRANGS PA'I KUN BTAGS DON GCIG, DNGOS PO YIN NA, RANG MTSAN YIN @006A *, ,PAS KHYAB KYANG RANG MTSAN YIN NA, DNGOS PO YIN PAS MA KHYAB STE, YONGS GRUB YIN NA, RANG MTSAN YIN PAS KHYAB KYANG DE YIN NA, DNGOS PO MA YIN DGOS PA'I PHYIR, GNYIS PA MNGON LKOG GNYIS 'CHAD PA LA, MNGON SUM GYI TSAD MAS DNGOS SU RTOGS PAR BYA BA DE, MNGON GYUR GYI MTSAN NYID, DE DANG, DNGOS PO DON GCIG, RJES SU DPAG PA'I TSAD MAS DNGOS SU RTOGS PAR BYA BA DE, LKOG GYUR GYI MTSAN NYID, RANG 'DZIN RTOG PAS LKOG TU GYUR PA'I TSUL GYIS RTOGS PAR BYA BA, RANG NYID LKOG GYUR YIN PA'I MTSAN NYID, GZHI GRUB NA, LKOG GYUR YIN PAS KHYAB CING, LKOG GYUR LA DBYE NA, CUNG ZAD LKOG GYUR, SHIN TU LKOG GYUR GNYIS LAS, DANG PO NI, SGRA MI RTAG PA LTA BU, GNYIS PA NI, SBYIN PA BTANG BA LAS LONGS SPYOD 'BYUNG BA DANG, TSUL KHRIMS BSRUNGS PA LAS BDE 'GRO THOB PA LTA BU'O, ,GSUM PA BDEN PA GNYIS BSHAD PA LA, BYE BRAG SMRA BA'I LUGS KYI BDEN PA GNYIS BSHAD PA, MDO SDE PA'I LUGS KYI BDEN PA GNYIS BSHAD PA, SEMS TZAM PA'I LUGS KYI BDEN PA GNYIS BSHAD PA GSUM LAS, DANG PO NI, BCOM PA'AM BLOS RANG GI CHA SHAS SO SOR BSAL BA NA RANG 'DZIN GYI BLO DON MTHUN 'DOR BA'I CHOS SU DMIGS PA DE, KUN RDZOB BDEN PA'I MTSAN NYID, DE LTAR MI 'DOR BA'I CHOS SU DMIGS PA DE, DON DAM BDEN PA'I MTSAN NYID YIN TE, MDZOD LAS, GANG LA BCOM DANG @006B BLO YIS GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,ZHES GSUNGS PA'I PHYIR, MTSAN GZHI NI, BUM PA DANG, SNAM BU LTA BU DANG PO YIN TE, BUM PA THO BAS BCOM PA NA BUM PAR 'DZIN PA'I BLO DON MTHUN 'DOR BA'I PHYIR DANG, SNAM BU'I SNAL MA SO SOR BSAL BA NA SNAM BUR 'DZIN PA'I BLO DON MTHUN 'DOR BA'I PHYIR, RDUL PHRAN PHYOGS KYI CHA MED DANG, SHES PA DUS MTHA'I SKAD CIG MA, 'DUS MA BYAS KYI NAM MKHA', SO SOR BRTAGS 'GOG ,SO SOR BRTAG MIN GYI BGOG PA RNAMS GNYIS PA YIN, GNYIS PA MDO SDE BA'I LUGS NI, DON DAM PAR DON BYED MI NUS PA'I CHOS SU DMIGS PA DE, KUN RDZOB BDEN PA'I MTSAN NYID, DON DAM PAR DON BYED NUS PA'I CHOS SU DMIGS PA DE, DON DAM BDEN PA'I MTSAN NYID, DON DAM BDEN PA DANG, RANG MTSAN DON GCIG, KUN RDZOB BDEN PA DANG, SPYI MTSAN DON GCIG STE, RNAM 'GREL LAS, DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA STE, ,DE DAG RANG SPYI'I MTSAN NYID BSHAD, ,CES GSUNGS PA'I PHYIR, GSUM PA SEMS TZAM PA'I LUGS NI, RANG MNGON SUM DU RTOGS PA'I MNGON SUM GYI TSAD MAS GNYIS SNANG DANG BCAS PA'I SGO NAS RTOGS PAR BYA BA, KUN RDZOB BDEN PA'I MTSAN NYID, KUN RDZOB BDEN PA DANG, YONGS GRUB MA YIN PA'I CHOS DON GCIG, RANG MNGON SUM DU RTOGS PA'I MNGON @007A *, ,SUM GYI TSAD MAS GNYIS SNANG NUB PA'I SGO NAS RTOGS PAR BYA BA, DON DAM BDEN PA'I MTSAN NYID, DON DAM BDEN PA DANG, YONGS GRUB DON GCIG ,MTSAN GZHI NI, GZUGS PHYI ROL DON GYIS STONG PA, GZUGS DANG GZUGS 'DZIN PA'I TSAD MA RDZAS GZHAN KYIS STONG PA, GZUGS GZUGS ZHES PA'I SGRA 'JUG PA'I 'JUG GZHIR BDEN PAR MED PA, GZUGS GZUGS 'DZIN RTOG PA'I ZHEN GZHIR BDEN PAR MED PA RNAMS YIN LA, STONG NYID; DE BZHIN NYID, YANG DAG MTHA', MTSAN MA MED PA'I DBYINGS, DON DAM BDEN PA CHOS KYI DBYINGS RNAMS DON GCIG MING GI RNAM GRANGS YIN PA'I PHYIR TE, DBUS MTHA' RNAM 'BYED LAS, STONG PA NYID NI MNGON BSDUS NA, ,DE BZHIN NYID DANG YANG DAG MTHA', ,MTSAN MA MED DANG DON DAM BDEN, ,CHOS KYI DBYINGS RNAMS RNAM GRANGS SO, ,ZHES GSUNGS PA'I PHYIR, GNYIS PA YUL CAN LA, MTSAN NYID DANG, DBYE BA GNYIS LAS, DANG PO NI, YUL DANG YUL CAN GNYIS SU PHYE BA'I NANG NAS YUL MA YIN PA GANG ZHIG, RANG YUL CI RIGS DANG LDAN PA DE, YUL CAN GYI MTSAN NYID DU 'JOG BYAS PA LA, KHO NA RE, RNAM MKHYEN CHOS CAN, YUL DANG YUL CAN GNYIS SU PHYE BA'I NANG NAS YUL MA YIN PAR THAL, YUL CAN YIN PA'I PHYIR, 'DOD NA, RNAM MKHYEN CHOS CAN, DE GNYIS SU PHYE BA'I NANG NAS YUL YIN PAR THAL, YUL YIN PA'I PHYIR ZER NA, MA KHYAB BYAS PA LA, KHO NA RE, RNAM MKHYEN CHOS CAN, DE GNYIS SU PHYE BA'I NANG NAS YUL YIN @007B PAR THAL, DE GNYIS SU PHYE BA'I NANG NAS YOD PA GANG ZHIG, YOD NA, YUL YIN DGOS PA'I PHYIR ZER NA MA KHYAB, DANG PO MA GRUB NA, RNAM MKHYEN CHOS CAN, DE GNYIS SU PHYE BA'I NANG NAS YUL CAN YIN PA'I PHYIR TE, YUL CAN YIN PA'I PHYIR GONG GI MA KHYAB MTSAMS LA RANG RIG CHOS CAN, GZUNG BA DANG, 'DZIN PA GNYIS SU PHYE BA'I NANG NAS GZUNG BA YIN PAR THAL, DE GNYIS SU PHYE BA'I NANG NAS YOD PA GANG ZHIG, YOD NA, GZUNG BA YIN DGOS PA'I PHYIR, KHYAB PA 'GRIG, DANG PO SLA, GNYIS PA MA GRUB NA, DER THAL, YOD NA, YUL YIN DGOS PA GANG ZHIG, YUL DANG, GZUNG BA DON GCIG YIN PA'I PHYIR, RTZA BAR 'DOD NA, RANG RIG CHOS CAN, GZUNG BA DANG, 'DZIN PA GNYIS SU PHYE BA'I NANG NAS GZUNG BA MA YIN PAR THAL, DE GNYIS SU PHYE BA'I NANG NAS 'DZIN PA YIN PA'I PHYIR, KHA CIG GIS YUL DANG, YUL CAN GNYIS SU PHYE BA'I NANG NAS YUL CAN YIN NA, YUL MA YIN DGOS PAR THAL, YUL DANG, YUL CAN GNYIS SU PHYE BA'I NANG NAS YUL CAN YIN NA, DE GNYIS SU PHYE BA'I NANG NAS YUL MA YIN PAS KHYAB PA'I PHYIR ZER NA MA KHYAB, 'DOD NA, RNAM MKHYEN CHOS CAN, YUL MA YIN PAR THAL, DE GNYIS SU PHYE BA'I NANG NAS YUL CAN YIN PA'I PHYIR, 'DOD NA, DE CHOS CAN, YUL YIN PAR THAL, GZHI THUB PA'I PHYIR, BYAS PA LA, KHO NA RE, YUL YIN NA, YUL DANG, YUL CAN GNYIS SU PHYE BA'I NANG NAS YUL YIN DGOS PAR THAL, YUL CAN YIN NA, YUL DANG, YUL CAN GNYIS SU PHYE BA'I NANG NAS YUL CAN YIN DGOS PA'I PHYIR @008A *, ,ZER NA MA KHYAB, YANG KHO NA RE, RNAM MKHYEN CHOS CAN, YUL DANG, YUL CAN GNYIS SU PHYE BA'I NANG NAS YUL YIN PAR THAL, YUL DANG, YUL CAN GNYIS SU PHYE BA'I NANG NAS TSAD MA'I YUL YIN PA'I PHYIR ZER NA MA KHYAB, KHA CIG ,YUL DANG, YUL CAN GNYIS SU PHYE BA'I NANG NAS YUL CAN YIN NA, GZUNG 'DZIN GNYIS SU PHYE BA'I NANG NAS 'DZIN PA YIN PAS KHYAB ZER NA, RJOD BYED KYI SGRA CHOS CAN, DER THAL, DE'I PHYIR, KHYAB PA KHAS, MA GRUB NA, DE CHOS CAN, YUL DANG, YUL CAN GNYIS SU PHYE BA'I NANG NAS YUL CAN YIN PAR THAL, YUL CAN YIN PA'I PHYIR, KHYAB STE, 'DZIN PA YIN NA, GZUNG 'DZIN GNYIS SU PHYE BA'I NANG NAS 'DZIN PA YIN DGOS PA'I PHYIR TE, GANG ZAG YIN NA CHOS DANG, GANG ZAG GNYIS SU PHYE BA'I NANG NAS GANG ZAG YIN DGOS PA'I PHYIR, RTZA BAR 'DOD NA, RJOD BYED KYI SGRA CHOS CAN, 'DZIN PA YIN PAR THAL, GZUNG 'DZIN GNYIS SU PHYE BA'I NANG NAS 'DZIN PA YIN PA'I PHYIR, RTAGS KHAS, 'DOD NA, DE CHOS CAN, BLO YIN PAR THAL, 'DZIN PA YIN PA'I PHYIR, KHYAB STE, 'DZIN PA DANG BLO GNYIS DON GCIG YIN PA'I PHYIR, RIGS PA 'DI LA BRTEN NAS GANG ZAG YIN NA, CHOS DANG, GANG ZAG GNYIS SU PHYE BA'I NANG NAS CHOS MA YIN PAS KHYAB PA YANG SHES PAR BYA'O, ,DES NA RJOD BYED KYI SGRA DANG, GANG ZAG GANG RUNG YIN NA, YUL DANG, YUL CAN GNYIS SU PHYE BA'I NANG NAS YUL CAN MA YIN PAS KHYAB PAR 'DOD PA'I LUGS 'GA' ZHIG YOD KYANG RANG LUGS DE'I RJES @008B SU MI 'BRANG NGO, ,GNYIS PA YUL CAN LA DBYE NA, GANG ZAG, BLO, RJOD BYED KYI SGRA DANG GSUM LAS, DANG PO LA, KHA CIG, RANG GI GDAGS GZHIR GYUR PA'I PHUNG PO LNGA LA BRTEN NAS BTAGS PA'I NGA DE, GANG ZAG GI MTSAN NYID ZER NA, GZUGS MED KHAMS PA'I GANG ZAG CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, RANG GI GDAGS GZHIR GYUR BA'I PHUNG PO LNGA YOD PAR THAL, 'DOD PA'I PHYIR, 'DOD NA, DE CHOS CAN, KHYOD KYI GDAGS GZHIR GYUR BA'I GZUGS KYI PHUNG PO YOD PAR THAL, 'DOD PA'I PHYIR, 'DOD NA, GZUGS MED KHAMS NA GZUGS YOD PAR THAL, 'DOD PA'I PHYIR, 'DOD MI NUS SO, ,RANG LUGS NI, RANG GI GDAGS GZHIR GYUR PA'I PHUNG PO LNGA PO GANG RUNG LA BRTEN NAS BTAGS PA'I NGA DE, RANG NYID GANG ZAG YIN PA'I MTSAN NYID, DE LA DBYE NA, 'DOD KHAMS PA'I GANG ZAG, GZUGS KHAMS PA'I GANG ZAG, GZUGS MED KHAMS PA'I GANG ZAG DANG GSUM LAS, DANG PO NI, 'DOD PA'I LHA MI LTA BU'O, ,GNYIS PA NI, GZUGS KHAMS GNAS RIGS BCU BDUN GYI GANG ZAG LTA BU'O, ,GSUM PA NI, GZUGS MED SKYE MCHED MU BZHI'I RTEN CAN GYI GANG ZAG LTA BU'O, ,YANG GANG ZAG LA DBYE NA, SKYE 'PHAGS GNYIS LAS, DANG PO NI MTHONG LAM MA THOB PA'I GANG ZAG LTA BU'O, ,GNYIS PA NI, MTHONG LAM THOB PA'I GANG ZAG LTA BU'O, ,GNYIS PA BLO LA, MTSAN NYID DANG, DBYE BA GNYIS LAS, DANG PO NI, RIG PA, BLO'I MTSAN NYID, GSAL ZHING RIG PA, SHES PA'I MTSAN @009A *, ,NYID, BLO, ,RIG PA, SHES PA RNAMS DON GCIG, GNYIS PA DE LA DBYE NA, TSAD MA DANG, TSAD MIN GYI SHES PA GNYIS LAS, DANG PO LA, KHA CIG MI BSLU P'I RIG PA, TSAD MA'I MTSAN NYID ZER NA, SNGON 'DZIN DBANG PO'I MNGON SUM GYIS DRANGS NAS SKYES PA'I SNGON PO NGES PA'I NGES SHES CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, SNGON PO LA MI BSLU BA'I RIG PA YIN PA'I PHYIR TE, SNGON 'DZIN TSAD MA SNGON PO LA MI BSLU BA'I RIG PA YIN PA'I PHYIR, MA GRUB NA, SNGON PO CHOS CAN, KHYOD 'DZIN TSAD MA KHYOD LA MI BSLU BA'I RIG PA YIN PAR THAL, KHYOD GZHI GRUB PA'I PHYIR, RTZA BAR 'DOD MI NUS TE, BCAD SHES YIN PA'I PHYIR TE, RTOG PA BCAD SHES YIN PA'I PHYIR, RANG LUGS NI, GSAR DU MI BSLU BA'I RIG PA, TSAD MA'I MTSAN NYID, DE LA DBYE NA, MNGON SUM GYI TSAD MA DANG, RJES SU DPAG PA'I TSAD MA GNYIS YOD PA LAS, MTSAN NYID LA, KHA CIG, RTOG PA DANG BRAL ZHING MA 'KHRUL BA'I RIG PA, MNGON SUM TSAD MA'I MTSAN NYID, RANG GI RTEN DU GYUR PA'I RTAGS YANG DAG BKOD PA LA BRTEN NAS SKYES SHING RANG GI GZHAL BYA LKOG GYUR LA GSAR DU MI BSLU BA'I ZHEN RIG, RJES DPAG TSAD MA'I MTSAN NYID ZER NA, DANG PO LA, BUM 'DZIN RTOG PA CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, MA GRUB NA, DE CHOS CAN, MNGON SUM TSAD MA YIN PAR THAL, MNGON SUM KHYOD LA TSAD MA YIN PA'I PHYIR @009B KHYOD YOD PA GANG ZHIG, MNGON SUM YANG YOD PA'I PHYIR, DANG PO SLA, GNYIS PA GRUB STE, MNGON SUM DANG RJES DPAG GNYIS KA YOD PA'I PHYIR TE, BDAG MAD YIN PA'I PHYIR, RTZA BAR 'DOD NA, DE CHOS CAN, RTOG PA DANG BRAL BAR THAL, 'DOD PA'I PHYIR, 'DOD MI NUS TE, RTOG PA YIN PA'I PHYIR TE, ZHEN TIG YIN PA'I PHYIR, GNYIS PA LA, KUN MKHYEN YE SHES CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, MA GRUB NA, DE CHOS CAN, RJES DPAG TSAD MA YIN PAR THAL, RJES DPAG RJES SU DPAG PA'I TSAD MA YIN PA'I PHYIR, KHYAB STE, RJES DPAG, RJES SU DPAG PA'I TSAD MA, RANG DON RJES DPAG RNAMS DON GCIG YIN PA'I PHYIR, RTZA BAR 'DOD NA, KUN MKHYEN YE SHES CHOS CAN, RJES SU DPAG PA'I TSAD MA YIN PAR THAL, 'DOD PA'I PHYIR, 'DOD MI NUS TE, MNGON SUM GYI TSAD MA YIN PA'I PHYIR TE, RNAMS MKHYEN YIN PA'I PHYIR, YANG KHA CIG ,RTOG BRAL GYI RIG PA, MNGON SUM GYI MTSAN NYID ZER NA, GANGS RI SNGON POR SNANG BA'I DBANG SHES CHOS CAN, MTSAN BYA DER THAL, MTSAN NYID DE'I PHYIR, MA GRUB NA, DER THAL, RTOG MED KYI SHES PA YIN PA'I PHYIR TE, DBANG SHES YIN PA'I PHYIR, RTZA BAR 'DOD NA, DE CHOS CAN, MA 'KHRUL PA'I SHES PA YIN PAR THAL, MNGON SUM YIN PA'I PHYIR, RTAGS KHAS 'DOD MI NUS TE, 'KHRUL SHES YIN PA'I PHYIR TE, LOG SHES YIN PA'I PHYIR, RANG LUGS NI, RTOG PA DANG BRAL ZHING MA 'KHRUL PA'I RIG PA, MNGON @010A *, ,SUM GYI MTSAN NYID, DE LA DBYE NA, DBANG MNGON, YID MNGON, RANG RIG MNGON SUM, RNAL 'BYOR MNGON SUM DANG BZHI YOD KYANG GZHAN DU BSHAD ZIN, RANG GI RTEN DU GYUR PA'I RTAGS YANG DEG BKOD PA LA BRTEN NAS SNGOS SU SKYES PA'I RIG PA GANG ZHIG, RANG GI GZHAN BYA LKOG GYUR LA GSAR DU MI BSLU BA'I ZHEN RIG DE, RANG NYID RJES DPAG YIN PA'I MTSAN NYID, DE LA DBYE NA, DNGOS STOBS RJES DPAG, YID CHES RJES DPAG, GRAGS PA'I RJES DPAG DANG GDUM YOD KYANG GZHAN DU BSHAD ZIN, KHA CIG, RTOG PA'I RNAG LDOG DANG BRAL BA, RTOG BRAL GYI MTSAAN NYID ZER NA, SGRA MI RTAG RTOGS KYI RJES DPAG CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, RTOG PA'I BYE BRAG YIN PA'I PHYIR, RTZA BAR 'DOD NA, DE CHOS CAN, RTOG BRAL MA YIN PAR THAL, RTOG PA YIN PA'I PHYIR TE, RJES DPAG YIN PA'I PHYIR, YANG KHA CIG, RTOG PA'I RDZAS DANG BRAL BA, RTOG BRAL GYI MTSAN NYID ZER NA, RTOG PA NYAMS SU MYONG BA'I RANG RIG CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, MA GRUB NA, DE CHOS CAN, RTOG BRAL YIN PAR THAL, MNGON SUM YIN PA'I PHYIR, RTZA BAR 'DOD MI NUS TE, RTOG PA DANG RDZAS GCIG YIN PA'I PHYIR, MA GRUB NA, RTOG PA CHOS CAN, KHOD NYAMS SU MYONG BA'I RANG RIG KHYOD DANG RDZAS GCIG YIN PAR THAL, KHYOD GZHAN RIG GI SHES PA YIN PA'I PHYIR TE, RTOG PA YIN PA'I PHYIR, BYAS PA LA, KHO NA RE, RTOG @010B PA NYAMS SU MYONG BA'I RANG RIG CHOS CAN, RTOG PA'I RDZAS YIN PAR THAL, RTOG PA DANG RDZAS GCIG YIN PA'I PHYIR, 'DOD NA, DE CHOS CAN, RTOG BA'I RDZAS MA YIN PAR THAL, RTOG MED KYI SHES PA'I RDZAS YIN PA'I PHYIR ZER NA MA KHYAB, MA GRUB NA, DER THAL, RTOG MED KYI SHES PA DANG RDZAS GCIG YIN PA'I PHYIR TE, RTOG MED KYI SHES PA'I BYE BRAG YIN PA'I PHYIR, DES NA, SGRA DON 'DRES RUNG DU 'DZIN PA'I ZHEN RIG DANG BRAL BA DE, RTOG BRAL GYI MTSAN NYID, DE DANG BRAL BA'I RIG PA, RTOG BRAL GYI SHES PA'I MTSAN NYID DU 'JOG, GNYIS PA TSAD MIN GYI SHES PA LA MTSAN NYID DANG, DBYE BA GNYIS LAS, DANG PO NI, GSAR DU MI BSLU BA'I RIG PA MA YIN PA'I RIG PA, TSAD MIN GYI SHES PA'I MTSAN NYID, DE LA DBYE NA, YID DPYOD, SNANG LA MA NGES PA'I BLO, ,BCAD SHES, LOG SHES, THE TSOM DANG, LNGA YOD CING, SO SO'I MTSAN NYID, DBYE BA DANG BCAS PA GZHAN DU BSHAD ZIN, RTZOD PA SPANG PA LA, KHO NA RE, GSAL SNANG CAN GYI SHES PA YIN NA, SHES PA YIN DGOS BAR THAL, MNGON SUM YIN NA, SHES PA YIN DGOS PA'I PHYIR, 'DOD NA, ZLA GCIG ZLA GNYIS SU SNANG BA'I DBANG SHES MA YIN PA SHES PA YIN PAR THAL, DE 'DRA BA'I DBANG SHES MED PA SHES PA YIN PA'I PHYIR, MA GRUB NA, DE 'DRA PA'I DBANG SHES MED PA CHOS CAN, SHES PA YIN PAR THAL, GSAL SNANG CAN GYI SHES PA YIN PA'I PHYIR ZER NA, SBYOR LUGS SKYON CAN YIN TE, KHYOD RANG LA, GSAR @011A *, ,SKYES YIN NA, DNGOS PO YIN DGOS PAR THAL, GZHAN DBANG YIN NA, DNGOS PO YIN DGOS PA'I PHYIR, 'DOD NA, GSAR SKYES YIN NA, DNGOS PO YIN PAS MA KHYAB PAR THAL, DNGOS PO YIN NA, SNGAR MED GSAR SKYES YIN PAS MA KHYAB PA'I PHYIR, MA GRUB NA, BUM PA CHOS CAN, SNGAR MED GSAR SKYES YIN PAR THAL, DNGOS PO YIN PA'I PHYIR, 'DOD NA, BUM PA MA YIN PA DNGOS PO YIN PAR THAL, BUM PA MED PA DNGOS PO YIN PA'I PHYIR, MA GRUB NA, DER THAL, BUM PA SNGAR MED DNGOS PO YIN PA'I PHYIR, MA GRUB NA, BUM PA SNGAR MED CHOS CAN, DNGOS PO YIN PAR THAL, GSAR SKYES YIN PA'I PHYIR, 'KHOR GSUM, RJES DPAG DANG, RJES DPAG YANG DAG DON GCIG BYAS PA LA, KHO NA RE, MNGON SUM DANG, MNGON SUM YANG DAG DON GCIG YIN PAR THAL, RJES DPAG LA DE'I PHYIR, 'DOD NA, MNGON SUM LTAR SNANG DANG, RJES DPAG LTAR SNANG GNYIS MED PAR THAL, 'DOD PA'I PHYIR ZER NA MA KHYAB, 'DOD NA, DE YOD BAR THAL, ZLA GCIG ZLA GNYIS SU SNANG BA'I DBANG SHES DE, MNGON SUM LTAR SNANG DANG, GZHAL BYA'I RTAGS LAS SGRA MI RTAG PAR 'DZIN PA'I BLO DE, RJES DPAG LTAR SNANG YIN PA'I PHYIR, PHYI MA DER THAL, RANG GI RTEN DU GYUR PA'I RTAGS LTAR SNANG BKOD PA LA BRTEN NAS SKYES PA'I YID DPYOD YIN NA, RJES DPAG LTAR SNANG YIN DGOS PA'I PHYIR, GONG DU 'DOD NA, RTOG GA'I TSIG DON BRGYAD MED PAR THAL, 'DOD PA'I PHYIR, @011B 'DOD MI NUS TE, TSAD MA'I BSTAN BCOS RNAMS LAS, GZHAL BYA RANG GIS NGES PA'I PHYIR DU MNGON SUM DANG RJES DPAG YANG DAG LTAR SNANG DANG BCAS PA STE, RTOG GE'I TSIG DON BZHI DANG, GZHAL BYA RANG GIS NGES NAS GZHAN NGES SU 'JUG PA'I PHYIR DU SGRUB NGAG DANG THAL 'GYUR YANG DAG LTAR SNANG DANG BCAS PA STE, RTOG GE'I TSIG DON BZHI GSUNGS PA'I PHYIR, TSAD MA RIGS SGO LAS, MNGON SUM DANG NI RJES SU DPAG ,LTAR SNANG BCAS PA BDAG RIG PHYIR, ,SGRUB PA DANG NI SUN 'BYIN NGAG ,LTAR SNANG BCAS PA GZHAN RTOGS PHYIR, ,ZHES GSUNGS PA'I PHYIR, GSUM PA RJED BYED KYI SGRA LA, MTSAN NYID DANG, DBYE BA GNYIS LAS, DANG PO NI, RJOD BYED KYI NYAN BYA, RJOD BYED KYI SGRA'I MTSAN NYID, BRDA'I DBANG GIS RANG GI BRJOD BYA GO BAR BYED PA'I NYAN BYA DE, RANG NYID RJOD BYED KYI SGRA YIN PA'I MTSAN NYID, GNYIS PA NI, DE LA DBYE NA, NGO BO'I SGO NAS MING TSIG YI GE GSUM YOD PA LAS, DANG PO NI, RANG GI DON DE GO BAR BYED BA'I NYAN BYA DE, RANG NYID MING YIN PA'I MTSAN NYID, DE LA DBYE NA, BTAGS MING DANG, DNGOS MING GNYIS LAS, KHA CIG ,DE GNYIS 'GAL ZER BA MI 'THAD DE, SENG GE ZHES PA'I NGAG DE DE GNYIS KA YIN PA'I PHYIR, MA GRUB NA, DER THAL, DANG PO GANG ZHIG ,PHYI MA YIN PA'I PHYIR, DANG PO GRUB STE, MI DPA' BO LA BTAGS PA'I BTAGS MING YIN PA'I PHYIR, PHYI MA GRUB STE, RI DVAGS KYI RGYAL PO LA SENGGE ZHES PA'I MING DNGOS SU 'JUG @012A *, ,PA'I PHYIR, BTAGS MING LA YANG 'DRA BA RGYU MTSAN DU BYAS PA'I BTAGS MING DANG, 'BREL BA RGYU MTSAN DU BYAS PA'I BTAGS MING GNYIS LAS, DANG PO MI, BRAM ZE KHYE'U KHA CHE SNA NYAG LA SENGGE ZHES PA'I NGAG LTA BU LA BYED PA YIN TE, TSAD MA RNAM 'GREL LAS, SENGGE BRAM ZE KHYE'U LA ,DE LTAR BRJOD PA'ANG 'JIG RTEN YOD, ,CES GSUNGS PA'I PHYIR, GNYIS PA LA, DE BYUNG 'BREL RGYU MTSAN DU BYAS PA'I BTAGS MING DANG, BDAG GCIG 'BREL RGYU MTSAN DU BYAS PA'I BTAGS MING GNYIS YOD, DANG PO LA, RGYU MING 'BRAS LA BTAGS PA'I BTAGS MING DANG, 'BRAS MING RGYU LA BTAGS PA'I BTAGS MING GNYIS YOD, DANG PO'I MTSAN GZHI NI, NYI MA'I 'OD ZER LA NYI MA ZHES PA'I NGAG LTA BU LA BYAD PA YIN TE, NYI MA DE NYI MA'I 'OD ZER GYI RGYU YIN PA'I PHYIR, GNYIS PA'I MTSAN GZHI NI, SGRUB NGAG YANG DAG LA RJES DPAG CES PA'I NGAG LTA BU LA BYED PA YIN TE, RJES DPAG DE SGRUB NGAG YANG DAG GI 'BRAS BU YIN PA'I PHYIR, BDAG GCIG 'BREL RGYU MTSAN DU BYAS PA'I BTAGS MING NI, RAS YUG GI GZHOGS YA GCIG TSIG PA LA RAS YUG TSIG CES PA'I NGAG LTA BU LA BYED PA YIN TE, RAS YUG GI GZHOGS YA GCIG TSIG PA DE RAS YUG TSIG PA DANG BDAG GCIG 'BREL YIN PA'I PHYIR, KHO NA RE, NYI MA DE NYI MA'I 'OD ZER GYI RGYU YIN PAR THAL, NYI MA'I 'OD ZER LA NYI MA ZHES PA'I MING DE RGYU MING 'BRAS LA BTAGS PA'I @012B BTAGS MING YIN PA'I PHYIR, 'DOD MI NUS TE, DE GNYIS RDZAS GZHAN MA YIN PA'I PHYIR, DER THAL, DE GNYIS RDZAS GCIG YIN PA'I PHYIR, DER THAL, DE GNYIS DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I PHYIR, DER THAL, NYI MA DANG NYI MA'I STENG GI MI RTAG PA GNYIS DNGOS RGYU TSOGS PA GCIG LA RAG LAS KYI 'BREL BA GRUB PA'I PHYIR ZER NA MA KHYAB, MA GRUB NA, NYI MA CHOS CAN, KHYOD DANG KHYOD KYI STENG GI MI RTAG PA GNYIS DNGOS RGYU TSOGS PA TSAR GCIG LA RAG LAS KYI 'BREL BA GRUB PAR THAL, KHYOD 'DUS BYAS YIN PA'I PHYIR, GZHAN YANG, NYI MA DE NYI MA'I 'OD ZER GYI RGYU YIN PAR THAL, NYI MA'I 'OD ZER NYI MA LAS SKYES PA'I PHYIR, DER THAL, ZLA BA'I 'OD ZER ZLA BA LAS SKYE BA'I PHYIR, MA GRUB NA, DER THAL, RGYA MTSO'I RBA RLABS RGYA MTSO LAS SKYES PA'I PHYIR, DBU MA 'JUG PA LAS, JI LTAR RLUNG GIS BSKUL BAS RGYA MTSO NI, ,CHE LAS CHU RLABS 'BYUNG BA DE BZHIN DU, ,ZHES DANG, MNGON RTOGS RGYAN LAS, RGYA MTSO CHE LA CHU BO BZHIN, ,ZHES GSUNGS PA'I PHYIR, TSAD MA RNAM 'GREL LAS KYANG DE LTAR GSUNGS PA'I PHYIR, BYAS PA LA, KHO NA RE, NAM MKHA'I 'JA' TSON NAM MKHA' LAS BYUNG PAR THAL, RGYA MTSO'I RBA RLABS RGYA MTSO LAS BYUNG BA'I PHYIR ZER NA MA KHYAB, 'DOD MI NUS TE, NAM MKHA' LAS BYUNG BA MED PA'I PHYIR, MA GRUB NA, NAM MKHA' CHOS CAN, KHYOD LAS BYUNG BA MED PAR @013A *, ,THAL, KHOD RTAG PA YIN PA'I PHYIR, KHA CIG ,SGRUB NGAG YANG DAG DE RJES DPAG MA YIN PAR THAL, DE LA RJES DPAG CES PA'I MING DE BTAGS MING YIN PA'I PHYIR, 'DOD NA, DE RJES DPAG YIN PAR THAL, BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO, ,ZHES PA'I SGRUB NGAG DE RJES DPAG YIN PA'I PHYIR, MA GRUB NA, DE CHOS CAN, RJES DPAG YIN PAR THAL, GZHAN DON RJES DPAG YIN PA'I PHYIR ZER NA 'GAL KHYAB LA 'BUD DO, ,KHA CIG ,NYI MA DANG NYI MA'I 'OD ZER GNYIS RGYU 'BRAS SU 'JOG MI RIGS PA'I PHYIR TE, NYI MA'I DUS SU NYI MA'I 'OD ZER YOD PA'I PHYIR TE, ZLA BA'I DUS SU ZLA BA'I 'OD ZER YOD PA'I PHYIR, MA GRUB NA, DER THAL, ZLA BA'I DUS SU ZLA BA DE BSIL ZER CAN YIN PA'I PHYIR ZER NA MA KHYAB, MA GRUB NA, DER THAL, ZLA BA'I DUS SU ZLA BA DE KU MU TA'I GNYEN YIN PA'I PHYIR, MA KHYAB MTSAMS LA, NYI MA'I DUS SU NYI MA'I 'OD ZER YOD PAR THAL, NYI MA'I DUS SU NYI MA DE TSA ZER CAN YIN PA'I PHYIR, KHYAB PA KHAS, MA GRUB NA, DER THAL, NYI MA'I DUS SU NYI MA DE BDO'I GNYEN YIN PA'I PHYIR, KHO NA RE, NYI MA DANG NYI MA'I 'OD ZER GNYIS RDZAS GCIG YIN PAR THAL, ME TOG DANG, ME TOG GI DRI GNYIS RDZAS GCIG YIN PA'I PHYIR ZER NA MA KHYAB, MA GRUB NA, DE CHOS CAN, KHYOD DANG KHYOD KYI DRI GNYIS RDZAS GCIG YIN PAR THAL, KHYOD DRI LDAN GYI DNGOS PO YIN PA'I PHYIR, GNYIS PA TSIG @013B LA, MTSAN NYID DANG, DBYE BA GNYIS LAS, DANG PO NI, KHYAD GZHI KHYAD CHOS SBYAR NAS STON PA'I NYAN BYA DE, TSIG GI MTSAN NYID, MTSAN GZHI, KYE MA 'DUS BYAS RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR BA STE, ,DE BAS NYE BAR ZHI PA BDE, ,ZHES PA LTA BU'O, ,GSUM PA YI GE LA, MTSAN NYID DANG, MTSAN GZHI GNYIS LAS, MING TSIG GNYIS KYI RTZOM GZHIR GYUR PA'I SKAD KYI GDANGS DE, YI GE'I MTSAN NYID, DE LA DBYE NA, DBYANGS YIG DANG, GSAL BYED GNYIS LAS, DANG PO LA DBYANGS YIG BCU DRUG YOD CING, DE DAG NI, AA A'A LA SOGS PA'O, ,GNYIS PA GSAL BYED SUM CU YOD CING, DE DAG NI, KA KHA LA SOGS PA'O, ,KHA CIG NA RE, YI GE YIN NA, KHYOD KYI BRJOD BYA MED PAS KHYAB PAR THAL, RNAM 'GREL LAS, YI GE DON MED CAN DU 'GYUR, ,ZHES GSUNGS PA'I PHYIR ZER NA MA KHYAB STE, DE'I DON NI, YI GE RANG LDOG DON MED YIN ZHES PA'I DON YIN PA'I PHYIR; RTZA BAR 'DOD NA, DBYANGS YIG CHOS CAN, KHYOD KYI BRJOD BYA MED PAR THAL, KHYOD YI GE YIN PA'I PHYIR, KHYAB PA KHAS, 'DOD MI NUS TE, YI GE'I BRJOD BYA YOD PA'I PHYIR TE, BA ZHES PA'I SGRA'I BRJOD BYA YOD PA'I PHYIR TE, BA 'DZIN RTOG PA'I ZHAN YUL YOD PA'I PHYIR, YANG KHA CIG ,MING TSIG YI GE GSUM DNGOS MED YIN PAR THAL, RNAM 'GREL LAS, TSIG SOGS KUN BTAGS DNGOS MED LA, ,ZHES GSUNGS PA'I @014A *, ,PHYIR ZER NA MA KHYAB STE, DE'I DON NI, MING TSIG YI GE GSUM GYI BRJOD BYA DNGOS MED YIN ZHES PA'I DON YIN PA'I PHYIR, RTZA BAR 'DOD NA, YI GE DNGOS MED YIN PAR THAL, DE GSUM GA DNGOS MED YIN PHYIR, RTAGS KHAS, 'DOD NA, DE CHOS CAN, DNGOS MED MA YIN PAR THAL, DNGOS PO YIN PA'I PHYIR, MA GRUB NA, DER THAL, RANG GI RGYUR GYUR PA'I SKYES BU'I KUN SLONG GI BSAM PA LAS SKYES PA'I PHYIR, RNAM 'GREL LAS, YI GE KUN SLONG SHES PA LAS, ,SKYE LA SHES PA'I SGRAR SKYE'O, ,ZHES GSUNGS PA'I PHYIR, GZHAN YANG, DE GSUM PO GANG RUNG YIN NA, DNGOS MED YIN DGOS PAR THAL, DE GSUM DNGOS MED PA'I PHYIR, RTAGS KHAS, 'DOD NA, RDZUN TSIG CHOS CAN, DER THAL, DE'I PHYIR, 'DOD MI NUS TE, DNGOS PO YIN PA'I PHYIR TE, RANG 'BRAS RNAM SMIN YID MI 'ONG 'BYIN BYED YIN PA'I PHYIR, MA GRUB NA, DER THAL, RDZUN TSIG SPANG BYA YIN PA'I PHYIR, RDZUN, PHRA MA, TSIG RTZUB, NGAG 'KHYAL BZHI GA SPANG BYA YIN PA'I PHYIR, DER THAL, MI DGE BCU SPANG BYA YIN PA'I PHYIR TE, DGE BA BCU THOB BYA YIN PA'I PHYIR, BYAS PA LA, KHO NA RE, RDZUN TSIG SPANG BYA MA YIN PAR THAL, SANGS RGYAS 'PHAGS PAS RDZUN GSUNGS PA'I PHYIR, MA GRUB NA, DER THAL, RDZUN TSIG SANGS RGYAS 'PHAGS PAS GSUNGS PA'I PHYIR ZER NA, MA KHYAB, MA GRUB NA, RDZUN TSIG CHOS CAN, @014B SANGS RGYAS 'PHAGS PAS GSUNGS BAR THAL, SANGS RGYAS 'PHAGS PA'I GSUNG GI BRJOD BYA YIN PA'I PHYIR TE, GZHI GRUB PA'I PHYIR, GONG DU 'DOD NA, SANGS RGYAS 'PHAGS PAS MI BDEN PA'I TSIG GSUNGS PAR THAL, SANGS RGYAS 'PHAGS PAS RDZUN TSIG GSUNGS PA'I PHYIR, RTAGS KHAS, 'DOD MI NUS TE, MDO TING NGE 'DZIN RGYAL PO LAS, ZLA BA SKAR MA BCAS PA GNAS STONG ZHING, ,RI DANG GRONG DU BCAS PA'I SA GZHI LA, ,NAM MKHA'I KHAMS NI RNAM PAR GNAS GYUR KYANG, ,KHYOD NI MI BDEN PA YI TSIG MI GSUNGS, ,ZHES GSUNGS PA'I PHYIR, RJOD BYED KYI SGRA LA BRJOD BYA'I SGO NAS DBYE NA, RIGS RJOD KYI SGRA DANG, TSOGS RJOD KYI SGRA GNYIS YOD DE, RNAM 'GREL LAS, DES NA 'DI NI RIGS DANG NI; ;TSOGS PA RJOD PA'I KHYAD PAR YIN, ,ZHES GSUNGS PA'I PHYIR, DE GNYIS KYI KHYAD PAR LA, KHA CIG ,RIGS RJOD KYI SGRA YIN NA, RANG GI BRJOD BYA'I BYE BRAG GI RIGS THAMS CAD BRJOD PAS KHYAB, TSOGS RJOD KYI SGRA YIN NA, RANG GI BRJOD BYA'I TSOGS PA BRJOD PAS KHYAB ZER NA, SHES BYA ZHES PA'I SGRA CHOS CAN, DANG PO DER THAL, DE'I PHYIR, MA GRUB NA, DER THAL, SHES BYA RIGS SPYI YIN PA'I PHYIR TE, DE SPYI YIN PA'I PHYIR, RTZA BAR 'DOD NA, SHES BYA ZHES PA'I SGRAS GSER BUM BRJOD PAR THAL, 'DOD PA'I PHYIR, 'DOD NA, DE SHES BYA LA SEL 'JUG MA YIN PAR THAL, DES GSER BUM YANG BRJOD PA'I PHYIR, 'DOD NA, SHES BYA CHOS CAN, @015A *, ,KHYOD CES PA'I SGRA KHYOD LA SEL 'JUG YIN PAR THAL, KHYOD GZHI GRUB PA'I PHYIR, GZHAN YANG, SHES BYA ZHES PA'I SGRA DE SHES BYA LA SGRUB 'JUG YIN PAR THAL, DE SHES BYA LA 'JUG PA GANG ZHIG ,DE SHES BYA LA SEL 'JUG MA YIN PA'I PHYIR, PHYI MA KHAS, DANG PO MA GRUB ZER NA, DER THAL, DE SHES BYA LA DNGOS SU 'JUG PA'I PHYIR TE, DE SHES BYA'I DNGOS MING YIN PA'I PHYIR, MA GRUB NA, SHES BYA CHOS CAN, KHYOD CES PA'I SGRA DE KHYOD KYI DNGOS MING YIN PAR THAL, KHYOD GZHI GRUB PA'I PHYIR, GONG DU 'DOD NA, SHES BYA LA DNGOS DBANG GI SGO NAS 'JUG PAR THAL, DE SHES BYA LA SGRUB 'JUG YIN PA'I PHYIR, 'DOD NA, SHES BYA 'DZIN PA'I RTOG PA DE YANG SHES BYA LA DNGOS DBANG GI SGO NAS 'JUG PAR THAL, 'DOD PA'I PHYIR, KHYAB STE, RJOD BYED KYI SGRA DANG, RTOG PA GNYIS RANG YUL LA 'JUG TSUL MTSUNGS PA'I PHYIR, RNAM 'GREL LAS; SPYI BRJOD DANG TSUL CAN SGRA DANG, ,RTOG PA'ANG DE DANG DON GCIG NA, ,ZHES GSUNGS PA'I PHYIR, 'DOD NA, SHES BYA DANG, SHES BYA'I DON SPYI GNYIS GCIG TU 'DRES PAR THAL, SHES BYA 'DZIN PA'I RTOG PA DE, SHES BYA LA DNGOS DBANG GI SGO NAS 'JUG PA GANG ZHIG ,SHES BYA 'DZIN PA'I RTOG PA LA SHES BYA DANG, SHES BYA'I DON SPYI GNYIS 'DRES PAR SNANG BA'I PHYIR, DANG PO DNGOS PHYI MA DER THAL, SHES BYA 'DZIN PA'I RTOG PA DE RANG GI @015B SNANG YUL LA 'KHRUL BA'I RIG PA YIN PA'I PHYIR, RTZA BAR 'DOD NA, DNGOS PO DANG, DNGOS PO'I DON SPYI GNYIS 'DRES PAR THAL, 'DOD PA'I PHYIR, 'DOD NA, RANG MTSAN DANG, SPYI MTSAN GNYIS 'DRES PAR THAL LO, ,'DOD MI NUS TE, RNAM 'GREL LAS, RANG RANG NGO BO LA GNAS PHYIR, ,ZHES GSUNGS PA'I PHYIR, KHA CIG ,TSOGS RJOD KYI SGRA DANG, RIGS RJOD KYI SGRA GNYIS 'GAL ZER NA, BUM PA ZHES PA'I SGRA CHOS CAN, TSOGS RJOD KYI SGRA MA YIN PAR THAL, RIGS RJOD KYI SGRA YIN PA'I PHYIR, DER THAL, GSER BUM LA LTOS TE RIGS RJOD KYI SGRA YIN PA'I PHYIR TE, BUM PA GSER BUM GYI RIGS SPYI YIN PA'I PHYIR TE, DE DE'I SPYI YIN PA'I PHYIR, RTZA BAR 'DOD NA, BUM PA ZHES PA'I SGRA CHOS CAN, TSOGS RJOD KYI SGRA YIN PAR THAL, BUM PA'I GZUGS LA LTOS TE TSOGS RJOD KYI SGRA YIN PA'I PHYIR, DER THAL, BUM PA RDUL RDZAS BRGYAD 'DUS KYI GONG BU YIN PA'I PHYIR, BYAS PA LA, KHO NA RE, BUM PA ZHES PA'I SGRA CHOS CAN, GSER BUM LA 'JUG PAR THAL, ,DE GSER BUM LA LTOS TE RIGS RJOD KYI SGRA YIN PA'I PHYIR, 'DOD NA, DE GSER BUM LA DNGOS SU 'JUG PAR THAL, DE GSER BUM LA 'JUG PA GANG ZHIG ,DE DE LA SHUGS LA MI 'JUG PA'I PHYIR, 'DOD NA, DES GSER BUM DNGOS SU BRJOD PAR THAL, DE DE LA DNGOS SU 'JUG PA'I PHYIR ZER NA MA KHYAB, 'DOD NA, BUM PA ZHES PA'I SGRA DES BUM PA'I BYE BRAG GI RIGS THAMS CAD DNGOS SU BRJOD PAR THAL, DES GSER BUM DNGOS SU BRJOD PA'I PHYIR, 'DOD NA, BUM PA @016A *, ,ZHES PA'I SGRA DES LA 'JUG MA YIN PAR THAL, 'DOD PA'I PHYIR, MA KHYAB MTSAMS SU SHES BYA ZHES PA'I SGRA DES BUM PA DNGOS SU BRJOD PAR THAL, DE BUM PA LA DNGOS SU 'JUG PA'I PHYIR, KHYAB PA 'GRIG ,RTAGS GRUB STE, BUM PA DE SHES BYA ZHES PA'I SGRA DNGOS SU 'JUG PA'I YUL YIN PA'I PHYIR, MA GRUB NA, BUM PA CHOS CAN, DER THAL, SHES BYA YIN PA'I PHYIR, GONG DU 'DOD NA, SHES BYA ZHES PA'I SGRA DES BUM PA ZHEN YUL DU BYED PAR THAL, SHES BYA ZHES PA'I SGRA DES BUM PA DNGOS SU BRJOD PA'I PHYIR, RTAGS KHAS, 'DOD NA, BUM PA DE SHES BYA 'DZIN PA'I RTOG PA'I ZHEN YUL YIN PAR THAL, SHES BYA 'DZIN PA'I RTOG PAS BUM PA ZHEN YUL DU BYED PA'I PHYIR, RTAGS KHAS, 'DOD NA, BUM PA CHOS CAN, RTAG PA YIN PAR THAL, SHES BYA 'DZIN PA'I RTOG PA'I ZHEN YUL YIN PA'I PHYIR, MA KHYAB NA, SHES BYA CHOS CAN, KHYOD 'DZIN RTOG PA'I ZHEN YUL YIN NA, RTAG PA YIN PAS KHYAB PAR THAL, KHYOD RTAG PA YIN PA'I PHYIR, RANG LUGS NI, RIGS RJOD KYI NYAN BYA, RIGS RJOD KYI SGRA'I MTSAN NYID, TSOGS RJOD KYI NYAN BYA, TSOGS RJOD KYI SGRA'I MTSAN NYID, DE GNYIS LA MU BZHI YOD DE, DANG PO YIN LA GNYIS PA MA YIN PA'I MU, GNYIS PA YIN LA DANG PO MA YIN PA'I MU, GNYIS KA YIN PA'I MU, GNYIS PO GANG YANG MA YIN PA'I MU DANG BZHI YOD PA'I PHYIR, DANG PO GRUB STE, BDE BA ZHES PA'I SGRA DE DE YIN PA'I PHYIR, DER THAL, DE RIGS RJOD KYI SGRA YIN PA GANG ZHIG, TSOGS RJOD KYI SGRA MA YIN PA'I PHYIR, DANG PO MA @016B GRUB NA, BDE BA CHOS CAN, KHYOD CES PA'I SGRA DE RIGS RJOD KYI SGRA YIN PAR THAL, KHYOD RIGS SPYI YIN PA'I PHYIR TE, KHYOD SPYI YIN PA'I PHYIR, KHYAB STE, SPYI DANG, RIGS SPYI DON GCIG YIN PA'I PHYIR, GONG GI RTAGS GNYIS PA NA GRUB NA BDE BA CHOS CAN, KHYOD CES PA'I SGRA TSOGS RJOD KYI SGRA MA YIN PAR THAL, KHYOD TSOGS SPYI MA YIN PA'I PHYIR, MA GRUB NA, DE CHOS CAN, TSOGS SPYI MA YIN PAR THAL, GZUGS MA YIN PA'I PHYIR TE, SHES PA YIN PA'I PHYIR, GNYIS PA YIN LA DANG PO MA YIN PA'I MU NI, KA BUM GNYIS ZHES PA'I SGRA LTA BU YIN TE, KA BUM GNYIS TSOGS SPYI YIN KYANG RIGS SPYI MA YIN PA'I PHYIR TE, DE SPYI MA YIN PA'I PHYIR, GNYIS KA YIN PA'I MU NI, BUM PA ZHES PA'I SGRA LTA BU YIN PA'I PHYIR, DER THAL, BUM PA RIGS SPYI DANG, TSOGS SPYI GNYIS KA YIN PA'I PHYIR, GANG YANG MA YIN PA'I MU NI, RTAG DNGOS GNYIS ZHES PA'I SGRA LTA BU YIN TE, RTAG DNGOS GNYIS RIGS SPYI DANG, TSOGS SPYI GANG YANG MA YIN PA'I PHYIR, RJOD BYED KYI SGRA LA BRJOD TSUL GYI SGO NAS DBYE NA, CHOS CAN RJOD PA'I SGRA DANG, CHOS RJOD PA'I SGRA GNYIS LAS, CHOS CAN RJOD PA'I NYAN BYA, DANG PO'I MTSAN NYID, CHOS RJOD PA'I NYAN BYA, GNYIS PA'I MTSAN NYID, DANG PO DANG, KHYAD PAR GZHAN MI SPONG BA'I SGRA DON GCIG, GNYIS PA DANG, BYAD PAR GZHAN SPONG BA'I SGRA DON GCIG, DON DE KHYAD GZHI LTA BU STON PA'I NYAN BYA, DON DE LA LTOS TE CHOS CAN RJOD PA'I SGRA'I MTSAN NYID, DON DE KHYAD CHOS LTA @017A *, ,BUR STON PA'I NYAN BYA, DON DE LA LTOS TE CHOS RJOD PA'I SGRA'I MTSAN NYID, GZHI GCIG LA LTOS TE DE GNYIS PHAL CHER 'GAL TE, BUM PA LA LTOS TE CHOS CAN RJOD PA'I SGRA YIN NA, DE LA LTOS TE CHOS RJOD PA'I SGRA MA YIN DGOS PA'I PHYIR, SPYIR DE GNYIS MI 'GAL TE, SGRA MI RTAG CES PA'I SGRA DE, SGRA LA LTOS TE CHOS CAN RJOD PA'I SGRA DANG, MI RTAG PA LA LTOS TE CHOS RJOD PA'I SGRA YIN PA'I PHYIR TE, DES SGRA KHYAD GZHIR DANG, MI RTAG PA KHYAD CHOS SU STON PA'I PHYIR, DPER NA, BA LANG DKAR PO ZHES PA'I NGAG DES BA LANG KHYAD GZHIR DANG, DKAR PO KHYAD CHOS SU STON PAS NA, DE 'DRA BA'I NGAG DE BA LANG LA LTOS TE CHOS CAN RJOD PA'I SGRA DANG, DKAR PO LA LTOS TE CHOS RJOD PA'I SGRA YIN PA BZHIN NO, DE LTAR YIN KYANG SGRA'I MI RTAG ZHES PA'I NGAG DES, MI RTAG PA KHYAD GZHIR DANG, SGRA KHYAD CHOS SU STON PAS NA GANG LA LTOS TE CHOS CAN RJOD PA'I SGRA YIN PA YANG GO SLA ZHING, BA LANG GI DKAR PO ZHES PA'I SGRA LA YANG SHES PAR BYA'O, ,KHA CIG ,BUM PA'I KHYAD CHOS YIN NA, BUM PA ZHES PA'I SGRAS BRJOD PAS KHYAB ZER NA, BUM PA MI RTAG PA CHOS CAN, DER THAL, DE'I PHYIR, KHYAB PA KHAS, MA GRUB NA, BUM PA CHOS CAN, KHYOD KYI MI RTAG PA KHYOD KYI KHYAD CHOS YIN PAR THAL, KHYOD 'DUS BYAS YIN PA'I PHYIR, RTZA BAR 'DOD NA, BUM PA 'DZIN PA'I RTOG PAS BUM PA MI RTAG PA RTOGS PAR THAL, 'DOD PA GANG ZHIG ,RJOD BYED KYI SGRA DANG, @017B RTOG, GNYIS RANG YUL LA 'JUG TSUL MTSUNGS PA'I PHYIR, RNAM 'GREL LAS, SPYI BRJOD DANG TSUL CAN SGRA DANG, ZHES SOGS GSUNGS PA'I PHYIR, 'DOD MI NUS TE, BUM PA MI RTAG PAR SGRUB PA'I RTAGS YANG DAG YOD PA'I PHYIR TE, BUM PA DNGOS POR SGRUB PA'I RTAGS YANG DAG YOD PA'I PHYIR, DER THAL, DE LTAR SGRUB PA'I RTAGS SBYOR RNAM DAG YOD PA'I PHYIR, MA GRUB NA, DER THAL, BUM PA DNGOS POR SGRUB PA'I MTSON SBYOR RNAM DAG YOD PA'I PHYIR TE, BUM PA MTSAN GZHI, DNGOS PO YIN PAR MTSON, DON BYED NUS PA YIN PA'O, ZHES PA'I MTSON SBYOR 'DI BUM PA DNGOS POR MTSON PA'I MTSON SBYOR RNAM DAG YIN PA'I PHYIR TE, BUM PA DNGOS PO'I MTSAN GZHI YIN PA'I PHYIR, RTAGS GRUB STE, THUN MONG BSDUS GRvA'I SDOM TSIG LAS, BUM PA MTSAN GZHI DNGOS POR MTSON, DON BYED NUS PA YIN PA'O, ZHES PA MTSAN MTSON SBYOR BAR 'THAD, MTSAN GZHI MTSON BYA'I STENG DU NI, MTSAN NYID KYIS NI NGES PAR BYED, ,CES GSUNGS PA'I PHYIR, BYAS PA LA, KHO NA RE, GSER BUM BUM PA'I MTSAN GZHI YIN PAR THAL, GSER BUM YOD PA GANG ZHIG, BUM PA DNGOS PO'I MTSAN GZHI YIN PA'I PHYIR ZER NA MA KHYAB, 'DOD NA, GSER BUM BUM PAR MTSON PA'I MTSON SBYOR RNAM DAG YOD PAR THAL, 'DOD PA'I PHYIR, 'DOD NA, GSER BUM MTSAN GZHI, BUM PA YIN PAR MTSON, LTO LDIR ZHABS ZHUM CHU SKYOR GYI DON BYED NUS PA YIN PA'O, ZHES PA'I MTSON, @018A *, ,SBYOR 'DI GSER BUM BUM PAR MTSON PA'I MTSON SBYOR RNAM DAG YIN PAR THAL, DE YOD PA'I PHYIR, RTAGS KHAS, 'DOD NA, DE CHOS CAN, KHYOD 'GOD DGOS KYI GANG ZAG YOD PAR THAL, KHYOD MTSON SBYOR RNAM DAG YIN PA'I PHYIR, KHYAB STE, KHYOD RTAGS SBYOR RNAM DAG YIN NA, KHYOD 'GOD DGOS KYI GANG ZAG YOD DGOS PA'I PHYIR, 'DOD NA, GSER BUM LTO LDIR ZHABS ZHUM CHU SKYOR GYI DON BYED NUS PAR TSAD MAS NGES NAS GSER BUM BUM PAR TSAD MAS MA NGES PA'I GANG ZAG YOD PAR THAL, 'DOD PA'I PHYIR, 'DOD MI NUS TE, GSER BUM TSAD MAS NGES PA'I GANG ZAG YIN NA, GSER BUM BUM PAR TSAD MAS NGES PA'I GANG ZAG YIN DGOS PA'I PHYIR, MA GRUB NA, DER THAL, GSER BUM TSAD MAS NGES PA'I GANG ZAG YIN NA, GSER BUM GSER BUM DU TSAD MAS NGES PA'I GANG ZAG YIN DGOS PA'I PHYIR, MA GRUB NA, GSER BUM CHOS CAN, KHYOD TSAD MAS NGES PA'I GANG ZAG YIN NA, KHYOD KHYOD DU TSAD MAS NGES PA'I GANG ZAG YIN DGOS PAR THAL, KHYOD KHYOD RANG YIN PA'I PHYIR, DE BZHIN DU TZAN DAN GYI KA BA KA BA'I MTSAN GZHI MA YIN PA YANG SHES PAR BYA'O, 'O NA, GSER BUM BUM PA'I MTSAN GZHI MA YIN NA, ZANGS BUM YANG BUM PA'I MTSAN GZHI MA YIN DGOS PAS BUM PA'I MTSAN GZHI MED PA YIN NAM ZHE NA, YOD DE, GSER GYI LTO LDIR ZHABS ZHUM CHU SKYOR GYI DON BYED NUS PA DE, BUM PA'I MTSAN GZHI YIN PA'I PHYIR, RJOD BYED KYI SGRA LA RNAM GCOD @018B KYI SGO NAS DBYE NA, MI LDAN RNAM GCOD KYI SGRA, GZHAN LDAN RNAM GCOD KYI SGRA, MI SRID RNAM GCOD KYI SGRA DANG GSUM YOD DE, RNAM 'GREL LAS, CHOS KYI TSIG PHRAD THA DAD PA'I, DBYE BAS MI LDAN GZHAN LDAN DANG, ,SHIN TU MI SRID RNAM GCOD BYED, ,CES GSUNGS PA'I PHYIR, MTSAN GZHI RIM PA LTAR SGRA MI RTAG PA KHO NA YIN ZHES PA'I NGAG DE DANG PO YIN TE, DE 'DRA'I NGAG DES SGRA MI RTAG PA DANG MI LDAN PA RNAM PAR BCAD NAS DE DANG LDAN PA GO BAR BYED PA'I PHYIR, SHES BYA LA RTAG PA KHO NA YOD CES PA'I NGAG DE GNYIS PA YIN TE, DE 'DRA BA'I NGAG DES SHES BYA LA RTAG PA LAS GZHAN LDAN PA RNAM PAR BCAD NAS DE DANG MI LDAN PA GO BAR BYED PA'I PHYIR, MTSO SKYES SNGON PO SRID CES PA'I NGAG DE GSUM PA YIN TE, DE 'DRA BA'I NGAG DES MTSO SKYES SNGON PO MI SRID PA RNAM PAR BCAD NAS DE SRID PA GO BAR BYED PA'I PHYIR, 'O NA, MTSO SKYES DANG, MTSO LAS SKYES PA LA KHYAD PAR CI YOD CE NA, MTSO SKYES YIN NA, MTSO LAS SKYES PAS MA KHYAB STE, SKAM LAS SKYES PA'I PAD MA DE MTSO SKYES YIN KYANG MTSO LAS SKYES PA MA YIN PA'I PHYIR, DE LA MTSO SKYES KYI SGRA 'JUG TU YOD KYANG BSHAD DU MED PA'I PHYIR, MTSO LAS SKYES NA YANG MTSO SKYES YIN PAS MA KHYAB STE, RGYA MTSO'I RBA RLABS DE MTSO SKYES MA YIN PA'I PHYIR TE, MTSO SKYES DANG, PAD+MA DON GCIG YIN PA'I PHYIR, RGYA MTSO'I RBA RLABS DE MTSO SKYES KYIS SGRA BSHAD DU YOD KYANG 'JUG TU @019A *, ,MED PA'I PHYIR TE, DE MTSO LAS SKYES KYANG MTSO SKYES MA YIN PA'I PHYIR, RTZOD PA SPANG PA LA KHO NA RE, GZHI GRUB NA, RJOD BYED KYI SGRA'I YUL YIN PAS KHYAB PAR THAL, GZHI GRUB NA, RTOG PA'I YUL YIN PAS KHYAB PA'I PHYIR, 'DOD NA, GZHI GRUB NA, RJOD BYED KYI SGRA'I YUL YIN PAS MA KHYAB PAR THAL, SHES BYA LA RJOD BYED KYI SGRA'I YUL YIN MIN GNYIS YOD PA'I PHYIR TE, RNAM 'GREL LAS, SGRA YI YUL DANG YUL MIN PHYIR, ZHES GSUNGS PA'I PHYIR ZER NA, MA KHYAB STE, DE'I DON NI, SHES BYA LA RTOG PA'I SNANG YUL DU GYUR PA'I SGO NAS RJOD BYED KYI SGRA'I YUL YIN MIN GNYIS YOD CES PA'I DON YIN PA'I PHYIR, DE YANG YIN TE, RTAG PA YIN NA, RTOG PA'I SNANG YUL DU GYUR PA'I SGO NAS RJOD BYED KYI SGRA'I YUL YIN PAS KHYAB PA GANG ZHIG, DNGOS PO YIN NA, RTOG PA'I SNANG YUL DU GYUR PA'I SGO NAS RJOD BYED KYI SGRA'I YUL MA YIN DGOS PA'I PHYIR, DANG PO GRUB STE, RTAG PA YIN NA, RTOG PA'I SNANG YUL YIN DGOS PA'I PHYIR, GNYIS PA GRUB STE, DNGOS PO YIN NA, RTOG PA'I SNANG YUL MA YIN DGOS PA'I PHYIR, BSTAN BCOS RTZOM PA'I RGYU GSUM MA TSANG BAS, ,'DIR 'BAD NONGS PA MKHAS PA RNAMS LA BSHAGS, ,LEGS CHA JI SNYED MCHIS PAS BDAG GZHAN GYIS, ,GZHAL BYA'I GNAS GSUM DON RNAMS RTOGS PAR SHOG, CES PA 'DI NI LHO PHYOGS RGYAS SMAN PA, ,PHYIN DRUG DANG PO'I MING CAN GYI NA BAS, ,RANG BZO SPANGS TE MKHAS PA'I GSUNG BZHIN DU, ,DGA' LDAN RNAM PAR RGYAL BA'I @019B GLING DU BKOD, ,SMRAS PA, BLO GTER SMRA BA'I SENG GE MI YI ZOL, ,BZANG PO'I 'PHRIN LAS THUB BSTAN SROG GI GSOS, ,GRAGS SNYAN SA GSUM MKHAS MANG RNA BA'I DPYID, ,RGYAL BA GNYIS PA SRID ZHI'I KHONGS NA BRJID, ,SBYIN TSUL BZOD BRTZON TING 'DZIN KI LA SHAR, SHES RAB NYIN BYED 'BAR BAS 'KHYUD PA LAS, ,LEGS BSHAD CHU KLUNG KUN TU DAR BA'I GNYEN, ,ZAB RGYUS DBYIG GI GAN MDZOD MCHOG DER BSNGAGS, ,GZHAN DU MI GYO SPYI DON RTZA BA BRTAN, ,DGAG SGRUB MTHA' DPYOD YAL 'DAB ME TOG BKRA, PHRA ZHIB RIGS PA'I DRI BSUNG 'BUM 'PHRO BAS, ,GZHUNG BZANG 'DI NI DPAL GYI DUM BUR SEMS, DE'I PHYIR BLO GSAL BYE BA'I NYER 'TSO'I GZHIR, ,'KHOR BA JI SRID MI NYAMS GNAS PA'I SLAD, ,DAD GTONG THOS BRTZON NOR BU'I RGYAN LDAN PAS, ,NGO MTSAR DPAG YAS SPAR GYI PHYI MO BSKRUN, ,DE YI DGE BAS RGYAL RNAMS SKYED PA'I YUM, ,MKHA' KHYAB SKYE RGU PHAN BDES SKYONG BA'I MA, ,NANG GI MUN SEL DAM PA'I 'OD SNANG CAN, LUNG RTOGS BSHAD SGRUB BLA NAS BLAR 'PHEL SHOG, KHYAD PAR GANGS RI'I MGON PO'I SKU TSE BRTAN, ,GSANG GSUM 'JUG PA NAM MKHA'I MTHA' LA 'KHU, ,MDO RGYUD 'O MTSOR MKHAS GRUB NGANG MO'I KHYU, ,'CHAD RTZOD RTZOM PA'I MGRIN RNGA BRDUNG 'GYUR CIG, RGYU SBYOR 'BREL THOGS LTOS PAR BCAS PA YANG, ,TSE RING NAD MED DPAL 'BYOR RGYAS PA DANG, ,PHYIN DRUG BSDU BZHI'I BDE LAM YANGS PO NAS, ,MYUR BAR ZHI BA'I KHRI 'PHANG GNON GYUR CIG, ,MDOR NA 'GRO KUN MDZAD ZHING SKYID PAS 'TSO,,BSTAN PA'I SNYING PO BSHAD SGRUB GTZANG MAS MDZES, NGES DON DAM PA'I DBU 'PHANG MTHO BA @020A *, ,SOGS,,BKRA SHIS RGYA MTSOS NOR 'DZIN DGE GYUR CIG CES PA 'DI NI, RIGS PA'I DBANG PHYUG MKHAS GRUB CHEN PO SBYIN PA DAR RGYAS KYIS MDZAD PA'I YUL YUL CAN ZHES BYA BA SNGA MO NAS 'BROG RI DGA' LDAN BYANG RTZER SLOB DPON RIM PAS BRTZI GZHAG TU GNANG DANG GNANG MUS YIN 'DUG NA'NGA BLUN PO'I BRIS NOR 'GYEL BAR GYEL 'JUS KUN TU 'BYAMS PA LAS DAG PA'I DPE RGYUN GLOG DANG MAR ME SKAD CIG THA MA'I NGANG TSUL 'DZIN PA LA NYE BAR BRTEN, RAB BYUNG BCO LNGA BA'I CHU KHYI LOR TRE HOR DPON KHAG LNGA'I NANG TSAN BE RI DGON LTAG GLING BSRES SPRUL SKU BLO BZANG BSTAN 'DZIN GRAGS PA MTHA' YAS, DGE RGAN BYAMS DON, PHYAG MDZOD DGA' PHRUG BCAS NAS SBAR GZHI SGRUB BZHED KYI THUGS BSKYED BZANG POS KHO BER ZHUS DAG TU BSRINGS SHING, DE BZHIN MKHAN RIN PO CHE BSTAN DAR BAS KYANG NYID DANG DGE BSHES MANG GI 'DUN MOS YIN LTSUL GYI PHYAG BRIS DANG, DNGOS 'JAL DU'ANG GSUNGS PA DANG DU BLANGS TE TSIG DON GNYIS KAR BRTAG DPYAD ZHIB MO BGYIS KHUL LA, DOGS GNAS 'GA' ZHIG DGOS DBANG GIS RANG SOR BZHAG STE MA PHYIR SPEL BA CHU PHAG ZLA BA DANG PO'O NANG BRI BRKO LEGS PAR GRUB PA'I TSE DGE RTZA CHUD MI 'DZA' ZHING GNAS DAM PAR BSNGO BA'I SMON TSIG 'DI LTA BU ZHIG DGOS ZHES BSOD NAMS SGRUB PA PO MCHOG SPRUL RIN POS NYE BA'I BSKUL PA'I NGOR, 'JAM MGON BCHOS KYI RGYAL PO'I RJES SU DAD GUS KYIS PHYOGS PA'I BAN CHUNG RIGS SMRA'I THA SHAL SHES RAB RGYA MTSOS NOR GLING RANG SPYIL THOS BSAM NOR BU'I LDING KHANG DU SBYAR BA DGE LDAN LUGS BZANG PHYOGS BRGYAR RGYAS PA'I RGYUR GYUR CIG,,