*,   , BSLAB BYA DANG GSUNG MGUR GYI RIM PA SNA TSOGS PA'I
SKOR BZHUGS SO, ,

@001A *, ,KA DAG DBYINGS LAS G-YO BA MED MOD KYANG, ,KHA NAS
MTSON NUS MA YIN MDZAD BZANG GIS, ,GA LER 'GRO RNAMS THAR PAR
KHRID PA'I MGON, ,NGA YI BLA

MA BLO BZANG RGYAL BAS SKYONGS, ,CA CO MA YIN CHOS SKU'I DPAL
'DOD NA, ,CHA SHAS TZAM GYI CHOS KYIS MI NGOMS PAR, ,JA YUN TZAM
GYI MI TSE THUNG NGU 'DIR, ,NYA LTO BA DANG MTSUNGS PAR GYIS

SHIG AANG, ,TA TH'A GA TA'I GDAMS PA JI BZHIN DU, ,THA BA SKYON
LDAN RANG SEMS 'DUL BA'I THABS, ,DA LTA BRTZON PA DRAG POS SGOMS
SHIG DANG, ,NA G'A DZU NAS RJES SU 'DZIN NO AANG, ,

PA tA HA DE DBYU GUS BSKUL BA NA, ,PHA ROL SNYING LA GZAN PA'I
SGRA 'BYUNG ZHING, ,PA MO LTAR DKAR SPYOD LA BSLAB GYUR NA, ,MA
RAB SEMS DE MI THUL RANG DBANG CI, ,TZA KO RA BZHIN DBEN PAR

@002A *, ,MI GNAS PAR, ,TSA LU'I BYA LTAR GRONG YUL NYUL GYUR
CING, ,DZA LANG CAN GYI RANG SEMS MA THUL NA, ,WA SKYES SNGO
TSOS CAN DANG CI MI MTSUNGS, ,ZHVA SER BSTAN PA'I

NYING KHU DAD GUS KYI, ,ZA MA TOG TU LEGS PAR BSKYIL NUS NA,
,'A CAG LNGA PA'I LAM DU KHRID PA YI, ,YA MA'I PHO NYA 'ONG TSE
'GYOD PAS DBEN, ,RA YIG GNYIS PA 'DRA BA'I RANG SEMS DE, ,LA GOR

CHOS KYI PADMOR ROL CIG DANG, ,SHA MO SA LAS BRDOL BA JI BZHIN
DU, ,SA CHEN MDZES PA'I RGYAN DU 'GYUR RO KYE, ,HA CANG SDEB
LEGS SNYAN TSIG MA MCHIS KYANG, ,AA MRi TA BZHIN DON BZANG MNGAR

BA'I RO, ,HA RI'I LJON PA G-YO BA'I NAGS KHROD DU, ,NGOMS MED
NYAMS SU MYONG BAR MDZOD CIG AANG, ,BSLAB BYA GSER GYI THIGS PA
ZHES BYA 'DI, ,'JAM DBYANGS DGA' BA'I BSHES SU 'BOD PA

@002B DES, ,DPAL GSANG NE 'U THOG GI CHOS GRVA CHER, ,ME SBRUL
SA ZLA'I RDZOGS PA GSUM PAR SBYAR, ,DGE LEGS 'PHEL BAR GYUR CIG
, ,, ` (BSLAB BYA NOR BU'I PHRENG BA ZHES BYA BA BZHUGS SO,,)

BLOo CHEN RGYAL BA'I GSANG GSUM ME SHEL NI, ,BSKAL BZANGo
PADMA'I TSAL RAB 'DZUM PA'I PHYIR, ,DON LDAN GRAGSo PA'Io GZI
BYIN BYE BA BRGYAR, ,MNGON PAR 'PHAGS PA'I MGON DES 'GRO 'DI
SRUNGS, ,LHAG BSAM

GSER MIG DPAL LAS SMIN LEGS SHING, ,RNAM BYANG RANG BZHIN DKAR
BA'I MUKTI KA ,SDEB LEGS TSIG GI SRAD BUR SPEL BA 'DI, ,MOS LDAN
DAD PA GZHON NU'I RGYAN DU LONGS, ,THOG MAR YON TAN MA LUS

'BYUNG BA'I SGOR, ,SRAS BCAS RGYAL BAS BSNGAGS PA'I BSHES GNYEN
MCHOG ,MDO RGYUD DAG LAS JI SKAD GSUNGS PA LTAR, ,BSAM DANG
SBYOR BAS TSUL BZHIN BSTEN PA GCES, ,PHYI NANG KHYAD PAR SKYABS
'GRO

RNAM DAG GIS, ,'BYED LA MKHAS RNAMS DGONGS PA GCIG PAS NA, ,DGE
LEGS GTER CHEN SKYABS 'GRO'I BSLAB PA'I GZHI, ,MIG 'BRAS BZHIN
DU BSRUNG BAR BYA BAR GCES, ,RGYU MED KUN MKHYEN RANG BYUNG MA
MCHIS PAS, ,PHYI NANG BCU PHRAG RIG PA'I GNAS RNAMS LA, ,MANG DU
THOS PA'I KHYAD NOR SNA TSOGS KYIS, ,BLO YI BANG MDZOD PHYUG PAR
BYA BA GCES, ,BAR DU DE LTAR THOS PA'I GZHUNG LUGS KUN, ,RNAM
KUN MKHYEN

@003A *, ,PAR BGROD PA'I THABS NYID DU, ,'GAL MED GRU BZHI LAM
GYIS 'KHYER BA YI, ,MAN NGAG YANG YANG YID LA GOMS PA GCES,
,GANG LA BRTEN NA SRID DANG ZHI BA YI, ,RE 'BRAS KUN STZOL SDOM
GSUM

BSAM 'PHEL DBANG, ,DE LA RGOL BA'I RKUN PO CHES MANG BAS, ,RTAG
TU LTUNG BA'I SGO BZHI BSRUNG BA GCES, ,SNGON BSAGS DUG LJON
DRUNG NAS 'BYIN PA DANG, ,MTHA' YAS 'GRO BA'I 'DOD 'JO BSGRUB
PA'I SLAD, ,DBEN PA'I GNAS SU

THOS DON SEMS PA YIS, ,BAG YOD BSE RU'I BRTUL ZHUGS 'DZIN PA
GCES, ,THA MAR DGE RNAMS BLO BZANG RGYAL BA'I BSTAN, ,BSHAD
SGRUB NYI ZLA 'BAR BA'I 'OD RLABS KYIS, ,GSAL ZHING 'PHYUR BA'I
DPAL 'DI SRID PA'I MTHAR, ,

MI NYAMS RGYAS PA'I RGYU RU BSNGO BA GCES, ,RANG GZHAN DGE BA'I
PHUNG PO CI MCHIS PAR, ,SNYEMS DOGS SPANGS TE DGA' BA CHER
BSKYED NA, ,CHUNG NGU'I DGE BA'ANG CHEN POR 'PHEL 'GYUR BAS,
,DGE LA RJES SU YI RANG BYA BA GCES, ,'DI NA

BSNGO BYA BSNGO BAS BSNGO BA SOGS, ,KUN RDZOB SGYU MA'I RNAM
'GYUR CHES MTSAR YANG, ,DON DAM CHOS DBYINGS NGANG DU RO GCIG
CES, ,YANG DAG LTA BA'I RGYA YIS 'DEBS PA GCES, ,GCES PA DGU YI
GTAM 'DI BLUN PO 'GAS, ,SKYON

DU MTHONG NA RANG RI DRI MAS NONGS, ,GZUR GNAS MKHAS PAS NYES
PAR GZIGS GYUR NA, ,'PHONGS PHYIS RDO BZHIN 'DOR BA BKAG PA MIN,
,(ZHES PA 'DI YANG MOS LDAN DGA' SHAR RDO KHANG CHA 'PHRENG RAB
'BYAMS PA BSTAN 'DZIN 'PHRIN LAS NAS 'DI 'DRA ZHIG

@003B DGOS ZHES NAN CHER BSKUL NGOR, KHRI BYANG SPRUL MING PA
BLO BZANG YE SHES BSTAN 'DZIN RGYA MTSOR 'BOD PAS RANG LO BCU
BDUN PA ME SBRUL LO'I GRO BZHIN ZLA BA'I MAR NGO'I RDZOGS PA
GNYIS PAR 'BROG RI BO CHE DGA' LDAN RNAM PAR RGYAL BA'I GLING DU
SHAR MAR SPEL BA'O,,) ,,

` KYE MA MA RIG MUN PA STUG PO RU 'THIB CING, ,RTEN 'BREL LU GU
RGYUD KYI LCAGS SGROG GIS BCINGS NAS, ,SNA TSOGS SDUG BSNGAL
'JIGS RUNG GSHED MA YIS BSKOR BA'I, ,THAR MED 'KHOR BA'I BTZON
KHANG NYAM NGA NA SLEBS 'DUG ,MI

BZAD 'KHOR BA 'DI YI SKYON MTSANG RNAMS RIG NAS, ,RTZE GCIG THAR
PA 'DOD PA'I NGES 'BYUNG GI GZHON NU, ,RGYAL BAS BSNGAGS PA'I
YID 'ONG ZHI BA YI DGON PAR, ,NYAM CHUNG BDAG CAG SKYEL BA'I SA
MKHAN ZHIG MDZOD DANG, ,RING NAS DRIN

GYIS BSKYANGS PA'I RIGS DRUG GI MA RGAN, ,LAS NYON RBA RLABS
DRAG POS DBANG MED DU KHYER NAS, ,MTHA' MED 'KHOR BA SDUG BSNGAL
RGYA MTSO YI DBUS NA, ,NAM YANG THAR DUS MED PA'I GTING RDO RU
'DUG GO ,GZHAN DON KHUR DU KHYER LA SKYO DUB DANG

BRAL ZHING, ,DUS GSUM RGYAL BA'I GSHEGS SHUL BYANG SEMS KYI GRU
CHEN, ,NYAM THAG 'GRO BA'DI KUN SRID MTSO LAS BSGRAL NAS, ,SKU
GSUM GLING DU 'DREN PA'I PHO NYA LA PHEBS SHOG ,ZAB MO'I DE NYID
MTHONG BA'I BLO MIG DANG BRAL ZHING, ,SNOD

BCUD CHU ZLA'I ROL BA'I NGANG TSUL DU MA SHES, ,RTAG CHAD LTA
BA'I G-YANG SA MTHON PO YI KHA NAS, ,NGAN 'GRO'I GCONG RONG
CHEN POR LHUNG NYEN DU 'DUG GO ,CHOS KUN RANG GI NGO BO GZOD MA
NAS STONG YANG, ,SNANG BA RTEN 'BREL 'THAD PA'I CHOS NYID KYI

@004A *, ,RANG GZUGS, ,DRI MED RIGS PAS GSAL BA'I SHES RAB KYI
MDZES MA, ,DMUS LONG 'DI DAG SKYOB PA'I DMIGS BU RANG MDZOD CIG
,(CHU KHYI ZLA BA BZHI PA'I NANG BKA' 'GYUR BA BLA MA RIN PO CHE
BLO BZANG DON LDAN DPAL BZANG

PO'I DRUNG NAS RJE YAB SRAS KYI GSUNG 'BUM LUNG ZHU SKABS RGYUD
SMAD TSA BA GRAGS PA RGYAL MTSAN GYI DON DU SHAR MAR SPEL
BA'O,,) ,, ` SRID DANG ZHI BA'I LEGS TSOGS THAMS CAD KYI 'BYUNG
GNAS, ,BSLAB GZHI'I SROG RTZA GCOD PA'I BAG MED KYI

'DRE GDON, ,DRAN SHES RDO RJE'I RVA BA GZHOM GSHIG DANG BRAL
BAS, ,BSRUNG MKHAS NYAN THOS LUGS KYI SNGAGS PA ZHIG MDZOD DANG,
,SNGON NAS NGAN GOMS BAG CHAGS SPRIN NAG GI KLONG NAS, ,NYES
SPYOD GLOG DMAR DANG 'GROGS KHONG KHRO YI SER BA, ,

BYAMS DANG BZOD PA'I ME YIS SBRANG CHAR DU BZHUS TE, ,BYAMS SEMS
LO TOG SKYONG BA'I SNGAGS PA ZHIG MDZOD DANG, ,GNYIS SNANG PHRA
MO'I DRI MA GNOD BYED KYI DGRA BGEGS, ,ZAB YANGS BDE STONG SBYOR
BA'I 'BRUB KHUNG GI NANG NA, ,'OD GSAL MTSON

CHA 'BAR BAS LHAG MED DU BSGRAL NAS, ,ZUNG 'JUG RGYAL SRID THOB
PA'I SNGAGS PA ZHIG MDZOD DANG, ,(ZHES PA'ANG RGYUD SMAD TSA BA
SNGAGS RAM PA GONG GSAL LA RTZED MO'I TSUL DU SMRAS PA'O,,) ,, `
STENG PHYOGS DGA' LDAN CHOS KYI ZHING KHAMS NA

BZHUGS PA'I, ,YAB RJE BLO BZANG RGYAL BA'I DBANG PO DANG DBYER
MED, ,DRIN CAN HE RU KA: DPAL BDE CHEN GYI SNYING PO, ,BDAG
SNYING 'DAB BRGYAD PADMA'I GE SAR LA BZHUGS SHIG ,RAB 'BYAMS
RGYAL BA'I MKHYEN BRTZE NUS GSUM GYI SGYU 'PHRUL, ,BCOM

@004B LDAN RIGS GSUM MGON PO'I THUGS RJE YI 'OD ZHAGS, ,'GRO LA
PHYOGS LHUNG BRAL YANG MDO SMAD KYI LJONGS 'DIR, ,RAB DKAR KHA
BA'I LHUN PO'I RNAM ROL DU SHAR BA'I, ,SPRO ZHING BAG PHEBS GNAS
MCHOG NYAMS DGA' YI DBUS SU, ,

RANG SNANG DAG PA'I RDO RJE'I PHO BRANG GI LTE BAR, ,ZHING
SNGAGS LHAN CIG SKYES PA'I MKHA' 'GRO DANG DPA' BOS, ,DON ZAB
RDO RJE'I GLU DBYANGS DIR DIR DU SGROG CING, ,BDE STONG PHYAG
RGYA'I GAR STABS SHIG SHIG TU BSGYUR NAS, ,RANG CAG 'DIR TSOGS

DAM LDAN RDO RJE YI DPON SLOB, ,BDE CHEN TSOGS KYI 'KHOR LO 'DOD
DGU RU ROL CING, ,GSANG CHEN CHOS LA SPYOD 'DI SKAL BA RANG
BZANG BYUNG, ,MING RKYANG BTAGS YOD TZAM GYI 'KHOR 'DAS KYI
RDZUN RIS, ,KUN RDZOB SGYU MA'I 'KHRUL 'KHOR LTAD MO

RU CHE YANG, ,DON DAM BRJOD BRAL NGANG DU RDZUN PHUGS DE ZHIG
PAS, ,DGAG SGRUB SPANG BLANG BRAL BA'I RNAL 'BYOR ZHIG SKYONG
NGO, ,MTSAN LDAN BLA MA'I ZHAL NAS GDAMS NGAG GI NYING KHU,
,SKAL BZANG BDAG BLO'I BUM PA'I BCUD BZANG DU 'KHYIL BYUNG, ,

GANG SHES BSHAD DANG SGRUB PA'I NYAMS LEN GYI SGO NAS, ,RANG
GZHAN GNYIS KA 'TSENG BA'I YID SMON ZHIG 'CHA' 'O, ,AA HO 'JAM
MGON SNYAN BRGYUD MAN NGAG LA BRTEN NAS, ,TSE GCIG RDZOGS PA'I
SANGS RGYAS LAG MTHIL NA YOD PA'I, ,THABS

TSUL NYAMS SU LEN A'I GNAD KA ZHIG GO BYUNG, ,PHA RGOD BLA MA'I
BKA' DRIN 'KHOR THABS RANG MED DO, ,'DIS MTSON DUS GSUM DGE BA
JI SNYED KYI MTHU LAS, ,MTSUNGS MED DRIN CAN RTZA BA'I BLA MA YI
ZHABS PAD, ,BDAG CAG BSOD NAMS

@005A *, ,ZHING DU BSKAL BRGYA RU BRTAN CING, ,RMAD BYUNG THUGS
KYI BZHED DON LHUN GRUB TU GYUR CIG ,NGED CAG DAM TSIG GTZANG
MA'I RNAL 'BYOR GYI DPON SLOB, ,PHYI NANG BAR GCOD BDUD KYI
G-YUL NGO LAS RGYAL TE, ,

GSANG CHEN BDUD RTZI'I DPAL LA NGOMS MED DU SPYOD NAS, ,TSE 'DIR
GDOD MA'I RGYAL SA ZIN PA RANG GYUR CIG ,THOG MED 'KHOR BAR
'KHYAMS PA'I RIGS DRUG GI MA RGAN, ,MTSAN LDAN DGE BA'I BSHES
KYI DED DPON LA BRTEN NAS, ,DRI MED MDO

SNGAGS THEG PA'I GRU CHEN LA ZHUGS TE, ,SKU GSUM RIN CHEN GLING
DU SON PA RU GYUR CIG ,(CES PA 'DI NI SHING GLANG LOR GNAS MCHOG
GANGS DKAR RIGS GSUM MJAL BAR BSKYOD SKABS, SPYAN RAS GZIGS KYI
GANGS RI'I MDUN ROL MTSO MGO RI KHROD DU ZLA BA BCU GNYIS PA'I
YAR NGO'I

TSES BCU MKHA' 'GRO 'DU BA'I DUS CHEN GYI NYIN RJE BTZUN RDO RJE
RNAL 'BYOR MA N'A RO MKHA' SPYOD MA'I SINDHU RA'ID KYIL 'KHOR DU
BDAG NYID 'JUG CING DBANG BLANGS PA'I CHO GA DANG 'BREL TSOGS
KYI MCHOD PA RGYAS PAR BGYID SKABS KYI GYIN PA GAR GYI DBANG POS
THOL BYUNG DU GLUR BLANGS PA'O,,) ,,

` SKYABS KUN 'DUS RTZA BA'I BLA MA, ,DON DBYER MED RDO RJE RNAL
'BYOR MAS, ,DENG 'DIR TSOGS MOS PA'I BU SLOB LA, ,MCHOG THUN GYI
BYIN RLABS CHAR LTAR PHOBS, ,SHAR MDO SMAD LJONGS SU SKYES PA
YI, ,KHYOD DAM LDAN BU SLOB YON BDAG DANG,,

SA THAG RING YUL NAS 'ONGS PA YI, ,NGED CHOS MED GAR GYI DBANG
PO GNYIS, ,SNGON LAS KYI 'BREL BA BTZAN PO YIS, ,DUS DENG SANG
LHAN CIG 'DZOMS NAS BYUNG, ,TSE MI RTAG DGUN KA'I NYI MA 'DRA,
,LUS LANG TSO STON MTHA'I ME TOG BZHIN, ,NOR

@005B LONGS SPYOD G-YAR PO'I RGYAN DANG MTSUNGS, ,GROGS NYE DU
TSONG 'DUS MGRON PO 'DRA, ,LAR 'DI SNANG SRIN MO'I BSLU BRID LA,
,KHONG SNYING MED TSO MGO BO 'KHOR 'KHOR NAS, ,DUS NAM ZHIG 'CHI
BDAG GSHIN RJE KHOS, ,GLO BUR DU KHRID TSE 'GYOD KYANG 'PHYIS, ,

SNGON THOG MED NAS 'KHOR BA'I BTZON KHANG 'DIR, ,SDUG SNA DGU
YANG YANG MYONG MYONG NAS, ,DUS DA LTA RANG DBANG THOB DUS 'DIR,
,BROS THABS SHIG BYED NA RAN NAS GDA', ,KHONG DRIN GYIS CHE BA'I
MA RGAN RNAMS, ,LAS NYON MONGS RLABS KYIS 'KHYER

'KHYER NAS, ,SDUG BSNGAL GYI RGYA MTSOR BYING NAS 'DUG ,'DI YAL
BAR BOR BA CANG PHOD DAM, ,SPRANG BDAG LA NYAMS MYONG MA MCHIS
KYANG, ,PHA BLA MA'I ZHAL GDAMS BDUD RTZI'I RGYUN, ,KHYED 'DIR
TSOGS SKAL LDAN DU SLOB LA, ,NGAS SNYING GTAM GLU RU  

BLANGS PA YIN, ,CHOS LEGS BSHAD SMRA MKHAS NI TZO NGA, ,DUS RE
ZHIG LHO MON LJONGS SU 'GRO, ,KHYED MOS GUS KYI LJON SHING MA
SKAM NA, ,ZHAL YANG YANG MJAL BA'I SMON LAM ZHU, ,KHYED BU SLOB
RNAMS DAM GTZANG CHOS SPYOD 'PHEL, ,YON BDAG GI

'DI PHYI'I MDUN MA 'GRUB, ,NGED RNAL 'BYOR GYIS 'DOD DON MA LUS
PA, ,'BAD MED DU 'GRUB PA'I BKRA SHIS, ,(CES PA 'DI NI SHING
GLANG LOR GANGS DKAR GNAS MJAL DU BSKYOD SKABS DAD LDAN 'GYUR
MED KYI SBYIN BDAG MTSO THOG DPON SKAL BZANG MGON PO NAS GSOL BA

BTAB PA BZHIN, PHAR LAM RJE BTZUN RDO RJE RNAL 'BYOR MA'I DBANG
DANG ZAB KHRID SOGS BGYIS SHING, TSUR LAM DPON KHANG DU SLOB BU
'GA' LA RNAL 'BYOR MA'I SNGAGS BTU'I RJES GNANG DANG 'BREL TSOGS
'KHOR BGYID SKABS, DUG GSUM ME 'BAR GAR DBANG GIS GANG DRAN MGUR
DU BGYIS PA'O,,

@006A *, , ` YONGS SHES BYA'I DRA BA MA LUS PA, ,DPAL BDE BA
CHEN PO'I DKYIL 'KHOR DU, ,SDOM MDZAD KYI BLA MA HE RU KA:,
,BDAG MOS PA'I BU YI SPYI BOR BZHUGS, ,SKU MTHONG BAS NGAN
'GRO'I 'JIGS LAS

SKYOB, ,GSUNG THOS PAS SRID ZHI'I GDUNG BA SEL, ,THUGS DRAN PAS
BDE CHEN DBYINGS SU RGYAS, ,RJE 'BREL TSAD DON LDAN LA PHYAG
'TSAL, ,ZAG MED KYI GA nA TZAKRA SOGS, ,PHYI NANG GI MCHOD SPRIN
RGYA MTSO 'DI, ,BDAG RTOG MED

SEMS KYIS 'BUL LAGS NA, ,THUGS BDE CHEN NGANG DU BZHES SU GSOL,
,SNGON THOG MA MED NAS DA LTA'I BAR, ,RGYU NYON MONGS DUG GSUM
DBANG GYUR BAS, ,BCAS RANG GI KHA NA MA THO BA, ,CI BGYIS DE
MGON PO'I SPYAN SNGAR

BSHAGS, ,THUGS BDE CHEN GZHON NU STONG NYID KYI, ,DGA' MA DANG
'KHYUD PA MI 'DOR YANG, ,GANG 'DUL GYI 'PHRIN LAS CHU ZLA'I GAR,
,RTZOL MED LHUN GRUB LA RJES YI RANG, ,SKAL LDAN GYI NE'U SING
GTZANG MA LA, ,NYAMS

RTOGS KYI MYU GU RGYAS PA'I SLAD, ,THUGS CHOS SKU'I DBYINGS LAS
ZAB RGYAS KYI, ,LEGS BSHAD KYI GRU CHAR CI YANG PHOBS, ,NANG
RLUNG SEMS MDZES SDUG MTSAN DPE'I SKUR, ,YONGS BZHENGS LA 'PHO
'GYUR MI MNGA' YANG, ,

PHYI SPRUL SKU RAGS PA'I ZA MA TOG ,DUS 'KHOR BA JI SRID BZHUGS
SU GSOL, ,DENG 'DIS MTSON DUS GSUM DGE BA'I MTHUS, ,DUS 'DI NAS
BYANG CHUB MA THOB BAR, ,PHA BLA MA HE RU KA: DPAL GYIS, ,THUGS
DGYES SHING RJES

@006B SU 'DZIN GYUR CIG ,LAS NYON MONGS KYI GRAM RDO SPUNGS PA
YI, ,RANG RGYUD KYI ZHING RENGS THA RGOD 'DI, ,THUN MONG GI LAM
GYIS DUL BYAS NAS, ,DPAL GSANG CHEN GYI SNOD DU BYED GYUR CIG
,MTSAN LDAN GYI SLOB DPON BKA' DRIN LAS, ,

MCHOG SKU BZHI'I SA BON THEBS NGES KYI, ,RGYU SMIN BYED DBANG
BZHI LEGS THOB NAS, ,DAM TSIG DANG SDOM PA SRUNG NUS SHOG ,GZHI
MA DAG SKYE SHI BAR DO GSUM, ,DPAL SKU GSUM DU SGYUR BA'I THABS
MKHAS MCHOG ,LAM BSKYED

RIM PHRA RAGS MTHAR PHYIN NAS, ,GANG SNANG KUN LHA SKUR 'CHAR
BAR SHOG ,GNAS SPRUL PA'I 'KHOR LO'I TZANDRA LIS, ,HAm ZLA BA
BZHUS PA'I BDUD RTZI'I RGYUN, ,LAM AA WA DH'U T'IR 'BAB 'DZEG GI
,BCU DRUG GI DGA' BA RGYAS PAR SHOG ,

SNYING 'DAB BRGYAD PADMA'I GUR KHANG NAS, ,RLUNG 'JUG DANG GNAS
DANG LDANG BA GSUM, ,GDANGS MA BCOS SNGAGS SU SHAR BA'I GLUS,
,SNYING MI SHIGS SGO NGA'I SBUBS 'BYED SHOG ,NANG RJES GZHIG
BSAM GTAN SDUD RIM DANG, ,PHYI

PHYAG RGYAR SBYOR BA'I THABS MKHAS KYIS, ,DPE'I 'OD GSAL NGANG
LAS RLUNG SEMS TZAM, ,SKU SGYU MA'I MTSAN DPER LDANG BAR SHOG
,PHYI NANG GI THABS KYIS SGYU MA'I LUS, ,YANG YANG DU SBYANGS
PAS NGES DON GYI, ,LHAN SKYES 'OD GSAL

GYI NYI MA SNYING DBUS SU, ,SHAR BAS BDEN 'DZIN GYI MUN PA DRUNG
'BYIN SHOG ,SLAR DE LAS LDANG TSE DAG PA'I SKU, ,'OD GSAL GYI
THUGS DANG DBYER MED PA'I, ,LAM SLOB PA'I ZUNG 'JUG MNGON BYAS
NAS, ,SLAR 'OD GSAL GYI

@007A *, ,DBYINGS SU ZHUGS GYUR CIG ,MTHAR 'KHRUL PA'I DRI MA
KUN SPANGS PA'I, ,DPAL SKU BZHI'I BDAG NYID RDO RJE 'CHANG, ,KHA
SBYOR BDUN LDAN GYI GO 'PHANG MCHOG ,MA 'GRO BA'I DON DU MYUR
THOB

SHOG ,PHA DRIN CAN BLA MA'I BKRA SHIS SHOG ,BLA MA RANG SEMS SU
SHES PA'I BKRA x BRGYUD PA'I BLA MA RNAMS KYI x SGRUB BRGYUD
RNAM THAR ZIN PA'I x DPAL HE RU KA: YI x SNANG SRID CHOS SKUR
'CHAR BA'I x YUM RDO RJE PHAG

MO'I x GTUM MO'I BDE DROD 'BAR BA'I x THABS DPA' BO RNAMS KYI x
'DOD DON DNGOS GRUB STZOL BA'I x MA MKHA' 'GRO RNAMS KYI x LAM
GYI SGRUB GROGS MDZAD PA'I x DAM CAN CHOS SKYONG GI x 'GAL RKYEN
BAR

CHAD ZHI BA'I x 'DIR 'DUS MCHED GROGS KYI x DAM GTZANG 'DU 'BRAL
MED PA'I x MDO SNGAGS MANG DU THOS PA'I x THOS DON SGRUB PA BYED
PA'I x SGRUB 'BRAS TSE 'DIR 'BYUNG BA'I x BKRA SHIS DPAL GYIS
DUS KUN SKYONG

GYUR CIG ,(CES PA 'DI NI ME YOS LOR KARMA PA DUS GSUM MKHYEN PA
DANG, ^RGYAL MCHOG BSKAL BZANG RGYA MTSO, KHRI CHEN NGAG DBANG
CHOS LDAN, LCANG SKYA ROL PA'I RDO RJE SOGS SKYES CHEN DU MAS
BYIN GYIS BRLABS SHING, 'KHOR LO BDE MCHOG GI YUL NYER BZHI'I
NANG

TSAN GSUNG GI GNAS K'A MA R'U BAR LUNG BSTAN PA'I GNAS MCHOG MDO
SMAD KAM PO GANGS KYI RVA BA'I MGUL DU BLA MA 'KHOR LO BDE MCHOG
LA BRTEN PA'I TSOGS MCHOD RGYAS PAR BGYID SKABS GRUB PA'I DPA'
BO MKHA' 'GRO RNAMS DANG LHAN CIG RDO RJE'I GLU GAR LA ROL

@007B BA'I RTEN 'BREL GYI CHED DU GYI NA BA GAR GYI DBANG POS
GANG DRAN GLUR BLANGS PA'O,,) ,, ` SNOD STONG GSUM LTAR YANGS
THOD PA'I NANG, ,RDZAS BDUD RTZIR BYIN BRLABS TSOGS MCHOD 'DI,
,SKYABS DRAN PAS GDUNG SEL RJE BTZUN

MAR, ,BDAG GUS PAS 'BUL LO BZHES SU GSOL, ,PHYI DAG PA MKHA'
SPYOD ZHING KHAMS NA, ,MA RGYAL YUM RDO RJE PHAG MO BZHUGS,
,BDAG MKHA' SPYOD RIG 'DZIN TSOGS GRAL DU, ,TSE 'DI RU SON PAR
BYIN GYIS RLOBS, ,NANG

LTE BA SPRUL BA'I PHO BRANG NA, ,GTUM MO AA THUNG GI PHAG MO
BZHUGS, ,DPYID DH'U T'IR BZHU BA'I DBAB LDOG GIS, ,MCHOG DGA'
BZHI 'DREN PAR BYIN GYIS RLOBS, ,GNAS SNYING GA CHOS KYI 'KHOR
LO RU, ,SEMS GNYUG MA

GSANG BA'I PHAG MO BZHUGS, ,DBYINGS SPROS BRAL ZUNG 'JUG BDE
CHEN GYI, ,DGA' MA YI RANG ZHAL MTHONG BAR MDZOD, ,(CES PA'ANG
KAM PO GNAS NANG DU RDO RJE RNAL 'BYOR MA'I TSES BCU'I MCHOD
PA'I TSOGS GRAL DU GAR GYI DBANG POS SMRAS SO,,) ,,

` BLA MA SANGS RGYAS KUN 'DUS BDE CHEN GYI SNYING POS, ,DPAL
LDAN 'DUS PA'I ZAB KHRID RGYUD KUN GYI YANG RTZE, ,GSUNG DBYANGS
'GAG MED LHANG LHANG NYIN BZHIN DU 'DOMS TSE, ,BRGYA BYIN TSANGS
PAS MI RNYED SKAL BZANG 'DI

NGO MTSAR, ,YAB RJE BKA' DRIN CAN GYI LEGS BSHAD KYI BDUD RTZI,
,NYAM CHUNG BDAG BLO'I BUM PA'I BCUD BZANG DU BSKYIL YANG, ,GNAD
DON LAG TU LON PA'I 'KHOS KA 'DI ZHAN PAS, ,SEMS PA KHONG DU
CHUD PA'I GDUNG BA 'DI SUS

@008A *, ,SEL, ,AA CANG SDUG BSNGAL MI DGOS LEGS TSOGS KYI RTEN
'BREL, ,BLA MA YID BZHIN NOR BU'I SPYAN SNGA RU BSGRIGS YOD,
,NGA TSO SKAL BA BZANG PO'I DGA' SKYID KYI RKANG BRO, ,GSANG
CHEN BLA NA

MED PA'I MYUR LAM LA RGYAB CHOG ,LONGS SPYOD 'KHOR LO BDE BA'I
GRE 'GYUR ZHIG MED KYANG, ,SPRO DGA' KHONG NAS LUD PA'I THOL
BYUNG GI SKYID GLU, ,MTSUNGS MED BLA MA DGYES PA'I MCHOD SPRIN
DU 'BUL NA, ,DAM GTZANG RDO RJE'I MCHED

TSOS RAM 'DEGS SHIG MDZOD DANG, ,SNANG TSAD RIGS BRGYA RIGS
LNGA'I DKYIL 'KHOR GYI 'KHOR LO, ,SGRA GRAGS RLUNG SNGAGS DBYER
MED N'A DA YI ROL MO, ,DRAN RTOG BDE CHEN 'OD GSAL LHAN SKYES
KYI CHU RLABS, ,KUN YANG BDE BA'I

YO LANG LTAD MO ZHIG STON DANG, ,KUN RTOG SPROS PA KUN BRAL CHOS
NYID KYI MDZES MAR, ,THABS MCHOG BDE CHEN GZHON NU'I LANG TSO YI
RTZE DGA', ,MI PHYED MDZA' BAS 'KHYUD PA'I DGA' STON GYI ROL MO,
,BAG YANGS CI DGAR SKYONG

BA'I SKAL BZANG ZHIG STZOL DANG, ,MA BCOS 'DAB BRGYAD TZITTA NOR
BU YI GRONG NA, ,GSAL MDANGS 'OD LNGAR 'BAR BA GNYUG MA YI RGYAL
PO, ,MKHA' KHYAB ZHI KHRO DRA BA'I NGO MTSAR GYI BKOD PA,
,'BYAMS KLAS RANG SNANG LHUN GRUB RGYAL

THABS SHIG SKYONGS DANG, ,MTSAN DPE'I TSOM BUR 'KHYIL YANG YE
SHES KYI RANG BZHIN, ,SPROS MTSAN NYER BZHI'I THUGS NYID GZUGS
SKU YI LANG TSO, ,ZUNG 'JUG SGYU 'PHRUL DRA BA RGYA MTSO YI
SPRIN CHEN, ,MKHA' KHYAB 'OG MIN ZHING

@008B GI BLA BRE RU BRES THONGS, ,AINDRAo BHO DHI ZHES BYA'I
GRUB THOB KYI RGYAL POS, ,AUo RGYAN YUL GYI 'GRO KUN RIG 'DZIN
LA 'KHRID SKAD, ,AEo MA ZAB MO'I SNYAN BRGYUD 'DI 'DRA DANG MJAL
TSE, ,AOo dI YA NA ZER YANG 'DI 'DRA ZHIG RED SNYAM, ,AAo MA

'GRO KUN SGROL BA'I BZOD STOBS DANG GO CHAS, ,AAo 'DUS KA
'PHRENG LDAN PA'I RGYUD DON LA ZHUGS TE, ,AAo DON ZAB ZHI CHOS
SKU'I BDUD RTZI YIS MYOS PA'I, ,AAo LI LA MO'I GLU DBYANGS LEN
PA LA SMON NO, ,AAo LA LA 'DI 'DRA YI MAN NGAG ,

AAo HO YE THOS PA'I 'DI SKAL BZANG, ,'O NA LA DON THOG TU KHEL
MIN, ,AA PHO RANG DAD BRTZON LA RAG 'DUG ,CHOS MED KYI DUG GSUM
ME 'BAR, ,KHRI BYANG GI SMYON PA 'UR BA'I, ,'BREL MED KYI CHOS
GLU TSIG GSUM, ,CHU BZANG GI DBEN

PAR BLANGS SO, ,(ZHES PA'ANG LCAGS 'BRUG ZLA BA GNYIS PA'I TSES
LA DBEN GNAS NYANG BRAN CHU BZANG RI KHROD DU, ^SKYABS GCIG RDO
RJE 'CHANG PHA BONG KHA PA'I DRUNG NAS GSANG 'DUS RDZOGS RIM RIM
LNGA GSAL SGRON GYI ZAB KHRID ZHU SKABS SU SMRAS SO,,) ,, ` THUB
GSUNG

RGYA MTSO'I SNYING PO BLO BZANG GI RGYAL BSTANo, ,RMAD BYUNG
LUNGo DANG RTOGSo PA'I RTZAL GSUM DE RDZOGS PAS, ,PHYOGS LAS
RNAMo PAR RGYALo BA'I RU MTSON DU BSGRENG LA, ,'PHRINo LASo
'GRAN ZLA MED PA'I RJE BTZUN GYI BLA MA, ,RI BRAG CHU

KLUNG MANG PO'I LAM 'PHRANG DANG G-YANGS, ,SHUL RING BGROD
DKA'I LAM LA 'O RGYAL DE CHE YANG, ,GZHAN DON KHUR DU KHYER LA
SKYO NGAL DE SPANG PA'I, ,BLO CHEN RGYAL SRAS DPA' BO'I SNYING
STOBS DE SKYONGS MDZOD, ,CHOS DANG SRID

@009A *, ,KYI GTAD SO SNE GCIG KYANG MED CING, ,DUG GSUM ME LTAR
'BAR BA'I GAR DBANG GI SMYON PAS, ,GANG BYUNG KHA NAS THON PA'I
MNYAM 'GROGS KYI BYA BAR, ,BRTZE LDAN PHA MA BZHIN DU

BZOD PA RANG BZHES SHIG ,(CES PA 'DI'ANG PHYI LO CHIG STONG DGU
BRGYA LNGA BCU NGA DGU LOR BOD NAS PHEBS SKABS 'BUM BDE LAR
^SKYABS RJE YONGS 'DZIN GLING RIN PO CHE DANG LHAN BZHUGS SKABS
GSUNGS SO),, ,,DGE LEGS 'PHEL,, ,,