@001A *, ,RGYAS PA'I BSTAN BCOS TSAD MA RNAM 'GREL GYI RANG DON LE'U DANG GZHAN DON LE'U GNYIS KYI DKA' BA'I GNAD GSAL BAR BYED PA CHOS KYI GRAGS PA'I DGONGS RGYAN ZHES BYA BA BZHUG SO, @001B #, ,NA MO GU RU MANYDZU GHO shA YA, GTING MTHA' MI MNGON MKHYEN BRTZE'I RGYA MTSO CHE, ,DPAL LDAN LEGS BSHAD RIN CHEN BYE BA'I GTER, ,SRID GSUM MNYAM MED LHA YI LHAR GYUR BA, ,THUB DBANG SMRA BA'I SENG GES BDAG SKYONGS SHIG ,LI KHRI'I RDUL BRTZEGS MIG SMAN THOR COG G-YO, ,RAB SNYAN GSUNG GIS PHAN BDE RJES SU 'CHING, ,RGYAL KUN MES PO MKHYEN PA'I GTER CHEN GYIS, ,DRI MED LUNG RIGS SMRA BA'I SPOBS PA STZOL, ,DGAG SGRUB SUN 'BYIN RIGS LAM 'BUM PHRAG GIS, ,LOG SMRA'I SGRO BTAGS SMRA BA ZUM BYED CING, ,LUNG RTOGS BA DAN SRID PA'I RTZE MO RU, ,BSGRENG MKHAS RIGS PA'I DBANG PHYUG RNAM GNYIS RGYAL, ,SNYIGS @002A *, ,DUS RGYAL BA'I DBANG BO RTZONG KHA BA, ,MGON DE'I SRAS KYI THU BO RNAM GNYIS ZHABS, ,THAMS CAD MKHYEN DNGOS DGE 'DUN GRUB PA SOGS, ,YAB SRAS BRGYUD PAR BCAS LA SNYING NAS 'DUD, ,DRI MED LUNG DANG RIGS PA'I NGA RO YIS, ,CHOS TSUL RGYA MTSO'I DE NYID 'BYED PA LA, ,DPAL LDAN GRAGS PA'I ZHABS DANG MI GNYIS PA, ,RJE BTZUN CHOS KYI RGYAL MTSAN ZHABS LA 'DUD, ,SNANG MTHA'I ZLOS GAR DPAL LDAN YE SHES ZHABS, ,RGYAL BA KUN DNGOS NGAG DBANG BYAMS PA'I DPAL, ,CHOS KYI RGYAL PO DGE 'DUN RGYA MTSO DANG, ,NGAG LA DBANG 'BYOR DON KUN GRUB PA SOGS, ,ZLA MED YONGS 'DZIN TSOGS LA GUS BTUD NAS, ,RIGS PA'I @002B DBANG PHYUG RNAM GNYIS DGONGS PA'I DON, ,GSAL BAR 'CHAD KYI RIGS SMRA GZHON NU'I TSOGS, ,DGA' BA'I SHUGS KYIS BZHIN 'DZUM RNA BA BLOGS, ,JI SKAD DU YANG 'JAM DPAL RTZA RGYUD LAS, ,YI GE DHA ZHES SDOM BRTZON MCHOG ,LHO YI PHYOGS SU RNAM PAR GRAGS, ,RGOL BA NGAN PA ZLOG BYED CING, ,SDOM BRTZON SNGAGS KYANG 'GRUB PAR BYED, ,CES RGYAL BAS LUNG BSTAN PA'I BDAG NYID CHEN PO DPAL CHOS KYI GRAGS PAS THAR BA DANG THAMS CAD MKHYEN PAR BGROD PA'I LAM DNGOS STOBS KYI RIGS PAS GSAL BAR BYED PA'I TSAD MA'I MDO KUN LAS BTUS PA'I DGONGS 'GREL DU RGYAS PA'I BSTAN BCOS TSAD MA RNAM 'GREL, CUNG ZAD BSDUS PA TSAD MA RNAM NGES, SHIN TU BSDUS PA TSAD MA RIGS THIGS TE BSTAN BCOS KYI LUS YONGS SU RDZOGS PA'I GTZO BO LUS LTA BU'I BSTAN BCOS GSUM, GTAN TSIGS THIGS PA, 'BREL BA BRTAG PA, RGYUD GZHAN SGRUB PA, RTZOD PA'I RIGS PA STE BZHI NI RTOG GE'I TSIG DON BRGYAD TSANG BAR MI STON ZHING DE DAG GI CHA SHAS CI RIGS PA STON PAS NA 'PHROS PA YAN LAG LTA BU'I BSTAN BCOS BZHI STE TSAD MA SDE BDUN MDZAD DO, ,TSAD MA'I BSTAN BCOS DE DAG GI BRJOD PAR BYA BA NI, RIGS SGO LAS, MNGON SUM DANG NI RJES SU DPAG ,LTAR SNANG BCAS PA BDAG RIG PHYIR, ,SGRUB PA DANG NI SUN 'BYIN NGAG ,LTAR @003A *, ,SNANG BCAS PA GZHAN RTOGS PHYIR, ,ZHES GSUNGS PA LTAR RANG GIS GZHAL BYA NGES PA'I THABS MNGON SUM DANG RJES SU DPAG PA STE, RANG NYID KYIS JI LTAR GTAN LA PHAB PA LTAR, DON LA GNAS MI GNAS NI GTAN LA 'BEBS BYED KYI BLO YANG DAG TU SONG MA SONG LA RAG LAS PA YIN ZHING, DE LA LKOG GYUR NGES BYED KYI BLO SKYON MED RJES DPAG DANG, MNGON GYUR NGES BYED KYI BLO SKYON MED MNGON SUM TSAD MA GNYIS DANG, BLO GZHAN GYI RJES SU 'BRANG NA SLU BAR 'GYUR BAS, LAM GYI GOL SA GCOD PA'I YAN LAG TU MNGON RJES LTAR SNANG GNYIS TE BZHI, RANG GIS NGES NAS GZHAN LA RTOGS PA BSKYED PA'I YAN LAG TU PHYI MA BZHI STE, DE YANG MTHA' GCIG TU 'DZIN PA'I LOG RTOG GI DPAL GZHOM PA'I PHYIR SUN 'BYIN YANG DAG ,MTHA' GNYIS SU DOGS PA'I THE TSOM BSAL BA'I PHYIR SGRUB NGAG YANG DAG DANG, DE GNYIS KYI GOL SA GCOD PA'I PHYIR SUN 'BYIN DANG SGRUB NGAG LTAR SNANG GNYIS TE RTOG GE'I TSIG DON BRGYAD DO, ,DE RNAMS KYI NANG NAS RJES DPAG 'CHAD PA LA GNYIS, RANG DON RJES DPAG DANG, GZHAN DON RJES DPAG GO ,TSAD MA RNAM 'GREL 'DIR RANG DON RJES DPAG RTOG GE'I TSIG DON BRGYAD KYI DANG POR 'CHAD PA'I RGYU MTSAN YOD DE, THAR BA DANG THAMS CAD MKHYEN PA LAM 'BRAS BU DANG BCAS PA GTAN LA 'BEBS PA DE GTAN LA @003B 'BEBS BYED KYI TSAD MA LA RAG LAS SHING, DE'I MTSAN NYID DANG DBYE BA SOGS RTOGS PA TSAD MA'I MTSAN NYID DANG DBYE BA SOGS LA LOG RTOG SEL BA LA RAG LAS PAS, DE LTA BU'I LOG RTOG SEL BA'I DBANG DU MDZAD NAS, SLOB DPON PHYOGS GLANG GIS BYAS PA'I TSAD MA'I MTSAN NYID DANG DBYE BA SOGS DON DANG LDAN PA DANG, PHYI ROL BAS BYAS PA'I TSAD MA'I MTSAN NYID DANG DBYE BA SOGS DON DANG MI LDAN PAR SO SKYE RNAMS KYIS DANG POR RNAM PAR 'BYED PA MNGON RJES GNYIS KYI NANG NAS RANG RGYUD KYI RJES DPAG KHO NA LA RAG LAS PAS RNAM 'GREL 'DIR RANG DON RJES DPAG DANG POR BSTAN PA YIN TE, RANG 'GREL LAS, DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA YIN PA'I PHYIR, DE LA LOG PAR RTOG PAS DE RNAM PAR BZHAG PA'I PHYIR BSHAD PA, ZHES GSUNGS PA'I PHYIR, DES NA DANG BO LA GSUM, RJES DPAG GI RANG BZHIN, RGYU RTAGS 'DZIN SEMS, RTEN GTAN TSIGS BSHAD PA'O, ,DANG BO LA GNYIS, MTSAN NYID DANG, DBYE BA'O, ,DANG PO NI, RJES DPAG TSAD MA'I MTSAN NYID YOD DE, RANG GI RTEN DU GYUR BA'I RTAGS YANG DAG GI TSUL GSUM DRAN PA'I DRAN SHES LAS DNGOS SU SKYES STOBS KYIS RANG GI GZHAL BYA LKOG GYUR LA GSAR DU MI SLU BA'I RIG PA DE DE YIN PA'I PHYIR TE, TSAD MA MDO LAS, RJES DPAG RNAM GNYIS RANG DON NI,, @004A *, ,TSUL GSUM RTAGS LAS DON MTHONG YIN, ,ZHES GSUNGS PA'I PHYIR, RJES DPAG DANG RANG DON RJES DPAG GNYIS DON GCIG ,GNYIS PA DE LA DBYE NA, DNGOS PO STOBS ZHUGS KYI RJES DPAG, YID CHES KYI RJES DPAG, GRAGS PA'I RJES DPAG DANG GSUM MO, ,DANG PO'I MTSAN NYID YOD DE, RANG GI RTEN DU GYUR BA'I DNGOS PO STOBS ZHUGS KYI RTAGS YANG DAG GI TSUL GSUM DRAN PA'I DRAN SHES LAS DNGOS SU SKYES STOBS KYIS RANG GI GZHAL BYA LKOG GYUR LA GSAR DU MI SLU BA'I RIG PA DE DE YIN PA'I PHYIR, DE LA DBYE NA, DNGOS PO STOBS ZHUGS KYI 'BRAS RANG MA DMIGS PA'I RTAGS YANG DAG GSUM LA BRTEN PA'I RJES DPAG GSUM YOD, GNYIS PA YID CHES RJES DPAG GI MTSAN NYID YOD DE, RANG GI RTEN DU GYUR BA'I YID CHES KYI RTAGS YANG DAG GI TSUL GSUM DRAN PA'I DRAN SHES LAS DNGOS SU SKYES STOBS KYIS RANG GI GZHAL BYA SHIN TU LKOG GYUR LA GSAR DU MI SLU BA'I RIG PA DE DE YIN PA'I PHYIR, DE LA DBYE NA, YID CHES KYI 'BRAS RANG MA DMIGS PA'I RTAGS YANG DAG GSUM LA BRTEN PA'I RJES DPAG GSUM YOD, GSUM PA GRAGS PA'I RJES DPAG GI MTSAN NYID YOD DE, RANG GI RTEN DU GYUR BA'I GRAGS PA'I RTAGS YANG DAG GI TSUL GSUM DRAN PA'I DRAN SHES LAS @004B DNGOS SU SKYES STOBS KYIS RANG GI GZHAL BYA 'DOD PA TZAM GYIS BZHAG PA LA GSAR DU MI SLU BA'I RIG PA DE DE YIN PA'I PHYIR, SGRA BSHAD PA NI, SGRA MI RTAG RTOGS KYI RJES DPAG CHOS CAN, KHYOD LA RJES DPAG CES BRJOD PA'I RGYU MTSAN YOD DE, RTAGS MTHONG ZHING 'BREL BA DRAN PA'I RJES SU BSGRUB BYA DPOG PA'I BLO YIN PAS DE LTAR BRJOD PA'I PHYIR, DE CHOS CAN, KHYOD LA RANG DON RJES DPAG CES BRJOD PA'I RGYU MTSAN YOD DE, RANG RGYUD LDAN GYI GANG ZAG GI SGRO 'DOGS SEL BA'I BYA BA BYED PA'I PHYIR RANG DON DANG, RTAGS MTHONG ZHING 'BREL BA DRAN PA'I RJES SU BSGRUB BYA DPOG PAS NA RJES DPAG CES BRJOD PA YIN PA'I PHYIR, KHA CIG, SGRA MI RTAG RTOGS KYI RJES DPAG SNANG YUL LA 'KHRUL SHES YIN YANG MA 'KHRUL BA'I SHES PA YIN TE, ZHEN YUL LA MA 'KHRUL BA'I SHES PA YIN PA GANG ZHIG ,RTOG PA'I YUL GYI GTZO BO ZHEN YUL YIN PA'I PHYIR ZER BA MI 'THAD DE, SHES BYA CHOS CAN, MNGON SUM TSAD MA MA 'KHRUL BA'I SHES PA YIN PA'I 'JOG BYED MED PAR THAL, SNANG YUL LA MA 'KHRUL BA'I SHES PA YIN PAS MA 'KHRUL BA'I SHES PA YIN PAR 'JOG MI NUS PA'I PHYIR, DER THAL, SNANG YUL LA 'KHRUL SHES YIN PAS 'KHRUL SHES YIN PAR 'JOG MI NUS PA'I PHYIR, RTAGS KHAS, GZHAN YANG, DE CHOS CAN, LOG SHES YIN PAR THAL, SNANG YUL @005A *, ,LA LOG SHES YIN PA'I PHYIR, DER THAL, SNANG YUL LA 'KHRUL SHES YIN PA'I PHYIR ZER NA MA KHYAB STE, SNANG YUL LA 'KHRUL BA TZAM GYIS LOG SHES SU MI 'GYUR GYI YUL GYI GTZO BO 'DZIN STANG KYE YUL LA MTHA' GCIG TU PHYIN CI LOG TU ZHUGS PAS LOG SHES SU 'JOG PA'I PHYIR, GZHAN YANG, DE CHOS CAN, ZHEN YUL LA 'KHRUL BA'I LOG SHES YIN PAR THAL, RANG LA SNANG BA DON MIN PA LA DON DU MNGON PAR ZHEN PA'I BLO YIN PA'I PHYIR TE, RNAM NGES LAS, RANG GI SNANG BA DON MED PA LA DON DU MNGON PAR ZHEN NAS 'JUG PA'I PHYIR, ZHES GSUNGS PA'I PHYIR ZHE NA SKYON MED DE, SGRA MI RTAG RTOGS KYI RJES DPAG LTA BU RANG LA SNANG BA DE NYID SGRA MI RTAG PAR SNANG BA'I SGO NAS DON SGRA MI RTAG PA LA ZHEN PA LUNG GI DON YIN GYI, RANG LA SNANG BA DE NYID DON SGRA MI RTAG PAR ZHEN PA LUNG DE'I DON MA YIN PA'I PHYIR, GNYIS PA RJES DPAG GI RGYU RTAGS 'DZIN SEMS BSHAD PA LA, DGAG BZHAG SPONG GSUM LAS, DANG PO NI, RGYAN MKHAN PO NA RE, RANG BZHIN GYI RTAGS DANG RTAGS CAN GNYIS NGO BO GCIG YIN PAS RTAGS CAN RJES DPAG LAS LOGS SU RTAGS 'DZIN SEMS MI DGOS LA, MA DMIGS PA'I RTAGS CHOS DNGOS POR MA GRUB PAS MA DMIGS PA'I RTAGS 'DZIN SEMS MED CING, RTAGS 'DZIN SEMS MNGON SUM LTAR SNANG DU BSHAD PAS RTAGS CHOS KYI 'BREL BA 'DZIN PA'I MNGON SUM MED CES ZER, 'O NA, SHES BYA CHOS CAN, RANG BZHIN GYI RTAGS KYI RTAGS 'DZIN SEMS THUG MED YIN PAR THAL, RANG BZHIN GYI RTAGS CAN RJES DPAG @005B GIS RTAGS 'DZIN PA GANG ZHIG ,RANG BZHIN GYI RTAGS CAN RJES DPAG LAS LOGS SU RTAGS 'DZIN SEMS KHAS BLANGS DGOS PA'I PHYIR, KHYAB PA KHAS BLANGS TE, RTAGS CAN RJES DPAG GIS RTAGS 'DZIN BZHIN DU RTAGS 'DZIN SEMS LOGS SU DGOS NA THUG MED DU 'GYUR BAR RGYAN MKHAN PO RANG GIS KHAS BLANGS PA'I PHYIR, GZHAN YANG, RTAGS DANG RTAGS CAN NGO BO GCIG YIN PA TZAM GYIS RTAGS CAN RJES DPAG GIS RTAGS 'DZIN PA MI 'THAD PAR THAL, RNAM 'GREL LAS, GANG GIS GO BAR 'GYUR BA DE, ,DE LAS GZHAN GYIS NUS MA YIN, ,ZHES PA LTAR, BYAS MI RTAG NGO BO GCIG YIN YANG BYAS PA RTOGS PA TZAM GYIS MI RTAG PA RTOGS MI DGOS PA'I PHYIR, DER THAL, BYAS PA'I RTAGS LAS SGRA MI RTAG PAR RTOGS PA'I RJES DPAG SKYE BA'I TSE DANG POR SGRA BYAS PAR 'JAL BA'I TSAD MA DANG BCAD SHES SKYE, DE'I RJES SU SGRA MI RTAG RTOGS KYI RJES DPAG SKYE BA YIN PA'I PHYIR, GZHAN YANG, MA DMIGS PA'I RTAGS CHOS DNGOS POR MA GRUB PAS MA DMIGS PA'I RTAGS 'DZIN SEMS MED PA MI 'THAD PAR THAL, RTAGS 'DZIN SEMS RTAGS CHOS GNYIS LAS MTHA' GCIG TU SKYE MI DGOS PA'I PHYIR, MA GRUB NA, RTAGS CHOS DNGOS POR MA GRUB PA'I RANG BZHIN GYI RTAGS KYI YANG RTAGS 'DZIN SEMS MED PAR THAL LO, ,GZHAN YANG, MA DMIGS PA'I RTAGS KYI RTAGS CAN RJES DPAG MED PAR THAL, DE'I @006A *, ,RTAGS 'DZIN SEMS MED PA'I PHYIR, RTAGS KHAS, KHYAB STE, RTAGS CAN RJES DPAG RTAGS 'DZIN SEMS LAS SKYE DGOS PA'I PHYIR, 'DOD NA, MA DMIGS PA'I RTAGS MED PAR THAL LO, , GZHAN YANG, RTAGS CHOS KYI 'BREL BA 'DZIN PA'I MNGON SUM MED PAR THAL, RTAGS 'DZIN SEMS MNGON SUM LTAR SNANG DU BSHAD PA YIN PA'I PHYIR ZHES PA MI 'THAD PAR THAL, RTAGS 'DZIN SEMS MNGON SUM LTAR SNANG DU BSHAD PA NI RTAGS 'DZIN SEMS LA MNGON SUM DANG RTOG PA GNYIS YOD PA LAS RTOGS PAR GYUR BA'I RTAGS 'DZIN SEMS MNGON SUM LTAR SNANG DU BSHAD PA TZAM YIN PA'I PHYIR, RTAGS CHOS KYI 'BREL BA 'DZIN PA'I MNGON SUM YOD PAR THAL, DU LDAN LA LA ME YOD PAR SGRUB PA'I RTAGS CHOS KYI 'BREL PA 'DZIN PA'I MNGON SUM YOD PA'I PHYIR, MA GRUB NA, DER THAL, TSANG MANG GI STENG DU ME LAS DU BA SKYE BAR MTHONG BA'I MNGON SUM DES MTHUN DPE TSANG MANG GI STENG DU DU LDAN LA LA ME YOD PAR SGRUB PA'I RTAGS CHOS KYI 'BREL PA 'DZIN PA'I PHYIR RO, ,KHA CIG ,SH'AKYA BLO'I DGONGS PAR BSAMS NAS RTAGS 'DZIN SEMS LA PHYOGS CHOS 'JAL BA'I RTAGS 'DZIN SEMS KYIS KHYAB PAR 'DOD PA MI 'THAD DE, RTAGS YANG DAG GI TSUL LA PHYOGS CHOS LAS LOGS SU KHYAB PA'I TSUL GNYIS 'JOG MI RIGS PAR THAL, RTAGS 'DZIN SEMS YIN NA @006B PHYOGS CHOS 'JAL BA'I RTAGS 'DZIN SEMS YIN PAS KHYAB PA'I PHYIR, RTAGS KHAS, 'DOD NA, TSUL GSUM YIN PA RTAGS YANG DAG GI MTSAN NYID MA YIN PAR THAL LO, ,GNYIS PA RANG LUGS LA, MTSAN NYID, DBYE BA, RTAGS CAN RJES DPAG DANG RTAGS 'DZIN SEMS MI SLU BAR BSTAN PA'O, ,DANG PO RTAGS 'DZIN SEMS KYI MTSAN NYID YOD DE, RANG RGYUD LDAN GYI GANG ZAG GI RGYUD LA RANG 'BRAS RJES DPAG SKYED PA'I RGYUR GYUR PA'I RTAGS KYI TSUL 'JAL BA'I BLO DE DE YIN PA'I PHYIR, GNYIS PA DE LA DBYE NA, PHYOGS CHOS 'JAL BA'I RTAGS 'DZIN SEMS DANG, KHYAB PA 'JAL BA'I RTAGS 'DZIN SEMS GNYIS YOD, DANG PO LA PHYOGS CHOS 'JAL BA'I TSAD MA DANG, BCAD SHES GNYIS YOD, DANG PO LA PHYOGS CHOS 'JAL BA'I MNGON SUM DANG, RJES DPAG GNYIS LAS, DANG PO NI, DU LDAN GYI LA LA DU BA MTHONG BA'I MNGON SUM LTA BU'O, , GNYIS PA NI, SGRA BYAS PAR RTOGS PA'I RJES DPAG LTA BU'O, ,GNYIS PA PHYOGS CHOS 'JAL BA'I BCAD SHES LA DBYE NA PHYOGS CHOS 'JAL BA'I TSAD MA GNYIS KYI RJES SU SKYES PA'I BCAD SHES GNYIS YOD, GNYIS PA KHYAB PA 'JAL BA'I RTAGS 'DZIN SEMS LA DBYE NA, TSAD MA DANG, BCAD SHES GNYIS YOD, DANG PO KHYAB PA 'JAL BA'I TSAD MA LA DBYE NA, MNGON SUM DANG, RJES DPAG GNYIS YOD, DANG PO NI, TSANG MANG GI STENG @007A *, ,DU ME LAS DU BA SKYE BAR MTHONG BA'I MNGON SUM LTA BU'O, ,GNYIS PA NI, SGRA MI RTAG SGRUB LA BYAS PA RTAGS SU BKOD PA'I TSE, RTAG PA BYAS STONG DU RTOGS PA'I RJES DPAG LTA BU'O, ,GNYIS PA KHYAB PA 'JAL BA'I BCAD SHES LA DBYE NA, KHYAB PA 'JAL BA'I TSAD MA GNYIS KYI RJES SU SKYES PA'I BCAD SHES GNYIS YOD DO, ,GSUM PA NI, SGRA MI RTAG PAR SGRUB PA LTA BU LA MTSON NA, DANG PO RTAGS CAN RJES DPAG MI SLU BAR SGRUB PA'I TSUL NI, SGRA MI RTAG RTOGS KYI RJES DPAG CHOS CAN, SGRA MI RTAG PA LA MI SLU BA YIN TE, KHYOD SGRA MI RTAG PA LA SGRO 'DOGS GCOD BYED YIN PA GANG ZHIG ,KHYOD RANG NYID KYIS SGRO 'DOGS BCAD PA'I DON SGRA MI RTAG PA LA 'BREL BA YIN PA'I PHYIR TE, KHYOD SGRA MI RTAG PAR SGRUB PA'I RTAGS 'DZIN SEMS LA 'BREL, DE SGRA MI RTAG PAR SGRUB PA'I TSUL GSUM LA 'BREL, DE LTA BU'I TSUL GSUM PO DE SGRA MI RTAG PA LA 'BREL BA'I PHYIR, GNYIS PA RTAGS 'DZIN SEMS MI SLU BAR SGRUB PA'I TSUL NI, SGRA MI RTAG PAR SGRUB PA'I TSUL GSUM 'JAL BA'I TSAD MA DANG, BCAD SHES GNYIS CHOS CAN, SGRA MI RTAG PAR SGRUB PA'I TSUL GSUM LA MI SLU BA YIN TE, DE SGRUB KYI TSUL GSUM LA SGRO 'DOGS BCAD PA GANG ZHIG ,KHYOD DE SGRUB KYI TSUL GSUM DANG 'BREL BA YIN PA'I PHYIR, DE YANG SGRA 'DZIN DBANG MNGON SGRA MI RTAG PA GZUNG DON DU BYAS PA LAS SKYE, DE LAS SGRA @007B BYAS PAR RTOGS PA'I TSAD MA SKYE, DE DANG SGRA MI RTAG PAR SGRUB PA'I KHYAB 'BREL 'JAL BA'I TSAD MA GNYIS LAS SGRA MI RTAG PAR SGRUB PA'I TSUL GSUM 'JAL BA'I BCAD SHES SKYE, DE LAS SGRA MI RTAG RTOGS KYI RJES DPAG SKYE BA YIN NO, ,GSUM PA RTZOD PA SPONG BA LA, KHO NA RE, SGRA MI RTAG PAR SGRUB PA'I TSUL GSUM CIG CHAR DU DRAN PA'I DRAN SHES CHOS CAN, RTAGS 'DZIN SEMS YIN PAR THAL, MTSAN NYID DE'I PHYIR, 'DOD NA, DE CHOS CAN, RANG 'BRAS RJES DPAG GI BRGYUD RGYU YIN PAR THAL, RTAGS 'DZIN SEMS YIN PA'I PHYIR, KHYAB STE, KUN BTUS 'GREL BA LAS, RTAGS SHES PA NI RJES DPAG GI DNGOS RGYU MIN TE, DRAN PAS BAR DU CHOD PA'I PHYIR, ZHES GSUNGS PA'I PHYIR ZHE NA MA KHYAB STE, LUNG DE'I DON NI SGRA MI RTAG PAR SGRUB PA LTA BU'I TSE RTAGS KYI TSUL 'JAL BA'I TSAD MA DANG BSGRUB BYA RTOGS PA'I RJES DPAG GNYIS KYI BAR DU KHYAB 'BREL 'JAL BA'I DRAN PAS CHOD PAS DE'I DNGOS RGYU MIN ZHES PA YIN PA'I PHYIR, GZHAN YANG DE CHOS CAN, SEMS YIN PAR THAL, RTAGS 'DZIN SEMS YIN PA'I PHYIR ZER NA MA KHYAB, 'DOD MI NUS TE, GTZO SEMS MA YIN PA'I PHYIR, GZHAN YANG, RTAGS 'DZIN SEMS SU GYUR BA'I RJES DPAG MED PAR THAL, TSAD MA MDO LAS, RJES DPAG RJES SU DPAG LAS BYUNG, ,ZHES RTAGS 'DZIN SEMS DANG, RTAGS CAN RJES DPAG @008A *, ,GNYIS SO SOR GSUNGS PA'I PHYIR NA MA KHYAB STE, LUNG DES RTAGS 'DZIN SEMS RANG 'BRAS RJES DPAG LAS LOGS SU BSHAD PA YIN PA'I PHYIR, GZHAN YANG, SGRA MI RTAG PAR SGRUB PA'I PHYOGS CHOS RKYANG BA 'JAL BA'I RTAGS 'DZIN SEMS YOD KYANG, RJES KHYAB RKYANG BA 'JAL BA'I RTAGS 'DZIN SEMS MED PAR THAL, DE SGRUB KYI RJES KHYAB DNGOS SU 'JAL BA'I RTAGS 'DZIN SEMS YIN NA LDOG KHYAB SHUGS LA GZHAL BAS KHYAB, LDOG KHYAB DNGOS SU GZHAL BA'I DE LA YANG RJES KHYAB SHUGS LA GZHAL BAS KHYAB PA'I PHYIR, GSUM PA RJES DPAG GI RTEN GTAN TSIGS BSHAD PA LA GNYIS LAS, DANG PO RTAGS KYI MTSAN NYID YOD DE, RTAGS SU BKOD PA DE DE YIN PA'I PHYIR, BDAG MED YIN NA RTAGS YIN PAS KHYAB STE, DE YIN NA RTAGS SU BKOD PA YIN PAS KHYAB PA'I PHYIR, RI BONG RVA RTAGS SU BKOD PA YIN TE, DE SGRA CHOS CAN, MI RTAG STE, RI BONG RVA YIN PA'I PHYIR ZHES PA'I SBYOR BA'I RTAGS SU BKOD PA YIN PA'I PHYIR, GNYIS PA RTAGS LA SGRAS BRJOD RIGS KYI SGO NAS DBYE NA, RTAGS YANG DAG DANG, ZLOG PHYOGS GTAN TSIGS LTAR SNANG GNYIS LAS, DANG PO RTAGS YANG DAG BSHAD PA LA GSUM, MTSAN NYID, DBYE BA, RTAGS DPE PHYOGS GSUM GYI SKYON BSHAD PA'O, ,DANG PO LA, DGAG BZHAG SPONG GSUM LAS, DANG PO, @008B SLOB DPON PHYOGS GLANG GI DNGOS SLOB RGOL BA DBANG PHYUG SDE NA RE, PHYOGS CHOS DANG, MTHUN PHYOGS LA MTHONG BA TZAM GYI RJES KHYAB DANG, MI MTHUN PHYOGS LA MA MTHONG BA TZAM GYI LDOG KHYAB DANG, DAM BCA' LA TSAD MA'I GNOD PA MED PA'I YUL CAN DANG, ZLOG PHYOGS SGRUB BYED KYI TSAD MA MED PAR BRJOD PAR 'DOD PA'I GRANGS GCIG PA CAN GYI TSUL TE RTAGS KYI TSUL LNGA DANG, TSUL LNGA BO DE NGES PA'I SHES PA NYID KYI TSUL TE, TSUL DRUG RTAGS YANG DAG GI MTSAN NYID YIN ZHING DE NYID SLOB DPON PHYOGS GLANG GI DGONGS PA YIN ZHES ZER, DE LTAR YANG RJE BYAMS PA RIN PO CHES PAn CHEN RIN PO CHER PHUL BA'I GSUNG LAN LAS, DE'I THUGS LA DE LTA BU'I 'KHRUL GZHI 'BYUNG BA'I RGYU MTSAN RTAGS YANG DAG TU 'GRO BA LA RTAGS CHOS MED NA MI 'BYUNG BA'I 'BREL BA GRUB DGOS PA MA DGONGS SHING, TSAD MA MDO LAS KYANG TSUL GSUM SO SO'I MTSAN NYID GSUNGS KYANG TSUL GSUM YIN PA RTAGS YANG DAG GI MTSAN NYID CES DNGOS SU BSTAN LA, RANG DON RJES DPAG GI RTEN GTAN TSIGS STON PA NA YANG, TSUL GSUM RTAGS LAS ZHES PA TZAM ZHIG LAS MA GSUNGS PAS RTAGS YANG DAG TU MTSON PA'I MTSAN NYID KYI TSUL DE LA GSUM DU GRANGS NGES PAR MA RTOGS LA, RIGS PA CAN PA DANG DPYOD PA BAS TSUL DRUG 'DOD PA DE LA GNOD BYED MA MTHONG ZHING, DE NYID 'THAD PAR @009A *, ,BZUNG NAS RTAGS YANG DAG GI MTSAN NYID KYI TSUL DE LA DRUG LAS MANG MI DGOS SHING NYUNG NA MI 'DU BAR MTHONG BAS TSUL DRUG PA CAN GYI RTAGS DE RTAGS YANG DAG GI MTSAN NYID DU DAM BCA'O, ,DE YANG SBYOR BA SKOR GCIG LA MTSON NA, PHYOGS CHOS DANG, RJES SU 'GRO LDOG RGOL PHYI RGOL GNYIS KA LA GRUB DGOS PAR 'DOD PAS TSUL GSUM 'DOD LA, DAM BCA' LA TSAD MAS GNOD NA GZHAN DON BSGRUB BYA MI 'GRUB PA'I PHYIR, GNOD PA MED PA'I YUL CAN ZHES TSUL GCIG DANG, 'GAL BA LA MI 'KHRUL BA'I TSAD MA MED PA'I PHYIR, ZLOG PHYOGS SGRUB BYED KYI TSAD MA MED LA, DE'I PHYIR GRANGS GCIG PA NYID KYANG TSUL GCIG TU SMRAS SO, ,BSGRUB BYA NGES PA LA SGRUB BYED NGES DGOS LA, DE YANG SGRUB BYED KYI DON BLO YUL DU 'CHAR DGOS PA'I PHYIR, SHES PA NYID CES TSUL GCIG TU BGRANGS PAS TSUL DRUG DGOS PAR BZHED DO, ,TSUL DANG PO GSUM GYI YANG MING TZAM 'DOD PA MTHUN YANG DON GYI 'DOD TSUL LA KHYAD PAR CHEN PO YOD DO, ,ZHES GSUNGS PA'I PHYIR, DE RNAMS KYI NANG NAS RTAGS MI MTHUN PHYOGS LA MA MTHONG BA TZAM GYIS LDOG KHYAB 'GRUB PA RANG SDE SLOB DPON 'DI DANG, GZHAN SDE BYE BRAG PA DANG GRANGS CAN PA SOGS 'DOD DE, ,DE DAG GI BSAM PA NI 'DI YIN TE, GAL TE RTAGS KYI LDOG KHYAB NGES PA LA @009B RTAGS MI MTHUN PHYOGS LA MED PAR NGES DGOS NA, SHES BYA CHOS CAN, DGAG GZHI MI MTHUN PHYOGS MTHA' DAG LA RTAGS DE YOD NA SKABS KYI PHYI RGOL LA SNANG RUNG YIN PA LA YOD PAR MA DMIGS PA'I SGO NAS MI MTHUN PHYOGS MTHA' DGA LA RTAGS DE MED PAR NGES DGOS PAR THAL, NGES TSUL DE LAS GZHAN PA'I RTAGS MI MTHUN PHYOGS LA MED PAR NGES TSUL MED PA'I PHYIR, 'DOD NA, RTAGS KYI LDOG GZHI MI MTHUN PHYOGS MTHA' DAG SKABS KYI PHYI RGOL GYIS NGES DGOS PAR THAL, RTAGS MI MTHUN PHYOGS MTHA' DAG LA SNANG RUNG MA DMIGS PA'I SGO NAS SKABS KYI PHYI RGOL GYIS MED PAR NGES DGOS PA'I PHYIR, 'DOD NA, RTAGS KYI LDOG GZHI MI MTHUN PHYOGS MTHA' DAG SKABS KYI PHYI RGOL LA SNANG RUNG YIN PAR THAL LO, ,'DOD NA HA CANG THAL CHE STE, SGRA DNGOS POR SGRUB PA LTA BU'I TSE DE'I MI MTHUN PHYOGS DNGOS MED LA SKABS KYI RGOL BA LA SNANG DU RUNG MI RUNG CI RIGS YOD PA'I PHYIR, DES NA LDOG KHYAB 'GRUB PA LA RTAGS MI MTHUN PHYOGS LA MED PAR NGES MI DGOS KYI RTAGS DANG DGAG BYA'I CHOS KYI GZHI MTHUN MA MTHONG BA TZAM GYIS CHOG GO ZHES ZER, DE RNAMS KYI NANG NAS DANG PO TSUL DRUG RTAGS YANG DAG GI MTSAN NYID YIN PA MI 'THAD PAR THAL, TSUL GSUM LAS LOGS SU TSUL PHYI MA GSUM BZHAG PA LA DGOS PA MED PA'I PHYIR, MA GRUB NA, DER THAL, DAM BCA' LA TSAD MA'I GNOD PA MED PA'I DON SKABS KYI PHYI @010A *, ,RGOL GYIS GNOD PA MA MTHONG BA TZAM LA BYED DAM, GNOD PA MED PAR TSAD MAS NGES PA LA BYED, DANG PO LTAR NA, SKABS KYI PHYI RGOL GYIS DAM BCA' 'AM BSGRUB BYA LA TSAD MAS GNOD PA MA MTHONG BA TZAM RTAGS KYI TSUL DU BYAS NAS TSUL GSUM LAS LOGS SU 'CHAD PA MI 'THAD PAR THAL, SKABS KYI PHYI RGOL GYIS PHYOGS CHOS GRUB PA'I TSE DAM BCA' LA GNOD PA MA MTHONG BA TZAM GRUB ZIN PA'I PHYIR, MA GRUB NA, DER THAL, SGRA MI RTAG PAR SGRUB PA LTA BU LA MTSON NA, PHYI RGOL GYIS PHYOGS CHOS GRUB PA'I TSE DAM BCA' SGRA MI RTAG PA LA TSAD MAS GNOD PA YANG MA MTHONG SGRUB BYED YOD PAR YANG MA MTHONG BA YIN PA'I PHYIR, MA GRUB NA DER THAL, DE'I TSE RGOL BA DES SGRA RTAG MI RTAG THE TSOM ZA BA'I PHYIR TE, RGOL BA DE'I NGOR SGRA DE SGRA MI RTAG PAR SGRUB PA'I SHES 'DOD CHOS CAN SKYON MED YIN PA'I PHYIR TE, DE'I NGOR SGRA MI RTAG PAR SGRUB PA'I PHYOGS CHOS GRUB PA'I PHYIR, GNYIS PA LTAR NA, BYAS PA CHOS CAN, SGRA MI RTAG PAR SGRUB PA SKABS SU BAB PA'I PHYI RGOL YANG DAG LA DE SGRUB KYI RTAGS YANG DAG MA YIN PAR THAL, RGOL BA DE'I DE SGRUB KYI DAM BCA' LA THE TSOM MI ZA BA'I PHYIR TE, DES NA DE SGRUB KYI DAM BCA' LA TSAD MAS GNOD PA MED PAR TSAD MAS MTHONG BA'I PHYIR, RTAGS KHAS, GZHAN YANG BYAS PA'I RTAGS KYIS SGRA MI RTAG PAR SGRUB PA LTA BU LA MTSON NA, ZLOG PHYOGS SGRUB BYED KYI TSAD MA @010B MED PA'I DON ZLOG PHYOGS SGRA MI RTAG PA MA YIN PA SGRUB BYED KYI TSAD MA SKABS KYI PHYI RGOL GYIS MA MTHONG BA LA BYED DAM, MED PAR NGES PA LA BYED, DANG PO MI 'THAD PAR THAL, DE SGRUB KYI SKABS GYI RGOL BAS PHYOGS CHOS GRUB TZAM NAS ZLOG PHYOGS SGRUB BYED KYI TSAD MA MA MTHONG BA TZAM YIN PA'I PHYIR, GNYIS PA LTAR NA, BYAS PA DE SGRUB KYI SKABS KYI PHYI RGOL LA DE SGRUB KYI RTAGS YANG DAG MA YIN PAR THAL, RGOL BA DES DE SGRUB KYI BSGRUB BYA NGES PA'I PHYIR, DER THAL, DES ZLOG PHYOGS SGRA MI RTAG PA MA YIN PA TSAD MAS MA GRUB PAR NGES PA'I PHYIR, DER THAL, DES DE SGRUB BYED KYI TSAD MA MED PAR NGES PA'I PHYIR, RTAGS KHAS, GZHAN YANG, TSUL GSUM LAS LOGS SU SHES PA NYID KYI TSUL SMOS PA MI 'THAD PAR THAL, SLOB DPON PHYOGS KYI GLANG POS TSUL GSUM SO SO'I MTHAR NGES PA SMRAS PAS TSUL GSUM GYI NANG DU 'DU BA YIN PA'I PHYIR, MA GRUB NA, DER THAL, TSAD MA MDO LAS, RJES DPAG BYA DANG DE MTSUNGS LA, ,YOD DANG MED LA MED PAR NI, ,NGES PA, ZHES GSUNGS PA'I PHYIR, GZHAN YANG, RTAGS MI MTHUN PHYOGS LA MA MTHONG BA TZAM GYIS LDOG KHYAB MA GRUB PAR THAL, DE LTAR GRUB PAR 'DOD PA'I RANG SDE SLOB DPON DBANG PHYUG SDE SOGS LA LUNG DRUG GIS GNOD, DE LTAR 'DOD PA'I RANG GZHAN GYI SDE BA GNYIS LA THUN MONG DU MNGON SUM GYIS GNOD, DE LTAR 'DOD PA'I GZHAN SDE'I GTZO BO GSUM LA KHAS @011A *, ,BLANGS NANG 'GAL GYIS GNOD PA'I PHYIR, DANG PO LUNG DRUG DANG 'GAL TSUL LA GSUM, RIGS SGO DANG 'GAL TSUL, KUN BTUS KYI RANG 'GREL DANG 'GAL TSUL, RLUNG GI RAB BYED DANG 'GAL TSUL LO, ,DANG PO NI, SHES BYA CHOS CAN, RIGS SGOR, SGRA MI RTAG PAR SGRUB PA'I CHOS MI MTHUN SBYOR GYI SGRUB NGAG GSUNGS PAS, SGRA MI RTAG PAR SGRUB PA'I LDOG KHYAB KYANG YIN DE SGRUB KYI MA NGES PA'I GTAN TSIGS KYANG YIN PA'I GZHI MTHUN PA YOD PA GCOD MI NUS PAR THAL, BYAS PA SGRA MI RTAG PAR SGRUB PA'I KHYAB PA 'KHRUL BA CAN MA NGES PA'I GTAN TSIGS YIN NAM SNYAM PA'I DOGS PA'I GNYEN POR, BYAS PA'I RTAGS KYIS SGRA MI RTAG PAR SGRUB PA'I CHOS MI MTHUN SBYOR GYI SGRUB NGAG SMRAS PA DON MED PA'I PHYIR, MA GRUB NA, DER THAL, DE SGRUB KYI RTAGS MI MTHUN PHYOGS LA DE SGRUB KYI PHYI RGOL GYIS MA MTHONG BA TZAM GYIS LDOG KHYAB GRUB PA'I PHYIR, RTAGS KHAS, 'DOD NA, RIGS SGOR, RE ZHIG 'GAL BA DANG MA NGES PA'I GNYEN POR GNYIS KA BRJOD PA GANG YIN PA DE NI RIGS SO, ,ZHES BYAS PA'I RTAGS KYIS SGRA MI RTAG PAR SGRUB PA LTA BU'I TSE BYAS PA DE SGRUB KYI 'GAL RTAGS YIN NAM SNYAM PA'I DOGS PA'I GNYEN POR CHOS MTHUN SBYOR GYI SGRUB NGAG DANG, MA NGES PA'I GTAN TSIGS YIN NAM SNYAM PA'I DOGS PA'I GNYEN POR CHOS MI MTHUN SBYOR GYI SGRUB NGAG @011B GNYIS SMRA DGOS PAR GSUNGS PA DANG 'GAL LO, ,DE LTAR YANG RNAM 'GREL LAS, 'KHRUL BA CAN GYI GNYEN POR NI, ,MI MTHUN CHOS BRJOD GANG YIN PA, ZHES GSUNGS PA'I PHYIR, GNYIS PA KUN BTUS KYI RANG 'GREL DANG 'GAL TSUL LA BZHI LAS, DANG PO NI, ZOS PA'I SHING THOG DANG GZUGS SMUG POR MTSUNGS PA CHOS CAN, MA ZOS PA'I GZUGS SMUG PO CAN GYI SHING THOG LHAG MA RNAMS RO MNGAR KHYAD PAR CAN DANG LDAN PAR SGRUB PA'I LHAG LDAN 'KHRUL BA CAN MA YIN PAR THAL, KHYOD DE SGRUB GYI RTAGS YANG DAG YIN PA'I PHYIR, MA GRUB NA, DER THAL, KHYOD DE SGRUB KYI PHYOGS CHOS GANG ZHIG ,DE SGRUB KYI LDOG KHYAB KYANG YIN PA'I PHYIR, PHYI MA DER THAL, DE SGRUB KYI SKABS KYI PHYI RGOL GYIS DE SGRUB KYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, MDO RANG 'GREL LAS, GZUGS LA SOGS PA MTSUNGS PAS, RO LA SOGS PA GDON MI ZA BAR MTSUNGS PA DE NI RIGS PA MA YIN NO, ,ZHES PA'I LUNG LUNG TSAD MAR KHAS BLANGS PA DANG 'GAL LO, ,DE LTAR YANG, RNAM 'GREL LAS, GAL TE MA MTHONG PAS LDOG 'GYUR, ,CI STE LHAG LDAN 'KHRUL CAN YIN, ,ZHES GSUNGS PA'I PHYIR, GNYIS PA NI, RIGS PA CAN PAS LDOG KHYAB RKYANG BA CAN GYI RTAGS YANG DAG TU 'DOD PA'I SROG LDAN GYI LUS SU TSAD MAS DMIGS PA CHOS CAN, KHYOD GSON @012A *, ,LUS GANG ZAG GI BDAG BCAS SU SGRUB PA'I PHYOGS CHOS CAN DU SONG BA'I GANG ZAG GI NGOR, GSON LUS GANG ZAG GI BDAG BCAS SU SGRUB PA'I RTAGS YANG DAG YIN PAR THAL ,DE SGRUB KYI PHYOGS CHOS GANG ZHIG ,DE SGRUB KYI LDOG KHYAB YIN PA'I PHYIR, PHYI MA DER THAL, DE SGRUB KYI SKABS KYI PHYI RGOL GYIS DE SGRUB KYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, MDO RANG 'GREL LAS, LHAG MA LDA BO DAG NI GTAN TSIGS SAM 'GAL BA NYID DU MA NGES TE, THE TSOM GYI RGYU'O, ,ZHES PA'I LUNG LUNG TSAD MAR KHAS BLANGS PA DANG 'GAL LO, ,DE LTAR YANG, RNAM 'GREL LAS, LDOG PA CAN YANG GTAN TSIGS 'GYUR, ,ZHES GSUNGS PA'I PHYIR, GSUM PA NI, BYAS PA'I RTAGS KYIS SGRA MI RTAG PAR SGRUB PA'I LDOG KHYAB GRUB MA GRUB THE TSOM ZA BA'I GANG ZAG GI NGOR BYAS PA CHOS CAN, SGRA MI RTAG PAR SGRUB PA'I RTAGS YANG DAG YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI LDOG KHYAB YIN PA'I PHYIR, PHYI MA DER THAL, DE 'DRA'I RGOL BA DES, DE SGRUB KYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, LDOG KHYAB LA THE TSOM ZA BA'I GANG ZAG GI NGOR LDOG KHYAB MA GRUB PA DANG, PHYOGS CHOS LA THE TSOM ZA BA'I GANG ZAG GI NGOR PHYOGS CHOS MA GRUB PA GNYIS DPE DON @012B SBYAR BA MI 'THAD PAR THAL, BYAS PA'I RTAGS KYIS SGRA MI RTAG PAR SGRUB PA'I LDOG KHYAB LA THE TSOM ZA BA'I GANG ZAG GI NGOR DE SGRUB KYI LDOG KHYAB GRUB PA'I PHYIR, RTAGS KHAS, 'DOD NA, MDO RANG 'GREL LAS, PHYOGS KYI CHOS NI RGOL BA DANG PHYI RGOL BA GNYI GA LA NGES BAR GZUNG NGO, ,DE BZHIN DU MTHUN PA'I PHYOGS LA YOD PA DANG MED PA LA SOGS PA DAG LA YANG CI RIGS PAR BRJOD PAR BYA'O, ,ZHES PA'I LUNG LUNG TSAD MAR KHAS BLANGS PA DANG 'GAL LO, ,DE LTAR YANG RNAM 'GREL LAS, MA GRUB SBYAR BA BRJOD BYA MIN, ,ZHES GSUNGS PA'I PHYIR, GAL TE KHO NA RE, PHYOGS CHOS LA THE TSOM ZA BA PHYOGS CHOS KYI SKYON YIN KYANG LDOG KHYAB LA THE TSOM ZA BA LDOG KHYAB KYI SKYON MA YIN PAS DE'I PHYIR CI RIGS PA SMRAS SO, ,DES NA LDOG KHYAB LA THE TSOM ZA BA'I RGOL BA LA LDOG KHYAB GRUB PA SLOB DPON PHYOGS GLANG GIS MA BKAG GO ZHE NA, DE YANG MI 'THAD PAR THAL, GZHI GANG DANG GANG GTAN LA 'BEBS PA'I TSE, DE SGRUB BYED KYI RTAGS KYI TSUL RNAMS SNGA RGOL DANG PHYI RGOL YANG DAG GANG RUNG GIS MA GRUB PA DANG, DE GANG RUNG GIS THE TSOM ZA NA, SNGA RGOL RTOG LDAN GYIS GZHI DE SGRUB PA'I PHYIR DU PHYI RGOL DE LA RTAGS KYI TSUL DE 'GOD MI RIGS PA'I PHYIR TE, KUN BTUS LAS, BRJOD PA GANG ZHIG GNYIS KA LA NGES PA DE KHO NA SGRUB PA'AM SUN 'BYIN PA YIN GYI GANG YANG RUNG BA LA MA GRUB PA DANG, ,THE TSOM ZA BA @013A *, ,BRJOD PA NI MA YIN TE, YANG SGRUB PAR BYED PA LA LTOS PA'I PHYIR, ZHES GSUNGS PA'I PHYIR, 'O NA CI RIGS PA ZHES CI'I PHYIR SMOS ZHE NA, GZHAN DON SKABS KYI SGRUB RTAGS KYI PHYOGS CHOS RGOL PHYI RGOL GNYIS KA LA MA GRUB PA DANG, GANG RUNG LA MA GRUB PA DANG, THE TSOM ZA BA DANG, GZHI MA GRUB PA CHOS CAN DU BZUNG BAS PHYOGS CHOS MI 'GRUB PA'I DPE BZHI DANG, PHYOGS CHOS CAN DGU'I RJES SU 'GRO LDOG GI KHYAB PA RGOL PHYI RGOL GNYI GA LA MA GRUB PA DANG, GANG RUNG LA MA GRUB PA DANG, THE TSOM ZA BA DANG, MI MTHUN DPE GZHI MA GRUB PA BZHI GSUNGS PA JI LTAR RIGS PAR DPE DON DU SBYAR TE SNGA MA GSUM DPE DON SBYOR LA THA MA MI SBYOR BA'I DON NO, ,DPE DON SBYOR TSUL GZHUNG DANG SBYAR TE RGYAS PAR BSHAD NA, BRAM ZE CHEN POS PHYOGS CHOS CAN DGU LA BSGRE BAR BYA'O ZHES GSUNGS PAS, PHYOGS KYI CHOS ZHES PA NAS NGES PAR GZUNG NGO ZHES PA'I PAR GYIS GZHAN DON SKABS KYI RTAGS YANG DAG GI PHYOGS CHOS RGOL PHYI RGOL GNYIS KAS NGES DGOS PAR BSTAN PAS SHUGS LA PHYOGS CHOS RGOL PHYI RGOL GNYIS KA DANG, GANG RUNG GI MA GRUB PA SOGS GZHAN DON GYI RTAGS YANG DAG MA YIN PAR BSTAN LA, DE BZHIN DU MTHUN PA'I PHYOGS LA ZHES SOGS KYIS, MTHUN PHYOGS LA KHYAB BYED DU 'JUG PA DANG, KHYAB BYED DU MED PA DANG, RNAM GNYIS SU 'JUG PA'I PHYOGS CHOS CAN @013B GYI GTAN TSIGS DGU BSTAN LA, GZHUNG SNGA PHYI DE GNYIS GYIS BSTAN RIM BZHIN DPE DON SBYOR TSUL NI, PHYOGS CHOS RGOL PHYI RGOL GNYIS KA LA MA GRUB NA GZHAN DON GYI RTAGS KYI PHYOGS CHOS MI 'GRUB PA BZHIN DU, PHYOGS CHOS CAN DGU'I NANG NAS 'GAL RTAGS KYI SBYOR BA GNYIS PO'I RJES SU 'GRO LDOG GI KHYAB PA RGOL PHYI RGOL GNYIS KA LA MA GRUB PAS KHYAB PA MI 'GRUB CES DPE DON SBYOR, DE BZHIN DU PHYOGS CHOS RGOL PHYI RGOL GANG RUNG GIS MA GRUB NA GZHAN DON GYI RTAGS KYI PHYOGS CHOS MI 'GRUB PA BZHIN DU, PHYOGS CHOS CAN DGU'I NANG NAS THUN MONG GI MA NGES PA'I RTAGS KYI SBYOR BA BZHI'I RJES SU 'GRO LDOG GI KHYAB PA RGOL PHYI RGOL GANG RUNG LA MA GRUB PAS KHYAB PA MI 'GRUB CES DPE DON SBYOR, PHYOGS CHOS LA RGOL PHYI RGOL GANG YANG RUNG BAS THE TSOM ZA NA GZHAN DON GYI RTAGS KYI PHYOGS CHOS MI 'GRUB PA BZHIN DU, PHYOGS CHOS CAN DGU'I NANG NAS THUN MONG MA YIN PA'I MA NGES PA'I RTAGS KYI SBYOR BA'I RJES SU 'GRO LDOG GI KHYAB PA LA 'ANG, PHYI RGOL GYIS THE TSOM ZA BAS, RJES 'GRO DANG LDOG PA'I KHYAB PA MA GRUB PA DPE DON SBYOR LA, SGRUB RTAGS KYI DBANG DU BYAS NA, GZHI MA GRUB PA CHOS CAN DU BZUNG BAS PHYOGS CHOS MA GRUB PA 'DI DANG, PHYOGS CHOS CAN DGU'I RTAGS YANG DAG GI SBYOR BA GNYIS KYI MI MTHUN DPE GZHI MA GRUB PAS RJES SU 'GRO LDOG GI KHYAB PA MI 'GRUB PA DPE DON MI SBYOR TE, DE GNYIS DPE DON MI @014A *, ,MTSUNGS PA'I PHYIR, DER THAL, GZHI MA GRUB PA CHOS CAN DU BZUNG BAS SGRUB RTAGS KYI PHYOGS CHOS MA GRUB PAR 'GYUR LA, MI MTHUN DPE GZHI MA GRUB PAS RTAGS YANG DAG GI RJES SU 'GRO LDOG GI KHYAB PA MA GRUB PAR MI 'GYUR BA'I PHYIR, MA GRUB NA, DER THAL, BLO'I YUL DU BYA RUNG GI RTAGS KYIS BUM PA SHES BYAR SGRUB PA'I MI MTHUN DPE MA GRUB KYANG, DE SGRUB KYI LDOG KHYAB GRUB PA'I PHYIR TE, BLO'I YUL DU BYA RUNG BUM PA SHES BYAR SGRUB PA'I THA SNYAD 'BA' ZHIG SGRUB KYI RTAGS YANG DAG YIN PA'I PHYIR, DPE DON SBYOR TSUL 'DI DAG GZHAN DON GYI RTAGS KYI DBANG DU BYAS PA YIN GYI, RTAGS THAMS CAD KYI DBANG DU BYAS PA MIN TE, PHYOGS CHOS DANG RJES SU 'GRO LDOG RGOL PHYI RGOL GNYIS KAS MA GRUB KYANG RTAGS YANG DAG TU 'GYUR BA YOD PA'I PHYIR, MA GRUB NA, DER THAL, RGOL BA GZHAN GYI TSIG GI BYED PA LA MA LTOS PAR GLO BUR DU DU BA MTHONG BA'I RTAGS LAS DU LDAN LA LA ME YOD PAR RTOGS PA'I TSE SNGA RGOL PHYI RGOL GYI THA SNYAD KYANG MED, RGOL BA GNYIS KYIS PHYOGS CHOS SOGS GRUB PA MED KYANG, DE 'DRA'I GANG ZAG LA DU BA DU LDAN LA LA ME YOD PAR SGRUB PA'I RANG DON SKABS KYI RTAGS YANG DAG TU SONG BA YIN BA'I PHYIR, GZHAN DON GYI RTAGS KYI NANG NAS KYANG SGRUB RTAGS KYI DBANG DU BYAS PA YIN GYI @014B GZHAN DON SKABS KYI RTAGS THAMS CAD KYI DBANG DU BYAS PA MIN TE, GZHI MA GRUB PA CHOS CAN DU BZUNG BA'I GZHAN DON GYI RTAGS KYI SBYOR BA YANG DAG YOD PA'I PHYIR, MA GRUB NA, DE YOD BAR THAL, BYE BRAG PAS BA SPYI RTAG DNGOS RANG GI GSAL BA DU MA LA DON DAM PAR 'PHROD 'DU 'BREL BA DANG, DU MA MA YIN PA'I GZHI MTHUN DU KHAS BLANGS PA LA, SLOB DPON PHYOGS GLANG GIS BYE BRAG PA'I KHAS BLANGS LA 'KHRIS NAS, BA SPYI RTAG DNGOS CHOS CAN, DU MAR THAL, RANG GI GSAL BA DU MA LA DON DAM PAR 'PHROD 'DU 'BREL PA'I PHYIR, ZHES 'PHANGS PA'I THAL 'GYUR DE THAL 'GYUR YANG DAG DANG, DE'I BZLOG DON GYI SBYOR BA, BA SPYI RTAG DNGOS CHOS CAN, RANG GI GSAL BA DU MA LA DON DAM PAR 'PHROD 'DU MA 'BREL TE, DU MA MA YIN PA'I PHYIR, ZHES PA'I SBYOR BA SBYOR BA RNAM DAG GANG ZHIG ,BA SPYI RTAG DNGOS SBYOR BA DE'I CHOS CAN YANG YIN GZHI YANG MA GRUB PA'I PHYIR, 'O NA SBYOR BA DE'I CHOS CAN MED PAR THAL, BA SPYI RTAG DNGOS DE'I CHOS CAN YIN YANG GZHI MA GRUB PA'I PHYIR ZER NA MA KHYAB STE, SBYOR BA DE'I CHOS CAN LA CHOS CAN 'BA' ZHIG PA ZHIG DANG, RANG RTEN GYI CHOS CAN GNYIS 'JOG DGOS PA'I PHYIR TE, BA SPYI RTAG DNGOS DE SBYOR BA DE'I CHOS CAN TZAM PO BA DANG, BA LANG GI DON SPYI SBYOR BA DE'I RANG RTEN GYI CHOS CAN YIN PA'I PHYIR, MA GRUB NA, DER THAL, CHOS CAN TZAM PO BA BA SPYI RTAG DNGOS @015A *, ,TSAD MAS KHEGS KYANG, RANG RTEN CHOS CAN BA LANG GI DON SPYI TSAD MAS GRUB PAS GTAN TSIGS MA GRUB PA'I SKYON DU MI 'GYUR BA'I PHYIR, MA GRUB NA, DER THAL, SLOB DPON PHYOGS KYI GLANG BOS, MNGON SUM DON DANG RJES SU DPAG ,YID CHES GRAGS PAS RANG RTEN LA'O, ,ZHES GSUNGS SHING, DE'I DON DPAL LDAN CHOS KYI GRAGS PAS 'CHAD PA'I TSE, BSGRUB BYA'I CHOS DANG DE'I RANG RTEN GYI CHOS CAN GNYIS TSOGS PA TSAD MAS BSAL NA, GTAN TSIGS MA GRUB PA'I SKYON DU BSTAN PA'I PHYIR DU RANG RTEN ZHES GSUNGS PA YIN GYI, CHOS CAN 'BA' ZHIG PA DANG BSGRUB BYA'I CHOS KYI TSOGS DON TSAD MAS BSAL YANG GTAN TSIGS KYI SKYON DU MI 'GYUR BAR BSHAD PA'I PHYIR, GZHAN YANG RTAGS DANG BSGRUB BYA'I CHOS DGAG BYA RNAM PAR BCAD TZAM GYI MED DGAG YIN PA'I SBYOR BA LA GZHI MA GRUB PAR CHOS CAN DU 'DZIN RIGS PAR THAL, PHUNG BO'I TSOGS RGYUN GANG LA YANG BTAGS PA TZAM MIN PA'I GANG ZAG RANG RKYA BA CHOS CAN, RANG BZHIN GYIS MED DE, PHUNG BO DANG RANG BZHIN GCIG DANG THA DAD GANG DU YANG MED PA'I PHYIR, ZHES PA'I SBYOR BA 'DI GANG ZAG GI BDAG MED SGRUB PA'I SBYOR BA RNAM DAG YIN PA GANG ZHIG ,PHUNG BO'I TSOGS RGYUN GANG LA YANG BTAGS PA TZAM MIN PA'I GANG ZAG RANG RKYA BA DE SGRUB KYI CHOS CAN YIN PA'I PHYIR, DANG PO MA GRUB NA, @015B DER THAL, GANG ZAG GI BDAG MED SGRUB PA'I SBYOR BA RNAM DAG YOD PA'I PHYIR, PHYI MA MA GRUB NA, DE DE SGRUB KYI CHOS CAN YIN PAR THAL, GANG ZAG GI BDAG MED GTAN LA 'BEBS PA'I TSE, GANG ZAG RANG RKYA BA CHOS CAN DU MA BZUNG NA GANG ZAG GI BDAG RANG LDOG NAS MI KHEGS PA'I PHYIR, GANG ZAG RANG RKYA BA DE SGRUB KYI CHOS CAN 'BA' ZHIG PA DANG, PHYI RGOL GYIS GANG ZAG RANG RKYA PA DANG GANG ZAG RANG RKYA BAR SNANG BA GNYIS GCIG TU 'KHRUL NAS SHES 'DOD ZHUGS SHING, GANG ZAG RANG SKYA PAR SNANG BA'I SGRA DON GYI STENG DU RTAGS TSAD MAS GRUB PAS GANG ZAG RANG RKYA BA'I SGRA DON SBYOR BA DE'I RANG RTEN GYI CHOS CAN YIN PA'I PHYIR, MA GRUB NA, DER THAL GRANGS CAN PAS 'DOD PA'I SPYI GTZO BO DNGOS MED DU SGRUB PA'I TSE, SPYI GTZO BO DE'I CHOS CAN 'BA' ZHIG PA DANG SPYI GTZO BO'I DON SPYI DE SGRUB KYI RANG RTEN GYI CHOS CAN YIN PA'I PHYIR TE, RJE THAMS CAD MKHYEN PA'I DBU MA RGYAN GYI ZIN BRIS LAS, GZHI CHOS CAN DNGOS PO YIN PA MI DGOS PA GTZO BO DANG DBANG PHYUG LA SOGS PA RTZOD GZHIR BZUNG BA LA YANG RTOG PA LA GTZO BO DANG DBANG PHYUG MA YIN PA LAS LOG PAR SNANG BA NI YOD LA, DE NYID LA DMIGS NAS DNGOS POR MED CES BSGRUBS PAS GZHI DE LA PHYI RGOL LA SHES 'DOD DANG, SNGA RGOL LA DPAG 'DOD MED PA'I SKYON MED LA, SNANG GZHI DNGOS POR YOD PA DON BYED NUS STONG DANG, SNANG GZHI BDEN BAR YOD @016A *, ,PA BDEN PA'I GCIG DU BRAL GYIS BKAG PA NA, RTAGS DE GNYIS GTZO BO DANG DBANG PHYUG MA YIN PA LAS LOG PAR SNANG BA DE NYID LA 'GRUB LA, DE NYID BSGRUB BYA'I CHOS GANG GI CHOS SU 'JOG PA'I CHOS CAN DANG, PHYOGS KYI CHOS GANG GI CHOS SU BZHAG PA'I PHYOGS SU BTAGS PA NYID YIN PAS CHOS CAN 'BA' ZHIG PA BKAG PAS KYANG PHYOGS CHOS MI 'GRUB PA'I SKYON MED DO, ,ZHE GSUNGS PA'I PHYIR DANG, RGYAL TSAB THAMS CAD MKHYEN PAS KYANG DE DANG MTHUN PAR GSUNGS SO, ,KHO NA RE, BYAS PA'I RTAGS KYIS SGRA MI RTAG PAR SGRUB PA'I TSE SGRA'I DON SPYI DE SGRUB KYI SHES 'DOD CHOS CAN YIN PAR THAL, SPYI GTZO BO DNGOS MED DU SGRUB PA'I TSE SPYI GTZO BO'I DON SPYI DE SGRUB KYI SHES 'DOD CHOS CAN YIN PA'I PHYIR ZER NA MA KHYAB STE, SGRA'I DON SPYI DE SGRUB KYI SHES 'DOD CHOS CAN MA YIN PAR THAL, SGRA'I DON SPYI DNGOS POR MED PAS BYAS PA DE'I STENG DU 'GOD TSUL DANG MTHUN PAR MA GRUB PA'I PHYIR, KHYAB STE, DBU MA RGYAN GYI ZIN BRIS LAS, BYAS PAS SGRA MI RTAG PAR BSGRUBS PA NA RTOG PA LA SGRA MA YIN PA LAS LOG PAR SNANG BA'I SNANG LDOG DNGOS POR MED PAS, ,BYAS PA'I RTAGS DE LA GRUB PA MIN GYI, SNANG GZHI SGRA LA GRUB DGOS TE, DNGOS PO RTAGS DANG BSGRUB BYA'I CHOS SU BYED PA'I GNAD KYIS SO, ,ZHES GSUNGS PA'I PHYIR, RNAM NGES DAR tIKA DANG RIGS RGYAN LAS, GZHI MA GRUB PA @016B CHOS CAN DU BZUNG BA'I SGRUB RTAGS YANG DAG YOD PAR GSUNGS KYANG THAR LAM GSAL BYED DANG BSTUN NA MED PA'I PHYOGS 'THAD DO, ,ZHES RJE BTZUN CHOS KYI RGYAL MTSAN GYIS GSUNGS SO, ,KUN BTUS KYI RANG 'GREL DANG 'GAL TSUL BZHI BA NI, MNYAN BYA CHOS CAN, SGRA RTAG MI RTAG GNYIS KAR SGRUB PA'I RTAGS YANG DAG YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI LDOG KHYAB YIN PA'I PHYIR, PHYI MA MA GRUB NA, DER THAL, MNYAN BYA SGRA RTAG MI RTAG GNYIS KAR SGRUB PA'I PHYOGS CHOS CAN DU SONG BA'I RGOL BAS DE SGRUB KYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, KUN BTUS KYI RANG 'GREL LAS, KHYAD PAR NI RNAM PAR GCOD PA'I GTAN TSIGS MA YIN NO, ,ZHES PA'I LUNG LUNG TSAD MAR KHAS BLANGS PA DANG 'GAL LO, ,DE LTAR YANG RNAM 'GREL LAS, KHYAD PAR RNAM PAR GCOD PA YI, ,GTAN TSIGS SU 'GYUR MA MTHONG PHYIR, ,ZHES GSUNGS PA'I PHYIR, PHYI MA MA GRUB NA, MNYAN BYA CHOS CAN, KHYOD SGRA RTAG MI RTAG GNYIS KAR SGRUB PA LA PHYOGS CHOS CAN DU SONG BA'I RGOL BAS DE SGRUB KYI MI MTHUN PHYOGS LA MA MTHONG BA TZAM YIN PAR THAL, DE 'DRA'I RGOL BA DES DE SGRUB KYI MI MTHUN PHYOGS LA YOD MED THE TSOM ZA BA'I PHYIR TE, DES SGRA RTAG MI RTAG GNYI GA YIN MIN THE TSOM ZA BA'I PHYIR TE, SGRA DE RGOL BA DE'I NGOR SGRA RTAG @017A *, ,MI RTAG GNYIS KAR SGRUB PA'I SHES 'DOD CHOS CAN SKYON MED YIN PA'I PHYIR TE, RGOL BA DE'I NGOR MNYAN BYA SGRA RTAG MI RTAG GNYIS KAR SGRUB PA'I PHYOGS CHOS CAN YIN PA'I PHYIR TE, DE 'DRA'I RGOL BA DE MNYAN BYA SGRA RTAG MI RTAG GNYIS KAR SGRUB PA'I PHYOGS CHOS CAN DU SONG BA'I RGOL BA YIN PA'I PHYIR, 'O NA MNYAN BYA SGRA MI RTAG PAR SGRUB PA'I RTAGS YANG DAG YIN NAM MIN ZHE NA, 'DI LA BZHED SROL GNYIS YOD DE, RGYA GAR DU MKHAS GRUB SHANTI PA, RGYAL DBANG BLO, BOD DU MKHAS PA NYA DPON SOGS MNYAN BYA SGRA MI RTAG PAR SGRUB PA'I RTAGS YANG DAG TU BZHED, SLOB DPON CHOS MCHOG DANG BRAM ZE CHEN PO GNYIS KYIS MNYAN BYA SGRA MI RTAG PAR SGRUB PA'I RTAGS YANG DAG MA YIN PAR BZHED DO, ,MKHAS GRUB SHANTI PAS MNYAN BYA SGRA MI RTAG PAR SGRUB PA'I RTAGS YANG DAG TU 'JOG TSUL NI, RGOL BA DBANG RTUL GYIS RTAGS CHOS GYI 'BREL BA NGES PA MTHUN DPE LA LTOS LA, RGOL BA DBANG RNON MKHAS PAS MTHUN DPE LA MI LTOS PAR SNGAR MNYAN BYA LA MI RTAG PAS KHYAB PA MNGON SUM GYIS GRUB, DE RJES SGRA MNYAN BYAR MTHONG MA THAG ,RTAGS CHOS KYI 'BREL BA MNYAN BYA LA MI RTAG PAS KHYAB PA SNGAR NGES ZIN DE NYID DRAN PAS DE RJES SGRA MI RTAG PAR RTOGS PA'I RJES DPAG SKYE LA, DE'I TSE MNYAN BYA SGRA MI RTAG PAR SGRUB PA'I RTAGS YANG DAG TU SONG BA YIN ZHING, @017B DE NYID RNAM 'GREL LAS, MKHAS PA RNAMS LA NI, GTAN TSIGS 'BA' ZHIG BA RJOD PAR ZAD, CES PA'I DON YIN ZHES ZER, DE NYID THAR LAM GSAL BYED LAS 'GOG TSUL NI, MNYAN BYA CHOS CAN, KHYOD SGRA MI RTAG PAR SGRUB PA'I RTAGS YANG DAG MA YIN PAR THAL, KHYOD SGRA MI RTAG PAR SGRUB PA LA PHYOGS CHOS CAN DU SONG BA'I GANG ZAG GI NGOR KHYOD KYI RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA GRUB PA MA YIN PA'I PHYIR TE, DE'I DOR MNYAN BYA YIN NA MI RTAG PA YIN PAS KHYAB PA MTHUN DPE'I STENG DU NGES PA MI SRID PA'I PHYIR TE, DE'I NGOR SGRA MI RTAG PAR MA GRUB PA GANG ZHIG ,MNYAN BYA DANG SGRA GNYIS MI RTAG PAR RTOGS DKA' SLA MTSUNGS PA'I PHYIR TE, MNYAN BYA SGRA'I MTSAN NYID YIN PA'I PHYIR, KHO NA RE, MNYAN BYA SGRA'I MTSAN NYID MA YIN PAR THAL, MNYAN BYA TSAD MAS NGES PA'I GANG ZAG YIN NA, SGRA TSAD MAS NGES PA'I GANG ZAG YIN DGOS PA'I PHYIR, MA GRUB NA, DER THAL, MNYAN BYA MI RTAG PAR TSAD MAS NGES PA'I GANG ZAG YIN NA, SGRA MI RTAG PAR TSAD MAS NGES PA'I GANG ZAG YIN DGOS PA'I PHYIR, MA GRUB NA, DER THAL, MNYAN BYA MI RTAG PAR TSAD MAS NGES SHING, MNYAM BYA DANG SGRA'I MING DON GYI 'BREL BA TSAD MAS NGES PA'I GANG ZAG YIN NA, SGRA MI RTAG PAR TSAD MAS GRUB PA'I GANG ZAG YIN DGOS PA'I PHYIR, MA GRUB NA, DER THAL, MNYAN BYA MI RTAG PAR TSAD MAS NGES SHING, MNYAN BYA DANG SGRA'I MING DON GYI 'BREL BA TSAD @018A *, ,MAS NGES NAS SGRA RTAG MI RTAG THE TSOM ZA BA MED PA'I PHYIR ZER NA MA KHYAB, MA GRUB NA, DER THAL, MNYAN BYA MI RTAG PAR TSAD MAS NGES SHING, MNYAN BYA DANG SGRA'I MING DON GYI 'BREL BA TSAD MAS NGES NAS MNYAN BYA SGRA MI RTAG PAR SGRUB PA'I PHYOGS CHOS CAN DU SONG BA'I GANG ZAG MED PA'I PHYIR TE, THAR LAM GSAL BYED LAS, CHOS CAN SGRA TSAD MAS GTAN LA MA PHAB PAR MNYAN BYA DE LA 'GOD TSUL LTAR GRUB PA'I PHYOGS CHOS GRUB PA MI SRID PAS PHYOGS CHOS SU MA SONG NA RTAGS YANG DAG MI SRID LA, PHYOGS CHOS SU SONG BA'I TSE MNYAN BYA NGES NAS SGRA MA NGES PA MI SRID LA, DE'I RJES SU BSGRUB BYA GO BAR BYED NA YANG MNYAN BYA LA MI RTAG PAS KHYAB PA NGES NAS SGRA LA MI RTAG PAS KHYAB PA MA NGES PA MI SRID PA'I PHYIR RO, ,ZHES GSUNGS PA'I PHYIR, KHO NA RE, MNYAN BYA DANG SGRA'I MING DON GYI 'BREL BA MA SHES PA'I SNGAR MNYAN BYA LA MI RTAG PAS KHYAB PA NGES SRID DAM MI SRID, MI SRID NA KHANG BA'I THUN MONG MA YIN PA'I MING MA SHES PAR KHANG BA 'JIG PA MNGON SUM GYIS GRUB PA MI SRID PAR THAL LO, ,'DOD NA MNGON SUM DANG 'GAL, SRID NA SNGAR MNYAN BYA LA MI RTAG PAS KHYAB PA NGES ZIN MA BRJED PA'I NGANG NAS SGRA LA DMIGS NAS 'DI NI MNYAN BYA'O ZHES PA'I MING DON GYI 'BREL BA LA BRTEN PA'I PHYOGS CHOS PHYIS GO BAR BYAR YOD PAS MNYAN BYA SGRA MI RTAG PAR SGRUB PA'I RTAGS YANG DAG TU 'GYUR RO ZHE NA, DE MI 'THAD PAR THAL, MNYAN BYA DANG @018B SGRA'I MING DON GYI 'BREL BA MA SHES PA'I SNGAR MNYAN BYA LA MI RTAG PAS KHYAB PA NGES PA SRID KYANG, DE RJES MNYAN BYA DANG SGRA'I MING DON GYI 'BREL BA NGES NAS MNYAN BYA SGRA MI RTAG PAR SGRUB PA'I PHYOGS CHOS SU SONG BA MED PA'I PHYIR, ,MA GRUB NA, DER THAL, SNGAR MNYAN BYA LA MI RTAG PAS KHYAB PA NGES DE RJES MNYAN BYA DANG SGRA'I MING DON GYI 'BREL BA NGES NAS SGRA RTAG MI RTAG THE TSOM ZA BA MED PA'I PHYIR, MA GRUB NA, DER THAL, SNGAR MNYAN BYA LA MI RTAG PAS KHYAB PA NGES PA'I NGANG NAS MNYAN BYA DANG SGRA'I MING DON GYI 'BREL BA NGES PA'I RJES DE MA THAG MNYAN BYA LA MI RTAG PAS KHYAB PA NGES PA'I BLO DE NYID KYIS SGRA LA MI RTAG PAS KHYAB PA NGES PAR BYED PA'I PHYIR TE, THAR LAM GSAL BYED LAS, SNGA MA BDEN MOD KYI PHYIS MING DON GYI 'BREL BA NGES NA, DE PHYIN CHAD MNYAN BYA LA MI RTAG PAS KHYAB PA NGES PA'I TSAD MA DE NYID KYIS SGRA LA MI RTAG PAS KHYAB PA NGES PAR BYED PA YIN PAS, ZHES GSUNGS PA'I PHYIR, NGES NA DANG POR MNYAN BYA LA MI RTAG PAS KHYAB PA NGES, DE RJES MNYAN BYA SGRA'I THUN MONG MA YIN PA'I CHOS SU NGES, DE'I RJES SU SGRA MI RTAG PAR NGES KYANG, MNYAN BYA SGRA MI RTAG PAR SGRUB PA'I TSUL GSUM DU SONG BA'I BYED PA LA BRTEN NAS SGRA MI RTAG PAR NGES PA MA YIN PA'I PHYIR, MA GRUB NA, DER THAL, DE 'DRA'I GANG ZAG DE LA MNYAN BYA SGRA MI RTAG PAR SGRUB PA'I PHYOGS CHOS SU SONG BA LA BRTEN NAS SGRA MI RTAG PAR NGES PA MA YIN PA'I PHYIR TE, THAR LAM @019A *, ,GSAL BYED LAS, MNYAN BYA LA MI RTAG PAS KHYAB PA SNGAR NGES, DE'I RJES MNYAN BYA SGRA'I THUN MONG MA YIN PA'I CHOS SU NGES, DE'I RJES SU SGRA MI RTAG PAR NGES KYANG TSUL GSUM GYI BYED PA LA BRTEN NAS NGES PA MA YIN NO, ZHES GSUNGS PA'I PHYIR, YANG THAR LAM GSAL BYED LAS, DON SGRA MI RTAG PAR MNGON SUM TSAD MAS RTOGS PAR THAL, DE GSAR DU RTOGS NAS RJES DPAG MA YIN PA'I PHYIR ZHE NA, SNGAR MNYAN BYA LA MI RTAG PAS KHYAB PA NGES PA'I MNGON SUM DANG PHYIS MING DON GYI 'BREL BA NGES PA'I TSAD MA GNYIS KYI BYED PA LAS RTOGS PA YIN NO, ,PHRA BA'I MI RTAG PA RTAGS LAS RTOGS KYANG RAGS PA'I MI RTAG PA MNGON SUM GYIS GRUB PA MI 'GAL LO, ,ZHES PA'I DON 'CHAD PA'I TSE MKHAS PA'I DBANG BO PAn CHEN BSOD NAMS GRAGS PAS 'DI LTAR GSUNGS TE, SNGAR MNYAN BYA SKAD CIG THA MA LA MI RTAG PAS KHYAB PA NGES, DE RJES MNYAN BYA DANG SGRA'I MING DON GYI 'BREL BA NGES, DE RJES SGRA MI RTAG PAR NGES PA'I TSUR MTHONG DES, SGRA SKAD CIG THA MA MI RTAG PAR MNGON SUM DU RTOGS PAR THAL, DES DE GSAR DU RTOGS DE'I TSE RJES DPAG GIS MA RTOGS PA'I PHYIR ZHE NA, 'DOD PA YIN TE, SNGAR GYI TSAD MA DE GNYIS LA BRTEN NAS SGRA SKAD CIG THA MA MI RTAG PAR MNGON SUM GYIS RTOGS PA'I PHYIR, 'O NA, DE 'DRA'I TSUR MTHONG DES SGRA MI RTAG @019B PA MNGON SUM DU RTOGS PAR THAL, DES SGRA SKAD CIG THA MA MI RTAG PAR MNGON SUM DU RTOGS PA'I PHYIR ZHE NA MA KHYAB STE, SGRA MI RTAG PA LTA BU PHRA BA'I MI RTAG PA RTAGS LAS RTOGS KYANG SGRA SKAD CIG THA MA MI RTAG PA LTA BU'I RAGS PA'I MI RTAG PA MNGON SUM GYIS GRUB PA MI 'GAL BA YIN PA'I PHYIR, SGRA SKAD CIG THA MA RAGS PA'I MI RTAG PA YIN PAR THAL, MAR ME SKAD CIG THA MA RAGS PA'I MI RTAG PA YIN PA'I PHYIR, ZHES GSUNGS, BDAG GI RMONGS BLOR SHAR TSOD NI, GZHI SGRA LTA BU'I STENG DU, RANG GRUB TZAM NAS 'JIG NGES SU GRUB PA'I MI RTAG PA PHRA MO DANG, GZHAN SDES RTAG PA YIN PHYIN CHAD DUS SNGA MA NA GANG YOD DUS PHYI MA NA YOD PAR 'DOD PAS, DE LTAR 'DZIN PA'I RTAG 'DZIN RAGS PA'I 'DZIN STANGS KYI ZLOG PHYOGS RAGS PA'I MI RTAG PA'I TSUL GNYIS BYAS NAS, SGRA DANG MNYAN BYA'I MING DON GYI 'BREL PA MA SHES PA'I SNGAR MNYAN BYA LA 'JOG TSUL GNYIS PA'I DBANG DU BYAS PA'I MI RTAG PAS KHYAB PA MNGON SUM GYIS NGES, DE RJES MNYAN BYA DANG SGRA'I MING DON GYI 'BREL BA SHES, DE RJES SGRA YANG 'JOG TSUL GNYIS PA'I DBANG DU BYAS PA'I MI RTAG PAR MNGON SUM GYIS GRUB PA ZHIG SRID LA, DE 'DRA'I GANG ZAG DES, SGRA DANG MNYAN BYA GANG YANG GRUB TZAM NAS 'JIG NGES PA'I MI RTAG PAR MA GRUB PA'I PHYIR, MA GRUB NA, DER THAL, DE 'DRA'I GANG ZAG DES SGRA DANG MNYAN BYA'I STENG GI PHRA BA'I MI RTAG PA RTAGS LAS RTOGS DGOS PA'I PHYIR ZHES PA SKABS 'DI'I RNAM BSHAD KYI DON @020A *, ,YIN NAM SNYAM MO, ,'ON KYANG SKABS 'DI'I RNAM BSHAD KYI DON RTOGS DKA' BAS MKHAS PA RNAMS KYIS DPYAD DE LEGS BSHAD GSAR BA ZHIG SBYIN PAR 'OS SO, ,GSUM PA RLUNG GI RAB BYED DANG 'GAL TSUL NI, PHYI ROL BYE BRAG PA NA RE, GRANG MIN DRO MIN GYI REG BYA BTANG SNYOMS PA CHOS CAN, RDZAS LA BRTEN PAR THAL, YON TAN YIN PA'I PHYIR, KHYAB STE, YON TAN YIN NA RDZAS LA BRTEN PAS KHYAB PA BYE BRAG PA RANG GI GRUB MTHA' YIN PA'I PHYIR, 'O NA RDZAS GANG LA BRTEN BYAS PA LA, DE CHOS CAN, 'BYUNG BA BZHI GANG RUNG GI RDZAS LA BRTEN BAR THAL, REG BYA CAN GYI YON TAN YIN PA'I PHYIR, 'O NA 'BYUNG BZHI'I RDZAS GANG LA BRTEN ZHE NA, ,RLUNG GI RDZAS LA BRTEN PA YIN NO, ,DE'I TSUL NI, RTZVA DANG SHING MED PA'I MYA NGAM GYI THANG NA CHOS CAN, RLUNG GI RDZAS YOD DE, GRANG MIN DRO MIN GYI REG BYA BTANG SNYOMS PA DMIGS PA'I PHYIR ZER, SA CHU ME GSUM NI GZUGS KYI YON TAN DANG LDAN PAS SA CHU ME GSUM THAMS CAD LA MTHONG BA'I RDZAS ZHES ZER, 'O NA REG BYA BTANG SNYOMS PA DE MTHONG BA'I RDZAS SA CHU ME GSUM LA CI'I PHYIR MI BRTEN DRIS PAS, SA CHU ME GSUM CHOS CAN, GRANG MIN DRO MIN GYI REG BYA BTANG SNYOMS PA MED DE, DE MA MTHONG BA'I PHYIR ZER, DES NA REG BYA BTANG SNYOMS PA BYE BRAG PAS MA MTHONG BA CHOS CAN, SLOB DPON DBANG PHYUG SDE KHYOD LTAR NA BYE BRAG PAS @020B MTHONG BA'I SA CHU ME GSUM LA GRANG MIN DRO MIN GYI REG BYA BTANG SNYOMS PA MED PAR SGRUB PA'I RTAGS YANG DAG YIN PAR THAL, DE SGRUB KYI PHYOGS CHOS GANG ZHIG ,LDOG KHYAB YIN PA'I PHYIR, PHYI MA MA GRUB NA, DER THAL, DE SGRUB KYI SKABS KYI PHYI RGOL GYIS DE SGRUB KYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, RLUNG GI RAB BYED LAS, GAL TE MA MTHONG BA TZAM GYIS MTHONG BA DAG LA 'GOG BAR BYED NA DE YANG RIGS PA MA YIN NO, ,ZHES PA'I LUNG LUNG TSAD MAR KHAS BLANGS PA DANG 'GAL LO, ,DE LTAR YANG RNAM 'GREL LAS, MA MTHONG PHYIR REG MTHONG BA LA, MI LDAN 'KHRUL BA MED PA CAN, ,ZHES GSUNGS PA'I PHYIR, KHO NA RE, REG BYA BTANG SNYOMS PA MA MTHONG BA CHOS CAN, GZHI DER REG BYA BTANG SNYOMS PA YOD NA SKABS KYI PHYI RGOL LA SNANG RUNG MA DMIGS PA'I SA SOGS GSUM LA REG BYA BTANG SNYOMS PA MED PAR SGRUB PA'I RTAGS YANG DAG MA YIN PAR THAL, MTHONG BA'I SA SOGS LA REG BYA BTANG SNYOMS PA MED PAR SGRUB PA'I RTAGS YANG DAG MA YIN PA'I PHYIR NA MA KHYAB STE, BYE BRAG PAS SNANG DU RUNG MI RUNG GI SA SOGS THAMS CAD LA REG BYA BTANG SNYOMS PA 'GOG 'DOD NAS, DE CHOS CAN, REG BYA BTANG SNYOMS PA MED DE, DE MA MTHONG BA'I PHYIR ZHES 'GOD LA, DE NI KHYAB PA MA NGES TE, SA SOGS TZAM LA REG BYA BTANG SNYOMS PA YOD KYANG SKABS KYI PHYI RGOL GYIS DMIGS RUNG MA YIN PA'I PHYIR, MA GRUB NA, DER THAL@021A *, ,RI BO LA SOGS PAS BAR CHOD PA DANG YUL GYIS BSKAL BA'I SA SOGS TZAM LA REG BYA BTANG SNYOMS PA YOD KYANG DMIGS RUNG MA YIN PA'I PHYIR, KHO NA RE, SNANG RUNG GI SA SOGS LA REG BYA BTANG SNYOMS PA BKAG PAS SNANG MI RUNG GI SA SOGS LA REG BYA BTANG SNYOMS PA 'GOG NUS BAR THAL, DE GNYIS SA SOGS SU RIGS GCIG PA'I PHYIR NA MA KHYAB STE, SA SOGS KYI REG BYA'I KHYAD PAR GCIG TU MA NGES PA'I PHYIR, SRIN BAL DANG RE BA DANG LO MA LA SOGS PA'I REG BYA MI 'DRA BAR MNGON SUM GYIS DMIGS PA'I PHYIR RO, RNAM NGES LTAR NA, 'O NA SNANG MI RUNG GI SA SOGS LA REG BYA BTANG SNYOMS PA GANG GIS 'GOG CES DRIS PAS, DE CHOS CAN, REG BYA BTANG SNYOMS PA MED DE, DE MA MTHONG BA'I PHYIR ZHE NA, REG BYA BTANG SNYOMS PA MA MTHONG BA CHOS CAN, DE SGRUB KYI RTAGS YANG DAG YIN PAR THAL, PHYOGS CHOS GANG ZHIG LDOG KHYAB YIN PA'I PHYIR, PHYI MA DER THAL, DE SGRUB GYI MI MTHUN PHYOGS LA MA MTHONG BA TZAM YIN PA'I PHYIR, KHYAB PA KHAS, 'DOD NA, KUN BTUS LAS, GANG YANG GAL DE MA MTHONG BA TZAM GYIS MI SNANG BA DAG LA 'GOG PAR BYED NA DE YANG RIGS PA MA YIN NO, ZHES PA'I LUNG DANG 'GAL LO, SKABS 'DIR SNANG DU RUNG BA'I SA SOGS LA MTHONG BA DANG, SNANG DU MI RUNG BA'I SA SOGS @021B LA MA MTHONG BA'I THA SNYAD BYAS NAS, RNAL 'GREL LAS MTHONG BA'I SA SOGS DANG, RNAM NGES LAS MA MTHONG BA'I SA SOGS LA REG BYA BTANG SNYOMS PA 'GOG PA'I DBANG DU BYAS NAS BSHAD PA YIN NO, GNYIS PA RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PAR 'DOD PA'I RANG GZHAN GYI SDE BA GNYIS LA THUN MONG DU MNGON SUM GYIS GNOD TSUL NI, SKYU RU RA CHOS CAN, KHYOD LAG MTHIL GYI SKYU RU RA RO MNGAR KHYAD PAR CAN DU SGRUB PA'I LDOG KHYAB YIN PAR THAL, KHYOD DE SGRUB GYI MI MTHUN PHYOGS LA SKABS KYI PHYI RGOL GYIS MA MTHONG BA TZAM YIN PA'I PHYIR, KHYAB PA KHAS, 'DOD NA, SKYU RU RA'I RDZAS DE LA GCIG RO MNGAR KHYAD PAR CAN DU MTHONG BAS SKYU RU RA GZHAN LA RO MNGAR KHYAD PAR CAN DE YOD PAR NGES PAR RIGS PA MA YIN PAR THAL, YUL ZHING SA BZANG NGAN DANG 'O MAS SKYU RU RA'I ZHING BCUS MA BCUS LA SOGS PA'I KHYAD PAR LAS SKYU RU RA'I RDZAS LA RO MNGAR SKYUR DANG NUS PA CHE CHUNG THA DAD PA DU MA LCE SHES MNGON SUM LA SNANG BA'I PHYIR, ,DE LTAR YANG RNAL 'GREL LAS, YUL LA SOGS PA'I KHYAD PAR LAS, ,RDZAS LA NUS PA THA DAD SNANG, ,ZHES GSUNGS PA'I PHYIR, GSUM PA RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PAR 'DOD PA'I GZHAN SDE'I GTZO BO GSUM LA KHAS BLANGS NANG 'GAL GYIS GNOD PA NI, RTAGS MI MTHUN PHYOGS LA SKABS KYI PHYI RGOL GYIS MA DMIGS PA RTAGS MI MTHUN PHYOGS LA MED PA'I SGRUB BYED MA YIN PAR THAL, GSON LUS LA GANG ZAG GI BDAG TSAD MAS MA DMIGS KYANG GSON LUS LA GANG @022A *, ,ZAG GI BDAG YOD, SA LA SHES PA TSAD MAS MA DMIGS KYANG SA LA SHES PA YOD, 'O MA'I DUS NA ZHO TSAD MAS MA DMIGS KYANG, 'O MA'I DUS NA ZHO YOD PA'I PHYIR, RTAGS DANG PO BYE BRAG PA LA KHAS, GNYIS PA RGYANG 'PHEN PA LA KHAS, GSUM PA GRANGS CAN PA LA KHAS, DE LTAR YANG, RNAM 'GREL LAS, BDAG DANG SA LA SHES YOD SOGS, ,MED PAR RAB SGRUB BYED MIN PA'I, ,MA DMIGS GANG YIN DE KHO NA, ,GTAN TSIGS MED SGRUB YIN NAM CI, ,ZHES GSUNGS PA'I PHYIR, GZHAN YANG, RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PA RIGS PAS MI 'GOG PAR LUNG GIS 'GOG PA MI RIGS PAR THAL, LUNG DNGOS STOBS KYI YUL LA GNOD SGRUB TU MI 'JUG PA'I PHYIR NA MA KHYAB STE, RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PA DANG, SLOB DPON GYI LUNG TSAD MAR KHAS BLANGS PA GNYIS NANG 'GAL BSTAN PA'I PHYIR LUNG GIS BKAG PA YIN NO, ,KHA CIG ,DE SGRUB KYI TSUL GSUM YOD NA DE SGRUB KYI RTAGS YANG DAG YOD PAS KHYAB ZER NA, SGRA CHOS CAN, KHYOD RTAG PAR SGRUB PA'I RTAGS YANG DAG YOD PAR THAL, KHYOD RTAG PAR SGRUB PA'I TSUL GSUM YOD PA'I PHYIR, MA GRUB NA, DE CHOS CAN, KHYOD RTAG PAR SGRUB PA'I TSUL GSUM YOD PAR THAL, DE SGRUB KYI PHYOGS CHOS YOD, RJES KHYAB YOD, LDOG KHYAB KYANG YOD PA'I PHYIR, DANG PO MA GRUB NA, DE YOD PAR THAL, BYAS PA DE SGRUB @022B KYI PHYOGS CHOS YIN PA'I PHYIR, MA GRUB NA, BYAS PA CHOS CAN, KHYOD SGRA RTAG PAR SGRUB PA'I PHYOGS CHOS YIN PAR THAL, KHYOD KYI RTAGS KYIS DE SGRUB KYI SHES 'DOD CHOS CAN SKYON MED GRUB, KHYOD SGRA DANG THA DAD PA'I TSUL GYIS SGRA'I STENG DU 'GOD TSUL DANG MTHUN PAR YOD PA NYID DU TSAD MAS NGES PA YIN PA'I PHYIR, GNYIS PA MA GRUB NA, DE SGRUB KYI RJES KHYAB YOD PAR THAL, 'DUS MA BYAS KYI CHOS DE DE YIN PA'I PHYIR, MA GRUB NA, 'DUS MA BYAS KYI CHOS CHOS CAN, KHYOD SGRA RTAG PAR SGRUB PA'I RJES KHYAB YIN PAR THAL, KHYOD KYI RTAGS KYIS DE SGRUB KYI RTAGS CHOS GNYIS LDAN GYI MTHUN DPE YANG DAG GRUB, KHYOD DE SGRUB KYI MTHUN PHYOGS NYID LA YOD PAR TSAD MAS NGES PA YIN PA'I PHYIR GSUM PA MA GRUB NA, DE YOD PAR THAL, 'DUS MA BYAS KYI CHOS DE DE YIN PA'I PHYIR, MA GRUB NA, DE CHOS CAN, SGRA RTAG PAR SGRUB PA'I LDOG KHYAB YIN PAR THAL, KHYOD KYI RTAGS KYIS DE SGRUB KYI RTAGS CHOS GNYIS DANG MI LDAN PA'I MI MTHUN DPE YANG DAG GRUB, KHYOD DE SGRUB KYI MI MTHUN PHYOGS LA MED PA KHO NA NYID DU TSAD MAS NGES PA YIN PA'I PHYIR, ZHES PAn CHEN PHYOGS LHA 'OD ZER GYI GSUNGS, RJE BTZUN CHOS KYI RGYAL MTSAN DPAL BZANG POS, MA BYAS PA'I RTAGS KYIS SGRA RTAG PAR SGRUB PA'I RJES KHYAB MA GRUB PAR THAL, DE SGRUB KYI MTHUN DPE YANG DAG MED PA'I PHYIR TE, RNAM 'GREL LAS, DON RIG 'DAS PA DPE DAG DANG, ,BRAL ZHING RTAGS NI YOD MIN TE, ,ZHES DANG, DPE @023A *, ,MED CAN YIN DNGOS RNAMS NI, ,SKAD CIG GIS NI 'JIG PHYIR RO, ,ZHES DNGOS PO RTAG PAR SGRUB PA'I MTHUN DPE YANG DAG MED PAR GSUNGS PA'I PHYIR, DE LTA MIN NA, DON BYED NUS PA GTZO BO'I SGRA DON DNGOS POR SGRUB PA'I RJES KHYAB YIN PAR THAL LO, ,'DOD NA, GTZO BO'I SGRA DON DNGOS POR SGRUB PA'I RJES KHYAB MED PAR THAL, DE SGRUB KYI PHYOGS CHOS GRUB, BSGRUB BYA TSAD MAS BSAL PA'I PHYIR, KHYAB STE, RNAM 'GREL LAS, GTAN TSIGS RJES 'GRO MED CAN 'GYUR, ,ZHES DANG, DE'I THAD KYI THAR LAM GSAL BYED LAS, RTAGS DE'I PHYOGS CHOS GRUB NA, KHYAB PA MI 'GRUB, KHYAB PA GRUB NA PHYOGS CHOS MI 'GRUB STE, DAM BCA' LA TSAD MAS GNOD PA'I PHYIR, PHYOGS KHYAB GNYIS KA GRUB NA, SGRA DON DNGOS POR KHAS LEN DGOS PAR 'GYUR RO, ,ZHES GSUNGS PA'I PHYIR, MU STEGS KYI STON PA GNOD KYI RJE NA RE, RTAGS YANG DAG GI MTSAN NYID YOD DE, GZHAN DU MI 'THAD PA ZHES BYA BA'I TSUL GCIG PO DE YIN PA'I PHYIR ZHES ZER, DE MI 'THAD PAR THAL, GZHAN DU MI 'THAD PA SHES 'DOD CHOS CAN DANG, BSGRUB BYA'I CHOS DANG, CHOS DANG CHOS CAN GYI TSOGS DON GANG GI DBANG DU BYAS KYANG, DE DAG LAS GZHAN DU MI 'THAD PA TZAM GYIS RTAGS YANG DAG TU MI 'GYUR BA'I PHYIR RO, ,GNYIS PA RANG LUGS BZHAG PA LA BZHI, RTAGS YANG DAG GI MTSAN NYID DNGOS BSHAD PA, TSUL GSUM SO SO NGOS BZUNG ZHING CHOS CAN @023B GSUM GTAN LA DBAB PA, RGOL BA GANG GI NGOR RTAGS YANG DAG YIN MIN DPYAD PA, RTAGS YANG DAG GI RTAGS CHOS DON GSUM NGOS BZUNG BA'O, ,DANG PO NI RTAGS YANG DAG GI MTSAN NYID YOD DE, TSUL GSUM YIN PA DE DE YIN PA'I PHYIR, DE LTAR YANG RNAM 'GREL LAS, PHYOGS CHOS DE CHOS KHYAB PA YI MI, ,GTAN TSIGS, ZHES GSUNGS PA'I PHYIR, 'O NA GZHUNG DES TSUL GSUM RTAGS YANG DAG GI MTSAN NYID DU BSTAN TSUL JI LTA BU YIN ZHE NA, BYAS PA'I RTAGS KYIS SGRA MI RTAG PAR SGRUB PA LTA BU LA MTSON NA, PHYOGS CHOS, ZHES PAS SGRA MI RTAG PAR SGRUB PA'I PHYOGS BTAGS PA BA SHES 'DOD CHOS CAN SGRA'I STENG DU 'GOD TSUL DANG MTHUN PAR YOD PA NYID DU NGES PA'I RTAGS TSUL DANG PO PHYOGS CHOS BSTAN, DE CHAS KHYAB PA YI, ,ZHES PAS PHYOGS BTAGS PA PA SHES 'DOD CHOS CAN SGRA DE'I BSGRUB BYA'I CHOS MI RTAG PAS RTAGS BYAS PA LA KHYAB PA YI ZHES RJES KHYAB DNGOS SU BSTAN NAS LDOG KHYAB SHUGS LA BSTAN PA YIN NO, ,DE NI RNAM GSUM NYID CES PAS RTAGS YANG DAG DE LA 'BRAS RANG MA DMIGS PA'I RTAGS YANG DAG GSUM DU GRANGS NGES PAR BSTAN, MED NA MI 'BYUNG NGES PHYIR RO, ,ZHES PAS RTAGS YANG DAG LA 'BRAS RANG MA DMIGS PA'I RTAGS GSUM DU GRANGS NGES PA'I RGYU MTSAN RTAGS CHOS MED NA MI 'BYUNG BA'I 'BREL BA BSTAN, GTAN TSIGS LTAR SNANG DE LAS GZHAN, ,ZHES PAS TSUL GSUM MA YIN PAR GYUR BA'I RTAGS THAMS CAD RTAGS LTAR SNANG DU @024A *, ,BSTAN PA YIN NO, ,SHO LO KA 'DI LE'U DANG PO'I LUS RNAM BZHAG GI GZHUNG YIN TE, GZHUNG 'DIS RTAGS YANG DAG GI MTSAN NYID, GRANGS NGES, GRANGS NGES PA'I RGYU MTSAN, BZLOG PHYOGS GTAN TSIGS LTAR SNANG STE BZHI'I SGO NAS MDOR BSTAN LA, DE NYID RGYAS PAR 'CHAD PA LA, RGYU LA RANG BZHIN JI SNYED CIG ,CES PA NAS, MI DMIGS PAS NI MI 'GRUB BO, ,ZHES PA'I BAR BYUNG, GNYIS PA LA GNYIS, GZHAN LUGS DGAG PA, RANG LUGS BZHAG PA'O, ,DANG PO NI, KHA CIG ,BYAS PA'I RTAGS KYIS SGRA MI RTAGS PAR SGRUB PA'I RTAGS TSUL DANG PO LA DE SGRUB KYI PHYOGS CHOS ZHES PA MI 'THAD PAR THAL, DE LA GNOD BYED YOD PA'I PHYIR, JI LTAR YOD NA, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GIS BYAS PA'I RTAGS KYIS SGRA MI RTAG PAR SGRUB PA'I PHYOGS GRUB BAM MA GRUB DANG PO LTAR NA, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG CHOS CAN, KHYOD KYI NGOR BYAS PA'I RTAGS KYIS SGRA MI RTAG PAR SGRUB PA'I RTAGS SBYOR BKOD PA DON MED PAR THAL, KHYOD KYIS SGRA MI RTAG PAR SGRUB PA'I PHYOGS MTSAN NYID PA SGRA MI RTAG PA GRUB ZIN PA'I PHYIR, GNYIS PA LTAR NA, DE 'DRA'I PHYI RGOL YANG DAG CHOS CAN, KHYOD KYIS BYAS PA SGRA MI RTAG PAR SGRUB PA'I PHYOGS CHOS SU MA GRUB PAR THAL, KHYOD KYIS BYAS PA'I RTAGS KYIS SGRA MI RTAG PAR SGRUB PA'I PHYOGS @024B MA GRUB PA'I PHYIR, 'DOD NA, DNGOS 'GAL, DES NA RTAGS TSUL DANG BO LA CHOS CAN GYI CHOS ZHES 'DOGS RIGS KYI PHYOGS CHOS ZHES 'DOGS MI RIGS SO ZHES ZER, RTAGS TSUL DANG PO LA PHYOGS CHOS ZHES MI BRJOD PAR CHOS CAN GYI CHOS ZHES BRJOD MI RIGS PAR THAL, CHOS CAN GYI SGRA RTZOD GZHI CHOS CAN DANG, MTHUN DPE CHOS CAN DANG, MI MTHUN DPE CHOS CAN GSUM GA LA NYE BAS DPE GNYIS KYI CHOS SU GYUR BA'I MIG SHES KYI BZUNG BYA SGRA MI RTAG PAR SGRUB PA'I MTHUN DPE CHOS CAN BUM PA'I KHA TOG GI CHOS SU GRUB PAS SGRA MI RTAG PAR SGRUB PA'I RTAGS TSUL DANG PO YIN NAM SNYAM DU DOGS PA DANG, DE SGRA RTAG PAR SGRUB PA'I MI MTHUN DPE CHOS CAN BUM PA'I KHA TOG GI CHOS SU GRUB PAS SGRA RTAG PAR SGRUB PA'I RTAGS TSUL DANG PO YIN NAM SNYAM DU DOGS PA SKYES PA'I SGO NAS RTAGS TSUL DANG PO JI LTA BA BZHIN DU RTOGS MI NUS PA'I PHYIR, DER THAL, DE MA RTOGS NA TSUL GSUM LA RTAGS YANG DAG GIS KHYAB PA SGRUB PA'I NUS PA MED PAR 'GYUR PA'I PHYIR, KHA CIG GIS, DE LA NYES SPONG GI LAN 'DI LTAR SMRA STE, RTAGS TSUL DANG PO LA PHYOGS CHOS ZHES MA BRJOD PAR CHOS CAN GYI CHOS ZHES SMROS PAS MTHUN DPE CHOS CAN DANG MI MTHUN DPE CHOS CAN GYI CHOS SU GRUB PA TZAM GYIS RTAGS TSUL DANG PO GRUB SNYAM DU DOGS PA SKYES PA'I SGO NAS DE MI RTOGS PA'I SKYON MED PAR THAL, CHOS CAN GYI CHOS ZHES PA'I CHOS CAN GYI SGRA MTHUN DPE CHOS CAN LA YANG MI 'JUG MI MTHUN DPE CHOS CAN LA YANG MI 'JUG PA'I PHYIR, DANG PO @025A *, ,MA GRUB NA, DER THAL, DE DE LA 'JUG NA RJES KHYAB STON PA'I NGAG LAS MTHUN DPE GZHIR BZUNG NAS RTAGS MTHUN PHYOGS KHO NA LA YOD PAR BSTAN PA DANG SGRA'I ZLOS SKYON DU 'GYUR BA'I PHYIR, PHYI MA MA GRUB NA, DER THAL, DE MI MTHUN DPE CHOS CAN LA 'JUG NA LDOG KHYAB STON PA'I NGAG LAS MI MTHUN DPE GZHIR BZUNG NAS RTAGS MI MTHUN PHYOGS MTHA' DAG LA MED PAR BSTAN PA DANG SGRA 'GAL BA'I SKYON DU 'GYUR BA'I PHYIR, DES NA RIGS PA DE DAG GI SHUGS DANG, BSGRUB BYA SGRUB PA'I DUS SU CHOS CAN ZHES PA'I SGRA RTZOD GZHI LA NYE BA'I SHUGS KYIS KYANG, CHOS CAN GYI CHOS ZHES PA'I CHOS CAN GYI SGRA RTZOD GZHI KHO NA GO BAR 'GYUR RO ZHES ZER, DE 'GOG PA LA GNYIS, MGO MTSUNGS KYI RIGS PA DANG, RIGS PA GZHAN GYIS 'GOG TSUL LO, ,DANG PO NI, SGRA MI RTAG PAR SGRUB PA'I RTAGS TSUL DANG PO LA PHYOGS CHOS ZHES BRJOD PA LA NYES PA MED PAR THAL, DE SGRUB KYI PHYOGS CHOS ZHES PA'I TSIG ZUR GYI PHYOGS KYI SGRA DE SGRA MI RTAG PA LA 'JUG NA, BYAS PA SGRA MI RTAG PAR SGRUB PA'I SGRUB BYED YANG DAG TU STON PA'I SGRA DANG SGRA 'GAL BAR 'GYUR LA, MI RTAG PA LA 'JUG NA, SGRA MI RTAG PAR SGRUB PA'I RJES KHYAB STON PA'I SGRA DANG SGRA ZLOS PAR 'GYUR BA'I PHYIR, 'KHOR GSUM, GNYIS PA LA GSUM, RTZOD GZHI KHO NA LA NYE BA MI 'THAD PA, GRUB ZIN LAN DU MI RUNG BA, RANG LAN NO, ,DANG PO NI, CHOS CAN GYI CHOS ZHES PA'I CHOS @025B CAN GYI SGRA RTZOD GZHI KHO NA LA NYE BA MA YIN PAR THAL, MTHUN DPE CHOS CAN YANG CHOS CAN GYI MING CAN DU NYE BA'I PHYIR, GNYIS PA LA GNYIS, GRUB ZIN MI 'THAD PA, GRUB ZIN KYANG ZLOS SKYON DU MI 'THAD PA'O, ,DANG PO NI, RTAGS MTHUN PHYOGS KHO NA LA YOD PAR GRUB PA TZAM GYIS RTAGS MTHUN DPE LA YOD PAR GRUB MI DGOS PAR THAL, BYAS PA SGRA MI RTAG PAR SGRUB PA'I MTHUN PHYOGS KHO NA LA YOD PAR TSAD MAS GRUB PA'I GANG ZAG YIN NA, BYAS PA MTHUN DPE BUM PA LA YOD PAR TSAD MAS GRUB PA'I GANG ZAG YIN MI DGOS PA'I PHYIR, MA GRUB NA, BYAS PA MI RTAG PA KHO NA LA YOD PAR TSAD MAS GRUB PA'I GANG ZAG YIN NA, BUM PA BYAS PAR TSAD MAS GRUB PA'I GANG ZAG YIN DGOS PAR THAL, MA GRUB PA DE'I PHYIR, 'DOD NA, BYAS PA MI RTAG PA KHO NA LA YOD PAR TSAD MAS GRUB PA'I GANG ZAG YIN NA, BUM PA MI RTAG PAR TSAD MAS GRUB PA'I GANG ZAG YIN PAS KHYAB PAR THAL, 'DOD PA DE'I PHYIR, 'DOD NA, BYAS PA'I RTAGS KYIS BUM PA MI RTAG PAR SGRUB PA'I RJES KHYAB GRUB PA'I GANG ZAG YIN NA, DE SGRUB KYI BSGRUB BYA GRUB PA'I GANG ZAG YIN DGOS PAR THAL, 'DOD PA'I PHYIR, 'DOD NA BYAS PA BUM PA MI RTAG PAR SGRUB PA'I RTAGS YANG DAG MA YIN PAR THAL LO, ,GNYIS PA NI, SLOB DPON PHYOGS GLANG GIS TSUL GSUM SO SO'I MTSAN NYID STON PA NA, RJES DPAG BYA DANG DE MTSUNGS LA, ,YOD DANG MED LA MED PAR NI, ,NGES PA, ZHES GSUNGS PA'I RTAGS TSUL GSUM PA LDOG @026A *, ,KHYAB STON PA'I SGRA ZLOS PA'I SKYON CAN YIN PAR THAL, RTAGS TSUL GNYIS PA RJES KHYAB STON PA NA RTAGS MTHUN PHYOGS KHO NA LA YOD PAR BSTAN PAS SHUGS LA MI MTHUN PHYOGS LA MED PAR GRUB ZIN PA'I PHYIR, KHYAB PA SONG, KHO NA RE, DE GRUB ZIN KYANG, RJES SU 'GRO LDOG GI KHYAB PA GANG RUNG CIG DNGOS SU BRJOD PAS GNYIS PA SHUGS LA 'PHEN PA'I TSUL GYIS SBYOR BA'I DBYE BA SHES PA'I DON DU GSUM GA DNGOS SU SMRAS SO ZHE NA, CHOS CAN GYI CHOS ZHES PA'I CHOS CAN GYI SGRA MTHUN DPE BZUNG NA, DE CHAS KHYAB CES PA'I RJES KHYAB STON PA'I SGRAS RTAGS MTHUN PHYOGS KHO NA LA YOD PAR BSTAN PA DANG ZLOS SKYON MED PAR THAL, RJES KHYAB STON PA'I NGAG DE LAS RTAGS MTHUN DPE LA YOD PAR GRUB ZIN KYANG, RTAGS TSUL DANG PO LA CHOS CAN GYI CHOS ZHES PA'I MING BTAGS NA, RTAGS MTHUN DPE CHOS CAN GYI CHOS SU GRUB PA DE NYID YANG BSNAN NAS NGES PA'I PHYIR DU CHOS CAN GYI CHOS ZHES PA'I CHOS CAN GYI SGRAS MTHUN DPE CHOS CAN GYI CHOS SU BSTAN NAM SNYAM DU DOGS PA SKYE BAR 'GYUR BAS, DE LTA BU'I DOGS PA MI CHOD PA'I SKYON YOD PA'I PHYIR, GSUM PA RANG LAN NI, RTAGS TSUL DANG PO LA PHYOGS CHOS ZHES PA DANG, RTZOD GZHI LA PHYOGS ZHES SMOS RIGS KYI RTZOD GZHI LA CHOS CAN RANG MING GIS SMOS MI RIGS PAR THAL, RTZOD GZHI LA CHOS CAN RANG MING GIS SMOS NA SKYON DE DAG RIM PAR SPONG @026B DGOS PAS RTOGS DKA' LA, RTZOD GZHI LA PHYOGS KYI SGRAS SMOS NA SKYON DE DAG 'BAD MED DU SPANGS NAS RTZOD GZHI BDE BLAG TU GO BA'I PHYIR, DE LA KHA CIG GIS, PHYOGS CHOS DE CHAS KHYAB PA YI, ,ZHES PA'I TSIG ZUR GYI PHYOGS SGRA DE SHES 'DOD CHOS CAN SGRA LA 'JUG PA MA YIN PAR THAL, DE LTAR NA DE'I CHA ZHES PA SGRA'I CHA MI RTAG PA ZHES PAR 'GYUR BA LAS, MI RTAG PA SGRA'I CHA MA YIN PA'I PHYIR ZHE NA SKYON MED DE, DE'I CHA ZHES PA SMRA BA PO'I BRJOD 'DOD KYI BSAM PA LA SGRA DE'I CHOS MI RTAG PA ZHES BRJOD 'DOD YOD KYANG, TSIG GI SDEB SBYOR BSGRIGS PA'I PHYIR DE CHAS ZHES GSUNGS PA YIN PA GANG ZHIG ,RJOD BYED KYI SGRA RNAMS KYIS BRJOD 'DOD PA DANG MTHUN PAR DON STON PA MA GTOGS RANG DBANG DU DON STON PA'I NUS PA MED PA'I PHYIR, DES NA SGRA DE'I STENG DU SGRUB PAR BYA RGYU'I CHOS MI RTAG PAS RTAGS BYAS PA LA KHYAB PA YI, ZHES 'GREL DGOS SO, ,DE LTAR YANG RANG 'GREL LAS, DE'I CHA NI SMRA BA BO'I BSAM PA'I DBANG GIS DE'I CHOS YIN GYI, DE'I PHYOGS GCIG NI MA YIN TE, PHYOGS ZHES PA'I SGRA SPYI LA MI BYED PA'I PHYIR RO ZHES GSUNGS, DES NA SGRA MI RTAG PA LTA BU LA MTSON NA, SGRA MI RTAG PAR SGRUB PA'I PHYOGS KYI SGRA SGRA DANG MI RTAG PA GNYIS KA LA BTAGS MING DANG, SGRA DANG MI RTAG PA'I TSOGS DON LA DNGOS MING DU 'JUG PA YIN TE, KUN BTUS LAS, RTAGS KYI BSGRUB BYA TSOGS PA NYID, ,YIN PHYIR CHOS DANG CHOS CAN DAG ,GTZO @027A *, ,PO MIN YANG PHYOGS GCIG PHYIR, BSGRUB BYA NYID DU 'DOGS PA YIN, ,ZHES GSUNGS PA'I PHYIR, DES NA SGRA LA SGRA MI RTAG PAR SGRUB PA'I PHYOGS SU 'DOGS PA'I CHOS GSUM TSANG STE, 'DOGS PA'I RGYU MTSAN, BTAGS PA'I DGOS PA, DNGOS LA GNOD BYED GSUM YOD PA'I PHYIR, DANG PO NI, SHES 'DOD CHOS CAN SGRA LTA BU CHOS CAN, SGRA MI RTAG PAR SGRUB PA'I PHYOGS SU 'DOGS PA'I RGYU MTSAN YOD DE, PHYOGS MTSAN NYID PA SGRA MI RTAG BA'I PHYOGS GCIG YIN PA'I PHYIR, DPER NA RAS YUG GI PHYOGS GCIG TSIG PA LA RAS YUG TSIG CES BRJOD PA LTA BU'O, ,BDAG GCIG 'BREL RGYU MTSAN DU BYAS PA LA, TSOGS PA'I MING GIS YA GYAL LA BTAGS PA DANG, YA GYAL GYI MING GIS TSOGS PA LA BTAGS PA GNYIS LAS 'DIR NI TSOGS PA'I MING GIS YA GYAL LA BTAGS PA'O, ,RTZOD GZHI SGRA LA PHYOGS KYI MING GIS BTAGS PA LA DGOS PA YOD DE, DE PHYOGS KYI MING GIS GDAGS RUNG GI CHOS CAN DU GO BA'I CHED YIN PA'I PHYIR, DE LTAR GO BA LA DGOS PA YOD DE, CHOS CAN GANG YANG RUNG BA'I CHOS SU GRUB PA TZAM GYIS TSUL DANG PO GRUB BAM SNYAM PA'I THE TSOM CHOD PAR 'GYUR BA'I PHYIR, DNGOS LA GNOD BYED YOD DE, SGRA DE SGRA MI RTAG PAR SGRUB PA'I PHYOGS MTSAN NYID PA MIN TE, DE SGRA MI RTAG PAR SGRUB PA'I BSGRUB BYA YANG DAG MA YIN PA'I PHYIR, KHO NA RE, BYAS NA MI RTAG PAS KHYAB PA SGRA MI RTAG PAR SGRUB PA'I RJES KHYAB @027B YIN PAR THAL, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA'I CHOS MTHUN SBYOR GYI SGRUB NGAG YANG DAG GIS SGRA MI RTAG PAR SGRUB PA'I RJES KHYAB DNGOS SU BSTAN NAS LDOG KHYAB SHUGS LA BSTAN PA'I PHYIR NA MA KHYAB STE, DE 'DRA'I SGRUB NGAG DES BYAS PA LA MI RTAG PAS KHYAB PA DANG SGRA BYAS PAR BSTAN PAS BYAS PA DE SGRUB KYI MTHUN PHYOGS KHO NA LA YOD PAR RTOGS NUS, DE'I SHUGS LA DE SGRUB KYI MI MTHUN PHYOGS LA MED PA KHO NAR RTOGS NUS PAS, RJES KHYAB DNGOS BSTAN DANG, LDOG KHYAB SHUGS BSTAN DU BRJOD PA YIN PA'I PHYIR, DE BZHIN DU RTAG NA MA BYAS PAS KHYAB PA SGRA MI RTAG PAR SGRUB PA'I LDOG KHYAB YIN PAR THAL, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA YANG BYAS SO ZHES PA'I CHOS MI MTHUN SBYOR GYI SGRUB NGAG GIS DE SGRUB KYI LDOG KHYAB DNGOS SU BSTAN NAS RJES KHYAB SHUGS LA BSTAN PA'I PHYIR NA MA KHYAB, KHA CIG ,DE SGRUB KYI RTEN CHOS CAN GYI STENG DU 'GOD TSUL DANG MTHUN PAR YOD PA DE, DE SGRUB KYI PHYOGS CHOS KYI MTSAN NYID YIN ZER NA, SGRA CHOS CAN, KHYOD SGRA MI RTAG PAR SGRUB PA'I PHYOGS CHOS YIN PAR THAL, KHYOD SGRA MI RTAG PAR SGRUB PA'I CHOS CAN SGRA'I STENG DU 'GOD TSUL DANG MTHUN PAR YOD PA YIN PA'I PHYIR, MA GRUB NA, DER THAL, DE SGRUB KYI 'GOD TSUL YIN 'GOD YIN PA GANG ZHIG ,DE SGRUB KYI CHOS CAN SGRA DE SGRA YIN PA'I PHYIR, RTZA BAR 'DOD NA, DE @028A *, ,CHOS CAN, SGRA MI RTAG PAR SGRUB PA'I PHYOGS CHOS MA YIN PAR THAL, DE SGRUB KYI MA GRUB PA'I GTAN TSIGS YIN PA'I PHYIR TE, DE SGRUB KYI GZHI RTAGS THA DAD MED NAS MA GRUB PA'I GTAN TSIGS YIN PA'I PHYIR TE, RNAM 'GREL LAS, CHOS CAN GTAN TSIGS DNGOS GYUR NA, ,SHES BYED NYID DU MA GRUB PHYIR, ,ZHES GSUNGS PA'I PHYIR, GZHAN YANG, BYAS PA SGRA MI RTAG PAR SGRUB PA'I PHYOGS CHOS SU SONG BA'I GANG ZAG YIN NA, SGRA RTAG MI RTAG THE TSOM ZA BAS MA KHYAB PAR THAL, BYAS PA'I RTAGS KYIS SGRA MI RTAG PAR SGRUB PA'I PHYOGS CHOS 'GRUB PA LA DE SGRUB KYI SHES 'DOD CHOS CAN SKYON MED 'GRUB MI DGOS PA'I PHYIR, MA GRUB NA, DER THAL, BYAS PA SGRA'I STENG DU 'GOD TSUL DANG MTHUN PAR YOD PAR GRUB PA TZAM GYIS DE SGRUB KYI PHYOGS CHOS GRUB PA'I PHYIR, RTAGS KHAS, RTZA BAR 'DOD ZER NA, DE KHYAB PAR THAL, GANG ZAG DES SGRA RTAG MI RTAG THE TSOM MI ZA NA, BYAS PA GANG ZAG DE LA SGRA MI RTAG PAR SGRUB PA'I PHYOGS CHOS SU MI 'GRO BA'I PHYIR, DER THAL, DES SGRA RTAG MI RTAG THE TSOM MI ZA NA, BYAS PA GANG ZAG DE LA SGRA MI RTAG PAR SGRUB PA'I SHES 'DOD MED NAS MA GRUB PA'I GTAN TSIGS SU 'GYUR BA'I PHYIR, KHA CIG GIS, KHYOD DE SGRUB KYI RJES KHYAB YIN NA, KHYOD KYI RTAGS KYIS DE SGRUB KYI RTAGS CHOS GNYIS LDAN GYI MTHUN DPE YANG DAG GRUB PAS KHYAB ZER NA, GZUGS 'DZIN DBANG SHES ZHES PA'I NGAG LAS THUN @028B MONG MA YIN PAR GO NUS PA CHOS CAN, KHYOD KYI RTAGS KYIS GZUGS 'DZIN DBANG SHES LA GZUGS 'DZIN DBANG SHES ZHES PA'I BRDA SBYOR 'OS PAR SGRUB PA'I RTAGS CHOS GNYIS LDAN GYI MTHUN DPE YANG DAG GRUB PAR THAL, KHYOD DE SGRUB KYI RJES KHYAB YIN PA'I PHYIR, MA GRUB NA, DER THAL, DE DE SGRUB KYI RTAGS YANG DAG YIN PA'I PHYIR TE, DE DE SGRUB KYI RANG BZHIN GYI RTAGS YANG DAG YIN PA'I PHYIR TE, RNAM 'GREL LAS, DE PHYIR THA SNYAD 'DI LA NI, ,SBYAR BYA RANG BZHIN RTAGS YIN TE, ZHES GSUNGS PA'I PHYIR, RTZA BAR 'DOD ZER NA, DE SGRUB KYI RTAGS CHOS GNYIS LDAN GYI MTHUN DPE YANG DAG MA GRUB PAR THAL, GZUGS 'DZIN DBANG SHES ZHES PA'I BRDA SBYOR 'OS PA DE YIN NA, DE SGRUB KYI MTHUN DPE YANG DAG MA YIN DGOS PA'I PHYIR, KHO NA RE, DE SGRUB KYI RTAGS CHOS GNYIS LDAN GYI MTHUN DPE YANG DAG YOD PAR THAL, DE SGRUB KYI RTAGS YANG DAG YOD PA'I PHYIR, KHYAB STE, RNAM 'GREL LAS, DON RIG 'DAS PA DPE DAG DANG, ,BRAL ZHING RTAGS NI YOD MIN TE, ZHES GSUNGS PA'I PHYIR NA MA KHYAB STE, KHYOD DE SGRUB KYI RTAGS YANG DAG YIN NA KHYOD KYI RTAGS KYIS DE SGRUB KYI MTHUN DPE YANG DAG YOD PAS KHYAB PA LUNG DE'I DON YIN PA'I PHYIR, 'O NA GZUGS 'DZIN DBANG SHES ZHES PA'I NGAG LAS THUN MONG MA YIN PAR GO NUS PA'I RTAGS KYIS GZUGS 'DZIN DBANG SHES LA GZUGS 'DZIN DBANG SHES ZHES PA'I BRDA SBYOR 'OS PAR SGRUB PA'I MTHUN DPE YANG DAG YOD PAR THAL, DE @029A *, ,DE SGRUB KYI RTAGS YANG DAG YIN PA'I PHYIR ZER NA 'DOD PA YIN TE, NAS KYI MYU GU DE DE SGRUB KYI MTHUN DPE YANG DAG YIN PA'I PHYIR TE, DE DE SGRUB KYI PHYOGS MTHUN GYI DPE YANG DAG YIN PA'I PHYIR TE, MDO RANG 'GREL LAS DPER NA RNGA'I SGRA DANG NAS KYI MYU GU BZHIN, ZHES GSUNGS PA'I PHYIR, KHO NA RE, NAS KYI MYU GU CHOS CAN, DE SGRUB KYI MTHUN PHYOGS YIN PAR THAL, DE SGRUB KYI MTHUN DPE YIN PA'I PHYIR NA MA KHYAB, KHA CIG ,MTHUN PHYOGS KYI MTSAN NYID YOD DE SHES 'DOD CHOS CAN DANG BSGRUB BYA'I CHOS KYI SPYI'I DON MTHUN PA DE DE YIN PA'I PHYIR, MI MTHUN PHYOGS KYI MTSAN NYID YOD DE, SHES 'DOD CHOS CAN DANG BSGRUB BYA'I CHOS KYI SPYI'I DON MI MTHUN PA DE DE YIN PA'I PHYIR TE, RIGS THIGS LAS, MTHUN PA'I PHYOGS NI BSGRUB PAR BYA BA'I CHOS KYI SPYI'I DON MTHUN PA'O, ,ZHES GSUNGS PA'I PHYIR, ZHES ZER, DE MI 'THAD PAR THAL, RIGS THIGS LAS DE LTAR GSUNGS PA MTHUN PHYOGS KYI SGRA BSHAD KYI DBANG DU BYAS PA YIN PA'I PHYIR, DE LTAR MIN NA ,GZHAL BYA CHOS CAN, KHYOD KYI RTAGS KYIS SGRA RTAG PAR SGRUB PA'I MTHUN PHYOGS MED PAR THAL, SGRA DANG RTAG PAR CHOS MTHUN PA'I CHOS MI SRID PA'I PHYIR, KHYAB PA KHAS, MA GRUB NA, DER THAL, SGRA DANG RTAG PA'I GZHI MTHUN MI SRID PA'I PHYIR, KHA CIG ,DE SGRUB KYI MTHUN PHYOGS KYI MTSAN NYID YOD DE, DE SGRUB KYI SGRUB TSUL LTAR BSGRUB BYA'I CHOS KYIS MI STONG BA DE DE YIN PA'I PHYIR ZHES ZER NA, BUM PA CHOS CAN, SGRA MI RTAG PAR SGRUB PA'I SGRUB TSUL LTAR BSGRUB @029B BYA'I CHOS KYIS MI STONG BA YIN PAR THAL, DE SGRUB KYI MTHUN PHYOGS YIN PA'I PHYIR, KHYAB PA KHAS, MA GRUB NA, DER THAL, MI RTAG PA YIN PA'I PHYIR, RTZA BAR 'DOD NA, DE CHOS CAN, SGRA MI RTAG PAR SGRUB PA'I BSGRUB BYA'I CHOS YIN PAR THAL, DE SGRUB KYI SGRUB TSUL YIN SGRUB GANG ZHIG ,DE SGRUB KYI SGRUB TSUL LTAR BSGRUB BYA'I CHOS KYIS MI STONG BA YIN PA'I PHYIR, 'DOD MI NUS TE, SGRA'I STENG DU MA GRUB PA'I PHYIR, GNYIS PA RANG LUGS BZHAG PA LA, TSUL GSUM SO SO'I MTSAN NYID BSHAD PA, CHOS CAN SKYON MED GSUM GYI RNAM BZHAG ,NGES BZUNG SMOS TSUL BSHAD PA'O, ,DANG PO NI, RANG NYID KYI RTAGS KYIS SGRA MI RTAG PAR SGRUB PA'I SHES 'DOD CHOS CAN SKYON MED DANG BCAS PA YANG YIN, RANG NYID SGRA MI RTAG PAR SGRUB PA'I PHYOGS CHOS CAN DU SONG PA'I GANG ZAG GIS RANG NYID SGRA DANG PHAN TSUN THA DAD PA'I TSUL GYIS SGRA'I STENG DU 'GOD TSUL DANG MTHUN PAR YOD PA NYID DU NGES PA DE, RANG NYID SGRA MI RTAG PAR SGRUB PA'I PHYOGS CHOS YIN PA'I MTSAN NYID, RANG NYID KYI RTAGS KYIS SGRA MI RTAG PAR SGRUB PA'I RTAGS CHOS GNYIS LDAN GYI MTHUN DPE YANG DAG GRUB, RANG NYID SGRA MI RTAG PAR SGRUB PA'I RTAGS TSUL GNYIS PAR SONG BA'I GANG ZAG GIS, RANG NYID SGRA MI RTAG PAR SGRUB PA'I MTHUN PHYOGS KHO NA NYID LA YOD PAR NGES PA DE, RANG NYID SGRA MI RTAG PAR SGRUB PA'I RJES KHYAB YIN PA'I MTSAN NYID, RANG NYID KYI RTAGS KYIS SGRA MI RTAG PAR SGRUB PA'I RTAGS CHOS GNYIS DANG MI LDAN PA'I MI MTHUN DPE YANG DAG GRUB, RANG NYID SGRA MI RTAG PAR SGRUB PA'I RTAGS TSUL GSUM PAR SONG BA'I GANG ZAG GIS @030A *, ,RANG NYID SGRA MI RTGA PAR SGRUB PA'I MI MTHUN PHYOGS LA MED PA NYID DU NGES PA DE, RANG NYID SGRA MI RTAG PAR SGRUB PA'I LDOG KHYAB YIN PA'I MTSAN NYID YIN TE, TSAD MA MDO LAS, RJES DPAG BYA DANG DE MTSUNGS LA, ,YOD DANG MED LA MED PAR NI, ,NGES PA,ZHES GSUNGS PA'I PHYIR, GZHUNG DES TSUL GSUM GYI MTSAN NYID BSTAN TSUL NI, RJES DPAG BYA ZHES PAS SHES 'DOD CHOS CAN BSTAN, DE DANG YOD DANG ZHES PA'I TSIG SBREL BAS PHYOGS CHOS KYI MTSAN NYID BSTAN, DE MTSUNGS ZHES PAS RJES KHYAB KYI MTSAN NYIDBSTAN, MED LA MED PAR NI ZHES PAS LDOG KHYAB KYI MTSAN NYID BSTAN, NGES PA ZHES PAS TSUL GSUM SO SO'I MTSAN NYID KYI ZUR DU NGES PA SMOS DGOS PAR BSTAN PA YIN TE, RNAM NGES LAS, THA MAR SMOS PA'I NGES PA NYID NI TSUL GSUM GA LA BLTA'O, ZHES GSUNGS PA'I PHYIR, DES NA, BYAS PA CHOS CAN, KHYOD LA SGRA MI RTAG PAR SGRUB PA'I PHYOGS CHOS ZHES BRJOD PA'I RGYU MTSAN YOD DE, SGRA MI RTAG PAR SGRUB PA'I PHYOGS BTAGS PA BA SGRA'I STENG DU 'GOD TSUL DANG MTHUN PAR GRUB PA'I CHOS YIN PA'I RGYU @030B MTSAN GYIS DE LTAR BRJOD PA'I PHYIR, DE SGRUB KYI PHYOGS CHOS, DE SGRUB KYI RTAGS TSUL DANG PO, DE SGRUB KYI TSUL DANG PO RNAMS DON GCIG BYAS PA CHOS CAN, KHYOD LA SGRA MI RTAG PAR SGRUB PA'I RJES KHYAB CES BRJOD PA'I RGYU MTSAN YOD DE, KHYOD DE SGRUB KYI MTHUN PHYOGS KHO NA LA YOD PA'I RTAGS KYI TSUL YIN PAS DE LTAR BRJOD PA'I PHYIR, ,DE SGRUB KYI RJES KHYAB, DE SGRUB KYI TSUL GNYIS PA, DE SGRUB KYI RJES KHYAB KYI TSUL RNAMS DON GCIG ,BYAS PA CHOS CAN,KHYOD LA SGRA MI RTAG PAR SGRUB PA'I LDOG KHYAB CES BRJOD PA'I RGYU MTSAN YOD DE, DE SGRUB KYI MI MTHUN PHYOGS LA MED PA NYID DU NGES PA RTAGS KYI TSUL YIN PAS DE LTAR BRJOD PA'I PHYIR, DE SGRUB KYI LDOG KHYAB, DE SGRUB KYI RTAGS TSUL GSUM PA, DE SGRUB KYI LDOG KHYAB KYI TSUL RNAMS DON GCIG ,TSUL GSUM SO SO'I MTSAN NYID KYI ZUR DU NGES PA SMOS PA LA CHOS CAN, DGOS PA YOD DE, BYAS PA SGRA MI RTAG PAR SGRUB PA'I MA GRUB PA'I GTAN TSIG DANG 'GAL RTAGS DANG MA NGES PA'I RTAGS YIN PA GCOD PA'I PHYIR DU RIM BZHIN PHYOGS CHOS RJES KHYAB LDOG KHYAB RNAMS KYI MTSAN NYID KYI ZUR DU NGES PA SMOS PA YIN PA'I PHYIR TE, RNAM 'GREL LAS, GTAN TSIGS KYI NI TSUL GSUM LA'ANG, ,DE YIS MA GRUB BZLOG DON DANG, ,'KHRUL BA CAN GYI GNYEN PO NI, ,NGES PA BRJOD PAR MDZAD PA YIN, ,ZHES GSUNGS PA'I PHYIR, SGRA CHOS CAN, MI RTAG STE, BYAS PA'I PHYIR ZHES PA'I SBYOR BA LTA BU LA, KHYAB PA RNAL MA BZHI STE, RJES KHYAB, LDOG KHYAB, DNGOS KHYAB, BZLOG PA'I KHYAB PA'O, ,BYAS PA DE SGRUB KYI KHYAB PA'I TSUL DANG PO GNYIS YIN LA, BYAS NA MI RTAG PAS KHYAB PA DE SGRUB KYI DNGOS KHYAB DANG, MI RTAG @031A *, ,PA MA YIN NA BYAS PA MA YIN PAS KHYAB PA DE SGRUB KYI GO BZLOG GI KHYAB PA YIN NO, ,SBYOR BA SKOR GCIG LA MA MTSON PAR SPYIR TSUL GSUM SO SO'I MTSAN NYID JI LTA BU ZHE NA, DE SGRUB KYI PHYOGS CHOS KYI MTSAN NYID YOD DE, RANG NYID DE SGRUB KYI RTAGS TSUL DANG POR SONG BA'I GANG ZAG GIS DE SGRUB KYI 'GOD TSUL DANG MTHUN PAR THA DAD PA'I TSUL GYIS GRUB PA'I SGO NAS RANG GI GZHI SHES 'DOD CHOS CAN DE'I CHOS SU YOD PA NYID DU NGES PA'I GTAN TSIGS DE DE YIN PA'I PHYIR, DE SGRUB KYI RJES KHYAB KYI MTSAN NYID YOD DE, RANG NYID KYI RTAGS KYIS DE SGRUB KYI MTHUN DPE YANG DAG GRUB, RANG NYID DE SGRUB KYI RTAGS TSUL GNYIS PAR SONG BA'I GANG ZAG GIS DE SGRUB KYI MTHUN PHYOGS KHO NA NYID LA YOD PAR NGES PA'I GTAN TSIGS DE DE YIN PA'I PHYIR, DE SGRUB KYI LDOG KHYAB KYI MTSAN NYID YOD DE, RANG NYID DE SGRUB KYI RTAGS TSUL GSUM PAR SONG BA'I GANG ZAG GIS DE SGRUB KYI MI MTHUN PHYOGS LA MED PA NYID DU NGES PA'I GTAN TSIGS DE DE YIN PA'I PHYIR, GNYIS PA CHOS CAN SKYON MED GSUM GYI RNAM BZHAG BSHAD PA NI, SGRA MI RTAG PAR SGRUB PA'I CHOS CAN SKYON MED GSUM PO GANG RUNG YANG YIN, SGRA MI RTAG PAR SGRUB PA'I PHYOGS BTAGS PA BA YANG YIN PA'I GZHI MTHUN PA DE, SGRA MI RTAG PAR SGRUB PA'I SHES 'DOD CHOS CAN SKYON MED KYI MTSAN NYID, SGRA CHOS CAN, KHYOD LA DE SGRUB KYI SHES 'DOD CHOS CAN @031B SKYON MED CES BRJOD PA'I RGYU MTSAN YOD DE, BYAS PA DE SGRUB KYI RTAGS YANG DAG TU SONG BA'I GANG ZAG DES SGRA RTAG MI RTAG SHES 'DOD 'JUG PA'I GZHI YIN PAS DE LTAR BRJOD PA'I PHYIR, SGRA LA DE SGRUB KYI RTZOD GZHI ZHES BRJOD PA'I RGYU MTSAN YOD DE, SGRA DE SGRA RTAG MI RTAG RTZOD PA'I GZHI YIN PAS DE LTAR BRJOD PA'I PHYIR, SGRA MI RTAG PAR SGRUB PA'I CHOS CAN SKYON MED GSUM PO GANG RUNG YANG YIN, SGRA MI RTAG PAR TSAD MAS MA NGES PA'I SNGA ROL TU RANG NYID BYAS PA DANG MI RTAG PA'I GZHI MTHUN DU TSAD MAS NGES PA'I GANG ZAG SRID PA YANG YIN PA'I GZHI MTHUN PA DE, RANG NYID DE SGRUB KYI MTHUN DPE YANG DAG YIN PA'I MTSAN NYID, BUM PA LA DE SGRUB KYI MTHUN DPE YANG DAG CES BRJOD PA'I RGYU MTSAN YOD DE, SGRA DANG BUM PA GNYIS BYAS PA DANG MI RTAG PAR CHOS MTHUN PA'I RGYU MTSAN GYIS DE LTAR BRJOD PA'I PHYIR, SGRA MI RTAG PAR SGRUB PA'I CHOS CAN SKYON MED GSUM PO GANG RUNG YANG YIN, SGRA MI RTAG PAR TSAD MAS MA NGES PA'I SNGA ROL DU, RANG NYID MA BYAS PA DANG MI RTAG PA MA YIN PA'I GZHI MTHUN DU TSAD MAS NGES PA'I GANG ZAG SRID PA YANG YIN PA'I GZHI MTHUN PA DE, RANG NYID SGRA MI RTAG PAR SGRUB PA'I MI MTHUN DPE YANG DAG YIN PA'I MTSAN NYID, NAM MKHA' LA DE SGRUB KYI MI MTHUN DPE ZHES BRJOD PA'I RGYU MTSAN YOD DE, SGRA DANG NAM MKHA' GNYIS BYAS PA DANG MI RTAG PAR CHOS MI MTHUN PA'I RGYU MTSAN GYIS DE LTAR BRJOD PA'I PHYIR, ZHAR BYUNG MTHUN @032A *, ,PHYOGS DANG MI MTHUN PHYOGS GNYIS KYI RNAM BZHAG BSHAD PA LA, DANG PO NI, SGRA MI RTAG PAR SGRUB PA'I MTHUN PHYOGS KYI MTSAN NYID YOD DE, MI RTAG PA DE SGRUB KYI BSGRUB BYA'I CHOS GANG ZHIG DE SGRUB KYI SGRUB TSUL LTAR MI RTAG PAS MI STONG BA DE DE YIN PA'I PHYIR, SGRA MI RTAG PAR SGRUB PA'I MI MTHUN PHYOGS KYI MTSAN NYID YOD DE, MI RTAG PA DE SGRUB KYI BSGRUB BYA'I CHOS GANG ZHIG ,DE SGRUB KYI SGRUB TSUL LTAR MI RTAG PAS STONG BA DE DE YIN PA'I PHYIR, DE LA DBYE NA, GZHAN PA MI MTHUN PHYOGS, 'GAL BA MI MTHUN PHYOGS, MED PA MI MTHUN PHYOGS TE GSUM YOD DE, DPER BRJOD RIM BZHIN SGRA MI RTAG PAR SGRUB PA LTA BU LA MTSON NA, GZHAL BYA DE DANG PO DANG RTAG PA DE GNYIS PA DANG, RI BONG RVA DE GSUM PA YIN NO, ,GSUM PA NGES BZUNG SMOS TSUL BSHAD PA NI, SGRA MI RTAG PAR SGRUB PA'I PHYOGS CHOS KYI MTSAN NYID KYI ZUR DU SGRA'I STENG DU YOD PA DANG, NYID DANG, NYID YOD PA'I SNGAR MA SMOS PAR PHYIS SMRAS PA DANG, NGES PA SMOS PA LA DGOS PA GANG YOD CE NA, DE'I MTSAN NYID KYI ZUR DU YOD PA SMOS PA LA DGOS PA YOD DE, SGRUB PHYOGS NAS BYAS PA SGRA MI RTAG PAR SGRUB PA'I MA GRUB PA'I GTAN TSIGS DANG, DGAG PHYOGS NAS MIG SHES KYI BZUNG BYA SGRA MI RTAG PAR SGRUB PA'I PHYOGS CHOS YIN PA BCAD PA'I CHED YIN PA'I PHYIR TE, 'THAD LDAN CHUNG BA LAS, DE LA YOD PA'I TSIG GIS NI, MIG GI BZUNG BAR BYA BA YIN PA'I PHYIR ZHES @032B BYA BA LA SOGS PA MA GRUB PA BSAL BA YIN NO, ,ZHES GSUNGS PA'I PHYIR, DE'I MTSAN NYID KYI ZUR DU NYID SMOS PA LA DGOS PA YOD DE, SGRUB PHYOGS NAS BYAS PA SGRA MTHA' DAG GI STENG DU 'GOD TSUL DANG MTHUN PAR MA GRUB PA'I SGO NAS SGRA MI RTAG PAR SGRUB PA'I MA GRUB BA'I GTAN TSIGS DANG, DGAG PHYOGS NAS MTSAN MO LO MA 'KHUMS TE NYAL BA DE, SHING MTHA' DAG GI STENG DU 'GOD TSUL DANG MTHUN PAR GRUB PA'I SGO NAS SHING SEMS LDAN DU SGRUB PA'I PHYOGS CHOS YIN PA GCOD PAR BYA BA'I CHED YIN PA'I PHYIR TE, 'THAD LDAN CHUNG BA LAS, NYID KYI TSIG GIS NI PHYOGS GCIG LA MA GRUB PA BSAL BA YIN TE, ZHES GSUNGS PA'I PHYIR, NYID YOD PA'I SNGAR MA SMOS PAR PHYIS SMRAS PA LA DGOS PA YOD DE, BYAS PA SGRA MI RTAG PAR SGRUB PA'I PHYOGS CHOS SU BSTAN PAR BYA BA'I CHED YIN PA'I PHYIR TE, DE NYID LAS, YOD PA'I TSIG GI RJES LA NYID SMRAS PAS NI, THUN MONG MA YIN PA'I CHOS BSAL BA YIN NO, ,ZHES GSUNGS PA'I PHYIR, DE'I MTSAN NYID KYI ZUR DU NGES PA SMOS PA LA DGOS PA YOD DE, SGRUB PHYOGS NAS BYAS PA SGRA MI RTAG PAR SGRUB PA'I RTAGS KYI NGO BO LA THE TSOM ZOS NAS MA GRUB PA'I GTAN TSIGS DANG, DGAG PHYOGS NAS SHA ZA BSKAL DON DU SONG BA'I GANG ZAG GI NGOR BYAS PA DE, SHA ZA'I BUM PA MI RTAG PAR SGRUB PA'I PHYOGS CHOS YIN PA GCOD PAR BYA BA'I CHED YIN PA'I PHYIR TE, DE NYID LAS, NGES PA SMRAS PAS NI, THE TSOM ZA BA'I MA GRUB PA THAMS CAD BSAL BA YIN NO, ,ZHES @033A *, ,GSUNGS PA'I PHYIR, SGRA MI RTAG PAR SGRUB PA'I RJES KHYAB KYI MTSAN NYID KYI ZUR DU YOD PA SMOS PA LA DGOS PA YOD DE, BYAS PA SGRA MI RTAG PAR SGRUB PA'I 'GAL RTAGS YIN PA GCOD PAR BYA BA'I CHED YIN PA'I PHYIR TE, DE NYID LAS, 'DIR YANG YOD PA SMRAS PAS NI 'GAL BA BSAL BA YIN TE, ZHES GSUNGS PA'I PHYIR, DE'I MTSAN NYID KYI ZUR DU NYID SMOS PA LA DGOS PA YOD DE, BYAS PA SGRA MI RTAG PAR SGRUB PA'I DNGOS KYI MA NGES PA'I GTAN TSIGS YIN PA GCOD PAR BYA BA'I CHED YIN PA'I PHYIR, DE NYID LAS, NYID SMRAS PAS NI, THUN MONG GI MA NGES PA NYID BSAL BA YIN TE, ZHES GSUNGS PA'I PHYIR, NYID YOD PA'I PHYIS MA SMRAS PA LA DGOS PA YOD DE, RTZOL BYUNG DUNG SGRA MI RTAG PAR SGRUB PA'I RJES KHYAB TU BSTAN PAR BYA BA'I CHED YIN PA'I PHYIR TE, DE NYID LAS, YOD PA SMRAS PA LAS SNGAR NGES PAR BZUNG BA SMOS PA NI YOD PA YIN YANG, ZHES SOGS GSUNGS PA'I PHYIR, DE'I MTSAN NYID KYI ZUR DU NGES PA SMOS PA LA DGOS PA YOD DE, SGRUB PHYOGS NAS BYAS PA SGRA MI RTAG PAR SGRUB PA'I 'GAL BA LHAG LDAN GYI MA NGES PA'I GTAN TSIGS DANG, DGAG PHYOGS NAS NGAG SMRA BA DE NGAG SMRA BA'I SKYES BU PHA ROL BO KUN MKHYEN DU SGRUB PA'I RJES KHYAB YIN PA GCOD PAR BYA BA'I CHED YIN PA'I PHYIR TE, DE NYID LAS, NGES PA'I TSIG GIS NI RJES SU 'GRO BA LA THE TSOM ZA BA'I MA NGES PA NYID BSAL BA YIN TE, ZHES GSUNGS PA'I PHYIR, SGRA MI RTAG PAR SGRUB PA'I LDOG KHYAB KYI MTSAN @033B NYID KYI ZUR DU MI MTHUN PHYOGS LA MED PA SMRAS PA LA DGOS PA YOD DE, BYAS PA SGRA MI RTAG PAR SGRUB PA'I 'GAL RTAGS YIN PA GCOD PAR BYA BA'I CHED YIN PA'I PHYIR TE, DE NYID LAS, MED PA SMOS PA NI, 'GAL BA BSAL BA YIN TE, ZHES GSUNGS PA'I PHYIR, DE'I MTSAN NYID KYI ZUR DU NYID SMRAS PA LA DGOS PA YOD DE, BYAS PA SGRA MI RTAG PAR SGRUB PA'I MI MTHUN PHYOGS 'GA' ZHIG LA YOD PA'I SGO NAS SGRA MI RTAG PAR SGRUB PA'I MA NGES PA'I GTAN TSIGS DANG, MI RTAG PA DE DUNG SGRA RTZOL BYUNG DU SGRUB PA'I RJES KHYAB YIN PA GCOD PAR BYA BA'I CHED YIN PA'I PHYIR TE, DE NYID LAS, NYID SMRAS PAS NI, MI MTHUN PA'I PHYOGS GCIG LA THUN MONG DU YOD PA BSAL BA YIN TE, ZHES GSUNGS PA'I PHYIR, NYID MED PA'I SNGAR MA SMOS PAR PHYIS SMRAS PA LA DGOS PA YOD DE, RTZOL BYUNG DUNG SGRA MI RTAG PAR SGRUB PA'I LDOG KHYAB TU BSTAN PAR BYA BA'I CHED YIN PA'I PHYIR TE, DE NYID LAS, DE'I PHYIR GTAN TSIGS MA YIN PAR 'GYUR BAS DE LTAR SNGAR MA BYAS SO, , ZHES GSUNGS PA'I PHYIR, DE'I MTSAN NYID KYI ZUR DU NGES PA SMRAS PA LA DGOS PA YOD DE, SGRUB PHYOGS NAS BYAS PA SGRA MI RTAG PAR SGRUB PA'I YANG DAG LHAG LDAN GYI MA NGES PA'I GTAN TSIGS DANG, DGAG PHYOGS NAS KUN MKHYEN BSKAL DON DU SONG BA'I GANG ZAG GI NGOR NGAG SMRA BA DE NGAG SMRA BA'I SKYES BU PHA ROL BO KUN MKHYEN MA YIN PAR SGRUB PA'I LDOG KHYAB YIN PA GCOD PAR BYA BA'I CHED YIN PA'I PHYIR TE, DE NYID LAS, NGES PA SMOS PAS NI, MI MTHUN PHYOGS LAS LDOG @034A *, ,PA LA THE TSOM ZA BA BSAL TO, ,ZHES GSUNGS PA'I PHYIR, GSUM PA RGOL BA GANG GI NGOR RTAGS YANG DAG TU 'GRO TSUL DPYAD PA LA, SGRA MI RTAG PAR SGRUB PA LTA BU LA MTSON NA, PHYI RGOL SGRA RTAG MI RTAG SHES 'DOD DANG LDAN PA LA SNGA RGOL YANG DAG GIS RTAGS BKOD DE TSUL SO SO'I SGRUB BYED JI TZAM BSTAN PA LA, DE SGRUB KYI TSUL GSUM TSAD MAS NGES SHING BSGRUB BYA NGES PA LA MNGON DU PHYOGS PA'I DUS NI RTAGS YANG DAG TU 'GRO BA'I DUS YIN LA, BSGRUB BYA NGES PA'I RJES DPAG TSAD MA SKYES PA NA RTAGS YANG DAG TU SONG BA YIN NO, ,BZHI BA RTAGS YANG DAG GI RTAGS CHOS DON GSUM NGOS BZUNG BA NI, BYAS PA'I RTAGS KYIS SGRA MI RTAG PAR SGRUB PA LTA BU LA MTSON NA, SGRA SBYOR BA DE'I SHES 'DOD CHOS CAN DANG, MI RTAG PA DE SGRUB KYI BSGRUB BYA'I CHOS DANG, BYAS PA DE SGRUB KYI RTAGS YIN LA, BYAS PA'I RTAGS KYIS SGRA MI RTAG PAR SGRUB PA'I SHES 'DOD CHOS CAN DANG, BSGRUB BYA'I CHOS DANG, RTAGS GSUM SGRO BTAGS YIN KYANG, DE GSUM PO GANG RUNG YIN NA SGRO BTAGS YIN MI DGOS SO, ,GSUM PA RTZOD PA SPONG BA NI, KHO NA RE, TSUL GSUM YIN PA RTAGS YANG DAG GI MTSAN NYID MA YIN PAR THAL, TSUL GSUM PO RE RE NAS RTAGS YANG DAG GI MTSAN NYID MA YIN PA'I PHYIR NA MA KHYAB, MA GRUB NA, DER THAL, TSUL GSUM PO RE RE NAS MTSON BYA YIN PA'I PHYIR TE, TSUL GSUM SO SO'I MTSAN NYID 'JOG RGYU YOD PA'I @034B PHYIR; GZHAN YANG, RTAGS YANG DAG GI MTSAN NYID KYI ZUR DU SHES PA NYID KYI TSUL SMOS RIGS PAR THAL, TSUL GSUM SO SO'I MTSAN NYID KYI ZUR DU NGES PA SMOS DGOS PA'I PHYIR NA MA KHYAB, GZHAN YANG SGRA CHOS CAN, SGRA MI RTAG PAR SGRUB PA'I PHYOGS YIN BAR THAL, DE SGRUB KYI PHYOGS ZHES PA'I SGRA 'JUG PA'I PHYIR, MA GRUB NA, DER THAL, SGRA LA DE SGRUB KYI PHYOGS ZHES PA'I SGRA BTAGS MING DU 'JUG PA'I PHYIR NA MA KHYAB STE, SGRA DE SGRUB KYI PHYOGS MA YIN PAR THAL, DE SGRUB KYI PHYOGS ZHES PA'I SGRA SGRA LA BTAGS MING DU 'JUG PA'I PHYIR, KHYAB STE, TSAD MA MDO LAS, BTAGS PA'I PHYIR NA MI SRID PHYIR, ,'BANGS LA RGYAL POR BTAGS PA BZHIN, ,ZHES GSUNGS PA'I PHYIR, GZHI GRUB NA PHYOGS CHOS RJES KHYAB LDOG KHYAB GSUM GA YIN PAS KHYAB, BYAS PA LA KHO NA RE, KA BUM GNYIS CHOS CAN, PHYOGS CHOS YIN PAR THAL, GZHI GRUB PA'I PHYIR, 'DOD NA, DE CHOS CAN, PHYOGS CHOS MA YIN PAR THAL, GZHI GANG GI STENG DU YANG 'GOD TSUL DANG MTHUN PAR MA GRUB PA'I PHYIR TE, GZHI GANG YANG KA BUM YIN PA MI SRID PA'I PHYIR NA MA KHYAB STE, KA BUM GNYIS 'GOD TSUL YIN 'GOD LA BRTEN PA'I PHYOGS CHOS SU SONG BA MED KYANG 'GOD TSUL YOD 'GOD LA BRTEN PA'I PHYOGS CHOS SU SONG BA YOD PA'I PHYIR TE, KA BUM GNYIS SHES BYA DANG LDAN PA'I GZHIR KA BUM GNYIS KYI RGYU YOD PAR SGRUB PA'I 'BRAS RTAGS YANG DAG YIN @035A *, ,PA'I PHYIR, GZHAN YANG, RTAGS LTAR SNANG MED PAR THAL, GZHI GRUB NA RTAGS YANG DAG YIN PAS KHYAB PA'I PHYIR, 'DOD NA, RTAGS LTAR SNANG YOD PAR THAL, RTAGS LTAR SNANG DE, PHYOGS CHOS DE CHAS KHYAB PA YI, ,ZHES PA NAS, GTAN TSIGS LTAR SNANG DE LAS GZHAN, ZHES PA'I BAR GYIS RTAGS YANG DAG CHOS BZHI'I SGO NAS GTAN LA PHAB PA'I CHOS BZHI BAR 'JOG PA'I PHYIR TE, SHO LO KA DES RTAGS YANG DAG CHOS BZHI'I SGO NAS GTAN LA PHAB PA'I PHYIR TE, SHO LO KA DES RTAGS YANG DAG MTSAN NYID, GRANGS NGES, GRANGS NGES PA'I RGYU MTSAN, ZLOG PHYOGS GTAN TSIGS LTAR SNANG STE, BZHI'I SGO NAS 'CHAD PA'I PHYIR NA MA KHYAB STE, GZHUNG DES RTAGS YANG DAG GI GOL SA GCOD PA'I PHYIR SBYOR BA GANG DANG GANG LA MTSON NA SBYOR BA DE'I TSUL GSUM MA YIN PA'I GTAN TSIGS GANG YIN SBYOR BA DE'I RTAGS LTAR SNANG DU BSTAN LA, DE TZAM GYIS SPYIR RTAGS LTAR SNANG YOD PAR MI 'GYUR BA'I PHYIR, GZHAN YANG, BUM PA CHOS CAN, SGRA MI RTAG PAR SGRUB PA'I CHOS CAN YIN PAR THAL, DE SGRUB KYI CHOS CAN SKYON MED GSUM PO GANG RUNG YIN PA'I PHYIR NA MA KHYAB, 'DOD NA, DE CHOS CAN, DE SGRUB KYI RTZOD GZHI YIN PAR THAL, DE SGRUB KYI CHOS CAN YIN PA'I PHYIR RTAGS KHAS, 'DOD NA, DE CHOS CAN, SGRA DANG GCIG YIN PAR THAL, DE SGRUB KYI RTZOD GZHI YIN PA'I PHYIR, GNYIS PA RTAGS YANG DAG GI DBYE BA BSHAD PA LA DRUG ,NGO BO'I SGO NAS DBYE BA, BSGRUB BYA'I CHOS @035B KYI SGO NAS DBYE BA, BSGRUB BYA'I SGO NAS DBYE BA, SGRUB TSUL GYI SGO NAS DBYE BA, MTHUN PHYOGS LA 'JUG TSUL GYI SGO NAS DBYE BA, RGOL BA'I SGO NAS DBYE BA'O, ,DANG BO LA GNYIS, DBYE BA SO SO'I DON DANG, GRANGS NGES LA DOGS PA GCOD PA'O, ,DANG PO NI, RTAGS YANG DAG LA NGO BO'I SGO NAS DBYE NA, 'BRAS RTAGS YANG DAG, RANG BZHIN GYI RTAGS YANG DAG ,MA DMIGS PA'I RTAGS YANG DAG DANG GSUM YOD DE, RNAM 'GREL LAS, DE NI RNAM GSUM NYID, CES GSUNGS PA'I PHYIR, DANG PO 'BRAS RTAGS YANG DAG BSHAD PA LA, DGAG BZHAG SPONG GSUM MO, ,DANG PO NI, KHA CIG ,DE SGRUB KYI 'BRAS RTAGS YANG DAG GI MTSAN NYID YOD DE, DE SGRUB KYI SGRUB RTAGS YANG DAG GANG ZHIG ,DE SGRUB KYI BSGRUB BYA'I CHOS DANG DE BYUNG DU 'BREL BA ZHES ZER NA, 'O NA, DU BA CHOS CAN, DU LDAN KHA KHA ME YOD PAR SGRUB PA'I 'BRAS RTAGS YANG DAG MA YIN PAR THAL, DE SGRUB KYI BSGRUB BYA'I CHOS DANG DE BYUNG DU 'BREL BA MA YIN PA'I PHYIR TE, DE SGRUB KYI BSGRUB BYA'I CHOS DANG RJAS THA DAD MA YIN PA'I PHYIR TE, DE SGRUB KYI BSGRUB BYA'I CHOS RDZAS SU MA GRUB PA'I PHYIR, MA GRUB NA, SGRA DE SGRUB KYI CHOS CAN YIN PA DANG MI RTAG PA DE SGRUB KYI BSGRUB BYA'I CHOS YIN PA RDZAS SU GRUB PAR THAL, DE SGRUB KYI BSGRUB BYA'I CHOS RDZAS SU GRUB PA'I PHYIR, RTAGS KHAS, 'DOD NA, SGRA DE SGRUB KYI CHOS CAN DANG MI RTAG PA DE SGRUB KYI BSGRUB BYA'I CHOS YIN PAR BLO MA 'KHRUL BA LA SNANG BAR THAL, SGRA DE SGRUB KYI CHOS CAN YIN PA DANG MI RTAG PA DE SGRUB KYI BSGRUB BYA'I CHOS YIN PA DON DAM PAR GRUB PA'I PHYIR TE, DE GNYIS RDZAS SU GRUB PA'I PHYIR, RTAGS KHAS @036A *, ,'DOD NA, SGRA DANG MI RTAG PA GNYIS BLO MA 'KHRUL BA LA THA DAD DU SNANG BAR THAL, DE GNYIS BLO MA 'KHRUL BA LA CHOS DANG CHOS CAN DU SNANG BA'I PHYIR, RTAGS KHAS, 'DOD NA DE GNYIS RDZAS THA DAD YIN PAR THAL, DE GNYIS BLO MA 'KHRUL BA LA THA DAD DU SNANG BA'I PHYIR, RTAGS KHAS, KHA CIG, DE SGRUB KYI 'BRAS RTAGS YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS YIN NA KHYOD GYI RGYU YIN PAS KHYAB PA DE YIN PA'I PHYIR ZER NA, 'O NA DU BA CHOS CAN, DU LDAN LA LA ME MA YIN PA LAS LOG PA YOD PAR SGRUB PA'I 'BRAS RTAGS YANG DAG YIN PAR THAL, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS YIN NA KHYOD KYI RGYU YIN PA'I KHYAB PA'I PHYIR, KHYAB PA KHAS, MA GRUB NA, DER THAL, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS YIN NA DU BA'I RGYU YIN PA'I KHYAB PA'I PHYIR, PHYI MA MA GRUB NA, DER THAL, ME MA YIN PA LAS LOG PA DE SGRUB KYI DNGOS KYI BSGRUB BYA'I CHOS SU BZUNG BYA GANG ZHIG ,ME MA YIN PA LAS LOG PA DU BA'I RGYU YIN PA'I PHYIR TE, ME DU BA'I RGYU YIN PA'I PHYIR TE, DU BA ME'I 'BRAS BU YIN PA'I PHYIR, RTZA BAR 'DOD ZER NA, DU BA CHOS CAN, DU LDAN LA LA ME MA YIN PA LAS LOG PA YOD PAR SGRUB PA'I SGRUB RTAGS YANG DAG YIN PAR THAL, DE SGRUB KYI 'BRAS RTAGS YIN PA'I PHYIR, RTAGS KHAS, KHYAB STE, RANG 'GREL LAS, DE LA GNYIS NI DNGOS POR BSGRUBS PA YIN LA, GCIG @036B NI DGAG PA'I GTAN TSIGS SO, ZHES GSUNGS PA'I PHYIR, 'DOD NA, DU BA CHOS CAN, DE SGRUB KYI SGRUB RTAGS YANG DAG MA YIN PAR THAL, DE SGRUB KYI DGAG RTAGS YANG DAG YIN PA'I PHYIR, MA GRUB NA, DE CHOS CAN, DER THAL, KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYIS DE SGRUB GYI DNGOS KYI BSGRUB BYA'I CHOS SU BZUNG BYA YANG YIN, DGAG PA YANG YIN PA'I GZHI MTHUN PA YOD PA'I PHYIR, PHYI MA MA GRUB NA DER THAL, ME MA YIN PA LAS LOG PA DE 'DRA'I GZHI MTHUN YIN PA'I PHYIR TE, ME MA YIN PA LAS LOG PA DGAG PA YIN PA'I PHYIR TE, DE ME'I DON RANG MTSAN GYI GZHAN SEL YIN PA'I PHYIR, KHA CIG ,DU BA ME LAS SKYES PA'I RGYU MTSAN GYIS DU BA DU LDAN LA LA ME YOD PAR SGRUB PA'I 'BRAS RTAGS YANG DAG TU 'DOD RIGS PAR THAL, DE SGRUB KYI 'BRAS RTAGS YANG DAG YIN PA'I PHYIR, 'DOD NA, SKYA RDZAS KYANG SKYA RDZAS DANG LDAN PA'I LA LA ME YOD PAR SGRUB PA'I 'BRAS RTAGS YANG DAG YIN PAR THAL, DE ME LAS SKYES PA'I PHYIR, DU BA DU LDAN LA LA TZAN DAN GYI ME DANG SHUG PA'I ME SOGS YOD PAR SGRUB PA'I 'BRAS RTAGS YANG DAG TU THAL, DE TZAN DAN GYI ME DANG SHUG PA'I ME LAS SKYES PA'I PHYIR, GZHAN YANG ,DU BA DU LDAN LA LA ME'I KHYAD PAR GSAL BA DANG 'BAR BA SOGS YOD PAR SGRUB PA'I 'BRAS RTAGS YANG DAG YIN PAR THAL, DU BA ME'I KHYAD PAR GSAL BA DANG 'BAR BA SOGS LAS SKYES PA'I PHYIR, DES NA DU BA DE SGRUB GYI 'BRAS RTAGS YANG DAG MA YIN TE, DU BA GRUB DUS ME MED, ME GRUB DUS DU BA MED PA'I PHYIR ZHES ZER, DE LTAR YANG RANG 'GREL LAS, GAL DE DE LAS SKYES PA'I PHYIR 'BRAS BU GO BAR BYED PA YIN NA, RNAM PA THAMS CAD DU GO BAR BYA BA, @037A *, ,DANG GO BAR BYED PA'I NGO BO YIN TE, RNAM PA THAMS CAD DU BSKYED PAR BYA BA DANG SKYED PAR BYED PA YOD PA'I PHYIR RO ZHE NA, ZHES GSUNGS, DE'I LAN NI, SKYA RDZAS DE SKYA RDZAS TZAM LA BYED DAM, DU BA SKYA BO'I RDZAS LA BYED, DANG PO LTAR NA, SKYA RDZAS CHOS CAN, ME LAS SKYES PA MA YIN PAR THAL, ME MED PAR YANG DE 'BYUNG BA YOD PA'I PHYIR, MA GRUB NA, DER THAL, CHU'I SKYA RDZAS DANG SPRIN GYI STENG GI SKYA RDZAS YOD PA'I PHYIR, GNYIS PA LTAR NA, DU BA SKYA BO'I RDZAS DE DU LDAN LA LA ME YOD PAR SGRUB PA'I 'BRAS RTAGS YANG DAG TU 'DOD RIGS TE, RANG 'GREL LAS, RTAGS KYI BYE BRAG GIS KHYAD PAR CAN GYI SPYI RNAMS BZUNG NA YIN PAR 'DOD PA'I PHYIR RO, ,ZHES GSUNGS PA'I PHYIR, GONG GI THAL 'GYUR GNYIS PA DANG, GSUM PA GNYIS KYI RTAGS MA GRUB STE, DU BA TZAN DAN GYI ME DANG SHUG PA'I ME LAS KYANG MA SKYES, DU BA ME'I KHYAD PAR GSAL BA DANG 'BAR BA SOGS LAS KYANG MA SKYES PA'I PHYIR TE, DE DAG MED PAR GZHI 'GA' ZHIG TU DU BA 'BYUNG BA SRID PA'I PHYIR, RTZA BA'I THAL 'GYUR BZHI BA LA KHYAB PA MED CES LAN STON PA LA, RNAM 'GREL LAS, RGYU LA RANG BZHIN JI SNYED CIG ,MED NA MI 'BYUNG 'BRAS BU NI GTAN TSIGS, ZHES PA'I GZHUNG 'DI BYUNG, 'DI'I DON YANG BZHAG TU YOD DE, RGYU ME DE LA ME MA YIN PA LAS LOG PA LA SOGS PA ME'I RANG BZHIN JI SNYED CIG YOD KYANG, ME TZAM PHAN 'DOGS BYED DU YOD NA 'BYUNG ZHING, MED @037B NA MI 'BYUNG BA'I 'BRAS BU DU BA DE NI CHOS CAN, DU LDAN LA LA ME YOD PAR SGRUB PA'I 'BRAS BU'I GTAN TSIGS YANG DAG YIN TE, DE SGRUB KYI SGRUB RTAGS YANG DAG GANG ZHIG ,ME'I 'BRAS BU YIN PA'I PHYIR, ZHES PA'O,, KHA CIG ,DU BA DU LDAN LA LA ME YOD PAR SGRUB PA'I 'BRAS RTAGS YANG DAG MA YIN PAR THAL, DE SGRUB KYI DNGOS KYI BSGRUB BYA'I CHOS SU BZUNG BYA YIN NA DU BA'I RGYU MIN DGOS PA'I PHYIR, MA GRUB NA, DER THAL, ME YOD PA DE SGRUB KYI DNGOS KYI BSGRUB BYA'I CHOS SU BZUNG BYA GANG ZHIG ,DE DU BA'I RGYU MA YIN PA'I PHYIR, DANG PO MA GRUB NA, DER THAL, ME MED PA DE SGRUB KYI DGAG BYA'I CHOS YIN PA'I PHYIR, KHYAB STE, DGAG BYA'I CHOS LOG PA BSGRUB BYA'I CHOS YIN PA'I PHYIR ZHES ZER, 'O NA, RTAG PA MA YIN PA SGRA MI RTAG PAR SGRUB PA'I DNGOS KYI BSGRUB BYA'I CHOS YIN PAR THAL, RTAG PA DE SGRUB KYI DGAG BYA'I CHOS YIN PA'I PHYIR, DON GYI KHYAB PA KHAS, 'DOD NA, BYAS PA SGRA MI RTAG PAR SGRUB PA'I DGAG RTAGS YANG DAG YIN PAR THAL, RTAG PA MA YIN PA DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, DGAG PA YANG YIN PA'I GZHI MTHUN PA YIN PA'I PHYIR, GZHAN YANG DU BA YOD PA DE SGRUB KYI RTAGS YANG DAG YIN PAR THAL, ME YOD PA DE SGRUB KYI DNGOS KYI BSGRUB BYA'I CHOS YIN PA'I PHYIR, RTAGS KHAS, 'DOD MI NUS TE, DU BA DE SGRUB KYI RTAGS YANG DAG YIN GYI DU BA YOD PA DE SGRUB KYI RTAGS YANG DAG MA @038A *, ,YIN PAR KHAS LEN DGOS PA'I PHYIR TE, THAR LAM GSAL BYED LAS, DES NA PHA GI NA DU BA 'DUG PAS ME 'DUG SNYAM YANG RTAGS SU NI DU BA NYID SONG BA SDE BDUN GYI DGONGS PA RMA MED PA'O, ,ZHES GSUNGS PA'I PHYIR, GNYIS PA RANG LUGS BZHAG PA LA GSUM, MTSAN NYID, DBYE BA, MTSAN GZHI'I STENG DU MTSAN NYID NGES BYED KYI TSAD MA BSHAD PA'O, ,DANG PO NI, 'BRAS RTAGS YANG DAG GI MTSAN NYID YOD DE, 'BRAS BU'I TSUL GSUM YIN PA DE DE YIN PA'I PHYIR, YANG NA KHYOD DE SGRUB KYI SGRUB RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, KHYOD KYI RGYU YANG YIN PA'I GZHI MTHUN PA SRID PA DE, KHYOD? DE SGRUB KYI 'BRAS RTAGS YANG DAG YIN PA'I MTSAN NYID, ,GNYIS PA DE LA DBYE NA, RGYU DNGOS SGRUB KYI 'BRAS RTAGS YANG DAG ,RGYU SNGON SONG SGRUB KYI 'BRAS RTAGS YANG DAG ,RGYU SPYI SGRUB KYI 'BRAS RTAGS YANG DAG ,RGYU KHYAD PAR SGRUB KYI 'BRAS RTAGS YANG DAG ,RGYU CHOS RJES DPOG GI 'BRAS RTAGS YANG DAG RNAMS SU YOD PA'I PHYIR, DANG PO NI, DU LDAN LA LA CHOS CAN, ME YOD DE, DU BA YOD PA'I PHYIR ZHES BKOD PA'I TSE NA DU BA LTA BU'O, ,GNYIS PA NI, NAM MKHA'I DU BA SDO LONG BO CHOS CAN, RANG RGYU ME SNGA MA SNGON DU SONG BA YIN TE, DU BA YIN PA'I PHYIR ZHES BKOD PA'I TSE NA DU BA LTA BU'O, ,GSUM BA NI, NYER LEN GYI PHUNG PO @038B CHOS CAN, RANG RGYU DANG BCAS PA YIN TE, RES 'GA' BA'I DNGOS PO YIN PA'I PHYIR ZHES BKOD PA'I TSE NA RES 'GA' BA'I DNGOS PO LTA BU'O, ,BZHI PA NI, GZUGS 'DZIN DBANG SHES CHOS CAN, KHYOD LA DMIGS RKYEN DANG DE MA THAG RKYEN GNYIS LAS GZHAN PA'I RGYU ZHIG YOD DE, DE GNYIS YOD KYANG MI SKYE BA SRID LA, RES 'GA' SKYE BA SRID PA'I PHYIR ZHES BKOD PA'I TSE NA DE GNYIS YOD KYANG MI SKYE BA SRID LA RES 'GA' SKYE BA SRID PA LTA BU'O, ,LNGA BA NI, KHA NANG BU RAM GONG BU'I STENG DU CHOS CAN, BUR RO SNGA MAS BUR GZUGS DA LTA BA PHYI MA SKYED PA'I NUS PA YOD DE, BUR RO DA LTA BA PHYI MA YOD PA'I PHYIR ZHES BKOD PA'I TSE NA BUR RO DA LTA BA PHYI MA LTA BU'O, ,DANG PO LA RGYU DNGOS SGRUB KYI 'BRAS RTAGS YANG DAG CES BRJOD PA'I RGYU MTSAN YOD DE, DU BA DU BA'I RGYU DNGOS ME DE DU LDAN LA LA YOD PAR SGRUB PA'I 'BRAS RTAGS YANG DAG YIN PAS DE LTAR BRJOD PA'I PHYIR, GNYIS PA LA RGYU SNGON SONG GI 'BRAS RTAGS YANG DAG CES BRJOD PA'I RGYU MTSAN YOD DE, DU BA NAM MKHA'I DU BA SNGO LONG BO'I RANG RGYU ME SNGA MA SNGON DU SONG BAR SGRUB PA'I 'BRAS RTAGS YANG DAG YIN PAS DE LTAR BRJOD PA'I PHYIR, GSUM PA LA RGYU SPYI SGRUB KYI 'BRAS RTAGS YANG DAG CES BRJOD PA'I RGYU MTSAN YOD DE, RES 'GA' BA'I DNGOS PO NYER LEN GYI PHUNG PO'I STENG DU RANG RGYU SPYI TZAM SGRUB PA'I 'BRAS RTAGS YANG DAG YIN PAS DE LTAR BRJOD PA'I PHYIR, BZHI BA LA RGYU KHYAD PAR SGRUB KYI 'BRAS RTAGS YANG @039A *, ,DAG CES BRJOD PA'I RGYU MTSAN YOD DE, DE GNYIS YOD KYANG MI SKYE BA SRID LA, RES 'GA' SKYE BA SRID PA DE, GZUGS 'DZIN DBANG SHES LA RGYU KHYAD PAR BA DMIGS RKYEN DANG DE MA THAG RKYEN GNYIS LAS GZHAN PA'I BDAG RKYEN YOD PAR SGRUB PA'I 'BRAS RTAGS YANG DAG YIN PAS DE LTAR BRJOD PA'I PHYIR, LNGA BA LA RGYU CHOS RJES DPOG GI 'BRAS RTAGS YANG DAG CES BRJOD PA'I RGYU MTSAN YOD DE, RO DA LTA BA PHYI MA'I RGYU NI RO SNGA MA YIN LA, DE'I CHOS RO SNGA MAS GZUGS DA LTA BA PHYI MA SKYED PA'I NUS PA KHA NANG BU RAM GONG BU'I STENG DU YOD PAR DPOG PA'I 'BRAS RTAGS YIN PAS DE LTAR BRJOD PA'I PHYIR, DPER NA, DU BAS DU LDAN LA LA MES BUD SHING GI 'GYUR BA SKYED PA'I NUS PA DPOG STOBS KYIS BUD SHING 'GYUR BA DPOG PA BZHIN NO, ,BUD SHING GI 'GYUR BA NI THAL BA DANG SOL BA LA SOGS PA'O, ,'BRAS RTAGS KYI RNAM BZHAG BCOM LDAN 'DAS KYIS MDO LAS KYANG GSUNGS TE, CHOS BCU PA'I MDO LAS, DU BA LAS NI MER SHES DANG, ,CHU SKYAR LAS NI CHUR SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,ZHES PA'I RKANG BA DANG POS DU BA DU LDAN LA LA ME YOD PAR SGRUB PA'I 'BRAS RTAGS YANG DAG TU BSTAN, RKANG BA GNYIS PAS CHU SKYAR LDING BA DE CHU SKYAR LDING BA'I GZHI 'GAR CHU YOD PAR SGRUB PA'I 'BRAS RTAGS YANG DAG TU BSTAN @039B LA, DE GNYIS NI DPE'I SBYOR BA DANG, RKANG BA PHYI MA GNYIS KYIS GZHAN DON DU LUS SROG SBYIN PAR GTONG NUS PA'I LUS KYI SPYOD PA KHYAD PAR CAN DANG, GSUNG RAB KYI DON PHYIN CI MA LOG PAR STON NUS PA'I NGAG GI SPYOD PA KHYAD PAR CAN DANG LDAN PA'I BYANG CHUB SEMS DPA' DE BYANG CHUB SEMS DPA' MTHONG LAM PA RANG GI RGYUR GYUR PA'I THABS SHES KYI RTOGS PA KHYAD PAR CAN SNGON DU SONG BAR SGRUB PA'I 'BRAS RTAGS YANG DAG TU BSTAN PA YIN NO, , DE NI DON GYI SBYOR BA'O, ,'BRAS RTAGS YANG DAG GTAN LA PHAB PA LA DGOS PA YOD DE, DU BA ME PHAN 'DOGS BYED YOD MED KYI RJES SU 'GRO LDOG BYED PA DE BZHIN DU DNGOS PO RNAMS RIGS MI MTHUN GYI RGYU DANG RGYU MED LAS SKYE BA BKAG NAS, DNGOS PO RNAMS RANG DANG RIGS MTHUN GYI RGYU DANG RANG RGYU LAS SKYE'O ZHES SHES PAR BYA BA'I CHED YIN PA'I PHYIR, DE LTAR SHES PA LA DGOS PA YOD DE, RGYU DGE BA BYAS PA LA BRTEN NAS RANG 'BRAS BDE BA 'BYUNG BA DANG, RGYU MI DGE BA BYAS PA LA BRTEN NAS RANG 'BRAS SDUG BSNGAL 'BYUNG NGO SNYAM DU LAS 'BRAS LA YID CHES KYI DAD PA BSKYED PAR BYA BA'I CHED YIN PA'I PHYIR, ,GSUM PA NI, DU BA'I RTAGS KYIS DU LDAN LA LA ME YOD PAR SGRUB PA'I PHYOGS CHOS MNGON SUM GYIS GRUB LA, RJES SU 'GRO LDOG GI KHYAB PA ME DU RGYU 'BRAS SU NGES PA'I TSAD MAS GRUB LA, ME DU RGYU 'BRAS SU NGES PA LA TSAD MA PHRUG GSUM LA SOGS PA NGES BAR MTHA' GCIG TU @040A *, ,SNGON DU 'GRO BA MI DGOS TE, GANG ZAG DBANG RNON 'GA' ZHIG GIS, DU BA ME LAS SKYE BAR MTHONG BA'I MNGON SUM TSAD MA GCIG LA BRTEN NAS ME DU RGYU 'BRAS SU NGES PA YOD PA'I PHYIR, 'O NA TSAD MA PHRUG GSUM LA SOGS PA BSTAN PA DON MED DU 'GYUR RO ZHE NA, SKYON MED DE, DU BA MI MTHUN PA'I RGYU DANG, RGYU MED LAS SKYE BA'I LOG RTOG RGYAS PAR 'GOG PA'I DBANG DU BYAS TE, DANG POR ME DU GNYIS KA MA DMIGS PA'I DAG 'DZIN MNGON SUM TSAD MA GCIG ,DE'I RJES SU ME'I RDZAS KHO NA GSAR DU DMIGS PA'I MNGON SUM GCIG ,DE'I RJES SU DU BA YUL GZHAN NAS 'ONGS PA LTA BU MA YIN PAR GZHI DER GSAR DU DMIGS PA'I MNGON SUM GCIG ,DE'I RJES SU ME DU GNYIS KA DMIGS PA'I MNGON SUM GCIG ,DE RJES ME MA DMIGS PA'I MNGON SUM GCIG ,DE RJES DU BA YUL GZHAN DU SONG BA LTA BU MA YIN PAR GZHI DER GSAR DU MA DMIGS PA'I MNGON SUM GCIG STE TSAD MA PHRUG GSUM MO, ,TSAD MA DE DRUG GI DANG BO DANG GSUM PA GNYIS LA BRTEN NAS DU BA RGYU MED LAS SKYE BA KHEGS PA YIN TE, DE GNYIS KYI BYED PA LA BRTEN NAS DU BA RES 'GA' BA'I DNGOS POR GRUB PA'I PHYIR, TSAD MA ZUNG GZHAN GNYIS KYI BYED PA LA BRTEN NAS DU BA MI MTHUN PA'I RGYU LAS SKYE BA KHEGS PA YIN TE, DE LA BRTEN NAS DU BA MES PHAN BTAGS STOBS KYIS ME YOD MED KYI RJES SU 'GRO LDOG BYED PAR GRUB @040B PA'I PHYIR, ME DU'I RGYU 'BRAS KYI 'BREL BA MNGON SUM TSAD MA'I STOBS KYIS NGES PA YIN KYANG MNGON SUM TSAD MAS DNGOS SU 'DZIN PA NI MIN TE, ME DU'I RGYU 'BRAS KYI 'BREL BA RTOG PAS BTAGS TZAM YIN PA'I PHYIR, ME DU'I RGYU 'BRAS KYI 'BREL BA DE RGYUN DANG SKAD CIG MA GANG LAS NGES SHE NA, SO SO'I SKYE BOS RGYUN LA LTOS NAS NGES PA YIN GYI, DUS MTHA'I SKAD CIG MA RE RE LA MNGON SUM GYIS NGES PA NI MIN TE, DUS MTHA'I SKAD CIG MA MNGON SUM DU RTOGS PA'I SO SKYE MED PA'I PHYIR, GSUM PA RTZOD PA SPONG BA LA, KHO NA RE, DU LDAN LA LA CHOS CAN, ME YOD DE, DU BA YOD PA'I PHYIR ZHES PA'I RTAGS SBYOR RNAM DAG YIN NA, 'BRAS RTAGS YANG DAG GI SBYOR BA YIN PAS KHYAB PAR THAL, DE LTA BU'I SBYOR BA DE 'BRAS RTAGS YANG DAG GI SBYOR BA YIN PA'I PHYIR NA MA KHYAB, 'DOD NA, DU LDAN LA LA RTAGS DNGOS KYIS STONG PA'I ME YOD MED LA GTZO BOR SHES 'DOD ZHUGS PA'I PHYI RGOL YANG DAG GI NGOR BKOD PA'I, DU LDAN LA LA CHOS CAN, ME YOD DE, DU BA YOD PA'I PHYIR ZHES PA'I SBYOR BA CHOS CAN, DER THAL, DE'I PHYIR, 'DOD MI NUS TE, DE 'DRA'I SBYOR BA DE MA DMIGS PA'I RTAGS YANG DAG GI SBYOR BA YIN PA'I PHYIR DE, DE 'DRA'I SBYOR BA DE TSIG ZIN LA ME TZAM BSGRUB BYA'I CHOS SU BKOD KYANG PHYI RGOL GYI SHES 'DOD KYI DBANG GIS RTAGS DNGOS KYIS STONG PA'I ME DNGOS KYI BSGRUB BYA'I CHOS SU SONG BA'I DGAG RTAGS KYI SBYOR BAR 'JOG @041A *, ,DGOS PA'I PHYIR TE, RIGS THIGS DAR tIKA LAS, PHYI RGOL GYI SHES 'DOD DANG RGOL BA'I DPAG 'DOD GRANG REG GIS STONG BA LA GTZO BOR ZHUGS NA NI ME YOD PA SBYOR TSUL TZAM DU ZAD KYI DON NI DGAG PA'I RTAGS SO,, ZHES GSUNGS PA'I PHYIR, DU LDAN LA LA ME TZAM YOD MED GTZO BOR SHES 'DOD ZHUGS PA'I RGOL BA LA DU LDAN LA LA CHOS CAN, RTAGS DNGOS KYIS STONG PA'I ME YOD DE, DU BA YOD PA'I PHYIR ZHES BKOD PA'I SBYOR BA LTA BU PHYI RGOL GYI SHES 'DOD KYI DBANG GIS 'BRAS RTAGS YANG DAG GI SBYOR BAR 'JOG DGOS PA'I PHYIR TE, RIGS THIGS DAR tIKA LAS, ME TZAM LA GTZO BOR ZHUGS NA NI GRANG REG GIS STONG PA SBYOR TSUL TZAM DU ZAD KYI DON NI 'BRAS RTAGS SO, ,ZHES GSUNGS PA'I PHYIR, GZHAN YANG, RGOL BA DU LDAN LA LA ME YOD PAR NGES PA LA SNGA RGOL 'GOD MI MKHAS PAS BKOD PA'I DU LDAN LA LA CHOS CAN, ME YOD DE, DU BA YOD PA'I PHYIR ZHES PA'I SBYOR BA 'BRAS RTAGS YANG DAG GI SBYOR BA YIN PAR THAL LO, ,'DOD MI NUS TE, SKABS KYI PHYI RGOL GYIS SHES 'DOD MED NAS MA GRUB PA'I GTAN TSIGS KYI SBYOR BA YIN PA'I PHYIR, GZHAN YANG, RES 'GA' SKYE BA DE NYER LEN GYI PHUNG BO RANG RGYU DANG BCAS PAR SGRUB PA'I RGYU SPYI SGRUB KYI 'BRAS RTAGS YANG DAG YIN PAR THAL, RES 'GA' BA'I DNGOS PO DE DE YIN PA'I PHYIR ZER NA MA KHYAB, 'DOD MI NUS TE, NYER LEN GYI PHUNG BO RES 'GA' SKYE BAR NGES NAS RANG RGYU DANG BCAS PAR MA NGES PA'I GANG ZAG MI SRID PA'I PHYIR, GZHAN YANG RES 'GA' BA'I DNGOS PO DE NYER LEN KYI PHUNG PO RANG RGYU @041B DANG BCAS PAR SGRUB PA'I 'BRAS RTAGS YANG DAG MA YIN PAR THAL, DE'I RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, DE'I RGYU YANG YIN PA'I GZHI MTHUN PA MED PA'I PHYIR, MA GRUB NA, DE MED PAR THAL, RANG RGYU DANG BCAS PA DE 'DRA'I GZHI MTHUN PA MA YIN PA'I PHYIR NA MA KHYAB STE, RANG RGYU DANG BCAS PA RES 'GA' BA'I DNGOS PO'I RGYU MA YIN PA'I PHYIR TE, DE GNYIS DUS MNYAM YIN PA'I PHYIR, GZHAN YANG, RANG RGYU DANG BCAS PA DE SGRUB KYI DNGOS KYI BSGRUB BYA'I CHOS YIN PAR THAL, NYER LEN GYI PHUNG PO RANG RGYU DANG BCAS PA DE SGRUB KYI BSGRUB BYA YANG DAG YIN PA'I PHYIR NA MA KHYAB STE, RANG RGYU DE SGRUB KYI DNGOS KYI BSGRUB BYA'I CHOS DANG, RES 'GA' BA'I DNGOS PO'I RGYU'I GZHI MTHUN PA YIN PA'I PHYIR, GZHAN YANG, BUR RO SNGA MAS BUR GZUGS DA LTA BA PHYI MA SKYED PA'I NUS PA DE BUR RO DA LTA BA PHYI MA'I RGYU YIN PAR THAL, ,BUR RO DA LTA BA PHYI MA DE SGRUB KYI 'BRAS RTAGS YANG DAG YIN PA'I PHYIR ZER NA 'DOD PA YIN NO, ,GZHAN YANG RTAGS YANG DAG LA 'BRAS RANG MA DMIGS PA'I RTAGS YANG DAG GSUM DU GRANGS MA NGES PAR THAL, BUR RO DA LTA BA DE KHA NANG BU RAM GONG BA'I STENG DU BUR GZUGS DA LTA BA YOD PAR SGRUB PA'I RTAGS YANG DAG YIN KYANG DE SGRUB KYI 'BRAS RANG MA DMIGS PA'I RTAGS YANG DAG GSUM PO GANG YANG MA YIN PA'I PHYIR, DANG PO MA GRUB BYAS PA LA, DE DE SGRUB KYI RTAGS YANG DAG YIN PAR THAL, BUR RO DA LTA BA'I RTAGS LAS KHA NANG BU RAM GONG BU'I STENG DU BUR GZUGS DA LTA BA YOD PAR @042A *, ,RTOGS PA'I RJES DPAG SKYE BA YOD PA'I PHYIR NA MA KHYAB, RTAGS GNYIS PA GRUB PA YIN TE, BUR RO DA LTA BA DE DE SGRUB KYI DNGOS KYI BSGRUB BYA'I CHOS BUR GZUGS DA LTA BA DANG RDZAS THA DAD GANG ZHIG ,DE BUR GZUGS DA LTA BA'I 'BRAS BU MA YIN PA'I PHYIR ZHES ZER NA, SHES BYA CHOS CAN, BUR RO DA LTA BA'I RTAGS LAS KHA NANG BU RAM GONG BU'I STENG DU BUR GZUGS DA LTA BA YOD PAR RTOGS PA'I RJES DPAG SKYE BA'I RGYU MTSAN GYIS DE DE SGRUB KYI RTAGS YANG DAG TU THAL BA'I SKYON MED PAR THAL, DE 'DRA'I TSAD MA DE BUR RO DA LTA BA'I RTAGS KYIS KHA NANG BU RAM GONG BU'I STENG DU BUR RO SNGA MAS BUR GZUGS DA LTA BA PHYI MA SKYED PA'I NUS PA YOD PAR SGRUB PA'I RGYU CHOS RJES DPOG GI 'BRAS RTAGS YANG DAG LAS SKYES PA YIN PA'I PHYIR TE, BU RAM GYI RO GZUGS GNYIS DNGOS RGYU TSOGS PA TSAR GCIG LA RAG LAS PA'I 'BREL BA GRUB PA'I PHYIR, DPER NA DU BAS DU LDAN LA LA MES BUD SHING GI 'GYUR BA SKYED PA'I NUS PA DPAG STOBS KYIS BUD SHING 'GYUR BA DPOG PA BZHIN NO, ,DE LTAR YANG RNAM 'GREL LAS, TSOGS PA GCIG LA RAG LAS PA'I, ,GZUGS LA SOGS PA ROS RTOGS PA, ,RGYU CHOS RJES SU DPAG PA STE, ,DU BAS BUD SHING 'GYUR BA BZHIN, ,NUS PA 'JUG PA MED PAR NI, ,RO MED DE NYID GZHAN GYI RGYU, ,DE LTAR 'DAS DUS GCIG RNAMS RTOGS, ,DE NI 'BRAS BU'I RTAGS LAS SKYES, ,ZHES GSUNGS PA'I PHYIR, 'O NA, @042B RTAGS GCIG GI BYED PA LA BRTEN NAS RJES DPAG DE GNYIS SKYE BA SRID PAR THAL LO ZHE NA, 'DOD PA YIN TE, BUR RO DA LTA BA'I RTAGS LAS KHA NANG BU RAM GONG BU'I STENG DU BUR GZUGS DA LTA BA PHYI MA SKYED PA'I NUS PA YOD PAR RTOGS PA'I RJES DPAG DANG DE'I STENG DU BUR GZUGS DA LTA BA YOD PAR RTOGS PA'I RJES DPAG GNYIS SKYE BA YOD PA'I PHYIR, 'ON KYANG RJES DPAG SNGA MA DES DE'I STENG DU GZUGS DA LTA BA DNGOS SU RTOGS PA'I PHYIR, DES DE'I STENG DU DE LTA BU'I NUS PA DE BUR GZUGS DA LTA BAS KHYAD PAR DU BYAS NAS DNGOS SU RTOGS PA'I PHYIR, GNYIS PA RANG BZHIN GYI RTAGS YANG DAG BSHAD PA LA GSUM, GZHAN LUGS DGAG PA, RANG LUGS BZHAG PA, RTZOD PA SPONG BA'O,, DANG PO NI KHA CIG ,DE SGRUB KYI RANG BZHIN GYI RTAGS YANG DAG GI MTSAN NYID YOD DE, DE SGRUB KYI RTAGS YANG DAG GANG ZHIG DE SGRUB KYI BSGRUB BYA'I CHOS DANG BDAG GCIG TU 'BREL BA ZHES ZER, 'O NA, DU BA CHOS CAN; DU LDAN LA LA ME YOD PAR SGRUB PA'I RANG BZHIN GYI RTAGS YANG DAG YIN PAR THAL, DE SGRUB KYI RTAGS YANG DAG GANG ZHIG ,DE SGRUB KYI BSGRUB BYA'I CHOS DANG BDAG GCIG TU 'BREL BA YIN PA'I PHYIR, KHYAB PA KHAS, PHYI MA MA GRUB NA, DU BA CHOS CAN, DE SGRUB KYI BSGRUB BYA'I CHOS DANG BDAG GCIG TU 'BREL BAR THAL, DE DANG 'BREL BA GANG ZHIG ,DE DANG DE BYUNG DU 'BREL BA MA YIN PA'I PHYIR TE, DE DANG RDZAS THA DAD MA YIN PA'I PHYIR TE, @043A *, ,DE SGRUB KYI BSGRUB BYA'I CHOS RDZAS SU MA GRUB PA'I PHYIR, MA GRUB NA, SGRA MI RTAG PAR SGRUB PA'I BSGRUB BYA'I CHOS KYANG RDZAS SU GRUB PAR THAL LO, ,'DOD NA, MI RTAG PA SGRA LA BRTEN PA DANG, SGRA DE MI RTAG PA'I RTEN YIN PA'ANG RDZAS SU GRUB PAR THAL LO, ,'DOD NA, BYAS PA'I RTAGS KYIS SGRA MI RTAG PAR GRUB PA'I RTOG PA SNANG YUL LA MA 'KHRUL PA'I SHES PA YIN PAR THAL LO, ,'DOD NA, BYAS PA DE SGRA'I STENG DU MI RTAG PA SNGAR MED GSAR DU SKYED BYED YIN PAR THAL, DE LTA BU'I RTOG PA SNANG YUL LA MA 'KHRUL PA'I SHES PA GANG ZHIG ,RTOG PA DE LA DANG BOR SGRA GRUB, DE'I RJES SU BYAS PA SNGAR MED GSAR DU GRUB, DE'I RJES SU MI RTAG PA SNGAR MED GSAR DU GRUB PA LTA BUR SNANG BA'I PHYIR TE, SGRA 'DZIN RTOG PA LA SGRA SNGAR MED GSAR DU GRUB PA LTA BUR SNANG LA, DE'I RJES SU SGRA BYAS PAR 'DZIN PA'I RTOG PA LA SGRA GRUB ZIN PA'I 'OG TU BYAS PA SNGAR MED GSAR DU GRUB PA LTA BUR SNANG, DE'I RJES SU SGRA MI RTAG PAR 'DZIN PA'I RTOG PA LA SGRA DANG BYAS PA GRUB ZIN PA'I 'OG TU MI RTAG PA SNGAR MED GSAR DU GRUB PA LTA BUR SNANG BA'I PHYIR, GZHAN YANG, DU BA CHOS CAN, DE SGRUB KYI BSGRUB BYA'I CHOS LA DE BYUNG DU 'BREL BAR THAL; ME DE SGRUB KYI BSGRUB BYA'I CHOS GANG ZHIG ,ME LA DE BYUNG DU 'BREL BA'I PHYIR NA MA KHYAB, KHA CIG ,YOD PA DE SGRA MI RTAG PAR SGRUB PA'I RANG BZHIN KYI RTAGS YANG DAG YIN TE, RNAM 'GREL LAS, 'JIG LA 'GREL @043B DANG YOD NYID BZHIN, ZHES GSUNGS PA'I PHYIR, DES NA RTOG PAS BTAGS PA'I CHOS THAMS CAD YOD PA MA YIN NO ZHES ZER NA, 'O NA, YOD PA DANG MI RTAG PA'I 'BREL BA GRUB BAM MA GRUB, DANG PO LTAR NA, YOD PA DANG MI RTAG PA'I 'BREL BA CHOS CAN, MI RTAG PAR THAL, YOD PA'I PHYIR, RTAGS KHAS, 'DOD NA, RTOG PAS BTAGS PA'I CHOS THAMS CAD YOD PA MA YIN PAR 'BUD, GNYIS PA LTAR NA, YOD PA SGRA MI RTAG PAR SGRUB PA'I RTAGS YANG DAG MA YIN PAR THAL, YOD PA DE SGRUB KYI BSGRUB BYA'I CHOS MI RTAG PA LA 'BREL BA MA YIN PA'I PHYIR, RTAGS KHAS, GZHAN YANG BYAS PA DANG MI RTAG PA'I 'BREL BA CHOS CAN, MI RTAG PA YIN PAR THAL, YOD PA'I PHYIR, 'DOD NA, DNGOS POR THAL LO, ,'DOD NA, BYAS MI RTAG GI THA DAD DNGOS POR THAL LO, ,'DOD NA, BYAS MI RTAG RDZAS THA DAD YIN PAR THAL LO, ,GZHAN YANG, BYAS MI RTAG GI 'BREL BA MI RTAG PA YIN PAR THAL, 'BREL BA CAN BYAS MI RTAG GNYIS MI RTAG PA YIN PA'I PHYIR, KHYAB STE, RNAM 'GREL LAS, 'BREL BA CAN RNAMS MI RTAG PHYIR, ,'BREL BA LA RTAG YOD MA YIN, ,ZHES GSUNGS PA'I PHYIR NA MA KHYAB STE, LUNG DE'I DON NI, 'BREL BA CAN BYAS MI RTAG PA LTA BU LA 'BREL BA RTAG DNGOS YOD PA MA YIN PA LUNG DE'I DON YIN PA'I PHYIR, BOD SNGA RABS PA KHA CIG ,NAS KYI MYU GU'I RGYU TSOGS GRANGS TSANG DE, NAS KYI SA BON CHU LUD DROD GSHER TSOGS PA'I ZHING STENG @044A *, ,DU NAS KYI MYU GU 'BYUNG RUNG DU SGRUB PA'I RANG BZHIN GYI RTAGS YANG DAG YIN ZHES ZER NA, NAS KYI MYU GU'I RGYU TSOGS GRANGS TSANG CHOS CAN, KHYOD DE SGRUB KYI RANG BZHIN GYI RTAGS YANG DAG MA YIN PAR THAL, DE SGRUB KYI PHYOGS CHOS MA YIN PA'I PHYIR TE, ZHING STENG DER KHYOD NGES NAS ZHING STENG DER NAS KYI MYU GU 'BYUNG DU RUNG MI RUNG THE TSOM ZA BA MED PA'I PHYIR TE, ZHING STENG DER KHYOD NGES NAS ZHING STENG DER NAS KYI MYU GU 'BYUNG MI 'BYUNG THE TSOM ZA BA'I GANG ZAG MI SRID PA'I PHYIR TE, ZHING STENG DER KHYOD NGES NA ZHING STENG DER NAS KYI MYU GU 'BYUNG BAR NGES DGOS PA'I PHYIR TE, GZHI DE NAS KYI MYU GU'I RGYU YIN PAR NGES NA GZHI DES NAS KYI MYU GU SKYED PAR NGES DGOS PA'I PHYIR TE, RANG 'BRAS SKYED BYED RGYU'I MTSAN NYID YIN PA'I PHYIR, KHO NA RE, RGYU TSOGS PA LAS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES GSUNGS PA MI 'THAD PAR THAL, NAS KYI MYU GU'I RGYU TSOGS GRANGS TSANG DE DE SGRUB KYI RANG BZHIN GYI RTAGS YANG DAG MA YIN PA'I PHYIR ZER NA MA KHYAB STE, RTAGS YANG DAG GI KHYAD PAR 'BRAS RANG MA DMIGS PA'I RTAGS YANG DAG GSUM DU MA 'DUS PA DGAG PA LA SNGA PHYI LA BRTEN PA DANG, DUS MNYAM PA LA BRTEN PA'I RTZOD SPONG GNYIS LAS, DANG PO STON PA LA GZHUNG 'DI BYUNG, 'DI'I DON YANG BZHAG TU YOD DE, RGYU @044B NAS SA CHU LUD DROD GSHER TSOGS PA TSANG BA'I ZHING DE NI CHOS CAN, KHYOD KYI RTAGS LAS DE 'DRA'I ZHING SHAR MA RANG 'BRAS NAS MYUG SKYE RUNG DU SGRUB PA'I RTAGS YANG DAG YIN KYANG DE SGRUB KYI 'BRAS RANG MA DMIGS PA'I RTAGS YANG DAG GSUM PO GANG RUNG MA YIN PA'I SKYON MED PAR THAL, DE DE SGRUB KYI RANG BZHIN GYI RTAGS YANG DAG YIN PA'I PHYIR TE, KHYOD DE SGRUB KYI SGRUB RTAGS YANG DAG GANG ZHIG ,KHYOD PHYIS 'BYUNG GI RGYU RKYEN DON GZHAN LA NI MI LTOS PAR RANG GRUB TZAM NAS RANG 'BRAS NAS MYUG SKYE RUNG GI NGO BOR SKYES PA'I PHYIR, KHO NA RE, RTAGS YANG DAG LA 'BRAS RANG MA DMIGS PA'I RTAGS YANG DAG GSUM DU GRANGS MA NGES PAR THAL, NAS SA CHU LUD DROD GSHER TSOGS PA'I ZHING RANG 'BRAS NAS MYUG SKYE NGES SU SGRUB PA'I RTAGS YANG DAG YIN KYANG, DE SGRUB GYI 'BRAS RANG MA DMIGS PA'I RTAGS YANG DAG GSUM PO GANG RUNG MA YIN PA'I PHYIR ZER NA, DE DE SGRUB KYI RTAGS YANG DAG MA YIN PAR THAL, NAS SA CHU LUD DROD GSHER TSOGS PA'I ZHING YIN NA RANG 'BRAS NAS MYUG SKYE NGES YIN PAS MA KHYAB PA'I PHYIR TE, DE 'DRA'I ZHING GIS NAS MYUG SKYED PA DE 'DRA'I ZHING GI NUS PA SNGA PHYI RNAMS GONG 'PHEL DU 'GYUR BA DANG 'BREL BA LA LTOS PA GANG ZHIG ,DE LTAR 'GYUR BA LA GEGS BYED PA DAG SRID PA'I PHYIR TE, ,SKAD CIG DANG PO LA NAS SA CHU LUD DROD GSHER TSOGS PA TSANG, SKAD CIG GNYIS PA LA SA BON BYA ROG GIS @045A *, ,'DON PAR NGES PA'I ZHING SRID PA'I PHYIR, MA GRUB NA, MNGON SUM DANG 'GAL LO, ,DE LTAR YANG, RNAM 'GREL LAS, TSOGS PA'I 'BRAS BU NUS PA RNAMS, 'GYUR PA DANG 'BREL 'BRAS BU LA, ,MA NGES PA NI NYID YIN TE, ,GEGS BYED PA DAG SRID PHYIR RO, ,ZHES GSUNGS PA'I PHYIR RO, ,KHA CIG TSOGS PA'I 'BRAS BU NUS PA RNAMS, ,ZHES SOGS KYIS DE LTA BU'I ZHING CHOS CAN, RANG 'BRAS NAS KYI MYU GU 'BYUNG NGES MA YIN TE, RANG 'BRAS NAS KYI MYU GU SKYED PA LA 'GAL RKYEN GYIS GEGS BYED PA SRID PA'I PHYIR ZHES BSTAN PA YIN NO ZER NA, 'O NA, BUM PA CHOS CAN, YOD NGES MA YIN PAR THAL, YOD PA LA 'GAL RGYEN GYIS GEGS BYED PA SRID PA'I PHYIR, DE BZHIN DU BYANG SEMS SA BRGYAD PA BA CHOS CAN, 'TSANG RGYA NGES MA YIN PAR THAL, 'TSANG RGYA BA LA 'GAL RKYEN GYIS GEGS BYED PA SRID PA'I PHYIR TE, 'TSANG RGYA BA LA GNAS NGAN LEN GYI DRI MAS GEGS BYED PA SRID PA'I PHYIR, GZHAN YANG, DE 'DRA'I ZHING CHOS CAN, RANG 'BRAS NAS MYUG SKYED NGES YIN PAR THAL, RANG 'BRAS NAS MYUG SKYED PAR TSAD MAS NGES PA'I PHYIR, KHA CIG ,MA KHYAB STE, DE LTAR TSAD MAS NGES KYANG DON STENG NAS MA NGES PA'I PHYIR ZER NA, 'O NA, ZHING DES NAS MYUG SKYED PAR NGES PA'I TSAD MA CHOS CAN, LOG SHES YIN PAR THAL, KHYOD KYIS ZHING DES NAS MYUG SKYED PAR NGES PA GANG @045B ZHIG ;ZHING DES DON LA NAS MYUG MI SKYED PAR NGES PA'I PHYIR, RTAGS KHAS, GZHAN YANG NAS SA CHU LUD DROD GSHER TSOGS PA TSANG BA'I ZHING DANG DE 'DRA'I SHAR PHYOGS KYI ZHING GNYIS NAS MYUG SKYED NGES YIN KYANG, DE GANG RUNG YIN NA RANG 'BRAS NAS MYUG 'BYUNG NGES YIN PAS MA KHYAB CING, RANG 'BRAS NAS MYUG 'BYUNG RUNG YIN PAS KHYAB PA YOD PAR THAL, THAR LAM GSAL BYED LAS, RTAGS DANG RTZOD GZHIR BZUNG BA DE NYID RANG 'BRAS NAS KYI MYU GU SKYED NGES YIN YANG DE DAG YIN NA BSKYED PAS KHYAB PA MA NGES SHING, RUNG BA TZAM GYIS KHYAB PA NGES SO, ,ZHES GSUNGS PA'I PHYIR, BYAS PA LA KHO NA RE, SKAD CIG DANG POR NAS SA CHU LUD DROD GSHER TSOGS PA TSANG, SKAD CIG GNYIS PAR SA BON BYA ROG GIS 'DON PAR NGES PA'I ZHING CHOS CAN, RANG 'BRAS NAS MYUG 'BYUNG RUNG YIN PAR THAL, NAS SA CHU LUD DROD GSHER TSOGS PA TSANG BA'I ZHING YIN PA'I PHYIR, KHYAB PA KHAS, 'DOD NA, DE CHOS CAN, RANG 'BRAS NAS MYUG 'BYUNG RUNG MA YIN PAR THAL, RANG 'BRAS NAS MYUG MI SKYE BAR NGES PA'I ZHING YIN PA'I PHYIR ZER NA MA KHYAB, 'O NA BUM PA CHOS CAN, ZLA BA ZHES PA'I SGRAS BRJOD RUNG MA YIN PAR THAL, ZLA BA ZHES PA'I SGRAS MA BRJOD PAR NGES PA'I PHYIR, MA KHYAB NA, RANG 'BRAS NAS MYUG MI SKYE BAR NGES NA, RANG 'BRAS NAS MYUG SKYE RUNG MA YIN PAS KHYAB PA YOD PAR 'BUD, 'DOD NA, BUM PA CHOS CAN @046A *, ,ZLA BA ZHES PA'I SGRAS BRJOD RUNG YIN PAR THAL, RTOG YUL NA YOD PA'I PHYIR, KHYAB STE, RTOG YUL NA YOD PA RI BONG CAN ZLA SGRAS BRJOD RUNG DU SGRUB PA'I GRAGS RTAGS YANG DAG YIN PA'I PHYIR, NAS SA CHU LUD DROD GSHER TSOGS PA TSANG BA'I ZHING YANG YIN, RANG 'BRAS NAS MYUG MI SKYED PA YANG YIN PA'I GZHI MTHUN PA YOD MED THE TSOM MI ZA STE, DE 'DRA'I GZHI MTHUN YOD PA'I PHYIR TE, RNAM NGES DAR tIKA LAS, TSOGS PA TSANG BA YANG YIN, NAS KYI MYU GU MI SKYED PA YANG YIN PA'I GZHI MTHUN PA TSAD MAS GRUB PAS, GZHI MTHUN DES NAS KYI MYU GU SKYED PA KHEGS NA, SKYED PAR RUNG BA YANG KHEGS PAR 'GYUR RO ZHE NA, 'O NA, RTOG YUL NA YOD NA ZLA BA'I SGRAS BRJOD RUNG GI KHYAB PA KHEGS PAR THAL, ZLA BA ZHES PA'I SGRAS BRJOD PAS KHYAB PA KHEGS PA'I PHYIR, DES NA TSOGS PA TZAM NI RANG GRUB TZAM NAS RANG SKYE RUNG RANG CHAS SU RJES SU 'BREL BA YIN NO,, ZHES GSUNGS PA'I PHYIR, KHA CIG ,NAS SA CHU LUD DROD GSHER TSOGS PA TSANG BA'I ZHING YANG YIN ,RANG 'BRAS NAS MYUG MI SKYED PA YANG YIN PA'I GZHI MTHUN PA MI SRID PAR THAL, DE YIN NA RANG 'BRAS NAS MYUG SKYED NGES YIN PAS KHYAB PA'I PHYIR TE, DE YIN NA RANG 'BRAS NAS MYUG 'BYUNG RUNG YIN PAS KHYAB, RANG 'BRAS NAS MYUG 'BYUNG RUNG YIN NA RANG 'BRAS NAS MYUG GI RGYU YIN PAS KHYAB, RANG 'BRAS NAS MYUG GI RGYU YIN NA RANG 'BRAS NAS MYUG SKYED BYED YIN PAS KHYAB, DE YIN NA RANG 'BRAS NAS MYUG @046B SKYED NGES YIN DGOS PA'I PHYIR, RTAGS RNAMS 'BUD ZER NA, DE MI 'THAD PAR THAL, SKAD CIG GNYIS PAR SA BON BYA ROG GIS 'DON PAR NGES PA'I NAS SA CHU LUD DROD GSHER TSOGS PA TSANG BA'I ZHING YOD, ZHING DES RANG 'BRAS NAS MYUG MI SKYED PAR NGES PA'I PHYIR TE, DE SKAD CIG GNYIS PAR SA BON BYA ROG GIS 'DON NGES PA'I ZHING YIN PA'I PHYIR, BYAS PA LA, 'O NA SKAD CIG DANG POR NAS SA CHU LUD DROD GSHER TSOGS PA TSANG, SKAD CIG GNYIS PAR SA BON BYA ROG GIS BTON, SKAD CIG GSUM PA LA SA BON BSKYAR MA BTAB NAS RANG 'BRAS NAS MYUG SKYED NGES KYI ZHING CHOS CAN, RANG 'BRAS NAS MYUG MI SKYED PAR NGES PAR THAL, SKAD CIG GNYIS PAR SA BON BYA ROG GIS BTON PA'I ZHING YIN PA'I PHYIR ZER NA, RTAGS MA GRUB STE, RANG GI SKAD CIG GSUM PAR RANG GI 'BRAS BU'I RGYU YIN PA'I DNGOS PO GZHI MA GRUB PA'I PHYIR, MKHAS PA'I DBANG BO BAn CHEN BSOD NAMS GRAGS PAS, NAS SA CHU LUD DROD GSHER TSOGS PA TSANG BA'I ZHING YANG YIN, RANG 'BRAS NAS MYUG MI SKYED PA YANG YIN PA'I GZHI MTHUN PAR GYUR BA'I ZHING CHOS CAN, RANG 'BRAS NAS MYUG 'BYUNG RUNG YIN BAR THAL, DE 'DRA'I ZHING YIN PA'I PHYIR ZHES PA'I THAL 'GYUR GYI RTAGS GSAL DANG CHOS CAN LA THE TSOM ZA BA'I LAN 'DEBS, DER MA ZAD, SRID NA YOD PAS KHYAB PA LA YANG THE TSOM ZA BA'I LAN 'DEBS ZHES GSUNGS, GZHAN YANG ,NAS SA CHU LUD DROD GSHER @047A *, ,TSOGS PA TSANG BA'I ZHING CHOS CAN, KHYOD KYIS RANG 'BRAS NAS MYUG MI SKYED PA MI SRID PAR THAL, KHYOD KYIS RANG 'BRAS NAS MYUG SKYED NGES YIN PA'I PHYIR ZER NA MA KHYAB, CHOS RJE RJE BTZUN PAS SRID NA YOD PAS KHYAB, YOD MED THE TSOM ZA NA YOD PAS KYANG KHYAB, MED PAS KYANG KHYAB, DE LA MDUN GYI GZHI 'DIR SHA ZA CHOS CAN, YOD PAR THAL, SRID PA'I PHYIR, YANG DE CHOS CAN, MED PAR THAL, YOD MED THE TSOM ZA BA'I PHYIR ZER NA, GSAL BA LA THE TSOM ZA BA'I LAN 'DEBS GSUNGS, THAR LAM GSAL BYED LAS, GZHI DER BSKAL DON SHA ZA YOD PA'ANG SRID, MED PA'ANG SRID PAR KHAS BLANGS KYANG SHA ZA TSAD MAS GRUB PAR KHAS LEN MI DGOS PAS, CHOS CAN NYID LA THE TSOM ZA'O ZHE NA, 'O NA, SNGAR BSHAD PA'I ZHING DES MYU GU SKYED PA'ANG SRID MI SKYED PA 'ANG SRID PAS ZHING DE DANG MYU GU MI SKYED PA'I GZHI MTHUN SRID PA TSAD MAS GRUB KYANG DE 'DRA'I GZHI MTHUN TSAD MAS GRUB PA KHAS LEN MI DGOS PAS CHOS CAN NYID LA THE TSOM ZA BA KUN NAS MTSUNGS SO, ,ZHES GSUNGS PA YANG, SNGAR GYI RNAM NGES DAR tIKA DANG TSIG ZIN MI MTHUN YANG RANG LUGS RNAM NGES DAR tIKA GI RJES SU 'BRANG DGOS PAR RJE BTZUN CHOS KYI RGYAL MTSAN GYIS GSUNGS SO,, KHA CIG KHYAD PAR LTOS PA BA'I RANG BZHIN GYI RTAGS YANG DAG GI MTSAN NYID YOD DE, DE SGRUB KYI RANG BZHIN GYI RTAGS YANG DAG GANG ZHIG RANG BLO YUL DU 'CHAR @047B BA RANG GI KHYAD PAR BYED CHOS BLO YUL DU 'CHAR BA LA LTOS PA DE DE YIN PA'I PHYIR, RANG BZHIN DAG PA BA'I RANG BZHIN GYI RTAGS YANG DAG GI MTSAN NYID YOD DE, DE SGRUB KYI RANG BZHIN GYI RTAGS YANG DAG GANG ZHIG ,RANG BLO YUL DU 'CHAR BA RANG GI KHYAD PAR BYED CHOS BLO YUL DU 'CHAR BA LA MI LTOS PA DE DE YIN PA'I PHYIR, ZHES ZER NA, DNGOS PO CHOS CAN, KHYOD SGRA MI RTAG PAR SGRUB PA'I KHYAD PAR LTOS PA BA'I RANG BZHIN GYI RTAGS YANG DAG YIN PAR THAL, DE SGRUB KYI RANG BZHIN GYI RTAGS YANG DAG GANG ZHIG ,RANG BLO YUL DU 'CHAR BA RANG GI KHYAD PAR BYED CHOS BLO YUL DU 'CHAR BA LA LTOS PA'I PHYIR TE, RANG BLO YUL DU 'CHAR BA RANG GI KHYAD PAR BYED CHOS DON BYED NUS PA BLO YUL DU 'CHAR BA LA LTOS PA'I PHYIR TE, DON BYED NUS PA DE KHYOD KYI MTSAN NYID YIN PA'I PHYIR, KHA CIG ,DNGOS POR YOD PA DE SGRA MI RTAG PAR SGRUB PA'I RANG BZHIN DAG PA BA'I RANG BZHIN GYI RTAGS YANG DAG YIN NO ZHE NA, DNGOS POR YOD PA CHOS CAN, SGRA MI RTAG PAR SGRUB PA'I RANG BZHIN DAG PA BA'I RANG BZHIN GYI RTAGS YANG DAG MA YIN PAR THAL, DE SGRUB KYI KHYAD PAR LTOS PA BA'I RANG BZHIN GYI RTAGS YANG DAG YIN PA'I PHYIR TE, DE SGRUB KYI RANG BZHIN GYI RTAGS YANG DAG GANG ZHIG ,RANG ZHES BRJOD PA'I SGRAS RANG GI KHYAD PAR BYED CHOS 'PHEN PA'I PHYIR TE, RANG ZHES BRJOD PA'I SGRAS RANG GI KHYAD PAR BYED CHOS DNGOS PO 'PHEN PA'I PHYIR, MA GRUB NA, SKYE LDAN ZHES BRJOD PA'I SGRAS SKYE LDAN GYI KHYAD PAR @048A *, ,BYED CHOS SKYE BA 'PHEN PA MA YIN PAR THAL, DNGOS POR YOD PA ZHES BRJOD PA'I SGRAS DNGOS POR YOD PA'I KHYAD PAR BYED CHOS DNGOS PO 'PHEN PA MA YIN PA'I PHYIR, RTAGS KHAS, GNYIS PA RANG LUGS BZHAG PA LA GNYIS, MTSAN NYID DANG, DBYE BA'O, ,DANG PO NI RANG BZHIN GYI RTAGS YANG DAG GI MTSAN NYID YOD DE, RANG BZHIN GYI TSUL GSUM YIN PA DE DE YIN PA'I PHYIR, GO THOB DANG SBYAR NA SGRA MI RTAG PAR SGRUB PA'I RANG BZHIN GYI RTAGS YANG DAG GI MTSAN NYID YOD DE, KHYOD SGRA MI RTAG PAR SGRUB PA'I SGRUB RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, KHYOD DANG RANG BZHIN GCIG KYANG YIN PA'I GZHI MTHUN PA SRID PA DE DE YIN PA'I PHYIR, DE LTAR YANG RNAM 'GREL LAS, RANG BZHIN YOD TZAM DANG, 'BREL BA CAN GYI NGO BO YANG, ZHES GSUNGS PA'I PHYIR, GZHUNG 'DI SBYOR BA NGAG 'DON DU DRIL NA, BYAS PA CHOS CAN, RANG GI RANG BZHIN YOD PA TZAM DANG RANG 'BREL BA CAN GYI NGO BO MI RTAG PA SGRA LA GO BAR BYED PA'I RANG BZHIN GYI RTAGS YANG DAG YIN TE, DE SGRUB KYI SGRUB RTAGS YANG DAG GANG ZHIG MI RTAG PA DANG BDAG NYID GCIG YIN PA'I PHYIR, YANG SGRA SMOS PA NI, 'BRAS RTAGS SU MA ZAD RANG BZHIN GYI RTAGS KYANG LKOG GYUR GO BYED YIN PA'I DON NO, ,YOD TZAM ZHES PAS BYAS PA MI RTAG PA DANG 'BREL BA RANG LAS PHYIS 'BYUNG GI RGYU LA RAG LAS PA BCAD NAS @048B BYAS PA YOD TZAM DU SKYED PA'I LAG RJES 'JOG BYED KYI RIGS KYI RGYU NUS PA THOGS MED DE NYID MI RTAG PA'I LAG RJES 'JOG BYED KYI RIGS KYI RGYU NUS PA THOGS MED YIN PAS YOD TZAM NAS RANG CHAS SU 'BREL BA ZHES BYA'O,, GNYIS PA LA GNYIS DBYE BA DNGOS DANG, MTSAN GZHI'I STENG DU MTSAN NYID NGES BYED KYI TSAD MA BSHAD PA'O, ,DANG PO NI, RANG BZHIN GYI RTAGS YANG DAG LA DBYE NA, KHYAD PAR LTOS PA BA'I RANG BZHIN GYI RTAGS YANG DAG DANG, RANG BZHIN DAG PA BA'I RANG BZHIN GYI RTAGS YANG DAG GNYIS YOD, DANG PO KHYAD PAR LTOS PA PA'I RANG BZHIN GYI RTAGS YANG DAG GI MTSAN NYID YOD DE, RANG BZHIN GYI RTAGS YANG DAG GANG ZHIG ,RANG ZHES BRJOD PA'I SGRAS RANG GI KHYAD PAR BYED CHOS 'PHEN PA DE DE YIN PA'I PHYIR, DE LA DBYE NA, KHYAD PAR BYED CHOS RDZAS GZHAN 'PHEN PA DANG, KHYAD PAR BYED CHOS RDZAS GZHAN MA YIN PA 'PHEN PA'I KHYAD PAR LTOS PA PA'I RTAGS YANG DAG GNYIS YOD, DANG PO LA DBYE NA, KHYAD PAR BYED CHOS RDZAS GZHAN DNGOS SU 'PHEN PA DANG, SHUGS LA 'PHEN PA GNYIS YOD, DANG PO NI, DUNG SGRA MI RTAG PAR SGRUB PA LA RTZOL BYUNG RTAGS SU BKOD PA'I TSE RTZOL BYUNG LTA BU'O, ,RTZOL BYUNG CHOS CAN, KHYOD CES BRJOD PA'I SGRAS RANG GI KHYAD PAR BYED CHOS RDZAS GZHAN DNGOS SU 'PHEN PAR THAL, KHYOD CES BRJOD PA'I SGRAS RANG GI KHYAD PAR BYED CHOS RDZAS GZHAN RTZOL BYUNG GI RGYUR GYUR PA'I SKYES BU'I RTZOL BA DNGOS SU 'PHEN PA'I PHYIR, GNYIS PA NI, DUNG SGRA MI RTAG PAR SGRUB PA LA @049A *, ,BYAS PA RTAGS SU BKOD PA'I TSE BYAS PA LTA BU'O, ,BYAS PA CHOS CAN, KHYOD CES BRJOD PA'I SGRAS KHYOD KYI KHYAD PAR BYED CHOS RDZAS GZHAN SHUGS LA 'PHEN PAR THAL, KHYOD CES BRJOD PA'I SGRAS KHYOD KYI KHYAD PAR BYED CHOS RDZAS GZHAN BYAS PA'I RGYU RKYEN GNYIS PO SHUGS LA 'PHEN PA'I PHYIR, GNYIS PA KHYAD PAR BYED CHOS RDZAS GZHAN MA YIN PA 'PHEN PA NI, DUNG SGRA MI RTAG PAR SGRUB PA LA SKYE LDAN RTAGS SU BKOD PA'I TSE SKYE LDAN LTA BU'O, ,SKYE LDAN CHOS CAN, KHYOD CES BRJOD PA'I SGRAS KHYOD KYI KHYAD PAR BYED CHOS RDZAS GZHAN MA YIN PA 'PHEN PAR THAL, KHYOD CES BRJOD PA'I SGRAS KHYOD KYI KHYAD PAR BYED CHOS RDZAS GZHAN MA YIN PA SKYE LDAN GYI SKYE BA 'PHEN PA'I PHYIR, SKYE LDAN GYI SKYE BA DE SKYE LDAN DANG RDZAS GZHAN MA YIN TE, SKYE LDAN DE RANG GI SKYE SOGS BZHI DANG RDZAS GCIG YIN PA'I PHYIR, GNYIS PA RANG BZHIN DAG PA BA'I RANG BZHIN GYI RTAGS YANG DAG GI MTSAN NYID YOD DE, RANG BZHIN GYI RTAGS YANG DAG GANG ZHIG ,RANG ZHES BRJOD PA'I SGRAS RANG GI KHYAD PAR BYED CHOS MI 'PHEN PA DE DE YIN PA'I PHYIR, MTSAN GZHI NI, DUNG SGRA MI RTAG PAR SGRUB PA LA DNGOS PO RTAGS SU BKOD PA'I TSE DNGOS PO LTA BU'O, ,DE YANG YIN TE, DNGOS PO ZHES BRJOD PA'I SGRAS DNGOS PO'I KHYAD PAR BYED CHOS DNGOS SHUGS GANG LA YANG MA 'PHANGS PA'I PHYIR, GNYIS PA NI, BSTAN BCOS 'DIR LTA BA BKAR BTAGS KYI PHYAG RGYA @049B BZHI'I NANG NAS 'DUS BYAS THAMS CAD MI RTAG PAR GTZO BOR GTAN LA 'BEBS LA, BDEN BZHI'I KHYAD CHOS MI RTAG SOGS BCU DRUG GTAN LA PHAB PA NA, DE NYID SGRUB BYED DU BYAS NAS BDAG 'DZIN LHAN SKYES KYI ZHEN YUL MED PAR BYED DGOS SHING, BCOM LDAN 'DAS KYIS KYANG, GANG CUNG ZAD SKYE BA'I BDAG NYID CAN DE THAMS CAD NI 'GAGS PA'I CHOS CAN NO, ,ZHES 'DUS BYAS THAMS CAD MI RTAG PAR SGRUB PA'I RANG BZHIN GYI RTAGS KYI RNAM BZHAG GSUNGS LA, THOG MAR BYAS PA'I RTAGS KYIS SGRA MI RTAG PAR SGRUB TSUL LEGS PAR SHES NA 'DUS BYAS THAMS CAD MI RTAG PAR SGRUB TSUL SHES PAR 'GYUR BAS, SGRA MI RTAG PAR SGRUB PA LTA BU LA MTSON NA, RTAGS 'GOD PA DANG, TSUL SGRUB PA GNYIS, DANG PO NI, SGRA CHOS CAN, MI RTAG STE, BYAS PA'I PHYIR, ZHES 'GOD PA'AM, YANG NA GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO, ,ZHES 'GOD, GNYIS PA TSUL SGRUB PA LA GNYIS PHYOGS CHOS SGRUB PA DANG, KHYAB PA SGRUB PA'O, ,DANG PO NI, SBYOR BA 'DI DANG SGRUB NGAG 'DI GNYIS KYI PHYOGS CHOS PHYI RGOL DBANG RNON GYIS MNGON SUM GYIS 'GRUB LA, MNGON SUM GYIS 'GRUB MI NUS PA'I PHYIR RGOL DBANG RTUL LA, SGRA CHOS CAN, BYAS PA YIN TE, RGYU RKYEN LAS SKYES PA YIN PA'I PHYIR ZHES PA'I THA SNYAD 'BA' ZHIG SGRUB KYI RTAGS BKOD TSE RTAGS DE LA BRTEN PA'I RJES DPAG GIS 'GRUB PO, ,SBYOR BA 'DI'I TSUL GSUM MNGON SUM @050A *, ,GYIS 'GRUB STE, SGRA RGYU RKYEN LAS SKYES PA LA BYAS PAS KHYAB PAR 'JAL PA'I MNGON SUM GYIS 'GRUB PA'I PHYIR, GNYIS PA KHYAB PA SGRUB PA LA GSUM, SGRA MI RTAG PAR SGRUB PA'I RJES GRO DANG LDOG KHYAB 'GRUB PA LA TSAD MA DU DGOS DPYAD PA, RJES SU 'GRO LDOG GI KHYAB PA NGES PA LA 'BREL BA NGES PA SNGON DU 'GRO DGOS PA, 'BREL BA NGES BYED KYI TSAD MA BSHAD PA'O, ,DANG BO NI, BYAS PA'I RTAGS KYIS SGRA MI RTAG PAR SGRUB PA'I RJES 'GRO DANG LDOG KHYAB 'GRUB PA LA TSAD MA GSUM DGOS TE, RTAGS KYI MTSAN GZHI BYAS PA NGES PA'I TSAD MA, DGAG BYA'I CHOS RTAG PA DANG BSGRUB BYA'I CHOS MI RTAG PA DNGOS 'GAL DU NGES PA'I TSAD MA, RTAGS BYAS PA DGAG BYA'I CHOS RTAG PA LA 'GOG PAR BYED PA'I TSAD MA GSUM DGOS PA'I PHYIR TE, BYAS PA MI RTAG PA KHO NA LA YOD PAR NGES PA LA TSAD MA DE GSUM DGOS KYI DE LAS MANG MI DGOS PA YIN PA'I PHYIR, RTAGS KYI MTSAN GZHI NGES PA'I TSAD MA MED PAR TSAD MA PHYI MA GNYIS YOD PA TZAM GYIS RJES SU 'GRO LDOG GI KHYAB PA 'GRUB NA SHES BYA MA YIN PA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA GRUB PAR THAL, RTAG MI RTAG DNGOS 'GAL GANG ZHIG ,SHES BYA MA YIN PA RTAG PA LA KHEGS PA'I PHYIR, RTAGS GZHI MA GRUB PA'I NYES PA'O, ,DGAG BYA'I CHOS DANG BSGRUB BYA'I CHOS DNGOS 'GAL DU NGES PA'I TSAD MA MED PAR TSAD MA SNGA PHYI @050B GNYIS YOD PA TZAM GYIS RJES 'GRO DANG LDOG PA'I KHYAB PA 'GRUB NA, DUNG DKAR GYI RTAGS KYIS CHOS DUNG G-YAS 'KHYIL SER POR SGRUB PA'I RJES SU 'GRO LDOG GI KHYAB PA 'GRUB PAR THAL, RTAGS DUNG DKAR TSAD MAS GRUB, RTAGS DUNG DKAR DE SGRUB KYI DGAG BYA'I CHOS SNGON PO LA KHEGS PA'I PHYIR, 'DI NI SDO SER DNGOS 'GAL DU NGES PA'I TSAD MA MED PA'I NYES PA'O, ,RTAGS DGAG BYA'I CHOS LA 'GOG PA'I TSAD MA MED PAR TSAD MA SNGA MA GNYIS YOD PA TZAM GYIS RJES SU 'GRO LDOG GI KHYAB PA 'GRUB NA, GZHAL BYA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA GRUB PAR THAL, RTAGS KYI MTSAN GZHI GZHAL BYA TSAD MAS NGES, RTAG MI RTAG DNGOS 'GAL DU NGES PA'I PHYIR, 'DI NI RTAGS DGAG BYA'I CHOS LA 'JUG PA MA KHEGS PA'I SKYON NO, ,BYAS PA RANG GRUB TZAM NAS 'JIG NGES SU RTOGS PA'I RJES DPAG GCIG GIS BYAS PA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA MA GRUB PAR THAL, BYAS PA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA 'GRUB PA LA TSAD MA GSUM DGOS PA'I PHYIR ZER NA SKYON MED DE, DE LA TSAD MA GSUM GYI DOD THUB NGES PAR YOD PA'I PHYIR, BYAS PA'I RTAGS KYIS SGRA MI RTAG PAR SGRUB PA'I RJES KHYAB TSAD MAS NGES PA LA TSAD MA GSUM NGES PAR SNGON DU 'GRO DGOS TE, THAR LAM GSAL BYED LAS, BYAS PA MI RTAG PA KHO NA LA 'JUG PAR NGES PA LA TSAD MA GSUM DGOS, ZHES DANG, MI @051A *, ,RTAG PA LOG PA'I STOBS KYIS BYAS PA LDOG PA'I TSUL NI, MI RTAG PA LOG PA'I GZHI LA BYAS PA 'GOG PA'I GNOD PA CAN GYI RTAGS LA BRTEN NAS SGRUB PA YIN TE, SDAR RJES KHYAB 'GRUB PA'I TSAD MA GSUM DGOS PAR BSHAD PA'I THA MA'O, ZHES GSUNGS PA'I PHYIR, DE BZHIN DU RTAG PA'I RTAGS KYIS NAM MKHA' MA BYAS PAR SGRUB PA'I RJES KHYAB TSAD MAS NGES PA LA TSAD MA GSUM SNGON DU 'GRO DGOS PA'I PHYIR TE, BYAS MA BYAS DNGOS 'GAL DU NGES PA'I TSAD MA, RTAGS NGES BYED KYI TSAD MA, RTAG PA BYAS PA LA 'GOG PA'I TSAD MA GSUM SNGON DU 'GRO DGOS PA'I PHYIR, GZHAN YANG, BYAS PA'I RTAGS KYIS SGRA MI RTAG PAR SGRUB PA'I RJES KHYAB TSAD MAS NGES PA LA TSAD MA GSUM SNGON DU 'GRO DGOS PAR THAL, DE SGRUB KYI RJES KHYAB NGES PA LA BYAS PA RTAG PA LA 'GOG DGOS PA GANG ZHIG ,DE DGOS NA GZHAN GNYIS DGOS PA LAS 'OS MED PA'I PHYIR, DANG PO DER THAL, DE LA MI RTAG PA LOG STOBS KYIS BYAS PA LDOG PAR TSAD MAS NGES PA SNGON DU 'GRO DGOS PA'I PHYIR TE, DE LA BYAS PA DANG MI RTAG PA'I 'BREL BA NGES PA SNGON DU 'GRO DGOS PA GANG ZHIG ,BYAS PA MI RTAG PA DANG THA DAD, MI RTAG PA LOG STOBS KYIS BYAS PA LDOG PA DE BYAS PA MI @051B RTAG PA DANG 'BREL BA'I MTSAN NYID YIN PA'I PHYIR, BYAS PA LA KHO NA RE, DE MI 'THAD PAR THAL, RTAG PA BYAS STONG DU TSAD MAS NGES PA'I GANG ZAG YIN NA, BYAS PA MI RTAG PAR TSAD MAS NGES PA'I GANG ZAG YIN DGOS PA'I PHYIR, RTAG PA BYAS STONG DU TSAD MAS NGES PA'I GANG ZAG YIN NA, BYAS PA RTAG STONG DU TSAD MAS NGES PA'I GANG ZAG YIN DGOS PA'I PHYIR TE, RTAG PA BYAS STONG DU RTOGS PA DANG, BYAS PA RTAG STONG DU RTOGS PA GNYIS TSIG GIS BRJOD TSUL TZAM MA GTOGS DON LA KHYAD PAR MED PA'I PHYIR ZHES ZER NA, ,RTAG PA BYAS STONG DU SGRUB PA'I RTAGS YANG DAG DANG, BYAS PA RTAG STONG DU SGRUB PA'I RTAGS YANG DAG GNYIS LA TSIG GIS BRJOD TSUL TZAM MA GTOGS DON LA KHYAD PAR MED PAR THAL, RTAG PA BYAS STONG DU NGES PA DANG, BYAS PA RTAG STONG DU NGES PA'I TSAD MA GNYIS LA TSIG GI BRJOD TSUL TZAM MA GTOGS DON LA KHYAD PAR MED PA'I PHYIR, RTAGS KHAS, 'DOD NA, RIM DANG CIG CHAR GYIS DON BYED NUS PAS STONG BA CHOS CAN, DER THAL, DE'I PHYIR, 'DOD MI NUS TE, BYAS PA'I STENG DU 'GOD TSUL DANG MTHUN PAR MA GRUB PA'I PHYIR, ZHES PA'I RIGS PA THAR LAM GSAL BYED LAS GSUNGS SO, RTAG PA BYAS STONG DU RTOGS PA'I TSAD MAS BYAS PA RTAG STONG DU RTOGS PA MA YIN TE, SPYI DON RIGS RGYAN LAS, SGRA BYAS PAR 'JAL BA'I TSAD MA DANG RTAG PA BYAS STONG DU NGES PA'I TSAD MA GNYIS KYI BYED PA LA BRTEN NAS BYAS PA RTAG PAS STONG PAR RTOGS KYI, RTAG PA BYAS STONG DU RTOGS PA'I TSAD MA GCIG PO DE NYID KYIS BYAS PA RTAG PAS STONG BAR NGES PA NI MA YIN NO ZHES GSUNGS PA'I PHYIR, KHYABPA DPE'I STENG DU NGES DGOS PA'I RGYU @052A *, ,MTSAN BYAS PA LA MI RTAG PAS KHYAB PA NGES PA'I GZHI MED PAR MI RUNG STE, GZHI DANG MA 'BREL BA TSAD MAS GZHAL BYAR MI RUNG BA'I PHYIR, RTZOD GZHI YANG DER MI RUNG STE, KHYAB PA GRUB PA NA BSGRUB BYA GRUB PAR THAL BA'I PHYIR, DES NA GZHI GZHAN ZHIG DGOS LA, GZHI GZHAN DE LA DPE ZHES BYA'O, ,GNYIS PA NI, BYAS PA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA NGES PA LA, BYAS MI RTAG GI 'BREL BA NGES PA SNGON DU 'GRO DGOS TE, RANG 'GREL LAS, 'BREL BA MED PAR NI RJES SU 'GRO BA DANG LDOG PA NGES PA MED DE, ZHES DANG, RNAM 'GREL LAS KYANG, DE NYID KYI PHYIR 'BREL SHES NA, ZHES GSUNGS PA'I PHYIR, BYAS PA MI RTAG PA LA 'BREL BA'I MTSAN NYID YOD DE, BYAS PA MI RTAG PA DANG THA DAD, MI RTAG PA LOG STOBS KYIS BYAS PA LDOG PA DE DE YIN PA'I PHYIR, BYAS MI RTAG THA DAD DU MNGON SUM GYI STOBS KYIS 'GRUB LA, MI RTAG PA LOG STOBS KYIS BYAS PA LDOG PAR GNOD PA CAN GYI RTAGS LA BRTEN NAS 'GRUB PA YIN NO, ,DES NA BYAS PA'I RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA NGES PA LA, BYAS MI RTAG GI 'BREL BA NGES PA SNGON DU 'GRO DGOS, 'BREL BA DE NGES PA LA MI RTAG PA LOG STOBS KYIS BYAS PA LDOG ,PAR NGES PA SNGON DU 'GRO DGOS SHING, MI RTAG PA LOG STOBS KYIS BYAS PA LDOG PAR NGES PA, RTAG PA BYAS STONG DU NGES PA, RTAG @052B PA DANG BYAS PA'I GZHI MTHUN MED PAR NGES PA, RTAG PA LA BYAS PA MED PAR NGES PA RNAMS DON GCIG GO ,GSUM PA LA GNYIS, 'BREL BA'I RANG LDOG DANG RJES KHYAB SGRUB BYED LTOS MED KYI RTAGS BSHAD PA, 'BREL BA'I DON LDOG DANG LDOG KHYAB SGRUB BYED GNOD PA CAN GYI RTAGS BSHAD PA'O, ,DANG PO LA GNYIS, RTAGS DGOD PA DANG, TSUL SGRUB PA'O, ,DANG PO NI BYAS PA CHOS CAN, RANG GRUB TZAM NAS 'JIG PA'I BDAG NYID DU SKYES PA YIN TE, SKYES PA GANG ZHIG ,RANG SKYED BYED LAS GZHAN PA'I RGYUS RANG NYID 'JIG PAR MI BYED PA'I PHYIR, ZHES 'GOD PA'AM, YANG NA, GANG GI NGO BOR 'GRUB PA GZHAN LA LTOS PA MED PAR DE'I NGO BOR GYUR BA DE LA NI, GRUB TZAM NAS DE'I NGO BOR NGES PAS KHYAB STE, DPER NA RGYU TSOGS THAMS CAD 'BRAS BU SKYED PA BZHIN, BYAS PA DE YANG GRUB TZAM NAS 'JIG PAR 'GYUR BA PHYIS 'BYUNG GI RGYU LA LTOS MED DU 'JIG PA'I NGO BOR GYUR BA YIN NO, ,GTAN TSIGS 'DI'I RJES 'GRO'I KHYAB PA MNGON SUM GYIS 'GRUB PO, GNYIS PA TSUL SGRUB PA NI, KHYAB PA 'GRUB PA LA TSAD MA GSUM DGOS PA NI SNGAR DANG MTSUNGS LA, PHYOGS CHOS SGRUB PA NI, BYAS PA SKYED BYED LAS GZHAN PA'I RGYU 'AM BYAS PA LAS DUS PHYIS 'BYUNG GI RGYU CHOS CAN, KHYOD KYIS BYAS PA'I 'JIG PA MA BSKYED PAR THAL, KHYOD KYIS BYAS PA'I 'JIG PA DNGOS MED KYANG MA BSKYED, BYAS PA'I 'JIG PA DNGOS PO YANG MA BSKYED PA'I PHYIR, DANG PO GRUB STE, BYAS PA'I 'JIG PA @053A *, ,DNGOS MED LA KHYOD KYI BYED PA MI 'JUG PA'I PHYIR, MA GRUB NA, BYAS PA'I 'JIG PA DNGOS MED CHOS CAN, 'DUS BYAS YIN PAR THAL, RANG RGYU LAS SKYES PA'I PHYIR, RTAGS KHAS, RTAGS GNYIS PA MA GRUB ZER NA, DE CHOS CAN, KHYOD KYIS BYAS PA'I 'JIG PA DNGOS PO MA BSKYED PAR THAL, KHYOD KYIS BYAS PA'I 'JIG PA BYAS PA DANG RDZAS GCIG PA'ANG MA BSKYED, BYAS PA'I 'JIG PA BYAS PA DANG RDZAS THA DAD PA'ANG MA BSKYED PA'I PHYIR, DANG PO MA GRUB NA, BYAS PA CHOS CAN, KHYOD KYI 'JIG PA RANG DANG RDZAS GCIG PA DE 'JIG RGYU DON GZHAN GYIS SKYED MI DGOS PAR THAL, DE RANG RGYU LAS RDZOGS PAR GRUB ZIN PA'I PHYIR, BYAS PA SKYED BYED LAS GZHAN PA'I RGYU'AM BYAS PA LAS DUS PHYIS 'BYUNG GI RGYU CHOS CAN, KHYOD KYIS BYAS PA'I 'JIG PA BYAS PA DANG RDZAS THA DAD PA MA BSKYED PAR THAL, BYAS PA MTHAR 'JIG PAR 'GYUR BA'I NGANG TSUL CAN YIN PA'I PHYIR, KHYAB STE, BYAS PA RANG GI NGO BOR MA GYUR BA'I 'JIG PA'I NGANG TSUL CAN YIN NA BYAS PA RGYU LAS MI 'JIG PA'I NGO BOR SKYE DGOS LA, MTHAR 'JIG PAR 'GYUR BA 'GAL BA'I PHYIR, YANG NA 'DI LTAR BYA STE, BYAS PA CHOS CAN, KHYOD LA 'JIG PAS KHYAB PA NGES TE, KHYOD SKYED PA'I RIGS KYI RGYU NUS PA THOGS MED DE, MI RTAG PA SKYED PA'I RIGS KYI RGYU NUS PA THOGS MED YIN GYI RIGS KYI RGYU GZHAN MED PA'I PHYIR, DPE MED PAR THAL BA'I SKYON @053B MED DE BYAS MI RTAG GNYIS THUN MONG MA YIN PA'I RGYU GCIG YIN PAR DPE BUM PA SOGS KYI STENG DU GRUB PA'I PHYIR, JI LTAR GRUB NA, BUM PA'I STENG GI MI RTAG PA DNGOS MED LAS SKYE BA MI 'THAD DE, DNGOS MED RGYUR MI RUNG BA'I PHYIR, BYAS PA LA YANG SPYI BYE BRAG GNYIS LAS, BYE BRAG GI RGYU DE MI RTAG PA'I THUN MONG MA YIN PA'I RGYUR MI 'THAD DE, YUL MA GA DHA LTA BU'I BYAS PA MI RTAG PA'I THUN MONG MA YIN PA'I RGYU YIN NA, BOD KYI BUM PA LA MI RTAG PA SKYED PA'I RGYU MED PAR 'GYUR, SNGA DRO'I DUS KYI BYAS PA MI RTAG PA'I THUN MONG MA YIN PA'I RGYU YIN NA, PHYI DRO'I BUM PA MI 'JIG PAR 'GYUR, ZANGS BUM GYI BYAS PA MI RTAG PA'I THUN MONG MA YIN PA'I RGYUR DGOS NA RDZA BUM 'JIG PA'I RGYU MED PAR 'GYUR LA, YUL DUS RANG BZHIN GSUM LAS MA GTOGS PA'I BYE BRAG GZHAN MED DO, ,DPER NA, MI RTAG PA DE SPYIR RGYUS BSKYED CING MA BYAS PA'I RGYU LA LTOS PA BKAG PAS BYAS PA'I RGYU LA LTOS PAR GRUB, BYE BRAG GI RGYU LA LTOS PA BKAG PAS BYAS PA SPYI'I THUN MONG MA YIN PA'I RGYUR GRUB PO, ,GNYIS PA LA GSUM, RTAGS DGOD PA, TSUL SGRUB PA, MTHA' DPYAD PA'O, ,DANG PO NI, RTAG PA CHOS CAN, BYAS PAS STONG STE, DON BYED NUS PAS STONG BA'I PHYIR TE, RIM GYIS DON BYED NUS PAS KYANG STONG, CIG CHAR DON BYED NUS PAS KYANG STONG BA'I PHYIR, DPER NA 'DUS MA BYAS KYI NAM MKHA' BZHIN NO, ,GNYIS PA LA GNYIS LAS, KHYAB PA SGRUB PA LA TSAD MA GSUM DGOS LA, @054A *, ,PHYOGS CHOS SGRUB PA NI, RTAG PA CHOS CAN, RIM DANG CIG CHAR GYI DON BYED NUS PAS STONG STE, RIM DANG CIG CHAR GYI SKAD CIG MAS STONG BA'I PHYIR TE, SKAD CIG MAS STONG BA'I PHYIR, GZHAN YANG, DES STONG STE, RIM GYIS DON BYED NUS PAS STONG, CIG CAR DON BYED NUS PAS KYANG STONG BA'I PHYIR, DANG PO MA GRUB NA, RTAG PA CHOS CAN, 'BRAS BU THAMS CAD CIG CAR SKYED PAR THAL, 'BRAS BU SKYED PA GANG ZHIG ,RTAG PA'I PHYIR, RTAG KYANG LHAN CIG BYED RKYEN LA LTOS NAS 'BRAS BU RIM CAN DU SKYED DO ZHE NA, DE MI 'THAD PAR THAL, RTAG PA LA RKYEN GYIS KHYAD PAR BYAR MED PA'I PHYIR, RTZA RTAGS GNYIS PA MA GRUB NA, 'BRAS BU THAMS CAD CIG CAR 'BYUNG BAR THAL, RTAGS PAS 'BRAS BU CIG CAR BSKYED PA'I PHYIR, 'DOD NA, 'BRAS BU SKYE BA'I SKAD CIG GNYIS PA PHAN CHAD NAS 'BRAS BU SKYE BA RGYUN CHAD PAR THAL LO, 'DOD NA, MNGON SUM DANG 'GAL LO, ,SLOB DPON CHOS MCHOG GIS LTOS MED KYI GTAN TSIGS GNOD PA CAN GYI GTAN TSIGS KYI LAM SBYONG DU GSUNGS PA LA, RIGS GTER LAS, GNOD PA CAN GYI LAM SBYONG DU, ,LTOS MED 'CHAD PA DGONGS PA MIN, ,DES NA LOG RTOG RNAM GNYIS KYI, ,GNYEN POR GTAN TSIGS RNAM GNYIS GSUNGS, ,ZHES MU STEGS PA KHA CIG, DNGOS PO RNAMS 'JIG RGYU DANG PHRAD NA 'JIG LA, MA PHRAD NA MI 'JIG PAR @054B 'DOD PA DANG, RKYEN DANG PHRAD KYANG MI 'JIG PAR 'DOD PA'I LOG RTOG RNAM PA GNYIS KYI GNYEN POR GTAN TSIGS RNAM GNYIS GSUNGS KYI LTOS MED KYI GTAN TSIGS GNOD PA CAN GYI LAM SBYONG DU GSUNGS PA RTZA BA MKHAN PO'I DGONGS PA MA YIN ZHES GSUNGS, RANG LUGS LA LTOS MED KYI GTAN TSIGS GNOD PA CAN GYI GTAN TSIGS KYI LAM SBYONG YIN TE, RTAG PA CHOS CAN, BYAS PAS STONG STE, DON BYED NUS PAS STONG BA'I PHYIR, ,ZHES GNOD PA CAN GYI GTAN TSIGS BKOD PA LA, GZHAN SDE KHA CIG ,RTAG PA'I NGO BO LA LHAN CIG BYED RKYEN GYIS KHYAD PAR CUNG ZAD MI SKYED KYANG, RTAG PAS LHAN CIG BYED RKYEN LA LTOS NAS 'BRAS BU RIM GYIS SKYED PA YIN TE, THO BA LA SOGS PA BUM PA'I 'JIG RGYUS BUM PA'I NGO BO DANG KHYAD PAR MI SKYED KYANG, BUM PA'I 'JIG PA SKYED PA BZHIN NO, ,ZHES ZER, DE 'GOG PA LA LTOS MED KYI GTAN TSIGS GSUNGS, GSUM PA MTHA' DPYAD PA LA, RTAG PA CHOS CAN, BYAS PAS STONG STE, DON BYED NUS PAS STONG BA'I PHYIR ZHES PA'I SBYOR BA 'DI, BYAS BA'I RTAGS KYIS SGRA MI RTAG PAR SGRUB PA'I LDOG KHYAB SGRUB BYED GNOD PA CAN GYI RTAGS SBYOR DU KHAS BLANGS PA LA, RTZOD SPONG RIM PA GNYIS THAR LAM GSAL BYED LAS GSUNGS, DE'I TSUL NI, KHO NA RE, DE 'DRA'I SBYOR NGAG DE BYAS PA'I RTAGS KYIS SGRA MI RTAG PAR SGRUB PA'I LDOG KHYAB SGRUB BYED GNOD PA CAN GYI RTAGS SBYOR DU KHAS LEN PA MI 'THAD PAR THAL, RTAG PA LA BYAS PA 'GOG PA'I KHYAD @055A *, ,GZHI'I NGOS NAS GNOD PA CAN GYI RTAG LA BRTEN PA'I RJES DPAG GIS SGRO 'DOGS GCOD TSUL DPYAD MI BZOD CING BSGRUB BYA'I CHOS BYAS STONG GI NGOS NAS BRTAGS NA 'ANG, GNOD PA CAN GYI RTAG LA BRTEN PA'I RJES DPAG GIS SGRO 'DOGS GCOD TSUL DE DPYAD MI BZOD PA'I PHYIR, DANG PO LA, DOGS PA DGOD PA, DE'I LAN GDAB PA, DE LA RTZOD PA SPONG BA'O, DANG PO NI KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RTAG PA BYAS STONG DU RTOGS PA'I RJES DPAG DES RTAG PA'I GSAL BA'I DBYE BA MTHA' DAG LA BYAS STONG GIS KHYAB PA NGES SAM MA NGES, NGES NA RTZOL BYUNG GI RTAGS GYIS DUNG SGRA MI RTAG PAR SGRUB PA'I PHYI RGOL YANG DAG GI RGYUD KYI RTZOL BYUNG LA MI RTAG PAS KHYAB PA 'JAL BA'I TSAD MA DES, RTZOL BYUNG GI GSAL BA'I DBYE BA MTHA' DAG LA MI RTAG PAS KHYAB PA NGES PAR THAL, 'DOD PA'I PHYIR, 'DOD NA, DES SGRA RTAG PAS STONG PA NGES PAR THAL, 'DOD NA, DE SGRUB KYI RJES KHYAB TSAD MAS NGES PA'I GANG ZAG YIN NA, DE SGRUB KYI BSGRUB BYA TSAD MAS NGES PA'I GANG ZAG YIN DGOS PAR THAL LO, ,MA NGES NA, BYAS PA'I RTAGS KYIS SGRA MI RTAG PAR SGRUB PA'I PHYIR RGOL YANG DAG GI RGYUD KYI RTAG PA BYAS STONG DU RTOGS PA'I RJES DPAG DES RTAG PA'I GSAL BA'I DBYE BA 'GA' ZHIG LA BYAS PA 'JUG PAR DOGS PAR THAL, DES RTAG PA'I GSAL BA'I DBYE BA MTHA' DAG LA BYAS STONG GIS @055B KHYAB PA MA NGES PA'I PHYIR, 'DOD NA, DES BYAS PA SGRA MI RTAG PAR SGRUB PA'I MI MTHUN PHYOGS 'GA' ZHIG LA 'JUG PAR DOGS PAR THAL LO, ,'DOD NA, DES SGRA MI RTAG PAR SGRUB PA'I LDOG KHYAB MA RTOGS PAR THAL LO, ,'DOD NA, RTAG PA CHOS CAN, BYAS PAS STONG STE, DON BYED NUS PAS STONG BA'I PHYIR ZHES PA'I SBYOR BA DE, BYAS PA'I RTAGS KYIS SGRA MI RTAG PAR SGRUB PA'I LDOG KHYAB SGRUB BYED GNOD PA CAN GYI RTAGS SBYOR YANG DAG MA YIN PAR THAL LO ZHES ZER, BYAS PA'I RTAGS KYIS SGRA MI RTAG PAR SGRUB PA'I PHYIR RGOL YANG DAG GI RGYUD KYI RTAG PA BYAS STONG DU RTOGS PA'I RJES DPAG DES RTAG PA'I GSAL BA'I DBYE BA 'GA' ZHIG LA BYAS PA 'JUG PAR MI DOGS NA, RJES DPAG DES RTAG PA'I GSAL BA'I DBYE BA MTHA' DAG LA BYAS PA 'JUG PAR 'DZIN PA'I SGRO 'DOGS BCAD PAR THAL, DES RTAG PA'I GSAL BA'I DBYE BA 'GA' ZHIG LA BYAS PA 'JUG PAR MI DOGS PA'I PHYIR, RTAGS KHAS, 'DOD NA, RTZOL BYUNG GI RTAGS KYIS RTZOL SGRA MI RTAG PAR SGRUB PA'I PHYI RGOL YANG DAG GI RGYUD KYI RTZOL BYUNG LA MI RTAG PAS KHYAB PA 'JAL BA'I TSAD MA DES RTZOL BYUNG MTHA' DAG LA RTAG 'DZIN GYI SGRO 'DOGS BCAD PAR THAL LO, ,'DOD NA, RTZOL BYUNG GI RTAGS KYIS RTZOL SGRA MI RTAG PAR SGRUB PA'I PHYI RGOL YANG DAG GI RGYUD KYI DE SGRUB KYI RJES KHYAB 'JAL BA'I TSAD MA DES, DE SGRUB KYI BSGRUB BYA LA SGRO 'DOGS BCAD PAR THAL, 'DOD PA'I PHYIR ZHES ZER, GNYIS PA DE LA LAN 'DEBS TSUL NI, THAR LAM GSAL@056A *, ,BYED LAS, 'DOD PA KHO NA'O, ,ZHES GSUNGS, DON NI THAL 'GYUR DE RNAMS GNOD BYED DU MI 'JUG STE, THAL 'GYUR PHYI MA LA 'DOD LAN THEBS PA YIN PA'I PHYIR, ,'O NA BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI DE SGRUB KYI RJES KHYAB NGES PA'I TSAD MAS SGRA LA RTAG 'DZIN GYI SGRO 'DOGS CHOD PAR THAL, RTZOL BYUNG GI RTAGS KYIS RTZOL SGRA MI RTAG PAR SGRUB PA'I PHYI RGOL GYI RGYUD KYI DE SGRUB KYI RJES KHYAB 'JAL BA'I TSAD MAS RTZOL SGRA LA RTAG 'DZIN GYI SGRO 'DOGS CHOD PA'I PHYIR, RTAGS KHAS ZER NA 'DOD PA YIN TE, BYAS RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI DE SGRUB KYI RJES KHYAB NGES PA'I TSAD MAS SGRA LA RJES 'GRO'I TSUL GYIS RTAG 'DZIN GYI SGRO 'DOGS CHOD PA'I PHYIR, KHO NA RE, DE 'DRA'I TSAD MA DES SGRA LA RTAG 'DZIN GYI SGRO 'DOGS MA CHOD PAR THAL, RTZA SHES tIKA CHEN LAS, SGRA MI RTAG PAR SGRUB PA'I TSUL GSUM NGES PA'I TSAD MA SKYES PA NA BAR DU TSAD MA GZHAN BRGYUD PA LA MI LTOS PAR DE YI MTHU LA BRTEN NAS SGRA RTAG 'DZIN KYI SGRO 'DOGS DANG 'DZIN STANGS DNGOS SU 'GAL BA'I BLO SKYED NUS KYANG SGRA MI RTAG PA TSAD MA SNGA MAS SHUGS LA GRUB PA DANG SGRA RTAG 'DZIN GYI SGRO 'DOGS TSAD MA SNGA MAS BCAD PA MA YIN PA BZHIN NO, ,ZHES DANG, RNAM BSHAD SNYING PO'I RGYAN LAS, DE LTAR NA BYAS NA MI RTAG PAS KHYAB PA NGES PA'I TSAD @056B MA DES, SGRA BYAS NA MI RTAG PAS MA KHYAB PAR 'DZIN BA'I SGRO 'DOGS GCOD DGOS PAS, RTAGS DE LA BRTEN PA'I RJES DPAG GIS SGRO 'DOGS GSAR DU MI GCOD PAR 'GYUR RO, ,ZHES GSUNGS PA'I PHYIR NA MA KHYAB STE, LUNG DE GNYIS KYI DON NI, BYAS PA'I RTAGS KYIS SGRA MI RTAG PAR SGRUB PA'I RJES KHYAB 'JAL BA'I TSAD MA DES SGRA KHYAD PAR GYI GZHI CHOS CAN GYI TSUL DU BLO KHA PHYOGS NAS DE LA RTAG 'DZIN GYI SGRO 'DOGS MA CHOD PA DANG, TSUL DE LTAR BYAS NAS RTAG 'DZIN GYI SGRO 'DOGS SGRA MI RTAG RTOGS KYI RJES DPAG GIS GSAR DU BCAD PA LUNG DE GNYIS KYI DON YIN PA'I PHYIR, GSUM PA DE LA RTZOD PA SPONG BA LA, KHO NA RE, BYAS PA'I RTAGS LAS RTZOL SGRA MI RTAG PAR RTOGS PA'I RJES DPAG CHOS CAN, BCAD SHES YIN BAR THAL, RANG 'DREN BYED KYI TSAD MA SNGA MAS SGRO 'DOGS BCAD ZIN GYI DON DE LA BSNAN NAS SGRO 'DOGS GCOD PA'I SHES PA YIN PA'I PHYIR ZER NA MA KHYAB STE, RANG GI NYER LEN TSAD MA SNGA MAS RTOGS ZIN GYI DON LA BSNAN NAS 'JUG PA BCAD SHES KYI DON YIN GYI TSAD MA SNGA MAS SGRO 'DOGS BCAD ZIN GYI DON GCOD PA BCAD SHES KYI DON MA YIN PA'I PHYIR TE, TSAD MA'I LAM SGRIGS LAS, DE LTAR NA RTAGS DER BRTEN GYI RJES DPAG BCAD SHES SU 'GYUR TE SGRO 'DOGS BCAD ZIN GYI DON GCOD PA'I PHYIR RO ZHE NA, RTOGS ZIN GYI DON LA 'JUG PA BCAD SHES KYI DON YIN GYI BCAD ZIN GYI DON GCOD PA DE'I DON MA YIN NO ZHES GSUNGS PA'I PHYIR, KHO NA RE, @057A *, ,RTOGS ZIN GYI DON LA 'JUG PAR YANG KHAS LEN DGOS TE, BYAS RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI DE SGRUB KYI TSUL GSUM 'JAL BA'I TSAD MA CHOS CAN, SGRA RTAG STONG DU RTOGS PAR THAL, SGRA LA BLO KHA PHYOGS, DE LA RTAG 'DZIN GYI SGRO 'DOGS CHOD PA'I PHYIR, RTAGS GNYIS KA GRUB STE, DE 'DRA'I PHYI RGOL GYI RGYUD KYI DE SGRUB KYI PHYOGS CHOS 'JAL BA'I TSAD MAS BLO KHA PHYOGS, KHYAB PA 'JAL BA'I TSAD MAS SGRO 'DOGS CHOD PA'I PHYIR ZER NA RTZA BAR MA KHYAB STE, SGRA RTAG STONG DU RTOGS PA LA SGRA DE LA RTAG PAS STONG PA'I KHYAD PAR GYI GZHI CHOS CAN GYI TSUL GYIS BLO KHA PHYOGS DGOS LA, DE SGRUB KYI TSUL GSUM 'JAL BA'I TSAD MAS SGRA DE LA RTAG PAS STONG BA'I KHYAD PAR GYI GZHI CHOS CAN GYI TSUL GYIS BLO KHA MA PHYOGS PA'I PHYIR TE, THAR LAM GSAL BYED LAS, DE RTOGS PA LA RTZOL SGRA DE RTAG PAS STONG PA'I KHYAD PAR GYI GZHI CHOS CAN GYI TSUL GYIS BLO KHA PHYOGS DGOS NA TSUL GSUM 'JAL BA'I TSAD MA LA DE MED PA'I PHYIR RO, ,ZHES GSUNGS PA'I PHYIR, KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD GYI DE SGRUB KYI RJES KHYAB NGES PA'I TSAD MAS SGRA LA RTAG 'DZIN GYI SGRO 'DOGS CHOD PA THAR LAM GSAL BYED KYI DGONGS PA MIN TE, THAR LAM GSAL BYED LAS, SGRO 'DOGS CHOD PA YIN GYI RJES DPAG MA SKYES SO, ,ZHES KHAS @057B LEN DGOS PAR 'GYUR TE, LUGS DE LA RJES DPAG GI 'DZIN STANGS CUNG ZAD KYANG MI RNYED PA'I PHYIR RO, ,ZHES GSUNGS PA'I PHYIR NA SKYON MED DE, BLO DES SGRA LA RTAG PAS STONG PA'I KHYAD PAR GYI GZHI'I TSUL GYIS BLO KHA PHYOGS PA'I SGO NAS SGRA LA RTAG 'DZIN GYI SGRO 'DOGS CHOD NA BLO DES SGRA RTAG STONG DU RTOGS DGOS ZHES PA'I DON YIN PA'I PHYIR, DOGS PA GNYIS PA BSGRUB BYA'I CHOS BYAS STONG GI NGOS NAS BRTAG NA 'ANG DPYAD MI BZOD PA NI, SPYIR SKABS 'DI'I DOGS PA SKYED PA'I GZHI NI, SLOB DPON DBANG PHYUG SDE NA RE, BYAS PA RTAG PA'I GSAL BA'I DBYE BA RE RE NAS MED PAR NGES MI NUS TE, RTAG PA'I GSAL BA'I DBYE BA RE RE NAS BYAS PA YOD KYANG PHYI RGOL LA SNANG DU MI RUNG BA'I PHYIR, DES NA BYAS PA DANG RTAG PA'I GZHI MTHUN SRID PAR MA MTHONG BA TZAM GYIS BYAS PA'I RTAGS KYIS SGRA MI RTAG PAR SGRUB PA'I LDOG KHYAB NGES PA YIN ZHES ZER, RANG LUGS LA BYAS PA DANG RTAG PA'I GZHI MTHUN MI SRID PAR MTHONG DGOS KYI SRID PAR MA MTHONG BA TZAM GYIS MI 'GRUB STE, ,DE TZAM GYIS THE TSOM DGAG MI NUS PA'I PHYIR, BYAS PA LA KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RTAG PA BYAS STONG DU RTOGS PA'I TSAD MA DES, RTAG PA BYAS PA'I GSAL BA'I DBYE BA MTHA' DAG GIS STONG PAR NGES SAM MA NGES, NGES NA, DE'I RGYUD KYI BYAS PA RTAG STONG DU NGES PA'I TSAD MA DES, BYAS PA RTAG PA'I GSAL BA'I DBYE BA @058A *, ,MTHA' DAG GIS STONG BAR NGES PAR THAL, 'DOD PA'I PHYIR, 'DOD NA, TSAD MA DES BYAS PA SGRA'I RTAG STONG DU NGES PAR THAL, 'DOD PA'I PHYIR, 'DOD NA, BYAS PA'I RTAGS KYIS SGRA MI RTAG PAR SGRUB PA'I RJES KHYAB TSAD MAS NGES PA'I GANG ZAG YIN NA, SGRA RTAG STONG DU TSAD MAS NGES PA'I GANG ZAG YIN DGOS PAR THAL, 'DOD PA'I PHYIR, MA NGES NA, BYAS PA'I RTAGS KYIS SGRA MI RTAG PAR SGRUB PA'I PHYI RGOL DES BYAS PA'I KHYAD PAR 'GA' ZHIG RTAG PA LA 'JUG PAR DOGS PAR THAL, DE'I RGYUD KYI RTAG PA BYAS STONG DU RTOGS PA'I TSAD MA DES RTAG PA BYAS PA'I GSAL BA'I DBYE BA MTHA' DAG GIS STONG PAR MA RTOGS PA GANG ZHIG ,DE LAS GZHAN PA'I DE'I RGYUD LA BYAS PA'I KHYAD PAR 'GA' ZHIG RTAG PA LA 'JUG PAR 'DZIN PA'I SGRO 'DOGS GCOD BYED KYI TSAD MA GZHAN MED PA'I PHYIR, 'DOD NA, PHYI RGOL DES BYAS PA SGRA MI RTAG PAR SGRUB PA'I MI MTHUN PHYOGS LA 'JUG PAR DOGS PAR THAL, 'DOD PA'I PHYIR, 'DOD NA, PHYI RGOL DES BYAS PA'I RTAGS KYIS SGRA MI RTAG PAR SGRUB PA'I LDOG KHYAB MA RTOGS PAR THAL LO, ,'DOD NA, DE SGRUB KYI PHYI RGOL YANG DAG MA YIN PAR THAL, DES DE SGRUB KYI TSUL GSUM MA NGES PA'I PHYIR ZHES ZER NA SKYON MED DE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RTAG PA BYAS STONG DU RTOGS PA'I TSAD MA DES RTAG PA BYAS PA'I GSAL BA'I DBYE BA MTHA' DAG GIS STONG @058B BAR NGES KYANG BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI DE SGRUB KYI RJES KHYAB NGES PA'I TSAD MAS DE SGRUB KYI BSGRUB BYA GRUB PAR THAL BA'I SKYON MED DE, DE'I RGYUD KYI DE SGRUB KYI RJES KHYAB 'JAL BA'I TSAD MAS BYAS PA KHYAD GZHIR BZUNG BA'I STENG DU SGRA'I RTAG PAS STONG PA GRUB KYANG, SGRA KHYAD GZHIR BZUNG BA'I STENG DU RTAG PA MA KHEGS PA'I PHYIR, 'O NA, DE 'DRA'I PHYI RGOL GYI RGYUD KYI BYAS NA MI RTAG PAS KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA MI RTAG PAS KHYAB PA NGES PAR THAL, DE'I RGYUD KYI RTAG PA BYAS STONG DU RTOGS PA'I TSAD MA DES RTAG PA'I GSAL BA'I DBYE BA MTHA' DAG LA BYAS PAS STONG BAS KHYAB PA NGES PA'I PHYIR TE, DES RTAG PA'I GSAL BA'I DBYE BA MTHA' DAG BYAS STONG DU NGES PA'I PHYIR ZER NA, RNAM NGES DAR tIKA LAS BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI BYAS NA MI RTAG PA'I KHYAB PA NGES PA'I TSAD MAS BYAS PA'I GSAL BA'I DBYE BA MTHA' DAG LA RTAG 'DZIN GYI SGRO 'DOGS CHOD KYANG MI RTAG PAS KHYAB PA MA NGES PA DANG, DE'I RGYUD KYI BYAS NA MI RTAG PAS KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA MI RTAG PAS KHYAB PA NGES PA'I LUGS GNYIS GSUNGS, SPYI DON RIGS RGYAN LAS KYANG, LUGS DE GNYIS KA BKOD DE, RANG LUGS LUGS PHYI MA'I RJES SU 'BRANG DGOS PAR RJE BTZUN CHOS KYI RGYAL MTSAN DPAL BZANG POS GSUNGS SO, ,GSUM @059A *, ,PA RTZOD PA SPONG PA LA KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI BYAS NA MI RTAG PAS KHYAB PA 'JAL BA'I TSAD MA CHOS CAN, KHYOD KYIS SGRA'I BYAS PA MI RTAG PAR NGES PAR THAL, KHYOD KYIS BYAS PA'I GSAL BA'I DBYE BA MTHA' DAG LA MI RTAG PAS KHYAB PA NGES PA'I PHYIR ZER NA, MA KHYAB STE, DE 'DRA'I TSAD MA DES SGRA DANG SGRA'I BYAS PA LA DNGOS SHUGS GANG LA YANG BLO KHA MA PHYOGS PA'I PHYIR TE, RNAM NGES DAR tIKA LAS, YANG BYAS NA MI RTAG PAS KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA MI RTAG PAS KHYAB PA NGES SU CHUG KYANG, SGRA'I BYAS PA LA MI RTAG PAS KHYAB PA NGES MI DGOS TE, SGRA DANG SGRA'I BYAS PA LA DNGOS SHUGS GANG LA YANG BLO KHA PHYOGS PA MED PA'I PHYIR, ZHES GSUNGS SHING TSAD MA'I BSTAN BCOS RIGS PA'I RGYAN LAS KYANG DE DANG MTHUN PAR GSUNGS PA'I PHYIR, KHO NA RE, SNGAR GYI GNOD PA CAN GYI TSAD MA DES RTAG PA'I GSAL BA'I DBYE BA MTHA' DAG LA BYAS PA 'JUG PAR 'DZIN PA'I SGRO 'DOGS MA CHOD PAR THAL, BYAS PA'I GSAL BA'I DBYE BA MTHA' DAG LA DNGOS SHUGS GANG LA YANG BLO KHA MA PHYOGS PA'I PHYIR, KHYAB PA SONG ZER NA MI MTSUNGS TE, RTAG PA LA BYAS PA TZAM MI SRID PAR NGES PA NA, RTAG PA'I GSAL BA'I DBYE BA 'GA' ZHIG LA BYAS PA YOD PA KHEGS KYANG DGAG BYA'I CHOS RTAG PA'I DBYE BA BUM PA DANG @059B SNAM BU'I STENG GI RTAG PA DANG RIG BYED DANG PI WANG GI SGRA'I STENG GI RTAG PA LA BYAS PA MI SRID PAR NGES MI DGOS PA'I PHYIR, DPER NA YOD MED DNGOS 'GAL DU NGES PA NA GZHI GANG GI YANG STENG DU DE GNYIS GZHI MTHUN SRID PA'I DOGS PA MED KYANG RIG BYED DANG PI WANG GI SGRA'I STENG DU DE GNYIS DNGOS 'GAL DU NGES MI DGOS PA BZHIN NO,, KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG DES, BYAS PA'I GSAL BA'I DBYE BA 'GA' ZHIG DANG RTAG PA'I GZHI MTHUN YOD PAR DOGS PAR THAL, DES SGRA'I BYAS PA DANG RTAG PA'I GZHI MTHUN YOD PAR DOGS PA'I PHYIR NA MA KHYAB, GZHAN YANG, BYAS PA RTAG PA THAMS CAD KYIS STONG BAR NGES PA RTAG PA THAMS CAD TSAD MAS NGES PA LA LTOS PAR THAL, BYAS PA RTAG STONG DU NGES PA'I RJES DPAG DES, BYAS PA RTAG PA'I GSAL BA'I DBYE BA MTHA' DAG GIS STONG BAR MA NGES PA'I PHYIR, RTAGS KHAS, 'DOD NA, BYAS PA SGRA MI RTAG PAR SGRUB PA'I MI MTHUN PHYOGS MTHA' DAG LA MED PAR NGES PA SGRA MI RTAG PAR SGRUB PA'I MI MTHUN PHYOGS MTHA' DAG NGES PA LA LTOS PAR THAL, 'DOD PA'I PHYIR, 'DOD NA, RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PAR 'DOD PA'I GZHUNG 'DZUG RIGS PAR THAL LO, ,KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RTAG PA BYAS STONG DU RTOGS PA'I RJES DPAG DES BYAS PA'I RTAGS KYIS SGRA MI RTAG PAR SGRUB PA'I @060A *, ,LDOG KHYAB RTOGS PAR THAL, RTAG PA CHOS CAN, BYAS PAS STONG STE, DON BYED NUS PAS STONG PA'I PHYIR, ZHES PA'I SBYOR BA 'DI DE SGRUB KYI LDOG KHYAB SGRUB BYED KYI SBYOR NGAG RNAM DAG YIN PA'I PHYIR NA MA KHYAB, 'DOD NA, DES DE SGRUB KYI LDOG KHYAB MA RTOGS PAR THAL, DES DE SGRUB KYI RJES KHYAB MA RTOGS PA'I PHYIR TE, BYAS PA RTAG STONG DU MA RTOGS PA'I PHYIR TE, RNAM NGES DAR tIKA LAS, GNOD PA CAN GYI RTAGS LA BRTEN PA'I RJES DPAG 'DIS SNGAR BSHAD PA'I 'BREL BA'I PHYOGS GCIG NGES PA YIN KYANG, BYAS PA GZHIR BZUNG NAS RTAG PA LA MED NGES SU RTOGS PA MIN TE, DE'I RTEN GTAN TSIGS DE, BYAS PA'I 'GOD TSUL LA MA GRUB PA'I PHYIR, ZHES DANG, RTAG PA LA BYAS PA MED PAR STON PA'I SGRA DES BYAS PA RTAG PA LA MED PAR STON YANG, RTAG PA BYAS STONG DU RTOGS PA'I TSAD MA DES BYAS PA RTAG PA LA MED PAR RTOGS NUS PA MA YIN PAS GZHI BYAS PA DANG TSOGS DGOS PA YIN NO, ,ZHES GSUNGS PA'I PHYIR, KHO NA RE, BYAS NA MI RTAG PAS KHYAB PA NGES PA'I TSAD MA YIN NA, RTAG NA MA BYAS PAS KHYAB PA NGES PA'I TSAD MA YIN DGOS PAR THAL, ,BYAS PA'I RTAGS KYIS SGRA MI RTAG PAR SGRUB PA'I RJES KHYAB NGES PA'I TSAD MA YIN NA DE SGRUB KYI LDOG KHYAB NGES PA'I TSAD MA YIN DGOS PA'I PHYIR NA MA KHYAB, BYAS NA MI RTAG PAS KHYAB PA 'JAL BA'I TSAD MA DES SGRA LA RTAG 'DZIN GYI SGRO 'DOGS CHOD PAR THAR LAM GSAL BYED LAS @060B GSUNGS PA'I DON RJE BTZUN CHOS KYI RGYAL MTSAN GYIS 'GREL TSE 'DI LTAR GSUNGS TE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI BYAS NA MI RTAG PAS KHYAB PA 'JAL BA'I TSAD MA DES SGRA LA RTAG 'DZIN GYI SGRO 'DOGS CHOD PA LUNG DE'I DON YIN GYI, DE 'DRA'I TSAD MA YIN NA SGRA LA RTAG 'DZIN GYI SGRO 'DOGS CHOD PAS MA KHYAB STE, SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR 'GOD PA SKABS SU BAB PA'I PHYI RGOL YANG DAG GI RGYUD KYI DE 'DRA'I TSAD MA DES SGRA LA RTAG 'DZIN GYI SGRO 'DOGS MA CHOD PA'I PHYIR TE, DE 'DRA'I PHYI RGOL DES SGRA RTAG PAR BDEN ZHEN GYIS 'DOD PA'I PHYIR, DE 'DRA'I PHYI RGOL DE'I RGYUD LA DE 'DRA'I TSAD MA YOD DE, DE'I RGYUD LA BYAS PA'I RTAGS KYIS SGRA MI RTAG PAR SGRUB PA'I RJES KHYAB 'JAL BA'I TSAD MA YOD PA'I PHYIR TE, MDO RANG 'GREL LAS, BRJOD PA GANG ZHIG GNYIS KA LA NGES PA DE KHO NA SGRUB PA'AM SUN 'BYIN PA YIN GYI, ZHES GSUNGS PA'I PHYIR, SKABS 'DIR MKHAS GRUB CHEN PO 'JAM DBYANGS BZHAD PA'I RDO RJES, BYAS NA MI RTAG PAS KHYAB PA 'JAL BA'I TSAD MA DES SGRA LA MTHA' GCIG TU RTAG PAR 'DZIN PA'I SGRO 'DOGS CHOD KYANG, SGRA LA RTAG 'DZIN GYI SGRO 'DOGS MA CHOD DE, SGRA RTAG GAM MI RTAG SNYAM PA'I THE TSOM SGRA RTAG 'DZIN GYI SGRO 'DOGS YIN PAS, DE LTA BU'I SGRO 'DOGS MA CHOD PA'I PHYIR ZHES GSUNGS, RJE BTZUN CHOS KYI RGYAL MTSAN DPAL BZANG PO'I GSUNG RNAMS @061A *, ,GUNG BSGRIGS NA, SGRA RTAG PAR 'DZIN PA'I SGRO 'DOGS LA SGRA RTAG PAR MTHA' GCIG TU 'DZIN PA'I LOG RTOG GIS KHYAB PA BZHED DAM SNYAM MO, ,GSUM PA MA DMIGS PA'I RTAGS LA GSUM, MTSAN NYID, DBYE BA NGES PAR SGRUB PA, PHYE BA SO SO'I DON NO, ,DANG PO MA DMIGS PA'I RTAGS YANG DAG GI MTSAN NYID YOD DE, MA DMIGS PA'I TSUL GSUM YIN PA DE DE YIN PA'I PHYIR ,DE SGRUB KYI MA DMIGS PA'I RTAGS YANG DAG GI MTSAN NYID YOD DE, KHYOD DE SGRUB KYI TSUL GSUM GANG ZHIG , KHYOD KYI RTAGS GYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN DGAG PA YANG YIN PA'I GZHI MTHUN PA YOD PA DE DE YIN PA'I PHYIR, GNYIS PA LA, DGAG BZHAG GNYIS LAS, DANG PO NI, KHA CHE DZNY'A NA SHR'I DANG LO CHEN GYIS, ME DANG, TZAN DAN GYI ME DANG, DU BA DANG, MI'I DNGOS RGYU NUS PA THOGS MED KYIS KHYAB PAR NON PA'I GZHIR GRANG REG DANG, BA MO'I REG PA DANG, GRANG 'BRAS SPU LONG BYED DANG, GRANG REG GI DNGOS RGYU NUS PA THOGS MED RGYUN CHAGS SU GNAS PA MED PAR SGRUB PA LA, ME DANG, TZAN DAN GYI ME DANG, DU BA DANG, ME'I DNGOS RGYU NUS PA THOGS MED KYIS KHYAB PAR NON PA RTAGS SU BKOD PA TSA REG SKOR BZHIS GRANG REG SKOR BZHI BKAG PA'I LHAN CIG MI GNAS 'GAL LA BRTEN PA'I SBYOR BA BCU DRUG YOD CES ZER, 'JAM MGON SA SKYA PAntI TAS, ME'I DNGOS RGYU NUS PA THOGS MED RTAGS SU BKOD NAS, RANG PHYOGS CHOS CAN DU GRUB PA'I GZHIR GRANG REG SKOR BZHI 'GOG PA MI 'THAD PAR THAL, DE LTAR 'GOG MI NUS PA'I PHYIR, DES NA GZHUNG LAS RNAM BZHAG MANG DU GSUNGS KYANG, LHAN CIG MI @061B GNAS 'GAL LA BRTEN PA'I 'GAL DMIGS KYI SBYOR BA LA BCU GNYIS SU GRANGS NGES TE, DE LTAR YANG RIGS GTER LAS TSA ROG SKOR BZHIS GRANG REG BZHI, ,BKAG PA'I SBYOR BA BCU DRUG ZER, ,GZHUNG LAS RNAM BZHAG MANG BSHAD KYANG, ,'GOG NUS SNGA MA BCU GNYIS YIN, ,ZHES GSUNGS, GTZANG NAG PA BRTZON 'GRUS SENGGES DZE DZE TA RI DGRA LAS RNAM RGYAL GYI DGONGS PAR BYAS NAS BCU GNYIS SU GRANGS NGES ZHES GSUNGS, DE NYID RGYAL TSAB CHOS RJES 'GOG TSUL NI, LUGS DANG POS 'GAL RGYU DMIGS PA'I RTAGS BZHI'I GRANGS NGES BYED PA MI 'THAD DE, ME'I DNGOS RGYU NUS PA THOGS MED KYIS KHYAB PAR NON PA'I GZHIR ME SNANG DU MI RUNG NA ME'I DNGOS RGYU NUS PA THOGS MED KYANG SNANG DU MI RUNG, GZHI DER ME SNANG DU RUNG NA RTAGS 'GOD PA'I TSE RANG BZHIN 'GAL DMIGS KYI RTAGS 'GOD DGOS KYI 'GAL BA'I RGYU DMIGS PA'I RTAGS 'GOD MI RIGS PA'I PHYIR, LUGS PHYI MA GNYIS KYIS, LHAN CIG MI GNAS 'GAL LA BRTEN PA'I 'GAL DMIGS KYI RTAGS BSHAD MA THAG PA LTAR BCU GNYIS KYI GRANGS NGES BYED PA MI 'THAD DE, ME STOBS CHEN POS KHYAB PAR NON PA'I RTAGS LAS RANG PHYOGS KYI CHOS SU GRUB PA'I GZHIR GRANG REG 'GOG PA'I RANG BZHIN 'GAL DMIGS LAS LOGS SU TZAN DAN GYI MES RANG PHYOGS KYI CHOS SU GRUB PA'I GZHIR GRANG REG 'GOG PA'I 'GAL DMIGS KYI RTAGS SMOS PA LA DGOS PA MED CING, ME STOBS CHEN PO RTAGS SU BKOD PA LAS LOGS SU TZAN DAN GYI ME STOBS CHEN PO RTAGS SU BKOD PA'I @062A *, ,'GAL DMIGS KYI RTAGS YANG DAG SDE BDUN GYI GZHUNG GANG DU YANG MA GSUNGS PA'I PHYIR, TZAN DAN GYI MES RANG PHYOGS KYI CHOS SU GRUB PA'I GZHIR GRANG REG 'GOG NUS NA YANG, MES GRANG REG 'GOG PA'I RANG BZHIN 'GAL DMIGS KYI NANG DU 'DU BA YIN PA'I PHYIR, GNYIS PA RANG LUGS NI, TSAD MAS DMIGS PA'I SGO NAS YOD PA 'JOG PA BZHIN DU, GZHI GANG GI STENG DU DGAG BYA 'GOG PA LA DGAG BYA DMIGS PA'I TSAD MA BKAG PA'I SGO NAS DGAG BYA 'GOG DGOS TE, DGAG BYA 'GOG PA'I THABS GZHAN MED PA'I PHYIR TE, RNAM 'GREL LAS, DGAG PA NYID NI THAMS CAD DU, ,MI DMIGS PA LAS 'GRUB PA YIN, ,TSAD MAS GRUB PAR SMRA RNAMS KYI, ,DON GYI BZLOG PA NYID LAS YIN, ,ZHES DANG, RANG 'GREL LAS KYANG, DGAG PA GANG JI SNYED PA DE THAMS CAD NI MI DMIGS PA LAS YIN NO, ,ZHES GSUNGS PA'I PHYIR, DGAG BYA DMIGS PA'I TSAD MA BKAG PA'I SGO NAS DGAG BYA 'GOG TSUL NI, DGAG GZHI'I STENG DU PHYI RGOL KYIS DGAG BYA'I CHOS DMIGS PA'I TSAD MA BKAG PA GRUB KYANG DGAG BYA'I CHOS BKAG PA MA GRUB NA, DGAG BYA'I CHOS DMIGS PA'I TSAD MA BKAG PA RTAGS SU BKOD NAS DGAG BYA 'GOG PAR BYED LA, DGAG GZHI'I STENG DU PHYI RGOL GYIS DGAG BYA'I CHOS DMIGS PA'I TSAD MA BKAG PA MA GRUB NA, DGAG BYA'I CHOS DMIGS PA'I TSAD MA BKAG PA DANG, DGAG BYA'I CHOS BKAG PA GNYIS KA BSGRUB BYA'I CHOS SU BYAS @062B NAS DGAG BYA 'GOG PAR BYED PA'I PHYIR RO, ,DE YANG DGAG BYA 'GOG PA LA DGAG GZHI PHYI RGOL GYI MNGON SUM LA SNANG DU RUNG BA DANG MI RUNG BA GNYIS SU NGES LA, MI RUNG NA MNGON SUM GYIS DGAG PA BYED PA MI SRID PA'I PHYIR TE, DGAG GZHI DNGOS SU RTOGS NAS MED DGAG SHUGS LA GZHAL BA MA GTOGS DGAG GZHI DANG BRAL BA'I MED DGAG YAN GAR BA TSUR MTHONG GI MNGON SUM LA SNANG DU MI RUNG BA'I PHYIR, DES NA DGAG GZHI PHYI RGOL GYI MNGON SUM LA SNANG DU MI RUNG NA RJES DPAG GIS DGAG PA BYED DGOS SO, ,DGAG GZHI PHYI RGOL GYI MNGON SUM LA SNANG DU RUNG BA LA YANG DGAG BYA'I CHOS SU BTAGS PA'I DON DE YOD NA PHYI RGOL GYI MNGON SUM LA SNANG DU RUNG BA DANG MI RUNG BA GNYIS SU NGES LA, SNANG DU MI RUNG NA MI SNANG BA MA DMIGS PA'I RTAGS 'JUG ,SNANG DU RUNG BA LA YANG DGAG GZHI DER DGAG BYA'I CHOS SU BTAGS PA'I DON DE PHYI RGOL GYI MNGON SUM LA SNANG DU RUNG BA DANG, MI RUNG BA GNYIS SU NGES PA LAS, SNANG DU RUNG NA, PHAL CHER MNGON SUM GYIS DGAG PA BYED LA, MNGON SUM GYIS MA GRUB NA THA SNYAD 'BA' ZHIG SGRUB KYI RTAGS LA BRTEN NAS SGRUB DGOS PAS RANG BZHIN MA DMIGS PA'I RTAGS 'JUG PA'I DUS YIN NO,, DGAG BYA'I CHOS SU BTAGS PA'I DON DE SPYIR PHYI RGOL GYI MNGON SUM LA SNANG DU RUNG LA, DGAG GZHI DER PHYI RGOL GYI MNGON SUM LA SNANG DU MI RUNG BA LA DGAG PA BYED PA NA, @063A *, ,DGAG GZHI DER DGAG BYA'I CHOS KYI 'BREL ZLA PHYI RGOL GYI MNGON SUM LA SNANG DU RUNG BA DANG, DGAG BYA'I CHOS KYI 'GAL ZLA PHYI RGOL GYI MNGON SUM LA SNANG DU RUNG BA GNYIS SU NGES LA, DANG PO DGAG BYA'I CHOS KYI 'BREL ZLA LA NGO BO RGYU 'BRAS GSUM DU NGES SHING, NGO BO LA KHYAB CHUNG BA, KHYAB MNYAM PA, KHYAB CHE BA GSUM DU NGES LA, KHYAB CHUNG BA BKAG PAS GZHI DER DGAG BYA'I CHOS 'GOG MI NUS LA, KHYAB MNYAM PA PHYI RGOL GYI MNGON SUM LA SNANG DU RUNG NAS MI SNANG NA, SNGAR BSHAD PA'I RANG BZHIN MA DMIGS PA'I RTAGS YANG DAG 'JUG ,KHYAB CHE BA PHYI RGOL GYI MNGON SUM LA SNANG DU RUNG NAS MI SNANG NA, KHYAB BYED MA DMIGS PA'I RTAGS 'JUG ,DGAG GZHI DER DGAG BYA'I CHOS KYI RGYU PHYI RGOL GYI MNGON SUM LA SNANG DU RUNG NAS MI SNANG NA, RGYU MA DMIGS PA'I RTAGS 'JUG DGAG GZHI'I STENG DU, DGAG BYA'I CHOS KYI DNGOS 'BRAS PHYI RGOL GYI MNGON SUM LA SNANG DU RUNG NAS MI SNANG NA, DNGOS 'BRAS MA DMIGS PA'I RTAGS 'JUG ,DE LTAR NA 'BREL ZLA MA DMIGS PA'I RTAGS YANG DAG LA, RGYU, KHYAB BYED, RANG BZHIN DNGOS 'BRAS MA DMIGS PA'I RTAGS YANG DAG BZHIR NGES PA YIN NO, ,DGAG GZHI DER DGAG BYA'I CHOS KYI 'GAL ZLA PHYI RGOL GYI MNGON SUM LA SNANG DU RUNG NA, 'GAL ZLA DMIGS PA'I RTAGS 'JUG ,DGAG BYA'I @063B CHOS KYI 'BREL ZLA LA NGO BO RGYU 'BRAS GSUM DU NGES PA BZHIN DU, DE'I 'GAL ZLA LA'ANG NGO BO RGYU 'BRAS GSUM DU NGES LA, DGAG GZHI DER DGAG BYA'I CHOS KYI 'GAL ZLA'I NGO BO DANG, DGAG BYA'I CHOS KYI 'GAL ZLA'I 'BRAS BU PHYI RGOL GYI MNGON SUM LA SNANG DU RUNG NA, RANG BZHIN 'GAL DMIGS KYI RTAGS DANG, 'GAL 'BRAS DMIGS PA'I RTAGS 'JUG ,DGAG GZHI DER DGAG BYA'I CHOS KYI RGYU'I 'GAL ZLA DNGOS DANG, DER DGAG BYA'I CHOS KYI RGYU'I 'GAL ZLA 'I 'BRAS BU PHYI RGOL GYI MNGON SUM LA SNANG DU RUNG NA, RGYU 'GAL DMIGS KYI RTAGS DANG, RGYU DANG 'GAL BA'I 'BRAS BU DMIGS PA'I RTAGS 'JUG DGAG GZHI'I STENG DU DGAG BYA'I CHOS DANG BDAG GCIG PA'I KHYAB BYED KYI 'GAL ZLA DNGOS DANG, DGAG GZHI DER DGAG BYA'I CHOS KYI 'BRAS BU DNGOS KYI 'GAL ZLA PHYI RGOL GYI MNGON SUM LA SNANG DU RUNG NA, KHYAB BYED 'GAL DMIGS KYI RTAGS DANG 'BRAS BU 'GAL DMIGS KYI RTAGS 'JUG ,DE LTAR NA 'GAL ZLA DMIGS PA'I RTAGS DRUG ,'BREL ZLA MA DMIGS PA'I RTAGS BZHI STE, LHAN CIG MI GNAS 'GAL LA BRTEN PA'I DGAG RTAGS BCU YOD PA YIN NO, ,DE LA KHA CIG ,DGAG BYA'I CHOS KYI 'BREL YUL NGO BO RGYU 'BRAS GSUM DU NGES PA'I NGO BO KHYAB MNYAM SNANG DU RUNG NAS MI SNANG NA RTAGS KYIS DGAG PA BYED PA'I TSE, BUM PA TSAD MAS @064A *, ,MA DMIGS PA'I SA PHYOGS CHOS CAN, ,BUM PA MED DE, BUM PA TSAD MAS MA DMIGS PA'I PHYIR ZHES PA LTA BU'I RANG BZHIN MA DMIGS PA'I RTAGS 'JUG PA MI 'THAD PAR THAL, THAR LAM GSAL BYED LAS, KHYAB MNYAM SNANG DU RUNG NA SNGAR BSHAD PA LTAR RANG BZHIN MA DMIGS PA 'JUG PA'O, ,ZHES PA'I LUNG GIS, DGAG BYA'I CHOS SU BTAGS PA'I DON DE SNANG DU RUNG, DGAG GZHI DER SNANG DU MI RUNG BA'I RANG BZHIN MA DMIGS PA'I RTAGS KYI 'JUG PA BSTAN PA GANG ZHIG ,BUM PA TSAD MAS MA DMIGS PA'I SA PHYOGS SU BUM PA YOD NA'ANG SNANG RUNG YIN PA'I PHYIR, DANG PO GRUB STE, THAR LAM GSAL BYED KYI LUNG DE'I GONG NYID DU, SPYIR SNANG DU RUNG NAS DGAG GZHI DER MNGON SUM LA SNANG DU MI RUNG BA LA, ZHES DANG, SNGAR GYI LUNG GNYIS 'BREL GCIG PAS LUNG DRANGS MA THAG PA 'DI LTAR BSHAD DGOS PA'I PHYIR ZHES ZER NA SKYON MED DE, KHYAB MNYAM SNANG DU RUNG NA ZHES SOGS KYI DON NI, RANG BZHIN MA DMIGS PA'I GTAN TSIGS DES RTAGS DE'I DGAG BYA'I CHOS KYI KHYAB MNYAM PA'I 'BREL YUL BKAG NAS DGAG BYA 'GOG CES PA'I DON YIN GYI, DGAG BYA'I CHOS SU BTAGS PA'I DON SPYIR SNANG DU RUNG, DGAG GZHI DER MNGON SUM LA SNANG DU MI RUNG BA LA ZHES PA NAS BRTZIS PA'I RANG BZHIN MA DMIGS PA'I RTAGS KYI 'JUG @064B DUS LOG PA STON PA MA YIN NO, ,ZHES RJE BTZUN CHOS KYI RGYAL MTSAN GYIS GSUNGS, DE BZHIN DU RNAM NGES DAR tI KA LAS, KHYAB MNYAM PA BKAG PAS 'GOG PA NI, SNGAR BSHAD PA'I RANG BZHIN MA DMIGS PA'I GTAN TSIGS DANG, 'CHAD PAR 'GYUR BA'I DNGOS 'BRAS MA DMIGS PA'I GTAN TSIGS KYANG 'JUG PA'I DUS YIN NO,, ZHES PA'I DON NI, DNGOS 'BRAS MA DMIGS PA'I GTAN TSIGS DE RANG GI DGAG BYA'I CHOS KYI KHYAB MNYAM PA'I 'BREL YUL 'GOG PA'I RTAGS YIN ZHES PA'I DON YIN GYI, 'BREL YUL LA NGO BO RGYU 'BRAS GSUM DU NGES PA'I NGO BO GCIG PA'I 'BREL YUL 'GOG PA LA 'CHAD MI NUS TE, RANG GI DGAG BYA'I CHOS DANG NGO BO GCIG PA'I KHYAB MNYAM PA'I 'BREL YUL TSIG ZIN LA 'GOG PA'I DNGOS 'BRAS MA DMIGS PA'I RTAGS YANG DAG MED PA'I PHYIR, KHO NA RE, DGAG BYA'I CHOS KYI 'BREL YUL LA RANG DANG NGO BO GCIG PA DANG, RANG GI RGYU DANG, 'BRAS BU GSUM 'JOG RIGS PAR THAL, DU BAS DBEN PA'I RTZIG SKOR NA CHOS CAN, DU BA'I DNGOS RGYU NUS PA THOGS MED MED DE, DU BA MED PA'I PHYIR ZHES PA'I SBYOR BA 'DI RANG GI DGAG BYA'I CHOS DU BA'I DNGOS RGYU NUS PA THOGS MED KYI 'BREL YUL DNGOS 'BRAS DU BA BKAG PA RTAGS SU BKOD PAS DNGOS 'BRAS MA DMIGS PA'I RTAGS YANG DAG GI SBYOR BAR 'JOG PA'I PHYIR, RTAGS KHAS ZER NA, 'DOD BYAS PA LA, RANG GI 'BRAS BU @065A *, ,DANG 'BREL BA'I DNGOS PO MED PAR THAL, DU BA'I DNGOS RGYU DU BA DANG 'BREL BA MA YIN PA'I PHYIR, MA GRUB BYAS PA LA, DU BA'I DNGOS RGYU CHOS CAN, DU BA DANG DE BYUNG DU 'BREL BAR THAL, DE DANG 'BREL BA GANG ZHIG DE DANG BDAG GCIG 'BREL MA YIN PA'I PHYIR DE, DE DANG RDZAS THA DAD YIN PA'I PHYIR, MA GRUB NA, BDAG SKYE YOD PAR THAL, DU BA'I DNGOS RGYU DANG DU BA GNYIS RDZAS GCIG YIN PA'I PHYIR, RTAGS KHAS ZER NA, GONG DU 'DOD BYAS PA LA, DU BA'I DNGOS RGYU CHOS CAN, DU BA LA BRTEN NAS BYUNG BAR THAL, DU BA DANG RTEN BYUNG 'BREL YIN PA'I PHYIR ZER NA MA KHYAB STE, RIGS THIG DAR tIKKAR LAS, CHOS DE LA DE BYUNG DU 'BREL NA, CHOS DE LAS BYUNG MI DGOS PAR KHO BOS RNAM NGES tIKKAR BSHAD ZIN TO, ZHES DANG, RNAM NGES tIKKAR YANG DE LTAR GSUNGS PA'I PHYIR, GZHAN YANG, DU BA'I DNGOS RGYU DU BA DANG DE BYUNG DU 'BREL BAR THAL, THAR LAM GSAL BYED DANG, RNAM NGES DAR tIKA GNYIS KAR, DGAG BYA'I CHOS KYI 'BREL YUL LA NGO BO RGYU 'BRAS GSUM DU NGES SHING, ZHES DGAG BYA'I CHOS KYI 'BREL YUL LA RANG DANG NGO BO GCIG PA, RANG GI RGYU, RANG GI 'BRAS BU GSUM GSUNGS PA'I PHYIR DANG, tIKA CHEN RIGS PA'I RGYA MTSO DANG RIGS RGYAN LAS KYANG DE LTAR GSUNGS PA'I PHYIR, MA DMIGS PA'I RTAGS YANG DAG LA BCU GCIG DU GRANGS NGES TE, LHAN CIG MI GNAS 'GAL LA BRTEN PA BCU, PHAN @065B TSUN SPANG 'GAL LA BRTEN PA GCIG STE, BCU GCIG DU GRANGS NGES PA'I PHYIR TE, RIGS THIG LAS, DE NI SBYOR BA'I BYE BRAG GI RNAM PA BCU GCIG STE, ZHES GSUNGS PA'I PHYIR, DANG PO LHAN CIG MI GNAS 'GAL LA BRTEN PA'I MA DMIGS PA'I RTAGS YANG DAG LA BCUR GRANGS NGES TE, RNAM NGES LAS, DE LTA NA MA DMIGS PA 'DI NI SBYOR BA'I BYE BRAG GIS RNAM PA BCU YIN NO, ZHES GSUNGS PA'I PHYIR, 'O NA MA DMIGS PA'I RTAGS YANG DAG LA BCU GCIG TU GRANGS NGES NA, 'GAL DANG 'BRAS BU DAG GRUB DANG, ZHES SOGS KYIS MA DMIGS PA'I RTAGS BZHIR BSHAD, DE'I PHYIR RGYU DANG RANG BZHIN DAG, ZHES SOGS KYIS MA DMIGS PA'I RTAGS GSUM DU BSHAD, DE DANG 'GAL BA YI NI RGYU ZHES PA'I THAD KYI RANG 'GREL LAS, DE LTAR NA MA DMIGS PA 'DI NI SBYOR BA'I BYE BRAG GIS RNAM PA BRGYAD YIN NO ZHES GSUNGS PA RNAMS JI LTAR YIN ZHE NA, SKYON MED DE, DANG BO'I SKABS SU MA DMIGS PA'I RTAGS BZHI BSHAD PA NI, GANG ZHIG GANG DU 'DU BA BSDU BYED GYI DBYE BA SHES PA'I PHYIR YIN TE, 'GAL DMIGS KYI RTAGS THAMS CAD DNGOS SU GNOD PA'I 'GAL ZLA RTAGS SU BKOD PA DANG, BRGYUD NAS GNOD PA'I SGO NAS DGAG BYA 'GOG PA'I 'GAL DMIGS KYI GTAN TSIGS GNYIS SU 'DU BAR SHES PA'I PHYIR, @066A *, ,RANG BZHIN 'GAL DMIGS DANG, 'GAL 'BRAS DMIGS PA GNYIS BSTAN, 'BREL ZLA MA DMIGS PA'I RTAGS THAMS CAD 'BREL YUL DON GZHAN DANG, DON GZHAN MA YIN PA DGAG PA'I 'BREL ZLA MA DMIGS PA'I GTAN TSIGS GNYIS SU 'DU BAS, DANG PO THAMS CAD RGYU MA DMIGS PA DANG, GNYIS PA RANG BZHIN MA DMIGS PAR 'DU BA SHES PA'I PHYIR DU, RGYU MA DMIGS PA DANG, RANG BZHIN MA DMIGS PA GNYIS BSTAN PA YIN PA'I PHYIR, GNYIS PA'I SKABS SU MA DMIGS PA'I RTAGS GSUM BSHAD PA NI, 'BREL BA LA LTOS PA'I DGAG RTAGS KYI GTZO BO STON PA'I DBANG DU BYAS PA STE, SPYIR MA DMIGS PA'I GTAN TSIGS DE LA DGAG BYA'I CHOS DE YOD NA DGAG GZHI DANG SHES PA GCIG LA 'DRER RUNG BAR SNANG BA DANG, MI RUNG BAR SNANG BA GNYIS SU NGES LA, DANG PO RANG BZHIN MA DMIGS PA'I GTAN TSIGS DANG, GNYIS PA DE BYUNG DANG BDAG GCIG TU 'BREL BA RANG DBANG DU YOD PA DANG MED PA GNYIS SU 'DU BA LAS, DANG PO LA RGYU DANG KHYAB BYED MA DMIGS PA GNYIS SU NGES LA, 'GAL ZLA DMIGS PA DANG 'BREL ZLA MA DMIGS PA'I RTAGS GZHAN RNAMS LA 'BREL BA GNYIS RANG DBANG DU MED PAS RGYU KHYAB BYED MA DMIGS PA GNYIS SU BSDUS NAS, RANG BZHIN RGYU KHYAB BYED MA DMIGS PA GSUM BSTAN PA YIN PA'I PHYIR, GSUM PA'I @066B SKABS SU BRGYAD BSHAD PA NI, 'GAL DANG 'BRAS BU DAG GRUB DANG, ZHES SOGS DANG, DE DANG 'GAL BA YI NI RGYU, ZHES SOGS RTZA 'GREL GYIS MA DMIGS PA'I SBYOR BA BRGYAD BSTAN PA LA DGONGS PA'I PHYIR, SKABS 'DIR MA DMIGS PA'I RTAGS BRGYAD BSTAN TSUL YOD DE, 'GAL DANG 'BRAS BU DAG GRUB DANG, ZHES SOGS SHO LO KA GCIG GIS DNGOS SU BSTAN PA'I SNANG RUNG MA DMIGS PA BZHI DANG, SHUGS LA BSTAN PA GNYIS, RGYU MTSAN DAG NI 'GAL BA NYID, ,CES SOGS KYI SHUGS LA BSTAN PA GNYIS TE BRGYAD YOD PA'I PHYIR TE, BRGYAD PO DE GZHUNG GIS BSTAN TSUL NI, 'GAL DANG, ZHES PAS RANG BZHIN 'GAL DMIGS KYI RTAGS DNGOS SU BSTAN NAS KHYAB BYED 'GAL DMIGS KYI RTAGS SHUGS LA BSTAN, 'BRAS BU DAG GRUB DANG, ZHES PAS 'GAL 'BRAS DMIGS PA'I RTAGS DNGOS SU BSTAN, RGYU BLTAR RUNG BA'I, ,BDAG NYID DAG NI MA GRUB PA, ZHES PAS RGYU MA DMIGS PA'I RTAGS YANG DAG DNGOS SU BSTAN, NGO BO BLTAR RUNG BA'I, ,BDAG NYID DAG NI MA GRUB PA, ZHES PAS RANG BZHIN MA DMIGS PA'I RTAGS YANG DAG DNGOS SU BSTAN NAS, KHYAB BYED MA DMIGS PA'I RTAGS YANG DAG SHUGS LA BSTAN, RGYU MTSAN DAG NI 'GAL BA NYID, ,MED NA 'KHRUL BA CAN YIN NO, ,ZHES PAS RGYU 'GAL DMIGS DANG RGYU DANG 'GAL BA'I 'BRAS BU DMIGS PA'I RTAGS @067A *, ,GNYIS SHUGS LA BSTAN PA YIN PA'I PHYIR, SH'AKYA BLOS SNGA MA 'DI DANG MI MTHUN PA ZHIG GSUNGS SO, GSUM PA PHYE BA SO SO'I DON LA GNYIS, ,MI SNANG BA MA DMIGS PA'I RTAGS YANG DAG BSHAD PA, SNANG RUNG MA DMIGS PA'I RTAGS YANG DAG BSHAD PA'O, ,DANG PO LA GNYIS, MI SNANG BA MA DMIGS PA'I RTAGS GSUNGS PA'I DGOS PA BSHAD PA, MI SNANG BA MA DMIGS PA'I RTAGS DNGOS SO, , DANG PO NI, MI SNANG BA MA DMIGS PA'I RTAGS GSUNGS PA LA DGOS PA YOD DE, RGYU MTSAN YANG DAG MA MTHONG BZHIN DU GANG ZAG PHA ROL PO SKYON 'DI LTA BU DANG LDAN NO, ,YON TAN CUNG ZAD KYANG MED DO ZHES DAM BCA' MI RIGS TE, DON DE DAG TSAD MAS MA DMIGS PA'I PHYIR, DE LTAR YANG DPA' BAR 'GRO BA'I MDO LAS, BCOM LDAN 'DAS BDAG GIS DENG SLAN CHAD SEMS CAN THAMS CAD LA STON PA'I 'DU SHES SKYED DO, NGA'AM NGA DANG 'DRA BAS GANG ZAG GI TSOD GZUNG GI ,GANG ZAG GIS GANG ZAG GI TSOD MI GZUNG STE, NYAMS PAR GYUR TA RE, ZHES SANGS RGYAS DANG DE DANG YON TAN RJES MTHUN CAN GYI BDAG NYID CHEN PO RNAMS KYIS GANG ZAG GZHAN GYI SKYON YON SO SOR 'BYED NUS KYIS, DE LAS GZHAN PA'I GANG ZAG GIS GZHAN RGYUD KYI YON TAN DE RANG LA MI SNANG BA TZAM GYIS GZHAN RGYUD LA YON TAN DE MED CES BYAR MI RUNG, ZHES GSUNGS, DE BAS NA GANG @067B ZAG GZHAN LA SGRO 'DOGS DANG SKUR 'DEBS BYED PA BKAG NAS, PHAN 'DOGS DANG YON TAN GYI ZHING DU BZUNG NAS PHAN BDE'I SEMS DANG LDAN PAR BYED PA NI MI SNANG BA MA DMIGS PA'I RTAGS GSUNGS PA'I DGOS PA'O, ,MDO DE'I DON 'GREL BA LA, RNAM 'GREL LAS, TSAD MA RNAMS NI MI 'JUG PA, ,MED LA MI 'JUG 'BRAS BU CAN, ZHES GSUNGS, GZHUNG 'DI SBYOR BA NGAG 'DON DU DRIL NA, SHA ZA 'JAL BYED KYI LUNG GI TSAD MA DNGOS STOBS TSAD MA GRAGS PA'I TSAD MA RNAMS NI SHA ZA BSKAL DON DU SONG BA'I GANG ZAG GI RGYUD LA MI 'JUG PA STE DE'I RGYUD LA MED PA CHOS CAN, MDUN GYI GZHI 'DIR SHA ZA YOD NGES KYI BCAD SHES DON MTHUN SHA ZA BSKAL DON DU SONG BA'I GANG ZAG GI RGYUD LA MED LA MI 'JUG PA STE MED PAR SGRUB PA'I 'BRAS BU CAN GYI MI SNANG BA MA DMIGS PA'I RTAGS YANG DAG YIN TE, DE SGRUB KYI MI SNANG BA MA DMIGS PA'I TSUL GSUM YIN PA'I PHYIR, RNAM NGES LAS, YUL DANG DUS DANG RANG BZHIN GYIS BSKAL BAS NA BSKAL BA NI RNAM PA GSUM STE ZHES GSUNGS PA'I BSKAL DON GSUM LAS, DANG PO YUL GYIS BSKAL BA NI, MI MJED KYI 'JIG RTEN 'DI'I GANG ZAG PHAL BA LA, 'OD ZER CAN GYI 'JIG RTEN GYI DBYIBS KYI BKOD PA ZHING DE'I 'GRO BA'I KHYAD PAR RNAMS BSKAL BA LTA BU'O, ,DE YANG YUL DE DANG GANG ZAG DE DAG DUS MNYAM PAR YOD PAS DUS KYIS BSKAL BA MIN LA, YUL DE DAG @068A *, ,PHAL BA'I MNGON SUM GYI YUL YIN PAS RANG BZHIN NA MA NGO BO'I SGO NAS BSKAL BA MIN KYANG, GANG ZAG DE DAG LA YUL DE DAG THAG RING BA'I SGO NAS YUL GYI BSKAL DON DU GYUR BA YIN PA'I PHYIR, DUS KYIS BSKAL BA NI MA 'ONGS PA'I DUS RING BO NA GANG ZAG GI KHYAD PAR 'DI DANG 'DI LTA BU 'BYUNG MI 'BYUNG DA LTA'I SKYE BO PHAL BA LA THE TSOM LAS MED PA LTA BU'O, ,RANG BZHIN NAM NGO BOS BSKAL BA NI, YUL THAG RING BA DANG DUS RING BA MA YIN PAR DA LTAR DE DANG NYE BAR YOD KYANG NGO BO PHRA BA'I DBANG GIS BSKAL DON DU SONG BA MDUN GYI GZHI 'DIR LHA ME'I BAR SRID DANG SHA ZA RNAMS LTA BU'O, ,GNYIS PA MI SNANG BA MA DMIGS PA'I RTAGS DNGOS BSHAD PA LA, DGAG BZHAG SPONG GSUM LAS, DANG PO NI, KHA CIG ,MI SNANG BA MA DMIGS PA'I RTAGS YANG DAG MED DE, DE SGRUB KYI MA DMIGS PA'I RTAGS YIN NA, DE SGRUB KYI SNANG RUNG MA DMIGS PA'I RTAGS YANG DAG YIN DGOS PA'I PHYIR TE, RANG BZHIN DANG NI 'BRAS BU'AM, ,SNANG BA MTHONG BA MED NYID RTAGS, ,ZHES GSUNGS PA'I PHYIR ZHES ZER, DE MI 'THAD PAR THAL, GRUB MTHA' LA BLO KHA MA PHYOGS PA'I SO SO SKYE BO DAG GIS SHES BYA MTHA' DAG GI GNAS LUGS 'DI LTAR YIN ZHES DAM BCA' MI RIGS PA'I PHYIR, MA GRUB NA, SMRA BA THAMS CAD BDEN PA'I DON CAN YIN PAR THAL LO, ,MA KHYAB NA, @068B DE LTAR MI RIGS PA'I RGYU MTSAN GANG YIN BYAS PA LA, DE 'DRA'I SO SKYES CHOS CAN, KHYOD KYIS SHES BYA MTHA' DAG GI GNAS LUGS 'DI LTAR YIN ZHES DAM BCA' MI RIGS PAR THAL, KHYOD KYI RGYUD LA SHES BYA MTHA' DAG GI GNAS LUGS 'JAL BA'I TSAD MA MED PA'I PHYIR ZER NA, 'O NA, MI SNANG BA MA DMIGS PA'I RTAGS YANG DAG YOD PAR THAL, SHES BYA MTHA' DAG GI GNAS LUGS 'JAL BA'I TSAD MA RGYUD LA MI LDAN PA DE GRUB MTHA' LA BLO KHA MA PHYOGS PA'I SO SKYE RNAMS KYIS SHES BYA MTHA' DAG GI GNAS LUGS 'DI LTAR YIN NO ZHES DAM BCA' MI RIGS PAR SGRUB PA'I RTAGS YANG DAG YIN PA'I PHYIR, SNGA RABS PA KHA CIG ,SHA ZA TSAD MAS MA DMIGS PA DE, MDUN GYI GZHI 'DIR SHA ZA YOD PA MIN PA DANG, YOD NGES MIN PA DANG, YOD NGES KYI BCAD SHES DON MTHUN MI 'JUG PAR SGRUB PA'I MI SNANG BA MA DMIGS PA'I RTAGS YANG DAG YIN ZHES ZER, DE NYID 'GOG TSUL, THAR LAM GSAL BYED LAS GSUNGS PA NI, MDUN GYI GZHI 'DIR CHOS CAN, SHA ZA MED NGES YIN PAR THAL, SHA ZA YOD NA TSAD MAS DMIGS DGOS PA LAS SHA ZA TSAD MAS MA DMIGS PA'I PHYIR, RTAGS PHYI MA KHAS, DANG PO MA GRUB NA, MDUN GYI GZHI 'DIR SHA ZA YOD NA KUN MKHYEN YE SHES KYIS GZIGS DGOS PA'I PHYIR TE, KUN MKHYEN YE SHES KYIS SHES BYA THAMS CAD JI LTAR YOD PA DE @069A *, ,LTAR MNGON SUM DU GZIGS PA'I PHYIR, GZHAN YANG, MDUN GYI GZHI 'DIR CHOS CAN, SHA ZA KUN MKHYEN YE SHES KYIS MA DMIGS PAR THAL, SHA ZA TSAD MAS MA DMIGS PA'I PHYIR RTAGS KHAS, 'DOD NA, DE CHOS CAN, SHA ZA MED PAR THAL, SHA ZA KUN MKHYEN YE SHES KYIS MA DMIGS PA'I PHYIR, KHYAB STE, TSAD MA RNAM NGES LAS, THAMS CAD MKHYEN PA'I YE SHES KYI GZIGS PA LAS LOG PA NI RNAM PA THAMS CAD DU MED PAR GO BAR BYA'O, ,ZHES GSUNGS PA'I PHYIR, 'O NA, KHYED RANG LTAR NA YANG MDUN GYI GZHI 'DIR SHA ZA MED PAR THAL, DER SHA ZA YOD NA DMIGS DGOS PA LAS, SHA ZA TSAD MAS MA DMIGS PA'I PHYIR ZER NA, RTAGS PHYI MA LA THE TSOM ZA BA'I LAN THEBS TE, DER SHA ZA YOD MED THE TSOM ZA BA BZHIN DU DER SHA ZA TSAD MAS DMIGS MA DMIGS KYANG THE TSOM ZA BA'I PHYIR, KHO NA RE, SKYE BO GNAG RDZI MO LA SGRA RTAG GAM MI RTAG CES DRIS TSE, THE TSOM ZA PA'I LAN DE LAN RNAM DAG YIN PAR THAL, MDUN GYI GZHI 'DIR CHOS CAN, SHA ZA YOD PAR THAL, SHA ZA YOD PA'I PHYIR ZHES PA'I THAL 'GYUR GYI RTAGS GSAL LA THE TSOM ZA BA'I LAN DE LAN RNAM DAG YIN PA'I PHYIR ZER NA MA KHYAB STE, GZHAN YANG, MDUN GYI GZHI 'DIR SHA ZA TSAD MAS DMIGS PAR THAL, DER SHA ZA TSAD MAS MA DMIGS PA MA GRUB PA'I PHYIR, @069B RTAGS KHAS, 'DOD NA, MDUN GYI GZHI 'DIR SHA ZA YOD NGES YIN PAR THAL LO, ,ZER NA, MDUN GYI GZHI 'DIR SHA ZA YOD PAR THAL, DER SHA ZA YOD PA'I PHYIR ZHES BRJOD NA LAN GANG YOD, RTAGS GSAL LA THE TSOM ZA ZER NA, THAL 'GYUR SNGA MA DE LA YANG MTSUNGS SO, KHO NA RE, MDUN GYI GZHI 'DI'I SHA ZA 'DI LTA BU BSKAL DON LA MI SNANG BA MA DMIGS PA ZHES PA'I THA SNYAD MI 'THAD PAR THAL, MDUN GYI GZHI 'DIR SHA ZA YOD NA DER SHA ZA TSAD MAS DMIGS DGOS PA'I PHYIR, ZHE NA SKYON MED DE, MDUN GYI GZHI 'DIR SHA ZA YOD PA SRID KYANG DE NYID GANG LA BSKAL DON DU SONG BA'I GANG ZAG DE'I RGYUD KYI CHD MA LA SNANG DU MI RUNG BAS MI SNANG BA MA DMIGS PA ZHES BRJOD PA YIN GYI DER DE YOD NA'ANG SPYIR TSAD MA LA SNANG DU MI RUNG BAS DE LTAR BRJOD PA MA YIN PA'I PHYIR, DES NA DER DE YOD KYANG TSUR MTHONG GI TSAD MAS BLTAR MI RUNG BAS BSKAL DON DU BZHAG PA YIN NO, ,'O NA SBYIN SOGS SPYAD PA LAS BDE BA 'BYUNG BA CHOS CAN, BSKAL DON YIN PAR THAL, YOD KYANG SO SKYES TSAD MAS BLTAR MI RUNG BA'I PHYIR, ZER NA RTAGS MA GRUB STE, DE SO SKYES MNGON SUM LA BLTAR MI RUNG YANG, RJES DPAG TSAD MAS BLTAR RUNG BA'I PHYIR, SNGA RABS PA KHA CIG ,MI SNANG BA MA DMIGS PA'I RTAGS YANG DAG GI MTSAN NYID YOD DE, MA DMIGS PA'I RTAGS YANG DAG GANG ZHIG , @070A *, ,DE SGRUB KYI DGAG BYA'I CHOS KYI YUL YOD KYANG DE SGRUB KYI PHYOGS CHOS CAN DU SONG BA'I GANG ZAG GI TSAD MA LA SNANG DU MI RUNG BA DE DE YIN PA'I PHYIR ZER, 'O NA SHA ZA SHA ZA BSKAL DON DU SONG BA'I GANG ZAG GIS TSAD MAS MA DMIGS PA CHOS CAN, KHYOD MDUN GYI GZHI 'DIR SHA ZA LA SHA ZA BSKAL DON DU SONG BA'I GANG ZAG GIS SHA ZA YOD NGES KYI BCAD SHES DON MTHUN MI 'JUG PAR SGRUB PA'I MI SNANG BA MA DMIGS PA'I RTAGS YANG DAG MA YIN PAR THAL, KHYOD KYI RTAGS KYIS DE SGRUB KYI DGAG BYA'I CHOS KYI YUL MED PA'I PHYIR TE, DE SGRUB KYI DGAG BYA'I CHOS MED PA'I PHYIR, BYAS PA LA KHO NA RE, DE SGRUB KYI DGAG BYA'I CHOS SU BTAGS PA'I DON MED PAR THAL, DE SGRUB KYI DGAG BYA'I CHOS MED PA'I PHYIR, KHYAB PA 'GRIGS ZER NA, MI MTSUNGS TE, SGRA RTAG PAR BTAGS PA'I DON MI SRID PAR THAL, SGRA RTAG PA MI SRID PA'I PHYIR, 'DOD MI NUS TE, SGRA RTAG PAR BTAGS PA'I GZHI YOD PA'I PHYIR TE, SGRA RTAG PAR BTAGS PA'I SHES 'DOD CHOS CAN YOD PA'I PHYIR, GNYIS PA RANG LUGS LA GNYIS, MTSAN NYID DANG, DBYE BA'O, ,DANG PO DE SGRUB KYI MI SNANG BA MA DMIGS PA'I RTAGS YANG DAG GI MTSAN NYID YOD DE, DE SGRUB KYI MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS SU BTAGS PA'I DON DE SPYIR YOD, DE DE SGRUB KYI SHES 'DOD @070B CHOS CAN GYI STENG DU YOD KYANG, KHYOD DE SGRUB LA PHYOGS CHOS CAN DU SONG BA'I GANG ZAG GI TSAD MAS BSKAL DON DU SONG BA'I SGO NAS SNANG DU MI RUNG BA DE DE YIN PA'I PHYIR, DE'I MTSAN NYID KYI ZUR DU DE SGRUB KYI DGAG BYA'I CHOS SU BTAGS PA'I DON SPYIR YOD PA ZHES SMOS PA'I DGOS PA GANG YIN ZHE NA, 'DI LA TSAD MA'I BSTAN BCOS RIGS RGYAN LAS, DE LTAR SMOS DGOS TE, MA SMRAS NA GANG ZAG GI BDAG TSAD MAS MA DMIGS PA NYER LEN GYI PHUNG BO GANG ZAG GI BDAG MED DU SGRUB PA'I MI SNANG BA MA DMIGS PA'I RTAGS YANG DAG TU THAL BA'I SKYON YOD PA'I PHYIR, JI LTAR YOD NA, GANG ZAG GI BDAG TSAD MAS MA DMIGS PA CHOS CAN, DE SGRUB KYI MI SNANG BA MA DMIGS PA'I RTAGS YANG DAG YIN PAR THAL, DE SGRUB KYI MA DMIGS PA'I RTAGS YANG DAG GANG ZHIG ,GANG ZAG GI BDAG YOD NA YANG KHYOD DE SGRUB KYI PHYOGS CHOS CAN DU SONG BA'I GANG ZAG GI TSAD MA LA SNANG DU MI RUNG BA'I PHYIR, KHYAB PA KHAS, RTAGS GNYIS PA MA GRUB NA, DE SGRUB LA PHYOGS CHOS CAN DU SONG BA'I GANG ZAG DES GANG ZAG GI BDAG MED RTOGS PAR THAL, DES GANG ZAG GI BDAG YOD NA DMIGS SU RUNG BA LAS MA DMIGS PA'I PHYIR, 'DOD NA, DES NYER LEN GYI PHUNG PO GANG ZAG GI BDAG MED DU RTOGS PAR THAL LO, ,ZHES GSUNGS, RJE BTZUN CHOS KYI RGYAL MTSAN DPAL BZANG POS, GANG ZAG GI BDAG TSAD MAS MA DMIGS PA'I RTAGS @071A *, ,KYIS NYER LEN GYI PHUNG PO GANG ZAG GI BDAG MED DU SGRUB PA'I PHYI RGOL YANG DAG GIS, GANG ZAG GI BDAG MED TSAD MAS RTOGS PAR THAL, THAR LAM GSAL BYED LAS, RTAGS YANG DAG GI RJES SU 'GRO LDOG GI KHYAB PA TSAD MAS NGES PA LA TSAD MA RNAM PA GSUM SNGON DU 'GRO DGOS PAR GSUNGS PA'I PHYIR DANG, DE 'DRA'I PHYI RGOL DES GANG ZAG GI BDAG TSAD MAS MA DMIGS PA GANG ZAG GI BDAG MED KHO NA LA YOD PAR TSAD MAS MGES PA'I PHYIR, ZHES GSUNGS, GNYIS PA, DE LA DBYE NA GNYIS YOD DE, RGYU MI SNANG BA MA DMIGS PA'I RTAGS YANG DAG DANG, KHYAB BYED MI SNANG BA MA DMIGS PA'I RTAGS YANG DAG GNYIS YOD PA'I PHYIR, DANG BO NI, MDUN GYI GZHI 'DIR CHOS CAN, SHA ZA LA SHA ZA BSKAL DON DU SONG BA'I GANG ZAG GIS SHA ZA YOD NGES KYI BCAD SHES DON MTHUN MI 'JUG STE, SHA ZA SHA ZA BSKAL DON DU SONG BA'I GANG ZAG GI TSAD MAS MA DMIGS PA'I PHYIR ZHES BKOD TSE SHA ZA SHA ZA BSKAL DON DU SONG BA'I GANG ZAG GI TSAD MAS MA DMIGS PA LTA BU'O, ,GNYIS PA NI, MDUN GYI GZHI 'DIR CHOS CAN, SHA ZA YOD CES SHA ZA BSKAL DON DU SONG BA'I GANG ZAG GIS DAM BCA' MI RIGS TE, SHA ZA SHA ZA BSKAL DON DU SONG BA'I GANG ZAG GIS TSAD MAS MA DMIGS PA'I PHYIR ZHES BKOD PA'I TSE RTAGS DE LTA BU'O, ,RTAGS DE GNYIS KYI PHYOGS CHOS RANG RIG MNGON SUM @071B GYIS GRUB CING, KHYAB PA SGRUB PA LA TSAD MA GSUM DGOS PA NI SNGAR GYI RANG BZHIN GYI RTAGS BZHIN NO,, MI SNANG BA MA DMIGS PA'I RTAGS GSUNGS PA LA DGOS PA GZHAN YANG YOD DE, RGYANG 'PHEN PA NA RE, THAR BA DANG THAMS CAD MKHYEN PA MED DE, DE MA DMIGS PA'I PHYIR ZHES ZER BA LA, RGYANG 'PHEN PA KHYOD KYI TSAD MAS MA DMIGS PA RTAGS SU 'GOD DAM, SPYIR TSAD MAS MA DMIGS PA RTAGS SU 'GOD, PHYI MA LTAR NA RTAGS MA GRUB LA, DANG PO LTAR NA, THAR PA DANG THAMS CAD MKHYEN PA RGYANG 'PHEN GYIS TSAD MAS DMIGS SU RUNG BA LAS MA DMIGS PA'I PHYIR ZER RAM, DE SPYIR RGYANG 'PHEN GYI TSAD MAS MA DMIGS PA'I PHYIR ZER, DANG PO LTAR NA RTAGS MA GRUB PO, ,GNYIS PA LTAR NA, SKYE BA SNGA PHYI RGYANG 'PHEN KHYOD KYI TSAD MAS MA MTHONG BA RGYU MTSAN DU BYAS NAS MED CES DAM BCA' BAR MI RIGS TE, DE NYID RGYU MTSAN 'KHRUL BA CAN YIN PA'I PHYIR, DES NA RGYANG 'PHEN PA CHOS CAN, THAR BA DANG THAMS CAD MKHYEN PA LA YOD NGES KYI BCAD SHES DON MTHUN MI 'JUG STE, THAR PA DANG THAMS CAD MKHYEN PA TSAD MAS MA DMIGS PA'I PHYIR ZHES 'GOD DU RUNG BA RTOGS PA'I PHYIR MI SNANG BA MA DMIGS PA'I RTAGS SMOS SO, ,GSUM PA RTZOD PA SPONG BA NI, KHO NA RE, SHA ZA SHA ZA BSKAL DON DU SONG BA'I GANG ZAG GI TSAD MAS MA DMIGS PA CHOS CAN, KHYOD MDUN GYI GZHI 'DIR SHA ZA LA SHA ZA BSKAL DON DU SONG @072A *, ,BA'I GANG ZAG GIS YOD NGES KYI BCAD SHES DON MTHUN MI 'JUG PAR SGRUB PA'I SNANG RUNG MA DMIGS PA'I RTAGS YANG DAG YIN PAR THAL, DE DE SGRUB KYI RGYU MA DMIGS PA'I RTAGS YANG DAG YIN PA'I PHYIR ZER NA MA KHYAB, DE DE SGRUB KYI RGYU MA DMIGS PA'I RTAGS YANG DAG MA YIN PAR THAL, SHA ZA BSKAL DON DU SONG BA'I GANG ZAG GIS SHA ZA DMIGS BYED KYI TSAD MA DE, SHA ZA LA SHA ZA BSKAL DON DU SONG BA'I GANG ZAG GI YOD NGES KYI BCAD SHES DON MTHUN GYI RGYU MA YIN PA'I PHYIR ZER NA YANG MA KHYAB STE, DE DE SGRUB KYI RGYU MA DMIGS PA'I RTAGS YANG DAG YIN PAR THAL, CHOS DE YOD NGES KYI BCAD SHES DON MTHUN 'JUG PA LA, CHOS DE DMIGS PA'I TSAD MA SNGON DU 'GRO DGOS PA'I PHYIR TE, RNAM 'GREL LAS, 'JUG PA BLO SNGON CAN NYID PHYIR, ZHES DANG, SH'AKYA BLOS, DES NA RGYU MED NA 'BRAS BU MED DO SNYAM DU BSAM PA YIN NO, ZHES GSUNGS PA'I PHYIR, GONG GI MA KHYAB MTSAMS LA, GANG ZAG GI BDAG TSAD MAS MA DMIGS PA CHOS CAN, NYER LEN GYI PHUNG PO GANG ZAG GI BDAG MED DU SGRUB PA'I RANG BZHIN MA DMIGS PA'I RTAGS YANG DAG MA YIN PAR THAL, GANG ZAG GI BDAG TSAD MAS DMIGS PA GANG ZAG GI BDAG GI RANG BZHIN MA YIN PA'I PHYIR, KHYAB PA 'GRIGS, KHO NA RE, MDUN GYE GZHI 'DIR SHA ZA @072B BSKAL DON DU SONG BA'I GANG ZAG YIN NA, SHA ZA BSKAL DON DU SONG BA'I GANG ZAG YIN DGOS PAR THAL, MDUN GYI GZHI 'DIR SHA ZA BSKAL DON DU SONG BA'I GANG ZAG YOD PA'I PHYIR ZER NA MA KHYAB, 'DOD NA, MDUN GYI SKYES BU LAN 'DEBS PA BO CHOS CAN, SHA ZA BSKAL DON DU SONG BA'I GANG ZAG YIN PAR THAL, MDUN GYI GZHI 'DIR SHA ZA BSKAL DON DU SONG BA'I GANG ZAG YIN PA'I PHYIR, KHYAB PA KHAS 'DOD MI NUS TE, SHA ZA YOD PAR DAM BCA' BA'I GANG ZAG YIN PA'I PHYIR, BYAS PA LA, MDUN GYI GZHI 'DIR SHA ZA BSKAL DON DU SONG BA'I GANG ZAG GIS SHA ZA TSAD MAS NGES PAR THAL, MDUN GYI GZHI 'DIR SHA ZA BSKAL DON DU SONG BA'I GANG ZAG YANG YIN, SHA ZA TSAD MAS NGES PA'I GANG ZAG YANG YIN PA'I GZHI MTHUN PA YOD PA'I PHYIR, RTAGS KHAS, ZER NA 'DOD BYAS PA LA, DE'I RGYUD LA SHA ZA YOD NGES KYI BCAD SHES DON MTHUN YOD PAR THAL, DE SHA ZA TSAD MAS NGES PA'I SEMS CAN YIN PA'I PHYIR, 'DOD BYAS PA LA, SHA ZA BSKAL DON DU SONG BA'I GANG ZAG GIS SHA ZA TSAD MAS MA DMIGS PA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA YOD NGES KYI BCAD SHES DON MTHUN MED PAR SGRUB PA'I MI SNANG BA MA DMIGS PA'I RTAGS YANG DAG MA YIN PAR THAL, DE 'DRA'I GANG ZAG GI RGYUD LA SHA ZA YOD NGES KYI BCAD SHES @073A *, ,YOD PA'I PHYIR ZER NA, 'DOD PA YIN TE, DE DE SGRUB KYI MI SNANG BA MA DMIGS PA'I RTAGS YANG DAG TU KHAS MI LEN ZHING MI SNANG BA'I RGYU MA DMIGS PA'I RTAGS KYI SBYOR BA RANG LUGS KYI SKABS LTAR 'GOD RIGS PA'I PHYIR, KHO NA RE, MDUN GYI GZHI 'DIR CHOS CAN, SHA ZA BSKAL DON DU SONG BA'I GANG ZAG MED PAR THAL, SHA ZA BSKAL DON DU SONG BA'I GANG ZAG SHA ZA BSKAL DON DU SONG BA'I GANG ZAG MA YIN PA'I PHYIR, ZER NA CHOS CAN SKYON CAN YIN ZHES PA LA, KHO NA RE, DE 'DRA'I THAL 'GYUR GYI CHOS CAN DE CHOS CAN SKYON CAN YIN PAR THAL, DE 'DRA'I THAL 'GYUR LA CHOS CAN SKYON CAN GYI LAN THEBS PA'I PHYIR ZER NA MA KHYAB, 'DOD MI NUS TE, DE 'DRA'I THAL 'GYUR GYI CHOS CAN MDUN GYI GZHI 'DIR CHOS CAN SKYON CAN MA YIN TE, DE CHOS CAN SKYON MED YIN PA'I PHYIR TE, DE RTAGS YANG DAG GI SHES 'DOD CHOS CAN YIN PA'I PHYIR, GZHAN YANG, SNGAR GYI SBYOR BA DE'I DGAG BYA'I CHOS SU BTAGS PA'I DON YIN NA, SBYOR BA DE 'GOD PA SKABS SU BAB PA'I GANG ZAG LA BSKAL DON YIN DGOS PAR THAL, SBYOR BA DE'I DGAG BYA'I CHOS SU BTAGS PA'I DON SBYOR BA DE 'GOD PA SKABS SU BAB PA'I GANG ZAG LA BSKAL DON YIN PA'I PHYIR ZER NA MA KHYAB, 'DOD NA, SHA ZA LA SHA ZA BSKAL DON DU SONG BA'I GANG ZAG GIS YOD NGES KYI BCAD SHES DON MTHUN 'JUG PA CHOS CAN, @073B DER THAL, DE'I PHYIR TE, DE DE SGRUB KYI DGAG BYA'I CHOS SU BTAGS PA'I DON PHAL BA YIN PA'I PHYIR TE, SHA ZA DE SGRUB KYI DGAG BYA'I CHOS SU BTAGS PA'I DON GYI GTZO BO DANG, DE 'DRA'I BCAD SHES DON MTHUN 'JUG PA DE SGRUB KYI DGAG BYA'I CHOS SU BTAGS PA'I DON PHAL BA YIN PA'I PHYIR, GZHAN YANG, MI SNANG BA MA DMIGS PA'I RTAGS KYI RNAM BZHAG MI 'THAD PAR THAL, MI SNANG BA MA DMIGS PA'I RTAGS KYIS RANG GI GZHI SHES 'DOD CHOS CAN GYI STENG DU RANG GI DGAG BYA'I CHOS SU BTAGS PA'I DON MED NGES SU SGRUB MI NUS PA'I PHYIR ZER NA MA KHYAB, RTAGS GRUB STE, MI SNANG BA MA DMIGS PA'I RTAGS KYIS RANG GI GZHI SHES 'DOD CHOS CAN GYI STENG DU RANG GI DGAG BYA'I CHOS SU BTAGS PA'I DON YOD MED GANG LA YANG DE SGRUB KYI PHYI RGOL LA THE TSOM TZAM LAS NGES PA SKYED MI THUB CING, SNANG RUNG MA DMIGS PA'I RTAGS YANG DAG GIS RANG GI GZHI SHES 'DOD CHOS CAN GYI STENG DU RANG GI DGAG BYA'I CHOS SU BTAGS PA'I DON MED PAR NGES PA SKYED THUB PA'I KHYAD PAR YOD PA'I PHYIR TE, RANG 'GREL LAS, DE LTAR MA DMIGS PA 'DI GNYIS NI RANG DANG BZLOG PA'I RGYU MED PA DANG YOD PA DGAG PA'I PHYIR, YOD PA'I THA SNYAD DGAG PA'I 'BRAS BU CAN NYID DU 'DRA STE, GCIG LA NI THE TSOM YOD PA'I PHYIR LA, GZHAN LA NI BZLOG PA'I PHYIR, ZHES @074A *, ,GSUNGS PA'I PHYIR, GZHAN YANG, MI SNANG BA MA DMIGS PA'I RTAGS KYIS RANG GI GZHI SHES 'DOD CHOS CAN GYI STENG DU RANG GI DGAG BYA'I CHOS SU BTAGS PA'I DON YOD NGES SU 'GOG MI NUS PAR THAL, MED NGES SU SGRUB MI NUS PA'I PHYIR NA MA KHYAB, 'DOD MI NUS TE, MI SNANG BA DANG SNANG RUNG MA DMIGS PA'I RTAGS YANG DAG GNYIS KA SHES 'DOD CHOS CAN GYI STENG DU DGAG BYA'I CHOS SU BTAGS PA'I DON YOD NGES 'GOG PA TZAM DU 'DRA BA YIN PA'I PHYIR TE, SDE BDUN RGYAN LAS, YOD NGES KYI THA SNYAD 'GOG PAR KHYAD PAR MED LA, 'ON KYANG MI SNANG BA MA DMIGS PA'I RTAGS KYIS NI, YOD NGES KYI THA SNYAD 'GOG PA TZAM GYI BYA BA BYED KYI MED NGES SGRUB MI NUS LA, SNANG RUNG MA DMIGS PAS MED NGES KYANG GO BAR BYED DO, ,ZHES GSUNGS PA'I PHYIR, GZHAN YANG, SGRA MI RTAG PA CHOS CAN; BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG LA BSKAL DON YIN PAR THAL, DE 'DRA'I PHYI RGOL GYIS KHYOD LA THE TSOM ZA BA'I PHYIR ZER NA MA KHYAB, 'DOD NA, DE CHOS CAN, KHYOD DE 'DRA'I PHYI RGOL LA BSKAL DON MA YIN PAR THAL, DE 'DRA'I PHYI RGOL GYIS KHYOD TSAD MA RNAM PA GSUM PO GANG RUNG GI SGO NAS RTOGS NUS PA'I PHYIR, MA KHYAB NA, DE LA KHYAB PA YOD PAR THAL, DON DE GANG ZAG DE LA BSKAL DON @074B YIN NA DON DE GANG ZAG DES TSAD MA RNAM PA GSUM PO GANG RUNG GIS RTOGS MI NUS PAS KHYAB PA'I PHYIR TE, RNAM 'GREL LAS, TSAD MA RNAMS NI MI 'JUG PA, ZHES GSUNGS PA'I PHYIR, GONG GI RTAGS MA GRUB NA, DE CHOS CAN, DE 'DRA'I PHYI RGOL GYIS TSAD MA GSUM PO GANG RUNG GIS RTOGS NUS PAR THAL, DES DE RJES DPAG GIS RTOGS NUS PA'I PHYIR TE, BYAS PA DE 'DRA'I PHYI RGOL LA DE SGRUB KYI DNGOS STOBS KYIS RTAGS YANG DAG YIN PA'I PHYIR, GZHAN YANG, MI SNANG BA MA DMIGS PA'I RTAGS KYIS RANG GI RTEN SHES 'DOD CHOS CAN GYI STENG DU DGAG BYA'I CHOS MED PAR SGRUB MI NUS PAR THAL, RNAM 'GREL LAS, YOD MED NGES PA'I 'BRAS CAN MIN, ,PHYIR NA TSAD MA NYID MI 'GYUR, ,ZHES GSUNGS PA'I PHYIR NA MA KHYAB STE, MI SNANG BA MA DMIGS PA'I RTAGS KYIS DE SGRUB KYI CHOS CAN GYI STENG DU DGAG BYA'I CHOS SU BTAGS PA'I DON MED PAR SGRUB MI NUS PA LUNG DE'I DON YIN PA'I PHYIR, GNYIS PA SNANG RUNG MA DMIGS PA'I RTAGS YANG DAG BSHAD PA LA GNYIS, GZHUNG DON DANG, MTHA' DPYAD PA'O, ,DANG PO LA GNYIS, MTSAN NYID DANG, DBYE BA'O, DANG PO SNANG RUNG MA DMIGS PA'I RTAGS YANG DAG GI MTSAN NYID YOD DE, MA DMIGS PA'I RTAGS YANG DAG GANG ZHIG ,RANG NYID KYI RTAGS KYIS DE SGRUB KYI DGAG BYA'I CHOS SU BTAGS PA'I @075A *, ,DON YOD NA SKABS KYI PHYI RGOL LA SNANG DU RUNG BA DE DE YIN PA'I PHYIR, DE LTAR YANG RNAM 'GREL LAS, GTAN TSIGS BYE BRAG LA LTOS NAS, ,'GA' ZHIG MED SHES 'BRAS BU CAN, ,ZHES GSUNGS PA'I PHYIR, LUNG DE'I DON NI, SNANG RUNG MA DMIGS PA'I GTAN TSIGS YANG DAG CHOS CAN, GZHI 'GA' ZHIG TU RANG GI DGAG BYA'I CHOS MED PA SHES SHING GO BA'I 'BRAS BU CAN GYI GTAN TSIGS YIN TE SMRA BA BO'I 'DOD PAS DMIGS PA'I DGAG BYA'I CHOS SU BTAGS PA'I DON DE YOD NA PHYI RGOL LA SNANG RUNG GI BYE BRAG LA LTOS NAS, RANG GI DGAG BYA 'GOG PA'I MA DMIGS PA'I TSUL GSUM YIN PA'I PHYIR, BYE BRAG CES SMOS PA NI MA DMIGS PA'I RTAGS THAMS CAD SNANG RUNG MA DMIGS PA MA YIN GYI KHYAD PAR 'DI LTA BU DANG LDAN PA RNAMS YIN NO, ,ZHES GO BA'I CHED YIN PA'I PHYIR, GNYIS PA DE LA DBYE NA GNYIS YOD DE, 'BREL ZLA MA DMIGS PA'I RTAGS YANG DAG DANG, 'GAL ZLA DMIGS PA'I RTAGS YANG DAG GNYIS YOD PA'I PHYIR, DANG PO 'BREL ZLA MA DMIGS PA'I RTAGS YANG DAG GI MTSAN NYID YOD DE, MA DMIGS PA'I RTAGS YANG DAG GANG ZHIG, DE SGRUB KYI DGAG BYA'I CHOS KYI 'BREL ZLA BKAG PA RTAGS SU SBYAR BA, DE LA DBYE NA BZHI YOD DE, RGYU MA DMIGS PA'I RTAGS YANG DAG, KHYAB BYED MA DMIGS PA'I RTAGS YANG DAG, @075B RANG BZHIN MA DMIGS PA'I RTAGS YANG DAG ,DNGOS 'BRAS MA DMIGS PA'I RTAGS YANG DAG STE, BZHI YOD PA'I PHYIR, DE RNAMS GZHUNG GIS BSTAN TSUL YOD DE, RNAM 'GREL LAS, RGYU DANG NGO BO BLTAR RUNG BA'I, ,BDAG NYID DAG NI MA GRUB PA, ,MED DON CAN MI DMIGS RNAM BZHI, ,ZHES GSUNGS PA'I RGYU BLTAR RUNG BA'I, ,BDAG NYID DAG NI MA GRUB PA, ,ZHES PAS RGYU MA DMIGS PA'I RTAGS YANG DAG DNGOS SU BSTAN, NGO BO BLTAR RUNG BA'I, BDAG NYID DAG NI MA GRUB PA, ZHES PAS, DGAG BYA'I CHOS DANG KHYAB MNYAM PA'I NGO BO BLTAR RUNG BA'I BDAG NYID DAG NI MA GRUB PA RANG BZHIN MA DMIGS PA'I RTAGS YANG DAG DNGOS SU BSTAN NAS, KHYAB BYED MA DMIGS PA'I RTAGS YANG DAG SHUGS LA BSTAN TE, BDAG GCIG PA'I KHYAB MNYAM GCIG PA BKAG PAS CIG SHOS KHEGS PAR DNGOS SU BSTAN PAS BDAG GCIG PA'I KHYAB BYED BKAG PAS KHYAB BYA KHEGS PA SHUGS LA GO BA'I PHYIR, DNGOS 'BRAS MA DMIGS PA'I RTAGS SKABS 'DI'I RTZA BAR DNGOS SU MA BSTAN KYANG, 'BREL ZLA MA DMIGS PA'I RTAGS KYI DBYE BAR 'THAD DE, DGAG BYA'I CHOS KYI RGYU BKAG PA RTAGS SU BKOD PAS DGAG BYA 'GOG NUS PA BZHIN DU, DGAG BYA'I CHOS KYI DNGOS 'BRAS BKAG PA RTAGS SU BKOD PAS DGAG BYA 'GOG NUS PA'I PHYIR DANG, RIGS THIGS LAS KYANG DNGOS@076A *, ,'BRAS MA DMIGS PA'I RTAGS GSUNGS PA'I PHYIR, DANG PO RGYU MA DMIGS PA'I RTAGS YANG DAG GI MTSAN NYID YOD DE, DE SGRUB KYI 'BREL ZLA MA DMIGS PA'I RTAGS YANG DAG GANG ZHIG , DE SGRUB KYI DGAG BYA'I CHOS KYI RGYU BKAG PA RTAGS SU BKOD PA, DPER NA, ME MED MTSAN MO'I RGYA MTSOR CHOS CAN, DU BA MED DE, ME MED PA'I PHYIR ZHES BKOD PA'I TSE ME MED PA LTA BU'O, ,DE DE SGRUB KYI RGYU MA DMIGS PA'I RTAGS YANG DAG YIN TE, DU BA DE SGRUB KYI DGAG BYA'I CHOS DANG ,ME DE'I RGYU YIN PA GANG ZHIG SBYOR BA DE ME BKAG PA RTAGS SU BKOD PA'I SBYOR BA YIN PA'I PHYIR, GNYIS PA KHYAB BYED MA DMIGS PA'I RTAGS YANG DAG GI MTSAN NYID YOD DE, 'BREL ZLA MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS DANG BDAG GCIG PA KHYAB CHE BA'I KHYAB BYED BKAG PA RTAGS SU SBYAR BA, DPER NA, SHING GIS DAG PA'I BRAG RDZONG NA CHOS CAN, SHA BA MED DE, SHING MED PA'I PHYIR ZHES BKOD PA'I TSE SHING MED PA LTA BU'O, ,DE DE SGRUB KYI KHYAB BYED MA DMIGS PA'I RTAGS YANG DAG YIN TE, SHING SHA BA'I KHYAB BYED YIN PA GANG ZHIG DE SHING BKAG PA RTAGS SU BKOD PA'I SBYOR BA YIN PA'I PHYIR, SHA BA ZHES PA AA KA RU'I RGYA SKAD KYI MING NGO, ,GSUM PA RANG BZHIN MA @076B DMIGS PA'I RTAGS YANG DAG GI MTSAN NYID YOD DE, 'BREL ZLA MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS DANG KHYAB MNYAM PA'I RANG BZHIN BKAG PA RTAGS SU BKOD PA, DPER NA, BUM PA TSAD MAS MA DMIGS PA'I SA PHYOGS CHOS CAN, BUM PA MED DE, BUM PA SNANG RUNG MA DMIGS PA'I PHYIR, ZHES BKOD TSE BUM PA SNANG RUNG MA DMIGS PA LTA BU'O, ,DE DE SGRUB KYI RANG BZHIN MA DMIGS PA'I RTAGS YANG DAG YIN TE, BUM PA SNANG RUNG DMIGS PA BUM PA YOD PA'I RANG BZHIN NAM MTSAN NYID YIN PA'I PHYIR, BZHI BA, DNGOS 'BRAS MA DMIGS PA'I RTAGS YANG DAG GI MTSAN NYID YOD DE, 'BREL ZLA MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS KYI DNGOS 'BRAS BKAG PA RTAGS SU SBYAR BA, DPER NA, DU BAS DBEN PA'I RTZIG SKOR NA CHOS CAN, DU BA'I DNGOS RGYU NUS PA THOGS MED MED DE, DU BA MED PA'I PHYIR, ZHES BKOD PA'I TSE DU BA MED PA LTA BU'O, ,DE DE SGRUB KYI DNGOS 'BRAS MA DMIGS PA'I RTAGS YANG DAG YIN TE, DU BA DU BA'I RGYU NUS PA THOGS MED KYI DNGOS 'BRAS YIN PA'I PHYIR, GNYIS PA 'GAL ZLA DMIGS PA'I RTAGS YANG DAG GI MTSAN NYID YOD DE, MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS KYI 'GAL ZLA RTAGS SU SBYAR BA, DE LA DBYE NA GNYIS YOD DE, LHAN @077A *, ,CIG MI GNAS 'GAL LA BRTEN PA'I 'GAL ZLA DMIGS PA'I RTAGS YANG DAG DANG ,PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS YANG DAG GNYIS YOD PA'I PHYIR, DANG PO'I MTSAN NYID YOD DE, 'GAL ZLA DMIGS PA'I RTAGS YANG DAG GANG ZHIG ,DGAG BYA'I CHOS DANG LHAN CIG MI GNAS 'GAL LA BRTEN PA'I SGO NAS MI MTHUN PAR GNAS PA, DE LA DBYE NA, RNAM 'GREL 'DIR BSHAD PA DRUG YOD DE, 'GAL DANG ,ZHES PAS DNGOS SU BSTAN PA'I RANG BZHIN 'GAL DMIGS, SHUGS LA BSTAN PA'I KHYAB BYED 'GAL DMIGS, 'BRAS BU DAG GRUB DANG ,ZHES PAS DNGOS SU BSTAN PA'I 'GAL 'BRAS DMIGS PA'I RTAGS, RGYU MTSAN DAG NI 'GAL BA NYID, ,MED NA 'KHRUL BA CAN YIN NO, ,ZHES PAS SHUGS LA BSTAN PA'I RGYU 'GAL DMIGS DANG ,RGYU DANG 'GAL BA'I 'BRAS BU DMIGS PA'I RTAGS GNYIS, 'BRAS BU 'GAL DMIGS KYI RTAGS YANG DAG STE DRUG YOD PA'I PHYIR, DANG PO NI, ME STOBS CHEN POS KHYAB PAR NON PA'I SHAR GYI GZHIR CHOS CAN, GRANG REG RGYUN CHAGS SU GNAS PA MED DE, ME STOBS CHEN POS KHYAB PAR NON PA'I PHYIR, ZHES BKOD PA'I TSE ME STOBS CHEN POS KHYAB PAR NON PA LTA BU'O, ,DE DE SGRUB KYI RANG BZHIN 'GAL DMIGS KYI RTAGS YANG DAG YIN TE, GRANG REG RGYUN CHAGS @077B SU GNAS PA SBYOR BA DE'I DGAG BYA'I CHOS SU BTAGS PA'I DON DANG, DE'I RANG BZHIN DU BSIL REG RGYUN CHAGS SU GNAS PA SONG BA GANG ZHIG ,DE DANG 'GAL BAR TSA REG STOBS CHEN SONG, ,DE'I RANG BZHIN DU ME STOBS CHEN PO SONG, SBYOR BA DES ME STOBS CHEN POS KHYAB PAR NON PA RTAGS SU BKOD PAS DE LTAR BRJOD PA'I PHYIR, GZHAN RNAMS KYANG DES RIGS BSGRES TE SHES PAR BYA'O, ,GNYIS PA NI, DE CHOS CAN, BA MO'I REG PA STOBS CHEN RGYUN CHAGS SU GNAS PA MED DE, ME STOBS CHEN POS KHYAB PAR NON PA YIN PA'I PHYIR ZHES BKOD TSE RTAGS DE LTA BU'O, ,GSUM PA NI, DU BA DRAG 'PHYUR BAS KHYAB PAR NON PA'I SHAR GYI GZHIR CHOS CAN, GRANG REG STOBS CHEN RGYUN CHAGS PA MED DE, DU BA DRAG 'PHYUR BAS KHYAB PAR NON PA YIN PA'I PHYIR ZHES BKOD PA'I TSE RTAGS DE LTA BU'O, ,BZHI BA NI, ME STOBS CHEN POS KHYAB PAR NON PA'I SHAR GYI GZHIR CHOS CAN, GRANG 'BRAS SPU LONG BYED STOBS CHEN RGYUN CHAGS PA MED DE, ME STOBS CHEN POS KHYAB PAR NON PA YIN PA'I PHYIR ZHES BKOD PA'I TSE RTAGS DE LTA BU'O, ,LNGA BA NI, DU BA DRAG 'PHYUR BAS KHYAB PAR NON PA'I SHAR GYI GZHIR CHOS CAN, GRANG 'BRUS SPU LONG BYED RGYUN CHAGS SU GNAS PA MED DE, DES KHYAB PAR NON PA YIN PA'I PHYIR ZHES BKOD PA'I TSE RTAGS DE LTA BU'O, ,DRUG PA NI, ME STOBS CHEN @078A *, ,POS KHYAB PAR NON PA'I SHAR KYI GZHIR CHOS CAN, GRANG RGYU'I NUS PA THOGS MED MED DE, DES KHYAB PAR NON PA YIN PA'I PHYIR, ZHES BKOD PA'I TSE RTAGS DE LTA BU'O, ,GNYIS PA PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS YANG DAG GI MTSAN NYID YOD DE, 'GAL ZLA DMIGS PA'I RTAGS GANG ZHIG ,DGAG BYA'I CHOS DANG 'GAL BA GNYIS KYI NANG NAS PHAN TSUN SPANG 'GAL LA BRTEN PA'I SGO NAS MI MTHUN PAR GNAS PA DE DE YIN PA'I PHYIR, PHAN TSUN SPANG 'GAL LA DNGOS 'GAL DANG BRGYUD 'GAL GNYIS LAS PHAN TSUN SPANG 'GAL GYI DNGOS 'GAL RTAGS SU BKOD NAS CIG SHOS 'GOG PA'I RTAGS YANG DAG MI SRID DE, PHYOGS CHOS GRUB TZAM GYIS BSGRUB BYA GRUB PAR 'GYUR BA'I PHYIR TE, DPER NA, SGRA CHOS CAN, RTAG PA MA YIN TE, MI RTAG PA YIN PA'I PHYIR ZHES BKOD TSE RTAGS DE'I SGO NAS BSGRUB BYA RTOGS MI RUNG BA LTA BU'O, ,DES NA PHAN TSUN SPANG 'GAL LA BRTEN PA'I RTAGS RNAMS PHAN TSUN SPANG 'GAL GYI BRGYUD 'GAL LA BRTEN PA'O, ,PHAN TSUN SPANG 'GAL LA BRTEN PA'I RTAGS KYI RNAM BZHAG GZHAN DON LE'U'I MJUG TU BSTAN ZHING, DE LTAR BSTAN PA LA DGOS PA YANG YOD DE, LTOS MED KYI RTAGS KYIS MJUG BSDUS PA'I SGO NAS BSTAN BCOS RNAM 'GREL 'DIR LTA BA BKAR BRTAGS @078B KYI PHYAG RGYA BZHI'I NANG NAS KYANG 'DUS BYAS MI RTAG PA NYID SGRUB PA'I RIGS PA RGYAS PAR BSHAD PA SHES PAR BYA BA'I CHED YIN PA'I PHYIR, DE LA DBYE NA, GNYIS YOD DE, NGES PAS LTOS PA 'GOG PA'I 'GAL ZLA DMIGS PA'I RTAGS YANG DAG DANG ,LTOS PAS NGES PA DGOG PA'I 'GAL ZLA DMIGS PA'I RTAGS YANG DAG GNYIS YOD PA'I PHYIR, DANG PO NI, BUM PA CHOS CAN, 'JIG PA RANG LAS PHYIS 'BYUNG GI RGYU DON GZHAN LA LTOS PA MED DE, RANG GRUB TZAM NAS 'JIG NGES YIN PA'I PHYIR, ZHES BKOD PA'I TSE RTAGS DE LTA BU'O, ,GNYIS PA NI, GOS DKAR PO CHOS CAN, RANG GRUB TZAM NAS TSON CAN DU MA NGES TE, RANG NYID TSON CAN DU 'GYUR BA RANG LAS PHYIS 'BYUNG GI RGYU DON GZHAN LA LTOS PA'I PHYIR ZHES BKOD PA'I TSE RTAGS DE LTA BU'O, ,GTAN TSIGS DANG PO 'DI LA NGES PAS LTOS PA 'GOG PA'I RTAGS YANG DAG CES BRJOD PA'I RGYU MTSAN YOD DE, RANG GRUB TZAM NAS 'JIG NGES PA'I RTAGS LAS, BUM PA 'JIG PA PHYIS 'BYUNG GI RGYU LA LTOS MED DU SGRUB PAS DE LTAR BRJOD PA'I PHYIR, GTAN TSIGS DANG PO 'DI'I PHYOGS SNGA MA SMRA BA BO YOD DE, RANG SDE GNAS MA BU BA DE DE YIN PA'I PHYIR, DE NA RE, SEMS SEMS BYUNG DANG SGRA DANG ME LCE DANG GLOG DANG 'BAB CHU RNAMS CHOS CAN, SKAD CIG MA YIN PAR THAL, 'JIG RGYUS DON GZHAN LA MI LTOS PAR RANG GRUB TZAM NAS 'JIG NGES @079A *, ,YIN PA'I PHYIR, DE LAS GZHAN PA'I BUM PA DANG KA BA SOGS 'DUS BYAS KYI CHOS GZHAN RNAMS CHOS CAN, SKAD CIG MA MA YIN PAR THAL, RANG NYID 'JIG PA DE DE LAS PHYIS 'BYUNG GI RGYU DON GZHAN LA LTOS PA'I PHYIR TE, BUM PA 'JIG PA BUM PA 'JIG BYED KYI THO BA SOGS LA LTOS PA'I PHYIR, ZHES ZER, DE LTAR YANG MDZOD LAS, 'GRO MIN GANG PHYIR 'DUS BYAS RNAMS, ,SKAD CIG MA YIN 'JIG PHYIR RO, ,ZHES GSUNGS PA'I PHYIR, DE 'GOG PA LA, GTAN TSIGS DANG PO 'DI GSUNGS, GTAN TSIGS 'DI'I RJES 'GRO'I KHYAB PA 'GRUB LUGS SPYI DANG MTHUN LA, PHYOGS CHOS SGRUB PA NI, BUM PA CHOS CAN, RANG GRUB TZAM NAS 'JIG NGES YIN TE, RANG RGYU LAS RDZOGS PAR NAM GRUB PA NA 'JIG PA'I BDAG NYID DU GRUB PA'I PHYIR, MA GRUB NA, BUM PA CHOS CAN, RGYUS MI 'JIG PA'I NGO BOR BSKYED PAR THAL, RGYU LAS MI 'JIG PA'I NGO BOR SKYES PA'I PHYIR, RTAGS DON GYIS SONG ,'DOD NA, BUM PA CHOS CAN, KHYOD KYI 'JIG PA 'JIG RGYU DON GZHAN GYIS MA BSKYED PAR THAL, KHYOD MI 'JIG PA'I NGANG CAN YIN PA'I PHYIR, RTAGS KHAS, 'DOD NA, RANG GI GRUB MTHA' DANG 'GAL LO, ,GTAN TSIGS GNYIS PA LA LTOS PAS NGES PA 'GOG PA ZHES BRJOD PA'I RGYU MTSAN YOD DE, TSON CAN DU 'GYUR BA PHYIS 'BYUNG GI RGYU LA LTOS PA'I RTAGS LAS GOS DKAR POR GRUB TZAM @079B NAS TSON CAN DU MA NGES PAR SGRUB PA'I RTAGS YIN PAS DE LTAR BRJOD PA'I PHYIR, 'GAL DMIGS KYI RTAGS GYI RNAM BZHAG GSUNGS PA LA DGOS PA YOD DE, SPANG BYA 'KHOR BA DANG DE'I RTZA BA BDAG 'DZIN GYI GNYEN PO BDAG MED RTOGS PA'I SHES RAB GNYIS SPANG GNYEN SBYOR TSUL SHES PAR BYA BA'I CHED YIN PA'I PHYIR, DE YANG TSUL DE BCOM LDAN 'DAS KYIS SHER PHYIN GYI MDOR GSUNGS LA, DE NYID RIGS PAS SGRUB PA LA RIGS PA'I DBANG PHYUG RNAM GNYIS GYIS SDE BDUN MDO DANG BCAS PA GSUNGS PA'I PHYIR, GNYIS PA MTHA' DPYAD PA NI, KHO NA RE, DGAG BYA'I CHOS KYI 'GAL ZLA'I NGO BO RGYU 'BRAS GSUM DU NGES PA LA, 'GAL ZLA'I NGO BO MES GRANG REG 'GOG PA LA RTZOD PA MED KYI, ME'I RGYU DANG 'BRAS BU GNYIS GRANG REG 'GOG PA LA NYE RING GI KHYAD PAR MI 'THAD PAS RGYUS 'GOG MI NUS NA 'BRAS BUS KYANG MI NUS LA, DES NUS NA CIG SHOS KYIS KYANG NUS PAS GZHI 'GAR CHOS CAN, GRANG REG RGYUN CHAGS SU GNAS PA MED DE, BUD SHING DMIGS PA'I PHYIR RO ZHES PA YANG RTAGS YANG DAG GI SBYOR BAR 'GYUR RO ZHES ZER, DE 'GOG PA LA, DE DANG 'GAL BA YI NI RGYU, , DMIGS PA'I SBYOR BA GANG YIN DE, ,RGYU MTSAN DAG NI 'GAL BA NYID, ,MED NA 'KHRUL BA CAN YIN NO, ,'GAL 'BRAS LA YANG YUL DANG NI, ,DUS LA SOGS LA LTOS PAR 'DOD, ,GZHAN DU 'KHRUL 'GYUR MI GRANG BA, , @080A *, ,SGRUB PA LA NI THAL BA BZHIN, ,ZHES GSUNGS, GZHUNG DE SBYOR BA NGAG 'DON DU DRIL NA, SNGAR GYI RTZOD PA GNYIS PA DE LA KHYAB PA MED DE, DGAG BYA'I CHOS DE DANG 'GAL BA'I RGYU DMIGS PA'I CHOS KHYOD KYIS RTAGS SU SBYOR BA GANG YIN PA BUD SHING DE CHOS CAN, RANG PHYOGS CHOS CAN DU GRUB PA'I GZHIR GRANG REG 'GOG PA LA KHYAB PA 'KHRUL BA CAN YIN TE, DE 'GOG PA'I LHAN CIG MI GNAS 'GAL LA BRTEN PA'I 'GAL RGYU DMIGS PA'I RTAGS SU BKOD PA GANG ZHIG ,GRANG REG SKYED PA'I RGYU MTSAN DAG DANG NI KHYOD 'GAL BA NYID MED PA'I PHYIR TE, BUD SHING DANG GRANG REG GNYIS GZHI 'GA' ZHIG TU PHAN TSUN GNOD PA MED PAR LHAN CIG GNAS PA'I PHYIR, RTZOD PA DANG PO LA, KHYAB PA MED PA'I LAN NI, 'GAL 'BRAS DMIGS PA'I RTAGS DU BA DRAG 'PHYUR BAS KHYAB PAR NON PA DE LA YANG CHOS CAN, RANG PHYOGS CHOS CAN DU GRUB PA'I GZHIR, RANG NYID YOD TZAM GYIS GRANG REG 'GOG PA MA YIN TE, DE 'GOG MI NUS PA'I PHYIR TE GZHI 'GA' ZHIG TU DU BA DRAG 'PHYUR BA DANG GRANG REG GNYIS LHAN CIG TU GNAS PA SRID PA'I PHYIR, DES NA GZHI DER GRANG REG RGYUN CHAGS SU GNAS PA MED PAR SGRUB PA LA YANG ME'I DROD KYIS KHYAB PA'I YUL DANG DU BA DRAG 'PHYUR BZHIN PA'I DUS LA SOGS PA GRANG REG 'GOG NUS KYI ME LA MI 'KHRUL BA'I GNAS SKABS KHYAB PAR TZAM LA LTOS @080B PAR 'DOD RIGS PA'I PHYIR, BUD SHING GI 'GYUR BA THAL BA DANG SOL BA SOGS CHOS CAN, RANG PHYOGS CHOS CAN DU GRUB PA'I GZHIR GRANG REG 'GOG PA LA KHYAB PA 'KHRUL BAR 'GYUR TE, DE 'GOG PA LA 'GAL 'BRAS DMIGS PA'I RTAGS SU BKOD PA GANG ZHIG ,MES DROD KYIS KHYAB PAR NON PA SOGS YUL KHYAD PAR CAN LA LTOS NAS GRANG REG 'GOG NUS NA'ANG, DE DAG LA MI LTOS PAR GZHAN DU 'GOG MI NUS PA'I PHYIR, DPER NA MI GRANG BA GRANG REG MED PAR SGRUB PA LA THAL BA RTAGS SU BKOD PA BZHIN NO, ,YANG SGRA SMOS PA LA DGOS PA YOD DE, 'GAL RGYU DMIGS PA LTAR 'GAL 'BRAS DMIGS PA'I RTAGS LA YANG RTAGS GANG BYUNG GIS MI CHOG CES PA'I DON NO, ,KHA CIG BUM PA SNANG RUNG MA DMIGS PA BUM PA MED PA'I THA SNYAD BYAR RUNG GI MTSAN NYID BYAS NAS, DE BUM PAS DAG PA'I SA PHYOGS SU BUM PA MED PA'I THA SNYAD BYAR RUNG DU SGRUB PA'I RANG BZHIN MA DMIGS PA'I RTAGS YIN ZHES ZER NA, BUM PA CHOS CAN, BUM PA SNANG RUNG MA DMIGS PAR THAL, BUM PA MED PA'I THA SNYAD BYAR RUNG YIN PA'I PHYIR, BUM PA MED PA'I BRJOD PA SGRA'I THA SNYAD BYA RUNG YIN PA'I PHYIR TE, BUM PA MED CES PA'I SGRA DE DON THAMS CAD LA 'JUG RUNG YIN PA'I PHYIR, BYAS PA LA KHO NA RE, DE CHOS CAN, BUM PA MED PA'I THA SNYAD BYAR RUNG MA YIN PAR THAL, BUM PA MED PA MA YIN PA'I PHYIR, ZER NA MA KHYAB, 'O NA BUM @081A *, ,PA CHOS CAN, ZLA BA ZHES PA'I SGRAS BRJOD RUNG MA YIN PAR THAL, ZLA BA MA YIN PA'I PHYIR, KHYAB PA 'GRIGS, 'DOD MI NUS TE, RTOG YUL NA YOD PA'I PHYIR, GZHAN YANG BUM PA SNANG RUNG MA DMIGS PA CHOS CAN, BUM PA MED PA'I SA PHYOGS SU BUM PA MED PAR SGRUB PA'I DGAG RTAGS YANG DAG MA YIN PAR THAL, DER SGRUB KYI RANG BZHIN MA DMIGS PA'I RTAGS YANG DAG YIN PA'I PHYIR, KHYAB STE, RANG BZHIN MA DMIGS PA'I RTAGS NI DGAG PA'I YUL CAN GYI THA SNYAD SGRUB PA'I RTAGS LA DGAG PA'I RTAGS ZHES BTAGS PA TZAM YIN GYI DGAG PA'I GTAN TSIGS MA YIN PA'I PHYIR TE, RANG 'GREL LAS, DGAG PA'I YUL CAN GYI THA SNYAD KYI GTAN TSIGS LA DE'I GTAN TSIGS ZHES BSHAD DO, ZHES GSUNGS PA'I PHYIR ZHE NA, SKYON MED DE, SNGAR RGYU KHYAB BYED RANG BZHIN MA DMIGS PA GSUM GA DGAG PA'I GTAN TSIGS SU BSTAN PA LA DE RNAMS KYIS DGAG PA'I DON DANG THA SNYAD GANG SGRUB SNYAM NA, RANG BZHIN MA DMIGS PAS DGAG PA'I THA SNYAD 'BA' ZHIG SGRUB PA YIN GYI DON SGRUB PA MA YIN TE, CHOS DE SNANG RUNG MA DMIGS PA NYID RTAGS SU BKOD NAS CHOS DE MED PAR SGRUB PAR BYED PA'I PHYIR, RGYU KHYAB BYED MA DMIGS PA GNYIS KYI DGAG PA'I DON DANG THA SNYAD GNYIS KA SGRUB PA YIN PA LUNG DE'I DON YIN PA'I PHYIR TE, RANG 'GREL LAS, DMIGS PA @081B NI, RIGS LDAN DE MI DMIGS PAR YANG, DGAG PA'I GTAN TSIGS YIN NO, ,DGAG PA'I THA SNYAD KYI YUL CAN GYI GTAN TSIGS LA DE'I GTAN TSIGS ZHES BSHAD DE, DE LTA BU MI DMIGS PA NI RANG NYID KYIS 'GOG PA'I NGO BO YIN PA'I PHYIR RO, ,RGYU DANG KHYAB PAR BYED PA MA DMIGS PA NI GNYIS KA'I YANG GTAN TSIGS YIN NO, ,ZHES GSUNGS PA'I PHYIR, 'O NA RANG BZHIN MA DMIGS PAS THA SNYAD 'BA' ZHIG SGRUB NA, GRUB ZIN GYI DON DANG SGRUB RGYU'I THA SNYAD GANG YIN ZHEN, SBYOR BA SNGA MA 'DI LTA BU LA MTSON NA, BUM PAS DAG PA'I SA PHYOGS SU BUM PA SNANG RUNG MA DMIGS PA GRUB ZIN GYI DON DANG ,GZHI DER BUM PA MED PA SGRUB RGYU'I THA SNYAD YIN NO, ,SBYOR BA DE'I KHYAB PA MNGON SUM GYIS GRUB, PHYOGS CHOS BUM PA SNANG RUNG MA DMIGS PA'I SA PHYOGS 'DZIN PA'I DAG 'DZIN DBANG BO'I MNGON SUM GYIS GRUB PA'I PHYIR TE, DAG 'DZIN DBANG MNGON DES SA PHYOGS DE DNGOS SU RTOGS PA'I SHUGS LA SA PHYOGS DER BUM PA SNANG RUNG MA DMIGS PA RTOGS PA'I PHYIR TE, DAG 'DZIN DBANG MNGON DES SA PHYOGS 'DI NI DMIGS SO, ,BUM PA 'DI NI MA DMIGS SO SNYAM PA'I RTOGS PA DON MTHUN GNYIS 'DREN PA'I PHYIR, KHO NA RE, SA PHYOGS DER BUM PA SNANG RUNG MA DMIGS PA CHOS CAN, KHYOD DAG 'DZIN DBANG MNGON GYIS MA RTOGS PAR THAL, KHYOD MED DGAG YIN PA'I PHYIR, KHYAB STE, RNAM 'GREL LAS, MED LA DBANG @082A *, ,SKYES BLO MIN TE, ,ZHES GSUNGS PA'I PHYIR NA MA KHYAB STE, MED DGAG DBANG MNGON GYI DNGOS YUL MA YIN PA LUNG DE'I DON YIN PA'I PHYIR, KHA CIG ,BUM PAS DAG PA'I SA PHYOGS SU BUM PA MED PA GRUB ZIN GYI DON DANG ,BUM PA MED PA'I NGES BRJOD KYI THA SNYAD SGRUB RGYU YIN ZER BA MI 'THAD DE, DE LTAR NA, PHYOGS CHOS GRUB TSE BSGRUB BYA GRUB PAR THAL BA'I NYES PA YOD PA'I PHYIR, JI LTAR YOD NA SA PHYOGS DER BUM MED KYI THA SNYAD BYA RUNG SGRUB DGOS KYI PHYI RGOL CHOS CAN, SA PHYOGS DER BUM PA MED PAR NGES PA'I BLO'I THA SNYAD GRUB ZIN PAR THAL, SA PHYOGS DER BUM PA MED PAR GRUB ZIN PA'I PHYIR, RTAGS KHAS, DE CHOS CAN, SA PHYOGS DER BUM PA MED PA'I BRJOD PA SGRA'I THA SNYAD GRUB ZIN PAR THAL, DER BUM PA MED PAR GRUB PA GANG ZHIG ,BUM PA MED CES SMRA SHES PA'I PHYIR, 'DOD NA, DE CHOS CAN, BUM PA MED PA'I THA SNYAD GRUB ZIN PAR THAL, BUM PA MED PAR NGES PA'I BLO'I THA SNYAD DANG BRJOD PA SGRA'I THA SNYAD GNYIS KA GRUB ZIN PA'I PHYIR, RTAGS KHAS, 'DOD NA, DE CHOS CAN, BUM PA MED PA'I THA SNYAD KHYOD LA SGRUB RGYU'I THA SNYAD MA YIN PAR THAL LO, ,'DOD NA DNGOS 'GAL LO, ,KHO NA RE, DE MI 'THAD PAR THAL, RANG BZHIN MA DMIGS PA'I RTAGS 'GOD TSE, BUM PAS DAG PA'I SA PHYOGS CHOS CAN, BUM PA MED PA'I THA SNYAD BYA RUNG STE, BUM PA @082B SNANG RUNG MA DMIGS PA'I PHYIR, ZHES 'GOD DGOS PA'I PHYIR TE, RNAM 'GREL LAS, RGYU MTSAN CAN GYI SGRA SHES SGRUB, ZHES GSUNGS PA'I PHYIR ZER NA MA KHYAB STE, BUM PA SNANG RUNG MA DMIGS PA'I RTAGS KYIS BUM PAS DAG PA'I SA PHYOGS SU RGYU MTSAN CAN GYI SGRA DANG SHES PA'I THA SNYAD KYI YUL BUM PA MED PAR SGRUB NUS PA LUNG DE'I DON YIN PA'I PHYIR, GNYIS PA GRANGS NGES LA DOGS PA BCAD PA NI, KHA CIG ,RTAGS YANG DAG LA 'BRAS RANG MA DMIGS PA'I RTAGS YANG DAG GSUM DU GRANGS NGES PA MI 'THAD PAR THAL, SGRUB RTAGS LA 'BRAS RANG GI RTAGS GNYIS SU 'BYED NA, DGAG RTAGS LA YANG 'BREL ZLA MA DMIGS PA DANG 'GAL ZLA DMIGS PA'I RTAGS GNYIS SU 'GYUR BAS RTAGS YANG DAG LA BZHIR GRANGS NGES PAR 'GYUR BA'I PHYIR, 'BREL ZLA MA DMIGS PA DANG 'GAL ZLA DMIGS PA GNYIS DGAG RTAGS ZHES GCIG TU SDUD NA, 'BRAS RANG GNYIS KYANG SGRUB RTAGS ZHES GCIG TU SDUD PAS, RTAGS YANG DAG LA GNYIS SU GRANGS NGES PAR 'GYUR BA'I PHYIR, ZHES ZER, DE'I LAN LA KHA CIG ,SGRUB RTAGS KYI RTAGS CHOS KYI 'BREL BA LA 'BREL BA GNYIS KA YOD CING DGAG RTAGS KYI RTAGS CHOS KYI 'BREL BA LA DE BYUNG DU 'BREL BA MED PAS, DGAG RTAGS LA GNYIS SU MA PHYE BA YIN NO ZHES ZER, DE MI 'THAD PAR THAL, ME MED RTAGS KYIS ME MED MTSAN MO'I RGYA MTSOR DU BA MED PAR SGRUB PA'I RTAGS CHOS KYI 'BREL BA DE BYUNG 'BREL @083A *, ,LA BRTEN PA YIN PA'I PHYIR, DE SGRUB KYI RTAGS CHOS KYI 'BREL BA ME DU RGYU 'BRAS SU NGES BYED KYI TSAD MA LA BRTEN NAS 'GRUB PA YIN PA'I PHYIR, KHO NA RE, ME MED PA DU BA MED PA DANG DE BYUNG DU 'BREL BAR THAL, ME MED PA'I RTAGS KYIS ME MED MTSAN MO'I RGYA MTSOR DU MED TU SGRUB PA'I RTAGS CHOS KYI 'BREL BA DE BYUNG 'BREL LA BRTEN PA YIN PA'I PHYIR ZER NA MA KHYAB, RANG LUGS LA RTAGS YANG DAG LA DGAG RTAGS YANG DAG DANG SGRUB RTAGS YANG DAG GNYIS SU GRANGS NGES TE, GZHAL BYA LKOG GYUR LA DGAG PA DANG SGRUB PA GNYIS SU GRANGS NGES LA, DGAG PA DNGOS SU SGRUB PA'I RTAGS DGAG RTAGS DANG ,SGRUB PA DNGOS SU SGRUB PA'I RTAGS SGRUB RTAGS YIN PA'I PHYIR, SGRUB RTAGS LA BSGRUB BYA'I CHOS DANG DE BYUNG DU 'BREL BA DANG BDAG GCIG DU 'BREL BA GNYIS YOD PAS RTAGS YANG DAG LA 'BRAS RANG MA DMIGS PA'I RTAGS YANG DAG GSUM DU GRANGS NGES PA YIN NO, RTAGS YANG DAG GI GRANGS NGES 'BYED PA'I TSE SGRUB RTAGS LA 'BRAS RANG GI RTAGS GNYIS SU PHYE BA LA CHOS CAN, DGOS PA YOD DE, RTAGS YANG DAG YIN NA RANG GI BSGRUB BYA'I CHOS DANG DE BYUNG DU 'BREL BA DANG BDAG GCIG DU 'BREL BA GANG RUNG GI SGO NAS RANG GI BSGRUB BYA'I CHOS LA MI SLU BA ZHIG DGOS PA RTOGS PA'I CHED YIN PA'I PHYIR, DE LTAR RTOGS PA LA CHOS CAN, DGOS PA YOD DE, @083B LDAN PA'I 'BREL BA 'DU BA'I 'BREL BA LA BRTEN PA'I RTAGS RNAMS RTAGS YANG DAG MA YIN PAR RTOGS PA'I CHED YIN PA'I PHYIR, GNYIS PA RTAGS YANG DAG LA BSGRUB BYA'I CHOS KYI SGO NAS DBYE NA GNYIS YOD, DE DGAG RTAGS YANG DAG DANG ,SGRUB RTAGS YANG DAG GNYIS YOD PA'I PHYIR, DANG PO DGAG RTAGS YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, DGAG PA YANG YIN PA'I GZHI MTHUN PA YOD PA DE DE YIN PA'I PHYIR, SGRUB RTAGS YANG DAG GI MTSAN NYID YOD DE, DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, SGRUB PA YANG YIN PA'I GZHI MTHUN PA YOD PA DE DE YIN PA'I PHYIR, GSUM PA RTAGS YANG DAG LA BSGRUB BYA'I SGO NAS DBYE BA LA GNYIS, DBYE BA'I SGO BSHAD PA DANG, PHYE BA SO SO'I DON NO, ,DANG PO LA, DGAG BZHAG GNYIS LAS, DANG BO NI KHA CIG ,TSUL GSUM DNGOS STOBS TSAD MA, YID CHES RJES DBAG GRAGS PA'I RJES DPAG GSUM GYIS GRUB PA'I SGO NAS, DNGOS STOBS KYI RTAGS YANG DAG ,YID CHES KYI RTAGS YANG DAG ,GRAGS PA'I RTAGS YANG DAG GSUM DU 'BYED PA YIN ZHES ZER, DE MI 'THAD PAR THAL, RTAGS YANG DAG THAMS CAD KYI TSUL GSUM SGRUB BYED MTHAR GTUGS NA DNGOS STOBS TSAD MAS GRUB DGOS PA'I PHYIR TE, RTAGS KYI TSUL RNAMS SGRUB BYED MTHAR GTUGS NA THA SNYAD PA'I DBANG BO'I MNGON SUM DANG RANG RIG MNGON SUM LA THUG GI BAR DU SGRUB DGOS PA'I PHYIR, @084A *, ,GNYIS PA RANG LUGS NI, RTAGS GSUM PO 'DI BSGRUB BYA'I SGO NAS 'BYED PA YIN TE, DNGOS STOBS RJES DPAG ,YID CHES RJES DPAG ,GRAGS PA'I RJES DPAG GSUM YUL GYI SGO NAS DBYE BA YIN PA'I PHYIR TE, RNAM 'GREL LAS, DES NA GNOD PHYIR RJES DPAG LAS, KHAS BLANGS PHYI ROL GYUR MIN YANG, ,YUL GYI KHYAD PAR BSTAN PA YI, ,PHYIR NA THA DAD BYAS PA YIN, ,ZHES DANG, DES NA YUL GYI KHYAD PAR NI, ,BSTAN PHYIR GRAGS PA RJES DPAG LAS, ,PHYI ROL GYUR PA MA YIN YANG, ,THA DAD BYAS YIN SNGA MA BZHIN, ,ZHES GSUNGS PA'I PHYIR, GNYIS PA LA GSUM LAS, DANG PO DNGOS PO STOBS ZHUGS KYI RTAGS YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,DE SGRUB KYI BSGRUB BYA DNGOS STOBS RJES DPAG GIS GRUB PA, DE LA DBYE NA, SNGAR BSHAD PA'I 'BRAS RANG MA DMIGS PA'I RTAGS YANG DAG GSUM YOD, GNYIS PA YID CHES KYI RTAGS YANG DAG BSHAD PA LA DGAG BZHAG SPONG GSUM LAS, DANG PO NI, KHA CIG ,YID CHES RJES DPAG TSAD MA MA YIN TE, YID CHES KYI RTAGS YANG DAG MED PA'I PHYIR TE, LUNG DE RANG GI BRJOD BYA'I DON SGRUB PA'I RTAGS YANG DAG MA YIN PA'I PHYIR, RJOD BYED KYI @084B SGRA RNAMS RANG GI BRJOD DON LA MA 'KHRUL BA'I 'BREL BA MA GRUB PA'I PHYIR, KHYAB STE, RANG 'GREL LAS, RJES SU DPAG PA YANG NYES PA MED PA MIN TE, SGRA RNAMS DON DAG LA MED NA MI 'BYUNG BA MIN NO, ,ZHES GSUNGS PA'I PHYIR ZHES ZER, 'O NA, MNGON MTHO SGRUB BYED KYI THABS MED PAR THAL, DA LTA TSUL KHRIMS BSRUNGS PA LAS MA 'ONGS PA NA MTHO RIS SU SKYE BA TSAD MAS MA GRUB PA'I PHYIR TE, SHIN TU LKOG GYUR SGRUB BYED KYI TSAD MA MED PA'I PHYIR TE, YID CHES RJES DPAG TSAD MA MA YIN PA'I PHYIR, RTAGS KHAS, 'DOD MI NUS TE, MNGON MTHO SGRUB BYED KYI THABS YOD PA'I PHYIR TE, NGES LEGS SGRUB BYED KYI THABS YOD PA'I PHYIR, KHYAB STE, RNAM 'GREL LAS, GTZO BO'I DON LA MI SLU'I PHYIR, ,GZHAN LA RJES SU DPAG PA YIN, ,ZHES RGYAL BA'I BKA' RNAMS RANG GI BSTAN BYA'I GTZO BO NGES LEGS LA MI SLU BAR GRUB PAS BSTAN BYA PHAL BA MNGON MTHO LA MI SLU BAR RTOGS NUS PA'I PHYIR, GZHAN YANG, GSUNG RAB LAS GZHAL BYA'I GNAS GSUM GSUNGS PA'I RJES SU RTOG LDAN 'BRANG MI RIGS PAR THAL, SHIN TU LKOG GYUR STON PA'I GSUNG RAB KYI DON TSAD MAS MA GRUB PA'I PHYIR TE, SHIN LKOG SGRUB BYED KYI TSAD MA MED PA'I PHYIR, KHYAB PA YOD DE, BRJOD DON TSAD MAS MA GRUB PA'I BSTAN BCOS KYI RJES SU RTOG LDAN MKHAS PA 'BRANG MI RIGS PA'I PHYIR TE, RNAM 'GREL LAS, TSAD MAS MA GRUB DON CAN GYI, , @085A *, ,GRUB MTHA'I RJES SU 'BRANG NGAM CI, ,ZHES GSUNGS PA'I PHYIR, GZHAN YANG ,SHIN TU LKOG GYUR RTOGS PA'I THABS MED PAR THAL, SHIN TU LKOG GYUR LUNG GIS KYANG SGRUB MI NUS, RIGS PAS KYANG SGRUB MI NUS PA'I PHYIR, PHYI MA GRUB STE, DE RTOGS BYED RJES DPAG TSAD MA MED PA'I PHYIR, RTAGS KHAS, 'DOD MI NUS TE, GZHAL BYA'I GNAS DANG PO RTOGS PA'I THABS YOD PA'I PHYIR, KHYAB STE RNAM 'GREL LAS, 'DI NI KHAS LEN THABS YIN TE, ,ZHES GSUNGS PA'I PHYIR, GZHAN YANG ,LAS 'BRAS SHIN TU PHRA BA STON PA'I GSUNG RAB LA THOS BSAM BYAS PAS LAS 'BRAS LA YID CHES KYI DAD PA THOB PA MED PAR THAL, YID CHES RJES DPAG TSAD MA MA YIN PA'I PHYIR, 'DOD NA, LAS 'BRAS LA YID CHES KYI DAD PA THOB PA'I THABS MED PAR THAL LO, ,DE BZHIN DU, SBYIN PAS LONGS SPYOD KHRIMS KYIS BDE, ZHES PA'I LUNG CHOS CAN, RANG GI BSTAN BYA'I DON LA MI SLU BA MA YIN PAR THAL, YID CHES RJES DPAG TSAD MA MA YIN PA'I PHYIR, 'DOD MI NUS TE, DPYAD GSUM GYIS DAG PA'I LUNG YIN PA'I PHYIR, YANG KHA CIG ,YID CHES RJES DPAG TSAD MA YIN YANG ,DE'I RTEN GTAN TSIGS 'GOD TSE, DKAR CHOS CHOS CAN, SPYAD PA LAS BDE BA 'BYUNG STE, SPYAD PA LAS BDE BA 'BYUNG BAR BCOM LDAN 'DAS KYI LUNG LAS @085B GSUNGS PA'I PHYIR, ZHES ZER, 'O NA SHES BYA CHOS CAN, BCOM LDAN 'DAS KYI LUNG YIN NA SGRA JI BZHIN PA YIN PAS KHYAB PAR THAL, SPYAD PA LAS BDE BA 'BYUNG BAR BCOM LDAN 'DAS KYI LUNG LAS GSUNGS NA SPYAD PA LAS BDE BA 'BYUNG BAS KHYAB PA'I PHYIR, BYAS PA LA KHO NA RE, SKYON MED DE, DKAR CHOS CHOS CAN, SPYAD PA LAS BDE BA 'BYUNG STE, SPYAD PA LAS BDE BA 'BYUNG BAR BCOM LDAN 'DAS KYIS LUNG RNAM DAG LAS DON MTHUN DU GSUNGS PA'I PHYIR ZER NA, SPYAD PA LAS BDE BA 'BYUNG BAR BCOM LDAN 'DAS KYIS LUNG RNAM DAG LAS DON MTHUN DU GSUNGS PA CHOS CAN, DKAR CHOS SPYAD PA LAS BDE BA 'BYUNG BAR SGRUB PA'I RTAGS YANG DAG MA YIN PAR THAL, DKAR CHOS DE KHYOD YIN PAR NGES NAS SPYAD PA LAS BDE BA 'BYUNG MI 'BYUNG THE TSOM ZA BA'I GANG ZAG MA GRUB PA'I PHYIR TE, DKAR CHOS DE KHYOD DU NGES NA SPYAD PA LAS BDE BA 'BYUNG BAR NGES DGOS PA'I PHYIR, GZHAN YANG, DKAR CHOS SPYAD PA LAS BDE BA 'BYUNG BAR SGRUB PA'I RTAGS YANG DAG MED PAR THAL, DKAR CHOS NGES NAS SPYAD PA LAS BDE BA 'BYUNG BA LA THE TSOM ZA BA MED PA'I PHYIR TE, SPYAD PA LAS BDE BA 'BYUNG BA DKAR CHOS KYI MTSAN NYID YIN PA'I PHYIR, KHA CIG ,LUNG RNAM DAG YIN NA, DPYAD PA GSUM GYIS DAG MA DAG MA BRTAGS PAR RTOG LDAN MKHAS PAS KHAS BLANGS PAR @086A *, ,BYA BA YIN PAS KHYAB CES ZER NA, SANGS RGYAS KYI BKA' CHOS CAN, DER THAL, DE'I PHYIR, 'DOD NA, DE CHOS CAN, DE MA YIN PAR THAL, RTOG LDAN MKHAS PAS, SANGS RGYAS LA GUS PA TZAM RGYU MTSAN DU MI BYED PAR RGYAL BA'I BKA' LA RIGS PA DRI MA MED PAS DPYAD DE, DPYAD PA GSUM GYIS DAG PA NA KHAS BLANGS PAR BYA BA YIN PA'I PHYIR TE, MDO LAS, DGE SLONG DAG GAM MKHAS RNAMS KYIS, ,BSREGS BCAD BRDAR PA'I GSER BZHIN DU, ,LEGS PAR BRTAGS LA NGA YI BKA', ,BLANGS PAR BYA YI GUS PHYIR MIN, ,ZHES GSUNGS PA'I PHYIR DANG, RNAM 'GREL LAS, DE LTAR YUL GNYIS RNAM DAG NA, ,DE NI BSTAN BCOS YONGS 'DZIN PAR, ,'DOD PA'I DUS YIN, ZHES DANG, RNAM NGES LAS, KHAS BLANGS NAS BRTAGS PA 'JUG PA NI MIN GYI 'ON KYANG BRTAGS NAS KHAS LEN PA YIN NO, ,ZHES GSUNGS PA'I PHYIR, KHA CIG ,SBYIN PAS LONGS SPYOD KHRIMS KYIS BDE, ,ZHES PA'I LUNG TSIG SBYIN SOGS SPYAD PA LAS BDE BA 'BYUNG BAR SGRUB PA'I YID CHES KYI RTAGS YANG DAG YIN ZHES ZER, 'O NA PHYOGS TSIG SGRUB NGAG GI YAN LAG TU 'GYUR BA YOD PAR THAL, SGRA MI RTAG CES PA'I TSIG DE SGRA MI RTAG PAR SGRUB PA'I RTAGS YANG DAG YIN PA'I PHYIR TE, SBYIN PAS LONGS SPYOD KHRIMS KYIS BDE, ,ZHES PA'I LUNG TSIG RANG GI BRJOD BYA SGRUB PA'I RTAGS YANG DAG YIN @086B PA'I PHYIR, RTAGS KHAS, DE LTA BU'I LUNG TZAM GYIS RANG GI BRJOD BYA DE SGRUB NUS NA, SBYIN PA LAS LONGS SPYOD 'BYUNG ZHES PA'I TSIG TZAM GYIS SBYIN PA LAS LONGS SPYOD 'BYUNG BA 'GRUB PAR 'GYUR BAS, SGRA MI RTAG CES PA'I TSIG TZAM GYIS SGRA MI RTAG PAR 'GRUB PAR 'GYUR LA, DE LTA NA PHYOGS TSIG SGRUB NGAG GI YAN LAG TU MI 'DOD BZHIN DU KHAS BLANGS DGOS PA'I PHYIR, GZHAN YANG, DE 'DRA'I LUNG DE DE SGRUB KYI RTAGS YANG DAG MA YIN PAR THAL, DE'I RTAGS KYIS DE SGRUB KYI PHYOGS CHOS MA GRUB PA'I PHYIR, YIN 'GOD DANG YOD 'GOD GANG GI DBANG DU BYAS KYANG SHES 'DOD CHOS CAN LA 'GOD TSUL DANG MTHUN PAR MA GRUB PA'I PHYIR, KHA CIG ,DE SGRUB KYI YID CHES KYI RTAGS YANG DAG YIN NA, DE SGRUB KYI 'BRAS RTAGS YANG DAG YIN PAS KHYAB STE, RNAM 'GREL LAS, DE LA KHAS BLANGS 'BRAS RTAGS TE, ,ZHES GSUNGS PA'I PHYIR ZHES ZER NA, 'O NA DPYAD GSUM GYIS DAG PA'I LUNG CHOS CAN, SBYIN PAS LONGS SPYOD KHRIMS KYIS BDE, ,ZHES PA'I LUNG RANG GI BSTAN BYA'I DON LA SLU BA MA YIN PAR SGRUB PA'I 'BRAS RTAGS YANG DAG YIN PAR THAL, DE SGRUB KYI YID CHES KYI RTAGS YANG DAG YIN PA'I PHYIR, 'DOD MI NUS TE, DE SGRUB KYI MA DMIGS BA'I RTAGS YANG DAG YIN PA'I PHYIR, KHO NA RE, DPYAD GSUM GYIS DAG PA'I LUNG DE DE SGRUB KYI RTAGS YANG DAG YIN NA SNGAR GYI RANG 'GREL DANG 'GAL PA'I NYES PA SO @087A *, ,NA GNAS SO ZHE NA, SKYON MED DE, LUNG DE'I DON NI, SPYIR LUNG TZAM RANG GI BRJOD BYA DANG 'BREL MED YIN PAR BSTAN PA YIN GYI DPYAD GSUM GYIS DAG PA'I LUNG RANG GI BSTAN BYA'I DON LA MI SLU BA DANG 'BREL MED DU BSTAN PA MA YIN PA'I PHYIR, KHA CIG ,'PHAGS PA'I BDEN PA BZHI BO SHIN TU LKOG GYUR YIN TE, KUN 'BYUNG BDEN PA LAS SDUG BSNGAL BDEN PA 'BYUNG BA SHIN TU LKOG GYUR YIN PA'I PHYIR, KUN 'BYUNG DGE BA'I LAS LAS RNAM SMIN BDE BA 'BYUNG BA DANG, KUN 'BYUNG MI DGE PA'I LAS LAS RNAM SMIN SDUG BSNGAL 'BYUNG BA SHIN TU LKOG GYUR YIN PA'I PHYIR ZHES ZER, DE MI 'THAD PAR THAL, RANG 'GREL LAS, LUNG LA LTOS PA MED PA'I RJES SU DPAG PA'I YUL DU 'DOD PA DAG LA DE BZHIN DU 'GYUR TE, DPER NA, 'PHAGS PA'I BDEN PA BZHI DAG LTA BU'O, ,ZHES BDEN BZHI DNGOS STOBS RJES DPAG GI YUL DU GSUNGS PA'I PHYIR, ,GNYIS PA RANG LUGS LA, YID CHES KYI RTAGS YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,DE SGRUB KYIS BSGRUB BYA YANG DAG KYANG YIN SHIN TU LKOG GYUR YANG YIN PA'I GZHI MTHUN PA YOD PA DE DE YIN PA'I PHYIR, DE YANG RTOG PA SNGON DU GTONG BA'I SKYES BU MKHAS PA DAG SHIN TU LKOG GYUR GYI DON LA 'JUG @087B LDOG BYAS PA'I PHAN YON DANG NYES DMIGS CHEN PO BSHAD PA'ANG THOS LA, DE LTA BU'I 'JUG LDOG MA BYAS NA DON CHEN PO LAS NYAMS PAR 'GYUR BA YANG SRID SNYAM ZHING, THABS GANG LA BRTEN NAS 'JUG LDOG BYA SNYAM DU SEMS SO, ,DE LTAR BSAM PA NA, LUNG LA MA BRTEN PAR TSAD MA GZHAN LA BRTEN NAS 'JUG LDOG BYA MI NUS PAR SHES SHING, LUNG DE RANG GI BSTAN BYA'I DON LA MI SLU BA YIN MIN JI LTA BU ZHES DPYOD PAR BYED LA, DPYAD PA NA LUNG DE'I BSTAN BYA DE LTA BU YOD PA LA MNGON SUM DANG DNGOS STOBS TSAD MAS GNOD PA MED CING, LUNG DE NYID KYI BRJOD BYA SHIN TU LKOG GYUR STON PA'I TSIG LA, RANG TSIG SNGA PHYI DANG KHAS BLANGS DNGOS SHUGS 'GAL BA SOGS KYIS GNOD PA MED PA STE, DPYAD PA GSUM GYIS DAG PAR MTHONG NAS DE'I TSE LUNG DE NYID RANG GI BSTAN BYA'I DON LA MI SLU BAR NGES TE, LUNG DES BSTAN PA DANG MTHUN PAR 'JUG LDOG BYED PAR 'GYUR BA 'DI NI, LUNG GI BRJOD BYA LA NGES PA JI LTAR SKYE BA'I TSUL YIN NO, ,DES NA LUNG DON LA DPYOD PA'I SKYES BU DES LUNG DPYOD BYED KYI RIGS PAR MI BYED PAR, DPYOD PA'I GZHIR BYAS NAS, DPYAD PA GSUM GYIS DAG MA DAG RTOGS PA'I RIGS PAS, DPYAD BYA LUNG DE RANG GI BSTAN BYA'I DON LA SLU MI SLU GTAN LA 'BEBS SO, ,DES NA, YID CHES KYI RANG BZHIN GYI RTAGS @088A *, ,YANG DAG GI SBYOR BA 'GOD TSE, SBYIN PAS LONGS SPYOD KHRIMS KYIS BDE, ,ZHES PA'I LUNG CHOS CAN, RANG GI BSTAN BYA'I DON LA MI SLU BA YIN TE, DPYAD GSUM GYIS DAG PA'I LUNG YIN PA'I PHYIR, DPER NA, BDEN BZHI STON PA'I GSUNG RAB BZHIN NO, ,ZHES 'GOD LA, SBYOR BA DE'I RTAGS CHOS DON GSUM MTHUN DPE DANG BCAS PA GZHUNG GIS BSTAN TSUL LA, MDOR BSTAN RGYAS BSHAD GNYIS LAS, DANG PO STON PA LA, RNAM 'GREL LAS, YID CHES TSIG NI MI SLU BA'I, ,SPYI LAS RJES SU DPAG PA NYID, ,CES GSUNGS, DE YANG, YID CHES TSIG NI ZHES PAS SHIN TU LKOG GYUR STON PA'I SANGS RGYAS KYI GSUNG LTA BU YID CHES KYI RTAGS YANG DAG GI CHOS CAN DU BSTAN, MI SLU BA'I ZHES PAS YID CHES KYI RTAGS YANG DAG GI BSGRUB BYA'I CHOS BSTAN, SPYI LAS ZHES PAS YID CHES KYI RTAGS YANG DAG GI NGO BO BSTAN, RJES SU DPAG PA NYID, CES PAS RTAGS DE LA BSTEN PA'I RJES DPAG YID CHES RJES DPAG TU BSTAN TO, ,DE RNAMS KYI NANG NAS, DANG PO YID CHES TSIG NI ZHES PA RGYAS PAR 'CHAD PA LA, 'BREL BA DANG NI RJES MTHUN THABS, ,SKYES BU'I DON NI RJOD BYED NGAG ,YONGS BRTAGS DBANG DU BYAS YIN GYI, ,DE LAS GZHAN PA'I DBANG BYAS MIN, ZHES GSUNGS, DON NI, YID CHES TSIG NI ZHES PA SHIN TU LKOG GYUR STON PA'I SANGS RGYAS KYI GSUNG LTA BU 'BREL SOGS CHOS GSUM TSANG BA'I LUNG RANG GI BSTAN BYA'I DON LA MI SLU BAR KHAS LEN PA'I DBANG DU BYAS NAS GSUNGS KYI, @088B 'BREL SOGS CHOS GSUM MA TSANG BA'I LUNG GANG YANG RUNG BA RANG GI BRJOD BYA SGRUB PA'I RTAGS YANG DAG YIN PA'I DBANG DU BYAS NAS GSUNGS PA MA YIN PA'I PHYIR, SHIN TU LKOG GYUR STON PA'I SANGS RGYAS KYI GSUNG LA 'BREL SOGS CHOS GSUM TSANG TSUL JI LTAR YIN ZHE NA, DE CHOS CAN, 'BREL SOGS CHOS GSUM TSANG STE, TSIG SNGA PHYI 'BREL CHAGS PA DANG, SKYES BU'I 'DOD DON MNGON MTHO DANG NGES LEGS SGRUB PA'I RJES MTHUN GYI THABS MA NOR PAR STON PA DANG, THABS DES SGRUB PAR BYA RGYU'I SKYES BU'I 'DOD DON MNGON MTHO DANG NGES LEGS STON PA STE KHYAD PAR GSUM DANG LDAN PA'I PHYIR, DE YANG TSIG SNGA PHYI 'BREL CHAGS PA ZHES PAS, SE'U BCU BA'I NGAG SOGS 'BREL MED KYI NGAG RNAMS RANG GI BSTAN BYA'I DON LA MI SLU BA YIN PA GCOD, SE'U BCU BA'I NGAG NI, RTZOD RIGS KYI 'GREL PAR, SLOB DPON ZHI BA 'TSOS, SE'U BCU KHUR BA DRUG SNOD DANG, ,RI DVAGS PAGS PA RTZVA'I GONG BU, ,DE NAS RNGUN MA'I BU MO 'DI, ,SBA YA GRA TA'I BDAG GI'O, ,ZHES PA'I NGAG LA BSHAD DO, , SKYES BU'I 'DOD DON MNGON MTHO NGES LEGS SGRUB PA'I THABS STON PA ZHES PAS, 'JOG PO'I GTZUG RGYAN GYI NOR BU BLANGS NA LUS KYI NAD ZHI BAR BYED CES PA'I NGAG LTA BU DGOS PA YOD KYANG SGRUB MI NUS @089A *, ,PA'I NGAG RNAMS RANG GI BSTAN BYA'I DON LA MI SLU BA YIN PA GCOD, SKYES BU'I 'DOD DON MNGON MTHO DANG NGES LEGS STON PA ZHES PAS, BYA ROG SO RTOG GI BSTAN BCOS LTA BU DGOS MED KYI LUNG RNAMS RANG GI BSTAN BYA'I DON LA MI SLU BA YIN PA GCOD DO, ,'BREL SOGS CHOS GSUM TSANG BA'I SHIN TU LKOG GYUR STON PA'I SANGS RGYAS KYI GSUNG CHOS CAN, KHYOD RANG GI BSTAN BYA'I DON LA MI SLU BAR KHAS LEN PA'I DUS YOD DE, KHYOD DPYAD GSUM GYIS DAG MA DAG YONGS SU BRTAGS NAS DPYAD GSUM GYIS YONGS SU DAG PA NA KHYOD RANG GI BSTAN BYA'I DON LA MI SLU BAR KHAS LEN PA'I PHYIR, GSUM PA SPYI LAS ZHES PA RGYAS PAR 'CHAD PA LA, MTHONG DANG MA MTHONG DNGOS PO YI, ,DON DE DAG LA MNGON SUM DANG, ,RJES SU DPAG RNAM GNYIS KYIS KYANG, , GNOD MED 'DI YI MI SLU BA'O, ,ZHES GSUNGS, DON NI, SHIN TU LKOG GYUR STON PA'I LUNG, SBYIN PAS LONGS SPYOD KHRIMS KYIS BDE, ,ZHES PA'I LUNG CHOS CAN, RANG GI BSTAN BYA'I DON LA MI SLU BA'I RGYU MTSAN YANG DAG YOD DE, KHYOD KYI BRJOD BYA'I DON LA, MTHONG BA MNGON GYUR 'JAL BA'I MNGON SUM, MTHONG BA LKOG GYUR 'JAL BA'I DNGOS STOBS RJES DPAG RNAM PA @089B GNYIS KYIS GNOD PA MED, ,MA MTHONG BA SHIN TU LKOG GYUR 'JAL BA'I YID CHES RJES DPAG GIS KYANG GNOD PA MED PA'I LUNG YIN PA'I PHYIR, SBYOR BA DE'I MTHUN DPE STON PA LA, BLANG DANG DOR BYA'I DE NYID NI, ,THABS BCAS RAB TU NGES PA YIS, ,GTZO BO'I DON LA MI SLU'I PHYIR, ,GZHAN LA RJES SU DPAG PA YIN, ,ZHES GSUNGS, DON NI, SBYIN PAS LONGS SPYOD KHRIMS KYIS BDE, ZHES PA'I SANGS RGYAS PA'I LUNG CHOS CAN, RANG GI BSTAN BYA'I DON LA MI SLU BAR SGRUB PA'I MTHUN DPE YANG DAG YOD DE, LUNG DE LAS GZHAN PA'I SANGS RGYAS KYI GSUNG GZHAN YANG RANG GI BSTAN BYA'I DON LA MI SLU BAR RJES SU DPAG PAR BYA BA YIN PA'I PHYIR TE, GTZO BO'I DON BDEN BZHI STON PA'I GSUNG RAB DE RANG GI BSTAN BYA'I DON LA MI SLU BA GANG ZHIG ,RGYU MTSAN MTSUNGS PA'I PHYIR, DANG PO GRUB STE, BLANG BYA'I DE NYID NI 'GOG BDEN DANG, DOR BYA'I DE NYID NI SDUG BDEN GNYIS THABS DANG BCAS PA JI LTAR GSUNGS PA LTAR DNGOS STOBS TSAD MAS NGES PA'I PHYIR, GTAN TSIGS DE'I TSUL SGRUB PA LA GNYIS LAS, DANG PO PHYOGS CHOS SGRUB PA NI, SBYIN PAS LONGS SPYOD KHRIMS KYIS BDE, ,ZHES PA'I LUNG CHOS CAN, DPYAD GSUM GYIS DAG PA'I LUNG YIN TE, KHYOD KYI BRJOD BYA'I DON LA, @090A *, ,MNGON SUM TSAD MA, RJES DPAG TSAD MA, YID CHES RJES DPAG GSUM GYI GNOD PAS DAG CING RANG GI BSTAN DON RANG SMRA BA BO'I GANG ZAG GIS TSAD MAS GRUB PA'I LUNG YIN PA'I PHYIR, DES NA DPYAD GSUM GYIS DAG PA'I TSUL LA GNYIS YOD DE, SPYIR DPYAD PA GSUM GYIS DAG TSUL TZAM DANG, GZHAL BYA'I GNAS GSUM STON PA'I SGO NAS DPYAD PA GSUM GYIS DAG TSUL GNYIS YOD PA'I PHYIR, DANG PO SNGA MA 'DI BZHIN YIN LA, GNYIS PA GZHAL BYA'I GNAS GSUM STON PA'I SGO NAS DPYAD PA GSUM GYIS DAG TSUL NI, DBU MA RIN CHEN PHRENG BA CHOS CAN, KHYOD GZHAL BYA'I GNAS GSUM STON PA'I SGO NAS DPYAD PA GSUM GYIS DAG PA'I TSUL YOD DE, KHYOD KYIS BSTAN DON MNGON GYUR BSTAN PA'I CHA LA MNGON SUM TSAD MAS GNOD PA MED CING DES GRUB, LKOG GYUR BSTAN PA'I CHA LA RJES DPAG GIS GNOD PA MED CING DES GRUB, SHIN TU LKOG GYUR BSTAN PA'I CHA LA YID CHES RJES DPAG GIS GNOD PA MED CING DES GRUB, RANG GI BSTAN DON RANG SMRA BA BO'I GANG ZAG GIS TSAD MAS GRUB PA'I LUNG RNAM DAG YIN PAS DE LTAR BRJOD PA'I PHYIR, DPER NA, BSREGS PA DANG BCAD PA DANG BRDAR BA'I SGO NAS SKYON MA MTHONG @090B BA'I GSER DE GSER RNAM DAG TU 'JOG PA BZHIN NO, ,DES NA, DPYAD GSUM GYIS DAG PA'I LUNG GI NGO BO BZHAG TU YOD DE, RANG GI BSTAN DON LA TSAD MA GSUM PO GANG GIS KYANG MI GNOD CING SMRA BA BO'I GANG ZAG GIS RANG GI BSTAN DON TSAD MAS GRUB PA'I LUNG DE DE YIN PA'I PHYIR, YID CHES KYI 'BRAS RTAGS YANG DAG GI SBYOR BA NI, SBYIN PAS LONGS SPYOD KHRIMS KYIS BDE, ZHES PA'I LUNG CHOS CAN RANG GI BRJOD BYA RTOGS PA'I TSAD MA SNGA MA SNGON DU SONG STE, DPYAD GSUM GYIS DAG PA'I LUNG YIN PA'I PHYIR ZHES PA LTA BU'O, ,YID CHES KYI MA DMIGS PA'I RTAGS SBYOR NI, DE CHOS CAN, RANG GI BSTAN BYA'I DON LA SLU BA MA YIN TE, DPYAD GSUM GYIS DAG PA'I LUNG YIN PA'I PHYIR, ZHES PA LTA BU'O, ,GSUM PA RTZOD PA SPONG BA NI, KHO NA RE, DPYAD GSUM GYIS DAG PA'I LUNG, SBYIN PAS LONGS SPYOD KHRIMS KYIS BDE, ZHES PA'I LUNG, RANG GI BSTAN BYA RTOGS PA'I TSAD MA SNGA MA SNGON DU SONG BAR SGRUB PA'I YID CHES KYI 'BRAS RTAGS YIN PA MI 'THAD PAR THAL, DE LA KHAS BLANGS 'BRAS RTAGS TE, ZHES PA'I SKABS NAS BSTAN PA'I YID CHES KYI RTAGS DE YID CHES KYI RTAGS BTAGS PA BA ZHIG LA BYED PA'I PHYIR TE, LHA DBANG BLO'I 'GREL PAR, DE LA KHAS BLANGS ZHES BYA BA NI BTAGS PA'O, 'GRO @091A *, ,LA GRAGS PA ZHES BYA BA NI MTSAN NYID PA'O, ,ZHES DANG, ,CHOS MCHOG GIS KYANG, DE 'DRA BA DE YANG SMRA BA BO'I 'DOD RGYAL GYI DBANG GIS RJES SU DPAG PA'O, ,ZHES GSUNGS PA'I PHYIR ZER NA, SKYON MED DE, YID CHES KYI RTAGS 'GOD TSUL DE LA, LUNG DON LA DPYAD PA RDZOGS PA'I RGOL BA DBANG RNON DANG, DPYAD PA MA RDZOGS PA'I RGOL BA DBANG RTUL GNYIS LAS, DANG PO NI, DPYAD GSUM GYIS DAG PA'I LUNG GI RTAGS LAS, DE 'DRA'I LUNG GI BSTAN BYA'I DON LA MI SLU BAR SGRUB PA'I TSUL GSUM TSAD MAS NGES SHING, DE DRAN PA'I DRAN SHES RGYUD LA LDAN PA'I SBYOR BA DE'I PHYI RGOL YANG DAG DE LUNG DON LA DPYAD PA RDZOGS PA ZHES BYA STE, DE LTA BU'I RGOL BA DES GZHAL BYA'I GNAS DANG PO GNYIS LA DPYAD PAS DAG NAS SHIN TU LKOG GYUR DPYOD PA SKABS SU BAB PA YIN PA'I PHYIR, DE LTA BU'I RGOL BA DE'I NGOR, LE'U DANG PO DANG GZHUNG 'DI GNYIS KAS YID CHES KYI RTAGS MTSAN NYID PA DE BSTAN LA, DPYAD GSUM GYIS DAG PA'I LUNG GI RTAGS KYIS DE 'DRA BA'I LUNG RANG GI BRJOD BYA RTOGS PA'I TSAD MA SNGA MA SNGON DU SONG BAR SGRUB PA'I TSUL GSUM TSAD MAS MA NGES SHING, DE SGRUB KYI BSGRUB BYA LA SHES 'DOD ZHUGS PA'I RGOL BA DE LUNG DON LA DPYAD PA MA RDZOGS PA ZHES BYA LA, @091B DE LTA BU'I RGOL BA DBANG RTUL DES, RANG TSIG RNAM DAG DANG, LUNG TSIG RNAM DAG GNYIS RANG GI BRJOD BYA'I 'BRAS BUR KHAS LEN PA'I RGYU MTSAN GYIS, DE'I NGOR DE GNYIS RANG GI BRJOD BYA SGRUB PA'I YID CHES PA'I 'BRAS RTAGS BTAGS PA BAR, DE LA KHAS BLANGS 'BRAS RTAGS TE, ZHES PA'I GZHUNG GIS ZHAR LA BSTAN PA SNGAR GYI LUNG DE GNYIS KYI DON YIN PA'I PHYIR, GZHAN YANG, DNGOS STOBS RJES DPAG GI YUL LA LUNG SGRUB BYED RNAM DAG TU 'JUG PAR THAL, SGRA MI RTAG PA LA DE SGRUB BYED RNAM DAG TU 'JUG PA'I PHYIR, DE LA LUNG SHES BYED RNAM DAG TU 'JUG PA'I PHYIR NA MA KHYAB, 'DOD MI NUS TE, RNAM 'GREL LAS, RJES SU DPAG PA'I YUL LA TSIG ,CES GSUNGS PA'I PHYIR, GZHAN YANG, SHIN TU LKOG GYUR LA LUNG SGRUB BYED YANG DAG TU MI 'JUG PAR THAL, SBYIN PAS LONGS SPYOD KHRIMS KYIS BDE, ZHES PA'I LUNG RANG GI BRJOD BYA SHIN TU LKOG GYUR SGRUB PA'I RTAGS YANG DAG MA YIN PA'I PHYIR ZER NA MA KHYAB STE, SHIN TU LKOG GYUR LA LUNG SGRUB BYED DU 'JUG PA'I DON NI, DPYAD GSUM GYIS DAG PA'I LUNG, SHIN TU LKOG GYUR STON PA'I LUNG RANG GI BSTAN BYA'I DON LA MI SLU BAR SGRUB PA'I RTAGS YANG DAG YIN PA LA BYED PA'I PHYIR, KHA CIG, RANG GI BSTAN DON LA SMRA BA BO'I GANG ZAG GIS TSAD MAS GRUB PA'I LUNG YIN @092A *, ,NA, DPYAD GSUM GYIS DAG PA'I LUNG YIN PAS KHYAB CES ZER NA, SGRA RTAG PA'I DON SPYI TSAD MAS GRUB PA'I GANG ZAG GIS SMRAS PA'I SGRA RTAG STON GYI LUNG CHOS CAN, DER THAL, DE'I PHYIR TE, RANG GI BSTAN DON SGRA RTAG PA'I DON SPYI RANG SMRA BA BO'I GANG ZAG GIS TSAD MAS GRUB PA'I LUNG YIN PA'I PHYIR, GZHAN YANG, SBYIN PAS LONGS SPYOD KHRIMS KYIS BDE, ZHES PA'I LUNG CHOS CAN, GZHAL BYA'I GNAS GSUM BSTAN PAR THAL, DPYAD GSUM GYIS DAG PA'I PHYIR ZER NA MA KHYAB, YANG DE CHOS CAN, GZHAL BYA'I GNAS GSUM BSTAN PAR THAL, MNGON GYUR BSTAN, LKOG GYUR BSTAN, SHIN TU LKOG GYUR BSTAN PA'I PHYIR, DANG PO MA GRUB BYAS PA LA, DE CHOS CAN, MNGON GYUR BSTAN PAR THAL, SBYIN PA DE DE'I BSTAN BYAR GYUR PA'I MNGON GYUR YIN PA'I PHYIR TE, GZHUNG DES SBYIN PA BSTAN PA'I PHYIR TE, GZHUNG DES SBYIN PA BTANG BA LAS LONGS SPYOD 'BYUNG BAR BSTAN PA'I PHYIR NA MA KHYAB, GZHAN YANG, SBYIN SOGS DKAR CHOS SPYAD PA LAS LONGS SPYOD 'BYUNG BA, SBYIN PAS LONGS SPYOD KHRIMS KYIS BDE, ,ZHES PA'I LUNG RANG GI BSTAN BYA'I DON LA MI SLU BAR SGRUB PA'I BSGRUB BYA YANG DAG YIN PAR THAL, SBYIN SOGS DKAR CHOS SPYAD PA LAS LONGS SPYOD MI @092B 'BYUNG BA YID CHES RJES DPAG GIS BSAL BA YIN PA'I PHYIR TE, DE YID CHES KYIS BSAL BA YIN PA'I PHYIR, ZER NA MA KHYAB STE, YID CHES KYIS BSAL BA DE LA, KHAS BLANGS SNGA PHYI 'GAL BA'I DON DANG MI 'GAL BA'I DON GNYIS YOD PAS, DANG PO YID CHES RJES DPAG GIS BSAL BA MA YIN ZHING, PHYI MA YID CHES RJES DPAG GIS BSAL BA YIN PA'I KHYAD PAR 'THAD PA'I PHYIR, GSUM PA GRAGS RTAGS LA GNYIS, GZHAN LUGS DGAG BA, RANG LUGS BZHAG PA'O, ,DANG PO NI, ,KHA CIG GRAGS RTAGS YANG DAG LA, 'DOD RGYAL GYI GRAGS RTAGS YANG DAG DANG, RGYU MTSAN CAN GYI GRAGS RTAGS YANG DAG GNYIS LAS, DANG PO NI, RI BONG CAN CHOS CAN, ZLA SGRAS BRJOD RUNG YIN TE, RTOG YUL NA YOD PA'I PHYIR, ZHES BKOD TSE RTOG YUL NA YOD PA LTA BU'O, ,GNYIS PA NI, DA TRIG CHOS CAN, SHING SGRAS BRJOD RUNG YIN TE, YAL GA LO 'DAB DANG LDAN PA'I PHYIR, ZHES BKOD TSE YAL GA LO 'DAB DANG LDAN PA LTA BU'O, ,DE GNYIS SU 'BYED PA'I RGYU MTSAN NI, BSGRUB BYA'I CHOS LA 'DOD RGYAL GYI GRAGS PA DANG, RGYU MTSAN GYI GRAGS PA GNYIS YOD PA'I PHYIR, DE GNYIS PO YANG, RNAM 'GREL LAS, DES NI RGYU MTSAN CAN SGRA YI, ,DON NAM SGRA RNAMS KYI NI DON, ,DON DAM PA NYID 'GOG PA LA, ,GNOD PA MED PAR @093A *, ,BSTAN PA YIN, ,ZHES PAS BSTAN PA YIN LA, 'DOD RGYAL GYI GRAGS PA NI DON THAMS CAD LA 'JUG TU RUNG STE, 'DOD PAS 'JUG CING 'DOD PA DON THAMS CAD LA 'JUG RUNG YIN PA'I PHYIR, RGYU MTSAN CAN GYI GRAGS PA NI, RGYU MTSAN YOD PA LA 'JUG GI RGYU MTSAN MED PAR MI 'JUG STE, DPER NA, SHING ZHES PA'I SGRA YAL GA LO 'DAB DANG LDAN PA LA BRDA SBYAR RJES SU SHING KHO NA LA 'JUG GI GZHAN LA 'JUG TU MI RUNG BA BZHIN NO, ,ZHES ZER, DE MI 'THAD PAR THAL, SHING ZHES PA'I SGRA DE DON THAMS CAD LA 'JUG RUNG YIN PA'I PHYIR TE, ZLA BA ZHES PA'I SGRA DON THAMS CAD LA 'JUG RUNG YIN PA'I PHYIR, MA GRUB NA, DER THAL, ZLA BA ZHES PA'I SGRA DON THAMS CAD LA 'JUG TU RUNG BA DE YUL CAN GYI NGOS NAS BRTAGS NA'ANG SGRUB BYED DANG LDAN ZHING YUL GYI NGOS NAS BRTAGS NA'ANG SGRUB BYED DANG LDAN PA'I PHYIR, SGRUB BYED DANG PO NI, RANG RGYU 'DOD PA LA BRTEN NAS 'BYUNG BA CAN GYI ZLA BA ZHES PA'I SGRA CHOS CAN, KHYOD DON THAMS CAD LA 'JUG RUNG YIN PA DGAG TU MED PA YIN TE, KHYOD RANG YUL LA 'DOD PAS 'JUG PA'I SGRA YIN PA'I PHYIR, DE LTAR YANG, RNAM 'GREL LAS, DE LA BRTEN NAS 'GYUR BA CAN, ,'DOD PAS 'JUG PHYIR @093B DGAG MED PA, ,ZHES GSUNGS PA'I PHYIR, SGRUB BYED GNYIS PA NI, SNGAR ZLA BAR BRDA BYAS PA RI BONG CAN DANG BRDA MA BYAS PA BUM PA LA SOGS PA RNAMS SU GRAGS PA'I DON SNA TSOGS PA CHOS CAN, ZLA BA ZHES PA'I SGRAS BRJOD RUNG YIN TE, RTOG YUL NA YOD PA'I RANG BZHIN NYID YIN PA'I PHYIR, DE LTAR YANG, RNAM 'GREL LAS, BYAS DANG MA BYAS PA RNAMS SU, ,SNA TSOGS RANG BZHIN NYID KYIS RUNG, ZHES GSUNGS PA'I PHYIR, KHA CIG YAL GA LO 'DAB DANG LDAN PA DE DA TRIG SHING YIN PAR SGRUB PA'I GRAGS RTAGS YANG DAG YIN TE, DE SGRUB KYI TSUL GSUM GANG ZHIG ,DE SGRUB KYI DGAG BYA DA TRIG SHING MA YIN PA LA GRAGS PAS GNOD PA'I PHYIR TE, RNAM 'GREL LAS, DE BZHIN DA TRIG SHING MIN ZHES, ,BRJOD PA LA YANG GNOD PHYIR RO, ,ZHES GSUNGS PA'I PHYIR, ZHES ZER, 'O NA SGRA MNYAN BYA MA YIN PA LA GRAGS PAS GNOD PAR THAL, DA TRIG SHING MA YIN PA LA GRAGS PAS GNOD PA'I PHYIR, RTAGS KHAS, 'DOD MI NUS TE, SGRA MNYAN BYA MA YIN PA LA MNGON SUM GYIS GNOD PA'I PHYIR, KHYAB STE, MNGON SUM DANG GRAGS PA'I GNOD YUL THA DAD DU BSTAN PA'I PHYIR, SNGAR GYI LUNG DANG MI 'GAL TE DA TRIG SHING SGRAS BRJOD RUNG MA YIN PA LA GRAGS PAS GNOD PA SNGAR GYI LUNG GI DON @094A *, ,YIN PA'I PHYIR, KHA CIG ,RTOG YUL NA YOD PA RI BONG CAN ZLA SGRAS BRJOD RUNG DU SGRUB PA'I RANG BZHIN GYI RTAGS YANG DAG MIN TE, DE DE SGRUB KYI SGRUB RTAGS YANG DAG MA YIN PA'I PHYIR TE, ZLA SGRAS BRJOD DU RUNG BA SGRUB PA MA YIN PA'I PHYIR TE, DE DGAG PA YIN PA'I PHYIR TE, DE DGAG BYA DNGOS SU BCAD PA'I TSUL GYIS RTOGS PAR BYA BA YIN PA'I PHYIR TE, DE ZLA SGRAS BRJOD RUNG DNGOS SU BCAD PA'I TSUL GYIS RTOGS PAR BYA BA YIN PA'I PHYIR TE, BUM PA BUM PA MA YIN PA DNGOS SU BCAD PA'I TSUL GYIS RTOGS PAR BYA BA YIN PA'I PHYIR TE, BUM PA BUM PA MA YIN PA LOG PA'I LOG CHA YIN PA'I PHYIR, ZER NA MA KHYAB STE, BUM PAS RANG MA YIN PA BCAD PA LTA BU DNGOS PO LA DGAG BYA BCAD PAS DGAG PAR MI 'GYUR GYI RANG 'DZIN PA'I BLOS DGAG BYA BCAD PA'I TSUL GYIS RTOGS PAS DGAG PAR 'JOG DGOS PA RJE BTZUN TZONG KHA BA CHEN POS LEGS BSHAD SNYING POR GSUNGS PA'I PHYIR, KHA CIG GRAGS PA DE LA, YUL GYI GRAGS PA DANG, YUL CAN GYI GRAGS PA GNYIS YOD CES ZER, 'O NA, YUL GYI GRAGS PA YIN NA, GRAGS PA YIN DGOS PAR THAL, DBYE BA DE 'THAD PA'I PHYIR, 'DOD NA, RI BONG CAN ZLA SGRAS BRJOD RUNG YIN PA CHOS CAN, DER THAL, DE'I PHYIR, KHYAB PA @094B KHAS, MA GRUB NA, RI BONG CAN CHOS CAN, KHYOD ZLA SGRAS BRJOD RUNG YIN PA YUL GYI GRAGS PA YIN PAR THAL, KHYOD RTOG YUL NA YOD PA'I PHYIR, GONG DU 'DOD NA, RI BONG CAN ZLA SGRAS BRJOD RUNG YIN PA CHOS CAN, YUL CAN YIN PAR THAL, GRAGS PA YIN PA'I PHYIR, BYAS PA LA KHO NA RE, 'O NA, RI BONG CAN ZLA SGRAS BRJOD RUNG DU GRUB PA DES, RI BONG CAN ZLA SGRAS BRJOD MI RUNG LA GNOD PAS, DE LA GRAGS PAS GNOD PA ZHES BRJOD MI RUNG BAR THAL, RI BONG CAN ZLA SGRAS BRJOD RUNG YIN PA GRAGS PA MA YIN PA'I PHYIR NA MA KHYAB STE, DE YUL GYI GRAGS PA YIN PAS, DE LA GRAGS PA'I MING GIS BTAGS NAS DES GNOD PAS GRAGS PAS GNOD CES BRJOD PA'I PHYIR, KHA CIG ,'JIG RTEN GYI GRAGS PA YIN NA, GRAGS PA YIN PAS KHYAB CES ZER NA, SGRA MI RTAG CES PA'I NGAG CHOS CAN, DER THAL, DE'I PHYIR, KHYAB PA KHAS, RTAGS GRUB STE, 'JIG RTEN NA SGRA MI RTAG PAR GRAGS PA'I PHYIR, 'DOD NA, SGRA MI RTAG PA GRAGS DBANG GIS GRUB PAR THAL LO, ,'DOD MI NUS TE, DE DNGOS DBANG GIS GRUB PA'I PHYIR, GNYIS PA RANG LUGS LA GNYIS, MTSAN NYID DANG, DBYE BA'O, ,DANG PO NI, GRAGS RTAGS YANG DAG GI MTSAN NYID YOD DE, KHYOD DE SGRUB KYI RTAGS YANG DAG GANG @095A *, ,ZHIG ,KHYOD KYI RTAGS KYIS DE SGRUB KYI BSGRUB BYA YANG DAG KYANG YIN, BRDA 'AM 'DOD PA TZAM GYIS BZHAG PA YANG YIN PA'I GZHI MTHUN PA YOD PA DE DE YIN PA'I PHYIR, DE LTAR YANG SLOB DPON CHOS MCHOG GIS, GRAGS PA'I YUL NI BRDA LAS BYUNG BA'I DON YIN LA, RJES SU DPAG PA'I YUL NI DNGOS PO YIN NO, ,ZHES BYA BA NI YUL GYI DBYE BA'O, ,ZHES GSUNGS PA'I PHYIR, GNYIS PA DE LA DBYE NA, GRAGS PA'I MA DMIGS PA'I RTAGS YANG DAG DANG, GRAGS PA'I RANG BZHIN GYI RTAGS YANG DAG GNYIS YOD, DANG PO NI, RI BONG CAN CHOS CAN, DNGOS DBANG GIS ZLA SGRAS BRJOD RUNG MA YIN TE, RTOG YUL NA YOD PA'I PHYIR, ZHES BKOD TSE, RTOG YUL NA YOD PA LTA BU'O, ,GNYIS PA LA GSUM, RTAGS DGOD PA, TSUL SGRUB PA, BSGRUB BYA BRDA'I DBANG GIS BZHAG TSUL LO, ,DANG PO NI, RTOG YUL NA YOD NA ZLA BA'I SGRAS BRJOD RUNG YIN PAS KHYAB, DPER NA, GA BUR DANG DNGUL CHU BZHIN, RI BONG CAN 'DI YANG RTOG YUL NA YOD PA YIN NO, , ZHES BYA BA NI GRAGS PA'I RANG BZHIN GYI RTAGS KYI SGRUB NGAG YIN NO, ,GNYIS PA LA GNYIS, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, SGRUB NGAG 'DI'I PHYOGS CHOS RANG RIG @095B MNGON SUM GYIS GRUB STE, RI BONG CAN 'DZIN PA'I RTOG PA NYAMS SU MYONG BA'I RANG RIG MNGON SUM GYIS GRUB PA'I PHYIR TE, DES RI BONG CAN 'DZIN PA'I RTOG PA DE RI BONG CAN 'DZIN BYED DU DNGOS SU GZHAL STOBS KYIS RI BONG CAN RTOG PA DE'I BZUNG BYAR SHUGS LA GZHAL BA'I PHYIR, BYAS PA LA KHO NA RE, RI BONG CAN 'DZIN PA'I RTOG PA NYAMS SU MYONG BA'I RANG RIG CHOS CAN, KHYOD KYIS RI BONG CAN RTOGS PAR THAL, KHYOD KYIS RI BONG CAN RI BONG CAN 'DZIN PA'I RTOG PA'I BZUNG BYAR RTOGS PA'I PHYIR NA MA KHYAB, 'DOD NA, RNAM MKHYEN 'DZIN PA'I RTOG PA NYAMS SU MYONG BA'I SO SKYES RGYUD KYI RANG RIG GIS RNAM MKHYEN RTOGS PAR THAL, RI BONG CAN 'DZIN PA'I RTOG PA NYAMS SU MYONG BA'I RANG RIG GIS RI BONG CAN RTOGS PA'I PHYIR, RTAGS KHAS, 'DOD NA, DE CHOS CAN, KHYOD KYIS RNAM MKHYEN MA RTOGS PAR THAL, KHYOD SO SKYES RGYUD KYI MNGON SUM YIN PA'I PHYIR, GNYIS PA NI, RANG YUL LA 'DOD PA'I DBANG GIS 'JUG NA DON THAMS CAD LA 'JUG RUNG YIN PAS KHYAB, DPER NA RNAM RTOG RANG DGA' BA BZHIN, ZLA BA ZHES PA'I SGRA 'DI YANG YUL LA 'DOD PA'I DBANG GIS 'JUG PA YIN NO, ZHES PA'I RTAGS LA BRTEN NAS RTOG YUL NA YOD NA ZLA BA'I SGRAS BRJOD RUNG YIN PAS KHYAB PA 'GRUB PO, ,SGRUB NGAG 'DI'I TSUL @096A *, ,GSUM RANG RIG MNGON SUM GYIS GRUB PO, 'O NA RTOG YUL NA YOD PA RI BONG CAN ZLA SGRAS BRJOD RUNG DU SGRUB PA'I RTAGS YANG DAG TU BSTAN PA LA DGOS PA GANG YOD CE NA, DGOS PA YOD DE, DE LTAR BSTAN PA LA BRTEN NAS, RTOG YUL NA YOD NA SNYAN PA'I TSIG DANG MI SNYAN PA'I TSIG 'JUG RUNG YIN PAS KHYAB PA GRUB PAS, RANG LA SNYAN PA'I TSIG SMRA BA LA CHAGS PA DANG, MI SNYAN PA'I TSIG SMRA BA LA SDANG BA SOGS SPONG DGOS SO ZHES SHES PAR BYA BA'I CHED YIN PA'I PHYIR, GSUM PA, BSGRUB BYA BRDA'I DBANG GIS BZHAG TSUL NI, SPYIR GZHAL BYA LA MYONG STOBS KYIS RTOGS PAR BYA BA DANG, RANG NYID RTOGS PA MYONG STOBS LAS GZHAN LA RAG LAS PA GNYIS, DANG PO NI, MNGON SUM TSAD MA'I DNGOS KYI GZHAL BYA MNGON GYUR RNAMS SO, GNYIS PA LA, RANG NYID RTOGS PA LUNG LA NGES PAR LTOS PA DANG, MI LTOS PA GNYIS LAS, DANG PO NI, YID CHES KYI RTAGS KYIS BSGRUB BYA DANG, YID CHES RJES DPAG GI GZHAL BYA'O, ,GNYIS PA LA 'DOD PA TZAM GYIS BZHAG MI NUS PA DANG NUS PA GNYIS LAS, DANG PO NI, DNGOS STOBS KYI RTAGS KYI BSGRUB BYA DANG DNGOS STOBS RJES DPAG GI GZHAL BYA'O, ,GNYIS PA NI, GRAGS PA'I RTAGS KYIS BSGRUB BYA DANG, GRAGS PA'I RJES DPAG GI @096B GZHAL BYA'O, ,'DOD PA TZAM GYIS BZHAG PA DANG, TSAD MAS GRUB PA MI 'GAL TE, 'DI LTAR RTOG PAS BTAGS PA LA, THAG KHRA LA SBRUL DU BTAGS PA LTA BU TSAD MAS MA GRUB PA DANG, TSAD MAS GRUB PA LA, 'DOD PA TZAM GYIS BZHAG MI NUS PA BYAS MI RTAG GI THA DAD LTA BU, 'DOD PA TZAM GYIS BZHAG NUS PA RI BONG CAN ZLA SGRAS BRJOD RUNG LTA BU GNYIS YOD, DANG PO 'DOD PA TZAM GYIS BZHAG MI NUS PA'I RGYU MTSAN NI, DE NI 'DOD PAS BRDA SBYAR GYI RJES SU BYED PA MIN GYI, BYAS MI RTAG KHO NA'I CHOS SU NGES PA'I PHYIR, GNYIS PA NI, 'DOD PA TZAM GYIS BZHAG NUS PA YIN TE, ZLA BA ZHES PA'I SGRA GANG LA BRDA SBYAR BA LA 'JUG LA, BRDA NI 'DOD PAS SBYOR ZHING, 'DOD PA DON THAMS CAD LA RANG DAGR 'JUG PA YIN PA'I PHYIR, RI BONG CAN LA ZLA BA'I SGRA 'JUG PA 'DI 'DOD PAS BRDA SBYAR BA TZAM GYIS YIN LA, DE'I PHYIR RI BONG CAN ZLA SGRAS BRJOD RUNG YIN PA 'DI 'DOD PAS BZHAG PA TZAM YIN GYI KHO RANG GI NGOS NAS GRUB PA MA YIN NO, ,DES NA RI BONG CAN ZLA SGRAS BRJOD RUNG LTA BU 'DOD PA TZAM GYI RJES SU BYED PA YIN GYI DNGOS PO'I STOBS KYIS MA GRUB STE, RI BONG CAN DNGOS DBANG GIS ZLA SGRAS BRJOD RUNG DU TSAD MA GANG GIS KYANG MA GRUB PA'I PHYIR TE, RNAM 'GREL LAS, SGRA DON LA DBANG 'JUG MED PHYIR, ,ZHES @097A *, ,GSUNGS PA'I PHYIR DANG, YOD PA DE, RI BONG CAN DNGOS DBANG GIS ZLA SGRAS BRJOD RUNG DU SGRUB PA'I MTHUN PHYOGS LA RJES SU MI 'GRO BA'I THUN MONG MA YIN PA'I GTAN TSIGS YIN PA'I PHYIR, ZHI BA 'TSOS, ZLA BA NYID SGRUB GTAN TSIGS LA, ,THUN MONG MIN PA NYID 'GYUR TE, ,GRAGS PA LAS NI THA DAD PA'I, ,DNGOS PO'I NGO BO LA BSTEN PA'O, ,ZHES GSUNGS PA'I PHYIR, GRAGS PA LA SGRAS BRJOD RIGS KYI SGO NAS DBYE NA, YUL GYI GRAGS PA DANG, YUL CAN GYI GRAGS PA GNYIS YOD, DANG PO LA, GRAGS ZIN YUL GYI GRAGS PA DANG, GRAGS RUNG YUL GYI GRAGS PA GNYIS YOD, DANG PO NI, RI BONG CAN ZLA SGRAS BRJOD RUNG YIN PA LTA BU LA BYED PA YIN TE, 'JIG RTEN NA RI BONG CAN ZLA BAR GRAGS PA'I PHYIR, GNYIS PA NI, BUM PA ZLA SGRAS BRJOD RUNG LTA BU LA BYED DE, 'JIG RTEN NA BUM PA ZLA BAR MA GRAGS PA'I PHYIR, DES NA YUL GYI GRAGS PA, GRAGS DBANG GIS GRUB PA, BRDA'AM 'DOD PA TZAM GYIS BZHAG PA RNAMS DON GCIG ,GNYIS PA YUL CAN GYI GRAGS PA LA DBYE NA GRAGS ZIN YUL CAN GYI GRAGS PA DANG, GRAGS RUNG YUL CAN GYI GRAGS PA GNYIS YOD, DANG PO NI, RI BONG CAN ZLA SGRAS BRJOD RUNG DU 'DZIN PA'I RTOG PA DANG, DE ZLA SGRAS BRJOD RUNG YIN ZHES @097B PA'I NGAG LTA BU YIN TE, 'JIG RTEN NA RI BONG CAN ZLA BAR GRAGS PA'I PHYIR, GNYIS PA NI, BUM PA ZLA BA'I SGRAS BRJOD RUNG DU 'DZIN PA'I RTOG PA DANG, DE ZLA BA'I SGRAS BRJOD RUNG YIN ZHES PA'I NGAG LTA BU YIN TE, BUM PA 'JIG RTEN NA ZLA BAR MA GRAGS PA'I PHYIR, DE LA RTZOD PA SPONG BA NI, KHO NA RE, BYAS PA CHOS CAN, SGRA GANG ZAG GI BDAG MED DU SGRUB PA'I GRAGS RTAGS YANG DAG YIN PAR THAL, DE SGRUB KYI BSGRUB BYA BRDA 'AM 'DOD PA TZAM GYIS BZHAG PA YIN PA'I PHYIR TE, SGRA GANG ZAG GI BDAG MED DE SGRUB KYI BSGRUB BYA YANG DAG GANG ZHIG ,DE BRDA'AM 'DOD PA TZAM GYIS BZHAG PA YIN PA'I PHYIR TE, DE 'DOD PA TZAM GYIS BZHAG PA YIN PA'I PHYIR TE, DE RTOG PA TZAM GYIS BZHAG PA YIN PA'I PHYIR NA MA KHYAB, RTAGS GRUB STE, DE RTOG PA TZAM GYIS SGRO BTAGS PA YIN PA'I PHYIR, BZHI BA, RTAGS YANG DAG LA SGRUB TSUL GYI SGO NAS DBYE NA GNYIS YOD DE, DON SGRUB KYI RTAGS YANG DAG DANG, THA SNYAD SGRUB KYI RTAGS YANG DAG GNYIS YOD PA'I PHYIR, DANG PO'I MTSAN NYID YOD DE, DE SGRUB KYI TSUL GSUM GANG ZHIG , RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU, DE SGRUB KYI BSGRUB BYA'I CHOS KYI DON GRUB MA ZIN PA, GNYIS PA'I MTSAN NYID YOD DE, DE SGRUB KYI @098A *, ,TSUL GSUM GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU BSGRUB BYA'I CHOS KYI THA SNYAD GRUB MA ZIN PA, DE GNYIS KA'I DPER BRJOD NI, ME MED MTSAN MO'I RGYA MTSO NA CHOS CAN, DU BA MED DE, ME MED PA'I PHYIR ZHES BKOD TSE ME MED PA LTA BU'O, ,DE SGRUB KYI THA SNYAD 'BA' ZHIG SGRUB KYI RTAGS YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU DE SGRUB KYI BSGRUB BYA'I CHOS KYI DON GRUB ZIN PA, DPER NA, BUM PA SNANG RUNG MA DMIGS PA'I SA PHYOGS NA CHOS CAN, BUM PA MED DE, BUM PA SNANG RUNG MA DMIGS PA'I PHYIR ZHES BKOD TSE BUM PA SNANG RUNG MA DMIGS PA LTA BU'O, ,SBYOR BA DE'I RGYU MA DMIGS PA'I GTAN TSIGS DANG KHYAB BYED MA DMIGS PA'I GTAN TSIGS GANG RUNG YIN NA SBYOR BA DE'I DON SGRUB DANG THA SNYAD SGRUB KYI RTAGS GNYIS KA YIN PAS KHYAB, SBYOR BA DE'I RANG BZHIN MA DMIGS PA'I GTAN TSIGS YANG DAG YIN NA, SBYOR BA DE'I THA SNYAD 'BA' ZHIG SGRUB KYI RTAGS YANG DAG YIN PAS KHYAB PO, ,'O NA, RNAM NGES LAS, 'BRAS BU DANG KHYAB BYA @098B BLTAR MI RUNG BA LA NI, RGYU DANG KHYAB PAR BYED PA MA DMIGS PAS DNGOS PO MED PA DANG, MED PA'I THA SNYAD GO BAR BYED LA, 'BRAS BU DANG KHYAB BYA BLTAR RUNG BA LA NI MED PA'I THA SNYAD 'BA' ZHIG TU ZAD DO, , ZHES GSUNGS PA MI 'THAD PAR THAL, SBYOR BA DE'I RGYU DANG KHYAB BYED MA DMIGS PA'I GTAN TSIGS GANG RUNG YIN NA, SBYOR BA DE'I THA SNYAD 'BA' ZHIG SGRUB KYI RTAGS YANG DAG MA YIN DGOS PA'I PHYIR ZER NA KHYAB STE, ME MED MTSAN MO'I RGYA MTSOR DU BA YOD NA'ANG SNANG DU MI RUNG BA YUL THAG RING BA NA GNAS TSE, ME MED MTSAN MO'I RGYA MTSOR DU BA YOD MED SHES 'DOD ZHUGS PA'I PHYI RGOL LA, RGYU MA DMIGS PA'I RTAGS KYIS GZHI DER DU MED KYI DON DANG THA SNYAD GNYIS KA SGRUB PAR BYED LA, GZHI DER DU BA YOD NA SNANG DU RUNG BA DANG THAG NYE BAR SLEB TSE DU BA SNANG RUNG MA DMIGS PA'I RTAGS KYIS GZHI DER DU MED KYI THA SNYAD 'BA' ZHIG SGRUB PAR BYED PA SNGAR GYI LUNG GI DON YIN PA'I PHYIR, DON SGRUB DANG THA SNYAD SGRUB KYI RTAGS GNYIS KYI MTSAN NYID 'JOG TSUL LA, KHYOD DE SGRUB KYI TSUL GSUM GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSAN NYID KYANG YIN PA'I GZHI MTHUN PA YOD PA DE, DE SGRUB KYI DON SGRUB KYI RTAGS YANG DAG GI MTSAN NYID @099A *, ,KHYOD DE SGRUB KYI TSUL GSUM GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSON BYA YANG YIN PA'I GZHI MTHUN PA YOD PA DE DE SGRUB KYI THA SNYAD SGRUB KYI RTAGS KYI MTSAN NYID, KHYOD DE SGRUB KYI TSUL GSUM GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YIN NA MTSON BYA YIN PAS KHYAB PA DE, ,KHYOD DE SGRUB KYI THA SNYAD 'BA' ZHIG SGRUB KYI RTAGS YANG DAG GI MTSAN NYID, KHYOD DE SGRUB KYI TSUL GSUM GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YIN NA MTSAN NYID YIN PAS KHYAB PA, DE SGRUB KYI DON 'BA' ZHIG SGRUB KYI RTAGS YANG DAG GI MTSAN NYID BYAS KYANG CHOG PAR SNANG NGO, ,DON SGRUB DANG THA SNYAD SGRUB CES PA'I DON DANG THA SNYAD NI, MTSAN NYID DANG, MTSON BYA LA BYED DO, ,BYAS PA SGRA MI RTAG PAR SGRUB PA'I DON DANG THA SNYAD GNYIS KA SGRUB PA'I RTAGS SU KHAS BLANGS PAL, KHO NA RE, SGRA MI RTAG PAR SGRUB PA'I DNGOS KYI BSGRUB BYA'I CHOS SU BZUNG BYA YANG YIN, MTSAN NYID KYANG YIN PA'I GZHI MTHUN PA YOD PAR THAL, SGRA MI RTAG PAR SGRUB PA'I DON SGRUB KYI RTAGS YANG DAG YOD PA'I PHYIR NA MA @099B KHYAB, 'DOD MI NUS TE, SKAD CIG MA DE 'DRA'I GZHI MTHUN MA YIN PA'I PHYIR, MA GRUB NA, SKAD CIG MA CHOS CAN, SGRA MI RTAG PAR SGRUB PA'I DNGOS KYI BSGRUB BYA'I CHOS SU BZUNG BYA MA YIN PAR THAL, DE SGRUB KYI RTAGS YANG DAG YIN PA'I PHYIR, 'O NA, SKAD CIG MA CHOS CAN, BYAS PA'I RTAGS KYIS SGRA MI RTAG PAR SGRUB PA'I DNGOS KYI BSGRUB BYA'I CHOS SU BZUNG BYA MA YIN PAR THAL, SGRA MI RTAG PAR SGRUB PA'I DNGOS KYI BSGRUB BYA'I CHOS SU BZUNG BYA MA YIN PA'I PHYIR ZER NA MA KHYAB PO, ,BYAS PA SGRA SKAD CIG MAR SGRUB PA'I DON 'BA' ZHIG SGRUB KYI RTAGS YANG DAG TU KHAS BLANGS PA LA, KHO NA RE, DE MI 'THAD PAR THAL, DE SGRUB KYI THA SNYAD SGRUB KYI RTAGS YANG DAG YIN PA'I PHYIR TE, MI RTAG PA BYAS PA'I RTAGS KYIS SGRA SKAD CIG MAR SGRUB PA'I DNGOS KYI BSGRUB BYA'I CHOS SU BZUNG BYA YIN PA'I PHYIR TE, SKAD CIG MA BYAS PA'I RTAGS KYIS SGRA MI RTAG PAR SGRUB PA'I DNGOS KYI BSGRUB BYA'I CHOS SU BZUNG BYA YIN PA'I PHYIR ZER NA MA KHYAB, SGRA'I STENG DU DON SKAD CIG MA GRUB KYANG, DE LA MI RTAG PA'I THA SNYAD MA GRUB PA'I RGOL BA NI, DBANG BO RTUL BO MING DON GYI 'BREL BA LA RMONGS PA STE, DE'I NGOR, SGRA CHOS CAN, MI RTAG STE, SKAD CIG MA YIN PA'I PHYIR ZHES PA THA SNYAD 'BA' ZHIG SGRUB KYI RTAGS SBYOR YIN PA'I PHYIR RO, ,LNGA BA @100A *, ,MTHUN PHYOGS LA 'JUG TSUL GYI SGO NAS DBYE BA LA GNYIS, MTHUN PHYOGS LA KHYAB BYED DU 'JUG PA'I RTAGS YANG DAG DANG, MTHUN PHYOGS LA CHA GNYIS SU 'JUG PA'I RTAGS YANG DAG GO ,DANG PO'I MTSAN NYID YOD DE, KHYOD DE SGRUB KYI TSUL GSUM GANG ZHIG ,DE SGRUB KYI MTHUN PHYOGS YIN NA KHYOD YIN PAS KHYAB PA DE DE YIN PA'I PHYIR, DPER NA, SGRA MI RTAG PAR SGRUB PAL BYAS PA RTAGS SU BKOD TSE BYAS PA LTA BU'O, ,GNYIS PA'I MTSAN NYID YOD DE, DE SGRUB KYI TSUL GSUM GANG ZHIG ,DE SGRUB KYI MTHUN PHYOGS 'GA' ZHIG LA MI 'JUG PA DE DE YIN PA'I PHYIR, DPER NA, DUNG SGRA MI RTAG PAR SGRUB PA LA RTZOL BYUNG RTAGS SU BKOD PA'I TSE RTZOL BYUNG LTA BU'O, ,DRUG PA RGOL BA'I SGO NAS DBYE BA LA GNYIS YOD DE, RANG DON SKABS KYI RTAGS YANG DAG DANG, GZHAN DON SKABS KYI RTAGS YANG DAG GNYIS YOD PA'I PHYIR, DANG PO NI, SNGA RGOL GZHAN GYIS BKOD PA LA MA LTOS PAR, GLO BUR DU DU BA MTHONG BA'I RTAGS LAS RGOL BA RANG NYID KYIS RANG NYID LA DU LDAN LA LA ME YOD PAR SGRUB TSE DE 'DRA BA'I GANG ZAG LA DU BA DU LDAN LA LA ME YOD PAR SGRUB PA'I RANG DON SKABS KYI RTAGS YANG DAG TU SONG BA YIN PA'I PHYIR, GNYIS PA GZHAN DON SKABS KYI RTAGS @100B YANG DAG GI MTSAN NYID YOD DE, DE SGRUB KYI TSUL GSUM GANG ZHIG ,RANG 'GOD PA SKABS SU BAB PA'I PHYI RGOL YANG DAG GI NGOR BKOD PA DE DE YIN PA'I PHYIR, DPER NA, PHYI RGOL SGRA RTAG MI RTAG THE TSOM ZA NAS DRIS PA'I LAN DU, SGRA CHOS CAN, MI RTAG STE, BYAS PA'I PHYIR, DPER NA BUM PA BZHIN NO, ,ZHES BKOD TSE BYAS PA GANG ZAG DE LA SGRA MI RTAG PAR SGRUB PA'I GZHAN DON SKABS KYI RTAGS YANG DAG TU SONG BA YIN PA'I PHYIR, GZHI GRUB NA, RANG DON SKABS KYI RTAGS YANG DAG DANG, GZHAN DON SKABS KYI RTAGS YANG DAG GNYIS KA YIN PAS KHYAB KYANG, GANG ZAG GCIG LA DON GCIG SGRUB PA LA RTAGS DE GNYIS KYI GZHI MTHUN 'JUG PA MI SRID DO, ,GSUM PA RTAGS DPE PHYOGS GSUM GYI SKYON YON DPYAD PA LA, DGAG BZHAG SPONG GSUM MO, ,DANG PO NI, KHA CIG ,SBYOR BA SKOR GCIG GI RTAGS SKYON CAN YIN NA, SBYOR BA SKOR GCIG GI RTAGS SKYON YIN PAS KHYAB STE, SKYON DANG SKYON CAN NGO BO GCIG YIN PA'I PHYIR, DPER NA CHANG DANG CHANG GI MYOS PA'I NUS PA BZHIN NO, ,SBYOR BA GANG DANG GANG YIN KYANG SBYOR BA DE'I RTAGS SKYON CAN YIN NA SBYOR BA DE'I PHYOGS SKYON MA YIN PAS KHYAB STE, RNAM 'GREL LAS, 'DI DE DAG GI SKYON MIN NAM, ,YAN LAG PHYI MA LA LTOS PA, ,PHYOGS SKYON 'DOD MIN @101A *, ,ZHES GSUNGS PA'I PHYIR ZHES ZER, 'O NA, SGRA CHOS CAN, MNYAN BYA MA YIN TE, SGRA MNYAN BYA MA YIN PA'I PHYIR ZHES BKOD TSE, SGRA MNYAN BYA MA YIN PA CHOS CAN, SGRA MNYAN BYA MA YIN PAR SGRUB PA'I PHYOGS SKYON MA YIN PAR THAL, DE SGRUB KYI RTAGS SKYON YIN PA'I PHYIR, KHYAB PA KHAS, MA GRUB NA, DE CHOS CAN, DER THAL, DE SGRUB KYI RTAGS SKYON CAN YIN PA'I PHYIR, KHYAB PA KHYOD RANG GIS KHAS BLANGS SHING, 'DOD MI NUS TE, DE CHOS CAN, DE SGRUB KYI PHYOGS SKYON YIN PAR THAL, DE SGRUB KYI PHYOGS SKYON CAN YIN PA'I PHYIR, KHYAB PA KHAS BLANGS LA SONG, GZHAN YANG DE LTAR BKOD TSE SGRA MNYAN BYA MA YIN PAR SGRUB PA'I RTAGS DANG PHYOGS GNYIS KAR BZUNG NAS PHYI RGOL GYI TSAD MAS BSAL BA ZHUGS PA CHOS CAN, SGRA MNYAN BYA MA YIN PAR SGRUB PA'I PHYOGS SKYON MA YIN PAR THAL, DE SGRUB KYI RTAGS SKYON YIN PA'I PHYIR, KHYAB PA KHAS, 'DOD NA, DE CHOS CAN, DE SGRUB KYI PHYOGS SKYON YIN PAR THAL, DE SGRUB KYI PHYOGS SU BZUNG BYA SGRA MNYAN BYA MA YIN PA SGRA MNYAN BYA MA YIN PAR SGRUB PA'I PHYOGS SKYON CAN DU SGRUB PA'I RTAGS YANG DAG YIN PA'I PHYIR, GONG DU MA GRUB NA, DE CHOS CAN, DE SGRUB KYI RTAGS SKYON YIN PAR THAL, DE SGRUB @101B KYI RTAGS SU BZUNG BYA SGRA MNYAN BYA MA YIN PA SGRA MNYAN BYA MA YIN PAR SGRUB PA'I RTAGS SKYON CAN DU SGRUB PA'I TSUL GSUM YIN PA'I PHYIR, GZHAN YANG, GZHAL BYA CHOS CAN, SGRA MI RTAG PAR SGRUB PA'I RTAGS SKYON YIN PAR THAL, DE SGRUB KYI RTAGS SKYON CAN YIN PA'I PHYIR, KHYAB PA KHAS, MA GRUB NA, DE CHOS CAN, DER THAL, DE SGRUB KYI RTAGS LTAR SNANG YIN PA'I PHYIR, RTZA BAR 'DOD NA, DE CHOS CAN, SGRA MI RTAG PAR SGRUB PA'I RTAGS YANG DAG YIN NA KHYOD MA YIN PAS KHYAB PAR THAL, KHYOD SGRA MI RTAG PAR SGRUB PA'I RTAGS SKYON YIN PA'I PHYIR, 'DOD NA, BYAS PA CHOS CAN, KHYOD GZHAL BYA MA YIN PAR THAL, KHYOD DE SGRUB KYI RTAGS YANG DAG YIN PA'I PHYIR, SBYOR BA DE'I RTAGS SKYON YIN NA SBYOR BA DE'I PHYOGS SKYON MA YIN PAS MA KHYAB NA SNGAR GYI LUNG DANG 'GAL LO ZHE NA, SKYON MED DE, RTAGS PHYOGS CHOS MA GRUB PA CHOS CAN, PHYOGS SKYON MA YIN PAR THAL, RTAGS KHO NA'I SKYON YIN PA'I PHYIR, DE BZHIN DU, BSGRUB BYA'I CHOS MTHUN DPE LA RJES SU MI 'GRO BA CHOS CAN, PHYOGS SKYON MA YIN PAR THAL, DPE KHO NA'I SKYON YIN PA'I PHYIR, ZHES PA SNGAR GYI LUNG GI DON NO, ,LUNG DE'I DON SBYOR NGAG TU DRIL NA, KHA CIG ,RTAGS PHYOGS CHOS MA GRUB PA DANG, CHOS DPE LA @102A *, ,RJES 'GRO MED PA GNYIS PHYOGS KHO NA'I SKYON YIN ZHES ZER, DE GNYIS CHOS CAN, PHYOGS KHO NA'I SKYON MA YIN PAR THAL, RTAGS DPE DE DAG GI SKYON MA YIN NAM STE YIN PA'I PHYIR, KHYAB STE, YAN LAG PHYI MA RTAGS DPE LA LTOS PA'I SKYON PHYOGS SKYON KHO NAR 'DOD PA MA YIN PA'I PHYIR, 'DIR RTAGS DPE LA YAN LAG PHYI MA ZHES BRJOD PA'I RGYU MTSAN YOD DE, RIGS PA CAN PA SOGS SGRUB NGAG YAN LAG LNGA LDAN 'DOD PA DAG GIS, DAM BCA' LA YAN LAG SNGA MA DANG, RTAGS DPE LA YAN LAG PHYI MA ZHES THA SNYAD BYAS PAS DE DANG SGO BSTUN PA YIN NO, ,MKHAS PA'I DBANG BO DGE 'DUN BLO BZANG GIS, SANGS RGYAS 'PHAGS PA CHOS CAN, KHYOD KYIS SGRA MI RTAG PAR SGRUB NUS PAR THAL, KHYOD SGRA MI RTAG PAR SGRUB PA'I SNGA RGOL YANG DAG YIN PA'I PHYIR NA MA KHYAB GSUNGS, BDAG GI RMONGS BLOR SANGS 'PHAGS KYIS SGRA MI RTAG PAR SGRUB NUS PAR THAL, DES SGRA MI RTAG PAR LUNG RIGS GNYIS KYIS SGRUB NUS PA'I PHYIR, SGRA MI RTAG PAR LUNG RIGS KYIS SGRUB NUS PA'I GANG ZAG YOD PA'I PHYIR, BYAS PA LA KHO NA RE, SANGS 'PHAGS CHOS CAN, SGRA MI RTAG PAR SGRUB PA'I RTAGS YON TAN CAN YIN PAR THAL, SGRA MI RTAG PAR SGRUB NUS KYI GTAN @102B TSIGS YIN PA'I PHYIR TE, DES SGRA MI RTAG PAR SGRUB NUS PA GANG ZHIG ,DE SGRA MI RTAG PAR SGRUB PA'I GTAN TSIGS YIN PA'I PHYIR NA, MA KHYAB SNYAM MO, ,KHA CIG ,GZHAL BYA CHOS CAN, SGRA MI RTAG PAR SGRUB PA'I RTAGS YON TAN CAN YIN PAR THAL, DE SGRUB KYI PHYOGS CHOS YON TAN CAN YIN PA'I PHYIR, KHYAB STE, RTAGS KYI TSUL GANG RUNG RE TSANG BAS RTAGS YON TAN DU 'GYUR BA'I PHYIR TE, TSUL GSUM PO GANG RUNG RE MA TSANG BA'I RTAGS SKYON CAN DU 'GYUR BA'I PHYIR ZER NA MA KHYAB, GONG GI RTAGS GRUB STE, DE SGRUB KYI PHYOGS CHOS YIN PA'I PHYIR ZER NA MA KHYAB STE, GZHAL BYA CHOS CAN, DE SGRUB KYI PHYOGS CHOS YON TAN CAN MA YIN PAR THAL, DE SGRUB KYI PHYOGS CHOS LTAR SNANG YIN PA'I PHYIR TE, DE SGRUB KYI PHYOGS CHOS GANG ZHIG ,DE SGRUB KYI GTAN TSIGS LTAR SNANG YIN PA'I PHYIR, DES NA SKABS KYI BSGRUB BYA SGRUB NUS PA'I GTAN TSIGS DE, BSGRUB BYA DE SGRUB PA'I RTAGS YON TAN CAN DANG, SKABS KYI BSGRUB BYA SGRUB MI NUS PA'I GTAN TSIGS GANG YIN BSGRUB BYA DE SGRUB PA'I RTAGS SKYON CAN DU 'GYUR BA YIN PA'I PHYIR TE, RNAM 'GREL LAS, RTAGS KUN RANG GI BSGRUB BYA LA, ,SKYON DANG YON TAN DPYAD PHYIR RO, ZHES @103A *, ,GSUNGS PA'I PHYIR, DES NA SBYOR BA GANG LA MTSON NA, DE SGRUB KYI RTAGS YANG DAG DE SGRUB KYI RTAGS YON TAN CAN GNYIS DON GCIG ,DE SGRUB KYI RTAGS LTAR SNANG DE SGRUB KYI RTAGS SKYON CAN GNYIS DON GCIG ,BYAS PA LA KHO NA RE, GANG ZAG YON TAN CAN DANG GANG ZAG SKYON CAN GNYIS 'GAL BAR THAL, RTAGS YON TAN CAN DANG RTAGS SKYON CAN GNYIS 'GAL BA'I PHYIR NA MA KHYAB, 'DOD MI NUS TE, KHONG KHRO DRAG PO RGYUD LDAN GYI DGE SLONG RNAM DAG DE DE 'DRA BA'I GZHI MTHUN YIN PA'I PHYIR TE, DE GANG ZAG YON TAN CAN YIN TE, DE DGE SLONG RNAM DAG YIN PA'I PHYIR, DE GANG ZAG SKYON CAN YIN TE, DE KHONG KHRO DRAG PO RGYUD LDAN GYI GANG ZAG YIN PA'I PHYIR, YANG KHO NA RE, GANG ZAG YANG DAG DANG GANG ZAG LTAR SNANG GNYIS 'GAL BAR THAL, RTAGS YANG DAG DANG RTAGS LTAR SNANG GNYIS 'GAL BA'I PHYIR, 'DOD NA, DPAL LDAN CHOS GRAGS CHOS CAN, GANG ZAG YANG DAG MA YIN PAR THAL, GANG ZAG LTAR SNANG YIN PA'I PHYIR TE, DE PHYI RGOL LTAR SNANG YIN PA'I PHYIR ZER NA MA KHYAB, KHA CIG ,'GAL MA NGES MA GRUB PA'I GTAN TSIGS GSUM PO RTAGS LTAR SNANG GI SKYON MA YIN TE, DE'I YON TAN YIN PA'I PHYIR TE, @103B DE'I RANG BZHIN YIN PA'I PHYIR, DES NA DE GSUM PO RTAGS YANG DAG GI SKYON YIN LA, RTAGS LTAR SNANG LA LDAN PA YIN NO ZHES ZER, 'O NA, TSUL GSUM RTAGS LTAR SNANG GI YON TAN YIN PAR THAL, 'GAL MA NGES MA GRUB PA GSUM RTAGS YANG DAG GI SKYON YIN PA'I PHYIR, 'DOD NA, RTAGS LTAR SNANG YANG DAG DANG, YANG DAG LTAR SNANG DU THAL LO,, GNYIS PA RANG LUGS LA, SGRA RTAG PAR SGRUB PA'I RTAGS SKYON CAN GYI MTSAN NYID YOD DE, SGRA RTAG PAR SGRUB PA'I RTAGS SU BKOD PA GANG ZHIG, SGRA RTAG PAR SGRUB PA'I TSUL GSUM MA YIN PA DE DE YIN PA'I PHYIR, SGRA RTAG PAR SGRUB PA'I RTAGS SKYON CAN DANG, SGRA RTAG PAR SGRUB PA'I RTAGS LTAR SNANG GNYIS DON GCIG ,SGRA RTAG PAR SGRUB PA'I RTAGS SKYON GYI MTSAN NYID YOD DE, SGRA RTAG PAR SGRUB PA'I RTAGS SU BZUNG BYA DE, SGRA RTAG PAR SGRUB PA'I RTAGS SKYON CAN DU SGRUB PA'I RTAGS YANG DAG YIN PA DE DE YIN PA'I PHYIR, DE LA DBYE NA GSUM YOD DE, SGRA RTAG PAR SGRUB PA'I RTAGS SKYON CAN LA 'GAL MA NGES MA GRUB PA'I RTAGS SKYON CAN GSUM DU DBYER YOD PA'I PHYIR, DANG PO SGRA RTAG PAR @104A *, ,SGRUB PA'I 'GAL BA'I RTAGS SKYON NI, SGRA RTAG PAR SGRUB PA LA BYAS PA RTAGS SU BKOD TSE, KHYOD SGRA RTAG PAR SGRUB PA'I RTAGS SU BZUNG BYA YANG YIN, KHYOD KYI RTAGS KYIS SGRA RTAG PAR SGRUB PA'I KHYAB PA PHYIN CI LOG TU NGES PA YANG YIN PA'I GZHI MTHUN PA LTA BU'O, SGRA RTAG PAR SGRUB PA'I MA NGES PA'I RTAGS SKYON NI, SGRA RTAG PAR SGRUB PA LA GZHAL BYA RTAGS SU BKOD TSE, KHYOD SGRA RTAG PAR SGRUB PA'I RTAGS SU BZUNG BYA YANG YIN, KHYOD GYIS RTAGS KYIS SGRA RTAG PAR SGRUB PA'I KHYAB PA RNAL MA MA NGES PA YANG YIN PA'I GZHI MTHUN PA LHA BU'O, SGRA RTAG PAR SGRUB PA'I MA GRUB PA'I RTAGS SKYON NI, SGRA RTAG PAR SGRUB PALA MIG SHES KYI BZUNG BYA RTAGS SU BKOD TSE, ,KHYOD SGRA RTAG PAR SGRUB PA'I RTAGS SU BZUNG BYA YANG YIN, KHYOD KYI RTAGS KYI SGRA RTAG PAR SGRUB PA'I, CHOS CAN SGRA'I STENG DU 'GOD TSUL DANG MTHUN PAR MA GRUB PA YANG YIN PA'I GZHI MTHUN PA LTA BU'O, ,DE YANG RTAGS LTAR SNANG GI SBYOR BA SKOR GCIG LA MTSON NA, RTAGS SKYON DANG, RTAGS SKYON CAN DANG, RTAGS YANG DAG GI MTSAN NYID GYI BSAL BYA GSUM BRTZI BAR BYA STE, SBYONR BA LTAR SNANG GANG YIN KYANG SBYOR BA DE'I RTAGS SKYON YIN NA GZHI GRUB PA'I MA KHYAB STE, DE YIN NA SBYOR BA DE'I RTAGS SU GANG BZUNG SBYOR BA DE'I RTAGS SKYON CAN DU SGRUB PA'I SGRUB BYED YANG DAG YIN DGOS PA'I PHYIR, SBYOR BA DE'I RTAGS SKYON CAN YIN NA YOD PAS MA KHYAB STE, MED PA SGRA RTAG PAR SGRUB PA'I RTAGS SKYON @104B CAN YIN PA'I PHYIR, SBYOR BA DE'I RTAGS SKYON CAN YIN NA GZHI MA GRUB PA'I MA KHYAB STE, GZHAL BYA SGRA RTAG PAR SGRUB PA'I RTAGS SKYON CAN YIN PA'I PHYIR, RTAGS YANG DAG GI MTSAN NYID KYI BSAL BYA GZHI MA GRUB STE, RTAGS YANG DAG DANG LTAR SNANG GNYIS KA YIN PA MI SRID PA'I PHYIR, MIG SHES KYI BZUNG BYA'I RTAGS KYIS SGRA MI RTAG PAR SGRUB TSE, DE SGRUB GYI RTAGS SU BZUNG NAS PHYOGS CHOS MA GRUB PA RTAGS SKYON DANG, MIG SHES KYI BZUNG BYA RTAGS SKYON CAN DANG, MIG SHES KYI BZUNG BYA'I RTAGS KYIS SGRA MI RTAG PAR SGRUB PA'I PHYOGS CHOS GRUB PA NI RTAGS YANG DAG GI MTSAN NYID GYI BSAL BYA YIN PA'I PHYIR, DES RIGS BSGRES TE DPE DANG, PHYOGS KYI SKYON DANG, SKYON CAN RNAMS KYANG SHES PAR BYA'O, SGRA RTAG PAR SGRUB PA'I DPE SKYON GYI MTSAN NYID YOD DE, SGRA RTAG PAR SGRUB PA'I DPER GANG BZUNG SGRA RTAG PAR SGRUB PA'I DPE SKYON CAN DU SGRUB PA'I RTAGS YANG DAG YIN PA DE DE YIN PA'I PHYIR, DE LA DBYE NA GNYIS YOD DE, SGRA RTAG PAR SGRUB PA'I MTHUN DPE'I SKYON DANG, MI MTHUN DPE'I SKYON GNYIS YOD PA'I PHYIR, DANG PO SGRA RTAG PAR SGRUB PA'I MTHUN DPE'I SKYON GYI MTSAN NYID YOD DE, SGRA RTAG PAR SGRUB PA'I MTHUN DPER GANG BZUNG DE NYID SGRA RTAG PAR @105A *, ,SGRUB PA'I MTHUN DPE SKYON CAN DU SGRUB PA'I RTAGS YANG DAG YIN PA DE YIN PA'I PHYIR, GNYIS PA SGRA RTAG PAR SGRUB PA'I MI MTHUN DPE'I SKYON GYI MTSAN NYID YOD DE, SGRA RTAG PAR SGRUB PA'I MI MTHUN DPER GANG BZUNG DE NYID SGRA RTAG PAR SGRUB PA'I MI MTHUN DPE SKYON CAN DU SGRUB PA'I RTGS YANG DAG YIN PA DE DE YIN PA'I PHYIR, SGRA RTAG PAR SGRUB PA'I PHYOGS SKYON GYI MTSAN NYID YOD DE, SGRA RTAG PAR SGRUB PA'I PHYOGS SU GANG BZUNG SGRA RTAG PAR SGRUB PA'I PHYOGS SKYON CAN DU SGRUB PA'I RTAGS YANG DAG YIN PA DE DE YIN PA'I PHYIR, DE LA DBYE NA LNGA YOD DE, PHYOGS SKYON CAN LA SNGAR DBYER YOD PA'I PHYIR TE, GZHAN DON BSGRUB BYA YANG DAG LA NGO BO'I DON SOGS CHOS LNGA TSANG BA DGOS SHING, DE'I BZLOG PHYOGS PHYOGS SKYON CAN LA NGO BO'I DON SOGS CHOS LNGA BOR MA TSANG BA'I CHA NAS PHYOGS SKYON CAN DU 'GRO TSUL LNGA YOD PA'I PHYIR, BYAS PA'I RTAGS KYIS SGRA MI RTAG PAR SGRUB PA'I RTAGS KYI YON TAN CAN GYI MTSAN NYID YOD DE, BYAS PA SGRA MI RTAG PAR SGRUB PA'I RTAGS YANG DAG TU SGRUB PA'I RTAGS YANG DAG YIN PA DE DE YIN PA'I PHYIR, DE SGRUB KYI RTAGS YON TAN CAN GYI MTSAN NYID YOD DE, DE SGRUB KYI TSUL GSUM YIN PA DE DE YIN PA'I PHYIR, DE BZHIN DU DPE'I YON TAN DANG, ,DPE YON @105B TAN CAN DANG, PHYOGS KYI YON TAN DANG, PHYOGS YON TAN CAN RNAMS KYANG RIGS BGRE BAR BYA'O, ,GSUM PA RTZOD PA RTZOD PA SPONG BA LA, KHO NA DE, SGRA MI RTAG PAR SGRUB PA'I MTHUN DPE'I SKYON YIN NA, SGRA MI RTAG PAR SGRUB PA'I DPE SKYON YIN DGOS SAM MI DGOS, DANG PO LTAR NA, SGRA MI RTAG PAR SGRUB PA'I BSGRUB BYA'I CHOS MI RTAG PAS STONG PA CHOS CAN, SGRA MI RTAG PAR SGRUB PA'I DPE SKYON YIN PAR THAL, DE SGRUB KYI MTHUN DPE'I SKYON YIN PA'I PHYIR, 'DOD MI NUS TE, DE SGRUB KYI'I DPE'I YON TAN YIN PA'I PHYIR TE, DE SGRUB KYI MI MTHUN DPE'I YON TAN YIN PA'I PHYIR, GNYIS PA LTAR NA, SGRA MI RTAG PAR SGRUB PA'I MTHUN DPE YANG DAG LA, DE SGRUB KYI DPE YANG DAG GIS MA KHYAB PAR THAL, SGRA MI RTAG PAR SGRUB PA'I MTHUN DPE'I SKYON LA DE SGRUB KYI DPE SKYON GYIS MA KHYAB PA'I PHYIR, ,RTAGS KHAS, 'DOD NA, SGRA MI RTAG PAR SGRUB PA'I DPE YANG DAG MED PAR THAL LO, ,ZHES ZER, PHYOGS GNYIS PA KHAS MI LEN LA, PHYOGS DANG PO KHAS BLANGS KYANG SKYON MED DE, SGRA MI RTAG PAR SGRUB PA'I BSGRUB BYA'I CHOS MI RTAG PAS STONG BA TZAM SGRA MI RTAG PAR SGRUB PA'I MTHUN DPE'I SKYON DANG MI MTHUN DPE'I SKYON GANG DU YANG KHAS MI LEN PA'I PHYIR, DES NA SGRA MI RTAG PAR SGRUB PA'I MTHUN DPE'I SKYON @106A *, ,YOD DE, SGRA MI RTAG PAR SGRUB PA'I MTHUN DPER BZUNG BA YANG YIN, MI RTAG PAS STONG BA YANG YIN PA'I GZHI MTHUN PA DE DE YIN PA'I PHYIR, SGRA MI RTAG PAR SGRUB PA'I MI MTHUN DPE'I SKYON YOD DE, SGRA MI RTAG PAR SGRUB PA'I MI MTHUN DPER BZUNG BA YANG YIN, MI RTAG PAS MI STONG PA YANG YIN PA'I GZHI MTHUN PA DE DE YIN PA'I PHYIR, GNYIS PA LDOG PHYOGS GTAN TSIGS LTAR SNANG BSHAD PA LA GNYIS, MTSAN NYID DANG, DBYE BA'O, ,DANG PO SGRA RTAG PAR SGRUB PA LTA BU LA MTSON NA, DE SGRUB KYI RTAGS LTAR SNANG GI MTSAN NYID YOD DE, DE SGRUB KYI RTAGS SU BKOD PA GANG ZHIG ,DE SGRUB KYI TSUL GSUM MA YIN PA DE DE YIN PA'I PHYIR, GNYIS PA DE LA DBYE NA GSUM YOD DE, 'GAL BA'I RTAGS DANG, MA NGES PA'I RTAGS DANG, MA GRUB PA'I RTAGS SO, ,DANG PO LA GNYIS, MTSAN NYID DANG, DBYE BA'O, ,DANG PO NI, SGRA RTAG PAR SGRUB PA'I 'GAL RTAGS KYI MTSAN NYID YOD DE, SGRA RTAG PAR SGRUB PA'I PHYOGS CHOS GANG ZHIG RANG PHYOGS CHOS CAN DU SONG BA'I GANG ZAG GIS KHYOD KYIS RTAGS KYIS SGRA RTAG PAR SGRUB PA'I KHYAB PA PHYIN CI LOG TU NGES PA DE DE YIN PA'I PHYIR, DE YANG SPYIR RTAGS SU BKOD PA LA RTAGS YANG DAG @106B DANG, RTAGS LTAR SNANG GNYIS SU NGES PA LAS, RJES SU 'GRO LDOG GI KHYAB PA PHYIN CI LOG TU NGES PA ZHES PAS RTAGS YANG DAG YIN PA BCAD DE, RTAGS YANG DAG YIN NA RJES SU 'GRO LDOG GI KHYAB PA RNAL MAR NGES DGOS PA'I PHYIR, RTAGS LTAR SNANG LA YANG 'GAL MA NGES MA GRUB PA'I RTAGS GSUM DU NGES LA, PHYOGS CHOS ZHES PAS MA GRUB PA'I RTAGS YIN PA BCAD DE, SBYOR BA DE'I MA GRUB PA'I RTAGS YIN NA, SBYOR BA DE'I PHYOGS CHOS MA YIN DGOS PA'I PHYIR, RANG PHYOGS CHOS CAN DU SONG BA'I GANG ZAG GIS RJES SU 'GRO LDOG GI KHYAB PA PHYIN CI LOG TU NGES PA ZHES PAS MA NGES PA'I RTAGS YIN PA SEL TE, DE SGRUB KYI MA NGES PA'I RTAGS YIN NA, RANG PHYOGS CHOS CAN DU SONG BA'I GANG ZAG GIS DE SGRUB KYI RJES SU 'GRO LDOG GI KHYAB PA RNAL MA DANG PHYIN CI LOG GANG DU YANG MA NGES DGOS PA'I PHYIR, GNYIS PA LA GNYIS, GZHAN LUGS DGAG PA, RANG LUGS BZHAG PA'O, ,DANG PO NI, KHA CIG ,'GAL RTAGS LA DBYE NA, CHOS KYI NGO BO 'GOG PA'I 'GAL RTAGS, CHOS KYI KHYAD PAR 'GOG PA'I 'GAL RTAGS, CHOS CAN GYI KHYAD PAR 'GOG PA'I 'GAL RTAGS, CHOS CAN GYI NGO BO 'GOG PA'I 'GAL RTAGS DANG BZHI, DPER BRJOD RIM BZHIN, SGRA CHOS @107A *, ,CAN, RTAG STE, BYAS PA'I PHYIR, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, DNGOS GYUR GYI NAM MKHA' CHOS CAN, RTAG STE, 'DUS MA BYAS YIN PA'I PHYIR ZHES PA LTA BU'O, ,ZHES ZER, DE NI MI 'THAD DE, SGRUB BYED MED CING GNOD BYED YOD PA'I PHYIR, GNOD BYED JI LTAR YOD CEN, BYAS PA CHOS CAN, SGRA'I STENG DU RTAG PA 'GOG PA'I 'GAL RTAGS YIN PAR THAL, SGRA RTAG PAR SGRUB PA'I CHOS KYI NGO BO 'GOG PA'I 'GAL RTAGS YIN PA'I PHYIR, RTAGS KHAS, 'DOD MI NUS TE, BYAS PA SGRA'I STENG DU RTAG PA 'GOG PA'I RTAGS YANG DAG YIN PA'I PHYIR TE, BYAS PA SGRA'I STENG DU MI RTAG PA SGRUB PA'I RTAGS YANG DAG YIN PA'I PHYIR, GZHAN YANG, BYAS PA CHOS CAN, SGRA RTAG PAR SGRUB PA'I CHOS KYI NGO BO 'GOG PA'I 'GAL RTAGS MA YIN PAR THAL, SGRA RTAG PAR SGRUB PA'I CHOS KYI NGO BO SGRUB PA'I 'GAL RTAGS YIN PA'I PHYIR TE, SGRA RTAG PAR SGRUB PA'I 'GAL RTAGS YIN PA'I PHYIR, DES GZHAN GSUM LA'ANG GNOD BYED RIGS BSGRES TE SHES PAR @107B BYA'O, ,YANG KHA CIG ,CHOS KYI NGO BO 'GOG PA'I 'GAL RTAGS LA SOGS PA'I RNAM BZHAG MI 'THAD DE, JI LTAR BSHAD PA'I RIGS PAS GNOD PA'I PHYIR, DES NA CHOS KYI NGO BO SGRUB PA'I 'GAL RTAGS, CHOS KYI KHYAD PAR SGRUB PA'I 'GAL RTAGS, CHOS CAN GYI KHYAD PAR SGRUB PA'I 'GAL RTAGS, CHOS CAN GYI NGO BO SGRUB PA'I 'GAL RTAGS BZHI YOD LA, DPER BRJOD SNGAR BZHIN NO, ,ZHES ZER, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR ZHES BKOD TSE 'DUS BSAGS CHOS CAN, 'DUS PA MA YIN PA'I YUL CAN DE SGRUB KYI BSGRUB BYA'I CHOS KYI KHYAD PAR DU BZUNG BAR THAL, KHYOD DE SGRUB KYI CHOS KYI KHYAD PAR SGRUB PA'I 'GAL RTAGS YIN PA'I PHYIR, 'DOD NA, GZHAN DON BYED PA DE SGRUB KYI BSGRUB BYA'I CHOS KYI NGO BO YIN PAR THAL, 'DOD NA, MIG SOGS GZHAN DON BYED PA DE SGRUB KYI BSGRUB BYA YIN PAR THAL LO, ,'DOD NA, 'DUS BSAGS CHOS CAN, KHYOD DE SGRUB KYI 'GAL RTAGS MA YIN PAR THAL, MIG SOGS GZHAN DON BYED PA DE SGRUB KYI BSGRUB BYA GANG ZHIG ,MIG SOGS GZHAN DON BYED PA LA MI GNOD CING, BSGRUB BYA'I CHOS GZHAN DON BYED PA DANG KHYAB PA PHYIN CI LOG TU NGES PA MA YIN PA'I PHYIR, RTAGS @108A *, ,DANG PO MA GRUB NA, MIG SOGS GZHAN DON BYED PA MA YIN PAR THAL, 'DUS BSAGS KYI RTAGS KYIS MIG SOGS GZHAN DON BYED PA LA GNOD PA'I PHYIR, 'DOD MI NUS TE, MIG SOGS KYIS RANG 'BRAS RNAM SHES SKYED PA'I PHYIR DANG, MIG SOGS GZHAN DON BYED PA TZAM SANGS RGYAS PA'I NGOR SGRUB NA GRUB ZIN SGRUB PAR BSHAD PA'I PHYIR, GZHAN YANG, DE LTAR BKOD PA'I TSE NA, 'DUS BSAGS CHOS CAN, DE SGRUB KYI CHOS KYI KHYAD PAR SGRUB PA'I 'GAL RTAGS MA YIN PAR THAL, DE SGRUB KYI CHOS KYI NGO BO SGRUB PA'I 'GAL RTAGS YIN PA'I PHYIR, 'DUS PA MA YIN PA'I YUL CAN DE SGRUB KYI BSGRUB BYA'I CHOS KYI NGO BOR BZUNG BA GANG ZHIG ,MIG SOGS KYI STENG DU 'DUS PA MA YIN PA'I YUL CAN SGRUB PA'I 'GAL RTAGS YIN PA'I PHYIR TE, DE SGRUB KYI PHYOGS CHOS GANG ZHIG ,'DUS BSAGS KYI RTAGS KYIS MIG SOGS KYI STENG DU 'DUS PA MA YIN PA'I YUL CAN SGRUB PA'I KHYAB PA PHYIN CI LOG TU NGES PA'I PHYIR, 'DUS PA MA YIN PA'I YUL CAN DE SGRUB KYI BSGRUB BYA'I CHOS KYI NGO BOR BZUNG BAR THAL, 'DUS PA MA YIN PA'I YUL CAN DE DE SGRUB KYI ZHE 'DOD KYI BSGRUB BYA'I CHOS KYI NGO BOR BZUNG BA'I PHYIR TE, MIG SOGS BDAG DON BYED PA DE DE SGRUB KYI ZHE 'DOD KYI @108B BSGRUB BYAR BZUNG BA'I PHYIR RO, ,GZHAN YANG, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR ZHES BKOD TSE, 'DUS BSAGS CHOS CAN, 'DUS PA MA YIN PA'I YUL CAN DE DE SGRUB KYI CHOS CAN GYI KHYAD PAR DU BZUNG BAR THAL, KHYOD SBYOR BA BKOD MA THAG DE'I CHOS CAN GYI KHYAD PAR SGRUB PA'I 'GAL RTAGS YIN PA'I PHYIR, 'DOD MI NUS TE, DE DE SGRUB KYI BSGRUB BYA'I CHOS KYI NGO BOR BZUNG BA'I PHYIR TE, DE DE SGRUB KYI ZHE 'DOD KYI BSGRUB BYA'I CHOS KYI NGO BOR BZUNG BA'I PHYIR, KHA CIG ,'DUS BSAGS TE, MIG SOGS 'DUS PA MA YIN PA'I YUL CAN GZHAN DON BYED PAR SGRUB PA'I 'GAL RTAGS MA YIN ZHES ZER, KHA CIG ,DE DE SGRUB KYI SGRAS ZIN LA 'GAL RTAGS YIN ZHES ZER, DE GNYIS KA MI 'THAD PAR THAL, 'DUS BSAGS DE SGRUB KYI 'GAL RTAGS YIN PA'I PHYIR TE, DE SGRUB KYI PHYOGS CHOS GANG ZHIG ,DE SGRUB KYI ZHE 'DOD KYI BSGRUB BYA'I CHOS BDAG DON BYED PA DANG KHYAB PA PHYIN CI LOG TU NGES PA'I PHYIR, RTAGS DANG PO GRUB STE, MIG SOGS DE SGRUB KYI ZHE 'DOD KYI SHES 'DOD CHOS CAN YIN PA GANG ZHIG ,MIG SOGS GYI STENG DU 'GOD TSUL DANG MTHUN PAR YOD PA NYID DU NGES PA'I PHYIR, GZHAN YANG, 'DUS BSAGS CHOS CAN, DE SGRUB @109A *, ,KYI SGRAS ZIN GYI 'GAL RTAGS MA YIN PAR THAL, SGRAS ZIN LA PHYOGS CHOS KYANG MA YIN, SGRAS ZIN LA KHYAB PA PHYIN CI LOG TU NGES PA YANG MA YIN PA'I PHYIR, RTAGS DANG BO GRUB STE, SGRAS ZIN LA SHES 'DOD CHOS CAN GYI STENG DU 'GOD TSUL DANG MTHUN PAR MA GRUB PA'I PHYIR TE, SGRAS ZIN LA MIG SOGS 'DUS PA MA YIN PA'I YUL CAN DE SGRUB KYI SHES 'DOD CHOS CAN YIN PA GANG ZHIG DE'I STENG DU 'GOD TSUL DANG MTHUN PAR MA GRUB PA'I PHYIR TE, DE SGRUB KYI 'GOD TSUL YIN 'GOD YIN PA GANG ZHIG ,MIG SOGS 'DUS PA MA YIN PA'I YUL CAN DE 'DUS BSAGS MA YIN PA'I PHYIR TE, 'DUS BSAGS YIN NA GZHI GRUB DGOS, DE GZHI MA GRUB PA'I PHYIR, SGRAS ZIN LA KHYAB PA PHYIN CI LOG TU MA NGES PAR THAL, SGRAS ZIN LA GZHAN DON BYED PA DE SGRUB KYI BSGRUB BYA'I CHOS SU BZUNG BA GANG ZHIG ,GZHAN DON BYED PA DANG KHYAB PA PHYIN CI LOG TU MA NGES PA'I PHYIR, KHYOD KYANG YIN, GZHAN DON BYED PA YANG YIN PA'I GZHI MTHUN PA SRID PA'I PHYIR, DES NA 'DUS BSAGS DE DE SGRUB KYI 'GAL RTAGS YIN YANG SGRAS ZIN LA DE SGRUB KYI 'GAL RTAGS MA YIN ZHING, MIG SOGS KYI STENG DU SGRAS ZIN GYI CHOS CAN GYI KHYAD PAR SGRUB PA'I 'GAL RTAGS YIN KYANG, DE SGRUB KYI CHOS CAN GYI KHYAD PAR SGRUB PA'I 'GAL RTAGS @109B MA YIN NO, ,GNYIS PA LA GSUM, DBYE BA DNGOS DANG, 'DUS BSAGS KYI RTAGS KYIS MIG SOGS GZHAN DON BYED PAR SGRUB PA'I RTAGS CHOS DON GSUM NGOS BZUNG BA DANG, RTZOD PA SPONG BA'O, ,DANG PO NI, 'GAL RTAGS LA SGRAS BRJOD RIGS KYI SGO NAS DBYE NA, CHOS KYI NGO BO SGRUB PA'I 'GAL RTAGS, SGRAS ZIN GYI CHOS KYI KHYAD PAR SGRUB PA'I 'GAL RTAGS, SGRAS ZIN GYI CHOS CAN GYI KHYAD PAR SGRUB PA'I 'GAL RTAGS, SGRAS ZIN GYI CHOS CAN GYI NGO BO SGRUB PA'I 'GAL RTAGS DANG BZHI'O, ,DPER BRJOD NI SNGAR BSHAD ZIN PA LTAR RO, ,MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR, ZHES BKOD TSE, SGRAS ZIN LA GZHAN DON BYED PA DE DE SGRUB KYI BSGRUB BYA'I CHOS KYI NGO BO DANG, 'DUS PA MA YIN PA'I YUL CAN DE GZHAN DON BYED PA DANG NGO BO THA DAD PA'I TSUL GYIS BRJOD PAS SGRAS ZIN LA CHOS KYI KHYAD PAR DANG, DE MIG SOGS KYI STENG DU SGRUB PA LA 'DUS BSAGS 'GAL RTAGS YIN PA'I DON GYIS 'DUS BSAGS DE SGRUB KYI SGRAS ZIN GYI CHOS KYI KHYAD PAR SGRUB PA'I 'GAL RTAGS SU BZHAG PA YIN NO, ,MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, ZHES BKOD TSE, MIG SOGS CHOS CAN GYI NGO BO DANG, @110A *, ,SGRAS ZIN LA 'DUS PA MA YIN PA'I YUL CAN DANG NGO BO THA DAD PA'I TSUL DU BRJOD PAS 'DUS PA MA YIN PA'I YUL CAN DE SGRAS ZIN LA CHOS CAN GYI KHYAD PAR DANG, 'DUS BSAGS DANG MIG SOGS KYI STENG DU SGRUB PA'I 'GAL RTAGS YIN PAS NA, SGRAS ZIN GYI CHOS CAN GYI KHYAD PAR SGRUB PA'I 'GAL RTAGS SU BZHAG PA YIN NO, ,DNGOS GYUR GYI NAM MKHA' CHOS CAN, RTAG STE, 'DUS MA BYAS YIN PA'I PHYIR, ZHES BKOD TSE, NAM MKHA'I CHOS CAN GYI NGO BO DANG, DNGOS GYUR GYI NAM MKHA' ZHES PA'I SGRAS DNGOS PO DE NAM MKHA' DANG NGO BO GCIG PA'I TSUL GYIS BRJOD PAS DNGOS PO DE SGRAS ZIN LA CHOS CAN GYI NGO BO DANG, 'DUS MA BYAS DE DE NAM MKHA'I STENG DU SGRUB PA'I 'GAL RTAGS YIN PAS NA SGRAS ZIN GYI CHOS CAN GYI NGO BO SGRUB PA'I 'GAL RTAGS SU BZHAG PA YIN NO, BYE BRAG PA DANG SANGS RGYAS PA GNYIS RTZOD TSE NAM MKHA' MTHUN SNANG DU GRUB NAS NAM MKHA'I KHYAD CHOS LA RTZOD PA MA YIN GYI DE GNYIS NAM MKHA'I NGO BO LA MI MTHUN TE, BYE BRAG PAS NAM MKHA' SGRUB PA RANG DBANG BA'I DNGOS PO BLO YUL DU SHAR BA LA BRTEN NAS 'GRUB PAS NAM MKHA'I NGO BO DNGOS POR 'DOD LA, SANGS RGYAS PAS THOGS PA'I REG BYA BKAG TZAM GYI MED DGAG BLO YUL DU SHAR BA LA BRTEN NAS 'GRUB LA, DE'I NGO BO YANG DNGOS MED DU 'DOD PA YIN NO, ,SGRAS ZIN GYI CHOS CAN GYI NGO BO @110B SGRUB PA'I 'GAL RTAGS 'DI, GZHAN 'GOG TSUL JI LTA BUS 'GOG PA'I SBYOR BA YIN ZHE NA, BYE BRAG PAS NAM MKHA'I NGO BO DNGOS POR KHAS BLANGS PA LA, SANGS RGYAS PAS NAM MKHA' DE RTAG PA YIN NAM, 'ON DE MI RTAG CES DRIS PAS, RTAG PA'O ZHES ZER, 'O NA RTAG PA'I SGRUB BYED GANG YIN DRIS PAS, DNGOS GYUR GYI NAM MKHA' CHOS CAN, RTAG STE, DON BYED NUS PA'I STONG BA'I PHYIR, ZHES DON BYED NUS STONG DNGOS GYUR GYI NAM MKHA' RTAG PAR SGRUB PA'I SGRUB BYED YANG DAG DU KHAS BLANGS SO, ,RTAGS SBYOR DE LA SLOB DPON PHYOGS GLANG GI SKYON BRJOD NAS 'GOG TSUL NI, SLOB DPON GYIS 'DI NI CHOS CAN GYI NGO BO PHYIN CI LOG DU SGRUB PAR BYED PAS 'GAL BA YIN NO, ,ZHES GSUNGS, 'DI NI CHOS CAN ZHES PA NAM MKHA' LA BYA ZHING, DE'I NGO BO NI DNGOS PO LA BYA STE, NAM MKHA'I NGO BO MTHUN SNANG DU GRUB NAS, DE'I STENG DU DNGOS PO KHYAD CHOS SU LDAN MI LDAN RTZOD LA, DPER NA SGRA'I NGO BO NYAN BYA YIN PAR RGOL PHYI RGOL GNYIS KAS GRUB NAS, KHYAD GZHI DE'I STENG DU KHYAD CHOS MI RTAG PA YOD MED RTZOD PA LTA BU MA YIN PA'I PHYIR, NAM MKHA'I NGO BO DNGOS POR GYUR BA YIN NAM THOGS REG BKAG TZAM YIN MTHUN SNANG DU MA GRUB PA'I SKABS SU NAM MKHA' @111A *, ,DNGOS PO'I NGO BO YIN PAR BSAMS NAS DNGOS GYUR GYI NAM MKHA' CHOS CAN, RTAG STE, DON BYED NUS PAS STONG PA'I PHYIR ZHES BKOD PA YIN NO, DE 'GOG BYED LUNG DE'I DON NI, DON BYED NUS STONG CHOS CAN, KHYOD DNGOS GYUR GYI NAM MKHA' RTAG PAR SGRUB PA'I RTAGS YANG DAG MA YIN PAR THAL, KHYOD DE SGRUB KYI SGRAS ZIN LA CHOS CAN GYI NGO BO SGRUB PA'I 'GAL RTAGS YIN PA'I PHYIR, ZHES PA'O, ,GNYIS PA NI, RGOL BA GRANGS CAN GYIS SHES BYA THAMS CAD NYER LNGAR GRANGS NGES PAR SMRA BA YIN LA, DE LAS KYANG SHES RIG GI SKYES BU NI, GANG ZAG GI BDAG YIN ZHING, GZHAN RNAMS GANG ZAG GI BDAG DE'I LONGS SPYAD BYA DANG DBANG BSGYUR BYA YIN ZHING, DE RNAMS KYIS KYANG BDAG GI DGOS PA SGRUB PAR BYED PAS BDAG GI BAR 'DOD DO, DE LA SGRUB BYED DANG BRAL BA'I DAM BCA' TZAM NI, RIGS PA SMRA BA SU YANG MI 'DOD PAS, GRANGS CAN GYIS RIGS PA'I SGO GNYIS SMRAS TE, SHES RIG GI SKYES BU GANG ZAG GI BDAG TU SGRUB PA DANG, DBANG SOGS BDAG GI BAR SGRUB PA'I RIGS PA'O, ,DANG PO NI, SKYES BU CHOS CAN, GANG ZAG GI BDAG YIN TE, BCING THAR GYI RTEN YIN PA'I PHYIR, ZHES PA'I RIGS PA SMRA LA, BDAG DE YANG ZA BA BO STE BDE SDUG @111B SOGS LA LONGS SPYOD PA BO DANG, RTAG PA'I DNGOS PO DANG, RNAM 'GYUR RNAMS KYI BYED PA BO MA YIN PA DANG, RDUL MUN SNYING STOBS KYI YON TAN MED PA DANG, KHYAB PAR BYED PA NYID YIN PA'I PHYIR NA BYA BA MED PA STE KHYAD BAR LNGA LDAN DU 'DOD DO, ,DE 'GOG BYED KYI RIGS PA GZHAN DU SHES PAR BYA'O, ,GNYIS PA DBANG SOGS BDAG GI BAR SGRUB PA'I RIGS PA NI, GRANGS CAN GYI SMRAS CHOS DANG, ZHE 'DOD GNYIS LAS, SMRAS CHOS NI, MIG SOGS CHOS CAN, GZHAN DON BYED DE, 'DUS SHING BSAGS PA YIN PA'I PHYIR, DPER NA MAL CHA DANG STAN BZHIN, ZHES SMRA BAR BYED LA, DE'I ZHE 'DOD NI, MIG SOGS CHOS CAN, GANG ZAG GI BDAG DON BYED DE, 'DUS BSAGS YIN PA'I PHYIR, ZHES PA YIN NO, ,'O NA, DANG PO NYID NAS GANG ZAG GI BDAG DON BYED DE, ZHES MI 'GOD PA CI ZHE NA, SANGS RGYAS PAS, MTHUN DPE BSGRUB BYA'I CHOS KYIS STONG BA'I NYES PA BRJOD NAS, RTAGS CHOS GNYIS LDAN GYI DPE MA GRUB PAR 'GYUR DU DOGS TE, DNGOS SU SMRAS TSOD LA DPE LA RJES 'GRO BYED PAR RGOL BA GNYIS KAS GRUB CING, ZHE 'DOD LA DBANG SOGS BDAG GI BAR GRUB PA ZHIG 'DOD NAS ZOL SBYOR DE LTAR SMRAS PA YIN NO, ,DE YANG GRANGS CAN GYIS, MIG SOGS CHOS CAN, GZHAN DON BYED DE, 'DUS SHING @112A *, ,BSAGS PA YIN PA'I PHYIR ZHES PA'I RTZA BA'I SBYOR BA DE NYID 'GOD TSUL GYI SGO NAS GNYIS SU 'GYUR TE, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, ZHES PA DANG, YANG NA, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR, ZHES PA'O, ,SBYOR BA 'DI GNYIS KYI RTAGS SGRUB TSE, GRANGS CAN GYIS, BLO BDE CHOS CAN, SEMS MED BEM PO YIN TE, SKYE 'JIG CAN YIN PA'I PHYIR ZHES 'GOD LA, SBYOR BA 'DI LA BRTEN NAS BLO BDE SEMS MED BEM POR GRUB, DE GRUB PA NA, MIG SOGS BEM PO GZHAN RNAMS KYANG SEMS MED BEM POR GRUB, DE LTAR NA DE RNAMS RDUL DU MA 'DUS SHING BSAGS PA YIN SNYAM NAS 'DUS BSAGS RTAGS SU BKOD PA YIN NO,, SBYOR BA 'DI GNYIS KYI CHOS CAN GYI DON LA, KHA CIG ,MIG GI SOGS KHONGS NAS DMIGS RKYEN DANG DE MA THAG RKYEN BTON NAS RKYEN GSUM CHOS CAN DU 'DZIN LA, DES BDAG GI DON BYED PA'I DON YANG RNAM SHES SKYED PA YIN NO, ,ZHES ZER BA MI 'THAD DE, GRANGS CAN GYI LUGS LA, RNAM SHES DE RKYEN GSUM GYI 'BRAS BU DANG, RKYEN GSUM PO DE RNAM SHES KYI RGYUR 'DOD PAR THAL LO, ,'DOD MI NUS TE, GRANGS @112B CAN GYI LUGS LA RNAM SHES DE RGYU YANG MA YIN, 'BRAS BU YANG MA YIN PAR 'DOD PA'I PHYIR TE, DBANG PHYUG NAG PO'I RGYUD LAS, SKYES BU RANG BZHIN MA YIN RNAM 'GYUR MIN, ZHES GSUNGS PA'I PHYIR, KHYAB STE, GRANGS CAN GYI LUGS LA RGYU DANG RANG BZHIN DON GCIG ,'BRAS BU DANG RNAM 'GYUR DON GCIG PA'I PHYIR, KHA CIG MIG SOGS KYI KHONGS NAS DBANG BO LHAG MA BZHI BTON NAS, DBANG BO LNGA TZAM CHOS CAN DU 'DZIN PA YIN NO ZHES ZER, 'O NA, GRANGS CAN GYI LUGS LA MIG SOGS GZHAN DON BYED PAR BSGRUBS PAS MIG SOGS BDAG DON BYED PAR 'GRUB PA LA MI PHAN PAR THAL, DBANG BO LNGA TZAM DE SGRUB KYI ZHE 'DOD KYI CHOS CAN YIN PA GANG ZHIG ,GRANGS CAN GYI LUGS LA DBANG BO LNGAS GZHAN GYI DON BYED PAR 'SGRUBS PAS BDAG DON BYED PAR MI 'GRUB PA'I PHYIR, MA GRUB NA, ,GRANGS CAN PA'I LUGS LA, SHES BYA LA DBANG BO LNGA SHES RIG GI SKYES BU STE, DRUG TU GRANGS NGES PAR THAL, DBANG BO LNGA DE SGRUB KYI CHOS CAN DU 'DZIN, DBANG BO LNGA LAS GZHAN PA'I DON BYED PAR BSGRUBS PAS BDAG SHES RIG GI SKYES BU'I DON BYED PAR BGRUB NUS PA'I PHYIR, RTAGS KHAS, RANG LUGS LA, MIG SOGS ZHES PA NI, GRANGS CAN PAS SHES BYA NYER BZHI BO THAMS CAD KYIS BDAG DON BYED PAR SGRUB DGOS @113A *, ,MOD KYI, 'ON KYANG, MIG SOGS DBANG BO DANG, GZUGS SOGS YUL RNAMS BDAG GI BAR GRUB NA, GZHAN DAG KYANG BDAG GI BAR 'BAD MED DU 'GRUB PAR 'GYUR ZHING, DANG PO NAS SHES BYA NYER BZHI BO TSIG GIS ZIN PAR CHOS CAN DU BYAS NA, CHOS CAN PHYI RGOL LA MTHUN SNANG DU MI 'GRUB PAS, DE'I PHYIR RGOL BA GNYIS KA LA MTHUN SNANG DU GRUB PA'I MIG SOGS CHOS CAN, ZHES PA YIN LA, MIG SOGS ZHES PA'I SOGS KHONGS NAS, SHES BYA NYER GSUM BTON NAS GDAGS GZHI DANG BCAS PA'I SHES BYA NYER BZHI GRANGS CAN RANG NYID ZHE 'DOD KYI CHOS CAN YIN NO, ,DE YANG GRANGS CAN GYIS SHES BYA NYI SHU RTZA LNGAR GRANGS NGES PAR 'DOD LA, NYI SHU RTZA LNGA BO YANG SPYI GTZO BO, BLO'AM CHEN PO, NGA RGYAL, GZUGS SGRA DRI RO REG BYA LNGA, DE LA DE TZAM LNGA YANG ZER, MIG RNA BA SNA LCE PAGS PA'AM LUS KYI DBANG BO STE BLO'I DBANG BO LNGA, YID DBANG DANG, NGAG GI DBANG BO, RKANG BA'I DBANG BO, 'DOMS KYI DBANG BO, 'PHONGS KYI DBANG BO, LAG PA'I DBANG BO STE, LUS KYI DBANG BO LNGA STE, DBANG BO BCU GCIG ,SA CHU ME RLUNG NAM MKHA' STE 'BYUNG BA LNGA, BDAG SHES RIG GI SKYES BU STE NYER LNGA'O, ,DE RNAMS KYI NANG NAS RTZA BA'I RANG BZHIN NAM SPYI GTZO BO RGYU YIN LA 'BRAS BU MA YIN, @113B DBANG BO BCU GCIG ,'BYUNG BA LNGA STE BCU DRUG PO 'BRAS BU YIN LA RGYU MA YIN, NGA RGYAL DANG, BLO'AM CHEN PO DANG, GZUGS SOGS DE TZAM LNGA DANG BDUN PO RGYU 'BRAS GNYIS KA YIN LA, BDAG SHES RIG GI SKYES BU RGYU YANG MA YIN 'BRAS BU YANG MA YIN NO, ,DE LTAR YANG GRANGS CAN GYI GZHUNG LAS, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM 'GYUR ZHING , BCU DRUG PO NI RNAM PAR 'GYUR BA STE, ,SKYES BU RANG BZHIN MA YIN RNAM 'GYUR MIN, ,ZHES GSUNGS PA'I PHYIR, DE RNAMS KYI NANG NAS, BDAG SHES RIG GI SKYES BU BEM PO MA YIN LA, DE'I PHYIR DE LA 'DUS PA MA YIN PA ZHES ZER, DE LAS GZHAN PA'I SHES BYA THAMS CAD BEM PO YIN TE, 'DUS BSAGS YIN PA'I PHYIR, KHYAB STE, RIM DANG CIG CAR 'DUS PA'I SGO NAS RDUL DU MA BSAGS PA LA 'DUS BSAGS ZHES ZER ZHING, 'DUS BSAGS NI BEM PO'I DON LDOG YIN NO ZHES GRANGS CAN PA RANG NYID SMRA'O, ,BDAG SHES RIG GI SKYES BU KHO NA SHES BYA NYER BZHI BO'I YUL CAN DANG, SHES BYA NYER BZHI NI SHES RIG GI SKYES BU'I YUL YIN NO, ,DE YANG BDAG SHES RIG GI SKYES BUS MIG SOGS DBANG BO LNGA'I SGO NAS YUL LNGA LA LONGS SPYOD PA YIN GYI, BDAG DE LAS GZHAN PA'I MIG GI SGO NAS GZUGS @114B LA LTA BA'I DBANG SHES SOGS MED DO, ,DPER NA, SKYES BU GCIG GIS MKHAR GYI BU GA SNA TSOGS NAS PHYOGS THAMS CAD DU LTA BAR BYED PA BZHIN NO, ,BDAG DE SHES BYA NYER BZHI BA'I YUL CAN YIN ZHING, 'DUS BSAGS MA YIN PA DE LA 'DUS PA MA YIN PA'I YUL CAN ZHES ZER, DE'I PHYIR 'DUS PA MA YIN PA'I ZHES PA'I 'I YI SGRA GZHI MTHUN GYI SGRA YIN GYI 'BREL SGRA MA YIN NO, ,DES NA BSGRUB BYA'I CHOS KYI DON SHES BYA NYER BZHI LAS GZHAN PA'I NYER LNGA BA BDAG YIN ZHING, BDAG GI DON BYED TSUL YANG BDAG SKYED PA MA YIN GYI BDAG GI 'DOD PA'I DON SGRUB PA STE, DPER NA, MAL CHA DANG STAN BZHIN, ZHES MTHUN DPER BKOD PAS, MAL CHA YIS SKYES BU'I GRANG BA SKYOB PA SOGS KYI DGOS PA SGRUB PA LTAR, SHES BYA NYER BZHI BOS KYANG BDAG GI DGOS PA SGRUB CING, BDAG GI DGOS PA SGRUB PA DE NYID BDAG GI BA'I MTSAN NYID YIN ZHES ZER, RTZA BA'I RANG BZHIN DANG SPYI DANG GTZO BO RNAMS DON GCIG ,DE'I NGO BO NI RDUL MUN SNYING STOBS GSUM CHA MNYAM PA'I GNAS SKABS MI GSAL BA NUS PA'I NGO BOR GNAS PA YIN NO, ,DE LTA BU'I GTZO BO YOD PAR RIGS PA GANG GIS GRUB CE NA, GSAL BA RNAMS CHOS CAN, YON TAN GSUM CHA MNYAM PA NUS PA'I NGO BOR GYUR PA'I GTZO BO YOD DE, RIGS GCIG PA'I SGRA BLO 'JUG PA'I PHYIR DANG, YON TAN GSUM GYI RIGS CHA MNYAM PA RJES SU 'GRO BAR MTHONG BA'I PHYIR DANG, RGYU @115A *, ,DU MAS 'BRAS BU GCIG SKYED PA'I NUS PA MTHONG BA'I PHYIR DANG, NAS KYI SA BON LAS NAS KYI MYU GU 'BYUNG LA, SRAN MA'I MYU GU MI 'BYUNG BA'I DBYE BA YOD PA'I PHYIR DANG, KHAMS GSUM PO 'DI DBYER MED DU THIM PAR 'GYUR BA'I GNAS YOD PA'I PHYIR, ZHES SPYI GTZO BO'I SGRUB BYED LNGA SMRA'O, ,DE LTAR YANG, KHYAD PAR TSANG PHYIR RJES 'GRO'I PHYIR, ,NUS PA'I SGO NAS 'JUG PA'I PHYIR, ,RGYU DANG 'BRAS BU DBYER YOD PHYIR, ,'JIG RTEN SNA TSOGS DBYER MED PHYIR, ,MI GSAL BA YI RGYU YOD DO, ZHES BSHAD DO, ,DE YANG RGYU RKYEN PHAN TSUN SO SO THA DAD PA RNAMS LA 'BRAS BU THUN MONG BA GCIG NI YOD LA, DE YANG RGYU RKYEN RNAMS DANG RANG BZHIN GCIG PA'I GTZO BO GCIG RJES SU 'GRO BA MED NA MI RUNG BAR, RGYU NAS KYI BYA BA'I RANG BZHIN GANG YIN PA YANG RKYEN CHU LUD SOGS KYI RTZA BA'I RANG BZHIN YIN LA, DE BZHIN DU MYU GU'I RTZA BA'I RANG BZHIN DANG DE'I RGYU RKYEN GYI RTZA BA'I RANG BZHIN RNAMS PHAR YIN TSUR YIN CHA MED GCIG PUR 'DOD DO, ,RNAM 'GYUR THAMS CAD KYI RANG BZHIN RNAMS KYANG DE LTAR DU 'DOD DO, ,DE'I PHYIR SA MYUG PHAN TSUN THA DAD PA KHO NAR 'DOD PAS MYU GU MYU GU LAS SKYE BAR MI 'DOD KYANG, MYU GU NI SA BON DANG DE'I RANG BZHIN LAS SKYE BAR SMRA BA NA, MYU GU DANG SA BON GNYIS KYI RANG BZHIN GNYIS GCIG YIN PAS, MYU GU RANG GI RANG BZHIN LAS KYANG SKYE LA, DER MA ZAD, MYU GU RANG GI RGYU'I DUS NA MNGON BAR MI GSAL BA'I TSUL GYIS YOD LA, DE NYID RKYEN GYIS MNGON PAR GSAL BA NA SKYES PA YIN NO, DE'I PHYIR DNGOS PO RNAMS BDAG LAS SKYE BA YIN NO ZHES ZER TO, ,GRANGS CAN GYI KHYAD PAR 'GA' ZHIG SKYE BAR MI SMRA BAR RGYU LAS SNGAR MI GSAL BA PHYIS GSAL BAR 'DOD MOD KYANG DON 'DRA'O, ,'DIS SPYI GSAL NGO BO GCIG TU 'DOD PA YANG TSUL DE LTAR YIN GYI, SANGS RGYAS PAS DNGOS PO DANG BUM PA NGO BO GCIG TU 'DOD PA DANG GTAN MI 'DRA'O, , @115B DNGOS PO RNAMS RANG GI RGYU'I DUS NA MNGON PAR MI GSAL BA'I TSUL GYIS YOD PA DE NYID SLAR YANG SKYE MOD, SKYES ZIN SLAR YANG SKYE BAR MI 'DOD DO, ,RDUL MUN SNYING STOBS GSUM NI GTZO BO'I YON TAN, RDUL NI G-YO BA DANG 'JUG PA'I BDAG NYID CAN NO, , MUN PA NI LCI BA DANG G-YOG PA'I BDAG NYID CAN NO, ,SNYING STOBS NI YANG BA DANG RAB TU GSAL BA'I BDAG NYID CAN NO, ,DANG PO DANG BDE BA DON GCIG ,GNYIS PA DANG SDUG BSNGAL DON GCIG ,GSUM PA DANG GTI MUG DON GCIG ,YON TAN 'DI GSUM CHA MNYAM PA'I SKABS NI GTZO BO STE, 'DIR YON TAN GTZO BOR GYUR CING RAB TU ZHI BAR GYUR BA'I PHYIR, DE DAG RNAM PAR MI 'GYUR BA'I SKABS NI RTZA BA'I RANG BZHIN YIN NO, ,RTZA BA'I RANG BZHIN LAS NI CHEN PO 'BYUNG STE, CHEN PO DANG BLO GNYIS MING GI RNAM GRANGS YIN LA, DE YANG PHYI NAS YUL DANG NANG GI SKYES BU GNYIS KA'I GZUGS BRNYAN 'CHAR BA ME LONG NGOS GNYIS PA LTA BU ZHIG GO ,CHEN PO LAS NGA RGYAL 'BYUNG STE, NGA RGYAL NI RNAM PA GSUM STE, RNAM PAR 'GYUR BA CAN GYI NGA RGYAL, SNYING STOBS CAN GYI NGA RGYAL, MUN PA CAN GYI NGA RGYAL LO, ,RNAM PAR 'GYUR BA CAN GYI NGA RGYAL LAS DE TZAM LNGA 'BYUNG, DE TZAM LNGA LAS 'BYUNG BA LNGA 'BYUNG, SNYING STOBS CAN GYI NGA RGYAL LAS LAS KYI DBANG BO LNGA, BLO'I DBANG BO LNGA, DBANG BO DE GNYIS KA'I BDAG NYID CAN GYI YID KYI DBANG BO STE BCU GCIG 'BYUNG, MUN PA CAN GYI NGA RGYAL NI NGA RGYAL GNYIS KA'I 'JUG BYED YIN NO, ,RGYU LAS 'BRAS BU 'BYUNG BA'I TSUL NI, RNA BA LA SOGS PA'I DBANG BO LNGA, YID KYIS BYIN GYIS BRLABS PAS YONGS SU BZUNG BA'I YUL SGRA LA SOGS PA DAG LA BLOS ZHEN PAR BYED LA, DE NAS BLOS ZHEN PAR BYAS PA'I DON DE LA SKYES BUS SEMS PAR BYED DE, ,DE LTAR SKYES BU YUL LA LONGS SPYOD 'DOD SKYES PA'I TSE, SKYES BU'I 'DOD PA SHES PA'I RTZA BA'I RANG BZHIN DANG SKYES BU @116A *, ,GNYIS LHAN GCIG TU SBYAR NAS RNAM 'GYUR RNAMS 'BYIN PAR BYED DO, ,DE LTAR JI SRID DU RTZA BA'I RANG BZHIN NAM SPYI GTZO BO DANG SKYES BU GNYIS GCIG TU 'KHRUL NAS YUL LA LONGS SPYOD PA DE SRID DU SPYI GTZO BOS RNAM 'GYUR SNA TSOGS SPRUL TE BDE SDUG SNA TSOGS MYONG NAS 'KHOR BAR 'KHYAMS PA YIN LA, GANG GI TSE YUL LA CHAGS PA CHUNG BA NYID KYIS SKYES BUS YUL LA NYES DMIGS SU BLTAS PAS CHAGS PA DANG BRAL BAR GYUR BA DE'I TSE RIM GYIS BSAM GTAN SGOM ZHING, DE LA BRTEN NAS LHA'I MIG GI MNGON SHES THOB PA NA, MIG DE'I SGO NAS GTZO BO LA LTA BAR BYED LA, DES BLTAS PA DANG, GTZO BO DE GZHAN GYI BUD MED LTAR NGO TSA BAR GYUR BAS, BDAG GI RJES SU MI 'GRO ZHING BDAG DANG 'BRAL BAR 'GYUR RO, RNAM 'GYUR GYI TSOGS THAMS CAD KYANG SKYE BA'I RIM PA LAS BZLOG PA'I SGO NAS GTZO BO DE NYID DU RAB TU THIM PA'I PHYIR, MI GSAL BA'I NGO BOR GYUR BA DE'I TSE SKYES BU NYAG GCIG GNAS TE, DE'I TSE 'KHOR BA LAS GROL BA YIN NO, ,BDAG DE NI RTAG TU YAN GAR BA'I NGO BOR GNAS PA'I PHYIR RTAG PA ZHES BYA'O, ,SPYI GTZO BO DANG SKYES BU GNYIS RANG BZHIN THA DAD DU SHES PA GROL LAM DU 'DIS 'DOD DO, ,DE LTAR 'PHROS DON BSHAD NAS, GRANGS CAN GYIS DBANG SOGS BDAG GI BAR SGRUB PA'I RTAGS SPYOR SNGAR LTAR BKOD PA LA, SLOB DPON GYIS SKYON BRJOD TSUL NI, KHYOD KYIS GZHAN DON BYED DE ZHES PA'I GZHAN DE GANG ZAG GI BDAG LA BSAMS PA YIN NAM, 'O NA TE GZHAN DON BYED PA TZAM ZHIG SGRUB PAR 'DOD PA YIN, PHYI MA LTAR NA, KHYOD RANG GI 'DOD PA'I DON MI 'GRUB CING, NGED SANGS RGYAS PA LA GRUB ZIN BSGRUBS PA'I NYES PA YOD DE, NGED SANGS RGYAS PAS MIG SOGS RANG GI 'BRAS BU'I DON BYED PAR GRUB ZIN PA'I PHYIR, DANG PO GANG ZAG GI BDAG GI DON BYED PA LA BSAMS PA YIN NA, @116B 'DUS BSAGS CHOS CAN, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, ZHES PA'I SBYOR BA'I RTAGS YANG DAG MA YIN PAR THAL, MIG SOGS KYI STENG DU SGRAS ZIN LA SBYOR BA DE'I CHOS CAN KYI KHYAD PAR SGRUB PA'I 'GAL RTAGS YIN PA'I PHYIR, ZHES PA'I RIGS PA'I TSUL DE STON PA LA, SLOB DPON GYIS, 'DI NI CHOS CAN GYI KHYAD PAR PHYIN CI LOG TU SGRUB PAR BYED PAS 'GAL BA YIN NO, ZHES GSUNGS, DES NA 'DUS BSAGS DE DE SGRUB KYI SGRAS ZIN LA CHOS CAN GYI KHYAD PAR SGRUB PA'I 'GAL RTAGS YIN KYANG, DE SGRUB KYI CHOS CAN GYI KHYAD PAR SGRUB PA'I 'GAL RTAGS MA YIN TE, DE SGRUB KYI CHOS KYI NGO BO SGRUB PA'I 'GAL RTAGS YIN PA'I PHYIR, DE SGRUB KYI PHYOGS CHOS GANG ZHIG ,DE SGRUB KYI ZHE 'DOD KYI BSGRUB BYA'I CHOS KYI NGO BO GANG ZAG GI BDAG GI DON BYED PA DANG KHYAB PA PHYIN CI LOG TU NGES PA'I PHYIR, DANG PO MA GRUB NA, 'DUS BSAGS CHOS CAN, DE SGRUB KYI PHYOGS CHOS YIN PAR THAL, MIG SOGS DE SGRUB KYI ZHE 'DOD KYI SHES 'DOD CHOS CAN YIN PA GANG ZHIG MIG SOGS KYI STENG DU 'GOD TSUL DANG MTHUN PAR GRUB PA'I PHYIR, YANG GRANGS CAN PAS, MIG SOGS CHOS CAN, 'DUS PA MA YIN PA'I YUL CAN GZHAN GYI DON BYED DE, 'DUS BSAGS YIN PA'I PHYIR, ZHES PA'I SBYOR BA 'DI, MIG SOGS KYIS GANG ZAG GI BDAG GI DON BYED PAR SGRUB PA'I PHYIR SMRAS PA LA, SLOB DPON GYIS 'DI NI CHOS KYI KHYAD PAR PHYIN CI LOG TU SGRUB PAR BYED PAS 'GAL BA YIN NO, ZHES GSUNGS, BSGRUB BYA'I CHOS LA KHYAD GZHI KHYAD CHOS GNYIS LAS, DON BYED CES PA KHYAD GZHIR BYAS NAS, GANG GI DON BYED CE NA, DON BYED PA DE NYID CHU SKYOR BA'I DON BYED PA SOGS GZHAN LAS KHYAD PAR DU 'BYED PAR BYED PA LA, 'DUS PA MA YIN PA'I YUL CAN GZHAN DON BYED DE ZHES SGRAS ZIN LA SMRAS SO, DE DE SGRUB KYI CHOS KYI NGO BO SGRUB PA'I 'GAL RTAGS YIN TE, DE DE SGRUB KYI @117A *, ,ZHE 'DOD KYI BSGRUB BYA'I CHOS KYI NGO BO GANG ZAG GI BDAG GI DON BYED PA MIG SOGS KYI STENG DU SGRUB PA'I 'GAL RTAGS YIN PA'I PHYIR, BYE BRAG PAS BKOD PA'I SNGAR GYI RTAGS SBYOR DANG GRANGS CAN GYIS BKOD PA'I SBYOR BA 'DI GNYIS 'GOD TSUL LA LTOS NAS, SGRAS ZIN LA CHOS CAN GYI NGO BO DANG, KHYAD PAR DANG, CHOS KYI KHYAD PAR SGRUB PA'I 'GAL RTAGS KYI THA SNYAD BYAS KYANG, DON LA SKABS 'DI'I 'GAL RTAGS KYI SBYOR BA BZHI BO CHOS KYI NGO BO SGRUB PA'I 'GAL RTAGS KYI SBYOR BA YIN PA'I PHYIR TE, 'THAD LDAN LAS, BZHI BO 'DI DAG NI SGRAS BRJOD PA TZAM YIN GYI, DON NI CHOS KYI NGO BO 'BA' ZHIG PAR ZAD DO, ZHES GSUNGS, SBYOR BA GNYIS KYI RTAGS KYI DON NI, GRANGS CAN GYIS RDUL DU MA 'DUS SHING BSAGS PA 'DUS BSAGS KYI DON DU BSAMS NAS 'DUS BSAGS RTAGS SU BKOD LA, DE TZAM ZHIG RTAGS KYI DON DU BYAS NA YID DBANG SOGS KYI STENG DU 'GOD TSUL DANG MTHUN PAR MA GRUB PAS DE SGRUB KYI 'GAL RTAGS SU MI 'GYUR RO, ,DES NA SANGS RGYAS PAS 'DUS BSAGS KYI DON DU 'DOD PA'I SKAD CIG MA DU MA 'DUS SHING BSAGS PA DANG GRANGS CAN GYIS 'DOD PA'I 'DUS BSAGS KYI DON RDUL DU MA 'DUS SHING BSAGS PA GANG YANG RUNG BA RTAGS KYI DON NO, ZHES RIGS RGYAN LAS GSUNGS SO, ,GSUM PA RTZOD PA SPONG BA NI, 'DUS BSAGS CHOS CAN, MIG SOGS GZHAN DON BYED PAR SGRUB PA'I PHYOGS CHOS MA YIN PAR THAL, GRANGS CAN GYIS 'DOD PA'I BLO 'AM CHEN PO DANG SPYI GTZO BO'I STENG DU 'GOD TSUL DANG MTHUN PAR MA GRUB PA'I PHYIR ZER NA MA KHYAB STE, GRANGS CAN GYIS GANG LA BSAMS NAS BLO 'AM CHEN PO DANG, SPYI GTZO BO YOD PAR SGRO BTAGS PA'I GDAGS GZHI'I STENG DU 'GOD TSUL DANG MTHUN PAR GRUB PA'I PHYIR, 'O NA, GRANGS CAN GYIS GANG LA BSAMS NAS SPYI GTZO BO DANG CHEN PO GNYIS YOD PAR SMRAS PA'I GDAGS GZHI GNYIS PO GANG ZHE NA, TSOR BA BDE SDUG BTANG @117B SNYOMS GSUM CHA MNYAM PA'I CHA DE DANG PO, GZUNG RNAM DE GNYIS PA YIN PA'I PHYIR, ,GNYIS PA MA NGES PA'I RTAGS BSHAD PA LA GNYIS, MTSAN NYID DANG, DBYE BA'O, ,DANG PO NI, KHA CIG ,MA NGES PA'I RTAGS KYI MTSAN NYID YOD DE, DE SGRUB KYI PHYOGS CHOS GANG ZHIG ,DE SGRUB KYI SKABS KYI PHYI RGOL GYIS KHYAB 'BREL MA NGES PA'I GTAN TSIGS DE YIN PA'I PHYIR, ZER NA, BYAS PA CHOS CAN, SGRA RTAG PAR SGRUB PA'I MA NGES PA'I RTAGS YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI SKABS KYI PHYI RGOL GYIS DE SGRUB KYI KHYAB 'BREL MA NGES PA'I PHYIR, GZHAN YANG, SGRA MI RTAG PAR SGRUB PA LA BYAS PA RANG DON SKABS KYI RTAGS YANG DAG TU SONG BA'I TSE NA, BYAS PA CHOS CAN, SGRA MI RTAG PAR SGRUB PA'I MA NGES PA'I RTAGS YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI SKABS KYI PHYI RGOL GYIS DE SGRUB KYI KHYAB 'BREL MA NGES PA'I PHYIR TE, DE SGRUB KYI SKABS KYI PHYI RGOL MED PA'I PHYIR, RANG LUGS LA, DE SGRUB KYI MA NGES PA'I RTAGS KYI MTSAN NYID YOD DE, DE SGRUB KYI PHYOGS CHOS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB PA RNAL MAR YANG MA NGES, PHYIN CI LOG TU YANG MA NGES PA DE DE YIN PA'I PHYIR, GNYIS PA LA GNYIS, THUN MONG MA YIN PA'I MA NGES PA'I RTAGS DANG, THUN MONG GI MA NGES PA'I RTAGS SO, ,DANG PO LA GSUM MTSAN NYID, DBYE BA, THUN MONG MA YIN PA'I DON BSHAD PA'O, ,DANG PO NI, KHA CIG ,DE SGRUB KYI THUN MONG MA YIN PA'I MA NGES PA'I RTAGS KYI MTSAN NYID YOD DE, DE SGRUB KYI PHYOGS CHOS GANG ZHIG ,DE SGRUB KYI MTHUN PHYOGS LA YANG MA MTHONG, MI MTHUN PHYOGS LA YANG MA MTHONG BA ZHES ZER, KHA CIG ,DE SGRUB KYI PHYOGS CHOS GANG ZHIG ,DE SGRUB KYI MTHUN PHYOGS DANG MI MTHUN PHYOGS GANG LA YANG TSAD MAS MA MTHONG BA ZHES ZER, KHA CIG ,DE SGRUB KYI PHYOGS CHOS GANG ZHIG ,RANG PHYOGS CHOS CAN DU @118A *, ,SONG BA'I GANG ZAG GI TSAD MAS DE SGRUB KYI MTHUN PHYOGS DANG MI MTHUN PHYOGS GANG LA YANG MA MTHONG BA ZHES ZER, DE RNAMS MI 'THAD DE, MNYAN BYA CHOS CAN, RANG PHYOGS CHOS CAN DU SONG BA'I GANG ZAG GI TSAD MAS KHYOD SGRA MI RTAG PAR SGRUB PA'I MTHUN PHYOGS LA MA MTHONG BAR THAL, DE SGRUB KYI THUN MONG MA YIN PA'I MA NGES PA'I RTAGS YIN PA'I PHYIR, ,'DOD MI NUS TE, RANG PHYOGS CHOS CAN DU SONG BA'I GANG ZAG GI MNGON SUM TSAD MAS KHYOD MI RTAG PA LA MTHONG BA'I PHYIR TE, DE'I RGYUD KYI SGRA 'DZIN MNGON SUM TSAD MAS SGRA MI RTAG PAR MTHONG BA GANG ZHIG ,SGRA MI RTAG PA DANG MNYAN BYA MI RTAG PA GNYIS YUL DUS RANG BZHIN GANG LA LTOS NAS KYANG GRUB BDE RDZAS GCIG YIN PA'I PHYIR, ,DANG PO GRUB STE, DE'I RGYUD KYI SGRA 'DZIN MNGON SUM SGRA LA SGRUB 'JUG YIN PA'I PHYIR, KHYAB STE, RNAM 'GREL LAS, DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, CES GSUNGS PA'I PHYIR, RANG LUGS LA, DE SGRUB KYI THUN MONG MA YIN PA'I MA NGES PA'I RTAGS KYI MTSAN NYID YOD DE, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YANG YOD PAR TSAD MAS MA NGES, MI MTHUN PHYOGS LA YANG YOD PAR TSAD MAS MA NGES PA DE DE YIN PA'I PHYIR, ,GNYIS PA LA GSUM, MTHUN PHYOGS LA MED NAS MA MTHONG ZHING MI MTHUN PHYOGS LA YOD KYANG YOD PA LTAR TSAD MAS MA NGES PA'I MA NGES PA'I RTAGS DANG, MI MTHUN PHYOGS LA MED NAS MA MTHONG ZHING MTHUN PHYOGS LA YOD KYANG YOD PA LTAR TSAD MAS MA NGES PA'I MA NGES PA'I RTAGS DANG, MTHUN PHYOGS DANG MI MTHUN PHYOGS GNYIS KA LA YOD KYANG YOD PA LTAR TSAD MAS MA NGES PA'I MA NGES PA'I RTAGS SO, ,DANG PO NI, SGRA CHOS CAN, RTAG STE, MNYAN BYA YIN PA'I PHYIR ZHES BKOD TSE MNYAN BYA LTA BU'O, ,GNYIS PA NI, SGRA @118B CHOS CAN, MI RTAG STE, MNYAN BYA YIN PA'I PHYIR ZHES BKOD TSE MNYAN BYA LTA BU'O, ,GSUM PA NI, SKYES BU PHA ROL BO CHOS CAN, LHA LAS TSE 'PHOS PA YIN TE, MIG DANG LDAN PA'I PHYIR, ZHES BKOD TSE MIG DANG LDAN PA LTA BU'O, ,KHA CIG ,SNGA MA GSUM PO'I STENG DU MTHUN PHYOGS LA MED NAS MA MTHONG MI MTHUN PHYOGS LA YANG MED NAS MA MTHONG BA'I MA NGES PA'I RTAGS DANG BZHIR BYAS NAS, DPER BRJOD NI, SGRA CHOS CAN, RTAG STE, MNYAN BYA YIN PA'I PHYIR ZHES BKOD TSE MNYAN BYA LTA BU'O, ,DE LTAR YANG PHYOGS CHOS 'KHOR LO LAS, PHYOGS CHOS MTHUN PHYOGS YOD MED DANG, ,RNAM GNYIS RE RE DAG LA YANG, ,RNAM GSUM MI MTHUN PHYOGS LA YANG, ,YOD MED RNAM PA GNYIS PHYIR RO, ,ZHES MNYAN BYA DE SGRA RTAG PAR SGRUB PA'I MTHUN PHYOGS LA YANG MED, MI MTHUN PHYOGS LA YANG MED PAR GSUNGS PA'I PHYIR, ZHES ZER, DE MI 'THAD DE, MNYAN BYA CHOS CAN, SGRA RTAG PAR SGRUB PA'I MI MTHUN PHYOGS LA YOD PAR THAL, SGRA MI RTAG PAR SGRUB PA'I MTHUN PHYOGS LA YOD PA'I PHYIR, KHYOD KYANG YIN, SGRA MI RTAG PAR SGRUB PA'I MTHUN PHYOGS KYANG YIN PA'I GZHI MTHUN PA YOD PA'I PHYIR, DES NA LUNG DES MNYAN BYA SGRA RTAG PAR SGRUB PA'I MI MTHUN PHYOGS LA MED PAR BSHAD PA NI, RANG PHYOGS CHOS CAN DU SONG BA'I GANG ZAG GIS MNYAN BYA DE SGRUB KYI MI MTHUN PHYOGS LA YOD PAR TSAD MAS MA NGES PA TZAM LA DGONGS NAS GSUNGS PA'I PHYIR, ,GSUM PA THUN MONG MA YIN PA'I DON BSHAD PA NI, MNYAN BYA CHOS CAN, KHYOD LA SGRA MI RTAG PAR SGRUB PA'I THUN MONG MA YIN PA'I MA NGES PA'I RTAGS ZHES BRJOD PA'I RGYU MTSAN YOD DE, KHYOD SGRA MI RTAG PAR SGRUB PA'I PHYOGS CHOS CAN DU SONG BA'I GANG ZAG GIS DE SGRUB KYI RTZOD GZHI DANG MTHUN PHYOGS DANG MI MTHUN PHYOGS RNAMS KYI NANG NAS RTZOD GZHI KHO NA LA YOD PAR NGES KYI, MTHUN PHYOGS LA YANG YOD PAR MA NGES, MI MTHUN PHYOGS LA YANG @119A *, ,YOD PAR MA NGES PA'I RTAGS YIN PAS DE LTAR BRJOD PA'I PHYIR, GNYIS PA THUN MONG GI MA NGES PA'I RTAGS LA GNYIS, MTSAN NYID DANG, DBYE BA'O, ,DANG PO NI, DE SGRUB KYI THUN MONG GI MA NGES PA'I RTAGS KYI MTSAN NYID YOD DE, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YOD PAR NGES PA 'AM, MI MTHUN PHYOGS LA YOD PAR NGES PA GANG RUNG YIN PA DE DE YIN PA'I PHYIR, DE LA DBYE NA GNYIS YOD DE, DNGOS KYI MA NGES PA'I RTAGS DANG, LHAG LDAN MA NGES PA'I RTAGS GNYIS YOD PA'I PHYIR, DANG PO LA GNYIS, MTSAN NYID DANG DBYE BA'O, ,DANG PO NI, DE SGRUB KYI DNGOS KYI MA NGES PA'I RTAGS KYI MTSAN NYID YOD DE, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YANG YOD PAR NGES, MI MTHUN PHYOGS LA YANG YOD PAR NGES PA DE DE YIN PA'I PHYIR, GNYIS PA DE LA DBYE NA BZHI YOD DE, MTHUN PHYOGS DANG MI MTHUN PHYOGS GNYIS KA LA KHYAB BYED DU 'JUG PA DANG, MTHUN PHYOGS DANG MI MTHUN PHYOGS GNYIS KA LA CHA GNYIS SU 'JUG PA DANG, MTHUN PHYOGS LA KHYAB BYED DANG MI MTHUN PHYOGS LA CHA GNYIS SU 'JUG PA DANG, MI MTHUN PHYOGS LA KHYAB BYED DANG MTHUN PHYOGS LA CHA GNYIS SU 'JUG PA'I DNGOS KYI MA NGES PA'I RTAGS TE BZHI YOD PA'I PHYIR, ,DANG PO NI, DPER NA, SGRA CHOS CAN, RTAG STE, GZHAL BYA YIN PA'I PHYIR, ZHES BKOD TSE GZHAL BYA LTA BU'O, ,GNYIS PA NI, SGRA CHOS CAN, RTAG STE, REG BYA CAN MA YIN PA'I PHYIR, ZHES BKOD TSE REG BYA CAN MA YIN PA LTA BU'O, ,'DI'I DON LA REG BYA CAN MA YIN PA DE DE SGRUB KYI MTHUN PHYOGS LA CHA GNYIS SU 'JUG PA MA YIN TE, RTAG PA YIN NA REG BYA MA YIN DGOS PA'I PHYIR, ,'O NA, GANG GI DBANG DU BYAS NAS MTHUN PHYOGS @119B LA CHA GNYIS SU 'JUG PAR BZHAG CE NA, BYE BRAG PA'I BLO DANG BSTUN NAS BZHAG PA YIN TE, BYE BRAG PAS RTAG PA YIN LA REG BYA CAN YIN PA DANG, RTAG PA YIN LA REG BYA CAN MA YIN PA'ANG 'DOD PA'I PHYIR, ,DANG PO GRUB STE, BYE BRAG BAS 'BYUNG BZHI'I RDUL PHRAN DE RTAG PA DANG REG BYA CAN DU 'DOD PA'I PHYIR, GNYIS PA GRUB STE, BYE BRAG PAS NAM MKHA' RTAG PA DANG REG BYA CAN MA YIN PA'I GZHI MTHUN DU 'DOD PA'I PHYIR, 'DI'I DPER BRJOD LA KHA CIG ,SGRA CHOS CAN, RTAG STE, LUS CAN MA YIN PA'I PHYIR ZHES 'GOD LA, RTAGS 'DI MTHUN PHYOGS LA CHA GNYIS SU 'JUG PA'I DON NI, BYE BRAG PAS RTAG PA YIN LA LUS CAN YIN PA'ANG 'DOD RTAG PA YIN LA LUS CAN MA YIN PA'ANG 'DOD PA'I DBANG DU BYAS PA YIN NO, ,DANG PO GRUB STE, BYE BRAG PAS 'BYUNG BZHI'I RDUL PHRAN RTAG PA DANG LUS CAN DU 'DOD PA'I PHYIR ZHES ZER, DE MI 'THAD PAR THAL, BYE BRAG PA'I LUGS LA, 'BYUNG BZHI'I RDUL PHRAN RDZAS DANG, LUS CAN YON TAN DU 'DOD CING, RDZAS YIN NA YON TAN MA YIN PAS KHYAB PAR 'DOD PA'I PHYIR, GSUM PA NI, DPER NA, DUNG SGRA CHOS CAN, RTZOL BA LAS BYUNG STE, MI RTAG PA YIN PA'I PHYIR, ZHES PA LTA BU'O, ,BZHI BA NI, DPER NA, DUNG SGRA CHOS CAN, RTZOL BA LAS MA BYUNG STE, MI RTAG PA YIN PA'I PHYIR ZHES PA LTA BU'O, ,GNYIS PA LHAG LDAN MA NGES PA'I RTAGS LA GNYIS, YANG DAG LHAG LDAN DANG, 'GAL BA LHAG LDAN NO, ,DANG PO NI, DE SGRUB KYI YANG DAG LHAG LDAN MA NGES PA'I RTAGS KYI MTSAN NYID YOD DE, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YOD PAR NGES SHING, MI MTHUN PHYOGS LA MA MTHONG YANG MI MTHUN PHYOGS LAS LDOG PA LA THE TSOM DANG BCAS PA DE DE YIN PA'I PHYIR, DPEER NA, NGAG SMRA'I SKYES BU PHA ROL BO 'DI CHOS CAN, 'DOD CHAGS DANG BCAS PA YIN TE, NGAG @120A *, ,SMRA BA'I PHYIR, ZHES PA LTA BU'O, ,GNYIS PA DE SGRUB KYI 'GAL BA LHAG LDAN GYI MA NGES PA'I RTAGS KYI MTSAN NYID YOD DE, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MI MTHUN PHYOGS LA YOD PAR NGES SHING, MTHUN PHYOGS LA MA MTHONG YANG MTHUN PHYOGS LAS LDOG PA LA THE TSOM DANG BCAS PA DE DE YIN PA'I PHYIR, ,DPER NA, NGAG SMRA'I SKYES BU PHA ROL BO 'DI CHOS CAN, 'DOD CHAGS DANG BRAL BA YIN TE, NGAG SMRA BA'I PHYIR, ZHES PA LTA BU'O, KHA CIG ,LHAG LDAN MA NGES PA'I RTAGS MA NGES PA'I RTAGS KYI DBYE BA MA YIN TE, LHAG LDAN NI KHYAB PA LA THE TSOM GYI LHAG MA DANG BCAS SHING, MTHUN PHYOGS KHO NA LA YOD PAR NGES PA DANG MI MTHUN PHYOGS LA MED PAR NGES PA GANG DU YANG MA NGES PA LA BRJOD PAS, LHAG LDAN GYI RTAGS DANG MA NGES PA'I RTAGS MING GI RNAM GRANGS YIN NO, ,DE SGRUB KYI LHAG LDAN MA NGES PA'I RTAGS YIN NA, RANG PHYOGS CHOS CAN DU SONG BA'I GANG ZAG LA DE SGRUB KYI KHYAB 'BREL LA THE TSOM SKYED BYED KYI RGYU YIN PAS KHYAB STE, RNAM 'GREL LAS, GANG ZHIG MA MTHONG BA TZAM GYIS, ,LDOG PA RAB TU STON BYED PA, ,DE NI THE TSOM RGYU YIN PHYIR, ,DE LA LHAG MA LDAN ZHES BRJOD, CES GSUNGS PA'I PHYIR, ZHES ZER, 'O NA, GZHAL BYA CHOS CAN, RANG PHYOGS CHOS CAN DU SONG BA'I GANG ZAG LA NGAG SMRA'I SKYES BU PHA ROL BO CHAGS BRAL DU SGRUB PA'I KHYAB 'BREL LA THE TSOM SKYED BYED KYI RGYU YIN PAR THAL, DE SGRUB KYI LHAG LDAN MA NGES PA'I GTAN TSIGS YIN PA'I PHYIR, KHYAB PA KHAS, 'DOD MI NUS TE, RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL MED PAR NGES PA'I PHYIR TE, RANG PHYOGS CHOS CAN DU SONG BA'I GANG ZAG GIS KHYOD KYANG YIN, DE SGRUB KYI MTHUN PHYOGS KYANG YIN PA'I GZHI MTHUN TSAD MAS NGES PA'I PHYIR, KHA CIG ,LHAG LDAN GYI GTAN TSIGS YIN NA, @120B RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL LA THE TSOM GYI LHAG MA DANG BCAS PAS KHYAB ZER NA, DE MI 'THAD PAR THAL, NGAG SMRA BA DE NGAG SMRA'I SKYES BU PHA ROL BO KUN MKHYEN DU SGRUB PA'I LHAG LDAN GYI RTAGS YIN KYANG RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL MED PAR NGES PA'I PHYIR, ,RANG LUGS LA, SNGAR GYI LUNG GI DON YOD DE, DE SGRUB KYI YANG DAG LHAG LDAN GYI MA NGES PA'I GTAN TSIGS YIN NA RANG PHYOGS CHOS CAN DU SONG BA'I GANG ZAG GIS DE SGRUB KYI MI MTHUN PHYOGS LAS LDOG PA LA THE TSOM GYI LHAG MA DANG BCAS PA DANG, DE SGRUB KYI 'GAL BA LHAG LDAN GYI MA NGES PA'I GTAN TSIGS YIN NA RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LAS LDOG PA LA THE TSOM GYI LHAG MA DANG BCAS PAS KHYAB PA LUNG DE'I DON YIN PA'I PHYIR, ,GZHUNG DON NI, DPYOD PA NA RE, RGYU KHA YAR BAS 'BRAS BU DPOG NUS TE, LUS RGYAS PA DBANG BO DVANGS PA BLO GSAL BA TZAM LAS 'DOD CHAGS SKYE BAR MTHONG NGO, ,DE DAG LAS 'DOD CHAGS RJES SU DPOG GO ZHES ZER, DE LTA BU'I RGYU KHA YAR BAS 'BRAS BU SKYE RUNG DPOG PA LHAG LDAN DU STON PA LA, RNAM 'GREL LAS, RGYU MA TSOGS PAS 'BRAS BU NI, ,RJES SU DPOG PA GANG YIN DE, ,LHAG MA DANG LDAN NUS MED PHYIR, ,LUS LAS 'DOD CHAGS RJES DPOG BZHIN, ZHES GSUNGS, DON NI, LHAN CIG BYED PA'I RGYU MA TSOGS PAR 'BRAS BU MYU GU RJES SU DPOG PAR 'DOD PA GANG YIN PA CHU LUD DANG BRAL BA'I NAS DE CHOS CAN, RANG PHYOGS CHOS CAN DU GRUB PA'I GZHIR NAS KYI MYU GU SKYE RUNG DPOG PA'I RTAGS YANG DAG MA YIN PAR THAL, DE SGRUB KYI LHAG LDAN GYI GTAN TSIGS YIN PA'I PHYIR DANG, KHYOD NUS PA 'GYUR NAS KYANG NAS KYI MYU GU BSKYED PA'I NUS PA MED PA'I PHYIR, NAS KYIS RANG 'BRAS NAS MYUG SKYED NGES YIN YANG @121A *, ,LHAN CIG BYED RKYEN DANG BRAL BAS NAM YANG SKYED PA MI SRID DO, ,DPER NA, SKYES BU'I LUS DANG DBANG BO DANG BLO CHOS CAN, KHYOD CHAGS BRAL LA MA MTHONG DU CHUG KYANG, RANG PHYOGS KYI CHOS SU GRUB PA'I GZHIR 'DOD CHAGS RJES SU DPOG PA'I RTAGS YANG DAG MA YIN PAR THAL, KHYOD CHAGS BRAL LA SRID PA GANG ZHIG ,KHYOD LAS 'DOD CHAGS SKYE BAR MTHONG YANG, TSUL BZHIN MA YIN PA'I YID BYED MED PAR SKYE MI SRID PA'I PHYIR, DES NA DE DE SGRUB KYI LHAG LDAN MA NGES PA'I GTAN TSIGS YIN PA BZHIN NO, ,'BRAS BU'I SPYIS RGYU'I KHYAD PAR DPOG PA LHAG LDAN DU STON PA LA, RNAM 'GREL LAS, MI MTHUN PHYOGS LA MA MTHONG BA, ,TZAM GYIS 'BRAS SPYI MTHONG BA LAS, ,GTAN TSIGS SHES PA TSAD LTAR SNANG, ,TSIG LAS CHAGS CAN LA SOGS BZHIN, ZHES GSUNGS, GONG DU DU BA DU LDAN LA LA ME YOD PAR SGRUB PA'I 'BRAS RTAGS YANG DAG TU KHAS BLANGS PA LA, KHO NA RE, DE SGRUB KYI 'BRAS RTAGS YANG DAG YIN PA BZHIN DU DU BA DU LDAN LA LA TZAN DAN GYI ME YOD PAR SGRUB PA'I 'BRAS RTAGS YANG DAG YIN ZHES ZER, 'BRAS BU'I SPYI DU BA CHOS CAN, KHYOD DU LDAN LA'I STENG DU 'GOD TSUL DANG MTHUN PAR MTHONG BA LAS DE SGRUB GYI PHYOGS CHOS GRUB CING, KHYOD DU LDAN LA LA TZAN DAN GYI ME YOD PAR SGRUB PA'I MI MTHUN PHYOGS LA SKABS KYI PHYI RGOL GYIS MA MTHONG PA TZAM GYIS DE SGRUB KYI LDOG KHYAB GRUB PA'I DE SGRUB KYI GTAN TSIGS YANG DAG TU SHES SHING 'DOD PA DE MA YIN PAR THAL, KHYOD DE SGRUB KYI TSAD MA STE GTAN TSIGS LTAR SNANG YIN PA'I PHYIR, DPER NA, TSIG SMRA'I RTAGS LAS TSIG SMRA'I LHAS BYIN CHAGS CAN DU DPOG PA'I KHYAB PA 'KHRUL BA BZHIN NO, ,DPE'I GTAN TSIGS GNYIS PO DE LHAG LDAN DU SGRUB PA LA, RNAM 'GREL LAS, MI MTHUN PHYOGS LA MA MTHONG BA, ,TZAM GYIS 'KHRUL BA MED PA MIN, ,'KHRUL BA SRID PA CAN NYID PHYIR, ,PHRU BA'I 'BRAS NI TSOS PA BZHIN @121B ZHES GSUNGS, DON NI, NGAG SMRA BA DE NGAG SMRA'I LHAS BYIN CHAGS CAN DU SGRUB PA'I LDOG KHYAB MIN BYAS PA LA, KHO NA RE, DE DE SGRUB KYI LDOG KHYAB YIN PAR THAL, DE DE SGRUB KYI MI MTHUN PHYOGS LA SKABS KYI PHYI RGOL GYIS MA MTHONG BA TZAM YIN PA'I PHYIR ZER NA, NGAG SMRA CHOS CAN, KHYOD DE SGRUB KYI MI MTHUN PHYOGS LA SKABS KYI PHYI RGOL GYIS MA MTHONG PA TZAM GYIS KHYOD KYI RTAGS KYIS DE SGRUB KYI LDOG KHYAB 'KHRUL BA MED PA MA YIN PAR THAL, KHYOD DE SGRUB KYI LDOG KHYAB 'KHRUL BA SRID PA CAN YIN PA'I PHYIR, DPER NA TSOS PA'I 'BRAS DANG PHRU BA GCIG GI NANG DU CHUD PAR MTSUNGS PA'I RTAGS KYIS MA TSOS PA'I 'BRAS LHAG MA RNAMS NI TSOS PAR SGRUB PA'I KHYAB PA 'KHRUL BA BZHIN NO, ,NGAG SMRA BA DE NGAG SMRA'I LHAS BYIN CHAGS CAN DU SGRUB PA'I LHAG LDAN GYI GTAN TSIGS SU KHAS BLANGS PA LA, DE SGRUB KYI LHAG LDAN GYI GTAN TSIGS YIN PA'I RGYU MTSAN CI YIN, LHAG LDAN GYI GTAN TSIGS KYI MTSAN NYID GANG ZHE NA, DE STON PA LA, RNAM 'GREL LAS, GANG ZHIG MA MTHONG BA TZAM GYIS, ,LDOG PA RAB TU STON BYED PA, ,DE NI THE TSOM RGYU YIN PHYIR, ,DE LA LHAG MA LDAN ZHES BRJOD, CES GSUNGS, DON NI, RIGS PA CAN PA NA RE, RGYU LAS 'BRAS BU DPOG PA NI SNGA MA DANG LDAN PA'I LHAG LDAN GYI GTAN TSIGS YIN TE, RGYU DE NI 'BRAS BU'I SNGA ROL NA YOD PA'I PHYIR, 'BRAS BU LAS RGYU DPOG PA NI PHYI MA DANG LDAN PA'I LHAG LDAN GYI GTAN TSIGS YIN TE, 'BRAS BU DE NI RGYU'I LHAG MA YIN PA'I PHYIR, ZHES ZER, DE LTA BU'I RIGS PA CAN GYI 'DOD PA BKAG NAS, RANG LUGS KYI LHAG LDAN GYI GTAN TSIGS KYI NGO BO STON PA LA GZHUNG 'DI GSUNGS, DE YANG RTAGS GANG ZHIG CHAGS BRAL BSKAL DON DU SONG BA'I GANG ZAG GI NGOR NGAG SMRA'I LHAS BYIN CHAGS CAN DU SGRUB PA'I MI MTHUN PHYOGS LA SKABS KYI PHYI RGOL GYIS MA MTHONG BA TZAM GYIS DE SGRUB KYI LDOG PA'I KHYAB PA RAB TU @122A *, ,GRUB PO ZHES STON PAR BYED PA'I RTAGS NGAG SMRA BA DE NI CHOS CAN, KHYOD LA CHAGS BRAL BA BSKAL DON DU SONG BA'I GANG ZAG GI NGOR NGAG SMRA BA'I LHAS BYIN CHAGS CAN DU SGRUB PA'I LHAG MA DANG LDAN PA'I GTAN TSIGS SU BRJOD DE, DE SGRUB KYI THUN MONG BA'I MA NGES PA'I RTAGS GANG ZHIG ,KHYOD DE SGRUB KYIS PHYOGS CHOS CAN DU SONG BA'I GANG ZAG DES, KHYOD DE SGRUB KYI MTHUN PHYOGS LA YOD PAR TSAD MAS DES SHING, KHYOD DE SGRUB KYI MI MTHUN PHYOGS LAS LDOG PA LA THE TSOM GYI RGYU DANG BCAS PA YIN PA'I PHYIR, ,GSUM PA MA GRUB PA'I RTAGS LA GNYIS, MTSAN NYID DANG, DBYE BA'O, ,DANG PO NI, DE SGRUB KYI MA GRUB PA'I RTAGS KYI MTSAN NYID YOD DE, DE SGRUB KYI RTAGS SU BKOD PA GANG ZHIG ,DE SGRUB KYI PHYOGS CHOS MA GRUB PA, GNYIS PA LA GSUM, DON LA LTOS NAS MA GRUB PA DANG, BLO LA LTOS NAS MA GRUB PA DANG, RGOL BA LA LTOS NAS MA GRUB PA'O, ,DANG PO LA GNYIS, GZHI MA GRUB NAS MA GRUB PA DANG, THA DAD MED NAS MA GRUB PA'O, ,DANG PO LA LNGA, CHOS CAN GYI NGO BO MED NAS MA GRUB PA DANG, RTAGS KYI NGO BO MED NAS MA GRUB PA DANG, GZHI RTAGS GNYIS KA MED NAS MA GRUB PA DANG, CHOS CAN GYI PHYOGS GCIG LA RTAGS MED NAS MA GRUB PA DANG, RTAGS KYI PHYOGS GCIG CHOS CAN LA MED NAS MA GRUB PA'O, ,DANG PO NI, GANG ZAG GI BDAG CHOS CAN, MI RTAG STE, BYAS PA'I PHYIR, ZHES PA LTA BU'O, ,GNYIS PA NI, SKYES BU 'DI CHOS CAN, SDUG BSNGAL BA YIN TE, RI BONG RVAS PHUG PA'I PHYIR, ZHES PA LTA BU'O, ,GSUM PA NI, GANG ZAG GI BDAG CHOS CAN, THAMS CAD LA KHYAB PA YIN TE, GANG ZAG GIS BDE SDUG KUN LA DMIGS PA'I PHYIR, ZHES PA LTA BU'O, ,'O NA, CHOS CAN GYI NGO BO GZHI MA GRUB PAS GTAN TSIGS MA GRUB PA'I RTAGS SU 'GYUR NA GZHI MA GRUB PA CHOS CAN DU BZUNG BA'I RTAGS YANG DAG YOD PAR BSHAD PA DANG 'GAL LO ZHE NA SKYON MED DE, @122B GZHI MA GRUB PA CHOS CAN DU BZUNG BA'I RTAGS YANG DAG YOD PAR SNGAR BSHAD ZIN LA, GZHI MA GRUB PA CHOS CAN DU BZUNG BA'I TSE RTAGS SU BZUNG BA DE YIN NA GZHI GRUB DGOS NA, CHOS CAN GYI NGO BO MA GRUB NAS PHYOGS CHOS MA GRUB PAR 'GYUR BA'I PHYIR, BZHI BA NI, SHING CHOS CAN, SEMS LDAN YIN TE, MTSAN MO LO MA 'KHUMS TE NYAL BA'I PHYIR ZHES PA LTA BU'O, ,'O NA, SGRA MI RTAG PAR SGRUB PA'I TSUL GSUM CHOS CAN, KHYOD BYAS PA SGRA MI RTAG PAR SGRUB PA'I RTAGS YANG DAG TU SGRUB PA'I PHYOGS CHOS MA YIN PAR THAL, KHYOD BYAS PA'I PHYOGS GCIG LA MA GRUB PA'I PHYIR, ZHE NA, SKYON MED DE, CHOS CAN GYI PHYOGS GCIG LA MED NAS MA GRUB PA'I RTAGS KHAS BLANGS GYI, CHOS CAN GYI PHYOGS GCIG LA MED NA PHYOGS CHOS MA GRUB PAS KHYAB PA KHAS MA BLANGS PA'I PHYIR, LNGA BA NI, ZLA BA GNYIS SNANG GI DBANG SHES CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR RO, ,ZHES PA LTA BU'O, ,GNYIS PA THA DAD MED NAS MA GRUB PA'I GTAN TSIGS LA GSUM, RTAGS CHOS THA DAD MED NAS MA GRUB PA DANG, GZHI RTAGS THA DAD MED NAS MA GRUB PA DANG, GZHI CHOS THA DAD MED NAS MA GRUB PA'O, ,DPER BRJOD RIM BZHIN, SGRA CHOS CAN, MI RTAG STE, MI RTAG PA YIN PA'I PHYIR, SGRA CHOS CAN, MI RTAG STE, SGRA YIN PA'I PHYIR, MI RTAG PA CHOS CAN MI RTAG STE, BYAS PA'I PHYIR ZHES PA LTA BU'O, ,GSUM PO 'DI PHYOGS CHOS MA GRUB PA'I RTAGS MA YIN PAR THAL, RTAGS CHOS CAN GYI STENG DU 'GOD TSUL DANG MTHUN PAR GRUB PA'I PHYIR ZHE NA, SKYON MED DE, PHYOGS CHOS YIN NA RTAGS NGES NAS BSGRUB BYA LA THE TSOM ZA BA DANG, RTAGS DANG CHOS CAN KHYAD GZHI KHYAD CHOS KYI TSUL DU BLO YUL DU 'CHAR BA DANG, CHOS CAN DE'I STENG DU BSGRUB BYA'I CHOS LA THE TSOM DANG LDAN PA DGOS LA, GSUM PO 'DI LA DE DAG RIM PA BZHIN MA TSANG BA'I PHYIR, KHA CIG ,GSUM PO @123A *, ,'DI DON LA LTOS NAS MA GRUB PA'I RTAGS KYI DBYE BAR BYED PA MI 'THAD PAR THAL, 'DI DAG CHOS CAN GYI STENG DU 'GOD TSUL DANG MTHUN PAR GRUB PA'I PHYIR, DES NA GSUM PO 'DI SHES 'DOD LA LTOS NAS MA GRUB PA'I RTAGS YIN NO, ZHE NA, DE MI 'THAD PAR THAL, SGRA SGRA YIN PAR NGES NAS SGRA RTAG MI RTAG SHES 'DOD DANG LDAN PA'I GANG ZAG YOD PA'I PHYIR, GNYIS PA BLO LA LTOS NAS MA GRUB PA'I RTAGS LA BZHI, SHES 'DOD MED NAS MA GRUB PA DANG, CHOS CAN GYI NGO BO LA THE TSOM ZOS NAS MA GRUB PA DANG, RTAGS KYI NGO BO LA THE TSOM ZOS NAS MA GRUB PA DANG, GZHI RTAGS KYI 'BREL BA LA THE TSOM ZOS NAS MA GRUB PA'O, ,DANG PO NI, SGRA MI RTAG PAR GRUB ZIN MA BRJED PA'I GANG ZAG GI NGOR, SGRA CHOS CAN, MI RTAG STE, BYAS PA YIN PA'I PHYIR, ZHES BKOD TSE BYAS PA LTA BU'O, ,GNYIS PA NI, BSKAL DON SHA ZA'I BUM PA CHOS CAN, MI RTAG STE, BYAS PA'I PHYIR, ZHES PA LTA BU'O, ,GSUM PA NI, SNGA RGOL 'GOD PA BOS DU BA DANG RLANGS PA GANG DU YANG MA NGES BZHIN DU SKYA RDZAS DANG LDAN PA'I LA LA CHOS CAN, ME YOD DE, DU BA YOD PA'I PHYIR, ZHES BKOD TSE DU BA LTA BU'O, ,BZHI BA NI, SNGA RGOL 'GOD PA BOS, RMA BYA'I SGRA GANG NA GRAGS MA NGES BZHIN DU RI SUL GSUM GYI DBUS MA NA CHOS CAN, RMA BYA YOD DE, RMA BYA'I SGRA GRAGS PA'I PHYIR, ZHES BKOD TSE RMA BYA'I SGRA GRAGS PA LTA BU'O, ,GSUM PA RGOL BA LA LTOS NAS MA GRUB PA LA GSUM, SNGA RGOL LA LTOS NAS MA GRUB PA DANG, PHYI RGOL LA LTOS NAS MA GRUB PA DANG, RGOL PHYI RGOL GNYIS KA LA LTOS NAS MA GRUB PA'O, ,DANG PO NI, DPER NA, GRANGS CAN GYI BLO BDE SKYE 'JIG CAN DU TSAD MAS MA NGES SHING PHYI RGOL SANGS RGYAS PA'I LUNG LAS BLO BDE SKYE 'JIG CAN DU BSHAD PA THOS NAS PHYI RGOL SANGS RGYAS PA LA BLO BDE SEMS MED DU SGRUB PA'I PHYIR, BLO BDE CHOS CAN, SEMS MED YIN TE, SKYE 'JIG CAN YIN PA'I PHYIR ZHES BKOD @123B PA LTA BU'O, ,'DI SNGA RGOL GRANGS CAN LA LTOS NAS MA GRUB PA YIN TE, GRANGS CAN GYIS SNGAR YOD RKYEN GYIS GSAL BAR BYAS PA'I SKYE BA DANG, MNGON PAR MI GSAL BA LA 'JIG PAR 'DOD PA MA GTOGS, SNGAR MED GSAR DU SKYE BA DANG SKAD CIG GIS 'JIG PA BLO BDE'I STENG DU TSAD MAS MA GRUB PA'I PHYIR, GNYIS PA NI, DPER NA, GCER BU BAS SANGS RGYAS PA'I NGOR, SHING CHOS CAN, SEMS LDAN YIN TE, SHUN PA BSHUS NA 'CHI BA'I PHYIR, ZHES PA LTA BU'O, 'DI PHYI RGOL LA SANGS RGYAS PA LA LTOS NAS MA GRUB PA YIN TE, SROG 'GAG PA 'CHI BA'I DON YIN PA GANG ZHIG ,SANGS RGYAS PAS SHING LA 'CHI BA'I DON SROG DANG RNAM SHES 'GAG PA GANG YANG MA GRUB PA'I PHYIR, ,RTAGS GNYIS PO 'DI YANG SO SOR BSHAD PA TZAM YIN GYIS, RGOL PHYI RGOL GNYIS KA LA LTOS NAS MA GRUB PA YIN NO, ,SNGA MA PHYI RGOL LA LTOS NAS MA GRUB PA YIN TE, PHYI RGOL GYI NGOR PHYOGS CHOS YIN NA PHYI RGOL BSGRUB BYA LA THE TSOM DANG LDAN PA DGOS LA SANGS RGYAS PAS BLO BDE SEMS YOD DU TSAD MA'I STOBS KYIS NGES PA'I PHYIR RO, ,GNYIS PA 'DI SNGA RGOL GCER BU BA LA LTOS NAS MA GRUB PA YIN TE, GCER BU BAS SHING GI STENG DU 'CHI BA DANG 'CHI BA'I DON GANG YANG TSAD MAS MA GRUB PA'I PHYIR, GAL TE 'DI SNGA RGOL LA LTOS NAS MA GRUB PA MA YIN TE, GCER BU BAS SHING SHUN PA BSHUS NA 'CHI BA'I DON SHUN PA BSHUS NA SKAM PA TZAM LA 'DOD PA GANG ZHIG ,GCER BU BAS SHING SHUN PA BSHUS NA SKAM PAR 'DOD PA'I PHYIR ZHE NA, 'O NA, RTAGS DANG PO DE YANG SNGA RGOL LA LTOS NAS MA GRUB PA MA YIN PAR THAL, GRANGS CAN GYIS SNGAR YOD GSAL BA LA SKYE BA DANG MI GSAL BA LA 'JIG PA'I DON DU 'DOD PA GANG ZHIG ,GRANGS CAN GYIS BLO BDE'I STENG DU DE 'DOD PA'I PHYIR, KHYAB PA 'GRIGS, GSUM PA NI, DPER NA, SGRA CHOS CAN, MI RTAG STE, MIG SHES KYI BZUNG BYA YIN PA'I PHYIR, ZHES PA LTA BU'O, @124A *, ,DE LTAR NA RTAGS LA RTAGS YANG DAG DANG 'GAL MA NGES MA GRUB PA'I RTAGS BZHIR GRANGS NGES TE, SPYIR RTAGS SU BKOD PA LA PHYOGS CHOS GRUB MA GRUB GNYIS SU NGES LA, GRUB PA LA KHYAB PA RNAL MAR NGES MA NGES GNYIS SU NGES LA KHYAB PA RNAL MAR MA NGES PA LA KHYAB PA PHYIN CI LOG TU NGES PA DANG MA NGES PA GNYIS SU NGES PA'I PHYIR RO, , ,GNYIS PA GZHAN DON RJES DPAG BSHAD PA LA GSUM, GZHAN DON RJES DPAG DNGOS, SHUGS BSTAN BSGRUB BYA'I RANG BZHIN, DNGOS BSTAN GTAN TSIGS KYI RAB DBYE BSHAD PA'O, ,DANG PO LA GNYIS, GZHUNG DON DANG, MTHA' DPYAD PA'O, ,DANG PO LA GNYIS, TSAD MA MDO LAS JI LTAR GSUNGS PA'I TSUL, DE'I YI DON BSTAN BCES 'DIR 'GREL TSUL LO, ,DANG PO NI, MDO LAS, GANG CUNG ZAD SKYE BA'I BDAG NYID CAN DE THAMS CAD NI BGAG PA'I CHOS CAN NO, ZHES SGRA MI RTAG PAR SGRUB PA'I SGRUB NGAG GI RNAM BZHAG GSUNGS LA, DE'I DON 'GREL BA LA, TSAD MA MDO LAS, GZHAN DON RJES SU DPAG PA NI, ,RANG GIS MTHONG DON RAB GSAL BYED, CES GSUNGS, DE YANG, GZHAN DON RJES SU DPAG PA NI, ZHES PAS GZHAN DON RJES DPAG MTSON BYAR BSTAN LA, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO, ZHES PA'I SGRUB NGAG CHOS CAN, KHYOD LA GZHAN DON RJES DPAG CES BRJOD PA'I RGYU MTSAN YOD DE, RANG 'GOD PA BO'I SNGA RGOL YANG DAG LAS GZHAN RANG NYID 'GOD PA SKABS SU BAB PA'I PHYI RGOL YANG DAG GI RGYUD LA BYAS PA'I RTAGS KYIS SGRA MI RTAG PAR SGRUB PA'I TSUL GSUM DRAN PA'I DRAN SHES DANG SGRA MI RTAG PAR RTOGS PA'I RJES DPAG SKYED PA'I PHYIR BKOD PA'I NGAG YIN PAS DE LTAR BRJOD PA'I PHYIR, SGRUB NGAG DE LA RJES DPAG GI MING GIS BTAGS PA'I RGYU MTSAN YOD DE, RANG 'BRAS RJES DPAG GI RGYU YIN PA'I RGYU MTSAN @124B KYIS DE LTAR BRJOD PA'I PHYIR, DE LTAR BTAGS PA LA DGOS PA YOD DE, DE LA BRTEN NAS RANG 'BRAS RJES DPAG SKYE BAR SHES PA DANG, SGOM BYUNG GI SHES RAB SKYE BA LA BSAM BYUNG DANG THOS BYUNG GI SHES RAB SNGON DU 'GRO DGOS PAR SHES PA'I CHED YIN PA'I PHYIR, DNGOS LA GNOD BYED YOD DE, RIG PA MA YIN PA'I PHYIR, GZHAN DON RJES SU DPAG PA NI, ZHES NI SGRA SMRAS PA LA DGOS PA YOD DE, RANG DON RJES DPAG NI RJES DPAG DNGOS DANG GZHAN DON RJES DPAG NI RJES DPAG BTAGS PA BA YIN NO, , ZHES DNGOS BTAGS KYI SHAN DBYE BAR BYA BA'I CHED YIN PA'I PHYIR, GZHAN DON RJES DPAG CES PA'I TSIG ZUR GYI GZHAN DE SGRUB NGAG 'GOD PA SKABS SU BAB PA'I PHYI RGOL LA MED PA YIN NO, ,RANG GIS MTHONG DON RAB GSAL BYED, CES PAS GZHAN DON RJES DPAG GI MTSAN NYID BSTAN, DE YANG RANG GIS MTHONG BA ZHES PAS, GZHAN DON RJES DPAG YIN NA BLO SKYON DANG BRAL BA ZHIG DGOS TE, DE YIN NA RANG GI BSTAN BYAR GYUR PA'I TSUL GSUM DANG 'GOD PA BO'I SNGA RGOL GYIS TSAD MAS GRUB PA ZHIG DGOS PA'I PHYIR ZHES BSTAN, DER MA ZAD SGRUB NGAG GI RGYU'I KHYAD PAR BSTAN TE, SGRUB NGAG GZHAN LA 'DOMS PA'I RGYU TSUL GSUM SNGA RGOL KYI TSAD MAS MTHONG BA BSTAN PA'I PHYIR, DON ZHES PAS, DE YIN NA DON SKYON DANG BRAL BA ZHIG DGOS TE, DE YIN NA RANG GI BSTAN BYAR 'GYUR BA'I TSUL GSUM DON LA GRUB PA DGOS PA'I PHYIR ZHES BSTAN, RAB GSAL BYED CES PAS, DE YIN NA SGRA SKYON DANG BRAL BA ZHIG DGOS TE, DE YIN NA CHAD LHAG NOR GSUM GYI SKYON DANG BRAL BA'I NGAG YAN LAG GNYIS LDAN ZHIG DGOS PA'I PHYIR ZHES BSTAN, DER MA ZAD SGRUB NGAG GI BYED LAS KYI KHYAD PAR BSTAN TE, SGRUB PA'I NGAG DE NYID KYIS TSUL GSUM GZHAN LA GSAL BAR BYED PA'I BYED LAS BSTAN PA'I PHYIR, RANG GIS ME THONG BA ZHES PA'I RANG 'DI GANG LA BYED CE NA, RGYAN MKHAN PO'I RJES 'BRANG KHA @125A *, ,CIG ,RGOL PHYI RGOL DBANG BO GSUM GA LA BYED CES ZER, RANG LUGS NI, RANG DE SGRUB NGAG 'GOD PA BO'I SNGA RGOL LA BYED RIGS TE, SH'AKYA BLO'I 'GREL BAR, BDAG NYID KYIS ZHES BYA BA NI RGOL BA GANG GIS SGRUB PA 'GOD PA BO'I ZHES GSUNGS PA'I PHYIR, RANG GIS MTHONG BA ZHES PA'I MTHONG BA DE YANG SGRA 'DZIN DBANG MNGON GYIS SGRA MI RTAG PA MTHONG BA LTA BU LA MI BYED KYI, SKABS 'DIR BSTAN GYI MTHONG BA DE TSAD MAS RTOGS PA LA BYED RIGS PA'I PHYIR TE, SH'AKYA BLOS, MTHONG BA NI RNAM PAR NGES PA STE, TSAD MAS KHONG DU CHUD PA'O, ,ZHES GSUNGS PA'I PHYIR, DON NI TSUL GSUM PA'I RTAGS ZHIG LA BYED DE, SH'AKYA BLO'I 'GREL BAR, DON NI, TSUL GSUM PA'I GTAN TSIGS YIN NO, ,ZHES GSUNGS PA'I PHYIR, RAB GSAL BYED NI TSUL GSUM STON PAR BYED PA'I RTAGS TSIG RNAM DAG CIG LA BYED DE, MDO RANG 'GREL LAS, TSUL GSUM PA'I RTAGS BRJOD PA NI, GZHAN GYI DON RJES SU DPAG PA STE, ZHES GSUNGS PA'I PHYIR, RANG GIS MTHONG BA BZHES PAS, TSUL GSUM SNGA RGOL GYIS MA GRUB PA GCOD PA YIN GYI PHYI RGOL LA GRUB PA GCOD PA MIN TE, SH'AKYA BLO'I 'GREL BAR, RANG GIS MTHONG BA NYID KYI DON GSAL BAR BYED PA YIN GYI MA MTHONG BA NI MA YIN NO, ,ZHES MI LDAN PA RNAM PAR GCOD PA'I NGES PAR BZUNG BA'I PHYIR, ZHES GSUNGS PA'I PHYIR, RANG GIS MTHONG DON RAB BRJOD BYED, CES MI SMOS PAR RAB GSAL BYED CES SMOS PA'I RGYU MTSAN YOD DE, SBYOR BA SKOR GCIG GI SGRUB NGAG YANG DAG YIN NA, SBYOR BA SKOR GCIG GI TSUL GSUM BRJOD PAS KHYAB KYANG, SBYOR BA SKOR GCIG GI TSUL GSUM DNGOS SU MA BRJOD PA ZHIG DGOS SO, ZHES SHES PAR BYA BA'I CHED YIN PA'I PHYIR, ,RANG GIS MTHONG DON RAB GSAL BYED, CES PA'I TSIG GI GO RIM 'DI LTAR STON PA'I RGYU MTSAN GANG ZHEN, @125B DE YOD DE, SGRUB NGAG YANG DAG DE GDUL BYA GZHAN RJES SU 'DZIN PA'I THABS GYI GTZO BO YIN LA, THABS DE'I SGO NAS GDUL BYA GZHAN RJES SU 'DZIN PA'I TSE, SGRUB NGAG GI BSTAN BYAR GYUR BA'I TSUL GSUM SNGA RGOL RANG NYID KYI TSAD MAS MTHONG BA DGOS PA'I RGYU MTSAN GYIS RANG GIS MTHONG BA ZHES PA'I TSIG SNGAR SMOS, DE LTA BU'I TSUL GSUM DON LA GRUB PA ZHIG DGOS PAS, DE RJES DON ZHES SMOS, DE LTA BU'I TSUL GSUM DON LA GRUB CING SNGA RGOL RANG NYID KYIS GRUB KYANG GZHAN LA 'DOMS PA'I TSE LHAG CHAD NOR GSUM GYI SKYON DANG BRAL BA ZHIG DGOS PA'I RGYU MTSAN GYIS, RAB GSAL BYED CES PA'I TSIG THA MAR SMRAS PA YIN NO, ,DON DE RNAMS KUN BTUS KYI RANG 'GREL LAS GSUNGS PA YANG DON TSAN GSUM STE, RANG LUGS BZHAG PA, GZHAN LUGS DGAG PA, RTZOD PA SPONG BA'O, ,DANG PO LA DON RNAM PA LNGA LAS, DANG PO GZHAN GYI DON 'CHAD PA LA, GZHAN LA TSUL GSUM PA'I RTAGS LAS RTAGS CAN GYI SHES PA BSKYED PAR 'DOD NAS ZHES PA 'DI BYUNG, RJES DPAG GI DON 'CHAD PA LA, RGYU LAS 'BRAS BUR BTAGS PA'I PHYIR ZHES PA 'DI BYUNG, MTHONG DON ZHES PA'I DON 'CHAD PA LA, TSUL GSUM PA'I RTAGS ZHES PA 'DI BYUNG, RAB GSAL BYED CES PA'I DON 'CHAD PA LA, BRJOD PA NI, GZHAN GYI DON GYI RJES SU DPAG PA STE, ZHES PA 'DI BYUNG, GNYIS PA GZHAN LUGS DGAG PA LA, 'DIR TSUL GANG YANG RUNG BA NYID MA BRJOD NA NI MA TSANG BA ZHES BRJOD PA YIN NO ZHES PA 'DI BYUNG, GSUM PA RTZOD PA SPONG BA LA GNYIS, RTZOD PA DANG, LAN NO, ,DANG PO NI, KHO NA RE, SLOB DPON PHYOGS GLANG GIS, PHYOGS CHOS 'BREL BA BSGRUB BYA DAG ,CES SGRA MI RTAG CES PA'I PHYOGS TSIG DE, SGRA MI RTAG PAR SGRUB PA'I SGRUB NGAG GI YAN LAG BCU BSTAN PA MI 'THAD PAR THAL, DE SGRA MI RTAG PAR SGRUB PA'I SGRUB NGAG GI YAN LAG MA YIN PA'I PHYIR, ZHES 'DOD PA BRJOD PAR BYED PA LA, @126A *, ,'ON TE RTOG GE'I BSTAN CHOS RNAMS SU GZHAN GYI DON RJES SU DPAG PA LA, RJES SU DPAG PAR BYA BA STON PA DAM BCA' BAR BRJOD PA GANG YIN PA DE JI LTAR YIN ZHE NA, ZHES GSUNGS, GNYIS PA LA GNYIS, GZHAN LA 'PHANGS PA DANG, RANG LAN NO,, DANG PO NI, RTZOD PA DE, PHYOGS CHOS 'BREL BAR ZHES SOGS KYIS PHYOGS TSIG SGRUB NGAG GI YAN LAG TU BSTAN PAR 'DOD PA DON LA DRI BAR BYA YI KHO BO CAG LA DRI BAR BYA BA MA YIN TE, KHO BO CAG GIS LUNG DON DE LTAR MI 'CHAD PA'I PHYIR, ZHES 'CHAD PA LA, DE NYID LA DRI BAR BYA'O ZHES PA 'DI BYUNG, GNYIS PA NI, SGRA MI RTAG CES PA'I NGAG DE SGRA MI RTAG PAR SGRUB PA'I SGRUB NGAG GI YAN LAG MA YIN TE, DE LA SGRA MI RTAG PAR DNGOS SU SGRUB PA'I NUS PA YANG MED, BRGYUD NAS SGRUB PA'I NUS PA YANG MED PA'I PHYIR, DANG PO GRUB STE, NGAG DE LA BRTEN NAS BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD LA SGRA RTAG GAM MI RTAG SNYAM PA'I THE TSOM TZAM ZHIG SKYED NUS KYI, DE'I RGYUD LA SGRA MI RTAG RTOGS KYI RTAGS CAN RJES DPAG SKYED MI NUS PA'I PHYIR, ZHES 'CHAD PA LA, KHO BO CAG NI, DE LA DPAG BYA BSTAN PA NI, ,RTAGS KYI DON GYI YUL DU 'DOD, YAN LAG RNAMS LAS GANG RJES SU DPAG PAR BYA BA BSTAN PA DE NI KHO BO CAG GIS SGRUB BYED NYID DU MI 'DOD DE, DE NYID THE TSOM SKYED PAR BYED PA'I PHYIR RO, ,'ON KYANG RTAGS KYI YUL YIN PA'I PHYIR, DE NI DES SGRUB PAR BYED DO, ZHES GSUNGS, GNYIS PA DON DE BSTAN BCOS 'DIR 'GREL BA LA DON TSAN GSUM STE, SGRUB NGAG GI NGO BO, SHUGS BSTAN BSGRUB BYA'I RANG BZHIN, DNGOS BSTAN GTAN TSIGS KYI RAB DBYE GSUM LAS, DANG PO STON PA LA, GZHAN LA BSTAN PAR BYA NYID PHYIR, ZHES PA NAS, MA YIN NO ZHES BSHAD ZIN TO, ZHES PA'I BAR BYUNG, GNYIS STON PA LA, SGRUB RJOD RTOGS PA'I DON CAN NYID, CES PA NAS, ,DAM BCA' DON DU @126B 'THAD MA YIN, ZHES PA'I BAR BYUNG, GSUM PA STON PA LA, GTAN TSIGS RAB TU DBYE BA'I DON, ZHES PA NAS, MED PA CAN GYI TSOGS PA BZHIN, ZHES PA'I BAR BYUNG, CHOS GSUM PO GTAN LA MA PHAB PAR GZHAN DON RJES DPAG RDZOGS PAR GTAN LA 'BEB MI NUS TE, SGRUB NGAG GI NGO BO GTAN LA MA PHEBS PAR, DE DPYIS BYIN PAR SHES MI NUS, BSGRUB BYA YANG DAG GTAN LA MA PHAB PAR SGRUB NGAG BKOD PA'I DGOS PA GTAN LA 'BEB MI NUS, GTAN TSIGS KYI RAB DBYE GTAN LA MA PHAB PAR SGRUB NGAG GI BRJOD BYA GTAN LA 'BEB MI NUS PA'I PHYIR, GNYIS PA MTHA' DPYAD PA LA, DGAG GZHAG SPONG GSUM LAS, DANG PO NI, GRANGS CAN PA KHA CIG NA RE, RANG GIS MTHONG DON RAB GSAL BYED, ,CES GZHAN DON GYI RTAGS YANG DAG YIN NA, TSUL GSUM RGOL PHYI RGOL GNYIS KAS TSAD MAS GRUB DGOS PAR BSHAD PA MI 'THAD PAR THAL, DE SGRUB KYI TSUL GSUM SNGA RGOL BDAG NYID KYI TSAD MAS MA MTHONG YANG PHYI RGOL GZHAN DAG GIS TSAD MAS MTHONG BA'AM, KHAS BLANGS PA TZAM GYIS GZHAN DON SKABS KYI RTAGS YANG DAG TU 'GYUR BA YOD PA'I PHYIR TE, DE SGRUB KYI SNGA RGOL LAS GZHAN PHYI RGOL KHO NA LA DE SGRUB KYI BSGRUB BYA RTOGS PA'I THABS SU BSTAN PAR BYA BA NYID YIN PA'I PHYIR, DPER NA, SKYE 'JIG CAN GYI RTAGS KYIS BLO BDE SEMS MED DU SGRUB PA'I TSUL GSUM SNGA RGOL GRANGS CAN RANG NYID KYIS TSAD MAS MA GRUB KYANG PHYI RGOL SANGS RGYAS PA'I KHAS BLANGS TZAM GYIS GRUB PA'I RGYU MTSAN GYIS DE SGRUB KYI GZHAN DON SKABS KYI RTAGS YANG DAG TU 'GYUR BA YIN PA'I PHYIR, DE SGRUB KYI TSUL GSUM SANGS RGYAS PA'I KHAS BLANGS TZAM GYIS GRUB PA'I RGYU MTSAN YOD DE, DE SGRUB KYI PHYOGS CHOS SANGS RGYAS PA'I NGOR SANGS RGYAS PA'I LUNG GIS GRUB, DE SGRUB KYI RJES KHYAB SANGS RGYAS PA'I NGOR GZUGS SOGS DE TZAM LNGA'I STENG @127A *, ,DU GRUB, DE SGRUB KYI LDOG KHYAB GRANGS CAN RANG LUGS LA GRUB PA'I PHYIR, ZHES ZER, DE LTAR YANG, RNAM 'GREL LAS, GZHAN LA BSTAN PAR BYA NYID PHYIR, ,BDAG MTHONG MIN YANG GZHAN DAG GIS, ,MTHONG BA SGRUB BYED CIS, KHA CIG ,CES GSUNGS, DE DGAG PA LA, MDOR BSTAN, RGYAS BSHAD GNYIS LAS, DANG PO NI, KUN BTUS SU GZHAN DON RJES DPAG GI MTSAN NYID 'CHAD PA'I TSIG ZUR DU MTHONG BA'I TSIG SMOS PA LA CHOS CAN, DGOS PA YOD DE, TSUL GSUM SNGA RGOL GYI TSAD MAS MA GRUB PA'I RTAGS YANG DAG YOD PA SPANG BA'I CHED YIN PA'I PHYIR, DE LTAR YANG, RNAM 'GREL LAS, DE SPANG PHYIR BDAG MTHONG BA'I TSIG ,CES GSUNGS PA'I PHYIR, GNYIS PA NI, SANGS RGYAS PA'I LUNG LAS BLO BDE SKYE 'JIG CAN DU BSHAD PA'I RGYU MTSAN GYIS, DE SGRUB KYI PHYOGS CHOS SANGS RGYAS PA'I NGOR SANGS RGYAS PA'I LUNG GIS GRUB PAR KHAS LEN PAS, LUNG GNOD SGRUB TU 'JUG PA'I DUS DANG DUS MA YIN PA MA SHES PA'I SKYON YIN PAS, THOG MAR DNGOS STOBS RJES DPAG GI YUL LA LUNG SGRUB BYED DU MI 'JUG PA'I RGYU MTSAN STON PA LA, YONGS BRTAGS YONGS SU LEN PA'I PHYIR, ,RJES SU DPAG PA'I YUL LA TSIG ,TSAD MA NYID DU 'DOD MA YIN, ZHES GSUNGS, DON NI SHES BYA CHOS CAN, DNGOS STOBS RJES DPAG GI YUL LA SANGS RGYAS PA'I LUNG TSIG SGRUB BYED TSAD MA NYID DU 'DOD MI RIGS PAR THAL, LUNG DON LA DPYAD PA GSUM GYIS DAG MA DAG YONGS SU BRTAGS NAS, DPYAD GSUM GYIS DAG PA'I LUNG DE SHIN TU LKOG GYUR GYI SGRUB BYED DU YONGS SU KHAS LEN RIGS PA'I PHYIR, BLO BDE SKYE 'JIG CAN DER NI DNGOS STOBS RJES DPAG GNOD BYED DU 'JUG PAR MI 'GYUR BAR THAL, SANGS RGYAS PA'I LUNG TZAM GYIS GRUB PA'I PHYIR, , @127B ,, ` ,,AOm SVA STI, GNAS GSUM GZHAL BYA'I DKYIL 'KHOR MA LUS PA, ,RNAM GSUM TSAD MA'I 'OD KYIS GSAL BYAS TE, ,SKU GSUM PADMO'I 'DAB PHRENG RGYAS BYED PA, ,DPYAD GSUM RNAM DAG BKA' YI DGONGS 'GREL MCHOG ,SMRA BA'I DBANG PHYUG LHA YIS RJES BZUNG BAS, ,SMRA NGAN TSAR GCOD 'DZAM GLING MDZES PA'I RGYAN, ,SMRA BA'I NYI MA PHYOGS GLANG GRAGS PA ZHES, ,SMRA BA'I GTZUG RGYAN DAM PA'I GSUNG GI BCUD, ,RNAM GROL THABS BCAS TSAD MA BSGRUBS PA YIS, ,BSTAN DANG STON PA TSAD MAR 'GRUB BYED CING, ,MNGON SUM RJES DPAG TSAD MA RTEN DANG BCAS, ,GSAL BYED BSTAN BCOS TSAD MA GANG 'DI NYID, , MDO DANG SDE BDUN SNYING PO PHYUNG BA'I BCUD, ,RNAM GROL LAM BZANG BLTA BA'I MIG GCIG STE, ,BLO GSAL BLO GROS SNANG BA RGYAS BYED MCHOG ,DE PHYIR LHAG BSAM DAG PAS PAR DU BSGRUBS, ,TSUL 'DIR 'BAD PAS DGE BA GANG THOB PA, ,SRAS BCAS RGYAL BA'I DGE TSOGS RGYA MTSO DANG, ,RO GCIG NAM MKHA' JI SRID 'DZAD MED PAR, ,MKHA' MNYAM BSTAN 'GRO YONGS KYI DPAL DU SHOG ,MNYAM MED DGE LDAN RANG LUGS PHYOGS BCUR RGYAS, ,BSTAN 'DZIN MTHA' DAG ZHABS BRTAN MDZAD 'PHRIN 'PHEL, ,KHRIMS LDAN RIG GROL SMRA BAS NOR 'DZIN KHYAB, ,LUNG RIGS SGRA DBYANGS SRID MTHAR SGROG GYUR CIG ,TSUL 'DIR RGYU SBYOR 'BREL @128A *, ,THOGS 'GRO BA RNAMS, ,SGO GSUM NYES LTUNG DRI MA'I RNYOG PA KUN, ,MCHOG GSUM THUGS RJE'I BDUD RTZIS BYANG GYUR TE, ,GNAS SKABS MTHAR THUG LEGS TSOGS LHUN GRUB SHOG ,SKYE ZHING SKYE BAR DAL 'BYOR RTEN THOB CING, ,THEG MCHOG BSHES KYIS RJE BZUNG RGYAL BSTAN LA, ,THOS BSAM SGOM PA'I BYA BA MTHAR PHYIN TE, ,SA LAM YON TAN MA LUS MYUR RDZOGS SHOG , ,,CES MKHAS PA'I DBANG PO GTZANG PAndI TA GONG MAS MDZAD PA'I RNAM 'GREL GYI MTHA' DPYOD 'DI NYID THENGS GSUM PAR PAR GSAR DU BSKRUN PA'I TSE, DON GRUB RAB BRTAN GLING GI BLA SPRUL CHE GRAL, HOR SPRUL MING BA'I 'DZIN GRVA SPYI NAS RGYU SBYOR GYIS MTHUN RKYEN SBYAR TE SNGAR GYI PAR BYANG, RONG BO CHOS RJE'I SKYE MING BA BLO BZANG 'PHRIN LAS KYIS MDZAD PA DE BKOD PA'O,, ,,SMRAS PA, RGYAL TSAB GSUNG NGAG RDO RJE'I TSIG BZHIN BRLING, ,SA 'OG GTER LTAR SHIN TU RTOGS DKA' BA, , DGE 'DUN GRUB DAD CHOS KYI RGYAL MTSAN GYI, ,DRIN LAS JI BZHIN RNYED PA SKAL BA BZANG,, ZHES PA'ANG RJE DE NYID KYIS GSUNGS SO,, ,,SA RBA MANGGA LAm, ,