[LS] *, ,SU KTAm GA RBHA S+YA PRA Y'A GA N'A MA NE YA TZA NI TA S+Y'A RTHA BI BHA DZYA RU TZI KA RA SU KTAm GA RBHA S+Y'A RTHA N+YA KshA BI BHA GA SYA SH'A STRAm SYA DZA GHA N+YAm BI HAR, , @00A *, ,DRANG BA DANG NGES PA'I DON RNAM PAR PHYE BA GSAL BAR BYED PA LEGS BSHAD SNYING PO'I DON MTHA' DAG RNAM PAR 'BYED PA'I BSTAN BCOS LEGS BSHAD SNYING PO'I 'JUG NGOGS ZHES BYA BA'I SMAD CHA BZHUGS SO, , @001A #, ,GNYIS PA BLO GROS MI ZAD PAS BSTAN PA LA BRTEN NAS DRANG NGES 'BYED PA'I PHYOGS LA GNYIS, MDO NAS JI LTAR GSUNGS PA DGOD PA DANG, DE'I DON JI LTAR BKRAL BA'O, ,DANG PO LA GSUM, MTSAMS SBYAR BA DANG, MDO DGOD PA DANG, MDO DON BSHAD PA'O, ,DANG PO NI, MGON PO KLU SGRUB, CES SOGS BYUNG, DE YANG RAB BYED DANG PO'I TSIG GSAL LAS, 'PHAGS PA BLO GROS MI ZAD PAS BSTAN PA'I MDO LAS, ZHES MDO TSIG RNAMS DRANGS SHING, RAB BYED BCO LNGA BA'I TSIG GSAL LAS, 'DI NI BLO GROS MI ZAD PAS BSTAN PA LA SOGS PA DAG LAS RGYAS PAR KHONG DU CHUD PAR BYA'O, ,ZHES DANG, SHER SGRON 'GREL BSHAD LAS, NGES PA'I DON DANG DRANG BA'I DON GYI MTSAN @002A #, ,NYID NI, 'PHAGS PA BLO GROS MI ZAD PAS BSTAN PA'I MDO LAS, NAS, NGES PA'I DON JI LTA BA DANG DRANG BA'I DON JI LTA BA DE DAG DE KHO NA BZHIN DU RNAM PAR BSHAD PA STE, ZHES DANG, DBU MA SNANG BA LAS, DON DAM PA'I DBANG DU BSTAN PA MDZAD PA DE THAMS CAD NI NGES PA'I DON DU GZUNG BAR BYA LA, BZLOG PA NI NGES PA'I DON TO, , DE SKAD DU 'PHAGS PA BLO GROS MI ZAD PAS BSTAN PA LAS, NAS, DE LTA BAS NA DON DAM PA BRJOD PA KHO NA NGES PA'I DON YIN LA, BZLOG PA NI DRANG BA'I DON YIN NO, ,ZHES BYA BAR KHONG DU CHUD PAR BYA'O, ,ZHES GSUNGS PAS BLO GROS MI ZAD PA'I MDO KHUNGS SU BYAS NAS DRANG NGES 'BYED DGOS SO, ,GNYIS PA NI, MDO SDE DE LAS, ZHES SOGS BYUNG, DAG @002B LDAN LAS, SEMS BSKYED BSAM SBYOR LHAG BSAM DANG, ,PHA ROL PHYIN DRUG TSAD MED DAG ,MNGON PAR SHES DANG BSDU DNGOS DANG, ,SO SO RIG RTON TSOGS DAG DANG, ,BYANG CHUB PHYOGS MTHUN ZHI GNAS SOGS, ,GZUNGS SOGS CHOS KYI MDO BSHAD DANG, ,BGROD GCIG LAM DANG THABS MKHAS PA'O, ,ZHES PA LTAR GYI MI ZAD PA BRGYAD CU LAS BRTZAMS TE BLO GROS MI ZAD PA'I MDO GSUNGS LA, DE YANG DBYIG 'GREL DU GRAGS PA DANG BSTUN NA, BRJOD DON NI GLENG GZHI, GLENG BSLANG, CHOS RNAMS KYI GZHI, DE'I 'BRAS BU, BDAG DANG GZHAN GYI DON BYED PA, SNYING BRTZE, YO BYAD, YONGS SU SMIN PAR BYA BA'I MTHU, BSTAN PAR BYA BA'I MTHU THOB PA, DE'I THABS SHES PA, TSOGS LAM, SBYOR LAM, MTHONG LAM, SGOM LAM, DER SBYOR BAR BYED PA, LUNG BSTAN THOB PA, DE THOB PAR BYA BA RNAM PAR GZHAG PA, RANG BYANG CHUB, CHOS 'KHOR SGOR BA STE DON TSAN BCU DGUR 'DU ZHING, RIM PAR, TSAD BRJOD DU MED PA'I BYANG CHUB SEMS DPA' DANG THABS GCIG GO ,ZHES PA YAN DANG, CHOS NYAN PA'I PHYIR 'DUS SO, ,ZHES PA YAN DANG, SEMS BSKYED MI ZAD PA DANG, BSAM PA DANG SBYOR BA DANG LHAG BSAM MI ZAD PA GSUM DANG, PHYIN DRUG MI ZAD PA DANG, TSAD MED BZHI MI ZAD PA DANG, MNGON SHES LNGA MI ZAD PA DANG, BSDU DNGOS BZHI MI ZAD PA DANG, SO RIG BZHI MI ZAD PA DANG, RTON BZHI MI ZAD PA DANG, TSOGS GNYIS MI ZAD PA DANG, DRAN NYE DANG YANG DAG SPONG BA DANG RDZU 'PHRUL GYI RKANG BA DANG DBANG PO DANG @003A *, ,STOBS MI ZAD PA LNGA DANG, BYANG CHUB YAN LAG MI ZAD PA DANG, 'PHAGS LAM MI ZAD PA DANG, ZHI LHAG GNYIS MI ZAD PA DANG, GZUNGS SPOBS GNYIS MI ZAD PA DANG, CHOS KYI SDOM BZHI MI ZAD PA DANG, BGROD PA GCIG PA'I LAM MI ZAD PA DANG, THABS MKHAS MI ZAD PA RNAMS KYIS BSTAN TO, ,DE'I DON TSAN BCU BA LA BZHI LAS GSUM PA DANG, MI ZAD PA SUM CU BA DRANG DON LA MI RTON NGES DON LA RTON PA MI ZAD PA'I SKABS SU, MDO NYID LAS, DE LA NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO SDE GANG DAG LAM LA 'JUG PA'I PHYIR BSTAN PA DE DAG NI DRANG BA'I DON ZHES BYA'O, ,MDO SDE GANG DAG 'BRAS BU LA 'JUG PA'I PHYIR BSTAN PA DE DAG NI NGES PA'I DON ZHES BYA'O, ,MDO SDE GANG DAG KUN RDZOB BSGRUB PAR BSTAN PA DE DAG NI DRANG BA'I DON ZHES BYA'O, ,MDO SDE GANG DAG DON DAM PA BSGRUB PAR BSTAN PA DE DAG NI NGES PA'I DON ZHES BYA'O, ,MDO SDE GANG DAG LAS DANG BYA BA LA 'JUG PAR BSTAN PA DE DAG NI DRANG BA'I DON ZHES BYA'O, ,MDO SDE GANG DAG LAS DANG NYON MONGS PA ZAD PAR BYA BA'I PHYIR BSTAN PA DE DAG NI NGES PA'I DON ZHES BYA'O, ,MDO SDE GANG DAG KUN NAS NYON MONGS PA BSHAD PA'I PHYIR BSTAN PA DE DAG NI DRANG BA'I DON ZHES BYA'O, ,MDO SDE GANG DAG RNAM PAR BYANG BA YONGS SU DAG PAR BYA BA'I PHYIR BSTAN PA DE DAG NI NGES PA'I DON ZHES BYA'O, ,MDO SDE GANG DAG 'KHOR BA LA YID 'BYUNG BAR BYA BA BSTAN PA DE DAG NI DRANG BA'I DON ZHES BYA'O, ,MDO SDE GANG DAG 'KHOR BA DANG MYA @003B NGAN LAS 'DA' BA GNYIS SU MED PA LA 'JUG PAR BSTAN PA DE DAG NI NGES PA'I DON ZHES BYA'O, ,MDO SDE GANG DAG TSIG DANG YI GE SNA TSOGS SU BSTAN PA DE DAG NI DRANG BA'I DON ZHES BYA'O, ,MDO SDE GANG DAG ZAB MO MTHONG BAR DKA' BA KHONG DU CHUD PAR DKA' BA BSTAN PA DE DAG NI NGES PA'I DON ZHES BYA'O, ,MDO SDE GANG DAG TSIG DANG YI GE MANG ZHING SEMS CAN GYI SEMS DGA' BAR BYA BA'I PHYIR BSTAN PA DE DAG NI DRANG BA'I DON ZHES BYA'O, ,MDO SDE GANG DAG TSIG DANG YI GE NYUNG LA SEMS CAN GYI SEMS NGES PAR SEMS PAR BYED PAR BSTAN PA DE DAG NI NGES PA'I DON ZHES BYA'O, ,MDO SDE GANG DAG BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, SHED LAS SKYES DANG, SHED BU DANG, BYED PA PO DANG, TSOR BA PO DANG, SGRA RNAM PA SNA TSOGS SU BSHAD PA DANG, BDAG PO MED PA LA BDAG PO DANG BCAS PAR BSTAN PA DE DAG NI DRANG BA'I DON ZHES BYA'O, ,MDO SDE GANG DAG STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU MI BYED PA DANG, MA SKYES PA DANG, MA BYUNG BA DANG, DNGOS PO MED PA DANG, BDAG MED PA DANG, SEMS CAN MED PA DANG, SROG MED PA DANG, GANG ZAG MED PA DANG, BDAG PO MED PA DANG, RNAM PAR THAR PA'I SGRO'I BAR DU BSTAN PA DE DAG NI NGES PA'I DON ZHES BYA STE, ZHES LAM 'BRAS LA 'JUG PHYIR DAR, KUN RDZOB DANG DON DAM BSGRUB PAR DANG, LAS DANG BYA BA LA 'JUG PA DANG LAS NYON ZAD PHYIR DANG, @004A *, ,KUN NYON BSHAD PA DANG RNAM BYANG DAG PHYIR DANG, 'KHOR BA LA YID 'BYUNG BA DANG 'KHOR 'DAS GNYIS MED LA 'JUG PA DANG, TSIG DANG YI GE SNA TSOGS SU DANG ZAB MO DANG, TSIG DANG YI GE MANG ZHING SEMS CAN DGA' BAR BYA BA DANG TSIG DANG YI GE NYUNG NGUR BYAS TE TING NGE 'DZIN GYI MAN NGAG NYI TSE BA DANG, BDAG YOD PA LTAR DANG DNGOS PO RNAMS STONG PA NYID SOGS SU BSTAN PA'I SGO NAS DRANG NGES SU 'JOG TSUL TE BRGYAD GSUNGS PA LAS, 'DIR GNYIS PA DRUG PA BRGYAD PA RNAMS DRANGS SO, ,GSUM PA LA BZHI, MDO DON BSHAD PA DNGOS DANG, MDO GZHAN YANG DE DANG MTHUN PA DANG, DRANG NGES SU 'JOG TSUL GYI KHYAD PAR DANG, DRANG NGES KYI MTSAN GZHI DOGS GCOD DANG BCAS PA'O, ,DANG PO NI, DE LA DANG PO, ZHES SOGS BYUNG, MDO TSAN DANG PO GNYIS KYIS BRJOD BYA TZAM DANG, BAR BA GNYIS KYIS BRJOD BYAR MA ZAD RJOD TSUL DANG, THA MA GNYIS KYIS JI 'DRA ZHIG BSTAN PAS BDEN GNYIS BSTAN PAR 'GRO BA'I BSTAN LUGS STON PA'I SGO NAS DRANG NGES PHYE BA STE, DE YANG MDO'I 'BRU GNYER NA, DRANG NGES KYI MDO SDE GANG DANG GANG YIN, ZHES DRIS PA LA, LAN DU, KUN RDZOB BDEN PA DNGOS SU GTZO BOR BSGRUB PAR BYA BAR BSTAN PA DRANG DON DANG, DON DAM BDEN PA DNGOS SU GTZO BOR BSGRUB PAR BYA BAR BSTAN PA NGES DON GYI MDO YIN ZHES PA MDO TSAN DANG PO'I DON DANG, DON SNA TSOGS SU SNANG BA'I KUN RDZOB BDEN PA RNAMS KHYAD GZHI DANG KHYAD CHOS SPYAR NAS @004B STON PA'I TSIG DANG YI GE STE MING MI 'DRA BA SNA TSOGS PAS GTZO BOR DNGOS SU STON PA DRANG DON DANG, RTOGS PAR DKA' BAS ZAB MO, DE DMIGS PA CAN GYIS SHES MI NUS PAS BLTAR DKA' BA, SO SKYE'I MNGON SUM GYIS SHES DKA' BAS RTOGS DKA' BA STE DE LTA BU'I DON DAM BDEN PA SPROS PA RNAM PAR BCAD PA'I NGO BOR RO GCIG PA GTZO BOR DNGOS SU STON PA NGES DON GYI MDO YIN ZHES PA MDO TSAN GNYIS PA'I DON TE, SNGA MA LAS LOGS PA'I 'JOG TSUL MIN NO, ,BDAG DANG SEMS CAN SOGS YOD PA LTAR BSTAN PA NI KUN RDZOB STON PA STE, DE YANG DE DAG TZAM ZHIG YOD PAR STON PA MIN PAR BYED PA PO DE LA LTOS NAS TE DES MTSON PA'I BYED PA PO DANG 'BREL BA'I LAS SU BYA BA DANG BYED PA'I DNGOS PO YOD PAR STON PA THAMS CAD DRANG DON DU STON TE, MDOR NA PHUNG SOGS KYI CHOS DANG GANG ZAG YOD PAR STON PA MTHA' DAG GO ,DES NA BDAG DANG SEMS CAN SOGS THA SNYAD SNA TSOGS KYI SGO NAS BSHAD DGOS PA DE DAG GNAS TSOD LA RANG DBANG BA'I BDAG PO MED PA LA SNANG TSUL BDAG PO LTA BUR BCOS NAS DNGOS SU GTZO BOR STON PA'I MDO NI DRANG DON GYI MDO STE, NYER LEN GYI PHUNG PO RNAMS LA BDAG DANG BDAG GIR LTA BAS BDAG DANG, CHOS RNAMS YANG DAG PA JI LTA BA BZHIN MA SHES PA DANG DE DAG LA CHAGS PAS SEMS CAN DANG, TSE DANG LHAN CIG GSON ZHING GNAS PAS SROG DANG, YANG 'BYUNG BA'I SRID PA'I LAM GYIS RGYAS PAR BYAS PAS GSO BA DANG, SKYES BU'I RTZAL BYED PAS SKYES BU DANG, YANG DANG @005A *, ,YANG DU 'GRO BA LA MI NGOMS PA DANG CHOG MI SHES PAS GANG ZAG DANG, YID KYI RNAM PA STE BSKAL BA DANG PO'I MI RNAMS KHU KHRAG LA MA LTOS PAR YID TZAM GYIS SKYES PAS SHED LAS SKYES DANG, NGA RGYAL LA BRTEN NAS MA ZO DMAN DU 'GYUR BAS SHED BU DANG, LAS BYED PA PO YIN PAS BYED PA PO DANG, RNAM SMIN GYI TSOR BA MYONG BA PO YIN PAS TSOR BA PO STE THAMS CAD GANG ZAG GI BDAG MED KYI STONG GZHI GANG ZAG GI RNAM GRANGS TE, 'DI RNAMS LA BSHAD TSUL MI 'DRA BA MANG NA YANG RNAM GRANGS BSDU BA LTAR BKOD YOD DO, ,DNGOS PO RNAMS STONG PA NYID SOGS DANG SKYE BA MED PA SOGS SU BSHAD PA NI CHOS RANG BZHIN MED PAR BSHAD PA YIN LA, DE YANG RNAM THAR SGO GSUM DANG, DE'I STENG DU MA 'ONGS PA'I SKYE 'GYUR GYI LAS MNGON PAR 'DU MI BYED PAS MNGON PAR 'DU BYED PA MED PA STE RNAM THAR SGO BZHI DANG, RGYU LAS 'BRAS BU DON DAM PAR MI SKYE BAS SKYE BA MED PA DANG, 'BRAS BU RANG NGOS NAS MA SKYES PAS MA SKYES PA ZHES BYA'O; ,SEMS CAN MED PA SOGS SU STON PA NI GANG ZAG RANG BZHIN MED PAR BSHAD PA STE DE YANG RANG DBANG BA'I SEMS CAN MED PA NAS RANG DBANG BA'I BDAG PO MED PA STE DE LTA BU DNGOS SU GTZO BOR STON PA'I MDO NI NGES DON GYI MDO'O, ,NGES DON GYI MDO 'DI LA CHOS RANG BZHIN MED PA DANG GANG ZAG RANG BZHIN MED PA BSHAD PA GNYIS BYUNG BA'I GNAD KYIS 'DI'I GONG MA DRANG DON GYI MDO LA YANG CHOS DANG GANG ZAG STON PA GNYIS KA YOD DGOS LA, DE DAG NI MDO TSAN @005B GSUM PA'I DON NO, ,'DI YANG JO NANG BA LTAR CHOS RTAG PA YONGS GRUB LTA BU GZHAN ZHIG KHYAD GZHIR BZUNG NAS DE CHOS GZHAN GYIS STONG PA'I SKYE BA MED PA SOGS SU BSHAD PA MIN GYI BLO GROS MI ZAD PA'I MDO NYID LAS GSUNGS PA LTAR PHUNG SOGS DNGOS PO DANG GANG ZAG KHYAD GZHIR BZUNG NAS DE DAG BDEN PAR MED PAR BSTAN PA STE CHOS DANG GANG ZAG DE DAG BDEN PAR GRUB PA RNAM PAR BCAD PA TZAM DE NYID DON DAM BDEN PA YIN PAS DON DAM BDEN PA STON PA ZHES BYA'O, ` ,'DIR, KUN RDZOB BDEN PA DNGOS BSTAN BSTAN BYA'I GTZO BOR BYAS NAS STON PA'I MDO DE, DRANG DON GYI MDO'I MTSAN NYID, DBYE NA 'KHOR LO GSUM YOD, DRANG DON KUN RDZOB BDEN PA DNGOS BSTAN BSTAN BYA'I GTZO BOR BYAS NAS STON PA'I MDO YIN PAS DRANG DON GYI MDO ZHES BYA'O, ,DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I MDO DE, NGES DON GYI MDO'I MTSAN NYID, DBYE BA SNGAR BZHIN, NGES DON DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I MDO YIN PAS NGES DON GYI MDO ZHES BYA'O, ,DRANG NGES 'BYED TSUL BLO GROS MI ZAD PAS BSTAN PA'I MDO'I DNGOS BSTAN BRGYAD LAS, DANG PO NI LAM RANG BZHIN MED RTOGS LA 'JUG PA'I THABS MI RTAG SDUG BSNGAL SOGS DNGOS BSTAN BSTAN BYA'I GTZO BOR BYAS NAS STON PA'I MDO DRANG DON DANG, 'BRAS BU MYANG 'DAS LA DNGOS SU 'JUG PA'I THABS RANG BZHIN MED RTOGS KYI SHES RAB BSKYED PHYIR DON DAM BDEN PA DE LTAR STON PA'I MDO NGES DON GYI MDO DANG, GNYIS PA NI KUN @006A *, ,RDZOB BDEN PA DE LTAR STON PA'I MDO DRANG DON DANG, DON DAM BDEN PA DE LTAR STON PA'I MDO NGES DON GYI MDO DANG, GSUM PA NI LAS DGE SDIG LAS 'BRAS BU BDE SDUG 'BYUNG BA DE LTAR STON PA'I MDO DRANG DON DANG, LAS NYON ZAD PA'I THABS DE LTAR STON PA'I MDO NGES DON GYI MDO DANG, BZHI BA NI KUN NYON PHYOGS KYI CHOS SPONG BA'I PHYIR DE'I THABS DE LTAR STON PA'I MDO DRANG DON DANG, RNAM BYANG DAG PA'I PHYIR DE'I THABS DE LTAR STON PA'I MDO NGES DON GYI MDO DANG, LNGA PA NI 'KHOR BA LAS YID 'BYUNG BA'I THABS DE LTAR STON PA'I MDO DRANG DON DANG, 'KHOR 'DAS GNYIS DON DAM PAR GNYIS SU MED PA DE LTAR STON PA'I MDO NGES DON GYI MDO DANG, DRUG PA NI TSIG MI 'DRA BA SNA TSOGS PAS KUN RDZOB BDEN PA SNA TSOGS PA DE LTAR STON PA'I MDO DRANG DON DANG, RTOGS DKA' BA SPROS PA RNAM PAR BCAD PA'I DON DAM BDEN PA DE LTAR STON PA'I MDO NGES DON GYI MDO DANG, BDUN PA NI 'JIG RTEN DGA' BA'I PHYIR 'JIG RTEN GYI SPYOD PA DANG MTHUN PA'I DON DE LTAR STON PA'I MDO DRANG DON DANG, TSIG DANG YI GE NYUNG NGUR BYAS TE TING NGE 'DZIN SGOM PA'I MAN NGAG NYI TSE TZAM DE LTAR STON PA'I MDO NGES DON GYI MDO DANG, BRGYAD PA NI CHOS DANG GANG ZAG GIS BSDUS PA'I KUN RDZOB KYI CHOS RNAMS DE LTAR STON PA'I MDO DRANG DON DANG, DE DAG RANG BZHIN GYIS MED PAR DE LTAR STON PA'I MDO NGES DON GYI MDOR 'JOG GO ,GNYIS PA NI, TING NGE 'DZIN RGYAL BO, ZHES SOGS BYUNG, TING NGE 'DZIN RGYAL POR, RGYAL BAS STONG @006B NYID DNGOS BSTAN BSTAN BYA'I GTZO BOR BYAS NAS GSUNGS PA'I MDO NGES DON GYI MDO YIN PA LTAR, MTSAN MED SMON MED SOGS DE LTAR GSUNGS PA'I MDO YANG NGES DON GYI MDO'I BYE BRAG TU SHES PAR BYA ZHING, SEMS CAN DANG BDAG SOGS KUN RDZOB KYI CHOS DNGOS BSTAN BSTAN BYA'I GTZO BOR BYAS PA'I CHOS TE MDO RNAMS DRANG DON GYI MDOR SHES PAR BYA ZHES DRANG NGES PHYE BA'ANG BLO GROS MI ZAD PA'I MDOS DRANG NGES PHYE BA DANG DON MTHUN PAR TSIG GSAL LAS, 'PHAGS PA BLO GROS MI ZAD PAS BSTAN PA'I MDO LAS, NAS, DE BZHIN DU 'PHAGS PA TING NGE 'DZIN GYI RGYAL PO LAS KYANG, ZHES SOGS GSUNGS SO, ,GSUM PA NI, DRANG DON GYI MDO SDES, ZHES SOGS BYUNG, DE LA DRANG DON GYI MDOS GDUL BYA KHA DRANG DGOS PA YANG YIN MOD, 'ON KYANG GDUL BYA KHA DRANG ZHES PA DE NI DRANG DON ZHES PA'I TSIG ZUR GYI DRANG GI DON MIN GYI, MDO'I DON DE 'AM DE LAS GZHAN DU DRANG DGOS MI DGOS KYI DRANG TSUL DE YIN NO, ,MDO'I DON DRANG DGOS PA LA, SGRAS ZIN GYI DON GZHAN DU DRANG DGOS PA DANG, YIN LUGS KYI DON GZHAN DU DRANG DGOS PA'I DRANG DON DU BYED PA GNYIS LAS SNGA MA NI PHA MA GSAD BYAR GSUNGS PA SGRAS ZIN LAS GZHAN SRID SRED LA DRANG DGOS PA LTA BU DANG, PHYI MA NI LAS DGE SDIG LAS 'BRAS BU BDE SDUG 'BYUNG BAR GSUNGS PA LA MDO SDE BA SOGS KYIS MDO DE'I DON GYI DE KHO NA NYID NI DER NGES PAS DE LAS GZHAN DU DRANG MI DGOS SNYAM PAR, DBU MA BAS DNGOS ZIN DE LAS GZHAN @007A *, ,DU DRANG DGOS ZHES 'CHAD PA LTA BU'O, ,DES NA SGRAS ZIN TSAD MA DANG BCAS PA DANG DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I KHYAD PAR GNYIS LDAN GYI MDO CHOS CAN, NGES DON GYI MDO ZHES BYA STE, DNGOS BSTAN GTZO BO'I DON DE DE LAS ZUR DU GANG GIS GANG DU YANG DRANG BAR MI NUS PA'I MDO YIN PA'I PHYIR, ZHES DBU MA SNANG BAR GSUNGS TE, JI LTAR BSTAN PA LTAR GYI DON YOD MED TZAM LA DRANG NGES SU BYED NA TSAD MA DANG BCAS PA GCIG PUS CHOG KYANG DES MI CHOG STE, CHOG NA 'DUS BYAS MI RTAG PAR STON PA'I MDO NGES DON GYI MDOR THAL BA'I PHYIR, DE LA DON DAM BDEN PA DNGOS BSTAN GTZO BOR BYAS PA TZAM GYIS KYANG MI CHOG STE, CHOG NA RANG RGYUD PA'I LUGS LA SHER SNYING DE NGES DON GYI MDOR THAL BA LAS DE DRANG DON GYI MDO YIN PAR GZHUNG LAS, SHES RAB SNYING PO LTA BU, NAS, DRANG DON NO, ,ZHES GSUNGS PA'I PHYIR, DES NA, PHA DANG MA NI BSAD BYAS SHING, ,ZHES SOGS KYI MDO LTA BU SGRAS ZIN GZHAN DU DRANG DGOS PA DANG GNAS LUGS GZHAN DU DRANG DGOS PA GNYIS KA DANG, LAS 'BRAS STON PA LTA BU PHYI MA YIN LA SNGA MA MIN PA DANG, RANG RGYUD PA'I LUGS LA SHER SNYING LTA BU SNGA MA YIN LA PHYI MA MIN PA DANG, 'BUM PA LTA BU GANG YANG MIN PAS THAL RANG THUN MONG GI LUGS LA NGES DON GYI MDOR KHYAD PAR GNYIS LDAN DGOS SO, ,'DI LTAR NA, DON DAM BDEN PA SGRAS ZIN SGRA JI BZHIN PA'I TSUL GYIS DNGOS BSTAN BSTAN BYA'I @007B GTZO BOR BYAS NAS GTAN LA 'PHEBS PA'I MDO DE, NGES DON DANG, DON DAM BDEN PA SGRAS ZIN SGRA JI BZHIN PA'I TSUL GYIS BRJOD BYA'I GTZO BOR BYAS NAS GTAN LA 'BEBS PA MA YIN PA'I MDO DE, DRANG DON GYI MDO'I MTSAN NYID DO, ,BZHI PA NI, DES NA SA BON, ,ZHES SOGS BYUNG, DE LA, ZHES GSUNGS PA LTA BU'O, ,YAN NI MTSAN GZHI DNGOS STON PA DANG, LUNG GNYIS NI SHES BYED DANG SBYAR BA DANG, DGAG BYA LA, ZHES SOGS NI DOGS GCOD YIN PAS DE DAG GI DON NI, DES NA, SA BON LAS MYU GU SKYE BA SOGS STON PA'I MDO CHOS CAN, KHYOD DRANG DON GYI MDO YIN TE, KHYOD RANG GI BSTAN DON LA TSAD MA'I SGRUB BYED YOD KYANG DON DAM PA'I DBANG DU MDZAD NAS GSUNGS PA MIN PA'I MDO YIN PA'I PHYIR, 'DI'I DON LAS DON GZHAN 'DREN LUGS GNAS LUGS GZHAN DU DRANG DGOS PA STE BSHAD ZIN PA LTAR RO, ,DNGOS PO RNAMS LA BDEN PA'I SKYE BA MED PAR GSUNGS PA NI TSAD MA DANG LDAN PA DANG, BSTAN DON CHOS DE'I DE KHO NA NYID MIN PAR DON GZHAN DU DRANG MI NUS PA STE KHYAD PAR GNYIS DANG LDAN LA, DE 'DRA BA'I KHYAD PAR GNYIS DANG LDAN PA'I MDO RNAMS CHOS CAN, KHYOD NGES DON GYI MDO YIN TE, KHYOD DON GZHAN DU 'DREN TSUL GNYIS GANG GIS KYANG GZHAN DU DRANG BAR MI NUS PA'I MDO YIN PA'I PHYIR, KHYAB STE, DE LAS LDOG PA DRANG DON GYI MDOR 'JOG PA DES NA'I PHYIR, MDO 'DI'I DON GZHAN DU DRANG DGOS MI DGOS KYI DBANG DU BYAS NAS DRANG NGES SU @008A *, ,'JOG TSE GSUNG RAB NYID DRANG NGES KYI MTSAN GZHIR GZUNG DGOS TE, DE LA GSUNG RAB KYI BSTAN DON LA DPYAD PA'I SGO NAS GSUNG RAB LA DPYOD DGOS PA'I PHYIR, GZHAN DU DRANG DGOS MI DGOS KYI DON LA DRANG NGES SU 'JOG TSE BDEN GNYIS LA DRANG NGES SU BYA DGOS TE, DRANG NGES KYI DON LA DPYOD PA'I GZHIR BDEN GNYIS 'DZIN DGOS PA'I PHYIR, DE LTAR MNYAM PAR GZHAG PA'I SA LAS, CHOS KHO NA LA RTON GYI GANG ZAG LA MA YIN TE, NAS, CHOS DE YANG RNAM PA GNYIS TE, TSIG 'BRU DANG DON TO, ,ZHES GANG ZAG LA MI RTON CHOS LA RTON PA'I CHOS LA TSIG DON GNYIS DANG, DE LA DON LA RTON GYI TSIG 'BRU LA MA YIN PA NI, NAS, DE LA BCOM LDAN 'DAS KYIS NI MDO LAS NGES PA'I DON YANG GSUNGS LA, DRANG BA'I DON YANG GSUNGS MOD KYI, ZHES DON LA DRANG NGES GNYIS DANG, NGES PA'I DON GYI MDO SDE LA RTON GYI DRANG BA'I DON LA MA YIN NO, ,NAS, DE LA CHOS KYI RJES SU MTHUN PA'I CHOS SGRUB PAS YE SHES LA RTON GYI, RNAM PAR SHES PA LA MA YIN NO, ,ZHES NGES DON LA RNAM SHES LA MI RTON YE SHES LA RTON PAR GSUNGS PA LTA BU STE NGES DON 'TSOL BA LA RNAM SHES LA MI RTON YE SHES LA RTON PA ZHIG DGOS ZHES SBYOR RO, ,YE SHES SNANG BA RGYAN GYI MDO'I DON SLA ZHING, BLO GROS MI ZAD PAS BSTAN PA LAS, SKYE BA MED PA DANG MA SKYES PA DANG SEMS CAN MED PA DANG SROG MED PA DANG GANG ZAG MED PA DANG BDAG PO MED PA RNAM PAR THAR PA'I SGO STON PA DE DAG NI NGES PA'I DON ZHES BYA STE, @008B ZHES SKYE MED SOGS DON DAM BDEN PAR BSTAN PAS SKYE MED SOGS KHO NA DON DAM BDEN PA DANG, DON DAM BDEN PA DNGOS BSTAN GTZO BOR BYED PA KHO NA NGES DON GYI MDOR GZUNG NGO, ,KHO NA ZHES PA'I DON NI, LHAG MTHONG DKA' 'GREL LAS, KHO NA ZHES PA GZHAN LDAN RNAM GCOD KYI SGRA STE CHOS NGES DON GYI MDO SDE DE GZHI DON DAM RJOD PA'I GSUNG RAB LAS GZHAN LA LDAN PA GCOD PAS SO, ,ZHES GSUNGS PA LTAR RO, ,DE LA GZHAN DAG DGAG BYA LA KHYAD PAR SKABS DER MA SBYAR BA'I SKYE MED SOGS STON PA'I MDO RNAMS CHOS CAN, NGES DON GYI MDO MA YIN PAR THAL, SGRA JI BZHIN PA MA YIN PA'I PHYIR SNYAM NA, MA GRUB STE, DE DAG KYANG SGRA JI BZHIN PA YIN PA'I PHYIR TE, 'BUM LAS, DON DAM PAR MIN NO, ,ZHES DGAG BYA'I KHYAD PAR SKABS GCIG TU SBYAR BA'I PHYIR, KHYAB STE, SKABS GCIG TU SBYAR NA SKABS GZHAN DU 'ANG DON GYIS SBYAR ZIN PA'I PHYIR, DPER NA ZHES PA DGAG BYA'I KHYAD PAR SBYAR BA'I MDO'I MTSAN GZHI NGOS 'DZIN PA'I TSIG GO ` ,SPRO NA, MI ZAD PA BRGYAD CU LA, BLO GLING PHAR MCHAN DU, TSOGS GNYIS ZHI LHAG GZUNGS SPOBS RNAMS SO SOR BGRANGS PA DANG, CHOS MDZAD MCHAN DU TSOGS GNYIS DANG ZHI LHAG GCIG TU BGRANGS NAS SPOBS PA MA BGRANGS PAR GZUNGS BZHIR BGRANGS PA GNYIS LAS PHYI MA DAG LDAN LAS, DUS MDA' DUS MTSO DUS LAG PA, ,SUM CU RTZA BDUN LAG RKANG MTSO, ,ZHES PA DANG 'GAL LO, ,BLO GROS MI ZAD PA'I MDO 'DREN PA @009A *, ,NA TSIG GSAL DU MDO TSAN DANG PO DANG BRGYAD PA, SHER SGRON 'GREL BSHAD DU BRGYAD PA, DBU MA SNANG BAR GNYIS PA DRUG PA BRGYAD PA GSUM DRANGS SHING, DE GSUM DANG MDO RANG GI 'GYUR RNAMS LA PHAN TSUN MI MTHUN PA MANG ZHING, 'DI DANG LHAG MTHONG CHEN MOR BKOD PA LA'ANG TSIG RIS MI 'DRA BA CUNG ZAD SNANG MOD, DBU MA SNANG BA GZHIR GZHAG MDZAD 'DUG GO ,KUN RDZOB BSGRUB PAR BSTAN PA DANG DON DAM BSGRUB PAR BSTAN PA'I DON, BA SOS, KUN RDZOB BDEN PA DANG DON DAM BDEN PA ZHES PA DANG, PRA STIS, KUN RDZOB SGRUB BYED DANG DON DAM SGRUB BYED DU BSHAD KYANG, MDO 'GREL LAS, MDO SDE GANG DAG KUN RDZOB BSGRUB PAR BSTAN PA ZHES BYA BA LA, MDO SDE GANG KUN RDZOB KYI THA SNYAD MANG PO THA SNYAD TZAM DU YOD PAR BSGRUB PA'I PHYIR GSUNGS PA DE DAG NI DRANG BA'I DON GYI MDO SDE'I, ,MDO SDE GANG DAG DON DAM PAR BSTAN PA ZHES BYA BA LA, MDO SDE GANG SKYE BA MED PA DANG 'GAG PA MED PA'I MTSAN NYID DON DAM PAR BSTAN PA'I PHYIR GSUNGS PA DE DAG NI NGES PA'I DON GYI MDO SDE'O, ,ZHES GSUNGS PA LA DPAGS NA SNGAR BSHAD PA LTAR YIN NAM SNYAM MO, ,BDAG PO MED PA LA BDAG PO LTA BUR BSTAN PA ZHES PA'I YOD PAR STON RGYU DANG MED RGYU GNYIS DON GCIG PA DGOS TSE, GANG ZAG RANG BZHIN GYIS MED PA LA RANG BZHIN GYIS YOD PAR BSTAN PA'I DON DU SBYOR DGOS TE, THA SNYAD DU YOD PA LA BYAS NA BDAG PO MED TSUL BSHAD DKA' BAS SO, ,ZHES LHAG MTHONG DKA' 'GREL LAS GSUNGS SO, , @009B KHA CIG NA RE, DRANG NGES KYI MDO GNYIS DON STON TSUL LA KHYAD MED PAR THAL, KUN RDZOB STON SKABS DON GANG ZAG GCIG NYID MING SNA TSOGS KYIS BSTAN PA LTAR, DON DAM STON SKABS KYANG DON CHOS NYID GCIG PU DE LTAR BSTAN PA'I PHYIR ZER NA MA KHYAB STE, KUN RDZOB LA MING CI TZAM YOD PA DE TZAM GYI DON GYI LDOG PA MI 'DRA BA SNA TSOGS RTOG NGOR 'CHAR RGYU YOD LA, DON DAM NI STONG GZHI'I KHYAD PAR MA GTOGS STONG NYID MTSAN MED SOGS MING SNA TSOGS KYIS BSTAN KYANG RTOG NGOR 'CHAR BA NA RANG BZHIN GYIS GRUB PA BKAG TZAM DU RO MNYAM PA LAS MI 'DRA BCUNG ZAD KYANG 'CHAR RGYU MED PA'I PHYIR, BLO GROS MI ZAD PA'I MDO TSAN GSUM KUN MKHYEN BLA MAS MDO RGYAS YAN LAG GI BSHAD PA GSUM LA SBYAR BA MDO DON YIN MIN DANG, ZAB MO BLTAR DKA' BA RTOGS DKA' BA'I DON LA, RJE DES, MDO SDE GANG DAG DPAG DKA' BAS ZAB MO DANG MTHONG DGA' BAS BLTA DKA' BA DANG YID KHO NAS 'JAL DGOS PAS RTOGS PAR DKA' BA ZHES DANG, PRA STIS, GTING RTOGS PAR MI NUS PAS ZAB MO'I DON DPE DANG GTAN TSIGS SOGS THABS KYI SGO NAS BLTA BAR DKA' BA, DE LTA BU'I SGO NAS GANG DU YOD PA'I TSOD TZAM ZHIG SHES KYANG DON DE NYID NGO BO RANG 'DI LTAR 'DUG SNYAM DU KHONG DU CHUD PA'I SGO NAS RTOGS PAR DKA' BA ZHES GSUNGS PA GNYIS KA YANG MDO 'GREL DANG MTHUN MIN BRTAG GO ,MDO 'GREL LAS, DE LA DMIGS PA LA GNAS BA RNAMS KYIS SHES PAR MI NUS PAS NA MTHONG BAR DKA' BA'O, ,'PHAGS PA NYAN THOS LA SOGS PA SHES PA @010A *, ,PHYOGS GCIG PA RNAMS KYIS SHES PAR MI NUS PAS KHONG DU CHUD PAR DKA' BA'O, ,ZHES BYUNG YANG PHYI MA NI NYAN RANG GIS CHOS RANG BZHIN MED PAR MA RTOGS PAR 'DOD PA'I LUGS YIN PAS THAL 'GYUR BA'I SKABS SNGAR LTAR RAM, MDO 'GREL GYI BSHAD 'GROS DANG BSTUN NA NYAN RANG GIS RIGS PA'I RNAM GRANGS MTHA' YAS PAS KHONG DU CHUD DKA' BA LA BSHAD KYANG RUNG NGAM SNYAM, RNAM BSHAD RIGS PAR SNGON SHES RAB MA SBYANGS PAS RANG GIS MTHONG BAR DKA' BAS ZAB PA DANG, RANG GIS BRTAG PAR MI NUS PAS MTHONG DKA' BA DANG, RTOG GE'I SPYOD YUL MIN PAS KHONG DU CHUD DKA' BAR BSHAD DO, ,KHA CIG BLO GROS MI ZAD PA'I MDO'I DRANG NGES 'JOG TSUL BRGYAD KYI DANG PO BRJOD BYA'I SGOS DRANG NGES 'JOG TSUL YIN PAR THAL, DE DE GANG GNAD GCIG PA'I PHYIR NA MA KHYAB, RTAGS GRUB STE, LHAG MTHONG DKA' 'GREL LAS, BRJOD BYA'I DBANG DU BYAS PA'I 'JOG TSUL DANG DON GCIG PA 'DRA'O, , ZHES DANG, DKA' GNAS BRGYAD KYI ZIN BRIS LAS, LAM NI RANG BZHIN MED RTOGS KYI SHES RAB YIN LA, DE LA 'JUG PA'I THABS NI MI RTAG PAR STON PA SOGS SO, ,'BRAS BU NI MYA NGAN LAS 'DAS PA YIN LA, DE LA DNGOS SU 'JUG PA'I THABS NI RANG BZHIN MED RTOGS SO, ,ZHES GSUNGS PA'I PHYIR, RTZA BAR 'DOD MI NUS TE, DE GDUL BYA'I SGOS DRANG NGES 'JOG TSUL YIN PA'I PHYIR, DE NYID LAS, GDUL BYA'I DBANG DU BYAS NAS GSUNGS PA NI, LAM LA 'JUG @010B PA'I PHYIR DU GSUNGS PA NI DRANG BA'I DON DANG, 'BRAS BU LA 'JUG PA'I PHYIR DU GSUNGS PA NI NGES PA'I DON NI, ,ZHES GSUNGS PA'I PHYIR, KHYAB STE, DE BRJOD BYA'I SGOS 'JOG TSUL LAS LOGS SU GSUNGS PA'I PHYIR TE, DE NYID LAS, BRJOD BYA'I DBANG DU BYAS PA NI, KUN RDZOB STON PA NI DRANG DON DANG, DON DAM STON PA NI NGES DON NO, ,ZHES GSUNGS PA'I PHYIR, PHA DANG MA NI BSAD BYAS SHING, ,ZHES PA'I SGRAS ZIN LA PHA MA BSAD PA 'JOG ZER BA DANG, SGRA JI BZHIN PAR GZUNG DU MI RUNG BA'I MDO'I SGRAS ZIN TSAD MAS MA GRUB PAR KHAS LEN DGOS SHING PHA MA BSAD PA YOD PAS DE LA PHA MA GSAD 'OS PA 'JOG ZER BA DANG, PHA MA GSOD RUNG DU STON DGOS KYI GDUL BYA MED PAS MDO DE'I SGRAS ZIN LA PHA MA GSAD 'OS PA 'JOG MI RUNG ZER BA DANG, MA SKYES DGRA LA PHA MA GSAD RUNG BAR MA BSTAN NA DE MYA NGAN GYIS CHOS STON PA'I SNOD DU MI RUNG BAS PHA MA GSOD RUNG DU SGRAS ZIN LA STON DGOS KYI GDUL BYA YOD ZER BA SOGS DPYAD BYA MANG NGO, ,KHA CIG MDO DE'I SGRAS ZIN LA PA MA GSAD 'OS PA DANG, BRJOD BYA LA SRID SRED GNYIS 'JOG ZER BA LA, 'O NA, DE 'DRA'I MDO CHOS CAN, DNGOS ZIN SGRA JI BZHIN PA'I MDO YIN PAR THAL, 'DOD PA'I PHYIR, 'DOD NA, DE CHOS CAN, DNGOS ZIN GYI DON GZHAN DU DRANG DGOS KYI MDO MA YIN PAR THAL, 'DOD PA'I PHYIR, 'DOD MI NUS TE, DON DRANG DGOS PA LA GNYIS LAS DNGOS ZIN GYI DON GZHAN DU DRANG DGOS PA'I MTSAN GZHI LA @011A *, ,MDO DE 'JOG PA'I PHYIR TE, GZHUNG LAS, PHA DANG MA NI BSAD BYAS SHING, ,ZHES PHA MA BSAD PAR GSUNGS PA NI DNGOS ZIN GYI DON PHA MA LAS GZHAN DU LAS KYI SRID PA DANG SRED PA LA DRANG DGOS PA LTA BU NI TSUL GCIG GO ,ZHES GSUNGS PA'I PHYIR ZER NA BRTAG GO ,KHA CIG NA RE, DBU MA SNANG BA LTAR NA RGYAB RTEN TSAD MA DANG BCAS PA DANG DON DAM BDEN PA DNGOS BSTAN BSTAN BYA'I GTZO BOR BYAS PA GANG RUNG GI MDO YIN NA NGES DON GYI MDO YIN PAS KHYAB PAR THAL, DBU MA SNANG BA LAS, NGES PA'I DON KYANG GANG LA BYA ZHE NA, ZHES SOGS GSUNGS PA'I PHYIR NA MA KHYAB STE, NGES DON GYI MDOR 'JOG PA LA KHYAD PAR DE GNYIS KA TSANG DGOS PAS, 'DUS BYAS MI RTAG PAR STON PA'I MDO LTA BU NI SGRAS ZIN TSAD MA DANG BCAS KYANG DRANG DON DU 'JOG PA'I PHYIR, KHO NA RE, DBU MA SNANG BA LTAR NA, SGRAS ZIN GZHAN DU DRANG MI DGOS PA'I MDO YIN PA TZAM GYIS DES DON GYI MDOR 'JOG PAR THAL, DON GZHAN DU DRANG DGOS PA LA 'JOG TSUL GNYIS YOD PA'I PHYIR NA MA KHYAB STE, DON GZHAN DU DRANG DGOS PA LA 'JOG TSUL GNYIS BYED KYANG DE'I ZLAS DRANGS NAS NGES DON DU 'JOG PA LA 'JOG TSUL GNYIS BYED MI DGOS PA'I PHYIR, DE'I PHYIR DBU MA SNANG BA LAS, DE LTA BAS NA DON DAM PA BRJOD PA KHO NA NGES PA'I DON YIN LA, BZLOG PA NI DRANG BA'I DON YIN NO ZHES BYA BAR KHONG DU CHUD PAR BYA'O, ,ZHES GSUNGS SO, ,DE LA KHO NA RE, DBU MA SNANG BA LAS NGES DON GYI MDO'I 'JOG LUGS MI 'DRA BA GNYIS GSUNGS @011B PAR THAL, DON GZHAN DU 'DREN TSUL GNYIS GZHUNG LAS 'BYUNG ZHING, DE GNYIS DBU MA SNANG BA'I KHYAD PAR DE GNYIS KYI ZLAS DRANGS PA YIN PA'I PHYIR NA MA KHYAB STE, DE GNYIS DON GZHAN DU 'DREN TSUL MTSAN NYID PAR KHAS BLANGS KYANG, DE'I ZLAS DRANGS PA'I NGES DON DU 'JOG TSUL MTSAN NYID PA GNYIS MI YONG BA'I PHYIR, PHAR PHYIN MTHA' DPYOD DU DBU MA PA'I LUGS LA SEMS TZAM PAS YONGS GRUB BDEN GRUB TU 'DOD PA DANG DGAG BYA'I DON DAM LTA BUS MI CHOG PAR TSAD MA DANG BCAS PA'I DON DAM BSTAN DGOS PAS DBU MA SNANG BAR NGES DON GYI MDO'I MTSAN NYID KYI ZUR DU TSAD MA DANG BCAS PA BSNAN PA YIN PAR GSUNGS KYANG, TSAD MA DANG BCAS PA'I DON NI SGRA JI BZHIN PA LA BYED PA 'THAD DE, DBU MA SNANG BA'I, GANG DU YANG DRANG BAR MI NUS PA'I PHYIR RO, ,ZHES PA'I TSIG NUS DANG, GZHUNG LAS, JI LTAR BSTAN PA LTAR GYI DON YOD MED LA DRANG NGES SU BYED NA TSAD MA DANG BCAS PAS CHOG ,CES DANG, DNGOS PO RNAMS LA BDEN PA'I SKYE BA MED PAR GSUNGS PA NI TSAD MA DANG YANG LDAN LA, JI LTAR BSTAN PA'I DON DE CHOS DE'I DE KHO NA NYID MIN PAR DON GZHAN DU YANG DRANG MI NUS PA DE 'DRA BA'I MDO SDE RNAMS NGES PA'I DON TE, 'DREN TSUL GNYIS GANG GI SGO NAS KYANG GZHAN DU DRANG BAR MI NUS PA'I PHYIR RO, ,ZHES DE'I TSAD MA DANG BCAS PA'I DON SGRA JI BZHIN PA'I DON DU 'GREL BA DANG, DGAG BYA LA KHYAD PAR SKABS DER MA SBYAR BA'I SKYE BA MED PA LA SOGS PA SGRA JI BZHIN PA MIN PA'I NGES DON @012A *, ,MA YIN NO SNYAM DU MI GZUNG STE, DPER NA, 'BUM LAS, DE YANG 'JIG RTEN GYI THA SNYAD DU YIN GYI DON DAM PAR MIN NO, ,ZHES CHOS RNAMS KYI SKYE BA SOGS LA SKABS GCIG TU SBYAR NA SKABS GZHAN DU YANG DON GYIS SBYAR ZIN PAS DNGOS SU MA SMOS PA DE DAG KYANG SGRA JI BZHIN PA YIN NO, ,ZHES GSUNGS PA NI DON DAM GYI KHYAD PAR DON GYIS SBYAR BA'I MDO RNAMS SGRA JI BZHIN PA MA YIN PAS NGES DON GYI MDO MIN NAM SNYAM PA'I DOGS PA SEL PHYIR GSUNGS PA YIN LA, DE 'DRA'I MDO RNAMS SGRA JI BZHIN PA MIN NA SGRA JI BZHIN PA MA YIN YANG NGES DON YIN ZHES DOGS PA SEL DGOS KYI, SGRA JI BZHIN PA YIN NO ZHES PAS SEL MI NUS PA'I PHYIR DANG, LHAG MTHONG LAS KYANG SGRA JI BZHIN PA MIN PA DANG KUN RDZOB GTZO BOR BSTAN PA'I MDO GANG RUNG LA DRANG DON GYI MDOS BYAB PAR GSUNGS PA'I PHYIR, DES NA SHER SNYING LTA BU RANG RGYUD PA'I LUGS LA DON DAM BDEN PA STON PA'I DBANG DU BYAS PA'I MDO YIN YANG SGRAS ZIN TSAD MA DANG BCAS PA MIN TE, SGRAS ZIN LA PHUNG PO LNGA BO RANG BZHIN GYIS MED PAR BSTAN KYANG, DE DAG RANG BZHIN GYIS YOD PA'I PHYIR, YUM 'BUM PA LTA BU KHYAD PAR DE GNYIS DANG BCAS PA YIN TE, CHOS THAMS CAD DON DAM PAR MED PAR GSUNGS LA, DE LTAR GNAS PA'I PHYIR THAL 'GYUR BA'I LUGS LA DON DAM BDEN PA STON PA'I DBANG DU BYAS PA'I MDO YIN NA SGRA JI BZHIN PA YIN PAS KHYAB PAS DBU MA SNANG BA'I DNGOS ZIN LTAR GYI NGES DON GYI MDO'I 'JOG BYED THAL RANG GNYIS KAR RUNG ZHING, DON DAM @012B BDEN PA STON PA'I DBANG DU BYAS PA GCIG BU SBYAR BA THAL 'GYUR BA LAS RANG RGYUD PA'I LUGS LA MI RUNG NGO, ,KHA CIG ,SHER SNYING CHOS CAN, RANG RGYUD PA'I LUGS LA NGES DON GYI MDO YIN PAR THAL, DE'I LUGS LA DGAG BYA'I KHYAD PAR DON GYIS SBYAR BA'I MDO YIN PA'I PHYIR, DER THAL, YUM 'BUM PA LTA BUR DGAG BYA'I KHYAD PAR DNGOS SU SBYAR BA GANG ZHIG RTZOM PA PO GCIG GIS GZHUNG GCIG LA DGAG BYA'I KHYAD PAR DNGOS SU SBYAR NA GZHAN LA DON GYIS SBYAR BA YIN PA'I PHYIR, DANG PO GRUB STE, 'BUM LAS, DE YANG 'JIG RTEN GYI THA SNYAD DU YIN GYI DON DAM PAR MIN NO, ,ZHES GSUNGS PA'I PHYIR, GNYIS PA GRUB STE, GZHUNG LAS, YUM 'BUM PA LTA BUR DON DAM GYI KHYAD PAR SBYAR NA DE DANG RIGS MTHUN PA'I MDO SDE THAMS CAD LA GO DGOS PAS DON GYIS SBYAR BA YIN TE, DPER NA DA LTAR GYI RTZOM PA PO GCIG GIS BRTZAMS PA'I BSTAN BCOS BRJOD BYA MTHUN PA GCIG TU BYUNG BA MA BYUNG SAR 'KHYER DGOS PA DANG 'DRA'O, ,ZHES PA LTAR LHAG MTHONG CHEN MOR YANG GSUNGS PA'I PHYIR NA, LA LAS MA KHYAB STE, DE NI THAL 'GYUR BA LAS RANG RGYUD PA'I LUGS MA YIN PA'I PHYIR TE, RANG RGYUD PA'I SKABS SHER SNYING LTA BU DGAG BYA'I KHYAD PAR GSAL BAR MA SBYAR BA RNAMS DRANG DON DU GSUNGS PA GANG, THAL 'GYUR BA'I SKABS DRANGS MA THAG PA LTAR GSUNGS PA'I PHYIR, DANG PO GRUB STE, GZHUNG LAS, DE YANG SHES RAB SNYING PO LTA BU MDO DE'I NANG DU DON DAM PA DANG BDEN PA'I KHYAD PAR GSAL BAR MA SBYAR @013A *, ,BAR GZUGS MED CES PA LA SOGS PA BSTAN PA NI JI LTAR BSTAN PA DE TZAM GYIS SGRA JI BZHIN PAR GZUNG DU MI RUNG BAS GZHAN DU DRANG DGOS PAS DRANG DON NO, ,ZHES GSUNGS PA'I PHYIR ZER NA, GZHAN DAG 'ON, KHYAD PAR DE LTAR 'BYED PA RANG RANG GI GRUB MTHA'I GNAD CIG LA THUG PAR THAL, 'DOD PA'I PHYIR, 'DOD MI NUS TE, DE LA THUG TSUL MED PA'I PHYIR ZER NA BRTAG GO ,KHO NA RE, SHER SNYING MDOR BSTAN GYI GZHUNG CHOS CAN, RANG RGYUD PA'I LUGS LA DGAG BYA LA DON DAM GYI KHYAD PAR DNGOS SU SBYAR BA'I MDO YIN PAR THAL, THAL 'GYUR BA'I LUGS LA DE YIN PA'I PHYIR NA MA KHYAB, SHER SNYING RGYAS BSHAD CHOS CAN, THAL 'GYUR BA'I LUGS LA DGAG BYA LA DON DAM GYI KHYAD PAR SGRAS ZIN LA SBYAR BAR THAL, DE'I LUGS LA DE DNGOS ZIN LA SBYAR BA'I PHYIR NA MA KHYAB STE, DNGOS ZIN LA SBYAR BA'I DON, MIG MED CES GSUNGS PA NA MIG RANG BZHIN GYIS MED PA STON BZHED YOD PA LA THUG CING, SGRAS ZIN LA MA SBYAR BA NI RANG BZHIN GYIS MED CES TSIG GIS GSAL BAR MA GSUNGS PA LA BYED PA'I PHYIR, KHA CIG ,SGRAS ZIN LA DGAG BYA'I KHYAD PAR MA SBYAR BA'I 'BUM GYI MDO TSIG RNAMS CHOS CAN, RANG RGYUD PA'I LUGS LA DRANG DON GYI MDOR THAL, DGAG BYA'I KHYAD PAR GSAL BAR MA SBYAR BA'I MDO YIN PA'I PHYIR NA MA KHYAB, KHYAB PAR THAL, GZHUNG LAS, DON DAM PA DANG BDEN PA'I KHYAD PAR GSAL BAR MA SBYAR BAR GZUGS MED CES PA LA SOGS PA @013B BSTAN PA NI JI LTAR BSTAN PA DE TZAM GYIS SGRA JI BZHIN PAR GZUNG DU MI RUNG, ZHES GSUNGS PA'I PHYIR NA YANG MA KHYAB STE, MDO DE'I GONG 'OG GANG DU YANG DE 'DRA'I KHYAD PAR GSAL BAR SBYAR BA MED NA DRANG DON DU 'GYUR YANG 'BUM PAR DGAG BYA'I KHYAD PAR GSAL BAR SBYAR BA'I TSIG YOD PAS DE NGES DON GYI MDOR 'GYUR BA'I PHYIR TE, GZHUNG LAS KYANG, MDO DE'I NANG DU, ZHES SOGS GSUNGS PA'I PHYIR, RTZA RTAGS GRUB STE, CHOS CAN DE YIN PA'I PHYIR, KHO NA RE, DE CHOS CAN, DGAG BYA LA DON DAM GYI KHYAD PAR SBYAR BA'I MDO MA YIN PAR THAL, DGAG BYA LA DON DAM GYI KHYAD PAR SGRAS ZIN LA MA SBYAR BA'I PHYIR NA MA KHYAB, SGO MANG KHAS LEN GYI RGYUN LA, GZHI GRUB NA NGES DON YIN PAS KHYAB GSUNGS PA GZHI GRUB NA TSAD MAS GRUB PAS KHYAB PA LA BSAMS 'DRA YANG, GZHAN DAG DE LTAR GSUNGS PA DE DBU SEMS GANG GI LUGS LA'ANG MI 'THAD DE, SNGA MA LTAR NA GZHI GRUB NA DON DAM BDEN PA YIN PAS MA KHYAB PA DANG, PHYI MA LTAR NA SA'I DNGOS GZHIR DON LA DRANG NGES GNYIS BSHAD PA DRANGS ZIN LTAR YIN PA'I PHYIR ZER TE, DE DAG LA BSHAD BYA MANG YANG ZHIB PAR MA SPROS SO, ,GNYIS PA DE'I DON JI LTAR BKRAL BA LA GNYIS, MGON PO KLU SGRUB KYIS MDO'I DON JI LTAR BKRAL BA DANG, DE'I RJES SU 'BRANG BA RNAMS KYIS JI LTAR BKRAL BA'I TSUL LO, ,DANG PO LA GNYIS, RTEN 'BYUNG GI DON RANG BZHIN MED PA'I DON DU BKRAL TSUL DANG, DE NYID GSUNG RAB KYI DON GYI SNYING POR BSNGAGS PA'I TSUL LO, ,DANG PO LA GNYIS, RTEN @014A *, ,'BYUNG STONG PA'I DON DU BKRAL NAS DRANG NGES PHYE TSUL DANG, STONG BRTEN 'BYUNG GI DON DU BKRAL NAS DRANG NGES PHYE TSUL LO, ,DANG PO LA GSUM, RTEN 'BYUNG STONG BA'I DON DU BKRAL BA DANG, DE LA BRTEN NAS DRANG NGES KYI SHING RTA'I SROL PHYE TSUL DANG, DGONGS 'GREL NGES DON GYI MDOR 'GRO BA GDUL BYA'I DBANG GIS YIN TSUL LO, ,DANG PO NI, MDO LAS, ZHES SOGS BYUNG, 'KHOR LO DANG POR SKYE 'GAG SOGS YOD PA DANG, BAR BAR DE DAG MED PAR GSUNGS PA LA, BLO GROS MI ZAD PA'I MDO SOGS SU SKYE BA MED PA SOGS GSUNGS PA NGES DON DANG, DGONGS 'GREL SOGS SU DE DAG DRANG DON DU BSHAD PA RNAMS LAS, RANG MTSAN GYIS SKYE BA SOGS MED PAR BSHAD PA SGRA JI BZHIN PAR 'DOD PA LA RNAM RIG PAS BSTAN PA LTAR GYI RIGS PA'I GNOD BYED YOD NA, RANG MTSAN GYIS GRUB PA'I NGO BO DANG SKYE 'GAG SOGS MED PAR GSUNGS PA KUN BTAGS LA DGONGS NAS DE LTAR GSUNGS SHING GZHAN DBANG YONGS GRUB GNYIS RANG MTSAN GYIS GRUB PA DANG, CHOS BDAG KYANG DES 'DOD PA LTAR GYI RTOG PA YID SHES DANG RTOG MED DBANG SHES LA LTOS PA'I DE GNYIS LA BSHAD NAS, DE GNYIS KYIS STONG PA GNAS LUGS MTHAR THUG TU 'CHAD RIGS NA'ANG, DE LA DE 'DRA'I RIGS PA'I GNOD PA MED DE, RANG MTSAN GYIS GRUB PA'I RANG BZHIN YOD NA 'BRAS BU RNAMS RGYU RKYEN LA LTOS PA 'GAL BA'I PHYIR, GNYIS PA NI, DES NA RGYU RKYEN, CES SOGS BYUNG, DES NA GZHAN @014B DBANG CHOS CAN, RANG MTSAN GYIS GRUB PA MED DE, RGYU RKYEN LA RAG LAS PA'I PHYIR RO, ,DE LA MGON PO KLU SGRUB KYIS RANG MTSAN GYIS GRUB PA'I RANG BZHIN YOD NA RGYU RKYEN LA LTOS PA 'GAL TSUL DANG, DE'I SHUGS LA RGYU RKYEN LA RAG LAS PAS RANG MTSAN GYIS GRUB PA MED TSUL GSAL BAR GSUNGS PA NI, GAL TE DNGOS RNAMS RANG BZHIN LAS, ,YOD PAR RJES SU LTA BYED NA, ,DE LTA YIN NA DNGOS PO RNAMS, ,RGYU RKYEN MED PAR KHYOD LTA'O, ,ZHES SOGS RAB BYED NYER BZHI BA GTZOS RTZA SHE'I GZHUNG DU RGYA CHER GSUNGS TE MANGS DOGS PAS MA SPROS SO, ,CHOS KUN RANG MTSAN GYIS MA GRUB PAR 'DOD PA'I LUGS LA, RNAM RIG PAS BCINGS GROL SOGS MED PAR THAL, GZHAN DBANG RANG MTSAN GYIS MA GRUB PA'I PHYIR ZHES SMRA BA NI CHOS KUN RANG BZHIN GYIS STONG PA'I SGRUB BYED MTHAR THUG PA LA GNOD BYED MTHAR THUG TU 'DZIN PA YIN TE, RTEN 'BREL NI RANG BZHIN GYIS STONG PA'I SGRUB BYED MTHAR THUG YIN PA LA DE'I GNOD BYED DU BZUNG BA'I PHYIR ZHES PA KLU SGRUB KYIS DRANG NGES KYI SHING RTA'I SROL PHYE BA'I TSUL LO, ,GSUM PA NI, RANG GI MTSAN NYID KYIS, ZHES SOGS BYUNG, DGONGS 'GREL DU CHOS KUN RANG MTSAN GYIS MED PAR BZUNG NA SKUR 'DEBS KYI LTA BA SKYE BAR GSUNGS PA RANG MTSAN GYIS MED PA DANG MED PA'I KHYAD PAR MI PHYED PA'I GDUL BYA BLO DMAN PA LA YIN NO, ,DE'I PHYIR DE LTAR GSUNGS PA NI GDUL BYA'I BSAM PA'I DBANG LAS STON PA'I BZHED PA MIN TE, DE 'DRA'I KHYAD 'BYED NUS PA'I GDUL BYA THAL 'GYUR BA LA NI RANG @015A *, ,MTSAN GYIS MED PAR LTA BA DE NYID SKUR 'DEBS KYI LTA BA 'GOG PA'I THABS SU 'GYUR BA'I PHYIR TE, DES RGYU 'BRAS BSNYON MED DU GZHAG DGOS PA'I RGYU MTSAN GYIS DNGOS PO RNAMS RANG MTSAN GYIS STONG PAR RTOGS PA'I PHYIR, GDUL BYA DMAN PA DE LA LTOS TE YUM GYI MDO DRANG DON DANG DGONGS 'GREL NGES DON DU 'GRO STE, BZHI BRGYA BA LAS, DAM PA MIN LA BDAG 'DZIN MCHOG ,BDAG MED STON PA MA YIN TE, ,GCIG NI NGAN 'GRO NYID 'GRO LA, , THA MAL MA YIN ZHI NYID DU'O, ,ZHES BDAG MED BSTAN PA'I SNOD DU MI RUNG BA'I GDUL BYA LA BDAG DANG BDAG MED PA BSTAN PA GNYIS LAS SNGA MA MCHOG TU GSUNGS PA BZHIN YIN PA'I PHYIR RO, ,GNYIS PA STONG PA RTEN 'BYUNG GI DON DU BKRAL NAS DRANG NGES PHYE TSUL LA GSUM, STONG PA RTEN 'BYUNG GI DON DU BKRAL BA DANG, DE LA BRTEN NAS DRANG NGES KYI SHING RTA'I SROL PHYE TSUL DANG, ZAB MO STON PA RNAMS NGES DON GYI MDO DANG DE LAS GZHAN DRANG DON GYI MDOR BSTAN PA'O, DANG PO NI, RTZA SHE LAS, ZHES SOGS BYUNG, DNGOS SMRA BAS DBU MA BAR RTZOD TSUL RTZA SHER GSUNGS PA NI, GAL TE CHOS KUN RANG BZHIN GYIS MED NA SKYE 'JIG MI RUNG BAS BDEN BZHI SOGS 'KHOR 'DAS KYI RNAM GZHAG THAMS CAD NGO BO NYID MED PAR SMRA BA KHYOD LA MED PAR 'GYUR, ZHES PA STE, 'KHOR 'DAS KYI RNAM GZHAG MI 'THAD PAR THAL, SKYE 'JIG MI RUNG BA'I PHYIR TE, CHOS KUN RANG BZHIN GYIS MED PA'I PHYIR, ZHES BRTZAD PA NI YUM MDO SOGS KYI SGRAS @015B ZIN LA GNOD BYED DU BSTAN PA'I RIGS PA'O, ,DE NI PHAR LA 'PHEN RGYU'I SKYON TSUR LA 'PHANGS PAR DGONGS NAS LAN DU, GAL TE CHOS KUN RANG BZHIN GYIS YOD NA SKYE 'JIG MI RUNG BAS RNAM GZHAG THAMS CAD DNGOS SMRA BA KHYOD LA MED PAR 'GYUR, ZHES PA STE, 'KHOR 'DAS KYI RNAM GZHAG MI 'THAD PAR THAL, SKYE 'JIG MI RUNG BA'I PHYIR TE, CHOS KUN RANG BZHIN GYIS YOD PA'I PHYIR, ZHES RANG BZHIN GYIS GRUB PA LA RNAM GZHAG KUN MI 'THAD CING, DES STONG PA LA DE 'THAD DO ZHES RANG BZHIN GYIS STONG PA'I DON RTEN 'BYUNG GI DON DU GSUNGS SO, ,GNYIS PA NI, SLOB DPON GYIS, ZHES SOGS BYUNG, SLOB DPON KLU SGRUB KYIS STONG PA RTEN 'BYUNG GI DON YIN TSUL 'DI NYID RIGS TSOGS SOGS SU RIGS PAS GTAN LA 'BEBS PAS CI ZHIG 'GRUB PAR BZHED PA YIN NA, DES GSUNG RAB LA DRANG NGES 'BYED PAR BZHED PA YIN TE, DE YANG SKYE SOGS BDEN MED DU GSUNGS PA'I GSUNG RAB CHOS CAN, NGES DON GYI MDOR SHIN TU 'GRUB STE, SGRA JI BZHIN PA LA RIGS PA'I GNOD PA CUNG ZAD KYANG MED PA'I MDO YIN PA GANG ZHIG ,KUN RDZOB BDEN PA BSTAN BYA'I GTZO BOR BYAS PA SOGS SGO GZHAN NAS DRANG DON DU 'GREL BA'I THABS KYANG MED PA'I PHYIR, DE LTAR DGONGS NAS TSIG GSAL LAS, GAL TE DE LTAR RTEN CING 'BREL BAR 'BYUNG BA SKYE BA MED PA LA SOGS PAS KHYAD PAR DU BYAS PA RNAM PAR BZHAG NA, 'O NA NI BCOM LDAN 'DAS KYIS, NAS, 'JIG RTEN 'DI NAS 'JIG RTEN PHA ROL TU 'GRO 'O @016A *, ,ZHES DE LTAR RTEN CING 'BREL BAR 'BYUNG BA 'GAG PA LA SOGS PAS KHYAD PAR DU BYAS PA BSTAN PA GANG YIN PA DE JI LTAR 'GAL BAR MI 'GYUR ZHE NA, ZHES CHOS RNAMS LA 'GAG SOGS BRGYAD YOD PAR MDO LAS GSUNGS PA DANG, RTZA SHER DE DAG MED PAR GSUNGS PA GNYIS 'GAL LO ZHES BRTZAD PA'I LAN DU, GANG GI PHYIR RTEN CING 'BREL BAR 'BYUNG BA 'GAG PA LA SOGS PA DAG YOD PAR THOS PAR 'GYUR PA DE NYID KYI PHYIR SLOB DPON GYIS DRANG BA DANG NGES PA'I DON GYI MDO SDE'I RNAM PAR DBYE BA BSTAN PAR BYA BA'I PHYIR DBU MA'I BSTAN BCOS 'DI MDZAD PA YIN NO, ,ZHES GSUNGS SHING, YANG DE NYID DU, SHES PA SO SO LA LTOS PA'I RTZOD SPONG MDZAD PA'I DGONGS PA MI SHES PAS, 'DIR DE KHO NA'I DON BSTAN PA CAN GYI NGES DON GYI MDO DANG, DGONGS PA CAN GYI MDO GANG YIN THE TSOM ZAB DANG, BLO DMAN GYIS DRANG DON GYI MDO LA NGES DON GYI MDOR 'DZIN PA'I LOG RTOG LUNG RIGS GNYIS KYIS BSAL PHYIR RTZA SHE MDZAD PAR GSUNGS TE, LUNG RIGS GNYIS KYI NGOS 'DZIN NI, TSIG GSAL GYI LUNG DE'I 'PHROS SU, DE LA BDAG LAS MA YIN ZHES BYA BA LA SOGS PAS NI RIGS PA GSUNGS PA YIN NO, ,BCOM LDAN 'DAS KYIS CHOS GANG ZHIG , NAS; MED PA GNYIS KA'ANG DGAG PAR MDZAD, ,CES BYA BA LA SOGS PA LUNG GSUNGS PA YIN NO, ,ZHES GSUNGS PA LTAR RO, ,GSUM PA NI, MDO KUN LAS BTUS, ZHES SOGS BYUNG, 'BUM SOGS NGES DON GYI MDO @016B YIN TE, MDO BTUS SU CHOS ZAB MO GANG YIN DRIS PA'I LAN DU 'BUM SOGS ZAB MO STON PA'I MDO RNAMS DRANGS SHING, RIGS TSOGS KYIS KYANG DE DAG GI DON GZHAN DU DRANG MI RUNG BAR NGES PAR MDZAD PA'I PHYIR, DE DAG LAS GZHAN DU GSUNGS PA RNAMS DGONGS PA CAN DU BZHED TSUL NI, BYANG CHUB SEMS 'GREL DU KHAMS GSUM PO 'DI THAMS CAD PHYI ROL MED PA'I SEMS KYI BDAG NYID TZAM DANG, SEMS DE RANG BZHIN GYIS YOD PAR THUB PAS GSUNGS PA NI SO SKYE RNAMS SKRAG PA SPANG BA'I DON TE, DE NI SGRA JI BZHIN PA DE BZHIN DU GNAS PA NYID MIN PAR GSUNGS SHING, BSTAN 'GYUR THOD DU BZHUGS PA'I 'GYUR LAS, 'DI DAG THAMS CAD SEMS TZAM ZHES, ,THUB PAS BSTAN PA GANG MDZAD DE, ,BYIS PA RNAMS KYIS SKRAG PA NI, ,SPANG BA'I PHYIR YIN DE NYID MIN, ,ZHES 'BYUNG NGO, ,RIN CHEN 'PHRENG BAR BRDA SPROD PA STE SGRA SLOB PA DAG GIS SGRA JI LTA BUR SLOB NA DANG POR DBYANGS GSAL SOGS YI GE'I PHYI MO RNAMS KLOG TU 'JUG DE BZHIN DU THUB PAS GDUL BYAL THOG MA NYID NAS RTOGS DKA' BA'I ZAB DON MI STON PAR SKAL BA DANG 'TSAMS PAR BLOS CI TZAM BZOD PA'I CHOS STON PA NI TSIGS BCAD DANG PO'I DON TE, MTSUNGS SPRA GNYIS BYUNG BA BRNAN PA'I DON DANG, LTAR TE DPE DE BZHIN ZHES 'GREL TSUL GNYIS KYI GANG 'THAD BRTAG GO ,DE NAS RKANG PA GSUM GYI DON NI, SDIG PA SHAS CHER BYED PA KHA CIG LA DE LAS BZLOG PHYIR LAS 'BRAS SOGS DANG, BSOD NAMS MI BYED PA KHA CIG LA BSOD NAMS KYI 'BRAS BU LHA MI'I GO 'PHANG THOB PHYIR @017A *, ,BSOD NAMS GSOG TSUL GYI CHOS STON TE 'GREL TSUL 'DI NI, DAR t'IKA LAS, KHA CIG LA NI SROG GCOD SOGS SDIG PA LAS RNAM PAR BZLOG PA'I PHYIR CHOS STON TE, DE YANG GDUL BYA SKYES BU CHUNG NGU'I BSAM PA CAN KHA CIG BSOD NAMS KYI 'BRAS BU LTA MI'I GO 'PHANG 'GRUB PAR BYA BA'I PHYIR RO, ,ZHES GSUNGS PA DANG CUNG MI MTHUN YANG RTZA BA'I TSIG ZIN DANG 'BYOR SNYAM MO, ,KHA CIG LA NI GNYIS BRTEN PA, ,ZHES PAS KHA CIG STE DON SMRA'I RIGS CAN LA GANG ZAG GI BDAG MED CING GZUNG 'DZIN GNYIS RDZAS THA DAD DU YOD PA LA BRTEN PA'I CHOS DANG, KHA CIG LA NI GNYIS MI BRTEN, ,ZHES PAS THEG CHEN RIGS CAN KHA CIG LA GZUNG 'DZIN GNYIS LA MI BRTEN PA STE GZUNG 'DZIN GNYIS MED KYI STONG NYID DANG, RKANG PA THAM GSUM GYIS BYANG CHUB SGRUB PA'I THEG CHEN PA DBANG RNON KHA CIG LA ZAB MO LA KHU 'PHRIG CAN TE DMIGS PA CAN RNAMS 'JIGS SKRAG SKYE BA'I STONG NYID DANG SNYING RJE CHEN PO STE THABS SHES YAB BRAL BA LAS BRTZAMS NAS CHOS STON PAR GSUNGS TE KHU 'PHRIG NI DOGS PA'AM RNAM RTOG GO ,DES NA CHOS KUN BDEN MED DU BSTAN NA RNAM GZHAG KUN 'JOG MI NUS PA LA KUN BTAGS BDEN PAR MED LA GZHAN DBANG YONGS GRUB BDEN PAR YOD PA'I RNAM DBYE MDZAD DGOS TE, BDAG MED PA'I PHYOGS RE BSTAN NAS RIM GYIS BDAG MED YONGS RDZOGS LA 'KHRID DGOS LA, RGYU 'BRAS 'JOG PA'I GZHAN DBANG BDEN PAR MED NA KHO RANG GI NGOR GSUNGS PA'I NYI TSE BA'I STONG PA DE YANG @017B GZHAG TU MI RUNG BA'I PHYIR RO, ,DE'I PHYIR SOGS RTOGS SLA ZHING, RTEN 'BYUNG STONG BA'I DON DU RTOGS NUS PA NA DE 'DRA'I LTA BA'I GO RIM MANG PO'I RNAM DBYE MDZAD DON MED DE, DE'I NGOR RANG BZHIN GYIS STONG PA LA RNAM GZHAG KUN 'THAD PA'I PHYIR RO, ,DGONGS 'GREL GYIS DRANG NGES PHYE BA NI GDUL BYA MANG PO ZHIG THEG CHEN LA BKRI BA'I THABS MKHAS CHEN PO YIN TE, CHOS KUN BDEN MED DU BSTAN NA THEG CHEN RIGS CAN LA YANG LAS 'BRAS SOGS LA CHAD PAR LTA BA'I NYEN CHUNG BA DANG, THA SNYAD TSAD GRUB 'JOG MI SHES PA GNYIS LAS DANG PO LA DGAG BYA BDEN PA RAGS PA 'GA' ZHIG BKAG KYANG PHRA MO NAS MI KHEGS PA MANG ZHING, GNYIS PA LA DGAG BYA PHRA MO NAS KHEGS KYANG THA SNYAD TSAD GRUB KYI RNAM GZHAG BYA SA MED PAR 'GRO BA'I PHYIR, DGONGS 'GREL GYIS DRANG NGES PHYE BA GDUL BYA'I DBANG GIS YIN PA LTAR DE DANG MTHUN PAR STON PA'I PHYIR LANG GSHEGS SOGS KYANG GDUL BYA'I DBANG GIS GSUNGS PAR SHES PAR BYA LA, DE DAG GI 'GREL BYED THOGS MED SOGS KYIS NGO BO NYID GSUM JI LTAR BKRAL BA LTAR GYI DON DE RNAM RIG PA'I PHYIR GSUNGS PA LAS, RANG LUGS LA MI BZHED PA'I BSTAN BCOS SA SDE SOGS RNAM RIG PA'I BSAM PA DANG MTHUN PAR THOGS MED KYIS BKRAL BA'O, ` ,SPRO NA, RTZA SHE'I t'IKA CHEN DU, STONG PA'I DON RTEN 'BYUNG GI DON YIN PA LTO LDIR BA BUM PA'I DON DU 'JOG PA LTA BU YIN NA RTEN 'BREL NGES PA'I BLO DE NYID KYIS STONG PA YANG NGES PAR 'GYUR BAS MI RIGS PA DANG, RTEN @018A *, ,'BREL RJOD BYED KYI SGRA'I DON NYID STONG PA'I DON DU 'DOD NA YANG GNOD PA DE NYID YOD PA DANG, RTEN 'BREL DNGOS SU NGES PA'I SHUGS KYI DON LA 'DOD NA YANG SNGAR LTAR MI 'THAD PAR GSUNGS PA'I PHYI MA GNYIS KYI DON LA, RTEN 'BREL CHEN MOR, BUM PA RTEN 'BREL DU BRJOD PA'I SGRAS BUM PA BDEN STONG DNGOS SHUGS GANG RUNG LA BRJOD PA MIN PA DANG, BUM PA RTEN 'BREL DU NGES PA'I BLO BUM PA BDEN STONG DNGOS SHUGS GANG RUNG LA NGES PA'I BLO MIN PA'I DON DANG, RJE'I BSTOD 'GREL DU, GCIG DNGOS SU BRJOD PA'I SGRAS CIG SHOS DON GYIS 'PHANGS PA DANG, GCIG DNGOS SU RTOGS PA'I TSE GCIG SHUGS LA RTOGS PA LTA BU'ANG MIN PA'I DON DU BSHAD PA GNYIS PHYOGS MTHUN YANG ZUR CUNG ZAD MI 'DRA MOD, LHAG MTHONG DKA' 'GREL SNGA MA DANG SGRAS ZIN MTHUN NO, ,RANG BZHIN GYIS STONG BA'I DON GTAN MED LA MI BYA BAR RANG DBANG GIS STONG PA DANG, RTEN 'BYUNG ZHES PA'I RTEN NI LTOS PA LA BYA ZHING, 'BYUNG BA NI 'DUS BYAS LA SKYE BA DANG, MA BYAS PA'I CHOS LA GRUB PA'I DON DU BYAS NAS SGRA RTOG DANG CHA SHAS DANG GDAGS GZHI LA LTOS PA'AM BRTEN NAS GRUB PA'I DON YIN PAS CHOS DE RANG BZHIN GYIS GRUB PAS STONG ZHES PA BRTEN NAS GRUB CES PAR SONG BA STONG BA RTEN 'BYUNG GI DON DANG, RGYU RKYEN SOGS LA BRTEN NAS BYUNG NA GZHAN LA LTOS NAS GRUB PA LAS RANG DBANG GIS GRUB PA MIN DGOS PAS CHOS DE BRTEN NAS GRUB CES PA RANG DBANG GIS STONG ZHES PAR SONG BA RTEN 'BYUNG STONG BA'I DON @018B NO; ,STONG BRTEN 'BYUNG DANG RTEN 'BYUNG STONG PA'I DON DU 'GRO TSUL NI, LHAG MTHONG DKA' 'GREL LAS, DES NA CHOS GANG ZHIG RTEN 'BYUNG DU DNGOS SU NGES PA'I STOBS KYIS TSAD MA GZHAN LA LTOS MED DU RANG BZHIN GYIS STONG PAR NGES PA NI RTEN 'BREL STONG PA'I DON DU NGES PA DANG, CHOS GANG RANG BZHIN GYIS STONG PAR NGES PA'I BYED PA NYID LA BRTEN NAS GZHAN LA MA LTOS PAR RTEN 'BYUNG DU NGES PA NI STONG PA RTEN 'BYUNG GI DON DU RTOGS PAR 'JOG GO ,ZHES GSUNGS PA LTAR TE DE NI RANG BZHIN GYIS GRUB PA TSAD MAS KHEGS PA'I DBU MA BA RNAMS LAS GZHAN LA MIN PAR RTZA SHE'I t'IKA CHEN DU GSUNGS SO, ,LTA MGUR 'GREL BA TSIG GI SGRON MER LTA BA RNYED RJES LTA BA'I DPYAD PA RDZOGS PA 'BYUNG BAR GSUNGS SHING; RJE'I BSTOD 'GREL DU DE DRANGS PA TZAM LAS DE'I RJES SU 'BRANGS PA MI GSAL YANG, RJES 'BRANG DAG GIS YAB SRAS DE GNYIS DGONGS PA MTHUN PAR BYED DO, ,DE LTAR 'DOD PA KHA CIG GIS, SNANG BAS YOD MTHA' DANG STONG PAS MED MTHA' SEL BA, STONG BRTEN 'BYUNG DANG RTEN 'BYUNG STONG PA'I DON DU SONG BA, STONG NYID RGYU 'BRAS DANG RGYU 'BRAS STONG PAR SHAR BA, LTA BA'I DPYAD PA RDZOGS PA RNAMS LTA BA RNYED PA'I RJES SU 'BYUNG ZER BAR, GZHAN DAG NA RE; DE MI 'THAD PAR THAL, LAM GTZO LAS, NAM ZHIG RES 'JOG MED PAR CIG CAR DU, ,RTEN 'BREL MI SLU MTHONG BA TZAM NYID NAS, ,NGES SHES YID KYI 'DZIN STANGS KUN 'DZIG NA, ,DE TSE LTA BA'I DPYAD PA RDZOGS PA LAGS,, @019A *, ,ZHES RTEN 'BREL MI SLU BAR MTHONG BA'I STOBS KYIS BDEN 'DZIN GYI ZHEN YUL 'JIG PA LTA BA'I DPYAD PA RDZOGS PA'I TSAD DU GSUNGS SHING, GZHAN YANG SNANG BAS YOD MTHA' SEL BA DANG, ,ZHES SOGS KYIS MTHAR LTAS RGYUD 'PHROG MI NUS PA SNANG BAS YOD MTHA' SEL BA SOGS KYI LAG RJES SU GSUNGS PA DANG, SNANG BRTEN 'BREL SLU BA MED PA DANG, ,ZHES SOGS KYI SHUGS LA SNANG STONG GI GO BA GNYIS GCIG GROGS SU GCIG SONG BA NA THUB PA'I DGONGS PA MTHAR THUG RTOGS PAR GSUNGS PA DANG, GANG ZHIG 'KHOR 'DAS CHOS RNAMS THAMS CAD KYI, ,ZHES SOGS KYIS RGYU 'BRAS MI SLU BA DANG BDEN 'DZIN GYI DMIGS GTAD ZHIG PA GNYIS PHAN TSUN GCIG GIS GCIG LA MI GNOD PAR SONG BA NA RGYAL BA DGYES PA'I LAM DBU MA'I LTA BA RNYED PAR GSUNGS PA'I PHYIR, KHYAB STE, DE LTAR NA DE RNAMS DANG, MTHAR LTAS MI 'PHROG PA DANG, THUB PA'I DGONGS PA MTHAR THUG RTOGS PA DANG, RGYAL BA DGYES PA'I ZAB MO'I LAM RNYED PA RNAMS LTA BA RNYED PA NAS 'BYUNG BAR GRUB PA'I PHYIR, GZHAN YANG, RTZA SHE'I t'IKA CHEN LAS DE LTA NA RGYU 'BRAS KYI NGES PA DRANGS PA NYID LA BRTEN NAS MTSAN MAR 'DZIN PA'I DMIGS GTAD THAMS CAD 'JIG PAR BYED PAS YANG DAG PA'I LTA BA'I GOL SA RTAG CHAD DANG SGRO SKUR GYI MTHA' THAMS CAD DE NAS CHOD PA YIN NO, ,DE LTA BU'I RANG BZHIN GYIS STONG PA'I DON RTEN 'BYUNG GI DON DU MA RTOGS BAR DU YANG NA BDEN 'DZIN GYI DMIGS GTAD KYI LHAG MA LUS, YANG NA RGYU 'DI LAS 'DI 'BYUNG GI @019B RTEN 'BYUNG RANG LUGS LA MI BDE BAR RTEN 'BREL GYI NGES PA RNAL MA DRANG SA MED PAS RTAG CHAD GANG RUNG GCIG GI MTHAR LTUNG BA LAS MI 'DA' 'O, ,ZHES STONG BRTEN 'BYUNG GI DON DU MA SONG BAR RTAG CHAD DANG BRAL BA'I DBU MA'I LAM MI RNYED PAR GSUNGS PA DANG, MDOR NA JI SRID DU RANG GI NGO BOS GRUB PA'I RANG BZHIN MED PA LA LAS 'BRAS DANG 'CHING GROL LA SOGS PA YOD PAR 'JOG MI SHES PA DE SRID DU RTAG CHAD KYI LTA BA SPONG TSUL JI 'DRA ZHIG BYAS KYANG MTHA' DE GNYIS LAS MI 'DA' STE CHAD LTA SPONG BA NA YOD MTHA' KHAS BLANG DGOS LA RTAG LTA SPONG BA NA MED MTHA' KHAS BLANG DGOS PA'I PHYIR RO, ,ZHES STONG BRTEN 'BYUNG SOGS KYI DON DU MA SONG BAR MTHA' GNYIS SPONG BA'I DBU MA'I LAM MI RNYED PAR GSUNGS PA DANG, DUS 'KHOR t'IKA BSHAD LAS, MDOR NA RANG BZHIN GYIS GRUB PA'I STONG PA DANG BYA BYED KYI RNAM GZHAG GNYIS GCIG BZHAG NA GCIG BZHAGS MED PAR 'GRO BA 'DI MTHAR THUG PA'I LTA BA GO BA'I GEGS KYI GTZO BO YIN ZHING, THA SNYAD DU DE GNYIS GZHI GCIG LA 'DUR RUNG BA TZAM DU MA ZAD, THA SNYAD DU YANG RANG BZHIN GYIS GRUB PA KHEGS PA NYID KYIS GZHI LAM 'BRAS GSUM GYI BYA BYED KYI RNAM GZHAG THAMS CAD TSAD MAS GNOD MED DU BZHAG PAS CHOG PA'I TSUL LEGS PAR KHONG DU MA CHUD NA YANG DAG PA'I LTA BA MTHAR THUG PA RNYED PA'I THABS MED LA, ZHES STONG BRTEN 'BYUNG GI DON DU MA SONG BAR YANG DAG PA'I LTA BA MI RNYED PAR GSUNGS PA DANG, RJE NOR BZANG BAS, RNAM PAR SHES PA DBANG PO'I SHES PA LA, ,RANG @020A *, ,RANG YUL GYI SNANG BA SHAR TZAM DES, ,RIGS PA'I RGYU MTSAN GZHAN LA LTOS MED DU, ,RANG YUL STONG BAR NGES PA'I NGES SHES 'DREN, ,ZHES GSUNGS PA RNAMS KYIS KYANG SHES LA, RJE'I GSANG RNAM LAS, DPYAD PA NAR MAR BYA BRAL LA 'BYON PA'I GONG NYID NAS DE BAR MDZAD NA'ANG MTHAR THUG PA'I GNANG LA MI BDE BA GTAN NAS LOG PA'I NGES PA 'DREN MA THUB, NAS, SNGAR DANG MI 'DRA BA'I NGES PA GTING TSUGS PA 'KHRUNGS, ZHES GSUNGS PAS LTA BA RNYED PA NA MI BDE BA THAMS CAD LOG PA SHES NUS SHING, DE'I TSE LTA BA'I DPYAD PA RDZOGS PA NI DE NYID LAS, LUNG RIGS KYI LAM NAS DRANGS PA'I NGES PA RNYED NAS, BLOS DON DER THAG BCAD KYANG, GTING NAS MI BDE BA'I RNAM PA MED PA ZHIG 'ONG, DE DUS DON DE LA DPYAD PA RDZOGS PA YIN NO, ,ZHES GSUNGS PAS SHES SO ZER, DE LA, STONG BA RTEN 'BYUNG GI DON DU SONG NA DE DE'I DON DU RTOGS PAS KHYAB PAR THAL, 'DOD PA'I PHYIR, 'DOD NA, STONG NYID RTOGS MA THAG PA CHOS CAN, DER THAL, DE'I PHYIR, 'DOD MI NUS TE, DE'I RGYUD NA DE LTAR 'DZIN PA'I TSAD MA MED PA'I PHYIR NA, GZHAN DAG LTA BA RNYED PA DANG STONG BRTEN 'BYUNG GI DON DU SONG BA SOGS DUS MNYAM YANG, DE DANG DE'I DON DU RTOGS PA SOGS DUS MI MNYAM ZER BAS ZHIB TU DPYAD DGOS SO, ,KHO NA RE, RTZA SHE LAS, THAMS CAD YANG DAG YANG DAG MIN, ,ZHES SOGS DANG, RIN CHEN PHRENG BA'I, KHA CIG LA NI SDIG PA LAS, ,ZHES SOGS KYIS BSTAN DON 'DRA BAR @020B THAL; RTZA SHE LAS, BDAG GO ZHES KYANG BTAGS 'GYUR ZHING, ,ZHES SOGS DANG, RIN CHEN PHRENG BA'I DE'I BSTAN DON 'DRA BA'I PHYIR NA MA KHYAB, RTAGS GRUB STE, BDAG YOD PAR MA BSTAN NA LAS 'BRAS 'JOG MI NUS PA LA MI DGE BA BZLOG PHYIR BDAG YOD PA GZHIR BYAS TE MNGON MTHO LAS BRTZAMS PA DANG, MI DGE BA LAS LOG PA BDAG LTAS BCINGS PA KHA CIG LA RAGS PA'I GANG ZAG GI BDAG MED DANG GZUNG 'DZIN RDZAS GZHAN DANG, DE 'DRA KHA CIG LA GZUNG 'DZIN GNYIS MED DANG, ZAB DON MTHAR THUG RTOGS NUS PA LA STONG NYID SNYING RJE SNYING PO CAN BSTAN PA YIN PA'I PHYIR, DE LTAR RTZA SHE'I t'IKA CHEN DU, BDAG GO ZHES KYANG BTAGS 'GYUR ZHING, ,ZHES SOGS KYI DON BKRAL MA THAG RIM PA 'DI NI BRGYA BA LAS, BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN BZLOG PA, ,GANG GIS SHES DE MKHAS PA YIN, ,ZHES GSUNGS PA DANG, BRDA SPROD PA DAG JI LTA BUR, ,ZHES SOGS GSUNGS PA DANG MTHUN NO, ,ZHES GSUNGS PA'I PHYIR, RTZA BAR 'DOD MI NUS TE, DES NI GDUL BYA THAMS CAD MKHYEN PA LA GUS PA'I PHYIR SNOD BCUD RNAMS BDEN PAR GRUB PA DANG, PHRA BA'I MI RTAG PA RTOGS PHYIR 'DUS BYAS RNAMS YID BRTAN MI RUNG BA'I YANG DAG PA MIN PA DANG, KHA CIG LA SNOD BCUD KUN BYIS PA LA LTOS NAS RANG GRUB PA'I SKAD CIG GNYIS PAR GNAS PA'I YANG DAG PA DANG 'PHAGS PA'I RJES THOB YE SHES LA LTOS NAS RANG GRUB PA'I SKAD CIG GNYIS PAR MI GNAS PA'I YANG DAG PA MIN PA DANG, ZAB MO'I LTA @021A *, ,BAR GOMS PA DAG LA YANG DAG MIN PA SKAD CIG RE RER 'GYUR BA RANG BZHIN GYIS GRUB PA MIN LA, YANG DAG PA STE SKAD CIG RE RE LA GZHAN 'GYUR MED PA YANG MIN PAR BSTAN PA GANG ZHIG DE NYID RIN CHEN PHRENG BA DANG, BZHI BRGYA BA'I LUNG DE DAG GI DON MA YIN PA'I PHYIR TE, RTZA SHE'I t'IKA CHEN DU, THAMS CAD YANG DAG SOGS KYI DON RGYAS PAR PHYE RJES, BRGYA BA LAS, YOD DANG MED DANG YOD MED DANG, ,GNYI GA MIN ZHES KYANG BSTAN TE, ,NAD KYI DBANG GIS THAMS CAD NI, ,SMAN ZHES BYA BAR 'GYUR MIN NAM, ,ZHES GSUNGS SO, ,ZHES BZHI BRGYA BA'I 'DI DANG GNAD GCIG PAR GSUNGS PA'I PHYIR, GZHUNG LAS, BDAG MED PA'I PHYOGS RE BSTAN NAS, ZHES SOGS KYIS BDAG MED PHYOGS RE BA DANG BDAG MED NYI TSE BA LA GANG ZAG GI BDAG MED 'JOG ZER BA DANG, GANG ZAG GI BDAG MED NI PHYOGS RE BA'I STONG BA YIN ZER NA, DANG PO MI 'THAD DE, 'DI'I NYI TSE BA NI STONG GZHI'I SGO NAS MIN PAR DGAG BYA'I SGO NAS YIN ZHING, DE YANG RANG RGYA THUB PA'I RDZAS YOD LA BYED PA'I PHYIR, GNYIS PA MI 'THAD DE, DE LTAR NA BUM PA BDEN STONG YANG NYI TSE BA'I STONG PAR 'GYUR BA'I PHYIR, GNYIS PA DE NYID GSUNG RAB KYI DON GYI SNYING POR BSNGAGS PA'I TSUL LA GSUM, DE NYID GSUNG RAB KYI SNYING PO YIN PAS KLU SGRUB KYIS RTEN 'BYUNG RANG DBANG DU GSUNGS PA'I SGO NAS BSTOD TSUL, RTEN 'BYUNG GI DON RANG BZHIN GYIS MED PA GSUNG RAB KYI SNYING PO YIN TSUL, DES NA RANG BZHIN GYIS STONG PA RTEN 'BYUNG GI @021B DON DU RTOGS PA LA 'BAD DGOS PAR GDAMS PA'O, ,DANG PO LA GNYIS, MTSAMS SBYAR TE BSTOD PA'I GZHUNG DGOD PA, GZHUNG DON JI LTAR 'CHAD TSUL LO, ,DANG PO NI, DE LTAR, ZHES SOGS BYUNG, 'DUS BYAS KYI CHOS RNAMS CHOS CAN, RANG MTSAN GYIS GRUB PA'I RANG BZHIN MED DE, RANG RANG GI RGYU RKYEN LA BRTEN NAS 'BYUNG BA YIN PA'I PHYIR, ZHES RANG BZHIN GYIS STONG PA'I DON RTEN 'BYUNG GI DON DU RANG DBANG GIS GSUNGS PA 'DI NYID, RANG GI STON PA NI MU STEGS SOGS SMRA BA NGAN PA DANG NYAN RANG BYANG SEMS SOGS SMRA BA YANG DAG PA GZHAN LAS KHYAD PAR DU 'PHAGS PA'I CHOS BLA MED DU GZIGS NAS SLOB DPON KLU SGRUB KYIS GZHUNG MANG POR STON PA LA RTEN 'BYUNG GSUNGS PA'I SGO NAS BSTOD DE, RTZA SHER RTEN 'BYUNG 'GAG SOGS BRGYAD DANG BRAL BA DANG, RIGS PA DRUG CU BAR RTEN 'BYUNG YIN PAS 'GAG SOGS BRGYAD DANG BRAL BA DANG, RTZOD ZLOG TU STONG PA RTEN 'BYUNG DBU MA'I LAM RNAMS DON GCIG PA DANG, BSAM GYIS MI KHYAB PAR BSTOD PAR RTEN 'BYUNG YIN PAS 'GAG SOGS RANG MTSAN GYIS GRUB PAS STONG PAR GSUNGS PA'I SGO NAS BSTOD PA'I PHYIR, GNYIS PA NI, DANG POS, ZHES SOGS BYUNG, DE LA LUNG DANG PO'I DON NI, RTEN 'BYUNG RANG DBANG DU BSTAN PA'I SANGS RGYAS SMRA BA RNAMS KYI MCHOG GANG GIS RTEN 'BYUNG GI DE NYID JI LTAR BSTAN PA NI 'GAG SOGS BRGYAD KYIS STON PAR MDZAD DO, ,DE BRGYAD NI, RTEN 'BYUNG RANG BZHIN GYIS MA SKYES PAS NA MNYAM GZHAG ZAG MED KYI YUL GYI RANG BZHIN LA LTOS NAS SKAD CIG GIS @022A *, ,'JIG PA'I 'GAG PA DANG, RANG GI NGO BOR GYUR PA'I SKYE BA DANG, SNGA MA RGYUN CHAD PA DANG, DUS KUN TU GNAS PA'I RTAG PA DANG, YUL RING BA NAS NYE BAR 'ONG BA DANG, NYE BA NAS RING BAR 'GRO BA DANG, DON SO SO BA'I THA DAD PA DANG, DON SO SO BA MA YIN PA'I GCIG PA RNAMS MED PA STE, DE DAG NGO BO LA LTOS NAS NYAMS 'PHEL BYED PA'I SKYE 'GAG GNYIS, DUS LA LTOS NAS RTAG CHAD GNYIS, YUL LA LTOS NAS 'GRO 'ONG GNYIS, ZLA LA LTOS NAS GCIG THA DAD GNYIS SO, ,RTEN 'BYUNG GI DE KHO NA NYID GNAS TSUL BZHIN DU 'PHAGS PA'I GZIGS NGON BRJOD BYA RJOD BYED MTSAN MTSON SOGS KYI SPROS PA KUN LOG PA'I PHYIR RTEN 'BYUNG GI DE NYID LA SPROS BA NYER ZHI DANG, DE LA SEMS SEMS BYUNG GI 'JUG PA RNAM RTOG GI RGYU BA MED PAS SHES DANG SHES BYA'I THA SNYAD LOG PA'I SGO NAS SKYE RGAN 'CHI LA SOGS PA'I NYER 'TSE KUN DANG BRAL BAS NI BA'O ZHES PA STE, 'DI'I TSIG GSAL DU, BDAG NYID KYI DNGOS POR RED PA, ZHES PA NI BDAG NYID KYI DNGOS POR GYUR PA STE, ZHU 'GREL LAS, SA BON DU MA RED PA NI, NAS, SA BON DU MA GYUR PA ZHES BYA BA'I THA TSIG GO ,ZHES PA LTAR RO, ,LUNG GNYIS PA'I DON NI, RTEN 'BYUNG RANG DBANG DU GSUNGS PA'I THUB DBANG GANG GIS JI LTAR GSUNGS PA NI, RANG BZHIN GYIS SKYE 'JIG NI RTEN 'BYUNG GI TSUL 'DIS SPANGS PAR GYUR PA'O ZHES PA'O, ,LUNG GSUM PA'I DON NI, RTEN 'BYUNG RANG DBANG DU GSUNGS PA'I SGO NAS STON PA'I MCHOG TU GYUR PA MTSUNGS PA MED PA'I @022B SANGS RGYAS GANG GIS JI LTAR GSUNGS PA NI, BDEN GRUB KYIS STONG PA KHO NA'I CHOS DANG, RTEN 'BYUNG DANG, DBU MA'I LAM STE MTHA' GNYIS DANG BRAL BA'I DBUS GSUM DON GCIG PAR GSUNGS PA'O ZHES PA STE, 'DI'I RANG 'GREL GYI RTZA 'GYUR LAS, GANG ZHIG STONG DANG RTEN 'BYUNG DAG ,CES BYUNG PA LTAR NA, LHAG MTHONG DKA' 'GREL LAS, STONG BRTEN 'BYUNG GNYIS RE RES KYANG MTHA' GNYIS SEL BAS DBU MA'I LAM DU DON GCIG PA'AM 'DRA BA'I DON DU SBYAR NA GO BDE, ZHES GSUNGS PA LTAR 'GYUR MOD, GZHUNG LAS, RTEN 'BYUNG DANG DBU MA'I LAM DANG RANG BZHIN GYIS STONG PA RNAMS DON GCIG ,CES GSUNGS PA DANG, RTZA SHE'I t'IKA CHEN DU RTZOD ZLOG DRANGS NAS, DE GSUM RNAM GRANGS PAR GSUNGS SO, , ZHES PA LTAR NA SNGAR BZHIN BYA ZHING, RTZA SHA LAS, RTEN CING 'BREL BAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES PA NI, RTEN 'BREL STONG P'I DON DANG, STONG PA BRTEN NAS GDAGS PA DANG, RANG BZHIN GYIS STONG PA DBU MA BA RNAMS KYI BGROD PA'I SHUL DU GSUNGS PA RNAMS GNAD 'DRA BA'I DON NO, ,LUNG BZHI BA'I DON NI, YE SHES MNYAM ZLA MED PA DANG BSAM GYIS MI KHYAB PA DANG DPE MED PA STE KHYAD PAR GSUM LDAN GYI STON PA GANG GIS DNGOS PO KUN RTEN 'BYUNG YIN PAS 'GAG SOGS RANG MTSAN GYIS MA GRUB PAR GSUNGS ZHES PA YIN 'DRA'O, ,DE YANG STON PA LA BSTOD PA RNAMS KYI NANG NAS RTEN 'BYUNG RANG DBANG DU GSUNGS PA'I @023A *, ,SGOS BSTOD PA MCHOG DANG, DE LA RTEN 'BYUNG RANG DBANG DU GSUNGS PA STON PA BLA NA MED PA'I 'PHAGS CHOS DANG, DE LA RTEN 'BYUNG GSUNGS PA LUNG GI BSTAN PA'I SNYING PO DANG, DE LA YUL STONG NYID BRJOD BYA'I GTZO BO DANG YUL CAN LTA BA RTOGS PA'I BSTAN PA'I SNYING POR SHES DGOS SO, ,GNYIS PA RTEN 'BYUNG GI DON RANG BZHIN GYIS MED PA GSUNG RAB KYI SNYING PO YIN TSUL LA BZHI, DNGOS DANG, DE LA RTZOD PA SPANG BA DANG, RTEN 'BYUNG GI DON MA RTOGS NA RTAG CHAD KYI MTHAR LTUNG TSUL DANG, DE LTAR RTOGS DKA' BAR BSTAN PA'O, ,DANG PO NI, STON PA'I GSUNG RAB, CES SOGS BYUNG, DE LA, 'JOG PA MI RIGS LA, ZHES PA YAN GYIS RTEN 'BREL BDEN STONG GSUNG RAB KYI SNYING POR BSGRUBS PA DANG, DE MAN GYIS DON DAM BDEN PA BDEN GRUB TU LTA BA GSOR MI RUNG BA'I LTA BA DANG SMAD PA'I GNAS SU STON TE, DE YANG BDEN GNYIS SGOS GSUNG RAB 'GREL TSUL YANG STONG BA RTEN 'BYUNG GI DON DU GSUNGS PA DE NYID YIN TE, GSUNG RAB RNAMS NI BDEN GNYIS GANG RUNG LA BRTZAMS NAS STON PA KHO NA YIN LA, DE GNYIS KYI RNAM DBYE MI SHES NA BSTAN PA'I DE NYID MI SHES PA'I PHYIR TE, RTEN 'BYUNG SNA TSOGS BSTAN PA KUN RDZOB BDEN PA DANG, DON DAM PA NI RTEN 'BYUNG YIN PA'I RGYU MTSAN GYIS RANG MTSAN GYIS MED PA'I STONG PA DE TZAM ZHIG TU ZAD PA'I PHYIR, DER THAL, STONG NYID BDUN CU BRTZA 'GREL BZHIN DON DAM BDEN PA BZHED MKHAN RNAMS KYIS DGAG BYA'I BDAG RNAM PAR BCAD TZAM LA DON DAM BDEN @023B PAR 'JOG PA NI DBU SEMS GNYIS MTHUN PAS DE LAS GZHAN PA'I DON DAM 'JOG PA MI RIGS PA'I PHYIR, STONG NYID BDUN CU BA'I LUNG DON NI, DNGOS PO KUN RANG BZHIN GYIS STONG PA YIN PAS NA STONG PA DE GANG GIS STONG BAR 'JOG PA'I RGYU MTSAN DNGOS PO DE RNAMS KYI RTEN 'BYUNG GI TSUL 'DI NI STON PAS NYE BAR BSTAN CING DON DAM BDEN PA NI RTEN 'BYUNG RANG BZHIN GYIS STONG PA DER ZAD DO, ,DE LTA NA YANG SANGS RGYAS KYIS 'JIG RTEN GYI THA SNYAD SNA TSOGS LA BRTEN NAS KUN RDZOB SNA TSOGS PA KUN YANG DAG PAR BTAGS PAR GSUNGS TE, 'GYUR MI MTHUN PA MANG YANG 'DIR DRANGS PA RANG 'GREL GYI 'GYUR YIN LA DES RANG 'GREL GYI DON YANG SHES NUS SO, ,RTZA SHER BA BYED BCU GSUM PAR GANG DAG STONG NYID BDEN GRUB TU LTA BA DE DAG BSGRUB TU MED PA STE GSOR MI RUNG BA'I LTA BAR DKOR BRTZEGS SOGS SU GSUNGS PAR BSHAD PA DANG, BUDDHA B'A LI TA LAS, GANG DAG STONG PA NYID LA DNGOS PO NYID DU MNGON PAR ZHEN PA DE DAG LA NI GZHAN GANG GIS KYANG MNGON PAR ZHEN PA DE ZLOG PAR MI NUS TE, DPER NA CI YANG MED DO ZHES SMRAS PA NA CI YANG MED PA DE NYID BYIN CIG CES ZER BA GANG YIN PA DE LA CHED PA NYID 'DZIN TU GZHUG PAR JI LTAR NUS PA BZHIN TE, ZHES GSO BAR MI RUNG BA'I LTA BA CAN DU BSHAD CING, 'JIG RTEN LAS 'DAS PAR BSTOD PA LAS, RNAM RTOG THAMS CAD SPANG PHYIR STON PAS STONG NYID LA BRTZAMS PA'I CHOS KYI BDUD RTZI STON PAR MDZAD NA, GANG ZHIG STONG NYID LA BDEN PAR ZHEN PA DE NYID THUB PAS SHIN TU SMAD PA'I GNAS SU GSUNGS SO, , @024A *, ,GNYIS PA NI, CHOS CAN RTEN 'BREL, ZHES SOGS BYUNG, DE LA, LAN DU MAR GSUNGS SO, ,ZHES PA'I BAR GYIS CHOS CAN DANG CHOS NYID DON DAM DU YOD MED MTSUNGS PA LA DBU SEMS MTHUN TSUL DANG, DE MAN GYIS MYANG 'DAS BDEN PAR GRUB PA'I RTZOD SPONG MDZAD PA LAS, MNYAM GZHAG ZAG MED KYI NGO NA CHOS NYID YOD KYANG CHOS CAN MED PA MI 'GAL TE, CHOS CAN DANG CHOS NYID RTEN BRTEN PAR YOD PA NI THA SNYAD PA'I SHES NGO LAS 'PHAGS PA'I MNYAM GZHAG GI NGOR MA YIN PA'I PHYIR, 'ON KYANG CHOS RNAMS BDEN GRUB TU YOD PA LA CHOS CAN MED NA CHOS NYID YAN GAR DU GNAS MI NUS PAS GZHAN DBANG RANG BZHIN GYIS STONG NA YONGS GRUB KYANG DE LTAR 'GYUR BAR 'DOD PA LA DNGOS SMRA BA DANG, DBU MA PA GNYIS KHYAD MED KYANG 'DI BAS GZHAN DBANG RANG BZHIN GYIS STONG PAS YONGS GRUB KYANG RANG BZHIN GYIS STONG BAR BZHED CING, DNGOS SMRA BAS DE LTAR MI 'DOD A, RTZA SHE'I GRUB MA GRUB DANG, MDO'I DMIGS MA DMIGS NI RANG BZHIN GYIS YOD MED LA BYA'O, ,KHO NA RE, RIGS PA DRUG CU PA LAS, MYA NGAN 'DAS PA BDEN GCIG BUR, ,RGYAL BA RNAMS KYIS GANG GSUNGS PA, ,DE TSE LHAG MA LOG MIN ZHES, ,MKHAS PA SU ZHIG RTOG PAR BYED, ,CES MYANG 'DAS GCIG PU BDEN GYI GZHAN RNAMS MI BDEN PAR GSUNGS BA JI LTAR DRANG ZHEN, DE NI MDO LAS, DGE SLONG DAG BDEN PA DAM PA 'DI NI GCIG STE, 'DI LTA STE, MI SLU BA'I CHOS CAN MYA NGAN LAS 'DAS PA'O, ,'DU BYED THAMS CAD NI RDZUN PA SLU BA'I @024B CHOS CAN NO, ,ZHES GSUNGS PA'I DON BKRAL BA YIN ZHING, DE'I DON NI RIGS PA DRUG CU BA'I ZLA 'GREL LAS, JI LTAR 'DUS BYAS LOG PAR SNANG BAS BYIS PA RNAMS LA SLU BA DE BZHIN DU, MYA NGAN LAS 'DAS PA NI DE LTA MA YIN TE, RTAG PAR SKYE BA MED PA'I RANG GI NGO BOR GNAS PA'I PHYIR, DE NI BYIS PA RNAMS LA 'DUS BYAS LTAR SKYE BA'I NGO BOR NAM YANG MI SNANG NGO, ,DE BAS NA MYA NGAN LAS 'DAS PA NI RTAG TU MYA NGAN LAS 'DAS PA NYID DU GNAS PAS 'JIG RTEN GYI THA SNYAD KYIS DON DAM PA'I BDEN PA ZHES BSHAD DO, ,ZHES MI SLU BA BDEN PAR GSUNGS PA'I DON DANG DE YANG THA SNYAD KYI DBANG GIS YIN PA DANG, MDO NYID LAS KYANG MI SLU BA'I CHOS CAN ZHES BDEN PA'I DON MI SLU BA DANG, 'DU BYED THAMS CAD NI BRDZUN PA SLU BA'I CHOS CAN NO ZHES 'BYUNG BA'I SKABS SU YANG BRDZUN PA'I DON SLU BA LA GSUNGS PAS DE'I ZLOG PHYOGS KYI BDEN PA'I DON YANG MI SLU BA LA BYA YI RANG GI MTSAN NYID KYIS YOD PA'I BDEN PA MIN NO, ,'DU BYED THAMS CAD BRDZUN PA SLU BA'I CHOS CAN YIN ZHES PA'I SLU LUGS NI, DE DAG RANG MTSAN GYIS MED BZHIN RANG MTSAN GYIS GRUB PAR SNANG NAS SO SKYE RNAMS GNAS LUGS MTHAR THUG LA SGRIB PA'I SGO NAS SLU BAS RDZUN PA'AM SLU BA ZER BA 'JIG RTEN GYI SLU BRID BZHIN NO, ,MYANG 'DAS DON DAM BDEN PA NI RANG MNGON SUM DU RTOGS PA'I BLO'I DOR RANG BZHIN GYIS MED BZHIN RANG BZHIN GYIS GRUB PAR SNANG NAS SLU BA MED PAS MI SLU BA'AM BDEN PA ZHES GSUNGS PA LAS DGAG BYA'I BDEN PA MIN NO, ,GSUM PA LA @025A *, ,GSUM, DNGOS DANG, RANG STONG GI DON PHYIN CI LOG TU SMRA BA DGAG PA DANG, RTEN 'BYUNG LA BDEN GRUB TU 'DOD PA BZHAD GAD KYI GNAS SU BSTAN PA'O, ,DANG PO NI, GANG ZAG DANG, ZHES SOGS BYUNG, 'DIR DRANGS PA'I RIGS PA DRUG CU BA'I TSIGS BCAD GSUM SO SO'I SNGA 'GREL DANG BCAS PAS RIM PAR GZHAN SDE DANG, DNGOS SMRA BA MTHAR LTUNG TSUL DANG, DBU MA PAS MTHA' GNYIS SPONG TSUL BSTAN PA'I DANG PO'I DON NI, GANG ZAG DANG CHOS RTEN 'BREL DU MI 'DOD PAR BDEN GRUB TU 'DOD PA'I GZHAN SDE GANG DAG GIS PHUNG PO RANG BZHIN MED PA LA MA BRTEN PAR SEMS RANG MTSAN GYIS GRUB PA LA BDAG GAM 'JIG RTEN DU ZHEN PA DE DAG NI KYE MA STE NGES PAR RTAG CHAD SOGS SU LTA BAS THAR LAM LAS PHYIR PHYOGS PAR BYED PA DANG, YANG NA GRANGS CAN SOGS GANG DAG GIS BDAG PHUNG PO LA MA BRTEN PAR RTAG PA DANG NGO BO NYID KYIS GRUB PA DANG RTEN 'BREL MIN PAR 'DOD PA DANG, 'JIG RTEN TE PHUNG PO'ANG RTZA BA'I RANG BZHIN GYI BDAG NYID DANG, RANG BZHIN DE MI 'GYUR BAS RTAG TU GNAS PAR ZHEN KYANG, RNAM 'GYUR NI LDOG PAR 'DOD PA DANG, DE LAS GZHAN DU 'DOD PA'I MU STEGS PA GNYIS KA RTAG CHAD KYI LTA BAS 'PHROG PAR 'GYUR ZHES 'GREL TSUL GYI RNAM GRANGS GNYIS SNANG NGO, ,GNYIS PA'I DON NI, GANG DAG GANG ZAG DANG CHOS GNYIS RTEN 'BREL YIN YANG, RANG MTSAN GYIS GRUB PAR 'DOD PA'I RANG SDE DNGOS SMRA BA DE DAG LA YANG RTAG CHAD KYI LTA BA'I SKYON JI LTAR 'BYUNG @025B BAR MI 'GYUR ZHES PA'O, ,GSUM PA'I DON NI, GANG DAG RTAG CHAD KYI LTA BA DANG BRAL 'DOD NA RTEN 'BREL GYI RIGS PAS GANG ZAG DANG CHOS NI RTEN 'BYUNG GI DNGOS PO CHU ZLA BZHIN RANG BZHIN GYIS STONG PAR KHAS BLANG DGOS SO, ,RANG BZHIN GYIS GRUB PA'I YANG DAG PA MIN PA DANG, GTAN NAS MED BZHIN YOD PAR SNANG BA'I LOG PA'ANG MIN PAR 'DOD PA DE DAG RTAG CHAD KYI LTA BAS 'PHROG PA MIN TE, YANG DAG PAR MA GRUB PAS RTAG LTA SPONG BA SOGS YIN PA'I PHYIR, TSUL 'DI NYID RTAG CHAD SPONG BA'I SGO DAM PAR BZHED DE, RANG GZHAN GYI SDE BA DE DAG RTAG CHAD KYI DBANG DU 'GYUR BA'I PHYIR RO, ,TSIGS BCAD 'DI DAG BA SO DANG PRA STIS 'BRU GNYER BAR ZLA 'GREL DANG MI MTHUN PA MANG BAS, ZLA 'GREL DANG THAD 'DI'I SNGA 'GREL BSDUR NAS BRIS YOD DO, ,GZHUNG DU CHOS RNAMS RANG BZHIN GYIS GRUB PAR KHAS BLANGS PAS RTAG CHAD KYI MTHAR LTUNG BAR GSUNGS NA, DE LTAR KHAS BLANGS PAS CHAD MTHAR LTUNG TSUL JI LTA BU ZHE NA, DE NI TSIG GSAL LAS, GANG ZHIG RANG BZHIN GYIS YOD PAR BRJOD PA DE NI RANG BZHIN LA LDOG PA MED PAS NAM YANG MED PA MA YIN TE, NAS, SNGON GNAS PA'I SKABS SU DNGOS PO'I RANG BZHIN KHAS BLANGS NAS DA LTAR DE PHYIS ZHIG PAS MED DO ZHES KHAS BLANGS PAS CHAD PAR LTA BAR THAL BAR 'GYUR RO, ZHES DANG, LAM RIM CHEN MO LAS, RANG BZHIN GYIS YOD PA KHAS BLANGS PA LA RTAG LTA DANG SNGAR GYI RANG BZHIN DE NYID PHYIS ZHIG PAR 'DOD NA MED LTAR GSUNGS KYI, ZHES DANG, @026A *, ,RANG BZHIN DE DUS KUN TU MI 'GYUR BAR 'DOD NA NI RTAG LTAR 'GYUR LA, DUS SNGA MA NA YOD PA DUS PHYI MAR ZHIG PAR 'DOD NA NI CHAD LTAR 'GYUR BA'I PHYIR RO, ,ZHES GSUNGS PA LTAR RO, ,GNYIS PA NI, DES NA PHYI NANG, ZHES SOGS BYUNG, DE LA CHOS KUN RANG BZHIN GYIS STONG LA STONG PA DE KUN RDZOB CHAD STONG DU SMRA BA JO NANG BA'I 'DOD PA NI SHING RTA CHEN PO GNYIS KA'I LUGS DANG 'GAL ZHING, DBU MA BAR RLOM PA MANG PO YANG BSHAD TSUL SNGA MA DE DANG RANG GIS KUN RDZOB RNAMS RANG GI NGO BOS STONG BAR 'DOD PA MTHUN PAR SMRA BA GNYIS KA YANG RANG STONG GI DON LOG PAR BZUNG BA YIN TE, RANG BZHIN GYIS STONG BA TZAM ZHIG CHAD STONG DU MI 'GYUR BAR YOD PA MED PAR SKUR BA DER 'GYUR BA DANG, KUN RDZOB RNAMS RANG RANG GIS STONG PA RANG STONG GI DON MIN PAR STONG GZHI DE RANG BZHIN GYIS GRUB PAS STONG BA ZHIG RANG STONG GI DON YIN PA'I PHYIR, LHAG MA SLA'O, ,GSUM PA NI, DNGOS PO RNAMS, ZHES SOGS BYUNG, DE LA PHYI ROL BAS CHOS KUN BDEN GRUB TU 'DOD PA MTSAR BA'I GNAS MIN PAR STON PA LA RIGS PA DRUG CU BA'I TSIGS BCAD DANG PO DANG, RANG SDES RTEN 'BREL KHAS BLANGS NAS CHOS KUN BDEN GRUB TU 'DOD PA CHES BZHAD GAD KYI GNAS SU STON PA LA TSIGS BCAD GNYIS PA BYUNG NGO, ,GAL TE DNGOS KUN RTAG PAR SMRA BA'I PHYI ROL BRTEN 'BREL KHAS MI LEN PA RNAMS KYIS DNGOS MCHOG STE DNGOS PO BDEN GRUB TU ZHEN NAS 'DOD PA DE LA GNAS PA LA YA MTSAN CUNG ZAD KYANG MED PAR THAL, DE DAG RTEN 'BREL KHAS @026B MI LEN PA'I RANG GI STON PA'I LUGS LA GNAS PA'I GANG ZAG YIN PA'I PHYIR, DBU MA BA LA RTZOD PAR 'DOD NAS DNGOS KUN BDEN PAR ZHEN PAS 'DOD PA DE LA GNAS PA'I RANG SDE DNGOS SMRA BA RNAMS RMAD DU BYUNG BA'O ZHES BZHAD GAD KYI GNAS SU BYA BA YIN TE, DE DAG GIS SANGS RGYAS KYI LAM RGYU LAS BYUNG BA'I RTEN 'BREL KHAS BLANGS PA LA BRTEN NAS DNGOS PO KUN MI RTAG PAR SMRA BA'I PHYIR, 'DI'I RMAD BYUNG GI DON YANG ZLA 'GREL LAS, PHYAG BYA BAR 'OS PA MA YIN PA LA PHYAG 'TSAL LO ZHES BYA BA'I TSIG BZHIN DU RMAD DU BYUNG BA'I SGRA BSTOD PA'I TSIG 'DI YANG BSTINGS PA YIN NO, ,ZHES GSUNGS PA LTAR RO, ,DE SKAD DU LEGS BSHAD SNYING PO CHUNG BAR YANG, RMONGS PAS BRAN DU BZUNG BA YIS, ,NAS, 'DI LA KHO BO NGO MTSAR GYUR, ,CES GSUNGS SO, ,'GREL 'GYUR DU RKANG PA GNYIS PA LA, DNGOS LA ZHEN PAR GNAS PA NI, ,ZHES DANG, RKANG PA BDUN PAR, RTZOD PA YIS NI DNGOS PO LA, ,ZHES PA LEGS PAR MNGON NO, ,BZHI BA DE LTAR RTOGS DKA' BAR BSTAN PA NI, RTEN 'BREL RTAG CHANG DANG, ZHES SOGS BYANG, RTEN 'BREL RTAG CHAD DANG BRAL BA CHES RTOGS DKA' BAS SNGON PAS THUGS LAS CHUNG NGUR GZHOL BA'I TSUL MDZAD DE, RTZA SHER, DE PHYIR ZHAN PAS CHOS 'DI YI, ,ZHES SOGS GSUNGS PA'I PHYIR, DON NI SHES RAB ZHAN PA DAG GIS ZAB MO'I CHOS 'DI'I GTING RTOGS DKA' BAR MKHYEN NAS, ZAB ZHI SPROS BRAL 'OD GSAL 'DUS MA BYAS, ,ZHES SOGS GSUNGS TE ZHAG ZHE DGUR @027A *, ,THUB PA'I THUGS CHOS BSTAN PA LAS LOG PAR GYUR PA YIN TE, STONG NYID LA LOG PAR BZUNG BAS 'DZIN PA PO 'PHUNG BA DANG, BLO DMAN GYIS DE KHO NA NYID YANG DAG PAR RTOGS PAR DKA' BA DE'I PHYIR, DE LTAR DE NYID LAS, STONG PA NYID LA LTA NYES NA, ,SHES RAB CHUNG RNAMS 'PHUNG BAR 'GYUR, ,JI LTAR SBRUL LA BZUNG NYES NGANG, ,RIG SNGAGS NYES PAR BSGRUBS PA BZHIN, ,ZHES DANG, RIN CHEN PHRENG BA LAS, GZHAN YANG 'DI NI LOG BZUNG NA, ,BLUN PO MKHAS PA'I NGA RGYAL CAN, ,SPONG BA'I MA RUNGS BDAG NYID CAN, ,MNAR MED PAR NI SPYI'U TSUGS 'GRO, ,ZHES DANG, SDUD PA LAS, SPANGS NAS SKYABS MED GYUR BA DE NI MNAR MED 'GRO, ,ZHES SOGS STONG NYID KYI DON LOG PAR BZUNG BA DANG SHER PHYIN SPANGS PA'I NYES DMIGS MANG DU GSUNGS SO, ,DE TZAM DU RTOGS DKA' BA'I RGYU MTSAN YANG LHAG MTHONG LAS, MDOR NA RANG BZHIN MED PA'I STONG NYID 'DI STONG PA NYID DAM PA MA YIN NO ZHES SMRA ZHING DE 'GOG NA SHER PHYIN SPANGS PA'I CHOS SPONG GIS NGAN 'GROR 'GRO LA, RANG BZHIN MED PA LA MOS NA YANG RANG BZHIN MED NA CI ZHIG YOD SNYAM NAS CHOS THAMS CAD GTAN YOD PA MA YIN PAR 'DOD NA YANG CHAD LTA'I G-YANG DU LTUNG BAR 'GYUR RO, ,ZHES GSUNGS PA LTAR RO, ,DE LTAR RTOGS DKA' BA'I RGYU MTSAN GYIS 'JUG PAR YANG, DE NYID BSHAD ZIN ZAB MO 'JIGS RUNG 'DI NI SNGON GOMS NYID LAS SKYE BO YIS, ,NGES PAR RTOGS 'GYUR 'DI NI GSAN RGYA CHE YANG GZHAN GYIS THUGS SU CHUD MI 'GYUR, ,ZHES @027B GSUNGS PA YIN TE, SROL PHYE BA DANG PO RNAM RIG PA'I LUGS LTAR NA DE TZAM MI DKA' 'O, ,GSUM PA DES NA RANG BZHIN GYIS STONG PA RTEN 'BYUNG GI DON DU RTOGS PA LA 'BAD DGOS PAR GDAMS PA NI, DES NA TSUL 'DI'I, ZHES SOGS BYUNG; SHER MDO'I TSUL 'DI'I TSIG DON GNYIS KA SPONG BA DANG, TSIG MI SPONG YANG DON SPONG BA DANG, STONG PA'I DON GTAN MED DU BZUNG NAS LAS 'BRAS SOGS MED PAR LTA BA'I MED LTA RNAMS SPANGS LA DE KHO NA NYID KYI DON RTOGS PA LA 'BAD DGOS PAR RIN CHEN PHRENG BA'I TSIGS BCAD GNYIS KYIS BSTAN TE, DE YANG, KHA ZAS 'PHROD PA DANG TSOD ZIN PAS LUS STOBS RGYAS PA SOGS YON TAN DANG, DE LAS LDOG PAS NAD SKYED PA SOGS SKYON 'BYUNG BA BZHIN DU STONG NYID KYI DON LOG PAR BZUNG BAS 'PHUNG BA DANG, LEGS PAR SHES PAS GNAS SKABS BDE BA DANG MTHAR THUG SANGS RGYAS 'THOB PA DE'I PHYIR STONG NYID 'DI LA SKUR 'DEBS KYIS SPONG BA DANG, MED PAR LTA BA GNYIS KA SPANGS NAS 'DOD DON KUN BSGRUB PHYIR GNAS LUGS KYI DON SHES PA'I THABS LA NAN TAN MCHOG TU MDZOD CES GSUNGS SO, ,SLOB DPON KLU SGRUB KYIS RIGS PA GSUNGS PA THAMS CAD RTEN 'BREL KHONG DU CHUD PA'I THABS SU SHES PAR BYAS NAS DBU MAR SBYANG BAR BYA'O, ` ,SPRO NA, BDEN GNYIS KYI SGO NAS GSUNG RAB 'GREL TSUL LA, GNYAL STON GYIS, DE SHES PA LA RTEN 'BREL BDEN STONG SHES DGOS PA'I PHYIR, ZHES GSUNGS PA LA DPAGS NA RTEN 'BREL BDEN STONG SHES PA 'JOG GAM SNYAM ZHING, RJE 'JIGS @028A *, ,MED DBANG POS BDEN GNYIS KYI SGO NAS GSUNG RAB 'GREL TSUL RJE RANG GIS LEGS PAR BSHAD PA'I DON DANG, ZAB GSAL SGRON MER BDEN GNYIS KYI SGO NAS 'GREL PA DE TZAM YIN PAR BSHAD DO, ,'ON KYANG GZHUNG GIS BSTAN TSOD NI STONG BRTEN 'BYUNG GI DON DU GSUNGS PA STON PA SMRA BA GZHAN LAS KHYAD PAR 'PHAGS CHOS SU GSUNGS PA'I 'PHROR, BDEN PA GNYIS KYI SGO NAS GSUNG RAB 'GREL BA'I TSUL YANG DE NYID YIN TE, ZHES GSUNGS PAS SNGAR BSHAD PA LTAR 'THAD DAM SNYAM MO, ,BU, MKHAS GRUB, T'A RA BA, RJE ROL RDOR RNAMS KYIS ZLA BA'I GZHUNG BGRANGS PA RNAMS SU STONG NYID BDUN CU BA'I 'GREL BA MI 'BYUNG ZHING, RJE'I LEGS BSHAD DU MI GSAL BAS DA LTA'I ZLA 'GREL DU GRAGS PA 'DI ZLA BA'I YIN MIN DPYAD PAR BYA LA, STONG NYID BDUN CU BA'I, YANG DAG BTAGS, ,ZHES PAR, RTZA 'GYUR DU, RTEN BRTAGS, ZHES DANG, ZLA 'GREL GYI 'GYUR DU, BDEN PAR GDAGS, ,ZHES 'BYUNG ZHING, RANG 'GREL LAS; YANG DAG PA DE BZHIN NYID DU BRTAG PAR ZAD DO, ,ZHES DANG, SLOB DPON GZHAN LA PHAN PA'I 'GREL BA LAS, YANG DAG PAR PHYIN CI LOG PA BRTAG PA STE, ZHES GSUNGS PA GNYIS MTHUN MIN BRTAG LA, ZAB GSAL SGRON MER YANG DAG PAR RAM TSUL BZHIN BRTAGS PA'AM BSTAN PA ZHES BSHAD PA RGYA 'GREL GSUM GANG DANG YANG MI MTHUN NO, ,RTZA SHE'I, DE DAG BSGRUB TU MED CES PA'I DON LA, RMA t'IK TU, MI GNAS PA'I MYANG 'DAS BSGRUB TU MED PA DANG, RED t'IK TU, @028B GNYEN PO CI YANG BSGRUB TU MED PAR BSHAD PA'I SNGA MA'I RJES SU ZAB GSAL SGRON ME YANG 'BRANGS MOD, RGYA 'GREL LNGA GAR DE GNYIS GANG YANG MI GSAL LO, ,RIGS PA DRUG CU BA'I, DNGOS MCHOG CES DANG, DNGOS RNAMS MCHOG CES PA LA ZLA 'GREL DU, RTZA BA YANG, DNGOS LA ZHEN ZHES DANG, DNGOS PO LA, ,CHAGS GNAS ZHES BSGYUR CING, 'GREL YANG, DNGOS LA ZHEN PAR GNAS PA DANG, ZHES DANG, STONG PA NYID DU SMRA BA LA RTZOD PAR BYED CING, DE MI SRID PA'I DNGOS PO LA BRTEN PA; ZHES DANG, DE'I ZIN BRIS SU, DNGOS PO BDEN PAR SMRA BA, ZHES PA TZAM LAS MI GSAL YANG, DAR t'IK TU, DNGOS PO MCHOG BDEN PAR BZUNG NAS GNAS, ZHES GSUNGS PA LA BRTEN NAS ZAB GSAL SGRON MER, DNGOS PO MCHOG STE BDEN PAR BZUNG NAS, ZHES SBYAR BA DGONGS PAR SON 'DRA ZHING, DE RMAD CES PA LA DPE 'GAR SA SMAD BRIS PA MA DAG STE, DE'I ZLA 'GREL LAS, NGO MTSAR CHE BAS DE RMAD DU GYUR PA'O, ,ZHES GSUNGS PA'I PHYIR RO, ,KHO NA RE, DNGOS SMRA BA'I MKHAS PA CHEN PO RNAMS LA SHER PHYIN SPANGS PA'I NYES DMIGS RNAMS BSHAD PA BZHIN BYUNG BAR THAL, STONG NYID KYI DON LOG PAR BZUNG BA DANG SHER PHYIN SPANGS NA NYES DMIGS CHE BA SNGAR BSHAD PA LTAR YIN PA'I PHYIR NA MA KHYAB STE, MCHOG MI 'GYUR GYI MDOR BSDUS KYI 'GREL CHEN LAS, LTA BA PO PHAN TSUN SMRA BA PO DE RNAMS KYI LTA BA LA SKYON YOD PA MA YIN TE, DE KHO NA NYID YONGS SU BRTAG PA LA BRTEN PA'I SEMS KYI PHYIR DANG, SEMS CAN THAMS CAD LA GNOD PA BYED PA'I SEMS @029A *, ,MED PA'I PHYIR DANG, SEMS CAN THAMS CAD LA PHAN PA BYED PA'I SEMS KYI PHYIR RO, ,ZHES GSUNGS PA LTAR BSTAN PA DANG SEMS CAN LA PHAN PAR DGONGS PA 'BA' ZHIG GIS GSUNG RAB KYI DE KHO NA NYID RNAM PAR BRTAG PAR BZHED PA LAS KUN SLONG NGAN BSAM BSLAD PA'I PHYIR RO, ,GNYIS PA DE'I RJES SU 'BRANG BA RNAMS KYIS JI LTAR BKRAL BA'I TSUL LA GNYIS, MTSAMS SBYAR BA DANG, DNGOS SO, ,DANG PO NI, SLOB DPON 'DI YI, ZHES SOGS BYUNG, KLU SGRUB KYI RJES 'BRANG GI GTZO BO NI 'PHAGS PA LHA YIN TE, DE SANGS RGYAS BSKYANGS SOGS RJES 'BRANG KUN GYIS 'PHAGS PA NYID DANG KHYAD MED DU YID CHES PA'I GNAS SU 'DZIN PA'I PHYIR, 'PHAGS PA LHAS YE SHES SNYING PO KUN BTUS, 'KHRUL ZLOG DBU MA LAG PA'I TSAD SOGS THOR BU MANG DU MDZAD KYANG, BRJOD BYA YONGS SU RDZOGS PA'I DBU MA'I GZHUNG RNAL 'BYOR SPYOD PA BZHI BRGYA BA BRTZAMS NAS KLU SGRUB KYI DGONGS PA GSAL BAR MDZAD CING, ZHI BA 'TSO LA SOGS PA, ZHES PA'I SOGS SGRAS BSDUS PA'I DBU MA BA CHEN PO NI, DPA' BO, ZHI BA LHA, YE SHES SNYING PO, KA SH'I, DPAL SBAS, 'PHAGS SENG SOGS YIN NO, ,YAB SRAS GNYIS LA GZHUNG PHYI MO'I DBU MA BA ZER BA DANG, DE GNYIS KYI GZHUNG LA GZHUNG PHYI MO ZER BA'I RGYU MTSAN NI, LCANG SKYA'I GRUB MTHA' LAS, YAB SRAS GNYIS KYI DGONGS PA MTHAR THUG THAL 'GYUR BA'I LUGS SU GNAS KYANG GZHUNG GI BSTAN TSOD LA, THA SNYAD DU DNGOS PO LA RANG MTSAN ZHAL GYIS BZHES MI BZHES DANG, PHYI ROL KYI DON @029B ZHAL GYIS BZHES MI BZHES DANG, GZHAN GRAGS TZAM GYI SGO NAS PHYI RGOL LA RJES DPAG SKYED DU RUNG MI RUNG SOGS KYI RNAM GZHAG GSAL BAR PHYE BA MED PAS THAL RANG GI PHYOGS GNYIS KA'I SPYI LA BZHUGS PAS NA PHYI MO ZHES ZER RO, ,ZHES GSUNGS PA LHAG MTHONG LAS, YAB SRAS GNYIS KA DBU MA BA GZHAN RNAMS KYI KHUNGS YIN PAS, SNGA RABS PA RNAMS DE GNYIS LA GZHUNG PHYI MO'I DBU MA PA, ZHES GSUNGS PA DANG, GZHUNG 'DI DANG MTHUN NO, ,LEGS LDAN SOGS LA PHYOGS 'DZIN PA'I DBU MA BA ZER DON KLU SGRUB KYI DGONGS PA 'GREL BA LA THAL RANG GI SROL GNYIS SU GYES PA'I PHYOGS SO SOR 'DZIN PA'I RGYU MTSAN GYIS YIN PA STONG THUN LAS, DE'I RJES SU SLOB DPON SANGS RGYAS BSKYANGS KYIS RTZA SHE'I 'GREL BA MDZAD NAS 'PHAGS PA YAB SRAS KYI DGONGS PA THAL 'GYUR DU BKRAL CING, DE'I RJES SU SLOB DPON LEGS LDAN 'BYED KYIS RTZA SHE'I 'GREL BA MDZAD NAS SANGS RGYAS BSKYANGS KYIS THAL 'GYUR DU BKRAL BA LA DGAG PA MANG DU MDZAD DE RANG RGYUD KYI SROL THOG MAR PHYE BA YIN LA, DE'I PHYIR 'DI GNYIS SO SO'I RJES 'BRANG DANG BCAS PA RNAMS LA BOD SNGA MA DAG PHYOGS 'DZIN PA'I DBU MA BA ZHES ZER RO, ,ZHES GSUNGS PA LTAR RO, ,GZHUNG LAS, 'DIR 'PHAGS PA YAB SRAS KYI RJES SU DE DAG GI DGONGS PA BKRAL BA'I TSUL BRJOD PAR BYA LA, ZHES PA'I 'DI SGRA SNYEGS SA DE'I RJES SU 'BRANG BA RNAMS KYIS JI LTAR BKRAL BA ZHES PA'I SA KHUNGS 'DI LA SNYEGS DGOS PAS SA KHUNGS 'DIR YAB SRAS KYI RJES SU YAB SRAS DE'I @030A *, ,DGONGS PA BKRAL TSUL STON PA YIN NO, ,KLU'I BYANG CHUB LA SOGS PA, ZHES PA'I SOGS SGRAS MA TIm GI BA DANG SHA BA RI SOGS BSDUS SO, ,DE LAS GZHAN PA GZHUNG YOD PA RNAMS KYI LUGS KHYAD PAR CHE BA RNAMS BSHAD PAR BYA'O, ,ZHES PA NI, DPA' BO DANG KLU BYANG SOGS LAS GZHAN LEGS LDAN ZHI 'TSO SOGS KYI DBU MA'I GZHUNG BOD DU 'GYUR BA RNAMS KYI LUGS BSHAD PAR BYA ZHES PA STE, DE YANG LHAG MTHONG CHEN MO LAS, SLOB DPON KLU SGRUB KYI RJES SU 'BRANG BA'I DBU MA BA CHEN PO RNAMS KYI LUGS JI LTAR YIN GTAN LA DBAB PAR BYA YI, PHRA MO RNAMS SU ZHIG GIS BSHAD PAR NUS, ZHES GSUNGS PA LTAR DBU MA BA CHEN PO RNAMS KYI LUGS KHYAD PAR SHIN TU CHE BA RNAMS BSHAD PAR DAM BCAS TE MTSAMS SBYAR BA'O, ` ,SPRO NA, MTSAMS SBYAR 'DI LA DKA' 'GREL LAS, 'PHAGS PA LHAS JI LTAR BKRAL BA'I TSUL, ZHES GSUNGS KYANG, 'DI SGRA SNYEGS SA SNGAR BSHAD PA LTAR GNAS SO, ,'O NA GZHUNG DU 'PHAGS PA LHAS BKRAL TSUL MA GSUNGS PA'I SKYON YOD DAM ZHE NA, MED DE, YAB SRAS GNYIS KYI DGONGS PA THAL 'GYUR DU GNAS KYANG BSTAN BCOS SU THAL RANG GI KHYAD MA PHYE BAR MDO DON BKRAL TSUL MTHUN PA'I PHYIR, RNAL 'BYOR SPYOD PA BZHI BRGYA BA ZHES PA'I DON LA, BZHI BRGYA BA'I DAR t'IK LAS, THEG PA CHEN PO'I RIGS CAN RNAMS RNAL 'BYOR GYI SPYOD PA NYAMS SU LEN PA'I LAM GYI RIM PA 'DIS SANGS RGYAS 'THOB PAR BYED PA SLOB DPON GYI BZHED PA RTOGS PA'I CHED DU @030B BSTAN BCOS 'DI MDZAD, CES GSUNGS PA LA BRTEN NAS THEG CHEN RIGS CAN GYI RNAL 'BYOR GYI SPYOD PA STON PAS DANG, ZLA 'GREL LAS, SLOB DPON 'PHAGS PA LHAS NYE BAR SBYAR BA BYANG CHUB SEMS DPA'I RNAL 'BYOR SPYOD PA BZHI BRGYA BA, ZHES 'BYUNG BA LA BRTEN NAS BYANG SEMS KYIS RNAL 'BYOR SGOM TSUL STON PAS NA RNAL 'BYOR SPYOD PA ZHES BYA BAR 'DOD PA YOD KYANG, MUN SEL LAS, DBU MA'I RNAL 'BYOR BA RNAMS KYI SPYOD PA NYAMS LEN STON PAS RNAL 'BYOR SPYOD PA ZER, ZHES GSUNGS TE, RNAL 'BYOR SPYOD MKHAN THEG CHEN RIGS CAN DANG, BYANG SEMS DANG, DBU MA BAR 'DOD PA GSUM DANG, RNAL 'BYOR SPYOD PA LA RNAL 'BYOR GYI SPYOD PA ZHES DANG, RNAL 'BYOR BA'I SPYOD PA STON PA ZHES 'GREL LUGS GNYIS BYUNG NGO, ,DPE 'GAR, SHA TA KA SH'A STA STE BSTAN BCOS BRGYA BZHES BYUNG BA LA 'KHRUL NAS BTZUN PA CHOS SKYONG GIS BZHI BRGYA BA'I LUS DUM BU GNYIS SU BYAS NAS RAB BYED DANG PO BRGYAD LA CHOS STON PA BRGYA BA DANG, PHYI MA BRGYAD LA RTZOD BA BRGYA BA ZHES THA SNYAD SBYAR KYANG, ZLA BA'I ZHEBS KYIS, DE 'DI DA LTA'I SNYAN DANG GAS MKHAN GYIS RNAM GNYIS BYAS, ,DA NI BDAG GIS GCIG TU DE RNAMS DBYE BAR BYA, ,ZHES GSUNGS SO, ,KHO NA RE, DAR t'IK LAS, PHYIN CI LOG GI RTOG PA BRGYAS MTSON PA'I MTHA' YAS PA SEL BAR BYED PAS BSTAN BCOS BRGYA PA ZHES BYED LAS KYI SGO NAS MING BTAGS, ZHES GSUNGS PA MI 'THAD PAR THAL, ZLA 'GREL LAS, BSTAN BCOS BZHI BRGYA PA 'DI NI, ,BZHI BRGYA MI MNGON BYAS PA DANG, , @031A *, ,ZHES GSUNGS PA'I PHYIR NA MA KHYAB STE, RTOG RNAMS SEL BAR BYED PA'I PHYIR, ,BRGYA BA ZHES BYAR BRJOD PA STE, ,ZHES KYANG DER 'BYUNG BAS GNYIS KA RUNG BA'I PHYIR, KHA CIG GZHUNG DU DPA' BO DANG KLU BYANG GI DBU MA'I GZHUNG 'GYUR BA MED PAR BSHAD PA MI 'THAD PAR THAL, SLOB DPON DPA' BO'I DON DAM BYANG CHUB SEMS SGOM BOD DU 'GYUR BA JO BO'I CHOS CHUNG BRGYA RTZA'I KHROD DU BZHUGS PA'I PHYIR ZER BA LA, GRUB MTHA' CHEN MO DANG DE'I MTSAN DU, GZHUNG GI DON NI LTA SGOM SPYOD GSUM DU PHYE BA'I LTA BA'I GZHUNG BOD DU 'GYUR BA MI SNANG ZHES PA YIN PAR BSHAD CING, RTAG BRTAN CHOS 'BYUNG DU BYANG CHUB SEMS SGOM GNYIS KA MNGA' BDAG KHRI RAL DANG, YO GA'I SLOB DPON KUN SNYING SOGS DANG DUS RAGS PAR MNYAM PA RTA DBYANGS MING CAN LAS DPA' PO DNGOS KYIS MDZAD PA MIN PAR BSHAD PA LHAG MTHONG DKA' 'GREL DU DON GNAS SU GSUNGS LA, DPA' RI'I YONGS 'DZIN GYIS DE DPA' BO CHUNG BAS MDZAD ZER RO, ,'JAM PA'I DBYANGS SU DH'I:'I ZHABS NAS RJES KUN RDZOB BYANG CHUB SEMS SGOM DPA' BO'I YIN PAR BZHED NAS LAM RIM DU LUNG 'DREN YANG MDZAD LA, GNYIS KA JO BO'I CHOS CHUNG DU'ANG BZHUGS MNYAM YIN PAS, KUN RDZOB BYANG CHUB SEMS SGOM DPA' BO'I YIN LA CIG SHOS DE'I MIN PA'I SHES BYED MED PAS DE DPA' BO'I MIN PAR YANG SMRA MI NUS SHING, DON DAM BYANG CHUB SEMS SGOM LA DEB LONGS TZAM LAS MED PAS DPA' PO SOGS KYI DBU MA'I GZHUNG RGYAS PA 'GYUR BA MI SNANG @031B ZHES PA'I DON DU BKRAL NA BDE ZHES GSUNGS SHING, RJE NOR BZANG BA YANG 'DI DANG PHYOGS MTHUN LA, DPYOD LDAN DAG KUN RDZOB BYANG CHUB SEMS SGOM RJES DRANGS LA CIG SHOS MA DRANGS PAS DE DPA' PO'I MIN PAR GSAL ZHES SMRA'O, ,SKABS 'DI DANG 'BREL BA SGYU MA RIGS GRUB PA DANG RAB TU MI GNAS PA SOGS KYI DON LAS BRTZAMS TE DPYAD BYA MANG YANG 'DIR GAL MI CHE BAS MA SPROS SO, ,GNYIS PA LA GNYIS, DBU MA RANG RGYUD PAS 'PHAGS PA'I GZHUNG JI LTAR BKRAL BA DANG, DBU MA THAL 'GYUR BAS 'PHAGS PA'I GZHUNG JI LTAR BKRAL BA'O, ,DANG PO LA GNYIS, SLOB DPON LEGS LDAN 'BYED KYIS JI LTAR BKRAL BA DANG, ZHI BA 'TSO YAB SRAS KYIS JI LTAR BKRAL BA'O, ,DANG PO LA GSUM, DON DAM PAR GANG ZAG DANG CHOS LA RANG BZHIN YOD MED JI LTAR BSHAD PA DANG, THA SNYAD DU PHYI ROL GYI DON YOD MED JI LTAR BSHAD PA DANG, DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA'O, ,DANG PO LA GNYIS, GZHUNG DANG 'GREL BA GANG LA BRTEN PA DANG, DE LA BRTEN NAS DON DAM PAR GANG ZAG DANG CHOS LA RANG BZHIN YOD MED JI LTAR 'CHAD TSUL LO, ,DANG PO NI, SLOB DPON GYI, ZHES SOGS BYUNG, SLOB DPON KLU SGRUB KYI GSO BA RIG PA, LUGS KYI BSTAN BCOS, RTEN 'BREL GYI RTZIS, SPOS SBYOR, GSER 'GYUR GYI GDAMS PA SOGS THUN MONG GI RIG PA DANG, NANG RIG PA LA'ANG SNGA LU LJANG BA DANG RTEN CING 'BREL BAR 'BYUNG BA SOGS KYI MDO 'GREL DANG, RANG RKANG DU BRTZAMS PA'ANG MANG DU SNANG ZHING, KHYAD @032A *, ,PAR DU DBU MA'I GZHUNG LA ZAB DON LUNG GIS SGRUB PA MDO BTUS DANG, RIGS PAS SGRUB PA RIGS TSOGS DRUG SOGS MDZAD PA LAS GTZO BO NI RTZA SHE YIN LA, DE LA SPYAN RAS GZIGS BRTUL ZHUGS LAS, BSTAN BCOS 'DI'I 'GREL BA BYED PA MANG STE, 'DI LTA STE, SLOB DPON GYI ZHAL SNGA NAS DANG, GNAS BRTAN BUDDHA P'A LI TA DANG, TZANDRA KIRTI DANG, DE BA SHARMA DANG, GU nA SHR'I DANG, GU nA MA TI DANG, STHI RA MA TI DANG, SLOB DPON LEGS LDAN 'BYED NYID LA THUG PA'I BAR DAG YOD, CES PA LTAR RGYA 'GREL GRAGS CHEN BRGYAD LAS, GA LAS 'JIGS MED NI RANG GI MJUG TU, RANG DANG GZHAN GYI GRUB PA'I MTHA' SMRA BA'I PHYOGS GA LAS KYANG 'JIGS PA MED PA, ZHES BYUNG BA LTAR KLU SGRUB KYI KHYAD CHOS SU BYED LA, DE BA SHAR MA NI LHA'I DGE SBYONG NGAM DGE BA'I LHA, GU nA MA TI NI YON TAN BLO GROS, GU nA SHR'I NI YON TAN DPAL, STHI RA MA TI NI BLO GROS BRTAN PA'O, ,BOD DU GA LAS 'JIGS MED BUDDHA P'A LI TA SHES RAB SGRON ME TSIG GSAL BZHI DANG, 'GREL BSHAD SPYAN RAS GZIGS BRTUL ZHUGS LAS MA 'GYUR RO, ,'GREL BSHAD LAS, SLOB DPON DE BA SHAR MAS RANG GI 'GREL BA DKAR PO 'CHAR BA NYID KYI SKABS SU, NAS, SLOB DPON DE BA SHAR MA'I RNAM PAR BSHAD PA DE NI 'GREL BA BYED PA NYID KYANG 'DOD DO, ,ZHES GSUNGS PA LTAR LEGS LDAN NI 'GREL BA DKAR PO RNAM 'CHAR GYI RJES SU 'BRANG ZHING, DE NYID LAS, RANG GI 'GREL PA GA LAS 'JIGS MED, CES DANG, LAM SGRON RANG 'GREL LAS, SLOB DPON NYID KYIS @032B MDZAD PA'I GA LAS 'JIGS MED, CES PA LTAR BOD SNGA RABS DAG GIS KYANG GA LAS 'JIGS MED RANG 'GREL DU BSHAD KYANG, KHA G-YAR LAS RANG 'GREL MIN TE, BZHI BRGYA BA'I LUNG SHES BYED DU DRANGS PA DANG, DE RANG 'GREL YIN NA SANGS RGYAS BSKYANGS LEGS LDAN ZLA BA GSUM GAS RTZA SHE'I GZHUNG DON DU MA SLOB DPON DANG MI MTHUN PAR BSHAD PAR THAL BA DANG, RIGS PA PHRAL RTOGS DKA' BA DU MA TSIGS BCAD LHUG PAR BTANG TZAM LAS MI SNANG BA DANG, SANGS RGYAS BSKYANGS SOGS KYIS KYANG RANG 'GREL DU MI BZHED PAR SNANG BA DANG, RTZA SHE'I GZHUNG MIN PA ZHIG YIN PAR BYAS NAS BSHAD PA BYAS PA'I PHYIR, DANG PO GRUB STE, RAB BYED NYER BDUN PA'I 'GREL BA LAS, BTZUN PA 'PHAGS PA LHAS KYANG, NYAN PA PO DANG MNYAN BYA DANG, ,NAS, MTHA' YOD MA YIN MTHA' MED MIN, ,ZHES BSHAD DO, ,ZHES BYUNG BA'I PHYIR, GNYIS PA GRUB STE, DER MCHOD BRJOD SKABS 'GAG PA MED DE, SKYE BA MED PA'I PHYIR, ZHES BKOD NAS RTAGS SGRUB PA LA, BDAG LAS MA YIN ZHES SOGS DANG, DE'I RTAGS SGRUB PA LA, DNGOS PO RNAMS KYI RANG BZHIN NI, ,SOGS KYIS BDAG SKYE DANG, BDAG GI DNGOS PO YOD MIN NA, ,SOGS KYIS GZHAN SKYE MED PAR SGRUB CING, DES GNYIS SKYE 'ANG MED PAR GRUB PAR BSHAD NAS, DE'I RTZOD SPONG GI RTZOD PA, RKYEN RNAMS BZHI STE SOGS RKANG PA BZHI DANG, LAN DU, BYA BA RKYEN DANG LDAN PA MED, ,SOGS SBYAR BA LTA BU GZHUNG GONG 'OG GI 'BREL GO RIM 'CHAD TSUL RNAMS DE DAG DANG PHYOGS TZAM YANG @033A *, ,MI 'DRA BAR SNANG BA'I PHYIR, GSUM PA GRUB STE, RAB BYED GNYIS PA'I, 'GRO BA GNYIS SU THAL 'GYUR NA, ,ZHES SOGS KYI THAD TSIGS BCAD TSIG LHUG TU BTANG BA TZAM LAS MED PA LTA BU YIN PA'I PHYIR, BZHI PA GRUB STE, 'DI RANG 'GREL YIN NA DE DAG GI 'GREL BAR 'DI'I ZUR TZAM YANG MA BYUNG ZHING ZLA BAS LEGS LDAN GYI LEGS CHA TSUN BLANGS SHING 'PHAGS PA'I GZHUNG RTZOD ZLOG GI RANG 'GREL SOGS KYANG DRANGS PAS 'DI YANG 'DREN RIGS PA LAM DRANGS PA'I PHYIR; LNGA PA GRUB STE, 'DOD CHAGS LA YANG CHAGS PA NI, ,YOD DAM MED KYANG RIM PA MTSUNGS, ,ZHES PA'I RKANG PA GNYIS RTZA TSIG TU BYAS NAS DE LA BSHAD PA BYAS PA'I PHYIR, KHYAB STE, DE LTAR NA RTZA BAR SHLOO KA BZHI BRGYA ZHE DGUR RTZA SHE RANG LAS BYUNG BA DANG 'GAL ZHING, DE'I GONG DU, CHAGS PA LA YANG 'DOD CHAGS NI, ,YOD DAM MED KYANG RIM PA MTSUNGS, ,ZHES 'DOD CHAGS LA CHAGS PA YOD MED BRTAGS NAS BKAG PA DE CHAGS PA LA 'DOD CHAGS YOD MED LA'ANG SBYOR CIG CES DNGOS SU GSUNGS PA MA NGES PAR SNANG BA'I PHYIR RO, ,NYAN PA PO DANG MNYAN BYA DANG, ,ZHES SOGS KYI DON NI DE KHO NA NYID NYAN PA PO'I RTEN GYI GANG ZAG DANG, MNYAN BYA DE KHO NA NYID STON PA'I GSUNG RAB DANG, DE STON PA'I BSHES GNYEN TSAD LDAN RNAMS 'JIG RTEN DU 'BYUNG BA RNYED DKA' BAS NA GSUM PO DE MA TSANG BA LA LTOS TE 'KHOR BA LAS 'DI TZAM NA THAR CES NGES MI NUS SHING, TSANG BA LA LTOS TE DE LTAR NGES NUS ZHES PA'O, ,DAR t'IKA LAS, DON DAM PA'I GNAS LUGS @033B LA LTOS NAS KYANG MTHA' YOD MED GNYIS KA DON DAM PAR GRUB PA LUNG BSTAN DU MED PA'O, ,ZHES PA LTAR BKRAL KYANG RUNG NGO, ,GNYIS PA LA GNYIS, RNAM RIG PAS DGONGS 'GREL GYI MDO DON 'CHAD TSUL DGAG PA, RANG LUGS KYIS DGONGS 'GREL GYI MDO DON 'CHAD TSUL BSHAD PA'O, ,DANG PO LA GNYIS, KUN BTAGS RANG GI MTSAN NYID KYIS MA GRUB PA'I DON 'DOGS BYED KYI SGRA RTOG RANG GI MTSAN NYID KYIS MA GRUB PA LA BYED PA DGAG PA DANG, DE SGRA RTOG GIS BTAGS PA'I CHA RANG GI MTSAN NYID KYIS MA GRUB PA LA BYED PA DGAG PA'O, ,DANG PO LA BZHI, DNGOS DANG, ZHAR BYUNG BSDU BA LAS KUN BTAGS CHOS LNGAR MI GTOGS PAR BSHAD TSUL DANG, DE DAG GIS LEGS LDAN GYIS THA SNYAD DU RANG MTSAN GYIS GRUB PAR BZHED PAR GSAL BA DANG, DE'I PHYIR BDAG MED GNYIS KYI DGAG BYA BA LA 'GYUR BA DANG MI 'DRA TSUL LO, ,DANG PO NI, LEGS LDAN 'BYED, CES SOGS BYUNG, DE LA SHER SGRON GYI LUNG 'GOD DANG DE'I DON BSHAD PA GNYIS TE, DE YANG LEGS LDAN 'BYED KYIS KLU SGRUB KYI DGONGS PA BKRAL BA LA DON DAM PA BDAG MED GNYIS 'CHAD TSUL NI DES MTSAN NYID GSUM BSTAN TSUL SHES NA GSAL TE, DE YANG SHER SGRON DU, DE LA 'DIR GAL TE RNAM RIG PAS, KUN BTAGS RANG MTSAN GYIS MED PAR SMRA BA'I KUN BTAGS DE GZUGS SO ZHES NGO BO DANG GZUGS SKYE BA'O ZHES KHYAD PAR DU KUN TU 'DOGS BYED KYI NGO BO NYID GANG YIN PA YID LA BRJOD PA STE RTOG PA DANG, TSIG TU BRJOD PA STE MING LA BYAS NAS DE RANG @034A *, ,MTSAN GYIS MED DO ZHES SMRA NA, DE NI MI RIGS TE, DES GZHAN DBANG LA SKUR BA BTAB PAR 'GYUR BA'I PHYIR TE, MING RTOG GNYIS PO DE PHUNG POR GTOGS LA, DE GNYIS LA DE LTAR SKUR BA BTAB PA'I PHYIR, ZHES 'GOG PA NA GZHAN DBANG RANG MTSAN GYIS MED NA GZHAN DBANG LA SKUR 'DEBS SU 'GYUR BAR GSUNGS PAR GZHAN DBANG LA RANG MTSAN GYIS GRUB PA'I NGO BO NYID YOD PAR BZHED DO, ,DE YANG DES GZHAN DBANG RANG MTSAN GYIS GRUB PAR BZHED DE, DGONGS 'GREL LAS, 'DI LTAR DE NI MING DANG BRDAS RNAM PAR BZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PAS DE'I PHYIR DE NI MTSAN NYID NGO BO NYID MED PA NYID CES BYA'O, ,ZHES RANG MTSAN GYIS MED PAS MTSAN NYID NGO BO NYID MED PAR SGRAS ZIN LA GSUNGS SHING, SHER SGRON GYI GZHUNG 'DI DAG GIS KYANG DE'I DON 'CHAD CING, DE 'CHAD PA NA GZHAN DBANG RANG MTSAN GYIS MED PAR SMRA BA SKUR 'DEBS SU BSHAD PA DE'I PHYIR RO,, GNYIS PA NI, SHES RAB SGRON MA, ZHES SOGS BYUNG, SHER SGRON LAS, RNAL 'BYOR SPYOD PA BDAG GIS SMRAS PA, NAS, DE MTSAN NYID NGO BO NYID MED PA NYID KYIS NGO BO NYID MED PA NI RGYU MTSAN LA SOGS PA LNGA PO DAG GI KHONGS SU MA GTOGS PA'I PHYIR RO, ,NAS, BYIS PA RNAMS DE'I NGO BO NYID LA MNGON PAR ZHEN PAR BYED DO ZHE NA, ZHES RNAM RIG PAS KUN BTAGS MING SOGS CHOS LNGA'I KHONGS SU MI GTOGS PAS MTSAN NYID NGO BO NYID MED PAR SMRAS PA PHYOGS SNGAR BLANGS PA NI, @034B BSDU BA LAS, NGO BO NYID DANG PO CHOS LNGA PO DE DAG LAS DU DAG GIS BSDUS SHE NA, SMRAS PA, GANG GIS KYANG MA BSDUS SO, ,ZHES BSHAD PA DE YIN LA, KUN BTAGS CHOS CAN, MING SOGS CHOS LNGA PO GANG DU YANG MI GTOGS TE, GZHAN BZHI PO GANG YANG MA YIN PA GANG ZHIG DE BZHIN NYID KYANG MA YIN PA'I PHYIR, DANG PO GRUB STE, MING LDAN MIN DANG, RGYU MTSAN KUN BTAGS KYI GDAGS GZHIR BSHAD CING, KUN BTAGS DNGOS POR MED PA'I PHYIR, KHYAB STE, RNAM RTOG DANG, YANG DAG PA'I YE SHES GNYIS DNGOS PO YIN PA'I PHYIR, MA KHYAB MTSAMS KYI RTAGS DANG PO GRUB STE, DE NYID LAS, MING NI SEMS DANG MI LDAN PA YIN NO, ,ZHES DANG, RGYU MTSAN NI DMIGS PA DANG BCAS MA BCAS GNYIS KA YIN LA, MING DMIGS MED DANG, YANG DAG PA'I SHES PA DANG, RNAM RTOG DMIGS BCAS DANG, DE BZHIN NYID GNYIS KA MIN PAR GSUNGS NAS, MTSUNGS PAR LDAN PA DANG DE MIN PA 'ANG DE BZHIN DU BLTA BAR BSHAD PA'I PHYIR, GNYIS PA GRUB STE, DE NYID LAS, RGYU MTSAN GANG ZHE NA, MDOR BSDU NA MNGON PAR RJOD PA'I TSIG GI GZHI'I GNAS SU GYUR PA'I DNGOS PO GANG YIN PA'O, ,ZHES GSUNGS PA'I PHYIR, GSUM PA SLA, RTZA RTAGS GNYIS PA GRUB STE, RTOG PAS BTAGS TZAM YIN PA'I PHYIR; KHO NA RE, MING LDAN MIN DU BSHAD PA MI 'THAD PAR THAL, DBUS MTHA' LAS, RGYU DANG RNAM PAR RTOG PA DANG, ,MING NI RNAM PA GNYIS SU BSDU, ,ZHES DANG, DE'I DBYIG 'GREL LAS, RGYU DANG RNAM PAR RTOG PA GNYIS NI GZHAN GYI @035A *, ,DBANG DU BSDU'O, ,MING NI KUN BTAGS PAR BSDU'O, ,ZHES MING KUN BTAGS SU BSHAD PA'I PHYIR NA MA KHYAB STE, DE NI MING GIS BTAGS PA'I CHA YIN GYI MING GI NGO BO MA YIN PA'I PHYIR TE, DE'I 'GREL BSHAD LAS, MING NI RGYU MTSAN GANG YIN PA DE NYID BRJOD DU MED DU ZIN KYANG MING BRDA BZHIN DU GO BAR BRJOD PA'O, ,ZHES GSUNGS PA'I PHYIR, KHO NA RE, RGYU MTSAN LA GZHAN DBANG GIS KHYAB PAR THAL, DBUS MTHA'I LUNG DRANGS MA THAG PA DES DE GZHAN DBANG DU BSHAD PA'I PHYIR NA MA KHYAB STE, DE NI RGYU MTSAN LA GNYIS YOD PA LAS 'DU BYED KYI RGYU MTSAN LA DGONGS PA'I PHYIR TE, BSDU BA LAS, DU ZHIG 'DUS BYAS DAG YIN, DU ZHIG 'DUS MA BYAS DAG YIN ZHE NA, SMRAS PA, RGYU MTSAN NI GNYIS KA YIN NO, ,ZHES DE LA 'DUS MA BYAS KYANG BSHAD PA'I PHYIR, DES NA SEMS TZAM LUGS LA KUN BTAGS MING SOGS LNGAR MI GTOGS PA'I RGYU MTSAN GYIS DE MTSAN NYID NGO BO NYID MED PA YIN YANG, KUN BTAGS CHOS LNGA PO DER MI GTOGS PA DE MTSAN NYID NGO BO NYID MED PA'I DON MIN PA DPER NA BUM PA RTAG DNGOS GANG RUNG YIN PA'I RGYU MTSAN GYIS YOD PA YIN YANG DE GNYIS GANG RUNG YIN PA YOD PA YIN PA'I DON DU MI 'GRO BA BZHIN NO, ,GSUM PA NI, THA SNYAD DU YOD PA, ZHES SOGS BYUNG, THA SNYAD DU YOD PA LA YANG DE'I NGO BO NYID SOGS SU THAL 'GYUR BA'I GZHUNG NAS KYANG BSHAD PA DANG, RANG GI NGO BO NYID KYIS MA GRUB PA SOGS LEGS LDAN GYI GZHUNG NA'ANG MANG BAS THAL RANG LA RANG MTSAN GYIS GRUB PA @035B BZHED MI BZHED DBYE DKA' BAR SNANG NA'ANG, SHER SGRON LAS, DE LA 'DIR GAL TE GZUGS ZHES BYA BAR YID LA BRJOD PA DANG, ZHES SOGS LTAR DGONGS 'GREL LAS GSUNGS PA'I MTSAN NYID NGO BO NYID YOD MED KYI DON BSHAD PA 'DI NYID LEGS LDAN GYIS RANG MTSAN GYIS GRUB PA BZHED PA'I KHUNGS GSAL SHOS SO, ,BZHI PA NI, DE'I PHYIR GANG ZAG CES SOGS BYUNG, DE'I PHYIR RANG MTSAN GYIS MED PAR MA RTOGS KYANG BDAG MED GNYIS MTSAN NYID TSANG BAR RTOGS PA YOD PAR LEGS LDAN GYIS BZHED LA, RANG MTSAN GYIS GRUB PA DGAG BYAR BYED PA MIN PAR GANG ZAG RANG RKYA THUB PA'I RDZAS YOD DE GANG ZAG GI BDAG MED PHRA MO'I DGAG BYA DANG, CHOS RNAMS BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I SDOD LUG PA SU GRUB PA DE CHOS KYI BDAG MED PHRA MO'I DGAG BYAR 'CHAD PAR 'GYUR RO, ,GNYIS PA DE SGRA RTOG GIS BTAGS PA'I CHA RANG GI MTSAN NYID KYIS MA GRUB PA LA BYED PA DGAG PA NI, YANG SHES RAB SGRON MA, ZHES SOGS BYUNG, CI STE RNAM RIG PAS, KUN BTAGS RANG MTSAN GYIS MED CES PA'I KUN BTAGS NI, DE 'DOGS BYED SGRA RTOG RANG MTSAN GYIS MED PA LA BYED PA MIN GYI, SO SKYE GANG YANG RUNG BAS MING RTOG GIS KUN BTAGS PA'I CHA YIN ZHING CHA DE LA RANG MTSAN GYI NGO BO NYID MED DE, DE SGRO BTAGS PA'I NGO BO NYID YIN PA'I PHYIR, DPER NA THAG PA BSDOGS PAR BLOS SPRUL DU BTAGS PA LA SPRUL 'DZIN GYI BLO SKYE BA BZHIN NO,, @036A *, ,ZHES SMRA NA, LEGS LDAN GYIS DPE MI 'THAD PA'I SKYON STON PA NI, DE 'DRA'I KUN BTAGS RANG MTSAN GYIS MED PA MIN TE, NGO BO DANG KHYAD PAR DU BTAGS PA'I CHA DE MTSAN NYID NGO BO NYID MED PA YIN PA'I DPER THAG PA LA SBRUL DU BTAGS PA'I BTAGS DON MED PA 'JOG MI RIGS PA'I PHYIR TE, DE LA THAG KHRA SBRUL DANG 'DRA BAS BLO 'KHRUL BA'I DBANG GIS PHA ROL POS THAG PA LA SBRUL LO SNYAM DU BTAGS PA NA GANG DU KUN BTAGS PA STE BZUNG BA DE'I DON THAG KHRA SBRUL YIN PA MED KYANG SBRUL 'KHYIL BA LA SBRUL DU BZUNG BA'I DON THA SNYAD DU YOD PA LTAR GZUGS LA TSOR BAR BZUNG BA'I YUL GTAN MED KYANG GZUGS LA GZUGS SU BZUNG BA'I YUL THA SNYAD DU YOD DO ZHES SMRA NUS PA'I PHYIR RO, ,SHER SGRON LAS, KUN BTAGS PA MED PA MA YIN, ZHES PA DANG, SBRUL 'KHYIL BA LA DE MED PA MA YIN, ZHES PA'I YOD MED NI RANG MTSAN GYIS YOD MED DANG, DE NYID LAS, SBRUL MED DO ZHE NA NI GRAGS PAS GNOD PAR 'GYUR RO, ,ZHES SBRUL LA SBRUL MED PAR BZUNG NA 'JIG RTEN GRAGS PAS GNOD PA DANG, DON DAM PAR DNGOS PO SEL BAR BYED NA NI DBU MA BA'I TSUL GYI RJES SU SMRA BA YIN TE, ZHES SBRUL LA SBRUL DON DAM PAR MTSAN NYID NGO BO NYID MED PAR SMRA BA DBU MA BA'I LUGS SU 'GYUR BAR GSUNGS SO, ,'DI DANG MTHUN PAR DBU MA SNYING PO LAS, KUN BTAGS YOD PA MA YIN TE, ,BTAGS PHYIR SBRUL DANG 'DRAR ZHES PHYOGS SNGA BSUS PA LTAR RNAM RIG PAS, KUN BTAGS CHOS CAN, @036B MTSAN NYID NGO BO NYID MED PA YIN TE, SGRO BTAGS PA'I NGO BO NYID YIN PA'I PHYIR, DPER NA THAG PA LA SBRUL DU BTAGS PA BZHIN, ZER BAR, DE NYID LAS, MI 'DOD, ,THAG PA'I DNGOS POR MA NGES PHYIR, ,YANG NA GRAGS PAS GNOD PAR 'GYUR, ,ZHES PA LTAR, SGRO BTAGS PA YIN PA'I PHYIR ZHES PAS KUN BTAGS THAG PA'I STENG GI SBRUL BZHIN NAM, THAG PA'I NGO BO BZHIN DU STON 'DOD, DANG PO LTAR NA KUN BTAGS CHOS CAN, MED PAR THAL, THAG PA'I STENG GI SBRUL DANG 'DRA BA'I PHYIR, GNYIS PA LTAR NA, DE CHOS CAN, RANG MTSAN GYIS YOD PAR THAL, THAG PA'I NGO BO DANG 'DRA BA'I PHYIR BYAS PA LA, KHO NA RE, MA KHYAB STE, THAG PA YANG RANG MTSAN GYIS MED PA'I PHYIR RO ZER NA, THAG PA RANG MTSAN GYIS YOD PAR THAL, DE DE LTAR MED NA 'JIG RTEN GRAGS PAS GNOD PA'I PHYIR, GZHAN YANG, DE NYID LAS, DE NI 'KHRUL MIN GANG GI PHYIR, ,DU MA'I CHA DE MTHONG PHYIR RO, ,ZHES PA LTAR DPE'I SKABS SU SBRUL DU LOG PAR BTAGS PA'I CHA DANG GDAGS GZHI RANG MTSAN GYIS GRUB PA'I THAG PA GNYIS YOD PA BZHIN DU, DON LA YANG BTAGS PA 'KHRUL BA'I CHA DANG GDAGS GZHI MA 'KHRUL BA'I CHA GNYIS YOD PAR THAL, DPE LA DE'I PHYIR, SKYON DE 'JUG PA YANG NGO BO DANG KHYAD PAR DU KUN BTAGS PA DE YOD NA RANG MTSAN GYIS YOD DGOS PA LA DGONGS SO, ,GZHAN YANG, DE NYID LAS, KHYOD NI DNGOS LA SKUR 'DEBS 'GYUR, ,RNAM PA KUN TU YUL 'GOG PHYIR, ,ZHES PA LTAR RNAM RIG PAS KUN BTAGS @037A *, ,KYI NGO BO THAMS CAD DU 'KHRUL BAR BSHAD PA MI 'THAD DE, DE LTAR NA KUN RDZOB KYI CHOS LA SKUR BA BTAB PAR 'GYUR BA'I PHYIR DANG, KUN RDZOB MED NA DON DAM PA'I NGO BO YANG RTOGS MI NUS PA'I PHYIR RO, ,GNYIS PA RANG LUGS KYIS DGONGS 'GREL GYI MDO DON 'CHAD TSUL BSHAD PA LA GNYIS, DGONGS 'GREL GYI MDO DON 'CHAD PA DBU MA'I RIGS PA LA BRTEN DGOS PA DANG, DE LA BRTEN NAS DGONGS 'GREL GYI MDO DON JI LTAR 'CHAD PA'I TSUL LO, ,DANG PO NI, DES NA NGO BO DANG, ZHES SOGS BYUNG, KUN BTAGS MTSAN NYID NGO BO NYID MED PA'I DON 'CHAD PAR 'DOD PAS DBU MA'I RIGS PA 'DOD PAR BYA STE, RNAM RIG PAS DGONGS 'GREL GYI KUN BTAGS MTSAN NYID NGO BO NYID MED PA'I DON BSHAD PA MI 'THAD PA DE'I PHYIR, DE LTAR SHER SGRON LAS, KUN BTAGS PA'I DON YOD PA MA YIN PAR STON PAR 'DOD PAS NI SLOB DPON GYIS DBU MA BA'I TSUL 'THAD PA DANG BCAS PA BKA' STZAL BA NYID 'DOD PAR BYA STE, BRJOD PAR BYA BA'I NGO BO NYID BKAG PA KHO NAS YUL DE LA YID DANG TSIG GI BRJOD PA 'JUG PA LDOG PA'I PHYIR RO, ,ZHES GSUNGS PA'I PHYIR, DBU MA'I RIGS PA YANG RTZA SHE LAS, BRJOD PAR BYA BA LDOG PA STE, ,ZHES SOGS TE DON NI, DE'I GONG DU BDAG DANG BDAG MED GNYIS BDEN MED DU BSTAN PA NA, 'O NA CI ZHIG BDEN PAR BRJOD DU YOD CE NA, DON DAM PAR BRJOD PAR BYA BA LDOG PA STE MED PAR THAL, DON DAM PAR SEMS KYI SPYOD YUL LDOG PA STE MED PA'I PHYIR TE, CHOS KUN DON DAM PAR MA SKYES SHING MA 'GAGS PA'I CHOS NYID MYA @037B NGAN LAS 'DAS PAR MTSUNGS PA'I PHYIR, ZHES PA'O, ,DE YANG LTO LDIR BA LA BUM PA'O ZHES BTAGS PA'I BRDAS BZHAG PA'I YUL DE CHOS BDAG LA DON DAM PAR BYAS PA'I DON DAM PAR GRUB PA 'GOG PA LA DBU MA'I RIGS PA DGOS KYANG, SGRA RTOG GIS BTAGS PA LA MA LTOS PAR YUL RANG NGOS NAS GRUB PA LA DON DAM PAR BYAS PA'I DON DAM PAR GRUB PA 'GOG PA LA DE'I RIGS PA DGOS ZHES SMRA BA MIN TE, RTOG GE 'BAR BA LAS, LKUGS PA DANG 'ON PA LA SOGS PA YI GE DANG BRDA MI SHES PA DE DAG GIS KYANG BUM PA LA SOGS PA'I DNGOS PO NGO SHES PA DANG, BA LANG LA SOGS PAS KYANG DRI DANG MIG GIS RANG GZHAN GYI BE'U LA SOGS PA NGO SHES PA'I PHYIR RO, ,DE LTA BAS NA DON NI RNAM PA THAMS CAD DU MING GIS STONG PA NYID YIN PAS DES DNGOS PO'I NGO BO NYID MNGON PAR RJOD PAR MI BYED PA NI YU BU CAG GNYIS KA LA YANG 'DRA'O, ,ZHES LKUGS 'ON SOGS BRDA MI SHES PAS KYANG BUM SOGS KYI DON SHES SHING, BA LANG SOGS KYIS KYANG DRI GZUGS SOGS LAS RANG GZHAN GYI BU SHES NUS PAS MING BRDAS BZHAG PA DNGOS PO'I DE KHO NA NYID DU MI GNAS PA LUGS GNYIS KA LA 'DRA BAR GSUNGS PA'I PHYIR RO, ,GNYIS PA LA GSUM, MTSAN NYID NGO BO NYID MED PA'I MDO DON BSHAD PA, DON DAM PA NGO BO NYID MED PA'I MDO DON BSHAD PA, SKYE BA NGO BO NYID MED PA'I MDO DON BSHAD PA'O, ,DANG PO NI, DES NA 'DI GZUGS SO, ,ZHES SOGS BYUNG, DGONGS 'GREL GYI DON 'CHAD PA DBU MA'I RIGS PA LA BRTEN DGOS PA DES NA RNAM RIG PAS NGO BO DANG KHYAD PAR DU @038A *, ,BTAGS PA'I DON ZHES PA KUN BTAGS LA NGOS 'DZIN PA DANG MI 'DRA BAR, 'DIR 'DI GZUGS SO ZHES NGO BO DANG, 'DI GZUGS KYI SKYE BA'O ZHES KHYAD PAR DU 'DOGS PA'I RTOG PA'I ZHEN YUL NI RIM PAR GZUGS DANG DE'I SKYE BA LA NGOS 'DZIN CING DE LA 'DOGS BYED KYI RTOG PAS BTAGS PA'I DON ZHES BYA'O, ,BTAGS PA'I DON GZUGS DANG DE'I SKYE BA DE YANG DON DAM PAR RANG MTSAN GYI NGO BO NYID MED PAR STON PA DGONGS 'GREL GYI DON DU 'DI BAS 'CHAD DE; GZHAN DBANG DON DAM PAR YOD PA 'GOG PA LAS RANG MTSAN GYIS YOD PA MI 'GOG PA'I PHYIR TE, DE MTSAN NYID NGO BO NYID MED PA MIN PA'I PHYIR, DER THAL, DE THA SNYAD DU RANG MTSAN GYIS YOD PA'I PHYIR, DGONGS 'GREL DU KUN BTAGS LA MTSAN NYID NGO BO NYID MED GSUNGS PA'I KUN BTAGS NI 'DI GZUGS SO 'DI GZUGS KYI SKYE BA'O ZHES 'DOGS PA'I ZHEN YUL GZUGS DANG DE'I SKYE BA DE DON DAM PAR KUN BTAGS PA CHOS BDAG TU 'JOG RGYU DE YIN TE, GDAGS GZHI'I GZHAN DBANG DON DAM PAR GRUB PA MTSAN NYID NGO BO NYID LA BYAS NAS, DE MED PA MTSAN NYID NGO BO NYID MED PA'I MDO DON DU 'CHAD PA DE'I TSE STE DE'I PHYIR, DGONGS 'GREL DU KUN BTAGS MING BRDAS BZHAG PAR GSUNGS PA NI MED RGYU'I KUN BTAGS SGRA RTOG GIS BTAGS PA TZAM DU ZAD PA'I DON NO, ,'O NA, GZHAN DBANG MTSAN NYID NGO BO NYID MED PAR GSUNGS PA LAS, KUN BTAGS DE LTAR GSUNGS PA MIN NAM SNYAM NA, SKYON MED DE, RTOG PAS KUN BTAGS PA'I DON NI @038B 'DOGS BYED KYI RTOG PA'I ZHEN YUL GZUGS SOGS LA BYED KYANG, DE'I STENG GI MTSAN NYID NGO BO NYID MED PA NI GZUGS SOGS DON DAM PAR GRUB PA'I NGO BOR RANG MTSAN GYIS MED PA LA BYED PA'I PHYIR TE, GZHAN DU NA RNAL 'BYOR SPYOD PA'I LUGS LA YANG DE'I PHYIR, GNYIS PA NI, DE'I PHYIR, ZHES SOGS BYUNG, MTSAN NYID NGO BO NYID MED PA'I DON DE LTAR YIN PA DE'I PHYIR DGONGS 'GREL DU YONGS GRUB DON DAM PA NGO BO NYID MED PAR GSUNGS PA'I DON YANG GZUGS DANG DE'I SKYE BA SOGS DON DAM PAR GZUGS KYI NGO BO DANG DE'I SKYE BA SOGS KYIS STONG PA YONGS GRUB YIN PA MDO'I DON LAS, RNAL 'BYOR SPYOD PA BA LTAR MIN PAR SMRA BA'O, ,GSUM PA NI, DE BZHIN DU, ZHES SOGS BYUNG, MDO TSAN GZHAN GNYIS KYI DON BSHAD PA DE LTAR DU GZHAN DBANG BDAG NYID KYIS SKYE BA MED PA SKYE BA NGO BO NYID MED PAR GSUNGS PA'I SKABS KYI BDAG NYID KYIS SKYE BA MED PA ZHES PA SHER MDO SOGS MDO GZHAN DU NGO BO NYID DANG RANG BZHIN GYIS SKYE BA MED PAR GSUNGS PA DANG DON GCIG TU SLOB DPON 'DIS BZHED LA, MDO GZHAN LAS GSUNGS PA DE NYID DON DAM PAR SKYE BA MED PA'I DON DU BZHED DO, ,BDAG NYID DANG RANG BZHIN GYIS SKYE BA MED PA GNYIS DON GCIG PA DE LTAR NA RANG BZHIN NI RANG MTSAN GYIS SKYE BA YIN LA, RANG BZHIN GYIS SKYE BA DE DNGOS PO LA 'GOG PA NA DON DAM PAR RANG BZHIN GYIS SKYE BA ZHES DON DAM PA'I KHYAD PAR NGES PAR SBYOR DGOS PAR 'DOD PAS RANG MTSAN GYIS GRUB PA'I SKYE BA THA @039A *, ,SNYAD DU SLOB DPON 'DIS BZHED DO, ,RNAM RIG PAS KYANG DGONGS 'GREL DU BDAG NYID KYIS SKYE BA DANG, MDO GZHAN DU RANG BZHIN GYIS SKYE BAR GSUNGS PA RNAMS DON MTHUN ZHING, BDAG NYID KYIS SKYE BA MED PA NI RKYEN LA MA LTOS PAR SKYE BA MED PA LA 'DOD PAS DE LTAR SKYE BA MED PAS DON DAM PAR SKYE BA MED MI DGOS PAR BZHED DO, ,GZHAN DBANG DE RANG BZHIN GYIS TE BDEN PAS STONG PA DGONGS 'GREL GYI SKYE BA NGO BO NYID MED PA STON PA'I MDO TSIG GI DON YIN TE, GZHAN DBANG BDEN PAR GRUB NA BDEN 'DZIN LA JI LTAR SNANG BA LTAR GRUB DGOS PAS MDOR DE SGYU MA BZHIN GSUNGS PA MI 'THAD PAR 'GYUR BA'I PHYIR RO, ` ,'DIR, RANG MTSAN GYIS GRUB PA'I CHA NAS BZHAG PA'I KUN BTAGS TE, MTSAN NYID NGO BO NYID DANG, RANG MTSAN GYIS GRUB PA'I RGYU RKYEN LAS SKYES PA DE, SKYE BA NGO BO NYID DANG, RANG MTSAN GYIS GRUB PA'I DON DAM BDEN PA DE, DON DAM PA NGO BO NYID KYI MTSAN NYID, DES NA NGO BO NYID GSUM YOD PAS MTSAN NYID NGO BO NYID MED PA SOGS GSUM MED KYANG DGONGS 'GREL DU BSHAD PA'I NGO BO NYID MED PA GSUM YOD DE, DON DAM PAR RANG MTSAN GYI NGO BOR MA GRUB PA'I CHA NAS BZHAG PA DE, DER BSHAD PA'I MTSAN NYID NGO BO NYID MED PA'I MTSAN NYID YIN TE, GZHUNG LAS, DE YANG THA SNYAD DU RANG GI MTSAN NYID KYIS YOD PAS MTSAN NYID NGO BO NYID MED PA MIN PA'I PHYIR DON DAM PAR YOD PA 'GOG PAS DON DAM PAR MTSAN NYID NGO BO NYID MED @039B PAR STON PA MDO'I DON DU 'CHAD PA'O, ,ZHES GSUNGS PA'I PHYIR, DON DAM PAR RANG MTSAN GYIS GRUB PA'I NGO BOR MED PAS NA MTSAN NYID NGO BO NYID MED PA ZHES BYA'O, ,DON DAM PAR SKYE BA'I NGO BOR MA GRUB PA'I CHA NAS BZHAG PA DE, DER BSHAD PA'I SKYE BA NGO BO NYID MED PA'I MTSAN NYID YIN TE, GZHUNG LAS, GZHAN DBANG BDAG NYID KYIS SKYE BA MED PA SKYE BA NGO BO NYID MED PAR GSUNGS PA'I BDAG NYID KYIS SKYE BA MED PA NI, NAS, DE NYID DON DAM PAR SKYE BA MED PA'I DON DU BZHED DO, ,ZHES GSUNGS PA'I PHYIR, DON DAM PAR SKYE BA'I NGO BOR GRUB PA MED PAS NA SKYE BA NGO BO NYID MED PA ZHES BYA'O, ,DON DAM PAR DON DAM BDEN PA'I NGO BOR MA GRUB PA'I CHA NAS BZHAG PA DE, DER BSHAD PA'I DON DAM PA NGO BO NYID MED PA'I MTSAN NYID YIN TE, GZHUNG LAS, DON DAM PAR GZUGS KYI NGO BO DANG DE'I SKYE BA SOGS KYIS STONG PA YONGS GRUB YIN PA MDO'I DON YIN, ZHES GSUNGS PA'I PHYIR, DON DAM PAR DON DAM BDEN PA'I NGO BOR GRUB PA MED PAS NA DON DAM PA NGO BO NYID MED PA ZHES BYA'O,, GZUGS NAS RNAM MKHYEN GYI BAR GYI CHOS GANG YIN YANG RANG NYID RANG STENG GI GZHAN DBANG DANG, RANG NYID BDEN PAR GRUB PA'AM BDEN GRUB TU SGRO BTAGS PA RANG STENG GI KUN BTAGS DANG, RANG NYID BDEN PAR MED PA RANG STENG GI YONGS GRUB TU 'JOG GO ,MING SOGS CHOS LNGA LA, KUN BTAGS PA'I GZHI'I CHOS DE, 'DI'I RGYU MTSAN GYI MTSAN NYID YIN TE, BSDU BA LAS, RGYU MTSAN GANG ZHE NA, MDOR BSDU NA MNGON PAR RJOD PA'I TSIG GI GZHI'I GNAS SU GYUR PA'I DNGOS PO GANG YIN @040A *, ,PA'O; ,ZHES GSUNGS PA'I PHYIR, RANG GI BRJOD DON MING BRDA BZHIN DU GO BAR BYED PA'I CHOS DE, 'DI'I MING GI MTSAN NYID YIN TE, DE NYID LAS, MING GANG ZHE NA, RGYU MTSAN DE NYID LA TSIG BLA DVAGS GANG YIN PA'O, ,ZHES GSUNGS PA'I PHYIR, KHAMS GSUM CI RIGS KYI GNYIS SNANG 'KHRUL RTOG GI CHA NAS BZHAG PA'I DNGOS PO DE, 'DI'I RNAM RTOG GI MTSAN NYID YIN TE, DE NYID LAS, RNAM PAR RTOG PA GANG ZHE NA, KHAMS GSUM NA SPYOD PA'I SEMS DANG SEMS LAS BYUNG BA'I CHOS RNAMS SO, ,ZHES GSUNGS PA'I PHYIR, KHYAD PAR GSUM DANG LDAN PA'I CHA NAS BZHAG PA'I YUL STONG NYID DE, 'DI'I DE BZHIN NYID KYIS MTSAN NYID YIN TE, DE NYID LAS, DE BZHIN NYID GANG ZHE NA, CHOS BDAG MED PAS RAB TU PHYE BA, 'PHAGS PA'I YE SHES KYI SPYOD YUL, MNGON PAR RJOD PA TSIG THAMS CAD KYI GZHI'I GNAS SU MA GYUR PA'I DNGOS PO GANG YIN PA'O, ,ZHES GSUNGS PA'I PHYIR, MNYAM GZHAG RNAM PAR MI RTOG PA'I YE SHES KYIS BSDUS PA'I DE KHO NA NYID RTOGS PA'I BLO'I CHA NAS BZHAG PA DE, 'DI'I YANG DAG PA'I YE SHES KYI MTSAN NYID YIN TE, DE NYID LAS, YANG DAG PA'I YE SHES GANG ZHE NA, DE NI MDOR BSDU NA RGYU GNYIS SU BLTA BAR BYA STE, GCIG TU 'JIG RTEN LAS 'DAS PA DANG, 'JIG RTEN PA DANG 'JIG RTEN LAS 'DAS PA'O, ,ZHES GSUNGS PA'I PHYIR, 'DI LA KUN RDZOB RNAM CAN YANG YOD DE, BSDU BA LAS, YANG DAG PA'I SHES PA 'JIG RTEN PA DANG 'JIG RTEN LAS 'DAS PA GANG ZHE NA, @040B NAS; KHAMS GSUM PA LAS YID SKRAG PAR BYED PA DANG, KHAMS GSUM PA RAB TU ZHI BA'I RO MYONG BAR BYED CING DE LA LAN MANG DU GNAS PA NYID KYIS MYUR BA MYUR BA KHO NAR NYON MONGS PA'I SGRIB PA RNAM PAR DAG PAR 'THOB PAR BYED PA'O,, ZHES GSUNGS PA'I PHYIR, RGYAS PAR NA, BSTAN DANG MNYAM PAR DBYE BA DANG, ,YOD DANG RDZAS DANG KUN RDZOB DANG, ,RAB TU SKYE DANG GZHAN NYID DANG, ,MTSAN NYID RNAM PA GZUGS CAN YIN, ,ZHES DANG, BSDU DANG NGO BO NYID DANG NI, , GZUGS DANG 'JIG TSOGS SRID PA DANG, ,'JIG RTEN DE NYID YONGS TSOL DANG, ,YANG DAG DGONGS DANG GO RIMS SO, ,ZHES PA LTAR CHOS LNGA'I DON BCU TSAN GNYIS SU BSDUS TE BSDU BAR GSUNGS PA LTAR SHES PAR BYA ZHING, MTSAN NYID RNAMS KYANG DGONGS PAR SON MIN DPYAD DGOS SO, ` ,SPRO NA, LAM SGRON RANG 'GREL DU RTZA SHE'I 'GREL BA CHEN PO DRUG DANG, t'IKKA CHEN PO GNYIS ZHES BYUNG BA DANG, DBU MA'I RTZA BA SHES RAB LA 'GREL BA BRGYAD YOD DE, ZHES PA'I BRGYAD NI DE NYID LAS, SLOB DPON NYID KYIS MDZAD PA'I GA LAS 'JIGS MED DANG, SLOB DPON ZLA GRAGS KYIS MDZAD PA'I TSIG DON GSAL BA DANG, SLOB DPON BHA BYA SNANG BRAL GYIS MDZAD PA'I SHES RAB SGRON MA DANG, GNAS BRTAN BUDDHA P'A LI TAS MDZAD PA'I BUDDHA P'A LI TA DANG, SLOB DPON BLO BRTAN GYIS MDZAD PA DANG, SLOB DPON GU nA MA TI DANG, SLOB DPON GU nA SHR'I DANG, A'A TZ'A RYA GU nA DA TAS MDZAD PA RNAMS SO, ,ZHES GSUNGS PA RTZA SHE'I 'GREL BSHAD @041A *, ,SOGS DANG MI 'DRA LA, SHES RAB SGRON MA LA t'IKKA CHEN MO GNYIS YOD DE, A'A TZ'A R+YA SPYAN RAS GZIGS BRTUL ZHUGS KYIS MDZAD PA DANG, A'A TZ'A R+YA DE BA SHARMAS MDZAD PA'I DBU MA DKAR PO 'CHAR BA'O, ,ZHES GSUNGS PAS t'IKKA CHEN PO GNYIS ZHES PA'ANG 'DI LA DGONGS PAR MNGON NO, ,DE LTAR NA RTZA SHE'I 'GREL BSHAD DU SHER SGRON DKAR PO RNAM 'CHAR GYI RJES SU 'BRANGS PAR GSUNGS PA DANG YANG MA MTHUN ZHING, 'GREL BSHAD LAS SHES RAB SGRON ME RGYA CHER 'GREL BAR BYED PA'I SLOB DPON YON TAN BYIN ZHES BYA BA GZHAN ZHIG NI 'DI SKAD CES KYANG ZER, ZHES KYANG 'BYUNG NGO, ,KHA CIG NA RE, RNAM RIG PAS KUN BTAGS RANG MTSAN GYIS MA GRUB PAR BSHAD PA LEGS LDAN GYIS 'GOG PA NA DE'I DON 'DOGS BYED MING RTOG GAM, BTAGS CHA RANG MTSAN GYIS MED PA LA BYED, CES BRTAGS PA NI, SEMS TZAM LUGS KYI SGRA RTOG LA MA LTOS PAR YUL RANG NGOS NAS GRUB PA'I RANG MTSAN DANG, RANG RGYUD PAS KYANG 'DOD PA'I YUL STENG NAS GRUB PA'I RANG MTSAN GANG LA BSAMS, DANG PO LTAR NA, KUN BTAGS RANG MTSAN GYIS MA GRUB PA'I DON MING RTOG RANG MTSAN GYIS MED PA LA BYED PAR DES KHAS MA BLANGS SHING, DOGS PA CHE BAS KYANG MA YIN TE, DE LTAR DOGS PA CHE TSUL MED PA'I PHYIR, MTHA' CHOD PA'I CHED KYANG MA YIN TE, DE LTAR NA DE'I DON KUN BTAGS 'DOGS BYED MING RTOG GAM, GDAGS GZHI GZHAN DBANG NGAM, BTAGS PA'I CHA RANG MTSAN @041B GYIS MED PA LA BYED CES BRTAG PA GSUM BYA RIGS PA LA DE LTAR MA BYAS PA'I PHYIR, GNYIS PA LTAR NA, DE'I MING DON GANG LA RTZOD, DON LA MIN TE, CHOS KUN YUL STENG NAS GRUB PA'I RANG MTSAN DU YOD PA LA DE GNYIS MTHUN PA'I PHYIR, MING LA MIN TE, MING TZAM LA LEGS LDAN LTA BU'I PAntI TAS MI RTZOD PA'I PHYIR DANG, RTZOD NA, KUN BTAGS CHOS CAN, RANG MTSAN GYIS MED PA MA YIN PAR THAL, RANG MTSAN GYIS GRUB PA'I PHYIR TE, YUL STENG NAS GRUB PA'I PHYIR; KHYAB STE, DE LA RANG MTSAN GYIS GRUB PA'I DON TSANG BA'I PHYIR, ZHES RTZOD DGOS PA LA DE LTAR MA BRTZAD PA'I PHYIR ZER NA, DBU MA SNYING PO DANG BSGRIGS NA SHER SGRON GYIS KYANG PHYI MA LTAR BRTZAD DAM SNYAM STE BRTAG PA'I GNAS SU CHE'O, ,SHER SGRON, DE'I 'GREL BSHAD, BSDU BA, GZHUNG GI THAD 'DI RNAMS KYI SGRAS ZIN LTAR NA SEMS TZAM LUGS LA GZHI GRUB NA MING SOGS CHOS LNGA'I GANG RUNG YIN PAS MA KHYAB STE, KUN BTAGS DE LNGA'I KHONGS SU MI GTOGS PAR GSUNGS PA'I PHYIR, DE'I KUN BTAGS MED RGYU'I KUN BTAGS LA BYAR MI RUNG STE, DE SEMS TZAM DANG LEGS LDAN GYIS MTSAN NYID NGO BO NYID MED PA YIN MIN RTZOD PA'I GZHI'I GTZO BO YIN PA'I PHYIR, DBUS MTHA'I 'GREL BSHAD LAS, SHES PAR BYA BA THAMS CAD DNGOS PO RNAM PA LNGA PO 'DIR BSDU BA'I PHYIR DNGOS PO RNAM PA 'DI LNGA LA BSDU BA'I DE KHO NA ZHES BYA'O, ,ZHES DANG, RTZA SHE'I 'GREL BSHAD LAS, NGO BO NYID GSUM PO DE DAG KYANG CHOS @042A *, ,LNGAS BSDUS TE, ZHES PA'I SGRAS ZIN LTAR NA GZHI GRUB NA DE LNGA'I GANG RUNG YIN DGOS TE, DE LNGAS CHOS KUN BSDUS PAR GSUNGS PA'I PHYIR RO, ,DE GNYIS KYI 'GAL SPONG DU KHA CIG KUN BTAGS CHOS LNGA'I KHONGS SU MI GTOGS KYANG DE DES BSDUS PA MI 'GAL TE, DE'I KHONGS SU GTOGS PA LA DE YIN DGOS KYANG DER BSDU BA LA DE YIN MI DGOS PA'I PHYIR ZER NA DPYAD, RJE 'JIGS MED DBANG POS MING LDAN MIN MIN PAS MING GI TSOGS LA ZER DGOS PAR GSUNGS PA LDAN MIN 'DU BYED LA DGONGS PA 'DRA YANG, SNGAR DRANGS PA LTAR MING SEMS DANG MI LDAN PA DANG MTSUNGS LDAN MIN PA LAS LDAN MIN 'DU BYED DU GSUNGS PA YIN MIN BRTAG DE LTAR BYAS NA GNYAL STON GYIS MING LDAN PA MIN PA'I 'DU BYED DANG, ZHES PA LTA BU'ANG SEMS LDAN MIN PA DANG 'DU BYED YIN PA'AM MTSUNGS LDAN MIN PA DANG 'DU BYED YIN PA'I DON DU BYED DGOS SO, ,BSDU BAR, RGYU MTSAN GYI NGO BO NGOS 'DZIN PA NA DNGOS PO DANG, DBUS MTHAR DE GZHAN DBANG DANG, BSDU BAR KUN BTAGS CHOS LNGA'I KHONGS SU MI GTOGS PA DANG, GZHUNG DU KUN BTAGS CHOS BZHI MIN PAR GSUNGS PA RNAMS LA DPAGS NA RGYU MTSAN LA RTAG PA MED PAR MNGON YANG, BSDU BAR RGYU MTSAN LA 'DUS MA BYAS DANG, RTZA SHE'I 'GREL BSHAD DANG DBUS MTHA'I 'GREL BSHAD DU KUN BTAGS CHOS LNGAS BSDUS PAR BSHAD PA DANG, GZHUNG DU DBUS MTHAR RGYU MTSAN GZHAN DBANG DU GSUNGS @042B PAR DGONGS GZHI BZHAG PA SOGS LA DPAGS NA DER RTAG PA YANG YOD 'DRA'O, ,DE GNYIS KYI 'GAL SPONG DU KHA CIG SPYIR CHOS LNGA'I NANG GI RGYU MTSAN LA RTAG DNGOS GNYIS KA YOD KYANG, KUN BTAGS MTSAN NYID NGO BO NYID MED PA YIN MIN RTZOD PA'I SKABS KYI CHOS LNGA'I NANG GI DE LA DNGOS POS KHYAB STE, DE LA KUN BTAGS KHONGS SU MI 'ONG BA ZHIG DGOS PA'I PHYIR ZER BA DANG, GZHAN DAG SPYIR CHOS LNGA'I NANG GI DE LA DNGOS POS KHYAB PAS DBUS MTHAR DE GZHAN DBANG DU BSHAD PA YANG CHOS LNGA'I NANG GI DE'I NGOS 'DZIN LA DGONGS PA DANG, BSDU BAR DE LA RTAG PA BSHAD PA 'DUS MA BYAS KYI RGYU MTSAN YOD PAR BSHAD PA TZAM STE, 'DUS MA BYAS KYI RGYU MTSAN YIN NA CHOS LNGA'I NANG GI DE MA YIN PAS KHYAB PA'I PHYIR ZER NA BRTAG GO ,KHA CIG ,KUN BTAGS KYI GDAGS GZHI YIN NA KUN BTAGS MA YIN PAS KHYAB PAR THAL, GZHUNG LAS, RGYU MTSAN KUN BTAGS KYI GDAGS GZHIR BSHAD CING, ZHES GSUNGS DON YOD PA'I PHYIR ZER, GZHAN DAG DE MA KHYAB STE, GZHAN DU NA SHES BYA'I GDAGS GZHI YIN NA SHES BYA MA YIN DGOS PAR 'GYUR BA'I PHYIR ZER NA DPYAD DGOS SO, ,GZHUNG LAS, KUN BTAGS DNGOS POR MED PAS CHOS BZHI MA YIN LA, ZHES PA'I DON DNGOS POR MED PA NI KUN BTAGS CHOS BZHI MA YIN PA'I SGRUB BYED DU BKOD PAR DKA' 'GREL GNYIS SOGS GZHUNG PHAL CHER DU 'BYUNG YANG, KUN BTAGS MING DANG RGYU MTSAN GNYIS MIN PA'I SGRUB BYED ZUR @043A *, ,DU BKOD ZIN PAS RNAM RTOG DANG YE SHES GNYIS MIN PA'I RGYU MTSAN DU BKOD PA YIN NAM SNYAM NAS SNGAR LTAR SBYAR LA, THAB GSAL SGRON MER 'DI DBUS MTHA'I DNGOS BSTAN GYI RGYU MTSAN YIN NA DNGOS MED MIN DGOS PA'I DON DU BYAS PA YANG GZHUNG GI THOB TSOD LA MI YONG BA GZHUNG BKLAGS PAS SHES SO, ,GZHUNG LAS, DES NA CHOS LNGAR MI GTOGS PA'I RGYU MTSAN GYIS MTSAN NYID NGO BO NYID MED PA YIN YANG DER MI GTOGS PA MTSAN NYID NGO BO NYID MED PA'I DON MIN NO, ,ZHES PA DKA' 'GREL DU LEGS LDAN GYI LUGS LA SBYAR KYANG, MUN SEL LAS, DE BSDU BA'I LUGS NGO MA YIN, ZHES GSUNGS PA LTAR RO, ,KHO NA RE, LEGS LDAN GYIS DNGOS PO RANG MTSAN GYIS GRUB PA THA SNYAD DU BZHED PA'I KHUNGS GSAL SHOS SHER SGRON DU MTSAN NYID GSUM GTAN LA PHAB PA'I SKABS KYI DE LA 'DIR GAL TE GZUGS ZHES BYA BAR YID LA BRJOD PA DANG, ZHES SOGS KYI GZHUNG 'DI YIN PAR BSHAD PA MI 'THAD PAR THAL, SLOB DPON 'DIS MTSAN NYID GSUM BSHAD PA DANG, CHOS CAN MTHUN SNANG BA DANG, THAL RANG GIS RANG RGYUD BZHED MI BZHED BSHAD PA'I SKABS GSUM GAR DNGOS PO RANG MTSAN GYIS GRUB PAR 'DOD PA HA CANG GSAL BA'I PHYIR NA MA KHYAB STE, KHUNGS GSAL BO MANG DU YOD PA'I NANG NAS SHIN TU GSAL BA NI 'DI YIN ZHES PA'I DON YIN ZER NA BRTAG GZHUNG LAS, YOD MED NI MTSAN NYID NGO BO NYID YOD MED YIN PAS, ZHES PA'I DON LA GUNG THANG PHAR MCHAN DU, LUNG 'DIS RANG MTSAN GYIS GRUB @043B PAR MA ZAD, RANG 'DZIN RTOG PA'I ZHEN GZHIR RANG MTSAN GYIS GRUB PAR BZHED PA YANG GSAL BAR BSTAN TE, LUGS 'DIR DGONGS 'GREL GYI NGO BO NYID MED PA GSUM STONG NYID YIN PAS, MTSAN NYID NGO BO NYID DER YOD PA MI RUNG ZHING; DER MA ZAD LUNG 'DI RNAM RIG PAS KUN BTAGS MTSAN NYID NGO BO NYID MED PAR BSHAD PA LA, 'DOGS BYED DANG GDAGS GZHI GNYIS SU PHYE NAS 'GOG PA'I PHYI MA'I SKABS YIN LA, DE RNAM RIG PAS RANG 'DZIN RTOG PA'I ZHEN GZHIR RANG MTSAN GYIS GRUB PA LA BSHAD PA'I PHYIR, DES NA LEGS LDAN GYI LUGS LA RANG 'DZIN RTOG PA'I ZHEN GZHIR RANG MTSAN GYIS GRUB PA SHER SGRON DU, KUN BTAGS PA MED PA MA YIN TE, ZHES PA 'DI DANG DBU MA SNYING POS 'GRUB PAR BSHAD PA NI, LHAG MTHONG DKA' 'GREL DU DPYAD DGOS PAR GSUNGS PAS, SNGAR DKA' 'GREL DE SOGS DANG BSTUN NAS BKOD YOD DO, ,DKA' 'GREL LAS, MA SKYES PA DANG MA 'GAGS PA, ,ZHES SOGS RKANG BA PHYI MA GNYIS, SEMS KYI SPYOD YUL LDOG PAS SO, ,ZHES PA'I RGYU MTSAN LA MA SBYAR KYANG, RTZA SHE'I t'IK CHEN DU DE LTAR SBYAR LA, DKA' 'GREL LAS, DON DAM PAR CHOS RNAMS MA SKYES PA DANG MA 'GAGS PA DANG CHOS NYID DANG RANG BZHIN GYIS MYA NGAN LAS 'DAS PAR MTSUNGS PA'I PHYIR RO, ,ZHES DANG, GNYAL STON GYIS KYANG DE DANG MTHUN PAR GSUNGS PA YANG, t'IK CHEN LAS, CHOS THAMS CAD DON DAM PAR MA SKYES SHING MA 'GAGS PA'I CHOS NYID MYA NGAN LAS 'DAS PA @044A *, ,DANG MTSUNGS, ZHES GSUNGS PA DANG MI MTHUN ZHING, SNGAR BSHAD PA DE DANG MI 'DRA BA'I SBYOR TSUL GZHAN YOD PA t'IK CHEN LAS SHES PAR BYA'O, ,GZHUNG LAS, LTO LDIR PA LA BUM PA ZHES BTAGS PA'I BRDAS BZHAG PA'I YUL DON DAM PAR GRUB PA 'GOG PA LA DBU MA'I RIGS PA DGOS ZHES SMRA BA MIN, ZHES PA'I DON LA DKA' 'GREL GNYIS MTHUN PAR LTO LDIR BA BUM BRDA'I YUL YIN PA DE SGRA RTOG LA MA LTOS PA'I DON DAM DU GRUB PA 'GOG PA LA DBU MA'I RIGS PA MI DGOS TE, DE SEMS TZAM PA'I RIGS PAS KYANG KHEGS PA'I PHYIR TE, DE DE 'DRA'I DON DAM DU GRUB NA DE LTO LDIR BA'I GNAS LUGS YIN DGOS, DE YIN NA BUM BRDA'I SNGAR LTO LDIR BA MED DGOS PA LA DE YOD PA'I PHYIR; ZHES BZHED DAM SNYAM MO, ,LTO LDIR BA BUM BRDA'I YUL YIN PA DON DAM PAR GRUB PA 'GOG PA LA DBU MA'I RIGS PA MI DGOS ZHES SMRA MI RUNG STE, DE 'GOG NUS PA'I SEMS TZAM SOGS KYI RIGS PA MED PA'I PHYIR TE, DE DON DAM PAR MA GRUB PA CHOS KYI BDAG MED PHRA MO YIN PA'I PHYIR, LHAG MTHONG DKA' 'GREL LAS, SLOB DPON LEGS LDAN GYI LUGS LA 'DI GZUGS SO SNYAM PA'I RTOG PA'I ZHEN YUL SGRO BTAGS DE YOD RGYU'I KUN BTAGS DANG, ZHES GSUNGS PA GZHUNG LAS, 'DI GZUGS SO 'DI GZUGS KYI SKYE BA'O ZHES SOGS SU 'DOGS PA'I ZHEN YUL, ZHES PA ZHEN YUL GYI RANG LDOG LA NGOS 'DZIN PA'I DBANG DU MDZAD PA STE, SNGAR BSHAD PA NI, DE LTAR NA GZHAN DBANG @044B MTSAN NYID NGO BO NYID MED PAR GSUNGS KYI, ZHES SOGS RTZOD LAN DANG YANG BSGRIGS PA'I BSHAD PA'O, ,KHO NA RE, GZHUNG LAS, DE RANG BZHIN GYIS STONG PA DGONGS 'GREL GYI DON DU 'CHAD, CES GSUNGS PA MI 'THAD PAR THAL, RANG RGYUD PAS GZHAN DBANG RANG BZHIN GYIS STONG PA MI 'DOD PA'I PHYIR NA MA KHYAB STE, YANG SNYING LAS, RANG RGYUD PA'I GZHUNG RNAMS SU BDEN GRUB LA RANG BZHIN GYIS GRUB PA'I MING GIS BSHAD PA'ANG MANG BAS DE DANG BSTUN NAS BTAGS PA TZAM YIN PA'I PHYIR, ZHES GSUNGS PA LTAR YIN PA'I PHYIR, GRUB MTHA'I MCHAN DU, GZHUNG LAS, DE YANG LTO LDIR BA LA BUM PA ZHES BTAGS PA'I, ZHES SOGS KYI NGO BO DANG KHYAD PAR DU BTAGS PA'I BTAGS DON GANG LA BYED PA'I TSUL LA RANG RGYUD PA DANG SEMS TZAM PA'I LUGS MI 'DRA BA'I KHYAD PAR BSTAN PAR BSHAD KYANG DES NI LTO LDIR BA BUM BRDA'I YUL DU DNGOS DBANG GIS GRUB PA 'GOG PA LA DE GNYIS 'DRA BAR STON PA LAS SNGA MA LTAR STON PA MA YIN NO, ,GNYIS PA THA SNYAD DU PHYI ROL GYI DON YOD MED JI LTAR BSHAD PA LA GNYIS, LEGS LDAN GYI LUGS RGYAS PAR BSTAN PA DANG, YE SHES SNYING PO YANG DE DANG MTHUN PAR BSTAN PA'O, ,DANG PO LA GNYIS, PHYI DON YOD PAR BZHED PA DNGOS DANG, ZHAR BYUNG KUN GZHI SOGS MI BZHED PAR BSTAN PA'O, ,DANG PO LA BZHI, LEGS LDAN GYIS PHYI DON 'DOD PA'I TSUL, PHYI DON 'DOD PA LA LUNG GNYIS KYIS MI GNOD PA'I TSUL, PHYI DON YOD PAR RIGS PAS @045A *, ,GRUB PA'I TSUL, PHYI DON MED PA LA RIGS PA'I GNOD PA 'JUG PA'I TSUL LO, ,DANG PO NI, DA NI KUN RDZOB, CES SOGS BYUNG, SLOB DPON 'DIS KUN RDZOB KYI CHOS PHYI DON DANG SHES PA'I BDAG NYID GNYIS LAS GANG DU 'DOD BSHAD PA NI, KLU SGRUB DANG 'PHAGS PA LHAS DBU MA'I GZHUNG RNAMS SU THA SNYAD DU PHYI DON YOD MED PHYE NAS GSAL BAR BSHAD PA MED LA, SHER SGRON LAS, RNAM PAR SHES PA DON GYIS STONG PA YIN TE ZHES DAM BCAS PA'I DON GANG YIN, GAL TE DE'I DON PHYI ROL GYI RKYEN LA MI LTOS PAR BAG CHAGS KYI SA BON GYI RGYU LAS RNAM PAR SHES PA SKYE BA YIN NA NI DE LA GAL TE DON DAM PAR PHYI ROL GYI RKYEN LA MI LTOS PAR RNAM PAR SHES PA SKYE BAR STON NA DPE MED DO, ,CI STE THA SNYAD DU NA NI GRAGS PAS GNOD DO, ,ZHES THA SNYAD DU PHYI ROL YOD PA DANG, LUS DANG LONGS SPYOD DANG GNAS KYI GRIB MA LTA BUS NYE BAR KHA BSGYUR BA'I PHYIR LUS DANG LONGS SPYOD DANG GNAS LTA BUR YANG SNANG NGO; ,DE MED DU ZIN NA DE LTAR SNANG BA NYID DU MI 'GYUR TE, DPER NA RI BONG GI RVA SNANG BA NYID DU MI 'GYUR BA BZHIN NO, ,ZHES DBANG SHES KYIS YUL RNAM LDAN GYI SGO NAS 'DZIN PAR GSUNGS SHING, PHYI DON DANG DE 'DZIN DBANG SHES GNYIS RGYU 'BRAS SNGA PHYI BA YIN TE, SNGON PO DE SNGO 'DZIN MIG SHES KYI DMIGS RKYEN YIN PA'I PHYIR TE, DE DE LA RANG NGOS NAS RANG GI RNAM PA GTOD BYED YIN PA'I PHYIR ZHES BZHED DE, RTOG GE 'BAR BA LAS, PHYI ROL GYI DON MED DO ZHES DAM BCAS PA @045B GANG YIN PA DE LA YANG, NAS, MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG NGO ZHES GSUNGS PA'I LUNG DANG 'GAL BA'O, ,ZHES GSUNGS PA'I PHYIR RO, ,GNYIS PA NI, SA BCU PA LAS, ZHES SOGS BYUNG, PHYI DON BKAG PA MDO GANG GI YANG DON MIN PAR BZHED DAM DPYAD PAR BYA STE, SA BCU BAR KHAMS GSUM SEMS TZAM DU GSUNGS PA DANG, LANG GSHEGS LAS, PHYI ROL SNANG BA YOD MIN TE, ,ZHES SOGS KYIS PHYI DON BKAG PA MA YIN PA'I PHYIR, DANG PO GRUB STE, SA BCU PA LAS, 'DI LTAR, KHAMS GSUM PO 'DI NI SEMS TZAM STE, ZHES PA'I TZAM SGRAS PHYI DON 'GOG PA MIN TE, DES SEMS LAS DON GZHAN PA'I BDAG RTAG PA SOGS 'JIG RTEN GYI BYED PO 'GOG PA YIN PA'I PHYIR, DER THAL, MDO DE'I RJES THOGS SU, SEMS KYIS MNGON PAR 'DUS BYAS PA DANG SEMS KYIS BRIS PA YIN GYI SEMS LAS GZHAN PA'I BYED PA PO DANG ZAB BO GANG YANG YOD PA MA YIN NO, ,ZHES GSUNGS PA'I PHYIR, GNYIS PA GRUB STE, DES PHYI DON DON DAM PAR MED PAR GSUNGS PA TZAM YIN PA'I PHYIR TE, SHER SGRON LAS, LUNG LAS, PHYI ROL SNANG BA YOD MIN TE, ,NAS, DE NGO BO NYID LA YOD PA MA YIN PA'I PHYIR PHYI ROL GYI DON NGO BO NYID YOD PA MA YIN KYANG, NAS, DPER NA RI BONG GI RVA SNANG BA NYID DU MI 'GYUR BA BZHIN NO, ,ZHES GSUNGS PA'I PHYIR, LANG GSHEGS KYI DON NI, 'JIG RTEN GYI BYED PO BDAG RTAG PA SOGS MA YIN PAR SEMS TZAM ZHIG TU BCOM LDAN @046A *, ,NGA NYID SMRA LA, PHYI ROL GYI SNANG BA NGO BO NYID LAS TE DON DAM PAR YOD PA MA YIN TE, LUS LONGS SPYOD GNAS RNAMS DANG 'DRA BA STE RNAM PA GRIB MA LTA BUS KHA BSGYUR BA DANG MTSUNGS PAR SEMS SNA TSOGS SU SKYE BA NI DON DE DAG DANG 'DRA BA'I RNAM PA CAN DU SKYES PA'I PHYIR, ZHES PA'O, ,GSUM PA NI, GZUGS SGRA LA SOGS PA, ZHES SOGS BYUNG, DE YANG DMAG DANG NAGS TSAL LA SOGS PA 'DUS PA'I SKABS SU DE'I RDUL PHRA RAB RE RE NAS DBANG SHES LA MI SNANG YANG GZUGS SGRA SOGS BSAGS PA'I SKABS SU DE'I RDUL PHRA RAB RE RE NAS DBANG SHES LA SNANG STE, DE 'DRA'I RDUL PHRA RAB RE RES KYANG DBANG SHES KYI DMIGS RKYEN BYED PA'I PHYIR, 'DUS BSAGS KYI KHYAD PAR NI, RTOG GE 'BAR BA LAS, BSAGS PA DANG 'DUS PA ZHES BYA BA GNYIS LA KHYAD PAR CI YOD CE NA, RDUL PHRA RAB RIGS MTHUN PA DAG GZHI GCIG LA BRTEN PA NI TSOGS PA ZHES BYA'O, ,GLANG PO CHE DANG RTA LA SOGS PA DANG SKYER BA DANG SENG LDENG LA SOGS PA'I RDZAS RIGS MI MTHUN PA GZHI THA DAD PA 'DUS PA LA DMAG DANG NAGS TSAL LA SOGS PAR GDAGS PA NI 'DUS PA ZHES BYA'O, ,ZHES GSUNGS PA LTAR RIGS MI 'DRA BA LA BRTEN PA NI 'DUS PA DANG, RTEN GCIG LA BRTEN PA'I RIGS MTHUN PA'I PHRA RAB RNAMS NI BSAGS PA YIN ZHING, DE BZHIN DU BUM SOGS KYANG BSAGS PA YIN PAS 'DUS PA RDZAS SU MED PA DANG BSAGS PA RDZAS SU YOD LA, 'DIS RDZAS BTAGS 'JOG TSUL JI LTAR YIN DPYAD DGOS PAR LHAG MTHONG DKA' @046B 'GREL DU GSUNGS SO, ,DE LA DBU MA SNYING PO LAS, CI STE BLO YUL RNAM GNYIS TE, ,GCIG DANG 'DUS PA YIN SNYAM NA, ,RIGS PAS YONGS SU BRTAGS PA NA, ,DE NI GNYIS KAR MI RIGS SO, ,ZHES RNAM RIG PAS, RDUL PHRA RAB YAN GAR BA 'AM DU MA 'DUS PA GANG DBANG SHES KYI SPYOD YUL DU 'DOD SNYAM NA, DANG PO LTAR NA, DE LA GZUGS RDUL GCIG PU NI, ,GZUGS BLO'I SPYOD YUL MA YIN TE, ,DE SNANG NYID DU MI 'GYUR PHYIR, ,DBANG GZUGS SPYOD YUL MA YIN BZHIN, ,ZHES PA LTAR GZUGS RDUL PHRA RAB CHOS CAN, GZUGS 'DZIN MIG SHES KYI SPYOD YUL MA YIN TE, GZUGS 'DZIN MIG SHES LA MI SNANG BA'I PHYIR, DPER NA DBANG PO GZUGS CAN PA BZHIN, ZHES PA'I RIGS PA DANG 'GAL, GNYIS PA LTAR NA, PHRA RAB GZUGS NI DU MA DE, ,SEMS KYI SPYOD YUL YIN MI 'DOD, ,RDZAS SU YOD PA MA YIN PHYIR, ,DPER NA ZLA BA GNYIS BZHIN NO, ,ZHES PA LTAR GZUGS RDUL BSAGS PA CHOS CAN, GZUGS 'DZIN MIG SHES KYI SPYOD YUL MA YIN TE, RDZAS SU MED PA'I PHYIR, DPER NA ZLA BA GNYIS SNANG BZHIN, ZHES PA'I RIGS PA DANG 'GAL LO, ,ZHES RNAM RIG PAS PHYI DON 'DOD PA'I LUGS BKAG PA LA, LEGS LDAN GYIS, DE LA GAL TE PHA ROL BO, ,BSAGS PA MIN PA'I GZUGS SEMS KYI, ,SPYOD YUL MIN PAR SGRUB BYED NA, ,DER NI GRUB PA NYID BSGRUBS 'GYUR, ,ZHES RDUL PHRA RAB YAN GAR BA DBANG SHES KYI SPYOD YUL MIN PAR SGRUB NA GRUB ZIN SGRUB PA DANG, @047A *, ,CI STE BSAGS PA'I GZUGS LA NI, ,GTAN TSIGS MA GRUB NYID 'GYUR TE, ,GZUGS GZHAN DAG GI BSAGS PA NI, ,DER SNANG BLO NI SKYE PHYIR RO, ,ZHES BSAGS PA DE'I SPYOD YUL MIN PAR SGRUB NA, RDZAS SU YOD PA MA YIN PA'I PHYIR ZHES PA'I RTAGS KHO BO LA MA GRUB PA'I SKYON DU 'GYUR TE, DE RANG 'DZIN DBANG SHES RANG GI RNAM LDAN DU SKYED BYED YIN PA'I PHYIR, DE NI DMIGS NYID YIN 'DOD DE, ,DE SNANG BLO YI RGYUR 'GYUR PHYIR, ,'DOD CHAGS BZHIN DU DE YI PHYIR, ,KHYOD DAM BCAS LA RJES DPAG GNOD, ,CES BSAGS PA'I GZUGS CHOS CAN, RANG 'DZIN DBANG SHES KYI DMIGS PA YIN TE, RANG 'DZIN DBANG SHES KYI DMIGS PA YIN TE, RANG 'DZIN DBANG SHES RANG GI RNAM LDAN DU SKYED BYED YIN PA'I PHYIR, DPER NA, 'DOD CHAGS KYIS BUD MED KYI GZUGS SOGS BSAGS PA LA DMIGS PA BZHIN, DES NA RNAM RIG PAS BSAGS PA'I GZUGS DMIGS PA MA YIN PAR BSHAD PA LA RIGS PAS GNOD CES RTZOD SPONG MDZAD DO, ,BZHI PA NI, ZLA BA GNYIS SU, ZHES SOGS BYUNG, SHER SGRON LAS, ZLA BA GNYIS MTHONG BA'I BLO PHYI ROL GYI DMIGS PA LA MA LTOS PAR SKYE BAR MI 'GRUB PA'I PHYIR RO, ,ZHES GSUNGS PA LTAR, ZLA BA GNYIS SNANG GI DBANG SHES CHOS CAN, PHYI ROL GYI DMIGS RKYEN MED PAR MI SKYE STE, ZLA BA GCIG DMIGS PA LA BRTEN NAS SKYE BA'I PHYIR, DE NYID LAS, GZHAN YANG SMRA BAR 'DOD PA'I RNAM PAR SHES PA NI DMIGS PA'I RKYEN GZUGS KYI RNAM PAR SHES PA'I GZUGS SU @047B SNANG BA NYID GANG YIN PA DE DANG LDAN PA MA YIN TE, MIG GI RGYU DANG LDAN PA'I PHYIR, DPER NA DE NYID KYI RANG GI BDAG NYID DU SNANG BZHIN PAS THA SNYAD DU YANG DMIGS PA'I RKYEN LA SKUR BA 'DEBS PA'I PHYIR MDZAD PA'I MTHA' DANG 'GAL BA'O, , ZHES GSUNGS PA LTAR PHYI DON MED NA MDO LAS, MIG DANG GZUGS LA BRTEN NAS MIG GI RNAM PAR SHES PA SKYE'O, ,ZHES SOGS DBANG SHES RNAMS DMIGS RKYEN LAS SKYE BAR GSUNGS PA LA SKUR BA BTAB PAR YANG 'GYUR TE, DON DAM DANG THA SNYAD GANG DU YANG DMIGS RKYEN LAS SKYE BA MI 'THAD PA'I PHYIR RO, ,DE LA DBU MA SNYING PO LAS, GAL TE GZUNG BAR SNANG 'DOD PAS, ,GZUGS BLO YANG DAG MA YIN NA, ,ZHES PA LTAR RNAM RIG PAS, SNGON PO RANG LAS BDAG NYID THA DAD PAR SNANG BA'I SNGO 'DZIN MNGON SUM CHOS CAN, SNANG BA LA MA 'KHRUL BA MA YIN TE, YUL PHYI DON DU MED BZHIN PHYI DON DU SNANG BA'I SHES PA YIN PA'I PHYIR, DPER NA ZLA BA GNYIS SNANG GI SHES PA BZHIN, ZHES BKOD PA LA, DES NA GTAN TSIGS 'KHRUL 'GYUR ZHING, ,DAM BCAS PA YANG NYAMS PAR 'GYUR, ,ZHES DE NI RTAGS KYI DON GRUB PA NA CHOS CAN GYI NGO BO LOG PA YIN PAR GRUB ZIN PAS RTAGS YANG DAG MIN ZHING, DAM BCAS PA LA YANG MNGON SUM DANG LUNG DANG 'JIG RTEN LA GRAGS PAS GNOD PAR 'GYUR BA DANG, SEMS TZAM DU NI DMIGS PA DANG, ,GZUGS LA SOGS PA MI 'DZIN NA, ,KHAS BLANGS PA DANG GRAGS PA YIS, ,DAM BCAS PA LA GNOD PAR 'GYUR, ,ZHES MIG DANG @048A *, ,GZUGS LA BRTEN NAS, ZHES PA'I LUNG KHAS BLANGS PA DANG 'GAL ZHING, 'JIG RTEN NA GZUGS SOGS PHYI DON MED PAR DE 'DZIN PA'I MIG SHES SOGS MI SKYE BAR GRAGS PAS GNOD PA DANG, DE LTAR SNANG BA SKYE BA'I PHYIR, ,RMI LAM GZUGS SOGS BLO BZHIN DU, ,GZUGS LA SOGS PA DON MED PAR, ,RNAM PAR SHES ZHES BYAR MI RUNG, ,GANG PHYIR RMI LAM LA SOGS PA'I, ,RNAM SHES CHOS LA DMIGS PA'I PHYIR, ,DE PHYIR DPE YANG MED PA DANG, ,YUL LA SKUR BA 'DEBS PAR 'GYUR, ,ZHES PHYOGS SNGAS, PHYI DON MED KYANG SHES PA SKYE BA'I DPER RMI LAM GYI SHES PA BZHAG PA YANG MI 'THAD PAR THAL, RMI LAM GYI SHES PA YANG DMIGS PA DANG BCAS PA YIN PA'I PHYIR TE, RMI LAM NA YANG BAG CHAGS KYIS BSGROS PA'I RMI LAM GYI MIG SHES KYIS RMI LAM GYI GZUGS MTHONG BA YIN PA'I PHYIR DANG, GZUGS SOGS PHYI DON GYI DNGOS PO SPANGS PAS YUL LA SKUR BA BTAB PA YANG YIN PA'I PHYIR, ZHES BSHAD LA, 'DI DANG MTHUN PAR RAB BYED NYAR LNGA BA'I SHER STHON DU YANG 'BYUNG MOD MANGS DOGS NAS MA DRANGS SO, ,GNYIS PA ZHAR BYUNG KUN GZHI SOGS MI BZHED PAR BSTAN PA NI, DE'I PHYIR KUN GZHI'I, ZHES SOGS BYUNG, DE LA, GSUNGS TE, YAN GYIS KUN GZHI DANG, MI 'JOG GO ,YAN GYIS NYON YID DANG, DE MAN GYIS RANG RIG MI 'DOD PAR BSTAN PA LAS, RNAM RIG PAS DGONGS 'GREL LAS, LEN PA'I RNAM PAR SHES PA ZAB CING PHRA, , @048B ZHES SOGS KYIS KUN GZHI BSTAN PAR 'DOD PA LA, 'DI BAS PHYI ROL DON STONG MI 'DOD PAS NA KUN GZHI YANG MI BZHED DE, DE 'DOD NA PHYI DON KHAS LEN DON MED PA'I PHYIR TE, DE 'DOD NA PHYI DON MED KYANG DE'I BAG CHAGS SMIN PA LAS PHYI DON DU SNANG BA'I RNAM RIG SKYE BAR BZHAG CHOG PA'I PHYIR, DBU MA SNYING PO'I LUNG DON NI, STON PAS KUN GZHI'I RNAM SHES ZHES BYA BA'I RNAM GRANGS KYIS GANG ZAG GI BDAG YOD PAR BSTAN PA YIN GYI SEMS TZAM LTAR GYI KUN GZHI'I RNAM SHES YOD PAR STON PA MIN ZHES PA'O, ,NYON YID KYANG MI BZHED PAR THAL, KUN GZHI GANG ZAG GI MTSAN GZHIR MI BZHED PA'I PHYIR, KHYAB STE, SPYIR BTANG LA NYON YID 'DOD NA DE KUN GZHI LA DMIGS NAS NGAR SEMS PA'I RNAM PA CAN DU 'DOD DGOS PA'I PHYIR, DBU MA SNYING PO LAS, GAL TE YUL DU SNANG BA NYID, ,SEMS KYI DMIGS PA YIN 'DOD NA, ,ZHES GZHAN RIG GI SHES PA RANG RIG GI DMIGS PA YIN PAR RANG RIG 'DOD PA'I MDO SEMS DAG GI SMRA BA, YUL DU SNANG LAS GZHAN GYUR PA'I, ,ZHES SOGS KYIS 'GOG STE DON NI, YUL DU SNANG BA'I SNGO 'DZIN LAS GZHAN DU GYUR PA STE DE MIN PA'I DE'I STENG NA SEMS NYID KYI NGO BO GNYIS PA JI 'DRA BA ZHIG SNANG STE MED DO, ,ZHES PA'O, ,PHYI 'GREL GYI DON NI, RANG RIG MI 'DOD DE, RNAM SHES PHYI DON GYI RNAM PAR SNANG BA'I CHA DANG, RNAM PA DER MI SNANG BAR 'DZIN RNAM MYONG BA'I NGO BOR SNANG BA'I CHA GNYIS YOD PAS NA RNAM SHES GCIG NYID LA RANG SNANG BA RANG RIG DANG YUL DU SNANG BA @049A *, ,GZHAN RIG GNYIS SU SNANG BA 'BYUNG BA DANG, YUL DU SNANG BA NI GZHAN RIG DANG, SNGA MA NI RANG RIG STE RANG SNANG BA DANG YUL DU SNANG BA GNYIS KYI SNGA MA YIN LA, DES GZHAN RIG MYONG BA'I NGO BOR GYUR BA'I RANG RIG DANG DE'I YUL GYI GZHAN RIG DE GNYIS DMIGS BYA DMIGS BYED KYI DMIGS RKYEN DU 'JOG PA RNAMS THA SNYAD DU YANG MI RIGS PA'I PHYIR, MUN SEL SOGS LTAR NA, SNGA MAS ZHES PA'I SA MA DAG PAS YUL DU SNANG BA LAS SNGA MA MYONG BA'I NGO BOR GYUR PA'I RANG RIG CES 'GREL BZHED PAR MNGON, DE LA RNAM RIG PAS, SHEL SNGO SOGS DANG 'GROGS TSE RANG GI NGO BO GSAL BA DANG SNGO SOGS KYI RNAM CAN DU YOD PA BZHIN RNAM SHES LA YANG YUL SNANG TSE YUL DU SNANG BA'I GZUNG RNAM DANG, RANG DU SNANG BA'I 'DZIN RNAM GNYIS YOD PAR RIGS SO ZER NA DE NI DPE DON MI MTSUNGS TE, SHEL SNGO SOGS DANG NYE BA LAS RANG GI NGO BO SNGO SOGS KYIS MA BSGRIBS PA'I GSAL BA MA BTANG BAR SNGO SOGS KYI RNAM PAR SKYES PA MIN ZHING, SHEL GYI NGO BO MA BSGRIBS PA 'GAGS NAS BSGRIBS PA SKYES PA LA SNGA MA DE YIN PAR SEMS PA NI 'KHRUL BA YIN PA GANG ZHIG ,KHYOD KYIS SHES PA RANG GI GSAL RIG GI CHA MA BTANG BAR SNGO SOGS KYI RNAM CAN DU SKYES PAR 'DOD PA'I PHYIR, DE SKAD DU DBU MA SNYING PO LAS, GZHAN LTAR SKYES PHYIR DE GNYIS SNANG, ,SHEL DANG 'DRA BAR MI 'DOD DE, ,NYE BAR BZHAG LAS DER SKYE BA, ,SHEL GYI SKAD CIG MIN PHYIR RO, ,DE 'GAG GZHAN @049B NI SKYES PA LA, ,DE YI BLO NI 'KHRUL BAR 'DOD, ,CES GSUNGS SO, ,GZHAN YANG, GZUNG 'DZIN GYI RNAM PA GNYIS MED DE, SNGO SOGS DANG BRAL BA'I SHEL BZHIN DU, SHES PA LA RANG GI NGO BO'I GSAL BA YAN GAR BA NAM YANG SNANG DU MED PA'I PHYIR DANG, SHEL TSON DANG PHRAD NA SNGO SOGS KYI RNAM PAR SNANG RUNG YANG PHAN TSUN GCIG GCIG GI NGO BOR GYUR PA MA YIN TE, GZHAN DU NA SHEL TSON NAM TSON SHEL DU THAL BAR 'GYUR BA'I PHYIR DANG, RNAM SHES GZUGS DANG PHRAD NA DE GZUGS KYI RNAM PAR SKYE YANG RNAM PA KUN TU PHAN TSUN GCIG GCIG GI NGO BOR 'GYUR BA MA YIN TE, GZHAN DU NA SA SOGS SEMS LDAN DANG SEMS SEMS MED DU THAL BAR 'GYUR BA'I PHYIR RO, ,ZHES PA RNAMS KYANG RTOG GE 'BAR BAR GSUNGS PA'I RIGS PA STE, LUGS 'DIS RANG RIG MI 'DOD TSUL DBU MA SNYING PO RTZA 'GREL 'DI SHIN TU GSAL LO, ,GNYIS PA YE SHES SNYING PO YANG DE DANG MTHUN PAR BSTAN PA NI, SLOB DPON YE SHES, ZHES SOGS BYUNG, YE SHES SNYING POS DBU MA'I TSUL BKRAL BA YANG, DE'I BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG ZHES THA SNYAD DU RANG MTSAN GYIS GRUB PA DANG, GANG LA DON GZHAN YONGS GCOD PA'I, ,SHES PA CUNG ZAD KYANG MED PA, , DE YI THAMS CAD MKHYEN PA 'DIR, ,BRTAGS YIN CUNG ZAD 'DIR MI 'GAL, ,ZHES PHYI DON YOD PAR 'DOD PA DANG, RANG RIG RIGS PA MA YIN PHYIR, ,ZHES RANG RIG MI 'DOD TSUL SOGS LEGS LDAN DANG MTHUN NO, ` ,SPRON, KHO @050A *, ,NA RE, 'PHAGS PA YAB SRAS KYIS THA SNYAD DU PHYI DON YOD MED PHYE NA SAGS 'KHOR BSHAD PA YOD PAR THAL, RIN CHEN PHRENG BA LAS, BRDA SPROD PA DAG JI LTA BUR, ,NAS, KHA CIG LA NI GNYIS MI BRTEN, ,ZHES SOGS DANG, BYANG CHUB SEMS 'GREL LAS, 'DI DAG THAMS CAD SEMS TZAM ZHES, ,THUB PA YIS NI GANG GSUNGS PA, ,BYIS RNAMS SKRAG PA SPANG DON TE, ,DE NI DE BZHIN NYID MA YIN, ,ZHES DANG, SHES PAS SHES BYA RTOGS PA STE, ,SHES BYA MED PAR SHES PA MED, ,CES DANG, YE SHES SNYING PO KUN BTUS LAS, 'DI NI BAG CHAGS BCAS PA YIS, ,BAG CHAGS KYIS NI KHRID CING KHYER, ,SEMS KYI 'JUG PA 'GOG PA YIS, ,BAG CHAGS LAS NI BKRI ZHING BKYER, ,GANG DANG GANG GIS MI RNAMS KYI, ,YID NI YANG DAG SBYOR 'GYUR BA, ,SNA TSOGS GZUGS CAN NOR BU BZHIN, ,ZHES DANG, 'JUG PA'I RNAM BSHAD LAS, PHYI ROL MED PA DANG SHES PA RANG BZHIN GYIS YOD PA DRANG DON YIN PAR NI BYANG CHUB SEMS 'GREL LAS GSAL BAR GSUNGS TE, NAS, 'PHAGS PA LHAS KYANG YE SHES SNYING PO KUN LAS BTUS LAS GSAL BAR GSUNGS SO, ,ZHES DANG, 'JIGS BYED CHOS 'BYUNG CHEN MO LAS, PHYI RTZOM RIN CHEN PHRENG BA DANG, BYANG CHUB SEMS 'GREL DANG, BSTOD PA 'GA' ZHIG LAS SEMS TZAM BKAG PA'I RGYU MTSAN YOD PA'I PHYIR, ZHES GSUNGS PA'I PHYIR NA, KHA CIG MA KHYAB STE, YAB SRAS KYIS PHYI DON YOD MED GSUNGS @050B PA YOD KYANG GSAL POR GSUNGS PA MED PA'I PHYIR TE, GZHUNG LAS, GSAL POR BSHAD PA MED, CES GSUNGS PA'I PHYIR ZER, GZHAN DAG ,LUNG DANG POS CHOS 'GA' ZHIG BDEN ZHING 'GA' ZHIG MI BDEN PAR STON PA GDUL BYA RAB LA LTOS TE DGONGS PA CAN DU DON GYIS BSTAN PA LAS MI GSAL YANG PHYI MA RNAMS GSAL BA'I PHYIR TE, RNAM BSHAD LAS, SEMS 'GREL LAS GSAL BAR GSUNGS TE, ZHES DANG, YE SHES SNYING PO KUN LAS BTUS LAS GSAL BAR GSUNGS SO, ,ZHES GSUNGS PA'I PHYIR DANG, YE SHES SNYING PO KUN BTUS KYI RKANG BA DANG PO GNYIS KYIS SEMS TZAM PA'I 'DOD TSUL DANG, DE NAS GNYIS KYIS SEMS BDEN MED DANG, THA MA GSUM GYIS PHYI DON YOD PAR GSAL BAR GSUNGS PA'I PHYIR, DES NA YAB SRAS KYIS PHYI DON YOD MED GSAL POR GSUNGS PA YOD KYANG DE LTAR PHYE NAS GSAL POR GSUNGS PA MED DE, GZHUNG LAS, PHYI NAS GSAL BOR BSHAD PA MED, CES GSUNGS PA'I PHYIR ZER, LA LAS, YAB SRAS KYIS DE LTAR GSUNGS PA YOD KYANG, DBU MA'I GZHUNG LAS DE LTAR GSUNGS PA MED DE, RIN CHEN PHRENG BA DRANGS MA THAG PAR MI GSAL ZHING, BYANG CHUB SEMS 'GREL GSANG 'DUS LAS 'PHROS PA DANG, BSTOD PA RNAMS BSTOD TSOGS LAS DBU MA'I SGER GZHUNG MIN PA DANG, YE SHES SNYING PO KUN BTUS KYANG DE'I BSHAD SBYAR LAS, GZHAN DANG NYID KYI GRUB PA'I MTHA' RAB TU MANG PO ZHIG SDE SNOD GSUM GYI TSUL DU BSDUS TE @051A *, ,BSTAN ZIN MOD KYI, 'ON KYANG, NAS, GZHUNG 'DI BRTZAMS PAR MDZAD DE, ZHES SOGS GSUNGS PA LTAR GRUB MTHA' LAS DBU MA'I SGER GZHUNG MIN PAS YAB SRAS KYI DBU MA'I SGER GZHUNG LAS PHYI DON YOD MED KYI TSUL GSAL BAR MA MDZAD PA YIN TE, YE SHES SDE'I 'DOD PA LHAG MTHONG DU 'GOD PA NA, 'PHAGS PA YAB SRAS KYIS DBU MA'I BSTAN BCOS MDZAD PA LAS PHYI'I DON YOD MED KYI TSUL GSAL BAR MA MDZAD LA, ZHES GSUNGS PA'I PHYIR ZER BA RNAMS LAS PHYI MA LHAG MTHONG DKA' 'GREL GYI DGONGS PA'O, ,LAM RIM SER MCHAN DU, YE SHES SDES YAB SRAS KYI DBU MA'I GZHUNG DU PHYI DON YOD MED GSAL BAR MA MDZAD ZER BA RIN CHEN PHRENG BA DANG 'GAL BA DANG, GRUB MTHA' CHEN MOR, BYANG CHUB SEMS 'GREL DRANGS NAS YE SHES SDE SOGS KYIS BSHAD TSUL DE MI 'THAD PAR GSUNGS NAS, DES NA SLOB DPON YE SHES SDE'I GSUNG LEGS LDAN DANG ZHI 'TSOS SROL PHYE BA'I SNGA PHYI TZAM 'THAD KYI, TSIG ZIN LA BSHAD PA KUN DE LTAR MI 'THAD PA RJE BDAG NYID CHEN PO'I YANG DGONGS PA YIN TE, LAM RIM LAS, ZHES 'CHAD PA NI BYUNG BA'I RIM PA DE LTAR DU MNGON NO, ,'ON KYANG, ZHES SOGS GSUNGS PA'I PHYIR RO, ,ZHES GSUNGS KYANG YE SHES SDES BSHAD TSUL LAS MI 'THAD PA'I CHA NI DBU MA BA LA MDO SDE SPYOD PA DANG RNAL 'BYOR SPYOD PA GNYIS BYUNG BAR BSHAD PA YIN TE, ZLA GRAGS DE GNYIS GANG DU'ANG MI 'DU BA'I PHYIR RO, ,ZHES BDAG GI BLA MA GSUNG @051B NGO, ,PHYI ROL SNANG BA YOD MIN TE, ,ZHES PA'I DON 'CHAD PA NA, GZHUNG LAS, RKANG BA DANG PO'I DON NI PHYI ROL NGO BO NYID LAS YOD PA MIN PA'O, ,ZHES GSUNGS PA NI SHER SGRON LAS, DE NGO BO NYID LAS YOD PA MA YIN PA'I PHYIR, PHYI ROL GYI DON NGO BO NYID YOD PA MA YIN YANG, ZHES PA DANG MTHUN NO, ,DE LTA NA YANG 'JUG PA'I RNAM BSHAD LAS, SLOB DPON CHEN PO LEGS LDAN GYIS NI, NAS, PHYI ROL YOD MIN GYIS KYANG BLOS RNAM MED DU MTHONG BA 'GOG PAR BZHED PAS TZAM GYI SGRAS PHYI ROL 'GOG PA MIN PAR 'CHAD DO, ,ZHES GSUNGS PA NI GZHUNG DANG SGRAS ZIN BSGRIG DGOS PA'AM LEGS LDAN GYI GZHUNG GZHAN DANG BSTUN NAS BRTAG DGOS SHING, RNAM BSHAD KYI SGRAS ZIN LTAR NA, TZAM SGRAS KYANG BLOS YUL RNAM MED DU MTHONG BA 'GOG DGOS PAR MNGON PAS GZHUNG DANG SHER SGRON DU TZAM SGRAS SEMS LAS GZHAN PA'I 'JIG RTEN GYI BYED PO 'GOG PAR GSUNGS PA DANG MA MTHUN NO, ,GZHUNG LAS, PHYI ROL BKAG PA DE MDO GANG GI YANG DON MIN PAR BZHED DAM DPYAD PAR BYA'O, ,ZHES PA'I DON LA RGOL NGAN TSAR GCOD DU, LEGS LDAN GYIS PHYI DON MED PAR SGRAS ZIN LA STON PA'I MDO MA GTOGS PHYI DON MED PAR STON PA'I MDO BZHED DE, DES KUN GZHI STON PA'I MDO 'DOD PA GANG ZHIG ,DE YIN NA PHYI DON MED PAR STON PA'I MDO YIN DGOS PA'I PHYIR, ZHES BSHAD KYANG, DES KUN GZHI STON PA'I MDO MI 'DOD DE, DES KUN GZHI NI GANG ZAG GI BDAG LA MING BSGYUR BA TZAM @052A *, ,YIN PAR BSHAD PA'I PHYIR TE, DBU MA SNYING PO LAS, RNAM SHES ZHES BYA'I RNAM GRANGS KYIS, ,BDAG NI NGES PAR BSTAN PA YIN, ,ZHES DANG, RTOG GE 'BAR BA LAS, BDAG TU SMRA BA DAG KYANG YUL SNA TSOGS 'BYIN PA'I BDAG GCIG PU LA THAMS CAD KYIS NUS PA RAB TU BSAGS PAR SEMS PAS KHYOD KYIS KYANG RNAM PAR SHES PA ZHES BYA BA'I MING TZAM GYI SGYU THABS KYIS DE NYID LA BDAG TU BTAGS PAR 'GYUR TE, DES NA BDAG MED PA NYID DU SMRA BA YANG NYAMS SO, ,ZHES GSUNGS PA'I PHYIR, LEN PA'I RNAM PAR SHES PA ZAB CING PHRA, ,ZHES SOGS KYIS KUN GZHI STON PA MIN PAR RNAM SHES KYI KHYAD PAR 'GA' ZHIG GIS GNAS SKABS 'KHOR 'DAS KYI GZHI BYED PA DANG 'JIG LTA DANG LHAN CIG TU 'JUG PA GSUNGS PAR BZHED PA'I PHYIR TE, RTOG GE 'BAR BA LAS, RNAM PAR SMIN PA DANG NGAR SEMS PA DANG RNAM PAR RIG PA ZHES BYA BA GSUM PO DAG GI SNA TSOGS SKYE BA LA SOGS PAR BTAGS PA LTAR NI KHO BO CAG MI 'DOD DO, ,NAS, 'DI LTAR SEMS KYI GNAS SKABS KYI BYE BRAG LAS DE DAG TU GDAGS PAR NI 'DOD DO, ,ZHES GSUNGS PA'I PHYIR, RGYAN BZANG BAS, LEGS LDAN GYIS KUN GZHI STON PA'I MDO 'DOD PAR THAL, DES DE STON PA'I LANG GSHEGS SOGS MTHONG BA'I PHYIR ZER, 'O NA, PHYI DON MED PA LEGS LDAN GYIS MDO DON DU 'DOD PAR THAL, PHYI ROL SNANG BA YOD MIN TE, ,ZHES SOGS MTHONG BA'I PHYIR, 'KHOR @052B GSUM, DE LA KHO NA RE, LEGS LDAN GYIS PHYI DON BKAG PA MDO'I DON DU 'DOD PAR THAL, DES SEMS TZAM RIGS CAN LA GZUNG 'DZIN RDZAS GZHAN GYIS STONG PA BSTAN PAR 'DOD PA'I PHYIR TE, RIN CHEN PHRENG BA LAS, KHA CIG LA NI GNYIS MI BRTEN, ,ZHES GSUNGS PA'I PHYIR, KHYAB STE, DE'I DON NI GZHUNG LAS, DE NAS GCIG GIS THEG PA CHEN PO'I RIGS CAN 'GA' ZHIG LA GZUNG 'DZIN GNYIS MED KYI GNYIS STONG YOD PA DANG, ZHES GSUNGS PA'I PHYIR NA MA KHYAB STE, DE NI RANG LUGS THAL 'GYUR BA'I BSHAD TSUL YIN PAS, LEGS LDAN GYIS DE'I DON BDAG PHUNG RDZAS SU GRUB PA'I THA DAD DU MED PAR STON PA STE GANG ZAG RANG RKYA THUB PA'I RDZAS SU MED PAR STON PA LA 'GREL LAM KHUNGS DANG BSTUN NAS DPYAD PAR BYA'O, ,KHA CIG NA RE, KUN GZHI'I MTHA' DPYOD LAS, SEMS TZAM PA'I GRUB MTHA' THUN MONG MA YIN PA THAMS CAD MDO'I DON PHAL BA TZAM YANG MA YIN ZHING THOGS MED KYI RANG BZOR 'DOD PA'I PHYIR, ZHES GSUNGS PA LTAR RNAM RIG PA'I GRUB MTHA' THUN MONG MIN PA RNAMS MDO'I DON MIN PAR LEGS LDAN GYIS 'DOD PAR THAL, RNAM RIG PAS NGO BO NYID GSUM GYI RNAM GZHAG DANG, PHYI DON BKAG PA DANG, KUN GZHI BSHAD PA GANG YANG MDO DON DU MI 'DOD CING, THOGS MED SOGS NGO TSA DANG KHREL MED PA MI SHES BZHIN SHES PAR RLOM PA MKHAS PA'I NGA RGYAL CAN DU YANG 'DOD PA'I PHYIR, RTAGS RIM BZHIN GRUB STE, GZHUNG LAS, DGONGS 'GREL LAS @053A *, ,MTSAN NYID GSUM GSUNGS PA'I DON RNAL 'BYOR SPYOD PA BDAG GIS JI LTAR BKRAL BA MDO'I DON MIN PAR DBU MA'I DON DU 'GREL BA'I LAM SROL 'DI NI LEGS LDAN 'BYED KYIS PHYE, ZHES DANG, RNAL 'BYOR SPYOD PA BAS BSHAD PA LTAR MDO'I DON MIN PAR SMRA BA'O, ,ZHES GSUNGS PA'I PHYIR DANG, PHYI ROL BKAG PA MIN PAR BZHED PAS PHYI ROL BKAG PA DE MDO GANG GI YANG DON MIN PAR BZHED, CES GSUNGS PA'I PHYIR DANG, DBU MA SNYING PO LAS, RNAM SHES ZHES BYA'I RNAM GRANGS KYIS, ,BDAG NI NGES PAR BSTAN PA YIN, ,ZHES GSUNGS PA'I PHYIR DANG, RTOG GE 'BAR BA LAS, THEG PA CHEN PO NYID KYI SLOB DPON THOGS MED DANG DBYIG GNYEN LA SOGS PA GZHAN DAG NI, DE BZHIN GSHEGS PAS LUNG BSTAN CING SA RAB TU BRNYES PA'I 'PHAGS PA KLU SGRUB KYIS YANG DAG PAR RTOGS PA THEG PA CHEN PO'I DON GYI LUGS GZHAN DU 'DREN PAR BYED CING, NGO TSA DANG KHREL MED PA DON RNAM PAR MI SHES BZHIN DU RNAM PAR SHES SHING MKHAS PAR NGA RGYAL BYED PA DAG 'DI SKAD SMRA STE, ZHES GSUNGS PA'I PHYIR, GZHAN DAG ,DE LTAR NA LEGS LDAN GYIS GRUB MTHA' SMRA BA BZHI MI 'DOD PA'AM, RNAM RIG PA DE DAG GI GRAL NAS 'BYIN 'DOD PA'AM, DE STON PA DANG MDO'I RJES 'BRANG MIN PA GANG RIGS SU 'GYUR BAR THAL, 'DOD PA'I PHYIR NA MA KHYAB STE, LEGS LDAN GYIS DE NANG PA DANG THEG CHEN GYI GRUB MTHA' SMRA BAR BZHED PA NI RANG GIS, THEG PA CHEN PO NYID KYI SLOB DPON THOGS MED @053B DANG, ZHES GSUNGS PAS KYANG SHES LA, RNAM RIG PAS RGYA CHE BA'I SGOR BKRAL BA PHAL CHER STON PA DANG MDO'I DGONGS PA YIN PA DANG, ZAB MO THUN MONG MIN PA'I GRUB MTHA' RNAMS MDO'I DON MIN PAR BYED PA LA 'GAL BA MED PA'I PHYIR RO, ,DRANGS MA THAG PA'I LUNG GI ,DE BZHIN GSHEGS PAS LUNG BSTAN CINGS RAB TU BRNYES PA'I 'PHAGS PA ZHES PA GRUB MTHA' CHEN MOR THOGS MED SKU MCHED KYI STENG DU SBYOR BA NI GZHUNG DE'I SGRAS ZIN GYI DON MIN NO, ,KHA CIG NA RE, LEGS LDAN CHOS CAN, KHYOD KYIS RDUL CHA MED KHAS LEN PAR THAL, GZHUNG LAS, RDUL PHRA RAB RE RES KYANG DBANG PO'I SHES PA'I DMIGS RKYEN BYED, CES DANG, LHAG MTHONG CHEN MO LAS, RDUL CHA MED DMIGS RKYEN DU BZHED DO, , ZHES GSUNGS PA'I PHYIR, 'DOD MI NUS TE, DE BDEN DNGOS 'DOD PA'I GRUB MTHA' SMRA BA MA YIN PA'I PHYIR, KHYAB STE, STONG THUN LAS, CHA MED KYI DNGOS PO KHAS BLANGS NA BDEN DNGOS KHAS LEN DGOS PAR 'DOD PA LA NI DBU MA THAL RANG THAMS CAD KHYAD PAR MED DO, ,ZHES DANG, DUS 'KHOR t'IK BSHAD LAS, GRUB MTHA' SMRA BA GONG 'OG SU'I LUGS LA'ANG CHA MED KYI DNGOS PO 'DOD PHYIN CHAD DE BDEN DNGOS SU 'DOD PA YIN LA, ZHES GSUNGS PA'I PHYIR ZER BA LA KHA CIG ,DES RDUL PHRA RAB LA YUL DANG DNGOS PO'I CHA SOGS CHA DU MA YOD PAS CHA BCAS SU BZHED KYANG RDUL DE RANG LA CHA 'BYED RGYU MED PAS CHA MED KYI THA SNYAD MDZAD ZER, DE LA LHAG MTHONG DKA' 'GREL DU, DE LTAR @054A *, ,NA BYE MNGOS RDUL CHA MED DE CHA BCAS SU 'DOD PAR THAL BA DANG, RANG LA CHA 'BYED RGYU MED NA, DRUG GIS CIG CAR SBYAR BA NA, ,ZHES SOGS KYI PHYOGS SNGAR 'GYUR BAS CHA BCAS SU MI BZHED PA'I THAL BA BKOD DO, ,RDUL PHRA RAB 'DOD NA RDUL CHA MED 'DOD MI DGOS PAS GZHUNG GIS MI GNOD PA SHES SLA ZHING, LHAG MTHONG GI LUNG DON NI DBANG SHES KYIS DE LAS PHRA BA'I CHA MTHONG RGYU MED PAS RDUL CHA MED CES BYAS PAR LCANG SKYA'I GRUB MTHA' DANG LHAG MTHONG DKA' 'GREL GNYIGS BZHED DO, ,LDOG CHA 'BYED DU YOD NA'ANG DE LAS CHUNG DU BLOS KYANG GSIL RGYU MED PA'I RDUL LA RDUL CHA MED KYI THA SNYAD SBYOR MI SBYOR GNYIS LAS LEGS LDAN GYIS DE LA THA SNYAD DE SBYOR BAS RDUL CHA MED DMIGS RKYEN DU BZHED ZER DGOS SHING, DES LDOG CHA YANG 'BYED RGYU MED PA'I RDUL KHAS BLANGS PAR MI 'GRO BA DANG, LDOG CHA 'BYED RGYU MED PA'I RDUL CHA MED KHAS BLANGS NA BDEN DNGOS 'DOD DGOS SO, ,GRUB MTHA' DE LAS, RDUL PHRA RAB DE YANG RDZAS YOD DU BZHED DE, RDUL PHRA RAB DE YUL STENG NAS GRUB CING BTAGS DON BTZAL BA'I MTHAR RNYED PA'I DBANG DU BYAS NAS 'JOG PA'I PHYIR, ZHES PA BRTAG DGOS TE, 'DI BAS GZHI GRUB NA DE LTAR 'JOG PAS KHYAB PA GANG ZHAG ,GZHI GRUB NA RDZAS YOD YIN PAS MA KHYAB PA'I PHYIR, DANG PO GRUB STE, LUGS 'DIR GZHI GRUB NA RANG NGOS NAS GRUB PAS KHYAB PA'I PHYIR, GNYIS PA GRUB STE, 'DUS PA KUN BTAGS @054B YOD DU 'DI BAS 'DOD PAR GRUB MTHA' DE NYID DU'ANG GSUNGS PA'I PHYIR RO, ,GRUB MTHA' CHEN MO LAS, NYAN THOS SDE BAS RDUL PHRA RAB YAN GAR BA YANG DBANG SHES KYI YUL MIN LA, RDUL PHRA RAB DU MA BSAGS PA YANG TSOGS SPYI YIN PAS RDZAS SU MED PA'I PHYIR, DBANG SHES KYI YUL DU MI RUNG BAR 'DOD, CES PA'ANG BRTAG DGOS TE, SKABS 'DI'I PHYOGS SNGA RDUL PHRA RAB YAN GAR BA DBANG SHES KYI YUL MIN PAR 'DOD MKHAN NI SEMS TZAM LAS BYE MDO MA PA'I PHYIR TE, LHAG MTHONG CHEN MO LAS, SEMS TZAM PA'I RDUL PHRA RAB RE RE BA DBANG SHES KYI YUL MA YIN TE, MI SNANG BA'I PHYIR, ZHES PA DANG, ZHES GSUNGS PA'I PHYIR DANG, TSOGS SPYI YIN NA RDZAS SU MED PAS KHYAB PAR 'DOD PA'I DNGOS SMRA BA SU YANG MED PA'I PHYIR, LUGS 'DIR RDUL PHRA RAB CHOS KYI SKYE MCHED PA'I GZUGS MIN NAM SNYAM STE, CHOS KYI SKYE MCHED PA'I GZUGS YIN NA YID SHES KHO NA LA SNANG DGOS PAS DBANG SHES KYI DMIGS RKYEN BYED PA 'GAL BA'I PHYIR RO, ,GZHUNG LAS, ZLA BA GNYIS SU SNANG BA LA SOGS PA'I SHES PA YANG ZLA GCIG DMIGS PA LA BRTEN NAS SKYE DGOS, ZHES GSUNGS PA LA DPAGS NA DBANG SHES KUN LA DMIGS RKYEN YOD PAR KHAS LEN DGOS 'DRA YANG, RNAM 'GREL LAS, SGRAR SNANG DON MED CAN YIN NO, ,ZHES SKRA SHAD 'DZAG SNANG GI DBANG SHES LA GZUNG DON MED PAR BSHAD PA MA BRTAG GO ,GSUM PA DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA LA @055A *, ,GSUM, BDEN GRUB 'GOG PA'I RIGS PA'I GTZO BO GANG LA BYED NGOS GZUNG BA, DE NYID RIGS PA'I GTZO BOR BYED PA'I RGYU MTSAN BSTAN PA, RIGS PA DE LA LEGS PAR BSLAB DGOS PAR BSTAN PA'O, ,DANG PO NI, SLOB DPON 'DIS, ZHES SOGS BYUNG, LEGS LDAN GYIS BDEN GRUB 'GOG PA LA SHER SGRON DU RTZA SHE'I RIGS PA RNAMS DANG, DE DANG DBU MA SNYING PO RTZA 'GREL DU GTAN TSIGS CHEN PO LNGA SOGS MANG PO DANG, YE SHES SNYING PO'I BDEN GNYIS RTZA 'GREL DU'ANG MU BZHI SKYE 'GOG SOGS MANG DU GSUNGS KYANG RIGS PA'I GTZO BO NI DGAG RTAGS SGRUB RTAGS GNYIS LAS SNGA MA DANG, DE YANG 'GAL ZLA DMIGS PA DANG 'BREL ZLA MA DMIGS PA GNYIS LAS PHAL CHER SNGA MA NYID DANG, DE LAS KYANG RTAGS CHOS GNYIS LDAN GYI MTHUN DPE SLA BA LA DGONGS NAS GZHUNG DU MTSAN GZHI GNYIS BKOD PA LTAR MGO SNYOMS KYI RIGS PA GTZO BOR MDZAD DE, RTOG GE 'BAR BAR, 'BYUNG BA 'BYUNG BA'I BYE BRAG PHUNG PO SKYE MCHED KHAMS MTSAN NYID MTSAN GZHI SKYE 'JIG GI BYED PA BCINGS THAR BRTAG PA SOGS DU MA GSUNGS PA YANG RIGS PA'I 'GROS GCIG GO ,GNYIS PA NI, 'DI NI 'PHAGS PA, ZHES SOGS BYUNG, LEGS LDAN GYIS MGO SNYOMS KYI RIGS PA LA GTZO BOR MDZAD PA'I RGYU MTSAN YOD DE, DE'I RTAGS CHOS GNYIS LDAN GYI MTHUN DPE SLA BA'I PHYIR TE, DON DAM PAR SRA BA'I NGO BOR GRUB NA 'BYUNG BAR MTSUNGS PA LA SRA MI SRA'I KHYAD PAR DANG, DON DAM PAR GZUGS @055B LA LTA BA'I NGO BOR GRUB NA DBANG PO MTSUNGS PA LA GZUGS LA LTA MI LTA'I KHYAD PAR MI RUNG BA'I PHYIR, DER THAL, KHYAD PAR DE LTAR 'BYED PA'I GTAN TSIGS MI RNYED PA'I PHYIR TE, KHYAD PAR DE LTAR DBYE BAR NUS PA'I TSAD MA MED PA'I PHYIR, DER THAL, DON DAM PAR YOD NA BLO GNOD MED LA SNANG BA'I DBANG GIS BZHAG PA MIN PAR YUL RANG GI SDOD LUGS KYI NGOS NAS GRUB DGOS LA, DE LTAR GRUB NA RGYUN DANG CHA SHAS SOGS GZHAN SU LA'ANG MI LTOS PAR 'GYUR BA'I PHYIR TE, DE LTAR GRUB NA RGYU LA MA LTOS PA'I RANG DBANG DU YOD PAR 'GYUR BA'I PHYIR, DPE GZHUNG NA GSAL LO, ,DES NA CHOS KUN DON DAM PAR MED PA DANG RTAG PA'I RDZAS SU MED PA YIN TE, NGO BO NYID LAS YOD PA DON DAM DU GRUB PA YIN NA DON DAM PAR NGO BO NYID LAS YOD DGOS SHING, DE LTAR NA RGYU RKYEN DANG 'DUS PA'I NGO BO LAS LOGS SHIG NA RANG GI NGO BO YAN GAR BAR 'BA' ZHIG PA GNAS DGOS PA LA DE LTAR GNAS PA MED PA'I PHYIR TE, CHA SHAS 'DUS PA LAM LTOS PAR CHA CAN DANG, RGYU RKYEN LA MA LTOS PAR 'BRAS BU'I NGO BO YAN GAR DU GNAS PA'ANG MED PA'I PHYIR, DER THAL, 'BYUNG BA DANG 'BYUNG 'GYUR RNAMS NI RDZAS BRGYAD 'DUS PA LA MA LTOS PAR MED, SEMS SEMS BYUNG RNAMS PHAN TSUN GCIG MED NA GCIG MED PA'I PHYIR DANG, DNGOS PO KUN KYANG RANG GI RGYU RKYEN TSOGS PA LAS 'BYUNG ZHING DE DANG BRAL NA CUNG ZAD KYANG SKYE BA MED PA'I PHYIR, LHAG MGO SLA'O, ,GSUM PA NI, 'PHAGS @056A *, ,PA'I RJES 'BRANG, ZHES SOGS BYUNG STE TSIG DON GO SLA'O, ` ,'DIR, RGYU MTSAN MTSUNGS PA MGO SNYOMS KYI RIGS PA LA RTAGS 'GOD PA DANG, TSUL SGRUB PA GNYIS LAS, DANG PO NI, MIG CHOS CAN, DON DAM PAR GZUGS LA MI LTA STE, DBANG PO YIN PA'I PHYIR, DPER NA RNA DBANG BZHIN, ZHES PA DANG, SA'I KHAMS CHOS CAN, DON DAM PAR SRA BA'I NGO BO NYID MA YIN TE, 'BYUNG BA YIN PA'I PHYIR, DPER NA CHU BZHIN, ZHES PA LTA BU STE, DBU MA SNYING PO LAS, SA NI SRA BA'I NGO BO MIN, ,'BYUNG BA NYID PHYIR RLUNG BZHIN NO, ,ZHES DANG, SHER SGRON LAS, MIG NI GZUGS LA LTA BAR MI BYED DE, MIG GI DBANG PO YIN PA'I PHYIR, DPER NA DE DANG MTSUNGS PA BZHIN NO, , YANG NA DBANG PO GZUGS CAN YIN PA'I PHYIR RNA BA BZHIN NO, ,ZHES GSUNGS SO, ,TSUL SGRUB PA LA PHYOGS CHOS SGRUB SLA ZHING, KHYAB PA SGRUB PA NI, DBANG PO YIN NA DON DAM PAR GZUGS LA MI LTA BAS KHYAB STE, DON DAM PAR LTA NA RGYU RKYEN GANG LA YANG LTOS MED DU LTA DGOS, DE LTA NA RNA BA'I DBANG POS KYANG GZUGS LA LTA BAR 'GYUR BA'I PHYIR TE, MIG GIS GZUGS LA LTA BA DE RGYU RKYEN LA LTOS PA MED PA BZHIN YIN PA'I PHYIR, 'BYUNG BA YIN NA DON DAM PAR SRA BA'I NGO BO NYID MA YIN PAS KHYAB STE, DON DAM PAR SRA BAR GRUB NA RGYU RKYEN LA LTOS MED DU SRA BA'I NGO BOR GRUB DGOS, DE LTA NA CHU YANG SRA BA'I NGO BOR 'GYUR BA'I PHYIR TE, SRA BA'I NGO BOR 'GYUR BA RGYU RKYEN LA MI LTOS PA DE'I PHYIR, GTAN TSIGS 'DI'I PHYOGS @056B SKYON BSAL BA LA GZHAN DAG GIS SA SOGS 'BYUNG BA'I NGO BO NYID MA YIN PAR SGRUB PA MI 'THAD DE, KHAS BLANGS MNGON SUM GRAGS PA GSUM DANG 'GAL BA'I PHYIR, ZHES PA'I SKYON SPONG RNAMS RTOG GE 'BAR BA SOGS SU SHES PAR BYA'O,, ` ,,GNYIS PA ZHI BA 'TSO YAB SRAS KYIS JI LTAR BKRAL BA LA BZHI, DON DAM PAR GANG ZAG DANG CHOS LA RANG BZHIN YOD MED JI LTAR BSHAD PA DANG, THA SNYAD DU PHYI ROL GYI DON YOD MED JI LTAR BSHAD BA DANG, MDO SDE DGONGS 'GREL GYI DON JI LTAR BSHAD PA DANG, DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA'O, ,DANG PO NI, MDO DGONGS 'GREL LAS, ZHES SOGS BYUNG, ZHI 'TSO YAB SRAS KYIS KYANG THA SNYAD DU RANG MTSAN GYIS GRUB PA BZHED DE, DGONGS 'GREL DU NGO BO NYID MED PA DANG PO GNYIS GSUNGS PA'I DON LEGS LDAN LTAR DBU MA SNANG BAR BKRAL BA GANG ZHIG DE ZHI 'TSO'I YANG BZHED PA YIN PA'I PHYIR, DANG PO GRUB STE, DBU MA SNANG BA LAS, RTAG PA DANG MI RTAG PA LA SOGS PA DON DAM PA BA'I RANG GI NGO BOR SPRO 'DOGS PA GANG YIN PA DE NI KUN BTAGS PA'I NGO BO NYID DO, ,DE YANG JI LTAR KUN BTAGS PA'I MTSAN NYID DU MA GRUB PA'I PHYIR MTSAN NYID NGO BO NYID MED PA NYID DU RNAM PAR BZHAG GO ,ZHES MTSAN NYID NGO BO NYID MED PA'I DON 'CHAD PA NA DGAG BYA LA DON DAM GYI KHYAD PAR SBYAR BA DANG, GZHAN GYI DBANG GI NGO BO NYID NI YANG DAG PA'I NGO BO NYID DU RIGS PA MA YIN TE, @057A *, ,NAS, DE BAS NA GZHAN GYI DBANG GI NGO BO NYID 'DI SGYU MA DANG KHYAD PAR MED PA NYID KYI PHYIR SKYE BA NGO BO NYID MED PA NYID DU RNAM PAR BZHAG GO ,ZHES SKYE BA NGO BO NYID MED PA'I DON 'CHAD PA NA'ANG DGAG BYA LA DON DAM GYI KHYAD PAR SBYAR NAS BKRAL BA'I PHYIR, GNYIS PA GRUB STE, DBU MA RGYAN DU MED KYANG TSAD CHEN DU TSAD MA SDE BDUN LAS BSHAD PA'I RGYU 'BRAS 'JOG BYED KYI RIGS PA RANG MTSAN GYIS GRUB PA GZHIR BYAS RNAMS THUN MONG BAR BZHED PA'I PHYIR DANG, 'KHOR LO GSUM GYI DRANG NGES 'BYED PA NA'ANG DGAG BYA LA DON DAM GYI KHYAD PAR DNGOS DANG DON GYIS MA SBYAR BA'I 'KHOR LO BAR BA RNAMS SGRA JI BZHIN PA MIN PAR BKRAL BA 'OG TU GSAL BA LTAR YIN PA'I PHYIR RO, ,GNYIS PA LA GNYIS, DNGOS DANG, ZHAR BYUNG NGO, ,DANG PO LA GNYIS, ZHI BA 'TSO'I SNGON DU RNAL 'BYOR SPYOD PA'I DBU MA'I LUGS BYUNG TSUL, ZHI BA 'TSOS SROL DE RGYAS PAR PHYE TSUL LO, ,DANG PO NI, THA SNYAD DU, ZHES SOGS BYUNG, ZHI BA 'TSO'I SNGON DU RNAL 'BYOR SPYOD PA'I DBU MA PA'I LUGS BYUNG STE, SHER SGRON DU DANG POR RNAM SHES BDEN PAR 'DZIN TU BCU GNAS PHYIS DE BDEN PA 'GOG PA'I DBU MA PA KHA CIG GI 'DOD PA BKAG PA GANG, DE BZHIN DU DER PHYI DON BDEN MED DANG RNAM SHES BDEN MED GNYIS DUS GCIG TU MI SGOM PAR BSHAD PA LA YANG DGAG PA MDZAD PA'I PHYIR, DANG PO GRUB STE, SHER SGRON LAS, GZHAN YANG RNAM PAR RIG PA NYE BAR BLANGS PA YANG BYAS NAS, GAL TE DE YONGS SU @057B GTONG BAR YANG 'DOD NA NI 'DI LTAR 'DAM RDZAB 'KHRU BA BAS MI REG PAR THAG BSRING BA BZANG NGO, ,DON NGO BO NYID MED PA NYID DU BRTAGS PA BZHIN DU RNAM PAR SHES PA YANG BDAG MED PA NYID DANG SKYE BA MED PA NYID DU RTOGS PAR BYAR RUNG NGO; ,ZHES GSUNGS TE, 'GREL BSHAD LAS, RNAL 'BYOR SPYOD PA BA KHA CIG 'DI SKAD CES DANG PO KUN RDZOB KYI BDEN PA LA 'JUG PA'I GNAS SKABS SU NI PHYI ROL GYI YUL DGAG CING RNAM PAR SHES PA TZAM DU KHAS BLANG BAR BYA LA, PHYIS DON DAM PA'I BDEN PA MNGON PAR RTOGS PAR BYA BA'I DUS SU NI RNAM PAR SHES PA TZAM NYID KYANG SPANG BAR BYA'O, ,ZHES ZER, ZHES GSUNGS PA'I PHYIR, DON GZHUNG NA GSAL ZHING, 'GREL BSHAD DU RNAL 'BYOR SPYOD PA BA KHA CIG GSUNGS KYANG RNAM RIG PAS PHYIS RNAM SHES BDEN MED RTOGS PA LA 'KHRID PAR MI 'DOD PAS RNAL 'BYOR SPYOD PA'I DBU MA BA KHA CIG GIS GDUL BYA BKRI RIM LA DGONGS PA'O, ,GNYIS PA GRUB STE, SHER SGRON LAS, DANG POR PHYI ROL GYI DON GYI YUL SGOM PAR BYED CING, RIM GYIS RNAM PAR SHES PA DANG YE SHES KYI YUL SGOM PAR BYED NA NI RIM KHO NAS BDAG MED PA NYID RTOGS PAR 'GRUB PA'I PHYIR SNGA NAS CIG CAR DU SGOM PA LA SER SNA BYA MI DGOS SO, ,ZHES GSUNGS PA YANG, 'GREL BSHAD LAS, 'DIR RNAL 'BYOR SPYOD PA BA DAG 'DI SKAD CES, ZHES SOGS BSHAD PA YANG RNAL 'BYOR SPYOD PA'I DBU MA RANG RGYUD PA LA BYED PA'I PHYIR, GNYIS PA LA GNYIS, MDO GANG LA BRTEN NAS JI LTAR 'CHAD PA DANG, KLU SGRUB KYI @058A *, ,GZHUNG GANG LA BRTEN NAS JI LTAR 'CHAD PA'O, ,DANG PO LA GNYIS, PHYI DON MED PA MDO GANG LA BRTEN NAS 'CHAD TSUL DANG, TSUL GNYIS MDO GANG LA BRTEN CAS 'CHAD TSUL LO, ,DANG PO NI, DES NA 'DI 'DRA BA'I, ZHES SOGS BYUNG, DE LA, RANG GI BZHED PA'O, ,YAN GYIS PHYI DON MED PAR BSHAD TSUL DANG, DE MAN GYIS DE NYID GANG LA BRTEN PA'I MDO NGOS BZUNG BA YIN LA, DES NA ZHI 'TSO'I SNGAR NYI SNANG DU SKABS GNYIS PA'I, GZUNG DON RTOG PA SPONG PHYIR DANG, ,SOGS DANG, SKABS LNGA BA'I RNAL 'BYOR GYI SA'I SKABS SU PHYI DON MED TSUL BSTAN PA LTA BU RE RE TZAM BYUNG YANG GZHUNG RGYAS PAR BRTZAMS NAS THA SNYAD DU PHYI DON MED PA'I TSUL GYI DBU MA'I GRUB MTHA'I SROL ZHI 'TSOS PHYE BAR YE SHES SDES BZHED DE, DE'I LTA BA'I BRJED BYANG LAS, BAR GYI MKHAN PO SH'ANTA RAKshI TA ZHES BYA BAS A'A TZA RYA AA SAm GHAS RNAM PAR SHES PA TZAM DU BSHAD PA'I BSTAN BCOS RNAL 'BYOR SPYOD PA MDZAD PA LA BRTEN TE, KUN RDZOB TU DE'I LUGS DANG MTHUN PAR RNAM PAR SHES PA TZAM DU BSGRUBS LA, DON DAM PAR RNAM PAR SHES PA YANG RANG BZHIN MED PAR BSHAD PA'I DBU MA'I BSTAN BCOS DBU MA'I RGYAN ZHES BYA BA ZHIG MDZAD DE, DBU MA'I BSTAN BCOS LUGS CUNG ZAD MI MTHUN PA GNYIS BYUNG, ZHES GSUNGS PA'I PHYIR, PHYI DON MED PAR BSHAD PA'I DBU MA RGYAN RANG 'GREL GYI DON NI, DBU MA PA GANG DAG GIS RGYU 'BRAS KYI RTEN 'BREL DAM BCAS PA'I SGO NAS, RGOL BA NGAN PA DNGOS SMRA BAS @058B DBU MA BA RANG LA BRGAL BA'I LAN BTAB PAR 'DOD PA'I KUN RDZOB PA'I DNGOS PO RTEN 'BREL GYI DON NI GANG LA BYA BA YIN DPYAD PAR BYA ZHES PA STE, GO SLA BAR BYAS NA DNGOS SMRA BAS DBU MA PAR BRTZAD PA LA DBU MA PAS RTEN 'BREL DAM BCAS PA'I SGO NAS LAN MDZAD PA'I RTEN 'BREL GYI DON GANG LA BYA ZHES PA'O, ,DE LA DPYOD TSUL NI, RGYU 'BRAS GNYIS NANG SHES PA'I BDAG NYID DAM, PHYI DON DU GRUB PA YIN ZHE NA, DE LA LEGS LDAN SOGS NI PHYOGS PHYI MA LA BRTEN TE, DBU MA SNYING PO'I LE'U LNGA BA LAS, BSTAN BCOS SEMS TZAM ZHES GSUNGS PA, ,SOGS KYIS BSTAN BCOS TE MDO LAS, KHAMS GSUM 'DI NI SEMS TZAM MO, ,ZHES GSUNGS PA NI PHYI DON DGAG PHYIR MIN GYI, SEMS LA GZHAN PA'I SNOD BCUD KYI BYED PA PO DANG RNAM SMIN MYONG BA PO DGAG PHYIR YIN PAR GSUNGS PA'I PHYIR, DBU MA RGYAN RANG 'GREL DU DBU MA SNYING PO DRANGS NAS PHYI ROL BZHED PA'I LEGS LDAN GYI LUGS BZHAG PA NI GZHUNG DU SNGAR MDO SDE SPYOD PA'I SKABS BSHAD PA LTAR RO, ,LEGS LDAN SOGS LAS GZHAN ZHI 'TSO RANG GI SEMS PA NI, RGYU 'BRAS KYI DNGOS PO RNAMS CHOS CAN, NANG SHES PA 'BA' ZHIG GI BDAG NYID KHO NA YIN TE, RANG 'JAL BYED KYI MNGON SUM TSAD MAS NYAMS SU MYONG BA'I TSUL GYIS GRUB PA'I PHYIR, KHYAB STE, DE LTAR GRUB PA GANG YIN PA DE NI SHES PA'I RDZAS SU GNAS PA'I PHYIR, ZHES PA STE LUNG GNYIS PA NI DBU MA RGYAN GYI TSIG GO ,RGYAN STUG PO BKOD PA LAS, RDZA LA SOGS PA'I GZUGS KYI @059A *, ,DBYIBS, ,SNANG BA GZHAN YOD MA YIN TE, ,'DI DAG THAMS CAD BLO TZAM BAS, ,ZHES DANG, DGONGS 'GREL LAS, BCOM LDAN 'DAS TING NGE 'DZIN GYI SPYOD YUL GYI GZUGS BRNYAN DE CI SEMS LAS THA DAD PA ZHES BGYI'AM THA DAD PA MA LAGS PA ZHES BGYI, BCOM LDAN 'DAS KYIS BKA' STZAL PA, BYAMS PA THA DAD PA MA YIN ZHES BYA'O, ,DE CI'I PHYIR ZHE NA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN YIN NO, ,ZHES BSHAD DO, ,ZHES DANG, SOGS SGRAS BSTAN PA SA BCU PA DANG CHOS YANG DAG PAR SDUD PA RNAMS SO, ,GNYIS PA NI, DE LTAR SEMS TZAM, ZHES SOGS BYUNG, DE LA, ZHES GSUNGS SO, ,YAN GYIS TSUL GNYIS RIM GYIS RTOGS TSUL DANG, GSUNGS SO, ,YAN GYIS DE'I BSHAD TSUL DANG, DE MAN GYIS DE RTOGS PAS THEG CHEN 'THOB TSUL BSTAN TO, ,DBU MA RGYAN LAS, SEMS TZAM LA NI BRTEN NAS SU, ,ZHES SOGS GSUNGS PA'I DON GZHAN SNGA 'GREL DU GSAL LA, TSUL 'DIR ZHES PA DBU MA'I TSUL TE, DE'I 'GREL BSHAD LAS, 'DIR ZHES BYA BA NI CHOS THAMS CAD RANG BZHIN MED PA NYID KYI TSUL LA'O, ,ZHES GSUNGS PA'I PHYIR, BLO'I MTHU MI CHUNG BA DANG, BRTZON PA LHAG PAR CHE BA DANG, SHIN TU ZHES PA RNAMS RIM PAR 'GREL BSHAD LAS, BLO'I MTHU MI CHUNG BAS ZHES BYA BA NI SANGS RGYAS BCOM LDAN 'DAS RNAMS KYIS ZHES BYA BA'I THA TSIG GO ,ZHES DANG, LHAG PAR MNGON DU @059B BRTZON PA DAG GIS KYANG ZHES BYA BA NI SO SO'I SKYE BO RNAMS DANG BYANG CHUB SEMS DPA' RNAMS TE, SHIN TU ZHES BYA BA NI RNAM GRANGS MED PAR RO, ,ZHES GSUNGS PA LTAR RO, ,DE NYID LAS, RNAM PAR RIG PA TZAM NYID KYI TSUL LA SKYE BA MED PA GCIG YIN NO, ,ZHES LANG GSHEGS KYI TSIGS BCAD SNGA MAS RNAM RIG TZAM GYI TSUL GYI SKYE MED DANG, DBU MA'I LUGS KYI SKYE BA MED PA GANG YIN PA DE BSTAN PA'I PHYIR, PHYI DNGOS MED, ,CES BYA BA SMOS TE, ZHES TSIGS BCAD GNYIS BAS DBU MA'I LUGS KYI SKYE MED BSTAN PAR BSHAD DO, ,LANG GSHEGS KYI DON NI, RGYU RKYEN PHYI DON LAS LOG PA DANG, DE LOG PAS PHYI DON GYI RGYU YANG NGES PAR BKAG PA DANG, DE LTAR BKAG PAS SEMS KYI BDAG NYID TZAM DU RNAM PAR BZHAG PA NI RNAM RIG TZAM GYI TSUL GYI SKYE MED DANG, DNGOS PO RNAMS KYI RANG BZHIN LA PHYI DON DU GRUB PA'I DNGOS PO GANG YANG MED PAR MA ZAD SEMS KYANG BDEN GRUB TU YONGS SU BZUNG BAR BYA BA MIN PA DANG, BDEN PAR LTA BA'I LTA NGAN KUN SPANG BAR BYA BA'I PHYIR CHOS RNAMS DON DAM PAR SKYE BA MED PA'I MTSAN NYID CAN DU BSHAD, CES PA'O, ,DBU MA RGYAN LAS, TSUL GNYIS SHING RTA ZHON NAS SU, ,ZHES SOGS KYIS THA SNYAD DU PHYI ROL GYIS STONG BA'I RNAM RIG TZAM DANG, DON DAM PAR CHOS KUN NGO BO NYID MED PA'I TSUL GNYIS SHING RTA DANG 'DRA BA LA ZHON NAS KHA LO SGYUR BYED KYI SRAB SKYOGS LA 'JU BA DANG 'DRA BA'I RIGS PA LA BRTEN TE THEG CHEN RIGS CAN DE DAG GIS DE KHO NA NYID KYI DON CAN @060A *, ,GYI THEG PA CHEN PO'I 'BRAS BU 'THOB PAR 'GYUR TE, THEG CHEN RIGS CAN DE DAG DE LTA BU'I THABS BZANG PO LA BRTEN PA'I PHYIR ZHES BSHAD DO, ,GNYIS PA KLU SGRUB KYI GZHUNG GANG LA BRTEN NAS JI LTAR 'CHAD PA NI, 'O NA THA SNYAD DU, ZHES SOGS BYUNG, 'DI LA SKYE BA CI YANG MED, ,SOGS LANG GSHEGS DANG, 'BYUNG BA CHE LA SOGS BSHAD PA, ,SOGS RIGS PA DRUG CU BA'I LUNG STE, 'GREL BSHAD LAS, 'PHAGS PA LANG KAR GSHEGS PA LAS GSUNGS PA'I KHUNGS, SHES PA 'BA' ZHIG KHO NA 'O, ,ZHES BYA BA SMOS TE, ZHES DANG, 'PHAGS PA KLU SGRUB KYI ZHAL SNGA NAS GSUNGS BA'I TSIGS SU BCAD PA GNYIS PA, 'BYUNG BA CHE LA SOGS BSHAD PA, ,ZHES BYA BA SMOS SO, ,ZHES GSUNGS PA'I PHYIR, DE LA LUNG DANG POS, DNGOS PO 'DI LA PHYI DON GYI SKYE 'GAG CI YANG MED DE, SKYE 'GAG NANG SHES PA 'BA' ZHIG GI BDAG NYID KHO NA YIN PA'I PHYIR, ZHES DNGOS PO RNAMS SEMS TZAM DU BSTAN PA LA, 'O NA MDOR 'BYUNG BA DANG 'BYUNG 'GYUR BSHAD PA MI 'THAD PAR THAL, PHYI DON MED PA'I PHYIR ZHE NA, LUNG PHYI MAS DE LA SKYON MED DE, 'BYUNG BA DANG SOGS SGRAS BSDUS PA 'BYUNG 'GYUR GNYIS MDOR BSHAD PA NI RNAM SHES DE DAG TU SNANG BA LA BZHAG PAS RNAM SHES SU 'DU BA'I PHYIR, DE LA KHO NA RE, DE GNYIS SHES PA'I BDAG NYID DANG PHYI DON GANG YIN YANG BLA YI DE GNYIS DON DAM PAR YOD DO ZHE NA, DE GNYIS DON DAM PAR MED DE, DE LTAR 'DZIN PA'I SHES PA DE LOG PAR RNAM PAR @060B BRTAGS PA MA YIN NAM STE LOG SHES YIN PA'I PHYIR TE, , DE DAG GI DE KHO NA NYID MNGON SUM DU SHES PA NA, DES STONG NYID GZIGS NGOR PHYI DON DU SNANG BA DANG, 'BYUNG BA 'BYUNG 'GYUR DU SNANG BA DANG 'BRAL BAR 'GYUR BA STE MI SNANG BA'I PHYIR, SH'ANTI BAS SEMS TZAM RGYAN LAS, KLU SGRUB KYI ZHAL SNGA NAS KYIS KYANG JI SKAD DU, 'DIR GANG CUNG ZAD SKYE MED PA, ,CUNG ZAD 'GAG PA'ANG YOD MA YIN, ,SKYE BA DANG NI 'GAG PA DAG ,SHES PA 'BA' ZHIG KHO NA'O, ,ZHES GSUNGS SO, ,ZHES DANG, KLU SGRUB KYI ZHAL SNGA NAS KYIS KYANG 'DI SKAD DU, 'BYUNG BA CHEL SOGS BSHAD PA, ,NAS, LOG PAR RNAM BRTAGS MA YIN NAM, ,ZHES LUNG GNYIS KA KLU SGRUB KYI YIN PAR BYAS PA NI, DBU MA RGYAN GYIS RGYUN GCIG TU DRANGS PA LA BSAMS PAR MNGON YANG, DE NI MA NGES TE, DE NYID LAS, YANG GSUNGS PA, SHIN TU RGYA CHER RAB ZAB LA, ,NAS, SNYING RJER MI 'GYUR SU ZHIG YOD, ,CE'O, ,ZHES TSIGS BCAD BZHI RGYUN GCIG TU DRANGS SHING, DE'I THAD KYI DKA' 'GREL LAS, 'DIR TSIGS SU BCAD PA DANG PO NI SLOB DPON KLU SGRUB KYI ZHAL SNGA NAS KYI YIN NO, ,GNYIS PA LA SOGS PA NI 'PHAGS PA LHA'I YIN NO, ,ZHES PA LTA BU GYED PA PO SO SOS MDZAD PA RGYUN GCIG LA DRANGS PA DU MA YOD PA'I PHYIR RO, ,GNYIS PA ZHAR BYUNG NI, LUGS 'DIS, ZHES SOGS BYUNG, ZHI 'TSO YAB SRAS SEMS TZAM RNAM BDEN PA LTAR 'DOD PA'I DBU MA PA YIN TE, DES SNGO SER SOGS KYI RNAM PA'AM SNGO SER SOGS RTOGS PA'I DBANG @061A *, ,SHES KYI GZUNG RNAM DNGOS POR 'DOD PA GANG ZHIG ,CHOS KYI GRAGS PA'I BZHED PA YANG SEMS TZAM RNAM BDEN SNA TSOGS GNYIS MED PA'I LUGS LTAR DBU MA RGYAN RANG 'GREL DU 'GREL BA'I PHYIR, DANG PO GRUB STE, DBU MA RGYAN LAS, CI STE NGO BO NYID DU DE'I, ,RNAM PA 'DI DAG MED PA STE, ,YANG DAG TU NA RNAM MED PA'I, ,RNAM PAR SHES PAS NOR BAR SNANG, ,ZHES RNAM RDZUN PAS SNGO SER SOGS KYI RNAM PAR MA SKYES PA'I DBANG SHES TSON GYIS KHAM BSGYUR BA'I SHEL GONG DAG PA LTAR GNAS KYANG, THOG MED NAS BZHAG PA'I PHYIN CI LOG GI BAG CHAGS SMIN PA'I MTHUS SNGO SER SOGS KYI RNAM PA SNGO SER SOGS KYI MING CAN SGRO BTAGS PA'I CHA GSAL BAR SNANG BA RDZAS SNGAGS KYI MTHUS 'JIM GONG RTA GLANG SOGS SU SNANG BA BZHIN NO, ,DES NA SNGO SER SOGS KYI RNAM PA NI RAB RIB CAN LA SNANG BA'I SKRA SHAD LTAR DNGOS POR MED PA'I KUN BTAGS SU KHAS LEN PA'I 'DOD PA BSUS NAS, DE DGAG PA LA, GAL TE MED NA JI LTA BUR, ,DE DAG 'DI LTAR GSAL BAR TSOR, ,DE YI DNGOS LAS THA DAD PA'I, ,SHES PA DE 'DRA MA YIN NO, ,ZHES SNGO SER SOGS KYI RNAM PA CHOS CAN, GSAL BAR TSOR ZHING MYONG BA MI 'THAD PAR THAL, DNGOS POR MED PA'I PHYIR, KHYAB STE, RNAM PAS DBEN PA'I SHES PA MED PA'I PHYIR, ZHES RNAM PA MYONG BA MI 'THAD PAR THAL BA DANG, 'DI LTAR GANG LA DNGOS GANG MED, ,DE LA DER SHES YOD MA YIN, ,BDE BA MIN PA BDE SOGS DANG, , @061B DKAR BA RNAMS LA MI DKAR BZHIN, ,ZHES SHES PA CHOS CAN, KHYOD KYI RNAM PA MI SHES PAR THAL, KHYOD LA RNAM PA MED PA'I PHYIR, SDUG BSNGAL LA BDE BA DANG DKAR PO LA SNGON PO BZHIN, ZHES RNAM PA SHES PA MI 'THAD PAR THAL BA DANG, RNAM PA 'DI LA SHES PA'I DON, ,DNGOS SU 'THAD PA MA YIN TE, ,SHES PA'I BDAG DANG BUL BA'I PHYIR, ,NAM MKHA'I ME TOG LA SOGS BZHIN, ,ZHES RNAM PA CHOS CAN, DNGOS SU MI MYONG BAR THAL, SHES PA'I RDZAS MA YIN PA'I PHYIR, NAM MKHA'I ME TOG BZHIN, ZHES DNGOS SU MYONG BA MI 'THAD PAR THAL BA DANG, MED PA NUS PA MED PAS NA, ,BRTAGS PA'ANG MI RUNG RTA RU BZHIN, ,MED PA BDAG SNANG SHES SKYED PAR, ,NUS PA RUNG BA MA YIN NO, ,ZHES SHES PA CHOS CAN, ,KHYOD KYI RNAM PA BRTAGS NAS MI MYONG BAR THAL, RNAM PA LA KHYOD RNAM LDAN DU SKYED PA'I NUS PA MED PA'I PHYIR, RTA'I RVA BZHIN, KHYAB STE, DNGOS POR MED NA RANG SNANG MKHAN GYI SHES PA SKYED PA'I NUS PA MED DGOS PA'I PHYIR, ZHES BRTAGS MYONG MI 'THAD PAR THAL BA DANG, GANG PHYIR DE YOD NGES TSOR BA, ,SHES DANG 'BREL BA CI ZHIG YOD, ,BDAG MED DE YI BDAG NYID DANG, ,DE LAS BYUNG BA MA YIN NO, ,ZHES SHES PA MYONG TSE RNAM PA SNA TSOGS MI MYONG BAR THAL, RNAM PA DANG SHES PA 'BREL MED PA'I PHYIR, ZHES RNAM SHES 'BREL MED DU THAL BA DANG, RGYU MED NA NI GANG ZHIG GIS, ,RES 'GA' 'BYUNG BA 'DI RUNG 'GYUR, ,RGYU DANG LDAN NA GANG ZHIG GIS, ,GZHAN GYI DBANG LAS ZLOG @062A *, ,PAR 'GYUR, ,ZHES RNAM PA CHOS CAN, RES 'GA' BYUNG BA MA YIN PAR THAL, RGYU MED PA'I PHYIR, MA GRUB NA, DE CHOS CAN, GZHAN DBANG DU THAL, 'KHRUL BA'I RGYU LAS SKYES PA'I PHYIR, ZHES RES 'GA' 'BYUNG BA MI 'THAD PAR THAL BA DANG, DE MED NA NI SHES DE YANG, ,RNAM PA MED PA NYID KYIS 'GYUR, ,SHEL SGONG DAG PA 'DRA BA YI, ,SHES PA RAB TU TSOR BA MED, ,CES GZUNG RNAM MED ZER NA, SHES PA CHOS CAN, 'DZIN RNAM 'BA' ZHIG PAR THAL, DE'I PHYIR, 'DOD MI NUS TE, DE 'DRA SNANG RUNG MA DMIGS PA'I PHYIR, ZHES 'DZIN RNAM 'BA' ZHIG PAR THAL BA DANG, 'DI NI 'KHRUL BA'I SHES ZHE NA, ,DE CI 'KHRUL LA RAG LAS SAM, ,DE YI MTHU YIS BYUNG NA NI, ,DE YANG GZHAN GYI DBANG NYID DO, ,ZHES DON LA MED KYANG 'KHRUL BAS RNAM PA SNANG BA YIN ZER NA, RNAM PA CHOS CAN, GZHAN DBANG DU THAL, 'KHRUL BA'I MTHU LAS BYUNG BA'I PHYIR, ZHES GZHAN DBANG DU THAL BA STE BRGYAD KYIS BKAG PA'I PHYIR, RTZA RTAGS GNYIS PA GRUB STE, DBU MA RGYAN RANG 'GREL DU, DE DAG RNAMS LAS RIGS MTHUN PA'I, ,ZHES SOGS RNAM 'GREL GYI LUNG DRANGS NAS GZUNG 'DZIN GRANGS MNYAM PA BKAG PA'I PHYIR RO, ,DBU MA RGYAN LAS, RNAM SHES BEM PO'I RANG BZHIN LAS, ,BZLOG PA RAB TU SKYE BA STE, ,BEM MIN RANG BZHIN GANG YIN PA, ,DE 'DI'I BDAG NYID SHES PA YIN, ,ZHES DANG, DE'I RANG 'GREL LAS, DE LA RE ZHIG GNYIS KYI TSUL RNAM @062B PA MED PA'I RNAM PAR SHES PA'I PHYOGS NI RNAM PAR SHES PA YUL GYI SNANG BA DANG MA 'PHRAD PA BDAG TZAM RIG PA TZAM LA GZHOL BA KHO NAR ZAD PAS BDAG DANG THA DAD PA'I DON MYOR BA'I BDAG NYID DU MI RUNG NGO, ,ZHES GSUNGS PA LTAR RANG RIG THA SNYAD DU 'JOG GO ,KUN GZHI 'JOG MI 'JOG MI GSAL YANG MI BZHED PA'I PHYOGS YIN TE, ZHI 'TSO YAB SRAS KYIS YID KYI RNAM SHES GANG ZAG GI MTSAN GZHIR BZHED PA GANG, RIGS MTHUN GYI RNAM SHES DU MA CIG CAR SKYE BA MI BZHED PA'I PHYIR, KHYAB STE, KUN GZHI 'DOD PAS YID KYI RNAM SHES GANG ZAG GI MTSAN GZHIR MI BZHED PAR KUN GZHI DE'I MTSAN GZHIR BZHED PA'I PHYIR, RTAGS DANG PO GRUB STE, KA SH'IS, YID KYI BLO KHO NA NI SKYE BA GZHAN DANG NYID MTSAMS SBYOR BA'I NUS PA CAN YIN NO, ,JI SKAD DU YANG, CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA NI, ,YID KYI RNAM SHES KHO NAR 'DOD, ,CES MDZOD DRANGS NAS GSUNGS PA'I PHYIR, KHYAB STE, 'JUG PA'I RNAM BSHAD LAS, SLOB DPON KA MA LA SH'I LAS KYANG, NAS, YID KYI RNAM SHES KHO NAR 'DOD, ,CES MDZOD LAS GSUNGS PA DRANGS PAS, SLOB DPON CHEN PO ZHI BA 'TSO YANG KUN GZHI'I RNAM SHES MI BZHED PAR GSAL LO, ,ZHES GSUNGS PA'I PHYIR, GNYIS PA GRUB STE, DBU MA RGYAN RANG 'GREL LAS, DE DAG RNAMS LA RIGS MTHUN PA'I, ,RNAM PAR SHES PA NGES PAR 'GYUR, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,ZHES @063A *, ,RIGS MTHUN GYI RNAM SHES DU MA CIG CAR MI SKYE BAR STON PA'I RNAM 'GREL GYI LUNG 'DI RANG LUGS 'THAD LDAN DU BYAS NAS DRANGS PA'I PHYIR, DES NA KUN GZHI KHAS MI LEN PAS NYON YID KYANG MI 'DOD DO, ,THA SNYAD DU SNGO SER SOGS KYI RNAM PA THOG MED NAS GOMS PA'I MA RIG PA'I DBANG GIS SHAR BA'I SGRO BTAGS KYI CHA DNGOS POR MED PA SEMS TZAM RNAM RDZUN PA LTAR 'DOD PA'I DBU MA BA NI WA BVA PAS BKRAL BA LTAR YIN PAR LHAN SKYES RDO RJES BSHAD DE, DE KHO NA NYID BCU PA'I 'GREL BA LAS, RNAM PA MED PA'I DBU MA YANG WA BA'I NA BZA' CAN LA SOGS PAS KHAS LEN TE, DE SKAD DU DE YIS, NYER LEN LAS SKYES DRI MA YIS, ,BDAG NYID DBYER MED PAR SGRIB STE, ,BLO NI SHEL SGONG DAG PA LTAR, ,GZHAN GYI GZUGS SU SNANG BA YIN, ,ZHES SOGS DRANGS NAS GSUNGS PA'I PHYIR RO, ` ,SPRO NA, DGONGS 'GREL DU SKYE BA NGO BO NYID MED PAR GSUNGS PA'I DON LEGS LDAN DANG ZHI 'TSO YAB SRAS MTHUN TSUL NI, SKYE BA NGO BO NYID MED PAR GSUNGS PA'I MED RGYU'I SKYE BA NGO BO NYID RANG BZHIN GYIS SKYE BA LA BYAS NAS DE DNGOS PO LA 'GOG PA NA DON DAM PA'I KHYAD PAR NGES PAR SPYOD DGOS PA LA MTHUN PA'I DON YIN TE, DE LTAR LEGS LDAN GYIS BZHED, ZHI 'TSO YAB SRAS KYIS BZHED PAR DBU MA SNANG BA DRANGS ZIN PAS SHES PA'I PHYIR, DANG PO GRUB STE, LEGS LDAN GYI LUGS 'CHAD PA NA, GZHUNG LAS, GZHAN DBANG BDAG NYID KYIS SKYE BA MED PA SKYE BA NGO BO NYID MED PAR GSUNGS PA'I BDAG NYID KYIS SKYE @063B BA MED PA NI MDO GZHAN LAS NGO BO NYID LAS SKYE BA DANG RANG BZHIN GYIS SKYE BA MED PAR GSUNGS PA DANG DON GCIG TU SLOB DPON 'DI BZHED LA, NAS, DE LTAR NA RANG BZHIN GYIS SKYE BA NI RANG GI MTSAN NYID KYIS GRUB PA'I SKYE BA YIN LA DE DNGOS PO LA 'GOG PA NA DON DAM PA'I KHYAD PAR NGES PAR SBYOR BAS RANG GI MTSAN NYID KYIS GRUB PA'I SKYE BA THA SNYAD DU BZHED DO, ,ZHES GSUNGS PA'I PHYIR, DES MTSAN NYID NGO BO NYID MED PA LA'ANG SHES PAR BYA ZHING, DBU MA SNANG BA LAS, CHOS THAMS CAD DON DAM PAR RTAG TU RANG BZHIN GYIS NGO BO NYID MED PA KHO NAR GNAS PA GANG YIN PA DE NI YONGS SU GRUB PA'I NGO BO NYID YIN TE, ZHES DON DAM PA NGO BO NYID MED PA'I DON 'CHAD PA NA YANG DGAG BYA LA DON DAM GYI KHYAD PAR SBYAR LA, LEGS LDAN GYI BZHED PA 'CHAD PA NA, GZHUNG LAS, DON DAM PAR GZUGS KYI NGO BO DANG DE'I SKYE BA SOGS KYIS STONG PA YONGS GRUB YIN PA MDO'I DON YIN GYI, ZHES GSUNGS PAS ZHI 'TSO YAB SRAS KYIS THA SNYAD DU RANG MTSAN GYIS GRUB PA BZHED PA'I RGYU MTSAN 'GOD TSE DON DAM PA NGO BO NYID MED PA BKAR DON DPYAD DO, ,GRUB MTHA' CHEN MOR, SHER SGRON GYI GZHAN YANG RNAM PAR RIG PA NYE BAR BLANGS PA SOGS 'GREL BSHAD KYIS RNAM RIG PAR SBYAR CING, DE YANG RTOG GE 'BAR PAR SEMS TZAM SKABS SU DE 'DRA ZHIG BSHAD PA LA DGONGS KYANG, DER RNAM RIG PA'I 'DOD PA BRJOD PA LA 'DI SMRAS PA DANG, GAL TE LTA BU LAS MI 'BYUNG NA YANG, SKABS 'DIR, GAL TE GZHAN DAG NA RE, ZHES RNAM RIG PA LAS ZUR DU DGAR TSIG @064A *, ,'BYUNG BAS MI RIGS PAR GSUNGS PA DPYAD GZHI CHE STE, 'GREL BSHAD KYIS RNAL 'BYOR SPYOD PA ZHES BYUNG BA DAG RNAL 'BYOR SPYOD PA'I DBU MA BAR DGONGS PA LAS RNAM RIG PAR SBYAR BA MIN PA DANG, DBU MA SNYING PO'I, 'DAM RDZAB 'KHRU BAR BYED PA BAS, ,SOGS KYI RTOG 'BAR DU, GAL TE GZHAN DAG NA RE, ZHES PA YANG BSTAN 'GYUR BYINGS GRAS SU BZHUGS PA'I NAG TSO'I 'GYUR 'DIR MI SNANG BA DANG, SNANG YANG 'GREL BSHAD KYIS GZHAN DAG CES PA RNAM RIG PA LAS GZHAN LA BSAMS MIN THE TSOM GYI GNAS YIN PA'I PHYIR RO, ,KHO NA RE, DANG POR RNAM SHES BDEN PAR 'DZIN TU BCUG NAS PHYIS DE BDEN PA 'GOG PA'I RNAL 'BYOR SPYOD PA'I DBU MA PA LA 'PHAGS GROL SOGS 'JOG PAR THAL, ZHI 'CHO'I SNGON DU BYUNG BA'I RNAL 'BYOR SPYOD PA'I DBU MA PA LA DE SOGS 'JOG PA'I PHYIR NA MA KHYAB STE, 'PHAGS GROL GYIS DANG POR RNAM SHES BDEN PAR 'DZIN TU MI 'JUG PA'I PHYIR, DES NA DE LTAR 'DZIN TU 'JUG PA'I RNAL 'BYOR SPYOD PA'I DBU MA'I SLOB DPON 'GA' ZHIG ZHI 'TSO'I SNGON DU BYUNG YANG DE 'PHAGS GROL SOGS MIN PA'I PHYIR, KHO NA RE, ZHI 'TSO'I SNGON DU PHYI DON 'GOG PA'I GZHUNG RGYAS PAR BRTZAMS PA'I DBU MA'I SLOB DPON BYUNG BAR THAL, 'PHAGS GROL GYIS NYI SNANG DU PHYI DON MED TSUL BSTAN CING, NYI SNANG GZHUNG RGYAS PA MIN PAR KHAS LEN MI NUS PA'I PHYIR ZER NA MA KHYAB STE, DE PHYI DON MED PAR STON PA'I GZHUNG DANG GZHUNG RGYAS PA GNYIS KA YIN YANG DE PHYI DON MED PAR STON PA'I @064B GZHUNG RGYAS PA MA YIN PA'I PHYIR TE, DES PHYI DON MED PAR RGYAS PAR MA GSUNGS PA'I PHYIR, DBU MA RGYAN GYI, RANG GIS GRUB PA GANG YIN PA, ,ZHES PA'I DON DE'I RGYA GZHUNG DAG NA CHER MI GSAL YANG, DE'I BRJED BYANG LAS SNGAR LTAR GSUNGS SHING, MUN SEL DU, RGYU RKYEN LA MA LTOS PAR RANG GI RANG GIS GRUB PA'I 'DUS MA BYAS RNAMS SHES PA'I BDAG NYID YIN PA'I DON DU GSUNGS SO, ,DKA' 'GREL LAS, GANG ZAG GI BDAG MED DANG CHOS KYI BDAG MED KHONG DU CHUD PA LA BRTEN NAS, ZHES BYUNG LA, DBU MA RGYAN GYI, TSUL 'DIR BRTEN NAS DE LA YANG, ,ZHES PA'I DON 'CHAD BYED YIN TSE 'GREL BSHAD DANG CUNG MI MTHUN PAR MNGON LA, LANG GSHEGS KYI, RGYU DANG RKYEN NI RNAM LOG DANG, ,ZHES PA'I LUNG DON SNGAR BSHAD PA 'GREL BSHAD DANG BSTUN PA STE, 'GREL BSHAD LAS, RGYU LOG PAS SEMS TZAM NYID DU GNAS PA NI, ZHES GSUNGS PA LA DPAGS NA RNAM LOG PAS ZHES YOD PA 'DRA ZHING, RKANG PA DANG PO LA, MUN SEL DU, SKYE BA MED PAR GSUNGS PA GRANGS CAN PA'I 'DOD PA LTA BU RANG DANG BDAG NYID GCIG PA'I RGYU RKYEN LAS SKYE BA MED PA'I DON NAM, YANG NA PHYI DON GYI DMIGS RKYEN LAS DBANG SHES SOGS SKYE BA BKAG PA LA SBYAR NA AE 'GRIG BRTAG PAR GSUNGS SO; ,KHA CIG ,BSHAD PA DE GNYIS RKANG PA DANG PO GNYIS LA RIM PAR SBYAR NA RUNG NGAM ZER YANG SKABS 'DIR BDAG SKYE MED PA BSHAD DON YOD MED BRTAG GO ,DBU MA RGYAN LAS, BRTAGS PA'ANG MI RUNG RTA RU BZHIN, ,ZHES PA'I DON DE'I @065A *, ,BRJED BYANG DU, SNGAR BSHAD PA LTAR BYUNG YANG DBU MA RGYAN RTZA 'GREL GYI 'GYUR DU, GDAGS PA'ANG MI RUNG RTA RU BZHIN, ,ZHES BYUNG ZHING, RANG 'GREL LAS, RANG SNANG BA'I RNAM PAR SHES PA SKYED PA'I MTHU MED PA'I RNAM PA LA NI GDAGS PA TZAM DU YANG RIG PA'I DON MI SRID PA NYID DO, ,RTA RU MED PA NI RANG SNANG BA'I SHES PA SKYED PAR MI 'GYUR TE, RIG PA GDAGS PA'I RGYUR MI 'GYUR RO, ,ZHES DANG, 'GREL BSHAD LAS, SBYOR BA NI GANG ZHIG NUS PA MED PA DE NI BTAGS PA'I SHES PA MA YIN TE, DPER NA RTA RU LTA BU'O, ,ZHES GSUNGS SO, ,SNGA RABS PA KHA CIG SNGO SER SOGS KHAS MI LEN PA RNAM RDZUN PAR 'JOG PA MI 'THAD DE, DES KYANG SNGO SER SOGS NANG SEMS KYI BDAG NYID DU KHAS LEN PA'I PHYIR DANG, DNGOS PO LA SHES PAS KHYAB PAR 'DOD PA'I RNAM RIG PA GZHI MA GRUB PA'I PHYIR RO, ,GZHAN DAG ,SNGO SER SOGS RTOG PAS BTAGS TZAM DU KHAS LEN PA RNAM RDZUN PAR 'JOG PA MI 'THAD DE, DES KYANG SNGO SOGS BDEN GRUB TU 'DOD PA'I PHYIR TE, SNGO SOGS BDEN GRUB TU MI 'DOD PA'I RNAM RIG PA MED PA'I PHYIR, STAG LOS SNGO SOGS SHES PAR 'DOD PA RNAM BDEN PAR 'DOD PA LA, PHUNG PO LNGA'I RNAM GZHAG MI 'THAD PAR THAL BA SOGS MANG DU 'BYUNG BAR LCANG SKYA'I GRUB MTHAR GSUNGS SO, ,DE BZHIN DU PHYI DON MI 'DOD PA RNAM RDZUN PAR 'DOD PA YANG MI 'THAD DE, RNAM RIG PAR DE LTAR 'DOD MI 'DOD GNYIS MED PA'I PHYIR, RGYAL TSAB RJE LTAR NA, RNAM RDZUN PA'I LUGS LA, DBANG SHES LA SNGO SER SOGS RAGS PA @065B DANG, KHA DOG GI RNAM PA DANG, GO SA GNON PA'I GZUGS SU SNANG BA NI MA RIG PAS BSLAD PA'I 'KHRUL SNANG YIN PAS NA DE DAG RAGS SOGS MIN PAR 'GYUR BA'I DOGS PA MED DE, SNGO SER RAGS SOGS MIN NA RAGS SOGS MI SRID PAR 'GYUR BA'I PHYIR DANG, DE LTA'I SNANG BA DE 'KHRUL SNANG YIN YANG SNGO SER RAGS SOGS SU 'DOD PA MI 'GAL BA'I PHYIR TE, SO SKYE'I DBANG SHES LA SNGON PO RAGS SOGS SU SNANG BA DE 'KHRUL SNANG YIN ZHES PA NI DBANG SHES DE LA SNGON PO RANG LAS RDZAS GZHAN PA'I RAGS SOGS SU SNANG BAS YIN GYI, SNGON PO RAGS SOGS MIN BZHIN DU RAGS SOGS SU SNANG BAS DE 'KHRUL SNANG YIN ZHES BSHAD PA GTAN MA YIN PA'I PHYIR TE, DPER NA DUNG SER SNANG GI DBANG SHES DUNG GI DBYIBS LA 'KHRUL ZHES PA NI DE DUNG SER GYI DBYIBS SU SNANG BAS YIN GYI, DUNG GI DBYIBS LAS DBYIBS GZHAN DU SNANG BAS MIN PA BZHIN NO, ,DES NA SKABS 'DI'I RNAM PA BDEN PA DANG RDZUN PA NI, DON BYED NUS MI NUS DANG DBU SEMS RTZOD PA'I BDEN RDZUN SOGS LA MI BYED DE, RNAM BDEN RDZUN GNYIS KAS SNGO 'DZIN MIG SHES LA SHAR BA'I SNGON PO'I RNAM PA DE DNGOS PO DANG, BDEN GRUB DANG, SNGO 'DZIN MIG SHES KYI GZUNG RNAM YIN PAR 'DOD PA MTHUN PA'I PHYIR RO, ,DBANG SHES LA SNGON PA SOGS RAGS PA SOGS SU SNANG BA NI RNAM BDEN RDZUN RTZOD PA'I GZHI DANG, MA RIG PAS BSLAD PAS MA BZHAG PA'I SHES PA'I GZUNG YUL NI 'DI'I BDEN PA DANG, DES BZHAG PA'I SHES PA'I GZUNG YUL NI 'DI'I RDZUN PA'I DON DANG, RTZOD GZHI DE 'DI'I @066A *, ,BDEN RDZUN GANG YIN RTZOD PA NI RTZOD TSUL YIN GYI, DBANG SHES LA SHAR BA'I SNGO SOGS KYI RNAM PA RTZOD GZHIR BZUNG NAS DNGOS PO DANG BDEN GRUB YIN MIN LA RTZOD PA GTAN MIN PAR BSHAD DE, 'DI NI RJE'I BZHED PAR RNAM NGES t'IK CHEN LAS ZHAL GYIS 'CHES PAR MDZAD CING YIG CHA PHAL CHER 'DI'I RJES SU 'BRANGS SO, ,MKHAS GRUB RJE LTAR NA, RNAM BDEN RDZUN DBANG SHES KYI GZUR RNAM DNGOS POR 'DOD MI 'DOD KYIS 'BYED DE, SNGO 'DZIN MIG SHES KYI GZUNG RNAM ZHES PA RNAM BDEN PA DANG MDO SDE BA'I LUGS LA GZUNG BA NI SNGON PO DANG, RNAM PA NI SNGO 'DZIN MIG SHES DANG, MIG SHES DE NYID GZUNG PA SNGON PO'I RNAM PAR SKYES PA NI RNAM PA SHAR BA'I DON DU BYED LA, RNAM RDZUN PA'I LUGS LA RAB RIB CAN LA SNANG BA'I NAM MKHA'I SKA SHAD LTAR SGRO BTAGS SU GYUR PA'I SNGON PO'I GZUGS BRNYAN ZHIG LA BYED CING, RNAM PA SHAR PA'I DON DBANG SHES LA DE SNANG BA LA BYED DE, 'DI NI GSER PHRENG LEGS BSHAD SNYING PO LAM RIM CHEN MO RNAMS LAS RNAM BDEN RDZUN GYI KHYAD PAR ZUR COM BYUNG BA DANG MTHUN SHAS CHE BAR GRUB MTHA'I MCHAN DU BSHAD DO, ,DE YANG GSER PHRENG LAS, RNAM RDZUN PA LTAR NA THA DAD BKAG TZAM YIN GYI RNAM BDEN PA LTAR NA RDZAS GCIG TU SGRUB PAR 'DOD DO, ,ZHES DANG, GZHUNG LAS, SNGO SER LA SOGS PA'I RNAM PA DNGOS POR 'DOD DE, NAS, THA SNYAD DU RNAM BDEN PA LTAR 'DOD PA'I DBU MA PA'O, ,ZHES DANG, THA SNYAD DU SNGO SER LA SOGS PA'I RNAM PA RNAMS DNGOS POR MED PA RNAM RDZUN PA LTAR 'DOD PA'I DBU MA BA NI, ZHES @066B DANG, LAM RIM CHEN MO LAS, SNGON PO LA SOGS PA RNAM BDEN PA 'DOD PA LTAR THA SNYAD DU SHES PA'I RDZAS SU BZHED PAS, NAS, SNGO TZAM LA LTOS NAS 'KHRUL BA MA YIN NO, ,ZHES GSUNGS TE, GZHUNG DANG MKHAS GRUB RJES GSUNGS TSUL GNYIS MTHUN YANG, GZHAN GNYIS KYI SGRAS ZIN LA GZUGS SHES RDZAS THA DAD BKAG TZAM DANG, RDZAS GCIG TU 'DOD PA RNAM BDEN RDZUN GYI KHYAD PAR DU GSUNGS SO, ,KHO NA RE, DBU MA RGYAN RANG 'GREL DU CHOS KYI GRAGS PA'I LUGS RNAM BDEN PA DANG MTHUN PA'I DBU MA RANG RGYUD PA'I LUGS SU 'GREL BAR THAL, GZHUNG LAS, CHOS KYI GRAGS PA'I BZHED PA YANG DE LTAR 'GREL, ZHES GSUNGS PA'I PHYIR NA MA KHYAB STE, DE NI RNAM 'GREL RANG LUGS SEMS TZAM RNAM BDEN SNA TSOGS GNYIS MED PA'I LUGS SU 'GREL BAR BSHAD PA LAS RNAM BDEN PA DANG MTHUN PA'I DBU MA RANG RGYUD PA'I LUGS SU 'GREL BAR BSHAD PA MIN PA'I PHYIR TE, DBU MA RGYAN RANG 'GREL LAS, GANG GIS DNGOS RNAMS DES BRTAGS NA, ,ZHES SOGS DANG, JI LTA JI LTAR DON BSAM PA, ,ZHES SOGS RNAM 'GREL GYI LUNG DRANGS NAS BDEN GRUB KYI GCIG DANG DU BRAL DU SGRUB PA LA, DKA' 'GREL LAS, DNGOS SU BSHAD PA MA YIN TE, TSAD MA RNAM 'GREL LA SOGS PAR NI RNAL 'BYOR SPYOD PA'I TSUL BSHAD PA'I GNAS SKABS YIN PA'I PHYIR RO, ,NAS, RIGS PA THUN MONG BA'I PHYIR SLOB DPON GYI TSIG 'DI THAMS CAD DU RUNG BA NYID DO SNYAM DU BSAM PA'O, ,ZHES GSUNGS PA'I PHYIR, SLOB DPON BYANG @067A *, ,BZANG GIS PHYOGS GLANG CHOS GRAGS RNAM BDEN PA DANG, RNAM 'GREL GYI DGONGS PA LHA SH'AKA GIS RNAM BDEN DANG, SHER 'BYUNG GIS RNAM RDZUN DRI MED DANG, CHOS MCHOG GIS RNAM RDZUN DRI BCAS SU BKRAL LA, RNAM NGES DAR t'IK LAS, SLOB DPON GYIS SEMS TZAM PA'I RNAM GZHAG MDZAD PA'I TSE RNAM RDZUN PA'I LUGS DANG, PHYI ROL GYI RNAM GZHAG MDZAD PA'I TSE MDO SDE BA'I LUGS MDZAD DO, ,ZHES DANG, SDE BDUN GYI SKABS 'DIR SEMS TZAM RNAM BDEN PA'I GRUB MTHA' RANG LUGS SU ZHAL GYIS BZHES PA MED, NAS, SEMS TZAM PA'I LUGS KHAS LEN PA'I TSE RNAM RDZUN NYID ZHAL GYIS BZHES PAR 'CHAD PAR 'GYUR RO, ,ZHES CHOS KYI GRAGS PA RNAM RDZUN PA DANG, SDE BDUN RGYAN LAS, SDE BDUN GYI DGONGS PA MTHAR THUG SNA TSOGS GNYIS MED DU SMRA BA'I RNAM BDEN PA YIN PAR KHO BOS KYANG LUNG DANG RIGS PA DU MA LAS SHES LA, ZHES RNAM BDEN PAR GSUNGS SHING, LCANG SKYA'I GRUB MTHA' LAS, SDE BDUN MDO DANG BCAS PA'I DGONGS PA NI RNAM BDEN PA YIN PAR MA NGES TE, NAS, DES NA LUNG RIGS RJES 'BRANG GNYIS KA RE RE'I GZHUNG NA'ANG RNAM BDEN RDZUN GNYIS KYI RNAM GZHAG 'ONG BA RJE YAB SRAS SOGS RGYA BOD KYI MKHAS PA KUN 'DOD PAS 'DI GNYIS SO SOR KHYAB MNYAM BYAS NAS SBYAR BAR NAM YANG MI BYA'O, ,ZHES RJE BTZUN DAM PA 'JAM DBYANGS BZHAD PA'I RDO RJES GSUNGS PA SHIN TU LEGS PAS KHO BOS KYANG DE KHO NA LTAR 'DOD DO, ,ZHES GSUNGS SO, ,GRUB MTHA' CHEN MOR, ZHI @067B 'TSOS KUN GZHI MI RUNG BA'I SHES BYED DU, RNAM 'GREL LAS, DE DAG RNAMS LAS RIGS MTHUN PA'I, ,ZHES SOGS DRANGS PAR GSUNGS KYANG, GZHUNG LAS, KUN GZHI 'JOG MI 'JOG GI TSUL GSAL BAR MA BSHAD, CES GSUNGS PAS LUNG DE KUN GZHI MI 'DOD PA'I SHES BYED DU 'GRO YANG, ZHI 'TSOS RNAM SHES RIGS MTHUN CIG CAR MI SKYE BA'I SHES BYED LAS KUN GZHI MI 'DOD PA'I SHES BYED DU DRANGS PA MIN NO, ,'GREL BA DON GSAL LAS, GZUNG BA MED NA 'DZIN PA'ANG MED DO SNYAM DU NGES PAR SEMS PAS 'DZIN PA'I RNAM PA'I MTSAN NYID RNAM PAR RIG PA TZAM DE YANG BSAL TE GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS, ZHES GSUNGS PA LA BRTEN NAS GRUB MTHA' CHEN MO RTZA 'GREL DU SENG BZANG RNAM RDZUN DANG MTHUN PA'I DBU MA BA DANG, DZE TA RI RNAM RDZUN PAR BSHAD PA DE'I MCHAN DU BKAG CING, DE NYID BCU PA'I 'GREL BAR DRANGS PA'I, NYER LEN LAS SKYES DRI MA YIS, ,SOGS GRUB MTHA' CHEN MOR WVA BA BA'I PHAR PHYIN TSUL DGU BA'I LUNG DU BYAS PA YANG, MCHAN LAS, SHER PHYIN TSIGS BCAD DGU PA 'GYUR MI 'DRA BA GNYIS DANG DE'I 'GREL BA RNAMS SU LUNG 'DI'I TSIG ZUR TZAM YANG MI SNANG BSAN 'DI NI TSIGS BCAD DGU PA'I GZHUNG MIN NAM SNYAM MO, , ZHES BSHAD DO, ,GSUM PA MDO SDE DGONGS 'GREL GYI DON JI LTAR BSHAD PA LA GNYIS, DBU MA SNANG BA LAS BSHAD TSUL, DE NYID ZHI 'TSO'I DGONGS PAR GNAS SHING LEGS LDAN GYI RJES SU 'BRANGS TSUL LO, ,DANG PO LA GNYIS, SEMS TZAM @068A *, ,PA'I MTSAN NYID GSUM DGONGS 'GREL GYI MDO DON GTZO BO MIN PA DANG, DE MDO DON PHAL BAR BSTAN PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, DNGOS DANG, RTZOD SPONG NGO, ,DANG PO LA GNYIS, DGONGS 'GREL YUM GYI MDO NGES DON DU GZHUNG BTZUGS NAS SGRUB PA'I MDO YIN PAR BSTAN PA DANG, DGONGS 'GREL GYIS YUM GYI MDO DON JI LTAR BKRAL BA'O, ,DANG PO NI, 'O NA LUGS 'DIS, ZHES SOGS BYUNG, ZHI 'TSO YAB SRAS KYIS DGONGS 'GREL GYI DON RNAM RIG PA LTAR 'DOD DAM ZHE NA, MIN TE, RNAM RIG PAS DGONGS 'GREL GYIS YUM MDO DRANG DON DU SGRUB PAR 'DOD CING, 'DI BAS DGONGS 'GREL GYIS NGO BO NYID MED PA GSUM GYI DGONGS PA BSTAN NAS 'BUM SOGS NGES DON DU GZHUNG 'DZUGS PAR BZHED PA'I PHYIR TE, DBU MA SNANG BA LAS, DE'I DON DU BCOM LDAN 'DAS KYIS, ZHES SOGS GSUNGS PA'I PHYIR, DE'I DON NI, SGRO SKUR GYI 'DZIN PA BSAL BA DE'I DON DU STON PAS SHER MDOR SKYE MED SOGS BSTAN PA NI DGONGS 'GREL GYIS DON DAM PA'I DBANG DU BYAS PA KHO NAR BRJOD CING ZHES PA STE LHAG MGO SLA'O, ,GNYIS PA LA GNYIS, NGO BO NYID MED PA DANG PO GNYIS KYI DGONGS PA BSTAN NAS YUM GYI MDO NGES DON DU SGRUB PA DANG, DON DAM PA NGO BO NYID MED PA'I DGONGS PA BSTAN NAS YUM GYI MDO NGES DON DU SGRUB PA'O, ,DANG PO LA GNYIS, DNGOS DANG, MDO DON 'CHAD TSUL RNAM RIG PA DANG MI MTHUN PAR LEGS LDAN DANG MTHUN @068B TSUL LO, ,DANG PO LA GNYIS, SKYE BA NGO BO NYID MED PA'I MDO DON BSHAD NAS SKUR 'DEBS SEL BA DANG, MTSAN NYID NGO BO NYID MED PA'I MDO DON BSHAD NAS SGRO 'DOGS SEL BA'O, ,DANG PO NI, DE YANG KUN RDZOB PA'I, ZHES SOGS BYUNG, GZUGS SOGS KUN RDZOB PA'I NGO BO LA RANG MTSAN GYIS MED PAR LTA BA'I SKUR 'DEBS DANG, THA SNYAD DU YANG MED PA RTAG PA'I DNGOS PO SOGS SU DANG GZUGS SOGS BDEN GRUB TU SGRO 'DOGS PA STE SGRO SKUR DE GNYIS KYI DBANG GIS DON DAM BDEN PA LA MI 'JUG PA DE DAG GI SGRO SKUR GYI 'DZIN PA BSAL BA'I DON DU DGONGS 'GREL GYIS NGO BO NYID MED PA GSUM GYI DGONGS PA BSTAN NAS 'BUM SOGS NGES DON GYI MDOR GSUNGS SO, ,DE YANG DGONGS 'GREL LAS, DE NI RKYEN GZHAN GYI STOBS KYIS BYUNG BA YIN GYI, ZHES SOGS KYIS SKYE MED SOGS STON PA'I SHER MDO SGRA JI BZHIN PAR 'DZIN PA BKAG NAS THA SNYAD DU SKYE BAR BSTAN PAS SKUR 'DEBS SEL NUS TE, SHER MDOS SKYE 'GAG MED PA SOGS BSTAN PA DON DAM PA'I DBANG DU BYAS PAR BSTAN PA GANG, DES NI THA SNYAD DU SKYE 'GAG SOGS YOD PAR 'DOD DGOS PA'I PHYIR, GZHAN DBANG DON DAM PAR SKYE BA NGO BO NYID MED PAR BSHAD PA NI DE SKYE BA NGO BO NYID MED PAR STON PA'I MDO'I DON YIN TE, GZHAN DBANG RNAMS RANG GI RGYU RKYEN GYI DBANG GIS SKYE BA LAS DE LA LTOS MED DU BDAG NYID KHO NA'I DBANG GIS SKYE BA MIN PA'I PHYIR, KHYAB STE, RGYU RKYEN LAS SKYES NA DON DAM PAR MA SKYES PAS KHYAB PA'I PHYIR TE, MKHAS PA STE THAL 'GYUR BAS RTEN @069A *, ,'BYUNG GI DON RANG BZHIN GYIS STONG PA LA 'DOD PAS, MA DROS PAS ZHUS PAR, CHOS GANG ZHIG RKYEN LAS SKYES PA GANG YIN PA DE RANG BZHIN GYIS MA SKYES SHING, RKYEN LAS SKYES PA DE LA DON DAM PAR SKYE BA'I RANG BZHIN YOD PA MIN PAR GSUNGS PA BZHIN YIN PA'I PHYIR, DES NA GZHAN DBANG CHOS CAN, DON DAM PAR YOD DE, RGYU RKYEN LAS SKYE BA'I PHYIR SNYAM DU BSAM MI DGOS TE, DE DGOS NA, SGYU MA'I RTA GLANG CHOS CAN, BDEN PA'I DNGOS PO YIN PAR THAL, RGYU RKYEN LAS SKYE BA'I PHYIR, 'DOD MI NUS TE, RDZUN PA YIN PA'I PHYIR, DE'I PHYIR DGONGS 'GREL DU GZHAN DBANG SGYU MA BZHIN GSUNGS PA YANG SGYU MA'I RDE'U SHING RTA GLANG DU MED BZHIN DER SNANG BA LTAR GZHAN DBANG BDEN PAR MED BZHIN BLO 'KHRUL BA LA BDEN PAR SNANG BA NI SGYU MA DANG KHYAD PAR MED PA LA DGONGS NAS DE LTAR GSUNGS PA YIN NO, ,GNYIS PA NI, DE LTA BAS NA, ZHES SOGS BYUNG, RGYU MTSAN DES NA GZHAN DBANG SGYU MA DANG 'DRA BA DE NYID LA RTAG MI RTAG SOGS DON DAM PAR RANG MTSAN GYIS MED PA DE KUN BTAGS MTSAN NYID NGO BO NYID MED PAR GSUNGS PA'I MDO'I DON YIN TE, DE LTAR YOD PAR BZUNG BA'I DON TE MI RTAG SOGS DON DAM PAR GRUB PA NI KUN BTAGS YIN LA, DE YANG JI LTAR BTAGS PA BZHIN MED PA'I PHYIR, DE LTA BAS NA DE LA, ZHES PA'I DON BSHAD MA THAG PA NI, DBU MA SNANG BA LAS, GZHAN GYI DBANG GI NGO BO NYID SGYU MA LA SOGS PA DANG KHYAD PAR MED PA DE NYID LA RTAG PA DANG MI RTAG PA LA @069B SOGS PA, ZHES GSUNGS PA DANG BSTUN PA'O, ,MI RTAG SOGS DON DAM DU MED PAR RTOGS PAS SGRO 'DOGS SEL NUS TE, DE DAG DON DAM DU YOD PAR 'DZIN PA SGRO 'DOGS YIN PA'I PHYIR, DE LA KHO NA RE, MDOR MTSAN NYID NGO BO NYID MED PA KUN BTAGS LA SBYAR BA MI 'THAD PAR THAL, DE GZHAN DBANG LA SBYOR RIGS PA'I PHYIR TE, GZHAN DBANG DON DAM PAR MA GRUB PA MTSAN NYID NGO BO NYID MED PAR GSUNGS PA'I PHYIR NA MA KHYAB STE, GZHAN DBANG DON DAM PAR GRUB PA DE KUN BTAGS YIN LA, SO SKYES GZHAN DBANG LA DON DAM PAR GRUB PA'I KUN BTAGS KYI NGO BOR ZHEN CING, DE LTAR ZHEN PA'I MTSAN NYID KYI NGO BO NYID DU GZHAN DBANG MED PAR GDUL BYA LA BSTAN DGOS PA'I PHYIR, DGONGS 'GREL DU KUN BTAGS DON DAM PAR RANG MTSAN GYIS MA GRUB PAS NA MTSAN NYID NGO BO NYID MED PAR BSHAD CING NGO BO NYID GZHAN GNYIS DE LTAR MA GRUB KYANG MTSAN NYID NGO BO NYID MED PAR MA GSUNGS PA LA DGOS PA YOD DE, KUN BTAGS MTSAN NYID NGO BO NYID MED PAR GSUNGS PA'I DON GTZO BOR GZHAN DBANG DANG YONGS GRUB GNYIS DON DAM PAR MED PA LA BYED GOS PAR 'DI BAS 'DOD PA'I PHYIR TE, DE GNYIS DON DAM PAR GRUB PA KUN BTAGS DANG DE LTAR GRUB PAS STONG PA KUN BTAGS RANG MTSAN GYIS MA GRUB PA'I GTZO BO'I DON YIN PA'I PHYIR, GZUGS SOGS DON DAM PAR RANG MTSAN GYIS MED PAS SGRO 'DOGS KYI MTHA' DANG, THA SNYAD DU RANG MTSAN GYIS GRUB PAS SKUR 'DEBS KYI MTHA' SPONG STE, DE DAG DON DAM PAR @070A *, ,RANG MTSAN GYIS MED PA MTSAN NYID NGO BO NYID MED PA'I GTZO BO'I DON DANG, DE DAG RANG MTSAN GYIS GRUB PA THA SNYAD DU YOD PA'I DON YIN PA'I PHYIR, GNYIS PA MDO DON 'CHAD TSUL RNAM RIG PA DANG MI MTHUN PAR LEGS LDAN DANG MTHUN TSUL NI, DES NA GZHAN DBANG, ZHES SOGS BYUNG, RNAM RIG PA DANG 'DI BAS DGONGS 'GREL GYI DON 'CHAD TSUL LA KHYAD YOD DE, RANG MTSAN GYIS MED NA GZHAN DBANG GTAN MED DU 'GYUR BAS DE LA SKUR 'DEBS SU 'GYUR BAR 'DOD PA GNYIG 'DRA YANG, 'DI BAS CHOS KUN RANG MTSAN GYIS GRUB KYANG DON DAM PAR RANG MTSAN GYIS MA GRUB PAR SMRA LA, RNAM RIG PAS RANG MTSAN GYIS GRUB NA DON DAM PAR YOD PAS KHYAB PAR KHAS LEN PA'I PHYIR, LEGS LDAN DANG 'DI BAS NGO BO NYID MED PA GSUM GYI DON 'CHAD TSUL MTHUN TE, GZHAN DBANG GI CHOS RNAMS NGO BO DANG KHYAD PAR DU KUN BTAGS PA'I NGO BOR DON DAM PAR RANG MTSAN GYIS MED PAS KUN BTAGS KYIS GZHAN DBANG STONG BAR DGONGS 'GREL DU GSUNGS PA'I DON 'DI BAS KYANG LEGS LDAN LTAR 'DOD PA'I PHYIR TE, NGO BO DANG KHYAD PAR DU KUN BTAGS PA'I DON NI DE LTAR 'DOGS PA'I RTOG PA'I ZHEN YUL DANG, KUN BTAGS PA'I DON DE NYID DON DAM PAR GRUB PA DANG DON DAM PAR SGRO BTAGS PA NI KUN BTAGS DANG, GZHAN DBANG DE NYID KUN BTAGS DE'I NGO BOR MED PA NI KUN BTAGS KYIS GZHAN DBANG STONG PA'I DON DU 'DOD PA SNGAR MDO SDE SPYOD PA'I SKABS SU BSHAD PA DANG 'DRA BA'I PHYIR, GNYIS PA DON DAM PA NGO BO NYID @070B MED PA'I DGONGS PA BSTAN NAS YUM GYI MDO NGES DON DU SGRUB PA NI, GZHAN YANG, ZHES SOGS BYUNG, DBU MA SNANG BA LAS, SKYE BA MED PA LA SOGS PA YANG 'PHAGS PA BLO GROS MI ZAD PAS BSTAN PA LAS, NGES PA'I DON TO, ,ZHES BSTAN TE DE LTA BAS NA SKYE BA MED PA LA SOGS PA KHO NA DON DAM PA'O ZHES BYA BAR NGES SO, ,ZHES GSUNGS PAR, GAL TE DE LTA YIN NA, 'O NA JI LTAR BCOM LDAN 'DAS KYIS 'PHAGS PA DGONGS PA NGES PAR 'GREL BA LAS NGO BO NYID GSUM PO NGO BO NYID MED PA RNAM PA GSUM LA DGONGS NAS CHOS THAMS CAD NGO BO NYID MED PAR BSTAN CE NA, ZHES GSUNGS PA LTAR, KHA CIG GIS, 'BUM SOGS KYIS CHOS KUN NGO BO NYID MED PA DANG MA SKYES PA SOGS SU GSUNGS PA DRANG DON GYI MDO YIN PAR THAL, DGONGS 'GREL SOGS SU SHER MDOR NGO BO NYID MED PA SOGS GSUNGS PA'I DGONGS PA BSTAN PA'I PHYIR ZER NA, LAN DU DE NYID LAS, DE'I PHYIR, ZHES SOGS GSUNGS PA LTAR, MA KHYAB STE, DGONGS 'GREL GYIS DGONGS PA BSTAN PA'I MDO DANG NGES DON GYI MDO GNYIS 'GAL BA MA YIN PPA'I PHYIR TE, DGONGS 'GREL LAS, GZHAN YANG CHOS RNAMS KYI YONGS SU GRUB PA'I MTSAN NYID GANG YIN PA DE YANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA; DON DAM YANG DAG 'PHAGS, CHOS RNAMS GYI CHOS BDAG MED PA GANG YIN PA DE NI, DE DAG GI NGO BO NYID MED PA NYID CES BYA STE, DE NI DON DAM PA YIN LA DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS @071A *, ,DE'I PHYIR DON DAM PA NGO BO NYID MED PA NYID CES BYA'O, ,ZHES DON DAM PA YANG YIN LA CHOS KUN DON DAM PAR NGO BO NYID MED PAS RAB TU PHYE BA YANG YIN PAS DON DAM PA NGO BO NYID MED PAR GSUNGS PA'I NGO BO NYID MED PA 'DIS CHOS KUN DON DAM PAR NGO BO NYID MED PA KHO NA YIN PAR GRUB PA'I PHYIR, DE'I PHYIR 'BUM SOGS SU SKYE MED SOGS BSTAN PA NGES DON GYI MDOR SGRUB PA DANG, SKYE 'GAG SOGS MNGON SUM DU MTHONG BA DANG 'GAL BA SPANG BA DANG, DON DAM GYI KHYAD PAR MA SBYAR BAR MDO DE SGRA JI BZHIN PAR 'DZIN PA BSAL BA'I PHYIR DGONGS 'GREL LAS, DE LA MTSAN NYID NGO BO NYID MED PA NYID LA DGONGS NAS NGAS CHOS THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,ZHES CHOS BDAG MED PA'I DON DAM PA NGO BO NYID MED PA LA DGONGS NAS MA SKYES PA SOGS SU GSUNGS PA DBU MA SNANG BAR DRANGS SO, ,DBU MA SNANG BA'I LUNG 'DIS NI, 'BUM SOGS SU NGO BO NYID MED PA DANG MA SKYES PA SOGS SU GSUNGS PA'I DGONGS PA DGONGS 'GREL GYIS BKRAL TE DON DAM GYI KHYAD PAR MA SBYAR BAR SGRA JI BZHIN PAR 'DZIN PA BKAG NAS NGES DON DU SGRUB PAR BSHAD LA, SGRA JI BZHIN PAR 'DZIN PA'I DON YANG SKYE 'GAG SOGS GTAN MED DU 'DZIN PA YIN GYI DE DAG DON DAM PAR MED PAR 'DZIN PA MIN TE, DBU MA SNANG BAR MDO LAS SKYE MED SOGS BSTAN PA LA DGAG BYA'I KHYAD PAR MA SBYAR BAR SGRA JI BZHIN DU MI ZHEN PAR @071B GSUNGS PA BSHAD MA THAG PA DE'I PHYIR, KHYAB STE, DBU MA SNANG BAS DON DAM PAR SKYE BA MED PA SOGS DANG KUN RDZOB PA'I SKYE BA SOGS 'DOD PA'I PHYIR, GNYIS PA RTZOD SPONG LA GNYIS, RTZOD PA DANG, LAN NO, ,DANG PO NI, GAL TE DE LTA YIN NA, ZHES SOGS BYUNG, KHO NA RE, DE LTA NA DGONGS 'GREL LAS, CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MA CHIS PA SKABS MCHIS PA DRANG BA'I DON RTZOD PA'I GZHI'I GNAS SU GYUR PA LAGS, ZHES NGO BO NYID MED PA DANG MA SKYES PA SOGS BSHAD PA'I 'KHOR LO GNYIS PA DRANG DON DU BSHAD PA MI 'THAD PAR THAL, DGONGS 'GREL GYIS 'KHOR LO BAR BA'I MDO NGES DON DU GZHUNG BTZUGS NAS SGRUB PA'I PHYIR, RTAGS KHAS, ZHES ZER RO, ,GNYIS PA NI, 'DI'I 'GAL SPONG, ZHES SOGS BYUNG, ZHES PA'I DON NO, ,YAN GYIS NGES DON DANG, DRANG DON DU SGRUB PA'I 'KHOR LO BAR BA GNYIS KYI MTSAN GZHI MI GCIG PAR BSTAN, DE MAN GYIS MDO DE GNYIS KYI DRANG NGES 'BYED TSUL DGONGS 'GREL GYIS BSTAN TSUL BSHAD DO, ,DE LA DGONGS 'GREL GYI LUNG DES 'KHOR LO GNYIS PA YIN TSAD DRANG DON DU STON PA MIN TE, DGONGS 'GREL DU DGONGS GZHI BZHAG NAS DRANG DON DU 'GREL BA DANG, DON GTAN LA PHAB NAS NGES DON DU 'GREL BA'I 'KHOR LO BAR BA GNYIS MDO MI GCIG PA'I PHYIR TE, SNGA MA NI SHER SNYING LTA BU DGAG BYA LA DON DAM GYI KHYAD PAR DNGOS @072A *, ,SHUGS GANG LA'ANG MA SBYAR BA RNAMS DANG, PHYI MA NI 'BUM PA LTA BU DGAG BYA LA KHYAD PAR DE SBYAR BA RNAMS YIN PA'I PHYIR, DER THAL, DGAG BYA LA DON DAM GYI KHYAD PAR DNGOS SHUGS GANG LA YANG MA SBYAR BAR GZUGS MED CES GSUNGS PA SOGS SGRAS ZIN GYIS BSTAN TSOD LTAR BZUNG NA CHAD MTHAR LTUNG BA'I PHYIR DANG, 'BUM LAS, DE YANG 'JIG RTEN GYI THA SNYAD DU YIN GYI DON DAM PAR MIN NO, ,ZHES SKABS 'GA' ZHIG TU DON DAM GYI KHYAD PAR SBYAR BAS KHYAD PAR DE SBYOR DGOS KYI 'BUM GYI TSIG KUN LA DON GYIS SBYAR ZIN PA'I PHYIR, 'KHOR LO GNYIS PA DRANG DON DU GSUNGS PA DE GNYIS PA THAMS CAD MIN, ZHES PA 'DI YANG, DGONGS 'GREL GYIS SHER MDOR NGO BO NYID DANG SKYE 'GAG SOGS MED PAR GSUNGS PA DON DAM GYI KHYAD PAR MA SBYAR BAR SGRA JI BZHIN PAR 'DZIN PA BKAG KYANG, DON DAM PAR NGO BO NYID DANG SKYE 'GAG SOGS MED PAR GSUNGS PA SGRA JI BZHIN PAR 'DZIN PA 'GOG PAR MA GSUNGS LA, DBU MA SNANG BA LAS, DE'I DON DU BCOM LDAN 'DAS KYIS SKYE BA MED PA LA SOGS PA BSTAN PA DON DAM PA'I DBANG DU MDZAD PA KHO NAR BRJOD CING, ZHES SOGS KYIS SHER MDOR SKYE MED SOGS BSTAN PA DON DAM PA'I DBANG DU BYAS PAS BSTAN PA DANG, DGONGS PA BSTAN PA YANG NGES PA'I DON NYID DU 'GAL BAR MI BYED DO, ,ZHES SOGS KYIS DGONGS PA BSTAN PA STE DON DAM PAR SKYE BA MED CES PA SGRA JI BZHIN PAR BSTAN PA'I GZHUNG GONG 'OG BSGRIGS NA RANG @072B MTSAN GYIS GRUB PA'I NGO BO DANG SKYE 'GAG SOGS MED PAR 'DZIN PA NI, MA SKYES PA SOGS STON PA'I SHER MDO SGRA JI BZHIN PAR 'DZIN PA YIN YANG, DGONGS 'GREL DU RANG MTSAN GYIS MED PAS MTSAN NYID NGO BO NYID MED PAR BSHAD PA DE DON DAM PAR YOD PA BKAG PA DANG, THA SNYAD DU RANG MTSAN GYIS GRUB PA 'DI BAS BZHED 'DUG PA'I GNAD KYIS YIN NO, ,GNYIS PA DON BSDU BA NI, MDOR BSDU NA, ZHES SOGS BYUNG STE GZHAN GO SLA ZHING, 'KHOR LO DANG PO DRANG DON DU 'GREL TSUL NI, DES CHOS KUN DON DAM PAR RANG MTSAN GYIS YOD MNYAM DU GSUNGS PA'I DGONGS GZHI NI DE DAG THA SNYAD DU YOD PA DANG, DGOS PA NI DE'I GDUL BYA LA DE LTAR MA BSTAN NA CHAD MTHAR LTUNG BAS DE 'GOG PA DANG, DNGOS LA GNOD BYED NI DON DAM PAR RANG MTSAN GYIS GRUB PA 'GOG PA'I RIGS PA GCIG DU BRAL SOGS YIN PAS DGONGS GZHI SOGS GSUM GA TSANG BA'I SGO NAS YIN NO, ,GNYIS PA DE MDO DON PHAL BAR BSTAN PA NI, GAL TE RNAL 'BYOR SPYOD PA, ZHES SOGS BYUNG, GAL TE RNAM RIG PAS MTSAN NYID GSUM GYI RNAM GZHAG BYAS PA DGONGS 'GREL GYI MDO DON MIN NA MDO GANG GI YANG DON MIN PAR 'DI BAS 'DOD DAM SNYAM NA, MIN TE, DE DGONGS 'GREL GYI BSTAN DON PHAL BAR 'JOG PA'I PHYIR, DE YANG MDO'I GDUL BYA LA CIG CAR DU CHOS KUN BDEN MED DU RTOGS NUS PA'I DBANG RNON DANG, RIM GYIS BKRI DGOS PA'I DBANG RTUL TE, DANG POR PHYI DON MED CING SEMS BDEN GRUB TU @073A *, ,'DZIN TU 'JUG MI DGOS PA DANG DGOS PA LA BYA YI, CHOS KUN BDEN MED DU RIM GYIS RTOGS MI DGOS PA DANG DGOS PA MIN NO, ,DE GNYIS KYI SNGA MAR ZHI 'TSO YAB SRAS KYI RANG LUGS LTAR GSUNGS SHING, PHYI MAR DBU MA SNANG BA LAS, 'PHAGS PA DGONGS PA NGES PAR 'GREL BA DANG, LANG KAR GSHEGS PA DANG, 'PHAGS PA STUG PO BKOD PA LA SOGS PA LAS CHOS THAMS CAD SEMS TZAM GYI LUGS NYID DU BSTAN PA'I PHYIR SEMS KHO NA DON DAM PAR YOD KYI, GZHAN NI MA YIN NO ZHES BSGRUB PAR 'GYUR RO, ,NAS, GANG ZHIG CIG CAR CHOS MA LUS PA NGO BO NYID MED PA NYID DU RTOGS PAR MI NUS PA DE RE ZHIG SEMS TZAM LA BRTEN NAS RIM GYIS PHYI'I DON NGO BO NYID MED PA NYID LA 'JUG GO ,ZHES DGONGS 'GREL SOGS SU PHYI DON BKAG NAS GZUGS SOGS NANG SEMS KYI BDAG NYID TZAM DU BSGRUBS PA'I SKABS 'GAR SEMS LA BDEN PAR GRUB PA'I RANG BZHIN MA BKAG PAR RNAM RIG PA LTAR GSUNGS PA NI GDUL BYA DE DAG GI BSAM PA DANG MTHUN PAR BSTAN PA YIN PAR GSUNGS PA'I PHYIR, DES NA MDO GCIG LA'ANG 'DUL BYA'I DBANG GIS DE LTAR CHA GNYIS PHYE NAS MDO'I DON DU 'JOG DGOS TE, MDO GCIG LA'ANG GDUL BYA'I RIGS GNYIS 'BYUNG BA'I PHYIR, SDE DGE'I PAR MA SOGS KYI DBU MA SNANG BA'I THAD 'DIR LANG GSHEGS MI 'DUG PA CHAD PAR MNGON NO, ,GNYIS PA DE NYID ZHI 'TSO'I DGONGS PAR GNAS SHING LEGS @073B LDAN GYI RJES SU 'BRANGS TSUL NI, SLOB DPON ZHI BA 'TSO'I, ZHES SOGS BYUNG STE GO SLA'O, ` ,'DIR, DGONGS 'GREL GYI DON 'CHAD PA LA, DRI ZHUS DNGOS BSTAN NI, 'KHOR LO DANG POR GZUGS NAS BYANG PHYOGS KYI BAR GYI CHOS RNAMS DON DAM PAR RANG MTSAN GYIS GRUB PA DANG, BAR BAR GZUGS NAS RNAM MKHYEN GYI BAR GYI CHOS RNAMS DANG MTSAN GYIS MA GRUB PAR GSUNGS PA GNYIS SGRAS ZIN 'GAL NA YANG DON LA 'GAL BA MED DGOS PAS BAR BA'I DE CI LA DGONGS ZHES 'KHOR LO BAR BAR DNGOS DANG DANG POR DON GYIS DRI BA ZHUS SO, ,DES SHUGS LA 'KHOR LO DANG POR DNGOS DANG BAR BAR DON GYIS ZHU TSUL YANG SHES NUS SO, ,LAN LA NGO BO NYID MED PAR GSUNGS PA DANG, MA SKYES PA SOGS SU GSUNGS PA'I DON BSHAD PA GNYIS LAS, SNGA MA'I MDOR BSTAN NI 'KHOR LO BAR BA SHER SNYING SOGS SU DON DAM PAR MTSAN NYID NGO BO NYID MED PA DANG, DON DAM PAR SKYE BA NGO BO NYID MED PA DANG, DON DAM PAR DON DAM PA NGO BO NYID MED PA GSUM LA DGONGS NAS CHOS KUN NGO BO NYID MED PAR GSUNGS PA DANG, RGYAS BSHAD KYI NGO BO NYID MED PA GSUM SNGAR MDO SDE SPYOD PA'I SKABS BSHAD PA LTAR LA, DE GSUM DPE DON SBYOR TSUL NI, NAM MKHA'I ME TOG RTOG PAS BTAGS TZAM LAS MED PA BZHIN GZUGS BDEN GRUB KYANG RTOG PAS BTAGS TZAM LAS MED PA DANG, SGYU MA'I RDZAS SNGAGS KYIS BSLAD PA'I RDE'U SHING SOGS RTA GLANG DU SNANG YANG DES STONG PA BZHIN GZUGS BDEN PAR SNANG YANG @074A *, ,BDEN GRUB KYIS STONG PA DANG, THAM SEMS TZAM SKABS LTAR LA, THAL 'GYUR BA DANG RNAM RIG PAS NAM MKHA'I ME TOG KUN BTAGS GTAN MED KYI DPER MI 'DOD KYANG 'DI BAS DE LTAR 'DOD PAR GSUNGS SO, , MA SKYES PA SOGS SU GSUNGS PA'I DON NI, 'KHOR LO BAR BA'I SHER SNYING SOGS SU CHOS KUN DON DAM PAR SKYE 'GAG SOGS MED PA LA DGONGS NAS MA SKYES PA SOGS SU GSUNGS SHING, NGO BO NYID GSUM SNGAR MDO SDE SPYOD PA'I SKABS BSHAD PA LTAR RO, ,GRUB DON NI, MTSAN NYID GSUM GA RANG MTSAN GYIS GRUB KYANG KUN BTAGS DON DAM PAR MTSAN NYID NGO BO NYID MED PA DANG, GZHAN DBANG DON DAM PAR SKYE BA NGO BO NYID MED PA DANG, YONGS GRUB DON DAM PAR DON DAM PA NGO BO NYID MED PAR 'PHAGS ZHUS KYIS GSAL BAR BSHAD PAS DGONGS 'GREL SGRA JI BZHIN PA DANG, 'KHOR LO DANG PO DANG BAR BA'I SHER SNYING SOGS SGRA JI BZHIN PA MIN PAR GRUB CING, 'BUM PA SOGS KYI DGONGS PA BSTAN NAS NGES DON DU GZHUNG BTZUGS PAR GRUB BO, ,LEGS LDAN DGONGS 'GREL GYIS SEMS TZAM THUN MONG MIN PA'I 'DOD PA MA BSTAN PA DANG, 'BUM SOGS NGES DON GYI MDOR GZHUNG BTZUGS PAR MI BZHED PA MA GTOGS, DGONGS 'GREL GYI DON 'CHAD TSUL 'DI TZAM ZHIG DBU MA PA GNYI GA'I 'DOD PA MTHUN PAR SNANG NGO, ,LEGS LDAN GYIS 'KHOR LO DANG PO DRANG DON DANG, BAR BA LA DRANG NGES GNYIS DANG, THA MA NGES DON GYI MDOR 'DOD CING, DANG PO DRANG DON @074B DU 'GREL TSUL SEMS TZAM DANG MI 'DRA STE, DES GZUGS NAS 'PHAGS LAM BAR GYI CHOS RNAMS CHA MA PHYE BAR RANG MTSAN GYIS GRUB PAR GSUNGS PA'I RGYU MTSAN GYIS DANG, 'DIS CHOS RNAMS DON DAM PAR RANG MTSAN GYIS GRUB PAR GSUNGS PA'I RGYU MTSAN GYIS DRANG DON DU BKRAL BA YIN PA'I PHYIR, BAR BA LA DRANG NGES KYI MDO GNYIS YOD PAR 'DOD DGOS TE, BAR BAR DON DAM PAR SKYE BA MED PAR GSUNGS PA NGES DON GYI MDOR MI 'DOD NA DBU MA'I LUGS SU MI 'GYUR LA, SHER SNYING LTA BU DON DAM PA'I KHYAD PAR MA SBYAR BA RNAMS NGES DON GYI MDOR BZHED NA DGONGS 'GREL RANG GZHUNG DU MDZAD PA DANG 'GAL TE, DER 'KHOR LO BAR BA DRANG DON GYI MDOR GSUNGS PA'I PHYIR, THA MA NGES DON DU 'GREL TSUL YANG SEMS TZAM DANG MI 'DRA STE, DGONGS 'GREL LAS KUN BTAGS RANG MTSAN GYIS MA GRUB PAR GSUNGS PA'I KUN BTAGS NI DES GZUGS SOGS LA NGO BO DANG KHYAD PAR DU BTAGS PA'I DON DANG 'DIS BTAGS DON DE DON DAM PAR GRUB PA LA BYED PA'I PHYIR RO, ,ZHI 'TSO YAB SRAS KYIS 'KHOR LO DANG PO DRANG DON DANG, BAR BA LA DRANG NGES GNYIS YOD PAR BZHED KYANG, THA MAR DGAG BYA LA DON DAM GYI KHYAD PAR SBYAR BA MED TSE SGRAS ZIN TSAD MA DANG BCAS PA'I DON MI TSANG BAS DRANG DON GYI MDOS KHYAB BAM SNYAM MO, ,'KHOR LO DANG PO DRANG DON DU 'GREL BA'I DGONGS GZHI SOGS SNGAR BSHAD PA LTAR LA, SHER SNYING SOGS DRANG DON DU 'GREL TSUL LA, DGONGS GZHI KUN BTAGS DON DAM PAR @075A *, ,MTSAN NYID NGO BO NYID MED PA SOGS GSUM DANG, DGOS PA THAL 'GYUR BA KHA DRANG BA DANG, DNGOS LA GNOD BYED CHOS RNAMS RANG MTSAN GYIS GRUB PAR SGRUB PA'I RIGS PA RNAMS SO, ` ,SPRO NA, DBU MA SNANG BA'I, DE'I DON DU, ZHES PA DKA' 'GREL DU DE KHO NA NYID BSTAN PA DE'I DON DU, ZHES GSUNGS KYANG, GZHUNG LAS, SGRO SKUR GYI 'DZIN PA BSAL BA'I DON DU GSUNGS TE, ZHES GSUNGS PA LA BRTEN NAS SNGAR LTAR BRIS SO, ,KHA CIG NA RE, YUM RGYAS 'BRING BSDUS GSUM CHOS CAN, DGONGS PA BSTAN TE GZHUNG BTZUGS NAS NGES DON DU BSGRUB RGYU'I 'KHOR LO BAR BA MA YIN PAR THAL, DGONGS 'GREL LAS BSHAD PA'I 'KHOR LO BAR BA MA YIN PA'I PHYIR TE, DRI BA ZHU DGOS KYI 'KHOR LO BAR BA MA YIN PA'I PHYIR, DER THAL, DGAG BYA LA DON DAM GYI KHYAD PAR GSAL BAR SBYAR BA'I 'KHOR LO BAR BA YIN PA'I PHYIR, RTZA BAR 'DOD MI NUS TE, GZHUNG LAS, DGONGS 'GREL GYIS NGO BO NYID MED PA GSUM GYI DGONGS PA BSTAN PA DE NYID KYIS YUM GYI MDO LA SOGS PA DES PA'I DON YIN PA'I GZHUNG BTZUGS PAR 'CHAD DO, ,ZHES DANG, DGONGS 'GREL NI YUM 'BUM PA LTA BU RNAMS NGES DON DU GZHUNG 'DZUGS PA'I MDOR BZHED DO, ,ZHES GSUNGS PA'I PHYIR NAM KHYAB STE, DGONGS PA BSTAN PA LA DGONGS GZHI BZHAG NAS DGONGS PA BSTAN PA DANG, DON GTAN LA PHAB NAS DGONGS PA BSTAN PA GNYIS LAS, YUM @075B RGYAS 'BRING BSDUS GSUM SOGS SNGA MA MIN YANG, KUN BTAGS MTSAN NYID NGO BO NYID MED CES GSUNGS PA DON DAM PAR MTSAN NYID NGO BO NYID MED PAR GSUNGS PA YIN ZHES SOGS DGONGS PA BSTAN TE NGES DON DU GZHUNG 'DZUGS DGOS KYI 'KHOR LO BAR BA YIN PA'I PHYIR, KHA CIG YUM 'BUM PA SOGS KYI GZHUNG TSIG TU GYUR PA'I DGAG BYA LA DON DAM GYI KHYAD PAR GSAL BAR MA SBYAR BA'I MDO RNAMS CHOS CAN, DGONGS PA BSTAN NAS NGES DON DU GZHUNG 'DZUGS RGYU'I 'KHOR LO BAR BAM YIN PAR THAL, DGONGS PA BSTAN MI DGOS PA'I PHYIR TE, DE'I SKYE BA MED PAR GSUNGS PA'I MDOS DON DAM PAR SKYE BA MED PA LA DGONGS NAS DE LTAR BSTAN CES DGONGS PA BSTAN MI DGOS PA'I PHYIR NA MA KHYAB STE, DGONGS PA BSTAN PA LA BSHAD ZIN LTAR GNYIS YOD PA'I PHYIR, KHO NA RE, DE CHOS CAN, DRIS ZHUS KYI 'KHOR LO BAR BA MA YIN PAR THAL, GRUB DON GNYIS PA'I 'KHOR LO BAR BA MA YIN PA'I PHYIR NA MA KHYAB STE, DRIS LAN SKABS KYI NGES DON DU BSGRUB RGYU'I 'KHOR LO BAR BA DANG, GRUB DON SKABS KYI DRANG DON DU BSHAD RGYU'I 'KHOR LO BAR BA GNYIS MDO SO SO BA YIN PA'I PHYIR TE, SNGA MA LA 'BUM SOGS DANG, PHYI MA LA SHER SNYING SOGS 'JOG PA'I PHYIR, MA KHYAB MTSAMS KYI RTAGS GRUB STE, DRANG DON GYI MDO MA YIN PA'I PHYIR, KHYAB STE, DGONGS 'GREL LAS, 'KHOR LO GNYIS PA BSKOR TE, NAS, DRANG BA'I DON, ZHES GSUNGS PA'I PHYIR, KHA CIG, DE DES DON GYI MDO YIN PAR THAL, DE @076A *, ,DNGOS BSTAN TSAD MA DANG BCAS PA DANG DON DAM PA'I DBANG DU MDZAD PA GNYIS KA TSANG BA'I MDO YIN PA'I PHYIR NA, LA LAS MA KHYAB STE, DE LA DES MI CHOG PAR SGRAS ZIN TSAD MA DANG BCAS PA DGOS PA'I PHYIR ZER NA, SNGA MAS DE LA DNGOS BSTAN TSAD MA DANG BCAS PAS CHOG STE, GZHUNG LAS, DGAG BYA LA KHYAD PAR SKABS DER MA SBYAR BA'I SKYE BA MED PA LA SOGS PA SGRA JI BZHIN PA MIN PAS NGES DON MA YIN NO SNYAM DU MI GZUNG STE, ZHES GSUNGS PA'I PHYIR ZER NA BRTAG ,NGES PA'I DON KHO NA GZHUNG 'DZUGS PAR MDZAD PA YIN NO, ZHES PA'I DON BLO GLING BAS, 'KHOR LO THAMS DON DAM GYI KHYAD PAR DNGOS SU MA SBYAR BA'I 'BUM GYI MDO TSIG RNAMS NGES DON GYI MDOR GZHUNG BTZUGS PA KHO NA'I DON MIN TE, YIN NA, 'BUM DANG SHER SNYING GI GZUGS MED CES GSUNGS PA'I SNGA MA DON DAM DU MED PA'I DBANG DU MDZAD PA RTOGS DKA' LA, PHYI MA DE'I DBANG DU MDZAD PA RTOGS SLA BAR SONG BA'I PHYIR TE, PHYI MA DNGOS SU MA BSTAN PAR SNGA MA DNGOS SU BSTAN PA'I PHYIR, DES NA DGONGS 'GREL GYIS SHER SNYING GI GZUGS MED CES SOGS KYIS NGES DON STONG NYID KHO NA GZHUNG BTZUGS NAS DNGOS BSTAN GTZO BOR BYED PAR BSTAN PA DANG, SHER SNYING DANG 'BUM GYI GZUGS MED CES PA'I MDO TSIG GNYIS LAS SNGA MA DRANG DON GYI MDOR 'GREL BA'I SHUGS LA PHYI MA NGES DON GYI MDOR GZHUNG BTZUGS PA LA BSHAD DO, ,RJE BTZUN PAS, DGONGS 'GREL GYIS NGES DON GYI MDOR GZHUNG @076B 'DZUGS RGYU RGYAS 'BRING BSDUS GSUM DANG, DRANG DON DU BSGRUB RGYU 'BUM GYI GZUGS MED CES SOGS KYI MDO TSIG DANG, GRUB DON GNYIS PA'I SKABS NAS DNGOS SU BSTAN PA'I MDOR DON DAM GYI KHYAD PAR MA SBYAR BA DANG, DNGOS SU SBYAR BA DANG, DNGOS SU MA SBYAR BA'I RIGS GSUM LAS, PHYI MA NI DGONGS PA BSTAN NAS NGES DON DU BSGRUB RGYU'I MDOR 'JOG KYANG, 'BUM DGONGS PA BSTAN NAS NGES DON DU BSGRUB RGYU MIN PA DANG, NGES DON GYI MDO YIN NA DGONGS PA BSTAN DGOS MIN PAS KHYAB PA DANG, 'BUM GYI GZUGS MED CES PA'I MDO TSIG SGRA JI BZHIN PA DGAG DGOS KYANG SGRA JI BZHIN PAR GZUNG DU MI RUNG BA'I MDO MIN PAR BSHAD DO, ,DE DAG LTAR NA 'KHOR LO BAR BA DANG DRI ZHUS KYI 'KHOR LO BAR PA 'DRA BAS SHER MDO RNAMS DE GNYI GAR KHAS LEN KYANG, PHAR PHYIN MTHA' DPYOD DU YUM RGYAS 'GRING BSDUS GSUM 'KHOR LO BAR BA YIN YANG DRI ZHUS KYI DE MIN PA DANG, DE'I NANG GI DON DAM GYI KHYAD PAR DON GYIS SBYAR BA DANG, SHER SNYING DANG TSUL BRGYA LNGA BCU PA SOGS 'KHOR LO BAR BA DANG DRI ZHUS DANG DGONGS 'GREL GYI BAR BA GSUM GA YIN PAR GSUNGS SO, ,DE LTAR NA DGAG BYA LA DON DAM GYI KHYAD PAR MA SBYAR BA DANG, DON GYIS SBYAR BA RNAMS DE GSUM GA DANG, SNGA MA DGONGS 'GREL GYIS DGONGS PA BSTAN NAS DRANG DON DU 'GREL RGYU DANG, GRUB DON GYI 'KHOR LO BAR BA DANG, PHYI MA DE GNYIS GANG YANG MIN PA DANG, NGES DON DU GZHUNG 'DZUGS RGYUR RGYAS @077A *, ,'BRING BSDUS GSUM 'JOG DGOS PAR MNGON NO, ,RGOL NGAN TSAR GCOD DU, DGONGS 'GREL GYIS SKYE 'GAG SOGS MED PA 'BUM GYI SKYE 'GAG SOGS MED CES PA'I SGRAS ZIN GYI DON DU 'DZIN PA BKAG NAS DE DAG DON DAM PAR NGO BO NYID MED PA DE'I SGRAS ZIN GYI DON DU BSTAN PA'I SGO NAS NGES DON GYI MDOR BSGRUBS PAR BSHAD PA'I DON TSE BRTAN LHA RAMS PAS BSHAD PA BZHIN SHES DGOS SHING, DE NYID GZHUNG GI DGONGS PAR YANG SON TO, , KHA CIG DNGOS BSTAN SGRA JI BZHIN PA DANG SGRAS ZIN SGRA JI BZHIN PA GNYIS KHYAD MED ZER BA MI 'THAD DE, GZHUNG LAS, CHOS RNAMS KYI SKYE BA SOGS LA SKABS GCIG TU SBYAR NA SKABS GZHAN DU YANG DON GYIS SBYAR ZIN PAS DNGOS SU MA SMOS PA DE DAG KYANG SGRA JI BZHIN PA YIN NO, ,ZHES 'BUM GYI GZHUNG TSIG DON DAM GYI KHYAD PAR DON GYIS SBYAR BA LTA BU YANG SGRA JI BZHIN PAR GSUNGS PA GANG, LHAG MTHONG LAS, MDO 'AM BSTAN BCOS DE'I SPYI LUGS GONG 'OG TU SMOS PA MI SBYOR BAR TSIG CUNG ZAD RE'I DO GDONG GI BSTAN TSOD SGRA JI BZHIN PAR GZUNG DU MI RUNG BAS NGES DON GYI GSUNG RAB YIN PA MI 'JIG LA, ZHES TSIG GI NGO GDONG NGAM SGRAS ZIN SGRA JI BZHIN PAR GZUNG DU MI RUNG BA'I NGES DON GYI GSUNG RAB YOD PAR GSUNGS PA'I PHYIR, KHYAB STE, DE LTA NA DGAG BYA LA DON DAM GYI KHYAD PAR DON GYIS SBYAR BA RNAMS DNGOS BSTAN SGRA JI BZHIN PA LAS 'OS MED PA'I PHYIR RO, ,TSE BRTAN LHA RAMS PAS SGRAS @077B ZIN TZAM SGRA JI BZHIN PA DANG, SGRAS ZIN SGRA JI BZHIN PA GNYIS LA KHYAD PHYE BA YANG SGO MANG YIG CHA'I MDOG BSGYUR BTZAM MO, ,KHO NA RE, SHER SNYING CHOS CAN, DNGOS BSTAN SGRA JI BZHIN PA'I MDO MA YIN PAR THAL, SGRAS ZIN SGRA JI BZHIN PA'I MDO MA YIN PA'I PHYIR NA MA KHYAB, 'BUM PA'I GZUGS MED CES PA'I MDO TSIG CHOS CAN, DNGOS BSTAN SGRA JI BZHIN PA'I MDO MA YIN PAR THAL, DON DAM GYI KHYAD PAR MA SBYAR BAR SGRA JI BZHIN DU GZUNG DU RUNG BA'I MDO MA YIN PA'I PHYIR NA MA KHYAB STE, LHAG MTHONG DRANGS MA THAG PA DE'I PHYIR, 'DOD MI NUS TE, NGES DON GYI MDO YIN PA'I PHYIR, YANG KHA CIG ,DE CHOS CAN, SGRA JI BZHIN PA'I MDO MA YIN PAR THAL, SGRA JI BZHIN PA'I RTOG PA BSAL DGOS PAR DBU MA SNANG BAR GSUNGS PA'I PHYIR NA MA KHYAB STE, DE YANG DGAG BYA'I KHYAD PAR MA SBYAR BAR SGRA JI BZHIN DU 'DZIN PA'I RTOG PA BSAL DGOS PA'I DON DU SNGAR BSHAD ZIN PA'I PHYIR, KHA CIG ,SHER SNYING CHOS CAN, DGAG BYA LA DON DAM GYI KHYAD PAR SBYAR BA'I MDO YIN PAR THAL, GZHUNG LAS, SHES RAB SNYING PO LTA BU MDO DE'I NANG DU DON DAM PA DANG BDEN PA'I KHYAD PAR GSAL BAR MA SBYAR, CES GSUNGS PA'I PHYIR, KHYAB STE, GSAL BAR ZHES PA'I TSIG NUS YOD PA'I PHYIR, 'DOD MI NUS TE, 'KHOR LO BAR BAR DGAG BYA LA DON DAM GYI KHYAD PAR SBYAR MA SBYAR GNYIS YOD PA GANG, SHER SNYING LTA BU DE LAM BZHAG NA DE'I MTSAN GZHI MI RNYED PA'I PHYIR, DANG PO GRUB STE, GZHUNG LAS, 'KHOR LO GNYIS PA GSUNGS PA DE LA @078A *, ,DGAG BYA LA DON DAM PA'I KHYAD PAR SBYAR BA DANG MA SBYAR BA GNYIS BYUNG, ZHES GSUNGS PA'I PHYIR ZER NA DPYAD DO, ,GZHUNG DU CHA PHYE NAS MDO'I DON DU 'JOG PAR GSUNGS PA'I DON LA, BLO GLING BAS, MDO GCIG GI BRJOD BYA LA CHA GNYIS YOD PA'I DON MIN PAR 'KHOR LO THA MAR DGONGS 'GREL LANG GSHEGS RGYAN STUG SOGS SEMS TZAM LTAR GYI MTSAN NYID GSUM GYI RNAM GZHAG STON PA DANG, MDO GZHAN DBU MA BA LTAR GYI DE STON PA GNYIS 'BYED PA'I DON DU BSHAD DE PHAR PHYIN ZUR MCHAN YANG 'DI'I RJES SU 'BRANGS SO, ,RJE BTZUN PAS, SEMS TZAM LTAR GYI DE 'PHAGS ZHUS SOGS KYI SGRAS ZIN TZAM DANG, DBU MA BA LTAR GYI DE DE DAG GI BSTAN BYA'I GTZO BOR 'JOG PA'I DON DU BSHAD PA DANG, GRUB MTHA' RTZA BA LAS, GTZO PHAL CHA GNYIS RIM BZHIN DBU SEMS LUGS, ,ZHES DBU MA'I DE DGONGS 'GREL GYI BSTAN BYA'I GTZO BO DANG SEMS TZAM GYI DE PHAL BAR 'JOG PAR GSUNGS PA DANG, PHAR PHYIN MTHA' DPYOD DU DGONGS 'GREL SOGS SU DBU MA'I DE GSUM GTZO BO DANG RNAM RIG PA'I DE GSUM ZHAR BYUNG DU BSTAN PAR GSUNGS PA GNAD 'DRA'O, ,KHA CIG ,YON TAN 'BYUNG GNAS KYI LE'US RNAM RIG PA'I DE GTZO BO DANG, DBU MA'I DE ZHAR BYUNG DU BSTAN PA'I DON DU BSHAD CING PHAR PHYIN ZHIB CHA YANG 'DI'I RJES SU 'BRANGS SHING PHAR PHYIN MTHA' DPYOD KYI DON YANG DE LTAR YIN PAR 'CHAD DO, ,DE LTAR NA DGONGS 'GREL DBU SEMS GNYIS KA'I MDOR 'DOD DAM BRTAG CING, MUN @078B SEL DU DGONGS 'GREL SOGS KYIS SKABS 'GAR DBU MA DANG SKABS 'GAR SEMS TZAM DANG MTHUN PAR BSTAN PA'I DON LA SBYAR NA 'GRIG PAR GSUNGS SO, ,KHO NA RE, RANG RGYUD PAS DRANG NGES PHYE BA DGONGS 'GREL GYI RJES SU 'BRANGS PA THAL; DES DE YUM MDO NGES DON GYI MDOR GZHUNG 'DZUGS PA'I BKA' DANG, LEGS PHYE'I CHOS 'KHOR DANG, DRANG NGES PHYE BA'I RANG GZHUNG DU 'DOD PA'I PHYIR NA MA KHYAB, DANG PO GRUB STE, DBU MA SNANG BA LAS, DE'I DON DU BCOM LDAN 'DAS KYIS; ZHES SOGS DANG, GZHUNG LAS, DGONGS 'GREL GYIS, NAS, YUM GYI MDO LA SOGS PA NGES PA'I DON YIN PA'I GZHUNG BTZUGS PAR 'CHAD DO, ,ZHES GSUNGS PA'I PHYIR, GNYIS PA GRUB STE, DBU MA SNANG BAR DGONGS 'GREL LANG GSHEGS RGYAN STUG RNAMS DE'I MTSAN GZHIR BZHAG PA DANG, PHAR PHYIN MTHA' DPYOD KYI BSHAD TSUL BKOD MA THAG PAS GRUB PA'I PHYIR, GSUM PA GRUB STE, GZHUNG LAS, MDO SDE KHA CIG LAS CHOS THAMS CAD NI NGO BO NYID MED PA MA SKYES PA ZHES SOGS GSUNGS PA NI DRANG DON YIN TE, ZHES SOGS KYI RTZOD LAN GYIS KYANG SHES PA'I PHYIR, RTZA BAR 'DOD MI NUS TE, DES DRANG NGES PHYE BA BLO GROS MI ZAD PA'I MDO'I RJES SU 'BRANGS PA'I PHYIR, RTOGS SLA, BLO GLING BAS DKA' 'GREL LTAR ZHI 'TSO YAB SRAS KYIS 'KHOR LO THA MA NGES DON GYI MDO DANG, RJE BTZUN GYIS DRANG DON GYI MDO DANG, SGO MANG LTAR NA NGES DON GYI MDO'I KHYAD PAR LA TSAD MA DANG BCAS PA ZHES PA BDEN GRUB LTA @079A *, ,BU'I DGAG BYA'I DON DAM MIN PAR TSAD MAS GRUB PA'I DON DAM STON DGOS PA LAS SGRAS ZIN GYI DON TSAD MAS GRUB PA MI DGOS PAS DGONGS 'GREL GYI 'KHOR LO THA MA LA NGES DON GYI MDOS KHYAB PAR BZHED PA 'DRA'O, , 'PHAGS SENG LUGS LA DGONGS 'GREL GYI DGONGS PA 'CHAD TSUL BLO GLING BAS ZHI 'TSO YAB SRAS DANG MTHUN TE, MI MTHUN NA 'DIR LOGS SU GSUNG RIGS PA LA DE MI 'BYUNG BA'I PHYIR ZHES 'DOD, RJE BTZUN PAS 'KHOR LO THA MA DRANG DON DU 'DOD PA ZHI 'TSO YAB SRAS DANG MTHUN YANG DE DAG GIS DGONGS 'GREL DBU MA'I GZHUNG DANG, 'PHAGS SENG GIS SEMS TZAM THUN MONG MIN PA'I GZHUNG DU BZHED PAR BSHAD, SNYING PO'I RGYAN DU DGONGS 'GREL MTSAN NYID LDEM DGONGS SU GSUNGS PA LA BRTEN NAS GUNG THANG SKABS DANG PO'I MCHAN DU DE THAL 'GYUR BA DANG MTHUN PAR GSUNGS PA LA, PHAR PHYIN ZUR MCHAN DU, 'PHAGS SENG GI GZHUNG RNAMS SU DE LTAR BSHAD PA'I KHUNGS YOD MED BTZAL DGOS SHING, GSER PHRENG DU, MTSAN NYID LDEM DGONGS RNAM RIG PA KHO NA'I 'DOD PAR GSUNGS PAS NA, 'PHAGS SENG GIS MTSAN NYID LDEM DGONGS BZHED MI BZHED KYANG DPYAD DGOS LA, KHA CIG GIS DE'I MTSAN GZHIR SHER MDO BZHAG PA SEMS TZAM PA KHO NA'I 'DOD PA YIN PA GSER 'PHRENG GI DGONGS PA YIN YANG MTSAN NYID LDEM DGONGS KHAS LEN PA DBU SEMS THUN MONG BA YIN ZER MKHAN YANG YOD PAR BSHAD DO, ,GZHUNG LAS, RNAL 'BYOR SPYOD PA BA DAG GIS JI @079B LTAR BKRAL BA MDO'I DON MIN, NAS, LEGS LDAN 'BYED KYIS PHYE BA ZHIB TU NI DBU MA SNANG BA LAS BSHAD, CES PA'I DON DBU MA SNANG BAR, MDO DON GTZO BO MIN PAR BSHAD PA DANG, DER MDO DON TZAM YANG MIN PAR BSHAD PA DANG, LEGS LDAN GYIS KYANG MDO DON TZAM DU BZHED PA DANG, RNAM RIG PAS GDUL BYA'I DBANG GIS CHA GNYIS MI 'BYED PAR BKRAL NA MDO'I DON MIN PAR BSHAD PA GANG YANG MIN PAR MDO DON MIN PAR 'CHAD MKHAN LEGS LDAN DANG, SROL NI LEGS LDAN GYIS PHYE BA'I RANG RGYUD PA'I SROL LA GO DGOS SO, ,DBU MA SNANG BA LAS BSHAD, CES PA'ANG DE 'DRA'I SROL LEGS LDAN GYIS PHYE BAR DBU MA SNANG BA LAS BSHAD CES PA'I DON DU BYED PA YOD KYANG, DE LTAR NA PHYE BAR ZHES 'BYUNG DGOS SHING, ZHIB TU ZHES GSUNGS DON YANG MED PAS LEGS LDAN GYIS PHYE BA'I DON DBU MA SNANG BA LAS ZHIB TU BSHAD PA'I DON DU BYA DGOS SO, ,BZHI BA DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA LA GNYIS, RIGS PA'I DGAG BYA NGOS GZUNG BA DANG, DE JI LTAR 'GOG PA'O, ,DANG PO LA GNYIS, DGAG BYA NGOS ZIN DGOS PA'I RGYU MTSAN DANG, DGAG BYA NGOS JI LTAR 'DZIN PA'I TSUL LO, ,DANG PO NI, GAL TE CHOS RNAMS, ZHES SOGS BYUNG, DE LA THA SNYAD DU RANG MTSAN GYIS GRUB PA 'DOD LA DON DAM PAR RANG MTSAN GYIS GRUB PA MI 'DOD NA, THA SNYAD DU RANG MTSAN GYIS GRUB PA TZAM MIN PA'I BDEN GRUB SOGS SU BRJOD PA'I DGAG BYA DE JI 'DRA ZHIG LA BYED SNYAM NA, @080A *, ,RIGS PA'I DGAG BYA'I GTZO BO NGOS GZUNG BA SHIN TU GAL CHE STE, DGAG BYA'I SPYI LEGS BOR MA SHAR NA DE BKAG PA PHYIN CI MA LOG PAR MI NGES PA'I PHYIR DANG, DGAG BYA NGOS MA ZIN NA RTAG CHAD KYI LTA BA GANG RUNG NGES PAR SKYED PA'I PHYIR, DANG PO GRUB STE, BDEN GRUB SOGS SU 'DZIN PA'I 'DZIN LUGS SAM DES JI 'DRA ZHIG TU BZUNG BA'I MED RGYU'I BDEN GRUB SOGS KYI SPYI BLO'I YUL DU JI LTA BA BZHIN MA SHAR BAR, BDEN GRUB SOGS MI SRID CES PA'I MING RNA BAR BYANG BA TZAM LA BRTEN NAS, BDEN GRUB SOGS LA GNOD BYED 'DI YOD DANG BDEN MED SOGS LA SGRUB BYED 'DI YOD CES MANG DU SMRAS KYANG DON LEGS POR GO NAS STONG BA'I NGO BO NGOS ZIN PA MI 'BYUNG BA'I PHYIR TE, SPYOD 'JUG LAS BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES GSUNGS PA'I PHYIR, GNYIS PA GRUB STE, DGAG BYA'I TSAD LEGS POR MA ZIN NA YANG NA DGAG MI DGOS PA YANG BKAG PAS MED MTHAR LHUNG NAS NGAN 'GROR 'KHRID PAR BYED, YANG NA DGAG BYA'I GNAD MTHAR THUG PA'I PHRA BA NAS MA KHEGS PAR LHAG MA LUS NAS YOD MTHAR LHUNG STE THAR PA MI 'THOB PA'I PHYIR, DE YANG LHAG MTHONG LAS, DE LA DGAG BYA'I MI 'DRA BA'I KHYAD PAR NI MTHA' YAS KYANG DGAG BYA MDOR BSDUS PA'I RTZA BA NAS BKAG NA DGAG BYA THAMS CAD KYANG KHEGS PAR 'GYUR RO, ,ZHES GSUNGS PA LTAR DGAG BYA RTZA BA NAS KHEGS PA GAL CHE ZHING, DE LA YANG BDEN 'DZIN LHAN SKYES DANG DES BZUNG BA LTAR GYI @080B BDEN GRUB NGOS ZIN PA GAL CHE STE, 'JUG PA'I RNAM BSHAD LAS, DE YANG GRUB MTHA' SMRA BAS 'PHRAL DU KUN BTAGS PA'I BDEN GRUB DANG BDEN 'DZIN NGOS ZIN PA TZAM GYIS MI CHOG PA'I PHYIR THOG MA MED PA NAS RJES SU ZHUGS PA GRUB MTHAS BLO BSGYUR MA BSGYUR GNYIS KA LA YOD PA'I LHAN SKYES KYI BDEN 'DZIN DANG DES BZUNG BA'I BDEN GRUB LEGS PAR NGOS ZIN PA NI GNAD SHIN TU CHE STE, DE NGOS MA ZIN PAR RAGS PA'I DGAG BYA BKAG KYANG THOG MA MED PA NAS ZHUGS PA'I BDEN ZHEN LA CI YANG MI GNOD PAS SKABS DON STOR BAR 'GYUR BA'I PHYIR RO, ,ZHES GSUNGS PA'I PHYIR, GNYIS PA LA GSUM, RTOG GE 'BAR BA LAS GSUNGS TSUL, DBU MA SNANG BA LAS GSUNGS TSUL, DE DAG GI GRUB DON BSTAN PA'O, ,DANG PO NI, DE YANG, SA LA SOGS PA ZHES SOGS BYUNG, DBU MA SNYING PO LAS, 'DIR NI SA LA SOGS PA DAG ,DON DAM PAR NI 'BYUNG BA YI, ,NGO BO NYID MIN ZHES SA SOGS DON DAM PAR 'BYUNG BA MIN PAR GSUNGS PA'I 'GREL BAR, SPYIR DON DAM PA ZHES PA LA BSHAD TSUL GSUM GSUNGS PA LAS, DON DANG DAM PA GNYIS KA YUL LA SBYAR BA NI, DON ZHES PA BRTAG PA DANG GO BAR BYA BA'I MING YIN TE, DON ZHES PA SHES BYA YIN PA'I PHYIR, THA TSIG CES PA THA SNYAD KYI TSIG DANG DON RANG RANG GI THAD KA THAD KA STON PA'I TSIG GNYIS KA LA BYA'O, ,DAM PA ZHES PA MCHOG GI MING DANG, DON DAM PA ZHES YUL LA GZHI MTHUN DU BSDU BA NI YUL CHOS NYID LA DON DAM PA ZHES BYA STE, @081A *, ,DE SHES PAR BYA BA'I DON MCHOG YIN PA'I PHYIR, DON YUL DANG DAM PA YUL CAN LA SBYAR BA NI, DON DAM PA ZHES PA DAM PA'I DON ZHES PA YIN TE, MNYAM GZHAG RNAM PAR MI RTOG PA'I YE SHES NI DAM PA STE MCHOG DANG; DE'I RNYED DON YONGS GRUB NI DON LA BYED PA'I PHYIR, GNYIS KA YUL CAN LA SBYAR BA NI, DON DAM PA ZHES PA DON DAM PA DANG MTHUN PA ZHES PA YIN TE, DON DAM PA STONG NYID MNGON SUM DU RTOGS PA'I YE SHES DANG RJES SU MTHUN PA'I DON DAM DPYOD PA'I THOS BSAM SGOM GSUM GYI RIGS SHES RTOG BCAS RNAMS LA DON DAM BDEN PA DE 'DZIN STANGS KYI YUL DU YOD PA'I PHYIR, DE'I SNGA MA GNYIS DGAG BYA NGOS 'DZIN GYI SKABS 'DIR BSHAD PA'I ZLA LA DRANGS PA LAS MKHO MI CHE YANG, PHYI MA NI SKABS 'DIR MKHO BA'I DON YIN TE, DBU MA BA DANG RANG SDE GZHAN GYIS DON DAM PAR YOD MED DPYOD PA'I GZHIR GYUR PA'I GZHAN DBANG DE DON DAM PAR MED CES PA'I DON NI, GZHI GZHAN DBANG DE DON DAM DPYOD PA'I RIGS SHES KYI DOR MED PA STE RIGS SHES DES MA GRUB PA LA BYED PA'I PHYIR TE, RTOG GE 'BAR BA LAS, 'O NA, DON DAM PA NI GANG DAG BLO THAMS CAD LAS 'DAS PA YIN LA, DNGOS PO'I NGO BO NYID DGAG PA NI YI GE'I YUL YIN PAS DE'I PHYIR DGAG PA MED PAR MI 'GYUR RAM ZHE NA, ZHES BRTZAD PA'I LAN DU, DON DAM PA NI RNAMS GNYIS TE, ZHES SOGS BYUNG STE, RTZOD TSUL NI, DNGOS PO'I NGO BO NYID DGAG PA MI SRID PAR THAL, DON DAM BDEN PA NI RTOG BCAS KYI @081B BLOS JI BZHIN BSAM PA LAS 'DAS LA, CHOS CAN GYI NGO BO NYID RIGS PAS DGAG PA DE TZAM NI MING TSIG GI YUL YIN PA'I PHYIR, ZHES PA STE, LAN DU, DE LA NYES PA MED DE, YUL CAN DON DAM PA GNYIS LAS GCIG NI DON SPYI BRGYUD DE YUL DU BYED PA'I MNGON PAR 'DU BYED PA MED PAR 'JUG PA, 'JIG RTEN LAS 'DAS PA'I 'PHAGS PA'I MNYAM GZHAG YIN PA, RANG GI NGO BO NYON MONGS PA'I DRI MAS BSLAD PA MED PAS ZAG PA MED PA, RANG GI NGOR GNYIS SNANG GI SPROS PA MED PA'O, ,GNYIS PA NI MNGON PAR 'DU BYED PA'AM RTOG PA DANG BCAS PAR 'JUG PA, MNYAM GZHAG SKABS KYI TSOGS GNYIS KYI RJES SU MTHUN PA, MTHONG SPANG GIS DAG PA, 'JIG RTEN PA'AM THA SNYAD PA'I YE SHES RANG GI NGOR SPROS PA DANG BCAS PA STE, DON DAM PAR MED CES BRJOD PA'I SKABS 'DIR NI RJES THOB PA'I RGYUD KYI RIGS SHES RTOG BCAS DE, SA CHOS CAN, DON DAM PAR SRA BA'I NGO BO NYID MA YIN TE, 'BYUNG BA YIN PA'I PHYIR, CHU BZHIN ZHES PA'I DAM BCA'I KHYAD PAR NYID DU BZUNG BA'I PHYIR, ZHES BSHAD DO, ,LHAG MTHONG MCHAN DU, TSOGS GNYIS KYIS SBYANGS PAS DE GNYIS DANG RJES SU MTHUN PA DANG, 'KHRUL SNANG ZIL GYIS GNON PAS DAG PA ZHES 'BYUNG LA, 'PHAGS PA'I RJES THOB YE SHES SU MA ZAD, DON DAM DPYOD PA'I RIGS SHES RTOG BCAS KYANG DON DAM DU GRUB MA GRUB DPYOD PA'I DON DAM DU 'DOD DGOS SHING, SLOB DPON 'DI'I SOGS KYI TSIG DON GO SLA'O, ` ,SPRO NA, DON DAM GYI BSHAD TSUL GSUM PAR BLO @082A *, ,GLING PHAR MCHAN DU, DON DAM PA RTOGS PA'I SHES RAB LA DON DAM PA ZHES YUL GYI MING YUL CAN LA BTAGS ZHES BSHAD PA DBU MA SNANG BA LAS, YANG DAG PA'I DON THOS PA DANG BSAMS PA DANG BSGOMS PA LAS BYUNG BA'I SHES PA THAMS CAD NI PHYIN CI MA LOG PA'I YUL CAN YIN PA'I PHYIR DON DAM PA ZHES BYA, ZHES DANG, GZHUNG LAS, SHES RAB GSUM NI YUL DON DAM MA YIN PAS DON DAM DU BTAGS NAS BSHAD, CES PA DANG MTHUN ZHING, BDEN GNYIS DANG GRUB MCHAN DU, RIGS SHES RTOG BCAS RNAMS STONG NYID RTOGS PAS DAM PA DANG, SGRIB PA SPONG 'DOD KYIS DON DU GNYER BYA YIN PAS DON TE DON DAM PA ZHES BYA BAR BSHAD DO, ,RTOG GE 'BAR BA'I RTZOD LAN 'GOD TSUL SDAR PRA STI LTAR BSHAD KYANG, LHAG MTHONG DKA' 'GREL LAS, DON DAM BDEN PA BLO'I YUL LAS 'DAS PAR BSHAD PA DANG, RIGS SHES KYIS DPYAD PA'I NGOR MED PAS DON DAM PAR MED PA'I DON DU BSHAD PA GNYIS NANG 'GAL BAR SNANG STE, DON DAM BDEN PA GTAN MED DU THAL, BLO'I YUL MIN PA'I PHYIR, YANG NA, DON DAM BDEN PA DE GNYIS SNANG CAN GYI THA SNYAD PA'I BLO'I YUL DU THAL, BDEN GRUB KYI NGO BO NYID DGAG PA YI GE'I YUL LAM SGRA RTOG GI NGOR 'JOG PA'I PHYIR, ZHES RTZOD PA GNYIS SU MDZAD DO, ,GZHUNG LAS; DBU MA BA DANG GZHAN DAG YOD MED DPYOD PA'I GZHI DE DON DAM PAR MED CES PA'I DON NI GZHI DE DON DAM DPYOD PA'I RIGS NGOR MED PA STE DES MA GRUB, CES DANG, LAM RIM LAS, DE LA DON DAM PAR MED CES PA'I DON NI YIN @082B TSUL LA JI LTAR YIN TSUL BZHIN DU DPYOD PA'I RIGS PAS RNAM PAR DPYAD NA DES YOD PAR MA GRUB PA LA BYED PA NI SLOB DPON 'DI THAMS CAD MTHUN PA YIN NO, ,ZHES DANG, 'JUG PA'I RNAM BSHAD LAS, RIGS SHES LA DON DAM DU BYAS NAS DES SNGAR BSHAD PA LTAR MA GRUB PA ZHIG DANG, ZHES SGRAS ZIN LA DON DAM DPYOD PA'I RIGS SHES KYI NGOR MED PA LA DON DAM DU MED PAR GSUNGS PA LA, STONG THUN LAS, DE YANG BDEN PAR GRUB NA DE KHO NA NYID DPYOD PA'I RIGS SHES KYI NGOR GRUB DGOS TE, BDEN PAR GRUB NA GNAS LUGS SU GRUB DGOS PA'I PHYIR RO, ,NAS, CHOS NYID RIGS SHES KYI NGO NA YOD PAS GNAS LUGS SU GRUB PAR SONG YANG, GNAS LUGS SU GRUB PA TZAM GYIS BDEN GRUB TU 'GRO MI DGOS PA'I PHYIR RO, ,ZHES BDEN PAR GRUB NA DON DAM DPYOD PA'I RIGS SHES KYI NGOR GRUB DGOS KYANG, RIGS SHES KYI NGOR GRUB NA BDEN PAR GRUB MI DGOS PAS, MYU GU DON DAM DPYOD PA'I RIGS SHES KYI NGOR MED PAS MYU GU DON DAM PAR MED PAR 'JOG NUS KYANG, CHOS NYID DON DAM DPYOD PA'I RIGS SHES KYI NGOR YOD PAS CHOS NYID DON DAM DU GRUB PAR MI 'JOG TSUL RGYU MTSAN DANG BCAS GSUNGS TE DGONGS PA BKRAL CING, LCANG SKYA'I GRUB MTHA' DANG; CHOS RJE'I BDEN GNYIS SU YANG DE LTAR BYAS SO, ,DE LA PHAR PHYIN ZUR MCHAN DU, RIGS SHES KYI NGOR MED PA DON DAM PAR MED PA'I DON DU BYAS NA STONG TSUL DES CHOS KUN LA MA KHYAB PAS NYI TSE BA'I STONG BAR 'GYUR BA DANG, @083A *, ,DON DAM PAR MED CES PA'I DON DAM PA LA RIGS SHES RTOG BCAS LAS RTOG MED MA BZHAG PA'I RGYU MTSAN MI RNYED PAR 'GYUR BA DANG, GRUB MCHAN DU, DE LTA NA STONG NYID BDEN GRUB TU 'GYUR BA DANG, RIGS SHES RTOG MED NI DON DAM PAR MED CES PA'I DON DAM PA'I KHYAD PAR DU SBYOR MI RUNG BAR GSUNGS PA MI 'THAD PAR 'GYUR ZHES STONG THUN GYI SGRAS ZIN BKAG NAS DON DAM DPYOD PA'I RIGS SHES KYIS DPYAD TSUL LTAR GRUB PA'AM DES DPYAD BZOD DU GRUB PA DON DAM PAR GRUB PA'I DON DU BYA DGOS PAR BSHAD DO, ,ZUR MCHAN LAS, DBU SEMS YOD MED DPYOD PA'I GZHI GZHAN DBANG LTA BU DON DAM DPYOD PA'I RIGS NGO NA MED PA DE GZHAN DBANG DE DON DAM PAR MED PA'I DON DU BSHAD PA TZAM YIN GYI, 'JOG TSUL DANG PO'I DON DAM PAR MED PA'I DON DE LTAR YIN PAR BSHAD PA MA YIN PA'I PHYIR, ZHES GZHUNG 'DI DANG, STONG THUN LAS, DE KHO NA NYID DPYOD PA'I THOS BSAM SGOM GSUM GYI RIGS SHES LA DON DAM DU BYAS NAS DE'I NGOR MED PA LA DON DAM DU MED CES BZHAG PA ZHIG DANG, ZHES PA'I DON MTHUN PAR BKRAL BA LTAR MUN SEL DU YANG, DGAG BYA LA DON DAM GYI KHYAD PAR SBYAR BA'I DON DAM 'JOG TSUL DANG PO LTAR NA 'DUS BYAS RNAMS RTZOD GZHIR BZUNG TSE RIGS SHES KYI NGOR YOD PA DON DAM PAR GRUB PA DANG, DE'I NGOR MED PA DON DAM PAR MED PA'I TSAD DANG, STONG NYID SOGS CHOS CAN DU BZUNG NA 'JOG TSUL DANG PO LTAR DON DAM PAR MED @083B PA BSHAD DU MED PAR GSUNGS SHING, LHAG MTHONG DKA' 'GREL DU, DON DAM PAR MED CES PA'I DON DAM LA 'PHAGS PA'I MNYAM GZHAG YE SHES 'JOG PA, RTZA SHE'I MCHOD BRJOD DU 'GAG SOGS BRGYAD MNYAM GZHAG GI NGOR MED PA RTEN 'BYUNG GI DE KHO NA NYID DU BSTAN PA DANG, DBU MA SNANG BA SNGAR DRANGS PAS SHES SHING, LAM RIM LAS, DON DAM PA NI PHYI MA DE YIN TE, ZHES DANG, GZHUNG LAS, PHYI MA NI SKABS KYI DON YIN, ZHES GSUNGS PA MNYAM GZHAG GIS GZIGS TSUL GO DKA' BA DANG RIG LA SHES RTOG BCAS LA SBYAR NA 'CHAR SLA BAS, LAS DANG PO BA LTAS GSAR DU 'TSOL BA'I SKABS SU CHOS CAN GYI YIN TSUL DPYOD PA'I RIGS SHES KYIS DPYAD PA'I NGOR CHOS CAN DE MED PA NGES SU GZHUG SLA BA LA DGONGS PA DANG, DE LA SBYAR NA SKABS KYI RTZOD LAN DU 'BREL CHAGS PA'I RGYU MTSAN GYIS YIN PAR GSUNGS SO, ,DPAL LDAN CHOS RJE SOGS LTAR NA, 'JUG PA'I RNAM BSHAD LAS, 'DI MA PHYED PAR DGAG BYA'I TSAD 'DZIN RIGS PAS DPYAD BZOD DANG DPYAD BZOD KYI DNGOS PO LA 'DZIN PA MANG DU BYUNG ZHING, DE LA BRTEN NAS DON DAM BDEN PA GZHI MA GRUB PA DANG BDEN GRUB TU 'DOD PA'I NOR BA MANG DU BYUNG SNANG NGO, ,ZHES DANG, GZHUNG LAS, DES NA BDEN 'DZIN GYI YUL DER GRUB NA MTHAR THUG DPYOD PA'I RIGS PAS DPYAD BZOD DANG CHA MED KYI DNGOS PO DANG RANG BZHIN KHYAD PAR GSUM LDAN SOGS SU YOD PAR 'GYUR RO ZHES 'PHEN NUS KYI, DE DAG TU 'DZIN PA BDEN 'DZIN GYI DON MIN TE, ZHES GSUNGS @084A *, ,PAS MI GNOD DE, DE DAG GI DON NI LHAN SKYES KYI 'DZIN TSUL DANG MTHUN PA'I DGAG BYA'I TSAD 'DZIN DE DAG LA BYED MI RUNG BA'I DON YIN PA, 'JUG PA'I RNAM BSHAD KYI LUNG DE'I GONG DU, SNGA MA'I YOD 'DZIN NI LHAN SKYES KYI BDEN 'DZIN MIN LA DE'I BDEN 'DZIN LA NI PHYI MA'I YOD 'DZIN DGOS SO, ,ZHES DANG, GZHUNG LAS, SNGAR BSHAD PA'I BDEN 'DZIN DE NI 'DI BA'I LUGS KYI LHAN SKYES KYI BDEN 'DZIN YIN LA, BRDA MI SHES PA'I SEMS CAN LA YANG DE DAG GI MING DON SBYOR BA'I TSUL GYIS 'DZIN PA MED KYANG DON YOD DO, ,ZHES GSUNGS PA RNAMS DANG SBREL NA RTOGS SLA BA'I PHYIR ZHES 'CHAD NUS SO, ,STONG THUN LAS, GNAS LUGS SU GRUB KYANG BDEN PAR GRUB MI DGOS, ZHES DANG, CHOS NYID RIGS SHES KYI DON YOD PAS GNAS LUGS SU GRUB PAR SONG YANG, GNAS LUGS SU GRUB PA TZAM GYIS BDEN GRUB TU 'GRO MI DGOS, ZHES GSUNGS PA LA, PHAR PHYIN ZUR MCHAN LAS, 'DI NI CHOS NYID GNAS LUGS YIN PA TZAM LA DGONGS PAR 'DOD DGOS KYI, TSIG ZIN LTAR DU KHAS LEN MI RUNG BA'I PHYIR TE, GNAS LUGS SU GRUB NA BDEN PAR GRUB PAS KHYAB PA'I PHYIR TE, GSHIS LUGS SU GRUB NA BDEN PAR GRUB PAS KHYAB PA'I PHYIR TE, STONG NYID GSHIS LUGS SOGS YIN YANG GSHIS LUGS SOGS SU MA GRUB PAR RTZA SHE'I t'IK CHEN LAS GSUNGS PA'I PHYIR, ZHES BSHAD DO, ,DE LA t'IK CHEN DU GSUNGS PA THAL 'GYUR BA DANG, STONG THUN DU GSUNGS @084B PA RANG RGYUD PA'I LUGS SU SMRA MI NUS TE, CHOS NYID DANG MYU GU LA BDEN PA YIN MIN GYI KHYAD YOD KYANG BDEN PAR MA GRUB PAR THAL RANG GNYIGS 'DOD PA'I PHYIR, RTZA SHE'I t'IK CHEN LAS, GSHIS LUGS YIN PA RIGS SHES KYIS DGAG NUS PAS GSHIS LUGS LA GRUB PA MIN NO, ,ZHES DANG, 'JUG PA'I RNAM BSHAD LAS, 'DI LEGS PAR SHES NA GSHIS LUGS LA DANG, DON DAM DU MED ZER BA DANG, YANG CHOS NYID YOD PAR 'DOD CING DE NYID GSHIS LUGS DANG DON DAM YIN PAR SMRA BA MI 'GAL BA'I GNAD RNAMS SHES PAR 'GYUR RO, ,ZHES GSUNGS PA LA BRTEN NAS GSHIS LUGS LA DANG GNAS LUGS LA GRUB PA MED KYANG, DRANGS MA THAG PA'I STONG THUN LA BRTEN NAS GSHIS LUGS SU DANG GNAS LUGS SU GRUB PA YOD CES SMRA BA YANG MI RUNG STE, DU LA SOGS PA LA DANG MTHUN, ,ZHES GSUNGS SHING, t'IK CHEN DU YANG GSHIS LUGS LA DANG GSHIS LUGS SU GRUB PA KHYAD MED DU MDZAD PA GLEGS BAM BKLAGS PAS SHES PA'I PHYIR, DES NA MYU GU'I CHOS NYID DON DAM PAR MA GRUB PAS GSHIS LUGS SU GRUB PA MIN YANG, DE MYU GU'I GSHIS LUGS SU GRUB PA YIN TE, t'I KA CHEN LAS, MYU GU'I SKYE BA DON DAM PAR MED PA DE MYU GU'I DON DAM DANG MYU GU'I YIN LUGS SU GRUB ZIN PAS, ZHES GSUNGS PA'I PHYIR, STONG THUN LAS GSUNGS PA NI CHOS GANG YANG RUNG BA ZHIG GI GNAS LUGS SU GRUB KYANG BDEN PAR RAM GNAS LUGS SU GRUB MI DGOS ZHES PA DANG, MYU GU LTA BU'I CHOS NYID DE'I CHOS CAN LA DPYOD @085A *, ,PA'I RIGS SHES KYI DON YOD PAS CHOS CAN DE'I GNAS LUGS SU GRUB KYANG, CHOS GANG YANG RUNG BA'I GNAS LUGS SU GRUB PA TZAM GYIS BDEN GRUB TU 'GRO MI DGOS PAR GSUNGS PA'I DON DU 'GREL BA 'DI NI BDAG GI BLA MA 'JAM PA'I DBYANGS KYIS RJE YAB SRAS GNYIS KA'I LEGS BSHAD KYI DGONGS PA DPYIS PHYIN PAR BKRAL BA YIN PAS DE LTAR BSHAD PAR BYA'O, ,GZHUNG DU YE SHES SNYING PO'I BDEN GNYIS SKOR NAS DGAG BYA GSAL BAR NGOS BZUNG BA MED PAR GSUNGS PA LA, GZHAN PHYOGS PA DAG GIS, DE MI 'THAD DE, BDEN GNYIS LAS, JI LTAR SNANG BA 'DI KHO NA, ,KUN RDZOB GZHAN NI CIG SHOS YIN, ,ZHES PAS KUN RDZOB DANG DON DAM DU GRUB TSUL GNYI GA BSTAN PA'I PHYIR ZER ZHING, RJE BTZUN DBU MAR YANG, JI LTAR SNANG BA 'DI KHO NA, ,NAS, 'DI LA DPYAD PA MI 'JUG GO ,ZHES SOGS BDEN GNYIS KYI GZHUNG LAS CHES GSAL BAR BSHAD PA DANG, RJE DRUNG DBU MA LAS; DES NA BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS GRUB PA DON DAM DPYOD BYED KYI RTAGS KYIS DGAG BYA'I CHOS SU 'DOD PA YIN TE, BDEN GNYIS LAS, JI LTAR SNANG BA 'DI KHO NA, ,NAS, GZHAN DU SONG BAS GNOD PAR 'GYUR, ,ZHES PA'I DON MTHAR THUG PA'O, ,ZHES GZHAN PHYOGS LA BDEN KHA BYIN PA 'DRA BA ZHIG MDZAD CING, PHYI RABS KYI RANG LUGS PA 'GAS DE DPYAD BYAR BYAS SO, ,DE DAG LA, DBU MA'I MTHA' @085B DPYOD DU BA LANG RDZI SOGS GROL ZIN PA DANG, DE DAG GIS DBU MA'I LTA BA RNYED ZIN PA DANG, GZHUNG DE BDEN GNYIS NGOS 'DZIN GYI GZHUNG MIN PAR THAL BA RNAMS KYIS BKAG CING, BDEN GNYIS SU, BDEN GNYIS RNAM DBYE SHES PA DAG , SOGS TSIGS BCAD GCIG GIS BDEN GNYIS SHES PA'I DGOS PA DANG, KUN RDZOB DANG NI DAM PA'I DON, ,SOGS RKANG PA GNYIS KYIS DE GSUNGS TSUL DANG, JI LTAR SNANG BA 'DI KHO NA, ,SOGS RKANG PA GNYIS KYIS BDEN GNYIS KYI NGO BO NGOS 'DZIN BSTAN TO, ,DE YANG, JI LTAR SNANG BA 'DI KHO NA, ,KUN RDZOB CES PAS THA SNYAD TSAD MAR YUL GYI GNAS TSOD DANG MTHUN PAR JI LTAR SNANG ZHING MTHONG BA 'DI KHO NA KUN RDZOB BDEN PA YIN ZHES KUN RDZOB BDEN PA'I MTSAN NYID DANG, GZHAN NI CIG SHOS YIN, ,ZHES PAS DE LAS GZHAN RIGS SHES KYIS RNYED PA'AM GRUB PA'I DON NI CIG SHOS DON DAM BDEN PA YIN ZHES DON DAM BDEN PA'I MTSAN NYID BSTAN PA LAS, RTAGS KYI DGAG BYA'I BDEN TSAD STON PA MIN NO, ,DE SKAD DU BDEN GNYIS RANG 'GREL LAS, JI LTAR SNANG BA 'DI KHO NA, ,KUN RDZOB GZHAN NI CIG SHOS YIN, ,DON DAM PA'I BDEN PA ZHES BYA BA'I THA TSIG GO ,JI LTAR BA LANG RDZI MO LA SOGS PA YAN CHAD KYIS MTHONG BA DE LTAR KUN RDZOB TU BDEN PA RNAM PAR GNAS BYI, ZHES DANG, DE'I 'GREL BSHAD PAS, BDEN PA GNYIS RNAM PAR DBYE BA'I DON KYANG BYA'O ZHES STON PA LA, JI LTAR SNANG BA 'DI KHO NA, ,ZHES PA BSNAN PA NI @086A *, ,RIGS PA JI LTA BA BZHIN DU MA YIN NO, ,ZHES BSTAN PA'I PHYIR RO, ,KUN RDZOB SMOS PA NI KUN RDZOB KYI BDEN PA STE TSIG THA MA KHONG NAS DBYUNG BA'I PHYIR RO, ,GZHAN NI ZHES BYA BA NI JI LTAR SNANG BA LAS GZHAN PA'O, ,DE'I PHYIR 'DIS NI RIGS PA JI LTA BA BZHIN NYID NI DON DAM PA'I BDEN PA'O ZHES STON TO, ,ZHES GSUNGS PA'I PHYIR, KHA CIG ,JI LTAR SNANG BA 'DI KHO NA, ,ZHES SOGS KYIS DON DAM PAR GRUB TSAD BSTAN PA MA YIN YANG, JI LTAR SNANG BZHIN NGO BO'I PHYIR, ,ZHES PA'I RKANG PA GNYIS KYIS DON DAM PAR GRUB TSAD BSTAN ZER BA YANG MI 'THAD PAR THAL, DE'I DON NI KUN RDZOB BDEN PA LA DON DAM GYI DPYAD PA MI 'JUG CES PA'I DON YIN PA'I PHYIR TE, BDEN GNYIS RANG 'GREL LAS; CI STE KUN RDZOB NI JI LTAR SNANG BA BZHIN YIN TE DE LA NI JI SKAD BSHAD PA'I DPYAD PA'I GNAS MED PA NYID DO, ,ZHES GSUNGS PA'I PHYIR, ZAB GSAL SGRON MER, RJE BTZUN DBU MAR LUNG DES DGAG BYA NGOS 'DZIN GSAL BAR BSHAD CES GSUNGS PA DGAG BYA NGOS 'DZIN LA BKRAL KYANG MI RUNG BA MED PA 'DRA STE, DPER NA RTZA SHE'I RAB BYED NYER GCIG PA LAS, 'DOD CHAGS ZHE SDANG GTI MUG NI, ,KUN TU RTOG LAS BYUNG BA STE, ,ZHES SOGS KYI TSIGS BCAD SANGS RGYAS BSKYANG DANG LEGS LDAN GNYIS KAS DUG GSUM RGYU LAS BYUNG BAS BDEN PAR YOD CES SMRA BA'I PHYOGS SNGA'I GZHUNG DU BKRAL LA, ZLA BAS DUG GSUM RANG NGOS NAS YOD PAR SMRA BA'I PHYOGS SNGA KHONG NAS @086B BTON TE, DE 'GOG BYED KYI RANG GZHUNG DU BKRAL KYANG DE DAG PHAN TSUN GCIG LA BRTEN NAS GCIG 'GOG MI NUS PA LTA BU'O, ,ZHES KYANG BSHAD DO, ,GNYIS PA LA GSUM, DON DAM PA RIGS SHES DANG DE KHO NA NYID LA BYED TSUL, YANG DAG PA RIGS SHES DANG DE KHO NA NYID LA BYED TSUL, BLO GNOD MED LA MA LTOS PA LA DON DAM DANG YANG DAG TU BYED TSUL LO, ,DANG PO NI, DBU MA SNANG BA LAS, ZHES SOGS BYUNG, DE LA DBU MA SNANG BA'I, 'DI'I DON DAM PA YIN PA'I PHYIR RO, ,YAN GYIS SHES RAB GSUM NI DON DAM YUL DU BYED PAS DON DAM DU BTAGS NAS BSTAN PA DANG, DE MAN GYIS YANG DAG PA'I SHES PAS SKYE BAR MA GRUB PAS DE'I BSAM PA'I DBANG GIS MA SKYES PAR BSHAD DE, GZHUNG DU DRANGS PA'I LUNG GI MGOR, GANG YANG DON DAM PAR SKYE BA MED CES BYA BA LA SOGS PA SMRAS PA DE LA'ANG DON NI 'DI YIN PAR 'DOD DE, ZHES 'BYUNG BAS DE DANG BCAS PA'I DBU MA SNANG BA'I LUNG DON NI, GANG GIS DON DAM PAR SKYE 'GAG MED CES SMRAS PA DE LA'ANG DON NI 'DI LTAR YIN PAR 'DOD DE, DE YANG DE KHO NA NYID NGES PA'I SHES RAB GSUM PO CHOS CAN, DON DAM PA ZHES BYA STE, DON DAM PAR SKYE 'GAG MED CES PA'I SKABS 'DI'I DON DAM PA YIN PA'I PHYIR TE, PHYIN CI MA LOG PA STE YUL DON DAM PA'I YUL CAN YIN PA'I PHYIR, SHES RAB DE GSUM LA MNGON SUM DANG BRGYUD PA'I KHYAD PAR YOD DE, YANG DAG PA'I SHES PA DE DAG GI BSAM PA'AM DPYAD STOBS KYIS DNGOS PO 'DI DAG DON @087A *, ,DAM PAR MA SKYES PAR MNGON SUM DU SHES PA'I MNYAM GZHAG DANG, DON SPYI BRGYUD PAS YUL DU BYED PA'I RJES DPAG GNYIS YOD PA'I PHYIR, DES NA DON DAM PAR SKYE BA MED ZER BA 'DI DAG YANG DAG PA'I SHES PAS SKYE BAR MA GRUB CES MKHAS PAS BSHAD PAR 'GYUR, ZHES PA'O, ,YANG DE NYID LAS, CHOS DANG GANG ZAG LA BDAG MED PA'I MTSAN NYID KYI NGO BO DE KHO NA NYID NI RIGS PA DANG LDAN PAS DAM PA YIN ZHING DON YANG DE YIN TE, DON DU GNYER BA RNAMS KYIS SGRIB PA SPANG BAR BYA BA'I CHED DU DON DU GNYER BAR BYA BA YIN PA'I PHYIR DANG, YE SHES DAM PA PHYIN CI MA LOG PA'I DON TE YUL YIN PA'I PHYIR DON DAM PA ZHES BYA'O, ,ZHES BDAG MED GNYIS NI CHOS KYI BDAG MED DNGOS SU SGRUB PA GCIG DU BRAL LTA BU DANG, BRGYUD NAS SGRUB PA RDUL CHA MED 'GOG PA SOGS RIGS PA DANG LDAN PAS NA DAM PA DANG, SGRIB PA SPONG 'DOD PAS RANG GIS RTOGS PAR BYA BA'I CHED DU DON DU GNYER BAR BYA BA DANG, YE SHES DAM PA PHYIN CI MA LOG PA'I YUL YIN PAS NA DON TE DON DAM MTSAN NYID PAR BSHAD DO, ,GNYIS PA NI, DE BZHIN DU, ZHES SOGS BYUNG, DBU MA RGYAN GYI 'GREL BSHAD LAS, YANG NA YANG DAG PA'I SHES PA KHO NA YANG DAG PA LA SOGS PA'I SGRAR BRJOD DE, DE'I DMIGS PA YIN PA'I PHYIR RO, ,YANG DAG PA'I SHES PA'I BSAM PA'I DBANG GIS RANG BZHIN MED PA YIN GYI, KUN RDZOB KYI SHES PA'I DBANG GIS NA MA YIN NO ZHES BYA BA'I THA TSIG GO ,ZHES YANG @087B DAG PA ZHES PA YANG DON DAM DPYOD PA'I RIGS SHES LA BYAS NAS DES RNAM PAR DPYAD PA'I DBANG GIS DON DAM PAR GRUB PA'I RANG BZHIN MED PA YIN GYI, KUN RDZOB DPYOD BYED THA SNYAD PA'I SHES PAS RNAM PAR DPYAD PA'I DBANG GIS MIN PA DANG, YANG DE NYID LAS, 'O NA JI LTAR RANG BZHIN MED PA YIN SNYAM PA LA, YANG DAG PAR NA ZHES BYA BA SMROS TE, YANG DAG PA ZHES BYA BA'I SGRAS NI DNGOS PO'I STOBS KYIS ZHUGS PA'I RJES SU DPAG PAS RJES SU DPAG PAR BYA BA DE KHO NA NYID KYI NGO BO LA BYA STE, DE KHO NA NYID KYIS RNAM PAR DPYAD NA STONG ZHES BYA BA'I THA TSIG GO ,ZHES YANG NA YANG DAG PA ZHES PA RJES DPAG GI RTOGS BYA'I DE KHO NA NYID KYI NGO BO LA BYAS NAS CHOS KUN RANG RANG GI DE KHO NA NYID DMAG NAS LUGS SU GRUB MA GRUB DPYAD NA DER GRUB PA MED PAR BSHAD DO, ,DE KHO NA NYID KYIS ZHES BYED TSIG BYA NA GNAS LUGS SU GRUB PAS STONG MI STONG DPYAD NA STONG ZHES PA'I DON LA LHAG MTHONG DKA' 'GREL DU GSUNGS SO, ,DNGOS PO RNAMS DE KHO NA NYID DU MA SKYES PA LA DON DAM PAR SKYE BA MED PA ZHES KYANG BYA STE, DE LA DNGOS PO RNAMS DE KHO NA NYID DU MA THUB CES STON PA'I PHYIR, KHYAB STE, DNGOS PO RNAMS DE KHO NA NYID DU SKYE NA DE LTAR SKYE BA DE DNGOS PO'I DON DAM MAM DE KHO NA NYID 'JAL BA'I BLOS 'GRUB DGOS KYANG, DES MA GRUB PA'I PHYIR, ` SPRO NA, DBU MA SNANG BA'I LUNG LHAG MTHONG CHE CHUNG DU DRANGS PAR, YANG DAG PA'I RBOS PA, ZHES 'BYUNG ZHING, PHYIN CI MA LOG PA'I YUL CAN ZHES PA LHAG MTHONG MCHAN DU, YUL DON DAM PA 'JOG PA LA MI 'KHRUL BA'I YUL CAN DU @088A *, ,BSHAD PA, GZHUNG LAS, YUL DON DAM YIN PAS, ZHES PA'I SGRAS ZIN DANG MI MTHUN NO, ,'DI'I DON DAM PA YIN PA'I PHYIR ZHES PA LA MCHAN DES, DON DAM PA NI YANG DAG PA'I SHES PA'I YUL GYI DON DAM PA YIN PAS YUL CAN LA YUL GYI SGO NAS MING BTAGS PAR BSHAD KYANG, LHAG MTHONG DKA' 'GREL LAS, YUL DON DAM PA 'DI'I YUL CAN YIN ZHES PA STE, ZHES YUL DON DAM PA'I YUL CAN YIN PA LA MDZAD NAS, DE NYID PHYIN CI MA LOG PA'I YUL YIN PA'I PHYIR ZHES PA DANG DON 'DRA BAR MDZAD DO, ,MNGON SUM DANG BRGYUD PA'I DON LA MCHAN DES, DNGOS SUN SHES PA DE DAG GI YUL DON DAM PA DE NYID KYIS MA BSKYED PA DANG, BRGYUD NAS YANG DAG PA'I SHES PAS SKYE BA BCAD CING BTZAL BSAM GRUB PAR BSHAD PA MI BDE ZHING, PRA STI'I DRANG NGES RGYAS PAR, CHOS NYID MNGON SUM DANG DON SPYI'I TSUL GYIS RTOGS PA GNYIS LA SBYAR NAS BRGYUD TSUL RJES DPAG RTEN RTAGS DANG, RTOG PA DON SPYIS BRGYUD PA GNYIS LAS PHYI MA GTZO BAR BSHAD DO, ,MNGON SUM DU RTOGS PA'I ZLAS DRANGS PA'I DON SPYI BRGYUD PA YANG DNGOS BRGYUD KYI BRGYUD PA MIN PAS 'DI'I BRGYUD PA ZHES PA LA DE DGOS KYANG DE LA DNGOS SU RTOGS PA'I ZLAS DRANGS PA'I RNAM PA MA SHAR BAR RTOGS PA DANG, MNGON SUM DU RTOGS PA'I ZLAS DRANGS PA'I DON SPYI BRGYUD DE RTOGS PA GNYIS LAS PHYI MAR NGOS 'DZIN DGOS PAS, LHAG MTHONG DKA' 'GREL DU, 'DI'I BRGYUD PA ZHES PA DNGOS BRGYUD KYI NANG TSAN LA MI ZER GSUNGS PA'ANG DNGOS @088B SU DANG BRGYUD NAS RTOGS PA ZHES PA'I PHYI MA LA MI ZER ZHES PA'I DON NO, ,DBU MA SNANG BA'I THOB TSOD LTAR NA, DES NA 'DI SKAD DU, SOGS DON BSDU LTA BUR SNANG ZHING, PHYI 'GREL DU, YANG DAG PA'I SHES PAS SKYE BAR MA GRUB PAS, ZHES PA DBU MA SNANG BA'I GZHUNG TSIG DE DANG, DE'I BSAM PA'I DBANG GIS MA SKYES PAR BSHAD CING, ZHES PA, DE DAG GI BSAM PA'I DBANG GIS, SOGS KYI 'GREL YIN TSE DBU MA SNANG BA'I DAM BCA' DANG RGYU MTSAN PHYI 'GREL GYIS BZLOG PAR SOD MOD PHYI 'GREL TSAN GNYIS PO DE, DBU MA SNANG BA'I GZHUNG TSAN DE GNYIS 'CHAD BYED DU SO SOR MI SBYOR RAM BRTAG GO ,DBU MA SNANG BA'I LUNG LHAG MTHONG DU, DE DAG GI DBANG GIS, ZHES DRANGS KYANG, DE DAG GI BSAM PA'I DBANG GIS ZHES PA DAG PAR MNGON TE, DE'I DON 'CHAD PA NA 'DIR, BSAM PA'I DBANG GIS MA SKYES PAR BSHAD, CES GSUNGS PA'I PHYIR RO, ,LUGS 'DIR GANG ZAG GI BDAG MED DON DAM BDEN PAR 'DOD MI 'DOD LA, PHAR PHYIN YIG CHA'I SKABS DANG PO LAS, KHA CIG NA RE, GANG ZAG GI BDAG MED PHRA MO CHOS CAN, NAS, RANG MNGON SUM DU RTOGS PA'I NYAN THOS KYI MTHONG LAM BAR CHAD MED LAM GYIS GNYIS SNANG NUB PA'I TSUL GYIS RTOGS PA'I PHYIR, DER THAL; NYAN THOS KYI MTHONG LAM BAR CHAD MED LAM DE LA CHU LA CHU BZHAG GI TSUL DU MNYAM PAR BZHAG PA'I YE SHES YIN PA'I PHYIR NA MA KHYAB, CES GSUNGS PA LTAR NA, DE CHOS CAN, DON DAM BDEN PA MIN TE, RANG MNGON SUM DU @089A *, ,RTOGS PA'I NYAN THOS MTHONG LAM BAR CHAD MED LAM GYI NGOR GNYIS SNANG DANG BCAS PAR SHAR BA'I PHYIR TE, DE'I NGOR KUN RDZOB KYI GNYIS SNANG YOD PA'I PHYIR, DER THAL, MI RTAG SOGS BCU DRUG PO THAMS CAD GNYIS SNANG CAN GYI CHOS YIN PA'I PHYIR, SHER MDO LAS, JI TZAM DU GNYIS PA DE TZAM DU DMIGS PA'O, ,ZHES DANG, DE LA 'DI NI SHES RAB KYI PHA ROL TU PHYIN PA LTAR BCOS PA YIN TE, GZUGS MI RTAG CES BYA BAR NYE BAR STON TO, ,DE BZHIN DU SDUG BSNGAL BA DANG BDAG MED PA DANG MI GTZANG BA ZHES BYA BAR NYE BAR STON TO, ,ZHES DANG, BDAG MED PA DANG MI SDUG PAR YANG DAG PAR RJES SU MI LTA'O, ,ZHES DANG, MDO BTUS SOGS SU YANG MDO 'DI DAG DRANGS NAS GSUNGS PA DANG, RIN CHEN PHRENG BA LAS, BDAG DANG BDAG MED LTA BA DAG ,DE PHYIR THUB PA CHEN POS BZLOG ,CES DANG, DBU MA SNANG BA LAS, DNGOS PO SMRA BA THAMS CAD, NAS, SHES RAB KYI PHA ROL TU PHYIN PA LTAR BCOS PA NYE BAR STON PA KHO NA YIN GYI, ZHES DANG, STONG THUN LAS, SEMS TZAM PA DANG DBU MA RANG RGYUD PA DAG GANG ZAG GI BDAG MED DON DAM BDEN PAR MI 'DOD CING GANG ZAG GI BDAG 'GOG PA'I RIGS PA'ANG KUN RDZOB DPYOD BYED KYI RIGS PAR 'DOD DO, ,ZHES GSUNGS PA'I PHYIR, ZHES DGONGS PAR MNGON NO, ,SKABS GSUM PA LAS, GANG ZAG GI BDAG MED PHRA MO DE BZHIN NYID DANG DE LA STONG NYID NYI SHU YANG BZHED PA'I PHYIR, ZHES DANG, CHOS DANG GANG ZAG GI BDAG MED GNYI GA DE BZHIN NYID DU BSHAD PA'I PHYIR, ZHES @089B GSUNGS PA LTAR NA, DE CHOS CAN, DON DAM BDEN PA YIN TE, STONG NYID YIN PA'I PHYIR, KHYAB CING, RTAGS GRUB STE, DBU MA SNANG BA LAS, CHOS DANG GANG ZAG LA BDAG MED PA'I MTSAN NYID KYI NGO BO DE KHO NA NYID NI, NAS, DON DAM PA ZHES BYA'O; ,ZHES DANG, MDO'I DON NI 'DI LTAR 'DI NI GANG ZAG DANG CHOS LA BDAG MED PA'I MTSAN NYID KYI DE KHO NA NYID DON DAM PA'I SGRAR DGONGS PA YIN TE, ZHES DANG, CHOS DANG GANG ZAG LA BDAG MED PA'I DE KHO NA NYID MNGON SUM PA'I YE SHES GANG YIN PA DE NYID, CES DANG, CHOS KYI DBYINGS GANG ZAG DANG CHOS LA BDAG MED PA'I MTSAN NYID RANG BZHIN GYI 'OD GSAL BA YIN PAR BRJOD PAR BZHED PA'I PHYIR RO, ,ZHES DANG, GZHUNG LAS, BDAG MED GNYIS NI, NAS, DON DAM MTSAN NYID PAR BSHAD DO, ,ZHES DANG, RTZA SHE'I t'IK CHEN DU DBU MA SNANG BA DRANGS TE PHYI 'GREL GNANG MA THA ,DE'I PHYIR PHUNG PO'I CHOS DANG GANG ZAG GI BDAG MED RTAGS KYI DGAG BYA'I SPROS PA BCAD TZAM NI, NAS, DON DAM BDEN PA'O, ,ZHES GSUNGS PA'I PHYIR, ZHES DGONGS TE LCANG SKYA'I GRUB MTHAR YANG 'DI BZHIN 'CHAD DO, ,GSUM PA NI, 'O NA SKYE BA, ZHES SOGS BYUNG, 'O NA, SOGS KYIS DRI BA DANG, DPER NA, SOGS KYIS LAN DANG, DE YANG DPE DANG, DE DANG MTHUN PA'I DON DANG, LUNG DANG SBYAR BA GSUM GYIS STON PAS, DPER NA SGYU MA MKHAN GYIS SPRUL BA'I GZHI RDE'U SHING SOGS RTA GLANG DU SPRUL TSE SGYU MA MKHAN RANG DANG, SGYU MA'I SNGAGS RDZAS KYIS MIG BSLAD PA'I @090A *, ,LTAD MO BA DANG, DES MIG MA BSLAD PA GNAS DER PHYIS SLEBS PA'I GANG ZAG GSUM GYI DANG POR RTA GLANG DU SNANG BA YOD KYANG ZHEN PA MED LA, BAR BAR SNANG ZHEN GNYIG YOD CING, THA MAR DE'I GANG YANG MED DO, ,DE YANG MIG BSLAD PA LA RDE'U SHING RTA GLANG DU SNANG BA NA DE'I SHES PA LA RTA GLANG DU SNANG BA TZAM LAS RDE'U SHING RTA GLANG DU MI SNANG BAR SMRA MI NUS TE, DE LTA NA SNANG YUL LA 'KHRUL BA MI SRID PAR THAL BA'I PHYIR RO, DE BZHIN DU MYU GU YANG SA BON LAS SKYE BAR SNANG BA NA DE LTAR SNANG BA'I SHES PA DE LA SA BON LAS SKYE BAR SNANG BA TZAM LAS MYU GU SA BON LAS RANG NGOS NAS SKYES PA MIN NO ZHES BYAR MI RUNG STE, MYU GU SA BON LAS DON STENG NAS SKYE BA YIN PA'I PHYIR RO, ,DE LA KHO NA RE, MYU GU CHOS CAN, DON DAM PAR SKYE BAR THAL, RANG NGOS NAS SA BON LAS SKYES PA'I PHYIR ZER NA MA KHYAB STE, RDE'U SHING GI NGOS NAS KYANG RTA GLANG DU SNANG YANG MIG BSLAD PA'I SHES PA'I DBANG GIS KYANG DE LTAR SNANG BA YIN GYI RDZAS SNGAGS SOGS 'PHRAL GYI 'KHRUL RGYUS MA BSKAD PA'I RANG GI GNYUG MA STE GDOD MA'I RGYU RKYEN RANG GA BA RDE'U SHING KHO NA LAS RTA GLANG DU SNANG BA BSKYED PA MIN PA'I PHYIR TE, DE LTA YIN NA MIG MA BSLAD PA LA'ANG RDE'U SHING RTA GLANG DU SNANG BA 'BYUNG BAR THAL BA'I PHYIR RO, ,DE BZHIN DU SA BON LAS MYU GU SKYE BA YANG THA SNYAD PA'I BLO LA DE LTAR SNANG BA'I DBANG GIS 'JOG DGOS KYI, DE LTAR MA BZHAG PAR MYU GU RANG GI GNAS LUGS SAM BLO GNOD MED LA SNANG BAR MA LTOS PAR SKYE BA MIN NO, ,DE @090B LTAR YIN PA LA, RANG GI YUL CAN GYI BLO GNOD MED LA SNANG BA'I DBANG GIS MA BZHAG PAR MYU GU RANG GI GNAS LUGS SAM SDOD LUGS KYI DBANG GIS SKYE BA YOD PAR 'DZIN PA NI, DON DAM PAR SKYE BA YOD PAR 'DZIN PA STE DE'I ZHEN YUL NI, BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I SDOD LUGS KYI DBANG GIS GRUB PA ZHES BYA BA YIN LA, DES CHOS GZHAN LA YANG SHES PAR BYA'O, ,DE LTAR NA MIG BSLAD PA'I SGYU MA'I LTAD MO BA DANG SO SKYE RANG GA BA GNYIS, RDE'U SHING DANG SNANG GZHI'I YUL GNYIS, RDZAS SNGAGS KYIS BSLAD PA DANG MA RIG BAG CHAGS KYIS BSLAD PA GNYIS, DES BSLAD PA LA MA LTOS PAR RDE'U SHING RTA GLANG DU MED PA DANG BLO GNOD MED LA SNANG BA'I DBANG GIS BZHAG PA MIN PAR YUL GYI SDOD LUGS NAS MA GRUB PA GNYIS, SGYU MA'I RDZAS SNGAGS KYIS BSLAD PA'I SHES PA DANG BLO GNOD MED GNYIS RNAMS CHOS MA TSUNGS SO, ,RDZAS SNGAGS KHO NA'I DBANG GIS RTA GLANG SNANG NA RDE'U SHING MED SAR YANG SGYU MA'I RTA GLANG SNANG CHOG PAR 'GYUR BA BZHIN YUL GYI NGOS NAS MYU GU SNANG BA YIN NA THAL PHUNG SOGS KYANG KUN LA MYU GUR SNANG BAR 'GYUR BA DANG, RDE'U SHING KHO NA'I NGOS NAS RTA GLANG SNANG NA RDZAS SNGAGS MED SAR SGYU MA'I RTA GLANG SNANG CHOG PAR 'GYUR BA BZHIN 'PHRAL GYI 'KHRUL RGYUS MA BSLAD PAR YUL RANG MTSAN LA TSAD MAR SONG BA'I BLO GNOD MED KYI DBANG GIS MYU GU SNANG BA MIN NA DE 'DRA'I BLO LA MA LTOS PAR MYU GU SNANG BAR 'GYUR BAS, CHOS GANG YANG BLO GNOD MED LA SNANG BA'I DBANG GIS BZHAG PA MIN PAR @091A *, ,RANG GI THUN MONG MIN PA'I SDOD LUGS KYIS GRUB PA NI 'DI BA'I LUGS KYI DGAG BYA'I TSAD DO, ,DE LTA BU'I BLO LHAN SKYES KYIS BZUNG BA LTAR GYI DGAG BYA'I GRUB TSAD NI, DBU MA SNANG BA LAS, DNGOS PO YANG DAG PAR NGO BO NYID MED PA DAG LA YANG DE LAS BZLOG PA'I RNAM PAR SGRO 'DOGS PA'I 'KHRUL BA'I BLO GANG YIN PA DE NI KUN RDZOB CES BYA STE, 'DI 'AM 'DIS DE KHO NA NYID SGRIB PA LTA BUR BYED, 'GEBS PA LTA BUR BYED PA'I PHYIR RO, ,DE SKAD DU MDO LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL BA GANG, ,DE NI YANG DAG KUN RDZOB 'DOD, ,CES GSUNGS SO, ,DE LAS BYUNG BA'I PHYIR DES NYE BAR BSTAN PA MTHONG BA'I DNGOS PO RDZUN PA THAMS CAD NI KUN RDZOB PA KHO NA YIN ZHES BYA'O, ,DE YANG THOG MA MED PA'I 'KHRUL BA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR BSTAN PA MTHONG BAR 'GYUR TE, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O ZHES BYA'O, ,ZHES GSUNGS SO, ,DE LA, PHYIR RO, ,YAN GYIS BDEN 'DZIN DE KHO NA NYID LA SGRIB BYED DU BSTAN, DE SKAD DU, SOGS KYIS DE'I SHES BYED DU LANG GSHEGS KYI LUNG DRANGS, DE LAS, SOGS KYIS BDEN 'DZIN KUN BTAGS YANG DAG PA LA SGRIB BYED DANG, DE YANG, SOGS KYIS DNGOS PO RDZUN PA RNAMS GANG LAS 'BYUNG BA'I BDEN @091B 'DZIN DE THOG MED NAS GOMS PA'I BAG CHAGS LAS SKYES PA'I LHAN SKYES SU BSTAN, DE'I PHYIR, MAN GYIS KUN RDZOB TU YOD TSAD BSTAN TE, DE YANG DNGOS PO RNAMS YANG DAG PAR TE DON DAM PAR GRUB PA'I NGO BO NYID DAM RANG BZHIN MED PA DAG LA YANG DE LAS BZLOG PA BDEN PAR GRUB PA'I RNAM PAR SGRO 'DOGS PA'I BLO 'KHRUL BA BDEN 'DZIN LHAN SKYES GANG YIN PA DE NI ZHES CHOS CAN DANG, DE KHO NA NYID KYI DON MTHONG BA LA KUN RDZOB BAM SGRIB BYED CES BYA STE ZHES DAM BCA' DANG, BDEN 'DZIN LHAN SKYES 'DI RANG NYID KYIS DE KHO NA NYID MTHONG BA LA MIG LING TOG GIS SGRIB PA LTA BUR NGO BO SGRIB BYED DANG, 'DIS BLO GZHAN GYIS DE KHO NA NYID MTHONG BA LA GOS KYIS 'GEBS PA LTA BUR GZHAN LA GEGS BYED PA'I PHYIR, ZHES RTAGS BSTAN TE, 'JUG PA'I RNAM BSHAD DGONGS RGYAN DU MIG LING TOG GIS SGRIB PA NI 'GEBS PA'I DPER MDZAD DO, ,MDO'I DON NI, DNGOS PO RNAMS KUN RDZOB TU SKYE STE, DE DAG LA DON DAM DU SKYE BA'I RANG BZHIN MED PA'I PHYIR, DON DAM DU SKYE BA'I RANG BZHIN MED PA LA YOD PAR 'KHRUL BA'I BLO GANG YIN PA DE NI YANG DAG PA STE GNAS LUGS LA KUN RDZOB STE SGRIB BYED DU 'DOD, CES PA STE, RKANG PA DANG THAS BSTAN PA'I KUN RDZOB GNYIS MI GCIG STE, SNGA MA NI RDZUN PA DANG, PHYI MA NI SGRIB BYED SOGS LA BYA DGOS PA'I PHYIR, BDEN 'DZIN DE LAS BYUNG BAS NA BDEN 'DZIN DES BDEN PAR YOD PA LTAR NYE BAR BSTAN PA MTHONG BA'I DNGOS PO RDZUN PA STE BLO KUN BTAGS RNAMS NI KUN RDZOB STE GNAS LUGS KYI DON MTHONG BA LA SGRIB @092A *, ,BYED KHO NA'O, ,BLO KUN BTAGS DE BDEN 'DZIN LHAN SKYES LAS BYUNG BAR MA ZAD LHAN SKYES DE YANG THOG MA MED PA'I 'KHRUL BA'I BAG CHAGS YONGS SU SMIN PA LAS BYUNG LA, LHAN SKYES DES KYANG SROG CHAGS TE SEMS CAN GRUB MTHAS BLO BSGYUR MA BSGYUR KUN LA YANG DAG PAR GRUB PA'AM BDEN GRUB KYI DNGOS PO'I BDAG NYID DE RANG BZHIN YOD PA LTA BUR NYE BAR STON PA DANG SEMS CAN DE DAG GIS KYANG DE LTAR NYE BAR BSTAN PA MTHONG BAR 'GYUR TE, DES NA CHOS KUN BDEN 'DZIN LA SNANG BAS YOD PAR 'JOG MI RUNG BA DE'I PHYIR BDEN 'DZIN GYIS SNANG ZHEN MA BSGYUR BA'I SEMS CAN DE DAG GI BSAM PA STE BLO GNOD MED LA SNANG BA'I DBANG GIS BZHAG PA'I SNANG TSUL GNAS TSUL MI MTHUN PA'I RDZUN PA'I DNGOS PO RNAMS NI KUN RDZOB TU YOD PA KHO NA ZHES BYA'O, ,ZHES PA NI BLO GLING PAR MTSAN DANG BSTUN PA STE, DNGOS PO RDZUN PA THAMS CAD NI KUN RDZOB PA KHO NA YIN, ZHES PA'I DON LA 'DOD 'GAL DANG GRUB MCHAN DU, DNGOS SMRA BA'I RGYUD KYI BLO KUN BTAGS KYI DMIGS YUL GZUGS SOGS DNGOS PO RDZUN PA RNAMS KUN RDZOB KHO NA LAS DON DAM PAR YOD PA MIN PAR BSHAD DE RJE BTZUN DBU MA'I SPYI DON SOGS MANG PO PHYOGS 'DIR MTHUN YANG, 'JUG PA'I RNAM BSHAD LAS, BDEN 'DZIN DES BDEN PAR YOD PA LTAR NYE BAR BSTAN PA MTHONG BA NI RTOG PA YIN GYI, ZHES GSUNGS PA LA DPAGS NA SNGAR LTAR YIN NAM SNYAM MO, ,DE'I PHYIR DE DAG GI BSAM PA'I DBANG GIS, ZHES SOGS LA 'JUG PA'I RNAM BSHAD DGONGS RGYAN @092B LAS, GZUGS SOGS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O ZHES BYA YI DON DAM PAR MED DE, SROG CHAGS DE DAG GI BSAM PA'AM BLO'I DBANG GIS YOD PAR BZHAG PA TZAM YIN PA'I PHYIR, ZHES GSUNGS SO, ,DON BSDU NA, BDEN 'DZIN LTA NA SKYES CHOS CAN, KUN RDZOB CES BYA STE, DE KHO NA NYID MTHONG BA LA SGRIB BYED YIN PA'I PHYIR TE, LANG GSHEGS LAS, DNGOS RNAMS SKYE BA KUN RDZOB TU, ,ZHES SOGS GSUNGS PA'I PHYIR, BDEN 'DZIN KUN BTAGS CHOS CAN, GNAS LUGS MTHONG BA LA SGRIB BYED YIN TE, BDEN 'DZIN LHAN SKYES DE LAS BYUNG BA'I BDEN 'DZIN YIN PA'I PHYIR, BLO GNOD MED LA SNANG BA'I DBANG GIS BZHAG PA'I YOD PA NI KUN RDZOB TU YOD PA KHO NA'I DON YIN TE, CHOS KUN BDEN 'DZIN LA SNANG BA'I DBANG GIS KUN RDZOB TU YOD PAR 'JOG MI RUNG BA'I PHYIR, ZHES PA'O, ,DE LTAR NA DON DAM PAR MED PA LA YOD PAR 'KHRUL BA'I BLO KUN RDZOB PA THOG MA MED PA'I BAG CHAGS LAS BYUNG BA DES SEMS CAN RNAMS LA CHOS KUN BDEN PAR YOD PA LTAR STON PAS NA CHOS KUN BDEN 'DZIN LA SNANG BA'I DBANG GIS KUN RDZOB TU YOD PAR 'JOG MI RUNG BA'I PHYIR, DE'I PHYIR BDEN 'DZIN GYIS SNANG ZHEN MA BSGYUR BA'I SEMS CAN GYI BSAM PA'I DBANG GIS BZHAG PA'I YOD PA LA KUN RDZOB TU YOD PAR GSUNGS PAS, DE'I BZLOG PHYOGS LA DGAG BYA'I DON DAM DU YOD PAR BYA DGOS SO, ,DE BAS NA KUN RDZOB TU YOD TSAD GSUNGS PA DE LA BRTEN NAS DGAG BYA'I GRUB TSAD BSHAD DE 'DI LA RANG RGYUD PA KUN 'DRA'O, , @093A *, ,GANG ZAG DANG CHOS KYI BDAG 'DZIN LHAN SKYES GNYIS LTA BU NI MA DPYAD PA'I BLO YIN YANG DE LA SNANG BA'I DBANG GIS THA SNYAD DU YOD PAR 'JOG MI NUS NA'ANG, TSAD MA GZHAN GYIS MI GNOD PA'I THA SNYAD PA'I SHES PA LA SNANG BA'I DBANG GIS THA SNYAD DU DON YOD PAR 'JOG NUS SO, ,'DI BA'I LUGS LA DGAG BYA'I GRUB TSAD STON PA NA RANG GI YUL CAN GYI BLO GNOD MED LA SNANG BA'I DBANG GIS BZHAG PA MIN PA ZHES KHYAD PAR SMOS TE, TSAD MA GZHAN GYIS MI GNOD PA'I THA SNYAD PA'I SHES PA LA SNANG BA'I DBANG GIS BZHAG PA'I THA SNYAD PA'I GNAS LUGS TE RANG MTSAN GYIS GRUB PA'ANG YOD PA'I PHYIR, BDEN 'DZIN GYI YUL BDEN GRUB KYIS STONG GZHI DE DAG STONG BA'I STONG NYID STONG GZHI DE DAG GI DON DAM PA'I GNAS LUGS SU 'DOD MOD KYANG STONG BA DE DAG KYANG RANG GI YUL CAN LA SNANG BA'I DBANG GIS BZHAG PA MIN PA'I GNAS LUGS KYI DBANG GIS MA GRUB PAR GSUNGS PAS SNGAR BSHAD PA LTAR MYU GU BDEN GRUB KYIS STONG PA MYU GU'I GNAS LUGS SU GRUB KYANG GNAS LUGS SU MA GRUB PAR SHES NUS LA, 'DIS STONG PA NYID STONG PA NYID KYANG STONG NYID KYI GNAS LUGS SU GRUB KYANG GNAS LUGS SU MA GRUB PAR SHES PAR BYA'O, ,SNGAR BSHAD PA'I BLO GNOD MED LA SNANG BA'I DBANG GIS BZHAG PA MIN PAR YUL RANG GI THUN MONG MIN PA'I SDOD LUGS KYI NGOS NAS GRUB PAR 'DZIN PA DE NI 'DI BA'I LUGS KYI LHAN SKYES KYI BDEN 'DZIN YIN LA BRDA MI SHES PA'I SEMS CAN LA YANG DE DAG GI MING DON SBYOR BA'I TSUL GYIS 'DZIN PA MED KYANG DON YOD DO, ,GSUM PA @093B DE DAG GI GRUB DON BSTAN PA NI, DES NA BDEN 'DZIN, CES SOGS BYUNG, DES NA BDEN 'DZIN LHAN SKYES KYIS BZUNG BA LTAR GYI YUL DER GRUB NA MTHAR THUG DPYOD PA'I RIGS PAS DPYAD BZOD DANG, CHA MED KYI DNGOS PO DANG, NGO BO RGYU DANG RKYEN GYIS MA BSKYED PA GNAS SKABS GZHAN DU MI 'GYUR BA RNAM 'JOG GZHAN LA MI LTOS PA STE RANG BZHIN KHYAD PAR GSUM LDAN SOGS SU 'GYUR RO ZHES 'PHEN NUS KYI RIGS PAS DPYAD BZOD SOGS SU 'DZIN PA BDEN 'DZIN LHAN SKYES KYIS BDEN PAR 'DZIN PA'I DON MIN TE, RIGS PAS DPYAD BZOD SOGS DE DAG TU 'DZIN PA TSAD MAS BKAG PA STE MED NA BDAG 'DZIN LHAN SKYES KYIS BZUNG BA LTAR GYI BDEN GRUB MED PA'I DON GANG ZAG DES 'GRUB PAS MA KHYAB PA BA LANG LTA BU YIN PA'I PHYIR, 'DI BA'I BDEN 'DZIN LHAN SKYES DANG DES BZUNG BA LTAR GYI DON LEGS POR NGOS MA ZIN PAS DON DAM DPYOD PA'I RIGS PAS DPYAD BZOD PA DANG DES GRUB PA GNYIS GCIG TU BZUNG STE RIGS SHES LA GZHAL BYA YOD PHYIN BDEN GRUB LAS 'OS MED DU SONG NAS PHYA BA CHOS SENG GIS CHOS NYID BDEN GRUB DANG, RIGS PAS DPYAD BZOD KYI BDEN GRUB GTAN MED PAS RIGS SHES KYIS CHOS NYID GRUB PA'ANG MI 'THAD DO SNYAM DU DGONGS NAS RDOG LO CHEN POS DON DAM BDEN PA SHES BYA MIN PAS RIGS SHES YUL MED DANG, GRO LUNG BAS DON DAM DPYOD PA'I BLO GCIG PO DER LDOG CHAS PHYE STE RIGS SHES SU SONG BA'I YUL MED CING RJES DPAG TU SONG BA'I YUL YOD PAR 'DOD DE, MDOR NA, SOGS GO SLA'O, ` ,SPRO NA, KHA CIG 'JUG PA'I RNAM BSHAD LAS, RANG RGYUD PA'I GZHUNG @094A *, ,KHUNGS THUB GZHAN LAS DGAG BYA NGOS 'DZIN GSAL BAR MI 'BYUNG LA, ZHES GSUNGS PA MI 'THAD PAR THAL, DBU MA SNANG BA LAS, DON DAM PAR SKYE BA MED DO ZHES BYA BA NI 'DI DAG YANG DAG PA'I SHES PAS SKYE BAR MA GRUB PA'O ZHES BYA BA YIN NO ZHES BSHAD PAR 'GYUR RO, ,ZHES SOGS DGAG BYA NGOS 'DZIN GSAL BAR GSUNGS PA'I GZHUNG MANG PO YOD PA'I PHYIR NA MA KHYAB STE, SPYIR DGAG BYA LA DON DAM GYI KHYAD PAR SBYAR BA'I DON DAM LA, THOS BSAM SGOM GSUM GYI RIGS SHES KYIS DPYAD TSUL LTAR GRUB PA LA BYAS PA DANG, BLO GNOD MED KYIS BZHAG PA MIN PA'I DON GYI SDOD LUGS SU YOD PA LA BYAS PA GNYIS LAS PHYI MA DON DAM DPYOD PA'I RIGS SHES KYI 'GAL ZLA MI MTHUN PHYOGS SU GYUR PA'I LHAN SKYES KYI BDEN 'DZIN GYIS BDEN PAR BZUNG TSUL LTAR GYI DGAG BYA LA DGONGS PA'I PHYIR, DES NA SNGA MA'I DON DAM DU GRUB TSUL DBU MA SNANG BA LAS GZHAN RANG RGYUD PA'I GZHUNG KHUNGS THUB TU MI GSAL BAR RJES MI BZHED DE, DE DBU MA SNYING PO DANG DBU MA RGYAN RTZA 'GREL SOGS SU RGYAS PAR BSHAD PA RJES GSAL BAR GSUNGS PA'I PHYIR, 'O NA DBU MA SNANG BA LAS, DNGOS PO YANG DAG PAR NGO BO NYID MED PA DAG LA YANG, ZHES SOGS KYIS BDEN 'DZIN LHAN SKYES KYIS BZUNG TSUL LTAR GYI DGAG BYA'I GRUB TSAD DNGOS SU BSTAN PAR THAL, 'DOD PA'I PHYIR NA MA KHYAB STE, DES DNGOS SU BDEN 'DZIN LHAN SKYES KYIS SGRO 'DOGS TSUL DANG, KUN RDZOB TU GRUB TSAD SOGS BSTAN PA'I SHUGS LA DE BSTAN PA'I PHYIR RO, ,DBU MA SNANG BA'I LUNG DE'I @094B DON RJES 'JUG RNAMS KYIS GSAL BAR BSHAD PA MI SNANG, ZHES PHAR PHYIN ZUR MTSAN DU BSHAD KYANG 'JUG PA'I RNAM BSHAD DGONGS RGYAN DU GSAL BAR BSHAD SNANG NGO, ,'JUG PA'I RNAM BSHAD LAS, BDEN GNYIS KYI 'GREL BAR DGAG BYA BDEN PA DBANG SHES LA MI SNANG BAR BSHAD PA 'DIR YANG 'DRA BA'I PHYIR RO, ,ZHES GSUNGS PA LA BRTEN NAS BLO GLING DBU MA'I SPYI DON LAS, YE SHES SNYING POS DGAG BYA BDEN GRUB RTOG MED DBANG SHES LA MI SNANG BAR BSHAD PA ZHI 'TSO DPON SLOB KYI LUGS 'DIR YANG 'DRA BA'I PHYIR, ZHES GSUNGS SHING, DBU MA CHEN MOR, DGAG BYA BDEN GRUB GANG YIN DBANG SHES LA MI SNANG YANG DGAG BYA BDEN GRUB DBANG SHES LA SNANG STE, DE DE LA MI SNANG BAR BSHAD PA NI RIGS NGO'I BDEN GRUB LA DGONGS PA'I PHYIR ZHES 'CHAD DE 'JUG PA'I RNAM BSHAD KYI SGRAS ZIN DANG MI MTHUN PAR MDZAD DON BRTAG GO ,RJE BTZUN DANG RJE DRUNG GI DBU MA SOGS SU, DBU MA SNANG BA'I, DES NA 'DI SKAD DU DON DAM PAR SKYE BA MED DO, ,SOGS LA BRTEN NAS KHA CIG GIS DGAG BYA'I TSAD 'DZIN RIGS PAS DPYAD BZOD DANG, DPYAD BZOD KYI DNGOS PO LA 'DOD PA MI 'THAD DE, DE KHO NA NYID LA DPYOD PA'I RIGS SHES KYI DOR MED PA DON DAM PAR MED PA'I DON DU LUNG DES MA BSTAN CING DES KUN RDZOB KYI CHOS RNAMS DE KHO NA NYID LA DPYOD PA'I RIGS SHES KYIS DE KHO NA NYID NGES PA'I NGES NGOR MED PA KUN RDZOB KYI CHOS DON DAM PAR MED PA'I SGRUB BYED DU BSTAN PA'I PHYIR, ZHES BSHAD DO, ,LHAG MTHONG DKA' 'GREL LTAR NA, @095A *, ,'JUG PA'I RNAM BSHAD LAS, 'DI MA PHYED PAR DGAG BYA'I TSAD 'DZIN RIGS PAS DPYAD BZOD DANG, DPYAD BZOD KYI DNGOS PO LA 'DZIN PA MANG DU BYUNG ZHING, ZHES DANG, GZHUNG LAS, DE DAG TU 'DZIN PA BDEN 'DZIN GYI DON MIN TE, ZHES GSUNGS PA RIGS SHES KYIS DPYAD BZOD DU GRUB PA BDEN 'DZIN LHAN SKYES KYI ZHEN YUL DU GYUR PA'I DGAG BYA'I TSAD MIN PA'I DON YIN PAS 'DI YANG KUN BTAGS SHIG GI 'DZIN TSUL LA SBYAR NA 'GRIG CING, GZHUNG LAS, DE DAG BKAG KYANG BDEN MED KYI DON MI 'GRUB PA'I PHYIR RO, ,ZHES PA SNGAR BAS PA DON DAM DPYOD PA'I RIGS PAS DPYAD BZOD DGAG BYA'I TSAD DU 'DOD MKHAN DE'I BLO NGOR RIGS PAS DPYAD BZOD DU GRUB PA BKAG KYANG BDEN MED KYI DON MI 'GRUB PA'I DON DU GSUNGS SHING, MUN SEL DU, DE DAG BKAG KYANG BDEN MED KYI DON MI 'GRUB CES PA CHA MED DANG, KHYAD PAR GSUM LDAN BKAG PA LA BYA STE, MTHAR THUG DPYOD PA'I RIGS PAS DPYAD BZOD DU GRUB PA KHEGS NA BDEN MED RTOGS DGOS PA'I PHYIR, ZHES BZHED DO, ,ZAB GSAL SGRON MER, MTHAR THUG DPYOD PA'I RIGS PAS DPYAD BZOD KHEGS PAS BDEN MED KYI DON PA GRUB NA'ANG, DPYAD BZOD SOGS DGAG BYA'I TSAD DU 'DOD PA DAG GIS BDEN MED RTOGS PA'I RIGS SHES KYIS RNYED RGYU ZHIG BYUNG NA DPYAD BZOD DU SONG BAR BZUNG NAS DPYAD BZOD DU MA GRUB PA'AM RIGS SHES KYIS MA RNYED PA BDEN PAR MED PA'I DON DANG, DES RNYED PA BDEN TSAD DU 'DOD PA LA, 'DIR CHOS CAN @095B KUN RDZOB PA'I STENG DU MTHAR THUG DPYOD PA'I RIGS SHES KYI RNYED DON GYI GTZO BO YIN PA BKAG PAS BDEN MED KYI DON MI 'GRUB PA'I DON DU BSHAD DO, ,DE LA DBU MA SNANG BA'I LUNG DES, KUN RDZOB KYI CHOS RNAMS DON DAM DPYOD PA'I RIGS SHES KYI DOR MED PA KUN RDZOB KYI CHOS DON DAM PAR MED PA'I SGRUB BYED DU BSTAN MA BSTAN SNGAR RANG THAD DU BKOD PA LTAR DPYAD GZHI CHE BAS RJE BTZUN SOGS KYIS GSUNGS PA DGONGS PAR SON MIN BRTAG DGOS SO, ,KHO NA RE, RIGS PAS DPYAD BZOD BKAG KYANG BDEN MED KYI DON MI 'GRUB PAR THAL, GZHUNG LAS, DE DAG TU 'DZIN PA BDEN 'DZIN GYI DON MIN TE, DE DAG BKAG KYANG BDEN MED KYI DON MI 'GRUB PA'I PHYIR RO, ,ZHES GSUNGS PA'I PHYIR NA MA KHYAB STE, DE NI RIGS PAS DPYAD BZOD DU 'DZIN PA TSAD MAS BKAG NA, GANG ZAG DES BDEN MED KYI DON GRUB PAS MA KHYAB PA'I DON YIN PA'I PHYIR, KHO NA RE, DNGOS PO RNAMS RIGS PAS DPYAD BZOD DU GRUB PA BDEN 'DZIN LHAN SKYES KYI ZHEN YUL GYI DBANG DU BYAS PA'I DGAG BYA'I TSAD YIN PAR THAL, DE BKAG PA LAS LOGS SU BDEN 'DZIN LHAN SKYES KYI ZHEN YUL DGAG TU MED PA'I PHYIR TE, CHOS KUN RIGS PAS DPYAD BZOD DU MED PA BDEN 'DZIN LHAN SKYES KYI ZHEN YUL BKAG PA'I STONG NYID YIN PA'I PHYIR NA MA KHYAB, RNAM 'JOG GZHAN LA MI LTOS PA'I DON TSIG GSAL DANG LHAG MTHONG CHEN MO'I GSUNG ZIN TZAM LA RGYU RKYEN LA MA LTOS PA ZHES 'BYUNG YANG, STONG THUN DU RGYU RKYEN LA MA LTOS PA RGYUS MA BSKYED PA LA BYAS NA BCOS MA MIN PA DANG ZLOS PAS PHA @096A *, ,TSUN LTOS NAS BZHAG PA MIN PA'I DON DU GSUNGS SO, ,GNYIS PA DE JI LTAR 'GOG PA LA GSUM, DGAG BYA 'GOG PA'I RIGS PA'I GTZO BO NGOS GZUNG BA, PHA ROL PO LA 'GAL 'DU STON PA'I MTSAMS MTHAR THUG NGOS GZUNG BA, RIGS PA DE DAG LA BSLAB DGOS PAR BSTAN PA'O, ,DANG PO NI, DE LTA BU'I, ZHES SOGS BYUNG, RANG RGYUD PA'I LUGS KYI DGAG BYA 'GOG PA'I RTAGS NI RTEN 'BREL GYI GTAN TSIGS SOGS 'GAL ZLA DMIGS PA RE GNYIS MA GTOGS 'BREL ZLA MA DMIGS PA'I RTAGS LA BRTEN NAS BYED LA, DE YANG LANG GSHEGS LAS, GCIG DANG GZHAN NYID SPANGS PA YI, ,GZUGS NI JI LTAR ME LONG LA, ,SNANG YANG DE NA YOD MA YIN, ,DE BZHIN DNGOS PO'I NGO BO NYID, , CES DANG, YAB SRAS MJAL BA LAS, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS 'DI SHES PAR GYIS, ,ZHES SOGS LA BRTEN NAS GCIG DU BRAL GYI RTAGS KYIS SGRUB PA NI, DBU MA RGYAN LAS, BDAG DANG GZHAN SMRA'I DNGOS 'DI DAG ,YANG DAG TU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES BSHAD DO, ,DBU MA SNANG BA LAS, GANG DAG DON DAM PAR RANG DANG GZHAN DANG GNYIS KA LAS SKYE BA DANG RGYU MED PA LAS SKYE BA DANG BRAL BA DE DAG NI, YANG DAG PAR NA NGO BO NYID MED PA YIN TE, DPER NA NAM MKHA'I PAD MA LA SOGS PA LTA BU'O, ,ZHES SOGS KYIS @096B RDO RJE GZEGS MA DANG, GANG YANG 'BRAS BU YOD PA SKYE BAR DGAG PAR BYA BA, NAS, SNGON MED PA'I KHYAD PAR BYAR MED PA DE NI NAM YANG GANG GIS KYANG MI SKYED DE, DPER NA NAM MKHA'I PAD MA LA SOGS PA LTA BU'O, ,ZHES SOGS KYIS YOD MED SKYE 'GOG DANG, GANG DAG DON DAM PAR MU BZHI BA'I SKYE BA DANG BRAL BA DE NI, DE KHO NA NYID DU NGO BO NYID MED PA KHO NA YIN TE, DPER NA NAM MKHA'I PADMA LA SOGS PA LTA BU'O, ,RTZOD PA'I GZHIR GYUR PA'I DNGOS PO THAMS CAD KYANG YANG DAG PAR NA DE DANG 'DRA BA NYID DO, ,ZHES SOGS KYIS MU BZHI SKYE 'GOG DANG, RNAM PA GCIG TU NA SNA TSOGS KYI RNAM PA LA SOGS PA'I RTAGS KYI SGO NAS THAMS CAD DU GCIG PA NYID DANG BRAL BA GRUB NA DU MA NYID DANG BRAL BA YANG GRUB PA YIN TE, DE NI DE'I TSOGS PA'I BDAG NYID YIN PA'I PHYIR RO, ,ZHES SOGS KYIS GCIG DU BRAL GSUNGS TE DE DAG LAS DBU MA SNANG BA'I DANG PO GSUM NI RGYU MA DMIGS PA DANG GSUM PA NI KHYAB BYED MA DMIGS PA'O, ,DE NYID LAS, GANG ZHIG RTEN CING 'BREL BAR 'BYUNG BA DE NI DON DAM PAR RANG BZHIN GYIS STONG PA YIN TE, DPER NA SGYU MA LA SOGS PA LTA BU'O, ,ZHES PAS RTEN 'BREL GYI GTAN TSIGS KYANG GSUNGS TE, DE NI PHAN TSUN SPANGS 'GAL LA BRTEN PA'I 'GAL ZLA DMIGS PA'I RTAGS SO,, SPYIR DGAG BYA 'GOG PA'I RIGS PA MANG DU YOD KYANG LUGS 'DIS GTZO BOR RIGS PA DE LNGA LA BRTEN PA YIN TE, GRUB MTHA' RTZA BA LAS, RDO RJE GZEGS MA YOD MED SKYE 'GOG DANG, ,MU GZHI SKYE 'GOG RTEN 'BREL RTAGS RNAMS GTZO, ,ZHES @097A *, ,GSUNGS PA'I PHYIR RO, ,GNYIS PA NI, PHA ROL LA, ZHES SOGS BYUNG, RIGS PA DE DAG GIS 'GAL 'DU STON MTSAMS MTHAR THUG NI, PHYI NANG GIS 'DOD PA'I CHOS TSAD GRUB GANG LA YANG CHAD DU MA DANG LDAN PAR 'GRUB STE, DE DAG LA DUS DANG YUL DANG SHES PA'I YUL GYI RNAM PA SOGS CHA DU MA MED PA'I CHA MED MI SRID PA'I PHYIR, DE LTAR BSTAN NAS CHOS DE CHA DU MA DANG LDAN PAR GRUB PA NA, BUM PA LTA BU'I CHOS GCIG THA SNYAD DU LDOG CHA DU MA'I BDAG NYID DU YOD PA MI 'GAL MOD, CHA DANG CHA CAN GNYIS NGO BO THA DAD DANG NGO BO GCIG PA GANG RUNG LAS MA 'DAS PAS, DON DAM PAR GRUB PA LA NI DE GNYIS NGO BO THA DAD NA RTA PA LANG BZHIN 'BREL MED DU 'GYUR, NGO BO GCIG NA CHA RNAMS CHA CAN BZHIN GCIG TU 'GYUR BA DANG, CHA CAN YANG CHA BZHIN DU MAR 'GYUR RO, ,DE LTAR GNOD PA BSTAN TE CHOS KUN DON DAM PAR GRUB PA BKAG NAS MA GRUB PAR GTAN LA 'BEBS TE, 'PHAGS PA LHAS, TSIGS LAS SOR MO GZHAN MED DE, ,ZHES SOGS DANG, BZHI BRGYA PA LAS, DNGOS PO GANG GANG YONGS BRTAGS PA, ,DE DANG DE LA GCIG NYID MED, ,GANG GIS GCIG KYANG YOD MIN PA, ,DES NA DU MA DAG KYANG MED, ,CES GSUNGS PA'I RIGS PA NI DBU MA RGYAN LAS, DNGOS PO GANG GANG RNAM DPYAD PA, ,DE DANG DE LA GCIG NYID MED, ,GANG LA GCIG NYID YOD MIN PA, ,DE LA DU MA NYID KYANG MED, ,CES SOGS DANG, DBU MA SNANG BA SNGAR DRANGS ZIN PA DAG LAS RTZAL DU BTON NAS 'CHAD PA'O, ,DE LA GNOD PA STON MTSAMS MTHAR @097B THUG PA NI CHA DANG CHA CAN LA GCIG THA DAD KYI BRTAG PA BYAS NAS 'GOG PA 'DI NYID YIN PA NI, DPER NA GZHAN SKYE 'GOG PA LA YANG DBU MA SNANG BA LAS, 'DI LTAR DE LAS DNGOS PO SKYE BAR 'GYUR NA RTAG PA'AM MI RTAG PA'I NGO BO ZHIG LAS 'GYUR GRANG NA, NAS, DE LTAR NA DON DAM PAR GZHAN LAS KYANG SKYE BAR RIGS PA MA YIN NO, ,ZHES DNGOS PO RNAMS DON DAM PAR GZHAN LAS SKYE NA RTAG MI RTAG LAS SKYE BA GNYIS LAS, RTAG PA'I RGYU LAS SKYE NA RIM CAN DU SKYE MI SRID PAR CIG CAR DU SKYE BA DANG, DNGOS PO GCIG KYANG DUS KUN TU SKYE BA'AM GTAN MI SKYE BAR THAL BAS BKAG ,MI RTAG PA'I RGYU LAS SKYE NA DUS MNYAM MI MNYAM GNYIS LAS SNGA MA LA BSKYED BYA SKYED BYED DU MI 'THAD PAR THAL BAS BKAG ,PHYI MA LA ZHIG MA ZHIG GNYIS LAS DANG POR ZHIG PA DNGOS MED YIN PAS 'BRAS BU RGYU MED DU SKYE BAR THAL BAS BKAG GNYIS PA 'BRAS BU'I RANG DUS NA RGYU SNGA MA MA ZHIG PA LAS SKYE BA LA BAR CHOD MA CHOD GNYIS LAS CHOD PA'I RGYU LAS SKYE NA RGYU DE LAS 'BRAS BU DE DNGOS SU SKYE BA MI SRID PAR THAL BAS BKAG STE DE RNAMS CUNG SLA'O, ,MCHOD PA'I RGYU LAS SKYEN BDAG NYID THAMS CAD DANG PHYOGS RES MCHOD PA GNYIS LAS, SNGA MA LTAR NA DUS CAN SNGA PHYI 'DRES PAR THAL BAS BKAG STE, DPE GZHUNG LTAR RO, ,PHYI MA LTAR NA CHA DANG BCAS PAS KUN RDZOB PAR 'GYUR BAR 'CHAD PA LTA BU STE, ,GZHAN SKYE LTA BU 'GOG PA LA YANG GNOD BYED STON PA'I SGO MANG BA DE LTAR RO, ,BDEN GNYIS LAS, DU MAS GCIG GI DNGOS MI BYED, ,DU MAS DU MA BYED MA YIN, ,GCIG GIS DU MA'I @098A *, ,DNGOS MI BYED, ,GCIG GIS GCIG BYED PA'ANG MIN, ,ZHES BDEN GRUB 'GOG PA'I RIGS PA'I DNGOS GZHI MU BZHI SKYE 'GOG LA MDZAD SKABS GCIG THA DAD KYI BRTAG PA BYAS NAS PHA ROL BO DGAG PA'ANG ZHI 'TSO YAB SRAS DANG 'DRA'O, ,GSUM PA NI, 'DI DAG KYANG, ZHES SOGS BYUNG STE SLA'O, ` ,'DIR, GCIG DU BRAL GYI RNAM GZHAG LA, RTAGS 'GOD PA NI, MYU GU CHOS CAN, BDEN PAR MED DE, BDEN GRUB KYI GCIG DANG BDEN GRUB KYI DU MA GANG RUNG DU MED PA'I PHYIR, DPER NA GZUGS BRNYAN BZHIN, PHYOGS CHOS SGRUB PA NI, DE CHOS CAN, DER THAL, BDEN GRUB KYI GCIG TU MED PA GANG ZHIG BDEN GRUB KYI DU MAR MED PA'I PHYIR, DE CHOS CAN, DANG PO DER THAL; CHA BCAS YIN PA'I PHYIR, KHYAB STE, CHA DE CHA CAN DANG BDEN GRUB KYI GCIG TU YOD NA CHA CAN GCIG YIN PA BZHIN DU CHA SHAS RNAMS KYANG GCIG TU 'GYUR LA, CHA CAN DE CHA DANG BDEN GRUB KYI GCIG TU YOD NA CHA SHAS DU MAR YOD PA BZHIN DU CHA CAN YANG DU MAR 'GYUR BA'I PHYIR, MA KHYAB MTSAMS KYI RTAGS MA GRUB NA, DE CHOS CAN, DER THAL, YOD PA GANG ZHIG CHA MED SHES BYA LA MI SRID PA'I PHYIR, DANG PO SLA, GNYIS PA GRUB STE, RTAG PA LA CHA MED MI SRID, MI RTAG PA LA YANG DE MI SRID PA'I PHYIR, DANG PO DER THAL, DON DAM BDEN PA DE MA YIN, NAM MKHA' YANG DE MA YIN, DES RTAG PA GZHAN LA'ANG 'DRA BA'I PHYIR, DANG PO GRUB STE, DE LA KA BA'I CHOS NYID DANG BUM PA'I CHOS NYID LA RJES SU @098B 'GRO BA'I CHA SOGS DU MA YOD PA'I PHYIR, GNYIS PA GRUB STE, SHAR BUM DANG NUB BUM GYI NANG LA KHYAB PA'I CHA SOGS DU MA YOD PA'I PHYIR, GSUM PA SLA, GONG GI RTAGS GNYIS PA DER THAL, CHA MED KYI GZUGS SHES LDAN MIN 'DU BYED GSUM RE RE NAS MED PA'I PHYIR, DANG PO GRUB STE, CHA MED KYI RDUL PHRA BA DANG RAGS PA GANG YANG MED PA'I PHYIR TE, RDUL GNYIS GSHIBS TSE BDAG NYID THAMS CAD KYIS PHRAD NA GO SA 'DRE BAR 'GYUR ZHING, PHYOGS GCIG GIS PHRAD NA PHRAD MA PHRAD KYI CHA GNYIS BYUNG BAS CHA MED YIN PA NYAMS PA'I PHYIR, PHYI MA GNYIS GRUB STE, DE GNYIS GANG RUNG YIN NA RANG RGYU LAS SKYES PA'I CHA DANG RANG 'BRAS SKYED PA'I CHA GNYIS RE YOD DGOS PA'I PHYIR, RTZA RTAGS GNYIS PA MA GRUB NA, DE CHOS CAN, DER THAL, BDEN GRUB KYI DU MA MED PA'I PHYIR TE, BDEN GRUB KYI GCIG MED PA'I PHYIR, DER THAL, DE YIN NA CHA MED KYI GCIG YIN DGOS PA GANG, CHA MED SHES BYA LA MI SRID PA BSGRUBS ZIN PA'I PHYIR, KHYAB PA SGRUB PA NI, KHYAB STE, DE GNYIS GANG DU YANG MA GRUB PA'I BDEN PAR GRUB TSUL MED PA'I PHYIR, GTAN TSIGS 'DI'I RNAM GZHAG DBU MA RGYAN DANG SBYAR NAS DPYIS PHYIN BSHAD NA MKHAS PA MGU BA'I LEGS BSHAD DU 'GYUR MOD HA CANG MANGS DOGS PAS MA SPROS TE CUNG ZAD RGYAS PAR LCANG SKYA'I GRUB MTHA' SOGS SU GSAL BAS DER BLTA'O, ,RDO RJE'I GZEGS MA LA, RTAGS 'GOD PA NI, MYU GU CHOS CAN, BDEN PAR MI SKYE STE, MTHA' BZHI GANG RUNG LAS MI SKYE BA'I PHYIR, DPER NA SGYU MA BZHIN, PHYOGS CHOS SGRUB PA NI, @099A *, ,DE CHOS CAN, DER THAL, BDAG LAS MI SKYE BA GANG ZHIG ,DON DAM PAR GZHAN LAS MI SKYE, BDAG GZHAN GNYIG LAS MI SKYE, RGYU MED LAS MI SKYE BA'I PHYIR, DANG PO MA GRUB NA, DE CHOS CAN, DER THAL, RANG GI BDAG NYID THOB ZIN PA'I PHYIR, GNYIS PA MA GRUB NA, DE CHOS CAN, DER THAL, DE LAS SKYE NA RGYU 'BRAS 'BREL MED DON GZHAN DU 'GYUR BA'I PHYIR, GSUM PA MA GRUB NA, DE CHOS CAN, DER THAL, DE LAS SKYE NA SKYON SNGA MA GNYIS 'JUG PA'I PHYIR; BZHI PA MA GRUB NA, DE CHOS CAN, DER THAL, 'BRAS BU'I CHED DU 'BAD PA DON YOD PA'I PHYIR, KHYAB PA SGRUB PA NI, KHYAB STE, DE BZHI GANG RUNG MA YIN PA'I BDEN PA'I SKYE TSUL MED PA'I PHYIR, YOD MED SKYE 'GOG LA, RTAGS 'GOD PA NI, MYU GU CHOS CAN, DON DAM PAR MI SKYE STE, RANG GI RGYU DUS NA YOD PA MI SKYE, RANG GI RGYU DUS NA MED KYANG DON DAM PAR MI SKYE BA'I PHYIR, DPER NA RMI LAM BZHIN, PHYOGS CHOS SGRUB PA NI, DE CHOS CAN, DANG PO DER THAL, SKYES ZIN SLAR YANG SKYE BA DON MED PA'I PHYIR, DE CHOS CAN, GNYIS PA DER THAL, RGYU'I DUS NA MED PA DON DAM PAR RGYUS BSKYED MI NUS PA'I PHYIR TE, RGYU'I DUS NA MED PAR DON DAM PAR GRUB NA DUS KUN TU MED DGOS PA'I PHYIR, KHYAB PA SGRUB PA NI, KHYAB STE, DE GNYIS LAS GZHAN DU DON DAM PAR SKYE TSUL MED PA'I PHYIR, MU BZHI SKYE 'GOG LA, RTAGS 'GOD PA NI, MYU GU CHOS CAN, DON DAM PAR SKYE BA MED DE, RGYU GCIG KHO NA LAS 'BRAS BU GCIG KHO NA MI SKYE, RGYU @099B GCIG KHO NA LAS 'BRAS BU DU MA MI SKYE, RGYU DU MA LAS 'BRAS BU GCIG KHO NA MI SKYE, DON DAM PAR RGYU DU MA LAS 'BRAS BU DU MA MI SKYE BA'I PHYIR, DPER NA MIG YOR BZHIN, PHYOGS CHOS SGRUB PA LA, MU DANG PO GNYIS 'GOG PA RKYEN GSUM LA SBYAR TE BSHAD NA, MIG DBANG GIS MIG DBANG GNYIS PA KHO NA SKYED DAM, MIG SHES KHO NA SKYED, DANG PO LTAR NA, 'GRO KUN LONG BAR THAL, MIG DBANG LAS MIG SHES SKYE MI SRID PA'I PHYIR, GNYIS PA LTAR NA'ANG, DER THAL, MIG DBANG SKAD CIG GNYIS 'THUD NAS SKYE MI SRID PA'I PHYIR, MU GSUM PA 'GOG PA NI, RGYU DU MAS 'BRAS BU GCIG KHO NA SKYED NA, MIG SHES KYIS MYONG BA'I CHA YUL GYI RNAM PA SHAR BA'I CHA YUL RIS SU CHAD PA 'DZIN NUS KYI CHA GSUM PO'I NANG NAS GZHAN GNYIS MI SRID PA'AM RGYU MED DU SKYE BAR THAL, DE LTAR SKYE NA DE GSUM PO'I NANG NAS GANG RUNG GCIG KHO NA MIG SHES KYI RKYEN GSUM GA'I LAG RJES SU 'GYUR BA'I PHYIR, MU BZHI PA DGAG PA NI, RKYEN GSUM GYIS BZHAG PA'I MIG SHES KYI STENG GI KHYAD PAR GSUM PO DE DON DAM PAR RKYEN GSUM TSOGS PAS SKYED PA YIN NA, RKYEN GSUM GYI LAG RJES GSUM PO DE DON DAM PAR THA DAD MED KYANG BLO LA THA DAD PAR SNANG BA TZAM MAM, BLO GANG LA'ANG THA DAD PAR MI SNANG BA'AM, DON DAM PAR THA DAD PA YIN, DANG PO LTAR NA, DE CHOS CAN, BDEN PAR MED PAR THAL, SNANG TSUL DANG GNAS TSUL MI MTHUN PA'I PHYIR, GNYIS PA LTAR NA, RGYU DU MAS 'BRAS BU DU MA MI SKYED PAR THAL, RKYEN GSUM GYI LAG RJES DE @100A *, ,GSUM PO GCIG TU SONG BA'I PHYIR, GSUM PA LTAR NA MI 'THAD DE, DE DAG DON DAM PAR THA DAD DU YOD NA 'PHAGS PA'I JI LTA BA MKHYEN PA'I YE SHES KYIS THA DAD DU GZIGS DGOS PA GANG, DE LTAR MA GZIGS PA'I PHYIR, DANG PO GRUB STE, DON DAM PAR GRUB NA GNAS LUGS SU GRUB DGOS PA'I PHYIR, KHYAB PA SGRUB PA NI, KHYAB STE, DON DAM PAR SKYE NA TSUL DE BZHI PO'I GANG RUNG LAS MA 'DAS PA'I PHYIR, RTEN 'BREL GYI GTAN TSIGS THAR 'GYUR BA'I SKABS 'CHAD PAR 'GYUR RO, ` ,SPRO NA, KHA CIG NA RE, RANG RGYA BA'I BDAG DANG SPYI GTZO BO SOGS GCIG DU BRAL GYI RTAGS KYI SHES 'DOD CHOS CAN MIN TE, GTAN TSIGS GANG DANG GANG LA GZHI MA GRUB CHOS CAN DU BZUNG TSE DE CHOS CAN GYI NGO BO MED NAS MA GRUB PA'I RTAGS SU 'GYUR BA'I PHYIR TE, GZHI MA GRUB CHOS CAN DU BZUNG TSE RTAGS DE'I CHOS CAN GYI NGO BO LA TSAD BSAL 'BAB PA'I PHYIR, KHYAB STE, TSAD MA MDO LAS, MNGON SUM DON DANG RJES DPAG DANG, ,YID CHES GRAGS PA'I RANG RTEN LA'O, ,ZHES GSUNGS PA'I PHYIR NA MA KHYAB STE, LUNG DES SGRUB PA BSGRUB BYA'I CHOS SU BZUNG BA LTA BU RTAGS DANG CHOS DE YIN NA YOD PAS KHYAB PA CAN GYI RTAGS LA GZHI MA GRUB CHOS CAN DU BZUNG BA NYID RTAGS SKYON CAN DU STON PA YIN GYI, YOD MED KYI CHA GNYIS RE 'BYED DU YOD PA'I RTAGS CHOS RNAM BCAD TZAM BKOD PA LA CHOS CAN GZHI MA GRUB KYANG RTAGS KYI SKYON DU MI 'GYUR BA'I PHYIR, ZUR DANG PO GRUB STE, DBU MA SNANG BA LAS, DE BAS LOG PAR RTOG PA BSAL BA'I PHYIR RANG @100B DANG RJES SU MTHUN PA'I CHOS CAN KHO NA LA GNOD PA BYAS NA BSGRUB PAR BYA BA BKAG PA YIN GYI, CHOS GZHAN DANG LDAN PA'I CHOS CAN NI MA YIN NO, ,NAS, SLOB DPON GYIS RANG GI CHOS CAN SMOS PA MDZAD DO ZHES 'GREL BA MDZAD PAS BSHAD DE; ZHES DANG, SDE BDUN RGYAN LAS, RANG GI RTEN DU GZHI GRUB DGOS PA'I CHOS CAN BKAG NA RTAGS KYI SKYON DU STON PA YIN GYI CHOS CAN YOD PA BKAG PA TZAM RTAGS KYI SKYON DU STON PA MA YIN NO, ,ZHES DANG, RNAM 'GREL t'IK CHEN LAS, RTAGS YANG DAG GI SHES 'DOD CHOS CAN YIN NA GZHI GRUB PAS KHYAB PA 'DOD PA DAG GIS NI RANG RTEN LA ZHES SMOS PA'I THUN MONG MA YIN PA'I DGOS PA STON PA'I GZHUNG GI TSOGS 'DI DAG DANG KHO BO CAG PHAN TSUN BSKAL BAR GYUR TO ZHES CHO DE SGROGS PA YIN NO, ,ZHES GSUNGS PA'I PHYIR, ZUR GNYIS PA GRUB STE, DE LTAR DPAL LDAN ZLA BA DANG, CHOS GRAGS YAB SRAS DANG, ZHI 'TSO YAB SRAS DANG, RJE YAB SRAS SOGS KUN GYIS BZHED PA'I PHYIR, DANG PO GRUB STE, 'JUG PA LAS; MO GSHAM BU LTAR SKYE BA DANG BRAL PHYIR, ,DE LTAR GYUR PA'I BDAG NI YOD MIN ZHING, ,ZHES MA SKYES PA DE RTAG PA'I BDAG MU STEGS PAS SGRO BTAGS PA LTAR MED PAR SGRUB PA'I RTAGS YANG DAG TU GSUNGS PA'I PHYIR, GNYIS PA GRUB STE, RNAM 'GREL LAS, 'DOD PA'I BSGRUB PAR BYA BA LA, ,GNOD PA CI YANG MED PA NYID, ,CES DANG, LHA DBANG BLO'I DKA' 'GREL LAS, 'DIR YANG CHOS CAN 'BA' ZHIG 'GOG PA YANG GNOD PA 'DOD PA YIN NA YANG MI 'DOD DE, CHOS CAN DNGOS POR @101A *, ,GYUR PA BSAL BA NA YANG BSGRUB PAR BYA BA RNAM PAR GCOD PA'I NGO BO GRUB PA'I PHYIR, ZHES DANG, GANG LA CHOS CAN 'GOG PA YANG BSGRUB PAR BYA BA LA GNOD PA MED PA DE LA SKYON MA YIN TE, ZHES SOGS GSUNGS PA'I PHYIR, GSUM PA GRUB STE, DBU MA RGYAN LAS, BDAG DANG GZHAN SMRA'I DNGOS 'DI DAG ,YANG DAG TU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES DANG, TSAD CHEN LAS, SKYE BA MED PHYIR DBANG PHYUG NI; ,SKYE BA CAN GYI RGYU MA YIN, ,ZHES DANG, DE'I DKA' 'GREL LAS, GANG SKYE BA MED PA DE NI 'GA' ZHIG GI YANG RGYU MA YIN TE, DPER NA NAM MKHA'I PADMO BZHIN NO, ,DBANG PHYUG KYANG SKYE BA MED PA YIN NO, ,ZHES BYA BA NI KHYAB PAR BYED PA 'GAL BA DMIGS PA'O, ,ZHES RTAG DNGOS KYI DBANG PHYUG CHOS CAN DU BZUNG BA'I SBYOR BA YANG DAG GSUNGS PA'I PHYIR DANG, DBU MA SNANG BA LAS, SGRO BTAGS PA'I CHOS RNAM PAR BCAD PA SGRUB PA TZAM ZHIG BRJOD PAR 'DOD PA DE LA NI MA GRUB PA NYID LA SOGS PA'I NYES PA BRJOD PA THA SNYAD DU YANG DNGOS POR GYUR PA'I CHOS CAN MI DGOS TE, NAS, MNGON PAR 'DOD PA'I DON GRUB PA LA GEGS BYED PA MED PA'I PHYIR RO, ,ZHES GSUNGS PA'I PHYIR, BZHI BA GRUB STE, 'JUG PA'I RNAM BSHAD LAS; RTAGS DES SMRAS PA'I CHOS CAN BKAG KYANG SKYON MED PA NI RTAGS DANG CHOS GNYIS KA RNAM BCAD TZAM YIN PA'I GNAD KYIS SO, ,ZHES DANG, THAR LAM GSAL BYED LAS, GZHI MA GRUB CHOS CAN DU BZUNG BA'I RTAGS YANG DAG MANG @101B BA'I PHYIR RO, ,ZHES GSUNGS PA SOGS SHES BYED MTHA' YAS PA'I PHYIR, DER MA ZAD GZHI MA GRUB CHOS CAN DU BZUNG BA'I SGRUB RTAGS KYANG YOD DE, RNAM NGES DAR t'IK LAS, GZHI MA GRUB CHOS CAN DU BZUNG NAS THA SNYAD 'BA' ZHIG SGRUB PA'I SGRUB RTAGS YANG DAG SRID PA'I PHYIR RO, ,ZHES GSUNGS SHING, DE SGRUB KYI RTAGS SU BKOD CING PHYOGS CHOS MA GRUB PA DE, RI BONG RVAS PHUG PA SKYES BU SDUG BSNGAL BAR SGRUB PA'I RTAGS LTAR SNANG DU SGRUB PA'I SGRUB RTAGS YANG DAG TU RIGS RGYAN LAS GSUNGS LA, RTOG YUL NA YOD PA DE RI BONG RVA ZLA SGRAS BRJOD RUNG DU SGRUB PA'I SGRUB RTAGS YANG DAG TU RNAM 'GREL MTHA' DPYOD LAS GSUNGS PA'I PHYIR RO, ,KHO NA RE, GCIG DU BRAL GYI GTAN TSIGS DE MYU GU BDEN MED DU SGRUB BYED KYI RTAGS YANG DAG MA YIN PAR THAL, RTAGS DE'I KHYAB 'BREL MA GRUB PA'I PHYIR TE, DE SGRUB KYI RTAGS DANG DGAG BYA'I CHOS KYI GZHI MTHUN 'GOG PA'I TSAD MA MED PA'I PHYIR, DER THAL, DE SKOR GYI DGAG BYA'I CHOS KYANG YIN, BDEN GRUB KYI GCIG DANG DU MA GANG RUNG DANG BRAL BA YANG YIN PA 'JOG RIGS PA'I PHYIR NA MA KHYAB STE, BSGRUB CHOS BDEN MED KYI ZLOG ZLA'I BDEN GRUB KYANG YIN, RTAGS BDEN PA'I GCIG DANG DU MA GANG RUNG DANG BREL BA YANG YIN PA ZHIG SRID NA RTAGS DANG DGAG BYA'I CHOS KYI GZHI MTHUN DU 'GYUR GYI, KHYOD KYIS BSHAD PA DE TZAM GYIS DER YOD PAR THAL BAR MI 'GYUR BA'I PHYIR RO, ,KHA CIG NA RE, RTAGS DE DE SGRUB KYI RTAGS YANG DAG MA YIN PAR THAL, DE SKOR GYI KHYAB 'BREL GRUB PA NA BSGRUB BYA GRUB PAR 'GYUR BA'I PHYIR TE, SPYIS STONG PAS @102A *, ,KHYAB PA NGES PA NA BYE BRAG GIS STONG PAS KHYAB PA NGES DGOS PAR PHAR TSAD KYI DAR t'IK GNYIS KAR GSUNGS PA'I PHYIR NA MA KHYAB STE, SBYOR BDE'I KHYAB 'BREL NGES PA NA BSGRUB BYA'ANG SPYI 'GRO'I TSUL GYIS NGES DGOS PA LUNG DE'I DON YIN GYI DE'I TSE BSGRUB BYA NGES PA GZHUNG GI DON MA YIN TE, DE'I TSE CHOS CAN DE KHYAD GZHIR BZUNG BA'I STENG DU BSGRUB CHOS KYI KHYAD PAR MA NGES PAS DDUNG BSGRUB BYA LA SGRO 'DOGS KYI LHAG MA DANG BCAS PA'I PHYIR, GZHAN DU NA BYAS PA YANG SGRA MI RTAG PAR SGRUB PA'I RTAGS YANG DAG MIN PAR 'GYUR TE, SGRA NI BYAS YIN 'DI 'DRA KUN, ,MI RTAG CES NI BRJOD PAS KYANG, ,DON GYIS DE NI 'JIG BLOR 'GYUR, ,ZHES GSUNGS PA'I PHYIR, GZHAN YANG RTAGS 'DI NYID RANG BZHIN MA DMIGS PA'I RTAGS SU BSHAD PA'I GSUNG ZUR 'GA' TZAM SNANG YANG, RTAGS 'DI NYID KYI RNAM GZHAG RTZAL DU BTON NAS STON PA'I GZHUNG GI PHYI MOR GYUR PA ZHI 'TSO'I DBU MA RGYAN DANG, DE'I RJES 'BRANG KA SH'I'I DBU MA SNANG BA SOGS SU KHYAB BYED MA DMIGS PA'I RTAGS SU GSUNGS PA LTAR DBU MA RGYAN ZIN DANG STONG THUN SOGS SU YANG GSAL BAR GSUNGS PAS DE LTAR KHAS LEN DGOS LA, 'O NA RTAGS 'DI DON DANG THA SNYAD SGRUB GANG YIN ZHE NA, 'DI LA KHA CIG NA RE, RTAGS 'DI CHOS CAN, DON DANG THA SNYAD GNYIS KA SGRUB KYI RTAGS YANG DAG YIN TE, KHYAB BYED MA DMIGS PA'I GTAN TSIGS YIN PA'I PHYIR, KHYAB STE, RNAM 'GREL NGES KYI RANG 'GREL GNYIS KAR, RGYU DANG KHYAB PAR BYED PA MA DMIGS PA NI GNYIS KA'I YANG GTAN @102B TSIGS YIN NO, ,ZHES GSUNGS PA'I PHYIR ZER BA LA, BA LING RTAGS RIG MCHAN DU, MA KHYAB STE, ME MED PA'I RTAGS KYIS DU BAS DBEN PA'I RTZIG SKOR NA DU BA TSAD MAS MA DMIGS PAR SGRUB PA DANG, SHING MED PA'I RTAGS KYIS SHING GIS DBEN PA'I BRAG LJONGS NA SHA BA TSAD MAS MA DMIGS PAR SGRUB PA LTA BU'I RGYU KHYAB BYED MA DMIGS PA'I GTAN TSIGS GNYIS NI DON 'BA' ZHIG SGRUB KYI RTAGS YANG DAG YIN PA'I PHYIR, ZHES ZER ZHING, RNAM 'GREL MTHA' DPYOD LAS, DE SGRUB KYI RGYU MA DMIGS PA DANG KHYAB BYED MA DMIGS PA'I RTAGS YANG DAG LA THA SNYAD 'BA' ZHIG SGRUB KYIS KHYAB LA, ZHES GSUNGS SO, ,'ON KYANG RTAGS 'DI DON DANG THA SNYAD GNYIS KA SGRUB KYI RTAGS YANG DAG YIN TE, 'DI'I DNGOS KYI BSGRUB CHOS LA MTSAN MTSON GNYIS KA YOD PA'I PHYIR TE, BDEN PAR MED PA NI 'DI'I DNGOS KYI BSGRUB CHOS SU GYUR PA'I MTSON BYA DANG, BDEN PAR TSAD MAS MA DMIGS PA NI DER GYUR PA'I MTSAN NYID YIN PA'I PHYIR, 'O NA STONG THUN DU RTAGS 'DI THA SNYAD 'BA' ZHIG SGRUB TU BSHAD PA DANG 'GAL LO ZHE NA, DBU MA RGYAN GYI ZIN BRIS LAS, RGYU DANG KHYAB BYED MA DMIGS PA LA DON DANG THA SNYAD SGRUB BYED GNYIS GSUNGS PAS 'DI NI KHYAB BYED MA DMIGS PA'I THA SNYAD SGRUB YIN GYI, RANG BZHIN MA DMIGS PA MIN PAS DON GRUB ZIN PA YANG DON LDOG GI DON DU MI GZUNG NGO, ,ZHES GSUNGS PA LTAR, 'DI'I DON DANG THA SNYAD CES PA NI SPYIR BTANG LTAR MTSAN MTSON LA BYA BA MIN GYI, MYU GU BDEN GRUB KYI GCIG DANG BDEN GRUB KYI DU MA GANG RUNG DU MA GRUB PA @103A *, ,DE SKABS 'DI'I DON DANG, MYU GU BDEN MED NGES PA'I RTOG PA DANG DES KUN NAS BSLANGS PA'I MYU GU BDEN MED CES PA'I SGRA DANG LUS KYI THA SNYAD GSUM LA SKABS 'DI'I THA SNYAD DU BYAS NAS, SKABS KYI PHYI RGOL GYIS SNGA MA GRUB ZIN PAS PHYI MA KHO NA'I DON DU RTAGS 'GOD PAS THA SNYAD 'BA' ZHIG SGRUB CES 'JOG TSUL RNAM GRANGS PA'I DBANG DU BYAS PA YIN PAS 'GAL BA MED DO, ,KHA CIG MTHA' BZHI LAS MI SKYE BA RTAGS SU BKOD DE BDEN MED SGRUB PA'I TSUL MI 'THAD PAR THAL, RTZA SHE LAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,ZHES DE DAM BCA' KHO NA LA SBYAR BA'I PHYIR NA MA KHYAB STE, DE RTAGS SU BYAS PA'I SBYOR BA DBU MA SNANG BAR GSUNGS PA DRANGS ZIN BA DANG, 'JUG PAR YANG, GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES MTHA' BZHI LAS MI SKYE BA'I RTAGS LAS DNGOS PO RANG BZHIN MED PAR RTOGS PA'I RJES DPAG SKYE BAR GSUNGS PA'I PHYIR, MA KHYAB MTSAMS KYI RTAGS GRUB STE, 'JUG PA'I RANG 'GREL LAS, DAM BCA' BA BZHI PO DE RJES SU BRJOD NAS, ZHES DANG, DE'I RNAM BSHAD LAS, BDAG LAS ZHES SOGS KYI, NAS, DAM BCA' GZHAN GSUM LA YANG SBYAR RO, ,ZHES DANG, RTZA SHE'I t'IK CHEN LAS, 'JUG 'GREL LAS MTHA' YI YOD MA YIN ZHES PA YOD PA'I SGRUB BYED RANG LAS SKYE BA DANG 'BREL GYI YOD PA DANG NI MA YIN TE, DE DGAG PA DON GYIS 'GRUB PA'I @103B PHYIR RO, ,ZHES BSHAD PA NI RKANG PA PHYI MA GNYIS KYIS DAM BCA' DANG SNGA MA GNYIS KYIS RTAGS BSTAN PAR 'CHAD PA LTAR MI BYA ZHES PA'I DON TE GZHAN GSUM LA'ANG 'DRA'O, ,ZHES GSUNGS PA'I PHYIR, KHA CIG RTAGS 'DI'I TSUL SGRUB PA'I SKABS DON DAM GYI KHYAD PAR GZHAN SKYE KHO NA LA SBYAR BA MI RIGS TE, STONG THUN LAS, DON DAM PAR BDAG DANG GZHAN DANG GNYI GA DANG RGYU MED GANG LAS KYANG MI SKYE BA'I PHYIR, ZHES THAMS CAD KYI THOG MAR SBYAR BA BZHIN GSER PHRENG DU YANG 'BYUNG BA'I PHYIR ZER NA, DE NI MTHA' BZHI RTAGS ZUR SO SOR MA PHYE BAR 'GOD TSE KHYAD PAR DE THOG MAR SBYAR BA TZAM YIN GYI, SO SOR PHYE TSE KHYAD PAR DE GZHAN SKYE KHO NA LAS MI SBYOR BA'I PHYIR TE, MTHA' GZHAN GSUM THA SNYAD DU YANG MI SRID PAS DE LA KHYAD PAR DE SBYOR MI DGOS LA, GZHAN SKYE THA SNYAD DU YOD PAS DE LA DON DAM GYI KHYAD PAR SBYOR DGOS PA STONG THUN RANG NYID NA GSAL BA'I PHYIR TE, DE NYID LAS, BDAG SKYE SOGS GSUM THA SNYAD DU YANG MI SRID PAR THAL RANG GNYIS KA MTHUN YANG; NAS, GZHAN SKYE 'GOG PA LA NGES PAR DON DAM GYI KHYAD PAR SBYOR, ZHES DANG, BDAG SKYE 'GOG PA LA DON DAM GYI KHYAD PAR SBYAR BA MI 'THAD PAR 'OG TU STON, CES GSUNGS PA'I PHYIR, KHA CIG GONG GI YOD MED SKYE 'GOG GI RTAGS 'GOD TSUL MI 'THAD PAR THAL, DE LA RGYU DUS KYI KHYAD PAR MA SBYAR BAR 'GOD DGOS PA'I PHYIR TE, YOD PA SKYE BAR MI RIGS TE, ,MED PA NAM MKHA'I PADMO BZHIN, ,ZHES GSUNGS PA'I PHYIR ZER NA MA KHYAB STE, DE NI, RTZA SHE @104A *, ,LAS; MED DAM YOD PA'I DON LA YANG, ,RKYEN NI RUNG BA MA YIN TE, ,MED NA GANG GI RKYEN DU 'GYUR, ,YOD NA RKYEN GYIS CI ZHIG BYA, ,ZHES PA'I DNGOS BSTAN LTAR RGYU DUS KYI KHYAD PAR SBYOR BA'I DBANG DU MDZAD PA'I PHYIR; RTAGS ZUR SNGA MAR PHAR PHYIN ZUR MCHAN SOGS SU DGAG BYA'I KHYAD PAR SBYAR KYANG, THA SNYAD DU YANG DGAG DGOS PA RNAMS LA KHYAD PAR DE SBYOR MI DGOS PA'I GNAD KYIS SNGAR MA SBYAR RO, ,KHA CIG GONG GI MU BZHI SKYE 'GOG GI RTAGS 'GOD TSUL YANG MI 'THAD PAR THAL, DE'I RTAGS ZUR BA ZHIG LA DON DAM GYI KHYAD PAR DANG KHO NA'I RNAM BCAD NYIS CHAD SBYOR DGOS PA'I PHYIR TE, GRUB MTHA' CHEN MOR DE LTAR SBYAR LA, STONG THUN DU YANG RTAGS ZUR GSUM LA DON DAM GYI KHYAD PAR DANG KHO NA'I RNAM BCAD SBYAR BA'I PHYIR ZER NA, MA KHYAB STE, DE NI LAS GCIG GIS LUS DU MAR 'PHEN PA SOGS KYI MU BZHI MI 'THAD PAR THAL BA'I TSIG 'KHRI DGAG PA DANG, RGYU DU MAS 'BRAS BU DU MA SKYED PA LAS GZHAN GSUM DON DAM DU YANG DGAG DGOS PA SHES PA'I PHYIR DU DON DAM GYI KHYAD PAR DANG, DON DAM DU MA ZAD THA SNYAD DU YANG DGAG DGOS PA SHES PA'I CHED DU KHO NA'I TSIG KYANG SBYAR BA YIN GYI, DE GSUM LA KHO NA'I RNAM BCAD GCIG PU SBYAR BAS DE GSUM BDEN PA NYIS CHAR DU DGAG MI NUS PA'I RGYU MTSAN GYIS DON DAM GYI KHYAD PAR BSNAN PA MA YIN PAS SPYIR SNGAR BSHAD PA LTAR 'GOD DGOS PA'I PHYIR, GNYAL STON DKA' 'GREL DU, GNYIS PA RIGS PA'I DGAG BYA DE JI LTAR 'GOG PA'I TSUL LA DBU MA @104B RGYAN LAS GSUNGS TSUL, DBU MA SNANG BA LAS GSUNGS TSUL, BDEN GNYIS LAS GSUNGS TSUL, DE RNAMS KLU SGRUB KYI RJES SU 'BRANG BAR BSTAN PA ZHES SA GCOD MDZAD NAS, PHYI MAR GZHUNG GI 'DI DAG KYANG MGON PO KLU SGRUB KYI RJES SU 'BRANG BA'I RIGS PA'I LAM CHEN PO STE, ZHES PA'I 'DI SGRA SNYEGS SA LEGS LDAN SOGS LA MDZAD PA NI RANG TSIG SNGA PHYI'I NGO GDONG 'BREL CHAGS TSUL DKA' BAR SNANG ZHING, 'BRU GNYER TSUL YANG LEGS LDAN DANG ZHI 'TSO SOGS KLU SGRUB RJES 'BRANG GI RIGS LAM YIN PAS RIGS LAM LA BLO RGYAS PAR 'DOD PA'I LEGS LDAN SOGS SLOB DPON DE DANG DE DAG LA BSLAB PAR BYA'O, ,ZHES PAR 'GYUR BAS SGRA JI BZHIN PAR KHAS BLANG DU MI RUNG NGO,, ` ,,GNYIS PA THAL 'GYUR BA RNAMS KYIS 'PHAGS PA'I DGONGS PA JI LTAR BKRAL BA LA GNYIS, GANG ZAG DANG CHOS LA RANG BZHIN YOD MED JI LTAR BSHAD PA DANG, DON DAM DU GRUB PA 'GOG PA'I RIGS PA'I GTZO BO GANG YIN BSTAN PA'O, ,DANG PO LA GSUM, GANG ZAG DANG CHOS LA RANG BZHIN 'GOG PA'I KHYAD PAR BSHAD PA DANG, DE LA BRTEN NAS 'PHAGS PA'I DGONGS PA 'GREL TSUL THUN MONG MA YIN PA BSTAN PA DANG, TSUL DE LA MDO SDE RNAMS DANG 'GAL BA SPANG BA'O, ,DANG PO LA GNYIS, RANG GI MTSAN NYID KYIS GRUB PA'I RANG BZHIN 'GOG PA KHYAD PAR YIN PAR BSTAN PA DANG, DGAG BYA DE NGOS BZUNG NAS JI LTAR MED PA BSTAN PA'O, ,DANG PO LA GNYIS, RANG GI MTSAN NYID KYIS GRUB PA'I RANG BZHIN 'GOG PA RANG @105A *, ,RGYUD PAS MA BYAS PA'I TSUL DANG, DE DPAL LDAN ZLA BAS BYAS PA'I TSUL LO, ,DANG PO NI, SLOB DPON SANGS RGYAS BSKYANGS, ZHES SOGS BYUNG, SANGS RGYAS BSKYANGS KYIS RTZA SHE'I 'GREL BA BUDDHA P'A LI TA MDZAD PA LA LEGS LDAN GYIS SKYON BRJOD SKABS BDAG MED GNYIS KYI DON BSHAD PA NA RANG GI MTSAN NYID KYIS GRUB PA'I RANG BZHIN 'GOG PA LA MI MTHUN PA YOD PA'I SKYON MA BRJOD LA, SPYAN RAS GZIGS BRTUL ZHUGS KYIS SHER SGRON 'GREL BAR YANG THA SNYAD DU SGYU MA TZAM DU YOD PA DANG DON DAM DU NGO BO NYID MED TSUL LA SANGS RGYAS BSKYANGS DANG LEGS LDAN GNYIS 'DRA BAR BSHAD CING, YE SHES SNYING PO SOGS KYIS KYANG RANG DANG DE DAG GI LUGS LA BDAG MED KYI DGAG BYA LA KHYAD PAR YOD TSUL MA BSHAD DO, ,SPYAN RAS GZIGS BRTUL ZHUGS KYIS, THEG PA CHEN PO DBU MA'I TSUL 'DI LA KUN RDZOB KYI THA SNYAD DU NI PHYI DANG NANG GI RTEN CING 'BREL BAR 'BYUNG BA MA BRTAGS GCIG BU NA NYAMS DGA' BA SGYU MA TZAM DU BYA BA BYED NUS PAR YOD CING, DE LA MNGON PAR ZHEN PAS NI SRID PA GSUM DU 'KHOR ZHING KUN NAS NYON MONGS PA'I RGYUN YANG 'BREL BAR 'GYUR LA, DE LA MNGON PAR MA ZHEN ZHING DON DAM PAR NGO BO NYID MED PAR SHES PAS NI SRID PA'I SA BON 'GAG CING MI GNAS PA'I MYA NGAN LAS 'DAS PA'I BDE BA CHEN PO YANG THOB PA MED PA'I TSUL GYIS 'THOB PAR 'GYUR TE, DE NI SLOB DPON KLU SGRUB KYI ZHAL SNGA NAS DANG, 'PHAGS PA LHA DANG, LEGS LDAN 'BYED DANG, BUDDHA @105B P'A LI TA LA SOGS PA THEG PA CHEN PO DBU MA'I LAM SMRA BA RNAMS KYIS SHES RAB KYI PHA ROL TU PHYIN PA'I TSUL BSTAN PA YIN NO, ,ZHES RAB BYED BCO BRGYAD PA'I 'GREL BAR BSHAD PA'I DON BSDUS TE GZHUNG DU BKOD PA'O, ,GNYIS PA LA GNYIS, RANG MTSAN GYIS MA GRUB PAR 'DOD PA'I KHYAD PAR DBU MA BA GZHAN DANG THUN MONG MA YIN PAR BSHAD PA, THAL RANG LA RANG MTSAN GYIS GRUB PA THA SNYAD DU 'DOD MI 'DOD KYI KHYAD PAR BSTAN PA'O, ,DANG PO NI, ZLA BA GRAGS PAS, ZHES SOGS BYUNG; ZLA BAS SANGS RGYAS BSKYANGS DANG RANG GI BDEN GNYIS 'JOG TSUL LA KHYAD MED PA DANG, TSUL DE DBU MA PA GZHAN DANG THUN MONG MIN PAR 'JUG 'GREL DU BSHAD DO, ,DE YANG 'JUG PA LAS, 'DI LAS GZHAN NA CHOS 'DI NI, , JI LTAR MED PA DE BZHIN DU, ,'DIR 'BYUNG LUGS KYANG GZHAN NA NI, ,MED CES MKHAS RNAMS NGES PAR MDZOD, ,CES DANG, DE'I RANG 'GREL LAS, JI LTAR DBU MA'I BSTAN BCOS, SOGS KYIS RANG LUGS GZHAN GANG DANG YANG THUN MONG MIN PAR BSHAD NAS, DE'I PHYIR KHA CIG GIS, SOGS KYIS RGYU MTSAN DES NA MDO SDE PAS DON DAM DU 'DOD PA DAG DBU MA BAS KUN RDZOB TU 'DOD PAR SMRA BA DBU MA'I DE NYID MI SHES PA YIN PAR BSHAD, YANG GANG DAG BYE BRAG TU SMRA BA RNAMS KYIS GANG DON DAM PAR SMRAS PA DE DBU MA BA RNAMS KYIS KUN RDZOB TU YIN NO SNYAM DU SEMS PA DE DAG GIS KYANG BSTAN BCOS KYI DE NYID YONGS SU MA SHES PA KHO NA STE, ZHES BYE SMRA'I LUGS LA YANG DE LTAR GSUNGS PA'I MTHAR, 'DI LTAR @106A *, ,'JIG RTEN LAS 'DAS PA'I, SOGS KYIS LUGS 'DI LUGS GZHAN DANG THUN MONG MIN PA'I TSUL GYI DON BSDUS PA YIN NO, ,JI LTAR RTZA SHE SOGS LAS GZHAN DU STONG NYID KYI CHOS 'DI MA NOR BAR BSHAD PA MED PA DE BZHIN DU, SKABS 'DIR KLU SGRUB KYI LUGS RTZOD LAN DANG BCAS BSHAD PA 'JUG PA 'DI NAS 'BYUNG BA DE YANG STONG NYID LTAR BSTAN BCOS GZHAN NA MED PAR MKHAS PAS DES DGOS LA, RGYU MTSAN DE'I PHYIR DBU MA BA KHA CIG GIS DON SMRAS GANG DON DAM PAR SMRAS PA DE NYID DBU MA BA RNAMS KYIS KUN RDZOB TU 'DOD DO ZHES BSHAD PA DE NI DBU MA'I BSTAN BCOS KYI DE KHO NA NYID MA SHES PAS SMRAS PA YIN TE, 'DI LTAR BDEN GNYIS KYI TSUL LAS MA NYAMS PA'I 'JIG RTEN LAS 'DAS PA THAL 'GYUR BA'I LUGS NI DE LAS NYAMS PA'I RANG BZHIN SMRA BA'I LUGS DANG BDEN GNYIS 'JOG TSUL GYI SKABS GANG DU YANG MTSUNGS PAR SBYOR MI RIGS PA'I PHYIR, DE BAS NA THAL 'GYUR BA'I LUGS 'DI DNGOS SMRA BA LTA CI RANG RGYUD PA DANG YANG THUN MONG MIN PAR SHES DGOS PAR GSUNGS SO, ,GTAN TSIGS DE BAS NA DON SMRAS DON DAM PAR SMRAS PA RNAMS DBU MA BAS KUN RDZOB TU 'DOD PAR 'CHAD PAS NI DBU MA'I DE KHO NA NYID MI SHES PA YIN TE, DBU MA BAS THA SNYAD DU YANG RANG MTSAN GYIS GRUB PA'I CHOS MI 'DOD LA, DON SMRA NI CHOS GANG 'JOG KYANG RANG MTSAN GYIS GRUB PA'I STENG NAS 'JOG PA SHA STAG YIN PA'I PHYIR RO, ,'JUG PA LAS, SLOB DPON KLU SGRUB ZHABS KYI LAM LAS NI, , @106B PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA 'GRUB YOD MIN, ,ZHES PA RTZA 'GREL LAS GSUNGS PA LTAR 'PHAGS PA KLU SGRUB KYI BZHED MTHIL THAL 'GYUR BA'I LUGS DON DAM DU MA ZAD KUN RDZOB TU YANG DNGOS SMRA BA DANG THUN MONG MA YIN TE, BDEN GNYIS KYI TSUL LAS MA NYAMS PAR DE KHO NA NYID RTOGS PA'I LUGS NI DE LAS NYAMS PA DE KHO NA NYID MA RTOGS PA'I LUGS DANG BDEN GNYIS 'JOG TSUL GYI SKABS GANG DU YANG MTSUNGS BAR MI RIGS PA'I PHYIR TE, BDEN GNYIS GANG RUNG GCIG LAS NYAMS NA CIG SHOS LAS KYANG NYAMS PAR 'GYUR PA'I PHYIR, KHO NA RE, DE MI 'THAD PAR THAL, BDEN GNYIS RANG 'GREL LAS, GZHAN GYIS DON DAM BYAS GANG YIN, , ZHES SOGS DE'I KHUNGS SU DRANGS LA, DE NYID SLOB DPON KLU SGRUB KYIS BSHAD PA, ZHES DE KLU SGRUB KYI YIN PAR ZHI 'TSO'I BDEN GNYIS 'GREL BSHAD DU GSUNGS PA'I PHYIR ZHES ZER RO, ,KHUNGS SU DRANGS PA'I LUNG GI DON NI, DNGOS SMRA BAS DON DAM DU BYAS PA GANG YIN PA DE DBU MA BA'I KUN RDZOB TU 'DOD PA NI, BU'I MAR 'DOD PA GANG YIN PA DE BU DE'I PHA'I CHUNG MAR 'DOD PA BZHIN NO, ,ZHES PA'O, ,LUNG DE KLU SGRUB KYI MIN PA NI, 'DOD TSUL DE 'JUG 'GREL GYIS BKAG PAS SHES SHING, 'GREL BSHAD DE RTZOM PA PO ZHI 'TSO DANG MING MTHUN PA'AM KHA G-YAR BA LAS DBU MA RGYAN SOGS RTZOM MKHAN MIN TE, DER, RAB TU BYED PA 'DI NI DGOS PA MED PA'I PHYIR BRTZAM PAR BYA BA MA YIN TE, BYA ROG GI SO BRTAG PA DANG 'DRA'O SNYAM DU DOGS PA'I GTAN @107A *, ,TSIGS MA GRUB PA NYID DU BSTAN PA'I PHYIR, ZHES BSTAN BCOS RTZOM PA'I DGOS PA BSHAD PA KA SH'I'I TSAD MA'I DE KHO NA NYID BSDUS PA'I 'GREL BAR 'GREL BSHAD KYI 'DOD PA DE BKOD RJES, DE NI YANG DAG PA MA YIN PA LTA BUR MNGON TE, ZHES BKAG PA'I PHYIR DANG, BDEN GNYIS RANG 'GREL LAS, GAL TE MED PA'I PHYIR MI LTOS SO ZHE NA, MNGON SUM DANG 'GAL BA KUN TU SPYOD DE, GZUNG BA DANG 'DZIN PA NI BRTAGS PA'I NGO BO NYID YIN LA, DE GNYIS KYANG MNGON SUM MKHO NAR GRAGS PA DE DAG YIN NO, ,GAL TE MA RIG PAS DKRUGS PA'I RNAM PAR SHES PA NYID DE LTAR RTOGS SO ZHE NA, MYONG BA DANG 'GAL BA GRUB PA KHYOD LA 'GOG PAR BYED PA SU ZHIG YOD DE, BDAG NYID MI SHES PA DE LTA BU NI 'JIG RTEN GYIS THAG RING BO KHO NAR SPANG NGO, ,ZHES PHYI DON MED PA MI 'THAD PAR BSHAD PA NI, 'GREL BSHAD LAS, RNAL 'BYOR SPYOD PA BA 'DOD PA'I DOGS PA BSU BAR BYED DE, RTAG TU MED CES BYUNG BA'I PHYIR, GAL TE MED PA'I PHYIR MI LTOS SO ZHE NA, NAS, 'JIG RTEN GYIS THAG RING BO KHO NAR SPONG STE, 'JIG RTEN PA'I THA SNYAD DANG MI MTHUN PAR ZHUGS PA'I PHYIR RO, ,ZHES SGRA SOR BZHAG NAS 'THAD PHYOGS SU BLANGS PA'I PHYIR, KHYAB STE, ZHI 'TSOS PHYI DON MI BZHED PA'I PHYIR RO, ,GNYIS PA NI, GZHAN YANG 'JUG 'GREL, ZHES SOGS BYUNG, THAL RANG LA RANG MTSAN GYIS GRUB PA THA SNYAD DU 'DOD MI 'DOD KYI KHYAD YOD DE, PHYI MAS DE LTAR 'DOD LA SNGA MAS DE BDEN PA NYIS CHAR DU MED PAR BSGRUBS PA'I PHYIR TE, 'JUG 'GREL LAS, @107B DON DAM PAR SKYE BA MED PAS, ZHES SOGS GSUNGS PA'I PHYIR, DE'I DON NI, GONG DU RANG MTSAN GYIS GRUB PA'I RGYU 'BRAS BKAG PA LA, KHA CIG GIS DON DAM PAR BDAG LAS SKYE BA DANG, DON DAM PAR GZHAN LAS SKYE BA MED PAS DE LTAR DGAG PA LA RAG MOD DE DGAG PA YIN MOD CES PA STE, NAG TSO'I 'GYUR LAS, DON DAM PAR SKYE BA MED PA NI KHO BO CAG KYANG 'DOD NA ZHES BYUNG BA GSAL LO, ,GZHAN SKYE YOD PAR 'DOD DGOS TE, THA SNYAD DU MNGON RJES KYI YUL GZUGS TSOR SOGS KYI RANG BZHIN NI THE TSOM MED PAR RANG BZHIN NAM RANG MTSAN GYIS SKYE BA'I GZHAN SKYER 'DOD DGOS PA'I PHYIR TE, DE MI 'DOD NA KUN RDZOB TU YANG BDEN PA MED PAS KUN RDZOB BDEN PA MED PAR 'GYUR LA, DE LTA NA DON DAM BDEN PA GCIG BUR 'GYUR BA'I PHYIR ZHES RGOL BA LA, GANG PHYIR DNGOS PO 'DI DAG RNAM DPYAD NA, ,ZHES SOGS SHLOO KA GCIG GIS RANG MTSAN GYIS SKYE BA DON DAM PAR DANG, DE NYID SKABS SU RIGS PA GANG ZHIG GIS, ,ZHES SOGS SHLOO KA GCIG GIS DE THA SNYAD DU YOD PA BKAG NAS RANG MTSAN GYIS SKYE BA BDEN PA NYIS CHAR DU MED PAR BSGRUBS SO, ,THAL RANG LA DGAG BYA'I KHYAD DE TZAM YOD NA ZLA BAS DE LA DMIGS BSAL CAN GYI DGAG PA CI'I PHYIR MA MDZAD CES SMRA MI RIGS TE, RANG MTSAN GYIS SKYE BA BDEN PA NYIS CHAR DU MED PAR BSGRUBS PA NI DON DAM PAR MI SKYE YANG THA SNYAD DU RANG MTSAN GYIS SKYE BA YOD PAR 'DOD PA'I DBU MA BAR SGRUB KYI DNGOS SMRA BA LA MA YIN PA'I PHYIR TE, DES DNGOS PO RNAMS DON DAM PAR GZHAN LAS SKYE BAR 'DOD PA'I PHYIR RO, ` ,SPRO NA, @108A *, ,'JUG 'GREL DU DON SMRAS DON DAM PAR SMRAS TSAD DBU MA BAS KUN RDZOB TU 'DOD PAR BSHAD PA MI RIGS PAR GSUNGS PA'I DON LA, GZHUNG DANG MTHUN PAR 'JUG PA'I RNAM BSHAD LAS, 'DIS NI RANG GIS THA SNYAD DU RNAM PAR BZHAG PA KHAS BLANGS PA THAMS CAD RANG MTSAN GYIS GRUB PA MED PA NYID LA 'JOG PAS, RANG GI MTSAN NYID KYIS GRUB PA KHO NA'I STENG NAS RNAM GZHAG BYAS PA'I DON SMRA GNYIS LA SOGS PA'I GRUB MTHA' RNAMS RANG LUGS KYI DON DAM DU MA ZAD THA SNYAD DU YANG GRUB PA MED PAR 'DOD PA'I LUGS SO, ,ZHES DON SMRAS CHOS KUN RANG MTSAN GYIS GRUB PA'I STENG NAS 'JOG PAS DE DAG GIS GANG 'DOD DBU MA BAS KUN RDZOB TU MI 'DOD PA'I DON DANG, LHAG MTHONG CHEN MO LAS, SDE BA GNYIS KYIS DON DAM DU 'DOD PA RNAMS DBU MA BAS KUN RDZOB TU KHAS MI LEN PA NI CHA MED LA SOGS PA'I DNGOS PO LA BYA YI, DE GNYIS KYIS BDEN PAR GANG 'DOD DBU MA PAS KUN RDZOB TU KHAS MI BLANG BAR STON PA MIN TE, GZUGS SGRA LA SOGS PA DE DAG GIS BDEN PAR 'DOD KYANG DBU MA BAS KUN RDZOB TU 'DOD PA BZHIN NO, ,ZHES DON SMRAS BDEN PAR GANG 'DOD DBU MA BAS KUN RDZOB TU MI BZHED PA MIN PAR DES DON DAM PAR SMRA BA CHA MED SOGS KYI DNGOS PO LTA BU DBU MA BAS KUN RDZOB TU MI 'DOD PA'I DON DU GSUNGS PA GNYIS SGRAS ZIN MI MTHUN PA LTA BUR SNANG LA, PHYI MA LTAR NA 'JUG 'GREL GYI GZHUNG 'DI THAL 'GYUR BAS RANG MTSAN GYIS GRUB PA MI BZHED PA'I KHUNGS SU MI 'BREL ZHING, SNGA MA LTAR NA DE'I KHUNGS SU 'GYUR @108B BAS SKABS 'DIR DE GTZO'O, ,MU NA SEL DU, 'JUG 'GREL GYI LUNG GI DON, MDO SDE BAS DON DAM BDEN PAR 'DOD PA'I 'DUS BYAS RNAMS DBU MA BAS KUN RDZOB TU 'DOD ZER BA MI 'THAD PA DANG, BYE SMRAS DON DAM BDEN PAR 'DOD PA'I GZUGS SOGS DBU MA BAS KUN RDZOB TU 'DOD CES BSHAD PA'I ZHIB CHA LHAG MTHONG CHEN MO LTAR GO DGOS PAR GSUNGS SO, ,GNYIS PA DGAG BYA DE NGOS BZUNG NAS JI LTAR MED PA BSTAN PA LA GNYIS, KUN BTAGS DANG LHAN SKYES KYI SGRO 'DOGS KYIS BZUNG TSUL BSTAN NAS DE MED PAR BSTAN PA DANG, NYAN THOS KYI SDE SNOD LA BRTEN NAS KYANG BDAG MED GNYIS SU GSUNGS PA'I DON BSHAD PA'O, ,DANG PO LA BZHI, CHOS DANG GANG ZAG GI 'JOG TSUL, SGRO 'DOGS GNYIS KYIS 'DZIN TSUL, BDAG MED GNYIS KYI NGOS 'DZIN, SEMS TZAM PAS KUN BTAGS RANG MTSAN GYIS MA GRUB PAR 'DOD PA DANG 'GAL BA SPANG BA'O, ,DANG PO LA GNYIS, RANG BZHIN SMRA PA'I 'DOD TSUL DANG, THAL 'GYUR BA'I BZHED TSUL LO, , DANG PO NI, 'O NA, ZHES SOGS BYUNG, DE LA, 'DOD DO, ,YAN GYIS GANG ZAG DANG, DE MAN GYIS CHOS BTAGS DON BTZAL NAS 'JOG TSUL BSTAN TE, 'DI BAS RANG MTSAN GYIS GRUB PA MI BZHED NA, JI 'DRA ZHIG TU BZUNG NA RANG MTSAN GYIS GRUB PAR BZUNG BA YIN ZHE NA, THOG MAR RANG BZHIN SMRA BA'I LUGS BRJOD PA NI, GANG ZAG 'DIS LAS 'DI BYAS SO ZHES PA DANG, 'BRAS BU 'DI MYONG NGO ZHES PA'I THA SNYAD BTAGS PA LA THA SNYAD BTAGS PA DE TZAM GYIS MA TSIMS PAR, @109A *, ,DE LTAR BTAGS PA'I DON DE RANG GI PHUNG PO 'DI NYID DAM, DE LAS DON GZHAN ZHIG YIN ZHES GANG ZAG GI THA SNYAD BTAGS PA DE'I DON 'TSOL TE, DE YANG RANG RGYUD PA DANG RIGS PA'I RJES 'BRANG GI RNAM RIG PAS YID KYI RNAM SHES DANG, LUNG GI RJES 'BRANG GI RNAM RIG PAS KUN GZHI DANG, MDO SDE BAS YID KYI RNAM SHES KYI RGYUN DANG, BYE SMRA KHA CIG GIS PHUNG PO LNGA GA DANG, KHA CIG GIS SEMS GCIG PU DANG, GNAS MA BU BAS BRJOD MED KYI RDZAS YOD DU 'DOD PA SOGS DON GCIG PA STE RANG GI PHUNG PO NYID DAM, DON THA DAD PA STE RANG GI PHUNG PO LAS DON GZHAN PA SOGS KYI PHYOGS GNYIS PO GANG RUNG ZHIG RNYED NAS GANG ZAG DE GANG DU 'JOGS ZHIG BYUNG NA GANG ZAG DE LAS GSOG PA PO DANG RNAM SMIN MYONG BA PO SOGS SU 'JOG NUS LA, DE LTAR MA RNYED PAR BTAGS TZAM ZHIG LA DE DAG 'JOG MI NUS PAS GANG ZAG GI THA SNYAD BTAGS PA TZAM GYIS MI TSIMS PAR DE'I THA SNYAD GANG LA BTAGS PA'I BTAGS PA'I GZHI'I DON GANG ZAG DE PHUNG PO DANG GCIG GAM DON GZHAN YIN ZHES DPYAD CING BTZAL NAS 'JOG NA GANG ZAG RANG MTSAN GYIS GRUB PAR 'JOG PA YIN TE, RANG RGYUD PA MAN RANG GZHAN GYI SDE BA KUN DE LTAR DU 'DOD DO, ,GZUGS SOGS CHOS KUN YOD PAR 'JOG PA NA, LTO LDIR BA LTA BU BUM PA ZHES PA'I THA SNYAD 'JUG PA'I 'JUG GZHI'I DON LTO LDIR BA DE DE'I GDAGS GZHI DANG GCIG GAM DON GZHAN DU GRUB BTZAL BA NA, DE LTAR 'TSOL BA DES RNYED PA'I LTO LDIR BA'I BTAGS DON MED NA BUM PA YOD PAR 'JOG MI NUS PAS @109B DE LAS BZLOG PA BTAGS DON RNYED RGYU YOD PA ZHIG LA YOD PAR 'JOG GO ,DES NA RTOG GE STE TSAD MA'I GZHUNG NAS DON BYED NUS PA KHO NA LA RANG MTSAN DANG ZHES SOGS GO SLA'O, ,GNYIS PA LA GSUM, THAL 'GYUR BA'I RANG LUGS LA CHOS DANG GANG ZAG GI THA SNYAD 'JOG TSUL, DE LTAR 'JOG DGOS PA'I SHES BYED, DE THAL 'GYUR BA'I KHYAD CHOS SU MI 'THAD PA'I RTZOD PA SPANG PA'O, ,DANG PO LA GNYIS, DPYAD NAS 'JOG MI NUS PA'I TSUL DANG, MA DPYAD PAR 'JOG PA'I TSUL LO; ,DANG PO NI, ZLA BA'I ZHABS, ZHES SOGS BYUNG, ZLA BA'I LUGS LA RANG MTSAN GYIS GRUB PA THA SNYAD DU YANG MI BZHER PAS DES THA SNYAD DU YOD PAR 'JOG LUGS NI, TSIG GSAL LAS, CI STE YANG DPER NA MCHI GU'I LUS SGRA GCAN GYI MGO NAS, CES BYA BAR 'GYUR RO SNYAM NA, ZHES PA'I BAR GYIS PHYOGS SNGA DNGOS SMRA BA'I 'DOD TSUL DANG, DE NI DE LTA MA YIN TE, NAS, KHYAD PAR CAN GYI DNGOS PO MI RIGS SO, ,ZHES PA'I BAR GYIS DPE DON MI MTSUNGS PA'I LAN MDZAD PA'I DON 'CHAD PA LA, GZHUNG LAS, 'JIG RTEN NA MCHI GU'I LUS, NAS, LAN MDZAD NAS, ZHES PA'I BAR DANG, DE NAS DPE MGRUB PA'I RGYU MTSAN GZHAN STON PA LA, TSIG GSAL LAS, GZHAN YANG LUS KYI RTEN CAN, SOGS DANG, DE 'GREL BA LA GZHUNG LAS, KHYAD PAR GYI GZHI RTEN LUS DANG, NAS, DPER MA GRUB PO'I BAR BSGRIGS NAS GO RIMS SU BSHAD NA GO SLA BAS DE LTAR BSHAD PA LA, RANG BZHIN SMRA BAS BTAGS DON BTZAL NA RNYED PAR 'DOD PA DE LA GNOD PA @110A *, ,BSTAN PA, DE LA RANG BZHIN SMRA BAS LAN BTAB TSUL, DE LA DPE DON MI MTSUNGS PA DANG DPE MA GRUB PA'I GNOD PA GNYIS BSTAN PA, DE LA BRGAL LAN GYI SGO NAS MI 'THAD PAR BSTAN PA'I TSUL RNAMS LAS, RANG BZHIN SMRA BA KUN GYIS CHOS RNAMS LA RANG RANG GI MING GI THA SNYAD BTAGS PA'I DON BTZAL NA RNYED PAR KHAS BLANGS PA LA, 'DI BAS, DE MI 'THAD DE, SRA BA LA MTSAN NYID DANG SAL MTSON BYAR BTAGS PA'I DON BTZAL TSE RNYED RGYU ZHIG YOD NA SA DANG SRA BA GNYIS DON THA DAD PAR GRUB PA YIN YANG DE LTAR RNYED RGYU MED PA'I PHYIR TE, SRA BA MA YIN PA'I SA MED PA'I PHYIR, ZHES 'GOG PAR BYED DO, ,DE LA TSIG GSAL LAS, CI STE YANG DPER NA MCHI GU'I LUS SGRA GCAN GYI MGO ZHES BYA BA LA, LUS DANG MGO LAS THA DAD PA'I KHYAD PAR MED KYANG KHYAD PAR DANG KHYAD PAR GYI GZHI'I DNGOS PO YOD PA DE BZHIN DU, RANG GI MTSAN NYID LAS THA DAD PA'I SA LA SOGS PA MED KYANG SA'I RANG GI MTSAN NYID CES BYA BAR 'GYUR RO SNYAM NA, ZHES PA LTAR KHO NA RE, SA LA MTSON BYA DANG SRA BA LA MTSAN NYID DU BTAGS TSE SA'I RANG GI MTSAN NYID SRA BA ZHES PA LA YANG SRA BA MIN PA'I SA MED KYANG DE'I TSE DE LTAR THA SNYAD BTAGS PA'I DON BTZAL BAS DE LTA BU'I THA SNYAD BYED PA LTAR YUL STENG NAS SO SOR RNYED RGYA YOD DE, 'JIG RTEN NA MCHI GU'I LUS DANG SGRA GCAN GYI MGO ZHES THA SNYAD BYED TSE LUS DANG MGO LAS DON THA DAD PA'I MCHI GU DANG SGRA GCAN GYI KHYAD PAR MED KYANG, RTOG NGOR LUS DANG MGO KHYAD GZHI DANG MCHI GU DANG SGRA GCAN KHYAD @110B CHOS SU THA SNYAD BYAR RUNG BA BZHIN YIN PA'I PHYIR ZER BA LA, 'DI BAS DPE DON GNYIS MI MTSUNGS PA'I LAN BSTAN PA NI, DE NYID LAS, DE NI DE LTA MA YIN TE, MI MTSUNGS PA'I PHYIR RO, ,LUS DANG MGO'I SGRA DAG NI BLO DANG LAG PA LA SOGS PA LTAR LHAN CIG 'BYUNG BA'I DNGOS PO GZHAN LA LTOS PA DANG BCAS TE 'JUG PAS, LUS DANG MGO'I SGRA TZAM LA DMIGS PA'I BLO SKYE BA LTA ZHOG GANG GI LUS GANG GI MGO SNYAM DU LHAN CIG DPYOD PA'I DNGOS PO GZHAN LA RE BA DANG BCAS PA NYID DU 'GYUR LA, CIG SHOS KYANG KHYAD PAR GZHAN DANG 'BREL BA BSAL BAR 'DOD PAS 'JIG RTEN PA'I BRDA'I RJES SU BYED PA KHYAD PAR MCHI GU DANG SGRA GCAN GYI SGRAS RTOG PA PO'I RE BA SEL PAR BYED DO ZHES BYA BAR RIGS NA, 'DIR NI SRA BA LA SOGS PA LAS THA DAD PA'I SA LA SOGS PA MED PAS KHYAD PAR DANG KHYAD PAR CAN GYI DNGOS PO MI RIGS SO, ,ZHES PA LTAR DE GNYIS MI 'DRA STE, DE GNYIS DPE DON MI MTSUNGS PA'I PHYIR TE, SPYIR LUS DANG MGO ZHES BRJOD TSE NYAN PA POS LUS DANG MGO KHYAD GZHIR BZUNG NAS DE GANG GI LUS DANG GANG GI MGO YIN SNYAM DU SHES 'DOD ZHUGS PAR 'GYUR TE, LUS DANG MGO'I SGRA NI RANG DANG LHAN CIG 'BYUNG BA'I DNGOS PO LUS CAN DANG MGO CAN RNAMS LA KHYAD MA PHYE BAR LTOS PA DANG BCAS TE 'JUG PA'I PHYIR, DPER NA BLO DANG LAG PA ZHES BRJOD TSIG GANG DANG GANG GI BLO DANG LAG PA YIN SNYAM PA'I BLO 'BYUNG BA BZHIN NO, ,DPE'I SKABS SU NYAN PA POS LUS DANG MGO KHYAD GZHIR BZUNG NAS GANG GI LUS DANG GANG GI MGO @111A *, ,YIN SNYAM DU SHES 'DOD ZHUGS PA NA CIG SHOS STON PA POS KYANG GZHAN GYI LUS DANG MGO YIN PA BSAL BAR 'DOD NAS MCHI GU'I LUS DANG SGRA GCAN GYI MGO ZHES 'JIG RTEN PA'I BRDA'I RJES SU 'BRANG BAR BYED PA KHYAD CHOS MCHI GU DANG SGRA GCAN GYI SGRA SBYAR TE MCHI GU'I LUS SGRA GCAN GYI MGO ZHES BRJOD PA'I SGRAS NYAN PA PO'I DOGS PA SEL RIGS PA YIN LA, DON GYI SKABS 'DIR SA DANG SRA BA GNYIS DON THA DAD DU MED PA'I RGYU MTSAN GYIS SA DANG SRA BA GNYIS MTSAN MTSON DU 'JOG TSE MTSAN MTSON GYI THA SNYAD BTAGS PA'I DON BTZAL NAS YUL STENG NAS 'JOG NA CI TZAM DPYAD KYANG SA DANG SRA BA GNYIS 'BREL MED DON GZHAN DU 'GYUR BA MA GTOGS, SPYIR NYAN PA POS SRA BA KHYAD GZHIR BZUNG NAS GANG GI MTSAN NYID YIN SNYAM DU SHES 'DOD ZHUGS TSE, STON PA POS GZHAN GYI MTSAN NYID YIN PA BSAL BAR 'DOD NAS SA'I MTSAN NYID YIN ZHES BRJOD PAS SRA BA DE SA LAS GZHAN PA'I MTSAN NYID YIN PA'I DOGS PA SEL NUS KYANG, BTAGS DON BTZAL NAS DE GNYIS MTSAN MTSON DU 'JOG NA NYAN PA POS SRA BA KHYAD GZHIR BZUNG NAS GANG GI MTSAN NYID YIN SNYAM DU SHES 'DOD ZHUGS TSE, STON PA POS GZHAN GYI MTSAN NYID YIN PA BSAL BAR 'DOD NAS SA'I MTSAN NYID YIN ZHES BRJOD DU MI RUNG ZHING, DE LTAR BRJOD KYANG NYAN PA PO'I DOGS PA SEL BAR MI RIGS PA'I PHYIR TE, BTAGS DON BTZAL NAS 'JOG NA DE GNYIS 'BREL MED DON GZHAN DU 'GYUR BA'I PHYIR, DPER NA RTA KHYAD GZHIR BZUNG NAS GANG GI KHYAD CHOS @111B YIN SNYAM DU SHES 'DOD ZHUGS PA NA STON PA POS GZHAN GYI KHYAD CHOS YIN PA BSAL 'DOD NAS BA LANG GI RTA YIN ZHES BRJOD PA BZHIN NO, ,DPE MA GRUB PA'I LAN NI, DE NYID LAS, GZHAN YANG LUS KYI RTEN CAN, SOGS GZHUNG DU DRANGS PA LTAR DPE DON GNYIS MI MTSUNGS PA'I LAN TZAM DU MA ZAD DPE MA GRUB PA'I RGYU MTSAN GZHAN ZHIG KYANG STON TE, MCHI GU DANG MCHI GU'I LUS SOGS NI SA DANG SRAB GNYIS BTAGS DON BTZAL NAS BZHAG KYANG DON THA DAD MED PA'I DPE MA GRUB STE, LUS KYI RTEN CAN MCHI GU NI LUS KHYAD PAR DU 'BYED PAR BYED PA 'JIG RTEN PA'I THA SNYAD KYI YAN LAG STE RGYUR GYUR PA'I KHYAD GZHI LUS DANG MGO DANG KHYAD CHOS MCHI GU DANG SGRA GCAN 'JIG RTEN GYI THA SNYAD DU THA DAD DU GRUB PA'I PHYIR, MCHI GU DANG DE'I LUS SOGS KYI THA SNYAD 'DOGS PA'I GZHI GANG YIN BTZAL NA DON GYI NGOS NAS THA DAD PA MI RNYED DE, SGRA GCAN GYI MGO LA SGRA GCAN DU BRDA BYAS PA'I PHYIR DANG, MCHI GU DANG DE'I LUS ZHES PA'I DON BTZAL NA SO SOR MI RNYED PA'I PHYIR RO, ,DE LA BRGAL LAN MDZAD NAS GSAL BAR GSUNGS PA NI, DE NYID LAS, GAL TE, NAS, ZHE NA, ZHES PA'I BAR GZHUNG DU DRANGS PA LTAR KHO NA RE, MCHI GU'I LUS SOGS NI SA DANG SRA BA BTAGS DON BTZAL NAS 'JOG KYANG 'BREL MED DON GZHAN DU MI 'GYUR BA'I DPER GRUB STE, KHYAD GZHI LUS DANG MGO DANG KHYAD CHOS MCHI GU DANG SGRA GCAN GNYIS NYAN PA PO'I RTOG NGOR KHYAD GZHI KHYAD CHOS SU THA SNYAD BTAGS PA DE'I DON LA BRTAGS PA NA LUS DANG MGO LAS SO SOR GRUB PA'I @112A *, ,MCHI GU DANG SGRA GCAN MI RNYED PAS DE GNYIS DON LA KHYAD GZHI KHYAD CHOS SU MA GRUB PA'I PHYIR, ZHES RTZOD PA NI SNGAR BSHAD PA'I GZHAN RANG BZHIN SMRA BAS CHOS RNAMS RANG BZHIN GYIS YOD PAR 'JOG PA GZHIR BYAS PA'I LUGS SO, ,DE LA DE NYID LAS, DE NI, NAS, PHYIR RO, ,ZHES PA'I BAR GZHUNG DU DRANGS PA LTAR 'DI BAS DE DE'I DPER MI 'GRUB STE, YOD PA NI 'JIG RTEN GYI THA SNYAD DU YIN LA DE LA NI BTAGS DON BTZAL NAS RNYED PA'I DON LA 'JOG PA MIN GYI MA DPYAD PAR 'JOG PA YIN ZHING, BTAGS DON BTZAL NAS 'JOG PA LA MCHI GU DANG DE'I LUS SGRA GCAN DANG DE'I MGO DON GZHAN DU 'GYUR BA'I PHYIR, ZHES LAN MDZAD DO, ,GNYIS PA LA GNYIS, GANG ZAG GI 'JOG TSUL DANG, CHOS KYI 'JOG TSUL LO, ,DANG PO NI, DPYAD NAS 'JOG NA, ZHES SOGS BYUNG, DE LA DPYAD NAS 'JOG NA CHOS KUN 'JOG MI NUS PA DANG MA DPYAD PAR 'JOG NA 'JOG NUS PAS MA DPYAD PAR GANG ZAG 'JOG TSUL NI, TSIG GSAL LAS, JI LTAR RNAM PAR DPYAD NA, SOGS GZHUNG DU DRANGS PA LTAR, DPER NA LHAS BYIN GYI GZUGS DE'I SEMS ZHES BRJOD PA LA YANG THA SNYAD DE BTAGS PA'I GZHI LHAS BYIN DANG BTAGS PA'I CHOS DE'I GZUGS SEMS JI LTAR GRUB DPYAD PA NA, DE'I GZUGS SEMS SOGS KYANG LHAS BYIN MIN LA DE DAG LAS DON GZHAN DU YANG LHAS BYIN MI RNYED PAS DPYAD CING BTZAL NAS RNYED PA'I DON LA LHAS BYIN 'JOGS MED PA NI BDAG MED MOD KYI ZHES PA YAN GYI DON DANG, 'ON KYANG @112B BTAGS DON BTZAL NA MI RNYED PA DE NI LHAS BYIN RANG MTSAN GYIS MA GRUB TSUL YIN GYI LHAS BYIN GTAN MED TSUL MIN PAS PHUNG PO LA BRTEN NAS KUN RDZOB THA SNYAD DU LHAS BYIN YOD PA BZHIN DU BTAGS DON 'TSEL TSE LUS DANG MGO LAS DON GZHAN DU MCHI GU DANG SGRA GCAN MI RNYED KYANG 'JIG RTEN GYI THA SNYAD DU DE GNYIS GZHI CHOS SU 'JOG NUS PA'I DPE GRUB PA MED PAR GSUNGS SO, ,GNYIS PA NI, CHOS RNAMS KYI, ZHES SOGS BYUNG, TSIG GSAL LAS, DE BZHIN DU RNAM PAR DPYAD PA NA ZHES SOGS GZHUNG DU DRANGS PA LTAR CHOS RNAMS KYI 'JOG TSUL GSUNGS TE, DON NI GANG ZAG BZHIN DU BTAGS DON BTZAL NAS DPYAD PA NAS SOGS LA YANG SRA BA SOGS LAS NGO BO THA DAD PA'I MTSAN GZHI STE MTSON BYA MED LA, MTSON BYA LAS NGO BO THA DAD DU RTEN NAM MTSON BYA MED PA'I MTSAN NYID KYANG MED MOD KYI DE LHAN 'ANG MTSAN MTSON 'DI NI KUN RDZOB THA SNYAD DU YOD PAS 'PHAGS PA YAB SRAS DANG BUDDHA P'A LI TAS PHAN TSUN LTOS TZAM GYIS GRUB PA'I SGO NAS CHOS THAMS CAD GRUB PAR BZHAG PAR GSUNGS PA STE MDOR NA DE DAG MTSAN MTSON DU 'JOG PA LA YANG BTAGS DON BTZAL NAS 'JOG NA MTSAN MTSON DU 'JOG MI NUS KYANG PHAN TSUN LTOS PA'I SGO NAS 'JOG NUS ZHES PA'O, ,GNYIS PA DE LTAR 'JOG DGOS PA'I SHES BYED NI, GANG ZAG DANG CHOS KYI, ZHES SOGS BYUNG, GANG ZAG DANG CHOS KYI 'JOG TSUL 'DI NGES PA KHO NAR KHAS BLANG DGOS PA NI, TSIG GSAL LAS, 'DI NI DE KHON LTAR GDON MI ZA BAR KHAS BLANG BAR BYA STE, ZHES SOGS GSUNGS @113A *, ,TE, DON NI GANG ZAG DANG CHOS THA SNYAD DU YOD PAR 'JOG TSUL 'DI NI SNGAR BSHAD PA DE KHO NA LTAR THE TSOM MED PAR KHAS BLANG DGOS TE, DE LTA MIN PAR BTAGS DON BTZAL NAS 'JOG NA KUN RDZOB DON DAM DPYOD BYED KYI 'THAD PAS DPYAD BZOD MA YIN NAM STE YIN PAR 'GYUR BAS KUN RDZOB RNAMS DON DAM PAR GRUB PAR 'GYUR GYI KUN RDZOB TU GRUB PAR MI 'GYUR RO, ,BTAGS DON 'TSOL BA'I 'THAD PAS RNAM PAR DPYAD NAS BTZAL NA LUS LAS LOGS SU MCHI GU DANG SGRA GCAN LAS LOGS SU LUS DANG MGO MI RNYED PA KHO NA MA YIN GYI, 'O NA CI ZHE NA, 'CHAD 'GYUR LTAR GYI BTAGS DON 'TSOL BA'I 'THAD PAS BTZAL NA CHOS GANG YIN YANG MI RNYED PAS DE DAG KYANG KUN RDZOB TU MED PAR KHAS BLANGS PAR 'GYUR LA, DE RIGS PA MIN PAS BTAGS DON BTZAL NAS RNYED PA'I DON NI YOD PA MIN PA'I DON TE, DE NYID LAS, BRTEN NAS BRTAGS PA RNAM PAR BZHAG PA 'DI YANG DBU MA LA 'JUG PA LAS RGYAS PAR BSTAN PAS DE NYID LAS YONGS SU BTZAL BAR BYA'O, ,ZHES BRTEN NAS BTAGS PA RNAM PAR 'JOG TSUL 'JUG PA LAS SHES DGOS PAR GSUNGS SHING, DE LAS SHES TSUL NI 'JUG PA LAS, DE NI DE NYID DU'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,RNAM DPYAD MED PAR 'JIG RTEN NYID LAS 'DIR, ,RANG GI YAN LAG BRTEN NAS 'DOGS PA YIN, ,DE NYID YAN LAG CAN DE CHA SHAS CAN, ,SHING RTA DE NYID BYED PO ZHES 'GROR BSNYAD, ,SKYE BO RNAMS LA LEN PO @113B NYID DU 'GRUB, ,'JIG RTEN GRAGS PA'I KUN RDZOB MA BRLAG CIG ,CES DANG, DE NI SHING RTA'I RNAM DPYAD BYAS PAS RNAM BDUN YOD PA MA YIN ZHING, ,DE LAS GZHAN DU 'GYUR BAR 'JIG RTEN GRAGS PA'I SGO NAS YOD PA YIN, ,ZHES SOGS GSUNGS PA LTAR RO, ,DES NI BTAGS DON DPYAD NAS RNYED PA'I DON LA THA SNYAD DU YOD PAR 'JOG NA DE NI DE KHO NAR GRUB MA GRUB DPYOD PA STE DON DAM DPYOD BYED KYI 'THAD PAS BZHAG PA YIN PAS KUN RDZOB KYI CHOS RNAMS NI KUN RDZOB TU YOD PA MIN GYI STE MIN PAR DON DAM DU YOD PAR 'GYUR ZHES STON PAS RANG MTSAN GYIS GRUB NA DON DAM PAR GRUB DGOS PA'O, ,GSUM PA DE THAL 'GYUR BA'I KHYAD CHOS SU MI 'THAD PA'I RTZOD PA SPANG BA NI, 'O NA BDEN GNYIS LAS, ZHES SOGS BYUNG, DE LA KHO NA RE, THA SNYAD DU YOD PA RIGS PAS DPYAD DON LA MI 'JOG PA THAL 'GYUR BA'I KHYAD CHOS MA YIN PAR THAL, BDEN GNYIS SU THA SNYAD PA'I SHES PA GNOD MED LA JI LTAR SNANG BA BZHIN GRUB PA'I NGO BO YIN PA'I PHYIR KUN RDZOB 'DI LA DON DAM DPYOD PA'I RIGS PAS DPYAD PA'I MJUG LA RIGS PA DES RNAM PAR DPYOD PAR BYED CING DPYAD DON LA 'JOG NA KUN RDZOB KYI DON DPYAD MI BZOD PA LAS GZHAN DPYAD BZOD DU SONG BAS RIGS PAS GNOD PAR 'GYUR ZHES BA LTAR RANG RGYUD PA RNAMS KYANG KUN RDZOB PA'I DON RNAMS RIGS PAS DPYAD NAS RNYED PA'I DON LA 'JOG PA 'GOG PA'I PHYIR ZHE NA SKYON MED DE, THAL RANG GNYIS KAS THA SNYAD DU YOD PA RNAMS DON DAM DPYOD BYED KYI RIGS @114A *, ,PAS DPYAD BZOD DU MI 'JOG PA MTHUN YANG DPYOD LUGS JI 'DRA ZHIG GIS DPYAD PAS DE KHO NAR GRUB MA GRUB DPYOD PAR 'GYUR BA'I KHYAD PAR MI MTHUN LA KHYOD KYI DE DE GNYIS MA PHYED PA'I RTZOD PA YIN PA'I PHYIR TE, DE GNYIS DON DAM LA DPYOD PAR SONG BA'I MTSAMS MI 'DRA BA'I PHYIR, DER THAL, THAL 'GYUR BAS NI THA SNYAD BTAGS PA TZAM GYIS MA TSIM PAR SNGAR LTAR THA SNYAD BTAGS PA'I DON GANG YIN SNYAM DU DPYOD PA NAS DE KHO NAR GRUB MA GRUB DPYOD PAR BZHED PA GANG ZHIG ,RANG RGYUD PAS DE TZAM GYIS MA YIN PAR BLO GNOD MED LA SNANG BA'I DBANG GIS BZHAG PA MA YIN PAR YUL RANG GI THUN MONG MIN PA'I SDOD LUGS KYI NGOS NAS GRUB MA GRUB DPYAD PA NA DON DAM DPYOD PAR SONG BAR 'DOD PAS THA SNYAD DU RANG MTSAN GYIS GRUB PA BZHED PA'I PHYIR, DANG PO GRUB STE, SNGAR TSIG GSAL DRANGS PA RNAMS DANG, RANG GZHUNG GZHAN DU YOD PA RNAMS KYANG MING DANG BRDA DANG THA SNYAD TZAM DU LAN MANG POR BSHAD PAS SHES PA'I PHYIR, GNYIS PA GRUB STE, DES YUL RANG MTSAN LA TSAD MAR SONG BA'I BLO GNOD MED LA SNANG BA'I DBANG GIS BZHAG PA MA YIN PAR CHOS RANG GI NGOS KYI GNAS LUGS KYI DBANG GIS YOD MED SOGS DPYOD PA TZAM NAS DE KHO NAR GRUB MA GRUB DPYOD PAR 'GRO BAR 'DOD KYI, SNGAR BSHAD PA LTAR YUL STENG NAS GRUB MA GRUB DPYOD LUGS DE TZAM NAS DON DAM DPYOD PA'I DPYOD LUGS SU MI 'DOD PA'I PHYIR, THAL 'GYUR BAS MING DANG BRDA DANG THA SNYAD TZAM DU GSUNGS @114B PA YANG SNGAR LTAR BTAGS DON BTZAL BA NA MI RNYED PA LA BYED KYI RI BONG RVA LTA BU MING LAS DON MED PA DANG, RI BONG RVA'I MING LTA BU MING DE MA YIN PA'I DON MED PA MA YIN NO, ,LUGS 'DIR THA SNYAD 'DOGS PA'I BLOS GANG BZHAG THAMS CAD THA SNYAD DU YOD PAR MI BZHED DE, RI BONG GI RVA THA SNYAD 'DOGS PA'I BLOS BZHAG KYANG YOD PA MA YIN PA'I PHYIR, 'ON KYANG THA SNYAD DU YOD NA BLOS DBANG GIS BZHAG PAS KHYAB STE, THA SNYAD 'DOGS PA'I BLOS DBANG GIS MA BZHAG PA'I THA SNYAD DU YOD PA MI BZHED PA'I PHYIR RO, ,RANG RGYUD PA NI THA SNYAD 'DOGS PA'I BLO TZAM GYI DBANG GIS GZUGS SOGS 'JOG MI NUS LA, YUL RANG MTSAN LA TSAD MAR SONG BA'I BLO GNOD PA MED PA'I DBANG PO'I SHES PA LA SOGS PA LA SNANG BA'I DBANG GIS THA SNYAD DU YOD PA 'JOG NUS PAR 'DOD DO, ,DE BAS NA THAL 'GYUR BAS THA SNYAD PA'I CHOS THAMS CAD BLOS DBANG GIS BZHAG PAR GSUNGS PA DANG, RANG RGYUD PAS DE MI NUS PAR GSUNGS PA'I BLO GNYIS LA'ANG KHYAD PAR CHE STE, SNGA MA NI MING TZAM LA MI SLU BA'I THA SNYAD PA'I TSAD MA GNOD MED LA BYED LA, PHYI MA NI YUL RANG MTSAN LA TSAD MAR SONG BA'I BLO LA BYED PA'I PHYIR RO, ,DE'I PHYIR GSUNG RAB LAS KUN RDZOB MING DANG BRDA DANG BTAGS PA TZAM DU GSUNGS PA'I TZAM GYIS SGRAS GANG GCOD PA YANG MI MTHUN TE 'CHAD PAR 'GYUR LA RTZOD LAN LHAG MA NI SHES SLA'O, ,DE DAG GI GRUB DON DGAG BYA NGOS 'DZIN NI, 'DI BA'I LUGS KYI THA SNYAD DU GRUB TSAD DANG, DON DAM DPYOD PA'I RIGS @115A *, ,PA'I DGAG BYA'I GRUB TSAD GNYIS LAS, MING BRDAS PHAR BZHAG PA TZAM LAS YUL RANG GI NGOS NAS SDOD LUGS SU GRUB MA GRUB LA MA BRTAGS SHING MA DPYAD PA'I SHES PA'AM YUL GYI DON STENG NAS YOD MED LA BLO KHA MA PHYOGS PA'I SHES PA RANG DGA' BAS PHAR BTAGS PA TZAM DU GRUB PA DE THA SNYAD DU GRUB PA'I TSAD YIN LA, MING TZAM DU DANG, BRDA TZAM DU DANG, RTOG BTAGS TZAM DU DANG, BRDAS BZHAG TZAM DU DANG, SNANG TZAM DU DANG, BTAGS YOD DU GRUB PA RNAMS RNAM GRANGS SO, ,DE LTA BU'I THA SNYAD DU GRUB TSAD KYI LDOG ZLA NI RTAGS KYI DGAG BYA'I GRUB TSAD DU SHES DGOS PAS NA MING BRDAS PHAR BZHAG TZAM MA YIN PAR YUL GYI RANG NGOS NAS GRUB PA DANG, YUL RANG GI SDOD LUGS SU YOD MED BRTAGS SHING DPYAD NA RNYED RGYU YOD PA DANG, YUL GYI DON STENG NAS GRUB PA DANG, RTOG BTAGS TZAM MIN PAR DON GYI NGOS NAS YOD PA DANG, BLO LA SNANG BA TZAM MIN PAR GZHI STENG NAS GRUB PA NI BRTAG PA MTHA' BZUNG GI DGAG BYA'I GRUB TSAD YIN LA, BDEN PAR DANG, DON DAM PAR DANG, YANG DAG PAR DANG, RANG BZHIN GYIS DANG, RANG GI NGO BOS DANG, RANG MTSAN GYIS DANG, RANG DBANG GIS DANG, RDZAS SU DANG, RANG NGOS NAS DANG, GSHIS LUGS SU DANG, GNAS LUGS SU DANG, MING BRDA LA RAG MA LAS PAR DANG, GZHAN LA LTOS MED DU DANG, TSUGS THUB TU DANG, DE KHO NA NYID DU DANG, BDAG TU GRUB PA RNAMS RNAM GRANGS YIN NO, ,SO SKYE LA GANG SNANG TSUGS THUB TU SNANG @115B ZHES PA'ANG DE LTA BU'I YUL GYI NGOS NAS GRUB PAR SNANG BA LA BYA DGOS KYI, YUL GYI NGOS NAS GRUB PA GZHIR BYAS NAS TSUGS THUB TSUL GZHAN ZHIG 'TSOL BA NI BLOS BYAS KYI DGAG BYA 'TSOL TSUL YIN LA, DGAG BYA PHRA MO NGO SPROD PA LA SO SKYE LA JI LTAR SNANG BA LTAR GRUB PA DANG, DA LTA'I SNANG TSUL 'DI BZHIN GRUB PA SOGS GO BA 'TSOL TSUL SGO SNA TSOGS NAS MDZAD KYANG DON RTZA YUL GYI RANG NGOS SAM DON STENG NAS GRUB TSUL GYI SPYI SHAR BA ZHIG BYUNG NA DGAG BYA NGOS ZIN PA YIN TE SHES BYED RGYAS PAR MA SPROS SO, ` ,SPRO NA, YUM LAS, GZUGS NI GLO BUR DU MING GIS BTAGS PA'O, ,ZHES SOGS DANG, RGYAN SNANG LAS, DON GANG LA BYANG CHUB SEMS DPA' ZHES BYA BA'I MING DON GANG LA YOD PA DE MA DMIGS PAR BRJOD PA YIN LA, DA LTA NI, 'DI DAG THAMS CAD MING TZAM STE, ,'DU SHES TZAM LA RAB TU GNAS, ,RJOD PAR BYED LAS MA GTOGS PA, ,BRJOD PAR BYA BA BRTAG MI BYA, ,ZHES BYA BA'I TSUL GYIS, ZHES SOGS DANG, 'GREL BA DON GSAL LAS, GZUGS NAS SANGS RGYAS ZHES BYA BA'I BAR CHOS THAMS CAD BRDAR BTAGS PA'I CHOS THA SNYAD PA YIN NO, ,ZHES DANG, GZHUNG LAS, GSUNG RAB LAS KUN RDZOB MING DANG BRDA DANG BTAGS PA TZAM DU GSUNGS PA'I TZAM GYI SGRAS GANG GCOD PA YANG MI MTHUN NO, ,ZHES DANG, PHAR PHYIN RNAM BSHAD LAS, CHOS THAMS CAD BRDA TZAM BTAGS PA TZAM DU KHONG DU CHUD PA'I SGO NAS TSUL KHRIMS DANG BZOD PA'I PHAR PHYIN LA 'GOD PA'I PHYIR, ZHES PA RNAMS LA BRTEN @116A *, ,NAS DKA' 'GREL GNYIS DANG RGOL NGAN TSAR GCOD LTAR NA RANG RGYUD PAS KYANG CHOS RNAMS RTOG PAS BTAGS TZAM DU 'DOD PAR BSHAD DO, ,DE LA LUNG DANG PO GNYIS DANG THA MAS CHOS RNAMS BDEN GRUB TU MING GIS BTAGS TZAM DANG; GSUM PAS CHOS RNAMS MING BRDAS BTAGS PAR GSUNGS PA LAS DE RNAMS KYIS BTAGS TZAM DU MA BSHAD LA, BZHI BA'I DON NI THAL RANG GNYIS CHOS RNAMS RTOG PAS BTAGS TZAM DU 'DRA BA'I DON MIN GYI, MDO LAS TZAM SGRA BSNYON MED DU GSUNGS PAS THAL 'GYUR BAS RANG GI MTSAN NYID KYIS GRUB PA DANG, RANG RGYUD PAS BDEN PAR GRUB PA TZAM GCOD PAR BZHED PA'I DON DU DRANG NGES AUTPAL PHRENG BAR GSUNGS PA LTAR YIN PAS MI 'GRUB PO, ,RANG RGYUD PA'I LUGS LA CHOS RNAMS RTOG PAS BTAGS TZAM DU BSHAD PA MI 'THAD DE, DES CHOS RNAMS RTOG PAS BTAGS TZAM MIN PAR RANG NGOS NAS GRUB PA DANG, CHOS RNAMS BLO LA SNANG BA'I DBANG GIS BZHAG TZAM DANG SGRA RTOG GIS BTAGS TZAM MIN PA MI 'GAL BA DANG, CHOS RNAMS MING GIS BTAGS TZAM MIN PAR BTZAL BAS YUL STENG NAS RNYED PAR 'DOD LA, RGYU 'BRAS SOGS MING GI THA SNYAD KYI DBANG GIS BZHAG PA'I YOD PAR YANG KHAS MI LEN PA'I PHYIR, RTAGS RIM BZHIN GRUB STE, BYANG CHUB BLA MA'I DRIS LAN LAS, RANG RGYUD PA RNAMS THA SNYAD DU RANG GI MTSAN NYID KYIS GRUB PAR KHAS LEN PAS DON DAM PAR RANG BZHIN KHEGS KYANG, KUN RDZOB TU RTOG PAS BZHAG PA TZAM MIN PA'I RANG @116B MTSAN 'DOD LA, DE LTAR NA DE'I LUGS KYI SGYU MA LTA BUR SMRA BA'I DON DE LA KUN RDZOB TU RTOG PAS BZHAG PA TZAM MIN PA'I DON CHES 'DOD DO, ,ZHES DANG, 'JUG PA'I RNAM BSHAD LAS, DE LTAR NA BLO LA SNANG BA'I DBANG GIS BZHAG PA MIN PA'I SDED LUGS MED KYANG DE'I DBANG GIS BZHAG PA'I SDOD LUGS MING DU BTAGS PA TZAM MIN PA ZHIG YOD PA LUGS 'DI LA MI 'GAL BAS, ZHES DANG, RTZA SHE'I t'IKA CHEN LAS, RANG RGYUD PA RNAMS NI SNGAR DPYOD PA DE TZAM NI DE KHO NA NYID DU GRUB MA GRUB DPYOD PA MIN PAR 'DOD PAS DE 'DRAS BTZAL BA'I DON YOD PAR 'DOD LA, ZHES DANG, RGYU 'BRAS LA SOGS PA RNAMS MING GI THA SNYAD KYI DBANG GIS BZHAG PA'I YOD PAR MI 'DOD PAS, ZHES GSUNGS PA'I PHYIR; DE LA KHO NA RE, 'JUG PA'I RNAM BSHAD DU GSUNGS BA NI MING GIS PHAR BTAGS TZAM MIN PA'I BTAGS DON ZHIG RNYED RGYU YOD PA RANG RGYUD PA'I LUGS 'DI LA MI 'GAL ZHES PA'I DON YIN PA'I PHYIR TE, DE'I 'PHRO NYID DU; DBU MA BA GNYIS KYI DGAG BYA LA BLO'I NGOR MI 'DRA BA CHEN PO 'ONG NGO, ,ZHES GSUNGS PA'I PHYIR ZER, 'O NA RANG RGYUD PA CHOS CAN, KHYOD KYIS CHOS THAMS CAD MING BRDAS BZHAG TZAM DU KHAS MI LEN PAR THAL, KHYOD KYIS MING GIS PHAR BZHAG TZAM MIN PA'I BTAGS DON ZHIG RNYED RGYU YOD PAR KHAS LEN PA'I PHYIR, RTAGS KHAS, 'DOD NA, DNGOS 'GAL LO, ,DBU MA CHEN MOR, RANG RGYUD KYI DON RANG DBANG DU GRUB PA LA BYED DGOS PAR @117A *, ,'CHI MED MDZOD KYIS BSGRUBS PA NI, RANG RGYUD RANG DBANG BDAG DBANG DANG, ,RANG DGA' GZHAN GYIS MA BZUNG BA, ,ZHES PA LNGA RANG DBANG CAN GYI RNAM GRANGS YIN PA LA DGONGS PAR SNANG STE, DE'I THAD KYI 'GREL BAR, RANG DBANG CAN LA MING LNGA, ZHES GSUNGS PA LTAR YIN PA'I PHYIR RO, ,GNYIS PA SGRO 'DOGS GNYIS KYIS 'DZIN TSUL NI, DE LTAR THA SNYAD, CES SOGS BYUNG, DE LTAR THA SNYAD KYI DON LA DPYAD NAS RANG GI MTSAN NYID KYIS GRUB PA'I RANG BZHIN 'THAD DO ZHES 'DZIN PA CHOS CAN, KHYOD BDAG 'DZIN LHAN SKYES KYI 'DZIN TSUL MA YIN PAR THAL, KHYOD GRUB MTHAS BLO MA BSGYUR BA'I RGYUD NA MED PA'I PHYIR, BDAG 'DZIN LHAN SKYES CHOS CAN, KHYOD KYI 'DZIN TSUL JI LTAR YIN NGOS ZIN DGOS TE, KHYOD RIGS PA RNAMS KYIS GTZO BOR DGAG DGOS PA'I PHYIR TE, KHYOD LUS CAN 'KHOR BAR 'CHING BYED MTHAR THUG YIN PA'I PHYIR, DES NA BDAG 'DZIN LHAN SKYES KYIS 'DZIN TSUL JI LTAR YIN ZHE NA, DE NI CHOS RNAMS THA SNYAD KYI DBANG GIS BZHAG TZAM MIN PAR RANG NGOS NAS GRUB PAR 'DZIN PA STE, DE LA YANG BDAG 'DZIN GNYIS LAS, MCHOD SBYIN SOGS GANG ZAG LA DE LTAR GRUB PAR 'DZIN NA GANG ZAG GI BDAG 'DZIN DANG, MIG RNA SOGS CHOS LA DE LTAR 'DZIN NA CHOS KYI BDAG 'DZIN YIN LA, GANG ZAG DANG CHOS KYI BDAG 'DZIN GNYIS KYI 'DZIN TSUL DE GNYIS KYIS BRTAG PA MTHA' BZUNG GI GANG ZAG DANG CHOS KYI BDAG GNYIS @117B KYI GRUB TSUL YANG SHES PAR BYA STE, GANG ZAG THA SNYAD KYI DBANG GIS BZHAG TZAM MIN PAR RANG NGOS NAS YOD PA DANG PO DANG, CHOS DE LTAR YOD PA GNYIS PA YIN PA'I PHYIR, GZHUNG RNAMS SU DPYAD NAS 'GOG PA SHA STAG 'BYUNG BA LA BRTEN NAS BDAG 'DZIN KUN BTAGS YUL BCAS KHO NA 'GOG DGOS SNYAM DU MI GZUNG STE, BDAG 'DZIN LHAN SKYES YUL BCAS DGAG BYA'I GTZO BO YIN PA DANG, GZHUNG RNAMS SU DPYAD NAS 'GOG PA SHA STAG 'BYUNG BA MI 'GAL BA'I PHYIR TE, THA SNYAD KYI DBANG GIS BZHAG TZAM MIN PAR RANG NGOS NAS GRUB PAR BZUNG BA DES BTAGS DON DPYAD NAS BZUNG BA MIN YANG, DES BZUNG BA LTAR GYI DON DE YOD NA BTAGS DON DPYOD PA'I BLOS RNYED DGOS PA'I PHYIR, GRUB MTHAS BLO MA BSGYUR BA KHA CIG DANG, BRDA MI SHES PA'I SEMS CAN RNAMS KYIS CHOS THAMS CAD THA SNYAD 'DOGS PA'I BLO'I DBANG GIS MA BZHAG PAR YOD PA'I DGAG BYA'I GRUB TSAD KYI MING DE SBYOR MI NUS KYANG DE DAG LA THA SNYAD BDOGS PA'I BLO'I DBANG GIS MA BZHAG PAR YOD PA'I DON DER 'DZIN PA YOD DE, DE MED NA BDAG GNYIS SU 'DZIN PA'I DON YANG MED PAR 'GYUR BA'I PHYIR RO, ,GSUM PA BDAG MED GNYIS KYI NGOS 'DZIN NI, RNAL 'BYOR SPYOD PA BA DANG, ZHES SOGS BYUNG, SEMS TZAM PA DANG RANG RGYUD PAS BDAG MED GNYIS DGAG BYA MI 'DRA BA'I SGO NAS 'JOG KYANG, THAL 'GYUR BAS DE STONG GZHI'I SGO NAS 'BYED KYI MED RGYU'I BDAG LA MI 'DRA BA MI BZHED PAR 'JUG PA DANG BZHI BRGYA BA'I @118A *, ,ZLA 'GREL DU GSUNGS PA LTAR RO, ,'JUG PA'I DON NI, BDAG MED 'DI NI 'GRO BA RNAMS 'KHOR BA LAS DGROL PHYIR STONG GZHI'I SGO NAS RNAM PA GNYIS GSUNGS ZHES PA DANG, ZLA 'GREL GYI DON NI, CHOS DANG GANG ZAG GI BDAG MED CES PA'I SKABS DE LA DE'I BDAG NI RANG BZHIN GANG ZHIG DNGOS PO RNAMS GYI STENG GI GZHAN LA RAG MA LAS PA'I NGO BO STE MING DU BTAGS TZAM MIN PAR RANG NGOS NAS YOD PA NI RANG BZHIN YIN TE, DE 'DRA'I DGAG BYA DE MED PA NI BDAG MED PA PHRA MO'O, ,BDAG MED PHRA MO DE NI STONG GZHI CHOS DANG GANG ZAG GI DBYE BAS GNYIS SU RTOGS PA STE SHES TE, CHOS DANG GANG ZAG GI BDAG MED PA'O, ,ZHES PA'O, ,GZHAN LA RAG MA LAS ZHES PA'I DON ZLA 'GREL LAS, DE LTAR NA DNGOS PO GANG LA BRTEN NAS 'BYUNG BA YOD PA DE NI RANG DBANG DU MI 'GYUR TE, RGYU DANG RKYEN LA RAG LAS TE SKYE BA'I PHYIR RO, ,ZHES GSUNGS PA LA DPAGS NA RGYU RKYEN LA RAG MA LAS PAR SBYAR BA LTA BUR SNANG YANG, DE MIN PA GZHUNG GIS SHES PAR MA ZAD, LHAG MTHONG LAS, DE LA GZHAN LA RAG MA LAS PA ZHES PA NI, RGYU RKYEN LA RAG MA LAS PA MA YIN GYI, YUL CAN THA SNYAD PA'I SHES PA LA GZHAN ZHES BYA STE; DE'I DBANG GIS BZHAG PA MIN PAS GZHAN LA RAG MA LAS PA'O, ,ZHES GSUNGS PA SHIN TU GSAL ZHING RGYU MTSAN LHAG MTHONG DKA' 'GREL DU GSUNGS PA LTAR RO, ,BZHI BA SEMS TZAM PAS KUN BTAGS RANG MTSAN @118B GYIS MA GRUB PAR 'DOD PA DANG 'GAL BA SPANG BA NI, GAL TE RANG SDE, ZHES SOGS BYUNG, KHA CIG NA RE, SEMS TZAM PAS GZUGS SOGS NGO BO DANG KHYAD PAR DU BTAGS PA'I KUN BTAGS YOD PAR 'DOD PA LA RANG MTSAN GYIS GRUB PA BKAG NAS MING BRDAS BZHAG PAR BSHAD PA MI 'THAD PAR THAL, RANG GZHAN GYI SDE BA KUN GYIS TSAD MAS GRUB PAR 'DOD PA THAMS CAD LA YUL DE'I DON STENG NAS GRUB PA ZHIG LA RANG MTSAN GYIS GRUB PAR 'DOD PA LA KHYAD MED PA'I PHYIR ZER NA SKYON MED DE, DES 'GOG RGYU'I RANG MTSAN DANG RANG RGYUD PA SOGS KYIS 'DOD RGYU'I RANG MTSAN MING 'DRA BA TZAM LAS DON GTAN MI 'DRA BA'I PHYIR TE, SEMS TZAM PAS 'DOD PA DE NI MING BRDAS 'JOG NUS PAS RANG MTSAN GYIS MA GRUB CES SMRA BA YIN GYI DE LA BTAGS DON BTZAL NA MI RNYED PAR MI 'DOD LA, RANG RGYUD PA SOGS KYIS 'DOD RGYU'I RANG MTSAN NI BTAGS DON BTZAL NA RNYED PA LA BYED PA'I PHYIR, SEMS TZAM GYI GZHUNG LAS NGO BO DANG KHYAD PAR DU BTAGS PA DE MING TZAM DU BSHAD PA YANG KUN BTAGS DE DAG SNANG BA'I BLOR GZUNG 'DZIN RGYANG CHAD DU SNANG BA LTAR GYI DON MED PA LA BTAGS PA TZAM LAS THAL 'GYUR BA LTAR DON STENG NAS MED PAR RTOG PAS BTAGS PA TZAM LA MI BYA BAS DE GNYIS MI 'DRA'O, ,GNYIS PA NYAN THOS KYI SDE SNOD LA BRTEN NAS KYANG BDAG MED GNYIS GSUNGS PA'I DON BSHAD PA LA GSUM, MTSAMS SBYAR BA DANG, THEG DMAN GYI SDE SNOD LAS CHOS KYI BDAG @119A *, ,MED BSTAN TSUL, THEG CHEN GYI SDE SNOD LAS GSUNGS PA'I GANG ZAG GI BDAG MED NYAN THOS SDE BAS 'DOD TSUL DANG MI 'DRA BAR BSTAN PA'O, ,DANG PO NI, RNAL 'BYOR SPYOD PA BA, ZHES SOGS BYUNG, RNAM RIG PA DANG RANG RGYUD PAS THEG DMAN SDE SNOD LAS CHOS KYI BDAG MED MA BSTAN CING, GANG ZAG GI BDAG MED BSTAN KYANG DE NI NYAN THOS SDE BAS BSHAD PA'I GANG ZAG RANG RKYA THUB PA'I RDZAS YOD KYIS STONG PA LAS LHAG PA THEG CHEN DU YANG BSHAD RGYU MED PAR BZHED MOD, SANGS RGYAS BSKYANGS DANG ZLA BA GNYIS KYIS THEG DMAN GYI SDE SNOD LAS CHOS KYI BDAG MED BSTAN PA DANG, THEG CHEN LAS BSTAN PA'I GANG ZAG GI BDAG MED KYANG NYAN THOS SDEBS BSHAD PA DANG MI MTHUN PAR SMRA BA'I DANG PO THEG DMAN GYI SDE SNOD LAS CHOS KYI BDAG MED BSHAD PA'I TSUL STON PAR MTSAMS SBYAR RO, ,GNYIS PA LA GSUM, DNGOS DANG, RTZOD SPONG DANG, DE 'PHAGS PA'I DGONGS PAR BSTAN PA'O; ,DANG PO NI, SANGS RGYAS BSKYANGS KYIS, ZHES SOGS BYUNG, DE LA SANGS RGYAS BSKYANGS DANG ZLA BA'I ZHABS GNYIS KYIS THEG DMAN GYI SDE SNOD LAS CHOS KYI BDAG MED BSTAN PAR BZHED DE, BUDDHA P'A LI TA LAS, BCOM LDAN 'DAS KYIS 'DU BYED RNAMS, NAS, TSIG YIN PA'I PHYIR RO, ,ZHES PA'I BAR DANG, 'JUG 'GREL LAS, NYAN THOS LA BSTAN PA'I MDO DAG LAS KYANG, NYAN THOS RNAMS KYI NYON MONGS PA'I SGRIB PA SPANG BAR BYA @119B BA'I PHYIR, GZUGS NI DBU BA RDOS PA 'DRA, ,TSOR BA CHU YI CHU BUR BZHIN, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ,ZHES BYA BA LA SOGS PAS DBU BA RDOS PA DANG, CHU'I CHU BUR DANG, SMIG RGYU'I CHU DANG, CHU SHING GI PHUNG PO DANG, SGYU MA LA SOGS PA'I DPE DAG GIS 'DU BYED RNAMS NGES PAR DPYAD PA YIN NO, ,DON 'DI NYID STON PAR MDZAD PA NI, SLOB DPON GYI ZHAL SNGA NAS KYIS; THEG PA CHE LAS SKYE MED BSTAN, ,GZHAN GYIS ZAD PA STONG PA NYID, ,ZAD DANG MI SKYE'I DON DU NI, ,GCIG PA DE PHYIR BZOD PAR GYIS, ,ZHES BYA BA DANG, DE BZHIN DU, BCOM LDAN DNGOS DANG DNGOS MED PA, ,MKHYEN PA'I K'A TY'A YAN YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PAR MDZAD, ,CES GSUNGS SO, ,ZHES DANG, RIGS PA DRUG CU BA'I 'GREL BA LAS, MED PA CAN LAS DANG 'BRAS BUR 'BREL BA LA SKUR BA 'DEBS PAS MED PAR LTA BA KHAS BLANGS BA GANG YIN PA, NAS, DE'I CHOS MNGON PA LAS RNAM PAR BZLOG GO ,DE BAS NA DE LTAR PA ROL DAG LA GSAL BA'I PHYIR DE YANG RIGS PA MI BSHAD DO, ,YOD PA BZLOG PA NI DGE SLONG DAG 'DI LTA STE MI SLU BA'I CHOS CAN MYA NGAN LAS 'DAS PA 'DI NI BDEN PA'I MCHOG GCIG PU'O, ,'DU BYED THAMS CAD SNOD KYI 'JIG RTEN NI BRDZUN PA SLU BA'I CHOS CAN NO, ,KYE MA 'DU BYED RNAMS MI RTAG ,CES BYA BA LA SOGS PA BSHAD PA NA, BCOM LDAN 'DAS KYIS GSUNGS SO, , @120A *, ,DE LTA MOD KYI DE PHYIR ZHING BSTUD DE GZHUNG GCIG TU MA GSUNGS LA, BYIS PA DAG YUN RING BO NAS YOD PAR LTA BA LA GOMS PAS DE'I PHYIR THUB PA'I DBANG PO'I GSUNG RAB DE DANG DE DAG LAS BSHAD PA'I GSUNG RAB LAS BTUS TE RAB TU BYED PA 'DIR BSDUS PA NYID KYIS, ZHES GSUNGS PA'I PHYIR, DE LA LUNG DANG PO'I DON NI, RGYAL BAS DMAN MDOR 'DU BYED RNAMS SGYU MA SOGS DANG 'DRA BAR BDEN PAR MED PAR BRDZUN PA DANG, CHOS THAMS CAD BDAG MED PAR GSUNGS SO, ,JI LTAR GSUNGS NA, 'DU BYED RNAMS BDAG MED PA'I DPER, NAS, RDZUN PA YANG YIN NO, ,ZHES PA'I BAR DANG, CHOS THAMS CAD BDAG MED DO ZHES PA GNYIS KYIS RIM PAR GSUNGS SO, ,MDO SNGA MA'I DON NI 'DU BYED RNAMS BDAG MED PA'I DPER SGYU MA SOGS KYI DPE BRGYAD BKOD CING, SKABS 'DI'I DE BZHIN NYID DAM MA NOR BA DE BZHIN NYID NI YUL RANG NGOS NAS GRUB PA'I MING YIN LA, DE YANG JI LTAR SNANG BA DE BZHIN DU GNAS SHING GRUB PA NYID DAM SNANG BA LTAR GRUB PAR 'DZIN PA LA MA NOR BA'AM MA 'KHRUL BAR JI LTAR BZUNG BA DE BZHIN DU GNAS PA ZHES ZAB GSAL SGRON MER 'BRU BSNAN TO, ,DE LTAR GRUB PA GCIG KYANG MED KYI 'DU BYED 'DI DAG NI KUN RDZOB KYI SPROS PA YANG YIN LA SNANG GNAS MI MTHUN PA'I RDZUN PA YANG YIN NO, ,ZHES PA STE, GZUGS NI DBU BA RDOS PA 'DRA, ,ZHES SOGS LTAR PHUNG PO LNGA BDAG MED PA'I DPER DBU BA SOGS LNGA BSTAN CING, BRAG CA GZUGS @120B BRNYAN RMI LAM GYI DPE GSUM DON GANG LA SBYOR BRTAG GO ,MDO PHYI MA'I DON NI BDAG MED CES GSUNGS PAS NI CHOS THAMS CAD NGO BO NYID MED PAR BSTAN PA YIN TE, SKABS 'DIR BDAG GI SGRA NI NGO BO NYID KYI TSIG YIN PA'I PHYIR TE, BDAG TU GRUB PA NI NGO BOS GRUB PA'I DON YIN PA'I PHYIR, ZHES PA'O, ,'JUG 'GREL GYI DON NI, NYAN THOS KYI SDE SNOD LAS CHOS KYI BDAG MED BSHAD DE, NYAN THOS LA BSTAN PA'I MDO LAS DBU BA RDOS PA LA SOGS PA'I DPES 'DU BYED RNAMS RANG BZHIN MED PAR BSTAN PA GANG ZHIG ,DES CHOS KYI BDAG MED BSTAN PAR SLOB DPON KLU SGRUB KYIS BZHED PA'I PHYIR RO, ,RIGS PA DRUG CU BA'I 'GREL BA'I DON NI, MED LTA ZLOG TSUL NI NYAN THOS SDE BA RANG GIS SHES PAS DE'I RIGS PA BSHAD MI DGOS LA, YOD LTA ZLOG PA NI MDO LAS GSUNGS MOD KYANG, PHYIR ZHING STE LAN MANG DU DANG, BSTUD PA STE BAR MED PAR DANG, GZHUNG GCIG TU DE KHO NA RTZAL TU BTON NAS MA GSUNGS PAS CHOS KYI BDAG MED GTAN LA 'BEBS PA'I RIGS PA RNAMS RIGS PA DRUG CU BA 'DIR BSHAD PAR GSUNGS SO, ,GNYIS PA NI, 'DI LA LEGS LDAN GYIS, ZHES SOGS BYUNG, DE LA NYAN THOS KYI SDE SNOD LAS CHOS KYI BDAG MED BSTAN PAR BSHAD MA THAG PA LTAR SANGS RGYAS BSKYANGS KYIS GSUNGS PA LA LEGS LDAN GYIS RAB BYED BDUN PA'I SHES RAB SGRON ME LAS, NYAN THOS KYI THEG PA LA BDAG DANG BDAG GI NGO BO NYID MED PA YIN YANG DE LTAR SNANG BA'I PHYIR NYON MONGS PA'I SGRIB PA'I GNYEN POR, GZUGS @121A *, ,NI DBU BA RDOS PA 'DRA, ,NAS, DE NYID GZIGS PAS BKA' STZAL TO, ,ZHES GSUNGS LA, ZHES MDO DES NYAN THOS SDE BA LA GANG ZAG GI BDAG MED BSTAN PAR BSHAD NAS, GZHAN DAG NA RE, ZHES BUDDHA P'A LI TA'I GZHUNG SNGAR DRANGS PA DE BKOD NAS, GZHAN MA YIN PA NA RE, DE LA 'DIR BDAG TU SNANG BA NI NOR BA'I DE BZHIN NYID YIN PA'I PHYIR DANG BDAG CES BYA BA'I SGRA YANG BDAG GI TSIG YIN PA'I PHYIR DE DAG LA BDAG GZHAN YANG MED LA; RANG NYID KYANG BDAG MA YIN TE, DBANG PHYUG MA YIN PA BZHIN PAS KHUNGS DES NI NYAN THOS KYI THEG PA LA GANG ZAG GI BDAG MED PA'I SGRA'I DON BYE BRAG TU RTOGS PAR BYA BA YIN PA'I PHYIR CHOS BDAG MED PA NYID BSTAN PAR MI NUS SO, ,NUS PAR GYUR NA NI THEG PA GZHAN YONGS SU BZUNG BA DON MED PA NYID DU 'GYUR RO, ,ZHES SGYU MA SOGS KYI DPE DE DAG GIS GANG ZAG GI BDAG MED BSHAD PA YIN TE, DPE DE DAG GIS NI GANG ZAG GI BDAG TU SNANG YANG GANG ZAG GI BDAG MED PA STON PA'I PHYIR, DE DAG GIS CHOS KYI BDAG MED BSTAN PA MIN PA DANG, CHOS THAMS CAD BDAG MED DO ZHES PA'I BDAG GI SGRA'I DON KYANG SANGS RGYAS BSKYANGS KYIS BSHAD PA LTAR CHOS KYI BDAG GI NGO BO NYID MA YIN GYI GANG ZAG GI BDAG YIN TE, NYAN THOS KYI SDE SNOD LAS CHOS KYI BDAG MED BSHAD NA NI THEG CHEN DON MED PAR 'GYUR BA'I PHYIR RO, ,ZHES BKAG GO ,DE LA 'JUG 'GREL LAS, GANG ZHIG GAL TE NYAN THOS KYI THEG @121B PA LAS KYANG CHOS LA BDAG MED PA BSTAN NA, DE'I TSE THEG PA CHEN PO BSTAN PA DON MED DU 'GYUR RO SNYAM DU SEMS PA DE'I LUGS, ZHES SHER SGRON LAS BSHAD PA PHYOGS SNGAR BSUS NAS, DE YANG 'DI LTAR RIGS PA DANG LUNG DANG 'GAL BAR RTOGS SO, ,THEG PA CHEN PO BSTAN PAS NI CHOS LA BDAG MED PA TZAM 'BA' ZHIG STON PAR BYED PA MA YIN GYI, 'O NA CI ZHE NA, BYANG CHUB SEMS DPA' RNAMS KYI SA DANG PHA ROL TU PHYIN PA DANG, SMON LAM DANG SNYING RJE CHEN PO LA SOGS PA DANG YONGS SU BSNGO BA DANG TSOGS GNYIS DANG BSAM GYIS MI KHYAB PA'I CHOS NYID KYANG YIN NO, ,JI SKAD DU RIN PO CHE'I PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL BA, ,DE PHYIR MKHAS PA RNAMS KYIS GZUNG, ,ZHES GSUNGS SO, ,ZHES DMAN MDOR CHOS KYI BDAG MED BSTAN KYANG THEG CHEN DON MED PA MA YIN TE, THEG CHEN LAS CHOS KYI BDAG MED TZAM STON PA MIN PAR BYANG CHUB SEMS DPA'I SPYOD PA RGYA CHE BA RNAMS KYANG STON PA'I PHYIR ZHES RIN CHEN PHRENG BA'I SHES BYED DANG BCAS PAS BSGRUBS SO, ,GSUM PA NI, SLOB DPON GYIS, ZHES SOGS BYUNG, THEG DMAN GYI SDE SNOD DU YANG CHOS KYI BDAG MED KYANG BSHAD PA NI 'PHAGS PA'I DGONGS PAR NGES PAR 'DOD DGOS TE, DMAN MDOR 'DU BYED THAMS CAD RDZUN PA SLU @122A *, ,BA'I CHOS CAN DU GSUNGS PA SOGS KYIS RDZUN PA'I DON NGO BO NYID KYIS STONG PA'I RANG BZHIN MED PA LAS GZHAN DU 'DREN PA LA GNOD PA BRJOD NAS DON DER NGES PAR RTZA SHE LAS BSGRUBS PA'I PHYIR, LUNG DANG BO'I DON NI, BCOM LDAN 'DAS DNGOS PO DANG DNGOS MED KYI RANG BZHIN PHYIN CI MA LOG PAR MKHYEN PAS K'A T+Y'A YA NA LA GDAMS PA LAS RANG BZHIN GYIS YOD PA DANG GTAN MED PA'I MTHA' GNYIS DGAG PAR MDZAD CES PA STE K'A T+Y'A YA NA NI KA TYA'I BU ZHES PA STE, DRANG SRONG KA TYA'I RIS SAM RIGS RGYUD LA BU RGYUD KYI RKYEN A'A YA NA nA BYIN PAS K'A T+Y'A YA NA ZHES PA GRUB PA'O, ,MDO DE NYID LAS, K'A T+Y'A YA NA, GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHEN TE, DES NA SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG 'KHRUGS BA DAG LAS YONGS SU GROL BAR MI 'GYUR 'CHI BA'I GDUNG BA'I SDUG BSNGAL LAS YONGS SU GROL BAR MI 'GYUR, ZHES GSUNGS SO, ,LUNG GNYIS PA'I DON NI, BCOM LDAN 'DAS KYIS CHOS GANG ZHIG SLU BA YIN PA DE NI RDZUN NO ZHES SLU BA LA BRDZUN PAS KHYAB PAR GSUNGS LA, 'DU BYED THAMS CAD KYANG SLU BA'I CHOS CAN YIN NO ZHES GSUNGS PA DES NA 'DU BYED THAMS CAD BRDZUN PA YIN NO, ,ZHES PA STE, MDO LAS, DGE SLONG DAG 'DUS BYAS SLU BA'I CHOS CAN GANG YIN PA DE DAG NI BRDZUN PA YIN LA, MI SLU BA'I CHOS CAN MYA NGAN LAS 'DAS PA @122B GANG YIN PA DE NI BDEN PA DAM PA'O, ,ZHES PA DANG, DE BZHIN DU 'DUS BYAS DE NI SLU BA'I CHOS KYANG YIN DE NI RAB TU 'JIG PA'I CHOS KYANG YIN NO, ,ZHES GSUNGS PA'O, ,LUNG GSUM PA'I DON NI, DON DAM BDEN PA'I LHAG MA STE DE LAS GZHAN PA'I KUN RDZOB KYI BDEN PA RNAMS LOG PA STE SNANG TSUL GNAS TSUL MI MTHUN PA'I CHOS MIN ZHES MKHAS PA SU ZHIG GIS DPYOD PAR BYED DE, MYA NGAN LAS 'DAS PA NI SNANG TSUL DANG GNAS TSUL MTHUN PA'I BDEN PA GCIG PUR SANGS RGYAS KYIS NAM GSUNGS PA DE'I TSE STE DE'I PHYIR ZHES PA'O, ,DE LTA NA YANG LUGS 'DIR NYAN THOS KYI SDE SNOD DU CHOS KYI BDAG TU GRUB PAR MA GSUNGS PAR MI SGRUB KYI DE GSUNGS PA'I SKABS MANG BAR 'DOD DO, ` ,SPRO NA, KHO NA RE, GZHUNG DU RNAM RIG PA DANG RANG RGYUD PAS DMAN SDER CHOS KYI BDAG MED MA BSTAN PAR 'DOD PAR GSUNGS PA MI 'THAD PAR THAL, SEMS TZAM PAS DE LTAR 'DOD PA GANG ZHIG ,DBU MA RANG RGYUD PAS DE LTAR 'DOD PA'I PHYIR, DANG PO DER THAL, SEMS TZAM PAS, SDUM BYED KA TYA'I BUS ZHUS PA DANG, SRID PA 'PHO BA'I MDO DANG, DON GYI SDE TSAN GYI MDO GSUM LAS CHOS KYI BDAG MED BSTAN PAR 'DOD PA'I PHYIR, GNYIS PA DER THAL, SHER SGRON LAS, NYAN THOS KYI THEG PA LAS KYANG 'DI LTA STE 'DUS BYAS GANG YIN PA DE NI BRDZUN PA SLU PA'I CHOS SO, ,DGE SLONG DAG 'DI LTA STE MI SLU BA'I CHOS MYA NGAN LAS 'DAS PA DE NI BDEN PA'I MCHOG GO ,'DUS BYAS DE NI SLU BA'I CHOS KYANG YIN DE NI @123A *, ,RAB TU 'JIG PA'I CHOS CAN YANG YIN NO, ,ZHES GSUNGS LA, NAS, 'DIS NI 'DU BYED KYI CHOS NI SLU BA'I CHOS NYID YIN PAR BSTAN TO, ,ZHES NYAN THOS KYI SDE SNOD LAS 'DUS BYAS BRDZUN PA SLU BA'I CHOS CAN DU GSUNGS SHING, DES CHOS NYID BSTAN PAR BSHAD PA'I PHYIR DANG, YANG DE NYID LAS, NYAN THOS KYI THEG PAR YANG BCOM LDAN 'DAS KYIS BKA' STZAL TE, KYE KO'U TA MA, SDUG BSNGAL BDAG GIS BYAS SAM, TSE DANG LDAN PA MA YIN NO, ,GZHAN GYIS BYAS SAM, TSE DANG LDAN PA MA YIN NO, ,GNYIS KAS BYAS SAM, TSE DANG LDAN PA MA YIN NO, ,BDAG GIS KYANG MA BYAS GZHAN GYIS KYANG MA BYAS SAM, TSE DANG LDAN PA MA YIN NO, ,ZHES BYA BA LA SOGS PA RGYA CHER GSUNGS PA DE DAG GIS GRUB PA YIN NO, ,ZHES THEG DMAN GYI SDE SNOD LAS DON DAM PAR GZHAN SKYE MED PAR BSTAN PAR BSHAD PA'I PHYIR DANG, YANG DE NYID LAS, K'A T+Y'A YA NA, 'JIG RTEN 'DI NI GNYIS LA GNAS TE, PHAL CHER YOD PA NYID DANG MED PA NYID LA'O, ,ZHES BYA BA LA SOGS PA DANG, DE BZHIN DU KUN DGA' BO, YOD CES BYA BA NI RTAG PAR 'GYUR LA, MED CES BYA BA NI CHAD PAR 'GYUR RO, ,ZHES KYANG GSUNGS SO, ,ZHES LUNG PHRAN TSOGS KYI K'A T+Y'A YA NA LA GDAMS PA LAS CHOS KYI BDAG MED BSTAN PAR TSIG GSAL BZHIN BSHAD PA'I PHYIR, DES NA, NYAN THOS THEG PA DE LAS NI, ,ZHES SOGS KYI DON YANG, THEG DMAN THUN MONG MA YIN PA'I SDE SNOD LAS BYANG CHUB SEMS DPA'I @123B SPYOD PA NYAMS LEN SOGS MA BSHAD PA'I DON YIN GYI, NYAN THOS KYI SDE SNOD LAS MA BSHAD PA'I DON MA YIN TE, 'DUL BA LUNG LAS THAMS CAD SGROL GYI SKYES RABS SOGS BRGYA PHRAG MANG PO BSHAD PA'I PHYIR ZER, RJE BTZUN YAB SRAS KYIS KYANG 'DI BZHIN DU GSUNGS NAS THEG PA CHE CHUNG GI GDUL BYA GNYIS KA'I CHED DU GSUNGS PA'I THUN MONG GI SDE SNOD YOD PAR KHAS LEN NO, ,DE LA DBU MA'I MTHA' DPYOD DU, LEGS LDAN LUGS GZHIR ZHOG MDO TSAN DE GSUM RE RE NAS CHOS CAN, KHYOD KYI CHED DU BYA BA'I GDUL BYA THEG DMAN PA YOD PAR THAL, KHYOD THEG DMAN GYI MDO YIN PA'I PHYIR, RTAGS KHAS, 'DOD NA, KHYOD KYIS BSHAD PA LTAR GTZO BOR NYAMS SU LEN PA'I THEG DMAN PA YOD PAR THAL, 'DOD PA DE'I PHYIR, RTAGS DNGOS, KHYAB STE, BCOM LDAN 'DAS KYIS DE LTAR GSUNGS PA DE NYAMS SU LEN PA KHO NA'I CHED YIN PA'I PHYIR, GONG DU 'DOD NA, BDEN MED GTZO BOR SGOM PA DANG BDEN 'DZIN GTZO BOR SPONG BA'I THEG DMAN PA YOD PAR THAL, 'DOD PA'I PHYIR, RTAGS KHAS, ZHES BKAG NAS, GNOD BYED CHAR LTAR 'BAB PAS RANG RGYUD PA'I LUGS KUN DANG RGYA BA 'GAL DU 'GYUR BAS RJE DANG ZLA BA'I GZHUNG JI BZHIN PA KHO NA MDZES SO, ,ZHES GSUNGS SHING, SGO MANG RANG LUGS LA, SHER SGRON LAS NYAN THOS KYI THEG PA LAS KYANG ZHES DRANGS PA, NYAN THOS KYI SDE SNOD KYI NANG NAS MDO TSIG 'DI 'DRA 'BYUNG ZHES PA TZAM YIN PA'I PHYIR TE, NYAN THOS KYI THEG PA LAS ZHES 'BYUNG KHUNGS TZAM LAS MI SNANG BA'I @124A *, ,PHYIR, DES NA STONG NYID STON PA'I MDO YIN PHYIN LEGS LDAN SOGS KYI LUGS LA THEG CHEN GYI MDOR 'GRUB PA DANG, RANG 'GREL GYIS DMAN MDOR BYANG SEMS KYI SPYOD PA SOGS MA BSTAN PAR STON YUL LA LEGS LDAN DANG, RIN CHEN PHRENG BAS DE LTAR STON YUL LA NYAN THOS SDE BA 'JOG PAR BZHED DE BLO GLING YANG BSHAD PA'I SPYI BAB 'DI DANG MTHUN NO, ,DE LA KHA CIG GIS, ZLA BAS, GZUGS NI DBU BRDOS PA 'DRA, ,ZHES SOGS NYAN THOS KYI SDE SNOD DU MI BZHED PAR THAL, NYAN THOS KYI SDE SNOD NANG NAS MDO TSIG 'DI 'DRA BYUNG ZHES PA TZAM YIN PA'I PHYIR TE, RANG 'GREL DU NYAN THOS LA BSTAN PA'I MDO LAS ZHES 'BYUNG KHUNGS TZAM LAS MI SNANG BA GANG ZHIG ,GZHUNG DU YANG, 'JUG 'GREL LAS KYANG, GZUGS NI DBU BA RDOS PA 'DRA, ,ZHES SOGS NYAN THOS LA BSTAN PA'I MDO LAS DRANGS NAS, ZHES NYAN THOS LA BSTAN PA'I MDO DRANGS NAS MA GSUNGS PAR 'BYUNG KHUNGS KYI SGRA MDZAD PA'I PHYIR, 'KHOR GSUM SONG ZER BA DANG, RJE BTZUN YAB SRAS LA GZHAN DAG ,LEGS LDAN GYIS MDO DE DAG THEG DMAN GYI SDE SNOD DU MI 'DOD PAR THAL, NYAN THOS KYI THEG PAR CHOS KYI BDAG MED BSHAD NA NI THEG PA CHEN PO DON MED PAR 'GYUR ZHES BKAG PA'I PHYIR ZER NA BRTAG LA, MUN SEL LAS, THEG DMAN THUN MONG MIN PA'I SDE SNOD LAS CHOS KYI BDAG MED MA BSTAN KYANG THUN MONG BA'I SDE SNOD LAS DE BSTAN ZER BA, RJE'I KUN GZHI LAS, THEG DMAN GTZUG LAG RNAMS SU NI, , @124B KUN GZHI RTZA BA'I RNAM SHES DANG, ,ZHES SOGS LTAR THEG DMAN GYI SDE SNOD DU RKU NA GZHI BSTAN PAR GSUNGS PA DANG, SA'I STOD 'GREL DU KUN GZHI SGRUB BYED KYI LUNG BCU BDUN DRANGS PA LAS BZHI TZAM THEG DMAN GYI LUNG YIN PA LA DPAGS NA RJE BTZUN PA'I DE BDE BA 'DRA, ZHES GSUNGS SO, ,GRUB MTHA' CHEN MO LAS, GZUGS NI DBU BA RDOS PA 'DRA, ,NAS, SANGS RGYAS BSKYANGS KYIS LUNG DES CHOS KYI BDAG MED BSTAN PAR BSHAD, CES BUDDHA P'A LI TAR SKABS 'DIR CHOS KYI BDAG MED STON PA LA DRANGS PA'I LUNG NI, GZUGS NI DBU BA RDOS PA 'DRA, ,ZHES SOGS YIN PAR GSUNGS PA DANG, DBU MA'I MTHA' DPYOD LAS, RAB BYED BDUN PA'I 'GREL BA BUDDHA P'A LI TAS, DE BZHIN DU BCOM LDAN 'DAS KYIS 'DU BYED RNAMS BDAG MED PA'I SGYU MA DANG BRAG CA DANG, NAS, THEG DMAN GYI MDO DES SGYU MA SOGS DPER BKOD PA'I PHUNG SOGS KYI CHOS THAMS CAD BDAG MED PA'I DON RANG BZHIN NAM NGO BO NYID MED PA'I DON DU BSHAD, CES SANGS RGYAS BSKYANGS KYIS SKABS 'DIR DRANGS PA'I THEG DMAN GYI MDO NI, 'DU BYED RNAMS BDAG MED PA'I SGYU MA DANG BRAG CA DANG, ZHES SOGS LA NGOS BZUNG BA GNYIS LAS SNGA MA'I SGRAS ZIN NOR LA PHYI MA LTAR YIN PA BUDDHA P'A LI TA SHER SGRON GZHUNG 'DI GSUM GAR BLTAS NA'ANG CHES GSAL ZHING, GRUB MTHA' CHEN MOR, GZUGS NI DBU BA RDOS PA 'DRA, ,ZHES SOGS RTZA SHE RAB BYED BDUN PA'I LUNG DU BYAS PA'ANG SGRAS ZIN NOR @125A *, ,RO, ,KHO NA RE, BUDDHA P'A LI TAS DRANGS PA'I DMAN MDOR, GZUGS NI DBU BA RDOS PA 'DRA, ,ZHES SOGS KYI TSIGS BCAD 'DI NGOS 'DZIN DGOS PAR THAL, GZHUNG LAS DE'I DON 'GREL BA NA, PHUNG PO LNGA BDAG MED PA'I DPER RIM PA BZHIN DU DBUB DANG CHU BUR DANG CHU SHING DANG SMIG RGYU DANG SGYU MA BSTAN PA DANG, ZHES GSUNGS PA'I PHYIR NA MA KHYAB STE, DE NI MDO GNYIS BSGRIGS NA DPE LNGA PO DE RIM PAR PHUNG PO LNGA BDAG MED PA'I DPE DANG SBYAR BYAR BSTAN PA LAS SANGS BSKYANGS KYIS SKABS 'DIR DRANGS PA TSIGS BCAD DE YIN PAR GSUNGS PA MA YIN PA'I PHYIR TE, MDO GNYIS DPE'I GRANGS MI 'DRA BA'I PHYIR RO, ,GSUM PA THEG CHEN GYI SDE SNOD LAS GSUNGS PA'I GANG ZAG GI BDAG MED NYAN THOS SDE BAS 'DOD TSUL DANG MI 'DRA BAR BSTAN PA LA GNYIS, RANG RGYUD PA MAN GYIS GANG ZAG GI BDAG MED 'JOG TSUL DANG, THAL 'GYUR BAS GANG ZAG GI BDAG MED 'JOG TSUL LO, ,DANG PO NI, GANG ZAG GI BDAG MED NI, ZHES SOGS BYUNG, GANG ZAG GI BDAG MED NI RANG SDE RANG RGYUD PA MAN LTAR NA, GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS SU GRUB PA GANG ZAG GI BDAG TU GRUB TSAD DANG, DE LTAR MED PA GANG ZAG GI BDAG MED PA'I DON DU 'DOD DO, ,GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS SU 'DZIN TSUL NI, GANG LA BZHES 'DZIN PA'I GZHI'I BDAG 'DI PHUNG PO'I DBANG SGYUR BA PO'I RJE BO LTA BU DANG PHUNG PO RNAMS @125B DE'I DBANG BSGYUR BYA'I BRAN LTA BUR BZUNG NAS PHUNG PO RNAMS BDAG DE'I DBANG BYAR 'DZIN PA'O, ,DES NA RJE KHOL LTAR BDAG PHUNG DANG MTSAN NYID MI MTHUN PAR RANG RKYA BAR MED KYANG DER SNANG LA, DE BZHIN DU YOD PAR ZHEN PA NI GANG ZAG RDZAS SU YOD PAR 'DZIN PA STE GANG ZAG GI BDAG 'DZIN NO, ,'DI DOGS GCOD DANG BCAS RGYAS PAR SEMS TZAM PA'I SKABS SU SONG ZIN PA LTAR RO, ,RJE KHOL LTAR PHUNG PO DANG MTSAN NYID MI MTHUN PAR RANG RKYA BAR 'DZIN PA DE BKAG PA NA, GANG ZAG DE PHUNG PO LA BTAGS PA TZAM DU 'GYUR TE TZAM GYI SGRAS THAL 'GYUR BA LTAR RANG NGOS NAS YOD PA GCOD PA MIN PAR PHUNG PO LAS DON GZHAN DU YOD PA GCOD DO, ,PHUNG PO LA BTAGS PA TZAM DU 'GYUR BA'I BTAGS LUGS NI, RTOG 'BAR DU, KHO BOS RNAM SHES LA BDAG TU 'DOGS TE, RNAM SHES KYIS YANG SRID LEN PA'I PHYIR, LUS DANG DBANG PO NI BDAG GI GDAGS GZHI YIN TE, BDAG YIN ZHES LUS DANG DBANG PO LA 'DOGS PA'I PHYIR TE, JI SKAD DU, DPER NA YAN LAG TSOGS PA LA, ,SHING RTA ZHES NI DRAN PA LTAR, ,DE BZHIN PHUNG PO RNAM BRTEN NAS, ,KUN RDZOB TU NI SEMS CAN BRJOD, ,CES PA 'DREN NO, ,DE NI RAB BYED BCO BRGYAD PA'I SHER SGRON, ,SGRA DANG BLO YI BTAGS PA DANG, DNGOS KYI NGES PA RANG GI GRUB PA'I MTHA' YANG SGRUB PA THA SNYAD DU 'DOD PAS 'DOD PA'I PHYIR RO, ,ZHES PA'I THAD KYI SPYAN RAS GZIGS BRTUL ZHUGS LAS, KHO BO CAG GI LUNG LAS GYUR BA DAG GI SGRA RNAM PAR SHES PA LA NI DON JI LTA BA BZHIN YIN LA, SKYE @126A *, ,BA LA SOGS PA DAG LA NI NYE BAR BTAGS PA YIN PAR GRUB PAS, ZHES GSUNGS PA LA BRTEN NAS BRIS PA YIN YANG DGONGS PAR SON MA SON BRTAG CING, RTOG 'BAR DU SNGAR BZHIN YIN NA YANG, STONG THUN LAS, DER SHES BYED DU DRANGS PA NI, BDAG NYID BDAG GI MGON YIN GYI, ,ZHES SOGS DANG, SEMS 'DUL BA NI LEGS PA STE, ,ZHES SOGS LUNG TSAN GNYIS LA NGOS BZUNG NGO, ,DE YANG MDO KHA CIG LAS, SEMS DUL BA NI LEGS PA STE, ,SEMS THUL BA NI BDE BA 'DREN, ,ZHES SEMS DUL NA BDE BA 'THOB PAR GSUNGS LA, MDO KHA CIG TU, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR THU 'KHAS NI, ,MKHAS PAS MTHO RIS 'THOB PAR 'GYUR, ,ZHES BDAG DUL BAS MTHO RIS 'THOB PAR GSUNGS PAS SEMS LA BDAG TU 'JOG CES LUNG DANG, RNAM SHES CHOS CAN, KHYOD BDAG TU 'JOG STE, PHUNG PO LEN MKHAN NI BDAG YIN LA, KHYOD KYIS YANG SRID LEN PA'I PHYIR, ZHES RIGS PA'I SGRUB BYED SMRA'O, ,KUN GZHI MI BZHED PA THAMS CAD LUS LEN PA'I RNAM SHES NI YID KYI RNAM SHES LA BZHED CING KUN GZHI 'DOD PAS NI KUN GZHI'I RGYUN NYID GANG ZAG TU 'DOD DO, ,GNYIS PA LA GNYIS, GZHAN LUGS DGAG PA DANG, RANG LUGS GZHAG PA'O, ,DANG PO LA GNYIS, RANG RGYA THUB PA'I RDZAS YOD KYI BDAG MED TZAM GOMS PAS NYON MONGS LDOG PA DGAG @126B PA; GANG ZAG GI NGOS 'DZIN DGAG PA'O, ,DANG PO NI, ZLA BA'I LUGS, ZHES SOGS BYUNG, CHOS KYI BDAG 'DZIN BZHIN NO, ,YAN GYIS RANG LUGS KYI GANG ZAG GI BDAG 'DZIN NGOS BZUNG NAS DE MIN GZHAN LUGS DGAG PA DNGOS TE, DE YANG GANG ZAG RANG MTSAN GYIS GRUB PAR 'DZIN PA NI GANG ZAG GI BDAG 'DZIN YIN TE, GANG ZAG RANG RKYA THUB PA'I RDZAS YOD DU GRUB PA KHEGS KYANG GANG ZAG THA SNYAD DU BTAGS TZAM MIN PA'I RANG GI NGO BOS GRUB PA MI KHEGS LA, GANG ZAG THA SNYAD DU BTAGS PA TZAM MIN PA'I RANG GI NGO BOS GRUB PAR 'DZIN PA GANG ZAG GI BDAG 'DZIN YIN PA'I PHYIR, DPER NA CHOS KYI BDAG 'DZIN BZHIN NO, ,GZHAN YANG RANG RKYA THUB PA'I RDZAS YOD KYI BDAG CHOS CAN; KHYOD MED PAR MNGON SUM DU RTOGS SHING GOMS PAS KYANG NYON MONGS PA MI LDOG PAR THAL, KHYOD PHYI ROL BAS PHUNG PO LAS DON GZHAN DU SGRO BTAGS PA'I NANG GI BYED PA'I SKYES BU YOD PAR BZUNG BA'I YUL YIN PA GANG ZHIG ,KHYOD MED PAR MNGON SUM DU RTOGS SHING GOMS PAS KYANG PHUNG PO BDEN 'DZIN CUNG ZAD KYANG KHA BRI BA MED PA'I PHYIR, KHYAB STE, DE MA LOG NA CHAGS SOGS NYON MONGS SKYE BA'I PHYIR, GONG GI RTAGS DANG PO DER THAL, GRANGS CAN PAS BDE SDUG SOGS LA SPYOD PA PO DANG, RTAG PA'I DNGOS PO DANG, RNAM 'GYUR RNAMS KYI BYED PA PO MIN PA DANG, RDUL MUN SNYING STOBS KYI RANG BZHIN GYI YON TAN MED PA DANG, KHYAB PAR BYED PAS BYA BA MED PA STE KHYAD PAR LNGA LDAN GYI BDAG @127A *, ,DANG; BYE BRAG PAS RTAG PA DANG, BYED PA PO DANG, ZAB PO DANG, YON TAN DANG BCAS PA DANG, BYA BA MED PA'I KHYAD PAR DANG LDAN PA'I BDAG DANG, RIG BYED PAS RTEN LUS THA DAD PA'I DBANG GIS SNA TSOGS PAR 'CHAR BA'I BDAG GCIG NYID KHAS LEN CING, RANG RGYA THUB PA'I RDZAS YOD DU GRUB NA DE LTAR YIN DGOS PA'I PHYIR, DE LTAR DU GSUNGS PA'I 'JUG PA'I DON NI, KHYOD KYI LTAR NA RNAL 'BYOR BAS BDAG MED MNGON SUM DU MTHONG BAS GZUGS SOGS KYI DE NYID RTOGS PAR MI 'GYUR TE, DES DE'I TSE MU STEGS KYIS BTAGS PA'I RTAG BDAG TZAM MED PAR MTHONG BA'I PHYIR, DE BAS NA GZUGS SOGS LA BDEN PAR 'DZIN PAS GZUGS SOGS KYI YUL CAN GYI 'DOD CHAGS SOGS DA DUNG SKYE BAR 'GYUR TE, DES GZUGS KYI GNAS LUGS MA RTOGS PA'I PHYIR, ZHES PA'O, ,RIGS PA DRUG CU BA'I DON NI, GNAS TE RANG MTSAN GYIS GRUB PA BDEN 'DZIN SKYE BA'I DMIGS PA DANG BCAS PA'I SEMS DANG LDAN PA RNAMS LA NYON MONGS 'BYUNG STE, DE CHAGS SDANG MNGON GYUR BA DANG BRAL BA'I BAR MAR GNAS KYANG, NYON MONGS PA MA RIG PA'I GZHAN DBANG DU 'GYUR BA'I PHYIR, ZHES PA STE GZHUNG DU DRANGS PA'I SNGA 'GREL GYI DON YANG DES SHES SO, ,GNYIS PA NI, GZHAN GYI GANG ZAG CES SOGS BYUNG, DE LA, MI RUNG BA'I PHYIR RO, ,YAN GYIS LUNG LA BRTEN NAS DANG, ZHES SO, ,YAN GYIS PHUNG PO'I TSOGS TZAM GANG ZAG TU MI 'GRUB TSUL DANG, @127B 'GOG PA YANG 'THAD DO, ,YAN GYIS PHUNG PO BDAG MA YIN PA LA GNOD BYED MED CING SGRUB BYED YOD TSUL DANG, DE MIN GYIS PHUNG PO BDAG YIN PA LA GNOD BYED BSTAN TO, ,LUNG LA BRTEN NAS PHUNG PO BDAG TU MI 'GRUB TSUL NI, NYAN THOS KYI SDE SNOD KYIS DE LTAR MI 'GRUB STE, DE'I DON NI GANG ZAG PHUNG PO LA BRTEN NAS BTAGS NA PHUNG PO GANG ZAG YIN DGOS PA'I DON MA YIN PA'I PHYIR TE, YAN LAG LA BRTEN NAS BZHAG PA'I SHING RTA YAN LAG TU MI RUNG BA LTAR PHUNG PO LA BRTEN NAS BTAGS PA'I GANG ZAG KYANG GANG LA BTAGS PA'I PHUNG BOR MI RUNG BA'I PHYIR, GZHAN DU NA SHING RTA'I YAN LAG TSOGS PA SHING RTA YIN PAR THAL, SHING RTA DANG BDAG GNYIS YAN LAG TSOGS PA LA 'JOG MI 'JOG 'DRA BA GANG ZHIG ,PHUNG PO'I TSOGS PA BDAG TU 'DOD PA'I PHYIR, 'JUG PA LAS, DE TSE DE YI YAN LAG TSOGS GNAS RNAMS, ,SHING RTA NYID 'GYUR SHING RTA DANG BDAG MTSUNGS, ,ZHES GSUNGS SO, ,PHUNG PO'I TSOGS TZAM GANG ZAG TU MI 'GRUB TSUL NI, KHO NA RE, SHING RTA'I YAN LAG TSOGS TZAM SHING RTA YIN PA BZHIN DU PHUNG PO TSOGS TZAM GANG ZAG YIN NO ZER NA, GANG ZAG GI GDAGS GZHI PHUNG PO LNGA TSOGS PA TZAM BDAG MA YIN TE, PHUNG PO'I TSOGS PA LA BRTEN NAS SEMS CAN DU BTAGS PAR MDO LAS GSUNGS PA'I PHYIR, DPE GZHUNG NA GSAL LO, ,DE SKAD DU 'JUG PAR, MDO LAS PHUNG PO BRTEN NAS ZHES SOGS GSUNGS SO, ,PHUNG PO BDAG MA YIN PA LA GNOD BYED MED @128A *, ,CING SGRUB BYED YOD TSUL LA, GAL TE MDO LAS, NAS, ZHES SO, ,YAN GYIS DE DNGOS DANG, 'DZIN PA'O, ,YAN GYIS 'JIG LTA NGOS 'DZIN DANG, DE MIN GYIS RTZOD PA SPONG BA GSUM LAS SNGA MA NI, KHO NA RE, PHUNG PO LNGA CHOS CAN, KHYOD BDAG YIN TE, KHYOD BDAG LTA'I DMIGS PA YIN PA'I PHYIR TE, MDO LAS, DGE SBYONG DANG BRAM ZE GANG DAG CES SOGS GSUNGS PA'I PHYIR ZER NA, MDO DES NI SGRUB PHYOGS NAS PHUNG PO BDAG LTA'I DMIGS PAR STON PA MIN PAR DGAG PHYOGS NAS PHUNG PO LAS DON GZHAN DU BDAG LTA'I DMIGS PA YOD PA 'GOG PA YIN PA'I PHYIR TE, KHO NA'I SGRA'I DGOS PA YOD PA'I PHYIR, STON PAS MDO LAS, PHUNG PO BDAG GO ZHES SOGS GSUNGS PA DE NI PHUNG PO RNAMS BDAG TU STON PA MA YIN PAR PHUNG PO LAS DON GZHAN PA'I BDAG BDAG LTA'I DMIGS PAR 'DOD PA 'GOG PA YIN TE, MDO GZHAN LAS, GZUGS BDAG MA YIN, TSOR BA BDAG MA YIN, ZHES SOGS KYIS PHUNG PO RE RE NAS BDAG YIN PA BKAG PA'I PHYIR, DE SKAD DU 'JUG PA LAS, GANG PHYIR STON PAS ZHES SOGS GSUNGS SO, ,'JIG LTA NGOS 'DZIN LA, SGRA BSHAD NI SNGAR BSHAD PA 'DI DAG GIS SHES DGOS LA, DE YANG PHUNG PO LNGA PO NI 'JIG CING TSOGS PA YIN ZHING DE LA BTAGS PA'I NGA RANG MTSAN GYIS GRUB PA'I BDAG TU LTA BAS NA 'JIG LTA ZHES BYA'O, ,NGAR 'DZIN LHAN SKYES KYI DMIGS YUL YANG SNGAR GYI LUNG DE DAG GIS NGOS BZUNG STE, DE NI THA SNYAD DU YOD PA'I NGA DANG, DE'I RNAM PA NI @128B BDAG DE RANG GI NGO BOS YOD PAR 'DZIN PA DANG, RNAM PA'I YUL NI BDAG RANG MTSAN GYIS GRUB PA DANG, NGA YIR 'DZIN PA'I 'JIG LTA LHAN SKYES KYI DMIGS PA NI NGA YI BA'I GANG ZAG DANG, RNAM PA NI NGA YI BA RANG MTSAN GYIS GRUB PAR 'DZIN PA DANG, RNAM PA'I YUL NI NGA YI BA RANG MTSAN GYIS GRUB PA'O, ,DES NA SKABS 'DIR DMIGS PA THA SNYAD DU YOD PA'I RANG RGYUD KYI NGA DANG NGA YI BA GANG RUNG LA DMIGS NAS RNAM PA RANG STOBS KYIS DE DAG RANG MTSAN GYIS GRUB PA'I NGA DANG NGA YI BA CI RIGS SU 'DZIN PA'I RNAM PA CAN BYED LAS LTA NGAN THAMS CAD KYI RTEN BYED PA'I SEMS BYUNG NI 'JIG LTA'I NGO BO STE, DES 'JIG LTA LHAN SKYES GNYIS KYI NGO BO YANG SHES NUS SO, ,RTZOD SPONG LA, KHO NA RE, BDAG LTA SPANG BA'I CHED DU MDO LAS GZUGS SOGS BDAG MA YIN ZHES DE BDAG YIN PA 'GOG PA MI 'THAD PAR THAL, GZUGS SOGS NGAR 'DZIN 'JIG LTA LHAN SKYES KYI DMIGS PA MA YIN PA'I PHYIR TE, NGAR 'DZIN LHAN SKYES KYI DMIGS PAR PHUNG PO MI 'THAD PA'I PHYIR, RTAGS KHAS ZER NA, SKYON MED DE, PHUNG PO DANG BDAG GCIG DANG DON GZHAN DU 'DZIN PA GNYIS KA KUN BTAGS KYI 'DZIN PA LAS LHAN SKYES KYI 'DZIN PA MA YIN PA'I PHYIR, 'ON KYANG DE LTAR BRTAGS NAS 'GOG PA YANG 'THAD DE, 'JIG LTA LHAN SKYES KYIS JI LTAR BZUNG BA LTAR YOD NA PHUNG PO DANG GCIG DANG DE LAS DON GZHAN GANG RUNG LAS MI 'DA' BA'I PHYIR RO, ,PHUNG PO BDAG YIN PA LA RIGS PA'I GNOD BYED BSTAN PA NI, RNAM SHES SAM @129A *, ,GZHAN TSOR SOGS KYANG RUNG PHUNG PO BDAG TU MI RIGS TE, PHUNG PO BDAG GI NYE BAR BLANG BYA DANG BDAG NI DE NYE BAR LEN PA PO YIN PA'I PHYIR, KHYAB STE, DE LTAR NA BYED PA PO DANG LAS GCIG TU 'GYUR BA'I PHYIR TE, PHUNG BO BDAG YIN PA'I PHYIR, RTAGS KHAS, DE SKAD DU 'JUG PA LAS, LEN PO RANG NYER LEN GCIG RIGS DNGOS MIN, ,DE LTA NA LAS BYED PO GCIG NYID 'GYUR, ,ZHES GSUNGS, DE NYID 'PHAGS PA'I DGONGS PAR BSTAN PHYIR RTZA SHE'I RAB BYED BCU BA DRANGS PA'I LUNG DANG PO'I DON NI, BYED PA PO ME DANG LAS SHING GNYIS GCIG YIN PAR THAL, SHING DANG ME GNYIS NGO BO NYID KYIS BDAG NYID GCIG YIN PA'I PHYIR, ZHES PA DANG, GNYIS PA'I DON NI, LEN PA PO DANG BLANG BYA DANG BUM SNAM SOGS THAMS CAD PHAN TSUN LTOS GRUB TZAM DU GRUB PAR THAL, ME DANG BUD SHING RANG BZHIN GYIS GRUB PA 'GOG PA'I RIGS PAS DE DAG RANG BZHIN GYIS GRUB PA'ANG KHEGS PA'I PHYIR, ZHES PA'O, , GNYIS PA RANG LUGS GZHAG PA NI, GZHAN YANG RTZA SHE LAS, ZHES SOGS BYUNG, RTZA SHE'I RAB BYED BRGYAD PA LAS, DE BZHIN NYER LEN SHES PAR BYA, ,ZHES PA'I DON NI, LAS DANG BYED PO GNYIS PHAN TSUN LA BRTEN NAS BTAGS PAR YOD KYI RANG GI NGO BO NYID KYIS GRUB PA MIN PA DE BZHIN DU NYE BAR BLANG BYA DANG NYE BAR LEN PO YANG PHAN TSUN LA BRTEN NAS 'JOG PAR SHES PAR BYA BA'I DON TE, THA SNYAD BTAGS PA LTAR 'JOG NUS PA'I TSUL, MIG GIS @129B GZUGS MTHONG BA LA BRTEN NAS, ZHES SOGS GO SLA'O, ,TSUL DES CHOS LHAG MA 'JOG TSUL YANG SHES DGOS TE, RTZA SHE LAS, BYED PA PO DANG LAS DAG GIS, ,DNGOS PO LHAG MA 'ANG SHES PAR BYA, ,ZHES GSUNGS PA'I PHYIR RO, ,'DI LA 'JUG PA'I RANG 'GREL LAS, GANG ZHIG YONGS SU 'TSOL BA NA MU STEGS PA DE'I RIGS PAS MI 'THAD PAS, DE'I RANG BZHIN LA PHYIN CI LOG TU GYUR PA THAMS CAD PHUNG PO LAS THA DAD PAR ZHEN CING, RANG GI SDE BA RNAMS KYIS KYANG PHUNG PO LAS THA DAD PAR BDAG MED DO SNYAM DU 'KHRUL BAS PHUNG PO TZAM NYID BDAG TU KHAS BLANGS, ZHES GSUNGS PA LTAR PHYI ROL BAS MIG SOGS LAS RDZAS GZHAN PA'I MTHONG BA PO SOGS KYI GANG ZAG DANG, RANG SDE GZHAN GYIS RNAM SHES SAM PHUNG PO'I CHOS GZHAN GANG ZAG TU 'DOD LA, DE NYID LAS, DE BZHIN GSHEGS PAS NYE BAR BSTAN PA PHYIN CI MA LOG PAR KHONG DU CHUD PA RNAMS NI YOD PA MA YIN PA NYID DO SNYAM DU RIGS PAR BYAS NAS, NAS, 'DI LTAR RNAL 'BYOR BAS NI DNGOS PO 'GA' LA YANG RANG GI NGO BO DMIS PA MED DE, DE'I PHYIR 'KHOR BA LAS RNAM PAR GROL BAR 'GYUR RO, ,ZHES GSUNG RAB KYI DON YANG DAG PAR SHES PA'I THAL 'GYUR BA RNAMS KYIS GANG ZAG THA SNYAD DU BTAGS PA TZAM MA GTOGS NGO BOS GRUB PA MED PAR RTOGS NAS GROL BAR GSUNGS TE BTAGS TZAM LA BYA BYED 'JOG SHES DGOS SO, ,DES NA ZHES SOGS GO SLA ZHING, SANGS RGYAS BSKYANGS KYI 'GREL BA'I YANG DGONGS PA'I @130A *, ,DNGOS GZHI YIN PA RAB BYED BCO BRGYAD PA'I 'GREL BA BUDDHA P'A LI TAR BLTAS PAS GSAL YANG 'DIR MANGS DOGS NAS MA DRANGS SO, ` ,'DIR, 'JUG PA LAS, ZA BO RTAG DNGOS BYED PO MIN PA'I BDAG ,YON TAN BYA MED MU STEGS RNAMS KYIS BRTAG ,DE'I DBYE'I CUNG ZAD CUNG ZAD LA BRTEN NAS, ,MU STEGS CAN RNAMS LUGS NI THA DAD 'GYUR, ,ZHES GSUNGS PA LTAR GZHAN SDES KHYAD PAR LNGA LDAN GYI BDAG SOGS 'DOD PA LA, MO GSHAM BU LTAR SKYE BA DANG BRAL PHYIR, ,ZHES SOGS KYIS SKYON BSTAN TSUL DANG, PHUNG PO LAS GZHAN BDAG GRUB MED PA'I PHYIR, ,BDAG LTA'I DMIGS PA PHUNG PO KHO NA'O, ,KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD,, CES PA LTAR RANG SDE SU'I LUGS LA'ANG NGAR 'DZIN LHAN SKYES KYI DMIGS YUL NGA ZHES PA NGES PAR KHAS LEN DGOS TE, GZHAN DU NA RNAM SMIN MYONG BA PO SOGS MED PAR 'GYUR BA'I PHYIR, BDAG GI MTSAN GZHIR GNAS MA BU PA SOGS MANG POS BKUR BAS PHUNG PO DANG, DE LAS KHA CIG PHUNG PO LNGA CHAR DANG, KHA CIG SEMS GCIG PU DANG, KHA CIG BRJOD MED KYI BDAG DANG, KHA CHE BYE BRAG SMRA BA DANG MDO SDE BA KHA CIG GIS PHUNG PO'I RGYUN DANG, TSAD MA SDE BDUN SOGS NAS BSHAD PA'I MDO SDE BA DANG LEGS LDAN GYIS YID KYI RNAM SHES DANG, SEMS TZAM PA PHAL CHE BAS KUN GZHI'I RNAM SHES DANG, KHA CIG DBYIBS SU 'DOD PA SOGS YOD DE, SHES BYED RNAMS STONG THUN CHEN MO SOGS LAS SHES PAR BYA'O, , @130B DE 'GOG PA LA, 'JUG PA RTZA 'GREL LAS, PHUNG PO BDAG TU 'DOD PA LA GNOD BYED DANG, DE LTAR 'DOD MI RIGS PA'I SGRUB BYED DANG, DE LTAR SMRA BA LA GNOD BYED GZHAN DANG, PHUNG PO BDAG TU GSUNGS PA SOGS KYI DGONGS PA DANG, GZHAN GYI LUGS 'BREL MED DU BSTAN PA LNGA BYUNG BA LTAR SHES DGOS SO, ,GDAGS GZHI'I PHUNG PO LA BRTEN NAS NGA DANG NGA YI BA GANG RUNG GI THA SNYAD 'JUG PA'I DON DE, GANG ZAG GI MTSAN NYID, BDAG SOGS BCU RNAM GRANGS TE DE DAG GI SGRA BSHAD SNGAR BLO GROS MI ZAD PA'I DON BSHAD SKABS BSHAD ZIN PA LTAR RO, ,DBYE NA BDAG DANG BDAG GI BA GNYIS YOD, GANG ZAG THA SNYAD DU 'JOG TSUL NI RNAM PA BDUN DU BTZAL KYANG MI RNYED PAS NA GDAGS GZHI LA BTAGS PA TZAM DU 'JOG PA YIN NO, ` ,SPRO NA, KHA CIG NA RE, GZHUNG LAS, GANG ZAG GI BDAG MED NI RANG SDE THEG PA CHE CHUNG GI GRUB MTHA' SMRA BA GZHAN GYI LTAR NA GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS SU MED PA TZAM LA 'DOD DO, ,ZHES GSUNGS PA MI 'THAD PAR THAL, RANG SDE GRUB MTHA' SMRA BA YIN NA GANG ZAG GI BDAG MED 'DOD PAS MA KHYAB PA'I PHYIR TE, GNAS MA'I BUS DE MI 'DOD PA'I PHYIR ZER NA, 'DI LA GUNG RU RGYAN BZANG BAS STONG THUN CHUNG NGUR, GNAS MA'I BUS BUM PA MED PA DANG SNAM BU YOD PAR KHAS BLANGS PA BZHIN BRJOD MED KYI BDAG LAS 'BRAS KYI RTEN DU GYUR PA'I BDAG DANG, BDAG MED CES PA'I MED RGYU'I BDAG GANG ZAG RANG RKYA BA'I RDZAS YOD LA 'DOD PAR BSHAD DO, @131A *, ,RJE BTZUN PA'I SH'AKA LAN DU MANG BKUR BAS 'JIG LTA LOG SHES SU KHAS MI LEN PAR THAL BA DANG, BDAG MED MNGON SUM DU RTOGS PA'I RNAL 'BYOR MNGON SUM KHAS MI LEN PAR THAL BA DANG, ZLA BAS MANG BKUR SOGS 'GOG TSE GANG ZAG GI BDAG MED RTOGS PA'I RNAL 'BYOR MNGON SUM GYIS DE KHO NA NYID MA RTOGS PAR 'GYUR ZHES GSUNGS PA 'BREL MED DU THAL BA'I GNOD PA BSTAN LA, DE DAG GI RGYAB RTEN DU DRANGS PA RNAMS MANG BKUR LA SGER DU GNOD PA STON PA'I GZHUNG DU MI SNANG YANG DE LA 'ANG 'DRA BAR DGONGS SHING, DES MANG BKUR GYIS 'JIG LTA LOG SHES SU 'DOD PA DANG, BDAG MED MNGON SUM DU RTOGS PA'I RNAL 'BYOR MNGON SUM KHAS LEN PA DANG, GANG ZAG GI BDAG KHAS MI LEN PAR BZHED PAR SNANG NGO, ,GRUB MTHA' CHEN MOR, MANG BKUR BAS BRJOD MED KYI BDAG 'DOD KYANG STON PAS CHOS RNAMS BDAG MED PAR GSUNGS PAS CHOS KUN BDAG MED PAR YANG 'DOD PA DANG, GANG ZAG RDZAS BTAGS GANG DU YANG KHAS MA BLANGS PAR MDZOD 'GREL LAS BSHAD LA, GANG ZAG GI BDAG MI 'DOD PAS RTOG GE 'BAR BA SOGS SU YANG GANG ZAG TU SMRA BA LAS BDAG TU SMRA BA ZHES MA GSUNGS SHING, 'JUG PAR, KHA CIG DE NYID GZHAN NYID RTAG MI RTAG ,LA SOGS BRJOD MED GANG ZAG RDZAS YOD 'DOD, ,CES GSUNGS PA'ANG GANG ZAG NI GONG MA'I LUGS KYI RDZAS YOD DU KHAS BLANGS PAR SONG BA'I DON YIN PAR GSUNGS SO, ,SA PAn RED @131B MDA' BA MKHAS GRUB RJE LCANG SKYA ROL BA'I RDO RJE RNAMS KYIS MANG BKUR GYIS GANG ZAG GI BDAG DANG GANG ZAG RANG RKYA THUB PA'I RDZAS YOD DU GRUB PA 'DOD STABS PHYAG RGYA BZHI KHAS MA BLANGS PAS LTA BA'I SGO NAS NANG BA MIN YANG SKYABS GNAS SOGS KYIS NANG BA YIN PAR GSUNGS PA DANG, KHYAD PAR RJE LCANG SKYAS MANG BKUR GYIS CHOS RNAMS BDAG MED PAR GSUNGS BA'I LUNG GIS PHUNG BO LAS NGO BO THA DAD PA'I GANG ZAG KHAS MI LEN PAR BSGRUBS PAS NI GANG ZAG GI BDAG MED 'DOD PAR SGRUB MI NUS TE, DES CHOS THAMS CAD BDAG MED PAR GSUNGS PA'I DON MU STEGS PAS BTAGS PA LTAR GYI PHUNG BO LAS DON GZHAN DU GYUR PA'I BDAG MED PA'I DON DU BKRAL BA'I SHUGS KYIS LUNG DES SPYIR GANG ZAG GI BDAG YOD PA TZAM DU 'DOD PA LA MI GNOD PAR 'DOD PAR SNANG BAS DE GANG ZAG GI BDAG YOD PAR 'DOD PA'I SGRUB BYED DU SNANG BA DANG, DBU MA RGYAN LAS CHOS THAMS CAD BDAG MED PAR GSUNGS PA'I DON GRANGS CAN LA SOGS PA'I LUGS KYI DNGOS PO DGAG PA'I DON DU GNAS MA BU BAS 'DOD PAR BSHAD PA DANG, MDZOD 'GREL LAS, DE NI RDZAS SU YOD PA KHO NA 'ANG MIN LA, BTAGS PAR YOD PA YANG MA YIN NO, ,ZHES GNAS MA'I BU'I 'DOD PA BRJOD SKABS GSUNGS PAS KYANG LUGS DES GANG ZAG RDZAS BTAGS GANG DU YANG KHAS MA BLANGS PAR SGRUB MI NUS TE, DE NI DE'I GONG DU KHYOD KYIS RDZAS SU YOD PAR 'DOD DAM, BTAGS PAR YOD PAR 'DOD CES DRIS NAS PHYOGS GNYIS KA LA SKYON @132A *, ,BRJOD NA, DES DE GNYIS GANG YANG MIN PAR SMRA NA YANG 'DI LTAR 'GOG CES GSUNGS PA TZAM LAS DE'I KHAS LEN LA DE LTAR BYUNG BA MA YIN PA DANG, MDZOD 'GREL DU GANG ZAG BTAGS YOD DU STON PA'I LUNG MANG DU DRANGS PAR, DE DAG NI GZHUNG 'DI TSAD MAR MI BYED PA NYID DO, ,CI'I PHYIR ZHE NA 'DI KHO BO CAG GI SDE BA MI 'DON NO, ,ZHES ZER RO, ,ZHES GSUNGS PAS KYANG DE DAG GIS GANG ZAG RDZAS YOD DU 'DOD PAR 'GRUB PA DANG, BYE SMRA KUN GYIS GANG ZAG BDEN PAR 'DOD PAS BDEN PA'I DON TSUGS THUB DANG, DE YANG GZHAN LA RAG MA LAS PA'I RDZAS YOD DU THAL 'GYUR BA'I RIGS PAS 'PHUL NUS PAS MANG BKUR SDE LNGA KHO NA DMIGS KYIS BKAR DON MED STABS 'JUG PA RTZA 'GREL GYI DON, RIGS PAS 'PHUL NA GANG ZAG RDZAS YOD KHAS BLANGS PAR SONG BA'I DON DU BYED PA MI 'THAD PA DANG, 'JUG PA'I RNAM BSHAD DU 'DI'I 'DOD PA BRJOD SKABS, GANG ZAG DE RDZAS SU YOD PAR YANG 'DOD DE, ZHES GSUNGS PA DANG, 'JUG PA RTZA 'GREL LA DPAGS NA YANG THAL 'GYUR BA'I RIGS PAS 'PHUL MTSAMS TZAM MIN PAR SHIN TU GSAL LO, ,GZHAN YANG MDO DE 'GREL GNAS DGU BAR NANG 'GAL BSTAN PA LA BLTAS NA'ANG DES GANG ZAG RANG RKYA BA'I RDZAS YOD DU 'DOD PA GSAL BAR 'GRUB PA DANG, MU STEGS KYI LTA BAR GOMS PA RNAMS RJES SU GZUNG PHYIR STON PAS GANG ZAG GI BDAG YOD PAR BSTAN PAR KLU SGRUB YAB SRAS DANG RJE YAB SRAS KYIS GSUNGS PAS @132B GANG ZAG GI BDAG KHAS LEN PA'I NANG BA YOD PAR GRUB CING DE YANG GANG ZAG RANG RKYA THUB PA'I RDZAS YOD KYI BDAG YOD PA LA BYED DGOS PA 'JUG PA'I RNAM BSHAD SOGS KYIS SHES NUS PAR GSUNGS SHING, GSER PHRENG LAS KYANG, NANG PA'I MU STEGS BDAG KHAS LEN PA GNAS MA BU SOGS, ZHES BYUNG NGO, ,RJE NGAG DBANG BYAMS PAS, GUNG RUR RANG SDES GANG ZAG GI BDAG MED 'DOD CING, KHYAD PAR GNAS MA BU BAS RANG RKYA THUB PA'I RDZAS YOD KYIS STONG BA'I BDAG MED 'DOD PAR GSUNGS PA DANG, BYE SMRAS DON DAM BDEN PAR RDZAS YOD KYIS KHYAB PA DANG, RDZAS YOD DANG RANG RKYA THUB PA'I RDZAS YOD DON GCIG TU 'DOD PAR BSHAD PA LA 'GAL 'DU BSGRIGS NAS GNAS MA BU BAS GANG ZAG GI BDAG 'DOD PA LA GNOD BYED DU DE NANG BA'I GRUB MTHA' LNGA PA YIN PA LA GNOD BYED DANG, GRUB MTHA' BZHI BO'I GANG RUNG YIN PA'I SGRUB BYED MANG DU BKOD NAS, RGYUD SDE SPYI RNAM MKHAS GRUB GSUNG ZIN YIN PAS MTHA' GCIG TU KHAS BLANG MI RUNG STABS, DER SDE BA LNGA'I LHAG MA LA BYE MDO GANG RUNG DU MA GTOGS PA MED CES PA NI SGRA JI BZHIN DU KHAS MI LEN PA DANG, 'THAD LDAN DU BYAS KYANG SDE BA LNGA BO'I DE'I LUGS KYI GANG ZAG 'JOG TSUL LA BYE MDO GNYIS KYI 'DOD TSUL SPYI DANG MI MTHUN PA YOD LA, LHAG MAR DE 'DRA MED PA'I DON DANG, RTOG 'BAR GYIS BYE SMRAS 'DI LTAR DANG, GNAS MA BU BAS 'DI LTAR 'DOD CES GSUNGS PAS DE BYE SMRA MA YIN PAR MI 'GRUB PA DANG, RGYUD BLA DANG t'IKA TU TSUL KHRIMS KYI SNOD RUNG TZAM LAS BDAG MED RAGS PA @133A *, ,YANG BSTAN DU MI RUNG ZHING THEG CHEN LA SKUR BA 'DEBS PA'I DBANG DU BYAS NAS MDOR, NGA NI DE DAG GI STON PA MA YIN LA, ZHES SOGS GSUNGS PAR BSHAD PAS SRID PA 'DOD CING ZHI BA MI 'DOD PA LA THAR BA MED PAR SKUR BA 'DEBS PA DANG, THAR BA YOD PAR SHES KYANG RGYAB KYIS PHYOGS PA'I LOG SRED CAN GNYIS LAS PHYI MA 'DI YIN PAR BSHAD PAS, MDO DE'I DNGOS BSTAN LA GNAS MA BU BA 'JOG PA NI DES THAR BA 'DOD PA MDZOD 'GREL LAS BSHAD PA DANG 'GAL BA DANG, MDZOD 'GREL LAS, CI 'DI LAS GZHAN LA THAR PA YOD DAM ZHEN MED DO, ,CI'I PHYIR ZHE NA, BDAG TU LTA BA PHYIN CI LOG LA ZHEN PA NYID KYI PHYIR, PHUNG PO'I RGYUN KHO NA LA BDAG TU 'DOGS PAR NI MI 'DZIN TE, ZHES PAS KYANG GNAS MA BU BAS RANG RKYA THUB PA'I BDAG KHAS LEN PAR BSHAD PA MA YIN PA DANG, GANG ZAG GI BDAG YOD PAR GSUNGS PA'I DGOS PA NI GNAS MA BU BA SOGS RANG SDE BDAG MED PAR DRANG BA'I CHED GTAN NAS MA YIN GYI; TSE SNGA PHYI DANG LAS 'BRAS MED CES SKUR BA 'DEBS PA RNAMS DGE SDIG GI BLANG DOR LA BSKUL BA'I CHED YIN PAR GSUNGS SO, ,DES GANG ZAG GI BDAG MED 'DOD PA'I SHES BYED DU, 'DUL BA SUM BRGYA BA LAS, PHYAG RGYA GSUM DANG YANG DAG LDAN, ,ZHES SDE BA BCO BRGYAD PO THAMS CAD PHYAG RGYA GSUM MAM PHYAG RGYA BZHI KHAS LEN PA LAS MA 'DAS PAR BSHAD PA DANG, THAR BA THOB PA LA GANG GIS 'KHOR BAR 'CHING BA'I BDAG 'DZIN DANG DE'I GNYEN PO @133B BDAG MED RTOGS PA'I SHES RAB KHAS LEN DGOS PA DANG, KRi KRi'I RMI LAM LUNG BSTAN LAS SDE BA BCO BRGYAD POS THAR BA THOB NUS PAR GSUNGS PA DANG, 'JUG PA'I RNAM BSHAD LAS LUNG MA BSTAN GYI LTA BA THAMS CAD RANG SDE THAMS CAD KYIS LUNG MA BSTAN GYI LTA BAR 'DOD PAR GSUNGS SHING, DE THAMS CAD GANG ZAG GI BDAG LAS BRTZAMS TE DRI BA KHO NA YIN PA DANG, GZHUNG 'DIR YANG RANG SDE THAMS CAD KYIS GANG ZAG GI BDAG MED 'DOD PAR GSUNGS PA DANG, STONG THUN DU THAL 'GYUR BA LAS GZHAN RANG SDE SU'I LUGS LA YANG GANG ZAG RANG RKYA THUB PA'I RDZAS YOD DU 'DZIN PA NYID GANG ZAG GI BDAG 'DZIN LHAN SKYES KYI 'DZIN STANGS YIN PAR GSUNGS PA DANG, SDE BDUN RGYAN DU BDAG GNYIS KA 'DOD PA'I NANG BA BA MED PAR GSUNGS PA DANG, BLO SBYONG NYI MA'I 'OD ZER DU CHOS KYI SDOM BZHI SGRA JI BZHIN PAR KHAS LEN PA RANG SDE THAMS CAD MTHUN ZHING, CHOS THAMS CAD BDAG MED PA ZHES PA'I BDAG NYAN THOS SDE BAS RANG RKYA BA'I BDAG LA BYED PAR GSUNGS PA DANG, DKA' 'GREL DU RANG SDE THAMS CAD KYIS RANG RKYA THUB PA'I RDZAS YOD KYIS STONG BA KHAS LEN PAR GSUNGS PA RNAMS DRANGS SO, ,DES NA GNAS MA BU BAS GANG ZAG GI BDAG MED DANG, RTAG GCIG RANG DBANG BA'I BDAG MED DANG, RANG RKYA THUB PA'I GANG ZAG GI BDAG MED 'DOD KYANG, RDZAS YOD KYI GANG ZAG DANG BDAG 'DOD DE, 'JUG PA'I RNAM BSHAD LAS, GANG ZAG DE RDZAS SU YOD PAR YANG 'DOD DE, ZHES GNAS MA BU BA'I @134A *, ,'DOD PA BSHAD PA'I SKABS SU BSHAD CING, DE YANG DON BYED NUS PA LA RDZAS YOD DU BYAS PA DE YIN PAR GSUNGS SO, ,GRUB MTHA' RIN CHEN PHRENG BAR, GNAS MA BU BAS KHAS BLANGS PA'I BDAG RANG RKYA BA'I RDZAS YOD KYI BDAG TU GSUNGS PA DANG, DE BZHIN DU KUN GZHI'I MTHA' DPYOD DU 'ANG RANG RKYA THUB PA'I RDZAS YOD KYI BDAG KHAS LEN PA'I RANG SDE NI GNAS MA BU BAR GSUNGS SO, ,'ON KYANG, YANG SNYING LAS, MANG BKUR SDE LNGAS RANG RKYA THUB PA'I RDZAS YOD KYI BDAG KHAS LEN PAR THAL, DES RANG RKYA THUB PA'I RDZAS YOD KYI BDAG GIS STONG PA KHAS MI LEN PA'I PHYIR NA MA KHYAB, BDAG RANG RKYA BA'I RDZAS SU YOD NA PHUNG PO LAS NGO BO THA DAD PAR BRJOD DU MED ZER DON MED LA; RDZAS YOD KYI BDAG GIS STONG BAR KHAS LEN NA'ANG BRJOD DU MED ZER DON MED PAS RDZAS YOD DANG RDZAS YOD KYIS STONG BA GANG DU'ANG KHAS MA BLANGS PAR BRJOD DU MED BYAS PA YIN PA'I PHYIR, ZHES GSUNGS SO, ,RGYA NAG PA'I BYE SMRA DOGS SLONG DU GNAS MA BU BAS GANG ZAG RDZAS YOD 'DOD PAR BSGRUBS NAS, GRUB MTHA' CHEN MOR 'JUG PA'I DON THAL 'GYUR BA LTAR NA RDZAS YOD DU KHAS BLANG PAR SONG BA'I DON YIN PAR GSUNGS PA YANG THAL 'GYUR BAS GZHAL NA BRJOD MED KYI BDAG KHAS BLANGS PA DES RANG RKYA BA'I BDAG KHAS BLANGS PAR SONG BA YIN ZHES PA'I DON DANG, KUN GZHI'I MTHA' DPYOD LAS GSUNGS PA YANG DE LA DGONGS SAM SNYAM STE, GZHAN DU NA YANG SNYING DANG MCHAN LAS 'BYUNG BA DANG @134B 'GAL BAR 'GYUR RO ZHES BSHAD NAS, MANG BKUR SDE LDAS GSUM LDAN GYI BDAG MED 'DOD KYANG, RANG RKYA BA'I RDZAS YOD KYIS STONG BA'I BDAG MED MI 'DOD, RANG RKYA BA'I RDZAS YOD KYI BDAG KHAS MI LEN KYANG BRJOD MED KYI BDAG RDZAS YOD DU KHAS BLANGS PAS THAL 'GYUR BA'I LUGS KYI RANG RKYA BA'I RDZAS YOD 'DOD PAR SONG BA YIN PAR BSHAD DE, SHES BYED DU THOGS 'GREL, RTZA 'JUG GI RNAM BSHAD, RGYUD BLA DAR t'IK SPYAN RAS GZIGS BRTUL ZHUGS, PAn CHEN LHAN SKYES RDO RJE, GSER 'PHRENG, STAG LO'I LAN GYI LUNG RNAMS DRANGS SHING, PHYAG RGYA BZHI'I YA GYAL GSUM LDAN GYI BDAG MED TZAM YANG MI 'DOD PAS NANG BA'I GRUB MTHA' SMRA BA MIN PAR GSUNGS PA DANG, MU STEGS PAS BTAGS PA LTAR GYI PHUNG BO LAS DON GZHAN DU GYUR BA'I BDAG MED 'DOD PAR BSHAD PA GNYIS NANG 'GAL ZHES LCANG SKYA'I GRUB MTHAR SKYON BSTAN TO, ,GRUB MTHA'I MCHAN DU KUN MKHYEN BLA MA LTAR NA, MANG BKUR SOGS KYIS PHYAG RGYA BZHI KHAS LEN NA 'DUS BYAS THAMS CAD MI RTAG PAR 'DOD DGOS LA, DE LTAR NA 'JUG PAR DES GANG ZAG RTAG MI RTAG GANG DU'ANG BRJOD DU MED PAR 'DOD PAR GSUNGS PA DANG 'GAL ZHING, GAL TE DES GANG ZAG 'DUS BYAS SU MI 'DOD ZER NA; TSAD CHEN DKA' 'GREL DU DE'I LUGS LA GANG ZAG SKYE BAR BSHAD PA DANG 'GAL BAR 'GYUR ZER BA LA, KHA CIG GIS, DES GANG ZAG 'DUS BYAS SU MI 'DOD DE, MDZOD 'GREL DU, GANG ZAG 'DUS BYAS YIN NO ZHES BRJOD @135A *, ,BAR BYA STE, SKYE BA DANG LDAN PA NYID DU KHAS BLANGS PA'I PHYIR RO, ,ZHES MI 'DOD PA'I THAL BA 'PHANGS PA'I PHYIR ZER ZHES BSHAD, YANG LCANG SKYA LTAR NA, SDE BA DE DAG GIS GANG ZAG MI RTAG PAR MI 'DOD PA DANG, 'DUS BYAS LA SKAD CIG MA YIN MIN 'BYED KYANG 'DUS BYAS THAMS CAD MI RTAG PAR MI 'DOD PAR BSHAD PA MED LA, CHOS THAMS CAD BDAG MED DU'ANG 'DOD DE, BDAG PHUNG NGO BO THA DAD DU 'DOD NA CHOS THAMS CAD BDAG MED DU GSUNGS PA DANG 'GAL BAR 'DOD PAR TSAD CHEN DKA' 'GREL DU GSUNGS PA'I PHYIR BYAS PA LA, KHA CIG GIS, DE DAG GIS CHOS THAMS CAD BDAG MED DANG GANG ZAG BDAG TU SMRA BA MI 'GAL TE, DES GANG ZAG CHOS SU MI 'DOD PA'I PHYIR TE, DES GANG ZAG RNAM SHES DRUG GI YUL YIN PA DANG CHOS MIN PAR 'DOD PA LA MDZOD 'GREL LAS NANG 'GAL BSTAN NAS BKAG PA'I PHYIR ZER, GZHAN YANG, DE DAG GI 'DOD PA'I SKABS 'DI'I RDZAS YOD NI BCOM GZHIG SOGS KYIS RANG 'DZIN GYI BLO MI 'DOR BA LA BYED NA GANG ZAG CHA MED 'DOD DGOS PAR 'GYUR ZHING, RANG NYID 'CHAR BA LA RANG DANG MTSAN NYID MI MTHUN PA'I CHOS GZHAN 'CHAR MI DGOS PA LA BYED NA MDZOD 'GREL LAS GANG ZAG RNAM SHES DRUG GI SHES BYAR 'DOD TSUL BSHAD PA DANG 'GAL ZHES KHA CIG ZER ZHES BSHAD DO, ,DE DAG LA 'THAD MI 'THAD DPYAD PA NI HA CANG MANGS PAR 'GYUR BAS MA SPROS, RANG LUGS STONG THUN LAS, RANG SDE KHA CIG RTAG GCIG RANG DBANG CAN GYI GANG @135B ZAG TU 'DZIN PA GANG ZAG GI BDAG LTA LHAN SKYES SU 'DOD PA DANG, ZHES DANG, t'IK BSHAD DE NYID SNANG BA LAS, GNAS MA BU'I SDE BA LA SOGS PA DE DAG KYANG RTAG GCIG RANG DBANG CAN GYI BDAG MED PAR KHAS LEN PAS DE TZAM GYI SGO NAS SANGS RGYAS PA'I GRUB MTHA'I NANG DU BSDU DGOS KYI, ZHES DANG, GRUB MTHA' RIN CHEN PHRENG BA LAS, PHYAG RGYA BZHI'I NANG GI BDAG MED NI RTAG GCIG RANG DBANG CAN GYIS STONG PA'I BDAG MED LA BYED CING DE NI MANG BKUR SDE LNGAS KYANG KHAS LEN BA'I PHYIR RO, ,ZHES GSUNGS PA LA DPAGS NA GNAS MA BU BA LTA BA'I SGO NAS KYANG NANG PA'I GRUB MTHA' SMRA BA YIN PAR 'DOD DGOS SO, ,TSAD CHEN LE'U BCU GNYIS PA'I DKA' 'GREL LAS, JI SKAD DU, 'JIG RTEN SKYE BA NA GANG ZAG GCIG SKYE STE, 'DI LTA STE, DPER NA DE BZHIN GSHEGS PA BZHIN NO, ,ZHES BSHAD PA LTA BU'O, ,ZHES GNAS MA BU BAS BDAG SKYE BAR 'DOD PA LTA BU ZHIG BSHAD KYANG, 'JUG PA'I RNAM BSHAD LAS, PHUNG PO'I BDAG NYID CAN YANG MA YIN TE, YIN NA BDAG SKYE 'JIG DANG LDAN PAR 'GYUR BA'I PHYIR RO, ,ZHES GSUNGS SO, ,DES RANG GIS 'DOD PA'I BDAG DE RTAG MI RTAG GANG DU YANG KHAS MI LEN KYANG GANG ZAG 'DUS BYAS SU MI 'DOD PAS 'DUS BYAS THAMS CAD MI RTAG PAR GSUNGS PA DANG MI 'GAL LO, ,RANG SDE GZHAN GYI LUGS LA GANG ZAG RANG RKYA THUB PA'I RDZAS YOD DU 'DZIN PA'I BLO DE GANG ZAG GI BDAG 'DZIN YIN YANG, SPYIR RANG RKYA THUB PA'I RDZAS YOD DU 'DZIN PA'I BLO DE @136A *, ,GANG ZAG GI BDAG 'DZIN MA YIN TE, SPYIR RANG RKYA THUB PA'I RDZAS YOD YOD PA'I PHYIR DANG, SEMS TZAM SOGS KYIS YID KYI RNAM SHES DANG KUN GZHI RANG RKYA THUB PA'I RDZAS YOD DU 'DOD PA'I PHYIR, RNAM BSHAD LAS, 'DIR BA ROL BA SA BTAGS YOD KYI DNGOS PO RNAMS RANG RKYA THUB PA'I RDZAS YOD RE GDAGS GZHIR YOD PA LA BRTEN NAS 'DOGS PAR KHAS LEN ZHING, ZHES DANG, LUGS DE DAG GIS NYAN RANG GIS GANG ZAG RDZAS YOD DU MED PAR RTOGS PAR 'DOD KYANG, RNAM SHES GNYIS PO RDZAS YOD DU MED PAR RTOGS PAR MI 'DOD PAS, GANG ZAG RANG RKYA THUB PA'I RDZAS SU MED PAR SMRA BA NI GANG ZAG GI RANG GI LDOG PA NAS 'DOD PA YIN GYI, GANG ZAG GI MTSAN GZHI RNAM SHES LA DE LTAR 'DOD PA MIN NO, ,ZHES GSUNGS PA'I PHYIR, KHA CIG NA RE, RANG SDE GZHAN GYI LUGS LA GANG ZAG PHUNG PO DANG MTSAN NYID MI MTHUN PA'I RANG RKYA BAR 'DZIN PA'I BLO LA KUN BTAGS KYIS KHYAB PAR THAL, GZHUNG LAS, RANG RKYA THUB PA'I RDZAS YOD KYI BDAG DE NI PHYI ROL BAS PHUNG PO LAS DON GZHAN DU KUN BTAGS PA'I NANG GI BYED PA'I SKYES BU YOD PAR BZUNG BA'I YUL YIN LA, ZHES DANG, DE LA PHUNG BO DANG MTSAN NYID MI MTHUN PA'I GANG ZAG RANG RKYA THUB PA'I RDZAS YOD DU 'DZIN PA NI GANG ZAG RKANG LAG SOGS KYI CHOS LAS RDZAS GZHAN DU 'DZIN PA YIN PAS GRUB MTHAS BLO MA BSGYUR BA LA MED DE, ZHES DANG, 'JUG PA['I RNAM BSHAD LAS, GANG ZAG RANG RKYA THUB PA'I RDZAS YOD DU @136B 'DZIN PA NI GRUB MTHAS BLO MA BSGYUR BA LA YANG YOD MOD KYANG, GANG ZAG PHUNG PO DANG MTSAN NYID MI MTHUN PA'I GZHAN DU YOD PAR 'DZIN PA NI GRUB MTHAS BLO MA BSGYUR PA LA MED DO, ,ZHES GSUNGS PA'I PHYIR NA MA KHYAB STE, DE DAG NI THAL 'GYUR BA'I LUGS GZHIR BYAS PA'I SKABS YIN PA'I PHYIR DANG, THAL 'GYAR BA'I LUGS LA LHAN SKYES RAGS PA'I RDZAS YOD DANG, RANG SDE GZHAN GYI LHAN SKYES KYI RDZAS YOD DANG, RANG SDE KUN GYIS KUN BTAGS SU 'DOD PA'I RDZAS YOD GSUM RIM PAR, TSONG DPON DANG TSONG BA LTAR BDAG PHUNG PO'I RANG BZHIN CAN PHUNG PO LA DBANG SGYUR BA POR GRUB PA DANG, PHYUGS RDZI DANG PHYAGS LTAR BDAG PHUNG BO DANG MTSAN NYID MI MTHUN PA'I PHUNG BO LA DBANG SGYUR BA POR GRUB PA DANG, MI 'JIG PA'I RTAG PA DANG CHA MED PA'I GCIG PUR GRUB PA RNAMS YIN PAR DBU MA'I MTHA' DPYOD LAS GSUNGS PA LTAR YIN PA'I PHYIR, KHO NA RE, THAL 'GYUR BA'I LUGS LA GANG ZAG RANG RKYA BAR 'DZIN PA'I 'JIG LTA LA KUN BTAGS KYIS KHYAB PAR THAL, STONG THUN LAS, GANG ZAG RANG RKYA THUB PA'I RDZAS YOD DU 'DZIN PA DANG, DE'I DBANG GIS BYUNG BA'I NYON MONGS PA RNAMS MTSUNGS LDAN DANG BCAS PA THAMS CAD NYON SGRIB MNGON GYUR KUN BTAGS YIN LA; ZHES GSUNGS PA'I PHYIR NA MA KHYAB STE, DE NI GRUB MTHAS BTAGS PA'I GANG ZAG RANG RKYA THUB PA'I RDZAS YOD DU 'DZIN PA LA KUN BTAGS KYIS KHYAB PA'I DON YIN PA'I PHYIR TE, DE NYID LAS, GRUB MTHAS BTAGS PA'I BDEN 'DZIN @137A *, ,DANG; DE'I DBANG GIS BYUNG BA'I MTHAR 'DZIN DANG MCHOG 'DZIN LA SOGS PA'I NYON MONGS PA RNAMS DANG, GANG ZAG RANG RKYA THUB PA'I RDZAS YOD DU 'DZIN PA DANG, ZHES SOGS GSUNGS PA'I PHYIR, BLO GLING DBU MA'I MTHA' DPYOD DU GANG ZAG PHUNG PO DANG MTSAN NYID MI MTHUN PA'I RANG RKYA BA'I RDZAS YOD DU 'DZIN PA'I BLO YOD KYANG DE RANG RKYA THUB PA'I RDZAS YOD DU 'DZIN PA'I BLO MA YIN TE, SGRA RTAG MI RTAG GNYIS KAR 'DZIN PA'I BLO YOD KYANG DE SGRA RTAG PAR 'DZIN PA'I BLO MA YIN PA BZHIN YIN PA'I PHYIR, YANG SGRA RTAG 'DZIN GYI BLO LHAN SKYES MED DE, GZANG ZAG RTAG GCIG RANG DBANG CAN DU 'DZIN PA'I BLO LHAN SKYES MED PA'I PHYIR, THAR LAM GSAL BYED DU DE YOD PAR GSUNGS PA NI GRUB MTHA' 'OG MA'I DBANG DU MDZAD PAR BSHAD DO, ,DE LA 'DOD 'GAL DU, DE LTAR NA RNAM 'GREL LUGS LA GANG ZAG RTAG GCIG RANG DBANG CAN DU 'DZIN PA'I BLO LHAN SKYES MED PAS SGRA RTAG 'DZIN GYI BLO LHAN SKYES MI 'DOD PAR 'GYUR BA DANG; GANG ZAG RTAG GCIG RANG DBANG CAN DU 'DZIN PA'I BLO MTHONG SPANG DU MI 'DOD PA'I RANG SDE MED PAS SGRA RTAG 'DZIN GYI BLO LHAN SKYES 'DOD PA'I RANG SDE MED PAR 'GYUR BAS DPYAD DGOS TE, DON SMRAS 'DZIN TSUL CAN GYI NYON MONGS MTHONG SPANG DU 'DOD LA, GRUB MTHA' GONG MAS RTAG GCIG RAN G DBANG CAN DU 'DZIN PA'I BLO LHAN SKYES MI 'DOD PA'I PHYIR ZER RO, ,DBU MA'I MTHA' DPYOD DU, PHUNG PO DANG MTSAN NYID MI MTHUN PAR 'DZIN PA'I LHAN SKYES MED KYANG PHUNG @137B PO'I BDAG NYID CAN GYI RANG RKYA THUB PA'I RDZAS YOD DU 'DZIN PA'I LHAN SKYES YOD PA'I KHYAD 'BYED LA, TSE BRTAN LHA RAMS PAS, KUN BTUS DAR t'IG LAS, PHUNG BO'I TSOGS RGYUN GANG LA YANG BTAGS PA MA YIN PA'I NGA DANG NGA YIR ZHEN PA 'JIG LTA LHAN SKYES LA YOD KYI, DE 'DRA'I GANG ZAG RJE BO DANG PHUNG BO DE'I DBANG BSGYUR BYAR 'DZIN PA NI KUN BTAGS MA GTOGS LHAN SKYES LA MED DO, ,ZHES PA LA BRTEN NAS RANG RGYUD PA MAN GYI LUGS LA'ANG GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS YOD DU 'DZIN PA BLO LHAN SKYES SU MI 'DOD PAR BSHAD DO, ,'JUG PAR, KHA CIG BDAG LTA'I RTEN DU PHUNG BO NI, ,LNGA CHAR YANG 'DOD CES PA'I DNGOS BSTAN GYI PHYOGS SNGA SMRA BA NI, MANG BKUR BA'I SDE BA MA YIN TE, 'DI'I PHYOGS SDAS PHUNG BO BDAG LTA'I DMIGS PAR 'DOD CING, MANG BKUR BAS PHUNG BO LAS DE NYID DANG GZHAN DU BRJOD MED KYI BDAG BDAG LTA'I DMIGS PAR 'DOD PA'I PHYIR TE, DE NI NGAR 'DZIN GZHIR YANG 'DOD PA YIN, ,ZHES GSUNGS PA'I PHYIR, ZHES 'DOD PA DANG, DES PHUNG BO DANG BRJOD MED KYI BDAG GNYIS KA DER 'DOD CES SMRA BA DANG, DE LA NANG GSES DE GNYIS KA YOD PAR BSHAD PA DANG, 'JUG 'GREL DANG RNAM BSHAD LAS MANG BOS BKUR BA ZHES 'BYUNG BA MANG BKUR LAS GZHAN ZER RGYU LA YI GE NOR ZER BA BZHI LAS, DE MANG BKUR YIN PAR 'JUG 'GREL LTAR RJE'I LEGS BSHAD MANG POR 'BYUNG BAS DANG PO DANG BZHI BA MI 'THAD LA, GSUM PA LA KHUNGS MED PAS @138A *, ,GNYIS PA LTAR KHAS BLANG BAR LEGS BSHAD RJES 'BRANG DU BSHAD KYANG, 'JUG PA'I RNAM BSHAD LAS, MANG BKUR BA KHA CIG BDAG LTA'I RTEN DU STE DMIGS PAR NI RANG GI PHUNG BO LNGA CHAR YANG 'DOD, CES DANG, MANG POS BKUR BA BA KHA CIG NI, NAS, BDAG GAM GANG ZAG NI PHUNG BO LAS DE NYID DANG GZHAN NYID DU BRJOD DU MED DO, ,DE BZHIN DU GANG ZAG NI RTAG PA DANG MI RTAG PA LA SOGS PA NYID DU YANG BRJOD DU MED DO, ,NAS, BDAG DE NI NGAR 'DZIN PA'I GZHI STE DMIGS PAR YANG 'DOD PA YIN NO, ,ZHES GSUNGS PAS GSUM PA LA KHUNGS YOD CING, GNYIS PA LA DRANGS MA THAG PA'I RNAM BSHAD DU KHA CIG CES PAS GNOD CING, BRJOD MED KYI BDAG KHAS LEN MKHAN DES PHUNG BO BDAG GI MTSAN GZHIR MI 'DOD PA'I PHYIR TE, RNAM BSHAD LAS, PHUNG PO MA GTOGS DE 'DZIN MA GRUB PHYIR, ,ZHES PA'I RIGS PAS GANG ZAG PHUNG PO LAS NGO BO THA DAD PA MIN LA, PHUNG PO'I RANG BZHEN CAN YANG MIN TE, YIN NA BDAG DE SKYE 'JIG DANG LDAN PAR 'GYUR BA'I PHYIR, ZHES DES DE LTAR 'DOD PAR GSUNGS PA LTAR 'JIG 'GREL DU YANG BYUNG BA DANG, PHUNG BO BDAG YIN NA DE SKYE 'JIG DANG LDAN PAS MI RTAG PAR 'GYUR LA, DE LTA NA GANG ZAG RTAG MI RTAG GANG DU YANG BRJOD DU MED CES PA DANG 'GAL BAR 'GYUR BA'I PHYIR NA GSUM PA LTAR KHAS LEN DGOS PAR MNGON NO, ,GRUB MTHA' TZA BAR, MANG BKUR SDE LNGAS BRJOD MED BDAG SMRA YANG, ,ZHES PA LA, MCHAN DU, DE DUL @138B LHA DANG LEGS LDAN GYI BSHAD TSUL RNAMS GANG DANG YANG MI MTHUN ZHING, LO DRI MKHAN POS SMANG BKUR SDE LNGA'I THA SNYAD GSUNGS KYANG DENG SANG YONGS GRAGS KYI MANG BKUR SDE LNGA 'DREN TSUL DANG MI 'DRA LA, DE LNGAS BRJOD DU MED PA'I BDAG KHAS LEN PAR YANG MA GSUNGS PAS DPYAD GZHI CHE BAR BSHAD DO, ,LEGS BSHAD RJES 'BRANG DU, LHAS BYIN GYI RGYUD KYI RGYUD KYI NGA'O SNYAM PA'I BLO LHAN SKYES KYI DMIGS PAR GYUR BA'I NGAL 'GRO BA RIGS DRUG G-YOD KYANG, DE'I RGYUD KYI NGA MI YIN PAS DE LA DE DRUG GA MED PA DANG, STON PAS GANG LA DMIGS NAS NGA'O SNYAM PA SKYE BA'I GZHIR GYUR BA'I GANG ZAG DANG, STON PA DANG RGYUD GCIG PA'I GANG ZAG GNYIS DON GCIG YIN YANG, LHAS BYIN DANG RGYUD GCIG PA LA DE'I MNGON SHES KYI YUL DU MA GYUR PA YOD PAS LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I GANG ZAG DANG, LHAS BYIN DANG RGYUD GCIG PA'I GANG ZAG GNYIS DON MI GCIG PA DANG, TSE 'DI'I DUS KYI GANG ZAG DE SKYE BA GYI MAR MI 'GRO YANG, DE BYI MAR 'GRO BA YOD PA DANG, LHAS BYIN DANG, DE'I RGYUD KYI MI DANG, DE'I RGYUD KYI BDAG DANG, DE'I BDAG RNAMS DON GCIG KYANG, BSNYEN PAR MA RDZOGS PA'I LHAS BYIN YONG PAS DE DANG DE'I RGYUD KYI DGE SLONG GNYIS DON MI GCIG PA DANG, RTZA SHE'I t'IK CHEN DU LHAS BYIN GYI BDAG TZAM DE TSE 'DIR GSAR DU BYUNG BA MIN PAR GSUNGS PA LHAS BYIN GYIS GANG LA DMIGS NAS NGA'O SNYAM PA SKYE BA'I BDAG TZAM DE MIN PAR GSUNGS PA YIN @139A *, ,TE; GZHAN DU NA SANGS 'PHAGS KYI BDAG SO SKYE DANG, LHA'I BDAG 'GRO BA RIGS DRUG GA'I RGYUD LA YOD PA DANG, GANG ZAG YIN NA 'GRO BA RIGS DRUG GA'I BDAG RGYUD LDAN YIN PAS KHYAB PAR THAL BA'I PHYIR ZHES ZER RO; ,DE LA KHA CIG GANG ZAG DE'I MNGON SHES KYI YUL DU MA GYUR BA'I SKYE BA LA YANG NGA'I SKYE BA SNGA MA ZHES SOGS SU 'DZIN PAS DE DAG GANG ZAG DE DANG DE'I NGA'O SNYAM PA SKYE BA'I DMIGS PAR RUNG BA DANG, SANGS 'PHAGS KYI BDAG SO SKYE'I RGYUD LA YOD NA SANGS 'PHAGS SO SKYE'I RGYUD NA YOD PA SOGS SU MI 'GYUR BAS THAL BA GSUM GAR 'DOD LAN THEBS ZHES ZER RO, ,RTZA SHE'I t'IK CHEN LAS, TSE 'DI'I LHAS BYIN DANG DE'I BDAG GNYIS NGO BO NYID KYIS GRUB PA'I PHYOGS LA SO SO BA MI 'DOD PAS NGO BO GCIG TU 'DOD LA, DE LHAN GCIG TU 'GYUR BAS TSE 'DI'I LHAS BYIN GYI SKYE SHI DANG DE DANG RGYUD GCIG PA'I SKYE BA DANG RGA SHI GNYIS LA SNGA PHYI YIN MIN DBYE BAR MI NUS SO, ,ZHES PA'I DON LA KUN GZHI'I MTHA' DPYOD DU, LHAS BYIN GYI GDAGS GZHIR GYUR BA'I NGA DE THOG MED NAS YOD PAR THAL 'GYUR BAS 'DOD KYANG GZHAN GYIS MI 'DOD PA'I DON YIN LA DE'I RGYU MTSAN YANG SKYE BA SNGA PHYI GNYIS KA RANG ZHES PA'I THA SNYAD THUN MONG DU 'JUG CING, THAL 'GYUR BA'I LUGS LA THA SNYAD DE TZAM GYIS NGA 'JOG NUS PAS SKYE BA SNGA PHYI GNYIS KA'I GDAGS GZHI'I NGA THUN MONG BA MING GIS BTAGS TZAM ZHIG YOD KYANG SNGA MA'I GDAGS GZHI'I NGA DE PHYI MA'I GDAGS GZHI'I NGA YIN MI DGOS PA DANG, DNGOS SMRA BAS LHAS BYIN GYI @139B BTAGS DON BTZAL TE GDAGS GZHI'ANG DE'I TSOGS PA NAS RNYED DGOS PAR 'DOD PAS SKYE BA GZHAN GYI TSOGS PAR RJES SU 'GRO TSUL MED CING DE'I GNAD KYIS GDAGS GZHI THUN MONG BA MI SRID PAS YIN PAR GSUNGS SO, ,DE LA LEGS BSHAD RJES 'BRANG DU, DE MI 'THAD DE, LHAS BYIN GYI GDAGS GZHI DE LHAS BYIN GYI TSE RABS SNGA MA'I DUS SU MED PA GANG, LHAS BYIN GYI SKYE BA SNGA MA'I BDAG DE LHAS BYIN GYI GDAGS GZHIR GYUR PA'I DAM YIN PA'I PHYIR, DANG PO GRUB STE, LHAS BYIN GYI TSE RABS SNGA MA'I BDAG DE LHAS BYIN GYIS NGA 'O SNYAM DU THA SNYAD GDAGS PA'I GZHIR GYUR PA'I BDAG YIN YANG LHAS BYIN NO SNYAM DU THA SNYAD GDAGS PA'I GZHIR GYUR PA'I BDAG MA YIN PA'I PHYIR TE, LHAS BYIN NO SNYAM DU THA SNYAD GDAGS PA'I GZHIR GYUR PA'I BDAG NI LHAS BYIN GYI RGYUD LA 'JOG DGOS PA'I PHYIR TE, RTZA SHE'I t'IK CHEN LAS, LHAS BYIN GYIS DUS NGA PHYI'I BDAG SO SOR MA PHYE BAR NGA'O SNYAM DU 'DZIN PA'I DMIGS PA'I GZHIR GYUR PA'I BDAG NI THOG MA MED PA NAS ZHUGS PA'I NGA TZAM YIN PAS, LHA LA SOGS PA'I LUS BLANGS DUS KYI 'GRO BA SO SO BA'I BDAG RNAMS NI SNGA MA'I BYE BRAG RE'O, ,LHAS BYIN GYIS SKYE BA SO SOR PHYE BA'I BDAG LA NGA'O SNYAM DU BZUNG BA'I BDAG NI TSE RE RE'I BDAG PHYOGS RE BA YIN NO, ,ZHES GSUNGS PA'I PHYIR, GNYIS PA GRUB STE, DE LA DMIGS NAS LHAS BYIN NO SNYAM DU THA SNYAD 'DOGS PA'I BLO LHAN SKYES MED PA'I PHYIR RO, ,DES NA LHAS BYIN GYIS NGA'O SNYAM DU THA SNYAD 'DOGS PA'I GZHI YIN NA LHAS @140A *, ,BYIN GYI GDAGS GZHI YIN PAS KHYAB PA MED DE, GZHAN DU NA LHAS BYIN KHO RANG YANG LHAS BYIN GYI GDAGS GZHIR 'GYUR BA'I SKYON 'BYUNG BA'I PHYIR TE, LHAS BYIN DE LHAS BYIN GYIS NGA'O SNYAM DU THA SNYAD BTAGS PA'I GZHI YIN PA'I PHYIR, t'IK CHEN LAS, NGA'O SNYAM DU THA SNYAD 'DOGS MKHAN GYI MI DANG, THA SNYAD BTAGS PA'I GZHI BDAG GNYIS KHYAB MNYAM DU MI BZUNG BAR MI DE BDAG DE'I CHA GCIG YIN PA SHES PAR BYOS SHIG ,CES GSUNGS PA'I PHYIR; ZHES BSHAD DO, ,DER SHING RTA'I GDAGS GZHI YIN NA SHING RTA MA YIN PAS KHYAB PAS GANG ZAG GI GDAGS GZHI YIN NA GANG ZAG MA YIN PAS KHYAB PAR BSHAD PA LA, NAM MKHA'I GDAGS GZHI LA NAM MKHA' YOD MED DANG, DGE 'DUN GYI GDAGS GZHI LA DGE 'DUN YOD MED SOGS KYIS DPYAD PAR BYA'O, ,NGA DANG NGA YI BA'I DON LA, BLO GLING BSANG YI BA GANG ZAG MIN LA, CHOS DANG GANG ZAG GNYIS SU PHYE BA'I CHOS KYANG MIN PA DANG, NGA DANG NGA YI BA GNYIS KA 'JIG LTA'I DMIGS PA YIN YANG MI RNA SOGS DE MIN PA DANG, RJE BTZUN PAS NGA YI BA GANG ZAG MIN YANG, NGA YI BA LA GANG ZAG DANG MIG RNA SOGS CHOS GNYI GA YOD PA DANG, SGO MANG BAS, MIG RNA SOGS NGA YI BA'I GDAGS GZHI YIN YANG NGA YI BAM YIN TE, NGA YI BA LA GANG ZAG GIS KHYAB PA'I PHYIR TE, MIG RNA SOGS NGA'I YIN RGYU'I GZHI DANG BDAG DE'I YIN PA LA BRTEN NAS BDAG GI BA'AM BDAG GI CAN ZHES GANG ZAG LA BYED PA'I PHYIR, DPER NA RTA CAN LA @140B RTA BA DANG NOR CAN LA NOR BA ZHES PA BZHIN YIN PAR BSHAD DO, ,PHYIR MAR GRUB MTHA'I MCHAN SOGS SU, NGA YI BA MTHA' GCIG TU GANG ZAG YIN PAR BSHAD PA NI DPYAD GZHI SHIN TU CHE STE, MIG RNA SOGS NGA YI BA YIN PA'I PHYIR TE, TSIG GSAL LAS; NGA YIR 'DZIN PA'I YUL BDAG GI BA PHUNG BO LA SOGS PA'I DNGOS PO, ZHES DANG, PHUNG PO'I DNGOS PO BDAG GI BA YANG, ZHES DANG, RTZA SHE'I t'IK CHEN LAS, NGA YIR 'DZIN YUL PHUNG PO RNAMS, ZHES DANG, NGA YI BA'I GZHI MIG RNA SOGS LA DMIGS NAS, ZHES DANG, LHAG MTHONG LAS, BDAG GI BA PHUNG PO 'ANG, ZHES DANG, DES BDAG GI BA YANG KHEGS PAR BSTAN PA, NAS, 'DI NI BDAG DE'I MIG LA SOGS PA'O ZHES JI LTAR RNYED PAR 'GYUR, ZHES DANG; LHAG MTHONG CHUNG BA LAS, BDAG GI BA MIG SOGS, ZHES DANG, 'JIG PA'I RNAM BSHAD LAS, NGA YIR 'DZIN PA'I 'JIG LTAS NGAR 'DZIN GYI DMIGS YUL LAS GZHAN PA STE DE MIN PA'I GZUGS DANG MIG LA SOGS PA'I DNGOS PO, ZHES DANG, MIG SOGS RNAMS BDAG GIR BAR MTHONG NAS, ZHES DANG, BDAG GI BA'I MTSAN GZHI MIG SOGS, ZHES DANG, STONG THUN LAS, MIG RNA SOGS NGA YI BA'I MTSAN GZHI DANG, ZHES SOGS 'PHAGS PA YAB SRAS DANG, RJE YAB SRAS KYI GSUNG RAB RNAMS SU MIG RNA SOGS NGA YI BAR BSHAD PA CHES MANG PA'I PHYIR, GZHUNG LAS KYANG MIG BDAG DANG BDAG GI ?GNYIS KYI GZHI MTHUN MIN PAR GSUNGS PA LAS MIG BDAG GI BA @141A *, ,MA YIN PAR GSUNGS PA MIN NO, ,RTZA SHE'I t'IKA CHEN DU NGA YI BA'I GZHI MIG RNA SOGS LA DMIGS NAS RNAM PA RANG GI MTSAN NYID KYIS GRUB PAR 'DZIN PA CHOS KYI BDAG 'DZIN TU GSUNGS PA NI MIG RNA SOGS DE LTAR 'DZIN PA CHOS KYI BDAG 'DZIN TU GSUNGS PA LAS NGA YI BDE LTAR 'DZIN PA CHOS KYI BDAG 'DZIN TU GSUNGS PA'I DON DU GO MI RUNG NGO, ,LEGS BSHAD RJES 'BRANG DU, PHYI'I YO BYAD RANG GI MTSAN NYID KYIS GRUB PA'I NGA YI BAR 'DZIN PA'I 'JIG LTA MED PAR STONG THUN LAS GSUNGS ZHES BSHAD PA NI, RANG RGYUD KYIS MA BSDUS PA'I YO BYAD DANG YUL LA NGA YI LONGS SPYAD BYAR RANG BZHIN GYIS GRUB PAR 'DZIN PA TZAM GYIS NGA YIR 'DZIN PAR MI 'GYUR RO, ,ZHES GSUNGS PA 'DI LA BSAMS SNANG YANG, DE NI, PHYI'I YO BYAD LA NGA YI LONGS SPYAD BYAR 'DZIN PA TZAM GYIS NGA YIR 'DZIN PA'I 'JIG LTAR MI 'GYUR TE, DE LA NGA YIR BYA RGYUS KHYAD PAR DU BYAS PA'I NGA LA DMIGS PA'ANG TSANG DGOS PA'I PHYIR, ZHES PA'I DON YIN NO, ,DES NA MIG RNA SOGS NGA YI BA RANG MTSAN GYIS GRUB PAR 'DZIN PA 'JIG LTA MIN YANG NGA YIB RANG MTSAN GYIS GRUB PAR 'DZIN PA'I 'JIG LTA YOD PA DANG, MIG RNA SOGS RANG MTSAN GYIS GRUB PA'I NGA YI BAR 'DZIN BA'I 'JIG LTA YOD KYANG DES MIG RNA SOGS LA DMIGS PA MIN PA DANG, MIG RNA SOGS RANG MTSAN GYIS GRUB PAR 'DZIN PA'I CHOS KYI BDAG 'DZIN YOD KYANG, DES MIG RNA SOGS KYIS KHYAD PAR DU BYAS PA'I NGA YI BA'I GANG ZAG LA DMIGS PA @141B MIN PA DANG, MIG RNA SOGS NGA YI BA RANG MTSAN GYIS GRUB PAR 'DZIN PA'I 'JIG LTA DES BYED PA PO NGA YI BA LA DMIGS PAS NGA LA DMIGS PA YIN PA DANG, MIG RNA SOGS LA DMIGS NAS RANG MTSAN GYIS GRUB PAR 'DZIN PA YIN NA CHOS KYI BDAG 'DZIN YIN PAS KHYAB KYANG, CHOS KYI BDAG 'DZIN YIN NA MIG RNA SOGS KYIS KHYAD PAR DU BYAS PA'I GANG ZAG LA MA DMIGS PAS KHYAB PA DANG, MIG RNA SOGS KYIS KHYAD PAR DU BYAS PA'I GANG ZAG LA DMIGS NAS RANG MTSAN GYIS GRUB PAR 'DZIN PA YIN NA GANG ZAG GI BDAG 'DZIN YIN PAS KHYAB KYANG, GANG ZAG GI BDAG 'DZIN YIN NA MIG RNA SOGS LA MA DMIGS PAS KHYAB PAR SHES DGOS SO, ,GNYIS PA DE LA BRTEN NAS 'PHAGS PA'I DGONGS PA 'GREL TSUL THUN MONG MIN BA BSTAN PA LA GSUM, BDAG MED RTOGS PA DANG BDAG 'DZIN PHRA RAGS SOGS KYI THUN MONG MIN PA'I KHYAD PAR DANG, PHYI DON 'JOG CING KUN GZHI DANG RANG RIG KHAS MI LEN PA'I THUN MONG MIN PA'I KHYAD PAR DANG, RANG RGYUD KHAS MI LEN PA'I THUN MONG MIN PA'I KHYAD PAR BSHAD PA'O, ,DANG PO LA BZHI, BDEN GNYIS 'JOG TSUL MI 'DRA BA'I KHYAD PAR BSTAN PA, NYAN RANG GIS BDAG MED GNYIS RTOGS DGOS PAR BSTAN PA, SGRIB GNYIS NGOS 'DZIN GYI KHYAD PAR MI 'DRA BA'I TSUL, DE DAG GI GRUB DON 'PHROS DANG BCAS PA'O, ,DANG PO NI, DE LTAR BDAG DANG, ZHES SOGS BYUNG, BDAG DANG CHOS LA THA SNYAD KYIS MA BZHAG PA'I NGO BO MED PA DANG THA SNYAD KYIS YOD PAR BZHAG PA YIN TE, THA SNYAD KYI DON BTZAL BA NA GDAGS @142A *, ,GZHI DANG GCIG DANG DON GZHAN SOGS CUNG ZAD KYANG MI RNYED LA MCHOD SBYIN NO ZHES PA DANG MIG GO ZHES PA SOGS KYI THA SNYAD KYANG NGES PAR BYA DGOS PA'I PHYIR, DE LA 'KHOR 'DAS KYI RNAM GZHAG THAMS CAD CHES SHIN TU 'THAD PA'I ZHES SOGS GO SPA'O, ,CHOS YANG DAG PAR SDUD PA'I DON NI, 'JIG RTEN GNAS PA STE SO SKYE PHAL BA DAG SKYE 'GAG SOGS LA BDEN PAR ZHEN PA YIN PAS, DE LA 'JIG RTEN GYI SKRAG PA'I RGYU SPANG PHYIR DNGOS PO RNAMS LA THA SNYAD KYI DBANG GIS SKYE 'GAG GSUNGS PA MA GTOGS SPYIR DE LA DON DAM PAR SKYE 'GAG MED CES PA'O, ,STONG NYID BDUN CU BA'I DON NI, SKYE GNAS 'JIG PA DANG, YOD MED DANG, MCHOG DMAN PAR GSUM SOGS SANGS RGYAS KYIS THA SNYAD KYI DBANG GIS YOD PAR GSUNGS PA LAS DON DAM PAR YOD NAS MIN ZHES PA STE, ZLA 'GREL DU, 'DI'I YOD MED NI DA LTAR BA'I PHUNG KHAMS SKYE MCHED RNAMS SAM 'DUS BYAS DANG, 'DAS MA 'ONGS PA'I PHUNG KHAMS SKYE MCHOD RNAMS SAM 'DUS MA BYAS DANG, DMAN SOGS GSUM NI DGE MI DGE LUNG MA BSTAN GSUM DANG, KHA CHE GZHAN LA PHAN PA'I 'GREL BAR, GNAS DANG SKYE 'JIG CES PAS RTEN 'BREL YAN LAG BCU GNYIS GO RIMS BZHIN BSTAN PA DANG, YOD MED CES PA TSAD MAS DMIGS MA DMIGS DANG, MYONG BA DANG DE LAS GZHAN DANG, GANG ZAG DANG DE NYID DANG GZHAN DU BRJOD DU MED PA LA SBYAR BA'I BSHAD PA GSUM DANG, DMAN SOGS KYIS ZAG BCAS @142B ZAG MED GNYIS KA LTAR YANG RIGS MTHUN PA LA LTOS PAR BSHAD DO, ,CHOS THAMS CAD MA BRTAGS MA DPYAD PAR 'JOG PA YIN TE, SHER MDO SOGS SU 'JIG RTEN GYI THA SNYAD DU CHOS THAMS CAD YOD PAR GSUNGS PA LTAR DBU MA BAS KYANG CHOS THAMS CAD THA SNYAD DU 'JOG DGOS LA, 'JIG RTEN PA'I THA SNYAD KYIS NI, SA BON LAS MYU GU SKYE BA SOGS KYI RNAM GZHAG BYED KYANG DE TZAM GYIS MA TSIMS PAR DE LAS DE SKYE NA BDAG LAS SAM GZHAN LAS SKYE ZHES SOGS KYI DPYAD PA MED PA KHO NAR 'JOG CING, KLU SGRUB KYIS KYANG DE KHO NA LTAR GSUNGS PA'I PHYIR DANG, MA DPYAD PA'I 'JIG RTEN GYI THA SNYAD KYI YUL NI SNGAR BTAGS DON LA MA DPYAD PAR GANG ZAG 'JOG TSUL BSHAD PA BZHIN LUGS 'DIS BZHAG PA LTAR DON LA GNAS PA LAS PHUNG PO LAS RDZAS THA DAD PA DANG PHUNG PO'I TSOGS PA TZAM DANG PHUNG PO LNGA CHAR DANG SEMS DANG BRJOD MED KYI BDAG GANG ZAG TU 'JOG PA'I 'OG MA'I LUGS DE DAG NI 'JIG RTEN GYI THA SNYAD KYI DON DU GTAN MI RUNG BA'I PHYIR TE, BDAG DANG BDAG GI BA NI 'JIG RTEN NA RJE KHOL LTAR 'JOG PA'I PHYIR, KHYAB STE, RJE KHOL LTAR 'JOG NA BRAN RJE BOR MI 'JOG PA BZHIN DU RNAM SHES SOGS BDAG TU 'JOG PA 'GAL BA'I PHYIR, ` 'DIR, BDEN GNYIS KYI DBYE GZHI NI, YAB SRAS MJAL BA'I MDO LTAR SHES BYA LA BYED CING DE YANG PHUNG GSUM SEL BA'I GRANGS NGES SO, ,BDEN GNYIS NGO BO GCIG LA LDOG PA THA DAD CING RTOGS RIM NI KUN RDZOB BDEN PA TSAD MAS @143A *, ,NGES PA LA DON DAM BDEN PA TSAD MAS NGES PA SNGON DU 'GRO DGOS SO, ,MTHAR THUG DPYOD PA'I RIGS SHES KYI RNYED DON DE, DON DAM BDEN PA'I MTSAN NYID, THA SNYAD PA'I TSAD MA'I RNYED DON DE, KUN RDZOB BDEN PA'I MTSAN NYID DE, DE YANG MNYAM RJES NGO BO GCIG TU MA SONG BA'I YE SHES KYIS BDEN GNYIS SO SOR RTOGS TSUL LTAR BZHAG PAS SPYIR BTANG STE, DMIGS BSAL SANGS RGYAS KYI YE SHES SKAD CIG MA GCIG GIS BDEN PA GNYIS KA SO SOR MA 'DRES PAR MKHYEN TSUL BSDUS PA'I DBANG DU BYAS NA, MTHAR THUG DPYOD PA'I RIGS SHES RANG NYID LA MTHAR THUG DPYOD PA'I RIGS SHES SU SONG BA'I RNYED DON DE, DON DAM BDEN PA'I MTSAN NYID, THA SNYAD PA'I TSAD MA RANG NYID LA THA SNYAD PA'I TSAD MAR SONG BA'I RNYED DON DE, KUN RDZOB BDEN PA'I MTSAN NYID DU 'JOG PA NI, 'JUG PA'I RNAM BSHAD LAM RIM CHUNG NGU STONG THUN SOGS KYI DGONGS PA STE, BDEN GNYIS KYI MTSAN NYID DE LTAR YIN PAR THAL RANG GNYIS KA MTHUN YANG DGAG BYA PHRA RAGS KYI DBANG GIS DPYAD PA CI TZAM GYIS DON DAM DPYOD PAR 'GRO LUGS MI 'DRA'O, ,BDEN GNYIS KYI MTSAN NYID 'JUG PA RTZA 'GREL LAS BYUNG BA SHES PA SPYI'I RTOGS TSUL LTAR BZHAG PAS RTOG MED SHES PA'I SNANG TSUL LTAR NA, RANG MNGON SUM DU RTOGS PA'I TSAD MAS GNYIS SNANG NUB PA'I TSUL GYIS RTOGS PAR BYA BA DE, DON DAM BDEN PA'I MTSAN NYID, RANG MNGON SUM DU RTOGS PA'I TSAD MAS GNYIS SNANG @143B DANG BCAS PA'I TSUL GYIS RTOGS PAR BYA BA DE, KUN RDZOB BDEN PA'I MTSAN NYID, SPYIR DON DAM LA RTOG GE 'BAR BA'I BSHAD TSUL GSUM SNGAR BSHAD ZIN PA BZHIN THAL RANG GNYIS KAS 'DOD CING, DON DAM PAR MED CES PA'I DON DAM LA'ANG BSHAD TSUL GNYIS BYUNG BA LTAR DE GNYIS KAS KHAS LEN MOD, DON DAM BDEN PA ZHES PA'I DON DAM GYI SGRA DON LA MI 'DRA STE, RANG RGYUD BAS DON DAM BDEN PA ZHES PA'I DAM PA JI LTA BA RTOGS PA'I MNYAM GZHAG ZAG MED KYI YE SHES DANG, DON ZHES PA DE'I YUL LA 'CHAD CING, THAL 'GYUR BAS DON DANG DAM PA GNYIS KA DON DAM BDEN PA NYID LA BZHED PAR RTZA SHE'I t'IKA CHEN DANG STONG THUN LAS GSUNGS PAS SKABS 'DIR CHOS NYID DE SHES PAR BYA BA'I DON MCHOG YIN PAS DON DAM DANG, DE NYID SNANG TSUL DANG GNAS TSUL MTHUN PA'I MI SLU BA YIN PAS BDEN PA ZHES BYA'O, ,SPYIR NA KUN RDZOB KYI SKAD DOD SAm BRiTTA DON DU MAR 'JUG CING, TSIG GSAL DU SGRIB BYED DANG, PHAN TSUN BRTEN PA DANG, 'JIG RTEN GYI THA SNYAD LA BYAS PA GSUM GYI DANG PO DE KHO NA NYID MTHONG BA LA SGRIB PAR BYED PA'I BDEN 'DZIN GYI MA RIG PA'I NGOR GZUGS SOGS BDEN PAS NA DE KUN RDZOB BDEN PAR GSUNGS PA LTAR BYED PA LA'ANG THAL RANG MTHUN NO, ,KUN RDZOB LA YANG LOG GNYIS 'BYED MI 'BYED THAL RANG LA KHYAD PAR YOD DE, LUGS 'DIR KUN RDZOB PA'I CHOS RNAMS SNANG BA LTAR DU MA GRUB PA DANG THA SNYAD PA'I SHES PA RNAMS 'KHRUL SHES YIN PAS KUN RDZOB PA'I YUL DANG YUL CAN GNYIS KAR YANG LOG @144A *, ,GNYIS KYI DBYE BA MI 'BYED LA, RANG RGYUD PAS KUN RDZOB LA YANG LOG GNYIS PHYE BA NI RANG GI MTSAN NYID KYIS GRUB PA KHAS LEN PA LA THUG PA'I PHYIR, 'ON KYANG LUGS 'DIR YANG RIGS SHES LA MA LTOS PAR THA SNYAD PA'I SHES PA'I NGO TZAM LA LTOS TE YANG LOG GNYIS SU DBYE RUNG STE, SGYU MA'I RTA DANG RTA DNGOS LA RIGS SHES LA LTOS TE BDEN 'DZIN GYI DBYE BA MI 'THAD KYANG THA SNYAD PA'I SHES PA LA LTOS TE BDEN RDZUN GYI THA SNYAD THOB TU RUNG BA'I PHYIR, DE LTA NA THA SNYAD PA'I TSAD MA DANG THA SNYAD PA'I TSAD MA'I NGO LA LTOS TE YANG LOG GNYIS 'BYED KYANG DE'I NGOR YANG LOG GNYIS SU MI 'BYED PA DANG, KUN RDZOB PA'I CHOS RNAMS RIGS SHES DANG RIGS SHES KYI NGO LA LTOS TE LOG PAR 'JOG KYANG RIGS SHES KYI NGOR LOG PAR 'JOG PA MIN NO, ,DES NA DON DAM DPYOD BYED KYI RIGS SHES LA MA LTOS PAR THA SNYAD PA'I SHES PA KHO NAS LOG PA'I YUL DANG YUL CAN GANG RUNG DU 'JOG MI NUS PA'I KUN RDZOB KYI RIGS SU GNAS PA DE, 'JIG RTEN SHES NGO LA LTOS PA'I YANG DAG KUN RDZOB KYI MTSAN NYID, MTSAN GZHI NI, GZUGS SOGS DON LNGA DANG 'PHRAL GYI 'KHRUL RGYUS MA BSLAD PA'I DBANG SHES LNGA LTA BU'O, ,DON DAM DPYOD BYED KYI RIGS SHES LA MA LTOS PAR THA SNYAD PA'I SHES PA KHO NAS LOG PA'I YUL DANG YUL CAN GANG RUNG DU 'JOG NUS PA'I KUN RDZOB KYI RIGS SU GNAS PA DE, 'JIG RTEN SHES NGO LA LTOS PA'I LOG PA'I KUN RDZOB KYI MTSAN NYID, MTSAN GZHI NI, SGYU MA'I DPE BDUN DANG 'PHRAL @144B GYI 'KHRUL RGYUS PA SLAD PA'I DBANG SHES LNGA LTA BU'O, ,DBYE NA DE RE RE LA YUL YUL CAN GNYIS GNYIS YOD, DON DAM DPYOD PA'I RIGS SHES LA MA LTOS PAR THA SNYAD PA'I SHES PA KHO NAS LOG PAR 'JOG MI NUS PA'I RIGS GNAS KYI YUL CAN DE, 'JIG RTEN SHES NGO LA LTOS PA'I YUL CAN YANG DAG GI MTSAN NYID, DE 'DRA'I RIGS SHES LA MA LTOS PAR THA SNYAD PA'I SHES PA KHO NAS LOG PAR 'JOG NUS PA'I RIGS GNAS KYI YUL CAN DE, 'JIG RTEN SHES NGO LA LTOS PA'I YUL CAN LOG PA'I MTSAN NYID, DE RE RE LA'ANG RANG YIN GYI DBANG PO DANG, SHES PA DANG, RJOD BYED KYI SGRA GSUM GSUM YOD, DON DAM DPYOD BYED KYI RIGS SHES LA MA LTOS PAR THA SNYAD PA'I SHES PA KHO NAS LOG PAR 'JOG MI NUS PA'I YUL GYI RIGS SU GNAS PA'I KUN RDZOB DE, 'JIG RTEN SHES NGO LA LTOS PA'I YUL YANG DAG GI MTSAN NYID, DON DAM DPYOD BYED KYI RIGS SHES LA MA LTOS PAR THA SNYAD PA'I SHES PA KHO NAS LOG PAR 'JOG NUS PA'I YUL GYI RIGS SU GNAS PA'I KUN RDZOB DE, 'JIG RTEN SHES NGO LA LTOS PA'I YUL LOG PA'I MTSAN NYID, SKABS 'DI'I BDEN PA NI RIGS SHES LA MA LTOS PAR THA SNYAD PA'I SHES NGO TZAM LA LTOS NAS BDEN ZHES PA'I THA SNYAD THOB RUNG GI DON LA BYED KYI BDEN GRUB LA MI BYED PA DANG, RANG LUGS LA YANG DAG KUN RDZOB KHAS MA BLANGS ZHES PA'I YANG DAG DANG, 'JIG RTEN SHES NGO LA LTOS TE YANG DAG KUN RDZOB KHAS LEN CES PA'I SKABS KYI YANG DAG SNGA PHYI GNYIS DON GTAN NAS MI @145A *, ,MTSUNGS TE, SNGA MA NI RANG NGOS NAS GRUB PA DANG, PHYI MA NI 'JIG RTEN PA'I BSAM PA RANG DGA' BA LA LTOS TE BDEN PA'I THA SNYAD THOB RUNG GI DON LA BYED PA DANG, DON DAM BDEN PA LA RGYAS PAR DBYE NA STONG NYID BCU DRUG DANG, DE LAS BSDUS NA STONG NYID BZHI, MDOR BSDUS NA BDAG MED GNYIS DBYER YOD CING STONG NYID NYI SHU'I NANG NAS DON DAM STONG GZHIR BYAS PA LNGA DANG KUN RDZOB STONG GZHIR BYAS PA BCO LNGA YOD PA DANG, YANG DON DAM LA SGRAS BRJOD RIGS KYI SGO NAS DBYE NA, YUL DON DAM DANG YUL CAN DON DAM GNYIS YOD, DANG PO LA DON DAM DNGOS DANG, MTHUN PA'I DON DAM GNYIS YOD, DANG PO DANG YUL CAN RNAM GRANGS MA YIN PA'I DON DAM GNYIS DON GCIG GNYIS PA DANG YUL CAN RNAM GRANGS PA'I DON DAM GNYIS DON GCIG STONG NYID MNGON SUM DU RTOGS PA'I MNGON SUM GYI TSAD MA DE DANG PO DANG, STONG NYID DON SPYI'I TSUL GYIS RTOGS PA'I RJES DPAG DE GNYIS BA'I MTSAN GZHIR 'JOG THA SNYAD BDEN PA, KUN RDZOB BDEN PA, 'JIG RTEN GYI KUN RDZOB BDEN PA, SLU BA'I CHOS, KUN RDZOB PA, SNANG TSUL DANG GNAS TSUL MI MTHUN PA'I CHOS RNAMS DON GCIG GO ,DE LTAR BDEN GNYIS KYI SPYI DON LA, DBYE GZHI, GRANGS NGES, GCIG THA DAD, RTOGS RIM, MTSAN NYID, SGRA BSHAD, DBYE BA, RNAM GRANGS TE BRGYAD KYIS MDOR DRIL TE BSHAD PA 'DI NYID BDEN GNYIS KYI SPYI DON RGYAS PA RNAMS LA DPYOD PA'I LDE MIG TU 'KHYER @145B DGOS SO, ` ,SPRO NA, LUGS 'DIS 'PHAGS PA'I DGONGS PA 'GREL TSUL THUN MONG MA YIN PA LA GZHUNG GIS BCAD DANG BSTUN NA, NYAN RANG GIS CHOS THAMS CAD RANG BZHIN MED PAR RTOGS PA DANG, BDAG 'DZIN PHRA RAGS SOGS KYI THUN MONG MIN PA'I KHYAD PAR DANG, PHYI DON 'DOD PA STE SGRUB PHYOGS KYI KHAS LEN GSUM DANG, KUN GZHI MI 'DOD TSUL DANG, RANG RIG 'GOG LUGS THUN MONG MIN PA DANG, RANG RGYUD KHAS MI LEN PA STE DGAG PHYOGS KYI KHAS LEN GSUM DANG, 'JUG PA'I RNAM BSHAD DU GZHUNG 'DIR BSHAD PA'I KHYAD CHOS DRUG GI STENG ZHIG PA DNGOS POR 'JOG PA DANG, DUS GSUM 'JOG TSUL THUN MONG MA YIN PA GNYIS BSNAN PAS KHYAD CHOS BRGYAD DANG, DKA' GNAS BRGYAD KYI ZIN BRIS GNYIS KAR SNGAR GYI DRUG GI STENG DU, RANG MTSAN KHAS MI LEN PA DANG, SANGS RGYAS KYIS JI SNYED BA MKHYEN TSUL THUN MONG MIN PA GNYIS BSNAN NAS BRGYAD DU MDZAD KYANG RJE'I DNGOS RTZOM RNAMS SU DKA' GNAS BRGYAD CES MING DNGOS SU THON PA MED PAR MA ZAD, RANG MTSAN ZHAL GYIS MI BZHES PA'I GNANG LA THUG PA'I GRUB MTHA' LA, GRUB MTHA' CHEN MO LAS, PHYI DON DANG KUN GZHI YOD MED DANG, BDAG MED GNYIS KYI KHYAD PAR DANG, BCAD SHES TSAD MA DANG THA SNYAD KHYAD PAR DANG, YID MNGON DANG RNAL 'BYOR MNGON SUM KHYAD PAR DANG, BDEN BZHI'I RNAM PA DANG DUS GSUM 'DOD TSUL KHYAD PAR DANG, ZHIG PA DNGOS PO DANG 'BRAS BU'I 'THAD PA RTZOD SPONG DANG BCAS PA DANG, RANG RGYUD RANG RIG MI BZHED PA DANG, MNGON SUM @146A *, ,DANG 'GOG BDEN KHYAD PAR DANG, LHAG BCAS LHAG MED KYI KHYAD PAR DANG, SGRIB GNYIS DANG SPANGS TSUL KHYAD PAR DANG, MTHA' GNYIS SEL TSUL GYI KHYAD PAR 'PHROS DANG BCAS PA BCU GCIG ,CES GSUNGS PA LTAR KHYAD CHOS BCU GCIG GAM PHYE NA NYER GNYIS SOGS MANG DU YOD DO, ,DE LTAR NA KHYAD CHOS BRGYAD CES GRAGS PA 'JUG PA'I RNAM BSHAD LAS, RNAM PAR DAG PA'I GRUB MTHA' 'GREL BYED GZHAN DANG THUN MONG MA YIN PA MANG DU YOD DE, DE GANG ZHE NA, RE ZHIG GTZO BO RNAMS BRJOD NA, ZHES PA DANG BSTUN NAS LCANG SKYA'I GRUB MTHAR, RNAM PAR DAG PA'I GRUB MTHA' 'GREL BYED GZHAN DANG THUN MONG MA YIN PA MANG DU YOD PA LAS GTZO BO NI DKA' BA'I GNAS BRGYAD DU BSDUS NAS 'CHAD PAR RANG RE'I MKHAS PA RNAMS LA GRAGS SO, ,ZHES GSUNGS PA LTAR THUN MONG MIN PA'I GRUB MTHA'I GTZO BO'I DBANG DU BYAS SHING, DE YANG YANG LOG MI BZHED PA SOGS KYANG KHYAD CHOS BRGYAD PO 'DI 'DRA'I GTZO BO MIN PA'I KHYAD PAR MI RIGS PAS, 'JUG PA'I RNAM BSHAD SOGS LAS DNGOS SU THON PA BRGYAD BYUNG BA LAS DER GRANGS NGES PA MIN PA RNAM BSHAD DE NYID LAS, SOGS YIN NO, ,ZHES SOGS SGRA BYUNG BAS SHES SO, ,GRANGS BRGYAD 'DREN TSUL LA MI 'DRA BA BYUNG NA YANG SKYON MED DE, THUN MONG MA YIN PA'I GRUB MTHA'I GTZO BO LA MANG DU YOD PA'I NANG NAS CI RIGS PA BRGYAD DNGOS SU BSTAN NAS GZHAN SHUGS LA BYUNG BA YIN PA'I PHYIR, KHA CIG TSOGS DRUG LAS NGO BO THA DAD PA'I @146B KUN GZHI 'GOG PA DANG, ZHIG PA DNGOS POR 'DOD PA GNYIS THAL 'GYUR BA'I THUN MONG MIN PA'I GRUB MTHAR MI 'THAD DE, KUN GZHI LEGS LDAN GYIS KYANG 'GOG LA, ZHIG PA DNGOS POR BYE SMRAS KYANG 'DOD PA'I PHYIR ZHES SMRA BA SOGS RJE LA DGAG PAR MI 'GRO STE, KUN GZHI MI 'DOD PA TZAM DANG, RANG RIG 'GOG PA TZAM DANG, DUS GSUM GYI 'JOG TSUL TZAM THAL 'GYUR BA'I KHYAD CHOS SU GSUNGS PA MA YIN PA'I PHYIR TE, RNAM BSHAD LAS, TSOGS DRUG LAS NGO BO THA DAD PA'I KUN GZHI'I RNAM SHES DANG, RANG RIG 'GOG LUGS THUN MONG MA YIN PA DANG, ZHES DANG, DUS GSUM 'JOG TSUL THUN MONG MA YIN PA, ZHES GSUNGS PA'I PHYIR, KHYAD CHOS GZHAN RNAMS RANG MTSAN ZHAL GYIS MI BZHES PA LA THUG TSUL SHES SLA YANG, SANGS RGYAS KYIS JI SNYED PA MKHYEN TSUL LUGS 'DI'I THUN MONG MIN PA'I KHYAD CHOS SU 'GYUR BA DANG, DE RANG MTSAN ZHAL GYIS MI BZHES PA LA THUG TSUL NI STONG PAS RTEN 'BYUNG LA MI GNOD PA'I SGO NAS MKHYEN PA LA BYED DAM BRTAG GO ,STONG THUN LAS, 'JIG RTEN GYI SHES NGO NA YANG LOG GI DBYE BA GNYIS YOD KYANG, 'JIG RTEN GYI SHES NGO NA YOD PA'I DBYE BA DE THAL 'GYUR BA RANG LUGS LA KHAS MI LEN ZHES BYA BA'I DON, ZHES DANG, 'JIG RTEN GYI SHES NGO NA YANG LOG GNYIS KYI DBYE BA YOD CES PA YANG, 'JIG RTEN PA'I BLO LHAN SKYES RANG DGA' BAS YANG LOG GNYIS KYI DBYE BA BYED PA'I DON YIN GYI, 'JIG RTEN PA'I THA SNYAD PA'I TSAD MAS YANG LOG GNYIS SU DBYE BA BYED PA GTAN MA YIN @147A *, ,TE, TSAD MAS GRUB PA'I DON DU KHAS BLANGS NAS RANG LUGS LA KHAS MI LEN NO ZHES SMRA BA NI RIGS PA SMRA BA'I TSUL LAS 'DAS PA GO BAR BYED PA'I PHYIR DANG, GZUGS SOGS RNAMS 'JIG RTEN PA'I BLO GANG GI 'DZIN STANGS KYI DON YANG DAG PAR GRUB PA'I BLO NI BDEN 'DZIN YIN PAS TSAD MAR MI RUNG BA'I PHYIR RO, ,ZHES DANG, 'JIG RTEN PA'I SHES NGO NA YANG DAG DANG LOG PA GNYIS SU DBYE BA YOD DO ZHES GSUNGS KYI, 'JIG RTEN GYI SHES NGO NA YANG DAG KUN RDZOB DANG LOG PA'I KUN RDZOB GNYIS KYI DBYE BA YOD DO ZHES DPAL LDAN ZLA BAS GANG DU YANG MA GSUNGS LA, BDAG GI BLA MA YANG MI BZHED CING, GTAN NAS KHAS BLANG DU MI RUNG STE, 'JIG RTEN PA'I BLO RANG DGA' BA'I NGOR KA BUM SOGS KUN RDZOB MA YIN PA'I PHYIR DANG, BLO GANG GI NGO LA LTOS NAS BDEN PAR 'JOG PA'I BLO DE'I NGO LA LTOS NAS BRDZUN PAR 'JOG PA HA CANG THAL BA'I PHYIR RO, ,ZHES GSUNGS PA LA, LEGS BSHAD RJES 'BRANG DU, DE MI 'THAD PAR THAL, 'JIG RTEN PA'I SHES PA LA LTOS NAS YANG LOG GI DBYE BA YOD CES PA MA GTOGS 'JIG RTEN PA'I SHES NGO NA YANG LOG GI DBYE BA YOD CES RJES MA GSUNGS PA GANG ZHIG SHES PA GANG LA LTOS NAS KUN RDZOB PA'I DON LA YANG LOG GNYIS SU DBYER YOD PA'I SHES PA NI TSAD MIN GYI SHES PA MA YIN, GANG LA LTOS NAS GZUGS SOGS YANG DAG PAR 'JOG PA'I SHES PA DE BDEN 'DZIN MA YIN, THA SNYAD PA'I TSAD MA LA LTOS NAS YANG DAG KUN RDZOB DANG @147B LOG PA'I KUN RDZOB GNYIS SU DBYER YOD PAR RJES GSAL BAR GSUNGS PA'I PHYIR, DANG PO GRUB STE, LAM RIM CHUNG NGU LAS, DE YANG 'JIG RTEN PA'AM THA SNYAD PA'I TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI 'PHAGS PA'I GZIGS PA'I RJES SU 'BRANG BA'I RIGS SHES LA LTOS NAS MIN, ZHES GSUNGS PA SOGS MANG BA'I PHYIR, GNYIS PA GRUB STE, SHES PA GANG LA LTOS NAS KUN RDZOB PA'I DON LA YANG LOG GNYIS SU DBYER YOD PA'I SHES PA NI YIN TSUL LA JI LTAR YIN MI DPYOD PA'I THA SNYAD PA'I TSAD MA YIN PA'I PHYIR TE, LAM RIM CHEN MO LAS, DBANG SHES RNAMS SNANG YUL LA 'KHRUL BAR 'DRA YANG, 'JIG RTEN PA'I NGOR SNANG BA DANG RJES SU MTHUN PA'I DON YOD PA DANG MED PA'I SGO NAS; GZUGS BRNYAN SOGS SNANG BA'I DBANG SHES RNAMS LOG PA'I KUN RDZOB YIN LA, DE LAS GZHAN PA'I DBANG SHES GNOD MED RNAMS YANG DAG KUN RDZOB YIN NO, ,ZHES GSUNGS PA'I PHYIR, GSUM PA GRUB STE, 'JIG RTEN PA'I SHES PA GANG LA LTOS NAS GZUGS SOGS YANG DAG DANG GZUGS BRNYAN SOGS LOG PAR 'JOG PA'I SHES PA DE GNYIS KA THA SNYAD PA'I TSAD MA YIN PA'I PHYIR TE, RTZA 'JUG GI RNAM BSHAD GNYIS KA LAS, DE LTA BU'I GNOD PA MED PA'I SHES PA DRUG GIS BZUNG BA'I KUN RDZOB PA'I DON DANG DE LAS BZLOG PA'I DON LA YANG DAG DANG LOG PAR 'JOG PA NI 'JIG RTEN PA'I SHES PA KHO NA LA LTOS NAS YIN TE, DE DAG JI LTAR SNANG BA LTAR GYI DON DU YOD PA LA 'JIG RTEN PA'I @148A *, ,SHES PAS GNOD PA MED PA DANG YOD PA'I PHYIR RO, ,ZHES GSUNGS PA'I PHYIR, BZHI PA GRUB STE, LAM RIM CHUNG NGU LAS, 'JIG RTEN PA'AM THA SNYAD PA'I TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI ,ZHES GSUNGS PA'I PHYIR, STONG THUN DANG YIG CHAR DE LTAR GSUNGS PA NI PAntI TAS MNYAM PAR MA BZHAG PA'I TSIG LA DPYAD PA BYED DGOS PAR GSER 'PHRENG LAS GSUNGS PA LTAR YIN NAM, BSHAD PA'I RNAM GRANGS LA DE LTAR RUNG DAM SNYAM ZHES BSHAD DO, ,DE LA BDAG GI BLA MA 'JAM PA'I DBYANGS 'DI LTAR GSUNGS TE, DANG PO LA KHYAB PA MED DE, LAM RIM CHUNG NGU'I LUNG DES 'JIG RTEN PA'I SHES PA LA LTOS NAS YANG LOG GI DBYE BA YOD CES GSUNGS KYANG DE STONG NYID RTOGS PA LA MA LTOS PA'I 'JIG RTEN PA'I SHES NGO NA YANG LOG GI DBYE BA YOD PA LA GNOD BYED DU MI 'GYUR BA'I PHYIR TE, LAM RIM CHEN MO LAS, 'JIG RTEN PA'I NGOR SNANG BA DANG RJES SU MTHUN PA'I DON YOD PA DANG MED PA'I SGO NAS, NAS; DE LAS GZHAN PA'I DBANG SHES GNOD MED RNAMS YANG DAG KUN RDZOB YIN NO, ,ZHES THA SNYAD PA'I SHES PA LA SNANG BA DANG RJES SU MTHUN PA'I DON MED PAR RTOGS MI NUS PA'I KUN RDZOB YIN PA DE 'JIG RTEN PA'AM 'JIG RTEN PA'I SHES NGOR SKABS 'DI'I YANG DAG YIN PAR GSUNGS PA'I PHYIR DANG, STONG NYID RTOGS PA LA MA LTOS PA'I 'JIG RTEN PA'I SHES NGOR YANG DAG KUN RDZOB YIN NA YANG DAG KUN RDZOB YIN MI DGOS PA'I PHYIR TE, RIGS SHES RTOG BCAS KYI NGOR MTHUN PA'I DON @148B DAM YIN NA MTHUN PA'I DON DAM YIN MI DGOS PA DANG, STONG NYID MNGON SUM DU RTOGS PA'I MNYAM GZHAG YE SHES KYI NGOR SPROS PA NYIS CHAR DANG BRAL BA'I STONG NYID YOD KYANG SPROS PA NYIS CHAR DANG BRAL BA'I STONG NYID YOD MI DGOS PA RE RE NAS RANG GI BDEN GNYIS LAS BSHAD PA BZHIN YIN PA'I PHYIR DANG, 'JIG RTEN SHES NGO ZHES PA YANG SHES PA DE'I 'DZIN STANGS KYI NGO LA BYED MI DGOS PA'I PHYIR TE, RIGS SHES RJES DPAG GI NGO ZHES PA DE'I 'DZIN STANGS KYI NGO LA MI BYED PA'I PHYIR, DER THAL, STONG NYID RIGS SHES RJES DPAG GI NGOR GNYIS SNANG DANG BCAS PA YIN YANG DE'I NGES PA'I 'DZIN STANGS KYI NGOR GNYIS SNANG DANG BCAS PA MA YIN PA'I PHYIR, DER THAL, STONG NYID RIGS SHES RJES DPAG GI NGOR MTHUN PA'I DON DAM YIN ZHES PA DE'I NGO LA LTOS TE MTHUN PA'I DON DAM YIN ZHES PA'I DON YIN PA GANG ZHIG ,DE'I NGES PA'I 'DZIN STANGS KYI NGOR MTHUN PA'I DON DAM YIN ZHES PA DANG, DE'I 'DZIN STANGS KYI NGO'AM YUL LA LTOS TE MTHUN PA'I DON DAM YIN ZHES PA MA YIN PA'I PHYIR, DER THAL, DES JI LTA BA GZIGS NGOR STONG NYID RNAM GRANGS MA YIN PA'I STONG NYID YIN PA'I PHYIR, 'O NA, KHYOD RANG LTAR NA 'JIG RTEN PA'I SHES PA LA LTOS TE YANG DAG KUN RDZOB YOD KYANG 'JIG RTEN SHES NGO LA LTOS TE YANG DAG KUN RDZOB MED PA'I ZHIB CHA RIGS PAR THAL, 'JIG RTEN PA'I SHES NGO LA LTOS TE YANG DAG KUN RDZOB YOD KYANG 'JIG RTEN SHES NGOR YANG DAG KUN RDZOB MED PA'I ZHIB CHA 'THAD PA'I PHYIR, RTAGS KHAS, 'DOD NA, RANG GIS @149A *, ,'JIG RTEN SHES NGO LA LTOS TE ZHES YANG YANG BRIS PA DANG DNGOS SU 'GAL LO, ,SKYON BAR BA GNYIS MI 'JUG STE, STONG THUN RANG GIS KYANG SHES PA GANG LA LTOS NAS KUN RDZOB LA YANG LOG GNYIS SU DBYER YOD PA'I SHES PA NI TSAD MIN GYI SHES PA LA MI BYED, 'JIG RTEN PA'I SHES PA GANG LA LTOS NAS GZUGS SOGS YANG DAG PAR 'JOG PA'I SHES PA DE YANG BDEN 'DZIN LA MI BYED PA'I PHYIR TE, DE GNYIS KAR YIN LUGS LA MI DPYOD PA'I 'JIG RTEN GYI BLO LHAN SKYES RANG DGA' BA GLO BUR GYI 'KHRUL RGYUS MA BSLAD PA'I SHES PA, RIGS SHES LA MA LTOS PAR GZUGS BRNYAN SOGS SNANG BA LTAR MA GRUB PAR RTOGS NUS SHING, RIGS SHES LAM LTOS PAR BYAD BZHIN DANG KA BUM SOGS SNANG BA LTAR MA GRUB PAR RTOGS MI NUS PA'I THA SNYAD PA'I TSAD MA 'JOG PA'I PHYIR TE, STONG THUN LAS, 'JIG RTEN GYI SHES NGO LA LTOS NAS YANG LOG GNYIS SU 'BYED KYI, ZHES SOGS DANG, 'JIG RTEN GYI SHES NGO NA YANG LOG GNYIS KYI DBYE BA YOD CES PA YANG, ZHES SOGS SNGAR DRANGS PA DANG, ME LONG NANG GI BYAD BZHIN GYI GZUGS BRNYAN MIG SHES LA BYAD BZHIN LTA BUR SNANG BA'I MIG SHES DANG BYAD BZHIN GYI GZUGS BRNYAN GNYIS KA YANG SNANG BA LTAR MA GRUB PAR 'JIG RTEN PA RANG DGA' BA DAG GIS KYANG RTOGS LA, BYAD BZHIN NI CHA GANG GI SGO NAS KYANG SNANG BA LTAR MA GRUB PAR 'JIG RTEN PA RANG DGA' BA DAG GIS RTOGS MI NUS PAS 'JIG RTEN PA RANG DGA' BA'I SHES NGO NA DE @149B GNYIS LA SNANG BA LTAR GRUB MA GRUB KYI KHYAD PAR YOD LA, ZHES DANG, KA BUM SOGS DANG DE SNANG GI MIG SHES GNYIS KA 'JIG RTEN PA'I SHES DON YANG DAG PA YIN TE, DE GNYIS KA YANG GLO BUR GYI 'KHRUL RGYUS MA BSLAD PA'I 'JIG RTEN PA'I BLO RANG DGA' BA'I NGO NA JI LTAR SNANG BA LTAR GRUB PA'I PHYIR, DE DAG JI LTAR SNANG BA LTAR DU GRUB PAS STONG BAR RTOGS PA DON DAM DPYOD BYED KYI TSAD MA LA NGES PAR RAG LAS PA'I PHYIR RO, ,ZHES GSUNGS PA LA LTOS PA TZAM GYIS SHES PA'I PHYIR DANG, STONG THUN DU 'JIG RTEN PA'I THA SNYAD PA'I TSAD MAS YANG LOG GNYIS SU DBYE BA MI 'BYED CES PA DE'I NGES PA'I 'DZIN STANGS KYI NGOR GRUB PA'I DON DU BYAS NAS YANG LOG GNYIS SU DBYE BA MI 'BYED CES PA YIN PA NI; DE'I RGYU MTSAN DU, TSAD MAS GRUB PA'I DON DU KHAS BLANGS NAS RANG LUGS LA KHAS MI LEN NO ZHES SMRA BA NI RIGS PA SMRA BA'I TSUL LAS 'DAS PA GO BAR BYED PA'I PHYIR DANG, GZUGS SOGS RNAMS 'JIG RTEN PA'I GLO GANG GI 'DZIN STANGS KYI NGO NA YANG DAG PAR GRUB PA'I BLO NI BDEN 'DZIN YIN PAS TSAD MAR MI RUNG BA'I PHYIR RO, ,ZHES RTAGS GNYIS BKOD PAS RTOGS SLA BA'I PHYIR RO, ,RTAGS PHYI MA 'DI YANG GZUGS SOGS YANG DAG TU THA SNYAD PA'I TSAD MA'I 'DZIN STANGS KYI YUL LA LTOS NAS 'JOG NA GZUGS SOGS 'DZIN STANGS KYI YUL DU YANG DAG TU GRUB PA'I BLO NI BDEN 'DZIN LAS MED PAS DE THA SNYAD PA'I TSAD MAR KHAS LEN BSAM PA YIN NA DE TSAD MA TZAM DU YANG MI RUNG BA'I PHYIR ZHES PHA ROL PO LA GNOD BYED @150A *, ,BKOD PA LAS, RANG LUGS LA 'JIGS RTEN SHES NGO LA YANG DAG YIN ZHES PA'I 'JIG RTEN LA BDEN 'DZIN 'JOG BZHED PA GTAN NAS MA YIN TE, GZUGS SOGS GANG LA LTOS NAS YANG DAG TU 'JOG SA'I 'JIG RTEN SHES PA LA GLO BUR GYI 'KHRUL RGYUS MA BSLAD PA'I THA SNYAD TSAD MA 'JOG PA SNGAR DRANGS PA'I STONG THUN GYI LUNG RNAMS SU GSAL BA'I PHYIR RO, ,BZHI BAS KYANG MI GNOD DE, THA SNYAD PA'I TSAD MA LA LTOS NAS YANG LOG GI DBYE BA YOD PAR MA ZAD, DE LA LTOS NAS YANG DAG KUN RDZOB DANG LOG PA'I KUN RDZOB GNYIS SU YANG DBYER YOD PAR SRAS KYI THU BOS KYANG BZHED MOD, STONG THUN LAS, 'JIG RTEN PA'I SHES NGO NA YANG DAG DANG LOG PA GNYIS SU DBYE BA YOD DO ZHES GSUNGS KYI, ZHES SOGS KYI DON NI, DON DAM DPYOD PA'I BLO LA MA LTOS PAR RANG STOBS KYIS GZUGS SOGS SNANG BA LTAR MA GRUB PAR RTOGS MI NUS PA'I 'JIG RTEN PA'I BLO RANG DGA' BA GCIG LA LTOS NAS BDEN BRDZUN GNYIS KA'I GZHI MTHUN 'JOG MI RIGS SHING, DE LTA'I GZHI MTHUN YOD PAR ZLA BAS MA GSUNGS LA RJES KYANG MI BZHED GSUNGS PA LAS, BLO DE LA LTOS TE YANG DAG DANG SPYIR KUN RDZOB YIN PA LA BSAMS NAS 'JIG RTEN SHES NGO LA LTOS PA'I YANG DAG KUN RDZOB MI 'DOD CES GSUNGS PA MIN PA, BLO GANG GI NGO LA LTOS NAS BDEN PAR 'JOG PA'I BLO DE'I NGO LA LTOS NAS RDZUN PAR 'JOG PA HA CANG THAL BA'I PHYIR ZHES RTAGS 'GOD TSUL GYIS KYANG SHES PA'I PHYIR DANG, BLO GANG LA LTOS NAS BDEN PAR 'JOG @150B PA'I BLO ZHES PA'ANG GZUGS SOGS SNANG BA LTAR MA GRUB PAR RTOGS MI NUS PA'I 'JIG RTEN PA'I BLO RANG DGA' BA'I TSAD MA LA GO DGOS KYI, BDEN 'DZIN LA GO BA GTAN NAS MI RUNG BA'I PHYIR DANG, KUN RDZOB BDEN PA'I SGRA BSHAD SKABS BDEN 'DZIN GYI NGOR BDEN ZHES PA DE'I 'DZIN STANGS KYI NGO LA GO DGOS SHING, 'DIR 'JIG RTEN PA'I NGOR BDEN ZHES PA GANG GI NGOR YOD PA'I 'JIG RTEN PA'I TSAD MA RANG DGA' BA DES RANG LA SNANG BA LTAR MA GRUB PAR RTOGS MI NUS PA'I DON YIN PA'I PHYIR, SKABS 'DI'I STONG THUN GYI LUNG DON DE LTAR BKRAL BA'I SGO NAS RJE YAB SRAS KYI DGONGS PA GCIG TU 'GREL BA 'DI YAB RJE BLA MA SKAL LDAN RGYA MTSO KHO NA'I LEGS BSHAD YIN TE, RJE DE'I GSUNG ZIN LTA KHRID SNYING GI BDUD RTZI LAS, CHU LTA BU 'JIG RTEN SHES NGO LA LTOS TE YANG DAG YIN GYI, DE LA LTOS TE YANG DAG KUN RDZOB BDEN PA'I THA SNYAD ZLA BA DANG RJE BLA MAS GANG DU YANG MA MDZAD PAR STONG THUN DU GSAL YANG, LAM RIM CHUNG NGUR CHU LTA BUR 'JIG RTEN SHES NGO LA LTOS TE YANG DAG KUN RDZOB BDEN PAR 'JOG PA SHIN TU GSAL LA, DE YANG CHU LTA BU DE KUN RDZOB BDEN PA YANG YIN, 'JIG RTEN SHES NGO LA LTOS TE YANG DAG PA YIN PA'I GZHI MTHUN DU 'JOG PA LA DGONGS PA 'DRA BAS, DE LTA NA YAB SRAS GNYIS DGONGS PA GCIG TU LEGS PAR GRUB PO, ,ZHES GSUNGS SHING SNGON BYON GYI MKHAS PA GZHAN GYIS DE LTAR MA BSHAD PA'I PHYIR RO, ,ZHES 'DOMS PAR MDZAD DO, ,THAL 'GYUR BAS YANG DAG KUN RDZOB MI BZHED CES PA'I YANG DAG @151A *, ,DANG, 'JIG RTEN SHES NGO LA LTOS PA'I YANG DAG KUN RDZOB BZHED CES PA'I YANG DAG GNYIS KA RANG MTSAN LA BYED PA MIN PAR PHYI MA 'JIG RTEN RANG DGA' BA'I BSAM NGO LA LTOS TE BDEN ZHES PA'I THA SNYAD THOB RUNG GI DON LA BYED PA DANG, BDEN 'DZIN GYI NGOR BDEN GRUB YOD KYANG 'JIG RTEN SHES NGOR BDEN GRUB MED PA DANG, SKABS 'DIR GZUGS SOGS YANG DAG DANG GZUGS BRNYAN SOGS LOG PAR NI 'JIG RTEN PA'I SHES PA KHO NA LA LTOS NAS 'JOG PA YIN GYI RIGS SHES DANG BDEN 'DZIN LA LTOS NAS 'JOG PA MIN PA DANG, SKABS 'DI'I YANG LOG 'JOG BYED KYI SHES PA LA STONG NYID LA BLO KHA MA PHYOGS PA ZHIG DGOS KYANG, DE LA STONG NYID MA RTOGS PA'I GANG ZAG GI RGYUD KYI BLO MI DGOS PA DANG, THAL 'GYUR BAS KUN RDZOB 'JOG PA 'JIG RTEN DANG SGO BSTUN ZHES PA YANG LHAG MTHONG CHEN MO LAS, DE LA THA SNYAD PA'I SHES PA NI CHOS GANG LA YANG JI LTAR SNANG BA LTAR GYI RJES SU 'JUG PA TZAM YIN GYI, SNANG BA'I DON DE BLO LA DE LTAR SNANG BA TZAM YIN NAM 'ON TE DON GYI YIN TSUL LA DE LTAR GRUB PA YIN SNYAM DU MI DPYOD PA'I SHES PA MA BRTAGS PAR 'JUG PA RNAMS SO, ,DE NYID LA MA DPYAD PA'I SHES PA ZHES BYA YI, BRTAG PA YE MI BYED PA NI MIN NO, ,ZHES GSUNGS PA LTAR BTAGS DON BTZAL NAS MI 'JOG PAR SNANG BA'I RJES SU 'BRANGS NAS 'JOG PA'I DON TE, THA SNYAD PA'I SHES PA DE LA 'JIG RTEN GRAGS PA ZHES BYA BAS DE GRUB MTHA' BLO BSGYUR MA BSGYUR @151B SU LA YOD KYANG 'JIG RTEN GRAGS PA'AM MA DPYAD PA'I SHES PA'AM THA SNYAD PA'I SHES PA ZHES BYA BA MA GTOGS, 'JIG RTEN GRAGS PA ZHES PA 'JIG RTEN GYI RGAN PO GRUB MTHAS BLO MA BSGYUR BA KHO NAR BYED PA MA YIN NO, ,DPYAD PAR BYA BA LHAG MA NI 'DIR MANGS DOGS PAS DPAL LDAN CHOS RJE'I 'JUG 'GREL DANG BDEN GNYIS LAS SHES PAR BYA'O, ,GNYIS PA NI, GANG ZAG DANG, ZHES SOGS BYUNG, GANG ZAG DANG CHOS DON DAM PAR YOD MED DE LTAR YIN NA BDAG MED GNYIS KYANG SNGAR BSHAD PA LTAR STONG GZHI'I SGO NAS 'JOG DGOS LA, DE'I PHYIR CHOS BDAG KHAS LEN NA GANG ZAG GI BDAG MED RTOGS MED PAS, 'JUG 'GREL LAS, GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR GANG ZAG GI BDAG MED PA RTOGS PAR YANG MI 'GYUR TE, ZHES CHOS LA BDAG TU 'DZIN PA MI 'DOR NA GANG ZAG GI BDAG MED MI RTOGS PAR GSUNGS SO, ,DE'I PHYIR NYAN RANG GIS KYANG BDAG MED GNYIS RTOGS DGOS SO, ,'DI NI RIGS PA DRUG CU BA DANG RIN CHEN PHRENG BA LAS SHES TE, DE YANG SNGA MA'I DON PHYI 'GREL GSAL ZHING, RIN CHEN PHRENG BA'I DON NI, SMIG RGYU LA CHUR BSAMS TE SONG BA LAS CHU MED PAR MTHONG BA NA CHU SNGAR YOD PA DE MED PAR 'DZIN PA NI BLUN PA NYID YIN PA DE BZHIN DU SNANG BA RANG BZHIN MED PA SMIG RGYU LTA BU'I 'JIG RTEN NI RANG BZHIN GYIS YOD CE'AM SNGAR RANG BZHIN GYIS YOD PA PHYIS ME DPA NYID DO ZHES 'DZIN PA DE NI RMONGS PA STE, DE KHO NA NYID LA RMONGS @152A *, ,PA YOD NA 'KHOR BA LAS MI GROL LO, ,LAS 'BRAS LA YID CHES PA'I YOD PA BA NI DE'I DBANG GIS BDE 'GRO DANG, LAS 'BRAS LA SKUR BA 'DEBS PA'I MED PA BA NI DE'I DBANG GIS NGAN 'GROR 'GRO BAS YANG DAG PA'I LTA BA DE TZAM LAS MED NA NGAN 'GROR MA LTUNG YANG 'KHOR BAR 'KHOR LA, MTHAR LTA GNYIS LA MI RTEN PA'I 'PHAGS PA NI GNAS LUGS KYI DON YANG DAG PA JI LTA BA BZHIN MNGON SUM DU YONGS SU SHES PAS THAR BA 'THOB PAR 'GYUR ZHES PA'O, ,DE NI DAR t'IK LTAR TE, RTZA SHE'I t'IK CHEN DU RKANG PA GNYIS PA'I MED 'DZIN GYI RMONGS PA NI LAS 'BRAS LA RMONGS PA'I MA RIG PAR GSUNGS SO, ,DES NA ZHES SOGS GO SLA'O, ` ,'DIR, NYAN RANG LA CHOS KYI BDAG MED RTOGS PA YOD PA'I SHES BYED DU LUNG RIGS GNYIS LAS, LUNG LA THEG CHEN GYI MDO DANG, THEG DMAN GYI MDO DANG, BSTAN BCOS KYI SHES BYED GSUM LAS, THEG CHEN GYI MDO LA, SA BCU BA LAS, KYE RGYAL BA'I SRAS DAG 'DI LTA STE, DPER NA RGYAL PO'I RIGS SU SKYES PA'I RGYAL PO'I BU MTSAN DANG LDAN PA NI, ZHES SOGS DANG, LHAG BSAM BRTAN PAS ZHUS PA TSIG GSAL DU DRANGS PA LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, ZHES SOGS DANG, BSAM GTAN DPE MA KHUD KYI MDO TSIG GSAL DU DRANGS PA LAS, 'JAM DPAL 'PHAGS PA'I BDEN PA RNAMS YANG DAG PA JI LTA BA BZHIN DU MA MTHONG BAS, ZHES SOGS DANG, RDO RJE GCOD PA LAS, RAB 'BYOR @152B 'DI CI SNYAM DU SEMS, RGYUN DU ZHUGS PA 'DI SNYAM DU BDAG GIS RGYUN DU ZHUGS PA'I 'BRAS BU THOB PO SNYAM DU SEMS SAM, ZHES SOGS DANG, NYI KHRI LAS, 'DZAM BU'I GLING 'DI DGE SLONG SH'A RI'I BU DANG MO'U 'GAL GYI BU LTA BU SHA STAG GIS 'DAM BU'I TSAL LA SOGS PA LTAR GANG BA'I SHES RAB GANG YIN PA DES, ZHES SOGS DANG, YUM TSIG GSAL DU DRANGS PA LAS, NYAN THOS KYI BYANG CHUB THOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O, ,ZHES SOGS DANG, SDUD PA TSIG GSAL DU DRANGS PA LAS, GANG DAG BDE GSHEGS NYAN THOS 'GYUR BAR BYA SNYAM DANG, ,ZHES SOGS GSUNGS TE, SA BCU PA'I LUNG 'JUG 'GREL DU DRANGS MOD 'JUG 'GREL DU DRANGS PA'I LUNG LNGA'I GRANGS MA YIN TE, BSHAD BYA'I MDOR BKOD PA TZAM YIN PA'I PHYIR TE, RNAM BSHAD LAS, SA BCU PA'I MDOS NYAN RANG LA CHOS RANG BZHIN MED PAR RTOGS PA YOD PAR BSTAN PA DANG, DE SGRUB PA'I KHUNGS BSTAN PA, ZHES SA BCU PA KHUNGS BSTAN PA'I GRANGS SU MA MDZAD PA'I PHYIR, GZHAN YANG THEG PA CHEN PO'I MDO SDE MANG POR NYAN THOS CHEN PO DU MAS BCOM LDAN 'DAS DANG ZHUS LAN BYAS PA DANG, 'JAM DPAL LA SOGS PA DANG DRIS LAN DANG, NYAN THOS PHAN TSUN DRIS LAN LA SOGS PA'I SGO NAS CHOS THAMS CAD RANG BZHIN MED PAR GTAN LA PHAB PA DANG, SRID ZHIM MYAM PA NYID DU GTAN LA PHAB PA MTHA' YAS PA ZHIG GSUNGS PA LA, NYAN THOS DE DA GGIS* CHOS RANG BZHIN MED PAR CUNG @153A *, ,ZAD KYANG MA RTOGS SO ZHES SMRA BA NI MNGON SUM LA BSNYON PA DANG KHYAD PAR MED PAR STONG THUN LAS GSUNGS SO, ,THEG DMAN GYI MDO LA, 'JUG 'GREL DU, GZUGS NI DBU BA RDOS PA 'DRA, ,ZHES SOGS DANG, RIGS PA DRUG CU PA'I ZLA 'GREL DU, GANG SDUG BSNGAL 'DI MA LUS PAR SPANGS PA, ZHES SOGS DRANGS PA DANG, LUNG PHRAN TSEGS LAS, K'A TYVA YA NA, GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHEN TE, ZHES SOGS DANG, MDO GZHAN LAS, DGE SLONG MTHONG BA'I CHOS LA MYA NGAN LAS 'DAS PA, ZHES SOGS TE PHYI MA GSUM RIM PAR, RIN CHEN PHRENG BAR, THEG PA CHE LAS SKYE MED BSTAN, ,SOGS DANG, RTZA SHE LAS, BCOM LDAN DNGOS DANG DNGOS MED PA, ,SOGS DANG, RIGS PA DRUG CU BAR, MA RIG RKYEN GYIS BYUNG BA LA, ,ZHES SOGS KYI BSHAD BYA'I MDO'O, ,BSTAN BCOS KYI SHES BYED NI, RTZA SHE LAS, BCOM LDAN DNGOS DANG DNGOS MED PA, ,ZHES SOGS DANG, RIN CHEN PHRENG BA LAS, JI SRID PHUNG PO 'DZIN YOD PA, ,ZHES SOGS DANG, JI SRID MIG NI 'KHRUL BA YI, ,ZHES SOGS DANG, DE BZHIN SMIG RGYU LTA BU YI, ,ZHES SOGS DANG, THEG PA CHE LAS SKYE MED BSTAN, ,CES SOGS DANG, RIGS PA DRUG CU PA LAS, YOD PAS RNAM PAR MI GROL TE, ,ZHES SOGS DANG, SRID PA YONGS SU SHES PA NYID, ,CES SOGS DANG, MA RIG RKYEN GYIS BYUNG BA LA, ,ZHES @153B SOGS DANG, CHOS DBYINGS BSTOD PA LAS, GANG ZHIG KUN TU MA SHES NA, ,ZHES SOGS DANG, RNAM PAR MI RTOG PAR BSTOD PA LAS, NYAN THOS RNAMS DANG RANG SANGS RGYAS, ,ZHES SOGS DANG, BYANG CHUB SEMS 'GREL LAS, SEMS ZHI BA NI RMONGS MI 'GYUR, ,ZHES SOGS TE, DE NI MNGON RTOGS RGYAN LAS, CHOS KYI DBYINGS LA DBYER MED PHYIR, ,ZHES SOGS DANG, RGYUD BLA MA LAS, RANG BYUNG RNAMS KYI DON DAM DE, ,ZHES SOGS DANG, RGYUD BLA THOGS 'GREL LAS, MNGON PA'I NGA RGYAL CAN STONG PA NYID DU LTA BA STE, ZHES SOGS DANG, SPYOD 'JUG LAS, BDEN PA MTHONG BAS GROL 'GYUR GYI, ,ZHES SOGS TSAD LDAN GZHAN GYI LUGS KYANG YIN TE RGYAS PAR STONG THUN CHEN MO SOGS LAS SHES DGOS SHING, NYAN RANG LA CHOS RANG BZHIN MED RTOGS YOD PA'I SGRUB BYED BLA NA MED PA NI CHOS KYI BDAG 'DZIN YAN LAG BCU GNYIS KYI THOG MA'I MA RIG PAR GSUNGS PA 'DI YIN TE, LHAG MTHONG CHEN MO LAS, DES NA NYAN RANG LA CHOS RANG BZHIN MED PA RTOGS PA'I SGRUB BYED CHEN PO NI CHOS KYI BDAG 'DZIN YAN LAG BCU GNYIS KYI MA RIG PAR 'GYUR BA 'DI YIN PAR SHES PAR GYIS SHIG ,CES GSUNGS SO, ,RIGS PA LA, 'JUG PA'I RANG 'GREL DU, NYAN RANG LA CHOS KYI BDAG MED RTOGS PA MED NA DON DAM PA'I SEMS DANG POR BSKYED PAS KYANG NYAN RANG DGAR BCOM ZIL GYIS GNON PAR THAL BA DANG, NYAN RANG GIS PHRA RGYAS SPONG MI NUS PAR THAL BA DANG, GANG ZAG GI @154A *, ,BDAG MED MTSAN NYID RDZOGS PAR MA RTOGS PAR THAL BA GSUM DANG, SPYOD 'JUG TU NYAN RANG LA DE MED NA SEMS BDEN 'DZIN GYI DMIGS PA DANG BCAS PAS LAM GYI MYANG 'DAS MI 'THOB PA DANG, NYON MONGS MNGON GYUR SPANGS PAS THAR PA 'THOB PAR 'GYUR PA DANG, NYAN RANG DGRA BCOM PAS SRED PA MA SPANGS PAR 'GYUR PA DANG, LAM GZHAN GYIS SRED PA MI LDOG PAR 'GYUR BA DANG, MI RTAG SOGS BSGOMS PAS RE ZHIG MGO MNAN PA'I NYON MONGS RNAMS SLAR YANG SKYE BAR 'GYUR PA LNGA DANG, STONG THUN DU NYAN RANG LA DE MED NA MI RTAG SOGS RTOGS PAS SHES SGRIB KYANG SPONG NUS PAR THAL BA DANG, GANG ZAG GI BDAG 'DZIN SPONG BA LA CHOS KYI BDAG 'DZIN SPONG DGOS PAR BSTAN PA DANG, MI RTAG SOGS RTOGS PAS NYON MONGS KYI SA BON SPONG BA DANG 'JIG RTEN PA'I ZHI RAGS RNAM CAN GYIS DE SPONG MI NUS PA'I KHYAD PAR MI 'THAD PA DANG, CHOS KYI BDAG MED KYANG 'KHOR LO THA MA'I MDO LTAR GZUNG 'DZIN RDZAS GZHAN GYIS STONG PA TZAM LA BYAS CHOG PAR THAL BA DANG, CHOS DE LA BDEN 'DZIN YIN NA CHOS DE LA BDAG 'DZIN YIN PAS KHYAB PAR BSTAN PA DANG, GZHI CHOS TZAM LA DMIGS NAS RTAG GCIG RANG DBANG BAR 'DZIN PA'I BLO YIN NA GANG ZAG GI BDAG 'DZIN YIN PAS KHYAB PAR THAL BA DANG, 'GOG BDEN MNGON SUM DU RTOGS PAS CHOS NYID MNGON SUM DU RTOGS DGOS PA DANG, GANG LA DMIGS NAS SGRIB PA RNAM PAR DAG PAR 'GYUR @154B BA'I DMIGS PA LA YONGS GRUB KYIS KHYAB PA DANG, NYON MONGS MA LUS PAR SPONG BA LA GANG ZAG RTAG GCIG RANG DBANG BAR 'DZIN PA SPONG DGOS PA DANG GANG ZAG BDEN PAR 'DZIN PA SPONG MI DGOS PA'I KHYAD PAR MI 'THAD PA DANG, BDEN STONG GI CHOS KYI RNAM GRANGS GSUNGS PA NA 'BRAS BU THOB PA MANG DU GSUNGS PA MI 'THAD PAR THAL BA STE BCU GSUNGS SO, ` ,SPRO NA, 'JUG PA'I RANG 'GREL LAS BSHAD PA DANG, DE LAS BSHAD PA'I RTZOD SPONG GNYIS LAS, SNGA MA GZHUNG DU NYAN THOS KYI SDE SNOD LA BRTEN NAS KYANG BDAG MED GNYIS GSUNGS PA'I DON BSHAD PA'I SKABS SONG ZIN PA LTAR LA, PHYI MA NI, KHO NA RE, NYAN RANG 'PHAGS PAS BDEN MED MNGON SUM DU RTOGS PA DANG, BDEN 'DZIN NYON SGRIB TU BSHAD PA MI 'THAD DE, MNGON RTOGS RGYAN LAS, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,ZHES RANG RGYAL GYIS GZUNG BA PHYI ROL DON 'DZIN GYI RTOG PA RANG LAM DU SPONG NUS KYANG, NANG SHES PA BDEN PAR 'DZIN PA RANG LAM DU SPONG MI NUS PAR GSUNGS PA DANG, NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,ZHES GZUNG BA LA BDEN ZHEN SHES SGRIB TU GSUNGS PA'I PHYIR ZER NA MA KHYAB STE, LUNG DE GNYIS NI THAB MO'I LAM GYI SNOD DU MI RUNG BA'I GDUL BYA RNAMS RJES SU GZUNG BA'I PHYIR DU GSUNGS PA'I DRANG DON DGONGS PA CAN YIN PA'I PHYIR, KHA CIG NA RE, NYAN RANG 'PHAGS PA YIN NA CHOS KYI BDAG MED RTOGS PAS KHYAB PAR @155A *, ,BSHAD PA 'PHAGS PA'I DGONGS PA 'GREL MDZAD GZHAN DANG THUN MONG MA YIN PA MIN PAR THAL, 'PHAGS SENG GIS KYANG, CHOS KYI DBYINGS LA DBYER MED PHYIR, ,ZHES SOGS KYI DON 'CHAD PA NA, NYAN RANG 'PHAGS PA LA CHOS KYI BDAG MED RTOGS DGOS PAR BSHAD PA'I PHYIR TE, NYI SNANG LAS, DE LA RTOG PA DANG RNAM PAR RTOG PA NI DNGOS PO DANG DE'I MTSAN MA LA MNGON PAR ZHEN PA STE, DE MED PA'I PHYIR CHAGS PA MED PA NYID DU RIG PAR BYA'O, ,YOD PAR MA GYUR PA NYID CHOS THAMS CAD KYI DE BZHIN NYID DO, ,DES NA 'DIS NI CHOS KYI DBYINGS NYID 'PHAGS PA'I CHOS RNAMS KYI RGYU YIN PA'I PHYIR RANG BZHIN DU GNAS PA'I RIGS SGRUB PA'I RTEN YIN NO ZHES STON PAR BYED DO, ,ZHES DANG, RGYAN SNANG DU YANG DE DANG MTHUN PAR 'BYUNG BA'I PHYIR ZER, GZHAN DAG 'PHAGS SENG GIS NYAN RANG 'PHAGS PA LA CHOS KYI BDAG MED RTOGS PA YOD PAR BSHAD PA LAS DE LA DES KHYAB PAR BSHAD PA MA YIN TE, ZHANG ZHUNG PHAR t'IKA LAS, 'PHAGS SENG GNYIS KYI LUGS LA NI, NAS, NYAN THOS 'PHAGS PA LA NGES BZUNG DU CHOS NYID RTOGS PAS KHYAB PAR MI 'DOD DO, ,ZHES GSUNGS PA'I PHYIR ZER RO, ,'ON KYANG STONG THUN DU, 'PHAGS SENG GI LUGS LA NYAN RANG 'PHAGS PAR CHOS NYID RTOGS MA RTOGS GNYIS MED CING, RNAM BSHAD DU RGYAN GYI 'GREL MDZAD DE DAG GI LUGS LA TSUL GNYIS SHES DGOS PAR GSUNGS PA YANG NYAN RANG RIGS CAN SO @155B SKYE RGYUD SMIN PA DANG MA SMIN PA LA STONG NYID BSTAN MA BSTAN GNYIS YOD PAR 'PHAGS SENG YANG BZHED PAR STON PA YIN PAR GSUNGS SO, ,KHA CIG RGYUD BLAR NYAN RANG GIS CHOS KYI BDAG MED RTOGS PA MI BZHED DE, NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, ,CES DANG, THOGS 'GREL LAS, DE BZHIN GSHEGS PA'I SNYING PO MTHONG BA LA MIG DANG MI LDAN PAR RNAM PAR BZHAG PA YIN TE, NAS, NYAN THOS DANG, RANG RGYAL DANG, ZHES SOGS GSUNGS PA'I PHYIR ZER NA MA KHYAB STE, DE NI GANG ZAG GI BDAG MED PHRA BA YANG MA RTOGS PA'I NYAN RANG 'GA' ZHIG GIS CHOS KYI BDAG MED RANG STOBS KYIS RTOGS PAR BYA BA MA YIN PA'I DON DU STONG THUN SOGS SU GSUNGS PA LTAR YIN PA'I PHYIR, DBU AM CHEN MOR, 'JUG 'GREL GYI RIGS PA GSUM GYI DANG POR NYAN RANG POR NYAN RANG DGRA BCOM DE DAG GIS KHAMS GSUM LA CHAGS PA DANG BRAL BA DE PHUNG KHAMS SKYE MCHED RANG BZHIN MED PAR SHES TE BSGOMS PA'I DBANG GIS MA YIN PAR THAL BA GSUNGS KYANG, RANG 'GREL DANG RNAM BSHAD SOGS SU NYAN RANG DGRA BCOM YANG DON DAM PA'I SEMS DANG POR BSKYED PAS KYANG RTOGS PA'I SGO NAS ZIL GYIS GNON PAR 'GYUR BA LA GSUNGS PA BZHIN DBU MA CHUNG NGUR YANG MDZAD DO, ,RJE BTZUN DANG, GUNG RUS GANG ZAG GI BDAG 'DZIN GYI ZHEN YUL SUN PHYUNG NA CHOS KYI BDAG 'DZIN GYI ZHEN YUL SUN PHYUNG BAS MA KHYAB STE, PHUNG PO BDEN 'DZIN GYI ZHEN YUL SUN 'BYIN PA LA PHUNG PO BDEN MED RTOGS DGOS PA'I PHYIR ZER @156A *, ,YANG; LHAG MTHONG CHEN MO LAS, GANG ZAG RANG BZHIN MED PAR RTOGS PA'I BLO DE NYID KYIS PHUNG PO RANG BZHIN MED DO SNYAM DU MI 'DZIN KYANG BLO DES GZHAN LA LTOS MED DU PHUNG PO RANG BZHIN MED PAR NGES PA'I NGES SHES 'DREN NUS PAS NA PHUNG PO LA RANG BZHIN SGRO 'DOGS PA'I SGRO 'DOGS GCOD PAR NUS PA YIN NO, ,ZHES GSUNGS SO, ,BDAG MED GNYIS LA 'JUG PA'I TSE DANG POR GANG ZAG RANG BZHIN MED PAR RTOGS NAS, DE RJES PHUNG SOGS CHOS RANG BZHIN MED PAR RTOGS PAR BYED PAS GANG ZAG GI BDAG MED RTOGS NA CHOS KYI BDAG MED RTOGS PAS MA KHYAB PA DANG, GANG ZAG GI BDAG 'DZIN GYI ZHEN YUL SUN PHYUNG NA PHUNG PO BDEN 'DZIN GYI ZHEN YUL SUN PHYUNG BSAM KHYAB PAR KHAS LEN DGOS PA DANG, DES RANG DUS SU DANG DNGOS SU PHUNG PO LA BDEN 'DZIN GYI SGRO 'DOGS MI GCOD KYANG DE'I BYED PA LA BRTEN NAS SGRO 'DOGS DE BCAD PA LA DES DE BCAD CES BSHAD PA DANG, JI SRID PHUNG PO 'DZIN YOD PA, ,ZHES SOGS KYI DON LA LEGS LDAN GYIS PHUNG PO BDEN 'DZIN LA LAM GSUM SKYED PA'I NUS PA YOD PA DE SRID DU ZHES SBYOR BA DANG, RANG LUGS PHUNG PO BDEN MED MNGON SUM DU RTOGS PAS PHUNG PO BDEN 'DZIN GYI ZHEN YUL SUN MA PHYUNG BA DE SRID DU GANG ZAG GI BDAG 'DZIN 'BYUNG ZHES SBYOR TSUL SOGS SHES DGOS LA, RIGS PA RNAMS LA LEGS LDAN SOGS KYIS LAN GDAB TSUL DANG DE 'GOG TSUL SOGS BRTAG BYA MANG YANG MA SPROS SO, ,GSUM PA LA GNYIS, NYON @156B SGRIB NGOS GZUNG BA DANG, SHES SGRIB NGOS GZUNG BA'O, ,DANG PO LA GNYIS, PHRA BA'I BDAG 'DZIN LHAN SKYES NYON SGRIB TU BSTAN PA DANG, RANG RGYUD PAS 'DOD PA'I BDAG 'DZIN LHAN SKYES KUN BTAGS SU BSTAN PA'O, ,DANG PO NI, DE LTAR BYAS NA, ZHES SOGS BYUNG, DE LA, GSAL BAR BSHAD DO, ,YAN GYIS SANGS RGYAS BSKYANGS DANG ZLA BAS GSUNGS TSUL DANG, DE NAS, 'JIG LTA MIN NO'I BAR GYIS 'KHOR RTZA GNYIS BZHAG PA MI 'GAL TSUL DANG, DE MAN GYIS DE DAG 'PHAGS PA YAB SRAS KYI BZHED PAR BSTAN PA STE, BUDDHA P'A LI TA LAS, SLOB DPON THUGS RJE'I BDAG NYID CAN GYIS SEMS CAN RNAMS SDUG BSNGAL SNA TSOGS KYIS NYEN PAR GZIGS NAS, DE DAG RNAM PAR GROL BAR BYA BA'I PHYIR DNGOS PO RNAMS KYI YANG DAG PA JI LTA BA NYID RAB TU BSTAN PAR BZHED PAS, NAS, DNGOS PO RNAMS KYI NGO BO NYID MED PA NYID RAB TU BSTAN PA'I PHYIR 'DI BRTZAMS SO, ,ZHES SLOB DPON KLU SGRUB KYIS SEMS CAN SDUG BSNGAL GYIS NYEN PA RNAMS DE LAS GROL PHYIR DNGOS PO'I YANG DAG PA JI BZHIN BSTAN PAR BZHED NAS RTZA SHE BRTZAMS LA, DNGOS PO RNAMS KYI YANG DAG PA JI LTA BA NYID GANG YIN, BSHAD PA, NGO BO NYID MED PA NYID DE, MI MKHAS PA GTI MUG GI MUN PAS BLO GROS KYI MIG BSGRIBS PA NI, DNGOS PO RNAMS LA NGO BO NYID DU RNAM PAR RTOG PA NA DE DAG LA 'DOD CHAGS DANG ZHE SDANG SKYED PAR BYED DO, ,ZHES YANG DAG PA'I DON DE YANG RANG BZHIN GYIS GRUB PA'I NGO BO NYID MED PA YIN ZHING, GTI MUG GIS @157A *, ,BSGRIBS TE CHOS RNAMS LA RANG BZHIN GYIS GRUB PAR 'DZIN PA NA CHAGS SDANG SKYE BA DANG, GANG GI TSE RTEN CING 'BREL BAR 'BYUNG BA SHES PA'I SNANG BAS GTI MUG GI MUN PA BSAL ZHING SHES RAB KYI MIG GIS DNGOS PO RNAMS KYI NGO BO NYID MED PA NYID MTHONG BA DE'I TSE NA GNAS MED PA LA DE'I 'DOD CHAGS DANG ZHE SDANG MI SKYE'O, ,ZHES RTEN 'BYUNG SHES PAS BDEN 'DZIN GYI ZHEN YUL SUN PHYUNG ZHING, DE KHO NA NYID MTHONG TSE CHAGS SDANG MI SKYE BA DANG; DE DAG GI SHES BYED DU BZHI BRGYA BA DRANGS SO, ,BUDDHA P'A LI TA BZHI BRGYA BA'I SHES BYED DANG BCAS PAS BDEN 'DZIN NYON MONGS CAN GYI MA RIG PAR BZHED DE, CHAGS SDANG GNYIS KYI YA GYAL TE ZLA'I GTI MUG NI BDEN 'DZIN DANG 'KHOR RTZAR BSHAD CING, DE LDOG PA LA BDAG MED RTOGS DGOS PA DANG, DE YANG DNGOS PO RANG BZHIN GYIS MED PAR RTOGS PA NYID LA GSUNGS PA'I PHYIR RO, ,BZHI BRGYA BA'I DON NI, SRID PA'I SA BON TE 'KHOR BA'I RTZA BA NI DNGOS PO BDEN 'DZIN GYI RNAM SHES TE, GZUGS SOGS YUL RNAMS SHES PA DES BDEN PAR SPYOD PA'I YUL DANG, YUL DE LA RANG BZHIN GYIS GRUB PA'I BDAG MED PAR MTHONG NAS GOMS PAS 'KHOR BA'I RTZA BA 'GAG PAR 'GYUR ZHING THAR BA 'THOB PAR 'GYUR, ZHES PA STE ZLA 'GREL GYI DON YANG DES SHES SO, ,'JUG 'GREL GYI LUNG DANG PO'I DON NI, NYON MONGS CAN GYI MA RIG PA DNGOS PO RANG BZHIN GYIS YOD PA MA YIN PA LA YOD PAR SGRO 'DOGS PAR @157B BYED PA YIN LUGS KYI RANG BZHIN MTHONG BA LA SGRIB PA'I BDAG NYID CAN GYI BDEN 'DZIN CHOS CAN, BLO KUN RDZOB PA YIN TE, SEMS CAN RNAMS DNGOS PO JI LTAR GNAS PA'I RANG BZHIN LTA BA LA RMONGS PAR BYED PA'I PHYIR, ZHES PA DANG; GNYIS PA'I DON NI, DE LTAR NA RE ZHIG SRID PA'I RTEN 'BREL YAN LAG GIS BSDUS PA'I NYON MONGS CAN GYI MA RIG PA BDEN 'DZIN GYI DBANG GIS KUN RDZOB BDEN PA BZHAG CES PA'I DON NO, ,ZLA BAS RES 'GAR BRGYA BA'I 'GREL BA GZHUNG DU DRANGS MA THAG PA SOGS LTAR MA RIG PA 'KHOR BA'I RTZA BAR GSUNGS LA, RES 'GAR 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG 'GYUR ZHING, ,ZHES PA RTZA 'GREL SOGS LTAR 'JIG LTA LHAN SKYES 'KHOR RTZAR GSUNGS PA GNYIS MI 'GAL TE, BDEN 'DZIN LHAN SKYES 'DI LA GANG ZAG DANG CHOS KYI BDAG 'DZIN GNYIS YOD PAS GANG ZAG GI BDAG 'DZIN LHAN SKYES KYANG NYON MONGS CAN GYI MA RIG PA YIN PA'I PHYIR, BDEN 'DZIN LHAN SKYES NYON SGRIB TU 'DOD PA'I TSUL 'DI NI 'PHAGS PA YAB SRAS KYI BZHED PA DAM PA YIN TE, STONG NYID BDUN CU BAR, DNGOS PO RNAMS BDEN PAR 'DZIN PA DE NI STON PAS NYON MONGS CAN GYI MA RIG PAR GSUNGS TE, DNGOS PO RANG BZHIN GYIS GRUB PAR BZUNG BA LAS SRID PA'I YAN LAG BCU GNYIS 'BYUNG BAR GSUNGS SHING, DNGOS PO STONG BAR DE RTOGS NAS, ,YANG DAG MTHONG PHYIR RMONGS MI 'GYUR, ,DE NI MA RIG 'GOG PA YIN, , @158A *, ,DE LAS YAN LAG BCU GNYIS 'GAG ,CES DNGOS PO RANG BZHIN GYIS STONG BAR SHES PA LAS MA RIG PA 'GAG CING DE LAS YAN LAG BCU GNYIS 'GAG PAR GSUNGS PA DANG, BZHI BRGYA BAR, LUS LA LUS DBANG GIS KHYAB CING LUS DBANG DBANG PO GZHAN RNAMS KYI RTEN DU GNAS LA, DE MED NA DBANG PO GZHAN RNAMS KYANG MI GNAS PA BZHIN DU, GTI MUG GIS BTAGS PA'I DNGOS PO RANG BZHIN GYIS GRUB PA'I YID DU 'ONG BA DANG MI 'ONG BAR ZHEN NAS 'DOD PA DANG RGYAB KYIS PHYOGS PA SOGS SU ZHEN PAS BDEN PAR ZHEN PA'I GTI MUG NYON MONGS CAN GYI MA RIG PA NI, CHAGS SDANG LA SOGS PA'I NYON MONGS KUN LA KHYAB CING GNAS SU 'GYUR BA DANG, DE'I PHYIR RTEN 'BREL RANG BZHIN GYIS MED PA BSGOMS TE GTI MUG BCOM PAS NYON MONGS PA GZHAN THAMS CAD BCOM PAR 'GYUR RO, ,DE LTAR RTEN 'BYUNG RANG BZHIN GYIS STONG BA MNGON SUM DU MTHONG NA BDEN 'DZIN GYI GTI MUG 'BYUNG BAR MI 'GYUR BA DE'I PHYIR 'BAD PA KUN GYIS BSTAN BCOS BZHI BRGYA BA 'DIR STONG BA RTEN 'BREL GYI DON DU 'GYUR BA'I TSUL GYI GTAM DE KHO NA BSNYAD PAR BYA BA YIN PAR GSUNGS PA'I PHYIR, DES NA ZHES SOGS KYIS MA RIG PA SPANG BAR GDAMS SO, , GNYIS PA NI, 'O NA CHOS DANG, ZHES SOGS BYUNG, DE LA 'JUG PA'I TSIG DON SLA ZHING, BUDDHA P'A LI TA LAS KYANG, GZHAN YANG 'DI NA SMRA BA PO DAG SA BON BTAB NAS BDAG GIS SHING LJON PA 'DI BTZUGS BDAG GIS BU 'DI @158B BSKYED DE SHING LJON PA 'DI NI BDAG GI'O BU 'DI NI BDAG GI'O ZHES ZER RO, ,DE LA GAL TE SA BON DANG SHING LJON PA DANG BU DAG GZHAN NYID YIN PAR GYUR NA, 'JIG RTEN GYI THA SNYAD DE DAG MI SRID PAR GYUR PA ZHIG NA, ZHES GSUNGS SO, LHAG MA GO SLA'O, ,GNYIS PA SHES SGRIB NGOS GZUNG BA NI, DE LTA NA, ZHES SOGS BYUNG, DE LA, DE BSDU'O, ,YAN GYIS NYON MONGS PA'I BAG CHAGS DANG SA BON GNYIS SU PHYE BA'I BAG CHAGS SHES SGRIB TU NGOS BZUNG, BAG CHAGS KYI NGO BO NI, SOGS KYIS BAG CHAGS DE'I NGO BO NGOS BZUNG, SHES SGRIB 'DI, SOGS KYIS THEG PA CHE CHUNG GI SPANGS PA'I KHYAD PAR BYUNG TSUL LAS DANG PO'I 'JUG 'GREL GYI LUNG DON NI, SHES SGRIB TU GYUR PA'I MA RIG PA'I BAG CHAGS NI SHES BYA YONGS SU GCOD PA STE SHES BYA THAMS CAD CIG CAR MNGON SUM DU GZIGS PA'I GEGS SU GYUR PA YIN LA, DE 'DRA'I BAG CHAGS DE NI LUS NGAG GI 'JUG PA DGRA BCOM PA LA YOD PA SPRE'U LTAR MCHONG BA DANG GZHAN LA RMANGS MO ZHES ZER BA'I LUS NGAG GI GNAS NGAN LEN STON PAS BKAG KYANG MA LOG PA LTA BU'I RGYU YANG YIN TE, BAG CHAGS DE YANG RNAM MKHYEN DANG SANGS RGYAS KHO NA LA LDOG PAR 'GYUR GYI, NYAN RANG DGRA BCOM SOGS GZHAN LA MI LDOG PAR GSUNGS SO, ,RGYU YANG YIN, ZHES PA'I YANG SGRA'I DON GZHUNG NA GSAL ZHING, DE YANG, ZHES PA'I YANG SGRA'I DON BRTAG GO ,DE LTAR NA BAG CHAGS DANG SA BON GNYIS SU PHYE BA'I NYON MONGS PA'I BAG CHAGS THAMS CAD SHES SGRIB DANG, @159A *, ,DE'I 'BRAS BU GNYIS SNANG 'KHRUL BA'I CHA ZHES PA LDAN MIN DU GYUR PA DE YANG SHES SGRIB TU YIN PA'I TSUL GYIS BSDU'O, ,DE LTA BU'I SHES SGRIB TU GYUR PA'I BAG CHAGS KYI NGO BO NI, 'JUG 'GREL DU, 'BAG PA DANG SGO BA DANG RJES SU BGROD PAR BYED PA GSUM LA, 'GYUR RNYING DU, GOS PAR 'GYUR SGO BAR 'GYUR NYAMS SU MYONG BAR 'GYUR, ZHES 'BYUNG BA'I DON LA, 'GREL BSHAD DU, 'BAG PAR BYED CING ZHES BYA BA'I BSHAD PA NI SGO BAR BYED PA LA RJES SU BGROD PAR BYED PA ZHES BYA'O, ,DE LA 'BAG PAR BYED PA NI NYON MONGS PA'I SA BON DANG 'DRES PAR BYED PA'O, ,DE NYID KYI PHYIR RJES SU BGROD PAR BYED PA'O, ,ZHES DANG, MUS SRAD PAS, CHOS GANG GIS SEMS CAN GYI RGYUD 'BAG PAR TE GOS PAR BYED CING, SGO BAR TE BSGOS PAR GYUR LA, RJES SU BGROD PAR BYED PA STE SEMS RGYUD PHYI MA DE'I RJES SU MTHUN PAR SKYE BAR BYED PA, ZHES DANG, ZAB GSAL SGRON MER, SEMS SLOD PAR BYED PA DANG, SEMS STENG LA 'GO BAR BYED PA DANG, SMIN PA DANG GNYEN PO SOGS KYIS MA BCOM BAR DU RIGS DRUG GANG DU SKYES KYANG SEMS KYI RJES SU 'BRANGS PA LA BSHAD DO, ,DE NI NYON MONGS KYI SA BON DANG BAG CHAGS GNYIS SU PHYE BA'I BAG CHAGS YIN TE, DE'I RNAM GRANGS NI NYON MONGS PA'I MUR THUG PA SOGS BZHI STE RE RE'I MGOR NYON MONGS, ZHES SBYAR RO, ,DE YANG 'GREL BSHAD DU, NYON MONGS PA MNGON RGYU MED PAS NYON MONGS PA'I MUR THUG PA DANG, RTZA BA NI SA BON DU BSHAD LA, ZAB GSAL SGRON MER, MUR THUG PA NI MTHAR THUG PA @159B DANG; GOMS NI CHAGS SOGS GOMS PA DANG, RTZA BA NI BDEN SNANG GI GZHI DANG, BAG CHAGS NI SEMS KYI BAG LA ZHA BAR BSHAD DO, ,THEG PA CHE CHUNG GI SPANGS PA'I KHYAD PAR BYUNG TSUL NI, SHES SGRIB SPONG BA LA DNGOS GNYEN DE KHO NA NYID RTOGS PA'I LAM LAS LAM GZHAN MED KYANG THABS KYI YAN LAG TSANG MA TSANG DANG DUS RING POR GOMS MA GOMS LAS BYUNG BA YIN NO, ,BZHI BA DE DAG GI GRUB DON 'PHROS DANG BCAS PA NI, GSUNG RAB LAS, ZHES SOGS BYUNG, GSUNG RAB LAS BDAG 'DZIN GNYIS KYANG DGAG BYA'I SGO NAS DANG, STONG GZHI'I SGO NAS BZHAG PA MI 'DRA BA DANG, BDAG MED GNYIS KYIS SO SO'I PHRA MI 'DRA BA GSUNGS PA'I GNAD KYIS BDAG 'DZIN GNYIS KYI NGOS 'DZIN MI 'DRA ZHING, BDAG MED MTHONG BAS SGRIB PA JI 'DRA BA LAS GROL TSUL YANG MI 'DRA BA MANG DU YOD PA RNAMS KYI DRANG NGES KYANG SHES PAR BYA'O, ,KUN GZHI KHAS LEN PA'I SEMS TZAM PA DAG LTAR NA MTHONG LAM MNYAM GZHAG PA'I RGYUD KYI ZAG MED RNAM SHES KYIS BAG CHAGS MI 'DZIN KYANG, DE'I TSE KUN GZHI'I STENG NA SGOM SPANG GI SA BON YOD PA MI 'GAL BAS SLOB PA MNYAM GZHAG PA'I RGYUD LA'ANG SPANG BYA LHAG MA RNAMS KYI SA BON BZHAG CHOG PAR 'DOD PA DANG, KUN GZHI MI 'DOD PA LA RANG RGYUD PA LTAR NA, DE'I TSE KUN GZHI MED CING RNAM SHES MIN PA'I GANG ZAG GI MTSAN GZHI YANG MI 'DOD LA, CHOS NYID MNGON SUM DU RTOGS PA'I YID KYI RNAM SHES KYI STENG NA SPANG BYA'I SA BON YOD NA YE SHES DE NYID ZAG BCAS SU 'GYUR BAS ZAG MED YE SHES YIN @160A *, ,PA 'GAL ZHING, DE'I TSE DE'I RGYUD NA SPANG BYA'I BAG CHAGS 'DZIN PA'I YID KYI RNAM SHES GZHAN YOD NA GANG ZAG DE NYID RGYUD GNYIS SU THAL BAR 'GYUR BAS DE'I RGYUD LA SPANG BYA GANG GI YANG SA BON MED CING, 'ON KYANG RTEN LOG PA'I STOBS KYIS RE ZHIG 'GAGS PA LAS GNYEN POS SLAR SKYER MI RUNG DU BYAS PA MIN PAS DE'I TSE SPANG BYA DE DAG SPANGS PA MA YIN PAR 'DOD PA DANG, THAL 'GYUR BA'I LUGS LA KUN GZHI MED KYANG NGA TZAM ZHIG BAG CHAGS BSGO GZHIR 'THAD PAS DE'I RGYUD LA SGOM SPANG GI SA BO NYOD PA MI 'GAL BAR 'DOD PA SOGS BAG ZHAGS KYI 'JOG LUGS DANG, GNAS TSUL DANG, NGO BO SOGS KYANG SHES DGOS SO, ,DE LTAR NA THEG PA CHE CHUNG GIS CHOS KYI BDAG MED RTOGS MA RTOGS DANG BDAG 'DZIN GNYIS KYI NGOS 'DZIN GNAS TSUL DANG, NGO BO SOGS KYANG SHES DGOS SO, ,DE LTAR NA BA'I KHYAD CHOS YIN TE, LUGS 'DI'I BDAG MED GNYIS KYI 'JOG TSUL LUGS GZHAN DANG MI 'DRA BA'I PHYIR TE, 'DI'I GANG ZAG DANG CHOS LA BDEN GNYIS JI LTAR 'JOG PA'I TSUL LUGS GZHAN DANG MI 'DRA BA'I PHYIR RO, ` ,'DIR, 'KHOR BA'I SDUG BSNGAL SPANGS PA TZAM GYI THAR PA THOB PA LA GTZO BOR BAR DU GCOD PA'I SGRIB PA'I RIGS SU GNAS PA DE, NYON SGRIB KYI MTSAN NYID, DE LA DBYE NA KUN BTAGS DANG, LHAN SKYES GNYIS, GRUB MTHAS BSLAD PA'I DBANG GIS BYUNG BA'I NYON MONGS PA MTSUNGS LDAN DANG BCAS PA'AM DE SKYED PA'I SA BON GANG @160B RUNG YIN PA DE, DANG PO'I MTSAN NYID, GRUB MTHAS BSLAD PA LA MA LTOS PAR THOG MA MED PA NAS BRGYUD DE 'ONG PA'I BAG CHAGS TZAM LAS SKYES PA'I NYON MONGS PA MTSUNGS LDAN DANG BCAS PA'AM DE SKYED PA'I SA BON GANG RUNG YIN PA DE; GNYIS PA'I MTSAN NYID, GANG ZAG RANG RKYA THUB PA'I RDZAS YOD DU GRUB PA 'THAD DO SNYAM PA DANG, BDEN PAR GRUB PA 'THAD DO SNYAM PA RE RES DRANGS PA'I DUG GSUM KUN BTAGS GNYIS PO DE DANG PA'I MTSAN GZHI, BDAG 'DZIN RAGS PA LHAN SKYES KYI DRANGS PA'I DUG GSUM SOGS THUN MONG BA DANG, 'JIG LTA LHAN SKYES KYIS DRANGS PA'I DUG GSUM SOGS THUN MONG MA YIN PA'I NYON MONGS GNYIS PO DE GNYIS PA'I MTSAN GZHI, DE RE RE LA DBYE NA, MNGON GYUR DANG SA BON GNYIS GNYIS YOD, NYON SGRIB KUN BTAGS GANG ZHIG DMIGS RNAM 'DZIN PA'I BLO DE, NYON SGRIB KUN BTAGS MNGON GYUR GYI MTSAN NYID, DMIGS RNAM MI 'DZIN KYANG RANG 'BRAS NYON SGRIB KUN BTAGS SKYED PA'I NYER LEN DU GYUR PA'I NUS PA'I NGO BOR GNAS PA DE, NYON SGRIB KUN BTAGS SA BON GYI MTSAN NYID, LHAN SKYES GNYIS KYI MTSAN NYID KYANG DES RIGS BSGRE, MTSAN GZHI RIM PAR BDEN 'DZIN GYI MA RIG PA DANG, CHAGS BRAL BA'I RGYUD KYI 'DOD PA'I DUG GSUM GYI SA BON LTA BU'O, ,BLO GCIG GIS DUS GCIG TU SHES BYA BDEN PA GNYIS MNGON SUM DU YONGS SU GCOD PA LA GTZO BOR BAR DU GCOD PA'I SGRIB PA'I RIGS SU GNAS PA DE, SHES SGRIB KYI MTSAN NYID, DE LA DBYE @161A *, ,NA MNGON GYUR DANG, SA BON GNYIS YOD, BDEN 'DZIN MA LUS PAR SPANGS PA'I 'PHAGS PA SLOB PA'I RGYUD LA'ANG 'BYUNG BA'I RIGS SU GNAS PA GANG ZHIG YUL RANG GI MTSAN NYID KYIS GRUB PA LTA BUR SNANG BA'I GNYIS SNANG 'KHRUL BA'I CHA DE, DANG PO'I MTSAN NYID, RANG RGYU NYON MONGS PAS BZHAG CING RANG 'BRAS GNYIS SNANG 'KHRUL BA'I RGYUR GYUR PA'I BAG CHAGS GANG ZHIG NYON MONGS MA LUS PAR SPANGS PA'I 'PHAGS PA SLOB PA'I RGYUD LA YANG 'BYUNG BA'I SGRIB PA'I RIGS SU GNAS PA DE, GNYIS PA'I MTSAN NYID, MTSAN GZHI NI RIM PAR, BDEN SNANG GI CHA LTA BU DANG, DUG GSUM GYI SA BON LAS GZHAN PA'I DE'I BAG CHAGS LTA BU'O, ,MA DAG SA BDUN GYI BYANG SEMS RGYUD KYI GNYIS SNANG 'KHRUL BA SA BON DANG BCAS PA RNAMS NYON MONGS SPANGS PA'I 'PHAGS PA SLOB PA'I RGYUD LA YOD PA'I SGRIB PA MIN YANG, DE'I RGYUD LA YOD PA'I SGRIB PA DANG RIGS GCIG PAS SGRIB PA DE'I RIGS SU GNAS PA ZHES BYA LA; SHES SGRIB DANG THOGS SGRIB DON GCIG GO ,NYON SGRIB KUN BTAGS DANG MTHONG SPANG NYON SGRIB DON GCIG LA, NYON SGRIB LHAN SKYES DANG SGOM SPANG NYON SGRIB DON GCIG CING, SHES SGRIB YIN NA SGOM SPANG YIN PAS KHYAB PO, ,GZHUNG DU DRANGS PA'I 'PHAGS PA YAB SRAS KYI GZHUNG RNAMS KYIS BDEN 'DZIN NYON SGRIB TU GRUB PAR MA ZAD NYAN RANG LA CHOS KYI BDAG MED RTOGS PA YOD PAR SGRUB PA'I LUNG RIGS RNAMS KYIS KYANG DE 'GRUB STE, NYAN RANG GIS CHOS RANG BZHIN @161B MED PAR RTOGS DGOS PA NI DES BDEN 'DZIN MA LUS PAR SPANG DGOS PA LA THUG CING, CHOS RANG BZHIN MED PAR MA RTOGS PAR BDEN 'DZIN MI LDOG PA'I RGYU MTSAN GYIS YIN PA'I PHYIR, ` SPRO NA, KHO NA RE, NYON MONGS CAN GYI MA RIG PA LA BDEN 'DZIN GYIS KHYAB PAR THAL, GZHUNG LAS, GANG ZAG DANG CHOS KYI DNGOS PO BDEN PAR 'DZIN PA NYID NYON MONGS CAN GYI MA RIG PAR BZHED DO, ,ZHES DANG, 'JUG PA'I RNAM BSHAD LAS, NYON MONGS CAN GYI MA RIG PA NI BDAG MED PA'I DE KHO NA NYID RIG PA'I MI MTHUN PHYOGS DANG, NAS, 'GAL ZLA MI MTHUN PHYOGS GANG ZAG DANG CHOS RANG BZHIN GYIS GRUB PAR SGRO 'DOGS PA'O, ,ZHES DANG, STONG THUN LAS KYANG DE BZHIN DU 'BYUNG BA'I PHYIR ZER NA, RJE BTZUN PAS DE SGRA JI BZHIN PA DANG, DBU MA'I MTHA' DPYOD DU NYON MONGS CAN GYI MA RIG PA'I NGOS 'DZIN THUN MONG MA YIN PA TZAM BSTAN PAR GSUNGS KYANG 'KHOR BA'I RTZA BAR GYUR PA'I MA RIG PAR DGONGS SAM BRTAG GO ,RGYUD BLA DAR t'IK LAS, SHES SGRIB LHAN SKYES NI GO BAR ZAD LA, KUN BTAGS NI GZUGS 'DZIN PA'I DBANG SHES SOGS LA YUL BDEN PAR SNANG BA SNANG BA LA MA 'KHRUL BA 'THAD PAR 'DZIN PA'I BLO SA BON DANG BCAS PA'O, ,ZHES SHES SGRIB KUN BTAGS YOD PAR GSUNGS KYANG; STONG THUN LAS, SHES SGRIB LA NI KUN BTAGS DANG LHAN SKYES GNYIS SU DBYER YOD PA MA YIN TE, DE LTA YIN NA MTHONG SPANG DANG SGOM SPANG GNYIS SU YANG DBYER YOD PAR 'GYUR ZHING, DE 'DOD NA, THEG CHEN MTHONG LAM GYIS GNYIS @162A *, ,SNANG 'KHRUL BA'I BAG CHAGS KUN BTAGS KYI CHA RNAMS SPONG NUS PAR 'DOD DGOS PA LA, DE MI NUS PA'I PHYIR DANG, SA BDUN PA MAN CHAD DU SHES SGRIB KYI SA BON CUNG ZAD KYANG SPONG MI NUS PAR KHAS LEN PA DANG 'GAL BA'I PHYIR RO, ,ZHES GSUNGS SHING, DE 'DRA'I BDAG 'DZIN BDEN 'DZIN YIN PAS NYON SGRIB TU GSUNGS SO, ,GZHUNG DANG RNAM BSHAD GNYIS KAR GNYIS SNANG 'KHRUL BA'I CHA THAMS CAD SHES SGRIB TU BSDU BAR GSUNGS PA YANG SHES SGRIB DNGOS SU BSDU BA'I DON YIN PA LHAG MTHONG CHEN MO LAS, SHES SGRIB NI, NAS, GNYIS SNANG 'KHRUL BA RNAMS YIN TE, ZHES DANG, STONG THUN LAS, BDEN SNANG GI CHA LA SHES SGRIB MNGON GYUR CES BYA'O, , ZHES GSUNGS PAS SHES KYANG, BLO GLING YIG CHAR DE SHES SGRIB MIN PAR KHAS BLANGS NAS, SHES SGRIB KYIS BSDUS NA SHES SGRIB YIN PAS MA KHYAB PA DANG, SHES SGRIB MNGON GYUR PAS SHES SGRIB KYI GO MI CHOD PAS, LUNG GNYIS KYIS MI GNOD PAR GSUNGS SO, ,'JUG 'GREL LAS, SHES BYA'I SGRIB PA'I MTSAN NYID CAN MA RIG PA TZAM KUN TU SPYOD PA'I PHYIR, ZHES DANG, SKYABS 'GRO BDUN CU PA LAS, MI SHES NYON MONGS MIN SPANGS PHYIR, ,ZHES DANG, MA RIG NYON MONGS MIN YOD PAS, ,ZHES PA LTA BU'I LUNG DANG, SHES PAR GYUR BA'I SHES SGRIB YOD DE, KUN RMONGS NYER GNYIS DANG GNAS NGAN LEN BCU GCIG GI NANG TSAN LA DGRA BCOM RTOGS PA SNGON SONG GI MA DAG SA BDUN GYI BAR CHAD @162B MED LAM GYI NGOS SKAL GYI SGRIB PA YOD PA'I PHYIR, ZHES PA LTA BU'I RIGS PA LA BRTEN NAS GNYAL STON DANG, PAn CHEN BSOD NAMS RGYAL MTSAN DANG, SGO MANG YIG CHA GSAR RNYING RGYAS BSDUS DANG, DE'I RJES SU 'BRANGS PA DAG GIS SHES PAR GYUR PA'I SHES SGRIB YOD PAR BZHED, RJES, SHES SGRIB KYI MA RIG PA'I 'BRU SNON GNYIS SNANG 'KHRUL BA'I BAG CHAGS LA MDZAD PA LAS SHES PAR GYUR PA'I MA RIG PAR GSUNGS PA MED PA DANG, LHAG MTHONG CHEN MO LAS; THEG DMAN GYI DGRA BCOM DANG SA BRGYAD 'THOB PA'I BYANG SEMS LA GNYIS SNANG 'KHRUL BA'I BAG CHAGS GSAR DU 'JOG BYED ZAD PA YIN YANG, ZHES DANG, 'JUG PA'I RNAM BSHAD LAS, SA BDUN PA'I BAR DU NI MA RIG PAS SLOD PA YOD LA, SA BRGYAD PA NAS DANG DGRA BCOM PA GNYIS LA NI SLOD BYED KYI MA RIG PA ZAD PAS DES BSLAD PA MED KYI, ZHES THEG DMAN DGRA BCOM DANG BYANG SEMS SA BRGYAD PA LA GNYIS SNANG 'KHRUL BA'I BAG CHAGS GSAR DU 'JOG BYED ZAD PAR GSUNGS SHING, SHES PAR GYUR PA'I SHES SGRIB YOD NA DE DAG LA DE ZAD DON MED DO SNYAM DU DGONGS NAS, MKHAS GRUB THAMS CAD MKHYEN PA, 'JAM DBYANGS DGA' BLO, RGYAL BA DGE 'DUN RGYA MTSO, SE RA RJE BTZUN PA YAB SRAS, PAn CHEN BSOD NAMS GRAGS PA, PAn CHEN BLO BZANG CHOS RGYAN, RJE ROL BA'I RDO RJE SOGS MKHAS GRUB MANG POS GSUNGS PA LTAR, LHAG MTHONG DKA' 'GREL LAS, SHES PAR GYUR PA'I SHES @163A *, ,SGRIB MED PAR BSHAD PA RJE'I GSUNG ZIN DANG MTHUN NAM SNYAM, ZHES GSUNGS PA LTAR SRAS KYI THU BO KUN MKHYEN YONGS 'DZIN PAntI TA CHEN POS KYANG DE LTAR 'DOMS PAR MDZAD DO, ,SPOS ME'I SNANG BAR, DUS 'KHOR t'IK CHEN KHA SKONG ZHANG ZHUNG BAS MDZAD PAR, 'JUG PA RANG 'GREL GYI LUNG DRANGS PA'I MJUG TU, GNYIS SNANG 'KHRUL BA'I CHAR GYUR PA'I SEMS 'BYUNG BA NI SHES SGRIB TU 'JOG GO ZHES BYA BA NI RGYAL BA DGYES PA'I GTAM MO; ,ZHES GSUNGS PA THAL 'GYUR BA'I LUGS LA SHES SGRIB LA SHES PA YOD PA'I KHUNGS RJE YAB SRAS KYI GZHUNG 'DI LAS GSAL MED LA, KUN MKHYEN BLA MA MA GTOGS DE LTAR KHAS LEN PA YANG MED, KHUNGS 'DI SUS DRANGS PA YANG MI SNANG BAS KUN MKHYEN MCHOG DGYES PA'I MCHOD PAR BSAMS NAS BDAG GIS DRANGS PA YIN ZHES BSHAD DE, DE LTAR NA DE 'DRA'I SEMS NI GNYIS SNANG 'KHRUL BA CAN GYI SEMS DANG, BDEN PAR 'DZIN PA'I SEMS LA BYED PA GANG RUNG LAS 'OS MED DE, DE LA DE LAS GZHAN PA'I 'DZIN STANGS CAN GYI SHES PA ZHIG 'JOG DKA' BA'I PHYIR, DANG PO LTAR NA GNYIS SNANG 'KHRUL BA CAN GYI SEMS THAMS CAD SHES SGRIB TU THAL BA DANG, GNYIS PA LTAR NA DE NYON SGRIB LAS 'OS MED DO, ,RIM LNGA GSAL SGRON GYI ZIN BRIS GNYIS KAR, RIM PA BZHI BA'I DON GYI 'OD GSAL YAN DU THIM RGYU'I RANG BZHIN BRGYAD CU'I RTOG PA RNAMS SHES SGRIB YIN PAS SHES PAR GYUR PA'I SHES SGRIB @163B YOD ZER BA DANG, DE NYON MONGS MA YIN PAR NYON MONGS DE DAG GIS BZHAG PA'I BAG CHAGS YIN ZER BA GNYIS KA DON MA YIN TE, KUN RTOG BRGYAD CU'I NANG NA SGRIB PA YIN MIN GNYIS KA YOD PA'I PHYIR TE, SNYING RJE DANG NGO TSA SHES PA SOGS SGRIB PA TZAM YANG MA YIN PA'I PHYIR DANG, DBU MA'I MTHA' DPYOD DU, SHES SGRIB MNGON GYUR PA LA DMIGS RNAM 'DZIN PA'I BLO DGOS PAR BSHAD NAS MTSAN GZHIR BDEN SNANG GI CHA BZHAG PA LA SKYON SPONG BAR 'DOD NAS DBU MA'I ZHIB CHAR, YUL KUN RDZOB PA RNAMS RANG 'DZIN PA'I SEMS CAN GYI BLO LA SNANG TSE BDEN PAR SNANG BA LAS, RANG STENG GI CHOS NYID DANG DBYER MED PA'I BDEN MED DU 'CHAR BA LA RMONGS PA'I DRI MA LA BYED CES BSHAD DO, ,GNYAL STON DKA' 'GREL DU BDEN SNANG GI SHES PA SHES SGRIB TU BZHAG PA LTAR NA 'PHAGS PA'I MNYAM GZHAG RNAM PAR MI RTOG PA'I YE SHES MA YIN PA'I SEMS CAN SA'I SHES PA THAMS CAD SHES SGRIB TU 'GYUR RO, ,SGRIB GNYIS KYI DON LA DPYAD DGOS MANG YANG MA SPROS SO, ,KHA CIG SNGAR KUN GZHI MI 'DOD PA'I RANG RGYUD PA'I LUGS LA KUN GZHI MED CING RNAM SHES MIN PA'I GANG ZAG GI MTSAN GZHI KHAS MI LEN PAR BSHAD PA MI 'THAD DE, LEGS LDAN GYIS MI LTA BU'I PHUNG PO LNGA PA CAN LA PHUNG PO LNGA'I TSOGS PA GANG ZAG GI MTSAN GZHI DANG, 'KHOR BAR RGYUN MI 'CHAD PAR 'KHOR MKHAN GYI GANG ZAG GI MTSAN GZHI LA GTZO BO RNAM SHES 'JOG PA'I PHYIR TE, RTOG GE 'BAR BA LAS, 'DI LTAR RNAM @164A *, ,PAR SHES PA NI SRID PA LEN PA'I PHYIR BDAG YIN NO, ,ZHES LUS DANG DBANG PO'I TSOGS DAG LA NYE BAR 'DOGS PA'I PHYIR, ZHES GSUNGS PA'I PHYIR, KHYAB STE, DBU MA'I MTHA' DPYOD LAS, BDAG YIN NO YAN CHAD KYIS SRID PA RGYUN PAR LEN MKHAN GYI BDAG LA RNAM SHES BZHAG CING, LUS DANG DBANG PO'I TSOGS DAG CES PA MAN CHAD KYIS LUS DANG DBANG PO'I TSOGS TZAM BDAG DANG, LUS SOGS PHUNG PO LNGA GDAGS GZHIR BSTAN PA'I PHYIR; DER THAL, DPER NA SHING RTA'I YAN LAG TSOGS PA TZAM SHING RTA DANG DE'I YAN LAG GDAGS GZHIR 'DOD PA BZHIN, ZHES BSHAD PA'I PHYIR, ZHES GSUNGS PA'I PHYIR NA MA KHYAB STE, RTOG GE 'BAR BAR LUS DANG DBANG PO'I TSOGS PA GANG ZAG GI GDAGS GZHIR GSUNGS PA LAS MTSAN GZHIR GSUNGS PA MIN TE, STONG THUN LAS, KUN GZHI KHAS MI LEN PA'I DBU MA RANG RGYUD PA DAG LTAR NA, DE'I TSE KUN GZHI MED CING RNAM PAR SHES PA MA YIN PA'I GANG ZAG GI MTSAN GZHI YANG KHAS MI LEN LA, ZHES GSUNGS PA'I PHYIR, KHA CIG NA RE, THAL 'GYUR BA'I LUGS LA GANG ZAG BAG CHAGS BSGO GZHIR MI RUNG BAR THAL, BAG CHAGS BSGO GZHI LA SEMS RGYUD KYIS KHYAB PA GANG ZHIG GANG ZAG SEMS KYI RGYUD MA YIN PA'I PHYIR, DANG PO DER THAL, 'JUG PA'I RANG 'GREL LAS, GANG GIS SEMS KYI RGYUD 'BAG PAR BYED CING, NAS, DE NI BAG CHAGS TE, ZHES GSUNGS PA'I PHYIR NA, DE'I @164B SKYON SPONG LA, RTZA SHE'I t'IK CHEN LAS, GANG ZAG DE'I SEMS KYIS GZUGS MTHONG BAS GANG ZAG DE MTHONG BA POR 'JOG PA MI 'GAL BA LTAR, DE'I SHES RGYUN BAG CHAGS BSGO BA'I GZHI YIN PA DANG DE LA BTAGS PA'I GANG ZAG BAG CHAGS KYI GZHIR 'JOG PA MI 'GAL BA'I PHYIR RO, ,ZHES GSUNGS TSUL GCIG DANG, 'JUG PA'I RNAM BSHAD LAS, NGA TZAM DE NYID SEMS RNAM SHES LA BRTEN NAS BTAGS PA'I RGYUD YIN PAS SEMS KYI RGYUD CES KYANG BYA LA, SEMS NYID KYI RIGS 'DRA LA DE'I RGYUD CES PA LTAR NA DE YANG RES 'GA' BA'I BAG CHAGS BSGO BA'I GZHIR 'GYUR RO, ,ZHES GSUNGS TSUL GCIG STE MI 'DRA BA GNYIS BYUNG ZHING, DE LA DBU MA'I MTHA' DPYOD LAS, THOG MA MED PA NAS BSAGS PA'I BAG CHAGS 'DZIN PA'I BSGO GZHI LA NGA'O SNYAM PA'I BLO LHAN SKYES KYI DMIGS YUL GCIG DGOS KYANG, GNAS SKABS KYI BAG CHAGS BSGO GZHI LA SEMS KYI RIGS 'DRA'I RGYUD YOD PA'I PHYIR, ZHES GSUNGS SO, ,GNYIS PA PHYI DON 'JOG CING KUN GZHI DANG RANG RIG KHAS MI LEN PA'I THUN MONG MIN PA'I KHYAD PAR LA GSUM, PHYI DON 'JOG TSUL THUN MONG MIN PA DANG, KUN GZHI MED TSUL THUN MONG MIN PA DANG, RANG RIG KHAS MI LEN TSUL THUN MONG MIN PA'O, ,DANG PO LA BZHI, RANG GZHAN GYI LUGS LA DON SHES GNYIS YOD MED 'DOD TSUL MI MTSUNGS PAR BSTAN PA, PHYI DON 'GOG PA'I LUNG RIGS KYIS PHYI DON MED PA MI 'GRUB PAR BSTAN PA, RANG LUGS LA DON SHES GNYIS YOD MED MTSUNGS PAR BSTAN PA, DE LA RTZOD PA SPANG BA'O, ,DANG @165A *, ,PO NI; DE LTAR, ZHES SOGS BYUNG, RGYUN ZHUGS LA SOGS PA'I GANG ZAG DANG DMYAL BA LA SOGS PA'I GANG ZAG LA THA SNYAD DU YOD MED KYI KHYAD PAR DBYE BAR MI NUS PA BZHIN DU DON SHES GNYIS LA SPYIR YOD MED KYI KHYAD PAR DBYER MI NUS TE, DE DAG DON DAM PAR MED MNYAM DANG THA SNYAD DU YOD MNYAM DU MTSUNGS PA'I PHYIR TE, GANG ZAG DANG CHOS KYI 'JOG TSUL SNGAR LTAR YIN PA'I PHYIR, 'DI LA LEGS LDAN SOGS DON SHES GNYIS KA YOD MNYAM DU SMRA BA DANG, ZHI 'TSO DPON SLOB SOGS DANG RNAM RIG PA RNAMS SHES PA YOD CING PHYI DON MED PAR SMRA BA THAMS CAD KYANG YOD NA THAL 'GYUR BAS 'DOD PA LTAR GYI RANG MTSAN GYIS YOD DGOS SHING DE 'DRA'I RANG MTSAN GYIS MED NA YOD PAR 'JOG MI SHES PA KHO NA'O, ,THAL 'GYUR BAS PHYI ROL RANG MTSAN GYIS MED PAR BZHED KYANG PHYI ROL RANG MTSAN GYIS MED PAS PHYI ROL MED MI DGOS PAR BZHED CING, THAL 'GYUR BA LAS GZHAN GYIS PHYI DON DANG MTSAN GYIS MED NA PHYI DON MED DGOS PAR 'DOD PAS MI MTHUN NO, ,DE'I PHYIR CHOS GCIG RANG MTSAN GYIS MED KYANG YOD PAR 'JOG SHES NA DON SHES GNYIS YOD MED 'BYED MI NUS PA'I RIGS PA LEGS POR GO NUS LA, CHOS GCIG RANG MTSAN GYIS MED NA'ANG THA SNYAD DU 'JOG SHES PA MA BYUNG NA DON SHES GNYIS YOD MED 'BYED MI NUS PA'I RIGS PA LEGS POR GO MI NUS SO, ,GNYIS PA NI, DES NA RDUL, ZHES SOGS BYUNG, DE LA, DRUG GIS CIG CAR SBYAR BA NA, ,ZHES PA LTAR RDUL CHA MED BKAG NAS DE MED @165B PAS NA DE BSAGS PA'I RAGS PA YANG MED LA PHRA RAGS GNYIS KA MED PA'I PHYIR PHYI ROL MED DO, ,ZHES PA LA SOGS PA'I RIGS PAS SPYIR PHYI DON YOD PA MI GNOD DE, DES NI MDO SDE BA LA SOGS PA'I 'DOD PA LTAR GYI PHYI DON CHA MED 'GOG NUS KYANG SPYIR PHYI DON CUNG ZAD KYANG 'GOG MI NUS PAS PHYI DON MED PAR 'DOD PA DE LA NI LUNG DANG 'JIG RTEN GRAGS PA GNYIS KAS GNOD PAR BRGYA BA'I 'GREL BA LAS GSUNGS PA'I PHYIR TE, DE NYID LAS, GANG DAG RIGS PA BCUG NAS RDZAS BRGYAD KYI RDUL PHRA RAB KYI YOD PA NYID SEL ZHING RNAM PAR SHES PA TZAM NYID, RTOGS PA DE DAG NI RE ZHIG 'JIG RTEN PA'I DNGOS PO 'JIG RTEN PA'I DON LA MKHAS PAS NYE BAR BSTAN PA SEL BA NA 'JIG RTEN DANG LUNG GI GNOD PA GNYIS SEL BAR BYED PA DE DAG GIS RDUL PHRA RAB YOD PA NYID BSAL BAR MI NUS SHING RDUL PHRA RAB LTAR RNAM PAR SHES PA'I YOD PA NYID 'THAD PA DANG 'GAL BA YANG GZHAG PAR MI NUS SO, ,'DI LTAR DE'I SKYE BA DANG GNAS PA DANG 'GAG PA RNAMS RIM GYIS DANG CIG CANG MED PA'I PHYIR MI 'JUG LA, SKYE BA LA SOGS PA DANG BRAL BA LA NI YOD PA NYID NI RIGS PA MA YIN NO, ,DE'I PHYIR 'JIG RTEN PA'I DNGOS PO RNAMS NI 'JIG RTEN LAS 'DAS PA LA YONGS SU MTHONG BA'I RNAM PAR DPYAD PA MA BCUG PAR 'JIG RTEN NA JI LTAR YIN PA DE LTAR KHAS BLANG BAR BYA ZHING, JI LTAR RNAM PAR SHES PA 'JIG RTEN PA YIN PA DE LTAR RDUL PHRA RAB KYANG YIN PAS 'DIS RIGS PA BCUG NAS RDUL PHRA RAB BSAL BAR MI NUS TE, @166A *, ,DE'I RIGS PA LA 'JIG RTEN DANG LUNG GI GNOD PAS GNOD PA'I PHYIR RO, ,ZHES GSUNGS PA'I PHYIR, LUNG YANG MDO SDE SA BCU PA LAS, 'DI LTAR, KHAMS GSUM PO 'DI NI SEMS TZAM STE, ZHES TZAM SGRAS PHYI DON 'GOG PA MDO DE'I DON MIN TE, SEMS LAS GZHAN PA'I 'JIG RTEN GYI BYED PA PO BKAG PAR MDO NYID LAS GSAL BA'I PHYIR TE, MDO DE NYID LAS, DE LTAR NA SDUG BSNGAL GYI PHUNG PO SDUG BSNGAL GYI LJON PA BYED PA PO DANG, TSOR BA PO MED PA 'BA' ZHIG PO 'DI MNGON PAR 'GRUB PAR 'GYUR RO SNYAM MO, ,NAS, KHAMS GSUM PO 'DI NI SEMS TZAM STE SRID PA'I YAN LAG BCU GNYIS PO GANG DAG DE BZHIN GSHEGS PAS RAB TU PHYE STE BKA' STZAL BA DE DAG THAMS CAD KYANG SEMS GCIG LA BRTEN PA DAG GO ,ZHES GSUNGS PA'I PHYIR, DE SKAD DU 'JUG PA LAS, MNGON GYUR MNGON PHYOGS BYANG CHUB SEMS DPA' YIS, ,SRID GSUM RNAM SHES TZAM DU GANG RTOG PA, ,RTAG BDAG BYED PO BKAG PA RTOGS PHYIR DES, ,BYED PA PO NI SEMS TZAM YIN PAR RTOGS, ,ZHES GSUNGS TE SA BCU PA'I MDO DON 'GREL TSUL LEGS LDAN DANG 'DRA'O, ,LANG GSHEGS KYI, PHYI ROL SNANG BA YOD MIN TE, ,ZHES PAS PHYI ROL MA BKAG CES LEGS LDAN GYIS 'CHAD PA LTAR ZLA BAS MI BZHED KYI MDO DES DE LTAR BSTAN KYANG DE DRANG DON YIN ZHES 'GREL TE, 'JUG PA LAS, MDO SDE GANG LAS PHYI ROL SNANG YOD MIN, ,SEMS NI SNA TSOGS SNANG NGO ZHES GSUNGS PA, ,GZUGS @166B LA SHIN TU CHAGS GANG DE DAG LA, ,GZUGS ZLOG PA STE DE YANG DRANG DON NYID, ,CES GSUNGS PA'I PHYIR, DES NA ZLA BAS SA BCU PA'I MDO'I TSIG ZIN LA SEMS TZAM DU BSTAN PA MDO DE'I DON MIN ZHES SEMS TZAM PA'I 'DOD PA BKAG PA DANG, LANG GSHEGS KYI LUNG 'DI'I SGRAS ZIN LA MDO'I DON MIN ZHES MA GSUNGS PAR DRANG DON YIN ZHES RTZOD SPONG MDZAD DO, ,GSUM PA NI, YUM GYI MDOR, ZHES SOGS BYUNG, DE YANG YUM GYI MDO LAS, RAB 'BYOR, GZUGS NI RANG BZHIN GYIS STONG NGO, ,NAS, RNAM PAR SHES PA NI RANG BZHIN GYIS STONG NGO, ,ZHES PHUNG PO LNGAG KHYAD MED PAR RANG BZHIN GYIS STONG PAR GSUNGS SHING, CHOS MNGON PAR PHUNG PO LNGA GA'I RANG SPYI'I MTSAN NYID YOD MNYAM DU BSHAD PA LTAR DON SHES GNYIS YOD MED KHYAD MED PAR 'DOD DGOS TE, DON SHES GNYIS KA LA THA SNYAD BTAGS PA'I BTAGS DON YOD TSUL DPYAD NA MI RNYED PAR MTSUNGS LA, DE LTA NA'ANG THA SNYAD KYI DBANG GIS KUN RDZOB TU YOD PAR 'JOG PA YANG KHYAD PAR MED PA'I PHYIR SNYAM DU DGONGS PA'I PHYIR TE, 'JUG PA LAS, DE DAG SHES RAB TSUL MDOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, ,ZHES GSUNGS SO, ,NGES NA DON SHES GNYIS LA DON DAM DANG THA SNYAD DU YOD MED KYI KHYAD PAR 'BYED PA NI THA SNYAD DANG DON DAM PA'I RNAM GZHAG GNYIS KA LAS BRGAL PAS BDEN PA GNYIS CHAR LAS NYAMS PA YIN TE, DE LTAR BZHI BRGYA BA LAS GSUNGS @167A *, ,PA GANG, 'PHAGS PA KLU SGRUB KYI DGONGS PA'ANG YIN PA'I PHYIR, DANG PO DER THAL, DE NYID DU, RNAM RIG PA SHES PA BDEN PAR YOD CING PHYI DON THA SNYAD DU MED PAR 'DOD PAS DON SHES YOD MED KYI KHYAD DE KHO NA NYID DANG 'JIG RTEN GRAGS PA GANG DU 'ANG BSHAD PAR MI NUS PAS 'DI DON DAM PAR YOD LA 'DI DON DAM PAR MED DO ZHES BRJOD MI NUS PAR GSUNGS PA'I PHYIR, GNYIS PA DER THAL, BYANG CHUB SEMS 'GREL LAS, 'DI DAG THAMS CAD SEMS TZAM ZHES, ,THUB PA YIS NI GANG GSUNGS PA, ,BYIS RNAMS SKRAG PA SPANG DON TE, ,DE NI DE BZHIN NYID MA YIN, ,ZHES PHYI ROL MED PA DANG SHES PA RANG BZHIN GYIS YOD PA DRANG DON YIN PAR GSUNGS NAS, SHES PAS SHES BYA RTOGS PA STE, ,SHES BYA MED PAR SHES PA MED, ,CES GSAL BAR GSUNGS PA'I PHYIR RO, ,BZHI PA NI, 'BYUNG BA CHE ZHES SOGS BYUNG, DE LA KHO NA RE, KLU SGRUB KYIS PHYI DON YOD PAR BZHED PA MI 'THAD DE, DES DE BKAG PA'I PHYIR TE, 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM BRTAGS MA YIN NAM, ,ZHES 'BYUNG BA SOGS SEMS KYI BDAG NYID DU GSUNGS PA'I PHYIR ZER NA, LUNG DES PHYI ROL 'GOG PA MA YIN TE, DE'I ZLA 'GREL LAS, RNAM PAR SHES PA'I DMIGS PA GANG GI RNAM PA 'DZIN CING SKYE BA'I DMIGS PA DE, NAS, MO GSHAM GYI BU LA SOGS PA YANG YOD PAR THAL @167B BAR 'GYUR BA'I PHYIR RO, ,ZHES GZUGS SOGS NI RANG 'DZIN SHES PA LA RANG GI RNAM PA GTAD PA'I SGO NAS 'BYUNG BA SOGS SU 'DOGS PAR GSUNGS SHING, DE BAS NA 'BYUNG BA DANG 'BYUNG BA LAS GYUR PA DANG, NAS, DE DAG THAMS CAD NI RNAM PAR SHES PAR YANG DAG PAR 'DU ZHING KHONGS SU CHUD DO, ,ZHES DES NA 'BYUNG BA SOGS NI SHES PAS BZHAG PA TZAM YIN PAS SHES PA'I KHONGS SU 'DU BA DANG, GANG GI TSE RNAL 'BYOR BAS YOD PA MED PA YIN PA'I DON SGRO 'DOGS PA'I RNAM PAR SHES PA'I TSANGS PA DE, NAS, NGAR 'DZIN PA DANG NGA YIR 'DZIN PA'I MNGON PA'I NGA RGYAL CAN GYI DBANG DU BSTAN PAR NGES SO, ,ZHES TSANGS PA DANG 'DRA BAR SNOD BCUD KYI BYED POR GYUR PA'I RNAM SHES RANG BZHIN MED PAR MNGON SUM DU RTOGS TSE SHES PA DES BZHAG PA'I YUL SNA TSOGS PA YANG DE'I NGES NGOR BRAL ZHING NUB PAR 'GYUR BAR GSUNGS PA'I PHYIR, 'DI'I TSANGS PA ZHES PA'I DON LA GNYAL STON GYIS BSHAD TSUL MANG DU BYAS PA KUN MKHYEN 'JIGS MED DBANG POS MI 'THAD PAR GSUNGS SO, ,PHYI DON MED PAR GSUNGS PA'I MDO'I DGONGS PA 'CHAD TSUL GYI RGYU MTSAN MTHAR THUG PA NI STONG THUN LAS SHES PAR BYA'O, ,GNYIS PA KUN GZHI MED TSUL THUN MONG MIN PA LA GNYIS, DNGOS DANG, ZHIG PA DNGOS POR SGRUB PA DANG DUS GSUM 'JOG TSUL THUN MONG MIN PA'O, ,DANG PO NI, KUN GZHI KHAS MI LEN PA, ZHES SOGS BYUNG, DE YANG KUN GZHI KHAS MI LEN PA LA SKYON MED DE, 'DI LTAR, @168A *, ,LAS 'BRAS KYI RTEN DU KUN GZHI DGOS TE, LAS KYIS RNAM SMIN YUN RING LON NAS SKYED LA, LAS KYANG RANG DUS GNYIS PAR ZHIG CING, ZHIG PA LAS 'BRAS BU 'BYUNG BA MED PA'I PHYIR SNYAM NA, ZUR PHYI MA MA GRUB STE, RANG MTSAN GYIS MA GRUB KYANG DNGOS POR 'JOG NUS PA THAL 'GYUR BA'I LUGS LA ZHIG PA DNGOS POR SHIN TU 'THAD PA'I PHYIR, 'JUG PA LAS, GANG PHYIR RANG BZHIN GYIS DE MI 'GAG PA, ,ZHES SOGS GSUNGS PA'I PHYIR, DE'I DON NI, GANG GI PHYIR LAS DE RANG BZHIN GYIS DE MI 'GAG PA RANG BZHIN GYIS MA 'GAG PA LAS KYANG 'BRAS BU 'BYUNG BA MI 'GAL BA DE'I PHYIR KUN GZHI SOGS KHAS MA BLANGS KYANG LAS LAS 'BRAS BU 'DI 'BYUNG BAR NUS PA'I PHYIR, SEMS CAN GYI RGYUD LA LAR LAS GNYIS BYAS PA 'GAGS NAS YUN RING PO LON PA LAS KYANG LAS LAS 'BRAS BU YANG DAG PA STE RGYU LA 'BRAS BU MI 'KHRUL BAR 'BYUNG BAR RIG PAR GYIS SHIG ,CES PA'O, ,RANG MTSAN MED KYANG RGYU 'BRAS 'JOG SHES NA RTAG CHAD KYI LTA BA SPANG SLA BAR MA ZAD KUN GZHI MED KYANG LAS 'BRAS KYI 'BREL BA 'THAD PAR 'JUG 'GREL DU GSUNGS PA'I DON NI, RANG BZHIN MED PA'I RGYU LAS RANG BZHIN MED PA'I 'BRAS BU SKYE BA GONG DU BSHAD MA THAG PA DE'I PHYIR BDEN PA GNYIS KAR YANG RANG BZHIN MED PAS RTAG CHAD KYI LTA BA SPANGS PAR MA ZAD, LAS 'BRAS KYI RTEN DU SEMS TZAM PA KHA CIG LTAR KUN GZHI'I RNAM SHES DANG, KHA CHE BA LAS GZHAN PA'I BYE SMRA KHA CIG LTAR @168B RNAM SHES KYI RGYUN DANG, BYE SMRA KHA CIG LTAR BU LON GYI DBANG RGYA DANG 'DRA BA'I CHUD MI ZAB DANG, MDO SDE BA DANG KHA CHE BYE SMRA KHA CIG LTAR THOB PA SOGS RTOG PA STE 'DOD PA MED PAR YANG LAS 'GAGS NAS YUN RING LON YANG LAS NI LAS KYI 'BRAS BU DANG 'BREL BA 'THAD PA YIN NO ZHES PA'O, ,ZHIG PA DNGOS POR 'DOD PAS NA KUN GZHI 'JOG MI DGOS PAR MA ZAD PHYI DON 'DOD PA'I GNAD KYIS KYANG KUN GZHI MI 'JOG PA YIN TE, KUN GZHI KHAS LEN NA DBUS MTHA' LAS, DON DANG SEMS CAN BDAG RNAM RIG ,CES SOGS LTAR 'DOD DGOS PA'I PHYIR, DE'I DON NI DON DU SNANG BA GZUGS LA SOGS PA'I DNGOS PO DANG, SEMS CAN DU SNANG BA DBANG PO LNGAR BDAG GZHAN GYI RGYUD LA SNANG BA KUN GZHI DANG, BDAG TU SNANG BA BDAG TU RMONGS PA SOGS DANG MTSUNGS LDAN GYI NYON MONGS PA CAN GYI YID DANG, RNAM PAR RIG PAR SNANG BA RNAM SHES DRUG RNAMS DON SNANG GI BAG CHAGS LAS SKYE LA, DE DAG PHYI DON DU MED CING DE MED PAS 'DZIN PA'I RNAM PAR SHES PA DE PHYI DON DU MED CES PA'O, ,KUN GZHI 'DOD PA LA GNOD BYED NI, YID SHES LAS NGO BO THA DAD PA'I KUN GZHI'I RNAM SHES KHAS LEN PA'I LUGS LA PHYI DON KHAS LEN PA GNAS MED PAS PHYI DON MED PA LA GNOD BYED KYI RIGS PA RNAMS DANG, KUN GZHI'I RNAM SHES KHAS LEN PA'I LUGS LA DE NYID NYON YID KYI 'KHOR DU GYUR PA'I NGAR 'DZIN LHAN SKYES KYIS GANG LA DMIGS PA'I GZHIR GYUR PA'I BDAG GI MTSAN GZHIR 'DOD PA YIN LA, DE LTA NA LAS BYED PA PO'I BDAG @169A *, ,GI CHA SHAS DANG GDAGS GZHI DE'I CHA TZAM BTAGS CHOS SU KHAS LEN DGOS PA LA SOGS PA'I RIGS PA RNAMS DANG, KUN GZHI KHAS LEN PA DANG DBANG PHYUG 'GRO BA'I BYED POR KHAS LEN PA MTSUNGS PA'I TSUL DANG, KUN GZHI KHAS LEN NA RANG MTSAN KHAS LEN DGOS PAS RANG MTSAN GYIS GRUB PA MI 'THAD PA'I RIGS PA RNAMS SO, ,GNYIS PA NI, ZHIG PA DNGOS POR SGRUB TSUL, ZHES SOGS BYUNG, 'DI LA ZHIG PA DNGOS POR SGRUB PA DANG, DUS GSUM THUN MONG MA YIN PA'I RNAM GZHAG STON PA GNYIS TE, DE YANG TSIG GSAL LAS, GANG ZHIG 'JIG PA RGYU MED PA NYID DU KHAS BLANGS NAS 'DUS BYAS RNAMS SKAD CIG MA NYID DU SMRA BA DE'I LTAR NA, NAM MKHA'I ME TOG LTAR RGYU MED PAS 'JIG PA MED PA'I PHYIR DNGOS PO RNAMS SKAD CIG MA NYID DANG 'JIG PA DANG BRAL BA RNAMS 'DUS BYAS NYID DU'ANG GRUB PAR GA LA 'GYUR, DE'I PHYIR DE'I THAMS CAD MI 'GRIGS PA NYID DU 'GYUR RO, ,ZHES GSUNGS SHING, DE'I PHYOGS SNGA SMRA BA NI, DNGOS PO 'JIG PA NI DNGOS PO DE'I RGYU LAS SKYE BAS RGYU YOD KYANG DE LAS GZHAN PHYIS 'BYUNG GI RGYU MED PAR 'DOD LA, DNGOS PO ZHIG PA NI DNGOS MED YIN PAS RGYU GTAN MED DU SMRA ZHING ZHIG 'JIG 'GAL BAR 'DOD DO, , LUGS 'DIR ZHIG PA YANG 'JIG PA YIN PAS ZHIG 'JIG MI 'GAL BAR 'DOD PA'I RGYU MTSAN GYIS TSIG GSAL DU 'JIG PA ZHES GSUNGS KYANG ZHIG PA RGYU MED DU 'DOD PA 'GOG PA YIN LA, 'GOG TSUL LA TSIG GSAL DU LUNG RIGS @169B GNYIS LAS, LUNG LA, ZHIG PA LA RGYU YOD PAR SGRUB PA NI, MDO LAS, SKYE BA'I RKYEN GYIS RGA SHI ZHES SEMS CAN SHI BA RGYUS BSKYED PAR GSUNGS PA DANG, YANG MDOR 'DUS BYAS KYI MTSAN NYID RNAMS 'DU BYED KYI PHUNG PO'I NANG DU 'DU BAR GSUNGS PA GNYIS DANG, ZHIG PA LA 'BRAS BU YOD PAR SGRUB PA'I LUNG NI, SA BCU BA'I MDO LAS, 'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O, ,ZHES SEMS CAN SHI BAS MA RIG PA SKYED PAR GSUNGS PA DANG, RIGS PA LA, DNGOS PO RNAMS SKAD CIG MA MA YIN PAR THAL BA DANG, ZHIG MA ZHIG GNYIS RGYUS SKYED MI SKYED MTSUNGS PAR SGRUB PA DANG, SNGAR MED PHYIS 'BYUNG GI RIGS PA GSUM RIM PAR, TSIG GSAL LAS, GANG ZHIG 'JIG PA RGYU MED PA NYID DU KHAS BLANGS NAS, NAS, DE'I PHYIR DE'I THAMS CAD MI 'GRIGS PA NYID DU 'GYUR RO, ,ZHES DANG, CI STE 'JIG PA ZHES BYA BA 'DI NI DNGOS PO MED PA YIN NA, NAS, DE'I PHYIR THAMS CAD DU RGYU MED PAR THAL BAR 'GYU DBAS ? 'DI NI MI RIGS SO, ,ZHES DANG, GZHAN YANG DE LTAR SNGAR MED PA'I PHYIR DANG, NAS, GZUGS LA SOGS PA'I CHOS LOG PA'I RANG BZHIN YIN PA'I PHYIR NA NI DNGOS PO MED PA YIN NO, ,ZHES PAS BSTAN LA, RIGS PA DANG PO GNYIS LEGS BSHAD RJES 'BRANG JI LTA BA BZHIN DANG, GSUM PA NI, MYU GU ZHIG PA CHOS CAN, RGYU DANG BCAS PA YIN @170A *, ,TE, SNGAR MED CING MYU GU 'JIG BZHIN PA LA LTOS NAS GRUB PA'I PHYIR TE, MYU GU ZHIG PA'I STONG NYID MYU GU LA LTOS NAS GRUB KYANG MYU GU 'JIG BZHIN PA LA LTOS NAS GRUB PA MA YIN PA'I PHYIR, DER THAL, MYU GU ZHIG PA'I STONG NYID RGYU LA BRTEN MI DGOS PA'I PHYIR, DE LTAR NA DNGOS PO RNAMS DUS GNYIS PAR MA BSDAD PA'I ZHIG PA RGYU LA RAG MA LAS NA, DUS GNYIS PAR MI SDOD PA'I 'JIG PA RGYU LA RAG LAS PA 'GAL TE, DPER NA MI 'GA' THAG RING BAR MYUR DU 'GRO BA RTA LA RAG LAS NA, DE DE LA RAG MA LAS PA 'GAL BA BZHIN NO, ,ZHIG PA RGYU LA MI LTOS NA 'JIG PA RGYU LA LTOS PA 'GAL BAS, PHYOGS SNGA MA'I LUGS LA DNGOS PO RNAMS SKAD CIG MAR YANG SGRUB DKA' ZHING, LUGS 'DIR ZHIG PA DE ZHIG RGYU'I DNGOS PO SKYES PA TZAM LA LTOS KYI GZHAN LA LTOS MI DGOS PAS, DNGOS PO RNAMS 'JIG PA YIN PAR SGRUB SLA STABS, RTZA SHE'I t'IKA CHEN LAS, SKYE BA'I RKYEN GYIS RGA SHI ZHES GSUNGS PA'I RIGS PAS DUS GNYIS PAR ZHIG PA DE DUS DANG POR SKYES PA TZAM LA LTOS KYI GZHAN LA LTOS MI DGOS PAS DNGOS PO RNAMS DUS GNYIS PAR MI SDOD PA'I SKAD CIG MAR 'JIG PA YANG SGRUB SLA STE, DES NA PHYOGS 'DI LA DE THAMS CAD LEGS PAR GNAS PAR 'GYUR RO, ,ZHES GSUNGS SO, ,RIGS PA DRUG CU PA LAS, RGYU ZAD NYID LAS ZHI BA NI, ,ZAD CES BYA BAR RTOGS PA STE, ,RANG BZHIN GYIS NI GANG MA ZAD, ,DE LA ZAD CES JI SKAD BRJOD, ,CES PA'I @170B THAD KYI ZLA 'GREL LAS, MAR DANG RAS YONGS SU MA ZAD PAR MAR ME 'CHI BAR 'GYUR BA'I RIGS NA, NAS, SHI BA GANG YIN PA DE ZAD PA ZHES BYA BAR KHAS BLANGS PA YIN NO, ,ZHES MAR DANG SNYING PO ZAD PA DE MAR ME SHI BA'I RGYUR GSUNGS PAS RGYUN GYI ZHIG PA LA YANG RGYU YOD PAR GSUNGS SO, ,'DI LA PHYOGS SNGA MAS MAR DANG SDONG BU ZAD PA DE MAR ME SHI BA'I RGYU MIN GYI, MAR DANG SDONG BU ZAD PA NI MAR ME'I SKAD CIG THAMS CAD DE'I RIGS 'DRA SKYE BA'I RKYEN MA TSANG BA YIN NO ZHE NA, DE LA MAR DANG SDONG BU ZAD PA CHOS CAN, MAR ME RIGS 'DRA PHYI MA MA 'ONGS PA'I RGYUR 'DOD RIGS PAR THAL, DE'I RIGS 'DRA PHYI MA MI SKYE BA'I RGYU YIN PA'I PHYIR TE, MAR DANG SDONG BU MA ZAD NA MAR ME RIGS 'DRA PHYI MA SKYE BA'I PHYIR, DE LA MAR DANG SDONG BU ZAD PAR BRTZAD PA LA MGO MTSUNGS KYI LAN MDZAD NAS, GZHAN YANG, DNGOS PO SNGAR YOD ZAD PA RGYU YIN TE, RGYU 'BRAS NI 'JIG RTEN PAS MTHONG BA LTAR GZHAG DGOS PA GANG ZHIG ,'JIG RTEN NA CHU ZAD PAS NGA'I 'BRAS NYES SO, ,ZAS ZAD PAS NGA'I BU SHI'O ZHES PHYI MA BRLAG PA SNGA MA ZAD PAS BYAS PAR BRJOD PA'I PHYIR, PHYI MA GRUB STE, ZAS DANG CHU MA ZAD PA BU 'TSO BA DANG 'BRAS LEGS PA'I RGYUR BYED PA BZHIN DU, ZAS DANG CHU ZAD PA YANG BU SHI BA DANG 'BRAS ZAD PA'I RGYUR 'JOG PA'I PHYIR RO, ,DE LTAR ZHIG PA DNGOS POR BZHED PA'I GNAD KYIS DUS GSUM 'JOG PA LA YANG THUN MONG MA YIN PA'I KHYAD PAR CHE STE, BYE SMRAS MYU GU SOGS RE RE YANG DUS GSUM DU 'JOG PAS @171A *, ,MYU GU MA 'ONGS PA DANG MYU GU 'DAS PA'I DUS SU YANG MYU GUR YOD PAR 'DOD PA DANG, MDO SEMS RANG RGYUD PA GSUM GYIS SPYIR DNGOS PO DE NYID KYI RGYU YOD KYANG DA LTA DNGOS PO DE MA SKYES PA DANG, RGYU LAS SKYES ZIN PA'I DNGOS PO DE NYID SLAR ZHIG PA DANG, SKYES LA MA 'GAGS PA RNAMS RIM PA BZHIN MA 'ONGS PA DANG 'DAS PA DANG DA LTA BAR BYAS TE, 'DAS MA 'ONGS GANG RUNG YIN NA DNGOS POR MED PAS KHYAB PAR 'DOD PA DANG, THAL 'GYUR BAS DUS GSUM GA DNGOS POR BZHED KYANG MYU GU MA 'ONGS PA DANG MYU GU 'DAS PA'I DUS NA MYU GU YOD PAR KHAS MI LEN PAS BYE SMRA DANG MI 'DRA'O, ` ,'DIR, DNGOS PO GZHAN ZHIG SKYES ZIN ZHIG PA'I CHA DE, 'DAS PA'I MTSAN NYID, MTSAN GZHI NI MYU GU ZHIG BA LTA BU'O, ,DNGOS PO GZHAN ZHIG RANG SKYED BYED KYI RGYU YOD KYANG RKYEN MA TSANG BAS MA SKYES PA'I CHA DE, MA 'ONGS PA'I MTSAN NYID, MTSAN GZHI NI DGUN DUS KYI SHAR GYI ZHING DU RGYU RKYEN MA TSANG BA'I STOBS KYIS MYU GU MA SKYES PA'I CHA LTA BU'O, ,DNGOS PO GZHAN ZHIG PA'I CHA DANG DNGOS PO GZHAN MA 'ONGS PA'I CHA GANG YANG MA YIN ZHING SKYES LA MA 'GAGS PA DE, DA LTA BA'I MTSAN NYID, MTSAN GZHI NI, MYU GU SKYES PA LTA BU'O, ,DUS GSUM GYI GTZO PHAL YOD DE, DA LTA BA DE RANG NYID SKYES LA MA ZHIG PA KHO NA YIN PAS GTZO BO DANG, 'DAS PA DANG MA 'ONGS PA GNYIS KYI NGO BO NI DA LTA BA DE ZHIG PA DANG DE MA SKYES PA'I SGO NAS 'JOG DGOS PA'I SGO NAS PHAL BA YIN PA'I PHYIR, DE LTAR @171B DUS GSUM PHAN TSUN LTOS PA DANG GCIG GI RNAM PA 'CHAR BA LA GZHAN GNYIS KYI RNAM PA 'CHAR DGOS PA LA KHYAD PAR MED PAR 'DOD PA LA BYE SMRA MA GTOGS GRUB MTHA' GZHAN GSUM MTHUN LA, 'DAS MA 'ONGS GNYIS RANG RGYUD PA SOGS KYIS MED DGAG YIN PAS DNGOS MED DU 'DOD, THAL 'GYUR BAS MA YIN DGAG TU 'DOD DE, ZHIG PAS MA ZHIG PA GCOD, MA 'ONGS PAS SKYE RGYU ZHIG BCAD KYANG, DGAG BYA DE GNYIS BCAD TZAM MIN GYI DNGOS PO GZHAN ZHIG 'PHEN PAR 'DOD DO, ,DUS GSUM NI DNGOS PO RANG RANG GI DA LTA BA LA LTOS NAS GZHAG DGOS KYI, 'JOG MKHAN GANG ZAG GI SGO KHO NAS MI RUNG STE, GANG ZAG GCIG KHO NAS DUS GSUM GYI SO SO'I GO CHOD LA, DNGOS PO GZHAN GYIS DUS GSUM GYI SO SO'I GO MI CHOD PA SKUR 'DEBS SU 'GYUR BA'I PHYIR, ` SPRO NA, TSIG GSAL DU 'DUS BYAS KYI MTSAN NYID BZHI 'DU BYED KYI PHUNG POR 'DU BAR GSUNGS PA DE, YIG CHAR ZHIG PA DNGOS POR RIGS PAS SGRUB PA'I SKABS SU BSHAD KYANG, RTZA SHE'I t'IKA CHEN LAS ZHIG BA RGYU MED DU 'DOD PA LUNG GIS 'GOG PA YIN PAR GSUNGS PA NI TSIG GSAL GYI DGONGS PAR LEGS BSHAD RJES 'BRANG DU BSHAD PA LTAR SNGAR YANG BKOD DO, , TSIG GSAL GYI RIGS PA GSUM GYI DON SNGAR BSHAD PA LEGS BSHAD RJES 'BRANG DANG SGO BSTUN PA STE, YIG CHA LAS, SKYE 'JIG SOGS 'DUS BYAS KYI MTSAN NYID DU MI 'THAD PAR THAL BA DANG, GANG YANG RGYU LAS MI SKYE BAR THAL BA @172A *, ,DANG, SNGAR MED GSAR SKYE RIGS PA GSUM, ZHES 'BYUNG ZHING TSIG GSAL DANG SBYOR TSUL YANG SNGAR DANG MI 'DRA MOD, SPYIR RIGS PA GSUM ZHES PA'I THA SNYAD RTZA SHE'I t'IKA CHEN LAS MI 'BYUNG NGO, ,RIGS PA GSUM PA LA, RTZA SHE'I t'IKA CHEN GYI TSIG ZIN DANG BSTUN NAS MYU GU ZHIG PA CHOS CAN, RGYU DANG BCAS TE, SNGAR MED LA PHYIS YOD PA'I PHYIR, ZHES BKOD NA, MYU GU'I STONG NYID DANG MYU GU DANG GCIG SOGS KYIS MA NGES SHING, LEGS BSHAD RJES 'BRANG LAS, MYU GU'I ZHIG PA CHOS CAN, RGYU DANG BCAS PA YIN TE, SA BON GYI DUS NA MYU GU'I SKYE BA MED TSUL LTAR DU SNGAR MED LA, MYU GU'I SKYE BA PHYIS YOD PAR 'GYUR TSUL LTAR DU PHYIS YOD PAR 'GYUR BA'I PHYIR, ZHES BKOD PA'ANG HA CANG BDE BA ZHIG MI SNANG BA DANG, SNGAR MED LA PHYIS SKYE BA'I PHYIR ZHES BKOD NA, SKYES BA NGES NA RGYU LAS SKYES PA NGES DGOS PAS DE NGES NAS RGYU DANG BCAS PA MA NGES PA DKA' BA DANG, YIG CHAR DE MYU GU SKYES PA LA LTOS NAS BYUNG BA'I PHYIR, ZHES GSUNGS PA YANG BYUNG BA SKYES PA LA BYED NA DE DANG 'DRA BAS SNGAR LTAR BKOD NA CUNG BDE'AM SNYAM MO, ,LEGS BSHAD RJES 'BRANG LAS, KHA CIG NA RE, MAR ME SKAD CIG THA MA DE'I RIGS 'DRA MA 'ONGS PA'I RGYU YOD PAR BSHAD PA MI 'THAD DE, MAR ME SKAD CIG THA MA DE'I RIGS 'DRA MA 'ONGS PA DE 'DUS BYAS MA YIN PA'I PHYIR TE, MAR ME SKAD CIG THA MA DE'I RIGS 'DRA PHYI MA MED PA'I PHYIR NA MA KHYAB, @172B KHYAB PAR THAL, MED PA YIN NA, KHYOD MA 'ONGS PA 'DUS BYAS MA YIN PAS KHYAB PA'I PHYIR TE, MED PA YIN NA KHYOD MA 'ONGS PA MA 'ONGS PA MA YIN PAS KHYAB PA'I PHYIR ZER NA, RTAGS MA GRUB STE, MAR ME RGYUN CHAD PA LAS PHYI MA'I RIGS 'DRA MA SKYES PA DE MA 'ONGS PA YIN PAR BSHAD PA GANG ZHIG NYON MONGS RGYUN CHAD PA LAS PHYI MA'I RIGS 'DRA MA SKYES PA YANG MA 'ONGS PA YIN PAR BSHAD PA'I PHYIR, DANG PO GRUB STE, RAB BYED BDUN PA'I t'IKA CHEN LAS, 'DI LA PHA ROL BAS MAR DANG SDONG BU ZAD PA MAR ME SHI BA'I RGYU MIN GYI, MAR DANG SDONG BU ZAD PA NI MAR ME SKAD CIG THA MAS DE'I RIGS 'DRA MA 'ONGS PA SKYED PA'I RKYEN MA TSANG BA YIN LA, MA 'ONGS PA YANG SKYE BA'I RKYEN MA TSANG BAS MA SKYES SO ZHES SMRA BA LA, DE LTA NA RKYEN MA TSANG BA MA YIN NA DE NGES PAR SKYE BAS, RKYEN MA TSANG BA MA 'ONGS PA MI SKYE BA'I RGYUR KHAS BLANGS LA, DE'I PHYIR GNAS PA'I RGYU ZAD PAS 'BRAS BU GNAS PA ZAD PAR KHAS BLANG BAR 'GYUR RO ZHES BSHAD DO, ,ZHES GSUNGS PA'I PHYIR, GNYIS PA GRUB STE, RAB BYED NYER LNGA BA'I t'IKA CHEN LAS, NYON MONGS LA SOGS PA'I RGYU RKYEN RGYUN CHAD PA LAS PHYI MA'I RIGS 'DRA MA SKYES PA NI MYANG 'DAS SU MI BYA STE, DE NI RGYU SNGA MA ZAD PAS BSKYED PA'I MA 'ONGS PAR BSHAD ZIN PA'I PHYIR RO, ,ZHES GSUNGS PA'I PHYIR DANG, GONG DU BSHAD PA YANG DRANGS MA THAG PA'I GZHUNG SNGA MA DER BSHAD PA LA BYED PA'I PHYIR RO ZHES BSHAD DO, ,DE LA RAB BYED BDUN PA'I t'IKA CHEN GYI @173A *, ,DE SGRA RNAMS MAR ME LA SNYEGS PA LAS MAR ME SKAD CIG THA MA LA SNYEGS PA MI RIGS TE, DE LTAR SNYEGS NA MAR ME SKAD CIG THA MA'I RIGS 'DRA MA 'ONGS PA RKYEN MA TSANG BA MA YIN NA NGES PAR SKYE BAR KHAS LEN DGOS PA LA DE MI RIGS PA'I PHYIR TE, MAR ME RGYUN CHAD PA LAS MAR ME PHYI MA'I RIGS 'DRA MA SKYES PA MA 'ONGS PA YIN YANG, MAR ME RGYUN CHAD PA LAS MAR ME SKAD CIG THA MA'I RIGS 'DRA PHYI MA MA SKYES PA MA 'ONGS PA MA YIN PA'I PHYIR, DE LTAR NA SPYIR MAR ME RIGS 'DRA MA 'ONGS PA SHES BYA'I GRAL NAS DBYUNG 'DOD PA MIN NA RAB BYED BDUN PA'I t'IKA CHEN GYI LUNG 'DI MAR ME SKAD CIG ZA MA'I RIGS 'DRA MA 'ONGS PA'I RGYU YOD PA'I SHES BYED DU 'DREN PA'I GNAS MED DO, ,RAB BYED NYER LNGA BA'I t'IKA CHEN GYI LUNG DON YANG NYON MONGS LA SOGS PA'I RGYU RKYEN RGYUN CHAD PA LAS NYON MONGS SOGS KYI PHYI MA'I RIGS 'DRA MA SKYES PA NI MYANG 'DAS SU MI BYA STE, NYON MONGS SOGS KYI RGYU RKYEN RGYUN CHAD PA LAS NYON MONGS SOGS KYI PHYI MA'I RIGS 'DRA MA SKYES PA DE NI RGYU SNGA MA ZAD PAS BSKYED PA'I MA 'ONGS PAR RAB BYED BDUN PA'I 'GREL BAR BSHAD ZIN CES 'GREL DGOS PAS LUNG SNGA MA DANG GNAD GCIG GO ,DES NA NYON MONGS RGYUN CHAD PA LAS NYON MONGS PHYI MA'I RIGS 'DRA MA SKYES PA MA 'ONGS PA YIN YANG NYON MONGS RGYUN CHAD PA LAS NYON MONGS SKAD CIG THA MA'I RIGS 'DRA MA SKYES PA MA 'ONGS PAR KHAS LEN MI @173B DGOS PA'I KHYAD PHYED DGOS SO, ,DE LTAR NA, RAB BYED BCU DGU BA'I t'IKA CHEN LAS, DA LTA BAR MA PHYIN PA NI NAM MKHA' DANG RI BONG RVA LA SOGS PA'ANG YIN PAS DE GCAD PA'I PHYIR MNGON PA LAS RGYU YOD KYANG MA BYUNG BA DANG ZHES GSUNGS TE, DPER NA MYU GU'I RGYU YOD KYANG DA DUNG MYU GUR MA SKYES PA'AM MA PHYIN PA NI MA 'ONGS PA YIN GYI, GANG ZHIG MA 'ONGS PA'I GZHI DE NAM YANG 'BYUNG BA'I RGYU MED PAS MA PHYIN PA NI MA 'ONGS PA MIN NO, ,ZHES GSUNGS PA'I DON YANG, NAM MKHA' DANG RI BONG RVA SOGS CHOS CAN, DA LTA BAR MA PHYIN PA YIN TE, SKYES LA MA 'GAGS PA MA YIN PA'I PHYIR, DES NA DE DAG MA 'ONGS PA YIN PA GCAD PA'I PHYIR MNGON PA LAS GANG MA 'ONGS PA'I GZHI DE'I RGYU YOD KYANG RKYEN MA TSANG BA'I DBANG GIS RE ZHIG MA BYUNG BA MA 'ONGS PA'I DON DU GSUNGS TE, DPER NA, MYU GU'I RGYU YOD KYANG DGUN DUS KYI ZHING SAR DA DUNG MYU GUR MA SKYES PA'AM MA PHYIN PA NI MA 'ONGS PA YIN GYI, GANG ZHIG MA 'ONGS PA'I GZHI NAM MKHA' DANG RI BONG RVA SOGS CHOS CAN, KHYOD DA LTA BAR MA PHYIN PA NI MA 'ONGS PA MA YIN TE, KHYOD NAM YANG 'BYUNG BA'I RGYU MED PA'I PHYIR, ZHES PA'I DON DU GSAL MOD, LEGS BSHAD RJES 'BRANG DU, RGYU YOD KYANG MA BYUNG BA ZHES PA'I DON, GANG MA 'ONGS PA'I GZHI DE'I RGYU YOD KYANG ZHES MI SBYOR BAR, MA 'ONGS PA LA RGYUN 'CHAD KHA MA'I NYON SGRIB KYI RIGS 'DRA MA 'ONGS PA LTA BU GANG MA 'ONGS PA'I GZHI DE @174A *, ,GTAN NAS MA SKYES PA'I MA 'ONGS PA DANG, DGUN DUS KYI ZHING SAR MYU GU MA 'ONGS PA LTA BU RE ZHIG MA SKYES PA'I MA 'ONGS PA GNYIS LAS SNGA MA LA NYON MONGS SKYE BA'I RGYU SNGAR YOD KYANG ZAD NAS MA SKYES PA ZHES DANG, PHYI MA LA GANG MA 'ONGS PA'I GZHI MYU GU DE'I RGYU YOD KYANG RE ZHIG MA SKYES PA ZHES SBYOR DGOS PA'I KHYAD PAR YOD PAR BSHAD DE, RAB BYED BDUN PA DANG NYER LNGA BA'I t'IKA CHEN GYI LUNG GNYIS DANG RAB BYED BCU DGU BA'I t'IKA CHEN GYI LUNG RNAMS KYI TSIG ZIN LA 'GAL BA NAN GYIS BSGRIGS SO, ,YANG LEGS BSHAD RJES 'BRANG DU, RI BONG GI RVA NI DANG PO NYID NAS RGYU RKYEN MED PAS MA SKYES PA DANG, RGYUN 'CHAD KHA MA'I MAR ME'I RGYUN PHYI MA NI RGYU RKYEN ZAD NAS MED PAS MA SKYES PAR BSHAD PA LA, RGYUN 'CHAD KHA MA'I MAR ME'I RGYUN PHYI MA CHOS CAN, KHYOD RGYU RKYEN ZAD NAS MED PAS MA SKYES PA MA YIN PAR THAL, KHYOD KYI RGYU RKYEN DANG PO NYID NAS GTAN MED YIN PA'I PHYIR TE, KHYOD GTAN MED YIN PA'I PHYIR, 'DI DAG NI BDAG GI BLA MA 'PHAGS PA 'JAM DPAL GYI LUNG TSAD MA'O, ,DBU MA'I YIG CHAR ZHIG PA'I STENG NAS DGE SOGS GSUM 'JOG LUGS YOD PAR GSUNGS PA LA, LEGS BSHAD RJES 'BRANG DU, DE LA LUNG RIGS KYI SHES BYED GANG YANG MED PAS BSHAD TSUL DE NI DPYAD GZHI CHE STE, LAS BYAS PA'I SKAD CIG GNYIS PAR LAS DE RGYUN 'CHAD PA'I NGES PA MED PAS, MTSAMS MED KYI LAS LTA BU LA SKAD CIG GNYIS PA NAS BZUNG STE RGYUN @174B THA DAD PA'I MTSAMS MED KYI LAS GNYIS SKYE BAR 'GYUR BA'I PHYIR DANG, LUS KYI LAS ZHIG PA LUS KYI LAS YIN NA GZUGS SU 'GYUR LA, MIN NA LAS GSUM PO GANG RUNG MA YIN PA'I LAS SU 'GYUR BA'I PHYIR, ZHES BKAG GO , YIG CHAR ZAS MED PA DANG CHU MED PA RGYU YIN PAR GSUNGS KYANG, RTZA SHE'I t'IKA CHEN LAS, ZAS DANG CHU MA ZAD PA BU 'TSO BA DANG 'BRAS LEGS PA'I RGYUR BYED PA BZHIN DU DE DAG ZAD PA YANG DE RNAMS ZAD PA'I RGYUR 'JOG PA'I PHYIR, ZAD PA MIN PA'I DE DAG MED PA DANG MI 'DRA STE, DES 'BRAS BU'I PHYOGS KYANG SHES PAR BYA'O, ,ZHES ZAS DANG CHU ZAD PA RGYU YIN YANG ZAS DANG CHU MED PA RGYU MIN PAR GSUNGS SO, ,YIG CHAR 'DAS MA 'ONGS SU 'JOG PA LA GTAN MED DANG GTAN BRLAG MA YIN PA ZHIG DGOS PA'I PHYIR, ZHES MA 'ONGS PA LA MA 'ONGS RGYU'I DNGOS PO DE GTAN MED DANG, 'DAS PA LA 'DA' RGYU'I DNGOS PO DE GTAN BRLAG MA YIN PA ZHIG DGOS PAR GSUNGS KYANG, T'IKA CHEN LAS, RGYUN GYI ZHIG PA'I RGYU NI RIGS PA DRUG CU PA'I 'GREL PA LAS MAR DANG SNYING PO ZAD PA MAR ME SHI BA'I RGYUR BSHAD PA LTA BU RNAMS YIN NO, ,ZHES MAR ME SHI BA 'DAS PA YIN PAR GSUNGS PAS 'DAS MA 'ONGS KHO RANG GTAN MED DANG GTAN BRLAG MA YIN PA ZHIG DGOS KYANG KHO RANG MA 'ONGS RGYU'I 'DA' RGYU DANG DNGOS PO GTAN MED DANG GTAN BRLAG MA YIN PA ZHIG YIN MI DGOS SO, ,GSUM PA RANG RIG KHAS MI LEN TSUL THUN MONG MIN PA LA GNYIS, GZHAN LUGS BRJOD PA DANG, LUGS DE DGAG PA'O, , @175A *, ,DANG PO NI, RANG RIG 'DOD PA'I PHYOGS, ZHES SOGS BYUNG, DA LA RANG RIG 'DOD PA'I PHYOGS SNGA RNAM RIG PA'I 'DOD PA STON PAR 'JUG PA'I RANG 'GREL LAS, 'DIR KHA CIG GIS MDO SPE BA'I PHYOGS KHAS BLANGS NAS RANG RIG PA RAB TU BSGRUB PA'I PHYIR, ZHES SOGS DANG, DE 'GOG PA LA, 'JUG PA LAS, GAL TE PHYI DUS DRAN PA LAS 'GRUB NA, ,ZHES PA RTZA 'GREL BYUNG BAS DE DAG GI SKABS SU 'DI LTAR GSUNGS TE, DE YANG RNAM RIG PAS, RANG RIG YOD DE, DRAN PA YOD PA'I PHYIR BYAS NA GZHAN LA GRUB PA'I DPE MI RNYED PAR BSAMS NAS DE LTAR MI SGRUB PAR, SNGO 'DZIN CHOS CAN, MYONG BA YOD DE, DRAN PA YOD PA'I PHYIR, DPER NA SNGON PO BZHIN, KHYAB STE, DRAN PA MYONG BA LAS SKYE BA GANG, SNGAR 'DI MTHONG NGO ZHES YUL DANG, NGAS MTHONG NGO ZHES YUL CAN DRAN PA YOD PA'I PHYIR, DANG PO GRUB STE, SNGAR MA MYONG BA DRAN PA MI SRID PA'I PHYIR, RTZA BAR 'DOD NA, DE CHOS CAN, RANG MYONG YOD PAR THAL, DE'I MYONG BA LA RANG MYONG GZHAN MYONG GNYIS SU KHA TSON CHOD LA, GZHAN MYONG RIGS BAS KHEGS PA'I PHYIR TE, GZHAN MYONG YOD NA RANG DANG 'BREL MED DON GZHAN GYI SHES PAS MYONG BA DANG SHES PA SNGA MA PHYI MAS MYONG BA GANG RUNG LAS MA 'DAS SHING, DE GNYIS GANG LTAR YANG MI RUNG BA'I PHYIR, DANG PO LTAR NA MI RUNG STE, DE LTAR NA DE LA MYONG BYED DON GZHAN DGOS PAS THUG MED DU 'GYUR BA'I PHYIR, GNYIS PA LTAR NA'ANG MI RUNG STE, DE LTAR NA SNGO 'DZIN SKAD @175B CIG GNYIS PA PHYIN CHAD PHYI ROL GYI YUL LA MI 'PHO BAR THAL BA'I PHYIR, DE LA SNGO 'DZIN MIG SHES SKAD CIG GNYIS PA DANG SNGO 'DZIN SNGA MA MYONG BA'I MIG SHES GNYIS DUS MNYAM DU SKYE BAS SNGO 'DZIN PHYI MA PHYI ROL GYI YUL LA MI 'PHO PA'I SKYON MED DO ZHES PAS KYANG SKYON SPONG MI NUS TE, DE LTAR NA MIG GI RNAM SHES RIGS MTHUN RDZAS THA DAD PA GNYIS GANG ZAG GCIG GI RGYUD LA DUS GCIG TU SKYE BAR 'GYUR NA DE MI RIGS PA'I PHYIR TE, SEMS CAN RNAMS KYI RNAM PAR SHES PA'I RGYUD RE RE BAR GSUNGS PA'I MDO DANG 'GAL BAR 'GYUR BA'I PHYIR RO, ,DE'I PHYIR PHYIS KYI DRAN PAS SNGAR GYI YUL MYONG BA RANG RIG TU 'GRUB PO, ,ZHES ZER RO, ,GNYIS PA LA GSUM, GZHAN LUGS DGAG PA DNGOS, RANG LUGS LA RANG RIG MED KYANG DRAN PA SKYE BA'I TSUL, DE LTAR BKAG PA LA RTZOD PA SPANG BA'O, ,DANG PO NI, 'DIR RDZAS GRUB, CES SOGS BYUNG, GAL TE RNAM RIG PA KHYOD KYIS RANG RIG YOD PAR SGRUB PA LA, SNGO 'DZIN CHOS CAN, RANG RIG YOD DE, DRAN PA YOD PA'I PHYIR ZHES 'GOD NA CI RDZAS GRUB BAM, THA SNYAD KYI DBANG DU BYAS, DANG PO LTAR NA MI RUNG STE, RTAGS DE BSGRUB BYA DANG MTSUNGS PA'I PHYIR TE, RDZAS GRUB KYI DRAN PA MED PA'I PHYIR, DE SKAD DU 'JUG PA LAS, GAL TE PHYI DUS DRAN PA LAS 'GRUB NA, ,MA GRUB BSGRUB PAR BYA PHYIR BRJOD PA YI, ,MA GRUB 'DI NI SGRUB PAR BYED PA MIN, ,ZHES SO, ,GNYIS PA LTAR NA'ANG MI RUNG STE, DE DANG DRAN PA RGYU 'BRAS SU MI 'GRUB @176A *, ,PA'I PHYIR TE, RANG RIG PHYI RGOL LA MA GRUB PA'I PHYIR, DPER NA CHU YOD PAS CHU SHEL DANG ME YOD PAS ME SHEL SGRUB PA BZHIN, PHA ROL BA'I SBYOR BA 'DI 'BRAS RTAGS KYI SBYOR BA YIN ZHING BSGRUB CHOS SU RANG RIG BZUNG BA'I DBANG DU MDZAD DE DE LTAR NA RTAGS CHOS GNYIS LDAN GYI MTHUN DPE YANG MI RNYED DO, ,DE BAS NA, SNGO 'DZIN CHOS CAN, DRAN PA'I SNGAR MYONG BYED YOD DE, DUS PHYIS DRAN PA YOD PA'I PHYIR, DPER NA SNGON PO BZHIN, ZHES 'GOD NGO ZHE NA'ANG CI MYONG BYED YOD DE, ZHES PA MYONG BA KHYAD PAR CAN NAM, MYONG TZAM LA BYED, DANG PO LTAR NA RANG RIG SGRUB MI NUS TE, DE RANG RIG BSGRUB CHOS SU BZUNG BA DANG 'DRA BA'I PHYIR TE, DPE LA RTAGS CHOS RJES SU 'GRO BA TZAM ZHIG YOD KYANG KHYAB PA SGRUB MI NUS PA'I PHYIR, DE BAS NA, RANG RIG BSGRUB CHOS SU BZUNG BA, GAL TE PHYI DUS DRAN PA LAS 'GRUB NA, ,ZHES SOGS KYIS BKAG PAS 'DI YANG KHEGS PA LA DGONGS NAS 'JUG PA RTZA 'GREL LAS DGAG PA DNGOS SU MA SMOS SO, ,SNGO 'DZIN CHOS CAN, MYONG TZAM YOD DE, DRAN PA YOD PA'I PHYIR, ZHES 'GOD NA'ANG GRUB ZIN SGRUB PA YIN PAS MYONG BYED BSGRUB CHOS SU BZUNG BA LA DGAG PA DNGOS SU MA SMOS PA DE DANG 'DRA BA STE DE BZHIN DU 'JUG PA RTZA 'GREL LAS DNGOS SU MA SMOS PA YIN NO, ,GNYIS PA NI, RANG LUGS KYIS, ZHES SOGS BYUNG, 'JUG PA'I LUNG DON NI, GANG GI PHYIR SNGAR GYI SHES PA GANG GIS YUL MYONG @176B BAR GYUR PA DE LAS DRAN PA 'DI RANG MTSAN GYIS GZHAN DU GYUR PA NGA'I LUGS LA YOD PA MIN PA DANG, RGYU 'BRAS LA RANG MTSAN GYIS GZHAN DU 'DZIN PA 'JIG RTEN PA'I BLO RANG DGA' BA LA MED PAS MYONG DRAN DANG DE GNYIS KYI DUS KYI YUL GNYIS RANG MTSAN GYIS GZHAN DU 'DZIN PA GNYIS KA 'JIG RTEN PA'I BLO LHAN SKYES LA MED PA DE'I PHYIR SNGAR GYI SHES PAS MYONG BA DANG BCAD PA DE PHYIS KYI DRAN PAS MA MYONG BA DANG MA BCAD PA MIN PAS 'DI SNGAR YANG NGAS MTHONG SNYAM DU DRAN PA SKYE BAR 'GYUR TE, 'DI YANG 'JIG RTEN GYI THA SNYAD KYI TSUL LUGS YIN GYI, BTAGS DON BTZAL NAS 'JOG PA'I LUGS MIN, ZHES PA'O, ,RANG RIG MED NA DRAN PA SKYE BA 'GAL BAR 'DZIN PA'I RGYU MTSAN SNGAR GZHAN LUGS BRJOD PA'I SKABS SU BSHAD PA DE, 'JUG PA'I, GANG PHYIR GANG GIS YUL MYONG GYUR DE LAS, ,ZHES SOGS KYI GZHUNG 'DIS SEL BA MIN TE, SNGAR GYI PHYOGS SNGA SMRA BA DANG GZHUNG 'DI'I PHYOGS SNGA SMRA BA MI GCIG PA'I PHYIR TE, SNGA MA NI MA MYONG BAR DRAN PA MI SKYE PAS MYONG BA YOD LA, MYONG BA LA RANG MYONG GZHAN MYONG GNYIS SU KHA TSON BCAD NAS GZHAN MYONG RIGS PAS KHEGS PA'I PHYIR RANG MYONG YOD DO SNYAM PA TZAM YIN LA, PHYI MA NI DRAN PA SKYE BA'I DRAN TSUL KHYAD PAR BA LA BRTEN NAS SNGAR GYI MYONG BA DE RANG RIG YIN NO SNYAM DU BSAMS PA YIN PAR GZHUNG 'DI DANG, 'JUG PA'I RNAM BSHAD GNYIS KAR GSAL BA'I PHYIR RO, ,DRAN TSUL KHYAD PAR BA NI, DE YANG SNGAR SNGON PO MTHONG BA PHYIS DRAN PA NA, ZHES SOGS LTAR TE 'JUG PA'I RNAM BSHAD LAS, DE YANG SNGAR NGA RANG GIS MTHONG BA DE NYID @177A *, ,NGA RANG GIS DRAN SNYAM PA NI DRAN TSUL KHYAD PAR BA YIN, ZHES GSUNGS SO, ,DRAN TSUL DE NI SNGAR SNGON PO MTHONG BA NA SNGO 'DZIN RANG GIS RANG MA MYONG NA PHYIS SNGO 'DZIN DRAN PA DE SKYE BA 'GAL BAS DRAN PA'I SNGA MA MYONG BA RANG RIG GO SNYAM PA STE, DRAN PA 'DI NI RANG RIG GI DBANG GIS MA BYUNG YANG MYONG DRAN GNYIS YUL GCIG PA'I DBANG GIS SKYE BAR SGRUB PO, ,DE LA SNGO 'DZIN GYIS MYONG BA'I YUL DRAN PAS MA MYONG BA MA YIN TE, MYONG DRAN GNYIS BLO LHAN SKYES KYIS RANG MTSAN GYIS GZHAN DU 'DZIN PA MED PA'I PHYIR, 'DI'I RTAGS SU RTZA BA LAS, GANG PHYIR GANG GIS YUL MYONG GYUR DE LAS, ,DRAN PA 'DI GZHAN NGA LA YOD MIN PA, ,DE PHYIR ZHES PA'I SGRAS ZIN LA NGED KYI LTAR NA MYONG DRAN GNYIS RANG MTSAN GYIS GZHAN MIN PA'I PHYIR ZHES BKOD KYANG, RGYU MTSAN DE TZAM ZHIG YIN NA, BYAMS PAS MYONG NA NYER SBAS KYIS DRAN PAR YANG 'GYUR RO, ,DES NA SGRUB BYED 'DI NI MYONG DRAN GNYIS GZHAN PHYOGS SNGA'I LUGS LTAR RANG BZHIN GYIS RDZAS THA DAD DU GRUB NA BLO LHAN SKYES KYIS RANG MTSAN GYIS RDZAS GZHAN DU 'DZIN DGOS LA, DE LTAR NA MYONG DRAN GNYIS 'BREL MED DON GZHAN DU 'GYUR BAS SNGO 'DZIN GYIS MTHONG BA LA PHYIS DRAN PAS NGAS MTHONG NGO ZHES MI 'DZIN PAS NA MYONG DRAN GNYIS YUL GCIG PA 'GAL ZHING, DE BAS NA SNGAR NGAS MTHONG NGO SNYAM PA'I DRAN PA YANG SKYE BAR 'GAL LO, ,THAL 'GYUR BA NGED LTAR NA DE GNYIS RANG MTSAN GYIS RDZAS GZHAN MIN ZHING BLO LHAN SKYES KYIS DE LTAR 'DZIN PA'ANG MED PAS @177B MYONG BAS YUL DE BCAD PA LA PHYIS KYI DRAN PAS NGAS BCAD DO ZHES 'DZIN PA'ANG MI 'GAL BAR DRANGS MA THAG PA'I 'JUG PAS STON NO, ,SHES PA SNGA MAS RTOGS PA LA NGAS MTHONG NGO SNYAM DU DRAN PA MI 'GAL BA DE YANG MYONG BA SNGA MA SNGO 'DZIN LTA BU'I DBANG GIS YUL SNGAR MTHONG BA'I SNGON PO LTA BU LA PHYIS KYI DRAN PA 'JUG PA MA GTOGS MYONG BAS YUL BCAD PA LA MA LTOS PAR RANG DBANG DU YUL GCAD RGYU MED PA LA YIN GYI GZHAN RANG DBANG DU YUL RTOGS RGYU YOD PA SNGO 'DZIN SKAD CIG GNYIS PA LTA BU LA MI 'GAL BA MIN NO, ,DES NA RANG RIG THA SNYAD DU MI BZHED PA YANG THA SNYAD DU YANG RANG GI MTSAN NYID KYIS GRUB PA 'GOG PA 'DI'I MTHAR THUG PA YIN NO, ,SPYOD 'JUG LAS, GZHAN MYONG BA DANG 'BREL BA LAS, ,DRAN 'GYUR BYI BA'I DUG BZHIN NO, ,ZHES RANG LUGS LA SNGO 'DZIN LAS GZHAN SNGON PO MYONG BA LA BRTEN NAS SNGO 'DZIN DRAN PA 'BYUNG BAR KHAS BLANGS PA LA, GAL TE SNGAR GANG MYONG BA DE NYID DRAN DGOS KYI SNGON PO MYONG BA'I STOBS KYIS SNGO 'DZIN DRAN PA MI RIGS TE, GZHAN DU NA SNGON PO MYONG BA'I STOBS KYIS SER PO DRAN PA YANG YOD PAR THAL BAR 'GYUR RO ZHE NA NYES PA MED DE, YUL MYONG BA LAS DRAN PA SKYE BA'I TSE YUL CAN SPANGS NAS YUL GCIG PU DRAN PA MA YIN GYI, SNGAR YUL 'DI MTHONG NGO ZHES YUL YUL CAN 'BREL BAR DRAN PA'I PHYIR RO, ,DPER NA DGUN GYI DUS SU BYI BAS LUS LA RMUGS PA NA, BYI DUG ZHUGS YOD KYANG RMUGS PA MYONG GI DUG MA MYONG LA, DUS PHYIS 'BRUG @178A *, ,GI SGRA THOS PA NA RMUGS PA'I TSE DUG ZHUGS PAR 'DUG SNYAM DU DRAN YANG SNGAR DUG MA MYONG BA BZHIN YIN PAR GSUNGS SO, ,GSUM PA NI, MYONG BA LA RANG GIS, ZHES SOGS BYUNG, DE LA, MI MTHONG BAR 'GYUR RO; ,ZHES PA'I BAR GYIS MYONG BA LA GNYIS SU KHA TSON MI CHOD PA DANG, MDOR NA, SOGS KYIS RANG RIG MI 'DOD PA'I RGYU MTSAN DANG, 'O NA, SOGS KYIS SNGON PO DRAN TSUL KHYAD PAR BA LA RTZOD PA SPONG BA GSUM LAS SNGA MA NI, MYONG BA LA GNYIS SU NGES MA NGES ZLA BA'I GZHUNG DU GSAL BAR MA GSUNGS KYANG MA NGES PA MAR ME BZHIN YIN PAR KHAS BLANGS PA LA, KHO NA RE, DE GNYIS MI 'DRA STE, MAR ME RANG GIS RANG GSAL BAR MI BYED KYANG TSAD MAS MA GRUB PA'I SKYON MED LA, SHES PA RANG GIS RANG SHES PAR MI BYED NA DE 'DRA'I SKYON YOD PA'I PHYIR ZER NA, DE LTAR NA SGRON ME CHOS CAN, KHYOD TSAD MAS MA GRUB PAR THAL, KHYOD GSAL BA DANG GSAL BA MA YIN PA GANG DU YANG TSAD MAS MI 'GRUB PA'I PHYIR, ZUR DANG PO DER THAL, RANG GIS RANG GSAL BAR MI BYED LA, GZHAN GYIS KYANG GSAL BAR MI BYED PA'I PHYIR BYAS NA LAN CI YOD BYAS PA LA MA KHYAB STE, RANG GZHAN GNYIS KYIS GSAL BAR MI BYED KYANG BUM SOGS GSAL BAR BYED PAS GSAL BAR GRUB PA'I PHYIR SNYAM NA, 'O NA SHES PA LA YANG RANG MYONG GZHAN MYONG GANG YANG MED KYANG YUL MYONG BAS MYONG BAR GRUB PO BYAS NA YANG MTSUNGS SO, ,GAL TE YUL SHES PA NYID RANG RIG LA RAG LAS PAS RANG RIG MED NA YUL @178B SHES PA MI 'GRUB PO SNYAM NA, 'O NA MAR ME GSAL BA RANG GIS GSAL BA LA RAG LAS PAS RANG GIS GSAL BA MED NA GSAL BAR MI 'GRUB PO ZHES SMRAS NA YANG MTSUNGS SO ZHES PA LA, DE LTA NA KHO BO CAG MAR ME RANG GIS RANG GSAL BAR SMRA'O SNYAM NA, DE NI MI RIGS TE, DE LTA NA MUN PAS MUN PA SGRIB DGOS PAS MUN PAS GZUGS SGRIB PA MI SRID PAR 'GYUR BA'I PHYIR DANG, MUN PA MI MTHONG BAR 'GYUR BA'I PHYIR RO, ,RANG RIG MI 'DOD PA'I RGYU MTSAN NI, MDOR NA, RANG RIG MI 'DOD DE, SHES PA SHES BYA LA BRTEN NAS BTAGS PAS RANG MTSAN GYIS MA GRUB LA SHES BYA YANG DE LTAR YIN PA'I RGYU MTSAN GYIS DE GNYIS KYI THA SNYAD PHAN TSUN LTOS PAR MA ZAD DON YANG PHAN TSUN LTOS BTAGS TZAM YIN PA'I PHYIR DANG, RTZOD ZLOG LAS, GAL TE RANG LAS TSAD MA GRUB, ,CES SOGS RANG RIG BKAG PA'I RIGS PAS KYANG SHES PA'I PHYIR, DE'I DON NI, DE'I RANG 'GREL LAS, GAL TE ME BZHIN DU RANG LAS TSAD MA GRUB PO SNYAM DU SEMS NA, GZHAL BAR BYA BA'I DON RNAMS LA MA LTOS PAR YANG TSAD MA RNAMS RAB TU GRUB PAR 'GYUR RO, ,CI'I PHYIR ZHE NA, RANG LAS GRUB PA NI GZHAN LA LTOS PA MA YIN NO, ,'ON TE LTOS NA NI RANG LAS GRUB PA MA YIN NO, ,ZHES RNAM BSHAD DU DRANGS PAR, GZHAN LA MI LTOS RAB GRUB 'GYUR, ,ZHES 'BYUNG ZHING, DON YANG, TSAD MA 'GRUB PA LA GZHAL BYA GRUB PA TZAM GYIS MI CHOG PAR TSAD MA RANG LAS TSAD MA 'GRUB PA GZHAN DAG 'DOD PA LTAR YIN NA, @179A *, ,GZHAL BYA LA MA LTOS PAR TSAD MA 'GRUB PAR 'GYUR RO, ,DE 'DOD NA, DNGOS PO RNAMS RGYU RKYEN GZHAN LA MA LTOS PAR RAB TU GRUB PAR 'GYUR RO, ,ZHES GSUNGS TE, ZAB GSAL SGRON MER DE GNYIS MI 'DRA BAR BYAS KYANG GNAD GCIG GO ,SNGON PO DRAN TSUL KHYAD PAR BA LA RTZOD PA SPONG BA NI, KHO NA RE, NGAS SNGAR SNGON PO MTHONG NGO ZHES DRAN PA DE SNGO 'DZIN SHES PA DRAN PA'I DRAN PA MA YIN PAR THAL, NGAS SNGON PO MTHONG NGO ZHES PA'I TSIG ZUR GYI DRAN PA'I NGA NI GANG ZAG YIN LA, SNGO 'DZIN SHES PA DANG GANG ZAG GNYIS 'GAL BA'I PHYIR ZER NA, MA KHYAB STE, SNGO 'DZIN GYI SHES PAS SNGON PO MTHONG BA DRAN PA LA BRTEN NAS NGAS SNGAR SNGON PO MTHONG NGO ZHES GANG ZAG DRAN PA DES SNGO 'DZIN GYI SHES PA DRAN PA YANG MI 'GAL BA'I PHYIR, DPE GZHUNG NA GSAL LO, ` ,'DIR, RANG RIG 'DOD MKHAN NGOS GZUNG BA, RANG RIG GI GO DON, GZHAN GYIS RANG RIG YOD PAR SGRUB TSUL, RANG RIG SKYE TSUL, DE DBU MA BAS BKAG TSUL DANG LNGA LAS, DANG PO NI RIGS PA'I RJES 'BRANG GI MDO SEMS GNYIS DANG, LUNG GI RJES 'BRANG GI SEMS TZAM PA KHA CIG DANG, RNAL 'BYOR SPYOD PA'I DBU MA BA PHAL CHE BA STE SKABS 'DI'I PHYOGS SNGA'I GTZO BO NI SEMS TZAM PA'O, ,GNYIS PA NI RANG GI BDAG NYID DU GYUR PA'I YUL DE YUL YUL CAN GYI GNYIS SNANG BRAL BA'I TSUL GYIS RIG PA'O, ,GSUM PA NI MANG YANG GTZO BO SNGAR BSHAD PA LTAR RO, ,BZHI @179B BA NI SNGO 'DZIN DBANG MNGON SKYE BA'I TSEN SNGON PO'I RNAM PA SHAR BA'I RIG PA GCIG DANG, YUL YUL CAN GYI GNYIS SNANG DANG BRAL BA'I SGO NAS 'DZIN PA'I RNAM PA YAN GAR BA SHAR BA'I BLO GCIG DANG GNYIS SKYE BA'I SNGA MA GZUNG RNAM DANG PHYI MA 'DZIN RNAM DU SKYE'O, ,DPER NA SHEL GONG DAG PA RAS SNGON PO'I STENG DU BZHAG TSE SNGON POS KHA BSGYUR BA'I DANGS CHA GCIG DANG, DE'I TSE SHEL GONG RANG GI NGO BO GSAL BA'I CHA GNYIS CIG CAR SKYE BA LTA BU'O, ,LNGA PA NI RTZOD ZLOG DANG RTZA SHE LA BRTEN PA'I DANG, ZHIB MO RNAM 'THAG SOGS KYI DANG, LEGS LDAN YAB SRAS KYI DANG, MDO DANG SPYOD 'JUG GI DANG, MDO DANG ZLA BA'I ZHABS KYI RIGS PAS BKAG TSUL LNGA YIG CHAR 'BYUNG YANG GTZO BO NI SNGAR SONG ZIN PA LTAR RO, ,'DI LAS 'PHROS TE THAL 'GYUR BA'I LUGS KYI TSAD MA'I RNAM GZHAG KYANG SHES PAR BYA'O, ` ,SPRO NA, ZAB GSAL SGRON MER, GZHUNG LAS, RANG RIG BSGRUB BYA'I CHOS SU BZUNG BA DANG 'DRA BAS DNGOS SU MA SMOS TE, ZHES PA RNAM RIG PAS MYONG BYED YOD PAR DRAN PA'I RTAGS LAS DON GYIS BSGRUBS PA YIN YANG RTAGS SBYOR DNGOS SUM BKOD PA'I DON DU BYAS NAS, RNAM 'GREL GYI 'GREL BA RNAMS SU DE LTAR BKOD PA DON THOB TZAM YIN PA SOGS KYI RTZOD SPONG BYAS KYANG SNGAR BSHAD PA LTAR 'JUG PA RTZA 'GREL LAS DE 'GOG PA DNGOS SU MA BYUNG BA'I DON DU BYAS NA BSKYANG BDE'O, ,KHA CIG NA RE, SNGAR BYI BAS RMUGS PA TSOR YANG BUG MTSOR LA PHYIS @180A *, ,'BRUG SGRA THOS PA NA ZUG LANGS PA'I RKYEN GYIS DUG ZHUGS PA RTOGS PA DE CHOS CAN, DRAN SHES MA YIN PAR THAL, RJES DPAG YIN PA'I PHYIR TE, SNGAR BYI BAS RMUGS SHING SKABS DER 'BRUG SGRA THOS PA LAS ZUG LANGS PA GNYIS BSDOMS PA'I RGYU MTSAN LA BRTEN NAS BYI BAS RMUGS PA DRAN PA DES BYI BA'I DUG ZHUGS PA GSAR DU RTOGS PA YIN PA'I PHYIR NAM KHYAB STE, DE TZAM GSAR DU RTOGS KYANG DUG ZHUGS PA NI YUL GYI GTZO BO TSAD MA SNGA MAS RTOGS ZIN GYI DON BYI BAS RMUGS PA DANG SPREL NAS DRAN PA DES RTOGS PA YIN PAS DRAN SHES SU 'GYUR GYI RJES DPAG TU MI RUNG BA'I PHYIR RO, ,KHO NA RE, DE CHOS CAN, DRAN SHES MA YIN PAR THAL, SNGAR 'DRIS PA'I DNGOS PO LA DMIGS PA MA YIN PA'I PHYIR TE, BYI BA'I DUG ZHUGS PA 'DI'I 'DRIS PA'I DNGOS PO MA YIN PA'I PHYIR NA MA KHYAB STE, DE 'DI'I 'DRIS PA'I DNGOS PO MA YIN YANG SNGAR BYI BAS RMUGS PA LA DMIGS PAS 'DRIS PA'I DNGOS PO LA DMIGS PAR 'JOG RIGS PA'I PHYIR, STONG THUN LAS, SNGO 'DZIN MIG SHES KYIS SNGO 'DZIN MIG SHES YOD PAR GRUB, JI LTAR GRUB NA SNGON PO GZHAL BA'I STOBS KYIS GRUB CES MI SMRA YI, NAS, DES NA SNGO 'DZIN MIG SHES KYIS SNGON PO GZHAL BA LA LTOS NAS SNGO 'DZIN MIG SHES GRUB PA YIN YANG SNGO 'DZIN MIG SHES KYIS GRUB PA MIN NO, ,ZHES SNGO 'DZIN MIG SHES KYIS SNGO 'DZIN MIG SHES GRUB PA MIN PAR GSUNGS PA DANG, 'JUG PA'I RNAM BSHAD LAS, SNGO 'DZIN @180B NA GZHAN LUGS LTAR RANG RIG GIS MI 'GRUB KYI, DBANG PO'I MNGON SUM TSAD MAS 'GRUB PAR BSTAN TE, DE YOD PA NI SNGO 'DZIN GYI GZHAL BYA GRUB PA DE NYID KYIS RTOGS PA'I PHYIR RO, ,ZHES SNGO 'DZIN SNGO 'DZIN DBANG MNGON GYIS GRUB PAR GSUNGS PA GNYIS MI 'GAL TE, STONG THUN LAS GSUNGS PA SNGO 'DZIN MIG SHES KYIS SNGON PO 'GRUB KYANG RTOGS PA MIN PA'I DON DANG, RNAM BSHAD LAS, DE YOD PA NI, ZHES SOGS KYIS SNGO 'DZIN YOD PA SNGO 'DZIN DBANG MNGON GYIS RTOGS PA MIN PAR DE'I STOBS SHUGS KYIS RTOGS NUS PAR GSUNGS PA YIN PAS SNGO 'DZIN MIG SHES KYIS SNGO 'DZIN MIG SHES 'GRUB KYANG DES DE RTOGS MI DGOS PA GNYI GAS BZHED PA'I PHYIR, YIG CHAR LUNG 'DI GNYIS KYI 'GAL SPONG LA RNAM BSHAD KYIS MA BRTAGS MA DPYAD PA'I 'JIG RTEN GYI THA SNYAD RAGS PA DANG, STONG THUN GYIS 'JIG RTEN GYI THA SNYAD PHRA MO'I DBANG DU BYAS PAS DGONGS PA MI 'GAL BAR GSUNGS PA LTA BUR SNANG YANG, BSHAD PA'I GZHI GCIG LA MA BRTAGS MA DPYAD PA'I TSE DE LTAR YIN, BRTAGS SHING DPYAD PA'I TSE DE LTAR YIN ZHES RNAM GZHAG MI 'DRA BA GNYIS BYED PA BOD SNGAR BAS PA LAS RJE'I RANG LUGS MIN PAR GUNG THANG RIN PO CHES GSUNGS PA LTAR 'THAD PAR LEGS BSHAD RJES 'BRANG DU BSHAD DO, ,LUGS 'DI'I TSAD MA'I RNAM GZHAG LA DPYAD PAR BYA BA MANG YANG GZHUNG DON SHES PA LA DE TZAM GAL MI CHE BAS BZHAG GO ,GSUM PA RANG RGYUD KHAS MI LEN PA'I THUN MONG MIN PA'I KHYAD PAR @181A *, ,BSHAD PA LA GNYIS, RANG RGYUD BKAG PA'I BYUNG TSUL DANG DE'I DON JI LTAR BSHAD PA'I GZHAN LUGS DANG, RANG LUGS KYIS BSGRUB BYA SGRUB PA'I RTAGS YOD PA DANG RANG RGYUD KYI RTAGS MED TSUL LO, ,DANG PO LA GNYIS, RANG RGYUD BKAG TSUL DANG, DE'I DON JI LTAR BSHAD PA'I GZHAN LUGS DGAG PA'O, ,DANG PO NI, GSUNG RAB KYI DON, ZHES SOGS BYUNG, DE LA, GSUNGS SO, ,YAN GYIS BYUNG TSUL DNGOS DANG, DE MAN GYIS DE LAS 'PHROS PA'I DON BSHAD PA LAS, BYUNG TSUL DNGOS NI, GSUNG RAB KYI DON 'GREL BA NA, GSUNG RAB KYI DON RANG MTSAN GYIS GRUB PA KHAS BLANGS PA'I SGO NAS 'GREL NA RANG RGYUD KHAS LEN DGOS LA, GSUNG RAB KYI DON RANG MTSAN GYIS GRUB PA ZHAL GYIS MI BZHES PA'I SGO NAS 'GREL NA RANG RGYUD 'DOD DU MI RUNG NGO ZHES PA'I DON NI RGYAL BA'I GSUNG RAB KYI DON LA SHIN TU GNAS NA YANG, THAL RANG GANG 'DOD BRTAGS NAS RANG RGYUD MI 'THAD THAL 'GYUR 'THAD CES PA NI RANG SDE'I GZHUNG BOD DU 'GYUR BA RNAMS LAS ZLA BA'I GZHUNG RJES 'BRANG DANG BCAS PA MIN PA NAS DNGOS SU MA BYUNG NGO, ,ZLA BAS RANG RGYUD MI 'THAD THAL 'GYUR 'THAD CES PHYE BA'I BYUNG TSUL NI, RTZA SHE LAS; BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES PA'I TSIGS BCAD KYI DON SANGS RGYAS BSKYANGS KYIS BUDDH'A P'A LI @181B TA LAS, 'DI LA GAL TE DNGOS PO 'GA' ZHIG SKYE BAR 'GYUR NA, DNGOS PO DE'I SKYE BA DE BDAG LAS SAM, GZHAN LAS SAM, BDAG DANG GZHAN GNYIS LAS SAM, RGYU MED PA LAS 'GYUR GRANG NA, BRTAGS NA RNAM PA THAMS CAD LAS MI 'THAD DO, ,JI LTAR ZHE NA, BDAG LAS ZHES BYA BA NI BDAG NYID LAS ZHES BYA BA'I THA TSIG GO ,DE LA RE ZHIG DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG; SKYE BA THUG PA MED PAR 'GYUR BA'I PHYIR RO, ,'DI LTAR DNGOS PO BDAG GI BDAG NYID YOD PA RNAMS LA, YANG SKYE BA DGOS PA MED DE, GAL TE YOD KYANG YANG SKYE NA NAM YANG MI SKYE BAR MI 'GYUR BAS, ZHES SOGS KYIS BKRAL BA LA, LEGS LDAN GYIS SHES RAB SGRON MER, 'DI LAS GZHAN NI DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,ZHES RNAM PAR BSHAD PAR BYED DO, ,DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR DANG, GLAGS YOD PA'I TSIG YIN PA'I PHYIR TE, SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR @182A *, ,MDZAD PA'I MTHA' DANG 'GAL BAR 'GYUR RO, ,ZHES SKYON BZUNG BA LA, SKYON DE SANGS RGYAS BSKYANGS LA MI 'JUG PAR STON PA'I SKABS TSIG GSAL LAS, SKYON 'DI DAG THAMS CAD NI RIGS PA MA YIN PAR KHO BO CAG GIS MTHONG NGO, ,NAS, SHIN TU SPROS PAS CHOG GO ,ZHES PA'I BAR GYIS SANGS RGYAS BSKYANGS RANG RGYUD MI BZHED PA DANG, DBU MA BAS RANG RGYUD BYA MI RIGS PA'I SGRUB BYED DANG BZLOG PHYOGS LA GNOD BYED MANG DU BSTAN NAS THAL 'GYUR BA'I SHING RTA'I SROL PHYE STE 'DI LA DPYAD PA MCHOD BRJOD KYI SKABS SU BYAS ZIN TO, ,DER MA ZAD BZHI BRGYA BA'I 'GREL BA LAS KYANG RAB BYED DGU BAR SLOB DPON CHOS SKYONG GI 'DOD PA 'GOG PA'I SKABS SHIG TU, 'DIS GZHAN GYI DAM BCA' LA RJES SU DPAG PA DANG 'GAL BA BRJOD PAR RIGS PA YANG MA YIN TE, DE NI GNYIG LA GRUB PA KHO NAS BRJOD PA'I PHYIR RO, ,GANG GI LTAR NA GNYIG LA GRUB PA'I SGO NAS RJES SU DPAG PAS GNOD PA MI SRID PA'I PHYIR, ZHES RANG RGYUD 'GOG TSUL MDOR BSDUS SHIG GSUNGS SO, ,BYUNG TSUL DE LAS 'PHROS PA'I DON LA, LEGS LDAN LA SANGS RGYAS BSKYANGS DANG RANG NYID RANG RGYUD KHAS LEN PA LA MI MTHUN PA'I DOGS PA YANG MED PAS RANG BZHIN 'GOG PA'I DGAG BYA LA YANG KHYAD YOD PAR MI 'DOD CING, SPYAN RAS GZIGS BRTUL ZHUGS LA TSIG GSAL GYI RGYUS 'DUG PAS ZLA BAS LEGS LDAN LA SKYON BRJOD PA RNAMS 'JUG MI 'JUG GI BSHAD PA 'ONG DGOS RGYUR SNANG ZHING, ZHI @182B 'TSO DANG KA SH'I SOGS KYIS KYANG ZLA BAS RANG RGYUD BKAG PA'I SKYON SPONG MDZAD DGOS RGYUR SNANG YANG MA MDZAD DO, ,DE LA SPYIR SANGS RGYAS BSKYANGS DANG ZLA BAS RANG BZHIN GYIS MED PA LA RGYU 'BRAS SOGS KYI RNAM GZHAG SHIN TU 'THAD PA DANG; 'PHAGS PA'I MNYAM GZHAG YE SHES SOGS 'JIG RTEN LAS 'DAS PA'I RTEN 'BYUNG DANG, CHAGS SDANG SOGS 'JIG RTEN LAS MA 'DAS PA'I RTEN 'BYUNG KHAS BLANG DGOS PA'I RTEN 'BREL GYI RTAGS KYIS DGAG BYA RANG MTSAN 'GOG PA'I RIGS PA RNAMS RIGS PA RNAMS KYI ZAB LA PHRA BA'I MTHAR THUG TU DANG, DE'I NANG NAS KYANG RANG RGYUD 'GOG PA'I RIGS PA PHRA BAR SNANG NGO, ` ,'DIR, THAL BZLOG GI RNAM GZHAG LA, GRANGS CAN PAS BDAG SKYE 'DOD TSUL; SANGS RGYAS BSKYANGS KYIS DE BKAG TSUL, DE LA LEGS LDAN GYIS SKYON BRJOD TSUL, SKYON DE SANGS RGYAS BSKYANGS LA MI 'JUG PAR ZLA BAS BSHAD TSUL BZHI LAS, GRANGS CAN GYIS BDAG SKYE 'DOD TSUL NI, NAS MYUG LTA BU'I 'BRAS BU GCIG GI SA BON DANG LHAN CIG BYED RKYEN RNAMS CHOS CAN, KHYOD SPYI GTZO BO DANG RANG BZHIN CHA MED KYI PHAR YIN TSUR YIN DU YOD DE, KHYOD LA 'BRAS BU THUN MONG BA DMIGS PA'I PHYIR, SKYE LDAN RNAMS CHOS CAN, RANG RGYU'I DUS NA YOD DE, RANG RGYU'I DUS SU RGYU'I RANG BZHIN DU YOD PA'I PHYIR, DPER NA RDZA BUM RGYU 'JIM PA'I DUS SU 'JIM PA'I RANG BZHIN DU YOD PA BZHIN, DES NA RGYU DANG 'BRAS BU'I RANG BZHIN CHA MED KYI GCIG YIN PAS PHAN TSUN YIN KHYAB MNYAM DU 'DOD DO, ,SANGS RGYAS @183A *, ,BSKYANGS KYIS DE BKAG TSUL NI, MYU GU LA SOGS PA'I DNGOS PO RNAMS CHOS CAN, SLAR YANG SKYE BA DON MED PAR THAL, RANG GI BDAG NYID THOB ZIN PA'I PHYIR, MA KHYAB NA, DE CHOS CAN, NAM YANG SLAR MI SKYE BAR MI 'GYUR BAR THAL, GRUB ZIN KYANG SLAR YANG SKYE DGOS PA'I PHYIR, ZHES PA'I 'GAL BRJOD KYI THAL 'GYUR GNYIS KYIS BKAG STE, THAL 'GYUR 'DI GNYIS SANGS RGYAS BSKYANGS KYI DGONGS TSOD KYI THAL 'GYUR YIN NO, ,DE LA GRANGS CAN GYIS, THAL 'GYUR SNGA MA LA KHYAB PA MED DE, NUS PA'I NGO BOR MI GSAL BAR YOD PA GSAL BAR SKYE DGOS PA'I PHYIR, THAL 'GYUR PHYI MA LA KHYAB PA MED DE, GSAL ZIN NAS SLAR SKYE MI DGOS PA'I PHYIR, ZHES ZER RO, DE LA 'O NA, MNGON GSAL GYI BUM PA RANG GI RGYU DUS NA YOD DAM MED, YOD NA, RANG GI RGYU DUS NA YOD PA'I MNGON GSAL GYI BUM PA CHOS CAN, SLAR YANG SKYE MI DGOS PAR THAL, GSAL ZIN PA'I PHYIR, MED NA, MNGON GSAL GYI BUM PA CHOS CAN, RANG GI RGYU DUS NA YOD PAR THAL, SKYE LDAN GYI DNGOS PO YIN PA'I PHYIR, RTAGS KHAS ZHES 'GOG PAR MDZAD DO, ,DE LA LEGS LDAN GYIS SKYON BRJOD TSUL LA, SANGS RGYAS BSKYANGS KYI 'GREL BAR, DNGOS PO RNAMS BDAG GI BDAG NYID LAS SKYE BA MED DE, ZHES SOGS MDOR BSTAN DANG, DNGOS PO BDAG GI BDAG NYID DU YOD PA, ZHES SOGS KYIS DE RGYAS PAR BSHAD PA LEGS LDAN GYIS MA DGONGS PAR MDOR BSTAN GYI GZHUNG @183B KHO NA LA SKYON BRJOD MDZAD PA YIN TE, SHER SGRON DU PHYOGS SNGA'I 'DOD PA 'GOD PA NA BUDDHA P'A LI TA'I MDOR BSTAN GYI GZHUNG KHO NA LAS MA BKOD PA'I PHYIR, DE LA SKYON BRJOD TSUL NI, SANGS RGYAS BSKYANGS KYI 'GREL NGAG CHOS CAN, RIGS PA MA YIN TE, KHYOD KYIS BDAG SKYE 'GOG NUS KYI GTAN TSIGS DANG DPE MA BRJOD PA'I SKYON DANG, GZHAN GYIS SMRAS PA'I NYES PA MA BSAL BA'I SKYON DANG, RGOL BA GZHAN GYIS KLAN KA'I GLAGS YOD PA'I SKYON GSUM 'BYUNG BA'I PHYIR, DANG PO GRUB STE, 'GREL NGAG DE'I TSIG ZIN LTAR NA, DNGOS PO RNAMS CHOS CAN, BDAG LAS SKYE BA MED DE, SKYE BA DON MED YIN PA'I PHYIR DANG, SKYE BA THUG MED YIN PA'I PHYIR, ZHES SBYOR BA GNYIS BKOD 'DUG LA, RTAGS DE GNYIS GANG GIS KYANG DNGOS PO RNAMS BDAG LAS SKYE BA MED PAR SGRUB MI THUB PA'I PHYIR TE, DE GNYIS DE SGRUB KYI GZHI RTAGS KYI 'BREL BA MED NAS MA GRUB PA'I GTAN TSIGS YIN PA'I PHYIR DANG, SBYOR BA DE GNYIS KYI MTHUN DPE SKYON MED KYANG MI RNYED PA'I PHYIR, 'GREL NGAG DE'I TSIG ZIN LTAR BKOD PA'I SBYOR BA 'DI GNYIS LA 'GREL BA'I DNGOS ZIN GYI SBYOR BA ZHES GRAGS SO, ,GNYIS PA GRUB STE, GRANGS CAN PAS KHYOD KYIS DNGOS PO RNAMS BDAG GI BDAG NYID LAS MI SKYE ZHES PA'I DON MNGON PAR GSAL ZIN GYI BDAG NYID LAS SAM, RGYU MI GSAL BA NUS PA'I BDAG NYID LAS ZER, DANG PO LTAR NA GRUB ZIN SGRUB PA DANG, GNYIS PA LTAR NA KHYAB PA 'GAL BA YIN TE, KHO BOS SKYE LDAN @184A *, ,THAMS CAD RGYU MI GSAL BA NUS PA'I BDAG NYID LAS SKYE BAR 'DOD PA'I PHYIR, ZHES DAM BCA' LA BRTAGS NAS SKYON BRJOD PA MA BSAL BA'I PHYIR, GSUM PA GRUB STE, KHYOD KYE 'GREL NGAG DE'I DNGOS ZIN LTAR 'GOD NA'ANG MI RUNG, DAM BCA' MI BZLOG PAR RTAGS KYI ZLOG DON GNYIS RTAGS SU 'GOD NA'ANG MI RUNG, RTAGS DANG DAM BCA' GNYIS BZLOG NAS 'GOD NA'ANG MI RUNG BA'I PHYIR, RTAGS DANG PO GRUB STE, SKYE BA DON MED DANG KHRUG MED SBYOR BA DE'I RTAGS SU MI RUNG BA GANG ZHIG ,BDAG LAS SKYE NA DON MED THUG MED KYANG DE'I RTAGS SU MI RUNG BA'I PHYIR, DANG PO GRUB STE, DE SBYOR BA DE'I GTAN TSIGS MA GRUB PAR 'GYUR BA'I PHYIR TE, DNGOS PO SKYE BA DON MED DANG THUG MED MA YIN PA'I PHYIR, GNYIS PA GRUB STE, RTAGS DE RTZOD GZHI'I STENG DU RTOGS NA BSGRUB BYA RTOGS PAR 'GYUR BA'I PHYIR, GONG GI RTAGS GNYIS PA GRUB STE, 'GYUR BA'I PHYIR ZHES PA'I TSIG NUS LA DPAGS NA ZLOG DON GNYIS RTAGS SU BYED DGOS PAS DE LA SKYE BA DON MED DU 'GYUR DGOS PA LAS DON BCAS DANG, THUG MED DU 'GYUR DGOS PA LAS THUG BCAS YIN PA'I PHYIR ZHES 'GOD DGOS PA GANG ZHIG ,DE LTAR NA DNGOS ZIN GYI DAM BCA' YANG BZLOG DGOS PA'I PHYIR, DE LA RTAGS BZLOG NAS DAM BCA' MA BZLOG NA DNGOS PO RNAMS CHOS CAN, BDAG LAS SKYE BA MED DE, SKYE BA DON BCAS DANG THUG BCAS YIN PA'I PHYIR, ZHES 'GOD DGOS @184B PA GANG ZHIG DE LTAR NA GZHAN SKYE BA SGRUBS PAR SONG BA'I PHYIR, KHYAB STE, BDAG SKYE 'GOG PA'I SKABS GZHAN SKYE BA SGRUBS NA SKABS DON STOR BA'I PHYIR, MA KHYAB MTSAMS KYI RTAGS GNYIS PA GRUB STE, SKABS 'DIR SKYE BA GZHIR BYAS KYIS RIGS PA 'GOD PA GANG ZHIG ,SKYE BA LA BDAG SKYE GZHAN SKYE GNYIS SU KHA TSON CHOD, BDAG SKYE BKAG PA'I PHYIR, DANG PO DER THAL, DNGOS PO RNAMS SKYE BA DON BCAS DANG THUG BCAS SU DNGOS SU SMRAS PA'I PHYIR, GONG GI RTAGS GSUM PA GRUB STE, RTAGS CHOS GNYIS KA BZLOG NA, DNGOS PO RNAMS CHOS CAN, BDAG SKYE RNAM PAR BCAD TZAM MA YIN TE, SKYE BA DON BCAS THUG BCAS YIN PA'I PHYIR, ZHES 'GOD DGOS PA GANG ZHIG ,DE LTAR 'GOD MI RUNG BA'I PHYIR, DANG PO DER THAL, DON MED THUG MED BZLOG NA, DON BCAS THUG BCAS SU 'GYUR BA LTAR, BDAG SKYE MED PA BZLOG NA BDAG SKYE YOD DE ZHES PA'AM, BDAG SKYE MED PA MA YIN TE, ZHES BZLOG PAR BYAR MI RUNG BA'I PHYIR TE, BDAG SKYE MED PAR SGRUB PA'I SKABS YIN PA'I PHYIR, GNYIS PA DER THAL, SKABS 'DI YI BSGRUB BYAR MA YIN DGAG BZUNG BAR SONG LA, DE LTAR NA KLU SGRUB KYI GRUB MTHA' DANG 'GAL BA'I PHYIR, DER THAL, KHYOD KYI SBYOR BA 'DI'I DAM BCA' DE GZHAN SKYE SHUGS LA 'PHEN PA'I MA YIN DGAG TU 'GYUR BA'I PHYIR TE, KHYOD KYI SBYOR BA 'DIS DNGOS PO RNAMS BDAG SKYE RNAM PAR BCAD TZAM MA YIN PA DNGOS KYI BSGRUB BYAR BYAS NAS DNGOS PO RNAMS GZHAN LAS SKYE BA SHUGS KYI BSGRUB BYAR @185A *, ,'PHANGS 'DUG PA'I PHYIR DANG, DNGOS PO RNAMS BDAG SKYE RNAM PAR BCAD TZAM MA YIN PA DE GZHAN SKYE SHUGS LA 'PHEN PA'I MA YIN DGAG YIN PA'I PHYIR TE, DE MA YIN DGAG YIN PA LA DOGS PA MED LA, DE MA YIN DGAG YIN NA 'PHEN RGYU'I CHOS NI GZHAN SKYE LAS GZHAN DU MI RNYED PA'I PHYIR DANG, DBU MA'I BSTAN BCOS RNAMS DGAG BYA'I SPOS PA THAMS CAD GCOD PA'I CHED DU MDZAD PA YIN PAS SKABS 'DI'I BSGRUB CHOS LA MED DGAG GCIG DGOS KYI, MA YIN DGAG BYAS NA BCOM LDAN 'DAS KYIS MTSAN MA LA MI SPYOD PAR GSUNGS PA'I GRUB MTHA' DANG 'GAL BA'I PHYIR, BKOD MA THAG PA'I RTAGS CHOS GNYIS BZLOG PA'I SBYOR BA DE LA SANGS RGYAS BSKYANGS KYI DGONGS TSOD BLANGS PA'I SBYOR BA ZHES GRAGS TE, BDAG SKYE MED PA TZAM MA YIN PA'AM, BDAG SKYE BKAG TZAM MA YIN PA'AM, BDAG SKYE RNAM PAR BCAD TZAM MA YIN PA GANG BSGRUB BYA'I CHOS SU BZUNG YANG 'DRA'O, ,SKYON DE SANGS RGYAS BSKYANGS LA MI 'JUG PAR ZLA BAS BSHAD TSUL NI, LEGS LDAN GYIS SANGS RGYAS BSKYANGS LA BRJOD PA'I SKYON THAMS CAD MI 'JUG STE, SANGS RGYAS BSKYANGS LA SKABS 'DIR BDAG SKYE 'GOG NUS KYI RTAGS DANG DPE MA BRJOD PA'I SKYON YANG MED, GZHAN GYIS SMRAS PA'I NYES PA MA BSAL BA'I SKYON YANG MED, THAL 'GYUR GYI ZLOG DON KHAS BLANGS PAS GRUB PA'I MTHA' DANG 'GAL BA'I SKYON YANG MED PA'I PHYIR, RTAGS DANG PO GRUB STE, RANG RGYUD KYI DBANG @185B DU BYAS PA'I DE 'DRA'I SKYON MED PA GANG ZHIG ,GZHAN GRAGS KYI DBANG DU BYAS PA'I DE 'DRA'I SKYON MED PA'I PHYIR, DANG PO GRUB STE, RANG RGYUD KYI GTAN TSIGS BRJOD PA LA DGOS PA MED, DE LA NUS PA'ANG MED, RANG RGYU KHAS LEN KYANG MI RIGS PA'I PHYIR, DANG PO DER THAL, RANG RGYUD KYI RTAGS DPE MA BRJOD KYANG SNGAR BSHAD PA'I 'GAL BRJOD KYI THAL 'GYUR GNYIS KYIS BDAG LAS SKYE BAR 'DOD PA DE 'THAD PA DANG BRAL BA DANG, RANG GI KHAS BLANGS DANG 'GAL BA YIN PAR STON THUB PA'I PHYIR, GNYIS PA DER THAL, 'GAL BRJOD KYI THAL 'GYUR GNYIS KYIS GRANGS CAN LA NANG 'GAL BSTAN PA NA DE MTHONG YANG MI LDOG PAR BSNYON NA, RANG RGYUD KYI RTAGS DPE BRJOD KYANG MI LDOG PAR MTSUNGS PA'I PHYIR, GSUM PA DER THAL, RANG GI MTSAN NYID KYIS GRUB PA'I PHYOGS GZHAN KHAS LEN MI RIGS PA'I PHYIR, GNYIS PA GRUB STE, 'DIR GZHAN GRAGS NGES PAR BRJOD MI DGOS PA GANG ZHIG ,BRJOD DGOS PA DAG LA'ANG BRJOD PA'I PHYIR, DANG PO DER THAL, GZHAN GRAGS KYI SBYOR BA MA BKOD KYANG 'GAL BRJOD KYI THAL 'GYUR GNYIS KYIS PHA ROL PO'I KHAS BLANGS LA NANG 'GAL BSTAN NAS BDAG SKYE MED PAR RTOGS PA'I RJES DPAG SKYED THUB PA'I PHYIR, GNYIS PA DER THAL; 'GREL NGAG DANG PO'I BSTAN BSHAD GNYIS KYIS BDAG SKYE 'GOG NUS KYI GZHAN GRAGS KYI GTAN TSIGS BSTAN PA'I PHYIR TE, BSTAN BSHAD DES RGYU DUS NA MNGON PAR MI GSAL BA'I TSUL GYIS YOD PAR 'DOD PA'I MYU GU @186A *, ,CHOS CAN, SLAR YANG SKYE BA DON MED DE, RANG GI BDAG NYID DU YOD PA'I PHYIR, DPER NA MNGON GSAL GYI BUM PA BZHIN, ZHES PA'I GZHAN GRAGS KYI SBYOR BA BSTAN PA GANG ZHIG DES DE 'DRA'I DNGOS PO RNAMS SLAR YANG SKYE BA DON MED DE, RANG GI BDAG NYID DU YOD PA NI SLAR YANG SKYE BA DON MED PA'I PHYIR, RANG GI BDAG NYID DU YOD NA SLAR YANG SKYE BA DON MED PAS KHYAB PAR MTHONG STE, MNGON GSAL GYI BUM PA BZHIN, MNGON GSAL GYI BUM PA BZHIN DU DE 'DRA BA'I DNGOS PO RNAMS KYANG RANG GI BDAG NYID DU YOD PA YIN NO, ,DE'I PHYIR RANG GI BDAG NYID DU YOD PA NYID KYI PHYIR DE 'DRA BA'I DNGOS PO RNAMS SLAR YANG SKYE BA DON MED PA YIN NO, ,ZHES RIM PAR DAM BCA' DANG, RTAGS DANG, DPE LA KHYAB PA BSTAN PA DANG, DPE DON NYER SBYOR DANG, MJUG SDUD DE YAN LAG LNGA LDAN GYI SGRUB NGAG BSTAN PA'I PHYIR, BKOD MA THAG PA'I SBYOR BA 'DI LA SANGS RGYAS BSKYANGS KYI DGONGS TSOD KYI SBYOR BA ZHES BYA STE, RANG LAS SKYE BAR SMRA BA'I DON RNAMS CHOS CAN, BDAG NYID LAS SKYE BA MED DE, RANG GI BDAG NYID DU YOD PA'I PHYIR, DPER NA SKYES BU BZHIN, ZHES BKOD KYANG CHOG GO ,RTZA RTAGS GNYIS PA GRUB STE, RANG RGYUD LA GZHAN GYIS SMRAS PA'I NYES PA SEL MI DGOS PA GANG ZHIG GZHAN GRAGS LA GZHAN GYIS SMRAS PA'I NYES PA MA BSAL BA'I SKYON MED PA'I PHYIR, RTAGS DANG PO GRUB STE, SANGS RGYAS BSKYANGS KYIS RANG @186B RGYUD KYI SBYOR BA KHAS MA BLANGS SHING MA BKOD PA'I PHYIR, RTAGS GNYIS PA GRUB STE, MNGON GSAL GYI BUM PA MTHUN DPER BKOD PAS GTAN TSIGS 'GAL BA'I SKYON BSAL BA GANG ZHIG RGYU DUS NA MI GSAL BA'I TSUL GYIS YOD PAR 'DOD PA'I MYU GU SLAR YANG SKYE BA DON MED PA BSGRUB BYAR BKOD PAS GRUB ZIN SGRUB PA'I SKYON BSAL BA'I PHYIR, DANG PO GRUB STE, MNGON GSAL GYI BUM PA MTHUN DPER BKOD PAS NA RANG GI BDAG NYID DU YOD PA DE BDAG SKYE MED PAR SGRUB PA'I 'GAL RTAGS YIN NAM SNYAM PA'I DOGS PA RGOL PHYI RGOL GNYIS KA LA MI SKYE BA'I PHYIR TE, MNGON GSAL GYI BUM PA NI SNGA RGOL PHYI RGOL GNYIS KA LA GRAGS PA'I RTAGS CHOS GNYIS LDAN GYI MTHUN DPE YIN PA'I PHYIR; GNYIS PA GRUB STE, GRANGS CAN GYIS RGYU DUS NA MI GSAL BA'I TSUL GYIS YOD PAR 'DOD PA'I MYU GU SLAR YANG SKYE BAR 'DOD PA LA, DE 'DRA BA'I MYU GU SLAR YANG SKYE BA DON MED PAR SGRUB PA YIN PAS NA GRUB ZIN SGRUB BAM SNYAM PA'I DOGS PA MED PA'I PHYIR, RTZA RTAGS GSUM PA GRUB STE, BDAG SKYE 'GOG PA'I THAL 'GYUR GNYIS KYI THAL CHOS DE BZLOG PA'I DON SLAR YANG SKYE BA DON BCAS DANG THUG BCAS NI GRANGS CAN KHO NA 'DOD KYI, RANG LA DE'I KHAS LEN MED PA'I PHYIR, MTHA' DPYOD SOGS LAS SKYON DANG PO GNYIS PHYOGS GCIG TU SEL BA DANG, SKYON GSUM PA SEL BA'I TSUL MDZAD KYANG, 'DIR DKA' 'GREL SOGS LAS SKYON GSUM SO SOR SEL BA'I LUGS LTAR BKOD PA STE GNYIS KA RUNG ZHING RGYAS PAR DBU @187A *, ,MA'I MTHA' DPYOD CHEN MO DANG, TSIG GSAL GUNG BSGRIGS TE SHES PAR BYA'O, ` ,SPRO NA, RNAM BSHAD LAS, RANG SDE DNGOS POR SMRA BA RNAMS NA RE, RANG LAS SKYE BA DON MED PAS BDAG SKYE MI RIGS SHING, NAS, GZHAN LAS SKYE BA KHAS BLANG BAR BYA'O, ,ZHES GSUNGS PA LA DPAGS NA DNGOS SMRA BA THAMS CAD KYIS BDAG SKYE MI 'DOD PAR SNANG YANG, RTZA SHE'I t'IK CHEN LAS, BYE BRAG TU SMRA BA MA GTOGS PA'I RANG SDES 'BRAS BU GRUB ZIN SLAR YANG RGYUS SKYED MI DGOS KYANG GRUB PA DE NYID RGYUS BSKYED PAR 'DOD LA, ZHES GSUNGS PA DANG, BYE SMRAS MYU GU NI MA 'ONGS PA DANG 'DAS PA'I DUS SU YANG MYU GUR YOD PAR 'DOD PA LTAR NA DES BDAG SKYE 'DOD DAM DPYAD PAR BYA'O, , KHA CIG RANG RGYU'I DUS NA YOD PA'I MNGON GSAL GYI BUM PA CHOS CAN, SLAR YANG SKYE MI DGOS PAR THAL, GSAL ZIN PA'I PHYIR, ZHES GRANGS CAN PA LA 'PHEN MI RIGS TE, DE LA DE LTAR 'PHANGS PA NA DES 'DOD LAN 'DEBS PA'I PHYIR TE, RGYU DUS NA YOD PA'I MNGON GSAL GYI BUM PA MED PA'I PHYIR, DES NA MNGON GSAL GYI BUM PA RGYU DUS NA YOD PA CHOS CAN DU 'DZIN DGOS ZER NA, DE LA MNGON GSAL GYI BUM PA CHOS CAN, KHYOD RGYU'I DUS NA YOD PAR THAL; KHYOD SKYE LDAN GYI DNGOS PO YIN PA'I PHYIR, KHYAB PA GRANGS CAN PAS KHAS BLANGS, 'DOD NA, RGYU DUS NA YOD PA'I MNGON GSAL GYI BUM PA YOD PAR THAL, MNGON GSAL GYI BUM PA RGYU DUS NA YOD PA'I PHYIR, MA KHYAB NA, @187B MNGON GSAL GYI BUM PA CHOS CAN, KHYOD RGYU DUS NA YOD NA RGYU DUS NA KHYOD YOD PAS KHYAB PAR THAL, KHYOD SKYE LDAN YIN PA'I PHYIR, 'KHOR GSUM, DE LTAR 'PHUL NA RGYU DUS NA YOD PA'I MNGON GSAL GYI BUM PA YOD PAR MI 'GRUB PA'I SKYON MED CES GZHAN DAG 'DOD DO, ,LA LAS, GRANGS CAN PAS MNGON GSAL GYI BUM PA RGYU DUS NA YOD PAR 'DOD PA MI 'THAD DE, MNGON GSAL GYI BUM PA RANG GI RGYU DUS NA YOD NA MNGON GSAL GYI NGO BOR YOD DGOS KYI MNGON GSAL GYI NGO BOR MED NA BUM PA YOD PA'I THA SNYAD SBYOR YANG MNGON GSAL GYI BUM PA YOD PA'I THA SNYAD BYA MI RUNG BA'I PHYIR TE, MI DE GNYID LOG PA'I DUS SU MI DE YOD KYANG DE'I DUS SU SAD PA'I MI DE YOD PAR KHAS BLANGS NA SAD PA'I NGO BO THOB NAS YOD DGOS PA BZHIN YIN PA'I PHYIR, ZHES 'GOG GO ,GNYAL STON DKA' 'GREL DANG, BLO GLING DANG, SGO MANG YIG CHA GSAR RNYING SOGS KYIS, BUDDHA P'A LI TA LAS, DNGOS PO BDAG GI BDAG NYID DU YOD PA ZHES PA'I DON RANG GI RGYU DUS SU YOD PA LA 'CHAD BZHED LTA BUR MDZAD KYANG, GZHUNG 'DIS GZHAN GRAGS KYI RTAGS YANG DAG GCIG BSTAN DGOS SHING, DE LA RTAGS DE LTAR BKOD TSE GZHI RTAGS KYI 'BREL BA MI 'GRUB PAS RANG GI BDAG NYID THOB ZIN PA ZHES BSHAD DGOS SO, ,GUNG RU RGYAN BZANG BAS RTZA SHE'I t'IK CHEN BKAG TSUL DANG, DE LA STONG THUN CHEN MO LAS LAN BSHAD TSUL RNAMS SNYING PO RAB GSAL DU BKA' STZAL 'DUG PA LA BLTA BAR BYA YI, RGYAN BZANG BA'I @188A *, ,GZHUNG BDAG GIS MA MTHONG BAS SPRO MA NUS SO, ,DBU MA'I MTHA' DPYOD DU GRANGS CAN PA LA NYES PA BRJOD TSUL RGYU MI GSAL BA DANG 'BRAS BU MNGON GSAL GYI STENG NAS BRTAG PAR GSUNGS PA DANG, GRUB MTHA' CHEN MOR GZHAN GYIS KUN RDZOB DANG DON DAM GANG YIN DRIS PA'I NYES PA MA BSAL BA LA MDZAD PAR, DE'I MCHAN DU GRANGS CAN LUGS KYI KUN RDZOB DANG DON DAM GYI DBANG DU BYAS PA YIN PAS BSHAD TSUL SNGA MA DANG GNAD GCIG TU BSHAD DO, ,RTAGS ZLOG NA BSGRUB BYA'I CHOS KYANG ZLOG DGOS PA'I DON NI DE RIGS PA SMRA BA SPYI LUGS SU BSHAD PA YOD KYANG, SNGAR BSHAD PA NYID STONG THUN LAS, THAL 'GYUR DANG RTAGS GANG YIN THAMS CAD LA SPYIR DE LTAR SMRA BA MA YIN GYI; 'DIR SANGS RGYAS BSKYANGS KYIS BDAG SKYE MED PAR SGRUB PA'I RTAGS SU SKYE BA DON BCAS THUG BCAS 'GOD NA BDAG SKYE RNAM PAR BCAD TZAM GYI MED DGAG LAS BZLOG PA'I ZLOG DON BSGRUB BYAR KHAS LEN DGOS PAR YANG MTSUNGS ZHES PA STE, ZHES DANG, DE YANG DNGOS PO RNAMS SKYE BA DON BCAS THUG BCAS SU DNGOS SU SMRAS PAS DNGOS PO RNAMS SKYE BAR SMRAS SHING, BDAG LAS SKYE BA MED DE ZHES PAS BDAG LAS SKYE BA BKAG LA, SKYE BA GZHIR BYAS LA BDAG SKYE GZHAN SKYE GNYIS SU KHA TSON CHOD PAS, DNGOS PO RNAMS SKYE BA YIN ZHING BDAG LAS MI SKYE ZHES SMRAS PA NYID KYIS GZHAN LAS SKYE BAR 'PHEN PA'I PHYIR TE, LHAS BYIN TSON PO DANG NYIN PAR MI ZA BAR SMRAS PA'I @188B SHUGS KYIS MTSAN MO ZA BAR 'PHEN PA BZHIN NO SNYAM DU BSAMS PA STE, ZHES GSUNGS PA'I DGONGS PA 'KHRUL BA MED PA'O, ,KHA CIG SANGS RGYAS BSKYANGS KYI DGONGS TSOD BLANGS PA'I DAM BCA' LA BDAG SKYE RNAM PAR BCAD TZAM MA YIN PA SONG NA YANG 'GOD TSE, DNGOS PO CHOS CAN, BDAG LAS SKYE BA MED DE, SKYE BA DON BCAS DANG THUG BCAS YIN PA'I PHYIR, ZHES 'GOD CING DE LA SKYON GSUM GA 'JUG PAR LEGS LDAN GYIS BZHED CES SMRA'O, ,LA LAS LEGS LDAN GYIS SANGS RGYAS BSKYANGS KYI DGONGS TSOD BLANGS PA LA RTAGS CHOS GNYIS KA BZLOG NAS 'GOD DGOS TE, GZHAN DU NA DGONGS PA LA RTAGS ZLOG PA YOD KYANG DNGOS SU SKYE BA DON MED THUG MED BKOD CHOG PAR THAL BA'I PHYIR, DES NA LEGS LDAN GYIS DNGOS ZIN LTAR BKOD NA RTAGS MA GRUB PA'I SKYON YOD PAR THAL, RTAGS BZLOG LA DAM BCA' MA BZLOG NA GTAN TSIGS DANG DPE MA BRJOD PA SOGS KYI SKYON GSUM YOD PAS DNGOS PO CHOS CAN, BDAG SKYE RNAM PAR BCAD TZAM MA YIN TE, SKYE BA DON BCAS DANG THUG BCAS YIN PA'I PHYIR, ZHES 'GOD 'DOD PAR NGES SO ZHES LEGS LDAN GYIS DGONGS PAR KHAS LEN DGOS ZER NA BRTAG GO ,LEGS BSHAD RJES 'BRANG DU, STONG THUN DANG DBU MA'I MTHA' DPYOD LAS SKYE BA GZHIR BYAS LA BDAG LAS MI SKYE BA BSGRUB BYA'I CHOS SU BKOD PA'I LUGS SU BYAS TE, DE BDAG SKYE MED PA'I ZLOG DON MIN PAS MI RUNG BAR SMRAS NAS, RANG LUGS MKHAS GRUB RJE'I YE SHES 'OD ZER GYI DRIS @189A *, ,LAN LAS, DNGOS ZIN LA BDAG SKYE RNAM PAR BCAD TZAM CHOS SU SONG LA, DE BZLOG PA NI BDAG SKYE RNAM PAR BCAD TZAM MA YIN PA LA BYA ZHING, DNGOS PO GZHIR BYAS LA BDAG SKYE RNAM PAR BCAD TZAM MIN NA GZHAN SKYER 'GYUR TE, BDAG GZHAN GANG LAS KYANG MI SKYE BA'I DNGOS PO PHUNG GSUM PA MI SRID PA'I PHYIR RO, ,DES NA TZAM GYI NUS PA GO BAR BYA'O, ,ZHES GSUNGS PA LTAR KHAS LEN DGOS ZHES BSHAD PA MI 'THAD DE, STONG THUN DANG DBU MA'I MTHA' DPYOD DU DE LTAR BSGRUB CHOS SUM BKOD PA'I PHYIR, GZHAN DU NA DBU MA'I YIG CHAR, LEGS LDAN KHYED RANG LTAR, MIG SOGS NANG GI SKYE MCHED RNAMS CHOS CAN, DON DAM PAR BDAG LAS SKYE BA MED DE, YOD PA'I PHYIR, DPER NA SHES PA YOD PA NYID BZHIN, ZHES PA LTA BU'I RANG RGYUD KYI SBYOR BA BKOD NA DE 'DRA'I DPYAD PA 'JUG PA BDEN YANG, ZHES DANG, ZLA BA'I ZHABS KYIS KYANG, RANG RGYUD KYI SBYOR BA LA MA GRUB PA DANG MA NGES PA'I SKYON YOD PAR GSUNGS PA'I DON NI, LEGS BSHAD RJES 'BRANG DU, DANG PO NI LEGS LDAN KHYED RANG RANG RGYUD KYI SBYOR BA 'GOD PAR 'DOD PAS DE 'DRA BA'I SBYOR BA BKOD PA LTAR SANGS RGYAS BSKYANGS KYIS MA BKOD PA'I DON DANG, GNYIS PA NI DE 'DRA BA'I SBYOR BA RNAMS LEGS LDAN GYI BSAM TSOD LTAR RANG RGYUD KYI SBYOR BA YIN NA DE 'DRA BA'I SKYON YOD PA'I DON YIN PA'I PHYIR, ZHES BSHAD PA LTAR RO, ,RNAM GZHAG RIM PA'I RNAM BSHAD LAS, MNGON SUM GYIS MI 'GRUB PAS RJES DPAG GIS BSGRUB @189B DGOS LA, DE LA NI RTAGS SKYON MED KYI SBYOR BA DGOD DGOS PAS CHOS CAN LA SOGS PA NGOS GZUNG BAR BYA'O, ,ZHES DANG, SGRON GSAL MCHAN LAS, MNGON SUM GYIS MI 'GRUB PAS RJES DPAG GIS BSGRUB DGOS LA DE LA GTAN TSIGS SKYON MED DGOS PAS, ZHES DANG, BSKYED RIM DNGOS GRUB RGYA MTSO LAS, RJES DPAG GIS BSGRUB DGOS LA, DE LA NI TSUL GSUM PA'I RTAGS SKYON MED DGOS DGOS SO, ,ZHES DANG, STONG THUN LAS, RJES DPAG GIS RTOGS PA KHAS LEN NA RTAGS YANG DAG KHAS MI LEN PA RTZA BA NAS NYAMS SO, ,ZHES GSUNGS PA LA BRTEN NAS BLO GLING GIS RJES DPAG YIN NA RANG RTEN GTAN TSIGS YANG DAG LA BRTEN PAS KHYAB PAS 'GAL BRJOD KYI THAL 'GYUR GYIS BSGRUB BYA RTOGS PA'I RJES DPAG SKYED MI THUB PAR BSHAD NAS, DE LTAR THUB PAR TSIG GSAL SOGS LAS BSHAD PA'I DON NI THAL 'GYUR TZAM GYIS LOG RTOG ZLOG NUS PA LA BYAS SO, ,TSIG GSAL LAS, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA, 'DI DAG TZAM ZHIG GIS BRTZAD PA NA CI PHA ROL PO KHAS LEN PA MI BYED DAM, 'ON TE PHA ROL PO RANG GIS KHAS BLANGS PA DANG 'GAL BAS BRTZAD PAS KYANG MI BZLOG NA NI, DE'I TSE NGO TSA MED PA NYID KYIS GTAN TSIGS DANG DPE GNYIS KYIS KYANG BZLOG PAR MI 'GYUR BA NYID DO, ,ZHES DANG, GZHAN GYIS DAM BCA' BA LA RANG GI RJES SU DPAG PAS 'GAL BA BRJOD PA NI BYA DGOS PAS, NAS, 'DIR RJES @190A *, ,SU DPAG PAS GNOD PA BRJOD PA LA DGOS PA KO CI ZHIG YOD, CES DANG, RTZA SHE'I t'IK CHEN LAS, PHYI RGOL THAMS CAD LA GZHAN GRAGS NGES PAR BRJOD MI DGOS SHING, ZHES DANG, LAM RIM LAS, 'DI NI THAL 'GYUR BYAS PA'I TSE DE'I BYED PA LA BRTEN NAS RJES DPAG SKYE BA YIN GYI, DNGOS SU DAM BCA' SGRUB PA'I SBYOR NGAG MED DO, ,ZHES DANG, DON DAM PA STONG PA NYID NGES PA'I LTA BA RGYUD LA SKYED TSUL GYI SGO NAS MING 'DOGS NA'ANG THAL RANG GNYIS SU NGES PA YIN NO, ,ZHES GSUNGS PA SOGS LA BRTEN NAS SGO MANG GIS RGOL BA DBANG RTUL LA SBYOR NGAG DGOS KYANG DBANG RNON GYIS THAL 'GYUR TZAM GYIS BSGRUB BYA RTOGS THUB PAS NA THAL 'GYUR TZAM GYIS RJES DPAG SKYED NUS PAR GSUNGS LA, LUNG RJES MA NI CHOS THAMS CAD BDEN MED DU GTZO BOR 'GAL BRJOD KYI THAL 'GYUR SGOS SGRUB PA DANG, DE LTAR GTZO BOR RANG RGYUD KYI SGRUB NGAG GIS SGRUB PAS NA DE SKAD BRJOD PA LA DGONGS PAR HAL HA RTA DBYANGS KYIS BSHAD DO, ,SPYIR BSGRUB BYA RTOGS PA'I RJES DPAG SKYE BA LA RTEN GTAN TSIGS DGOS KYANG, RGOL BA GZHAN GYIS SGRUB PA NA THAL 'GYUR TZAM LAS 'GOD MI DGOS PA LUNG SNGA PHYI DE DAG GI DON DU BYAS NA DGONGS PAR 'GRO MIN BRTAG GO ,RANG RGYUD DANG RANG MTSAN GYIS GRUB PA RNAM GRANGS YIN PAS DE 'GOG PA'I RIGS PA LA PHRA RAGS BYUNG BA'I RGYU MTSAN YANG BSAM PAR BYA DGOS SHING, BDEN PAR GRUB PA'I RTAGS KYIS MYU @190B GU RTEN 'BREL MA YIN PAR THAL BA 'GOD PA SKABS SU BAB PA'I GANG ZAG LA MYU GU BDEN ZHEN GYIS 'DOD PA'I GANG ZAG GIS MA KHYAB PA DANG, DE 'DRA'I THAL 'GYUR 'GOD PA SKABS SU BAB PA LA MYU GU BDEN MED DU YID DPYOD KYIS NGES PA DANG DON 'GYUR GYI THE TSOM CAN GNYIS YOD KYANG, DE 'DRA'I THAL 'GYUR THAL 'GYUR YANG DAG TU 'GRO KHAM LA DE LTAR MED PA DANG, MED DGAG YIN PHYIN SHUGS LA RANG DANG DGAG BYA RIGS GCIG PA'I MED DGAG GANG 'PHANGS KYANG SKYON MED PA SOGS MTHA' DPYOD DU BLTA'O, ,GNYIS PA LA GNYIS, 'GREL BSHAD KYI LUGS DGAG PA DANG, BOD SNGA RABS PA'I LUGS DGAG PA'O, ,DANG PO NI, 'DI LA PAntITA, ZHES SOGS BYUNG, 'JUG PA'I 'GREL BSHAD LAS, DE LA 'GA' ZHIG NA RE, THAL 'GYUR GTAN TSIGS SU 'DOD NA TSAD MAS GRUB PA YIN NAM, NAS, JI LTAR RIGS MI SHES SO, ,ZHES PA LTAR RTAGS TSAD MAS MA GRUB PAR 'DOD PA DANG, KHYAB PA TSAD MAS MA GRUB PAR 'DOD PA PHYOGS GCIG TU 'GOD NA, DE LA PAntITA DZA YA AA NANTAS THAL 'GYUR BA'I LUGS LA RANG RGYUD MI 'THAD DE, BSGRUB BYA SGRUB PA'I RTAGS DANG KHYAB PA TSAD MAS GRUB PA ZHIG YOD NA RANG RGYUD KYI RTAGS 'THAD NA'ANG, RTAGS DANG KHYAB PA TSANG MAS GRUB PA MED PA'I PHYIR TE, RTAGS TSAD MAS GRUB PA MED PA GANG ZHIG ,KHYAB PA TSAD MAS GRUB PA MED PA'I PHYIR, DANG PO DER THAL, RGOL BA GNYIS KA LA TSAD MAS GRUB PA RTAGS SU 'DOD MI RIGS PA'I PHYIR, DER THAL, PHYI @191A *, ,RGOL GYIS TSAD MAS GRUB PAR SNGA RGOL GYIS MI SHES PA GANG ZHIG ,RANG GIS TSAD MAS GRUB PA YANG MI SHES PA'I PHYIR, DANG PO GRUB STE, SNGA RGOL GYI MNGON RJES KYIS GZHAN GYI SEMS KYI KHYAD PAR MI SHES PA'I PHYIR, GNYIS PA GRUB STE, RANG GI TSAD MAS GRUB PAR THAG BCAD KYANG SLU BA SRID PA'I PHYIR, RTZA RTAGS GNYIS PA GRUB STE, DE MNGON SUM TSAD MAS MI 'GRUB PA GANG ZHIG ,RJES DPAG TSAD MAS MI 'GRUB PA'I PHYIR, DANG PO DER THAL, MNGON SUM TSAD MAS TSANG MANG GI DU YOD LA ME YOD KYIS KHYAB PA RTOGS KYI, YUL DUS THAMS CAD KYI DU YOD LA ME YOD KYIS KHYAB PA MA RTOGS PA'I PHYIR, GNYIS PA DER THAL, RJES DPAG TSAD MAS YUL DUS THAMS CAD NA YOD PA'I RTAGS LA BSGRUB BYA'I CHOS KYIS KHYAB PA MI RTOGS PA'I PHYIR TE, RJES DPAG NI YUL NGES PA CAN YIN PA'I PHYIR, DES NA 'JIG RTEN PA'I KHAS BLANGS PA TZAM GYIS KHYAB PA GRUB PA YIN GYI TSAD MAS GRUB PA MIN NO, ,ZHES ZER RO, ,DE MI 'THAD PAR THAL, RTAGS TSAD MAS MA GRUB PA'I RGYU MTSAN MI 'THAD PA GANG ZHIG ,KHYAB PA TSAD MAS MA GRUB PA'I RGYU MTSAN YANG MI 'THAD PA'I PHYIR, RTAGS DANG PO GRUB STE, DE LTAR NA GZHAN GYIS KHAS BLANGS PA'I SGO NAS 'GOG PA MI RIGS, RANG GIS GNOD BYED BSTAN NAS 'GOG PA YANG MI RIGS PA'I PHYIR, DANG PO GRUB STE, GZHAN GYIS JI LTAR SMRAS PA DE LTAR ZHE BAS 'DOD PA YIN PAR RANG GIS MI SHES PA'I PHYIR TE, GZHAN SEMS MI @191B SHES PA'I PHYIR RO, ,GNYIS PA GRUB STE, RANG GIS GNOD BYED DU THAG BCAD KYANG SLU BA SRID PA'I PHYIR RO, ,RTZA RTAGS GNYIS PA GRUB STE, RIGS PA'I GZHUNG LAS KHYAB PA 'GRUB TSUL BSHAD PA'I DON LOG PAR BZUNG NAS 'GOG PA'I PHYIR, DER THAL, TSANG MANG GI STENG DU DU YOD LA ME YOD KYIS KHYAB PAR SGRUB PA NI TSANG MANG GI DU YOD LA TSANG MANG GI ME YOD KYIS KHYAB PAR SGRUB PA GZHUNG GI DON GTAN MA YIN PA'I PHYIR, DER THAL, GZHUNG GI DON DE LTAR YIN NA, DU LDAN GYI LA LA TSANG MANG GI DU BA YOD PA'I RTAGS KYIS TSANG MANG GI ME YOD PAR SGRUB PAR 'GYUR BA'I PHYIR TE, LA LA DU YOD KYI RTAGS KYIS ME YOD PA'I KHYAB PA SGRUB TSE RTAGS SU GANG BZUNG BA LA CHOS SU GANG BZUNG BA DES KHYAB PA SGRUB PA YIN PA'I PHYIR DANG, DE'I SGRUB TSUL YANG SNGAR LTAR TSANG MANG GI DU YOD LA TSANG MANG GI ME YOD KYIS KHYAB PA SGRUB PA YIN PA'I PHYIR RO, ,DES NA TSANG MANG NI SPYIR DU YOD LA ME YOD KYIS KHYAB PA NGES PA'I GZHI DANG, SPYIR DU YOD LA ME YOD KYIS KHYAB PA NI GZHI DE'I STENG DU NGES RGYU'I DON YIN GYI, KHYED LTAR NA TSANG MANG GI DU YOD LA TSANG MANG GI ME YOD KYIS KHYAB PA NGES GZHI'I MTHUN DPE TSANG MANG LAS ZUR BA ZHIG DGOS PAR 'GYUR RO, ,DE BZHIN DU BYAS PA'I RTAGS KYIS SGRA MI RTAG PAR SGRUB TSE YANG BUM PA NI BYAS NA MI RTAG PAS KHYAB PA NGES PA'I GZHI'I MTHUN DPE YIN GYI BUM PA'I BYAS PA LA BUM PA'I MI RTAG PAS KHYAB PA SGRUB PA MIN ZHING, DU BAS ME YOD DANG, BYAS PAS MI RTAG PAR SGRUB PA YUL DUS THAMS CAD @192A *, ,DU MI 'KHRUL BAR NGES PA'I THABS YIN NO, ,DE'I PHYIR DZA YA AA NANTAS RANG RGYUD MI 'DOD PA'I DON RTAGS DANG KHYAB PA TSAD MAS MA GRUB PAR 'DOD PA LA GTUGS PA'I RIGS PA 'DI'I RJES SU 'BRANGS NAS LO TZ'A BA KHU MDO SDE 'BAR DANG RMA BYA BYANG BRTZON DANG BOD PHYI RABS PA KHA CIG GIS LDOG PA RIGS GCIG PA STE RIGS BSGRE'I SGRUB BYED MANG PO DPUNG BSGRIGS NAS PHYOGS 'PHUL BYED PA LA LDOG PA GCIG PA'I DPUNG 'PHUL DU GRAGS PA DE LTAR BYED 'DOD PA NI CHUS KHYER BA'I GANG ZAG GIS CHUS RTZA BA PHYUNG ZIN PA'I RTZVA PHUNG LA 'JUB DANG 'DRA STE, DZA YA AA NANTA'I RIGS PA NI PHYIN CI LOG YIN PAS CHUS RTZA BA PHYUNG BA'I RTZVA PHUNG DANG 'DRA, LO TZ'A BA KHU SOGS KYI RIGS PA PAntI TA'I PHYIN CI LOG GI RIGS PA DE LA BRTEN PAS DE 'DRA'I RTZVA PHUNG LA 'JU BA'I CHUS KHYER BA'I MI DANG 'DRA BA'I PHYIR, 'DI LA LEGS BSHAD RJES 'BRANG DU SA BON DANG SOL BA NI MYU GU LAS GZHAN YIN PA'I LDOG PA GCIG PAS NA MYU GU DE SA BON LAS SKYE SOL BA LAS KYANG SKYE DGOS ZHES MTHU DPUNG GIS 'PHUL BA'I DON DU BSHAD CING, GRUB MTHA'I MTSAN YANG DE DANG PHYOGS MTHUN PA DANG, AA GYA YONGS 'DZIN GYIS SGRUB BYED NUS MED MANG PO BKOD PA'I DON DANG, RJE 'JIGS MED DBANG POS DKYUS SU BKOD PA LTAR GSUNGS SO, ,DE YANG LDOG PA GCIG PA'I DPUNG 'PHUL RANG GZHAN THAMS CAD KYIS SKABS KUN TU KHAS LEN PAR MA ZAD RNAM DAG TU SONG NA @192B RIGS PA STOBS CHE BA YIN YANG, SKABS 'DI'I PHYOGS SNGA DAG GIS DPUNG 'PHUL ZHES PA'I MING TZAM LA BRTEN NAS RIGS PA MI SHES PA'I RNAM 'GYUR GSAL BAR BYAS PAS KHONG DAG GIS LDOG PA GCIG PA'I DPUNG 'PHUL BYAS PA YANG DAG TU MA SONG ZHES PA YIN TE, 'JUG PA'I RNAM BSHAD LAS, 'DI NI DPUNG 'PHUL ZHES PA'I MING NYID KYIS RIGS PA MI SHES PA'I SUN 'BYIN DU GSAL BAR BYAS TE, ZHES GSUNGS PA'I PHYIR, CHUS KHYER BA RJES 'BRANGS RNAMS DANG, RTZVA PHUNG DRUNGS PHYUNG BA DZA YA AA NANTAR BYED PA YANG RUNG MOD DE GNYIS KYI RIGS PA GNYIS LA BYAS NA LEGS PAR MNGON NO, ,GNYIS PA NI, DE BZHIN DU DNGOS PO, ZHES SOGS BYUNG, TZAM DU ZAD DO, ,YAN GYIS RMA BYA BYANG BRTZON SOGS DANG, YANG KHA CIG SOGS KYIS KHU LO TZ'A BA SOGS DANG, GZHAN DAG SOGS KYIS BOD GZHAN 'GA' ZHIG 'GOG PAS, DE GSUM RIM PAR LHAG MTHONG CHEN MOR BKOD PA'I GZHAN LUGS BZHI BA DANG, GNYIS PA DANG, GSUM PA DAG GO ,DE LA BA TSAB RJES 'BRANG RMA BYA BYANG BRTZON SOGS KYIS, RIGS PAS DPYAD BZOD KYI GZHAL BYA DANG DNGOS PO STOBS ZHUGS SAM 'DZIN STANGS DON LA MI 'KHRUL BA'I TSAD MA BKAG NAS MA BRTAGS MA DPYAD PAR 'JIG RTEN GRAGS PA'I DBANG DU BYAS PA'I RANG MTSAN GYIS GRUB PA'I GZHAL BYA DANG TSAD MA 'JOG CING, RIGS PAS DPYAD BZOD KYI TSAD MA DANG GZHAL BYA BKAG PA'I SKYON RANG LA MI 'JUG STE, KHO @193A *, ,BO'I RANG LUGS LA RIGS PAS DPYAD BZOD MI 'DOD CING, PHA ROL BOS DE 'DOD PA'I PHYIR, ZHES ZER MOD KYANG, DE NI THA SNYAD PAR GRUB PA DANG DON DAM PAR MA GRUB PA DPYOD PA'I KHYAD DANG, THAL RANG GIS DON DAM PAR GRUB MA GRUB DPYOD PA'I DPYOD MTSAMS KYI KHYAD PAR PHYED PA YANG MED LA, BTAGS DON BTZAL BAS MI RNYED PA'I MING DU BTAGS TZAM LA RGYU 'BRAS SOGS 'JOG MI SHES PAR SNANG BAS THA SNYAD DU YANG RANG MTSAN MED CES MANG DU SMRAS KYANG SMRAS PA TZAM DU ZAD DO, ,DZA YA AA NANTA'I SLOB MA LO TZ'A PA KHU MDO SDE 'BAR SOGS KYIS TSAD MAS GRUB PA'I DON RNAM PA KUN TU MED PAS NA PHA ROL GYI LOG RTOG 'GOG PA NI DES DNGOS SU KHAS BLANGS PA'AM DES KHAS BLANGS PAR SONG BA LA BRTEN PA'I THAL 'GYUR GYIS BYED DGOS LA, DE LAS GZHAN DU BDEN GRUB BKAG TZAM GYI BDEN MED BSGRUB RGYU MED PA NI RANG RGYUD KYI RTAGS DANG DAM BCA' MED PA'I DON DU 'DOD DO, ,THAL 'GYUR BAR KHAS 'CHE BA'I PHYIS KYI BOD GZHAN DAG GIS THA SNYAD DANG DON DAM PA GANG LA BRTZAMS PA'I RNAM GZHAG THAMS CAD GZHAN NGOR SMRA BA LAS THA SNYAD DU 'ANG RANG LUGS LA MED DE, DE 'DRA'I DAM BCA' YOD NA DE SGRUB BYED KYI DPE DANG RTAGS KYANG 'DOD DGOS LA, DE LTA NA RANG RGYUD PAR 'GYUR BA'I PHYIR ZHES SMRA ZHING SMRAS PA DE YANG RANG GIS MA BYAS KYI GZHAN GYI NGOR SNANG BA TZAM MO ZHES ZER RO, ,PHYOGS SNGA BZHI'I 'DOD TSUL RNAMS 'DI DANG LHAG MTHONG GUNG BSGRIGS TE SHES DGOS SHING, BZHI @193B PO THAMS CAD LUGS 'DI'I PHYOGS SNGA'I GTZO BOR SNANG STE, GNYIS PAS LUGS 'DI'I THUN MONG MA YIN PA'I DGAG BYA KHAS BLANGS PAR SONG LA, GZHAN GSUM GYIS RTEN 'BREL TSAD MAS GRUB PA YANG BKAG PA'I PHYIR, DE DAG GI DGAG GZHAG RGYAS PAR LHAG MTHONG CHEN MO'I THAL RANG GI DON NGOS BZUNG BA'I GZHAN LUGS DGAG PA'I SKABS SU GSUNGS ZIN PA DANG SBRAGS NAS BLTA BAR BYA'O, ` ,SPRO NA, GZHUNG LAS, BKAG PA'I SKYON RANG LA MI 'JUG PA'I RGYU MTSAN, ZHES PA'I SKYON GZHAN GYIS JI LTAR STON PA DANG, DE LHAG MTHONG CHEN MO LAS, DBU MA BA RANG GIS PHYI RGOL LA SGRUB PA'I NGAG BKOD PA'I SGO NAS GTAN TSIGS YANG DAG GIS BDEN PAR MED PA'I DON SGRUB PAR BYED DO, , DE LTA NA'ANG RANG RGYUD PAR MI 'GYUR BA NI, ZHES PA DANG BSDUR DU YOD MIN DANG, PHA ROL POS, KHYOD LA'ANG TSAD MA MI RUNG BAR THAL, RIGS PAS DPYAD BZOD KYI TSAD MA BKAG PA'I PHYIR ZHES SKYON BSTAN PA YIN NA, KHO BO LA DE 'DRA'I SKYON MI 'JUG STE, KHO BOS RIGS PAS DPYAD BZOD MI 'DOD CING, KHYED KYIS DE 'DOD PA'I PHYIR ZHES RGYU MTSAN BKOD PA 'BREL YANG, KHO BOS RIGS PAS DPYAD BZOD KYI TSAD MA MI 'DOD KYANG 'JIG RTEN GRAGS PA'I TSAD MA 'JOG CES SMRAS MA THAG PA LA DE 'DRA'I DOGS PA SKYE DON YOD MED DANG, RIGS PAS DPYAD BZOD DAM RANG MTSAN MI 'DOD CES KHO RANG GIS BSHAD PA NI BSHAD PA TZAM DU ZAD DE, RANG MTSAN GYIS MED TSUL MA @194A *, ,SHES PA'I PHYIR ZHES BRJOD KYANG, 'DI DANG LHAG MTHONG GIS PHYOGS SNGA 'GOD TSUL MTHUN MI MTHUN DANG, LHAG MTHONG LAS LUGS BZHI BA BKAG PA 'DI'I PHYOGS SNGA'I KHAS LEN GYI ZUR GANG DANG GANG 'GOG BYED DU SBYOR BA DPYAD DGOS SO, ,'DIR RMA BYA BYANG BRTZON SOGS KYIS THA SNYAD DU RANG MTSAN GYIS MED CES MANG DU SMRAS PAR GSUNGS PA DANG, LHAG MTHONG LAS, 'DIS NI THA SNYAD DU RANG GI MTSAN NYID YOD KYANG RANG MTSAN RIGS PAS DPYAD BZOD THA SNYAD DU 'GOG PAR SNANG, ZHES GSUNGS PA GNYIS MTHUN PAR BSGRIG TSUL DGONGS PAR SON PA GANG YIN YANG ZHIB TU BSAM PAR RIGS SO, ,SPYIR THAL 'GYUR BA'I LUGS LA DNGOS PO STOBS ZHUGS KYI TSAD MA 'DOD MI 'DOD NI, YIG CHAR, RJES DPAG GI DBYE BA'I SKABS DNGOS STOBS RJES DPAG GI MTSAN NYID DANG MTSAN GZHI BZHAG STE SHES BYED DANG BCAS GSUNGS KYANG, LEGS BSHAD RJES 'BRANG DU RJES DPAG TZAM LA DNGOS STOBS RJES DPAG CES PA'I THA SNYAD SBYOR MI SBYOR DPYAD BYAR GSUNGS LA, RIGS PA DRUG CU BA'I DAR t'IKA LAS DNGOS PO STOBS ZHUGS ZHES PA YANG DNGOS PO RANG MTSAN PA KHAS LEN PA LA ZER NA YANG MI 'THAD DE, SLOB DPON LEGS LDAN 'BYED KYIS KYANG BKAG PA'I PHYIR, ZHES GSUNGS SO, ,BSTAN DANG LHA RAMS PAS, RIGS PA DRUG CU BA'I DAR t'IKA LAS GSUNGS PA GO DKA' YANG, LHAG MTHONG GI THAD 'DIR DPAGS NA PHAL CHER MI BZHED PA'I PHYOGS AE YIN ZHES BSHAD DO, , @194B I PA RANG LUGS KYIS BSGRUB BYA SGRUB PA'I RTAGS YOD PA DANG RANG RGYUD KYI RTAGS MED TSUL LA GNYIS, RTAGS KYIS BSGRUB BYA SGRUB PA YOD TSUL DANG, RANG RGYUD KYI RTAGS KHAS MI LEN PA'I TSUL LO, ,DANG PO LA GNYIS, PHYOGS MED PHA RANG BZHIN GYIS GRUB PA'I KHAS LEN MED PA'I DON DU 'JUG PA RTZA 'GREL LAS BSHAD TSUL DANG, GZHUNG GZHAN DE DANG MTHUN PAR BSTAN PA'O, ,DANG PO NI, RANG GI LUGS NI, ZHES SOGS BYUNG, 'DI LA THUG GO ,YAN GYIS RANG RGYUD 'DOD DGOS MI DGOS DANG, CES GSUNGS SO, ,YAN GYIS DE LA RGYU 'BRAS 'THAD MI 'THAD DANG, DE MAN GYIS DE LA SUN 'BYIN DANG SGRUB PA 'THAD MI 'THAD KYI KHYAD PAR BSTAN PA LAS KHYAD PAR DANG PO NI, RANG LUGS DGONGS 'GREL LTAR RANG MTSAN GYIS GRUB PA 'DOD NA NGES PAD RANG RGYUD 'DOD DGOS TE, RANG MTSAN GYIS GRUB PA DANG RANG RGYUD RNAM GRANGS YIN PA'I PHYIR, DPER NA RANG BZHIN SMRA BA BZHIN NO, ,RANG MTSAN GYIS GRUB PA MI BZHED NA RANG RGYUD MI BZHED DGOS TE, DE GNYIS RNAM GRANGS YIN PA'I PHYIR RO, ,'DI YANG DGAG BYA PHRA MO NAS 'GOG PA LA THUG GO ,KHYAD PAR GNYIS PA NI, RANG MTSAN GYIS GRUB PA MED NA RANG PHYOGS KYI BSGRUB BYA DANG DE SGRUB PA'I SGRUB BYED DANG TSAD MA DANG GZHAL BYA RNAMS 'JOG PA 'GAL BAR MTHONG NAS RANG RGYUD KHAS MI LEN PA MIN TE, RANG RGYUD KHAS LEN NA RGYU 'BRAS PHRAD PA'AM MA PHRAD PAR SKYED PA LA BRTAGS NA MI RIGS PAS RANG RGYUD KHAS MA BLANGS PA YIN PA'I PHYIR TE, @195A *, ,'JUG PA LAS, GAL TE KHYOD KYIS RGYU YIS PHRAD NAS 'BRAS SKYED BYED NA DE YI TSE, ,DE DAG NUS PA GCIG PAS SKYED BYED 'BRAS BU THA DAD MED 'GYUR ZHING, ,SO SOR NA NI RGYU 'DI RGYU MIN RNAMS DANG KHYAD PAR MED 'GYUR LA, ,GNYIS PO 'DI DAG SPANGS NAS RTOG PA GZHAN YANG YOD PAR 'GYUR MA YIN, ,ZHES DE LA RGYUS 'BRAS BU PHRAD NAS DANG MA PHRAD PAR SKYED PA GANG YANG MI RUNG BA'I SKYON GNYIS BSTAN NAS BKAG CING, SKYON DE PHA ROL PO LA 'JUG PA'I SGRUB BYED DU, RANG 'GREL LAS, GANG GI LTAR NA, ZHES SOGS KYIS RANG MTSAN GYIS GRUB PA'I RGYU 'BRAS 'DOD PA LA BRTAG PA GNYIS BYAS PA'I SKYON DE 'JUG LA, GANG GI LTAR NA DNGOS PO RNAMS LOG PAR KUN BTAGS PAS BSKYED PA NYID KYIS SGYU MA LTAR MA SKYES PA'I RANG BZHIN YIN ZHING, RANG BZHIN MED KYANG RAB RIB CAN GYI DMIGS PA'I SKRA SHAD LA SOGS PA LTAR RNAM PAR RTOG PA'I YUL DU 'GYUR BA DE LA NI BSAM DU MED PA NYID DE, DE'I PHYIR BDAG LA JI SKAD BSHAD PA'I SKYON GYI SKABS YOD PA MA YIN, ZHES SGYU MA LTAR RANG BZHIN MED PAR SMRA BA LA SKYON DE MED PAR GSUNGS PA'I PHYIR RO, ,KHYAD PAR GSUM PA LA, DE LA PHA ROL BOS, SOGS KYIS RANG PHYOGS LA SUN 'BYIN DANG SGRUB PA 'THAD PAR BSTAN, SKABS 'DIR, SOGS KYIS DE'I DPE MDO LAS BSTAN PA 'JUG 'GREL DU GSUNG SPA BKOD, DE LA THOB PA NI, SOGS KYIS MDO DE'I DON BKRAL PA GSUM LAS, RANG PHYOGS LA SGRUB PA DANG SUN 'BYIN 'THAD TSUL NI, @195B THAL 'GYUR BAS RGYU 'BRAS PHRAD MA PHRAD SNGAR LTAR BRTAGS NAS SUN 'BYIN BYAS PA'I LAN DU, PHA ROL BOS, RGYUS 'BRAS BU SKYED PA LA PHRAD MA PHRAD KYI BRTAG PA BYED PA NI KHYOD LA'ANG MTSUNGS PAR 'GYUR TE, KHYOD KYI SUN 'BYIN 'DIS SU DBYUNG BYA DANG PHRAD NAS SUN 'BYIN NA SUN DBYUNG BYA DANG 'BYIN BYED GNYIS GCIG TU 'GYUR ZHING, MA PHRAD PAR SUN 'BYIN NAM PHRAD PA THAMS CAD KYIS SUN 'BYIN PAR 'GYUR BA'I PHYIR, ZHES PA'I LAN DU, 'JUG PA LAS, SUN 'BYIN PAS SUN DBYUNG BYA MA PHRAD SUN NI 'BYIN BYED DAM, ,ZHES SOGS KYIS SUN 'BYIN PAS SUN DBYUNG BYA MA PHRAD PAR SUN 'BYIN NAM, PHRAD NAS 'BYIN ZHES PA'I NYES PA NI, RGOL BA GANG LA RANG BZHIN GYIS GRUB PA'I DON DAM 'CHA' BA DE LA SKYON DU 'GYUR GYI, BDAG LA RANG BZHIN GYIS GRUB PA'I DAM BCA' MED PAS KHYOD KYIS BRJOD PA'I THAL BA 'DI MI 'BYUNG BAR GSUNGS SO, ,RANG GIS PHA ROL BOR NYES PA BRJOD PA DANG PHA ROL BOS RANG LA NYES PA BRJOD PA GNYIS MI MTSUNGS PA'I RGYU MTSAN DU, BDAG LA PHYOGS 'DI NI, ,YOD PA MIN ZHES RANG LA PHYOGS MED PAR GSUNGS SHING, DE'I RANG 'GREL LAS, KHO BO CAG GI PHYOGS LA MTSUNGS PAR THAL BAR MI 'GYUR TE, GANG GI PHYIR KHO BO CAG GI PHYOGS LA NI SUN 'BYIN PAS SUN DBYUNG BAR BYA BA PHRAD NAS KYANG SUN 'BYIN PAR MI BYED PA NYID LA SUN 'BYIN PAS SUN DBYUNG BAR BYA BA MA PHRAD PAR YANG SUN 'BYIN PAR MI BYED DE, SUN DBYUNG BA DANG SUN 'BYIN PA GNYIS KA RANG BZHIN GYIS MA @196A *, ,GRUB PA'I PHYIR RO, ,DE'I PHYIR PHRAD PA DANG MA PHRAD PA'I BSAM PA MI BYED DO, ,ZHES GSUNGS SO, ,DE LA PHYOGS MED PA NI RANG BZHIN GYIS GRUB PA'I KHAS LEN MED PA'I DON DU DRANGS MA THAG PA'I RANG 'GREL LAS BSHAD DE, GONG DU RGYU 'BRAS KYI SKABS SU MI MTSUNGS PA'I RGYU MTSAN DU RANG MTSAN GYIS GRUB PA'I RGYU 'BRAS 'DOD PA LA BRTAG PA GNYIS BYAS PA'I SKYON 'JUG LA RANG BZHIN GYIS MED PAR SMRA BA LA MI 'JUG PAR BSHAD PA DANG DON GCIG GO ,DE'I DPE MDO LAS GSUNGS TSUL NI, 'JUG PA'I RANG 'GREL DU YUM GYI MDO DRANGS BA LAS, TSE DANG LDAN PA RAB 'BYOR, CI SKYES PA'I CHOS KYIS MA SKYES PA'I THOB PA 'THOB PAR 'GYUR RAM, 'ON TE MA SKYES PA'I CHOS KYIS MA SKYES PA'I THOB PA 'THOB PAR 'GYUR, RAB 'BYOR GYIS SMRAS PA, TSE DANG LDAN PA SH'A RI'I BU, KHO BO NI SKYES PA'I CHOS KYIS MA SKYES PA'I THOB PA 'THOB PAR MI 'DOD LA, MA SKYES PAS KYANG MA SKYES PA'I THOB PA 'THOB PAR MI 'DOD DO, ,ZHES SH'A RI'I BUS RAB 'BYOR LA RANG BZHIN GYIS SKYES PA'I CHOS TE LAM GYIS RANG BZHIN GYIS MA SKYES PA'I THOB PA STE 'BRAS BU 'THOB BAM, RANG BZHIN GYIS MA SKYES PA'I LAM GYIS RANG BZHIN GYIS MA SKYES PA'I 'BRAS BU 'THOB CES DPYAD NAS DRIS PA LA, LAN DU RAB 'BYOR GYIS DE GNYIS KA MI 'DOD PAR GSUNGS PA NA, SH'A RI'I BUS SMRAS PA, TSE DANG LDAN PA RAB 'BYOR, YANG CI THOB PA MED CING MNGON PAR RTOGS PA MED DAM, RAB 'BYOR GYIS SMRAS PA, TSE DANG LDAN PA @196B SH'A RI'I BU, THOB PA YANG YOD, MNGON PAR RTOGS PA YANG YOD MOD KYI, GNYIS KYI TSUL GYIS NI MA YIN NO, ,ZHES THOB PA STE 'BRAS BU DANG, MNGON PAR RTOGS PA STE LAM MED DAM ZHES DRIS PA LA, DE GNYIS YOD KYANG RANG BZHIN GYIS GRUB PA'I LAM GYIS RANG BZHIN GYIS MA SKYES PA'I 'BRAS BU THOB PA DANG RANG BZHIN GYIS MA GRUB PA'I LAM GYIS RANG BZHIN GYIS MA SKYES PA'I 'BRAS BU 'THOB PA GNYIS KYI TSUL GYIS MED PAR GSUNGS SO, ,YANG DE NYID LAS, TSE DANG LDAN PA SH'A RI'I BU THOB PA DANG MNGON PAR RTOGS PA NI 'JIG RTEN GYI THA SNYAD DU YIN LA, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, BYANG CHUB SEMS DPA' YANG 'JIG RTEN GYI THA SNYAD DU YIN GYI DON DAM PAR THOB PA MED CING MNGON PAR RTOGS PA MED DO, ,ZHES LAM 'BRAS GNYIS DANG RGYUN ZHUGS SOGS KYANG THA SNYAD DU YOD KYI DON DAM PAR MED PAR GSUNGS PA RNAMS 'JUG 'GREL DU DRANGS NAS, 'JUG PA'I RANG 'GREL LAS, 'DIR JI LTAR GNYIS SU THAL BAR 'GYUR BA'I PHYIR, ZHES SOGS GZHUNG DU GSAL BA'I LUNG TSAN GNYIS LTAR SGRUB PA DANG SUN 'BYIN THAMS CAD KYANG SH'A RI'I BUS DRIS NAS RAB 'BYOR GYIS LAN MDZAD PA BZHIN BYA BAR GSUNGS SO, ,DE LA LUNG DANG PO'I DON NI, YUM GYI MDO 'DIR JI LTAR RTAG CHAD KYI MTHA' GNYIS PO GANG RUB DU THAL BAR 'GYUR BA'I PHYIR RANG BZHIN GYIS GRUB PA'I SKYES PA'I CHOS KYIS THOB PA 'THOB PA'AM MA SKYES PA'I CHOS KYIS THOB PA 'THOB PA @197A *, ,GNYIS KA BKAG CING, MTHA' DE GNYIS KYIS BRTAG PA BYAS NAS KHAS LEN PA DE NYID KYANG DNGOS PO STE RANG MTSAN GYIS GRUB PA MED PA ZHIG LA MI RIGS PA'I PHYIR NA MA BRTAGS SHING MA DPYAD PAR 'JIG RTEN GYI THA SNYAD TZAM DU THOB PA 'THOB PAR KHAS BLANGS PA DE BZHIN DU, 'DIR YANG GANG SUN DBYUNG BAR BYA BA DANG GANG GIS SUN 'BYIN PAR BYED PA DAG KYANG PHRAD NAS SUN 'BYIN PA'AM MA PHRAD PAR SUN 'BYIN PA GANG YANG MA YIN MOD KYI, 'ON KYANG DE LTAR MA DPYAD PAR THA SNYAD TZAM DU SUN 'BYIN PAR BYED PA DE NYID KYIS SUN DBYUNG BAR BYA BA DE NYID SUN 'BYIN PAR BYED DO ZHES SHES PAR BYA'O, ,ZHES PA DANG, LUNG GNYIS PA'I DON NI, SKABS 'DIR RANG BZHIN GYIS STONG BA'I SUN 'BYIN PAS SUN DBYUNG BYA PHYOGS SNGA SUN 'BYIN NUS PA DANG, DER MA ZAD RANG BZHIN GYIS STONG ZHING RANG BZHIN GYIS GRUB PA'I 'THAD PA DANG BRAL BAR SGRUB PA'I RTEN 'BREL LA SOGS PA'I GTAN TSIGS KYIS KYANG BSGRUB PAR BYA BA RANG BZHIN GYIS MED PA SGRUB PAR NUS PA YIN ZHES PA'O, ,SNGAR BKOD PA'I MDO DE'I DON GZHUNG 'DIS BKRAL BA NI, SHER MDOR BTAGS DON LA DPYAD NAS 'THOB BYED GANG GIS THOB BYA GANG THOB DRIS TSE DE GNYIS KA MI 'DOD PA'I LAN MDZAD PA NA, 'O NA THOB BYA THOB PA MED DAM ZHES DRIS PA NI BTAGS DON DPYOD BYED KYIS BTZAL NAS MA RNYED PA NA DPYOD BYED DES THOB BYA DE THOB PA BKAG PAR 'DZIN PA DANG, THOB PA YANG YOD MNGON PAR RTOGS PA YANG YOD MOD KYI ZHES PA @197B NI DPYOD TSUL DES DPYAD PAS MA RNYED PA NI RIGS SHES KYIS MA RNYED PA'I DON YIN GYI DON DE DES BKAG PA MIN PAS THOB BYA DANG 'THOB BYED SPYIR YOD CES TSIG NUS BTON TO, ,GNYIS KYI TSUL GYIS NI MA YIN NO, ,ZHES PA BTAGS DON BTZAL NA SKYES PA DANG MA SKYES PA GANG YANG MA THOB CES PA DANG, DE MAN GYIS BTAGS DON BTZAL NA MI RNYED PA DON DAM DU MED PA DANG MA DPYAD PAR YOD PA THA SNYAD DU YOD PA'I DON DU BSHAD DO, ,DE DPYAD MA DPYAD KYIS TSIGS SHES PA LA NI SNGAR KUN BTAGS DANG LHAN SKYES KYI SGRO 'DOGS KYIS BZUNG TSUL BSTAN PA'I SKABS SU THAL RANG SO SO'I LUGS KYI DON DAM DANG KUN RDZOB TU GRUB MA GRUB DPYOD PA'I TSUL GNYIS GNYIS TE DPYOD LUGS BZHI PO DE SHES DGOS TE, ZAB GSAL SGRON MER SKYES MA SKYES KYI SPO NAS BRTAGS PA GNYIS DANG, PHRAD MA PHRAD KYI SGO NAS DPYAD PA GNYIS TE BZHI LA BSHAD KYANG DES THAL RANG GNYIS KYI DON DAM LA DPYOD PA'I SA TSIGS SHES MI NUS SAM SNYAM MO, ,RANG 'GREL LAS, GNYIS KYANG DNGOS PO MED PA LA MI RIGS PA'I PHYIR, ZHES PA RANG MTSAN GYIS YOD PAR 'DOD NA DPYAD PA DE RIGS KYANG RANG MTSAN GYIS MED PA LA DE MI RIGS PA'I DON NO, ,SHER MDO'I, CI SKYES PA'I CHOS KYIS MA SKYES PA'I THOB PA 'THOB PAR 'GYUR RAM, 'O NA TE MA SKYES PA'I CHOS KYIS MA SKYES PA'I THOB PA 'THOB PAR 'GYUR, ZHES PA'I DON LHAG MA THONG DU BSDUS PAR, SH'A RI'I BUS RAB 'BYOR LA SKYES PA DANG MA SKYES PA'I CHOS GANG GIS MA SKYES PA'I CHOS THOB PA 'THOB CES @198A *, ,DPYAD NAS DRIS PA NA, ZHES PA SKYES PA'I CHOS GANG GIS MA SKYES PA'I CHOS THOB PA 'THOB BAM, MA SKYES PA'I CHOS GANG GIS MA SKYES PA'I CHOS THOB PA 'THOB, CES PAR 'DUG PAS 'THOB BYED SKYES MA SKYES GNYIS DANG, THOB BYA MA SKYES PA LA SBYAR BA 'JUG PA'I RANG 'GREL GYI 'GYUR DANG SHIN TU MTHUN ZHING RNAM BSHAD DU'ANG DE LTAR 'BYUNG NGO, ,GZHUNG DU, SH'A RI'I BUS RAB 'BYOR LA SKYES PA'I CHOS KYIS MA SKYES PA'I THOB PA 'THOB BAM SKYES PA'I THOB PA 'THOB CES DPYAD NAS DRIS PA LA, ZHES PA SKYES PA'I CHOS KYIS MA SKYES PA'I THOB PA THOB BAM, SKYES PA'I CHOS KYIS SKYES PA'I THOB PA 'THOB, CES PAR 'DUG PAS, 'THOB BYED NI SKYES PA RKYANG BA DANG, THOB BYA SKYES MA SKYES GNYIS KA LA SBYAR NA 'JUG PA'I RANG 'GREL GYI 'GYUR DANG MI MTHUN YANG 'GYUR GZHAN LTAR RAM YI GE CHAD PA GANG YIN BRTAG CING, DGONGS ZAB SNANG BA'I SGRON MER, 'DI BTAGS DON 'TSOL TSUL YIN PAS DE LTAR DPYAD KYANG RUNG BA LA DGONGS SAM SNYAM, ZHES GSUNGS LA, DKA' 'GREL LTAR NA, SKYES PA'I CHOS KYIS RANG DUS NA SKYES ZIN PA'I THOB PA 'THOB NA SLAR SKYE BA DON MED CING, RANG DUS NA MA SKYES PA'I THOB PA RANG BZHIN GYIS GRUB PA THOB PA'ANG MI 'THAD CES BKRAL TO, ,GNYIS PA NI, DES NA TSIG GSAL LAS, ZHES SOGS BYUNG, TSIG GSAL LAS, DE DAG KYANG PHAN TSUN LTOS PAS 'GRUB PAR 'GYUR TE, TSAD MA DAG YOD NA GZHAL BYA'I DON DU 'GYUR LA, GZHAL BYA'I @198B DON DAG YOD NA TSAD MA DAG TU 'GYUR GYI, TSAD MA DANG GZHAL BYA GNYIS NGO BO NYID KYIS GRUB PA NI YOD PA MA YIN NO, ,ZHES TSAD MA DANG GZHAL BYA RNAMS NGO BO NYID KYIS GRUB PA BKAG NAS PHAN TSUN LTOS NAS 'JOG PAR GSUNGS LA, RTZOD ZLOG RANG 'GREL LAS, KHYOD KYI TSIG DAG MED PAR YANG STE, TSIG MA GTOGS PAR YANG MED PA'I 'GOG PA 'GRUB NA DE CI DNGOS PO THAMS CAD LA RANG BZHIN MED PA YIN NO ZHES SMRAS PA'I KHYOD KYI TSIG DES CI ZHIG BYED CES SMRAS PA GANG YIN PA 'DI LA BSHAD PAR BYA STE, DNGOS PO THAMS CAD RANG BZHIN MED PA'O ZHES BYA BA'I TSIG 'DI NI DNGOS PO RNAMS RANG BZHIN MED PA NYID DU BYED PA MA YIN GYI, 'ON KYANG RANG BZHIN MED PA LA DNGOS PO RNAMS RANG BZHIN MED PA'O ZHES GO BAR BYED PA YIN NO, ,DPER NA, 'GA' ZHIG NA RE, LHAS BYIN KHYIM NA MED BZHIN DU LHAS BYIN KHYIM NA YOD DO ZHES ZER BA DANG, DE MED PA LA KHA CIG NA RE MED DO ZHES ZER BA NA TSIG DES LHAS BYIN MED PAR MI BYED KYI LHAS BYIN KHYIM NA MI SRID PAR STON PA 'BA' ZHIG TU ZAD DO, ,ZHES SOGS KYIS RANG BZHIN MED KYANG BSGRUB BYA SGRUB NUS PA DPE DANG BCAS TE GSUNGS SO, ,SPYIR RTZA SHE RAB BYED NYER BZHI BAR GZHI GANG LA RANG BZHIN GYIS STONG PA KHO NA RUNG BA DE LA BYA BYED THAMS CAD RUNG BAR GSUNGS PA'I TSUL GYIS RANG BZHIN GYIS STONG PA'I PHYOGS LA RNAM GZHAG THAMS CAD 'THAD PAR YANG YANG GSUNGS PA LA BYA BYED MI RUNG BAR 'DZIN PA BLO GROS YANG BAR STON PA'O, ,GANG DAG THAL 'GYUR BA LA RANG @199A *, ,LUGS MED DE, RTZOD ZLOG LAS, GAL TE NGAS DAM BCAS 'GA' YOD, ,CES SOGS DANG, BZHI BRGYA PA LAS, YOD DANG MED DANG YOD MED CES, ,ZHES SOGS DANG, TSIG GSAL LAS, PHYOGS GZHAN KHAS BLANGS PA MED PA'I PHYIR RO, ,ZHES DBU MA BA LA PHYOGS DANG DAM BCA' MED PAR GSUNGS PA'I PHYIR ZER NA, RTZOD ZLOG GI RKANG PA DANG PO GNYIS KYI DON NI, 'JUG PA LAS, 'DIR GANG LA, ,NGES PAR PHYOGS YOD DE LA 'GYUR GYI ZHES PA'I DON DANG, RKANG BA PHYI MA GNYIS KYI DON YANG, 'JUG PA LAS, BDAG LA PHYOGS 'DI NI, ,YOD PA MIN PAS THAL BAR 'GYUR BA 'DI NI SRID MA YIN, ,ZHES PA'I DON YIN PAS DAM BCA' DANG PHYOGS MED PA'I DON 'JUG 'GREL LAS, KHO BO CAG GI PHYOGS LA MTSUNGS PAR THAL BAR MI 'GYUR TE, GANG GI PHYIR KHO BO CAG GI PHYOGS LA NI, NAS, SUN DBYUNG BA DANG SUN 'BYIN PA GNYIS KA RANG BZHIN GYIS MA GRUB PA'I PHYIR RO, ,ZHES BSHAD PA LTAR RO, ,BZHI BRGYA BAR GSUNGS PA YANG MA DPYAD PA'I THA SNYAD DU YANG BSGRUB BYA DANG SGRUB BYED KHAS MI LEN PA'I KHUNGS MIN TE, DER PHYOGS MED PAS SKYON GDAGS SU MED PAR GSUNGS PA YANG 'JUG 'GREL LAS GANG GI PHYIR MING TZAM PA'I BTAGS YOD DU SMRA BA RNAMS LA, BTAGS DON 'TSOL BA'I GNYIS SU SMRA BA MI RIGS PA'I PHYIR GNYIS LA BRTEN NAS SUN 'BYIN PA DANG LAN SMRA BAS DBU MA BA LA RNAM PA KUN TU GLAGS MI RNYED PA'I DON DU BSHAD PA'I PHYIR, GZHUNG GI PHYI 'GREL GYI DON DES SHES NUS SHING, BZHI BRGYA BA'I @199B LUNG GI 'BRU 'JOMS NI, DNGOS PO RNAMS RANG BZHIN GYIS YOD PA DANG, DON BYED PA'I DNGOS PO THAMS CAD GTAN MED PA DANG, DNGOS PO MED PA RANG BZHIN GYIS GRUB PA'I YOD MED GNYIS KA ZHES BYA BA'I NYES PA DANG BCAS PA'I PHYOGS NI GANG LA YOD PA MIN PA DE LA YUN RING PO NA'ANG KLAN KA BRJOD PAR NUS PA MA YIN ZHES PA STE 'GREL BA RNAMS SU CHER MI GSAL YANG DGONGS ZAB SNANG BA'I SGRON ME LTAR BKOD PA STE ZAB GSAL SGRON MER 'GREL TSUL MI 'DRA BA GNYIS BKOD DO, , DE'I PHYIR TSIG GSAL LAS DBU MA BA YIN NA RANG RGYUD BYA MI RIGS PA'I RGYU MTSAN DU, PHYOGS GZHAN KHAS BLANGS PA MED PA'I PHYIR RO, ,ZHES BKOD PA'I SHES BYED DU LUNG DE RNAMS DRANGS PA YANG DBU MA BA LA RANG MTSAN GYIS GRUB PA KHAS BLANGS PA MED PA'AM KHAS LEN MI RIGS PA'I SHES BYED YIN LA, RANG MTSAN GYIS GRUB PA KHAS BLANGS PA MED PA'AM DE KHAS LEN MI RIGS NA RANG RGYUD KYI RTAGS KYANG 'DOD MI RIGS ZHES RANG RGYUD 'GOG PA YIN GYI BSGRUB BYA SGRUB PA'I RTAGS TZAM ZHIG 'GOG PA MIN NO, ,'JUG 'GREL LAS, GNYIS SU SMRA BA 'DI MI RIGS PA, ZHES PA'I GNYIS SU SMRA BA LA LUGS GSUM LAS THA MA NI RANG BZHIN GYIS SKYES PA'I CHOS KYIS RANG BZHIN GYIS MA SKYES PA'I THOB PA 'THOB PA DANG, RANG BZHIN GYIS MA SKYES PA'I CHOS KYIS RANG BZHIN GYIS MA SKYES PA'I THOB PA 'THOB PAR SMRA BA'O, ,GNYIS PA RANG RGYUD KYI RTAGS KHAS MI LEN PA'I TSUL LA GNYIS, MTSAMS SBYAR BA DANG, DNGOS SO, ,DANG PO NI, GAL TE, ZHES SOGS @200A *, ,BYUNG STE GO SLA'O, ,GNYIS PA LA GSUM, RANG RGYUD 'GOG PA'I RIGS PA DANG, RIGS PA DE PHA ROL BOS KYANG DON GYIS KHAS BLANGS TSUL DANG, SKYON BRJOD DE RANG GI SBYOR BA LA MI MTSUNGS PA'I RGYU MTSAN NO, , DANG PO LA GNYIS, GZHI CHOS CAN MA GRUB PA'I PHYOGS KYI SKYON BSTAN PA DANG, SKYON DES GTAN TSIGS KYANG MA GRUB PAR BSTAN PA'O, ,DANG PO LA GNYIS, DON DAM PA'I KHYAD PAR SBYAR BA DON MED PAR BSHAD PA DANG, CHOS CAN SPYI TZAM 'DZIN PA'I LAN DGAG PA'O, ,DANG PO NI, DE YANG LEGS LDAN GYIS, ZHES SOGS BYUNG, DE YANG LEGS LDAN GYIS SHER SGRON LAS, DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR, DPER NA SHES PA YOD PA NYID BZHIN NO, ,ZHES BKOD PA LA ZLA BAS SKYON BRJOD TSUL NI, MI DPYOD PA'I PHYIR RO ZHES PA'I BAR GYIS DON DAM PA'I KHYAD PAR CHOS LA SBYAR NA DGOS PA MED PA DANG, KHAS MA BLANGS PA'I PHYIR RO, ,ZHES PA'I BAR GYIS DE CHOS CAN LA SBYAR NA DGOS PA MED PA DANG, DE MAN GYIS DE'I SKYON SPONG DGAG PA BSTAN TE, DE YANG TSIG GSAL LAS, GAL TE 'JIG RTEN GYI KUN RDZOB TU SKYE BAR KHAS BLANGS PA, NAS, DE'I PHYIR RNAM PA THAMS CAD DU KHYAD PAR DON DAM PA MED PA NYID DO ZHES BYA BAR NGES SO, ,ZHES GSUNGS SO, ,DE LA DON DAM PA'I KHYAD PAR CHOS LA SBYAR NA YANG DGOS PA MED DE, DE DBU MA BA RANG LA LTOS NAS KYANG MI DGOS, GZHAN GRANGS CAN PA LA LTOS NAS @200B KYANG MI DGOS, 'JIG RTEN RANG DGA' BA LA LTOS NAS KYANG MI DGOS PA'I PHYIR, DANG PO GRUB STE, SNGA RGOL DBU MA BA RANG GIS BDAG SKYE KUN RDZOB TU YANG KHAS BLANGS PA MED PA'I PHYIR, GNYIS PA GRUB STE, DE LA DON DAM GYIS KHYAD PAR MA SBYAR BAR BKAG NA LEGS PA'I PHYIR TE, BDEN GNYIS LAS NYAMS PA'I MU STEGS PA NI BDEN PA GNYIS KA'I SGO NAS 'GOG RIGS PA'I PHYIR, GSUM PA GRUB STE, 'JIG RTEN GYI THA SNYAD DU BDAG SKYE 'DOD PA DGAG MI RIGS PA'I PHYIR TE, 'JIG RTEN PAS NI RGYU LAS 'BRAS BU 'BYUNG BA TZAM 'DOD KYI BDAG GZHAN GANG LAS SKYE ZHES MI DPYOD PA'I PHYIR RO, ,YANG DE NYID LAS, GZHAN YANG GAL TE KUN RDZOB TU SKYE BA DGAG PAR 'DOD NAS, NAS, KHAS MA BLANGS PA'I PHYIR RO, ,ZHES GSUNGS SO, ,DE LA DON DAM PA'I KHYAD PAR CHOS CAN LA SBYAR NA YANG DGOS PA MED DE, PHA ROL POS DON DAM PAR 'DOD PA'I MIG SOGS LA KUN RDZOB TU YANG SKYE BA DGAG 'DOD NAS DON DAM PA'I KHYAD PAR CHOS CAN LA SBYOR NA NI DE'I TSE SNGA RGOL LA STOS TE CHOS CAN MA GRUB PA'I RTAGS KYI SKYON DU 'GYUR BA'I PHYIR TE, RANG GIS DON DAM PAR MIG SOGS KHAS MA BLANGS PA'I PHYIR RO, ,YANG DE NYID LAS, GAL TE KUN RDZOB TU MIG LA SOGS PA YOD PA'I PHYIR, NAS, 'DI NI MI RIGS SO, , ZHES GSUNGS SO, ,DE LA KHO NA RE, CHOS CAN MA GRUB PA'I RTAGS KYI SKYON DE MED DE, DON DAM PA'I MIG SOGS MED KYANG KUN RDZOB PA'I MIG SOGS YOD PA'I PHYIR ZHE NA, 'O NA DON DAM PA ZHES PA DE GANG GI KHYAD PAR YIN ZHES DRIS PA @201A *, ,LA, KHO NA RE, DON DAM PA ZHES PA SKYE BA 'GOG PA'I KHYAD PAR LA SBYOR DGOS TE, RIGS PA DES MIG SOGS CHOS CAN DU BZUNG NAS DON DAM PAR SKYE BA 'GOG PA'I PHYIR ZHE NA, DE YANG MI RIGS TE, KHYOD KYIS DE LTAR SBYAR NAS MA SMRAS PA'I PHYIR DANG, GAL TE SMRAS NA YANG GZHAN PHYI RGOL GRANGS CAN PA LA CHOS CAN MA GRUB PA'I SKYON DU 'GYUR BA'I PHYIR TE, GRANGS CAN PAS MIG SOGS DBU MA BAS 'DOD PA LTAR GYI KUN RDZOB TU MI 'DOD PA'I PHYIR RO, ,GNYIS PA LA GNYIS, 'DOD PA BRJOD PA DANG, DE DGAG PA'O, ,DANG PO NI, DE'I SKYON SPONG LA, ZHES SOGS BYUNG, TSIG GSAL LAS, CI STE JI LTAR SGRA MI RTAG CES BYA BA LA, NAS, CHOS CAN TZAM ZHIG 'DZIN PAR 'GYUR RO ZHE NA, ZHES GSUNGS SO, ,DE LA LEGS LDAN NA RE, SANGS RGYAS PAS BYE BRAG PA LA SGRA MI RTAG PAR SGRUB PA NA 'BYUNG 'GYUR DANG NAM MKHA'I YON TAN GANG GIS KYANG KHYAD PAR DU MA BYAS PA'I SGRA SPYI TZAM 'DZIN GYI KHYAD PAR BA MI 'DZIN TE, 'DZIN NA BSGRUB BYA SGRUB BYED YANG DAG MED PAR 'GYUR BA'I PHYIR TE, 'BYUNG 'GYUR GYI SGRA CHOS CAN DU 'DZIN NA BYE BRAG PA LA MA GRUB LA, NAM MKHA'I YON TAN GYI SGRA CHOS CAN DU 'DZIN NA SANGS RGYAS PA LA MA GRUB PA'I PHYIR RO, ,DE'I PHYIR DE BZHIN DU DBU MA BAS MIG SOGS BDAG LAS SKYE BA MED PAR GRANGS CAN PA LA SGRUB PA NA BDEN RDZUN GYI KHYAD PAR DOR NAS MTHUN SNANG DU GRUB PA'I MIG SOGS TZAM ZHIG CHOS CAN DU GZUNG DGOS TE, BDEN PAR GRUB PA'I MIG SOGS @201B CHOS CAN DU BZUNG NA RANG LA MI 'GRUB CING, RDZUN PAR GRUB PA'I MIG SOGS CHOS CAN DU BZUNG NA GRANGS CAN PA LA MI 'GRUB PA'I PHYIR, DES NA DON DAM PA'I KHYAD PAR CHOS CAN LA MA SBYAR BAS RGOL BA LA LTOS TE MA GRUB PA'I SKYON MED CES ZER RO, ,GNYIS PA LA GNYIS, DON MI 'THAD PA DANG, DPE BKOD PA DANG MI 'DRA BA'O, ,DANG PO LA GNYIS, CHOS CAN GYI NGO BO PHYIN CI LOG TZAM GYIS RNYED PA MIN PAR KHAS BLANGS PA'I STENG NAS BSHAD PA DANG, CHOS CAN DE KHO NAR MA GRUB PA KHAS BLANGS PA'I STENG NAS BSHAD PA YANG RANG RGYUD 'GOG PA'I GRUB MTHA' MI MTHUN PA MIN PAR BSTAN PA'O, ,DANG PO LA GNYIS, DNGOS DANG, RTZOD SPONG NGO, ,DANG PO NI, DE'I LAN DU, ZHES SOGS BYUNG, TSIG GSAL LAS, DE NI DE LTAR MA YIN TE, NAS, 'DI LAN MA YIN PA NYID DO, ,ZHES GSUNGS SO, ,MIG SOGS PHYIN CI LOG TZAM GYIS RNYED PA MIN PAR LEGS LDAN GYIS KHAS BLANGS PA LA PHYIN CI LOG MA LOG DNGOS 'GAL YIN PA'I RIGS PAS BKAG GO ZHES MDOR BSTAN NAS, DE'I DON RGYAS PAR BSHAD PA LA, DE DAG GI DON NI, ZHES PA MAN BYUNG NGO, ,DE YANG MIG SOGS BDAG LAS MI SKYE BAR SGRUB PA'I CHOS CAN DU BDEN GNYIS KYI KHYAD PAR DOR BA'I MIG SOGS SPYI TZAM GZHAG TU MI RUNG STE; MIG SOGS CHOS CAN DE 'JAL BA'I TSAD MA NI MIG SOGS KYI RANG BZHIN LA MA 'KHRUL BA'I SHES PA YIN DGOS PAR KHAS BLANGS PA GANG ZHIG SHES PA PHYIN CI MA LOG PA STE YUL GYI RANG BZHIN LA MA 'KHRUL BAS RNYED PA'I YUL @202A *, ,NA SHES BYA PHYIN CI LOG STE RANG MTSAN GYIS GRUB PA MED BZHIN DU DER SNANG BA'I RDZUN SNANG MED PA'I PHYIR, RTAGS DANG PO GRUB STE, YOD PA GANG YIN RANG GI NGO BOS YOD PAR 'DOD PA'I LUGS LA TSAD MA GANG YIN THA SNYAD DU SGRA RTOG GIS BTAGS PA TZAM MIN PA'I RANG BZHIN GYIS GRUB PA ZHIG LA TSAD MAR 'GRO DGOS SHING PHYOGS SNGA RANG GIS KHAS LEN PA YANG YIN PA'I PHYIR TE, DE'I LUGS LA CHOS CAN DE 'JAL BA'I TSAD MA RTOG PA DANG RTOG MED GANG YIN YANG TSAD MAR SONGS RANG MTSAN LA MA 'KHRUL BA ZHIG DGOS PA'I PHYIR, DER THAL, DE'I LUGS LA RTOG BCAS KYI TSAD MA YIN NA ZHEN YUL RANG MTSAN LA MA 'KHRUL BA ZHIG DGOS LA, RTOG MED KYI TSAD MA YIN NA SNANG YUL RANG MTSAN LA MA 'KHRUL BA ZHIG DGOS PA'I PHYIR TE, DE'I LUGS LA RANG MTSAN SNANG BA LA LTOS TE 'KHRUL BAR SONG NA DPE RANG GI GZHAL BYA RNYED PAR 'JOG MI NUS PA'I PHYIR, RTAGS GNYIS PA GRUB STE, PHYIN CI MA LOG PA'I TSAD MAS RNYED PA'I DON YIN NA SHES BYA PHYIN CI LOG YIN PA 'GAL BA'I PHYIR TE, 'KHRUL BA'I SHES PA'I RNYED DON PHYIN CI LOG RDZUN PA DANG, MA 'KHRUL BA'I SHES PA'I RNYED DON PHYIN CI MA LOG PA'I BDEN PA GNYIS DNGOS 'GAL YIN PA'I PHYIR, DE BZHIN DU SHES PA 'KHRUL BA'I RNYED DON YIN NA SHES BYA PHYIN CI LOG PA YIN PAS KHYAB PAS NA CHOS CAN MA GRUB PA'I SKYON SPONG MI NUS SO, ,GNYIS PA LA GNYIS, CHOS CAN MTHUN SNANG BA'I RTZOD SPONG DANG, TSAD MA'I RNYED DON GYI RTZOD SPONG NGO, ,DANG @202B PO NI; GAL TE SGRA 'JAL BA'I, ZHES SOGS BYUNG, MI 'THAD DO SNYAM NA, YAN GYIS RTZOD PA DANG, MA MDZAD DO, ,YAN GYIS DE SEL BA ZLA BAS MA MDZAD PA'I RGYU MTSAN DANG, DE MIN GYIS LAN DNGOS BSTAN TO, ,DE LA KHA CIG MIG SOGS SPYI TZAM CHOS CAN DU GZUNG DU MI RUNG BAR BSTAN PA'I RIGS PA DE RNAMS MI 'THAD DE, SHES PA LA 'KHRUL MA 'KHRUL GNYIS SU KHA TSON CHOD KYANG CHOS CAN SGRUB BYED KYI TSAD MA STON PA NA DE GNYIS GANG GIS KYANG KHYAD PAR DU BYAS NAS SGRUB MI DGOS PA, DPER NA, SGRA 'JAL BA'I TSAD MA LA RTAG MI RTAG GNYIS SU KHA TSON CHOD KYANG DE GNYIS GANG RUNG GIS KHYAD PAR DU BYAS PA'I TSAD MA SGRA SGRUB BYED KYI TSAD MAR SGRUB MI DGOS PA BZHIN DANG, DE BZHIN DU MIG SOGS LA SHES BYA PHYIN CI LOG MA LOG GNYIS SU KHA TSON CHOD CING MIG SOGS 'JAL BYED KYI TSAD MAS MIG SOGS SHES BYA PHYIN CI LOG MA LOG GANG DU YANG MA RNYED KYANG MIG SOGS 'JAL BA MI 'GAL BA, DPER NA, SGRA LA RTAG MI RTAG GNYIS SU KHA TSON CHOD CING SGRA 'JAL BYED KYI TSAD MAS SGRA DE GNYIS GANG DU YANG MA RNYED KYANG SGRA 'JAL BA MI 'GAL BA BZHIN YIN PA'I PHYIR RO SNYAM NA, ZLA BAS KYANG DE 'DRA'I DOGS PA SEL BAR MA MDZAD PA'I RGYU MTSAN YOD DE, DE 'DRA'I DOGS PA MKHAS PA LA SKYE 'OS PA'I DOGS PA MA YIN PA'I PHYIR, 'ON KYANG BOD PHYI RABS KYI RGOL BA MI SHES PA LA SKYE SRID PAS DE BSHAD NA, RANG RGYUD PA'I 'DOD PA LTAR NA, MIG SOGS SPYI TZAM CHOS CAN DU BZUNG BA LA BDEN GNYIS KYI KHYAD PAR LA BRTAGS PA'I SKYON BRJOD MI 'JUG @203A *, ,STE; MIG SOGS KYI CHOS CAN NI SHES BYA YANG DAG PA STE, RANG MTSAN SNANG BA LA LTOS TE MA 'KHRUL BA'I SHES PA'I RNYED DON DE 'DRA BA STE DE LTAR DU SHES PA MA 'KHRUL BAS RNYED KYANG DE BDEN GNYIS KYI THA SNYAD DANG DON GANG GIS KYANG KHYAD PAR DU BYAS NAS GRUB MI DGOS SHING, GANG GIS KYANG KHYAD PAR DU MA BYAS PAR MIG SOGS SPYI TZAM CHOS CAN DU BZUNG NAS DON DAM PAR YOD MED DPYAD PAS CHOG PA'I PHYIR TE, TSAD MAS GRUB MA GRUB DANG 'KHRUL MA 'KHRUL SOGS KYANG DNGOS PO LA KHA TSON CHOD PA TZAM YIN YANG BLOS 'GRUB PA LA KHA TSON MCHOD PA DANG, SHES BYA YANG LOG KYANG DNGOS PO LA KHA TSON CHOD PA TZAM YIN YANG BLO LA KHA TSON MA CHOD PA MA YIN PA'I PHYIR, RTAGS DANG PO GRUB STE, DON DE TSAD MAS GRUB MA GRUB DPYOD PA'I DUS SU TSAD MAS GRUB CES PA'I DON NI, RTOG MED KYI TSAD MA YIN NA DON DE TSAD MA DE LA SNANG BA LTAR GRUB PA DANG, RTOG BCAS KYI TSAD MA YIN NA DON DE TSAD MA DES NGES PA'AM ZHEN PA LTAR GRUB PA ZHIG TU TSAD MAS GRUB TSUL GANG LA STON PA'I YUL DES GO DGOS LA, DE NI DON DE LA MA 'KHRUL BA'I DON YIN PA'I PHYIR, PHYI MA DER THAL, YUL DE SHES PA DE NYID LA SNANG BA LTAR DU GRUB PA'I RNAM 'JOG GIS BLO DE SNANG YUL LA MA 'KHRUL BA DANG; YUL DE SHES PA DE NYID KYIS NGES PA BZHIN DU GRUB PA'I RNAM 'JOG GIS BLO DE ZHEN YUL LAM NGES YUL LAM 'KHRUL BAR 'JOG PA'I PHYIR, RTAGS GNYIS PA GRUB STE, SHES PA RANG MTSAN SNANG BA LA LTOS TE MA 'KHRUL BA'I RNYED DON NI SHES @203B BYA YANG DAG PA'I RNAM 'JOG TU GRUB PA GANG ZHIG ,DES SHES BYA PHYIN CI LOG KYANG SHES DGOS PA'I PHYIR, ZHES PA STE DE DAG RANG BZHIN SMRA BA'I LUGS LAS RANG LUGS MIN NO, ,DES NA KHYOD KYI DOGS PA DE MI 'THAD DE, RANG RGYUD PAS BSHAD MA THAG PA DE LTAR BSAMS PA GANG ZHIG DE 'DRA'I BSAM TSOD DE MI RIGS PA'I PHYIR TE, DE 'DRA BA DE KHAS BLANGS PAS RANG GI NGO BOS YOD PAR KHAS BLANGS PAR SONG LA, RANG GI NGO BOS YOD PA DE NYID DON DAM PAR YOD PA'I DON YIN PA'I PHYIR, DES NA ZLA BAS DON DAM PAR YOD PA KHYAD GZHIR BZUNG BA'I CHOS CAN TZAM PO GAL SRID SNYAM DU DGONGS NAS KHYAD PAR DOR BA'I SPYI RANG RGYUD PAS BSAM TSUL DE LTAR GRUB PA CHOS CAN DU 'DZIN PA BKAG GO ,'DI DAG GI GNAD RTOGS NA RANG RGYUD PAS; BDEN GNYIS LAS, SNANG DU 'DRA YANG DON BYED DAG ,CES SOGS KYIS BSHAD PA DANG, DE YANG YUL CAN LA YANG LOG GNYIS SU MI BYED PA DANG, THAL 'GYUR BAS 'JIG RTEN NYID LA LTOS TE YUL YUL CAN GNYIS KAR YANG LOG GNYIS RE 'JOG LA RANG LUGS LA YANG LOG MI 'JOG PA'I RGYU MTSAN RNAMS MTHA' CHOD PAR SHES PAR 'GYUR RO, ,BDEN GNYIS KYI LUNG DON NI, RTOG MED SHES PA LA SNANG BA CAN DU 'DRA YANG, SNANG BA LTAR DON BYED NUS MI NUS KYI SGO NAS, CHU DANG SMIG RGYU LTA BU LA YANG DAG DANG YANG DAG MA YIN PA'I KUN RDZOB KYI DBYE BA BYAS, ZHES PA'O, ,GAL TE RANG LA RANG MTSAN SNANG BA LTAR MED PA'I 'KHRUL SHES KYIS CHOS CAN GRUB PAR KHYOD KYIS 'JOG NA NI KHYOD KYIS BSGRUB BYA RANG BZHIN MED PA'I DON GRUB, @204A *, ,ZIN PAS KHYOD DE BSGRUB DGOS KYI PHYI RGOL DU MI RUNG BAS CHOS CAN MA GRUB PA'I SKYON SO NA GNAS SO, ,GNYIS PA NI, GAL TE SHES PA, ZHES SOGS BYUNG, KHA CIG NA RE, SHES PA 'KHRUL BA'I RNYED DON DANG SHES BYA PHYIN CI MA LOG PA GNYIS 'GAL NA, DON DAM BDEN PA CHOS CAN, SHES BYA PHYIN CI MA LOG PA MA YIN PAR THAL, SHES PA 'KHRUL BA'I RNYED DON YIN PA'I PHYIR TE, RIGS SHES RJES DPAG GI RNYED DON YIN PA'I PHYIR ZER BA DANG, YANG KHA CIG SHES PA PHYIN CI LOG TZAM GYIS RNYED PA MIN NA MA 'KHRUL BA'I SHES PA'I RNYED DON YIN PAS KHYAB NA, KUN RDZOB BDEN PA CHOS CAN, MA 'KHRUL BA'I SHES PA'I RNYED DON MA YIN PAR THAL, SHES PA PHYIN CI LOG TZAM GYIS RNYED PA MIN PA'I PHYIR TE, RGYAL BA'I JI SNYED PA MKHYEN PA'I YE SHES KYIS KYANG 'JAL BA'I PHYIR, KHYAB STE, TZAM SGRAS MA 'KHRUL BAS RNYED PA GCOD PA'I PHYIR ZHE NA, DE LA, DANG PO LA MA KHYAB STE, RIGS SHES RJES DPAG SNANG YUL LA 'KHRUL BA'I 'KHRUL SHES YIN YANG DES RNYED PA 'KHRUL SHES KYIS RNYED PA MIN PA MI 'GAL BA'I PHYIR, DPER NA RNA SHES KYIS SGRA YANG YIN LA BRDZUN PA YANG YIN PA'I DUNG SGRA RNYED KYANG DES DUNG SGRA RDZUN PA MA RNYED PA MI 'GAL BA BZHIN NO, ,GNYIS PA LA MA GRUB STE, TSIG GSAL LAS, PHYIN CI LOG TZAM GYIS BDAG GI NGO BO YOD PAR RNYED PA, ZHES PA'I NGES BZUNG GI TZAM SGRA SBYOR SA LA BLTAS NA MA 'KHRUL BA'I SHES PAS RNYED PA GCOD DAM SNYAM PA'I DOGS PA SKYE SRID KYANG ZLA BA'I ZHABS KYI BRJOD 'DOD NI, YOD TSUL JI LTAR YIN DPYOD @204B PA'I DON DAM DPYOD PA'I RIGS SHES KYI RNYED DON YIN PA DGAG PAR 'DOD NAS TZAM SGRA SMOS KYI MA 'KHRUL BA'I SHES BAS RNYED PA YIN PA 'GOG 'DOD NAS TZAM SGRA SMOS PA MA YIN PA'I PHYIR TE, TSIG GSAL LAS, DPYAD PA ZHIB MO, ZHES SOGS GSUNGS PA'I PHYIR, DE'I DON NI, BTAGS DON 'TSOL BA'I DPYAD PA ZHIB MO 'JIG RTEN GYI THA SNYAD LA BCUG PA 'DIS CI ZHIG BYA DGOS ZHES ZLA GRAGS KHO BOS KYANG SMRA STE, KUN RDZOB NI DON DAM DPYOD PA'I RIGS SHES KYIS DPYAD TSUL LTAR RNYED PA LA MI 'JOG PAR RANG MTSAN SNANG BA LA LTOS TE PHYIN CI LOG GI BLO THA SNYAD PA'I SHES PA'I DPYAD TSUL DANG MTHUN PA TZAM GYIS BDAG GI NGO BO RNYED PA'I DON LA 'JOG PA'I PHYIR, ZHES PA'O, ,DES NA CHOS CAN MTHUN SNANG BA'I DON NI LHAG MTHONG CHEN MO LAS, MTHUN SNANG DU GRUB PA'I DON KYANG PHYI RGOL LA TSAD MA CI 'DRA BA ZHIG GIS GRUB PA'I TSAD MA DE 'DRA BA ZHIG GIS SNGA RGOL LA'ANG GRUB PA'O, ,ZHES DANG, DE LTAR NA PHYI RGOL LA TSAD MA CI 'DRA BA ZHIG GIS CHOS CAN GRUB PA'I TSAD MA DE NI SNGA RGOL LA MI RUNG STE, CHOS GANG LA'ANG RANG GI MTSAN NYID KYIS GRUB PA'I NGO BO THA SNYAD DU'ANG MED PAS DE SGRUB BYED KYI TSAD MA MED PA'I PHYIR RO SNYAM DU SLOB DPON 'DIS DGONGS NAS RANG RGYUD 'GOG PA YIN NO, ,ZHES GSUNGS PA LTAR PHYI RGOL DNGOS SMRA BAS CHOS GANG YANG RUNG BA LA RANG MTSAN GYIS GRUB PAR DMIGS PA'I TSAD MAS GRUB PAR 'DOD PA'I TSAD MA DE 'DRA BA ZHIG GIS SNGA RGOL DBU MA BA LA'ANG GRUB PA STE, PHYI RGOL GYIS RANG MTSAN GYI YUL LA TSAD MAR SONG BAR @205A *, ,'DOD PA DE LTA BU ZHIG SNGA RGOL GYIS KYANG 'DOD PA NI BRTAG PA MTHA' BZUNG GIS CHOS CAN MTHUN SNANG BA GRUB PA'I TSAD YIN NO, ,GNYIS PA CHOS CAN DE KHO NAR MA GRUB PA KHAS BLANGS PA'I STENG NAS BSHAD PA YANG RANG RGYUD 'GOG PA'I GRUB MTHA' MI MTHUN PA MIN PAR BSTAN PA NI, RTEN CHOS CAN, ZHES SOGS BYUNG, TSIG GSAL LAS, DE NI DE LTA MA YIN TE, 'DI LTAR, GANG GI TSE 'DIR SKYE BA BKAG PA BSGRUB PAR BYA BA'I CHOS SU 'DOD PA DE'I TSE, ZHES SOGS KYI DON LEGS LDAN GYIS RTEN CHOS CAN GZUGS SOGS DE KHO NAR GRUB PA NYAMS PA STE DON DAM PAR MED PAR KHAS BLANGS PA'I STENG NAS KYANG LEGS LDAN LA SKYON BRJOD TSUL LHAG MTHONG CHEN MOR BSHAD PA DANG, GZHUNG 'DI LAS LEGS LDAN GYIS RTEN CHOS CAN GZUGS SOGS DON DAM PAR KHAS BLANGS PAR SONG BA'I STENG NAS SKYON BRJOD PA GNYIS BSHAD TSUL MI MTHUN YANG RANG RGYUD 'GOG PA'I GRUB MTHA' MI MTHUN PA MIN TE, DE GNYIS LA LEGS LDAN GYIS MIG SOGS DON DAM PAR MED PAR KHAS BLANGS ZHES BSHAD PA DANG, DES DE DON DAM PAR KHAS BLANGS SONG, ZHES RIGS PAS 'PHUL BA'I KHYAD TZAM LAS GNYIS KAS RANG RGYUD 'GOG PAR MDZAD PA'I PHYIR, BSHAD TSUL DE GNYIS MI MTHUN TSUL NI, LHAG MTHONG LAS, DE GZHUNG DANG SBYAR NAS BSHAD NA, ZHES SOGS LTAR, CHOS CAN MTHUN SNANG BA MED DE, CHOS CAN MIG SOGS DON DAM PAR MA GRUB PAR LEGS LDAN RANG NYID KYIS KHAS BLANGS PA'I PHYIR, KHYAB STE, DE @205B LTAR NA CHOS CAN MIG SOGS MA 'KHRUL BA'I SHES PA'I RNYED DON MA YIN PAR 'GYUR BA'I PHYIR, KHYAB STE, PHYI RGOL DNGOS SMRA BAS MIG SOGS 'JAL BA'I TSAD MA DE MIG SOGS KYI RANG MTSAN LA MA 'KHRUL BAR 'DOD, SNGA RGOL DBU MA BAS MIG SOGS 'JAL BA'I TSAD MA DE MIG SOGS KYI RANG MTSAN LA 'KHRUL BAR 'DOD PA'I PHYIR, MA KHYAB MTSAMS SNGA MA'I RTAGS GRUB STE, LEGS LDAN GYIS MIG SOGS DE DON DAM PAR SKYE BA MED PAR SGRUB PA'I CHOS CAN DU BKOD PA'I PHYIR, MA KHYAB MTSAMS PHYI MA'I RTAGS GRUB STE, DE KHO NA NYID DU MA GRUB CING DE KHO NA NYID KYI DON YANG MA YIN PA'I CHOS YIN NA GZUGS SOGS BRDZUN PA 'DZIN PA'I THA SNYAD PA'I SHES PA'I RNYED DON YIN PAS KHYAB PA'I PHYIR DANG, 'KHRUL BA'I SHES PA'I RNYED DON DANG MA 'KHRUL BA'I SHES PA'I RNYED DON GNYIS DNGOS 'GAL YIN PA'I PHYIR, DES NA TSIG GSAL GYI 'BRU GNYER BA NA YANG, GANG GI TSE BDAG SKYE MED PAR SGRUB PA'I SKABS 'DIR, DON DAM PAR SKYE BA BKAG PA STE SKYE BA MED PA BSGRUB BYA'I CHOS SU 'DOD PA DE'I TSE STE DE'I PHYIR NA BDAG SKYE 'GOG PA'I SBYOR BA DE'I BSGRUB BYA'I CHOS KYI RTEN CHOS CAN MIG SOGS PHYIN CI LOG STE MA RIG PAS BSLAD PA'I SHES PA TZAM GYIS BDAG GI NGO BO STE MIG SOGS DE'I NGO BO RNYED PA NI DE KHO NAR TE DON DAM PAR NYAMS PAR TE MA GRUB PAR 'GYUR BAR LEGS LDAN 'DIS RANG NYID KYIS DNGOS SU KHAS BLANGS PA NYID DO, ,ZHES PA STE, MDOR NA BDAG SKYE 'GOG PA NA DON DAM PAR SKYE BA MED PA BSGRUB BYA'I CHOS SU 'DOD PAS NA MIG SOGS DON @206A *, ,DAM PAR MED PAR LEGS LDAN GYIS KHAS BLANGS ZHES PA'I DON DANG, GZHUNG LAS, MIG SOGS KYI CHOS CAN GYI RANG GI NGO BO DE PHYIN CI LOG TZAM GYIS RNYED PA MIN PAR LEGS LDAN RANG NYID KYIS KHAS BLANGS LA, ZHES SOGS LTAR NA, CHOS CAN MTHUN SNANG BA MED DE, RGOL BA GNYIS KA'I LUGS LA BDEN GNYIS KYI KHYAD PAR DOR BA'I MIG SOGS TZAM PO CHOS CAN DU GZUNG DU MI RUNG BA'I PHYIR TE, LEGS LDAN KHYED LTAR NA DON DAM PA'I KHYAD PAR DOR NAS MIG SOGS TZAM YUL DU BYED PA'I TSAD MA MED PA'I PHYIR, DER THAL, MIG SOGS DE RANG BZHIN LA 'KHRUL BA'I TSAD MA'I RNYED DON MA YIN PAR LEGS LDAN RANG NYID KYIS KHAS BLANGS PA'I PHYIR, KHYAB STE, DE LTAR NA YUL GYI RANG BZHIN LA 'KHRUL BA'I SHES PA'I RNYED DON DANG DE LA MA 'KHRUL BA'I SHES PA'I RNYED DON GNYIS DNGOS 'GAL YIN PAS NA MIG SOGS DE YUL GYI RANG MTSAN LA MA 'KHRUL BA'I SHES PA'I RNYED DON DU 'GYUR BA GANG ZHIG ,MIG SOGS KYI RANG MTSAN SNANG BA LA LTOS TE MA 'KHRUL BA'I TSAD MAS NI MIG SOGS DON DAM PAR YOD PAR 'JAL DGOS KYI, DON DAM PA'I KHYAD PAR DOR BA'I MIG SOGS TZAM PO 'JAL MI RUNG BA'I PHYIR, RTAGS SNGA MA LEGS LDAN RANG GI KHAS BLANGS KYIS GRUB PO, , DES NA TSIG GSAL GYI 'BRU GNYER BA NA YANG, GANG GI TSE BDAG SKYE MED PAR SGRUB PA'I SKABS 'DIR DE KHO NAR TE DON DAM PAR SKYE BA BKAG PA BSGRUB BYA'I CHOS SU 'DOD PA DE'I TSE STE DUS SU RTEN CHOS CAN MIG SOGS SHES PA PHYIN CI LOG GIS @206B BDAG GI NGO BO STE MIG SOGS DE'I NGO BO RNYED PA TZAM YIN PA NI NYAMS PAR GYUR PA STE MI 'THAD PAR LEGS LDAN 'DIS RANG NYID KYIS DNGOS SU KHAS BLANGS PA NYID DO, ,ZHES PA STE, MDOR NA BDAG SKYE 'GOG PA NA DON DAM PAR SKYE BA MED PA BSGRUB BYA'I CHOS SU 'DOD LA DE'I TSE MIG SOGS YUL CAN YANG DAG GI YUL DU LEGS LDAN GYIS KHAS BLANGS PA'I DON NO, ` ,'DIR, SHES PA DANG SHES BYA GNYIS LA PHYIN CI LOG MA LOG GNYIS GNYIS LAS, RANG BZHIN LA 'KHRUL BA'I SHES PA NI SHES PA PHYIN CI LOG DANG, RANG BZHIN LA MA 'KHRUL BA'I SHES PA NI SHES PA PHYIN CI MA LOG PA YIN NO, ,RANG BZHIN LA 'KHRUL BA'I SHES PA'I RNYED DON DE, SHES BYA PHYIN CI LOG GI MTSAN NYID, DE DANG KUN RDZOB BDEN PA DANG, SNANG TSUL GNAS TSUL MI MTHUN PA'I CHOS DON GCIG RANG BZHIN LA MA 'KHRUL BA'I SHES PA'I RNYED DON DE, SHES BYA PHYIN CI MA LOG PA'I MTSAN NYID, DE DANG DON DAM BDEN PA DANG, SNANG TSUL GNAS TSUL MTHUN PA'I CHOS DON GCIG GO ,GNYIS PA DPE BKOD PA DANG MI 'DRA BA NI, DE DAG GIS DON BKAG NAS, ZHES SOGS BYUNG, BYA STE, YAN GYIS MTSAMS SBYAR RO, ,TSIG GSAL LAS, DPE LA'ANG 'DRA BA YOD PA MA YIN NO, ,GNAS, 'DRA BA YOD PA MA YIN NO, ,ZHES GSUNGS TE, DE YANG DPE BKOD PA DE DON DANG MI 'DRA STE, NANG BAS BYE BRAG PA LA SGRA MI RTAG PAR SGRUB PA NA NANG PA'I LUGS KYI 'BYUNG 'GYUR DANG, BYE BRAG PA'I LUGS KYI NAM MKHA'I YON TAN GNYIS GANG RUNG GIS KHYAD PAR DU BYAS PA'I SGRA NI, CHOS CAN @207A *, ,'JAL BA'I TSAD MAS MA GRUB KYANG, GANG LA TSAD MAR SONG SA'I SGRA TZAM ZHIG GI DON NYAN BYA 'DI'O ZHES STON RGYU YOD LA, MIG SOGS BDAG LAS MI SKYE BAR SGRUB PA NA MIG SOGS RANG BZHIN GYIS MA GRUB PAR SMRA BA THAL 'GYUR BA DANG, DE DAG RANG BZHIN GYIS MI STONG BAR SMRA BA RANG RGYUD PA GNYIS KA LA YANG MIG SOGS RANG NGOS NAS YOD MED KYI KHYAD PAR DU BYAS PA GNYIS GANG YANG MI 'JAL KYANG CHOS CAN GYI NGO BO 'DI 'DRA ZHIG GZHAL LO ZHES GNYIS KAS PHAN TSUN STON PAR MI NUS PA'I PHYIR, DPER NA SGRA 'JAL BA NA GAL TE SGRA MI RTAG PAR MED DU ZIN KYANG SGRA GZHAL CHOG LA, SGRA 'JAL NA TSAD MAS DMIGS PA'I RANG BZHIN DOR NAS GZHAL 'DOD KYANG GZHAL MI CHOG PA BZHIN NO, ,DE LA RANG RGYUD PA NA RE, RANG NGOS NAS YOD MED KYI KHYAD PAR DOR BA'I MIG SOGS SPYI TZAM PA GNYI GAS GNYIS KA LA STON RGYU MED KYANG, DON DAM PAR YOD MED GANG GIS KYANG KHYAD PAR DU MA BYAS PA'I MIG SOGS SPYI TZAM CHOS CAN DU GZUNG RGYU YOD DO ZER NA, DES SKYON SPONG SGRUB MI NUS TE, RANG GI NGO BOS YOD NA DE BDEN PAR YOD PA'I DON YIN PA'I PHYIR, DES NA THAL RANG DGAG BYA'I TSAD LA MI MTHUN PA'I GNAD KYIS MIG SOGS CHOS CAN SPYI TZAM GZUNG CHOG MI CHOG GI KHYAD DE LTAR BYUNG BA YIN PAS SGRA MI RTAG PAR SGRUB PA LA YANG NANG BA DANG BYE BRAG PA GNYIS KYIS LUGS KYIS 'BYUNG 'GYUR DANG NAM MKHA'I YON TAN GNYIS KYIS KHYAD PAR DU BYAS PA'I SGRA CHOS CAN 'JAL BA'I TSAD MAS MA GRUB KYANG SGRA SGRUB SA LA RNA SHES KYI NYAN BYA SPYI TZAM @207B PO YOD CES STON GYI, NANG BA DANG BYE BRAG PA GNYIS KYIS SGRA 'JAL BA'I TSAD MA NI SGRA'I DON 'BYUNG 'GYUR GYI CHOS DANG NAM MKHA'I YON TAN GYI CHOS 'DI 'DRA BA ZHIG LA TSAD MAR SONG ZHES SMRAS PA LTAR GYI TSAD MA GNYIS NI MED DE, BYE BRAG PAS SGRA 'JAL BA'I TSAD MA SGRA'I DON NAM MKHA'I YON TAN DU GYUR PA'I CHOS 'DI 'DRA ZHIG LA TSAD MAR SONG ZHES SMRAS PA LTAR GYI TSAD MA MED PA'I PHYIR TE, NAM MKHA'I YON TAN DU GYUR PA'I SGRA MED PA'I PHYIR RO, ,DE NI SNGA RGOL RANG NGOS NAS YOD PAR KHAS LEN PA RANG RGYUD PA DANG PHYI RGOL DE LTAR MED PAR KHAS LEN PA THAL 'GYUR BAS BYED PA'I DBANG DU BYAS LA, DE LAS BZLOG NAS THAL 'GYUR BAS SNGA RGOL DANG RANG RGYUD PAS PHYI RGOL BYAS KYANG PHYI RGOL LA RANG NGOS NAS YOD MED GANG GIS KYANG KHYAD PAR DU MA BYAS PAR CHOS CAN 'JAL BA'I TSAD MAS GRUB TSUL BSTAN RGYU MED DO, ,GNYIS PA SKYON DES GTAN TSIGS KYANG MA GRUB PAR BSTAN PA NI, RIGS PA DE DAG GIS GTAN TSIGS MA GRUB PA'I TSUL YANG SHES PAR BYA'O, ,ZHES GSUNGS TE, TSIG GSAL LAS, GZHI MA GRUB PA'I PHYOGS KYI NYES PA BRJOD PA'I TSUL, NAS, SKYON BRJOD PA LA'ANG SBYAR BAR BYA'O, ,ZHES GSUNGS SO, ,DE YANG RTAGS MTHUN SNANG BA YANG MA GRUB STE, YOD PA'I PHYIR, ZHES PA'I GTAN TSIGS KYANG DE GNYIS KYI LUGS LA MTHUN SNANG DU GRUB PA'I SGRUB BYED KYI TSAD MA MED PA'I PHYIR TE, RANG RGYUD KYI RTAGS KYI CHOS CAN MIG SOGS DANG BDAG LAS SKYE BA MED PA'I CHOS GNYIS BSDOMS PA'I PHYOGS SAM BSGRUB BYA MED PA'I PHYIR, DER THAL, @208A *, ,SNGAR RANG GI NGO BOS GRUB PA'I RANG BZHIN GYIS STONG MI STONG GI RGOL BA GNYIS KYI LUGS LA MTHUN SNANG DU GRUB PA'I CHOS CAN SGRUB BYED KYI TSAD MA MED PAR BSHAD PA'I RIGS PA DE'I PHYIR RO, ,GNYIS PA RIGS PA DE PHA ROL BOS KYANG DON GYIS KHAS BLANGS TSUL NI, LEGS LDAN RANG NYID, CES SOGS BYUNG, TSIG GSAL LAS, DE LTA BU DE NI 'DI LTAR YIN TE, NAS, RNAM PAR 'JIG PAR 'GYUR RO, ,ZHES GSUNGS SO, ,DE YANG CHOS CAN DANG RTAGS SOGS SHES PA 'KHRUL BAS RNYED PA DANG, MA 'KHRUL BAS RNYED PA GANG YIN ZHES KHYAD PAR LA BRTAGS NAS RGOL BA GNYIS KA LA MTHUN SNANG DU GRUB PA'I CHOS CAN DANG RTAGS SOGS MED PAR BSHAD PA'I SGO NAS RANG RGYUD 'GOG PA'I RIGS PA DE DAG LEGS LDAN GYIS KYANG DON GYIS KHAS BLANGS PA YIN TE, SHER SGRON LAS, YANG NA RANG GI SDE BA DAG YANG PHYIR ZLOG PAR BYED DE, NAS, GTAN TSIGS KYI DON MA GRUB PA NYID DANG, DON 'GAL BA NYID DO, ,ZHES GSUNGS PA'I PHYIR, DE YANG DNGOS SMRA BAS, NANG GI SKYE MCHED RNAMS CHOS CAN, DON DAM PAR SKYED BYED KYI RGYU RKYEN YOD DE, SKYED BYED KYI RGYU RKYEN YOD PAR DE BZHIN GSHEGS PAS GSUNGS PA'I PHYIR TE, MDO LAS, RGYU NI SGRUB PAR BYED PA'O, ,DMIGS PA NI SEMS DANG SEMS LAS BYUNG BA RNAMS KYI DMIGS PA'O, ,DE MA THAG PA NI SEMS DANG SEMS LAS BYUNG BA 'GAGS MA THAG PA RNAMS LAS THA MA MA GTOGS PA'O, ,BDAG PO NI GANG YOD NA GANG 'BYUNG BA DE YIN NO, ,ZHES GSUNGS PA'I PHYIR, @208B ZHES BKOD PA LA, LEGS LDAN GYIS, DE BZHIN GSHEGS PAS GSUNGS PA'I PHYIR ZHES PA'I RTAGS KYI DON DE BDEN GNYIS GANG YIN, KUN RDZOB TU YOD PA YIN NA NI RTAGS KYI DON KUN RDZOB TU YOD PA NI KHYED LA MA GRUB, DON DAM DU YOD PA YIN NA NI RTAGS KYI DON DON DAM PAR YOD PA NI NGED LA MA GRUB CES BRTAGS NAS SKYON BRJOD PA'I PHYIR, DE NI CHOS CAN 'KHRUL MA 'KHRUL GYI SHES PA GANG GIS RNYED CES BYE BRAG LA BRTAGS NAS SKYON BRJOD PA DANG GNAD GCIG STE, BDEN GNYIS GANG YIN ZHES PA DE 'KHRUL MA 'KHRUL GYI SHES PA GANG GIS RNYED CES PA DANG GNAD GCIG PA'I PHYIR, DER THAL, 'KHRUL BA'I SHES PAS RNYED PA DE KUN RDZOB DANG, MA 'KHRUL BA'I SHES PAS RNYED PA DE DON DAM YIN PA'I PHYIR, DER THAL, SHES BYA YANG DAG PA MTHONG BA DANG, SHES BYA LOG PA MTHONG BA'I SHES PAS RNYED PA GNYIS BDEN GNYIS KYI DON YIN PA'I PHYIR, DER THAL, 'JUG PA LAS, DNGOS KUN YANG DAG RDZUN PA MTHONG BA YIS, ,ZHES SOGS GSUNGS PA'I PHYIR, DE'I DON NI, PHYI NANG GI CHOS THAMS CAD KYIS NGO BO GNYIS GNYIS 'DZIN TE, YANG DAG PA'I DON MNGON SUM DU MTHONG BA RNAMS KYI JI LTA BA 'JAL BA'I YE SHES KYIS YUL NYID KYI BDAG GI NGO BO RNYED PA DANG, SKYE BO MA RIG PA'I DBANG DU GYUR PA RNAMS KYIS BRDZUN PA MTHONG BA'I STOBS LAS BDAG GI NGO BO YOD PA RNYED PA GNYIS LAS YANG DAG PA'I DON 'JAL BA'I RIGS SHES KYIS RNYED PA'I YUL DON DAM BDEN PA DANG, SHES BYA BRDZUN PA MTHONG BA THA SNYAD PA'I TSAD MAS RNYED PA NI KUN RDZOB KYI BDEN @209A *, ,PAR STON PAS GSUNGS, ZHES PA'O, ,DE BZHIN GSHEGS PAS GSUNGS PA'I PHYIR ZHES PA'I RTAGS 'DI LA SHER SGRON LAS, YANG BRGAL ZHING BRTAG PAR BYA STE, 'DIR KHYOD KYIS GTAN TSIGS KYI DON DU 'DOD PA GANG YIN, DE BZHIN GSHEGS PAS KUN RDZOB TU DE SKAD GSUNGS PA'I PHYIR RAM, 'ON TE DON DAM PAR GSUNGS PA'I PHYIR ZHES BDEN GNYIS KYI BRTAG PA GNYIS LAS MA MDZAD PA LTAR NA RTAGS KYI DON KUN RDZOB TU YOD PA YIN NA DE KHYED RANG LA MA GRUB CES SOGS SNGAR LTAR BRTAG DGOS TE, DE NYID LAS, GAL TE KUN RDZOB TU NA NI RANG LA DON MA GRUB PA NYID DO, ,'ON TE DON DAM PAR NA NI, NAS, DE NI SGRUB PAR BYED PA'I RGYU MA YIN PA KHO NA'O, ,ZHES GSUNGS PA'I PHYIR, DE BZHIN GSHEGS PAS KUN RDZOB TU GSUNGS PA'I PHYIR ZHES RTAGS SU 'GOD DAM, DES DON DAM DU GSUNGS PA'I PHYIR ZHES RTAGS SU 'GOD DAM, BDEN GNYIS GANG GIS KYANG KHYAD MA BYAS PAR DE BZHIN GSHEGS PAS GSUNGS PA'I PHYIR ZHES PA TZAM ZHIG RTAGS SU 'GOD CES BRTAG PA GSUM BYAS PA'I SKABS SU RTAGS SU GANG 'GOD CES DRI DGOS TE, DANG PO LTAR NA KHYED DANG, GNYIS PA LTAR NA NGED LA MA GRUB PAR 'GYUR LA, GSUM PA LTAR NA KHYAB PA MA NGES PA'I SKYON DU 'GYUR ZHES BRTAG DGOS SO, ,GSUM PA SKYON BRJOD DE RANG GI SBYOR BA LA MI MTSUNGS PA'I RGYU MTSAN LA LNGA, PHA ROL PO'I LOG RTOG 'GOG PA LA RGOL BA GNYIS KAR GRUB MI DGOS PA, RANG RGYUD KYI RTAGS KYI DON BSHAD DE DE MI BZHER @209B PAR BSTAN PA, GZHAN GRAGS KYI RTAGS NGOS BZUNG STE DE SHES NA LTA BA RNYED NAS SPYOD PHYOGS 'DOR BA'I LOG RTOG KHEGS PA, GZHAN GRAGS KYI RTAGS YANG DAG LA TSUL GSUM PHYI RGOL GYIS TSAD MAS GRUB DGOS PAR BSTAN PA, RANG RGYUD PA DBU MA BA MA YIN PA LA DOGS PA SPANG BA'O, ,DANG PO NI, DE 'DRA'I SKYON BRJOD, CES SOGS BYUNG, TSIG GSAL LAS, GAL TE GZHAN GYI RJES SU DPAG PA DAG LA SKYON JI SKAD SMOS PA DE BZHIN DU, NAS, GDUL BYA'I SKYE BO LA PHAN BTAGS PA'I PHYIR RO, ,SHIN TU SPROS PAS CHOG GO ,ZHES GSUNGS SO, ,DE LA, GAL TE GZHAN GYI RJES SU DPAG PA, NAS, SKYON 'JUG PA GA LA YOD, CES BDEN GNYIS LA BRTAGS PA'I SKYON BRJOD DE 'DRA BA RNAMS RANG GI GZHAN GRAGS KYI SBYOR BA LA MI MTSUNGS PA'I RGYU MTSAN DU RANG RGYUD KHAS MI LEN PA BKOD NAS RANG LUGS KYI BSGRUB BYA SGRUB PA'I SBYOR BA RNAMS KYI RTAGS CHOS DON GSUM PHYI RGOL LA GRUB PAS CHOG STE, DE NYID KYIS LOG RTOG ZLOG PA TZAM GYI CHED YIN PA'I PHYIR, ZHES GSUNGS SHING, TZAM SGRA'I DON NI RNAM BSHAD LAS, SBYOR BA RNAMS KYIS PHA ROL POS RANG BZHIN GYIS YOD PAR DAM BCAS PA 'GOG PA TZAM DU ZAD KYI, DE LAS GZHAN MI SGRUB PA'I DON YIN GYI BKAG PA TZAM SGRUB PA 'GOG PA MIN NO, ,ZHES PA LTAR TE RTZA SHE'I t'IKA CHEN YANG DE DANG MTHUN NO, ,TSIG GSAL LAS, YANG CI GANG YANG RUNG BA LA GRUB PA'I RJES SU DPAG PA'I SGO NAS KYANG, NAS, GZHAN LA GRAGS PA NYID DGAG PAR 'DOD PA'I PHYIR RO, , @210A *, ,ZHES BSHAD DO, ,ZHES SBYOR BA'I RTAGS CHOS DON GSUM RGOL BA GNYIS GANG YANG RUNG BA LA GRUB PAS MI CHOG GAM SNYAM PA LA 'JIG RTEN PA'I RTZOD PA NI RES DBANG PO'I TSIG GIS RGYAL PHAM DANG, RES RANG TSIG KHO NAS RGYAL PHAM DU 'GYUR BA DPER BYAS NAS DES CHOG PA DANG, DE NYID LAS, GANG ZHIG GANG GNYIS KA LA NGES PAR BRJOD PA DE NI, ZHES SOGS GSUNGS TE, SGRUB PA STE SBYOR BA DANG SUN 'BYIN TE THAL 'GYUR GNYIS KA LA RTAGS CHOS DON GSUM RGOL BA GNYIS KAS GRUB PA DGOS PAR 'DOD PA'I PHYOGS GLANG GIS BZHED PA NI TSAD MA MDO'I RANG 'GREL LAS, BRJOD PA GANG ZHIG GNYI GA LA NGES PA DE KHO NA SGRUB PA DANG SUN 'BYIN PA YIN GYI, GANG YANG RUNG BA LA GRUB PA DANG, THE TSOM ZA BA BRJOD PA NI MA YIN TE, YANG SGRUB PAR BYED PA LA LTOS PA'I PHYIR, ZHES PA LTAR TE, DE DAG LA SOGS PAS KYANG LUGS SNGA MA PHYI RGOL RANG LA GRUB PA TZAM GYIS CHOG PA'I LUGS 'DOD PAR BYA STE, PHYI RGOL RKYANG BAS 'DOD PA'I LUNG GIS SKABS 'GAR GNOD PA GANG ZHIG RANG DON RJES DPAG LA TSUL GSUM RANG LA GRUB PAS CHOG PA'I PHYIR, ZHES TSIG GSAL LAS 'CHAD DO, ,GNYIS PA NI, DES NA SHES RAB SGRON MAR, ZHES SOGS BYUNG, DON YIN NO, , YAN GYIS BRTAG PA MTHA' BZUNG GIS RANG RGYUD KYI DON NGOS BZUNG NAS, DE MAN GYIS DE MI 'DOD PAR BSTAN PA YIN LA, DE YANG PHYI RGOL GYI KHAS BLANGS LA MA 'KHRIS PAR SHES 'DOD CHOS CAN DANG DPE CHOS CAN GNYIS DANG, RTAGS KYI TSUL @210B RNAMS JI LTAR GRUB TSUL TSAD MAS DON GYI SDOD LUGS NAS RANG DBANG DU NGES PAR BYAS PA'I SGO NAS BSGRUB BYA RTOGS PA'I RJES DPAG SKYED PA ZHIG BRTAG PA MTHA' BZUNG GI RANG RGYUD KYI SKYOR BA'I GO DON YIN TE, SHER SGRON COG ROS BSGYUR BA LAS, RANG DBANG DU BYAS NAS SAM SUN 'BYIN PA'I DBANG DU BYAS NAS BRJOD, CES RANG DBANG ZHES BSGYUR PA 'DI DANG RANG RGYUD GNYIS RNAM GRANGS YIN PA'I PHYIR, DE LTA NA RANG LUGS LA RTAGS DANG BSGRUB BYA 'DOD KYANG RANG RGYUD KYI RTAGS DANG BSGRUB BYA MI 'DOD PA YIN TE, RANG BZHIN SMRA BA LA BSGRUB BYA GRUB MA ZIN PAR DU RANG NGOS NAS YOD MED GANG GIS KYANG KHYAD PAR DU MA BYAS PA'I TSAD MAS GZHAL BYA GRUB LUGS 'DI 'DRA ZHIG YIN NO ZHES NGES PAR BYA MI NUS PA'I PHYIR RO, ,GSUM PA NI, RTEN 'BYUNG GI ZHES SOGS BYUNG, MYU GU CHOS CAN, RANG NGOS NAS GRUB PA'I RANG BZHIN MED DE, RTEN 'BYUNG YIN PA'I PHYIR, DPER NA GZUGS BRNYAN BZHIN, ZHES GZHAN GRAGS KYI SBYOR BA BKOD PA LA, THAL 'GYUR BA RANG NYID KYIS MYU GU RTEN 'BYUNG DU KHAS MI LEN PA DANG RTEN 'BYUNG LA RANG BZHIN GYIS MED PAS KHYAB PA KHAS MI LEN PAS RGOL BA GNYIS KA LA MA GRUB PA'I GTAN TSIGS DANG GZHAN GRAGS KYI SBYOR BA ZHES ZER BA MIN GYI, SNGAR BSHAD PA LTAR PHYI RGOL GYI KHAS BLANGS LA MA 'KHRIS PAR PHYI RGOL LA TSUL GSUM TSAD MAS RANG DBANG DU GRUB PAR BSGRUB SA MA BYUNG BAS GZHAN GRAGS KYI SBYOR BA ZHES BYA BA NI TSUL GSUM PHYI RGOL GYI KHAS BLANGS LA MA 'KHRIS PAR TSAD MAS RANG GZHAN GNYIS KA LA GRUB PA'I @211A *, ,DON NO, ,MYU GU DANG MYU GU RTEN 'BYUNG SOGS SU THA SNYAD PA'I LHAN SKYES KYI TSAD MAS GRUB PA YANG RGOL BA GNYIS KA'I RGYUD LA YOD KYANG DBU MA'I LTA BA MA RNYED BAR DU LHAN SKYES KYI TSAD MA DE DANG, RANG NGOS NAS YOD PA 'JAL BA'I TSAD MA GNYIS PHYI RGOL GYI BLO NGOR 'DRES NAS SO SOR MI PHYED PAS SNGA RGOL GYIS DE PHYED KYANG DE'I RING LA PHYI RGOL LA KHYAD PHYE NAS STON MI NUS SO, ,THAL 'GYUR BA NANG PHAN TSUN LA'ANG RANG RGYUD MI RUNG STE, DE LA'ANG KHAS BLANGS LA MA 'KHRIS PAR TSAD MAS GRUB TSUL BSTAN DU YOD KYANG DE'I TSAD MA NI THA SNYAD PA'I TSAD MA LAS DNGOS PO'I DBANG GIS BZHAG PA'I TSAD MA MIN PA'I PHYIR RO, ,LTA BA SKYES PA'I RGYUD NA MYU GU LTA BU LA RANG NGOS NAS YOD PAR 'DZIN PA SOGS GSUM G-YOD KYANG, LTA BA MI RNYED PA'I RGYUD NA RANG NGOS NAS MED PAR 'DZIN PA MED PA'I KHYAD PAR SHES NA, BOD DAG RTOG PAS GANG BZUNG THAMS CAD RIGS PAS 'GOG PA LTAR MI BYED PA DANG, LTA BA SKYES PAR RLOM PA NA SPYOD PHYOGS THAMS CAD 'DOR BA'I LTA NGAN RNAMS LEGS PAR KHEGS PAR 'GYUR RO, ,BZHI PA NI, DES NA GZHAN GRAGS, ZHES SOGS BYUNG, DES NA GZHAN GRAGS KYI RTAGS KYIS BSGRUB BYA SGRUB PA LA PHYI RGOL GYIS KHAS BLANGS PA TZAM GYIS MI CHOG GI SHES 'DOD CHOS CAN DPE CHOS CAN RTAGS CHOS SOGS DES RANG NGOS NAS GRUB PA GZHIR BYAS NAS GZHAL NA TSAD MAS KYANG GRUB LA RIGS PAS 'PHUL NA KHO RANG GIS KYANG NGES PAR 'DOD DGOS PA'AM DES 'PHUL BA LA MA LTOS PAR 'DOD PA GANG RIGS SHIG DGOS TE, PHA ROL BOS DE DAG @211B TSAD MAS GRUB PA MED PAR ZHEN YUL LA 'KHRUL NA DE KHO NA NYID RTOGS PA'I LTA BA SKYED MI NUS PA'I PHYIR TE, RTZA SHER THA SNYAD PA'I TSAD MA LA MA BRTEN PAR DON DAM PA RTOGS MI NUS PAR GSUNGS PA'I PHYIR, ` ,'DIR, RTZA SHE RAB BYED GSUM PA LAS, LTA DE RANG GI BDAG NYID NI, ,DE LA LTA BA MA YIN NYID, ,GANG ZHIG BDAG LA MI LTA NA, ,DE GZHAN DAG LA JI LTAR BLTA, ,ZHES SOGS KYIS BSTAN PA'I GZHAN GRAGS KYI SBYOR BA'I RNAM GZHAG LA, RGOL BA GNYIS KAR RANG MTSAN LA MA 'KHRUL BA'I TSAD MAS MI 'GRUB PAR PHYI RGOL GZHAN LA GRAGS PA'I TSUL GSUM GYIS BSGRUB BYA SGRUB PA'I SBYOR BA DE, GZHAN GRAGS KYI SBYOR BA'I MTSAN NYID, RANG GRAGS DANG GZHAN GRAGS KYI SBYOR BA GNYIS DON GCIG SGRA BSHAD NI, DE'I RTAGS CHOS DON GSUM DANG DPE RNAMS SNGA RGOL GYIS KHAS MI LEN PAR PHYI RGOL 'BA' ZHIG GIS KHAS LEN PAS GZHAN GRAGS ZHES PA MIN PAR, CHOS CAN DANG RTAGS DPE SOGS DNGOS SMRA BA RANG GI LUGS LA RANG MTSAN SNANG BA LA LTOS TE MA 'KHRUL BA'I TSAD MA'I RNYED DON DU 'DOD PAS DNGOS SMRA BA LA RANG GRAGS KYI SBYOR BA DANG, DBU MA BA LAS GZHAN DNGOS SMRA BA'I LUGS LA DE LTAR GRAGS PAS GZHAN GRAGS KYI SBYOR BA ZHES BYA STE, CHOS CAN DANG RTAGS DPE SOGS SNGA RGOL GYIS KHAS LEN KYANG DE DAG RANG MTSAN LA MA 'KHRUL BA'I TSAD MAS RNYED PA PHYI RGOL KHO NA LAS RGOL BA GNYIS KA LA MTHUN SNANG DU MA GRUB PAS NA GNYIS KA LA MA GRUB PA ZHES BYA BA'I DON YANG SHES DGOS SO, ,GZHAN GRAGS KYI SBYOR @212A *, ,BA'I MTSAN GZHI NI, MIG CHOS CAN, GZUGS LA NGO BO NYID KYIS MI LTA STE, RANG LA MI LTA BA'I PHYIR, DPER NA BUM PA BZHIN, ZHES PA LTA BU STE TSUL SGRUB PA NI LHAG MTHONG CHEN MO LAS SHES PAR BYA'O, ,LNGA BA NI, 'DI BA LTAR NA, ZHES SOGS BYUNG, DE LA THAL 'GYUR BA LTAR NA RANG RGYUD PA RNAMS KYIS BDEN GRUB SOGS MI 'DOD KYANG DE DAG GI DON TE RANG MTSAN GYIS GRUB PA KHAS LEN PAS DE DAG DBU MA BAR MI 'JOG GAM SNYAM NA, DPER NA LTO LDIR BA NGES KYANG GZHI DE BUM PAR MA NGES PAS GZHI DE BUM PAR 'DOD CES SMRA MI NUS PA DANG, BYE BRAG PA RDZAS GZHAN 'DOD PA'I GRUB MTHA' SMRA BA MIN PAR SMRA MI NUS PA BZHIN DU RANG RGYUD PA RNAMS KYANG BDEN GRUB 'GOG CING BDEN MED LEGS PAR ZHAL GYIS BZHES PAS DBU MA BA NI YIN NO, ,TSIG GSAL LAS, DBU MA BA YIN NA NI RANG RGYUD KYI RJES SU DPAG PAR BYA BA RIGS PA YANG MA YIN TE, PHYOGS GZHAN KHAS BLANGS PA MED PA'I PHYIR, ZHES DBU MA BA YIN NA RANG RGYUD BYA MI RUNG BAR GSUNGS PA DANG MI 'GAL TE, BCAS PA DANG 'GAL BA TZAM GYIS DGE SLONG MIN MI DGOS PA BZHIN YIN PA'I PHYIR, DE BZHIN DU LEGS LDAN SOGS RTAG MTHA'I DON KHAS LEN PA'I DBU MA BA YIN YANG RTAG MTHA' KHAS LEN PA'I DBU MA BA MIN PA SOGS KYANG SHES DGOS SO, ` ,SPRO NA, TSIG GSAL LAS, DE KHO NAR DE'I RTEN CHOS CAN, ZHES PA'I DE KHO NA ZHES PA 'CHAD BYED LHAG MTHONG LAS, BSGRUB BYA'I CHOS KYI RTEN CHOS CAN MIG GAM @212B GZUGS LA SOGS PA NI DE KHO NAR NYAMS PAR GYUR PA STE, ZHES PA DANG, CHOS CAN DE DAG LA BSGRUB BYA'I CHOS SU BRTEN PA DE'I TSE STE DE'I PHYIR TE, DE KHO NAR GRUB NA DE BRTEN PA 'GAL BA'I PHYIR RO, ,ZHES PA GANG YIN BRTAG CING, DKA' 'GREL DANG DGONGS RGYAN MTHUN PAR, DE KHO NAR MA GRUB PA DE'I RTEN CHOS CAN MIG SOGS ZHES 'BRU BSNAN LA, RJE DRUNG DBU MAR DE KHO NA'I TSE ZHES DE KHO NAR ZHES PA GONG DU BLANGS NAS BSHAD DE DE NYID KYI TSE ZHES PA'O, ,DGONGS ZAB SNANG PA'I SGRON MER LHAG MTHONG LTAR NA MA DKRUGS PAR 'GREL TSUL DANG, 'DI LTAR NA, GANG GI TSE 'DIR DE KHO NAR SKYE BA BKAG PA, ZHES DE KHO NAR ZHES PA GONG DU SBYAR NAS BKRAL BAR BZHED DO, ,GZHUNG LAS, MIG SOGS KYI CHOS CAN SHES BYA YANG DAG PA DE 'DRA BAR SHES PA MA 'KHRUL BAS RNYED, CES PA RANG RGYUD PA SOGS KYI LUGS LA MIG SOGS 'JAL BYED KYI TSAD MAS SGRA RANG MTSAN GYIS GRUB PAR RNYED PA'I DON MIN PAR, SNGAR BSHAD PA LTAR MIG SOGS 'JAL BYED KYI TSAD MAS MIG SOGS JI LTAR GRUB PA DE LTAR DU RNYED DGOS SHING, DE LA MIG SOGS RANG MTSAN GYIS GRUB PA YIN PAS MIG SOGS RANG MTSAN GYIS JI LTAR GRUB PA DE LTAR RNYED DGOS PA'I DON NO, ,RTZA SHE'I t'IK CHEN DANG, LAM RIM CHUNG NGUR, SNANG DU 'DRA YANG DON BYED DAG ,CES PA'I SNGA 'GREL DU, DBU MA RANG RGYUD PA GANG DAG SHES PA RANG GI MTSAN NYID KYIS GRUB PAR SNANG BA NI SNANG BA LTAR DU YOD PAR NGES PAS YUL CAN LA YANG DAG DANG LOG PA GNYIS MI @213A *, ,'BYED PAR, YUL DU SNANG BA LA JI LTAR SNANG BA LTAR GYI RANG GI MTSAN NYID KYIS YOD MED 'BYED, CES GSUNGS PA LA DPAGS NA SNANG DU 'DRA ZHES PA RANG MTSAN GYIS GRUB PAR SNANG BAR 'DRA BA'I DON DU BYED DAM SNYAM YANG, RANG 'GREL LAS, SHES PA GSAL BA'I RNAM PA SNANG BA CAN DU 'DRA YANG, ZHES DANG, DKA' 'GREL DU YANG DE DANG MTHUN PAR 'BYUNG BA LTAR DAR t'I KA LAS, RTOG PA MED PA'I SHES PA LA GSAL BAR SNANG BA CAN DU 'DRA YANG, ZHES GSUNGS PA LAS SNGA MA 'BRU GNYER BA MIN 'DRA BAS SNGAR TSIG 'GREL SKABS RANG 'GREL SOGS KYI SGRAS ZIN LTAR BYAS SO, ,DBU MA'I MTHA' DPYOD LAS, LEGS LDAN GYI DBU MA SNYING POS MNYAM GZHAG ZAG MED KYI NGON 'KHRUL PA THAMS CAD BZLOG PAR BSHAD PAS DE LA SBYAR NAS KYANG BSHAD CHOG PA'I PHYIR, ZHES GSUNGS NAS, SHES BYED DU GZHUNG LAS, GZHAN DU BSHAD PA DANG BSHAD TSUL 'DI GNYIS MI MTHUN, ZHES SOGS DRANGS PA LA DPAGS NA GZHAN DU BSHAD CES PA DBU MA SNYING BOS MNYAM GZHAG ZAG MED KYI NGON 'KHRUL BA THAMS CAD BZLOG PAR BSHAD PA LA SBYOR BAR SNANG BAS DE'I DGONGS PA BTZAL DGOS SHING, SNGAR BSHAD PA NYID GZHUNG GI DON DU 'BAB PO, ,GZHUNG DANG TSIG GSAL DU, DNGOS SMRA BAS BKOD PA'I BSGRUB BYA'I CHOS LA DON DAM PA'I KHYAD PAR SBYOR BA'I GSAL KHA MED KYANG SBYOR BA DON YIN TE, DNGOS SMRA BAS DBU MA BA LA MIG SOGS DON DAM PAR RGYU LAS SKYES PA SGRUB PAR 'DOD PA'I PHYIR RO, ,KHO NA RE, DE LTAR NA RTAGS LA'ANG @213B DON DAM GYI KHYAD PAR SBYOR DGOS TE, DE LTAR DE BZHIN GSHEGS PAS GSUNGS PA'I PHYIR, ZHES BYUNG BA'I PHYIR NA, NGO GDONG LA DE LTAR SNANG YANG DE LA DON DAM GYI KHYAD PAR MA SBYAR BA DGONGS PA YIN TE, SBYAR NA LEGS LDAN GYIS BDEN GNYIS LA BRTAG DON MED PA'I PHYIR, DES NA DAM BCA' LA DON DAM GYI KHYAD PAR SBYOR ZHING RTAGS LA DON DAM GYI KHYAD PAR MI SBYOR BAR 'GOD PA NYID DNGOS SMRA BAS BKOD PA'I SBYOR BA'I DON DU 'GRUB BO, ,KHA CIG GZHUNG LAS, RTAGS LA BDEN GNYIS KYI BRTAG PA GNYIS LAS MA MDZAD PA LTAR NA RTAGS KYI DON GANG YIN ZHES DRI DGOS, ZHES BRTAG PA GNYIS BYED RUNG BAR GSUNGS PA MI 'THAD PAR THAL, LHAG MTHONG CHEN MO LAS, DE'I DON NI DE BZHIN GSHEGS PAS KUN RDZOB TU GSUNGS PA'I PHYIR ZHES RTAGS SU 'GOD DAM, DON DAM DU GSUNGS PA'I PHYIR ZHES RTAGS SU 'GOD CES BRTAG PA BYED PA NI YE MA YIN TE, ZHES GSUNGS PA'I PHYIR NA MA KHYAB STE, DE NI BRTAG PA GNYIS MDZAD PA LTAR NA RTAGS KYI DON GANG YIN 'DRI BA LAS RTAGS SU GANG 'GOD CES 'DRI MI RUNG BA'I DON MIN PAS GZHUNG 'DI DANG MI MTHUN PA MA YIN PA'I PHYIR TE, BRTAG PA GNYIS BYED SKABS RTAGS SU GANG 'GOD 'DRI NA SNGAR CHOS CAN SOGS BDEN RDZUN GANG GIS KYANG KHYAD PAR DU MA BYAS PAR GZHAG DGOS KYI GZHAN DU NA RGOL BA GNYIS GANG RUNG LA MA GRUB PAR 'GYUR BAR 'DOD PA DANG 'GAL BA'I PHYIR TE, DE LTAR 'DRIN RTAGS DE KUN RDZOB DANG DON DAM GYIS KHYAD PAR DU BYAS PAR SONG BA'I PHYIR, KHA CIG BRTAG PA GNYIS BYED PA MI RIGS TE, DE BZHIN GSHEGS PAS @214A *, ,GSUNGS PA'I PHYIR ZHES PA'I RTAGS KYI DON DE KUN RDZOB TU YOD PA YIN NA NI DON DE KHYED LA MA GRUB, DON DAM DU YOD PA YIN NA NI DON DE NGED LA MA GRUB, DE GNYIS GANG YANG MA YIN NA RTAGS SU BKOD PA'I DON DE MA GRUB PAR 'GYUR BA'I PHYIR, ZHES BRTAG PA GSUM MA BYAS NA BRTAG PA MTHA' MCHOD PAR 'GYUR BA'I PHYIR ZER NA, SKYON MED DE, BRTAG PA GSUM PA DE BSAL MI DGOS PA'I PHYIR TE, LHAG MTHONG CHEN MO LAS, BDEN GNYIS GANG DU'ANG MED PA'I DON NI MI 'DOD PAS DE BSAL BAR MDZAD MI DGOS SO, ,ZHES GSUNGS PA'I PHYIR, BRTAG PA GSUM BYED SKABS KHA CIG ,SNGAR BSHAD PA LTAR BRTAG PA BYED PA MI 'THAD DE, DE LTAR NA DE BZHIN GSHEGS PAS DON DAM DU GSUNGS PA'I PHYIR ZHES PA LEGS LDAN LA MA GRUB PA MA YIN PA'I PHYIR TE, DES DE BZHIN GSHEGS PAS CHOS THAMS CAD DON DAM DU GSUNGS PA YOD PAR 'DOD PA'I PHYIR TE, DES DE BZHIN GSHEGS PAS CHOS THAMS CAD DON DAM PAR GRUB PAR GSUNGS PA YOD PAR 'DOD PA'I PHYIR NA MA KHYAB CING, BRTAG PA GNYIS BYED LUGS LA DPYAD PA RNAMS LEGS BSHAD RJES 'BRANG LAS SHES PAR BYA'O, ,GZHUNG LAS, MYU GU DANG DE RTEN 'BYUNG SOGS SU THA SNYAD PA'I LHAN SKYES KYI TSAD MAS GRUB PA YANG RGOL PHYI RGOL GNYIS KA'I RGYUD LA YOD MOD KYANG DE DANG RANG GI NGO BOS YOD PA 'JAL BA'I TSAD MA GNYIS PHYI RGOL GYI NGOR 'DRES NAS LTA BA MA SKYES BAR DU MI PHYED PAS, ZHES DANG, LHAG MTHONG LAS, RANG BZHIN MED PA'I LTA BA MA RNYED GONG @214B DU GANG ZAG DE DAG GIS YOD PA TZAM DANG RANG GI MTSAN NYID KYIS GRUB PA'I YOD PA GNYIS SO SOR PHYED PA MI SRID CES LTA BA MA SKYES BAR THA SNYAD PA'I LHAN SKYES KYI TSAD MA DANG RANG GI NGO BOS YOD PA 'JAL BA'I TSAD MA GNYIS DANG, YOD PA TZAM DANG RANG MTSAN GYIS YOD PA GNYIS SO SOR MI PHYED PAR GSUNGS PA DANG, LHAG MTHONG CHEN MO LAS, RANG BZHIN MED PA LA BYA BYED 'THAD PA'ANG RTOGS PAR NUS PAS RANG BZHIN MED PA DANG MED PA SO SOR PHYED PAR 'GYUR LA, DE'I PHYIR RANG BZHIN YOD PA DANG YOD PA'ANG SO SOR PHYED PAR 'GYUR, ZHES LTA BA RNYED PA NA DE 'DRA'I KHYAD PHYED PAR GSUNGS PA DANG, YANG LHAG MTHONG LAS, RANG BZHIN YOD MED DANG YOD MED BZHI BO 'DI DPAL LDAN ZLA BA GRAGS PAS PHYE BA 'DI MA RTOGS PHYIN GDON MI ZA BAR MTHA' GNYIS SU LTUNG BAS MTHA' BRAL DBU MA'I DON MI RTOGS PA YIN TE, ZHES GSUNGS PA'I 'GAL SPONG LA 'JAM DBYANGS DGA' BLOS LTA BA MA SKYES PAR SHES 'DOD CHOS CAN DE'I STENG DU YOD TZAM DANG DE RANG BZHIN GYIS YOD PA GNYIS SO SOR MI PHYED PA'I DON YIN GYI SPYIR MI PHYED PA MIN PA DANG, BSE NGAG DBANG BKRA SHIS KYIS LTA BA MA SKYES BAR RANG BZHIN GYIS YOD MED KYI SA TSOD THIG KYANG RANG BZHIN GYIS YOD PA DANG YOD PA'I KHYAD PAR GNYIS SO SOR 'BYED MI THUB PA DANG; LCANG SKYA ROL BA'I RDO RJES LTA BA MA SKYES PAR DE GNYIS KYI KHYAD PHYED PA YOD PA'I PHYOGS MNAN PA DANG, DRIS LAN YAB RJE'I DGONGS RGYAN DU TSE DE LA DANG PO NAS THAL 'GYUR BA'I GRUB MTHA' LA ZHUGS PA'I GDUL BYA DBANG PO YANG RAB @215A *, ,RNAMS LA BTAGS YOD KYI NGO SPROD BYAS PA LA BRTEN NAS DGAG BYA'I GRUB TSANG NGES PA'I GONG NYID NAS DE GNYIS KYI KHYAD LEGS PAR PHYED PA YOD PA DANG, THAL 'GYUR BA DBANG RNON 'GAR CHOS CAN DE NYID RNAM BDUN DU RANG BZHIN GYIS MED PAR NGES PA LTA BU DE SKOR GYI PHYOGS CHOS NGES PA'I RJES TZAM NAS DE GNYIS KYI KHYAD PAR PHYED PA'ANG YOD PA DANG, YANG 'GA' ZHIG LA DE GNYIS KYI KHYAD PAR YID DPYOD KYIS NGES NAS LTA BA RNYED NAS TSAD MAS SO SOR BYED PA'ANG YOD PA DANG, DBANG RTUL DANG DNGOS SMRA BA RNAMS KYIS DE GNYIS KYI KHYAD YID DPYOD TZAM GYIS KYANG MI RTOGS PAR LTA BA RNYED PA NA SO SOR KHYAD PHYED PAR 'GYUR BAR GSUNGS SO, ,LHAG MTHONG CHEN MO LAS, RANG BZHIN KHAS BLANGS PA LA GNOD BYED BSTAN PA RNAMS MTHONG BA NA RANG BZHIN YOD PAR 'DZIN PA'I GRUB MTHA' 'DOR BAR 'GYUR LA, DE NAS RANG BZHIN MED PA LA BYA BYED 'THAD PA'ANG RTOGS PAR NUS PAS ZHES SOGS LA BRTEN NAS, DBU MA'I MTHA' DPYOD DU DNGOS SMRA BA'I GRUB MTHA' BTANG BA DBU MA'I LTA BA RNYED PA RANG BZHIN MED PA LA BYA BYED 'THAD PAR RTOGS PA RNAMS DUS MNYAM PAR GSUNGS PA DANG, PHAR PHYIN MTHA' DPYOD DU'ANG PHAL CHER DE DANG MTHUN PAR GSUNGS PA LA; DGONGS ZAB SNANG BA'I SGRON MER, YIG CHA'I DE KHYAB MTHA' GZUNG DKA' YANG PHAL CHER LA DE DAG DUS RAGS PA MNYAM PA'I DON DANG, LAM RIM LAS GSUNGS PA NI DE RNAMS DUS MNYAM PA MIN YANG GCIG GI BYED PA LAS @215B GCIG HA CANG MA 'GYANGS PAR 'BYUNG BA'I DON DU BKRAL TO, ,KHA CIG RTEN 'BREL GYI RTAGS KYIS MYU GU BDEN MED DU SGRUB PA LA BRTEN NAS LTA BA GSAR DU RNYED TSE MTHUN DPE RDZUN PA PHRA MO NGES DGOS TE, LAM RIM CHUNG BA LAS, 'DI DAG DPER LEN PA NI GZUGS SGRA SOGS KYI CHOS GZHAN RNAMS LAS 'DI RNAMS RANG BZHIN MED PAR RTOGS SLA BA'I RGYU MTSAN GYIS YIN LA, ZHES DANG, 'JIG RTEN NA RDZUN PAR GRAGS PA'I DPE 'DI RNAMS THOG MAR RANG BZHIN MED PAR RTOGS SU BCUG NAS DE NAS 'JIG RTEN NA RDZUN PAR MA GRAGS PA'I CHOS GZHAN RNAMS RANG BZHIN MED PAR RTOGS PA SKYED DGOS SHING, ZHES GSUNGS PA'I PHYIR NA MA KHYAB STE, DE DAG GI TSIG ZUR DU DPE RANG BZHIN MED PAR RTOGS ZHES PA RDZUN PA RAGS PA RTOGS PA LA BYED PA'I PHYIR TE, LAM RIM CHEN MO LAS, DES NA GZUGS BRNYAN BYAD BZHIN GYIS STONG BAR RTOGS PAS BYAD BZHIN DU BDEN PAR MI 'DZIN KYANG GZUGS BRNYAN BDEN PAR YOD PAR 'DZIN PA LA 'GAL BA CI ZHIG YOD, 'DI YANG BRDA LAM BYANG BA'I BYIS PA CHUNG DU RNAMS BYAD BZHIN GYI GZUGS BRNYAN MTHONG BA NA DE LA RTZE BA SOGS BYED PAS DE DAG GIS NI BYAD BZHIN DU BDEN PAR 'DZIN LA, RGAN PO BRDA LA BYANG BA RNAMS KYIS NI DE DAG BYAD BZHIN DU MED BZHIN DU BYAD BZHIN GYIS STONG BAR NGES KYANG, BYAD BZHIN DU SNANG BA'I GZUGS BRNYAN DE NYID RANG GI NGO BOS GRUB PA'I YOD PAR 'DZIN PA NI BDEN 'DZIN YIN LA, DE YANG RANG RGYUD LA YOD PAR MYONG BAS 'GRUB PO, ,DE LTA YIN @216A *, ,NA'ANG RANG BZHIN MED PA'I DPER RUNG LUGS NI GANG SNANG BA DE'I NGO BOS STONG BAS GANG DU SNANG BA DE'I RANG BZHIN MED PA NI MNGON SUM GYIS GRUB PAS DE NYID DPER BYED PA YIN NO, ,ZHES DANG, LAM RIM CHUNG NGU LAS, BYAD BZHIN GYI GZUGS BRNYAN BYAD BZHIN GYIS STONG BAR RTOGS PAS NI GZUGS BRNYAN RANG GI NGO BO NYID KYIS GRUB PAR 'DZIN PA'I BDEN 'DZIN GYI YUL LA CI YANG MI GNOD CING, DE'I YUL SUN PHYUNG BA MED PAR GZUGS BRNYAN RANG BZHIN GYIS GRUB PAS STONG PA'I STONG NYID MI RTOGS PA'I PHYIR BLO DES GZUGS BRNYAN GYI DE NYID RTOGS PA MIN NO, ,'DIS NI SGYU MA RTA GLANG GIS STONG PA DANG, RMI LAM GYI SNANG BA SOGS GANG DU SNANG BA DES STONG PAR RTOGS KYANG, SGYU MA DANG RMI LAM LTA BUR RTOGS PA'I DBU MA'I LTA BA RNYED PA MIN NO, ,'ON KYANG 'DI DAG DPER LEN PA NI GZUGS SGRA SOGS KYI CHOS GZHAN RNAMS LAS 'DI RNAMS RANG BZHIN MED PAR RTOGS SLA BA'I RGYU MTSAN GYIS YIN LA, ZHES DANG, 'JUG PA'I RNAM BSHAD LAS, SKABS 'DIR GZUGS BRNYAN SOGS DPER BKOD PA NI 'JIG RTEN PAS GRUB ZIN DPER 'GOD PA YIN GYI, DBU MA'I RDZUN PAR BZHAG PA GRUB ZIN PA ZHIG DPER 'GOD PA MIN NO, ,ZHES DANG, STONG THUN LAS, BYAD BZHIN GYI GZUGS BRNYAN DPER BYED PA NI, BYAD BZHIN GYI GZUGS BRNYAN LA DNGOS SMRA BAS BDEN MED TSAD MAS NGES ZIN PA'I RGYU MTSAN GYIS MTHUN DPER BYED PA MA YIN TE, NAS, 'ON MTHUN DPER BYED PA CI SNYAM NA, MYU GU SOGS BDEN PAR KHAS LEN PAS NI MYU GU SOGS BDEN @216B PAR SNANG BA 'DI SNANG BA LTAR DU GRUB PAR KHAS LEN PA YIN ZHING, BYAD BZHIN GYI GZUGS BRNYAN JI LTAR SNANG BA LTAR DU MI BDEN PAR DBU MA'I LTA BA MGO BDAG GIS KYANG DES ZIN PAS DE NYID DPER BYED PA YIN NO, ,ZHES DANG, DBU MA'I MTHA' DPYOD LAS, RGYUD MA SMIN PA LA RANG GIS GRUB PA'I RDZUN PA RAGS PA 'GOD PA 'DI STON PA DANG SHING RTA CHEN PO KLU SGRUB YAB SRAS DANG RJE YAB SRAS SOGS DU MA'I DGONGS PA YIN, ZHES GSUNGS PA'I PHYIR, TSAD MA PA'I LUGS LA SGRUB BYED 'PHEN PA'I THAL 'GYUR 'GOD PA SKABS BAB KYI GANG ZAG LA MTHA' GCIG 'DZIN GYI LOG RTOG CAN ZHIG DGOS KYANG LUGS 'DIR DE MI DGOS PA DANG, MYU GU CHOS CAN, RTEN 'BREL MA YIN PAR THAL, BDEN PAR GRUB PA'I PHYIR ZHES PA'I THAL 'GYUR THAL 'GYUR YANG DAG TU SONG MA THAG PA LA MYU GU BDEN ZHEN GYIS 'DOD PAS KHYAB PAR DBU MA'I MTHA' DPYOD DU GSUNGS KYANG, DES MYU GU BDEN ZHEN GYIS 'DOD PAR 'JOG DKA' TSUL SOGS DGONGS ZAB SNANG BA'I SGRON ME LTAR LA, MTHA' DPYOD RANG NYID LAS, THAL 'GYUR DE GNOD BYED YANG DAG TU PHYI RGOL LA SONG BA NA LOG RTOG KYANG ZLOG LA, BDAG SKYE'I DAM BCA' YANG NGOR TSAR ZHING, BDAG SKYE MED PAR YANG RTOGS ZIN PA'I PHYIR, ZHES KYANG GSUNGS SO, ,LCANG SKYA'I GRUB MTHAR, GRUB MTHA' SMRA BA KHA CIG 'OG MA'I GRUB MTHA' BTANG NAS GONG MA'I GRUB MTHA' LA MA ZHUGS PA'I NANG BA'I GRUB MTHA' SMRA BA YOD PAR GSUNGS KYANG, RDO RJE SNYING 'GREL GYI DNGOS ZIN BZHIN, NANG BA'I GRUB MTHA' SMRA BA LA @217A *, ,BZHIR GRANGS NGES PAR PHAR PHYIN YIG CHA SOGS SU GSUNGS SO, ,'ON KYANG BOD DU GANG ZAG KHA CIG GIS RANG GI GRUB MTHA' LA GNOD PA MTHONG YANG DA DUNG DGE LDAN SOGS KYI GRUB MTHA' LA'ANG DPYAD PA BYAS NAS BLO CHIG DRIL GYIS MI 'JUG PA YOD PA LTA BU RANG SDE GRUB MTHA'I NANG TSAN LA'ANG 'DRA BAS DPYAD DO, ,THAL 'GYUR BA NANG PHAN TSUN DANG, DNGOS SMRA BA NANG PHAN TSUN LA CHOS CAN MTHUN SNANG BA YOD MED KYI DON LA KHA CIG NA RE, DE DAG GI BAR NA RANG RGYUD MED KYANG CHOS CAN MTHUN SNANG BA YOD DE, GZHUNG LAS, THAL 'GYUR BA NANG PHAN TSUN LA KHAS BLANGS LA MA 'KHRIS PAR TSAD MAS GRUB TSUL BSTAN DU YOD KYANG MING GI THA SNYAD KYI DBANG GIS BZHAG PA'I TSAD MA YIN GYI DNGOS PO'I RANG GI NGO BO'I DBANG GIS BZHAG PA MIN PAS RANG RGYUD MI RUNG NGO, ,ZHES DANG, DKA' GNAD BRGYAD KYI ZIN BRIS LAS, THAL 'GYUR BA NANG PHAN TSUN THA SNYAD PA'I DON 'GA' ZHIG LA RJES DPAG SKYED PAR 'DOD PA'I TSE, GRUB MTHAS BZHAG PA'I CHOS CAN MTHUN SNANG DU GRUB PA YOD KYANG RANG RGYUD DU MI 'GYUR TE, 'DZIN STANGS KYI DON LA MI 'KHRUL BA'I TSAD MA MI SRID PA'I PHYIR RO, ,ZHES DANG, STONG THUN LAS, DE'I PHYIR THAL 'GYUR BA'I LTA BA LEGS PAR RTOGS PA'I RGOL BA GNYIS KYIS THA SNYAD KYI RNAM GZHAG 'GA' ZHIG GTAN LA DBAB PA'I PHYIR DU NANG PHAN TSUN BKOD PA'I GTAN TSIGS LA CHOS CAN DANG TSUL GSUM RGOL BA GNYIS KA'I LUGS LA MTHUN SNANG DU GRUB KYANG RANG RGYUD KYI GTAN TSIGS SU 'GYUR BA MA @217B YIN NO, ,ZHES GSUNGS PA'I PHYIR DANG, DNGOS SMRA BA GCIG SNGA RGOL DANG GCIG PHYI RGOL BYAS TE PHYI RGOL LA BSGRUB BYA RTOGS PA'I RJES DPAG SKYED PA YOD LA, DE GNYIS CHOS CAN TSAD MAS GRUB TSUL LA 'DOD PA MTHUN PA'I PHYIR DANG, THAL 'GYUR BA NANG PHAN TSUN JI SNYED PA 'GA' ZHIG RTOGS PHYIR RTZOD PA'I TSE CHOS CAN DE RANG MTSAN LA 'KHRUL BA'I TSAD MA'I RNYED DON DU 'DOD PA MTHUN PA'I PHYIR, ZHES ZER, GZHAN DAG DE DAG GI BAR NA'ANG CHOS CAN MTHUN SNANG BA MED PAR THAL, DE YOD NA DE DAG GI BAR NA RANG RGYUD YOD DGOS PA GANG ZHIG RANG RGYUD MED NA CHOS CAN MTHUN SNANG BA MED DGOS PA'I PHYIR TE, RANG RGYUD DANG CHOS CAN MTHUN SNANG BA RNAM GRANGS YIN PA'I PHYIR TE, LHAG MTHONG CHEN MO LAS, DBU MA THAL 'GYUR BA NANG PHAN TSUN DU JI SNYED PA'I DON 'GA' ZHIG RTOGS PA'I RJES DPAG SKYED PA'I YAN LAG TU RANG RGYUD DGOS MI DGOS KYI DPYAD PA NI RE ZHIG BZHAG GO ,ZHES GSUNGS PA'I PHYIR, KHYAB STE, DE'I RANG RGYUD NI CHOS CAN MTHUN SNANG BA LA BYED PA'I PHYIR TE, DGONGS ZAB SNANG BA'I SGRON ME LAS, DBU MA BA DANG DNGOS SMRA BA LA CHOS CAN MTHUN SNANG BA MED PAR BSHAD PA DANG, RANG RGYUD KYI GTAN TSIGS MED PAR BSHAD PA GNAD 'DRA STABS RANG RGYUD CES GSUNGS PA TZAM LAS, GO RGYU NI PHA ROL BO LA RANG BZHIN MED RTOGS GSAR DU SKYED PA'I YAN LAG TU CHOS CAN MTHUN SNANG BA DGOS PA 'GOG PA YIN, ZHES GSUNGS PA'I PHYIR, DES NA DKA' GNAD BRGYAD KYI ZIN BRIS KYI DON YANG, DE 'DRA'I @218A *, ,RGOL BA GNYIS KYI BAR DU GRUB MTHA'I DBANG GIS CHOS CAN TSAD MAS GRUB TSUL LA 'DOD PA MI MTHUN PA MED PA'I DON LAS CHOS CAN MTHUN SNANG BA YOD PA'I DON MIN LA, STONG THUN GYI DON YANG DE LTAR YIN NO ZHES ZER NA, YAB RJE'I DGONGS RGYAN LAS, THAL 'GYUR BA'I LUGS LA CHOS CAN MTHUN SNANG BA YOD KYANG, TSIG GSAL GYI SKABS 'DIR BSTAN GYI CHOS CAN MTHUN SNANG BA MED CES DAM BCAS NA RJE'I GSUNG RAB KUN DANG DGONGS ZAB SNANG BA'I SGRON ME RNAMS GUNG BSGRIGS PA'I DGONGS PAR MTHUN PAR GSUNGS SHING THAL BZLOG SNYING PO RAB GSAL YANG DE DANG MTHUN NO, ,GZHAN DAG DGONGS ZAB SNANG BA'I SGRON ME'I DON THAL 'GYUR BA RGOL PHYI RGOL BYAS TSE DE DAG GI BAR NA CHOS CAN MTHUN SNANG BA YOD KYANG TSUL GSUM RANG NGOS NAS GRUB PA MED PAR BZHED PA LA BYA DGOS ZER RO, ,KUN MKHYEN BLA MAS, DBU MA'I YIG CHAR DNGOS SMRA BA NANG PHAN TSUN DANG THAL 'GYUR BA NANG PHAN TSUN RTZOD PA'I TSE CHOS CAN MTHUN SNANG BA MED PA'I PHYOGS DANG, LHAG MCHAN DU YOD PA'I PHYOGS GSUNGS TE PHYI MA'I RJES 'BRANG LA SHING BZA' PAntI TA DANG BDAG GI BLA MA RDO RJE 'CHANG SOGS MKHAS PA MANG NGO, ,BLO GLING BAS, DBU MA THAL RANG GNYIS MYU GU RANG BZHIN GYIS YOD MED RTZOD PA'I TSE CHOS CAN MTHUN SNANG BA MED CES ZER BA MI 'THAD DE, THAL RANG GNYIS MYU GU RANG BZHIN GYIS YOD MED RTZOD PA MED PA'I PHYIR TE, SANGS RGYAS BSKYANGS DANG LEGS LDAN GNYIS DE LTAR RTZOD PA MED PA'I PHYIR ZHES 'CHAD KYANG, SGO MANG GSUNG @218B RGYUN LA THAL RANG GNYIS MYU GU RANG BZHIN GYIS YOD MED RTZOD PA YOD CES PA DANG, DE LTAR RTZOD TSE CHOS CAN MTHUN SNANG BA MED CES KHAS LEN PA LAS SNGA MA DPE DAG MA DAG DPYAD DGOS PAR 'DOD 'GAL DU BSHAD DO, ,GNYAL STON GYIS GZHUNG LAS, DES NA GZHAN GRAGS KYI RTAGS KYIS BSGRUB BYA SGRUB PA LA PHA ROL BOS KHAS BLANGS PA TZAM GYIS MI CHOG GI ZHES SOGS PHYI RGOL LA MA SBYAR BAR SNGA RGOL LA SBYAR BA, THA SNYAD LA NI MA BRTEN PAR, ,ZHES PA'I SHES BYED DANG 'BYOR TSUL BRTAG GO ,GSUM PA TSUL DE LA MDO SDE RNAMS DANG 'GAL BA SPANG BA LA GNYIS, DGONGS 'GREL DANG 'GAL BA SPANG BA DANG, DE DANG BYAMS ZHUS KYI LE'U GNYIS MI MTSUNGS PAR BSTAN PA'O, ,DANG PO LA GNYIS, MTSAMS SBYAR BA DANG, DNGOS SO, ,DANG PO NI, DGONGS 'GREL GYIS, ZHES SOGS BYUNG, DGONGS 'GREL GYIS GZHAN DBANG YONGS GRUB BDEN GRUB DANG KUN BTAGS KYI CHOS RNAMS BDEN MED DU GSUNGS TE MTSAN NYID GSUM GYI SGO NAS NGO BO NYID YOD MED PHYE BA DANG, DRI ZHUS KYI 'KHOR LO DANG PO GNYIS DRANG DON DANG THA MA LEGS PAR RNAM PAR PHYE BA NGES DON DU 'JOG TSUL RNAM RIG PA DANG RANG RGYUD PA'I SLOB DPON GZHAN GYI BZHED PA SNGAR BSHAD PA LTAR YIN NA ZLA BAS JI LTAR BZHED CE NA, DGONGS 'GREL GYI DON 'GREL TSUL 'DI LA 'PHAGS PA YAB SRAS GNYIS DANG SANGS RGYAS BSKYANGS KYIS GSAL BAR BSHAD PA MED PAS 'JUG PA RTZA 'GREL DANG BSTUN TE 'CHAD DO, ,GNYIS PA LA GNYIS, SEMS TZAM PAS NGES DON DU 'DOD PA'I MDO BZHI @219A *, ,DRANG DON DU 'GREL TSUL, LUGS 'DIS 'KHOR LO GSUM GYI DRANG NGES JI LTAR 'JOG PA'O, ,DANG PO LA GNYIS, DRANG DON DU 'GREL RGYU'I MDO BZHI NGOS GZUNG BA DANG, DE DRANG DON DU LUNG GIS JI LTAR 'GREL BA'O, ,DANG PO NI, 'ON KYANG, ZHES SOGS BYUNG, 'JUG PA'I RNAM PA DE LTA'I, ZHES SOGS KYI 'BRU 'GREL NI, PHYI ROL SNANG BA YOD MIN TE, ,ZHES SOGS KYI RNAM PA DE LTA BU'I MDO SDE SEMS TZAM PAS NGES DON DU KHAS BLANGS PA GZHAN RNAMS KYANG DRANG DON NYID DU 'CHAD 'GYUR GYI LUNG 'DIS GSAL BAR BYED CES PA STE, DE'I RANG 'GREL GYI DON, DGONGS 'GREL LAS, DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BTAGS PA'I MTSAN NYID GANG YIN PA'O, ,ZHES SOGS SNGAR SEMS TZAM SKABS RGYAS PAR DRANGS PA LTAR RANG BZHIN GSUM STE MTSAN NYID GSUM BSTAN PA LAS KUN BTAGS BDEN PAR MED PA NYID DANG GZHAN DBANG BDEN PAR YOD PA STE NGO BO NYID DANG PO GNYIS LA RANG GI MTSAN NYID KYIS YOD MED KYI KHYAD PHYE BA DANG, DE BZHIN DU DE NYID LAS, LEN PA'I RNAM PAR SHES PA ZAB CING PHRA, ,ZHES SOGS KYIS KUN GZHI BSHAD PA GNYIS DANG, SOGS SGRAS BSDUS PA, DE NYID LAS, BCOM LDAN 'DAS, TING NGE 'DZIN GYI SPYOD YUL GYI GZUGS BRNYAN DE CI, SEMS DE LAS THA DAD PA ZHES BGYI 'AM THA DAD PA MA LAGS ZHES BGYI, BCOM LDAN 'DAS KYIS BKA' STZAL @219B PA, BYAMS PA, THA DAD PA MA YIN ZHES BYA BA'O, ,DE CI'I PHYIR ZHE NA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN YIN NO, ,ZHES NGAS BSHAD DO, ,ZHES PHYI ROL MED PAR BSHAD PA DANG, DE NYID LAS, ZHIB BGROD PA GCIG PU BA NI SANGS RGYAS THAMS CAD BRTZON PA DANG LDAN PAR GYUR KYANG BYANG CHUB KYI SNYING PO LA BZHAG STE BLA MED RDZOGS BYANG THOB PAR BYAR MI NUS SO, ,DE CI'I PHYIR ZHE NA, 'DI LTAR, DE NI SNYING RJE SHIN TU CHUNG BA DANG SDUG BSNGAL GYIS SHIN TU 'JIGS PA'I PHYIR RANG BZHIN GYIS RIGS DMAN PA KHO NA YIN PA'I PHYIR RO, ,ZHES MTHAR THUG THEG PA GSUM DU RIGS NGES PAR BSHAD PA STE DRANG DON DU 'CHAD RGYU'I MDO BZHIG DGONGS 'GREL GYI MDO KHO NA'O,, DE LTA BU'I MDO TSAN BZHI'I NANG NAS GSUM PO 'DI, LANG GSHEGS LAS, JI LTAR NAD PA NA BA LA, ,ZHES SOGS KYIS NAD PA LA SMAN PAS SMAN SO SOR GTONG BA LTAR SANGS RGYAS KYIS KYANG SEMS CAN LA GDUL BYA'I DBANG GIS SEMS TZAM DU GSUNGS BAR BSHAD PA 'DIS DRANG DON DU 'GREL BAR BSHAD DO, ,DGONGS 'GREL DU MTSAN NYID GSUM GA LA BDEN PAR YOD MED KYI KHYAD PHYE YANG RANG 'GREL DU YONGS GRUB MA GSUNGS PA NI 'JUG PA'I RNAM BSHAD LAS, MDO DER GZHAN DBANG DANG YONGS GRUB GNYIS KA RANG GI MTSAN NYID KYIS GRUB PAR GSUNGS KYANG, 'GREL BAR GZHAN DBANG TZAM LAS MA GSUNGS PA NI DBU SEMS BDEN PAR YOD MED RTZOD PA'I GZHI'I GTZO BO NI GZHAN DBANG YIN TE, KUN @220A *, ,BTAGS 'DOGS PA'I GZHI YANG GZHAN DBANG YIN LA, YONGS GRUB KYANG GZHAN DBANG LA BRTEN NAS GZHAG DGOS PA'I PHYIR RO, ,ZHES GSUNGS PA LTAR TE, LEN PA'I RNAM PAR SHES PA ZAB CING PHRA, ,ZHES SOGS KYI DON SEMS TZAM SKABS BKRAL ZIN PA LTAR RO, ,GNYIS PA LA BZHI, MDO SNGA MA GSUM MA GTOGS 'JUG PA RTZA 'GREL LAS DRANG DON DU MA BKRAL BA'I RGYU MTSAN DANG, SEMS TZAM DU STON PA'I MDO LANG GSHEGS KYIS DRANG DON DU BSTAN PA'I TSUL DANG, KUN GZHI STON PA'I MDO LANG GSHEGS KYIS DRANG DON DU BSTAN PA'I TSUL DANG, MTSAN NYID GSUM LA DON DAM DU YOD MED KYI KHYAD PAR PHYE BA'I MDO LANG GSHEGS KYIS DRANG DON DU 'GREL TSUL LO, ,DANG PO NI, PHYI MA 'DI, ZHES SOGS BYUNG, MDO SNGA MA GSUM MA GTOGS 'JUG PA RTZA 'GREL LAS LUNG GIS DRANG DON DU MA BKRAL BA'I RGYU MTSAN YOD DE, PHYI MA MTHAR THUG THEG GSUM STON PA 'DI MDO BTUS LAS LUNG GIS MTHAR THUG THEG PA GCIG TU BSGRUBS PAS GO NUS PAR DGONGS PA'I PHYIR, MDO BTUS LAS DE LTAR BSGRUBS TSUL YOD DE, DE NYID LAS, THEG PA GCIG LA MOS PA'I SEMS CAN DE DAG NI SHIN TU RNYED PAR DKA' STE THEG PA GCIG TU ZAD PAR NI MDO SDE DU MA LAS GSUNGS PA'I PHYIR, ZHES GSUNGS NAS, DAM CHOS PAD DKAR DANG, BDEN PA PO'I LE'U DANG, SHER PHYIN DANG, 'DUS PA CHEN PO DANG, GZUNGS RGYAL DANG, PHYIR MI LDOG PA'I 'KHOR LO DANG, DPAL PHRENG DANG, LANG GSHEGS RNAMS DRANGS NAS @220B BSGRUBS PA'I PHYIR, DE BAS NA GZHAN GSUM 'JUG PA RTZA 'GREL LAS, RNAM PA DE LTA'I MDO SDE GZHAN YANG NI, ,ZHES SOGS KYI SKABS SU LUNG DANG, PHYI ROL MED SEMS DPE NI GANG DU YOD, ,CES SOGS KYIS MDO TSAN DANG PO DANG, GANG PHYIR RANG BZHIN GYIS DE MI 'GAG PA, ,ZHES SOGS KYIS MDO TSAN GNYIS PA DANG, SHES BYA MED NA SHES PA BSAL BA NI, ,ZHES SOGS KYIS MDO TSAN GSUM PA RIGS PAS DRANG DON DU SGRUB PA LA, RNAM PA DE LTA'I ZHES SOGS RTZA 'GREL GYI SKABS 'DIR LUNG GIS DRANG DON DU STON TO, ,GNYIS PA NI, SEMS TZAM DU GSUNGS PA LA, ZHES SOGS BYUNG, DE LA SEMS TZAM DU GSUNGS PA'I MDO LA PHYI ROL 'GOG MI 'GOG GNYIS YOD DE, LANG GSHEGS KYI, PHYI ROL SNANG BA YOD MIN TE, ,ZHES PAS PHYI ROL 'GOG PA DANG, SA BCU BA'I, KHAMS GSUM 'DI NI SEMS TZAM MO, ,ZHES PAS PHYI ROL MI 'GOG PA YIN PA'I PHYIR, DE LA SNGA MA NI STON PA'I RANG LUGS LA MIN PAR GDUL BYA'I DBANG GIS YIN PAR LANG GSHEGS RANG LAS GSUNGS PAS DRANG DON DU GSAL BA STE, DE BZHIN DU DGONGS 'GREL LAS, BCOM LDAN 'DAS, TING NGE 'DZIN GYI SPYOD YUL GYI GZUGS BRNYAN DE CI, ZHES SOGS SNGAR SEMS TZAM GYI SKABS SU PHYI DON MED PAR STON BYED DU DRANGS PA'ANG LUNG 'DIS DRANG DON DU GTZO BOR 'GREL DGOS SO, ,GSUM PA LA GSUM, 'JUG 'GREL LAS GSUNGS PA DGOS PA, 'JUG PA'I 'GREL BSHAD KYI LUGS DGAG PA, RANG GI LUGS GZHAG PA'O, ,DANG PO NI, @221A *, ,DE NAS DE BZHIN DU, ZHES SOGS BYUNG, DE YANG 'JUG 'GREL LAS, DE BZHIN DU BCOM LDAN 'DAS KYIS MDO BRJOD PA LAS DE BZHIN GSHEGS PA'I SNYING PO GSUNGS BDE, NAS, 'TSANG RGYA BAR JI LTAR 'GYUR ZHES TE; ZHES PA'I BAR SNYING PO DRANG DON DU STON PA DANG, BLO GROS CHEN PO STONG PA NYID DANG MI SKYE BA DANG, NAS, MDO SDE'I NANG DU CHUD PA 'DI, ZHES PA'I BAR RANG BZHIN MED PA MDO SDE THAMS CAD KYI NANG DU CHUD PAR BSTAN PA DRANGS NAS DE'I MTHAR, DE'I PHYIR DE LTAR NA RNAM PA DE LTA BU'I MDO SDE RNAM PAR SHES PAR SMRA BA RNAMS KYIS NGES PA'I DON NYID DU KHAS BLANGS PA THAMS CAD DRANG BA'I DON NYID YIN PAR LUNG 'DIS MNGON PAR GSAL BAR BYAS, ZHES SEMS TZAM PAS NGES DON DU KHAS BLANGS PA'I DGONGS 'GREL GYI MDO KUN GZHI BSTAN PA DANG MTSAN NYID GSUM LA RANG MTSAN GYIS YOD MED BSHAD PA THAMS CAD DRANG DON DU LUNG 'DIS GSAL BAR GSUNGS TE LUNG NI LANG NI LANG GSHEGS NAS SNYING PO DRANG DON DU BSTAN PA DANG, RANG BZHIN MED PA MDO SDE THAMS CAD KYI NANG DU CHUD PAR BSTAN PA GNYIS SO, ,GNYIS PA NI, 'DIR 'JUG PA'I, ZHES SOGS BYUNG, DE YANG 'GREL BSHAD DE NYID LAS, YANG DRANG BA'I DON GYI MDO SDE GZHAN BSTAN PAR BYA BA'I PHYIR, DE BZHIN DU ZHES BYA BA LA SOGS PA GSUNGS TE, DPER NA DE BZHIN GSHEGS PA'I SNYING PO GSUNGS BDE NI DRANG BA'I DON YIN LA, DE BZHIN DU SEMS TZAM GSUNGS PA DE YANG DRANG BA'I DON DU @221B GSUNGS PA YIN NO ZHES PA'O, ,ZHES SNYING PO DRANG DON DU GSUNGS PA DPER BYAS NAS SEMS TZAM DU GSUNGS PA YANG DRANG DON DU STON PAR BSHAD PA DANG, LUNG 'DIS ZHES BYA BA NI RTEN CING 'BREL BAR 'BYUNG BA LUGS LAS 'BYUNG BA'I RNAM PA LA RTOG GO ZHES BYA BA LA SOGS PAS SO, ,ZHES LUNG 'DIS GSAL BAR BYED, ,CES PA'I LUNG NI RTEN 'BREL LA RTOG PA'I SKABS BYED PA PO BKAG PA'I SA BCU PA'I MDO LA BYAS SO, ,DE NI MI RIGS TE, RANG 'GREL LAS, LUNG 'DIS DRANG BA'I DON NYID DU GSAL BAR BYED DO, ,DE BZHIN DU BCOM LDAN 'DAS KYIS, ZHES SEMS TZAM DU GSUNGS PA DRANG DON YIN PA DPER BYAS NAS SNYING PO DRANG DON DU GSUNGS PA'I RGYU MTSAN GYIS RNAM PA DE LTA BU'I SEMS TZAM PAS NGES DON DU KHAS BLANGS PA'I MDO SDE DRANG DON DU BSGRUBS KYANG KHYED KYIS DPE GO ZLOG TU BYAS PA'I PHYIR, DES NA RTZA BA'I LUNG 'DIS ZHES PA LA DPE PHYI ROL MED PA DRANG DON DU STON PA'I MDO DANG, DPE CAN KUN GZHI BSHAD PA DANG MTSAN NYID GSUM LA KHYAD PHYE BA DRANG DON DU STON PA'I MDO GNYIS GSUNGS PA'I GCIG NI SKABS 'DIR LANG GSHEGS LAS SNYING PO DRANG DON DU BSTAN PA DANG, RANG BZHIN MED PA MDO SDE THAMS CAD KYI NANG DU CHUD PAR BSTAN PA'O, ,BYED PA PO BKAG PA RTEN CING 'BREL BAR 'BYUNG BA LUGS LAS 'BYUNG BA'I RNAM PA LA RTOG GO ,ZHES SOGS NI SA BCU PA LAS SEMS TZAM MO ZHES GSUNGS PA'I TZAM GYI SGRAS PHYI ROL MI 'GOG PA'I SHES BYED DU GSUNGS KYI, PHYI ROL BKAG PA DRANG DON DU STON PA'I SHES BYED MA YIN NO, , @222A *, ,RNAM PA DE LTA BU'I MDO NI SNGAR 'JUG PA'I RANG 'GREL LAS, RNAM PA DE LTA BU'I MDO SDE GANG ZHE NA, JI SKAD DU DGONGS PA NGES PAR 'GREL BA'I MDO LAS, ZHES DGONGS 'GREL LA GSAL BAR BSHAD PA LTAR LAS, SNYING PO DRANG DON DU STON PA'I MDO LA RNAM RIG PAS NGES DON DU 'DOD PAR STON PA MA YIN TE, SNYING PO DRANG DON DU STON PA LA SKABS 'DIR RNAM RIG PA DANG THAL 'GYUR BA GNYIS RTZOD PA MED PA'I PHYIR, DER THAL, SNYING PO DRANG DON DU STON PA'I LANG GSHEGS KYI LUNG YANG SEMS TZAM PAS NGES DON DU MI 'DOD PA GANG ZHIG THAL 'GYUR BAS SKABS 'DIR DRANG DON DU 'GREL RGYU'I MDOR MI BZHED PA'I PHYIR, KHYAB STE, SKABS 'DI'I RTZOD PA'I GZHI'I MDO LA SEMS TZAM PAS NGES DON DU 'DOD LA THAL 'GYUR BAS MI 'DOD PA ZHIG DGOS PA'I PHYIR TE, SKABS 'DIR THAL 'GYUR BAS SEMS TZAM PA LA RTZOD GZHI'I MDO DE DRANG DON DU SGRUB PA'I SKABS YIN PA'I PHYIR, MA KHYAB MTSAMS KYI RTAGS DANG PO GRUB STE, LUNG DES MDO GZHAN DU CHOS KYI BDAG MED LA DGONGS NAS RTAG BRTAN GYI SNYING PO STON PAR GSUNGS PA GANG ZHIG ,SEMS TZAM PAS DE LTAR MI 'DOD PA'I PHYIR, DER THAL, SEMS TZAM PAS KUN GZHI RNAM SHES LA DGONGS NAS SNYING PO STON PAR 'DOD DGOS PA'I PHYIR TE, RGYAN STUG PO BKOD PA LAS, SA RNAMS SNA TSOGS KUN GZHI STE, ,ZHES SOGS DANG, LANG GSHEGS LAS DE BZHIN GSHEGS PA'I SNYING PO KUN GZHI RNAM PAR SHES PAR BSGRAGS PA, ZHES SOGS GZHUNG @222B DU 'DREN PAR 'GYUR BA'I DON SEMS TZAM PAS 'CHAD TSUL YOD PA'I PHYIR, MA KHYAB MTSAMS KYI RTAGS GNYIS PA GRUB STE, THAL 'GYUR BAS DE SGRA JI BZHIN PAR BZHED PA'I PHYIR TE, DES SNYING PO BSTAN PA DRANG DON DU BZHED PA'I PHYIR, ` SPRO NA; STONG THUN LAS, SPYIR SKABS 'DIR 'JUG PA RTZA 'GREL DU DRANG DON DU BSGRUB DGOS PA LNGA YOD CING SGRUB PA'I LUNG BZHI YOD DO, ,ZHES GSUNGS PA LA, LEGS BSHAD RJES 'BRANG SOGS KYIS, SKABS 'DIR DRANG DON DU BSGRUB DGOS PA'I MDO LNGA BSHAD PA MI 'THAD DE, GZHUNG LAS, BZHI DRANG DON DU 'CHAD DO, ,ZHES DANG, 'JUG PA'I RNAM BSHAD LAS, 'DIR DRANG DON DU 'GREL DGOS PA BZHI YOD DO, ,ZHES GSUNGS PA'I PHYIR, DES NA STONG THUN LAS, SNYING PO BSTAN PA'I MDO DE SKABS 'DIR DRANG DON DU BSGRUB RGYU'I MDO DANG SGRUB BYED KYI LUNG GANG YANG MA YIN YANG 'JUG 'GREL DU SNYING PO BSTAN PA'I MDO DRANG DON DU 'GREL BA'I LANG GSHEGS KYI LUNG DE KUN GZHI DRANG DON YIN PA'I SHES BYED DU DRANGS PA TZAM LA DGONGS NAS LUNG LNGAR BSHAD DO, ,ZHES ZER RO, ,STONG THUN GYI SGRAS ZIN GTZO BOR BYED PA DAG NA RE, DE NI MI 'THAD DE, DE LA PHYOGS SNGA'I BZHED PA MA LONGS PA DANG, LUNG DRANGS PA GNOD BYED DU MA SONG BA DANG, STONG THUN LA DGONGS PA 'JOG PA'I ZOL GYIS STONG THUN GYI 'KHRUL GZHI BTZAL BA NOR BA'I SKYON YOD PA'I PHYIR, DANG PO DER THAL, STONG THUN LAS SPYIR SEMS TZAM PAS SGRA JI BZHIN PAR 'DOD PA'I MDO THAL 'GYUR BAS SGRA JI BZHIN @223A *, ,PA MIN PAR SGRUB PA'I SKABS 'DIR 'JUG PA RTZA 'GREL LAS DRANG DON DU BSGRUB DGOS KYI MDO TSAN LNGA YOD KYANG LNGA GA RNAM PA DE LTA'I MDO SDE GZHAN LA MI 'JOG PAR BZHED PA'I PHYIR, GNYIS PA DER THAL, RJE'I LEGS BSHAD GNYIS SU BZHI GSUNGS PA RNAM PA DE LTA'I MDO SDE MA GTOGS SPYIR SKABS 'DIR DRANG DON DU BSGRUB DGOS KYI LUNG NGOS BZUNG BA MA YIN PA'I PHYIR, GSUM PA DER THAL, STONG THUN GYIS KYANG RNAM PA DE LTA'I MDO SDE LA BZHI DANG; SKABS 'DIR DRANG DON DU BSGRUB DGOS KYI MDO LA SNYING PO BSTAN PA DANG BCAS MDO TSAN LNGAR BZHED PA GANG ZHIG DE LTAR RJE'I LEGS BSHAD GNYIS KYIS KYANG BZHED PA'I PHYIR, KHO NA RE, SKABS 'DIR DRANG DON DU BSGRUB DGOS KYI LUNG LNGA LA STONG THUN LAS, DE LA DRANG DON DU BSGRUB DGOS PA LNGA NI, LANG GSHEGS LAS PHYI ROL MED PA'I SEMS TZAM DU GSUNGS PA DANG, MDO GZHAN LAS SEMS CAN THAMS CAD KYI RGYUD LA SANGS RGYAS KYI YON TAN THAMS CAD GDOD MNAS RANG CHAS SU YOD PA'I RTAG BRTAN BDEN GRUB KYI BDE GSHEGS SNYING PO YOD PAR GSUNGS PA DANG, DGONGS 'GREL LAS YID KYI RNAM SHES LAS NGO BO THA DAD PA'I KUN GZHI YOD PAR GSUNGS PA DANG, YANG DGONGS 'GREL LAS GZHAN DBANG DANG YONGS GRUB RANG MTSAN GYIS GRUB PAR GSUNGS PA DANG, YANG DE LAS MTHAR THUG THEG PA GSUM DU GSUNGS PA RNAMS SO, ,ZHES LANG GSHEGS DANG, SNYING PO BSTAN PA DANG, DGONGS 'GREL GYI LUNG GSUM BCAS LNGA @223B BSHAD PA MI 'THAD PAR THAL, SKABS 'DIR DRANG DON DU BSGRUB DGOS KYI LUNG LNGA BYED NA, DGONGS 'GREL LAS PHYI DON MED PAR GSUNGS PA GCIG LA BGRANG DGOS PA'I PHYIR, DER THAL, DE RNAM PA DE LTA'I MDO BZHI PO GANG RUNG YIN PA'I PHYIR TE, GZHUNG LAS, NGO BO NYID DANG PO GNYIS LA RANG GI MTSAN NYID KYIS YOD MED KUN GZHI BSHAD PA GNYIS DANG, SOGS KYIS BSDUS PA PHYI ROL MED PA DANG MTHAR THUG RIGS NGES PA BSHAD PA STE BZHI DRANG DON DU 'CHAD DO, ,ZHES DANG, RNAM PA DE LTA BU'I MDO NI SNGAR DGONGS 'GREL LA BSHAD PA LTAR YIN GYI, ZHES GSUNGS PA'I PHYIR ZER NA, SPYIR SEMS TZAM PAS SGRA JI BZHIN PAR 'DOD LA THAL 'GYUR BAS DE MIN PAR SGRUB PA'I SKABS 'DIR 'JUG PA RTZA 'GREL LAS DRANG DON DU BSGRUB DGOS KYI MDO DRUG YOD KYANG TSAN PA LNGAR NGES TE, LANG GSHEGS DANG DGONGS 'GREL DU PHYI DON MED PAR BSTAN PA GNYIS MDO SO SO BA YIN YANG SDE TSAN GCIG YIN PA'I PHYIR, KHA CIG STONG THUN LAS MDO TSAN LNGA NGOS 'DZIN PA NA SNYING PO BSTAN PA NGOS BZUNG BA MI 'THAD PAR THAL, SKABS 'DI'I MDO LA DGONGS 'GREL KHO NA NGOS 'DZIN DGOS PA'I PHYIR TE, GZHUNG LAS, RNAM PA DE LTA BU'I MDO NI SNGAR DGONGS 'GREL LA BSHAD PA LTAR YIN GYI SNYING PO DRANG DON DU STON PA'I MDO LA RNAM RIG PAS NGES DON DU 'DOD PAR STON PA MIN TE, DE LA NI GNYIS KA LA RTZOD PA MED DO, ,ZHES GSUNGS PA'I PHYIR NA MA KHYAB STE, DE NI RNAM PA DE LTA'I MDO SDE MA GTOGS SKABS 'DI'I MDO NGOS 'DZIN PA MA YIN PA GANG ZHIG SKABS 'DIR SNYING @224A *, ,PO STON PA DRANG DON DU BSGRUB RGYU'I MDOR NGES CAN DU 'DOD DGOS PA'I PHYIR, DANG PO GRUB STE, RNAM PA DE LTA'I MDO LA SEMS TZAM PAS NGES DON DU 'DOD LA THAL 'GYUR BAS SGRA JI BZHIN PA MA YIN PAR 'DOD PA ZHIG DGOS PA'I PHYIR TE, GZHUNG LAS, RNAM PA DE LTA BU'I MDO NI, NAS, RNAM RIG PAS NGES DON DU 'DOD PAR STON PA MIN TE, DE LA NI GNYIS KA LA RTZOD PA MED DO, ,ZHES DANG, 'JUG PA'I RNAM BSHAD LAS, RNAM PA DE LTA BU'I MDO SDE NI DRANGS MA THAG PA'I LANG GSHEGS KYI LUNG TSAN PA GNYIS MIN TE, DE GNYIS KA RNAM RIG PAS NGES DON DU KHAS MA BLANGS PA'I PHYIR, ZHES GSUNGS PA'I PHYIR, GNYIS PA GRUB STE, DE 'JUG PA RTZA 'GREL RNAMS SU DRANG NGES KYI MDO LA RTZOD PA'I SKABS 'DIR DRANG DON DU BSGRUBS PA'I PHYIR TE, RANG 'GREL DU 'ANG LANG GSHEGS LAS SNYING PO BSTAN PA LA DGONGS DGOS GNOD GSUM BSTAN PA DRANGS NAS GSUNGS PA DANG, RNAM BSHAD LAS, RTAG BRTAN GYI SNYING PO DRANG DON DU GSUNGS PAS KYANG DGONGS 'GREL SOGS LAS KUN GZHI RNAM SHES GSUNGS PA SGRA JI BZHIN PA MIN PAR SGRUB PA YIN NO, ,DE LA NI THOG MAR SNYING PO BSTAN PA SGRA JI BZHIN PA MIN PAR SHES DGOS PAS, ZHES DANG, GZHUNG 'DIR, THOG MAR SNYING PO BSTAN PA SGRA JI BZHIN PA MIN PAR SHES DGOS, ZHES GSUNGS PA'I PHYIR, KHO NA RE, SNYING PO BSTAN PA'I MDO CHOS CAN, SKABS 'DIR DRANG DON DU 'GREL RGYU'I MDO MA YIN PAR THAL, SEMS TZAM PAS NGES DON DU KHAS MI LEN PA'I @224B PHYIR NA MA KHYAB, KHYAB STE, SEMS TZAM PAS NGES DON GYI MDOR KHAS MI LEN NA RNAM PA DE LTA'I MDO GZHAN MA YIN PAS KHYAB PA'I PHYIR NA YANG MA KHYAB, RTAGS BSGRUBS ZIN PA LTAR RO, ,KHO NA RE, SNYING PO DRANG DON DU STON PA'I LANG GSHEGS KYI MDO SEMS TZAM PAS SGRA JI BZHIN PAR MI 'DOD PAR THAL, GZHUNG LAS, SNYING PO DRANG DON DU STON PA'I MDO LA RNAM RIG PAS NGES DON DU 'DOD PAR STON PA MIN, ZHES DANG, 'JUG PA'I RNAM BSHAD LAS, DE GNYIS KA RNAM RIG PAS NGES DON DU KHAS MA BLANGS PA'I PHYIR, ZHES GSUNGS PA'I PHYIR, 'DOD MI NUS TE, DES SNYING PO DRANG DON DU STON PA'I LANG GSHEGS KYI LUNG DE SGRA JI BZHIN PAR 'DOD PA'I PHYIR TE, DES SNYING PO STON PA'I MDO SGRA JI BZHIN PA MA YIN PAR 'DOD PA'I PHYIR NA MA KHYAB STE; SEMS TZAM PAS SNYING PO STON PA'I MDO DANG DE DRANG DON DU STON PA'I LANG GSHEGS KYI LUNG GNYIS KA SGRA JI BZHIN PA MA YIN PAR 'DOD PA SNGAR BSHAD ZIN LTAR YIN PA'I PHYIR, KHA CIG NA RE, GZHUNG LAS, PHYI MA 'DI DRANG DON YIN PA MDO KUN LAS BTUS PA LAS THEG PA GCIG TU BSGRUBS PAS GO NUS PAR DGONGS NAS SNGA MA GSUM 'JUG PA RTZA 'GREL LAS LUNG RIGS GNYIS KYIS DRANG DON DU SGRUB PA LA SKABS 'DIR LUNG GIS DRANG DON DU STON NO, ,ZHES GSUNGS PA MI 'THAD PAR THAL; 'JUG PA LAS, GANG PHYIR 'DI NA DE NYID SHES LAS DRI MA MTHA' DAG SEL BA NI, ,ZHES SOGS KYIS MTHAR THUG THEG GSUM BSTAN PA DGONGS PA CAN DU BSHAD PA'I PHYIR NA MA KHYAB STE, DE MTHAR THUG THEG PA GSUM GRUB RIGS @225A *, ,PAS DRANG DON DU BKRAL BA LAS LUNG GIS MA YIN LA, SKABS 'DIR DRANG DON DU MA BSGRUBS CES PA LUNG GIS MA BSGRUBS CES PA'I DON YIN PA'I PHYIR TE, STONG THUN LAS, DGONGS 'GREL LAS MTHAR THUG THEG PA GSUM DU BSHAD PA DRANG DON DU SGRUB PA'I LUNG NI 'PHAGS PAS MDO KUN LAS BTUS SU DRANGS PA LA DGONGS NAS 'JUG PA'I RANG 'GREL DU MA DRANGS LA, RIGS PA DANG, MTHAR THUG GI THEG PA GSUM MED KYANG THEG PA GSUM GSUNGS PA'I DGOS PA SOGS NI, GANG PHYIR 'DI NA DE NYID SHES LAS DRI MA MTHA' DAG SEL BA NI, ,ZHES SOGS KYIS STON NO, ,ZHES GSUNGS PA'I PHYIR, 'DI LA LEGS BSHAD RJES 'BRANG DU, THEG PA GSUM DU BSTAN PA SKABS 'DIR DRANG DON DU MA BSHAD PA MDO BTUS DANG, 'JUG PAR 'OG TU BSHAD PAS GO NUS PAS SKABS 'DIR DRANG DON DU MA BSHAD CES 'CHAD DO, ,KHO NA RE, 'O NA MTSAN NYID GSUM LA RANG MTSAN GYIS GRUB MA GRUB KHYAD PHYE BA'I DGONGS 'GREL GYI MDO LUNG GIS DRANG DON DU SGRUB PA'ANG 'JUG PA RTZA 'GREL LAS BSHAD MI DGOS PAR THAL, DE DRANG DON DU SGRUB PA'I LANG GSHEGS KYI MDO MDO BTUS SU DRANGS PA'I PHYIR NA MA KHYAB STE, DER DE DRANGS KYANG MTSAN NYID GSUM LA KHYAD PHYE BA'I DGONGS 'GREL GYI MDO DRANG DON DU BSGRUB PHYIR DRANGS PA MA YIN PAR CHOS NYID ZAB MO MDO SDE RNAMS KYIS DNGOS BRGYUD CI RIGS PAS BSTAN PA'I DON DU DRANGS PA GANG, DE LTAR NA DES MTSAN NYID GSUM LA KHYAD PHYE BA'I DGONGS 'GREL GYI MDO DRANG DON DU GO @225B DKA' BA'I PHYIR, DANG PO GRUB STE, MDO BTUS LAS, DE BZHIN GSHEGS PAS GDUL BA'I DBANG GIS THEG PA'I SGO SNA TSOGS NYE BAR STON PAS CHOS NYID ZAB MO 'DI STON TE, ZHES MTSAMS SBYAR BA'I 'OG TU LANG GSHEGS KYI CHOS ZAB MO BSTAN PA MDO SDE THAMS CAD KYI NANG DU 'DUS PAR GSUNGS PA'I GZHUNG DRANGS PA'I PHYIR, KHA CIG STONG THUN LAS, SGRUB PA'I LUNG BZHI YOD DO, ,ZHES BSHAD PA MI 'THAD PAR THAL, SKABS 'DIR DGONGS 'GREL GYI LUNG TSAN BZHI DRANG DON DU STON BYED LA LANG GSHEGS KYI, JI LTAR NAD PA NA BA LA, ,ZHES SOGS DANG, BCOM LDAN 'DAS KYI MDO BRJOD PA LAS, ZHES SOGS DANG, BLO GROS CHEN PO STONG PA NYID DANG MI SKYE BA DANG, ZHES SOGS LANG GSHEGS KYI LUNG GSUM LAS GZHAN 'JUG PA RTZA 'GREL LAS MI 'BYUNG BA'I PHYIR NA MA KHYAB STE, LUNG 'DIS GSAL BAR BYED, ,CES PA'I LUNG LA DE GSUM LAS MED KYANG, STONG THUN LAS DE LTAR GSUNGS PA NI THEG PA GSUM DRANG DON DU STON PA'I MDO MDO BTUS SU DRANGS PA YANG DGONGS 'GREL GYI LUNG BZHI DRANG DON DU 'GREL BYED GCIG YIN PAS SPYIR DGONGS 'GREL GYI MDO BZHI DRANG DON DU 'GREL BA LA 'GREL BYED KYANG BZHI YOD PA'AM, SKABS 'DIR DRANG DON DU 'GREL DGOS KYI LUNG TSAN LNGA DRANG DON DU SGRUB PA'I LUNG BZHI YOD PA'I DON YIN PA'I PHYIR, LEGS BSHAD RJES 'BRANG LAS, RNAM BSHAD LAS, RTZA BAR, DRANG DON NYID DU LUNG 'DIS GSAL BAR BYED, ,CES PA'I LUNG LA GSUM LAS, ZHES SOGS SNGAR BSHAD PA LTAR GSUNGS @226A *, ,LA, LEGS BSHAD SNYING POR, LUNG 'DIS ZHES PA LA GNYIS GSUNGS PA'I GCIG NI SKABS 'DIR LANG GSHEGS LAS SNYING PO DRANG DON DANG RANG BZHIN MED PA MDO SDE THAMS CAD KYI NANG DU CHUD PAR BSTAN PA DRANGS PA'O, ,ZHES LUNG THA MA GNYIS LAS MA GSUNGS PA NI CUNG MI 'DRA BAR SNANG YANG, 'JUG 'GREL LAS SKABS 'DIR LUNG GSUM GA DRANGS PAS RNAM BSHAD LTAR 'DOD DGOS LA, LEGS BSHAD SNYING PO'I DGONGS PA NI, JI LTAR NAD PA NAB LA, ,ZHES PA NI, LANG GSHEGS LAS, PHYI ROL SNANG BA YOD MIN TE, ,ZHES SOGS DRANG DON YIN PA'I SHES BYED DANG, 'DI NI STON PAS DRANG DON NYID GSUNGS SHING, ,ZHES PA'I DNGOS BSTAN GYI LUNG YIN PAS, SKABS 'DI'I DGONGS 'GREL LAS 'BYUNG BA'I MDO TSAN BZHI DRANG DON DU 'GREL BYED KYI LUNG DU MA BGRANGS PA TZAM YIN, ZHES BSHAD DO, ,DE MI 'THAD DE, RNAM BSHAD LAS LUNG GSUM GSUNGS PA, RTZA BA'I, LUNG 'DIS GSAL BAR BYED, ,CES PA'I LUNG 'DI ZHES PA NGOS 'DZIN PA YIN PA SGRUB MI DGOS SHING, GZHUNG 'DIR LUNG GNYIS GSUNGS PA'I DON SNGAR TSIG DON SKABS BSHAD PA LTAR YIN PA'I PHYIR, KHYAB STE, GZHUNG 'DIR RTZA BA'I LUNG 'DIS ZHES PA NGOS 'DZIN PA NA DPE DANG DPE CAN GYI LUNG GNYIS SU BSDUS NAS GSUNGS PA LAS PHYI MAR LUNG GNYIS SO SOR PHYE BAS LUNG GSUM YOD PA DGONGS MTHIL YIN PA'I PHYIR, ZAB GSAL SGRON MER, 'DIR GNYIS ZHES 'BYUNG BA NI RANG 'GREL DU, RNAM PA @226B DE LTA BU'I MDO SDE RNAM RIG PAS NGES DON DU, ZHES PA NAS, LUNG 'DIS GSAL BAR BYAS, ZHES PA'I LUNG 'DI LA LUNG PHYI MA GNYIS MA GTOGS LUNG DANG PO SEMS TZAM DU GSUNGS PA DRANG DON DU 'GREL BA'I LUNG JI LTAR NAD PA SOGS GONG DU BSHAD ZIN PAS DE MA BZHAG GO ,ZHES BSHAD PA LTAR NA LUNG 'DIS ZHES PA LA GNYIS GSUNGS PA NI ZHES GSUNGS RIGS KYI, LUNG GNYIS GSUNGS PA'I GCIG LUNG 'DI GNYIS PO BYAS NA MI BDE BAS SNGAR LTAR BSHAD PA YIN YANG, MUN SEL LAS, LUNG 'DIS ZHES PA SNGAR BKOD PA DE MA GTOGS, GNYIS GSUNGS PA'I GCIG NI ZHES SBYAR KYANG CHOG PA 'DRA, ZHES GSUNGS SO, ,GSUM PA LA GNYIS, SNYING PO STON PA DRANG DON DU BSTAN PA DANG, DES KUN GZHI STON PA DRANG DON DU 'GRUB PA'O, ,DANG PO LA GNYIS, DNGOS DANG, SNYING PO BSTAN PA SGRA JI BZHIN PAR BZUNG NA BDAG YOD PAR SMRA BA DANG MTSUNGS TSUL LO, ,DANG PO NI, RANG LUGS NI, ZHES SOGS BYUNG, DE LAM DRANGS SO, ,BAR GYIS GZHUNG BKOD NAS, TZAM DU ZAD DO, ,BAR GYIS DE'I DON BKRAL, DE MIN GYIS MDO BTUS LAS KYANG DE LTAR GSUNGS TSUL STON TO, ,SNYING PO DRANG DON DU LANG GSHEGS LAS GSUNGS PA DES DGONGS 'GREL LAS KUN GZHI BSTAN PA DRANG DON DU SGRUB CING, DE LA THOG MAR SNYING PO RTAG BRTAN GYI MDO SGRA JI BZHIN PA MIN PAR SHES DGOS PAS, LANG GSHEGS DANG, GZHUNG 'DIR DE'I PHYI 'GREL GNANG BA SBYAR NAS BSHAD NA, 'DI LA BKA' STZAL PA DANG, DRI BA ZHUS PA DANG, DE LA @227A *, ,LAN MDZAD PA GSUM LAS DANG PO NI, BLO GROS CHEN PO MDO SDE DE NI SEMS CAN THAMS CAD KYI BSAM PA BZHIN DU BSTAN PA DON 'KHRUL BA YIN TE, NAS, BSTAN PA BRJOD PA LA MNGON PAR CHAGS PAR MI BYA'O, ,ZHES GSUNGS TE, GDUL BYA'I BSAM PA BZHIN DU BSTAN PA'I SGRA JI BZHIN PA MA YIN PA'I MDO SDE RNAMS KYI SGRAS ZIN NI BSTAN DON LA 'KHRUL BA YIN GYI SMRAS ZIN GYIS JI LTAR BSTAN PA DE KHO NA LTAR GZUNG DU RUNG BA'I GTAM MIN NO, ,SMIG RGYUS RI DVAGS SLU BA BZHIN DU GDUL BYA'I BSAM PA DANG MTHUN PAR BSTAN PA'I CHOS SGRA JI BZHIN PA MA YIN PA RNAMS KYANG BYIS PA MGU BAR BYED PA'I GTAM YIN GYI 'PHAGS PA'I YE SHES RNAM PAR 'GOD PA STE MNYES PAR BYED PA'I DE KHO NA NYID KYI GTAM MIN NO, ,DES NA KHYOD KYIS DON LAS TSIG GI RJES SU 'BRANG BAR MI BYA ZHES PA STE LANG GSHEGS KYI 'GREL BA GNYIS 'DI DANG 'DRA MIN CUNG ZAD RE YOD DO, ,DRI BA ZHUS PA NI, DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS MDO SDE BRJOD PA LAS, DE BZHIN GSHEGS PA'I SNYING PO GSUNGS PA DE, NAS, BDAG TU SMRA BA STON PAR BGYID DO, ,ZHES GSUNGS TE, SNYING PO BSTAN PA'I MDOR DE BZHIN GSHEGS PA'I SNYING PO GSUNGS PA DE BCOM LDAN 'DAS KYIS, RANG BZHIN GYIS 'OD GSAL BA DANG RNAM PAR DAG PAS THOG MA NAS RNAM PAR DAG PA NYID, MTSAN SO GNYIS DANG LDAN PA SEMS CAN THAMS CAD KYI LUS KYI NANG NA YOD PAR @227B GSUNGS PA STE, DZNY'A NA BADZRA'I LANG GSHEGS 'GREL BA LAS, RANG BZHIN GYIS 'OD GSAL BA GLO BUR GYI DRI MA RNAM PAR DAG PA DANG, THOG MA NAS RNAM PAR DAG PA STE RANG BZHIN GYIS KYANG DAG PA, ZHES DANG, MDO BTUS 'GREL BA LAS, LUS KYI NANG ZHES BYA BA NI SEMS LA GNAS PA'I TSIG BLA DVAGS SO, ,ZHES GSUNGS SO, ,NOR BU GOS DRI MA CAN GYIS DKRIS PA BZHIN PHUNG KHAMS SKYE MCHED SOGS SDUG BDEN GYIS DKRIS PA, DUG GSUM LA SOGS PA'I KUN 'BYUNG DANG, SHES SGRIB KYI RTOG PAS DRI MA CAN DU GYUR PA STE, 'GYUR GZHAN DU, 'DOD CHAGS DANG, ZHE SDANG DANG, GTI MUG GI ZIL GYIS NON PA, YONGS SU RTOG PA'I DRI MAS DRI MA CAN DU GYUR PA, ZHES BYUNG YANG 'DIR RGYA 'GYUR LAS, 'DOD CHAGS DANG, ZHE SDANG DANG, GTI MUG DANG, YANG DAG PA MA YIN PA YONGS SU RTOG PA'I RDUL GYIS GOS PA, ZHES GSUNGS PA DANG BSTUN PA'O, ,RTAG BRTAN THER ZUG GSUM NI MDO BTUS 'GREL BA LAS, SKAD CIG PA MA YIN PAS RTAG PA'O, ,RGYUN GYIS GNAS PAS BRTAN PA'O, ,MI 'GYUR BAS THER ZUG PA'O, ,ZHES GSUNGS PA LTAR RO, ,SNYING PO BSTAN PA 'DI PHYI ROL BA'I GZHUNG DU MU STEGS KYI BDAG BSHAD PA DANG KHYAD CI YOD DE MU STEGS PAS KYANG RTAG PA SOGS KHYAD PAR LNGA LDAN GYI BDAG SMRA BA'I PHYIR ZHES DRIS SO, ,DE LNGA NI, RTAG DNGOS DANG, RNAM 'GYUR RNAMS KYI BYED PA PO MIN PA DANG, RDUL MUN SNYING STOBS KYI YON TAN MED PA DANG, KHYAB PAR BYED PA DANG, MI 'GYUR BA'O, ,DE LA LAN MDZAD PA LA, BCOM LDAN 'DAS KYIS @228A *, ,BKA' STZAL PA, BLO GROS CHEN PO, DE BZHIN GSHEGS PA'I SNYING PO BSTAN PA NI, NAS, BDAG MED PA'I RJES SU 'JUG PAR BYA'O, ,ZHES GSUNGS TE, DE LA BSTAN BSHAD BSDU BA GSUM DANG, RGYAS BSHAD LA DGONGS GZHI DGOS PA DNGOS LA GNOD BYED GSUM STON PA RNAMS YOD PA LAS, GZHUNG 'DIR DE DAG MANGS DOGS NAS RGYAS PAR MA DRANGS SO, ,DE YANG LANG GSHEGS LAS, BCOM LDAN 'DAS KYIS BKA' STZAL PA, BLO GROS CHEN PO, NGAS DE BZHIN GSHEGS PA'I SNYING PO BSTAN PA NI MU STEGS CAN GYI BDAG TU SMRA BA DANG MTSUNGS PA MA YIN TE, ZHES MDOR BSTAN PA'I DON GO SLA ZHING, MDO BTUS GNA' MTSAN DU, MNGON PAR ZHEN PAR MI BYA'O, ,ZHES PA'I BAR MDOR BSTAN LA SBYAR KYANG 'DI LTAR BYAS NA DON DANG 'BYOR TAM BRTAG GO ,RGYAS BSHAD LA DGOS PA NI, BYIS PA RNAMS BDAG MED PAS 'JIGS PAR 'GYUR BA'I GNAS RNAM PAR SPANG BAR BYA BA'I DON DU DE BZHIN GSHEGS PA'I SNYING PO'I SGO BSTAN PAS ZHES DGAG PHYOGS NAS BDAG MED KYI DON LA SKRAG PA SPANG BA DANG, SGRUB PHYOGS NAS BDAG LTA LA ZHEN PA RNAMS KHA DRANG BA'I PHYIR BDE GSHEGS SNYING PO'I CHOS KYI SGO BSTAN PAS DE KHO NA NYID STON TO, ,DGONGS GZHI NI, BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, STONG PA NYID DANG, YANG DAG PA'I MTHA' DANG, MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSIG GI DON RNAMS @228B LA DE BZHIN GSHEGS PA'I SNYING POR BSTAN PAR BYAS NAS, ZHES DANG, RNAM PAR MI RTOG PA'I GNAS SNANG BA MED PA'I SPYOD YUL STON TE, ZHES STONG PA NYID LA SOGS PA RNAM GRANGS MANG POS BSTAN PA'I TSIG GI DON TE BRJOD BYA CHOS KYI BDAG MED KYI STONG NYID LA DGONGS NAS SNYING PO YOD PAR BSTAN TO, ,DE LA, RNAM PAR MI RTOG PA'I GNAS SNANG BA MED PA'I SPYOD YUL, ZHES PA NI MDO BTUS 'GREL BAR, GNAS NI YUL LO, ,SNANG BA NI 'KHRUL PA'O, ,MED PA NI SPANGS PA STE 'KHRUL BA DANG BRAL BA'I THABS ZHES BYA'O, ,SPYOD YUL NI SPYOD YUL TE SPYOD YUL NYID DO, ,ZHES GSUNGS PAS RNAM PAR MI RTOG PA'I YUL 'KHRUL BA DANG BRAL BA'I SPYOD YUL TE DE KHO NA NYID LA BYA'O, ,CHOS NYID BRJOD DU MED NA JI LTAR TSIG GIS BSTAN SNYAM NA, THABS KYIS BSTAN TO, ,ZHES DPE BSHAD PAR MDO BTUS 'GREL BAR GSUNGS PAS, BLO GROS CHEN PO, DPER NA RDZA MKHAN NI 'JIM PA'I RDUL GYI PHUNG PO GCIG LAS LAG PA DANG BZO DANG LA GZUNGS DANG SRAD BU DANG NAN TAN DANG LDAN PA LAS SNOD RNAM PA SNA TSOGS BYED DO, ,ZHES DPE BSTAN PA NI GO SLA'O, ,DE NYID DON DANG SBYAR BA NI, BLO GROS CHEN PO, DE BZHIN DU DE BZHIN GSHEGS PA RNAMS KYANG CHOS LA BDAG MED PA RNAM PAR RTOG PA'I BDAG NYID THAMS CAD RNAM PAR LOG PA DE NYID SHES RAB DANG THABS LA MKHAS PA DANG LDAN PA RNAM PA SNA TSOGS KYIS DE BZHIN GSHEGS PA'I SNYING PO BSTAN PA'AM BDAG MED PAR BSTAN PAS KYANG RUNG STE, RDZA MKHAN BZHIN DU TSIG DANG YI GE'I @229A *, ,RNAM GRANGS RNAM PA SNA TSOGS KYIS STON TO, ,ZHES SANGS RGYAS RNAMS KYIS CHOS KYI BDAG MED THABS DANG RNAM GRANGS SNA TSOGS KYIS STON PAR GSUNGS SO, ,DE LTAR GSUNGS PA'I RTAGS KYIS SNYING PO BSTAN PA DANG BDAG YOD PAR SMRA BA MI MTSUNGS PAR BSGRUBS PA NI, DE LTAR DE'I PHYIR BLO GROS CHEN PO, DE BZHIN GSHEGS PA'I SNYING PO BSTAN PA NI MU STEGS BYED KYI BDAG TU SMRA BA BSTAN PA DANG MI 'DRA'O, ,BLO GROS CHEN PO, DE LTAR DE BZHIN GSHEGS PA RNAMS KYIS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, ZHES DANG, 'DI LA BLO GROS CHEN PO, MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU MNGON PAR ZHEN PAR MI BYA'O, ,ZHES DANG, YANG DAG PA'I BDAG TU RNAM PAR RTOG PA'I LTA BAR LHUNG BA'I BSAM PA CAN DAG RNAM PAR THAR PA GSUM GYI SPYOD YUL LA GNAS PA'I BSAM PA DANG LDAN ZHING MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR JI LTAR 'GYUR, ZHES TE, BLO GROS CHEN PO, DE'I DON DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DE BZHIN GSHEGS PA'I SNYING PO STON PAR MDZAD DO, ,ZHES GSUNGS TE, SNYING PO BSTAN PA MU STEGS KYIS BDAG TU SMRA BA DANG MI 'DRA STE 'DI LA DA LTAR DANG MA 'ONGS PA'I BYANG SEMS KYIS BDAG TU ZHEN PAR MI BYA'O, ,BDAG TU LTA BAR LHUNG BA'I @229B BSAM PA CAN RNAMS NI RNAM THAR GSUM GYI SPYOD YUL LA GNAS PA'I BSAM PA DANG LDAN PA DANG, MYUR DU 'TSANG RGYA BAR GYUR NA SNYAM NAS DE'I DON DU SNYING PO STON TE, 'JUG PA'I RANG 'GREL DU, YANG DAG PA'I BDAG TU RNAM PAR RTOG PA, ZHES 'BYUNG LA, LANG GSHEGS 'GYUR GNYIS DANG, MDO BTUS SU YANG DAG PA MA YIN PA'I ZHES PA DANG MTHUN PAR MDO BTUS 'GREL BAR YANG 'BYUNG NGO, ,DE LTAR BYAS NA MU STEGS BDAG SMRA RNAMS KYIS GANG LA BSAMS NAS SMRA BA'I BDAG NI SMRAS TSOD KYI GANG ZAG GI BDAG DE NYID YIN LA, STON PAS SNYING PO BSTAN PAR GANG LA BSAMS NAS GSUNGS PA'I DGONGS DON CHOS KYI BDAG MED DANG SGRAS ZIN GYI DON SNYING PO RTAG BRTAN GNYIS CHES MI MTHUN PA DANG, BDAG SMRA RNAMS KYIS BDAG RTAG PA DANG BYED PO MA YIN PA SOGS SU BSTAN PA NI SGRAS ZIN GYI DON GANG ZAG GI BDAG DE NYID LA NGES PA JE BRTAN DU GTONG PHYIR YIN LA, STON PAS RTAG BRTAN SNYING PO GSUNGS PA NI BDAG LTA LA GOMS PA RNAMS LA RE ZHIG SGRAS ZIN GYI DON DE YOD PAR BSTAN TE PHYI NAS GANG LA BSAMS NAS GSUNGS PA'I DON DE KHO NA NYID DE LA KHA DRANG BA'I PHYIR YIN PAS DE GNYIS MI MTSUNGS SO ZHES MTSUNGS PA 'BYED DGOS PAS SNYING PO BSTAN PA SGRA JI BZHIN PAR 'DZIN NA BDAG TU SMRA BA DANG MTSUNGS PAR GSAL BAR BSTAN TE, DNGOS LA GNOD BYED KYANG MTSUNGS PA'I TSUL DE NYID DO, ,DON BSDU BA NI, DE LTA BAS NA 'DI NI MU STEGS BYED BDAG TU SMRA BA DANG MTSUNGS PA MA YIN NO, ,BLO GROS CHEN PO, DE BAS NA MU STEGS @230A *, ,BYED KYI LTA BA RNAM PAR BZLOG PA'I PHYIR DE BZHIN GSHEGS PA'I SNYING PO BDAG MED PA'I RJES SU 'JUG PAR BYA'O, ,ZHES MU STEGS KYI LTA BA BZLOG PHYIR SNYING PO BSTAN PA'I MDO'I DON CHOS KYI BDAG MED STON PA'I DON DU SHES PAR BYAS NAS DE'I RJES SU 'JUG PAR GSUNGS SO, ,LANG GSHEGS SU SNGAR SMIG RGYU'I DPE DON SBYAR NAS DON LAS TSIG RJES MI 'BRANG BAR GSUNGS PA'ANG SNYING PO BSTAN PA'I SGRAS ZIN LA GNOD BYED DU SHIN TU GSAL BAS, JO NANG BA SOGS BOD KHA CIG LANG GSHEGS KYI GZHUNG 'DIS SNYING PO BSTAN PA'I MDO SGRA JI BZHIN PA MIN PAR MA BSGRUBS ZER BA MI 'THAD DO, ,'ON KYANG LANG GSHEGS KYIS SNYING PO BSTAN PA SGRA JI BZHIN PA MA YIN PAR BKRAL BA LTAR MI 'DOD NA LANG GSHEGS KYI THAD 'DI'I SGRAS ZIN LA RIGS PA'I GNOD BYED BSTAN NAS DE NYID SGRA JI BZHIN PA MA YIN PAR 'CHAD PA NI RGYA GAR MKHAS PA'I MAN NGAG YIN PAS DE LTAR BYA YI, MDO 'DI DANG MDO GZHAN ZHES PA'I SNGA MA LANG GSHEGS KYIS KYANG SNYING PO BSTAN PA SGRA JI BZHIN PA MIN PAR MA BSTAN CES SMRAS NA RANG GI DE NYID BSTAN PA TZAM LAS DGOS PA GZHAN GANG YANG MED DO, ,MDO BTUS LAS KYANG DE BZHIN GSHEGS PAS GDUL BA'I DBANG GIS ZHES SOGS KYIS MTSAMS SBYAR NAS DRANGS MA THAG PA'I LANG GSHEGS KYI BKA' STZAL MA GTOGS PA'I MDO TSAN RNAMS MTHAR CHAGS SU DRANGS SO, ,DE LA MTSAMS SBYAR GYI DON NI, SANGS RGYAS KYIS GDUL BYA'I BSAM PA'I DBANG GIS @230B STONG NYID DU RTOGS NA SKRAG PA RNAMS LA STONG NYID MI SPONG BA'I THABS SU THEG PA'I SGO SNA TSOGS STON PA'I SGO NAS CHOS ZAB MO 'DI STON CES PA'I DON DU MDO BTUS 'GREL BAR GSUNGS LA, 'DI ZHES NYE TSIG SMOS PA NI DE'I GONG DU ZAB MO SGOM PA'I THABS ZHAR BYUNG DANG BCAS PA STON LA SHER MDO SOGS MANG DU DRANGS NAS CHOS BDAG MED PA'I STONG NYID GSUNGS PA RNAMS TE, GDUL BA'I DBANG GIS ZHES PA NI SNGAR LANG GSHEGS LAS BSHAD PA DANG GNAD GCIG TSUL GZHUNG NA GSAL LO, ,GNYIS PA NI, SGRA JI BZHIN PAR BZUNG NA, ZHES SOGS BYUNG, STONG NYID LTA BU RANG MTSAN GYIS YOD PA'I SPROS PA BCAD TZAM DANG, MA SKYES PA LTA BU SKYE BA'I SPROS PA BCAD TZAM DANG, BDAG MED LTA BU CHOS BDAG GI SPROS PA BCAD TZAM LA DGONGS NAS SNYING PO YOD PAR GSUNGS PA MIN PAR SGRAS ZIN GYIS BSTAN PA LTAR DON LA GNAS PA YIN NA SNYING PO RTAG BRTAN ZHES PA'I RTAG PA YANG DGAG BYA 'JIG PA BCAD TZAM GYI 'JIG MED MIN PAS DGAG BYA BCAD PA'I NGOS NAS 'JOG MI DGOS PAR SNGO SER BZHIN DU SGRUB PA'I NGO BOR 'CHAR BA'I RTAG PAR 'GYUR RO, ,DE LTAR NA DNGOS PO RTAG PA KHAS BLANGS PAR 'GYUR TE, MU STEGS KYIS BDAG RTAG PAR SMA BA'I RTAG LUGS DANG RTAG BRTAN SNYING PO'I RTAG LUGS GNYIS KHYAD MED PA'I PHYIR, RTAG BRTAN SNYING PO LA GNOD BYED NI GZHAN SDES 'DOD PA'I RTAG PA 'GOG PA'I RIGS PA RNAMS TE SNYING PO DE 'DRA RANG SDE 'OG MAS KYANG KHAS MI LEN NO, ,SNYING PO BSTAN @231A *, ,PA'I MDOS SNYING PO YOD PAR GSUNGS PA DE BDAG MED LA SKRAG PA SPANG BA DANG BDAG SMRA LA ZHEN PA RNAMS KHA DRANG BA'I PHYIR GSUNGS PA YIN TE, RTAG PA'I DON 'JIG PA BCAD TZAM MIN PAR MTSAN DPE RNAM CAN GYI YONGS GCOD DU GRUB PA ZHIG YOD PAR 'DOD PHYIN CHAD RTAG PA'I DON 'JIG PA BCAD TZAM DU STON MI RUNG BAR MA ZAD BDAG GNYIS BCAD TZAM YANG BDAG MED PA'I DE KHO NA NYID DU STON PA'I BDAG MED GNYIS GANG YANG RE ZHIG BSHAD PA'I SNOD DU MI RUNG BA'I PHYIR, DE'I PHYIR DRANG DON LA TSUL GNYIS YOD DE, GANG ZAG GI BDAG MED THUN MONG BA DANG CHOS KYI BDAG MED RAGS PA BSHAD PA'I SNOD RUNG GI RANG SDE DE KHO NA NYID LA KHA DRANG PHYIR GSUNGS PA'I DRANG DON GYI SGRA JI BZHIN PA LA NI GNOD BYED STON SHIN TU DKA' ZHING, BDAG MED GNYIS STON PA'I SNOD DU MI RUNG BA'I GZHAN SDE BDAG SMRA DNGOS DANG DE'I LTA BA LA GOMS PAS RE ZHIG GANG ZAG GI BDAG MED THUN MONG BA YANG RDZOGS PAR BSHAD DU MI RUNG BA'I GZHAN SDE'I RIGS CAN KHA DRANG PHYIR GSUNGS PA'I DRANG DON GYI SGRA JI BZHIN PA LA GNOD BYED STON SLA BA YIN NO, ,GNYIS PA DES KUN GZHI STON PA DRANG DON DU 'GRUB PA LA GNYIS, DGONGS GZHI GCIG PAS DRANG DON DU 'GRUB TSUL, DGONGS DON GCIG KYANG GDUL BYA MI GCIG PAR BSTAN PA'O, ,DANG PO NI, DE LTAR RTAG PA, ZHES SOGS BYUNG, DU MAR GSUNGS SO, ,YAN GYIS DRANG DON DU 'GRUB TSUL DNGOS DANG, DE MAN GYIS DE LA DOGS PA SPONG NGO, ,LANG GSHEGS LAS SNYING PO BSTAN PA SGRA @231B JI BZHIN PA MA YIN PAR GSUNGS PAS DGONGS 'GREL LAS KUN GZHI YOD PAR GSUNGS PA SGRA JI BZHIN PA MA YIN PAR 'GRUB STE, SNYING PO DANG KUN GZHI GNYIS GANG LA DGONGS NAS GSUNGS PA'I DGONGS GZHI'I DON GNYES GCIG PAR RGYAN STUG BKOD PA DANG LANG GSHEGS LAS GSUNGS PA'I PHYIR, KHYAB STE, DE LTAR NA MDO GNYIS DGONGS GZHI GCIG LA DGONGS NAS SGRAS ZIN GYI BRJOD BYA MI MTHUN PA GNYIS BSTAN PA YIN PAS GCIG DRANG DON DU STON PA'I LUNG GIS CIG SHOS KYANG DRANG DON DU 'GRUB PA'I PHYIR, MA KHYAB MTSAMS KYI RTAGS GRUB STE, RGYAN STUG LAS, SA RNAMS SNA TSOGS KUN GZHI STE, ,ZHES SOGS DANG, LANG GSHEGS LAS, DE BZHIN GSHEGS PA'I SNYING PO, ZHES SOGS GZHUNG DU DRANGS PA LTAR YIN PA'I PHYIR, DANG PO'I DON NI, MUN SEL DU, SA LAM SNA TSOGS PA RNAMS KUN GZHI'I STENG GI BAG CHAGS SMIN PA LAS BYUNG BA STE, BDE GSHEGS SNYING PO DON DAM PA'I DGE BA'ANG KUN GZHI DE NYID DO, ,ZHES PA DANG, BSTAN SGRON PHAR MCHAN DU, DGE MI DGE LUNG MA BSTAN GYI SA BON NAM RNAM SHES BDUN GYI SA RNAMS SNA TSOGS PA KUN GZHI STON PA STE DE 'DRA'I MDO DANG, BDE GSHEGS SNYING PO MTSAN DPE SOGS KYIS BRGYAN PAS DGE BA'ANG STON PA'I MED DE, GANG LA DGONGS NAS BDE GSHEGS SNYING PO GSUNGS PA'I DGONGS GZHI DE LA DGONGS NAS DE SNGAR GYI DE 'DRA'I RNAM SHES SAM KUN GZHI'I SGRAS DE BZHIN GSHEGS PA RNAMS STON PAR MDZAD, CES PA DANG, ZAB GSAL SGRON MER, SA CHEN PO 'DI RNAMS NI SNOD @232A *, ,BCUD SNA TSOGS PA KUN GYI GNAS DANG GZHI STE, RTAG DNGOS KYI BDE GSHEGS SNYING PO GANG LA DGONGS NAS GSUNGS PA'I SEMS KYI CHOS NYID NI DGE SEMS KYI DMIGS PA YIN PAS DGE BA ZHES BTAGS PA DE'ANG GONG GI DPE DE BZHIN DU 'KHOR 'DAS KUN GYI GZHI STE, RTAG DNGOS KYI SNYING PO GANG LA DGONGS NAS GSUNGS PA'I STONG NYID SOGS KYI DON DE LA DGONGS NAS KUN GZHI'I RNAM SHES KYI SGRAS DE BZHIN GSHEGS PA RNAMS STON PAR MDZAD LA, SNYING PO GANG LA DGONGS PA'I GZHI'I SEMS KYI CHOS NYID LA DGONGS NAS KUN GZHIR BSGRAGS PA BLO GROS ZHAN PA RNAMS KYIS MI SHES, ZHES BKRAL TO, ,GNYIS PA'I DON NI, BDE GSHEGS SNYING PO DANG KUN GZHI ZHES RNAM GRANGS SU BSHAD PA RNAM SHES BDUN DANG BCAS PA ZHES KYANG BSHAD DE, GZHAN YANG, DE BZHIN GSHEGS PA'I SNYING PO KUN GZHI RNAM PAR SHES PA ZHES BSGRAGS PA DANG, ZHES DANG, DE BZHIN GSHEGS PA'I SNYING PO KUN GZHI RNAM PAR SHES PA'I SPYOD YUL, ZHES SOGS MANG DU 'BYUNG NGO, ,DE YANG MDO GNYIS KYI SGRAS ZIN GYI DON KUN GZHI DANG SNYING PO RTAG BRTAN GNYIS DON GCIG TU BSTAN PA MA YIN TE, MDO DE DAG GI SGRAS ZIN GNYIS LAS PHYI MA RTAG PA DANG SNGA MA MI RTAG PAR BSHAD PA'I PHYIR, 'ON KYANG DGONGS PA'I DON LA LTOS TE DON GCIG YIN TE, DE LA LTOS TE MING GI RNAM GRANGS YIN PA'I PHYIR TE, GANG LA DGONGS NAS SNYING PO BSTAN PA'I SEMS KYI GNAS LUGS DE NYID LA DGONGS NAS KUN GZHI BSTAN PA YIN PA'I PHYIR, DE @232B LTAR NA SNYING PO BSTAN PA SGRA JI BZHIN PA MA YIN PAR BSTAN PAS DGONGS 'GREL GYI KUN GZHI STON PA YANG SGRA JI BZHIN PA MA YIN PAR 'GRUB BO, ,KUN GZHI YOD PAR STON PA'I MDO RNAMS KYI DON ZLA BAS JI LTAR 'CHAD TSUL NI, 'JUG PA'I RANG 'GREL LAS GSUNGS PA GZHUNG DU DRANGS PA LTAR TE, DON NI, STONG NYID KHO NA KUN GZHI RNAM SHES KYI SGRAS BSTAN PA'I RGYU MTSAN YOD DE, DE DNGOS PO THAMS CAD KYI RANG BZHIN GYI RJES SU ZHUGS PA'I PHYIR, ZHES PA'O, ,GNYIS PA NI, DE LTAR DGONGS GZHI'I, ZHES SOGS BYUNG, DE LTAR KUN GZHI DANG SNYING PO BSTAN PA GNYIS KYI DGONGS GZHI'I DON GCIG KYANG GDUL BYA MI GCIG STE KUN GZHI GANG GI CHED DU GSUNGS PA'I GDUL BYA NI GANG ZAG GI BDAG MED THUN MONG BA DANG GNYIS STONG GI CHOS KYI BDAG MED BSTAN PA'I SNOD DU RUNG LA, GANG ZAG DANG CHOS RANG BZHIN MED PA RTOGS MI NUS PA'I SEMS TZAM PA SOGS YIN PA GANG ZHIG ,SNYING PO BSTAN PA GANG GI CHED DU GSUNGS PA'I GDUL BYA NI BDAG MED GNYIS KA BSTAN PA'I SNOD DU MI RUNG BA'I GZHAN SDE DANG DE'I RIGS CAN LA BSTAN PA'I PHYIR, KHYAB STE, KUN GZHI 'JOG PA NA PHYI DON GYIS STONG PA NGES CAN DU STON DGOS PA'I PHYIR TE, DE STON NAM DAG PA'I SNOD BCUD THAMS CAD KUN GZHI'I BAG CHAGS SAD PA LAS BYUNG BAR STON DGOS PA'I PHYIR, DANG PO GRUB STE, 'JUG PAR, KUN GZHI'I RNAM SHES YOD CING GANG ZAG NYID RDZAS SU YOD LA, PHUNG PO 'DI DAG TZAM BDEN PAR YOD CES BSTAN PA NI CHES ZAB PA'I DON RE ZHIG @233A *, ,RTOGS MI NUS PA'I GDUL BYA LA GSUNGS PA LAS SGRA JI BZHIN PA MIN PAR GSUNGS PA'I PHYIR, RTAGS GNYIS PA GRUB STE, LANG GSHEGS LAS, BLO GROS CHEN PO DE LTAR DE BZHIN GSHEGS PA RNAMS KYIS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, ZHES GSUNGS PA'I PHYIR, BZHI PA MTSAN NYID GSUM LA DON DAM DU YOD MED KYI KHYAD PHYE BA'I MDO LANG GSHEGS KYIS DRANG DON DU 'GREL TSUL NI, 'JUG 'GREL LAS, ZHES SOGS BYUNG, DE YANG 'JUG 'GREL DU SNGAR LTAR SNYING PO BSTAN PA DRANG DON DU STON PA'I LANG GSHEGS KYI MDO RNAMS DRANGS PA'I 'OG DE MA THAG TU, BLO GROS CHEN PO, STONG PA NYID DANG, ZHES SOGS GSUNGS PA'I DON NI MTSAN NYID GSUM KHYAD MED PAR THAMS CAD RANG MTSAN GYIS MED PA MDO SDE RNAMS KYI DGONGS PA MTHAR THUG TU CHUD PA'I DON TE, STONG PA NYID DANG ZHES SOGS RNAM GRANGS RNAMS JI LTAR 'GREL GZHUNG KHUNGS MA DANG BSTUN SA MA RNYED PA'ANG BRTAG PAR BYA LA, LHAG MGO SLA'O, ,GNYIS PA LUGS 'DIS 'KHOR LO GSUM GYI DRANG NGES JI LTAR 'JOG PA LA GNYIS, DNGOS DANG, DOGS PA BSAL BA'O, ,DANG PO LA GSUM, 'KHOR LO DANG PO DANG, BAR BA DANG, THA MA'I DRANG NGES BSHAD PA'O, ,DANG PO NI, 'O NA LUGS 'DIS, ZHES SOGS BYUNG, 'KHOR LO DANG PO LA DRANG NGES GNYIS YOD DE, DER GANG ZAG DANG CHOS RANG BZHIN MED PAR @233B GSUNGS PA RNAMS NGES DON GYI MDO YIN PA GANG ZHIG DER GANG ZAG GI BDAG RAGS PA BKAG NAS GANG ZAG GI BDAG MED PHRA MO MA BSHAD CING PHUNG SOGS CHOS RNAMS RANG MTSAN GYIS GRUB PAR GSUNGS PA'I MDO DRANG DON GYI MDO YIN PA'I PHYIR, RTAGS RIM BZHIN GRUB STE, DE DON DAM BDEN PA DNGOS BSTAN BSTAN BYA'I GTZO BOR BYAS PA'I MDO YIN PA'I PHYIR DANG, DGONGS DGOS GNOD GSUM TSANG BA'I MDO YIN PA'I PHYIR TE, DGONGS GZHI NI THA SNYAD DU YOD PA TZAM DANG, DGOS PA NI RANG BZHIN GYIS STONG BA BSTAN NA CHAD LTA SKYE BAS DE BZLOG PA DANG, RAGS PA'I BDAG MED BSTAN PAS RGYUD SBYANGS TE PHRA BA'I BDAG MED LA GZHUG PA'I CHED DANG, GNOD BYED NI RANG MTSAN GYIS YOD PA 'GOG PA'I RIGS PA RNAMS YIN PA'I PHYIR, GNYIS PA NI, DE NAS 'KHOR LO, ZHES SOGS BYUNG, 'KHOR LO GNYIS PAR GANG ZAG DANG CHOS RANG MTSAN GYIS MED CING THA SNYAD DU YOD PAR STON PA'I MDO CHOS CAN, NGES DON GYI MDO MTHAR THUG PA YIN TE, RANG MTSAN GYIS GRUB PA LA BYA BYED MI RUNG ZHING RTEN 'BYUNG KHAS BLANG DGOS PA'I RGYU MTSAN GYIS CHOS RNAMS RANG MTSAN GYIS GRUB PAS STONG PA NI RTEN 'BYUNG GI DON RANG BZHIN GYIS STONG PA'I DON DU RTOGS NUS KYI THEG CHEN PA LA DE RTOGS PA'I CHED DU GTZO BOR GSUNGS PA'I MDO YIN PA'I PHYIR, SHER SNYING RGYAS BSHAD SOGS DGAG BYA LA DON DAM GYI THA SNYAD DNGOS SUM SBYAR BA RNAMS LA YANG MDOR BSTAN DU RANG MTSAN GYIS STONG BAR GSUNGS PA RGYAS BSHAD KYI SKABS SU'ANG SBYOR DGOS @234A *, ,PAS DGAG BYA'I KHYAD PAR DON GYIS SBYAR ZIN LA, MDO DE DANG DER DGAG BYA'I THA SNYAD SBYAR BA GTAN MED KYANG YUM 'BUM PA LTA BU GCIG NA DNGOS SU SBYAR BA YOD NA STONG NYID STON PA DE DANG RIGS 'DRA BA'I MDO GZHAN MA SBYAR BA THAMS CAD LA GO DGOS PAS GZHAN LA DON GYIS SBYAR BA YIN TE, DPE GZHUNG NA GSAL BA LTAR RO, ,GSUM PA NI, DES NA THEG PA CHEN PO'I, ZHES SOGS BYUNG, DES NA 'KHOR LO THA MAR DGOS PA GDUL BYA THEG CHEN RIGS CAN YIN YANG RANG MTSAN GYIS STONG PA LA RNAM GZHAG THAMS CAD 'JOG MI NUS PA PA 'KHOR LO BAR BA LTAR RANG MTSAN GYIS MED PAR BSTAN NA CHAD LTA SKYE BAS DE BZLOG PA DANG, CHOS KYI BDAG MED RAGS PA BSTAN NAS RGYUD SBYANGS TE CHOS KYI BDAG MED PHRA MO LA GZHUG PA'I CHED DU, DGONGS GZHI KUN BTAGS DANG MTSAN NYID GZHAN GNYIS RNAL 'BYOR SPYOD PA PAS 'DOD PA LTAR TE DE'I BSAM NGO'I MING BRDAS BZHAG MA BZHAG GI KHYAD YOD PA LA DGONGS NAS GZHAN DBANG YONGS GRUB GNYIS RANG MTSAN GYIS YOD PA DANG KUN BTAGS RANG MTSAN GYIS MED PAR GSUNGS SO, ,SGRA JI BZHIN PA LA GNOD BYED NI GANG ZAG DANG CHOS RANG MTSAN GYIS MA GRUB PA LA RIGS PA'I GNOD BYED MED LA, RANG MTSAN GYIS GRUB PA LA RNAM GZHAG THAMS CAD MI RUNG BAR SGRUB PA'I RIGS PA RNAMS SO, ,DE 'DRA BA'I ZHES SOGS GO SLA'O, ,GNYIS PA DOGS PA BSAL BA LA GNYIS, 'KHOR LO GSUM DANG GZUNGS RGYAL GYI MDO'I RIM PA GSUM DON MI @234B GCIG PAR BSTAN PA DANG, GSUNG PA PO LA NANG 'GAL MED PAR BSTAN PA'O, ,DANG PO NI, GZUNGS KYI DBANG PHYUG CES SOGS BYUNG, GZUNGS RGYAL GYI MDO LAS, RIGS KYI BU 'DI LTA STE, DPER NA NOR BU MKHAN GYIS NOR BU'I RIGS LAS SBYANG BA MA BYAS PA'I NOR BU RIN PO CHE BLANGS NAS, BUL TOG GI CHU RNON POS BKRUS TE, SKRA NAG PO'I LA BAS BYI DOR BYAS KYANG DE TZAM GYIS BRTZON 'GRUS RGYUN MI GCOD KYI, DE'I 'OG TU DE DNGUL CHU RNON PO DANG BCAS PAS BKRUS TE, SHING DANG SNAM BUS BYI DOR BYA BAS BYI DOR BYED DO, ,DE TZAM GYIS KYANG BRTZON 'GRUS RGYUN MI GCOD DO, ,DE'I 'OG TU YANG SMAN CHEN PO'I KHU BAS BKRUS TE, RAS PHRA MOS BYI DOR BYAS PAS BYI DOR BYED DO, ,BYI DOR BYAS TE NOR BU MCHING BU'I RIGS DANG BRAL NAS BEE d'URYA ZHES BYA'O, ,DE BZHIN DU DE BZHIN GSHEGS PAS YONGS SU MA DAG PA'I SEMS CAN GYI KHAMS RIG NAS MI RTAG PA DANG, SDUG BSNGAL BA DANG, BDAG MED PA DANG, MI SDUG PA, YID 'BYUNG BAR 'GYUR BA'I GTAM GYIS 'KHOR BA LA MNGON PAR DKA' BA'I SEMS CAN RNAMS YID 'BYUNG BAR BYED DO, ,'PHAGS PA'I CHOS 'DUL BA LA 'JUG PAR BYED DO, ,DE TZAM GYIS DE BZHIN GSHEGS PA BRTZON 'GRUS RGYUN MI GCOD KYI, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I GTAM GYI TSUL KHONG DU CHUD PAR BYED DO, ,DE TZAM GYIS KYANG DE BZHIN GSHEGS PA BRTZON 'GRUS RGYUN MI GCOD KYI, DE'I 'OG TU PHYIR MI LDOG PA'I 'KHOR LO'I @235A *, ,GTAM DANG, 'KHOR GSUM YONGS SU DAG PA'I GTAM GYIS SEMS CAN DE DAG DE BZHIN GSHEGS PA'I YUL LA 'DZUD DO, ,SEMS CAN RGYUD DANG RANG BZHIN SNA TSOGS PA DE DAG MNYAM DU ZHUGS NAS DE BZHIN GSHEGS PA'I CHOS NYID KHONG DU CHUD PAS, SBYIN GNAS BLA NA MED PA RNAMS ZHES BYA'O, ,ZHES NOR BU SBYONG MKHAN GYIS NOR BU BUL TOG GI CHU RNON POS BKRUS NAS SKRA'I LA BAS PHYI BA BZHIN DU RGYAL BAS YID 'BYUNG BA'I GTAM GYIS 'KHOR BA LAS YID 'BYUNG BA DANG CHOS 'DUL BA LA 'JOG PAR BYED, DE'I 'OG TU BUL TOG GI CHU DANG BCAS PA'I DNGUL CHU RNON POS BKRUS NAS SHING DANG SNAM BUS PHYI BA BZHIN DU RNAM THAR SGO GSUM GYI GTAM GYIS DE BZHIN GSHEGS PA'I GTAM GYI TSUL KHONG DU CHUD PAR BYED PA DANG, DE'I 'OG TU SMAN CHEN PO'I KHU BAS BKRUS TE RAS PHRA MOS PHYI BA BZHIN DU PHYIR MI LDOG PA'I 'KHOR LO'I GTAM DANG 'KHOR GSUM YONGS SU DAG PA'I GTAM GYIS SANGS RGYAS KYI YUL LA BTZUD NAS 'TSANG RGYA BAR GSUNGS SO, ,MDO BTUS 'GREL BAR, NOR BU SBYONG MKHAN NI SANGS RGYAS DANG, NOR BU MA SBYANGS PA NI CHAGS SOGS KYIS DKRIS PA'I KHAMS DANG, BUL TOG GI CHU NI MI RTAG SOGS BZHI SGOM PA DANG, SKRA'I LA BA NI DES PHYIN CI LOG BZHI MYUR DU SPONG BA DANG, DNGUL CHU NI RNAM THAR SGO GSUM SGOM PA DANG, DE BUL TOG GI CHU DANG BCAS PA NI THABS DANG 'BREL BA DANG, SHING DANG SNAM BUS PHYI BA NI MTSAN 'DZIN SPONG BA DANG, SMAN CHEN @235B PO NI PHYIR MI LDOG PA 'KHOR LO'I DON SGOM PA DANG, RAS PHRA MO 'AM SRAB MO NI SHES SGRIB SRAB MO SPYOD PA'I DPER GSUNGS SHING, 'PHAGS PA'I CHOS 'DUL BA LA 'JUG PA NI, 'GREL BA DE LAS, 'PHAGS PA CHOS 'DUL BA'I CHOS THAMS CAD BDAG MED PAR YID CHES PA'O, ,ZHES GSUNGS LA, RGYUD BLA DAR t'IKA LAS, 'KHOR BA'I GNYEN PO 'PHAGS PA'I CHOS 'DUL BA GANG ZAG DANG CHOS KYI BDAG MED PHRA MO KHONG DU CHUD PA DANG MA CHUD PA KUN GYIS THUN MONG DU NYAMS SU BLANG BAR BYA BA'I LAM BSLAB PA RIN PO CHE RNAM PA GSUM NYAMS SU LEN PA LA 'DZUD BAR MDZAD DO, ,ZHES GSUNGS PA LTAR RO, ,DE BZHIN GSHEGS PA'I GTAM GYI TSUL KHONG DU CHUD PA NI, MDO BTUS 'GREL BA LAS, STONG PA NYID SHES PA'I SHES RAB KYIS MTHONG BA'I LAM RTOGS PAR 'GYUR RO ZHES BYA BA STE, DE BZHIN GSHEGS PA'I GTAM GYI TSUL NI RNAM PAR RTOG PA THAMS CAD KYIS DBEN PA'O, ,ZHES DANG, DAR t'IK LAS, DE BZHIN GSHEGS PA'I TSUL DE'I GNAS LUGS DON DAM PA'I BDEN PA RTOGS PAR MDZAD DO, ,ZHES PA LTAR RO, ,PHYIR MI LDOG PA 'KHOR LO'I GTAM NI, MDO BTUS 'GREL BA LAS, PHYIR MI LDOG PA'I 'KHOR LO'I GTAM THABS DANG SHES RAB ZUNG DU 'BREL BA, ZHES GSUNGS SHING, MDO BTUS MCHAN DU BYAMS SNYING RJE BYANG CHUB KYI SEMS BSKYED PA LA BSHAD DE, STONG THUN LAS, PHYIR MI LDOG PA'I CHOS KYI 'KHOR LO'I GTAM ZHES PA NI MTHAR THUG THEG PA GCIG TU STON PA LA ZER BA YIN LA, ZHES @236A *, ,GSUNGS SO, ,SGRA BSHAD NI GZHUNG LAS, PHYIR MI LDOG PA NI DER ZHUGS NAS THEG PA GZHAN DU 'GRO MI DGOS PA'I DON NO, ,ZHES GSUNGS PA LTAR RO, ,'KHOR GSUM YONGS SU DAG PA'I GTAM NI, MDO BTUS 'GREL BA LAS, 'KHOR GSUM YONGS SU DAG PA ZHES BYA BA NI BDAG LA SOGS PA'I 'DU SHES DANG BRAL BA STE, ZHES GSUNGS LA, MCHAN DU, PHYIR MI LDOG PA 'KHOR LO'I GTAM THABS DANG 'DI SHES RAB LA SBYAR BA DANG, DAR t'IKA LAS, RDZOGS PA'I BYANG CHUB LAS PHYIR MI LDOG PA'I CHOS KYI 'KHOR LO'I GTAM SOGS THABS KYI CHA YONGS SU RDZOGS PAS ZIN PA'I LAS BYA BYED KYI 'KHOR GSUM RANG BZHIN GYIS GRUB PAS STONG PA YONGS SU DAG PA'I GTAM, ZHES GSUNGS PA GNYIS MTHUN NO, ,DE BZHIN GSHEGS PA'I YUL NI, MDO BTUS 'GREL BA LAS, DE BZHIN GSHEGS PA'I YUL NI 'KHOR BA DANG ZHI BAR MI RTOG PA'O, ,ZHES DANG, MTSAN DU 'BRAS BU'I THEG PA LA BSHAD KYANG, GZHUNG LAS, SANGS RGYAS KYI YUL THEG CHEN LA BTZUNG NAS, ZHES GSUNGS PA LTAR RO, ,RGYUD DANG RANG BZHIN SNA TSOGS PA ZHES PA LA MDO BTUS 'GREL BAR, RANG BZHIN NI KHAMS DANG, SNA TSOGS PA NI BA RU RA'I MDO LAS GSUNGS PA LTAR BSHAD LA, MTSAN DU RGYUD RIGS DANG RANG BZHIN DBANG PO LA BYAS SO, ,MDO BTUS 'GREL BAR, MNYAM DU ZHUGS PA NI THAMS CAD KYANG MTHAR RIM GYIS SONG NAS 'TSANG RGYA BAR 'GYUR BA DANG, CHOS NYID KHONG DU CHUD PA NI THAMS CAD RNAM PA @236B THAMS CAD DU MNGON PAR RDZOGS PAR SANGS RGYAS PA DANG, SBYIN GNAS BLA NA MED PA NI SANGS RGYAS LA BYAS PA DANG, MCHAN DU MNYAM DU ZHUGS PA NI LAM GYI THEG PA DANG, DE BZHIN GSHEGS PA'I CHOS NYID KHONG DU CHUD PA NI 'BRAS BU'I THEG PA LA SBYAR RO, ,DE LTAR RIM PA GSUM GSUNGS PA NI DGONGS 'GREL GYI 'KHOR LO RIM PA GSUM DANG DON MI GCIG STE, 'DI NI GANG ZAG GCIG THEG DMAN NAS THEG CHEN DU KHRID DE SANGS RGYAS 'THOB PAR BYED PA'I RIM PA YIN LA, 'KHOR LO GSUM NI GDUL BYA RGYUD THA DAD KYI DBANG DU MDZAD PA'I PHYIR TE, MDO BTUS SU GZUNGS RGYAL GYI MDO 'DI THEG DMAN RNAMS KYANG MTHAR THEG CHEN DU ZHUGS NAS 'TSANG RGYA BA MTHAR THUG THEG PA GCIG YIN PA'I SGRUB BYED DU DRANGS PA'I PHYIR TE, DE NYID LAS, THEG PA GCIG TU ZAD PAR NI MDO DU MA LAS GSUNGS PA'I PHYIR RO, ,ZHES GSUNGS NAS MDO MANG DU DRANGS PA'I GRAS SU MDO DE NYID DRANGS PA'I PHYIR RO, ,DES NA RIM PA DANG PO GNYIS THEG DMAN DU 'KHRID PA YIN ZHING DANG PO'I SKABS RGYUD SBYONG BYED KYI LAM STON PA YIN PAS DE'I BDAG MED NI, BRGYA BA LAS, BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN LDOG PA, ,GANG GIS SHES DE MKHAS PA YIN, ,ZHES STONG NYID LTA BA'I RGYUD SBYONG BYED DU MI RTAG SOGS BZHI BSHAD PA'I BDAG MED DANG 'DRA STE, RANG RKYA THUB PA'I GANG ZAG GI BDAG MED PA'O, ,BDAG GI BA RNAMS RANG DBANG DU GYUR PA'I BDAG MED PA'O, ,ZHES @237A *, ,PA'I DON PHUNG SOGS BDAG GI BA RNAMS RANG GI DBANG BYAR BYED PA'I BDAG GIS STONG BA'AM, YANG NA PHUNG SOGS BDAG GI BA RNAMS RANG RKYA THUB PA'I RDZAS YOD KYI BDAG GIS DBANG BSGYUR BYAR MA GRUB PA DANG, PHUNG SOGS BDAG GI BA LA DBANG SGYUR BA PO BDAG RANG RKYA THUB PA'I RDZAS YOD KYIS STONG BA ZHES BSHAD DGOS PAR SHING BZA' PAntI TA GSUNGS SO, ,GNYIS PA NI, GAL TE RNAM RIG PAS, ZHES SOGS BYUNG, KHA CIG NA RE, MDO GSUNG BA PO LA NANG 'GAL YOD PAR THAL, RNAM RIG PAS MDO'I DON BKRAL BA DE MDO DON YIN PA GANG ZHIG ,DE LTA NA DE DANG MI MTHUN PAR DBU MA BAS BKRAL BA YANG MDO DON YIN DGOS PA'I PHYIR, YANG DBU MA BAS MDO DON BKAG PAR THAL, RNAM RIG PAS MDO DON BKRAL BA DE MDO DON YIN PA GANG ZHIG ,DE DBU MA BAS BKAG PA'I PHYIR SNYAM NA, 'O NA RKYEN LA LTOS TE SROG GCOD LA GNANG BA MED PA DE NYAN THOS KYI SDE SNOD KYI DON YIN NAM MIN, MIN NA THEG PA CHE CHUNG GI SDE SNOD LA SROG GCOD LA GNANG BKAG GI KHYAD PAR MED PAR THAL, THEG DMAN GYI SDE SNOD LAS RKYEN LA LTOS TE SROG GCOD GNANG BA MED PA DANG THEG CHEN GYI SDE SNOD LAS RKYEN LA LTOS TE GNANG BA YOD PA MA YIN PA'I PHYIR, YIN NA MDO GSUNG BA PO LA NANG 'GAL YOD PAR THAL, DGOS PA 'GA' ZHIG LA LTOS NAS SROG GCOD LA GNANG BA YOD PA THEG CHEN GYI SDE SNOD KYI DON YIN PA GANG ZHIG RKYEN LA LTOS TE DE GNANG BA MED PA THEG DMAN GYI MDO DON YIN PA'I PHYIR, KHYAB PA @237B 'GRIGS, DE LA KHO NA RE, DE GNYIS MI 'GAL TE, GDUL BYA THEG DMAN LA LTOS TE SROG GCOD LA NAM YANG GNANG BA MED LA, THEG CHEN GYI KHYAD PAR 'GA' ZHIG LA LTOS TE GNANG BA YOD PA GSUNGS PA PO'I DGONGS PA YIN PA'I PHYIR ZHE NA, DE LTA NA DBU SEMS GNYIS KAS BKRAL BA MDO DON YIN YANG MDO GSUNG BA PO LA NANG 'GAL YOD MI DGOS TE, THEG CHEN RIGS CAN RE ZHIG ZAB DON RDZOGS PAR BSHAD PA'I SNOD DU MI RUNG BA'I GDUL BYA'I BLO LA LTOS TE RANG MTSAN GYIS GRUB PA YOD LA, ZAB DON RDZOGS PAR GO BA'I SNOD RUNG GI GDUL BYA LA LTOS TE RANG MTSAN GYIS GRUB PA MED PA MI 'GAL BA'I PHYIR, PHA DANG MA NI BSAD BYAS SHING, ,ZHES PA'I MDO'I SGRAS ZIN BRJOD BYA'I DON MIN YANG SMRA BA PO'I BRJOD 'DOD KYI DON SRID SRED BRJOD BYA'I DON YIN PA LTAR GZHAN DBANG YONGS GRUB RANG MTSAN GYIS YOD PA DANG MED PAR BSTAN PA'I MDO 'DI GNYIS LA KHYAD PAR DE LTAR BYAR MED DE, GSUNG BA POS GNYIS PO 'DI RANG RANG GI GDUL BYA LA DNGOS BSTAN GYI DON DE NYID 'DZIN TU GZHUG PAR BZHED PA'I PHYIR RO, ,DES NA MDO 'DI DAG GI DNGOS ZIN GYI DON BRJOD PAR BYA DGOS SHING SGRA JI BZHIN PA'I DON LA GNOD PA BSTAN NAS NGES DON MIN PAR SGRUB PA NI 'DOD DE, GDUL BYA DE DAG LA BRJOD BYA ZHIG BSTAN DGOS LA SGRAS ZIN LAS GZHAN PA'I BRJOD BYA YANG BSTAN DU MED PA'I PHYIR, DES NA GSUNG RA BA, CES SOGS GO SLA ZHING, GSUNG RAB KYI BRJOD DON DANG GSUNG BA PO'I DGONGS PA GNYIS LA MU BZHI @238A *, ,BRTZI'O, ` ,SPRO NA, RGYUD BLA DAR t'IKA DANG, SPYOD 'JUG DAR t'IKA LA BRTEN NAS RJE BTZUN PA'I PHAR PHYIN SPYI THAL DANG, BSOD GRAGS PHAR PHYIN SPYI DON DU GZUNGS RGYAL GYI MDOR GSUNGS PA'I GDUL BYA BKRI BA'I RIM PA GSUM LA 'KHOR LO GSUM GYI THA SNYAD BYED PA DANG, DKA' 'GREL DU DE LA 'KHOR LO GSUM GYI THA SNYAD MI THOB PAR GSUNGS TE, STONG THUN DU YANG 'KHOR LO GSUM GDUL BYA GCIG NYID KYI RGYUD KYI DRI MA PHRA RAGS GSUM SBYONG BYED DU MI RUNG BAR GSUNGS SO, ,BLO GLING PHAR PHYIN SPYI DON DU, 'DI NAS BSHAD PA'I RIM PA DANG PO'I MDO YIN NA THEG CHEN DANG, DGONGS 'GREL GYI 'KHOR LO DANG PO YIN NA THEG DMAN GYI MDO YIN DGOS PAS DANG PO GNYIS 'GAL BA DANG, YUM RGYAS 'BRING BSDUS GSUM NI MDO BAR BA GNYIS KA YIN PAS DE GNYIS MI 'GAL BA DANG, THAL 'GYUR BA LTAR NA 'DI NAS BSHAD PA'I RIM PA GSUM PA'I MDO YIN NA NGES DON GYI MDO DANG, DGONGS 'GREL LAS BSHAD PA'I DE YIN NA DRANG DON GYI MDO YIN DGOS PAS THA MA GNYIS 'GAL BAR GSUNGS SHING, SGO MANG YIG CHAR, MDO YIN NA GZUNGS RGYAL LAS BSHAD PA'I RIM PA GSUM GANG RUNG GI MDOR 'DU BAS KHYAD PAR BSHAD DO, ,AA GYA YONGS 'DZIN GYI CHOS 'KHOR DOGS GCOD DU, GZUNGS RGYAL GYI MDO THEG CHEN GYI MDO YIN PAS, DE'I CHED DU BYA BA'I GDUL BYAR THEG CHEN RIGS CAN DGOS PA DANG, DE LAS BSHAD PA'I RIM PA GSUM GYI MTSAN GZHIR THEG CHEN GYI MDO @238B RKYANG BA BZHAG STE, YANG NA YUM RGYAS 'BRING BSDUS GSUM GZUNGS RGYAL GYI MDOR GSUNGS PA'I RIM PA GSUM GAR KHAS BLANG BAR BSHAD DO, ,BLO GLING PHAR PHYIN ZUR MTSAN LAS, GZUNGS RGYAL GYIS ZHUS PA'I MDO NAS BSHAD PA'I RIM PA DANG PO'I MDO YIN NA THEG CHEN GYI MDO YIN DGOS, ZHES PA DANG, YUM RGYAS 'BRING BSDUS GSUM RIM PA GNYIS PA'I MDO YIN GSUNGS PA DPYAD DGOS TE, LEGS BSHAD SNYING PO LAS, RIM PA DANG PO GNYIS KA THEG DMAN DU 'KHRID PA YIN PAS, ZHES DANG, RGYUD BLA DAR t'IKA LAS KYANG, NYAN RANG GI RIGS CAN RIM PA DANG PO GNYIS KYIS RANG RANG GI BYANG CHUB THOB PA'I BAR DU KHRID NAS, DE NAS RIM PA GSUM PAS THEG PA CHEN POR 'KHRID PAR BYED PA YIN NO, , ZHES RIM PA DANG PO GNYIS THEG DMAN GYI MDO DANG RIM PA GSUM PA THEG CHEN GYI MDO LTA BUR GSUNGS PA'I PHYIR RO, ,ZHES DANG, 'DOD 'GAL DU, GZHUNG LAS, 'DIR NI GANG ZAG GCIG DANG POR THEG DMAN DU KHRID DE, ZHES SOGS DRANGS NAS, RIM PA DANG PO'I MDO LA THEG DMAN SDE SNOD GZHAG DGOS TE, THEG CHEN GYI SDE SNOD RKYANG BAS GDUL BYA THEG DMAN DU 'KHRID LUGS MED PA'I PHYIR, ZHES BSHAD DO, ,ZAB GSAL SGRON MER, GZUNGS RGYAL GYI MDOR GSUNGS PA'I 'KHOR LO GSUM PO GANG RUNG YIN NA THEG CHEN THUN MONG MIN PA'I MDO YIN PAS KHYAB CES DBYANGS CAN DGA' BLO DANG, HAL LHA RAB 'BYAMS PA GNYIS KAS GSUNGS SHING, DE'I RGYU MTSAN PHAR PHYIN RNAM BSHAD LAS, @239A *, ,RIM PA 'DI'ANG GTZO BO'I GDUL BYA'I DBANG DU BYAS NAS GSUNGS PA'I PHYIR RO, ,ZHES GSUNGS PAS SO SNYAM DU DGONGS SO, ,RIM PA 'DI'ANG SOGS RNAM BSHAD DU RIGS MA NGES PA DANG, NGES PA'I LAM LA SBYAR BA GNYIS LAS PHYI MA'I SKABS YIN PAS DE TZAM GYIS DE LA THEG CHEN THUN MONG MIN PA'I MDOS KHYAB PA MI 'GRUB BAM SNYAM ZHING, GZHUNG DANG STONG THUN LAS GZUNGS RGYAL GYI RIM PA GSUM GYI GDUL BYAR THEG PA CHE CHUNG LA RIM GYIS 'JUG PA GSUNGS PAS GZUNGS RGYAL GYI 'KHOR LO DANG PO GNYIS LTA BU'I GDUL BYAR THEG DMAN PA YOD DO, ,'ON KYANG HAL HA RAB 'BYAMS BAS LUNG 'DI 'DRA BA RNAMS RANG GI GDUL BYA THEG CHEN LA THEG DMAN GYI RIGS CAN RJES SU 'DZIN TSUL BSTAN PA TZAM GYI DON DU 'CHAD CES BSHAD DE, GZUNGS RGYAL THEG CHEN GYI MDO YIN PAS, DE'I CHED DU BYA BA'I GDUL BYAR THEG CHEN RIGS CAN DGOS KYANG DE NAS BSHAD PA'I RIM PA GSUM GANG RUNG GI MDO'I GDUL BYA LA THEG DMAN RIGS CAN YOD PA MI 'GAL BAS MDO THAMS CAD GZUNGS RGYAL NAS BSHAD PA'I MDO RIM PA GSUM PO GANG RUNG DU MA 'DUS TE, DE'I GDUL BYA LA THEG DMAN GYI RTOGS PA SNGON DU SONG NAS THEG CHEN DU 'JUG PA ZHIG DGOS PA GANG ZHIG THEG CHEN RIGS NGES LA CHED DU BSTAN PA'I MDO'I CHED DU BYA BA'I GDUL BYAR DE 'DRA MI YONG BA'I PHYIR SNYAM MO, ,PHYOGS SNGAS DMAN LAM SNGON DU SONG NAS DE'I RJES THEG CHEN LAM DU 'JUG PA BYANG CHUB YONGS 'GYUR BA LA'ANG @239B YOD PAS GZUNGS RGYAL GYI MDOS MTHAR THUG THEG GCIG 'GRUB LUGS LA'ANG DPYAD PA ZHIB MO GAL CHE'O, ,GNYIS PA DE DANG BYAMS ZHUS KYI LE'U GNYIS MI MTSUNGS PAR BSTAN PA LA GSUM, RTZOD PA DGOD PA DANG, DE LA LAN BSTAN PA DANG, RTZOD LAN DE DAG GI GRUB DON NO, ,DANG PO NI, GAL TE DGONGS 'GREL GYI, ZHES SOGS BYUNG, DE LA KHA CIG NA RE, DGONGS 'GREL DANG NYI KHRI'I BYAMS ZHUS KYI LE'U GNYIS MTSAN NYID GSUM 'CHAD TSUL MTHUN NAM MI MTHUN, DANG PO LTAR NA YUM GYI MDO RNAMS CHOS CAN, KHYOD SGRA JI BZHIN PA'I MDO MA YIN PAR THAL, KHYOD KYIS MTSAN NYID GSUM GYI RNAM GZHAG 'CHAD TSUL DGONGS 'GREL DANG MTHUN PA'I PHYIR, DER THAL, NYI KHRI'I LE'U DON GNYIS PA BYAMS ZHUS KYIS DE 'CHAD TSUL DGONGS 'GREL DANG MTHUN PA'I PHYIR ZHES PA NI RTZOD PA DANG PO'O, ,GNYIS PA LTAR NA, DE GNYIS MTHUN PAR THAL, NYI KHRI BYAMS ZHUS LAS KUN BTAGS RDZAS SU MED CING, GZHAN DBANG RDZAS SU YOD PA DANG, YONGS GRUB DON DAM PAS RAB TU PHYE BAR GSUNGS PA'I PHYIR, KHYAB STE, 'DI'I RDZAS SU YOD MED NI BDEN PAR GRUB MA GRUB LA BYED PA'I PHYIR ZHES PA NI RTZOD PA GNYIS PA'O, ,GZHAN YANG, DE GNYIS MTHUN PAR THAL, NYI KHRI BYAMS ZHUS LAS GZUGS NAS SANGS RGYAS KYI BAR GYI CHOS THAMS CAD MING TZAM DU SGRUB PA NA, MING GI SNGA ROL BLO MED PHYIR, ,ZHES SOGS KYIS BSTAN PA LTAR GYI RIGS PA GSUM GYIS BSGRUBS PA'I PHYIR ZHES PA NI RTZOD PA GSUM PA'O, ,'DI LA GNOD @240A *, ,'JOMS SU, BYAMS PA DE JI SNYAM DU SEMS, 'DI LTA STE, KHYOD 'DU SHES KYI MTSAN MA'I DNGOS PO DE DANG DE LA GZUGS ZHES BYA BA'I MING DE LA MA BRTEN, MA GNAS, GNAS MA BCAS PAR, ZHES SOGS DANG, BYAMS PA DE JI SNYAM DU SEMS, MING DANG BRDA DANG THA SNYAD DANG BTAGS PA RNAMS PA SNA TSOGS KYIS 'DU BYED KYI MTSAN MA'I DNGOS PO DE LA NYE BAR 'DOGS PA'AM, THA SNYAD DAM, 'DOGS PA'AM, MNGON PAR ZHEN PA YIN NAM, ZHES SOGS DANG, BYAMS PA DE JI SNYAM DU SEMS, 'DI LA 'GA' ZHIG 'DU BYED KYI MTSAN MA'I DNGOS PO DE NYID LA DE LAS GZHAN PA'I 'DU BYED KYI MTSAN MA'I DNGOS POR MING 'DOGS SAM, ZHES SOGS RIGS PA GSUM STON BYED LA SBYAR KYANG DE LE MANG DU JI BZHIN MED PAR MA ZAD, LE BRGYAD MAR THAD DE GTAN NAS MED PA CHAD LHAG BYUNG MIN BRTAG CING 'OG TU RTZOD PA GSUM PA'I LAN GYI SKABS SBYAR BA YANG MDO'I RIM PA LA BRTEN TE 'OS MED DU SBYAR BA LAS, RGYU MTSAN GZHAN MED PAS DPYAD DGOS SO, ,GNYIS PA LA GNYIS, RTZOD PA DANG PO DANG THA MA'I LAN BSTAN PA, RTZOD PA BAR BA'I LAN BYE BRAG TU BSHAD PA'O, ,DANG PO LA GSUM, RTZOD PA DANG PO'I LAN, RTZOD PA GSUM PA'I LAN, RTZOD PA DANG PO'I LAN GZHAN BSTAN PA'O, ,DANG PO NI, BSHAD PAR BYA STE, ZHES SOGS BYUNG, DE LA RANG BZHIN 'GOG PA'O, ,YAN GYIS LE'U DE LAS CHOS THAMS CAD DON DAM PAR MED @240B MNYAM DANG, MI RIGS PA SMRA BA'O, ,YAN GYIS DE RNAM RIG PAS BKRAL BA LTAR MA YIN PA DANG, DE MAN GYIS DES NA DGONGS 'GREL DANG BYAMS ZHUS KYI LE'U GNYIS MTSAN NYID MI MTHUN PAR BSTAN PA GSUM MO, ,DE LA DE GNYIS MI 'DRA STE, LE'U DE LAS RNAM BRTAGS KYI GZUGS RDZAS YOD DU GSUNGS PA RNAM BRTAGS SAM GZHAN DBANG GI GZUGS BDEN GRUB TU STON PA MA YIN PA'I PHYIR TE, CHOS THAMS CAD THA SNYAD TZAM DU MDOR BSTAN PA YIN PA'I PHYIR, NYI KHRI LAS DNGOS PO BRGYAD KYI THA MA CHOS SKU 'PHRIN LAS DANG BCAS STON BAN 'PHRIN LAS NYER BDUN GYI NYER GNYIS PA PHYIN CI MA LOG PA LA 'GOD PA'I MDO LAS, BCOM LDAN 'DAS GAL TE CHOS THAMS CAD DNGOS PO MA MCHIS PA'I NGO BO NYID LAGS NA, BCOM LDAN 'DAS DE'I TSE SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' SEMS DPA' CHEN PO BYANG CHUB SEMS DPA'I BSLAB PA LA SLOB PAR 'TSAL BAS GZUGS LA JI LTAR BSLAB PAR BGYI, NAS, SANGS RGYAS KYI CHOS RNAMS LA JI LTAR BSLAB PAR BGYI, ZHES BYAMS PAS SHER PHYIN LA SPYOD PA BYANG SEMS KYI SPYOD PA LA SLOB 'DOD PAS 'GRES RKANG RNAMS LA JI LTAR BSLAB CES STON PAR DRIS PA'I LAN DU, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA BYANG CHUB SEMS DPA'I BSLAB PA LA SLOB PAR 'DOD PAS GZUGS MING TZAM MO ZHES BYA BAR BSLAB PAR BYA'O, ,NAS, SANGS RGYAS KYI CHOS MA 'DRES @241A *, ,PA RNAMS KYI BAR DU MING TZAM MO ZHES BSLAB PAR BYA'O, ,ZHES DE THAMS CAD MING TZAM MO ZHES BSLAB PAR GSUNGS LA, MING TZAM DU GRUB PA DANG BDEN PAR GRUB PA GNYIS 'GAL BA'I PHYIR, DE LA SLAR YANG BRGAL LAN GYI SGO NAS GTAN LA PHAB PA NI, BCOM LDAN 'DAS GANG GI TSE 'DI NI GZUGS SO 'DI NI MING NGO ZHES DNGOS PO DANG BCAS PAR DMIGS, NAS, SANGS RGYAS KYI CHOS ZHES BGYI BA GANG LAGS PA 'DI YANG MING TZAM KHO NA ZHES BGYI BAR MI RUNG LAGS SO, ,ZHES BYAMS PAS GZUGS ZHES BYA BA LA SOGS PA'I MING 'DOGS PA'I GZHI'I DNGOS PO GZUGS SOGS DANG BCAS PAR YOD NA DE DAG MING TZAM DU MI RUNG BAS GZUGS SOGS MING TZAM MO ZHES JI LTAR BSLAB PAR BYA STE, DNGOS PO DE MED NA MING DE YANG MING TZAM ZHES MI RUNG NGO ZHES DRIS TE, TZAM SGRAS DON GYI DNGOS PO YOD PA GCOD PAS DON GYI DNGOS PO YOD NA TZAM SGRAS GCOD RGYU MED LA, DE MED NA MING 'JUG PA'I GZHI MED PAS DON GYI DNGOS PO'I YA GYAL DU GYUR PA'I MING KHO RANG YANG MED PAR 'GYUR ZHES PA'O, ,DE'I LAN DU, GZUGS ZHES BGYI BA GANG YIN PA 'DI NI 'DU BYED KYI MTSAN MA'I DNGOS PO DE DANG DER GLO BUR DU MING DU BTAGS PA'O, ,NAS, SANGS RGYAS KYI CHOS RNAMS ZHES BYA BA'I BAR GANG YIN PA 'DI NI 'DU BYED KYI MTSAN MA'I DNGOS PO DER GLO BUR DU MING DU BTAGS PA YIN PAR RIG PAR BYA'O, ,ZHES CHOS THAMS CAD NI DNGOS PO LA GLO BUR DU MING DU BTAGS PAR @241B GSUNGS TE, DE'I DON NI MING DU BTAGS PA NI GLO BUR BA STE MING GLO BUR DU BTAGS PA TZAM MO, ,SKABS 'DI'I GLO BUR BA ZHES PA'I TSIG GIS RANG BZHIN GYIS GRUB PA 'GOG STE, 'DI'I GLO BUR BA NI BCOS MA'I DON YIN PA'I PHYIR, DE DAG GO SLA BAR BYAS NA, GZUGS SOGS YOD DAM MED, DANG PO LTAR NA, DE DAG MING TZAM ZHES SMOS PA LA RNAM BCAD KYI DGOS PA MED PAR THAL, DON GZUGS SOGS YOD PA'I PHYIR, GNYIS PA LTAR NA, GZUGS SOGS KYI MING DE YANG MING TZAM DU MI RUNG BAR THAL, DE'I MING KHO RANG YANG MED PA'I PHYIR, ZHES BRTZAD PA LA, GZUGS YOD NA GZUGS MING TZAM MO ZHES PA'I TZAM SGRA'I GCAD BYA MED MI DGOS TE, DE'I TZAM SGRAS GZUGS RANG BZHIN GYIS YOD PA 'GOG GI GZUGS YOD TZAM MI GCOD PA'I PHYIR, ZHES PA'O, ,DES NA LE'U 'DI'I DON DGONGS 'GREL GYI DGONGS PA RNAM RIG PAS BKRAL BA DANG CHES MI MTHUN TE, LE'U 'DIS RNAM RIG PA LTAR GZUGS SOGS BDEN GRUB MI 'GOG PAR GZUGS GZUGS SU KUN BTAGS PA'I NGO BOR BDEN PAR GRUB PA BKAG NA NI SNGAR DRANGS PA LTAR GZUGS NAS SANGS RGYAS KYI BAR MING TZAM DU GSUNGS PAS KYANG GZUGS GZUGS SU KUN BTAGS PA'I NGO BOR MING DU BTAGS PA TZAM LAS GZUGS SOGS MING DU BTAGS TZAM MIN PAR BSTAN CES KHAS LEN DGOS PAR 'GYUR BA'I PHYIR DANG, DE LTA NA LE'U 'DIR 'OG NAS, BCOM LDAN 'DAS, CI RNAM PA THAMS CAD DU MTSAN NYID THAMS CAD KYIS GZUGS @242A *, ,MA MCHIS PA KHO NA LAGS SAM, NAS, SANGS RGYAS KYI CHOS RNAMS MA MCHIS PA KHO NA LAGS SAM, ZHES GZUGS SOGS MTSAN NYID THAMS CAD KYIS MED DAM ZHES ZHUS PA'I LAN DU, BYAMS PA, RNAM PA THAMS CAD DU MTSAN NYID THAMS CAD KYIS GZUGS MED DO ZHES NGA MI SMRA'O, ,NAS, SANGS RGYAS KYI CHOS RNAMS KYI BAR DU MED DO, ,ZHES NGA MI SMRA'O, ,ZHES DE LTAR NGA MI SMRA BAR GSUNGS PA NA, BCOM LDAN 'DAS, JI LTAR NA GZUGS MA MCHIS PA LAGS, NAS, SANGS RGYAS KYI CHOS RNAMS KYI BAR DU MA MCHIS PA LAGS, ZHES 'O NA JI LTAR MA MCHIS ZHES ZHUS PA'I LAN DU, BYAMS PA, 'JIG RTEN GYI BRDA DANG THA SNYAD KYIS GZUGS YOD KYI DON DAM PAR NI MA YIN NO, ,NAS, SANGS RGYAS KYI CHOS RNAMS KYI BAR DU YOD KYI DON DAM PAR NI MA YIN NO, ,ZHES CHOS THAMS CAD DON DAM PAR MED MNYAM DANG THA SNYAD DU YOD MNYAM DU GSUNGS PA MI RIGS PAR 'GYUR PA'I PHYIR, RGYU MTSAN DE'I PHYIR SHER PHYIN MAN NGAG LAS, MDO GANG DAG GI DON SGRA JI BZHIN PA DE NI NGES PA'I DON KHO NA'O, ,DON DE LA NI DON GNYIS PA YOD PA MA YIN TE, 'DI'I DON NGES PA KHO NA'O ZHES BYA BAS NA NGES PA'I DON TO, ,GANG GIS DON NGES SHE NA, MDO DE NYID DANG DE LAS GZHAN PA DANG GNYIS KAS KYANG NGO, ,GANG DAG DE NYID KYIS YIN ZHE NA, 'PHAGS PA DGONGS PA NGES PAR 'GREL BA DANG, 'PHAGS PA LANG KAR GSHEGS PA LA SOGS PA'O, ,GANG DAG @242B DE LAS GZHAN PAS YIN ZHE NA, 'PHAGS PA BRGYAD STONG BA LA SOGS PA'O, ,GANG DAG GNYIS KAS YIN ZHE NA, 'PHAGS PA NYI KHRI LNGA STONG PA LA SOGS PA STE, DE'I CHOS KYI SKU'I LE'U LAS, GANG GI PHYIR PHYIN CI MA LOG PA LA 'GOD PA'I 'PHRIN LAS, SGRA JI BZHIN PA'I DON LA MNGON PAR ZHEN PA'I MTSAN NYID KYI PHYIN CI LOG YONGS SU SPANGS PA'I MTSAN NYID KYI DRANG BA'I DON GYI BSHAD PA YOD PA'I PHYIR RO, ,ZHES LE'U 'DIS YUM MDONG SNGAR CHOS THAMS CAD DON DAM PAR MED CING THA SNYAD DU YOD PAR GSUNGS PA'I DGONGS PA BSTAN NAS DRANG DON DU BKRAL TO ZHES BSHAD PA NI MI RIGS PAR SMRA BA'O, ,DES NA MING DU BTAGS PA'I CHOS RNAMS NI YOD PA DANG MING DU BTAGS PA TZAM DU GSUNGS PA MI 'GAL TE, THA SNYAD DU YOD PAR BZHAG PA TZAM MIN PA'I MING 'JUG PA'I GZHI MED PA LAS SPYIR MING 'JUG PA'I GZHI'I DNGOS PO MED PA MA YIN PA'I PHYIR TE, MING DU BTAGS PA'I CHOS RNAMS NI THA SNYAD KYIS YOD PAR BZHAG PA'I BCOS MA YIN PA'I PHYIR, GNYIS PA NI, DE LA GZUGS ZHES BYA BA'I, ZHES SOGS BYUNG, GSUNGS SO, ,YAN GYIS BLO BUR DU MING DU BTAGS PA'I DON DANG, MI RIGS PA'I DON NO, ,YAN GYIS DE'I SGRUB BYED DANG, DE MAN GYIS RTZOD PA GSUM PA'I LAN DNGOS BSTAN TE, LE'U DE NYID LAS, BCOM LDAN 'DAS, BDAG GIS BCOM LDAN 'DAS KYIS GSUNGS PA'I DON 'TSAL BA LTAR NA DON DAM PAR DBYINGS 'DI NI BRJOD DU MA MCHIS PA'O, ,NAS, @243A *, ,'DU BYED KYI MTSAN MA'I DNGOS PO NI BRJOD DU MA MCHIS PA'I DBYINGS ZHES BGYIR MI RUNG LAGS SO, ,ZHES GZUGS ZHES BYA BA'I MING MA BTAGS PAR GZUGS MTHONG BA RKYANG BAS 'DI GZUGS SO SNYAM PA MI SKYE YI, GZUGS ZHES BYA BA'I MING BTAGS PA LA BRTEN NAS GZUGS SO SNYAM PA SKYE BAS GZUGS RUNG LA GZUGS ZHES BYA BA NI GLO BUR DU MING DU BTAGS PA'O ZHES JI LTAR RIGS ZHES DRIS TE, GZUGS GZUGS ZHES PA'I THA SNYAD KYI DBANG GIS BZHAG TZAM YIN NA GANG ZAG 'GAR GZUGS ZHES PA'I MING MA SBYAR GONG DU'ANG GZUGS THA SNYAD KYIS BZHAG PA YOD PAS GZUGS RUNG LA GZUGS SO ZHES PA'I BLO SKYE BAR RIGS SO ZHES PA'O, ,DE'I LAN DU, BYAMS PA, DE'I PHYIR KHYOD NYID LA DRI YIS JI LTAR BZOD PA DE BZHIN DU LAN THOB CIG NAS, SANGS RGYAS KYI CHOS RNAMS ZHES BYA BA'I BAR DU GLO BUR DU MING DU BTAGS PA 'DI KHYOD KYIS DMIGS SAM, ZHES STON PAS BYAMS PA LA GZUGS ZHES PA'I MING LA MA BRTEN PAR GZUGS RUNG LA GZUGS SO SNYAM PA'I BLO SKYE 'AM ZHES DRIS PA NA, BYAMS PAS, BCOM LDAN 'DAS DE NI MA LAGS SO, ,ZHES DE 'DRA'I BLO MI SKYE BAR ZHUS TSE, BYAMS PA, RNAM GRANGS 'DIS 'DU BYED KYI MTSAN MA'I DNGOS PO GANG YIN PA DE BRJOD DU MED PA'I DBYINGS KYANG MA YIN LA, NAS, SANGS RGYAS KYI CHOS RNAMS ZHES BYA BA'I BAR DU GANG LA GLO BUR DU MING DU BTAGS PA GANG YIN PA DE LA YOD PA GANG YIN GANG YOD PA NI DMIGS PAR 'GYUR RO, ,ZHES @243B GZUGS ZHES PA'I MING LA MA BRTEN PAR GZUGS RUNG LA GZUGS SO SNYAM PA'I BLO MI SKYE BA'I RGYU MTSAN DE NYID KYIS GZUGS ZHES BYA BA LA SOGS PA NI GZUGS RUNG SOGS LA NI GLO BUR DU MING DU BTAGS PAR GSUNGS SO, ,DRIS LAN 'DI DAG GIS GZUGS ZHES PA'I MING LA MA BRTEN PAR GZUGS RUNG LA GZUGS SO SNYAM PA'I BLO MI SKYE BA DE GZUGS SOGS THA SNYAD KYIS BZHAG PA'I SGRUB BYED YIN GYI, DE LAS BZLOG PA STE GZUGS SOGS RANG MTSAN GYIS GRUB PA'I SGRUB BYED YANG DAG MA YIN PAR BSTAN PA NI DE LTAR YIN TE, GZUGS SOGS RANG MTSAN GYIS GRUB NA GZUGS RUNG LA GZUGS SO SNYAM PA SKYE BA DE GZUGS RUNG LA GZUGS KYI MING BTAGS PA LA MI LTOS PAR SKYE BAR THAL BA'I PHYIR DANG, BRGYA BYIN GCIG BU LA GRONG 'JOMS DANG DBANG PO SOGS MING MI 'DRA BA DU MA 'JUG PA'I TSE MING DE DAG BRGYA BYIN LA RANG MTSAN GYIS 'JUG NA BRGYA BYIN DON DU MAR THAL BA'I PHYIR DANG, SHAR NUB KYI NYER SBAS GNYIS LA MING NYER SBAS ZHES PA GCIG PU RANG MTSAN GYIS 'JUG NA NYER SBAS DE GNYIS KYANG GCIG TU THAL BA'I PHYIR, THAL BA DANG PO'I DPE GZHUNG DU GSAL LO, ,RGYU MTSAN DE DAG GIS KYANG GZUGS RUNG LA GZUGS SU BTAGS PA GLO BUR BAR MDO LAS GSUNGS PA'I DON YANG GZUGS SOGS THA SNYAD KYI DBANG GIS BZHAG PA'I GLO BUR BA MIN NA GZUGS RUNG LA GZUGS SO ZHES SOGS KYI MING GI THA SNYAD RNAMS RANG MTSAN GYIS 'JUG DGOS LA, DE LTAR 'JUG NA SNGAR BSHAD PA'I @244A *, ,DE 'DZIN GYI BLO SKYE BA MING BTAGS PA LA LTOS PA SOGS GSUM MI RIGS PA'I DON NO, ,BSHAD MA THAG PA'I RIGS PA 'DI RNAMS KYIS BSGRUBS PA TZAM GYIS THEG BSDUS LTAR SGRUB DGOS PA'I NGES PA GTAN NAS MED DE, ZHIB MO RNAM 'THAG LAS RIGS PA GSUM PO'I PHYI MA GNYIS KYIS DON DAM PAR GRUB PA BKAG PA BZHIN YIN PA'I PHYIR, ZHIB MO RNAM 'THAG GI DON NI, RANG BZHIN GYIS MA GRUB PA YIN TE, RANG BZHIN GYIS GRUB NA BRJOD BYA BRGYA BYIN GCIG LA RJOD BYED DBANG PO DANG GRONG 'JOMS SOGS DU MAS BRJOD PA NA BRJOD BYA RJOD BYED 'DRES PA STE RJOD BYED DU MA YIN PA BZHIN BRJOD BYA YANG DU MAR 'GYUR BA'AM, BRJOD BYA GCIG YIN PA BZHIN RJOD BYED KYANG GCIG TU 'GYUR BA'I SKYON MTHONG BA'I PHYIR DANG, SHAR NUB KYI SKYES BU GNYIS LA NYER SBAS ZHES PA'I MING GCIG 'JUG TSE MING SO SOR 'JUG PA MA NGES PA'I PHYIR ZHES PA YIN NAM SNYAM ZHING, DE YANG DON DAM PAR GRUB PA YANG MA YIN PA DE'I PHYIR ZHES PA BSHAD MA THAG PA'I RTAGS SGRUB LA SBYOR DGOS PA ZHIB MO RNAM 'THAG RANG DU GSAL YANG DE LA SBYOR TSUL DANG, DE'I YANG SGRA'I NUS PA 'DON TSUL BRTAG DGOS SHING, GZHUNG DU DRANGS PA ZHIB MO RNAM 'THAG RGYAS PA'I LUNG DU 'DUG MOD, DE LA'ANG DPE MI 'DRA BA BYUNG BAR MA ZAD, BSDUS PA'I LUNG NI 'DI DANG GTAN MI 'DRA'O, ,GSUM PA NI, DE NAS DE LTA YIN NA, ZHES SOGS BYUNG, DE LA DE GNYIS MI 'DRA STE, LE'U DE LAS RNAM BRTAGS KYI GZUGS RDZAS YOD DU GSUNGS PA RNAM @244B BRTAGS SAM GZHAN DBANG GI GZUGS BDEN GRUB TU STON PA MA YIN PA'I PHYIR TE, CHOS THAMS CAD RANG BZHIN GYIS MED PAR GSUNGS PA'I PHYIR TE, LE'U DE NYID LAS, BCOM LDAN 'DAS DE LTAR LAGS NA NI GZUGS ZHES BGYI BA GANG LAGS PA 'DI DANG, NAS, GZUGS KYI NGO BO NYID DU DMIGS PA KHO NA LAGS SAM, ZHES CHOS GANG MTSAN GZHIR BZUNG BAS MING DANG THA SNYAD 'DOGS PA'I CHOS THAMS CAD RANG BZHIN GYIS YOD PAR MI 'GYUR RAM ZHES ZHUS PA NI, BYAMS PAS, GZUGS SOGS KYI MING 'DOGS GZHI'I DNGOS PO GZUGS SOGS YOD PAS GZUGS SOGS LA RANG BZHIN GYIS GRUB PA'I NGO BO NYID YOD PA MIN NAM ZHES PA'O, ,DE'I LAN DU, 'DU BYED KYI MTSAN MA'I DNGOS PO LA GZUGS ZHES BYA BAR MING DANG 'DU SHES DANG 'DOGS PA DANG RJES SU THA SNYAD 'DOGS PAR BYED PA LA BYAMS PA 'DI CI SNYAM DU SEMS, DE GZUGS KYI NGO BO NYID YIN NAM BTAGS PA TZAM DU ZAD, CES DANG, BYAMS PA 'DI CI SNYAM DU SEMS, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DANG, SANGS RGYAS KYI CHOS RNAMS KYI BAR GYI NGO BO NYID YIN NAM BTAGS PA TZAM DU ZAD, CES GZUGS SOGS MING DANG THA SNYAD DU 'DOGS PA'I DON GZUGS SOGS KYI NGO BOR RANG MTSAN GYIS YOD DAM BTAGS PA TZAM DU YOD GSUNGS PA NA, BYAMS PAS, BTAGS PA TZAM DU BAS SO, ,BCOM LDAN 'DAS, BTAGS PA TZAM DU BAS LAGS SO, , @245A *, ,ZHES BTAGS PA TZAM DU ZAD PA YIN ZHES ZHUS PA'I TSE, BYAMS PA, 'O NA GZUGS ZHES BYA BA GANG YIN PA 'DI 'DU BYED KYI MTSAN MA'I DNGOS PO GANG NYE BAR BZUNG NAS MING DANG 'DU SHES DANG 'DOGS PA DANG RJES SU THA SNYAD 'DOGS PA GZUGS KYI NGO BO NYID DU DMIGS PA KHO NA'O ZHES DE LTAR SEMS, ZHES DANG, BYAMS PA, 'O NA DE JI LTAR TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DANG, SANGS RGYAS KYI CHOS RNAMS KYI BAR GYI NGO BO NYID DMIGS PA KHO NA'O ZHES JI LTAR DE SNYAM DU SEMS, ZHES 'O NA BYAMS PA KHYOD KYIS GZUGS SOGS YOD NA DE DAG RANG BZHIN GYIS GRUB PA MIN NAM ZHES DRI BA SNGA MA LTAR SEMS PA JI LTAR YIN ZHES GSUNGS PA'I PHYIR TE, 'DIS NI ZHES SOGS SLA'O, ,BCOM LDAN 'DAS GAL TE GZUGS MING DANG 'DU SHES DANG BRDA DANG BTAGS PA DANG THA SNYAD TZAM KHO NA LAGS LA, NAS, SANGS RGYAS KYI CHOS RNAMS KYI NGO BO NYID DU DMIGS PA KHO NAR MI 'GYUR LAGS SAM, ZHES GZUGS SOGS MING DANG THA SNYAD KYIS BTAGS PA TZAM YIN NA'ANG GDAGS GZHI'I DNGOS PO DANG 'DOGS BYED SOGS KHAS LEN DGOS PAS DE LTAR NA GZUGS SOGS KYI NGO BO NYID DMIGS PAR MI 'GYUR RAM ZHES ZHUS TE, PHYI 'GREL DANG MDO GNYI GAR BSTUN NA NGO BO NYID DMIGS PAR MI 'GYUR RAM ZHES BYA DGOS PAR GSAL LO, ,DE NI SNGAR TE GONG 'DIR BYAMS PAS GZUGS SOGS BTAGS PA TZAM DU ZAD CES ZHUS PA DANG, DE'I SNGAR GZUGS SOGS KYI NGO @245B BO NYID DMIGS PA KHO NAR MI 'GYUR RAM ZHES ZHUS PA GNYIS PO DE, DRI BA SNGA MA LTAR SEMS PA JI LTAR YIN ZHES 'GAL BAR STON PAS BSTAN PA LA, LAN DU BYAMS PAS DE BTAGS PA TZAM DU SMRA BAS KYANG GDAGS GZHI DANG 'DOGS BYED KHAS BLANG DGOS LA, DE LTA NA GZUGS SOGS RANG BZHIN GYIS YOD DGOS PAS MI 'GAL ZHES ZHUS PA'O, ,DE'I LAN DU, BYAMS PA, 'DI CI SNYAM DU SEMS, GZUGS ZHES BYA BA'I MING DANG 'DU SHES DANG BRDA DANG BTAGS PA DANG THA SNYAD TZAM KHO NA GANG YIN PA DANG, NAS, DE LA CI GANG SKYE BA'AM 'JIG PA'AM, KUN NAS NYON MONGS DANG RNAM PAR BYANG BA YOD DAM, ZHES MING DU BTAGS TZAM LA DON DAM PAR SKYE 'JIG DANG KUN BYANG 'THAD DAM ZHES DRIS PA LA; BYAMS PAS, BCOM LDAN 'DAS, DE NI MA MCHIS LAGS SO, ,ZHES BTAGS TZAM LA DON DAM PAR SKYE 'JIG SOGS MI 'THAD PAR ZHUS PA NA, BYAMS PA, 'O NA KHYOD 'DI CI SNYAM DU SEMS, GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DANG, DE BZHIN DU SBYAR TE SANGS RGYAS KYI CHOS RNAMS KYI BAR GYI NGO BO NYID DMIGS PA'O SNYAM DU GANG LAS SEMS PAR 'GYUR, ZHES STON PAS BYAMS PA LA, 'O NA BTAGS TZAM YIN PA DANG, RANG MTSAN GYIS YOD PA GNYIS MI 'GAL BAR SNGAR BCOM LDAN 'DAS GAL TE GZUGS MING DANG 'DU SHES DANG BRDA DANG BTAGS PA DANG ZHES SOGS KYI SKABS SU DRIS PA JI LTAR 'THAD CES GSUNGS SO, ,DE NAS GZHUNG 'DIR SNGAR @246A *, ,RTZOD PA DANG PO'I LAN GYI SKABS GSUNGS PA LTAR GZUGS SOGS RNAM PA THAMS CAD DU MED DAM ZHES PA'I DRIS LAN DANG, 'O NA JI LTAR MA MCHIS ZHES PA'I DRIS LAN GYIS CHOS THAMS CAD DON DAM PAR MED MNYAM DANG THA SNYAD DU YOD MNYAM DU BSTAN PAS NGO BO NYID DANG SKYE 'GAG DANG KUN BYANG BKAG PA NI DE DAG DON DAM PAR BKAG PA YIN LA, THA SNYAD DU DE DAG YOD PAR BSTAN PAS MING DU BTAGS TZAM DU BSTAN PA YANG THA SNYAD DU MING DU BTAGS PA TZAM DU BSTAN PA YIN PAS DGONGS 'GREL DANG MI MTHUN NO, ,THOGS MED SKU MCHED KYIS KYANG LE'U 'DIS YUM GYI MDO DRANG DON DU MI 'GREL ZHING, ZHES SOGS KYI DON GO SLA'O, ,GNYIS PA RTZOD PA BAR BA'I LAN BYE BRAG TU BSHAD PA LA GNYIS, BYAMS ZHUS KYI LE'U LAS GSUNGS PA'I MTSAN NYID GSUM GYI RNAM GZHAG BSHAD PA DANG, DE LAS GSUNGS PA'I RDZAS SU YOD MED KYI DON BSHAD PA'O, ,DANG PO LA GNYIS, BYAMS ZHUS KYI LE'U LAS GSUNGS TSUL DANG, DE NYID 'JUG 'GREL LAS GSUNGS PA DANG SBYAR PA'O, ,DANG PO NI, GZHAN DBANG RDZAS YOD DU, ZHES SOGS BYUNG, DE LA GZHAN DBANG RDZAS YOD DU GSUNGS PA DANG, SOGS KYIS MTSAMS SBYAR ZHING, LE'U DE NYID LAS, BYAMS PA GANG 'DU BYED KYI MTSAN MA'I DNGOS PO DE DANG, ZHES SOGS MAN GYIS MTSAMS PHYE NAS BKOD DO, ,DE LA, DNGOS PO DE DANG DE LA ZHES PA YAN GYIS GANG LA DMIGS PA'I YUL DANG, BRTEN NAS ZHES PA YAN GYIS @246B YUL DE LA DMIGS PA DANG, RTOG PA ZHES PA YAN GYIS YUL DE GANG DU RTOG PA'I NGO BO NYID KUN BTAGS SU BSTAN PA DANG, 'DI NI ZHES SOGS KYIS JI LTAR KUN BTAGS PA'I TSUL TE RNAM PA GSUM GSUM 'GRES RKANG THAMS CAD LA SBYOR BAR GSUNGS PAS DE YANG, YUL 'DU BYED GZUGS RUNG LTA BU LA DMIGS NAS DMIGS TSUL DE DANG DE'I MING SOGS LA BRTEN NAS KUN BTAGS KYI NGO BOR YUL RANG BZHIN GYIS GRUB PA STE 'DOGS TSUL 'DI NI RANG BZHIN GYIS GRUB PA'I GZUGS SO ZHES SOGS SU 'DOGS PA YIN LA, MING SOGS BZHI'I KHYAD PAR NI ZAB GSAL SGRON MER GZUGS ZHES MING DANG, GZUGS SO SNYAM DU 'DU SHES PA'I RTOG PA DANG GNYIS KYIS RIM BZHIN MING DU BTAGS PA DANG, THA SNYAD BTAGS PA'I DON GZUGS ZHES BSHAD DO, ,RNAM BTAGS KYANG DNGOS PO DE ZHES PA YAN GYIS BRJOD BYA DANG, BRTEN NAS ZHES PA YAN GYIS DE RNAM RTOG LA BRTEN PA DANG, MNGON PAR BRJOD DE ZHES PAS DNGOS PO DE RNAM RTOG LA BRTEN NAS BRJOD PA DANG, GANG LA ZHES SOGS KYIS JI LTAR BRJOD TSUL DANG, MING DANG ZHES SOGS KYIS MING SOGS RNAM BTAGS SU BSHAD DE 'DIS BRJOD BYA DANG RNAM RTOG KYANG RNAM BTAGS SU BSHAD PA YIN TE, RNAM RTOG NI 'DIS RNAM PAR BTAGS PA DANG, BRJOD BYA NI 'DI LA RNAM PAR BTAGS PA'I GZHI YIN PA'I PHYIR RO, ,DE YANG BRJOD BYA 'DU BYED GZUGS RUNG LTA BU DE RTOG PAS BTAGS TZAM GYI CHOS NYID DE NGO @247A *, ,BO LA DMIGS PA'I RNAM RTOG LA BRTEN NAS RJOD BYED MING BRDAS MNGON PAR 'DOGS TE, BRJOD TSUL NI, GZHI GZUGS RUNG SOGS LA 'DI NI GZUGS SO ZHES BRJOD PA STE DE LTAR BRJOD PA'I MING SOGS KYANG 'DIS RNAM PAR BTAGS PA'I RNAM BTAGS SO, ,CHOS NYID KYANG GANG KUN BTAGS PA'I ZHES SOGS KYIS DGAG BYA DANG, RNAM PAR BTAGS PA'I GZUGS ZHES PAS STONG GZHI DANG, RTAG PA RTAG PA'I DUS ZHES SOGS KYIS STONG TSUL DANG, CHOS LA BDAG MED PA ZHES SOGS KYIS RNAM GRANGS BSTAN TE, DE YANG GANG KUN BTAGS PA'I GZUGS SOGS KYIS RNAM BTAGS KYI GZUGS SOGS SNGA PHYIR STONG PA'I GZUGS SOGS KYI NGO BO NYID MED PA SOGS NI CHOS NYID KYI GZUGS SOGS SO, ,MED RGYU'I BDAG NI KUN BTAGS YIN TE, RNAM BTAGS KYI GZUGS DE KUN BTAGS PA'I GZUGS DE'I NGO BO NYID DANG BDAG MED PA YIN PA'I PHYIR, RTAG PA RTAG PA'I DUS DANG THER ZUG THER ZUG GE DUS NI SNGA MA SNGA MA'I DUS DANG PHYI MA PHYI MA'I DUS ZHES PA STE DUS THAMS CAD DU KUN BTAGS DES RNAM BTAGS DE STONG BAR STON TO, ,GNYIS PA NI, TSUL 'DI NI, ZHES SOGS BYUNG, BSHAD PAR BYA'O, ,YAN GYIS GZHUNG DON BSDUS TE BKOD, SNGAR YANG BSHAD DO, ,YAN GYIS DE'I DON BSHAD, 'JUG 'GREL LAS, SOGS KYIS RNAM RIG PA'I LUGS DGAG PA YIN PAS DE DAG RIM BZHIN BSHAD NA, DBU MA THAL @247B 'GYUR BA'I MTSAN NYID GSUM 'JOG LUGS NI YUM GYI MDO'I DON 'JUG 'GREL LAS BSHAD PA BZHIN BYA BAS, 'JUG 'GREL LAS, DPER NA SBRUL NI THAG PA BSDOGS PA RTEN CING 'BREL BAR 'BYUNG BA LA BTAGS PA YIN TE, DE DE LA YOD PA MA YIN PA'I PHYIR RO, ,DE SBRUL DNGOS LA NI YONGS SU GRUB PA YIN TE, KUN TU MA BTAGS PA'I PHYIR RO, ,DE BZHIN DU RANG BZHIN YANG GZHAN GYIS DBANG BYAS PA CAN LA NI KUN TU BTAGS PA YIN TE, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BAS NGO BO NYID NI BYAS PA CAN MA YIN NO, ,GZUNG BZHIN PA'I RTEN CING 'BREL BAR 'BYUNG BA BYAS PA CAN GZUGS BRNYAN DANG 'DRA BA LA BRTAGS PA GANG YIN PA DE NI SANGS RGYAS KYI SPYOD YUL LA NI DNGOS YIN TE, KUN TU MA BTAGS PA'I PHYIR TE, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS DE NYID THUGS SU CHUD PA'I PHYIR SANGS RGYAS ZHES BRJOD DO, ,DE'I PHYIR DE LTAR BTAGS PA DANG GZHAN GYI DBANG DANG YONGS SU GRUB PA ZHES BYA BA NGO BO NYID GSUM RNAM PAR GZHAG PA RTOGS PAR BYAS NAS MDO'I DGONGS PA RNAM PAR BSHAD PAR BYA'O, ,ZHES GSUNGS SO, ,DE YANG RANG BZHIN NAM GSHIS LUGS CHOS CAN, KHYOD GZHAN DBANG GI RTEN 'BREL BYAS PA CAN LA MED BZHIN DU BTAGS PA YIN TE, KHYOD BYAS PA CAN LA MED PA'I PHYIR, DPER NA SBRUL THAG PA LA MED PAS THAG PA BSDOGS PA LA SBRUL LOG PAR BTAGS PA BZHIN, @248A *, ,RTAGS GRUB STE, RTZA SHER RANG BZHIN NI BCOS MIN DANG GZHAN LA MI LTOS PA GNYIS KA YIN PAR GSUNGS PA'I PHYIR, GZUNG BZHIN PA STE MTHONG BZHIN PA'I RTEN 'BREL BYAS PA CAN GZUGS BRNYAN DANG 'DRA BA LA GSHIS SU KUN BTAGS PA'I RANG BZHIN SANGS RGYAS KYI JI LTA BA GZIGS PA'I GZIGS NGOR GSHIS LUGS DNGOS YIN TE, DE GZIGS NGO DER MED BZHIN KUN TU MA BTAGS PA'I YOD PA YIN PA'I PHYIR, DPER NA SBRUL DNGOS LA SBRUL GRUB PA BZHIN, RTAGS GRUB STE, YE SHES DES CHOS NYID DANG CHOS CAN GNYIS KA GZIGS KYANG CHOS NYID GZIGS PA'I GZIGS NGOR DNGOS PO RGYU RKYEN GYIS BYAS PA CAN LA MA REG PA STE CHOS CAN DNGOS PO DE MA GZIGS PA'I TSUL GYIS RANG BZHIN 'BA' ZHIG MNGON SUM DU MDZAD PA'I SGO NAS DE NYID THUGS SU CHUD PA'I PHYIR SANGS RGYAS ZHES BRJOD PA'I PHYIR RO, ,NGO BO NYID GSUM GYI 'JOG LUGS 'DIS MDO DON BSHAD PAR BYA BA'I DON NI, 'JUG PA'I RNAM BSHAD LAS, DE LTAR NGO BO NYID GSUM GYI RNAM GZHAG RTOGS PAR BYAS NAS MDO'I DGONGS PA BSHAD PAR BYA'O, ,ZHES GSUNGS TE, BSHAD TSUL DES BYAMS ZHUS KYI LE'UR MTSAN NYID GSUM BSHAD PA'I DGONGS PA YANG SHES PAR BYAS LA, DGONGS 'GREL GYI NGO BO NYID GSUM BSHAD PA'I DGONGS PA DRANG DON YIN PA YANG SHES PAR BYA'O, ,ZHES GSUNGS PA LTAR RO, ,DE LTAR NA RNAM BRTAGS NI GTZO BO RTEN 'BYUNG GI GZHAN DBANG DANG, 'DI'I KUN BTAGS NI NGO BO NYID DU BTAGS PA STE GSHIS SAM @248B RANG BZHIN LA BYA ZHING, GZHAN DBANG GSHIS SAM RANG BZHIN DER YOD PA KUN BTAGS YIN YANG SANGS RGYAS KYI JI LTA BA MKHYEN PA'I YUL NA GSHIS SAM RANG BZHIN YOD PA YONGS GRUB PO, ,DE YANG, YIN LUGS GCIG GZHI SO SOR LTOS NAS KUN BTAGS DANG YONGS GRUB TU 'JOG PA MI 'GAL TE, GZHAN DBANG NI GZHAN DBANG YIN LUGS SU YOD PA'I KUN BTAGS KYIS STONG PA DE GZHAN DBANG GI YIN LUGS YIN LA, YIN LUGS DE NYID SANGS RGYAS KYI DON DAM GZIGS PA'I GZIGS NGOR YOD PA'I PHYIR, DES NA BDEN PA GNYIS KA RANG MTSAN GYIS GRUB PA LA RANG BZHIN DU BYAS PA'I RANG BZHIN DER MA GRUB KYANG DON DAM BDEN PA RNAMS CHOS NYID LA RANG BZHIN DU BYAS PA'I RANG BZHIN DER GRUB PAS RANG BZHIN YOD MED RNAMS ZHIB TU RTOGS PAR BYA'O, ,DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU RTOGS PAR GSUNGS PA NI, STONG THUN LAS, GANG LA JI LTA BA MKHYEN PA'I YE SHES SU SONG BA'I RIGS NGO NA RGYU RKYEN GYIS BYAS PA'I DNGOS PO CUNG ZAD KYANG YUL DU MED PA STE DNGOS PO 'BA' ZHIG TU MA ZAD KYI KUN RDZOB GANG YANG DE'I YUL DU MED DO, ,ZHES GSUNGS PA LTAR DON DAM BDEN PA MNGON SUM DU GZIGS PA'I GZIGS NGOR CHOS CAN YOD PA 'GOG PA YIN NO, ,RNAM RIG PA'I LUGS DGAG PA NI 'JUG 'GREL LAS, GZUNG BA DANG 'DZIN PA GNYIS NI GZHAN GYI DBANG LAS MA GTOGS PAR DNGOS PO MED PA'I PHYIR NA GZHAN GYI DBANG LA DE GNYIS KUN TU BRTAGS PA NYID BSAM @249A *, ,PAR BYA STE, ZHES SEMS TZAM PAS GZHAN DBANG LA GZUNG 'DZIN NGO BO THA DAD PA GNYIS SU BTAGS PA KUN BTAGS SU 'DOD PA LA, DE NI BSAM PA'AM BRTAG PAR BYA DGOS TE, GZUNG 'DZIN GNYIS NI GZHAN DBANG YIN GYI, DE MIN PA'I GZHAN DBANG NI DNGOS POR MED PA'I PHYIR, GZUNG 'DZIN GNYIS GZHAN DBANG YIN TE, PHYI DON DANG SHES PA BDEN PAR YOD MED KHYAD MED PA'I PHYIR, DES NA DE GNYIS KUN BTAGS 'DOGS PA'I GZHI YIN GYI DE GNYIS LA GZUNG 'DZIN GNYIS SU KUN BTAGS PA MI 'THAD PA'I DON NO, ` ,'DIR, CHOS CAN KUN RDZOB PA LA GNAS LUGS SAM YUL GYI GSHIS LUGS SU SGRO BTAGS PA'I CHA'AM SGRO BTAGS PA LTAR GRUB PA CI RIGS KYIS BSDUS PA'I CHA NAS BZHAG PA DE, KUN BTAGS KYI MTSAN NYID, DE LA SGRAS BRJOD KYIS DBYE NA, YOD RGYU'I KUN BTAGS DANG MED RGYU'I KUN BTAGS GNYIS, MTSAN GZHI NI RIM PA BZHIN, KUN RDZOB LA GNAS LUGS SU SGRO BTAGS PA DANG DE DE LTAR GRUB PA LTA BU STE, SGRA BSHAD NI, DE MA YIN BZHIN DU KUN NAS SGRO BTAGS PAS NA KUN BTAGS ZHES BYA'O, ,JI LTAR SNANG BA LTAR GYI CHOS CAN KUN RDZOB PA'I CHA NAS BZHAG PA DE, RNAM BTAGS KYI MTSAN NYID, DE LA DBYE NA, GTZO BO RTEN 'BYUNG GI RNAM BTAGS DANG, PHAL BA 'DUS BYAS MA YIN PA'I RTEN 'BYUNG GI RNAM BTAGS GNYIS YOD, MTSAN GZHI NI RIM PA LTAR, GZUGS DANG NAM MKHA' LTA BU STE, SGRA BSHAD NI, SGRA RTOG GIS PHAR @249B BTAGS PAS NA RNAM BTAGS ZHES BYA'O, ,CHOS CAN KUN RDZOB PA RANG BZHIN GYIS GRUB PAS STONG BA'I CHA NAS BZHAG PA'I GNAS LUGS DE, CHOS NYID KYI MTSAN NYID, DE LA DBYE NA GANG ZAG GI CHOS NYID DANG, CHOS KYI CHOS NYID GNYIS YOD, MTSAN GZHI RIM PA BZHIN, GANG ZAG GI BDAG MED DANG PHUNG PO BDAG MED LTA BU STE, SGRA BSHAD NI, CHOS DE'I SDOD LUGS KHO NA YIN PAS CHOS NYID CES BYA'O, ,GNYIS PA DE LAS GSUNGS PA'I RDZAS SU YOD MED KYI DON BSHAD PA NI, DE'I PHYIR BYAMS ZHUS LAS, ZHES SOGS BYUNG, BYAMS ZHUS LAS, BCOM LDAN 'DAS, GZUGS GSUM PO 'DI DAG LA RDZAS SU MA MCHIS PAR LTA BA'I GZUGS NI GANG LAGS, ZHES SOGS KYIS BYAMS PAS RDZAS SU YOD MED KYI KHYAD PAR DRIS PA LA, BYAMS PA, GANG KUN TU BTAGS PA'I GZUGS DE NI RDZAS SU MED PAR BLTA BAR BYA'O, ,RNAM PAR BTAGS PA'I GZUGS GANG YIN PA DE NI RNAM PAR RTOG PA RDZAS SU YOD PA'I PHYIR RDZAS SU YOD PAR BLTA BAR BYA STE RANG DBANG DU 'BYUNG BA'I PHYIR NI MA YIN NO, ,GANG CHOS NYID KYI GZUGS DE NI RDZAS SU MED PA YANG MA YIN RDZAS SU YOD PA YANG MA YIN ZHING DON DAM PAS RAB TU PHYE BAR BLTA BAR BYA'O, ,NAS, SANGS RGYAS KYI CHOS RNAMS KYI BAR DE DAG NI RDZAS SU MED PA YANG MA YIN LA RDZAS SU YOD PA YANG MA YIN ZHING DON DAM PAS RAB TU PHYE BAR BLTA BAR BYA'O, ,ZHES RDZAS SU YOD MED GSUNGS PA'I RDZAS NI GZHUNG GZHAN LAS RDZAS BTAGS GNYIS BSHAD PA'I RDZAS @250A *, ,DANG, DBU MA PAS RANG MTSAN GYIS GRUB PA LA RDZAS SU BSHAD PA'I RDZAS GANG YANG MIN PAS YOD PA TZAM LA BYA'O, ,DES NA KUN BTAGS RDZAS SU MED PAR GSUNGS PA NI GZHAN DBANG YIN LUGS SU 'DOD PA'I MED RGYU'I KUN BTAGS MI SRID PA LA BYA BAR DGONGS KYI, YOD RGYU'I KUN BTAGS RNAMS MIN NO, ,RNAM BTAGS RDZAS SU YOD PA NI MDO DRANGS MA THAG PAR RNAM RTOG RDZAS SU YOD PA STE SHES BYA YIN PAS RDZAS YOD DU BZHAG GI RANG DBANG DU 'BYUNG BA'I RGYU MTSAN GYIS RDZAS YOD DU BZHAG PA MIN PAR GSUNGS PAS 'DI'I RANG DBANG BA NI, KLU SGRUB YAB SRAS KYIS RANG MTSAN GYIS GRUB PA LA RANG DBANG BAR BSHAD PA DE YIN PAS NA DGONGS 'GREL SOGS LAS GZHAN DBANG RANG MTSAN GYIS GRUB PAR GSUNGS PA DANG MI 'DRA'O, ,LHAG MA NI GO SLA'O, ,GSUM PA RTZOD LAN DE DAG GI GRUB DON NI, DE LTAR BYAS NA, ZHES SOGS BYUNG, SHES PAR BYA'O ZHES PA'I BAR GYIS DNGOS DANG, DE MAN GYIS ZHIB PAR 'CHAD DGOS PA'I RGYU MTSAN BSTAN PA'I DON GZHAN RNAMS GO SLA ZHING RTOG LDAN MKHAS PA NI SH'ANTI BA'O, ` ,SPRO NA, GZHUNG DU, SEMS TZAM SKABS SHER PHYIN MAN NGAG GI 'DOD PA BKOD NAS, DE'I LTAR NA BYAMS ZHUS KYI LE'US MTSAN NYID GSUM RNAM PAR BZHAG PA DANG DGONGS 'GREL GYIS BSHAD PA GNYIS DON GCIG TU BZHED DO, ,ZHES DANG, 'DI GNYIS 'DRA MO YOD PAS KHYAD PAR DBYE DKA' BA DANG DE GNYIS DON GCIG NA CHOS THAMS CAD DON DAM PAR NGO BO @250B NYID MED LA THA SNYAD DU YOD PA YUM GYI MDO'I DGONGS PA'I DON DU BSHAD DU MI RUNG BA RNAM RIG PA LTAR 'GYUR ZHING DPYAD GZHI YANG SHIN TU 'GANGS CHE STE DBU MA BA'I SKABS SU BSHAD PAR BYA'O, ,ZHES GSUNGS PAS SKABS 'DI'I PHYOGS SNGA LA SH'ANTI BA 'JOG KYANG, SHER PHYIN MAN NGAG TU RTZOD PA GSUM BKOD PA MED PAS RJES DOGS PA KHONG SLONG GI RTZOD PA GSUM BKOD DAM BRTAG GO ,GZHUNG LAS, DE LA RNAM BTAGS NI GZUGS NAS SANGS RGYAS KYI BAR GYI RTEN 'BYUNG GI GZHAN DBANG LA BYA STE GTZO BO'I DBANG DU BYAS PA'O, ,ZHES PA DANG BSTUN NA 'DUS MA BYAS KYI CHOS RNAMS RNAM BTAGS PHAL BAR 'JOG PAR SNANG BAS DE LTAR NA GZHAN DBANG DANG RNAM BTAGS GNYIS DON MI GCIG KYANG, DGONGS ZAB SNANG BA'I SGRON ME LAS, NYI KHRI'I BYAMS ZHUS KYI LE'UR BSHAD PA'I MTSAN NYID GSUM GYI NANG TSAN RNAM BTAGS NI STONG GZHI'I GTZO BO'I DBANG DU BYAS NA RGYU RKYEN RTEN 'BYUNG GI GZHAN DBANG LA GO DGOS MOD, SPYIR GZUGS NAS SANGS RGYAS KYI BAR KUN NYON PHYOGS NGA GSUM DANG RNAM BYANG PHYOGS NGA LNGA STE 'GRES RKANG BRGYA RTZA BRGYAD KYI GRAS SU STONG NYID BCO BRGYAD SOGS 'DUS MA BYAS KYANG YOD PAS DE THAMS CAD RNAM BTAGS TE GZHAN DBANG DU 'JOG PA DANG, ZHES DE GNYIS DON GCIG PAR GSUNGS TE, DE LTA NA GZHUNG GI LUNG DRANGS MA THAG PA'I DON, NAM MKHA' NAM MKHA'I STENG GI GZHAN DBANG PHAL BA DANG, MYU GU MYU GU'I STENG GI GZHAN DBANG GTZO BO LA 'JOG DGOS @251A *, ,PA'I DON DU BYED DGOS SO, ,KHA CIG NA RE, NAM MKHA' 'DZIN PA'I TSAD MA DANG NAM MKHA' BRJOD PA'I SGRA SOGS KYANG NAM MKHA'I GZHAN DBANG YIN PAR THAL, GZHUNG LAS, DE LTAR BRJOD PA'I MING SOGS RNAM BTAGS SU BSHAD PAS NI SNGAR BSTAN PA'I BRJOD BYA DANG RNAM RTOG KYANG RNAM BTAGS SU BSHAD PAR GZUNG STE, 'DIS RNAM PAR BTAGS PA DANG 'DI LA RNAM PAR BTAGS PA'I GZHI GNYIS SO, ,ZHES GSUNGS PA'I PHYIR NA MA KHYAB STE, DES NI DE DAG SPYIR GZHAN DBANG YIN PA LAS RANG YUL GYI STENG GI GZHAN DBANG YIN PAR GSUNGS PA MA YIN PA'I PHYIR, KHA CIG NA RE, BUM PA'I CHOS NYID CHOS CAN, BUM PA LA LTOS NAS CHOS NYID DANG KUN BTAGS GNYIS KA YIN PAR THAL, GZHUNG LAS, YIN LUGS GCIG NYID GZHI SO SO LA LTOS NAS KUN BTAGS DANG YONGS GRUB GNYIS SU 'JOG PA'O, ,ZHES GSUNGS PA'I PHYIR NA MA KHYAB STE, 'DI'I YIN LUGS ZHES PA DON DAM DANG DGAG BYA GANG GIS KYANG KHYAD PAR DU MA BYAS PAR BSHAD DGOS PA'I PHYIR TE, SKABS 'DI'I YIN LUGS LA GZHAN DBANG YIN LUGS SU GRUB PA LTA BU GZHAN DBANG LA LTOS NAS KUN BTAGS SU 'JOG TSUL DANG, YIN LUGS DE JI LTA BA MKHYEN PA'I YE SHES DON DAM DPYOD BYED DU SONG BA'I NGOR YONGS GRUB DNGOS YIN PA LTA BU SANGS RGYAS KYI JI LTA BA MKHYEN PA'I YUL LA LTOS NAS YONGS GRUB TU 'JOG TSUL GNYIS YOD PA'I PHYIR, KHA CIG ,GZHUNG LAS, DNGOS PO BYAS PA @251B CAN LA MA REG PAR RANG BZHIN 'BA' ZHIG MNGON SUM DU RTOGS PAR GSUNGS PA NI DON DAM BDEN PA MNGON SUM DU RTOGS PA'I NGO NA CHOS CAN YOD PA 'GOG PA YIN, ZHES GSUNGS PA MI 'THAD PAR THAL, DON DAM BDEN PA BLO GANG GI YANG YUL MA YIN PA'I PHYIR TE, 'JUG 'GREL LAS, GAL TE RNAM PA DE LTA BU'I RANG BZHIN NI MTHONG BA MED PA NYID MA YIN NAM, DE'I PHYIR JI LTAR DE DAG GIS GZIGS SHE NA BDEN MOD KYI, 'ON KYANG MA GZIGS PA'I TSUL GYIS DE DAG GIS GZIGS SO ZHES BRJOD DO, ,ZHES GSUNGS PA'I PHYIR NA MA KHYAB STE, DE NI JI LTA BA GZIGS PA'I NGOR PHUNG SOGS MA GZIGS PA'I TSUL GYIS DE RNAMS KYI DE KHO NA NYID GZIGS ZHES PA'I DON YIN PA'I PHYIR, DNGOS PO BYAS PA CAN LA MA REG PA'I DON, GNYAL STON DKA' 'GREL LAS, DNGOS PO BYAS PA CAN BDEN GRUB LA MA REG PA STE BDEN GRUB MI SNANG BAR, RANG BZHIN TE BDEN MED 'BA' ZHIG THUGS SU CHUD PAS SANGS RGYAS ZHES BRJOD DO, ,ZHES BDAG GI DPAL LDAN BLA MA DAM PA GSUNG NGO, ,ZHES 'BYUNG BA MI 'THAD DE, GZHUNG LAS, DNGOS PO BYAS PA CAN LAM REG PAR, NAS, DON DAM BDEN PA MNGON SUM DU RTOGS PA'I NGON CHOS CAN YOD PA 'GOG PA YIN TE, ZHES DANG, LHAG MTHONG CHUNG DU LAS, SANGS RGYAS KYI JI LTA BA MKHYEN PA'I YE SHES KYIS DE KHO NA NYID GZIGS PA'I NGOR GZHAN DBANG LA MA REG PAR, ZHES DANG, 'JUG PA'I RNAM BSHAD LAS, DNGOS PO RGYU RKYEN GYIS BYAS PA CAN LA YE SHES DES MA REG PAR, @252A *, ,ZHES DANG, RTZA SHE'I t'IK CHEN LAS, SANGS RGYAS KYI JI LTA BA MKHYEN PA'I YE SHES KYIS GZHAN DBANG LA MA REG PAR, ZHES DANG, SNGAR DRANGS PA'I STONG THUN SOGS DANG 'GAL BA'I PHYIR RO, ,RTZA SHE'I t'IK CHEN LAS, SANGS RGYAS KYI JI LTA BA MKHYEN PA'I YE SHES KYIS JI SNYED PA'I DON RNAMS 'JAL NA YANG DAG PA'I DON MTHONG BA'I RIGS SHES KYIS KUN RDZOB PA'I BDEN PA RNYED PAR 'GYUR BAS BDEN GNYIS KYI MTSAN NYID 'CHOL BA DANG, KUN RDZOB BDEN PA RNAMS DE KHO NA NYID KYI YUL CAN GYI RIGS SHES KYI DBANG GIS GZHAG DGOS PAR 'GYUR RO, ,ZHES DANG, JI LTA BA DANG JI SNYED PA MKHYEN PA'I YE SHES KYANG NGO BO THA MI DAD PAS SANGS RGYAS KYI YE SHES GCIG GIS KYANG SHES BYA KUN LA KHYAB PAR BSHAD PA DANG YANG MI 'GAL TE, YE SHES CHOS SKU DANG GZUGS SKU GNYIS NGO BO GCIG YIN YANG DE GNYIS PHAN TSUN YIN MI DGOS PA BZHIN DU YE SHES GNYIS KYANG DE DANG 'DRA'O, ,JI LTA BA MKHYEN PA'I RNAM MKHYEN GYIS JI SNYED PA GZIGS PA DANG JI SNYED PA MKHYEN PA'I RNAM MKHYEN GYIS JI LTA BA GZIGS PA MA YIN, ZHES GSUNGS KYANG, 'JUG PA'I RNAM BSHAD LAS, 'KHRUL BA'I BAG CHAGS MA LUS PAR SPANGS PA NA YE SHES SKAD CIG MA RE RE'I STENG DU YANG YE SHES GNYIS NGO BO GCIG TU SKYE BA RGYUN MI 'CHAD PAS DUS GCIG TU SHES BYA GNYIS MNGON SUM DU 'JAL MI 'JAL GYI RES 'JOG MI DGOS SO, ,ZHES DANG, YE SHES GCIG GIS BDEN PA GNYIS KYI SHES BYA THAMS CAD @252B MKHYEN PAR 'DOD DGOS SO, ,ZHES DANG, BDEN GNYIS KYI MTSAN NYID BSTAN PA DANG RNAM GZHAG 'DI GNYIS 'GAL BAR 'GYUR RO SNYAM NA, MI 'GAL TE, BDEN GNYIS KYI MTSAN NYID SNGAR BSHAD PA NI SPYIR BTANG LA DGONGS LA, , SANGS RGYAS KYI YE SHES KYI MKHYEN TSUL NI SA BCU PA MAN CHAD DANG THUN MONG MA YIN PA DMIGS BSAL GYI DBANG DU BYAS PA YIN PA'I PHYIR, ZHES GSUNGS SHING, LAM RIM CHUNG DU LAS, 'BRAS BU'I SKABS SU YE SHES GNYIS KYIS YUL 'JAL BA NA DE TZAM DU MA ZAD YUL DE LA TSAD MA GNYIS GANG DU SONG LEGS PAR SHES NA, YUL SO SOR MA NGES KYANG YUL CAN GNYIS GZHI MTHUN DU MI 'ONG BA YANG SHES PAR NUS TE, 'DIS NI BDEN PA GNYIS KYI MTSAN NYID KYI ZHIB CHA'ANG SHES PAR BYA'O, ,ZHES PA NI RNAM MKHYEN GNYI GAS JI LTA JI SNYED KYI CHOS THAMS CAD GZIGS PAS YUL SO SOR MA NGES KYANG, MKHYEN PA DE GNYIS JI LTA BA LA DON DAM DPYOD BYED DU SONG GI KUN RDZOB DPYOD BYED DU MA SONG, JI SNYED PA LA KUN RDZOB DPYOD BYED DU SONG GI DON DAM DPYOD BYED DU MA SONG BAS GZHI GCIG LA LTOS TE DON DAM DPYOD BYED DANG KUN RDZOB DPYOD BYED KYI YUL CAN GNYIS GZHI MTHUN DU MI 'ONG BAR GSUNGS PA YIN PAS 'JUG PA'I RNAM BSHAD DANG GNAD GCIG GO ,SPYOD 'JUG DAR t'IK LAS, SANGS RGYAS KYI YE SHES DE NYID LA RANG NYID SNANG BAR 'DOD PA NI RIGS PA DANG 'GAL TE, SNANG TSUL GNYIS LAS MA 'DAS PAS THA DAD DU SNANG NA SANGS RGYAS KYI YE SHES SNANG YUL LA 'KHRUL BA MI SRID PAS RANG NYID RANG DANG THA DAD DU @253A *, ,KHAS LEN DGOS LA, CHU LA CHU BZHAG GI TSUL DU SNANG NA DE NYID DON DAM BDEN PAR THAL BA ZLOG TU MED DO, ,SANGS RGYAS KYI YE SHES RANG NYID LAS LDOG PA THA DAD PA'I RANG DANG GRUB BDE NGO BO GCIG PA MTHA' DAG LA SNANG NAS RTOGS LA, SHUGS RTOGS KYI THA SNYAD 'DOGS SAM MI 'DOGS KYANG RUNG RANG NYID LA RANG NYID MI SNANG YANG RTOGS PA'O, ,ZHES RNAM MKHYEN LA RNAM MKHYEN MA SNANG YANG RNAM MKHYEN GYIS RNAM MKHYEN RTOGS PAR BZHED DO, , DBU MA'I MTHA' DPYOD DU, SPYOD 'JUG DAR t'IK GI TSIG ZIN LA DE LTAR GSUNGS PA LAS, DGONGS PA NI RNAM MKHYEN LA RNAM MKHYEN CHA LAS CHA CAN YAN GAR BA'I SNANG BA MI 'CHAR BA LA BYED PAR GSUNGS SO, ,STONG THUN LAS, RNAM MKHYEN GYIS RNAM MKHYEN GNYIS SNANG DANG BCAS TE RTOGS NA RNAM MKHYEN 'KHRUL SNANG CAN DU 'GYUR BA'I PHYIR GNYIS SNANG NUB PA'I SGO NAS RTOGS DGOS SHING, DE YANG RNAM MKHYEN CHOS CAN, KHYOD RNAM MKHYEN GYIS GNYIS SNANG NUB PA'I SGO NAS DNGOS SU RTOGS NA KHYOD DON DAM BDEN PA MIN DGOS PAR THAL, KHYOD DES DE LTAR RTOGS NA KHYOD RNAM MKHYEN DANG GCIG YIN DGOS PAS RNAM MKHYEN KHYOD LA GNYIS SNANG NUB PA YIN DGOS SHING, RNAM MKHYEN DANG GCIG YIN NA KUN RDZOB YIN DGOS PA'I PHYIR, RNAM MKHYEN LA RNAM MKHYEN RANG DANG LDOG PA THA DAD PA'I GRUB BDE DBYER MED KYI CHOS MTHA' DAG DNGOS SU SNANG NAS RTOGS PAR KHAS BLANGS NA YE SHES DES RANG NYID DNGOS SU RTOGS PAR NGES PAR @253B KHAS LEN DGOS TE, DE YANG JI SNYED PA MKHYEN PA'I RNAM MKHYEN GYIS RNAM MKHYEN DNGOS SU RTOGS DGOS PAR THAL, RNAM MKHYEN DE JI LTA BA MKHYEN PA'I RNAM MKHYEN LAS LDOG PA THA DAD, DE DE DANG GRUB BDE DBYER MED KYI CHOS YIN PA'I PHYIR, MA KHYAB NA, DE YIN NA RNAM MKHYEN GYIS DNGOS SU SNANG NAS RTOGS PAS KHYAB PA BUD, 'DOD MI NUS TE, JI SNYED PA MKHYEN PA'I RNAM MKHYEN GYIS DNGOS SU RTOGS KYANG RNAM MKHYEN GYIS DNGOS SU RTOGS MI DGOS NA JI SNYED PA MKHYEN PA'I RNAM MKHYEN GYIS DNGOS SU RNYED PA LA RNAM MKHYEN GYIS DNGOS SU RNYED MI DGOS PAS KUN RDZOB RNAM MKHYEN GYIS DNGOS SU MA RNYED PA DANG, DGOS NA RNAM MKHYEN RNAM MKHYEN GYIS DNGOS SU SNANG NAS RTOGS PAR 'GYUR BA'I PHYIR, ZHES BZHED DO, ,DE LA 'DRA RNAM MIN PA'I RNAM PA MA GSUNGS PA DANG MKHYEN TSUL ZHAL MI GSAL BAS DOGS PA 'GOD RUNG DU YOD PAR DBU MA'I MTHA' DPYOD DU GSUNGS SO, ,RNAM BSHAD LTAR NA BZHED PA DANG PO MI 'THAD DE, RNAM MKHYEN GYIS GANG RTOGS SNANG NAS MKHYEN DGOS PA'I PHYIR TE, RNAM BSHAD LAS, MI SNANG YANG RTOGS PA'I SHUGS RTOGS SANGS RGYAS LA GZHAG TU MI RUNG, ZHES DANG, SANGS RGYAS KYI MNGON SUM LA SHUGS RTOGS MI RUNG BAS SNANG NAS MKHYEN DGOS SO, ,ZHES GSUNGS PA'I PHYIR, DES NA RNAM MKHYEN DE RANG NYID KYI RIG BYA RIG BYED GNYIS KA YIN YANG RANG NYID LA YUL GYI CHA LAS SU BYA BA DANG, RANG NYID 'JAL BA'I BYED PA'I LDOG CHA THA DAD YOD PA'I PHYIR BYA BYED GCIG TU MI @254A *, ,'GYUR BA DANG, RNAM MKHYEN RNAM MKHYEN LA YUL YUL CAN GYI GNYIS SNANG NUB KYANG DE KUN RDZOB KYI GNYIS SNANG DANG BCAS PA DANG, RNAM MKHYEN LA RNAM MKHYEN MI RTAG PA SNANG NA DE DANG GRUB BDE DBYER MED KYI RDZAS GCIG PA THAMS CAD KYI RNAM PA SHAR DGOS PAS RNAM MKHYEN GYI RNAM PA'ANG SHAR DGOS SO, ,DA DUNG SPRO BYA MANG YANG DE TZAM LAS MA SPROS SO, ,KHA CIG 'DI BA'I LUGS LA RDZAS YOD DU GRUB PA YOD PAR THAL, RNAM RTOG DE DE YIN PA'I PHYIR TE, GZHUNG LAS, RNAM RTOG RDZAS SU YOD PAS RDZAS YOD DU BZHAG CES GSUNGS PA'I PHYIR NA MA KHYAB STE, DE NI BYAMS ZHUS LAS MTSAN NYID GSUM RDZAS SU YOD MED BSHAD PA'I SKABS KYI RDZAS YOD DU GRUB PA'I DON YIN LA, DE YANG YOD PA TZAM LA BYED PA'I PHYIR, RTZA BAR 'DOD MI NUS TE, SPYIR LUGS 'DIR RDZAS YOD DANG RANG MTSAN GYIS GRUB PA RNAM GRANGS YIN PA, 'JUG PA LAS, GZHAN GYI LTAR NA RDZAS LA CHAGS PA YI, ,ZHES SOGS RTZA 'GREL DANG, BUM SOGS 'DI DAG DE NYID DU MED CING, ,ZHES SOGS RTZA 'GREL DU GSAL BA'I PHYIR, KHA CIG NA RE, 'DI BA'I LUGS LA RDZAS MED PAR THAL, 'DI BA'I LUGS LA RDZAS YOD NA RANG MTSAN GYIS GRUB PA YOD DGOS PA'I PHYIR TE, GZHUNG LAS, DBU MA BAS RANG GI MTSAN NYID KYIS GRUB PA LA RDZAS SU BSHAD, CES GSUNGS PA'I PHYIR NA MA KHYAB STE, DE NI RDZAS GRUB KYI RDZAS LA BYED PA'I PHYIR, RTZA BAR 'DOD MI NUS TE, 'JUG PA'I RNAM BSHAD LAS, BUM PA NI RDZAS MA YIN TE, @254B GZHAL BYA YIN PA'I PHYIR, RMI LAM GYI BUM PA BZHIN NO, ,ZHES SUN 'BYIN PA DE LTA BU LA SOGS PA'I YUL LA 'JIG RTEN GYIS GNOD KYI, ZHES DANG, RDZAS RIN THANG TSANG BA MED NA PHAM PA GNYIS PA'ANG MED PAR 'GYUR BA'I PHYIR RO, ,GNYIS PA DON DAM DU GRUB PA 'GOG PA'I RIGS PA'I GTZO BO GANG YIN BSTAN PA LA GSUM, RIGS PA'I GTZO BO NGOS GZUNG BA DANG, DES RANG MTSAN 'GOG TSUL DANG, BKAG PA'I RANG BZHIN MED PA BSGRUB BYA YIN MIN BSAM PA'O, ,DANG PO LA BZHI, RIGS PA'I GTZO BO GNYIS SU 'DU TSUL DANG, CHOS KYI BDAG 'GOG PA'I RIGS PA'I GTZO BO NGOS GZUNG BA DANG, GANG ZAG GI BDAG 'GOG PA'I RIGS PA'I GTZO BO NGOS GZUNG BA DANG, DE GNYIS KA 'GOG PA'I RIGS PA'I RGYAL PO NGOS GZUNG BA'O, ,DANG PO NI, LUGS 'DIS, ZHES SOGS BYUNG, CE NA, YAN GYIS MTSAMS SBYAR BA STE, DE LA DBU MA'I GZHUNG LAS BDAG MED GTAN LA 'BEBS PA'I RIGS PA GSUNGS PA RNAMS KYANG BDAG GNYIS 'GOG PA'I RIGS PA GNYIS SU 'DU STE, RIGS PAS GANG DU BDAG TU 'DZIN PA 'GOG PA'I GZHI'I GTZO BO YANG CHOS DANG GANG ZAG GNYIS SU NGES PA'I PHYIR TE, DBU MA'I GZHUNG LAS RIGS PA GANG GSUNGS THAMS CAD SEMS CAN GYIS THAR PA 'THOB PA KHO NA'I CHED YIN LA, DE DAG KYANG BDAG 'DZIN GNYIS NYID KYIS 'KHOR BAR BCINGS SHING, DE YANG GANG LA NGA'O SNYAM PA SKYE BA'I DMIGS PA GANG ZAG DANG DE'I RGYUD KYI CHOS GNYIS LA BDAG GNYIS SU MNGON PAR ZHEN PA 'KHOR BAR 'CHING BYED KYI GTZO BO YIN PA'I @255A *, ,PHYIR, 'JUG PA'I LUNG DON NI, DBU MA'I BSTAN BCOS LAS RIGS PAS DPYAD PA SHIN TU MANG POR MDZAD PA NI GZHAN ZIL GYIS GNON PA'I RTZOD PA LA CHAGS PAS MDZAD PA MIN PAR THAR 'DOD KYIS RNAM GROL THOB PHYIR DE KHO NA NYID STON PA'I YAN LAG TU MDZAD CES PA'O, ,GNYIS PA NI, 'JUG PA LAS DE KHO NA NYID, CES SOGS BYUNG, DE LA, RIGS PA'O, ,YAN GYIS MTHA' BZHI SKYE 'GOG GI RIGS PA CHOS KYI BDAG MED SGRUB PA'I RIGS PA'I GTZO BO YIN PAR BSTAN, DE MAN GYIS RIGS PA DE RTEN 'BREL GYI RIGS PA LA GTUGS TSUL BSTAN TO, ,DE YANG MTHA' BZHI SKYE 'GOG GI RIGS PA NI CHOS KYI BDAG MED SGRUB PA'I RIGS PA'I GTZO BO YIN TE, 'JUG PA LAS, DE NYID DE LAS 'BYUNG MIN GZHAN DAG LAS LTA GA LA ZHIG ,CES SOGS KYIS CHOS KYI BDAG 'GOG PA'I RIGS PA DANG, NYON MONGS SKYON RNAMS MA LUS 'JIG TSOGS LA, ,ZHES SOGS KYIS GANG ZAG GI BDAG 'GOG PA'I RIGS PA GSUNGS PA RNAMS RANG 'GREL DU BDAG MED GNYIS GTAN LA 'BEBS PAR BSDUS PA'I SKABS SU, DE NYID DE LAS 'BYUNG MIN ZHES BYA BA NAS BRTZAMS TE, RNAM DPYOD PA NI MYUR DU GROL BAR 'GYUR, ,ZHES BYA BA'I BAR 'DIS NI CHOS KYI BDAG MED PA MNGON PAR GSAL BAR BYAS SO, ,NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR ZHES BYA BA LA SOGS PA NAS 'DI YAN CHAD KYIS NI GANG ZAG GI BDAG MED PA @255B GSAL BAR BYAS SO, ,ZHES MTHA' BZHI SKYE 'GOG GIS CHOS KYI BDAG MED BSTAN PAR GSUNGS SHING, SA BCU BA'I MDO LAS, KYE RGYAL BA'I SRAS DAG BYANG CHUB SEMS DPA'I SA LNGA BA LA LAM SHIN TU YONGS SU RDZOGS PA'I BYANG CHUB SEMS DPA' DE BYANG CHUB SEMS DPA'I SA DRUG PA LA 'JUG STE, DE CHOS MNYAM PA NYID BCUS 'JUG GO ,BCU GANG ZHE NA 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MTSAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG PA DANG, SPROS PA MED PA DANG, BLANG BA MED PA DANG DOR BA MED PAR MNYAM PA NYID DANG, CHOS THAMS CAD SGYU MA DANG RMI LAM DANG MIG YOR DANG BRAG CA DANG CHU ZLA DANG GZUGS BRNYAN DANG SPRUL PA LTA BUR MNYAM PA NYID DANG, CHOS THAMS CAD DNGOS PO DANG DNGOS PO MED PA GNYIS SU MED PAR MNYAM PA NYID DO, ,ZHES MNYAM NYID BCUS SA DRUG PA LA 'JUG PAR GSUNGS PA'I NANG NAS MNYAM NYID GSUM PA CHOS THAMS CAD SKYE BA MED PAR MNYAM PA NYID GCIG PU RIGS PAS BSTAN PAS MNYAM NYID GZHAN RNAMS BSTAN SLA BAR DGONGS TE SLOB DPON KLU SGRUB KYIS RTZA SHE MDZAD PA'I DANG POR, BDAG LAS MA YIN GZHAN LAS MIN, ,ZHES SOGS BKOD PAR 'JUG 'GREL LAS GSUNGS PA'I PHYIR TE, DE NYID LAS, DE'I PHYIR 'DIR CHOS SKYE BA MED PAR MNYAM PA NYID KHO NA RIGS PAS @256A *, ,BSTAN PA NYID KYIS CHOS MNYAM PA NYID GZHAN BSTAN PA SLA BAR DGONGS TE, SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, , DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,ZHES GSUNGS PA'I PHYIR, MTHA' BZHI'I SKYE 'GOG GI RIGS PAS MTHAR RTEN 'BREL LA GTUGS NAS DGAG BYA 'GOG PA YIN TE, MYU GU DANG 'DU BYED SOGS PHYI NANG GI DNGOS PO RNAMS SA BON DANG MA RIG PA LA SOGS PA'I RGYU RKYEN LA BRTEN NAS 'BYUNG BA RTAGS SU BYAS PA NYID KYIS PHYI NANG GI DNGOS PO DAG RGYU RKYEN LAS SKYE BA SOGS RANG MTSAN GYIS GRUB PAS STONG BA YIN PA DANG, BDAG DANG GZHAN DANG GNYIS KA DANG RGYU MED LAS SKYE BA MIN NO ZHES BSTAN TE RANG MTSAN GYIS GRUB PA DANG, MTHA' BZHI'I SKYE BA 'GOG PA'I PHYIR, 'JUG PA LAS, GANG PHYIR RGYU MED PA DANG DBANG PHYUG GI ,ZHES SOGS GSUNGS PA'I PHYIR, DON NI, RGYU MTSAN GANG GI PHYIR NA DNGOS PO RNAMS KYI SKYE BA RGYU MED DANG DBANG PHYUG DANG DUS DANG RANG BZHIN SOGS LAS KYANG SKYE BA MA YIN ZHING, BDAG DANG GZHAN DANG GNYIS KA LAS SKYE BAR 'GYUR BA MA YIN PA DE'I PHYIR RGYU RKYEN 'DI LA BRTEN NAS 'BRAS BU 'DI SKYE BAR 'GYUR ZHING, GANG GI PHYIR RGYU 'DI LA BRTEN NAS 'BRAS BU 'DI 'BYUNG ZHES PA'I RGYU MTSAN GYIS DNGOS PO KUN RDZOB PA RNAMS 'GRUB KYI GZHAN DU MA YIN PAS, BDAG LAS SKYE BA @256B LA SOGS PA'I RTOG PA 'DI DAG BRTAG PAR MI NUS PA DE'I PHYIR RTEN 'BYUNG GI RIGS PAS BDAG LAS SKYE BAR LTA BA LA SOGS PA'I LTA NGAN RNAMS GCOD CES PA'O, ,'DI NI GTZO BOR SKYE BA'I GTAN TSIGS YIN LA, BRTEN NAS BTAGS PA'I GTAN TSIGS LA GTUGS DGOS KYANG DE NI SNGA MA LAS RTOGS DKA' BAS RTOGS SLA BA GANG YIN PA DE LA GTUGS PA YIN NO, ` ,'DIR, RTZA SHE LAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES DANG, 'JUG PA LAS, DE NI DE LAS 'BYUNG MIN GZHAN DAG LAS LTA GA LA ZHIG ,GNYIS KA LAS KYANG MA YIN RGYU MED PAR NI GA LA YOD, ,CES DANG, GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES GSUNGS PA LTAR MTHA' BZHI SKYE 'GOG GI GTAN TSIGS NI, MYU GU CHOS CAN, RANG BZHIN GYIS MI SKYE STE, BDAG LAS MI SKYE, GZHAN LAS MI SKYE, GNYIS KA LAS MI SKYE, RGYU MED LAS MI SKYE BA'I PHYIR, DPER NA RMI LAM BZHIN, ZHES PA'O, ,'DI DANG RNAM BDUN LA 'JUG PA'I RIGS PA RNAMS KYI GNAD TSANG BA'I 'GAG SDOM PHYOGS GCIG TU DRIL BA ZHIG GAL CHE YANG DE DANG RTEN 'BREL GYI RIGS PA RNAMS LOGS SU 'GOD PAR 'DOD DO, ,GSUM PA NI, GANG ZAG GI BDAG CES SOGS BYUNG, DE YIN NO, ,YAN GYIS RIGS PA NGOS BZUNG NAS, DE MAN GYIS DE RTEN @257A *, ,'BYUNG GI RIGS PA LA THUG TSUL GSUNGS TE, DE YANG RNAM BDUN GYI RIGS PA NI GANG ZAG GI BDAG 'GOG PA'I RIGS PA'I GTZO BO YIN TE, SHING RTA RNAM PA BDUN DU BTZAL BAS MI RNYED KYANG RANG GI YAN LAG LA BRTEN NAS BTAGS PA'I BTAGS YOD DU 'JOG PA BZHIN GANG ZAG KYANG RNAM PA BDUN DU BTZAL BAS MI RNYED KYANG RANG GI PHUNG PO LA BRTEN NAS BTAGS PA'I BTAGS YOD DU 'JOG PAR GSUNGS PA GANG, RNAM BDUN GYI RIGS PA DE NYID NI ZAB MO'I LTA BA BDE BLAG TU RNYED PA'I THABS SU GSUNGS PA'I PHYIR, RTAGS DANG PO GRUB STE, 'JUG PAR, SHING RTA BTAGS DON RNAM PA BDUN GYIS BTZAL NA BDEN PA GNYIS CHAR DU GRUB PA MIN YANG, BTAGS DON 'TSOL BA'I DPYAD PA MED PAR 'JIG RTEN THA SNYAD LAS SHING RTA 'PHANG LO SOGS YAN LAG LA BRTEN NAS 'DOGS PA YIN PAR GSUNGS PA DANG, DE PHYIR NGAR 'DZIN RTEN NI DNGOS PO MIN, ,PHUNG LAS GZHAN MIN PHUNG PO'I NGO BO MIN, ,PHUNG PO RTEN MIN 'DI NI DE LDAN MIN, ,'DI NI PHUNG PO RNAM BRTEN 'GRUB PAR 'GYUR, ,SHING RTA RANG YAN LAG LAS GZHAN 'DOD MIN, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, ,ZHES SHING RTA RNAM PA BDUN DU BTZAL NA MED PA BZHIN PHUNG PO 'ANG DE DANG 'DRA BAS BTAGS PA TZAM DU GSUNGS PA'I PHYIR RO, ,RTAGS GNYIS PA GRUB STE, DE NYID LAS, RNAM BDUN GYIS MED GANG DE JI LTA @257B BUR, ,ZHES SOGS GSUNGS PA'I PHYIR, DON NI, RNAM PA BDUN GYIS BTZAL NA SHING RTA YOD PAR MI RNYED LA, DE'I TSE DE JI LTAR RANG BZHIN GYIS YOD PA YIN TE MIN NO ZHES NGES PA SKYE BAR 'GYUR ZHING, DES DE KHO NA NYID LA BDE BLAG TU 'JUG PAR 'GYUR BAS, DBU MA'I SKABS 'DIR SHING RTA DE'I TSUL MA BRTAGS PAR GRUB PAR 'DOD DGOS ZHES PA'O, ,DE YANG THOG MAR RNAM BDUN GYI SGO NAS BTZAL NA GANG ZAG MI RNYED PA DANG, GANG ZAG RANG GI PHUNG PO LA BRTEN NAS 'DOGS PA 'DI CHOS KYI BDAG MED GTAN LA 'BEBS PA LA LTOS NA GO SLA BAS BDAG MED GNYIS LA 'KHRID RIM YANG DANG PO GANG ZAG GI BDAG MED DANG, DE NAS CHOS KYI BDAG MED LA 'KHRID PA'I RIM PA DE BZHIN YIN NO, ,RNAM BDUN GYI RIGS PA 'DI YANG MTHAR GTUGS NA RTEN 'BYUNG GI RIGS PA LA THUG PA YIN TE, GANG ZAG PHUNG PO LA BRTEN NAS BTAGS PAS RNAM BDUN DU GANG ZAG MI RNYED PA GANG ZAG GI BDAG MED KYI DON YIN PA'I PHYIR, RNAM BDUN GYI RIGS PA 'DI LA RTAG LTA DANG, CHAD LTA DGAG SLA BA DANG, YON TAN DE GNYIS LA DPYOD TSUL JI LTA BU ZHIG BYAS PAS 'GRUB PA'I RNAL 'BYOR BAS NYE BAR BRTAG PA'I RIM PA STE YON TAN GSUM 'BYUNG TSUL LHAG MTHONG LAS SHES PAR BYA ZHING, PHYI MA 'DI LA BDAG GI BLA MAS BRTAG TSUL 'DIS BRTAGS NA SGYU MA'I RTEN 'BREL LA NGES PA RNYED SLA BA'I YON TAN ZHES GSUNGS SO, ` ,'DIR, GANG ZAG GI BDAG MED GTAN LA 'BEBS PA'I RIGS PA LA @258A *, ,MDO LAS, GZUGS BDAG MA YIN, BDAG GZUGS DANG LDAN PA MA YIN, GZUGS LA BDAG MED, BDAG LA GZUGS MED, CES SOGS DANG, RTZA SHE LAS, PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN,? ,ZHES RNAM LNGA'I RIGS PA GSUNGS SHING, ZLA BA'I ZHABS KYIS DE'I STENG TSOGS TZAM DANG, DBYIBS BDAG YIN PA 'GOG PA GNYIS BSNAN NAS 'JUG PAR RNAM BDUN DU MDZAD PA'I GZHUNG SNGAR DRANGS ZIN PA LTAR LA, DE NI RANG SDE DNGOS SMRA BA DANG RANG RGYUD PA KHA CIG SEMS LA BDAG TU 'JOG PA DANG, YANG GANG ZAG GI KHYAD PAR 'GA' ZHIG PHUNG PO'I TSOGS PA DANG DBYIBS KYI KHYAD PAR LA 'JOG PA SOGS 'GOG PA'I CHED YIN NO, ,DE YANG 'JIG LTA LHAN SKYES KYI DMIGS YUL DU GYUR BA'I NGA CHOS CAN, KHYOD RANG BZHIN GYIS MED DE, KHYOD GDAGS GZHI'I PHUNG PO DANG RANG BZHIN GYIS GCIG MA YIN, KHYOD GDAGS GZHI'I PHUNG PO DANG RANG BZHIN GYIS THA DAD KYANG MA YIN, KHYOD GDAGS GZHI'I PHUNG PO DANG RANG BZHIN GYIS LDAN PA YANG MA YIN, GDAGS GZHI'I PHUNG PO LA KHYOD RANG BZHIN GYIS BRTEN PA YANG MA YIN, KHYOD LA GDAGS GZHI'I PHUNG PO RNAMS RANG BZHIN GYIS BRTEN PA YANG MA YIN, GDAGS GZHI'I PHUNG PO'I TSOGS TZAM YANG KHYOD MA YIN, GDAGS GZHI'I PHUNG PO'I DBYIBS KHYAD PAR BA YANG KHYOD MA YIN PA'I PHYIR, DPER NA SHING RTA DE, RANG GI YAN LAG DANG @258B RANG BZHIN GYIS GCIG MA YIN, DE DANG RANG BZHIN GYIS THA DAD KYANG MA YIN, DE DANG RANG BZHIN GYIS LDAN PA YANG MA YIN, DE'I RTEN DU RANG BZHIN GYIS MED, DE LA RANG BZHIN GYIS BRTEN NAS KYANG MED, RANG GI YAN LAG 'DUS PA TZAM YANG MA YIN, RANG GI YAN LAG TSOGS PA'I DBYIBS KHYAD PAR BA YANG MA YIN PA BZHIN NO, ,ZHES PA'O, ,BZHI BA NI, DE LTAR NA BRTEN NAS, ZHES SOGS BYUNG, DE LTAR NA RGYU RKYEN LA BRTEN NAS SKYE BA DANG, CHA SHAS LA BRTEN NAS BTAGS PA'I GTAN TSIGS GNYI GA LA BRTEN NAS RANG LAS SKYE BA DANG, GZHAN LAS SKYE BA DANG, GNYIS KA LAS SKYE BA DANG, RGYU MED LAS SKYE BA PHUNG SOGS CHOS KYI STENG DU 'GOG PA DANG, RANG GI YAN LAG DANG RANG BZHIN GYIS GCIG DANG, THA DAD DANG, LDAN PA DANG, PHAN TSUN RTEN PA GNYIS DANG, TSOGS TZAM DANG, DBYIBS KHYAD PAR BA STE RNAM PA BDUN CI RIGS SU GRUB PA GANG ZAG LA 'GOG PA 'DI NYID RIGS PA RNAMS KYI DON PO'AM SNYING BOR 'DZIN DGOS TE, BDAG 'GOG PA'I RIGS PA THAMS CAD MTHAR 'DI LA THUG PA DANG, 'DIS MTHA' GNYIS CIG CAR DU SEL BA DANG DE SEL BA'I NUS PA 'DRA BA STONG PHYOGS RTAGS SU BKOD PA'I RIGS PA GZHAN LA MED PA'I PHYIR RO, ` ,'DIR, BLO GROS RGYA MTSOS ZHUS PA LAS, GANG RNAMS RTEN CING 'BREL BAR 'BYUNG, ,DE RNAMS NGO BO NYID KYIS MED, ,CES DANG, MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,ZHES SOGS LAS BSTAN PA LTAR RTEN 'BREL @259A *, ,GYI GTAN TSIGS NI, MYU GU CHOS CAN, RANG BZHIN GYIS MED DE, RTEN 'BREL YIN PA'I PHYIR, DPER NA GZUGS BRNYAN BZHIN, ZHES PA'O, ,DE LA, RANG GI CHA SHAS LA LTOS NAS GRUB PA DE, RTEN 'BYUNG GI MTSAN NYID, DE LA DBYE NA, 'DUS MA BYAS KYI RTEN 'BYUNG DANG, 'DUS BYAS KYI RTEN 'BYUNG GNYIS YOD, RANG GI RGYU RKYEN LA BRTEN NAS MA BYUNG BAR RANG GI 'DOGS BYED LA LTOS NAS GRUB PA DE, 'DUS MA BYAS KYI RTEN 'BYUNG GI MTSAN NYID, RANG GI RGYU RKYEN LA BRTEN NAS 'BYUNG BA DE 'DUS BYAS KYI RTEN 'BYUNG GI MTSAN NYID, DE LA DBYE NA, PHYI'I RTEN 'BREL DANG, NANG GI RTEN 'BREL GNYIS YOD, RANG GI CHA SHAS LA BRTEN CING RANG GI CHA SHAS DANG 'BREL BAR GRUB PAS NA, RTEN CING 'BREL BAR 'BYUNG BA ZHES BYA STE, RTEN 'BYUNG ZHES PA'I SGRA BSHAD KYANG DE YIN LA SGRA BSHAD DE 'DUS BYAS MA BYAS THAMS CAD LA 'JUG GO ,RANG GI RGYU DANG RKYEN GNYIS LA BRTEN CING DE DANG 'BREL BAR 'BYUNG BAS RTEN 'BYUNG ZHES BSHAD PA NI RTEN 'BYUNG GI SGRA BSHAD TSUL ZHIG YIN YANG 'DUS BYAS 'BA' ZHIG GI STENG NAS BSHAD PA YIN PAS 'DUS MA BYAS THAMS CAD LA MI 'JUG CING RANG SDE DNGOS SMRA BA RNAMS KYIS KYANG KHAS LEN NO, ,SPYIR PHRAD LTOS RTEN GSUM RNAM GRANGS PAR GSUNGS KYANG PHRAL NAS SGRA BSHAD NA, RGYU 'BRAS KYI SKYE 'GAG GI BYA BA PHRAD NAS SKYE BAS PHRAD PA DANG, RANG RANG GI CHA SHAS LA LTOS NAS RANG RANG GI BDAG NYID RNYED PAS LTOS PA DANG, BRTEN NAS BTAGS PA YIN PAS BRTEN PA STE RANG @259B RANG GI GDAGS GZHI LA BRTEN NAS BTAGS PA'O, ,DE LTAR GRUB PAS NA BYUNG BA ZHES BSHAD DE BRTEN PA'I SGRA BSHAD 'DI LUGS 'DI'I THUN MONG MA YIN PA'O, ,RTEN 'BREL GYI SGRA BSHAD DANG DON SHES PA LA PRAT'I TYA SA MUDPA DA:'I SGRA SGRUB TSUL SHES PA GAL CHE YANG GZHAN DU GSAL LO, ` ,SPRO NA, 'JUG PA LAS, GZHAN LAS SKYE BA 'JIG RTEN LAS KYANG MED, ,CES GZHAN SKYE YOD PAR 'DZIN PA'I BLO LHAN SKYES MED PAR GSUNGS PA DANG, RTZA 'JUG GI t'IK CHEN GNYI GAR, NYER LEN GYI RGYU 'BRAS LA BLO LHAN SKYES KYIS RANG GI MTSAN NYID KYIS GRUB PA'I GZHAN DU 'DZIN PA MED LA, ZHES NYER LEN GYI RGYU 'BRAS DMIGS KYIS BKAR BA DANG, RTZA SHE'I t'IK CHEN LAS, BLO LHAN SKYES KYIS BUM SNAM RANG GI MTSAN NYID KYIS GRUB PA'I SO SO BAR 'DZIN PA BZHIN DUS MYUG MI 'DZIN, CES BUM SNAM RANG MTSAN GYIS GRUB PA'I SO SO BAR 'DZIN PA'I BLO LHAN SKYES YOD PA DANG, SA MYUG DE LTAR 'DZIN PA'I BLO LHAN SKYES MED PA'I KHYAD PHYE BA RNAMS KYI DGONGS PA GCIG TU 'GREL TSUL BRTAG DGOS SO, ,KHA CIG NA RE, GZHUNG LAS, THOG MAR GANG ZAG LA RNAM PA BDUN DU BTZAL NA MI RNYED PA DANG RANG GI PHUNG PO LA BRTEN NAS 'DOGS PA 'DI GO SLA BAS 'KHRID PA'I RIM PA YANG DE BZHIN NO, ,ZHES GSUNGS PA MI 'THAD PAR THAL, GZHUNG LAS, SHING RTA, NAS, RANG GI YAN LAG LA BRTEN NAS BTAGS PA'I BTAGS YOD DU 'JOG PA BZHIN DU GANG ZAG KYANG 'JOG PAR GSUNGS LA, ZHES DANG, LHAG MTHONG LAS, DES NA @260A *, ,SHING RTA RANG BZHIN RNAM PA BDUN PO DE GANG DU'ANG MED PA DANG, DE LTA NA'ANG RANG GI YAN LAG LA BRTEN NAS 'DOGS PA LTAR BDAG KYANG PHUNG PO DANG GCIG DANG THA DAD LA SOGS PA'I RANG BZHIN BDUN PO GANG DU'ANG MED PA DANG, 'ON KYANG PHUNG PO LA BRTEN NAS 'DOGS PA GNYIS 'DRA BA'I PHYIR DE GNYIS DPE DON DU MDZAD NAS MDOR GSUNGS PA GRUB PA YIN NO, ,ZHES DANG, STONG THUN LAS, DE LA THOG MAR SHING RTA NYID RNAM PA BDUN GYIS BTZAL NAS RANG BZHIN MED PAR GTAN LA 'BEBS PA'I TSUL MDO TZAM BRJOD NA, ZHES GANG ZAG RANG BZHIN MED PA DANG BTAGS YOD DU NGES PA'I SNGA ROL TU SHING RTA RANG BZHIN MED PA DANG BTAGS YOD DU RTOGS DGOS PAR GSUNGS PA'I PHYIR DANG, LHAG MTHONG DU STONG NYID MA RTOGS PAR RANG BZHIN GYIS YOD PA DANG YOD PA'I KHYAD MI PHYED PAR GSUNGS LA, CHOS DE BTAGS YOD DU RTOGS PA LA CHOS DE RTOG PAS BTAGS TZAM DU RTOGS DGOS SHING, DE LA TZAM SGRA'I GCAD BYA RTOG PAS BTAGS PA LA MA LTOS PAR GRUB PAS STONG BA RTOGS DGOS PA'I PHYIR ZER BA LA, GZHAN DAG RNAM BDUN GYI RIGS PAS GANG ZAG RANG BZHIN MED PAR NGES PA'I SNGA ROL TU SHING RTA BTAGS YOD DU NGES DGOS KYANG DE BTAGS YOD DU NGES PA LA DE RANG BZHIN MED PAR NGES MI DGOS TE, 'JUG PA'I RNAM BSHAD LAS, LUGS 'DI LA CHOS RNAMS RTOG PA'I DBANG GIS BZHAG PA TZAM GYI 'JOG TSUL SHES NA DE LAS BZLOG STE @260B 'DZIN PA'I BDEN 'DZIN BDE BLAG TU SHES PAR 'GYUR BAS 'DI LA GNYIS, CHOS RNAMS RTOG PA'I DBAGN GIS 'JOG TSUL DANG, DE LAS BZLOG STE 'DZIN PA'I BDEN 'DZIN BSTAN PA'O, ,ZHES DANG, LHAG MTHONG CHUNG BA LAS, DE'I PHYIR NGA TZAM LA BDAG TU BYAS PA THA SNYAD DU YOD PA DANG, NAS, 'DI LEGS PAR NGES PA NI THUN MONG MIN PA'I GANG ZAG GI BDAG MED RTOGS PA'I THABS BZANG PO ZHIG GO ,ZHES DANG, STONG THUN LAS, THAL 'GYUR BA'I LUGS LA CHOS THAMS CAD RTOG PAS BTAGS PA TZAM DU JI LTAR 'JOG PA'I TSUL SHES NA RTOG PAS BTAGS PA TZAM MA YIN PA'I YOD LUGS SU 'DZIN TSUL SHES PAR 'GYUR LA, DES JI LTAR BZUNG BA LTAR DU GRUB PA NI RTAGS KYI DGAG BYA'I TSAD MTHAR THUG PA YIN PAS THOG MAR CHOS RNAMS RTOG PA'I DBANG GIS 'JOG TSUL BSHAD PAR BYA'O, ,ZHES DANG, MKHAS GRUB SANGS RGYAS YE SHES KYIS, GANG SHAR RNAM RTOG 'DZIN PAR YONGS RIG NA, ,DON DAM CHOS DBYINGS GZHAN LA LTOS MED 'CHAR, ,ZHES DANG, PHYAG CHEN YANG GSAL SGRON ME LAS, 'DI LTAR GANG ZAG DANG CHOS BTAGS YOD TZAM DU NGES PA LA BRTEN NAS, 'KHOR BA'I RTZA BA NGAR 'DZIN LHAN SKYES KYIS NGA'I 'DZIN TSUL JI BZHIN DU NGES 'ONG STE, DE LTAR RTOGS PA LA BRTEN NAS DGAG BYA PHRA MO'I 'DZIN TSUL MA LUS PAR NGES PAR NUS PA'I PHYIR, ZHES GSUNGS PA'I PHYIR ZER, LA LAS, RANG BZHIN MED PA NGES PA'I SNGON DU RTOG PAS BTAGS TZAM NGES NA DON DAM BDEN @261A *, ,PA MA NGES PA'I SNGON DU KUN RDZOB BDEN PA RTOGS PA ZHIG 'JOG DGOS PA DANG, GZHI DE KUN RDZOB BDEN PAR YONGS SU GCOD PA LA GZHI DE BDEN PAS STONG BAR GO BA SNGON DU 'GRO MI DGOS PA DANG, GZHI DE BDEN PA MA KHEGS PAR RDZUN PAR GRUB PAR THAL BA RNAMS 'BYUNG BAS SNGAR GYI LUNG DE DAG GI DON DGAG BYA NGES PA'I SNGON DU RTOG PAS BTAGS TZAM DU 'JOG TSUL SHES DGOS PA LAS RTOG PAS BTAGS TZAM SHES DGOS PA'I DON MA YIN PA RNAM BSHAD KYI SGRAS ZIN LA SHIN TU GSAL LO ZHES ZER NA GANG 'THAD BRTAG GO ,KHA CIG NA RE, BDAG MED GNYIS KYI LTA BA SKYED PA NA CHOS KYI BDAG MED SNGON DU RTOGS DGOS PAR THAL, BDAG 'DZIN GNYIS SKYE BA NA CHOS KYI BDAG 'DZIN GYIS GANG ZAG GI BDAG 'DZIN SKYED PA YIN PA'I PHYIR NA, SPYOD 'JUG DAR t'IKA LAS, BDAG MED GNYIS LA RTOGS DKA' SLA YANG MED DE, GZHI GANG ZAG DANG PHUNG PO LA RDZAS YOD DANG BTAGS YOD KYI PHRA RAGS KYANG MI 'BYED LA DGAG BYA'I BDAG LA PHRA RAGS KYI KHYAD PAR YANG MI 'BYED PAS SO, ,ZHES GSUNGS SHING, DE DANG RIN CHEN PHRENG BA'I DAR t'IKA TU, GANG ZAG DANG PHUNG PO CHOS CAN, RANG BZHIN GYIS MED DE, RTEN 'BREL YIN PA'I PHYIR, ZHES PA'I SBYOR BA 'GOD PAR BSHAD PA NI 'GOD YUL DES DE SGRUB KYI BSGRUB BYA RTOGS PA NA BDAG MED GNYIS CIG CAR RTOGS PAR KHAS LEN DGOS PAS SNGA MA DANG GUNG 'GRIGS KYANG, LAM RIM CHUNG NGU LAS, BDAG 'DZIN GNYIS KYI SKYE RIM LA CHOS KYI BDAG @261B 'DZIN GYIS GANG ZAG GI BDAG 'DZIN SKYED PA YIN YANG, BDAG MED KYI DE NYID LA 'JUG PA NA, SNGON DU GANG ZAG GI BDAG MED KYI LTA BA BSKYED NAS, DE'I 'OG TU CHOS KYI BDAG MED RTOGS PA'I LTA BA SKYED DGOS SO, ,ZHES DANG, GZHI GANG ZAG DANG CHOS KYI STENG DU NGES RGYU'I BDAG MED LA PHRA RAGS MED KYANG, KHYAD GZHI'I GNAD KYIS GANG ZAG GI STENG DU NGES SLA LA, CHOS KYI STENG DU NGES DKA' BA'I PHYIR, ZHES GSUNGS PA DANG 'GAL LO, ,RJE BTZUN DBU MA'I SPYI DON LAS, CHOS KYI BDAG MED RTOGS PA'I LTA BA RGYUD LA SKYED PA LA GANG ZAG GI BDAG MED RTOGS PA'I LTA BA RGYUD LA SKYED PA SNGON DU 'GRO DGOS PA MI 'THAD DE, GANG ZAG CHOS CAN, BDEN PAR MED DE, RTEN 'BREL YIN PA'I PHYIR, DPER NA GZUGS BRNYAN BZHIN, ZHES BKOD PA'I TSE RTEN 'BREL GYI RTAGS KYIS GANG ZAG BDEN MED DU SGRUB PA'I PHYI RGOL YANG DAG GIS GZUGS BRNYAN BDEN MED DU RTOGS PA'I PHYIR ZER NA, SKYON MED DE, CHOS DANG GANG ZAG GNYIS SU PHYE BA'I CHOS GCIG BDEN MED DU RTOGS PA TZAM LA CHOS KYI BDAG MED RTOGS PAR MI 'JOG PA'I PHYIR TE, GANG ZAG GI GDAGS GZHI'I PHUNG PO BDEN MED DU NAM RTOGS PA'I TSE CHOS KYI BDAG MED RTOGS PAR 'JOG PA'I PHYIR, ZHES GSUNGS LA, DGONGS ZAB SNANG BA'I SGRON MER, RJE BTZUN SPYI DON DU DE LTAR GSUNGS PA GANG ZAG DANG, GDAGS GZHI'I PHUNG PO RANG BZHIN MED PAR RTOGS PA RIM CAN KHO NAR 'BYUNG YANG, GANG ZAG DANG CHOS GZHAN GANG YANG RUNG BA RANG @262A *, ,BZHIN MED PAR RTOGS PA LA GO RIM GYI NGES PA MED PA'I DON DANG, YIG CHAR RIM GYIS RTOGS PAR BSHAD PA DNGOS SU RTOGS TSUL GTZO BOR BYAS ZHES PA LTAR NA GANG ZAG GI BDAG MED DNGOS SU RTOGS PA'I SHUGS LA PHUNG PO RANG BZHIN MED PA RTOGS PAR KHAS LEN DGOS SO, ,BDAG MED GNYIS RIM CHAR DU RTOGS PA RJE'I LEGS BSHAD DU GSAL BAS YIG CHA'I SGRAS ZIN YANG GANG ZAG GI BDAG MED DNGOS SU RTOGS PA'I BLO DES CHOS KYI BDAG MED RIGS PA'I STOBS SHUGS KYIS RTOGS PA'I DON DU GO DGOS PAR GSUNGS SO, ,RNAM BDUN SKABS 'JUG PAR, PHUNG PO BDAG TU 'DOD MI RIGS PA'I RGYU MTSAN STON PAR LEGS BSHAD RJES 'BRANG DU RKANG PA GNYIS SBYAR KYANG, DE PHYIR PHUNG PO DANG SEMS BDAG MI RIGS, ,ZHES PA SNGA MA'I DON BSDUR SBYOR DGOS PA RNAM BSHAD DU GSAL LO, ,GZHUNG LAS, MYU GU LA SOGS PA PHYI DANG 'DU BYED LA SOGS PA NANG GI DNGOS PO RNAMS SA BON DANG MA RIG PA LA SOGS PA'I RGYU RKYEN LA BRTEN NAS 'BYUNG BA NYID KYIS, ZHES SOGS DANG, LHAG MTHONG CHEN MO LAS, 'DIR MYU GU NI RANG GI NGO BOS GRUB PA'I RANG BZHIN MED DE, RANG GI RGYU RKYEN LA BRTEN NAS 'BYUNG BA'I PHYIR, ZHES SOGS NI RTEN 'BREL GYI DON 'JOG TSUL THUN MONG BA'I DBANG DU BYAS PA YIN GYI, SPYIR RTEN 'BREL GYI DON BSHAD PA MIN NO, ,SA STON SDE BAS RTEN 'BREL 'DUS MA BYAS YIN PAR KHAS LEN PA MA GTOGS DNGOS SMRA BA GZHAN RNAMS KYIS RTEN 'BREL @262B LA 'DUS BYAS KYIS KHYAB PAR KHAS LEN PA DANG, RTZA SHE'I t'IKA CHEN LAS, LUGS GZHAN LAS ME DU BA LA MI LTOS PAR BSHAD PA SOGS DANG MI 'DRA'O, ,ZHES DNGOS SMRA BAS ME DU BA LA MI LTOS PAR 'DOD PAR GSUNGS SHING, RIGS THIGS DAR t'IKA LAS, CHOS DE LA DE BYUNG DU 'BREL NA CHOS DE LAS BYUNG MI DGOS PAR KHO BOS RNAM NGES t'IKKAR BSHAD ZIN TO, ,ZHES CHOS DE DANG RTEN BYUNG 'BREL YIN NA CHOS DE LA BRTEN NAS BYUNG MI DGOS PAR GSUNGS SO, ,LCANG SKYA'I GRUB MTHAR PHRAD LTOS RTEN GSUM GYI RIGS PA STON PAR LAM RIM CHUNG NGU LAS, DES NA MYU GU LA SOGS PA PHYI DANG, ZHES SOGS DANG, RANG LA RANG DBANG BA'I TSUGS THUB KYI, ZHES SOGS DANG, 'DIS NI GANG ZAG DANG BUM PA SOGS KYANG, ZHES SOGS SBYAR BA DANG, LAM RIM CHUNG NGU LAS, RTEN 'BYUNG GI GTAN TSIGS KYI RNAM GZHAG GNYIS SO, ,ZHES PA THUN MONG DANG THUN MONG MA YIN PA'I RTEN 'BYUNG GI GTAN TSIGS GNYIS LA NGOS BZUNG BA'I SNGA MA GSUM RIGS PA DE GSUM LA SBYOR DGOS PA MI GSAL BA DANG, PHYI MA NI BRTEN NAS SKYE BA DANG BRTEN NAS BTAGS PA'I GTAN TSIGS GNYIS LA NGOS 'DZIN DGOS PA LTA BUR SNANG BAS LAM RIM CHUNG NGU'I DGONGS PA JI BZHIN YIN MIN BRTAG DGOS SHING KHYAD PAR LUNG BAR BAS GTAN TSIGS PAR BA BSTAN PA DPYAD DGOS PAR GRUB MTHA'I MTSAN DU BSHAD PA LTAR DANG, GRUB MTHA' DER MDO DANG, RIN CHEN PHRENG BA DANG, RTZA SHE'I @263A *, ,LUNG GSUM RIGS PA GSUM GTZO BOR STON BYED DU RIM BZHIN SBYAR BA LA'ANG KHYAD YOD MED DANG, MDOR, 'DI YOD NA 'DI 'BYUNG, ZHES SOGS KYIS LTOS PA LAS PHRAD PA'I RIGS PA GTZO BOR STON TSUL YANG DPYAD DGOS SO, ,RTEN 'BREL CHEN MO LAS, PHRAD LTOS RTEN GSUM DON GCIG YIN PAR THAL, DE GSUM RNAM GRANGS PA YIN PA'I PHYIR NA MA KHYAB, CES GSUNGS KYANG GRUB MTHA'I MCHAN LAS, GZHI GRUB NA PHRAD NAS GRUB PA DANG LTOS NAS GRUB PA DANG BRTEN NAS 'BYUNG BA GSUM GA YIN PAS KHYAB, CES DANG, LHAN CIG TU GNAS PA'I RTA DANG BA LANG NI LTOS NAS GRUB PA YIN YANG PHAN TSUN LTOS NAS GRUB PA MIN PA DANG, SNANG MUN GNYIS PHRAD NAS GRUB PA YIN YANG, PHRAD PA MA YIN PAR KHAS BLANGS CHOG PA'I PHYIR, GZHAN DU NA DE DAG BRTEN NAS 'BYUNG BA YANG MA YIN PAR THAL BA'I PHYIR ZHES KHA CIG 'DOD DE 'THAD MI 'THAD DPYAD PAR BYA'O, ,ZHES 'BYUNG STE, RTZA SHE'I t'IKA CHEN LAS, DE LA PHRAD LTOS RTEN GSUM RNAM GRANGS PAR GSUNGS PAS, ZHES GSUNGS SO, ,'DI LAS 'PHROS TE RTA NAG NOR BZANG RGYA MTSOS GZHI GRUB NA 'DUS BYAS YIN PAS KHYAB PAR BSHAD PAS SOGS LA DPYAD BYA MANG YANG MA SPROS SHING, DPYAD PA LHAG MA RNAMS RTEN 'BREL CHEN MOR GSAL BAS DER BLTA'O, ,GNYIS PA DES RANG MTSAN 'GOG TSUL LA GNYIS, MTSAMS SBYAR BA DANG, RIGS PA BZHIS 'GOG PA DNGOS SO, ,DANG PO NI, 'O NA RTEN 'BYUNG GI ZHES SOGS BYUNG, RTEN @263B 'BREL GYI RTAGS KYIS RANG MTSAN GYIS GRUB PA KUN RDZOB TU YANG 'GOG PA 'DI LUGS 'DIS 'PHAGS PA'I DGONGS PA 'GREL BA'I KHYAD CHOS YIN NA RANG MTSAN GYIS GRUB PA LA DMIGS BSAL CAN GYI DGAG PA TSUL JI LTAR MDZAD CE NA, 'DI NI SHIN TU GNAD CHE BAS BSHAD PAR BYA'O, ,'DI LA 'JUG PAR 'PHAGS PA'I MNYAM GZHAG DNGOS PO'I 'JIG RGYUR THAL BA DANG, THA SNYAD BDEN PA RIGS PAS DPYAD BZOD DU THAL BA DANG, DON DAM PA'I SKYE BA MI KHEGS PAR THAL BA GSUM DANG, DE'I RANG 'GREL DU CHOS RNAMS RANG BZHIN GYIS STONG PAR GSUNGS PA MI 'THAD PAR THAL BA'I RIGS PA GCIG STE BZHIS BKAG GO ,GNYIS PA LA BZHI, 'PHAGS PA'I MNYAM GZHAG DNGOS PO'I 'JIG RGYUR THAL PAS DGAG PA, THA SNYAD BDEN PA RIGS PAS DPYAD BZOD DU THAL BAS DGAG PA, DON DAM PA'I SKYE BA MI KHEGS PAR THAL BAS DGAG PA, CHOS RNAMS RANG BZHIN GYIS STONG PAR GSUNGS PA MI 'THAD PAR THAL BAS DGAG PA'O, ,DANG PO NI, DE LA DANG PO, ZHES SOGS BYUNG, ZHES SO, ,YAN GYIS DGAG PA DNGOS DANG, DE MAN GYIS SKYON SPONG MI NUS PAR BSTAN PA LAS SNGA MA NI, DNGOS PO RNAMS RANG MTSAN GYIS GRUB PA'I RANG BZHIN YOD NA RNAL 'BYOR BAS GZUGS SOGS CHOS THAMS CAD RANG BZHIN MED PAR MNGON SUM DU RTOGS TSE GZUGS SOGS MED PAR 'GYUR TE, YOD NA GZUGS SOGS RANG BZHIN MED PAR MNGON SUM DU RTOGS PA'I YE SHES DES DE'I TSE DE DAG @264A *, ,DMIGS DGOS PA LAS MA DMIGS PA'I PHYIR, DE LTA NA MNYAM GZHAG YE SHES DE NI GZUGS SOGS KYI 'JIG RGYUR 'GYUR TE, DNGOS PO SNGAR YOD PHYIS MED PAR GYUR PA NI ZHIG PA YIN LA, GZUGS SOGS DNGOS PO DE'I 'JIG RGYU NI STONG NYID MNGON SUM DU RTOGS PA'I YE SHES DES BYAS PA'I PHYIR, DES NA RANG MTSAN GYI SKYE BA NI RNAM PA KUN TU KHAS MI BLANG STE, 'PHAGS PA'I MNYAM GZHAG DNGOS PO'I 'JIG RGYUR MI RUNG BA'I PHYIR, DE SKAD DU 'JUG PA LAS, GAL TE RANG GI MTSAN NYID BRTEN 'GYUR NA, ,ZHES SOGS GSUNGS TE DON NI, GAL TE GZUGS SOGS KYI RANG GI MTSAN NYID KYIS GRUB PA'I RANG BZHIN NI RGYU RKYEN LA BRTEN NAS SKYE BAR 'GYUR NA NI STONG NYID MNGON SUM DU RTOGS TSE, DNGOS PO'I RANG BZHIN DE LA SKUR BA BTAB PA'I TSUL GYIS STONG NYID RTOGS PAR 'GYUR TE, DES NA DNGOS PO DE DAG MNYAM GZHAG YE SHES KYI SNGAR YOD PA PHYIS MED PA'I 'JIG PA STE ZHIG PAR 'GYUR LA, DE'I PHYIR STONG NYID MNGON SUM DU RTOGS PA YANG DNGOS PO 'JIG PA DANG DE LA SKUR BA 'DEBS PA'I RGYUR 'GYUR NA, DE NI RIGS PA YANG MIN PAS DNGOS PO RNAMS KYI RANG GI MTSAN NYID KYIS GRUB PA YOD PA MIN, ZHES PA'O, ,DE LA SKYON SPONG MI NUS PAR BSTAN PA NI, RANG RGYUD PA DAG NA RE, GZUGS SOGS RANG MTSAN GYIS YOD PA TZAM LA 'PHAGS PA'I MNYAM GZHAG GIS DMIGS MI DGOS, DE DAG DON DAM PAR YOD NA DES DMIGS DGOS, DON DAM PAR GRUB PA DE YANG @264B KHAS MI LEN TE, RANG MTSAN GYIS GRUB PA NI THA SNYAD DU YIN GYI DON DAM PAR MA YIN PA'I PHYIR RO ZHE NA, DE NI RIGS PA GNYIS PA'I SKABS SU 'CHAD DO, ,GNYIS PA LA GNYIS, DNGOS DANG, SKYON SPONG GI LAN NO, ,DANG PO NI, THA SNYAD BDEN PA, ZHES SOGS BYUNG, DNGOS PO RNAMS RANG MTSAN GYIS GRUB NA THA SNYAD BTAGS PA'I BTAGS SA'I DON LA DPYAD NA DPYOD BYED KYIS RNYED DGOS TE, GZHAN DU NA RANG MTSAN GYIS GRUB PA'I DON MED DE, THA SNYAD KYI DBANG GIS BZHAG PA TZAM DU 'GYUR BA'I PHYIR, DE LTAR BTZAL ZHING DPYAD PA NA DON DAM PAR MA SKYES SHING MA 'GAGS PA LAS GZHAN THA SNYAD TZAM DU SKYE BA SOGS MI RNYED PAS NA KUN RDZOB PA'I DON RNAMS DE LTAR DPYAD PAS RNYED PA'I DON DU MI GZUNG STE, 'JUG PA LAS, GANG PHYIR DNGOS PO 'DI DAG RNAM DPYAD NA, ,ZHES SOGS GSUNGS PA'I PHYIR, DON NI, RGYU MTSAN GANG GI PHYIR GZUGS SOGS DNGOS PO 'DI DAG BTAGS DON LA DPYAD PA NA DE KHO NA NYID KYI BDAG NYID CAN GYI DON DAM PAR MA SKYES PA SOGS KYI DNGOS PO LAS TSU ROL TE GZHAN DU GYUR BA'I SKYE BA LA SOGS PA CAN LA GNAS PA RNYED PA MA YIN TE, DE'I PHYIR 'JIG RTEN THA SNYAD KYI BDEN PA LA BTAGS DON 'TSOL BA'I DPYAD PA MI BYA ZHES PA'O, ,GNYIS PA LA GNYIS, RANG BZHIN GYIS GRUB KYANG DPYAD BZOD DU MI 'GYUR PA'I SKYON SPONG DANG, LAN DE LA SKYON SPONG MI NUS PAR BSTAN PA'O, ,DANG PO NI, 'DI LA, ZHES SOGS BYUNG, 'DI LA THAL RANG DON DAM DPYOD PA'I DPYAD MTSAMS LA 'DOD PA MI MTHUN PA'I GNAD @265A *, ,KYIS RANG RGYUD PAS RANG MTSAN GYIS GRUB MA GRUB BSHAD PA 'DRA BA'I DPYOD LUGS KYIS DPYAD BZOD YIN YANG DON DAM PAR GRUB MA GRUB DPYOD PA'I RIGS PAS DPYAD BZOD DU MI 'DOD PAS RIGS PA GNYIS PAS MI GNOD PAR SMRA BA NI SKYON SPONG GI DNGOS GZHI YIN TE, SKYON SPONG SNGA MA DANG GNAD GCIG GO ,GNYIS PA LA GSUM, DNGOS DANG, DPYAD NA MED PAR MTSUNGS KYANG YOD MED MI MTSUNGS PAR BSTAN PA DANG, 'KHRUL NGOR YOD PA THA SNYAD DU YOD PA'I DON MA YIN PAR BSHAD PA'O, ,DANG PO NI, DE DAG GIS SKYON, ZHES SOGS BYUNG, DE LA, DMIGS DGOS SO, ,YAN GYIS RANG LUGS KYI THA SNYAD KYI 'JOG TSUL BSTAN NAS SKYON SPONG MI NUS PA DANG, ZHE NA, YAN GYIS RANG RGYUD PAS THA SNYAD 'JOG TSUL BSHAD NAS DE'I LA NA BSTAN, DE MAN GYIS DE LA SKYON STON PAR BYED DO, ,RANG MTSAN GYIS YOD NA DON DAM DPYOD PA'I RIGS SHES KYIS DPYAD BZOD DANG DON DAM MNGON SUM DU 'JAL BA'I YE SHES KYIS DMIGS DGOS TE, CHOS THAMS CAD MA DPYAD PAR 'JOG PA'I BZLOG PHYOGS DPYAD NAS YOD PAR 'JOG PA NI DON DAM PAR YOD PAR GSUNGS PA NYID YIN PA'I PHYIR, DER THAL, ZLA BAS SKABS DU MAR KUN RDZOB TU YOD PA NI THA SNYAD DU YOD PAR GSUNGS PA LTAR YIN LA, 'JIG RTEN THA SNYAD KYIS GANG 'JOG BTAGS DON LA YE MA DPYAD PA KHO NAR 'JOG PA'I PHYIR TE, THA SNYAD PA'I TSAD MA RNAMS KYIS DPYAD TSUL PHAL CHER MYONG BA LA SBYAR NA SHES PA'I PHYIR @265B RANG RGYUD PAS, TSAD MA GZHAN GYIS GNOD PA MED PA'I DBANG SHES SOGS LA SNANG BA'I DBANG GIS BZHAG PA MIN PAR DNGOS PO RANG GI GNAS LUGS KYI DBANG GIS GRUB MA GRUB DPYAD NA DE LTAR YOD PA NI DON DAM PAR GRUB TSAD YIN PAS DNGOS PO RANG GI GNAS LUGS KYI DBANG GIS YOD PA MIN PAR BLO GNOD MED LA SNANG BA'I DBANG GIS YOD PA NI THA SNYAD DU YOD PA'I DON YIN GYI THA SNYAD KYI DBANG GIS BZHAG PA NI THA SNYAD DU YOD PA'I DON MIN NO ZHE NA, DE'I LAN LA GNYIS LAS, TZAM DU ZAD DO, ,YAN GYIS DANG PO BTAGS DON BTZAL NAS 'JOG PA THA SNYAD KYI 'JOG TSUL DANG MI MTHUN PAR BSTAN TE LAN MDZAD PA NI, RANG RGYUD PAS BSHAD PA DE LTAR DU YIN NA, YAB SRAS MJAL BA'I MDO LAS, 'DI DAG NI THA SNYAD TZAM MING TZAM BRDA TZAM KUN RDZOB TZAM BRJOD PA TZAM GDAGS PA TZAM STE, ZHES CHOS THAMS CAD MING DANG BRDAS BZHAG PA DANG BTAGS PA TZAM DU GSUNGS PA DANG, DE YANG MDO LAS, 'JIG RTEN GYI BRDA DANG THA SNYAD KYIS YOD KYI DON DAM PAR NI MA YIN NO, ,ZHES GSUNGS PA DANG 'GAL TE, BTAGS DON BTZAL BAS RNYED NA MDO SNGA MA'I TZAM SGRAS CI ZHIG GCOD CING, PHYI MAS 'JIG RTEN GYI BRDAS YOD PA'O ZHES KYANG JI TLTAR BRJOD RIGS ZHES THA SNYAD 'JOG TSUL LUNG DANG 'GAL BA BSTAN TO, ,DE LTAR NA CHOS THAMS CAD 'JIG RTEN GYI THA SNYAD DU YOD PA'O, ,ZHES SMRAS KYANG SMRAS PA TZAM DU ZAD DE, DE NI 'JIG RTEN PAS THA SNYAD BTAGS PA'I DON JI LTAR KHAS LEN PA'I TSUL DANG CHES MI @266A *, ,MTHUN LA, TSUL DE DANG MTHUN PA'I DON MI 'DOD PA'I PHYIR ZHES RIGS PA DANG 'GAL BA BSTAN TO, ,GANG ZAG GI SOGS KYIS LAN PHYI MA BTAGS DON BTZAL NA MI RNYED PA'I TSUL BSTAN TE LAN MDZAD PA NI, GANG ZAG GI THA SNYAD BTAGS PA'I BTAGS DON BTZAL TSE MI RNYED PA NI RNAM BDUN GYI DPYAD PA DANG, SKYE BA SOGS CHOS KYI THA SNYAD BTAGS PA'I BTAGS DON BTZAL TSE MI RNYED PA NI THA SNYAD DU YANG GZHAN SKYE 'GOG PA SOGS RDO RJE GZEGS MA'I RIGS PA LHAG MTHONG CHEN MOR RGYAS PAR GTAN LA PHAB ZIN CING, PHYIS 'JUG PA'I RNAM BSHAD DU 'ANG ZHIB TU GSUNG BAR 'GYUR BA LAS SHES PAR BYA'O, ,GNYIS PA NI, DES NA MYU GU, ZHES SOGS BYUNG, MYU GU SKYE ZHES PA LTA BU CHOS DANG, NGAS MTHONG ZHES PA LTA BU GANG ZAG GI THA SNYAD DON MTHUN DANG, MYU GU RDZAS SAM RANG MTSAN GYIS GRUB PA'I RANG LAS GZHAN PA'I SA BON LAS SKYE ZHES PA LTA BU CHOS DANG, RDZAS YOD DAM RANG MTSAN GYIS GRUB PA'I BDAG GIS MTHONG ZHES PA LTA BU GANG ZAG GI THA SNYAD DON MI MTHUN RNAMS GANG LA THA SNYAD BYAS PA'I DON BTZAL NA MI RNYED PA LA KHYAD MED KYANG, JI LTAR BTAGS PA LTAR GYI DON YOD PA LA TSAD MAS GNOD MI GNOD KHYAD CHE STE, LTO LDIR BA LA BUM PAR BTAGS PA LTA BU BRTAGS PA'I DON LA TSAD MAS MI GNOD CING, RI BONG LA RVA YOD PAR BTAGS PA LTA BU BTAGS PA'I DON LA TSAD MAS GNOD PA'I PHYIR, DES NA SNGA MA THA SNYAD DON MTHUN GYI YUL GNYIS NI THA @266B SNYAD DU YOD LA, PHYI MA DON MI MTHUN GYI YUL GNYIS NI THA SNYAD DU YANG MED PA'I KHYAD YOD DO, ,KHYAD PAR 'DI SHES PA YANG DON DAM DPYOD PA'I RIGS SHES KYIS GNOD PA DANG RIGS SHES DES DPYAD MI BZOD PA GNYIS KYI KHYAD PAR DANG, RIGS SHES DES YOD PAR MA RNYED PA DANG RIGS SHES DES MED PAR MTHONG BA GNYIS KYI KHYAD PAR SHIN TU CHE BA LEGS POR PHYED PA LA RAG LAS SO, ,DE YANG SNGA MA GNYIS LA KHYAD PAR CHE STE, DON DAM DPYOD PA'I RIGS SHES KYIS DPYAD BZOD MI BZOD NI RIGS SHES DES DPYAD PA LTAR RNYED MA RNYED LA BYED LA, SKABS 'DI'I DES GNOD MI GNOD NI DES MED PAR RTOGS MA RTOGS LA BYED PA'I PHYIR DANG, BDEN GRUB YOD NA GNAS LUGS SU GRUB DGOS KYANG GZUGS SOGS YOD NA GNAS LUGS SU GRUB MI DGOS PAS, BDEN GRUB DON DAM DPYOD BYED KYI RIGS SHES KYIS MA RNYED NA DES KHEGS DGOS PA DANG, GZUGS SOGS DES MA RNYED NA DES KHEGS MI DGOS PA'I PHYIR DANG, GZUGS SOGS DON DAM PAR GRUB NA RIGS SHES DES RNYED DGOS KYANG DON DAM PAR MA GRUB PA LA RIGS SHES DES RNYED MI DGOS PA'I PHYIR, DE BZHIN DU PHYI MA GNYIS KYANG KHYAD PAR CHE STE, GZUGS SOGS DON DAM DPYOD PA'I RIGS SHES KYIS YOD PAR MA RNYED KYANG DES MED PAR MTHONG BA MA YIN PA'I PHYIR DANG, 'PHAGS PA'I MNYAM GZHAG GIS GZUGS SOGS KYI SKYE 'GAG MA GZIGS PA LAS DES DE MED PAR GZIGS PA MA YIN PA'I PHYIR DANG, SKYE 'GAG SOGS RANG BZHIN GYIS YOD MED @267A *, ,DPYOD PA'I RIGS PAS KYANG SKYE 'GAG SOGS MA RNYED PA LAS SKYE 'GAG SOGS MED PAR 'JAL BA MA YIN PA'I PHYIR, DES NA DE DAG GI KHYAD LEGS PAR PHYED PA GAL CHE STE, LHAG MTHONG CHEN MO LAS, DE'I PHYIR RIGS PAS DPYAD MI BZOD PA DANG RIGS PAS GNOD PA GNYIS DANG, 'PHAGS PA'I MNYAM GZHAG YE SHES KYIS SKYE 'GAG MA GZIGS PA DANG MED PAR GZIGS PA GNYIS DANG, RANG BZHIN YOD MED DPYOD PA'I RIGS SHES KYIS SKYE 'GAG MA RNYED PA DANG SKYE 'GAG MED PAR RNYED PA GNYIS MA PHYED PAR GCIG TU BZUNG BA 'DIS DA LTA BA RNAMS LTA CI SMOS TE, SNGON GYI MKHAS PA 'GA' RE LA'ANG 'KHRUL BA BSKYED SNANG BAS, BLO GROS DANG LDAN PA RNAMS KYIS ZHIB TU DPYOD LA DE DAG PHYED PAR GYIS SHIG CES GSUNGS SO, ,DE DAG NI RGYAS PAR LHAG MTHONG CHEN MOR GNOD BYED BRJOD PA RNAMS KYIS SUN MI PHYIN PAR BSTAN PA'I SA BCAD BZHI'I DANG PO'I SKABS GSUNGS ZIN PA LAS SHES PAR BYA'O, ,GSUM PA LA GNYIS, 'KHRUL NGOR YOD MED THAMS CAD MI MTSUNGS PAR BSTAN PA DANG, 'KHRUL TSUL MI MTSUNGS PA'I LAN DGAG PA'O, ,DANG PO NI, DE DAG ZHIB TU, ZHES SOGS BYUNG, DE LTAR 'BYED PA'I DPYAD PA MA RDZOGS PAR BOD KHA CIG GIS DON DAM PAR GRUB PA RIGS PA LTAR SNANG RES BKAG CING, KUN RDZOB TU YOD PA RNAMS 'KHRUL NGOR YOD PA TZAM GYIS 'JOG NUS TE, DE DAG 'KHRUL NGOR YOD PA TZAM YIN PA'I PHYIR TE, DE DAG 'KHRUL @267B SHES RES YOD PAR BZUNG BA'I PHYIR SNYAM DU BSAM NA, DE LA'O NA, DBANG PHYUG DANG GTZO BO SOGS LAS BDE SDUG SKYE BA DANG, DKAR NAG GI LAS GNYIS LAS BDE SDUG SKYE BA GNYIS 'THAD NA 'THAD MNYAM DANG MI 'THAD NA MI 'THAD MNYAM YIN PAR THAL, DON DAM DPYOD PA'I RIGS SHES KYIS DPYAD NA LAS DKAR NAG LAS 'BRAS BU BDE SDUG SKYE BA YANG MI RNYED LA, 'KHRUL NGOR DBANG PHYUG DANG GTZO BO SOGS LAS KYANG BDE SDUG SKYE BA YOD PA'I PHYIR, DE LTA NA 'JUG PA LAS, 'DI NI NGAR 'DZIN RTEN DU'ANG MI RIGS LA, ,ZHES SOGS DANG, MI SHES GNYID KYIS RAB BSKYOD MU STEGS CAN, ,ZHES SOGS KYIS RANG GZHAN GYI SDE BA GZHAN GYI GRUB MTHA' THUN MONG MIN PAS BTAGS PA RNAMS DANG, SGYU MAL RTA GLANG DANG SMIG RGYU LA CHUR 'DZIN PA SOGS KYI YUL RNAMS KUN RDZOB TU YANG MED DO ZHES GSUNGS PA RNAMS MI RIGS PAR THAL, BLO 'KHRUL BAS KYANG DE DAG DE LTAR MA BZUNG BAR THAL BAR 'GYUR BA'I PHYIR DANG, 'KHRUL NGOR YOD PAS THA SNYAD DU YOD PAR 'GYUR BA'I PHYIR DANG, BDAG GZHAN LAS SKYE BA SOGS THA SNYAD DU YANG MA GRUB BO ZHES RIGS PAS BKAG PA RNAMS KYIS KYANG 'GOG MI NUS PAR 'GYUR BA'I PHYIR, 'JUG PA'I LUNG DANG PO'I DON NI, GZHAN GYIS BTAGS PA'I BDAG 'DI NI DON DAM PAR NGAR 'DZIN LHAN SKYES KYI DMIGS YUL MIN LA, DE KHO NAR MA ZAD KUN RDZOB TU YANG YOD PAR MI 'DONG, CES PA DANG, GNYIS PA'I DON NI, MI SHES @268A *, ,PA'I DBANG DU SONG BA'I MU STEGS CAN RNAMS KYIS YON TAN GSUM GYI BDAG NYID DU BRTAGS PA'I BDAG DANG, SGYU MA SMIG RGYU GZUGS BRNYAN RNAMS RTA GLANG DANG CHU DANG BYAD BZHIN SOGS SU BTAGS PA'I BRDZUN PA DE DAG THA SNYAD PA'I TSAD MA LAS KYANG YOD PA MA YIN PA NYID DO, ,ZHES PA'O, ,GNYIS PA LA GSUM, THOG MED NAS BRGYUD PA'I 'KHRUL NGOR YOD NA KUN RDZOB TU YOD PA'I LAN MI RIGS PA DANG, TZAM SGRAS GCAD BYA NGOS GZUNG BA DANG, THA SNYAD KYI DBANG GIS YOD PAR 'GRUB TSUL BSTAN PA'O, ,DANG PO NI, 'KHRUL BA DE DAG CES SOGS BYUNG, GRUB MTHA' THUN MONG MIN PAS SGRO BTAGS PA RNAMS DANG, SGYU MA SOGS SU BTAGS PA'I RDZUN PA RNAMS 'DOGS BYED KYI BLO 'KHRUL BDE DAG SEMS CAN RANG DGA' BA'I LHAN SKYES KYI 'KHRUL BA MIN LA, LHAN SKYES KYI MA RIG PA'I 'KHRUL NGOR YOD PA TZAM LA KUN RDZOB TU YOD PAR 'JOG PAS SGRO BTAGS PA DE DAG KUN RDZOB TU YOD PAR 'GYUR BA'I SKYON MED CES KYANG SMRA MI NUS TE, DE LTA NA SNGA PHYI GCIG 'DZIN GYI RTAG 'DZIN DANG GANG ZAG DANG CHOS KYI BDAG 'DZIN LHAN SKYES GNYIS KYI ZHEN YUL YANG THA SNYAD DU YOD PAR THAL BA'I PHYIR RO, ,DES NA THA SNYAD DU YOD NA THA SNYAD PA'I SHES PA LA GRAGS PA DANG, THA SNYAD PA'I TSAD MA GZHAN GYIS GNOD PA MED PA DANG, RANG BZHIN LA DPYOD PA'I RIGS PAS GNOD PA MI 'BAB PA STE KHYAD PAR GSUM DANG LDAN DGOS PAR STON PA LA, GZHUNG LAS, DES NA THA SNYAD DU YOD NA, NAS, TSAD @268B MAS GRUB PA DGOS PA'I PHYIR RO, ,ZHES PA'I BAR DANG, LHAG MTHONG CHEN MO LAS, DE LA THA SNYAD DU YOD PAR 'DOD PA DANG MED PAR 'DOD PA NI CI 'DRA BA ZHIG GI SGO NAS 'JOG PA YIN SNYAM NA, THA SNYAD PA'I SHES PA LA GRAGS PA YIN PA DANG, JI LTAR GRAGS PA'I DON DE LA THA SNYAD PA'I TSAD MA GZHAN GYIS GNOD PA MED PA DANG, DE KHO NA NYID LA 'AM RANG BZHIN YOD MED TSUL BZHIN DU DPYOD PA'I RIGS PAS GNOD PA MI 'BAB PA ZHIG NI THA SNYAD DU YOD PAR 'DOD LA, DE DAG LAS LDOG PA NI MED PAR 'DOD DO, ,ZHES GSUNGS SO, ,GNYIS PA NI, DE LTA NA THA SNYAD DU, ZHES SOGS BYUNG, KHA CIG NA RE, THA SNYAD DU YOD PA RNAMS THA SNYAD KYI DBANG GIS BZHAG TZAM YIN PA 'GAL TE, THA SNYAD DU YOD PA LA TSAD MAS GRUB PA DGOS PA'I PHYIR ZHE NA, SKYON MED DE, DE'I TZAM SGRAS THA SNYAD KYI DBANG GIS MA BZHAG PA GCOD KYI TSAD MAS GRUB PA YANG MI GCOD LA, MING GIS BZHAG TSAD THA SNYAD DU YOD PAR STON PA YANG MA YIN PA'I PHYIR TE, RI BONG RVA LTA BU MING GIS BZHAG PA YIN YANG THA SNYAD DU YOD PA MA YIN PA'I PHYIR, 'O NA DE'I TZAM SGRAS THA SNYAD KYI DBANG GIS MA BZHAG PA GCOD NA THA SNYAD KYI DBANG GIS MA BZHAG PA CI 'DRA BA ZHIG GCOD SNYAM NA, THA SNYAD BTAGS PA'I DON NGE RANG MTSAN GYIS GRUB NA DON KHO RANG RANG BZHIN GYIS YOD PAR SONG BA DE GCOD DE, THA SNYAD BTAGS PA'I DON RANG MTSAN GYIS GRUB NA THA SNYAD DE'I DBANG GIS DON DE YOD PAR MA SONG BA'I PHYIR, GSUM PA @269A *, ,NI, DE 'DRA BA DE, ZHES SONGS BYUNG, THA SNYAD PA'I CHOS RNAMS YOD PAR GRUB STE, DE DAG RANG MTSAN GYIS GRUB PA RIGS SHES KYIS KHEGS KYANG THA SNYAD KYI DON MED NA THA SNYAD PA'I TSAD MAS GNOD PA'I PHYIR, DE LTA NA THA SNYAD PA'I CHOS DE DAG THA SNYAD KYI DBANG GIS YOD PAR 'OS MED KYIS 'GRUB STE, DON DANG THA SNYAD GNYIS KYI NANG NAS DON RANG GI NGOS NAS YOD PAR MA SONG BA'I PHYIR, DE'I PHYIR DON DAM BDEN PA'I YOD TSUL YANG THA SNYAD KYI DBANG GIS BZHAG PAR SMRA YI THA SNYAD TSAD MAS GRUB PAR MI SMRA STE, DE'I YOD TSUL DPYAD NA MI RNYED PA'I PHYIR, DON DAM BDEN PA YOD PA THA SNYAD PA'I SHES DOD 'JOG PA'I DON YANG DON DAM PA YOD PAR BZUNG BA DE RIGS SHES KYI 'DZIN STANGS LA MED PA'I RGYU MTSAN GYIS YIN GYI, DON DAM BDEN PA THA SNYAD TSAD MAS GRUB CES PA MIN NO, ,BUDDHA P'A LI TA LAS, DE BZHIN GSHEGS PA NYID KYIS RTEN CING 'BREL BAR 'BYUNG BA BSHAD CING RAB TU BSTAN PA BDEN MOD KYI, 'ON KYANG, 'JIG RTEN GYI THA SNYAD KYI DBANG GIS SKYE BA LA SOGS PA'I BRJOD PA DAG GIS BSHAD CING RAB TU BSTAN PAS, ZHES RGYAL BAS THA SNYAD KYI DBANG GIS SKYE BA SOGS GSUNGS PA DANG, DE DAG MING GIS BTAGS PA TZAM DU GRUB PAR BSHAD DO, , THAL RANG GNYIS KYI SHES PA GNOD MED KYI GNOD PA YOD MED LA YANG KHYAD CHE STE, RANG RGYUD PAS SNANG YUL LAM ZHEN YUL RANG MTSAN GYIS GRUB PA'I DON LAM 'KHRUL BA ZHIG LA SHES PA GNOD MED DU 'DOD LA, 'DI BA'I LUGS LA @269B SNANG YUL LA 'KHRUL YANG DES DON 'JOG NUS PA DU MA ZHIG YOD PA'I PHYIR, LUGS 'DI LA 'KHOR 'DAS DANG 'CHING GROL MTSAN NYID PA SOGS THAMS CAD 'THAD KYI GZHAN GYI LUGS LA DE GTAN NAS MI 'THAD DE, 'DI 'DRA BA'I GNOD MED KYI SHES PA'I THA SNYAD KYI DBANG GIS YOD PA LA BTAGS YOD DU GSUNGS KYI CHOS DE DNGOS MIN BZHIN DU DER BTAGS PA'I BTAGS YOD DU BSHAD PA GTAN MA YIN PA'I PHYIR, DE NYID MGON PO KLU SGRUB DANG 'PHAGS PA LHA'I DGONGS PA MTHAR THUG TU SANGS RGYAS BSKYANGS DANG ZLA BAS 'GREL BA'I SROL 'DI LA RNAM GZHAG MTSAN NYID PA 'JOGS MA BYUNG NA RGYU 'BRAS 'JOG PA SOGS RANG MTSAN GYIS GRUB PA'I STENG DU KHYER BA'I GOMS PA CHES PAS LAN ZHING DA DUNG LUGS 'DI'I GOL SA CHEN PO LA GNAS SO, ,GSUM PA DON DAM PA'I SKYE BA MI KHEGS PAR THAL BAS DGAG PA NI, DON DAM PA'I SKYE BA, ZHES SOGS BYUNG, DE LA, DON DAM PAR GRUB PA LA YANG BDAG GZHAN GANG LAS SKYE DPYAD NAS 'GOG PAS DON DAM PAR SKYE BA MI KHEGS PAR THAL, RANG MTSAN GYIS GRUB PA LA DE LTAR DPYAD PAS DE MI KHEGS PA'I PHYIR, DES NA THA SNYAD DU RANG MTSAN GYIS GRUB PA YANG 'GOG NUS SO, ,RANG MTSAN GYIS SKYE BA BDEN PA GNYIS KAR MED DE, RANG MTSAN GYIS GRUB NA DON DAM PAR GRUB DGOS PA'I GNAD KYIS DON DAM PA'I SKYE BA 'GOG PA'I RIGS PAS THA SNYAD DU RANG MTSAN GYIS GRUB PA YANG BKAG PA'I PHYIR, DE SKAD DU 'JUG PA LAS, DE NYID SKABS SU RIGS @270A *, ,BA GANG ZHIG GIS, ,ZHES SOGS GSUNGS TE, DON NI, DON DAM LA DPYOD SKABS BTAGS DON 'TSOL BA'I RIGS PA ZANG ZHIG GIS GZUGS SOGS BDAG DANG GZHAN LAS SKYE BAR RIGS PA MIN PA DE BZHIN DU THA SNYAD DU YANG RIGS PA DE NYID KYIS RANG MTSAN GYIS SKYE BAR RIGS PA MIN PAS RANG RGYAD PA KHYOD KYI RANG BZHIN GYIS SKYE BA TSAD MA GANG GIS 'GRUB PAR 'GYUR TE MI 'GYUR, ZHES PA'O, ,BZHI BA CHOS RNAMS RANG BZHIN GYIS STONG BAR GSUNGS PA MI 'THAD PAR THAL BAS DGAG PA LA GNYIS, RANG MTSAN LAS GZHAN GYIS STONG PA GNAS LUGS MTHAR THUG TU MI 'THAD PAR BSTAN PA DANG, GZHAN STONG MI 'THAD PA'I RGYU MTSAN NO, ,DANG PO NI, CHOS RNAMS RANG BZHIN GYIS, ZHES SOGS BYUNG, RIGS PA DANG PO 'PHAGS PA'I MNYAM GZHAG DNGOS PO'I 'JIG RGYUR THAL BAS DGAG PA STON SKABS 'JUG PA'I RANG 'GREL LAS, 'OD SRUNGS, ZHES SOGS DRANGS PA'I STONG NYID LA SBYAR BA'I LUNG TSAN DANG PO GZHUNG DU BKOD PA LTAR DANG, DE BZHIN DU GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG, GANG SMON PA MED PAS CHOS RNAMS SMON PA MED PAR MI BYED DE, CHOS RNAMS NYID SMON PA MED PA DANG, GANG MNGON PAR 'DU BYA BA MED PAS CHOS RNAMS MNGON PAR 'DU BYED PA MED PAR MI BYED DE, CHOS RNAMS NYID MNGON PAR 'DU BYED PA MED PA DANG, GANG MA SKYES PAS CHOS RNAMS MA SKYES BA NYID DU @270B MI BYED DE, CHOS RNAMS NYID MA SKYES PA DANG, GANG MA BYUNG BAS CHOS RNAMS MA BYUNG BAR MI BYED DE, CHOS RNAMS NYID MA BYUNG BA DANG, ZHES MTSAN MED DANG SMON MED DANG MNGON PAR 'DU BYA BA MED PA DANG MA SKYES PA DANG MA BYUNG BAS SNGAR LTAR GSUNGS PA'I DKON BRTZEGS 'OD SRUNGS LE'U'I GZHUNG TSIG RNAMS DRANGS NAS CHOS RNAMS RANG MTSAN GYIS STONG BAR BSGRUBS SHING, MDO DON NI DBU MA'I LAM STONG NYID LA DPYOD PA'I SHES RAB KYIS CHOS RNAMS LA YOD TSUL DPYOD PA NI, CHOS BUM PA LTA BU GANG ZHIG DGAG BYA SNAM BU LTA BU GZHAN GYIS STONG BA NYID KYIS, CHOS RNAMS KYI GNAS LUGS MTHAR THUG GI STONG BA DPYOD PAR MI BYED KYI, BUM SOGS CHOS DE NYID RANG GI NGO BOS GRUB PAS STONG BAR DPYOD CES PA'O, ,RANG 'GREL LAS, GANG ZHIG GZHAN GYI DBANG GI DNGOS PO KHAS BLANGS NAS, DE LA BRTEN PA'I STONG BA NYID GZUNG BA DANG 'DZIN PA MED PA'I MTSAN NYID CAN MI RTAG PA NYID LA SOGS PA LTAR DE NYID DANG GZHAN DU BRJOD PAR BYA BA MA YIN PAR SEMS PA DE'I LTAR NA, STONG PA NYID KHO NAS CHOS THAMS CAD STONG PA YIN GYI, RANG BZHIN NYID KYIS NI MA YIN NO ZHES BYA BAR 'GYUR RO, ,ZHES MDO LUNG DES RNAM RIG PA'I LUGS KYI GZUNG 'DZIN RDZAS GZHAN DU GRUB PAS STONG BA YANG MI 'THAD PAR BSTAN PAR BSHAD DO, ,CHOS RNAMS RANG MTSAN GYIS YOD NA MDO DE LAS CHOS RNAMS NYID STONG BA DANG, ZHES GSUNGS PA MI 'THAD PAR THAL, CHOS RNAMS RANG NGOS @271A *, ,NAS STONG BAR MA SONG BA'I PHYIR, DE LTA NA YANG MDO LAS, GANG STONG PA NYID KYIS CHOS RNAMS STONG BAR MI BYED, CES GSUNGS PA DANG 'GAL TE, RANG NYID RANG NGOS NAS YOD PA MA BKAG PAR DGAG BYA GZHAN ZHIG GIS STONG BA'I SGO NAS STONG BAR BSTAN DGOS PA'I PHYIR, MDOR NA CHOS RNAMS LA RANG BZHIN GYIS GRUB PA YOD NA RANG GI NGO BO RANG BZHIN GYIS GRUB PAS STONG BA'I RANG STONG DU MI 'GYUR ZHES PA'I DON NO, ,DES NA MDO LAS CHOS RNAMS NYID STONG BA DANG ZHES PAS RANG STONG DU MING BTAGS KYANG GZHAN STONG LAS MI 'DAB BAR THAL, CHOS RNAMS RANG MTSAN GYIS GRUB PAS STONG BA MI 'DOD PA'I PHYIR, RNAM RIG PAS GZHAN DBANG GZUNG 'DZIN RDZAS GZHAN GYIS STONG BAR BSTAN PA YANG GZHAN DBANG RANG BZHIN MED PA'I DON YIN BYAS NA MI KHEGS PAR THAL, CHOS THAMS CAD RANG BZHIN MED PA MDO DON MA YIN PA'I PHYIR TE, CHOS THAMS CAD RANG BZHIN GYIS GRUB PA'I PHYIR, RTAGS SNGA PHYI SONG, GNYIS PA NI, DGAG GZHI DE, ZHES SOGS BYUNG, CHOS KYI BDAG MED PHRA MO KHAS LEN PA THAMS CAD KYIS DGAG GZHI DE RANG RANG GIS 'DOD PA'I DGAG BYA'I NGO BOR MED TZAM LA 'DRA BA DANG DGAG GZHI DE DGAG BYAS STONG TSUL YANG GTZUG LAG KHANG DU DGE SLONG GIS STONG BA LTA BU MIN PAR DGAG GZHI DE DGAG BYA DE YIN PAS STONG BAR TE STONG BA LA 'DRA BZHIN DU CHOS RNAMS RANG MTSAN GYIS GRUB PAS STONG BA NI RANG STONG MTHAR THUG GI DON YIN LA, DE @271B LAS GZHAN PA PHYI DON GYIS STONG PA DANG, BLO GNOD MED LA SNANG BA'I DBANG GIS BZHAG PA MA YIN PAR YUL RANG NGOS NAS GRUB PAS STONG PA'I STONG TSUL RNAMS RANG NGOS NAS GRUB PAS STONG PA'I RANG STONG MTHAR THUG MIN PA'I KHYAD BYUNG BA'I RGYU MTSAN NI, CHOS RNAMS RANG MTSAN GYIS GRUB PAS STONG BA RANG GI NGO BOS STONG BA'I RANG STONG MTHAR THUG GI DON YIN TE, CHOS RNAMS RANG MTSAN GYIS GRUB PAS STONG BA RTOGS ZIN BYED PA MA NYAMS PA'I RING LA GRUB MTHAS GZHI DE BDEN PA'AM BDEN PA'I DON RANG BZHIN GYIS GCIG THA DAD SOGS SU 'DZIN PA'I SGRO 'DOGS SKYE MI SRID PA'I PHYIR DANG, DE LAS GZHAN PA'I STONG TSUL RNAMS RANG NGOS NAS STONG BA'I RANG STONG MTHAR THUG MA YIN TE, DE RNAMS KYI DON RTOGS ZIN BYED PA MA NYAMS KYANG GRUB MTHAS CHOS RNAMS BDEN PA'AM BDEN PA'I DON RANG BZHIN GYIS GCIG THA DAD SOGS SU SGRO 'DOGS PA MI 'GAL BA'I PHYIR, ZHES PA'O, ,GSUM PA BKAG PA'I RANG BZHIN MED PA BSGRUB BYA YIN MIN BSAM PA LA GSUM, MTSAMS SBYAR PA DANG, DGAG PA'I RNAM GZHAG BSHAD PA DANG, RANG BZHIN MED PA RTAGS KYI BSGRUB BYAR BSHAD PA'O, ,DANG PO NI, 'O NA GANG ZAG DANG, ZHES SOGS BYUNG STE GO SLA'O, ,GNYIS PA LA GNYIS, DGAG PA'I RNAM GZHAG SPYIR BSHAD PA DANG, CHOS GZHAN 'PHEN TSUL GYI DON BYE BRAG TU BSHAD PA'O, ,DANG PO NI, DE LA DGAG PA NI, ZHES SOGS BYUNG, DGAG PA NI, RANG ZHES BRJOD PA'I SGRAS RANG NYID BRJOD PA NA TSIG GIS ZIN PAR RANG GI DGAG BYA BCAD PA'AM, DE MIN NA YANG RANG @272A *, ,GI RNAM PA BLO LA 'CHAR BA NA RANG GI DGAG BYA BKAG PA'I RNAM CAN DU DNGOS SU SHAR NAS RTOGS PAR BYA BA ZHIG STE, RTZA SHE'I t'IK CHEN LAS, SPYIR DGAG PA NI BLOS DGAG BYA DNGOS SU BCAD NAS RTOGS PAR BYA BA YIN PAS RANG MA YIN PA CAD PA LTA BU DNGOS PO LA DGAG BYA BCAD PA TZAM DGAG PA MIN LA, CHOS NYID DANG DON DAM BDEN PA LTA BU SGRAS DGAG BYA DNGOS SU MA BCAD KYANG DE'I DON BLO LA 'CHAR BA NI SPROS PA BCAD PA'I RNAM PA CAN DU 'CHAR BA RNAMS DGAG PA YIN NO, ,ZHES GSUNGS PA LTAR RO, ,DE LA RANG DNGOS SU RTOGS PA'I BLOS RANG GI DGAG BYA DNGOS SU BCAD NAS RTOGS PAR BYA BA DE, RANG DGAG PA YIN PA'I MTSAN NYID, DANG PO SGRAS BRJOD PA NA TSIG GIS ZIN PAR DGAG BYA BCAD PA'I MTSAN GZHI NI BDAG MED LTA BU DANG, GNYIS PA RANG GI RNAM PA BLO LA 'CHAR BA NA DGAG BYA BKAG PA'I RNAM PA CAN DU DNGOS SU SHAR NAS RTOGS PAR BYA BA'I MTSAN GZHI NI CHOS NYID LTA BU STE, 'DI LA TSIG ZIN LA DGAG BYA BCAD PA MED KYANG DON BLO LA 'CHAR BA NA DGAG BYA SPROS PA BCAD PA'I RNAM CAN DU 'CHAR BA YOD DO, ,DGAG PA DE LA RGYAS PAR DBYE NA, LDOG PA BSDUS PA LAS, MED DANG GZHAN DANG 'DRA BA DANG, ,DMAN DANG ZHUM DANG ZHAN PA DANG, ,PHRA DANG NYUNG DANG MYUR BA DANG, ,CHUNG DANG LHAG MA MED PA DANG, ,'GA' LAS MTHA' DAG MA YIN DANG, ,MI MTHUN GNYEN PO BRAL BA YIS, ,RNAM GRANGS BCO LNGAR BSHAD PA YIN, ,ZHES GSUNGS PA LTAR BCO LNGA @272B DANG; BSDU NA MED PAR DANG, MA YIN PAR DANG, 'DRA BA LAS DANG, DMAN SOGS GSUM DMAN PAR BSDUS TE DMAN PAR DANG, PHRA SOGS DRUG PHRA BAR BSDUS TE PHRA BAR DANG, MI MTHUN PAR DANG, GNYEN POR DANG, BRAL BAR DGAG PA BRGYAD DANG, DE LAS MI MTHUN PA GNYEN POR BSDUS TE BDUN DANG, DMAN PA DANG PHRA BA GNYIS ZHUM PAR BSDUS TE ZHUM PAR DGAG PA STE DRUG DANG, DON GYIS GO BA DANG, TSIG GCIG GIS SGRUB PA DANG, DE GNYIS KA DANG LDAN PA DANG, DE DAG LAS GZHAN PA DNGOS SU STON PA LNGA DANG, KUN TU BRTAGS PA'I DANG, DMAN SOGS DGU BSDUS TE RANG GI GZHI LAS ZHUM PA'I DANG, GZHAN PA'I DANG, 'GAL BA'I DGAG PA BZHI DANG, MED PHAR DANG, GZHAN PAR DANG, GNYEN POR DGAG PA GSUM DANG, MED PAR DGAG PA DANG, MA YIN PAR DGAG PA GNYIS SU 'DU'O, ,DE GNYIS LAS MA YIN DGAG NI, RANG ZHES BRJOD PA'I SGRAS RANG DNGOS SU RTOGS PA'I BLOS DGAG BYA DNGOS SU BCAD NAS CHOS GZHAN BLO NGOR 'PHEN PA STE, RANG DNGOS SU RTOGS PA'I BLOS RANG GI DGAG BYA BCAD NAS DNGOS SU RTOGS PAR BYA BA GANG ZHIG RANG DNGOS SU RTOGS PA'I BLOS RANG GI DGAG BYA BKAG SHUL DU CHOS GZHAN MA YIN DGAG DANG SGRUB PA GANG RUNG 'PHEN PA DE, RANG MA YIN DGAG YIN PA'I MTSAN NYID DO, ,RTOG GE 'BAR BA'I DON NI, MA YIN DGAG NI RANG ZHES BRJOD PA'I SGRA DANG RANG DNGOS SU RTOGS PA'I BLOS BRAM ZE LTA BU'I DNGOS PO'I NGO BO DE NYID BKAG PAS BRAM @273A *, ,ZE DE DANG 'DRA BA BRAM ZE DE LAS GZHAN PA DMANGS RIGS LTA BU'I DNGOS PO'I NGO BO DE NYID SGRUB PA'AM 'PHEN PAR BYED, CES PA STE DPE SLA'O, ,MED DGAG NI RANG ZHES BRJOD PA'I SGRA DANG RANG DNGOS SU RTOGS PA'I BLOS DGAG BYA DNGOS SU BCAD NAS YUL DU BYAS SHING CHOS GZHAN BLO NGOR MI 'PHEN PA STE, RANG DNGOS SU RTOGS PA'I BLOS RANG GI DGAG BYA DNGOS SU BCAD NAS RTOGS PAR BYA BA GANG ZHIG RANG DNGOS SU RTOGS PA'I BLOS RANG GI DGAG BYA BKAG SHUL DU CHOS GZHAN MA YIN DGAG DANG SGRUB PA GANG RUNG MI 'PHEN PA DE, RANG MED DGAG YIN PA'I MTSAN NYID DO, ,RTOG GE 'BAR BA'I LUNG DON NI, MED DGAG NI RANG DNGOS SU BRJOD PA'I SGRA DANG RANG DNGOS SU RTOGS PA'I BLOS BRAM ZE CHANG BTUNG BA LTA BU'I DNGOS PO'I NGO BO DE NYID 'GOG PA TZAM DU ZAD KYI DGAG BYA BKAG TZAM DE LAS GZHAN PA CHANG DE DANG 'DRAB CHANG DE MA YIN PA'I BTUNG BA 'THUNG BA DANG MI 'THUNG BA LTA BU'I DNGOS PO GANG YANG SGRUB PAR MI BYED PA STE MI 'PHEN PA'O, ,ZHES PA STE RTOG GE 'BAR BA DANG, GZHUNG GI TSIG DON LHAG MA RNAMS SLA'O, ,GNYIS PA NI, KHA CIG CES SOGS BYUNG, KHA CIG BDAG MED LTA BU MED DGAG YIN GYI GANG ZAG LA BDAG MED CES PA LTA BU GZHI SGRUB PA DANG TSOGS NA MED DGAG MIN ZHES 'DOD PA DANG, GZHAN DAG SHES BYA LA BDAG MED PA LTA BU GZHI GZHAN DANG TSOGS PA NA CHOS GZHAN SHES BYA LTA BU BLO NGOR 'PHANGS PAS DE MED DGAG MIN PAR SMRA BA GNYIS KA MI RIGS TE, DGAG @273B PA GNYIS KYI KHYAD PAR SNGAR BSHAD PA KHO NA BZHIN TSAD CHEN DANG LDOG PA BSDUS PA RNAMS SU'ANG BYUNG LA, DE'I PHYIR BRAM ZES CHANG MI BTUNG ZHES PA LTA BU LA GZHI SGRUB PA BRAM ZE DANG TSOGS KYANG CHOS GZHAN MI 'PHEN PA'I PHYIR DANG, BRAM ZE LTA BU DE DGAG BYA CHANG 'THUNG BA LTA BU BCAD NAS CHOS GZHAN 'PHEN MI 'PHEN RTZI BA'I GZHI YIN GYI, 'PHANGS PA'I CHOS GZHAN MA YIN PA'I PHYIR RO, ,DES NA RANG LUGS SU CHOS GZHAN 'PHANGS TSUL LA SHUGS DANG DNGOS DANG DE GNYIS KA DANG SKABS KYIS 'PHANGS PA BZHI YOD DE, LDOG PA BSDUS PA LAS, DGAG PA DON GYIS BSTAN PA DANG, ,ZHES SOGS GSUNGS PA'I PHYIR, DE'I DON NI DE'I SKABS KYI DGAG BYA DON GYIS BSTAN PA DANG, TSIG GCIG GIS DNGOS PO SGRUB PA DANG, DE GNYIS DANG LDAN PA DANG, RANG TSIG GIS MI STON PA BZHI RIM PA BZHIN DGAG PA SHUGS LA BSTAN PA SOGS DANG DON 'DRA STE, DE DAG MA YIN DGAG DANG, DE DAG LAS GZHAN PA'I DGAG PA NI GZHAN MED DGAG YIN ZHES PA'O, ,MTSAN GZHI GZHUNG NA GSAL ZHING, t'IK CHEN GNYI GAR CHOS GZHAN 'PHEN PA LA DNGOS SHUGS SKABS KYI 'PHANGS PA GSUM DU PHYE NAS GNYI GA LDAN PA DANG PO GNYIS LA BSDUS SO, ,RJE YAB SRAS THAMS CAD KYIS LDOG PA BSDUS PA'I TSIG 'DI 'DREN TSE SHES RAB SGRON ME'I 'GREL BSHAD DU DRANGS PA LAS, ZHES SOGS LAS GZHUNG DNGOS MING GIS MA DRANGS PA NI DE DUS LDOG PA BSDUS PA'I GZHUNG BOD DU MA 'GYUR BA'AM RGYU MTSAN GZHAN GANG YIN @274A *, ,BRTAG GO ,DE LA MCHOD SBYIN TSON PO NYIN PAR ZAS MI ZA BZHES BRJOD PA'I SGRAS SKABS KYI DGAG BYA TSIG ZIN LA BKAG NAS CHOS GZHAN MA YIN DGAG DANG SGRUB PA GANG RUNG SHUGS LA 'PHANGS TE, TSON PO ZHES PAS ZAS ZA BAR GRUB LA, ZA DUS LA NYIN MTSAN GNYIS SU NGES PAS NYIN PAR ZAS MI ZA BA ZHES PA'I TSIG ZUR GYI MI ZHES PA DES NYIN PAR ZAS ZA BA BKAG SHUL DU CHOS GZHAN MTSAN MO ZA BA DON GYIS 'PHANGS PA'I PHYIR, BDAG LAS MA SKYES PA YOD PA ZHES BRJOD PA'I SGRAS SKABS KYI DGAG BYA TSIG ZIN LA DNGOS SU BKAG SHUL DU CHOS GZHAN MA YIN DGAG DANG SGRUB PA GANG RUNG DNGOS SU 'PHANGS PA YIN TE, BDAG LA SA MA SKYES PA YOD PA ZHES PA'I SGRA DES BDAG LAS SKYES PA DE DNGOS SU BKAG NAS BDAG LAS MA SKYES PA YOD PA DNGOS SU 'PHANGS LA, BDAG LAS MA SKYES PA YOD PA DE MA YIN DGAG YIN PA'I PHYIR, MCHOD SBYIN TSON PO NYIN PAR ZAS MI ZA BA RID PA MIN PA YOD PA ZHES BRJOD PA'I SGRAS SKABS KYI DGAG BYA BKAG SHUL DU CHOS GZHAN MA YIN DGAG DANG SGRUB PA GANG RUNG DNGOS SHUGS GNYIS KA LA 'PHEN PA YIN TE, SGRA DES MCHOD SBYIN TSON PO NYIN PAR ZAS ZA BA DNGOS SU BKAG NAS MTSAN MO ZA BA SHUGS LA 'PHANGS PA DANG, RID PA MA YIN PA YOD PA DNGOS SU 'PHANGS LA, DE GNYIS MA YIN DGAG YIN PA'I PHYIR, BRAM ZE MA YIN ZHES BRJOD PA'I SGRAS SKABS KYI DGAG BYA BKAG SHUL DU CHOS GZHAN MA YIN DGAG DANG SGRUB @274B PA GANG RUNG SKABS STOBS KYIS 'PHANGS PA YIN TE, DON LA RGYAL RIGS YIN ZHING RGYAL RIGS DANG BRAM ZE'I RIGS GANG RUNG DU NGES LA KHYAD PAR MA NGES PA'I SKABS SU RGYAL RIGS YIN PAR STON 'DOD NAS BRAM ZE MA YIN NO ZHES PA'I SGRA DES BRAM ZE YIN PA DNGOS SU BKAG NAS RGYAL RIGS YIN PAR SKABS STOBS KYIS 'PHANGS PA'I PHYIR, DE YANG SDE BDUN RGYAN DU DNGOS PO THAMS CAD SGRUB PA DANG, DON RANG MTSAN GYI SEL BA SAL BA BTAGS PA BAR GSUNGS SHING, RNAM 'GREL t'IK CHEN DU DON RANG MTSAN GYI SEL BA SEL BA BTAGS PA BAR 'DOD PA NI ZHI 'TSO YAB SRAS KYI GZHUNG DANG 'GAL BAR GSUNGS LA, RIGS RGYAN DU MI RTAG PA DANG, RTOG PA LA BUM PAR SNANG BA LTA BU DGAG PA MA YIN PAR GSUNGS PA SOGS GZHUNG GI TSIG ZIN 'DRA MIN DANG, DGAG PA BCO LNGA PO SO SO'I MTSAN GZHI DANG DBYE BSDU SOGS LA DPYAD BYA MANG YANG MA SPROS SO, ,GSUM PA RANG BZHIN MED PA RTAGS KYI BSGRUB BYAR BSHAD PA LA GNYIS, RTAGS DANG RJES DPAG GIS RANG BZHIN MED PA SGRUB PAR BSTAN PA, DE LA RTZOD PA SPANG BA'O, ,DANG PO LA GNYIS, GZHAN LUGS DGAG PA DANG, RANG LUGS GZHAG PA'O, ,DANG PO NI, 'DI LA SNGON GYI, ZHES SOGS BYUNG, DE LA, MI SRID PA'I PHYIR RO, ,YAN GYIS DBU MA'I LUGS LA RTAGS DANG RJES DPAG GIS BSGRUB BYA MI SGRUB PA SPYIR BKAG DE MAN GYIS THAL 'GYUR BA'I LUGS LA DES DE MI SGRUB PA BYE BRAG TU BKAG STE, SNGON GYI BOD KHA CIG DBU MA BA LA RANG BZHIN @275A *, ,'GOG PA'I RTAGS DANG RJES DPAG YOD KYI RANG BZHIN MED PA SGRUB PA'I DE GNYIS MED CES SMRA BA MI 'THAD DE, BSGRUB BYA MED PA'I RTAGS YANG DAG DANG GZHAL BYA MED PA'I RJES DPAG TSAD MA MI SRID PA'I PHYIR TE, RTAGS YANG DAG GI DGOS PA BSGRUB BYA SGRUB PA YIN LA, RJES DPAG TSAD MA YIN NA RANG GI 'DZIN STANGS KYI GZHAL BYA LKOG GYUR LA MI SPU BA ZHIG DGOS PA'I PHYIR RO, ,GZHAN DAG NA RE, RANG RGYUD PA'I LUGS LA BDAG MED SGRUB PA'I RTAGS DANG RJES DPAG YOD KYI THAL 'GYUR BA'I LUGS LA GZHAN LUGS BKAG PA TZAM LAS RANG BZHIN MED PA SGRUB PA'I RTAGS DANG RJES DPAG MED DE, RAB BYED NYI SHU BA'I TSIG GSAL LAS, KHO BO CAG NI 'DI MED PAR SGRUB PA MA YIN GYI, ZHES SOGS GZHUNG DU DRANGS PA LTAR YOD PA 'GOG PA LAS MED PA SGRUB PA MIN PAR GSUNGS PA DANG, DE NYID LAS, THAL BA SGRUB PA NI PHA ROL PO'I DAM BCA' 'GOG PA TZAM GYI 'BRAS BU CAN YIN PA'I PHYIR THAL BA LAS BZLOG PA'I DON DU 'GYUR BA YOD PA MA YIN NO, ,ZHES THAL 'GYUR RNAMS NI GZHAN GYI DAM BCA' 'GOG PA TZAM GYI DGOS PA CAN YIN PAR BSHAD CING, 'JUG PA LAS, RTOG RNAMS LOG PAR GYUR PA GANG YIN DE, ,ZHES SOGS KYIS KYANG DAM BCA' 'GOG PA TZAM DPYAD PA'I 'BRAS BUR GSUNGS PA'I PHYIR, DES NA THAL 'GYUR BA'I LUGS LA GZHAN LUGS BKAG PA TZAM BYED PA YIN GYI, RANG BZHIN GYIS MED PA SGRUB PAR BYED PA MIN NO ZHES ZER RO, ,DE LA RGYU MTSAN DE GSUM GA MA @275B NGES TE, RGYU MTSAN BAR BA DGAG BYA BCAD TZAM GYI DGOS PA CAN DU BSHAD PA NI THAL 'GYUR BA'I KHYAD CHOS MA YIN TE, RTAGS DANG THAL 'GYUR GYIS DGAG BYA 'GOG PA TZAM BYED PAR RANG RGYUD PAS KYANG 'DOD PA'I PHYIR TE, 'BYUNG BA'I RTAGS KYIS SA'I KHAMS DE DON DAM PAR NA 'BYUNG BA YIN PA 'GOG PA TZAM BYED PAR RTOG GE 'BAR BAR BSHAD PA'I PHYIR, RTOG GE 'BAR BA'I DON NI, 'BYUNG BA'I RTAGS KYIS SA SOGS DON DAM PAR NA 'BYUNG BA'I NGO BO NYID MA YIN PAR DGAG PA STE YIN PA DGAG PA TZAM MA GTOGS DE LAS GZHAN PA'I CHOS KYI NGO BO NYID YIN PA DANG, BDEN PAR GRUB PA'I DNGOS PO MED PA'I NGO BO NYID YOD PA YIN PAR MI SGRUB, CES PA STE, DON DAM PAR 'BYUNG BA'I NGO BO MED PA'I NGO BO NYID YIN PAR MI SGRUB STE, DE GNYIS MED DGAG MIN PAS DE GNYIS SGRUB NA DON DAM PAR 'BYUNG BA'I NGO BO NYID MA YIN PA MED DGAG MIN PAR THAL BAS SO, ,ZHES MUN SEL DU GSUNGS SO, ,RGYU MTSAN GSUM PA 'JUG PA'I LUNG DRANGS PAS KYANG MI 'GRUB STE, 'JUG PAR RANG BZHIN GYIS GRUB PAR 'DZIN PA'I RTOG PA LOG PA RIGS PAS RNAM PAR DPYAD PA'I DGOS PA YIN PAR MKHAS PAS GSUNGS PAR BSHAD PA LAS RANG LUGS LA DAM BCA' MI SGRUB PA'I DON MA YIN PA'I PHYIR, RGYU MTSAN DANG PO TSIG GSAL GYI LUNG DON PHYOGS SNGA SA BKRAL BA LTAR MIN PA 'CHAD PAR 'GYUR RO, ,GNYIS PA 'NI, DES NA CHOS RNAMS, ZHES SOGS BYUNG, DES NA TSIG GSAL DU CHOS RNAMS RANG @276A *, ,MTSAN GYIS GRUB PA 'GOG PA NA DGAG BYA BCAD TZAM DANG LOG RTOG LOG TZAM ZHES PA'I TZAM SGRAS NI BSGRUB BYA MA YIN DGAG YIN NAM SNYAM PA BKAG NAS MED DGAG TU STON PA YIN TE, DE NI RIGS PA'I YUL DU DGAG BYA BKAG TZAM MIN PA'I CHOS GZHAN 'PHEN PA GCOD PA TZAM YIN PA'I PHYIR DANG, MED DGAG NI DGAG BYA BCAD TZAM LAS CHOS GZHAN MI SGRUB PAR RTOG 'BAR DU GSUNGS PA SNGAR MED DGAG 'CHAD SKABS GZHUNG DU DRANGS PA LTAR YIN PA'I PHYIR, DPER NA, MTSO LA DU BA MED CES BRJOD PA NI MTSO LA DU BA BCAD TZAM YIN GYI CHOS GZHAN MA 'PHANGS KYANG TSIG DES MTSO DU MED MA BSTAN PA DANG DE'I RJES SU 'BRANGS PA'I BLOS MTSO DU MED MA NGES PA MIN PA BZHIN MYU GU LA RANG BZHIN GYIS GRUB PA MED CES BRJOD PA NA'ANG MYU GU LA RANG BZHIN GYIS GRUB PA BCAD TZAM YIN YANG DE'I SGRAS MYU GU RANG BZHIN MED PA BSTAN PA DANG DE'I RJES SU 'BRANGS PA'I BLOS MYU GU RANG BZHIN GYIS MED PA NGES PA MI 'GAL BAS NA MTSO LA DU BA MED CES PA'I TSIG GIS MTSO LA DU BA RNAM PAR BCAD PA NYID NI DU MED BRJOD PA YIN ZHING DE'I RJES SU 'BRANGS PA'I BLOS KYANG DU BA BCAD PA NYID NI DU MED NGES PA YIN TE, DGAG BYA RNAM PAR GCOD PA DANG, BKAG PA YONGS SU GCOD PA GNYIS GCIG MED NA CIG SHOS MED DGOS PA'I PHYIR RO, ,DE BZHIN DU MED PA STON PA'I LUNG RNAMS KYIS RANG BZHIN GYIS GRUB PA BKAG PA NYID RANG BZHIN MED PA BRJOD PA YIN GYI LUNG DE LA BRJOD BYA MED PA MIN PA DANG, RANG @276B BZHIN 'GOG PA'I RIGS SHES KYIS RANG BZHIN BKAG PA NYID RANG BZHIN MED PA SHES PA YIN GYI RIGS SHES LA SHES BYA MED PA MIN PA DANG, RANG BZHIN 'GOG PA'I RTAGS KYIS RANG BZHIN BKAG PA NYID RANG BZHIN MED PA BSGRUBS PA YIN GYI RTAGS DE LA BSGRUB BYA MED PA MIN NO, ,DE'I PHYIR SOGS GO SLA'O, ,RTOG GE 'BAR BA LAS, DNGOS PO MED PA'I NGO BO NYID YIN PAR MI SGRUB CES GSUNGS PAS SA SOGS NI DON DAM PAR 'BYUNG BA'I DNGOS POR MED PA MI SGRUB CES PA MIN GYI, BKAG TZAM LAS MA GTOGS PA'I DNGOS MED KYI NGO BO NYID DU MI SGRUB PA'I DON YIN TE, DE NYID LAS, SA LA SOGS PA DON DAM PAR NA 'BYUNG BA'I NGO BO NYID MA YIN, ZHES SOGS GSUNGS PAS SA SOGS NI DON DAM PAR 'BYUNG BA'I NGO BO NYID YIN PA BKAG PA TZAM ZHIG BYED CES SMRA BA NI MED DGAG DE BSGRUB BYAR BYED CES PA'I DON YIN PA'I PHYIR, DES NA RTEN 'BREL GYI RTAGS KYIS MYU GU BDEN GRUB LTA BU'I DGAG BYA BCAD TZAM LAS GZHAN ZHIG SGRUB BAM MI SGRUB 'DRI NA, DPYOD LDAN GYI 'DRI LUGS YIN MOD, RTEN 'BREL GYI RTAGS KYIS DGAG BYA BDEN GRUB GCOD PAR KHAS BLANGS NAS, RTAGS DES BDEN MED BSGRUBS MA BSGRUBS DANG, BDEN MED SGRA BLOS YUL DU BYAS MA BYAS DPYOD MI RIGS TE, BDEN GRUB BKAG TZAM YUL DU BYED PA LA BDEN MED YUL DU BYED DGOS PA'I PHYIR, GNYIS PA DE LA RTZOD PA SPANG BA LA GNYIS, LUNG DON BSHAD DE RTZOD PA SPANG BA DANG, DOGS PA SKYE TSUL MI 'THAD PAR BSTAN PA'O, , @277A *, ,DANG PO NI, GAL TE RANG BZHIN GYIS, ZHES SOGS BYUNG, 'PHAGS PA KLU SGRUB KYI 'JIG RTEN BRTAG PA LAS, 'DI NI YOD NYID 'GOG PA STE, ,ZHES SOGS GSUNGS PA MI 'THAD PAR THAL, RANG BZHIN GYIS YOD PA RTAGS KYIS RNAM PAR BCAD PAS RANG BZHIN MED PA RTAGS KYIS SGRUB PA'I PHYIR ZHE NA MA KHYAB STE, LUNG DE'I DON NI, DPER NA NAG PO MIN ZHES SMRAS PAS DKAR PO YIN PAR MI STON PA BZHIN MYU GU LTA BU RANG BZHIN GYIS MED CES SMRAS PA YANG DE RANG BZHIN GYIS YOD PA BKAG TZAM SGRUB PA LAS, DE LAS GZHAN PA'I BDEN MED YOD PAR SGRUB PA MIN ZHES PA'I DON YIN PAS RTAGS KYIS BSGRUB BYA MI SGRUB PA'I DON MA YIN TE, RAB BYED LNGA BA'I SHER SGRON LAS KYANG, 'DI LTAR KHO BOS NI SKYE MCHED RNAMS KYI YOD PA NYID DGAG PA SMRAS PA NA NGO BO NYID YOD PA DGAG PA BYAS PAR ZAD KYI DNGOS PO MED PA NYID DU MA SMRAS TE, ZHES DANG, DE'I 'GREL BSHAD LAS, KHO BOS MED PAR DGAG PA'I TSUL GYIS DON DAM PAR SKYE MCHED RNAMS KYI YOD PA NYID DGAG PAR ZAD KYI, MA YIN PAR DGAG PA'I TSUL GYIS DNGOS PO MED PA NYID DU NI MA SMRAS PAS, ZHES MA YIN DGAG BSGRUB BYA MIN LA MED DGAG BSGRUB BYA YIN PA'I DON DU BSHAD PA'I PHYIR, ZHES PHA ROL BAS 'JIG RTEN BRTAG PA RTAGS KYIS BSGRUB BYA SGRUB PA MIN PA'I SHES BYED DU DRANGS PA LA DES DE STON PA MIN PAR RTAGS KYIS BSGRUB BYA SGRUB PAR STON PA YIN PA'I SHES BYED DU SHER SGRON 'GREL BSHAD DANG BCAS PA DRANGS PA YIN NO, ,DPE 'GAR, DKAR PO MIN ZHES MA BRJOD BZHIN, ,ZHES PA YI @277B GE MA DAG LA, DPER BRJOD KYIS, SOGS KYI DON RTOGS SLA ZHING, SHER SGRON DU, DE BZHIN DU SLOB DPON NYID KYIS KYANG GZHAN DAG TU, 'DI NI YOD NYID 'GOG PA STE, ,ZHES SOGS DRANGS PA'I 'GREL BSHAD LAS, SLOB DPON KLU SGRUB KYI ZHAL SNGA NAS KYIS NYID KYI 'JIG RTEN BRTAG PA ZHES BYA BA'I BSTAN BCOS MDZAD PA LAS DE SKAD BKA' STZAL TE, ZHES GSUNGS SO, ,GNYIS PA NI, DOGS PA 'DI'I SKYE TSUL, ZHES SOGS BYUNG, KHA CIG ,MYU GU DON DAM PAR SKYE BA MED PAR SGRUB PA NA DON DAM PA'I SKYE MED YOD PA BSGRUB BYAR 'GYUR TE, DE RTAGS DE LA BRTEN PA'I RJES DPAG GIS 'GRUB PA'I PHYIR TE, MYU GU DON DAM PA'I SKYE BA MED PA DE YOD PAR RIGS SHES KYIS 'GRUB DGOS PA'I PHYIR SNYAM DU DOGS PA SKYE'O, ,DE'I LAN LA, RANG BZHIN MED PA YOD PAR RIGS SHES KYIS MI 'GRUB PA NI RTZA SHE'I RNAM BSHAD DU 'CHAD 'GYUR DU GSUNGS TE, DE YANG DE NYID LAS, 'DI LA RIGS SHES KYIS RANG BZHIN GYIS GRUB PA MED DO SNYAM DU BZUNG BA TZAM MA GTOGS PA RANG BZHIN MED PA YOD PA LA SOGS PA GANG DU YANG MI 'DZIN PAS MED DGAG NYID GZHAL BYAR 'DOD PA YIN LA, GAL TE RANG BZHIN MED PA YOD PA SOGS SU 'DZIN NA CHOS GZHAN RIGS SHES KYI YUL DU 'PHANGS PAS MA YIN DGAG BSGRUB BYA DANG GZHAL BYAR 'GYUR RO, ,DES NA RIGS SHES KYI DNGOS KYI BYED PAS NI RANG BZHIN MED PA YOD PAR MI 'GRUB PO, ,ZHES SOGS GSUNGS TE RGYAS PAR t'IKA CHEN DER BLTA'O, ,BSGRUB BYA MED DGAG YIN PA RTOGS NA DON DAM @278A *, ,PAR SKYE BA RNAM PAR BCAD TZAM SGRUB KYI DE MA YIN PA'I DON DAM PA'I SKYE MED YOD PAR MI SGRUB PA GO BAS, TSIG GSAL LAS, KHO BO CAG NI 'DI MED PAR SGRUB PA MA YIN GYI, ZHES SOGS SNGAR DRANGS PAR GZHAN GYIS YOD PAR BRTAGS PA 'GOG PA MA GTOGS, GZHAN GYIS YOD PAR BRTAGS PA MED PAR MI BSGRUB PAR GSUNGS PA NI BDEN GRUB 'GOG GI BDEN MED YOD PAR RTAGS DES MI SGRUB PA DANG, GZHAN GYIS MED PA NYID DU BRTAGS PA 'GOG PAR GSUNGS PA NI DON DAM PA'I SKYE MED BDEN PAR BZUNG BA LTAR GRUB PA 'GOG PA LTA BU DANG, YOD PA NYID DU MI SGRUB PAR GSUNGS PA NI DON DAM PA'I SKYE BA YOD PAR MI SGRUB PA LTA BU YIN TE, RTZA SHE'I t'IKA CHEN LAS, KHO BO CAG 'BRAS BU RGYU RKYEN GYI TSOGS PA LA MED PA RANG BZHIN GYIS SGRUB PA MIN GYI, TSOGS PA LA 'BRAS BU RANG BZHIN GYIS YOD PAR GZHAN GYIS BRTAGS PA 'GOG GO ,DE BZHIN DU KHO BO CAG TSOGS PA LA 'BRAS BU RANG BZHIN GYIS YOD PAR MI SGRUB KYI GZHAN GYIS DE LA 'BRAS BU MED PA RANG BZHIN GYIS GRUB PAR BRTAGS PA SEL TE, YOD MED KYI MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,ZHES GSUNGS PA LTAR RO, ,DES NA MYU GU BDEN GRUB DANG DE BDEN MED BDEN GRUB GNYIS KA DGAG NUS PAS GCIG RNAM PAR BCAD NAS CIG SHOS YONGS SU GCOD PA MIN YANG MYU GU BDEN YOD DANG BDEN MED GNYIS NI GCIG RNAM PAR BCAD NA CIG SHOS YONGS SU GCOD DGOS PAS GNYIS CHAR @278B 'GOG MI NUS TE, RTZOD ZLOG LAS, GAL TE RANG BZHIN MED NYID KYIS, ,ZHES SOGS GSUNGS PA'I PHYIR, DE'I DON NI, GAL TE TSIG RANG BZHIN MED PA NYID KYIS CI STE DNGOS PO RNAMS RANG BZHIN MED PA ZLOG PAR BYED NA SGRAS SGRA ZLOG PAR BYED PA DANG DPE DON MTSUNGS PAR 'GRO BAS DPE 'DI 'THAD PAR YANG 'GYUR NA TSIG RANG BZHIN MED PAS DNGOS PO RNAMS RANG BZHIN MED PA 'GOG PAR BYED MI RUNG STE, RANG BZHIN MED PA BKAG NA RANG BZHIN DANG BCAS PAR 'GYUR BA'I PHYIR, ZHES PA'O, ,DON DAM PAR YOD MED GNYIS KYANG RANG BZHIN YOD MED DE DANG 'DRA BAS, GZHI DE DON DAM PAR YOD PA YANG MIN, DON DAM PAR MED PA YANG MIN ZHES DON DAM PAR YOD MED GNYIG DGAG MI NUS LA, DON DAM PAR YOD PA DANG DON DAM PAR MED PA DON DAM DU YOD PA GNYIS KA'ANG DGAG NUS SO, ,'DI LA DNGOS SMRA BAS DGAG BYA MI BDEN NA DE BKAG PA BDEN LA, DE BKAG PA MI BDEN NA DGAG BYA BDEN PAR 'DOD PAS DGAG BYA DANG DE BKAG PA GNYIS KA BDEN PA 'GOG MI NUS LA, DBU MA BAS DGAG BYA DANG DE BKAG PA BDEN PAR GRUB PA GNYIS KA BKAG NAS MTHA' DE GNYIS SPANGS PA'I DBU MA'I LAM RTOGS PAR DKA' BAS ZAB MO, BDEN 'DZIN GYI DMIGS PA'I GTAD SA MED PA, GNAS LUGS MTHAR THUG TU NGES PA'I DON DE NYID LUNG RIGS KYIS LEGS PAR BSGRUBS NAS BSTAN PA'I SNYING PO ZAB LAM RGYAS PAR MDZAD DO, ,DON DAM DU MED PA DE, DON DAM PAR YOD PA MED MTHA' DANG, @279A *, ,DE 'GOG PA MED MTHA' 'GOG PA YIN TE, RTZA SHE'I t'IKA CHEN LAS, DE LA YANG DAG PAR YOD PA THA SNYAD DU YANG MI SRID PAS YANG DAG PAR MED PA THA SNYAD DU YOD PA'I PHYIR DON DAM PAR MED CES PA MED PA'I MTHAR 'DZIN DANG, DE LTAR MA YIN ZHES 'GOG PA MED MTHA' 'GOG PA MIN YANG, DGAG BYA BKAG PA'I MED PA YANG DAG PAR YOD DO ZHES 'DZIN NA DNGOS PO MED PA'I MTHAR LTUNG BAS DE 'GOG PA YANG MED MTHA' 'GOG PA YIN NO, ,ZHES GSUNGS PA LTAR RO, ,GSUM PA RANG NYID GANG GI RJES SU 'BRANG BSTAN CING MJUG BSDU BA LA GNYIS, RANG NYID GANG GI RJES SU 'BRANG BSTAN PA DANG, GZHUNG GI MJUG BSDU BA'O, ,DANG PO NI, DA NI 'DI DRI BAR BYA STE, ZHES SOGS BYUNG, DA NI DON 'DI DRI BAR BYA STE, CI DBU SEMS KYI SHING RTA CHEN PO'I LUGS GNYIS KYIS GSUNG RAB KYI DRANG NGES PHYE BA DANG, RNAM RIG PA LA RNAM BDEN RDZUN GYI MKHAS PA SO SO DANG, DBU MA BA LA MDO SDE SPYOD PA DANG RNAL 'BYOR SPYOD PA DANG THAL 'GYUR BA SOGS KYIS 'PHAGS PA'I DGONGS PA BKRAL BA'I SGO MNGAS NA, RJE THAMS CAD MKHYEN PA NYID DBU SEMS KYI SHING RTA CHEN PO DE GNYIS GANG GI RJES SU 'BRANG BA DANG, DBU MA'I RJES SU 'BRANG NA YANG LEGS LDAN ZHI 'TSO ZLA BA SOGS DGONGS 'GREL MKHAN PO GANG GI RJES SU 'BRANGS NAS NGES DON DU BZHAG PA GANG LA MTHAR THUG PA'I DON DU 'DOD CES 'DRI NA, LAN DU DBU SEMS KYI MKHAS PA 'DZAM GLING MKHAS PA'I RGYAN DU GYUR PA BSHAD MA THAG PA 'DI RNAMS @279B KYI LEGS BSHAD KUN LA SNYING NAS GUS TE, GUS PA'I RGYU MTSAN NI, DE DAG GI LEGS BSHAD RNAMS RANG RANG SAN NGO MTSAR CHE BAR MA ZAD, GRUB MTHA' CHEN MO LAS, DES NA GZHAN SDES BDAG MI RTAG PAR KHAS BLANGS NA SKYE BA SNGA PHYI 'JOG MI SHES LA, BYE SMRAS DE LTAR SHES PA DE MDO SDE BA'I DNGOS PO DANG RDZAS YOD MIN YANG 'DUS MA BYAS DANG 'DUS BYAS BTAGS YOD 'JOG SHES PA'I STEGS DANG, MDO SDE BAS DE LTAR 'JOG SHES PA DANG, MING DON GYI 'BREL BA DNGOS MED BTAGS YOD DU SHES PA DE, SEMS TZAM PAS CHOS THAMS CAD MING GI 'JUG GZHIR RANG DBANG GIS MA GRUB KYANG BYA BYED 'THAD PA DANG CHOS THAMS CAD KUN BTAGS PA'I NGO BO NYID DU MA GRUB PAR GO BA'I STEGS DANG, SEMS TZAM PAS DE LTAR SHES SHING MTSAN NYID GSUM 'JOG SHES PA DE, DBU MA BAS CHOS THAMS CAD MING BRDA'I DBANG GIS BZHAG TZAM DANG, DE LA BYA BYED DANG DBU MA BA'I LUGS KYI MTSAN NYID GSUM 'JOG SHES PA'I STEGS SU 'GYUR BA'I PHYIR RO, ,ZHES GSUNGS PA LTAR 'OG MA 'OG MA'I 'DOD TSUL PHAL CHER GONG MA GONG MA'I LUGS SHES PA'I STEGS SU 'GYUR BA'I DBANG GIS YIN NO, ,DE'I PHYIR RJE NYID NAS KYANG RNAM THAR GYI YI GE CHEN M RNAMS SU GSAL BA LTAR GRUB MTHA' RIS MED KYI LEGS BSHAD 'GANGS CHE BA THAMS CAD LA PHYOGS MED DU SBYONG BAR MDZAD DO, ,DE LTA NA YANG MGON PO KLU SGRUB KYI LUGS BZANG PO NYID GTZO BOR 'DZIN PA'I RGYU MTSAN YOD DE, RTEN 'BYUNG SLU BA MED PA'I GTAN TSIGS LA BRTEN NAS 'KHOR @280A *, ,'DAS KYI CHOS THAMS CAD BDEN GRUB KYI MTSAN MAR 'DZIN PA'I DMIGS PA'I GTAD SO STE 'DZIN STANGS KYI YUL THAMS CAD 'JIG PAR BYED PA DPAL LDAN ZLA BA LAS 'ONGS PA'I LEGS BSHAD KYI 'OD DKAR LA BRTEN NAS MKHYEN RAB KYI KUNDA'I TSAL KHA PHYE BA STE GNAS LUGS MTHAR THUG JI BZHIN GZIGS PA'I PHYIR TE, RTOGS BRJOD 'DUN LEGS MA LAS, MDO SNGAGS GZHUNG LA NGAL BA MANG BYAS KYANG, ,ZAB DON NYAMS SU LEN DANG SMRA BA NA, ,GANG YANG MA BSLABS CI YANG MI SHES PA'I, ,LTA BA'I TSUL LAS RING DU MA SONG BAR, ,MTHONG NAS LHAG PAR KLU SGRUB GZHUNG LUGS KYI, ,ZAB MO 'BYED PA'I PHRA BA'I RIGS LAM NAS, ,YANG DAG LTA BA 'DREN PA'I GNAD KUN LA, ,LEGS PAR SBYANGS TE THE TSOM CHOD PAR BYAS, ,ZHES DANG, NYAMS MGUR LAS, YIN LUGS PHU THAG CHOD PA'I SHES RAB DE, ,G-YO MED ZHI GNAS RTA LA BSKYON NAS NI, ,MTHA' BRAL DBU MA'I RIGS PA'I MTSON RNON GYIS, ,MTHAR 'DZIN DMIGS GTAD THAMS CAD 'JIG BYED PA'I, ,TSUL BZHIN DPYOD PA'I YANGS PA'I SHES RAB KYIS, ,DE NYID RTOGS PA'I BLO GROS RGYAS PAR MDZAD, ,CES GSUNGS SHING, GZHUNG LAS KYANG, 'JAM MGON BLA MA'I DRIN GYIS LEGS MTHONG NAS, ,ZHES DANG, SANGS RGYAS BSKYANGS KYIS BSTAN PA'I LAM MTHONG NAS, ,ZHES DANG, GSUNG RAB DE NYID MTHONG BA'I RIGS SMRA DES, ,ZHES TSIG NUS BTON PA'I PHYIR, DE LTAR ZLA BA'I @280B GZHUNG LA BRTEN NAS SANGS RGYAS BSKYANGS KYIS BSTAN PA'I KLU SGRUB KYI LAM BZANG PO MTHONG NAS NI DE GTZO BOR MI 'DZIN PA SU ZHIG YOD, CES RJE THAMS CAD MKHYEN PAS DE SKAD DU GSUNGS SO, ,DES NA DE DANG MTHUN PAR KHO BO CAG KYANG 'DI LTAR SMRA STE, BSTAN LA DGE BA'I LEGS BSHAD MTHA' DAG LA, ,GUS MOD RTEN 'BYUNG MI SLU'I GTAN TSIGS KYIS, ,MTSAN 'DZIN DMIGS GTAD 'JIG BYED SU DH'I:'I ZHABS, ,GANG GIS LEGS BSHAD NYI ZER SPROS PA'I TSE, , BLO BZANG BZHED GZHUNG PAD TSAL RAB PHYE BAS, ,SLOB DPON GNYIS KYIS JI LTAR BKRAL BA'I DON, ,'KHRUL MED BLA MA'I DRIN LAS THOS PA NA, ,KLU SGRUB LUGS BZANG GTZO BOR 'DZIN LA GUS, ,ZHES SMRA'O, ,GNYIS PA NI, DE LTAR SNGAR BSHAD PA'I, ZHES SOGS BYUNG, DE LTAR SNGAR BSHAD PA'I TSUL GYIS GSUNG RAB KYI DRANG NGES PHYE NAS DE KHO NA NYID GTAN LA 'BEBS PA'I SHING RTA'I SROL GNYIS PO 'DI NI MDO SNGAGS KYI GSUNG RAB THAMS CAD KYI DE KHO NA NYID KYI DON GTAN LA 'BEBS PA'I LAM DU SHES PAR BYA DGOS TE, DE PHA ROL TU PHYIN PA'I SKABS SU RGYAS PAR GSUNGS KYANG, SNGAGS KYI GZHUNG 'GREL BA'I PAn GRUB RNAMS KYIS KYANG SHING RTA'I SROL DE GNYIS GANG RUNG ZHIG DANG MTHUN PAR DE KHO NA NYID KYI DON GTAN LA 'BEBS PA LAS, DE LAS GZHAN PA'I PHUNG GSUM PA MED PA'I PHYIR, TSUL DE LA DGONGS NAS SNGAGS RIM LAS, YE SHES ZHABS KYIS KYANG SGRUB THABS KUN BZANG DANG BDAG SGRUB PA'I THABS LA 'JUG PA RNAMS SU GCIG @281A *, ,DANG DU BRAL LA SOGS PA'I RIGS PAS DBU MA NAS 'BYUNG BA BZHIN DU SNGAGS SU'ANG GTAN LA PHAB PO, ,RGYUD SDE 'OG MA GSUM NAS KYANG TSUL DE LTAR RGYUD LA BSKYED PA SNGAR MANG DU BSHAD ZIN TO, ,DE'I PHYIR RDO RJE THEG PA NAS BDAG MED PA'I LTA BA'I GO BA RGYUD LA SKYED PA NI MTSAN NYID KYI THEG PA BZHIN DU BYA DGOS SO, ,ZHES DANG, DES NA SHES RAB CAN GYIS NI RDO RJE THEG PAR YANG THOS BSAM GYIS BDAG MED PA GNYIS KYI LTA BA DBU MA'I GZHUNG BZHIN DU BTZAL LA MA NOR BA'I LTA BA RNYED NAS KYANG RANG BZHIN MED PA'I DON NGES PA'I NGES SHES KYI RGYUN BSKYANG BAR BYA, ZHES GSUNGS TE, RGYAS PAR SNGAGS RIM SOGS SNGAGS GZHUNG CHE BA RNAMS LAS SHES DGOS SO, ,SHES PAR BYAS SO ZHES PA LA DPE 'GAR SHES PAR BYA'O ZHES BYUNG BA DAG GAM, YANG NA RJE THAMS CAD MKHYEN PA RANG GIS SHES PAR BYAS SO ZHES PA'O, ,DE'I PHYIR RJE THAMS CAD MKHYEN PAS LEGS BSHAD SNYING PO 'DI GTAM DU BYAS PA'I YUL YOD DE, GSUNG RAB KYI RGYA CHE BA THABS KYI CHA DANG, ZAB PA SHES RAB KYI CHA GNYIS DANG, ZAB MO'I NANG NAS KYANG CHES ZAB PA KLU SGRUB DANG ZLA BA'I LUGS, DE'I ZAB GNAS STONG BA RTEN 'BYUNG DANG RTEN 'BYUNG STONG BA'I DON DU SHAR BA'I SGO NAS RANG BZHIN GYIS GRUB PA RDUL TZAM MED KYANG BYA BYED THAMS CAD GRA MA CHAG PAR 'JOG NUS PA'I GNAS RNAMS GTAN LA 'BEBS PA LA BRTZON PA RGYUN DU BSTEN ZHING, JI TZAM SHES PA DE TZAM DU SHES PA'I DON RNAMS LA SGRUB PA SNYING POR BYAS TE @281B RGYAL BA'I BSTAN PA RING DU GNAS 'DOD KYI RNAM DPYOD CAN RNAMS DE YIN PA'I PHYIR, DE LA GZHUNG 'DI GTAM DU BYAS PA'I RGYU YOD DE, DON GYI GNAD RAGS PA TZAM DU MA ZHIG MTHONG YANG DE TZAM GYIS MA TSIMS PAR SHING RTA CHEN PO RNAMS KYI RIGS PA'I GNAD PHRA RAGS RNAMS LA 'DRIS PAR BYAS PA DE DE YIN PA'I PHYIR, DE LTAR 'DRIS PAR BYAS PA'I RGYU MTSAN YANG YOD DE, SHING RTA'I SROL GNYIS GANG LA'ANG MI BRTEN PAR DE KHO NA NYID 'TSOL BA NI LONG 'KHRID MED PA'I LONG BA NYAM NGA BA'I PHYOGS SU RGYUG PA DANG 'DRA LA, SHING RTA CHEN PO'I GZHUNG LA BRTEN PAR 'DOD KYANG DE DAG GI GZHUNG LA RING DU MA 'DRIS PA DANG, KHYAD PAR DU SHING RTA CHEN PO'I GZHUNG LA 'DRIS KYANG DE DAG GI RIGS PA'I GNAD PHRA MO RNAMS MI SHES PAR GSUNG RAB KYI DRANG NGES 'BYED PA'I LUNG TSIG 'GA' TZAM LA BRTEN NAS LUNG TZAM LA BRTEN PA RNAMS KYIS DE KHO NA NYID KYI DRANG NGES KYI GTAM BYAS KYANG TSIG TZAM DU ZAD PAR MTHONG BA'I PHYIR, ` SPRO NA, KHA CIG NA RE, SNGAGS LUGS LA DE KHO NA NYID GTAN LA 'BEBS TSUL SHING RTA CHEN PO GNYIS GANG RUNG GI LUGS DANG MTHUN MI DGOS PAR THAL, KHA SBYOR LAS, STONG PA BSGOM PAR MI BYA STE, ,STONG MIN BSGOM PAR MI BYA'O, ,ZHES SOGS DANG, BYANG CHUB SEMS 'GREL LAS, SKYE MED DANG NI STONG NYID DANG, ,NAS, DE DE SGOM PAR BYED PA MIN, ,ZHES STONG STONG MIN GANG DU YANG MI 'DZIN PAR GSUNGS PA'I PHYIR NA, MA KHYAB STE, LUNG SNGA MAS KUN RDZOB TU MA GRUB PA'I CHAD STONG DANG DON DAM PAR MI @282A *, ,STONG BA'I RTAG PA GNYIS SGOM PA BKAG PA MA GTOGS, RANG BZHIN MED PA'I STONG NYID DU YANG GZUNG DU MI RUNG BAR STON PA MIN PA DANG, LUNG PHYI MAS STONG NYID BDAG MED PA'I DON LA BDEN PAR 'DZIN NA MI RUNG BAR STON PA YIN GYI, RANG BZHIN MED DO SNYAM DU'ANG GZUNG DU MI RUNG BAR STON PA GTAN MA YIN PA'I PHYIR, KHA CIG NA RE, DUS 'KHOR LUGS LA DE KHO NA NYID GTAN LA 'BEBS TSUL SHING RTA CHEN PO GANG RUNG GI LUGS DANG MTHUN MI DGOS PAR THAL, RIGS PAS DPYAD NAS GTAN LA PHAB PA'I STONG NYID SNYING PO MED PAR GSUNGS PA'I PHYIR TE, RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING JI BZHIN SNYING PO MED, ,RNAM PA KUN GYI MCHOG LDAN PA'I; ,STONG NYID DE LTAR 'GYUR MA YIN, ,ZHES GSUNGS PA'I PHYIR NA MA KHYAB STE, LUNG DE'I DON NI, RIGS PAS DPYAD PA'I RNYED DON LA ZER BA MIN GYI, PHUNG PO RIGS PAS DPYAD NAS BDEN MED DU GTAN LA PHAB PA MIN PAR, PHUNG PO RIGS PAS DPYAD NAS CANG MED DU BZUNG BA'I CHAD STONG 'GOG PA YIN PA'I PHYIR TE, DRI MED 'OD LAS, RDUL PHRA RAB TSOGS PA'I BDAG NYID KYI CHOS RNAM PAR DPYAD PA'I STONG PA CHAD PA'I STONG BA LAS RING DU BYAS PA, ZHES GSUNGS PA'I PHYIR DANG, GZHAN DU NA GCIG DU BRAL GYI RTAGS DANG NAM MKHA'I ME TOG GI DPES RNAM SHES KYI PHUNG PO RANG BZHIN MED PAR DPYAD PA'I SGO NAS DBU MA BAS DE KHO NA NYID RIG PAR LE'U GNYIS PA'I MDOR BSDUS BDUN PAR YE @282B SHES SNYING PO KUN BTUS DRANGS NAS GSUNGS PA DANG 'GAL BA'I PHYIR DANG, RDO RJE NI MI PHYED PA DANG MI CHOD PA CHEN PO YIN LA, DE NYID THEG PA YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES RGYU'I THEG PA PHAR PHYIN GYI STONG NYID KYI LTA BA DANG, 'BRAS BU'I THEG PA SNGAGS KYI BDE CHEN GNYIS GCIG TU 'DRES PAR GSUNGS PA'I PHYIR DANG, MCHOG MI 'GYUR GYI MDOR BSDUS LAS SU CI YANG YID LA MI BYED PA DE KHO NA NYID BSGOM PA YIN PA 'GOG PA'I SKABS LAS, 'DIR DE BZHIN GSHEGS PA'I YE SHES NI CHOS THAMS CAD KYI RANG BZHIN MED PA NYID RTOGS PAR BYED PA STE, DNGOS PO MED PA'I MTSAN NYID SHIN TU GNYID LOG PA'I SEMS NI MA YIN NO, ,ZHES RANG BZHIN MED PA CHOS THAMS CAD KYI DE KHO NAR GSUNGS PA'I PHYIR DANG, LE'U GNYIS PA'I 'GREL CHEN LAS, 'DIR 'KHOR BA'I SGYU MA NGAR 'DZIN PA DANG NGA YIR 'DZIN PA'I BDAG NYID CAN GYIS RMONGS PAR BYAS PA NI, DMYAL BA DANG YI DVAGS DANG DUD 'GRO'I SDUG BSNGAL DAG LAS SDUG BSNGAL 'DZIN PAR BYED PA'O, ,ZHES NGA DANG NGA YIR 'DZIN PA 'KHOR BA'I SDUG BSNGAL GYI RTZA BAR GSUNGS PA'I PHYIR DANG, GZHAN YANG, DE'I PHYIR 'BRAS BU NI RANG LAS MA YIN GZHAN LAS MA YIN GNYI GA LAS MA YIN RGYU MED PA CAN DU YANG MA YIN NO, ,NAS, BDAG MED PA LA SOGS PA GRUB PA YIN NO, ,'DIR NI MDOR BSDUS PAS GSUNGS PA STE, RGYAS PAR LUNG RGYA @283A *, ,CHEN PO LAS SHES PAR BYA'O ZHES PA NI NGES PA'O, ,ZHES MTHA' BZHI 'GOG PA'I RIGS PA SOGS GSUNGS NAS, RGYAS PAR DBU MA SOGS KYI LUNG RGYA CHEN PO RNAMS LAS SHES PAR BYA BAR GSUNGS PA'I PHYIR RO, , KHO NA RE, DE MI 'THAD PAR THAL, RGYUD SDE LAS STONG PA NYID DMIGS BCAS SU BSHAD PA'I PHYIR ZHE NA, DE NI DGAG BYA BEM POS STONG PA LA STONG NYID DU THA SNYAD MDZAD PA RNAMS THAMS CAD PA'I GZUGS KUN RDZOB PA YIN PAR DUS 'KHOR GYI SKOR LAS LAN MANG DU 'BYUNG BA'I PHYIR RO, ,KHA CIG ,DE DAG NI DANG POR GO BA 'TSOL BA'I SKABS LAS PHYIS SGOM PA'I SKABS MA YIN ZER BA MI 'THAD DE, 'DUS PA'I RTZA RGYUD LE'U GNYIS PA DANG, BCO LNGA PA DANG, DGONGS PA LUNG STON DANG, RDO RJE PHRENG BA DANG, RDO RJE SNYING PO RGYAN GYI RGYUD DANG, GSANG BA GRUB PA SOGS SU STONG NYID GTAN LA 'BEBS TSUL GSUNGS PA GO BA 'TSOL BA TZAM GYI SKABS MIN PAR PHYIS SGOM PA'I SKABS YIN PA'I PHYIR, ZAB RGYAS KYI DON LA SPRO BYA MANG YANG MA SPROS SO, ,GSUM PA BSTAN BCOS JI LTAR BRTZAMS PA'I TSUL DGE BSNGO SBYAR BYANG DANG BCAS PA LA GSUM, 'GRAN ZLA MED PA'I BSTAN BCOS 'DI JI LTAR BRTZAMS PA'I TSUL, BSTAN BCOS BRTZAMS PA LAS BYUNG BA'I DGE BA JI LTAR BSNGOS PA'I TSUL, BSTAN BCOS KHYAD PAR CAN DE MDZAD PA PO PHUN SUM TSOGS PAS JI LTAR MDZAD PA'I TSUL LO, ,DANG PO LA BZHI, SBYOR TSUL PHUN SUM TSOGS PAS JI LTAR SBYAR BA'I TSUL, SBYAR BA'I BSTAN BCOS KYI CHE BA @283B BSTAN PA, DRANG NGES KYI DON RTOGS PA 'BRAS BU DANG BCAS PA, DRANG NGES RTOGS 'DOD PAS BSTAN BCOS 'DI LA 'JUG PAR GDAMS PA'O, ,DANG PO NI, RGYAL BA'I DGONGS ZAB CES SOGS BYUNG, BYAS SO ZHES DRANG NGO, ,GANG NA RMAD BYUNG GTAM GYI SBYOR BA 'DI'O, ,GANG GIS NA GSUNG RAB DE NYID MTHONG BA'I RIGS SMRA DES SO, ,RGYU CI ZHIG GIS NA THOS PA DANG, BSAMS PA DANG, BSHES GNYEN BSTEN PA'I RGYU GSUM PO DES SO, ,RGYU GSUM PO DE CI'I PHYIR DU BSGRUBS NA BSTAN PA'I SNYING PO 'DZIN PA'I PHYIR RO, ,DE LA BDUD BZHI LAS RGYAL BAS NA RGYAL BA STE BCOM LDAN 'DAS SO, ,BCOM LDAN 'DAS KYI DGONGS PA LA ZAB RGYAS GNYIS LAS ZAB PA NI DE KHO NA NYID YIN LA, DE NYID DNGOS BSTAN BSTAN BYA'I GTZO BOR BYED PA NI ZAB MO'I MDO RGYAS 'BRING BSDUS PA SOGS YIN PAS ZAB MO'I MDO DES RAB TU BSTAN PA'I DON, BSTAN PA'I SNYING PO YANG DAG PA'I LTA BA 'DZIN PA'I CHED DU THUB PA'I RANG LUGS SU GYUR BA DBU SEMS KYI LUGS MCHOG TU GYUR BA GNYIS KYI GZHUNG MANG PO RNAMS LAN GCIG MA YIN PAR MANG DU THOS PA STE, DE'I TSUL NI BLA MA RED MDA' BA GTZO BOR GYUR PA'I THEG PA MCHOG GI BSHES GNYEN RNAMS LAS, BYAMS CHOS LNGA, SA SDE LNGA; SDOM RNAM GNYIS, PRA KAR nA SDE BRGYAD SOGS BYAMS CHOS RJES 'BRANG DANG BCAS PA THAMS CAD DANG, RIGS TSOGS, BSTOD TSOGS, MDO BTUS, BZHI BRGYA PA, 'JUG PA, SPYOD 'JUG ,DBU MA SNYING PO, DBU MA @284A *, ,RGYAN; DBU MA SNANG BA, BDEN GNYIS RNAMS RTZA 'GREL SKOR YOD DO COG LA 'DI MA GSAN BYA BA MED PAR MDZAD PA NI, 'DUN LEGS MA LAS, BLANG DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES NA THAR PA'I GROD MCHOG TU, ,'JUG PAR 'GYUR BA SMOS KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES, ,TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR RO, ,JI LTAR THOS PA DE'I DON LA RNAM PAR DPYOD PA'I DBU SEMS KYI RIGS TSUL RNAM DPYOD DANG LDAN PA DAG GI YID 'PHROG PAR BYED PA NI TSUL BZHIN DU BSAMS PA STE, DE'I TSUL NI RJE RANG NYID KYIS, DE NAS BYANG SA MDO SDE RGYAN GNYIS PO, ,LEGS PAR SBYAR TE TSUL BZHIN RAB 'BAD PAS, ,MI PHAM CHOS RJE GZHUNG DANG RJES 'BRANG GI ,GZHUNG KUN NYAMS SU LEN PA'I GDAMS PAR SHAR, ,ZHES GSUNGS PA LTAR RNAM RIG PA'I GZHUNG CHEN MO RNAMS KYI DON SA RGYAN GNYIS SBYAR BA'I STENG DU DRIL NAS BSAMS PAS SEMS TZAM GYI LAM GYI RIM PA RNAMS LA RIGS LAM NAS DRANGS PA'I NGES PA RNYED PA DANG, LHAG PAR ZAB DANG RGYA CHE'I GSUNG RAB TSOGS, ,BSGRIGS PA'I GO RIM NYID LAS LAM GYI GNAD, ,KUN LA NGES STER BSLAB PA KUN BTUS LA, ,BRTEN NAS MDO SDE KUN LAS BTUS PA SOGS, ,KLU SGRUB @284B LUGS KYI GZHUNG MCHOG DU MA'I DON, ,NYAMS SU LEN PA'I RIM PA LEGS PAR MTHONG, ,ZHES GSUNGS PA LTAR DBU MA'I GZHUNG CHEN MO RNAMS KYI DON BSLAB SPYOD GNYIS SBYAR BA'I STENG DU DRIL NAS BSAMS PAS DBU MA'I LAM GYI RIM PA RNAMS LA RIGS LAM NAS DRANGS PA'I NGES PA RNYED PAR GSUNGS PA LTAR RO, ,RJE THAMS CAD MKHYEN PA LA DGE BA'I BSHES GNYEN MANG YANG 'GRAN ZLA MED PA'I BLA MA NI RJE BTZUN 'JAM PA'I DBYANGS ZHES GRAGS PA SNYAN PA'I GRAGS PA BAR MA CHAD PA'I PHRENG BAS PHYOGS KUN TU KHYAB PA RIGS BRGYA'I KHYAB BDAG DE NYID KYI ZHABS PAD NI, NGO BO SHUGS DRAG PA DUS RGYUN MI 'CHAD PA'I DAD PAS SNYING GI PADMA'I LTE BAR, LEGS BSHAD KYI BDUD RTZI DPAG TU MED PA STZAL BA'I BKA' DRIN DRAN PA'I GUS PA MNGON DU BYAS TE BSTEN PA YIN TE, DE'I TSUL NI, GSANG RNAM GSOL 'DEBS LAS, AINDRA N'I LA'I MDOG LTAR RAB SNGO BA'I, ,RAB MDZES 'OD ZER LNGA YI DRA BA CAN, ,SHIN TU ZLUM PA'I DBUS SU 'JAM PA'I DBYANGS, , MNGON SUM GZIGS ZHES DANG, DE NAS BRTZAMS TE RJE BTZUN MKHYEN PA'I GTER, ,NAM 'DOD GZIGS SHING DPAL LDAN 'DUS PA DANG, ,SHES RAB PHA ROL PHYIN GZHUNG ZAB MO'I DON, ,RGYUN DU GSAN ZHES GSUNGS PA LTAR TE, RTOGS BRJOD LAS, DE NAS GDUL BYA'I BLO MUN SEL BA'I MCHOG ,'JAM PA'I DBYANGS LA SHUGS DRAG RGYUN RING GI ,DAD PA BRTAN POS GZHUNG LUGS GDAMS PA RU, ,'CHAR PHYIR GSOL BTAB RGYU TSOGS KUN LA 'BAD, ,CES GSUNGS @285A *, ,PA DANG GNAD GCIG STE, DE DAG NI RJE BTZUN 'JAM PA'I DBYANGS KYIS RJE LA GDAMS PA LAS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, GSAG SBYANG GNYIS LA LEGS PAR 'BAD PA DANG, GZHUNG LUGS KYI DON LA RIGS PAS RNAM PAR DPYOD CING ZHIB TU SEMS PA RNAMS SUM BSGRIL DU NYAMS SU LONGS LA, TSIM MA SLA BAR RGYUN BSRINGS LA LEGS PAR DPYOD CIG CES GSUNGS PA LTAR GYI RGYU TSOGS DANG PO GNYIS NI, 'JAM DBYANGS ZHES GRAGS, NAS, LTE BAR GUS BSTEN CES PA'I BAR GYIS BSTAN, PHYI MA NI RKANG PA DANG PO GSUM GYIS BSTAN PAS RGYU TSOGS DE GSUM GRANGS TSANG BAR PHYAG TU BZHES PA YANG BSTAN TO, ,DE LTAR RGYU TSOGS GRANGS TSANG BAR BYAS PA LAS GSUNG RAB KYI DE NYID DE DGONGS DON JI BZHIN DU GZIGS PA'I RIGS PA SMRA BA DES NGO MTSAR RMAD DU BYUNG BA'I LEGS PAR BSHAD PA'I GTAM GYI SBYOR BA 'DI BYAS SO, , SHUGS DRAG RGYUN MI 'CHAD PA'I DAD PA YI, ,ZHES PA'I GONG DU, RAB 'BYAMS RGYAL BA SPRO BAR MDZAD PA PO, ,MA LUS YE SHES SDUD PA 'JAM PA'I DBYANGS, ,ZHES PA'I RKANG PA GNYIS YOD PA'I DBANG DU BYAS NA, RAB 'BYAMS RGYAL BA THAMS CAD SPRO BAR MDZAD PA'I DON NI RGYAL BA THAMS CAD KYI YAB TU GYUR PA DANG GNAD 'DRA LA, DE YANG RJE BTZUN 'JAM DBYANGS 'KHOR SGYUR NAM MKHAR GYUR TSE DE BZHIN GSHEGS PA 'BRUG SGRA'I DBYANGS KYI RGYAL PO'I @285B SPYAN SNGAR THUGS BSKYED PA NAS BYANG CHUB SEMS DPA' LAM LA MA ZHUGS PA RNAMS GSAR DU 'JUG PA DANG, ZHUGS PA RNAMS LAM GONG MAR SLOB PA DANG, SLOB BZHIN PA RNAMS MTHAR PHYIN PAR MDZAD PA THAMS CAD KYI BSHES GNYEN RJE BTZUN 'JAM DBYANGS NYID KYIS MDZAD PAR GSUNGS PA LTAR YIN NO, ,RGYAL BA THAMS CAD KYI YE SHES BZHIN LAG LTA'I RNAM PAR SHAR BA NI RJE BTZUN 'JAM DBYANGS NYID YIN PAR LUNG RIGS KYIS SGRUB TU YOD PA'I RGYU MTSAN GYIS; MA LUS YE SHES SDUD PA 'JAM PA'I DBYANGS, ,ZHES GSUNGS PA YIN NO, ,GNYIS PA NI, LEGS BSHAD GTER CHEN ZHES SOGS BYUNG, SPYIR RJE THAMS CAD MKHYEN PAS MDZAD PA'I LEGS BSHAD RNAMS NI MKHAS GRUB CHOS KYI RGYAL POS, JI LTAR RGYAL BA'I LUNG BSTAN BRNYES PA'I SHING RTA'I SROL 'BYED CHEN PO DAG GI GZHUNG LUGS RNAMS LA RIGS PA'I DBANG PHYUG DAG GIS JI TZAM DPYAD KYANG KHAS BLANGS SNGA PHYI 'GAL BA SOGS KYI DRI TZAM YANG BRTAG PAR MI NUS PA LTAR; BDAG NYID CHEN PO 'DIS KYANG MDO SDE DANG RGYUD SDE'I DGONGS PA 'GREL BA'I BSTAN BCOS SHIN TU MANG PO 'DI TZAM ZHIG MDZAD PA THAMS CAD LA'ANG, BDAG CAG GI DGE BA'I BSHES KYI GSUNG YIN PA RGYU MTSAN DU NYE BAR BKOD PA'I RANG GI YIN PA'I 'DU SHES KYIS SGRO 'DOGS PA DANG, YID PHRAG DOG GI DUG CHUS CHES CHER MYOS PAS SKYON GDAGS PAR 'DOD PA 'BA' ZHIG GI SEMS KYIS SKUR BA 'DEBS PA GNYIS KA SPANGS TE, DRI MA MED PA'I RIGS PA'I LAM NAS @286A *, ,'ONGS PA'I BLOS JI TZAM LEGS PAR BRTAGS KYANG, RGYUD SDE GONG 'OG THEG PA CHE CHUNG, GRUB PA'I MTHA' SO SO LA SOGS PA GANG YIN PA DE'I GZHUNG LUGS DE DANG DE LAS PHYI ROL TU GYUR PAR LUNG DANG RIGS PA 'DIS GNOD DO ZHES BYA BA'AM, LUGS DE NYID GZHIR BYAS PA LA'ANG RANG TSIG 'GAL BA'I NYES PA 'DI LTA BUS REG GO ZHES BYA BA'I DRI TZAM YANG BRTAG PAR MI NUS PA MNGON SUM GYIS GRUB PA 'DI NYID 'DI'I RIGS PA YANG DAG PA YIN NO, ,DE'I PHYIR TSUL 'DI NI JI 'DRA BA'I MKHAS PA RMAD DU BYUNG PA GRAGS PA'I BA DAN GYIS MDZES PAR BYAS PA SNGON BYON PA'I CHEN PO DAG LA'ANG RANG GI GZHUNG LUGS LA RNAM PAR DPYAD NA, LUGS DE NYID GZHIR BYAS PA LA'ANG RANG TSIG 'GAL BA'I NYES PA LAN GCIG MA YIN PAR 'BAB PA DAG MTHONG BA LAS NA, BDAG NYID CHEN PO 'DI'I BLO GROS DANG MKHYEN RAB RMAD DU BYUNG BA LA BSGRUN PAR BZOD PA'I BSHES GNYEN NI SNGON CHAD GANGS RI'I KHROD 'DIR LAN GCIG KYANG MA BYON PA NYID DU KHO BOS YID CHES PA'I TSAD MAS GRUB PA YIN NO, ,ZHES GSUNGS PA LTAR YIN PAR MA ZAD, LEGS BSHAD SNYING PO 'DI NI DBU SEMS KYI LTA BA PHYIN CI MA LOG PAR DPYIS PHYIN RGYAS PAR BSTAN PAS KHYAD PAR 'PHAGS PA YIN TE, LEGS PAR BSHAD PA'I GTER CHEN NI BCOM LDAN 'DAS TE, DE'I GSUNG RAB KYI DON SMRA BA'I MKHAS GRUB KYI KHYU DPAG TU MED PA'I MCHOG TU GYUR PA KLU SGRUB KYIS JI BZHIN DU BKRAL BA'I DBU MA'I LUGS @286B DANG, THOGS MED KYIS JI BZHIN DU BKRAL BA'I RNAM RIG PA'I LUGS KYI SHING RTA'I SROL GNYIS PO SHING RTA CHEN POS JI LTAR BKRAL BA DE BZHIN DU DPYIS PHYIN RGYAS PAR 'CHAD PA LEGS BSHAD SNYING PO 'DI LAS GZHAN LA MED PA'I PHYIR RO, , DE'I PHYIR DKA' 'GREL LAS, RAB BRLING TSIG GI PHA MTHA' MI MDON ZAB MO'I GTING MTHA' DPAG PAR DKA', ,DGAG SGRUB RLABS PHRENG DRAG TU 'PHYUR BAS SHES BYA MA LUS CIG CAR 'GENGS, ,MI MKHAS SNYING NI CI YANG 'DAR BYED LEGS BSHAD RIN CHEN 'BYUNG GNAS CHER, ,ZHES GSUNGS SO, ,GSUM PA NI, RLABS CHEN SPYOD LA ZHES SOGS BYUNG, TSIGS BCAD DANG POS DRANG NGES KYI DON RTOGS TSUL, DE NAS RKANG PA GNYIS KYIS BSLAB GSUM GYIS YID TSIM TSUL, DE NAS TSIGS BCAD PHYED DANG GNYIS KYIS RGYAL BA LA DAD PA SOGS SPYIR RGYAS TSUL, DE NAS TSIGS BCAD GCIG GIS BOD DU TSUL 'DI NYAMS PA GSAR DU RNYED PA LA DGA' BA BYE BRAG TU BYUNG TSUL STON TO, ,DE LA DMIGS YUL NGO BO 'BRAS BU GANG GI DBANG DU BYAS NA YANG RLABS CHE BA'I BYANG CHUB SEMS DPA'I SPYOD PA LA RING MO NYID NAS ZHUGS PA'I RGYAL SRAS THUN MONG BA'I RIG GNAS LA MKHAS PA DPAL LDAN CHOS SKYONG DANG, TSAD MA LA MKHAS PA PHYOGS KYI GLANG BO DANG, NANG RIG LA MKHAS PA SLOB DPON DBYIG GNYEN LTA BUS KYANG RTOGS PAR DKA' BA NI, KLU SGRUB DANG ZLA BA'I ZHABS KYIS BZHED PA'I ZAB MO'I LAM YIN TE, 'JUG PA LAS, DE NYID BSHAD ZIN ZAB MO 'JIGS RUNG 'DI NI SNGON GOMS NYID @287A *, ,LAS SKYE BO YIS, ,NGES PAR RTOGS 'GYUR 'DI NI GSAN RGYA CHE YANG GZHAN GYI THUGS SU CHUD MI 'GYUR, ,ZHES DANG, DE'I RANG 'GREL LAS, GAL TE GNAS BRTAN DBYIG GNYEN DANG, PHYOGS KYI GLANG BO DANG, CHOS SKYONG LA SOGS PA BSTAN BCOS RNAMS KYI MDZAD PA PO BYON ZIN PAR GYUR PA DE DAG GIS KYANG YI GE TZAM THOS PAS 'JIGS TE, RTEN CING 'BREL BAR 'BYUNG BA'I DON PHYIN CI MA LOG PAR STON PA 'DI YONGS SU SPANGS SAM ZHE NA, DE SKAD DU SMRA'O, ,ZHES DANG, DE DAG GIS KYANG MANG DU GSAN PA RNAM PA DE LTA BU MANG BAR ZIN KYANG STONG PA NYID LA LHAG PAR MOS PA'I SA BON DANG BRAL BAS STONG PA NYID THUGS SU CHUD PAR MI SPYOD DO ZHES BYA BAR SHES PAR BYA'O, ZHES GSUNGS PA'I PHYIR, ZAB MO'I LAM DE DANG DES ZIN PA'I RGYA CHE BA'I GNAS TE DON JI LTA BA BZHIN RNYED NAS YUN RING BO'I BAR DU TSUL BZHIN 'DRIS PAR BYAS PA LA BRTEN NAS SEMS RTZE GCIG PA'I TING NGE 'DZIN DANG, GNAS LUGS RTOGS PA'I SHES RAB DANG, DE DAG GI GZHI RTEN YAN LAG DRUG LDAN GYI TSUL KHRIMS YONGS SU DAG PA'I DGA' STON CHEN POS YID RAB TU TSIMS PA STE, BYANG CHUB GZHUNG LAM LAS, THOS BSAM GYI SHES RAB DANG LHAG MTHONG NI SHES RAB KYI BSLAB PA STE, ZHES GSUNGS SHING, THUB BSTAN BYI DOR DANG, RGYUD SDE SPYI RNAM LA BRTEN NAS RNAM 'GREL MTHA' DPYOD DU TSUL KHRIMS KYI BSLAB PA YIN NA TSUL KHRIMS DANG, SEMS KYI BSLAB PA YIN NA ZHI GNAS @287B DANG, SHES RAB KYI BSLAB PA YIN NA LHAG MTHONG GIS KHYAB PAR GSUNGS SHING, RJES 'BRANGS DANG BCAS NA BSLAB GSUM MI 'GAL BAR BZHED DE, 'DIR BSLAB GSUM GO RIMS SU MA GSUNGS PA'I DGOS PA BRTAG GO ,DE LTAR TSIMS PAR GYUR NAS, LEGS BSHAD SNYING PO CHUNG BA LAS, GANG GANG RKYEN LA RAG LAS PA, ,ZHES SOGS LTAR RTEN 'BREL GZIGS SHING GSUNGS PAS STON PA SMRA BA GZHAN LAS KHYAD ZHUGS TSUL DANG, RTEN 'BREL JI LTAR GZIGS SHING GSUNGS PA'I TSUL LA BRTEN NAS RES 'GA' RGYAL BA LA DMIGS TE DANG BA'I DAD PA'I DGA' BA RGYAS PA DANG, DE LTAR RMAD DU BYUNG BA YI, ,ZHES SOGS LTAR ZAB DON MI MKHAS PA RNAMS KYIS 'KHRUGS PAR BYAS PA LA BRTEN NAS RANG GZHAN GYI SDE BA'I GZHUNG LA SBYANGS PAS LHAG PAR THE TSOM GYI GNAS SU GYUR PA'I TSUL BZHES PA NA DPAL LDAN ZLA BA'I LEGS BSHAD LA BRTEN NAS KLU SGRUB KYI DGONGS DON DRANG NGES KYI GNAD MTHONG BA NA SKABS 'GAR DBU SEMS KYI SHING RTA CHEN PO RNAMS KYI BKA' DRIN DRAN PA DANG, STON PA BLA NA MED PA'I BSTAN PA DANG, ,MJAL BA 'DI 'DRA BLA MA'I DRIN YIN PAS, ,ZHES PA LTAR SPYIR RGYAL BA'I BSTAN PA'I GNAD DANG BYE BRAG TU ZAB MO'I DON MA NOR BA GANG LA BRTEN NAS RNYED PA'I DGE BA'I BSHES GNYEN MKHAS PA RNAMS LA GUS PA DANG, MKHAS GRUB THAMS CAD MKHYEN PAS, RIN CHEN 'BYUNG GNAS CHU YI PHUNG PO BZHIN, ,KHYOD THUGS SNYING RJE'I GTING MTHA' CI TZAM ZHES, ,YE SHES SPYAN LDAN KUN GYI @288A *, ,YUL LAS 'DAS, ,RJE BTZUN THUGS RJE'I GTER ZHES GSUNGS PA LTAR 'KHOR BA'I SDUG BSNGAL GYIS MNAR BA'I NYAM CHUNG BA STE NYAM THAG PA'I 'GRO BA RNAMS LA SNYING THAG PA NAS BRTZE BA SNYING RJE CHEN PO 'PHEL BAS, GZHUNG 'DI'I RTZOM PA DAM BCAR YANG, SHIN TU BRTZE BA'I BSAM PAS BDAG GIS BSHAD, ,CES GSUNGS SO, ,SNGAGS RIM LAS, BSTAN PA KHO NA LHAR BCAS 'GRO BA YI, ,BDE LEGS KUN GYI RTZA BAR YID CHES NAS, , ZHES GSUNGS PA LTAR, BSTAN PA RIN PO CHE NYID 'GRO BA THAMS CAD KYI PHAN BDE'I RTZA BAR GZIGS TE RGYUN DU DE NYID YUN RING DU GNAS PAR BZHED PA'I DBANG GIS LAM RIM CHE CHUNG DANG RTZA 'JUG GI RNAM BSHAD DANG RGYUD 'GREL RNAM GNYIS SOGS BSTAN BCOS CHE BA THAMS CAD KYI MJUG TU BSTAN PA 'DZIN PA'I SMON TSIG RE NGES CAN DU SBYOR BAR MDZAD CING, LEGS BSHAD SNYING PO CHUNG BAR YANG, BRTEN NAS 'BYUNG BA'I DE NYID GSAL MDZAD PA, ,THUB PA'I LUGS BZANG SKYE BA THAMS CAD DU, ,LUS DANG SROG KYANG BTANG NAS 'DZIN PA LA, ,SKAD CIG TZAM YANG LHOD PAR MA GYUR CIG ,'DREN PA MCHOG DES DKA' BA DPAG MED KYIS, ,NAN TAN SNYING POR MDZAD NAS BSGRUBS PA 'DI, , THABS GANG ZHIG GIS 'PHEL BAR 'GYUR SNYAM PA'I, ,RNAM PAR DPYOD PAS NYIN MTSAN 'DA' BAR SHOG ,CES GSUNGS SO, ,DE'I GNAD KYIS RGYAL TSAB THAMS CAD MKHYEN PAS, RGYAL BA RNAMS KYI DAM PA'I CHOS MA LUS PA @288B RGYAL BA'I DGONGS PA JI LTA BA BZHIN DU 'DZIN PA'I SMON LAM LEGS PAR GRUB PA'I SKYES BU CHEN PO, ZHES DANG, MDO SNGAGS KYI BSTAN PA YONGS SU RDZOGS PA'I DAM PA'I CHOS 'DZIN PA'I SMON LAM LEGS PAR GRUB PA, ZHES DANG, MKHAS GRUB THAMS CAD MKHYEN PAS, RGYAL BA RNAMS KYI LUNG DANG MNGON PAR RTOGS PA'I CHOS MA LUS PA RGYAL BA NYID KYI DGONGS PA JI LTA BA BZHIN DU 'DZIN PA LA ZLA DANG BRAL BA'I THAMS CAD MKHYEN PA BLO BZANG GRAGS PA'I DPAL, ZHES DANG, RNAM PAR DKAR BA'I 'PHRIN LAS RGYA MTSO'I GOS CAN GYI MTHA' KLAS PAR KHYAB PAS BDE BAR GSHEGS PA'I BSTAN PA'I RGYAL MTSAN SRID RTZE'I BAR DU SGRENG BA LA 'GRAN PA'I ZLA THAMS CAD DANG BRAL BA'I THAMS CAD MKHYEN PA, ZHES SOGS SRAS MCHOG RNAMS KYIS RGYAL BA'I DAM CHOS 'DZIN PA'I CHA NAS BSNGAGS PA LA BSNGAGS PA GZHAN DANG MI 'DRA BA'I GNAD YOD DO, ,DE LTAR NA RJE THAMS CAD MKHYEN PA LA YON TAN 'DI DAG PHAN TSUN GCIG LA GCIG 'GRAN GYI TSUL DU 'PHEL BA STE, 'DI NI GNYAL STON SOGS KYIS RJE RANG LA SBYAR BA DANG BSTUN CING, DE LTAR NA 'GYUR ZHES YOD PA MA DAG PAS GYUR CES BYA DGOS PAR SNANG NGO, ,DE LTAR NYAMS RTOGS 'PHEL BA DE'I TSE BOD KYI LJONGS 'DIR MKHAN SLOB CHOS GSUM DANG, MAR MI DVAGS GSUM DANG, JO 'BROM YAB SRAS SOGS RTZA BA'I MKHAN PO 'GA' ZHIG LAS, GZHAN SA PHYAG JO RDZOGS BKA' GDAMS PA PHAL CHER GYIS MA RNYED PAR NYAMS PA'I RTOGS DKA' BA ZAB @289A *, ,DON GYI GNAS DE GANG GIS TE RJE BLA MA NYID KYIS SKU SROG LA'ANG LTOS PA MED PAR 'BAD PA CHEN POS BTZAL NAS RNYED PA'I ZAB MO GTAN LA 'BEBS PA'I RIGS LAM GYI RNAM GRANGS RTZA 'JUG BZHI GSUM SOGS LAS BSTAN PA'I RIGS PA'I RNAM 'PHRUL MI 'DRA BA RNAMS NI KYE MA'O 'DI LTAR NGO MTSAR RO ZHES RANG GCIG PUR GNAS NA'ANG DGA' BA'I CA CO DBANG MED DU 'CHOR BAR GSUNGS TE, RJE'I BSTOD 'GREL LAS, MCHOG TU ZAB PA'I GNAS 'DI NYID SA 'OG GI GTER BZHIN SNGON CHAD GANGS RI'I LJONGS 'DIR SUS KYANG GSAL BAR MA NUS PA RJE BLA MA 'BA' ZHIG GIS MGON PO 'JAM PA'I DBYANGS KYI BKA' DRIN LA BRTEN NAS LUNG DANG RIGS PA BRGYA PHRAG GIS CHES SHIN TU GSAL BAR BKROL TE SKAL LDAN THAR 'DOD YONGS KYI SPYI NOR DU STZAL BA NI SNGA MA RNAMS LAS CHES KHYAD PAR DU 'PHAGS PA'I SGOS CHOS BLA NA MED PA YIN ZHING, LTA SGOM SPYOD PA'I GNAD DANG GZHI LAM 'BRAS BU'I RNAM GZHAG PHRA MO TSUN CHAD LA'ANG 'KHRUL BA MED PA'I YON TAN MTHA' DAG GANG LAS 'BYUNG BA'I GTER LTA BU'ANG STONG BA DANG RTEN 'BYUNG DON GCIG TU GZIGS PA 'DI NYID YIN NO, ,ZHES GSUNGS PA LTAR RO, ,'DIR, ZAB DANG RGYA CHE'I GNAS, ,ZHES PA'I STENG NAS ZAB RGYAS KYI LAM GNYIS DANG, TING 'DZIN SHES RAB TSUL KHRIMS YONGS DAG PA'I, ,ZHES PA'I STENG NAS BSLAB GSUM GYI SPYI DON DANG DE DAG GI DOGS SLONG RNAMS SBROR 'OS KYANG SKABS DON @289B LA HA CANG GAL MI CHE BAS MA SPROS SO, ,BZHI BA NI, DE 'DRA DE LA ZHES SOGS BYUNG, DE KHO NA NYID KYI DON RTOGS NAS GOMS PA DE 'DRA'I BYANG CHUB SEMS DPA' DE LA SMRA BA'I ZLA BA SANGS RGYAS BCOM LDAN 'DAS KYIS MDO SDE DU MAR, SGOM RIM LAS, SHES RAB KYIS DNGOS PO MTHA' DAG GI NGO BO NYID LA SO SOR BRTAGS NAS GANG GI PHYIR MI DMIGS PAR BSAM GTAN BYED PA DE'I PHYIR SHES RAB MCHOG GI BSAM GTAN PA ZHES BYA STE, ZHES PA LTAR RAM, YANG NA 'DI NI GNAS LUGS RTOGS PA'I SHES RAB MCHOG DANG, DE DANG 'BREL BA'I BSAM GTAN MCHOG DANG, DE DAG GI GZHI RTEN TSUL KHRIMS YONGS SU DAG PA RNAMS KYI GRAL MGO LA DBANG BSGYUR NAS 'DUG PA PO, RGYAL BA'I GDUNG 'TSOB STE BYANG SEMS NGES DON GYI GNAD RNYED PA PO'O, ,ZHES BSTOD PA BAR MA CHAD PA'I PHRENG BAS LAN GCIG MA YIN PAR YANG DANG YANG DU BSNGAGS PAR MDZAD PA YIN LA, DE LTAR RGYAL BA SRAS DANG BCAS PAS BSNGAGS PA GANG ZAG GANG GIS THOB PAR 'DOD PA'I BLO GROS DANG LDAN PA DES, DBU SEMS KYI DRANG NGES KYI GNAD RNAM PAR BSHAD PA'I GZHUNG LEGS BSHAD SNYING PO 'DIR ZHUGS NAS BLO GROS KYI MIG RTEN 'BYUNG LA SOGS PA'I RIGS PA'I LAM BRGYA PHRAG GIS DAG PAR GYIS SHIG CES BSKUL BAR MDZAD PA'O, ,GNYIS PA BSTAN BCOS BRTZAMS PA LAS BYUNG BA'I DGE BA JI LTAR BSNGOS PA'I TSUL NI, TSUL GNYIS ZHES SOGS BYUNG, TSIGS BCAD GNYIS KYIS RIM PAR SHING @290A *, ,RTA CHEN PO GNYIS BZHIN RGYAL BA'I DAM CHOS 'DZIN PA DANG, KUN BZANG 'JAM DBYANGS GNYIS BZHIN RGYAL SRAS KYI SPYOD PA LA 'JUG PAR SMON PA STE, DBU SEMS KYI LUGS GNYIS KYI SHING RTA'I SROL GYI DRANG NGES 'BYED PA'I BSTAN BCOS LEGS BSHAD SNYING PO 'DI RTZOM PA LA SKU GSUNG THUGS KYIS RTZE GCIG TU 'BAD PA LA BRTEN NAS 'JAM MGON BLA MA RANG GIS RGYAL BA'I DAM CHOS 'DZIN PA'I BSOD NAMS TSAD MED PA GANG ZHIG BSAGS PA DE'I MTHU LAS SHING RTA CHEN PO GNYIS BZHIN RGYAL BA'I DAM CHOS MTHA' DAG RGYAL BA'I DGONGS PA BZHIN YUN RING DU 'DZIN PAR SHOG CES SMON PA DANG, DE LTAR DAM CHOS BZUNG BA'I TSUL DE LA BRTEN NAS RGYAL BA DGYES PA SKYED PA LA, 'JUG PA'I RANG 'GREL LAS, DE LA SMON LAM CHEN PO BCU LA SOGS PA SMON LAM 'BUM PHRAG GRANGS MED PA PHRAG BCU BO GANG DAG BYANG CHUB SEMS DPA' SEMS DANG PO BSKYED PAS 'DEBS PA DE DAG NI BYANG CHUB SEMS DPA' KUN TU BZANG PO'I SMON LAM GYI NANG DU 'DUS PA YIN TE, SMON LAM MA LUS PA NYE BAR BSDU BAR BYA BA'I PHYIR KUN TU BZANG PO'I SMON LAM KHYAD PAR DU BKOD PA YIN NO, ,ZHES PA LTAR RGYAL SRAS SMON LAM LA MKHAS PA KUN BZANG DANG, ZHING MCHOG SGO 'BYED LAS, 'CHAL BA'I SHES RAB KYI SKYON THAMS CAD DANG BRAL BA'I SHES RAB KYIS GSUNG RAB KYI TSIG DON 'BYED PA LA THABS MKHAS PA'I SHES RAB KYI SGO NAS BYANG CHUB SEMS DPA'I SPYOD PA THAMS CAD @290B KYI MTHAR SON PA RJE BTZUN 'JAM PA'I DBYANGS, ZHES PA LTAR RGYAL SRAS SHES RAB LA MKHAS PA 'JAM DBYANGS GNYIS KYIS RGYAL SRAS KYI SPYOD PA RLABS CHE BA LA JI LTAR SPYAD PA DE LTAR BDAG NYID KYIS KYANG SPYOD PA RLABS PO CHE LA SPYOD PAR SHOG CES SMON PA'O, ,GSUM PA BSTAN BCOS KHYAD PAR CAN DE MDZAD PA PO PHUN SUM TSOGS PAS JI LTAR MDZAD PA'I TSUL NI, CES MGON PO KLU SGRUB, CES SOGS BYUNG, BSTAN BCOS 'DI'I GSAL BAR BYA RGYU NI MGON PO KLU SGRUB KYIS DBU MA BA'I LUGS DANG, BDAG NYID CHEN PO THOGS MED KYIS RNAM PAR RIG PA'I LUGS KYI SHING RTA'I SROL GNYIS PHYE BA'I SGO NAS RGYAL BA'I GSUNG RAB KYI DRANG NGES KYI DON LEGS PAR PHYE BA STE, DE NYID GSAL BAR BYED PA'I BSTAN BCOS DBU SEMS SO SO'I LUGS KYI BSTAN PA'I SNYING PO ZAB MO'I DE KHO NA NYID PHYIN CI MA LOG PAR GTAN LA 'BEBS PAS NA LEGS PAR BSHAD PA'I SNYING PO ZHES BYA BAR MTSAN DU GSOL BA 'DI NI ZHES BSTAN BCOS PHUN SUM TSOGS PA NGOS BZUNG BA STE, MDZAD PA PO PHUN SUM TSOGS PA SH'AKYA'I DGE SLONG ZHES SOGS TE, SH'AKYA'I DGE SLONG ZHES PAS BTZUN PA DANG, MANG DU THOS PA ZHES PAS MKHAS PA DANG, RIGS PA SMRA BA ZHES PAS GDUL BYA RJES SU 'DZIN PA'I YON TAN BSTAN LA, SHAR TZONG KHA'I YUL DU 'KHRUNGS PA MTSAN DNGOS BLO BZANG GRAGS PA'I DPAL ZHES PA STE, DE YANG BLO BZANG ZHES PAS MKHYEN PA PHUN HTSOGS DANG, GRAGS PA ZHES PAS SNYAN PA PHUN TSOGS DANG, DPAL ZHES PAS MKHAS BTZUN BZANG @291A *, ,PO'I YON TAN PHUN TSOGS BSTAN TO, ,DE NYID KYIS SBYOR TSUL PHUN SUM TSOGS PAS JI LTAR SBYAR BA'I TSUL NI, BSTAN BCOS KYI DBUR BSHAD ZIN PA LTAR LA, GNAS RA KHA BRAG TU DUS DGUNG LO NGA GCIG PA'I STENG MDZAD PA LA, YI GE BA PHUN SUM TSOGS PA NI, RJE THAMS CAD MKHYEN PA'I LEGS BSHAD MDZAD PA'I YI GE BA MANG DU YOD CING GSUNG GIS ZIN PA'ANG CI RIGS SNANG MOD, GTZO BO YI GES THUGS ZIN GYI BU CHEN GSUM DU GRAGS PA, SKU TSE'I STOD DU YI GES THUGS ZIN GYI BU CHEN G-YAG SDE BSOD NAMS DPAL BZANG, SKU TSE'I BAR GYI YI GES THUGS ZIN GYI BU CHEN SDOM BRTZON BSOD NAMS BLO GROS, SKU TSE'I SMAD KYI YI GES THUGS ZIN GYI BU CHEN DKA' BZHI BA RIN DPAL BA DANG GSUM DU GRAGS PA LAS BAR BA SDOM BRTZON BSOD NAMS BLO GROS TE, 'DIS MDO PHYOGS LA GZHUNG 'DI DANG RTZA SHE'I t'IK CHEN SOGS DANG, SNGAGS PHYOGS LA SBAS DON LTA BA'I MIG 'BYED, DKYIL CHOG RIN CHEN PHRENG BA, 'PHO t'IK GSER GYI SGO 'BYED SOGS KYI DRUNG YIG MDZAD DO, ,YI GES THUGS ZIN GYI BU CHEN DU GYUR BA'I TSUL YANG RJE THAMS CAD MKHYEN PAS MDO SNGAGS KYI YIG CHA CHE BA MDZAD PA RNAMS KYI RTZOM GDAN THOG MAR 'BRI BA DANG, DE LA ZHAL BSHUS DU MA MDZAD DE 'GA' ZHIG GZIM KHANG DU 'JOG CING, LA LA BU CHEN SO SOR GNANG BA SOGS RJE'I THUGS BZHED BZHIN NGAL MED DU 'BRI BAR MDZAD PA DANG, YIG RIS KYANG DU MA MKHYEN PAR @291B MA ZAD BRDA DAG PA DANG GCOD MTSAMS 'BRI LUGS SOGS SHIN TU MKHAS PA LA BRTEN NAS RJE YANG LTAG PAR THUGS MNYES TE ZAB CHOS DU MA GNANG BAR RNAM THAR DAG LAS BSHAD PA LTAR LA, RNAM THAR 'GAR YI GES THUGS ZIN GYI BU CHEN GSUM GYI NANG DU BSOD NAMS BLO GROS MA BGRANGS PAR BLO GROS GRAGS PA ZHES BGRANGS KYANG RJE'I LEGS BSHAD CHE CHUNG GANG DU'ANG YI GE BA MDZAD MKHAN LA DE 'DRA'I MTSAN CAN ZHIG MA BYUNG BAS YI GE NOR BAR MNGON NO; ,'DIS KYANG BSTAN PA RIN PO CHE ZHES SOGS YOD PA LTAR NA, RGYAL BA'I DAM CHOS 'DZIN PA'I THUGS BSKYED GZUGS SU SHAR BA LTA BUS SLAR YANG NAN TAN GYI TSUL DU TSIG LHUG PAS KYANG RGYAL BA'I BSTAN PA YUN RING DU GNAS PA'I SMON PA MDZAD PA'O, ,DA NI 'DI BRJOD PAR BYA STE, GRVA SA SO SO'I YIG CHA MDZAD PA PO RNAMS NI THUN MONG SNANG BAR YANG SA MTHON PO LA GNAS PA'I BYANG CHUB SEMS DPA' THUGS BSKYED GZHAN 'GRAN MED PA SHA STAG BSAM BZHIN KHA BA RI BA'I LJONGS 'DIR RGYAL BSTAN RIN PO CHE SPYI DANG KHYAD PAR 'JAM MGON BLA MA'I RANG LUGS NYI MA LTAR GSAL BAR MDZAD PHYIR BYON PA DANG, BYON PA LTAR MDZAD PA DANG PHYAG RJES KYI MTHA' DPAG PAR DKA' BAS BSHAD SGRUB KYI BSTAN PA DUS KYI MTHAR YANG MI NYAMS GONG 'PHEL DU GNAS PA'I SROG SHING DAM PAR GYUR PA DANG, RGYAN DRUG MCHOG GNYIS LTA BU'I 'DZAM GLING RGYAN GYI PAntI TA RTZOD MED YIN PA DANG, BKA' DRIN GYI CHA RE YANG RANG CAG RJES SU @292A *, ,'JUG PA DAG GIS GSAB PAR DKA' BA'I KHUR DU LCI BAR GYUR PA NI RJOD PA TZAM MIN PAR RGYU MTSAN SHES PA'I SGO NAS DAD PA DANG GUS PA DANG BKA' DRIN YANG DAG PAR DRAN PA RNAMS RMI LAM NA YANG MI YAL BA'I TSAD DU LONGS MOD, DE LTA NA YANG 'O SKOL GYI STON PAS RTON PA BZHI'I RNAM GZHAG BKA' STZAL TE YANG DAG PA'I RIGS PA'I RJES SU 'BRANG DGOS PAR GSUNGS SHING, RANG RANG GI BLOS DPOG TSOD KYIS RIGS PA'I LAM PO CHER ZHUGS TE 'THAD MI 'THAD KYI RNAM GZHAG BYED PA NI RGYA BOD KYI MKHAS PA JI SNYED CIG BYON PA'I SPYI SROL DU GNAS PAS NA, 'JAM DBYANGS SRAS PO RTZOD DUS KYI PAn CHEN YONGS 'DZIN THAMS CAD MKHYEN PA'I GSUNG NGAG ZAB MO'I LEGS BSHAD KYI SGO RNAM PAR GROL BA LA BRTEN NAS GRVA SA SO SO'I YIG CHA'I BSHAD SROL 'DRA BA DANG MI 'DRA BA'I RIGS PHRA MO NAS JI BZHIN NGES PA DANG, RIGS PA'I RNAM 'GYUR MI 'DRA BA'I ROL RTZED BGYID PA DANG, PHYI RABS KYI BLO GSAL ZHING GZU BOR GNAS PA RNAMS KYANG MKHAS PA'I LAM SROL GANG MCHIS LA 'DRIS PA DANG, RIGS LAM DRI MA MED PAS RJE YAB SRAS KYI LEGS BSHAD KYI DGONGS PA DPYIS PHYIN 'TSOL BA LA ZHUGS PA ZHIG BYUNG NA CI MA RUNG SNYAM NAS DPYAD PA'I SGO CUNG ZAD RE BTOD PA STE, DE LTAR BSTAN BCOS 'DI LA BRTEN NAS MKHAS PAS BSHAD TSUL MI 'DRA BA RNAMS LA RNAM PAR DPYAD NA MGON PO KLU SGRUB YAB SRAS DANG 'JAM MGON CHOS KYI RGYAL BO TZONG KHA BA CHEN PO'I BZHED @292B DON ZAB MO DBU MA'I GNAD YANG DAG PAR RTOGS NAS SGRUB PA'I RGYAL MTSAN SRID PA'I MTHA'I BAR DU SGRENG BA ZHIG NGES PAR 'BYUNG NGO, ,SMRAS PA, 'DZAM GLING GLING GI RTZE MOR SON PA RAB DKARo GRAGS PA DKARo PO'I ME TOG PHYOGSo NAS PHYOGS SU BZHAD PA'I YUL, ,YUL DBUS DBUS 'GYUR BYA RGOD PHUNG POR SNYING STOBSo NYA GANG STOBSo BCU'I ZLA BAS 'DZUMo ZHAL 'DZUMo PA'I ZER SPRO ZHINGo, ,ZHINGo KUNo KUNo NAS 'GENGS PA'I TSE 'PHRUL DGE LEGSo BDUD RTZIS LEGSo TSOGS RTZI THOG GONGo NAS GONGo DU SPEL BA'I PHYIRo, ,PHYIRo ZHINGo ZHINGo 'DI'I STON PA MCHOG GIS ZAB GSANGo GTAM GYI GSANGo MDZODo BRDAL BAS THARo 'DOD THARo BA'I LAM YANGS PHYE, , SHES BYA'I DKYIL 'KHOR YANGS PA'I BKOD PA YE SHES ME LONG DAG PAR MA RNYOGS THUB DBANG GANGS KYI BUM PA LAS, ,GTER DU GROL BA'I ZAB RGYAS CHU BO LHAG MED MKHYEN PA'I KLONG DU SIM PA MI PHAM RGYAL BA'I YAB GCIG CES, , BDUD RTZI'I SNYE MA SA LA 'GREM MKHAS SNGON MED DRANG SRONG DZA HU GSAR BA THUB DBANG DGONGS PA'I 'KHOR LO NI, ,DOG MED BDE BAR 'DREN PA'I MKHYEN BRTZE GTING MTHA' BAS PA'I MDZAD BZANG RI MO BSTAN LA MDZA' BA'I ZUR MIG RING; ,SUL MANG LAN BU'I ZHAG MA RING BOS KHOR YUG TSAL LA MDZES PA SPYIN PA THUB BSTAN GANGS KYI ZUR MIG MA, ,CHES CHER DKAR BA'I LANG TSO'I DUS STON SNGON MED SPYIN PA'I MDZAD BZANG SNANG BA BAR MED 'GREM PA'I ZLA BA @293A *, ,NI; ,DANG PO'I CHA YANG RGUD PAR MA GYUR KLU SGRUB THOGS MED CES BYA'I SPRING YIG SRID PA'I GTZUG TOR LAS RGYAL BAS, ,TSUL GNYIS 'KHOR LO BCU BA'I SHING RTA BDE BAR 'DREN PA'I PHRAG PA MI NGAL SA SRUNG 'PHRUL GYI RNAM PAR DGE ,THUB PA'I SROL 'DI SROL BZANG GNYIS KYIS RAB BSTAN BSTAN PA'I GNAD DON NI, ,SNYAN PA'I GRAGS PA GRAGS PA'I MTHAR KHYAB RGYAL DBANG DBANG PO'I TOG GI SRAS, ,BLO BZANG KUN MKHYEN KUN DA'I TSAL LAS RIGS TSUL TSUL BZHIN RNAM PHYE STE, ,'CHI MED LEGS LAM LEGS PAR BSHAD PA DGONGS ZAB ZAB DON SNYING BO BYIN, ,GANG ZHIG BKA' BSTAN NYING KHU YIN GYI KHUNGS MED ZOG CHOS DE MA YIN, ,SHING RTA CHEN PO'I THUGS BCUD YIN GYI PHAL BA'I NGAG RGYUN DE MA YIN, ,THEG MCHOG DAM PA'I GSANG TSIG YIN GYI NYAMS SNANG ZA ZI DE MA YIN, ,THAR 'DOD BGROD PA'I 'JUG NGOGS YIN GYI RTAG CHAD G-YANGS DE MA YIN, ,SGRIB GNYIS CHO 'PHRUL SPANGS PA'I BZHED GZHUNG DON, ,GSAL BAR MTSON PA DRANG NGES SENG GE'I SGRA, ,RNAM PAR 'BYED PA'I BZHIN RAS CHES GSAL BA, ,DGE LDAN BSTAN LA RING NAS MTHA' MA RIG ,DE LAS LEGS 'DOMS CHU RDUL PHRA MO'I RGYUN, ,'DZIN PA'I LUS CAN MA YIN RDZOGS LDAN SPRIN, ,DBU SEMS MKHA' LA DKRIGS PA'I BYED PA PO, ,KUN MKHYEN HAS BADZRA LAS GZHAN SU, ,BLO CHEN GDONG BA 'DZUM PA'I ME @293B LONG DU, ,SHING RTA CHEN PO'I SROL BZANG 'OD LNGA'I GUR, ,PHIB LAS DPAL STUG RIGS PA'I KHA RLANGS KYIS, SA GSUM 'GENGS PA BCOM LDAN NGAG GI DBANG, ,G-YAR MO THANG GI MDZES PA NOR 'DZIN MAS, NYER ZIN LHO RGYUD RIG PA'I DGA' TSAL DU, ,LHUN RDZOGS STOBS BCU MNGA' BA SAm GHA'I ZHABS, ,RAB DGYES GSUNG GI BDUD RTZIS MYOS PA LAS, ,KLU SGRUB DGONGS DON GNAS LUGS MNGON GZIGS PA'I, KUN BZANG SPYOD TSUL MKHA' 'GRO'I GSANG GTAM DANG, ,RNAM PAR SPREL BAS ZUNG 'JUG 'KHOR LO'I KHYIM, ,RAB GNON THABS MKHAS GRUB PA'I RNAM THAR NGOM, ,DE YIS BRTZE BA'I BKA' MCHID 'DZUM PA'I RLABS, ,GZHAN GYIS MI THON RGYA CHER BRTZEGS PA'I SPRIN, ,DRANG NGES YID BZHIN 'KHYIL BA'I RGYA MTSO CHE, ,TSA BAS GDUNG BA SEL BA'I RNGA YAB MDZES, ,SHING RTA CHEN PO'I BZHED GZHUNG NI, ,GSAL BAR MTSON PA'I LEGS BSHAD SAR, ,SKAL BZANG BLO YI KHOR YUG TU, ,AU DUMBA RA'I TSAL DU SPEL, ,SRID ZHIR GANG GI BKA' DRIN TSAD, ,MTSON PA'I MDZA' BA KUN GSAL GYI, ,PADMA'I 'DAB RTZE LA NYAL BAS, ,TSER BAS PHRENG BAR BDAG NYID BZUNG, ,GANG TSE ZAB DON G-YAS 'KHYIL DUNG, ,KUN KHYAB CHOS KYI SGRA BRGYA BA, ,BLO BZANG GNYIS PA'I MKHYEN PA LAS, ,KHO BO'I BSOD NAMS SKAL @294A *, ,BAR THOB, ,DE NI GLEGS BAM SAR BA'I NGOS, ,RNAM PA CI YANG 'CHAR BA YI, ,RDZU 'PHRUL STON PA'I BYED PA PO, ,GCIG PUR SNYEMS PA'I COD PAN 'DZUM, ,GANG 'DIR SENG GE'I LTA STANGS KYIS, ,DON GYI GZHI LA NGES PA SBYIN, ,GZHUNG DON SPAL BA'I 'PHAR 'GROS KYIS, ,DUM BUR BCAD NAS MTSAMS RNAMS 'BYED, ,TSIG DON RUS SBAL BZHUR 'GROS KYIS, , 'BRU PHRENG GSAL BA'I SGRON ME SPOR, ,DKA' GNAS STAG GI MCHONG STABS KYIS, ,MTHA' RNAMS DPYAD NAS SOM NYI 'DRA LA, ,BSDUS DON 'BYOR ZHING 'TSAMS PA DANG, ,TSIG DON GSAL ZHING ZHIB PA DANG, ,SPYI DON 'BREL ZHING 'DU BA DANG, ,DGONGS DON 'DRIL ZHING PHUG PA DANG, ,DKA' GNAS LUNG RIGS RKYA BSGRIL TE, ,PHRA MO'I TSIG GIS MTSON PA SOGS, ,BSTAN BCOS GZHAN GYI TSANGS PA LA, ,GOM PA 'GOD PA'I KHYAD CHOS MANG, ,THUB PA CHOS KYI NYI MA YIS, ,RANG BSTAN SROG GIS BSKRUN PA LA, ,BKA' DRIN GZO BA'I CHO GA YANG, ,LEGS BSHAD BU RAM MDZOD 'DI YIN, ,ZAB RGYAS CHOS KYI THEG PA BA, ,RGYAL BA'I SRAS PO ZUNG DAG GI ,ZHAL CHAB BDUD RTZI'I RGYUN SRONG BA'I, ,GANGG'A'I DPAL MO 'DI NA SGEG ,SHING RTA CHEN PO RNAM GNYIS KYI, ,BZHED @294B DON DAG BYED SAR BA'I RGYUN, ,GANG DU 'BAB CING GZHOL BA YI, ,RGYA MTSO'I KLONG GCIG 'KHYIL 'DI RMAD, ,NYA GANG RGYAL BA GNYIS PA YI, ,BSTAN LA DGONGS PA DKAR PO'I 'OD, ,'PHRO BA'I BZHED PA SGRUB PA'I SGO, ,RMAD BYUNG GTAM GYI SBYOR BA LAGS, ,RJES BRTZE NOR BU'I ZA RA TSAGS, ,BDAG LA YON POR BSIL BA YI, ,THUGS RJE GTER CHEN MNYES BYED KYI, ,MCHOD YON BDUD RTZI'I RLABS PHRENG BRTZEGS, ,PANG DKAR 'DAB MA'I RTZE MO LA, ,RKANG BAS SNUN PA'I RDZU 'PHRUL MKHAN, ,GROGS SU THOB PA'I SKAL BZANG TSOGS, ,'DI LAS RIG PA'I ZIL DNGAR 'BYUNG, ,DPYOD PA'I MIG DKYUS RING BO CAN, ,'GA' ZHIG SRID NA BSTAN BCOS 'DIR, ,GZHUNG DON SGRIB MED SNANG BA YI, ,GZIGS MO NYAMS SU BSTAR BA MTSAR, ,'JAM DPAL SA BCU'I DBANG PHYUG NI, ,BLA GOS TSAL LA ZHUGS PA YI, ,LEGS 'DOMS PHYIR NA 'KHRUL BA'I CHA, ,YUNGS KAR PHRA MO'I LUS MI RIG ,'ON KYANG KHO BO RMONGS CHEN GYI, ,'KHRUL 'KHOR STONG GI DRA BA NA, ,BAG MED SPYOD PA'I BYIS PA YI, ,NANG NA'ANG BYIS PA'I THA MA STE, ,GANG PHYIR 'CHI MED NAR BO'I RGYUN, ,DUG GI STOD G-YOGS MI 'DZIN KYANG, ,DUG CAN 'BYUNG PO'I MAR 'KHYUD @295A *, ,PAS; ,DE YIS REG PAR 'GYUR BA BZHIN, ,SO SKYE'I BLO GROS LA BRDAR BAS, ,'KHRUL GANG DAM PA'I ZHING MCHOG SPYI, ,KHYAD PAR 'JAM DPAL SNYING PO DANG, ,BDAG GI 'DREN PA MCHOG LA BSHAGS, ,YID LA NYES PA'I DUD RIS CAN, ,MJUG RING LANG TSOS BZUNG MIN YANG, ,BSAM 'PHEL NOR BU'I PHRENG BA LA, ,RIN THANG BCAL BA'I NONGS PA 'CHAGS, ,NYES TSOGS CHAR LDAN PHYOGS KYI GLANG, ,BYIN RLABS DRI BZHON DAR MA'I SHUGS, ,BSKYOD PA'I SHUL YANG MI MTHONG BA'I, ,DPAL GCIG YID KYI DUS STON STZOL, ,RANG MTHONG GDENGS KA'I 'DU 'DZI CAN, , KLU DBANG KHA RLANGS MIG SMAN DU, ,GNAG PA DAG LA MTHOL MIN TE, ,NONGS PAS BCINGS PA DAG GIS SO, ,GSUNG GI GSANG BA'I BKOD PA RER YANG RAB TU BRLING BA'I RJOD PA DANG LDAN ZAB DON RIN CHEN TSOGS KYIS GANG, ,BSHAD SGRUB RLABS PHRENG DRAG POR KHROS PAS MKHAS RLOM SNYING LA 'DAR BA STER BA LEGS PAR BSHAD PA'I SNYING PO LA, ,'BAD PAS YID 'ONG ZLA BA'I LANG TSOR ZUR MIG LHUNG BA'I PA SANGS 'DZUM ZER KU MUD TSAL LA 'THAB PA YIS, ,'GRO BA'I RGUD PA SEL BA'I SMAN GCIG RGYAL BSTAN DZAMBU N'A DA'I MCHOD SDONG NYAMS MED PHYOGS SU RGYAS GYUR CIG ,LTA SGOM SPYOD PA MNGAR BA'I DRI, ,GZHAN LAS PHYOGS SU 'THUL BA YI, , @295B DGE LDAN LUGS BZANG MA LA YA'I, ,DGA' TSAL SA 'DI'I RGYAN DU SMON, ,STONG BAS SNANG BAR NGES PA DANG, ,SNANG BAS STONG BAR NGES STER BA, ,KLU SGRUB 'JAM MGON YAB SRAS KYI, ,THUGS BCUD DUS MTHAR NYAMS MED SHOG ,TSUL DE 'DZIN SKYONG SPEL BA'I STOBS, ,DAR BAB MKHAS DANG GRUB PA'I TSOGS, ,BZHIN RGYAS PADMO'I SOR RTZE LA, ,BUNG BA'I GROGS SU KHUGS GYUR CIG ,LTA NGAN MUN PAS DBUL BYAS TE, ,YANG DAG LTA BA'I SNANG BA NI, ,GSUNG GI ZER MA 'GREM MKHAS PA, ,BLO BZANG GNYIS PA ZHABS BRTAN SHOG ,DE YI 'PHRIN LAS RNGA YAB DKAR, ,SRID ZHI'I DPAL DU 'DZUM PHYE BA, , DE LAS ZHING 'DI'I SANGS RGYAS BSKYANGS, ,RGYAL BA'I MDZAD PA STON LA 'DUN, ,RTOG GE RIGS PA'I SBUN PA NI, ,SOR RTZER 'PHYAR MIN GNAS LUGS DON, ,MNGON GZIGS SDOM BRTZON LI KHRI YIS, , NOR GYI BLO GROS BRGYAN GYUR CIG ,NYAM THAG RGYUD LNGA'I 'GRO BA NI, ,SRID PAR SDUG BSNGAL MI BZAD PA'I, ,GDUNG BA SNYING LA 'BYAR RTZI CAN, ,RDZOGS LDAN DGE BCU'I RTZE LA RE, ,GDOD NAS RNAM DAG LTA BA'I MTSON, ,'PHYAR BAS NYON MONGS MTHAR BYAS TE, ,'GRO RNAMS BYANG CHUB CHEN PO'I SAR, ,BDE BLAG BGROD PA'I DPAL THOB SHOG ,BDAG KYANG DAL 'BYOR CHU SHEL GYI, ,RAB MDZES PA'I LAM @296A *, ,BRGYUD DE, ,STOBS BCU'I GRONG DU BGROD PA YI, ,SA SRUNG GZHON NU'I THEG PAR SGRUBS, ,SKYE BA'I PHRENG BAR ZUR PHUD LA, ,BLO BZANG RGYAL BAR GRAGS PA'I RNGA, ,PHYOGS KYIS BRDUNGS PA'I DPAL LDAN ZHABS, ,TZANDAN DRI BZANG NYID DU SMON, ,DE YI MDZAD PA BEE d'URYA'I, ,ME LONG 'GRO LA STON PA DANG, ,KHYAD PAR GSUNG GSANG ZAB MO'I LAM, ,KHUR DU 'KHYER BA'I MTHU THOB SHOG , TSE MJUG 'DIR YANG THEG MCHOG GI ,'DREN PA LA BRTEN ZAB RGYAS BCUD, ,'THUNGS PAS RNAM 'BYED STOBS BSOS TE, ,GTAN GYI 'DUN MA SGRUB LA GUS, ,SGYU MAS GRONG DU NYAMS BRGYA RU, ,ZLOS PA'I LTAD MO SPRUL BA LTAR, ,SNANG YANG BDEN PAS STONG PA YI, ,KLU SGRUB THUGS BCUD MYONG GYUR CIG ,GANG ZHIG BYANG CHUB RDO RJE YI, ,ZHAL CHAB DRON MOR NYER BSRES TE, ,THABS MKHAS GOM PA'I 'KHOR LO YIS, ,ZUNG 'JUG SA CHEN GNON LA 'DUN, ,DE LTA'I BSOD NAMS YONGS 'DU'I LJON, ,BSAM PA'I MKHA' LA MA BSNYEGS NA, ,RDO RJE LUS KYI GRONG KHYER NI, ,DPAL 'BYOR LDAN LA RIM BRGYUD SHOG ,RDZOGS LDAN PHYI MA'I DGA' STON GYIS, ,ZIN PA'I DUS SU STONG PA'I MDANGS, ,BDE BAS ZIN PA'I THABS MKHAS KYIS, ,BYANG CHUB SNYING POR RTZEN GYUR CIG ,RDO RJE GDAN GYI SHAR RI @296B LAS; ,MI PHAM NYI MA SHAR BA'I TSE, ,DRANG NGES 'BYED PA'I SROL RNYED NAS, ,RGYAL BA DGYES PA'I GTZO BOR SMON, ,BSKAL BZANG 'DREN PA STONG PHRAG GI ,RANG SROL AINDRA N'I LA YI, ,SHING RTA 'DREN LA MI BSNYENGS PA'I, ,COD PAN GTZUG TU 'DZUM PAR RE, ,RGYAL BA'I MDZAD PA KUN GYI MCHOG ,RGYAL BA'I DAM CHOS 'DZIN PA LA, ,RGYAL SRAS SHING RTA MCHED GNYIS KYI, ,RGYAL THABS BDAG LA THOB PAR SHOG ,TSUL DES THUB PA SRAS DANG BCAS, ,DGYES PA SKYED LA 'JAM DBYANGS DANG, ,KUN TU BZANG PO'I RNAM THAR GYIS, ,SNANG BA DKAR BOS SKYOD GYUR CIG ,LEGS BSHAD GSAR BA'I BA dA HA, , GANG ZHIG SRID PA'I THA MAR YANG, ,THAR 'DOD RNA BA'I BDUD RTZI RU, ,SNYAN ZHING RE BA KUN SKONG SHOG ,(CES DRANG BA DANG NGES PA'I DON RNAM PAR PHYE BA GSAL BAR BYED PA LEGS BSHAD SNYING BO'I DON MTHA' DAG RNAM PAR 'BYED PA'I BSTAN BCOS LEGS BSHAD SNYING PO'I 'JUG NGOGS ZHES BYA BA 'DI NI, MDO SNGAGS RIG GNAS KYIS BSDUS PA'I MKHAS PAR BYA BA'I GNAS LA 'PHAGS YUL GYI MKHAS PA CHEN PO DAG GI RNAM THAR BZHIN SBYANGS PA'I MAH'A PAntI TA, RANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE KLU SGRUB SNYING BO'I RANG SROL 'DZIN PA LA THUGS BSKYED KYI 'BRAS BU DUS SU SON PA, CHOS THAMS CAD CHU NANG GI ZLA BA DANG SGYU MA'I MIG 'PHRUL BZHIN DU SNANG YANG BDEN PAS STONG BA'I TSUL JI LTA BA BZHIN DU GZIGS PA'I RNAL 'BYOR GYI DBANG PHYUG RJE BTZUN 'JAM PA'I DBYANGS NYID THA MAL GYI SKU'I @297A *, ,BKOD PA BZUNG NAS GDUL BYA RNAMS SMIN GROL GYI LAM BZANG PO LA 'GOD PA'I KHUR BZHES PA, BDAG NYID TSE RABS NAS TSE RABS SU GZHAL DU MED PA'I BKA' DRIN GYIS SKYONG BA LA ZLA MED PA'I BDAG CAG GI DPAL LDAN BLA MA DAM PA, GSER LJONGS YUL GYI SKYABS MGON BDUN PA CHEN PO'I YONGS 'DZIN THAMS CAD MKHYEN CING GZIGS PA CHEN PO ^BLO BZANG DPAL LDAN MI PHAM MTSO BYUNG BZHAD PA'I LANG TSO DPAL BZANG PO NAS RAB RGYAL SA 'BRUG LO'I SMIN DRUG ZLA BA'I DKAR PHYOGS KYI DGA' PA DANG PO NAS BZUNG ZLA NGO BRGYAD DANG RIL BO PHYED DANG LNGA LHAG GI BAR GZHUNG GI 'BRU ZHIB GNYER GYIS LUNG RIGS GSAL BAR BYED DGOS PA RNAMS ZHIB GSAL DU GTONG BA, SKABS SKABS SU SPYI DON DGOS PA RNAMS LA SPYI DON DANG, DKA' GNAS LA SNGA PHYI'I MKHAS PA SO SO'I LEGS BSHAD GUNG BSGRIGS NAS RGYA BOD KYI GZHUNG KHUNGS MA DANG GTUGS TE DGAG GZHAG RGYA CHER MDZAD PA'I GSUNG GI BDUD RTZI YID KYI THUM PAR SON PA LA, SNGAR DBU MA'I GZHUNG DON LO 'KHOR GSUM GYI RING ZHIB SBYANGS KYI KHUL BYAS SKABS RJE BTZUN DAM PA DE'I GSUNG GI BDUD RTZI CUNG ZAD THOB PAS KYANG ZUR BRGYAN TE, GRUB CHEN SANGS RGYAS BSKYANGS MI'I GAR DU ZLOS PA GSER LJONGS YANG PA'I SKYABS MGON SKAL LDAN RGYA MTSO YAB SRAS NYI ZLA LTA BU DAG GI 'PHRIN LAS KYIS 'TSO SHING, DE BZHIN GSHEGS PA MTHA' YAS BOD KYI SPYAN SNGAR THUGS BSKYED DE 'PHAGS BOD KYI MKHAS GRUB MANG PO'I RNAM PAR BYON NAS MA 'ONGS PA NA STOBS BCU MNGA' BA RAB GSAL GYI NGO BOR MNGON PAR RDZOGS PAR 'TSANG RGYA BA'I TSUL STON PA, RIGS DANG DKYIL 'KHOR KUN GYI BYED PO RDO RJE 'CHANG DGE 'DUN BSTAN 'DZIN RGYA MTSO YAB SRAS SPYI DANG, KHYAD PAR DU 'JAM MGON NGAG GI DBANG PO BLO BZANG DPAL BA'I BKA' DRIN LAS MDO SNGAGS RIG GNAS KYI PHYOGS LA @297B CUNG ZAD SBYANGS PA, LHA SDE DKAR PO'I RIGS LAS BYUNG BA'I 'GAR GYI SPONG BAB ^MI PHAM DBYANGS CAN DGES PA'I RDO RJES BRTZON PA BSKYED DE, REB GONG STOD KYI SGRUB PA'I DGA' TSAL DAR ZHING BDE 'DZOMS RI BO'I SUL DANG, LUG RA PAD DKAR CHOS GLING GNYIS NAS RIM PAR BRIS PA LA PHYIS GROGS DGE BA'I BSHES GNYEN RNAMS DANG LHAN CIG 'BEL GTAM GYIS ZHIB MOR BGYIS PA'I YI GE PA NI 'PHAGS BOD GZHUNG BRGYA'I DON LA GTUGS PA MED PA'I BLO 'OD CAN MKHAS PA'I DBANG PO ZLA MDZES DPAL GYI SNYEMS BGYIS PAS ZAB DON DBU MA'I LUGS BZANG DANG RGYAL BA 'JAM DPAL SNYING BO'I RANG LUS DUS KYI MTHAR YANG GSAL BAR BYED NUS PAR GYUR CIG ,) ,,DGE LEGS BYE BA'I SNANG BA DAG NI 'DUN LDAN BLO YIS LA 'GREM, ,RGYAL BSTAN 'DZIN SKYONG SPEL BA'I MDZAD BZANG PHYOGS DUS THUB PA KUN LAS LHAG ,DPAL STUG GRAGS PA DKAR PO'I ZLA 'OD RGYA MTSO'I MTHA' LA LDAN PA RNAMS, ,MKHAS GRUB YONGS KYI GTZUG TOR RTZE LA ZHABS SEN NOR BU'I PHRENG BA BRJID, ,'JIG RTEN 'DI NA GLANG BO YIS, , 'DAM BU'I TSAL BZHIN THUB PA'I SROL, ,RNAM PAR GRUGS BYED DKAR MIN PHYOGS, ,KUN DGA'I BA DAN 'DZIN PA RDOL, ,SRID PA NAGS KYI DUG CAN SHING, ,RGYAS PA'I ME TOG PHRENG BA NI, ,GNYEN DU BSTEN NAS CHOS MIN GYI, ,'KHOR LO PHYOGS SU BSGYUR BA MANG, ,LUGS GNYIS SPYOD PA'I ZLOS GAR BRGYA, ,'KHRAB PA'I SNYING GI STOBS BRI BAS, ,RANG DGAR DON MED KYI NA RU, ,LUS PA'I GRANGS KYI @298A *, ,MTHA' MA RIG ,DE LTA'I MTSAN MA MTHA' DBUS KYI, ,GZHAN LTA BSTAN LA BYA BA DAG ,BGYID PA'I SENG GE RKANG STEGS MTHOR, ,BSHAMS PA LA YANG MNGON SUM NYID, , GANG TSE STES KYIS COD PAN LA, ,RGYAL BA'I YAB KYIS ZHABS BZHAG STE, ,CHOS SPYAN MDZES PA'I RTZA LAG MANG, ,RGYAS PAS BDAG NI DPAL DU GYUR, ,RGYU DES DAM PA LA 'OS PA'I, ,BYA BA GANG ZHIG GRUB PA YI, ,LAG RJES BSTAN BCOS 'DI NYID DE, ,'JAM DPAL SNYING PO DGYES BYED YIN, ,'DI LAS BLO GROS DGA' STON DANG, ,SKYON 'TSOL 'DOD PA GANG LA YANG, ,PU STI KA YIS DBUL BA'I SKABS, ,'PHROG BYED PAR GYI 'DU BYED NI, ,DBYANGS LDAN RIG PA'I 'DOD 'JO ZHES, ,YUNGS 'BRU'I DRIN LA RI RAB KYI, ,LAN GYI GTONG BA RAB YANGS PA'I, ,LHAG BSAM DGE BA'I MTHU LAS BYUNG, ,GANG ZHIG SGRUB LA ZHUS CHEN DANG, ,JI LTAR SGRUB PA'I BYA BA DANG, ,GANG GIS SGRUB PA'I CHA RKYEN DANG, ,MYUR DU SGRUB PA'I KHUR RNAMS KHYER, ,DE LAS PHYOGS KUN GNON PA YI, , 'PHRUL BAR SGYU MA CHEN PO'I RDZONG, ,GRUB PAS BSTAN BCOS LAS 'KHRUNGS PA'I, ,DON BZANG KUN LA SPYOD GYUR CIG ,TSUL 'DI SGRUB PA'I KHUR 'KHYER BA, ,GANG ZHIG SKU TSE RAB BRTAN CING, ,ZHABS @298B SEN PADMA'I NYE DRUNG DU, ,PHYOGS MED BLO GSAL 'DU BAR SHOG ,CHOS MDZOD BKRA SHIS SGO BRGYA ZHES, ,BRJOD PA'I GSUNG RAB ZHING 'DI YANG, ,BSKAL BA'I MTHAR YANG BSTAN 'GRO YI, ,PHAN BDE BSTEN PA'I GZHIR GYUR CIG ,BKRA SHIS CHOS SDE GLING 'DIS GTZOS, ,SGAR BDUN TSO DRUG SRID ZHI NA, ,ZLA DANG BRAL BA'I BDE SKYID KYIS, ,'TSO BA KUN TU RGYAS PAR SMON, ,MTHAR 'DZIN G-YUL LA 'JIGS MED NYAMS, ,DGA' MGUR STER BA'I SNYING PO MCHOG ,GTAM 'DIS SGRIB GNYIS MA LUS PA, ,MYUR DU ZIL GYIS GNON GYUR CIG ,'BREL THOGS KUN KYANG GNAS SKABS SU, ,GANG BSAM LAG RTZER 'KHYONGS PA DANG, , RDZOGS LDAN PHYI MA'I NYIN BYED KYIS, ,GTAN BDE PAD TSAL 'BYED PAR SHOG ,MDOR NA DPAL LDAN BLA MA'I ZHABS BRTAN MDZAD 'PHRIN GEGS MED PHYOGS SU RGYAS, ,RGYAL BSTAN SKYE DGU'I NYER 'TSOR RTAG BRTAN BSHAD SGRUB BYA BA NYIN BZHIN 'PHEL, ,'GRO LA BDE SKYID DPAG BSAM RAB BRTAN DGE BCU'I KHRIMS KYIS DUS KUN 'TSO, ,PAR GYI LEGS BYAS 'DI YANG YUN BRTAN BKRA SHIS RGYA MTSOS KUN KHYAB SHOG ,(CES DRANG BA DANG NGES PA'I DON RNAM PAR PHYE BA GSAL BAR BYED PA LEGS BSHAD SNYING PO'I DON MTHA' DAG RNAM PAR 'BYED PA'I BSTAN BCOS LEGS BSHAD SNYING PO'I 'JUG NGOGS ZHES BYA BA 'DI NYID, LHAN SKYES KYI MKHYEN RAB ZLA DANG BRAL BA, TSE TAN ZHABS DRUNG SPRUL BA'I SKU 'JIGS MED RIGS PA'I BLO GROS NAS GANG CI'I THUGS 'GAN BZHES TE ZHUS DAG 'PHAR @299A *, ,[DD] [DD] [DD] (BLDABS MANG PO BGYIS THOG DO DAM PA DGE 'DUN DPAL LDAN, NGAG DBANG DAM CHOS, NGAG DBANG THABS MKHAS, 'JIGS MED SHES RAB RNAMS BSKOS SHING, PAR SHING RNAMS SHING BZO KRU'U GYA MGON PO NAS BSGRUBS, PAR YIG PA LTAG RDO'I GRVA RIGS BLO BZANG NOR BU DANG, RKO MKHAS DKON MCHOG BSAM GTAN, DAM CHOS RAB RGYAS, DKON MCHOG 'JIGS MED, DKON MCHOG DPAL LDAN, 'JIGS MED GRAGS PA CHE CHUNG, DGE LEGS RGYA MTSO, 'JIGS MED BLO GROS, BSAM GTAN RGYA MTSO, 'JIGS MED BYAMS PA, 'JIGS MED SHES RAB, 'JIGS MED THABS MKHAS, 'JIGS MED YON TAN, 'JIGS MED NGAG DBANG, 'JIGS MED BSTAN 'DZIN, 'JIGS MED PHUL BYUNG, BSOD NAMS DPAL 'BYOR RNAMS KYIS BRTZON PA BSKYED DE, LO NGO GSUM GYI RING GRUB PAR BGYIS PA'I DGE BSNGO'I SMON TSIG TU CHOS SMRA BA ^MI PHAM DBYANGS CAN DGES PA'I RDO RJES SMRAS PA SHRE YAm MASTU,, ,,SVA STI, MDO SMAD DAN TIG NYE 'KHOR MTHU BA DGON, ,BKRA SHIS CHOS SDER PAR 'DI BSKRUN PA'I MTHUS, , BLA MA'I ZHABS BRTAN RGYAL BA'I LUGS BZANG RGYAS, ,'BREL THOGS KUN KYANG SHAM BHA LAR SKYE SHOG , ,,