@001A *, ,DGE LDAN SNYAN BRGYUD KYI MAN NGAG LAS BYUNG BA'I
BLA MA'I RNAL 'BYOR DGA' LDAN LHA BRGYA MAR GRAGS PA BZHUGS
SO,,

@001B #, (,DGE LDAN SNYAN BRGYUD KYI BLA MA'I RNAL 'BYOR DGA'
LDAN LHA BRGYA MAR GRAGS PA'I RGYUN 'KHYER MDOR BSDUS NYAMS SU
LEN TSUL GYI NGAG 'DON NAG 'GROS SU DGOD PA NI,) BDAG DANG
'GRO BA NAM MKHA'I MTHA' DANG MNYAM

PA'I SEMS CAN THAMS CAD DUS 'DI NAS BZUNG STE JI SRID BYANG
CHUB SNYING PO LA MCHIS KYI BAR DU DPAL LDAN BLA MA DAM PA
RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN
'DAS RNAMS LA

SKYABS SU MCHI'O, ,DAM PA'I CHOS RNAMS LA SKYABS SU MCHI'O,
,'PHAGS PA'I DGE 'DUN RNAMS LA SKYABS SU MCHI'O, (,LAN GSUM
MAM BDUN,) SANGS RGYAS CHOS DANG TSOGS KYI MCHOG RNAMS LA,
,BYANG CHUB

BAR DU BDAG NI SKYABS SU MCHI, ,BDAG GIS SBYIN SOGS BGYIS PA
'DI DAG GIS, ,'GRO LA PHAN PHYIR SANGS RGYAS 'GRUB PAR SHOG
(,LAN GSUM,) SEMS CAN THAMS CAD BDE BA DANG BDE BA'I RGYU

@002A *, ,DANG LDAN PAR GYUR CIG ,SDUG BSNGAL DANG SDUG BSNGAL
GYI RGYU DANG BRAL BAR GYUR CIG ,SDUG BSNGAL MED PA'I BDE BA
DANG MI 'BRAL BAR GYUR CIG ,NYE RING CHAGS SDANG GNYIS DANG

BRAL BA'I BTANG SNYOMS LA GNAS PAR GYUR CIG (,LAN GCIG) ,KHYAD
PAR MA SEMS CAN THAMS CAD KYI DON DU MYUR BA MYUR BAR YANG DAG
PAR RDZOGS PA'I SANGS RGYAS KYI GO 'PHANG RIN PO CHE CI NAS
KYANG THOB

PAR BYA, DE'I PHYIR DU LAM ZAB MO BLA MA LHA'I RNAL 'BYOR
NYAMS SU BLANG BAR BGYI'O, (,LAN GCIG) DGA' LDAN LHA BRGYA'I
MGON GYI THUGS KA NAS, ,RAB DKAR ZHO GSAR SPUNGS 'DRA'I CHU
'DZIN RTZER, ,

CHOS KYI RGYAL PO KUN MKHYEN BLO BZANG GRAGS, ,SRAS DANG BCAS
PA GNAS 'DIR GSHEGS SU GSOL, ,MDUN GYI NAM MKHAR SENG KHRI PAD
ZLA'I STENG, ,RJE BTZUN BLA MA DGYES PA'I 'DZUM DKAR CAN,
,BDAG

@002B BLO DAD PA'I BSOD NAMS ZHING MCHOG TU, ,BSTAN PA RGYAS
PHYIR BSKAL BRGYAR BZHUGS SU GSOL, ,SHES BYA'I KHYON KUN 'JAL
BA'I BLO GROS THUGS, ,SKAL BZANG RNA BA'I RGYAN GYUR LEGS
BSHAD GSUNG, ,GRAGS

PA'I DPAL GYIS LHAM MER MDZES PA'I SKU, ,MTHONG THOS DRAN PAS
DON LDAN LA PHYAG 'TSAL, ,YID 'ONG MCHOD YON SNA TSOGS ME TOG
DANG, ,DRI ZHIM BDUG SPOS SNANG GSAL DRI CHAB SOGS, ,DNGOS
BSHAMS YID

SPRUL MCHOD SPRIN RGYA MTSO 'DI, ,BSOD NAMS ZHING MCHOG KHYED
LA MCHOD PAR 'BUL, ,GANG ZHIG THOG MED DUS NAS BSAGS PA YI,
,LUS NGAG YID KYIS MI DGE CI BGYIS DANG, ,KHYAD PAR SDOM PA
GSUM GYI MI MTHUN

PHYOGS, ,SNYING NAS 'GYOD PA DRAG POS SO SOR BSHAGS, ,SNYIGS
MA'I DUS 'DIR MANG THOS SGRUB LA BRTZON, ,CHOS BRGYAD SPANGS
PAS DAL 'BYOR DON YOD BYED, ,MGON PO KHYOD KYI RLABS CHEN
MDZAD PA LA, ,BDAG CAG

BSAM PA THAG PAS YI RANG NGO, ,RJE BTZUN BLA MA DAM PA KHYED
RNAMS KYI, ,CHOS SKU'I MKHA' LA MKHYEN BRTZE'I CHU 'DZIN
'KHRIGS, ,JI LTAR 'TSAMS PA'I GDUL BYA'I 'DZIN MA LA, ,ZAB
RGYAS CHOS KYI CHAR PA DBAB TU

GSOL, ,BDAG GIS JI SNYED BSAGS PA'I DGE BA 'DIS, ,BSTAN DANG
'GRO BA KUN LA GANG PHAN DANG, ,KHYAD PAR RJE BTZUN BLO BZANG
GRAGS PA YI, ,BSTAN PA'I SNYING PO RING DU GSAL BYED SHOG (,DE
NAS,) SA GZHI

@003A *, ,SPOS KYIS BYUGS SHING ME TOG BKRAM, ,RI RAB GLING
BZHI NYI ZLAS BRGYAN PA 'DI, ,SANGS RGYAS ZHING DU DMIGS TE
DBUL BA YIS, ,'GRO KUN RNAM DAG ZHING LA SPYOD PAR SHOG ,AI
DAm GU RU

RATNA MAndAL KAm NIRY'A TA Y'A MI, (ZHES MAndAL MDOR BSDUS
PHUL TE,) YON TAN KUN GYI GZHIR GYUR DRIN CAN RJE, ,TSUL BZHIN
BSTEN PA LAM GYI RTZA BA RU, ,LEGS PAR MTHONG NAS 'BAD PA DU
MA YIS, ,GUS PA CHEN POS BSTEN

PAR BYIN GYIS RLOBS, ,LAN CIG RNYED PA'I DAL BA'I RTEN BZANG
'DI, ,SHIN TU RNYED DKA' DON CHEN SHES GYUR NAS, ,NYIN MTSAN
KUN TU SNYING PO LEN PA'I BLO, ,RGYUN CHAD MED PAR SKYE BAR
BYIN GYIS RLOBS, ,LUS SROG

G-YO BA CHU YI CHU BUR BZHIN, ,MYUR DU 'JIG PA'I 'CHI BA DRAN
PA DANG, ,SHI BA'I RJES SU LUS DANG GRIB MA BZHIN, ,DKAR NAG
LAS 'BRAS PHYI BZHIN 'BRANG BA LA, ,NGES PA BRTAN PO RNYED NAS
NYES PA'I TSOGS, ,PHRA ZHING PHRA

BA RNAMS KYANG SPONG BA DANG, ,DGE TSOGS MTHA' DAG SGRUB PAR
BYED PA LA, ,RTAG TU BAG DANG LDAN PAR BYIN GYIS RLOBS, ,SPYAD
PAS MI NGOMS SDUG BSNGAL KUN GYI SGO, ,YID BRTAN MI RUNG SRID
PA'I PHUN TSOGS KYI, ,NYES DMIGS

RIG NAS THAR PA'I BDE BA LA, ,DON GNYER CHEN PO SKYE BAR BYIN
GYIS RLOBS, ,RNAM DAG BSAM PA DE YIS DRANGS PA YI, ,DRAN DANG
SHES BZHIN BAG YOD CHEN PO YIS, ,BSTAN PA'I RTZA BA SO SO THAR
PA LA, ,SGRUB PA SNYING POR BYED

@003B PAR BYIN GYIS RLOBS, ,RANG NYID SRID MTSOR LHUNG BA JI
BZHIN DU, ,MAR GYUR 'GRO BA KUN KYANG DE 'DRA BAR, ,MTHONG NAS
'GRO BA SGROL BA'I KHUR KHYER BA'I, ,BYANG CHUB SEMS MCHOG
'BYONGS PAR BYIN GYIS RLOBS, ,SEMS TZAM BSKYED KYANG

TSUL KHRIMS RNAM GSUM LA, ,GOMS PA MED NA BYANG CHUB MI 'GRUB
PAR, ,LEGS PAR MTHONG NAS RGYAL SRAS SDOM PA LA, ;BRTZON PA DRAG
POS SLOB PAR BYIN GYIS RLOBS, ,LOG PA'I YUL LA G-YENG BZHI BYED
CING, ,YANG DAG DON LA TSUL

BZHIN DPYOD PA YI, ,ZHI GNAS LHAG MTHONG ZUNG DU 'BREL BA'I LAM,
,MYUR DU RGYUD LA SKYE BAR BYIN GYIS RLOBS, ,THUN MONG LAM
SBYANGS SNOD DU GYUR PA NA, ,THEG PA KUN GYI MCHOG GYUR RDO
RJE'I THEG ,SKAL BZANG SKYE BO'I 'JUG NGOGS DAM PA

DER; ;BDE BLAG NYID DU 'JUG PAR BYIN GYIS RLOBS, ,DE TSE DNGOS
GRUB RNAM GNYIS 'GRUB PA'I GZHI, ,RNAM DAG DAM TSIG SDOM PAR
GSUNGS PA LA, ,BCOS MA MIN PA'I NGES PA RNYED GYUR NAS, ,SROG
DANG BSDOS TE BSRUNG BAR BYIN GYIS RLOBS

DE NAS RGYUD SDE'I SNYING PO RIM GNYIS KYI, ,GNAD RNAMS JI BZHIN
RTOGS NAS BRTZON PA YIS, ,THUN BZHI'I RNAL 'BYOR MCHOG LAS MI
G-YEL BAR, ,DAM PA'I GSUNG BZHIN SGRUB PAR BYIN GYIS RLOBS, ,DE
LTAR LAM BZANG STON PA'I BSHAS

GNYEN DANG, ,TSUL BZHIN SGRUB PA'I GROGS RNAMS ZHABS BRTAN CING,
,PHYI DANG NANG GI BAR DU GCOD PA'I TSOGS, ,NYE BAR ZHI BAR BYIN
GYIS BRLAB TU GSOL, ,SKYE PA KUN TU YANG DAG BLA MA DANG, ,'BRAL
MED CHOS KYI DPAL LA LONGS SPYOD

@004A *, ,CING; ;SA DANG LAM GYI YON TAN RAB RDZOGS NAS, ,RDO
RJE 'CHANG GI GO 'PHANG MYUR THOB SHOG (,CES LAM YONGS RDZOGS LA
BSHAR SGOM MDOR BSDUS BYA,) DMIGS MED BRTZE BA'I GTER CHEN SPYAN
RAS GZIGS, ,DRI MED

MKHYEN PA'I DBANG PO 'JAM DPAL DBYANGS, ,BDUD DPUNG MA LUS 'JOMS
MDZAD GSANG BA'I BDAG ,GANGS CAN MKHAS PA'I GTZUG RGYAN TZONG
KHA PA, ,BLO BZANG GRAGS PA'I ZHABS LA GSOL BA 'DEBS, (,ZHES LAN
BRGYA STONG SOGS CI 'GRUB

BZLAS MTHAR,) THOS BSAM SGOM PA'I SHES RAB 'PHEL DU GSOL, ,'CHAD
RTZOD RTZOM PA'I BLO GROS RGYAS SU GSOL, ,MCHOG DANG THUN MONG
DNGOS GRUB STZAL DU GSOL, ,MYUR DU KHYED RANG LTA BUR BYIN GYIS
RLOBS, ,BDE CHEN LHAN SKYES YE

SHES 'CHAR DU GSOL, ,DNGOS 'DZIN 'KHRUL PA'I DRI MA BSAL DU
GSOL, ,SEMS NYID THE TSOM DRA BA GCAD DU GSOL, ,MYUR DU KHYED
RANG LTA BUR BYIN GYIS RLOBS, ,DPAL LDAN RTZA BA'I BLA MA RIN PO
CHE, ,BDAG GI SNYING GAR PADMO'I STENG

BZHUGS LA, ,BKA' DRIN CHEN PO'I SGO NAS RJES BZUNG STE, ,SKU
GSUNG THUGS KYI DNGOS GRUB STZAL DU GSOL, (,LAN GSUM, DE NAS,)
TSE RABS KUN TU RGYAL BA TZONG KHA PAS, ,THEG MCHOG BSHES GNYEN
DNGOS SU MDZAD PA'I MTHUS, ,RGYAL

BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG
PAR MA GYUR CIG (,CES BRJOD, DGA' LDAN LHA BRGYA MA 'DI NYID KYI
SMON LAM RGYAS PAR SPRO NA,) DE LTAR DNGOS GRUB MA LUS 'BYUNG
BA'I GNAS, ,RJE BTZUN BLA MA MCHOD CING

@004B GSOL BTAB MTHUS, ,SKYE BA KUN TU 'JAM DBYANGS BLA MA YIS,
,MNYES BZHIN RJES SU 'DZIN PA NYID GYUR CIG ,RIN CHEN DU MA LAS
GRUB DGA' LDAN ZHING, ,NGO MTSAR BYE BA'I DBUS NA MI PHAM MGON,
,LEGS PAR BSGOMS PAS RNAM

DAG ZHING 'GRUB CING, ,TSE 'PHOS MOD LA GNAS DER SKYE BAR SHOG
,RJE BTZUN THUGS KA NAS 'PHROS SPRIN DKAR YUG ,BRKYANG BA'I SNE
MOR BLA MA SRAS DANG BCAS, ,SPYAN DRANGS YAN LAG BDUN GYIS TSOGS
BSAGS PAS, ,BDAG RGYUD BDE BLAG NYID DU

SMIN PAR SHOG ,DUS GSUM RGYAL BA'I MKHYEN BRTZE NUS PA RNAMS,
,ZUNG 'JUG SPRUL SKUR SHAR BA'I RNAM 'DREN GANG, ,RIGS GSUM NGO
BOR THAG BCAD GSOL BTAB MTHUS, ,MCHOG THUN DNGOS GRUB MA LUS
MYUR THOB SHOG ,KHYAD PAR DAG PA

YE SHES BDUD RTZI'I CHUS, ,SGO GSUM SDIG SGRIB MI SHES KUN
'KHRUD CING, ,'CHAD RTZOD RTZOM SOGS MTHA' YAS YE SHES BYA LA,
,BLO GROS MGON PO 'JAM DBYANGS MTSUNGS PAR SHOG ,BYANG SHAR NGO
MTSAR RMAD BYUNG BKOD PA'I ZHING, ,RNAM 'DREN

SENG GE'I NGA RO'I ZHABS DRUNG DU, ,'KHOR GYI THOG MAR SKYES NAS
MDO SNGAGS LA, ,THOS BSAM BSGOM PAS RTAG TU 'DA' BAR SHOG ,MDOR
NA SKYE ZHING SKYE BA THAMS CAD DU, ,RJE BTZUN BLO BZANG GRAGS
PA YAB SRAS DANG, ,MI 'BRAL RGYAL BA'I

CHOG TSUL KUN BZUNG NAS, ,BSTAN DANG 'GRO BA'I DON CHEN LHUR LEN
SHOG (,CES SOGS BSNGO SMON DANG SHIS BRJOD KYIS MTHA' BRGYAN PAR
BYA'O, ,DE LTAR DGA' LDAN LHA BRGYA MA'I RNAL 'BYOR 'DI LA 'DON
TSUL PHYAG LEN RGYAS BSDUS DANG, MAN NGAG GI RIM PA MTHA' YAS PA
ZHIG BZHUGS

@005A *, ,PA LAS, 'DI NI DPAL DBEN SA SNYAN BRGYUD KYI BLA MA'I
RNAL 'BYOR BSDUS PA'I 'DON LUGS KUN GZIGS RGYAL BA'I DBANG PO
BSKAL BZANG RGYA MTSO'I GSUNG KHRID YIG DNGOS GRUB KUN 'BYUNG GI
DGONGS PA DANG, PHYAG LEN JI LTA BA BZHIN BSGRIGS PA'O,, ,,RGYAL
KUN BDAG PO NYID

GANG RGYAL SRAS TSUL, ,RGYAL SRAS GZHON NU NYID KYANG BYIS PA'I
ZOL ,BSTAN KYANG MKHYEN DANG GSUNG BA BLA MED PAS, ,'JAM PA'I
DBYANGS NYID BLO BZANG RGYAL BAR 'DUD, ,KHRAG KHRIG MKHAS GRUB
BLO YIS MA LCIGS PA'I, ,ZAB MO NYID DANG DKA' BA'I GNAD NYID
DANG, ,GSANG BA'I GNAD NYID JI BZHIN RJEN PA RU, ,STON 'DIS
MKHYEN

GTER GZHON NU NYID LAS CI, ,MTSAN SNYAN 'OD CHAGS KYIS KYANG
RNAM DPYOD KYI, ,'DAB STONG BZHAD PA'I CHO GA 'DIR BRTZON DANG,
,MI 'JIGS SPOBS PA RGYAS PA'I GZHI BYIN GYIS, ,MKHAS DANG GRUB
PA'I GRAL RING MYUR SNYEG 'GYUR, ,GLO GROS DEE d'U'I KUN MTHONG
BA'I NGOS, ,ZAB RGYAS GSANG BA'I GZUGS RIS KUN BSTI

BAS; ;SMRA BA'I DBANG PHYUG NYID KYI GO 'PHANG LA, ,MYUR DU
'DZEGS PA'I CHO GA 'DIR BRTZON BYA, ,GNAS SKABS GZA' KLU RGYAL
BO'I GNOD BA SOGS, ,PHYI NANG NYER 'TSE MTHA' DAG LAS BSRUNG
ZHING, ,GSANG SNGAGS ZAB DGU LAS LHAG RAB 'BYAMS LAS, ,'GRUB LA
MYUR BA'I DBYANGS 'DIR LHUR BRTZON RIGS, ,DE

PHYIR DANG PO'I LAS CAN MTHA' DAG LA, ,'KHYER BDE'I DGA' STON
RGYA CHER SPEL BA'I SLAD, ,LHAG BSAM YANGS PA BSOD NAMS DBANG
RGYAL NAS, ,PAR DU BSKRUN PA'I RNAM DKAR 'DI YI MTHUS, ,'JAM
MGON RING LUGS GSER SBYANGS BTZOM YIS, ,SA GSUM GUR KUM LANG
TSO'I DPAL 'DZIN CING, ,RGYU SBYOR

NYID KYANG LAM MCHOG 'DI NYID LAS, ,'JAM MGON RGYAL BA'I GO
'PHANG MYUR THOB SHOG ,CES PA'I PAR BYANG SMON TSIG 'DI YANG PHA
BONG KHA'I SPRUL MING PAS SPYAR BA'O,, ,,DGE LEGS 'PHEL,,) 7SA
BYI LOR 'DZUGS ZHUS SONG,, ,,