@001A *, ,LAM GYI RTZA BA BSHES GNYEN BSTEN TSUL MYONG KHRID DU STZAL SKABS KYI ZIN BRIS GRUB GNYIS 'DOD PA 'JO BA'I DPAG BSAM YONGS 'DU'I SNYE MA ZHES BYA BA BZHUGS SO,, @001B #, ,RJE BTZUN BLA MA BKA' DRIN MTSUNGS PA MED PA'I ZHAL NAS 'DI SKAD DU, RGYAL SRAS CHEN PO PO TO BA'I GSUNG LAS, RNAL GROL BSGRUB PA LA BLA MA LAS GAL CHE BA MED DE, TSE 'DI'I BYA BA BLTAS NAS BYAS PAS CHOG BA LA'ANG SLOB MKHAN MED PAR MI 'ONG NA NGAN SONG NAS 'ONGS MA THAG PA 'GRO MA MYONG BA'I SAR 'GRO BA LA BLA MA MED PAR GA NA 'ONG, GSUNGS PA LTAR RANG CAG CHOS BYED PA LA BLA MA MA BSTEN PAR 'ONG THABS MED DE, NYI MA GCIG GI LAM DU 'ONG BA DANG ,TSE 'DI'I BYA BA CHUNG DU RE LA'ANG STON MKHAN DANG SLOB MKHAN MED PAR MI SHES NA, THOG MA MED PA NAS 'KHOR BAR GTAN 'KHYAMS BYAS PAS THAR PA DANG THAMS CAD MKHYEN PA'I LAM GYI BGROD TSUL GNAS SHES TE MI SHES PAS BLA MA ZHIG NGES PAR BSTEN DGOS, BSTEN BYA'I BLA MA DE'ANG GANG BYUNG GIS MI CHOG PAR LAM RIM CHE CHUNG SOGS LAS GSUNGS PA'I MTSAN NYID DANG LDAN PA, SLOB MA LAM YONGS RDZOGS LA KHRID THUB PA ZHIG BYUNG NA S'ATZTSA BRKOS PHOR NAS @002A #, ,BTON PA LTAR SLOB MA DE YANG LAM YONGS RDZOGS RGYUD LA SKYE BA'I SKAL LDAN ZHIG 'ONG BA YIN ,DES NA LAM MA NOR BAR STON PA'I DGE BA'I BSHES GNYEN MTSAN LDAN ZHIG TSUL BZHIN BSTEN PA GAL CHE BAS ,DE BSTEN PA'I TSUL LA BZHI; BSHES GNYEN BSTEN PA'I PHAN YON, MA BSTEN PA DANG BSTEN TSUL LOG PA'I NYES DMIGS, BSAM PAS BSTEN TSUL, SBYOR BAS BSTEN TSUL LO, ,DANG PO BSHES GNYEN BSTEN PA'I PHAN YON LA BRGYAD, SANGS RGYAS KYI GO 'PHANG LA NYE BA, RGYAL BA RNAMS DGYES PAR 'GYUR BA, BDUD DANG SDIG GROGS KYIS MI TSUGS PA, NYON MONGS DANG NYES SPYOD THAMS CAD RANG SHUGS KYIS 'GAG PA, SA LAM NYAMS RTOGS THAMS CAD GONG 'PHEL DU 'GYUR BA, TSE RABS THAMS CAD DU DGE BA'I BSHES GNYEN GYIS MI PHONGS PA, NGAN SONG DU MI LTUNG BA, GNAS SKABS DANG MTHAR THUG GI DON THAMS CAD 'BAD MED DU 'GRUB PA'O, ,DANG PO LA GNYIS, BLA MAS GDAMS PA BSTAN PA RANG GIS NYAMS @002B SU BLANGS PAS SANGS RGYAS KYI GO 'PHANG LA NYE BA DANG, BLA MA MCHOD CING BSNYEN BKUR BAS KYANG SANGS RGYAS KYI GO 'PHANG LA NYE BA'O, ,DANG PO NI, CHOS BYED PA LA THOG MAR CHOS STON MKHAN GYI BLA MA BSTEN BA SHIN TU GAL CHE STE, BDUD RTZI'I SNYING PO LAS; GRANGS MED BSKAL PA RGYA MTSOR BRTZON PA BRGYAS, ,BSGRUBS KYANG SHIN TU RNYED DKA' ZUNG 'JUG CHE, ,BLA MA'I MTHU LA BRTEN NA SNYIGS DUS KYI, ,TSE THUNG GCIG LA BDE BLAG 'GRUB PAR GSUNGS, ,ZHES GSUNGS PA LTAR LAM GZHAN PHAR PHYIN THEG PA'I SKABS SU BSKAL PA GRANGS MED MANG POR BSGRUB DGOS PA'I SANGS RGYAS KYI GO 'PHANG DE SNGAGS BLA MED LA BRTEN NAS SNYIGS DUS KYI TSE THUNG GCIG LA THOB PA'ANG BLA MA BSTEN TSUL TSUL BZHIN DU BYAS PA'I BKA' DRIN NAM 'BRAS BU MIN, SNGAGS BLA MED LA BRTEN KYANG BSHES GNYEN BSTEN TSUL 'DI TSUL BZHIN MA BYAS NA RDO RJE'I DMYAL BAR 'GRO BA LAS RDO RJE 'CHANG GI GO 'PHANG 'THOB RGYU'I RE BA MED, SNGAR DRANGS PA'I BDUD RTZI'I SNYING PO'I YUNG GI KHUNGS KYANG RGYUD LAS, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,CES DANG, BLA MCHOD LAS, GANG GI THUGS RJES BDE BA CHEN PO'I DBYINGS, ,SKU GSUM GO 'PHANG MCHOG KYANG SKAD CIG LA, ,STZOL MDZAD BLA MA RIN CHEN LTA BU'I SKU, ,RDO RJE CAN ZHABS PADMOR PHYAG 'TSAL LO, ,ZHES BLA MA GANG GI THUGS RJE'AM BKA' DRIN LA BRTEN NA BSKAL PA GRANGS MED GSUM DU BSGRUB DGOS PA'I BDE BA CHEN PO'I DBYINGS SAM GNAS MTHAR THUG PA SKU GSUM GYI GO 'PHANG @003A *, ,MCHOG KYANG DUS SKAD CIG MA STE SNYIGS DUS KYI TSE THUNG GCIG LA BDE BLAG TU STZOL BAR MDZAD PA YIN, 'DI'I SKAD CIG NI YAR LHA DANG, MAR DMYAL BA PA SOGS 'GRO BA GZHAN GYI TSE TSAD LA LTOS NA MI'I TSE THUNG 'DI SKAD CIG MA GCIG GI TSOD TZAM STE, DPER NA 'PHAGS PA THOGS MED LHA YUL DU DRO SKAD GCIG GI YUN LAS MA BZHUGS KYANG 'JIG RTEN NAS MI'I LO LNGA BCU TZAM SONG ZIN PA LTAR DANG, YANG GCIG TU NA 'KHOR BA'I SNGA MTHA' DANG PHYI MTHA' LA LTOS NAS KYANG TSE THUNG 'DI SKAD CIG TZAM YIN, RJE MID LA SOGS TSE THUNG GCIG LA SANGS RGYAS PA DE YANG SPYIR SNGAGS BLA MED LA BRTEN NAS BYUNG BA YIN MOD KYANG, GTZO BO NI BLA MA MAR PA SOGS LA BSHES GNYEN BSTEN TSUL TSUL BZHIN DU MDZAD PA KHO NAS BYUNG BA RED, KHONG GIS MAR PA'I SRAS MKHAR DGU BRTZEGS BZHENGS PA SOGS DKA' SPYAD TSAD MED PAS BLA MA MAR PA'I BKA' BZHIN BSGRUB CING BSTEN TSUL GZHAN LAS LHAG PA MDZAD PAS, MAR PA'I SLOB MA RDOG STON CHOS RDOR SOGS NYI ZLA DANG RGYU SKAR LTA BU GRANGS MED PA ZHIG BYUNG YANG, MID LA NI DE THAMS CAD LAS KHYAD DU 'PHAGS PA BYUNG BA YIN, DES NA BLA MA NI RIN PO CHE DBANG GI RGYAL PO LAS KYANG BRGYA 'GYUR STONG 'GYUR GYIS LHAG PA DANG, MAN NGAG SNA RE SNA GNYIS SAM, SKYES BU GSUM GYI LAM RIM JI TZAM BSTAN NUS PA'I BLA MA ZHIG DANG PHRAD KYANG SLOB MA DE DE'I TSOD KYIS SANGS RGYAS KYI GO 'PHANG LA NYE ZHING, LAM YONGS RDZOGS BSTAN NUS PA ZHIG DANG PHRAD NA NI 'TSANG RGYA PA LA SHIN TU MYUR BA YIN, DER MA ZAD BLA MA TSUL BZHIN DU BSTEN NA NI SNGAGS LA @003B SA BRTEN PAR? MDO RKYANG PA LA BRTEN NAS KYANG LAM SHIN TU MYUR BA BYANG CHUB SEMS DPA' RTAG TU DUS CHOS RGYUN GYI TING NGE 'DZIN THOB PA NAS MI SKYE BA'I CHOS LA BZOD PA THOB KYI BAR BSKAL PA GRANGS MED GNYIS KYI YUN LA BSGRUB DGOS PA DE LO BDUN BRGYAD TZAM LA THOB, PHAR PHYIN THEG ? TSE GCIG LA DE LTAR THOB MI SRID PA LTA BU YIN YANG BYANG SEMS RTAG TU DUS SEMS DPA' CHEN PO CHOS 'PHAGS LA LUS SROG YAL BAR DOR NAS BSTEN TSUL GZHAN DANG MI 'DRA BA MDZAD PA LAS BYUNG BA RTAG DU'I RTOGS BRJOD LAS GSUNGS BA LTAR YIN, CHOS RGYUN GYI TING NGE 'DZIN THOB PA NI THEG CHEN TSOGS LA MCHEN PO DANG, MI SKYE BA'I CHOS LA BZOD PA THOB PA SA BRGYAD PA BA YIN, DE YANG THEG CHEN TSOGS LAM NAS SA DANG PO'I BAR BSKAL CHEN GCIG DANG, DE NAS SA BDUN PA'I BAR BSKAL CHEN GCIG ,DE NAS SA BCU PA'I BAR BSKAL CHEN GCIG STE BSKAL PA GRANGS MED GSUM DU BSGRUB DGOS, BYANG SEMS RTAG TU DUS SANGS RGYAS MANG PO'I ZHAL GZIGS PAS KYANG MA TSIM PAR RANG GI BLA MA TSOL BAR BYON PA NI GNAD CHEN PO YIN TE, RANG DANG YAS 'BREL YOD PA'I BLA MA DED MA PHRAD NAS SANGS RGYAS DNGOS MJAL YANG PHAN THOGS CHER MI 'BYUNG PA YIN, BLA MA DANG GTAN NAS MA MJAL NA SANGS RGYAS KYI GO 'PHANG THOB PA'I DUS MI 'BYUNG ZHING, BLA MA DANG MJAL TE DES CHOS GSUNGS PA NYAMS SU BLANGS NA SANGS RGYAS KYI GO 'PHANG MYUR DU 'THOB STE, KLU SGRUB KYIS RIM LNGA'I RIM PA DANG PO LAS, RI DBANG RTZE NAS 'GA' ZHIG LHUNG GYUR NA, ,LTUNG BAR MI BYA SNYAM YANG LTUNG BAR 'GYUR, ,BLA MA'I DRIN GYIS PHAN PA'I LUNG THOB NA, ,GROL BAR MI 'GYUR SNYAM YANG GROL BAR 'GYUR, ,ZHES DANG, PHA DAM PAS, BLA MAS BSKYAL NA GANG 'DOD GNAS SU SLEBS, ,RKANG GLAR MOS GUS PHUL ZHIG DING RI BA,, @004A *, ,ZHES DANG, RGYAL DBANG LNGA PA CHEN POS KYANG, BLA MA MTSAN NYID DANG LDAN PA ZHIG DANG SLOB MA SNOD DANG LDAN PA ZHIG 'PHRAD NA SANGS RGYAS LAG PAS BZOS PA LTA BU 'ONG BAR GSUNGS PA DANG, SDONG PO BKOD PA'I MDO LAS KYANG, DGE BA'I BSHES GNYEN GYI TSIG DANG MI 'GAL BAR GNAS PA'I BYANG CHUB SEMS DPA' LA THAMS CAD MKHYEN PA NYE BAR 'GYUR RO, ,ZHES GSUNGS, ` GNYIS PA BLA MA MCHOD CING BSNYEN BKUR BAS KYANG SANGS RGYAS KYI GO 'PHANG LA NYE BA NI, GDAMS PA STON PA TZAM DU MA ZAD, BLA MA NI MCHOD CING BSNYEN BKUR BAS KYANG SANGS RGYAS KYI GO 'PHANG LA NYE BA YIN TE, RANG NYID 'TSANG RGYA BA LA TSOGS RGYA CHEN PO GSOG DGOS, TSOGS GSOG PA'I ZHING 'GRAN ZLA MED PA NI BLA MA YIN PAS LAM GZHAN DU BSKAL PA MANG POR BSAG DGOS PA'I TSOGS RLABS PO CHE YANG BLA MA LA MCHOD PAS SKAD CIG SKAD CIG LA RDZOGS PA YIN, DE LA TSUL BZHIN BRTEN CING MCHOD NA SANGS RGYAS STONG LA MCHOD PA PHUL BA'I DGE RTZA SNGA DRO GCIG GIS ZIL GYIS GNON PA SOGS PHAN YON MTHA' YAS PA 'BYUNG STE, SAm BHU tA'I RGYUD LAS, GANG PHYIR PHYOGS BCU'I SANGS RGYAS DANG, ,BYANG CHUB SEMS DPA'I BSOD NAMS PAS, ,SLOB DPON BA SPU'I KHUNG GCIG MCHOG ,DE PHYIR SLOB DPON MCHOD BYED PA, ,SANGS RGYAS BYANG CHUB SEMS DPAS GZIGS, ,ZHES DANG, RIM LNGA LAS, MCHOD PA THAMS CAD SPANGS NAS NI, ,BLA MA LA MCHOD YANG DAG RTZOM, ,DE MNYES PAS NI KUN MKHYEN PA'I, ,YE SHES MCHOG NI 'THOB PAR 'GYUR, ,ZHES DANG, RGYUD LAS, DUS GSUM SANGS RGYAS KUN MCHOD PAS, ,BLA MA'I BA SPU GCIG MCHOD LHAG ,CES DANG, ,BLA MCHOD LAS, DUS GSUM PHYOGS BCU'I RGYAL BA @004B THAMS CAD LAS, ,GANG GI BA SPU'I BU GA GCIG TZAM YANG, ,BDAG CAG BSOD NAMS ZHING DU LEGS BSNGAGS PA'I, ,SKYABS MGON THUGS RJE CAN LA GSOL BA 'DEBS, ,ZHES DANG, ZHING MCHOG DAM PA RJE BTZUN BLA MA LA, ,ZHES GSUNGS, DE YANG MCHOD YUL PHAL PA LAS PHA MA DANG, DE LAS NYAN RANG SOGS DGE SLONG, DE LAS BYANG SEMS, DE LAS SANGS RGYAS DANG, SANGS RGYAS THAMS CAD LA MCHOD PA BAS BLA MA'I BA SPU'I PHUNG BU GCIG MCHOD PA PHAN YON CHE, BA SPU'I KHUNG BU NI BLA MA'I SPUN DANG, NYE GNAS, BZHON PA GZIM KHYI SOGS YIN TE, RJE 'GRO BA'I MGON PO'I ZHAL NAS, BLA MA'I PA SPU'I BU GA BYA BA BLA MA'I YUL PA'AM, 'KHOR RAM, CHIBS SAM, THA NA BLA MA'I KHYI LTA BU LA YANG; BLA MA DRAN NAS PHAN 'DOGS PA LA ZER GSUNGS, DON 'DI LA DGONGS NAS DGE BSHES STOD LUNG PAS PHOR PA'I NANG GI MAR PHU TSUN CHAD BSAGS NAS KHONG RANG GI RTZA BA'I BLA MA SPYAN SNGA BA LOR BZHUGS PA'I LO PA'I KHYI LA BSKYEL BAR BTANG NAS, NGAS STOD LUNG PA'I BAN DE LA CHOS STON DRANGS PA LAS, YO PA'I KHYI LA ZAN BYIN PA BSOD NAMS CHE GSUNGS PA DANG, MDOR NA PHYOGS BCU'I SANGS RGYAS THAMS CAD LA MCHOD PA PHUL BA LAS RANG GI DPE CHA'I DGE RGAN LTA BU LAM MTHA' CHU CHU BEN GANG TZAM PHUL BA BSOD NAMS CHE BA 'THOB PA YIN, BLA MA MA MCHOD NA SANGS RGYAS LA MCHOD PA PHUL YANG MCHOD PA BZHES PA'I NGES PA MED, BLA MA LA MCHOD PAS NI SANGS RGYAS THAMS CAD LA'ANG 'BUL BZHES GNYIS KA'I PHAN YON 'BYUNG ZHING TSOGS RDZOGS TSABS CHE STE, RJES PAn GYIS, BSKAL PA STONG DU PHA ROL PHYIN PA'I TSUL, ,MGO DANG RKANG LAG BDOG PA GTONG BA'I @005A *, ,CHOGS, ,BLA MA'I YAM 'DIS SKAD CIG GCIG LA SDUD, ,RIM GRO BYOS LA DGA' BA SGOMS SHIG AANG, ,ZHES GSUNGS, ` GNYIS PA RGYAL BA RNAMS DGYES PAR 'GYUR BA NI, RANG GI BLA MA'AM DGE RGAN LTA BU'I DGE BA'I BSHES GNYEN DE TSUL BZHIN MA BSTEN PAR SANGS RGYAS LA STENG MCHOD KHRI MCHOD PHUL YANG MI DGYES, BLA MA DE TSUL BZHIN BSTEN NAS MCHOD PA PHUL NA RGYAL BA KUN DGYES PAR 'GYUR BA YIN TE, BLA MA NI SANGS RGYAS THAMS CAD KYIS RANG 'DUL BA'I PHYIR DU SPRUL PA'I 'PHRIN LAS KYI RANG GZUGS YIN PAS DE TSUL BZHIN DU BSTEN NA SANGS RGYAS THAMS CAD KYANG THUGS DGYES PA NI, SDONG BKOD LAS, DGE BA'I BSHES GNYEN GYIS RJES SU BSTAN PA LA ZHUGS PA'I BYANG CHUB SEMS DPA' LA SANGS RGYAS BCOM LDAN 'DAS RNAMS THUGS MNYES PAR 'GYUR RO, ,ZHES DANG, BDUD RTZI'I SNYING PO LAS, BSHES GNYEN DAM PA TSUL BZHIN BSTEN BYAS TSE, ,'DI NI MYUR DU SRID LAS GROL 'GYUR ZHES, ,BU LA PHAN PA SGRUB PA MAS MTHONG BZHIN, ,RGYAL BA MA LUS THUGS YID GTING NAS DGYES, ,ZHES GSUNGS, 'DI RGYAL BA DGYES PA'I RGYU GCIG YIN, DE YANG DPER NA BLA MA NI GDAN SA'I 'THUS MI LTA BU YIN PAS 'THUS MI YUL THAG RING GZHAN DU SONG BA NA DE'I YUL MIS GDAN SA'I 'THUS MI LA LEGS PA BYAS NA GDAN SA BA RNAMS RANG SHUGS KYIS MNYES PA BZHIN DANG, RANG GI BU LA GZHAN GYIS BYAMS PAR BYAS NA PHAM DE MCHOG TU DGA' BAR 'GYUR BA BZHIN DU, BLA MA TSUL BZHIN DU BSTEN NA SANGS RGYAS THAMS CAD THUGS RANG SHUGS KYIS DGYES PA YIN, RJE NGAG @005B DBANG BYAMS PAS KYANG, RANG RGYUD NI SNAM BU G-YANG LA LHUNG BA LTA BU DANG, BLA MA NI DE YAR 'DREN BYED KYI LCAGS KYU DANG 'DRA BAR GSUNGS PAS BLA MA MED NA SANGS RGYAS KYIS RANG CAG 'DREN PA'I THABS MED, GZHAN YANG BSHES GNYEN TSUL BZHIN DU MA BSTEN NA RGYAL BA RNAMS SPYAN DRANGS NAS BRGYA MCHOD STONG MCHOD PHUL NA'ANG PHUL BA'I PHAN YON TZAM LAS DGYES BZHIN BZHES PA'I PHAN YON MI 'BYUNG, RANG GI BLA MA DE BSTEN TSUL TSUL BZHIN DU BYAS NAS DE LA MCHOD PA PHUL NA SANGS RGYAS THAMS CAD SPYAN 'DREN MI DGOS PAR YANG BYON TE BLA MA'I SKU LUS LA DGYES BZHIN BZHUGS NAS MCHOD PA RNAMS LEGS PAR BZHES PA YIN, DE LTAR YANG SLOB DPON SANGS RGYAS YE SHES KYIS 'JAM DPAL ZHAL LUNG LAS, 'DI YI DON LDAN 'GA' ZHIG LA, ,NGA NI DE YI LUS GNAS TE, ,SGRUB PO GZHAN LA MCHOD PA LEN, ,DE YIS DE MNYES RANG GI RGYUD, ,LAS KYI SGRIB PA DAG BYED DO, ,ZHES DANG, DE'I DON BSDUS PA BDUD RTZI'I SNYING PO LAS KYANG, SLOB MAS BLA MA TSUL BZHIN BSTEN PA'I CHE, ,RGYAL RNAMS SPYAN MA DRANGS KYANG BLA MA'I SKUR, ,DGYES BZHIN BZHUGS NAS MCHOD TSOGS KUN BZHES SHING, ,DE YI RGYUD KYANG BYIN GYIS BRLABS PAR GSUNGS, ,ZHES GSUNGS PA LTAR PHAN YON CHE STE DE NI 'BUL BZHES GNYIS KA'I DBANG GIS YIN GSUNGS, LUNG 'DI'I DON YANG RGYAL BA DGYES PA'I RGYU GCIG YIN, DE YANG CHOS KHRI'I STENG GI BLA MA DANG, RANG SHAG KOM GDAN STENG GI DGE RGAN GNYIS LA KHYAD PAR MED DE, BLA MA YIN PA DANG CHOS GSUNGS PA GNYIS @006A *, ,KA 'DRA, BLA MA DE YANG PHYOGS BCU'I SANGS RGYAS THAMS CAD KYIS RANG 'DREN PA'I PHYIR SPRUL PAR MDZAD PA YIN PAS DE LA JA BZHES SPYAD GANG TZAM PHUL NA'ANG SANGS RGYAS THAMS CAD LA MANG JA PHUL BA LTA BU'I PHAN YON THOB PA RED, DES NA RANG GI BLA MA DA BSTEN TSUL TSUL BZHIN BYUNG NA RGYAL BA RNAMS KYANG THUGS RANG SHUGS KYIS DGYES PA YIN, DE TSUL BZHIN MA BYUNG NA ZUR DU PHYAG MCHOD JI TZAM PHUL YANG RANG RGYUD LA NYAMS RTOGS BZANG PO GANG YANG MI SKYE BAS RANG LA KA KHA SLOB PA'I DGE RGAN TSUN CHAD LA BSTEN TSUL TSUL BZHIN BYED PA GAL CHE, ` GSUM PA BDUD DANG SDIG GROGS KYIS MI TSUGS PA LA GNYIS LAS, PHYI'I BDUD RIGS KYIS MI TSUGS PA DANG, SDIG GROGS DANG NANG GI LAS NYON GYIS MI TSUGS PA'O, ,DANG PO NI, RANG GIS BLA MA TSUL BZHIN BSTEN NAS MCHOD PA PHUL NA BSOD NAMS RGYA CHEN BO SOGS PA'I DBANG GIS PHYI'I BDUD DGA' RAB DBANG PHYUG SOGS BDUD KYI RIGS KYIS MI TSUGS PA YIN TE, MDO RGYA CHER ROL PA LAS, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YIS BSAM PA RNAMS KYANG 'GRUB, ,BDUD BCOM NAS NI BYANG CHUB MYUR DU REG PAR 'GYUR, ,MYA NGAN 'DAS BDE ZHI BA BSIL BA'I DNGOS PO'ANG 'THOB, ,CES DANG, MDO LAS, BSOD NAMS LDAN PA'I MI DAG LA, ,LHA'AM BDUD KYI RIGS DAG GIS, ,BAR CHAD BYA BAR MI NUS SO, ,ZHES GSUNGS SO, ,GNYIS PA SDIG GROGS DANG NANG GI BDUD LAS DANG NYON MONGS PAS KYANG MI TSUGS PA NI, BLA MA TSUL BZHIN DU BSTEN PA DE NI SDIG PA'I GROGS PO SOGS KYIS KYANG GZHAN PHYIN CI LOG TU 'KHRID PAR MI NUS TE, SDONG PO BKOD PA'I MDO @006B ?, DGE BA'I BSHES GNYEN GYIS YONGS SU BZUNG BA'I BYANG CHUB SEMS DPA' RNAMS NI LAS DANG NYON MONGS PAS THUB PAR DKA' BA YIN NO, ,ZHES DANG, BDUD RTZI'I SNYING PO LAS KYANG, DE TSE SANGS RGYAS KUN GYI BYIN RLABS DE, ,DAD PA'I SEMS KYI THU? GAR ZHUGS PA'I MTHUS, ,BDUD DANG NYON MONGS TSOGS KYIS MI TSUGS SHING, ,ZHES GSUNGS, ` BZHI PA NYON MONGS DANG NYES SPYOD THAMS CAD RANG SHUGS KYIS 'GAG PA NI, RANG GI BLA MA DE TSUL BZHIN DU BSTEN NA BSTEN PA'I PHAN YON DANG, SDOM PA, SDOM MIN SOGS NYON MONGS DANG NYES SPYOD RNAMS MTHONG NAS NGO SHES TE NYON MONGS NYES SPYOD RNAMS LA DGRAR BLTA ZHING, GNYEN PO YANG SHES SHING BSTEN NAS SPYOD NGAN RNAMS SPONG THUB PA DPER NA, DGE RGAN BZANG PO ZHIG GI MDUN DU SDONG RING CHAGS SOGS DANG CHANG DANG SHO SBAG LA SOGS PA BAG MED PA'I SPYOD LAM NGAN PA DANG, GLU GZHAS KYI LAD MO TSUN GYI NYES SPYOD RANG SHUGS KYIS 'GAG PA LTA BU YIN TE, BDUD RTZI'I SNYING PO LAS, DE LA RTAG TU GUS PAS BRTEN BYAS NA, ,NYON MONGS NYES SPYOD THAMS CAD RANG SHUGS KYIS, ,'GAG CING, ZHES DANG, GONG GI SDONG BKOD LUNG 'DIR YANG 'BREL GSUNGS, ` LNGA PAS LAM NYAMS RTOGS THAMS CAD GONG 'PHEL DU 'GYUR BA NI, BSHES GNYEN TSUL BZHIN BSTEN NA BSGOM CHER MA BRGYAB KYANG RTOGS PA RANG SHUGS KYIS THOL GYIS SKYE BA 'ONG STE, JO BO'I SLOB MA 'BROM GYIS LO TZ'A SOGS PHYAG G-YOG MDZAD, AA MES KYIS GSOL JA'I MA CHEN MDZAD, DGON PHA BAS ZUR DU BSGOM MDZAD @007A *, ,CENG; JO BO YANG CHOS GNANG BAR PHAR BEBS PA YIN, 'BROM GYIS JO BO PHYIS SKU NA BGRES SHING SNYUN BZHES TE GZIM CHUNG DU MI GTZANG BA SHOR TSUL GNANG BA YANG GTZANG BTZOG MED PAR PHYAG RANG GIS BZHES TE PHYIR 'PHO BAR BYON SKABS TING NGE 'DZIN DU HRIL GYIS SONG ZHING, DE LAS LDANG MA THAG BYA RGOD KYI NYIN LAM BCO BRGYAD TSUN GYI SROG CHAGS GROG SPUR YAN CHAD KYI SEMS KYI RGYU BA'I GZHAN SEMS SHES PA'I MNGON SHES WAL GYIS 'KHRUNGS PA DANG, RNAL 'BYOR DBANG PHYUG DPAL LDAN DGON PA BAS AA MES NI JO BO'I PHYAG G-YOG BYAS NAS BSGOM LONG MA BYUNG, 'BROM GYIS LO TZ'A DANG GSOL DPON LTA BU BYAS NAS BSGOM LONG MA BYUNG, BSGOM RANG TA AA PHO NGA RANG GIS BRGYAB YOD PAS RTOGS PA NGA RANG MTHO BA YOD SNYAM DU DGONGS PA NA, JE BOS DE MKHYEN NAS KHONG GSUM RTOGS PA BSDUR GSUNGS TE RTOGS PA BSDUR DU BCUG PAS, RNAL 'BYOR PAS 'BROM LA LTA CI, AA MES LA'ANG DO ZLA MA BYUNG BA DANG, SPYAN SNGA BA'I SLOB MA BYA YUL BA GZHON NU 'OD KHONG DANG POR STOD LUNG PA'I SLOB MA YIN, DES SPYAN SNGA PA LA PHUL, BYA YUL BA KHONG LAS KA BZANG PO YOD PAS SPYAN SNGA BA THUGS SHIN TU MNYES, BSHES GNYEN TSUL BZHIN BSTEN TE BLA MA'I GSUNG LHANG BA RE BYON PA NA'ANG, YI GE NA TSUN KYANG 'DRI 'PHRO DANG, MAndAL GYI LCAGS RI BSGOR 'PHRO TSUN CHAD KYANG BZHAG NAS PHEBS TE ZHABS TOG TSUL BZHIN DU BSGRUB PA NA NYIN GCIG GAD SNYIGS THU BAR BLUGS TE PHYIR GSHO SAR BYON SKABS SKAS KYI GDANG BU GSUM PAR ZHABS BZHAG PA DANG CHOS RGYUN GYI TING NGE @007B 'DZIN THUGS RGYUD LA 'KHRUNGS TE SANGS RGYAS DPAG TU MED PA MJAL, YON TAN THAMS CAD THUGS RGYUD LA SPUNGS PA BZHIN BYUNG BA DANG, SA PAn GYIS GRAGS PA RGYAL MTSAN SKU BSNYUNG BA'I DUS NYIN MTSAN RGYUN MA CHAD PAR GNYID DANG KHA ZAS KYI 'DU SHES SPANGS TE SNYUN G-YOG ZHABS TOG TSUL BZHIN MDZAD, RJES SU GRAGS PA RGYAL MTSAN GYIS SA PAn LA BLA MA'I RNAL 'BYOR GNANG STE BSGRUBS PAS BLA MA SANGS RGYAS THAMS CAD KYI NGO BO 'JAM DPAL DBYANGS DNGOS SU MTHONG, DE NAS SGRA TSAD BZO GSO 'DUL MNGON SOGS LA MKHAS PAR GYUR, SDE SNOD GSUM PO THAMS CAD LA MI 'JIGS PA'I SPOBS PA THOB, LHA 'DRE MI GSUM GYIS BYAMS SHING, RGYA NAG RGYAL PO LA SOGS PA'I DREGS PA CAN THAMS CAD KYIS CHOS ZHU BA DANG GTZIGS CHEN PO BYED PA BYUNG BA YIN, DER MA ZAD SA'I SNYING PO'I MDO LAS, DES SANGS RGYAS BYE BA DPAG TU MED PA LA DGE BA'I RTZA BA BSKYED PA SBYIN PA'AM MCHOD PA'AM BSLAB PA BZUNG BA LAS BYUNG BA RNAMS SNGA DRO GCIG GIS ZIL GYIS GNON TO, ,ZHES GSUNGS PA LTAR BLA MA NI SNGA DRO TZAM MCHOD PAS KYANG SANGS RGYAS DPAG TU MED PA LA YON PHUL BA, SBYIN PA GTONG BA, BSLAB PA BSRUNG BA SOGS LAS BYUNG BA'I DGE RTZA ZIL GYIS NON PA DANG, GZHAN YANG BLA MA DANG MNYAM DU BSDAD NAS PHYAG G-YOG TSUL BZHIN DU BSGRUB PAS NI BLA MA'I RNAL 'BYOR GYI DMIGS PA GZHAN NAS TSOL MI DGOS TE, BLA MA'I SKU BSGOM MI DGOS PAR DGE RGAN LTA BU DNGOS SU BZHUGS BZHUGS PA DE YIN, DE LA PHYAG MCHOD SOGS DANG, MA MTHA' PHYAG KHRUS SHIG PHUL BA'ANG KHRUS GSOL BA YIN PAS DE GA BLA MA'I RNAM @008A *, ,'BYOR YIN, DE'I NGANG NAS SA LAM GYI RTOGS PA YANG RANG SHUGS KYIS SKAD CIG SKAD CIG LA SKYE 'ONG STE, BDUD RTZI'I SNYING PO LAS, SA LAM NYAMS RTOGS MOD LA SKYE ZHING 'PHEL, ,ZHES DANG, SDONG BKOD KYI MDO'I DON LAM RIM CHEN MO LAS KYANG, BYANG SEMS KYI SPYOD PA DANG MI 'GAL ZHING DE LA DRAN PA DANG LDAN PAS YON TAN GYI TSOGS KYIS JE MTHO JE MTHOR 'GYUR ZHING, ZHES GSUNGS, ` DRUG PA TSE RABS THAMS CAD DU DGE BA'I BSHES GNYEN GYIS MI PHONGS PA NI, TSE 'DIR DGE RGAN YON TAN CHUNG ZHING THUGS GTUM PA'I TSUL LTA BU NGAN HRUL ZHIG LA'ANG BSAM SBYOR GNYIS KYIS TSUL BZHIN BSTEN NA DE'I RGYU MTHUN GYI 'BRAS BUS TSE RABS THAMS CAD DU BYAMS 'JAM DBYANGS LTA BU'I DGE BA'I BSHES GNYEN DANG MJAL BAR 'GYUR ZHING, PO TO BA'I BI'U BUM SNGON PO LAS KYANG, DE BAS CHOS 'BREL MA BRTAGS MANG MIN, ,BRTAGS NAS BZUNGS LA BLA MAR GUS BYA, ,MA 'ONGS BLA MAS MI PHONGS CHOS NYID, ,LAS RNAMS CHUD MI ZA BA YIN PHYIR, ,ZHES DANG, BDUD RTZI'I SNYING PO LAS KYANG, TSE 'DIR BLA MA TSUL BZHIN MNYES BYAS PA'I, ,RGYU MTHUN 'BRAS BUS TSE RABS THAMS CAD DU, ,DGE BA'I BSHES GNYEN MCHOG DANG MJAL 'GYUR ZHING, ,TSANG LAM NOR DAM CHOS THOS PAR 'GYUR, ,ZHES GSUNGS, DES NA MA 'ONGS PA NA DGE BA'I BSHES GNYEN BZANG PO ZHIG DANG 'PHRAD PAR 'DOD NA DA RES KYI BLA MA LA BSTEN TSUL MNOR BA DGOS PA YIN, ` BDUN PA NGAN SONG DU MI LTUNG BA NI, BSHES GNYEN TSUL BZHIN DU BSTEN PAS NI NGAN 'GROR 'GRO BA'I LAS NGAN DANG SDIG SGRIB TSABS @008B CAN RNAMS KYANG SKAD CIG SKAD CIG LA BYANG STE GTAN 'DUN GYI RTZA BA TSUGS PA 'ONG, KHRI CHEN BSTAN PA RAB RGYAS KYIS KYANG YONGS 'DZIN NGAG DBANG CHOS 'BYOR LA SNYUN G-YOG TSUL BZHIN MDZAD PAS LAS SGRIB TSABS CHEN DAG STE DBU MA'I LTA BA RTOGS PAR GSUNGS LTAR BLA MA BSTEN TSUL LEGS PO BYUNG NA NGAN SONG MYONG RGYU'I LAS RNAMS KYANG TSE 'DIR LUS SEMS LA NAD GDON PHRA MO RE TZAM BYUNG BA DANG, BKA' BKYON DRAG TZAM RE BYUNG BAS KYANG BYANG BAR 'GYUR TE, RJE TZONG KHA PA CHEN POS, BSHES GNYEN BSNYEN BKUR BAS NI, NGAN 'GRO MYONG BA'I LAS RNAMS TSE 'DI LA LUS SEMS LA GNOD PA PHRA MO TZAM MAM RMI LAM DU MYONG BAS KYANG LAS DE 'DRONGS NAS ZAD PAR 'GYUR BA DANG, ZHES DANG, DE'I KHUNGS SA'I SNYING PO'I MDO LAS KYANG, DES ZIN PA NI BSKAL PA BYE BA DPAG TU MED PAR NGAN 'GROR 'KHYAM PAR 'GYUR BA'I LAS RNAMS TSE 'DIR RIMS LA SOGS PA'AM MU GE LA SOGS PA LUS DANG SEMS LA GNOD PA BYUNG BAS BYANG BAR 'GYUR TE THA NA BRGYAD BKAG GAM RMI LAM TZAM GYIS KYANG BYANG BAR 'GYUR RO, ,ZHES GSUNGS SHING, BRGYAD BKAG NI DKA' BKYON GYI BRDA RNYING YIN PAS BKA' BKYON LTA BU LA BYA, SDONG PO BKOD PA'I MDO LAS KYANG, RIGS KYI BU, DGE BA'I BSHES GNYEN GYIS YANG DAG PAR ZIN PA'I BYANG CHUB SEMS DPA' RNAMS NI NGAN 'GROR MI LTUNG NGO, ,ZHES GSUNGS PAS NGAN 'GROR MI SNYING BA YIN, RJE MAR PAS SKU MKHAR DE TZAM MID LA GCIG PUR BZHENGS BCUG PA DANG, DBANG GRAL NAS MANG DU DBYUNG BA SOGS DANG, BKA' BKYON DRAG PO PHEBS PA DANG, YI CHAD CHEN PO BDUN BTANG BA SOGS DKA' BA DE TZAM MDZAD DU BCUG PA'ANG MID LA'I @009A *, ,LAS SGRIB SBYONG BA KHO NA'I CHED DU MDZAD PA RED, DGE BSHES LHA BZO BA LA STOD LUNG PAS MJAL RES KYIS BKA' BKYON PA LA, LHA BZO'I SLOB MA NYA GA MO PAS, SLOB DPON 'DI'O SKOL DPON SLOB LA SHIN TU SDANG BA ZHIG 'DUG ZHUS PAR; LHA BZO BAS KHYOD KYIS 'DI BKA' BKYON DU GO'AM, KHO BO LA 'DIS 'DI LTA BU RE MDZAD RES KYIS HE RU KAS BYIN GYIS BRLABS PA 'DRA BA RE 'ONG, ZHES DANG, N'A RO'I RNAM 'PHRUL 'GRO MGON GTZANG PA RGYA RAS KYIS, BRDUNG GTAG BYUNG NA DBANG BSKUR YIN; ;BYIN RLABS 'JUG NA DE LA 'JUG ,BKA' BKYON DRAG PO DRAG SNGAGS YIN, ,BAR CHAD THAMS CAD DE YIS SEL, ,ZHES GSUNGS, DE'I PHYIR BLA MA'I BYA BA LA DKA' SPYAD DANG SDUG LAS JI 'DRA ZHIG DGOS KYANG KHUR DU MA SONG BAR RGYAN DU 'GRO BAR BYAS NA ZUR DU PHYAG MCHOD 'BUM PHRAG MANG PO BYAS PAS KYANG DO ZLA MED PA'I BSAGS SBYANG RLABS PO CHER 'GYUR, DE LTA MIN PAR PHAR KHONG KHROS NA BSTEN TSUL LOG PA'I NYES PA SOGS 'BYUNG, DES NA DGE PHRUG DANG SLOB MA TSO LA CHOS KYI GNAD ZAB SHOS BLA MA BSTEN TSUL 'DI'I RTZA NA YOD PAS BSTEN TSUL MA LOG PA SHIN TU GAL CHE'O, , ` BRGYAD PA GNAS SKABS DANG MTHAR THUG GI DON THAMS CAD 'BAD MED DU 'GRUB PA NI, MDOR NA 'DI PHYI'I LEGS TSOGS THAMS CAD BSHES GNYEN TSUL BZHIN BSTEN PA LA RAG LAS TE, RJE TZONG KHA PA CHEN POS, DE NAS 'DI PHYI'I LEGS TSOGS JI SNYED PA'I, ,RTEN 'BREL LEGS PAR 'GRIG PA'I RTZA BA NI, ,LAM STON BSHES GNYEN DAM PA 'BAD PA YIS, ,BSAM DANG SBYOR BAS TSUL BZHIN BSTEN PA RU, ,MTHONG NAS SROG GI @009B PHYIR YANG MI GTONG BAR, ,BKA' BZHIN SGRUB PA'I MCHOD PAS MNYES PAR BYED, ,CES DANG, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,YID LA DRAN PA TZAM GYIS DUS KUN TU, ,MOS GUS RTZOL MED SKYE BAR BYIN GYIS RLOBS, ,ZHES DANG, YON TAN KUN GYI GZHI GYUR DRIN CAN RJE, ,TSUL BZHIN BSTEN PA LAM GYI RTZA BA RU, ,LEGS PAR MTHONG NAS 'BAD PA DU MA YIS, ,GUS PA CHEN POS BSTEN PAR BYIN GYIS RLOBS, ,ZHES hSOGS DANG, BDUD RTZI'I SNYING PO LAS, MDOR NA BSHES GNYEN BSTEN PAS GNAS SKABS SU, ,MI KHOM LAS THAR LHA MI'I RTEN BZANG RNYED, ,MTHAR THUG 'KHOR BA'I SDUG BSNGAL KUN ZAD DE, ,NGES LEGS GO 'PHANG DAM PA THOB PAR 'GYUR, ,ZHES GSUNGS PA LTAR 'DI PHYI KUN TU BYA BA LAM DU 'GRO MI 'GRO DANG, 'DI PHYI'I LEGS TSOGS 'GRUB MI 'GRUB NI BLA MA BSTEN TSUL 'DI KHO NA LA RAG LAS PAS 'DI NAS RTEN 'BREL MA 'PHYUGS PA ZHIG BYA DGOS, SKYES CHEN DAM PA RNAMS KYANG SKU TSE DANG MDZAD 'PHRIN MTHAR PHYIN MI PHYIN BSHES GNYEN BSTEN TSUL LEGS NYES 'DI KHO NA'I RJES SU 'GRO, CHOS KHRI'I STENG NAS BKA' CHOS GNANG BA'I BLA MA LTA CI, RANG DANG KHA MNYAM LAG MNYAM LTA BU'I KA KHA SLOB PA'I DGE RGAN DE LA'ANG BSHES GNYEN BSTEN TSUL TSUL BZHIN MA BYAS NA LEGS TSOGS THAMS CAD KYI RTZA BA PHYUG 'GRO BAS 'DI NAS GZAB GZAB BYED DGOS, JO BO CHEN PO RGYA BOD GNYIS NA MDZAD 'PHRIN NAM MKHA' DANG MNYAM PA'ANG KHONG GIS BLA MA BRGYA DANG LNGA BCU RTZA BDUN LA BSTEN TSUL TSUL BZHIN MDZAD PA LAS BYUNG BA RED, BLA MA DE DAG LA BSTEN TSUL 'GRAN ZLA DANG BRAL BA MDZAD @010A *, ,PAS BLA MA GCIG GIS KYANG THUGS LA MA BTAGS PA MED CES JO BO RANG NYID KYI ZHAL NAS GSUNGS, DER MA ZAD JO BO'I SNYAN DU GSER GLING PA'I MTSAN DNGOS SU GSAN NA DE MA THAG YAR BZHENGS PA DANG, JO BO RANG GIS GSER GLING PA ZHES MTSAN TZAM GSUNGS PA TZAM LA'ANG PHYAG THAL MO SBYOR ZHING SPYAN CHAB DBANG MED DU BSNYIL BA DE LTAR MDZAD, 'BROM STON PA RTEN DGE BSNYEN YIN YANG BKA' GDAMS PA THAMS CAD KYI GTZUG GI NOR BU LTA BUR GYUR CING, 'PHRIN LAS DAR RGYAS CHE BA YANG BSHES GNYEN TSUL BZHIN BSTEN PA'I BKA' DRIN YIN, KHONG GIS KHAMS NAS BLA MA SE BTZUN PA BSTEN SKABS NYIN MO BZHON MA 'JO BA'I 'PHONGS STEGS TSUN DANG, MTSAN MO 'KHOR GSUM TSER MA 'DRA BA BTAGS TE BLA MA'I RTA NOR PHYUGS GSUM LA SOGS PA'I NOR RDZAS RNAMS DGRA JAG CHOM RKUN LAS BSRUNG BA SOGS BSTEN TSUL TSUL BZHIN MDZAD, PHYIS 'BROM GYIS JO BO LA NGAS SNGAR GYI LAS KA BYAS PA RNAMS LAM DU SONG NGAM MA SONG ZHUS PAR, JO BO'I ZHAL NAS, SNGAR KHYOD KYIS BLA MA SE BTZUN GYI G-YOG BYAS PA DE LAM DU SONG, GZHAN LAM DU MA SONG GSUNGS, RJES SU JO BO DANG MJAL SKABS KYANG DE NYIN JO BOS 'BROM GYI SKAL BAR SBYIN BDAG NAS BZHES PA'I MAR RDOG GNANG BA'I DE NUB NAS JO BO'I SPYAN SNGAR BZHUGS RING JO BO'I DBU SNGAS SU MAR ME MTSAN THUB RE CHAG MED PHUL BA LAS, JO BO MUN NAG TU NUB GCIG KYANG 'JOG MA PHOD PA DANG, JO BO STOD NAS MAR PHEBS LAM ZHIG TU BZHUGS SA'I 'DAM RDZAB RNAMS PHYIR DBYUNG, GNAS BLANGS MA SHES PA'I SA DKAR SKAM PO MANG @010B POS RLAN RNAMS BKABS, JO BO BZHUGS SA'I MDUN DU GSOL LCOG LTA BU SA STEGS GRU BZHI ZHIG KYANG BSHAMS GRUB PA LA JO BO MNYES NAS, AA RENG LA SLOB MA KHYOD LTA BU ZHIG RGYA GAR NA YANG YOD GSUNGS, 'DI THUGS SHIN TU DGYES DRAGS PA'I GSUNG BYON PA LAS NGO THOG RGYA GAR NA MED PA YIN GSUNGS, JO BO MYA NGAN LAS 'DA' KHAR BLA CHEN MI CHEN MANG PO'I DBUS NAS BKA' GDAMS KYI BSTAN PA YANG 'BROM RGYAL BA'I 'BYUNG GNAS LA GTAD DE RGYAL TSAB TU DBANG BSKUR, MYA NGAN LAS 'DAS ZIN PA'I 'OG TU YANG 'BROM GYIS DAD PAS BTZAL BA NA MJAL TE SNYAN BRGYUD KYI GDAMS NGAG THOB, YANG JO BO'I SKU DUS AA MES KYIS NGA PHYAG G-YOG ZHUS PAS BSGOM LONG DANG, KLOG 'DON BYA LONG MED SNYAM PA'I RTOG PA NGAN PA SKYES PA NA, JO BOS MKHYEN NAS 'BROM LA BKAS MNGAGS TE, 'BROM STON PAS THABS KYIS AA MES LA, NGAS JO BO'I PHYAG G-YOG ZHUS PAS BSGOM LONG DANG, KLOG LONG SOGS MA BYUNG GSUNGS PA NA, AA MES KYIS NGA YANG DE LTAR LONG MED LUGS SOGS PHAN CHUN GSUNG MOL GLENG BA'I MJUG TU 'BROM GYIS, NGAS BLA MA 'DI NAM BZHUGS RING CI MNYES SHIG BYUNG NA, GZHAN NGA LA BYA RGYU GANG YANG MED GSUNGS PAS AA MES DE MA THAG BLO 'GYUR TE PHYAG G-YOG TSUL BZHIN BSGRUBS PAS RTOGS PA MTHON PAR PHEBS PA DANG, 'GA' ZHIG GIS RTEN 'BREL LEGS PAR BSGRIGS KYANG NYES SHOR BA DANG, 'GA' ZHIG RANG SHUGS KYIS 'GRIGS PA'ANG 'BYUNG SRID DE, KHRI CHEN NAM MKHA' BZANG PO 'JAM DBYANGS BZHAD PA MJAL DU PHEBS, MJAL ZIN NAS PHYIR @011A *, ,LAG PHEBS SKABS 'JAM BZHAD RIN PO CHES PHYI MIG MA BLTA BAR SONG ZHES GSUNGS KYANG KHONG GIS BRJED DE BLA MA'I BZHUGS KHANG MJAL TZAM NAS PHYAG DANG MAndAL GSOL 'DEBS SOGS GZAB GZAB MDZAD KYANG, DES RTEN 'BREL 'PHYUGS TE RJES SU SKU TSE DER MJAL BA'I SKAL BA RDZOGS, YANG RJE'I SKU DUS BU SLOB RNAMS KYIS DGA' LDAN LDEBS RIS SKABS BLA MA'I SKU BRNYAN DBUS SU 'DRI BZHENGS MDZAD RGYU MA BYUNG BAS DE'I RTEN 'BREL GYIS DGA' LDAN MA DGON YIN YANG DA LTA GDAN SA GZHAN LTAR DAR RGYAS CHE BA RANG MED PA DANG, RGYAL TSAB RJE DANG PO SA SKYA BA YIN, KHONG GIS 'GRAN SEMS KYIS RJE RIN PO CHE MJAL BAR PHEBS, RJES BKA' CHOS SHIG GNANG BA DANG STABS THUG PA NA MA DANG MA GUS PAR 'DRA 'DRA MNYAM MNYAM BGYIS TE KHRI THOG BZHUGS KYANG DES RTEN 'BREL BZANG PO 'GRIGS TE RJES SU 'JAM MGON BLA MA'I GSER KHRI'I RGYAL TSAB DANG BOR PHEBS RGYU BYUNG BA RED, SNGAR RGYA GAR DU NA RO PAS MAR PA LA YI DAM DGYES RDOR GYI RTEN BRTEN PA'I DKYIL 'KHOR BSTAN TE KHYOD KYIS BLA MA LA PHYAG 'TSAL LAM YI DAM LA PHYAG 'TSAL GSUNGS PA NA, MAR PAS BLA MA LA PHYAG MA 'TSAL BAR YI DAM LA PHYAG BTZAL BAS DES SEMS CAN GYI SKAL BAS RTEN 'BREL 'PHYUGS TE MAR PA LA YUM DGU DANG, SRAS BCU GCIG YOD KYANG DE MTSAMS NAS GDUNG RGYUD CHED PA DANG, MID LA MAR PA'I DRUNG DU PHEBS SKABS THOG MAR MAR PA ZHING RMOS RA PHEBS PA DANG MJAL TE ZHING RMO 'PHRO RMOR BCUG ,CHANG BZHES 'PHRO GNANG, MID LAS KYANG NGA NYI MA LA STOD NAS 'ONGS PA'I MI SDIG CAN ZHIG YIN PAS DA LUS NGAG YID GSUM BLA MA LA PHUL, LTO GOS CHOS @011B GSUM YANG GNANG BAR ZHUS PAS, MAR PAS DE GNYIS GCIG LAS MI 'ONG, KHYOD KYIS SDIG BSAGS BA'I YUS NGA LA MI 'GRO ZHES BKA' BKYON, 'ON KYANG LUS NGAG YID GSUM PHUL BA DE LEGS GSUNGS, YANG MID LAS RJES SU ZANGS KYI SNOD RU BZHI MA 'BRU KHOL BCU BZHI RI BA DRI MA MED PA ZHIG STONG PA PUL, MAR PAS ZANGS LA DBYU GUS SKAD BTON, MAR KHUS BKANG STE MCHOD MER 'BUL BAR MDZAD PA SOGS RTEN 'BREL LEGS NYES SNA TSOGS BYUNG BAS RJES SU MID LA 'TSO CHAS DKON PA DANG, GDAMS NGAG YONGS RDZOGS THOB NAS RTOGS PA MTHON POR PHEBS PA SOGS BYUNG BA RED, DGON PA SPYI LTA BUS KYANG MKHAN PO SOGS LA BLA MA BSTEN TSUL NYES NA 'DOD RGU LONGS SPYOD NYAMS PA TSUN CHAD 'BYUNG BA MTHONG CHOS SU 'ONG BA YIN, ` GNYIS PA MA BSTEN PA DANG BSTEN TSUL LOG PA'I NYES DMIGS LA BRGYAD TSAN GNYIS LAS, DANG PO MA BSTEN PA'I NYES DMIGS BRGYAD NI, BLA MA MA BSTEN NA SANGS RGYAS KYI GO 'PHANG LAS RJE RING JE RING DU 'GRO BA SOGS BSTEN BA'I PHAN YON BRGYAD LAS GO LDOG PA RNAMS 'BYUNG BAS PHAN YON RNAMS PHAR GO LDOG NA SHES SLA, GNYIS PA BSTEN TSUL LOG PA'I NYES DMIGS LA BRGYAD LAS, DANG PO BLA MA LA BRNYAS SMOD SHOR NA RGYAL BA KUN LA BRNYAS PA NI, BLA MA LA DANG POR BRTEN NAS RJES SU BSTEN TSUL LOG NA GYONG SHIN TU CHE STE, SANGS RGYAS THAMS CAD KYI 'PHRIN LAS RNAMS RANG 'DUL BA'I PHYIR DU BLA MA'I RNAM PAR SHAR BAS NA BLA MA NI SANGS RGYAS THAMS CAD KYI 'PHRIN LAS KYI RANG GZUGS YIN PAS, RANG GI GLOG SLOB PA'I DGE RGAN TSUL LA YANG LKOG NAS KHU TSUR BSTAN TE BRDUNG @012A *, ,NYAMS BYED PA DANG, NGAN SMRAS BYED PA YAN CHAD KYIS DE LA BRNYAS SMOD SHOR NA PHYOGS BCU'I SANGS RGYAS THAMS CAD LA BRNYAS SMOD BYAS PAR 'GRO STE, BDUD RTZI'I SNYING PO LAS, DGE BA'I BSHES RNAMS RGYAL KUN 'PHRIN LAS DE, ,RANG GI BLA MAR SHAR BA NYID YIN PHYIR, ,DE LA MA GUS RGYAL KUN MA GUS PAR, ,GSUNGS PHYIR DE LAS RNAM SMIN LCI BA GANG, ,ZHES DANG, BLA MA LNGA BCU PA LAS, DE 'DRA'I MGON LA BSAMS BYAS NAS, ,SLOB MAR GYUR NAS BRNYAS NA NI, ,SANGS RGYAS THAMS CAD BRNYAS PAS NA, ,DES NI RTAG TU SDUG BSNGAL 'THOG ,CES GSUNGS, DES NA RANG LA CHOS KHRI'I STENG NAS CHOS STON PA'I BLA MA'AM DPE CHA'I DGE RGAN LA MDUN DU LTA CI, LKOG TU'ANG TSIG NGAN SMRAS BA SOGS MA GUS PA BYAS NA DON LA SANGS RGYAS THAMS CAD LA NGAN SMRAS DANG MA GUS PA BYAS PAR 'GRO, DE SONG NA, DGRA NAG GI DKA' 'GREL DU DRANGS PA LAS, TSIGS BCAD GCIG TZAM MNYAN PA LA, ,GANG GIS BLA MAR MI 'DZIN PA, ,KHYI YI SKYE GNAS BRGYAR SKYES NAS, ,SME SHA CAN DU SKYE BAR 'GYUR, ,CES GSUNGS PA LTAR 'BYUNG, RANG CAG PHAL CHER LA DGE RGAN RTZA NAS BLA MA BSTEN TSUL GYI KHE GYONG GNYIS KA 'BYUNG NYE BAS 'DI LA NAN TAN BYED, GAL TE DPE CHA'I DGE RGYAN LTA BU BLA MA LA BRNYAS SMOD SHOR BA SOGS BYUNG TSE DE ZHAL BZHUGS YOD NA DNGOS SU 'GYOD BSHAGS NAN TAN PHUL NA NGES PAR 'DAG THUB CING, MA BZHUGS TSE DE'I NA BZA' SOGS RTEN DU GZHUGS TE BSHAGS PA SHUGS DRAG BYA DGOS GSUNGS, ` GNYIS PA BLA MA LA KHRO SEMS SKYES NA DE'I SKAD CIG MA'I GRANGS DANG MNYAM PA'I DGE RTZA BCOM @012B NAS BSKAL PAR DMYAL BAR SKYE BA NI, RANG GI DGE RGAN NAS BLA MA LA BYA RDZOGS KYI SKAD CIG MA THUNG MTHA' GCIG GI YUN LA KHONG KHRO SKYES NA BSKAL PA GCIG GI RING LA BSAGS PA'I DGE RTZA BCOM NAS BSKAL PA GCIG GI RING DU DMYAL BAR GNAS DGOS PA DANG; DE BZHIN DU BYA RDZOGS KYI SKAD CIG MA GNYIS DANG GSUM LA KHONG KHRO SKYES NA'ANG BSKAL PA GNYIS DANG GSUM LA BSAGS PA'I DGE RTZA BCOM NAS BSKAL PA GNYIS DANG GSUM GYI RING DMYAL BAR GNAS DGOS PA NAS BSKAL BA BRGYA'I BAR RIGS 'GRE, 'DI YANG BYE RMRA'I LUGS LAS, THEG CHEN LA SKAD CIG MA DANG BSKAL PA BRTZI LUGS 'DI LAS GRANG CHES MANG BA YIN, 'DIR BYE SMRA'I LUGS LTAR BGYIS KYANG SE GOL GCIG GI YUN LA BYA RDZOGS KYI THUNG MTHA'I SKAD CIG MA DRUG CU RE LNGA YOD PAS DE'I RING LA BLA MA LA KHONG KHRO SKYES NA BSKAL PA DRUG CU RE LNGA LA BSAGS PA'I DGE RTZA BCOM NAS BSKAL PA DRUG CU RE LNGAR DMYAL BAR GNAS DGOS PA YIN TE, BDUD RTZI'I SNYING PO LAS, BLA MAR KHRO SEMS SKAD CIG GANG SKYES PA, ,DE SNYED BSKAL PAR BSAGS PA'I DGE BCOMS TE, ,SKAD CIG DE YI GRANGS MNYAM BSKAL PA RU, ,DMYAL BAR SKYE ZHES DUS 'KHOR RGYUD LAS GSUNGS, ,ZHES DANG, DUS 'KHOR RTZA RGYUD LAS KYANG, BLA MA LA KHROS SKAD CIG GRANGS, ,BSKAL BAR BSAGS PA'I DGE BCOM NAS, ,DE SNYING BSKAL PAR DMYAL SOGS KYI, ,SDUG BSNGAL TSOR BA DRAG PO MYONG, ,ZHES GSUNGS, ` GSUM PA SNGAGS LA BRTEN KYANG MCHOG MI 'GRUB PA NA, GANG ZHIG MTSAMS MED LNGA BYAS PA DANG, SO THAR GYI PHAM PA BZHI SA GOS PA LA SOGS PA'I SDIG CAN ZHIG @013A *, ,MIN YANG SNGAGS BLA MED LA BRTEN NAS MCHOG GI DNGOS GRUB 'GRUB PA SRID KYI, SNYING THAG PA NAS RANG GI SLOB DPON LA BRNYAS SMOD SHOR BA SOGS BSTEN TSUL LOG PA'I GANG ZAG DES NI SNGAGS BLA MED LA BRTEN NAS BSGOM JI TZAM BRGYAB STE MCHOG GI DNGOS GRUB BSGRUBS KYANG 'GRUB PAR MI SRID DE, 'DUS PA'I RTZA RGYUD LAS, SEMS CAN MTSAMS MED LA SOGS PA'I, ,SDIG PA CHEN PO BYED PA YANG, ,RDO RJE THEG PA RGYA MTSO CHE, ,THEG PA MCHOG NI 'DI LA 'GRUB, ,SNYING NAS SLOB DPON SMOD PA DAG ,BSGRUBS KYANG 'GRUB PAR MI 'GYUR RO, ,ZHES GSUNGS PA'I PHYIR, 'DI'I SDIG PA CHEN PO NI MI DGE BA BCU LA BYED GSUNGS, ` BZHI PA RGYUD DON BRTZON PAS BSGRUBS KYANG DMYAL BA SOGS BSGRUB PA DANG 'DRA BA NI; RANG GI SLOB DPON LA SMOD PA'I GANG ZAG DES NI NYIN MTSAN KUN TU GNYID DANG, 'DU 'DZI, BZA' BTUNG TSUN CHAD SPANGS TE GNAS DBEN PAR BSKAL PA MANG POR BRTZON PA CHEN POS MCHOG GI DNGOS GRUB BSGRUBS KYANG DMYAL BA SOGS BSGRUB PA DANG 'DRA STE, 'JAM MGON TZONG KHA PAS, BLA MA LA BRNYAS SMOD SOGS LA CI YANG MI 'DZEM PAR THOS BSAM SGOM GSUM LA 'BAD PA SKAD BYED PA DAG NI NGAN 'GRO'I SGO 'BYED PA RANG YIN TE, ZHES DANG, RDO RJE SNYING PO RGYAN GYI RGYUD LAS KYANG, GANG GIS SLOB DPON YANG DAG SMAD, ,DES NI RGYUD KUN SGRUB PA'I MCHOG ,GNYID DANG 'DU 'JI RNAM SPANGS TE, ,BSKAL PA STONG DU LEGS BSGRUBS KYANG, ,DMYAL SOGS SGRUB PAR BYED PA'O, ,ZHES GSUNGS, ` LNGA PA YON TAN @013B SNGAR MA SKYES PA RNAMS GSAR DU MI SKYE ZHING SKYES ZIN NYAMS PA NI, BLA MA LA BRNYAS SMOD SHOR PA SOGS KYIS DAM TSIG NYAMS PA DANG, LOG RTOG NGAN PA SKYES PA DANG, BKA' DANG 'GAL BA SOGS BSTEN TSUL NYES NA LUNG RTOGS KYI YON TAN SNGAR MA SKYES PA RNAMS GSAR DU MI SKYE BA SNGON LI YUL GYI DGE TSUL GNYIS KYIS CHOS RGYAL SRONG BTZAN SGAM POR LOG LTA SKYES PAS TSE DER MCHOG GI DNGOS GRUB 'THOB RGYU'I SKAL BA LAS NYAMS PA DANG, SNGAR BLA MA DZ'A LANDHA RA BSAM GNANG BZHIN DU GRUB CHEN NAG PO SPYOD PAS SPYOD PA LA PHEBS PA NA RTEN 'BREL MANG PO 'PHYUGS, HE RU KA DANG RDO RJE PHAG MOS SPRUL PA MANG DU BSTAN KYANG NAG PO SPYOD PAS MA MKHYEN, KHONG GI SLOB MA DGE TSUL TSEM BU BA RDO RJE PHAG MO MDZE MO'I RNAM PAR BSTAN PAS MKHA' SPYOD DU DNGOS SU KHRID KYANG, NAG PO SPYOD PA RANG NYID MDZAD PA MTHAR MA PHYIN PAR DE W'I KO tI RA SKU GSHEGS TE SKU TSE DER MCHOG GI DNGOS GRUB BRNYES MA THUB PA DANG, N'A RO PA PAn GRUB CHEN POR GYUR PA NA TEE LO PAS KHYOD GZHAN DANG RTZOD PA MA RTZOD CES GSUNGS KYANG RJES SU N'A RO PAS MU STEGS PA ZHIG DANG RTZOD DGOS BYUNG BAS RTZOD PA N'A RO PA PHAM PAR NYE BA NA TEE LO PA SPYI BOR BYON TE GROGS GNAD DGOS BYUNG BA DANG, RJE MAR PAS MA GNANG BAR LKOG TU YUM BDAG MED MA DANG MID LA GNYIS KYIS RDOG STON CHOS RDOR DBU BSKOR NAS GDAMS NGAG ZAB MO ZHUS TE BSGOM JI TZAM BRGYAB KYANG RTOGS PA SKYE BA LTA CI, THA NA RMI LAM BZANG BA TZAM YANG MA BYUNG BA DANG, MID LA'I SLOB MA DVAGS PO LHA RJE NYI MA LTA BU DANG, RAS CHUNG BA ZLA BA LTA BU @014A *, ,DANG; GZHAN RNAMS RGYU SKAR LTA BU YIN ZHING, RAS PA ZHI BA 'OD SOGS KYIS SKU TSE DER ZUNG 'JUG THOB KYANG, RAS CHUNG BAS MID LA'I BKA' LAN GSUM BCAG PAS MTHAR MID LAS MA GNANG BZHIN DU LHA SAR GNAS BSKOR DU PHEBS PA NA ,BUD MED DANG THUG STE KHRIMS RAL BA SOGS SKU NGAL CHEN PO MYONG BA RNAM THAR LAS BYUNG BA LTAR MDZAD PA MTHAR MA PHYIN PA MANG DU BYUNG, MID LAS RAS CHUNG BA LA KHYOD RO GYONG BAS NGA'I BKA' THENGS GSUM BCAG PAS DA DUNG DGE BSHES CHEN PO ZHIG GI SKYE BA LAN GSUM DU LEN DGOS GSUNGS, KHONG GIS MID LA'I BKA' MA BCAG NA TSE DE LA MCHOG GI DNGOS GRUB 'THOB RGYU YIN PA LA BLA MA'I BKA' BCAG PAS SKU TSE DER MA THOB PA YIN, BSHES GNYEN BSTEN TSUL LOG NA RANG LA YON TAN SNGAR SKYES ZIN RNAMS KYANG NYAMS NAS 'GRO BA NI, SNGAR BLA MA RIGS NGAN PA ZHIG LA SLOB MA RIGS BZANG PO ZHIG YOD PA, SLOB MA RIGS BZANG DE NAM MKHA' LA 'PHUR SHES PAS RIGS KYI NGA RGYAL GYIS KHO RANG GI BLA MA RIGS NGAN PA DES CHOS GSUNGS SAR GNAM LA 'PHUR NAS NGA'I BLA MA LA'ANG 'DI 'DRA 'PHUR RGYU MED SNYAM DU NGA RGYAL SKYES MA THAGS LA LHUNG BA SOGS KYI YO RGYUS LTAR DANG, BDUD RTZI'I SNYING PO LAS KYANG, BLA MA MCHOG LA GUS PA DANG BRAL NA, ,YON TAN MI SKYE SKYES PA NYAMS 'GYUR ZHING, ,ZHES GSUNGS PA LTAR YIN, ` DRUG PA TSE 'DIR NAD SAGS MI 'DOD PAS GTZES PA NI, RANG GI BLA MA LA BSTEN TSUL LOG NA TSE 'DIR YANG BKRA MI SHIS PA DANG, DUS MA YIN PA'I 'CHI RKYEN BCU GSUM PO GANG RUNG GI DBANG GIS @014B 'CHI BAR 'GYUR BA SOGS NYES PA MANG DU 'BYUNG STE, BLA MA LNGA BCU PA LAS, SLOB DPON LA NI SMOD PA DE, ,YAMS DANG 'TSE BA'I NAD RNAMS DANG, ,GDON DANG RIMS DANG DUG RNAMS KYIS, ,RMONGS CHEN DE NI 'CHI BAR 'GYUR, ,RGYAL PO ME DANG SBRUL GDUG DANG, CHU DANG MKHA' 'GRO RKUN PO DANG, ,GDON DANG LOG 'DREN RNAMS KYIS KYANG, ,BSAD NAS SEMS CAN DMYAL BAR 'GRO, ,ZHES GSUNGS PA DANG, SLOB DPON SANGS RGYAS YE SHES KYIS TSOGS PA'I DBUS SU CHOS GSUNGS SKABS SHIG TU RANG GI BLA MA GRUB CHEN PHAG TSANG PA CHOS GSUNGS SA'I THAD NAS PHEBS 'GRO BA MA MTHONG BA'I TSUL GYIS BZHUGS, DA GZOD CHOS GROL NAS BLA MA RTZAD BCAD DE BCAR BAS GRUB CHEN GYIS DA GIN PHYAG MI 'TSAL BAR DA LTA PHYAG 'TSAL BA CI YIN GSUNGS PA NA, SANGS RGYAS YE SHES KYIS DA GIN MJAL MA BYUNG ZHES RDZUN ZHUS MA THAG SPYAN GNYIS KA PHYIR DON TE SA LA LHUNGS PA, BLA MAS BYIN RLABS MDZAD KYANG SPYAN YA GCIG LAS SOR MCHUD PA DANG, SMYUNG GNAS BLA BRGYUD DU BZHUGS PA SLOB DPON YE SHES BZANG PO LA PHOL MIG GI NAD BYUNG STE SNYUN ZUG CHE BA'I SKABS CHAB RDZING DU ZHUGS PAS CHU YANG KHOL NUS PA TZAM GYI MNAR GCOD BYUNG BA GSHIN RJE GSHED KYI BSNYEN PA BTANG BA SOGS CI BYAS KYANG MA PHAN PAR PAndI TA ZLA BA GZHON NU LA ZHUS, 7DE LA RJE BTZUN SGROL MAS MNAL LAM DU, SNGON BSHES GNYEN BSTEN TSUL LOG PA'I 'BRAS BU YIN 'DUG PAS BSHAGS PA GYIS GSUNGS PA LTAR BSHAGS PA BYAS PAS PHAN PA BYUNG BA DANG, SNE'U ZUR BA'I SLOB MA DGE TSUL ZHIG GIS BLA MA BSTEN TSUL LOG PAS BLA MAS DGE TSUL KHO MA 'CHI @015A *, ,GONG NGAL BSHAGS PA ZHIG PHUL NA YONG BA 'DUG STE ZHES GSUNGS KYANG BSHAGS PA PHUL MA NYAN PAS 'CHI KHAR SNE'U ZUR GYI RI THAMS CAD KYIS MNAN BYUNG ZER, ,DE NAS SNE'U ZUR GYI DGON PA LA ME 'BAR TE NGA'I STENG DU SLEBS BYUNG ZHES MES TSIG PA'I SNANG BA BYUNG STE 'JIGS SKRAG MI BZAD PA'I NGANG NAS TSE 'PHOS PA DANG, SNGAR DVAGS POR BLA MA'I NYE GNAS ZHIG KYANG BLA MA LA MA DAD BRNYAS SMOD BYAS PAS RJES SU RKUN POS RDOS BRDZOGS TE BKRONGS PA SOGS MANG DU BYUNG BA LTA BU YIN, ` BDUN PA PHYI MAR NGAN SONG MU MTHA' MED PAR 'KHYAMS PA NI, RANG GI BLA MA LA BSTEN TSUL LOG STE BRNYAS SMOD BYAS PA'I RNAM SMIN GSAL POR GSUNGS NA BYANG SEMS SNYING RJE CHEN PO DANG LDAN PA RNAMS KYIS MA BZOD PAR ZHAL NAS KHRAG SKYUGS TE GRONGS PAR 'GYUR BA LA DGONGS NAS SANGS RGYAS KYIS KYANG PHYOGS TZAM LAS ZHIB PAR GSUNG MA NUS PA'I TSUL MDZAD PA YIN TE, LAG NA RDO RJE DBANG BSKUR BA'I RGYUD LAS, BCOM LDAN 'DAS GANG DAG SLOB DPON LA BRNYAS PAR BGYID PA DE DAG GI RNAM PAR SMIN PA JI LTA BU LAGS, BCOM LDAN 'DAS KYIS BKA' STZAL PA, LAG NA RDO RJE, LHA DANG BCAS PA'I 'JIG RTEN SKRAG PAR 'GYUR GYIS DE SKAD MA SMRA ZHIG ,GSANG BA BA'I BDAG PO 'ON KYANG CUNG ZHIG BRJOD PAR BYA'I, DPA' BO BSGRIMS TE DE NYON CIG ;MTSAMS MED LA SOGS MI BZAD PA, ,DMYAL BA GANG DAG NGAS BSHAD PA, ,DE RNAMS KYI NI GNAS SU BRJOD, ,DOR NI BSKAL PA MTHA' YAS SO, ,ZHES MTSAMS MED NI MNAR MED DANG, DER YANG BSKAL PA MTHA' YAS SU GNAS DGOS PAR GSUNGS, YANG @015B LUNG DE'I 'PHROR, DE LTA BAS NA RNAM KUN TU, ,NAM YANG SLOB DPON BRNYAS MI BYA, ,ZHES DANG, SANGS RGYAS MNYAM SBYOR GYI RGYUD LAS KYANG, SLOB DPON LA NI SMOD PA DAG ,RMI LAM DU YANG MTHONG MI BYA, ,ZHES GSUNGS PA LTAR BLA MA NI MA BSTEN PA LAS KYANG BSTEN TSUL LOG PA NYES PA LCI BAS BSHES GNYEN DU BYAS NAS BSTEN TSUL PHYIN CI MA LOG PA GAL CHE GSUNGS, ` BRGYAD PA TSE RABS THAMS CAD DU DGE BA'I BSHES GNYEN GYIS PHONGS PA NI, TSE 'DIR BLA MA LA MA GUS PA BYAS PA SOGS BSHES GNYEN BSTEN TSUL LOG NA DE'I RGYU MTHUN GYI 'BRAS BUS PHYI MAR MI LUS TZAM YANG MI RNYED CING, BRGYA LA NGAN 'GRO LAS THAR NAS BDE 'GRO'I RTEN RE RE GNYIS GNYIS THOB KYANG RGYU MTHUN GYI 'BRAS BUS MI KHOM PA'I GNAS 'BA' ZHIG TU SKYES NAS TSE RABS THAMS CAD DU DGE BA'I BSHES GNYEN DANG MI 'PHRAD, DE MA PHRAD PAS MI LUS BZANG PO JI 'DRA ZHIG THOB KYANG DAM PA'I CHOS KYI SGRA TZAM YANG MI THOS PAS DES NA BSHES GNYEN GYIS PHONGS PA YIN TE, BDUD RTZI'I SNYING PO LAS, GAL TE BRGYAL BDE 'GRO'I RTEN THOB KYANG, ,MA GUS PA YI RGYU MTHUN 'BRAS BU DES, ,MI KHOM GNAS SU SKYES NAS DAM CHOS DANG, ,DGE BA'I BSHES KYI SGRA YANG THOS MAm 'GYUR, ,ZHES GSUNGS, DE LTAR BSHES GNYEN BSTEN TSUL 'DI TSUL BZHIN DU BYAS MA BYAS KYI KHE NYEN GNYIS KA SHIN TU CHE SA ZHIG YIN, DENG SANG CHOS PA BZANG POR KHAS 'CHE BA CHOS KYANG BYANG CHUB LAM RIM MA THOS NA BSHES GNYEN BSTEN TSUL MI SHES PAR SNANG BAS, DE LA THOS BSAM BYAS TE BSHES GNYEN BSTEN PA'I PHAN YON DANG, MA BSTEN PA DANG BSTEN TSUL LOG PA'I NYES DMIGS RNAMS LUNG RIGS GANG RNO RNOS MTHA' BSKOR @016A *, ,RI BSKOR GYIS YANG YANG BSGOMS NA BLA MA BSTEN 'DOD DANG, BSTEN PA LA SPRO SHUGS CHE BA 'BYUNG, GZHAN BLA MA LAS CHOS LEN SNYAM PA TZAM LAS 'ONG SA MED, DE'I PHYIR LAM RIM CHE CHUNG SOd LAS GSUNGS PA LTAR CHOS BYED PA LA THOG MAR BLA SLOB GNYIS KA MTSAN NYID DANG LDAN MI LDAN LEGS PAR BRTAG ,MTSAN NYID DANG LDAN PAR SHES NA DE BSTEN CING BSTEN TSUL MA NOR BA TSUL BZHIN BYED PA GAL CHE GSUNGS, ` GSUM PA BSAM PAS BSTEN TSUL LA GNYIS, RTZA BA DAD PA SBYANG BA DANG, BKA' DRIN RJES SU DRAN NAS GUS PA BSKYED PA'O, ,DANG PO RTZA BA DAD PA SBYANG BA NI, BSHES GNYEN BSTEN TSUL GYI NANG NAS KYANG RTZA BA GAL CHE SHOS NI DAD PA SBYANG BA 'DI YIN, 'DI LA LAM GYI RTZA BA ZHES PA DPER NA, SHING GI RTZA BA BRTAN PO YOD NA DE LAS SDONG PO DANG, YAL GA, LO MA, ME TOG ,'BRAS BU SOGS 'BYUNG BA LTAR LAM MA NOR BAR STON PA'I BLA MA LA DAD PA BRTAN PO YOD NA DE LAS DAL 'BYOR NAS MI SLOB PA'I ZUNG 'JUG GI BAR GYI LAM 'BRAS BU DANG BCAS PA THAMS CAD SPUNGS PA BZHIN DU 'BYUNG BA'I DON GYIS RTOGS PA'I YON TAN RGYUD LA SKYE MI SKYE'I RTZA BA DAD PA 'DI LA THUG PAS NA RTZA BA ZHES GSUNGS PA RED, DE YANG DKAR CHOS THAMS CAD KYI RTZA BA DAD PA DANG, MI CHOS THAMS CAD KYI RTZA BA KUN DANG MTHUN PA YIN, DAD PA DANG SHES RAB GNYIS SKYES THOB KYI YON TAN YIN YANG SBYANGS SHING BSGRUB NA SKYE BA MANG DU YOD, SPYIR DKAR CHOS THAMS CAD KYI SNGON DU DAD PA 'GRO DGOS PAS DAD PA NI MA DANG 'DRA STE MA LA BRTEN NAS BU 'BYUNG BA BZHIN DU DAD PA YOD NA DKAR PO'I CHOS THAMS CAD 'BYUNG STE @016B DKON MCHOG TA LA LA'I GZUNGS LAS, DAD PA SNGON 'GRO MA LTAR BSKYED PA STE, ,YON TAN THAMS CAD BSRUNG ZHING 'PHEL BAR BYED, ,CES DANG, DAD PA MED NA DKAR CHOS GANG YANG MI BYUNG STE, CHOS BCU PA'I MDO LAS, MA DAD PA YI MI DAG LA, ,DKAR PO'I CHOS RNAMS MI SKYE STE, ,SA BON ME YIS TSIG PA LA, ,MYU GU SNGON PO JI BZHIN NO, ,ZHES GSUNGS, DAD PA LA DKON MCHOG DANG, LAS 'DRAS DANG, BDEN BZHI SOGS LA DAD PA MANG DU YOD KYANG 'DIR NI BLA MA SANGS RGYAS SU MTHONG BA'I DAD PA LA BYA DGOS, LAM RIM GYI DMIGS SKOR THAMS CAD NAS BSHES GNYEN BSTEN TSUL GYI RTZA BA DAD PA SBYANG BA 'DI DANG MAR SHES GNYIS RTOGS PA SKYO DKA' ZHING, LHAG PAR BSHES GNYEN BSTEN TSUL GYI RTOGS PA 'DI SKYE YANG DKA' CHOS DANG, GAL YANG SHIN TU CHE SHOS YIN, JO BO LA BOD PA TSOS GDAMS NGAG ZHU ZHES SKAD CHEN POS ZHUS PAS, HE HE, KHO BO LA RNA BA TA BZANG PO BZANG PO BDOG STE MAN NGAG BYA BA DAD PA YIN DAD PA DAD PA, GSUNG BA DANG, GONG GI DKON MCHOG TA LA'I LUNG GI 'PHROR, DOGS PA SEL ZHING CHU BO RNAMS LAS SGROL, ,DAD PA BDE LEGS GRONG KHYER MTSON BYED YIN, ,DAD PA RNYOG PA MED CING SEMS DAD BYED; ;NGA RGYAL SPONG ZHING GUS PA'I RTZA BA YIN, ,DAD PA NOR DANG GTER DANG RKANG PA'I MCHOG ,LAG PA BZHIN DU DGE SDUD RTZA BA YIN, ,ZHES DAD PA NI YON TAN THAMS CAD SKYE BA'I GZHIR MANG DU GSUNGS PA LTAR DAD PA 'DI YOD NA GDAMS NGAG NOR YANG THUN MONG BA'I DNGOS GRUB 'GRUB PA, SNGON RGYA GAR DU MI ZHIG GIS BLA MA LA CHOS GNANG BAR ZHUS PAS, BLA MA MDZAD BREL YOD SKABS DANG THUG @017A *, ,STE PHAR SKROD PA'I PHYAG STABS MDZAD DE,MA RI LE DZA, ZHES GSUNGS PA NA KHOS MA RI LE DZA ZHES PA CHOS DANG, PHYAG G-YOB PAR MDZAD PA PHYAG RGYAR GO NAS DE BZHIN NYAMS SU BLANGS PAS DNGOS GRUB PHRAN TSEGS RE DANG, GZHAN LA'ANG PHAN THOGS CHEN PO BYUNG BA DANG, YANG YUL GZHAN ZHIG TU MU GE SHAR BA NA, MA RGAN MO ZHIG GIS LHA MO TZUN DA'I SNGAGS BTON NAS RDO BTZOS TE ZOS PAS LUS STOBS RGYAS, LHA MO TZUN DA'I SNGAGS AOm TZA LE TZU LE TZUNDE SV'AH'A, ZHES YOD KYANG RGAN MOS SNGAGS NOR TE AOm BA LE BU LE BUNDE SOGS BTON KYANG DAD PA YOD PA'I MTHUS RDO TSOS SHING ZHU THUB PA DANG, RJES SU MA DE'I BU DGE TSUL GYIS KHYOD KYI SNGAGS NOR BA RED CES LHA MO TZUN DA'I SNGAGS DO THOG DE BSLABS KYANG, MOS THE TSOM DANG BCAS SNGAGS MA NOR BA BGRANGS KYANG RDO TSOS MA THUB PA RED, DE LTAR DAD PA MED NA LHA MO TZUN DA'I SNGAGS DO MA BGRANGS KYANG RDO MTSOS SHING MA ZHU BA LTA BU DANG, DAD PA YOD NA SNGAR KONG PO GLEN PA LA LHA SA'I JO BOS GSUNG BYON PA DANG, DE'I YUL DU'ANG SPYAN DRANGS TE CHU JO BO DANG RDO JO BO ZHES KYANG RANG BYON DU PHEBS PA DA LTA MJAL DU YOD PA SOGS LTAR YIN, KHYAD PAR DU LAM 'DI NYAMS SU BLANGS TE THAR PA DANG THAMS CAD MKHYEN PA'I GO 'PHANG MCHOG GI DNGOS GRUB BSGRUB PA LA NI GDAMS NGAG KYANG MA NOR BA DANG, BLA MA YID CHES KYI DAD PA MED DU MI RUNG BA YIN TE, STON PAS JO BO LA, BOD LA SGOM SGRUB BYED PA MANG PO YOD PA LA YON TAN KHYAD PAR CAN BRNYES PA MI BDOG ZHUS PAS, JO BO'I ZHA NAS, THEG CHEN GYI YON TAN CHE SKYES CHUNG SKYES THAMS CAD BLA MA LA BRTEN NAS SKYE BA LA KHYED BOD BLA MA LA THA MAL @017B PA'I 'DU SHES LAS MED, GAN SKYE, ZHES GSUNGS PA DANG, RGYUD RTOG PA GSUM PA LAS KYANG, YANG NA BLUN PO DAD PA BRTAN, ,DE LA SBYOR BA'I DNGOS GRUB NYE, ,RTOG CING DPYOD PA'I RTOG GE PA, ,DE LA SBYOR BA'I DNGOS GRUB RING, ,ZHES DANG, RGYAL BA DBEN SA PAS KYANG, MDOR NA NYAMS RTOGS CHE CHUNG GANG SKYES KYANG, ,DAD PA CHE CHUNG BSGOM PA'I MTHU YIN PAS, ,DNGOS GRUB 'BYUNG GNAS DRIN CAN BLA MA LA, ,YON TAN BSAM ZHING SKYON DU MI BLTA BA'I, ,GDAMS PA 'DI NYID MTHIL DU 'DZIN PA DANG, ,DAM BCA' 'DI 'DRA GEGS MED MTHAR PHYIN SHOG ,CES GSUNGS NAS DAM BCA' TSUN CHAD MDZAD PA LTAR 'DIR YANG BLA MA SANGS RGYAS SU MTHONG BA'I DAD PA SBYANG BA YIN, DES NA 'DI LA GSUM, BLA MA SANGS RGYAS SU BLTA DGOS PA'I RGYU MTSAN, BLTA NUS PA'I RGYU MTSAN, TSUL JI LTAR BLTA BA'I TSUL LO, ,DANG PO NI, BLA MA SANGS RGYAS SU BLTA DGOS TE, RANG NYID KHE 'DOD LA GYONG MI 'DOD PA'I PHYIR, DE YANG, BLA MA DE SANGS RGYAS DNGOS YIN KYANG RANG GIS SANGS RGYAS DNGOS SU MA BLTAS NA, PO TO BA'I BE'U BU MA SNGON PO LAS, 'JAM DPAL SPYAN RAS GZIGS DNGOS BYON KYANG, ,DE YI DON DU CIR YANG MI 'GYUR, ,CES GSUNGS PA LTAR BYIN RLABS MI 'JUG PAS GYONG MA GTOGS KHE MI 'BYUNG STE, LHAS BYIN DANG LEGS SKAR LTA BU YIN PA'I PHYIR, BLA MA DE SANGS RGYAS MIN YANG RANG GIS SANGS RGYAS SU BLTAS NA KHE MA GTOGS GYONG MI 'BYUNG STE, DPER NA RGAN MOS KHYIM SO LA SANGS RGYAS KYI TSEMS DNGOS KYI 'DU SHES BZHAG NAS GSOL BA BTABS PAS RING BSREL 'KHRUNGS PA LTA BU YIN PA'I PHYIR RO, ,DE YANG KHYI SO LA RING BSREL 'KHRUNGS PA MA YIN KYANG, RGAN @018A *, ,MOS SANGS RGYAS KYI TSE MAS DNGOS KYI 'DU SHES BZHAG NAS DAD PA SKYES PAS SANGS RGYAS KYI TSEMS DNGOS KYI BYIN RLABS ZHUGS TE SANGS RGYAS KYI RING BSREL 'KHRUNGS PA YIN, DGE BSHES PO TO BAS KYANG ,BLA MA'I BYIN RLABS CHE DANG CHUNG BA; ;DNGOS LAM YIN RANG LA RAG LAS, ,ZHES GSUNGS PA LTAR BLA MA LA BYANG SEMS LTA BU'I 'DU SHES YOD NA BYANG SEMS KYI BYIN RLABS DANG, NYAN RANG LTA BU'I 'DU SHES YOD NA NYAN RANG TZAM GYI BYIN RLABS DANG, SANGS RGYAS DNGOS KYI 'DU SHES YOD NA SANGS RGYAS DNGOS KYI BYIN RLABS 'JUG PA SOGS BYIN RLABS KYANG RANG GI DAD PA CHE CHUNG JI TZAM YOD PA DE TZAM 'BYUNG, SA BCAD 'DI NI SHIN TU GNAD CHE STE, LAM GONG MA'I RTOGS PA THAMS CAD BLA MA LA BRTEN NAS SKYE DGOS PAS NA BLA MA SANGS RGYAS SU MTHONG BA'I DAD PA 'DI MA SKYES NA RTOGS PA GZHAN GANG YANG SKYES MED, BLA MA'I RNAL 'BYOR ZER BA YANG BLA MA SANGS RGYAS YIN PA LUNG RIGS KYIS BSGRUBS NAS BLA MA SANGS RGYAS YIN PAR DNGOS SU THAG CHOD PA NA LHA GANG BSGOM YANG NGO BO RANG GI BLA MA DE YIN PA LA RNAM PA YI DAM DANG, LHAG PA'I LHA DE DANG DE BSGOM PA LA BYED PA YIN, DE LTAR MIN PAR RANG GI BLA MA THA MAL PAR LUS TE MDUN DU LHA GCIG BSGOMS NAS BLA MA'I RNAL 'BYOR YIN ZER BA NI BLA MA'I RNAL 'BYOR BSGOM PA'I PHYOGS SU YANG MI 'GRO GSUNGS, ` GNYIS PA BLA MA SANGS RGYAS SU BLTA NUS PA'I RGYU MTSAN NI, BLA MA SANGS RGYAS SU BLTA NUS TE, BLA MA'I YON TAN MTHONG BA'I BLO SHUGS DRAG SKYES NA SKYON RTOG GI BLO ZIL GYIS GNON NAS YON TAN 'BA' ZHIG TU MTHONG NUS PA'I PHYIR, DE YANG 'JAM MGON @018B TZONG KHA PA'I MAN NGAG LA BLA MA'I YON TAN GYIS SKYON RTOG GI BLO ZIL GYIS GNON PAR GSUNGS PA DANG, SKYON MTHONG BA DAD PA'I GROGS SU BSGYUR TSUL GNYIS YOD, DANG PO NI, SKYON GYI NGOS NAS BRTAGS NA LHAS BYIN DANG LEGS SKAR GNYIS KYIS SANGS RGYAS LA SKYON DU BLTAS PAS YON TAN CUNG ZAD TZAM YANG MA MTHONG BA DANG, YON TAN GYI NGOS NAS BRTAGS NA NI, DPER NA, NYI MA SHAR BA NA ZLA 'OD SOGS ZIL GYIS GNON PA LTAR RAM, RANG GIS RANG LA YON TAN GYI NGOS NAS BLTAS PAS RANG GI SKYON MTHONG BA'I BLO ZIL GYIS NON TE RANG LA YON TAN 'BA' ZHIG MTHONG BA BZHIN NO, ,DE LTAR YANG LAM RIM CHEN MO LAS, SKYON THAN THUN YOD PAR MTHONG YANG BLOS YON TAN GYI PHYOGS 'DZIN PAS DAD PA LA GEGS SU MI 'GRO STE, DPER NA RANG MI 'DOD PA'I PHYOGS LA YON TAN MANG PO YOD PAR MTHONG YANG SKYON MTHONG BA'I BLO SHUGS DRAG PAS YON TAN MTHONG BA'I BLO ZIL GYIS GNON PA DANG, YANG RANG LA SKYON MANG PO MTHONG YANG RANG GI YON TAN SNA RE MTHONG BA'I BLO SHUGS DRAG NA DES SKYON MTHONG BA'I BLO ZIL KYIS GNON PA BZHIN NO, ,ZHES GSUNGS, GNYIS PA SKYON MTHONG BA DAD PA'I GROGS SU BSGYUR BA'I SGO NAS KYANG SANGS RGYAS SU BLTA NUS PA NI, 'OG TU RANG GI SNANG PA LA NGES PA MED PAR BSGRUB PA'I SKABS RGYAS PAR 'CHAD CING, 'OG GI TSUL JI LTAR BLTA BA'I TSUL GYIS BCAD DANG PO GSUM GYIS YON TAN MTHONG BA'I BLO SHUGS DRAG PAS SKYON RTOG GI BLO ZIL GYIS GNON PA'I SA BCAD DE 'GRUB PAS BLA MA SANGS RGYAS SU BLTA NUS PA'I RGYU MTSAN NAM SGRUB BYED DANG, BZHI PA RANG GI SNANG BA LA NGES PA MED PA'I SA BCAD NI GNYIS PA SKYON MTHONG BA DAD PA'I GROGS SU @019A *, ,BSGYUR BA'I SGRUB BYED YIN, MDOR NA TSE GCIG LA SANGS RGYAS KYI GO 'PHANG ZHIG 'DOD NA SKYON RTOG GI BLO DGAG STE BLA MA SANGS RGYAS SU MTHONG BA'I DAD PA SBYANG BA 'DI SHIN TU GAL CHE STE, LAM RIM CHEN MO LAS, BLA MA YON TAN SHAS CHE BA YIN YANG DE'I SKYON CUNG ZAD YOD PA'I NGOS NAS BRTAGS NA RANG LA DNGOS GRUB KYI GEGS SU 'GYUR LA, SKYON SHAS CHE PA LA'ANG SKYON GYI NGOS NAS MA BRTAGS PAR YON TAN GYI NGOS NAS DAD PA SBYANGS NA RANG LA DNGOS GRUB 'BYUNG BA'I RGYUR 'GYUR RO; ;ZHES DANG, LAG NA RDO RJE DBANG BSKUR BA'I RGYUD LAS, SLOB DPON GYI NI YON TAN BZUNG, ,SKYON NI NAM YANG BZUNG MI BYA, ,YON TAN BZUNG NA DNGOS GRUB 'THOB, ,SKYON RNAMS BZUNG NA DNGOS MI 'GRUB, ,CES GSUNGS PAS SO, ,DES NA BLA MA SANGS RGYAS SU MTHONG PA DE DANG POR BLA MA SANGS RGYAS YIN PAR RIGS PAS BSGRUB DGOS, SPYIR RANG GI BLA MA LA SANGS RGYAS SU 'DU SHES PA SHIN TU DKON, PHAL CHER GYIS THA MAL PA'I 'DU SHES LAS MED KYANG, SANGS RGYAS YIN PAR LUNG RIGS KYIS BSGRUB NA BLA MA'I MDZAD PA RNAM THAR GYIS NGES PAR SANGS RGYAS DNGOS SU MTHONG BA'I DAD PA SKYE NUS TE, MDO LAS, DU PA LAS NI MER SHES SHING, ,CHU SKYAR LAS NI CHUR SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,ZHES GSUNGS PA LTAR YIN, DE YANG LUNG RIGS YANG DAG GI LAM LAS DRANGS NA NGES PA RNYED PA LA KHYAD CHE ZHING BRTAN PA 'ONG BAS 'DIR BLA MA'I MAN NGAG LTAR BSHAD NA, ` GSUM PA TSUL JI LTAR BLTA BA'I TSUL @019B LA BZHI, BLA MA SANGS RGYAS YIN PAR RDO RJE 'CHANG GIS BZHED PA, BLA MA SANGS RGYAS THAMS CAD KYI 'PHRIN LAS KYI BYED PO YIN PA, DING SANG GI DUS SU YANG SANGS RGYAS DANG BYANG SEMS RNAMS KYIS SEMS CAN GYI DON MDZAD PA, RANG GI SNANG BA LA NGES PA MED PA'O, ,DANG PO NI, 'DI LA KHA CIG GIS BLA MA SANGS RGYAS MA YIN PA LA GSAR DU SANGS RGYAS YIN PAR BSGRUB RGYU YIN 'DRA SNYAM NA, DE NI GTAN NAS MA YIN TE, ,RANG GIS RANG NYID SANGS RGYAS PA ZHIG BYA MI THUB PA LA BLA MA SANGS RGYAS MA YIN NA RANG GIS SANGS RGYAS SU GA NAS BZO THUB, 'DIR DE LTAR MIN PAR BLA MA SANGS RGYAS YIN YANG RANG GIS NGO MA 'PHROD PA DE LUNG RIGS KYIS BSGRUBS NAS SANGS RGYAS SU MTHONG THABS BYED PA YIN, DE YANG GZHAN GYI BLA MA RNAMS RANG GIS SANGS RGYAS YIN MIN BSGRUB MI DGOS KYANG, RANG GI BLA MA RANG GIS SANGS RGYAS SU NGO MA 'PHROD PA DE SANGS RGYAS SU BSGRUB DGOS PAS, DE LA BLA MA NI SANGS RGYAS YIN TE, DE LTAR YIN PAR RGYAL BA RDO RJE 'CHANG GIS ZHAL CHEMS LTA BUR RGYUD SDE RNAMS NAS LAN MANG DU GSUNGS PA'I PHYIR, DE LTAR YANG KYE RDOR GYI RGYUD BRTAG GNYIS LAS, PHYI MA'I DUS SU GYUR PA NA, ,NGA NYID SLOB DPON GZUGS KYI SKU, ,ZHES DANG, GUR LAS KYANG, GANG NYID RDO RJE SEMS DPA' ZHES, ,DE NYID SLOB DPON GZUGS SU 'DZIN, ,SEMS CAN PHAN GDAGS DMIGS NAS NI, ,THA MAL PA YI TSUL DU GNAS, ,ZHES DANG, GZHAN YANG, LNGA BRGYA THA MAR GYUR PA NA, ,NGA NYID SLOB DPON GZUGS SU 'DZIN, ,NGA YIN SNYAM DU YID BYOS LA, ,DE TSE DE LA GUS PA BSKYED, ,CES DANG, MA @020A *, ,'ONGS SNYIGS MA'I DUS SU NI, ,NGA NI BYIS PA'I GZUGS DANG NI, ,SNA TSOGS THABS KYI GZUGS SU STON, ,ZHES DANG, SLOB DPON DANG NI RDO RJE 'DZIN, ,THA DAD PAR NI MI BRTAG GO ,ZHES GSUNGS, DE BZHIN DU DE BZHIN GSHEGS PAS SNYIGS MA'I DUS SU BLA MA'I RNAM PAR BYON PAR SNGAGS PHYOGS SU GSUNGS PA TZAM DU MA ZAD, MDO PHYOGS NAS KYANG GSUNGS TE, LHO PHYOGS KYI RI SHIN TU MTHO BA ZHES BYA BAR STON PAS CHOS GSUNGS PA NA, BYANG CHUB SEMS DPA' MTHONG BA DON YOD KYIS DA LTA NGED CAG RNAMS LA STON PAS CHOS GSUNGS KYANG, MA 'ONGS PA NA STON PA MYA NGAN LAS 'DAS PA'I RJES SU CHOS STON MKHAN MED SNYAM DU SEMS PA NA, BCOM LDAN 'DAS KYIS BKA' STZAL BA, KHVA YE MTHONG BA DON YOD KYE, ,PHYI MA'I DUS SU GYUR PA NA,, NGA NI MKHAN PO'I LUS KYIS STON, ,NGA NI SLOB DPON GZUGS SU GNAS, ,ZHES DANG, KVA YE MTHONG BA DON YOD KYE, ,SEMS CAN RNAMS NI SMIN PA'I PHYIR, ,NGA NI SKYE DANG RGA BA DANG, ,NA DANG 'CHI BA RAB TU STON, ,ZHES LNGA BRGYA THA MA'I DUS SU NGA DANG MI MJAL SNYAM DU SEMS PHAM MI DGOS, DE'I DUS SU NGA BLA MA'I RNAM PAR BSTAN NAS 'ONG BAS DE'I TSE NGA YIN PAR SHES PAR GYIS LA GUS PA SKYED CIG GSUNGS, DE LTAR MDO DANG RGYUD SDE NAS MANG DU GSUNGS PA DE RNAMS KYANG SNGAGS KYI MTHA' DRUG TSUL BZHI'I RGYAS BTAB PA LTA BU DANG, DRANG DON DANG, LDEM DGONGS DANG, DGONGS PA CAN SOGS MIN LA, SPYIR RGYAL BA'I BKA' MDO RGYUD THAMS CAD LA DRANG DON DANG DGONGS PA CAN SOGS MANG DU YOD KYANG, BSHES GNYEN BSTEN TSUL GYI LUNG 'DI DAG NI SGRA JI BZHIN PA YIN @020B PAS DE LTAR KHAS LEN DU RUNG ZHING, LUNG DE DAG GI DON YANG MA 'ONGS LNGA BRGYA THA MA STE SNYIGS MA'I DUS SU RDO RJE 'CHANG BLA MA'I RNAM PAR BYON PAR RGYAL BA RDO RJE 'CHANG RANG NYID KYIS ZHAL GYIS BZHES LA, MDO TING 'DZIN RGYAL PO LAS, ZLA BA SKAR MAR BCAS PA GNAS LTUNG ZHING, ,RI DANG GRONG DU BCAS PA'I SA ZHIG LA, ,NAM MKHA'I KHAMS NI RNAM PA GZHAN GYUR KYANG, ,KHYOD NI MI BDEN PA YI TSIG MI GSUNG, ,ZHES GSUNGS PA LTAR RGYAL BA RDO RJE 'CHANG GIS RDZUN GSUNG BA RNAM PA THAMS CAD DU MI SRID PA YIN, DE LTA BU'I DUS DE DENG SANG GI DUS YIN PAS NA DENG SANG GI DUS SU RGYAL BA RDO RJE 'CHANG BLA MA'I RNAM PAR BSTAN NAS GDUL BYAR CHOS STON MKHAN ZHIG NGES PAR 'BYON LA, DENG SANG GI DUS SU BLA MA'I RNAM PAR BYON NA RANG GI BLA MA'I RNAM PAR YANG BYON DGOS, SEMS CAN THAMS CAD KYI DON DU BYON NA RANG GCIG PU'I DON DU CI'I PHYIR MI 'BYON TE, RANG GCIG PU YAL BAR 'DOR BA MI SRID PA'I PHYIR, DES NA RGYAL BA RDO RJE 'CHANG RANG GI BLA MA'I RNAM PAR BYON PA THAG CHOD PAS NA RANG GI BLA MA NI RGYAL BA RDO RJE 'CHANG YIN, 'DI LA KHA CIG GIS, GONG DU DRANGS PA'I LUNG GI DON RANG GI BLA MA'I KHROD NA RGYAL BA RDO RJE 'CHANG GI SPRUL PA ZHIG YOD CES PA'I DON LAS, RANG GI BLA MA THAMS CAD RDO RJE 'CHANG YIN ZHES PA'I DON MA YIN PAS RANG GI BLA MA'I KHROD DU RDO RJE 'CHANG GI SPRUL PA ZHIG YOD PAR NGES KYANG TSANG MA RANG YIN MI DGOS SNYAM NA, DE YANG MA YIN TE, RDO RJE 'CHANG GIS SEMS CAN THAMS CAD KYI DON MDZAD PAS RANG GI DON YANG MDZAD DGOS LA, DE MDZAD PA PO RANG GI BLA MA'I GRAL DU MED PA NI KHAS LEN MI RIGS SO, ,'O NA RGYAL BA RDO RJE 'CHANG GI @021A *, ,SPRUL PA YIN PA DE SU YIN, MA YIN PA DE SU YIN ZHES DRIS NA, 'DI YANG MA YIN, 'DI YANG MA YIN SNYAM PA LAS NGOS BZUNG RGYU MI RNYED LA, DE LTAR YOD PAR NI NGES, NGOS BZUNG RGYU NI MA RNYED NA TSANG MA LA 'DI YANG YIN NAM, 'DI YANG YIN NAM SNYAM DU DOGS PA BYED DGOS PA DPER NA, MI BDUN GYI NANG DU RKUN MA ZHIG YOD PAR NI NGES, SU YIN MA SHES NA MI BDUN PO THAMS CAD LA DOGS PA BYED DGOS PA DANG, YUL GYI RGYAL PO DE YUL GZHAN ZHIG NA MI MANG PO'I DBUS SU PHAL PAR BRDZUS NAS YOD, DE NGO YANG MA SHES NA DOGS PA DE LTAR BYED DGOS PA DANG 'DRA, DER MA ZAD RDO RJE 'CHANG RANG 'DUL BA'I PHYIR DU BYON CING, RDO RJE SLOB DPON NAS KA KHA SLOB PA'I DGE RGAN TSUN GYI RANG GI RTZA BA'I BLA MA DE THAMS CAD KYIS RANG 'DUL THABS MDZAD PAS MDZAD PA 'DIS KYANG RDO RJE 'CHANG YIN PAR NGES PA RNYED DGOS, DES NA RANG GI BLO KHA CHOS PHYOGS SU BSGYUR BAR MDZAD PA'I RTZA BA'I BLA MA DE RDO RJE 'CHANG YIN PAR THAG CHOD, RANG GI BLA MA GZHAN RNAMS KYANG RTZA BA'I BLA MA DE'I RNAM ROL DU BLTA DGOS TE, DPER NA BOD 'DUL NGA'I PHYIR DU 'PHAGS PA SPYAN RAS GZIGS KYIS SPRE'U BYANG CHUB SEMS DPA' DANG, RGYAL BLON, PAn GRUB, SNGAGS 'CHANG, DMANGS PHAL PA SOGS SNA TSOGS PA'I SPRUL PAR PHEBS NAS BTUL PA LTAR RGYA BA RDO RJE 'CHANG GIS KYANG BLA MA GCIG GI RNAM PAR BSTAN NA RANG 'DUL BAR MI NUS PAR GZIGS TE, KHA SHAS KLOG SLOB PA'I SLOB DPON DANG, KHA SHAS RAB BYUNG DANG, BSNYEN RDZOGS KYI MKHAN PO, 'GA' SHAS GSANG SNGAGS KYI RDO RJE SLOB DPON DU SPRUL BA SOGS RNAM PA SNA TSOGS @021B PAR BSTAN PA YIN TE, DPAL NAM MKHA' DANG MNYAM PA'I RGYUD LAS, 'GRO BA 'DI KUN SANGS RGYAS LNGA BDAG NYID, ,GAR MKHAN DAG DANG RI MO BZANG LTAR SNANG, ,GANG DU BDE CHEN ZHES BYA GCIG PU NYID, ,GCIG PU NYAMS NI DU MA'I GAR MDZAD DO, ,ZHES GSUNGS PA LTAR DPER NA, RANG RE'I 'CHAM DPON LTA BU GCIG GIS 'BAG DANG CHAS GOS SNA TSOGS BRJES NAS LHA DE DANG DE ZHES MING SO SOR BTAGS PA CEM LAS, DON DU 'CHAM DPON MI GCIG NYID YIN PA LTAR, RANG GI BLA MA'I KHROD DU RGYAL BA RDO RJE 'CHANG GI SPRUL PA ZHIG YOD PA TZAM DU MA ZAD, BLA MA DE THAMS CAD RDO RJE 'CHANG GI SPRUL PA YIN PAS, BDAG GI BLA MA 'DI RNAMS NI MDO RGYUD THAMS CAD NAS YANG DANG YANG DU GSUNGS PA LTAR SANGS RGYAS NYID YIN PAR THAG GCOD DGOS, SA BCAD 'DIS NGES PA GTING TSUGS PA BSKYED MI THUB KYANG HAL HOL TZAM GYI NGES PA STER BA YIN GSUNGS, ` GNYIS PA BLA MA SANGS RGYAS THAMS CAD KYI 'PHRIN LAS KYI BYED PO YIN PA NI, BLA MA SANGS RGYAS YIN PAR RGYAL BA RDO RJE 'CHANG GIS BZHED PA'I BLA MA DE SANGS RGYAS GCIG YIN PA TZAM DU MA ZAD, SANGS RGYAS THAMS CAD KYI 'PHRIN LAS KYI BYED PA PO YIN TE, SANGS RGYAS THAMS CAD KYI 'PHRIN LAS BLA MA LA BRTEN NAS GDUL BYAR 'JUG DGOS PA'I PHYIR, DE YANG RANG CAG GIS BZA' BTUNG JI TZAM LONGS SPYOD KYANG THAMS CAD MGRIN PA'I LAM NAS BRGYUD DGOS PA LTAR, SANGS RGYAS BYE BA BRGYA PHRAG MANG PO YOD KYANG BLA MA LA MA BRTEN PAR SANGS RGYAS THAMS CAD KYI 'PHRIN LAS GDUL BYA'I RGYUD LA 'JUG THABS MED PA, @022A *, ,RJES BUn GYIS, NYI MA'I BOD ZER RAB TZA YANG, ,ME SHEL MED PAR ME MI 'BYIN, ,DE BZHIN SANGS RGYAS BYIN RLABS KYANG, ,BLA MA MED PAR 'JUG MI NUS, ,ZHES DANG, DE DANG MTHUN PAR RGYAL BA RGOD TSANG PA'I SLOB MA ZLA 'OD RIN CHEN GYIS KYANG, BAR GYI SGRIB BYED DAG PA NA, ,KHRI GDUGS NYI MA'I NUS PA DE, ,ME SHEL DVANGS PA'I RTEN 'BREL GYIS, ,BUD SHING STENG DU PHEBS PA YIN, ,THA MAL SKYON RTOG DAG PA NA, ,PHYOGS BCU'I SANGS RGYAS BYIN RLABS DE, ,MTSAN LDAN BLA MA'I RTEN 'BREL GYIS, ,SLOB MA'I RGYUD LA PHEBS PA YIN, ,ZHES GSUNGS PA LTAR, DPER NA NYI MA'I DKYIL 'KHOR GYIS SPRA BA LA ME 'BYIN PA'I NUS PA YOD KYANG BAR DU ME SHEL MA BCUG NA NYI MA JI TZAM TSA YANG ME SBAR MI NUS, DE GNYIS KYI BANG DU ME SHEL BCUG STE NYI ZER PHOG PA NA ME RANG DBANG MED PAR 'BYIN PA BZHIN DU, NYI MA'I 'OD ZER DANG 'DRA BA'I SANGS RGYAS THAMS CAD KYI BYIN RLABS KYANG SPRA BA DANG 'DRA BA'I RANG RGYUD DANG SANGS RGYAS GNYIS KYI BAR DU ME SHEL LTA BU'I BLA MA MED NA 'JUG THABS MED CING, NYI MA'I 'OD ZER GYI ME DE ME SHEL LA BRTEN NAS SHING SOGS LA 'JUG DGOS PA LTAR SANGS RGYAS KYI 'PHRIN LAS DE YANG BLA MA LA BRTEN NAS GDUL BYA'I RGYUD LA 'BAD MED DU 'JUG DGOS, DE'I PHYIR BLA MA NI 'PHRIN LAS 'JUG PA'I SGO NYE SHOS YIN PAS 'PHRIN LAS KYI BYED PA PO YIN, YANG KHA CIG GIS, DE LTAR BLA MA NI SANGS RGYAS THAMS CAD KYI 'PHRIN LAS KYI BYED PA PO YIN YANG SANGS RGYAS RANG YIN MI DGOS SO SNYAM NA, 'O NA SANGS RGYAS KYIS DENG @022B DUS RANG GI DON MDZAD PA NA DNGOS KYIS MDZAD DAM SPRUL PAS MDZAD CES DRIS NA, DE NI SPRUL PAS MDZAD PA LAS, DA LTA RANG LA SANGS RGYAS DNGOS MJAL SKAL DU MA GYUR, DE LTAR RANG 'DUL BA'I DON DU SPRUL BA DE RANG GIS MJAL BA'I BLA MA 'DI LAS MED, DE THA MAL PA YIN NA SANGS RGYAS KYIS 'GRO DON MDZAD PA'I TSE 'PHRIN LAS 'JUG PA BLA MA LA BRTEN NAS MDZAD PAS NA DE BLA MA LA RE BA MDZAD DGOS BA BYUNG BA YIN, BLA MA DE SANGS RGYAS MIN NA SANGS RGYAS THAMS CAD STOBS BCU DANG, MI 'JIGS PA BZHI DANG, MA 'DRES PA BCO BRGYAD SOGS DANG, MKHYEN BRTZE NUS GSUM, 'PHRIN LAS LHUN GYIS GRUB PA SOGS SPANGS RTOGS KYI YON TAN MA LUS PA MTHAR PHYIN PA LA 'GRO DON MDZAD RAN PA NA SO SKYE THA MAL BA ZHIG LA RE LTOS MDZAD DGOS PA BYUNG NA NI DE 'DRA'I SANGS RGYAS DE SHIN TU THA CHAD YIN PAS DE LTAR RE BA MI SRID DE, DPER NA RGYAL PO'I RTZAM PA CHAD PA NA RGYAL PO'I DPAL 'BYOR GYIS RTZAM PA 'BAD MED DU 'BYUNG BA MA GTOGS, RGYAL POS SPRANG PO SOGS LA RTZAM PA'I RE BA BYED MI SRID PA BZHIN NO, ,DES NA SANGS RGYAS NI YON TAN DANG 'PHRIN LAS MTHA' YAS PA THOB PAS SO SKYE LA GA LA RE STE, NYAN RANG DANG SA BCU'I BYANG CHUB SEMS DPA' CHEN PA TSE LA'ANG RE BA MDZAD PA MI SRID PAR 'PHRIN LAS 'JUG PA'I SGO GRU DANG ZAM PA TSUN CHAD JI 'DRA ZHIG DGOS KYANG RGYAL BA RANG NYID KYIS 'BAD MED LHUN GRUB TU SPRUL BAR MDZAD, SPYIR BLA MA LA RANG LA KA KHA SLOB PA YAN CHAD @023A *, ,YON TAN SNA RE MI BSKYED PA DANG, THAR PA DANG THAMS CAD MKHYEN PA'I LAM SNA RE MI STON PA MED LA, YON TAN SNA RE BSKYED PA DANG, THAR PA DANG THAMS CAD MKHYEN PA'I LAM SNA RE STON PA THAMS CAD LA SANGS RGYAS KYI 'PHRIN LAS SNA RE 'JUG PA YIN PAS BLA MA SANGS RGYAS YIN PA DE'I RTAGS KYIS KYANG SHES NUS, DES NA BLA MA NI SANGS RGYAS KYI 'PHRIN LAS 'JUG PA'I SGO YIN PA DANG, DE YANG SANGS RGYAS RANG GIS SPRUL PA'I RGYU MTSAN KYI PHYIR SANGS RGYAS KYI SPRUL PA YIN PAR THAG GCAD DGOS, SANGS RGYAS KYI SPRUL PA YIN PHYIN SANGS RGYAS THAMS CAD KYI SPRUL PA YIN PAR THAG GCAD DGOS, DES NA BLA MA NI SANGS RGYAS THAMS CAD KYI SPRUL PA'I RANG GZUGS YIN, DE'I PHYIR BLA MA NI SANGS RGYAS THAMS CAD KYI YE SHES KYI RANG GZUGS YIN, DE'I PHYIR SANGS RGYAS THAMS CAD KYI NGO BO YIN NO, ,DES NA, SANGS RGYAS THAMS CAD 'DUS PA'I SKU SOGS DANG, SANGS RGYAS THAMS CAD 'DUS PA'I NGO BO, ZHES PA DANG, BKA' DRIN GSUM LDAN RTZA BA'I BLA MA ZHES SOGS KYANG DON 'DI LA DGONGS PA RED, DER MA ZAD SANGS RGYAS KYI 'PHRIN LAS LA BYA BA YUL LA YOD PA DANG, BYED PA PO LA YOD PA GNYIS LAS, BYED PA PO LA YOD PA NI SANGS RGYAS KHO NA'I 'PHRIN LAS DANG, BYA BA YUL LA YOD PA NI RANG LA RNAM DKAR GYI DGE BA GANG YOD PA DE LA BYED, DE YIN TE, GDUL BYA'I RGYUD KYI RNAM DKAR GYI YON TAN YIN NA SANGS RGYAS KYI 'PHRIN LAS @023B YIN PAS KHYAB PA'I PHYIR, DES NA RANG RGYUD LA RNAM DKAR GYI YON TAN SKYED NA SANGS RGYAS KYI 'PHRIN LAS YIN PAS KHYAB, DE YIN NA SANGS RGYAS KYI 'PHRIN LAS 'JUG PA'I SGO YIN PAS KHYAB, DE YIN NA SANGS RGYAS YIN PAS KHYAB, DE'I PHYIR RANG RGYUD LA 'PHRIN LAS 'JUG PA DE BLA MA LA BRTEN NAS 'JUG DGOS PAS NA BLA MA NI SANGS RGYAS THAMS CAD KYI 'PHRIN LAS KYI BYED PA PO YIN PAR THAG CHOD, GZHAN YANG, SANGS RGYAS KYI 'PHRIN LAS THAMS CAD BDAG RKYEN YE SHES CHOS SKU LAS 'BYUNG BAR GSUBS PAS, RANG RGYUD KYI SANGS RGYAS KYI 'PHRIN LAS DE'I BDAG RKYEN YE SHES CHOS SKU DE BLA MA'I THUGS RGYUD LAS GZHAN DU 'JOGS MED PAS DE BLA MA'I THUGS RGYUD LA 'JOG DGOS, YE SHES CHOS SKU RGYUD LDAN NI SANGS RGYAS 'PHAGS PA KHO NA YIN PAS DES KYANG BLA MA SANGS RGYAS SU THAG GCAD DGOS, SA BCAD 'DIS SA BCAD SNGA MA LAS LHAG PA'I 'OL SPYI TZAM GYI NGES PA STER BA YIN GSUNGS, ` GSUM BA DENG SANG GI DUS SU YANG SANGS RGYAS DANG BYANG SEMS RNAMS KYIS SEMS CAN GYI DON MDZAD PA NI, BLA MA NI SANGS RGYAS YIN PA TZAM DU MA ZAD, SANGS RGYAS THAMS CAD KYI SPRUL PA'I RANG GZUGS YIN TE, RJE SKED TSANG PAS, SNGON BYON GYI SANGS RGYAS BYANG SEMS RNAMS, ,DA DUS KYI 'GRO BA'I DON MDZAD PA, ,KHAS LEN TZAM MIN PAR BSAMS SHES NA, ,MTSAN LDAN GYI BLA MA'I THOG TU 'DZOM, ,ZHES GSUNGS PA LTAR DENG SANG GI DUS SU PHYOGS @024A *, ,BCU'I SANGS RGYAS THAMS CAD KYIS SEMS CAN GYI DON AE MDZAD CE NA NGES PAR MDZAD DE, SANGS RGYAS THAMS CAD KYIS DANG POR BYANG CHUB MCHOG TU THUGS BSKYED, BAR DU TSOGS BSAGS NAS 'BRAS BU CHOS KYI SKU BSGRUBS PA THAMS CAD SEMS CAN KHO NA'I DON DU MDZAD PA YIN PAS, MTHAR BZHED DON 'BRAS BU CHOS SKU BRNYES PA NA SEMS CAN GYI DON MDZAD PA'I DUS LA BABS PAS MDZAD RGYU SEMS CAN GYI DON KHO NA LAS MED PAS SEMS CAN GYI DON MI MDZAD PA'I GO SKABS CUNG ZAD KYANG MI SRID, DES NA DENG SANG GI DUS SU SANGS RGYAS THAMS CAD KYIS SEMS CAN GYI DON MDZAD PA THAG CHOD, 'O NA SEMS CAN THAMS CAD KYI DON AE MDZAD SNYAM NA DE YANG NGES PAR MDZAD PA NI, SEMS CAN 'GA' ZHIG YAL BAR 'DOR BA MI SRID DE, SEMS CAN THAMS CAD KYI DON DU THUGS KYANG BSKYED, NYE RING YANG GTAN NAS MI MNGA' BA'I PHYIR, DE LTAR NA SEMS CAN THAMS CAD KYI DON MDZAD PA'ANG THAG CHOD; 'O NA DENG SANG GI DUS SU SANGS RGYAS THAMS CAD KYIS RANG GI DON AE MDZAD ZER NA DE MDZAD DGOS TE ,SANGS RGYAS THAMS CAD KYIS DANG POR THUGS BSKYED PA NAS MTHAR 'BRAS BU CHOS KYI SKU BRNYES PA'I BAR THAMS CAD SEMS CAN THAMS CAD KYI DON DU MDZAD PAS NA, THAMS CAD CES PA NI SEMS CAN GCIG KYANG MA LUS PA LA GO DGOS PAS RANG NYID GCIG PU YAL BAR 'DOR BA GAL SRID, BDAG GI SKYABS MGON BLA MA RIN PO CHES KYANG, @024B SEMS CAN RE RE'I MGO THOG NA SANGS RGYAS CHA TSANG BA RI BZHUGS PAR GSUNGS PAS RANG GCIG PU LA'ANG SANGS RGYAS CHA TSANG BA RES 'DREN PA'I THABS KHO NA LA DGONGS PA GTAD NAS DON MDZAD PA YIN, DON CI MDZAD NA RANG THAR PA DANG THAMS CAD MKHYEN PA'I GO 'PHANG THOB PA'I DON MDZAD, DE MDZAD PA LA RANG THAR PA DANG THAMS CAD MKHYEN PA'I GO 'PHANG LA 'GOD PA'I THABS BSTAN DGOS, DE STON PA PO SPRUL DGOS, DE RANG GI BLA MA'AM DGE RGAN DE LAS LOGS SU MED PAS NA DENG SANG GI DUS SU SANGS RGYAS THAMS CAD KYIS RANG GI DON YANG MDZAD PA THAG CHOD, DE YANG DAG ZHING NAS RGYANG RING DU GZIGS PA LTA BU MA YIN PAR DNGOS SU RANG GI DON MDZAD PA PO SANGS RGYAS THAMS CAD KYI SPRUL PA ZHIG YOD DGOS; SPRUL PA DES KYANG MA LAG ZHAR MA'I BU CHUS KHYER BLTAR BYA THABS MED PAR GZIGS NAS MI BZHUGS PAR RANG 'DUL BA'I THABS MKHAS KYI MDZAD PA MDZAD, DE LTAR NA RANG 'DUL BA'I DON NI MDZAD, SKU DNGOS KYIS NI 'DUL BAR MI NUS PAS SPRUL PAS 'DUL BA LAS 'OS MED, DE'I PHYIR RANG 'DUL BAR MDZAD PA PO SANGS RGYAS THAMS CAD KYI SPRUL PA ZHIG YOD PA THAG CHOD, DE NI RANG GI BLA MA DE YIN DGOS TE, DE MIN NA 'PHRAL DU BKRES SKOM DBUL PHONGS SEL BA'I CHED LTA BU'I ZAS GOS GNAS MAL YO BYAD, GROGS LA SOGS PAS NI RANG NYID 'KHOR BAR LHAG PAR 'CHING BYED TZAM LAS, MNGON MTHO DANG NGES LEGS KYI LAM GANG YANG MI STON PAS DE DAG NI RANG 'DUL @025A *, ,BAR MDZAD PA'I SANGS RGYAS KYI SPRUL PA YIN THAMS CAD MED, DE CI YIN ZHE NA, SANGS RGYAS KYIS RANG 'KHYAGS PA DANG LTOGS PA SEL BA'I PHYIR TZAM MA YIN PAR 'KHOR PA DANG NGAN SONG GI 'JIGS PA LAS SGROL THABS KHO NA MDZAD PA YIN, DE THAR PA DANG THAMS CAD MKHYON PA'I LAM STON PA LAS GZHAN MDZAD DU MED, DE YANG SANGS RGYAS RANG NYID GANG NAS GSHEGS PA'I LAM DE RANG LA BSTAN NAS RANG 'DREN THABS MDZAD PA YIN, DE MDZAD PA LA RANG LA THAR LAM STON MKHAN ZHIG DGOS, DE STON PA LA CHOS GSUNG MKHAN ZHIG DGOS, DE DA LTA BLA MAS GSUNGS PA 'DI LAS GZHAN DU 'GRO SA MED PAS CHOS GSUNGS PA'I MDZAD PA MDZAD PA 'DIS KYANG SANGS RGYAS KYI SPRUL PA YIN PA THAG CHOD, DES NA BLA MAS NI RANG 'KHOR BA DANG NGAN SONG GI SDUG BSNGAL LAS SGROL BA'I THABS THAR PA DANG THAMS CAD MKHYEN PA'I LAM LA 'BAD NAS BKRI BAS DE NYID SANGS RGYAS KYI SPRUL PA YIN PA'I RGYU MTSAN NAM RTAGS YANG DAG TU NGES DGOS TE, SANGS RGYAS RNAMS KYIS 'GRO DON MDZAD PA'I TSE RGYU KUN 'BYUNG BDEN PA CHUS 'KHRU BA LTA BU DANG, 'BRAS BU SDUG BSNGAL BDEN PA PHYAG GIS TSER MA 'DON PA LTA BUS 'GRO BA SGROL BA'I THABS MDZAD DU MED CING; THUGS RGYUD KYI RTOGS PA'I YON TAN GZHAN LA SPO BA DANG, BGO BSHA' LTA BU YANG MDZAD DU MED, 'O NA JI LTA MDZAD SNYAM NA, RANG NYID GANG NAS GSHEGS SHING GANG MNGON DU MDZAD PA'I DON DE CHES KYI 'KHOR LO BSKOR @025B NAS GDUL BYA LA BSTAN, DE GDUL BYAS NYAMS SU BLANGS PAS 'KHOR BA LAS GROL BAR MDZAD PA YIN TE, TSOMS LAS, THUG RNAMS SDIG PA CHU YIS MI 'KHRU ZHING, ,'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA SPO MIN TE,, CHOS NYID BDEN PA BSTAN PAS GROL BAR MDZAD, ,CES GSUNGS, DES NA SANGS RGYAS KYI MDZAD PA'I NANG NAS MCHOG GAM GTZO BOR GYUR PA NI CHOS BSTAN PA NYID YIN LA, DE BLA MAS MDZAD PAS RANG LA SANGS RGYAS KYI MDZAD PA MDZAD PA PO 'DI NYID SANGS RGYAS KYI SPRUL PA MIN NA GZHAN CI ZHIG YIN, RANG GI DON MDZAD PHYIR SANGS RGYAS KYIS CHOS GSUNG MKHAN DU SPRUL BA ZHIG YOD PHYIN BLA MA LAS GZHAN DU 'GROS MED DE, DPER NA RANG YUL NAS RGYAL KHAB GZHAN ZHIG LA LAS DON GAL CHEN BSGRUB TU SONG BA'I MI GCIG YOD, DE'I DON DU MI GZHAN ZHIG SONG STE NGO MI SHES NA LAS DON GANG BSGRUB PA DE'I RTAGS KYIS DPOG PAS SHES NUS PA LTAR RAM, YANG NA, SKU DRAG CIG GIS CHAS GOS DBUL PO'I CHAS LTA BU NGAN HRUL ZHIG BYAS TE, KHOS BYA BA DE MI CHEN PO'I BYA BA GZHUNG DON RGYA CHE ZHIG BYED NA DE CHAS GOS DBUL YANG KHO'I BYA BA DES SKU DRAG CHEN PO ZHIG YIN PAR SHUGS KYIS GO THUB PA LTAR RANG GI BLA MA YANG RANG 'DREN PA'I PHYIR DU CHOS STON PA'I MDZAD PA 'DIS SANGS RGYAS YIN PAR RANG SHUG SKYIS GO NUS, DES NA RANG LA 'BREL THOGS KYI DPON 'BANGS DGRA GNYEN 'KHOR G-YOG SOGS MTHA' YAS PA ZHIG YOD PA'I NANG NAS RANG LA CHOS STON MKHAN NI RANG GI BLA MA 'DI KHO NA YIN PAS RANG LA CHOS BSTAN TE SANGS RGYAS KYI MDZAD PA MDZAD PA'I RTAGS 'DIS KYANG BLA MA SANGS RGYAS KYI SPRUL PA YIN PA THAG CHOD, SANGS RGYAS @026A *, ,GCIG GI SPRUL PA YIN NA SANGS RGYAS THAMS CAD KYI SPRUL PA YIN DGOS TE, SANGS RGYAS THAMS CAD CHOS KYI DBYINGS SU RO GCIG PA'I PHYIR, DE LTAR YANG MDO SDE RGYAN LAS, JI LTAR NYI MA'I DKYIL 'KHOR GYI, ,'OD ZER DPAG TU MED 'DRES SHING, ,RTAG TU BYA BA GCIG LA 'JUG ,'JIG RTEN LA YANG SNANG BAR BYED, ,DE BZHIN ZAG MED DBYINGS NA YANG, ,SANGS RGYAS DPAG TU MED 'DRES SHING, ,MDZAD PA GCIG NI MDZAD PA LA, ,YE SHES SNANG BAR MDZAD PAR 'DOD, ,CES DANG; KLUNG DAG SA YI 'OG TU MA SONG BA, ,GNAS RNAMS THA DAD CHU YANG THA DAD LA, ,CHU YANG CHUNG ZHING BYA BA THA DAD BYED, ,CHU GNAS SROG CHAGS PHRA MO'I NYER SPYAD 'GYUR, ,RGYA MTSOR SONG BAR GYUR NA THAMS CAD KYANG, ,GNAS RNAMS GCIG CING CHU YANG CHE LA GCIG ,BYA BA GCIG CING CHU LA GNAS PA YI, ,SROG CHAGS MANG PO'I RTAG TU NYER SPYAD CHE, ,SANGS RGYAS NYID DU MA ZHUGS BRTAN PA RNAMS, ,RTEN KYANG THA DAD BLO GROS THA DAD CING, ,RTOGS CHUNG RANG GI BYA BA THA DAD LA, ,SEMS CAN NYUNG DON RTAG TU NYER SPYAD 'GYUR, ,SANGS RGYAS NYID DU ZHUGS NA DE DAG KUN, ,RTEN KYANG GCIG CING RTOGS PA CHE LA GCIG ,MDZAD PA GCIG TU 'DRES SHING RTAG PAR YANG, ,SEMS CAN TSOGS CHE'I NYE BAR SPYAD PA CHE, ,ZHES LUNG PA BRGYA STONG MANG PO'I SO SO'I CHU THA DAD KYANG RGYA MTSO CHEN POR GCIG TU 'DRES PA NA THAMS CAD KYI RO DANG NUS PA GCIG TU 'DRES SHING, LUNG PA BRGYA'I CHU RGYUN 'DRES PA'I MTSO LAS CHU THIGS GCIG BLANGS KYANG DER LUNG PA BRGYA'I CHU RGYUN YOD PA BZHIN SANGS RGYAS THAMS CAD @026B CHOS KYI DBYINGS SU RO GCIG PA DE LAS SPRUL BA'I ROL GAR GDUL BYA SO SO'I NGOR THA DAD DU SNANG YANG SANGS RGYAS THAMS CAD KYI YE SHES KYI ZLOS GAR NYID DU CI'I PHYIR MI 'GYUR, DES NA BLA MA NI SANGS RGYAS THAMS CAD KYI YE SHES KYI SGYU 'PHRUL NYID LAS GZHAN DU MED PA DE'I PHYIR SANGS RGYAS THAMS CAD KYI YE SHES KYI RANG GZUGS NYID DU THAG CHOD, DE'I PHYIR SANGS RGYAS THAMS CAD KYI NGO BO, RANG GZUGS SPYI GZUGS GCIG TU BSDUS PA'I RANG GZUGS DE RANG 'DUL BA'I PHYIR DU THA MAL GYI RNAM PAR BYON PA NYID DU THAG CHOD, DE YANG SANGS RGYAS THAMS CAD CHOS KYI DBYINGS SU RO GCIG PA LAS GANG LA GANG 'DUL GYI SPRUL PA SANGS RGYAS KYIS 'DUL BA LA SANGS RGYAS NAS BYA DANG RI DVAGS KYI RNAM PA'I PAR STON PAR MDZAD PA RED, 'O NA BLA MA 'DI LAS LHAG TZAM ZHIG SPRUL PAS CHOG CE NA, DE LTAR SPRUL YANG DON DU MI 'GYUR BAS DA LTA RANG DANG KHA MNYAM LAG MNYAM GYI RNAM PAR BSTAN PA NYID THABS MKHAS KYI MDZAD PA RMAD DU BYUNG BA YIN TE, RANG LAS LHAG PA'I RNAM PAR BSTAN NA NI MJAL BAR MI NUS LA, RANG LAS DMAN PAR BSTAN NA NI YID MI CHES PAS, DENG 'DIR RANG 'DUL BA'I PHYIR DU RNAM PA THA MAL PA'I DGE BA'I BSHES GNYEN RANG DANG SKAL PA MNYAM PA'I RNAM PAR BSTAN NAS MDZAD PA SANGS RGYAS DNGOS MJAL YANG DE LAS LHAG PA MDZAD DU MED PAR MDZAD PA NYID THABS MKHAS BLA NA MED PA YIN NO, ,DE LTAR YANG BLA MCHOD LAS, RAB 'BYAMS RGYAL BA KUN GYI YE SHES NI, ,ZHES SOGS DANG, BDE GSHEGS SKU GSUM RGYAN GYI 'KHOR LO NI, ,SOGS DANG, SKYABS 'GRO YONGS GRAGS LAS KYANG, PHYOGS BCU DUS @027A *, ,GSUM GYI ZHES SOGS GSUNGS PA LTAR RO, ,DES NA SANGS RGYAS THAMS CAD CHOS KYI DBYINGS SU RO GCIG CING, BDAG GI BLA MA 'DI RNAMS NI SANGS RGYAS THAMS CAD KYIS RANG 'DUL BA'I PHYIR SPRUL BAS SANGS RGYAS THAMS CAD KYI RANG GZUGS GCIG TU BSDUS PA'I NGO BO YIN NO, ,BSHES GNYEN BSTEN TSUL STON PA'I GDAMS NGAG GI DON DE DAG KYANG LAN RE RE GNYIS GNYIS TZAM BSAMS PAS RTOGS PA MI SKYE BAR LUNG RIGS KYI SGO NAS YANG DANG YANG DU BSAM DGOS TE, SLOB DPON TZANDRA GO MIS BSHAGS BSTOD LAS, DER YANG RGYUN DU SEMS NI RNAM RMONGS LA, ,YUN RING DUS SU NAD GZHI STEN BYED CING, ,MDZE CAN RKANG PA LAG PA CHAD PA LA, ,THANG 'GA' SMAN BSTEN PA YIS CI BGYIR MCHI, ,ZHES GSUNGS, DE YANG DANG POR BLA MA DAD PA CHE SHOS GCIG LA GTZO BOR SBYANGS, DE NAS BLA MA GZHAN RNAMS DA'I SPRUL PAR YANG BSAMS LA RIM GYIS BLO SBYANG DGOS, SA BCAD 'DIS NGES PA BRTAN PO RNYED PA 'ONG GSUNGS, ` BZHI PA RANG GI SNANG BA LA NGES PA MED PA NI, SA BCAD 'DI SKYON MTHONG BA DAD PA'I GROGS SU BSGYUR PA'I SGO NAS SANGS RGYAS SU BLTA NUS PA'I RGYU MTSAN NAM, SA BCAD GONG MA GSUM GYI GEGS SEL BOGS 'DON YANG YIN, BLA MA SANGS RGYAS SU MTHONG BA'I DAD PA SKYE BA 'DI GTZO BO RIGS PA YANG DAG GI LAM NAS BSGRUB DGOS PAS, DE LA SA BCAD GONG MA GSUM PO BSAMS NAS BLA MA SANGS RGYAS DNGOS RANG YIN NO SNYAM DU THAG BCAD PA'I TSE NA, DE'I GEGS LTA BUR BLA MA SANGS RGYAS YIN NA BDAG GIS SANGS RGYAS DNGOS SU MTHONG DGOS PA LA, DE LTAR MA MTHONG BAS DNGOS RANG MA YIN NO SNYAM @027B PA'I LOG RTOG SKYE SRID PAS DE LA GEGS SEL 'DI LTAR BYA STE, RANG GIS MA MTHONG BA TZAM GYIS SANGS RGYAS MIN MI DGOS TE, RANG GI SNANG BA LA NGES PA MED PA'I PHYIR, RANG GI SNANG BA LA NGES PA MED PA YIN TE, BLA MA TZAM DU MA ZAD, SPYIR RI RA BA, KHANG KHYIM, DGRA GNYEN GROGS SOGS SNOD BCUD THAMS CAD RANG GI LAS KYI SNANG TSOD CIG RANG LA SNANG BA LAS DE KHO NA LTAR BDEN PA'I NGES PA MED PA'I PHYIR, 'DI DBU MA CHU 'BABS KYI RIGS PA DANG SBYAR NA NGES PA RNYED SLA BA YIN, DE NI 'JUG PA LAS, RAB RIB DANG LDAN DBANG PO CAN MTSUNGS PA, ,CHU 'BAB KLUNG LA YI DVAGS RNAG BLO YANG, ,ZHES GSUNGS PA LTAR RLAN ZHING GSHER BA'I CHU PHOR PA GANG LA LAS CAN GYI LHA MI YI DVAGS GSUM GYIS CIG CAR DU BLTA BA'I TSE NA LHA RNAMS LAS MTHUN PAS BDUD RTZI KHO NAR MTHONG, BTUNG YANG BDUD RTZI'I BYA BA BYED, MIS CHUR MTHONG, BTUNG YANG CHU NYID YIN, YI DVAGS KYIS RNAG KHRAG TU MTHONG, BTUNG YANG RNAG KHRAG KHO NA LAS MED, DE BZHIN DU SANGS RGYAS LA GANG ZAG LAS BZANG NGAN 'BRING GSUM GYIS DUS GCIG TU BLTAS PA NA MI 'DRA BA GSUM DU SNANG BA LAS THAMS CAD KYIS MTHUN PAR SANGS RGYAS SU GTAN NAS MI MTHONG, DER MA ZAD STON PAS RI RAB GCIG NYID MNGON PA'I CHED DU BYA BA'I GDUL BYA LA GRU BZHIR GSUNGS, GDUL BYA DES BLTA BA'I TSE YANG GRU BZHIR MTHONG, DUS 'KHOR GYI CHED DU BYA BA'I GDUL BYAR ZLUM POR GSUNGS, BLTAS KYANG ZLUM POR SNANG BA YIN, YANG YI DVAGS RNAMS LA DBYAR GYI DUS SU ZLA BAS KYANG TSIG LA, DGUN GYI DUS SU NYI MAS KYANG GRANG BAR BYED PA DANG, BAR DO BA SOGS KYIS NYI ZLA LA SOGS PA MI SNANG BA LTA BU GZHI GCIG LA SEMS CAN RANG RANG GI LAS SNANG MI 'DRA BA DE LTA @028A *, ,BU 'BYUNG BA SNGON RGYA GAR NA DGE SLONG ZHIG LA MTSAN MOR YI DVAGS KYI LAS SNANG SHAR TE SKOM PAS GDUNGS, CHU BTZAL BAS RGYUN DU YOD PA'I CHU BO CHEN PO YANG MI SNANG BAR GYUR PAS DE'I PHA RI SOGS SU CHU TSOL BAR SONG YANG MA RNYED PAR TSUR LOG STE RANG GNAS SU NYAL BA NA, PHYI NYIN YI DVAGS KYI LAS SNANG YAL BAS CHU THAMS CAD SNGAR LTAR YOD PA DANG, DGE SLONG KHO RANG GI CHOS GOS MTSAN MOR CHU TSOL DU 'GRO SAR KHYER BA CHU BO CHEN PO'I PHA RI'I SHING SDONG ZHIG GI YAL GAR BKAL NAS YOD PA SOGS MNGON SUM DU BYUNG BA LTA BU YIN, DES NA BLA MA YANG RANG GI SNANG TSOD LA THA MAL PA'I BSHES GNYEN DU 'DI LTA BUR SNANG YANG, DON LA DE KHO NA LTAR BDEN PA'I NGES PA MED DE, BKA' GDAMS BU CHOS RGYAL PO DKON MCHOG BSANGS KYI SKYES RABS LAS, NGA SNA TSOGS SPRUL PA STON NA YANG, ,RGYUD MA DAG RNAMS LA CI CHA YOD, ,NGA BU MED RNAMS LA BUR STON KYANG, ,MA SNYING MED MA LA CI CHA YOD, ,MI DBUL PO DAG LA NOR STON YANG, ,KHONG MNGON SHES MED LA CI CHA YOD, ,THANG SKAM PO DAG LA CHUR 'BYIN KYANG, ,MI MNGON SHES MED LA CI CHA YOD; ;MI NAD KYIS GDUNGS LA SMAN STON KYANG, ,NANG SGRIB BAS G-YOGS LA CI CHA YOD, ,NGA KHRIMS LDAN MKHAN PO'I SKUR STON KYANG, ,NGA THUGS RJE CHEN POR SU YIS SHES, ,NGA GNAS LNGA MKHYEN PA'I PAndI TA, ,RGYUD GANG LA GANG PHAN STON GYUR KYANG, ,MI MKHAS PAR RLOM LA CI CHA YOD, ,CES DANG, BDUD RTZI'I SNYING PO LAS, LAS NGAN SGRIB G-YOGS 'DI DANG MA BRAL RING, ,SANGS RGYAS MA LUS MNGON SUM MDUN BYON YANG, ,DA LTA'I SNANG BA 'DI NYID MA GTOGS PA, ,MTSAN DPES BRGYAN PA'I SKU MCHOG MTHONG SKAL MED,, @028B CES GSUNGS PA LTAR RANG GI LAS KYI SGRIB PA MA DAG BAR, SANGS RGYAS THAMS CAD MNGON SUM DU MDUN DU BYON BYON PA YIN YANG, RANG GIS MTHONG MI NUS, GAL TE MTHONG YANG DA LTA'I SNANG BA 'DI LAS LHAG PA'I MTSAN DPES BRGYAN PA'I SKU DNGOS SU MTHONG BA'I SKAL BA MED, DE MTHONG BA LA TSOGS LAM CHEN PO THOB DGOS, DA LTA RANG LA BLA MA THA MAL PA SNANG BA 'DI THEL TSE LTA BUS RTAGS BRGYAB, DE'I BAR DU SGOM BRGYAB STE CHOS RGYUN GYI TING NGE 'DZIN THOB NAS BLTAS PA NA MCHOG GI SPRUL SKUR DNGOS SU MTHONG, SA DANG PO THOB PA NA LONGS SPYOD RDZOGS PA'I SKU DNGOS SU MTHONG, SANGS RGYAS PA NA CHOS SKUR DNGOS SU MTHONG BA YIN, DES NA BLA MA THA MAL LA DANG, SPRUL SKU DANG, LONGS SKU SOGS SU MTHONG BA NI BLA MA'I NGOS NAS MA YIN PAR RANG GI LAS KYI SKAL BA'I MTHONG TSUL YIN, SNGON YANG PHYI ROL PA 'GA' ZHIG GIS SANGS RGYAS DNGOS DANG MJAL YANG, GTZUG TOR DANG 'OD 'DOM GANG SOGS MTSAN BZANG DPE BYAD GANG YANG MED PA'I MI PHAL PA LTAR MTHONG BA DANG, SLOB DPON 'PHAGS PA THOGS MED KYIS RJE BTZUN BYAMS PA KHYI MOR MTHONG BA DANG, NAG PO SPYOD PA DANG, DGE TSUL TSEM BU PA SOGS KYIS RDO RJE PHAG MO MDZE MOR MTHONG BA DANG, SLOB DPON SANGS RGYAS YE SHES KYIS GSANG 'DUS 'JAM RDOR GYI GRUB THOB SLOB DPON 'JAM DPAL BSHES GNYEN KHYIM BTZUN RGAD PO CHOS GOS KYIS MGO DKRIS TE ZHING RMO, PHRU GU SOGS KYIS ZHING RMOS PA'I SHUL NAS 'BU DON PA RNAMS BTUS TE THUG PA BSKOL BA SOGS THA CHAD CIG TU GZIGS PA DANG, MKHAS PA CHEN PO N'A RO PA SOGS YUL DE'I MI KUN GYI MTHONG YUL DU GRUB CHEN TEE LO PA ZHES RGYAL BA RDO RJE 'CHANG DNGOS YIN PA DE YANG SPRANG PO NYA GSON SREG @029A *, ,MDZAD DA ZA BA LTA BU THA CHAD CIG TU MTHONG BA DANG, YANG SNGAR MI ZHIG GIS, BTZI GI RA GLING GI PHO THAMS CAD DPA' BO DANG MO THAMS CAD DPA' MO RED ZER YANG NGA DER SONG BA NA THAMS CAD MI PHAL BA SHA STAG LAS DPA' BO DPA' MO GCIG KYANG MI 'DUG CES BRJOD PA SOGS KYI LO RGYUS RNAMS ZHIB TU BSAM DGOS, DER MA ZAD DPER NA BZANG GOS SHIG TU RDO DANG SHING LTA BU RDOG RDOG CIG GTUMS, RAS SAM SNAM BU LTA BU ZHIG TU GSER RDOG RDOG CIG GTUMS NAS RGYUS MED CIG LA BSTAN NA PHYI SGRIL GYIS NANG GI RGYU DE BZANG NGAN 'BYED MI NUS PA LTAR, BDUD DGA' RAB DBANG PHYUG 'PHAGS PA NYER SBAS KYIS DAM LA BTAGS TE GLA SLOB TU GYUR PA'I RJES SU 'PHAGS PA'I BKA' BZHIN DU BDUD SDIG TO CAN GYIS DGRA BCOM PA NYER SBAS LA SANGS RGYAS DNGOS LTA BU ZHIG SPRUL NAS BSTAN BA NYER SBAS THUGS YID 'GYUR THUB PA LTA BU'I RNAM PA SANGS RGYAS DNGOS LTAR SNANG YANG DON DU SANGS RGYAS DNGOS MIN PA DANG, DON LA SANGS RGYAS DNGOS YIN KYANG RNAM PA DNGOS LTAR MI SNANG BA MGON PO KLU SGRUB, SA RA HA, TEE LO, N'A RO, MAR PA, MID LA, DBEN SA PA SOGS MI SLOB PA'I ZUNG 'JUG GI SA LA BZHUGS PAS NGES DOR RDO RJE 'CHANG DNGOS YIN KYANG SNANG DOR MI PHAL BAR DAG NGA RE LAS MI MTHONG, KLU SGRUB DANG SA RA HA GNYIS ZUNG 'JUG GRUB NAS PHUNG PO RNYING PAR ZHUGS PA GSANG 'DUS YIG CHUNG NYER GCIG LAS GSUNGS, GRUB CHEN LU AI PA YANG DBUL PO THA CHAD CIG LAS MI SNANG YANG RGYAL PO D'A RIKA PA 'KHOR DANG BCAS PAR RDZU 'PHRUL DANG CHOS BSTAN PAS MTHAR RGYAL PO'I BZHUGS YUL GYI SEMS CAN SROG CHAGS 'BU SRIN TSUN CHAD SANGS RGYAS PA RED, PAndI TA @029B SGRA'I TSER MA CAN DU GRAGS PA BOD 'DIR SMRi TIDZNY'A NA ZHES PA YANG BOD DU PHEBS TE LAM DU LO TZ'A BA GRONGS PAS KHONG GCIG PUR PHEBS PA NA MI TSANG ZHIG GIS BDAG TU BYAS TE KHONG GI MTSAN LA'ANG THANG RNYED CES BTAGS NAS LUG GI RDZI BOR BZHAG ,KHONG GIS LUG DANG SBYANG KI RDE'U DKAR NAG GIS PHYE THUB PA SOGS DANG, DA LTA YONGS SU GRAGS PA'I SMRi TI'I PHYAG TZTSA GTUM MO'I MES SO BTANG BA SOGS GRUB THOB CHEN PO DE LTAR YIN YANG RNAM PA MI RGAN PHAL PA ZHIG LAS MED, SA SKYA'I SLOB DPON CHEN PO KUN DGA' SNYING POS SRAS BSOD NAMS RTZE MO DANG GRAGS PA RGYAL MTSAN SOGS SRAS SRAS MO RNAMS BYIS PA CHUNG DU'I SKABS THUGS GTZIGS CHEN PO MDZAD DE SKU ZLAM GYI G-YAS G-YON DU BCUG NAS BZHUGS PAS, NYE GNAS KYIS BLA MA 'DIS NI PHRU GU YANG G-YAS G-YON DU NYAR NAS BZHUGS PA GRONG BA'I PHA RGAN DANG 'DRA SNYAM LOG LTA SKYES PA NA, SLOB DPON GYIS DE MA THAG MKHYEN NAS GSANG SNGAGS KYI RDO RJE SLOB DPON LA MA DAD PA BYA MI RUNG, LOG RTOG MA BYED, 'DI LA LTOS SHIG CES ZHABS GNYIS SHED KYIS BRKYANGS TE ZHABS MTHIL G-YAS G-YON DU 'KHOR LO BDE MCHOG DANG; DGYES PA RDO RJE'I DKYIL 'KHOR RTEN DANG BRTEN PAR BCAS PA BKRA LAM MER BSTAN PAS LOG RTOG ZHI BAR MDZAD PA SOGS RDO RJE 'CHANG DNGOS DE YANG RNAM PA PHA RGAN THA MAL PA LTA BU ZHIG LAS MA MTHONG, RJE MID LA RAS PA YANG PHYI'I SNANG TSUL SPRANG PO DMAR HRANG BA LTA BU ZHIG LAS MI MTHONG BA, RAS CHUNG MA SOd KYIS KYANG, GANGS DKAR TE SE SKAD PA DE, ,MA MTHONG RGYANG NAS SGRA CHE BA, ,GANGS SHEL GYI MCHOD RTEN 'DRA'O SKAD, ,MTHONG NAS DRUNG DU SLEBS TZA NA, ,RI MGO KHA BAS GTUMS PA GCIG ,DE MTHA' GANGS KYIS BSKOR BA GCIG , @030A *, ,DE MTHA' SPANG RIS BRGYAN PA GCIG ,DE LA NGO MTSAR CHE RGYU MED, ,DE LA YA MTSAN CI CHE AANG, ,MA PHAM G-YU MTSO SGAD PA DE, ,MA MTHONG DUS NA SGRA CHE BA, ,MTSO G-YU YI MAndAL 'DRA'O SKAD, ,MTHONG NASx KO MOG CHAB KYIS GANG BA GCIG ,DE LA CHU THIGS BTAB PA GCIG ,DE SPANG DANG BRAG GIS BSKOR BA GCIG ,DE LA NGOx DE LA YAx BRAG DMAR SPO MTHO SKAD PA DE, ,MA MTHONG RGYANG NAS SGRA CHE BA, ,BRAG RIN CHEN SRUNGS PA 'DRA'O SKAD, ,MTHONG NASx SPANG LA BRAG RI 'BUR BA GCIG , DE LA NAGS TSAL SKYES PA GCIG ,DE MTHA' CHU YIS BSKOR BA GCIG ,DE LA NGOx DE LA YANGx KHYED RAS CHEN RAS CHUNG SKAD PA DE, ,MA MTHONG GONG NAS SGRA CHE BA, ,GRUB THOB RNAL 'BYOR LAGS SO SKAD, ,MTHONG NASx RGAN BYIS NGO TSA MED BA GNYIS, ,KHREL MED GCER NYAL BYED PA GNYIS, ,KHA NAS GLU CHUNG LEN PA GNYIS, ,CHA LUGS GANG DGAR STON PA GNYIS, ,LUS LA RAS GOS GYON PA GNYIS, ,'TSO BA SBRANG ZAS ZA BA GNYIS, ,SPYOD PA CI DGAR BYED LA GNYIS, ,DE LA NGO MTSAR CHE RGYU MED, ,DE LA YA MTSAN CI CHE AANG,, ZHES BRJOD PA LTA BU YIN, 'JAM MGON TZONG KHA PA'I SPYAN SNGAR DAM CAN CHOS RGYAL DNGOS SU ZHABS PHYI'I TSUL DU YOD KYANG DE NYIN ZHABS ZHU BA SU MA BZHUGS PA DE YIN KHRAL DU BYON PAS TSANG MAS GRVA PA DKYUS MA RE LAS MI MTHONG, NYIN GCIG RJE TZONG KHA PAS GSANG SNGAGS KYI DKA' GNAD CIG GNANG GRABS MDZAD PA'ANG CHOS RGYAL GYI SPRUL PA DES BKAG PAR, GUNG RU RGYAN BZANG BAS DE RING GRA PA DES BAR CHAD BYAS SONG GSUNGS PA NA MKHAS GRUB RIN PO CHES GRVA PA DE CHOS RGYAL YIN PAR MKHYEN NAS DKA' BCU BA TZAB BRDA TZUB BRDA MA @030B MANG ZHES BKA' BKYON PA DANG, RGYAL BA DPEN SA PA CHEN PO YANG ZUNG 'JUG 'GRUB PAR NYE YANG DBEN SA SMYON PA ZHES SMYON PA'I MTHONG TZAM LAS MI BYED, SNGAR RONG BYAMS CHEN DU SA SKYA'I MKHAS PA MANG PO 'DZOMS TE SGRA'I DKA' GNAD 'GA' THAG MA CHOD PAR BGRO GLENG BYED PA NA, DBEN SA PA DER PHEBS TE DKA' GNAD RNAMS THOGS MED DU GSUNGS, BRGYAD STONG PA YANG SAm SKRi TA'I SKAD DU THA RE GSUNGS KYANG, 'GA' ZHIG GIS DGE LUGS PA'I GDUG 'DRE RED CES GDUG 'DRE'I 'DU SHES TZAM LAS MA BYUNG BA DANG, DER MA ZAD AA RIG STOD PA ZER BA MGO LOG GI JAG DPON MI RTA MANG PO GSONG MYONG BA ZHIG GIS LHA SAR JO MJAL DU SONG SKABS JO BO MJAL RGYU LTA ZHOG ,GSER KONG TZAM YANG MED PAR MUN NAG CIG TU MTHONG PA NA KHO YID 'GYOD DE 'ON RGYAL SRAS GONG MA'I GONG MA ZHIG GI ZHABS LA GTUGS, THUGS BRTAG SOGS ZHUS, RJES SU BSHAGS PA MANG PO BYAS, STONG MCHOD SOGS PHUL NAS MJAL BAS JO BO'I BZHUGS KHRI DANG MCHOD ME RNAMS MJAL TZAM BYUNG YANG JO BO MJAL MA THUB, YANG MI GZHAN ZHIG GIS JO BO MA MJAL BAR BZHUGS KHRI'I STENG DU TSAG SHA BZHI LING GCIG BZHAG PAR MTHONG, 'BRAS SPUNGS BDE YANGS KYI GRVA PA ZHIG GIS BKA' 'GYUR BLA MA RIN PO CHE BLO BZANG DON LDAN DPAL BZANG POS BKA' 'GYUR LJAGS LUNG GNAD SKABS CHOS PO TI GTAN NAS MA MJAL BAR SHA GZHONG PA GANG GSOL LCOG GI STENG DU BZHAG STE LJAGS LUNG GI RING TSANG MAR SHA SHA STAG GSOL BAR MTHONG BA SOGS MANG ZHING, DES NA BLA MA YANG RANG GI LAS SNANG LA THA MAL PAR MTHONG BA TZAM YIN, THA MAL PA'I BSHES GNYEN DU MJAL BA TZAM YANG STABS SHIN TU LEGS TE, GZHAN DU LAS NGAN PA'I DBANG GIS KHYI DANG BONG BU SOGS SU MTHONG NA CI @031A *, ,'DRA BYED DE, SPYAN SNGA BLO GROS RGYAL MTSAN GYIS, RANG RE'I LAS NGAN SGRIB PA'I CHE TSOD LA, ,BLA MA MI RU MTHONG BA'ANG DGA' TSAD YIN, ,KHYI DANG BONG BUR MA MTHONG BSOD NAMS CHE, ,MOS GUS SNYING NAS BSKYED CIG SH'AKYA'I SRAS, ,ZHES GSUNGS PA LTAR RO; ;DE LTAR RANG GI SNANG BA LA NGES PA MED CING RANG GIS MTHONG BA LTAR MI BDEN PAS DON LA SANGS RGYAS NYID YIN NO, ,'DI DAG RNAM 'GREL GYI RIGS PA ME SNANG BA MA DMIGS PA'I RTAGS DANG SBYAR NA NGES PA RNYED PA LA KHYAD CHE BAS, DE YANG MDUN GYI GZHI 'DIR CHOS CAN, SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED DE, SHA ZA DMIGS BYED KYI TSAD MA MED PA'I PHYIR, CES RTAGS BKOD, DE YANG, DPER NA SHA ZA BSKAL DON DU SONG BA'I GANG ZAG GIS MDUN GYI GZHI 'DIR SHA ZA MI DMIGS KYANG SPYIR SHA ZA MED MI DGOS PA BZHIN DU RANG GIS KYANG BLA MA SANGS RGYAS SU MA MTHONG YANG SANGS RGYAS MIN MI DGOS, DE BZHIN DU MGON KHANG SOGS SU CHOS SKYONG SRUNG MA GNAS PA DANG, CHU MIG LA KLU GNAS PA DANG, SKU MKHAR DANG RI BRAG LA RGYAL BTZAN DANG GZHI BDAG SOGS GNAS PA RANG GIS MA MTHONG YANG MED MI DGOS PAR DE DAG LA PHOG THUG SHOR BAS NAD GDON DANG SHU THOR SOGS GNOD PA 'BYUNG PA MNGON SUM DU YOD PA BZHIN NO, ,DES NA RANG GIS BLA MA SANGS RGYAS SU MA MTHONG YANG SANGS RGYAS MIN MI DGOS SHING, RNAM 'GREL GYI RTAGS DE KHA SPOS NA NGES PA STER CHE BAS, BLA MA CHOS CAN, SANGS RGYAS DNGOS SU MTHONG BA LA BSKAL DON DU SONG BA'I RANG NYID KYI RGYUD LA BLA MA SANGS RGYAS DNGOS SU MTHONG BA'I DPYAD SHES DON MTHUN DU SKYE MI SRID DE, RANG RGYUD LA SANGS RGYAS DNGOS SU MTHONG BA'I TSAD MA MED PA'I @031B PHYIR; ZHES RTAGS BKOD PA LTAR RANG NYID SANGS RGYAS DNGOS SU MTHONG BA'I SKAL BA MED PA STE BSKAL DON DU SONG BAS RANG RGYUD LA SANGS RGYAS DNGOS SU MTHONG BA'I TSAD MA MED, DE MED PAS RANG GIS SANGS RGYAS DNGOS SU MDUN DU BYON YANG MTHONG MI SRID, DE MI SRID BAS BLA MA SANGS RGYAS DNGOS YIN KYANG RANG RGYUD KYI SDIG SGRIB MA BYANG BAR DU SANGS RGYAS DNGOS SU MTHONG MI SRID CING ,CHOS RGYUN GYI TING NGE 'DZIN MA THOB BAR RANG CAG LTA BUS BLA MA LA SANGS RGYAS MCHOG GI SPRUL SKU'I RNAM PA TZAM ZHIG KYANG MTHONG BA'I RE BA MED, RGYU MTSAN DES NA BLA MA SANGS RGYAS SU MA MTHONG BA TZAM GYIS SANGS RGYAS MIN MI DGOS PAS BLA MA RANG GIS SANGS RGYAS SU MA MTHONG YANG DON LA SANGS RGYAS NYID YIN, GONG DU BSHAD PA'I DAM BA GONG MA DE DAG KYANG DON LA SANGS RGYAS DNGOS YIN KYANG PHYI'I RNAM 'GYUR DE 'DRA ZHIG LAS MA MTHONG BDE BZHIN DU, RANG GI BLA MA YANG DON LA SANGS RGYAS THAMS CAD KYI YE SHES GCIG TU BSDUS PA'I RANG GZUGS YIN KYANG RANG GI MTHONG SNANG MI'I PAGS PA 'DI TZAM YIN PAS SNANG TSOD LA NGES PA MED, NANG GI SPANGS RTOGS KYI YON TAN NI GAL MJAL, CHOS KYI SKU NI SANGS RGYAS NANG PHAN TSUN KHO NA LAS, BYANG SEMS SA BCU PA BAS KYANG MI MJAL, LONGS SPYOD RDZOGS SKU NI BYANG 'PHAGS KHO NA'I SPYOD YUL LAS NYAN RANG DGRA BCOM PAS KYANG MI MJAL, MCHOG GI SPRUL SKU NI SO SKYE LAS DAG YAN CHAG KYI SPYOD YUL LAS, DE MAN CHAD KYIS MJAL BAR MI NUS, DES NA RANG RE LTA BU LAS SGRIB STOBS CHE BAS SKU DE DAG MJAL BAR MI NUS PAS SANGS RGYAS YIN MIN DANG THA MAL PA YIN MIN RANG GIS MJAL TSOD TZAM LA CHA BZHAG NA SHIN TU MTSANG CHE STE, STON PA SANGS RGYAS NYID KYI ZHAL NAS KYANG, NGA DANG NGA? @032A *, ,GANG ZAG GI TSOD BZUNG BAR BYA YI, GANG ZAG GIS GANG ZAG GI TSOD BZUNG BAR MI BYA STE, NYAMS BAR 'GYUR RO, ,ZHES GSUNGS BA LTAR BLA MA PHAR BZHAG ,GANG ZAG GZHAN GYI'ANG RGYUD TSONG GA LA THIGS ,DE LTAR YIN NA BLA MA THA MAL BAR BSTAN CI DGOS SNYAM NA, DE LTAR MA BSTAN NA DNGOS SU MJAL ZHING CHOS THOS PA'I SKAL BA MED PAS RANG LA SNANG RUNG GI THA MAL PA'I MI'I PAGS BA GYON NAS THABS MKHAS KYI MDZAD PA RMAD DU BYUNG BA BSTAN PA NYID YIN NO, ,'O NA BLA MA NI SANGS RGYAS DNGOS YIN NA SKYON KUN ZAD YON TAN KUN LDAN ZHIG DGOS PA LA BDAG GI BLA MA NI DE LTA MIN PAR 'DI NI THUGS GTAM, 'DI NI CHAGS PA CHE, 'DI NI SER SNA CHE BA SOGS SKYON 'DI DANG 'DI LTA BU 'DUG PA SNYAM NA SKYON DE DAG DE MA THAG TU MI BKAG PAR, DPER NA DRI MA 'KHRU BA LA DRI MA SNGON DU SLONG DGOS PA BZHIN BLA MA'I SKYON GANG SNANG BA THAMS CAD SNGON DU 'CHAR DU BCUG NAS DE RJES DGAG DGOS, DE'I TSUL NI ,BLA MA LA SKYON DE YOD NAS SNANG BA'AM MED NAS SNANG BA JI YIN BRTAG NA NGES PA MED DE, SKYON DE MED BZHIN DU RANG 'KHRUL BA'I TSUL DU'ANG SNANG SRID DE, DPER NA MKHRIS NAD CAN LA DUNG DKAR SER POR SNANG BA SNGAR MI ZHIG 'GRUL DU SONG STE NYIN GCIG MKHRIS NAD KYIS NA BAS GNAS TSANG GI RTEN GRAL DU GSER GYI GA'U LEGS PA GSUM BSGRIGS 'DUG PA MTHONG YANG, PHYI NYIN MKHRIS NAD DVANGS PA NA GSUM KA DNGUL GYI GA'U YIN PA LTA BU DANG, RLUNG NAD CAN LA GANGS RI SNGON POR SNANG BA DANG, RAB RIB CAN GYIS BSERU GTZANG MA'I NANG DU SKRA SHAD 'DZAG PAR SNANG BA DANG, RGYANG RING PO NAS THO YOR MIR SNANG BA DANG, SGYU MA MKHAN GYIS RDEL SHING RTA GLANG @032B DU SPRUL PA'I TSE RTA GLANG DNGOS LTAR SNANG BA DANG, D'A DHU RA ZOS PAS SA GZHI GSER DU SNANG BA DANG, GRU'I NANG DU ZHUGS TE 'GRO BA'I SKABS RI DANG, KHANG PA, LJON SHING SOGS 'GRO BA LTAR SNANG BA SOGS DE DAG DNGOS GNAS PA MED BZHIN DU MNGON SUM DU YOD PA LTA BUR SNANG ;DE DAG 'PHRAL GYI 'KHRUL RGYUS BSLAD PA TZAM YIN, RANG RE PHUGS KYI 'KHRUL RGYU MA RIG PAS BSLAD PAS CHOS THAMS CAD RANG BZHIN GYIS BDEN PAR GRUB PA CUNG ZAD TZAM YANG MED KYANG BDEN GRUB TU SNANG BA BZHIN DU BLA MA LA'ANG SKYON DE MED BZHIN DU SKYON YOD PA LTAR SNANG BA RED, DED TSO SPYIR 'KHRUL PA CAN YIN YANG BLA MA'I SKYON YON BLTA BA'I TSE 'KHAL PA MED CES SMRA MI RIGS TE, RANG 'KHRUL NAS SNANG BA DE SNANG BA LTAR MI BDEN PA RANG GIS CHOS THAMS CAD BDEN PAR SNANG YANG SNANG BA LTAR MI BDEN PA DES KYANG SHES NUS, DER MA ZAD SKYON DANG YON TAN ZHES PA YANG RANG GIS BLTA LUGS KYI KHYAD PAR SNANG, DPER NA DGE PHRUG CHANG LA DGA' BA TSOS DGE RGYAN GYIS CHANG BTUNG BA YON TAN DU MTHONG BA DANG, DGE PHRUG NYAL DGA' BAS DGE RGYAN GYIS MTSAN MOR KHA TON BYAS PA SKYON DU MTHONG BA BZHIN NO, ,DES NA BLA MA LA SKYON YOD PA LTAR SNANG BA RANG SKYON BLA MA'I SKYON DU SHAR BA MANG NGO, ,DES NA BLA MA LA SKYON MED BZHIN DU RANG 'KHRUL NAS SNANG BA YIN NO, ,RNAM PA GCIG TU NA BLA MAS RANG 'DUL BA'I PHYIR SKYON DANG BCAS PA CHED DU STON PAR MI MDZAD PA'I NGES PA MED DE, SANGS RGYAS KYIS KYANG SKYON DE MED BZHIN DU GDUL BYA 'DREN PA'I THABS MKHAS KYIS SKYON DANG BCAS PA STON PAR MDZAD PA'ANG YOD CING, DE YANG 'DOD CHAGS CAN 'DUL PHYIR 'DOD CHAGS CAN GYI TSUL DANG, ZHE SDANG CAN 'DUL BA'I PHYIR @033A *, ,DU ZHE SDANG CAN GYI TSUL DANG, GTI MUG CAN 'DUL BA'I PHYIR DU GTI MUG CAN GYI TSUL SOGS STON PAR MDZAD DE, BKA' GDAMS BU CHOS LAS, NGA GNAS LUGS DE LAS MA G-YOS KYANG, ,MA 'GRO BA'I DON DU GZUGS SU SHAR, NGA TSOS KYI DBYINGS LAS MA G-YOS KYANG, ,MA 'GRO BA'I DON DU SGRA RU SHAR, ,CES DANG, YAB SRAS MJAL BA'I MDO LAS, BRGYA BYIN TSANGS PA'I CHA BYAD DANG, LA LAR BDUD KYI CHA BYAD KYIS, ,SEMS CAN RNAMS KYI DON MDZAD DE, ,'JIG RTEN RNAMS KYIS RTOGS MI NUS, ,BUD MED CHA BYAD SPYOD PA MDZAD, ,DUD 'GRO'I SKYE GNAS NA YANG GDA', ,'DOD CHAGS MI MNGA' CHAGS BA'I TSUL, ,'JIGS PA MI MNGA' 'JIGS PA LTAR, ,RMONGS MED RMONGS PA'I TSUL BSTAN TE, ,SMYOS PA MA LAGS SMYOS PA'I TSUL, ,ZHVA PA MA LAGS ZHVA PA LTAR, ,RNAM PAR 'PHRUL PA SNA TSOGS KYIS, ,SEMS CAN RNAMS NI 'DUL BAR MDZAD, ,CES DANG, SANGS RGYAS KUN GYI DGONGS PA 'DUS PA'I MDO CHEN PO LAS, DE BZHIN DU 'JIG RTEN GYI KHAMS BYE BAS YAR RDO RJES SEMS DPA'I MTSAN BYE BAS YAR BSTAN NAS CHOS YANG DAG PA JI LTA BA BZHIN DU SNANG BA MDZAD DE, LA LAR NI MNGON PAR RDZOGS PAR SANGS RGYAS LA, LA LAR NI DA DUNG DU YUM GYI LHUMS NA BZHUGS, LA LAR NI DGA' LDAN GYI GNAS NA BZHUGS, LA LAR NI YONGS SU MYA NGAN LAS 'DAS SO, ,LA LAR NI 'DA' BA'I TSUL BSTAN NAS 'JIG RTEN GYI KHAMS GZHAN NAS GZHAN GYI SGRON MER SNANG, LA LAR NI 'KHOR LOS BSGYUR BA'I RGYAL PO'I CHA LUGS KYIS THEG PA CHEN PO'I CHOS STON TO, ,LA LAR NI NYAN THOS KYI CHA BYAD KYIS THEG PA CHUNG NGU'I CHOS, @033B STON TO, ,LA LAR NI RANG SANGS RGYAS KYI CHA BYAD KYI RDZU 'PHRUL GYIS CHOS STON TO, ,LA LAR NI SNYING PO BYANG CHUB NA BZHUGS, LA LAR NI SKUL BA'I SA LA GZHES, LA LAR NI THAR BA'I CHA LUGS KYIS SO, ,LA LAR NI KHYIM PA'I CHA LUGS KYIS SO, ,LA LAR NI LHA'I CHA BYAD KYIS SO, ,LA LAR NI KLU'I CHA BYAD KYIS SO, ,LA LAR NI LHA MA YIN GYI CHA BYAD X LA LAR NI BDUD KYI X LA LAR NI GNOD SBYIN GYI X LA LAR NI SRIN PO'I X LA LAR NI 'BYUNG BO'I X LA LAR NI NAM MKHA' LDING GI X LA LAR NI YA MTSAN CAN GYI X LA LAR NI BYOL SONG GI X LA LAR NI YI DVAGS KYI X LA LAR NI BZOD LDAN GYI X LA LAR NI BSHAN PA'I X LA LAR NI SMAD 'TSONG MA'I CHA BYAD X LA LAR NI NA CHUNG GI CHA BYAD KYIS SO, ,LA LAR NI SKU GDUNG LTA BUR SNANG NGO, ,LA LAR NI RING BSREL LTA BUR SNANG X LA LAR NI RDO RJE SEMS DPA' NYID LTA BUR X LA LAR NI RNAM PAR SNANG MDZAD LTA BUR X LA LAR NI RIN CHEN 'BYUNG LDAN LTA BUR X LA LAR NI SNANG BA MTHA' YAS LTA BUR SNANG NGO, ,LA LAR NI DON YOD GRUB PA LTA BUR SNANG STE, DE DAG KYANG YANG DAG PA JI LTA BA BZHIN DU CHOS TON TO, ,GZHAN YANG GTI MUG GI RGYAL PO DGROL BAR BYA BA'I PHYIR TSANGS PA'I GZUGS LTA BUR SNANG NGO, ,ZHE SDANG GI RGYAL PO DGROL BAR BYA BA'I PHYIR KHYAB 'JUG GI GZUGS LTA BUR SNANG NGO, ,'DOD CHAGS KYI BDAG PO DGROL BAR BYA BA'I PHYIR DRAG PO'I GZUGS LTA BUR X NGA RGYAL GYI BDAG PO DGROL BAR BYA BA'I PHYIR TSOGS BDAG LTA BUR X PHRAG DOG GI BDAG PO DGROL BAR BYA BA'I PHYIR DBANG PO LTA BUR SNANG NGO, ,DE BZHIN DU SKYE BO THAMS CAD KYI GZUGS SU SNANG BA NI 'JUG SRED DANG, SRED MED DANG, DBANG PHYUG DANG, STOBS LDAN DANG, NOR 'DZIN @034A *, ,DANG; SPRE'U DANG, RA DANG, LUG DANG, KHYI DANG, SBRANG MA DANG, BYA ROG DANG, ME KHYER DANG, SROG CHAGS DANG, GANG ZIN PA DE DANG DE'I GZUGS SU SNANG BAR MDZAD CING, DE'I CHA BYAD KYIS GANG DAG JI LTAR MOS PA RNAMS LA DE BZHIN DU SNANG STE, JI LTAR NYI ZLA'I DKYIL 'KHOR GYI GZUGS BRNYAN GZHAL MED KHANG LAS MA G-YOS PAR CHU DVANGS PA'I NANG DU GZUGS BRNYAN THA DAD PAR SNANG BA BZHIN DU, SANGS RGYAS RDO RJE SEMS DPA' NYID LAS MA G-YOS BZHIN DU ZHING KHAMS DPAG TU MED PAR SANGS RGYAS MTHA' MAS PAR SNANG NGO, ,ZHES DANG, MYA NGAN LAS 'DAS PA CHEN PO'I MDO LAS, NGAS STONG GSUM GYI STONG CHEN PO'I 'JIG RTEN KYI KHAMS DZAM BU'I GLING 'DIR YONGS SU MYA NGAN 'DA' BAR BSTAN KYANG MTHAR YONGS SU MYA NGAN LAS 'DAS PA MA YIN NO, ,DZAM BU'I GLING 'DIR YUM GYI LHUMS SU BLTAM PA BSTAN PA DANG, YAB DANG YUM PA LA SRAS SU 'DU SHES GZHAG PAR BYA BA'I PHYIR YIN GYI, NGA'I SKU NI MTHAR 'DOD CHAGS 'DUS PA LAS SKYES PA MA YIN NO, ,NGA NI BSKAL BA YUN RING PO TSAD MED PA'I BAR DU 'DOD PA YONGS SU SPANGS PAS, NGA'I SKU 'DI NI CHOS KYI SKU STE, 'JIG RTEN PA'I RJES SU MNGAL DU ZHUGS PA BSTAN PA YIN NO, ,RIGS KYI BU DZAM BU'I GLING 'DIR LUM PA'I TSAL DU YUM LHA MDZES KYI LHUMS NAS BLTAMS TE, BLTAMS MA THAG TU SHAR PHYOGS SU GOM PA BDUN BOR NAS, 'DI SKAD DU NGA NI LHA DANG, MI DANG LHA MA YIN DU BCAS PA'I NANG NA MCHOG TU GYUR, PHUL DU GYUR, GTZO BOR GYUR TO ZHES SMRA STE, YAB DANG YUM DANG, 'JIG RTEN DU BCAS BSTAN PA LHA DANG MIS MTHONG BA THAMS CAD DGA' NAS NGO MTSAR RMAD KYI @034B SEMS SKYES SO, ,MI THAMS CAD KYIS NI NGA LA BUS PA CHUNG DUR 'DZIN TE, NGA'I SKU 'DI NI BSKAL PA TSAD MED PA NA SNYON MONGS PA'I CHOS DE LTA BU DANG BRAL LO, ,DE BZHIN GSHEGS PA'I SKU NI CHOS KYI SKU STE SHA DANG KHRAG DANG RGYUS PA DANG, RTZA DANG RUS PA DANG, RKANG LAS BSGRUBS PA'I LUS MA YIN MOD KYI, 'JIG RTEN PA'I RJES SU BUS PA CHUNG NGU'I LUS BSTAN TO, ,ZHES SOGS NAS, NGAS NI PHA ROL PAS SBYIN PA BYIN PA BLANGS PA'ANG BSTAN TE, NGA'I SKU 'DI LA NI BKRES PA'AM SKOM PA'I BAG MED DO, ,'ON KYANG 'JIG RTEN PA'I RJES SU MTHUN PAR BYA BA'I PHYIR DE'ANG MNGON PAR BSTAN TO, ,GZHAN YANG SO SO'I SKYE BO DANG MTHUN PAR NYAL BA DANG GNYID LOG PA'ANG BSTAN TE, NGA NI BSKAL PA GRANGS MED PA'I BAR DU SHIN TU ZAB MO'I SHES RAB DANG LDAN TE, SRID PA GSUM DANG YONGS SU BRAL YANG, 'GRO BA DANG SDOD PA DANG, SPYOD LAM DANG, KLAD PA NA BA DANG, LTO NA BA DANG RGYAB NA BA DANG 'BRUM BU DANG, BKRUS PA DANG, RKANG PA 'KHRU PA DANG, LAG PA 'KHRU PA DANG, GDONG 'KHRU PA DANG, KHA 'KHRU BA DANG, SO SHING 'CHA' BA'I BAR DU BSTAN TE, SO SO'I SKYE BO DAG NI NGA LA DE DAG KUN YOD DO ZHES SEMS TE, NGA'I SKU LA NI DE DAG GANG YANG MED DO, ,ZHES DANG, NGA NI DZAM BU'I GLING 'DIR YANG DANG YANG MYA NGAN LAS 'DAS PA BSTAN KYANG, MTHAR YONGS SU MYA NGAN LAS 'DAS PA MA YIN TE, SO SO'I SKYE BO DAG NI DE BZHIN GSHEGS PA YANG DAG PAR 'GOG PA ZAD DO SNYAM STE, DE BZHIN GSHEGS PA NI MTHAR ZAD PA MA YIN PAS RTAG TU GNAS PA'I CHOS CAN MI 'GYUR MI 'PHO BA'I CHOS CAN DU RIG PAR BYA'O, ,` GZHAN YANG NGAS @035A *, ,DZAM BU'I GLING 'DIR 'JIG RTEN DU MNGON PAR 'BYUNG BA BSTAN TE, SO SO'I SKYE BO DAG NI NGA GDOD MNGON PAR SANGS RGYAS SO SNYAM SEMS TE, NGA NI BSKAL PA GRANGS MED PA'I BAR DU BYA BA THAMS CAD BYAS KYANG 'JIG RTEN PA'I RJES SU DZAM BU'I GLING 'DIR GDONG MNGON PAR SANGS RGYAS PA BSTAN TO, ,NGA'ANG DZAM BU'I GLING 'DIR TSUL KHRIMS MA BSDAMS TE RTZA BA BZHI'ANG NYAMS PA BSTAN PAS SO SO'I SKYE BO DAG NI YANG DAG PA NGAS TSUL KHRIMS NYAMS SO SNYAM DU SEMS KYANG, NGA NI BSKAL PA TSAD MED PA'I BAR DU TSUL KHRIMS BSRUNGS PA LA NYAMS PA MED DO, ,NGA'ANG DZAM BU'I GLING 'DIR LOG SRED CAN DU BSTAN TE, SO SO'I SKYE BO DAG NI THAMS CAD KYIS NGA LA LOG SRED CAN YIN PAR SEMS KYANG, NGA NI YANG DAG PAR LOG SRED CAN MA YIN NO, ,GAL TE LOG SRED CAN YIN NA JI LTAR BLA NA MED PA YANG DAG PAR RDZOGS PA'I BYANG CHUB TU MNGON PAR SANGS RGYAS PAR GYUR, NGA'ANG DZAM BU'I GLING 'DIR DGE 'DUN 'DUM PA'I DBYEN BYAS PA BSTAN TE, SO SO'I SKYE BO DAG NI NGA LA DGE 'DUN 'DUM PA'I DBYEN BYAS SO SNYAM DU SEMS KYANG, NGAS RNAM PAR BLTAS NA 'JIG RTEN DU BCAS PA LHA DANG MI'I NANG NA DGE 'DUN 'DUM PA'I DBYEN BYED NUS PA MA MTHONG NGO, ,ZHES DANG, NGA'ANG DZAMBU'I GLING 'DIR BDUD SDIG GTON TO CAN GYI LUS SU BSTAN TE, SO SO'I SKYE BO DAG NI YANG DAG PAR NGA LA BDUD SDIG TO CAN YIN NO ZHES SEMS KYANG, NGA NI BSKAL BA TSAD MED PA'I BAR DU BDUD KYI LAS DANG YONGS SU BRAL TE, PADMO LTAR YONGS SU DAG PA LA 'GO BA MED DO, ,NGA'ANG DZAMBU'I GLING 'DIR BUD MED KYI LUS KYIS SANGS RGYAS @035B BA BSTAN TE, SO SO'I SKYE BO DAG NI 'DI LTAR NGO MTSAR CHE STE, BUD MED KYIS BLA NA MED PA YANG DAG PAR RDZOGS PA'I BYANG CHUB TU MNGON PAR SANGS RGYAS SO SNYAMS SEMS TE, DE BZHIN GSHEGS PA NI NAM DU BUD MED KYI LUS MI LEN KYANG SEMS CAN TSAD MED PA RNYED GDUL BA'I PHYIR BUD MED KYI GZUGS SU BSTAN TO, ,SEMS CAN THAMS CAD LA THUGS BRTZE BA'I PHYIR GZUGS BYANG RNAM PA SNA TSOGS BSTAN PA YIN NO, ,NGA'ANG DZAMBU'I GLING 'DIR LAM RGYUD BZHIR SKYE BA BSTAN TE, NGA NI YUN RING PO NAS LAM GYI RGYUD DU 'GYUR BA'I RGYUD BCAD DO, ,LAS KYI RGYUS LAM RGYUD BZHIR LHUNG NAS SEMS CAN DE DAG GDUL BA'I PHYIR DE DAG TU SKYE BA'ANG MNGON PAR BSTAN TO, , ` NGA'ANG DZAMBU'I GLING 'DIR BUD MED SPRUL 'TSONG MA'I GNAS SU 'GRO BA BSTAN TE, NGA LA NI YANG DAG PAR 'DOD CHAGS PA'I 'DU SHES MED LA, PADMO LTAR YONGS SU DAG CING CIS KYANG MI 'GO'ANG SEMS CAN GANG 'DOD CHAGS KYIS ZIL GYIS NON PA DAG ,LAM SRANG BZHI MDOR DAM PA'I CHOS BSTAN PA'I PHYIR GYI, NGA LA YANG DAG PAR 'DOD CHAGS KYI SEMS MED KYANG, SO SO'I SKYE BO DAG NI NGA LA BUD MED KYI DBANG PHYED DO SNYAM SEMS SO, ,NGA'ANG DZAMBU'I GLING 'DIR GOS SNGON PO GYON PA'I RIGS SU 'GRO BA BSTAN TE, DE'ANG BRAN MOR GYUR PA YANG DAG PA'I CHOS LA DGOD PA'I PHYIR GYI, NGA LA NI YANG DAG PAR GOS SNGON PO GYON PA'I GNAS SU LHUNG BA'I LAS MED PAR RIG PAR BYA'O, ,NGA'ANG DZAMBU'I GLING 'DIR SLOB DPON LTA BUR BSTAN TE, PUS PA GZHON NU SHED MA BYE BA YANG DAG PA'I CHOS LA DGOD PA'I PHYIR RO, ,NGA'ANG DZAMBU'I GLING 'DIR CHANG 'THUNG B DANG, RGYAL PO'I GNAS DANG, PHAM RGYAL GYI PHYIR 'THAB MO @036A *, ,BYAS PA'ANG BSTAN TE, DE'ANG SEMS CAN DE DAG GDUL ZHING BSGRAL BA'I PHYIR GYI, NGA LA NI DE LTA BU'I LAS MED KYANG, SO SO'I SKYE BO DAG NI NGA LA DE LTA BU'I LAS KYANG BYED DO SNYAM SEMS SO, ,NGA'ANG YUN RING POR DUR KHROD NA BYA RGOD KYI LUS SU BSTAN TE, DE'ANG BYA THAMS CAD BSGRAL BA'I PHYIR GYI, SO SO'I SKYE BO DAG NI NGA LA YANG DAG PAR BYA RGOD KYI LUS SU SEMS TE, NGA NI YUN RING PO NAS LAS DE LTA BU DANG BRAL YANG BYA RNAMS BSGRAL BA'I PHYIR DE'ANG MNGON PAR BSTAN TO, ,NGA'ANG DZAMBU'I GLING 'DIR SEMS CAN TSAD MED PA, GDUL ZHING DAM PA'I CHOS LA DGOD PA'I PHYIR KHYIM BDAG GI LUS KYANG BSTAN TO, ,ZHES DANG, YANG DE NYID LAS, NGA'ANG DZAMBU'I GLING 'DOR NAD KYI BSKAL PA BYUNG NAS, SEMS CAN MANG PO NAD KYIS RNAM PAR GZIR BA DAG SMAN GYIS GSOS TE, DE'I 'OG TU DAM PA'I CHOS BSTAN NAS BLA NA MED PA'I BYANG CHUB LA BKOD DE, SO SO'I SKYE BO DAG NI NAD KYI BSKAL PA BYUNG SNYAM SEMS SO, ,GZHAN YANG DZAMBU'I GLING 'DIR MU GE'I BSKAL PA BYUNG PA NA, DE DAG CI 'DOD PA BZHIN BZA' BA DANG BTUNG BA BYIN NAS GDOD DAM PA'I CHOS BSTAN TE, BLA NA MED PA'I BYANG CHUB LA BKOD DO, ,GZHAN YANG DZAMBU'I GLING 'DIR MTSON GYI BSKAL PA BYUNG PA NA, DE LA DAM PA'I CHOS BSTAN TE, DGRA 'KHON DU 'DZIN PA SPANGS NAS, BLA NA MED PA'I BYANG CHUB LA BKOD DO, ,GZHAN YANG RTAG PAR 'DZIN PA DAG LA MI RTAG PA'I 'DU SHES BSTAN PA DANG, BDE BAR 'DU SHES PA LA SDUG BSNGAL PA'I 'DU SHES BSTAN PA DANG, BDAG TU 'DU SHES PA DAG LA BDAG MED PAR BSTAN PA DANG, YONGS SU DAG PAR 'DU SHES @036B BDAG LA YONGS SU MA DAG PA'I 'DU SHES BSTAN PA'I PHYIR RO, ,SEMS CAN GANG ZHIG KHAMS GSUM LA CHAGS NA DE LA DAM PA'I CHOS BSTAN TE GNAS DE SPONG BAR BYED DO, ,SEMS CAN GDUL ZHING BSGRAL BA'I PHYIR BLA NA MED PA DAM PA SMAN LTA BU STON TO,, ZHES GSUNGS PA'I PHYIR RO, ,GZHAN YANG STON PA SANGS RGYAS NYID SOR MO'I PHRENG BA CAN 'DUL BA'I PHYIR DU DGE SLONG RANG DGA' BA'I RNAM PA CAN DANG, BRAM ZE'I KHYE'U MI SDUG PA 'DUL PHYIR KHO RANG LAS KYANG DMAN PA'I MI SDUG PA'I RNAM PAR BSTAN PA DANG, DRI ZA'I RGYAL BO RAB DGA' 'DUL BA'I PHYIR DRI ZA'I RGYAL PO PI WANG MKHAN GYI GZUGS SU SPRUL NAS PI WANG GI RGYUD SKUD STONG PHRAG PO YANG THAMS CAD BCAD NAS PI WANG BRDUNGS PAS 'DUL BAR MDZAD PA DANG, RDO RJE 'CHANG DANG BDE MCHOG 'JIGS BYED SOGS YI DAM 'GA' ZHIG SHIN TU KHROS PA'I RNAM PA DANG, 'GA' ZHIG CHAGS PA'I RNAM PA RTAG TU YUM DANG SBYOR TSUL SOGS BSTAN KYANG CHAGS SDANG GA LA YOD, DE BZHIN DU BLA MAS KYANG SEMS CAN 'DREN PA'I THABS KHO NAR SKYON DANG BCAS PA BSTAN PA RNAMS BLA MA'I SKYON LTAR SNANG YANG CHED DU BYA BA'I GDUL BYA RANG 'DREN PA'I PHYIR DU CHED DU GNYER NAS MA BSTAN PA'I NGES PA MED, SPYIR SANGS RGYAS KYI SKU 'OD KYI RANG BZHIN CAN YIN YANG, GONG DU BSHAD PA LTAR, NGA NI SKYE DANG RGA BA DANG, ,NA DANG 'CHI BA RAB TU STON, ,ZHES SOGS DANG, GSER 'OD LAS, SKU LA RUS PA KHRAG MED NA, ,RING BSREL YOD PAR GA LA 'GYUR, ,SEMS CAN RNAMS LA PHAN PA'I PHYIR, ,THABS KYIS RING BSREL BZHAG PAR MDZAD, ,CES GSUNGS PA LTAR CHED DU BSTAN PA MANG DU YOD, DES NA RANG GIS SANGS RGYAS SU MA MTHONG BA TZAM @037A *, ,DANG; SKYON DANG BCAS PA MTHONG BA TZAM GYIS SANGS RGYAS MIN PA'I SGRUB BYED DU MI 'GRO BAS, RANG GI BLA MA NI SANGS RGYAS THAMS CAD KYI YE SHES GCIG TU BSDUS PA'I SGYU 'PHRUL NYID YIN PAR SNGAR GYIS BCAD GONG MA GSUM GYIS LEGS PAR BSGRUBS ZIN PA 'DIR SLAR YANG NGES PA DRANGS NAS BLA MA SANGS RGYAS THAMS CAD KYI NGO BO NYID YIN PAR BLO THAG GCOD DGOS, DE YANG DANG POR RANG GI BLA MA'I KHROD NAS DAD PA SKYE SLA BA ZHIG LAS BCAD BZHI PO 'DI'I STENG NAS SANGS RGYAS DNGOS SU DPYAD SGOM GYIS NGES SHES 'DREN, NGES SHES LHANG NGED RNYED PA NA DE LTAR YIN NO SNYAM PAS RTZE GCIG TU 'JOG SGOM BYED, DE LTAR DPYAD 'JOG ZUNG 'BREL DU YANG NAS YANG DU BSKYANGS PAS MTHAR BLA MA LAS LOGS NA SANGS RGYAS MED, SANGS RGYAS THAMS CAD LAS LOGS NA BLA MA MED PAR BLA MA DANG SANGS RGYAS THAMS CAD 'DRES PA LTA BUR SONG NA 'DI'I MYONG BA SKYES PA YIN NO, ,DES NA RANG LA KA KHA SLOB MKHAN TSUN GYI BLA MA GZHAN RNAMS KYANG RTZA BA'I BLA MA DE'I RNAM ROL YIN PAR GONG GI GAR MKHAN DANG, SPYAN RAS GZIGS KYIS BOD 'DUL BA'I RIGS BA MAR BLANGS TE BSGOMS PAS MTHAR RANG GI BLA MA THAMS CAD GCIG TU 'DRES PA LTA BUR SONG NAS RGYUN DU MNANGS CHUNG BYED SA'I BLA MA ZHIG LA'ANG MA GUS PA CUNG ZAD BGYIS KYANG BLA MA'I GTZO BO DE LA MA GUS PAR BYAS PA LTA BUR SONG NAS 'JIGS ZHUM ZHUM BYUNG NA BSHES GNYEN BSTEN TSUL GYI MYONG BA SKYES PA YIN NO, ,DE LTAR YANG DANG YANG DU BSAMS PAS RANG GI BLA MA THAMS CAD SANGS RGYAS YIN PAR NGES SHES SNYING THAG PA NAS SKYES PA NA RANG GI BLA MA DE GANG GIS @037B SPRUL SNYAM DU SPRUL GZHI RTZAD BCAD PA NA SANGS RGYAS RNAMS NI RANG GI BLA MA'I SPRUL GZHI DANG, RANG GI BLA MA NI SANGS RGYAS THAMS CAD KYI SPRUL PA STE DE NI BLA MA SPRUL PA'I SKU DANG, DE YANG MTHAR GTUGS NA LONGS SKU RGYAL BA RDO RJE 'CHANG GI SPRUL PA YIN TE, BLA MA MCHOD PA LAS, GANG GI THUGS RJES BDE PA CHEN PO'I DBYINGS, ,SKU GSUM GO 'PHANG MCHOG KYANG SKAD CIG LA, ,STZOL MDZAD BLA MA RIN CHEN LTA BU'I SKU, ,RDO RJE CAN ZHABS PADMO PHYAG 'TSAL LO, ,ZHES DANG, GONG DU DRANGS PA'I BLA MCHOD KYI LUNG, RAB 'BYAMS RGYAL BA KUN GYI YE SHES NI, ,SOGS DANG, BLA MA RGYANG 'BOD LAS KYANG, YE SHES SGYU MA'I RANG SNANG RGYAL BA YAN LAG BDUN LDAN, ,DE NYID DRIN CAN BLA MA KUN GYI SPRUL GZHI MTHAR THUG ,BLA MA LONGS SPYOD RDZOGS SKUR SNYING NAS GSOL BA 'DEBS SO, ,ZHES BLTAR BLA MA THAMS CAD RGYAL BA RDO RJE 'CHANG NYID KYI SPRUL PA YIN PAS, MTHAR GTUGS NA RGYAL BA RDO RJE 'CHANG NYID RANG GI BLA MA YIN NO, ,RDO RJE 'CHANG DE YANG GANG LAS BYUNG SNYAM NA BDE CHEN CHOS KYI SKU BZHIN LAG GI RNAM PA CAN DU SHAR BA YIN PAS, RANG GI BLA MA'I SPRUL GZHI YANG MTHAR GTUGS NA SANGS RGYAS THAMS CAD KYI YE SHES GCIG TU BSDUS PA'I BDE CHEN CHOS KYI SKU NYID RANG GI BLA MA MTHAR THUG PA YIN NO, ,DE LTAR SANGS RGYAS RGYANG 'BOD LAS, SANGS RGYAS KUN GYI YE SHES BDE CHEN CHOS SKU RA RO GCIG ,DE NYID DRIN CAN BLA MA KUN GYI RANG BZHIN MTHAR THUG ;BLA MA CHOS KYI SKU LA SNYING NAS GSOL BA 'DEBS SO, ,ZHES DANG, BLA MCHOD LAS, SGRIB MED LHAN SKYES DGA' BA'I ROL BA DANG, ,ZHES SOGS DANG, SHER PHYIN RDOR GCOD LAS KYANG, GANG DAG NGA LA GZUGS SU BLTA, ,GANG DAG NGAL SGRAR SHES PA, ,LOG @038A *, ,PA'I LAM DU ZHUGS PA STE, ,SKYE BO DE DAG NGA MA MTHONG, ,SANGS RGYAS RNAMS NI CHOS NYID BLTA, ,'DREN PA RNAMS NI CHOS KYI SKU, ,ZHES GSUNGS SO, ,DE LTAR NA SANGS RGYAS THAMS CAD KYI YE SHES CHOS KYI DBYINGS SU RO GCIG PA'I YE SHES BLA MA BDE CHEN CHOS SKU DE NYID BZHIN LAG GI RNAM PA CAN GYI BLA MA LONGS SPYOD RDZOGS SKU RGYAL PA RDO RJE 'CHANG GI RNAM PAR BZHENGS, DE NYID BLA MA SPRUL PA'I SKU THA MAL PA'I BSHES GNYEN GYI RNAM PAR BSTAN PA YIN TE, RGYANG 'BOD LAS, JI SNYED GDUL BYA'I KHAMS BZHIN SNA TSOGS SPRUL PA'I ROL GAR, ,DE NYID DRIN CAN BLA MA LONGS SPYOD RDZOGS SKU'I RNAM 'GYUR, ,BLA MA SPRUL PA'I SKU LA SNYING NAS GSOL BA 'DEBS SO, ,ZHES DANG, BLA MCHOD LAS KYANG, BDE GSHEGS SKU GSUM RGYAN GYI 'KHOR LO NI, ,ZHES SOGS GSUNGS PA LTAR RO, ,DE'I PHYIR RANG GI RTZA BA'I BLA MA DE NI SKU GSUM DBYER MED KYI ROL PA RANG GI BLA MA GCIG PU'I GZUGS SU SHAR BA YIN PAS RANG GI BLA MA NI SKU GSUM DBYER MED GCIG TU BSDUS PA'I NGO BO'AM BDAG NYID DU THAG CHOD, SKU BZHI'I BDAG NYID KYI DON YANG 'DI LTA BU LA NGES PA RNYED DGOS, DE DANG MTHUN PAR RGYANG 'BOD LAS KYANG, SKU GSUM DBYER MED ROL PA BLA MA'I GZUGS SU SHAR BA, ,DE NYID DRIN CAN BLA MA KUN GYI NGO BO GCIG NYID, ,SKU GSUM DBYER MED BLA MAR SNYING NAS GSOL BA 'DEBS SO, ,ZHES PA LTAR BSAM, DE LTAR NA RANG GI BLA MA YANG SANGS RGYAS DANG, SANGS RGYAS RNAMS KYANG RANG GI BLA MA YIN, 'DI YI DAM DANG LHAG PA'I LHA GZHAN THAMS CAD LA'ANG 'DRA STE, BLA MA NYID MGON PO, MGON PO NYID BLA MA @038B ZHES GSUNGS PA DANG GNAD GCIG PA YIN GSUNGS, DE LTAR RANG GI BLA MA DE SKU GSUM GYI BDAG NYID YIN PAR NGES PA RNYED NA BLA MCHOD LAS, KUN MKHYEN YE SHES ROL PA LAS BYUNG BA'I, ,ZHES SOGS DANG, 'DUS PA'I SMON LAM LAS, RIGS BRGYA RIGS LNGA RIGS GSUM RIGS GCIG TU, ,'CHAR BA'I SKU YI RDO RJE, ZHES SOGS GSUNGS PA LTAR GSANG BDE 'JIGS GSUM, DGYES RDOR, DUS 'KHOR SOGS RGYUD SDE BZHI'I LHA TSOGS, PHRENG BA'I DKYIL 'KHOR ZHE LNGA, MI TRA'I DKYIL 'KHOR BRGYA PHRAG , RIN 'BYUNG, SGRUB THABS RGYA MTSO, SGRUB THABS BRGYA RTZA, SNAR THANG BRGYA RTZA SOGS LHA TSOGS STONG LA NYE BA, GZHAN YANG RANG GIS GANG SHES PA'I DKYIL 'KHOR GYI 'KHOR LO JI SNYED CIG SNANG BA THAMS CAD BLA MA BDE CHEN CHOS KYI SKU'I RNAM 'GYUR BLA MA LONGS SPYOD RDZOGS SKU'I SPRUL PA SHA STAG YIN PAR NGES NUS SHING, DE THAMS CAD RANG GI BLA MA LAS MI 'DA' ZHING RANG GI BLA MA NYID YIN, DE DAG PHAR SPRO BA PO RANG GI BLA MA NYID YIN PAS RIGS THAMS CAD LA PHAR KHYAB CING, DE DAG TSUR BSDU NA'ANG RIGS BRGYA RIGS LNGA DANG, DE RIGS GSUM DANG, DE GSANG CHEN RIGS GCIG BLA MA RDO RJE 'CHANG GCIG GI NGO BOR BSDU BAS NA BDAG PO STE BLA MA NI DE THAMS CAD KYI BYED PA PO KHYAB BDAG NYID YIN PAS RIGS BRGYA'I KHYAB BDAG CES SOGS KYANG 'DI MGO DGOS, DE LTAR YANG RGYANG 'BOD LAS, RIGS BRGYA RIGS LNGA RIGS GSUM JI SNYED SPRO YANG BLA MA, ,DE KUN GANG DU BSDU BA'I KHYAB BDAG NYID KYANG BLA MA, ,BLA MA RIGS KUN BDAG POR SNYING NAS GSOL BA 'DEBS SO, ,ZHES PA LTAR RO, ,DE'I PHYIR @039A *, ,KLU SGRUB DANG RJE TZONG KHA PA SOGS BLA MA KUN 'DUS, YI DAM KUN KYANG BLA MA LAS LOGS SU MED PAS YI DAM KUN 'DUS, SANGS RGYAS THAMS CAD KYANG BLA MA LAS LOGS NA MED PAS SANGS RGYAS KUN 'DUS TE, RGYANG 'BOD LAS; YI DAM ZHI KHRO RAB 'BYAMS KUN KYANG BLA MA'I RANG BZHIN, ,DRIN CAN BLA MA NYID LAS YI DAM LOGS SU MED PAS, ,YI DAM KUN 'DUS BLA MAR SNYING NAS GSOL BA 'DEBS SO, ,ZHES DANG, SANGS RGYAS KUN GYI SPYI GZUGS BLA MA'I RNAM PAR SHAR BAS; ;DRIN CAN BLA MA NYID LAS SANGS RGYAS LOGS SU MI DMIGS, ,SANGS RGYAS KUN 'DUS BLA MAR SNYING NAS GSOL BA 'DEBS SO, ,ZHES PA LTAR RO, ,DE LTAR BLA MA NI RDO RJE 'CHANG NYID YIN CING, RDO RJE 'CHANG GI PHUNG PO LNGA BDE GSHEGS LNGA DANG, KHAMS BZHI YUM BZHI, SKYE MCHED RTZA RGYUS TSIGS RNAMS BYANG SEMS, YAN LAG RNAMS KHRO BO'I RANG BZHIN YIN PAS BLA MA'I PHUNG KHAMS SKYE MCHED SOGS KYANG RGYAL BA RDO RJE 'CHANG BZHIN DU RIGS LNGA YAB YUM DANG, KHRO BO SOGS CI'I PHYIR MA YIN TE LOS YIN, DE LTAR YIN PA YANG BLA MCHOD LAS, KHYOD KYI PHUNG KHAMS SKYE MCHED YAN LAG RNAMS, ,ZHES SOGS GSUNGS, DES NA BLA MA NI BDE GSHEGS RIGS LNGA SOGS SANGS RGYAS, SA SNYING, PHYAG RDOR SOGS DGE 'DUN, THUGS RGYUD KYI SPANGS RTOGS DAM CHOS TE BLA MA MCHOG GSUM GYI BDAG NYID KYANG YIN TE, RGYANG 'BOD LAS, SANGS RGYAS CHOS DANG DGE 'DUN KUN GYI BYED PO BLA MA, ,GCIG CHOG SKYABS GSUM KUN 'DUS DRIN CAN BLA MA NYID YIN, ,SKYABS KUN 'DUS ZHAL BLA MAR SNYING NAS GSOL @039B BA 'DEBS SO, ,ZHES DANG, RGYUD LAS, BLA MA SANGS RGYAS BLA MA CHES, ,DE BZHIN BLA MA DGE 'DUN TE, ,KUN GYI BYED PO BLA MA YIN, ,BLA MA DPAL LDAN RDO RJE 'CHANG, ,ZHES GSUNGS PA'I PHYIR RO, ,GZHAN YANG RGYAL BA THAMS CAD KYI MKHYEN BRTZE NUS GSUM RIGS GSUM MGON PO'I RNAM PAR SHAR BA YIN LA, BLA MA YANG RGYAL BA KUN GYI MKHYEN BRTZE NUS GSUM GCIG TU BSDUS PA'I RANG GZUGS YIN PAS 'PHAGS MCHOG RIGS GSUM MGON PO YANG RANG GI BLA MA NYID YIN CING, BLA MA YANG RIGS GSUM MGON PO GCIG BSDUS KYI BDAG NYID YIN TE, RGYANG 'BOD LAS, RGYAL KUN MKHYEN BRTZE NUS PA'I RANG GZUGS BLA MAR SHAR BAS, ,'PHAGS MCHOG RIGS GSUM MGON KYANG DRIN CAN BLA MA NYID YIN, ,RIGS GSUM GCIG 'DUS BLA MAR SNYING NAS GSOL BA 'DEBS SO, ,ZHES PA LTAR RO, , DE DAG RNAMS LA NGES SHES KYIS MYONG BA LEGS PAR THON NA RTZA BA DAD PA SBYANG BA'I MYONG BA'I MTHAR THUG PA SKYES PA YIN NO, ,BLA MCHOD KYI, BDAG NYID BLA MA LHAR GYUR NAS, ,ZHES SOGS DANG, BLA MA LHA'I GO 'PHANG MNGON DU BYAS, ZHES PA DANG, GZHAN YANG, RANG NYID BLA MA'I GO 'PHANG THOB CES PA DANG, BLA MA DANG THUGS YID GCIG TU 'DRES ZHES PA RNAMS KYANG RANG NYID MNGON PAR SANGS RGYAS PA NA BDE CHEN CHOS SKU'I KLONG DU BLA MA'I GSANG BA GSUM DANG RANG GI SGO GSUM PO DBYER MED RO GCIG TU 'DROS PA NYID LA BYED DO, , DE'I DON RGYANG 'BOD LAS KYANG, GZUNG 'DZIN SHUN PA BUD PA'I GNYUG MA'I RANG ZHAL RJEN PA, ,GNAS LUGS DON GYI BLA MA MJAL BAR BYIN GYIS RLOBS SHIG ,SGRIB GNYIS SPROS PA ZAD PA'I BDE CHEN CHOS SKU'I KLONG DU, ,RANG DANG BLA MA'I GSANG GSUM GCIG TU @040A *, ,BYIN GYIS RLOBS SHIG ,CES PA LTAR YIN GSUNGS, ` GNYIS PA BKA' DRIN RJES SU DRAN NAS GUS PA BSKYED PA LA BZHI, BLA MA SANGS RGYAS LAS LHAG PA'I BKA' DRIN, CHOS GSUNGS PA'I BKA' DRIN, SHES RGYUD BYIN GYIS BRLABS PA'I BKA' DRIN, ZANG ZING GIS 'KHOR DU BSDUS PA'I BKA' DRIN NO, ,DANG PO LA GNYIS, SPYIR SANGS RGYAS THAMS CAD PAS LHAG PA'I BKA' DRIN, SGOS STON PA THUB PA'I DBANG PO LAS LHAG PA'I BKA' DRIN NO, ,DANG PO NI, SPYIR YON TAN GYI NGOS NAS BLA MA SANGS RGYAS THAMS CAD DANG YON TAN MNYAM YANG, BKA' DRIN GYI NGOS NAS SANGS RGYAS THAMS CAD LAS KYANG BLA MA BKA' DRIN CHE STE, BLA MCHOD LAS, SANGS RGYAS GRANGS MED BYON BSAM THUL BA'I, ,ZHES SOGS GSUNGS PA LTAR SNGON 'DAS PA'I SANGS RGYAS GRANGS MED PA BYON TE RANG RANG GI GDUL BYA GRANGS MED PA RE 'BRAS BU BZHI PO CI RIGS LA BKOD DE GROL BA THOB PAR MDZAD KYANG RANG NI DE DAG GIS KYANG 'DUL BAR MA NUS PA YIN, DER MA ZAD STON PA SANGS RGYAS KYIS SLOB PA LAM GYI GNAS SKABS SU TSOGS BSAGS YUL TZAM LA'ANG, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB PA YIN, ,ZHES SANGS RGYAS SH'AKYA THUB CHEN NAS RIN CHEN GTZUG TOR CAN 'JIG RTEN DU BYON PA'I BAR LA GRANGS MED DANG PO DANG, DE NAS MAR ME MDZAD YAN GRANGS MED GNYIS PA, DE NAS SANGS RGYAS RNAM GZIGS BAR GRANGS MED GSUM PA'I TSOGS BSAGS PAR GSUNGS PA RNAMS BYE BRAG SMRA BA'I MDZOD KYI LUGS DANG, GZHAN DU 'DUL BA LUNG GZHI LTAR NA, SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR, ,BDUN KHRI LNGA STONG TSANG BA @040B YI; ;SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNGS BAR DAG TU; ;BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES GSUNGS PA LTAR GRANGS MED DANG POR SANGS RGYAS SH'AKYA THUB CHEN NAS DE BZHIN GSHEGS PA YUL 'KHOR SKYONG GI BAR LA SANGS RGYAS BDUN KHRI LNGA STONG DANG, GRANGS MED GNYIS PAR SANGS RGYAS LEGS MDZAD NAS DBANG PO RGYAL MTSAN BAR SANGS RGYAS BDUN KHRI DRUG STONG, GRANGS MED GSUM PAR SANGS RGYAS MAR ME MDZAD NAS 'OD SRUNGS KYI BAR SANGS RGYAS BDUN KHRI BDUN STONG LA BSNYEN BKUR BAR GSUNGS, 'DI DAG THEG PA THUN MONG BA'I DBANG DU MDZAD PA LAS, THEG CHEN LTAR NA, ZLA BA SGRON ME'I MDO DANG, MDO PHAL PO CHE, MDO SDE DKON MCHOG SPRIN SOGS LAS SANGS RGYAS BYE BA KHRAG KHRIG DPAG TU MED PA GANG+G'A'I KLUNG GI BYE MA SNYED LA MCHOD CING BSNYEN BKUR BAR GSUNGS PA SOGS SANGS RGYAS GRANGS MED DE TZAM BYON YANG BDAG 'DUL BA'I SKAL BAR MA GYUR, BSKAL PA 'DI'I DBANG DU BYAS NA'ANG TSE LO BRGYAD KHRI'I DUS SU SANGS RGYAS 'KHOR BA 'JIG ,BZHI KHRI'I DUS SU GSER THUB, NYI KHRI'I DUS SU 'OD SRUNGS RNAMS BYON NAS GDUL BYA DE TZAM SGROL BAR MDZAD KYANG BDAG 'DUL BA'I SKAL BAR MA GYUR PAR LUS, DE LTA BLA MA 'DIS BDAG 'DUL BAR MDZAD PAS BKA' DRIN DE BAS CHE BA CI ZHIG YOD, ` GNYIS PA SGOS STON PA THUB PA'I DBANG PO LAS LHAG PA'I BKA' DRIN NI, BLA MCHOD LAS, THUB PA'I NYI MA DUS KYIS @041A *, ,NUB GYUR TE, ,SOGS LTAR 'DAS PA'I SANGS RGYAS RNAMS DANG, BSKAL BZANG 'DI'I RNAM 'DREN STONG GIS 'DUL BAR MA NUS PA'I RTZOD DUS TSE LO BRGYA BA'I DUS KYI SNYIGS MA LNGA BDO'I 'GRO BA RNAMS BDAG CAG GI STON PA SNGON 'KHOR SGYUR RTZIBS KYI MU KHYUD KYI MDUN NA 'DON BRAM ZE RGYA MTSO'I RDUL DU GYUR SKABS, DES BSKUL TE SANGS RGYAS RIN CHEN SNYING PO'I DRUNG DU 'KHOR SGYUR SRAS STONG DANG BCAS PA SOGS DANG, BRAM ZE'I RIG BYED SLOB PA STONG SOGS RE RES GDUL ZHING RE BZUNG BAR THUGS BSKYED KYANG TSE LO BRGYA PA SNYIGS MA LNGA BDO 'DIR THUGS BSKYED MA NUS PAR LUS PA NA, BRAM ZE RGYA MTSO'I RDUL RANG NYID KYIS RTZOD DUS 'DI'I 'GRO BA RNAMS 'DUL BAR THUGS BSKYED DE SMON LAM CHEN PO LNGA BRGYA BTAB PAR MDZAD PAS, LHA RNAMS KYIS KYANG SANGS RGYAS STONG LAS PADMA DKAR PO LTA BU'O ZHES BSNGAGS PA LTAR TSE LO BRGYA PA'I DUS SU 'PHAGS YUL DU BYON NAS GDUL BYA GRANGS MED PA SMIN GROL LA BKOD PA LTA CI, MA GA DHA BZANG MOS SPYAN DRANGS PA'I PHEBS LAM NAS GSHEGS PA'I RING GCIG PUR YANG SROG CHAGS STONG PHRAG BDUN CU DON BDUN SMIN GROL LA BKOD PAR MDZAD KYANG RANG NI LAS KYI SGRIB PAS NON TE NGAN SONG GI GTING DU BSDAD PAS GANG YANG GNANG THABS MA BYUNG ZHING, 'DUL SKAL DU MA GYUR BAR LUS, DE RJES SU YANG NYAN THOS 'OD SRUNGS CHEN PO DANG, KUN DGA' BO, SHA NA'I GOS CAN, NYER SBAS, DHI DHI KA, NAG PO PA, LEGS MTHONG CHEN PO STE BSTAN PA'I GTAD RABS BDUN DANG, DE'I NANG NAS 'PHAGS PA NYER SBAS GCIG @041B PUS KYANG 'GRO DON MTHA' YAS BA MDZAD CING, GAR MKHAN DPA' BO'I GTZUG LAG KHANG ZHES PAR NYIN BDUN GYI RING CHOS BSTAN PAS KYANG BDEN PA MTHONG BA 'BUM PHRAG BCO BRGYAD BYUNG BA DANG, PHUG PA SRID DU KHRU BCO BRGYAD DANG, RGYAR KHRU BCU GNYIS, DPANGS SU KHRU DRUG YOD PA ZHIG TU, SLOB MA DGRA BCOM PA RE RE BYUNG DUS SO SHING SOR BZHI PA RE DOR BAS PHUG PA KHENGS PA BYUNG, 'DI LA STON PA MTSAN BZANG MED PA'I SANGS RGYAS SU LUNG BSTAN, DGRA BCOM PA NYI MA GUNG PA SOGS KYIS KYANG SANGS RGYAS DNGOS LTA BU'I 'GRO DON MDZAD KYANG RANG CAG NI GANG YANG MA BYUNG, DE RJES RGYAN DRUG MCHOG GNYIS, GRUB CHEN BRGYAD CU SOGS DANG, BOD 'DIR YANG BSTAN PA SNGA DAR LA MKHAN SLOB CHOS GSUM GYI SKU DUS SU RJE 'BANGS NYER LNGA SOGS KYI SKABS BRAG YER PA GCIG PUR YANG GSANG SNGAGS RNYING MA'I GRUB THOB YER BA'I GRUB CHEN BRGYAD CUR GRAGS PA SOGS GRANGS MED BYON, PHYI DAR LA JO BO YAB SRAS SOGS KYI SKU DUS SU BKA' GDAMS PA'I DGE BSHES GRANGS MED PA BYUNG BA RNAMS MTSAN DU DGE BSHES ZHES GSOL BA LAS, DON LA GRUB THOB BSAM GYIS MI KHYAB, DER MA ZAD SA CHEN GONG MA RNAM LNGA, BKA' BRGYUD KYI MAR MI YAB SRAS RNAMS DANG, MID LA GCIG PUR YANG SLOB MA GRUB THOB NYER BRGYAD DANG, LAM SNA ZIN PA STONG PHRAG BRGAL BA BYUNG, LHAG PAR 'JAM MGON TZONG KHA PA YAB SRAS SOGS SKYES CHEN DAM PA GRANGS MED PA DE TZAM BYON NAS RANG RANG GI GDUL BYA GRANGS LAS 'DAS PA MKHAS GRUB GNYIS LDAN NAM MKHA'I SKAR TSOGS LTA BU SMIN GROL LA 'GOD PAR MDZAD KYANG, RANG NI DE DAG GI SKABS SU DMYAL BA YI DVAGS SOGS SU 'KHYAMS TE 'DUL SKAL DU MA GYUR PAS 'DREN THABS MDZAD MA THUB CING, BAG CHAGS TZAM YANG MED @042A *, ,PA'I RTAGS YIN, BAG CHAGS YOD NA, MGON PO KLU SGRUB KYIS CHOS GSUNGS PA PHUG RON ZHIG GIS YANG YANG THOS PAS DE SHI NAS KLU SGRUB KYI SLOB MA KLU YI BYANG CHUB TU GYUR PA DANG, SLOB DPON DBYIG GNYEN GYIS CHOS MNGON PA GSUNGS PHA PHUG RON ZHIG GIS RGYUN DU THOS PAS, PHYIS SLOB DPON DBYIG GNYEN GYI SLOB MA MNGON PA RANG LAS MKHAS PA SLOB DPON BLO BRTAN DU GYUR PA LTA BU 'BYUNG BA LA, RANG NI DE DAG GIS KYANG 'DUL BAR MA NUS PA'I SKAL CHAD, NYAM THAG , GYONG RGAN, MA RUNGS PA BDAG LTA BU BLA MA 'DIS RJES SU MA BZUNG NA CI 'DRAR 'GYUR SOMS DANG, DPER NA RANG GCAN GZAN LA SOGS PA MA RUNGS PA DU MAS KHENGS PA'I BYANG THANG 'BROG DGON PA 'JIGS SU RUNG BA ZHIG TU SKYABS MED MGON MED DU LUS PA'I TSE NYI ZLA DANG SKAR MA THAMS CAD NUB STE MUN PA'I NANG DU MYA NGAN GYIS NYAM THAG PA'I DUS SU MI ZHIG GIS SGRON ME BTEG STE LAM BSTAN PAR BYUNG NA BKA' DRIN JI LTAR CHE BA DE BZHIN DU SNGON BYON GYI SANGS RGYAS BYANG SEMS PAn GRUB GRANGS MED THAMS CAD 'DAS ZIN TE MGON DANG SKYABS SU YANG MED PA'I DUS SU DA LTA'I BLA MA 'DIS CHOS GSUNGS TE 'DREN THABS MDZAD PA 'DI LAS BKA' DRIN CHE BA MED, DA LTA RANG GIS CUNG ZAD DRAN SHES BAG YOD BYA THUB PA 'DI YANG BLA MA 'DI'I BKA' DRIN MIN NA GZHAN CI YIN, RANG GI BLA MA 'DIS THEG PA CHEN PO'I LAM MA NOR BAR BSTAN NAS 'DREN PAR MDZAD PAS DA LTA'I BLA MA 'DI NI SNGAR GYI DE THAMS CAD LAS BKA' DRIN CHE, DES NA SANGS RGYAS DANG BLA MA GNYIS YON TAN GYI NGOS NAS MNYAM YANG, BKA' DRIN GYI NGOS NAS BLA MA BKA' DRIN CHE BA @042B YIN TE, MKHAS GRUB THAMS CAD MKHYEN PAS KYANG, RGYAL BA KUN LAS LHAG PA'I THUGS RJE CAN, ,ZLA MED BLA MA MCHOG LA GSOL BA 'DEBS, ,ZHES GSUNGS PA YANG DON 'DI LA DGONGS PA YIN NO, ,DE LTAR NA BLA MA 'DIS BDAG 'DI LTA BU'I BKA' DRIN GYIS MA BSKYANGS NA LONG BZANG STONG DU LUS PA LTA BU, SMYON PA G-YANG KHAR 'KHRAL PA LTA BU 'BYUNG RGYU MA YIN NAM, DE LTAR MA BYUNG BA BLA MA'I BKA' DRIN NYAG GCIG YIN, DE 'DRA'I BKA' DRIN GYIS CHE BA LA SNYAM DU BSAM, ` GNYIS PA CHOS GSUNGS PA'I BKA' DRIN NI, SNGON STON PA SANGS RGYAS KYIS SKU TSE SNGA MA MANG POR CHOS TSIGS BCAD RE RE'I DON DU'ANG RGYAL PO BYI LING GAR LI TAR 'KHRUNGS PA'I TSE SKU LUS LA LCAGS GZER STONG BTAB PA DANG, RGYAB PO GAN SHA PA LIR GYUR PA'I CHO SKU LA MANG ME STONG SBAR BA DANG, RGYAL PO KHA DOG DAM PAR GYUR PA'I TSE SHIN TU GCES PA'I BTZUN MO DANG, SRAS SOGS GNOD SBYIN GTUM POR ZAR BCUG PA DANG, DRANG SRONG GI STON PA AUTA TA LIS RANG GI PAGS PAS SHOG BU, RUS PAS SMYUG GU, KHRAG GIS SNAG TSAR BYAS TE CHOS NYAN CING BRIS PA SOGS DKA' SPYAD DE TZAM MDZAD PA YIN ZHES SKYABS MGON BLA MA RIN PO CHE'I GSUNG RGYUN YIN GSUNGS, JO BO CHEN POS KYANG CHOS BYANG CHUB LAM RIM 'DI'I DON DU RGYA MTSO CHEN POR GRU GZINGS KYI NANG DU ZLA BA BCU GSUM BAR BYON TE DKA' SPYAD DE TZAM ZHIG MDZAD, LHA BLA MA YE SHES 'OD DANG, BYANG CHUB 'OD KYIS KYANG CHOS KYI DON DU SKU SROG DANG GSER MANG PO BLOS BTANG BA SOGS DKA' SPYAD SNYING RUS DE LTAR MDZAD DGOS BYUNG BA RED, DAM PA 'GA'I ZHAL NAS, ME TSOGS SPU GRI'I SO YANG BRGAL NAS NI, ,'CHI MTHA' THUG GI BAR DU DAM @043A *, ,CHOS BTZAL, ,GSUNGS PA LTAR CHOS PHYIR DKA' BDE 'DRA SPYOD DGOS PA YOD, DER MA ZAD SNGON GYI LO TZ'A BA RNAMS KYIS KYANG CHOS KYI PHYIR DU YO BYAD GANG YOD GSER DU BSGRIL NAS RGYA GAR GYI YUL THANG CHEN PO BGROD NYIN CHE LA GCAN GZAN DANG DUG SPRUL MANG ZHING 'JIGS PA CHE BA LA LUS SROG KHYAD DU BSAD NAS SKAD DANG YI GE MTHA' DAG GZHI NAS BSLAB CING BSGYUR, PHEBS LAM DU'ANG DKA' SPYAD SNYING RUS KYIS PHEBS PA YIN TE, MAR PA LO TZ'A BAS KYANG, GCAN 'PHRANG DANG CHU LA THAR DUS MED, ,NAGS MTHUG PO ZHIG LA THON DUS MED, ,LAM RING PO ZHIG LA BGROD DUS MED, ,SHING SDONG PO MI RO RENGS PA 'DRA, ,LAM DE KUN GYI 'JId PA MTHONG BA RNAMS, ,DUS DA LTA DRAN YANG GLO SNYING 'DRA, ,CES GSUNGS PA LTAR DKA' SPYAD DE TZAM MDZAD DGOS BYUNG YANG, NGA RANG TSOS NI DKA' SPYAD DE LTA BU'I CHA SHAS TZAM YANG MI DGOS PAR BYANG CHUB LAM GYI RIM PA'I GDAMS NGAG ZAB LA RGYA CHE BA 'DI LTA BU LA THOS BSAM SGOM GSUM BYED RGYU YOD PA 'DI BLA MA KHO NA'I BKA' DRIN YIN PAS SHIN TU BSOD NAMS CHEN PO DANG LDAN PA YIN TE, JO BO RJES, KHYOD KYIS DKA' BA'I LAS MA BGYIS PAR SNYING PO'I DON RNYED PA BSOD NAMS SHIN TU CHE BA YIN, LEGS PAR NAN TAN DU BGYIS SHIG GSUNGS, BLA MA TSOS RANG LA TSIGS BCAD GCIG BSTAN PA'I BKA' DRIN YANG GSO THABS MED NA, MDO SNGAGS KYI LAM YONGS RDZOGS BSTAN PA'I BKA' DRIN NI GZHAL DU MED DE, BDUD RTZI'I SNYING PO LAS, TSIGS BCAD GCIG BSTAN PI GE'I GRANGS SNYED KYI, ,BSKAL PAR MCHOD KYANG BKA' DRIN MI 'KHOR BAR, ,GSUNGS NA YONGS @043B RDZOGS LAM BZANG NYER BSTAN PA'I, ,BKA' DRIN 'DI NI GANG GIS GZHAL BAR NUS, ,ZHES TSIGS BCAD RE RE BSTAN PA'I BKA' DRIN LA'ANG BSKAL PAR MCHOD KYANG BKA' DRIN MI 'KHOR BAR GSUNGS PA'I TSUL LA SOMS DANG, GZHAN YANG BDUD RTZI'I SNYING PO LAS, 'DI LTAR MI ZHIG BTZON RAR SDUG BSNGAL TSE, ,GANG GIS BTZON KHANG DE LAS BLUS NAS NI, ,LONGS SPYOD PHUN TSOGS GNAS LA SBYAR BYAS NA, ,DE YANG BKA' DRIN CHE BAR BYED DGOS MOD, ,DES NA BLA MA RNAMS KYIS BDAG CAG LA, ,NGAN SONG GSUM LAS THAR BA'I THABS BSTAN TE; ;RE ZHIG LHA DANG MI YI DPAL 'BYOR LA, ,'DOD DGUR SPYOD PA'I BKA' DRIN SBYIN PAR MDZAD, ,DE NAS 'KHOR 'DAS RGUD PA KUN ZHI BA'I, ,THABS TSUL BLA NA MED PA LEGS BSTAN NAS, ,SKU GSUM GO 'PHANG DAM PAR 'KHRID MDZAD PA'I, ,BKA' DRIN 'DI NI CI YI PHYIR MI CHE, , ZHES GSUNGS PA LTAR MI ZHIG BTZON KHANG DU YOD PA MI CHA MED RGYUS MED NGO MI SHES PA GZHAN ZHIG GIS BRTZON RA LAS BTON, ,RGYAL BO'I RGYAL SRID LTA BU'I LONGS SPYOD LA SBYAR NA, DES TSE 'DI'I BTZON KHANG LAS BTON, GNAS SKABS KYI RGYAL SRID LA SBYAR BA TZAM YIN KYANG DE YANG SHIN TU BKA' DRIN CHE BA MIN NAM, DE YIN NA BLA MA NI DE BAS KYANG BKA' DRIN SHIN TU CHE STE, BLA MAS GNAS SKABS RANG NGAN SONG GSUM LAS BTON, LHA DANG MI'I BDE SKYID LA BKOD, MTHAR THUG THAR PA DANG THAMS CAD MKHYEN PA'I GO 'PHANG LA 'GOD PAR MDZAD PAS BKA' DRIN 'DI LAS CHE BA SU ZHIG YOD, GZHAN YANG DPER NA, MI ZHIG GIS DUG KYANG ZOS, ZAS KYANG ZOS, SMAN YANG ZOS TE 'CHI BA LA THUG PA'I TSE SMAN PA MKHAS PA ZHIG GIS DUG ZOS PA DE SKYUGS SU BCUG ,ZAS ZOS PA DE SMAN DU BSGYUR, SMAN @044A *, ,ZOS PA DE 'CHI MED KYI BDUD RTZIR BSGYUR NA NAD PA DE LAS DON CHE BA DANG, SMAN PA DE LAS BKA' DRIN CHE BA MED, DE BZHIN DU BLA MA MTSAN NYID DANG LDAN PA ZHIG GIS SLOB MA DAD MOS SNOD DANG LDAN PA ZHIG LA NGAN 'GROR SKYE 'GYUR GYI LAS BSAGS PA RNAMS GNYAN PO STOBS BZHI'I SGO NAS BSHAGS SU BCUG ,BSDOM DU BCUG ,TSE 'DI'I DON DU BYAS PA'I DGE RTZA RNAMS PHYI MA'I DON DU BSGYUR, PHYI MA LHA MI'I DON DU BYAS PA'I DGE RTZA RNAMS THAR PA DANG THAMS CAD MKHYEN PA'I RGYUR BSNGOR BCUG NA, SLOB MA DE LAS DON CHE BA DANG BLA MA DE LAS BKA' DRIN CHE BA MED, RANG YANG DANG POR CI YANG MI SHES PA BONG BU MI'I GZUGS CAN LTA BU ZHIG YOD PA LA, DA LTA BONG BU MI KHYUR TSUD PA 'DI BLA MA'I BKA' DRIN NYAG GCIG YIN TE, RANG LA BLA MA 'GA' SHAS KYIS KA KHA BSLAB, 'GA' SHAS KYIS SDOM PA GNANG, 'GA' SHAS KYIS DBANG BSKUR, 'GA' SHAS KYIS KHRID GNANG BA SOGS LAS BYUNG, BLA MA DANG MA 'PHRAD NA KA BONG BU'I MGO TZAM YOD KYANG NGO MI SHES PA LA, DA LTA NYIN RE LA'ANG DPE CHA PO TI RE TZAM KLOG THUB PA 'DI DANG POR KA KHA SLOB PA'I DGE RNAM GYI BKA' DRIN YIN, MNYAM MED JO BO CHEN POS KYANG, NGA LA YON TAN GTAN NAS MED, 'DI RNAMS BLA MA DE DANG DE'I YIN ZHES GSUNGS TSUL, RANG DA LTA SDOM PA GSUM DANG LDAN, GSANG SNGAGS KYI DBANG CHEN DANG, GRONG CHOG TSUN CHAD SHES, GZHAN GYIS RANG LA DGE SLONG LAGS DANG, DGE BSHES LAGS ZER BA DANG, KHYIM GCIG PA'I SPUN RGAN PA MI SKYA DE DANG BAM SOGS KYIS KYANG DGE SLONG LAGS ZER NAS GUS PA BYED CING SKYABS SU 'GRO YUL DU GYUR PA DANG, RANG YANG RGYAL PO'I DPYA KHRAL @044B TSUN CHAD 'BUL MI DGOS PAR DGON PAR CHOS GOS RNAM GSUM GYON NAS SNGOD RGYU YONG PA SOGS PHUN SUM TSOGS PA 'DI THAMS CAD KYANG SDOM PA GNANG MKHAN GYI MKHAN PO DANG, GSANG SNGAGS KYI SGOR 'JUG PAR MDZAD PA'I RDO RJE SLOB DPON SOGS KYI BKA' DRIN YIN, THOG MAR BLA MAS RANG LA SDOM PA GNANG MED NA DA LTA KHYIM DU YOD PA'I SPUN RGAN PA DE DANG KHYAD MED, RANG RE'I BLA MA NI, MI ZHIG MU GES SHI LA KHAD KYI DUS SU ZAN SBYIN MKHAN LTA BU DANG, SANGS RGYAS NI DE SKYID RGYAGS NAS SDOD PA'I DUS SU SHA RGYA RI STER MKHAN DANG 'DRA STE, DA LTA RANG GIS MI SHES, CHOS KYIS PHONGS, SANGS RGYAS BYANG SEMS SU YANG MI MJAL BA'I DUS 'DIR, BLA MAS SANGS RGYAS DNGOS SU MJAL YANG DE LAS LHAG PA STON DU MED PA'I GDAMS NGAG BSTAN PAS BKA' DRIN SHIN TU CHE, BLA MA'I GDAMS NGAG 'DI BSGOMS NAS RANG RTOGS PA YAR TSAD DU SLEBS NAS CHOS RGYUN GYI TING NGE 'DZIN THOB PA NA SANGS RGYAS MANG PO'I ZHAL GZIGS, CHOS STON KYANG DE DUS RANG GIS KYANG CUNG ZAD SHES PAS BKA' DRIN DE TZAM CHE RGYU MED, DE LTAR YANG DGE BSHES PO THABS, BLA MA NI MI LTOGS PA MU GES 'CHI LA KHYAD PA LA ZAN BYIN NAS SROG STER BA DANG 'DRA STE, RANG RE LONG BA LONG KHRID DANG BRAL BA DE NGAN SONG GI G-YANG DU DA LTA LHUNG LA KHYAD PA MTHO RIS DANG THAR PA LA 'JOG 'JUG PA YIN, SANGS RGYAS RNAMS NI MU GES NYEN PA DE 'GRANGS NAS SKYID RGYAGS PA'I DUS SU NOR DNGOS POS PHAN 'DOGS PA DANG 'DRA STE, RANG RE BLA MAS LAM PHUN SUM TSOGS PA LA BKOD ZIN PA NA, GZOD SANGS RGYAS RNAMS KYIS CHOS GSUNG BA LAS MED PAS, RANG RE RNAMS LA SANGS RGYAS RNAMS @045A *, ,LAS KYANG BLA MA SKU DRIN CHE BA YIN GSUNG, DES NA BDAG GI BLA MA 'DIS THAR PA DANG THAMS CAD MKHYEN PA'I GO 'PHANG BDE BLAG TU SGRUB PA'I GDAMS NGAG NAS THAN GRONG CHOG SOGS LTO ZA CHOG YAN SLOB PA'I BKA' DRIN NI GANG GIS GZHAL BAR NUS, DA LTA RANG MKHAS MDOG ,BTZUN MDOG ,BZANG MDOG ,GRUB MDOG SOGS BYED RGYU YOD PA 'DI THAMS CAD AA PHO RANG GIS BYAS NAS BYUNG BSAM YONG STE, DE LTA MIN PAR 'DI THAMS CAD BLA MA'I BKA' DRIN YIN, MI LA BSHAD RGYU, RANG GIS BSAM RGYU, BSGOM RGYU SOGS YON TAN GANG YOD 'DI THAMS CAD DANG, MDOR NA DA LTA JA PHOR GANG 'THUNG RGYU RNYED PA TSUN CHAD NAS MTHAR THUG SANGS RGYAS KYI GO 'PHANG THOB PA MAN CHAD KYI LEGS TSOGS THAMS CAD BLA MA'I BKA' DRIN YIN, RANG GI SHES RGYUD SA RGOD THA RENGS LTA BUR SKAM KHRIG GE YOD PA LA, CHOS KYI RLAN GYIS CUNG ZAD DUL BA 'DI BLA MA'I BKA' DRIN MIN NA GANG YIN SNYAM DU BSAM PAR BYA'O, ` ,GSUM PA SHES RGYUD BYIN GYIS BRLABS PA'I BKA' DRIN NI, BLA MAS CHOS GSUNGS PA'I BKA' DRIN TZAM DU MA ZAD, SHES RGYUD BYIN GYIS BRLABS PA'I BKA' DRIN YANG SHIN TU CHE STE, RTOGS PA RGYUD LA SKYE BA BLA MA'I BYIN RLABS 'JUG PA LA RAG LAS, DE BLA MAS SHES RGYUD BYIN GYIS BRLABS PA LA RAG LAS, DES NA RANG CAG GI RGYUD LA DGE SEMS SNA GCIG SKYES PA TSUN CHAD BLA MAS BYIN GYIS BRLABS PA'I BKA' DRIN YIN, SNGON dOm BHI PAS JO BO RJE BYIN GYIS BRLABS PA'I LO RGYUS ZHIB PAR STZAL, RTOGS PA DON GYI BRGYUD PA'ANG DANG POR DE NAS BYUNG BA YIN, TEE LOS N'A RO PA BYIN GYIS BRLABS TSUL, @045B N'A RO PAS BSGOM MA BRGYAB PAR BDE CHEN LHAN SKYES KYI YE SHES SKYES, DKA' CHEN SHI LA KHAD PA BCU GNYIS SPYAD PAS DKA' CHEN RE RES LAM DUS KYI DBANG RE THOB, DE DAG KYANG BLA MAS SHES RGYUD BYIN GYIS BRLABS NAS RTOGS PA'I YON TAN KHYAD PAR CAN THUGS RGYUD LA 'KHRUNGS, PHUR LCOG NGAG DBANG BYAMS PA SGRUB KHANG RIN PO CHE'I SKU DRUNG SGRUB KHANG RI KHROD DU THOG MAR MJAL KHAR PHEBS SKABS, LAM NAS SGRUB KHANG RIN PO CHES BSNAMS PA'I LCI BA PHAD KHOG SHIN TU CHE BA DE RANG GIS BSNAMS TE YAR SKYE LA, MJAL BA ZHUS PA NA SGRUB KHANG PAS NANG MCHOD HAM PA BRGYAB PA KA LI GANG GNANG NAS BYIN GYIS BRLABS, MID LA'I RNAM MGUR NANG MO BTAB BCUG PAS TSE RING MCHED LNGA DAM PA LA BTAGS TE CHOS LA GZHUGS PA'I MTSAMS SU BABS PAS SGRUB PA BRGYAG DGOS GSUNGS, DE NAS BZUNG STE THUGS RGYUD LA NGES 'BYUNG SKYO SHAS TSAD MED PA 'KHRUNGS TE BSHUM PA 'BA' ZHIG MDZAD DGOS PA SOGS BYUNG BA DANG, RJE BLA MA RDO RJE 'CHANG BKA' DRIN MTSUNGS MED CHEN PO NYID KYANG DVAGS PO BLA MA RIN PO CHE'I SKU MDUN DU LAN GNYIS PA MJAL PHEBS SKABS DVAGS GRVAR BLA MCHOD DANG 'BREL BA'I BRTAN BZHUGS 'BUL SKABS SHIG TU KHEL BAS, DER LHAN DU BZHUGS GSUNGS PA BZHIN RJE NYID TSOGS SU BZHUGS MDZAD SKABS THUGS BZUNG BAR MI NUS PA'I SPYAN CHAB SHIN TU MANG PO BABS TE, 'BRAS SIL ZHIG PHUL SONG BA DE'I BAR SPYAN CHAB MA CHAD PA BYUNG, DE YANG BLA MAS RGYUD BYIN GYIS BRLABS PA'I RTAGS YIN GSUNGS, RANG RGYUD LA DGE SEMS CUNG ZAD SKYES PA YANG BLA MA'I BYIN RLABS 'JUG PA KHO NA LA LTOS, 'JAM MGON TZONG KHA PA CHEN POS, @046A *, ,MNYAN NA TSIG MI ZIN, BSAMS NA DON MI GO ,BSGOMS NA RGYUD LA MI SKYE BA'I BLO'I MTHU SHIN TU CHUNG BA'I DUS SU ZHING GI MTHU LA BRTEN PA MAN NGAG YIN, ZHES GSUNGS PA LTAR THOS BSAM SGOM PA GNAD DU MI 'GRO BA'I TSE BLA MAR GSOL BA BTAB NA BDE BLAG TU 'GRUB PA'ANG SHES RGYUD BYIN GYIS BRLABS PA'I RTAGS YIN, BLA MA LA GSOL BA BTAB PAS NYAMS RTOGS GONG 'PHEL DU 'GRO BA DE YANG BLA MAS SHES RGYUD BYIN GYIS BRLABS PA'I RTAGS YIN, DES NA RANG RES BSAM BSGOM JI LTAR BYAS KYANG NYAMS MYONG RGYUD LAM SKYES PA'I TSE GEGS SEL BOGS 'DON GYIS MCHOG TU GYUR PA'ANG BLA MA LA GSOL BA 'DEBS PA NYID YIN, BLA MAR GSOL BA BTAB NA RGYUD BYIN GYIS BRLABS NAS RTOGS PA BDE BLAG TU SKYE, DE LTAR BOGS 'DON GEGS SEL GYI MCHOG TU GYUR PA YIN PA YANG TEE LO LAS, BOGS 'DON KUN GYI MCHOG GYUR PA, ,BLA MA YIN NO RNAL 'BYOR PA, ,ZHES GSUNGS, SNGAR N'A RO PAS RGYA GAR N'A LEN 'DRA'I BYANG SGO SRUNG PA'I PAndI TA MDZAD DGOS BYUNG SKABS MU STEGS PA LAS RTZOD PA PHAM DU NYE BA NA BLA MA TEE LO PAR GSOL BA BTAB PAS SPYI BOR BYON, SHES RAB KHYAD PAR CAN DE MA THAG TU SKYES TE RTZOD PA LAS RGYAL BA BYUNG BA'ANG SHES RGYUD BYIN GYIS BRLABS PA YIN, BLA MA YUL GZHAN DU GSHEGS PA DANG, ZHING GZHAN DU GSHEGS PA LTA BU'I SKABS KYANG SHES RGYUD BYIN GYIS BRLAB PA NI BAR CHAD PA'I DUS MED, BGEGS DANG BAR GCOD KYI MTSAN MA BYUNG NA'ANG BLA MAR GSOL BA BTAB NA DE MA THUG TU ZHI BAR MDZAD PAS GEGS SEL GYI MCHOG KYANG 'DI YIN, TSE 'DI'I DON CHUNG NGU ZHIG SGRUB PA LA'ANG 'DI ZAB STE, SNGAR RVA SGRENG @046B BA'I MI ZHIG GIS 'BROM STON GYI SKUR MCHOD ME PHUL BAS KHA MCHU SOGS PHAL CHER THOB TSUL GSUNGS, DER MA ZAD, GANG NA GAL CHES 'U THUG PA'I DUS DE DANG DER BLA MAS SKYOB, NAD DANG GDON GYIS ZIN NAS CI BYAS KYANG MI PHAN PA NA BLA MA LA GSOL BA BTAB PAS GROL, KHAMS LUNG PA BYANG CHUB SEMS KYI MNGA' BDAG LTA BU YIN YANG SNGON MA'I LAS KYI 'BRAS BUR 'DE GNON RDUGS PO ZHIG BYUNG SKABS, LTA PA DANG BYANG SEMS BSGOM PA SOGS GANG BYAS KYANG MA PHAN PA NA 'BROM GYI MTSAN SNGAGS BTON NAS GSOL BA BTAB PAS PHAN PA BYUNG BA DANG, RANG RE RE YANG DANG POR DRAG SNGAGS BTON PA SOGS GANG DRAG BYA DGOS, CIS KYANG MA PHAN NA MTHAR BLA MA'I MTSAN SNGAGS KYIS GSOL BA BTAB NA DE 'PHRAL PHAN PA YONG, RJE NYID KYIS KYANG 'U THUG NA BLA MA RIN PO CHE'I MTSAN SNGAGS LAN BDUN RE TZAM GSUNGS TE GSOL BA BTAB PAS DON THAMS CAD GRUB PA BYUNG GSUNGS, RGYAL BA RGOD TSANG PA'I ZHAL NAS KYANG, BSKYED RIM BSGOM PA MANG LAGS TE, ,BLA MA BSGOM PA'I GONG NA MED, ,BZLAS BRJOD BYED PA MANG LAGS TE, ,GSOL BA 'DEBS PA'I GONG NA MED, ,RGYUN DU GSOL BA BTAB PA NA, ,'BRAL MED NYAMS MYONG 'ONG BAR NGES, ,ZHES DANG GSOL BA BTAB PA'I PHAN YON NI, ,RJE DANG THUGS YID GCIG TU 'DRES, ,GSOL BA BTAB PA'I PHAN YON NI, ,THUN MONG MA YIN RTOGS PA 'CHAR, ,CES DANG; GSOL BA BTAB PA'I PHAN YON NI, ,DKON MCHOG THUGS RJES RTAG TU SKYOB, ,GSOL BA BTAB PA'I PHAN YON NI, ,CI BSAM DGOS 'DOD LHUN GYIS GRUB, ,GSOL BA BTAB PA'I PHAN YON NI, ,MKHA' 'GRO CHOS SKYONG BU BZHIN GZIGS, ,GSOL BA BTAB PA'I @047A *, ,PHAN YON NI, ,BAR CHAD BDUD KYIS TSUGS MI 'GYUR, ,CES DANG, GSOL BA BTAB PA'I PHAN YON NO, ,GZHAN SKYON LOG LTA'I SNANG BA YAL, ,YON TAN YE SHES SNANG BA 'CHAR, ,GSOL BA BTAB PA'I PHAN YON NI, ,SGRIB PA MA LUS DAG GYUR NAS, , TSOGS GNYIS RGYA CHEN RDZOGS PAR 'GYUR, ,CES SOGS GSUNGS PA YIN, 'DOD DON CI BYAS KYANG MA 'GRUB PA'I SKABS KYANG BLA MAR GSOL BA BTAB PAS BDE BLAG TU 'GRUB, DGRA JAG CHOM RKUN, ME CHU G-YANG GSUM, GCAN GZAN SOGS KYI 'JIGS PA CHEN PO GANG BYUNG YANG BLA MAR GSOL BA 'DEBS SHES NA DE MA THAG DE LAS SKYOB, ZHI RGYAS DBANG DRAG SOGS LA TSOGS GANG BSGRUB RKYANG BLA MAR GSOL BA BTAB NA BDE BLAG TU 'GRUB, ,DES NA LAS TSOGS SHIG LA BLA MA LA GSOL BA 'DEBS PA 'DI LAS ZAB PA MED, MYUR PA MED, RIG SNGAGS SHIG LA BLA MAR GSOL BA 'DEBS PA 'DI LAS MYUR BA MED, ZAB PA MED KYANG DE PHAL CHER GYIS MI SHES, DA LTA BLA MA MA BZHUGS KYANG RANG RGYUD BYIN GYIS RLOB PA'I BKA' DRIN 'DI LTAR SDUL SNYAM DU DRAN PAR BYA'O, ` ,BZHI PA ZANG ZING GIS 'KHOR DU BSDUS PA'I BKA' DRIN NI, BKA' DRIN SNGA MA DE TZAM DU MA ZAD, ZANG ZING GIS 'KHOR DU BSDUS PA'I BKA' DRIN YANG SHIN TU CHE STE, RANG CHOS LAS KYANG ZANG ZING LA YID 'DUN PA YIN PAS, BLA MAS DANG POR DANG LA ZANG ZING GI DNGOS PO BZA' BCA', YO BYAD, THA NA DANG DKAR TSUN G-YOGS TE YID 'DUN PAR MDZAD NAS CHOS STON PA'I SNOD DU RUNG PAR MDZAD, CHOS LAS ZANG ZING LA 'DUN PA NI, DVAGS PO SKYABS MGON BLA MA RIN PO CHE'I SKU MDUN DU KONG STOD DRI MED STENG KHA'I G-YOG PO ZHIG GSUNG @047B BRTAG ZHU BAR BTANG BAS, BLA MA RIN PO CHE BZHUGS SA'I RI KHROD MTHO BAS NA KHOS YAR LAM BLA MA RI DVAGS LTA BU DE RI MTHON P9O DE 'DRA'I RTZE LA SDOD CES SKAD NGAN 'DON CING 'DZOGS, ,DER MJAL BCAR ZHUS SKABS TSOGS DANG, LTO CAS SOGS STZAL BAS KHO DGA' NAS, TSOGS NI TSOGS ZHIM, BYIN RLABS NI BYIN RLABS CHE ZHES BRJOD PA DANG 'DRA, 'DI RNAMS KYANG ZANG ZING GNAD STENG KHO RANG GI LAS NGAN 'GOG PAR MDZAD PAS ZANG ZING GIS 'KHOR DU BSDUS PA YIN GSUNGS, ZANG ZING GIS 'KHOR DU SDUD LUGS 'DI DGON PO SOGS SU DGE RGAN GYIS DGE PHRUG JI LTAR BSKYANGS LUGS LA BSAMS NA DPE DON 'BYOR CHE, RANG GIS DPE CHA'I DGE RGAN GYI ZHABS PHYI ZHUS PA DE DGE RGAN LA PHAR BKA' DRIN CHEN PO BYAS PA YIN SNYAM NA, DE SPYIR DGE RGAN GYI ZHABS 'DEGS YIN YANG, PHYED RANG GI LTO G-YOG YIN TE, MID LAS MAR PA BSTEN SKABS MAR PAS MID LA LA PHYED BLA MA'I ZHABS ZHU DANG, KHYED KHYED RANG GI LTO GOS KYI PHYIR RED GSUNGS NAS BKA' BKYON DANG, SDUG LAS SNA DGU BTANG BAS MID LA YUL BYOL NAS LAM DU JA BSKOL BA'I TSE NGA RANG GCIG BU LA'ANG LAS KA MANG PO 'DUG PAS, NGAS SNGAR MAR PA'I DRUNG NAS SDUG DKA' LAS BRGYAB BA DE PHYED BLA MA'I ZHABS ZHU DANG, PHYED NGA RANG GI LTO GOS KYI PHYIR BYAS 'DUG SNYAM PA DGONGS NAS TSUR BEBS TE SLAR YANG MAR PA TSUL BZHIN BSTEN PA'I RNAM THAR LTA BU YIN, RJE TZONG KHA PA CHEN POS KYANG, THOG MAR ZANG ZING SBYIN PAS SEMS CAN RNAMS, ,'KHOR DU BSDUS NAS CHOS KYI TSIM BYED SHOG ,CES GSUNGS, DE LA RGYUD DANG NGO BO GNYIS LAS, RAB BYUNG LTA BU'I CHOS DANG ZANG ZING GI 'TSO BA LTA CI, 'JIG RTEN BA LTA BU @048A *, ,YANG TSOGS GSOG PA BLA MAS SBYIN PA'I PHAN YON BSTAN PA LA BRTEN NAS BYUNG BA'O, ,DNGOS SU ZANG ZING SBYIN PAR MDZAD PA TZAM DU MA ZAD, BRGYUD NAS KYANG ZANG ZING GI DNGOS PO RANG GI ZAS GOS, LONGS SPYOD, GNAS MAL THAMS CAD BLA MA'I BKA' DRIN LA BRTEN NAS BYUNG, DER MA ZAD DA RES DAL 'BYOR GYI MI LUS THOB PA DANG, MTHUN RKYEN PHUN SUM TSOGS PA 'DI YANG BLA MA'I BKA' DRIN LA BRTEN NAS BYUNG STE, 'DI LTAR 'ONG BA LA SNGON DU RGYU BSGRUB DGOS, DES NA LUS KYI RGYU TSUL KHRIMS, LONGS SPYOD KYI RGYU SBYIN PA, SMON LAM GYIS MTSAMS SBYOR BA SOGS GDAMS NGAG STON MKHAN GYI BLA MA ZHIG LA NGES PAR BRTEN DGOS PAS TSE SNGA MA'I BLA MA'I BKA' DRIN LA BRTEN NAS BYUNG, TSE SNGON MA'I BLA MA THAMS CAD KYANG DA LTA'I BLA MA 'DI DANG NGO BO GCIG RANG LAS LOGS THA DAD DU CI ZHIG YOD DE, SNGON GYI RNAM THAR DU'ANG 'BREM GYI SKYES RABS BKA' GDAMS BU CHOS LE'U NYER GNYIS KYI RABS THAMS CAD DU JO BO RJES DUS RTAG TU 'BROM GYI BLA MA MDZAD PAR GSAL BA BZHIN NO, ,DPER NA, B'A MA SNGA PHYI 'CHAM DPON GYIS 'BAG CHAS BRJES NAS SNGA PHYIR DON PA LTAR SANGS RGYAS THAMS CAD CHOS KYI DBYINGS SU RO GCIG YIN PAS NA DE LTAR PHEBS, MDOR NA THAR PA DANG THAMS CAD MKHYEN PA'I GO 'PHANG NAS TSE 'DI'I JA PHOR GANG YAN CHAD BLA MA'I BKA' DRIN YIN PAR SHIS PAR GYIS DANG, DES NA PHA BZANG POS BU BSKYANGS PA LAS KYANG BRGYA 'GYUR STONG 'GYUR GYI BKA' DRIN LHAG ,BLA MA RE RES KYANG BKA' DRIN 'DI DANG 'DI LTA BU ZHES PHRENG BA LA BSTAR, BKA' DRIN RJES SU DRAN NAS SGRUB PA'I MCHOD SPRIN TSE GANG 'BUL BAR @048B DAM BCA' DGOS, SDONG PO BKOD PA'I MDO LAS, 'DI NI BDAG GI DGE BSHES CHOS SMRA BA, ,CHOS KUN YON TAN YONGS SU STON BYED DE, ,BYANG CHUB SEMS DPA'I SPYOD LAM YONGS STON PA, ,YIN ZHES SEMS GCIG BSAMS NAS 'DIR 'ONGS SO, 'DI DAG ('DI RNAMS KYI DON MDO TZAM LAM RIN CHEN MO MCHAN BZHI SBRAGS KYI GSAL BA SOGS LAS SHES PAR BYA'O,) BSKYED PAS BDAG GI MA LTA BU, ,YON TAN 'O MA LDUD PAS MA MA 'DRA, ,BYANG CHUB YAN LAG YONGS SU SBYONG PA YIN, ,DGE BSHES 'DI DAG GNOD PA RNAM PAR BZLOG ,RGA SHI THAR BYED SMAN PA LTA BU STE, ,BDUD RTZI'I CHAR 'BEBS LHA DBANG BRGYA BYIN 'DRA, ,ZLA NYA LTA BUR ,DKAR PO'I CHOS KYIS RGYAS, ,ZHI BA'I PHYOGS STON NYI MA GSAL BA 'DRA, ,DGRA DANG GROGS LA RI BO 'DRA BA STE, ,RGYA MTSO BZHIN DU MI 'KHRUGS SEMS DANG LDAN, ,YONGS SU SKYONG DANG MNYAN PA 'DRA BA ZHES, ,DE 'DRA'I SEMS KYIS BDAG NI 'DIR 'ONGS SO, ,BYANG CHUB SEMS DPA' BDAG GI BLO BSKYED PA, ,SANGS RGYAS SRAS PO BYANG CHUB BSKYED BYED PA, ,'DI DAG BDAG BSHES SANGS RGYAS BSNGAGS PA ZHES, ,DE LTAR DGE BA'I SEMS KYIS 'DIR 'ONGS SO; ;'JIG RTEN SKYOB PAS DPA' BO LTA BU STE, ,DED DPON MGON DANG SKYABS SU GYUR PA YIN, ,'DI DAG BDAG LA BDE STOB MIG YIN ZHES ,DE 'DRA'I SEMS KYIS DGE BSHES BSNYEN BKUR BYED, ,CES DANG, DGE BA'I BSHES GNYEN RNAMS NI BDAG NGAN SONG THAMS CAD LAS SKYOB PA'O, ,CHOS MNYAM PA NYID RTOGS PAR BYED PA'O, ,LAM BDE BA DANG MI BDE BA STON PA'O, ,KUN TU BZANG PO'I SPYOD PAS 'DOMS PA'O, ,THAMS CAD MKHYEN PA'I GRONG KHYER GYI LAM STON PA'O, ,THAMS CAD MKHYEN PA'I GNAS SU SKYEL BA'O, ,CHOS KYI @049A *, ,DBYINGS KYI RGYA MTSOR 'JUG PA'O, ,DUS GSUM GYI SHES BYA'I RGYA MTSO STON PA'O, ,'PHAGS PA'I TSOGS KYI DKYIL 'KHOR STON PA'O, ,DGE BA'I BSHES GNYEN NI BDAG GI DKAR PO'I CHOS THAMS CAD 'PHEL BAR BYED PA'O, ,ZHES DANG; CHOS BCU PA'I MDO LAS, BDAG YUN RING DU 'KHOR BAR 'KHYAMS PA TSOL BAR BYED PA DANG, BDAG YUN RING DU GTI MUG GIS BSGRIBS SHING GNYID LOG PA'I SAD BYED DANG BDAG SRID PA'I RGYA MTSO'I NANG DU BYING BA'I 'BYIN BYED DANG BDAG LAM NGAN PAR ZHUGS PA LA LAM BZANG PO STON BYED DANG BDAG SRID PA'I BRTZON RAR BCINGS PA 'GROL BYED DANG BDAG YUN RING POR NAD KYIS NYAM THAG PA'I SMAN PA DANG BDAG 'DOD CHAGS LA SOGS PA'I MES KUN TU 'BAR BA ZHI BAR BYED PA'I CHAR SPRIN GYI 'DU SHES BSKYED DO, ,ZHES DANG, BDUD RTZI'I SNYING PO LAS, ME DONG 'DRA BA'I KHYIM LAS RAB BYUNG NAS, ,DBEN PAR DRANG SRONG SPYOD PAS GNAS BCAS TE, ,DAM CHOS BDUD RTZI'I RO MCHOG MYONG BA YANG, ,RJE BTZUN BLA MA RNAMS KYI BKA' DRIN NO, ,BSKAL MANG STONG DU BTZAL YANG RNYED DKA' BA, ,'JAM MGON BLA MA'I BSTAN DANG MJAL BA DANG, ,BSTAN PA'I TSUL DER YID CHES RNYED PA YANG, ,YONGS 'DZIN DAM PA RNAMS KYI BKA' DRIN NO, ,DE PHYIR BDAG GI BSHES GNYEN 'DI DAG NI, ,NGAN SONG GNAS LAS SKYOB PA'I SKYOB PA'O; ;'KHOR BA'I MTSO LAS SGROL BA'I DED DBON NO, ,MTHO RIS THAR PAR 'KHRID PA'I SA MKHAN NO, ,NYON MONGS GCONG NAD GSO BA'I SMAN PA'O, ,SDUG BSNGAL ME CHEN ZHI BYED CHU RGYUN NO, ,MA RIG MUN PA SEL BA'I SGRON ME'O, ,THAR LAM GSAL BAR STON PA'I @049B NYI MA'O, ,'KHOR BA'I BTZON RAR BCINGS PA'I 'GROL BYED DO, ,DAM CHOS GRU CHAR 'BEBS PA'I CHAR SPRIN NO, ,GNOD SEL PHAN PA BSGRUB PA'I GNYEN BSHES SO, ,RTAG TU BYAMS PAS SKYONG BA'I PHA MA'O, ,ZHES SOGS BLA MA'I BKA' DRIN DRAN PA'I TSIGS BCAD NGAG NAS KYANG 'DON DGOS PAR GSUNGS, 'DI LTA BU'I BKA' DRIN NI BYANG CHUB SNYING PO'I MTHAR YANG GZHAL BAR MI NUS PAS, BKA' DRIN DE GANG GIS GSOS, GSO THABS MED KYANG LUS NGAG YID GSUM 'DI 'BUL LO, ,LONGS SPYOD DGE RTZA DANG BCAS PA 'DI 'BUL LO, ,SGRUB PA'I MCHOD PA 'DI 'BUL LO, ,BYANG CHUB MA THOB KYI BAR DU 'BUL LO, ,BYANG CHUB THOB NAS KYANG SPYI GTZUG RIGS KYI BDAG POR 'BRAL MED DU BSTEN NO, ,SNYAM DU BSAM PAR BYA'O, ` ,BZHI PA SBYOR BAS BSTEN TSUL LA, MDO SDE RGYAN LAS, BKUR STI RNYED PA DAG DANG RIM GRO DANG, ,BSGRUB PA'I SGO NAS BSHES GNYEN BSTEN PAR BYA, ,ZHES GSUNGS PA LTAR RNYED PA ZANG ZING 'BUL BA, BKUR STI RIM GRO BYED PA, BKA' BZHIN BSGRUB PA STE GSUM LAS, BLA MA MNYES BA'I ZHABS TOG DANG PO RNYED PA ZANG ZING 'BUL BA NI, BLA MA LNGA BCU PA LAS, RANG GI DAM TSIG SLOB DPON NI, ,SBYIN MIN BU DANG CHUNG MA DANG, ,RANG SROG GIS RTAG BSTEN BYA NA, ,LONGS SPYOD G-YO BAS SMOS CI DGOS, ,ZHES DANG, DE BYIN SANGS RGYAS THAMS CAD LA, ,RTAG TU PHUL BA NYID DU 'GYUR, ,DE PHUL BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR, ,CES GSUNGS PA LTAR 'BYOR PA YOD NA ZANG ZING GI RNYED PA GANG BZANG BZANG NAS 'BUL BA 'BROM GYIS JO BOR 'BUL MO CHE MDZAD PA DANG, STOD LUNGS PAS SPYAN SNGA @050A *, ,BAR 'BUL MO CHE MDZAD PA'I RNAM THAR LTAR MCHOD PA 'BUL BA SOGS BYED LA, 'BYOR BA MED NA SGRUB PA'I MCHOD PA 'BUL DGOS, 'ON KYANG LNGA BCU PA LAS, MI ZAD DE NYID 'DOD PA YIS, ,CUNG ZAD YID 'ONG GANG DANG GANG; ;SHIN TU KHYAD PAR GYUR PA NYID, ,DE DANG DE NI BLA MAR DBUL, ,ZHES DANG, LAG SOR BA'I ZHAL NAS KYANG, BZANG PO YOD BZHIN DU NGAN PA 'BUL NA DAM TSIG NYAMS TE BLA MA DE LA DGYES PA'AM NGAN PA LAS MED NA NYES PA MED, CES GSUNGS PA LTAR SLOB MA'I NGOS NAS GANG RNYED RNYED BZANGS NAS 'BUL BA ZHIG DANG, BLA MA'I NGOS NAS ZANG ZING LA CUNG ZAD TZAM YANG MI GZIGS PA ZHIG DGOS TE, SHAR BAS, SGRUB PAS MNYES KYI ZANG ZING CUNG ZAD TZAM LA'ANG MI BLTA BA ZHIG LA BLA MA ZER BA YIN, DE LAS LDOG PAS RNAM GROL BSGRUB PA'I BLA MA MI 'ONG, ZHES DANG, MAR PA LO TZ'A BAS KYANG, ZHABS TOG CAN GYI RNGOG PA DANG, ,NOR CI YANG MED PA'I MTHU CHEN LA, ,GDAMS NGAG LA THANG LHOD MA BYAS PAS, ,ZHES GSUNGS PA LTAR RNGOG CHOS RDOR GYIS RA MA RKANG CHAG MA YAN GYI NOR RDZAS YOD DO COG PHUL, MID LA LA NOR RDZAS KYI ZHABS TOG 'BUL RGYU MED KYANG SNYAN BRGYUD KYI GDAMS NGAG YONGS RDZOGS DE LA GNANG TSUL, BLA MAS KYANG SLOB MA RGYU CA LAG CHE CHUNG SOGS KYI NGOR CUNG ZAD TZAM YANG MI BLTA BA ZHIG DGOS PA DPE CHA'I DGE RGAN LA'ANG 'DRA BAR GSUNGS, ZHABS TOG GNYIS PA BKUR STI PHYAG G-YOG BSGRUB PA NI, 'BREM DANG, BYA YUL BA'I RNAM THAR LTAR DGOS, KHRI CHEN BSTAN PA RAB RGYAS KYIS KYANG YONGS 'DZIN NGAG DBANG CHOS @050B 'BYOR LA BKUR STI SNYUN G-YOG TSUL BZHIN MDZAD PAS DBU MA'I LTA BA RTOGS PA DANG, GZHAN YANG AA MES BYANG CHUB RIN CHEN DANG, RJE MID LA SOGS KYANG BLA MA'I ZHABS TOG TSUL BZHIN DU BSGRUBS PAS SA LAM MTHON POR GSHEGS 'DUG NA, BDAG GIS KYANG DE BZHIN DU BYED SNYAM PA DANG, LHAG PAR ZHABS TOG GSUM PA GTZO CHE BA NI, 'BYOR PA YOD MED JI LTAR YANG BLA MAS BSTAN PA'I GDAMS DON LA BKA' BZHIN SGRUB PA SNYING POR BYED PA RJE BTZUN MID LA'I RNAM THAR LTA BU RJES SU SKYONG BAR BYA'O SNYAM DU BSAM ZHING, DNGOS SU LAG LEN DU CI KHEL BYA'O, ,BLA MA DANG MNYAM DU YOD PA TSOS BLA MA'I RNAL 'BYOR GYI DMIGS PA LOGS SU TSOL MI DGOS PAR RANG GI BLA MA DANG DPE CHA'I DGE RGAN LA ZHABS TOG TSUL BZHIN BSGRUB NA TSOGS RLABS CHEN YANG DE NAS RDZOGS, SGRIB PA RLABS CHEN YANG DE NAS BYANG, DGE RGAN LTA BUS BRDUNG RDZOG SOGS MDZAD PAS NI PHYI MAR NGAN SONG MYONG BA'I LAS NGAN KYANG DES DAG NAS 'GRO, BSHES GNYEN SBYOR BAS BSTEN TSUL RGYAS PA BLA MA LNGA BCU PA LAS SHES DGOS, BLA MA DE ZHAL MA BZHUGS PA LTA BUS DER DNGOS SU MED NA TSOGS ZHING LA MCHOD PA DANG, KHRUS 'BUL BA DANG, RGYAN DANG, DRI, BYUGS PA 'BUL BA RNAMS BKUR STI RIM GRO BYA BA'I DOD LTA BU YIN, DE LTAR ZHABS TOG GSUM LAS THA MA NI ZANG ZING GI RNYED PA 'BUL BA, 'BRING BKUR STI PHYAG G-YOG ZHU BA, RAB BKA' BZHIN BSGRUB PA STE, DE THAMS CAD KYI NANG NAS BLA MA MNYES PA'I THABS MCHOG TU GYUR PA NI, RJE MID LAS, SNYING RUS SDUG SRAN GYI SGRUB PA 'DI, ,PHA BLA MA MNYES PA'I ZHABS TOG YIN, ,ZHES @051A *, ,DANG, PHA BLA MA'I DRAN LAN SGRUB PAS 'JAL, ,ZHES DANG, SKYES RABS LAS, PHAN PA'I LAN DU MCHOD PA BYA BA NI, ,BSGO BA'I TSIG BZHIN NYAMS SU LEN PA YIN, ,ZHES GSUNGS PA LTAR BKA' BZHIN SGRUB PA SNYING POR BYED PA NYID YIN NO, ,THUN MCHAMS SU JI LTAR BYA BA LA, DBANG PO'I SGO BSDOM PA DANG, ZAS LA SMAN LTA BUR 'DU SHES PA 'DUL BA SOGS NAS BYUNG BA RNAMS LAM RIM CHE CHUNG NAS ZHIB PAR GSUNGS PA BZHIN ZAS KYI TSOD RIG PA, NAM GYI CHA STOD SMAD LA MI NYAL BAR DGE SBYOR LA BRTZON CING, NYAL BA'I TSE JI LTAR BYA BA, THUN GYIS THUN MTSAMS DANG, THUN MTSAMS KYIS THUN LA BOGS 'DON, THUN DNGOS GZHI'I SKABS JI BZHIN THUN MTSAMS SU YANG NYAMS LEN GANG BSKYANG RGYU'I GSUNG RAB LA BLTA BA DANG SBYANG BA SOGS BYA DGOS ZHING, DE YANG GZHON NU NOR BZANG GIS BSHES GNYEN BSTEN TSUL, RTAG TU DUS CHOS 'PHAGS BSTEN TSUL, N'A ROS TEE LO, MAR BAS N'A RO, MID LAS MA RA PA, 'BROM GYIS SE BTZUN DANG JO BO BSTAN TSUL, BSES 'BROG MI BSTEN TSUL SOGS BSHES GNYEN BSTEN TSUL STON PA'I GSUNG RAB DGONGS 'GREL DANG BCAS PA BLTA BAR BYA'O, ,DE TZAM DU MA ZAD THUN DNGOS GZHI'I SKABS SU GANG BSKYANG RGYU'I DMIGS RNAM DE THUN MTSAMS SU'ANG YANG YANG YID LA BYA DGOS TE, NYAMS MYONG 'GA' ZHIG THUN GYI SKABS MI SKYE BAR THUN MTSAMS SU SKYE BA'ANG MANG NGO, ,DE LTAR BSTEN NAS BLO JI LTAR SBYANG BA'I RIM PA LA GNYIS, DAL BA'I RTEN LA SNYING PO LEN PA'I PHYIR BSKUL BA DANG @051B SNYING PO JI LTAR LEN PA'I TSUL LO, ,DANG PO LA GSUM LAS, DANG PO DAL 'BYOR NGOS BZUNG BA GCIG PU BSAM DGOS, DAL BA BRGYAD NI 'GAL RKYEN BRAL BA'I CHA NAS BZHAG ,'BYOR PA BCU NI MTHUN RKYEN TSANG BA'I CHA NAS BZHAG PA YIN GSUNG NGO, ,DE LTAR 'DI PHYI'I LEGS TSOGS MTHA' DAG GANG NAS 'BYUNG BA'I SGO GCIG PU LAM GYI RTZAB BSHES GNYEN BSTEN TSUL GYI ZIN BRIS 'DI NI, BDAG CAG GI RNAM 'DREN DAM PA RIGS DANG DKYIL 'KHOR RGYA MTSO'I KHYAB BDAG BKA' DRIN MNYAM MED RDO RJE 'CHANG PHA BONG KHA PA BDE CHEN SNYING PO'I ZHAL SNGA NAS KYIS, SNGA DUS KONG PO 'BRUL LA BKRA SHIS BDE CHEN DGON DU RJE'I LAM RIM 'BRING PO SOGS KYI CHOS 'KHOR RGYA CHER MDZAD RING LA, 'BRU LA MKHAN CHEN MCHOG SPRUL NGAG DBANG THUB BSTAN MKHAS GRUB DANG, KONG PO THEG CHEN GLING SPRUL SKU RIN PO CHE SOGS KYIS GSOL BA BTAB 'BREL SKAL LDAN GYI TSOG PA NYUNG RAd LA ZUR CHOS SU BSHES GNYEN BSTEN TSUL SKOR GYI MYONG KHRID ZAB SMIN THOG ,PHYIS KYI RTEN 'BREL YIN GSUNGS TE DAL 'BYOR GYI SA BCAD DBU TSUGS TZAM BCAS TSANG MAS RGYUGS BZHES DANG 'BREL, ,'DI LTAR PHAL CHER SPOS RTZOM GYI TSUL DU MYONG THOG 'BA' ZHIG NAS GDUL BYA'I RGYUD 'KHUL NGES SU LEGS PAR STZAL BA RNAMS ZIN BRIS THAR THOR 'DEBS MKHAN 'GA' ZHIG BYUNG 'DUG PA NAS GSUNG ZIN BCOS MED RIGS PHYOGS GCIG BTUS PA LAS GLEGS BUR TSAR GNYIS TZAM PHAB KYANG, 'DOD BSTUN DGOS DBANG SNA TSOGS KYIS DPE CHA KHAG GZHAN DU SONG BA, GUS SLOB THA SHAL BLO BZANG RDO RJE NAS SLAR YANG SNGA MA'I ZIN RNYING LA BCOS LHAD MED PAR GTAN 'BEBS ZHIB NAN ZHUS @052A *, ,PA'I SHOG DRIL NYID, RAB BYUNG BCU DRUG PA'I LCAGS SPRUL, SHAR PHYOGS DVAGS PO DGA' LDAN BSHAD SGRUB RNAM PAR RGYAL BA'I GLING DU BYANG CHUB LAM GYI RIM PA'I ZAB KHRID SMIN RGYAS SU STZAL BA'I SKABS RJE BLA MA RDO RJE 'CHANG DE NYID KYI ZHABS DRUNG DU SPYAN ZHUR BSTAR BAR, 'BYIN 'JUG ZHU TIG DANG, DGYES PA'I GSUNG GI DBUGS DBYUNG LEGS PAR THOB PA BCAS YID CHES PA'I GNAS SU BZUNG BAR 'OS PA LAGS SO, ,'DIR 'BAD BDAG BLO DKAR BA'I DRI BZANG RDUL, ,LHAG BSAM DRI BZHON GYIS BSKUL SKYE RGU'I TSOGS, ,KHYAB BDAG BLA MA RDO RJE 'CHANG CHEN DANG, ,THUGS YID MYUR DU 'DRES PA'I MCHOG THOB SHOG ,7DAD DAM MTSUNGS MED YAB GZHIS LHA KLU DGA' TSAL BA NAS YON SBYAR SPAR BSKRUN MDZAD PA 'GRO DON RGYA CHER 'PHEL