@005 'BROM STON PAS MDZAD PA'I JO BO CHEN PO LHA GCIG GIS
RGYAL SRID

SPANGS NAS THAR PAR BYON PA'I RNAM THAR BZHUGS SO,,

*, ,RGYA GAR SKAD DU, ,GU RU GU nA DHARM'A A'A KA RA NA MA,,
BOD SKAD DU, BLA

MA'I YON TAN CHOS KYI 'BYUNG GNAS ZHES BYA BA BSTAN PA'I RTZA
LAG SKYES MCHOG DAM PA

RNAMS LA PHYAG 'TSAL LO, ,SKYE RGU NYON MONGS TSAD PAS GDUNGS
PA LA, ,CHOS KYI

DBYINGS NAS BYAMS PA'I SPRIN PHYUNG STE, ,THUGS RJE'I CHAR
GYIS GDUNG BA SEL MDZAD

PA'I, ,CHOS KYI RGYAL PO'I ZHABS LA GUS BTUD DE, ,DE YI RNAM
THAR DRI MED RGYA MTSO

LAS, ,SGRO SKUR TSIG GIS SPROS PA MA ZHUGS PA, ,RANG GI BLO YI
RTZAL DANG SBYAR BA'I

PHYIR, ,CHU THIG TZAM ZHIG GUS PAS BLANG GIS NYON, ,RGYA GAR
SHAR PHYOGS ZA HOR

YUL PHYOGS NA, ,BHANG GA LA ZHES BYA BA'I GRONG KHYER YOD, ,DE
YIS BDAG CHOS KYI

RGYAL PO NI, ,DGE BA DPAL ZHES BYA BA'I BSOD NAMS CHAR, ,DE YI
PHO BRANG GSER

GYI RGYAL MTSAN CAN, ,MI KHYIM 'BUM PHRAG GCIG GIS KUN NAS
BSKOR, ,KHRUS

KYI RDZING BU STONG PHRAG NYI SHU LNGA, ,SKYED MOS TSAL RAB
BDUN BRGYA NYI SHUS BSKOR, ,T'A

LA'I LJON SHING STONG PHRAG LNGA BCU LHAG ,'BANGS KYI SKYE BO
'BUM PHRAG SUM CU DRUG,,

GRONG KHYER DE LA RA BA RIM PA BDUN, ,BAR GYI ZAM PA SUM BRGYA
DRUG CU BDUN, ,

GSER GYI RGYAL MTSAN STONG PHRAG NYI SHU LNGA, ,DBUS KYI PHO
BRANG RGYA PHEBS BCU GSUM PA,, 

LONGS SPYOD MNGA' THANG STONG KHUN RGYAL PO 'DRA, ,MNGA' RIS
LHA DBANG BRGYA BYIN NYID

DANG MTSUNGS, ,SKYE BO'I 'DU TSOGS GRONG KHYER SPOS NGAD 'DRA,
,CHOS 'BYOR RGYAL

PO CHOS 'PHAGS NYID DANG MTSUNGS, ,CHOS KYI RGYAL PO DE YI
BTZUN MO NI, ,DPAL

@006 MO 'OD ZER CAN DE LHA MO 'DRA, ,NGO TSA KHREL YOD MDZES
PA'I 'OD CHAGS MA, ,

DKON MCHOG GSUM MCHOD SKYE BO YONGS KYI MA, ,LHA MO DE LA SRAS
GSUM 'KHRUNGS,

PA NI, ,DPAL DANG ZLA BA PADMA'I SNYING PO STE, ,GSUM GYI RNAM
BZHAG DE NI ZUR

TZAM LAGS, ,'BRING PO ZLA BA'I SNYING POR GRAGS PA DE, ,DENG
SANG BDAG GI BLA

MA DAM PA YIN, ,SKAL BA BZANG POR YUM LA BLTAMS PA'I TSE,
,RGYAL PO'I KHAB

TU ME TOG CHAR PA PHAB, ,NAM MKHA'I RNAMS 'JA' 'OD GUR GYIS
GANG, ,LHA

YI GLU DBYANGS SKYE BO YONGS KYIS THOS, ,THAMS CAD DGA' ZHING
DAG PA'I SNANG BA THOB, ,

ZLA BA BCO BRGYAD PAR DU KHAB TU GNAS, ,MA MA BRGYAD KYIS BKUR
STIR MCHOD PAS

GNAS DER BDE GSHEGS MCHOD PA BYED PA LA, ,YAB YUM BLON 'BANGS
SHING RTA LNGA

BRGYA LA, ,KHYE'U BU MO MDZES PA'I CHAS KYIS SPRAS, ,ROL MO
MKHAN PO BRGYA PHRAG DU

MAS BSKOR, ,RIN CHEN MCHOD RDZAS DPAG TU MED PA BSNAMS, ,GLU
GAR LEN CING

LAM DU ZHUGS PA NA, ,BLA MA 'DI NI LO GSUM LON PA YI, ,GZUGS
BZANG

BZHEN MDZES LTA BAS MI NGOMS SHING, ,RGYAN SOGS LHA YI RGYAN
CHAS LEGS PAR SPRAS, ,

PA NYATZA LI KA'I GOS GSOL RGYAL BU RNAMS, ,SKYE BO YONGS KYI
LHA DE MTHONG BA DANG ,,

DGA' BA'I DBUGS BYIN BDE BA'I MDANGS DANG LDAN, ,CHAGS PAS
BLTA ZHING 'BRAL

BAR MI PHOD SKAD, ,DE NAS MTHONG BA'I SKYE BOS 'DI SKAD DU,
,KHYOD NYID 'KHRUNGS

TSE ME TOG CHAR PA PHAB, ,NYI MA'I GUR PHUB SNYAN PA'I SGRA
DBYANGS THOS, ,NAM ZHIG

MTHONG ZHES YID SMON SHES PA 'PHYO, ,DA NI MTHONG NGO YA MTSAN
LTAD MO CHE, ,DE NAS

RGYUL BU DAM PAS TSIG SMRAS PA, ,PHA MA SKYE BO 'DI DAG SU
ZHIG YIN, ,DE NAS

YAB YUM GNYIS KYIS LAN SMRAS PA, ,RGYAL BU 'DI DAG KHYOD KYI
'BANGS 'KHOR YIN,,

@007 RGYAL BU DAM PAS DE LA LAN SMRAS PA, ,'DI DAG BDAG GZHAN
PHA MA PHUN SUM TSOGS, ,

RGYAL SRID MNGA' BSOD NAMS 'BAR BA YI, ,MI DBANG SRAS KYI MTHU
BOR RAB

BSKUN TE, ,THAMS CAD DAM PA'I CHOS KYIS 'DZIN PAR SHOG ,DE NAS
K'A MA LA

YI GTZUG LAG TU, ,'KHOR DANG BCAS PA LEGS PAR SLEBS PA DANG ,
,RGYAL

BUS DKON MCHOG GSUM LA PHYAG 'TSAL ZHING, ,SNYAN PA'I BSTOD
DBYANGS 'DI SKAD

BRJOD GYUR TO, ,BDAG NI DAL 'BYOR MI DBANG LUS THOB CING,
SKYON MED DBANG PO

DKON MCHOG GSUM 'BRANG ZHING, ,RTAG TU GUS PAS DKON MCHOG SPYI
BOS BLANGS,,

DE RING NYID NAS SKYABS GNAS MDZAD DU GSOL, ,CES GSUNGS PA
DANG , DE

NAS YAB YUM BLON 'BANGS THAMS CAD DANG , ,DGE SLONG MANG POS
RGYAL BU'I TSIG

THOS NAS, ,SHIN TU DGA' ZHING YA MTSAN SKYES PAR GYUR, ,THAMS
CAD MTHUN

PAR DAM PAR KHA TSON BCAD, ,DE NAS RGYAL BU YAB YUM 'KHOR BCAS
KYIS, ,BSNYEN

BKUR MCHOD YON BSOD NAMS BSAGS GYUR TE, ,BDAG CAG TSE RANGS
DAG NAS

TSE RABS SU, ,DKON MCHOG GSUM LA MCHOD PA 'BUL BA DANG , ,DGE
'DUN

BKUR ZHING DAM CHOS STON PAR SHOG, ,NYON MONGS GDUNG SEL RANG
DBANG YOD PAR

LA BLTA BZHIN DU, ,NAM YANG KHYIM PA'I CHOS KYIS MA BCINGS
PAR, ,DGE 'DUN

DBUS SU CHOS 'BYOR THOB PA DANG , ,NGA RGYAL MED PAR DKON
MCHOG MCHOD BYED

CING; ,SKYE BO YONGS LA SNYING RJES BLTA BAR SHOG ,RGYAL BU'I
GSUNG DE KUN GYIS

THOS PA DANG , ,YAB YUM LA SOGS YA MTSAN SKYES PAR GYUR, ,DE
NI BLA MA'I

CHOS KYI THOG MA YIN, ,DE NAS RGYAL BU LO GSUM LON PA DANG ,
RTZIS DANG

YI GE SGRA LA MKHAS PAR GYUR, ,DE NAS RGYAL BU LO DRUG LON PA
NA, ,PHYI NANG@008 GNYIS KYI BYE BRAG PHYED PAR GYUR, ,DE NAS
BZUNG STE
DGUNG LO BCU YI BAR, ,DKON

MCHOG GSUM LA SKYABS SU 'GRO BA DANG , ,BSNYEN PA SRUNG ZHING
SBYIN PA GTONG BA

DANG , ,GTZUG LAG LTA ZHING KHA TON BYED PA DANG , ,GSOL BA
'DEBS SHING DAM

CHOS 'TSOL BA DANG , ,PHA MA BKUR ZHING ZHE SAS MCHOD PA DANG
, ,GLU GAR THAMS

CAD CHOS LA RTZE BA DANG , ,CHOS PA MTHONG NA RGYANG NAS BSU
BA DANG , ,'KHOR LA

BLTA ZHING SNYING RJES SKYONG BA DANG , ,'JIG RTEN MGON MED
SKYONG BA LA SOGS PA, ,

DAM PA'I SPYOD PA DPAG TU MED PA MDZAD, ,RGYAL BU DGUNG LO BCU
GCIG LON PA

NA; ;PHA BZANG BU MO NYI SHU RTZA GNYIS TZAM, ,BLON 'BANGS
RNAMS KYIS BSNYEN

BKUR GSOL BA NA, ,YAB YUM RNAMS KYIS DE LA BYA DGA' STER,
,NYIN GCIG

RGYAL POS BLON PO RNAMS BSDUS NAS, ,NANG PAR SHING RTA BCU
GSUM LEGS PAR 'CHOS, ,

KUN LA MDZES PA'I RGYAN CHA DU MA GYIS, ,DBUS SU LHAG PAR
MDZES SHING BTZUN PA

YI; ;STENG NA RMA BYA'I GDUGS PHUB BSIL YAB BSTEN, ,DBUS SU
RIN CHEN KHRI

STENG MDZES PA LA, ,DAR ZAB GOS THING ZLA BA'I SNYING PO ZHOG
,SHING RTA BCU

GSUM RGYAN GYIS SPRAS PA LA, ,BLON PO THAMS CAD MDZES PA'I
CHAS SU ZHUGS, ,

DGA' BA'I GLU CHEN ROL MO DU MA GYIS, ,SHING RTA DKAR PO GSUM
GYIS SNA DRONGS LA, ,

SHING RTA SER PO GSUM GYIS G-YAS BRTEN ZHING, ,SHING RTA
LJANG KHU GSUM GYIS

G-YON NAS BRTEN, ,SHING RTA RE RER KHYE'U LNGA BRGYA ZHUGS,
,PHYOGS PHYOGS KHA DOG

MTHUN PAR LHA RGYAN BRTEN, ,RGYAL BU'I SHING RTA KHA DOG SNA
LNGA PA'I, ,ZUR BZHIR RMA BYA

MJING BSNOL MDZES PAR GYIS, ,PHYOGS NAS MCHOD PA'I LHA MOS KUN
NAS BSKOR, ,

'KHOR RNAMS PI WANG GLING BU LNGA BRGYA DANG , ,SIL SNYAN GLU
DBYANGS MDZES PA'I

SGRA 'DZIN CING, ,SKYE BO YID 'ONG DU MAS KUN NAS BSKOR, ,DE
NAS GRONG KHYER

@009 CHEN PO'I MTHA' 'KHOR DU, ,SKYED MOS TSAL RAB SHIN TU
NYAMS DGA' PAR, ,

BLTA BA'I RTZED MOS SKYE BO DBANG DU SDUD, ,DE YI YUN KYANG
ZLA BA PHYED KYI BAR, ,

SKYE BO THAMS CAD DGA' ZHING CHAGS PAR GYIS, ,DE NAS SKYE BO
YONGS KYI KHROM BSKOR

LA; ;RGYAL BU MNYES PA'I BU MO STA GON GYIS, ,BLON PO DAG GI
BU MO MTHONG PA DANG, ,

PHYOGS SU BKA' BSGO DAM BZHAG BRTAN PAR GYIS, ,RGYAL PO CHEN
POS DE LTAR BSGO

BA DANG, ,NYI MA BDUN LA BLON PA THAMS CAD KYIS, ,SHING RTA
BCU TZAM BYAS SHING

RGYAN GYIS SPRAS, ,RGYAL BU SHING RTA'I DBUS SU RGYAN GYIS
SPRAS, ,SHING RTA BCU GNYIS

ROL MO MKHAN PO YIS, ,GANG ZHING ROL MO RNAM PA SNA TSOGS
BYAS, ,DE NAS GRONG KHYER

CHEN PO'I MTHA' LOGS SU, ,BZHI MDO RNAMS DANG SKYED MOS CHAL
RAB TA, ,SKYE

BO YID 'PHROG 'DZIN PA'I RTZED MO BYAS, ,DE TSE PHYOGS DANG
GRONG KHYER THAMS CAD DU, ,

ZLA BA'I SNYING PO 'KHOR TSOGS NYIS STONG DANG , DE TSE PHYOGS
DANG , ,LNGA BRGYAR BCAS SHING SHING RTA'I NANG DU

ZHUGS, ,GRONG KHYER MTHA' LOGS PADMA'I TSAL RAB DANG , ,GZHI
MDO GZHI MDO

KUN NAS SPANGS PA NA, ,'KHOR LO BSGYUR RGYAL LTA BUR SKYE BO
BSDUS, ,THAMS CAD

DER 'GRO SPRUL PA'I SKU DER BLTA, ,'OD ZER LHA MO LA SOGS BU
MO'I TSOGS, ,

RIGS KYI TSA BO DE YI GROGS GNYEN PA, ,KUN KYANG BLTA ZHING
PHYOGS DER 'GRO'O

ZHES, ,SKYE BO'I TSOGS RNAMS LTAD MOR 'DUS PA NA, ,RGYAL PO
BSOD NAMS

'DZIN GYI BU MO DANG , RGYAL PO MU KHYUD 'DZIN GYI BU MO DANG
, RGYAL PO CHU BDAG

'DZIN GYI BU MO DANG , ,RGYAL PO GTUM PO LI YI BU MI RNAMS,
,RIGS BZANG LONGS

SPYOD DPUNG GIS NGA RGYAL BA'I, ,NYI SHU RTZA GNYIS GNYEN KHAR
GLENGS PA YANG, ,SHING

RTA RE LA BU MO BDUN BDUN TE, ,BU MO RE LA G-YOG MO BDUN BDUN
TE, ,SHING RTA

NYI SHU RTZA GNYIS MDZES PA YANG, ,RGYAN CHA RNAM PAR SNA
TSOGS SPRAS PA STE, ,SNYAN PA'I

@010 SGRA 'BYIN DGA' BA'I SEMS KYIS 'ONGS, ,THAMS CAD LHA YI
BU MO 'KHOD PA LTAR, ,

RGYAL PO MTHONG TSE CHAGS PAS MIG MI SDUD, ,KUN NAS CHAGS
SHING LUS KYI BA SPU G-YO, ,

DE TSE MKHA' 'GRO MA YI SPRUL PA GCIG ,BU MO SNGO SANGS GCIG
DU SKU SPRUL TE, ,

GLU DBYANGS TSIG GIS BSKUL MA 'DI SKAD DO, ,LHA CIG MA CHAGS
PA CHAGS SKAL BA CAN, ,

'DAM BU'I TSAL DU GLANG CHEN BYING BA LTAR, ,'DOD PA'I 'DAM DU
DPA' BO KHYOD

BYING NA, ,TSUL KHRIMS GOS CAN SNUBS PAR MA GYUR TAM, ,SKYE BA
LNGA BRGYA LNGA

BCU RTZA GNYIS SU, ,PAn CHEN DGE SLONG GTZANG MA'I LUS BRGYUD
NAS, ,PADMA'I

MTSO LA NGANG PA 'JUG PA LTAR, ,KHYOD NI TSE 'DIR RAB TU BYUNG
'GYUR LAGS, ,

GRONG KHYER GNAS NA BU MO BYI DAR CAN, ,TSUL KHRIMS MDANGS
'PHROG BDUD KYI PHO

NYA MO, ,DGA' DGA' LTA BAR KHYED LA BSLU BRID BYED, ,SHES PAR
GYIS SHIG

RGYAL BU GZUGS MDZES PO, ,ZLA BA ZHUN MA MTSO LA GSAL BA LTAR,
,GSAL

ZHING DNGAS LA RNYOG PA MED PA'I SKU, ,ZUR PHUD LNGA LDAN LHA
YI RGYAN CHA CAN, ,RAB

MDZES SKYE BO YONGS KYI YID 'PHROGS SO, ,RNYED DKA' DAL 'BYOR
RIN CHEN THOB DUS

SU; ;THOS BSAM BSGOM PAS MI TSE 'DA' DGOS PAS, ,BDAG RKYEN DGE

BA'I BSHES GNYEN MI BZAD PA, ,THE TSOM BCAD PHYIR RAB TU BSTEN
'TSAL LO, ,

MKHA' 'GRO MA YIS TSIG DE SMRAS PA DANG , ,RGYAL BUS 'DZUM
PA'I MDANGS PHYUNG

LAN SMRAS PA, ,LEGS SO LEGS SO SHIN TU LEGS PAS LEGS, ,SHES
RAB

SPRAS PA NAt KYI NANG NA BDE, ,RMA BYA'I BDE SKYID BTZAN DU GA
NANG NA 'DOD, ,GOMS PA'I

STOBS KYIS NGANG PA MTSO NANG BDE, ,PHO ROG MI GTZANG KHROD DU
'JUG PA LTAR, ,PADMA'I

TSAL DU DE LTA GA LA YIN, ,THA MA LA GRONG GI GNAS SU PHEBS PA
LTAR, ,RIGS

LDAN BDAG NI DE LTA GA LA YIN, ,SNGON GYI RGYAL BU DON RNAMS
GRUB PA DE, ,ZAS

@011 GTZANG RGYAL PO'I SRAS SRID DPAL 'BYOR LA, ,MIG GTZANG
'DAM BU BZHIN DU RAB SKYO

NAS, ,BTZUN MO DRUG KHRI SPANGS NAS THAR PA BSGRUB, ,THUB
DBANG 'JIG RTEN LHA

DANG BCAS PA YIS, ,KUN NAS BSNGAGS PAR GYUR CING MCHOD BYED
LA, ,MTSAN

DANG DPE BYAD LDAN PA'I CHOS RGYAL DE, ,MDZAD PA BCU GNYIS
TSUL GYIS BYANG CHUB BRNYES, ,

KHO BO CI STE RGYAL SRID MA SPANGS NA, ,'DOD PA'I KHAMS 'DIR
CHAGS PA 'PHEL BAR

'GYUR, ,GROGS RNAMS THAMS CAD BDUD KYI BSOL BRIS YIN, ,'DOD
YON

THAMS CAD LAN TSA'I CHU BOR SHES, ,DA NI MKHAS PA'I BLA MA
MANG 'TSOL ZHING, ,

LUS 'DIS BYANG CHUB MCHOG DE BSGRUB PAR BGYI, ,'DOD YIN DAG LA
RTZE DGA' BAG

PHEBS KYANG, ,CHU ZLA LTA BUR SNYING PO MI GDA' LAGS, ,BRAG
CHA LTA BUR BRJOD

BYA MI GDA' LAGS, ,SPRUL PA LTA BUR NGOS BZUNG MI GDA' LAGS,
,GZUGS

BRNYAN LTA BUR RANG TSUGS MI GDA' LAGS, ,NYON MONGS KUN GZHI'I
RGYA MTSO YANGS

PA LTAR, ,SKYE RGA NA 'CHI'I CHU BO RGYUN DU 'BAB, ,SNGON CHAD
NGAN SONG LAS KYI

DBANG MED NA, ,DENG SANG PHUN SUM TSOGS TSE CIS MI 'TSOL, ,DA
NI 'KHOR

BA SPYI LA NGES BSAM NAS, ,BLA MA BSTEN TE DAM PA'I CHOS LA
'BAD, ,RGYAL

BU'I CHOS KYI GSUNG DE THOS PA DANG , ,GRONG KHYER GNAS PA'I
SKYE BO THAMS CAD KYANG,

BRJOD TSUL 'DI YI RGYAL SRID CANG 'DZIN NAM, ,'DZIN KYANG CHOS
KYI RGYAL POR THE TSOM

MED, ,GZHAN DU MKHAS GRUB BLA MA MANG BRTEN CING, ,SH'AKYA'I
RGYAL PO'I RGYAL SRID

'DZIN PA 'DRA, ,NGO MTSAR CHE'O ZHES PA'I SGRA YANG SGROG,
,LHA LA CHAGS SHING

BSKOR NAS YANG YANG BLTA, ,RIGS BZANG GNYEN DU BSGRIGS PA'I BU
MO YANG, ,

MTHONG BAS DGA' YANG GSUNG DES MYA NGAN GYUR, ,PHA MA'I DRUNG
DU NAS 'DI SKAD

DA; ;RGYAL BU DAM PA 'KHOR BAR SKYO ZHES GDA', ,RGYAL SRID
SPANGS NAS RAB

@012 TU 'BYUNG ZHES DGA', ,NGON GRUB GZHAN NU BTZUN MO DOR ZHES
GDA', ,'KHOR

PA'I CHOS LA CHAGS PAR MI GDA' SKAD, ,DA NI YAB YUM 'KHOR DANG
BCAS PA YIS,,

MYUR DU RGYAL PO'I PHO BRANG 'KHOR DU RJONGS, ,RGYAL BU CHAGS
PA'I BYA BA SNA TSOGS

KYI; ;NOR DANG LONGS SPYOD DU MAS SEMS BZUNG ZHES, ,BU MO DAG
GI PHA MA

RNAMS LA BSKUL, ,PHAN TSUN PHA MA BLON 'BANGS BCAS PA YIS,
,RTZOL PA BSKYED

DE RGYAL BU NYAMS DGA' BA'I, ,GLU GAR BYED CING BU MO DAG
KYANG BSDUS, ,KUN

NAS KHAB TU 'BYUNG DU RE BA NA, ,RGYAL BU RTA PA BRGYA DANG
SUM CUR BCAS, ,DMAG

GI CHAS ZHUGS RI BRAG BSKOR BA NA, ,RE BRAG GCIG NA BRAM ZE
DZE DA RE, ,BRAM

ZE DE NI SNYAN DNGAGS SGRA 'BYIN CING, ,GTZANG MA'I CHOS KYI
DRANG SRONG SPYI BOS LEN, ,

NYON MONGS DGRA LAS RNAM PAR RGYAL BA MTHONG, ,RGYAL POS CHIBS
KYI STENG NAS LAN

GSOL PA, ,DRANG SRONG DE LA TSIG GIS 'DI SKAD GSOL, ,DBEN PA'I
GNAS

SU DKA' THUB LUNG BTAN SPYOD, ,GTZANG MA'I TSUL GYI DAG PA'I
'TSO BA BZA', ,

'DOD YON SPANGS TE SRANG SRANG GYUR PA LAS, ,'DOD YON RNAM PA
BDAG GI THOB

PAR GYUR, ,CES SMRAS PA DANG , ,BRAM ZES MIG KYANG LTA BAR MI
BYED PAR, ,

RGYAL BU'I LAN DU 'DI SKAD BSLAN PAR DGONGS, ,NAM GZHUG CHAD
KHA'I ME TOG

LDUM RA LTAR, ,RGYAL POS BRAM ZE'I DPAL 'BYOR BKAG GYUR KYANG,
,LAS

KYI DBANG GIS NGAN 'GROR 'PHEN PA LAS, ,PHYI THAG SNYING PO MA
MTHONG GNAS 'DIR

SDOD, ,BA LANG KHYI PHAG LTA BU'I BRTUL ZHUGS KYIS, ,MI GTZANG
'DAM BU'I

SRIN POR SKYES DOGS NAS, ,DKA' THUB SPYOD CING GTZANG SBRA 'DI
DAG BSTEN, ,

SGYU MA'I NOR LA SNYING PO MA MTHONG NAS, ,PHA ROL BSAM ZHING
DRANG SRONG SPYI BOS

BLANG, ,RGYAL POS BRAM ZE'I TSIG DE THOS PA DANG , ,CA CO BLTA
PHYIR TSIG

@013 GIS LAN SMRAS PA, ,DGE SBYONG RNAMS NI NGA RGYAL ME BAS
CHE, ,SA YI BDAG

PO 'ONGS TSE CES MI LDANG, ,BRAM ZE CHEN POS TSIG DE'I LAN
SMRAS PA, ,SA

BDAG SU ZHIG KHYOD NI GANG NAS 'ONGS, ,DGRA SHES MED PHYIR
KHYOD NGO MA SHES

SO; ;NGA LA NOR MED GRONGS MED NANG NA BDE, ,LUS SROG 'DI LA
DGRA

BO 'CHI BDAG YIN, ,NGA RGYAL MED PHYIR BDAG GIS 'DU 'JA
SPANGS, ,BRAM

ZA'I TSIG DE THOS NAS LAN SMRAS PA, ,NGA NI GSER GYI RGYAL
MTSAN CAN NAS 'ONGS, ,

NGA NI DGE PA DPAL GYIS BSKYED PA'I BU, ,DE RING NAGS KHROD
'DI NA 'GRAN ZLA SU, ,

KHYOD KYIS SA BDAG MI SHES KHRIMS LAS 'DAS, ,BRAM ZE CHEN POS
TSIG DE'I LAN

SMRAS PA, ,NGA NI MI GRAL LAS BUD KHRIMS LAS 'DAS, ,NGA LA
DPON MED

G-YOG MED NGO BSRUNG MED, ,SA BDAG 'JIG RTEN PHA ROL 'GRO
BA'I TSE, ,RTA

MED GROGS MED RKANG THANG GCIG PUR 'GRO, ,RTA MED GOS MED GCER
PU BAR

DOR 'GRO, ,GNAS MED YUL MED RGYUS MED SHUL THAG RING, ,RGYAL
PO'I BU LA

NAM PHUG MA MCHIS PAS, ,DON DES BDAG NI NGAS SU BSDAD PA LAGS,
,CES

GSUNGS PA DANG , ,RGYAL POS BRAM ZE'I TSIG RNAMS GSAN GYUR
NAS, ,CHIBS

LAS GZHOL TE 'KHOR GSUM DRUNG DU PHUL, ,GUS PAS THAL MO SBYAR
TE GSOL BA NI, ,

MKHAS PA KHYOD KYI SKYON YON BRTAGS PA'I PHYIR, ,NGA RGYAL LTA
BU'I DRAG PO'I TSIG DE

SMRAS, ,GANG YANG BDAG GIS NYIN MTSAN DUS DRUG TU, ,'KHOR BA'I
SKYON BSAM

NGES PAR YID 'BYUNG STE, ,RGYAL SRID SPANGS TE THAR PAR 'BYUNG
'DOD PAS, ,BRAM

ZE KHYED KYIS BDAG LA BZUNG DU GSOL, ,CES DANG , BRAM ZE CHEN
POS DE LA LAN

GSOL PA , ,TSUR SHOG NGA RGYAL RLUNG GIS MA DKRUGS PAR, ,BSTAN
PA'I BDAG

POR BYIN GYIS BRLABS KYIS SHOG ,GSUNGS NAS, ,DKON MCHOG GSUM
GYI 
@014 BYIN RLABS SEMS BSKYED GNANG, ,RGYAL BU YAR BZHENGS SLAR
YANG MI RTA RNAMS, ,

SEMS BSKYED GDAMS NGAG YON DU RJE LA PHUL, ,RGYAL BU'I TSOGS
RNAMS YONGS

SU RDZOGS BYA'I PHYIR, ,RE ZHIG BLANGS NAS GDAMS NGAG 'DI SKAD
GSUNGS,,

RGYAL BU RE ZHIG RTOGS BRJOD MA BTANG BA'I, ,TSE 'DI'I CHE THABS
'DRE RKYEN DAG

KYANG BYED, ,RANG SANGS RGYAS KYANG BLA MED NYI TSE SGRUB, ,LTO
'GRANGS TZAM ZHIG

BRAN GYI TSOGS KYANG BZA', ,SKYE BA GTAN DU RGYAL PO GA LA
'BRANGS, ,RGYAL PO

RANG RGYUD CHOS LA BRTEN 'TSAL LO, ,RGYAL SRID SPANGS TE THAR PA
SGRUB 'TSAL

LO; ;SLAR YANG RGYAL BU DAM PAS LAN GSOL PA, ,BLA MA NGA NI
RGYAL

PO'I PHO BRANG NA, ,BZANG RTZON DAR GYI CHUN POS LEGS BSNABS
NAS, ,DANG PO

NYON MONGS KYIS NI GNYEN BSNGAMS SHING, ,THAMS CAD DGA' DGA' LTA
BU'I

BSLU BRID KYIS, ,KHO BO BRTEN PA'I 'DAM DU BYING GIS DOGS, ,NGA
NI RGYAL POS

MNAR BAR MI NUS PA, ,BLA MA KHYED KYIS BYIN GYIS BRLAB TU GSOL,
,CES PA

DANG , DE LA BRAM ZE CHEN POS 'DI SKAD GSUNGS, ,RIGS BRGYUD SRID
PA'I

'CHING THAG CHEN PO YIN, ,BLON RNAMS BDUD KYI PHA TSAN CHEN PO
YIN, ,NGES

PAR KHYED KYIS MYUR BAR REM TA RE, ,'DI RU MA SDOD NA LEN DRA RU
SONG, ,DE

NA THOG MED DUS NAS NYE 'BREL BA'I, ,KHYOD KYI BLA MA BYANG CHUB
BZANG PO YOD,,

SEMS BSKYED CHOS ZHUS LAS KYI 'BREL BA ZHOG ,MKHAS PA DE YIS
KHYOD LA PHAN

ZHES GSUNGS, ,DE MA THAG TU BRAM ZE CHEN PO YIS, ,SLAR YANG PHUL
BA THAMS

CAD PHYIR GNANG NAS, ,KHYIM NAS PHYUNG STE NGES PAR DRUNG 'DIR
SHOG ,MAN NGAG DU

MAS KHYOD NI SKYONG ZHES GSUNGS, ,DE NAS RGYAL BU RGYAL PO'I
KHAB DER 'ONGS, ,

GSER DNGUL LA SOGS 'BYOR PA DU MA BLANGS, ,'KHOR DANG BCAS PA NA
LEN DRA

@015 RU SONG, ,NA LEN DRA YI RGYAL PO BRED GYUR NAS, ,DMAG DPUNG
'KHOR DANG

PA RGYANG NAS BSU, ,MJAL TSE RGYAL BU'I GTAM NI YAR PHUL NAS,
,SA BDAG

RGYAL PO KHYOD NI GANG NAS LHAGS, ,'KHOR LOS BSGYUR 'DRA KHYOD
NI GANG NAS 'ONGS,,

DMAG GI CHAS KYIS RGOL BA GANG DU 'JOMS, ,RGYANG NAS MTHONG STE
KHYOD KYI DRUNG DU

'ONGS, ,CES PA DANG , RGYAL BU DAM PAS DE LA LAN SMRAS PA, ,NGA
NI

SHAR PHYOGS ZA HOR YUL NAS 'ONGS, ,PHO BRANG GSER GYI RGYAL
MTSAN CAN NAS

'ONGS, ,NGA NI SRID PA'I DGRA BO 'JOMS SU 'GRO ,'CHING DAG BDUD
KYI DGRA

BO 'JOMS SU 'GRO ,CES PA DANG , NA LEN DRA YI RGYAL POS LAN
GSUNGS

PA; ;KHYED NI SHAR PHYOGS ZA HOR RGYAL PO'I SRAS, ,SA YI BDAG PO
CHOS RGYAL

DGE BA DPAL, ,'KHOR LOS BSGYUR RGYAL NAG PO'I PHYOGS LAS RGYAL,
,MI

DBANG RGYAL PO ZHING DER BYON PA LEGS, ,KHYOD KYI BI KA MA LA
SHI LA NA, ,DKON

MCHOG PHO BRANG LHA YI GZHAL YAS KHANG, ,RAB TU BYUNG BA BSAM
GYIS MI KHYAB BZHUGS,,

MKHAS PA PAn CHEN NYI ZLA LTA BUR YOD, ,SA BDAG KHYED NI MKHAS
PA SU ZHIG 'DOD,,

CES PA DANG , RGYAL BUS LAN SMRAS PA, CHOS GRVA CHEN PO DPAL GYI
NA LEN DRA,,

RGYA MTSO CHEN PO RIN PO CHE'I GLING, ,PAn CHEN GNAM GYI SKAR MA
'DRA BA YOD, ,MCHOG

TU BSNGAGS PA'I BYANG CHUB BZANG PO DE, ,BRAM ZES LUNG BSTAN
BDAG GI BLA MA YIN,,

SA BDAG KHYOD KYIS BAR CHAD BSAL DU GSOL, ,DE LA RGYAL PO CHEN
POS LAN SMRAS PA,,

DPA' BO CHEN PO BO DHI BHA DRA DE, ,RI RGYAL CHEN PO GANGS RIS
G-YOGS PA LTAR,,

MI 'GUL LHAM ME LHAN NE LHANG NGER BZHUGS, ,RNAM THOS SRAS DE
NOR LA SPYOD PA BZHIN,,

DE NI 'PHAGS PA'I NOR LAS SKAL BAR RNYED, ,TSUR BYON BDAG GI PHA
BRANG 'KHOR DU BYON,,

SNYAN PA'I GTAM DANG DPAL 'BYOR ROL BAR BYA, ,RGYAL POS LEd SO
ZHES NI BRJOD PA DANG ,,

@016 RGYAL POS BSU BA YI NI MDUN BDAR NAS, ,ROL MO 'BUL ZHING NA
LENDRA RU BYON, ,DE YI

LHO PHYOd PADMA CAN LJONGS NAS, ,PHO BRANG KUN TU BZANG PO CES
PA NI, ,MI KHYIM 'BUM PHRAG

GCIG GIS SKOR BA YOD, ,DE YI NANG DU RGYAL BU SPYAN DRANGS NAS,
,RIN CHEN MDZES

PA'I KHRI STENG 'KHOD PA LA, ,RGYAL BU RANGS PA'I BKUR BSTI CHE
BA MDZAD, ,DE

NAS NA LEN DRA YI GTZUG LAG TU, ,BLA MA BYANG CHUB BZANG PA'I
DRUNG DU BYON, ,DE

YI GTZUG LAG KHANG DU BYON PA DANG , ,BLA MA MTHONG NAS SHIN TU
MI BZAD PA'I, ,

DGA' BA KHYAD DU 'PHAGS PA RGYUD LA SKYES, ,BLA MA DAM PA BYANG
CHUB BZANG POS KYANG,,

RGYAL BU DAM PA BYON PA GSAN PA DANG , ,SHIN TU DGE BAS STAN LA
RAB BZHENGS TE, ,

SNYAN PA'I TSIG GIS CHOS KYI GSUNG BYON PA, ,CHOS RGYAL SRAS PO
GNAS 'DIR BYON LAGS

SAM, ,MI YI DBANG PO GZHI MA BDE LAGS SAM, ,ZA HOR YUL NA CHOS
'BYOR

RGYAS LAGS SAM, ,SHUL RING LAM LA SNYEL BAR MA GYUR TAM, ,DE TSE
RGYAL BU DAM

PAS LAN GSOL PA, ,'DIR 'ONG YAB BDE CHOS DANG MTHUN PAR BDAG
,LAM DE

RING YANG KHYED DANG MJAL BAR GYUR, ,MKHAS PA KHYED NI SANGS
RGYAS BSTAN PA LA, ,

THOS BSAM SGOM PAS SNYEL BAR MA GYUR TAM, ,CES PA DANG , BLA
MA'I ZHAL

NAS LEGS KYI KHO BO YANG, ,DAM PA'I CHOS KYIS NYIN MTSAN BDE BAR
GYUR, ,RGYAL

BU STAN LA 'DUG LA GANG DGONGS GSOL, ,DE NAS RGYAL BUS GUS PAS
PHYAG 'TSAL

NAS, ,RIN CHEN MDZES PAS BLA MA MNYES PAR MDZAD, ,GUS PA'I TSIG
GIS

ZHU BA 'DI SKAD PHUL, ,'GRO BA'I BLA MA GTAM 'DI BRTZE BAS
DGONGS, ,NGA NI

'KHOR BA'I 'DAM RDZAB MI BZAD PAR, ,BSLU BRID RGYAL SRID CHEN
POS MNAR DOGS

NAS, ,DPUNG DANG BCAS TE NAGS SU PHYIN PA NA, ,BLA MA DGRA LAS
RGYAL BA BZHUd

DE GDA', ,DE LA SEMS BSKYED GSOL BA BTAB PA'I TSE, ,MKHAS PA
CHEN POS

@017 THUGS RJES RAB GZIGS NAS, ,CHOS GRVA CHEN PO NA LEN DRA RU
SONG, ,SKYE BA SNGON

NAS THUGS RJES RAB BZUNG BA, ,BLA MA DAM PA BYANG CHUB BZANG PO
BZHUGS, ,DE

LA SEMS BSKYED GDAMS NGAG ZHES GSUNGS, ,DE MA THAG TU RANG GI
PHO BRANG

NAS, ,MCHOD RDZAS BLANGS TE DE RING GNAS 'DIR SLEB, ,DA NI BDAG
LA BRTZE

BA'I THUGS RJE YIS, ,SEMS BSKYED GDAMS PA DU MA GNANG DU GSOL,
,DE

MA THAG TU STAN LA 'DUG PA DANG , ,BLA MAS TING NGE 'DZIN LA
MNYAM BZHAG NAS,,

SGO GSUM LAS SU RUNG BAR BYIN GYIS RLABS, ,DE NAS SEMS BSKYED
GDAMS PA DU

MA GNANG, ,DE YANG GDAMS NGAG BSTAN PA 'DI LTAR LAGS, ,RGYAL BU
TSE

'DI DON YOD THOB PA LAS, ,RGYAL SRID SPANGS NAS THAR PA MA
BSGRUB NA, ,LAS

KYI DBANG GIS NGAN 'GROR LTUNG BA'I TSE, ,SHIN TU 'GYOD KYANG
NGES PAR 'PHYIS PA YIN,,

SKYE BA GTAN GYI BTZAN SA 'DZIN DUS 'DIR, ,DKA' BA CHEN POS
BRTZON 'GRUS MA

BRTZAMS NA, ,THAR PA'I GO SKABS NGES PAR STOR BA'I TSE, ,PHYIN
CHAD BZUNG DU

MED DO RIGS KYI BU, ,DPA' ZHING BRTAN LA GO CHA PHUN TSOGS KYANG
, ,PHA ROL

'PHRANG LA GSHED MAS KHRID PA'I TSE, ,MTHU MED NYAM THAG 'GYOD
PA TZAM ZHIG NA, ,

PHAN PA'I DGOS PA CI YANG MA MCHIS SO, ,RGYAL BU DAM PA'I CHOS
'DI SEMS MDZOD

DANG , ,NA LEN DRA YI BYANG PHYOGS PHA GI NA, ,KHYOD KYI THOG
MED DUS NAS PHAR GYUR

PA'I, ,RGYAL SRAS RIG PA'I KHU BYUG CES PA YOD, ,TSE MTHAR PHYIN
CING DBEN

PAR GNAS PA DE, ,CHOS BRGYAD SPROS PA'I DRI MAS MA GOS PAR,
,TSUL KHRIMS

GOS CAN MNGON SHES THOGS MED LDAN, ,DRUNG DER SONG LA CHOS KYI
GDAMS PA ZHUS,,

MGON PO DE YI GSUNG DE THOS GYUR NAS, ,BYANG CHUB BZANG PO DE LA
'PHRANG BZHIN DU,,

RIG PA'I KHU BYUG BZANG PO'I DRUNG DU PHYIN, ,PHYAG 'TSAL MCHOD
PA PHUL ZHING 'DI

@018 SKAD ZHUS, ,NGA NI SHAR PHYOGS ZA HOR YUL NA GNAS, ,NGA NI
BHAm GA LA YI

RGYAL PO'I SRAS, ,PHO BRANG GSER GYI RGYAL MTSAN CAN NAS 'ONGS,
,NA LEN DRA

YE GTZUG LAG KHANG DU PHYIN, ,BYANG CHUB BZANG PO DE LA SEMS
BSKYED ZHUS, ,

GDAMS NGAG DAM PA BSTAN PA 'DI SKAD GSUNGS, ,'DI RU MA 'DUG
BYANG GI

PHYOGS SU SONG, ,DE NA THOG MED DUS NAS PHAR GYUR PA'I, ,BLA MA
RIG PA'I

KHU BYUG CES PA YOD, ,DRUNG DER SONG LA SEMS BSKYED GSOL BA
THOB, ,DES

NI KHYOD LA PHAN PAR 'GYUR ZHES GSUNGS, ,DE MA THAG TU RJE LA
'PHRANG GYUR KYANG ,

DGA' BA SKYES TE KHYOD KYI DRUNG DU 'ONGS, ,KHO BO YAB KYIS MNAR
BAR MI 'GYUR

BAR, ,BLA MA KHYED KYIS NGES PAR BZUNG DU GSOL, ,DE NAS BLA MA
DAM PA RAB

DGYES NAS, ,SA BDAG RGYAL PO BYON PA SHIN TU LEGS, ,TSUR SHOG
GNYIS SU

MED PAR BYIN GYIS RLABS, ,CHOS NYID 'GYUR BA MED PA'I BDEN TSIG
BDAR, ,BRTZE

BA'I SEMS KYIS DAM CHOS BSHAD CES GSUNGS, ,DE NAS RGYAL BUS
MCHOD PA GUS

PHUL NAS, ,BLA MA'I DRUNG DU PHYAG 'TSAL THAL SBYAR TE, ,NGA
RGYAL BSKYUNGS TE

STAN LA RAB 'DUG NAS, ,KHU BYUG BZANG POS SEMS BSKYED GDAMS PA
BSTAN, ,

GDAMS PA'I GCO BO MCHOG TU BSNGAGS PA DE, ,RGYAL BU TSE 'DIR
PHUN SUM TSOGS

GYUR KYANG, ,SKYE BA GTAN GYI SO NAM MA BYAS NA, ,DAL 'BYOR MI
LUS THOB PA

DGOS PA CHUNG , ,PHYI RABS NOR SHOR NA YANG PHAM LO LEGS, ,RGYAL
BU KLU

SGRUB SNYING POS 'DI SKAD GSUNGS, ,RMI LAM SGYU 'DRA RANG BZHIN
SPROS DANG BRAL,,

SEMS NYID MA BCOS GNYUG MA'I NGANG LA GNAS, ,GANG GIS 'DI GNYIS
BLO LA

MA BSAMS NA, ,'KHOR BA'I 'DAM DU BYING BAR 'GYUR RO AANG ,
,RGYAL BU

DON DAM MNYAM BZHAG NAM MKHA' 'DRA, ,RJES THOB SGYU 'DRA LAS
'BRAS BSAM

@019 PAR RIG ,BLA MAS ZAB MO'I CHOS DE BSTAN PA DANG , ,SBYOR
BA'I LAM RNYED

DPA' BA'I TING 'DZIN THOB, ,DE TSE RJE LA RTOGS PA 'DI PHUL PA,
,KHO BOS

TING 'DZIN GCIG LA MNYAM BZHAG STE, ,NAM MKHA' SPRIN DANG BRAL
BA JI BZHIN DU,,

GSAL LA DNGOS PO RTOG PA MI MNGA' ZHING, ,BLA MA CHOS KYI GNAS
LUGS DE LAd SAM,,

DE NAS TING 'DZIN DE LAS SAD PA DANG , ,SNANG BA ZHEN PA MED PAR
SEMS CAN DRAN,,

BRDZUN YANG PHRA ZHIB LAS LA BAG YOD THOB, ,BLA MA BDAG NYID
NYAMS DE MA 'KHRUL LAM,,

LAN DU BLA MA'I ZHAL NAS 'DI SKAD GSUNGS, ,LEGS SO KHYOD NI BSOD
NAMS

BSAGS PA'I BU, ,NGA NI SGRO SKUR MED PA'I DGE SLONG YIN, ,MNYAM
BZHAG

NAM MKHA' LTA BUR DAG NA YANG , ,RJES THOB SNYING RJES 'GRO BA
'DREN PAR PHYED,,

BDEN PA GNYIS KYI GNAS LUGS 'DI LTAR LAGS, ,DE NI BDAG GI MAN
NGAG DAM

PA LAGS, ,DA NI RGYAL PO'I KHAB NAS 'BYUNG 'DOD NA, ,RI BO NAG
PO'I ZOM

GYI LHO PHYOGS NA, ,BDAG GI BLA MA AA WA DHU TI YOD, ,DE NI
KHYOD KYI SNGON GYI BLA MA

YIN, ,DER SONG DE LA SEMS BSKYED GDAMS PA ZHUS, ,RGYAL PO'I KHAB
NAS

'BYUNG BA'I GDAMS PA LONG , RGYAL BUS BLA MA'I GSUNG DE THOS PA
DANG , ,RJE

LA 'PHRENG YANG DGA' BA MCHOG BSKYED NAS, ,PHYI PHYAG 'TSAL NAS
'KHOR DANG BCAS

PA YIS, ,DPA' BO'I GZUGS SU LAM DU ZHUGS PA NA, ,NA LEN DRA YI
RGYAL

PO CHEN PO YANG , ,NOR RDZAS MANG POS BDAG LA BTAB BYAS NAS,
'KHOR

DANG BCAS PAS DPAG TSAD GSUM DU BSKYAL, ,DE NAS RGYAL BU PHYIR
LA LOG PA'I TSE,,

RGYAL BU'I 'PHRENG BA'I GTAM 'DI SLAR GSOL BA, ,SA BDAG KHYOD NI
BDE 'BYOR

THOB LAGS KYANG, ,SRID PA'I DGRA DE CHOM PAR MA GYUR NA, ,PHYI
NAS GSHED MAS

BCINGS TE KHRID PA'I TSE, ,'GYOD PAR PHYIS PAS CHOS 'BYOR STEN
NA AANG,,
@020 BSAM PA BZANG POS GZHAN DON MDZAD NA ANG, ,MI RTAG TSUL
'DI TSONG 'DUS MGRON

PO 'DRA, ,'GRO BAR DGA' MOD BRTZE BAS MI DOR RAM, ,CHOS DANG
MTHUN PAR

MYUR DU MJAL BAR BGYI, ,RGYAL POS KYANG NI DE LA LAN GSOL PA,
,SKAL BA BZANG

PO DENG SANG MJAL BA'I MCHOG ,CHOS RGYAL SRAS DANG BCAS PA MI
DBANG G-YO,,

DENG SANG GSHEGS PAS BU LAS 'PHRANG BAR GYUR, ,'ON KYANG MYUR
DU MJAL BA'I SMON

LAM 'TSAL, ,DE NAS RI BO ZOM GYI LHO PHYOGS SU, ,BLA MA AA WA
DHU TI'I DRUNG DU

PHYIN, ,DE TSE BLA MA SKYES MCHOG DAM PA NI, ,BRAG GDONG NAG
PO DAG GI BYA

SKYIBS NA, ,WA BA NAG PO GCIG NI SKU LA GSOL, ,KRIshnA S'A RA
GCIG NI STAN DU

BTING, ,SGOM THAG CHEN PO GCIG NI GA SHAL BCUG ,SKU LUS SBOM
LA SHIN TU

BSUS PA CHE, ,SPYAN MIG DMAR LA SHA RTZA CUNG ZHIG SNGO, ,RTOG
PA MED PAR PHYED

SKYIL LUS GNAD BCAS, ,SNOD BCUD THAMS CAD THOD PA GCIG TU
BSDUS, ,CHAd

PA MED PAR BDE BAR ZHUGS PA MTHONG, ,RGYANG NAS CHIBS LAS
GZHOL TE PHYAG 'TSAL

ZHING, ,'KHOR DANG BCAS PA DRUNG DU 'DUG PA NA, ,CER TE GZIGS
NAS ZHAL

NAS 'DI SKAD GSUNGS, ,NGA RGYAL SGANG BU RAL BAR MA GYUR TAM,
,KHYIM GYI 'DAM

DU BYING BAR MA GYUR TAM, ,BDUD KYI BU MOS BSLUS PAR MA GYUR
TAM, ,PHUN

TSOGS DPAL 'BYOR CHUS ZOS MA BYAS SAM, ,RGYAL PO'I BU 'DRA
KHYED RNAMS GANG NAS

'ONGS, ,CES GSUNGS PA DANG , THAL MO SBYAR TE TSIG GIS LAN
GSOL PA, ,

KHO BO SHAR PHYOGS BHAm GA LA NAS 'ONGS, ,PHO BRANG GSER GYI
RGYAL MTSAN CAN LAN GSOL PA, ,

RGYAL SRID TSOd LA ZHEN PA LOG NAS 'ONGS, ,'KHOR BA'I CHOS LAS
SKYABS GNAS ZHU RU

'ONGS, ,CHOS GRA CHEN PO NA LENDRA RU PHYIN, ,RIG PA'I KHU
BYUG DE LA SKYABS GNAS

ZHUS, ,PHA DES KHO BO KHYOD KYI DRUNG DU BTANG, ,DA NI KHYED
KYIS BDAG LA SKYABS SU

@021 GSAL, ,AA WA DHU TI'I ZHAL NAS 'DI SKAD GSUNGS, ,KHO BO
RGYAL PO'I

RIGS SU SKYES NAS 'ONGS, ,NYON MONGS LAS KYI TSOGS LA CHES
'JIGS TE, ,

RGYAL SRID MCHIL MA'I THAL BA BZHIN DU SPANGS, ,AA WA DHU TI'I
SPYOD PA SKYONG NUS

SAM, ,RGYAL SRID 'BYOR PA DUG GI MTSO DANG 'DRA, ,'THUNGS PA
TZAM GYIS THAR

PA'I SROG GCOD 'ONGS, ,RGYAL SRID 'BYOR PA ME YI 'BOS DANG
'DRA, ,BRGAL

BA TZAM GYIS SDUG BSNGAL BSKYED PAR BYED, ,DE RING PHAR SONG
RGYAL PO'I KHAB TU

SONG, ,KHYIM GYI NYES DMIGS LTOS LA MYUR DU SHOG ,RGYAL POS
BLA MA'I GSUNG

DE THOS PA DANG , ,BSNYEN BKUR BGYIS NAS MYUR DU KHAB TU
'ONGS, ,SKYE BO RNAMS

KYIS RGYAL PO MTHONG BA NA, ,GA SHA SGROG CING GLU GAR ROL MO
'BUL, ,RANG

GI NANG DU LHAGS PAR GYUR PA'I TSE, ,RGYAL PA YAB YUM CHES
CHER DGYES PA YIS,,

ZLA BA'I SNYING PO KHYOD NI GANG DU PHYIN, ,DE TZAM GCIG TU
DUB PAR MA GYUR TAM, ,

NYES DMIGS MTHONG NAS SKYO BA MA SKYES SAM, ,SLEB PAS LEGS
ZHES DGA' BA

SGROG PA NA, ,RGYAL BU DAM PAS ZHIB PAR LAN SMRAS PA, ,SA
PHYOGS DAG TU NYAMS

DGA' TZAM DU SONG, ,BSTAN PA'I DGRA BO THABS KYIS 'DUL DU
PHYIN, ,THUB PA'I

SKYABS GNAS BLA MA 'TSOL DU PHYIN, ,RI BRAG DAG TU DBEN PA
'TSOL DU PHYIN, ,

GANG DU PHYIN YANG 'KHOR BA'I NYES DMIGS MTHONG, ,SU DANG
'GROGS KYANG 'KHOR

BA'I NYES DMIGS BSHAD, ,JI LTAR BYAS KYANG SHES PA MA PHEBS
NAS, ,GO SKABS

PHYE CIG BDAG NI CHOS LA 'GRO, ,DE YI LAN DU PHA MAS 'DI SKAD
GSUNGS, ,RGYAL

BU 'KHOR BA'I GNAS LA SKYO LAGS NA, ,RGYAL SRID BZUNG LA DKON
MCHOG MCHOD PA

GYIS, ,THUGS RJE CHEN POS DBUL 'PHONGS TSIM PAR GYIS, ,GTZUG
LAG

BZHENGS LA DGE 'DUN RTAG TU THEG ,PHYOGS RIS MED PAR BYAMS
DANG SNYING RJE

@022 BSGOM, ,DE LTAR BYAS NA KUN TU BDE BAR 'GYUR, ,DE LA
RGYAL BU DAM PAS LAN

SMRAS PA, ,BRTZE NA YAB GCIG BDAG LA GSAN DU GSOL, ,DA NI RIN
CHEN GSER

GYI PHO BRANG DU, ,DAR GYIS BCUD MOS BSDAMS TE 'KHYOG MED PAR,
,PHO BRANG 'DI

RU BDAG NI MNAR BAR 'GYUR, ,BDAG GIS 'KHOR BA 'DI LA CHER
BLTAS SHING, ,

SKYE BO YONGS KYI SDUG BSNGAL BSAM PA NA, ,RGYAL SRID 'DI LA
CHAGS PA'I SNANG BA

'DI, ,MCHIL MA'I THAL BA TZAM YANG MI GDA'O, ,BDAG GIS BSKOR
ZHING NYIN

MTSAN DUS DRUG TU, ,KHYIM GYI NYES DMIGS CHES CHER BSAM PA NA,
,MTSAR

YANG BSLU BRID BDUD KYI BU MO LA, ,CHAGS SEMS SKAD CIG TZAM MI
GDA'O,

BDAG GIS RDZUN SNANG 'DI LA BLTAS TZAM NA, ,MNGAR GSUM BU RAM
KA RA SBRANG RTZI DANG ,,

MI KLAD KHYI KLAD MDZE KLAD RNAM KHRAG LA, ,KHYAD PAR TZUNG
ZAD TZAM YANG MA MCHIS SO, ,

DAR ZAB GOS DANG G-YU BYUR MDZES PA DANG , ,LHA YI RGYAN CHA
MDZES PAS 'PHYOR BA

DANG , ,MI GTZANG KHROD DU WA BA GYON PA LA, ,KHYAD PAR CUNG
ZAD TZAM YANG MI

GDA' NA, ,NGA 'GRO BSAM GTAN BSGOM DU NAGS SU 'GRO, ,DUR KHROD
BRGYAD DU

RTZED MO RTZA RU 'GRO, ,GSANG BA'I GNAS SU DGA' BA BSKYED DU
'GRO ,CHAGS MED

GNAS SU LDUM BU BSTEN DU 'GRO, ,NGA 'GRO NGA 'GRO RI BO'I ZOM
DU 'GRO ,RJE BTZUN AA

WA DHU TI'I DRUNG DU 'GRO ,NGA 'GRO NGA 'GRO MKHA' SPYOD GNAS
SU 'GRO, ,RDO RJE THEG PA'I

RO MCHOG MYANG DU 'GRO ,NGA 'GRO NGA 'GRO AO RGYAN YUL DU 'GRO
,YE SHES MKHA' 'GRO

GROGS SU BSDUD DU 'GRO ,NGA 'GRO NGA 'GRO 'OG MIN GNAS SU 'GRO
,RNAM

SNANG ZHABS LA SPYI BOS BSTEN DU 'GRO, ,NGA 'GRO NGA 'GRO DGA'
LDAN GNAS SU 'GRO,

BYAMS PA'I SKYES MCHOG BLA MA BSTEN DU 'GRO ,NGA 'GRO NGA 'GRO
ZHING KHAMS YONGS

SU 'GRO ,DAM PA'I CHOS KYI DGA' STON BGYID DU 'GRO ,NGA 'GRO
NGA 'GRO 'PHAGS

@023 PA'I ZHING DU 'GRO ,BDE BA CAN DU NYAMS DAG SKYONG DU
'GRO ,KHO BO MA BCINGS

MA 'CHINGS DGE BA DPAL, ,PHA GCIG BU LA BRTZEN BTZAN SAR
BSKYOL, ,KHO

BO MA BCINGS MA 'CHINGS 'OD ZER CAN, ,MA GCIG BU LA BRTZE NA
CHAS LA SBYOR, ,

NYI MA DE RING NGA LA 'BRAS CHANG DANG , ,SHA DANG 'O MA DANG NI
SBRANG RTZI DANG , ,RDZAS KYI

'BYOR BA CUNG ZHIG THUGS LA THOGS, ,RJE BTZUN AA WA DHU TI'I
DRUNG DU 'GRO ,BSNYEN

BKUR BYED CING BDAG RGYUD 'DUL DU 'GRO ,TSIG DE RGYAL BU DAM
PAS GLUR BLANGS

SHING, ,YAB YUM GNYIS KYI SNYAN DU PHUL BA DANG , ,DRI ZA'I
RGYAL POS GLU DBYANGS

BLANGS PA NA, ,SKYE BO'I TSOGS RNAMS SHES PA G-YO BA LTAR,
,YAB YUM GNYIS KYI

SHES PA CHER G-YOS NAS, ,LAN MA THEBS PAR GRABS LA GANG DGOS
GNANG , ,DE

NAS 'BRAS CHANG LA SOGS ZAS SNA DANG , ,RTA PA STONG DANG BCAS
TE NAGS SU PHYIN, ,

AA WA DHU TI MCHOD PAS TSIM PAR BYAS, ,THAL MO SBYAR ZHING
ZHABS LA GTUGS PA

DANG , ,BLA MAS SEMS BSKYED THEG CHEN DBANG BSKUR MDZAD, ,DE
TSE 'KHOR LOS

BSGYUR BA'I RGYAL PO LA, ,'KHOR GYIS BSKOR ZHING 'JIGS PA
BSRUNG BA LTAR, ,

THAMS CAD RTA LAS MA BABS NAGS KHROD NA, ,HOR 'DRA KU SGRA
SGROG CING PHYI NAS

BSKOR, ,ME LCE BYED CING GLU DBYANGS MCHOD PA 'BUL, ,BYAS PA'I
RJES SU BLA MAS

'DI SKAD GSUNGS, ,RI BO NAG PO'I GTZUG LAG KHANG DU SONG,
,DPAL

LDAN DGYES PA RDO RJE'I RNAL 'BYOR PA, ,BKA' SDOD GSHIN RJE
GSHED KYI RNAL

'BYOR PA, ,DPAL LDAN RA HUL YI DRUNG DU SONG, ,SEMS BSKYED
DBANG

BSKUR GDAMS PA DU MA ZHUS, ,DE YANG SNGON GYI BLA MA DAM PA
YIN, ,DGA'

BAS RGYU GCIG MA SDOD DA LTA RGYUG ,RGYAL BUS BLA MA'I GSUNG
DE THOS PA DANG , ,

DPA' BO CHEN PO G-YUL DU ZHUGS PA LTAR, ,KHRAB KYI GOS CAN
RTA PA STONG GIS BSKOR,,

@024 RMOG GYON DPA' BO'I NGAR SGRA CHEN PO YIS, ,STA RE DGRA
STA THO BA MDUNG LCAGS

'PHYAR, ,THOG MDA' 'PHEN ZHING KUN NAS 'BRUG SGRA SGROG ,DGA'
BA'I GLU

LEN GTZUG LAG KHANG DU RGYUG ,DE NAS RI BO NAG PO'I GTZUG LAG
NAS, ,RNAL

'BYOR PHO MO DPAG TU MED PA LA, ,DPAL LDAN DGYES PA RDO RJE'I
RNAL 'BYOR PA, ,

GSANG SNGAGS RGYUD SDE GSUNG GIN YOD PA NA, ,RGYAL BU ZLA BA
GZHON NU BYON PA GZId,,

CHOS LA 'ONGS PA MNGON PAR MKHYEN NA YANG, ,THUGS RJE CHEN POS
BSDIG RA

BYA BA'I PHYIR, ,RGYAL PO'I STENG DU THOG GCIG PHAB PA YIS,
,THOG DE

DBYINGS NAS 'BAB PAR MA 'DOD PAR, ,MU STEGS NAG PO'I MCHOD
RTEN RI LA

SONG, ,DE LA RNAL 'BYOR PA RNAMS NGO MTSAR NAS, ,RGYAL PO'I
DMAG ZHIG GANG LA SU

ZHES GSOL, ,DE MA THAG TU BLA MAS LAN GSOL PA, ,SKYES PA LNGA
BRGYA LNGA BCU RTZA

GNYIS SU, ,RNAM DAG DGE SLONG MKHAS PA DE BZHIN DU, ,LEGS PAR
BRGYUD

CING DENG SANG BHAm GA LAR, ,CHOS RGYAL DGE BA DPAL GYI SRAS
SU BLTAMS, ,'DI

'DRA'I 'KHOR DANG RGYAL SRID CHEN PO LA, ,'DI NI MA CHAGS DKA'
BA SPYAD PAR

'DOD, ,RI BO ZOM NAS AA WA DHU TI BAS, ,NGA LUNG BSTAN TE DE
RING GNAS

'DIR LHAGS, ,NGO MTSAR CHE'AM SKAL LDAN PHO MO KUN, ,CES PA
DANG , ,KUN

GYIS AA LA LA HO NGO MTSAR CAN, ,DE RING DPA' BO CHEN PO BYON
PA LEGS, ,

DE NAS KUN NAS BYON TE RGYANG NAS BSU, ,RGYAL PO CHEN PO CHIBS
LAS GZHOL GYUR TE, ,

RTA PA STONG GIS KYANG NI RTA LAS BABS, ,DE NAS BLA MA'I PHO
BRANG 'KHOR DU BYON, ,GUS

PAS PHYAG 'TSAL GSOL BA 'DI LTAR BTAB, ,SKYES MCHOG BLA MA DAM
PA GSAN DU

GSOL, ,KHYIM NAS BYUNG STE THAR PA BSGRUB 'DOD KYANG, ,DA LTA
GRAGS PA'I

RIGS BRGYUD MTHO THOB PAS, ,BHAm GA LA RU KHO BA 'CHING NYEN
DGA', DZE T'A

@025 RI DANG BYANG CHUB BZANG PO DANG , ,RIG PA'I KHU BYUG AA
WA DHU TI DANG , ,DNGOS

GRUB BRNYES PA'I BLA MA BRTEN GYUR KYANG, ,DA DUNG RGYAL SRID
GNAS LAS GROL

MA GYUR, ,DES NI BLA MA KHYED KYI DRUNG DU BTANG , ,BDAG LA
SEMS BSKYED THEG

CHEN DBANG BSKUR GYIS, ,NGES PAR 'CHI BA 'DI LAS BSGRAL DU
GSOL, ,DE

NAS BLA MA DPA' BO DAM PA YIS, ,RGYAL BU GCIG PUR DKYIL 'KHOR
DRUNG DU PHYIN, ,

DPAL LDAN DGYES PA RDO RJE'I DBANG BSKUR MDZAD, ,GSANG MTSAN
YE SHES GSANG

BA'I RDO RJER BTAGS, ,NYIN DANG MTSAN DU GDAMS PA'I CHAR PAR
PHAB, ,NYIN MTSAN

BCU GSUM BAR DU DBANG BSKUR MDZAD, ,CHOS KYI BYA BA THAMS CAD
TSAR BAR MDZAD, ,

DE YI BAR DU 'KHOR TSOGS THAMS CAD KYANG, ,MA NYAL 'GRO DANG
'CHAG DANG

RTZE BA DANG , ,GLU GAR ROL MO SNA TSOGS BYED PA DANG , ,RGYAL
BU PHYIR LA NAM 'BYON

SNYAM PA LAS, ,RNAM PAR RTOG PA GANG YANG MA BYUNG NGO, ,NYIN
ZHAG BCU GSUM

PA YI DUS TSOD NA, ,RGYAL BU HE RU KA YI CHAS SU BYON, ,'KHAR
BAS 'JIGS SHING

MI RTAG GLU DBYANGS BLANGS, ,'KHOR GSUM BLTA ZHING SNYING BA
MED PA GZIGS,,

DE TSE NGAG DU BRJOD PA'I GLU DBYANGS 'DI, ,SPROS BRAL NYAG
GCIG DBYINGS KYI NAM

MKHA' LAS, ,SKYE MED STONG PA'I TSIG GI NGA RO SGROG ,RGYAL
SRID RMI LAM NOR 'DRA

SNYING PO MED, ,'KHOR GYI TSOGS NI SGYU MA'I BSLU BRID YIN,
,THAMS CAD BOR

NAS BYANG CHUB MA BSGRUB NA, ,KHO BO SKAL LDAN BSOD NAMS BSAGS
PA MIN, ,

NYIN DANG MTSAN DU GNAS LUGS DON BSGOM ZHING, ,RGYA CHEN THOS
PA RTAG TU BTZAL BAR

BYA; ;DE NA SGYES PA RDO RJE'I RNAL 'BYOR PA, ,MI RTAG RANG
BZHIN LAS SKYES

RNAL 'BYOR PA, ,DPA' BO DNGOS GRUB BSNYES PA'I RNAL 'BYOR PA,
,'JIGS

PA'I GRUB THOB PHO MO GCER BU BRGYAD, ,LAG PA G-YAS PAS MI
RKANG GLING BU BZUNG,, 
@026 G-YON PAS MI SHA LAG PAR SO 'DRAD BYED, ,NGAG NAS H'Um
DANG PHAd KYI SGRA CHEN SGROG,,

KUN NAS RGYAL BU'I PHYI LA BSKOR ZHING RGYUG ,BHAm GA LAR SONG
RGYAL PO'I BSAM PA BSGYUR,,

RGYAL BU SRID DANG BRAL BAR BSAM PA BSGYUR, ,SKYES MCHOG AA WA
DHU TI'I DRUNG DU BSKYOL,,

LVA BA'I GOS CAN DMAN PA'I ZAS KYIS SKYONG, ,DAR ZAB GDAN KHRI
KRishnA SA RA BYIN,,

'KHOR DANG RTA KHROL GCIG PUR LDOM BU SLONG, ,MA ZHUM MA ZHUM 
THAR PA BSGRUB PA'I

DUS, ,NGES PAR GNYEN POS BTZAN POS BTZAN CHOD BYED PA'I DUS,
,DA LTA RGYUG CES BLA MAS

BKA' BSGO MDZAD, ,DE NAS RGYAL BUS GRUB THOB CHA LUGS SU,
,CHIBS LA CHIBS TE RTA

PA STONG GIS BSKOR, ,LAM DU ZHUGS TSE RDO RJE'I MGUR BZHES PA,
,SKYE BA MED

PA SEMS KYI RDO RJE LA, 'GYUR BA MED PA'I RDO RJE'I THEG PA
RNYED, ,SHIN TU

DGA' BA'I NYAMS KYI RDO RJE LA, ,RDO RJE NYAMS DANG LDAN PA'I
SNANG BA SHAR,,

GSAL LA DAG PA LHA YI RDO RJE LA, ,NYES SKYON DAG PA LAS KYI
GZUGS BRNYAN SHAR,,

RDO RJE RIN CHEN LUS KYI DKYIL 'KHOR LA, ,BDAG MED RDO RJE
'JIGS MED SNANG BA

SHAR, MI RTOG YE SHES GSANG BA'I RDO RJE DANG , ,'KHOR BA'I
G-YUL LAS NGES

PAR RGYAL BAR GYUR, ,RGYAL BUS RDO RJE'I MGUR DE BZHES PA DANG
, ,NANG BLON

CHEN PO DPA' BO RDO RJE DANG , ,BLON PO CHEN PO PHAS RGOL RAB
'JOMS DANG ,,  

BLON PO CHEN PO SKAR MA'I RGYAL PO DANG , ,BLON PO CHEN PO
'JIGS PA MED PA DANG ,,

BLON PO CHEN PO BZHI YIS SKYO BA'I GLU BLANGS PA, ,AE MA HO:-
'JIG RTEN LAS KYI

MTHU BTZAN PA, ,KUN NAS MI ZAD ZA HOR YUL PHYOGS NAS, ,DPAL
MCHOG

RGYAS PA GRONG KHYER BHAm GA LA, ,LTA NA SDUG PA GSER GYI
RGYAL MTSAN CAN, ,NGO

MTSAR CHE BA'I RGYAL PO DGE BA DPAL, ,'GRO BA'I MA MA LHA MO
'OD ZER CAN, ,

SPRUL PA 'DRA BA'I BLON 'BANGS BOR GYUR NAS, ,RGYAL BU DAM PA
NAGS SU BZHUD PA

@027 'DRA, ,RTA DANG SHANG RTA GLANG PO BZHAG GYUR NAS, ,DMAN
PA'I TSUL BZUNG RKANG

'GROS BYED BYED 'DRA, ,LHA YI RGYAN DANG NA BZA' BOR GYUR NAS,
,DMAN PA'I

GNAS SU LVA BA GYON NYEN GDA', ,RMA BYA BSNOL BA'I KHRI STAN
PHAR BZHAG NAS, ,

LO MA'I SPYIL POR KRishnA 'DING NYEN GDA', ,MDZES PA'I LHA MO
KHAB TU MI BZHES

PAR, ,DUR KHROD 'GRIM ZHING RO ZAS ZA NYEN GDA', ,BLTAMS MA
THAG TU DKAR

PO'I SNANG BA CAN, ,DGA' BAR 'DUS PA 'BRAL BAR PHOD LAGS SAM,
,DE LTAR

GLU LEN SKYO NAS KHAB TU 'ONGS, ,KUN GYIS PHO BRANG 'KHOR DU
SLEBS PA DANG , ,SKYE

BO KUN GYIS TSOR ZHING BLTAS PA'I TSE, ,PHYOGS SKYONG BCU PO
G-YUL DU ZHUGS PA

'DRA, ,'JIGS SHING DPA' LA GO CHA RAB TU BSTAN, ,MDZES SHING
MTSAR LA YA  

MTSAN LTAD MO CHE, ,SIL SIL KHROL KHROL 'UR SGRA SNA TSOGS
SGROG ,RANG GI RGYAL

BU LAGS KYANG 'JIGS PAR TSOR, ,ZLA BA GSUM DU BLON PO THAMS
CAD KYANG,,

DMAG GI CHAS BRGYAN RTA SGA CHAS RNAMS SGRON, ,LA LA TSAB
'GRAN LA LA GLU GAR RTZE,,

LA LA 'THAB PA LTA BUR GO BSHAM BYED, ,RNAL 'BYOR PHO MO DAG
NI MCHONG ZHING RGYUG,

RGYAL BU GRONG KHYER GNAS SU SMYO SPYOD SKYONG, ,KUN GYIS
RGYAL SRID SBONG BAR KHA TSON BCAD,,

THAMS CAD 'PHRENG ZHING RANG SAR MCHI MA 'BYIN, ,SHE'U KHYU GU
GCAN GZAN LHAGS

PA LTAR, ,YAB YUM BU PHYIR MYA NGAN SMRE SNGAGS 'DON, ,LHAG
PAR YAB KYI ZHAL

NAS 'DI SKAD CES GSUNGS, ,AE MA BU KHYOD LEGS PAR BTZAS PA'I
TSE, ,NGO MTSAR

LTAS MTHONG RGYAL SRID SKYONG SNYAM NAS, ,DGA' BA'I SEMS KYI
YID SMON AE MA GYUR,,

DA NI NAGS KHROD BSTEN NO 'DI SKAD DO, ,GSUNG NGO, ,DE LA
RGYAL BUS ZHU MCHID 'DI

SKAD DO, ,CHOS RGYAL YAB GCIG DAM PA GSAN DU GSOL, ,CI GSUNG
BDAG GI

RGYAL SRID BZUNG GYUR LA, ,TSE 'DIR YUD TZAM YAB DANG 'GROGS
GYUR KYANG, ,SKYE BA

@028 GTAN DU PHA BUR MI SHES SHING, ,PHAN GNOD MED PAS SHIN TU
TSANG BA YIN, ,BDAG

GIS RGYAL SRID CHEN PO RAB SPANGS NAS, ,NGES PAR RNAM GROL
BYANG CHUB LAM BSGRUB NAS,,

SKYE BA KUN TU DGA' BDE GROGS SU 'ONG, ,DE PHYIR BDAG LA GO
SKABS STZAL DU GSOL,,

DE NAS YUM GYI ZHAL NAS 'DI SKAD GSUNGS, ,CI PHAN BU 'DI SHIN
TU 'PHRANG NA YANG,,

SKYE DGU KUN LA LAS KYI 'PHEN PA GTZO, ,SKYES MCHOG GANG DU
BDE BAR CHOS LA MTHONG,,

PHYIS NAS GTAN DU 'GROGS PA'I SMON LAM 'TSAL, ,DE NAS RGYAL
BUS NANG PAR THO

RANGS NAS, ,RNAL 'BYOR RNAMS DANG LHAN CIG GNAS SU BYON, ,AA
WA DHU TI'I DRUNG DU

DKA' THUB BSTEN, ,CHAGS PA MED PAR DBU MA'I CHOS RNAMS BSLAB,
,DGUNG

LO BCU GNYIS LON NAS BCO BRGYAD BAR, ,AA WA DHU TI'I SPYOD PA
BSKYANGS PA DANG ,,

THOS BMAS SGOM PA STAN THOG GCIG TU BSGRUB, ,DE LTAR RJE BTZUN
THUGS RJE CHEN

PO YIS, ,DKA' BA BRGYA PHRAG DU MAS 'BAD PA YIS, ,RGYAL SRID
CHEN PO

BSAM GYIS MI KHYAB PA, ,MCHIL MA'I THAL BA BZHIN DU RNAM
SPANGS NAS, ,RNAM

GROL MA NOR THAR PA RAB TU BSTEN, ,DE PHYIR 'GRAN ZLA SU YANG
MA MCHIS PAS,,

BSTAN PA'I MNGA' BDAG DON GRUB RAB BRNYES LAGS, ,'BROM RJE KHO
BOS SPYI BOS

RAB BTUD NAS, ,'KHOR BA MA STONG BAR DU GUS PHYAG 'TSAL, ,'DI
LA SGRO

SKUR DRI MA GANG MCHIS PA, ,THUGS RJE CHEN PO KHYED KYIS BZOD
PAR BZHES, ,BLA

MA'I RNAM THAR RGYA MTSO LTA BU LAS, ,RGYAL SRID SPANGS NAS
THAR PA BSGRUB PA'I YON

TAN RAGS RIM TZAM ZHIG GSUNGS SO,, ,,SARBA MANGGA LAm,,