@029 JO BO RJE MNYAM MED GSER GLING PA CHOS KYI GRAGS PA DANG MJAL BA'I RNAM THAR BZHUGS SO,, *, ,RJE BTZUN BYAMS PA DANG SPYAN RAS GZIGS LA PHYAG 'TSAL LO, ,DGE SLONG D'A PAm K'A RA SHRI DZNY'A NA BDAG GIS ZLA BA BCU GSUm GYI BAR DU GZINGS KYI NANG DU BZHUGS NAS, BLA MA GSER GLING PA'I DRUNG DU PHYIN PA NA, ZLA BA LNGA TZAM 'DAS PA'I DUS SU LHA'I BU DBANG PHYUG CHEN POS, KHA BO'I BYANG CHUB KYI SEMS KYI BAR DU GCOD PA'I PHYIR, MI MTHUN PA'I RLUNG DMAR CHEN PO G-YOS, ,CHU SRIN NYA MID CHEN POR BYAS TE MDUN BKAG, NAM MKHA' LAS KHO BO'I STENG DU THOG PHAB STE, DE'I DUS SU KHO BAS BYAMS PA DANG SNYING RJE KHYAD PAR CAN GCIG BSGOMS PA LA BRTEN NAS RLUNG DMAR THAMS CAD ZHI NAS, THOG CHEN PO DRUG NAM MKHA' LA CHAGS 'DUG PA MTHONG, 'ON KYANG CHU SRIN DES MDUN BKAG PA DANG , RLUNG CHEN PO DES RGYA MTSO'I KHA 'KHYOMS PA'I STOBS KYIS GZINGS DE YANG DAR PO CHE RLUNG GIS BSKYOD PA BZHIN DU 'DAR BA DANG , 'PHYAR BA DANG , RES 'GA' NAM MKHA' LA 'KHYER BA DANG , RES 'GA' RGYA MTSO'I GTING DU SDIBS PA DANG , PHYOGS KYI BA DAN CHEN PO BZHI BSNYAL, KHRO CHU'I PHA BONG BZHI RGYA MTSO'I GTING DU BSKYUR KYANG, PHYOGS GZHI NAS RNGA CHEN PO BZHI BRDUNG PA LTAR 'UR SGRA DANG , CHOM SGRA DANG , 'OD DANG , SKAM GLAG CHEN PO BYUNG BA LA BRTEN NAS 'KHOR THAMS CAD KYANG SHIN TU SKRAG STE, RAB TU 'DAR ZHING YOD PA LA YANG BYAMS PA DANG , SNYING RJE'I TING NGE 'DZIN LA MNYAM PAR BZHAG PA DANG , PAndI TA SA'I SNYING POS, BLA MA LA GSOL BA 'DI BTAB BO, ,BZHENGS SHIG BZHENGS SHIG BLA MA THUGS RJE CAN, ,KHYED LA SA STENG 'DI NA 'GRAN ZLA MA CHIS NA, ,DENG SANG NAG PO'I PHYOGS KYIS 'JIGS SHING BCO BA 'DI, ,KHYED KYI THUGS RJE CHEN POS @030 ZHI BAR MDZAD DU GSOL, ,'GRO BA THAMS CAD SRID PA'I MTSO LAS SGROL BYED NA, DENG SANG NAG PO'I PHYOGS KYIS 'DIR NI THO MTSAMS SO, ,AE MA RLUNG DMAR G-YOS SHING GNAM LCAGS RAB TU 'BAR, ,NYA MID CHEN POS MDUN DU 'JIGS PA BYAS, ,RJE BTZUN 'JIGS PA 'DI LAS BSKYAB TU GSOL, ,RGYA MTSO RLUNG GIS BSKYOD CING RBA RLABS MKHA' LA 'PHYO, ,MI SNYAN SHUGS SGRA 'DON CING GLOG DMAR 'OD DU G-YOS, ,GZINGS KYANG 'DAR 'DAR SHIG SHIG RAB TU G-YOS, ,MKHA' LA LING LING 'PHYAR ZHING GTING DU SDIBS, ,RJE BTZUN DA NI 'JIGS PA 'DI LAS BSKYAB TU GSOL, ,KHYOD KYI YON TAN NAM MKHA' LTA BU LA, ,BKA' SDOD CHOS BSRUNG TSOGS RNAMS MKHA' LDING LTAR, ,LING LING BSKOR ZHING BAR CHAD SEL BYED NA; ; DENG SANG 'DI LTAR BAR CHAD LHAGS KYANG MI SKYOB PAR, ,DBEN PA'I DBYINGS NA BZHUGS PA THUGS RJE JI LTAR CHUNG, ,DA NI GSANG SNGAGS PHYI NANG MKHA' 'GRO CHOS SKYONG DANG , ,DGRA BCOM DPA' BO DPA' MO YE SHES LHA TSOGS RNAMS,, DKAR PO'I PHYOGS LA DGA' BA'I LHA TSOGS THAMS CAD KYIS, ,KUN NAS BSKOR ZHING DENG SANGS RGYA MTSO CHEN PO'I DIR, ,BLA MA KHYED KYI THUGS RJE'I DPUNG GIS BZLOG TU GSOL, ,GZHAN GYIS MI THUB BCOM LDAN GSHIN RJE GSHED DMAR LA, ,GSHIN RJE 'JIGS PAR BYED PA'I 'KHOR GYIS YONGS SU BSKOR, MI G-YE MGON PO KHRA BO BCU YI TSOGS DANG BCAS, ,'JEGS PA BRGYAD SKYEB LHA MO BKRA SHIS DPAL 'BAR MA; CHOS RGYAL BLA MA KYED KYI DPUNG GES BZLOG TU GSOL, ,BSTAN PA'I BDAG PO RJE BTZUN SANGS RGYAS BCOM LDAN 'DAS, ,RJE BTZUN SPYAN RAS GZIGS DBANG DIR MED DKYIL 'KHOR CAN, ,'GRO BA'I SDUG BSNGAL SEL BA'I CHOS RGYAL YAB SRAS GNYIS, ,DUS LA BAB BO THUGS RJE'I PHA TSAN DPUNG DU BSKYED, ,ZAG MED @031 BYIN RLABS CHU RGYUN YUN DU SRING DU GSOL, ,ZHES GSOL BA KHYAD PAR CAN LHANG LHANG 'DEBS PA KHO BOS LEGS PAR THOS PA DANG , KHO BO YANG BCOM LDAN GZHEN RJE'I GSHED SKU MDOG DMAR NAG BSUS KHYIM CHE BAR LA PA KHAM NAG GYEN DU BRDZES PA, MIG DMAR LA SDANG MIG PHYOGS BCUR BGRAD PA, DE MTHONG TZA NA KHRO BO GZHAN GYI LAG CHA DRUL BA GCIG TU MDZAD DE, ,RDO RJE BE CON NAM MKHA' LA 'PHYAR ZHING, G-YON PA SDIGS MDZUB DANG ZHAGS PA KLAD LA BSKOR NAS BCON GYIS RGYAB PAS, RI RAB LA PHOG NAS RI RAB TSAL PAR GSHAGS NAS RI RAB KYI 'OG GSER GYI SA GZHI'I GTING LA THUG PAR MTSAMS PHYE STE, YAR LOG RGYA MTSO CHEN PO DKRUd PAS KHRAG TU KHOL NAS CHU SRIN NYA MID DE RUS PA DKAR SANGS KYIS SONG BA'I MOD LAS, BYES PA GZHON NU SHA MED PA MDOG SNGO BA GCIG TU BYAS TE GZINGS KYI NANG DU BYUNG, PHYAG 'TSAL ZHING THAL MO SBYAR TE, KHRO BO'I RGYAL PO SHIN TU MTHU STOBS CAN, ,THUGS RJE CHEN PO 'GRO BA'I SKYABS GCIG PU, ,BDAG NI 'JIGS PAS SHIN TU NONGS MOD KYIS, ,DA NI KHYOD KYI THUGS RJES BSKYAB TU GSOL, ,ZHES ZER BA DANG , BDAG GIS KYANG BE CON LAG TU BLANGS NAS, H'Um; NGA NI SKYE 'GRO'I SROG BDAG CHEN PO YIN, ,THUGS RJE CHEN PO'I DBANG GIS NI, ,SNYING RJES KHYOD NI MA BSGRAL LO, ,DA NI BDAG GI GDUL BYA LA, ,MU STEGS CHOS LOG MA BSTAN CIG ,MO BON BRDZUN CHOS MA BSHAD CIG ,KHYOD KYI CHO SROG NGA DBANG NGO, ,CES SMRAS PA DANG , KHOS SNYAN PA'I TSIG PHUL BA, THUGS RJE CHEN PO DGONGS SU GSOL, KHYOD KYI GDUL BYA RJES 'BRANG LA, ,LOG CHOS GANG YANG MI BSTAN GYI, KHYOD KYIS BDAG LA BRTZE BAR DGONGS, ,KHYED NI BDAG GI SROG BDAG LAGS, ZHES SKAD DO, ,DE NAS ME THAB KYI RTZA NAS MI DKAR PO GCIG LANGS BYUNG NAS, KHA @032 BA CAN DU KHYOD MA 'GRIM, ,BAL PO'I GZINGS LA SA BCAD KYIS, ,ZANGS GLING LA SOGS GLING PHRAN DU, ,MA 'GRIM CHU YIS BAR MTSAMS BYED, ,BHRUm:HRI:YA KshA ZHES PA THOS, ,DE NAS RLUNG DMAR THAMS CAD ZHI, ,MTSO RLABS DANG , SGRA DANG , 'OD RNAMS ZHI, GZINGS CHEN PO YANG MNAL DU PHEBS NAS, DE NAS THAMS CAD DBUGS RANG SAR PHYIN TE, PHAN TSUN DGA' BA'I GLENG LANG KHROL LE BYUNG BA DANG , YANG KHRO BO GSHIN RJE'I GSHED KYI BSKYED RIM MA GSHIG PAR GZINGS KYI KHA KHYER GYIS 'JA' LI BZHAG NAS RDO RJE BE CON MKHAR BAR GTZUGS NAS 'DUG PA LA, DE NAS GZINGS CHEN PO PHRAG KHRIG TZAM YANG MED PAR GNAS GZHI CHEN PO BZHIN DU 'DUG PA LA CI YIN SNYAM NAS BLTAS PA DANG , BU MO GZHON NU MA KHA CIG BZHAD GAD ZER BA THOS NAS DE LTAR BLTAS TZA NA KHRO BO'I RGYAL PO MI G-YO BA 'DI PUS MI MAN CHAD RGYA MTSO'I GTING DU BZLAS PAR BYAS TE SKYES PA DAR MAS GZHONG PA BZUNG BA BZHIN DU GZINGS KYI SHAR NUB GNYIS NAS BCUN TE, DBU'I COD PAN SPRIN GYI GSEB NA LHAG GE 'DUG, GZINGS KYI KHA KHYER NA PHAR LA BU MO NYI SHU RTZA GCIG KHA PHYIR BSTAN NAS 'O SKOL MING SRING RNAMS MIN NA DE RING KHAR RJE CHE AANG GSUNG GIN 'DUG ,DE NAS KHO BOS 'JIGS PA BRGYAD SKYOB MA LA PHYAG 'TSAL LO, ,BKRA SHIS DPAL BAR MA LA PHYAG 'TSAL LA, , MTHO RIS LAM 'DREN MA LA PHYAG 'TSAL LO, ,RTAG TU KHYOD KYIS STONG GROGS BYAS,, DA DUNG THUGS RJES BSKYAB TU GSOL, ,ZHES GSOL BA BTAB PA DANG , BUD MED KUN NA RE, BU SA'I SNYING PO 'DI MIN NA, MU STEGS KYI GRONG KHYER SVA BA NA THA 'DI THAL PAR RLOG CIG SNYAM NA GSOL BA 'DEBS PA'I SGRA DE THOS PA DANG , AA PA SEMS CAN KUN GYI MCHOG KYANG SEMS DPA' CHEN PO 'DI YIN, DE RNAMS KYIS KYANG 'DI DRANG BA'I PHYIR 'DIR 'ONGS, ,LAR BYIS PA KHA SNGON PO 'DI RTAGS NA GZHU @033 CHAG ZER ZHING , BYIS PA KHO DE NYI MA DE RING PHAN CHAD NAS BAL PO'I GZINGS PHAR MA SGROL CIG ,SA'I SNYING PO LA BOS NAS, TSE DANG LDAN PA KHYOD RANG NAM MKHA'I ME TOG 'DI SVA BA NA THAR RGYOB LAS THONG , SKYABS 'GRO SEMS BSKYED KYI KHAG KHO MO CAG RNAMS KYIS LEN GSUNGS PA DANG , PAndI TA SA'I SNYING POS KYANG , THOG GCIG SDIGS MDZUB LA BLANGS TE BSKOR NAS MU STEGS KYI GRONG KHYER SVA BA N'A THA'I BYANG PHYOGS NA LHA MO TZA RTZI KA YOD PA'I STENG DU RGYAB PAS, MU STEGS KYI LHA KHANG LHA MO DANG BCAS PA RLAG PAR BYAS, YANG GCIG 'PHANGS PAS DBANG PHYUG CHEN PO NYID KYI RTEN LA RGYAB TE TSAL PAR GAS NAS, DE'I ZER CIG MU STEGS KYI RGYAL PO LA PHOG STE GZHOGS G-YAS PA CHAG ,ZER GCIG MTHA' DU RU KA'I PHO BRANG LA RGYAB PAS LO BCU GSUM DU SOG PO'I 'GRIM 'GRUL CHAD ZER, GCIG ZHANG ZHUNG RGYAL PO GUR NAG GI PHO BRANG LA RGYAB PAS, BON GYI BSTAN PA BSNUBS, RE RE GNYIS GNYIS YOD PA BRED NAS RI BO GANGS CAN GYI RGYUD DU BROS ZER, GCIG LHO PHYOGS KYI DUG MTSO NAG PO LA RGYAB PAS KLU BDUD NAG PO'I PHO BRANG GSHIG ,MDZE LA SOGS PA'I NAD RGYUN CHAD ZER, GCIG YUL LANG KAR RGYAB PAS, SRIN PO'I RGYAL PO LANG KA PU RI'I PHO BRANG THAL BAR BRLAG STE, SRIN PO MI ZAN GYI RABS CHAD, DE NAS NGA RGYAL GYI TSIG SMRAS PA, SA YI DKYIL 'KHOR 'DI YI BDAG PO NGA YIN GYIS, NAG PO'I PHYOGS RNAMS BYER CIG BYER CIG THAL BAR RLOG ,DPA' BO CHEN PO NGA NI SA YI SNYING PO YIN, ,AO RGYAN YUL NA RTA MGRIN RGYAL PO RTA SKAD 'TSER, ,RLOG CIG RLOG CIG DBANG PHYUG CHAN PO RDUL DU RLOG ,BON PO'I LHA RNAMS NGO BO'I NUS PA BRLAG PAR BGYIS, ,AOm PADMANTA KRA TA shVA TA HA YAm GHRI WA HU LU HU LU H'Um PHAd, CES ZER BA THOS SO, ,DE NAS KHRO BO'I RGYAL PO MI G-YOB DANG , BCOM LDAN @034 'DAS NYID KYANG YUD TZAM LAS MI SNANG NGO , ,KHO BO YANG RANG NYID DGE SLONG GI RNAM PAR STAN LA 'DUG STE GDA'O, ,RANG GI RJES SU 'BRANGS PA'I 'KHOR THAMS CAD KYANG YID RANGS TE, LHUN GYIS GRUB CING MA BCOS PA'I, ,CHOS RGYAL RIN CHEN LHUN PO 'DRA, ,MTSAN RAB YE SHES MNGA' BA DE, ,BDAG CAG THAMS CAD TSIM PAR BYAS, ,AE MA HO MGON PO MTHU DPAL CAN, ,DE BZHIN SRID PA'I RGYA MTSO LAS, ,BDAG CAG 'JIGS PAS NYEN PA NA, ,KHYOD KYI THUGS RJE'I SKYABS 'OG NAS, ,'CHUG PA MED PAR BSKYAB TU GSOL, ,ZHES ZER TE, ZHAG NYI SHU RTZA GCIG TU GANG YANG PHYIN PAR MA NUS NAS 'JIGS PA LAS BSGRAL MA THAG TU PHYOGS BZHIR RLUNG GI BA DAN BZHI 'PHYAR, KHRO CHU'I PHA BONG BZHI STENG DU DRANGS, MTHUN PA'I RLUNG DANG SBYAR TE ZLA BA PHYED DANG GNYIS KYI BAR DU NYIN MTSAN MED PAR RGYA MTSO CHEN PO LA ZHUGS TE PHYIN PAS ZLA BA BDUN LHAG TZAM NA'ANG MDUN DU RLUNG DMAR LANGS TE SNGAR BTANG BA'I NYIN LAM TZAM RLUNG GIS KHYER YANG , BLA MA DKON MCHOG DANG MKHA' 'GRO CHOS SKYONG LA GSOL BA BTAB PAS RLUNG DMAR RANG ZHI, YANG MTHUN PA'I RLUNG CHEN PO TZAM YANG MA BYUNG BAS SEMS CAN GYI BSOD NAMS LA BRTEN NAS ZLA BA PHYED KYI BAR DU LUS, DE BZHIN DU BYAMS PA DANG SNYING RJE BYANG CHUB KYI SEMS BSGOM ZHING MTHUN PA'I RLUNG DANG SBYAR NAS PHYIN PAS ZLA BA GNYIS DANG ZHAG NYI SHU RTZA DRUG NAS RGYA MTSO'I PHA ROL TU PHYIN PAR GYUR TE, BLA MA BTZAL BA'I PHYIR DKA' BA JI LTAR SPYAD PA'I RNAM PAR BZHAG PA LAS RGYA MTSOR LHA DBANG PHYUG CHEN PO PHAM PAR BYAS PA'I LO RGYUS KYI RNAM PAR BZHAG PA RDZOGS SO, ,NGO MTSAR BA LAGS SO,, ,, @035 ` RJE BTZUN BYAMS PA DANG SPYAN RAS GZIGS DBANG PHYUG LA PHYAG 'TSAL LO; ;DE NAS RGYA MTSO CHEN PO BSGRAL MA THAG TU GSER GLING GI LJON SHING GI NUB PHYOGS, BDE LDAN PADMA'I LHO PHYOGS, RNGAMS SHING DUM PO'I TSAL GYI BYANG PHYOGS, CHU SRIN KE KE RU'I SHAR PHYOGS, BOD KYI RGYAL POS BZHENGS PA'I BDE GSHEGS GSER GYI MCHOD RTEN GYI DRUNG DU BLA MA GSER GLING PA'I SLOB MA DGE BSHES BSAM GTAN PA DRUG YOD PA'I SAR BLA MA GSER GLING PA'I RNAM PAR THAR PA RNAMS RTZAD GCOD PA LA ZHAG BCU BZHI'I BAR SDAD PAS, DE LA BLA MA'I THUGS DAM GYI RIM PA GANG LA MDZAD PA DANG , BRGYUD PA'I KHUNGS BTZUN PA GANG NAS 'DED PA DANG , GZHUNG LUGS JI TZAM ZHIG THUGS LA MNGA' BA, LUNG DANG RIGS PA MAN NGAG DU TZAM GYI BDAG PO YIN PA, THUGS RGYUD 'BYONGS PA, RTOGS PA'I TSAD DANG , YON TAN CI TZAM MNGA' BA, THAMS CAD BSAM GTAN PA KUN LA ZHUS SHING , BSAM GTAN PA KUN GYIS KYANG BLA MA'I RNAM PAR THAR PA SNON BRI MED PAR BSHAD PA LA BRTEN NAS SA THOB PA TZAM GYI DGA' BA SKYES, BSAM GTAN PA DAG GIS KYANG PAndI TA SA'I SNYING PO LA SOGS PA RNAMS LA RNAM PAR THAR PA DRIS PAS DE RNAMS KYIS KYANG , RGYAL SRID SPANGS NAS THAR PA SGRUB LUGS, BLA MA DPAG TU MED PA BSTEN LUGS, GTZUG LAG KHANG DPAG TU MED PA'I BDAG PO BYAS LUGS, YON TAN RGYA CHEN PO MNGA' LUd BSHAD PA LA BRTEN NAS BSAM GTAN PA KUN NA RE, 'O NA PAndI TA CHEN PO 'DI, RGYA GAR GYI MKHAN PO D'I PAm K'A RA SHR'I DZNY'A NA BYA BA YOD ZER BA DE CANG MIN NAM ZER, SA'I SNYING POS SMRAS PA, RGYAL BA GNYIS PAR 'JIG RTEN YONGS NA GRAGS, ,LNGA BCU RTZA GNYIS PAn CHEN YONGS KYIS BSKOR, ,THEG PA CHE CHUNG YONGS KYIS BSNGAGS PA DE,, RGYA GAR MKHAN PO CHEN POR YONGS SU GRAGS, ,BSAM GTAN PA KUN GYIS SMRAS PA, @036 SA YI BDAG PO GNAS 'DIR LHAGS PA LEGS, ,THOS PAS SNYAN PA MTHONG BAS SKYO NA YANG , ,DE RING BDAG CAG BSOD NAMS SKAL BAR LDAN, ,MKHAS PA CHEN PO GZINGS LA BYON PA LEGS, ,BAR DU BDUD KYIS DKRUd PAR MA GYUR TAM, ,NYA MID RLUNG GI BAR CHAD MA MCHIS SAM, ,YUN RING 'TSE BAS NYEN PAR MA GYUR TAM,, SA'I SNYING POS LAN SMRAS PA, ZLA BA BCU GNYIS GZINGS SU ZHUGS NAS SONG , , DBANG PHYUG CHEN POS NYA MID RLUNG DMAR G-YO, ,DE NAS GZINGS LA SLAR YANG 'ONGS PA NA, ,RJE BTZUN NAM MKHA' MDZOD LA MNGA' BRNYES PAS, ,BRGYA DANG NYER LNGA 'PHONGS SHING DUB PAR GYUR, MI MTHUN PHYAd RNAMS BDEN PA'I TSIG GIS ZHI; ;SA YI SNYING POS TSIG DE SMRAS PA DANG , BSAM GTAN PA RNAMS DGA' ZHING RAB TU DGYES TE, KHO BO PHYOGS GCIG TU 'DUG PA DRUNG DU 'ONGS TA GUS PAS 'DI SKAD DO, ,KHYOD KYI SNYAN PA RGYANG NAS THOS PA NA, ,DGA' BA'I SEMS KYIS MTHONG NA YID SMON SHOR ,DA 'DIR MKHAS PA CHEN PO LHAGS PA NA, ,MI SHES MUN PA'I SGRIB PAS NON PAR GYUR, ,DA NI LUS DANG NGAG DANG YID DAG GIS, ,RAB TU GUS PAS KHYED LA PHYAG 'TSAL LO, ,KHO BO'I DRUNG DU PHYAG 'TSAL BA DANG ,KHO BOS SLAR KHENGS PA SPANGS TE, ,GUS PAS PHYAG BGYI'O, ,YANG BSAM GTAN PA KUN GYIS SMRAS PA, ,SKYES BU DAM PA GLING 'DIR LHAGS PA YI, ,CHED DU BYA BA GANG LAGS BSHAD DU GSOL, ,GUS PAS KHYED KYI BYA BA BDAG GIS BYA, ,CI 'TSAL BDAG LA LEGS PAR BKA' STZOL CIG ,KHO BOS LAN SMRAS PA, ,BDAG NI GSER GLING BLA MA'I DRUNG DU 'ONGS, ,DAL 'BYOR LUS LA SNYING PO LEN DU 'ONGS,, KHYED CAG MYUR DU BLA MA'I DRUNG DU SONG , ,ZHUS LA BDAG LA 'DOD PA'I SKABS DBYE ZHIG ,DE NAS BSAM GTAN PA DAG GIS BLA MA GSER GLING PA'I DRUNG DU PHYIN NAS, BLA @037 MA DAM PA GSAN DU GSOL, DENG SANG GLING 'DIR RGYA GAR GYI MKHAN PO D'I PAm KA RA SHR'I DZNY'A NA BYA BA DE, SLOB MA BRGYA DANG NYER LNGA'I TSOd DANG BCAS DE LHAN CIG TU RGYA MTSO CHEN PO LA ZLA BA BCU GNYIS KYIS BAR DU BDUD DANG , ,MU STEGS KYI LHA DBANG PHYUG CHEN PO BYAMS PA DANG SNYING RJES 'CHING ZHING, SKU GSUNG THUGS MDANGS MA SHOR BAR BDAG PHYOGS GANG NA BA DER LHAGS SO, ,DE LA ZHAG BCU BZHI'I BAR DU CHOS KYI GTAM SBREL POR MDZAD PAS BDAG CAG SEMS RANGS SHING TSIM PAR GYUR TO, ,DA NI SKABS KYI DON LA MKHAS PA CHEN PO DE KHYED KYI DRUNG DU 'ONGS TE, DUS GSUM GYI RGYAL BA THAMS CAD BSKYED PAR BYED PA'I YUM GTZO BOR NYAN PA DANG , SMON 'JUG BYANG CHUB KYI MCHOG TU SEMS BSKYED DE, THEG PA CHEN PO BLO SBYONG BAR BGYID,, GZHAN YANG BLA MA'I GZHUNG LUGS RGYA MTSO LTA BU NYIN MTSAN DU SPYOD PAR 'DOD PAR GDA' BAS, THUGS RJE CHEN POS SKABS DBYE ZHIG ,CES PA DANG , TSIG DE GSAN MA THAG TU BLA MA'I ZHAL NAS, SA YI BDAG PO BYON PA LEGS, ,DBANG PHYUG NAG PO BRDUL BA LEGS,, MI MTHUN PHYOGS LAS RGYAL BA LEGS, ,SNYAN PA'I BA DAN SGROGS PA LEGS, ,NYES SKYON MED PAR SLEB PA LEGS, ,DGE SLONG THAMS CAD CHOS GOS GSOL, ,DAM PA DE LA BSU BA BGYIS, ,DGE SLONG CHOS GOS GSUM KHA DOG MTHUN PAR GSOL BA THAMS CAD MTHUN PA RIL BA SPYI BLUG 'DZIN PA, THAMS CAD KYANG MKHAR BSIL MDZES PAR BSNAMS PA, SHIN TU DANG BA 'DREN PA DGRA BCOM PA LTA BU LNGA BRGYA DANG SUM CU RTZA LNGA'I SNA BLA MA GSER GLING PAS DRANGS NAS, DGE TSUL DRUG CU RTZA GNYIS KYAS BRTEN TE, MDOR NA RAB TU BYUNG BA LNGA BRGYA DANG BDUN CU RTZA GNYIS KYIS RGYANG RING PO NAS BSU BA'I PHYIR NAR GYIS BYUNG BA MTHONG NGO, ,DE MA THAG TU BCOM LDAN 'DAS ZHAL BZHUGS PA'I DUS DGRA BCOM PA RNAMS KYIS BSKOR BA LTAR SHIN TU DANG BA 'DREN ZHING @038 SHES PA NYES DGA' BA'I MTHAR THUG PAR GYUR TE, DE'I TSE KHO BOS KYANG GLANG PO CHE GNYIS LA MTHUN PA'I RKYEN RNAMS BKAL TE, DGE BSNYEN BZHIS YO BYAD MGO 'DON DU BCUG GO, BLA MA LA NGOMS PAR BYA BA'I PHYIR RIG PA'I GNAS LNGA LA MKHAS PA'I PAndI TA DANG , SDE SNOD GSUM LA MKHAS PA'I DGE SLONG GCIG YAN CHAD PHYAGS LHAM 'PHRENG MIG MA GSOL BA KHA CHE GUR GUM GYIS LEGS PAR KHA BSGYUR BA'I CHOS GOS RNAM GSUM THOG MA BABS PA PHAL CHEN SDE PAS LEGS PAR BSNGAGS PA MDZES PAR GSOL BA, DE THAMS CAD RTEN 'BREL GYI CHE BAS LCAGS KYI LHUNG BZED RAB TSAD RDOL BUG MED PA BSNAMS PA, ZANGS KYI RIL BA SPYI BLUG MA GA DHA'I BRE GANG SHONG BA, BSTAN PA'I BDAG POS RAB TU BSNGAGS PA'I MKHAR BSIL LA SOd PA SDE TSAN THAMS CAD LEGS PAR TSANG BAR YOD PA; THAMS CAD KYANG PAndI TA'I ZHVA NGA RGYAL MED PAR GSOL BA, RNGA YAB DKAR PA RE PHYAG NA BSNAMS PA, DE YANG PAndI TA CHEN PO 'GRO BA BZANG PO, CHOS KYI BSHES GNYEN, DGE BA'I 'BYUNG GNAS, DPA' BO RDO RJE, LHA'I BLE GROS, NYI MA SBAS PA, SA'I SNYING PO, YE SHES SNYING PO, NGAG GI DBANG PHYUG, DHA NA SHR'I MI TRA, SHES RAB BZANG PO, ZLA BA BZANG PO, KUN TU BZANG PO, GSANG BA'I SNYING PO, BLO GROS MTHA' YAS, RGYA MTSO RBA RLABS, ,RI RAB RGYAL PO, DPA' BO ROL PA LA SOGS PA'I PAndI TA CHEN PO RNAMS DANG , SDE SNOD GSUM LA MKHAS PA'I DGE SLONG BRGYA DANG BRGYAD, DGE TSUL BCU GSUM, DGE SLANG CHEN PO BZHI STE BRGYA NYI SHU RTZA LNGAS KHO BA'I RJES SU LAM BAR DU MI RE SHONG BA TZAM DU MA 'BYAR BA, RGYANGS CHES MA DRAGS PA, BAR MA CHAD PAR 'JA' TSON SNA LNGA'I GUR BZHIN DU, MGON PO GSER GLING PA GA LA BA BZHUGS PA, DER PHYIN PA DANG , THAMS CAD PHUN SUM TSOGS PA SHA STAG TU GYUR PAS LHA RNAMS KYIS ME @039 TOG GA CHAR PHAB BO, SNGAR 'KHOR BA THOG MA MED PA NAS BLA MA DANG NYE BAR 'BREL YANG, 'DIR SNGAR GDAMS PA MA THOB PA DANG , KHO BO'I RJES SU PAntI TA CHES MANG BA DANG , BDAG CAG GIS PHYAG GIS MCHOD PA'I RJES SU BLA MA'I SKU 'KHOR DANG BCAS PA THAMS CAD KYIS KYANG KHO BO DANG , KHO BO'I SLOB MA CHEN PO RNAMS KYI GZI BRJID MA THUB PAR THAMS CAD THANG SDOM PA NAS YON TAN THAMS CAD KHO BOS TSANG BAR BYAS PAS SNYING GCIG TU YOD PA DANG , THAMS CAD KYANG LTA SPYOD MTHUN PA DANG , THAMS CAD KYANG KHO BO'I RJES SU SLOB PA SHA STAG YOD PAS, LAN DU PHYAG LAN KYANG 'GYEL BA BZHIN DU MDZAD DO, ,DES RAB TU GNAS PA MDZAD NAS PHYIS KYANG KHO BO RGYA BOD THAMS CAD KYI BKUR BAR GYUR TO, ,DE'I TSE BDAG GIS RIN PO CHE'I BUM PA LTO BA CHE LA LHUN GYIS GRUB PA, RTZA BA GTAN LA MGRIN PA RING BA, KHA G-YEL LA MCHU DRANG BA, NANG NA DNGOS PO CI YOD PHYI NA GSAL BA GCIG ,RIN PO CHE DANG , GSER DANG , DNGUL DANG , MU TIG DANG , BYI RU DANG , PEE d'URYAS BKANG STE BLA MA'I PHYAG TU PHUL LO, ,GZHAN THAMS CAD KYIS KYANG GSER GYI SBRAM BU ZHO RE YOD PA PHUL LO; ;BLA MA DAM PA GSER GLING PAS TSIGS SU BCAD PA'I SGO NAS LAM GYI BAR CHAD DRIS PA 'DI LTA STE, 'DUL BA 'DZIN 'BYON PA LEGS, TSUL KHRIMS GOS CAN BYON LAGS SAM, ,SNYING RJE CHEN PO BYON LAGS SAM, ,CHOS KYI RGYAL PO 'DIR LHAGS SAM, ,KHYED KYI SNYAN PA RGYANG NA CHE ,MTHONG BAS DGA' KHYOD BYON LAGS SAm, ,RGYA GAR CHOS KYI PHO BRANG DU, , RGYA CHEN SPYOD PAS 'GRO BA LA, ,PHYOGS RIS MED PA'I SNYING RJE YIS, ,MGON SKYABS DPUNG GNYEN MDZAD LAGS SAM ,MKHAS PA KHUNGS NAS BTZUN LAGS SAM, ,BLA MA MANG POS BSKYANGS LAGS SAM, ,MKHAS PA MANG POS BKUR LAGS SAM,, DENG SANG GNAS 'DIR BYON PA LEGS, ,SKYE DGU'I BDAG PO RGYA MTSO LAS, ,ZLA @040 BA BCU GSUM BYAS ZHES THOS, ,DKA' BA SPYAD PA NGO MTSAR CHE, ,DBANG PHYUG NAG PO BRTUL ZHES THOS, ,SNYAN PA'I GRAGS PA NGO MTSAR CHE, MKHAS PA SHUL THAG RING PO LA, ,LUS SEMS DUB PAR MA GYUR TAM, ,NAG PO'I PHYOGS KYI PHRAG DOG LA, ,SNYING RJES SKYO BAR MA GYUR TAM, ,SKYES BU CHEN PO BYON PA LEGS, , GNAS NA KHA 'THOR TZAM GCIG MCHIS, ,DE DAG THOS BSAM LAS LA ZHUGS, , GZHAN RNAMS KHYED KYI MDUN DU 'ONGS, ,DA 'DIR MJAL BA SKAL BZANG , ,DA NI GTZUG LAG KHANG DU GSHEGS, ,'DUS PA'I KUN DGA' RA BAR GSHEGS, , PHEBS PA'I GSUNG GLING RIM GYIS BSNYAD, ,CHOS DANG MTHUN PAR 'GROS PA BYA, , CES PA DANG , ,BDAG GIS 'DI SKAD ZHUS PA, 'ONGS LAGS RGYA GAR DBUS NAS 'ONGS, ,BAR CHAD CHOS DANG BRAL TE 'ONGS, ,DKON MCHOG THUGS RJE'I DPAL GYIS BLTAMS, ,DBANG PHYUG NAG PO LAS KYIS PHAM, ,SGO GSUM NAG PO'I PHYOGS LAS RGYAL, ,NYAMS PAR MA GYUR BDE BAR SLEBS, ,SKYE DGU'I DON LAS MA NYAMS PAR, ,RGYAL BA LHAM MER BZHUGS LAGS SAM, ,GZHUNG LUGS RGYA MTSOR RAB 'BYED CING, ,MDANGS DANG LDAN PAR BZHUGS LAGS SAM, BDUD SDE THAMS CAD 'JOMS MDZAD CING, ,SHES RAB RGYA MTSOR BZHUGS LAGS SAM, , GSER GLING 'DI NA MKHAS PA KHYED, ,'GRO BA'I DON LA NYIN MTSAN DU, ,BYAMS DANG SNYING RJES RAB GZIGS SHING, ,BSTAN PA'I BDAG POR BZHUGS ZHAS THOS, ,DE PHYIR THAMS CAD MKHYEN PA KHYED, ,BDAG GI BLA MAR GSOL 'DEBS KYI, ,SHES BYA'I DKYIL 'KHOR YANGS PA LA, ,BDAG GI SHES RAB SPEL DU GSOL, ZHES ZHUS PA DANG , ,DGE SLONG THAMS CAD KYANG NGAG MTHUN PAR, ,SKYES BU DAM PA BYON PA SHIN TU LEGS, ,BDAG CAG RNAMS KYANG KHYED DANG LHAN CIG TU, ,DAM PA'I CHOS @041 KYI BDE BAS TSIM PAR BYA, ,ZHES GSUNGS NAS GZHI BYES LHAN DU DGE 'DUN GYI KUN DGA' RA BAR BYON PA DANG , DE NA GNAS BRTAN YAR BSGRES PA GCIG DGE 'DUN 'GA' ZHIG LA CHOS GSUNG GIN 'DUG PA LA, ,KHO BOS PHYAG 'TSAL TE, GNAS BRTAN DES DE'I LAN DU PHYAG LAN MA MDZAD, DE NAS BLA MA'I GZIMS KHANG PHO BRANG DNGUL GDUGS CAN GYI NANG DU BYON TE, STAN LA 'KHOD PA NA, GNAS BRTAN DE YANG CHOS THUN BTANG NAS BYUNG STE, KHO BO LA CHOS DANG MTHUN PA'I PHYAG BYAS SHING , BDAG LA 'DI SKAD GSUNGS, SKYES BU DAM PA GNAS 'DIR BYON PA LA BSU BA MA BYAS, 'ON KYANG NGA RGYAL MED, GANG YANG SKYES BU DAM PA MNYES PA NI, ,CHOS LA BYA BA BYAS PA YIN BSAM MO, ,GSUNG DE THOS PA DANG , KHO BO YANG YID RANGS TE, CHOS DANG GANG ZAG LA CHE BA 'DON PA NGO MTSAR CHE SNYAM MO, ,DE NAS GZHI LEGS PAR PHEBS PA DANG , BLA MAS RTEN CING 'BREL BAR 'BYUNG BA'I CHE BAR CHOS MNGON PAR RTOGS PA'I RGYAN, CHOS THUN BCO LNGA TZAM GYIS LEGS PAR DKROL NAS KHO BO LA LEGS PAR GNANG NGO, ,DE NAS PHO BRANG DNGUL GDUGS CAN BZUNG STE; THOS BSAM SGOM GSUM GYIS DUS 'DA' BAR BYAS SO, ,DE THAMS CAD JO BO GSER GLING DU PHYAG PHEBS SHING, 'GRO BA'I MGON PO MNYAM MED GSER GLING PA CHEN PO CHOS KYI GRAGS PA DANG , LEGS PAR DGYES BZHIN DU MJAL BA'I LO RGYUS LEGS PAR GDA'O, ,SHIN TU LEGS SO NGO MTSAR RGYA MTSO'I DPAL, ,KUN LA BYANG SEMS 'BYONGS PAR BYIN GYIS RLOBS, ,MTHA' YAS SRID LAS SGROL BAR BYIN GYIS RLOBS, ,NGES 'BYUNG ZHEN LOG SKYE BAR BYIN GYIS RLOBS, ,RGYAL RIGS RIG PA'I GNAS LNGA KUN LA MKHAS, SGROL MAS LUNG BSTAN GANGS CAN DPAL DU BYON, ,BDAG PAS GZHAN GCES 'BYONGS NAS GZHAN @042 DON MDZAD, ,MTSUNGS MED AA TI SHAL GSOL BA 'DEBS, ,DA LTA NYID DU BYIN GYIS BRLAB TU GSOL, ,SKYE DGU'I SDUG BSNGAL 'PHRAL DU BSAL DU GSOL, ,SRID PA'I SDUG BSNGAL THAMS CAD GZHOM DU GSOL, ,CHOS KYI BAR CHAD THAMS CAD BZLOG TU GSOL, ,BYA RGYU CHOS LAS MED PAR BYIN GYIS RLOBS, ,ZHES GSOL BA DRAG PO RGYUN CHAD MED PAR BTAB PA LA BRTEN NAS BDAG GZHAN MA NA MKHA' MNYAM PA'I SEMS CAN THAMS CAD KYI RGYUD LA BDAG PAS GZHAN GCES PAR 'DZIN PA'I LHAG PA'I BSAM PA RNAM PAR DAG PA, BDAG GZHAN BRJE BA'I BYANG CHUB KYI SEMS RIN PO CHE BCOS MA MA YIN PA SKYES NAS 'GRO BA THAMS CAD SGROL BA'I DED DPON CHEN POR MYUR DU SKYE BAR GYUR CIG, ,,SARBA DZA YAN TU,,