BLA MA'I RNAL 'BYOR BZHUGS SO,, ` BLA MA RNAMS LA PHYAG 'TSAL LO, ,SPYIR YANG THEG PA CHE CHUNG GI CHOS THAMS CAD NAS BLA MA GAL CHE BAS MTSAN NYID DANG BSTAN TSUL MANG DU GSUNGS, SDONG PO BKOD PA LAS, SKYA BA 'DZIN PA MED PA YIS, ,GRU 'DI PHA ROL PHYIN MI NUS, ,YON TAN THAMS CAD RAB RDZOGS KYANG, ,BLA MA MED PAS SRID MTHAR MIN, ,ZHES GSUNGS TE, 'JIG RTEN PA'I YON TAN RIGS MTHO BA LA SOGS PA RDZOGS PA'AM, YANG NA SGRUB PA PO SLOB MA'I YON TAN DAD PA DANG , BRTZON 'GRUS LA SOGS PA RDZOGS PA YOD KYANG RGYUD BYIN GYIS RLOB PA'I BLA MA MA BSTEN PAR RTOGS PA MI SKYE TE, DE MA SKYES NA 'KHOR BA LAS MI THAR BAS BLA MA DAM PA BSTEN DGOS LA, DE'I MTSAN NYID KYANG, BLA MA'I MTSAN NYID BRGYUD PAR LDAN, ,RTOGS PA YOD NA TSAD LDAN YIN, ,RDZOGS PA'I SANGS RGYAS NAS BRGYUD PA BAR MA CHAD PAR BYANG CHUB KYI SEMS LA NGES PA BRTAN PO YOD PA JO BO'I BKA' BRGYUD LTA BU LA BSTEN DGOS, DE BRTEN PA'I TSUL YANG GNYIS LAS, DANG PO DON GYI SGO NAS BSTEN PA BLA MA'I GSUNG LAS JI LTAR BYUNG BA BZHIN SGO GSUM GYIS BSGRUB PA YIN, GSANG BA BRDA'I SGO NAS BSTEN PA NI, RANG GI SNYING KHA'AM SPYI GTZUG TU BLA MA BSGOMS NAS MOS GUS BYAS GSOL BA 'DEBS PA YIN, DE LA SBYOR BA DNGOS GZHI MJUG GSUM LAS, SBYOR BA LA GNYIS LAS, DANG PO SEMS BSKYED PA, BYAMS SNYING RJE @140 BYANG CHUB KYI SEMS BSGOM, GNYIS PA STONG RA BCAS, RANG LUS SNANG LA RANG BZHIN MED PA ME LONG GI GZUGS BRNYAN LTA BUR BSAM, SNYING 'OD KYI GONG BU LTA BUR BSAM, DNGOS GZHI NI, SPYI BOR PADMA DANG ZLA BA'I GDAN GYI STENG DU RANG GANG MOS KYI BLA MA BSAM, DE SNGAR MTHONG MA MTHONG GI BYE BRAG GI SKU'I TSAD JI TZAM YIN PA LA TSO NA GANG TZAM DU BSAM, ZHAL GYI DKYIL 'KHOR DANG SKU'I BZHUGS TSUL DANG, GSUNG GI NGA RO DANG , THUGS KYI DGONGS PA THAMS CAD DRAN PAR BYA, BRGYUD PA'I BLA MA SANGS RGYAS LA THUG PA MAN CHAD CHOS 'BREL YOD PA'I BLA MA THAMS CAD DANG , YID DAM DANG , SANGS RGYAS DANG BYANG CHUB SEMS DPA' THAMS CAD KYANG BLA MA DE DANG NGO BO THA MI DAD PAR MOS PA BYA, MCHOD PA CI 'BYOR DBUL, DE NAS THAL MO SBYAR LA, BLA MA'I SKU GSUNG THUGS LA SKYABS 'GRO CI NUS BYA, DE'I DON YANG SKYON THAMS CAD DANG BRAL BA, YON TAN THAMS CAD YONGS SU RDZOGS PA, DON DAM PAR RANG BZHIN MED PA NAM MKHA' LTA BU YIN YANG BDAG CAG SEMS CAN THAMS CAD KYI DON DU SNANG BA YIN SNYAM DU BSAM, DE NAS BLA MA DGE BA'I BSHES GNYEN RIN PO CHE, BLA MA BRGYUD PA RNAMS KYI RGYUD LA JI LTAR 'KHRUNGS PA, SANGS RGYAS DANG BYANG CHUB SEMS DPA' RNAMS KYI RGYUD LA JI LTAR MNGA' BA, NGES DON GYI MDO SDE RNAMS KYI BRJOD BYA'I DON GYI MTHIL BYANG CHUB KYI SEMS RNAM PA GNYIS BDAG GI RGYUD LA DA LTA NYID DU SKYE BAR BYIN GYIS BRLAB TU GSOL, 'BYOR BA, RGUD PA, MTHO BA DMA' BA, BDE BA, SDUG PA, NA BA, 'CHI BA, 'PHO BA, SKYE BA'I DUS THAMS CAD DU BYANG CHUB KYI SEMS MNGON DU GYUR PAR BYIN GYIS BRLAB TU GSOL, ,RKYEN DANG BAR CHAD THAMS CAD CHOS 'DI'I GROGS SU 'KHYER SHES PAR BYIN GYIS BRLAB TU GSOL, ZHES LAN GSUM GSOL BA BTAB, DE NAS MNYAM BZHAG GI PHYAG @141 RGYA BCAS LA TSANGS PHUG KHA PHYE BAR BSAM, DE'I NANG NA MAR BLA MA'I SKU 'OD KYI RNAM PA SKAR MDA' 'PHO BA'I TSUL DU BYON NAS SNYING DU ZHUGS PAR BSAM, BLA MA SANGS RGYAS DNGOS RANG 'DI YIN SNYAM PA'I DAD GUS SKYES TSAD GCIG BSGOM, DE NAS KHONG GLOD LA BLA MA'I SKU GSUNG THUGS RANG GI LUS NGAG YID GSUM LA THIM PAS, RANG GI LUS NGAG YID GSUM 'OD GSAL NAM MKHA' LTA BU'I NGANG DU GYUR PAR BSAMS LA GNAS TSAD DU BZHAG ,GSUM PA RJES NI, DE LA MI GNAS NA RANG GI LUS DANG SNYING GA'I BLA MA SNGAR BZHIN BSAM, YANG NA SPYI PO'AM, RANG BZHIN GYI GNAS SU GSHEGS PAR BSAM, DUS GSUM GYI DGE BA THAMS CAD BLA MA'I THUGS DGONGS RDZOGS PA DANG , CHOS 'DI SKYE BA'I CHED DU BSNGO BA DANG , SMON LAM BTAB DE LTAR NYAMS SU BLANGS PA LA BRTEN NAS PHAN YON BSAM GYIS MI KHYAB KYANG, MDOR BSDUS NA THUN MONG DANG THUN MONG MA YIN PA'I PHAN YON GNYIS 'BYUNG, MI DANG MI MA YIN PA'I 'TSO BA THAMS CAD KYIS MI TSUGS, 'JIG RTEN DANG 'JIG RTEN LAS 'DAS PA'I PHUN SUM TSOGS PA THOB, GDAMS NGAG DANG RJES SU BSTAN PA THAMS CAD 'BYUNG, DMIGS PA GNYIS KYI BYE BRAG GIS 'OD GSAL LA 'PHO BA YIN PAS, 'CHI KHA MA'I GDAMS NGAG 'DI NYID YIN, 'DI LA 'BUNGS NA RANG GANG 'DOD KYI RTOGS PA 'CHAR NUS GSUNGS, TING NGE 'DZIN GYI RTOG PA GZHAN MI DGOS GSUNGS, RIN PO CHE SPYIL BU BA'I ZHAL NAS, NGA'I SNYING PHYUNG NAS BSTAN KYANG SHA DMAR LHOG LHAG PA KHAM GCIG LAS MI GDA' NYAMS LEN GYI MTHIL PHYUNG BA 'DI YIN GSUNGS, BLA MA'I RNAL 'BYOR BLA MA'I GSUNG LAS YI GER BKOD PA'O, ,CHOS 'DI'I BRGYUD PA NI, SANGS RGYAS BCOM LDAN 'DAS KYIS 'PHAGS PA BYAMS PA LA, DES THOt MED LA, DES DBYIG GNYEN LA, KU SA LI CHE BA, KU SA LI CHUNG BA, GSER GLING PA, @142 JO BO RJE LHA GCIG DGE BSHES STON PA, PO TO BA, SHAR BA, 'CHAD KA BA, SPYIL BU BA, SLOB DPON LHA, LHA GDENG BA, DPON, DHARMA SIDHA, RGYA STON BYANG CHUB RGYAL MTSAN, MKHAN PO GZHON NU BYANG CHUB, RIN CHEN 'BYUNG GNAS DPAL BZANG PO, DES BUDDHA RATNA, DES K'IRTA SHA LA LA, DES DZA YA BHA DRA, DES PUnYE RATNA LA'O,, ,, SARBA HE 'DZUM, ,, DD]