BLO SBYONG TSIGS RKANG BRGYAD MA LO RGYUS DANG BCAS PA BZHUGS SO,, ` BLA MA DAM PA RNAMS LA PHYAG 'TSAL LO, ,DGE BSHES 'CHAR KA BA'I ZHAL NAS, BDAG BKA' GDAMS PA RNAMS LA DAD PA'I 'DI DANG PO SLOB DPON LCAG ZHING BA LA TSIG RKANG BRGYAD PA 'DI THOS NAS, DE NAS RLUNG SHOD DGE GONG BAR DU 'DI'I BTZANG DAR BCAD NAS TSIG RNAMS LA SNGO BGRANG BAG RE BYAS PA LAS RGYUD LA SKYES NI MI BDOG ,SKYES NA 'DI MIN GCIG 'ONG BA LA GSUNG, DANG PO NI, 'GRO 'ONG BYED TZA NA DGRA BYUNG GIS DOGS PA LA 'DI DRAN PAS PHAN PAR BYUNG, BLO @207 RGOD DU THAL BAS MI LA GNAS KHANG GNYA' BA SHA STAG DGOS PAR SONG BAS, DE TZA NA GNAS GSHA' MA MA RNYED PA DANG , GZHAN GYIS BRNYAS PA BYED PA BYUNG BA LA SOGS PA MA BTUB PA THAMS CAD LA 'DIS PHAN PAR BYUNG GSUNG, DE NYID GANG YIN TSIG RKANG BRGYAD PO 'DI DAG YIN, ,BDAG NI SEMS CAN THAMS CAD LA, ,YID BZHIN NOR BAS LHAG PA YIN, ,DON MCHOG SGRUB PA'I BSAM PA YIS, ,MCHOG TU GCES PAR 'DZIN PA BSLAB, ,DE LA SPYIR SEMS CAN THAMS CAD LA YID BZHIN GYI NOR BU RIN PO CHER BSLAB PA NI SEMS CAN DANG , RIN PO CHE GNYIS 'DRA, CHOS GNYIS YOD, RIN PO CHE 'DAM GYI GSEB TU BCUG NA KHO RANG GI 'DAM YANG 'BYIN MI NUS LA, TSES BCO LNGA LA DRI BZANG POS KHRUS BYAS, RGYAL MTSAN GYI RTZE MO LA BTAGS NAS MCHOD PA PHUL NA 'DZAM BU GLING PA'I DGOS 'DOD THAMS CAD 'BYUNG BA LTAR, SEMS CAN 'KHOR BA NA NYES PA SNA TSOGS DANG LDAN PA YANG RANG GIS RANG 'KHOR BA NAS 'DON MI NUS SHING, SDUG BSNGAL DANG KUN 'BYUNG SEL MI NUS KYANG, DE LA PHAN BTAGS NA GNAS SKABS DANG MTHAR THUG GI DGE BA THAMS CAD 'BYUNG STE GNAS SKABS KYI BDE BA YANG SEMS CAN MED NA GANG NAS TSOL TE RANG 'GAd LA MTHAR THUG GI BDE BA YANG SEMS CAN LA BRTEN NAS 'BYUNG STE, DE NYID SEMS CAN LA BRTEN NAS SANGS RGYAS KYI GO 'PHANG BLA NA MED PA THOB PAR 'GYUR RO, ,CES SOGS GNYIS PA KHYAD PAR DU, GANG DU SU DANG 'GROGS PA'I TSE, ,BDAG LA KUN NAS DMAN LTA ZHING, ,GZHAN LA BSAM PA THAG PA YI, ,MCHOG TU 'DZIN PA GUS PAS BSLAB, CES PA LTAR GNAS GANG DU BSDOD KYANG RUNG, GROd SU DANG 'GROGS KYANG RUNG, PHYOGS THAMS CAD DU RANG LA DMAN PAR BLTA LA SNYING THAG PA NAS GZHAN LA GUS PAR BYA BA BSLAB PA NI, GROGS RANG LAS MTHO BA BLA MA @208 DANG , RANG DANG MNYAM PA TSANGS PAR SPYOD PA DANG , DMA' BA MOL SPRANG LA SOGS PA'O, ,PHYOGS THAMS CAD NI RIGS DANG BSAM PA'I MTHU DANG SKYON GYI NGOS NAS RANG LA DMAN PAR BTAGS NAS, BDAG RIGS LA NGA RGYAL BYAR MI RUNG, DE THAMS CAD RIGS NGAN SHAN PA'I RIGS YIN LA, LUS LA NGA RGYAL BYED, GSER MDOG SDUG CING 'GRO BAS BLTA BA'I 'OS SU YANG MI 'DUG ,BSAM PA'I MTHU LAS RANG RE THAMS CAD MI SDUG CING SHES PA LA NGA RGYAL BYED NA RIGS PA'I GNAS LNGA LAS PHYOGS GCIG KYANG MI SHES LA BAG RE NYAN PA KUN LA YANG TSIG DON LHAG CHAD BYUNG YANG NGO MA SHES PAR 'DUG ,SPYOD PA'ANG 'PHRAL GYI BYA BA BDAG DGE SBYONG DU KHAS 'CHE YANG, BYA BA NGAN PA MA BYAS PA TZAM YANG MI 'DUG LA DA LTA YANG BSAM PA DUG GSUM DU SKYE ZHING LUS NGAG GI BYA BA PHAL CHE BA MA DAG PAR GRUB PAS PHYI MA MYA NGAN LAS MNGON MTHO RANG YANG THOB PAR DKA' STE, SPYOD 'JUG LAS, BDAG GI SPYOD PA 'DI 'DRAS NI, ,MI YI LUS KYANG THOB MI 'GYUR, ,MI LUS THOB PAR MA GYUR NA, ,SDIG PA 'BA' ZHIG DGE BA MED, ,CES PA RANG GI SKYON MTHA' DAG BSAM LA, BDAG GI 'OG NAS 'GRO BA CHU 'DI LAS MED SNYAM DU NGA RGYAL BCAG LA GZHAN LA GUS PAR BYA BA LA BSLAB CES PA NI GZHAN GYI YON TAN DNGOS SU MTHONG BA DANG RIGS PA DANG GZUGS DANG LONGS SPYOD DANG CHOS KYI YON TAN PHA ROL TU PHYIN PA DRUG LA SOGS PA GANG MTHONG BA LA SKYON GYI RANG BZHIN LA 'DI LTA BU'I YON TAN DANG LDAN PA NGO MTSAR CHE SNYAM DU BSAM MO, ,YANG YON TAN DNGOS SU MI 'DUG PA LA, 'DI KUN LA NANG NA YON TAN CI YOD MI SHES SNYAM DU BSAM TE, AA TZA RA GZUGS NGAN GYI GTAM RGYUD GSUNGS SO, , SNYING THAG PA RUS PA'I GTING NAS ZHES PA NI BSAM PA DE YANG KHA TZAM TSIG TZAM MA @209 YIN PAR THAMS CAD LA GRONG KHYER MED PAR GNYEN LCAG GTANG DGOS BSAM PA DE YOD NA 'PHAGS PA SPYAN RAS GZIGS DBANG PHYUG GIS KYANG RIGS KYI BU LEGS SO ZHES GSUNGS PA YIN NO, ,DE'I THAD SA NI RGYA MTSO DE GZHOL BAS CHU THAMS CAD DER 'BAB PA BZHIN NGA RGYAL MED PA'I RGYUD LA 'JIG RTEN LAS 'DAS PA'I YON TAN SKYE BA YIN PAS, SDUD PAR, 'GRO BA KUN LA BRAN GYUR BZHIN DU GNAS PAR BYA; ;GSUNGS TE, SDE SNOD GSUM GYI DON YANG NGA RGYAL DE BCOG PA'I THABS YIN, NGA RGYAL DE YOD NA TSE 'DIR YANG SU DANG MI MTHUN PA GCIG 'ONG LA PHYI MA'I NYES PA YANG, RMONGS PA GANG ZHIG NGA RGYAL DBANG GIS NI, ,NGAN SONG BA DANG MI KHOM GNAS SU SKYE, DBUL DANG DMAN PA'I RIGS SU SKYE BA DANG , ,DMUS LONG MTHU CHUNG MDOG NGAN 'DZIN PAR BYED, ,NYON MONGS PA'I BAG CHAGS JE THUG LA SONG STE, YUL DMAN PA THAMS CAD LA NYON MONGS PA DRAG PO SKYE LA, DE LAS LCI ZHING MTHAR THUG GI BYANG CHUB YANG MI THOB STE, BYANG CHUB SEMS DPA' NGA RGYAL CAN, ,BYANG CHUB LA NI DE NYID RING, , CES SO, ,DES NA 'JIG RTEN LAS 'DAS PA'I DMAN PA DANG , RGYUD PA DANG , SDUG BSNGAL THAMS CAD BDAG BZANG POR 'DZIN PA LAS BYUNG LA, 'JIG RTEN DANG 'JIG RTEN LAS 'DAS PA'I BDE BA THAMS CAD SEMS CAN LAS BYUNG BAS, SEMS CAN THAMS CAD YON TAN CAN DU BLTAS LA NGA RGYAL BCAG PAR BYA'O, ,GSUM PA NI, DE LTAR BYED DU NYON MONGS PAS MI STER BAS DE YANG SBANG BA NI, SPYOD LAM KUN TU RANG RGYUD LA, ,BRTAG CING NYONG MONGS SKYES MA THAG ,BDAG GZHAN MA RUNGS BYED PAS NA, ,BTZAN THABS GDONG NAS BZLOG PAR BSLAB, CES PA SPYOD LAM THAMS CAD DU RANG GI RGYUD LA BRTAG LA NYON MONGS PA SKYES MA BTZAN THABS SU BZLOG PA LA BSLAB PA NI SPYOD LAM BZHI PO GANG BYED KYANG RANG GI RGYUD LA 'DOD PA'I @210 RNAM RTOG LA SOGS KYE MI SKYE DRAN SHES BZHIN GYIS BDAG GLA SKYES MA THAG SPANG GI AEN GCIG YANG SPANG SNYAM NA BLTAS NAS 'GRO BA'I 'BUR 'JOMS BYA STE BZA' TSO GNYIS LA RKUN MA BYUNG BA BZHIN BYAS NA PHYI LANG CAN DU SONG NAS YE MI YONG BA YIN, NYON MONGS PA RGYUD LA 'PHEL ZHEN SDANG LA SOGS PA THAMS CAD JE 'PHEL DU 'GRO STE, MDO LAS, DE BZHIN GNYID LA DAD PA DAG ,PHYIR BZHIN DE BZHIN GNYID CHER 'GYUR, , DE BZHIN 'DOD CHAGS CHE BA DANG , ,CHANG LA SRED PA'ANG DE BZHIN 'GYUR, ,CAS GSUNGS, NYON MONGS PA'I BAG CHAGS JE MTHUG LA SONG STE, YUL DMAN PA THAMS CAD LA NYON MONGS PA DRAG PO SKYE LA DE LAS LCI ZHING SDUG BSNGAL CHEN PO NYAMS SU MYANG DGOS, ,NYON MONGS PA SPONG NA BAG CHAGS JE SRAB LA 'GRO STE, SNGAR GYI BAG CHAGS KYANG ZHAR LA 'GRO LA, YUL BZANG PO LA BAG CHAGS PHRA MO LAS MI SKYE; DI'I LAS 'BRAS PHRA BAS MYONG BA NGES PAR 'GRO BA YIN LA, NYON MONGS PA LA DGRAR LTAS LA GNYEN PO STOBS BSKYED, ZHI BA LHAS, BDAG NI BSREGS TE BSAD GYUR TAM, ,DE BZHIN MGO BO BCAD KYANG RUNG, ,RNAM PA KUN TU NYAN MONGS PA'I, ,DGRA LA 'DUD PAR MI BYA'O, ,ZHES GSUNGS PAS, 'JIG RTEN PA'I DGRA BO LO KA LAS GNOD PA MI BYED LA, NYON MONGS PAS TSE RABS THAMS CAD DU GNOD PA BYED DE, BDAG GI NYON MONGS DGRA BO GANG, ,DUS RINGS THOG MTHA' MED PA LTAR, ,DGRA GZHAN KUN KYANG DE LTA BUR, ,YUN RINGS THUB PA MA YIN NA, ,CAS SO, ,YANG 'JIG RTEN GYI GRA LA PHYOGS PHUL NA MI GNOD PAR PHAN 'DOGS LA, NYON MONGS PA LA DE LTAR PHUL NA THU TU 'GRO STE, MTHUN PAR RIM GROS BRTEN BYAS NA, ,THAMS CAD PHAN DANG BDE BYED DE, ,NYON MONGS DGRA NI BRTEN BYAS NA, ,PHYIR ZHING SDUG BSNGAL GNOD PAR BYED, ,CES SO, , @211 YANG 'JIG RTEN PA'I DGRAS LUS SROG LONGS SPYOD LA GNOD PA TZAM LAS MI BYED LA NYON MONGS PAS 'KHOR BAR SDUG BSNGAL DPAG TU MED PA BSKYED PAR BYED, GAL TE LHA DANG LHA MIN RNAMS, ,THAMS CAD BDAG LA DGRA LANGS KYANG, ,DE DAG GIS KYANG MNAR MED PA'I, ,ME NANG KHRID CING 'JUG MI NUS, ,NYON MONGS STOBS LDAN DGRA 'DIS NI, ,GANG DANG PHRAD NA RI RAB KYANG, ,THAL BA TZAM YANG MA LUS PAR, ,DE BDAG SKAD CIG GCIG LA DOR, ,ZHES SO, ,DE LTAR NYON MONGS PA 'DI LA DGRAR LTAS LA DOR, 'JIG RTEN GYI DGRA YUL 'THON YANG PHYIS GNOD PA BYED DU 'ONG STE, NYON MONGS PA 'DI SPANGS NA PHYIS SKYE MI NUS LA, SA BON TSIG PA DANG 'DRA BA YIN NO, ,SPANG LUGS SPYOD PA DANG , SGOM PA DANG , LTA BAS SPANGS TE, DE YANG LAS DANG PO PA GNYEN PO STOBS CHUNG BAS NYON MONGS PA SKYE NA BZLOG DKA' BAS SPYOD LAM GYIS SPANG, SGOM PA NI NYON MONGS PA RE LA GNYEN PO RE GSUNGS, SKYES BU GSUM GANG SGOM PA DE, NYON MONGS PA THAMS CAD KYI GNYEN POR 'GRO BAS DE BSGOMS PAS CHOG ,BLO YAR TSAD SONG NA NYON MONGS PA LA YUL MED PAS DE NGO SHES PAS CHOG GIS SPANG RGYU MED DE, NYON MONGS NYON MONGS SHES RAB MIG GIS SPANG, ,ZHES GSUNGS SO, ,BZHI PA NI, SHIN TU RANG BZHIN NGAN PA DANG , ,SDIG PA DANG SDUG BSNGAL DRAG POS NON PA RNAMS LA SHIN TU RNYED PA DKA' ZHES GCAS PAR BSLAB CES PA NI, RANG BZHIN NGAN PA'I SEMS CAN DANG , ,SDIG SDUG DRAG POS NON PA LA, ,RIN CHEN GTER DANG PHRAD PA LTAR, , RNYED PAR DKA' BAS GCES 'DZIN BSLAB, ,DE LA RANG BZHIN NGAN PA NA, ,SNGON BSOD NAMS MA BSAGS PAS NYON MONGS PA RANG DBANG MED PAR SKYES PA STE RGYAL PO AA SANG GHA TA BU'AM YANG NA 'PHRANG KHA'I MI GCIG LA SHA TSOD BYIN PAS KHA TSIG NAS TSOD MA@212 SNOD DANG BCAS BSKYUR NAS, DA KHA CHAG DANG YANG ZER BLTA BU'I MI DANG , SDIG PA NI 'TSAMS MED PA LNGA DANG SDOM PA NYAMS PA DANG DKOR ZAS LA SOGS PA'O, ,SDUG BSNGAL DRAG POS NON PA NI, MDZE DANG NAD DRAG POS BTAB PA LA SOGS PA'O, , DE DAG LA MIG SNGAR YANG LTAR MI RUNG BAS, YE YONG DU MA 'JUG ZER NAS DGRAR 'DZIN TE DE LTAR MIN TE SDUG BSNGAL LA GNAS PA DE SNYING RE RJE RGYAL PO'I GSHED MAS KHRID PA'I MI DANG 'DRA BA'I DE DAG LA TSUL KHRIMS 'CHAL PA MTHONG NA YANG 'DI 'GRO BA CIR 'GYUR ZHES MCHI MA RAB TU DBYUNG BAR BGYI'O, ,ZHES PAS DE DAG LA DANG PO TSIG GI GROS BTAB PA'O, ,DES KYANG MA NYAN NA ZAS NOR GYI PHAN BTAGS NAS BZLOG ,DES KYANG MA PHAN NA BSAM PAS BZUNG NAS SBYOR BA BLA GAB KYANG BSRUNGS TE KHO BA LA MI PHAN PAR BDAG LA GNOD YIN SDUD BSNGAL DRAG POS NON PA KUN LA KHA CIG SNA BKAB NAS 'GRO STE, DE LTAR BYED KYANG BDAG LA MA 'ONG BA'I GDENGS YANG MED PAS SBYOR BA DE LA KHA ZAS DANG SMAN LA SOGS PAS PHAN BTAGS BSAM PAS, 'GRO BA'I SDUG BSNGAL GANG CI'ANG RUNG , DE KUN BDAG LA SMIN GYUR CIG ,CES BLO SBYONG , RNYED PAR DKA' ZHING CES PA LA BSLAB PA NI, DPER NA RIN PO CHE DANG 'PHRAD PAR DKA' BAS DE MI 'DOR BAR LEN CING DE DAG KYANG GCES PAR BYED PA LTAR GANG ZAG DE DAG RNYED PA DKA' BA NI, DE DAG LA BRTEN NAS SNYING RJE SKYE ZHING, DE LA BRTEN NAS BYANG CHUB KYI SEMS SKYE BA YIN TE, DES NA RANG GIS MA 'BAD PAR THEG CHEN GYI LAM BSKYED PA'I DMIGS YUL DE LTA BU RNYED PAR DKA' BA YIN TE, CI'I PHYIR NA 'PHAGS PA DANG 'JIG RTEN PA'I PHUN SUM TSOGS PA LA SNYING RJE MI SKYE NGAS BYANG CHUB KYI SEMS 'PHEL MI NUS PA'I PHYIR SANGS RGYAS MI NUS PA YIN NO, ,DE NYID BYANG CHUB SEMS NI MA RTOGS PA'I, ,SANGS RGYAS RNAMS NI THABS MA BZUNG, , @213 ZHES GSUNGS PA'I PHYIR, LNGA PA NI, RANG LA BSKUR BA LA SOGS PA'I NYES SKYON GANG BYUNG YANG DAG TSANGS MI BYA BAR GYONG KHA RANG GIS BLANGS PA LA BSLAB CES PA NI, BDAG LA GZHAN GYI PHRAG DOG GI, ,GSHE BSKUR LA SOGS MI RIGS PA'I, , GYONG KHA RANG GIS LEN PA DANG , ,RGYAL KHA GZHAN LA 'BUL BAR BSLAB STE, RANG GI LAN NAM MA LAN YANG GZHAN GYI PHRAG DOG LA SOGS PAS BSKUR BA DANG , MI NYAN PAR BRJOD PA CI BYUNG YANG MI BZOD PA MI BYA BAR RGYUD 'JAM ME BYAS LA DAG TSANGS NGAS MA LAN 'DIS LAN ZHES YE MA BYA BAR GYANG KHA RANG GIS BLANG BA NI, GLANG RI THANG PA LTA BUR BYA'O, ,DE NYID MA LEGS PA SU LA BYUNG BYANG DE'I GRIS KHONG NA KHO BA YANG MCHIS GSUNG BAR GDA', DE'I RGYU MTSAN NI DA LTA SBYIN PA DANG , TSUL KHRIMS LA TSUL SNA TSOGS NAS 'BAD PAR BYED PA NI, ,SDIG PA MANG PO DAG CING TSOGS RDZOGS PAR BYED PA'I PHYIR BYED, DE BAS BSKUR BA 'DEBS PA DE BKA' DREN DU SHES NA SNGA MA GNYIS KYI DOD MA YIN YANG DAG TSANGS BYED NA RANG GI SDIG PA DAG DGOS GSUNGS, GYONG KHA RANG GI BLANG BA NI LAS KYI STENG DU MI 'BYUNG BA YIN PAS SO, ,GLANG RI THANG PA'I ZHAL NAS PHAN YUL GYI DGE 'DUN LA MAR TSOD SUN RE DRANGS PA BAS RANG LA NYES MED KYI BSKUR BA 'DEBS PA LA BKA' DRIN CHE BAR SHES NA SDIG PA 'DAG PA DANG , TSOGS RDZOGS PA'I RLABS DE KA CHE BA YIN GSUNG NGO, DE NYID SPYOD 'JUG LAS, DE BAS RAB TU SDANG SEMS LA, ,BRTEN NAS BZOD PA SKYE BAS NA, ,DE NYID BZOD PA'I RGYU YIN PAS, ,DAM PA'I CHOS BZHIN MCHOD PAR 'OS, ,GSUNG LA DE YI 'THAD PA NI, ,TSUL KHRIMS PAS BZOD PA BSOD NAMS CHE STE, ZHE SDANG LTA BU'I SDIG PA MED, ,BZOD PA LTA BU'I DKA' THUB MED, ,CES PA LA SOGS PA GSUNGS PA'I PHYIR RO, ,DES GNOD PA LA JI MI @214 SNYAM PA'I BZOD PA'O, ,DRUG PA SDUG BSNGAL DANG LAN GYI BZOD PA NI RANG GIS SNGAR PHAN BTAGS PA'AM, RE CHE BA'I BSAM PAS YUL DER MGO BSKOR DANG , BSDO SDOS BYAS NA BKA' DRIN CHE BA'I BSAM PAS DGE BA'I BSHES GNYEN BSGOM CES PA NA, GANG LA BDAG GIS PHAN BTAGS PA'I, ,RE BA CHE BA GANG ZHIG GIS, , SHIN TU MI RIGS GNOD BYAS NA'ANG , ,BSHES GNYEN DAM PAR BLTA BAR BSLAB STE, RA BA LA STON PA NA RE BAS KHAMS SU STON PA SHES RAB 'BAR CAN PHYIN NAS KHONG GROGS PO SNYING DANG 'DRA BA YIN PAS KHONG RANG GIS NGA LA MGRON GSHA' MA BYED SNYAM NAS PHYIN PA DANG , KHONG GIS BSDO RDOS BYAS NAS PHUD DE, CI YOD 'PHROG TU BCUG KHO RANG GIS KYANG KHRI MUN NANG DU BCUG ,DER SNGAR BYAMS PA DANG SNYING RJE LA BLO SBYONGS MA SBYONGS DANG , SDUG BSNGAL DE DAG BDAG SMIN CING, ,BDAG BDE MA LUS DE SMAN SHOG ,LA SOGS RDZUN DU SONG MA SONG DER BSAL BAS DE LA SHAG MI GDAB RANG LA LDOG NAS RTZI NA'ANG LAS DANG MI DMAN STENG DU MI YONG STE, BDAG GIS SNGON CHAD SEMS CAN LA, ,'DI 'DRA BA YI GNOD PA BYAS, ,DE BAS SEMS CAN 'TSE BYED PA'I, ,BDAG LA GNOD PA 'DI BYUNG RIGS, ,ZHES RANG GIS LAN PA YIN SNYAM DU BSAM LA RGYUD 'JAM PO BYAS PAS RANG BDE, YUS MA PHO BAS GZHAN YANG BDE BA YIN, RANG GI LAS YIN, SDIG PA SPANG BA'I 'PHAGS PA RNAMS LA SUS GNOD PA MI BYED PAR 'GRUB PA YIN NO, ,GZHAN BZLOG NAS KYANG RANG GI LAS NGAN GYI KHO LA GOS NA BDAG LA GNOD PA BYAS PAS BDAG LA BRTEN NAS 'DI NGAN SONG DU 'GRO BA NI BDAG GIS LAN PA YIN TE, BDAG GI LAS KYIS BSKUL BYAS NAS, , BDAG LA GNOD BYED 'DI 'BYUNG STE, ,DE YA SEMS CAN DMYAL DONG NA, ,BDAG GIS DE DAG MA BRLAG GAM, ,GSUNG PAS 'DI'I SDUG BSNGAL SKYOB PAR RIGS TE, @215 GANG DAG BDAG LA KHA ZER RAM, ,GZHAN DAG BDAG LA GNOD BYED PA'I, ,DE BZHIN 'PHYAR KHA GTONG YANG RUNG , ,THAMS CAD BYANG CHUB SKAL LDAN 'GYUR, ,CES PA'AM, ,PHAN BTAGS LAN DU GNOD BYED NA'ANG, ,LAN LA SNYING RJE CHEN PO BSGOM, ,'DZAM BU GLING GI SKYES MCHOG NI, ,NYES PA'I LAN NI LEGS PAS 'DON, ,BKA' DRIN CHE BA'I BSAM PAS DGE BA'I BSHES GNYEN DU BSGOM PA NI, DGE BA'I BSHES GNYEN BKA' DRIN CHE BAS NA, BDAG LA KHRIMS PHOG ,SGOM LUGS BYIN, THAR PA'I LAM BSTAN PA'I BKA' DRIN CHE BA NI, RANG GIS MA BSGOM, MA BSRUNG NA LAM DU MI 'GRO LA GANG ZAG 'DIS BDAG LA BYIN NAS BDAG GI SDIG PA 'DAG CING TSOGS RDZOGS PAR BYAS NAS, PHAN BTAGS NAS, SGOM GYI LUNG 'BOGS MKHAN DANG , KHYAD PAR MED PAR DGE BA'I BSHES GNYEN DU LTA BAR BYA STE, DE NYID KYANG BDE BA'I GLU LAS, DGRA'AM 'ON KYANG MDZA' YANG RUNG, ,NYON MONG SKYE BA'I YUL RNAMS LA, ,DGE BSHES YIN PAR SU MTHONG BA,, DE DAG GANG NA GNAS KYANG BDE, ,GSUNGS PA DE LTA BU'I BSAM PA SKYES NA 'BYONGS PA YAN PAS GZHAN GANG YANG MED KYANG CHOG GANG BYAS BYANG CHUB KYI LAM GYI 'GRO STE, DPER NA GSER GLING DU MI GTZANG BA MI RNYED PA BZHIN DU'O, ,DPER NA CHOS BYA BA RANG GI BLO 'CHOS KYIS PHYI'I YUL 'CHOS PA MA YIN PAS MI DE LA LHA 'DRE MI DANG GSUM DGRAR LANGS KYANG , DE'I RGYUD MI DGE BA DANG SDUG BSNGAL BAR MI BTUB PAS SUS KYANG MI THUB PAS DPA' BO BYA BA YIN NO, ,BDUN PA NI, MDOR NA DNGOS SAM BRGYUD PAS BDE BA PHAN PAR 'DUG PA THAMS CAD MA RGAN RNAMS LA DBUL ZHING DE DAG GIS GNOD PA DANG SDUG BSNGAL THAMS CAD GUS PAS RANG GI SNYING KHONGS SU BLANG BA BSLAB CES PA NI, MDOR NA DNGOS SAM BRGYUD PA YI, ,PHAN BDE @216 MA LUS KUN LA DBUL, ,MA YI GNOD DANG SDUG BSNGAL KUN, ,GUS PAS RANG GI LEN PAR BSLAB, ,MDOR BSTAN NI SNGAR BSTAN PA THAMS CAD BSDU'O,, GUS PAS NI MA'I DRIN BSAM PA'I SGO NAS RANG GI KHONGS SU BLANG BA NI KHA TZAM MIN PAR SNYING THAG PA NAS GTONG LEN BSGOM STE, DNGOS SU BDAG GI BDE BA ZAS DANG SMAN LA SOGS PA BTANG STE SEMS CAN GYI SDUG BSNGAL KUN 'BYUNG BLANGS NA, PHYI MA MNGON MTHO DANG NGES LEGS THOB PA'I RGYU YIN, DNGOS SU BLANG DU MA BTUB PA RGYUD NAS LEN PA NI BSAM PAS GTONG LEN BSGOM PA DANG , SMON LAM GYI TSE 'DI'I BDE BA BSNGO BA NI, SPYOD 'JUG LAS, BDAG BDE GZHAN GYI SDUG BSNGAL DAG ,YANG DAG BRJE BA MA BYAS NA, ,SANGS RGYAS NYID DU MI 'GRUB CING, ,'KHOR BA NA YANG BDE BA MED, ,CES PAS SNYING THAG PA NAS BRJOD DO, ,BRGYAD PA NI DE DAG THAMS CAD LA NYES PA 'BYUNG BA SRID PAS TSE 'DI'I RTOG PA DANG CUNG ZAD KYANG MA 'DRES PAR BYAS SHING, CHOS THAMS CAD SGYU MA LTAR SHES PA'I BLOS DNGOS PO GANG LA YANG MA CHAGS PAR BSLOB PA NI, DE DAG KUN KYANG CHOS BRGYAD KYI, ,RTOG PA'I DRI MAS MA SBAGS PAR, ,CHOS RNAMS SGYU MAR SHES PA YI, ,ZHEN PA'I 'CHING LAS GROL BAR BSLAB, ,CES PA THABS KYI GNYEN PA NI, ,BDAG BZANG POR SHES SU RE BA LA SOGS PA TSE 'DI'I RTOG PA DANG 'DRES PA NI, CHOS BRGYAD DANG RANG DON DU SONG NA CHOS BDUD DU SHOR BA YIN PAS, DE SGYU MA LTA BUR SHES NAS GDOD SPANG BAS DA LTAR GYI SNANG BA LA BDEN PA MA GRUB STE, 'DI LTAR STONG PA'I CHOS RNAMS LA, ,THOB PA CI YOD SHOR CI YOD, ,GANG GI RIM GRO BYAS PA'AM, , YONGS SU BRNYES PA CI ZHIG YOD, ,BDE BA'AM SDUG BSNGAL GANG LAS YIN, ,MI DGAR CI YOD DGAR SPYI YOD, ,CES DANG , THAMS CAD NAM MKHA' 'DRA BAR @217 NI; ;BDAG 'DRAS YONGS SU BZUNG BAR BGYI, ,ZHES SO, ,THAMS CAD LA GSOL PA DANG , SMON LAM DU YANG 'DEBS PA NI, ,BLA MA DKON MCHOG LA MAndAL PHUL GSOL BA GDAB PA NI, BLA MA DUS GSUM GYI SANGS RGYAS BYANG CHUB SEMS DPA' THAMS CAD KYI BYIN RLABS DANG THUGS RJE YOD NA'AM, KHRO BO PHA BCU MA BCU THAMS CAD LA MTHU STOBS YOD PA DANG , YE SHES KYI MKHA' 'GRO MA MTHU'AM NUS PA YOD NA TSIG RKANG BRGYAD PO 'DI'I DON BDAG LA SKYE BAR BYIN GYIS BRLAB TU GSOL, ,BDAG LA SEMS CAN THAMS CAD KYI SDUG BSNGAL DANG KUN 'BYUNG THAMS CAD SMIN CING BDAG GIS BYANG CHUB KYI SEMS KYI 'BRAS BU DE DAG THAMS CAD SEMS CAN THAMS CAD LA SMIN PAR BYIN GYIS BRLAB TU GSOL, ,ZHES BDEN PA BZHI DANG SBYAR ZHING SBYONG BA'O, ,DE DAG LA SOGS PA DGE BA CI BYAS KYI RJES SU TSIG RKANG BRGYAD MA'I SMON LAM GDAB BO, ,DE'I SMON LAM BTAB PAS BYANG CHUB KYI SEMS KYI BAG CHAGS 'JOG GO ,DE LTA BU'I DGE BA'I RTZA BAS LO ZLA BA THAMS CAD DU DUS THAMS CAD DU 'DA' BAR BYA'O, ,PHYI MA'ANG DE LTA BU'I DGE BA'I BSHES GNYEN DANG MJAL BA DANG , GROGS YANG DE LTA BU DANG MJAL BAR BYA'O, ,SNYAM DU BSAMS SHING SMON LAM YANG YANG GDAB PAR BYA'O, ,BYANG SEMS GLANG THANG PA'I TSIG RKANG BRGYAD PA'I 'GREL PA NI, 'CHAD KA BA YE SHES RDO RJES MDZAD PA'I RTZA 'GREL 'DI NI BLO SBYONG GIS MAN NGAG ZAB PAR MCHIS SO, ,'DI LA 'BAD TSAL RGYUD LA SKYE BAR GYUR CIG, ` ,, AA TZA RA GZUGS NGAN GYI GTAM BRGYUD NI RGYA GAR DU SPRANG PO'I GSEB NA SGO RGYAB TU SDOD PA'I AA TZA RA GCIG 'DUG PA LA, KHRUS MA'I THOR MA SONG BA'I SO SOR ZER BA GCIG GDA'O, ,DE'I DUS SU MU STEGS KYI RTZOD PA BYUNG @218 BAS GZHAN GYI MA BZLOG DER KHRUS MA 'BOD PA NA DE SGO RGYAB KYI AA TZA RA MA GI LA KHRUS MA'I THOR MA SONG TZA NA SO SOR ZER BA GCIG 'DUG STE BYAS PAS DE BOS PAS RTZOD PA BZLOG STE, NANG NA YON TAN SU LA YOD MI SHES GSUNGS SO, ,BZA' MI GNYIS LA RKUN MA BYUNG BA MA TSOR BAS, DA TSOD SKAS MI YONG SNYAM NAS BTANG BAS PHYIS NUB NAS DE BAS KYANG THU RU SONG BA LTAR RO, ,RGYAL PO AA SANG GHA BYA BA'I AA TZA RA GSHIS NGAN GCIG JO BO DRUNG DU RGYAN DU BSTEN PAS, 'DI 'DRA MI BSTEN PAR ZHU ZHUS PAS, 'DI LA BSTEN NAS BZOD PA'I YON TAN RDZOGS PA YIN GSUNGS SO, ,GLANG THANG PA LA PHAM PA DANG PO'I SGROS GCIG BYUNG , DE MI BDEN NA YANG RA SGRENG DU JA DANG 'BUL BA LA SOGS PA'I RGYA YUS MDZAD NAS THUGS DAM LA BZHUGS SO, ,TSIG RKANG BRGYAD MA'I ZUR 'DEBS YIN MDZAD DE CHEN PAS, SKYABS GNAS YUL LA GUS PA LAM GYI BRTEN, ,KHAS BLANGS TSUL KHRIMS DAG PA'AM GYI GZHI, ,TSE 'DIR LONGS MED BSAM PA LAM GYI PHUL, ,MA TSOR 'PHAM KHA LEN PA DGE SBYONG TSUL, , CES SO, ,DBU MA RTOG GE 'BAR BA LAS, ,RGYAL SRAS KHYIM PA 'DOD SPYOD KYANG, ,RAB TU BYUNG BAS PHYAG BYA'O, ,CES GSUNGS SO, ,MDO SDE SNYAN GYI RGYAN LAS, MA 'ONGS THA MA'I DUS KYI TSE, ,NGA NYID YI GE'I GZUGS SU 'BYUNG , ,ZHES SO, ,NAGS KHROD GCIG TU RI DVAGS DANG GCAN GZAN NYE BAR GNAS NA RI DVAGS KYI SROG GCOD PA BZHIN DU DGE SLONG DANG BUD MED NYE BA GNAS NA THAR PA'I SROG RTZA GCOD PA NGES SO, ,JO BO'I ZHAL NAS ZLA BA PHYED KYI BDEN PA MTHONG BA'I DGE SLONG GCIG GIS TSUL KHRIMS 'CHAL BA DANG 'GROGS NA SKYE BA DE LA BDEN PA MI MTHONG NGO GSUNGS SO, ,DES NA SDOM NYAMS DANG BUD MED LA RGYANG RING DU BYA'O, ,'GRO BA'I DON RGYA CHEN PO MYUR DU 'BYUNG BAR SHOG ,THEG @219 CHEN GYI CHOS ZAB MO 'DI LA BRTEN NAS LHAG PA'I BSAM PA RNAM PAR DAG PA BDAG GZHAN BRJE BA'I BYANG CHUB KYI SEMS BCOS MA MA YIN PA RGYUD LA SKYE BAR GYUR CIG, ` MGON PO GSER GLING PA BLA MA RIN PO CHE YAB SRAS BRGYUD PA LA GUS PA CHEN POS PHYAG 'TSAL ZHING SKYABS SU MCHI'O, ,BYIN GYIS BRLAB TU GSOL , MKHYEN RAB DANG THUGS RJE'I MNGA' BDAG MGON PO GSER GLING PA'I ZHAL SNGA NAS JO BO LA BU KHYOD SNYIGS MA'I DUS GZHAN GYI DON BYED PA LA, BKA' SDE SNAD, LUNG RIGS PA, BLA MA'I MAN NGAG THAMS CAD HRIL DE DRIL NAS STAN THOG GCIG TU NYAMS SU LEN NA, NAD DANG GNOD PA DANG , GDON BGEGS DANG , BDUD DANG , MU STEGS SOGS RKYEN NGAN BAR CHAD THAMS CAD KYIS MI TSUGS PA'I CHOS 'DI RNAMS DGOS TE 'DI SKAD DU, RTOG PA THAMS CAD 'BUR 'JOMS TE, , GNYEN PO THAMS CAD BCOM BRDEGS YIN, ,MTHA' KHOB 'DUL NA DGOS PA YIN,, 'KHOR NGAN LOG SGRUB BZOD PA LA, ,SNYIGS MA'I DUS SU MKHO BA YIN, ,CES PA'I DON NI RNAM PAR RTOG PA GANG BYUNG SA NAS 'BUR 'JOMS SU BYA DGOS TE, KHO GANG NA SNANG , DBANG PO GANG GI YUL NA SNANG , DBYIBS DANG KHA DOG JI LTA BU GCIG SNANG BTZAL LO, ,'DI DUG SBRUL LAM KHYI SMYON DANG 'DRA STE, NYER MI RUNG BYUNG 'PHRO RANG LA GNYEN POS LE LO MA SHOR BAR BCOM STE, MDO PAS, 'DOD PA KHYOD KYI RTZA BA SHES, ,SHIN TU RNAM PAR RTOG LAS BYUNG , ,ZHES DANG , RNAM RTOG MA RIG CHEN PO STE, ,'KHOR BA'I RGYA MTSOR SKYUR BYED DO, ,ZHES DANG , DBU MA 'JUG PA LAS, SO SO'I SKYE BO RNAMS NI RTOG PAS BCINGS, ,MI RTOG RNAL 'BYOR PA NI GROL BAR 'GYUR, ,RTOG RNAMS LOG PAR GYUR PA GANG YIN PA,, RNAM PAR BCAD PA'I 'BRAS BUR MKHAS RNAMS GSUNGS, ,ZHES BYA BA LA SOGS @220 PA THEG PA CHEN PO'I BKA' BSTAN BCOS THAMS CAD NAS BYANG CHUB SGRUB PA'I GEGS CHEN POR BSHAD PA'I PHYIR RO, ,DE NA LE LO MA SHOR PA GAL CHE'O, ,'DIR BLO MANG NA MTHAR MI PHYIN PAS CHOS ZAB MO LA'ANG MA 'BYAMS PAR 'DUG NA THAMS CAD RTOG PA 'JOMS PA LA GCIG CHOD DU GRIL DGOS TE, MDO LAS KYANG , YID LA BYED PA THAMS CAD BDUD LAS SU BSHAD DES NA CI SRID RNAM PA THAMS CAD MKHYEN PA'I SANGS RGYAS MA THOB KYI BAR DU TSOGS MTHONG BSGOM LA SOGS PA'I SA DANG LAM THAMS CAD RTOG PA 'BUR TE BYUNG RES KYIS GNYEN POS 'JOMS PA LA 'DUN MA 'GRIL BAR CHIG CHOD DU BYA'O, ,MDOR NA RTOG PA 'BUR TE BYUNG RES KYI GNYEN POS KYANG DE'I RTZAR SLEBS DGOS TE, GNYEN POS RNAM RTOG 'JOMS PA LA 'DUN MA THAMS CAD 'GRIL DGOS LAM THAMS CAD KYANG DE KHO NAS BCAD DGOS SO, DE'I BLANG BYA GNYEN PO RNAM BYANG GI CHOS BZHI YIN NO, ,YANG 'DI SKAD GSUNGS TE, RKYEN NGAN DGE BA'I BSHES GNYEN TE, ,'DRE GDON RGYAL BA'I SPRUL PA YIN, ,NA TSA SDIG SGRIB KYI PHYAG MA STE, ,SDUG BSNGAL CHOS NYID KYI YO LANGS YIN, ,KUN NAS NYON MONGS KYI CHOS BZHI STE, ,MTHA' 'KHOB 'DUL NA DGOS PA YIN, , 'KHOR NGAN LOG SGRUB BZOD PA LA, ,SNYIGS MA'I DUS SU MKHO BA YIN, ,ZHES PA'I DON NI DES NA NA TSA SDUG BSNGAL LA SOGS PA MI 'DOD PA'I 'GAL RKYEN GANG BYUNG YANG DES BSKUL MA BYAS LA DE'I STENG DU SEMS CAN THAMS CAD KYI NAD DANG SDUG BSNGAL YANG BLOS LINGS TE BLANG LONGS NGES SNYAM DU DGA' BA'I 'DU SHES BYA, DE BZHIN DU BDE SKYID LA SOGS MTHUN RKYEN GANG 'DZOMS YANG SEMS CAN LA BYIN PAS SEMS CAN GYI TSOGS RDZOGS PA LA DGA' BA'I BLO SBYONG , ,DE BZHIN DU GZUGS SGRA DRI RO LA SOGS PA SNANG BA'I RKYEN GANG BYUNG YANG BCAL BAS MI RNYED, MA RNYED @221 PA'I DON LA BLO BZHAG LA CHOS NYID LA BSKUL BA'I RKYEN DGE BA'I BSHES GNYEN YIN, BYANG CHUB SGRUB PA'I GROGS YIN PAS DGA' BA BSGOM MO, ,RGYAL 'GONG SREN MO SA BDAG LA SAGS PA'I GNOD PA BYUNG TZA NA DES BSKUL MA BYAS NAS SEMS CAN THAMS CAD LA GNOD PA DANG SDUG BSNGAL CI YOD PA BLOS LINGS TE BLANGS, 'ONGS NGES SNYAM DU DGA' BA'I 'DU SHES BYA GNOD BYED RNAMS LA BYAMS PA DANG SNYING RJE BYANG CHUB KYI SEMS KYIS LUS KYI SHA KHRAG GANG 'DOD SBYIN PAS BYANG CHUB KYI GROGS SU 'GYUR GROGS BYED PA YIN PAS, GDON THAMS CAD SANGS RGYAS KYI SPRUL PA YIN PAS DE DAG LA DGA' BA DANG GUS PA BSAM GYIS MI KHYAB PA BSGOM MO, ,LHAG PAR NA TSA BYUNG BA'I DUS SU SEMS CAN THAMS CAD KYI NA TSA DANG SDUG BSNGAL SNYING GI DKYIL DU BLANGS NAS SEMS CAN THAMS CAD SPANGS PA PHUN SUM TSOGS PA THOB PA YIN GO BCAD SNYAM DU DGA' BA BSGOM, NAD MED PA'I DUS SU DES BSKUL NAS RANG GI BDE BA RGYU DANG BCAS PA 'GRO BA LA SBYIN PAS SEMS CAN THAMS CAD KYIS RTOGS PA PHUN SUM TSOGS PA THOB PA YIN GO BCAD SNYAM DU DGA' BA BSGOM PAS SDIG SGRIB KYI 'PHYAG MA YIN TE, SDIG SGRIB LA SKAD CIG TZAM YANG BSDAD PA'I BSDAD GLAGS MED DO, , SDUG BSNGAL BRGYA THAMS PA BYUNG NA 'TSOL THABS BRGYA THAMS PA YONG , DE YOD MA MYONG BAS MA RNYED THABS BRGYA THAMS PA YOD PAS, DE LA SPANGS PA BRGYA THAMS PA, RTOGS PA BRGYA THAMS PA LAM KHYER TE CHOS NYID KYI YO LANGS CHEN PO YIN TE, DE LA DGA' BA'I 'DU SHES BSGOM BAR BYA'O, ,DE RNAMS NI SPANG BYA KUN NAS NYON MONGS KYI CHOS BZHI YIN NO, YANG 'DI SKAD DU, SKYID KYI KHA NON CHEN PO STE, , SDUG GI MJUG 'THUD CHEN PO YIN, ,LTAS NGAN G-YANG DU 'GUGS PA YIN, ,MI MKHO SHOS LA 'DOD THOG YIN, ,GNYEN PO LOG NON GYI CHOS BZHI STE, ,MTHA' @222 'KHOB 'DUL NA DGOS PA YIN, ,'KHOR NGAN LOG SGRUB BZOD PA LA, , SNYIGS MA'I DUS SU MKHO BA YIN, ,ZHES PA'I DON NI, DES NA DGE SBYOR GYI BGEGS SU 'GRO BA'I BZA' BTUNG , LONGS SPYOD SNYAN GRAGS LA SOGS SKYAD 'DOD KYI KHA NON LA 'DOD PA CHUNG LA CHOG SHES PA'I SGO NAS SDUG GI MJUG 'THUD DE RKANG PA NA NA BSKOR BA BYA, SKED PA NA NA PHYAG BYA, 'DOD PA CHE NA GZHAN LA SBYIN, G-YENG BA LA DGA' NA MTSAMS BCAD, LONG GTAM LA DGA' NA SMRA BA BCAD DO, ,GTAM NGAN NAM, ,BYUR SHAN NAM, BYAD KHA'AM, PHUR KHA LA SOGS MI 'DOD PA'I LTAS NGAN CHEN PO BYUNG NA BDAG 'DZIN GYI 'GONG PO 'DUL BA'I THABS YIN PAS BKRA SHIS DANG , G-YANG DU 'GUGS SHING DA DUNG THONGS SHIG CES PA'I DPA' BSKYED LA DE 'DRA'I RIGS MI MKHO SHOS THAMS CAD BDAG LA BYUNG BAS NGA 'DI THUL NA DA PHYIN CHAD 'KHOR BAR MI SKYE SNYAM DU DE LA 'DOD THOG TU BYAS TE, BZOD PA GSUM MTHU THOB PAR BYA'O, ,DE NI GNYEN PO KUN TU SPYOD PA'I LOG NON GYI CHOS BZHI YIN NO, ,YANG 'DI SKAD DU, BDAG NI LAS NGAN GYI RTZA BA STE, RGYANGS TE BSKYUR BA'I CHOS GCIG YIN, ,SPANG GNYEN MJUG SDUD KYI CHOS GNYIS TE, MTHA' 'KHOB 'DUL NA DGOS PA YIN, 'KHAR NGAN LOG SGRUB BZOD PA LA, SNYIGS MA'I DUS SU MKHO BA YIN, ,CES PA'I DON NI BDAG MI 'DOD PA THAMS CAD KYI 'BYUNG GNAS LAS NGAN THAMS CAD KYI RTZA BA YIN PAS 'DI LA GCES SPRAS MA BYED PAR LANGS TE BSKYUR LA, DGRA DGA' NA DGRAS KHYER, 'DRE DGA' NA 'DRES KHYER MI RINGS NA TSOS LA ZO, ,RINGS NA KHUR LA RGYUG ,CES RANG LA THED LA BTANG LA SEMS CAN THAMS CAD KYI DON BYED PA @223 STE RANG DON YAL BAR DOR NAS BRTZON PAS GZHAN DON LHUR MDZAD PA'I BLA NA MED PA'I BYANG CHUB KYI 'BYUNG KHUNGS YIN PAS SEMS CAN BRTZE BAS SKYONGS LA, SDUG BSNGAL RANG LA BLANG BA NI, SPANG GNYEN MJUG SDUD KYI CHOS RNAM PA GNYIS YIN TE, SEMS CAN CHEN PO RNAMS KYI 'GAL RKYEN KHYAD PAR CAN YIN NO, ,YANG 'DI SKAD DU, RGYANGS KYIS BSKYUR LA LHOD KYAS GLOD, ,SHIGS KYIS SHIG LA 'BAL LE BZHAG, STONG NYID RGYAS 'DEBS PA BZHI YIN TE, ,MTHA' 'KHOB 'DUL NA DGOS PA YIN, , 'KHOR NGAN LOG SGRUB BZOD PA LA, ,SNYIGS MA'I DUS SU MKHO BA YIN, ,DE LTAR NYAMS SU BLANGS GYUR NA, ,SKYES BU MI 'CHING GROL BAR 'GYUR, ,CES PA'I DON NI BZUNG 'DZIN GYI RTOG PA THAMS CAD PHAR RGYANGS TE BSKYUR LA, SPROS BRAL CHOS KYI DBYINGS SU SHES PA GSAL LA RTOG PA MED PAR LHOD DE GLOD LA GANG GIS KYANG MA BCINGS PAR BZHAG PAR BYA'O, ,DE YANG SHES PA SNGA MA'I RJES SU MA 'BRANGS, MA 'ONGS PA'I SNGUN MI BSU, DA LTA BA MA BCINGS PAR SHIG DE SHIG, BCAS BCOS DANG SGRO BSKUR MED RANG SOR 'BOL LE KLOD LA BZHAG TE, DE NI STONG NYID KYI RGYAS 'DEBS BZHI YIN NO, ,NYAMS LEN DE LTAR BYAS NA LAS KYI 'KHOR BAR MI BCINGS GROL BAS THAR PA THOB PAR 'GYUR RO, ,NYAMS LEN 'DI LAS GZHAN PA GCIG YIN NA DUS SNYIGS MA'I SEMS CAN RMU RGOD THUL BAR MI 'GYUR LA 'DI DANG LDAN NA BAR CHAD KYIS MI TSUGS PAS 'GRO DON NGANG GIS 'GRUB ZHES GSUNG NGO, , MNYAM MED GSER GLING PA'I GSUNG JI LTA BA BZHIN DU BKOD PA'O, ,AA MO GHA PA SHA'I RGYUD LAS, SHES RAB NI BYANG CHUB TU BRJOD LA SEMS DPA' NI THABS TE, DE GNYAS DAG GIS SEMS CAN GYI DON NYID 'GRUB PAR 'GYUR CES PA DANG , GSANG 'DUS GROL BA'I THEG LE LAS, ,DE NAS SNYING RJE 'BA' ZHIG GI ,GZHIR GYUR @224 YON TAN THAMS CAD 'BYUNG, ,ZHES PA DANG ,RTZA BA SNYING RJE MED GYUR NA, , DKA' BA BZOD PA MI NUS SO, ,CES GSUNGS SO, ,'PHAGS PA SPYAN RAS GZIGS KYI CHOS YANG DAG PAR SDUD PA'I MDO LAS MYUR DU MNGON PAR RDZOGS PAR SANGS RGYA BAR 'DOD PAS CHOS MANG PO LA BSLAB PAR MI BYA, GCIG PU GANG ZHE NA, SNYING RJE CHEN PO'O, ,GANG LA SNYING RJE CHEN PO YOD PA DE LAS SANGS RGYAS KYI CHOS THAMS CAD LAG MTHIL DU MCHIS PAR 'GYUR RO, ,'BAD PA MED PA DANG RTZOL BA MED PAR 'GRUB PAR 'GYUR RO, ,'MDOR NA SNYING RJE CHEN PO NI CHOS THAMS CAD KYI RTZA BA'O, ,ZHES GSUNGS SO, ,'GRO MGON AA TI SHA LA BLA MA GSER GLING PA CHOS KYI GRAGS PAS MTHA' 'KHOB 'DUL BA'I DON LA GDAMS PA 'DI GSUNGS PAR GDA'O,, ,,