` THEG PA CHEN PO'I BLO SBYONG MA 'ONGS PA'I LAG LEN SBYONG BA LA GSUM STE; BLO SBYONG BRJED PA'I GNAS BZHI NI, 'CHI BA'I DUS KYI GNAD GCOD, BAR DO DANG , MA'I MNGAL DANG , SKYE BA PHYI MA'O, ,'CHOR BA'I GNAS BZHI NI, MI'I GNOD PA DRAG PO BYUNG BA DANG , MI MA YIN GYI DANG , 'BYUNG BA'I NA TSA DRAG PO DANG , NYON MONGS PA DRAG PO SKYES PA'O, ,DE'I GNYEN PO BSTEN PA NI, BLA MA DANG DKON MCHOG LA MCHOD PA PHUL NAS, BDAG GI RGYUD LA THEG PA CHEN PO'I BLO SBYONG GI RTOd PA PHYIN CI MA LOG PAR SKYE BAR BYIN GYIS BRLAB TU GSOL, ,BRJED PA'I GNAS BZHIR MI BRJED PA DANG , 'CHOR BA'I GNAS BZHIR MI 'CHOR BAR BYIN GYIS BRLAB TU GSOL, DE NAS CHOS SKYONG LA GTOR MA PHUL NAS KYANG DE LTAR BYA'O, ,RANG GI BSOD NAmS BSAd NAS KYANG THEG PA CHEN PO'I BLO SBYONG BDAG GI RGYUD LA SKYE BAR GYUR CIG, BRJED PA MI BRJED PA DANG , 'CHOR BA'I GNAS BZHIR MI 'CHOR BAR GYUR CIG ,CES SMAN LAM BTAB, SEMS CAN SPYI MTHUN GYI BSOD NAMS KYIS KYANG DE LTAR RO, ,THEG PA CHEN PO'I BLO SBYONG NYAMS SU LEN PA'I THAG CHOD BZHI NI, LAM GCIG CHOD, @178 'DUN MA GCIG 'GRIL, RTOG PA 'BUR 'JOMS, GNYEN PO BCOM RDEG BYA BA YIN GSUNG NGO, ,LAM GCIG CHOD YIN TE, SA LAM RTZI RGYU MED, BDAG 'DZIN SHAS SU CHE SDUG, ,'DI DE RING BRLAG NA DE RING SANGS RGYA, SANG BRLAG NA SANG SANGS RGYA, 'DI MA BRLAG NA SANGS RGYAS MED, 'DI BRLAG NA NAM BRLAG TZA NA SANGS RGYAS PA YIN GSUNG NGO, ,'DUN MA GCIG 'GRIL YIN TE, 'GRO CHAG NYAL 'DUG GI SPYOD LAM CI BYED KYANG BDAG 'DZIN CI BRLAG DANG , SEMS CAN LA PHAN CI THOGS LAS MED, GZHAN GYI 'DUN MA MANG PO BYA RGYU MED GSUNGS, RTOG PA 'BUR 'JOMS BYA BA YIN TE, KHA CIG RTOG PA SPANG ZER TE, RTOG PA SPANG MI DGOS LAM DU 'KHYER BA YIN, CHOS SKU'I RDZAS YIN TE, NYON MONGS PA 'DI DANG PO CHUNG NGU GCIG SKYE BAS DE MA THAG 'JOMS DGOS PA YIN TE, DE MA BCOM NA CHER SKYES NAS MI SPANG STE, DANG PO NYON MONGS PA SKYES MA THAG TU GNYEN PO BSTEN PA TZAM GYIS LDOG PA LA AO LO CI BYAS NAS MI SPANG GSUNG, RTOG PA DE SKYES NA GANG NAS SKYES, GNAS NA GANG NA GNAS, 'GAG NA GANG DU 'GAG ,BLTAS PAS RANG BZHIN MED PAR SHES PAR BYAS NAS SNGAR 'DRIS KYI MI DANG 'PHRAD PO BZHIN DU RANG BZHIN MED PAR LAM DU 'KHYER BA YIN GSUNGS, YANG RDO TSAN GYI KHOR KHA BA BABS PA BZHIN DU STONG PA NYID DU BTANG BA YIN, GNYEN PO BCOM BRDEG BYA BA YIN TE, NYON MONGS PA SKYES MA THAG TU GNYEN PO GANG LA GANG PHAN GYIS PHAG MGO RE LA GTUN BU CHE RE'I TSUL DU BSGOM GSUNGS, THEG PA CHEN PO'I BLO SBYONG BSGOM PA LA GNYEN PO BRTEN TSUL GSUM STE, MED SPRUL, PHRAD GZHOM, RJES SNYAGS BYA GSUNGS, DANG PO NI, DPER NA SOG PO STAG 'DUL BA STE, DANG PO THABS STAG BYED, STAG 'DUL BA BSLAB PAS STAG BYUNG BA'I DUS SU STAG THUL BA @179 GCIG 'ONG, SNGAR MA BSLAB NA MI THUL BAS DE'I DBANG DU 'GRO, DE BZHIN DU NYAN MONGS PA 'DOD CHAGS LA SOGS SHAS GANG CHE BA DE RAm RAm SPRUL NAS YANG DE 'PHROG LA LOG STE BZLOG NAS BTANG, BLO LUNG MA BSTAN DU MI 'JOG PAR RANG BZHIN BLO SBYANGS PAS GNYEN PO NYON MONGS PA SKYES PA'I DUS SU GNYEN POS RKYEN THUB NAS 'ONG, NYON MONGS PA'I DBANG DU MI 'GRO, DE BZHIN DU BSLAB NA GNYEN POS RKYEN MI THUB, NYON MONGS PA'I DBANG DU BYA BA YIN GSUNGS, PHRAD GZHOM BYA BA YIN TE, RGAN GZHON GNYIS KA RKUN MA BYUNG BA BZHIN MI BYA, DE BZHIN DU NYON MONGS PA 'DI YANG DANG PO NAS CHE BA MI SKYE, DANG PO NAS CHUNG NGU GCIG SKYES PAS SKYES MA THAG TU KHYOD SU YIN BYAS NAS LOG STE BZLOG NAS BTANG NA NYON MONGS PA'I DBANG DU MI 'GRO, GNYEN POS RKYEN THUB NAS 'ONG, DE DUS SUM BZLOG NA JE CHE JE CHE LA SONG NAS DE NAS GNYEN PO RANG GIS MI THUB PAS NYON MONGS PA SKYES MA THAG TU PHAG MGO RE LA GTUN BU CHE RE'I TSUL DU LOG STE BZLOG NAS BTANG NGO, ,RJES SNYAGS BYA BA NI NYON MONGS PA'I DBANG DU SONG BA DE'I RJES SNYAGS PA YIN TE, AA TZAM KHYOD 'DRA BA'I KHOS CHUNG GCIG 'ONG BA DE LTA BU BYED PA'I SHAGS CI YOD SNYAM DU RJES SNYAGS PA YIN, GZHAN YANG NYON MONGS PA SKYES PA NA, 'O KHYOD 'DI TZUG BYAS PAS 'KHOR BAR 'KHYAMS PA YIN, DA DUNG 'DI TZUG BYED DAM BYAS NAS LOG STE BZLOG NAS BTANG BA YIN GSUNGS, SBYOR BA LA MED SPRUL, DNGOS GZHI LA PHRAD GZHOM, ,MJUG LA RJES SNYAGS BYA BA YIN GSUNGS, BLO SBYONG GI GNAD DON NI, SPUNG BA, BSKYED PA; SBYANG BA GSUM YIN GSUNG, SPUNG BA NI, RANG LA NA TSA BYUNG BA'I DUS SU 'JIG RTEN NA NA TSA BYUNG BA BSAM GYIS MI KHYAB PA CIG YOD PAS DE THAMS CAD DA LTA NYID DU NGA LA SMIN PAR GYUR LA SDUG BSNGAL DE THAMS CAD RGYUN CAD PAR GYUR CIG SNYAM @180 DU BSGOM STE, SEMS CAN THAMS CAD KYI SDUG BSNGAL RANG LA SPUNG BA YIN, BSKYED PA NI, GANG NA SAR BUG PA ZANG THAL GCIG BSGOM, DE JE CHEL SONG BAS STONG PA NYID DU CHAM STE SANG BAR BSGOMS LA, DE'I NGANG DU LHAN GYIS BZHAG PA YIN GSUNGS, SBYANG BA NI, GANG NA BA'I SAR AA DKAR PO GCIG BSGOM, DE JE CHUNG JE CHUNG LA YAL TE RANG BZHIN MED PAR SONG BAR BSGOM LA, DE'I NGAG DU LHAN GYIS 'JOG PA YIN GSUNGS, ,THEG PA CHEN PO'I BLO SBYONG GI NGAS SKABS KYI DGOS PA BZHI NI, SKYID KYI KHA GNON YIN, SDUG GI MJUG SDUD YIN, GCIG POR SDOD NA SKYO GROGS YIN, NA NA NAD G-YOGS YIN GSUNGS, NA CHOS 'DI LTA BU GCIG MED NA AEN SKYID SKYID 'DRA NA MI BYA, RGUD NA BYA 'DOD NAS 'ONG BAS KHYOD 'KHOR BA SDUG BSNGAL GYI RANG BZHIN YIN PA LA SKYID SNYAM PA DE LOG SHES YIN PAS, DE SKYES NA GANG NAS SKYES, GNAS NA GANG NA GNAS, 'GAG NA GANG NAS 'GAG KHA DOG DANG DBYIBS JI LTAR 'JUG BLTAS PAS RANG BZHIN MED PAR SHES PAS SKYID KYI KHA GNON YIN, CHOS 'DI LTA BU GCIG MED NA SDUG BSNGAL BYUNG BA DANG NGA LA 'DI 'DRA BA GCIG BYUNG SNYAM NAS SDUG BSNGAL JE CHE LA 'GRO BA LA BLO SBYONG 'DI YOD TZA NA, SPYIR SDUG BSNGAL THAMS CAD BSKYED PAR BYED PA'I RTZA BA BDAG TU 'DZIN PA 'DI YIN TE, KHYOD LUS LA BDAG TU 'DZIN PAS LAN PA YIN TE, SDUG BSNGAL GYI RGYU CHAR RKYEN TSOGS PAS LAN, 'BEN MA BTZUGS NA MDA' MI PHOG ,MTHO MA BRTZEGS NA BYA MI 'BAB, DPE DE BZHIN DU BDAG TU MA BZUNG NA SDUG BSNGAL YONG DON MED PA LA KHYOD RANG GIS BDAG TU BZUNG BAS LAN PA YIN, SNYING TSIM BDAG TU MA BZUNG NA 'DI 'DRA YONG DON MED, SA RDO RI BRAG NAM MKHA' STONG PA LA SDUG BSNGAL YOD DAM SNYAM DU BYAS PAS SDUG BSNGAL DE ZHI NAS 'GRO STE, SDUG GI MJUG SDUD YIN, @181 GCIG PUR SDOD NA SKYO GROGS YIN TE, CHOS 'DI LTA BU GCIG MED NA GCIG PUR 'DUG MI TSUGS TE, KHANG PAR BSDAD NA PHYIR 'GRO SNYING 'DOD, PHYIR BSDAD NAS KHANG PAR 'GRO 'DOD NAS 'ONG BA LA CHOS 'DI 'DRA BA GCIG YOD TZA NA, SPYIR 'GRO BA'I SDUG BSNGAL BSKYED PA'I RTZA BA BDAG TU 'DZIN PA 'DI YIN TE, RANG BZHIN GRUB PA MED PA GCIG LA BDAG TU BZUNG BAS SDUG BSNGAL DU BCUG PA YIN PAS, DA GANG YOD GANG LEGS LA THONG, BYUGS LEGS LA THONG SNYAM DU BYED, 'KHOR BA'I SEMS CAN 'DI RNAMS SPYIR MI YONG MIN PHA MA DRIN CAN SHA DAG YIN PAS SEMS CAN RNAMS KYI SDUG BSNGAL RANG GI SNYING KHAR LEN, RANG GI BDE DGE SEMS CAN LA BSNGO, DE GNYIS PHAR BZLOG TSUR BZLOG TU BSGOM PAS 'DI'I RO GCIG MYONG TZA NA, NYIN THUNG MTSAN THUNG LA CHA BA YIN PAS GCIG PUR SDOD NA SKYO GROGS YIN, NA NA NAD G-YOGS YIN TE, BLO SBYONG 'DI MED NA NA TSA JI LTAR BYUNG TZA NA, NAD G-YOG KUN LA'ANG MI MGU, 'DIS NGA LA 'DI BAS DRAG PA CIG BYED LA THANG PA LA 'DI LA NGA DRIN CHE BA CIG YIN TE SNYAM NAS YUS KYI RGYAL NAS YONG BA YIN PA LA BLO SBYONG 'DI YOD TZA NA NA BA SUS KYANG MA LAN, KHYOD RANG GIS BDAG TU BZUNG BAS LAN PA YIN, BDAG TU MA BZUNG NA NA TSA YONG DON MED, KHYOD LA NAD G-YOG BYAS PAS PHAN NA DA SNGAR PHAN CHAD NAD G-YOG THOB PAR BYAS LA TSAD PA MED, SMAN 'DI MA 'GAMS BYA BA MED, RIM GRO 'DI MA BYAS BYA BA MED, SBYAD BYAS PA LA LHAG MA LUS PA MED DE, 'KHOG BA LAS THAR MA THAR DA RES THUL GYIS BRLAG TU CHUG CIG ,SNYING TSIM MO, ,BDAG 'DZIN 'DI BDAG GI BRLAG LA THONG, 'DI MA BRLAB NA SANGS RGYAS THOB MI SRID GSUNGS, DA KHYOD RANG GI LUS BDAG TU BZUNG BAS LAN PA YIN SNYAM DU BSGOM PAS GZHAN LA NGA RGYAL BSKYED PA MED PAR 'GRO BA YIN PAS NA NA NAD @182 G-YOGS BYAS PA YIN GSUNGS, THEG PA CHEN PO'I BLO SBYONG GIS LUS NGAG YID GSUM GYI KHYER SO SDUG BSNGAL BYUNG NA KUN GYI BLANGS, DGE BA BYUNG NA TSOGS SU BSNGO, LUS NGAG SGYU MA BRAG CHA BZHIN, 'OD GSOL SEMS LA 'GRO 'ONG MED, BYA BA GSUNGS PAS DANG PO LA GNYIS TE, NYE RIM NAS BLANGS PA DANG , CHE RIM NAS BLANGS PA'O, ,DANG PO NI, PHA MA NYE DU 'BREL BA'I SDUG BSNGAL THAMS CAD DA LTA NYID DU BDAG LA SMIN PAR GYUR LA, SDUG BSNGAL DE THAMS CAD RGYUN CHAD PAR GYUR CIG SNYAM DU BSGOM, GNYIS PA NI, DMYAL BA'I SDUG BSNGAL THAMS CAD BDAG LA SMIN PAR GYUR LA, SDUG BSNGAL DE THAMS CAD RGYUN CHAD PAR GYUR CIG SNYAM DU BSGOM, DE NAS YI DVAGS DANG DUD 'GRO LHA MA YIN, LHA DANG MI THAMS CAD KYIS BLANGS PA'O, ,DGE BA BYUNG NA TSOGS SU BSNGO BA LA DGE BA'I RTZA BA CI BYUNG YANG BDAG GI DGE BA'I RTZA BA 'DI THAMS CAD PHA MA GNYIS DANG , RIGS DRUG GI SEMS CAN THAMS CAD LA SMIN PAR GYUR CIG ,SEMS CAN THAMS CAD BDE BA DANG LDAN, SDUG BSNGAL DANG BRAL BAR GYUR CIG SNYAM DU BSGOM, LUS NGAG SGYU MA BRAG CHA BZHIN BYA BA LUS SGYU MA DANG 'DRA STE, SGYU MA MKHAN POS SNGAGS DANG RDZAS KYI NUS PA LA BRTEN NAS BLTAD MO BA'I MIG LA SBYOR SNGAGS BTAB NAS SGYU MA SPRUL PA SNA TSOGS BYED PA CIG SNANG YANG BDEN PAR MI 'DZIN, SNANG BA NYID KYI DUS NA YANG GRUB PA MED LA RTAG CHAD GNYIS DANG BRAL BA SNANG BA TZAM PO DE MTSON BYA'I DON RANG GI LUS 'DI LA MTSON NAS BSGOM PAS SNANG LA RANG BZHIN MED PAR BSGOM, NGAG BRAG CHA DANG 'DRA STE, BRAG CHA YOD PA'I BRAG DE LUNG PA CONG RONG DOG PO BRAG TSAD LAS RING BA MKHREGS PA GCIG LA AA CE BRAG CHA LHA MO BYAS TZA NA; CI SKAD BOS PA BZHIN LAN 'DEBS, YOD BYAS BRAG CHA YIN, MED BYAS @183 SNYON MED DU BYUNG, SNANG BA TZAM PO DE DAG LHANG LHANG PO 'DI LA MTSON NAS BSGOMS PAS BRAG CHA DANG KHYAD PAR MED PAR BSGOM SNANG LA RANG BZHIN MED PAR BSGOM, 'OD GSAL SEMS LA 'GRO 'ONG MED BYA BA 'OD GSAL GYIS SEmS LA 'DIR SONG BYA BA MED, 'DIR GNAS BYA BA MED, SKYE 'GAG GNAS GSUM DANG BRAL BA CI'I NGO BOR YANG MA GRUB PA NAM MKHA' LTA BU, DE LTAR LUS SGYU MA DANG 'DRA, NGAG BRAG CHA DANG 'DRA, SEMS RANG BZHIN GRUB PA MED PAS RANG BZHIN MED PA'I NGANG DU LHAN GYIS 'JOG PA YIN GSUNGS, DPAL MAR ME MDZAD NAS BRGYUD PA'I GDAMS PA DGE LEGS SU GYUR CIG, ,,