@202 DPAL LDAN BIR WA PA'I BLO SBYONG LEGS SO,, ` NA MO RATNA GU RU, DPAL LDAN BIR WA PA'I ZHAL NAS, THOG MAD BRTZE BAS BSKYANGS PA YI, ,DRIN CAN RNAMS LA SNYING RJE BSAMS, ,GNOD BYED 'DI NA BDAG GI MA, ,SNGON TSE YANG YANG PHAN BTAGS KYANG , ,SMYON PA LTA BUR RANG DBANG MED, ,MI DGE LAS KYIS MNAR MED 'GYUR, ,DE LTAR DRAN PAS SRID GSUM LA, ,SNYING RJE MTHAR PHYIN 'GYUR BA YIN, ,GSUNG DE LA MNYAM MED SNYING RJE RNAL 'BYOR NI, SNYING RJE THEG PA CHEN PO'I CHOS KYI RTZA BA YIN, 'DI MED NA PHA ROL TU PHYIN PA DRUG LA SOGS PA DANG , DAM TSIG GI SKYED RDZOGS LA SOGS LAM CI TZAM YOD KYANG THEG PA DMAN PAR LHUNG STE, BYAMS PA SNYING RJE BYANG CHUB KYI SEMS DGOS PAS BYAMS PA NI PHAN 'DOGS PA YIN LA, SNYING RJE NI, GNOD BYED NAS THOGS DRANGS NAS BSGOMS TE, GNAS DBEN PAR LUS KYI SPYOD LAM CHA MNYAM, SKYABS 'GRO SEMS BSKYED BYA, RANG YI DAM DU BSAM, SPYI BOR BLA MA BSGOM, ,RANG GZHAN LA GNOD PA TSABS CHER BYED PA'I DGRA BO LTA BU GCIG MDUN DU DMIGS LA, SNYING RJE'I RGYUN DANG 'THAD PA GNYIS SPEL MAR BSGOM, DANG PO LUS SGRIM SEMS RTZE GCIG TU GNOD BYED LA DMIGS LA, NGAG TU BDAG LA GNOD PA BYED PA 'DI SNYING RE RJE BRGYA'AM LNGA BCU'AM NYER GCIG BGRANG BA NI RGYUN BSGOMS PA'O, ,GNYIS PA NI, SNYING RJE GNOD BYED 'DIS SKYE BA SNGA MA PHAN CHAD KYI MA YIN NGES PAS MA 'DI SNYING RE RJE SNYAM DU BSAM YANG YANG BGRANG CI'I PHYIR SNYING RJE NA MA YANG LAN GCIG GNYIS BYAS PA MA YIN TE, LAN GRANGS MANG POR BYAS PAS SNYING RE RJE SNYAM DU BSAM NAS YANG YANG BGRANG , CI'I PHYIR SNYING RJE NA MA NAM BYAS RES @203 KYI PHAN DPAG TU MED PA BTAGS PAS SNYING RE RJE SNYAM DU BSAM NAS YANG YANG BGRANG , CI'I PHYIR SNYING RJE NA SPYIR MA NI PHAN 'DOt PA YIN NA DA LTA GNOD PA BYED PA JI LTAR YIN NA, GNOD BYED 'DI MA YIN YANG SHES PA LA RANG DBANG MA THOB PAS SMYON PA DANG 'DRA, SPYIR SEMS CAN LA KHYAD PAR DU RANG GI BU LA GNOD PA BYED PA SNYING RE RJE SNYAM DU BSAM NAS YANG YANG BGRANG , CI'I SNYING RJE NA DE LTAR GNOD PA BYAS PA'I RGYUS MNAR MED PA LA SOGS PAR SKYES NAS SDUG BSNGAL DRAG POS GZIR BAR 'GYUR, GNOD BYED KYI MA 'DI SNYING RE RJE SNYAM DU BSAM NAS YANG YANG BGRANG , DE LTAR DMIGS PA DANG , BGRANG BA DANG , SNYING RJE BA'I RGYU BSAM PA LNGA SPEL MAR BSAM PAS MIG NAS MCHI MA 'BYUNG BA DANG , LUS KYI BA SPU LDANG BA'AM, LUS SEMS KYI ZUNGS MI THUB PA SOGS RTAGS KYI MTSON PA'I SNYING RJE CI LTA BA BZHIN SKYES NAS, GNOD BYED 'DIS THOG DRANGS PA'I SEMS CAN THAMS CAD KYI DON DU SANGS RGYAS THOB PAR BYA SNYAM DU SEmS BSKYED LA GNOD BYED DANG SEMS CAN THAMS CAD KYI YI DAM GYI GO 'PHANG THOB PAR BSAM LA; SPROS MED KYI YE SHES LA YUN RING DU BZHAG ,RNAM RTOG YUN LANGS NA BSNGO BA BYA'O, ,DE LTAR GCIG LA JI LTA BA BZHIN SKYES NAS GNOD BYED BAR MA DANG , CHUNG NGU RNAMS LA YANG BSAM, DE NAS NYE 'BREL YUL MI, ,BOD 'DZAM BU GLING , GLING BZHI, STONG GSUM NAM MKHAS KHYAB PA BSGOM PAS SNYING RJE TSAD MED PAR 'GYUR RO; ;DE LTAR BSGOMS PAS RANG GI ZHE SDANG KHONG KHRA LA SOGS PA RANG ZHI, MDZE NAD GDON LA SOGS PA DGRA RANG ZHI LA 'GRO, SEMS CAN THAMS CAD LA MA BU GCIG PA LTAR BRTZE BA'I SEMS SU 'GYUR RO, ,SPROS MED KYI YE SHES KHYAD PAR CAN SKYE'O,, GNYIS PA RTZA BA RGYU'I RNAL 'BYOR NI, PHYI NANG SPROS PA MI BSRUN PA'I, ,BLO GROS 'KHRUG PAR GYUR PA'I TSE, ,BDAG DANG GZHAN DU BRJE BA YI, ,BYANG CHUB SEMS @204 'DI DRAN PAR BYA, ,DES NI BDUD DANG NYON MONGS TSOGS, ,'JOMS SHING SPROS MED YE SHES 'GYUR, ,CES GSUNGS PAS, RNAM MKHYEN THOB PA'I RGYU NI BYANG CHUB KYI SEMS YIN PAS DE LA KUN RDZOB DANG , DON DAM BYANG CHUB KYI SEMS GNYIS LAS DON DAM NI, SPROS MED KYI YE SHES YIN NO, ,DANG PO LA MANG DU YOD KYANG 'DIR BDAG GZHAN BRJE BA'I NYAMS LEN BLA MAS GSUNGS PA NI, LUS LA NAD DRAG PA DANG , SEMS LA MYA NGAN GNYIS KA LA SDUG BSNGAL DANG , DGRA GDON PHYI'I 'BYUNG BA 'KHRUGS PA, NYON MONGS PA DRAG PO LA SOGS PA SKYES PA'I DUS SU DE NYID LAM DU BYA BA'I ZHE SDANG DRAG PO SKYES NA BDAG ZHE SDANG 'DIS SEMS CAN ZHE SDANG CAN RNAMS KYI ZHE SDANG RGYU 'BRAS DANG BCAS PA NGA'I 'DI LA SMIN PAR GYUR CIG ,YANG SEMS CAN GYI RGYUD LA NYON MONGS PA'I 'BRAS BU SDUG BSNGAL THAMS CAD RTZA BA BDAG 'DZIN GYI BSKYED PA THAMS CAD BDAG LA SMIN PAR GYUR CIG ,BYE BRAG TU DMYAR BA'I BTZO BSREGS SOGS YI DVAGS BKRES SKOM, DUD 'GRO'I GSOD BKOL, LHA MA YIN LA 'THAB RTZOD, LHA LA LTUNG BA'I SDUG BSNGAL SOGS, MI LA SKYE RGAS NA 'CHI LA SOGS, NAD PA RNAMS KYI NAD, DBUL PO RNAMS KYI DBUL PHONGS PA, DBANG PO MA TSANG BA RNAMS KYI SDUG BSNGAL BA THAMS CAD BDAG GI 'DI LA SMIN PAR GYUR CIG ,DAL 'BYOR NAS SA DANG LAM GYI BGEGS THAMS CAD DANG MI MTHUN PA'I PHYOGS THAMS CAD NGA'I ZHE SDANG 'DI LA SMIN PAR GYUR CIG ,CES LUS NGAG YID GSUM BSGRIMS LA RTZE GCIG TU SEMS CAN GYI SDUG BSNGAL THAMS CAD RANG LA BSDUS SHING LEN, DE LTAR CHU TSOD GCIG GAM, GNYIS SAM, GSUM LA SOGS PA'I BAR DU RTZE GCIG TU BSGOM, JI SRID NYON MONGS PA'I RNAM RTOG DE MA ZHI BAR DU BSAM, NAD KYI ZUG RNGU MA ZHI BAR DU LAM DU BYA'O, ,SEMS CAN KUN GYI SDUG BSNGAL BDAG LA SMIN, ,CES NGAG TU BRJOD DO, , @205 DE NAS RANG GI TSOGS GNYIS KYI RGYU DANG 'BRAS BU'I DGE BA JI SNYED THAMS CAD SNYING KHA NAS NYI MA SHAR BA'I 'OD ZER LTAR 'PHROS TE, SEMS CAN LA PHOG PAS SEMS CAN THAMS CAD SKU DANG YE SHES KYI RANG BZHIN YI DAM LHA'I NGO BO LA BKOD PAR BSAM MA; ;DE NAS SPROS MED KYI YE SHES KYI NGANG LA BZHAG PAS YE SHES KHYAD PAR CAN 'CHAR RO, ,RNAM RTOG YUN LANGS NA DGE BA BSNGO'O, ,LAS DANG PO BAS DE LTAR NYAMS SU BLANGS SO, ,GAMS NAS RNAM RTOG PHRA RAGS 'JIGS PA DANG SDUG BSNGAL LA SOGS GANG BYUNG YANG SNGA MA LTAR GCIG TU GRAL LA RTZE GCIG TU BYA, NGAG TU BDAG GI DGE BAS DE KUN BDE THOB SHAG ,CES BRJOD DO, ,BDAG GI LUS LONGS SPYOD DGE BA RNAMS SEMS CAN LA SMIN NAS ZAG MED KYI BDE BA THOB PAR BSAM, DMIGS PA'I DAL MYUR YIN DON LA KHYAD MED GSUNGS SO, ,RJES SNGAR DANG 'DRA'O,, KUN RDZOB BYANG CHUB KYI SEMS LA GNAS SKABS RNAM RTOG NYON MONGS ZHI, NAD GDON LAS GROL, SKYE 'GRO THAMS CAD LA PHAN THOGS, DBANG DU GYUR, MTHAR THUG LONGS SKU, SPRUL SKU'I SA THOB NAS, MA 'ONGS PA NA GZHAN DON PHUN SUM TSOGS PAR 'GRUB BO, ,DON DAM BYANG CHUB KYI SEMS KYI CHOS SKU SA BON THOB STE, PHYAG RGYA CHEN PO MCHOG GI DNGOS GRUB THOB, DE LTA BU'I RTEN 'BRAL 'DZOMS NA RANG GA LUS NGAG YID GSUM RTAGS CI RIGS SU 'BYUNG NGO, ,KHYAD PAR DU SHES PA BZUNG 'DZIN GYI MTSAN MAS STONG PA ZHI GNAS DANG LHAG MTHONG RGYUD LA 'CHAR RO, ,DE KA LA RANG RIG PA'I YE SHES SKAD CIG MA ZHES BYA BA SKAD CIG YE SHES LNGA'I NGO BAR GNAS TE, SEMS STONG PA MI RTOG PA CHOS SKU, RANG RIG PA LONGS SKU, GSAL BA DE SPRUL SKU DE GSUM NGO BO DBYER MED PA NGO BO NYID KYI SKU'O, ,SHES PA DE NYID SPROS PA THAMS CAD DANG BRAL BAS CHOS KYI DBYINGS KYA YE SHES SO, ,DE NYAD RANG STONG PAR @206 RTOGS PA ME LONG LTA BU, RANG RIG PA SO SOR RTOG PA, RANG GSAL BA BYA BA GRUB PA'I YE SHES, DE DBYER MED PA MNYAM PA NYID KYI YE SHES, DPAL LDAN BIR WA PA'I DGONGS PA RJE BTZUN, DAR PAn AA TZA R+YA'I GSUNGS, GLOO LOTZTSA BA'I KHRID YIG MNYAM MED SNYING RJE'I MAN NGAG GI RGYUD PA NI, RDO RJE 'CHANG, BIR WA PA, RJE BTZUN dOM BHI WA, RJE BTZUN MA TI BA, GRUB THOB nI KA LA BA, RJE BTZUN RA BEEN TA PA, CHAG LO TZTSA PA CHOS RJE DPAL, BLA MA DAM GZHON NU RGYAL MTSAN, RDO RJE 'DZIN PA MA SHRI, BLA MA YE SHES ZHABS, BZANG PO'I DPAL, DES BUD DHA RATNA LA, DES KI RTI SHI LA, DES DZ'A YA BHA DRA, DES PU n+YEE RATNA LA, DES GZHON NU RGYAL MCHOG LA, DES BDAG LA'O, ,DE LAS BYUNG BA'I DGE BA RNAM DAG DE, ,'KHOR BA GNAS PA'I SEMS CAN THAMS CAD LA, , STONG NYID SNYING RJE LHAG BSAM RNAM DAG GIS, ,ZAG MED BDE LA MYUR DU DGOD PAR SHOG, ,,